آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
31-05-15, 03:24 AM
| #1 | |||||||||||||||||
| مراقبة عامة ومشرفة منتدى الروايات المنقولة  
|  كَاان أبوكَ رباكَ عَلى رفعَ الخشوَم شوابي ربَوني على دقَها بقلم:الروايه(مكتملة)
التعديل الأخير تم بواسطة فيتامين سي ; 01-10-16 الساعة 11:03 AM | |||||||||||||||||
|  |
|
01-06-15, 07:24 AM
| #2 | ||||||||
| مراقبة عامة ومشرفة منتدى الروايات المنقولة
|  السلام عليكم ورحمة الله وبركاته مسااكم الله بالخير والسعاادة اشحاالكم عرب فزااع! وبالاخص رواد قسم الروايات !! عسااكم بخير !! الحمدلله بعد التشجيع الي لقيته ف روايتي الاولى حمد بين اهله وخلانه قررت انزل الليلة أول جزء من روايتي الثانية كَاان أابوكَ رباكَ عَلى رفعَ الخشوَم ، شوابي ربَوني على دقَهاأ ..|~ إن شاء الله ألقى تشجيع اكثر عن قبل ،، وإن شاء الله تعيبكم أحداث وشخصيات الروايه .. ارقبوني دقايق وانزل الجزء الأول ,, الروايه ,, همسه .. الروايه .. تروي لكم إحدى رواياتها .. لا اتحمل ذنب أي شخص يقرأ في وقت الصلاه .. عند النقل يُرجى ذكر المصدر ، لحفظ الامانه الفكريه لي .. أتمنى أن تستمتعوا في قراءة روايتي ،، الروايه من وحي خيالي .. التعديل الأخير تم بواسطة فيتامين سي ; 01-10-16 الساعة 11:24 AM | ||||||||
|
| |
|
01-06-15, 07:26 AM
| #3 | ||||||||
| مراقبة عامة ومشرفة منتدى الروايات المنقولة
| لا تلهيكم الروايه عن الصلاة ،،لا اتحمل ذنب اي شخص يقرأ في وقت الصلاه .. ـــــــــــــــــــــــــ ـــ الجزء 1 ـــــــــــــــــــــــــ ـــــــــــــــــــــــ ياالساات ف قسم التدريب ف شركة ــــــــــــــ ،،يرقبن مسؤولين التدريب يحضرون ،عسب يشرحون لهم عن التدريب ،والاقساام ووو........ ميثاا: الحمدلله ان نحن حطوونا ف نفس المكان بنتدرب وديمه: هيه والله ،، الله يرحم عمي لولاه ماا كان عرفناا مدير الشركة،، ولا رمسة اخووج ذياابوه،، اسماا: الله يرحمك يا ابويه،، الميث تساسرهاا: ودووم ياا الخاامه شعنه تذكرينهاا؟ وديمه: يعني هي بتنسا ابوهاا،،وبعدين انتي ماا تعرفينهاا مستحيل دمووعهاا اطيح يداام حد،، الميث: صخي احسن،،وبصوت عاالي: الا بتخبركن ماا عرفتن منو البنتين الي وياناا ! وديمه: هيه كاان ف الكلاس الي حذاالناا،، وياا قوم غبووش وفطووم اسماا: منو غبووش وفطووم؟ الميث: جيه ما تعرفينهن ، غبيشه راشد وفطيم بنت سعيد،! اسماا: واناا شعرفني،، المهم شو اسمهن الي وياانا؟ وديمه: اسمهن ياا طويلة العمر سلامه وميراا اسماا :ياا حيهن،، يعني نحن خمسه ؟ الميث: لا عندناا ولد من كلية الشبااب،، قريت اسمه ف لستت الغياب اسمه بطي اسماا: اخييج لووعة جبد وديمه: ما شاء الله عليج ولحقتي تطاالعين لستت الغيااب،،! الميث ع المكتب الي مجاابلنهم :هيه فديتني قريتهاا ع هاا المكتب ودووم: يعلج ياا الفضووليه دوومج بتمين جذاا فااضحتناا،اكيد بيعرفون انج مسكتي اوراقهم؟ الميث: ماا مسكتهاا اصلا،بس شفت ،بعدين انتي صخي عني، ماا يخصج أسماا: يعني شو لينه بنتم اهناا !! ودووم: ماا ادري بهم شكلهم نسووناا دخلن بنتين ،سلمن ويلسن،، ميراا: محد يااكم يخبركم عن التدريب؟ ردت عليهاا ودووم شكلهاا البنت تدلع: لا محد سلامه نشت : عيل يمكن ماا ايون، نشي ميوور بنظهر بااجر بنيي، الميث حليلهاا ع نياتهاا: لا ارقبن اشوي اكيد بيوون، عن يسجلونكم غياب،ونحن اول يووم سلامه لساانهاا طويل وخت تطاالع الميث وتأشر لهاا: اذا سجلوا غيااب بنخبرهم يينا وما شفنا حد،، وانتن شااهداات، فااهمه حبيبتي ؟ وان قلتي غير هاا الكلام في حسااب ثااني لج ودووم: ارمسي عدل ولا تحيسين حلجج فااهممه حبيبتي؟ ميررا: وااي سلوومه خليناا نظهر هااي شكلهاا شريرة ودووم: واي بسم الله عليج ، شريرة ف عينج ياا العيووز سلامه: حدج عااد، نحن الا نرمسكن بادب وانتن ... واخيرا رمست اسماا كاانن ودووم والميث يرقبنهاا ترمس اكيد هااي بتجيم من الرمسه اذاا رمسة،، اسماا جذه طبيعي الدلع ف رمستهاا ونبرة صوتهاا حلووه،،مخرب عليهاا الغرووور : نحن شوو ياا مؤودبه !! فجت ميوور عيوونهاا ،الحين هااي الدبه السااكته من دخلناا يطلع صووتهاا جذه!!!!!!!!! وسلاامه تطاالعهاا بعد؟؟؟ اسماا: نحن ماا يخصناا فيكن حضرتن ولا ،كلن مسؤول عن تصرفااته،، مشن بدون رد، بالنهاايه عندهاا حق،، ولا يصير يرمسن جذه بدفااشه ،اول مره يتلاقوون ،، الميث:ههههه واااااي اسووم فدييتج شوو سويتي فيهن،، ودووم:هههههههههه لعنت خيرهن وحيااتج،، اسووم حتى ضحكتهاا فيهاا نوع من ااستفزااز: ههههههههه دخلت حرمتين، ويااه رياال،، استغربن البناات ان الحريم يطاالعنهن بعصبية،،سلمووا ،فهمن البناات ان هااييل المسؤولين،،ومعصباات من صووت ضحكهن ،وف القسم رياييل،، المسؤولات الاولى حمده والثانيه ندى .. حمده: إن شاء الله نحن بنكون المسؤولات عنكن ،اسمي حمده وزميلتيه ندى،، ومدير قسم التدريب الاستااذ مروان،، بالبداية بنعطيكن جدااول ع الاقساام الي كل وحده بتدرب بهاا،، التدريب بيستمر شهر،، في تدريباات تستمر شهرين وفي اربع وفي سنه،، ودووم: يعني ماا بنتدرب كلناا ربااعه! ابتسمت حمده: لا ، ماا يصير عااد جذه لعب هب تدريب تلاشت ابتااسمت الميث وودووم، اماا اسماا كااانت ملامح وييهاا عااديه جداا،، ندى: تفضلن هاا الجدااول،، حمده كاانت تطاالع كشف اساامي المتدربين: عيل انتن خمسه وين اثنين!! ودووم: قبل اشوي كانن اهناا وقلناا لهن ارقبن اشوي،قالن بنظهر محد بيي،، حمده: اوكيه شو اساميكن،! قرت حمده الاساامي ووقفت عند اسم ابوه اسماا !!! حمده: انتن بناات عم!! الميث: هيه ،، ابوه اسما عمي ،الله يرحمه شريك بهاا لشركة ،،عسب جذه قلناا بنتدرب كلناا اهناا حمده:ليش ماا ادربتووو ف شركة عمكن عيل؟ ودووم تطاالع اسووم: لان ماا نريد ،عسب ماا يحطوون لناا علامات بيرفكت بالتدريب، نحن نريد يعني يحطون لناا الشي الي نستحقه،، حمده: اوكيه بنرمس عن الغيااب ، اي وحده تريد تغيب ،اتييب لناا عذر غياابهاا،لان كليتكم طاالبين هاا الشي،، والشركة فيهاا التزاام حول المتدربين، في شااب ويااكن ، بس هو خلاص ف قسمه رااح لان محمد وصله،، الميث:إن شاء الله ودووم: اصلا ماا بنغيب إن شاء الله ندى ابتسمت: زين بنشووف اللتزاام،، وبالنسبة للعبااية ياا ليت يعني اتموون بروفيشناال ،، هب تحضرن وكل وحده صاابغه وييهااا ولابسه عبااياات عرس ،والكعب ينسمع من آخر الشركة لين اولهاا،، ضحكت ودووم:ههههههه لا عااد هب جذه الميث ساسرت اسووم: حليلهاا شكلهاا ماا شافت الي كانن قبل اشوي ندى: لا ماارين عليناا متدرباات اشكال انوااع ،وحاافظين حركاتهن زين،، وع هاا الاسااس طاالبين مناا التشديد على المتدرباات،،إن شاء الله تكوونن ملتزماات حمده: شي ثااني،، المنااكير لو سمحتن يعني ما نريد انشوف اللوان الفسفوريه الي غصب عنه الوااحد يطاالعج وتركضن اهناا والله فلان اطاالعني وعلان غاازلني ،وانتي مصبغه عمرج بالوان الطيف الميث: وي بسم الله علينا ، نحن ما نسوي جذه،، حمده: انذكركن يعني عسب ماا يطيح الغلط عليكن،، ندى : واخر شي نقوله لكم التزاام ف وقت الحضور والانصراف من الدوام،لان تعااملون معااملة الموظفين، حاالج حال اي موظفه ، تحضر السااع سبع ونص وتظهر السااع ثنتين ونص ودووم: هيه بس نحن نعرف ان الدوام ثمان والانصرف ثنتين وربع للمتدرباات! حمده: هيه بس لازم تكونين قبل اهناا عسب التوقيع ،وبعدين بتسيرين قسمج،، اذا ع الانصرااف مسموح لكم ثنتين وربع ابتسمت ودووم: هيه اوكيه ندى: تفضلت وقعن وبنوصل كل وحده قسمهاا ، وقعن البناات ع ورقة الحضور،، وتبعن ندى وحمده،، حمده: عااد إن شاء الله تحفظون المكان الميث: هيه ما سألناكم متى بيكون البريك؟ حمده: البريك سااعه ،،اي وقت تريدين اظهرن،، نطقت اسماا بعد ماا ندى وحمده فقدن امل رمستهاا،، اسماا: بناخذ البريك الساع ثنعش،، ساعه اوكيه! الدهشه بعيوون حمده وندى،، معقوله صووتهاا جذه!! ندى:اوكيه حمده: زين بعد ع وقت صلاة الظهر،، ساارن وكل وحده بقسمهاا ،كانن يتسااسرن وراا وندى وحمده جداام يمشن// الميث:حرام كنت اتوقع بنتدرب وياا بعض ودووم:هيه والله ،، بس شو نسوي اسما :ماا عليكن بنتلاقا بالبريك ،سألن وين غرفة الصلاه ودووم: لو سمحتي وين غرفة الصلاه وصالة االاكل اهناا! حمده: غرفة الصلاه تحت ، البااب الزجااجي الي وراا،والكفتيريا بعد برع ، يجتمعون فيها الموظفين ،تقدرون تروحون لهاا افترقوا البناات وكلن ف قسمه .. اسووم اول ماا دخلت القسم تطاالع المكاان بنظراات غرور وكأن الشي الي تشووفه مقزز،من فووق الي تحت،، تمشي برااحتهاا تتحسب عمرهاا بتخلص شغل وبتظهر،هب كأنهاا متدربه،، مشى حذاالهاا مستعيل، اتطاالعهاا وهي ابداا ماا شاافت صووبه وكأنه هب مويوده،، حمدان: ياا انتي ؟ شعندج! شو تطالعين جذه! مشت اسووم ودخلت اول غرفة ف القسم، خلته ورااهاا منصدم -.- اسووم: لو سمحتي اناا متدربة ، وهاا الاسبوع بكون ويااكم بالقسم، وين المكان الي ادرب له! ومنو بيدربني! اطالعتهاا البنت ب اندهااش وابتسمت: تفضلي حبيبتي،، بتدربين مع سكرتيرة المدير،، ع شغل السكرتارية،حطوو مكتب للمتدربين ، اهناا يمينج وصلتهاا ورجعت لمكتبهاا،، اسوم: يعني بتدربيني ع شو بالضبط عسب اكتب خطوات اول قسم لبروجيكت الكووليج،، ام ياسر : إن شاء الله بتكتبين، بس بالاول مقابلة مع مديرناا ،تفضلي وياايه نشت اسووم طبعاا هي هب مهتمه ،آآخر همهاا الريااييل،، وبالنهااية هاا شريك اخوهاا ذيااب!! قبل كاان ابوهاا وياا عمهاا الله يرحمهم، والحين ولده الي ما ادري جيف صااير!! اشااعاات واايد منتشر حووله،، اللهم لا تبلناا,, دخلت ويااهاا ،، كلمت ام ياسر المدير وشرحت له ان المتدربة مويوده ،عسب يكلمهاا عن الشركة بشكل مختصر،،كاانت اسووم ترقب يداام مكتب مرصووف بنص الغرفة ،، شكل صااحب المكتب ذووقه عاالي حيل،الاواان متنااسقه وجذاابه، هندسة وديكورراته رااقيه، بالاضافه لدراايش والستااير، وفوق كله حووض السمج مرصووص ع زااوية من زواياا المكتب الفخم،،، وسمعت صووت المدير من دااخل غرفة الاجتمااعات ما تبعد واايد كمن خطووه وبااب زجااجي،، وعهدت عمرهاا تنتقم لام ياسر شكلها حرمة كبيرة وطيبه واايد، شو له يرمسهاا جذه!! حمدان: قاايل لج مشغوول،شوو ادخلين لي متدربه بعد! ام ياسر: بس هذه اول متدربه ،لازم تقابلهاا استااذ اناا خبرتهاا وهي ترقب بمكتبك،، حمدان: زين فكيني خليهاا تدخل ، نزلت ام ياسر راسهاا حزنت كل يوم نفس الاسلووب والوقااحه ، عندهاا امل كل يوم تقول بتغير اليوم،، لكن يعدي اليوم ايي الي بعده وحمدان نفس الاسلووب ،والغروور والتكبر،، فرق شااسع بينه وبين ابووه !! صاار لهاا عشر سنوات ف الشركة ، الحين عمرهاا 34،، يعني هب كبيرة واايد،، بس لازم يحترمهااا -.- حمدان يطاالع ملفاات تحضير مشروع يديد عسب الاجتمااع بيبدا بعد ساعه تقريباا،، اسوم كاانت واقفه تطاالع الطااوله طوييله بنص ياالس شخص ماا اهتمت له كثر ماا جذبتهاا شااشة عرض بنص الغرفة ينعرض عليهاا اجمل المشااريع المقاامه،،والبناايات،، رووعه التصااميم ،، رفع حمدان رااسه يطاالع هو بس سمع صووت الكعب عااطتنه ظهرهاا بعد، حمدان: تفضلي ايلسي لفت أسوم ويلست ع الكراسي مجاابلة الطااولة ،،وكاانت الصدمه لمديرناا المغروور كبيرة ×× حمدان: انتي قبل اشوي كنتي وااقفه برع ،ومسويه طااف بعد اطاالعته اسوم بنظراات مبهمه مقززه وكأن تقول منو انت ! اصلا انا هب شايلتنك من ارضك،، رفع حمدان حيااه بعصبية : بلاج تطاالعين جذه!! أسوم سااكته ترااقب الشخص الي يداامههاا شكله عصبي وماا يسيطر ع عمره،، حمدان: ماا عليه ،هااي النظراات بطلعهاا من عيوونج، وبتشووفين عنبوه اول مره يشوفهاا وماا غلطت عليه وهو يهدد،، ارتسمت ابتساامة تحدي ع ثمهاا وبروود قاالت : بتروغني من الشركة! امبهت حمدان من ابتساامتهاا وصووتهاا غصب يطاالع وييهاا وهي نظراتها بين الشاشه والطااوله ،،ابداا ماااطاالعته،، حمدان: لااا بعدج صبر عليه اشوي،، أسوم تمت سااكته وحمدان يريد يسمع صووتهاا،، شرح حمدان ويرقب منهاا رد بس مااشي،بس تكتب بعض الي يقووله، خلص وهي بعدهاا سااكتته،، حمدان: تفضلي لسكرتيرة وبتقولج طبيعة شغلنااا،، نشت اسوم بكل غرور ،وصووت الكعب يعلن انصرافهاا من جداامه،،حمدان عيوونه مسحت كل شي فيهاا ،، ــــــــــ ///// بشرح لكم عن الشخصياات اشويه ... أسووم بنت أحمد /20 / جمييلة،، صووتهاا يذبح ، مغرووره حيل ،بس لي نصحوها عن الغرور حرام قاالت الثقه غير الغروور،، واناا واثقه ،، "وااثق الخطوة يمشي ملكاا" صح صح ينطبق عليهاا كل ما تمر وتمشي حذاال حد لازم يشووفهاا الين تغيب عنه،، كراامتهاا وكبرياائهاا فوق كل، لو تخسر اي حد،، المهم هي ماا اطيح وااقفه ماا يهزهاا ريح،، امممم الشي الي يتعجب منه النااس انهاا متييينه ×.× وكل هاا الصفاات الجميلة فيهاا بس واايد متينه ×.× واايد امتاان ثقتهم بنفسهم مهزوزه وربما تكون معدومه لكن اسووم غير غير ,,, يمكن لان ابووهاا دلعهاا واايد وخصوصا هي عاايشه ويا ولدين ،، هي آخر العنقوود،، امهاا توفت بعد سنة من ولادتهاا،عااشت بووحده وياا اخواانهاا الاثنين، ،، وتربت بين يدها وابووهاا،، حريم عمهاا بعد ما قصرن،، غرس يدهاا فيهاا كل هاا القوة ،تربيته غير،، قبل سنه توفى ابووها يعلن غياابه عن حيااتهاا هو الثاني،، كل مرة حد يخطبهاا ترده وابوها خلاهاا ع رااحتها وصى عيااله عليهاا ،،وبعد خطبوها من اخواهاا وهي ترد بنفس الجواب هب مواافجه ،،!! ذياب /26 سنه/ ماا نسى وصية ابوه مصوينه عليهاا ،، ذيااب ماالج ع الميث،، ابوهاا كان شريك بوحمدان ،، وحمدان الي هو مديرهاا ،،خسي هب مديري، انزين اسوم صخي الحين انا اشرح للقرااء،، ما عليكم منهاا،، وكمل اخوها ذياب مسيرت ابووه ف الشغل والشرااكه،، اماا اخوهاا خليفه /24 سنه/ عاايش حيااته بعيد عن التجارة ويشتغل بالسفارة،، هي درست كليه ثلاث سنين وياا بناات عمهااا،مع انهاا مقرره تساافر وياا خليفه برع،، يمكن بعد التدريب،، بنات عمهاا الميث و وديمه، خواات، جميلات ،اخلاقهن عااليه، بس اشوي وديمه لساانهاا طويل،، وعيب الميث ينووكل حقهاا وهي سااكته،،تمنن لو ان اسوم عندهاا اخت،، بس الحمدلله صارن لهااا الخوات والصديقاات ،، عندهم سيف /28 سنة/ معرس من بنت خاالته وعنده بنتين مثل الئمر كيفي سووريه ×.× اكبرهم سيف وبعدين سلطاان/25/معرس بنت عمه مديه،، الميث ووديمه ، هب توؤم بس دخلوهن المدرسه بسنه وحده عسب ما اتم وديمه روحهاا،،وديمه واسوم بنفس العمر،، الميث اكبر عنهن بسنه،، ،وعايش ويااهم اخو حرمة سيف، ولد خاالتهم وليد 22 سنه،،اخوو الميث بالرضااعه ،، عمهم الثالث بواحمد اصغر واحد ، أكبر وحده بنت توفت صغيرة وبعدهاا أحمد 31سنة،، مديه /24/معرسه سلطان،، عبدالعزيز 23سنه/ يحب اسووم بس مره هزبته ما عندهاا سوالف حب وغرام وغيره ×.× الحين يرمس وياها شراات خوواته،، وفطيم 18 سنه ،، دلووعه بالغصب تدلع -.- عندهاا فوبياا من أحمد خخخ ×.×اونها محطيه عينهاا ع خلووف ف عينج لو درت بج اسووم مستحيل تخليج تاخذينه،، روحج دوم تضاربين وياهاا وتفشلج، ها المره بتاخذين اخوها هههههه صحيح بواحمد اصغر اخوانه بس الحمدلله رب العالمين رزقة عياال قبل اخوانه، واحمد هوو اكبر الاحفاد ،ليش ما عرس ! إن شاء الله بنعرف .. //// حمدان //26 سنه// عنده اخت وحده اسمها مهره//22سنه/،، دلووعه فارق العمر امبينهم ،لان امه مرضت ، وبعد مهره ردت مرضت وبعدين ماا يابت عياال،، كفايه عليهاا اثنين،، الحمدلله ع كل حاال،،مغروور ومتكبر ع النااس، يمكن لان ابوه حمله المسؤولية وهو بعده يريد يلعب وياا ربعه ويسافر ويعيش شباابه بعيد عن الشغل والهم والغم،، ينتقم من كل البناات الي يعرفهن، اونه مسوي عمره جنتل ووسيم ،، وكل يشووفه ويتمنااه، الصراحه خشمه عيبني وعيوونه اشوي -.- يعني الحمدلله جميل، بس هب جذه يعاامل النااس!! عنده عم بو بطي ،، بطي /24 سنه/ كاان يلعب واايد ،الين لزمه حمدان يدرب ف الشركة ، عسب يمسك الشغل ويااه،،واااايد طيب ،،بس لساانه ياا عيني على لساانه ،،اخته منال 22 سنه،، تموووت ع شي اسمه حمدااان ولكن ماا عاطنهاا ويه الرياال -.-،،وبس جذا يعني ،، ،،، شوو راايكم بأول جزء من رواايتي الثاانية !! واسمحوليه إذا في أخطاء إملائية .. | ||||||||
|
| |
|
01-06-15, 07:28 AM
| #4 | ||||||||
| مراقبة عامة ومشرفة منتدى الروايات المنقولة
| لا تلهيكم الروايه عن الصلاة ،،لا اتحمل ذنب اي شخص يقرأ في وقت الصلاه .. ـــــــــــــــــــــــــ ـــــــــــــــــــ الجزء 2 ـــــــــــــــــــــــــ ــ العصر .. مجتمعاات ف بيت بوذيااب ..وياا اسووم.. ودووم : وإن شاء الله لين متى بنتم نحن نزورج ؟انتي من متى ماا يتيناا تعاالي صووبناا. اسوم:بيتناا فااضي،وانتوا ماا شاء الله اخوج سيف وهزاع وولد خاالتكن،، الميث: يالله عليج، سيفوه دوومه برع وان رد ف قسمه، سلطوون دوومج ترمسين ويااه،واحمدووه يااهل، اماا وليد ترااه شراات اخوونا، وماا يقر ف البيت بعد ف قسمه برع،، أسوم ماا اهتمت: المهم يعني، ودووم: يا حليلج يا ختيه ما تعرفينها كل يوم نفس الموااال،، المهم يالله خبروني شو التدريب اول يوم؟ أسوم: كان عادي، ودووم: اناا الصرااحه اعتبره وااااع وااع، مخليني ف نفس القسم وياا المتدرب بطي،، وكله يقرقر، اقووله صخ ما يخصك ترمس وياايه ماا يفهم،، الميث:هههههههه حليله شكله هاادي، تدرين سمعت انه ولد عم المدير وهو الي مخلنه يتدرب عسب يشتغل ويااهم بعدين، اسووم: لايكون مغرور شراات مديركم؟ ودووم تخصرت:نعاااااااااااام؟ حبيبتي ترااه مديرج مثلناا، وبعدين هيه فيه اشويه غرور ع جمااله عنبووه رياال ويدلع،، الميث: ودووم شو تقوولين حليله شكله ع نيااته ، اسووم: هاا الميث اشووفج اداافعين ، لا تنسين انج حرمة اخوويه تلوومت الميث: ما ادافع بس انا شفته وشكله طيب،، اسووم: ههههههههه دخيلج ودووم اطاالعي ويهاا جيف غدا ،وااه ميثووه الين الحين تتلومين ،؟ الميث: صخي عني ،، ودووم: خليها عنج، انتي كنتي عند السكرتااريه ماا شفتي المدير؟؟ الميث: هيه صح وسمعت الموظفات الي ف قسمي واايد يرمسن عنه خقااق برحاامته،، وبمركزه ف الشركة ، وفي اشاعات عنه الله اعلم صدق ولا جذب ودووم:انتي شوو كل شي ساامعه الميث:شو اسوي هن يرمسني،، بس الصرااحه حلوو تعااملهن وياايه وارتحت ف القسم ودوم: انا ما ارتحت من العله بطي،، وانتي اسووم؟ اسووم: يعني ،ام ياسر السكرتيرة تعااملهاا واايد اوكيه، اماا المدير فهوو متغطرس جداا ودووم: ياا عيني ع العربي ،، لا صدق رمسيناا عنه احسه جنتل وقووة جذه يعني ،، نشت ودووم تمشي اونهاا تقلد المعضلين ،، -.- وترمس مثقله صووتهاا ، اسووم:ههههه هيه جذه بالضبط الميث:هههههههههه من صدقج؟ بس اناا سمعت يقولن هيبة ف مشيته ورمسته اسووم: ما يهمني حسيته عاادي،، ودووم: اووف تقهرين اسووم،، بااجر نحن اونه بنسوي عماارناا نوصلج وبنشووفه اوكيه؟ اسووم: سون الي يريحكن الميث: شوو رايكم نسير نسوي كييك ودووم: وااااع ميثوه ف البيت مجاابلة المطبخ والبشااكير يالسات واهناا بعد،، صكي احسن اسووم: امم انزين نشن ميثوه بتطبخين ،و بنخلي لذياابوه ،اريده يذووق من كيكتج احمرت الميث:لا خلاص ماا اريد ودوم:ههههههههه ياا حليلج نشت اسووم ورااحن وياهاا المطبخ،، زقروا البشااكير وبدت الميث تسوي كيكتهاا العجيبه ،، واسوم و ودووم يرمسن،، اسووم: ميثووه بنرقبج بالصااله ، من تخلصين تعاالي،ضجت من المطبخ ودوم: حتى انا لاعت جبدي،، الميث: اوكيه برايكن اسووم خبرت الشغاله تييب لهاا عصاير ومكسرات لها ول ودووم،، ساارن وخلنهاا روحهاا وياا الشغالات ،، حضرت الشغااله الاشياء الي طلبتهاا اسووم وشلتهاا الصااله ،، دخل ذيااب ،سلم ويلس ويااهن،، ذياب: اشحاالج ودووم.؟ ودووم: الحمدلله بخير،، وشعلوومك؟ ذيااب: الحمدلله ،تعبناا بهاا الشغل اسووم: وينه خليفه ماا شفته ع الغدا؟ ذيااب: شدرااني به ،ها كل يوم ببقعه ،يمكن ساافر، اسووم: بس الباارحه كان يالس ويايه ما خبرني بيساافر؟ ذيااب: ماا ادري، برقد لا تنسين وااعيني ع المغرب، عن اطرشين وحده من الشغاالات، اسووم: لا وين ترا الميث تسوي كيكه عشاانك، توتر ذيااب واسووم تدري ان اخووهاا ملج ع ميثاا بسبب ابووه وعمه ،، ذيااب: بعدين ، الحين تعباان برقد،، رااح ذيااب،، ودووم: كل يووم جذه؟ اسوم: لا احيانا يرد السااع ثنعش الظهر واحيانا عقب صلاة العشاا، ودووم: الله يعينه ، اسووم:ويعيني بعد، وااحد حيااته شغل والثااني سفر ودوم: هههههه ، انزين ترااج قاايله بتساافرين ويااه اسوم: هيه خلي ها الشهر يخلص وعرس ذياابوه وبسير يتهم الميث وراها الشغااله شااله صينية ،، الميث: حطي اهناا،، منو بيساافر؟ ودووم: اسووم بعد شهر التدريب بتساافر وياا خلووف الميث: وين هاا المرة؟ اسووم: يعني اكييد فرنساا بكمل كلاسات اللغه الي قطعتهاا قبل ودووم: الله يوفقج، ونحن نريد نساافر ،لكن كلن منشغل الميث: صح وذيااب بيتم روحه! اسووم: وااو ياا عيني ياا ذياابوه يحااتونك،، لا بعد عرسكم بتساافرين ويااه الميث: جب انزين،، يالله ذوقو الكيكه وقولو راايكم؟ اسووم: من قبل لا اذووق اكييد غااويه دامهاا لذياب ودووم: بس حراام عليج ختيه اختفت من الحياا الميث: يعلكن السم، اناا الغلطاان ياالسه ويااكن نشت بترووح ،، بس اسوم غصبتهاا تيلس ولا بتزقر ذيااب لها..مر الوقت ع سوالفهم ........ الميث: ترااه قريب بيأذن المغرب ولازم نروح، ودووم: هيه صح انا اتروع امشي بالظلام اسوم: اوونكن،، عاادي سيري وياا كريم بيوصلكن ودوم: ويه وشعنه هاا بيتناا لاصق ف بيتكم الميث:اسووم سرتي لابويه العود تراا يسأل عنج، اسوم: لا ماا سرت،إن شاء الله يوم اليمعه بنتيمع ويااه،، ودووم: ويدووه تسأل بعد،، اسوم: انزين خلاص اليمعه بنسير ويا بعض الميث: يالله نحن نترخص،، سلموا ع بعض وظهرن ،، اماا اسوم ساارت توعي ذيااب ، وبالزوور نش ×× ،،،،،،، ع العشاا اسووم فتحت موضوع عرسه،ما باجي غير ها الشهر، اسوم: وشعنه نأجل تراهاا بتتخرج؟ ذيااب: خلاص صخي ،الي يسمعج بيقول اكبر عنيه ، اسوم: حرمة عمي ذاك اليوم رمست يدام ابويه العود ويدوه،، يعني بعد ها الشهر العرس نش ذيااب معصب: اووهو خلاص عااد، قلنا لج يصير خير نشت اسوم تطاالعه بنظراات : اناا اعرف سبب العصبية ، بس ما تنفعك ،بتاخذ الميث سوا بعد شهر او سنه ، رااحت اسووم غرفتهاا ،، تنهد ذيااب،، هااي منو يروم علييهاا !! دخل خليفه سلم عليه،، خليفه: هاا الذيب اشووفك معصب، ذيااب: ماشي،انت وين كنت؟ خليفه: مع الربع يعني وين؟ ذيااب اطاالعه بنظراات استهزاء: اتحرينااك مساافر خليفه:هههههههههه لا ارقب اسووم تخلص وبعد عرسك بنساافر ذيااب: ياا شين ماا طريت،، نش ذيااب بيظهر من الصااله،، صرخ خليفه:هييييييييه هذاا هوو اكييد شقيقتناا الجميييله حنت علييك ذيااب من بعيد: جااااااب تم خليفه يضحك ويضحك ،، الين طااحت دمعه من عيوونه مسحهاا هوو يتلفت عن حد شاافه ،، كاانت اسووم تطاالعه وهي ناازله من الدري اسووم: هاا الدمعه بسبب الميث! خليفه:هههههه شدخل الميث، يالس اضحك ع اخوج ودمعت من الضحك اسووم: من يووم خطب ذيااب الميث قبل سنتين وانت هب الاولي،، وحاالتك ما تسر، تغيرت 180 درجه، وابتعدت عناا ومن بلاد لبلاد، هذا كله وهب سببها؟ خليفه مسح ع راسهاا بالاستهباال:احم اقوول اسووم شو تعشيتي حبيبي ؟ اسووم: بتجذب عليهم كلهم ،الا انااا ، خليفه شعنه ما رمست حزتهاا!ومنعت الخطبه،! نزل خليفه رااسه : هاا الموضوع تسكر وما اريد حد يفتحه ،، انتبهي عن حد يعرف ياا ويلج؟ اسووم: لا تهددني فااهم،،؟ بس بعد اروم اسااعدك، اطلب مني اسااعدك خليفه:كيف وهي الحين ع ذمة اخويه؟ اسووم: رمس ذياب ، وانهي الموضوع استغرب خليفه: مستحييل،تريديني اخسرهم كلهم اسووم: شو تخسر؟ اصلا ذياب ما يريدهاا،، واذا على عمي بنرمس يدي وهو بيقنعه ،، خليفه: لا اناا نسيتهاا اسووم: وااضح من دمعة الحزن والسفر طول السنه، اطاالعهاا بطرف عينه: اسووم شوو رايج تخطبين وديمه لي! اسووم: شوو ؟ والميث! خليفه: الميث حرمة اخويه،، اسووم: صدق تريد وديمه! ولا تريد تنساا اختهاا فيهاا ! خليفه: لا اسوولف ويااج اريد اسمع شو بتقولين؟ دقته اسووم ع جتفه: سخييف خليفه: حشاا هب ايد بنت ،، دراام ،متى بتخفين! اسووم: كيفي عاايبني جسمي،، خليفه: اووه الي يسمعج تقولين عاايبنج،بيقوول عاارضة ازيااء اسووم: صخ احسن ،، واايد تتسيخف خليفه:هههههههههه حمقتي! اسووم: لااا خليفه: انزين خبريني متى بتخلصين تدريب؟ اسوم: سم بالرحمن ها اول اسبووع، نحن تدريبناا شهر إن شاء الله خليفه: والعرس؟ اسووم: اخوك بعده ما حدد، وحرمة عمي تلمح ع الموضوع، خليفه: اناا برمس ابويه العود وهو بيخبره،، اسووم: رمسه عميه قبلك،، ،، خليفه:اوكيه، يالله نشي ارقدي اسووم: وانت؟ خليفه: برقد بعد ، تصبحين ع خير اسووم: وانت من اهل الخير كلن رااح لغرفته يرقد وبقلبه شي،، ،،،،،،،،،،،،،، الصبح .. ف شركة بو حمدان ... ودووم: نحن قلنا بنوصلج، اسووم: هههه اسميج خديه،، ودووم: هيه كيفي،، امشي الميث: واناا منو بيوصلني؟ ودووم: الحين بنسير فوق بنشوف المدير وبعدين بنزل ويااج الميث: اووكيه اسووم: بتتأخرين ع القسم واكييد بيحطون ع اسمج، ودووم: لا ماا عليج انتي ، مشن صووب مكتب المدير،سلمو ع ام ياسر،، اسووم: ام ياسر وين مكتبي؟ ودووم: عشتوا محطين لها مكتب بعد اسوم: ههه صخي انزين الا هي طاولة وكرسي شرا العاديات الميث: عيل وينهاا؟ ابتسمت ام ياسر: ف مكتب المدير اسووم مستغربة : وشعنه؟ ام ياسر: مساعدة المدير خذت اجاازة ،، ومضطرين نعطيج شغلهاا، اسووم: قصدج البنت الي وصلتني البارحه اهنااا؟ ام ياسر: هيه نعم،، اسووم: بس اناا متدربة . شو بتعطووني عن شغلي بدالها!! ودوم: ايي شو تقوولين ؟ ابتسمت اسووم: هاا ام ياااسر ،ترا محد يشتغل بلاش،، تلوومت ام ياسر وهي تطاالع الي وااقف وراا البناات: عندج حق،بس ها الاوامر هب مني، حمدان مبتسم ومستاانس صوتهاا طلع ع الفلووس : كم تريدين! تراا ماا بنقصر ويااج؟ صدن ودوم والميث يطاالعن ،:نحن بنسير،، خطفن من حذااله ،، قبل لا يدخل مكتبة: ام ياسر عطيها الاوراق الي محتايه توقيعي لان بظهر وخليهاا اتيبها لي، وبعدين بتعلمينهاا الشغل كاان متأكد انهاا ماا بترمس،، دخل مكتبة بعد نظرة وابتساامه استهزاء عليها ،، ام ياسر: ماا عليه تحملي ،لا تنسين تقيم التدريب، هو يقدر يحط الي يريده بتقيمج، ابتسمت اسووم،خذت شنطتهاا وظهرت من المكتب ،، ام يااسر وقفت مجييمه تطاالعهاا تظهر من المكتب !!!ودخلت المكتب،، حمداان: عيل وينهاا! ام ياسر: المتدربة ظهرت رفع حمدان راسه من ع الاوراق: وين ظهرت ! ام ياسر: ماا اعرف استااذ تنرفز حمداان حس بالاهاانة يعني كأنهاا تقول انت ماا تاامرني،، حمداان: عيل انتي شو تعرفين؟ انجلعي برع ظهرت ام ياسر ،، وحمداان كل مااله تزيد عنده العصبية صووب اسووم...والمسكينة ام ياسر كلتهاا -.- ،،،،،،،، ف قسم................ صوب وديمه ، وديمه: انت ما تعرف تصخ! بطي: وشعنه ما ترمسين خلي الشغل، ما عليج انا برمس المدير بيحطون لج تووب ف التقيم وديمه: ياا اخ تراا اناا اريد آخذ علامات بالحلال،هب غش وواسطه،، خلني ف حاالي ولا بشتكي عند قسم التدريب، صدت وديمه الصوب الثااني،، بطي: هههههههههه بتشتكين عليه؟ شو بتقولين يرمس؟ والله عاد كيفي حلجي وارمس به صخت وديمه اتذكرت رمسة اسووم سوي له طااف وصدقيني بيمل وبيصخ عنج،، كمل بطي رمسته ،، وكمل وكمل ،، وديمه ماا تحملت ما عندهاا البرود الي ف اسووم،، ودييمه: يعلك الدااحق،انت شوو صاارط رااديوو! ولا تيلفزون بلازماا! عنلاااتك صخ لووعت بجبدي ياا صوبهم الموظف المسؤول عن تدريبهم ف ها القسم،، الموظف: شو السالفه بلاج ختيه صوتج لين آخر القسم؟ وديمه تطاالع بطي كااتم ضحكته : هاا كله يرمس ، اقوله صخ ،ماا يسمع، ماا يخليني اشتغل، امرره هب قاادره اركز ف شي، الموظف التفت لبطي شاف الاوراق الي عنده مخلصه : بس هو مخلص شغله ،جيف يعني يرمس؟ اطاالعت وديمه بنقمه : والله ياالس يرمس من دخلت الين الحين،، الي ماا عرفته وديمه صح بطي يرمس بس بعد يشتغل ويخلص الي بإيده،، نش بطي: صحيح كنت ارمسهاا، تفضل ها الاوراق خلصتهاا رااح الموظف ما قال لبطي شي،، بطي: انتي بلاج؟ ماا فهمتي ماا بيقولون لي شي حتى لو ما اشتغلت وديمه: صخ عني ولا قسم بالله لافضحك عند المدير هب بس اهناا بطي : هههههههه وياا منو ؟ حمداانوه،،!ههههههههه سيري وابصم لج بتصيرين انتي والزولية واحد،، فجت وديمه عيوونهاا واطاالعته باحتقاار، بطي يلس يكمل شغله ويكمل رمسته،، استأذنت وديمه من المسؤول دقايق وردت بعد دقاايق،،، ورد بطي يرمس،، لكن هيهاات هيهااات ودووم ماا تسمعه،، يلس حذاالهاا يطاالعهاا: ياا هيييي وديمه: غربلك الله شوو تسوي اهناا!! بطي: شو حااطه بأذنج؟ وديمه: ماا يخصك رووح من اهناا، نش بطي: انزين بسير بخبرهم انج ترمسين بالفوون ما تشتغلين ماا سوت له ساالفه ،، دقاايق وتشووف حرمة حذاالهاا،، ندى: اخت وديمه ؟ وديمه: نعم ! ندى: سبق وذكرت لكم ان ممنوع استخدام الفون اثنااء الدوام الرسمي،، وديمه: هيه انا ما استخدمت،، هو الي يستخدم حتى شوفي فونه ع المكتب ندي استغربت صح هاا : هذا مبايلك؟ بطي: هيه ، بس هي حاطه السماعه ، اطالعيهاا ندى: ممنوع تستخدم المبايل، اخت وديمه اشوف ، خلت ندى تطاالع اذونهاا وساسرتهاا ابتسمت ندى ،، وظهرت من القسم،، بطي: شوو قلتي لها! وديمه طاااااااف بطي: اكييد غاازلتيهاا ،اصلاا اناا من شفتج قلت بنفسي انج هب طبيعيه شكلج من البنات الي استغفر الله فجت وديمه عيوونها وعطته كف ،، حتى بطي انصدم ×.× وديمه: تخسي ،،،اتحراني بصخ اكثر وانت تغلط عليه،، بطي قبض ايدهاا بقوو: انتي كيف تتجرئين! وديمه دمووعهاا طااحت: هد ايدي ماا يخصك فيني ، ترك ايدهاا وظهر من المكتب،، يلست وديمه تهدي عمرهاا،، ماا تدري تحس كل شي صاار فجأة وبسرعه ،،،رااحت بتغسل ويهاا ،، وهي بترد القسم ،،شاافت بطي حذاال بااب القسم،، خطفته بتدخل ، بطي: لحظه، وديمه: ........... بطي: انا آسف اسمحيلي ماا كان قصدي اقول لج الرمسه، وديمه: خلك بعيد عني وهذا يكفيني،، دخلت القسم وتنهد بطي،، اول مره تصير له،، غلطت عليهاا وفوق هاا صااحت بسببي ، ليش سويت جذه؟؟ اسووم:لو سمحت وديمه مويوده داخل ولا! صحااه صوت اسووم وجييم يطاالعهاا ويستووعب صووتهاا،، كاانت تخق كل مره تشوف الصدمه بعيون الي جدامهاا من صوتهااا وشكلهاا ،، بس هاا المرة مستعيله ماا لهاا خلق ،وفوق هاا بطي غرشووب وعيوونه جذاابه،، بطي: هيه دااخل دخلت اسووم: ودووم،، اناا برد البيت ، وديمه:شعنه شو صااير؟ اسوم: مااشي ،بس تعبت ماا اروم اكمل الدواام وديمه: عليناا ؟اكييد اضااربتي مع المدير؟ اسووم:ههههه براايج اذا تريدين شي دقي،، ترا مريتج انتي بس، خبري ميثوه ماا اروم اصك آآخر الاقساام وديمه: اووكيه براايج حبيبتي ،الله يحفظج ساارت اسووم،، خطف من حذالهاا بطي، يلس ع المكتب الي مجابل وديمه،،يريد يرمس،بس شكلهاا ماا يشجع،،خلاص بااجر اكيد بتهداا، وبرمسهاا ،، ،،،،،،،،،، اماا صووب ميثاا ، الحمدلله الاموور مااشيه زين ،، لانهاا طيبه وع نيااتهاا ،، حليلهاا ميثووه ^^ الموظفه: ميثاا انسخي لناا االامر كذا نسخه عسب يتوزع ع الاقساام الميث:إن شاء الله ،، اعطيه لمنو.!! الموظفه: انتي بتسيرين لان عندناا شغل نحن، ابتسمت ميثاا:إن شاء الله ، بعد ماا نسخت ،،ظهرت توزع ع الاقساام،، ومرت ع وديمه وديمه ترمس بصوت خفيف:شو شغلوج شغاله وياهم؟ ميثا بنفس الهمس: لا بس عاادي بوزع ،ترااه امر من المدير ،ما خبرتج اسووم شوو؟ وديمه :شدخل اسوم بالموضوع، هيه ع فكرة اسووم رااحت البيت الصبح، ميثاا:شعنه بلاها؟ وديمه: ما فيها شي تدلع، خبريني امر عن شو؟ ميثاا: الامر عن اسووم ، بيخلونهاا مسااعدت المدير ،وبتدرب ويااه لمدة اسبوعين ههههه اعتقد بسبب استهزائهاا انهاا تريد فلوس من وراا شغلهاا وديمه علت صوتهاا: خيبه اسبوعين اهنااك؟ نحن ياا دوب نتحمل ف كل قسم اسبوع،، وااع الله يعينهاا وسمعهاا بطي،، حز بخااطره، بعد ماا رااحت ميثاا ــ،، بطي :ما له لزمه ها الكلام، غلطتي وغلطت ،وتأسفت لج خلاص عااد وديمه حطت السداده بأذنهاا وحطت عيونهاا ع الملف ،،ظهر بطي ها المره ماا رد،،، ع شو نااوي المدير!! | ||||||||
|
| |
|
01-06-15, 07:31 AM
| #5 | ||||||||
| مراقبة عامة ومشرفة منتدى الروايات المنقولة
| لا تلهيكم الروايه عن الصلاة ،،لا اتحمل ذنب اي شخص يقرأ في وقت الصلاه .. ـــــــــــــــــــــــــ ـــــــــــــــــــــــــ ـــ الجزء 3 ـــــــــــــــــــــــــ ـــ ف السياارة.. اسووم: كريم حط لناا شي نسمعه الميث: استغفري بج، من الصبح بتسمعين؟ اسووم: بسم الله ، ما قلت اغااني،قلت شي،يعني يمكن اريد اخبار! ودووم:هههههه لا والله اخباار ،، اسوم جيف بتجاابلين المدير اليوم وانتي الباارحه شااردة،؟ اسووم: تخسيين ،اناا ماا اشرد، بس اعلمه الادب وجيف يتعاامل وياايه، الميث: وجيف تريدينه يتعامل مع حضرت جناابج! ودووم:هههههههه حبيتهاا حضرت جناابج، الميث: عنلاتج صخي شو بلاج فااجه حلجج وتضحكين؟ ودووم: اوكيه ، يالله اسووم جااوبي؟ اسووم: يعااملني باحتراام، وعن التأمر والتدلع الميث: بس هوو ماا تآمر عليج، ها شغل ونحن نتدرب ف شركته اسووم: ابويه شريك ويااه ف الشركه،، غيرو السالفه ترا لاعت جبدي ودوم: زين ، تدرون ان الدفش بطي البارحه ساير مشتكي عليه اونه ترمس فون وقت الدوام، الميث:اوونه! وشو صار ؟شعنه ما خبرتيني البارحه ! اسووم تسمع الرمسه ،، ودووم: ويت ندى هااي مال التدريب اونهاا تقولي شعنه ترمسين ونحن قايلين ممنوع،، يوم رويتهاا سدادة الاذن ضحكت وخبرته انه واايد يرمس،، وهو الغبي اونه اكيد انج غازلتيها وانتي من البناات الي استغفر الله يتهمني ع كيفه،، جاان اصطره كف ،، يتأدب الهييس اسووم نقعت ضحك:ههههههههههههههههههههه� �ههه يعلج الميث: هب من صدقج صطرتيه! ودووم: الحين خلج من الساالفه اسوم شو بيسكتهاا من الضحك؟؟ تروعت الميث ع اسووم تضحك وتضحك وهي متينه فيهاا ضيق تنفس وربووا،، الميث: خلاص اسووم دخيلج بس وصلناا الشركة ،، ودووم: اسووم عندج البخااخ يايبتنه!! اسووم:ههههه بلاكن ماا صاار عليه شي كح كح ه هههههههههههههههههكح هههههههكحهههههههههههه يعلج ودووم كح كح ودووم: كريم عطناا مااي ماا شربت المااي ،ونزلووا، ساارو صوب الحمامات –عزكم الله- ،،واخيرا سكتت اسوووم،، الميث: شو و الحين اهون ولا تريدين البخااخ؟ اسووم: لا الحمدلله اوكيه، بس اريد اشووف جيف سطرتيه كف هههههه ودووم: دخيلج لا تبدين بالضحك هب نااقصين،، ترا تأخرناا المفروض نوقع وكل وحده ع قسمهاا،، اسووم: اوكيه ،،لتس قوو سويتييز رااحن يوقعن وكل وحده ساارت القسم الي تدرب به،، ،،،،، صووب اسووم،، سلمت ع ام يااسر،، وطبعاا الكل مويود واسووم آخر وحده ، تتحرا عمرهاا المديرة !! اسووم: اناا اريد ايلس ويااج اهناا ام ياسر:بس امر المدير الباارحه انطبع وتوزع ع الاقساام ،انتي مساعدة المدير لمدة اسبوعين، اسووم: نعم! ومنو قال اني اريد ادرب اهناا اسبوعين،؟كفايه اسبوع وانا من اول ثلاث اياام لاعت جبدي، ام ياسر: هذا الامر من المدير هب مني عسب تواقعيني! ظهرت اسوم صوب قسم التدريب وشرحت الشي، وهم عندهم علم بالموضوع،حاولوا يقنعونهاا، لكن الحرمه معصبه ورايهاا بيمشي اونهاا !! اسوم: هب متحركة من اهناا الين تحصلين حل للموضوع؟ حمده: ياا اخت اسما ترا الموضوع ما يستااهل ،واصلا في متدرباات عصبن من القرار وهن الي يريدن مكاانج، اناا اريد افهم شعنه ما تريدين؟ اسووم: عيل خلي وحده من الي يريدن يدربن اسبوعين، حمده: المشكله القرار من المدير توقع ووزعوه ع الاقسام اسووم:واناا قلت ماا بتدرب اسبوعين، باجي لي يومين ف قسم السكرتاريه ،وبعدهاا بمشي ع جدول الاقساام الي عطيتيه لناا، اي اعتراض بشتكي عند الكليه،، من رخصتج مشت اسووم كالعااده بخطواات ثابته وااثقه،، راسهاا مرفووع ولا عليها من حد،،اماا حمده تمت فااجه حلجهاا من هاا البنت واايد وااثقه ومغروره !! ع شوو! ع شووو؟؟ ،، ردت اسووم عند ام ياسر،، يلست ع الكرسي الي مجاابل المكتب، ام ياسر: المفروض تكونين داخل، وتجاابلين الشغل الي ع طاولتج، اسوم: عطيني الشغل اهناا واناا بخلصه ام ياسر: بس المدير دااخل ، وان شافني اشل الاوراق بيسأل عنج، واصلا صار له من الصبح يسأل ، اسوم: اوكيه دام انج خاايفه منه ،انا بدخل بييبهاا ،وبيلس اهناا ام يااسر تمت مفهيه ومترووعه،، اكييد بتسمع صووت صرااخ المدير بعد اشوي،، دخلت اسوم وسارت صوب المكتب الصغير خذت الملف، ومشت بتظهر، حمدان: على وين؟. ما ردت عليه ،، كملت مشيهاا حمدان: الحين اهناا مكتبج ما له داعي تيلسين عند السكرتيرة اسوم: باجي يومين وبخلص تدريب قسم السكرتارية، وهذا المكان هب لي حمدان: لا بتدربين اهناا اسبوعين ولا ما وصلج الخبر؟ اسوم سااكته.. حمداان: لا تتحديني فااهمه ؟ اصدرت القرار واذا تريدين شهادة التدريب بتشتغلين بشغل الي اطلبه غصب عنج، ظهرت اسوم تااركه وراهااا بركاان حمداان يغلي من تصرفااتهاا وتجااهلهاا له ،، معقووله حمداان بن عبدالله تتجاهلني هااي الدبه،،؟ واناا كل البنات يرقبن نظرة مني؟؟ ظهر حمدان شاافهاا ياالسه وياا ام يااسر وترمس عن الاوراق والملف بإيدهاا،، ام ياسر انتبه له ووقفت تخبره اذا يريد شي،، اماا بالنسبة لاسوم فهي ياالسه تكمل شغلهاا ولا كأن يصير شي يداامهاا!!!! ،،، ف البريك كاانت ياالسه وياا بنات عمهاا ،،خطفن البنتين الي يدربن ويااهن،، علقن ع اسوم خصوصاا !! وعن القرار الي اصدر بتعينهاا مسااعدة المدير لمدة اسبوعين،،،!! و انهاا ماا تستااهل الشي،، ودووم: ما عليج منهن خليهن يولن عنج الميث: الي يسمعج يقول هي مهتمه، ما تشوفينهاا طااف ولا كأن حد يرمس،، اسوم: شعنه ما قلتن لي عن القرار المقزز الي اصدره مديركم! ودووم: من سالفتي وياا الي ما يتسمي نسيت، الميث: اناا نسيت ،اصلا تحريتج بتفرحين ، اسوم: وها خبر يفرح؟ ودووم:والله لوو مكاانج بيلس يداام المدير وماا بتحرك ، يا ليتني بدالج اتمنى امنيه ايلس اتأمل جمااله سبحان الي خلقه وصوره، كان بطي ماار من حذال طااولتهن وسمع رمستهاا انقهر منهاا اكييد مثل ماا ضنيت بج مغاازلجيه،،! اسوم: اي جماال! بطي احلا الميث:اووووه في تطور اول مره اسمعج تمدحين جماال رياال ودووم:هيه صدقهااا اول مره وجماال منو ! الله يغربله بطي الخديه اسووم:هاهاي اقول الحق،، يالله خلينا نسير قسم ودوم وبنطاالع الجماال الي يغرم، الميث: اوويه اسووم بلااج احسج خلاص منتهيه! اسوم: لااا يعني جمااله عيبني صرت احبه مثلا!! خلي عنج، ودووم: وااو كلام جمييل وغااوي،، اسووم: لا تيسلن تعلقن،، نشن بسرعة نشوا ويااهاا متوجهين للقسم الي تدرب به ودووم،، وديمه: الحمدلله هب مويود ،ولا هو مغثه اسوم: برقب اهناا يمكن يمكن اشووفه الميث:يعلج بتتاخرين ع القسم،، اناا الصراحه بروح ما اريد مشاكل،، اسووم: دوومج خواافه،، الله يحفظج ساارت الميث قسمهاا ، اماا اسوم كملت سوالفهاا وياا وديمه،،!! ودوم: انا متأكده انه هب جمااله الي عاايبنج هب اسووم الي تلتفت لرياال،،،في شي خلاج شو؟ اسوم: عند ضنج بالضبط، اريد اشوف علامة اصطاارج معلمه ع ويه ولا طاارت هههههههههههه ودوم:يعلج والله كنت حااسه،، حراام عليج بتحرجيني جذه، خلاص روحي كملتي عشر دقايق، ع فكرة هو ما يهمه اذا تأخر تراه ولد عم المدير،، اسووم: واناا ابوويه شريك وياا المدير ودوم: بعده ماا عرف انج اخت ذيااب! اسوم: ما ادري به ولا يهمني، دخل بطي ،استغرب من ويود اسوم،، بدن يتهاامسن بالرمسه.. ودوم بصوت خفيف: ها اطالعي بسرعه ،ولا ترااه بيسير يفتن عليج ،انج مويوده ،وبيخبرهم اني ارمسج ولا اهتم بالشغل اسوم: لا ما بلتفت برستيجي ماا يسمح لي،، شفته من المنظره الي ورااج ودووم: ههههه اي برستيج ياا حرمة ،، يالله عيل توكلي اسووم: لا اناا مرتااحه انااظر عيوونه ودووم: لا والله عجييبه عيوونه يعني! نشي والله يسويهاا ويخبر اسووم: ماا عليه منه، وبخبر بلي شفته منه الباارحه، ودوم: شو شفتي؟ اناا اقول بلاه ماا راح قسم التدريب لين الحين، اكييد قابضه عليه شي، اسوم: افاا عليج بس، اناا اسوم هب اي شي،، ودووم: انزين شو شفتي!! اسوم: لا داامه ماا خبر بنا بستر عليه،، ودووم: امحق ،، ماالت عليج وعليه،، اسوم: الحين بسير وبعدين بمرج اوكيه؟ ودوم:زين ،باااي ظهرت اسووم بدون لا تلفت لبطي،، متعجب منهاا !! بطي: خقااقه ربيعتج، اونهاا ما تطاالعناا وديمه اول ما ظهرت اسوم حطت السدااده،،هههههههههه متأذيه منه!! بطي: ارمسج وديمه وديمه ووودييييييييييييييمه تروعت ودووم عن حد يسمعه: يعلك النفااذ، شو تتحرا فلم هندي تزااقرني جذه؟ ولا وحده من الي تعرفهن! بطي: حيلج حيلج عليه،، كنت ازقرج ادري بج ما تسمعيني، بتخبرج شو اسمها ربيعتج؟ وديمه: قلت لك ما يخصك فيني، ولا ماا فادك الي صار الباارحه! التفت بطي للاوراق فضل انه يسكت، ولا شكلهاا ام دميعه بتنفجر اصيااح الحين!!!!! ،،،،،،،،،،، ف آخر الدواام تلاقت اسوم وياا بطي ، وقفهاا وشرح لها الي صار له مع وديمه ، وانه يريد يتأسف لهاا ،بس هي ما عطته فرصه،، اسووم: وديمه اكيد هب شااله بخاطره شي من صوبك، ما عليك انا برمسهاا اصلا هي تعتبرك شرا اخوهااا، بطي حس باحبااط : هاا،، هيه حتى اناا، بس ممكن ترمسينهاا الحين ؟ اسووم: اوكيه،،لحظه ،ارقبني اهناا،لا تتحرك ولا ما بحل المشكله مشت اسوم بعد ماا فجرت قنبله بويهاا اونهاا تامر عليه، ارقبني اهناا !!!!!!! علااماات استفهاام ع رااس بطي !! هااي تتأمر !! كاانت عيوون حمداان ترااقب اسووم من بعيد،، وبصم بالعشرة انهاا راعية سواالف ، وهب مخليه شااب بحااله،،حتى بطي ماا سلم منهاا ،ومشى قبل لا تطلع من المكتب،، دقاايق وظهرت دووم وياا اسووم،، اسووم: مثل ما قلت لك،هب شاله بقلبهاا شي عليك بطي: صدق، يعني قبلت اعتذاري؟ وديمه: مسمووح اخويه، ويا ليت ما ترمسني مرة ثاانيه بطي حس باحراج واحباط شديد: إن شاء الله مشوا مخلينه منقهر ,,,,,,,,, ،،،،،،،،،،، ف بيت بو حمدان ,, منال يايه تزور مهره ع قولتهاا -.- اكييد ياايه تشوف حمدان وتاخذ علومه من مهره ،، مهره: شعنه مهتمه فيه وهو هب عاطنج ويه؟ منال: احبه مهروه تعرفين يعني جيف ان تتعلقين بشخص وامره ما تريدين تخسرينه ،! مهره تطالعهاا باستغراب .. منال: ... اممم يعني ماا اعرف جيف اشرح لج،، بس اكيد بتحبين بيوم وبتعرفين شو يعني هاا الاحساس والشعور ،،، ع كثر حلوو ع كثر ما هو يعذب ويتعب مهره: ايواا صرتي ترمسين شرا الممثلات ف المسلسلات والافلام،، منال: بلا ملاقتج الحين، خبريني وينه حمدان؟ ومتى بيرد البيت؟ مهره :.......... ،،،،، صوب حمدان ياالس ف الكوفي وياا بطي وذيااب وخليفه،، ولا ع باله ومناال ذاابحه عمرهاا بتفكير فيه ×× خليفه: هيه السفر اخير عن شغلكم الي ما يخلص حمدان:هههه هذا ها بطي قبلك كان يقول ها الرمسه،والحين صاار يتدرب وبعدهاا بيشتغل شراتنا، خليفه: اوه اوه بطي يتدرب:؟ ذيااب: مبرووك يا بطي، وين ما شاء الله ؟ بطي: الله يبارك فيك، وياا حمدان ف الشركة حمدان: وبلاك جذه تقولها هب عاايبتنك الشركه ؟ نحطيك مديرها مثلا؟ بطي: بعدي ما تعودت ذياب: بتتعود إن شاء الله حمدان: خليفه متى إن شاء الله ناوي تشتغل ويا ذياب؟ خليفه: يصير خير إن شاء الله حمدان: ههههههههه شكلك هب ناوي ابد ذيااب: ههههه شكله لان من متى وانا احن عليه وهو هب سامع مني شي بطي: خلوه شو تبو به؟ كيفه الرياال مرتااح جذه.، خليفه: هيه والله انا مرتاح من اريد اشتغل بي الشركه وبشتغل، حمدان: واكيد بتسافر؟ خليفه: إن شاء الله بعد اجازه الصيف ذياب: الي يسمعك يقول كنت بشغل وماخذ اجازة وبعدهاا بتسافر بطي:هههههههههههه اسميكم فن خليفه:ههههه يعني نرد نشوف الاهل ،وتدري به يدي كل يوم يهازب ذياب: لولا يدي ما اعتقد شفنااك حمداان: اسميه الشيبه متحكم بك خليفه: له الاحترام والحشيمه دق فون حمدان وترخص عنهم، والباجين تموا يرمسون ... . . .،،،، ،،،،،،،،،،، الخميس.. اليوم الاخير ف اول اسبوع تدريب،، اسوم: يا ختيه فكه آخر يوم ف ها القسم الغثيث ودووم: والله يحضج انتي واونج متكبرة ع المركز ،لو منج شوو بخق عليهم ميرووه وسلوومه،، الميث:هههههه ع كيفج ادلعيهن اسووم: ايواا فهمت الحين،، يعني هن الي يريدن مكااني! ودووم: اكييد هن ، يريدن المدير طاال عمرج، عيل شعباالج؟ الميث: انا ماا يخصني فيكن، بسير القسم،اخااف حد يمر ويسمعكن بااي ساارت الميث عنهن ،، وخلتهن وياا تفكيرهن ،، وااه بس اعقلهن الميث ×× اسووم: لين متى بتمين خوويفه،، سيري سيري ودووم: خلج منهاا وخبريني بشوو تفكرين! اسووم: بتدرب ع الاقسام ف الجدول واذا اصر عليه ،بشتكي عند الكليه،هيه عيل شو عاطينا جداول وبعدين يقولي اشتغلي مكاان مسااعدته وبلاش بعد ودووم: عمرج ما همتج البيزاات ، شعنه الحين تخلينهم يفكرون انج مااديه! اسوم: خليه انا اريده يفكر اني طمااعه،، ودوم: اسميج تيبين العواار لرااسج غصب اسووم: خلج مني ، شوو هاا الحركاات ويا بطي!! ودووم: شو حركاات بعد، هاا اونه مصدق عمره اني زعلانه منه واناا اصلا هب شالتنه من ارضه اسووم: لا والله ،عليناا ودووم؟ ودووم: اووه بديتي فيني ،احسن شي اسير القسم ترا تأخرناا ساارت ودووم ،، وتمت اسووم ياالسه روحهاا ف ااسترااحة الموظفين،،سلم ويلس مجاابلنهاا اسوم: يعلك والله تروعت قلت منو هاا الوقح الي يلس بدون اذن ذيااب: هههههههه انتي مستحيل تتروعين،، الا شعنه يالسه اهناا والحين وقت التدريب؟ اسوم: لاعت جبدي قلت برتااح اشوي،، انت شو تسوي اهناا؟ ذيااب: كنت ماار عسب الاجتمااع بعد نص سااعه بيبداا، اسووم: وجيف عرفتني؟ ذيااب: خذيت مااي، وشفت ختيه الدراام ياالسه اهنا معقووله ما بعرفهاا ، اسووم: جب ياا الحماار، الحين اناا العسل درام؟ نش ذياب : سيري لاا قاالت عسل،، عن تأخريني ،باااي اسووم: اناا بعد بروح ويااك ،ترا اتدرب ف قسم السكرتاريه ذيااب: يالله طووفي ، سااروا وياا بعض فوق ،الين غرفة المدير،، وشاافهاا حمداان ترمس وتضحك وياا ذيااب ، فووول منهاا ،الحقيرة حتى ذيااب تعرفت عليه ،وغاازلته ،عنبووهاا مسويه عمرهاا يداامي محترمه ومتلومه وصوتها ماا يطلع !!! ف غرفة الاجتماعات ،، كانوا ينااقشون المشااريع المشتركة بين الشركتين،،، من لعاانة اسووم،،من شاافت نظراات حمداان لهاا قبل عن يدخل غرفة الاجتماعات مع الموظفين وياا اخووهاا، ،فهمت انه الين الحين ما عارف انهاا اخت ذيااب،، شلت اوراق الاجتمااع الي كانت بتدخل فيها ام يااسر وهي بنفسهاا دخلتهاا ،، من شاافهاا حمداان دااخله عصب ،، ذيااب يبتسم والموظفين يطاالعونهاا بنظراات تفحص وتعجب من صوتهاا وشرحهاا للاوراق،، كاانت وااقفه قريبه من حمداان وتعطيه الاورااق وتشرح بعض النقااط الي مأشره عليها ام يااسرـ،،، حمداان: خلاص انتي تقدرين تظهرين، اسووم: بس في بعض المتعلقاات بآخر اوراق الملف ما شرحتهاا؟ ذيااب كاان يطاالعهاا بفخر ،، اخته ما شاء الله عليها متمكنه من بعض الامور ف المشاريع ،مع انهاا الحين كملت اسبووع بس !! اماا حمدان كاان يظن ان نظراتهم لبعض اعجاب وقبلهاا مغاازل ×× كملت اسووم النقااط عن المشااريع الصغيرة الي تكمل عنهاا بعض الموظفين المويودين ف الاجتمااع وظهرت معلنه لحمداان انهاا ماا ادربت اسبووع عبث !! كاانت تشتغل وتركز بالنقااط الي تشرحهااا ام يااسر عدل،، بعد الاجتمااع وانصرااف الموظفين وحتى اخوهاا رااح .. طلب حمدان من ام ياسر تخلي اسووم اتيي،، دخلت اسوم كاانت وااقفه وعيوونهاا تمررهاا ع المرياا الي ف جدراان غرفة الاجتماعاات -.- حمدان: شوو هاا التصرفات ف الاجتمااع؟ اسووم: اي تصرفات!! حمداان قاابض اعصاابه: تصرفااتج وياا مدير شركة ____ والنظراات والابتساامات الي امبينكم ،، اسووم بكل هدوء: امم ما كان ها الشي حمدان نش قبض ايدهاا بقوو: هاا البرود ماا يمشي وياايه،، وحركاات المغاازل ماالج لا تسوينهاا اهناا،هااي شركة محترمة وغصب عنج تحترمينهاا فااهمه!! اغتااضت اسوم جيف يلمسهاا وهو اصلا محرم عليهاا ناظرته بتقزز نطقت بكلمة وحده: ايدي ,, حمدان ابتسم باستهزاء وترك ايدهاااا : ع شو شايفه عمرج؟ ولا من زين ايدج يعني،، انجلعي خلصي لي الاوراق الي انطلبت ف الاجتمااع ردت بتحدي: ماا بسوي شي،، ولعلمك الاسبوع اليااي ماا بكون اهناا وقراارك حطه بمااي وشربه ، تنرفز حمداان وعيونه عليهاا : غصبن عليج هب برضااج ،واليوم بصدر ثاني فترة تدريبج بيكوون اهناا تحت عيووني ، وبشوف جيف بتعصيني ابتسمت بتكبر وعيونهاا تنااظره بتقزز وهمست : بنشوف، ظهرت اسووم عنه وهي متوترة منه بالله عليج،، -.- محد قاالج، واصبري بنشووف القرار ،، اماا حمداان كل مره يكون مجاابلنهاا تفلت اعصاابه ويعصب ويتنرفز ويصرخ عليهاا ،، هب عاارف السبب !! ,,,,,,,,,,,,,,,,, ياا ويل حاالكم !!!!!!! | ||||||||
|
| |
|
01-06-15, 07:35 AM
| #6 | ||||||||
| مراقبة عامة ومشرفة منتدى الروايات المنقولة
| لا تلهيكم الروايه عن الصلاة ،،لا اتحمل ذنب اي شخص يقرأ في وقت الصلاه .. ـــــــــــــــــــــــــ ــــــــــــــــــــ الجزء 4 ـــــــــــــــــــــــــ يمعة الاهل ،، تقريباا بيت بو ذياب وبو سيف و بوعبدالعزيز ويدهم حذاال بعض ، جيه شراات مجمع فلل،، اربع فلل متلاصقه ،وطبعا اقسام الشبااب وملاحق وغيره ،، متيمعين صووب بو احمد وام احمد ،،، يدتهم ويدهم ،، اسوم وبنات عمها وحرمة اخووهم شمه،، والشبااب بعد،اخوانهااا وعيال عمهاا وطبعاا ولد خالتهم وليد، صوب البناات،، اسووم: شمووه شو الفاايده من درااستج وانتي يالسه ف البيت مجاابلة سيفوه والبناات! شمه: ما سمعج سيف تحرضيني عسب اشتغل يا ويلج منه؟ اسوم: يخسيي، اناا ما تهدد فديتج، وما كنت احرضج الا هو سؤاال شمه دووم تنصدم من اسووم ،، ودووم: وي صخوا عن المواضيع الي تييب الووعه ،، ارمسووا عن شي يفرح،، مثل يدي فااتح موضوع عرس ذياابوه وختيه الجمييله الميث كفختهاا ع رااسهاا: صكي ياا الخاامه ودووم: ااايي غربلج الله يعوور،، شمه: صخوا تراا عيون يدووه صووبناا الحين بتعلن الحرب علينا ههههههه الميث: اناا ما يخصني فيكم بسير ايلس ويا اميه ويدوه ،، شموه تعاالي شمه: يالله ،، ساارن صوب اليده ^^ وتمن اسووم وودووم يسوولفن ويرمسن -.- ماا خلن حد ما رمسن عنه ،، اماا مديه وفطيم كاانن ياالساات مع العيووز من قبل،، ،، يدهم يرمس ذيااب ،، بخصووص تحديد موعد العرس وتقرر بعد ما تتخرج الميث ،، ذيااب تضاايج واايد من يده ، بس شو يسوي ! خليفه طوول الوقت سررحاان واذا رمسوه عيال عمه سولف بكملتين ورد يصخ ,, ،، اسووم كاانت تطاالع الفوون بغبااء،، ودووم: اسووم بلاج؟. اسووم مدت الفون لوديمه: الله يغربله،، يعله السم، شووفي شو مطرش فجت ودووم عيونهاا ، حمداان عرف من كثر انشغاال تفكيرة ف اسووم طرش حد يسأل وييب كل المعلومات عنهاا وعرف انهاا اخت ذيااب والثقه الكبيرة الي زارعينهاا اهلهاا فيهاا وغيره وغيره ، وطرش لهاا صورتهاا هي وااقفه وياا بطي وكأنهاا لااصقه فيه،، وصوره ثاانيه لهاا ياالسه وياا رياال ف استرحة الشغل، طبعا اخوها ذياب،، بس هو ما يعرف انه اخوهاا !! وديمه: اوويه شوفي شو كااتب، ان ماا ييتي يوم الاحد واستلمتي شغل المساعده ،ها الصور بتوصل لاهلج وبشوف جيف بطيح ثقتهم فيج ياا الوااثقه،، وديمه: اسووم شو بتسوين!! اسووم: ها شو يتحرا عمره يهددني اناا اسماا بنت احمد،، منو فااكر عمره ،، يخسي ما اتدرب ويااه ،اونه ماا تنكسر كلمته ،ما عليه اناا براويه،، وديمه: دخيلج اسووم هب اهناا خلينا نروح بيتكم وبعدين دقي تفاهمي ويااه، لايكون نااويه تسوين شي وهو بيطرش الصور،شكله ما يهمه شي اسووم: شوو اسوي؟ كل مره مشكله ف اي مكان اسيره وديمه: منج انتي؟ قلت لج مليوون مره غيري اسلووبج وهاا الغرور اتركيه ماشي فاايده اسووم: صخي بدال لا تفكرين بحل تلوميني! وديمه: احسن شي نخبر ميثوه،يمكن عندهاا حل ،، اسووم: اوكيه سيري ازقريهاا، بس عن حد يحس بج،، نشت ودووم: اوكيه،، اشوي ويت صووبهم الميث،، الميث:شو صااير؟ وخبروهاا الساالفه ،، الميث: اوويه الصوور امره وكأنج لاصقه به ودوم: ضبطت وياااه النذل اسوم: اناا لقيت الحل؟ ودووم:شو انطقي اسووم: بسوي الي يريده بس بخرب كل شغله ، وهو بروحه بيطلب نقلي من القسم ابتسمت الميث: هيه والله جذه سوي عمرج ما تفهمين بالشغل وخربي ودووم:ههههههه اسميج هااي بنت عمي حبيبت قلبي فديتج اسووم: هاهاي افدااج ،، صبر عليه اشوي ياا حمداان ان ما علمتك السنع ماا تسميني اسما بنت احمد ياا صووبهم عبدالعزيز: هاا منو الي تتوعدين له ؟ اسميه ما توفق بحيااته يوم طااح برااسج ودووم خاافت واكييد اسووم عادي وياها بتقول الصدق:هههه لاا محد بس بنسوي مقلب ف وحده ويانا بالتدريب عبدالعزيز: ايواا الله يعينهاا عليكن،، عيل تعاالن ايلسن ويانا اهنااك كلنا متيمعين وانتن اهناا روحكن، ودووم: اوكيه يالله سريناا اماا الميث دوومهاا تتلوم من عياال عمهاا ولا ترمس ويااهم الا اذا سلمت ،، رااحوا يلسووا صوب اليميع وبداا الشيبه يدهم يمدح اسووم يداام الكل،، والبناات غيراناات خصوصاا فطيم -.-" بتنحرق من الغيرة والعصبية من يلست ويااهم وهم كله يرمسون عنهاا، فطيم: وييه الي يسمعكم يقوول محد غير اسووم ياالسه وياانا، رد عليهاا عبدالعزيز: وانتي شلج راازه فيسج ، اماا يدهم بواحمد: وشعنه يعني ما عايبتنج بنت عمج؟ ابتسمت اسووم بغرور ولووت ع يدهاا: وااه فديت ابوويه اناا،،فطيم ما تقصد شي بوأحمد استاانس عليهاا ،، هي ردهاا احسن ،،ونيتهاا طيبه،، اماا فطيم دعت ع اسووم فتمت مكشرة تفشلت يداام الكل ويهمهاا خليفه ولا كأنها مويوده ماا التفت لهاا ابداا ،، وفي الي تفداا اسووم بسره ويتمنى تكلمه ولو بكلمه وحده بس،،يمكن لانهاا انحرمت من امهاا وابوهاا ،فأكييد يدهم يحبهاا ويدلعهاا اكثر وحده ،، ام احمد : يالله بسكم من الرمسه نشوو بنتعشاا ،، نشووا اليميع يتعشوون،، الحريم بصووب والريااييل بصوب،،بعد العشا كلن رااح بيته .. /// الاحد الصبح .. كل وحده ف قسمهاا ،، المدير متأخر اليوم ،، اسوم قابضه الفوون وتلعب: ام ياسر السااع صاارت عشر وما عندي شغل ،بظهر بريك ام ياسر: واذا حضر المدير ؟ شو بخبره؟ اسوم: يعني ما يبالها ذكا ،ترا خلصت شغلي ،ومن ساعه يالسه ادقدق بالفون ،،خبريه ما عندها شغل ،، ام ياسر: اصبري اشوي بعدج ، اكيد بيحضر الحين،، تأففت اسووم ، وردت تطاالع فوونهاا ،، بهذه اللحظه دخلت بنت سلمت ، منال: هاااي ام يااسر،شحواالج؟ ام ياسر: الحمدلله ،واشحالج؟ منال: الحمدلله ،، حمداان مويود،؟ ام ياسر: لا بعده ماا وصل اسووم ابدااا ماا التفت تطاالعهاا ،، اماا مناال فتم تطاالعهاا : ومنو هااي؟ ام يااسر: متدربة من الكلية ،، مناال: اهاا ،،برقب حمداان ف مكتبة الين يوصل ام ياسر: اسفه ما تقدرين لان ما يسمح لحد يدخل مكتبة بغياابه منال: ام ياسر انا هب اي حد اناا مناال،، وحمداان بيزعل منج اذا عرف انج منعتيني ام ياسر اتذكرت آخر مرة يوم مناال يت وصرخ حمداان عليهاا ان شعنه مخلتنهاا تدخل ؟ وحتى لو كاانت بنت عمه !! ام يااسر: تقدرين ترقبينه اهنااا ،، اماا دااخل لا، انقهرت مناال وخصوصاا بعد ماا شاافت ابتساامة اسووم،،، ويلست ترقب حمداان حبيب قلبهاا يوصل،، مرت الربع سااعه وحدر حمداان المكتب ،بعد السلام ،، حمدان: وشعنه يالسه اهناا ؟ كاان يوجهه كلامه لاسماا،، نقزت مناال: بووه سبراايز ابتسم حمداان ع خبالهاا: هلا اشحاالج؟ منال: الحمدلله ،بس عتباانه عليك، شعنه مخبر ام ياسر ما تخلي حد يدخل مكتبك، حمدان: مكتبي ما اريد حد يدخله ،،، وهذا موضوع ما اناقشه مع حد صخت مناال وبعدهاا قاالت: اوكيه ممكن ندخل الحين، اريد ارمس وياك اشوي حمدان: هذا مكان شغل منال بتمييع: انزين تعال دااخل بس اشوي مشى حمداان لايعه جبده من تصرفاات بنت عمه،، قبل لا يدخل قال بستهزاء:ام ياسر طرشي لي الاوراق الي محتاية توقيعي ويا الآنسه اسما استغربت ام ياسر غريبة ماا عمره زقر متدربة بأسمهاا! دووم كان يقول المتدربة !!!!!!! اماا اسمااا توترت وطاالعته بتقزز،، شرحت ام يااسر بعض التقاارير والاورااق لاسما عسب تشرحهاا للمدير،، ودقت اسماا المكتب ودخلت ،، حمدان: خلي الاوراق ع طاولتج ، اشوي وبي، توجهه لغرفة الاجتماعات ،، كاانت الغرفة حتى لو ماا دخلتهاا تعكس الموجودين لانهاا كله منااظر،، (مرايا ) الي ماا يعرف مناظر خخ،،وطااولة اسماا مجاابلة بااب غرفة الاجتماعاات ،، يعني وااضح الي يصير دااخل ،،، يلست اسما ترقبه يظهر ،،بعد السواالف والضحك الي سمعته شاافت بنت عمه تبووسه وتحضنه ،، بالنسبة لهاا منظر مخل للادااب،، وخصوصاا ف مكاان شغل ،، وهو قبل قايل لهاا هذاا الشي،، وعاطنهاا محااظره عن الادب والاحترام،، للحظة كاانت بتدخل وبتقووله هذا الادب واحتراام مكاان الشغل الي تقوله لي!! ترااجعت عن الفكرة بسرعة بمجرد تذكر شكل حمداان وملاامحة ،،لاعت جبدهاا من المنظر،كاانت بتظهر بس ام ياسر بتسألها عن الاوراق،، ، نزلت رااسهاا بالاورااق وقرت كل ورقة اكثر من مرة ،، تحااول تلهي عمرهاا وماا ترد تشووف ،، واخييراا ظهر حمداان وهو يعدل عقم كندورته والفرووخه،،ورااه بنت عمه ،،ظهرت مناال بعد ماا وعدهاا بإتصاال قريب،، حمدان زقرهاا: اسماا ،، اسمااا مشت اسما وحطت الاوراق ع مكتبه،، بدون ماا ترمس شافهاا ورد يطاالع الاوراق: بلاج؟ القطو كل لساانج اسووم سااكته وترقبه يخلص توقيع عسب تشل الاوراق وتظهر ،، حط القلم ورفع راسه يطالعهاا: شوو صاار عليج؟ اه لا يكون بعدج مترووعه من الكلام الي طرشته لج؟ بعدهاا سااكته ونظراتهاا بين الاوراق والمكتب ،، مستغرب حمدان بلاها ،معقوله مريضه؟؟ حمدان :اناا ارمسج ردي عليه ماا تفهمين!! اسوم:نعم شفقاان حمداان ع صووتهاا وآخر شي قاالت نعم!!!!!!! حمدان: بلاج صااخه؟ اسوم: ماشي حمدان: ايلسي عيل الين اخلص بتشلين الملف اسوم بدال ما تيلس قريب من مكتبه ،،راحت يلست ع مكتبهاا بدون ما تقول شي،، وحمداان ع اعصاابه،، وكمل قرااية الاوراق والتوقيع وقف ع ورقة : ها الورقة مال شو؟ اسووم كاانت تفكر معقولة في ناس جذه؟ ع الاقل يحترم اسلامناا ما يسمح لنا بها الشي؟ فيهم وصااخة وقلت ادب لدرجة انهم يفصخون الحياا بمكاان الشغل!هو هب متزوج ومعقوله هب خاايف ع سمعة بنت عمه ! واناا شلي افكر وعااطية الامور اهمية لهدرجة !! انتبهت لحمدان ماسك جتفهاا بإيده ويهزهاا: اسمااا هييي اسماا وقفت اسوم ودزت ايدة بتقزز عنهاا وناظرته لإحتقار:لا تلمسني، فااهم؟ استغرب حمداان: شوو صاايرة عداائية بزياادة! بلاج بشو سرحاانه صار لي سااعه ازقرج؟. اسووم ناظرت صدرة ورقبته بتقزز وبعدت نظرهاا بسرعه: ماشي حمدان لاحظ نظراتهاا ع صدره،، توجة للحماام ف مكتبه،،شاف عمره بالمنظرة وااضح علامات الروج،،اووه اوه اللب ستيك سووري نسيت كلماات مناال ×.× الحين فهم نظراتهاا لهاا غسل كندورته بدال لايغسل تسبح ههههههههه كله مااي صاارت كندورته ،،، ظهر وهو متأفف من ها الوضع،، بداا ينشف التيشوو ماا نسيت خخخ،واسووم تناظره باحتقاار،، حمداان:بلاج وااقفه تطاالعين تعاالي ساعديني؟ ابتسمت اسووم باستهزااء: عفواا!! خل الي سوت ها الشي اتي تنظف وصاختهاا،، اناا ماا انظف وصااختك ويااهاا،، وع فكرة اناا ماا بكمل تدريبي اهناا وجاان فيك خير طرش الصور، بفضحك بين موظفين شركتك ومع اهلك وساعتهاا اريد اشووفك وحبيبت قلبك كيف بيكون شكلكم وشو بتبرر يووم يعرفون ان الاشاعات الي حوولك صدق ؟ ظهرت اسووم من المكتب وحمداان منفجر منهاا وكااره عمره من نظراتهاا،،يعني شاافت كل شي ،،؟؟ اسوم كملت رمستهاا عند ام يااسر: ام يااسر يأسفني اقوولج ان هذا اخر يوم لي اهناا ، اناا مروحه قسم ........... عسب امشي ع جدول التدريب،، فمان الله نتلاقى إن شاء الله،، ،،،،،،،،،،،،،،، الميث ما شاء الله عليهاا كل قسم ترووح له تدرب وتخلص شغلهاا الي يعطونه ايااها على اكمل وجهه،، كل الي دربووهاا مستاانسين منهاا،، ومن مروننتهاا وتواصلهاا مع الموظفين والعملاء،، احياناا تكوون مستحيه بس طبعاا الموظفاات ما يخلنهاا روحهاا يسااعدنهاا واايد ،، ،،،،،،،،،،، صووب ودووم ف القسم اليديد ومشكله يديده مع بطي ،، لانه نفس جدولهاا ف الاقسام -.- بطي: انتي وبعدين ويااج؟ بسج خلاص اناا كيفي اقول وارمس الي اريده ماا يخصج تعلقين ع شي ابد وديمه فااج عيونهاا : انت من صدقك ترمس ولا شوو؟ بطي ميود عمره عن يضحك: هيه من صدقي؟ وديمه صاخه تطالعه باستغراب :....... بطي اقترب من طاولتها وهمس: بلاج ؟ لايكون بتصيحين ؟ وديمه: انجلع من اهناا لا اتي صوبي بطي يستهبل عليها يريدها ترمسه : اكييد بتصيحين دلووعه ع اي كلمة تصيح اخييي شوو هاا البنت وديمه : ما يخصك فيني ، والله لاسير اشتكي اذا تميت جذه بطي: هههههههه وياا منو تشتكين ؟ وديمه: عند قسم التدريب ، هم مسؤولين عنا ، بطي: مسؤولين عنكم هب عني ، هااي شركتنا واناا كيفي شو اسوي ،ارمس ولا ما ارمس ،اشتغل ولا ما اشتغل كيفي ، وديمه: اوكيه انت كيفك واناا كيفي بطي: شقصدج؟ وديمه: قصدي كيفي لا ترمسني، انا ما اريد ارمس مع واحد فاشل اطالعها بطي بغيض: فاشل؟ زين ، ظهر بطي و وديمه استاانست بخااطرهاا اكيد بيغير القسم هاهاها وااخيرا بفتك منه ومن حشرته ،،، دقاايق ويتهاا وحده من القسم تقولهاا سوي شغلج وشغل بطي لانه بيظهر اليوم وما بيرد ×.× عصبت وديمه المسكينه بتشتغل كل الشغل اليوم،، وهاا القسم كله حساباات وهي تكره شي اسمه رياضيات،، كان المفروض بطي يشتغل عن الحسابات وهي تطبعهاا ،، بس بطي عرف كيف ينتقم من كلمة فاشل؟؟؟ ع آخر الدوام وديمه هلكت من الحسابات ،، رفعت رااسهاا يوم سمعت وحده من الموظفات ترمس ،، طالعت بطي متساند ع البااب ومبتسم ،، الموظفه: استاذ بطي سأل عنك المدير ؟ بطي: اوكيه خلاص اتصل عليه واناا خبرته اني طلعت رااحت الموظفه وبطي رمس وديمه ،، الي نزلت راسهاا وتقرا الاوراق،، بطي: إن شاء الله استاانستي ع الحسابات ؟ وديمه ماا ردت عليه تمت تدعي بصووت خفيف :يعلك السم إن شاء الله بطي: شوو قلتي؟ وديمه سااكته ،بس تذكر رمسة اسوم والميث لا تردين عليه وهو بيصخ عنج،، بس هب قاادره ما ترد تباا تسبه وتصاارخ عليه،،، راافع ضغطهاا ،، وهي غير عن االميث ماا تسكت ابداا ماا تتحمل ،، بطي: متروعه تقولين ؟ خلاص وصلت حدهاا : ومن منو اتروع؟ منك انت؟ لا الصرااحه وحش يداامي هب آدمي ؟ شو تتحسب عمرك ؟ هاا ؟ جاوبني شو تتحسب عمرك ؟ بطي استغرب اكيد بتنفجر من كثر الشغل الي اشتغلته ،، بطي: وطي صوتج ، منو انتي عسب تحاسبيني؟. وديمه بدت تطنز وتستهزء به : ليش متروع حد يسمعني ويخبر ولد عمك انك شردت من الدوام وما اشتغلت شي؟؟ ...ولا متروع عن اطيح هيبتك يداام الموظفاات الي مغاازلنهن؟؟ اوووه نسيت بطي صك بااب المكتب الي هم فيه ، ويلس عن الكرسي مجابل طاولتهاا،، بطي: كملي اسمعج دقاايق ووديمه تريد تستوعب الي سوااه ،،تروعت من حركتة شو بيقولون الموظفين اذا شافوا المكتب مصكر عليناا ،، نشت بسرعه بندت الابتوب ،،وشلت فونها وشنطتهاا،، بطي: وين؟ بعدناا يالسين نرمس وديمه:خلصت شغلي وخلص الدوام خطفت من حذااله وهو وقف ماا شاء الله طوويل وهي قزمه يداامه هههههه بطي: اسمعي لا تخليني احطج ببالي ،، مشت وديمه وظهرت من المكتب ،، اماا بطي مبتسم يطاالعهاا ،، ،،،،،،،،، بعد الدواام كاانت تخبر البناات ان رمستهاا الي مشت وهي ما تدربت مع المدير،، ودوم: من صدقج ؟ يعني الاشاعات صدق؟ اسوم: هيه ،، شوو راايكم نتغدا برع؟ الميث:لا راسي يعورني اريد ارد البيت باخذ بندول وبنام، ودوم: وحتى اناا النذل بطي ظهر وخلوا شغله كله عليه، اسوم: انتي كل الاقسام بتدربين ويااه؟ ودوم: هيه شفتي جيف حظي طاايح؟ اسوم :ههههههه الله يعينج، طوول الطريج صاخين،، ،، فليل ،، اسووم يالسه وياا خليفه ،، خليفه: ماا اروم ارقبج بساافر، اسوم: بس انت قلت بنسافر سوا خليفه :عاادي تعاالي وراي، انتي هب اول مره بتسافرين روحج اسوم: انت تدري ان يدي ماا يريدني اسافر روحي، خلوف لا تستهبل، كمن اسبوع وبخلص خليفه: ع نهاية ها الاسبوع بساافر،، اسووم: اوهو عااد انت بلاك اليوم.؟ شو صااير عليك؟ خليفه: لا تزاعجين، ظروف صاارت ومضطر اساافر باستهزاء قالت: لااا وشوو هي ظروفك ياا بزنس ماان؟ خليفه:بلا استهزاء، عادي ما فيها شي لا تخبرين يدي انج بروحج، اسووم: ياا ربي شو هاا الاخ الغبي،، يعني كيف ما اخبره،؟ اكييد بيدري خليفه:كيفج حليهاا انتي، استلمت اسووم مسج ،،وراه مسج ثاني، خليفه:ههههههه شخبااري مسج، اسووم اتحريتج اطورتي واتساب وبلاك بيري ووسائل التواصل ،شو مسج! اسوم: ماا يخصك انزين،، خليفه ما عطى الموضوع اهميه،،اماا اسوم انصدمت من كلام حمدان،، كأنه صااعقه،، هاا شوو يخربط،، يلست اشوي وبعدهاا رااحت غرفتهاا،،كاان كااتب اناا برع ان ماا دقيتي بحدر بيتكم وبخبر اخواانج بسواالفج ، وعاادي ويااي خبريهم بلي شفتيه،، محد بيصدقج لان دوم يظهرون عني اشاعات يت ع الحين بيصدقون الاشاعات!! ف غرفتهاا دقت ع الرقم: نعم حمداان: مرحب اسوم: شعندك؟ حمدان:بالهون عليه، نسلم وناخذ اخبار بعض ،،المهم بااجر دواامج وين ياا حلووه! اسووم:.............. حمدان:الوو اسوم: يصير خير لين باجر حمدان: ايواا جذه انتي بالسليم اسوم: باي حمدان:لحظه انا بعدي ما خلصت اسوم: كم تريد وتحل عنيه!! حمدان: اووه اوه تساومين ع سمعتج!! الصراحه ما توقعتهاا منج! بس كم تدفعين!! اسوم: واضح من البداية انك تريد بيزاات ،كم تريد؟ حس حمدان بالاهانه كأنه من عيال الشوارع: هيي احترمي نفسج،، والي اريده باخذه غصب عنج بس صبر عليه اسوم: وشو هو الي تريده! حمدان: انتي اسوم انصدمت هذا ع شو نااوي ، ياا ويلي انا اصلا شعنه رمسته ماا عمري سويتهاا،، ليش ياا اسماا خنتي ثقة اهلج!! ورمستي ها الاشكال!! حمدان: اكييد منصدمة،، لا تصدقين عمرج وايد، دبة وتلوعين بالجبد منو يريدج انتي!! بس ما اقول غير الله يعين اهلج اسوم سااكته هاا حقير وخبيث بنت عمه ما سلمت منه وصااخته،، حمدان: يالله الحين برايج بس الي اريده بتسوينه اوكيه ياا حلوه بندت اسوم قبل لا ينهي المكالمة،، ورد يتصل وطرش مسجاات وهي منصدمة منه،، ها ما بيخليهاا بحاالهاا،،وخصوصا انه شريك اخوها،،ياا فضيحة وياا اهليه،، فكرت اسووم بأفكاار،، وخطر الحل ببالهاا ،،بالنسبة لهاا وااثقة واايد من عمرهاا وتعتبرهاا نفسهاا ذكية وبلا مناافس،، اماا حمداان فحساابه عسير !!!!!!!!!! ،،،،،،،،،،،،،،،،،، اليوم الي بعده صووب وديمه،، من دخلت القسم وهي تسمع همساات الموظفات عليهاا ،، استغربت شو يقوولن؟ بعدهاا رااحت مكتبهاا ،، طبعاا بطي مويود قبلهاا ،، شلت الاوراق ورااحت بتعطيهاا للموظفات ف المكتب الثاني،،سمعتهم يرمسون عنهاا ،، وحده من الموظفاات: اممم يقولون الباارحه في وحده تصكر عليهاا البااب مع ولد عم المدير،، عااااد اناا اقوول يااليت لوو تعلمناا جيف ضبطته يمكن يشووف صووبناا موظفة ثاانيه: ياا ختيه نريد نعرف شوو صاار دااخل الغرفة،،وديمه شوو صاار امبينكم؟؟ هههههههههه موظفة ثالثة : اونهااا مسويه عمرههاااا مستحيه ههههههههههههه هب عليناا ياا ماما اطاالعتهم وديمه بصدمه ،، حست انهاا تختنق من كلاامهن،،هب قاادره تبلع ريقهاا ،، الله يغربلك ياا بطي ،، ظهرت من المكتب ،،رااحت مكتبهاا بطي يطاالعهاا مستغرب من حالهاا : وديمه بلاج تطاالعين جذه؟؟ وديمه اطالعته باحتقاار : انت جب لا تطري اسمي ع لساانك ،،ماا يخصك فيني كم مره قلت لك ماا يخصك فيني،، الله يغربلك الموظفات يرمسن عني اناا بالشين؟؟ اناا؟ وبسبت منو؟ بسبتك انت يااا حقير.. خطفت من حذاله بتاخذ اغراضهاا، بطي: شو صاير؟ بلاج؟ خذت شنطتهاا وظهرت متجااهله وجووده،، رااحت وديمه لقسم التدريب وشرحت لهم الي صاار ،،وبماا ان بطي ولد عم المدير الموظفات قالن له انهن بيرمسنه ،، بس شكله ماا بيحصل انذار ولا عقاب،، واصرت انهاا تشوف المدير ،، شاافتهاا اسوم،، اسوم: شو الي ياابج؟ وديمه: اسوم اريد اشوف المدير؟ اسوم:ههه بلاج رديتي ع خبالج؟ تراج شفتيه ذاك اليوم؟ وديمه دموعهاا طااحت: انتي هب فاهمه شي،، انا يايه اشتكي ع ولد عمه الحقير، اسوم: اشش بلاج؟ شعنه ها الدموع ؟ قاالت وديمه لهاا السالفه كلهاا ،، اسوم: حتى ولو ماا يستااهل دموعج،، وصبري عليه اشوي وبتشوفين جيف بأدبهن هاا الموظفات القليلات الادب،، وديمه : بس اريد الحقير بطي يتأدب،، اريد اشوف المدير اسوم: اوكيه ،لحظه بنخلي ام ياسر تخبره انج تريدين ترمسينه .. خبرن ام ياسر تبلغ المدير ان في متدربه تريد تجاابله،،، دخلت ويااها اسووم بعد ،، وبعد السلام ,, حمدان : تفضلي ،، كانت وديمه بترمس بس قطعهاا حمدان: آنسه اسما انتي بعد عندج مشكله؟ اسوم اطالعته بغيض: لا بس وديمه تريدني اكون وياها ، حمدان: لا ، هي بروحها بتشرح لي المشكله ،تقدرين تظهرين وجهزي لي اوراق الاجتمااع اليااي لان الوفد بعد يومين بيوصل،، ظهرت اسووم بكل ثقه ،، وحمدان يطالعهاا مبتسم،،اماا وديمه استغربت نظرات حمدان لاسوم,,, حمدان: تفضلي يا اخت وديمه؟ شو المشكله؟ وديمه: اناا ياايه اشتكي لمتدرب بطي، انصدم حمدان بخاطره اكيد مسوي مصيبه يديده عسب ماا اخليه يتم يتدرب،، حمدان: ليش ما اشتكيتي عند قسم التدريب؟؟ وديمه: اشتكيت،، بس ما قالوا بيعاقبونه ولا قاالوا بيخلونه بقسم ثاني،بس قالوا بيرمسونه،، حمدان : شو مسوي؟ من خلصت وديمه من شرح الموضوع وكلام الموظفاات،، بدت علامات العصبيه تباان ع وييهه ،، رفع السمااعه وطلب قسم التدريب وبطي والموظفات الي في القسم الي تدرب فيه وديمه ،، دقاايق وكانوا موجودين،،مسؤول قسم التدريب وبطي ،، بطي كان يطاالع وديمه كأنه يسألهااا شو بلاج؟ بدا حمدان يرمس: تفضلو ايلسوا،، بعد ما يلسوا،، شرح الي قالته وديمه ،، وبطي فااج عيونه صوب الموظفات الي رمسن،، حمدان: هذه شركة محترمه ،، وسمعت كل شخص فيها تهمناا،، سواء كان مدير او مسؤول او موظف او متدرب،، حتى سمعت العملاء تهمنا ،، ماا يحق لاي شخص يهين شخص،، حتى ولو كاان اعلى عنه في الرتبه،،مفهوم الكلام؟ كانت نظرات حمدان ع بطي والموظفاات،، وردن باعتذار: مفهوم استاذ ،، نحن نعتذر عن كل كلمة وجهه حمدان رمسته لمسؤول قسم التدريب: وما يحق لك ماا ترفع تقرير عن متدرب غلط بحق متدرب او متدربه ،، بس عسبت انه هو يقرب للمدير او انه الشركه له،، الكل اهناا سواسيه،، مفهوم؟؟ المسؤول: مفهوم ،، اعتذر عن الي صار حمدان: تقدرون تتفضلون وهذا الموضوع ما ينفتح مره ثانية ولا بأي مكان سواء داخل الشركة او برع،، هااي سمعه هب لعبه،، مفهوم؟ الكل وافق ع رأي حمدان ،، وانصرفوا بعد ما اعتذروا لوديمه،، حمدان: بطي ولاخت وديمه خلكم.. يلس بطي منقهر من الكلام الي قالنه عن وديمه يحس يريد يروغهن من الشركه ،، وشعنه ما خبرتني انا؟ سايره قسم التدريب ولحمدان تشتكي.؟ حمدان: بطي اعتذر لهاا بطي رفع راسه يطالع وديمه ورد يطالع حمدان: نعم؟ حمدان: اعتذر وخليناا ننهي الموضوع، بطي :شعنه؟ اناا ماا غلطت عليها،، حمدان رفع حوايبه يطالع بطي وكأنه بريئ،، نش بطي بيظهر: انا اترخص حمدان بحدة: بطي ؟ وديمه: ما له داعي الاعتذار يكفيني اني اكون بقسم غير القسم الي يتواجد فيه بطي ابتسم باستهزاء حمدان: بس اذا غيرناا اقسامكم بتثبتين ان صار شي،ونحن نريد نقطع شك اي شخص وديمه :ويعني؟ حمدان: يعني بتمين وياه في نفس القسم تضاايجت وديمه من القرار وابتسامة بطي ، وديمه: عيل اناا ما بكمل تدريبي اهناا،، حمدان: اسمعيني يا اخت وديمه، نحن نريد نثبت لهم ان انتوا شرا الاخوان وما صار شي،، وحتى لو انتقلتي مكان غير شركتناا ، انتي كأنج تثبتين ان صار شي وما تريدين حد يعرف به وديمه فكرت بكلمات صح هو ينصحني عشاني الحين ، وما يهمه حتى لو انتقلت ،لا هو ولا شركتة بتتأثر لو ما ادربت اهناا،،،،حمدان شكله رياال وكلامه رزين هب شرات بطي الخبله ،، حمدان: شو قررتي؟ وديمه: إن شاء الله حمدان: تفضلوا ،الله يوفقكم ،، وديمه: بس ما اريده يرمسني ابدا، حتى السلام ما اريده اشوي وحمدان بيضحك طبعهاا شرات بطي بالضبط،، سبحان الله ،، حمدان: بطي سمعت الي قالته،، نفذ بطي: احسن بفتك، إن شاء الله حمدان: بطي احترم وجودي ظهروا ، بس وديمه رمست اشوي وياا اسوم وبطي راح القسم قبلهاا،، ،،،،،،، قبل لا تدخل القسم بطي كان يرقبهاا برع ، بطي: شعنه ما خبرتيني ؟ سايره تشتكين عند حمدان شعنه؟ وديمه مشت ولا كأنه يرمسهاا،، بطي: اناا ارمسج ردي عليه، وديمه: بعده الاستاذ حمدان مويود ارد اذكرك بلي قاله؟ بطي: تهدديني ؟ تتحسبين تروعت يعني؟ وديمه: اوهوو انت ما منك فايده، دخلت وديمه القسم وبطي بينفجر من الي صاار،، مع انه شخصيته مرحه وبارد، بس ما ادري شو صار له معصب الحين ؟ وديمه دخلت القسم رافعه راسهاا والابتساامه ماا فارقت محياهاا،، والموظفات يطالعنهااا قابضات لسانهن عن يرمسن الظاهر انهاا ما تسكت عن حقهاا ابد،، متروعات عن ينراغن،، يلست ع مكتبهاا وبدت تشتغل ،،دخل بطي وبعد هو يلس يشتغل،، اشوي ورمس : وديمه انا آسف ما كنت اقصد اسبب لج ها الاحراج وديمه مندمجه بالشغل خلاص عرفت بطي ما ينفع ويااه شي الي براسه بيسويه ،، بيتم يرمس ويرمس وماا عليه من حد،، نش وتوجهه لمكتبهاا :وديمه،، رفعت راسها تطالعه : نعم استاذ بطي، تريد شي؟ حزت بخاطره كلمة استاذ: لا بس اعتذر عن الي صار وديمه: ااوكيه بطي: ويعني؟ وديمه: يعني ما بسامحك انزين لان بسببك انهت وداسوا ع سمعتيه، مستانس الحين؟ بطي: والله ما كان قصدي، وديمه شو ها انتي هب جاسية وديمه: لا تنطق اسمي ع لسانك بتوصخه،، ومثل ما قالك المدير لا ترمسني،،اصلا ما اتنزل ارمس واحد شراتك، قليل ادب بطي قاابض اعصاابه بالغصب،، طلع من المكتب وبداا يصاارخ ع الموظفاات كيف ترمسن عنها جذه ؟ وانتن منو عطااكن الحق؟ ووووووووووو..................... الين راغهن بعد من القسم ووديمه منصدمه تطاالع الموقف ، اول مره تشوفه جذه كله كان يضحك ويستهبل ويسوولف وينكت مع الكل،، ولا مره شافته معصب ع حد،، اول ما شافتهن طلعن،، ركضت بتاخذ شنطتهاا وبتطلع،، بطي كاان يطاالعهاا وعيونه محمره ، يناظرها كأن يقولها لا تطلعين،،طلعت وديمه مخلتنه وراهاا ،، دقاايق ووصل الخبر عند حمداان ،، واااو شرااره ،، صدق لي قاالوا الخبر السئ ينتشر والخبر الزين ما يتناقلونه،، حمدان معصب من تصرفات ولد عمه،، سار بنفسه للقسم الي فيه بطي،، حمدان: انت شو تتحسب عمرك مسوي؟؟ ما تريد تدرب؟ لا تدرب انجلع ايلس ف البيت ولا تعاال استلم مكاانك ، وبعدين ويااك فشلتني بالشركة ويداام الموظفين ،، شعنه تسوي جذه؟ بطي سااكت حاط ايده ع يبهته بعده منقهر منهم،، حمدان: انااا ارمسك، بطي بطي: نعم ؟ شو صار يعني؟ رغتهن لان لساانهن يباله قص،، رمسن عني وعن بنت الناس شخصهاا؟ اناا بنقول لاني غلطت بس هي شخصهاا؟ حمدان لا تردهن الشركه ابدا ، وظف غيرهن ماا يستااهلن المنصب ها حمدان: قبل اشوي كنا ف المكتب شعنه ما رمست؟ ييت اهناا واستقويت صح؟ اسمع هب كل شي ع كيفك ، ها الشركة ابوي وابوك تعبوا الين وصلت لهاا المكان وسمعتهاا ماا بتطيح بسبب تصرفااتك الغبيه ،،ونحن تعبنا بعد، لا تضيعهاا بسبب انفعالاتك وعصبيتك،، بطي: إن شاء الله ،بس ها الموظفات ما يتمن اهناا حمدان: استغفر الله اناا شو اقول ؟ بطي: عيل انا ما بتم اهناا حمدان: مكتب ابوك مويود تريده يا مرحبا بك،ما تريده كيفك بطي : انا لي ف الشركة مثلك ويحق لي اطرد الي ما اريدهم حمدان: بس انت بعدك ما مسكت شي، بطي: من اليوم بمسك،، حمدان:هههههه والله يا بطي شكلك كلهم بتروغهم بطي ارتاح واخيرا حمدان ضحك يعني هو يعرف حمدان زين مستحيل يغير رايه،،بس دامه ضحك خلني استغل ضحكته: ما اريدهن ف الشركه، حمدان ع االاقل هاا القرار مشيه بدون لا تقراه، الشيمه ي بو راشد حمدان: في شي ورا عصبيتك ولا انت عمرك ما كنت جذه، اكيد بعرف السبب،، عشان خاطرك بس اعتبر القرار توقع ابتسم بطي وحبه ع رااسه: اوكيه ، مشكور وماا تقصر ولد عمي حبيب قلبي حمدان : ما عليه آخرتهاا بعرف,, ظهر حمدان من القسم وبطي بيطير من الفرح ،، واخيرا طردهن من القسم ،، يتحسب هاا الشي بيفرح وديمه !! وديمه تشكي الحاال لاسوم،، ومتروعه ما تريد ترد القسم ،، حمدان اصدر قرار الفصل للموظفات ،، طبعاا اعتذروا لهم لسؤ المعاامله الي عامله لهم بطي ،،وقسم التدريب اضطر يمدد فترة تدريب وديمه وبطي ف القسم لان بس موظفين مويودين وثلاث تم طردهن ،،الين يتم توظيف موظفات يداد،،طبعا تم اعلان عن وظايف شاغره،،، بطي ف القسم يرقب وديمه اتي،، المشكله وديمه متروعه ما تريد اتم هي روحهاا بنت وسط ثلاث شباب -.- الين قالوا ان بيخلون وحده من قسم الـ.......... تسااعدهم ف الشغل وبالمره تكون وياا وديمه ،، دخلت وديمه وياا الموظفه وخاب ضن بطي، انه بيرمسهاا وبيعتذر لها مره ثاانية،، الموظفة اسأذنت عسب اتييب الملفاات من مكتب الموظفات ،، بطي انتهز الفرصه: وديمه شو رايج؟ الحين خلاص انفصلن وخذيت حقج منهن،، وديمه: ومنو قالك اني مستانسه لانك طردتهن؟ الي سويته حرام،، قطع الاعناق ولا قطع الارزاق ، وانت قطعت رزقهن،، بطي: بس هن غلطن عليج ورمسن عنج وديمه: هن ما يخصهن ،ما أذني ــانت السبب،منو بياخذ حقي منك،، اكرهك واكره تصرفااتك الحقيرة،شايف عمرك ع الناس لانك المدير انصدم بطي ،صاار يطالعهاا بألم ،جرحته ،ودااست عليه ،، ظهر بدون ماا يرد عليهاا ،، كاان مصدووم من رمستهاا وهو يتحرهاا بتستاانس،،!! ،،،،،،،،،،،، يومين مرن ع اسووم وهي بقسم السكرتاارية ،، مرة حمداان ظهر مع احد اهم المستثمرين ويااه ف الشركة يراويه الشركة والاقساام،وظهرت ويااه ام يااسر، استغلت اسووم الوقت خذت فونه ومسحت كل صورهاا والمكالمة،، وطرشت مسج لمنال من فونه انهاا تحضر الشركة، ومسحت كل المسجات الي طرشتهاا من صور محادثات بينها وبين حمدان بس المسجاات حب وغراام ،، هاا الاسماا دااهية،،، يعني اذا منال شاافت الفوون بتشوف كابتشر المحادثات الي مألفتنهاا اسووم،،،وردته بمكاانه،، شيكت ع لابتوبه ما حصلت شي يذكر،،طرشت ايميل صورة بنت وحفظتهاا بملف ع الشااشه ع اسااس ان الملف مسوينه حمدان،،وحافظ فيه صورة البنت ،، خلصت مخططاتها الشريرة وظهرت يلست بمكتب ام ياسر وكملت شغلهاا ولا كأن في شي،، بعد تقريبا ربع سااعه حظرت منال متلهفة وواضح عليها مستانسه ،، منال: حمدان داخل صح؟ اسوم: لا ،الاستاذ حمدان ظهر بجولة بالشركة مع وفد قبل اشوي،، منال:اهاا اوكيه برقبه ف المكتب اسوم استفزتهاا عسب تدخل: بس هب مسموح حد يدخل المكتب بغياب المدير منال: اناا بنت عمه وخطيبته المستقبل اكييد مسموح لي ،،تشااو دخلت مناال والبسمه ماا فارقت شفاايف اسوووم،، هيه متأكدة ان بنت عمه تحبه واكييد بتفتش باغراضه،، وبتغاار عليه ويمكن تسوي له مصيبه اهناا ،، وتيميع عليه موظفين الشركة ،، بعد دقاايق حدر حمدان ويااه ام يااسر المكتب،، حمدان: حد سأل عني؟ اسووم باستهزاء: الآنسه منال، وترقبك ف المكتب شك حمدان ببتسامة اسوم، وحدر المكتب،، اسوم: اقول ام ياسر وين الوفد؟ ام ياسر: خلصت الجولة ورااح اسوم: اهااا،، دااخل المكتب صرخ حمدان ع مناال لانه قاابضه فونه وتفتش فيه،، ولابتوبه فااتحه الملفاات ومن بينهم الصووره،، كاانت تصيح بهستيريه :انت تخووني تخووووني ياا حمداان ،،،،،،،،يعني الاشاعات كلهاا صدق ياا حقييير حمدان: منو سمح لج تدخلين مكتبي؟ ولا منو سمح تفتشين اغراضي؟ مناال: هب هاامنك الي اقوله،، مهتم شعنه اناا افتش؟؟ حمدان: ومنو انتي عسب اهتم؟ هاا! بلاج جااوبي،، مثلج مثل بااجي البناات ،، خااينه لاهلهاا ومسويه عمرج تحبين،،، ههههه والي يضحك انج بنت عمي،،،،،، ماا يشرفني انج تقربي لي، من الاسااس الي فريتي عمرج عليه،،،،،، مناال احفظي كرامتج واظهري بالطيب احسن لج منال كاانت منصدمه من رمسته؟؟ معقوله ولد عمي جذه! يعاملني بوقاحه وكأني من بناات الـ----- استغفر الله العلي العظيم،، شلت شنطتها : حمدان برقب اليوم الي بتذوق به الي ذوقتني ايااه ظهرت منال والدمووع ماا وقفت من عيونهاا، جرح مشااعرهاا ،وكسر قلبهاا بالكلام الي قااله،، ما يحق لاي رياال يسوي جذه ،، وخصوصا ولد عمهاا -.-" اماا اسووم شاافت مناال ظااهرة منهاارة من مكتب حمداان،، حست بتأنيب الضمير للحظات وبعدهاا نست وكأنهاا تقوول احسن يستاهلون هب كأن كاان بيفضحني الحقير،، سمعت صووت حمداان يزااعج ،ركضت ام يااسر،، هزب ام يااسر وبعدهاا زقر اسووم،، يااج الدوور الحين ،، حمدان: انتي الي اتصلتي ع منال؟ اسوم: وجيف بتصل بها وانا ما اعرف رقمها! حمدان:محد غيرج الي كان بالمكتب، وعسب ما نظلمج بنشغل الكيمرات وبنشوف منو ؟ اسوم بخاطرها مستحيل انا سألت وقالوا ماشي كيمرات،، اكيد يريد يشوف ردت فعلي،، وقالت بكل ثقه: اوكيه شغل الكيمرات وبنشوف اغتااض حمدان من ثقتهاا الزايده،،: ومنو عيل حذف صورج من فوني؟ اسوم: انا حمدان:لااااا قبل اشوي قلتي هب انتي اسوم: ما قلت هب انا ، سألتني ان اتصلت او لا؟ وجاوبت جيف بعرف رقمها!،وع فكرة انا بس طرشت مسج، انتبه ع الرمسه ياا استااذ حمدان زخهاا حمداان وقرب ويهه منهاا: هاا الخبث هب ع حمدان ياا آنسه اسما،بتندمين ع حركاتج ، واذكري رمستيه زين حست اسوم ان الوضع غلط ابتعدت عنه : سوا الي تريده، حمدان:تدرين ريحتيني منهاا ،كانت لوعه وتتلصق وارتحت، اسوم ناظرته بتقزز ان بنت عمه ويرمس عنهاا جذه، ظهرت عنه وحمداان يغلي ف المكتب ،، مناال كاانت تسليه مثلهاا مثل غيرهاا ،، المسكينه تحسبت حمداان بداا يحبهاا ،، ،،، شو بيصير مع اسووم !! | ||||||||
