30-08-15, 11:47 AM
| #42 | ||||||||
| نجم روايتي وعضو الموسوعة الماسية بقسم قصص من وحي الاعضاءوفراشة الروايات المنقولة  
|  السلام عليكم ورحمة الله وبركاته صباح الخيرات والسعادة يافيتامين سي الله ياخذك ياوليد اخذ عزيز مقتدر يااشباه الرجال جالس تستفرد عضلاتك على المسكينة ريتاج يعني انت يارجال ماقدرت تقول لابوك مابيها هالمرة تريد ريتاج تخلصك من هاي الزواجة تضرب وتهين عادي عندك تعرف ياوليد اعتقد ان لطيفة هي دواك لانها راح تذلك ابو غلا اعتقد ان الزواج باطل اذا كانت الزوجة رافضة حتى ولو بموافقة ولي الامر فكيف قام ابو غلا بهذا الذنب تجاه ابنته ورماها لحقير مثل سامي مؤلم القهر الذي يمارس تجاه النساء من باب السترة والحفاظ عليهن ناصر وابوه يااخي لم تكتفي باشعال النيران بحياة وليد وريتاج لتدور على ناصر قد نجد مبرر لناصر انه غير مرتاح مع زوجته مع ما انه الذنب ذنبه وليس ذنب زوجته بسكوته وخنوعه لما تفعله معه ولكن اسيل هي صورة اخرى لامها يعني ياناصر تطلع من مشكلة توقع بمصيبة الف الف شكر لك يانوني ويافيتامين سي على النقل | ||||||||
|  |
|
02-09-15, 03:10 PM
| #43 | ||||||||
| مراقبة عامة ومشرفة منتدى الروايات المنقولة  
| استغفر الله العظيم التواب الرحيم اللهم صل وسلم على نبينا محمد ""الروايه لا تليهكم عن الصلاة اللهم بلغت اللهم فاشهد " " &البارت السابع & ألاياعمري الفاني ألا ياحقي المسلوب متى عيني بليل الياس لذيذ النوم يهناها متى يحالفني الحظ ويصحح وضعي المقلوب يعدل قسوة الأيام وغلطه مارتكبناها حسيت بجوع ...تلفت يمين يسار باب الغرفه مقفله معقول نايم ..حتى اللحين .كيفه ينام ينفلق ..انا مالي فيه .. دخلت المطبخ التحضري فتحت الثلاجه ...شفت فيها عصير لا مايصلح اشرب بارد وبطني يوجعني .. ..سحبت جالكسي ناظرته بحيره ..ودي في قهوه ..بسرعه سويت لي كوب قهوه حسيت اني مو راضيه ع الفطور من امس ذقت شيء من وجعي ...يالله خليني أكل الموجود مافيني حيل اسوي شيء ..جلست في الصاله فتحت التلفاز ..سحبت الريموت وجلست اقلب ...من قناة لقناة. .لا جديد ..غيرر مسلسلات كلها ....حزن وصياح وصراخ .. ..وانا مافيني صراحه بس بالصدفه لقيت مسلسل كوميدي ...خليته عليه وجلست اتفرج ...اندمجت معه وكنت اضحك من غير حس ماحسيت إلا اللي واقف ويصرخ ع راسي فزيت بخوف وليد وهوو صاحي من النوم ومعصب من صوت الضحك ذا اللي يسمعه هي تضحك وهو يبي يموت من قهره نوم مثل الناس مانام بذات بعد اتصال ا لزفت نويصر: وشهوله عليه تضحكي هااا قولي ولا مبسوطه من الحياة الزنيه اللي انتي موهمه نفسك فيها ريتاج ناظرته وضحكتها تختفي : الحمدلله على كل شيء وليد تقرب منها بسرعه وبصرخه:شوفي شغل البرود ذا ينرفزني ريتاج رفعت راسها وناظرته بهدوء :وش تبيني اقول طيب وليد جلس على الكنب اللي مقابله لهاا وقال بحسره: بس سؤال ليه وافقتي ريتاج بطفش من هالسؤال : انت ماعندك وقت لهالسؤال حتى وانت قايم من النوم .. وليد بنرفزه: ردي ع سوالي بدون كثرة حكي ريتاج وهي ترفع كوب القهوه وتناظر التلفاز ببرود: تبي قهوه وليد بصرخه: ي ****ردي ع سؤالي ريتاج وهي مطنشة السبه القويه اللي جتهااا وقالت ببرود أكثر من قبل : طيب ليه انت جيت وطلبت وليد بصرخه : غبيه ولا اشلون كم مره اقولك توقعت ترفضي ريتاج ناظرته وبصدق: وليد انا مالي ذنب والله وانا مابي غير بندر وراضيه اعيش على ذكرياتي معه ومبسوطه كمان ولما تكلم لطيفه ابي اكلمها عشان افهمها .هالشي وخلاص هذا اللي عندي لاني طفشت من كثر ماتكررر ومن اللحين اقولك ماراح ارد عليك لو عدت هالسؤال وليد بعصبيه: هي ترد علي من اصله عشان امثالك يكملها ااه ذبحتيني وفرقتي احسن قصة حب بيني وبينها حسبي الله عليك ريتاج بغيض : لا تحتسب علي ترا أكثر وحده مظلومه في هالسالفه انا ولطيفه روح عندها البيت واكيد والله راح تقابلك صدقني لطيفه تزعل صح بس قلبها طيب ولو طيبت خاطرها بكلمتين راح ترضى وكمان قول لها ايش العلاقه بينا أن مثل الإخوان عايشن مع بعض شافته ساكت كملت بغصه أكثر وياليت بس تحترمني ولعاد تمد يدك علي لا تكسرني اكثر مو انا مكسوره وليد ناظرهااا وهو مقهور وده يذبحها مو بس يمد يده عليها ومصدقه حالها ذي ..ان علاقتهم بتستمر مثل الإخوان ..مع زن ابوه ...قال بسخريه: متأكده بنصيرر إخوان على طول ريتاج بخوف وشك من كلامه:ايه آكيد وليد بقهر: وابوي ريتاج : مايدري بشي واذا سألك قول له الحمدلله عايشين وهذي اشياء خاصه مفروض مال احد دخل فيها وليد بسخريه: والوريث ريتاج بقهر: نفسي اعرف يعني الحين الوريث ذا مراح يطلع إلا منا حنا طيب عنده شوق وعصام وكمان ماشاءالله ناصرر مخلف وليد بقهر:ااه ا بتليت وبس ريتاج قلت وانا مطنشه السم اللي يقوله: طيب ليه مانفكر بعقل وانت تخفف هذي العصبيه فيك عشان نقدر نوصل لحل ونخلي لطيفه كمان ترضى وانا وعد مني ي وليد ماتعرض لكم او احسسها اني زوجتك التعديل الأخير تم بواسطة فيتامين سي ; 13-08-20 الساعة 04:21 AM | ||||||||
|
| |
|
02-09-15, 03:11 PM
| #44 | ||||||||
| مراقبة عامة ومشرفة منتدى الروايات المنقولة
| بغضب : لا تقولي زوجتك ريتاج ابتسمت عشان تمص غضبه :ابشر ماراح اقول اني زوجتك ولا ابي كمان والله بس القدر حكم وليد: ليتك توصلي للطيفه وتفهميها بحياتنا واني مابيك ولا متقبلك في حياتي ريتاج حست كلامه سكاكين ...فيها صح هي ماتبيه ...بس ياليته ما يجرحها كذا ..مهما كان هي بشر وتحس..قالت بأبتسامه وهي تضغط على حالها : ابشر وليد بقهر:نفسي اعرف بس شيء واحد ابوي كيف يفكر ريتاج بهدوء:الله يعين لازم نسمع كلامهن ونرضيهن حتى لو على حساب مشاعرنا وحياتنا وليد بحده: ماتدري قد ايشش مقهور وانا اشوف لطيفه تروح من يدي والسبب انتي باي حق تاخذي رجلها عنها ريتاج تنهدت بعجزز ....ذا كيف يفهم ..اقوله انا مالي ذنب ..يرجع يرد علي اللوم ... قلت بعصبيه لاني خلاص طفح الكيل : مأخذت حق احد انا حقك تقول هالكلام لو طلبت منك تعاملني كزوجه بس مدام كافيه خيري وشري مفروض ماترجع علي كل شيء وكني انا االي تمنيت اكون زوجتك يكفي سكوتي عليك يوم ضربتني وليد وقف وهو يزفر بقهر:احلمي تكوني لي زوجه وضربي لك ليتك ماسكتي كان حرقتي في الدنيا زود وكاد أنفك وقف واعطاها ظهر التعديل الأخير تم بواسطة فيتامين سي ; 13-08-20 الساعة 04:23 AM | ||||||||
