عايشن مقلب الكاتبه / فز قلبي ( مكتملة )

[اسطورة !]

خليفه ابتسم
مروى رفعت حاجب : هااا من متى وانت تضم عني ؟؟
خليفه انتبه لنفسه : ها لا ماشي
مروى بوزت: وانا اختك تضم عني! افاا
خليفه : ههه والله مافي شي
مروى : قول لي عيبتك؟؟
خليفه : آآه
مروى : يوم السالفه فيها آآه ابا اسمع يلا قول
خليفه : اممممم يمكن بس اعجاب
مروى : ههههه ويمكن حب
خليفه : هههههه ما اضن
مروى فتحت فونها لقت ريم مطرشه لها
مروى تعمدت تقول : يووه ريم مطرشه
خليفه بفضول : شووو
مروى: هههههههه ويقول اعجاب
خليفه انحرج وسكت
ريم : مروى … وينج
مروى: هلا
ريم : زين يوم انج رديتي … مروى شسم ذاك ولد خالتج ؟؟
مروى: ههههههه
ريم : شفيج تضحكين !!
مروى: تصدقين قبل شوي يسالني نفس السؤال
ريم : فديييته يسأل عني
مروى: هههههههههه
ريم : هههه ايه قولي شسمه !!
مروى: اسمه خليفه
ريم : فدييييييييت هالاسم
مروى: هااا هااا
ريم : مروى شكلي بديت احب
مروى : يووووه !
ريم : ههههه والله
مروى: الله يهنيج
ريم: امييين
——————
مروى: هههههه شو تتريا
خليفه : هاا ماشي … يعني طرده
مروى : ايلس ايلس (ومدت له الفون)
خليفه : شو هذا
مروى: اقرا
خليفه قرا وابتسم
خليفه : ابا رقمها
مروى : بطرشه لك
خليفه : يلا عيل بطلع عنج … بس باجر ما بودرج الا وتاكلين
مروى: خلاص تمام
وطلع
مروى رجعت تذكرت سلطان وتمت تصيح ليما نامت
———
عند سلطان الوضع ما اقل من مروى الا اكثر … ما نام فغرفتهم ابداا راح ينام فغرفه ثانيه … وويصيح
سلطان" والله ما انام فالغرفه الا وانتي وياي … الغرفه ذيك ما يدخلها غيرج" وتم يصيح ليما نام
———
اليوم اللي بعده فبيت بو محمد
محمد: يمه يبه قررت اتزوج
ام محمد( حنان) : الحمدلله ياااولدي … هااا محطي حد فبالك
و محمد(خالد): هااا منووو ؟؟
محمد: امممم وحده اسمها هند عبدالله سيف الجابري
ام محمد: هئئئئئئئئئئئئئ …. عيد الاسم
محمد خاف : آآ هند عبدالله سيف الجابري
ام محمد دمعت عيونها : كيف حصلتهم !!! … الحين من كم شهر اسال عن اخوي ولا اعرفه وين … وطلعت تحب بنته ،،، احلى خبر يا ولدي الغالي احلى خبر
محمد " هئئئئئئئ يععني انا اغتصبت بنت خالي ": آ صح كيف ما ركزت فالاسم … المهم انا اباها
ام محمد: تعرف بيتهم
محمد: ههههه هيه
بو محمد : والله زين اخيرا العايله بترجع
ام محمد: هيه والله … خلاص انت ودني وانا وابوك بنروح وبخطبها لك رسمي
محمد: انشاءالله … شرايكم باجر ؟؟؟
ام محمد : تمام
بو محمد: زين بعد انا باجر دي اوف
محمد: عيل زين
راح محمد غرفته
محمد" يااربي لو صارلي شي ومتت شو بيصير لها …لازم اجدم العرس لااازم … وبروح اكمل جامعه فبريطانيا ما بيلس هناا اصلا هم ما بيخلونها تيلس عندهم هنا "
————
هند كعادتها فغرفتها ما طلعت الخدامه تيب لها الاكل وتاكل وتنام
————
مروى نفس الحاله تاكل وتنام
————
سلطان ما يقل عن حالتهم نفس الشي
————
نوف مهند جدم عرسهم للشهر الياي
————
شوق عرسها بعد شهرين
————
سيف للحين ما عرف عن طلاق مروى وسلطان
————
خليفه دق على ريم وكان اثنينهم متوترين ما عرفوا يرمسون بس للحين محد معترف للثاني
————
جوري للحين فحاله الاكتئاب ضعفت وااايد لكنها تحاول تطبق وصيه حمد وتطلع نفسها من هالحاله قد ما تقدر
————
عليا فالشهر السادس ومستانسه مرررره بس زعلت لانهم قالوا لها بتيب بنت
————
فهد مستانس لانه بيتزوج شوق بعد شهرين وما يمر يوم الا يتصل للها اربع او خمس مرات
————
حمدان عايش حياته عااادي ولا همه شي
————
الريم رجعت لعبارتها المشهووره (في حياته عايشن مقلب)
————
مي تحاول قد ما تقدر هي ويدتها (شيخه) ان سلطان يخطبها بس كل محاولاتهم تفشل
————
شهاب تحسنت حالته شوي بس بعده فالمستشفى
————
توفي ربيعه مروى عرست
————
عواش ربيعه مروى انخطبت وعرسها بعد ثلاث شهور
————
شواخ ربيعه مروى على حالها تتريا تعرس … بس على فكره تنخطب وااايد بس هي ترفض على قولها ( انتظر اميري المستقبلي وفارس احلامي ) <<هههههه عيل بتلقااه الاخت
————
عبدالله واسوم ومي ونور وايمان على حالهم
————
اليوم التالي وفي وقت المغرب << احس اني قلبت اعلاميه
رن جرس بيت عبدالله(ببو هند ونوف)
فتحت الخدامه الباب ودخلتهم الميلس
نزل عبدالله
عبدالله اول ما شاف حنان :هئئئئئئئئئ حناااااان !!!
حنان : عبدالله …. يااااخوي اشتقت لك
عبدالله : وانا اكثر يالغاليه
(طبعا بنعرف قصه حنان وعبدالله وكيف افترقوا … الله يسلم غواليكم … ابو عبدالله كان يباه يتزوج بنت عمه وهو اصلا ما يحبها لانها كانت متكبره وعبدالله ما يحب هالنوع من البنات … حب ميره حب جنووووني وابوه قال له اذا تزوجتها بحرمك من كل شي حتى الفلوس واختك … حنان حلفت على عبدالله ان ما يترك ميره عشانها … وطلبت منه انه يروح وانها بتتزوج ولد عمها (خالد) اللي كان طيب وحنون معاهاا لاقصى حد وبجذا افترقوا الخوان وعاشت حنان طول عمرها فبريطانيا مع خالد اللي درس واشتغل هناك ويابوا محمد)
حنان : عبدالله لو تعرف ليش ياييه … اخيرا ياخوي … انا ياييه اخطب بنتك لولدي
عبدالله توتر: آ آ اي بنت !!
محمد: هند ياخالي … انا شفتها مره وسالت عنها وعرفت ان اسمها هند … في واحد من اهلكم علمني مكان بيتكم … وانا اباها على سنه الله ورسوله
خالد : ها يا ولد عمي … شو قلت ؟
عبدالله استانس لان اولا فضيحتهم ما بتنعلن ومحد بيعرفها وانه تطمن على بنته انها بتكون اكيد فايد امينه فايد ولد اخته : انا من صوبي موافق … ولد اختي شو ابا اكثر … مابحصل لبنتي حد احسن منك… ماعليه انتظروا رد البنت .. بس…
محمد : شو ياخالي؟؟
عبدالله : البنت متطلقه
محمد "هههههه يوه عادك ضبطت لك جذبه ": وانا اباها لو متطلقه ما يهمني اذا كانت متطلقه او غيره …
حنان : آ آ ماعليه ياعبدالله شاوروا البنت وردوا علينا
بو محمد: وحددوا العرس متى ما تبون
محمد: انا من الحين بقولكم العرس بعد شهر … بس راي هند بعد يهمني …
عبدالله : خلاص تمام … يلسوا عندنا اليوم ياحنان
حنان : لا والله ما اقدر يااخوي بروح انشاءالله يوم ثاني بي … الا وين ميره
عبدالله : الحين بناديهاا
وراح ويا وياه ميره
ميره : هلاا حنان شلونج !!
حنان : الحمدلله ياحبيبتي وانتي؟
ميره : تمام
وسولفوا وراحوا عايله محمد
راح عبدالله عند هند
فتح الباب بقو ودخل
عبدالله : جهزي عمرج وطلعي مع نوف وامج اشتري اغراض العرس … عرسج الشهر الياي
هند انصدمت : شوووووووو
عبدالله : جب ولا كلمه … مالج شور … انا اللي اقرر …
هند طاحت دمعتها وسكتت
طلع عبدالله
بعد مرور شهر وخلال هالشهر لااااتوجد احداث عدا ان نوف وهند تجهزوا لعرسهم الكل تجهز اما سيف اليوم بيعرف عن طلاق مروى من سلطان
————
سيف راح غرفه حمدان
دق الباب
حمدان " منو غريبه !!" : تفضل
دخل سيف … استانس حمدان لانه طلع من جو الكأآبه اللي هو فييها << ما الومه فقدان الصديق والاخ شي مؤلم (الله يرحمج يا اختي وصديقتي عبير)>>
سيف : حمدان … بغيتك تعطيني رقم مروى
حمدان : ليش ؟؟
سيف : بغيت اكلمها عشان ابا شي منها … ولا اقول بمر بيت عمي بروح لها
حمدان : بس هي ما فبيت عمي
سيف استغرب : عيل وين راحوا هي وسلطان فبيت بروحهم ؟؟
حمدان نزل راسه باسف : لا طلقها سلطان
سيف : شوووووووووو (بدت دموعه تطيح) ليش
حمدان خبره قصتهم
سيف طلع من الغرفه وراح لسيارته اللي صارله شهر ما ركبها
سييده راح عند جوري
اتصل لها
جوري : هلاا سيف … وينك من زمان عنك
سيف: جوري طلعي اباج تين وياي في موضوع لازم انا وانتي نحله
جوري استغربت :هاا اي موضوع؟
سيف بنفاد صببرر : طلعي وبقولج فالطريج
نزلت جوري بعد ما شيكت على شكلها اول
ركبت السياره
جوري: هاا شوو الموضوع
سيف : طلاق مروى وسلطان
جوري: ليش الحين فكرت بالموضوع
سيف : انا امس حلمت حمد كان يقول لي انا ما ييت عشان حد انا ييت لاني عرفت ان في حد غلطان … وان بينكم حد ظالم حد …قلت له منو … قال خل سلطان يرجع مروى… انا ما عرفت السالفه الا من حمدان اليوم … لما رحت له ابا رقم مروى ابا اقول لها عن الحلم … قال لي انه طلقها
جوري منصدمه : انا انا قبل يومين حلمت الحلم نفسه بس ما حبيت اخبر حد
سيف : شوووو
جوري: والله
سيف وقف صوب بيت سلطان
سيف صد على جوري وابتسم : خلينا ننزل ناخذ سلطان
جوري حست بشعور غريب لما ابتسم حست انها ما تبا تنزل عيونها عنه : ي يلا
نزلوا وخبروا سلطان وقالوا له اي ويااا طبعا سلطان فسيارته بس تغير ١٨٠ درجه ما عاد يرمس وايد ولا ياكل طول وقته نوم وفالغرفه …
رواحوا لمروى
سيف اتصل عليها لما وقفوا عند بيتهم
سيف: هلاااا والله
مروى بصوت حزين : هلابك
سيف: قومي فتحي الباب انا وجوري يايين عندج
مروى : صدددق!!
