02-07-15, 01:22 AM
| #32 | ||||||||
| مراقبة عامة ومشرفة منتدى الروايات المنقولة  
|  ـ 15 ـ كان الشيخ راكان ابن حثلين في اواخر ايامه وقد بلغ من الكبر . ذات مرة خرج ومعه شاب من أبناء قبيلة العجمان ووكان لهم غاية لشي بينهم ... ويوم تعب الشيخ راكان قال لخويه خلنا نتريح ولا هذا بيت ماهو بعيد عنهم فقال الشيخ راكان مشينا يمه ويوم وصلو ولا البيت مافيه رجال مافيه غير بنت , فتعاند الشيخ راكان ورفيقه من باب المزح فقال الشاب : أراهنك على ان البنت تحيي بي وتخليك تقوم تسوي لي القهوه لاجل انها راح تظن اني الشيخ فرد عليه الشيخ راكان : اذا كانت البنت تعرف تميز صدقني انت الي تقوم وتسوي القهوة واتفقو على ان مااحد يعلم البنت بشي ويخلوها تـتـصرف . وعادات بنات البدو اذا نزلو عليهم ضيوف تستقبلهم بوجه زين , قامت البنت وفرشت لهم الفراش فالبدوية تقوم بالواجب مكان زوجها او ابوها لاجل تحافظ على سمعته. المهم اخذت شوي تدقق بوجه الضيوف وتفكر . ثم جابت الفاس ورمتة على الشيخ راكان ابن حثلين وقالت له : قم حطب وشب النار (( المعزبك)) اي عمك او سيدك ظنناً منها لشخصية الشاب الي معه وكبر شن الشيخ راكان انه معزبة . وسو القهوة له , التفت الالشيخ راكان لخويه وشاور له بصمت مثل ما اتفقو واخذ الفاس وجمع الحطب وشب النار هذا وكله وخويه جالس مايتحرك مثل ماقاله الشيخ راكان ابن حثلين ويوم خلص من سواته للقهوة شال الدله وصب لخويه لين انتهى والبنت تناظر لهم ويوم خلص الشيخ راكان من شرب فنجاله , التفت يم البنت وقال هالابيات :: يازين يالي بذراعك نقاريش الحكم حكم الله وحكمك على الراس ان شيتني حشاش سيد الحواشيش وشيتني حطاب هاتي لي الفاس وشيتني خيال اروي المعاطيش واثني وراهم يوم الارياق يباس الفرخ لايغويك في صفة الريش طير الحبارى يااريش العين قرناس ويوم خلص الشيخ راكان من قصيدته قالت له البنت :: ادخل على الله مو انت الشيخ راكان ابن حثلين قال: ايه هو انا . فانخجلت البنت وحاولت تصلح خطاها واعتذرت له وقالت : الي مايعرفك ياشيخ يجهلك وضحك الشيخ راكان ابن حثلين وقبل اعتذارها . غدا لنا لقاء إن شا الله | ||||||||
|  |
|
03-07-15, 02:47 AM
| #33 | ||||||||
| مراقبة عامة ومشرفة منتدى الروايات المنقولة
|  ـ 16 ـ وقصتنا هنا قصة فتاة تسـتخدم الكنود لمغازلة الشـباب والأيقاع بهم , وكان لها بالمرصاد شـاعر شـهم كريم اراد نصحها ولم ترتدع وعاود نصحها مرار وتكرار ومع نصحه لها سمع طفلها الرضيع يبكي وفعلم انها متزوجة اذا فالأمر خطير مما حدا به ان ينسـج هذه القصيدة ويسـمعها اياها للمرة الأخيره وللفائدة ننشـرها . . وننزلها لكم ليستفاد منها ونحسن استخدام التقنيه : يابنت قلبــك يفعل العيب ما حــس وان ما هــداه الله عسـى الله يخســـه يكفــي غـزل للناس ياخــاينه بــس خلي حــلالك قفـر لأحــد يعســــه أبليس لك يابنـت في الشـــر وسـوس تعــوذي بـالله لعلــه يخســــــه الســتر لـه ثــوب مــن العـز يلبـس وجســم الشــرف ما كل رجل يجســـه عـار ونـار مذهـب البنـت يلمـس وعـرض المـره ادنـاة شـيء يهســـه يابنـت عرضــك بالمجـالـس يدنـس حـدر النصـايب جعـل ربعـك تدســـه ولا جـايك الا مثل ما قيـل واخـــس واللـي شــرفها غـالي ما نمســــه ياورع ياللي عنـدها بان لـك حـــس قلبك على امـك يوم خـانتك نســــــه امـك تغازل من ورى ابـوك بالــدس والله مـن رجـــل تلــذذ بحســـــه قله تـراخي الحبـل يحتـاج له مــس وعلـم لأبـوك الحبـل لازم يمســـه ولا يشـيل العـارلاعـاد يجلــس في وســط بيت عـاش ما فيـه هســــه قلـه يجـوز عن النجــس لا يتنجـس ثـم يقلعـه ياليـن يقلـع مرســــه ولا تلحقونـه مـن حسـايف ليـا طــس عسـى العمى في نون عينه يطســـــه غدا لنا لقاء إن شاء الله | ||||||||