|
| |
|
02-09-15, 03:13 PM
| #45 | ||||||||
| مراقبة عامة ومشرفة منتدى الروايات المنقولة
| ريتاج ناظرته وهوو معطيني ظهره ..عصبني كلامه ..يعني لو حرقت في الدنيا على قوله بيتغير شي لا بس فضايح على الفاضي ...وكمان متخيل اني ابيه ..قلت وانا صاكه على سنوني من غيضي احسه اليوم عصبني حيل : وانت لا تحلم بس اني اعتبرك زوجي وليد رجع ناظرها من فوق لتحت بتصغيرر واضح: صدقيني لو ابي اصيرر زوجك بحق وحقيقه اقدر والحين وهو يناظرها بخبث ريتاج انكمشت ورجعت لنهايه الكنبه بسرعه وهي تحس بخوف من نظراته قالت بربكه: خلاص روح الله يهديك خليت بينا الاحترام معدوم وليد ضحك بصوت عالي:هههههههههه والله مسخره ي ام الاحترام ريتاج معقول يسويها لا لا ماظن ...بس كذا يخوفني وانه يقدر يتحداني ...ايه اكيد ..وبعدين والله لو يسوي كذا فيكون كذاب ..مايحب لطيفه ...ريتاج بلى هبل بس اكيد رد لكلامي .. وبعدين عندي عذر حسيت براحه ..اه وليد دخل ا لغرفه وهو متضايق كيف. ..قدر يقول كذا ..لا مستحيل ..وهومايبي غيرر لطيفه ....زوجه بحق وحقيقه ..وهذي مجرد ...تسكيته لابوي ..ايه بس الزفته تستفز ...الواحد بالكلام ..وتطلعه من طوره.. وبصراحه جلستها في حناجي.... ماهي عاجبتني ...لازم اكلمها اخليها ...تروح جناح بندر في آخر الليل لما اهلي يناموو..وتنثبر فيه وقت الصبح تنتقل هنا ...عشان محد ينتبه ....رحت آخذت شور بارد ولبست جينز وتيشرت وعدلت شعري وتعطرت ناظرت الساعه باقي ع صلاة الظهر افضل شي انزل عند امي حتى ياذن واروح اصلي في المسجد ... طلعت وانا اشوفها جالسه مكانها رجعت جلست مكاني وبجمود: من اليوم اجي ماشوفك قدامي هنا معسكره ريتاج بصدمه:وين اروح طيب غرفتك ومنعتني منها ومافي مكان غير هنا وليد بحده: جناح بندرمكانك ريتاج بفرحه: صدق ااه ودي من زمان والله بس خايفه من عمي تكفى بسرعه جيب المفتاح وليد بسخريه يناظرها : ماشاءالله قد حاولتي وطلع مقفول ريتاج ببرود: ايه و طلع حظي شين كمان في هذا وليد انبسط وهي موافقه علىاقتراحه افضل يصيرر كذا لازم تبعد : طيب اشوف كيف اجيب مفتاحه من ابوي لانه عنده المفتاح ريتاج بفضول : ليه عند عمي مفروض عند خاله وليد بحزن وهو يناظر الارض :امي تعبت بس كان في غرفته تتبكي قام ابوي اخذ المفتاح عنده عشان يقدر يمنعها ريتاج برجى : طيب تكفى جيبه بسرعه والله مراح انسى لك هالشي وليد بفرحه يبي ينفك منها: طيب راح ادبره ان شاءالله وايه كمان ابيك إذا لطيفه وافقت تكلمك ابيك تفهميها كيف حياتنا بالتفصيل وبرفعة حاجب لأن هي الوحيد اللي المفروض تدري بكل شيء والاحق فيه .. ريتاج وهي فرحانه يعني خلاص بترتاح من هالجناح الكئيب بتروح غرفة بندر حبيبها. ..: قالت وهي تهز راسها :ابشر راح افهمها بكل شي بس ليتها ترد علي ولا اقولك اللحين رايحه اكلم شوق عشان نروح عندها وابتسمت بأمتنان شكراً وليد عشان بتخليني اجلس في احسن مكان في هالبيت كله وليد بسخريه وهو يناظر فرحتها : غبيه من جد مطروده من الجناح ومبسوطه ريتاج بأبتسامه حزن: مطروده لاحسن مكان ليتك طردتني من زمان ي شيخ وليد بطفش منهاا يكره يشوف وجهاا حتى ..يحس كل ما يناظرها كنه يخون لطيفه ...بس الزفته جميله واجمل من لطيفه حتى .....بس هوو قلبه عند وحده وبس ..ومستحيل يغيرها حتى بأجمل بنات الكون ...و كمان يبي يبعدها مايبي ... يشوفها ..قدامه وينفتن فيها ...وبذات مع ضغط ابوه ..عليه . .. ليته يقدر يطلقها وينفك منها على طول . ماهو بس تبعد عنه بالمكان ..الله يرحمك ي بندر ....والله ي خوي غصب عني اسوي كذا ...بس مافنيي اتقبلها في حياتي .نزل بسرعه للصاله وهو يشوف امه جالسه تسبح سلم فوق راسهااا وهو مبتسم : كيفها الغاليه ام وليد بأبتسامه : نحمد الله ونشكره والجو اليوم ممطر الحمدلله ربي يجعله سقيا خير وبركه وليد ناظر جهة الدريشه اللي مفتوحه : آمين يارب وقال بهمس :وين ابوي ام وليد : راح يتوضى وطالع يصلي وليد هز راسه : اوك نطلع جميع ام وليد بأبتسامه رضى :ايه يمه الله يرضى عليك حاول ترضى ابوك ع طول ترا يحبك والله ومعتمد عليك في كل شيء ومهما قسي وفرض عليك شيء بس تراه يغليك حيل فلا تقهره بشي وليد هز راسه بحزن: افاا اقهره الله لا قالها يمه ماعندي غير ارضيه حتى لو على حساب هذا وهو يشير على قلبه ام وليد بضيق : يمه ماخلصنا وبعدين ابوك ماظلمك ولا قال لك لا تكمل موضوع الزواج شوف هي بس ترضى صدقني بيسوي لك احسن زواج وبيرضيك صدقني بس هي تكبر عقلها شوي وليد برجى: يمه ابيك تروحي عندهم وتتفاهمي معاهم ام وليد بهدوء: ابشر اشوف يوم واروح وان شاء الله اجي والموافقه معي وش تبي عاد وليد تنهد بضيق وهو يشوفه طالع من غرفته ويستغفر قال بهمس: خير ان شاءالله ============================================ ====== في جناح شوق جالسه تقراء روايه ومندمجه مع الاحداث ... سمعت طق على الباب خفيف ....