27-09-16, 03:18 PM
| #572 | |||||||||
| مراقبة عامة ومشرفة منتدى الروايات المنقولة  
|  اقتباس:
وعليكم السلام ورحمة الله وبركاته لأن حدثت مشكله وإنحذفت الصفحات الأخيره اللي فيها البارتين 44 ، 45 وهالحين بأعيد تنزيل البارتين اللي انحذفوا | |||||||||
|  |
|
27-09-16, 03:20 PM
| #573 | ||||||||
| مراقبة عامة ومشرفة منتدى الروايات المنقولة
| الله أكبر الله أكبر الله أكبر لا إله إلا الله " آللهم صل وسلم على نبينا محمد " صلو عليه ،، ،، الروآيه لا تليهكم عن الصلاة اللهم بلغت اللهم فاشهد &البآرت الرابع والأربعون & ،، ،، ،، صرخت .. وهي تشوف ولدها قدامها طايح ...ودمه مغرق وجهه قربت منه مثل المجنونه .. وحملته بين يدنيها وهي تشوف دمه ينزل ...من انفه واذنه .. صرخت بقوه: آآآآه يمه ولدي مات يمممممممه ام منيرة وهي مفزوعه: بسم الله بس يوم شافت كمية الدم بسرعة ركضت .جهة.. الغرفة الي نايم فيهاوهي تصيح .. فتحت الباب بقوة وهي تصرخ: يمه الحق علينا الولد بيروح منا ...قام وهو مفزوع من الي قالته أمه بسرعة ركض من غير مايفهم وش فيه أول ماطلع الصاله شاف أخته كيف جالسة وحاملة ولدها في يدها وتصيح وتصرخ والدم معبي المكآن. .. قرب من أخته. ...وحمله عنها وبسرعة صرخ: هاتي مفتاحي على الدرج ...والحقيني منيره بسرعة وقفت وهي تصرخ على الخدامه تجيب لها.. العباية وبسرعة أخذت المفتاح ولبست العبايه ولحقته. ..قربت منهم وهي ترجف وحالتها حالة وبعد امها وراها تركض ..ركبوو السيارة وبعدها حرك وبسرعة جنونيه ... وهو يسمع صياحها قال وهو يطمنها: ماعليه ان شاءالله يصحى منيره وهي تصيح وتناظر ولدها اللي الدم مغرق وجهه :وين يصحى ولدي شكله مات والله ماسامح عمري انا الي صرخت عليه ...آه يمه سلطان اصحى ..وهي تهزه ..بس وين سلطان في عالم ثاني. .. ام منيرة وهي تصيح : هاتي يمه عنك .. خلاص الولد بيموت في يدك من كثر ماتهزي فيه وتصبري يمه بإذن الله مابه شيء .... بعدها وصولوا المستشفى ...نزل بسرعة وفتح الباب وأخذه من يد أخته وركض فيه ..وهو خايف ..ومتحسف .... امس طرده يوم شافه يلعب في الحوش...وكم مره هاوشه .. شاف كمية الدم زادت حس بخوف وتوتر...أكثر ...بسرعة اخذوه من يده ...ودخلوه غرفة الكشف... شاف اخته وامه منهارين ..قرب منهم وهو يهدي عليهم : يآرب خير ادعوو له ... وبسرعة أخذ جواله ودق على ناصر .... سمع رده بعد ثاني رنه :قال وهو حزين على الخبر الي بيوصله له : السلام عليكم ناصر : عليكم السلام حسون: وينك فيه ناصر عقد حواجبه وقال: في المكتب سلامات حسون بلع ريقه وقال : الله يسلمك بس سلطان طاح وحنا بالمستشفى ناصر وقف ..وهو مفزوع : وشهووو وكيفه الحين عسى ماتعور واجد وشلون طاح ... حسون مايدري وش يقول له ان حالته خطيرة ولا آيش الله يستر قال بحزن : ان شاءالله خير وتطمن بإذن الله ماتعور وأجد انتظرك قفل من عنده وقرب من أخته. ..اللي منهارة ضمها لصدره وقال بحنان : ادعي له بدل هالصياح ... منيره ماتدري وش يقول بالها عند ولدها ...والله لو يصير فيه شيء لا تموت بعده ...هي السبب ..ضروي تعصب عليه. وتفزعه كذآ .. آه صاحت بقوه وهي تقول: هاوشته عشان مايصحيك وتطقه ليتك طقيته ولا طاح كذآ حسون شد عليها وصاح معاها غصب عنه قال بهمس وهو قلبه يتقطع على حالها وحال سلطان: آسف والله وسكت مايدري وش يقول متحسف كثيرر.. ام منيره قربت منهم وقالت بحده يوم شافته زاد في الصياح : بدل ماتهدي على أختك جالس تصيح معاها ...لا تتفاولن على الولد ... منيره بعدت حالها عن حضن أخوها .. قالت وهي تصيح : يمه ولدي اموت لو صار له شيء. .وسكتت وهي تشوف ناصر جاي يمهم ...وهو مستعجل قالت بهمس وهي ترجع تناظر أخوها وش دراه ... حسون بهمس :انا قلت له قال بخوف وهو يشوف كيف حالهم مايطمن أبد : بشروا حسون وهو يمسح دموعه :من وقت مادخل الغرفة مافي حد طلع ماغير دكتور الحين دخل عليهم زيادة ... ناصر ناظر منيره وهي تصيح وقال : كيف طاح وايش السبب .. مينره بسرعه قالت وهي تصيح: انا هاوشته وبسبتي طاح والله ماسامح نفسي لو صار به شيء...ليتك خذيته عندك ولا خليته عندي والله اشوفه في الأسبوع مره ولا ماشوفه أبد ناصر عقد حواجبه من كلامها ماقدر يلومها أو يقول شيء غير انه قرب منها وقال وهي يبي من يهديه بعدعليه : بإذن مافيه شيء هدي شوي وان شاء الله خير منيره قالت بهمس: سلطان طيحته قويه ي ناصر ماهي سهله أبد ناصر بخوف وقلق :أشلون الطيحه كانت منيره بعدت شوي وهي تناظر أمها وترجع تناظره :من على الدرج جت تشرح له ماقدرت رجعت تصيح أكثر من أول .. ناصر بسرعه خلاها يوم شاف الدكتور طلع من غرفة الكشف وقال وهو متوتر:بشر ي دكتور قال بحزن على حالهم: عنده نزيف في الراس بنتظر لو ماوقف خلال اربعة وعشرين ساعه نسوي له عملية وان شاء الله خير تطمنو.. منيره جلست على الأرض وهي منهاره : عمليه لا لا ... ام منيره قربت منها : منيره استغفري ربك ..وماقولوا عملية أكيد إذا ماوقف ....تصبري وانا أمك..وش فيك كذآ قولي يآرب صبرني واستغفري ربك وأدعي ربي يقومه لك بالسلامة ناصر حس برجوله ماهي شايلته ..نزيف .في الراس..يالله بس مسك نفسه وبقلق : طيب العمليه لها اضرار شيء : لا لا ان شاءالله مافي اي اضرار ... وتطمنو في حالات أكثر من ولدكم وربي كتب لهم عمر ... ناصر ناظر منيره المنهارة وقال: اللي ربي كاتبه حنا راضين به منيره رفعت رأسها وقالت بصرخه: ناصر عارف وش عمليه ولدي يمكن مايطلع ناصر بحزن همس : ربك كريم وماعندنا غير ندعي له حس حاله وده يبكي أكثر منها ...انسحب بهدوء وهو لسى يسمع صياح منيره وامها تهدي فيها ...وده يصرخ ..ويقول لها شوفي إهمالك وين ودانا... ولدنا بيضيع منا ...بس لا لا ماهو وقته أبد لاحالتها تسمح ولا الوضع كله يسمح الحين ...جلس على الكرسي .. ورفع رأسه يدعي الله يطمنه على ولده ....مسح دموعه الي نزلت ..وهو يستغفر الله ..حس بجواله يرن ... طلعه من جيبه ...وناظره شاف رقم أبوه رد وهو يحاول يمسك حاله ..: الو بحده: وينك فيه وليه طلعت من مكتبك وهذا وانا محذرك من قبل عشان تقابل ...الرجآل ..ومسلمك الملف ناصر عض شفته آه و ش يقول لابوه قال بغصه: آسف يبه ابو وليد بعصبيه قاطعه:وش آلحين ينفع فيه اسفك ضيعة علي قاطعه ودموعه تنزل :ييه سلطان طاح وتعور والحين حنا بالمستشفى ابو وليد صرخ وهو مفزوع: أشلون تعور عساها ماهي بكايده ناصر بحزن: ربي يلطف بحاله .. ابو وليد بقلق :يالله لطفك باي مستشفى بسرعة ناصر أعطاه أسم المستشفى ..وقفل....وهو متضايق .... حس بحسن جاي يمه ..أول ماجلس قال بهمس: أشلون طاح حسن بحزن: والله وانا أخوك مدري كنت نايم وماحسيت غير بأمي تصارخ عليه وتقول بسرعه سلطان تعور ناصر هز رأسه بدون صوت ... حسن بحزن: تصبر وانا أخوك وان شاء الله مابه شيء كايد مثل ماقال الدكتور ... ناصر : الحمدلله على كل شيء .. وكلها ..دقائق وقف وهو يشوف ابوه داخل المستشفى وهو معصب ..وراه السواق .. يركض ... همس : الله يجعله خير ... قرب منه وهو يهدي عليه ...ندم انه قاله ليته تصبر حتى سلطان صحى ..شوي ... صرخ بعصبيه: أهملت ولدك مع هالمره الي ماتدري وين الله قاطه فيه ...والحين يالله أشوف انبسط طول وقتي وانا أقولك خذ عيالك عندك ..عيب عليك تربيهن.. مره لا تبعد.. عيالك منك بس وين خايف من العوبه ناصر عض شفته وهو يناظر حسن ..الي شكله معصب من كلام أبوه ..بس ساكت قال وهو يحاول يهدي فيه: يبه الله يطول في عمرك هدي شوي وهذا قدر ومكتوب عليه ابو ناصر بعصبيه صرخ: انقلع عن وجهي ودخلني على البزر الي مدري وش حاله آلحين ناصر بلع ريقه وقال : يبه الحين مافي حد يقدر يدخل عليه لسى في غرفة الملاحظه ..ويكشفن عليه ...تصبر شوي الله يطول في عمرك ابو ناصر بعصبيه : وانا ابو وليد تبيني أصبر واجلس انتظر وانا مدري وش مسوين في الولد امش يالرخمه قدامي بس وخلنا نشوف حالته ولا الحين نحجز له ونسفره ناصر مشى وراه وهو متوتر ..لا ابوه.. يرمي كم كلمه أول مايشوف منيره وامها جنب غرفة سلطان .ندم حيل انه قاله ليته حاول يدور عذر له يوم هاوشه ..ولا قاله آلحين بدل مايجي يطمنه ويهدي عليه جاا زود عليه الي هو في..قفل عيونه من كلام أبوه. .هذا اللي خايف منه صار ... ابو وليد بعصبيه: جالستن الحين تصحيين ...وينك عنه وهو يطامر ..قدامك وأنتِ ماهمك غير دلعك وزعلك اللي ماله داعي منيره ناظرت ناصر اللي منزل رأسه في الأرض قالت بغصه: خله يقوم وبعدها عاتب وهاوش وسوى الي تبي بس الحين والله مافيني اسمع اي كلمه غير أني أطمن على ولدي ناصر حس براحه من ردها توقع تفك لسانها الطويل ابو وليد قال بسرعه وهو يناظر ناصر:بسرعه ودني لدكتوره لا بركتن فيك ولا في مرتك حرام أشكالكم يخلفن ... ناصر هز رأسه وهو يستغفر ..ويدعي الله يصبره ...على كلام أبوه. .. ،، ،، ،، ،، ،، طلع من المستشفى بعد ماخيطو له جرحه واعطوه ابرة مسكنه ركب سيارته ..وهو يسمع جواله يرن ...رفعه وشاف رقم أمه تنهد بضيق ..يالله آلحين وش يقول لها فتح الخط وهو يرحب فيها:هلا والله بالغالية ام اسامه بعصبيه :لي ساعه ادق عليك وأنت ماترد ولا بعد زوجتك ترد أسامه قفل عيونه بصبر:معليش يمه كنت بعيد والله عن الجوال ام أسامه بقهر: والحين متى ناويه مرتك تجي ولا بعد ناوي هالمرة تفضحني .. العائله كلهم موجودين وخالتك الحين يسألن عنها أكيد وش تبيني أقول لهن بالله أسامه قال وهو تعبان :مسافة الطريق يمه ام اسامه :نشوف وقفلت وهي معصبه أسامه ناظر جواله يوم قفلت في وجهه تنهد بتعب ودق جوالها يبيها تتجهز بس ماترد عليه حس بقهر أكثر منها ضرب الطاره بيده السليمه .. لمتي بتحمل ...أنا... في بيت راجح ،، ،، ،، صحت من النوم ..وهي تناظر حولها ..تذكرت هي وين وايش صار لها ...عضت شفتها ...بغصه ...تعبت وهي تصيح رجعت سحبت جوالها ....عندها أمل تدق عليه يمكن الحين راق وقلبه حن شوي ...بس انصدمت أول ما فتحت الواتس المحادثات المصورة اللي كان بينهم.. وكلامها كله عن حملها واللي في بطنها وايش قالت وتوعدت ...حست بدموعها تنزل ...وهزت رأسها وهي تهمس حرام والله . يذكرها بالي صار منها . دقت رقمه ...وهي متأكده انه ماراح يرد عليها ...بس انصدمت يوم سمعت صوته ونبرة الخبث واضحه : نعم ي بنت راجح قالت وهي تمسح دموعها : مو كذا ي سآمي ... سآمي سند ظهره على السرير وقال بتلاعب : أجل أشلون ي حلوة غلا برجى:تكفى ارحمني ورجعها تكفى الله يخليك سامي ضحك بصوت عالي وقال بسخريه :ارجع مين .. غلا بقهر من ضحكته : سامي لا تستعبط آلحين والله مافيني سامي ابتسم بخبث: مدري عن وشهوو تتكلمي لان مافي شيء عندي لك عشان ارجعه مزعجتني الحين ..