01-07-15, 01:26 AM
| #1 | ||||
|  رواية الأقدار السلام عليكم ورحمة الله وبركاته ، كيفكم ؟ ان شاء الله بخير ؟ اليوم بنزل لكم روايتي واسمها الاقدار ❤️ بعرفكم على الشخصيات الشخصيات ؛ مريم ؛ عمرها 19 سنه ملامحها ؛ عيونها وساع ، شعرها بني ، بشرتها بيضه . علي ؛ عمره 22 سنه ، ولد خالة مريم عايشهه ؛ عمرها 16 ، ربيعة فطيم الروح بالروح . سعود ؛ عمره 55 ، عم مريم ، وحرمة سعود ؛ عمرها 45 دانه ؛ بنت عم مريم ، عمرها 22، في الجامعه ، عقلها عقل صغاريهه . صالح ؛ اخو دانه و ولد عم مريم ، عمره 18 وباقي الشخصيات بتعرفونها مع الايام .. روابط فصول الرواية ... الفصل الأول الفصل الثانى الفصل الثالث الفصل الرابع الفصل الخامس الفصل السادس الفصل السابع الفصل الثامن الفصل التاسع الفصل العاشر التعديل الأخير تم بواسطة rola2065 ; 05-07-15 الساعة 08:37 PM | ||||
|
|
01-07-15, 01:35 AM
| #3 | ||||
| البارت الأول .. قامت مريمم من النومم على صريخ عمهاا السكرانن عمها (سعود): يا زباله ، مريمم وصمخخ ، وينج !! مريم : ساكته عمها ؛ ما تسمعين ؟ ذانج فيها ماي ؟ .. مريم ؛ هلا عمي . عمها ؛ ها يا ..... فكرتي تتنازلين عن ورث ابوج ؟ مريم ؛ الورث ورثي ، والحلال حلالي ، وابوي وصاني وماقدر اخون الوصيه عمها ؛ وترادديني بعد ؟ وبدا بسيل من الشتائم الي ما تنتهيي والضرب لحد الصبح . الساعهه 7:30 مريم طايحه على الارض وينزل من خشمها سيول من الدم دانهه ؛ يا زباله زهبي لي شنطتي ، بسير ارقد ف بيت ربيعتي . ومازالتت مريم طايحه على الارض . دانه ؛ (ترفسها )، انتي شو ؟ غبيه ؟ ماتسمعين ؟ يالله قومي بسرعه قامت مريم بدون اي صوت ، وتمشي على ريل وحدهه . ام صالح ترمسس دانه ؛ وين الزبالهه ؟ للحينها ما مزهبه الريوق ؟ شو تتريا دانه ؛ اميي يالسه تزهب شنطتي ، بسير ارقد عند ربعي ام صالح ؛ لما ترد خل تسوي ريوق وعقاب لها على التاخير خل تكنس الحوش . دانهه ؛ بس تكنس الحوش ؟ خليها تكنسه الظهر احسن خل تحترق وهي مب لابسهه نعال يكون احسن ام صالح ؛ قولي لها جي انا بسير الدوام الحين ^ وهذي هي حياهه مريم ، الي تلقب بالزباله ف عايلة بو صالح وام صالح يوم الاحد ؛ الساعه 4:00 العصر مريمم ترمس ف التلفون ؛ علي دخليك دور لي شقه اعيش فيها ، تعبت من هالحياه جسمي كله تكسر ، وصالح للحين ما وقف تحرشاتهه ، وعمي كل يوم ضرب ، ودانه ما تقصر علي ؛ يالس ادور لج شقه تكون جريب من الكليه . مريم ؛ استعيل الله يخليك ، ماقادره لو تميت اكثر عادييي اموت علي ؛ لا تقولين جي مريومهه ، بتطلعين ان شاء الله وبترتاحين مريم ؛ تعرف انت الوحيد الي تدلعني ، في هالبيت ماغير ينادوني بالزبالهه . علي ؛ خليهم هذيل مرضى . مريم ؛ انا بسكر الحين ام صالح الحين بترجع واخاف تعصب علي وانا مب فايقه الصراحهه . لا تنسى الله يخليك ، دور في اسرع وقت علي ؛ من عيونييي ، ويالله سكري ولما تفضين اتصلي مريم ؛ اوكيهه يالله في حفظ الرحمان . بعد عشر دقايق ؛ ام صالح تدخل البيت وهي تناديي ؛ مريموهه ، مريموهه وسم ان شاء الله في بطنج مريم ؛ هلا عمتي ؟ ام صالح ؛ مالت عليج والله مالت عليج ، هلا عمتي قالت هلا عمتي ، سيري برع في اغراض ف السياره نزلي الفواكه والخضرا واباج تغسلينها عدل ، وقطعيهم وسوي لنا سلطه فواكه ، وفي فطاير حطيهم في الفرن ، والجبسات وهالسوالف رتبيهم في سله ، و نظفي الميلس ربع دانوه بيون . مريم ؛ من عيوني عمتي ، تامرين على شي ام صالح ؛ من حلات عيونج علها البط ، يالله ذلفي مريم بصوت مكسور ؛ ان شاء الله . مريم في المطبخ تقصص الفواكهه ، دخل صالح . مريم ؛ دخليك صالح مالي خلق سوالفك انا مشغوله الحين صالح ؛ فشو مشغوله قلبي عطيني اساعدج مريم ؛ ( سوت له طاف ) صالح ؛( مسك ايدها ورفعها لشفايفهه وباسها وظهر ) مريم ؛( على طول سارت تغسل ايدها والدموع ف عينها ) وهي تقول ف قلبها ؛ لمتى بتم جي لمتى ، ونزلت دمعه ومسحتها بسرعه وهي تقول مهما يصير ما بنزل دموعي عشانهمم وكملتت قص . بعد ثلاث شهور من هالروتين .. مريمم في شقتها ، فجاه تسمع صوت دق عند الباب مريم تشوف من فتحه الباب ؛ منو ؟ ولا تشوف عمها ؛ يا زباله فتحي الباب بسرعه ، وبدا يدق الباب ويدق ، لين ما فتحت له الباب عمها ؛ بسرعه وقعي . مريم ؛ على شو اوقع ؟ قلت لك الورث مابعطيك عمها : وقمتي تراددين لا تخافين الورث عفته اصلا والحين بتوقعين وبدا يضربها ولحد ما وقعت . بعد اسبوعين . مريم يالسه تاكل . تك تك تك . > صوت الباب يعني 😂 . مريم كانت تنتظر علي فقامت وفتحت الباب على طول والا يدخل ريال غريب . نعطيه عمر 55 . مريم : غلطان اخوي وتسكر الباب . الريال ؛ يا حرمه فتحي الباب مب انتي مريم .... الخ مريم : هيه ، وتفتح له الباب بعد عشر دقايق نطق الريال وقال ؛ شكله عمج ماخبرج . مريم ؛ عن شو يخبرني ؟ الريال ؛ انه انا زوجج ، وانتي حلالي . مريم : شو تقول انت ؟ شو تخربط ؟ الريال : اسمي محمد ، ويالله تجهزي باجر بنسير شهر العسل . مريم : لا تستهبل انا ماتزوجت و ولاشي . طلع لها محمد عقد الزواج وظهر وترك مريم منهاره على الارض . مريم ترمس عايشه مريم : عايشه لحقني شسوي في هذيي الورطهه ؟ عايشه : ها كيف جي ؟ الحين شو بنسوي ؟ مريم : ماعرف والله محتاره . عايشه ؛ عندي لج خطهه ! مريم : اتحفينا . عايشهه ؛ شرديي !! مريم ؛ تتمصخرين ؟ شو اشرد ؟ عايشه : عيل شو بتسوين ؟ مريم ؛ ماعرف والله 💔 اففف لباجر يصير خير . بعد يومينن .. في مطار دبيي الساعه 4:30 العصر . محمد : يالله مريم نسير ؟ مريم ونفسها في خشمها : شو نتريا عيل ! محمد : بطوفها لج هالمرهه بس جربي تكررينها . مريم خافت بس ماحبت تبين : اقول امش يالله عن تسير الطياره محمد : يالله التعديل الأخير تم بواسطة rola2065 ; 05-07-15 الساعة 08:28 PM | ||||