بسرعه عدلت نفسها : ادخل ريتاج دخلت وهي مبتسمه :هاي شوق بأبتسامه :هايات ريتاج جلست مقابله لها : وش مسويه وليه كذا ماتنشافي ي بنت شوق وهي تتنهد : طفشانه حدي وجلست ادور روايه ريتاج : ااه من زمان عن الروايات تصدقي كاره كل شيء الله يسامح اللي كان السبب شوق فهمت عليها قالت بضيق :الله يعينا على تعسف ابوي وابوك ابتسمت بس آحسن شيء انهم قالووا شوق لعصام ريتاج ضربتها بقوه : اسحتي ي بنت شوق بضحكه :نسينا هاا ولا عادي اذكرك يوم الحب لبندرر الي سندرتي روسنا فيه ريتاج ابتسمت بحزن : ليت هذيك الايام تعود وبعدين ماجلست اسندر راسك ع قولك إلا بعد ماصرت زوجته شوق سكتت وسبت نفسها وش اللي خلاها تذكرها الحين صدقت امي يوم قال اني ماعرف اصفف حكي قلت بمواسه لها: ربك كريم وقادر يعوضك ريتاج هزت راسها بهدوء : المهم جايه ابي اقولك خلينا نطب على القاطعه ذي لطوف والله انها وحشتني تصدقي وكمان عجزت منها ماترد علي شوق بتوتر وهي تتذكر تهديد لطيفه لريتاج:لا لا ماله داعي خليها تروق وبعدين ريتاج :ماعليك انا مستعده اتحمل طول لسانها ولازم افهمها بكل شيء انه غصب عني والله وان حياتي وحياة وليد ماهي مثل اي زوجين طبعيين شوق بحيرة: اشلون لو ابوي يدري صديقني ماراح يسكت وترا هوو ذكي وماينلعب معه واسألي وليد يأما كشف أشياء في البيت وحنا كان مخبينها الله يهديه مسوي لنا رعب واكثر شيء اشفق على امي اللي هي الوحيدة متحمله كل شيء وصابره وماتقدر تقول كمله شخصيته ضعيفه حيل عنده ريتاج بضيق : ااه ي شوق ليه نتعب أنفسنا بهالكلام وهو مارح يزود ولا ينقص شيء أحسن شيء مفروض نسويه ان نعيش باللي انكتب لنا وخلاص وبعدين وش فيها لو عشنا انا وليد بالطريقه اللي تريحنا... شوق بشك: يعني انتي راح تكوني زوجه لوليد وترضي خلاص فيه ريتاج بسرعه : لا تفهمي غلط الله يهديك وليد للطفيه ولطيفه لوليد وانا بس مجرد ارضاء لعمي لاغيرر وان شاء الله فتره وعمي يعجزز لما يشوف ان ماجاه الوريث يقول لوليد يطلقني شوق بسخريه: انتي من جدك والله لو ايش ماخلى وليد يطلقك ي شيخه هو يبي يضمن انك ماتكوني لحد غيرر برا العيله فاهمه ريتاج بغصه: ليتني انفك بس والله بعدها اوعده اني مااوافق على اي احد يخطبني واجلس كذا طول عمري وراح اكون والله سعيده بس ااه وش يفهم ابوي وعمي وقبلهم أمي شوق وهي ترفع الجوال وتطلع رقم لطيفه : طيب وش اقول لطيفه اللحين ريتاج : يعني ردت عليك شوق : ايه امس بس كان صوتها زعلان حيل وكمان هي تبي تشوفني ريتاج:كويس أجل دقي عليها واعطيها موعد وبغصه بس لا تقولي اني معك طيب عشان ماترفض تقابلني ااه احس بوجع في قلبي يوم اشوف الحظر اللي مسويته لي ولا تشوف رقمي وماترد ارسلت لها رسايل نصيه ماردت شوق بحزن عليهن كلهن ماتدري ..تواسي مين ..فيهن قالت بهدوء: مهما كان تخيلي نفسك مكانها والله صعب احسه انا وصدقيني لطيفه بعد ماتجلسي معاها اليوم راح تفهم وترضى ريتاج بزعل : طيب انا حاسه فيها والله و دقي الحين خليني اروح اتجهز اوك شوق هزت راسها ودقت رقمها وشوي وجاها صوتها وقالت لها انها جايه بس وقفلت بسرعه ريتاج طلعت بعد مافهمت... انها وافقت تستقبل شوق ...ياخوفي تتطلع علي جنونها ..وتطردني اعرفها لطيفه دايم متهوره ...اكثر وحده في شلتنا دايم تتصرف بهواش ...دخلت الجناح ماشفته وين راح وهو توه جاي من المسجد وقالي روحي كلمي شوق وانا انتظرك هنا كملت مشواري للغرفه وشفته جالس على السريرر ويناظر جهازه ...قلت بهدوء : خلاص انا وشوق رايحين عند لطيفه وراح اقول لها الكلام اللي قلته لي وليد من غير مايناظرها : طيب تروحوا كذا اخاف ترفض تقابلكم ريتاح بقهر توه يقول روحي كلمي شوق عشان تروحوا عندها والحين يقول يخاف تقابلنا قلت بقهر : لا وافقت توها شوق اتصلت عليها وليد بفرحه ناظرها وهو يقفل جهازه : جد ردت على شوق ريتاج : ايوه وكمان لا تروح مكان عشان تودينا انت عشان عمي مايشك لو رحنا مع السواق وليد وقف وقابلها وهو فرحان حيل انها ردت عليهم :لازم اشوفها طيب حاولي تقنعيها صدقيني مانسى لك هالجميل ولا اقولك الحين انا ابي ادق مدام فتحت جوالها ريتاج ببرود وهي تناظر كيف فرحته ابتسمت بسخريه ماراح تنسى الجميل : ان شاءالله ماتنساه صدق وانصحك لا تتدق عشان يمديها تقابلنا ونشوف حل اخاف تشك وماترضى لان ماعندها خبر اني جايه مع شوق حست نفسها ضايقه وهي تحكي له اعطته ظهرها وطلعت بسرعه وراحت أخذت لها لبس ودخلت الحمام الله يكرم الجميع واخذت شورر ..ونشفت جسمها ولبست وطلعت ..وهي تنشف شعرهاا ..ناظرت وليد اللي مسنتر في الصاله ...غريبه ماتحرك استغربت صراحه توقعت من فرحته يكون ينتظرنا تحت في السياره حتى ياذن العصر ..طنشته وانا اجلس على الكنبه والمنشفه في يدي انشف شعري القصيرر ... وليد بطفش: ابوي تحت قد حذرت شوق وباقي انتي جاي احذرك اوك وابي نطلع اللحين طيب ريتاج بصدمه: اللحين نروح عند البنت في هالظهرلسى توها تصل اثنين وليد : وش نسوي عشان نعطي ابوي حيله نقول نبي نتغداء برا والجو حلوو بارد وكمان يمطر فرصتنا ريتاج حطت المنشفه وبصدق: وليد عيب نطب ع البنت اللحين وليد بطفش: ي بنت افهمي عاد اقولك نروح مطعم نتغداء وبعدها ياذن العصر نصلي في المسجد ونروح شافها مبلمه قدامه قال بقهر فاهمه ايش تقولي لو سأل قولي له تمشيه طيب مو تبلمي مثل كذا وبحده ياويلك تقولي غير هالحكي ومو مثل قبل تخربي الدنيا ريتاج هزيت راسي له من غير ماتكلم ي كثرر بربرته هالادمي مايسكت كلمه وراء كلمه وقفت وانا .اخذ الشطنه الصغيره واطلع منها مرايا واناظر وجهي اللي خالي من اي مساحيق مديت يدي للعطرر ورشيت شوي وبعدها استشورت شعري شوي عشان ينشف اوف وش فيه ماينزل طيب احس اني متقيده قدامه بس هو ماهو معي جالس يناظر الارض ويفكر .لبست العبايه وقلت: يالله وقف ع طول يوم شافني جاهزة ...تقدمني ...وهو يمشي ...ابتسمت على فرحته ...والله حاسه فيهم يحبوو بعض ..مثل حبي لبندر ويمكن اكثرر من ..زمان وليد ..يحب لطيفه واذكرر قبل ماتغطى يوم حنا صغار دايم كان يجي ..وحنا نلعب شرعت في الحوش ...تبع بيتهم ..ويأما كان يطنشنا انا ...وشوق ويروح يكلم لطيفه ... | ||||||||