|
| |
|
02-06-15, 02:01 PM
| #7 | ||||||||
| مراقبة عامة ومشرفة منتدى الروايات المنقولة
| لا تلهيكم الروايه عن الصلاة ،،لا اتحمل ذنب اي شخص يقرأ في وقت الصلاه .. ـــــــــــــــــــــــــ ــــــــــــــــــــ الجزء 5 ــــــــــــــــــــــــ ،،، بعد الضرابة الي صاارت بمكتب حمدان،ساافرت اسووم ويااا اخوهاا خليفه مخليه التدريب ،ومخليه حمدان بصدمه ،معقولة في بنت جذه ما يهمهاا حتى مستقبلهاا ، المهم كرامتهاا وغرورهاا محد يمسهم بشي،، والاهم ما تاخذ اوامر من احد!!،وماا بتحضر عرس ذياب وميثا،، اعتقد انهاا ما تريد تشووف حمداان ،او تقاابله ، صح نجاحها ف التدريب يعني تخرجها، وهي ما خلصت تدريب يعني ماا بتتخرج،،!! ،،،،،،،،،،،،،، من المواقف الاخيره ف تدريب الميث ووديمه ،، طبعاا تم توظيف موظفات يداد ف القسم ,,,,,,,,,,, ،، وانتقلت وديمه وبطي لقسم ثاني عسب يتدربون،، كاانت وديمه تكلم الموظفه (أمل) الي حذالها: شلي انتي الملف . بلييز عااد الموظفه: لا اناا ما يخصني هاا تدريبج ولازم انتي تشلينه ،بسرعه خليه يراجع الارقام الاخيره قبل الارشفه وديمه كانت تهمس لهاا وتحاييها عسب تشل الملف لبطي،، من ذاك اليوم وهي ماا تريد تحتك فيه،، صحيح حااول واايد يعتذر لهاا بس ماشي فايده هي ماا تريد تساامحه وخصوصا ان البعض بعده يرمس ومنهم المتدربات الي ويااهاا مع ان مر ع السالفه فترة -.- نشت وحطت الملف ع طاولته ، انتبه بطي لهاا وحب يسمع صوتهاا من متى ؟؟ هي حتى السلام ما ترد عليه ،، بطي: ملف شو هذا؟ وديمه منقهره منه بأي طريقه يريد يرمس ،، وديمه : ملف ال.............. ،، بس يحتاي مراجعتك وبعدها بيدخل الارشيف بطي:اوكي بخلص الي عندي وبراجعه واذا فيه شي بخبرج ، وديمه ردت مكانها وأمل تضحك عليها،حليلها ها الامل واايد طيبه وكل مره تقول لوديمه حرام عليج خلاص سامحيه شكله الرياال ندماان ,,ووديمه هب راضيه ابد...... دخلن المتدربتين سلامه وميره ،، ميره بدلع : قالوا لناا ان هذا القسم بنتدرب به الاحد اليايه امل : يا مرحبا ،تفضلن عند مسؤول القسم ويوم الاحد بتبدن تدريب إن شاء الله سلامه اطاالعت وديمه وبطي: اووه ودووم بعدج تدربين وياا الاحم ؟ يعني ماا سدج الي قالوه ؟ يا حبج للفت الانتباه بطي ماا انتبه لسلامه او شو الي قالته اصلا ؟؟ اماا وديمه كاانت تطالع سلامه وكلامهاا الي مثل السم واطالعت بطي وظهرت من القسم ،، امل: وديمه لحظه يا وديمه بها اللحظه انتبه بطي ،، امل: يا اخت ما يحق لج الي قلتي سالفة وانتهت ما له داعي التكرار فيها ،، انتي يايه تدربين هب ترمسين عن خلق الله صخت سلامه الظاهر انها تحسبت امل ما بتقولهاا شي،، سارت وياهن للمسؤول وظهرت ادور وديمه،، بطي: شو صار شعنه ظهرت هي؟ امل: لا ماشي بس المتدربات رمسنهاا برمسة هب زينه بطي: شو قالن لها؟ شو؟ امل: انا ما يحق لي ارمس بها الموضوع ، اسمحيلي بسير بشوف وينهاا بطي :بيي ويااج امل شكله ما بيغير راايه،، راحت المصلى محد ،، راحت الكوفي الي تحت محد ،،مشت الين الاستراحه شاافت وديمه عن البااب برع الاسترااحه ،.. امل: واخيرا حصلتج، وديمه ما عندج سالفه يوم تسمعين رمستهن مسحت وديمه دموعهاا : يعني الرمسه هينه تتحسبينهاا؟ التفت شافت بطي ورا امل: هاا شو يسوي اهناا؟ نعم شعندك يااي؟ تستانس اني اصيح لانهم يرمسون عني بالشين بطي : وديمه والله اناا هب قصدي يصير ها كله وديمه: روح من اهنا ما يخصك فيني ما اريد اشوفك يااخي انت ما تفهم؟ امل: ما عليه استاذ بطي اعذرهاا هي معصبه، اسمحلناا وديمه : شعنه تعتذرين له هو الي لازم يعتذر ، خليه يولي عنج امل مشت عند بطي: لو سمحت خلاص روح،ما فينا ع المشاكل بطي يطالع وديمه : اوكيه بس خلج وياها ، لا تخلينها بروحهاا راح بطي وامل مستغربه شو سر ها الاهتمام معقوله حاس بالذنب لان يرمسون عن وديمه بسبته؟ تمت تهدي وديمه الين هدت ومسحت دموعهاا ،، وردت القسم ،بطي متحرقص يريد يعرف الحين صارت اوكيه ولا بعدهاا ، اول ما شافهاا ،امره ما شافته هي ،، بس أشر لامل عسب يسألهاا ،، امل: اشوي ابيج اوكيه؟ وديمه: خذي راحتج اصلا عندي شغل ، ظهرت امل ورا بطي،، بطي: شو اوكيه االحين؟ امل : الحمدلله هدت، قلت لها اشتكي عليهن، قالت لا عن يسير الاستاذ بطي ويروغهن من التدريب مثل ما قطع رزق الموظفات بطي: ليش شو تتحراني ما عندي ذمه وضمير؟ امل: لو سمحت استاذ لا تخبرها اني انا الي قلت لك، بالنهايه هي معصبة بطي: حتى لو معصبه ما يحق لها تتهمني جذا، ما بروغهن وخلهن يضايقنهاا احسن اتفاجأت امل من ردة فعله قبل اشوي خايف عليها والحين خل يضايقنها،، ردو القسم وبطي خلص من مراجعة الملف وطبعاا دقق الين ماا طلع اخطااء عسب بس يرمس وديمه ، بطي بعده معصب من رمسة امل : اخت وديمه ، في اخطاء باالارقام رفعت وديمه راسهاا تطالعه يقرا الاوراق ، امل: روحي بسرعه قبل لايعصب وديمه: خليه يعصب ما يهمني راحت وقفت عند مكتبه وبطي يحدد الاخطاء بالقلم الاحمر بشكل دائرة كبيرة ووديمه المسكينه تتحسر ع ترتيب الملف وتنسيقه ههههههههههههههه بطي: اهناا خطأ ف الحساب،، ,,,,,,,,وهاا خطأ ف المجمووع و شوفي اهناا الكلام ماا يفيد بشي ويخطط ويحدد الي يطالعه بيقول بيقطع الورقه من كثر التحديد والضغط ع القلم ×.× بطي يكمل كلامه ووديمه مستغربه من تصرفاته وتحديداته بالاحمر،، اخترب شكل الملف كاامل ،، وتعب اسبوع رااح ف دقاايق تحت ايد بطي×.× بعد ماا خلصت سحبت وديمه الملف : انزين كان بإمكانك تحدد بخط هب داائرة كبر الصفحه وتخرب شكل الملف ابتسم بطي : وشعنه يعني ترا بتعيدين تطبعينه وها بتفريه ،فأكيد بحدد عسب تشوفين الخطأ زين وديمه: حتى ولو ، لازم تحترم ان انا اشتغل ع الملف من اسبوع وحضرتك ييت بدقايق وشخبطت ع كل التنسيق والترتيب، واكيد بشوف الخطأ اذا تحته خط،، المهم غيري يشوف غلطه ويتعلم منه تنهد بطي ،ترد وتعيد بساالفه: اوكيه اطبعيه وبشوف اذا في اخطاء ثانية بحط تحتها خط بس وديمه: لا طبعا ،نحن ما بنيلس نطبع اوراق،بطرشه ع ايميلك وشوفه اذا فيه اخطاء لونهاا بالاحمر وانا بعدله وآخر شي بطبع النسخه الصح، بطي: لا اطبعيها لان ما اروم ادقق ع لابتوب، عيوني تعورني من ضوئه ابتسمت باستهزاء: إن شاء الله استاذ، كل شي ولا صحتك تضايج بطي من نبرة صوتهاا وتطنزهاا عليه،، كتم غيضه ع الاقل هب يدام امل بيرمسهاا بعدين،، امل هزبتها بس وديمه ولا كأنهاا تفر رمسات ونغزاات ،، وديمه: اقوول امل الصرااحه اناا مليت من قسمكم بروح ادرب ف قسم السكرتاارية وااي يقولون المدير معااملته واايد راقية وخصوصا مع المتدرباات ،لان يعني يمكن يريدن يتوظفن اهناا بطي يسمع ومنقهر منهاا،، امل: هيه صحيح مديرناا معاملته اوكيه وكل المسؤولين بعد ما شاء الله عليهم ،، بس شعنه مليتي من قسمنهاا، هب البارحه قلتي انه اقل شغل اهنا؟ وديمه تأشر لها : لا شكلج ما تسمعين زين، صح اشوي شغل،بس في ناس يلوعون بالجبد ما اريد اجابلهم امل فجت عيونهاا وهمست: ودوم بس حرام عليج بطي ساكت ويسمع ،ابتسم لانه فهم عليها تريد تغايضه وتعصب به،، وديمه اغتاضت لانه ابتسم وغيرت رمسة امل لـ: وي صح عندج حق لولا التقيم ماا كنت يلست اهناا دقيقه ، بس شو نسوي نااس مسوين عمرهم الكل بالكل ما يشتغلون شي وياخذون التقيم توب وغيرهم يكد ويتعب وآخر الشي التقيم ع قدهم،، لكن مقيوله العين بصيرة واليد قصيرة ضحك بطي لانهاا قالت المثل شراات العياايز،، اماا امل فااجه عيونهاا لان وديمه صاارت تألف كلامه هي ما قالته ×.× وديمه بتنفجر من العصبية وهي تشوفه يضحك ،، وديمه: امل يقولون ان المدير حاط طاوله للمتدربات ف مكتبه ،عاد اناا اقول يعني متى بكون ف قسم السكرتاارية عسب اروح اهنااك، وساسرت امل بشي،، وبطي مااسك عمره اشوي بيفلعهاا بشي وديمه: خلاص عاد اموول استحيت امل منصدمه من حركات وديمه ؟؟ ووديمه بتضحك ع شكلهاا !! بطي: اخت وديمه خلصتي الملف؟ وديمه: شو ؟ بعدي قبل اشوي بعدك عاطني اياه بطي: خلصيه لان ها آخر يوم اهنا ولازم نخلصه قبل ما ننتقل قسم ثاني وديمه صخت وتمت تشتغل ع الملف، وهمست لامل :عمدا قال جذه عسب ما ارمس بس ما عليه يا بطي انا براويك امل: بس خلاص خلج منه وجابلي الشغل اشتغلت وديمه وخلصت الملف اصرت ع امل تشله لبطي،، كان يتصفح الملف ويشوف الاخطاء تصلحت وترتب ، امل ردت مكانهاا ،، نش هو وحط الملف ع طاولتهاا، بطي مبتسم: كل شي اوكيه تقدرين اترشفينه،، وديمه شاكه فيه اكيد سوا شي بالملف،، تصفحت الملف وبالصفحه الاخيره كاان مشخبط بالاحمر وكاتب مهرجه ×.× عصبت الحمدلله امل شافتهاا ومسكتها قبل لاتقوم، امل همست:شو كنتي بتسوين ي الخبله؟ وديمه بصوت عالي: بكفخه فيه ، الحقير بطي يضحك ولا هامنه شي،،،،، ،،،،،،،،،،،،،، بعد شهر تخرجن البناات، طبعاا الميث حصلت على أعلى نسبة تقيم ،مع شهادة تقدير وهدية تذكارية من الشركة ،اماا وديمه وبطي نفس التقيم، وسلامه وميره جيد بعد،اماا اسوم باعتبارهاا ما خلصت تدريب يعني ماشي تقيم ×.×،، تزوجوا ذياب والميث وسافروا بعد فرنساا،، طبعا شهر عسل ،، ع قولة ميثا كان شهر بصل هب عسل ههههههههه،، بعدها ردوا البلاد،، بس اسوم وخليفه تموا -.- ،،،، ف بيت بوسيف ،، الميث تزور اهلها ،،يلست ويا وديمه ترمس وياها،، الميث: قلت لج اشوي ودوم: يعني ما تغير حالها! الميث: يعني هب وايد،، ودوم: وانتي شو شهر العسل ويا ذيابوه توترت الميث: الحمدلله زين،، ودوم ما عطت جوابها اهميه وتمن يرمسن عن سفرت الميث وحواطتهاا مع اسوم اغلب الوقت -.- ،،،، ف فرنساا .. اسووم تعااني من خليفه،، كل يوم يصر عليهاا ان تروح الجيم (نادي رياضي) وهي ماا تريد ،، وبالفعل نجح يخليهاا كل يوم تروح وتماارس الريااضه،، خسرت واايد من وزنهاا -.- اسووم: خلوف وبعدين يعني؟ كل يوم انا بروح اركض، يايه استانس واتحوط وانت تخليني اروح هاا الناادي الزباله خليفه: ههههههه اولا هب زباله،، ثانياا صار لنا شهرين وانتي تتحوطين ما شبعتي شوو , ! يالله استعيلي بوصلج ع طريجي ، اسوم: وانت وين بتسير! خليفه: حمدان شريك اخوج ذياب اهناا وبروح اشوفه ، انصدمت اسوم وبخاطرهاا تسب وتدعي ياا ربي ها شو يابه ! خليفه: اسووم ،اسووووم،، بلاج؟ اسووم: هاا ماشي شعنه تزاعج،،؟ خليفه انت روح اناا اصلا بعدي باخذ اغراضي وبطلع ويااا ربيعتي هاا ييريناا تعرفهاا كم مره زارتناا ،بلاك ربيعتي ليين ، هااي بتروح النادي وبروح معاها, خليفه لاحظ توترهاا: انزين بلاج؟. شعنه ها الشرح كله، ترا اعرفهاا،خلاص برايج، اسوم: اوكيه خليفه: فمان الله اسوم: الله يحفظك ظهر خليفه ،، ويلست اسووم من التوتر تفكر بألف فكرة ،، واخيرا نشت شلت اغراض تلزمهاا بالنادي، وما انتبهة انهاا نست تشل مفتاح الشقة -.-، وظهرت وياا ليين ،، ،،، ع المساا ردت ،دورت المفتاح ف شنطتهاا ما لقته اكيد نسيته !! دقت البااب والجرس داخل الشقه خليفه دخل المطبخ يشرب مااي: ........... فج البااب اذا ما عليك امر ...............: إن شاء الله وبعدهاا عيوونهاا داخل الشنطه طاح فوونها واوراقهاا وانفتح البااب اسوم بدون ما تطاالع: بلاك خلوف سااعه الين تفتح؟ ............. فااج عيوونه ع وسعهن :................!! ما سمعت رد رفعت راسهاا تطالع علامات استفهاام وعيونهاا بتطلع من رااسهاا !!! انتبهت وخطفت من حذااله ،دخلت غرفتهاا بسرعه ،، خليفه: حمداان بلاك مجيم عند البااب، منو ياا! حمدان متوتر ومعصب بنفس الوقت يحس يريد يصفعهاا : ااا خليفه انا بروح خليفه: لحظه يا رياال وين ؟ بتتعشاا اهناا حمدان بخاطره ومنو بيحظر العشاا الدبه!! حمدان: لا ما عليه انا بروح عندي شغله بخلصهاا، مره ثانيه إن شاء الله ، خليفه: اوكيه ع رااحتك، حمدان : فمان الله ، خليفه : الله يحفظك ،،،، اشوي وظهرت اسوم من غرفتهاا.. خليفه: يعني انتي الي ييتي! عيل شعنه ما رمستي؟ اسوم رافع حياها: انت الي شعنه يايب ربيعك ورازنه ف ويهي؟ ولا بعد فااج البااب ؟ يتحسب بيته؟ خليفه: هوب هوب ،بلاج؟ حمدان هب غريب ربيع ذياب ودومه ويانا ف البيت ،ما قد مره قلتي شي يوم يزورنا ف الامارات، الحين شصار.؟ وبعدين انا كنت ف المطبخ وطلبت منه بفج الباب ما فيها شي اسوم: ذاك ف الامارات، وانا ولا مره قد تقابلت وياها ف بيتنا ،الحين انا اهنا ويااك ،يعني عادي وياك ادخل البيت اشوف ريال ف ويهي! خليفه: اسوم بلاج؟ ما شاء الله عليج يوم تظهرين من الشقه ما تشوفين رياييل ولا يشوفونج يعني!! انتبهت اسوم انهاا زودتهاا يعني اشوي وبيشكهاا خلووف،، اسوم: مره ثانية يوم يكون وياك ربعك خبرني عسب ما ايي واتلاقى وياهم ، ولا اقولك لا تعزمهم اهنا ، اعزمهم برع ف اي مكان ردت دخلت غرفتهاا وخليفه مستغرب منهاا! يعني معقوله الحين هي كل يوم تظهر ما شافت رياييل وما شافوهاا!! وحتى ف الاماراات ادربت ف شركته كمن اسبوع ،، اسوم ف الغرفه تاكل عمرهاا،، هب معقوله حطيت عيوني بعيونه ! ولا يطاالع بعد !! إن شاء الله ما اتلاقى وياه مره ثانيه،، هذا مصيبه تخلصت منه اهناك لاحقني اهنا!! يعني لين متى بتشردين! اكيد بيوم بيشوفج -.- ،،، صوب حمدان علووم وسواليف تدور ف بااله،، ويفكر كم رقمهاا الدبه! عسب اعرف اادبهاا اهناا،، ،،، مر اسبوع واسوم متوتره لايكون يقول لخليفه شي واتوهق!! مر عليها خليفه/،،يالسه مجابله التيلفزون وسرحانه خليفه: انا بظهر تريدين شي؟ اسوم: لا برايك، ألا بتخبرك ااا لا خلاص ماشي اطالعهاا خليفه باستغراب وظهر ،، اسوم وااي شو كنت بخبص وبسأله ؟؟ دقت ع ودوم وتمت ترمس ويااهاا وتهذرب،، دخل خليفه بندت اسوم عن وديمه ، اسوم: شعنه رديت ؟ خليفه: دقيت ع حمدان يقولي سافر الاخ ،وما خبرني بعد اسوم بخااطرهاا استاانست ارتااحت الحمدلله هم وانزاح فكه ،، اسوم: ايواا خليفه: شرايج نظهر نتمشى اسوم: انت شو؟ يا تخليني اروح النادي او تمشيني ،..؟ قول عازمنج ع العشا شي، زط عافان الله خليفه:ههههههههههههه بالله عليج كله تاكلين ما عندج شغله غير، شوفي جسمي ما شاء الله عليه ريااضي ، اماا انتي اللهم عافنا ،، اسوم من كثر ما استهزء بهاا : انزين يا خليفه اتحداك اني اصير اضعف عنك وبتشوف خليفه هذا الي يبااه: اوكيه بنشوف الوعد بعد كم!! اسوم: امممم ثلاث اسابيع خليفه اتفاجأ: لا والله جيه بتسوين سحر يعني؟ اسوم: تقريبا خسرت نص وزني،، وبثلاث اسابيع بشد حيلي وبكثف التمارين خليفه: اوكيه ،يصير خير إن شاء الله اسوم: تم اتمصخر وبتشوف ضحك خليفه واسوم منقهره منه،، طبعا هو يستفزهاا عسب تمارس الرياضه وتضعف قاهرتنه بجسمهاا ،، ع قولته هو رياضي ولازم اخته يكون جسمهاا اوكيه مثله ، الا هي معانده وجسمها عايبنها -.- ،،،،،،،،،، صوب ذياب والميث -.- المسكينه ميثا دوم تسوي كل شي تحااول انهاا تكسب ذيااب ، بس هب قاادره تفهمه شوو هاا الصدوود والتجاهل منه ،، علاقتهم متوترة بين عصبية ذيااب وطيبة الميث ،، ها اليوم قررت ترمسه خلاص تريد تعرف سبب ها النفور منها شعنه تزوجنا وهو ما يريدني !! فليل كان يالس ف مكتب ف بيتهم طبعاا ، اونه يراجع اوراق الشغل ، عمدا ييلس الين ترقد ميثا وبعدها يسير يرقد ،، دخلت ميثا ، الميث: ذياب اريد ارمس ويااك عيونه بالاوراق: عن شو؟ الميث: ممكن تخلي الاوراق وترمسني ؟ رفع راسه اطالعهاا وبعدهاا رد يشوف الاوراق: لا عندي شغل وما يتأجل،، الميث: هاي هب حيااه ، كل نهاارك ف الشركه ،وترد البيت تدخل المكتب الين فليل والصبح ترد تظهر ،واناا شو ؟ حط الاوراق وتم يناظرهاا بحزن يتذكر كلام خليفه الي سمعه يوم يرمس بطي ،، طبعا لان بطي ربيع خليفه ،، وايد قريب منه فأكيد كل واحد يعرف علوم الثاني ،، وفيوم ذياب سمعه يوم يقوله عن الميث ، ومن يومهاا هو كان رافض يرتبط فيهاا وهو يدري ان اخوه يريدهاا ،، بس ابووه خطبها له وملجوا،، وذيااب ما بيده حيله -.- ذياب: انتي بنت عمي وحرمتي الميث: تطنز يعني؟ ذيااب : لا هذا الصدق، بس شو اسوي اخوي مساافر ومحد غيري يدير الشركة ، وبعدين تعالي انتي ما تريدين مصرف،،؟. جيف بصرف واناا ما اشتغل؟؟ الميث: بس هب جذه، انت هب مخلي لي وقت تيلس وياي نرمس ويا بعض،، حتى الاكل ولا وجبه تاكلها وياي ،،ابوي واخواني بعد عندهم شغلهم بس مخلين وقت لنا ،ولرمستناا ويلستنا ويا بعض،ويظهرون ويانا بعد،،واالاجازات وياناا،، ذيااب معصب: انتي غبيه ما تفهمين؟ اقولج انا بروحي ادير الشركه، وما شاء الله عمي ويااه خوانج هب مقصرين ويااه،،اكيد عندهم وقت فراغ ، الميث استغربت من كلامه : الحين اناا غبية؟ لاني اتناقش ويااك بهااا الموضوع قلت عني غبية ؟ تأفف ذيااب ويريد ينهي الحوار: خلاص عاااد ،، بااجر بنرمس الحين اريد اخلص شغلي وارقد اطاالعته الميث والدموع بعيونهاا : ليش انت باجر فاضي؟ ظهرت من المكتب قبل عن يرد عليهاا ،،و حاال ذيااب كل يووم يضيق اكثر عن اليوم الي قبله،، معقوله اناا وياا البنت الي اخووي يفكر فيها ويريدهاا حلاله ؟؟ واناا اقول ليش خليفه يساافر من بلاد لبلاد.؟ لازم في حل للموضوع ،، ،،،،،، اليوم الي بعده ذيااب اتصل ع بطي ،، ويريده بموضوع مهم ع قولته ،،في كوفي ،،،،، بطي: ذيااب صاار لناا نص ساعه يالسين وانت تقول الموضوع مهم والين الحين ما رمست بشي،، ذيااب : خليفه شو قالك ذاك اليوم؟ استغرب بطي: اي يوم؟ ذياب: ف مكتب حمدان يوم كنت ظاهر وياا حمدان ورديت اناا عسب آخذ ورقه وشفت خليفه ويااك ف المكتب ، سألته بلاها عيونك حمراا، ظهرتو بسرعه ع قولتك ضربته حساسيه بعيونه برد كل شي ببطي ،حس بتوتر فضيع ،، ذيااب: بلاك صااخ؟ شوو قالك خليفه يومهاا؟ بطي:ااا يعني ماا قالي شي مهم،، كان يرمس عن السفر وبس يعني ذياب: شعنه تجذب؟. بطي اناا سمعته شو قال؟ شعنه ماا خبرت ابوي ؟ بطي: السالفه صار لهاا سنه وزود وانت الحين ترمس بهاا ؟ خلاص الحين هي حرمتك وما له دااعي ترمس بها الموضوع ذياب : ياا بطي اناا لين يومك كل ما اريد ايلس وياها اتذكر كلام اخوي ـ، جيف تريدني انساا واناا اعرف ان اخووي يريدهاا؟ والباارحه سببت مشكله لان ما ايلس ولا ارمس ويااها ولا نظهر وياا بعض،، شو انساا ؟ جيف انساا اخوي؟ بطي للحظه كان بيقوله طلقهاا بس تراجع بسبب كلام خليفه : اسمع قبل عرسك بشهر تقريبا رمست خليفه وقلت له بعد في وقت رمس اخوك وخبره ان خاطرك ببنت عمك،، بس فاجأني برده قاالي انه نسااهااا خلاص ويعتبرهاا شراات اخته من يوم ملجت عليهاا ، ذياب بعده يستوعب الكلام ويحااول يصدقه ،، بعدهاا بدقاايق ابتسم وحس برااحه ع الاقل بيوثق برمسة بطي لانه وااضح عليه صاادق ،، نش ذيااب وشكر بطي : ع العموم مشكور واسمحلي ضيعت وقتك ويااي بطي :لا افاا عليك ذياب: ياا ليت ما تطري لخليفه اني اعرف، بطي: امرره لا تووصي ،، ذيااب: فماان الله بطي : الله يحفظك تم بطي ياالس وردت ملامح الحزن ع ويهه ، الله يعينك ي خليفه ،ع الاقل يفرح واحد منكم ولا اثنينكم تحزنون وإن شاء الله انك تنساهاا،، ،،،،،،،،،،،، بطي يرمس خليفه ع الفون ،، بطي: يعني اقول سوي لناا واسطه مع عمك اذا ما رضا ,,,,,,,,,,,,,,,,,,,,,,,,,,,,,,,,,,,,,,,,,,,,انز ين يعني ما بترد ؟,,,,,,,,,,,,,,ياخي ما مليت صار لك ثلاث شهور بهااذيج البقعه,,,,,,,,,,,,,,,,,اخييي خلووف تراا الشغل والروتين الي اناا عايش به يلوع بالجبد,,,,,,,,,,,,,,,,,,,,,,,,,,,,,,,,شرا يك بس ترد يوم اخطب وبعدهاا رد ساافر ؟