|
| |
|
04-07-15, 03:55 AM
| #35 | ||||||||
| مراقبة عامة ومشرفة منتدى الروايات المنقولة
|  ـ 17 ـ قصة اليوم تتكلم عن شاعر كبير له قصائد جميله جدا وهو الشاعر إبراهيم بن زيد المزيد التميمي رحمه الله من الشعراء البارزين في منطقة سدير توفي رحمه الله قبل عدة سنوات ويقال وقد تجاوز عمره المئة عام :رحمهُ الله رحمة واسعه وعُرف عن شاعرنا الكرم والطيب فباب بيته دائماً مفتوح خصوصاً عندما انتقل للرياض فصار أهل سدير ينصون بيته كل ما راحوا للرياض وكان باب بيته دائماً مفتوح.. : وفي يوم من الأيام ويوم كبر به العمر جلس يفكر في حال البيت عقب ما يموت ووش يبي يصير في باب البيت وأن العيال يبي يبيعون البيت أو يصكون الباب عقبه ..! :واهل الباديه من اول يوم سكنو في القرايا ما يصكون بيبان البيت فهذا عيب عند الرجال اللي يصك بابه ..والرجال اذا كان وده يسير على واحد وحصل الباب مصكوك يرجع وما يطق الباب ..واذا سير على واحد ثاني واذا سئله وشلون فلان يقول والله هاك المره بغيت اسير عليه ولقيت الباب مردود ..فهذا ليست فعول الرياجيل وهذا ما هيّض شاعرنا رحمه الله وقال هالأبيات يتوجد على باب البيت من عقبه فقال رحمه الله : يا عزتي للباب من صكـةٍ لـه من عقب ما تركز علي النصايب ما في عيالي واحدٍ فزعـةٍ لـه إلى وقف تذرى عليه الهبايـب من عقب يوم إن النشامـا تدلـه خلوه مجناب سـواة الخرايـب الباب يشكي عقب عـزة مذلـة يا باب لا تشكي وأنا عنك غايب لومك على اللي باعوا البيت كله كلٍّ خذا قسمه وخلـوك سايـب بعض العيال إذا ظهر ما تملـه وبعض العيال لوالدينه عقايـب خسـارةٍ تغـذاه خلـه لعـلـه يبقى على الدنيا كثير المصايـب لا مقلطٍ سفره ولا شـال دلـة ولا مع اللي ينطحون النوايـب لعل مـن يبكيـه رمـحٍ يشلـه على عروق القلب بين الترايـب ولكن عياله استمروا على نهج والدهم رحمه الله وبقى الباب مفتوحاً وبيته رحمه الله ولذلك علق الشاعر محمد بن صالح الحسينان على قصيدة إبراهيم المزيد التميمي رحمه الله : ويذكر فيها حال الباب عقب موت الشاعر وأنه بقى على حاله وأن العيال صاروا مثل أبوهم : وهذا ما يفخر به الاولاد عند الرياجيل حينما يمسكون عادات والدهم ويتقيدون في عاداتهم وتقاليدهم بيتك يابو خالد أصحابـك تدلـه الباب مفتـوحٍ ولا هـو بسايـب من عقبكم باقـي ولا فيـه خلـه ربعك يعودونه ولا غاب غايـب البيت باقي فيـه فرشـه وزلـه كـلاًّ يقـوم بواجبـه والنوايـب لا غاب واحد سد الآخر محلـه سفرتك ممدودة عليها الوجايـب والبن والشاهي على النار كلـه ودلال رسلان بها الهيل رايـب الباب صاروا كلهم فزعـةٍ لـه من يوم ما ركزت عليك النصايب غدا لنا لقاء إن شاء الله | ||||||||
|
| |
|
05-07-15, 11:52 AM
| #37 | ||||||||
| مراقبة عامة ومشرفة منتدى الروايات المنقولة