وداقه في هالوقت على شيء مدري وشهوو الله المستعان بس غلا قاطعته بصرخه: سآآآآآآمي تكلم معي زين البنت بتموت صدقني ..لو ماحصلت لها رعايه وقتها والله ماسامحك لو صار لبنتي شيء ... سآمي عض شفته بقهر من كلامها وبحده : والله مدري أشلون ماتخجلي من حالك يوم تقولي كذآ وبعصبيه صرخ... ناسيه يعني الي متبريه منها وماتتشرفي فيها ..ولا تتشرفي في عيال أنا ابوهم الحين فكيتك منها .والحين خليك منها وعيشي حياتك اللي كنتي تتمنيها غلا عضت شفتها بقهر أشلون هالغبي يفهم قالت بعصبيه: افهم ي رجآل ان مالي حياتن بدونها سامي قاطعها بضحكه عاليه: وشهووومالك حياتن بدونها والله شوي واصدقك أقول فارقي ... وبنتك ماهو رجآل لو خليتك تشوفيها بعد غلا بسرعه: سآمي تكفى لا تقفل ..تكفى انتقم مني بأي اي شيء بس بنتي لا سآمي بحده : ماهو لهالدرجه عقلي صغير عشان انتقم واسوي فيها غلا فتحت عينها بصدمه: أجل ذاا وشهوو اللي سويته سآمي ببرود يقتل :سويت الي كنتي تتمنيه وبستفزاز أكثر بالله كيف الأمنيه ..المنتظره كانت حلوه صح ...الله يهنيك حياتي في الحياة الي كنتي تبيها وسندرتي رأسي فيها .. غلا بقهر جالس يستفزها بقوه خلاص مافيها تتحمل قالت بعصبيه: والله ي سآمي لو بنتي ماترجع بينا المحاكم ويعرفن كيف يربونك ويخلونك كيف تعرف تستقوي على مره ... طول عمرك مايجي وارك غير الأذيه سامي ميل فمه بسخريه : اوك الأذيه بعد ماشفتيها ي بنت راجح و يدك وماتتطول واشوف كيف تقدري تروحي المحاكم .. التسجيل بصوتك والمحادثة برقمك ويعرفن كيف انك أنتِ اللي متبريه منها وهي لسى حتى الروح مانفخت فيها ..ويعرفون كيف الخبث الي في قلبك غلا بقهر: مين قالك انهن بيأخذو ..برساليك وتسجيلاتك التافهه سامي قال ببرود ظاهري وهو متوتر لو هالمجنونه تسويها : اوك اشوف كيف تحصلي بنتك يوم تروحي تشكي ...لأني وقتها بكون برا الرياض قال كذآ وهو عارف انها بتخاف انه يسويها ...وبعد يبي يبعد فكرة المحكمه عنها من وين طلعتها ... غلا عرفت انه مجنون ..وبيسويها قالت وهي تحاول ماتستفزه ..ابد ماهو في مصلحتها لويطير في بنتها وقتها لو تلف سابع سما ماتشوفها ...تدري فيه متهور وبقوة بعد كمل بخبث ..يوم حس إنها خافت : ولا والله ليه اتعب حالي واشقي عمري في سفريات واطلع من ديرتي عشآن تهديدك إلا والله بمكالمه وحده بس اخلي المخابرات كلهم عند بيتكم ..واشوف كيف راجح يطلع منها وبصرخه ...لا تقولي ابوي شريف ...محد عارفة قدرك غلا بلعت ريقها بخوف من تهديده صدق متهور يسويها .. عضت شفتها بألم كل مره يعطيها تهديد أقوى من اللي قبله ..وغبيه لو تجادله قفلت عيونها وهي تحس بطنها يتقطع عليها ..وألم في صدرها.قالت بهمس: طيب عندي حل وياليت توافق عليه .. سامي قاطعها : الحين ماعندي وقت عشان اسمع وشهوو حلك وقت مايكون لي مزاج ...دقي علي وقولي وش الحل غلا بسرعه : تكفى سامي اسمعني الحين لأني عارفة ماراح ترد علي ..لو دقيت عليك المرة الجايه سآمي قال بستفزاز: عادي دقي مره مرتين ثلاث عشر حتى يكون عندي مزاج وارد عليك وقفل في وجهاا وهو يسمع صياحها ....رمى الجوال...بقهر ..لاهو راضي بالي سواه ولا هو قادر يسامحها... ،، ،، ،، ،، في شقة أسامه ،، ،، ناظرت الساعة. ..باقي شوي ويأذن العشاء ....يآرب انه مايرجع وانفك من هالخوف الي مسيطر علي تذكرت كيف تأجرت ومدت يدها. ..على أنها خايفه موت من الحركه الي سوتها بس...في نفس الوقت مبسوطه وهي شوي وجعته ..ايه مبسوطه حيل...فزت بخوف يوم رجع جوالها رن.. مدت يدها وسحبته شافت الرقم الحين خافت أكثر. ..مايدق عليها أبد .. وش يبي الحين .وبعد من أول جوالها يرن بس افتكرت مرة ابوها الي مدري وش عندها هااليومين أبد ماجاا في بالها اسامه ..رمت الجوال على الكنبه بخوف و.ناظرت صوب باب الشقه ...برعب ..آكيد آلحين يدخل ...وفعلاً كلها دقيقه ودخل وهو معصب: ليه ماتردي حضرتك لي ساعة أدق ريوف ناظرت ناحية كتفه ...شافته لافه ..بلعت ريقها ..بخوف وماقدرت ترد عليه اسامه قرب منها وهو ناوي عليها بس أبد ماهو وقته بذات مع الحاح امه عليه ...قال بحده: امشي آلحين روحي لأهلي ولي كلام ثاني معك يوم نرجع قرب منها وبتهديد :والله ي ريوف لأاخليك تشوفي الويل على هالحركه الي سويتيها ريوف بعدت شوي وقالت وهي تناظر عيونه بخوف ورجعت ناظرت كتفه قالت بتلكك: اسفه والله مو قصدي كان بس مدري أشلون سويت كذآ .. أسامه مد يده ومسك فكها بيده الأيسر وناظر عيونها المرعوبه ..مايدري ليه ارخى قبضة يده ..وحس بحزن عليها ..وهي تناظره كذآ قال بقهر من قلبه الي بعض مرات يحن عليها ...وهي ماتستاهل...فك وجها وقال بحده: آسفه وين اصرفها بالله و سكت وهو يشوف الدموع تنزل منها قال بهمس : امي تنتظرك يالله و يوم نرجع لي كلام ثاني معك ريوف هزيت رأسي بدون إعتراض وبعد مالي وجهه أعترض قلت بهمس : ان شاءالله وآسفه مره ثانية ومشيت بس حسيت بيده قربتني منه ..قفلت عيوني بخوف همس : هالضربه ماراح تعدي كذا صدقيني وآعتذارك أبد مايمشي علي بس عشان الروح الي في بطنك بكبر عقلي شوي ودفها على خفيف يالله اخلصي علي على بال مأخذ شور ريوف حسيت برعب من كلامه بلعت ريقي ومشيت ناحية الغرفة ...ورحت عدلت حالي وكلها دقائق ...ومشينا وانا ماودي ..أبد. . في هالروحه ..أكره أروح بيت أهله من نظرات أمه المتعاليه ناظرته وهو يسوق ...ودي يوم اشوفه مبسوط بس معصب .. وقالب خشته نفسيه من جد ..الله يعينه على حاله... أول ماوقف السيارة قال بحده : انزلي ريوف بسرعة فكيت الباب ..ونزلت ..بسرعة.حطيت يدي على أذوني من صوت الكفر ...يوم حرك يمه تخليت حالي تحت هالكفر ...والله يسويها ...مجرم .. | ||||||||
|
| |
|
27-09-16, 03:22 PM
| #574 | ||||||||
| مراقبة عامة ومشرفة منتدى الروايات المنقولة
| قالت بذل ..وهي منهاره.. : الوو ..الوو تكفى لا تقفل صاحت بقوة يوم ماسمعت له صوت .. نزلت الجوال بيأس ...حرام الي يصير فيني منك ي سآمي ..همست كسرتني بقوة ..بس والله م اسامحك على اللي سويته فيني .....زفرت بتعب وبقهر ماهو غلا الي تشوف هالمهزله وتتنازل بها السهوله ...رجعت صاحت من جديد ...بس آه ابوي كسر ظهري قبله.....ليه يبه ليه يبه وقت حاجتي ماشوفك ودايم..يلتوي ذراعي عشانك .... حست بألم في بطنها ..آكيد بتتعب إلا وحده توها تولد يصير فيها كذآ. ...آه يمه محتاجتك حيل...تذكرت ام محمد وينها ليه معاد تدق عليها ولعاد تسأل ...رجعت أخذت جوالها ودقت رقم ام محمد تبيها تفزع لها بس ناظرت الجوال بيأس يوم عرفت ان رصيدها مكمل والي بقي فيه شوية هلل..قالت بقهر : هذا وقتك أنت بعد ... ،، ،، ،، ،، في الديرة قالت بحده: ومتى ناوي يمه ولا جالس تحتري مرتك تحن عليك وتوافق على الرجعه ترا والله قلبي محروق منها ودي اقهرها مثل ماقهرتني قال بضيق من سيرتها ...ومن حنة ميمته عليه : يمه الله يهديك علامس اليوم مشطته علي من وقت ماجيت وأنتِ معصبه ..ولو على الرجعه تطمني يمه والله لو ينطوني مليون عليها مارجعتها والاشكال هذي ماتقهرس خليتس منها ومن سيرتها الجدة بحده : تزوج وانا معاد أجيب سيرتها أبد شهاب بضيق: يمه فكينا تكفين ولا ترا بقوم آلحين الجده بعصبيه: وتهدد بعد الحين ..هذا جزاي إني خايفتن عليك عقبي تجلس لحالك في هالبيت شهاب إبتسم بحب وقرب منها وسلم فوق رأسها : الحين شايفتني مره عشان هالحكي صتيه طلعت من المطبخ وهي حامله القهوة ..قالت وهي مبتسمه : شفت كيف خايفتن عليك ناظر عمته وهو مبتسم : ايه تخاف علي بس ماهو لهالدرجه الجده بقهر: ودي اعرف وشهوله ضارب عن الزواج صيته وهي تصب القهوة: صادقه أمي وشهوله ماتعرس وتفرحنا بجهالك شهاب عض شفته بقهر: عمه ابيك عون الجده بزعل: تبيها عون ليه وشهو مسويه فيك غير اني ابي اشوفك مرتاح و صدت بزعل عنه شهاب إبتسم و قال بحب لها: افاا يمه طبي واختاري وانا وراتس وين ماتختاري لصقرك مره صيته صرخت بفرحه : تقولها صادق يمه والله الحين ادور لك ي الصقر شهاب ناظر عمته بحب ..وميمته الي لسى صاده الله مايحرمه منهم هم اللي عوضوه عن يتمه ...قرب من الجده وقال بهمس: افاا يالغاليه لسى زعلانتن علي .. الجده ناظرته بحنان : ليت فيني أقدر ازعل عليك أنت واسامه اللي قهرني بهالزوجه اللي علق حاله معاها بس والله لااعوضه وانا أمه وان شاء الله عرسك وعرسه في يوم واحد بعد صيته بزعل :حرام عليتس يمه والله إنها زينه ومافيها عيب ومدام مرتاح معاها وش لنا به الجده بعصبيه:وش يعرفتس انه مرتاح ترا ولدي ابد الراحه ماهي صوبه اعرفه من عيونه والله انه مغبون حده من ..ها الأجنبيه صيته قالت بحزن على حال ريوف : يمه حرام عليتس وش اجنبيه البنت بس جدتها هنديه إلا امها و ابوها سعودين .. الجدة بقهر:وخالاتها وبنات خالاتها ماهو هنود شهاب قال بستفسار : أشلون ذي ي عمه أسامه متزوج هنديه صيته ناظرته :لا والله زوجته ماهي بهنديه إلا سعوديه يمه بس غير ان جدتها هنديه وكانت عندها عيال من زوجها الهندي بعدها مات و مدري وش صار ونزلت السعوديه ..وتزوجت سعودي ...وخلفت له ام زوجة أسامه هذي كل السالفة يمه شهاب قال بجمود: ماعليه يمه كلنا وأحد وربي يسعده معاها هذا أهم شيء الجده بضيق : وين يشوف السعادة معاها غير ماهي اجنبية عنا توها بزر ولا هي فاهمه شي غير مفهيه ماتدري وين الله قاطهه فيه .. صيته حست بضيق من حكي امها ..هالبنت دخلت قلبها وماترضى عليها أبد قالت وهي تغير السالفة : قول ي الصقر هالمرة بنترك لك الخيار وكاد ترتاح معاها أحسن من بنت صاوي قطع الله سيرتها الجده بسرعة قالت قبل مايرد : لا هو قال بيرضيني خلاص يوافق على اللي اقولها له وبس .. شهاب بضيق :ابشري موافق من آلحين صيته فتحت عينها بصدمه من حكي أمها : يمه أنتِ عينتس على حد معين وماعندي خبر ...حرام عليتس جالستن ادور على البنت اللي تناسب صقرنا وأنتِ خالصه الجده بجمود:ايه خالصه وبإذن الله هاليومين نروح لهن صيته بقهر :من يمه الجده ناظرت شهاب وقالت ببرود: بنت صاوي شهاب فز واقف وبعصبيه : يمه وش ذا والله لو تنطبق السماء مارجعتها وتوني أقولس لو ينطوني مليون فوقها مارجعتها وبعدين توس تقولي مقهورتن منها الجده ناظرته ببرود: اقول اجلس وبعد الله لا قالها ارجعها لك ليه شايفني ضيعت عقلي .. قال بحده: أشلون يمه أجل وأنتِ قايله بنت صاوي الجده ابتسمت على جنب وتجاعيد الزمن بانت أكثرعلى وجها : أختها الصغيره شهاب فتح عينه بصدمه: وشهووو الجده كملت : ايه يمه خذ أختها الصغيرة وحرها وخلاها تشوف العز.. اللي انحرمت منه إلا وحده تعوف الصقر إلا أكيد مابها عقل ..