|
| |
|
02-09-15, 03:14 PM
| #46 | ||||||||
| مراقبة عامة ومشرفة منتدى الروايات المنقولة
| شوق طلعت من غرفتها وهي متوتره.. بذات من يوم دخل عليها وليد يقول لها ابوهاا تحت مارجع الشركه ...يارب تعدي هاليوم ع خيرر .... ابوها مقدور عليه بس لطيفه اااه مدري وش تسوي لما تشوف ريتاج معي الله يستر لا تحوسنا بعصبيتها ..يارب مدري مع مين أكون كلهم صديقاتي ...نزلت وهي حدها خايفه اخخخخ فعلاً مثل ماقال وليد جالس وكمان شكله ..مقفل بالمره ...الله يستر لا ترتبك وتفضح الدنيا ...لان عندها خوف غير طبيعي من ابوها ...تقربت وهي ترد السلام وتسلم فوق راسه باحترام : كيفك يبه ابو وليد بحده وهو يناظر ها : وين على الله لابستن عباتك شوق بخوف وهي تناظر وليد وريتاج اللي نازلين من الدرج: لا بس ريتاج عزمتني على الغداء في مطعم ابو وليد : كذا بدون استئذان شوق بتوتر : لا بس هم قالوا لي ابو وليد بحده : اقول ارجعي غرفتك وخلي الرجال مع مرته وناظر وليد وريتاج ويالله انتم روحوو الجو مايتعوض ريتاج تقربت منه وهي تسلم فوق راسه: لا ي عم طلبتك تكفى خلها تروح معنا بس هالمره لاني مسويه حفله ونبي نحتفل جميع في مطعم وعازمتهم كلهم على حسابي ابو وليد ناظر وليد : رايح معاهن وزوجتك اللي تتدفع ااه بس يالمرجله ريتاج بسرعه: عم هو اللي يعطيني الفلوس يعني كنها على حسابه وناظرته بأبتسامه ولا انا من فين لي وبعدين انا الي اقترحت الغداء عشان كذا العزيمه ع حسابي وبتوتر حفله ي عم ابو وليد بقهر ماهو عاجبه طلوع شوق معاهن بس ماعليه مدام فكرت تعزم وليد اكيد حالهن احسن من كان يتوقع بس يعرف ولده عنيد قال بشك: وش حفلته في هالظهر ريتاج اخخ وشي الي خلاني اقول حفله قلت بسرعه: الجووو مره يجننن وعشان كذا حابه اعزمهم بس حنا البنات نقول للعزيمه حفله وبضحكه مصطنعه تدري فينا كل شيء عندنا نقول عنه حفله ابو وليد بحده:فارقوا أجل وبقهر ناظر شوق والله ماله داعي روحتك اقول انثبري وخلي المره تروح تحتفل مع رجلها ريتاج بقهر منه: تكفى ي عم شافته ساكت وهو ماهو عاجبه بسرعه سحبت يدهااا وطعلووا وليد طول الوقت ساكت...ادري لوقلت كلمه ابوي بيقلب علي ...وبيعصب...تقدمت وركبت سيارتي وخليت شوق وريتاج يتسايرن مدري ايش فيهن جلست انتظر دقيت بوري قهروني الخبلات جالسين يسولفن شفتهم تحاركو جاين بس ..ناظرت ريتاج وهي متجههه تركب قدام بسرعه تكلمت وانا افتح الدريشه : هييي وراء الله لايهينك ريتاج ناظرته بصدمه وقفت وهي ترفع يدها : آسفه شوق بقهر ناظرت ريتاج وبهمس والله مايستاهل حد يروح يتوسط له ريتاج هزت راسها بهدوء:ماعليه امشي بس وركبوا السياره وليد يبرر بحده : مو ناقص اكثرر لو شافك احد من اهلها وانتي راكبتن معي قدام ويقولها آكيد بتزعل زود ريتاج وهي ترفع يدها عشان يسكت خلاص يكفي تجريح قالت وهي شوي وتبكي: اوك فاهمه عليك ماله داعي تبرر شوق ناظرتها بحزن مسكت يدهاا وهي تضغط عليها ريتاج هزت راسها بدون صوت انه ماهمها ..مهما قال يقول كيفه مايهمني بس صدمها بكلامه الاخيره وليد بحده: قولي لها عن حياتنا مع بعض ان مو مثل الازواج لا تنسي اوك شوق حست نفسها منحرجه ولامت وليد حيل انه كذا تكلم قدامها ريتاج وهي لسى مصدومه من حكيه آخر شيء تتتوقعه يقول لها كذا قدام شوق طيب ماهوو طالب منها انها ماتطلع اسرارهم قدام أحد وش اللي تغيرر اللحين وهو قال لها في الجناح قبل مايطلعوا ماله داعي الحين يرجع يكرر قالت وهي ماسكه نفسها لا تنفجر: باقول من غيرر توصيه وليد لسى مسترسل في تجريحه :ايه وكمان جناحها قولي لها انك مادخلتيه وجالسه في غرفة لحالك اوك ريتاج طنشته وماردت عليه شوق بقهر: خلاص وليد كفايه وليد بحده : لا ماهو كفايه ابي اصلح حياتي معاها وش فيكم ماتفهمن شوق بعصبيه: صلح بس ماهو كذا بهالطريقه ترا مثل مالطيفه زوجتك ريتاج زوجتك وبنت عمك بعد وليد بغيض : انا استاهل أخذتك معنا شوق بقهر : استغفر الله بس ريتاج قالت بهمس :الصبرر يارب بعدها الكل سكتت لما تكهرب الجوو ============================= ============ ====== بيت ابوسامي غلا فتحت عيويني وانا اناظر الدريشه ..كان النور داخل منها.. بقوه لفيت جسمي حسيت بشي صلب وراي جلست بصدمه من اللي اشوفه ذا متى جاا وكيف جاا نام جنبي ماحسيت فيه ... ناظرني بنص عين مفتوحه .... بصوت ثقيل : وش مصحيك ارجعي نامي لسى بدري غلا كنت اناظر المكان بصدمه يعني خلاص انا من جد اللي كنت فيه هذاك مو حلم ...يعني فعلاً انا زوجته ..وجالسه في غرفته قلت بتوتر : يعني ماكان حلم سامي لف واعطاه ظهره:مع الأسف غلا نزلت من السريرر ...وانا احس بخوف مدري وش فيني ..قايمه من النوم فيني خوف وتوتر ..ليته حلم ليته ااه دخلت غسلت وضيت وصليت الظهرر جلست بالعبايه بعد ماصليت .. وش اسوي ياربي ودي اروح بيت ابوي .. سويت الطرحه زين. .ولبست نقابي وطلعت من الغرفه الجو كان مطر والحوش كله غرقان ...وبسرعه مشيت لللباب الشارع ...واتجهت لبيت ابوي وانا احس عظامي تتراقص من البرد شفت بابا بيتنا اه وحشني والله ...بس خاب ظني يوم جلست ادق وادق مافي احد رد ..معقول ابوي نايم وام شعر اصفرر ...داورت ورا البيت ..ابي اطق على الدريشه ...بس مافي رد كمان ...معقول طلعوا طيب وين راحوو في هالبرد...ااه يبه كيف يهنئ لك تتطلع تتمشى وتنبسط وانت حتى ماتدري وش صايرر مع بنتك. ....مقهوره كمان مأخذ الجوال معه .. كنت كمان جايه ابيه ... عشان اكيد في ناس يطلبون الحين ...وانا جوالي مرمي عنده وش اقول انا في ستين داهيه ماراح استقبل اي طلبات اي وراح اكلم ام محمد خلي ابوي يعرف كيف راح ينقطع المصروف عشان يعرف قيمتي اللي رخصها وكمان اللي عندي مايأخذ تعبي .رحت لبيت ام محمد وانا عندي أمل أنها جت بس خاب أملي يوم دقيت ومافتحت رجعت وفيني غصه .