| ـ 18 ـ - جلس الشاعر زيد ضيف عند أحد البدو عندما كان في طريق سفره . وكان شاعرنا جائع جدا و ولم البدوي راعي المجلس القهوه لشاعر . وطلب من زوجته أن تحضر الغداء لضيف وستأذن من الضيف ليقضي شغله ويعود. وجابت الزوجه الغدا وهو عباره عن جريش ولم يكن عندها غير هذا الغدا. ووضعته لضيف وخلت ولدها الصغير يتغدا مع الضيف وفي وقت الغدا قال الشاعر زيد يصف حالته القشرا : ما تردى مير خانت به حريمه=ما تريٌض لين يخلص لي غدايه حط لي لقمت جريش الله يديمه=ما عليه أيدام يلصق في حشايه أنهبه والورع ينفذ في بريمه=وا غداي الشين واخيبة رجايه عارفينن ما ورى رفعه عزيمه=ما تثورها العصى فيها حلايه ولما جاء راعي المجلس وأسمعه مسك زوجته مدها فالعصايه. غدا لنا لقاء إن شاء الله | ||||||||
|
| |
|
06-07-15, 02:14 AM
| #38 | ||||||||
| مراقبة عامة ومشرفة منتدى الروايات المنقولة
| ـ 19 ـ حصل خلاف بين قبيلتين والمشكله كانت مشكلة البنت في هذه القصة.. لأن الخلاف بين إخوتها وزوجها قرر إخوان البنت أن يأخذوا أختهم من زوجها الزوجه والزوج كانوا يحبون بعض ولا يريدون الانفصال لكن وقت العصبيه الرجّال ينسى نفسه.. المهم راحت البنت مع إخوانها وزوجها احتار وحاول أن يرسل الواسطات والجاهيات لرد زوجته لكن الإخوان رفضوا رفض قاطع فكر الرجل بطريقة عشان يشوف زوجته فراح حق عجوز يقال أنها كانت تبيع القماش للنساء فقال لها أبيك تروحين لفلانه اللي هي زوجته، وتقولين لها إني أبي أجي أشوفها، وحدد لها وعد.. والوعد هو لما الثريا تكون مرتفعه بنص السماء والقمر يغيب.. راح أجي وأعوي ثلاث عويات تطلع البنت له عند ضلع قريب من عربهم المهم نفذوا الخطة.. ونجحت الخطة وصاروا يتقابلون في نفس المكان ونفس الطريقه مرات عديده.. الى أن حملت الزّوجه لقاء هذه اللقاءات وبعد مرور وقت ليس بقليل لاحظ أحد أخوتها بروز بطنها وشك بأخته بأنها جلبت لهم العار.. فلما سألها قالت له القصه كامله، فلم يصدقها أخوها وحاول قتلها إلاّ أن أحد اخوتها منعه وقال إنه بيتأكد بنفسه من كلامها فقرر أن يتنكر ويدخل إلى بيت زوجها، وطبعاً كان الوقت ليل وقبل لافي كهرب ولا شي يعني ماراح يعرفون شكله بالظلمه فلما دخل عليهم، أكرموا الضيف كعادة البدو، وكان هناك شخص يجر الربابه عندهم فقال له الضيف ياراعي الربابه عطني ربابتك فاخذها وأنشد ياذيب ياللي تالي الليل عويت ** ثلاث عويات على ساق وصلاب انشدك بالله عقبهن وشسويت ** يوم الثريا تأهبت والقمر غاب . هنا عرف الزوج بأن هذا الشخص أخو زوجته وطبعاً عرف من الوصف اللي قاله اللي هو الثريا والقمر والثلاث عويات فأخذ الزوج الربابه من الضيف وانشد انشهد اني عقب جوعي تعشيت ** واخذت شاه العرب من بين الاطناب على النقى ولا الرّدى ماتهقويت ** ردوا حلالي ياعريبين الأنساب . فذهب الرجل إلى أهله وعند الصباح أعادو زوجته له وأنهوا خلافهم غدا لنا لقاء إن شاء الله التعديل الأخير تم بواسطة فيتامين سي ; 06-07-15 الساعة 02:47 AM | ||||||||
|
| |
|
06-07-15, 10:02 AM
| #39 | |||||||||||
| نجم روايتي ولؤلؤة فريق الكتابة للروايات الرومانسية وأميرة حزب روايتى للفكر الحر  
| فكرة حلوة جدا وقصص ممتعة مع انى وجدت صعوبة فى بعض الكلمات فى بعض القصائد لكن استمتعت فعلا شكرا ِ | |||||||||||
|
| |
 |
| أدوات الموضوع | |
| انواع عرض الموضوع | |
|
|
.png)
.png)
العرض العادي