,,,,,,,,,,,,,,,,,,,,,,,,,,,,,,,,,,,,,,ماا عليه بس انت رمس ذيااب خله يرمس عمك عسب انيهم,,,,,,,,,,,,,,,,,,اليوم شفته لكن تلومت,,,,,,,,,,,,,,,,,,هههههههههه انجلع يا ا لخاام هب منك مني,,,,,,,,,,,,,,,,,,,,,,,,,,,,,ياالله فمان الله بس رد عليه,,,,,,,,,,,,,,,,, وانتهت المكالمة ,.. ،،،،،،،،،،،،،،،،، بعد اياام من المكاالمة تم كلام خليفه ، واليووم ياايين اهل بطي ،، يلست الرياايل بو سيف وسيف وسلطان ولد خالتهم وليد وطبعاا ذياب وحمدان ياايين وياا بطي,, طبعاا بس خطبة بين الرياييل عسب اذا ما وافقت ما له داعي اللويه وكل العائليتن يحضرون وتصير حزازياات ،، وتمت خطبة وديمه لبطي ،، والحين يرقبون موافقة وديمه ,, رمستهاا امهاا بالموضوع ،، مع العلم هي ما تعرف منو الي خطبها،، بس مدحوا لهاا الرياال ،، ونعم الرياال ونعم باخلاقه ونسبة واهله ،، وهو ربيع خليفه ولد عمهاا وووووو،،، الخ من المدح ووصف بطي،، وديمه كاانت مترووعه اول مره حد يرمسهاا بموضوع بجديه ،، كل تستهبل وتنكت وتضحك بسوالفهاا ،، عطووهاا طبعاا اياام تفكر بالنهاايه هذا زواج عشرة عمر هب لعبه ،ومحد ضغط عليهاا ابداا والميث رمستهاا عاادي وحريم خوانهاا بعد،، واخيرا ردت بمواافقتهاا ع بطي،، ابداا ماا كاانت تتوقع الي خااطبنهاا هو بطي نفسه الي ادربت ويااه شهر وسبب لها مشاكل وبلااوي ف الشركه ،،، اماا حمداان الي عرف سبب اهتماام بطي ب وديمه،، وتم حااشرنه ومأذينه كل يووم يستهبل عليه ،، حب وماا حب وحركات مرااهقين ف التدريب ،،،!!! ملجوا ع خير ، وديمه ما شاافت بطي ف الملجه ،اصلا هو ماا دخل بناءا ع طلبهاا،اونه شعنه يدخل تراه بشوفه بالعرس واناا اتلوم وما اعرف شو اسباااب اقنعت فيهاا اخوها سيف ،،وسيف خلاهاا ع راحتهاا وبطي ماا دخل ليلة الملجه ،،، بتقوولون كيف عرفت ان الي ملج عليهاا هو بطي ،، من هذاا الموقف .. مره من المرات المحزنه ،، وديمه كاانت طاالعه السوق مع الميث ،،وهي رااده البيت رن فوونهاا وسبقتهاا الميث دااخل البيت ،، تمت وديمه ، الا صووت حرمه،وخبرتهاا انهاا ترقبهاا عن بااب بيتهم لانهاا هي برع ،، رقبتهاا وديمه ونزلت الحرمه من سياره ،،دخلت عن البااب طبعاا داخل بس تمت وااقفه،،، وديمه: انتي ؟ نعم شو تريدين ؟ كانت وحده من الموظفاات الي تم طردهن ،،بكتبهاا موظفه اوكيه،، الموظفه: هي اناا ،، الحين تأكدناا شو صار بذااك اليووم يووم انقفل عليج المكتب انتي والاستااذ بطي،،يعني كل الي قلنااه صح وديمه متفاجأه اصلا هااي شعنه اهناا؟؟ وديمه: شتقصدين؟ واناا شدخلني بأستاذج الحين؟ الموظفه:هههههه ياا ربي ع الاستعبااط،، حبيبتي ياا حلوه هو ملج عليج وبتعرسون عسب تسترون ع عمركم من الفضيحه الي صاارت ف المكتب، ومسويه روحج بريئه وساايره تشتكين عن ولد عمه ،، وطردوناا بسبتج وبعدج تنكرين وديمه هجمت عليهاا تكفخهاا: انتي هي شو تتحسبين عمرج تقولين؟ هاا شوو؟ ياايه بيتناا وتهينني بعد؟ منو انتي ؟منو مطرشنج؟واصلا اناا ما ملجت ع استااذج ياا حقيره ،،وماا اتشرف بعد والحمدلله بالصدفه ولد خاالتهاا وليد كاان طاالع من البيت ،، بسرعه ركض فك الحرمة من ايدين وديمه ،،وااااي شقاايل خلتهاا ماا تسوى بيزه !!!!!!!! ظهرت الحرمه بسرعه بعد ماا فجتهاا وديمه،، وليد: وديمه بس خلاص شوو صاابج؟ وديمه: الحقيره ياايه تسبني وتتبلا عليه ،، وليد صدق الي ملج عليه هو بطي ؟ وليد: نعم؟؟ ما فهمت ؟ وديمه: قوولي الصدق بطي ملج عليه؟ الي هو شريك ولد عمي ذياب؟ وليد: هيه وانتي تعرفين مخبرينج،، وديمه: شوووو اناا محد خبرني،، بس قالوا لي ان ريال اسمه بطي خطبني وبعدهاا ملجنا ،، وليد: هدي اشوي ،، ليش بلاه بطي؟ الكل يعرفه وهو ربيع خليفه وكلهم يمدحونه،، انهاارت وديمه اتصيح ويلست ع الارض: ولييد سااعدني الله يخليك سااعدني ااه ياا ربي شوو ها المصيبه وليد استغرب من الي يصير لهاا سندهاا عسب تمشي ويااه هااي بتفضحهم ياالسه بالحووش وتسوي دراماا -.- وفي وااحد كاان يااي يزوهم وشااف وديمه لاصقه بوليد ،، وليد: امشي تعاالي ويااي بنسير وراا عند الزرع وديمه: ماا اريد مااا اريد ،سااعدني وليد: انزين امشي ويااي وبسااعدج عند الزرع يلست وديمه ترمس وتشرح الي صاار بفترة التدريب،قبل التخرج ،، ووليد مستمع للي تقوله ،،هي تشااهق من الصيااح ووليد يهديهاا،، وديمه: وليد الله يخليك سااعدني، وليد: بس ها الموقف هب معناته ان بطي هب زين، حمقت وديمه: انت شو تقول؟ اقوولك رمسوا عني، والحين الحرمه ياايه الين بيتناا وترمس،باجر بتوصل عند ابوي وبتقرقر سااعتهاا اناا شو اسوي؟؟ اقولهم ها الموقف هب معناته ان بطي يعله السم هب زين تنهد وليد : انزين شو الحل برايج؟ وديمه: طلقني منه، فج عيونه: نعم؟ ما كملتي اسبوعين مالجه،، وديمه: وشو يعني وايد ناس حتى يومين ما يكملون ، وليد: نحن ما يخصنا بخلق الله، وديمه بابا اهدي وفكري زين وبعدين بنرمس،، شو رايج؟ وديمه: انت تعاملني شراا اليهاال؟شو تتحراني ياهل؟ وليد: خلاص عاد ودووم لا تصيرين صدق يااهل، شعنه وافقتي يوم انج ماا تريدينه وديمه: ما كنت ادري انه هو،، وليد انت تقدر تساعدي اذا سرت وقلت له انك تريد تاخذني واهلي غصبوني عليه وليد من الصدمه يته حاله هستيريه من الضحك:ههههههههههههههههههه� �ههههههههههه الله واكبر انتي ختيه تريديني اقول اني احبج واريد آخذج كفخته ودوم ع رااسه: لا تضحك يا حماار،، هيه الحين عرفنا ان نحب بعض،،وبعدين هو ما يدري ان عندي اخ، اصلا انت اخو ميثا بس وليد اطاالعهاا بنظره: عن الخباال،ترااج بتيبين الرمسه لاهلج،، وبتكبر الساالفه ، وروحه ابوج تعباان من قلبه ،شو تريدين تنهين حياته؟ وكيف يعني هب اخوج؟ هاا! اخو ميثا الي هي اكبر عنج وكل الي اصغر عنها انا اخوهم، صدق غبية وديمه: انزين انت رمسه بينك وبينه بس محد بيدري،، الله يخليك وليد، ..........:ما يحتاي يرمسني ،عرفت وديمه ووليد تفاجأو بوجود بطي ،، متى ياا؟ وكيف ما حسوا عليه؟ طبعاا من صووت وديمه العالي محد بيسمع خطااه،، ،، شو بيصير ع وديمه؟ وشو بيسوي بطي؟ وهل وليد بيدخل؟ ،، ارقبوني بالجزء 6 .... | ||||||||
|
| |
|
02-06-15, 02:05 PM
| #8 | ||||||||
| مراقبة عامة ومشرفة منتدى الروايات المنقولة
| لا تلهيكم الروايه عن الصلاة ،،لا اتحمل ذنب اي شخص يقرأ في وقت الصلاه .. ـــــــــــــــــــــــــ ــــــــــــــــــــ الجزء 6 ــــــــــــــــــــــــ ،،، ..........:ما يحتاي يرمسني ،عرفت وديمه ووليد تفاجأو بوجود بطي ،، متى ياا؟ وكيف ما حسوا عليه؟ طبعاا من صووت وديمه العالي محد بيسمع خطااه،، وليد وقف يريد يفهمه : بطي لا تفهم غلط،ترا كل السالفه ان وديمه فااهمه غلط بطي يطالعهم بشك،، وديمه امرره ما صدت ومسويه عمرهاا مرتبكه ،،حيوانه ها الوديمه،، وليد يطالع وديمه ويطالع بطي : وديمه بلاج ما تقولين شي؟ نحن بس كنا نرمس عنكم وعن العرس بطي: وشعنه تبرر؟ ما له داعي ،من رخصتك رااح عنهم ،، اول ماا ظهر من البيت انفجرت وديمه بالضحك،ووليد منصدم من الي صاار،، وديمه: سبحان الله ربي بيساعدني وبينقذني من هاا الوحش وحطااك انت حبل النجااة لي ،، ياا ربي شكثر حبيتك يا وليد وليد معصب: الله يغربلج شعنه ما رمستي؟ ليش ما قلتي شي؟ ها وديمه: شو اقول؟ يعني قلت لك ساعدني ما رضيت ، وها هو شاف كل شي بعيونه،، وليد: انتي هي جذبتي الجذبه وصدقتيها؟ شو شاف بعيونه؟ وديمه مبتسمه : وليد عاد لا تكبر السالفة، والحين برقب ورقة طلاقي وليد بانفعاال : لا والله انتي تخلصين وتفرينها ع راسي؟ جيه تتحسبيني كبش الفدا، وبعدين ها ريلج الخديه ما يفكر يعني اناا كنت مويود يوم الخطبة والملجه ،غبي وديمه: صدق غبي، ومن بعد اليوم هو هب ريلي،،يالله من رخصتك بسير لميثا تأخرت عليهاا ،، ساارت وديمه ووليد بعده تحت تأثير الصدمه،، بتخترب حياة بنت خالتي وانا السبب... ،،،،،،،،،،،،، ف بيت اليد واليده ،،بواحمد وام احمد ياالسات الحريم وياا ام احمد ام احمد: وفديتهاا متولهه عليهاا ، خابرتنهاا من زماان هب شايفتنهاا ام سيف: ماا عليه يا عمتيه إن شاء الله انهم بيردون بالسلامه قبل عرس وديمه،، ام احمد بنبرة ألم : إن شاء الله ،،حتى بواحمد متوله عليها،، امساات يرمس عن احمد رحمه الله عليك يا ولدي،، وعن عياله شقايل متشتتين ، ماا يسوي البيت بدون ام واب امره ماا يسوى،، ونحن مقصرين بهم ام عبدالعزيز: ياا عمتيه انتي وعمي امره ماا قصرتوا ويااهم، وما شاء الله عليهم درسوا وتخرجوا ، وذيااب ماسك شركة ابوه، وخليفه يعابل اهنا واهنااك،، والحمدلله متحملين من اختهم وهب قااصرنهاا شي،، ام احمد: اييهااا ياا ابوويه ،اقوولج العياال متلتهين من ماتوا اهلهم،الا الحمدلله ذياب عرس ،وإن شاء الله انه نشوف عيااله ،، ام سيف: إن شاء الله ،، عااد وين عمي سار؟ ام عبدالعزيز: سار العزبة ويا بو عبدالعزيز،، ام احمد: عيل وينهن البنات ما يبرحن بي؟ ام سيف:مويودات ، لكنت تعرفينهن مجابلات عيالهن ولي مجابل دروسه،، ام احمد: وانتي سعيده وينهم عيالج؟ ام عبدالعزيز: مديه رااحت ويا ريلهاا دبي،،عبدالعزيز واحمد ظاهرين بعد، وفطيم الفقيرة حابسه عمرها بهذيج الغرفة وتذااكر عندهاا دروس وامتحانات ام احمد لفت راسها: ويه امحق ام ما تدري بعيالها وينهم،، ام عبدالعزيز وام سيف متعودين ع نغزات عمتهم ،لكن شو بيسون حرمة عووده واحترامهاا وااجب،، ام احمد: وينه وليد ما مر عليه اليوم؟ اذكر يصبح عليه ويمسي عليه ،اليوم امره ما مر صوبنا؟ ام سيف: عمتيه وليد اليوم ساار راس الخيمه مهرجان عوافي ام احمد: واابويه عند الرمول والذبحه ،اتصلي به الحين خليه يرد، لقعه تلقعج ،شقايل اختج رحمه الله عليها مأمنتنج ع ولدهاا وانتي مخلتنه يمرح ويسرح بين الرمول والحوادث، واابويه قلبي عورني عليه ،انتي ما تعرفين ما تشوفين وما تسمعين ع كل يوم واحد اتجلب وتوفى ام سيف وام عبدالعزيز فاجات عيونهن بلاهاا انطلقت بالرمسه،، اضطرت تتصل ع وليد ورمس اليده مع انه القرابه بعيده وايد بس اليده تحبه ،، وارتااحت اونه ،الحمدلله وليد ما فيه شي،، -.- ،،،،،،،،،،،،،،، وديمه خبرت اسووم ،، واسوم انفجرت ضحك ،،المكالمة.. اسووم: ههههههههه اونج ودوم ما تعرفين،؟ واناا كنت اعلق عليج واقولج حب وما اعرف شو وديمه: والله ان الحين فهمت لنغزاتج امره ماا حطيت ف بالي انه هو،،بس لا تضحكين الحقير تحسبته بيطلق ،اسمع سيف يقولي ترا الريال مستعيل خلصي اغراضج والعرس بيتحدد،، اسووم: اوويه يعني مااشي فايده من الي سويتيه مع وليد غير المشاكل بعدين،، وديمه: ياا ربي،، اسوم انتي رمسي خلووف، هو ربيعه خليه يرمسه،بلييز اسوم: نعم ختيه؟ شو اقوله والله بنت عمي وربيعك انفضحوا بشركة ،والحين الموظفات يرمسون عنهم ؟ تريدنه يذبحج،، سيري لااه وديمه: واااي ياا ملاقتج يعني لازم تذكريني،، انزين تراا لازم تحضرين،،ع الاقل تلهيني عن المصيبه ،،هب كيفج اوكيه،، اسوم: والله لو عني ما برد،بس خلووف بيرد لانه ربيعه ، واناا لازم ارد وياه وديمه:لا والله وتقولي لي بعد، عندج حق منو يريد يطالع بويوهم،، بلييز اسووم لاقي لي حل،، وليد ما منه فايده، وميثوه من عرست كله سرحاانه وصايره نفسية عافان الله،، وبنات عمي مستحيل اخبرهن اسوم: شو اسوي يعني؟ الغلط منج كان لازم توافقين ع النظره الشرعية، خلي المستحا ينفعج وديمه بحزن : حرام عليج اناا كارهتنه سااعديني، اسوم: وااي ودووم واايد تحنين، يعني بالله تشوفيني اناا برع البلاد من العله ،،جيف اسااعدج ،، وديمه بيأس: اوكيه غيري الموضوع متى بتردين ؟ اسووم : يهزي روحج للخبر بما ان عرسكم بعد اسبوع ،نحن باااجر راادين وديمه نطت من الونااسه: واااو اسووم بشووفج جيف ضعفتي ،،عاد بتبااتين وياناا،، لحظه لحظه منو قالج ان العرس بعد اسبوع؟ اسوم: ههههه خليفه قالي وديمه بنقمه : يعني انا من ساعه ارمسج والحين فجيتي ها الجوهرة !! ,,,, ،،،،،،،،،،،،،،،،،، ف بيت بو ذيااب ذيااب كاان يالس ولاول مره يمكن من بعد ما ردوا من السفر يتغدا وياا الميث،، مسكينه الميث مستاانسه ،، الميث: إن شاء الله عيبك الغدا؟ ذيااب: الحمدلله زين صحيح خاب ضنها بس ابتسمت : عليك بالعاافيه ذيااب: الله يعافيج رد يطاالع التيلفزون ،والميث تريد ترمس -.- الميث: امم شوو رايك نتعشا برع؟ ذياب عيونه ع التيلفزون (اممم تي في ) خخ : شعنه ما تقدرين تطبخين؟ خلي الطباخ ترا متعود ع طباخه انصدمت الميث وشكت للحظه ان ولد عمهاا بخيل!! بس غيرت رايهاا لان بيتهم ما شاء الله فخم، وحتى عرسهم كاان وااو،هب معقوله بخيل؟وهو يصرف كل ها؟ وبالسفر صرف واايد،، ذياب صد يطالعهاا: ميثا بلاج؟ الميث انتبهت : شو ؟ ما فيني استغرب ذياب من سرحانهاا ،، ردت قالت: ذياب انت بخيل؟ اطالعهاا ذيااب وبعدهاا ضحك:هههههههههههه من وين كشفتي هاا الصفه؟ الميث بطلاقة : انت كل مره اقولك بنطلع نتعشا او نسير نسوق كله تقول هب فاضي ولا خلي الطباخ يطبخ، ما ادري حسيت انك بخيل ذيااب:هههههههه اوكيه فاالج طيب اليوم بنتعشا برع، بس المهم ترضين ولا تفكرين بسلبية استانست الميث واحمرت من الرمسه، عااد هو يالله يرمس وياها ، وهي كله تتلوم -.- ذياب : ترا اخوي خليفه بيرد من السفر، ف يعني انتبهي ليلستج بالصاله ،لو تخليج ف قسمنا يكون اريح الميث: هيه بس خليفه شرا اخويه والحمدلله دوم نسلم ونيلس نسولف وياا بعض ،يعني هب غريب ذياب: الحين انتي معرسه ،وها الكلام قبل تروعت الميث من نظرات ذياب ،هب فاهمه بلاه؟ الميث :انزين ترا اسوم ويااي اهناا ذياب: انتي تفهمين اناا شو اقول؟ ما اريد اشوفج اهناا بالصااله الميث تمت سااكته ،، وذيااب معصب ، يفكر انه ينتقل، او يسوي له قسم خارجي،، ،،،،،،،،، صوب حمدان من عرف ان خليفه بيرد، وهوو يفكر شو بيسوي بأسماا،دخلت عليه اخته مهره،، مهره: حمداان الحين المره الالف اترجااك ترمس مناال وتراضيهاا هو روحه متنرفز: اوهو عليناا، اناا شلي فيها؟ منوو هي عسب اراضيها؟ لا هي امي ولا اختيه ولا حرمتيه ،، مهره نقزت من صووته : انزين انت بلاك ؟عافان الله روعتني حمدان: اطلعي برع مهره: زين ي حمداان ،بتندم وروحك بتي بتطلب مني المسااعده حمدان ابتسم باستهزاء: هههه اناا حمدان اطلب منج انتي شي؟ ارحلي اغتااضت مهره منه وظهرت من الغرفة ،، اماا حمدان الحين لاح ف بااله ليش ما استخدم مهره عسب العب ع اسما، ولا وحده منهن تعرف الثانيه،، هيه هذه فكرة ،، هاا الغبية طلعت زعلانه الحين ،، ما عليه الي اطلبة بيتنفذ وغصبن عليهاا .. ،،،،،،،،،،،،،،، اليوم الي عقبة ،، يرقبون وصول خليفه واسماا ،، وديمه وميثا شالات البقعه ،، وبنات عمهن عاادي وياهن ولا كأن صاير شي،،بس يمكن لانهن متعودين ع سفر خليفه واسماا،، يمكن !! وصلوا بالسلامه ،، وتعشوا ورمسوا ،، وكل واحد راح بيته ما عداا وديمه الا تباات ويا اسووم الليلة ،،بس اليده هزبتهاا قبل لا تروح ،، ومصره وديمه انهاا تباات ،، وديمه: جب انزين فشلتيني يدامهم كلهم ،، واناا الي لاصقه بج ومتفاجأه من شكلج وااي اسووم شكثر متغيره،، واايد محلووه عن قبل،،شفتي نظرات حريم خواني،،؟ ولا فطيم كاانت بتااكلج بعيونهاا ،،وعبدالعزيز ياا عيني ع الحب اسووم زااد الغرور وزادت الثقه ، صحيح ما شاء الله الي يشوفهاا الحين يقول هب هي قبل،، متغيره واايد ضعفت،، وكسبت التحدي ع خليفه وشرا لهاا الي تريده ،،، المهم ضعفت وصاارت كيووت -.- ع قولتهاا ,, اسوم: ادري اصلا من بوني غااويه، وبعدين انتي بلاج ستين سالفه ترمسينها بجمله وحده وديمه: ويه ويه قل اعوذ برب الفلق، سمي بالرحمن عليه،، ما صارت اني ببات ويااج يعني،، اسوم: انزين ، بس ماشي فايده شكلج ما بتتغيرين ,,يالله ابويه اناا تعباانه ومنهد حيلي ،اريد ارقد وديمه: شو ؟لا انا تميت عسب نسهر ونسولف ، لا تستهبلين اسوم اسوم: والله تعبانه ، باجر إن شاء الله بنظهر وبنسولف،، وديمه: عيل اسير بيتناا اطاالع فلم اخير لي اسوم: بتطالعين فلم ولا بترمسين فون وياا احم؟ وديمه: ياا شين الطاري، قسم اصلا ما رمسته ولا مره على الفون اسووم: اوكيه برايج،، تصبحين ع خير وديمه: عافان الله ما صدقت، وانتي من اهل الخير اسوم:ههههههههه لا يعني استهبل اول ما ظهرت وديمه ،، اسوم خذت لها شور ع السريع وانسدحت رقدت،، اماا اوديمه ظهرت تتمشى من بيت عمها لبيتهم اشوي اشوي اونها خايفه ،، وتروعت من شافت وليد يمشي ع مهله بعد ،، وديمه: وليد شو تسوي؟ وليد: ماشي ،،اشش خفي صوتج وديمه: ليش شو السالفه؟ وليد: ادخلي بنرمس داخل، ودخلوا البيت،، وليد :تصبحين ع خير وديمه: تعال شو السالفه؟ وليد: ماشي بس اناا متأخر وقايل لهم بي وبسلم ع خلوف وتأخرت ف المستشفى ، اخاف خالوه تتنازع،، باي\ (ملاحظه : وليد يتدرب صار له ثلاث شهور ك دكتور ف مستشفى ،درس برع بس قطع الدراسه ورد يدرس اهناا بسبب اليده ،اونه ماا تروم ع غياابه تتوله عليه،وخذ دورات تدريبية بس والحين بالنهار ف دوامه رتبة ملازم ،وفليل عندة دورات تدريبة ف المستشفى ،) وديمه:ههههههه حليلك محد ذكرك يوم شفناا اسوم،، وليد صد يطالعها :ليش بلاها؟ وديمه بتمثيل : طاافك المشهد والعاائله فاجه عيونهاا تطاالعهاا مستعيل وليد يريد يرقد : قولي بلاها الله يغربلج بسير قبل لحد ينش؟ وديمه : صاارت ضعيفه،، مثل الخيزراان، ما شاء الله عليهاا ومحلووه حييل وليد: صدق؟ اووه آخر شي توقعته اسوم تضعف خخ وديمه:هههههه بخبرها وليد: لا عاد تدري بهاا امره بتلعن شكلي بنظراتهاا المغترة وديمه: ههههههههه حتى انت ما سلمت منهاا، وليد: يالله سيري باجر بشوفهاا، وديمه: تصبح ع خير، وليد: وانتي من اهل الخير,, ،،،،،،،،،،، نشت اسوم ع الساع سبع وربع ،، ،شاافت فونها شكثر مكالمات ومسجات،، اخ لاه منو هاا المتفيج من فليل الين الحين يدق؟؟ بالعاده هي ما ترد ع الارقام الغريبة ،بس بعد ما قرت المسجات ×× مضطرة ترد،، ردت اتصلت : نعم؟ ...........: الحمدلله ع سلامتج، اسوم: اخلص شو تريد؟ ..........: افاا هذا رد تردينه للي يسلم بج اسوم:وبعدين؟ .........: ترا هب من الذوق ها الرد، اسوم: خليت لك الذوق، .........:الظاهر كل يوم يطول لسانج اطول عن الي قبله،اسمعي انا هب ميت عليج لكن كل الي اقوله بتسوينه غصبن عنج اسوم تنرفزت من نبرة صوته: انت هي لا تهدد، كم تريد وتنجلع ..........: هههههههههه بعدج تساومين؟ ارقبي مني مسج بلي اريده بدت تستخدم اسلوب التظنز: هيه طبعا ما تروم تقول بتطلبه بالمسج ياا استاذ حمدان ، تشحت بالمسجاات ، يا ترا كم وحده شحتت منهاا باسلووبك الرخيص هذا؟ عصب حمداان :تدرين لو اناا مجاابلنج الحين بتعرفين جيف ترمسين ياا الدرام رغم انهاا كاانت معصبة لكن لفت للمنظرة وهي تطاالع رشااقتهاا وجسمها الي يذبح ابتسمت وبصووتهاا الي كله رقة وهمست: وتدري لو مجابلني ما بترمس،هههه ولا اقولك خلني ساكته ، حمدان ما فهم قصدهاا ذبحه صووتهاا وانهاا المكاالمة،،فر الفوون ع البااب، ومسكة بطي المسكين ههههههههههه كاان دااخل،، بطي: هاها شوو صاار؟ حمداان مغتااض كيف اثر عليه صووتهاا : جب ولا كلمة بطي يطاالعه متنح: نعم اخوي شو جب؟ شخصني بالموضوع؟ حمدان: يعلهاا الدماار ، بطي: حمدان بلاك؟ شصابك؟ التفت حمدان لبطي وبيده الفون: عطني الفون بطي بآآلية : اتفضل يا استاذ حمق حمداان ورااغه من المكتب وهو يتذكر كلام اسووم -.- هدي ياا استااذ حمداان ماا يصحش كيداا خخخ ،،، اسماا بعدهاا معصبة من المكاالمة وجيف سمحت لنفسهاا ترمسه جذه!! اااخ ي القهر آخر شي ايي هذاا الحقير ويهددني اناا ؟ ما عليه صبراً جميلاً،، اناا اكثر وحده باارد دمهاا،بتشوف يا حمدان،، قطع سرحانهااا صووت الفوون يعلن عن وصوول مسج!! المرسل طبعا حمدان !! (تعالي مول ........،، المسا ع الساعه 10 ،ف كوفي...........،إن تأخرتي ي ويلج..) اسووم تقراا وعيوونهاا تحمر من العصبية ع آحر جملة من المسج ،هذا بعده يهدد،، منو يتحسب عمره ،، واصلا جيف اظهر من البيت فليل واروح المول؟؟ ش الحل؟ اتصلت ع وديمه ،وديمه ماا ردت ،، نزلت تحت صوب قسم الميث وذياب،، بالاول دقت ،، قالت لهاا الميث انهاا بالمطبخ وذياب راح دوامه،، دخلت ويلست ،، الميث تطالعهاا: صبااح الخير ياا حلوه اسوم: من وين بي الخير والحقير حمدان رد يتصل عليه ويهدد،؟ يلست الميث حذالها: هدي اسوم، بلاج؟ البارحه وصلتي واليوم دق؟ اسوم: جيف اهدا؟ مطرش لي مسج اونه شو تعالي المول الساع عشر فليل ،،ميثوه شوفي لي حل،مستحيل اروح له المول فليل وبروحي بعد، فكرت الميث اشوي وقاالت: هدي اشوي، بندق ع ودووم بنخليها ترمس بطي يرمسه،ويلقى حل لها المهزله اسوم : ومن متى ودووم ترمس بطي؟ الي اذكره تقول امرره ما تريد تسمع صوته. الميث: بنقنعهاا ترمسه،هو ريلها وهب حرام ترمسه اسوم:ما اريدهاا ترمسه عشاني، انا اصلا ما اريد حد يعرف ،بينشر الخبر بعدين،ماا اريد حتى افكر شو بيستوي لو عرف ذياب ولا خليفه،، ياا رب افتك منه ومن مشااكله الغثيث الميث حزنت ع اسوم وهي روحهاا ضايقه من حالها وياا ذياب: الله يعينج ويفكج منه، اسوم: المسا شعندج انتي وذياب؟ الميث: كالعاده يرد يتعشا ويرقد واحيانا يكون متعشي، اسوم اتذكرت المشكلة قبل العرس وبخاطرها تقول مستحيل ذياب يعرف،عيل شعنه يعاملها جذه؟ الميث: اسوم ع شو ناويه؟ اسوم:ماشي، ألا بتخبرج ذياب جيف وياج؟ توترت الميث وحاولت تبين انها مرتاحه: الحمدلله وذياب هب مخلي عليه قاصر انتبهت ع توترهاا ولاحظت التغير ع ويهها من طرت ذياب: يعني انتوا كله ف البيت ما تظهرون برع؟ تتمشوا تتغذون تتعشون برع؟ماشي ؟ الميث تحس انها بتصيح : ههه وي اسوم بلاج؟البارحه واصله واليوم مستويه ام لسان الي تتخبر عن حالنا؟ اسوم: لا هب جذه،لكن يوم كنتوا مسافرين واضح عليكم هب مستانسين، الميث خبريني اذا ذياب مضايجنج؟ انفجرت الميث بالصيااح وكأن اسئلة اسوم كانت تأذن لهاا تصيح ، بالبداية تفاجأة اسوم: حبيبتي ميثوه بلاج؟ كانت الميث تشااهق من الصياح ،،واسووم تهديهاا،،خليفه الحين نش وكان بيظهر ،،سمع الحشرة ف المطبخ،رااح يتحسب اسوم تضارب ويا الشغالات ،لكن سمع الميث تقول ..... كان يطالع ظهر الميث الميث من بين صياحهاا: اناا......................... ،،،، شو بتقول الميث؟ وشو بيسوي خليفه ؟ ارقبوني بالجزء 7... | ||||||||