والحين ..خلي عقلها الناقص يرجع لها عساها القهر شهاب نفض رأسه بقوه وهو رافض الي تقوله : لا لا يمه وش تقولي أنتِ والله لو على موتي مامشيت هالمره على شورك يكفي الأولى يمه يكفي ...وزود .. الجده ضربت بعصاها الأرض : وانا بنتك ي كاسر ..تقولها في وجهي .البنت بتأخذها يعني بتأخذها والله لا احر قلبها اللي عافتك شهاب حس بقهر من كثر هالكلمه تتردد عليه عافتك وعافتك بس مسك نفسه لا يعصب ويزعلها ويدري بزعلها شين .. صيته عضت شفتها من تفكير امها وقالت : يمه كلنا ودنا نتقم من اللي عافت ولدنا بس مايصل لهنا عارفة كم عمر اختها الجده بحده : مابه شيء تزوجنا صغار وبعدين شهاب ماهو كبير توه في عز شبابه أعطاهم ظهره وهوباقي .. مصدوم من كلام جدته .دخل غرفتة ..وجلس وهو معصب ..زفر بضيق... والله لو أيش مايوافق ..يأخذ أخت طليقته ..ليه مجنون ....هز رأسه وهو معصب ..من هالسالفة كلها. . ...تذكر كيف .. كانت تجي يم اختها وتلعب في الحوش يعني توها تدخل 12...وش ذا الظلم اللي لسى باقي .. في هالديرة و متأكد والله لو ميمته راحت طلبتها من صاوي يوافق ...آكيد مايرد لميمته كلمه .والله لا يملك لهم الليله بعد . تذكر ..يوم طلق مرته ...يومها ..فتح باب غرفته ...على الصوت الي جاي من الحوش ....ماحس اللي السواد اللي ينرمي عند رجله ..وهي تصرخ : والله مارجع له يبه عقد حواجبه بحده وقال : وش فيه وسكت يوم صرخت مره ثانيه وهي توقف: وش فيه ي شهاب انت عارف وش فيه قلت لك مليون مره مابي هالديرة اكرها وأكره العشيه بس قلت لا والله مالي طلعتن منها ... الجده بحده : الحين ي العوبه لو تطلقتي منه يقال بتهجي للمدينه اللي بتخربي بيتس عشانها ناظرتها وهي تصيح : ايه بهج وبكمل دراستي اللي حفيدك حرمني منها هالجاهل ..إلا ماعنده غير الحلال عض شفته بقهر من هالمهزله اللي جالسة تصير قدامه ناظر ابوها وقال بحده: خذ بنتك الحين وتوكل ولما يرجع عقلها هذاك الوقت البيت بيتها صاوي بعصبيه: الحين يرجع لها وانا أبوها قرب منه يوم شافه بيمد يده قال بحده: أكره ماعلي هالشيء فلا تستقوي عليها صاوي قال بحده: شايفه ي العوبه انه رجآل ومايتعوض إلا غيره داسك هو بعد.. رفعت رأسها بغرور: مابيه هالرجال وناظرته بتحدي خذها في الوجهه ي ولد الناس عايفتك وعايفه عيشتي معك وش بعد ذا الحكي المفروض يصير قال بجمود : مايصير غير اللي ودس فيه روحي وأنتِ طلاق والي عافنا نعوفه ي بنت الناس ... قالت وهي تحس بفرحه : كفيت وفيت وجهك ابيض صاوي صرخ بعصبيه: والله ي مسودة الوجهه أخذتي الي تبينه قال بتهديد وهو يناظر ناحية شهاب: والله وانا ابوك لا أخليها تتمنى ترجع للعيشه معك ولا ماكون ابوها شهاب بشهامه:ماهو حكي ي ابو.... وسكت مايبي ينطق اسمها على لسانه كمل بضيق صدقني نصيب وفظ خلاص ...وكاد خيره لي ولها .. سكت يوم شافه ساحب بنته بقوه ....ناظر جدته يوم قالت: محدن خسران غيرها ..إلا مره عاقلة تسوي علومها ... قال بجمود : مافي حد خسران فينا كلن ونصيبه في هالدنيا ... وحنا نصيبنا مع بعض وقف هنا يمه ولو تحبيني أبد سيرتها ماتنفتح في هالبيت .... وفاق من سرحانه على صوت عمته ..قال بهمس الله يسامحك يمه ...ذكرتني في أشياء ماودي أذكرها ...أبد. .. قالت بأبتسامه : تفضل تقهوى وعين من الله خير وصدقني بيت صاوي ماتأخذ منه أبد مجانين حنا عشان نسوي اللي تبيه أمي. ..وبقهر آه ليت العوبه طلبت الطلاق قبل ازوج بنتي كان والله إنك أحسن من الي أخذته وخلاها تبعد عن نظري . ابتسم لعمته وهي تتذمر : ماعليه زوج بنتك به خير ... وكمل وهو يحاول يبين لعمته انه ماهو متضايق ..من الي صار ..يدري فيها تجلس قلقانه عليه...وبعد ريحني منها ام كشه صيته ابتسمت بفرحه أخيراً مزاجه راق قالت بمزح: افاا ذا ردك علي ابتسم : وش تبني أقول لتس ي عمه بنتس في بيت رجلها وبعد مخلفتن له ...والله اليوم أنتي وامتس مدري وش فيكم إلا تزوجوني ... صيته رفعت حاجب وبعتب: امتس ي شهاب يعني ماهو ميمتك بعد شهاب بضيق: والله ميمتي وتاج رأسي بعد بس مير اللي طلبته مني ماجاز لي أبد صيته: في ذي والله انك صادق والله بغيت اغص بالتمره يوم تقول خذ بنت صاوي ....آه عاد سلمى صغيره عليك واجد وبعد اختها الكبيره وسوت اللي مايسر الحين ذي البزر وش تسوي بك وكملت بضحك شكل مافي حد ينفق بنات صاوي غيرك عض شفته بقهر:اقول عمه جبتي قهوه خلاص كثر الله خيرس روحي وراتس ورعان يبي لهن مداره ... صيته ضحكت بقوه عليه ....وقفت وهي تدعي له من كل قلبها ... اعطته ظهرها وقفت يوم قال : تكفين شوفي صرفه مع ميمه انا مافيني ارفض لها طلب ي خوفي بعد صلاة العشاء تشوفيني يم بيت صاوي اطلب يد بنته ابتتسمت وهي تطمنه : ماعليك واعتبر هالسالفة معاد تنفتح أبد والحين ريح شوي ورانا بكرة روحه للرياض عشان عرس رائد هز رأسه وهو مو مرتاح ... يدري في ميمته عسرة حيل ...ومافيه يرفض لها طلب ..أبد .. تمدد ...وحط شماغه على وجههه ...وقفل عيونه. ...وهو متضايق من اللي طلبته ميمته .. ؛؛ ؛؛ ؛؛ ؛؛ ؛؛ بيت ابو عصام ،، ،، ناظرت الحناء بعد ماغسلته وقالت بدلع: حلوو موو.. وشوق ذي ودي اذبحها ليه ماجت ...ولا مقهورة ليه ماوافقت على أخوها بنتحر لو تفكر كذآ والله ريتآج هزت رأسها وهي أبد ماهي معاها تفكر ...في وليد ..وفي حياتها الباقيه معه أسيل عقدت حواجبها : هييي وش فيك مفهيه من أول أحكي معك وأنت ماعندك غير هزفي هالرأس ريتاج بدون حس: محتاره في وليد وافكر كيف يوم اطلق منه وش بيصير في العائله أسيل بسرعة رفعت رجولها على السرير وقابلتها بصدمه : ايش ايش هذي معلومات جديدة توني ادري فيها وبعدين مين مكذب عليك وقايل لتس انه بيطلقس ريتآج عضت شفتها الحين يقال ماتغلط إلا عند نقالة الحكي ذي أكيد والله مايطلع الصبح إلا كله كابته عند امها قالت بتصريفه: أقول ي زينك وأنت تحكي مثل أمي وتخلي الدلع والمياعه عنك أسيل حاست بوزها بدلع : تموتي وتصلي لدلعي حبيبتي ومدت بوزها قدام بدلع ينرفز ... ريتاج بقرف : ي اني أكره هالحركه هابين فيها هاليومين مافي غير تمدد في هالشفايف.... . .. أسيل بقهر : آلحين بتقولي ولا أشلون ريتآج مسويه حالها غبيه: أقول ايش بسم الله عليك أسيل بطفش: سالفة الطلاق من العفريت أقصد الكابتن وع أكرهه وبذات يوم دريت أنه معزم على زواجي من أخوه المعصقل نويصروع ماتخيل إني مرته ريتاج بحده وقفت : أقول ي ليت معاد تفكري في هالسالفة ابد خلاص ان شاءالله بكره بتكوني بذمة رجآل ثاني ولو سمعك تجيبي سيرته ترى ماراح يرحمك حتى لو تعيبي فيه.. أسيل بدقه لها : ليه الأخت صاير معاها هالشيء ريتاج بعصبيه: مالك دخل اوك وذا قلت لك لمصلحتك اسيل بقهر : اللي يسمعك يقول الحين جايبه سيرة نويصر بشين زين قولي بضيع.. السالفه وبس.. وبيني وبينك ليتك فعلاً تنفكي من هالوليد وتشوفي حياتك ...هزت رأسها آه ليت أخو لطيفه هذاك الطويل الضخم يأخذك ....ونصير مع بعض خوات ومتزوجين إخوان الله كيوت ريتاج أنصدمت تقصد أسامه أكيد ...آه لو تدري ان لطيفه قايله انه كان يبيها .. هزت رأسها وهي تصرخ عليها بعصبيه: وش كيوته استحي عليك وجهك الرجآل متزوج أسيل وهي كاتمه الضحكه : عادي عندك خبره ماهو اول مره تجي على مره ريتاج لا لا بدت فعلاً تعصب من دلاخة هالبنت اليوم بعصبيه صرخت: أولاً حرام تقولي كذا وانا على ذمة رجآل ثانياً ماهو بكيفي اذا نصيبي رماني على واحد متزوج أسيل بستفزاز:الحين تقصدي اسامه ولا وليد ريتآج بعصبيه: والله لو ماهو بكرة ملكتك كنت عرفت كيف اربيك ي غبيه محاسبه على كلمه تقوليها والله أسيل فتحت عينها من قوة الكلمه الي قالتها: بسم الله وش قلت ريتاج بزعل: أسيل ثاني مره لما تتكلمي فكري في الكلمه قبل ماتبديها .. ويالله تصبحي على خير بكره وراك قومه من الصبح وثاني مرة خليك على دلعك ابرك والسواليف الي مالها داعي خليك منها أسيل ابتسمت : أخيراً حبيتي دلعي ..وبعدين ليه اقوم من الصبح مابي اسوي كوفير ولا شيء ... ريتآج بقهر منها: لسى مصممه انه مايشوفك أسيل : ايه ابيه يشوفني يوم العرس يختي احسها بايخه يشوفني وبكره يكون العرس خلاص كلها يوم يعني يموت ريتاج : طيب ليه ماتكون الملكه في يوم واحد مع العرس اسيل: ابوي رفض قايل قبلها بيوم عشان بيكون يوم العرس زحمه ومدري ايش تعرفيه وتعرفي تفكيره والله يعين على الي مقبله عليه مدري وش مخبى لي ريتآج حست ان مزاجها قلب فجأة وصوتها بعد تغير تحس بنبرة الحزن فيها مهما خبت عارفه إنها ماهي راضيه على هالزواجه وكانت هروب بس من عمي وتحكمه تنهدت بحسرة وهي تشوف أختها تناظر الأرض وتفكر آلحين تأكدت قالت بهمس: لعلها خيرة لك ي أسيل أسيل هزت رأسها وهي تبلع الغصه ...هي ماهي معترضه على الزواج بس خايفه وافقت كذآ من غير ماتعرف شيء عنه وبعد خوية أريج جايه ومحذرتها انها ترفض ...بس لا أكيد محرشتها ...اريج كله ..ماتبيها توافق على ولد خالتها ... تحس بخوف وترددد ...عضت شفتها وهي تمسح الدمعه الي خبتها عن ريتآج ...ورددتت كلمة اختها لعلها خيره ... ،، ،، ،، ،، ،، دخل بيت أهله ...وهو يناظر حوله هالحوسه صايرة رد السلام بضيق وهو يشوفها جالسه قدامه بين امه وأخته ام أسامه فزت بفزع وهي تشوف يده ملفوفه : بسم الله يمه وش صاير عليك اسامه ناظر ناحية ريوف بحقد :حادث بس الحمدلله جرح بسيط ماعليك يمه والله اني بخير .. ام أسامه بحنان: سلامتك وربي ستر عليك لطيفه : سلامتك حبيبي أسامه : الله يسلمكم وناظر المكان وهو يغير السالفة : وش ذي الحوسه .. أنتم فيها ام اسامه بجمود: آكيد بيكون حوسه المكان مدام به حناء ناظر حوله بحده: وينهن الشغالات أجل ام أسامه بحزن عليهم : مساكيين يكرفن من الصبح وقلت لهن يناموو وبكره وخير عندهن اليوم كله ينظفن فيه وبعدين قول وش فيك جاي وحاط حرتك على النظافة آلحين ... أسامه بضيق : مابه شيء يمه بس تضايقت من هالحوسه ...وناظر ناحيتها ...منزله رأسها .نزل نظره.. ليدها شاف نقش الحناء الي يختلف كثير عن اللي سوته لها عمته صيته إبتسم يوم تذكر كيف تمدح حالها ومافي حد يسويه أحسن منها اخخ ياهي لعبت في يدها لعب يومها . .