آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
17-08-15, 07:23 PM
| #21 | ||||||||
| مراقبة عامة ومشرفة منتدى الروايات المنقولة  
|  بيت ام عصام ريتاج : اه يمه ودي ساافر القصيم عند خوالي ام عصام وهي تناظر ريتاج: اقول خليك من اخوالك اللحين وقولي لي وش مسويه مع رجلك ريتاج ببرود : عايشه الحمدلله ام عصام : الحمدلله وشياطينتس هدجت ولا انا كنت خايفه و متفشله من عمايلس ريتاج : لا لا تخافي ماسويت شيء وخلاص والله لو اصارخ ولا اموت في مكاني ماراح يتغيرر شيء مدام الراس الكبيرر قال كلمه وطبعاً اخوه مستحيل يرفض حتى لو ظلم بنته ام عصام بحده : اقول استحي ولا تهرجي عن عمتس وابوتس كذا ادري فيك عاقله وش اللي مغيرتس كذا غيداء بقهر: ليتك يمه تحسي فيني بس شوي ... ام عصام بعصبيه: وش احس فيتس تبيني اخرب بيتي عشانتس وبعدين وش فيه وليد والله ينشرى بالذهب ريتاج : يمه حرام عليكم الولد مملك ويبي زوجته ليه تقهرونه وتقهروني معه والله ياليت تحسووا بتنأيب الضمير اللي احسه فيه قد يش صعب يمه وموجع ام عصام بعصبيه:وش قهره بالله ومين قال حد يبي يوقف في طريقه ويبيه يخلي مرته وبعدين اي قهر انتي تتكلمي عنه احمدي ربك تزوجتي بدل جلستك كذا تبكي على ميت ومستحيل يرجع رتياج بقهر : ليتكم خليتوني مع الميت والله راضيه يمه والله مابي اخذ غير بندر ولا ودي اكون حليله لغير بندرر وكمان صديقتي ااه يمه تخيلي حتى رافضه تكلمني ام عصام بدون مبالاه :عساها وش لك فيها انتي خليها مدام ماتبيك انتي سوي مثلها واحفظي ماي وجهتس ولا عاد اسمع انك دقيتي عليها ريتاج بعجز من امها : يمه حرام والله حاسه فيها تخيلي احد يجي عليك ام عصام بقهر: بسم الله علي وبعدين وشهوله تقارني حياتي اللي لها حول ثلاثين سنه مع ابوتس مع وحده مملكه لها حول السنه بس ريتاج بحزن :يمه سنه ونص لها ام عصام : وش فرقت إلا شوي ريتاج ناظرت امها بعجزز ...تدري انها مو مستفيده شيء . . هي متوقعه ابوه يحن بس امها لا ...دوم قاسيه ...ولا تفكر فيهاا ..اهم شيء عندها ابوي ...وكلمة عمي ..والقهر وين تقول حنا مانعرف مصلحتنا ...اي مصلحه اللي يبونها لنا...غير تعب وشقى..وكمان وليد يقهر ..محملني انا المسؤوليه ...تعبت وانا ابي يعطينه فرصه اتكلم واشرح له ..اني مالي ذنب في ذا كله عنيد بشكل ماشفت مثل عناده والله ...الله يصبرني ..واللي قاهرني اكثرر كلام عمي قال ايش يبي وريث ..خليهم يجبونه الوريث ذا عصام وشوق ..يعني انحكرت علينا فتحت جوالي انتظر اتصاله ..ليته مايجي عشان يعرفن قد ايش مايبيني ..وانه رافضني من حياته ..ومستحيل يوم يقبل فيني ..وبذات مع حبه للطفيه الجنوني ..وقفت وطلعت غرفتي فتحت الباب ورميت حالي على السريرر وبكيت بقهر وبحزن ااه يارب ..ان ترحم من تحت التراب يارب ..وتصبرني يارب على فرقاه ...مابي شيء والله من هالدنيا كلها ..خلاص عفت العيشه بعده ..ليتك ي حبيبي معي ..ماكان هذا حالي ..استغفرت الله ..الحمدلله على كل شيء ويكفي انه راح عند عزيز مقتدر .. ناظرت الساعه حاسه انه شكله ماله نيه يجي ...خليني اقوم البس لي بجامه احسن ..واخلي جوالي ...عام ان دق طلعت له ..وان مادق كيفه اهم شيء مو انا اللي... .رفضت ماروح معاه .بس وش يفكني من لسان امي وابوي . فتحت .... الجوال بطفش وانا اقلب في النت رميته بسرعه حسيت بطفش اسيل الخايسة نايمه وامي عندها طلعه ماهي فاضيه لي ..مديت يدي وفتحت الدرج وطلعت صور بندر وفتحت دفتر ذكرياتي وكلامي عنه بعد الملكه ايش حسيت يوم ارتبطت فيه لاني كنت خجلانه اقول له قلت اكتبه واخليه يقراه حسيت دموعي تنزل بكيت بقوه حسيت اني مخنوقه بزياده مسحت دموعي بس رجعت تنزل ااه وش اسوي بدنيتي بدونك ....ضميت الدفتر بقوه لصدري ورجعت ابكي ....بعدها حاولت اصبر نفسي وانا اتعوذ من ابليس و اذكر اذكار المساء وانتظر اذان المغرب اكيد راح ارتاح بعد ماااصلي ============================== ============= اليوم الثاني بيت ابو سامي ابو سامي بسخريه وهو يناظر سامي الي جالس يأكل سحب نفس من المعسل اللي في يده: اقول خطبت لك بنت راجح سامي انصدم رفع راسه ناظر ابوه واللقمه في فمه: وشهوو ابو سامي : ابلع لا تغس ام سامي بدون نفس: معاد إلا هي ازوج ولدي عليها هذي ام لسان ابو سامي بسخريه أكبرر: والله ياليت تحمدي ربك لو وافقت عليه هالصايع معك ام سامي بقهر: وش به ولدي زينة بنات الحاره يقبلن فيه خلينا من بنت السكيرر ذا وش تبي فيه ضروري تلزقه اكثر ماهو لازق فينا وبقهرنفسي اعرف وش محببك فيه بدريه بسرعه: يمه وش فيها غلا ي زينها زيناه ام سامي : اقول ماهو امس وانتي مابقيتي فيها كلمه شينه إلا قلتيها عنها اشوفها حليت في عينتس اللحين بدريه ناظرت ابوها اللي يضحك بمكر : قلتيها امس وحنا اليوم سامي يناظرهم ببرود هم ....فين وهو فين ..وهو جالس ..يفكرر كيف ..يحصل قمية بكت الدخان ..وكمان شوي وجاي له صاحبه ..عندهم تفحيط ...ااه وحشه من زمان عن التفحيط ..ليت الشرطه تعطيهم مجال ..يطلعوا الطاقه اللي فيهن ...بس ي دوب دوره إلا واقفن على روسهن ...وهاتي ي مطارده اللي يناصد الله يرحمه واللي يدبر عمره ..يكون ي سعده ...قال وهو مطنش هوشتهم : مين يسلفني بس عشرين ريال ام سامي بعصبيه: انقلع والله مااااعطيك ريال ابو سامي بقهر منه : ماقلت لنا رأيك سامي ببرود وقف وهو يسحب الشماغ ويلفها على راسه بعربجه : والله مانكره عادي يبه لو وافقت خير وبركه بس ترا ماعندي ريال واحد وناظر امه ام سامي بعصبيه: خيرر تناظرني والله ماتأخذ ريال مني وانت تبي تزوج ولدك زوجه من اللحين اقولك انا مالي دخل ابو سامي : اكيد مافي خساره ولا شيء نعطيه بنتنا ويعطينا بنته وعشان يكون صح يدفع هو زياده في المهر حنا وش لنا فيه ولا كيفه لو مايبي بنتي عندي وبنته عنده بدريه بصرخه: لا يبه انا ادفع لو نقص في المهر سامي بفرحه:كويس اعطيني اجل مدام معك فلوس بدريه : انقلع ماعندي شيء سامي بقهر: ايه بس للشايب تبي تتدفعي ي المشفوحه وراء هالعرس بدريه : ماهو بمشفوحه بس العمر يركض سامي بسخريه : ماهو توك في العشرين من وشهوو خايفه بدريه ناظرته بتصغيرر : ليتك تبيت في السجن اليوم سامي بقهر: وجع ان شاءالله الشايب تبعك ينصاد وهو سكران ااه ي اني ابس اسوي حفله عشان ننفك منه لو يوم ابو سامي بصرخه : اقسم بالله تروح تفحط وتنصاد ولا تتهاوش وتكسر سيارات خلق لله والله ماتوسط لك واخليك تعفن في السجن من اللحين اقولك سامي بسخريه : ماهو دايم اعفن فيه ولا عمري قد شفت انك فزعت لي يبه خفف البلا الي تبلعه وكاد ماتتخيل أشياء ابو سامي رماه بقارورة المويا الي قدامه وهو معصب سامي بسرعه طلع يركض ..وهو يضحك ..مبسوط وهو زعل ابوه اللي طول عمره مايشوفه شيء قدامه ..دايم يصغره ...ولا عمره فكر حتى ينصحه لشي الزين ..اول ينصح نفسه ... ..كلنا ضايعين....ولا البلا وين لما يبيني انفذ اللي يطلبه مني ... انا اصيع ايوه بس اسوي الشي ذا مستحيل ... .. شاف محمد ..عرف انه يبي يعطيها فلوس ..ايوه هذا هوو انحلت مشكلته اليوم راح يفلها على الاخيررر ...تابع محمد وهوو يدق الباب بسرعه تقدمه ...