سيف: والله
مروى : يلا ياييه
قامت قالت للخدامات يفتحون الباب وهي تريتهم فالميلس
اول ما وصلوا قامت وقفت شافت جوري وسيف دخلوا وبعدهم دخل سلطان من شافت سلطان حست انها مشتاقه له حست ان ودها تضمه وهو نفس الشي …هي قاومت بسبب وجود جوري وسيف اما سلطان قرب منها بدموع …وضمهاا لصدره وهي استسلمت وضمته وصاحت
سلطان : ارجعي لي ياقلبي
مروى : ياليتني اقدر
سلطان: بعوضج عن كل شي ضايجج
مروى: سلطان اللي سويته ما شويه عشان انساه
سلطان : الله بيعوضنا يااروحي
مروى: ما اقدر …(بعدت عنه ورفعت عينها له ) ماا اقدر
سيف: سلطان مروى يلسوا اباكم بموضوع
يلسوا
جوري: موضوع طلاقكم …
مروى: شفيه!!
جوري حكت لهم الحلم
مروى:هئئئئئئئئئئ نسيت وصيه حمد(دمعت عينها) بس ما اقدر
سيف: يامروى هذا قضاء وقدر نحنا ما نقدر نوقفه … فقدتو طفلكم الله بيعوضكم عنه … لكن ليش تحرمون عماركم من بعض
جوري: نحنا ما نضغط عليكم … لكن فكروا بالموضوع زين … ترا الله قادر انه يعوضج يا مروى عن الطفل اللي فقدتيه …
مروى : آ آ
سلطان قاطعها : عمج هنا صح ؟
مروى : لا خالي هنا .. ليش؟
سلطان: ناديه
مروى: ليش
سلطان : بس ابا اسولف وياه
مروى نادت على الخدامه تنادي خالها علي
وبعد ما سولفوا شوي
سلطان : انا ابا ارجع مروى ياعلي
علي : نحنا راينا من راي مروى … اذا وافقت نحنا راضين
سلطان وقف وراح لمروى اللي كانت واقفه وقف جدامها بالضبط: هاا شرايج ؟؟!! … ومثل ما وعدتج اعوضج عن كل شي صار
مروى تمت تفكر وتفكر لفتره بعدها تجمعت الدموع فعيونها خاف سلطان انها ترفض
مروى: ا اناا موافقه
سلطان من فرحته حضنها وجوري تاثرت ودمعت عيونها يا سيف صوبها قال لها تي معاه وطلعوا للسياره
————
سيف : جوري … الله يرحمه
جوري: راح … انا منو لي غيره
سيف : ياجوري … الله يرحمه … بس اضنج ما فهمتي شي من الوصيه المكتوبه لي من حمد …
جوري: كيف يعني …شو ما فهمت ؟!
سيف : آآه … جوري اذا قلت لج مروى برقبه سلطان امانه كيف بتكون يعني صله القرابه بينهم
جوري: يا ابوها يازوجها يااخوها
سيف : ووصيه حمد لي انج امانه برقبتي يا جوري… ادري بترفضين … لكن هذي وصية الغالي …ويمكن خيره لنا
جوري صاحت : انت شتقول … انا ما ابا غير حمد
سيف: يابنت عمتي حمد مات اخوي مات لو تقضين عمرج بطوووله تتريينه ما بيرجع .
جوري: عاارفه … بس انت ما تحبني …
سيف: الحب بعد الزواج
جوري: آه … يوم وصيه حمد … انا راضيه … حمد ما بيختار لي شي الا وواثق بيه
سيف: حطي ثقتج فيني يا جوري … انا ولد خالج مستحيل اضرج … وانتي بنت عمي ما اضن بتضريني …خلينا نسوي اللي وصانا حمد بيه … يمكن يكون خيره لنا
جوري: انشاءالله
سيف ابتسم لها : يعني اتقدم لج يازوجتي العزيزه
جوري: ههههههههه من الحين شفت عمرك … سو الي بتسويه
سيف: هههههه ترا استهبل … خلاص فاقرب فرصه بكلم عمي فارس
جوري: تمام
—————
عند سلطان ومروى طلع خالها علي عنهم وخلاهم بروحهم كانهم انخطبوا مره ثانيه
مروى فرحت لان تحس سلطان صادق
سلطان فرحان على الاخر
سلطان: قلبي سمعي شرايج نخلي رجوعنا لبعض مفاجأه
مروى: اممممم اوكي بس كيف
سلطان : هههههه ما تعرفين ان بعد يومين عرس هند ونوف
مروى : هيه اعرف …
سلطان : شرايج لما بيروحون الناس بنبقى نحنا الاهل مع هند ونوف ندخل انا وانتي ههههههههه خاطري اشوف ويوههم … خاصه شوق
مروى: ههههه حلوه الفكره … يعني ما بنحظر العرس
سلطان: لااا
مروى :خلاص تمام … بس كلم جوري وسيف عن يقولون لحد
سلطان : خلاص بقول لهم … يلا حبي انا طالع تامرين على شي
مروى قامت وباسته على خده : سلامتك
سلطان ابتسم لها وراح
مروى حست ان كل شي رجع لها من رجع سلطان
وسلطان نفس الشي ووعد نفسه ان ما يكرر الغلطه اللي غلطها … وان ما يشك فمروى ابدااا
—————
سلطان قال لجوري وسيف ووافقوا وعيبتهم الفكره
—————
اليوم اللي بعده الصبح
عند ريم
رن فونها وهي كانت نايمه
ريم : اووووووف … ما يتصلون الا لما اكون نايمه
ردت
ريم بضيج : الووو
تامر: اهلا وسهلا
ريم باستغراب: اهلين
تامر : دا انتي الست ريم !!
ريم باستغراب اكثر: هيه انا ريم … خير !!
تامر : اليوم وصلت السياره اللي طلبتيها …
ريم : سلامـــــــ(تذكرت ان حمد قايل لها انه شاري لها سياره ) آآه هيه هيه تذكرت … قصدك اللي طالبنها حمد
تامر : اممم لحضه … (يفتش بين الاوراق) ايه ايه … الاجراءات تمت باسم السيد حمد محمد
ريم بحزن: اهاا
تامر : خلاص بتأدري تاخزيها فاي وأت عندنا في ******
ريم : خلاص بطرش السواق اييبها …
تامر : بس لازم توقعي استلام
ريم : خلاص انا بي بعد شوي
وسكرت عنه

[اسطورة !]

ريم" الله يرحمك يا حمد انا كنت استهبل فطلبي السياره منه !! لكن والله سواها … ليش ياحمد الحين كل ما اشوفها او اركبها بيعورني قلبي آآآه اللهم لا اعتراض الله يرحمك "
رفعت فونها شافت مكالمه من خليفه بسرعه ردت تتصل عليه
وهو رد
ريم: صباح الخير
خليفه : صبااح النور … اخبارج؟؟
ريم " يوووه مره خجول حتى كلمه حبيبتي ماا يقول ": بخير .. خليفه س سوري كنت نايمه ما رديت عليك
خليفه: ما عليه نوم العواافي … سوري لاني دقيت فوقت مب مناسب
ريم : لاا لااا عادي
دخلت مروى على خليفه : خليييفه
خليفه : لحضه ريم
ريم : خذ راحتك
خليفه : هلا شو؟؟
مروى: ههههههه تكلم ريم
خليفه رفع حاجب : هههه هيه
مروى: المهم بطلب منك طلب صغيييييييير
خليفه:امري
مروى: من تخلص مكالمتك تعال لي تحت لان يمكن يطول هالطلب هههه
خليفه : هههههه قبل شوي صغير
مروى:هههههه انت تعال وبتعرف( وطلعت)
خليفه :انزين شو كنا نقول
ريم : هههههه …نسيت … امممم بسالك سؤال
خليفه : سالي
ريم : علاقتك مع مروى احسها مررره قويه
خليفه : آآه … ريم لا تعورين قلبي … هالبنت الوحيده فالدنيا كلها خلتني اتعلق بها كأخت … مع انه عندي اخت لكني احس مروى غيير مره غير …
ريم باستغراب: كيف يعني غير
خليفه : شوفي يمكن محد يعرف مروى كثر ما اعرفها انا … مروى لو انحطت انسانه ثانيه فمكانها كان تحطمت … فقدت امها وابوها وخواتها فيوم واحد وما كانت صغيره وقتها كانت كبيره … وبعدها يا ريم بعد ما خلصت ثانويه تمو يخطبونها لكن كل ما يخطبها حد تصير لها مشكله او انه يطلع هالشخص مب زين … مع ان خطبها واحد من اهل ابوها اللي هو ولد عمتها ولما خطبها مروى تغيرت مره كانت متضايجه طول الوقت مع انها عادي معاه … وبعدها ياها شهاب اللي كان بيسوي مصييبه … لكن الله عاقبه الحين شوفي ما يقدر يتحرك …
ريم : وانا بعد حبيت مروى … حسيتها مع انها تضحك لكن دوم فضحكتها ضييج وتعب
خليفه : صح … مروى دوم تحاول تساعد الكل قد ما تقدر … وتنسى تساعد نفسهاا
ريم : الله يعينهاا … الله يسامح اخوووي … كله منه زاد ضيجتها وفقدت ولدها … الله يسامحه والحين لا هو ربح ولا هي تطلقوااا
خليفه" هههههه حليلج ما تعرفين انهم اليوم بالليل بيردون لبعض": هيه والله … الله يسامحه …
ريم : يلا انا بروح الحين … تامر على شي!!
خليفه : سلامتج
ريم : الله يسلمك
وسكروووو
خليفه " آآآه للحين ما اعترفت لها …احس ما عندي جرأه اقول لها … شهر وانا اكلمها ولا قلت … بتقول هذا شو يبا … لازم افكر بالموضوع "
نزل تحت
شاف مروى قاعده هي ومها وباين ان اجو متكهر بينهم
مها من شافت خليفه ابتسمت …
مها: خلوووف … حبيبي تعال
يا خليفه بس عكس ما توقعت مها قعد صوب مروى
خليفه وهو يطالع مروى: اخبااركم !!!
مها عصبت ومروى ردت عليه : تمااام
(طبعا نسينا نقولكم ان مع اهتمام خليفه بمروى اهتمام شديد وكان معضم الوقت يقضيه معاها من تطلقت مها بدت تغار لان اخوها كان قبل ما تتزوج مروى مساافر وما كان موجود فكانت علاقه مها ومروى حلوه بس من رجع خليفه وشافت مها اهتمامه بمروى بدت الغيره ومن الغيره بدا يتولد كره )
خليفه نسا تواجد مها وقال : هاا شو بغيتي يالغلاا !!
مها بغت تموت بس سكتت
مروى صدت على مها وابتسمت : البيت
مها حست ان الدنيا وقفت وبدت تسود فعيونها وقفت ويلست تصارخ بصوت عالي مررره : تتطنزين عليينا تقولين البيت وتسكتين وانتي مبتسمه بعد … تبين تطردينا طردينا … ما احنا بحاجه بيتج
مروى منصدمه من كلام مها يات بترمس بس خليفه قاطعه بصراخ
خليفه : بسس جببب
مها بدت عيونها تدمع …: كل شي تبينه تاخذينه كل شيي … دومج الفايزه وانا اللي ما احصل شي واسكت لاني ما اباج تتضايجين وتحسين انج وحيده … خذتي امي مني وحبتج واخواني
مروى وهي تصيح : شو هالكلام مهووي … انا طول عمري باي شي احصله اشاركج …طول عمارنا كنا خوات … وبعدين انا صح وحيده وما عندي امم ولا
مها قاطعتها : شوو وحيده … ام حصلتي زوج حصلتي اخت وحصلتي اللي هي شوق وكل شي بغيتيه حصلتيه كل حد يحبج … والحين تاخذين مني اخوي بكل سهوله
مروى منصدمه وخليفه نفس الحاله
مروى: انتي شتقولين … انا ما خذت منج حد … اخوج ويبقا اخوج الاسم وكل شي يجمعكم … انا لو اعتبرته اخوي ما يجمعنا غير مشااعرر …
مها : اكررررهج يامروى وهذا انا اخيرا تجرأت وقلتها … واذا ع المحبه قبل وعلى اساس اني عبالج اني اختج فأعتبريها مشاعر شفقه لا اكثثثثر … طول عمري اكرهج ووبقى اكرهج ،،، لكن كنت اكرهج فداخلي وابين العكس … بس الحين اكرررهج بكل الحالات
كان كلام مها مثل السجين وتطعن قلب مروى … تمنت مروى تموت قبل لا تسمع هذي الكلمه " مشاعر شفقه" بدت مروى تنهار تدريجيا مها كانت تطالعها وخليفه قرب من مها اللي يت تبا ترروح
خليفه بصراخ خلا كل خليه فـ مها تررجف : مهاااااا … عندج اليوووم وبااجر بطولهن … ان ما اعتذرتي لمروى … انسي ان عندج اخووو فااااااهمه !!!