عقد حواجبه بضيق وهو وشله آلحين بهالخرابيط عشان يجلس يقارن بين هالحناء ولا الي سوته لها عمته ...وقف وقال بضيق: يالله روحي غسلي القرف ذا والحقيني السيارة ام اسامه بعتراض : لا وين تغسله توها كملت منها خله شوي ولو الحين لبست العبايه بتنحاس يدها ..انتظر شوي على بال مايزين حناها اسامه بضيق: ماهو لازم هالحناء والله وبعد تعبان وراي دوام لطيفه مسكت ريوف : مدام وراك دوام ممكن اليوم تترك لي الحلوة ذي ودي نتشاور على الزواج ومثل مو أنت عارف سواليف بنات وبعد الحناء يزين في يدها وراح تعجبك أكيد وهي تغمز له أسامه ليه مجنون اخليها معه في بيت وأحد قال وهو متنرفز : لا لطيفه برجى : تكفى أسامه ...علامك صاير نحيس كذآ والله ماهو خابرتك كذآ أبد أسامه وده يذبحها يوم شاف نظرة الشك في عين امه قال وهو يصرف :.. وينه رجلك عنك وشهوله نايمه هنا لطيفه بقهر : تكفى لا تذكرني برجلي صاير صافن عند بنت عمه أربعه وعشرين ساعة ... والكذوب الطلاق الي كل مرة يوعدني به ماهو حاصل أبد أسامه بحده : خليك عاقله ولا تشيشيه على طلاق البنت بتكون في رقبتك وش بيضرك منها إنتي لك حقك وهي لها حقها ..وكبري عقلك لو مرة لطيفه بقهر: ايه تقول كذا هماك ماتحس فيني والله ي رائد على طيشه بس والله انه احن منك ي القاسي ... أسامه عصب يوم قالت كذا وبذات قدام ريوف قال بحده: أقول والله العظيم لو بس وليد يشكي منك لا تعرفي هذاك الوقت كيف يكون ردي على حكيك الحين لطيفه آلحين تأكدت إنه متغير حيل قالت بحسرة : ليه أسامه متغير وش فيك ام أسامه بقهر: شكله الزواج غيرة فعلاً إلا من متى ينافخ على اخته ويمد يده على أخوه ويكذب على أمه وناظرت حول ريوف بحده .... ريوف رجفت من كلامها ...ونظرتها لها ...الحين انا وش دخلني ناظرت اسامه الي باين عصب زود بسرعه رجعت نزلت عيونها للأرض وهي تتدعي الله يفكها اليوم ...من لسانه ..السليط ...أعوذ بالله بعد من أمه هي ناقصه آلحين تشحنه زود يكفي الي هببته قبل ماتجي هنا أسامه حاول يمسك حاله لا يعصب زود ويخلي امه تتأكد فعلاً إن فيه شيء زفر بضيق وقال : مافي شي مغيرني وبعدين الرجال ماغلط تزوج على سنة الله ورسوله لطيفة بقهر: ليه يتزوج علي وش ناقصني بالله والقهر ..وين لسى توه مالك علي قام جاب وحدة على رأسي بس كله مني وافقت اتمم هالزواج ريوف ناظرتها بصدمه: حرام ليه كذا تزوج عليك في فترة الملكه. . وسكتت يوم شافت نظرة أسامه .. بلعت ريقها وانكتمت وش دخلها الحين تحشر حالها يالله اليوم هي جالسه تجني على حالها من بداية اليوم لطيفه بقهر: اي والله كذب علي وقال إنه مغصوب وانا الغبيه صدقته أسامه بحده ناظر ريوف وهو يتحلف فيها: أقول انتي انكتمي وبيجيك اللي جاها وزود لطيفه بقهر : وش قصدك يعني جالس تتشمت فيني آلحين وبعدين وش فيك عليها بالله بس منفس على البنت .. اسامه عض شفته بقهر اليوم ذي حالفه تطلعه من طوره قال بعصبيه : مالك دخل بيني وبين زوجتي وانثبري على رجلك أحسن من هالحكي الزايد واللسان الطويل ذا اللي بيجيب أجلك اليوم لطيفه بعصبيه: والله ماتحسن فيني اقولك مقهوره حيل ليه ماتفزع لي وتفكني منه اسامه فتح عينه بعصبيه وصرخ: واش افزع لك فيه ..رجال عازك ورازك وش تبي بعد واما سالفة المره الثانيه مافيها شيء ..ولا ازيدك من الشعر بيت حتى انا بأخذ الثانيه وناظر جهة امه ام اسامه ميلت فمها بسخريه : أقول خلك من هالكلام الفاضي وبحده وردي جاك قبل في هالموضوع اسامه : كلامي أبد ماهو فاضي وردك علي أبد ماجاز لي أبي اتزوج يمه وهالمرة بختيارك ي الغاليه لطيفه ناظرت ناحية ريوف اللي منزله رأسها ..عضت شفتها بقهر من امها الي تسمع كلام أخوها وماتهاوشه وبعد اخوها الي زودها حيل اليوم علامهم مايحسوون في هالمخلوقة حرام والله كذا قالت بعصبيه: كلكم ي الرجآل نفس الطينه ريوف بسرعة قاطعت لطيفه : لا أبوي كان مختلف عنهم كثير حنون مره ام أسامه بدقه: صح مختلف عنهم واجد ومن كثر حنانه أخذ خدامه وحن عليها أفضل من زوجته أم ولده ومن هله اسامه ناظرامه بصدمه ..وش عرفها. .لف رأسه على صوت ريوف وهي تقول: امي ماهي خدامه وجدتي كانت شغلتها شريفة الحمدلله مافيه شيء استعير منه ام اسامه ابتسمت بسخرية : قلتي جدتك ناظرت اسامه ونعم النسب والله ي اسامه اسامه شد على يده يموت ويعرف وش عرف أمه. ..بس الحين مستحيل يقدر يسأل او يفتح فمه ماهو وقته أبد رجع ناظر ريوف وصرخ بعصبيه يوم شافها ترادد : يالله وش تنتظري رجف جسمها من صوته ..قالت بهمس وهي تناظر لطيفه اللي دخلت قسم المغاسل مافيها تتأخر عليه خليها تروح تجيب العبايه : دقايق بس أخذ عباتي . وبسرعة طلعت .الدرج ..تجيب العبايه من غرفة لطيفه ناظرت الحناء في يدها بسرعة دخلت الحمام وغسلته أسامه عصب يوم تأخرت عليه ...تذكر ان سيارة رائد موجودة وهي طلعت فوق ..ناظر امه وقال بحده : رائد وين نايم ... ام أسامه بقهر منه ومن ذي اللي جابها لهم وقايل زوجته : في غرفته يعني وين بيكون نايم اسامه بعصبيه: الخيخه ذا نايم فوق والحريم هنا ام اسامه بحده : محذرتن عليه مايطلع وتعرفه اخوك يوم ..كامل وهو ماصحي وبدقه الخيخه طلع احسن منك وجاب نسب يشرف وزواج على العلن ماهو مثلك ي العاقل ي المحترم عض شفته بقهر وهو يحس حاله خلاص بينفجر من كلامها الي ترميه جالسه بس أفضل شيء يطنش .أعطاها ظهره ...وهو يناظر حول المغاسل لطيفه ماطلعت معاها ورائد فوق في غرفته وهي طلعت فوق بعد حس بشك أكيد ماراح يفوتون هالفرصه وقف بعصبية وبسرعه طلع فوق...شافها قدامه طالعة من غرفة لطيفه ...وفي يدها العبايه ....قال بصرخه : أشلون كذآ تطلعي ..لفوق من غير ماتفكري انه يمكن يصحى ...ولا متشوقه ..لهالصدفه تصير من مبطي ...وبجنون قرب منها وهزها انطقي قابلتيه صار شيء في غيابي فتحت عينها بصدمه ....وهي تسمع كلامه هزت رأسها وبغصه : لا لا مو كذآ والله وعضت شفتها وبهمس وهي تناظر حول الدرج وتذكرة :لا تنسى حنا وين قصر صوتك تكفى لا تجن الحين وتقول كلام أبد ماهو فيني ..ولا صار وطلعت أخذ العباية اسامه بشك : طيب ليه تأخرتي كذآ ريوف رفعت يدها :كنت أغسل الحناء والله اسامه بعصبيه سحبها بعنف من يدها : امشي قدامي سمع صوت صراخ اسامه. ..فز بسرعه وطلع وهو مفزوع ... فتح الباب بس انصدم من اللي يشوفه ...بسرعة رجع قفل الباب اسامه لف مصدوم من صوت الباب الي فتح ..ورجع تقفل بسرعة ...... ،، ،، ،، ،، كتتتتتتتتتتتتت لا ابيح ولا اسامح من ينقل روايتي او يقتبس منها بدون ذكر اسمي ولا ابيح اللي ينقلها على الانستقرام حتى بذكر آسمي استودعتكم الله الذي لا تضيع ودائعه سبحان الله وبحمده سبحان الله العظيم " الوتر أحبتي " رحمك الله يامن اوجعني فراقك دعواتكم لامي حبيبة قلبي | ||||||||
|
| |
|
27-09-16, 03:24 PM
| #575 | ||||||||
| مراقبة عامة ومشرفة منتدى الروايات المنقولة
| آللهم إني استغفرك وأتوب أليك سبحانك اللهم إني كنت من الظالمين آللهم صل وسلم على نبينا محمد صلو عليه " الروآيه لا تليهكم عن الصلاة اللهم بلغت اللهم فاشهد " ، ، ، ، السلام عليكم ورحمة الله وبركاته مساء الفل ي حبايب قلب نوني الي معنا هنا او في المنتديات المجاوره والي خلف الكواليس و حبيت ارحب بالمتابعين الجدد الي أنظمو للروآيه ي زين طلتكم والله وآسفه طولت عليكم واجد بس مثل مو انتم عارفين عيد وبعدها اسواق عشان المدارس وحوسه الله يعين الكل المهم الي سأل عن الكابتن ويقول ماله حس تراه متغلي شوي وحب يسافر يفك عن نفسه شوي من هالحريم الي تتدبس فيهن صح ان التوفي بنتي بس عتبانه عليها لاقدرت تكسبه ولا خايبة الرجاء ريتآج بعد قدرت كلهن مقصرات فيه حقه وشكله بيجيب الثالثه وش رأيكم معاه حق صح والبارت طويل حيل لا أحد يقول قصير والي متشوق الحقيقه متى تظهر اقوله شكله مع نوني ماراح يظهر شيء وقراءة ممتعه ،، ،، & البآرت الخامس والأربعون & ،، ،، ،، لف بسرعة وهو يسمع صوت.. الباب الي تقفل... رجع ناظرها بعصبية وناظر جهة الدرج يوم أمه صاحت بأسم لطيفه ..قال وهو فاتح عيونه بصدمه : خربت عليكم الوداع شكلي وبعصبيه صرخ... وش افهم من هالحركه الحين انطقي .. تحس حالها مرعوبه ..من الي صار ومن الي يقوله عضت شفتها بقهر يوم صرخ بقوه وهي تناظر جهة الدرج قالت بخوف وتوتر:تكفى تسكت لا تفضحنا قال بعصبيه وهو وده يذبحها : لا افضحك الحين بالله أمثالك يفكر في الفضيحه بس حاول يمسك حاله عشان نفسه ..لا ينفضح زود قال بتهديد أمشي قدامي ساكته وشغلي معك في البيت وناظر جهة غرفة رائد بحقد ...وبهمس مصيري أخذ حقي منك كله ...ي رائد أنت والزفته هذي ...والله لا اثور فيكم ولا افكر ... ريوف مشت وهي تسمع تهديده ...تحس فعلاً اليوم مجنون وشكله منهي حياتها ..بس على خوفها .حست بفرحه مايهمها آلحين ..شيء غير انه هجد ..ومافضحها قدام أهله .. يكفي طايحه من عينه وعين أخوها ...نزلت الدرج بسرعة .. ولبست العبايه بيدين ترجف .. يارب وش هالصدفه وقته الحين يفتح رائد الباب ..والله لو ادري انه نايم فوق كان ماطبيت غرفة لطيفه ... ناظرت لطيفه بحقد ليه ماقالت لها ان أخوها موجود...عضيت شفتي بفشله وانا أسمعه كيف قفل الباب...سويت غطاي وانا اسمع خالتي تقول : وش فيه نزل معصب ريوف بلعت ريقها بخوف وهزت رأسها بفشله :لا لا مو معصب بس شكله مستعجل مثل مايقول وراه دوام سكتت من نظرات ام أسامه تحس تبريرها غبي ام أسامه بسخرية : لا بالله أقول الحقي رجلك بس وخلينا ساكتين أحسن هزيت رأسي وانا مقهورة منها افف هذي علامها قالبه عليه بقوة قلت بهمس: مع السلامة .. وطلعت وانا أقدم رجل وآخر رجل ..خايفة وجسمي كله يرجف ..الله يستر وش العقاب اللي ينتظرني """"(هذا المقطع كتبه معي البيبي الله يهديه هو وهاللقافه فيه أكتب حرف يمد يده ويزود الحرف الثاني اللي مالة داعي بس الحين الحمدلله نام وانفكيت منه ) ويارب ريوف تنفك بعد من عصبية أسامه""" آسفه قطعت عليكم يالله نرجع للقصه ركبت السيارة وهي تدعي الله أنه ..مايعصب .. عليها ..وينفذ تهديده قالت بدون حس يوم ناظرت كيف ماسك الطاره :الله يفكني منك الليله وعضت شفتها يوم عرفت انهاا تتكلم بصوت مرتفع ...يوم ناظرها بعصبيه وقال : صدق انك****** دمعتها نزلت من قوة السبه اللي قالها.قفلت على أذونها من صراخه وهي ترجف لو تجيها ضربه منه... وش الي خلاها تركب قدام من يومها تركب ورا.. صرخ .. بعصبيه الله لا يبارك فيك ولا فيه... ضرب الطارة بقوة في بيت أهلي بعد ماتخلو فرصه تفوتكم يعني ....