وقال بحده: كم معك محمد بخوف وتلكك: مامعي شيء بس جاي اخذ طلبيه وبعدها يعطونها الفلوس سامي : اخس ي البزز تعرف تكذب اقول طلع قبل ماحوسك هنا محمد ابتعد شوي وهو يناظر الباب وده تفتح بسرعه ... وتقدر تربي هالوحش اللي مسوي به رعب..بس وش فيها تأخرت وبعدين تجلس تصارخ عليه .. سا مي بنرفزه: تبي تعطيني ولا اشلون محمد : قلت ماعندي وبصرخه غلااااا سامي بسرعه مسكه وطلع اللي في جيبه ودفه وقال بضحكه : خلي غلااا حقتك تنفعك وسلم عليها اوك وناظر الفلوس ليت كل مره كذا ورفع يده وهي يدعي لها قول لغلا حقتك الله يطول في عمرها حتى بس اتوظف محمد جلس يبكي يحس ظهره عوره من الطيحه رجع بيتهم يخبرر امه مستحيل ...يقول لغلا ..تجلس تصارخ عليه ..ومستحيل يرجع هنا ثاني ..حتى لوواعطوه عشره ماهو خمسه ريال ...قال لاامه كل شيء امه عصبت ام محمد: خلاص فارق وهي تتدق رقم غلا وبعصبيه يوم سمعتها ردت : خيرر ترا والله معاد راح ارسل ولدي لبيتك ولد جيرانكم زودها ومعليش مابي اخسره ...مع طيش هالسامي اخاف مره ثانيه يطيحه يموته لي وبعدها وش مستفيده انا غلا تسمع كلامه وهي مو فاهمه شيء جالسه ..كلمه وراء كلمه ماعطتها فرصه قالت بدون فهم: وش صار ام محمد بحده:وش صار سلامتك بس محمد انطق وانسرقت فلوسك بعد غلا بعصبيه:ايششششش فلوسي انسرقت ليت ولدك ذا قريب مني عشان انا اللي ابي اطقه كل مره كذا يعني اللحين تعبي راح كله ام محمد بقهر: بدل ماتهاوشي محمد روحي هاوشي ولد جيرانكم السارق ذا حسبي الله عليه كنه حاط دوبه مع هالبزر غلا بقهرر: الله ياخذه ال******* حسبي الله عليه قهرني جالسه من الصبح وانا في المطبخ ويجي كذا ياخذ فلوسي ام محمد: والله مبلغ قهر يروح له كله ليته اخذ النص بس غلا بقهر: ليته يموت وافتك منه ام محمد : خلاص هاتي الاطباق عشان شوي وجاين لها غلا :معي حل بدل هالتعب كله يجيوو عندي يبقوو للطلبات بدل ماتعب وانا اوصلها عندك ولا فلوسي تنسرق دليهم بيتنا ام محمد : وهوو شكل كذا مدام ذا جالس لناا العله ذا غلا قفلت من عندها وانا فيني قهرر..كل مره كذا ..طيب حتى متي ..على هذا الحال ...والله مافيني عاد اصبرر صراحه ..واذا رحت وقلت لاهله وش بيسووا يعني ..غيررر ..الهواش زياده وبذات مع امه ذي اللي لاتحبني ولا احبها ....بكيت بقهر والله مبلغ 300 ريال يا ربي يروح كذا وي ليته يتساهل الا راح ل****** ليتك ماتتهنى فيه ي ال****** ااه وش مستفيده اللحين من سبي له ...حسبي الله عليه قهرني. .... ااه وكل ماتذكر كلام ابوي امس اولع بزياده طلعت للصاله شفت ابوي قدامي نايم ... هزيت راسي بحسره ايوه هذا اللي مستفيده منك يبه الله يهديك بس ويحننن قلبك علي | ||||||||
|  |
|
17-08-15, 07:25 PM
| #22 | ||||||||
| مراقبة عامة ومشرفة منتدى الروايات المنقولة
| وليد اللي صحي ع رنة جواله شاف رقم اخوه ناصرر رماه بطفش مافي حيل ع غلاسته جلس يتقلب ع السرير وهو يتذكر ..... بعد ماوصل ريتاج ...اتجههه لللي صاده عنه وذابحته بس رجع يوم شاف سيارة اخوها عرف انه بيتهاوش معاه .. وماراح يشوفها ..ينسحب بقاصرها احسن ...جلس يدور بدون هدف ...ليته بيده شيء اتجهههه للاستراحه ..... دخل وهو يرد السلام اللكل قام سلم عليه ورحب فيه حس بخويه جلس جنبه بعد ماجلس قال بهدوء: كيفك ي عريس وليد بعصبيه وهو صاك ع سنونه مايبي اللي موجودين يسمعن: لاتقول عريس فارس : وش فيك غيرك يفرح وهو متزوج الثنين والله انك مفهي ي رجال ليت اصل لوحده بس وليد : فارس انا جاي هنا ومابي نكد تكفى فارس وهو يقرب الشاي ويصب له : اوك ع راحتك ومخمخ بهالكوب الشاي وليد جلس من غير مايتكلم طلع وهوو يسمع تعليق اخوياه كيف عريس ويجي مفروض شهر عسل .... خلاص كره كل شي حتى اخوياه في الاستراحه ..ندم انه راح من كثر مايعلقن ... اتجهههه للبيت وهو يتمنى مايشوف ابوه قدامه عشان يقدر يدخل غرفته وينام ..يحس بتعب وضيق .....حمد الله يوم شاف الصاله فاضيه ...بسرعه رقى الدرج ...ودخل غرفته ورمى حاله ع السريررر ...بتعب وقفل عيونه وهو يحاول ........في النوم ... عشان يرتاح من التفكير .... حس بصوت الجوال ...مره ثانيه صدق غبي ليه مايصمته ويرتاح مد يده يبي يقفل في وجهه الغثيث بس..شاف رقم ابوه زفر بضيق اكيد بيسأله اللحين ....رد بصوت كله ضيق :هلا يبه ابو وليد بحده: جاسم يقول ريتاج نايمه عندهم وليد بضيق وهوو يحط يده ع راسه ااه خلاص تعب وده يقول ارحموني شوي بس مايقدر يقول كذا قال وهو يمسك نفسه: هي طلبت مني يبه ابو وليد بحده: استح وجيب مرتك بس وقفل في وجهههه وليد حاول يرجع ينام بس وين النوم طار ....وقف بكسل خليه يروح يجيب العله ويخليها ترتز قدامه وكاد ينبسط .... بسرعه قام اخذ شور و لبس سمع أذان الظهر راح توضى ونزل وهو متجهه للمسجد .... بعدها راح تغداء في مطعم ..... وطلع واتجههه لبيت عمه جاسم بس رجع داور بسرعه وراح بيت اهل لطيفه ... وهو عنده امل يشوفها .... وقف عند بيت أهل لطيفه وهو معزم يشوفها غصب عن الكل نزل بعد مادق آخر محاوله ....ويتمنى ترد عليه قبل ماينزل بس اااه نفس الحكايه . مقفل ..اتجههه للجرس ودق ثواني وجاه صوت خالته ...: مين وليد وهو متوتر:انا وليد ام لطيفه : وليد وليد وهو يناظر حوله قال بصوت شوي واطي:تكفين ي خاله افتحي ابي اتفاهم مع لطيفة ام لطيفه: طيب ثواني جايه افتح الباب وليد فرح من قلب ااه أخيراً. .... يقدر يصل لها اليوم لازم يشوفها حتى... لو اقنع خالته تخليه... يدخل غرفتها وكمان فرصه ...سيارة ابوها ماهو ... واخوها اكيد في دوامه ...تنرفز من سالفه اخوها ..اوف ياهوو كريه بشكل ...مايدري ليه مايحبه ..رفع النظاره الشمسيه ع شعره ...وهو يسمع الباب ينفتح ام لطيفه وهي وراء الباب :تفضل وليد دخل وهو مستحي... ومايدري وش يقول ... رد السلام ام لطيفه :هلا وعليكم السلام تفضل ادخل المقلط وليد فرح لما شاف انها استقبلته بس يحس في وجهاا الجمود والزعل ...ايه من حقهم إلا هذي عمله تصيرر ...ااه الله يسامح ابوي ...هوو الللي ذبحنا كلنا قال وهومتوتر:تفكين ي خاله خليني اشوف لطيفه شاف في وجهاا الاعتراض قال بسرعه صدقيني بقدر أقنعها ام لطيفه بهدوء: صدقني ماراح تقنعها وبعدين ابوها بيزعل لو تتدخل عليها الغرفه صعبه يمه وانا كمان احس دخولك الغرفه ماهي عدله وليد بضيق :وش فيها ترا زوجهاا ام لطيفه :ايه زوجها ماقلنا شيء بس لاتنسى لسى ملكه وبدقه حتى بيتها مقد راحت وانت جبت عليها الثانيه وبزعل هذي تجي ي وليد... صدقني عملتك ماتتغتفر وليد زفر بضيق إذا كلام امها كذا أجل اشلون ابوها ولطيفه قال وهو يحاول يبرر:ماعليه ي خاله تكفين شوفي لي دبره اشوفها والله مانسى لك هالوقفه ام لطيفه ببرود: نشوف وش بتسوي اوك انا ارح اقولها واشوف ايش تقول يا توافق ي ترفض وبثقه صدقني بترجع مثل ماجيب وليد بسرعه: لا تكفين لاتقولي لها انا قولي لها اي احد يبيها وخليها تجي هنا المقلط وبسرعه فكر ايه قولي عمها اسامه هي تحبه ودايم تقولي تفرح لما يجي ام لطيفه ناظرته ماتدري وش تقول : طيب تتوقع تمشي عليها وليد بقهر من امها ماهو ناقص تنغيص يبي اي شي عشان يشوفها وهي جالسه تعطيه اسوء الاحتمالات : ان شاءالله تمشي عليها ام لطيفه :والله ي خوفي ابوها كمان راح يزعل انك شفتها وهو مايدري وليد بترجي : تكفين ي خاله والله مانسى لك هالخدمه ام لطيفه وهي تمد يدها ناحية المقلط وبجمود: تفضل أجل وترا ابي اقولك شيء يصعب علي طلاق بنتي بس هذا اختيارها وليد بخوف : وش طلاقه الله يهديك الله لايقوله ام لطيفه هزت راسها براحه يارب يقدر يقنعها ويكون عنده صبر عليها ...: تفضل أجل وليد مشى ناحية ماقالت .....