مها خافت من كلام خليفه مره لكن بينت العكس وطالعته بس ترددت قبل لا ترمس لان شافت عيونه وشافت شكله مره معصب عليها وتشجعت : ابششرك من الحين انسى ان عندك اخت اسمها مها … وخل (تاشر على مروى) هذي اليتيمه تساعدك…
خليفه عصب مررره ومسك مها من ايدها بقوووو وسحبه له تكلم وهو مفوول مره : دامني حي … مروى اي مخلوق ما يققول كلمه عنها … مستعد ابيع اهلي وابيع عمري وكل شي فدنيتي بس عشانها …
مروى انصدمت من اهتمام خليفه لها توقعت منه كلام لكن ما جذااا …
مها انهاااارت من الصياااح : انا برجع عند عماتي فالفجيره …
خليفه : حافظنج الله
مها : لهالدرجه ما اهمك
خلييفه: وكيف ما تهميني وانتي اختي
مها : بس
خليفه : مهوي قعدي خلي مروى تكمل كلامها
مها : بس انا فهمت كل شي ما يحتاي … خليفه خل عندك كرامه .. وخلنا نطلع بدون ما تهيننا
خليفه سكت
مروى بصوت كله صياح : مهوي ما فحياتي توقعت مشاعرج تجاهي جي … طول عمري توقعتج تعتبريني مثل ما اعتبرج كأخت حتى ولو اقل لكن هالمشاعر تذبحني تفهمين شو يعني تذبحني … ( علت صوتها ) انا لما قلت البيت … كنت اقصد اني سجلت البيت باسمج وكنت ابا توقيعج
مها وخليفه فحاله صدمه من اللي يسمعونه
مروى كملت : عيد ميلادج ورا باجر … حبيت اهديج هديه غير عن كل حد … وسيارتج بعد شهر بتوصل … (مروى تصيحح) كنت ابا اهديج شي غير لان اول عيد ميلاد لج يمر وانا ما موجوده وياج ( تصيح زياده وقامت حظنت مها وبهمس) حلال عليج كل شي يااختي … حلال عليج كل شي جرحتيني به اليوم … فدااج كل شي ( ويلست مروى على الارض تصيح )
مها يلست صوبها وخليفه حس عمره ماقادر يتحمل وصاح
مها : انتي ش شتقولين
مروى طنشت اللي قالته لانها ما ركزت عليها : كل حد يحبني شفقه ( صدت على خليفه ) بس انا ما ابا شفقه … ما ناقصني شي … (نزلت راسها) شو ذنبي يوم الله خذ عني كل شي احبه .. (تطالع مها ) حتى انتي يامها اللي عوضتيني عن خواتي عرفت اليوم مشاعرج( قامت صوب خليفه وطاحت فحضنه وصاااحت ويودت خليفه بقووو خافت انه يروح عنها ) خليفه كل حد قال انه يحبني فيوم من الايام طلع على حقيقته … سلطان اللي حبيته مووووت شوف شو سوا بي … وما بس انا …قتل ولده … خالتي فاطمه (وفاطمه لما شافتهم كلهم يصيحون وقفت تشوفهم منصدمه من وضعهم ومن سمعت اسمها لفت انتباهها الكلام وحبت تسمعه ) خالتي فاطمه شوو اقول عنها ما انكر انها ربتني وحبتني لكن خفت منها وبديت احس بخووف تجاهها لما حااولت تغصبني اني اتزوج شهاب اللي عرفت حقيقته لما شافته …مها شفت بروحك مشاعرها وسمعت شو قالت … كل حد كلللل حد (زادت شهقاتها) خليفه لاتودرني … اوعدني
خليفه ما قادر يتكلم حس ان كلام مروى طعنات لهالدرجه هالانسانه متحمله … هالكثر صياااح!!…اللي اعرفه ان مروى ماحساسه لهالدرجه … واللي اعرفه ان شخصيتها قويه … لكن شو هالمواقف اللي شفتها كل مره انصدم من حجم الجروح اللي شايلتنهم فقلبها خليفه بصوت مبحوح :اوعدج ياروحي …
مروى حاولت تبعد عن خليفه بس كان متمسك بيها بقو
مروى سكتت ما حست بنفسها الا وهي نايمه بحظن خليفه مع انها كانت واقفه لما شافها خليفه سكتت وشافها ما تتحرك خاف عليها وبعدها عنه ابتسم لما شافها نايمه شالها من على الارض على ايده وراح يوديها غرفتها
حطها على فراشها ويلس على الكرسي القريب من السرير يتأملها …
خليفه " آآآآه والله يامروى انتي انسانه ذهب … محد مقدرنج فهالدنياا … ( ابتسم) والله لو ما معتبرنها اختي والله بتزوجها لكن الله يهنيها … سلطان بعد ريال زين بس الجرح اللي خلاه فقلب مروى كم يبالها ليما يتداوى …آآآه مشكلتها تخلي كل شي يجرحها فقلبهااا لو تطلعين يامروى كان انتي بخيير "
يلس يمكن حوالي ساعه يتآملها انتبه على الساعه شافها الساعه ٧
خليفه " اووووه تذكرت سلطان بيي يملج عليها اليوم "
خليفه يحط ايده على ويه مروى : مروى … مروى قومي !!
مروى تحركت وفتحت عيونها : هممم
خليفه ابتسم لها : قومي حياتي تجهزي سلطان بيملج عليج وبياخذج وياه اليوم
مروى يلست وهزت راسها بمعنى(اوكي)
خليفه : جهزتي اغراضج؟!
مروى بعد هزت راسها بمعنى(هيه)
خليفه سكت عرف ان مالها بارض ترمس
يا بيقوم
مروى :خليفه !
خليفه لف عليها : هلا
مروى: تتوقع حب سلطان لي شفقه
خليفه حس بنبره الحزن اللي فصوتها ابتسم لها : ياحبيبتي اذا شفقه مثل ما تقولين ما بيرجع لج وبيخطبج … وبعدين خلج واثقه من اللي يختارهم قلبج
مروى هزت راسها مقتنعه بكلام خليفه
خليفه : يلا ياحبي قومي ابا اشوف احلى بنت فالدنيا تبتسم .. تجهزي ( وقرب منها ) ما يهمج من الناس يامروى
مروى ابتسمت له
خليفه رد الابتسامه وطلع ومروى قامت تعدلت وتلبست …
——————
ولما خلصت وطلعت عند الملاج ووقعت وقالت موافقتها رجعت غرفتها من غير ما تيلس مع سلطان لان ما كان لها بارض للكلام ابدا … وبالاصل كان سلطان وخليفه يرمسون مع بعض رجعت الغرفه ويلست على كرسي هزاز وكان عليه دبدوب ارنب صغير ابيض … هذا كان هديه من عبدالله ولد عمتها لما كانوا صغار …يلست على الكرسي ومسكت الارنب وحظنته وسرحت تتخيل حياتها مع سلطان … وتتخيل كيف ان العيوز ما تطيقها ومي اللي بعدها للحين تتخيلها ما تعرف شو يبون هالثنيتين … خلال سرحانها دخل سلطان غرفتها بعد ما دق الباب وما انتبهت لانها كانت غارقه فالتفكير
مروى رجعت راسها ورا بتعب : آآآآآه ( وطاحت دمعه على خدهاا )
سلطان انصدم منها وقرب ايده من خدها ومسح الدمعه
خافت ونقزت من مكانه : سلطاان !!
سلطان بملامح باارده ما فيها اي تعابير : شفيج !!!
مروى نزلت راسها
سلطان عقد حواجبه : مروى انتي ما تبيني
مروى نطت له بسرعه : لاا لاا ما هذا الموضوع
سلطان : عيل ؟
مروى نزلت راسها : سلطان ماشي … انسى
سلطان قرب منها : يامروى الحين كل ما يصير لج شي قلتي لي انسى … ياحبيبتي قولي تكلمي …
مروى: خلاص سلطان (مسكت راسها ) بس الله يخليك … ما في سالفه غير اني تذكرت امي وابوي
سلطان : الله يرحمها … يلا حياتي نروح
مروى هزت راسها
وهي نازله خلت الخدامه تشل شنطها للسياره وهي ونازله بعد توقعت تلقى مها بس للاسف خاب ضنها
وفالطريج ولما وصلوا من دبي وبالتحديد جميرا
مروى: كانا طلعنا من جميرا !!!
سلطان : هيه
مروى استغربت : وين رايحين
سلطان طالعها وابتسم : نسيتي اللي اتفقنا عليه ان محد يعرف عن خبر رجوعنا لبعض … انا كان عندي شقه من قبل كبيره … بنقعد فيها اليوم وباجر بنرجع البيت
مروى: اها

[اسطورة !]

———————-
لنا قعده طوويله مع سلطان ومروى … نروح للعرايس ( هند ونوف)
نوف بتطييييير من الفرح … بتتخبل لانها اخيرا بتجتمع مع مهند فبيت واحد …كانت يالسه تكلمه
مهند :نووف ياويلج ان طلعتي دبه
نوف: اوووووف … قلت لك بتشوفني سيبرايز
مهند : اووف الحين انا اسبوع كامل هني ولا شفتج … اي قلب عليج حسي شوي حسسسي
نوف : كيفج تحمل …
مهند : نوووف للا تخليني ايي الحين عندج
نوف : لا لا لا لا والله تسويهاا …
مهند : آآآآآآآآآآآه متى بيي باجر ( بصراخ) متتتتتتتىى
نوف مييته من الضحك عليه : بااجر
مهند : امممممم بشوفج بعد ١٢ ساعه يعني نص يوم باقي … اوف متى بيطوف
نوف : اقووول مهند ترا حشرتني … خلني انااام
مهند : هههههه …تصبحين على خير حبيي
نوف : وانت من اهله
وسكرت
نوف" آآآآه اخيرا اخيييرا … بس بصراحه فيني خوف فنفس الوقت "
عند هند
هند كانت تصيح طوول الوقت … ما ترد على مكالمات محمد ابدااا بس هو صااابر عليها
هند" آآآآآه انا شسويت بدنياي عشان جي يصير فيني … لييش اناا اللي ماعمري فكرت ان ريال يتحكم فيني رغم هدوئي بس ما ارضى الحين شوفو حالتي … احس صوتي صار اعلى من صوت نوف … لكن شالفايده شخصيتي ضعفت … الحين بكل سهوله بيي هو وبيتحكم فيني … اي بلا ابتليت فيه" طبعا كانت تصيح
وبعد ما تكلمت مع نفسها نااامت بسلام
———————
نروح لمحمد
محمد" آآه احسني غلطت غلطه كبيره … لكن هند بتصير لي … وفيوم اكيد بييب راسهااا وبتحبني … ما اقول غير يااارب"
ونام
——————-
عند مروى وسلطان وصلوا الشقه وكانوا اثنينهم تعبانين وبدلوا ونامووا على السرير
مروى: هند احس عرسها صار بسرعه صح
سلطان : هيه … لان ولد عمتها اللي خاطبنها ومستعيل لانه يبا يكمل دراسه بررع
مروى : اهاا
سلطان غطى نفسه وعطاها ظهره لانه يبا ينام وما يعرف الا ينام على جهه وحده
مروى بعد فتره يلست تلعب بشعره لانه كان طويل شوي وسلطان كان فرحان لانها رجعت له
مروى : سلطان
سلطان لاا رد
مروى: سلطاااان
سلطان بعد ما يرد
مروى : يوووه عااد تخلي عمرك نايمه ،،، ما صارلك دقيقه
سلطان لا رد
مروى حظنته من وراه وحوطته بايدها : توعدني ما تودني مره ثانيه
سلطان بعد سكوت : اوعدج
مروى باسته على خده … سلطان لف عليه وحظنها : انسي كل شي صار يا روحي … اوعدج اصير لج انسان ثاني ،،،
مروى ذابت فحظنه
ونامواااا
—————————
الصبح
(طبعا قبل ما اقوللكم شو صاار… سيف خطب جوري والكل استانس وتحدد عرسهم بعد شهر فيوم عرس شوق وفهد)
نروح لهند ونوف
طبعا هند بعد ما دقت سيمفونيه صياح راحت الصالون مع نوف وبينت نفسها طبيعيه لكنها تصيح من داخلها
وعند مهند كان مستانس ع الاخر
ومحمد صح مستانس لكن بعد حاس بالذنب
وشوق وريم وجوري راحوا الصالون بعد نفس الشي
ومروى وسلطان طبعا حاله استثنائيه جوهم غييير مره
ومروى بتروح الصالون متأخر لانها هي وسلطان ما بيحظرون العرس بيحظرون اخر شي لما يكونون بس الاهل
مروى قامت من النوم ابتسمت لما شافت سلطان
مروى تحط ايدها على خد سلطان : سلطان …حبيبي
سلطان فتح عيونه بتعب : هلا
مروى : قوم .. ولا بتخليني بروح اجابل اليدران
سلطان ابتسم لها وهو يقوم : قمت
مروى بحزن : سلطان مهووي زعلانه مني
سلطان : ادري بالموضوع
مروى: الحين شو اسوي ؟؟
سلطان : خليها بتهدى وقلت لخليفه يفهمها
مروى: تتوقع الناس كلها تشوفني بنفس النظره
سلطان : ما اضن كلهم ،… بس سمحيلي المتخلف هو اللي يشوف بهالنظره … ما اضن ان حد له الحق يعامل غير عن حد ،،،
مروى نزلت راسها : انا ما بقالي غيرك وغير خليفه
سلطان ابتسم : تصدقين اني بدت اغار من هالخليفه
مروى: هههههههه … خليفه شي ثاني فحياتي … بس انت طبعا وشي اكيد فكفه والناس كلها فكفه ثثانيه
سلطان حط ايده ورا ظهرها : احبج
مروى حطت راسها على صدره وابتسمت
—————————
بعد مامر الوقت وراحت مروى للصالون ورجعت البيت او الشقه
سلطان كان ينتظرها
دخلت بهدوء لقته فالصاله يطالع التيلفزيون
مروى بابتسامه: شرايك !!!