يعني اشلون كل شيء ضدي. رجعت للبيت سامي خايبه ...دخلت الحوش شفت امه القشرا ..طالعه من المطبخ ....وفي يدها صحن خضارر ...ولابسه جاكيت يضحك شكله ..من وين جايبته ذي ام سامي بصوت عالي: من وين جايه ي الهايته غلا وانا مولعه حدي : تكفين مو ناقصه ام سامي بصراخ: قولي من فين جايه ولا تقولي من بيت ابوتس ترا توها بدريه متصله علي تقول رايحين يتمشن غلا بقهر منها ومن بنتها يعني راح يمشيها مصدقين حالهم هذولا وبقوه بعد قلت بغيض : مالك شغل فيني اروح اجي ام سامي بصراخ أعلى وهي تتقدمها :لا حبيبتي كله ولا سمعة هالبيت مدام انك جالستن فيه تحترمي حالتس المايل ... غلا بقرف:اخس ي السمعه اللي تفوح عطرر اقول ابعدي عني ام سامي بسرعه دفتها ودخلت قبلها الغرفه وبصرخه : انت يالثورر يالغبي قوم قامت قيامتس شوف مرتس وين كانت قوم يالمفهي قوم وهي تسحب المفرش منه غلا كنت واقفه عند بااب الغرفه وانا ناظرها بصدمه وش هالمسرحيه مسويتها الحين ....وأكثر شيء مصدومه من السب اللي تسمعه ولدها . .. سامي بنعاس وهوو يرفع شعره من على عيونه : وش فيه ام سامي بعصبيه : اقول قوم اصحى شوف زوجتك من وين جايه غلا تناظرهم ببرود بتشوف نهاية هالمهزله وين ... سامي عشان ينفك ناظر غلا :وين رحتي ام سامي وهي ترفع يدها وتكشه : هذي قوتك مالت بس وهي تقلد صوته وين رحتي الله يخلف علي بس سامي ناظر امه بعجزفيه النوم قال عشان يخلص وبحده شوي :انطقي غلا ببرود: بيت ابوي ام سامي بسرعه:والله تسذب والله ترا بدريه وابوها طالعين من الفجرر لو مو مصدقني خذ البلى ذا ودق عليهن سامي ناظرها بشك وبدا يصحصح:غلا وين كنتي غلا بعناد : مالكم دخل مدام كذا مسوين سامي لف راسه خلاص إذا سوى هالحركه دليل ع انه معصب رجع ناظرها وبحده : غلا انطقي قبل ماقوم غلا شافت فعلاً بدا يعصب خافت يستفردو فيها هو وامه :والله رحت بيت ابوي دقيت عليهم الباب ومافي أحد رد علي بعدها على طول رديت البيت إلا وين اروح من هالظهرروسكتتت ماقالت انها راحت بيت ام محمد ام سامي بحقاره: والله مدري اللي هايتين مالهم وقت غلا بسخريه: لا الهايته هذي حقوق محفوظه لولدك وهي تشير له بتصغيرر سامي بعصبيه: لو يقوم الهايت على قولك قسم بالله ماراح يعجبك وناظر امه خلاص يمه روحي وانا اعرف اتفاهم معاهاا ام سامي طلعت وهي تحس بنتصار ..اكيد راح يبرد خاطرها فيهاا...اكيد ...ايه هو عصب ..ولو عصب شين..بس ليتها ماتلعب بس في عقله تعرف ولدها خفيف وراح..تكسبه في صفها ..احسها ماهي سهله ..وقوية عين ماتخاف ..كذا ترادد كلمه بكلمه ...مالت عليها بنت السكيرر دخلت عند زوجها ...اللي نايم مايدري بالدنيا فين ..صرخت بقهر.: .ليتك الساحق يوم بليتني بهالبليه ...قوم تغدا عساه مايدحرر .. .. .. عند غلا سامي بحده:شوفي بينا كيفك قولي اللي تبيه مايهمني ولا يحرك كلامك فيني شعره ولا هو انا اللي افكر في حكيك بس قدام امي تحترميني وغصب عنك وبعدين انا ماغلطت عليك عشان توجهي لي الحكي من امس وانتي تسبي وساكت عنك ترا كله بكيفي ...ومقدرك لانك اول ليلة عندي غلا فيها قهر من اللي هي فيه ومن حكيه قالت بعصبيه:اقول اللي ابي محد يقدر يقولي ايش اقول قدام احد او بدونه وتقدير منك مابيه سامي دف المفرش بعصبيه وقف وتقرب وبسرعه مسك يدها وجرها بقوه لسرير وهو يدفها عليه وبحده: لا ي روح ابوك ماهو على كيفك مدام انا مأذيتك في شيء تحترميني وغصب عنك غلا وهي تحس كتفها انخلع صرخت بقهروهي تبعد لنهايه السريرر وتلزق في الجدار : وجودك معي اكبر أذيه سامي ببرود: ابوك اللي رماك ماهو انا اللي جيت لما بابكم وطلبتك ترا تفرق لك الحق اذا جيت انا وغصبت ابوك غلا بصرخه وهي تقاطعه:وانت ماصدقت خبرر يالصايع ان واحد يبي يزوجك بنته سامي وهو مبتسم بخبث: اكيد ومافي احد في مكاني يرفض بذات إذا حلوه مثلك ورجع جلس ع السريرروهو يناظرها بخبث غلا بسرعه وقفت على السريرر : لا تقول حلوه وابعد عني سامي بضحكه وهو رافع راسه يناظرها: طيب شينه غلا بقهر:سامج وربي وناظرت الغرفه وهي تتدور لشي ترميه فيه بس هو فهم ع طول قال بضحكه وهو يمد يده ويمسكها ويخليها تجلس غصب عنها :سلاحك مايخوف هههههههه ولا يهز فيني غلا بعصبيه : ابعد عني والله ماهو كل مره أسكت لك لاتفكر قدرت علي اول تقدر علي اللحين وسلاحي اللي تتمسخر فيه والله فيني اعطيك منه حتى تعض الارض سامي بطفش منها فكهاا و تمدد : خلاص خلاص صدعتي راسي أعوذ بالله ماتعرفي تسكتي انتي غلا بصرخه: لا وهييي كمان امك لاتفكر تجلس تشككك في اخلاقي قسم بس أحد يتكلم علي بكلمه احوسه سامي جلس وبقهرر سحبهااا لها وهو يقربها منه وبحده : تحوسي مين غلا حاولت تفك نفسهااا وبعصبيه:مين يتكلم علي بكلمه سامي وهو صاك ع سنونه : ومين اللحين الللي تكلم غلا بغيض من قربه: امك سامي وهوو يحط يده ع رقبتها :شفتي السلك اللي هددتيني فيه ترا هالمره اناااا الفه ع هالرقبه اوك غلا بدون خوف منه : روح زين وهي تفك نفسه بقوه منه ماهو انا اللي اخاف وصدق اللي اقوله قول لامك لاتحاول تشكك في اخلاقي لاني عشت طول عمري محترمه نفسي وربيت نفسي بنفسي سامي بأبتسامه :طيب يالمتربيه ممكن ننام وغطى راسه بالمفرش رجع فتحه وهوو يشوفها واقفه ع راسه قال بضحكه ي غبيه حنا عرسان غلا بغيض منه يقهر بشكل قالت وهي ودها تذبحه : هذا بلى ابوك ي عقاب حست برجفه في جسمها من البرد قالت بقهر :ياربي حتى دفايه مافي .... سامي بضحكه: اخخ لو مفتاح بيتكم موجود كان جبت اللي عندك غلا بقهر: تبي تجيب حقتنا بدل ماتقول اشتري لك وحده سامي : وش اسوي تبيني اكذب عليك واجلس اهايط اني ابي أخذلك الحال مطفر حده غلا بسخريه ناظرته قد شافت حقاره بس مثل كذا مقد شافت جلست على الارض وهي تفك الشنطه تبي تلبس شيء دافي ...