|
| |
|
02-06-15, 02:08 PM
| #9 | ||||||||
| مراقبة عامة ومشرفة منتدى الروايات المنقولة
| لا تلهيكم الروايه عن الصلاة ،،لا اتحمل ذنب اي شخص يقرأ في وقت الصلاه .. ـــــــــــــــــــــــــ ــــــــــــــــــــ الجزء 7 ـــــــــــــــــــــــــ الميث من بين صياحهاا: اناا تعباانه،هب قادره اتحمل اكثر ،،،وردت تصيح وتكمل: ذيااب هب مهتم فيه،،، دخيلج دخيلج خبريني عمي غاصبنه عليه؟ اسوم تطاالع خليفه ورا ميثاا وتأشر له يروح، واخير فهم ووقف عند البااب،، اسوم: خلاص هدي اشوي،، اندوج اشربي ماي اشوي،، بس اشوي دقايق وهدت الميث،، عيونهاا ووويهها محمر من الصيااح،، صاارت ترمس وكأنها هب حاسه بعمرهاا وتسرد الاحداث والكلام الي يقوله لهاا ذياب من تزوجوا الين اليوم،، انه هب واضح عليه انه مستانس بزواجهم وهب مرتااحه وياااه، ويتعامل وياهاا برسمية،وكأنها وحده من موظفااته ف الشركة ،،وووووو انهت كلامهاا ب: اسوم اناا ما اروم اصبر اكثر من جذه،، طول سفرناا وهو يتحوط وانا ف البيت،الا اذا كنا بنمر عليج انتي وخليفه،، ورديناا وهو امرره هب ويااي،ف رمضان بالنهار بالشغل الظهر يرقد العصر يطلع ويرد نص الليل ،حتى بالعيد تصدقين انه ما سلم بي ،الي ثاني يوم فليل واناا الي سلمت به ،،، احس عمري اترجااه عسب ييلس ويااي او يرمس او حتى ياكل ويااي،، وف عيد الكبير يدوه كانت تسأليني يدامهم كلهم وينه ذياب؟ قلت لهاا راح عند ربعه واكيد بيي،هو مخبرني بيسير بيسلم ع ربعه،تفاجأة انه ف الميلس وياا يدي وابويه وعمي ،، والله اني تفشلت ويلست تهزئني اني جذاابه وهب عاارفه عن ريلي ، اسوم: ميثا، وشعنه ما خبرتي حد ؟كل ها شالتنه ف قلبج؟ الميث: لمنو اقول؟ ابويه تعبان من قلبة،، واميه روحهاا تعبانه بين اخواني وحريمهم،،ووليد،، و وديمه صاارت ما تسمعنيي وكله تقولي صايره نفسية ،،لمنو اقول؟ خليفه بعده وااقف وخاانته دمعه ،، حس للحظه ان ذياب يدري، عيل شعنه يعاملهاا بهاالطريقة؟؟ رد غرفته مفوول من العصبية ع ذياب، لو ظهر بيكسر ذيااب، وهو ما شاء الله عليه جسمه رياضي وعضلات واضخم عن ذياب مسكين جسمه ع قده هههههههه،، يت الشغاله تركض لاسوم: مس اسما ،سير كليفه كسر اراض اسوم فجت عيونهاا: شو؟ ااا قصدي ووت؟ الميث مسحت دموعهاا ونشت مجاابلة اسوم: اسووم بلاه اخوج؟ روحي له بسرعه،، مشت اسووم سريع متوجهه لقسم خليفه،، دقت الباب ودقت ودقت، وهي تسمع الحشرة والتكسير دااخل،، اسوم: خليفه ،،،خليييفه فج الباااب خليييفه صاار لهااا دقاايق هي والميث ياالساات يرقبنه يفج البااب، واخيرا انفتح الباااب،،،،اول ما شاف ميثا نزل راسه وعطاها ظهر ، الميث: خلاص انتي ادخلي شوفيه وانااا بخلي الشغاله تييب لج ضمادات وماي بارد،شكله ايده وايد تنزف،، اسوم دخلت بدون ما ترد عليهاا، خليفه صاار يصاارخ ع اسووم: ليش اخووج يسوي فيهاا جذه لييييش؟ لاول مره اسووم تشووفه جذه يصاارخ ومعصب،، وااضح القهر والغيض بوويهه،، حااولت تهديه،، والحمدلله هداا اشوي اسوومكدة من شي بس تريده يرمس : انت شو تسوي؟ خليفه هب انت قايل لي انك نسيتهاا خلاص؟ شوو صاار الحين؟ شو الي جلب حاالك؟ خليفه تنهد يحس بغصه :دخيلج اجلي الكلام هب وقته، دخلت الشغاله وبإيدهاا شنطة الاسعافات ،عطتهاا لاسوم وظهرت ,, اسوم: مسكينة الميث تروعت من شكل ايدك،، نااظرهاا خليفه بحزن،، وبدت اسووم تعقم جروح ايده مع انهاا متقززة من شكل ايده،، اسوم نشت يابت مااي من الثلاجة: انت مينون حد يسوي بعمره جذه؟ خليفه تألم : اشوي اشوي ع ايدي يآآلم اسووم:الحين يآآلم،! قبل اشوي تكسر،، اطالعت اسوم الغرفة حوليهاا كل شي متنااثر ومتكسر: وااي غميضه الاثااث وهاا المزهرياات الانتيكه حراام جذه ضحك خليفه ع حركاات اسووم : بلاج العيوز؟ماا اذكر شي يهمج شي يروح عشرة بدااله؟ اسوم: هيه بس بعد اذكر ها الاغرااض ابويه شارنهاا من آخر سفره ،رحمة الله عليه خليفه:الله يرحمه ويغفر له ،، إن شاء الله خير،، وانتي خلصي ايدي بسرعه اسوم: لحظه اشوي،اصلا لازم تسير المستشفى ، شوف جيف بعدها في قطع غرش ، وااي خلوف تقزز، خليفه: عطيني اللف ،وبسير المستشفى بيسونها اخير عنج اسوم: ومنو قالك اني دكتورة؟ دخلت الشغاله: مس اسما ،،مدام ميسا يريد اسوم: اوكيه صبري اشوي،وبعدين اسمها ميثا هب ميسا خليفه: سيري لا تخلينهاا تترياا،، اسووم ابتسمت : ياا ويلي عليك ساارت اسوم،، ألا تتفاجأ بوليد وياا الميث (ملاحظه:كتبتهاا قبل الميث اخت وليد برضاعه) الميث: قلت لوليد،ادري بج ما تعرفين لضمادات خليه هو يعقم ايد خليفه اسوم : صح ما اعرف ،بس ما له داعي خليفه بيروح المستشفى وليد خطف من حذالها بيدخل الغرفة : اناا بشوفه اذا له داعي يسير المستشفى بيسير اذا ما له داعي اناا بعقم له وبنلفه له اليرح،، اغتااضت اسوم الظاهر الدكتور وليد يفرض رايه دووم،، اسوم: انتي شعنه خليتيه ايي؟ الميث: هو عادي عنده،ما كان بعيد قبل اشوي ظاهر، اسوم: اقصد ان خليفه ما يريد حد يعرف الميث: وهو شو السبب الي خلاه يسوي جذه؟ اسوم بخاطرها انتي السبب وردت بكل ثقة: معصب من شخص وظهرت عصبية ع الاغراض، الميث ع نياتهاا امره ما شكت بشي: اهاا، بس عاد هب كله مره يعصب يكسر كل شي، ههههه الظاهر انكم كل يوم تغيرون اثاث غرفته اسوم: لا خليفه هب عصبي، بس احياناا تفلت اعصاابه،يعني الانسان ما يروم يقبض اعصاابه دوم الميث: عندج حق، عيل اناا بنزل تحت تعالي ويااي، اسوم: لا بسير غرفتيه ،دقي عليه يوم يروح اخوج الميث لاحظت التوتر الي دوم يصير بينها وبين وليد وما حبت تعلق: اوكيه ع راحتج وليد ما شاء الله ضمد اليرح ويلس يرمس وياا خليفه،، خليفه:اسمحلناا عبلناا عليك وليد: يا رياال شو العبااله؟ الحين لفة يرح بتعبني، الا ما قلت لي شو سبب التكسير ها؟ خليفه: ماشي كنت معصب من شخص ومثل ما تشوف ظهرت العصبية بالاغراض وليد: والشخص ها مهم وايد؟ خليفه الظاهر بينكشف: هيه مهم،، ابتسم وليد سلم وظهر،، تحت شااف الميث يالسه ف الصالة ،، الميث: خلصت؟ وليد: هيه ،بلاج؟ كانت تتصل : ماشي،، اسووم تعاالي خلاص راح ,,,,,,,,,اوكيه وليد: بلاها الشيخه ؟ ما تريد تنزل الين اروح؟ الميث: انا ملاحظه ها التوتر امبينكم، بلاك ع اسوم؟ حرام عليك لا تيلس تآذيها، هي روحهاا هب ناقصه وليد: وشو سويت لها؟ شو ضرورة ها الكلام؟ الميث: وليد عاد هي ما قالت سويت لها شي،بس كل مره تتلاقون احسكم اشوي بتتصافقون من كثر نظرات العصبيية امبينكم وليد: ههههههه اتصافق ويا منو؟ وياا الدرام ،؟ سيري لاه، اناا اريد عمري ولا بعد اخاف تفعصني ههههههه، الميث: ما شاء الله كل ها العضلات وتقول بتفعصك؟؟ الظاهر انك ما شفتها عدل؟ الحين وليد اتذكر كلام وديمه؟ صح اناا ما انتبهت عليها ؟؟ وليد حب يطول الموضوع عل وعسى تنزل اسوم ويشوفهاا : وشعنه اشوفها؟ تراهاا ألا اسما الدبه ام كرووش الميث: ياا حبك لتعليق وجرح المشاعر،، خلنا من موضوع اسوم، قولي شو ايد خليفه الحين اوكيه؟ وليد: الحمدلله ما فيه شي، اليروح سطحية،، يالله اناا تأخرت ع الدوام ،فمان الله يا البخيلة حتى قلاس ماي ما يبتيه لي تلومت الميث : ووييه اثرك هب غريب،وبعدين انت ما قلت تريد شي وليد كان متوجه للباب وميثا وراه: يعني الضيف يطلب؟ الا ما اقول غير الله يعينك ي ذياب؟ الميث ارتبكت من طاري ذياب ،،سلمت ع وليد،راح وهي ردت ،،بخاطرها غريبة وين راحت اسوم؟؟ اسوم فوق سمعت الرمسة،، وكلام وليد عنهاا دبه ودرام -.- بخاطرهاا لهدرجة انا هب عاايبة حظرة جناب الملازم !! ما عليه ان ما خليتك تندم ع ها الرمسه بتشوف ي وليد؟ ،،،،،، راحت اسووم صوب يدتهاا ،، بما ان اليد احيانا يظهر ويا ربعه الشواب،، استانست على ييتها وسوالفهاا ويااهم ،،ووليد بعد كان ويااهاا يالس وليد كان صدق مبهت من اسما متغيرة حيل : يوم قالت لي وديمه، تحسبتهاا تخرط،اثاري صدق، ما شاء الله عليج, اسووم تطنز عليه لان تذكر كلام ودوم انه يريد يكون دكتور بس في اسباب منعته : شعنه ي حضرة الدكتور هب عايبتنك يعني؟ وليد مسك اعصاابه : اولا انا هب دكتور،ثانيا هب موضوع عايبني او لا ، بس القصد ان عندج اراده ،، اسوم اغتااضت منه : هيه الحمدلله ،، اقوول يدووه انتوا جيف كنتوا عايشين بدوني؟ مسكينه العيوز احيانا تسمع واحيانا لا : والله اني متوله عليج ، وكل يوم اسال عنج،الا وليد يدق ع خليفه وارمسج وياه وليد فاج عيونه: وايد مصدقه عمرج ترا اسوم بصوت خفيف: طبعاا ،يعني انت الي تتصل؟ وليد يطنز عليها :شو اسوي ؟قلت اسوي خير بيدوه وادق عليكم ام احمد: هيه فديته ربي يحفظه ، هو الي ييلس ،ويسولف ويااي، اسوم ناظرته بغرابه: بها السرعه خليت يدوه تحبك؟ وليد بنفس النظرات: ما اعتقد فيها شي، واناا احبهاا شرات يدوه بالضبط اسوم: هيه واضح وليد احيانا يغتاض من اسوم،لان واضح انهاا متكبره عليهم،،بس هو باعتقاده انهاا تخفي شي وراا تكبرهاا وثقتهاا العالية بنفسهاا، لانه هو بعد فقد اهله شراتهاا، اكيد ما تريد حد يشفق عليهاا،، وليد: يدوه تريقي ،ما اشوفج تاكلين شي؟ اليده: فديتك اناا آكل، الا انت غادي تعبان ما تاكل شي، اسوم بدت تنغزة: لا يدوه خلي الدكتور ع راحته ،تدرين بعد الدكاترة مسوين لهم لسته خاصه بالاكل وليد فاهم عليها : لا شو لستته ، الريوق اهم وجبة والحمدلله ان ما اقصر ف الاكل الصبح-.- اليده ماا تفهم عليهم : اسما اميه اكلي لج لقمه ،انتي من رديتي واناا اشوفج يلد وعظم،، وليد كتم ضحكته واسووم مغتااضه: يدوه عااد هاا يسمونهاا رشااقه هب يلد وعظم،،بعدين بتريق وياا خليفه، اخااف تظهر لي كروش من ها الريوق وليد انتبه ع الكلمة وبين انه عاادي ،،مع ان اليده ردت وتمت تقنعهاا تاكل،، طبعاا غصبن عليهاا تريقت ويااهم بما ان لها ااكل خاص بسبب مرضهاا ،لان وليد فرض راايه ع اليده وخلاهاا تتريق وطبعاا ع اسوم بعد ،، اليده واسوم كانوا يرمسون ،،ووليد يفكر باسلوب اسوم،،، بعدها ،وليد راح دوامه واسوم ردت بيتهم واليده تمت بريحاتهاا .. ،،،،،،،،،،، صوب بطي ،يالس ف مكتبة يرقب خليفه يمر عليه ،، كل مره يريد يتصل عليها يتذكر كلامهاا مع وليد؟ ويااكل عمره من التفكير والشك؟ ما انتبه ع خليفه سلم ويلس ،،وهو بعده يفكر جيف ؟وشعنه؟ دق خليفة الطاولة: ياا هييي بطييي وين وصلت؟ بطي: هلا متى دخلت؟ خليفه رفع حياه: نعم اخوي؟ انا سلمت ويلست وانت امرره هب وياي بطي: خلك مني ،بلاها ايدك؟ خليفه: يرح بسيط،الا ما قلت لي بمنو تفكر؟ بطي: يرح بسيط وانت لاف ايدك جذه؟ خليفه:الا تنكد خلاص قلت لك بسيط بطي : وها اليرح البسيط شو سببه؟ خليفه:استغفر الله ،شوو ها الحالة خلصت من الي ف البيت ظهرت لي انت؟ بطي:خليفه بلا لف ودوران اصلا شكلك تبا تقول، ياخي قول خلصني خليفه نش يمشي ف الغرفة : شو اقولك؟ معذبنها يا بطي؟ هب مريحنها ابدا، من تزوجهاا وهي هب مرتااحه ويااه،، كاانت تصيح وهي ترمس وياا ختيه،وتشكي لهاا عن حالها ويا اخوي،، ماا تروم تصبر عليه،خلاص ما تروم ،اناا اعرفهاا هي انساانه حسااسه،واخووي جاسي ماا عنده هاا الاحسااس، بطي: بالهون عليه،هب فااهم منك شي، الحين انت جيف عرفت كل ها وانت البارحه واصل؟ تنهد خليفه بغيض: اقولك سمعتها ترمس ختيه،، بطي: واليرح بسببها؟ لايكون تضاربت ويا ذياب؟ خليفه: لا ، من سمعتهاا التصيح ما قدرت اتحمل كنت اريد اضرب اي شي يدامي وكسرت اثااث غرفتيه بطي فج عيوونه: ول العثرة،، قم قم خلنا نظهر عن تكسر مكتبي خليفه:ههههه الي تعثر العدوو، احسن بعد خلنظهر بدل ها الكتمة ظهروا ،وخليفه مسترسل بالرمسة ،، ومن ناحية بطي ،قاله ان ذياب يعرف وياا وسأله وهو بييين انك نسيتهاا،، خليفه: والله كنت حاس بطي: اسكت انت واحسااسك، هذا هو الي ضيعك،اصلا انا ما اصدق واحد مثلك تطيح ها الطيحه خليفه: جيف يعني واحد مثلي؟ بطي: يعني دبلوماسي تشتغل ف السفاارة ولا عضلات وحركات ،وآخر شي يقولي احسااس، المفروض تكون ثقل ورزاانه، انجلع زين خل يفيدك االاحساس يوم بتخسر اخوك واهلك، خليفه:تطنز حضرتك؟وشو فيها العضلات يعني تخلي الانسان بدون احسااس؟ بطي: هب جذه،لكن الي يشوفك يقول انت الجاسي واخوك الحساس،ياا بو قلب رهيف، خليفه: بطي هب ناقصك انت بعد،، كفايه ختيه طاايحه نصاايح الين فجرت راسي، مع انهاا هي الصغيرة ،، بطي: ونعم الاخ الكبير،، انف عليك ، بدال ما انت الي تنصحهاا هي الي تنصحك ياا البقرة خل عنك المشااعر والاحسااس وفكر بمنطق خلاص الحين هي حرمة اخوك ، خليفه:البقرة حرمتك،وبعدين انا قايل لك من يوم ملج عليها واناا حتى ما صرت افكر شرا قبل بطي:احترم نفسك ما يخصك ف حرمتيه خليفه:ههههههههه الحين خلينا الموضوع وترمس عن بنت عمي ،اسمحلنا الشيخ ،ماا بنغلط عليهاا ،، تنهد بطي: انا ارمس جد خليفه حرام الي تسويه ف عمرك، خليفه باستهبال: شو اسوي ترا رخصت بنت عمي لك،خلاص دامك ملزم عليه عرسني باختك بطي حس بتأنيب الضمير والحرج من خليفه اتذكر يوم الخطبة كان في همسات وان خليفه رخصهاا وووو ورد بسرعه :تم والله انهاا اليوم تصير حلالك امرره خليفه اتفاجأ: بطي استغفر ربك شو تقول،ها عرس هب لعبه،انا كنت استهبل،وبعدين البنت لهاا رايهاا بطي تم سااكت خليفه من اللوامة :والله نسبك يشترا بالغالي،لكن بعد البنت لها رايهاا، بطي: انت اخطب والبنت بنشاورهاا لا تحااتي خليفه تنهد : بس انت تدري ي بطي بحالي ، يعني لا اتي بعدين وتلومني بطي: ادري ادري،وإن شاء الله بتنسااهاا، خليفه صاار يفكر جيف جذا بسرعه صار كل شي؟؟معقوله آخذ وحده غير الميث!! استغفر الله شو اقول شو اخربط واناا اتكلم عن حرمة اخويه،، بطي بعد كاان يطاالعه وهوو يفكر جيف بيفتح الموضوع مع امه واخته؟ بهاا السرعه يعني ؟ ولا يفتحه مع حمدان يمكن هو يريدها!! من البداية كان حمدان واضح ،،ودووم يقوول مأجل فكرة العرس؟؟ ،،،،،،،،،،،،، عقب المغرب كاانت اسوم تخبر وديمه ، وتقنعهاا تتصل ع بطي ،عسب يرمس ولد عمه ،، وديمه:مستحيل تعرفين شو يعني مستحيل،، الميث: يعني اسوم دوم تلبي طلباتج ولا مره طلبت منا شي والحين تردينهاا اسوم: خلاص خلاص ما اريد شي،، اناا بروح الليلة وبنهي كل ها المهزله الي مسوينهاا حضرته، وديمه صااخه متلومه من اسوم،، الميث: لا والله وبتروحين بروحج؟ اسوم: بشل الشغاله ويايه وديمه:خلاص انا والشغاله بنسير ويااج الميث: زين طلع منج شي وديمه :صخي انتي،، اسوم اوكيه؟ اسوم تطنز ع وديمه : وبطي بيسمح لج تظهرين فليل؟ وديمه: اناا بترخص من ابويه،، وهو بعده ماا صرت ف بيته عسب يتحكم بي اسوم: انزين، وصدت لميثا: ميثوه متأكده ما تريدين تظهرين؟ الميث: لا خلاص اصلا ذياب بيي تعبان يعني بجهز له العشا وديمه: ويي يا ذرابة ختيه ، اقولج تراه كان عايش جذا قبل زواجكم،فعادي اذا خليتي الشغالات يهتمن فيه اسوم لاحظت ارتباك الميث: خلاص ودووم خليها شخصج انتي؟ هي وريلها كيفهم، وديمه: زين ما قلنا شي ،، دخل ذيااب ،اول مره ايي من وقت،،سلم ويلس،، اسوم:ذياب اناا بروح المول وياا وديمه تريد تتشرا اغراض ذياب : زين حتى اناا ياي من وقت عسب نتعشا برع،دامكن بتسيرين ،بنروح سوا اسوم تطاالع بنات عمهاا كلهم توترو: لا لا اصلا وديمه تري تخلص زهاابهاا وتريد تسير مول____ وانت ما اداني تسيرة ،ف انا اقول انت والميث سيروا اتعشوا سوا ما بنخرب عليكم ونحن ترا بنروح وياا كريم والشغاله، ذياب يطاالعهاا واطاالع وديمه الي بتنفجر من المستحا : زين بس ما تتأخرون، اسوم واخيرا خذت نفس: يعني ع الساع عشر ونص بنرد ذياب اطالع سااعته بعدهاا سبع وخمسين دقيقة المسا: نعم؟ من الحين الين عشر شو بتسون ف المول؟ اسوم بدون ما ترتبك : تدري يعني وديمه عروس وتريد تقيس فستانهاا،،والمصممه قالت لها بتي السااع 10 لانها سايرة بوظبي عندها شغل جنه،،ويمكن ما تحصل موعد ثاني عندهاا،عسب جذه،اصلا نحن بنسير ع السااع تسع ونص المول ذياب ابدا ماا شك بشي،خصوصاا انه يثق بأسماا حتى يمكن اكثر عن روحه،، يعتبرهاا كل شي عنده،، ذياب:اوكيه بس اول ما تخلصن تردن أسوم:إن شاء الله نش ذيااب متوجهه لقسمه،،وتبعته الميث،، وديمه: والله اني قبضت قلبي من قال انه هو بيوصلناا،، انتي شو من قلب عليج اسوم منقهره من العصبية : اخ بس عمري بحيااتي ماا جذبت ع حد ،اخوااني وااثقين بي لآخر درجه،،واناا اجذب بسبت الحقير الي ما يتسمى وديمه: لا ما عليج ما جذبتي اناا اصلا كان عندي موعد اقيس الفستان باجر بس ما عليه بنسير اليوم وشو المشكلة،،الين تخلصين رمسة مع حمدان اسوم ابتسمت: صدق بهذي ساعدتيني،، يالله خلينا نسير نجهز الميث لطلعه وديمه: جيف وذياب ويااها؟ اسوم: خلاص انا بتم ارمس وياا ذياب وانتي عدلي الميث،عااد خليهاا تحط ميكب حاد اشوي عسب يبرز جمالهاا؟ وديمه: افاا عليج اعتمدي،،بس لحظه بتصل ع اماايه بخبرهاا اني بروح ويااج،، اتصلت وديمه ع امهاا وخبرتهاا وطبعااا بالزور الين رضت امهاا،،لانهاا بتسير وياا اسووم اوكيه هب مشكله،، زقرت ذياب ورمست ويااه الين تتجهز الميث،هو اصلا ما خبرهاا قبل لا ايي، خلصت وظهرت ووياها وديمه بعد،، ذياب يطاالع الميث باستغراب اول مره يعني يشوفهاا بمكااج من بعد عرسهم ،،دوم تحط جحل بس،،الميث المسكينة متلوومه منهم حيل ومن نظراات ذيااب المتفحصه،، اسوم: احم احم ذيااب تراا صاارت ثمان ونص وانت لين الحين ماا تحركت ذياب: هاا،،اوكيه ،يالله تحملي بعمرج ومن تخلصون ردي، اسوم ابتسمت ع ارتبااكه:إن شاء الله ،الله يحفظكم رااحواا ،، اسوم: انت يا الينية شو سويتي ف اختج عسب تيننين اخوويه جذه؟ وديمه باستهبال:ههههههههه اشويت ميكب ماا يضورش يا اختي اسووم ضحكة برقة معتاده:ههههههه اسميج عله،، وديمه اونهاا تمثل وطااحت ع الكرسي : آآه آآه بس لو اناا رياال جاان طرت فيج،، عماا بعيوونهم ماا يشوفون ها الحلا ويخطبونج ونخلص منج عااد اسووم زاادت الضحكه:ههههههههه يعلج يا ودوم من وين تيبين هاا الجلام المعفن،، خلاص صخي خلينا نفكر بمصيبتناا،، وديمه: ويه يا حبج لنكد،بتسيرين بتشوفينه واغسلي شراعه خلصت القصه،، اسوم: جاان زين مثل ما تقولين ،، ياا ربي شو يريد الحين؟ التدريب وانسحبت منه شو يريد مني؟ وديمه: الا ع سيرت التدريب؟هب نااوية تكملين عسب شهادة التخرج ولا شو؟ اسوم: لا هب ناوية وياليت ما تفتحين ها الموضوع وديمه:اسووم حراام عليج ،يعني درستي ثلاث سنين وع آخر شهر تدريب خلاص ما تريدين؟ حرام سنوات الدراسه والتعب اسوم : كله بسبته الحقير، ولا اناا الحين اعتبر خريجه مثلج ،،يالله نشي خلينا نروح،ع الاقل اتعشا قبل لا اشوف وييه السم وتلوع جبدي وديمه: بتتعشين اهنا ولا؟ اسوم: ما عليه يوم واحد بناكل من برع ما بيضرني اعتقد، وديمه: اسوم صحتج هب رهاان تتحادين عليه؟ اسوم: اوهو وديمه عاد،كل حد من صوب ينصح،اناا اعرف اني بخير خلاص، بشرب عصير ولا كوفي،يالله تحركي،، نص ساعه وخلصن،، ظهرن من البيت ،متوجهاات لمول ___،،وصلن ااسماا شربت لهاا عصير مثلج بس لانهاا متوترة وماا تريد تحسس حد بشي ما ادري شو ووديمه تنصحهاا وهي لا حياة لمن تنادي!!! وبعدهاا توجهن للمحل الي به فستان وديمه ،، قايست الفستان واسوم شافت لهاا كمن فستاان قايسته مع انهاا شارية من برع بس عسب تمشي الوقت ،، كاانت تطاالع وديمه: ع فكرة يجنن عليج،، وديمه:احم شكرا شكرا ،، اسوم: ههههه ويه ودووم اول مره اعرف انج تتلومين صدق؟ وديمه : جب ياا الدبه اسوم لفت : شخبااري دبه ، اياام مضت هههههه وديمه: ياا عيني ع العربية ،، رن فوونهاا،،،، ،،،،، ،،،،ردت وكاان الاخ حمداان يقولهاا تعاالي عند الباركناات،، اسوم: ودووم اناا بظهر عند الباركنات الاخ يقولي تعاالي،، وديمه: اوويه اسوم لا تتأخرين وعن تخلين الدريول يشوفج اسوم: تمام لا هو عند الباركنات الصوب الثاني،، يالله بااي من اخلص بدق عليج عسب نسير اوكيه؟ وديمه: اوكيه،، ساارت اسووم تمشي بكل ثقه وغرور،، والساير والراد يطاالعهاا بنظراات اعجااب،، الين وصلت عند الباركنات،،شافته وااقف ،ووقفت عن واحد من الاعمده ،،طرشت مسج له،، تمنت لو تتغشا ،فكرت شو بيصيبها بعد ماا شربت العصير المثلج واليوم الصبح يايتنهاا نوبة الربوا،، تراجعت عن الفكرة وهي تشوف حمدان يااي صووبهااا ونظراات الاعجااب والاستغراب بعيونه !! رسمت بسمه الي بيشوفهاا بيقول بسمه من قلب،، حمدان وصل يدامهاا وهو ينحت بمخه كل تفااصيل وييهاا وجسمهاا،للحظه تنح يتأكد من الي يشوفه : مرحباا السااع،، اشحاالج؟ عسااج بخير؟,,,, تصدقين تولهت عليج اسوم خذت نفس تحس كل شي ثابت حولهاا: تفضل شو تريد اخ حمدان؟ حمدان يريد يحفظ ملامحهاا بعد التغيير الي صاار : لا لا بها السرعه وبدون ما تريدين السلام ولا تسألين عن علومي؟ ماا حبيتهاا منج؟؟ اسوم اغتاضت منه :خلصني ترا وقفتناا غلط يدام الخلق حمدان يحااول يهدي قلبه: لا والله وقفتج غلط وانتي ما شاء الله عليج واقفه مع فلان وعلان،،وف الشركة يدام الموظفين،شو تسميهاا هب غلط؟. صخت اسوم وهي تطاالع الي وراا حمدان ،حست خلاص هذه نهااية كل شي ،بتخسر الثقه وبتخسر ..........،، حمدان تفاجأة بلاها صخت، التفت يطالع،: بلاج! روحه تصنم يوم شاف ...................... ،،، شافوا منو؟ وشو بيصير ع اسوم؟ ،،، ارقبوني بالجزء 8 .... | ||||||||