سلطان مفهي من شاف شكلها تينن مررره قام
سلطان بنظرات غريبه : انتي شوووو
مروى مستغربه
سلطان : انتي شووووو !!!
مروى مستغربه
سلطان : هههههههههههههه مروى تبين تذبحيني شوووو !!!
مروى: شفييييك!!
سلطان حظنها: قسم بالله قمر والله قمر
مروى استحت : تسلم
سلطان بنظرات حاد: مابنروح العرس
مروى انصدمت : شوو تقول ؟؟ لييش
سلطان ببرود : اممم بس افوت الوقت معاج واخليج تروحين العررس مينون انا
مروى: سلطان عن الاستهبال
سلطان طالعها بحده : لا يعني لا
مروى بعصبيه : بروح يعني بروح
وقف لها : شو تتحدين
مروى خذت نفس : سلطااااان
سلطان ببرود:عيووونه
مروى تغير شكلها كانها بتصيح: سلطاان عن السخاافه
سلطان نقققع من الضحك من شاف شكلهااا : هههههههههه
مروى: بليز حبيبي قول بنرروح…
سلطان : بنروح ياقلبي… وااناا عمري رديت لج طلب
مروى لا اراديا باسته على رقبته : احببببببببك
سلطان : مروى روحي لا اتهوووور
مروى انتبهت على نفسها واستحت
سلطان ضحك على شكلها وراح يتجهز
—————————
طبعا دخلت هند ونوف مع بعض
عليا : اووووووه شوفوو بطني شكبره احس عمري بالوووووون
نوف : هههههههه
هند كانت طول الوقت سرحانه
نزلوا عنهم بعد ما سلموا عليهم
نوف : هنوود
هند : همم
نوف : خلاص ياحبي لا تضيجين بعمرج … هو يحبج … ومستعد يضحي باي شي عشانج … انتي تقبلي الموضوع
هند عصبت : نوووف سكتي عني لا اقوم الحين وادوسج
نوف خافت لان هند صارت متوحشه هالفتره : خلاص خلاص
دخلوا مهند ومحمد مع بعض (اللي بيستفسر ليش مهند ولد خاله نوف وهند وما ولد خاله الباقين … ترا ميره اخت لطيفه ام مهند بالرضااعه ومهند ولدها الوحيد…يعني عشان جي هي ما اخت محمد وخليفه ومهره وفارس)
مهند ونوف مستانسين مررره اما الجو عند محمد وهند متكهرب ع الاخر ومحمد تجنب يرمس هند عشان ما تقوم تفضحه جدام الكل
روحوا المعازيم ويلسوا كالعاده اهل المعاريس واهل العرايس
الريم :فديت مروى والله ناقص منها بس
سيف : هيه والله " ههههههه ماتعرفون عن السيبرايز اللي بيصير بعد شوي"
جوري رن فونها وطلعت برع فجأه راحت شوي صوب الاضاءآت وبندت كل شي وشغلت اغنيه كانت تحبها مروى والكل مستغرب من الليتات وخافوا من الوضع َ!! ماعدا سيف وجوري اللي رجعت مكانها
مهره : بسم الله شووو صارر !!
مهند : يمه شو هذااااا !!!
لطيفه : اقول شوق حرمتك انت تحسسنا ما عاجبنك الوضع
مهند: هههههههه عايبني يالله
نوف استحت ودزته
فجاه الا يشتغلن الليتات مره ثانيه وبندت الاغنيه
الريم : بسم الله يمكن ينن !!!
الكل: هههههههههههه
هند قامت وشهقت لما شافت مروى: مروى!!!
الكل طالع وين ما تطالع هي وكانت مروى قريب منهم هي وسلطان
مروى : شلونكم؟
الريم : مروى
الكل : مرووووووووى وسلطان !!!
سلطان ابتسم : انا ومروى رجعنا لبعض
الريم ما قدرت توقف من الفرحه اللي حست بيها ويلست ع الكرسي
ريم دمعت عيونها : الحمدلله
هند : مروى (وبدت تصيح)
مروى قربت منها : عيوونهاا… افا يالعروس تصيحين!!
هند حظنتها بهمس: لا تقولين عروس .. ابا ارجع لكم
مروى : ياحبيبتي …
نوف : مروووى وانا مابتحظنيني
حمدان : عندج مهند
نوف استحت والكل ضحك عليها وعلى شكلها
حمدان : اووووووه نوف فيوم وليله صرنا نستحي
نوف : كل تبن
حمدان :هههه تمام … قسم بالله احس بطني فيه دووود من كثر التبن اللي اكلتوني له
نوف : تستاهل ما يروم الدود ياكل لسانك
حمداان والكل : ههههههههه
الكل حمد الله لان سلطان ومروى تفاهموا ورجعوا لبعض
ورجعوا البيت
—————————-
عند مهند ونوف
عايشين جوهم رومنسيه ع الاخر … ما لازم نشوف شو يسوون او شو يقولون …ونخليهم يكملون سهرتهم <معاريس لاه>
—————————-
عند هند ومحمد فالفندق
محمد دخل الغرفه شاف هند بعدها بفستانها وطايحه ع السرير تصيييح
محمد قرب منها : هند
هند بصوت عالي : روووووح عني ضيعت حياتي وبعد ياي ترمسني
محمد: آآ
هند: بسسس بسسسسس
قامت وراحت الحمام تبدل وتاخذ لها شااور
نامت فالصاله لانها شافت محمد نايم فالغرفه
————————————
مروى : سلطاااااان خلني انام خلااص
سلطان : لا ماشي … قعدي وياااي …
مروى نامت ولفت عنه
سلطان: مروى
مروى ماشي رد
سلطان : مررروى
مروى ماترد
سكت سلطان
مروى استغربت من سكوووته لفت عليه الا تشوفه قرب منها بسرعه وباااسهااا على شـفايفهاااا
مروى: ههههههه نذلل
سلطان : عشان تتعلمين ما تطنشيني
مروى طالعته بنص عين ولفت عنه: زين تصبح على خييير
سلطان نام صوببها … : وانتي من اهله
ونااااموا واثننيينهم فرحانين انهم رجعوا لبعض
—————————————-
اشرقت شمس الصبااااح وكلن قام
بنبدا بسلطان ومروى …
مروى : مابا اقوووم خلني نايمه
سلطان :حبي قومي الحين انتي مودره الشركه من شهر واكثر بعد مايصير
مروى قامت بكسل: اوووووف … انا شوالله بلاني بهالشركه(رجعت تنام) خلها تولي …
سلطان: يوم انتي ما قد هالصفقه ليش تدخلينها !!! …انتي داخله سفقه كبيره وتحدد نجاح او خساره شركتج
مروى ببرود : زين خلنها تخسر
سلطان:اوووووف كيفج
مروى طار النوم من عيونها: اوف يوم طار النوم عني قلت كيفج
سلطان: ههههههههه
مروى تحك عيونها بايده : شعليك اضحك
سلطان باسها على خدها : يلا قلبي اترياج تحت
مروى ابتسمت له .: ماعليه بروح بسيارتي اليوم …لاني بمر بعد الدوام مع حلا ومطر وحسن وامون كوفي نتفاهم عن المصيبه اللي عقوها فوق راسي …هذا وغبت شهر لو خليت الشركه لهم شو بيصير
سلطان : هههههههههه خلاص اللي يريحج
وطلع سلطان ومروى تلبست
——————————-
نوف قامت لقت نفسها فحظن مهند وكان ويهها مجابل لويهه باللضبط استحت للحضه ببس تذكرت انها صارت زوجته واي شي يصير ويجوز بينهم …
نوف بصوت هادي : مهند
مهند انتبه لها وفتح عيونه وابتسم
نوف تطالعه مستغربه : ليش تبتسم
مهند : لان اللي تمنيته طول عمري اليوم تحقق لي
نوف استحت ونزلت راسها مهند رفع راسها
مهند: مافي شي بيننا يستاهل انج تستحين … انتي زوجتي (بهمس قرب من اذنها) زوووجتي
نوف ذااابت مره واستسلمت لما كان يبوسها حست انه بيحرق رقبتها
نوف: خلاص مهند
مهند : ههههههه يلا قومي خذيلج شاااور ( وشاف الساعه ففونه) هئئئئئئئ بسرعه بنتاخر عن الطياره
نوف قامت بسرعه وجهزت وخلصت وهو بعد وطلعوا من الفندق ع المطار
————————-
عند هند ومحمد
قام محمد ما حصلها صوبه راح يدورها خاف انها طلعت واول ما طلع للصاله شافها جدامه نايمه فالصاله
محمد ابتسم وقرب منها شاف ملامحها البريئه طاحت دمعه من عينه وهي كانت ماحاسه بشي ابدا شالها على ايده ووداها للغرفه وحطها على السرير وماحست ابدا بشي
—————————
عند مروى فالشركه فالاجتماع
مروى بعصبيه : كيف يعنيي !!!
حلا : طال عمرج حاولنا وكل شي مانفع
مروى : انتووو شووو فهموووني انتوو شووو … انا ماقلت اي شي يصعب عليكم طرشولي بلايميل !!!
مطر : بس طال عمرج … كان عبالنا انها صفقه سهله … لكن ضننا خاااب
مروى قامت وشياطين الدنيا راكبه راسها وبعصبيه وبصراخ : سمعوووني الدوام بيتممدد سااعتين … والله ثم والله ان شفت واحد منكم مقصر فشي ماله غير الباب فاهمييين
الكل بصوت خفيف :فاهمين
مروى: روحوو لشغلكم
الكل قام وراحت مروى مكتبها وكانت فاي للحضه بتدمر اي مخلوق ايي جدامها
يلست على مكتبهاا " اوووه اول مره اصرخ عليهم جي … فدييتهم والله … مساكين صدق ما كان بايدهم شي هي صفقه وخسرناها … اهم شي هذي الصفقه الكبيييره ما ابا اخسرها بس خلهم يستاهلون (ردت تعصب)"
اندق باب مكتبها
مروى بصراخ : نعااااام !!!