حرام والله الي يصير في بيت شريف تنجسوه بفعالكم الشينه ريوف وهي تصيح من قوة الكلام الي يحذفه: اسامه والله تظلمني حيل ...و فاهم غلط والله ويوم طلعت فوق والله مادري فيه أنه موجود أسامه بسخريه : ايه فاهم غلط مره وظلمتكم صراحه وكان الموقف كله صدفة ...يالله ماعليه تحصل واجد هالصدف ريوف عرفت انه يتمسخر عليها ..احسن شي تسكت وماهو شي جديد انه يظلمها ...بس فيها خوف غير طبيعي ...من دخولها معه الشقة وهو بهالعصبيه ... ماهي مطمنه أبد له ... يآرب أنت .. معي ومالي حد سواك ...قفلت عيونها .. ورمت رأسها على الدريشه كلها دقايق وسمعت صوته المرعب: انزلي .. بلعت ريقها بخوف ...تحس انهم وصولوا بسرعة ولا من الخوف اللي راكبها ...هزت رأسها ..بدون صوت سحبت شنطة اليد .. ومشت وراه ...على طول توجهوو لشقه ..أول مادخلوو جوالها رن ... في شنطتها فزت بخوف ...لفت بسرعة .. شافته واقف يناظرها بعصبيه حست جسمها يرجف أكثر من أول . اسامه سند حاله على الباب وقال بعصبيه: ردي اشوف وطمنيه قولي له الحمدلله عدت على خير ..والغبي أخوك اللي ابتلى فيني صدق كلامي ومشت السالفة ...عليه مثل كل مرة ريوف عضت شفتها بخوف... مدام بدأ يذم ويسب .. نفسه أكيد ..انه ماهو بعقله خلاص وصلت به العصبيه حده مديت يدي وفتحت.. الشنطه وطلعت الجوال وشفت رقم مرة أبوي عقدت حواجبي ذي وش فيها جالسة تتدق اففف بس تذكرت المصيبة اللي ينتظر يعرف مين اللي داق ...قلت بتوتر: مرة ابوي ومالي مزاج ارد عليها يكفي هالبلاوي كلها من تحتها ... أسامه بسخريه : بعد مالك مزاج تردي عليها بعد الفضيحه الي سويتيها لها وبقهر صرخ ... وبعد هذي لها نفس تدق على أشكالك وتطمن عليهن وايش الأخت متغليه ومالها مزاج بعد ...مفروض تخجلي من حالك وتحمدي الله ولسى باقي حد من هلك يسأل عنك والله لو وحده من هلي تسوي سواتك غير اذبحها ريوف قالت بقهر من كلامه وسبه الي يوجهه لها من غير حق : أنت لي كذا قاسي وظالم ياخي افتكرتني وحده من هلك و. . أسامه قرب منهاومسكها بعنف وبعصبيه قاطعها : وشهوو هلي لا لا أنتِ حتى الديوث مايتشرف فيك ريوف عضت شفتها بألم بس تحملت ..لأنها عآرفة لو فتحت فمها بكلمه بيعاند ويزيد عليها مثل العادة.....بس خلاص معاد فيها قالت بألم : آه فكني من شرك ي و لد الناس .. أسامه بعصبيه مسكها من فكها وشد عليها وقال بصرخه: والله الشر علومك الي ماتسر حتى في بيت ابوي ما تفوتكم الفرصه وبقهر ليه ليه تسوي كذا قولي وش هوو مستفيده منه ..شوفيه أخذ غيرك وبكرة زواجه بعد مافكر فيك وهزها بقوه وبصرخه : قولي وش في مخك ذا تراكضي وراء واحد ماهو صوبك أبد ماغير جالس يلعب عليك ..ويخليك تغضبي ربك على شيء مايسوى ريوف حست بتعب وراسها ثقل عليها فجأة والدينا سودت في عليها ...قالت بهمس : ارحمني تكفى وسكتت يوم هزها بقوه تحس الدوخه زادت عليها قال بهمس يرعب وهو ينزل نفسه لها : وشهوو قلتي ارحمك مد يده ومسكها شعرها من وراء وقربها منه وبحده سألتك بالله كم مرة طحت عليك وانتي على... الجرم المشهود أشلون ...ارحمك يالله فسري لي اشلون بعد مظلومه .. شافها ماتكلمت صرخ بقوه .. خيخه شايفتني عشان أصدقك ريوف هزت رأسها وهي تحس بتعب وخوف اليوم مالها مفر ولا تقدر تشرد مدام إنه كذا متمسك فيها قالت بربكه ورعب حاولت تقوي نفسها وتطنش الدوخه الي لاعبه فيها ومدت يدها ومسكت يده الي شاد فيها علي شعرها وقالت بألم : طيب ممكن تهدأ عشان تفهم وتصدقني أسامه بدون حس رماها بقوة على الكنبه يوم حس بلمسة يدها على يده وصرخ بعصبيه : وش اللي افهمه واصدقه انك كل مرة تثبتي لي انك اوطى من قبل ريوف اللي انفزعت من الرميه وحست ظهرها انقسم نصفين صرخت بآآه مكتومه ...وهي تحس الدنيا سودة في عيونها .. أسامه تذكر انها حامل ...حس بتنأيب ضمير مهما كان هالطفل مالة ذنب ..أو انه يتحمل بروح ...قال بجمود وهو يشوفها ماسكه على ظهرها ومقفله عيونها وعاضة شفتها نزل على ركبه وقال بقلق : فيك شيء تعورتي ريوف بصدمه فتحت عينها يسأل تعورتي ...لا لا ماصدق أسامه فهم من نظرتها قال بسرعة: ماهو خوف عليك او عشانك بس مابي اتحمل ذنب روح ريوف ابتسمت بألم وهي تحس رأسها ثقيل عليها .قالت بهمس : كويس وفيك قلب وتحس بالذنب وتطمن لو طاح بتنفك أكيد أسامه رجع وقف وقال بقساوه: على قولك بنفك منك ومنه ان شاءالله بس أهم شيء ماهو على يدي ..مابي أعيش باقي عمري بتأنيب الضمير... ريوف بلعت الغصه وحاولت توقف .. تبي تبعد عن المكان اللي هو فيه أول ماوقفت صرخت بالم يوم حست بسكينه تقسم بطنها آآه ذبحتها ذبح رجعت جلست وقالت وهي مقفله عيونها : شكل الخلاص جا ي أسامه وفتحت عينها وهي تشوفه يناظرها وهو عاقد حواجبه كملت ودموعها تنزل بس والله ذنبه في رقبتك طول عمرك...والله ذنبه في رقبتك ورجعت رأسها الي ثقل زود عليها على ظهر الكنبه .. .. أسامه بسرعة قرب منها وجلس وقال بتوتر: وش تحسي فيه ريوف هزت رأسها ماتبي تحكي او تقول شيء بحده مسك وجهاا وخلاها تناظره: أقول ماهو وقت عنادك قولي وش تحسي فيه وين الوجع بالضبط ريوف فتحت عينها و ناظرت عيونه الحاده وقالت بألم : لا تخاف صدقني ريحته من العيشة الي كان بيعيشها لأنه بيطلع يشوف الذل في طريقة مثل أمه ماراح بعيد أسامه حس بقلق من حكيها يعني وشهوو..تسبب في نزوله وقف وهو يحاول يساعدها: يالله اوديك المستشفى .. قالت بعناد :والله ماروح خليه ينزل يرتاح وانت بعد ترتاح وليتني بعد انا ارتاح ..وش بنستفيد انا وهو من هالدنيا غير الشقى والحياة الي ماحد يحسدني عليها ... أسامه عض شفته بقهر من عنادها الي ماهو بوقته أبد قال بصبر: ي بنت الناس أمشي وخلي هالعناد عنك ريوف صرخت بعصبيه وهي منهارة: قلت لك ماراح أروح والتمثيل ذا مايمشي عليه والله مافي حد بيفرح مثلك يوم يطيح أسامه أفضل شيء يسكت لأن لو رد عليها ..بيزيد الوضع قال بحده : خلاص انثبري مكانك بس تأكدي لو صار به شيء في ذمتك أنتِ وراح للغرفة ريوف طنشته ماردت عليه وتمددت على الكنبه وقفلت عيونها وهي تدعي الله أنه يخف عنها ألم بطنها ...تحس حالها ودها تروح الحمام الله يكرم القارىء ...بس خايفة تنصدم ..هزت رأسها بخوف الله لا يقولها ..تحس بشفقة عليه ...على انها ماتبي هالحمل ..أبد بس الحين والله تتمنى انه يثبت ... لأنه هو الوحيد الي بيطلع يحبها وبيدافع عنها ...من الظلم الي عايشته ابتسمت بألم هذا إذا عشت لما يكبر وينصفني لأني وكاد بروح فيها في يوم من جنون أسامه...الله يفكني شره يآرب تحس حالها متناقضه مره تبيه يثبت .. ومره لا ،، ،، ،، ،، في بيت أم سمير قلقانه وحالتها حالة ..يآرب ....ترجعه لي يآرب ...من أمس طالع ..وماتدري وش صار به ...وبقهر : والخايسه بعد ماترد وتطمنها ان اخو رجلها به شيء او لا ....حسبي الله عليها طول ماهي عايشة هالبنت مستحيل ترتاح في حياتها بس فزت بخوف يوم سمعت... صوت الباب يفتح.. أكيد انه هوو بسرعه قامت... وراحت قربت منه وهي خايفه ...لا يقول لها شيء يفزعها قالت بتردد وخوف : يمه عسى شيطانك ماخلاك تسوي اللي براسك سمير ناظر أمه الي القلق باين عليها قال ببرود ظاهري : لو سويت اللي في بالك كان هالحين ماهو قدامك وبقهر والله ماخليه يتهنئ بهالزواج ولا ما أكون ولد أبوي ام سمير بسرعه قربت منه وهي تطيح على رجوله بذل : يمه اموت والله اموت لو يصير بك شيء سمير بسرعة نزل حاله ورفع امه من عند رجوله : يمه وش تسوي مااستاهل عشان ذا كله وقال وهو يطمنها وصدقيني لو بسوي شيء كان سويته من زمان ام سمير وهي تصيح وابد ماهي مصدقته: تكفى يمه ماتضيع حالك بموت بموت والله سمير سلم فوق رأسها وقال بجمود : يصير خير يمه وأعطاها ظهره وراح غرفته وهو يسمع صياح امه اللي قطع قلبه المحروق بس مايقدر لازم يأخذ حقه ولا بيكون ارخمه طول عمره حس حاله مخنوق من الغرفه ومن البيت كله رجع طلع وهو فرحان ماشاف امه قدامه في الصاله . ،، ،، ،، ،، في شقة أسامه من وقت ما دخل الغرفة وهو يحس بتأنيب الضمير.. اشلون نسي وسوى كذا فيها ...آه العصبيه اعمته ..وماخلته يفكر ...أبد رفع يده ومسح فيها شعره القصير...بعجز .فك ازارير ثوبه العلويه وزفر بضيق. خلاص عجز من هالحياة اللي عايشها ...لازم يفكر شوي ...ويشوف حل لوضعه اللي ماهو عاجبه أبد ... وقف وهو ناوي يطمن عليها ...طلع شافها متمدده في مكانها ...ومقفله عيونها قرب منها شاف نفسها منتظم ..حس براحة شوي ..انها قدرت تنام ..وان شاء الله تعدي على خير ... حس بضيق وده يطلع من هالشقة كلها ...بس تذكر وضعها .. ويمكن تتعب وهو بعيد ... نزل نظرة لها مره ثانيه وقال بهمس: مدري لوين بنرسي ي بنت الناس ..لا انا قادر اتحمل الي يصير منك ولا قادر اتحمل اخليك على ذمتي ...جلس على الكنبه مقابل لها ...ناظر ملامحها التعبانه ..حس بشفقة عليها وعلى حاله ...رفع رأسه للسقف وهو يتذكر الي صار في بيت أهله زفر بقهر .. أشلون مظلومه ...وكل مره يشوفها على شيء يأكد له أخلاقها ...كور يده بعصبيه .. آه أشلون أسيل تأخذ واحد بأخلاق رائد ياربي بكرة ملكته وهو باقي يخوون ... آه ي قلبي المحروق على حالي وعليها .. شاف جواله اللي رماه على الطاوله أول مادخل ..قدم حاله شوي وسحبه .. وارسل له ((صدقني تصرفاتك كلها ماهي رجوله ي رجآل بكره ملكتك وأنت تخون ومع من مع مرة اخوك اللي بليته فيها )) رمى الجوال وقفل عيونه بقهر ..فتح عيونه على صوت المسج الي وصل .. بسرعة سحبه وهو يناظر حول ريوف ...شافها تحركت بس مافتحت عيونها. ..فتحه وحس دمه يغلي زود(والله إذا على الرجوله حدك لا تتكلم عنها لأن أبد ماهي يمك ..إلا بالله به رجآل يسوي سواتك مع مرتك حرام فيك هالضعيفه واي خاينه الي تتكلم عنها ي المريض خاف ربك في البنت حرام الي تسويه فيها والله إنها شريفة ومظلومه بس تفكيرك الخايس يصور لك ومن الحين والله لو تسوي فيها شيء بنفسي بقول لابوي عن سواتك فيها مستحيل اشوف البنت تتعذب معاك واسكت )) فتح عينه بصدمه ..يعني تشكي له ...إيه أكيد ولا وش قصده بهالرسالة ...ناظرها بحقد ..وش يسوي فيها ...وقف بعصبيه وهو ناوي عليها ..كل شي حوله يأكد له إنها على علاقه معه ..بس تعوذ من إبليس ورجع لوراء ..وهو يشوف وجهاا .. اللي يحس البراءة فيه ...هز رأسه لا أبد ماهي يمها ...وبحقد هن كذا يتمسكنن والخبث يمشي في عروقهن ...عض شفته ..بعصبيه .. مفروض قبل يقتلها يقتل أخوه ...إيه يبرد قلبه منهم الإثنين حس حاله بيموت من القهر وشوي ويجن من اللي يسوونه فيه . ...