له وهو باله بعيد ...وخايف لو ماتمشي عليها الكذبة. ..يحس بحقد ...ع هالريتاج ..وش ذنبه وذنب لطيفه يصيرر... فيهن كذا عشانها ياناس ظلم وقهر جلس ع للكنب ... بضيق وكمان يحس بتوترر وهوو ينتظر .. فعلاً خايف من ابو لطيفه. ..لو يجي وهو هنا ..شديد من هالناحيه ....ماعمرها طلعت معه دايم يجي هنا وكلها حول مرتين ..وماتتعدى نص الساعه اللي جلسها معها خلينا من ابو لطيفه خلينا في العنيده ذي وش يقنعها اااه ابتسم وهوو يفكر كيف يخليها ترضى عنده آمل انه بيطلع وهو مبسوط ايه آكيد مبسوط وانا اشوف حبيبة قلبي .. .. .. في غرفة لطيفه اللي جالسه متكوره ع.. نفسها وتحس خلاص.. كرهت كل شيء ...ي هي قويه الخيانه.... تجي من اقرب الناس .. اااه ليه كذا صار فيها. ..ايش سوت لريتاج ..وليد عشان .. يعملووا فيها كذا ...مستحيل تسامحهم ...آكيد اللكل جالس يتشمت عليها من صديقاتها وكمان بنات خالاتها ...وبذات من يوم مارفضت فهد . وفضلت وليد عليه ..وهم حتى زيارة مايجووو عندهم ..الحين راح يفرحووا ..صرخت بقهر الله لايسامحكم ... على اللي سويته فيني ...وش شايف فيهاا حسن مني قول ..اااه بقهر طلع كذاب في كل شيء ..وحبه اللي كان يقول له لي طلع كذب في كذب حسبي الله عليهم ... وقفت وهي تناظر نفسها شافت شكلها متغيرر حيل . نحفانه بشكل ...سندت يدها ع التسريحه وهي تبكي . ليه طيب بس هذا اللي تبي تفهمه ...قهر والله االي عايشته محد يتمناه ..ياناس باقي من عرسها شهر بس ..يقوم يتزوج عليها ومين صديقتها وين قد صارت هذي.. وين رفعت راسهاا ورجعت.. ناظرت وجهاااا الباهت... والمصفر اكيد من قلة الأكل وليد ...وريتاج ذبحوها وتفننوا في ذبحهااا ...بس لا هي لازم تقوي نفسها ولازم تقول للكل انه ماهمها هالوليد رجعت بكت ااااه بس احبه وهي تجلس على الأرض واموت فيه بعد ...ليه جرحتني كذا ليه حست بالباب يفتح مسحت دموعها وهي توقف وترجع مكانها قالت من غير ماتناظر امهاا: خلاص يمه لاتخافي علي انا بخيرر ام لطيفه وهي تتقرب منها:فديتك والله وان شاء الله ع طول بخيرر بس ابي اقولك شيء لطيفه بصرخه: لا تقولي ردي ع وليد مستحيل ارد عليه ام لطيفه بكذب: : لا اليوم مادق ع تلفون البيت ولاشي بس عمك اسامه في المقلط يبيك لطيفه بفرحه: عمي هناااا متى جاااا خليه يجي عندي انا مابي افتح جوالي وادق عليه عشان اقول له يطلع غرفتي ام لطيفه :يمه صعب يطلع هنا لاتنسي انا وين اورح لطيقه: يمه ادخلي غرفتك وش بيصير يعني ام لطيفه بسرعه وهي خايفه لاتكشفها :لا صعبه انزلي وشوفيه الخدامه تقول مستعجل لطيفه بسرعه ناظرت نفسها في المرايا ...شافت البجامه اللي عليها صعبه تنزل فيها لعمها ...بسرعه غيرت... لبسها بقميص قطني ...طويل ورفعت.... شعرها ... ونزلت وهي تمسح دموعها ...راح تشكي له ..وراح تخليه يأخذ حقها كله منهم ....ايه واثقه في عمها انه يقهر وليد مثل ما قهرها ....مرت من عند امها وهي تشوفها متوتره ماتدري وش فيهااا ..طنشت ومشت ناحية المقلط وهي ناويه تتطلع اللي في خاطرها لعمها .................. .. .. .. كتتتتتتتتتتتتتتتت هالله هالله في الردود اللي تسعدني وتحمسني لا احللل ولا ابيح من يقتبس من روايتي اوينقلها بدون ذكر اسمي ولا احلل ولا ابيح من ينقلها الانستقرام بالمره لا بإسمي ولا غيره نوني استودعتكم الله الذي لا تضيع ودائعه سبحان الله بحمده سبحان الله العظيم | ||||||||
|
| |
|
18-08-15, 05:21 PM
| #26 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  السلام عليكم ورحمة الله وبركاته كيف حالك إن شاء الله دائما بخير ؟ مبروك لك نوني الرواية الثانية ألف مبروك فرحت كثير لما نزلتي رواية ثانية لأنك ماشاء الله عليك كاتبة ملتزمة واسلوبك حلو وشي مهم إن الرواية الجديدة تختلف تماما عن سابقتها أحس هذي الرواية روايتين في وحدة وحدة قصة غلا وسامي والثانية قصة ريتاج و وليد والقصتين مشوقتين و يناقشون مشاكل صعبة ومعقدة مثلا في قصة غلا وسامي تناقشي العنوسة و شرب الخمر وبطالة الشباب والتفحيط و عمل البنت وغيرها من المشاكل في قصة ريتاج و سامي تناقشي الطمع وتعنت الآباء والظلم و تعدد الزوجات أشياء كثير وأتوقع راح تجي أمور ثانية خاصة شوق وناصر أحس قصتهم قصة عندي بعض الملاحظات بسيطة لو تنتبهي عليها راح تصير قصتك متكاملة اكثر وهذا مجرد رأي ألاحظ نوني ريتاج مرة تسمينها غيداء ومرة ريتاج ومرة بدر ومرة بندر شوي هذي السالفة تلخبط القراء وفي شغلة كنت ألاحظها من روايتك الأولى وهي لغة الشياب انا صراحة ما احس كبار السن يقولون أوكي أبد يعني ما شي إللي بالثلاثينات وأول الأربعينات يمكن بس أكثر حتى مو حلوة ريال شكبره يقول أوكي ما أدري ما اقتنعت وهذا مو نقد بس ملاحظة ننتظر البارتات القادمة بكل حب وشوق شكرا فيتامين ع النقل شـكــ وبارك الله فيك ـــرا لك ... لك مني أجمل تحية . موفق بإذن الله ... لك مني أجمل تحية . التعديل الأخير تم بواسطة لامارا ; 18-08-15 الساعة 09:43 PM | ||||
|
| |
|
21-08-15, 07:58 PM
| #27 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| استغفرالله العظيم من كل ذنب عظيم اللهم صل على نبينا محمد صلو عليه ""الروايه لا تليهكم عن الصلاة اللهم بلغت اللهم فاشهد " " :: :: :: حبايبي ضروي .. قبل ماتقرواء البارت حابه اوضح شيء فعلاً انا غلطت يوم ذكرت اسم غيداء مرتين في البارت اللي قبل لسببب حبايبي كان اسم بطلتي غيداء وفجاة كرهت الاسم لسببب ماهو لازم اذكره وانا كنت كاتبه البارتات الاولى كلها من بدايه الروايه وبس يبي لها تعديلات واضافه بسيطه ويوم جيت اغيرر الاسم لريتاج غيرت البارتات كلها الا المقطع اللي في البارت اللي نزل يوم الاثنين مدري كيف مانتبهت له بس والله سقط سهوآ مني وكمان السببب يعود علي غلطت غلطه يوم نزلته بدون مراجعه بس والله عالم ماكان عندي وقت كنت حدي مشغوله بزواج بنت خالي ومابي اتأخر عليكم فانزلته بدون مراجعه وتدقيق .... فأسفه كثثررر .... ومثل ماقالت وحده من الاخوات صارت الروايه ركيكه بسبب غلطتي في الاسماء ومعاها حق انا غلطانه واعتذر حبايبي على الللخبطه اللي صارت بس يمكن درس لي ..لاني هالمره لو مشغوله ....اعتذر ولا انزل بارت ويصير البارت فيه شوائب ...لا ترضيكم ولا ترضيني ... ..واذا تكرر... غلطتي بأسم غيداء ...اعذروني لان اخاف مانتبه وتتكرر الغلطه ..لان فيه بارتات كاتبتها حتى الجزء العاشر .... اماا اللي يقول عن اسم بدر ترا وضحت من بدايه البارت الثاني اني مغيرته واللي مانتبهه يرجع ويشوف ايش كاتبه واسفه حبايبي طولت عليكم وانا اهذرر..... ههههههه ادري اللحين تقولوا هذي ما تسكت بس ماعليه تحملوني ي حبي لكم واعتذاري ...