حلا : مروى شفيج
مروى هدت : دخلي
حلا دخلت
مروى ابتسمت لها
حلا: يووووه اول مره اشوفج جي معصبه … خوفتينا الموضفين كلهم انصدموا منج
مروى : آآآه شسوي خابصين الدنيا
حلا :حتى ولو هدي اعصابج
مروى : ههه انشاءالله … اممم حلا بلغي الكل ان بعد ٥ دقايق اباهم فقاعه الاجتماع
حلا ابتسمت " ههه اكيد بتعتذر لهم … ياطيب قلبج ياامروى" : تم
وقامت وطلعت وبلغتهم
———————-
مهند ونوف ركبوا الطياره متوجهين لامريكااا
نوف ماسكه ايد مهند : اول مره اسافر ع كثر سفراتي ما فكرت مره اروح امريكااا
مهند : ههههههه انشاءالله تعيبج ..
نوف : اكيييد بتعيبني
مهند : احم لاني وياج
نوف : ههههههههه ع كيفك هوو
مهند :اتحداااج ما كنتي بتقولين جذاا
نوف : ما كنت بقول
مهند : حلفيي
نوف : ما بحلف
مهند : خلاص عيل
نوف : هههههههههه
مهند باسها
نوف شهقت : هئئئئئئ نحن فالطياره تستهبل !!
مهند : كيفي زوجتي
نوف : ههههه بس لا تعيدهاا
مهند ابتسم لها
وظلوا اثنينهم ساكتين
———————
نروح لسلطان وابوه فالشركه
سلطان : سوااف تعال مكتبي شوي
سيف: تمام
( طبعا سيف ولد عم سلطان اللي هو ربيع حمد الروح بالروح وولد عمه … يشتغل عندهم فالشركه)
راح سيف مع سلطان
سيف: هاا امررر !!
سلطان حط ريوله على الطاوله وهو ويالس ع الكرسي : هههههه كيف عشان جوري ؟؟
سيف: خلاص كلمت عمي فارس
سلطان : جوري امانه عندك ياسيف
سيف نزل راسه بضيج: ادري … وانشاءالله اكون قدهاا
سلطان : يارب
انفتح عليهم الباب بقووو وكانوا بنفس اوضع سلطان ع مكتبه رافع ريوله على المكتب ويالس ع الكرسي وسيف يالس جدامه حاط ريل على ريل
محمد بعصبيه : يعني كل الموضفين موجودين فالاجتماع الا حضراتكم!!!
سلطان بخوف: آآ اسف طال عمرك
محمد : ما يكفي انك انت ( وياشر على سلطان ) ماشاءالله عليك من شهرين ماشي دوام (وياشر على سيف) وانت من خمس شهور ما تداوم
سيف : السموحه منك طويل العمر
محمد : اسمعوني حالكم من حال كل الموضفين ،،، بعد اليوم ان شفت قصور منكم سيده بفصلكم فاهمين
سلطان وسيف: فاهمين
محمد : يلا تبعوني للاجتماع

[اسطورة !]

طلع محمد
سيف: تصدق اول مره اشوف عمي معصب جي!!
سلطان : حتى انا !!
سيف: لكن صدق نحنا قصرنا واايد
سلطان : هيه والله … خلنا نروح عن ايي ايرنا من شعرنا
سيف: هههههه يلا
وراحوا وحظروا الاجتماع
——————————
نروح لاجتماع مروى اللي تاخرنا عنه
مروى بجديه : وجي انا ضبطت الملفات وكل الاوراق الخاصه بالصفقه … وتعرفون اللي عليكم مفهوم
الكل : مفهوم
مروى ابتسمت لهم والكل مستغرب من ابتسامتها
مروى بعد فتره : انا اسفه … ترا والله كانت لحضه غضب … تعرفوني ما احب ازعلكم
حلا: يااابعد قلبي
حسن : وانتي سامحينا طال عمرج على القصوررر
مروى :مسموحين
والكل اعتذر لها وهي اعتذرت لهم واعلنت انها ما بتغير قرارها عن زياده ساعات الدوام الا بعد اسبوع
——————
هند قامت من النوم لما شافت عمرها على السرير شهقت : هئئئئئئئئئ
وقامت تركض راحت للصاله
هند بصراخ : انت لمستني!!!!
محمد ياته الضحكه من اسلوبها لكن ضبط نفسه وصد عليها : لا
هند بدمووع: احلف
محمد : والله
هند ارتاحت بس ما كملت راحتها الا تشوف نفسها تنهااار من الصياح وتطيح على الارض قام محمد لها بسرررررعه ويا بيقرب منها
هند صرخت : بعد عني
محمد: هند شفيج؟؟
هند قامت بصعوبه وقربت منه : تسأل شفيني … تسال ياللي ما تخاف ربك … بنت عمك تسوي فيني جي … تدمر حياتي … تدمر مستقبلي … انا صح الكل ضمن مستقبلي والكل ضمن حياتي لاني بعيش مثل اي بنت تزوجت ومحد بيعرف اللي سويته فيني … لكن هذا ما الشي الوحيد اللي يخليني اكرهك … انت ما تفهم شووو انت دمرت حياتي … جامعتي وفوق هذا بتخليني اروح معاك بريطانيا … ابعد عن اهلي!!!
محمد بهدوء: هند بس انا سويت هذا لاني حبيتج
قاطعته : ححبيتني بس ما فكرت بي انا حبيتك ولا
محمد بدا يعلي صوته : وهذا اللي خلاني اسوي اللي سويته …. لو تقدمت لج بترفضيني … وانا ماكان عندي صبر
هند : جب يالنذل
محمد طنشها : جهزي نفسج ترانا مسافرين
هند: ماابااا رجعني لامي وابوي
محمد بصراخ : هننننند
هند خافت بس ما حبت تبين : وعمى
محمد سكت فجأه بس بعدها ابتسم : تجهزي … واعدج تكملين دراستج فبريطانيا … وبعد وعد ثاني انتي لج غرفه وانا لي غرفه…ما بزعجج
هند انصدمت من كلامه بس خافت يتم ناشب لها هنا طول عمره قالت بتوافق وبتروح برضاها دام هو فغرفه وهي فغرفه وراحت تجهزت
————————
مروى فالشركه وعلى نهايه الاجتماع
مروى:واخيرا بعد عشر دقايق بيخلص الدوام … جهزو انفسكم ،.. من باجر ابا شغل جاد … مطر وحسن وامنه وحلا خلاص نلغي موعدنا لان خلال اجتماعنا اضني حلينا المشكله
مطر : تم طال عمرج
مروى : ههههههه خلاص انا قلت محد يقول طال عمرج
الكل : ههههه
مروى: وانتهى الاجتماع …
وراحت وطلعت شالت شنطتها من مكتبها وراحت لسيارتها
وصلت البيت قبل لا يوصل سلطان
دخلت لقت شوق والريم فالصاله
مروى بابتسامه : مساا الخييير
الريم وشوق : مسااا النووور
مروى يلست على الغنفه ورجعت راسها ع ورا وغطت عيونها بايدها وتنهدت :آآآآه
الريم : سلامتج يااااحبيبتي
مروى ابتسمت : الله يسلمج
شوق : هااا كيف الشغل اليوم؟؟
مروى راحت الابتسامه من ويهها : سكتي دخيييلج الا الشغل لا تطرينه
شوق : هههههه يووووه
مروى: قسم بالله الشركه من دخلتها حسيت عمري داخله كوفي كل واحد مبرز عن الثاني … والاوراق فكل مكان لا والقهر وفوق كل هذا خسرونا صفقه كبيره
شوق : هههههههه
دخل سلطان ومحمد
محمد وسلطان : السلام عليكم
الكل: عليكم السلاااام
محمد : هاا كيف الدوام
مروى : هههههههههههه توني اقول لين شوق
محمد : عسى ما شر
مروى: انت احكم اذا خير ولا شرر … بالله عليك تدخل الشركه تشوفها مقلوبه كووفي … تدخل مكتب موضف تلقى جيييش عنده يالس ولا والاوراق فكل صوب رايشينهم …وازيدك من الشعر بيت خسرونا صفقه كببيره غربلااااتهم
محمد : صاارخي عليهم خليهم يخافون
مروى : شو تحسب ما صارخت بس اخر شي كسرو خاطري اعتذرت لهم لاني وايد عصبت
محمد : هههههه مثل واحد اليوم ما كانه مكتب موضف محترم حاط ريله ع الطاوله
سلطان انحرج وكتم ضحكته
مروى : لو انا منك بيررره من ريوله بروشه برع الشركه
محمد: هههههههه( ياشر ع سلطان ) يرييه وروشيه برع البيت
الكل : ههههههههههه
مروى : ههههههههه من صدقك انت مسوي جيي !!
سلطان : هيه
مروى : هههههههههه حظرتك ماخذ راحتك … شرايك تنتقل لشركتي راااويك كيف تستوي موضف سنننع
الريم : ههههههه عشان تعصبين عليه وبعدين تسوين اجتماع تعتذرين لاه
مروى: هههههه ما يهونووون علي
محمد: ههههههههه … يلا انا بروح انام تعبااان
الريم قامت وياه
سلطان : مروى الحقيني فووق انا بروح بعد انام
وراح سلطان وابوه وامه وتمت مروى وشوق
مروى نطت صوب شوق اللي طول الوقت كانت سرحانه
مروى: شفييج !!
شوق : مروى انتي كلمتي مايد
مروى شهقت :هئئئئئ اووووه نسيت والله
شوق : الله يعينج انتي
مروى : خلاص الحين بتصل به
شوق هزت راسها
اتصلت مروى له
مروى : مسا الخير
مايد "واااي شهالصوت": مسا النور
مروى: انت مايد؟
مايد : هيه نعم
مروى: اممم بغيتك فموضوع مهم اتمنى تسمعني فيه
مايد :تفضلي اسمعج
مروى: اولا انا حرمه سلطان ولد خالتك … طبعا اتصلت عشان موضوع شوق …
مايد بدا يعصب: شفييها شوق
مروى: اتمنى تخووز عن طريج زواجها من فهد
مايد : نعممممم !!!… ومنو انتي عشان تحددين هذاا
مروى: اسمعني لو انك للحين ما اضن عرفتني لكن ما اباك تعرف اسلوبي فيوم … عندك يومين بس يوووومين … ابا اسمع كلمتين اللي هن (بخوز عن طريج زواج شوق) … والله ثم والله يا ولد امك ان شفت موقف صار بينك وبين شوق … او سويت شي يمنع زواج هالاثنين ابشششر انك بتعيش فالشااارع … واسويها دامني مروى بنت ابوي
مايد خاف لان عرف مروى ومنو تكون … تقدر تبيعه وتشتريه بفلووسهااا ارتبك ما عرف كيف يمشي الموضوع
مروى بعصبيه ونفااذ صبر: سمعتني
مايد جمع قوته ورد عليها : تحلمين يابنت ابوج
مروى: دامك تحديت من البدايه .. تحمل اللي بييك ياولد امك … شوف ان حد استقبل قدر مثلك … حتى اهلك والله ما بيتنزلون يستقبلونك … وهذا انت بتخليني اسوي اللي فراسي …
مايد : أ أ بس بس انا احب شوق
مروى بصراخ : شو انت ما عندك كرامه … بنت ما تحبك كيف بتتزوجها .. غصبا عنها … وطبعا لو تموت محمد والريم مستحيل يزوجون بنتهم غصب فاااااهم
مايد بحزن : ف فهمت … وصلي كلامي لشوق وقولي لها الله يسامحج
مروى: انشاءالله … وتذكر اللي قلته قبل لا تفكر تسوي شي قذرر
مايد : باي
مروى سكرت فوييهه
عند مايد حزن مرررررره لان كان يحب شوق وففكر بكلام مروى وقرر انه يضمن حياته يمكن فيوم يحصل اللي تسواا شوق … "خلها هذي بنت خالتي لازم افكر فيها وافكر بحياتها الله يهنيهااا هههه اول مره اودر عنادي … ما ادري اول مره احس ان في حد يغلبني ويهددني … ياربي هذي تببيعنا كلنا لكن اللي يشوفها ما يقول الفلوس كلها عندها الله يعيييين "
عند شوق
شوق قامت بفرح: حلفيييييييي
مروى حضنتها : هههه والله
شوق دمعت عيونها : الحمدلله … شكرا حبي شكككككرا
وربببعت غرفتها
مروى: هههههههههه لازم تبشر الحب
شوق من فوق : كلي تبن
مروى راحت غرفتها
——————-
هند ومحمد فالطياره
محمد: هند
هند لا رد
محمد: بـ…
هند قاطعته : اسكت لا الم اللي فالطياره كلهم عليك
محمد تنهد " بصبر عليج "
———————-
ومهند ونوف ناايمين لا رحلتهم بتطول
———————
المغرب الكل قااام
نحول صوب ريم وخليفه شوي
ريم وخليفه طبعا اتصالاتهم ما تنقطع ومحد للحين اعترف للثاني
———————-
وقت العشاا
مروى : سلطااااااااان
سلطان : هممم
مروى: قوووم بنروح نتعشى
سلطان : ما اروح روحي انتي وشوق
مروى: الله يسامحك
وسكتت
سلطان شافها سكتت
سلطان بدون مايلف : مروى تجهزي بنطلع
مروى بفرررح : يسسسس
سلطان قام وابتسم على خبلهاا
مروى تجهزت
مروى: ترا الريم وشوق وفهد وريم بيون
سلطان : اهاا زين
مروى تسحبه من ايده : قوووم شو تتريااا من زمان ماشفت ريم اشتقت لها
سلطان : هههههه خلاص بقوم
قام سلطان وطلعت مروى لشوق
دقت الباب
شوق : دخليي
مروى دخلت وابتسمت : جهزتي!