رجع للغرفة ...وهو يستغفر ...جلس على السرير وهو يهدي حاله شوي ..ليته مارسل له شيء ..يكفي قهره اللي قبل الحين زاد عليه ...يوم دافع عنها ...صرخ بقهر: بس ماهو رجآل لو اسكت عن هالمهزله أكثر من كذا ... بسرعة وقف وفتح الدولاب وأخذ المسدس وقال بحده هذا الي بيخليها تعترف الخايسه من متى تشكي له ...... عند ريوف من وقت ماسمعت صوت المسج ..وهي صاحيه بس سوت حالها نايمه ..عشان مافيها عليه ...ويوم رمى الجوال وصرخ بسبه قويه بغت تفضح حالها ...بس صبرت وحاولت ماتفتح عيونها .. ..بس يوم وقف فوق راسها ...افتكرت اليوم بينفذ تهديده الدايم. ..وبذات يوم حست أنه بيكشفها أنها مو نايمه تنهدت براحه يوم أبتعد. ..والحين ماتت رعب يوم سمعت صرخته ..وهو يتوعد فيها ..يآرب هالرجال اليوم منهبل ...ناظرت باب الشقه ..وبتهور وقفت ..وسحبت العباية الي على الكنبه مرميه ...تشرد أفضل ...لها من هالعيشه .وبسرعة لبست العباية ...وقربت من الباب وبتهور حطت يدها على مقبض الباب بس وقفها صوت باب غرفة النوم يوم فتح وقفت وهي متجمدة مكانها .... أسامه اللي طلع وهو ناوي يحقق معاها وكاد يوم تشوف المسدس تعترف باللي بينهم ويعرف وش يقصد رائد..بهالرسالة ...بس انصدم من اللي شافه ..قال بعصبيه وهو يوجهه المسدس عليها : بعد على شينك بتفضحيني زود ...حلال الي بسويه فيكم والله ريوف لفت له وبغى يغمى عليها وهي تشوف المسدس موجهه عليها ..جسمها كل يرجف قالت بتلكك :اسامه تعوذ من إبليس لا تضيعني وتضيع حالك قبلي اسامه صرخ بقوه: انكتمي قفلت عيونها برعب خلاص الموت الي تنتظره جا موعده وعلى يده بس والله مظلومه ..حرام تهزق روحها بسبب شيء هي ماسوته فتحت عينها بخوف شافت المسدس مصوب لها حاولت تتكلم مافيها ...تحس لو نطقت كلمه وحده بيكون رده رصاصه تزهق روحها استسلمت لمصيرها ...خلاص تنتظر متى ينهي عليها ......يوم حست بخطواته تقرب منها ..زود انكشمت على نفسها بخوف وصرخت من غير حس: طلبتك اعطني فرصه عشان اقدر اطلع الحقيقه أسامه نزل المسدس ورفع يده و مسك كتفها ولفها بقوه ...ماحست إلا بالكف الي طبع على خدها تحس خدها تخدر من قوته ... قفلت عيونها بألم بس الحمدلله الي جاها كف ولا رصاصه قال بعصبيه : أعطيك فرصه وتطلعي الحقيقه وانتي آلحين بتشردي معاه في هالليل هاا وبصرخه أعلى لاتقولي الحين مظلومه بعد أكيد ينتظرك صح أكيد بس اخلص عليه قبلك واحرق قلبك عليه يال*****..ودفها عن طريقه وفتح باب الشقه ونزل مثل المجنون .. عشان يشوف رائد اللي ينتظرها وهي حضرتها بتهرب معه ...خلاص والله اليوم إلا يبرد قلبه ...فيهم ريوف أول ماشافته فتح باب الشقه وطلع . مجنونه لو تجلس دقيقه وحده عنده خلاص وصلت فيه يرفع المسدس عليها ..لا هذي مافيها كلام تهرب أحسن لها الروح غاليه مستحيل تجلس له دقيقه ....بسرعة طلعت ... بس تذكرت انه تحت وبيكشفها ..بتهور طلعت للسطح ... تنتظره لما يرجع الشقه وبعد النور يطلع وهذاك الوقت بتأخذ لموزين وبتروح لبيت أبوها واخوها غصب بيتحملها وبعد عندها أمل انه بيصدقها ...وبيشفق على حالها افضل من هالقاسي ..حست بخوف ..يوم جلست على الطوبه المحذوفه على جنب وهي تناظر يمين ويسار خايفه ...يآربي المكان موحش ماغير خزانات المويا ...وصحون الدش ...والدينا ظلمه بعد تكورت على حالها وهي ترجف ..من خوفها ...يآرب هونها علي ....لازم تقوي حالها شوي ..وكلها ساعات ويطلع النور..وبتروح لمصيرها الي متأكده ...انه ماراح يكون أحسن من حالها الحين. ...بس وكاد أخوها يحن ويحس فيها... ويطلع أفضل من الحجر ....ذا اللي انرمت عليه لسى ماهي مصدقه انها باقي حيه كل ماتذكر المسدس كيف مصوبه عليها جسمها يرجف كله مجنون والله تأكدت آلحين ..بعد انه خلاص بايع حياته وحياتها ... عند أسامه اللي طلع وماشاف أحد أبد واقف عند باب العمارة ...رجع بسرعة وهو يتوعد فيها والله لا يربيها من أول وجديد...ذي المنفلته..آكيد دقت عليه وقالت له يروح ... أول ماقرب من باب الشقه شافه مفتوح على الآخر ومافي حد في الصاله بسرعه رجع للمر... وهو يتلفت حوله كيف طلعت ماشافها باب العمارة واحد .. حس بدمه يثور عليه : أشلون تسوي كذآ ....وكيف تتهرب من عنده ... . عض شفته بقهر ...رجع لشارع .وهو منهبل ...يتلفت بسرعه ماشاف أحد حس حاله منهارعلى الآخر ....ايه والله فضيحته اليوم ليته خلص عليها قبل ماينزل ... عض شفته بقهر... تلفت يمين شمال بعد مافي لها اي أثر. ...حس بفشله ..وهو يشوف جاره وزوجته وبزرانه ...نازلين من السيارة ..ابتعد عن طريقهن ... وهو متفشل ...بسرعة رجع الشقه وأخذ مفتاحه وبيشوف أكيد انها قريبه وراء العماره مابعدت كثير بس أشلون طلعت وهو برا حس حاله بينجن ..وبعد تأكد بنفسه أن رائد ماهو موجود ولا له أثر. يوم طلع ...واكيد مايمديه رجع لها ...حس فعلاً انه صار مجنون من كثر التفكير. ..وين راحت هال******... ركب سيارته وجلس يسوق خفيف ....ويتلفت بس مافي اي أثر.لها والشارع فاضي ... .. حس برأسه .دار ...من كثر مايلف على العمارة . وبيخلي الكل يشك فيه ..رجع ونزل من سيارته ...وهو معصب ...مصيرها.. توقع في يده والله هالمره مايتردد في ذبحها ....دخل العمارة .وهو يتلفت يمين ويسار.كانت هادئه بعد .. ماغير هوو يحوس في هالليل حسبي الله عليك ي ريوف مثل مابهذلتيني كذآ ....وقف وهو محتار اشلون يدخل الشقه ..وهو ماهو عارف وين هجت هالمصيبه ...رفع رأسه للدرج حس بشك معقول راحت لوحدة من الجيران. ..حس بعجز أشلون يعني يجلس يدق على كل الي ساكنين في العمارة . ويسأل حرمه المصون عندهم او لا...حط يده على شعره وهو يفكر وش الدبره في هالبلوه ...حس بشك ليه مايطلع السطح ...وبيشوف يمكن شردت له ...وبسرعه رقى أول درجه ...وهو يحاول مايطلع صوت مايبي ...أحد من الجيران يحس عليه ويقول وش عنده في هالليل في السطح ...حس بأمل يوم شاف باب السطح مفتوح. ..قرب منه ومشى ناحية الخزانات بس مافي لها أثر بعد .. عند ريوف اول ماحست بخطوات. ...حست برعب حقيقي .هي يالله مصدقت والرجال هذاك نزل الحين هذا ...لايكون . سكران ..ولا عنده شيء مخبيه هنا وطالع له ...يمه لو يشوفني وش يسوي فيني. .يآرب احفظني يآرب حست بغلطتها الي سوتها أشلون ..تهورت وطلعت من الشقة. ..والله الذبح فيها حلال آلحين. .. ايه والله حلال ..مدام هي ضيعت حالها الحين يعني ليه ماواجهت مصيرها وخلته يذبحها وماتت وهي حافظه شرفها احسن من واحد الحين سكران يلعب فيها لعب ....حست بحاجه لاسامه يجي ينقذها على خوفها منه بس والله تمنته الحين يمها حتى لو يذبحها بس يجي يفكها من هالرجال اللي صوت خطواته تقرب منها .. تكورت على حالها يوم حست انه خلاص قرب أكيد منها بسرعة سحبت بلوكه صغيره بس اخخ طاحت من يدها وطلعت ...صوت ... قفلت عيونها بخوف ...آه آه وش سوت .. عند أسامه بسرعة لف لجهة الصوت ..وقرب بسرعة ...شافها قدامه متكوره ومنزله رأسها بين رجولها قال بعصبيه: حددتي مصيرك اليوم ريوف رفعت رأسها ...بفرحه ماهمها وش يقول او ايش يسوي فيها اهم شيء انه اسامه ماهو حد ثاني ...وقفت بسرعه وهي تمسك فيها بفرحه حست براحه على صدره ... اسامه اللي انصدم من ردة فعلها .. توقع شيء ثاني أقل شيء ترجع تحاول تفلت منه ماهو تمسك فيه كذا ... عقد حواجبه وهو يبعدها عنه وقال بتهديد: والله لو ايش اليوم محد يمنعني عن الي بسويه ...وبحقد لفيتي رأسي يال***** ريوف ناظرته وهي لسى فرحانه ...قالت : والله على الخوف الي عشته لو هو رجآل غيرك دخل السطح ماهمني وش تعمل فيني والحين جزاي والله وأقل بعد الي بتسويه فيني على العمله الي سويتها صوب سلاحك مافي حد بيردك اليوم أسامه صغر عيونه ...من الحكي الي تقوله قال بقهر : الحين مسويه تتدهنين سيري اوك أمشي بس ومسكها بعنف من عند كتوفها ...وبصرخه قدامي ي ل****** ريوف عارفة انه معصب ومن حقه بعد ..بس والله ماهي خايفه يسوي الي يبي ...بس اهم شيء محدن غريب..لعب في حسبتها حست بألم من مسكته لها ...حاولت تحرك كفها عشان يحس انه شاد عليها بقوه بس لا ماغير زاد عليها ....كتمت صرخه كانت بتطلع منها ..وبذات يوم همس لها: حسابك بيكون عسير صدقيني .... دخلوو الشقه..بسرعة لفها له وناظرها ..احتار وش يسوي فيها وكيف يبرد قلبه...حس بقلبه حن عليها يوم شاف يده كيف معلمه على خدها ...قال بهمس : مالي مزاج الحين بعد الدوخه الي دوختيني بس صدقيني والله الي رفع سبع سموات ماتعدي هالحركه وبسرعه ...سحبها معه للغرفة الفاضيه حاول في الباب يفتح بس تذكر انه قفلها بسرعة مد يده وأخذ مفاتيحه الي في باب الشقه وقرب منها مره ثانيه ... مستغرب هالهدوء قال بصرخه وهو يسحبها بعنف: هنا مكانك من اليوم ورايح مدام هذي علومك ي مسودة الوجههه وقفل عليها ...بالمفتاح ريوف تلفت يمين يسار في الغرفه الفاضيه. وهي باقي ماهي مصدقه يعني خلاص ماراح يذبحها والله يوم دخلت باب الشقه توقعت على طول تسمع صوت الرصاص وروحها تطلع ....رجعت تلفتت يمين ويسار في الغرفة هالعقاب ولا شيء من الي كنت منتظرته ..جلست في الزاوية وهي تحمد الله ...انه حكم عقله شوي ..هالمرة ..تنهدت براحه وباقي ماهي مصدقه انها باقي حيه مع الي مرت فيه ... حست بحر ..وكتمه ...ناظرت الغرفة أبد مافيها تكيف... ناظرت جهة التسليك حق التكيف بهمس كله عجزمايركب تكيف ولا على قرادة حظي ... .... فكت العبايه ...وهي تتأمل يجيها شويه هواء .... بس وين الغرفة حارة مره ...فرشت العبايه وتمدتت وهي تحاول تقفل عيونها وتنام ...بس وين تنام في هالحر ...آه ضروري تتهور وتسوي اللي سوته يعني ...دايم توقع حالها معه .... غبية غبية بقوة بعد ....هييي وين وهالبهذله وين ...بس كل ماتذكر المسدس و خوفها يوم هي في السطح تحمد الله أكثر انه أعطاها عمر ثاني .. ..تقلبت وتقلبت بس وين يجيها نوم ...في ذا الحر ...وبعد الي صارمعاها ...ماهو قليل ... سبحان الله على حظها ايام البرد توها منتهيه .. عند أسامه اللي متمدد على الكنبه المقابله ...للغرفة .... جالس يفكر ...في ضمتها له. . أول ماشافته و كلامها الي قالته له ...صدق مثل خبثها ماشاف ..عض شفته يوم سمع باب الغرفة يطق قال بصرخه: ي بنت الناس اشتري عمرك اليوم والله شوي واجن وافضي سلاحي فيك مدام ربي سلمك انثبري لا اسمع لك صوت ... ريوف بقهر: تكفى شوف لك عقاب ثاني بس ارحمني من هالحر والله شوي واطق .. ...تذكر ان الغرفة مافيها تكيف ..ابتسم بخبث .. عز الطلب....قفل عيونه وهو مطنش دقها و مبسوط .حده..على الي هي فيه وكاد قلبه يبرد شوي ... ..آه هالليله كانت صعبه عليه حيل ....وهذا قليل اللي يصير فيها ..تذكر أنه كان بيضع حاله عشانها ..تعوذ من إبليس واستغفر ربه ...على اللي كان بيسويه ..بس والله العيشه معاها صعبه لازم يشوف حل ..ومايورط حاله أكثر...والله عارف حاله لو جلست معه أكثر هي مصيرها القبر وهو السجن ... | ||||||||