لكم اني طولت البارت حيلل وقراءة ممتعه &البارت الخامس & :: :: :: لطيفه مشت وهي محتاره وش فيها امها ...تقربت من الملقط دخلت بشويش وهي تفتح الباب شافت اللي ماتوقعت تشوفه ابد وقفت وهي ماهي قادره تتحرك عاد ..الدنيا سودت عليها .ناظرته بقهر وجع بعد اللي سواه فيها جاي كذا .... قالت بقهر : لك عين تجي وليد اللي جالس ع نار ينتظر يوم شافها قدامه فرح من قلب بسرعه وقف وهو ماهو قادر يفتح فمه بكمله بس شافها تحركت تبي تتطلع بسرعه تقدمها وهوو يمسكها من عند كتوفها قال بضيق: لطيفه ناظر وجهاا بحب ااه قد ايش فقدهاا ...شاف الحزن في وجهاا ومتغيره حيل عن آخر مره شافها فيه ....لام ابوه بقوه ...ااه ليته يقدر يدفنها في صدره ويريحها ويمسح الحزن والوجع االلي في ملامحها اللي يعشقها.... ماهي بهذاك الجمال الي يسحر بس في نظره سحر ..ويعشق كل تفاصيل وجهاا ... لطيفه وهي مقهوره كيف قدروا يلعبوا عليها هو وامها ..اللي طول عمرها تبيها لفهد جايه اللحين وتخطط مع وليد ... قالت بقهر وهي تحاول تفك نفسها منه قفلت عيونها وهي صاده بوجهااا عنه عشان مايجلس يناظرها كذا وهو ساكت : ابعد عني وليد بضيق اكثرر وهو يشوف قد ايش ماهي حتى طايقة تناظر وجهههه : لطيفه تكفين ارحميني ترا حدي مقهور من اللي صار لطيفه ناظرته وقالت بصرخه: موجوع موجع يالظالم اجل انا وشهوو قول وشهووو وليد وهو يحاول يهدي فيها : عارف انه معك حق وحاس فيك والله بس غصب عني وعارفه انتي قد ايش ابوي لو قال كلمه تمشي ع اللكل ومحدن يقدر يعارض لطيفه بقهر وجع:ابوك طيب ليه مافكرت فيني وبصرخه اقوى وليد عارفت انت وش سويت فيني ومالقيت إلا صديقتي ي الظالم ؟ وليد بصوت تعبان : بيبي والله غصب عني مثل ماقلت لك وترا مابيني وبين ريتاج شيء لو مومصدقتني دقي عليها وراح تقولك لطيفه بقهر وهي تدفه عنها:لا تقول اسمها عندي اكرهك واكرها وهي تناظر الباب خلاص اطلع برااا مابيك وليد ناظرها بصدمه :تتطرديني لطيفه بعصبيه اكثرر:ايه اطردك وترا قليل على اللي صار لي منكم ي الخونه وليد عرف انها معصبه حاول يعذرها قال بهمس وهوو يتقرب منها عنده امل انه بيقدر يقنعها:بيبي تكفين لاتقسي علي والله أحبك وانتي عارفه هالشي وزعلك ذبحني وشوفي كيف حالتي عشان فرقاك وتكفين خلي الزواج في وقته يتم ومستعد اسوي لك اللي تبيه حتى لو تبي تغيرر القاعه اللي كان ماهي عاجبتك مستعد احجز لك وحده اغلى وارقى منها بكثيرر لطيفه ناظرت عيونه حست قلبها يحن عليه بس لا مستحيل تغيرر رايهاا ومستحيل ترضى بوحده ع راسهاا إلا اذا نفذ اللي تبيه قالت بشرط :تبيبي ارجع لك وليد بفرحه قرب منها أكثر :اي والله ودي ومابي غير هالشي لطيفة وهي تبعد عنه وتجلس مقابل له وبرفعة خشم :طلق ريتاج وليد حس نفسه ماهو قادر يقول شيء او يرد بشي لطيفه بسخريه: هاااا خلاص انخرست وليد جلس على الكنبه المقابله لها قال بصدق: صدقيني هذا اللي ودي فيه بس والله مقدر عشان ابوي لو سويت كذا راح يغضب علي طول عمره لطيفه وقفت بغرور: اوك خلى ابوك ينفعك أجل وليد وقف وقابلها بضيق :اكيد ي لطيفه بينفعني ولا ايش الحياة بدون رضى الوالدين لطيفه بقهر وهي تناظره : ابوك حرق قلبي عارف ايش حرق قلبي وليد وهو يمسك يدهااا رفعها وباسهااا بأسف:عارف والله بس لو تحبيني خلينا نكمل والله صدقيني ريتاج ماتقدر تتعرض لك وكمان اعتبريها ماهي موجوده لاني انا ماشوفها ولا تفكري في يوم اني راح افتكر فيها اوعدك لطيفه لطيفه سحبت يدينها منه قالت بقهر : حتى انا معاد اشوفك ولا اشوفها وليد بضيق :ليه كذا قاسيه ي لطيفه بدل ماتقدري وضعي لطيفه بعصبيه:اي وضع يرحم امك جايب علي وحده وتبيني اقدرك روح زين وبقهر انااستاهل نزلت بس والله افتكر عمي إلا كان وجهي ماشفته واعطته ظهرها وقالت بغصه: طلاقي في اقرب وقت سمعت ولا لا ورجعت ناظرته خله في نفس موعد زواجنا اوك عشان الشماته ع حق وحقيقه تكمل وياليت تروح قبل ابوي مايجي لانه صدقني مستحيل يرضى بجيتك وهو مايدري وليد ناظرها وهي طالعه هز راسه بعجزز يحس نفسه محتار مايدري ايش يسوي يطلق ريتاج ويغضب ابوه ويكسب حبيبته ولا يسوي اللي طالبته منه لطيفه انه يطلقها ويذبح عمره ليه ماتقدر حبه لها ليه تحرك وطلع من المجلس رفع راسه لفوق وهوو يناظر مكان غرفتها يوم قالت له ان هذي دريشة غرفتها.. الجديده ..لانهم نقلوا فيه بعد الملكه بشهر كان جيرانهم اول يوم عصب فرحانه انها بعدت عنه في حي ثاني يتذكر ابتسامتها بدلع : صدقني راجعه لك ابتسم بحزن على الذكرى اللي يبع عمره عشان يرجع يشوف ضحكتها قال بقهر ليتك انتي الي متي ي رتياج كان موتك ريح قلوب كثيرر طلع بسرعه وركب سيارته .. ورجع البيت وهو حالف مايروح لها خليها تخلل في بيت اهلها دخل البيت وهو معصب ومايبي يتكلم مع احد ....شاف اخوه ناصرر وابوه قدامه في الصاله مره من عندهن وهوو يسمع صراخ ناصر عليه طنشهم ورقى الدرج ودخل جناحه بقهر وقف وهو يناظر نفسه في المرايا و بصرخه : كله منها هي السببب هي وبصرخه اكرهك ريتاج واتمنى موتك كور يده وضرب المرايا اللي قدامه ااه حس يده وجعته بس كان عصبيته ماهي مخليته يفتكر في حاله او انه بيتضرر لو زود الضرب على المرايا بسرعه لف وطلع شاف شنطتها قدامه بسرعه فتحها وسحب ملابسها بطريقه عشوائية وجلس يقطع فيها بدون حس سحب شنطة العطور الصغير والي فيها مكياج بسرعه اخذ العطر ورماه ع الجدار وشات الشنطه كلها برجله ...وهو يتنفس بسرعه رمى حاله على الكنب وهوو يزفر بعصبيه .ويسب فيها ... ليته يقدر يسوي فيها كذا مثل ماسوا في اغراضها صراحه ماهو قادر يتحمل عاد خلاص ي ناس هو بشر وله طاقه وقف بقهر لازم اقول لابوي اني ابي اطلقها ...بس تذكر ابوه ايش راح يعمل رجع جلس بعجز ويائس حط يده ع شعره وهو يرجعه لوراء بضيق وتعب ..فتح ازراار ثوبه العلويه وهو مخنوق ....تمددد ع الكنب وهو يحس بألم في يده قفل عيونه حس بدمعه نزلت منه غصب عنه والله ...ياناس يعشق لطيفه ويموت فيها بعد مسح دمعته وهوو وده يبكي بقوه بعد مايدري يلقاها منها او من ابوه قفل عيونه بتعب وهو وده يرتاح من هالدنيا كلها ...... | ||||
|
| |
|
21-08-15, 07:58 PM