شوق: ههههه لا عبالي يوم شفتج تاخرتي سلطان ما طاااع
مروى: ههههههه لااا عادي وافق
شوق: هههههه اخوي تخرفن ما يرفض لج طلب وانتي بعد متخرفنه نفس الشي
مروى : هههههههههههههههههه كلي تبن زوجي لو يطلب مني عيوني اعطيه
سلطاان سمعها وياها من وراها وحظنها
مروى شهقت :هئئئئئئئئئئ
شوق منصدمه صح ان سلطان رومنسي وجريئ بس ما يخليه يحظن مروى بهالطريقه جدامها
سلطان : تسلم لي عيونج بس ابا بوسه وبس
مروى مستحيه حيييل من شوق
سلطان : يلااا …
مروى صدت عليه وحرته بعين
سلطان : خلاص اسامحج بس انا بعطيها لج
وقبل لا تقاوم او ترمس باسها ع يبهتها وخدها وع رقبتها
مروى: خلاااااااااااص
سلطان : هههههههههههههههههه
مروى: نذذل
شوق: بالله عليكم تسوون اشياء جي وانا بعدي صغيره
سلطان : ما اتوقع فهووود للحين ما تهور وباسج !!!
شوق نزلت راسها تذكرت ان فيوم م الايام باسها فهد ع شفايفهاا
فهد دخل: ههههههه لا تحرج زوجتي
شوق انصدمت وفنفس الوقت ياتها الضحكه
بعد فتره الكل انفجررر م الضحك
وطلعوا ع مطعم ع البحر هم والريم بعد ما ياات ريم معاهم وسيف وجوري بعد يووو
————————
عند هند ومحمد اللي وصلوا
كان اثنينهم ساكتين لحد ما وصلوا الشقه اللي كان يسكن فيها محمد هو بروحه وكان بعيد عن اهله بعذر ان مدرسته بعيده ويبا يكون مع نفسه ويبا هدووء بس كانت الشقه كبييييره وعباره عن غرفتين نوم ومطبخ وصاله وحمام خارجي للصاله
محمد وقف جدام غرفه وترك الاغراض
محمد: هذي غرفتج
هند بدون ما تطالعه شالت الاغراض بايدها بس مسكها
محمد: انا بشلهم
هند بصوت اشبه للهمس : لا
محمد بنبره عذبت هند وحركت كل مشاعرها حست ان كل خلايا قلبها تحضن صوته : انا وعدتج اتركج فحاالج
هند حست انه صاادق فكلامه بس قالت فنفسها " مستحيييل الين لهالانسان اللي دمرني " فتحت الباب بدون ما ترد عليهه
حط محمد الاغراض صوب الباب وطلع وسكره
محمد طلع من الشقه عشان يشتري اغرض للمطبخ …
هند كانت بروحها "آآآآه ياماما وبابا ونوف … اشتقت لكم وانا بس يومين ابتعدت عنكم …الله يصبرني على فراقكم "
————————
فالمطعم طبعا كانوا منقسمين اثنين اثنين
مروى§سلطان
شوق§فهد
جوري§سيف
الريم§ريم
نروح لهم واحد واحد انشوف شو اللي يصير بينهم
مروى وسلطان
مروى : آ آ سلطان
سلطان : عيونه
مروى : انا ممكن احمل مره ثانيه
سلطان عقد حواجبه : اكيد ليش لا
مروى : آآ اها زين
سلطان ابتسم لها : حياتي لا تفكرين بهالموضووع خلاص … انشاءالله بتيبيين احلى بيبي …
مروى ارتاحت من كلامه : انشاءالله
ويلسوا يسولفون
——————-
شوق وفهد
شوق : احس وايد اشياء ناقصتني … ما متخيله ان بعد اسبوعين
فهد : كل شي ناقصنج انا وانتي بناخذه بعدين
شوق : مااا ادري احس لو يتاجل العرس احسن
فهد ضرب ع الطاوله خفيف: يااقووو قلبج يااانتي !!!… تبيني اموووت
شوق : هاا لا ما قصدي
فهد : شوق توكلي على الله
شوق ابتسمت له
——————
عند ريم والريم كل وحده على فونها ولا يالسه تاكل …
——————
جوري وسيف
سيف: آآ آ ترا العرس بعد اسبوعين
جوري هزت راسها بحزن
سيف: جوري … يعني ما ادري احس ولا واحد منا حاس باي شعور تجاه الثاني …
جوري: يمكن مع الوقت … حمد ما بيقول شي وبيوصيني وبيوصيك الا انه واثق بهالشي
سيف هز راسه بحزن " خوفي الا تحبني اخرتهااا"
ويلسواا ساكتين
——————
بعد فتره الكل روح بيته بعد ما تعشوو
——————
نروح لهند اللي مخلينها حمد تقريبا من ساعتين فالشقه بروحها
هند " يااربي انا بريطانيا ما اعرف حد فيها … الحين بين دول العالم ما اختار الا ذي …لو مات شو بسوي انا هنا … كان وداني سويسرا ولا النمسا ولا فرنسا ولا المانيا ع الاقل عندي ربع فيهن … اما هنا ما اعرف حد !!…هههه شوفو وين وصل بي الحال … املي الوحيد هووو !!!… آآآه … ابوي تحلف لي اني ما اتصل له ولا بيذبحني ونوف سافرت وامي بعد توعد لي ااذاا اتصلت بهاا … ما بقالي غير مروى … باجر بتصل له الحين اكيد عندهم الوقت متآخرر "
ملت هند من الغرفه طلعت الصاله تبا تشوف فلم
——————-
وبعد مرور شهر خلاله تزوج فهد من شوق وسيف من جوري وراح فهد وشوق لالمانيا شهر عسل وسيف وجوري انتقلوا راس الخيمه
سكنوا فبيت كان باننه ابوه لهم يوم يروحون يصيفوون هناك … وسلطان ومروى طبعا ع حالهم لو انهم يتضاربون احيان بس يرجعون يتصالحون
——————
مروى قامت الصبح وبكسل قامت من الفرااش بعد شوي حست انها لااايعه وراحت تركض للحمام ترجع
رجعت وكانت تحس ان روحها بتطلع وبطنها يعورها
قام سلطان
سلطان بخوف لما ششاف شكلها : شفيج !!! بعد لاتقولين زعلانه من امسس
مروى بصوت مبحوح : لا مافيني شي بس راسي شوي يعورني
سلطان: سلامتج قلبي
مروى: الله يسلمك
دخل سلطان ياخذ له شااور
وطلع وتلبس وتجهز وتعطر يا صوب مروى
مروى بصراخ : سلطااااان خوز عني لاعت جبدي منك
سلطان مستغرب: هاااه !!
مروى: عطرك (تسكر خشمها) عطرررررك روح ريحته ما احبها
سلطان : سيري لاه … هذا العطر الحين من ٣ ايام استخدمه وانتي ما فكرتي تعلقين الا اليوم
مروى: ما ادري المهم ما حلو
وراحت تاخذ لها شاااور وتبدلت ما حصلت سلطان فالغرففه وطلعت
يات ويلست معاهم فالصاله اللي فوق <الكل متجمع لان اليوم اجازه ماشي دوام لانه الجمعه >
مروى : السلام عليكم
الكل: علييييكم السلاام
مروى يلست وسكتت
الريم : شفيج حبيبتي من كم يوم ما تاكلين شوفي كيف ويهج صااير
مروى : مافيني شي
محمد : مازين يابنتي كلي …
مروى ابتسمت لهم : اكل …
الريم : صح نسيت اقولج شوق تتصل بج بس ما تردين عليها
مروى: اووه نسيت امس شفت رقم غريب يتصل توقعت انها هي بس كنت تعبانه
الريم : غريبه ما مخزنه رقمها
مروى: لاا ما خزنته
سلطان يا ويلس صوبها
مروى لاعت جبدها لانها رجعت تشم نفس الريحه
مروى بصراخ : الررررررررررريم خوزي ولدج عني لا اطيره الحين
الريم : سلامات اكيييد متضاربين
سلطان : والله العظيم ماا متضاربين بس هي من اول الصبح يالسه لي ريحه عطرك وريحه عطرك
مروى تقوم من صوبه : المهم انا ماعايبتني الريحه احس اني برجع لما اشمها
محمد: هههههههههههههههههه
الريم ابتسمت ابتسامه وصلت من اذنها اليمين لاذنها اليسار: يمكن حامل !!!!
مروى لفت بسرعه وسلطان صد ع الريم بعد بسرعه
سلطان + مروى: هااااااااه
الريم : روووح ودها المستشفى بسرعه …(رفعت ايدها ) ياارب بشرنا ياااااارب
سلطان اتشقق م الوناااسه : بسرعه تعالي وياي
مروى ما مستوعبه الموضوع ومشت وياه
وصلوا السياره
——————-
عند نوف ومهند
نوف : حبي انا ما ابا احمل الحين
مهند : انزين انا الحين اداوم لو عندج بيبي فالبيت كان تسليتي
نوف : انت تبا راحتي !!!
مهند: اكيييد
نوف: انا مقتنعه اني ما ابا بيبي الحين … ( وتاشر ع عيونها) واذا الله راد بعدين من عيوونه
مهند ابتسم : اللي يريحج
نوف : المهم لا تنسى تييب لي حبوب المنع
مهند وهو وصوب الباب : تمام تمام
وطلع
نوف : آآآآه الحمدلله احس اني اسسسعد انسانه فالعالم … ما اعرف اخبار هنووود آآه الله يسترر صارت متوحشه خوفي الا قتلته … هو الفقير شذنبه تحط حرتها فيه … "
———————
عند هند ومحمد
هند فغرفتها ومحمد توه راجع من الجامعه (للحين ما نام معاها وهو مر على زواجهم شهر )
هند من سمعت الباب انفتح نطت ما تدري ليش …
محمد دق باب غرفتها بس ما ردت وتعود على هالحال ودخل
محمد : هند
هند : خيير
محمد يلس يطالعها
هند عبالها طلع رفعت عيونها تطاله وهي للحين اول مره تدقق فملامحه كان جميييل مره … حست بمشاعر ما قدرت توصفها … حست براحه هي وتطالعه حست انها ما تبا تنزل عيونها عنه نزلت دمعه من عيونها ونزلت راسها
محمد يا صوبها : هند خلاص … انسي الماضي … خلينا نبدا من يديد
هند بهدوء استغرب منه محمد: مااا اقدر اللي سويته ما شوي عشان انسااه
محمد منصدم اول مره ترمسه بهدووء وما تصرخ عليه
محمد قام وطلع ما رد عليها
——————
عند جوري وسيف
نحكي لكم عن حياتهم سيف للحين ما قادر يحب جوري او ينسجم معها… طبعا متزوجين بس اسم مافي توافق بينهم اما جوري حست انها خلال هالفتره بدت تميل لسيف بس للاسف هو ما عاطنها ويه "
سيف بدون ما يطالعها : قومي بنروح نتغداا
جوري طالعته بحزن: ما مشتهيه …
سيف طنشها وطلع
وجوري تعودت على وضعه
———————
شوق وفهد
فهد : حيااااتي يلا
شوق : ويت ويت
فهد : اووووف
شوق بزعل : اوف مني انا
فهد ياها وحظنها : وينقطع نفسي اذا منج يااااغلى ناسي
شوق حظنته : تسلم
——————
نروح لمروى وسلطان فالمستشفى
سلطان فالسياره ينتظرها … ما نزل معاها
مروى راجعه عافسه ويهها دخلت السياره وسكرت الباب
صدت عليه وابتسمت
سلطان بفرح: حلفيييييييي
مروى :هههههه ع شوو
سلطان : يعني انتي حامل !!!