|
| |
|
27-09-16, 03:26 PM
| #576 | ||||||||
| مراقبة عامة ومشرفة منتدى الروايات المنقولة
| طلع من البيت وهو متضايق دق على عبد الرحمن : تخاوني نفلها بكم حركه عبدالرحمن بصوت ثقيل : اكيد مخبول بالليل تفحط صدق سامي يوم قال انك فاهم السالفة غلط قال بغيض منه مايدري انه آخريوم فيه بيركب الموتر :أقول بلى فلسفه أمرك تروح معي ولا انثبر كمل نومك ي الدب عبدالرحمن بطفش : لا تعال وبسرعه ترا العشى على حسابك سمير بسخريه : ابشر بعزك عبد الرحمن بشك : اسمع اطلب عشان نجي وهو جاهز عشان ماتجلس تدور أعذار اعرفك بخيل سمير بقهر منه جالس يضيع وقته: أقول اطلع بس انا عند بابك عبد الرحمن قفل وقام بسرعه غير لبسه وطلع له. .. أول ماركب السيارة : سلام سمير بجمود: عليكم السلام عبد الرحمن : خير خير ي الأخو تكلمني بطرف خشمك ترا أنت الي عازمني والله لا أنزل الحين مدام هذي علومك سمير ابتسم على جنب بدون نفس : وش مسوي الحين عشان ذا كله .و ماعليك الحين نرضيك بس لاتنسى التعزيز عبدالرحمن ضحك بصوت عالي:وش تعزيزه الحين أنت مصدق ان به حد موجود في الساحة هالوقت عشان اعزز لك غبي والله وبعدين خلوو ...الغيرة من سامي أنت وخويك رويد تبطون عظم ماتوصلون له ولحد يمسك الموتر مثل الكنق صرخ بقهر:لا تجيب سيرة رائد الكلب وبعدين ماهو بخوييي ذا نذل بس مصيره يلقى جزاه الخايس عبدالرحمن الحين تأكد ان سمير به بلى ...وطلعته الحين وحركاته تأكد له الشي. ..صرخ أول مالف بالسيارة بقوه : يالمجنون وش تسوي ماهو كذا التفحيط وبعدين لو تبي حد يفزع لك عند رويد كلم سامي والله يحوس خشته اماانا من الحين أقولك أبد أبد ماهو يمه ولا يم مشاكله نزلني حبيبي دقيت الباب الغلط سمير قال بقهر : والله ودي اسوي هالحركه من زمان وماعندي وقت عشان احقق هالشيء إلا الحين وبعدين الخايس رويد مابي حد يفزع معي بنفسي بصفي حسابي معه ويوم دقيت عليك ابي حد يخاويني لاني ضايق لحالي عبدالرحمن بشك : ياليل وش الي ربكني مع واحد مجنون مثلك وبعدين وش بينك وبينه أذكركم حبايب سمير صرخ وهو يسرع في السيارة بقوه : مالك دخل ولعاد تجيب لي سيرته أبد ويالله انزل مدام تبي تنزل وفكنا .. عبدالرحمن صرخ بخوف: يآربي وش الي طلعني معك وينك ي سامي اللي والواحد يركب معك وهو واثق وصرخ بقوه بشويش وقف السياره الله يأخذك سميروقف السيارة ورجع رأسه على الطاره وقال بحسره: سامي والله اني ضيعته بسبب هالزفت عبد الرحمن بقهر :اقول سمير لا تكذب علي وتسوي نفسك مسكين وان رويد هوو الي لعب بعقلك وقال نتهمه وأنت تشهد معي تراك تلفف بلد بحالها بحقارتك سمير قال بصدق: والله لو غيرك ي الدحمي كان ردي بيكون غير عليه على هالكلمه قلتها وفي موضوع سامي في ذي انك صادق وانا اللي لعبت بعقل رائد عشان انتقم منه هالسامي كل مره يضحك علي ومسوي فيها ومافي فرصه افضل كان غير اشهد مع رائد... عبدالرحمن بقهر وهو منفعل: ليه الحين جاي تقول كذا يوم انسجن ظلم مافتحت فمك ي الجبان سمير قال بحزن: خلاص ها السالفه انتهت ورائد تنازل عن حقه وطلعه ..وربي خذ حقه مني ومن رائد عبدالرحمن بقهر: مين الي طلعه رائد ولا قصدك أخوه العسكري الي لم السالفه الا كان باقي مسجون لما الحين سمير بضيق حرك السيارة وحركها وقال بقهر: خلاص ي الدحمي تكفى تسكت واسرع بقوه وهو ضايق وندم انه دق عليه عبد الرحمن صرخ بخوف : سمير اعقل وسوق زين وصرخ أكثر بخوف ماهو كذا انتبهه ي الغبي سمير :وش فيك اليوم خايف ادري فيك بطل ولا بطل وانت مع الكنق إلا وينه معاد يفحط اشوفه عبدالرحمن ناظر الطريق برعب وهو ندمان انه ركب معاه قال بقهر منه : عقل من يوم ما صار آب يقول مايبي يضيع بنته وهو صادق والله وانا اليوم الي بضيع الله يأخذك سمير ابتسم : ما شاءالله صار اب من متى هالرجال تزوج وخلف محد درى عنه عبد الرحمن : لا انضل الرجال احسن سمير ابتسم : لا ربي يرزقه وصدقني ربي خذ حقه منا شوفه مرتاح وحنا واحد رايح لقبره واحد رايح للسجن عبدالرحمن قال بصدمه: وش تقول أنت وعن مين تتكلم سمير : ماقول شي انبسط حبيبي وبسرعه لف بقوه وه يصرخ عبد الرحمن صرخ بصوت عالي:سمير انتبهههه الله يأخذك بتضيعنا ... وقف السياره سمير وقف السيارة وقال بحقد: تتوقع اقدر بكرة اوصل له عبد الرحمن بسرعة نزل وهو معصب : توصل لمين ي المريض جالس موسوس بي من وقت ماطلعت معك سمير بضيق : ولا شيء امش اركب اوصلك البيت ولا الاستراحة عبد الرحمن : انقلع مابي اركب معك سمير : اقولك ي رجآل اركب والله معاد اسرع عبد الرحمن دق على اخوياه كلهم بعيدين عن موقعه زفر بقهر وركب وهو يتحلف فيه : وصلني الاستراحه الله لا يبارك فيك غبي يوم طلعت معك سمير ابتسم وباله بعيد ...وده يجي يوم العرس بسرعة ويبرد قلبه المحروق ... . اليوم الثاني ،، ،، ،، في المستشفى ،، ،، من امس مانامت وطول الوقت تصيح .. حست بيد على كتفها وبهمس: يمه مايصير كذا الحمدلله ولدك الحين ان شاءالله أحسن وفي غرفة الملاحظه عشان ينتبهن له مفروض تفرحي والدكتور طمنا انه مايحتاج عمليه وقومي صلي لربك ركعتين أفضل من هالصياح .. مسحت دموعها وقالت بحزن عليه: يمه انا تسببت فيه هاوشته وتخرع وطاح وصاحت أكثر يوم تخيلت شكله وهو يطيح قدامها هزت رأسها مستحيل ارتاح لما اشوفه قدامي يتكلم .. ام خالد بهدوء: مكتوب عليه يمه وامشي آلحين خلينا نروح البيت نغير ملابسنا وتأكلي لك شيء ... قالت بسرعه: والله مافارق لما يطلع من هنا ... ام خالد بتقول شيء بس سكتت يوم شافت الدكتور جاي يمهم وقال بأبتسامه :اطمنكم بننقله لغرفة التنويم ونتابع حالته وان شاء الله كلها أسبوع ويطلع منيره بفرحه : الحمدلله لك يآرب الحمدلله وسكتت يوم شافت ناصر جاي يمهم ... ناصر بتعب : السلام عليكم ام خالد وهي تطمنه: هلا يمه ابشرك الدكتور الحين طمنا ... وبينقله لغرفة التنويم .. ناصر من الفرحه سجد لربه وهو يحمده ويشكره ..: الحمدلله يآرب ناظر ناحية منيره وقال بجمود وهو يناظر اخوها الي جاي وفي يده فطور : الحين خلاص ارجعي مع أخوك وامك وانا بترقد معه منيره بعصبيه: وشهوو والله ماطلع من هنا إلا رجلي على رجله ذا ولدي فاهم ماهو ولد الجيران عشان تقولها بهالسهوله وناظرت اخوها الي عصب عليها : أقول اقطعي هالسان ولا عرفت لك الحين ناصر قال بحده وهو يناظر اخوها :خذها وروح فيها منيره بعصبيه أكثر : والله على موتي ما اتحرك من هنا واللي فيها فيها اليوم وأشوف واحد فيكم يقدر يخليني أطلع من هنا ام خالد بسرعة قربت منها وهي تهدي فيها لا يعصب أخوها أكثر والله ماغير يضربها قدام الخلق تعرفه عصبي ومايقدر يمسك أعصابه ناظرت ناصر وهي متأكده إنه أعقل من عيالها بواجد :شوف يمه مابي احرمك من ولدك او امنعك تترقد معه بس والله لو جيت للحق أمه تعرف له أكثر وبعد هي ام أشلون تقول لها كذا صعب تخليه وترجع البيت ناصر بزعل:صدقيني ماراح اقصر معه واللي بتسويه له بسويه له انا وازود وبعد بنتبهه له قالها دقه لها منيره وهي تصيح: آلحين يقال انا المفهيه اللي مانتبهت له ام خالد بزعل: مكتوب يمه يصير كذا فيه وأنت عاقل ي ناصر خابرتك ناصر سكت يوم شافهم يجرون كرسي سلطان يطلعونه من غرفة الملاحظه بسرعه قرب منهم ونزل حاله وسلم عليه وهو نايم منيره بعد بسرعه ركضت يمه ونزلت نفسها وهي تصيح : يمه سلطان ..رد علي حست بيده تسحبها رفعت رأسها افتكرت ناصر بس شافت أخوها الي ضمها بسرعه وهو يهدي عليها وبهمس: تطمني لو فيه شي ماطلعوه وبعدين مفروض تنبسطي وهم مطلعينه لغرفة التنويم ... منيره بخوف : ليه مايفتح عينونه طيب السستر : ماما مافي خوف هو فيه نوم بس بعدها دخلوه الغرفة ونقلوه على السرير... منيره جلست يمه وهي تصيح: يمه سلطان افتح عيونك بس طمني تكفى والله أخذ لك الي تبي ... ناصر بضيق : خليه يرتاح مدام انه نايم وش فيك ماتفهمين كذآ منيره رفعت رأسه له وقالت بغصه: والله ان قلبك ملهوف أكثر مني عشان تشوفه يناظرنا ويكلمنا مثل أول ناصر عض شفته وبحزن: ان شاءالله يتعافى ويرجع مثل أول خليه بس يرتاح الحين وروحي مع أخوك وامك وتعالي وقت الزيارة شوفيه منيره رفعت يدها واشرت على الباب: روح أنت وتعال وقت الزيارة اما أنا والله مثل قلت رجلي على رجله وقربت منه وتمددت وضمته لصدرها واعطتهم ظهرها وهي تردد: اشوف حد يقدر يطلعني من عنده ناصر فتح عينه بصدمه من الحركه ومن كلمتها الأخيره حتى في ذي تعاند ...هز رأسه بعجز وناظر أخوها وأمها وهو منحرج بس لازم يكبر عقله شوي ويصير أحسن منها ... حسون سحب امه وهمس لها: يمه امشي وهم يتفاهمووا ..مع بعضهم ام خالد بقلق: اخلي أختك حسون: لا تخلينها روحي جيبي اغراض لها وتعالي اجلسي يمها وبنفسي بوصلك قال كذا يبي يخليهم لوحدهم عنده آمل يتفاهموون. انسحبوو بهدوء .. قال بعد مافضيت الغرفة : ي بنت الناس مافيني اخلي ولدي عندك قلبها قرصها من كلمته يعني الحين بيمسكها عليها عذر بس تظاهرت انه الكلام الي قاله مايهمها وببرود : أنت لسى باقي افتكرتك رحت معاهم .. ناصر قرب من السرير ونزل نفسة شوي وباس ولده أكثر من مره ورفع رأسه ناظر عيونها وقال بهمس : بروح وقلبي ماهو مطمن .. منيره عضت شفتها ووهمست: الله يعينك ناصر رفع نفسه ..وأعطاها ظهره .. بس وقف يوم قالت : روح خذ ريماس عندك عشان ماتجلس تبكي وانا ماهو فيه اعرفها مستحيل تسكت وهي ماتشوفني او تشوفك ناصرمن غير مايلتفت لها وبجمود: ان شاءالله وطلع من عندها ... وهي انهارت تبكي ضمت ولدها وهي تحمد الله انه لسى باقي بين يدينها كل ماتذكر المنظر اللي كان عليه قفلت عيونها تبي تنسى شوي ......أستغربت من انسحاب أمها من غير ماتقول شيء وابتسمت بسخريه يوم فهمت حركة امها وأخوها... الله الحين يعني بنرضى على بعض... موكنه من ساعه محملني المسؤوليه ...عضت شفتها يوم تذكرت كلام عمها...ابو رجلها امس يوم جاا فرق كبير بين كلامه وكلام خالتها يوم جت ..ي هوو يبرد القلب سبحت الجوال وهي تبي تطمنها على سلطان ... بس حزنت حيل من كلام شوق...يوم تقول امها تعبانه من وقت مارجعت من المستشفى....