|
| |
|
02-06-15, 02:13 PM
| #10 | ||||||||
| مراقبة عامة ومشرفة منتدى الروايات المنقولة
| لا تلهيكم الروايه عن الصلاة ،،لا اتحمل ذنب اي شخص يقرأ في وقت الصلاه .. ـــــــــــــــــــــــــ ــــــــــــــــــ الجزء 8 ـــــــــــــــــــــــــ ــــــ ** احرص توهق تجرح الناس بالهمس يجرحك من به عنفوان وشراسه وكانك تشيل بشنطتك حقد قبل امس يجيك واحد شنطته فوق راسه وكانك جديد توك متعلم الدرس حنا عرفنا الدرس قبل الدراسه *** روحه تصنم يوم شاف بطي وياا خليفه ناازلين من السيارة متوجهين صوبهم؟ لا لا هب صوبناا صوب البااب،، بسرعه لصقهاا بالعمود ووقف مجاابلنهاا مااشي امبينهم مسافه ابداا،،، اسوم تحاول تبعده عنهاا : انت شو تسوي ي حقير؟ حمدان قبض ايدهاا :اششش جب مثل ما انتي ما تريدين اخوج يشوفج اناا ما اريد ولد عمي وشريكي يشوفوني وياج،، اسووم تحس عمرهاا بتختنق من ريحة عطره الي ترست رااسهاا،، هي روحهاا هب بخير اليوم،،وحمداان قلبه بيفضحه اذا اقترب اكثر،،يطاالع عيونهاا ما يدري يحس مغناطيس يجذبه لهاا ،تعوذ من ابليس اكثر من مره ،، متغيرة حيل احلى عن قبل بوييين ،يخرب بيتهاا جيف صايرة، بطي صاار يعلق لانه يشوف رياال لاصق بحرمة جذه يعني بس الي يشوفونه ظهر حمدان: شوف شوف اهناا الحب،هب شرااتك صاير تلوع بجبدي بكلامك عن بنت عمك خليفه عصب من الموقف : اخ لا شو ها المذهب ،صدق ما يستحون يدام الخلق وهم واقفين جذه ، والله انهم مضيعين المذهب بطي :شراتك بعد شو،مضيع المذهب ،تفكر ببنت عمك الي تزوجت خليفه: بطي يرحم والديك صخ دخلوا المول،،حمدان يطاالعهم دخلو صد يطاالع الي تلامس صدره وفجأة اسوم طااحت يداامه... حمدان ارتبك ما يدري شو يسوي وما يريد يلمسهاا:هي اسماا شوو صاابج؟ صاار يطاالعهاا وويهاا محمر ،بسرعه رفعهاا من الارض كأنه شايل عصفور ،، متوجه بهاا لسيارته ،،نزل السيت ورقدهاا عليه ،ركب الصوب الثاني،، صار يرش عليهاا الماي فج شيلتهاا وفتش ف شنطتهاا الحمدلله لقاا البخااخ ، واستنشقت الدواا ،،شكلهاا هب قادره تتنفس ماا يريد يشلها المستشفى وخصوصا هو ما يدري هي مع منو ياييه ،،؟ دقاايق ودقااايق,,,,,,,,,, ،،،،،،،، ررمانسية ذياااب الليلة ذوووبت الميث شراا الشمووع الي منتشرة حولهم ف غرفة رااقية من غرف الفندق،، يمكن ذيااب يعوضهاا ولا ف باالة شي ثااني !! ذياااب يرمسهاا وهي ترد بجلمتين وتصخ ،، ذيااب: حبيبتي تعاالي نتعشاا الميث متلومه ما تردي شعنه ! وبصوت قريب للهمس:إن شاء الله ،، مشت ورااه بس هو خفف مشية عسب تمسي حذاالة سحبهاا لحضنه ومشة ويااهاا ، تعشووا وهي كلمااتهاا قليلة مقاابل رمساات ذيااب ويحااول يتسمييلهاا ويجذبهاا للكلام بس هيهاات الميث بتغرق من الستحياا !! ذيااب: ميثاا بلاج؟ الميث: ماشي ذياب: جيف ماشي وانتي من وصلناا ماا رمستي الا بكلماات معدودة ؟ الميث: يعني شو اقول؟ ذيااب: سولفي ويااي، ارمسي عن اي شي بس لا اتمين صااخه الميث: اممم اوكيه ممكن اسألك؟ ابتسم ذيااب: الحين اقولج ارمسي تقولي لي اسألك؟ الميث: ما عندي سوالف ،الا بسألك او تسالني وبتظهر السوالف ذيااب سايرهاا : اوكيه اسألي الميث: بس لا تعصب عقد حيااه : يعني اناا عصبي؟. الميث بلعت ريجهاا الظاهر انك على وشك :يعني ما ادري احس جيه ذيااب: ماخذه فكرة سيئه عني،،بس ولا يهمج بتتغير إن شاء الله ،تفضلي قولي سؤالج الميث ماا تعرف جيف بتسأله بس هي فيهاا فضول من ذيك الليلة الي يهذي فيهاا ذيااب ،،خذت شهيق وبتغير السؤال عسب يكون مدخل لسؤال الي ف بالهاا ، الميث: قد حبيت من قبل؟ استغرب ذيااب سؤاالهاا ورد بتلقاائية آآآلية: لا ،شعنه تسالين؟ الميث ابتسمت مع شكهاا :لا ولا شي بس سؤال،،امم الحين دورك اسالني؟ ذيااب يجااريهاا حس لعبة وآخرتهاا مجهول: نفس سؤالج؟ الميث برااحه وحمرت من سؤاله: هيه قد ذياااب: نعم!! وتقوولين بعد؟ رفعت راسهاا تطاالعه :بلاك عصبت؟ هو قبل ولين الحين بعد ذيااب حس تلعب به ولا شو: ميثاا انتي شوو تهببين؟ الميث ترووعت منه شكله عصب وبينفجر عليه وقفت : ولا شي، خلاص بروح ارقد سحبهاا ذيااب وردت تيلس حذااله: جااوبيني منو حبيب القلب؟ الميث باستسلام عسب تخلص من عصبيته: يوم كنت صغيرة كنت احب ولد ف الروضة ذيااب: تتفلسفين عليه ،، تتحريني غبي؟ ولا مدمغ؟ الميث: هذه لعبة اسئله والسؤال كان قد حبيت؟ يعني شي كان وانتهى وبعدين اناا كنت يااهله لولا معرفته بمشااعر خليفه كاان بيصدقهاا ،،اماا الحين الشك زااد ومن الطرفين خليفه والميث،، تنهد وقطع الحواار ،،رقد بعد ماا كاانت ليلة رااقية قمة الروماانسية والكلماات العذبة ،، والميث استسلمت لدمووعهاا تمت تأنب نفسهاا وكرهت اللعبة السخيفه المفرووض يفهم انه هوو المقصوود هب يستغبى عليه،!! ،،،،،،، فتحت عيونهاا تطالعه ،، بعدهاا انتبهت انهاا بدون شيله ،،اتلخبطت وهي تلف الشيله ع رااسهاا :انت بأي حق تركبني سيارتك ولا بعد تفصخ شيلتي؟ حمدان خذ نفس: اووف يعلج النفااذ قلت هااي بتمووت ف سيارتي وبيتهموني بجتلهاا،، اسوم منعت نفسها من الضحك وخصوصا انهاا هب قادره تتنفس براحه: انا سألتك شو اسوي بسيارتك؟ووين خليفه ؟شافني صح؟واكيد قاالك شلها ما اريد اشوفهاا من بعد اليوم؟ انطق وين خليفه؟ قول شو صاار؟ حمدان كان يطالعهاا وهي تسرد ببرائة ودلع طبيعي المسلسل الي فخيالها وانفجر يضحك:ههههههههههههههههه انتي شو تخربطين؟هههههههه حااولت تفج الباب لكن مقفول: فج بااب السيارة اناا ما عندي ساالفة اسأل واحد شراتك، حمدان يحاول يبين لها الجديه بكلامه:وين بتروحين ؟ اسوم تفاجأة من رده اكيد خليفه شافني: بروح بيتنا؟ عيل شو تتحراني بتم وياك حمدان فج قفل الباب استغل جهل اسوم : روحي الله يسهل دربج اسوم: انت شعنه ترمسني جذه؟ خبرني شو صار؟ حمدان: ماشي، انتهت المقابلة اليوم ،بحط موعد ثاني وبطرش لج وين؟ اسوم: تخسي هب ياايه مكان فليل،وانت روح بكيفك،، طلعت من سياارته ،، مخليه حمداان يسرح بتفكيرة ،،ويجلب بالصور الي بفونه -.- يعلك انت ماا تووب ×× اول ما نزلت اتصلت ع وديمه،،تلاقن عند السياره،، وبسرعه خلت كريم يظهر من المول،، ووديمه متحرقصه تريد تعرف شو صار وخصوصا ان حالة وشكل اسما ما يبشر بخير؟؟ ف السيارة انطلقت وديمه بالرمسه... وديمه: اسوم خلينا نسير المستشفى شكلج تعبانه اسوم: لا انا بخير وديمه: انزين شو صار ؟ انتي ما قلتي شي؟ اسوم: شفت خليفه ويااه بطي،لو انج متصله عليه جان عرفت انهم بيسيرون نفس المول شهقت وديمه بخوف: صدق؟ هم شافوج؟ ارمسي اسوم: ما ادري، الحقير حمدان ما قال شي،،انا اغمي عليه وما ادري اذا شافوني او لا،، كله بسبت الباارد وديمه: قلت لج لا تشربين بارد بس انتي ما رضيتي اوف منج،، وشعنه ما تغشيتي ،،ويه الحمدلله انا متغشية ،، ناظرتها اسوم بنظرة عتب وسكتت،، الحين وديمه انتبهة للي قالته: انا آسفه اسوم وغلااتج ما اقصد ،،بس نسيت.. اسووم: كلكم ماا تقصدون ،يعني انا الي اقصد! انا الي اقصد امرض؟. اقصد ما اتغشا؟ او انحط بهاا المواقف ؟ اقصد اجذب؟ ولا اقصد اظهر فليل؟ وديمه صخت امره ما قدرت تقول شي وهي تشوف اسماا معصبة وشكله يروع تعباانه وبالحيل تتنفس،، ردت قالت: خلينا نسير المستشفى ، اسوم: لا تأخرنا واكيد ذياب بيسوي لناا سالفة ،، وديمه:ما اعتقد ذياب بيقول شي اذا عرف انج تعبانه، اسوم صدت تطالعها: يا ويلج اذا حد عرف، وديمه اول مره تشوفهاا جذه ،، تحس حالها هب طبيعي ابداا ×× وديمه: دخيلج خلينا نسير المستشفى واناا بقول اني تأخرت مع المصممه ،، اسووم دخيلج بنسير وبتسوين فحوص بس،، دخيلج اسووم دخيلج اناا ااترجااج شو ماا لي خاطر ويااج؟ اسوم كنت صدق تعباانه تحس بتختنق: اوكيه بس عسبت حنتج ولا ما له داعي المستشفى،، توجهه كريم للمستشفى ،،دخلت اسماا وطلبت تشوف الدكتور الي يعالجهاا،، اضطرت تنتظر اشوي،لان عنده مريض،، دقاايق وزقرتهاا النيرس عسب تدخل ،، اسوم:ارقبيني اهناا ،دقايق وبيج وديمه كانت واقفه :شو يعني ما بدخل ويااج؟ اسوم:لا شعنه؟اصلا انا دوم ادخل روحي،، وديمه استسلمت وردت تيلس: اوكيه قالت اوكيه مع انهاا هب رااضية وتريد تدخل تسمع شو بيقولها الدكتور،، داخل عند الدكتور ،،وبعد الفحص ،، يلس يكلمهاا،، الدكتور عبدالله كان يقرا الملف : آخر مرة فحصتي كاان قبل اربع شهور،، ليش ها التأخير؟ اسوم: كنت مسافرة، و سويت فحوصاات برع،دكتور شو صار لي ها المره اغمي عليه،،وحسيت عمري بختنق، اول مرة من بعد ما انتظمت بالادوية تصير لي؟ الدكتور عبدالله : كان المرض مستقر عندج،،يعني يكون مستقر عند بعض الاشخاص لأسابيع أو أشهر وبعدين يتطور فجأة إلى نوبة من الربو الحاد. وتختلف ردات الفعل من تجاه عوامل مختلفة بين شخص وشخص،، يعاني اكثرالمرضى من ثورات حادة للمرض بسبب عدة عوامل محفزة، انتبهت اسما لكلمة محفزة وهي تذكر ريحة عطر حمدان : يعني ممكن تكون النوبة حادة بسبب عطر ،اقصد اذا استنشقت عطر مركز، الدكتور عبدالله: طبعاا ،، ومنهاا بعد العوامل البيتية الي تثير الربو مثل الغبار،وبغالحيوانات خاصه القطاوه والجلاب،، ،وفي مسببات الحساسية من الصرصور والعفن وطبعا العطور سبب منتشر لنوبات الربو الحاد عن النساء والاطفال ،، انها الدكتور جملته واسوم تدعي لحمدان : يعني العطر السبب؟ الدكتور:نحن ما نقدر نقول هيه بضبط العطر،بس العدوى الفيروسية والبكتيرية للجهاز التنفسي العلوي طبعا تزيد من تفاقم المرض.الضغط (البيولوجي) النفسي بعد يزيد من الأعراض تفاقمها ،،ونحن نعتقد أن الضغط يغير في الجهاز المناعي ويزيد التفاعل الالتهابي لمجرى الهواء كرد فعل لمسببات الحساسية والمهيجات.. اسوم تسأل بحذر : وشو العلاج؟ الدكتور عبدالله: سبق وقلت لج حاولي تتجنبين كل هذه الاسباب، وخصوصا النفسية ،، والعلاج هو البخااخ ،، بس اذا استدعى الامر وكانت النوبة حاادة نحقن الوريد بالكورتيكوستيريدات ، و سلفات المغنيزيوم وتدخلين المستشفى،، يعني تتنيمين اهنا، اسوم كانت ترمسه بكل راحه لانه دكتورها اكثر من ثلاث سنوات: انت اكيد تتستهبل؟ الدكتور عبدالله ابتسم: لا ما استهبل، هذا الي بيصير اذا ما اهتميتي اكثر،، والحمدلله هذه المره مرت بس المرة اليايه ما تدرين شو بيصير ،، اسوم:يعني استمر ع الادوية الي عندي؟ الدكتور عبدالله بعده مبتسم: طبعا اسوم: شعنه مبتسم؟ الدكتورعبدالله: اول مرة اشوفج معصبة دوم اعصابج باردة اسوم: ماشي بس انا اول مره تصير لي حالة اغماء، الدكتور عبدالله : وما شاء الله اشوفج خفيتي واايد عن آخر مرة،، وغريبة صارت لحالة وانتي بهاا الوزن؟ اسوم ناظرته بحدة : تطنز يا دكتور؟ ضحك الدكتور واغلق الملف: لا ابد، اسوم: اوكيه ، محد بيعرف اوكيه الدكتور عبدالله: ولين متى؟ بتم اقول لخوانج انج بخير؟ اسوم ابتسمت برقة من بين التعب الواضح ع ويهها: انت ما جذبت انا بخير ما فيني شي ، الدكتور عبدالله كان يتذكر يوم كلمهاا قبل شهور انه بيخطبها بس هي رفضت ،،ما كان بيتكلم لولا ان حد دق الباب: عليج العافية، تفضل.. اسوم: الله يعافيك ممكن اروح خلاص؟ الدكتور عبدالله :طبعا، هلا وليد تفضل وليد: لا خلاص اذا عندك مريضه بعدين بي باخذ الملف اسوم يمدت بمكانهاا وهي تسمع الصوت ،، الدكتور عبدالله : لا المريضه بتظهر ،،تعال اي ملف؟ وليد وصل عند المكتب : ملف المريض حسن، رفع وليد راسه ما كان قصده بس الدكتور عبدالله كان يأشر للرفوف الي ورا اسووم،،: بتلقاه برف الثالث عند الملفات الحمرا، وليد استغرب : اسما انتي شو تسوين اهنا؟ نشت اسوم بتظهر:شكرا دكتور، وظهرت استغرب عبدالله: انت تعرفها ؟تقرب لك شي؟ وليد مشى وراهاا بسرعه : هيه، كانت تمشي بهدؤ ورقة ،زقرها وليد:اسما اعتقد اني ارمسج. اسوم بعدها تمشي :نعم؟ وليد: اوقفي ورمسيني ،بلاج؟ حد فيه شي؟ كملت اسوم مشيتها: لا اطمن محد فيه شي، قبض وليد ايدهاا ولفه صوبه تفاجأ وهو يدقق بويهها :يوم ارمسج رمسيني ، بلاه ويهج؟ شو صابج؟ اسوم تناظر ايده بتقزز : شل ايدك، وما يخصك فيني بعده وليد قابض ايدهاا: ارمسي عدل وغيري ها الاسلوب الخايس ،بلاج؟ نفضت اسوم ايدها من ايده: شخصك فيني؟ نعم شو تريد؟ناقصتنك انا؟ مشت مبتعدة عنه ،ووليد مصر يريد يعرف بلاها؟ سحبهاا ويااه الين غرفة استراحة المتدربين قريبة منهم،،وقفل الغرفة، وليد : ما بتروحين الين تبلعين ها الجوهرة ،بلاج؟شو يابج المستشفى بها الوقت؟ اسوم متفاجأة من حركاته: شكثر انت وقح، ما تفهم اقولك ما يخصك فيني، وليد يلس كأنه يعلن لها انه ما بيتحرك الين ترمس: وهذه يلسه ما ورانا شغل بنرقب كانت اسوم تشوف باب الحمام التفت ودخلت بسرعه ،اتصلت ع وديمه وطلبت منها اتي هذا اخوها مينون بيسويها وبيخليها اهنا هي روحها متأخرة، وليد كان يدق الباب :اطلعي ماشي فايده من الي تسوينه،،بترمسين بالغصب ولا بالطيب فتحت الباب ويلست ع اقرب كرسي،، وليد: كنتي ترمسين منو؟ بها الدقيقه اندق الباب ،، اسوم مبتسمة براحه:افتح الباب وبتعرف منو؟ وليد بنبرة تهديد : ي ويلج ان كان الدكتور عبدالله اسوم: لا تهددني فااهم، وليد فتح الباب وتفاجأ بوديمه!! وليد:انتي بعد؟ شو تسوين اهناا؟. بسرعة نشت اسوم خطفت من حذالهم ،، وليد: لحظه وديمه: وليد الله يخليك لا تقول انك شفتنا اليوم ،يالله فمان الله وليد: تعالي تعالي شو تتحسبين عمرج تسوين انتي وبنت عمج؟ وديمه: بشرح لك بعدين، وليد:ماشي بعدين الحين،خليها ترد وتشرح شو الي يابكن المستشفى ها الوقت، وديمه: لا تصعبهاا روحنا متأخرات،، وليد:تنزرعين اهنا ،رايح باخذ اذن وبي انا الي بوصلكن،، وديمه تنهدت الظاهر ماشي مفر من ها الوليد!! دقت ع اسوم،،وخبرتها بس اسوم اصرت انهاا تروح مع الدريول،، وديمه ترمس عمرها شو اسوي امبينهم كل واحد اعند عن الثاني ! يا ربي الهمني الصبر.. دقايق وياها وليد، مشوا وصلوا عند سيارة اسوم،،نزلت اسوم الدريشة، اسوم: وديمه بتين و لا بتروحين ويا اخوج؟ وديمه كانت بترمس لولا ان وليد رد: انزلي انتي بعد بتين ويانا اسوم رفعت الدريشة وامرت كريم يروح،، بها اللحظة وليد تخبل ووقف كريم :انت خبل تسمع كلامها وانا اقولها تعالي،بتقولك عق عمرك بالبحر بتعق عمرك؟ كريم المسكين كان ساكت ،، اسوم: انت يا اخ وبعدين وياك؟ تراك ما تقرب لي شي؟ ولا لك سلطة عليه؟ فلو سمحت روح لا تخلني ازقر لك السيكيورتي؟ وليد ابتسم:لااا وتهددين بعد؟ طولج شبر وتهددين؟ انفجرت اسوم من الغيض: انجلع من اهناا.... انجلع ما اريد اشوف ويهك،، وليد اشر لكريم ينزل عسب يسوق السيارة ماشي غير ها الحل،وصعد مكانه ،ووديمه ركبت بعد ،،واسوم بتنفجر من العصبية والتعب،، مشت السيارتين ،طبعا كريم ساق سيارة وليد -.- وديمه: اسوم دخيلج لا تسوين شي هب ناقصين فضايح الحين فليل،،واناا تأخرنا واايد،، اسوم: عايبنج الي يسويه اخوج؟ وديمه:علشاني لا تسوين شي وليد: وديمه خلج منها ،قولي لي شو الي يابكن اهنا؟ اسوم:ما يخصك وليد: قلت وديمه، انتي اسمج وديمه؟ وديمه: وليد عاد خلاص ياخي ما صار شي،يينا نزور بنت نعرفهاا قبل دارسه ويانا وليد: لا والله وهاي شو مقعدنها عند الدكتور؟ لايكون تستشيرة ولا بعد بتعرف عن حالة البنت؟ وديمه: هيه اسوم كانت تسأله عن حالة البنت،تدري هي اساسا ربيعت اسوم،، اسوم كانت اطرش مسج لدكتور عسب ما يخبر وليد شي،وقالت له عن الجذبه بعد خخ،الظاهر ان وليد ما بيصدق الجذبه واكيد بيسأل الدكتور،، رد عليها الدكتور يطمنهاا انه ما بيخبر حد،، ابتسمت اسووم براحه وليد: ها الجذب ما يمشي ويااي،شو تسون هاا الحزة ف المستشفى؟ اسوم حبت تلعب بأعصابه : فيني مرض ،وما كنت اريد حد يعرف بس شو اسوي انت اكتشفت الموضوع، والحق ع وديمه ما قالت لي انك تدرب اهناا، وديمه شهقت :اسووووم اسوم: شو اسوي ودووم،ترا اخوج ذبحني من الاسئلة،خليني اقوله وخلاص وليد كشف نبرة صوتها : وشو هو المرض؟ اسوم: ما يخصك وليد مسك بريك بقووو،،اسوم ووديمه تروعوا ،، وليد: ارمسي شو كنتن تسون ف المستشى ها الحزة؟ اسوم فتحت البااب ونزلت،،ووليد نزل بعد وليد:اصعدي السيارة وبلا فضايح اسوم ظهرت فونها تريد تتصل :وانا قلت ما يخصك فيني ،الحين بتصل ع خليفه يعرف جيف يتصرف وياك سحب وليد الفون منهاا: وانا قلت بتصعدين السيارة اسوم: عطني فوني،انت منو تتحسب عمرك؟ وديمه منهارة: حرام عليكم بتفضحونا،بس خلنا نرجع وليد دخيلك خلاص والله بخبرك كل شي ،بس يالله خلنا ندخل السيارة وليد ناظرهاا بعصبية وكأنه يسألها صدق! وديمه: والله بقول اسوم: وديمه نسيتي ! وديمه:لا ما نسيت ،انتي نسيتي انج قلتي لذياب ما بنتأخر؟و الصراحه فضيحة وقفتنا جذا بالشارع والي رايح والي راد يطالع،يالله طوفوا خلونا نصعد ونرد البيت،، اسوم اطالعتهاا باستغراب؟؟ معقوله وديمه تخبر وليد!! اسوم بلعاانه : ما بصعد ، خلي اخوج يعتذر وبعدين افكر اروح ويااكم وديمه كانت بتحن ع وليد لولا ان وليد قاال كل بروود الدنيااا : آسف ،تفضلي خلينا نمشي اسوم انصدمت وبخاطرهاا عرف جيف يلعب الحيوان،، ومشت صعدوا السيارة وطول الطريج ساكتين،، ومكالمات ع فون اسوم ووديمه من الميث !! وليد: ردي ع الفون قولي لهم وين تهيتين لين ها الساعه؟ اسوم:ما يخصك وليد: جب وانا يخصني وكيفي بعد، وديمه:وبعدين يعني؟كل اشوي تضاربتوا؟ هاي هب حاله؟ الحمدلله وصلوا بيوتهم كل واحد نزل ،وفجر وليد قنبلته لاسووم،، وليد وصل حده من العصبية: اسمعي انتي هي اذا تريدين ترتغدين سيري ما يهمني،،بس ختيه امرره لا تقربين صوبها، ولا تشلينهاا وياج فهمتي؟ اسوم عطته ظهرهاا ومشت صوب بيتهم: الي يريد يروح معايه ما برده،، وليد قبضته وديمه ودموعهاا طااحت تعرف اسماا زين لي سوت شي بتسويه لنهااية ،لو ع حياتهاا :دخيلك لا تزيدهاا لا ي وليد كفايه الي هي فيه،بسك تجريح، وليد استغرب من وديمه :شعنه تصيحين؟ وديمه:خلنا ندخل خلاص حمدت ربهاا ان اخوانهاا هب ف البيت،، السااعه صارت 11 ونص،غريبة ما اذكر ذياب يتأخر؟ اتذكرت مكالمات الميث دقت عليها ما ردت،،وبعدهاا وصلها مسج،انهم بيباتون برع هي وذياب ،، اسوم تنهدت وهي ترمس عمرها:الحمدلله هذا اول خبر حلو اليوم،إن شاء الله يستانسون ويفهمون بعض، صعدت غرفتهاا اول ما دخلت عيونها يت ع صورة امها وابوهاا،،تعبت من كثر الكبت وخصوصا االاحداث اليوم ،دموعهاا طاحت وهي هب حاسه بشي ،،بس تطاالع الصور ودموعهاا اطيح،حتى بدون صوت،وبالنهااية شهقت بصوت عاالي،،توجهت للحماام ،كملت ساعه تحت الدش، عل وعسى اطيح الهموم والحزن من ع راسهاا!! ظهرت جففت شعرها ،لبست شيلة الصلاه،صلت وقرت قرآن ،، لبست بجامتهاا وانسدحت بترقد،،وصلهاا مسج،بس ما قدر تشوف خلاص اليوم انهد حيلهاا،، واتحملت فوق طااقتهاا،، تحس بتعب،،سمعت دقات خفيفه ع الباب، بس خلاص هي غفلة تفكيرها كان هل خليفه شافها!! ورااحت برقااد عميق،، ،،، وديمه بتخبره! هل وليد بيعرف عن مرض اسما! ،، ارقبوني بالجزء 9 ... | ||||||||
|
| |
|
| أدوات الموضوع | |
| انواع عرض الموضوع | |
|
|
1Likes
.png)
العرض العادي