ماتدري وش اللي تحس فيه برد غير طبيعي في هالظهر ... فتحت الشنطه وهي تتدور لها بجامه دافيه غير اللي لابستها وهي تقلب في الملابس القليله اللي في الشنطه بسرعه انتبهت للجوال اللي مرمي تحت الملابس ...بسرعه سحبته بفرحه يمه جوالي سامي ناظرها بتريقه: ليه اول مره تشوفيه شافها مطنشه وتناظر جوالها قال بسخريه وهو يوقف : الله يهنيكم في بعض واعطاهااا ظهره وهو يسمع صراخ امه بيطلع يشوف ايش فيه .. اكيد هي وابوه يتهاوشون ....وكمان حده جوعان غلا تنفست براحه وانا اشوفه طلع ...اه ليتك تتطلع من حياتي كلهاا سخيف بشكل..بسرعه فتحت جوالي وانا عيني على البطاريه ايه يكفي اني اكلم ام محمد ..بسرعه دقت رقمها وهي تحاول تمسك نفسها ماتبكي جلست تنتظر سمعت صوتها وهي ترحب فيها ام محمد: هلا والله ببنتي اللي قاطعه ومقفله جوالها غلا بغصه: متى جايه ام محمد بخوف : وش فيه غلا بغيض وهي تمسح دموعها اللي نزلت :ابوي زوجني ام محمد بصرخه: ايششششش غلا سمعت صرختها قالت بقهر: ااه ابوي حطمني وذبحني ام محمد وهي معصبه: غلا ماهو وقت سماجتك الحين قولي الصدق وش زوجك غلا بصدق: والله زوجني وتصدقي لمين لصايع الحاره ام محمد بصدمه أكثر :غلاوي حبيبتي انتي الللي تحكيه صدق غلا خلاص انفجرت ماقدرت تكابر اكثرر وهي تبكي منهاره: ايه صدق رماني ومافكر واليوم رحت عنده ماحصلته خلاني وراح فاهمه علي كيف راح ومافكر في بنته قطعه منه ...شفتي اب مثل ابوي .. ام محمد وهي تسمعها منهاره: غلاوي حبيبتي ابي افهم حبه حبه وش اللي صار بالضيط غلا بصرخه : اقولك زوجني له غصب عني ام محمد بصرخه أعلى: ليه ي خبله وافقتي ليه ضيعتي نفسك كذا ليه مادقتيي علي ولا على خالتك ولا عماتك غلا وهي تبكي بقوه: سحب من الجوال وحبسني كنت ابي ادق عليك وابي خالتي بس عماتي مستحيل احد يفكر فيني من اصله وينهن وحده هاجه مع زوجها آخر الدنيا والثانيه تخاف ع سمعتها وبرستيجها قدام اهل زوجهاااا ام محمد بغيض :طيب كذا زواج من غير محد يدري كيف ذي تجي غلا بسخريه: مين بيجي قولي هو أحد يدخل بيتنا غيرك اللكل يخاف من بيت السكيرر ام محمد خلاص مراح تزود عليها في الحكي :خلاص حبيبتي ابي اكلم اخوي وراح نرجع الرياض ويصيرر خيرر غلا بسخريه : وش بتسوي ابوي خلاص حكم ونفذ ام محمد وهي حزينه عليها : اعطيني بس رقم خالتك وخليني ادق عليهاااا تجي تأخذك من الهم اللي انتي فيه غلا رجعت تبكي :ماارح اقدر اطلع من عند سامي تعرفي انتي مجنون واخاف يسوي مشاكل وعاد انتي تعرفي زوجهاا كيف يكره اي شيء من جهة ابوي .... ام محمد : خلاص ي قلبي هدي حالك ومصيره ابوك يصحى من الي هو فيه غلا بصرخه : بعد ايششش بعد مادمرني ام محمد :اصبري وربي معك ومثل ماقلت لك ابي أكلم سلمان يرجع فينا ومستحيل اخليك والله ولو وصلت اخليه يرمي ال*****وابوه في السجن من البلاوي اللي مسوينها في الحاره غلا بقهر : سلمان يرميهم كذا صدقيني مايقدر يسوي شيء هذولا شياطين مايمسك عليهن شيء سامي الللي دخل من غير ماتحس فيه وهي تقول اسم سلمان ولع من غيضه سحب الجوال بسرعه قال بعصبيه : هاتي يال **** وقفل في وجهه ام محمد قال بقهر وهو يرفع الجوال هذا انسيه مدام هذي حركاتك وسلمان الضابط تبعكم اشوف ايش يسوي وبصرخه قسم بالله اشوفك بس تذكري هالرجال ذبحتك انا موديوث عشان اسمعك تذكري اسم رجال واسكت وبصرخه ارضي خلاص وبعدين انا ماهو بهذا السواء عشان تسوي كذا وقولي لها لا تتفاخر باخوها كذا يقال حنا مجرمين وبصرخه أعلى شوفي ترا مجنون اسوي اي شيء وانتي ماتعرفي لسى سامي غلا بقهروقفت وقابلته وهي تصرخ: ماحد يعرفك مثلي يال****** سامي لف راسها وهو يهدي نفسه قاطعها: شوفي جالس اطنش السب اللي تسمعيني فيه بكيفي طلع من الغرفه كلهاا يروح يجلس مع امه احسن من مقابلتها رجع عند امه جلس وهو متضايق ام سامي بغيض: عريس وكذا خشتك سامي بقهر: اي عريس يمه هذي لسانه طويل ام سامي وهي تحرشه: وانت كذا ي حظي اعطها بس شوي من جنونك قسم تتوب سامي وهو مبتسم : لا العصلا تجنننن بلد وبعدين حرام توها داخلتن علي ام سامي بقهر وهي تشوفه مبسوط منها:اخخخخ ياربي عيالي كلهن تزوجو زواجه تقطع الرزق اوف كل ماذكر زواج اختك بدريه كذا بدون حس ولا صوت تقول بايره اخخخ كله من دوابير ابوك سامي وهوو يلعب في جوال غلااا : طيب ماهو اعطانا بنته بدون زواج وش فرقت غلا عن بدريه ام سامي بحده :تقارن ال*****باختك بدريه سامي وهو يغيرر السالفه لو رد على ..امه آكيد ماراح يخلص وبتجيب مية سبه فيها بس عنده اللي ينسيها غلا واللي جابها ويخليها تهج بالمره بسرعه قال بستهبال: اقول خوخه ولدك العريس مفلس حده ويبي يمشي مرته الشايب راجحوه ماهو احسن مني ام سامي بسرعه فزت : ااروح اقيل احسن سامي بضحكه عاليه: هههههههههه رجع ناظر الجوال وفيه قهر من هالجاره تستعرض باخوها واقسم احوسه هالاخوو معاها اللي اصبعي اطول منه وبقهرودي اعرف كيف قبل في العسكريه وانا اطول واعرض وانا كل مره يشوتوني اخخخخخ عليه حظ ولد ال ************* رجع قلب الجوال في يده وهو يناظره بخبث هذا كم يسوي لو بعته اخخخ العصلا وش تسوي فيني لو بعته هههههههه بس عند المجنونه كل شيء يهون خليني اقوم اشوفها زعلتها ... وصرخ بعربجه ي لبي قلبك .. ياالعروس ....بسرعه سكت اخخخ الله يستر لا خدوج تسمعني قسم مايردني الا باب الشارع انا والعصلا جميع...... غلا من وقت مانقلع من عندهااا ...اخخ جالسه تأكل في نفسهااا ..وش تسوي تقوم تلحقه وتوريه شغله ....ااه فيها قهر محد يعلم فيه غير ربي توها فرحانه ان ابوها ترك لها الجوال في الشنطه يجي هذا ياخذه كذا حست نفسها ترجف وتعبانه وبردانه برد غيرطبيعي ....وراسها ذبحها ..وقفت ومشت ناحية السرير و. تمددت .. بضعف وتكورت ع حالها وجسمهاا كله يرجف ومافيها حيل تقوم ...اه تحس بعظامها كلها مكسره تكسيرر...من وقت ماقامت وهذا حالها بس الحين اقوى اه .مافيها حيل حتى تتتطلع وراه وتخليه يرجع جوالها قفلت عيونها بتعب وهي تتحلف فيه ولد خدوج ال********والله ماخليه له هو وامه | ||||||||