| #28 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| في الصاله الثانيه كانت جالسه ام وليد وزوجة ناصر منيره :اقول ي خاله ريتاج ليه ماتنزل اسلم عليها ام وليد بهدوء: ماهي هنا حبيبتي بيت اهلها شوق انقهرت من امهاا ماكان ودهاا تقول لها انها بيت اهلها الحين ذي بتمسكهاا عليهااوتجلس تتذمرر منيره بتذمر: هووو بيت اهلها من اول اسبوع لها متزوجه مفروض الشهر هذا كله مع وليد شوق بقهر: مافيها شيء اذا كان راحت تشوف امها بعدين مارح تتأخر كلها ساعه ان شاءالله وجايه منيره بدقه : قلتي ساعة طيب كيف ناصرر يقول انها من امس هناك شوق عصبت: طيب مدام تدري وشهوله تسئلي منيره ببرود: افتكرتها جتتتت شوق بقهر: لا ي شيخه اقول خلي ريتاج عن علومك احسن اوك منيره وهي تناظر ام وليد :هوو ي خاله وش قلت عشان بنتك تأكلني كذا ام وليد : خلاص ماعليه وشوق ماتقصد وناظرت شوق بحده خلاص روحي هاتي الكليجا اللي خالتك ام عصام ارسلتها لنا منيره : ااه ي حبي لهاا روحي روحي هاتيهاا ومسكت بطنهاا ترا مشتهيتها ويمكن اني حامل كويس عشان ماتطلع في البزر شوق بقهر وقفت : انتي لسى ماشبعتي بزران خلاص يكفي منيره :بسم الله علي من عينك بعدين يزينهن البزران شوفي كيف اعطووا بيتكم جوووو شوق بسخريه: قولي حاسوه منيره وهي تلعب بحواجبها :عادي بيت جدهم وحلال عليهم ولا لا ي خاله ام وليد : ايه وناظرت شوق بحده روحي وفكينا شوق طلعت شافت ناصر وابوها جالسين في الصاله الكبيره قالت بهمس: الله يعنيك ع اللي عندك والله ماتستاهلها ودخلت المطبخ شافت امهاا جت وراهاا وهي معصبه عرفت انها راح تهاوشها ام وليد بحده : وش فيك كذا اكلتي المره شوق بقهر: يمه ماتشوفي كلامها كيف ينزرفز ويطلع الواحد من طوره ام وليد بحده اكثرر: مهما كان مفروض عشان اخوك تصيري اعقل منها شوق : ااه ي خوي والله انه راح ضحيه ام وليد بعصبيه:بنت كم مره اقولك لا تقولي كذا شوق بقهر : يمه ودي اعرف ليه تحبيها ام وليد: وليه اكره زوجة ولدي وهي ماضرتني شوق بقهر : يمه كلامها دج وكمان متحكمه في ناصرر بطريقه تقهرر وهذا اللكل يلاحظه ماهو كلام من عندي ام وليد بعصبيه :مالك شغل بين الرجال ومرته وسكتتت يوم شافت منيره دخلت عليهم المطبخ منيرة وهي واقفه عند الباب : معليش خاله شفتكم تأخرتوا قلت يمكن تحتاجوا مساعده وناظرت شوق كله هذا عشان تحضري ضيافه ااه من بنات اليوم شوق بهمس مساعده ليه عزيمه عندنا وحنا ماندري وبعدين صدقت حالها ذي وبقوه بعد تبي ضيافه ......اوف ليتك تروحي قالت وهي ناويه تقهرها: ماعليه زماننا يختلف عن زمانكم منيره بقهر: ترا مابينا فرق في العمرر شوق : ايه عارفه بس الفرق انك سنعه عني منيره عارفه انها تتمسخر فيها طنشت وطلعت للصاله وهي تكلم ناصر اللي منددمج مع ابوه: ناصرر يالله نروح ناصرر ناظرها : شوي بس لسى ماكملت سالفتي منيره بحده : قلت يالله ابو وليد لما شاف ناصر يبي يقوم مسك يده قال بحده : اكمل سالفتي معه والله يستر عليكم انتظر لما تختفي من نظره قال بهمس : وش رايك في اسيل ناصر بسرعه:ييه الله يهديك تونا انتهينا من سالفة ريتاج تطلع لنا اسيل يبه كم مره قلت لك ماني صاحب ثنتين ابو وليد بقهر منه: ليه انت ماتفهم اقولك بنت عمك صدقني بترتاح معاها أحسن من هالقشره ناصرر : يبه انا مافكر إلا في عيالي ابو وليد بعصبيه: الله والعيال كلهن اثنين وبعدين مين قال عيالك بينضامن عند امهن في بيتهن معززين مكرمين ناصر وقف خايف ابوه يغصبه او بالاصح يقنعه لانه فعلآ مكرهته عيشته : انا طالع اشوف وليد ابو وليد بسخريه :اه الرجال الي فيكم مات الله يعوضني وبس روح شوفه الثاني الحين تلقاه يبكي منيره بقهراوف من هالرجال متحكم ومتسلط بشكل ...بس هين ي ناصرر انا كذا تفشلني وماتقول له لازم نروح اوف رجعت المجلس وهي ضايقه ...طفشت خالتها ماتسولف كثيرر وشوق جالسه لها ع الحبه ناظرت بنتها اللي فاتحه شنتطتها وتحوس في الروج وسخت نفسها قالت بصرخه وهي تقرب منها : قسم اروح بس واحوسك انتي وابوك سواا ذا الللي مطنش وسحبته منها بعنف وقالت بصرخه سوكيا تعاللي خذيها ونظفي وجهااا من هالبلى ================================= ===================== بيت ابوعصام اسيل بدلع وهي تجلس بجنب ريتاج: اااه يزين البيت وانتي عندنا وهي تضمهاا وتسند راسها في حضنها رتياج ضحكت :ايه مره والدليل جاطلتني من امس ماعطيتني وجهههه وجايه اللحين تقولي ي زين البيت اسيل رفعت راسها وهي تبرر لها : والله ماعندي خبرر انك جايه إلا كان مانمت وبعدين ليه ماقومتيني رتياج بأبتسامه : لا ي شيخه اقومك من النوم عشان تجلسي تصيحي وشوي وتموتي علينا اسيل بدلع : ايه ماتحمل لازم انام كفايتي عشان بشرتي ماتتعب ريتاج :ااه ضيعتك هالكشخه انتي وماما اسيل :بالعكس حلوو مره جربي بس انتي تصيري مثلي ومثل ماما وبصدق ريتاج انتي كان مثلنا ليه ماترجعي كشخه مثل اول وتغيري شوي من اللوك اللي انتي فيه اللحين انتي في هالسنه كلها بس سويتي انك قصتي شعرك وكمان مثل قصتك السنه اللي فاتتت يعني عاجبتك لهدرجه رتياج بحزن: مالي نفس في شيء ي اسيل وايه قصتي عاجبتني ومستحيل اغيرها اسيل وهي تناظر ملامحها الجميله : تصدقيني لو تغيري من شكلك شوي والله وليد راح يدوخ عندك ومايتمم الزواج من لطيفه ااه ليت عندي نفس ملامحك بس ي قهري طلعت اشبهه بابا ريتاج بعصبيه : مين قال لك ابيه يحبني وبعدين حرام اسعى لتفريق بينهن ولك الشرف وانتي تشبهي بابا اسيل بدون مبالاه : خبله طول عمرك قولي بس وش اطلب لك معي حدي جوعانه يالله يالله قبل مايجي بابا ويجلس يهاوش ليه نطلب من برا ريتاج ناظرت اسيل نسخه كربون من امها في كل شيء .. على ان مافي شبهه بينها وبين امهاا في تقاطيع الوجهه ..بس الصفات نفس صفات امها ..بس هي اخذت النصيب الاكبرر من ملامح امهااا مثل مايقول الكل.....ابتسمت بسخريه ع حالها ..قال ايش تبيني اغير في شكلي ... عشان الفت نظره روحي... زين مابي لا الفت نظره ولا يهمني من اصله هالشي ...انتوووايش يعرفكم ....في الحب وكمان اللي تبيني ...الفت نظره من امس ماجااا ..ولا فكر يدق عشان يقول.. ليه مايقدر يجي...هزيت راسي وانا ابعد الافكار عادي مايهمني جاا اولا وليته مايجي ...ي زين الجلسه مع الدلوعه اسيل كنت اكره اجلس معاها من كثر دلعها بس والله ا للحين افضل الجلسه معاها احسن من جناح وليد ولا نظراته اللي لحالها سالفه ..ااه توجع كثيرر ..احسه قاسي بس لمين يطلع اكيد لعمي ماهو ابوه اكيد بيأخذ نصيب اكبرر من صفاته ..ابتسمت يوم شفت ابوي داخل قلت بخبث وانا اناظر اسيل اللي جالسه تتطلب: اقول اسيل راحت عليك اسيل ناظرت وين اناظر قالت بحسره: لا ابد ماهو وقتك ابو عصام وهو يتقرب رد السلام البنات قامووا كلهن باحترام يسلمن فوق راسه بعد السلام ابو عصام بهدوء:اقول ريتاج وليد عنده رحله ريتاج والله كنت عارفه انه بيسأل قالت بصدق: مدري ابو عصام بزعل: افاا يبه زوجك وماتدري عنه لازم تثبتي وجودك في حياته وتهتمي فيه رتياج بضيق ليه ودهم يلزقنها في هالوليد هزت راسهاا : ان شاءالله ابو عصام رفع راسه و ناظر زوجته وهي بكامل شياكتها نازله من على الدرج :وين وين ع الله ام عصام بأبتسامه :حبيبي جيت ابو عصام :ايه جيت وين طيب ام عصام وهي تجلس قريب منه :والله دوبني ابي اتصل عليك ابو عصام بزعل: بعدايش ماجهزتي وخلاص طالعه ام عصام وهي تحط يدها ع كتفه :افاا وهذي تجي اسيل :اقول ريتاج نطلع افضل لنا قبل ماننطرد لان ماما صدقيني بتجيب علوم هالشايب الحلوووو وقفت يالله نطلع غرفتي ابي اسوي لك حفله كذا صغيره ريتاج ابتسمت ماشاءالله على ماما ماتقول عمرها في الأربعين صراحه محافظه ع جسمها وشكلها اللي دايم.. مرتب بس ليتها تخفف هالطلعات شوي.. وتهتم في اختي اسيل ....بدل ماتسحبها معاها من مكان لمكان .واخذت نفس طبايع الشله ...وقفت وطلعت وراء اسيل اللي تقول بتسوي لي حفله نشوف ايش يطلع من هالدلوعه .... .... | ||||
|
| |