مروى : يس
سلطان حظنها : يسسسسسسسس الحمدلله
مروى تدزه : خوووووز ريحتك خووووز عني
سلطان : اووووه نسيت خلاص لعيون هالبيبي بخوووز
——————
عند عليا بالبيت طبعا هي فالشهر التاسع
عليا بصراخ: فاااااارس… آآآآخ ظهري فااااارس (تصيح) فااارس تعال الحقنيييييي
فارس طلع من الحمام وبخوف : شفييج !!؟
عليا تصيح : فاااارس بموت بوووولد
فارس قام مسكها ووقفها : يلا
عليا تمشي بتعب وتصيييح مررره تعبانه
ووداها المستشفى

[اسطورة !]

مروى وصلت البيت وسلطان طيرااان يبشر الريم الريم فرحت لهم وتمت حاظنه مروى ساعه وتصيح
بعد لحضات اتصلت شوق لمروى وردت عليها
مروى: آآآلووو
شوق: هلااا والله
مروى : شخبااارج عساج طيبه
شوق : شاااقحه ديير
سلطان سحب الفون من ايد مروى
سلطان : شووق مروى حامل
شوق بصراخ : احللللللللف
سلطان : والله
شوق : ونااااااااااااااااسه … اخيرا بيصير عندنا بيبي فالعايلله … آآآآآه اخيييرا
سلطان : ههههه يس
شوق بتردد : آآ سلطان
سلطان خاف لان نبره صوتها تغيرت : هلاا
شوق : شفت اليوم يدتي ومي ومصعب
سلطان عقد حواجبه : شوق ما تقولين يدتي هذي انا بعد اليوم ما اعرفها …
شوق : انا ابا اعرف شو اللي خلاك تكرهها وتكره مي
سلطان : ما لازم تعرفين
شوق : همم
سلطان : وانا عندي لج خبر
شوق : ابشرررك قدرك صغرر وطحت من عيني كثير
سلطان قاطعها : ههههه كلي تبن … مايد ملج امس وبيعرس بعد ٣ شهور
شوق : آآهاا الله يهنيه
مروى: اقووول ما بسك!!
سلطان : ههههههه(ومد لها الفون)
وسولفوا مروى وشوق وطول الوقت مروى تعصب (حامل .. لازم حالتها تكون داون ما ادري شو اييهن كان اللي فبطنهن فلفل ما بيبي )
وسكروا
——————
باليل
الريم : والله …مبروووووووك
فارس: هيه
الريم : ماشاءالله شو يابت…
فارس: ههههه اخيرا يابت جمانه
الريم : هههه اخيرا … يلا عيل باجر انشاءالله من الصبح بييها
وراحت فوق تبشر مروى وسلطان
سلطان : اخييييييييرا جمانه وصلت …
مروى: ههههههه زين باجر بروح وياج
الريم : مسكيينه تعبت وااايد … يقول فارس بغت تموت
مروى بخوف : ليش !!
الريم نست ان مروى حامل : ليش شو تحسبين الولاده شي هين … يمووت الواحد ويحييا …
مروى: هاااه
الريم بعدها نااسيه ان مروى حامل : هيه يااابنتي
سلطان بعصبيه : الررريييم
الريم : شفييك؟؟
صدت على مروى اللي بدت عيونها تدمع
الريم : هئئئئئئئئ حبيبتي ما جي اقصد !!
مروى قامت عنهم وابتسمت : ما عليه
وراحت
سلطان بعصبيه : زين جيي !!!
الريم : والله نسيت
سلطان قام معصب مررره لان يعرف مروى مستحيل تنسى السالفه بتتم معلقه عندها
——————
هند طلعت للصاله وشافت محمد يالس ع الغنفه ومندمج فالتيلفزيون وعبالها ما يشوفها وهي سرحت فمللامحه
محمد كان يشوفها بس كان مطنش
محمد"آآآآه اموووت فيج ع كثر العذاب اللي معذبتني له "
هند ما تحس بعمرها وهي تتامله الا تبتسم
محمد نط من مكانه من لمح ابتسامتها
خافت هند وقامت من احلامها وراحت غرفتها
محمد" ابتسمت … قسم بالله شفتهاااا "
وطااار من الفرحه
————————
سيف وجوري طالعين ع البححر
كان بالليل يعني مافي اضاءه واايد
سيف واقف وساند ظهره ع السياره وجوري نفس الشي بس بعيد شوي عنه
سيف: جوري
جورى : هممم
سيف: انتي مرتاحه
جوري سكتت
سيف: انا اسف
جوري بدت تصيح
سيف: جوري ردي علي
جوري بدت تزيد شهقاتها ليما سمعها سيف
سيف خاف وصد عليها : جوووري انتي تصيحين ؟؟
جوري ساكته
سيف: انزين ليييش ؟؟
جوري كملت صياحها وساكته
سيف: جوري اي شي ينقصج قلت لج بس اشري وبعطيج
جوري: انت ليش تزوجتني … اذا على وصيه حمد مستعده ما انفذها … فكرت انك ممكن تعيشني براحه مثل ما قصد حمد فوصيته …انت خليتني انت خليتني(زادت صيااح) أحــــــبــــك
سيف صد عليها : هاااااه !!
جوري: بتقول اني مينونه حبيتك فاسبوعين لكن كل شي فيك يذكرني بحمد … حتى ولو انكم تختلفون لكن كلك تذكرني بحمد …
سيف: هذا ما يسمونه حب … انتي تحبين حمد الله يرحمه ما سيف
جوري: انا اعرف اذا تغيرت مشاعري ولا لا … مشاعري كانت لحمد غير وانت غير (بدت تصيح زياده) خلنا نرجع البيت تعبت
سيف ركب السياره ينتظرها بدون ما يرد
وهي ركبت ووصلوا البيت وسيف ما نام طووول الليل لانه يفكر بكلام جوري
———————
عند هند
هند" آآآه معقوله بسامحه ع اللي سواه !!،،، يخسسي … لكن ليش لا والله للحين ما شفت عليه غلط وهو اعتذر لي والحين مالي غيره لو رجعت لابوي مطلقه قال انه بيعيشني ع الشارع … محمد يثبت لي انه يحبني صدق … شهر كامل وهو يحبني ما فكر يسوي شي عكس رغباتي ،،، لكن معقوله بحبه … يوووه يمكن اعجاب … ما ادري راسي دار خلني انام ابرك لي "
———————-
مروى بالليل
مروى تحلم:سلطااان بموووووووت (وقامت)
سلطان خااف : بسم الله عليج ياروحي !!! شفيج؟
مروى:سلطان (صاحت) ماابا احمل ولا ابا اولد
سلطان حظنها : مروى شهالكلام ؟؟
مروى تصيح فحظنه : بس انا بموت
سلطان نام ونامت وياه وهو حاظننها
سلطان : ماعليج ياحبيبتي انا وياااج … وبعدين يعني ما انتي اول وحده ولا اخر وحده تحملينن !!
مروى تصيح
سلطان يقربها لحظنه اكثر ويمسح على راسها ويبوسها : نامي ياقلبي ولا تخافين … ما انتي كنتي تتمنين انج تحملين !!هذا انتي حملتي ربج بيسهلها …
———————
الكل نااام
"صح نسيت اخبركم عن خليفه وريم امس كان يكلمها
(خليفه : ريم انا
ريم سكتت تترياه يمكن يعترف
خليفه : ريم انا احـــــبـــــــج
ريم ذاااااابت مره ولا عرفت شو تقول
خليفه : الوو
ريم انتبهت : ه هلا
خليفه : ريم اسف اذا ما عيبج كلامي
ريم : هاااه لا عادي
خليفه : يعني انتي تحبيني ؟؟!