|
| |
|
02-09-15, 03:15 PM
| #47 | ||||||||
| مراقبة عامة ومشرفة منتدى الروايات المنقولة
| ريتاج اه يقال رحنا مطعم مالت عليه ... نكد علينا بتذمره وكل شيء ماهو عاجبه اه أخيراً وصلت بيت أهل لطيفه ااه سندر راسي بحنته .... نزلنا وانا احس راسي مصدع ...من كثر التوصيات اللي يقولها لنا ...صراحه كنت ابي ارجع ...طفشني ..جالس يجرح فيني من غير مايحس ...والله لو وحده غيري ماتقول اللي طالبه منها ....بس ماعليه اهم شيء ارجعهن لبعض. ..وبعدها انا اللي ابي أتصرف. ....واوقف في وجهه عمي. ....والله مايغصبي على عيشه مع ولده وهو كذا يجرح فيني ..يكفي الكف اللي حتى ماتكلمت عنه ولا فتحت فمي ...بس لصبرر حدود ناظرت شوق بتوتر: ليتها تتفهم بس شوق وهي خايفه من رد فعل لطيفه يوم تشوف ريتاج: ان شاءالله خيرر ودقووا لجرس ثواني وجت الخدامه وفتحت الباب ودخلتهم شوق بسرعه وهي ترفع النقاب : لطيفه فوق الخدامه هزت راسها بدون صوت شوق : اوك وهي تسحب ريتاج معاها ريتاج: دقائق خليها تعطيها خبرر شوق : لا لا هي قالت تعالي بسرعه اطلعي غرفتي مافي احد غيري وامي نايمه ريتاج براحه: الحمدلله ومافي أحد وامها نايمه لاني صراحه خجلانه حيل اقابلها شوق مسكت يدها وهي تتطلع معاهااا ..والله حاسه ان لطيفه راح تغلط ...على ريتاج..بس ان شاءالله ... اليوم يخيب إحساسها وماتفشلها يارب .. ريتاج حسيت بتوترر اكثرر من قبل يوم شفت بااب غرفتها شوق دقت على خفيف لطيفه وصوتها كله حزن :ادخلي شوق وهي تفتح الباب ومبتسمه: سلام ي حلوة لطيفه بهدوء : تفضلي وانصدمت يوم شافت اللي وارء شوق قالت بحده وهي تفز واقفه : لك عين جايه ياخطافة الرجال ياللي مافيك خيرر شوق بسرعه: لا لا لطيفه هي جايه تفهمك ريتاج قاطعتها: خلاص شوق انا راح اقولها وهي تناظر لطيفه وبصدق : اقسم بالله يالطيفه انا مالي ذنب ضحيه مثلي مثلك لطيفه بصوتها كله: كذابه ريتاج بزعل : من حقك تقولي كذا انا لو مكانك يمكن اسوي أكثر من كذا بس والله هذا الصدق اسألي شوق كيف عمي وابوي ضغطوا علي لدرجة ابوي جلس اسبوع مايكلمني وامي نفس الحكايه بس انا مافيني اغضب ابوي وامي بس شوفي الموافقه بس ارضاء لعمي وابوي إلا حنا عايشين مثل الإخوان في الجناح حست نفسها تقول حكي ماتدري ايش بس جالسه تبرر لها وهي حدها متوتره من عصبيتها لطيفه بصرخه وهي تشوف جمال ريتاج إلا فتنه... والكل يشهد لها بجمالها قالت بقهرر : لا ي شيخه قلتي إخوان ريتاج بصدق : والله العظيم زواجنا قدام الكل بس إلا بينا كلن في حاله والله وليد يحبك ي لطيفه تكفين لا تخربي على عمرك وافقي عليه صدقيني انا مستحيل اتعرض لكم واعتبرني مو موجودة وعد مني لا اشوف لي صرفه واطلع من حياته بس انتي كبري عقلك شوي وردي على اتصاله وريحي ضميري شوي وكمان مابقي من موعد زواجكم غيرر شهرر ربي يسعدك وياه لطيفه فيها قهرر. ..مو متخيله تتزوج وهو متزوج وحده غيرها ...وكمان صديقتها ...بعصبيه: انتي عندك ضمير ي شيخه استحي بس ريتاح بضيق : والله مثل ماقلت لك غصب عني لطيفه بغيض وهي ترجف من قهرها : طيب انتي عذرك انه غصب عنك طيب هو ليه مارفض شوق بسرعه: والله نفس الضغوط اللي حصلتها ريتاج هو على أكثر من ابوي وصراحه محد يقدر يوقف في وجه ابوي لطيفه بصرخه : اف من هالابوو معاكم الله يقهره مثل ماقهرني شوق بحده: لو سمحتي ماتدعي على ابوي مراح اسامحك ترا لطيفه بقهر: ي سلام والي سواه فينا قليل عشان مادعي عليه وبصرخه حرمني حب حياتي وقهر قلبي يوم خلى وليد يتزوج علي وانا لسى ياربي ملكه زواج مقد صارر وين قد حصلت هذي قولي وبصرخه وهي تبكي منهاره قهرتوني والله مراح اسامحكم ريتاج وهي تحاول تهديها : اهدي ي قلبي مستحيل احد يقدر يقهرك او يفكر يفرق بينك وبين وليد بس انتي حاولي تهدي نفسك شوي عشان نقدر نتفاهم لطيفه بعصبيه : بلاك مو مكاني يالخاينه شوق بقهر: لا انتي التفاهم معك صعب ريتاج ...قهر جالسه تتحمل شيء ... فوق طاقتها في البيت وليد جالس يرمي عليها حكي مثل السم ...وهنا لطيفه ...ماقصرت ..سبحان الله نفس بعض ...قلت بمحاوله اخيره وبعدها والله مراح أذل نفسي اكثر من كذا واللي فيها فيها وعساهم الحريقه تحرقهم جميع : وش رأيك تهدي شوي بس عشان اقدر اقولك الكلام اللي ارسله لك وليد لطيفه بقهر: كمان يرسل معاك ليه ماارسل مع شوق ريتاج : كلنا واحد وهو يعتبرني مثل شوق يعني أخته وشوفي جالسه اقولك معتبرني اخته ياليت تفهمي عاد وماتضيعه بعصبيتك ذي لانه يحبك ويبيك والله انه قادر يسوي المستحيل عشان بس ترضي تكلميه وترجعي له تكفين ي لطيفه انك ماترديني وليت حنا نطلع من هنا تبردي خاطره وتدقي عليه اوهو يدق بس ردي عليه تكفين وهي تمسك يدها برجآ ودموعها نزلت غصب عنها والله اني تعبانه اكثر منكم لطيفه دفتها على وراء بقوه وبصرخه: دموع التماسيح ذي ماتمشي علي وبوقاحه أكثر يالله برا مابي اشوف احد فيكم وبصرخه أعلى لا احد منكم يدق او يتصل وبسخريه كلمووا اخوكم لا يطوط عند بابنا وقولي له ي ست ريتاج تقولك لطيفه ورقتها الله لايهينك ولا بترسل لك اخوها أسامه يتفاهم معك وعاد انت تعرفه ريتاج وهي يدوب مسكت نفسها لا تتطيح قالت بقهر : قولي له انتي هالكلام لطيفه بسخريه : ماهو انتي المرسال تبعه وش فرقت الحين ماتقولي له أجل شوق مسكت يد ريتاج وقالت بحسره: مصدومين فيك صراحه لطيفه : ماهو مثل صدمتي في صديقة عمري الخاينه وأخوك المحترم اماا ابوكم ذا الي لعب في حياتي ربي يأخذ لي حقي منه شوق معاد قدرت تمسك نفسها عصبت من قلب وقالت بحده : والله ابوي ماسوى شي يغضب ربي عشان ربي يستجيب لك ...