|
21-08-15, 07:59 PM
| #29 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| في اليوم اللي بعده في بيت ابو سامي ابو سامي وهو قايم من النوم شاف سامي قدامه سادح في الصاله الصغيره اللي مقابله المطبخ وكان ملتهي في جواله قال ببرود : ولد جهز نفسك ترا البارح انا وابوو غلا اتفقنا على كل شيء وهو وعدني اليوم يقول لبنته سامي وهو ماهو معه جالس ع الواتس ابو سامي بصرخه:سامي ي زفت سامي ناظره بطفش: ايش فيه ابو سامي بعصبيه اكثرر :ي ****جالس اكلمك لي ساعه واخرتها تقول لي ايش فيه يا ****** سامي وهو يرفع يده: يبه رجآ بدون سب ولا ماسمعت يبه بالمثل اللي يقول لاكبر ولدك خاوه ابو سامي بصرخه: خاويت ان شاءالله العفاريت اللي تتطيرك قول امين سامي وهو يرجع يناظر الجوال : لا لا ماهوووابووو حشاا حد يدعي ع ولده كذا حقوق الحيوان وين اقصد الانسان ابو سامي بعصبيه :والله انك صادق حيوان سامي :الله يسامحك يبه ابوسامي عرف انه راعي طويله ومفهي ولا هو معه .. قال بسرعه وبصوت عالي : مثل ماقلت لك اتفقنا جهزنفسك للملكه ام سامي سمعت صراخ زوجها طلعت من المطبخ وهي في يدها الملعقه الخشبيه : خيررر خير ع هالظهرر تنافخ سامي ناظر امه قال بدون احترام : يمه روحي كملي طبخك ترا ميت جوع وماعليك ابوي انا له ابو سامي مسك من تشيرته : انت لمين ي الزفت سامي مسك يده ابوه: يبه بدون عنف لوسمحت ليه ماتعرفوا تتعالمن مع ابناكم يبه الابناء نعمه وانتم بس تحوسوا في خششنا ... ابو سامي ضربه بقوه ع راسه ودفه : خليني اشوفك بعد يومين ماهو جاهز ام سامي بقهر ماهي فاهمه السالفه: سالفه وشهووو ابو سامي بحده: ملكتة ع غلااا ام سامي بصرخه:ايشششش سامي :يمه بسم الله عليك وش فيك جالسه تصارخي كذا قال وهو يناظر ابوه خلاص يبه موموافق مدام امي ماهي راضيه ابو سامي : لا بتوافق ورجلك فوق رقبتك سامي بهمس وهو يتقرب من ابوه والله انا موافق من مبطي بس قلت اكسب رضى خوخه ... نبي قروش وماعليك قولي بس متى وتشوفني طاب عندك المجلس ابو سامي بقهر من تفاهة هاالولد :عشاء هوو عشان تجي تتطب سامي وهو يناظر امه اللي تناظرهم ومعصبه: خلاص يبه انا قلت اللي عندي مافي زواج يعني مافي زواج ولو في خير ابن امه يغيرر رأي ابو سامي طلع من االصاله وهو يسب فيه .ومعصب عليه جالس يستهبل عليه .... فيه من يحوسه ع هالظهر بس هين دواك عندي ي ل***** سامي ضحك بقوه يوم شاف ابوه معصب: هههههه ي حليله ابوي يبي ييزوجني شاف امه عصبت زياده بسرعه قال بس انا معصي اوفق ام سامي بقهر : والله ماهي حلوه هالعصلا سامي بضحكه :ايه والله انها عصلاا اذكرها قبل ماتغطي عني كان خشتها وخشت ابوها واحد ام سامي بكذب : ايه يمه ماهي حلوه لاتسمع كلام ابوك سامي بستغلال : طيب بشرط كم تتدفعي وي ليت تعطيني شي كذا يخلني الغي فكرة الزواج بالمره ام سامي وهي تجلس وتخفف صوتها عشان بدريه ماتسمعها وتقول لابوها : خمس مية ريال حلووو سامي بقهر رمى المخده : وش خمس ميته ذي يمه افرط في مره جايتني بلاش عشان خمس ميه ام سامي بقهر هي تشوف المبلغ ذا كثيرر حيل ولو دفعت زياده يممكن تروح فيهاا بس قالت مكرههه يوم شافت مافي اذنه ماي: طيب الف والعوض ع الله سامي وقف وهو معترض : لا يمه مايخارج اقولك ابي ارفض العصلا مقابل الف بس لا يمه وهو يمد يده زودي شوي ام سامي وهي توقف تقابله بعصبيه : انقلع مافي ولا ريال ورح خذها عساك ماتهنئ سامي بسرعه مسكها يوم شافها بتطلع : ليه كذا ي خدوج ماتحبي التافهم عادي بين البايع والمشتري اخذوعطا ام سامي بقهرمنه ومن حكيه اللي ماله داعي : ااه ليتني جلست عليك يوم ولدت فيك سامي بضحكه : اخخخخ كان عندك بس بدربه وطايحتن بكبدك بعد ام اسامي طنشته واعطته ظهرها سامي بسرعه تقدمها وقف في وجهاا وهو يسلم فوق راسهاا : تكفين يمه زودي المبلغ شوي صدقيني بعدهااشوتها شوت ام سامي ببرود:ماعندي غيره سامي بقهر من امه اذا تكلمت كذا وبثقه بعد عرف لو ايش ماراح تزود ااه كان نفسه تزود شوي عشان يصلح المجنونه اللي وحشته حيلل خربانه من اسبوع قال بكذب :خلاص موافق هاتي الاف بس بشرط الحين ام سامي تهندت بقهر: ااه يمه والله كثيرر سامي بقهر منها صدق اللحين عصب : يمه حرام عليك ام سامي ببخل: طيب اعطيك النص والنص اقساط سامي هز راسه بقوه: معليش أقساط ماتمشي معي لاني مع الاسف مافي ثقه ي كاش مني ي يفتح الله ام سامي بتمسكن :افاا انا امك تقول عني كذا صدقني وعد اقسط لك الخمس الميه الباقيه سامي : مستحيل ي خوخه ام سامي بقهر: الحقني عساك الماحي ي قليل التربيه سامي وهو يرقص بعرجبه ويمشي وراهاا:والله انتم ماربيتوني ونط وسلم وفوق راسها احبك خوخه ام سامي بعصبيه : حبتك القراده انثبرر هناا وين جاي سامي : انتي قلتي الحقني ام سامي بقهر : انثبرر مكانك وانا اجيبها لك وهي تتطلع المتفاح من جيب قميصها وتفتح بااب غرفتها السريه الللي فيها اغراضها تبع البيع سامي بهمس: اموت وادخل هالغرفه ام سامي فتحت الباب وبسرعه دخلت وقفلت الباب في وجههه يوم شافته بيدخل وماسمع الكلام سامي وهو يمسك خشمه :اخخخخ خدوج كان بتكسري خشمي وراي ملك....عض على شفته ماكمل كلمته اااخخ كان ابي اروح وطي ...... فرح من قلب يوم شاف امه طلعت بالفلوس هيييا بس سوا نفسه ثقيل وجدي عشان توثق فيه .. . ام سامي وهي شوي وتبكي : خذ ورجعت سحبت يدهايوم شافته يبي يأخذها سامي لا خاف امه تكشفه : لايكون سحبتي كلامك ام سامي : لا بس ابيك تكون قد كلمتك سامي مسوي نفسه زعلان: خلاص يمه مدام مافي ثقه الله يعين نملك وبس ع اني مابيها بس وش اسوي ام سامي بصرخه :لا سامي صرخ مثل صرختها وهو فيه الضحكة :اجل هاتي ام سامي مدت الفلوس وهي خلاص تبي تنهار :خذ بس اشوف تغيرر رايك تعرف وش اسوي فيك ي الهبيل سامي بضحكه فرح وهويشوف الفلوس في يده بسرعه سلم فوق راسها اكثرر من مره :خلاص يمه اعتبري العصلا انتهت ام سامي ابتسمت بفرح:ايه برد قلبي في هالعصلا يوم ترفضها وبخبث قسم اخلي الحاره كلها تدري امك رفضتها سامي مجنون ارفضها : ايه يمه بردي قلبك فيها وي ليت السكيررذا يرفض بدريه ام سامي : السكيرر مدام ابوك جنبه انسى سامي بدون مبالاه :يالله ترا مامنه خوف اربعه وعشرين ساعه معبي فل سامي وهو لسى مسوي نفسه جدي :تبي شيء يالغاليه ام سامي صدقته وبقوه بعد وقالت وهي تكذب :لك مثلها لو جاا يوم الملكه وانت لسى عند كلامك سامي وهو يلعب بحواجبه: تم ي ام الكنق ام سامي حاست بوزها من اللقب ذا :روح والله مافيك فود بدريه طلعت من المطبخ تشوف امها ليه تأخرت عليها شافتها واقفه مع سامي عند غرفتها قالت بشك:وش بينكم ماتتفقن الا ع بلى سامي بحده وقهر مايبها تاخذ ابو غلا :ملك شغل خليك في اللي يبي يضيعك بدريه ببرود: ترا يمكن هو اعقل منك سامي بقهر : لا ي شيخه قلتي لي اعقل اقول انقلعي قبل مااجي احوس خشتك ذي ام سامي وهي تتطنشهم وتدخل المطبخ سامي انسحب بعد مابرد خاطره في بدريه وهوو مومصدق ان في يده الف ريال ... طلع وناظر بيت ابو غلااا ضحك بقوه هههههههه البنت ذي بركه نقول غلا نحصل فلوس من عندها او بسبب سالفه تخصهاا ركب سيارته وحركها