ريم : هيه
خليفه طاااار م الفرحه :اممم انزين اذا خطبتج بتوافقين
ريم : يس
خليفه : خلاص بكلم مروى
ريم ساااكته
خليفه : يلا باي
ريم : باي
وسكروااا ) هذا اللي صار يعني الاثنين اعترفوا لبعض وخليفه خبر مروى ومروى فرحت لهم وقالت انها بتكلم مهره وفرحت لان ريم هي الوحيده من بين البنات اللي صارت صديقتها مررره وحتى تحسها اكثر من شوق "
———————-
الصبح
عند سلطان ومروى
سلطان : مروى قومي بتتأخرين على الدوام
مروى نطت : هااه … يلا بقوم
قامت وخذلت لها شاااور ولبست وراحت الشركه
وطبعا سلطان بعد راح
——————-
عند شوق وفهد
طبعا ما يحتي نشوف شو يسوون باختصار عايشين حياتهم عسل في عسسسل
——————-
عند نوف ومهند نفس الشي
——————-
في الروايه الحين بيكون عندنا الابطال (جوري§سيف) (هند§محمد)(مروى§سلطان)
——————-
عند جوري وسيف
سيف مانام طول الليل فكر بكلام جوري " ممكن احبها فيوم …بس انا سيف ماتتحرت مشاعري ابدا "
وقام وقرر قرار
خذ له شااور ونزل تحت
سيف بابتسامه :صبااح الخير
جوري استغربت وردت له الابتسامه: صباح النوور
سيف يا ويلس صوبها
سيف حط ايده ورا ظهرها : شرايج نساافر الاسبوع الياي …عندي سنويه شهر وقلت نسافر نغير جوو فيها
جوري !!!!: هااه ع راحتك
سيف ابتسم : انزين اي دوله تبين ؟؟
جوري ابتسمت له : امممم م ادري ولا اقول خلنا نروح سويسراا
سيف: تمام …يلا باي … قبل لا ارجع تجهزي بنطلع نتغدى
جوري: تمام
سيف قرب لها وباسها على خدها فالحقيقه بالاول كان جابر نفسه لكن حس بشعور غريب ورجع باسها مره ثانيه طبعا الثانيه كانت من اعمااااق خاطر خاطره
جوري مفهيه …" هذا اللي طول فترة زواجنا يعاملني كاني وحده من ربعه !!!… يمكن كان عنده ضغط ولا شي … آآآآه كيف حبيته صدق ينحب"
——————
عند هند
هند" اووويه محمد ما رجع للحين … هئئئئ ليكون صار له شي … انزينن انا ليش شاغله نفسي خله يولي
——————
عند مروى
مروى فالاجتماع
مروى تتكلم فالفون : يا خالد اجل كل المواعيد الشركه عليها ضغط ما لي بارض لمقابلات ودنيا …. انزين خل طويل العمر ع قولتك يقدم ،،، هاااه هيه … يلا باي
مروى صدت عليهم وابتسمت ابتسامه بااهته : نكمل موضوعنا
وتكلمووا وانهوا الاجتماع وطلعوا
———————
وطبعا بعد مرور اسبوع
——————-
سيف : يلا قلبي قومي بنتأخر
جوري : يلا بقوول
وقامت جوري ولبست وطلعوا للمطار متوجهين لسويسرا
طبعا سيف بدا يحب جوري اكثر فاكثر وجوري قامت تحبه بجنووون
——————
هند تصيح " اويه ليش ما رجع للحين … الحين انا خايفه عليه ليش ،… انا مأمنه ع نفسي عندي سواق وفلوس وكل شي … بس احسني اشتقت له … آآآآه ليكون حبيته …. هيه والله حبيته … آآآه محمد وينك … بتصل له "
اتصلت عليه
طبعا محمد شوي يبا يرفع ضغطها ولا رد عليها دقت مره مرتين ثلاث وبعدها رد
هند بصياااح : ويييينك محمد
محمد باستغراب: هااه
هند : تعااااال … محمد ارجع اشتقت لكك
محمد انصدم من الكلمتين اللي قالتهم
ونط من مكانه بسسسرعه طبعا كان فالشقه اللي صوب شقتهم لانها شقه ربيعه وكان يبا يسوي فيها مقلب ويشوف بتخاف ولا لا ولكن طلعت تشتاق له وراح بسررررعه
دخل الشقه الا يشوف وحده تطيح فحظنه وتصيح
هند: لا تودرني مالي غييرك
محمد : انتي شتقولين؟؟
هند : محمد انا احبببببببك
محمد من الفرحه رفعها ودار بيها ع كبر الشقه
محمد : عيدييييها ياقلبي
هند : نزلني
محمد: ماااشي عيديها عشان اصدق
هند : نزلني وبعيدها
محمد نزلها ومسك ايدها عشان ما تركض عنه
محمد: يلا
هند استحت ونزلت راسها للارض: احبببك
محمد حظنها وباسها ووووو(ماليكم خصص )
——————-
مروى رجعت البيت وطيراااااااان راحت ترقد لانها توها راجعه من الشركه وطبعا مروى على حالها كل يوم تحلم انها بتموت وهي وتولد وسلطان طول الليل يهديها
——————-
بعد مرور ٩ اشهر
——————-
طبعا شوق وفهد رجعواا وشوق كانت حامل فالشهر الثاني
———————-
هند ومحمد عايشين روممنسيه ع الاخر كل واحد يحب الثاني بجنوووووون وهند طلعت حامل فالشهر الثالث
——————-
نوف مصره على انها ما تبا عيال الحين لحد ما مهند شك فيها وراحوا يسوون فحوصات وطلعوا اثنينهم سليمييين ويقدرون بس نوف تبا تفك عمرها من عوااار الراس < صدقها نحنا مبتلين ببنت رشاااا المزعجه حليلناا>>
وعايشين حياااتهم حب في حب
——————-
جوري حامل فالشهر الثاني << طبعا الكل علق على انها هي وشوق فكل شي نفس الشي عرسوا مع بعض وحملوا مع بعضض .. وهم نفس الكبببر >> وسيف تعلق بجوري بشكل جنووووووني مرررره ما تخيل ان بنت بتاخذ عقله مثل جوري … حتى ان محمد(ابو سلطان) في يوم عصب منه لانه كان يكلم جوري فالفون ومتاخر عن الاجتماع (هههههههه اتخيل موقفه)
طبعا رجعوا دبي بعد ما بنوا لهم ملحق فبيت خليفه \(ابو سيف)
————————
ريم وخليفه تزوجوا وريم حامل فالشهر الثالث وطبعا عايشين حياتهم حب في حب مثل نوف ومهند وعاشوا في بو ظبي لان خليفه يداوم هناك
—————-
نسيت اقولكم ان مها تزوجت من شهر وطبعا اللشي اللي نسيت اقووله انها اعتذرت من مروى ومروى طبعا سامحتهااا وهي الحين مسافره اسبانيا
——————-
شهاب توفى قبل ٧ شهور واعترف لمروى لما كان يحتظر انه هو اللي قتل حمد واعترف لها انه كانت نيته انه يقتل سلطان بس ما انتبه انه حمد… اعتذر لها ومروى صح بالاول عصصبت بس بعدين سامحته ،،، وخلته سر بينها وبين نفسهااا ويوم القيامه ياخذ عقابه
—————
الكل رجع البلاد ما عدا نوف وهند
—————
عند مروى وسلطان الصبح
مروى بصرااخ : آآآآآآآآآآآآآآآآآآآخ ظهريييييييي
سلطان : بسم الله شفيج
مروى بدت تصيح لانها بغت تموت من الالم اللي حست به : سلطاااااان قلت لك بموووووت … آآآآآآى بموووووووووووت
سلطان : هئئئئئئ بتموووت !!!
طلع فونه اتصل للريم اللي كانت فالصاله اللي تحت
سلطان بدت دموعه تنزل على صراخ مروى وانه ما قادر يسوي شي والاخ صدق انها بتموت
الريم : الووو
سلطان: تعالي غرفتنا مروى بتموووووت
الريم راشت الفون ونططت فوق
دخلت الغرفه مروى شافتها
مروى ايدها على بطنها وتصرخ: بمووووووووووووووووووت الريم الحقيني
الريم : بسم الله عليج
شوق توها داخله البيت وتسمع صريخ مروى راحت فوق بسرعه
شوق : شفيكم
مروى: بمووووت بروح عندهم بلحقهم آآآآآآآآآآآآآآآآه
الريم : شلها بعد انت يالس تتطالع شو هالولد
سلطان : يعني ما بتموت
الريم : شلها بسرعه يالغبي بتووولد
سلطان طاار م الفرحه وشلها ونزل وركبها فالسياره ركبت ورا وياها شوق وجدام سلطان والريم
مروى تصيح : اااااااااااااه ظهري بيتكسسر آآآآآه
شوق : يمممممه ياااقلبي خلاص لا تعورين قلبي عليج
مروى: شوووق (تصرخ) آآآآآآآآآآآآه
سلطان دموعه تنزل والريم مستغربه منه ليش يصيح …
وصلوا المستشفى ونزلوها وطبعا بعد وقت طوووووويل ربت مروى بعمليه ويابت ولد قمممممر
———————
بالباجر الصبح
فتحت عيونها وشافت سلطان نايم ع الكرسي
مروى بصوت اشبه بالهمس لان صوتها روح بسبب الصرااخ اللي صارخته : سلطااان
سلطان فززز من مكانه من سمعها : مروووى
مروى: آآآه كنت بموت
سلطان : بسم الله عليج يااروحي
مروى: وينه هالشي اللي كان بيذبحني
يأشر على سرير صغير كان صوبها
مروى صدت وشافته
مروى:هئئئئئئئئئ هالشي اللي كان بيذبحني !!
سلطان : هههههههههه
مروى:ياااحبي له سلطان ابا اشيله
سلطان : انا اخاااف
مروى: وانا بعد
سلطان : ههههههه
دخلت الريم عليهم
الريم : الحمدلله ع السلامه ياااروحي
مروى: الله يسلمج
الريم : هااا كيفج الحين ؟؟
مروى: تمااام
الريم : وينه بعد قلبي وينه حفيدي … يالله يالريم استويتي عيوز خلاص
مروى: ههههههه …
الريم تشله : بسم الله عليك ياروح الريم ياحبيبي … شوفي كيف صغييير
مروى: هالشي اللي كان بيذبحني
الريم : ههههههههههه نعم انه …
مروى: الريم ابا اشله بس اخااف
مروى : سلطان شله لها
سلطان ابتسم : هههه حتى انا اخاف
الريم : هئئئئ خووش ام وابووو ع الفاضي
الكل: ههههههههه
دخل محمد وبعده سيف وجوري وبعدهم شوق وفهد وبعدهم ريم وخليفه وبعدهم فاطمه خاله مروى وعليا ومهره وميره وعايشه
محمد: الحمدلله ع السلامه
فاطمه : الحمدلله ع السلامه
سيف: الحمدلله ع السلامه
جوري: الحمدلله ع السلامه
شوق: الحمدلله ع السلامه
فهد: الحمدلله ع السلامه
ريم: الحمدلله ع السلامه
خليفه : الحمدلله ع السلامه ماي سيسترر
فاطمه: الحمدلله ع السلامه يابنتي
عليا: الحمدلله ع السلامه حبيبتي
مهره: الحمدلله ع السلامه مروى
ميره : الحمدلله ع السلامه
عايشه: الحمدلله ع السلامه يااقلبي
مروى ابتسمت لهم : الله يسلمكم
سيف: هاا وينه هالصغير ابا اشوفه …
جوري : حتى انا
سيف: لا لا لا
جوري : ليييش !!
سيف: اول انا بشوفه اذا حلو شوفيه اذا ما حلو ماااشي لاتشوفينه … اذا طلع ما حلو وشفتيه يمكن يطلع ولدنا يشبهه ونتورط
سلطان : اقوووووول كل تبببن ..،. يوم انا ابوه والحب امه ما تيسر تقول ما حلوووو اكيد قمر
سيف حاس بوزه: الله والابو عااد … بنشوف
الكل ضحك عليهم
سيف من شاف البيبي بقق عيونه ع وسعهم
سلطان ظربه ع ظهره : قول قل اعوذ برب الفلق
سيف: انتوا من وين يايبينه هذا اجنبي … هئئئئئ عيونه خضراااا !!!
الريم : سيفوووووووه جب قول قل اعوذ برب الفلق … عيونك تفلق الصخرر اعوذ بالله منها
سيف: ههههههه ماشاءالله عليه … جوري حبي تعالي شوففيه واليوم نامي هنا طول الوقت طالعيه لا تخوزين عيونج عنه انزين
الكل نقققع عليه م الضحك
مروى نزلت راسها بحزن : ما تحسونه يشبه حمد
الكل سكت والكل راح يطالعه
عليا: هيه والله … بس فرق لون العيون ولون الشعر
سلطان : بس حمد الله يرحه شعره بني يمكن يطلع يشبهه …
مروى: بنسميه حمد
الريم تصيح : سموه يابعد قلبي سموه بالاسم اللي تبونه … الله يهنيكم بولدكم ويبر فيكم ويخليه ويبقيه لكم
محمد : امين
والكل تم مع مروى سوالف وضحك
————————
بعد مرور ٤ سنوات
خلالها ربت شوق وجوري وهند وريم اما نوف حملت فالشهر الخامس
طبعا هند ونوف رجعوا البلاد لان محمد رجع وسجل فجامعه فالامارات اما مهند خلص دراسته
مروى كبر ولدها وكل ما له يكبر يزيد شبهه من حمد وااايد بس اللي كان يفرق لون العيون ولون الشعر وبس
هند ربت يابت بنت سمتها شيخه
وشوق يابت بنت سمتها منى
وجوري يابت بنت سمتها ندى <<طبععا حتى فاسامي البنات قررريب من بعض ،،، ع فكره شوق ربت قبل جوري بيومين
اما ريم ماشاءالله يابت توأم ولد وبنت (علي وخوله ) <<<على اسم ام وابو مروى
اما مروى فعايشه مع سلطان وولدها بسعااده وهناء
————-
الاحداث بعد مرور سنه
مروي: اقول كلووو تبن حمممودي حبيبي احلى واحد بين هالفيران
هند: كلي تبن انتي الشيخه شيخه اعسل عسل فالدينا
شوق : صخوووو بنتي وبنت جووجووو احلى من عيالكم هالبزرااان
ريم: ما تعرفون تسكتون علاوي وخوخه احلى
وتضاربوا وطببعا كل وحده زوجها وياها
مروى بصرااخ: الريم ما حمد احلى
هند: شوااخه صح
شوق : منى
جوري: نددى
ريم : علاوي وخوله
الريم : اممممممممم في حياته عايشن مقلب
الكل ضحك
مروى والريم : شايفن نفسه بلا داعي .. فالهوى مكار كالثعلب
الكل غنا وياها : تافهن فالحب ما يراااعي … حاول يذلني ويتكبرر لا ولا عشره من امثاله … ايهبي المغرور يتامر لو تحدا وحطني فباله ……….

*الـــــنـــــــهــــــــ� �ـايــــــــــه*

انتهت روايتنا ... اتمنى تعجبكم .... مع تحيااااات: فزز قلبي ( سوومي الشامسي)