الله يستر لا تنتكس ،، ،، ،، ،، ،، بيت ابو أسامه عند ..رائد الي ..لسى ماهو مستوعب رسالة اسامه امس ..ي هوو عصب وتنرفزحده ...الحين يرسل له ..ليه وده يعرف...وآه يحس بتأنيب ضمير لانه فتح الباب بس والله بدون قصد يوم سمع صوت اسامه عالي افتكر فيه شيء. ..بس انصدم من الي كانت مقابله له يوم تأكد... انها ماهي لطيفه ...رجع بسرعة ... تذكر ملامحها ي هي جميله بشكل ...توقعها تشبهه أخوها... بس طلعت غير ...والله لو انا مكان اسامه احطها فوق الرأس ذي على الأقل عشان جمالها ...هز رأسه يبعدها عن تفكيره ...اقول رويد وش بك اليوم بتزوج اسيل ..وانت جالس تفكر في اخت الفقران أسامه ...بس والله انها صاروخ ...حس بغباء يوم رفض يتزوجها ...تعوذ من إبليس وش يقول وش يفكر فيه ..جالس الله يقلعك ي اسامه من كثر ماصرت تشك فيني خليتني اوسوس ....وقف وهو معصب من نفسه لا لا أكيد انهبلت ....يعني آلحين...بدل مايثبت له انه غلطان... في حقي وحقها... واقف معاها واخليه يعرف قد آيش هي مظلومه أكثر منه اقوم أفكر كذآ هز رأسه .. وهو يبعدها عن تفكيرة يآرب أغفر لي.. يحس بنقص في رجولته.. وهو يفكر في زوجة أخوه ..مهما كان هذي بعد تنحسب عليهم صارت ومفروض يعدها أخت ويدافع عنها وعن الي يتعرض لها بسوء ...وقف وهو لسى عتبان على حاله ...ايه هو قهره تزوج الي يبيها ..بس انه يتحسر ويفكر في وحدة على ذمته لا هذي صعبه ونقص في رجولته بعد .طلع من غرفته. ...شاف في وجهه لطيفه قال بضحكه : يعني كل ماطلع اشوف حد بوجهي لطيفه ببرود : مين شفت غيري يعني رائد تذكر وجهاا هز رأسه وهو يتعوذ خير خير اليوم وش فيه حالف مايطلعها يعني من راسه ولا وش السالفه من توو وش قايل أعوذ بالله منك ي ابليس قال بقهرمن تهوره وتفكيره الشين : ماغير خشتك ذي الخايسة. .. لطيفه نزلت معه وقالت بسخريه وهي ناويه تقهره: أفضل شيء ان خطيبتك رافضه تسوي ملكه كبيرة وبعد شوق تقول رافضة تطلع لك قال آيش مره وحده للعرس والله من زين الخشه يقال تثيقل رائد تذكر أسيل قال بأبتسامه : فديتها وفديت طاريها خليها تسوي اللي تبي وش دخلك فيها عادي مستعد انتظر سنه وش حارك فيه ي حبي لها والله ولسيرتها لطيفه بقهر: لا البنت مأخذ علقلكم كلكم ودي اعرف وش فيها زود واحد القهر باين عليه لدرجه معصب على الكل والثاني طايح لشوشته عندها والله ان مافيها زود ي الأغبياء رائد فهم قصدها قال بعصبيه وهو يمسك كتفها بقوه : تكلمي عني بس ماهو ضروري تجمعي حد معي ولا اسمع هالكلمه مره ثانيه أخذ عمرك أسيل لرائد بس فاهمه والله ثم والله لو سمعتك اسم أسامه م اسيل أخذ عمرك لطيفه بألم : انقلع أنت وهي وفكني أحسن لك رائد بحده :ايه بفككك بس والله هالمره أخذ عمرك فاهمه لو اسمعك تقولي كذا مرة ثانية ... نزل معصب ...يحس بقهر رجعت له بسرعة توه وهو يفكر في زوجة أخوه. .والحين الزفته ذي شبكت أسامه في اسيل وذكرته انها حبيبته .. صدق ربي مايرضى و رجعت الدقه له بسرعة...حس بقهر اشلون اسامه أجل .. وعصب زود يوم تذكر كلام لطيفه يوم قالت ماتبي تطلع له ...اشلون يعني هو من امس مانام يعد الساعات والدقايق تقوم تحرمه ...من شوفتها ...لا أكيد لطيفه تكذب ..وبعربجه صرخ:أقول من كثر ماهو حابه هالزواجه تتم جالسه تألفي وتهايطي على رأسي ... بشوفها اليوم يعني بشوفها وموتي بحرتك ي الحسوده لطيفه سمعته قالت بسخريه وهي تجلس على الكنبه: نشوف هالدلوعه وش يطلع منها وكلها ساعات وتشوف العجب بنفسك رائد رجع لها وقال وهو يقهرها: ايه والله ماذبحك إلا دلعها وبعدين يالخبله البنت حلاها بدلعها ماهو مثلك شوفي كيف رجلك جاطللك عندنا من مبطي علامه لا يكون كرشك وجالس جنب اخت المدام من حقه الدلع انخلق لهن بنات جاسم ومن حقه يبلط عندها لطيفه بقهرصرخت بعصبيه: رائد انقلع الله يأخذك أنت واخت المدام رائد ضحك بصوت عالي : واحد صفر لطيفه ندمت انها نزلت معه .قالت بقهر: صادق اسامه يوم قال انك خبيث رائد بسخريه : اخس الضباط قايل عني كذا لا بحق والله أقول فارقي خليني أكل لي كم لقمه واروح اتجهز للحب لطيفه ناظرت شكل اخوها هذا العربجي وش يجهزه قالت بسخريه : والله على كرهي لدلع خطيبتك بس والله رحمتها حرام انها تنرمي على واحد مثلك ي خي مابك شيء زين رائد ببرود: الرجآل مخابر .... لطيفه رفعت يدها وقالت: روح روح بس شوف لك صرفه اليوم لازم يطلع شكلك شوي ينبلع ولا بتنصدم الدلوعه قالتها وهي تقلد صوتها المايع ياياي حرام ي بابا ليش تكرهني كدا بليتني في هذا الرجال سوفاج طلقني منه مابيه رائد صرخ وهو يقفز لفوق: ي ويلي على هاالصوت قولي والله انها تحكي كذآ اروح ملح انا لطيفه بشمزاز : يآربي حتى الللفاظ زينه ماااهي عندك وش ملحه ي الغبي وبعد ليه فرحان أقولك تبي تخلعك صدقني رائد : مالك دخل وبعدين وش يعرفك في الرمانسية أنتِ روحي بس اطلعي الحوش وناظري للسماء وكاد طيارة تمر وتفتكري وليد فيها ويبرد قلبك شوي ... انه بعيد عن اخت المدام لطيفه بعجز صرخت: رائد براااا والله ماتفطر معي رائد ضحك وطلع وركب سيارته ...فعلا لازم اليوم يشوف صرفه يضبط فيها خشته ناظر وجهه في المرايا ..الله يسامحك يبه ضروري اطلع مثلك ... ،، ،، ،، ،، في بيت ابو راجح ،، ،، جالسة تنتظر أبوها عندها أمل يرجع ...قبل الأسبوع الي قاله بس وين شكله أبد ماهو يمها ولا يفكر فيها بعد ..زفرت بضيق . ...ودها تتكلم مع أحد يشوف لها حل ...فيها تلبس عبايتها وتروح له ..البيت بس خايفة يطردها ....إيه لازم تروح والي فيها فيها ... وقفت بتعب وهي تحس بدوخه وتعب ..وبطنها يتقطع تقطيع عليها .تحس حالها متبهذله ماكملت الاسبوع والده ويصير فيها كذا ..بس فكرت انها مستحيل تخليها له والله ماغير تعيش بحسرتها .. وقفت بعجز كيف تروح له ايه تركب لموزين ... بس لحالها صعبه وبعد خايفة ... جلست بتعب ..على الكنبه ...ماتدري وش تسوي. ... تذكرت فاديه صديقتها ...بسرعة دقت عليها ... فرحت يوم سمعت صوتها : الوو قالت بصوت تعبان حيل : الووو فاديه تكفين بطلب منك طلب ... فاديه :ابشري والله غلا برجى: تكفين تدبري لي سيارة تكفين كلمي السواق وتعالي معه ...ابيك تروحي معي مشوار فاديه مستغربه : ابشري بس وين مشوارك طيب غلا قفلت عيونها بألم : بعدين أقولك الحين بسرعة كلمي السواق وبسرعه بسرعة تعالي تكفين والله ماراح أنسى لك هالجميل.... فاديه : ان شاءالله مسافة السكه غلا بلهفه :مشكورة حبيبتي قفلت من عند فاديه وهي ماهي مصدقة انها بتشوف بنتها ومجنونه لو رجعت البيت بدونها والله لا تأخذها غصب عن خشته الخايس...تحس بكرهه له أكثر من أول...حرق قلبها وقفت غصب عنها من ألم بطنها ودها تعرف وش قصة هالمغص ملازمها من وقت ماولدت .حست . بدوخه ..مشت للمطبخ وأخذت لها عصير وشربته وهي متأمله تتقوى شوي ..طلعت وهي تسمع جوالها يرن قربت منه شافت رقم فاديه. أخذته ..وبسرعة لبست العبايه ...وطلعت من غير ماترد عليها وركبت السيارة ...وهي ترد السلام على فاديه .... وسكتت متوتره وحالتها حالة وتحس جسمها كل يصبصب عرق ... ...حست بهمس فاديه ناظرتها : وين تبي تروحي اعطي السواق العنوان .. : ان شاءالله وهي متوتره قالت لهم العنوان فادية شكت فيها انها ماهي طبيعيه قالت بقلق: غلا حبيبتي فيك شيء تحسي بتعب غلا :لا لا بس انتي عارفه ولدت واحس بشويه مغص فادية فتحت عينها بصدمه وهي تنزل عيونها لبطنها :من جد ماشاءالله وليه ماقلتي لي .. غلا سكتت ماقدرت وش تقول لها فاديه قالت وهي تحس فيها منحرجه: ماعليه حبيبتي ومبروك ماجاك ي العصلا لأن بطنك مابرز وقت الحمل مانتبهت انك ولدتي غلا هزت رأسها بدون صوت وهي متوترة حدها طول الطريق وهي تفرك يدينها في بعض ...أول ماوصولوا ناظرت فاديه وقالت بسرعة: مشكورة حبيبتي وخلاص الله يستر عليكم فاديه قالت بهمس: ماحبيت اسألك وين رايحه بس والله قلبي ماهو مطمن وبعدين ولادة وتطلعي كذا مدري كيف والله ماقدرت ابلعها وبعد بنتك ماشوفها معك .قولي لي وريحي قلبي وين رايحه غلا بتوتر بلعت ريقها : لا ي قلبي لا تقلقي عليه انا بخير وبعد ولدت لي حول الشهر عادي اطلع يعني وبكذب أكثر وبنتي عند عمتها بدريه خليتها في بيت أبوي فادية بشك: طيب جايه هنا ليه غلا هزت رأسها مستحيل تقول لها شيء مدت يدها وقالت وهي تطمنها : جايه شقتي ابي اسوي مفاجأة لزوجي جاي من السفر ...وابي ارتب الشقه قبل يجي وعشان كذا خليت النونو عند عمتها وبكذب تعرفي سواليف الحريم فاديه عقدت حواجبها: يعني هذي شقتك غلا:ايه شقتي وكنت بيت ابوي عشان الولادة وبعد سامي مسافر فاديه مافيها عاد تحكي ....ماتبي تحرجها أكثر بس والله ماهي مطمنه توتر غلا مايقول هذي جايه تسوي مفاجاه لزوجها قالت بهمس : الله يسعدك حبيبتي بس انا اشوف مدام انك تعبانه كذا كان خليتيه يجي هو لك وجيتو ..مع بعض لللشقه غلا بغصه: لا تخافي كلها ساعه ويوصل ان شاءالله فاديه بقلق:طيب أنزل اساعدك غلا قفلت عيونها بصبر: ي قلبي ماله داعي و مشكوره حبيبتي روحي البيت قبل ابوك مايعصب فاديه هزت رأسه بعدم رضى بس مافيها تحرجها زود غلا نزلت من السيارة ..واتجهت لشقه وهي تمشي غصب عنها بس قلبها مذبوح على بنتها ولازم تصبر على كل التعب الي تحس فيه ...أول ماوصلت قدام الباب حست بيدها ترجف وهي تمدها عشان تدق الباب ...بس هي صاحبة حق وشهوله تخاف. .مدت يدها بشجاعه للمرة الثانية .ودقت الجرس ..قفلت عيونها وهي تسمع صوت بدريه تقول مين ...قالت بتوتر :....... كتتتتتتتتتتتتت نوني بنت الجنوب استودعتكم الله الذي لا تضيع ودائعه سبحان الله وبحمده سبحان الله العظيم ،، ،، " الوتر أحبتي " ،، ،، ((ولا تنسوا أمي حبيبة قلبي من دعائكم رحمك الله يامن اوجعني فراقك )) | ||||||||
|
| |
|
30-09-16, 07:06 AM
| #577 | ||||||||
| مراقبة عامة ومشرفة منتدى الروايات المنقولة
| السلام عليكم ورحمة الله وبركاته كيفكم حبايبي عساكم في أحسن حال يآرب البآرت يوم السبت ان شاءالله والردود لي عودة لها لبي قلوبكم استودعتكم الله نوني بنت الجنوب | ||||||||
|
| |
|
30-09-16, 05:22 PM
| #578 | ||||||
| فراشة الروايات المنقولة 
| تسلملي يا فيتامين علي مجهودك وتعبك انت والأخت لامارا. تسلمو يارب من كل شر انت تستحقو نيشان برلنت علي كل المجهود. والتعب عشان ترجعو الفصول التمسحت ربنا يبارك لكم في حياتكم وصحتكم يارب | ||||||
|
| |
 |
| أدوات الموضوع | |
| انواع عرض الموضوع | |
|
|
27Likes
.png)
.png)
العرض العادي