وهو يشوف محمد يلعب كوره مع البزران تقرب منهن وطلع راسه من الدريشه وقال بضحكه : اخس ي حمود لعيب والله حمود بهت وجههه يخاف منه بشكل وقف معاد لعب وهوو يرجع لوراء بيشرد للبيت سامي حزن عليه :وش فيك كمل لعب وخلك رجال وبسرعه جنونيه حرك سيارته خلى وارة كومة غبار ================================ ================== في بيت ماهو بعيد عنهن ابو غلا قفل الجوال بعد ماااكد له ابو سامي انه مستعد وخلاص كلم سامي قال ببرود وهو يناظرها : ايش قلتي قال بصرخه : غلا لا تطنشي جالس اكلمك وبعدين وش فيه سامي والله رجال وينشد فيه الظهر غلا وهي معصبه من وقت ماقامت من النوم وابوها رجع فتح السيره اللي منغصه عليها ومنكده عيشتها زفرت بضيق وهي تناظره جالس يبربر على راسها ولا كلمه في مكانها وش الللي يحسه ابوي معقول سامي الرجال اللي ينشد فيه الظهر حرام والله قلت بقهر : يبه انت متأكد ان هالمدح كله في سربوت الحاره ابو غلا بعصبيه: بنت احترمي حالك هذا بيكون رجلك غلا بقهر :يبه والله صراحه مدري وش اقول اخاف اغلط وأخذ آثم ابو غلا :طيب مدام عارفه انه آثم عليك جالسه تترداي ليه غلا تقربت منه ومسكت يده تبي تدور الحنان اللي فاقدته :يبه تكفى لا ترميني هالرميه ابو غلا دف يدها : اي رميه تحكي عنها هذا جزاي ابي استرك بس انتي ناكرة معروف مثل عماتك اللي جحدن تربيتي لهن غلا بقهر: يبه محد جحدك بس علومك يبه ماحد يتحملها واكبر دليل العمله اللي ناوي عليها اللحين ابو غلا بطفش من كثرة بربرة هالبنت:الكلام عندك يوم الخميس الزواج وبس غلا صرخت : يبه انت صاحي اي زواج ابو غلا ببرود: ايه جاي يملك عليك وانا املك على بدريه وخلاص كذا اتفقنا ولو زعلانه عادي اخليه يسوي لك زواج جلس وهو يفكر ويناظرهااا كيف تناظره بصدمه قال بفهاوه: بس كذا ابي اخسر انا اكيد بيطلبن زواج لبنتهن وانا يالله المهر زودتهن الفين عشان يجوز لان سامي رفض يزود فأن اطريت اللي ازود غلا هزت راسهاا وهي تتطلع من الغرفه لو جلست اكثر بتغلط فيه .... ابو غلا بسرعه تقدمها وهوو يمسكها بكتفها وبحده: موافقه ان شاءالله غلا بعصبيه:حلم ابليس في الجنه اوفق عليه وهي تقرب منه وترفع راسها يبه اذبحني عندي اهون من تزوجي الهايت ذا وبقهر يبه انا احاول اصلح منك ونبعد عن هالعايله تقوم تقربنا منهن اكثر يبه ليه ماتحس هذولا هم سببب دمارك ابو غلا دفها من وجهة : اقول انقلعي و هاتي اللي معك غلا بقهر : ماعندي شيء سرقه الحرامي اللي تبي تدبسني فيه ابو غلا بعصبيه: بلا افترى ع الولد غلا بقهر اكثرر:يبه حتى ماتصدق فيهن لا لا والله عقلك مغسول منهن ابو غلا اعطاه ظهره وهو يبي يطلع: المهم حضري حالك مابقي الا يومين ع ملكتنا جميع غلا بسرعه وهي تضمه تبيه يشفق عليها : يبه تكفى ونزلت نفسها لرجوله تكفى اسوي لك اللي تبي بس لاتزوجني له يبه بدريه ماراح تفيدك بشي يبه انا بنتك ابو غلا طبطب ع راسها:ادري انك بنتي واحبك بعد وابي استرك انا مابي شيء غيره وبعدين ماهو عاحبني وضعك كذا بدون رجال الواحد مايضمن عمره غلا بقهر: يبه مدام عارف الواحد مايضمن عمره ليه تمشي في الغلط وتزيد فيه بعد ابو غلا : الله الهادي ابعدي عني خليني اطلع اخذ لي كم ثوب عشان العروس قلتي ماعندك والا ريال ااه الحين مين بيسلفني غلا جلست في الارض وهي تبكي بحسره خلاص عرفت مصيرهااا مع ابوهااا .... | ||||
|
| |
|
21-08-15, 08:00 PM
| #30 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| :: : في جناح وليد فتح عيونه وهو يحس رقبته تألمه من نومة الكنبة ... ااه راسه يوجعه بعد ...ي ترا الساعه كم ..ناظر الصاله حوله رفع نظره لساعة اللي ع طولة البلازما استغرب اثنين متى معقول نمت لما اثنين الليل ....ااه لاصلاة مغرب ولا عشاء وقف بكسل يحس جسمه مكسرر اوف بكرا مثل هالوقت عنده رحله ...اتجههه للغرفه انصدم يوم شاف النور جاي من النافذه يعني اثنين الظهر ...معقول كله ذا نوم اااه من حقي انام هالنومه من يوم مارتبطت في العله هذيك مانمت مثل الناس . . ااه عيبه كماه ان نومه ثقيل مره اذا نام مايصحى إلا احد يصحيه وكمان استغرب من امه غريبه مافكرت تصحيه دايم تجي تتطل عليه يوم كان في غرفة الاولى بسرعه راح اخذ شورر ونشف جسمه ولبس تيشرت ابيض وجينز رمادي ..وصل الصلاوات اللي فاتته وهو متحسف انه راحت عليه جلس يستغفر ..بعدها وقف قدام المراياا شافها مكسوره وجههه ماهو واضح من كثر التشقق اللي فيها سحب العطر وتعطر واخذ المشط ورتب شعره القصيرر .. طلع من الغرفه بعدها طلع من الجناح كله وهو قرفان من حاله. ..ومقهور من لطيفه اللي مااعطته فرصه ...يفهمها ان زواجه من ريتاج ..غيرر بس رضى لابوه ..ومستحيل يقرب منها ..او يعتبرها زوجه له ...وهي في القلب وماغيرها يقدر يسكنه ....بس غبيه بزعلها وبعصبيته ماعطته فرصه يتكلم ااه كل مايتذكر روحته امس لعندها ويذكر كيف كلمته يعصب بقوه.....ااه من ابوه ..نكد عليه عيشته كلها. ..وخرب تخطيطه ..ومستقبله كله اللي رسمه مع لطيفه ...ليتها تلطف علي حاله بس ...شاف ابوه قدامه جالس يتغداء ندم انه نزل بس الحين ماينفع يرجع لازم يجلس شوي وبعدها ينقلع اي مكان اهم شيء مايجلس مع ابوه كثيرر ويضغط عليه ...رد السلام وجلس ابووليد رد السلام بزعل وبعدها رجع يأكل : تعال تغداء وليد ناظر الأكل :مالي نفس ام وليد وهي تناظره تحسه تعبان ونحفان بكثيرر عن اول قالت بحنان : يمه تعال كل لك لقمه صدقني راح تهلك نفسك وبدقه لزوجها ومحد مفتكر فيك وليد تنهد بضيق وهو يوقف :الله يعين يمه ابو وليد شافه بيروح: وين وين وليد بقهر: ابي اطلع ابو وليد :ا نثبر مكانك وهو يقوم اغسل واجي ابيك وليد ناظرابوه وهو يتجهه لجهة المغاسل بعد ماختفى من نظره قال بقهر : يمه ابوي لوين بيصل ودي اعرف ام وليد بهدوء :اصبر يمه هذا ابوك ولازم تتحمل وليد وهو يتنهد رجع جلس :ااه وش عندي غير الصبرر ابو وليد رجع وجلس ناظره بحده : انت رجال وليد فتح عيونه بصدمه حس ان ابوه عارف بعلاقته مع ريتاج انه مقد اعتبرها زوجه له وشكله قصده كذا ولا وش قصده اجل بهالكلمه لا لها الف معني عنده قال بتوتر: وش مناسبة هالكمله يبه ابو وليد بحده اكثر :وينها مرتك لك يومين ناطلها عند اهلها وليد حس براحه افتكر شي ثاني ااه دماغه راح بعيد مره بس ااه اكره سيرتها في كل شي زفر بضيق بدينا قال بكذب : هيا طلبت مني تنام عن اهلها ابو وليد بحده:وانت رجال تتطاوعها تنام عند اهلها وهي لسى توها معرسه مالها غير اسبوع ومن اصله ليه تنام عندهن حتى لو لها دهرر وليد بضيق: يبه تبيني امنعها من بيت اهلها ابو ناصرر بعصبيه: يالتيس ماقلت امنعها من حقها توديها بيت اهلها بس النومه هنا فاهم ليتك رجال وتفهم حكيي بس وش اقول غيرر لاعبه فيك هالطيفه الغريبه عنا وبنت عمك ماتدري عنها وين وليد بقهر: يبه لطيفه ماهي غريبه عنا تراها زوجتي وكمان كان صديقة شوق من زمان وبنت جيرانا ابو وليد بعصبيه: اقول قم بس روح هاتي زوجتك واستح على وجهك ولا تزعل عمك ااه ابني الكبير وهذي علومه أجل اشلون الللوم الخبل ناصر وليد ناظر حوله ماشاف امه ..