عادي زوج ولده وخلاص يعني مو اول وحده ولا آخر وحده تزوج عليها زوجها صح من حقك تنقهري بس ياليت تفهمي السالفه البنت تقولك عايشه مثل الاخوان وهي تحلف لك راح تشوف حل لما تتمي الزواج في موعده بس انتي مقفله راسك وحالفه مية يمين ماتصدقي وش تبي أكثر بالله ريتاج حاولت اسكت شوق اللي عصبت الله يهديها بدل ماتهدي الوضع زودته اخخ الحين وش يفكنا قلت وانا زعلانه من شوق :خلاص شوق ماهو وقت هالحكي لطيفه بعصبيه: ليت تحفظوا ماتبقى لكم من كرامه وتفارقووا وانتي يالخاينه ليت معاد اشوفك ريتاج انسحبنا من الغرفه وانا فيني الصيحه خلاص شوي وانهار ...كلامها قوي كان ..انا يالطيفه خاينه أنا ...أنا اللي جالسه كل ليله ابكي حبكم ..اللي الحظ لعب دور فيه ااه ليتك كبرتي عقلك بس وكسبتي ..وليد وريحتيني وريحتي وليد ..وريحيتي نفسك شوق بعصبيه وهو تدق على وليد: بسرعه ارجع لنا وليد اللي جالس يدور في الشوارع وهو متوترر حده ..يدري بلطيفه راسها يابس ..وفيها عناد ...بس عنده آمل يوم تقولها ريتاج الكلام اللي قاله لها ...ناظر الساعه .. لازم بعد ساعتين يكون في المطارر عنده رحلة شاف رقم شوق بسرعه رد وهو خايف : هاابشري وش صار شوق بحده: بسرعه تعال حنا نتظرك وعساك الحريقه انت وهي وليد حس ان السالفه تعقدت زود ...قفل يائس...اتجههه لشارع بيت ابو لطيفه وهوو وده يعرف ايش صار بالضبط....قال بقهرر ...اكيد ريتاج زفت ماعرفت تحكي مثل الناس وصل وهوو معصب ...وشافهن واقفين .وقف السيارة وفتح الدريشه وقال بقهر: ليه قدام العالم جالسين كذا كان انثبرتوا داخل حتى أجي شوق بعصبيه: والله من الترحيب اللي حصلناه ريتاج قرصتها عشان تسكت اخخ شينه لو عصبت وركبوو السياره وليد بحده:وش صارر شوق : مافي فايدة وليد بقهر:اشلون يعني وبعصبيه ناظر المرايا ست ريتاج شكلك ماقلتي لها الكلام اللي قلته لك ريتاج بقهر منه : والله قلت لها وحاولت فيها بعد شوق قاطعته بعصبيه : حرام عليك وليد والله قالت لها بس هي دماغها مسكرر وش نسوي اكثرر وليد بصرخه: والله ماتسكرر كذا إلا من قهرها ولا اللي صار فيها قليل وبقهر كله منك ي ريتاج والله ماسامحك على تخريب حياتي إلا مابدت ولا حرماني من حبيبتي ريتاج بقهر جالس يرمي عليها الاسباب قالت وفيها غصه : ربي فوق لو انا لي يد مثل ماتقول ربي يأخذ حقك مني وبس هذا اللي عندي وليد وهو يضرب الطاره بقوه و بصرخه : انكتمي .وانا اعرف كيف ارجعهااا وغصب عن الكل...واحرق دمكم كلكم اللي سعيتوا في تخريب حياتي ....... :: :: :: كتتتتتتتتتتتتتتتتتتتت كثيرر يسألون كم اعمار ابطالي ع اني ماحب اصفهم كلهم كذا بس كثيرر اللي يطلبووا ع اني جالسه اوضح بالاحداث بس ماعليه عشان توضح أكثرلكم هذي اعمارهم سامي :26 غلا :20 وليد :32 ريتاج: 22 لطيفه : 22 ناصر : 30 منيره :25 شوق: 22 عصام: 30 اسيل : 18 حسام :12 وفيه اشخاص لسى ماطلعوا راح اعطيكم أعمارهم مع تواجد أحداث لهن :: :: ردودكم حبايبي سعاده لي فلا تحرموني منها نوني :: :: لا ابيح ولا اسامح من ينقل روايتي بدون ذكر اسمي وماراح اسامح اللي ينقلها على الانستقرام حتى بذكر آسمي استودعتكم الله الذي لا تضيع ودائعه سبحان الله وبحمده سبحان الله العظيم | ||||||||
|
| |
|
03-09-15, 02:48 PM
| #48 | |||||||||
| نجم روايتي وفراشة الروايات المنقولة  
| يسلمو بارت حلو كتير يا ئلبي ياريت لو تنزلي بارتين بلاسبوع ل انو بارت واحد مابكفي حبيتي ل انو فضولية كتير بس جد رواية جملية جدآ مثل اه يا عذابي | |||||||||
|
| |
|
04-09-15, 09:14 PM
| #49 | ||||||||
| نجم روايتي وعضو الموسوعة الماسية بقسم قصص من وحي الاعضاءوفراشة الروايات المنقولة
| السلام عليكم ورحمة الله وبركاته مساء الخيرات والسرور والسعادة يافيتامين سي ويانوني لااعرف على من ومن ادعي بالويل والثبور وحريق جهنم وبالشر المستطير على والد غلا السكير الذي رمى ابنته الى الصايع الضايع سامي ولا كأنه هذه البنت قطعة منه يرميها لكلاب الشوارع وفي بيت هو وكر الشياطين والنجاسة وطبعا الاخ سامي جائته السالفة باردة مبردة زوجة صغيرة بالسن وجميلة وببلاش وفرد ضعيف مكسور تحت سيطرته الكاملة ليشعر بالنشوة والتملك التام لها لااعرف مااذا يستطيع سلمان ان يفعل حسب قول ام محمد فغلا اصبحت زوجته وانتهى الامر ولن يستطيع اي احد طلاقها منه مالم يطلقها هو وليد ولطيفة حقيران غبيان متعاليان يتهمان ريتاج بانها السبب بالذي حصل وانها سبب فراقهم اعتقد يانوني عليك ان تبلغي وليد ان احدى قراءك تقول عنه انه ليس رجلا وانه عليه ان يلبس النقاب بدلا من ريتاج لانه غبي الرجولة ليست استخدام قواك التي اعطاك الله على الاقل منك قوة مثل ضرب ريتاج والاستمرار بتعنيفها النفسي والجسدي لا لسبب سوى انك ضعيف ولكنك عندما تنظر الى نفسك بالمرآة ترى اسد هصورا ولكنك فأر صغير مبلل يخاف ابوه وصوت ابيه الراعد والله انا كل خوفي من ام سامي تتهم غلا بمصيبة والحمار يصدقها ويؤذي هذه الضعيفة التي ابتليت بهم الف الف شكر لك ياوردة على النقل الف الف شكر لك يانوني الوردة على الفصل | ||||||||
|
| |
|
05-09-15, 08:33 AM
| #50 | ||||||||
| مراقبة عامة ومشرفة منتدى الروايات المنقولة
| مرحبا ي الغوالي حابه اقولكم عن مواعيد البارتات ان شاءالله ابي انزل فصلين كل أسبوع بيكون الأحد... والخميس بس من اللحين اقولكم آكيد مراح تتطلع نفس طول البارت اللي أنزله كل أسبوع بيكون أقصر شوي امااا لو تحبون بارت طويل يكون يوم في الأسبوع إلا بيكون يوم الخميس وهذا يرجع لكم حبايبي وانا راح امشي على رأي الأغلبية وراح ابدأ من الأسبوع هذا ان شاءالله بس انتظر ردكم احبكم نوني | ||||||||
|
| |
 |
| أدوات الموضوع | |
| انواع عرض الموضوع | |
|
|
27Likes
.png)
.png)
العرض العادي