|
|
|
01-07-15, 06:05 AM
| #5 | ||||||||
| مراقبة عامة ومشرفة وكاتبة وقاصة وقائدة فريق التصميم في قسم قصص من وحي الأعضاء  
| السلام عليكم ورحمة الله وبركاته اهلا بك في وحي الاعضاء ونتمنى ان لك كل الموفقية والمتابعة الطيبة ارجو منك المرور على هذا الموضوع للتعرف على قوانين القسم ومواضيع اخرى تفيدك دليل الكتاب والكاتبات الجدد وقوانين قسم قصص من وحي الأعضاء | ||||||||
|
|
|
01-07-15, 07:07 AM
| #6 | ||||||||||||
| نجم روايتي وكاتبة في قسم قصص من وحي الأعضاء  
| مبررررررررررروك الروايه يا قمر بالتوفيييييييق يارب بس لييييه الشر ده مريم مطحونه فى بيت عمها أبو صالح لا وكمان بعد ماتهرب منه يجوزهااا الظالم لواحد فى سن والدها معلش حاولى متسرعيش الاحداث أدى للموقف حقه بشويه شرح وكلام ووصف لحركاتهم وكده يعنى ربناااااااااا معااااااااكى | ||||||||||||
|
|
|
01-07-15, 07:48 AM
| #8 | |||||||||||||
| نجم روايتي وكاتبة في قسم قصص من وحي الأعضاء
| اقتباس:
| |||||||||||||
|
|
|
01-07-15, 04:39 PM
| #9 | ||||
| البارت الثاني ؛ نزلو مريم ومحمد من الطيارهه ، والطرفين ساكتين . محمد (يتحمحم ) مريم لفت له بنظره خير ؟ محمد ؛ انا اعرف انج مجبوره بس بعطيج فرصهه خمس ايام تيلسين بروحج وتستعدين (ومد لها الكارت ) وهذا الكارت روحي السوق وصرفي على راحتج . مريم ؛ شكرا ماحتاج منك ولاشي ، ويالله وصلني الفندق بسرعه انا هلكانه . محمد ؛ بتاخدينها غصباً عليج ويالله طوفي جدامي ، ومن اليوم ورايح ماريد اسمع كلمة لا ، فاهمه حط الكرت بين ايدها ، مريم حست بالقشعريره من مالمست ايده الخشنه المايله للسمار ايدها الناعمه مريم (تاففت من الداخل وتوترت ومسحت دمعة ظلم ومشت ) . في بيت ابو صالح : دانه ؛ والله مريم لها وحشه كانت تنظف بدالنا ام صالح ؛ هي والله يبالنا انيب خدامه يديده . ابو صالح ؛ اشعنه خدامه يديده ؟ مريم ثلاث شهور وتلاقونها متطلقه ، اصلا منو يبي وحده مثلها . دانه وهي تقول في قلبها ( منو مايبيها اصلا ، جمال وكل شي مب انا الي طايح حظي ، بس دواها خذت واحد اكبر من ابوي حتى ) ام صالح ؛ اي زين ريحتني عيل دانه ( قامت وسارت الغرفه تصيح على حظها وجمالها ) . عند عاشه يالسه وتحاتي مريم الي ماترد ، عاشه تتصل لمريم وهذي خامس مره تتصل وتهز ريلها عاشه ؛ يارب ترد يارب يارب وفجاه يطلع صوت مريم ؛ الو عاشه ؛ واخيراً رديتي ،( وتنهدت) جوفي كم مره اتصلت مريم بنبره اسى ؛ محمد كان عندي . عاشه والحماس ماكلنها؛ ها بشري ؟ مريم ؛ ابد والله عاشه ؛ قولي لي من ماركبتي الطيارهه لحد ماتصلت لج مريم ؛ ( قالت لها كل شي ) عاشه ؛ زين والله عطاج فرصه مريم ؛ بس عيوز اكبر من ابوج حتى ، و عنده ولدين ، واحد ثنويه عامه والثاني تاسع . عاشه ؛ ويحسرتي ؟ الله يخس شكله ، واشعنه مزوجنج ؟ شيبي فيج ؟ مريم ؛ ماتعرفي حركات شياب هالزمن ، حسبي الله عليه . عاشه ؛ هونيها وتهون ، وفي هالفتره شو بتسوين ؟ مريم ؛ ماعرف والله شو اسوي ، يمكن اتصل لعلي اي حقي عاشه ؛ تستهبلين ؟ سيري السوق وتجهزي ؟ انتي في شهر عسل . مريم وهي مقهوره؛ اي شهر عسل والي يخليج ، قولي بصل ، مع واحد لوح والله عاشه ؛ خلاص مريم لازم ترضين الحين انتوا متزوجين وباجر بتيبون عيال . مريم وشوي وبتصيح ؛ خسي والله ايب عيال منه ماتشرف اصلا ، الله ياخذ الشيطان بس . عاشه ؛ اهدي حبيبتي واتصلي لعلي يمكن يقولج حل وطمنيني بعدها ، اوكي حبيبي ؟ مريم ؛ اوكي ، شكرا . سكرت مريم من الفون وطاحت عالسرير تصيح على حظها . في مكان ثاني . ..... يرن تلفونه ، ويرد ؛ هلا دكتور ؟ الدكتور ؛ مرحبا .... ، لقد ظهرت النتايج ، نتمنى حضورك للمستشفى في اسرع وقت . ..... ؛ خير ان شاء الله ، بعد نص ساعه بكون موجود . الدكتور : حسناً ، الى اللقاء . عند عاشه ؛ يالسه تفكر في مريم وبالمصيبه الي صارت لها . ام عاشه ؛ يمه عاشه بلاج ؟ منو شاغل تفكيرج ؟ عاشه ؛ ولاشي يمه ولاشي ، ومسحت دمعه كانت على وشك النزول . ام عاشه سارت لها ويلست مجابلها ؛ مريم صاير لها شي ؟ بدت عاشه تصيح وتصيح وتقول ؛ والله ماتستاهل الي يصير لها . ام عاشه وبدت تخاف عليها ؛ عاشه بلاج ؟ ليكون صاير فيها شي ؟ شو صاير ؟ عاشه ؛ يمه عمها مزوجنها ريال اكبر من ابوي والحين مسافرين شهر العسل اونه ، ومريم حالتها حاله ، يمه لازم اسير لها ام عاشه ؛ لاحول ولا قوة الا بالله ، والله هالبينه ما تستاهل الي يصير لها ، بنجوف اجازه ابوج والميزانيه وبرتب الاوضاع . عاشه ؛ مشكوره امي . ام عاشه ؛ يالله قومي الله يرضى عليج ، صلي ركعتين وريحي بعدها ، ولو حطيت الغدا بوعيج عاشه ؛ ان شاء الله ، باست راس امها وسارت تصلي . التعديل الأخير تم بواسطة rola2065 ; 05-07-15 الساعة 08:31 PM | ||||
|
|
|
01-07-15, 05:22 PM
| #10 | ||||||||||||
| نجم روايتي وكاتبة في قسم قصص من وحي الأعضاء
| ليييييه مريم وافقت ع المهزله دى عمها ده شيطاااان وجوزها دا هتعمل معاه ايه ربنا يستر تسام أيدك | ||||||||||||
|
|
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
.png)
.png)
العرض العادي