وينها تفزع له بسرعه اختفت .. يدري انه امه جبانه ..وتخاف من ابوه .. وتكره تجلس لما يكون يبي احد في موضوع... دايم تنسحب عكس الامهات اللي مفروض يتواجدن في هالحظه ...وماتقدر تثني له كلمه ...وقف بعجزز عارف لوو جلس.. زود وكاد يقوم عليه بالعصا.. ذي بجنبه.. قال بآخر محاوله: اقول وشهوله اروح لها وانا عندي رحله بعد خمس ساعات احسن شيء تجلس عند اهلها حتى اجي من السفرر ابو وليد بعصبيه:اقول جيبها هنا وانت انقلع لرحلتك وليد وقف بعصبيه :سم يبه طلع بعد مانزل النظاره ع عيونه ...من اشعة الشمس القويه .. ركب السياره شغلها وجلس ينتظرها تسخن شوي سند نفسه على المقعد وهو يتذكر كيف ابوه لعب عليهم بهالزواجه فهمهم ع انه بس معترض ع حاتم وخلاص تقفلت السيره لمدة اسبوعين وجمعهم وصدمهم بفتح الموضوع مره ثانيه بس كان بطريقه ثانيه عجز من ابوه ومن افكاره وتسلطه على العائلتين قفل عيونه بقهر ابو وليد بعصبيه :انت ولا وهوو واحد منكم ياخذ ريتاج ناصرر بسرعه فز: والله انا تعبت وانا اكرر اني مالي في الثنتين وبعدين زوجتي واعرفها قشراا والله لا تحوسنا بمشاكلها معاها وصدقني ريتاج ماهي قدها بتظلم بنت اخوك يبه ابو وليد بعصبيه أكثر: اقول اقطع انت وهالهرج رجال طول بعرض تخاف من مره تقدر تجيب فوقها ثلاث بس لها حقها وتنثبرر عليه ناصرر: تكفي يبه والله منيره ماراح ترضى اعرفها وبعدين وش فيه هرجك تغيرر كان بس تصريفه اشوفه قلب جد ابو وليد بقهر : اخس على هالشارب تمشيك مره وناظر وليد : ليتك انت بس ماتخيب ظني فيك مثل ماخيبه هالخيخه عند مرته وليد بضيق : يبه اطلب الي تبي بس اتزوج ريتاج هذا المستحيل بعينه اعذرتي يبه ابو ناصرر بصدمه من عياله: وحتى انت بعد هذا كلامك ي خساره ماتوقعت كذا وليد :يبه انا زواجي قريب باقي منه بس شهرين واقل بعد والله مقدرر ابو وليد بسخريه يناظره :طيب ومين قال بيتأجل زواجك لو ملكت على بنت عمك وليد وهو يحاول يهدي فيه مايبي يعصبه وينفذ اللي ناوي عليه : يبه صدقيني لطيفه مارح ترضى وانا صراحه مابي اكسر قلبها وحرام يبه لسى مقد عرفت طيبها من شرها اقوم اتزوج عليها ابو وليد : بس مو حرام تكسر كلمة ابوك اللي اعطاها عمك ناصرر ناظر وليد: يبه لا تضغط علينا مثل ماقلت لك والله لوو زوجتي ماراح تسوي مشاكل لهاا اني لاخذها بس حاس انها بتنظلم يبه ابو وليد بصرخه: انت انكتم مبسوط من حالك وانت كل ساعه تعلمنا انك ماتقدر على زوجتك ي خي استح شوي ليتني ماجبتكم وانتم كذا وبعدين اللي معاك ذي جزاها الطلاق ماهو بس تتزوج عليها ناصرر : يبه وش ذنب عيالي افرقهن عن امهن عشان بنت اخوك ذي ابو وليد بعصبيه: انقلع عن وجهي قوم ناصرر قام وهوو معصب وليد صراحه احسد ناصر يقدر يتكلم مع ابوي بس انا لا حاولت ا تكلم وانا ابيه يهدا:يبه ياليت تفهم وضعي والله متأكد ان ريتاج ماتبي غيرر بندرشفت كيف جلست اسبوع كامل في المستشفى بعد موته ... صدقني هي بترفض ... .. ابو وليد :اوك أمش معي نروح نطلب يدها واذا رفضت مايكون علي اللوم وماكسرت كلمتي قدام اخوي وصدقني مثل ماقلت بترفض وليد وقف بثقه عارف ان عمه شخصيته ضعيفه ماهو مثل ابوه عشان يقدر يغصبها قال ببرود: ابشر يبه صحي من سرحانه على رنة الجوال طنش وهو يسب نفسه ليته ماراح ولا فكر يطاوع ابوه... انصدم يوم عرف بالموافقه.. ..وين حبها لبندر طيب ..ولا خلاص ميته على الزواج ....طيب كان عشان لطيفه ...صديقتها ....ولا مافكرت فيها ...ايه مشفوحه وراء العرس بس هين معك وليد سحب جواله يشوف مين المتصل شاف رقم ناصر..رماه فاضي والله ماعنده سالفه من امس يدق وش عنده حضرته اوف منه ومن غلاسته .....حرك سيارته وهو متجههه ..لبيتهم رجع سحب الجوال ويفتح ع رقمها العله ذا ....كاره حتى يدق رقمها ..ولا عمره دق من اصله بس ابوه دبسه فيه يوم ارسله له بعد الملكه ويقول هذا رقم زوجتك احفظه عندك كل شي غصب ....يكرهها بشكل مايتصورر ..ويكرها سذاجتها ... غبيه ماتحس لو رضت ترجع معي ....سمع صوتها اللي ينرفزه قال كلمه بس : اطلعي انا قريب من بيتكم ريتاج استغربت متصل ..بعد ماجلطني من يومين ... بيت ابوي يكفي امي طول اليوم معصبه علي ..وكل شوي تقولي.... دقي شوفيه ليه ماجاا ...ليه لهالدرجه بايعه كرامتي عشان ادق عليه. .واقول له كذا ..تعوذت من ابليس ولبست عباتي ...وطلعت نزلت شفت امي قدامي... جالسه تتقهوى وتناظر التلفاز .تقربت منها بهدوء سلمت فوق راسها: يالله يمه مع السلامه وليد برا ام عصام :ربي يحفظك ولا تجي كثيرر هنا اذا زوجك يتضايق ويالخبله حاولي تكسبيهه قبل ماتجي لطوف وتأخذ ه مننتس ااه ليتني اعطيتس شوي بس شفتي كيف ابوك مجنون فيني اه بس مين يفهم ريتاج ابتسمت بسخريه على حكيها قلت ببرود: ابشري واعطيتها ظهري وانا اسوي نقابي زين طلعت شفته جالس في السياره فتحت الباب بهدوء وركبت وانا ارد السلام بس مارد علي وطنشني حرك بسرعه جنونيه يالله اهم شيء رديت السلام وهو بكيفه وليد بحده وهو يناظر الطريق : ابوي يسألك قولي له انتي طالبه تنامي عند اهلك فاهمه لو اسمع غير هالحكي ماتلومي غير حالك ريتاج وهي صاده تناظر حولها من الدريشه :ان شاءالله وليد بقهر من برودها : ليتني اقدر اذبحك واريح عمري من خشتك ذي اللي ....تتبدست فيها ريتاج بقهر وعصبيه خلاص طلعها من طورها ناظرته وبصرخه : نفسي اعرف ليه جيت وطلبتني من ابوي مدام لهالدرجه كارهني وليد بسخريه : اخس البارده تعرف تعصب بعد وبعدين مافتكرتك كذا تبي زوج والسلام وتوقعت ترفضي بعد حبك المزعوم لاخوي وقلت ارضي ابوي وش بأخسر بس ااه لا جابها الله من جيه جيت طلبتك فيها ريتاج بصدق: ايوه هذي هي ي وليد جاي عشان ترضى ابوك صح طيب انا مثلك رضيت ابوي وعمي اللي جاا وغصبني بهالزواح إلا انا مالي فيه ي وليد وترا حب بندر ماعمره كان حب مزعوم لا حب حقيقي ومن قلبي بعد يعز علي اقول لك كذا وانا على ذمتك صرت بس انت ماعطيتني مجال دايم تجرح وماتفكر ...وانا اللي طلبته بس شوية احترام وليد بعصبيه:هييي تووقعي اغيرر منه انك تحبي عشان ماتبي تقولي قدامي هالحكي ترا والله ماشوفك ولا ابيك ودي الفرقى الحين بس الشديد القوي اللي رادني على طلاقك ريتاج ناظرت الطريق ودموعها ....تنزل بدون صوت لامت نفسها مين هالوليد... اللي تفكر في كلامه ..ولا تفكر فيه ..عشان تبكي عشانه ...لا بس غصب عنها ..هي ماتكره مثل مايكرها ...هي تشوفه و لد عم واخوو بس زوج لا ...قالت وهي تتنهد:الله يتمم لك زواجك من لطيفه وبعدها انا بنفسي ابي اوقف في وجهههه عمي واقوله اني مابيك الي اطلبه بس وقت تتحملني فيه وصدقني شوق وعصام يتم زواجهم ماراح تشوف خشتي وليد بصرخه: ليه وبيسمعك هووو اسكتي بس مابي اسمع صوتك ذا ولطيقه مثل ماحرمتيني منها مصيري احرمك تعيشي عيشه هنيئه ريتاج : والله عيشتي بيد الله ومال احد سلطه عليها غيره هو سبحانه وليد سكت مارد عليها وصلووا البيت ونزل معاها ..عشان يخاف ابوه يشوفها لحالها نازله يسوي سالفه الله يصبره بس على هالعيشه ....ليته ينفك من هالبيت | ||||
|
| |
|
| أدوات الموضوع | |
| انواع عرض الموضوع | |
|
|
27Likes
.png)
.png)
العرض العادي
