آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
23-09-15, 12:31 AM
| #11 | |||||||||
| نجم روايتي ومشرفة سابقة وفراشة متالقة بعالم الازياء  
|  مراححببب .. • اول شي حبيت اقولكم انو حذفت الانستقرام من عندي لظروف خاصة وكذا .. • ثاني شي مواعيد البارتات حيكون كل سبت بإذن الله .. • ثالث شي غير مرحب بالأصنام اثبتوا وجدوكم بـ { رد } او { توقع } جد جد ابغى تفاعل ابغى ردود و دعم جد ما ابغى احد من خلف الكواليس .. • قراءة ممتعة للجميع .. البـــ[5]ـــارت المرشدة: فاطمه خلااااااااااااااص مريم: انقلعي يا حـ××× يا سـ×××× المديرة سكرت فم مريم وسحبوهم للإدارة والكل منصدم المديرة جلست خلف مكتبها: دحين تفهموني السالفة مريم: لا في سالفة ولا حاجه جهزي ملفي اليوم بكرا بمرك و اخده المديرة وقفت: ايش دا الكلام يا مريم مريم: اللي سمعتيه مالي قعده بمدرسة فيها هادي الاشكال غرام: لاااا حاشاااك المديرة: انتي انجبي مريم: سمعيتني ملفي جهزيه المديرة: افصلهم هما بس خليك انتي و قولو لي ايش اللي صاير المرشدة: مو عدل لازم نعرف ايش صاير فاطمة: هواش بينا و خلصنا المرشدة: منتي بغابة احكو اللي صار المديرة: انا مو صادمني غير فاطمه انتي لك مده ما دخلتي الادارة ايش طاري عليك ؟؟؟ فاطمه: بكيفييي اشتقت لهادي الغرفة المديرة: فااااطمه فاطمه: سمعتيها صح عطيها ملفنا وفكينا المديرة: انتو صديقات من عمر مريم: يلـ××× الساعة اللي عرفت فيها صديقات متل هدولا المديرة: مريم امسكي لسانك .. و ما ابي اسمع ولا صوت مريم: عطييينييي ملفييي المديرة: خلينا نسمع وش اللي صاير بينكم اول غرام: انسي خلااااص لا تحنييين المديرة: انتي ما تعرفين تسكتين ما تقولين الحمد لله هدي البنت ساعدتني و ما خلتني انفصل غرام: والله محد ضربها ع يدها وقالها ساعديني ــ لفت ع مريم ــ طلبت منك مريم: دحين ما عليا من شي عطيني ملفي و ابغا ادق ع اخويا يجيني فاطمه: باللي ما يحفظك المديرة: بسسسس .. استاذة احلام قولي لي اللي صار المرشدة: انا مصدومة من مريم اول مره اشوف منها هالتصرف مريم عدلت شعرها المرشدة: سبتهم وشتمتهم و قامت اعتدت ع فاطمة المديرة: اكيد استفزوها او قالوا لها حاجه المرشدة: لا في بنات كانو شاهدين ع اللي صار و اكدو انو مريم هي اللي بدت المديرة سكتت مريم: ايوه انا اللي بديت اعطيني ملفي المديرة: كلكم راح تاخذون مخالفات ماله داعي الفصل مريم: انا ما انفصل انا انقل من هدي المدرسة المديرة سكتت مريم: ملفي يكون جاهز بكرا وطلعت المديرة ناظرتهم غرام: هي اللي بدت المديرة: اطلعوا برا غرام طلعت مع فاطمة ليان وسونيا نزلوا من الدرج و قابلوا بطريقهم مريم ليان: حقـ××× مريم ناظرتهم باستحقار ومشت غرام و فاطمه راحت كل وحده منهم فصلها وبدت الحصص دخلت مريم فصلها وفتحت الباب بقوة لفت عليها المعلمة بعصبيه مريم راحت مكانها و اخذت شنطتها وناظرت المعلمة: بطلع وحطت ورقت الخروج ع طاولة المعلمة و طلعت بعد ما عطت نظره حاده لغرام و بادلتها غرام بنظرت استهزاء نغم: اشوف الصداقة معك خطيرة وتجيب وجع الراس غرام: دامها كدا حطي لسانك بفمك عشان ما تصيري زيها المعلمة: نغغغممم خلااااص والله راح تطلعي برا نغم سكتت &&& في الجامعة &&& تاج مسكت خصرها بألم رتاج: كليتك تعورك تاج هزت راسها رتاج: تبغي ترجعي البيت تاج: لالا بحاول اتحمل رتاج: لاااا تاج تكفين عمي بهاوشني لو ما قلت له تاج: ما بيعرف خلاص عاد رتاج: لالالالا لازم نكلمه تاج: خلااااص عاد رتوج ما يعورني شي رتاج سكتت: مالي دخل ترا تاج هزت راسها &&& في دار الايتام للبنات &&& مها: لمتى يعني و انتي بس غايبه او مستأذنه كل هدا عشان جوال !! غزل: مها تكفين نفسيتي بخشمي لا تكلميني مها: اصلا هدا الاسبوع كله نفسيتك بخشمك غزل: خلاص تحملوني بقا يومين مها: الله يعين دخلوا البنات بس ساكتين هالمره بدلوا ملابسهم ونزلوا يتغدون بهدوء مياسين: ايشبكم ؟؟ ناظروها مياسين: صاير شي؟ غرام: شريفة شريفة: همم غرام: بنروح انا والبنات اليوم السلام شريفة: ليه غرام: عندنا كم شغله ناقصتنا شريفة: بكرا ما عندكم اختبار ؟ غرام: نو شريفة: ماشي بس الساعه 11 انتو هنا غرام: ماشي مياسين: مين اللي حيروح ؟ ليان: انا وسونيا وفطوم غرام لفت ع غزل: ما حتجين معانا غزل بانزعاج: ما ابغى دخلت مها: يا بنات بنروح اليوم الكورنيش الساعه 9 غرام: لاااا مها: ايش؟ غرام: كنت ابغى اطلع مع البنات المول مها: لالا اجلوها بنطلع اليوم وضروري تحضرون غرام: شالمناسبة يعني مها: خلصنا غرام غرام: اوووففف غزل: ما حروح من دحين اقول مها: عشان خاطري عاد غزل: والله نفسيتي بخشمي مها ناظرت غرام برجاء غرام فهمت عليها: غزيل غزل: خير غرام: تعالي ورايا الغرفة غزل: ما ابغى غرام: انتي الخسرانة وقامت وطلعت غرفتها غزل رمت الملعقة: اكرها وطلعت وراها شيماء: فاطمه فاطمه: ها شيماء: ليه تهاوشتو مع مريم اليوم فاطمه: ادا بتتكلمي عن دي الـ××× بقوم ترا شيماء: خلاص خلاص سكت مياسين: صار شي اليوم؟ الكل سكت سجى: صبر صبر تهاوشتو مع مين هاجر: تهاوشوا مع مريم سجى: مريم مين ؟ سونيا: مريم الـ××× سجى: انتي هييه احترمي نفسك ايش دي الألفاظ مين مريم هدي شيماء: مريم صاحبتهم سجى فتحت فمها: مو من جدكم ليييه؟؟ ليان قامت: بروح انام سجى: خلاص سكت وجع ** في غرفة غرام و فاطمة ** غزل: ايش تبغي غرام: افتحي هداك الصندوق ــ وتأشر ع الصندوق اللي فوق التسريحة ــ غزل: جايبتني لهنا عشان افتح لك صندوق غرام: افتحيييييه غزل راحت بتذمر وفتحت الصندوق وشافت جوالاتها غرام: خديهم خلاص غزل ناظرتها بدهشه: من جدددد غرام هزت راسها غزل اخذت جوالاتها: يا لبيييييييييييييييييه اشتقت لهم راحت وباست خد غرام بسرعه وجت تطلع غرام: غزيل غزل لفت عليها غرام: حتجين ؟ غزل: اكيييييد &&& في فلة بو هاني &&& غلا قامت: ماما تكفييييييييييين ام هاني: لا مو مستعده تتعبي مره تانيه غلا: هااني تكفى كلمها هاني: امي انا بكون معاها وما حخليها تكون بالزحمة وغير كدا معانا البنات ام هاني سكتت غلا برجاء: ماما تكفييييييييين ام هاني: لو صار فيها شي بذمتك هاني: لا توصين حريص غلا قامت: بقوم البس طلعت سريع لجناحها و راحت غرفة التبديل ولبست سريع ونزلت هاني: يلا باس راس امه و ابوه و طلع ولحقته غلا بو هاني: وين تاج ما شفتها اليوم ام هاني: من يوم رجعت من الجامعة دخلت جناحها و ما طلعت بو هاني: بروح اشوفها ام هاني هزت راسها بو هاني راح لجناح تاج و طق الباب ودخل كانت الغرفة هااااااديه وما فيها ولا حركه ناظر السرير كانت تاج تتحرك بو هاني: بابا تاج تاج نزلت البطانيه عن وجها وناظرته و الألم واضح بعيونها بو هاني جلس جنبها بخوف: حبيبتي فيك شي تاج: لا بس شوية ارهاق بو هاني: خلينا نروح المستشفى تاج: بابا ما يحتاج بس شوية ارهاق من الجامعة وكدا بو هاني: اكيد .. طيب نجيب الدكتور تاج: بابا تكفى بو هاني: طيب اخدتي ادويتك ؟؟ تاج: لا بو هاني: ايش هدا لازم تاخدي ادويتك وتهتمي بنفسك تاج سكتت بو هاني: ما تغديتي صح ؟ تاج هزت راسها بو هاني رفع سماعة التلفون وكلم الخادمة: جيبي اكل حق تاج و ادويتها شوي و جت الخدامة ومعاها الأكل الخاص بتاج و حطت ع جنب ادويتها تاج كان باين بوجها التعب و الإرهاق &&& في فلة بو ناصر &&& روان: رانيااااااااااااا يلااااااااااا تأخرنا رنا وهي مستنده ع الباب: انسي هدي رانيا لازم تتأخر بكل شي روان: والله العظيم تفشلني قدامهم رانيا: حشي حشي ما وراك غير الحش روان: اقول امشي و انتي ساكته معاذ وهو طالع الدرج: ع وين انتي وهيا روان: جد ما كان ناقصنا غيرك يالبزر معاذ: بزر بعينك رنا: يا ليييييييل ــ راحت لمعاذ ومسكته ــ حبيبي معاذ لا تأخرهم فكني من ازعاجهم معاذ: طيب وين حيروحو ؟ رانيا: مع غلا معاذ: طيب لا تطولون روان و رانيا ناظروه ! رنا ماتت ضحك: اقول انقلع قبل لا يدبحوك روان: يلا سي يو &&& في دار الايتام للبنات &&& كان الكل متجمع عدا غزل وشيماء << يحشون طبعا مها: اللي ما جاب لغزل هدية يجيبها دحين السواق برا ساعتين وترجعو غرام حطت رجل ع رجل: انا اديتها هديتها من اول مها: ايش هيا غرام: جوالها مها: ههههههههههههههههه هدا جوالها جد جد ادا ما جبتي لها روحي دحين غرام: امزح هديتها جاهزة من اسبوع بس لسا ما غلفتها سجى: انا رايحه دحين هاتي هديتك اوديها معايا اغلفها غرام: شوفيها داخل درجي الاول اللي جنب السرير الكيسه حقته اسود و ابيض سجى: طيب طلعت سجى سونيا وهي تفكر: احلا هدية بتكون مني ــ و ابتسمت بشرود ــ ليان: ليه بالله بتسفريها برا ولا جبتي لها قصر باسمها؟ سونيا ناظرتها: احلا من هدولا كلهم فاطمه ناظرتها: ايش هيا ؟ سونيا: مفاجأة جواهر: مها ايش جبتي لها قبل ما اروح انا وسجاوي و نشتري مها: جبت لها ميك آب و عزمت زوجات اعمامها هاجر: انا ما حجي اعياد الميلاد حرام مها: طيب نزلت سجى: هدا ــ وترفع الكيس ــ غرام: ايوه جواهر: يلا تشااو وطلعوا &&& في سيارة هاني &&& ثامر: اقول بدال المول اللي حتروحوه ايش رايكم نروح الكورنيش الجو جمييييييييييل غلا: لا انا مواعدة البنات ثامر: ايزي قولي لهم يجون للكورنيش غلا: لالالا ثامر سكت هاني: الشباب في الكورنيش ؟ ثامر: ايوه هاني: خلهم يجون للمول ثامر: ايوه قاعد اقولهم &&& في دار الأيتام للبنات &&& ** في غرفة غزل و شيماء ** شيماء بترجي: غزوول تكفين الا هالطلعة غزل: نوووييي اسبوع كامل ما شفت واحد منهم ولا قدرت اطلع مكان زين اني عايشه لليوم شيماء: زووز غزل: ايش عندك اليوم شيماء: ولا شي بس ابي اقعد معك و اسولف لك غزل: وانا قلت لك لا انا معاكي 24 ساعة وقفت ع كم ساعة بقضيها مع اوس او سليمان شيماء: كل من غروم الـ××× غزل: لا تتكلمين عن غروم ما ارضا شيماء: لا بالله .. وقبل محد يدعي عليها و يسبها غيرك غزل: ههههههههههههههههه قلتيها قبل شيماء: حيـ××× غزل بنقت اوس و سليمان: اول واحد برد بطلع معاه اليوم اوس رد ع طول غزل ضحكت: خلاص اوس شيماء: مجنونه وطلعت شوي ودق اوس غزل بغنج: هلا اوس: اخيييراً افرجت عليك غزل: ههههههههه ايوه نخليهم وننزل لساحة الرياضة .. غرام: مو من جدكم احنا قلنا ما حنحكي بهدا الموضوع فاطمه: بس خلينا نفكر بأكثر من اتجاه ليان: من جد سونيا: يعني فكرو بالعانس شويه غرام: عادي مستحيل تسوي شي لان اهم شي عندها سمعت الدار فاطمه: صادقه سونيا: و البنات ؟! فاطمة: راح يفهمون علينا بعدين ليان: و المدعسة ؟! غرام وهي تطق الكورة بيدها و الأرض: خلصنا عاد مو من جدكم كل هدا براسكم ليان: احتياط فاطمة بسخافة: و انا هجوم غرام رمت الكورة بوجه فاطمة &&& في فلة بو مهند &&& مريم تكلم جوال: ايوه والله ............... حقـ××× ما يستاهلوا اي حاجة سويتها لهم ............. لالالا انتي من جدك انا ادرس مع هدولا ........ يخسون ......... حبيبتي انا مريم صالح .................... هههههههههه خلاص انا راح اساعدك.................. لا عادي ما بينا هالحكي .................. اوك يلا سلام سكرت منها مهند: جوالك اليوم ما سكت مريم تجلس جنبه: صرنا حدث المدعسة مهند: ههههههههههههه مريم: وين بابا مهند: بالعمل مريم: طيب انا حيل نعسانة بنام ولما يجي صحوني عشان اتعشا معاكم محمد دخل: مهند مهند: هلا حبيبي محمد: ماما تعبانة ابغى اروح لها مهند: ايشبها ؟ محمد: مدري ادق عليها ما ترد و خالتي قالت انها تعبانة ــ و امتلت عيونه بالدموع ــ مهند مسكه وقربه له: خلاص حبيبي اهدا راح اوديك لها محمد: صدق ! مهند: ايوه.. يلا روح بدل وبوديك محمد: عادي اروح كدا مهند: لا حبيبي هدي بجامة ما يصير تطلع فيها من البيت محمد هز راسه وراح بسرعة لغرفته مهند لف ع مريم: و انتي كمان قومي البسي بنروح نطمن عليها مريم: مهند اقولك نعسانة ! مهند: عيب مريم كلنا لما نتعب نشوفها اول وحدة عندنا مريم: طيب ما قلت حاجه بس من جد نعسانة مهند: طيب شوي بنزورها و نخلي محمد عندها و نمشي مريم: طيب راحت غرفتها ولبست بلوزة صوف بنيه من كلوي و برمودا كحليه من مايكل كورس و لمت شعرها ذيل حصان وحطت كحل بلاك داخل عيونها و اخذت عبايتها وشنطة كحليه من بارفوا  نزلت سريع وركبت السيارة محمد: ابغى اركب قدام مريم: تعال جلس محمد بحضن مريم وحرك مهند لبيت ام محمد &&& في مطعم بلو آوشن &&& س10:44م دخلوا المطعم غزل كانت مشغولة بجوالها و تطقطق فيه مها: زوز غزل رفعت راسها: ها ــ ناظرت الطاولة بصدمة ــ شسالفة !! زوجة عمها 1 وقفت بابتسامة غزل دمعت عيونها وراحت لها وضمتها زوجة عمها 1 نزلت دموعها وضمتها غزل: اشتقت لكم زوجة عمها1: و احنا اكتر غزل سلمت ع زوجات اعمامها 4 وتعشوا و غزل حدها مستانسه ونست اوس اللي مواعدته ..... الساعة 11:59.... كان الكل يعد وغزل مستغربه البنات: 10-9-8-7-6-5-4-3-2-1 انطفت الأنوار و غزل زاد استغرابها ودخل رجلين شايلين كيكة الكل وقف وقعد يغني عدا غزل : هابي بيرثدي تو يو هابي بيرثدي تو يو هابي بيرثدي تو زوز هابي برثدي تو يو سنه حلوه يا قميل سنه حلوه يا قميل سنه حلوه سنه حلوه سنه حلوه يا زوووز غزل انصدمة ما توقعت لانها نست هاليوم مع انها مع كل سنه تذكر البنات بيوم ميلادها وتنشب لهم بس هالمره ما تدري كيف نست .. طفت الشموع و ولعوا الأنوار الكل سلم عليها و بارك لها و اعطوها هديتها كانت آخر وحدة فيهم سونيا سلمت عليها: كل عام وانتي بخير عقبال 100 سنه غزل: ههههههههه و انتي بخير و ياك يارب سونيا وقفت قبالها: انا هديتي غير ليان: ترا درينا يلا ترا متحمسه لها اكثر من المناسبة نفسها الكل ضحك سونيا: لالا هديتي برا اول شي باخد غزل وبعدين هي ادا تبغى تقولكم تقولكم غزل: شوقتيني يلا خلينا نطلع سونيا طلعت معاها برا وقعدوا يتمشون سونيا: تدرين هدا الأسبوع مين كنت اكلم غزل باستغراب: مين سونيا بابتسامة: الوليد غزل جمدت ملامحها سونيا: ما الومك بحبه صراحة غزل مسكت نفسها لا تبكي: سونيا خلاص خلينا نرجع سونيا: لالالا لازم اوريك هديتي غزل: ما ابغى اشوفها خلاص لا تخلينا نخسر بعض سونيا: خليني اكمل حكيي طيب غزل سكتت سونيا: كلامه كان مررررررره يجنن مرره مره ما توقعته كدا .. تعرفي اول مره حكيته قبل سنتين كان يعرف انو انا سونيا اخت غزل من الدار !! غزل دمعت عيونها وتحاول تسكت سونيا سونيا: ما توقعت انو كان يعرفني .. قالي كنت اعرف انو انتي صاحب هالصوت ولما سألته كيف عرفت .. قالي نسيتي انك كنتي تصلحين بيني وبين غزل غزل حطت يدها ع فمها تمنع شهقاتها سونيا وقفت ولفت عليها: و كان يعرف انو كنت محطيته سبيكر و تسمعينه غزل فتحت عيونها ع وسعهم سونيا: ولما قالي هلا بهالصوت كان متعمد .... جا لهم ووقف قبالهم وقاطعها: عشان ابغاك تنسيني وتكرهيني غزل ناظرته بصدمه الوليد: بس مهما سويت ما نسيتيني ولا كرهتيني ولا قدرت انساك او اكرهك غزل زادت دموعها سونيا ابتسمت و مشت بترجع شافت البنات من بعيد كانوا يلا حقونهم << اللقافة تمشي بدمهم.. الوليد يكمل: مع انك كلمتي بدال واحد الف ما قدرتي تحبي غيري او تنسيني ولا انا قدرت انساك غزل جت بترجع الوليد مسكها: غزل احبك غزل: و انا اكرهك الوليد: ما تقدرين انتي تعشقيني و انا اهيمك غزل نزلت راسها لان كلامه صدق الوليد: احلف لك بأغلى شي بحياتي ان هالسنتين كنت عايشها جسد بلا روح غزل شهقت ما بين دموعها وناظرته الوليد: بفهمك كل شي لاني عارف ان براسك مليون سؤال وسؤال غزل هزت راسها الوليد: بس اللي اقدر اجاوب عليه دحين اني احبك و اعشقك صفق بيده: ليه كلمتيني ادا بتقابلين هدا غزل ناظرت اوس اوس: هه رخيصة .. بخليها لك لانها كانت لعبة بالنسبة لي انا .. و انا ما ارجع اخد اللعبة ادا طاحت من يدي الوليد راح له ومسكه من ياقته: عطيناك اكبر من حجمك ترا اوس دفه عمه وناظر غزل باستهزاء وضحك ومشا الوليد لف عليها غزل ناظرت عيونه الوليد: احلف لك بايش عشان تصدقيني غزل ما ردت عليه الوليد: ايوه صح نسيت .. كل عام و انتي بخير غزل: وانـ-ـت بخـ-ـيـ-ـر ــ وناظرت سونيا ــ الوليد ضحك: كنت مخطط انا وياها انها تقولك كدا ولا تتضايقي منها غزل نزلت راسها الوليد: نسيتي انو هيا الوحيدة اللي كانت تعرف تصلح بينا غزل ضحكت ما بين دموعها الوليد: وانا مالي غنا عن خدماتها غزل مسحت دموعها الوليد: امي بكرا بتدق ع مشرفتك غزل ناظرته بصدمه الوليد: بتخطبك ليا .. بس راح تكون الخطبة الرسمية ببيت عمك و بعد ما تخلصين دراسة بس عاد الجامعة خليها معي غزل ابتسمت الوليد: خواتك بيقعدوا يناظرونا كدا ــ و اشر ع خواتها بعيونه ــ غزل لفت عليهم توها تنتبه لهم و ضحكت الوليد قرب منها وهمس بأذنها: ولهت ع هدي الضحكة غزل انحرجت الله ع الإحراج اول مره من سنتين تنحرج بصدق مشوا وراحوا لخواتها الوليد: اشهدوا علي اني احبها و اعشقها و ما حخليها لغيري من اليوم ورايح غرام جت تتكلم الوليد: تكفين غرام خليني اعيش هاليوم بدون كلامك الكل ضحك غرام ابتسمت الوليد: دحين نقدر نقعد مع بعض؟ فاطمة: و الحفلة ؟! الوليد ناظرهم برجاء سونيا: يلا خلونا نرجع و نقولهم ان غزل مع وحدة من صديقاتها رجعوا كلهم غزل ناظرت الوليد الوليد: تبين نقعد عشان افهمك كل شي غزل هزت راسها يفهمها بنظره الوليد: غطي شعرك اول غزل ابتسمت و دخلت شعرها وراحوا يقعدون الوليد: ببدا ع طول .. اول ما قلتي لك انك تعيشين في الدار وكدا صحيح انصدمت وزعلت لانك ما حكيتي لي بعدين راعيت ظروفك وحكيت لأمي انو ابغى اخطبك امي في البداية فرحت بس لما عرفت انك تعيشين بالدار عصبت وما رضت وتعرفي ادا عصيت امي ما حيكون في بركة بخطبتنا وكدا وكنت احاول معاها و كدا بس ما في فايدة ولما دقت علي سونيا من جوال تاني عرفت صوتها ع طول وفهمت انها هدي حركه منكم عشان تعرفون شعوري تجاهك غزل نزلت راسها الوليد كمل: وحبيت ابين لها انو انا ما احبك و العب عليك عشان تكرهيني وتعيشين حياتك لاني كنت خايف عليك كتير ادا قلت لك الصدق غزل ناظرته " هالقد يحبني !!" الوليد: ومن بعدها و انا و امي ما نقعد مع بعض بس كل طلباتها البيها وكلمتها ع عيني وراسي بس وهدي حالتنا من سنتين ادا جت تفتح معي موضوع اجيبك بالسالفة و اقولها انو حرمتني وكدا و كل مره كان سعد يحاول يشوه صورتك بعيوني بس مهما قال كنت اطنش وكان يقولي انو انتي تغيرتي و صرتي لعابة وكدا حسيت انو انا السبب و لما شافك مره بالمول حكاني وجيت وماكنت ادري عنك ووراني اياك بالصدفة عرفت انك تحاولين تنسيني و انك ما تحبين هدا اللي اسمه اوس وكتيير غرت منه بس كنت احمل نفسي الذنب و انقلبت حالتي اكتر من قبل غزل ناظرت عيونه الوليد حط عيونه بعيون غزل وكمل: و امي لما يأست مني وتعبت قالت لي حتخطبك ليا و انتي طبعا مغيره رقمك و بالموت لقيت رقم سونيا وحكيت لها و اتفقنا وبس هدا اللي صار باختصار غزل كانت ساكته الوليد: والله العظيم حبك بقلبي للحين عايش ولا مره تغير بالعكس كان يزداد بدال مره الف مره غزل اخيراً نطقت: احــــــبـــــكَـ الوليد بفرح: اعشقك .. وربك اشتقت لهدي الكلمة منك غزل خنقتها العبرة و دمعت عيونها: اشتـ-ـقت لـ-ـك .. فقـ-ـدتك .. ولهت عليـ-ـك الوليد: و انا كمان والله و اكتر منك ممكن ــ دمعت عيونه و جلس عند رجولها ــ تكفين سامحيني غزل سكتت وناظرته الوليد ناظرها وعيونه مليانه دموع: يشهد ربي عليا اني ما حخيلك مره تانيه و اني احبك .. غزل تكفين سامحيني غزل نزلت دموعها: مسمـ-ـوح الوليد بهمس: لولا الناس و العيبه كان ضميتك غزل ضحكت ما بين دموعها: مجنون الوليد: بحبك دق جوال غزل غزل طلعت جوالها وكان سليمان ارتبكت وناظرت الوليد الوليد ناظر جوالها وقرا الاسم غزل: هدا توني اعرفه وكدا قبل فتره الوليد اخذ الجوال وطلع الشريحة وكسرها وداس عليها: ما عاد بتعرفي احد تاني غيري غزل هزت راسها الوليد: وعد ؟ غزل: وعد ** في مطعم بلو آوشن ** مياسين: تأخرت غزل هدي الحفلة عشانها سونيا: هدي صديقتها من زمان و من سنتين ما شافتها زوجة عم غزل2: معليه يا مها اليوم بناخد غزل منكم و يوم الجمعة حنرجعها عشان مدرستها ولا الود ودنا تقعد معانا اسبوع مها: ما لك الا اللي يرضيك و اذا ع يوم السبت فهيا ما تحضر لا سبت ولا اربعاء زوجات عم غزل ابتسموا ( اليوم الثاني ) &&& في المدرسة الثانوية للبنات &&& س 9:42 ** في الساحة الخارجية ** كانت فاضية تماما لان المعلمات توهم دخلوا كل البنات لفصولهم عدا 4 بنات كانت الساحة قمه من القذارة و انواع الشبسات و العصيرات و اكياس الفطاير و علب الغازيات و و و و.... ما راح اخلص لو اوصف لكم .. فاطمة تناظر ساعتها: هدي مرره تأخرت ليان: من جد غرام: متنا برد شوي وجت الفرّاشة: معليش تأخرت عليكم سونيا بحنان: عادي خالتي وليه مو لابسه شي يدفيك الفرّاشة: ما في برد كتير غرام مدت يدها: وين المفتاح الفرّاشة: والله العظيم اني خايفه عليكم يا بناتي فاطمة: خالة لا تخافين علينا .. كم سنه و احنا نخطط لهدا اليوم الفرّاشة هزت راسها بيأس: يعني ما بأذنكم ماي غرام تأشر بحواجبها: ابداااا الفرّاشة اعطتهم المفتاح غرام اخذته بسرعه و فتحت باب الباصات وطلت براسها وشافت السيارة اللي تنتظرهم .. لفت ع البنات: يلا طلعوا ليان وسونيا فاطمة مدت يدها للفراشة: وين الملفات ؟ الفرّاشة مدت لها الكيس: انتبهوا لنفسكم غرام: و انتي كمان طلعوا بعد ما سلموا ع الفرّاشة وودعوها ركبوا السيارة وهم بتلفتون و حمدوا ربهم ان السيارة مظلله ** الباب الرئيسي للمدرسة ** دخلت وهي رافعة راسها بكل شموخ و غرور و بخطوات مستقيمة وثابته و دخلت ع طول لغرفة الإدارة ودخلت بدون استئذان لمكتب المديرة وجلست بدون أذن المديرة ناظرتها بدهشة مريم وهي تحط رجل ع رجل بغرور: وين ملفي المديرة: السلام عليكم مريم: وعليكم السلام .. الملف المديرة: يعني ابدا مو راضية تغيرين رايك مريم: ابدا المديرة هزت راسها ورفت السماعة وكلمت الوكيلة عشان تجيب ملف مريم شوي وجت الوكيلة وحطت ملف مريم ع مكتب المديرة المديرة مدته لمريم: تفضلي مريم اخذته ووقفت: ثنكس ــ جت تمشي بس لفت عليها ــ ولا تخافين بابا ما حيسحب يده و ما حروح مدرسة قريبتك المديرة تطمنت وهزت راسها مريم مشت وطلعت من الباب الرئيسي وركبت السيارة جنب اخوها مهند: نقول مبروك مريم لفت ع ورا: مبروكين الكل صرخ بحماس غرام: اخيرا اخيرا ما بغينا وربي فاطمة: والله ما نعرف كيف حنرد جميلكم هدا مهند: كلي×××× اوك ما بينا هدا الكلام واحنا كنا متحمسين اكتر منكم ليان: مرسي مرسي من جد مهند: انقلعوا دولا المفروض تضربينهم كف ع كلامهم هدا مريم رجعت ع ورا مهند: يالخبله مريم: والله اشتقت لهم امس كلوا ما كلمتهم غرام: ههههههههههه انقلعي مريم: بس امانة ايش رايكم بالهوشة ليان: لو ما نعرف احنا هالخطه كان صدقنا مريم: اعجبكم فاطمه: كفو غرام: اسمعي مريم انتي حتكملي دراستك ما عليك مننا احنا حنسحب هدي السنة وحنكمل السنة الجايه فاطمة: اوك مهند: دحين بنروح للأستراحة ويوم الجمعة بنرجع بعد ما نرتب اوضاعكم سونيا: معليه والله بنتعبكم مهند: كلمه تانية زي كدا حنزلكم اكره هالكلام ليان: طيب طيب اعصابك مهند: ايوه اعتدلوا &&& في المدرسة الثانوية للبنات &&& دخلت الوكيلة مكتب المديرة بسرعة: ملفات بنات الدار الأربع اختفت المديرة بعدم فهم: ها ؟! الوكيلة جلست و شربت مويه: ملف غرام و سهى و ليان و فاطمة مو موجودة ولاهم موجودين في فصولهم المديرة بصدمه: مستحيييل الوكيلة: والله العظيم المديرة: شيكتي ع دفتر الخروج الوكيلة: ايوه المديرة: اليوم حضروا؟ الوكيلة: ايوه حضروا المديرة: لا مستحيل .. اكيد رجعوا للدار الوكيلة: دقيت ع مديرة الدار بس مو موجودين المديرة: يعني وين اختفوا انشقت الأرض وبلعتهم!! الوكيلة: علمي من علمك المديرة: ممكن هاربين من الحصص الوكيلة: الله اعلم المديرة: دحين دحين تسوون تفتيش &&& في دار الأيتام للبنات &&& بدرية بصراخ: مهاااااااااااااااااااا شرييييييييييييييييييييييي ييفة مها و شريفة نزلوا بسرعه: ايشبك بدرية: دحين تفتشون لي ع الرباعي مها: اي رباعي ؟ بدرية: وفي غيرهم الله ×××× ولا يوفقهم شريفة: بدرية هدي وقولي لنا وش صار بدرية: الرباعي ملفاتهم مو موجودة بالمدرسة ولا هم موجودين بفصولهم مها: انا بنفسي دخلتهم للباصات مياسين: وانا بنفسي وصلتهم للمدعسة بدرية فجأة فتحت عيونها ع وسعهم وركضت لغرفة غرام وفاطمة وفتحت دواليبهم بس كانت نص ملابسهم مو جودة راحت وفتحت الأدراج: مو كل شي موجود مها: ايش قصدك هربوا متلا !! بدرية: مو قادرة افكر شريفة راحت لدرج غرام اللي جنب سريرها وفتحته وما لقت شي لفت عليهم: هربوا مها: مستحيل اكيد هدا مقلب منهم عشان يخوفونا شريفة جلست ع سرير غرام: اقولكم هربوا .. لان غرام تحط صندوق هنا دايما وفيه كل شي يخصها وعمرها ما حركته ودحين مو موجود مياسين: لا مو منجدكم .. اكيد يبغوا يسوو فينا مقلب تعرفون الرباعي يحبوا المقالب شريفة: خلونا ندق ع مريم صاحبتهم اكيد تعرف شي عنهم مياسين: سمعت امس انهم متهاوشين معاها &&& في سيارة مهند &&& دوبهم يوصلون للاستراحة نزلوا كلهم و كان بو مهند ينتظرهم عند الباب مريم ركضت لأبوها وضمته بو مهند ضحك ونزلها جو البنات يدخلون بو مهند: هيااااا .. ما بغينا نخلص من هدي السالفة ــ وفتح يده ــ غرام ضربت يدها بيد بو مهند: من جد بو مهند سلم ع الكل بنفس الطريقة ودخلوا بو مهند: تعرفوا انكم مجانين مريم: ندري بدون ما تقول لنا فاطمه: من جد مشكورين بو مهند: ادا بنحكي بهدي الكلمات انا حقوم الكل: لالالالالا بو مهند: ايوه عفيه... المهم خلونا نتكلم بجد مهند: ايش بو مهند: انا عندي للبنات هدية غرام: اكتر من كدا بو مهند: ايش قلنا سونيا: ايش بو مهند: طبعا انتو مو راضيين تعيشوا عندنا ليان: ايوه بو مهند: ايوه وعشان كدا ــ طلع من جيبه مفتاح ــ هدا مفتاح شقتكم الجديدة غرام: لا عمو مو من جدكم بو مهند: ما عجبتكم ! غرام: مو عن بس هدا كتير و احنا قلنا حناخد لنا شقة صغيرة و بفلوسنا بو مهند: اقول عن الهرج الفاضي دا .. انا ما سويت حاجة بدال ما تسكنوا في بيتي حسكنكم في وحدة من شققي بس ترا ما فرشتها عشان خفت ان ذوقي ما يعجبكم فاطمة جت بترد بو مهند ما سمح لها وكمل: ما ابغا ولا كلمة لا رفض ولا شكر .. خلوني اول مره اهديكم هدية بسيطة عاد مريم: يا بابا ما عجبتهم هديتك وانت شكلك مو من مقامهم غرام: ايش هدا الكلام ي حيـ×××× الكل ضحك مهند: اجل اقبلوها فاطمة: اوك بس التأثيث علينا وبفلوسنا بو مهند جا يتكلم فاطمة سوت فيه نفس الحركة: بدون رفض او شي بليز عشان ما نحس اننا ثقيلين عليكم مهند رما عليها الخدادية: هدي من جد ما اعرف من وين تطلع هالحكي يبغا لها تصفيق الكل ضحك بو مهند: اوك بس حتعيشوا عندنا لين تكملون التأثيث غرام: اصلا بنشتري الأساسيات ونعيش بالشقة بعدين نهتم فيها بو مهند: ماشي بس ما حتطلعون بنجيب لكم الكتالوجات و تختاروا عشان ما يصير تطلعوا هالايام لين ينسون غرام: موافقين بو مهند: كفو &&& في المدرسة الثانوية للبنات &&& شيماء تبكي: يعني وين خواتي مياسين: دورناهم بس ما لقيناهم شيماء: دقيتوا عليهم ؟ مياسين: ما اخدوا جوالاتهم معاهم هاجر: كيف يعني !! و انتوا ع اي اساس قلتوا انهم هاربين مياسين: صندوق غرام مو موجود ونص اغراضهم مو موجودة و حساباتهم فااااضية الوكيلة: دورناهم بكل الفصول هاربين هاربين مياسين نزلت دمعه من عيونها و ع طول مسحتها المديرة: راح تبلغوا الشرطة ؟ بدرية: لا طبعا المديرة ناظرتها باستغراب بدرية: خلاص ما عليكم احنا نحل هدا الموضوع المديرة: بس.. بدرية قاطعتها: خلاص اعتبروا اننا نقلناهم المديرة ناظرتها بدرية: خلاص تطمنوا وحدة من الإداريات راحت للمديرة وبهمس: خلاص خليهم هما يتصرفوا ادا بو مهند عرف حيسحب يده المديرة هزت راسها: براحتكم شيماء: ايييش اللي تطمنوا خواتي مو هنا بدرية: انا راح اخد شيماء وهاجر وطلعت طلعوا وراها البنات شيماء: تكفيييين لاقيهم بدرية: مردهم يرجعون شهر ولا شهرين وممكن اقل مالهم مكان غيرنا هاجر: مستحييييل ننتظر لهداك الوقت بدرية: جببب خلااااص شيماء: غزل تدري؟ مياسين: من جد ممكن يكونوا عند غزل هاجر: خلونا ندق عليها شيماء: اخاف لو ما كانو معاها تخاف غزل ونخرب عليها بدرية: ادا كانوا مع غزل يا بقولون لنا او بيرجعوا معاها شيماء: يا برودة دمممك بدرية: ايش تبغيني اسوي ابكي زيكم و اول ول مياسين: نبلغ الشرطة بدرية ناظرتها: هم طلعوا بنفسهم ما انخطفوا هاجر باستهزاء: ههه اكيد ما حتبلغ لان لو بلغت الشرطة و لقوهم حيسألوهم بالتحقيق ليه هربوا و اكيد البنات ما حيسكتون وبقولون لهم عن تصرفاتها بدريه: هاااجر انطمميييي شيماء: ليه تنطم لان كلامها صدق وصلوا بدرية نزلت: انا ما ادري ليه اناقشكم ومشت شيماء تبكي بحضن مها: تكفين مها سوي حاجه مها: خلاص حبيبتي ان شاء الله ما يصير الا كل خير نروح لمكان جديد و مختلف عن هالأجواء.. داخل العمارة هذي 4 شقق.. ندخل لوحدة من هالشقق و هي بالدور العلوي .. ....: يعني متى حددي لي يوم ....: وطي صوتك البنت صاحية ....: و انا ايش عليا منها انتي اللي جبتيها و ابلشتينا فيها ** داخل احدا الغرف ** كانت تكلم الوليد وسمعت عمها وزوجته يتكلمون غزل: الوليد الوليد: عيونه غزل: بعدين اكلمك اوك الوليد: فيك شي؟ غزل: بعدين اقولك باي سكرت منه وطلعت من الغرفة وشافت عمها اللي كشر اول ما لمحها غزل: خالتي انا بروح لعمي بو مساعد زوجة عمها وقفت: ليه حبيبتي غزل: بروح اقعد مع بنات عمي من زمان عنهم زوجة عمها نست ان بنات مساعد بالمدارس: اوك حبيبتي بس تعالي وقت الغداء غزل ابتسمت وطلعت لشقة عمها بو مساعد دقت الباب وفتحت لها بنت عمها الصغيرة غزل نزلت لمستواها: هلا حبيبتي كيفك البنت الصغيرة: بحير ( بخير ) غزل: ماما صاحية ؟ البنت الصغيرة: ايوه غزل دخلت وسلمت ع زوجة عمها وجلست تسولف معاها شوي وطلع عمها ووجه كله نوم ويحك بطنه بو مساعد: غزل جت غزل قامت تسلم عليه: هلا عمي ــ وباست راسه ــ بو مساعد بعدها عنه بجفاء: بعدي عني غزل بعدت ام مساعد: ايشبك ع البنت بو مساعد: ما اواطنها ايشبك انتي ام مساعد تناظره بحده ولفت ع غزل: غزوله حبيبتي هو توه صاحي من النوم وكدا لا تاخدي بخاطرك بو مساعد بنفس خايسه: في فطور ولا ؟ ام مساعد: في كل شي احط لك انا دحين راحت ام مساعد للمطبخ بو مساعد ناظر غزل وراح للمطبخ ام مساعد: عيب يابو مساعد تقول هالكلام قدام البنت بو مساعد: هيا اللي عيب تجي بهدا الوقت ام مساعد: عادي بيت عمها ما جت بيت غريب بو مساعد: اقول حطي الأكل وانتي ساكته ام مساعد: والله ام غزل ما سوت معانا الا كل خير و ابوها غلط لما وثق فيكم بو مساعد: بتحطين الفطور ولا ؟ غزل كانت تسمع كلامهم لان اصواتهم عالية و الصالة قريبه من المطبخ قامت وطلعت ونزلت لعمها 3 بس قبل ما تدق الجرس سمعت اصوات صراخهم عمها بعصبية: و انتي ليه تتلقفي وتفتحي فمك وتجيبيها لهنا غزل ابتسمت بأسى ع حالها ونزلت لآخر دور ودقت الباب فتحت لها زوجة عمها 4 و رحبت فيها عمها كان يضبط شماغه وكان يناظرها بنظرات انه مو مرتاح لجيتها : انا بروح للعمل تبغي حاجه زوجة عمها: لا ابي سلامتك غزل قامت: انا بطلع فوق نسيت شي وبجي زوجة عمها: طيب حبيبتي لا تطولين غزل قبل ما تطلع سمعت عمها يقول: كم بتقعد عندنا غزل طلعت قبل ما تسمع تجريح اكثر قاعدين بحلال ابوها و يترامونها طلعت جوالها و دقت ع شريفة شريفة بسرعه: الوو غزل: شروف تعالوا خدوني شريفة: البنات عندك غزل: اي بنات ؟ شريفة: ها لا ولا حاجة وين ناخدك غزل بعدم اهتمام: تعالوا خدوني من عمارة اعمامي شريفة: طيب سكرت منها وبعد ثلث ساعة جاء السواق مع مياسين و اخذوها مياسين: ليه رجعتي بدري غزل: ما اشتقتوا لي؟ مياسين: ايش هدا الكلام اكيد نشتاق لك بس ع اساس انك بتقعدين للسبت غزل حطت راسها ع كتف مياسين: يا ليت يحبوني زي ما احبهم مياسين: هما الخسرانين غزل سكتت شوي بعدين رفعت راسها وناظرت مياسين: ميسو مياسين: ها غزل: شريفة قالت لي البنات معك .. مين تقصد ؟؟ مياسين: ما اعرف غزل: ميسوووو اعرفك لما تكدبين يلا احكي مياسين: الرباعي هربوا غزل: الرباعي ؟!! مياسين هزت راسها غزل: قصدك فطوم والبنات مياسين: ايوه غزل: مو من جدكم ايش هدا المقلب الخايس مياسين: والله مو مقلب غزل بخوف: كيف يعني هربوا !! مياسين: حسابهم فاضي و ملفاتهم من المدرسة سرقوها و نص اغراضهم مو موجودة وللحين ما لقيناهم غزل: مستحييييييييييييل يسوو كدا مياسين: وربي غزل رجعت راسها بقوه شوي ووصلوا.. نزلت غزل بسرعه وطلعت لغرفهم وقعدت تفتح الابواب وكل شي كان عندها امل صغير انهم يسوو فيها مقلب بس لما ما شافت صندوق غرام تحطمت راحت لصالة وشافت الكل متجمع و اللي يبكي واللي معصب ومتضايق غزل: يعني من جد ؟؟؟؟ الكل لف عليها شيماء راحت لها وبكت غزل دفتها: مستحيل .. دحين تلاقونهم بالساحة الرياضية سجى اللي كانت تهدي هاجر: كتبو نحبكم ع الجدار غزل نزلت دموعها: و انا اقول ليش كانوا يضموني امس بقوة و ليان دموعها بعيونها و سونيا متضايقة وكل شوي يتساسرون سجى: ضمونا كلنا بدون ما نحس حتى بالفسحة لما كنا كلنا مع بعض كان كلامهم مؤدب جواهر: لما رجعنا البيت امس سوينا ضمه جماعية مع حسناء كمان غزل زادت دموعها و شهقاتها مياسين: باسوني بقوه امس شريفة: خلوني احللهم و اسامحهم بدريه: بسسسسسسسسسسسسس .. خلاص ما ابغى اسمع كلمه عن هدولا وطلعت لغرفتها و انسدحت ع سريرها وهي ترجع لذاكرتها امس ( غرام: بدريوه بدريه بانزعاج: غرام واللي يسلمك راسي يعورني فاطمة: اجيب لك بنادول بدريه: لا عندي ليان: اهمز راسك بدرية: ماله داعي غرام: طيب بقولك شي بدرية: ما ابغى اسمع منك ولا كلمة غرام: بس كلمة وحدة بدرية: غرااام انقلعي برا ليان + سونيا + فاطمه ضحكوا بدرية: انتو ايش تبغوا مني يلا اطلعوا برا حدي نعسانة جو يطلعون غرام: نوم العافية فاطمة: عوافي ليان: احلام سعيدة سونيا: ما تشوفين شر وطلعوا شوي ورجعت غرام: صح نسيت بدرية كانت مسكره عيونها شوي وطلعت ) بدرية نزلت دمعه من عيونها لها مليون معنى .. غرام بنتها غرام تربيتها غرام اللي شالتها ورضعتها من كان عمرها يومين غرام اللي قست عليها يوم كان عمرها 3 سنين غرام اللي حبستها بالمستودع وعمرها 5 سنين .. فاطمة اللي شالتها من قدام الباب وعمرها سنيتن وملابسها مقطعه وحالتها حاله وركضت فيها للمستشفى .. سهى اللي اخذتها من يد الشرطة وعمرها سنتين وشوي وصورة امها بيدها .. ليان اللي اخذتها من عند الحارس وعمرها 4 سنين وماسكة لعبتها وتبكي مسكة راسها بألم و فتحت درجها عشان تاخذ بنادول شافت ورقة مكتوب عليها { مسامحتك } لفتها وكانت صورة غرام &&& في فلة بو ياسر &&& س 4:30 كان جالس يتهاوش مع اخته ام ياسر دخلت: يا ليييييييل انا اروح و ارجع وانتوا بس تتهاوشوا ثامر: امي شيلي بنتك بدوس ببطنها رتاج وقفت: تخسي ثامر: وربي دي تهايط كتير و ادا جيت جنبها ماتت رعب ام ياسر ضمت رتاج من الجنب: مدام راسي يشم الهوا انا وابوك محد يمس بنتي بشعره ياسر دخل وباس راس امه: وراسي كمان ثامر: خدلك دحين .. يكبر راس رتاج هانم وما حيطلع من الباب و تقعدوا تنفخوا فيه و انا ليا ربي بو ياسر نزل: ولدي الصغير زعلان و انا ما ادري ثامر كانه لقاها من الله قام وراح لأبوه: بابا شوف يتأمرون عليا بو ياسر: ما عاش اللي يتآمر ع ولدي حبيبي ثامر طيف باست راس بو ياسر: وانا مع عمي ياسر: بالله ! المفروض انتي زوجتي توقفين معايا طيف: وهدا عمي ابو حبيبي بو ياسر ضحك رتاج مدت بوزها بزعل مصطنع: مو كان الآية انقلبت .. المفروض انتا توقف معايا انا لاني بنتك وحيدتك و ان الآباء يوقفوا دايما مع بناتهم بو ياسر: هههههههههههههه انتي بنتي وحيدتي وهو ولدي صغيري ثامر باس خد ابوه يقهر رتاج بو ياسر ضحك ام ياسر: خلونا من هدي الدراما ويلا نجلس جلسوا و نظرات الحرب بين رتاج و ثامر ام ياسر: حبيبي سعودي تعال ثامر سحب سعد وجلسه بحضنه: لا حبيب عمه بيجلس عنده صح سعد ناظر ثامر ثامر باسه بقوه بخده ام ياسر: لا ثامر والله اشتقت له اديني هوا ثامر: نو نو خليك واقفه بصف بنتك ام ياسر ضمت رتاج لها ثامر: حبيبي سعد تبغا حلاوة سعد: ابغى واوة ( ابغى حلاوة ) ثامر باسه: من عيوني حبيب عمو انتا شاله وقام بروح لجناحه دق جوال ثامر ثامر طلع جواله بيده اليسار و بيده اليمين شايل سعد طيف: شوي شوي ثامر ثامر هز راسه و هو يقرا الاسم ورد: الووو......... بخير و انت ؟ ................. ايوه ايش عندك ....................... انت ايش تقول ................. مستحيل .................... كيف يعني ومتى ؟؟..................... مو من جدككك !!.............. خلاص خلاص انا بكلمك بعد شوي سلام سكر منه وحط سعد بحضن ياسر وجاء يمشي بو ياسر: ثامر ايش صاير؟؟؟ ثامر لف عليه: كل خير كل خير ياسر: متأكد ثامر: امور جامعة وكدا ام ياسر: طيب سوق شوي شوي ولا تسرع بو ياسر: انتبه لنفسك ثامر هز راسه رتاج: ثويمر ثامر: بعدين رتاج رتاج: محفظتك ثامر طلع بسرعه وركب سيارته و طلع جواله واتصل: الوووو...... فهمني السالفة ما قدرت افهم .......... يعني قولي كل حاجة بالتفصيل ..................... ابغى اعرف كيف ومتى كل حاجة كل حاااجة &&& في استراحة بو مهند &&& كانو يحتفلون ومسوين باربكيو بشرف نجاح خططهم غرام: وااااااااااااه الجو بارد من جد مريم: بابا متى حيجهز الأكل ؟؟ بو مهند: نضج نصه آيه: اسوي لكم حاجه ع ما يخلصوا؟ بو مهند: لا يعطيك العافية اليوم إجازة لك آية ابتسمت مهند: مريم شوفي كدا خلاص مريم: يعني اذوقه ؟؟ مهند: ليش لا ؟ مريم: بالله!! وادا طلع نيء مهند: مستحيل احسه احترق ليان ناظرته: ههههههههه لا لا مستوي انتبه يحرق مهند: من جد؟ ليان: ايوه مهند: ع ضمانتك سونيا: عزا الله بتنا بالمستشفى الكل ضحك مريم: ايوه صح بنات ما حكيتوني عن عيد ميلاد غزل مهند: هدا اللي فالحين فيه بو مهند ضحك البنات تجمعوا ليان: اول شي شفتي هدية سونيا الحيـ××× سونيا: قلت لكم احلا هدية بتكون مني غرام: برافو عليك صراحة سونيا تقلد مريم: انا سهى بنت سويلم الكل ضحك مريم: طيب ايش هيا سونيا: الوليد مريم: كيف يعني الوليد ما فهمت غرام: يعني يالفاهيه الوليد و غزل رجعوا لبعض مريم: انتو من جدكم رجعتوا هدا الحـ××× لغزل فاطمة: ايشبك ايشبك ايوه رجعناهم لبعض مريم: بس هدا لعاب وراعي بنات ليان: بالله!! واللي تسويه غزل ايش ؟؟ بس ع فكرة طلع مو لعاب ولا راعي بنات خويتنا هي اللي لعابة وراعية شباب مريم: بالله فهموني كل حاجة &&& في سيارة ثامر &&& جلس هاني بالكرسي اللي جنب ثامر: الكلام اللي حكيتو ليا قبل شوي صحيح ؟! ثامر هز راسه بنعم هاني: و انت ايش دراك ثامر: من التويتر هاني طلع جواله ثامر مسك جوال هاني: وش بفيدك قلته لك بنفسي هاني ناظره وحس ان نبرة صوت ثامر جديه: ثامر انت متأكد انك عرفت السالفة من التويتر ثامر: انزل انزل هاني هاني: ثامر ايشبك ثامر: انزل يا شيخ مخنوق طلعوا من السيارة هاني: طيب حتى لو الكلام صح انت ايش دخلك ثامر: بس مستغرب هاني: تبي نتأكد ؟ ثامر: تأكدت هاني: صبر صبر بوريك &&& في فلة الوليد &&& نزل من الدرج بنشاط ويناقز ام الوليد: شوي شوي حبيبي الوليد باس راسها ام الوليد: بتطلع ؟ الوليد: ايوه سعد ينتظرني برا ام الوليد: انتبهوا لنفسكم الوليد: ماشي .. الا صح كلمتي مشرفة غزل؟ ام الوليد: والله دقيت عليهم بس محد يرد الوليد باستغراب: وانا كمان ادق ع غزل ما ترد ام الوليد: ان شاء الله خير الوليد: ان شاء الله .. يلا سي يو طلع وركب سيارة سعد سعد: سلام الوليد: وعليكم السلام سعد حرك: ايوه احكي الوليد: المهم يا طويل العمر بعد ما رجعت من الكورنيش ما قالت لي ولا كلمة حلوة هوا بس لحظه يوم قالت لي انها تحبني و انها مشتاقه لي وكدا بعدها كلامنا عادي ولا قالت لي كلمة حلوة سعد: تستاهل اكيد بتسوي كدا لين ترجع ثقتها فيك وترجع لك متل قبل و احسن الوليد: و انا كمان قلت كدا بس راح اخليها ع راحتها لانو اللي سويتو فيها مو شوي سعد: ايوه زين .. ولا تفتح معاها هدا الموضوع هيا كمان من حقها تضمنك الوليد: ايوه بس ان شاء الله ما تطول سعد: حتى لو طولت من حقها الوليد: طيب طيب &&& في استراحة بو مهند &&& راح مهند للبنات وناظرهم مريم ناظرته: ايشبك ؟ مهند كان وجهه شاحب غرام: بسم الله احكي مهند ليان ناظرت مريم مريم: خوفتنا مهند احكككييي مهند: عـــــرفــــوا ................. انتهـــى البـــ[5]ـــارت ان شاء الله ينال اعجابكم تــوقـــعــاتــكــم؟؟ اراكم ع خير ان شاء لله.. ولا تحرموني من ردودكم وتوقعاتكم و بليييييييييييز ما ابي احد من خلف الكواليس شاكره لكم .. مع تحياتي: جذابة والعيون غلابه { Simoo } ^__^ | |||||||||
|  |
|
23-09-15, 12:36 AM
| #12 | |||||||||
| نجم روايتي ومشرفة سابقة وفراشة متالقة بعالم الازياء
| البـــ[6]ـــارت + البـــ[7]ـــارت غرام: بسم الله احكي مهند ليان ناظرت مريم مريم: خوفتنا مهند احكككييي مهند: عـــــرفــــوا الكل: مييين؟؟ مهند جلس: شكل الخبر انتشر وما صار متل ما قلتوا سونيا: كيف يعني ؟ مهند: قبل شوي دقو اصحابي يتأكدوا عن الموضوع كدا مريم: و ايش قلت لهم مهند سكت ........... قبل ثلث ساعة .......... ( دق جوال مهند مهند: هلا والله بو ثامر هاني: هلا مهند مهند: اخبارك هاني: بخير و انت مهند: عايشين هاني: وينك فيه ؟ مهند: بالاستراحة هاني: خلاص جايين لك مهند: لالا مو باستراحتنا .. باستراحة ابويا هاني: اها.. طيب صحيح الكلام اللي سمعته مهند: أي كلام هاني: تزوجت بدون ما تقولنا يا واد مهند: تزوجت!! هاني: ايوه يعني احنا اصحابك نعرف من التويتر ومن الناس مهند: ايش دا الكلام مو صحيح ومتى حتزوج يا شاطرين و انا معاكم 24 ساعة هاني ضحك: امزح معاك بس صحيح في كلام منتشر مهند: عني!!! هاني: لا مو عنك .. المهم عندك وقت تجي فيه عندنا مهند وهو يناظر اهله: لا والله ما اقدر انا مواعد اهلي اليوم هاني: اوك مهند: طيب ايش هوا الكلام اللي منتشر هاني: يعني احنا عرفنا من التويتر وكدا وقلنا اكيد تعرفوا مهند: ايش صاير ؟ هاني: في اربع بنات هربوا من الدار مهند: أي دار ؟ هاني: دار الأيتام اللي فيه صديقات اختك مهند بكذب: مدري اختي تهاوشت معاهم بالمدعسه وما صار بينهم أي كلام هاني: لا يشيخ .. من متى هدا الحكي مهند: من امس هاني: ليه مهند: مدري عنهم بلا بشكلهم هاني: طيب مين الاربع اللي هربوا ؟ مهند: ما اعرف هاني: طيب اخليك مع اهلك مهند: طيب سلام ) غرام: لا مستحيل ينشروا الخبر مهند: ما ادري تأكدوا من حسابات خواتكم مريم طلعت جوالها و البنات صاروا حولها وقعدوا ع التويتر .... بعد فترة مو قصيرة .... ليان: ولا وحدة كاتبة شي او منزله شي من وين سمعوا هدا الحكي سونيا: ممكن الفيس بوك خلونا نشوف الفيس مريم فتحت ع الفيس بوك وقعدوا يفتشون فيه مريم: مافي حاجة مهند: طيب كيف عرفوا ادا مافي حاجه غرام: خلونا نمشي هاليوم ع الخير و ادا ما صار شي لآخر اسبوع نطنش مهند: ماشي &&& في فلة بو ياسر &&& ** في الحديقة ** ثامر: معقولة صديقات من عمر ومشكله صغيرة تفرقهم!! هاني باستهزاء: بنات دار ع قولتك مو متربين ثامر: ايوه صح هاني هز راسه بيأس من تفكير ولد عمه ثامر: تلاقيهم متهاوشين عشان فلانة سبت فلانة ياخي هدي هيا هوشات البنات تافهه هاني: اوك بتمشي معايا لشباب ولا ؟ ثامر: لالا جاي بس اجيب محفظتي و اجي هاني: هيا انتظرك ثامر دخل سريع و اخذ محفظته و طلع وركب سيارته شاف هاني يتكلم بالجوال جاء يحرك بس وقفه هاني بيده هاني: تاج السواقين موجودين ................... انتي وين تبغي تروحي ؟ ......................... ايوه نفس المكان ...................... طيب صبر ــ لف ع ثامر ــ محد بجي معانا صح ثامر: لا محد هاني: طيب دحين حنا بنكون عند الباب ادا ما نزلتي دحين بنمشي ثامر رفع صوته: ما عليك منه اقعد لك لبكرا لو تبغي هاني: ههههههه يلا سلام سكر منها وحرك ثامر ع طول لفلة عمه بو هاني شوي وركبت تاج ورا ثامر: الله حيوو تاج ضحكت: يحييك ثامر: ها بتروحي معانا تاج: ايوه هاني: ووين غلا تاج: بالبيت قلت لها تجي معايا بس ما رضيت ثامر: افا ليه ؟ تاج: مالها نفس شوي ووصلوا المول تاج طلعت جوالها ودقت ع صديقتها: الووو عهد وينك ؟؟................. طيب دحين انا بجيك سكرت منها وودعت هاني وثامر وطلعت عهد: مع مين جيتي؟ تاج تجلس وبحب: مع الحب عهد: ثامر تاج: ايوه و اخويا عهد: اها تاج: تتوقعين يحبني زي ما احبه ؟ عهد: مدري اسأليه تاج: ايش اسألوا ؟ عهد: ادا يحبك ولا ؟ تاج: لاااا خير تخيلي اقوله انت تحبني ولا لا عهد: كيفك تاج: بس تصرفاته وحركاته كلها تدل ع انو يحبني عهد: لا تحكمي قبل ما تعرفي تاج: طيب انا الوحيدة اللي يسوي معايا كدا حتى غلا ما يسوي معاها كدا .. ولما تعبت اسبوع اللي راح كان كل شوي يطمن عليا عهد: ممكن يسوي هدي الحركات لغيرك بس انتي ما تعرفي تاج: لالا ما اتوقع عهد: براحتك تاج سكتت شوي تفكر : عهد عهد ناظرتها: ها تاج: ايش رايك تسألينه عهد: انااا!!! تاج: ايوه عهد: كيف؟! تاج: عادي بالتويتر ولا الفيس او كمان الاسك و لا انا اعطيك رقمه وتكلميه واتس عهد باستهزاء: لالالا ايش رايك كمان بالبي بي تاج: لا ثامر ما عندو بي بي هوا ايفون عهد: انتي بعقلك ؟ تاج: ايوه ايشبك ؟ عهد: ايش تبغيني اسألوا؟ تاج: اسأليه ادا يحب ولا لا؟ وكدا يعني من هدي السوالف عهد: لالا و ادا عرفني تاج: كيف بيعرفك بالله عهد: مدري لالالا بعديني من هدي السالفة تاج: عهد تكفييين ابيك تساعديني عهد سكتت تاج: عشاني عهد: طيب تاج: يسسسسس عهد: لا ترسلين له رقمه ولا شي اخاف بعدين يعرف مين انا تاج: طيب اسأليه بالآسك عشان ما يشك عهد: ما عندي آسك ايش هدا اصلا ؟ تاج: طيب انا بعدين بعلمك عليه وبعطيك حسابو و تسألينو بالمجهول عهد: طيب شوفي حبيبك وراك تاج لفت شافته يسولف مع الشباب ويضحك ابتسمت بحب: الله لا يحرمني من ضحكته &&& في دار الايتام للبنات &&& هاجر: غزل جوالك مو راضي يسكت غزل اخذت جوالها وردت الوليد بخوف: غزل ايشبك غزل بصوت مبحوح من البكي: هلا الوليد الوليد: حبيبتي ايشبو صوتك ؟ غزل: ولاشي بس تعبان شوي الوليد: من ايش؟ غزل: كنت اصرخ وكدا الوليد: غزل غزل: ها الوليد: قولي الصدق غزل نزلت دموعها مره ثانيه: خواتـ-ـي الوليد: خواتك ؟ غزل: الوليد مو مصدقه انهم يروحوا ويخلونا طيب احنا ما كنا نخبي ع بعض شي ليه يروحوا ويخلونا الوليد: غزوله حبيبتي هدي قولي لي ايش صار غزل: خواتي هربوا ؟ الوليد: هربووووااا؟؟؟ غزل: ايوه الوليد: كلللهههم!!! غزل: لا بس الرباعـ ي فاطمه وسونيا وغـ ـرام وليان الوليد بصدمه: اييييييشششش من جدك انتي؟ غزل: وربي متخيل انت بدون ما يعلمونا .. و كمان كاتبين ع جدار ساحة الرياضة نحبكم الوليد: خلاص حبيبي اهدي راح تلاقونهم قريب غزل: كيف نلاقيهم كيف الوليد: بلغوا الشرطة و الشرطة حتلاقيهم غزل: العانس مو راضيه الوليد: ليه؟ غزل: عشان سمعة الدار وعشان ما يتكلموا عنها الوليد: طيب يعني اكيد ما حيطلعوا برا جدة غزل: هدا هوا اللي مطمنه عشانو بس تخيل لو يصير فيهم حاجه ! الوليد: ما بيصير معاهم حاجه كل وحدة عن عشرة رجال بس ادعي لهم غزل: الله يحميهم الوليد: امين غزل بعد ما هدت شوي: كنت تدق كتير في حاجة ؟ الوليد: لالا بس كنت خايف عليك وكدا وليه ما تردي و حتى مشرفاتك ما يردوا غزل: دقيت ع مشرفاتي ؟! الوليد: امي دقت عشان تخطبك وكدا غزل: اها طيب الوليد اجل هدا الموضوع لين نلاقيهم الوليد: و ادا ما لقيتوهم ؟ غزل: فالك ما قبلناه ان شاء الله حنلاقيهم الوليد: امين بس قصدي هدا قرارهم ومفروض انتو كخواتهم تحترموا قرارهم غزل: وين احنا فيه عشان تهرج كدا !!! الوليد: ولو صح بتخافوا عليهم بس اكيد ادا احتاجوا شي بيرجعوا لكم غزل: ان شاء الله ما يطولوا الوليد: امين غزل: معليه الوليد اجل الخطبة لانو كلنا مو ع بعضنا الوليد: ابشري حبيبتي غزل ابتسمت الوليد: طبعا من يوم رجعتي من عند اعمامك ما نمتي صح غزل: ما جاني نوم كيف يجيني وبالي مع خواتي الوليد: انتي بس ادعي لهم و نامي لو اخواتك عرفوا عنك حيزعلوا منك غزل سكتت ونزلت دموعها الوليد: خلاص يا قلبي حتنامي دحين صح ؟ غزل: بحـ-ـول الوليد: غزوووول حبيبي هدي انا حدورهم بنفسي غزل: طيب الوليد: بس نامي اول غزل: اوك الوليد: عوافي حبيبي غزل: يعافيك الوليد: سلام سكرت منه ورمت نفسها ع السرير والنوم مجافيها اخذت جوالها وقعدت تشوف صور خواتها وتنزل دموعها كل ما تذكرت شي كانت آخر صوره لهم امس لما كانوا بالمطعم ( بعد اسبوع ) &&& في فلة بو مهند &&& صبت لهم الخدامة الشاي غرام حطت قلاسها ع الطاولة وناظرت بو مهند: عمي بو مهند: هلا غرام: حابين نتكلم معاك بموضوع بو مهند بجديه: اسمعكم غرام ناظرت فاطمة فاطمة احنا نبا نروح شقتنا بو مهند: افا ليه مو مرتاحين هنا ليان: لا والله محشومين بس احنا قررنا ومو حابين نرجع بقرارنا بو مهند جا يتكلم سونيا: عشان خاطرنا هالمره عشان ما نحس اننا تقيلين عليكم اكتر من كدا بو مهند: ايش هدا الكلام !!! غرام: من جد هالمره عشانا بو مهند: طيب خلاص بس لسا ما اكتملت الشقة غرام: عادي احنا نكملها اهم حاجه الاسرة و الاساسيات موجودة بو مهند: ع راحتكم مهند بعد العصر خدهم وريهم الشقة فاطمة: مو بس يورينا بو مهند ضحك: طيب طيب مريم: خلصتوا !! ناظروها مريم: يعني انا اقعد لحالي مره تانيه ليان: لا تسوي فيها تكسري خاطرنا طول عمرك عايشه لوحدك سونيا رمت عليها الخدايه: وكلي××× وين وحدك و الأباجورة اللي جنبك ايش وضعها؟! مريم: قلتيها اباجورة مهند ضرب مريم ع راسها: ع ××× طيب اصلا بدوني ما كنتي حتعيشي مريم ضحكت &&& في فلة بو هاني &&& دخلت الجناح وهي تسحبها بسرعه وتجلسها ع الكنبة وتجلس قبالها: ها ايش صار عهد: خلاص سويت اللي تبغيه تاج: اعرف قصدي اهرجي اللي صار عهد: ابد سألته اول شي ادا مرتبط و لا لا قالي لا تاج: ايوه عهد: بعدين سألته تحب ولا لا قالي ــ سكتت تحرق دم تاج ــ تاج: احككككيييي ايشبك سكتي هيا قولي عهد ضحكت: طيب طيب قالي ايوه تاج: امممماااااااا ونااااااااااااسة شفتي ما قلت لك عهد: بس ليش كدا تغريداته غريبه تاج: هوا كدا عهد: ما علينا ايش بتسوي تاج: ولا حاجة انتظر حظرة جنابه يعترف لي عهد: مو من النوع اللي يعترف انتي روحي له و اعترفي تاج: انتي تجننتي عهد طنشتها: كيفك &&& في استراحة الشباب &&& دخل مشعل وعيونه ع جواله: يا ابويا انا قاعد اسبوع ع التويتر و الفيس بوك محد كتب حاجه عنهم يوسف: وانا كمان امس شيكت مشعل: من وين عرفت ثامر ثامر: ما اعرف ما انتبهت بس هدا الي قريته هاني: مهند بيجي بعد المغرب يوسف: انا مستغرب كيف ما يعرف عنهم مهند هاني: ليه يعرف عنهم وهما بس صديقات اخته مشعل: بس ولو هما مو صديقات من يوم لا يومين ثامر: هدا هما البنات هاني: اسمعوا لحد يفتح موضوع هدولا قدام مهند اكيد اذو اخته ولا ما كان سبهم &&& في دار الايتام للبنات &&& دخلوا غرفة غزل وشيماء وقعدو يزغرطون غزل ضحكت سجى: اخيرا ما بغيتي غزل: كلو××× ترا بس خطبه هاجر: وقريب ملكة و زواج دخلت جواهر وشغلت الاستريو و شغلو بلورة الالوان <<الي في البارتيات وتطلع انوار وكدا ماعرف اسمها و طفوا الأنوار و قعدو يرقصون غزل كانت تضحك ع اشكالهم فجأة سرحت شيماء حست فيها و راحت مسكتها من يدها وسحبتها عشان يرقصون فوق السرير غزل تضحك وبصوت عالي: لو الرباعي هنا كان قلبوا المكان مسخره رهف تعلي صوتها: افاااا عليييك دحين اقلبوا مسخره سجى بصوت عالي: الولييييد الوليييييد وقفوا الاغاني و ناظروا غزل غزل اخذت جوالها وطلعت وشافت البنات يلحقونها دخلت غرفة وحدة من البنات وقفلت الباب بسرعه وردت غزل بهمس: الووو الوليد: هلا بهدا الصوت غزل سكتت بخجل الوليد: ما بغيت احجزك ليا غزل: لا رد الوليد: احبك غزل فلتت منها ضحكه رقيقه الوليد: يا لبييييييييييييييييييييييي ييييه اروح فدوه لضحكه غزل بهمس: البنات ينادوني الوليد: لو كنت ادري ان اتصال امي يخليك تهمسين كدا كان ما خليتها تتصل غزل ضحكت من قلب الوليد: ههههههههههههههه من جد دحين لنا كم ولما امي اتصلت تهمسين غزل: لا بس البنات يزعجوني الوليد: ايوه هين غزل: خلااااااص عااااااااااااد لا تدقق الوليد: ههههههههههههههههه طيب طيب غزل: كيفك الوليد: مرتاااااااااااااااااااااا ااااح غزل: دوم يا رب الوليد: جننتيني يا بنت غزل: اسم الله عليك ليه الوليد: كل يوم اسرح فيك و افكر فيك غزل بغرور: ما الومك الوليد ضحك: بدينااااا!!! غزل ضحكت الوليد: اصلا محد يقدر يلومني فيك .. تعرفي اول ما امي سكرت الخط و انا اصرخ غزل: ههههههههههههههههههههههههه ههههههههههه مجنون دحين تقول اني ساحرتك الوليد: انتي سحرتيني وخلصتي غزل: حيـ××× الوليد: دحين بتصيري ليا حلالي محد يقدر يمنعك مني ولاحد يقدر يمنعني منك غزل: هوب هوب دوبنا ما صار شي الوليد: عادي بصير غزل: (ب)يعني لسا الوليد: يا ليييييييل غزيل ليه تبغي تنكدي عليا وربك انا فرحان غزل: و انا كمان الوليد: احلفي غزل: مو مجبوره الوليد: غزززززززززززل غزل: ههههههههههههههههههههههههه ه وربي الوليد: طيب دحين لنا كم و انتي حارمتني من كلمة احبك غزل: امممم شويه الوليد: من جدي اتكلم .. صرت كل ما اسمع كلمة احبك الف احسب انتي غزل ماتت ضحك: ههههههههههههههههههههههههه ههه يا مجنوووون الوليد بحزن: وربي حتى اصحابي صاروا لما اسرح ما ينادوني يقولوا لي احبك عشان الف غزل دمعت عيونها من الضحك: ههههههههههههههههههههههههه ههههه مو صاحي الوليد: ايوه اضحكي ايش عليك غزل كسر خاطرها و قفت ضحك وسكتت شوي: طيب اسمع ايش كنت بقولك الوليد: هممم ايش؟ غزل بهمس و رقه و حنان: أحـــبــــك الوليد فها: هااا .. ايش غزل: خلاص انسا الوليد عدل جلسته: من جد من جد غزل: ههههههههههههههههههههههههه ههه لا اكدب الوليد: اخييييييييييييييرا ما بغيت اسمع هدي الكلمة جاني جفاف عاطفي منك غزل: كل××× ايش دعوه عاد الوليد: اخخخخ اعشقك &&& في عمارة اعمام غزل &&& بو مساعد: ايوه انخطبت ام مساعد: طيب لازم تسألوا عن الرجال مو تدونها اياه ع عماها بو مساعد: تحمد ربها احد طل بوجها ام مساعد: خاف ربك يا رجال تدونها الرجال و ما تعرفوا ادا هوا زين ولا شين ادا هوا يصلي ولا لا يصوم ولا لا يخاف ربه ولا لا بو مساعد: ول ول ول .. ترا هدي بنت اخويا و انا اعرف مصلحتها اكتر منك طيب ام مساعد: ايوه واضح لدرجه انكم رميتوها واخدتو حلال ابوها بو مساعد: ما اخدنا شي احنا احق منها بهدي الفلوس وغير كدا .. هدولا من عايله معروفة ما حنفرط فيهم لو ولدهم سكير مو بس ما يصلي وما يصوم ام مساعد: استغفر ربك الله بيبليك ببناتك وانا ما حفرط ببناتي بو مساعد قام: روحي بس عن وجهي وطلع ام مساعد: حسبي الله ونعم الوكيل حوبتها ما حتتدعداكم &&& في احد الشقق &&& فتح الباب وخلى لهم مجال عشان يدخلون دخلوا البنات يشوفون الشقة كانت الصالة فيها كنبتين و t.v و ع الجنب في مطبخ و حمام ــ الله يكرمكم ــ مهند: معليش لسا ما كملنا الصالة كملوا تفقدهم للشقة و كان في غرفتين مقابلين بعض وقدامهم في حمام ثاني ــ الله يكرمكم ــ دخلت غرام و فاطمه وحدة من الغرف ودخلت سونيا و ليان الغرفة المقابلة كان فيها سريرين و وسطهم كومدينه و ع الجنب في دولاب بأربع ابواب طلعوا وقابلوا مهند ومريم مهند: لسا بكرا حيجيبوا التسريحات و الصالة ما كملتوا ايش تبغوا ؟ فاطمه: تسلمون والله ما قصرتو الباقي احنا نكملوا خلاص مالو داعي مهند بجدية: كلي×××× طيب وربي ترا هدا الاسبوع كرهتوني بعيشتي وانتو تقولو كدا خلاص ياخي وربي الكعبة تضايقت من هدا الكلام طول هدا الاسبوع ليان: طيب طيب ول ول اكلنا الكل ضحك سونيا: بس احنا راح نكمل الباقي مهند: ماشي بس في سواق تحت كل ما بغيتو تطلعوا يتلاقونه قدام الباب وهوا حيعلمكم ادا المكان اللي بتروحون له في خواتكم ولا لا غرام: ليه جبتو سواق احنا ندبر نفسنا بالتكسي مهند: بالله كل يوم و التاني بتكونو بالتكسي!! عز الله خلصت كل فلوسكم وربح التكسي منكم غرام: تكسي ولا السواق مهند: اقول بلا هرج زايد بو مهند احسن مني يهديكم و انا لا .. وخلاص ما ابا نقاش انا طالع وادا بتروحي مريم دقي عليا مريم: لالالا ما حروح البيت اليوم حبات معاهم مهند: ماشي سلام طلع وسكر الباب وراه سونيا: عطشانة مريم: روحي المطبخ سونيا راحت للمطبخ وفتحت الثلاجة و انصدمت انها مليانه صرخت بصوت عالي: مرييييييييييييييييييييييي ييم الكل راح لها سونيا: ايش هدا مريم: تلاجه؟ سونيا: لاااا من جد توني اعرف ليان تفتح الدواليب: من جد ايش هدا مريم توها تفهم: اهااا كلو××× طيب مهند وبو مهند احسن مننا غرام: مننا!! مريم: ايوه انا و دادا آية فاطمه: ياليييييييييييل هدولا اللي يبغا لنا نفرشهم ومره تانيه لما نهرب ما نعلمهم مريم: نععععمممم ليه فيها مره تانيه !!! الكل ضحك مريم ناظرت ليان ببراءة ليان بعدت عنها: ايش تبغي مريم: ودي بأندومي من يدك ليان: طيب ابعدي مريم: يسسسس غرام: خلاص انقلعوا الصالة انا وليان بنجهز الأكل سونيا: انا شبعانة تونا متغدين اصلا امداكم هضمتو مريم: سونيا شكل الهضم عندها بطيء سونيا: ع ×××× فاطمه: طيب ع ما يسوو الأكل قوموا نرتب اغراضنا سونيا: عاد من كترها فاطمه: من جد هههههههههههههههههه طلعوا من المطبخ و غرام و ليان يجهزون الأكل وحده تسوي الاندومي و الثانية تصب العصيرات فاطمه توجهت لغرفتهم و قعدت ترتب ملابسها وملابس غرام بالدولاب و سونيا نفس الشي و مريم تساعدهم شوي وجهز الاكل وحطوه ع الطاولة اللي بالمطبخ غرام راحت للبنات: يلا بنات امشوا ناكل سونيا: روحوا انا بكمل ترتيب مريم مسكتها من يدها: عاد من كتر التياب امشي بس ليان: ايوه صح سونيا خلينا نروح اليوم المول عشان نشتري لنا تياب سونيا: دوبنا طالعين من اسبوع و اخاف نصادف وحدة من البنات غرام: راح نتأكد وين بروحو البنات اليوم و نروح مكان تاني سونيا سكتت فاطمه: يلا عاد سويس ترا ما عندي من دحين الا لبستين غرام كانت ماسكه جوال مريم وتفرفر فيه: بنات غزل انخطبت الكل لف عليها بصدمه: كداااااااااااابه غرام بفرح: وربي مريم: طلع رجال وربي سونيا لفت عليها: ليه كنتي شاكه انه مرأه ؟ مريم: لا ع ×× بس كنت كارهته و شتمتو كتير ليان: الله يتمم عليهم الكل: امين فاطمة: ايش دراك ؟ غرام: من قروبنا مريم لسا ما طلعت منه مريم: ايوه صح مها و مياسين من اسبوع يدقون عليا وانا ما ارد عليها الكل: لييييييييييييه مريم: خفت انفضح ليان: كدا بننفضح اكتر مريم: عادي بدقون بعد شوي كمـ.. ما كملت كلمتها الا دق الجوال غرام: مها مريم اخذت الجوال فاطمه: سبيكر مريم فتحت الاسبيكر وردت: هلا مها: الوو مريم ايشبك اسبوع ادق عليك و ما تردي مريم: ايش تبي ؟ ما حتصالح مع فاطمه و البقيه الزفو.. من الأخير مها: ايش قصدك يعني هما مو عندك ؟ مريم: كيف يعني مو عندي !! مها: ما تعرفي ؟ مريم: ايش اللي ما اعرفوا مها: الرباعي هربوا من المدعسة و من الدار مريم بصدمه كاذبه: امممممممااااااااااا مها: ورب الكعبة مريم: عشان الهوشة ؟ مها: ما ادري والله بس هدا اللي صار و اخدوا ملفاتهم وكل شي يخصهم مريم: طيب دقو عليهم مها: جوالاتهم هنا مريم: مدري عنهم بحريقة انا انهيت علاقتي فيهم نهائيا مها: طيب اسفه ع الازعاج مريم: طيب سكرة منها غرام: كفوووووووووووووووووووو ضربو يداتهم ببعض بنصر مريم: اعجبكم ليان: شوفي القروب ممكن تكلموا عن طلعتهم اليوم مريم فتحت القروب وقعدت تدور: ايوه حيروحو مطعم بيبلوس سونيا: كلهم ؟ مريم: ايوه عشان غزل و غير كدا شكل ام الوليد تبا تقابلهم هناك سونيا: خلاص خلونا نروح ردسي مريم: اول حاجه تشترون جوالات و الشرايح موجودة من زمان انتو شاريينها صح ؟ غرام: ايوه مريم: خلاص اسمعوا سريع سريع نخلص لنا كم لبسة و بعدين نروح لإيكيا فاطمه: لا احسن شي ننقسم سونيا: خلاص انا وليان لإيكيا و انتو ردسي الكل: اوك ليان: طبعا ما يحتاج اقولكم ايش نبا غرام: كل حاجه بنصورها لكم ونرسلها ما عليكم فاطمة: سويس نبي فلوس سونيا: طيب راح اقسم فلوس الملابس بالضبط و بالمبلغ هدا بس حتشترون ملابس بس اليوم و بعدين يصير خير غرام: طيب مريم: طيب لا نكتر هرج و نخلص اكل ونمشي مافي وقت &&& في فلة بو هاني &&& دخلت تاج جناح غلا وهي تغني بصوت جميل ورايق غلا نزلت لابها: سلامات رايقه اليوم تاج رمت نفسها ع سرير غلا: وكل يوم غلا: ايشبك تاج ناظرتها بطرف عيونها: مستخسره علي الوناسة ؟؟ غلا: لا حاشا جعله دوم بس فرحيني معاك تاج عدلت جلستها وسحبت اللاب من حضن اختها وحطته ع جنب: يحبني غلا: بسم الله مين هدا اللي يحبك عشان هاني يدبحه ويشرب من دموا تاج حطت يدها ع قلبها: اسم اللله علييييييييييييه فالك ما قبلناه غلا: طيب احكي مين هدا تاج بحب وهيمان: ثامر غلا: مو صاحية تاج: وربيييي غلا: و ايش دراك تاج: عهد كلمته ع الآسك غلا باستغراب: الآسك ؟ تاج: ايوه يعني تسألوا وكدا غلا: ايوه كملي تاج: المهم سألته ومدري ايش وقالها انه يحب غلا ضحكت: و انتي فسرتيها انه يحبك !! تاج: اكيد يحبني انا الوحيدة اللي يعاملني غير عنكم غلا: مو معناته كدا تاج: اجل ايش معناته يا هانم غلا: ممكن يحب وحدة تانيه تاج: ثامر ما يكلم بنات غلا: و ايش دراك تاج: عنده اخت و اقارب ويخاف عليهم غلا: يا كثر اللي خافوا ع اهاليهم و يكلمون بنات وممكن من جد يحبها تاج: لا رتاج اكدت لي اكتر من مره ان ثامر ما يكلم بنات و كم مره مسكت جواله غلا: ممكن بس حطي في بالك كمان انو ما في شي عشان ما تنصدمين بعدين تاج ما اهتمت: طيب طيب.. ايش تسوين ؟ غلا: نوثنيق تاج: طيب تجي معايا عند رتاج غلا بمزح: لرتاج و لا لثامر تاج بخجل: كلي××× وربي ابا اشوف رتاج غلا: طيب ومره وحده شوفي حبيبك تاج ابتسمت بخجل: بتجي معايا ولا غلا: لا روحي انتي مالي نفس تاج: اوك طلعت تاج من عندها غلا رجعت مسكت اللاب " ان شاء الله يطلع يحبك " &&& في استراحة الشباب &&& دخل خليل وسلم عليهم وجلس كان مهند يلعب مع مشعل بلاستيشن و البقيه يلعبون ورق خليل: ابا العب يوسف: بعد ما نخلص خليل: مشعل سريع كسر راس مهند ابا العب مهند: يخسي مشعل: نشوف خليل ضحك مهند دق جواله حط ستارت ورد: الوو مريم: ايوه مهند وينك؟ مهند: مع الشباب مريم: بالاستراحة؟ مهند: ايوه مريم: طيب احنا بنروح للردسي مهند: مع مين؟ مريم: مع السواق مهند تضايق شوي: طيب انتبهوا لنفسكم مريم: طيب وانت كمان مهند: سلام سكر منها ورجع يلعب ووجه معفوس خليل: سلامات ايشبك ؟ مهند: ولاشي مشعل: وش اللي ولاشي بعد ما كلموك انعفس وجهك مهند: بس اختي طالعه مع السواق هاني: و ايش فيها؟ ثامر: شاكين بالسواق شي؟ يوسف: ما تعرف مهند ما يحب تطلع اخته مع سواق هاني: يا شيخ تريح راسك بدال ما تروح كل شوي وتاخدها وتجيبها مهند: اخدها واجيبها ولا تركب مع واحد غريب و اقعد اخاف عليها ثامر: هيا وحدها؟ مهند: لا معاها صحباتها يوسف: اجل كل××× وخلي البنت بحالها معاها صحباتها ما ينخاف عليهم اكيد مهند سكت و كمل لعب خليل: الا ما عرفت حاجه عن صديقات اختك؟؟ مهند ارتبك بس حاول ما يبين: صديقات اختي !؟ خليل: ايوه اللي من الدار مهند سكت خليل: اموت و اعرف ايش اللي خلاهم يتهاوشون مهند: دحين يعني كل مره ما حيكون عندكم سالفة غير اختي و اصحابها ؟! هاني: لالا ما يقصد خليل كدا بس تعرفو ملقوف خليل ناظرهم باستغراب وكل واحد يخزه من جهه ثامر: ما عليك منه يا رجال بس شكله اشتاق للهاو شمعاهم خليل: ايوه والله ودي اكوفنهم .. و ما فيها مهند بيزعل ولا لا يوسف: سكروا ع الموضوع سكت الكل هاني كان يخز خليل ويحرك فمه بكلمات غير مفهومه خليل رفع اكتافه &&& في دار الايتام للبنات &&& الوليد: بس حتشوفك وتتكلم معاك تبا تشوف حرم ولدها غزل بخجل: طيب الوليد: فديت المستحي .. طيب حبيبي اخليك تتجهزين غزل: اوك سلام الوليد: احبك باي غزل سكرت منه ولفت ع شيماء: اطلعي بلبس شيماء: اصلا كنت طالعه طلعت شيماء وشافت بوجها سجى سجى كانت بتدخل عند غزل شيماء بصوت عالي عشان تسمعها غزل: حرم الوليد تلبس ومشت سجى ضحكت ونزلت غزل سمعت كلمة شيماء و ابتسمت بخجل ناظرت وجها بالمرايا كان احممر من الخجل قعدت تفكر بالكلمة ( حرم الوليد ) وقعدت ترن بأذنها الكلمة و راح تفكيرها لأماكن بعيده للملكة و للعرس و للعيال فرحت وهي تتخيل انها تجيب اطفال وينادونها ماما انطق الباب هاجر من ورا الباب: غزييييييييييييييييييييل يلااااااااااااا بنتأخر غزل انتبهت و تركت احلامها: طيب طب دحين حجي بدلت ثيابها سريع و اخذت عبايتها و تحجبت سريع و نزلت شافت مها ومياسين يتكلمون مها: مريم ما تعرف عنهم شي مياسين: يعني وين اختفوا انشقت الارض وبلعتهم مها: مدري والله لو بيدي احول الموضوع للشرطة بس الواضح انهم هما طلعوا بإرادتهم وغير كدا راح تطلع سمعه سيئة كتيير عن الدار و حتى لو رجعوا بصير مشاكل كبيرة مياسين : بس سلامة البنات اهم شي مها: مو عند بدرية مياسين سكتت غزل: ادا مو عند مريم عند مين ؟؟؟ لفوا عليها &&& في ردسي مول &&& غرام: لالالا ليان ما تحب هدا اللون مريم: طيب مافي الا هدا غرام: صبر نسأل ــ لفت لعامل المحل ــ لو سمحت تقدم منهم العامل غرام: مافي لون غير هدا ؟؟ فاطمة: هدا شكلوا مو مكانها مريم: في قطعتين منو العامل: ايوه بس مو هون مكانا .. وفي منا تلات الوان غير هاي ــ عطاهم ظهره العامل عشان يدلهم ع مكانها ولحقوه ــ العامل وراهم مكانها ومشا غرام: ارسليها لها مريم: تقول تبا الازرق غرام: طيب يلا امشوا فاطمة: انا بحاسب و انتو امشوا مريم: يلا راحوا للمحل الثاني غرام: ادخلي قبلي بروح اشوف حاجه مريم دخلت غرام طلعت سلسالها و ناظرت محل الذهب اللي يبعد عنها مترات طويله حطت يدها ع كتفها: تكفين غرام: مو محتاجين لهدي الفلوس غرام ناظرت فاطمة و دخلت المحل مريم: بنات شوفوا هدا يجنن صح فاطمه: ابا مريم تقيسه ع فاطمة غرام: يجنننن فاطمه: غرام خدي متلي مريم: آخر قطعه غرام: عادي ما اباها ابا وحدة تانيه عجبتني مريم: يلا خلونا نخلص سريع عشان نلحق ع البنات فاطمه: بنات شوفوا تجمعوا حولها غرام: مو مره اصلا ما تنفع للصالة مريم: ايوه فاطمه: طيب &&& في ايكيا &&& ليان: يا بت والله حلووة سونيا: لا ما عجبتني ليان: ليه بالعكس انتي تحبي هدي الاشياء سونيا: شفتي سعرها انتي ليان: سويس لا تطالعي سعرها طيب سونيا: محنا بالدار عشان ما نهتم ليان: تروح و ترجع ع الدار سونيا: طيب طيب بسكت ليان: حكيت لهم ياخدوها سونيا لفت عليها: انتي مننن جددددككك ليان تتلفت: الله يفضحك فضحتينيي سونيا سكتت شوي: يا حـ××× لييييييييه ليان: خلاص اشتروها سونيا: حمـ××× ليان: هههههههههه طيب شوفي هدي للمطبخ مره شكلها جميل سونيا: طيب امشي بناخد اتنين ليان: ليه مو 5 تراها 150 بس سونيا: يا ليييييييل ليوووووون في فرق لما ناخد شي 300 و لما ناخد شي بـ750 و فايدته مو كبيرة وترا مو كلنا حنجلس بالمطبخ ليان اقتنعت وسكتت شوي: تعرفي سونيا: همم ليان: زين انو انتي اللي تمسكي الفلوس سونيا: اعرفكم مطيورات ليان: هههههههههههه طيب سونيا: احنا بس نخلص شغلنا نرجع البيت نرتب الاغراض وكدا عشان لما يرجعوا البنات يشوفوها تعرفي يحكموا ع الاغراض قبل ما يشوفوها ليان: ليه ما نروح عندهم ونساعدهم سونيا: هما يدبروا نفسهم هما تلاته ما راح نفيدهم بشكل كبير ليان: نساعدهم كمان عشان نخلص سونيا: الايام جايه و بالوقت اللي نحتاج فيه للسوق بنروح ما حنقصر ع بعض ليان: طيب &&& في دار الايتام للبنات &&& غزل وهي تشاهق بالبكي: دحين ندورهم اكتر من كدا ما فيا صبر سجى: كلنا سكتنا هدا الاسبوع ع انو في احتمال يكونوا عند مريم و عشان كدا هيا ما ترد طلعت ما تعرف حاجه عن الموضوع رهف: دحين انتو طلعتو من موضوع الطلعة لموضوع الرباعي .. نقدر نحكي بهدا الموضوع لما نرجع غزل بعصبية وبدون وعي: انتي ما تحسين انتي اصلا عمرك ما عديتيهم متل خواتك انتي ما عشتي معاهم زي ما عشنا احنا معاها رهف سكتت ما حبت ترد عليها بهالوقت شيماء ضمت غزل و همست بأذن غزل: هدي الوليد يدق ما نبا نحسسه بشي تكفين خلي هدي الليلة تمر ع خير غزل حاولت تهدأ جواهر: بتردين ؟ هاجر مدت لها قلاس ماي غزل اخذت القلاس و جوالها و طلعت برا شربت مويه و حاولت تعدل من صوتها: الووو الوليد: هلا قلبي ها طلعتوا؟ غزل: دحين كنا طالعين الوليد: طيب بسكر ولما توصلي احكي لي غزل: ماشي باي الوليد: احبك باي سكرت منه وراحت عدلت مكياجها و ركبت السيارة مع البنات بعد فترة زمنية وصلوا لمطعم بيبلوس و ارسلت غزل للوليد انهم وصلوا سلموا ع ام الوليد وجلسوا يعرفونها ع نفسهم ام الوليد كانت تدقق بحركات غزل وبكل تصرف منها ما انكرت انها فاتنه بالجمال بس كان وجه غزل مو مرتاح كثير ام الوليد: غزل ايشبك يا بنتي ؟؟ الكل لف ع غزل غزل ناظرتها و ابتسمت: ما فيا شي ام الوليد: وجهك متضايق وكدا ..فيك حاجه ؟ غزل: لالا ام الوليد ابتسمت غزل كانت تحاول تضبط حجابها كل شوي و ما كانت مرتاحة كثير بجلستها تبي أي خبر عن خواتها ام الوليد: ليه زوجات اعمامك ما جو يا غزل غزل: معليش صارت لهم ظروف فجأة وكدا و اعتذروا عن الجيه مياسين: الغايب عذره معاه &&& في شقة الرباعي &&& س 10:45م ليان وقفت: آآآه ظهري سونيا ناظرت الصالة برضا تام طبعا كان الجدار باللون الرصاصي .. و الارضية باركيه .. و الستارة باللون الابيض دانتيل .. و الكنب كان لونه احمر و الوسائد باللون الأبيض و الشكل ما خذ حرف L من عند الجدار اللي بجانب الشرفة ( البلكونة ) و ع البلكونة .. سجاد صغير رصاصي صوف تحت الكنب و فوقه طاولة مربعة الشكل باللون الأبيض .. و طاولة T.V باللون الأبيض و اللي يحمل الرسيفر قزاز .. و ع الجنب دولاب + طاولة طعام باللون الأبيض و ابواب الدواليب بلاك و الكراسي بلاك . ليان: يجننننننن سونيا: وين نحط هالفازات ؟؟؟ ليان وهي تناظر الصالة بشكل عام: امممممممم فوق الدولاب هدا سونيا طلعت فوق طاولة الطعام بحذر و حطت الفازات اللي فيها اعشاب اصطناعية فوق الدولاب ونزلت ليان: والله شغل هدولا الشباب حلو سونيا: بس لنا كم طالبين هدا الدولاب ودوبهم يجيبوه ليان: بس بالنهاية طلع شغلهم كويس سونيا: يس ليان: كفو والله تعرفين تركبين الستارة سونيا: ما يحتاج لها اصلا شوي ودق الجرس ليان ناظرت من العين السحرية سونيا: مين؟ ليان: البنات فتحت الباب ودخلوا مريم: اوه اوه اوه ايش هدا سونيا: ايش رايكم غرام: يجنننننننننننننن فاطمه: من جددددد ما توقعت يطلع كدا غرام: متى جاء هدا الدولاب؟ سونيا + ليان: اليوم مريم: شوف هدولا الكـ×× طالبينوا من اسبوع ويجيبونوا اليوم سونيا: حرام لا تظلميهم .. طلبنا اشياء كتيره منهم و هما مايشتغلوا عندنا بس عندهم كمان زباين فاطمة: صادقة ليان: جبنا لكم أباجورات وكدا غرام وهي ترمي الأكياس ع الارض ورمت نفسها ع الكنبة: سويتي خير وربك تبلشنا بعدين فطيم لما تبا تقرا حاجه ليان: اسمعوا انا مييييته جوووع مريم: طلبنا من البيك و السواق دحين بجيبو سونيا: نرتب الملابس بالدواليب ؟ فاطمة: لا تكفون خلوها بكرا ومنها نقعد بالبيت وكدا رجولي حدددها توجعني مريم راحت المطبخ و اخذت بيبسي من الثلاجة و راحت للبنات: اما شريتو قدور وصحون و كاسات ليان: وصواني ومدري ايش غرام لفت عليهم: من جدكم سونيا: اجل كل مره حنطبخ اندومي ونطلب من برا !!! ليان: و اتفقنا انو ثنتين يطبخون كل يوم و ثنتين يغسلوا سونيا: ايوه فاطمه: اسينت غرام: مي تو مريم: وين بنام اليوم ؟ غرام وفاطمة ناظروا بعض و ركضوا لغرفهم مريم: شف .. يا سـ××× ز×× انتي وهيا عيب عليكم يا حـ××× ليان: اشك انك تعرفي العيب بهدي الالفاظ !! مريم قوس شفايفها للأسف بزعل مصطنع سونيا: ولا تزعلي تنامي عندي مريم باستها بخدها بقوه: احبببببببك سونيا: انقلعي بديت اخاف ع نفسي مريم: كلي ××× دق الجرس سونيا: جاء الاكل غرام و فاطمه كانوا يركضون مين توصل للباب اول فاطمه فتحت الباب و اخذت اكياس الاكل من السواق و حطته ع طاولة الطعام سونيا: مين مسحب ومين سندويتش ؟؟ &&& في فلة بو ياسر &&& تاج: يعني من حركاته من نظراته وكدا يعني رتاج: ثامر يحب !! ما اتوقع عمري ما شفته يخبي حاجه او يكلم بنت ودايم ادخل عليه فجأة يكون الوضع عندوا ايزي يا بنتي ثامر حياتو كلها ــ وهي تعدد بأصابعها ــ طلعات + اصحابو+ هوشات + استراحة + سوني + جامعة تاج: اها رتاج: ليه تاج: شفت كلامو اليوم بصفحتوا بالآسك رتاج: اممممممااااااااا تاج: وربك رتاج اخذت لابها بسرعه و دخلت الآسك وقرت كلام ثامر: مو من جده !! تاج: حتى انا انصدمت رتاج: والله بقعد فوق راسو تحقيق تاج ضحكت رتاج: مين تتوقعي؟ تاج: ما دري انتي اخته رتاج: ما اتوقع ابد يكلم بنت اكيد يحب بالساكت تاج: ممكن ــ اخذت شنطتها ونادت الخدامة ــ رتاج: ع وين ؟ تاج: بروح بيتنا رتاج: تو الناس تاج: معليش اشوفك بكرا عادي رتاج: ع راحتك &&& في سيارة الوليد &&& الوليد بحماس: الا اقول امي ام الوليد: ها الوليد: ايش رايك بزوجتي ــ استانس بكلمة زوجتي ــ ام الوليد: ماشي حالها الوليد بإحباط: امي من جدك ام الوليد سكتت شوي: صح هيا حلوة بس شكلها مو مرتاحة الوليد: مو مرتاحة!؟ ام الوليد: ايوه باين من وجها الوليد: مدري بسألها ام الوليد: هدولا بس اللي بالدار؟؟ الوليد: لا بس هدولا اللي قريبين منها الي بالدار كتيير ام الوليد: اها طيوبات الوليد بهمس: زين انك ما قابلتي غرام ام الوليد: ايش؟ الوليد: ايوه مره طيوبات ام الوليد: توقعتهم عدوانيات وكدا الوليد: اكيد في من كل الأنواع ام الوليد: ايوه الوليد: شفتي زوجات اعمامها؟ ام الوليد: لا ما جو ــ لوت بوزها ــ تقول ان جتهم ظروف اليوم و اعتدروا الوليد: الغايب عذره معاه ام الوليد ابتسمت ابتسامة صفرا &&& في دار الايتام &&& جواهر: ايشبك انتي تبغي تطيري الحرمه من يدك هاجر: من جد ايش الاخلاق الـ×× اللي ع وجهك سجى: كلنا متضايقين وكلنا مشغول فكرنا بس حاولنا ما نبين عشانك غزل: خلصتو ؟؟؟!!! الكل ناظرها غزل: انقلعوا مابا اشوف ولا وحدة ع راسي رهف: خلاص بنات خلونا نطلع جواهر: فكري دايما بتصرفاتك وحركاتك قبل ما تسوينها رهف: خلاص جوج طلعوا البنات شيماء اخذت المخدة و اللحاف غزل ناظرتها بتساؤل شيماء: لما تحطي عقلك براسك حاكيني وطلعت غزل ضمت مخدتها وقعدت تبكي محد حاس فيها محد مقدر وضعها دق جوالها وردت بدون ما تشوف غزل: نـ-ـعـ-ـم الطرف الثاني: ......لا رد غزل ناظر الشاشة وكانت دموعها مغطيه ع عيونها وكان الرقم غريب غزل: مـ-ـيـ-ـن الطرف الثاني: ......... لا رد سكرت غزل بوجهه ورجعت تبكي شوي ودق جوالها مره ثانيه غزل ردت بعصبيه: خيييــ-ــــر الوليد باستغراب: غزول ايشبك غزل ناظرت المتصل: احم .. الـ-ـو الوليد: حبيبتي ايشبو صوتك ؟ غزل ما صدقت احد يسألها: مـ-ـحد حـ-ـاس فيا محد مقدر وضـ-ـعي الوليد وربي بمـ-ـوت من القهـ-ـر الوليد فز وعدل جلسته: غزوله حبيبتي اسم الله عليك ايشبك ادا محد حس فيك انا احس فيك غزل: خواتـ-ـي مو مع مريم الوليـ-ـد الوليد: ها ؟! غزل حاولت تعدل صوتها: انا كان عندي امل انو البنات ممكن يكونوا مع مريم و مسوين هدي الهوشة بس عشان يشتتونا بس مريم طلعت ما تعرف أي حاجه عن الموضوع و انصدمت هيا كمان الوليد: يعني الارض انشقت و بلعتهم اكيد موجودين غزل: بس ما نعرف عنهم حاجه الوليد: طيب حبيبي هدي لا تبكين .. عشان كدا كنتي اليوم متضايقة غزل: ايـ-ـوه الوليد: خلاص يا قلبي .. طيب ممكن ماخدين لهم شقه ولا قاعدين عند وحدة من صحباتهم غزل: ما عندهم غير مريم الوليد: ممكن تعرفوا ع وحده تانيه بدون ما تعرفوا غزل سكتت باقتناع الوليد: فتشوا بجوالاتهم ممكن تلاقون اسم وحدة ما تعرفونها و اسألوها غزل: تصدق ما فكرت كدا الوليد: طيب حبيبي قومي جيبي جوالاتهم وفتشي فيهم غزل: طيب .. بتكون ع الخط ؟؟ الوليد: ايوه غزل: طيب ثواني الوليد: خدي راحتك غزل حطت الجوال و ع طول طلعت وراحت لمها: مها مها ناظرتها: هلا حبيبتي غزل: وين جوالات سونيا و البقيه مها: ليش ؟ غزل: بتأكد من حاجه مياسين: من ايش ؟ غزل: وينها وبعدين تعرفوا مها: عند شريفه غزل راحت بسرعه لشريفه: شروف ابي الجوالات حق الرباعي شريفة: ليه غزل: انا استأذنت من مها اديني هيا شريفة طلعت جوالاتهم و اعطتها لغزل غزل اخذتهم و طلعت سريع لغرفتها وقعدت ع سريرها وشبكت السماعات بالجوال: الوو الوليد: ايوه غزل: بفتش بجوالاتهم الوليد: طيب انا بسكر و اول ما تخلصين حاكيني حتى لو الوقت متأخر غزل: ماشي الوليد: احبك غزل: طيب باي الوليد سكت بإحباط غزل ناظرت الشاشة لسا ما سكر ابتسمت.. بهمس: الوليد الوليد: دحين بسكر غزل بهمس: احبك الوليد فرح: اعشقك يلا اخليك تدوري غزل: باي حبيبي سكرت منه ورجعت تفتش &&& في فلة بو ياسر &&& ياسر بمرح: مرحباااااااااااا بو ياسر: هلا ابويا تعالوا دخلوا وجلسوا ع الكنبة ام ياسر: فرحونا معاكم الابتسامة شاقة وجهكم ياسر: افا يا امي تستخسري علينا الابتسامة !! ام ياسر: لا حاشا اعود بالله بس فرحوني معاكم ياسر ناظر طيف بحب: تويف حامل الكل بصدمه: امممممممممممممماااااااااا ا طيف نزلت راسها بخجل ام ياسر ضمت طيف: الف الف الف مبروك يا قلبي طيف بخجل: الله يبارك فيك رتاج صرخت: يالبيييييييه ضمت طيف ثامر ضرب ياسر بالخداديه: مبروك يا وحش ياسر ضحك: يبارك بعمرك ثامر ضرب بيده ع ظهر ابوه بخفه: بتصير جد مره تانيه بو ياسر بفرح: مبروكين حبايبي ام ياسر: عقبال ما نصير اجداد لأولادك ــ وناظرت ثامر ــ ثامر: شيليني من راسك مدام خوله ام ياسر: ماشي ماشي ثامر قام: معليش يا جماعة راسي يعورني وتعبااااااااااااااان بروح انام الكل: الله معاك ثامر طلع لدرج رتاج و كأنها تذكرت: ثامر صبر طلعت بسرعه وراه ودخلت جناحه ثامر رما نفسه ع السرير: ايش تبغي رتاج هانم رتاج جلست ع طرف السرير: تحقيق ثامر: تكفين خليه بكرا راسي يعورني رتاج: لقافتي ما تسمح لي ثامر: اخلصي رتاج: تحب ؟ ثامر: ايش هدا السؤال رتاج: جاوبني ثامر: لا طبعا رتاج: و الكلام اللي ع صفحتك؟ ثامر: أي صفحة ؟ رتاج: الآسك ثامر: اهاااااااااااا .. ايوه حكيت كدا عشان ما يقعدوا يزعجوني رتاج: كيف يعني ثامر: ادا حكيت لهم اني ما احب حيقولولي ليه و يسألون اسأله مال امها داعي .. ايش هيا مواصفات زوجتك المستقبلية .. و الخبلة اللي تجيني وتقول اصير لك حبيبه و زوجة .. مالي خلق مالي خلق هدا الحكي رتاج: اهااا ثامر: ومتى دخلتي صفحتي رتاج: اليوم مع تاج ثامر عدل جلسته: ايييييييش رتاج: ايشبك ثامر: ولا حاجة اطلعي برا ابا انام رتاج: اوك سي يو طلعت رتاج ثامر انسدح ع السرير و سرح بأفكاره و ابتسم بحب ( اليوم الثاني ) &&& في بيت الرباعي &&& ** في غرفة غرام و فاطمة ** فاطمه و هي منسدحه ع سريرها: غروم قومي سوي لنا فطور غرام وهي مسكرة عيونها: سمعت برا ازعاج شكلهم قاموا فاطمة ناظرت الجوال اللي بيدها: تعرفي غرام غرام وهي بنفس الوضعية: هممم فاطمة: دوبني احس ان الموضوع جد غرام: أي موضوع؟ فاطمة: موضوع هروبنا غرام ابتسمت بنصر وفتحت عيونها: لنا كم و احنا نخطط عشان هدا اليوم فاطمة هزت راسها دخلت مريم: يلا قوموا فطور غرام قامت: دحين جايين فاطمة: غرام انا بدخل اول غرام: طيري من سبق لبق فاطمة: حيـ××× مريم: وانتي كمان قومي كأنو ما في حمام تاني ــ الله يكرمكم ــ فاطمة توها تنتبه لوجه مريم: ايشبك مريم: بعدين اقولك قومي دحين فاطمة قامت وراحت للحمام ــ الله يكرمكم ــ مريم راحت تساعد البنات ليان: سويت خير والله مهند مهند: ولو سونيا: من جد مين كان له خلق يقوم مهند ضحك مريم وهي تحط الصحون ع الطاولة مهند: ايشبو وجهك مريوم مريم ناظرت سونيا بنظرات عتب: نوثينق سونيا: خلصنا عاد مريم: يلا قومو نفطر ليان راحت تساعد مريم مهند ناظر سونيا باستغراب: ايش في؟ سونيا سكتت جلس الكل ع السفرة وكانوا ساكتين غرام: ايش مناسبة هدا الفطور سير مهند ــ وغمزت له ــ مهند ضحك: استقراركم بهدا البيت فاطمة: تسلم والله مهند: عوافي غرام ناظرت ليان ومريم: ممكن تفهمونا ايشبو وجهكم ؟ مريم بعتب: اسألوا الهانم سونيا فاطمة: ايش في سويس سونيا ناظرت صحنها وما ردت ليان ناظرت سونيا: دقت ع غزل امس الكل ناظر سونيا بصدمه: اييييييييييييييييششششش سونيا بعصبية دفت الطاولة: كأني سويت فضيحة فاطمة: مو من جدك سونيا سونيا سكتت غرام: تبغي تفضحينا مهند: مشكورة والله سونيا قديش خططنا كلنا لهدا اليوم وبغبائك تبغي تودي الكل بداهيه سونيا دمعت عيونها وخنقتها العبرة: اشتقـ-ـت لهـ-ـم الكل سكت وناظرها سونيا نزلت راسها: كنت ابا ابارك لغزل محد كان معاها كثري الكل ظل ساكت سونيا نزلت دمعتها: حسيت بيها و كانت تبكي غرام بخوف: ايشبها ؟ سونيا هزت راسها بلا: ما اعرف ليان عقدة حواجبها فاطمة: صاير لهم حاجة سونيا: مـ-ـادري ــ سكتت شوي ــ حسيت قلبي ينشلع لمـ-ـا سمعت صوتـ-ـها ليان دمعت عيونها سونيا: قديش كرهت نفسي لما حسيت انو تركتها بهدا الوقت .. خاصة بهدا الوقت تكون محتاجة لنا اكتر من أي حاجة ــ غطت وجها بيدها وقعدت تبكي ــ قامت ليان وضمتها سونيا اسندت راسها ع كتف ليان وبللت ملابس بدموعها غرام وفاطمة قاموا وضموهم مريم حزنت انها ما سمعوا لسونيا امس قمات وضمتهم مهند حس انه ماله داعي يكون موجود ابتسم و طلع بهدوء بدون ما يحسوا فيه بعد ما هدأ الكل رجعوا جلسوا حول طاولة الطعام غرام بحنيه: معليش حبيبتي بس انتي تعرفي قديش تعبنا عشان هدا الموضوع وخايفين كلنا انهم يلاقونا سونيا هزت راسها فاطمة: ادا تبغي ترجعي مافي مانع ترا سونيا ناظرتها: مستحيل ارجع ليان: اجل حاولي تساعدينا وما تصعبيها علينا مريم: صح هما خواتك بس قريب ادا فهموا عليكم وحسوا بيكم حيعذروكم و بأقرب فرصة راح نجمعكم كلكم مع بعض لما يكونو متأكدين انكم مرتاحين كدا سونيا هزت راسها: خلاص خلونا نقفل هدا الموضوع .. غلطة و ما حتتكرر هزوا راسهم ليان: يا عمري مهند طلع بدون ما نحس فيه غرام: من جد عيب والله مريم: عادي بنات فاطمة: يلا قبل ما يبرد الاكل &&& في جامعة البنات &&& رتاج: هدا اللي صار والله تاج وكأنها تحطمت: اها عهد ناظرت تاج ورفعت اكتافها رتاج: اصلا ما اتوقع هدا وجه واحد يحب تاج ضحكت: ايشبوا وجهه ؟؟ رتاج: ابد يا طويلة العمر ينرففززززززززززز الكل ضحك &&& في جامعة الشباب &&& ثامر رفع يده: ايش السالفة يا جماعة ما في احد ما حكا عن هدا الموضوع شكلي ححذف السؤال و افتك الكل ضحك خليل: والله يا ابويا شكينا ثامر: تطمنو ادا حبيت حخبركم هاني: زين والله ولا تخلينا نعرف من برامج ولا من الناس ــ وغمز له ــ ثامر ناظره: خلصنا هاني هاني ضحك جلس مهند: ضحكوني معكم مشعل وهو يأشر بحواجبه ع ثامر: الأخو يحب ثامر ناظر مشعل ورفع حاجبه الأيسر مهند: اوه اوه ليكون ما كنت تباني اعرف ؟ ثامر: لا يا شيخ ما عليك منهم بس قروا هدا الكلام بالآسك و ابلشوني يوسف: والله الكلام طلع منك مهند: أي كلام؟ ثامر: يا ابويا في احد سألني ادا احب ولا لا وقلت لها ايوه مهند: اوووووووووووه تطورات والله ومتى الزواج يا شيخ خلينا نفرح فيك ثامر: شوف التاني راح بعيد للزواج مهند: يعني بتحب بدون زواج ثامر: ما احب افهموا .. بس انا قلت كدا عشان ما يجون ويبلشوني ليه ما تحب .. وكلام مال امه داعي نسيتو مصلح مهند: ههههههههههههههههههههههههه ه .. مصلح حاجة تانيه ثامر: المهم انا عندي محاضرة دحين هاني: يلا خلينا نقوم يالعاشق ــ وغمز لأصحابه ــ ثامر حرك يده بعدم اهتمام ومشا الكل ضحك &&& في المدرسة الثانوية للبنات &&& شيماء: مو من جدهم ايش هدي الاشاعة البايخة غزل ربطت شعرها: بعد العانس ما تبا تطلع عنها اشاعات و كلام ماله داعي شيماء: ع حساب خواتي غزل ناظرت الفراغ اللي قدامها: بدرية تسوي أي حاجه عشان مصلحتها ومصلحة الدار شيماء: الله يزوجها غزل ضحكت: ايش هدي الدعوة .. تدعين لها ولا عليها؟ شيماء بغضب: الأثنين .. ادا تزوجت نفتك منها .. ومنو كمان تساتنس وتنفك ازمتها .. وراح تدعي لي دنيا وآخره ع هالدعوة غزل: هههههههههههههههههههههههه مجنونة شيماء: ومتى الست بدرية تخلي الواحد عاقل غزل: من جد سجى جت لهم: سمعتوا الكلام اللي نشرته بدرية هانم غزل هزت راسها سجى بعصبية: الـ××× غزل: خلاص بنات خلونا نتكلم بهدا الموضوع بعدين ــ و اشرت بحواجبها ع نغم وصديقاتها ــ نغم: هلا والله الكل: هلا غزل: اخلصي نغم ما جيتي ابد عشان تعرضين عرض صداقة نغم: تعجبيني يالفهيمة ــ وغمزت لها ــ غزل ابتسمت لها ابتسامة صفرا نغم: صحيح لقيتو غرام وبقراتها شيماء شدت نغم من ياقتها: احترمي نفسك لما تتكلمي عن خواتي نغم بعدت يد شيماء: والله عرفت تربيكم غريم غزل لفت وجها بانزعاج نغم: صحيح ولا؟ شيماء: ايوه لقيناهم نغم: وليش ما جو؟ غزل لفت عليها: الناس المتربية تسأل عن حال الغايب نغم: مو صديقتي عشان اسأل عن حالها غزل ابتسمت: و مو صديقتك عشان تسألي عنها نغم ضحكت وغمزت لغزل ومشت غزل: غثيثة شيماء تأشر ع حلقها: ما تنبلع ما تنبلع &&& في سيارة هاني &&& س 9 م ثامر: ايش تسوي مهند: قاعد ادور هديه حق النتفه محمد هاني: ليه مهند: يوم ميلاده الشهر الجاي وموصيني المسكين من شهر الكل ضحك ثامر: وكم حيصير عمره مهند وعيونه ع جواله: 7 سنين هاني: كل عام وهو بخير من دحين مهند: و انتو بخير ثامر: خلونا نفرفر بالاندلس مهند: اوك ــ سكت شوي يستوعب ــ ها لالالالا يا شيخ مو اليوم تكفى راسي يعورني مره ثامر: اهو جمبنا مهند: لالالالالا تكفون ابا ارجع البيت ثامر: لو رجعنا هدا الكسول ما حيرجع تاني للاندس مهند: ماشي نخليها بكرا هاني: اجل انت اللي تمرنا بكرا مهند: ماشي &&& في الأندلس مول &&& ** ديرة كافيه ** سونيا: مدري ايش لزمة دي الطلعة غرام: خلينا ننفس عن نفسنا شويه سويس سونيا: لو وحدة من البنات شافتنا فاطمة مسكت راسها: هدي البنت بتجنني مريم: كم مره حكينا لك انو البنات ما حييجوا اليوم هنا فاطمة: هدي ما حترتاح الا لما ننمسك بجد ليان: فالك ما قبلناه فاطمه: مدري عنها غرام: الا انتي ليه غايبة اليوم ان شاء الله مريم وهي تشرب القلاس اللي قدامها: مالي خلق اداوم فاطمة: هييييييه انتي هدا مستقبل لا تهدميه عشانا مريم: ما اسوي حاجة عشانكم يا ××× بس من جد ودي اخد اجازة متلكم ليان: اقول تلايطي ناظرهم باستغراب وعقد حواجبه وبتساؤل: ســــونـــــيــــــا ؟؟!! الكل لف بسرعه و انصدموا !!! &&& في فلة بو ياسر &&& بو ياسر: و ماتت امي بحسرتها رتاج مسحت دمعتها اللي نزلت بدون اذن: بس جدي كتير غلط بو ياسر: ابويا كان همو الاولاد رتاج: ما فكر ابد فيها ياسر: مع ان البنات جنة الدنيا بو ياسر: ابويا ما فكر كدا كان فكروا انو البنات يجيبوا العار بس ثامر: مع احترامي بس هدا التفكير مريض بو ياسر ناظر الأرض: بس غانم ما كان يلوموا ياسر: عمي!! بو ياسر: ايوه ثامر: عمي اكتر وحده يحبها تاج ياسر: وحتى جدي بو ياسر: بس اللي عاشوه بعار عمتي كبير رتاج: عمتك!! بو ياسر هز راسه : كنت طفل ما افهم حاجه عشان كدا ما حسيت فيهم وغانم اخد شويه من قسوة ابويا بس نسوا انهم هما اللي ساعدوها كمان انها تسوي كدا هما لو ما رفضوا الرجال اللي تحبوا ما كان سوت زي كدا وما كان صار اللي صار ياسر: واللي جنت من هدي السالفة كلها جدتي بو ياسر هز راسه ثامر: ايش دنبها والله تمنت بنت لآخر يوم بحياتها بو ياسر ناظر ام ياسر: و انا حبيت البنات اكتر كمان و تمنيت يكون عندي اكتر من بنت وحدة بس ــ سكت ــ ام ياسر فهمت عليه: لا حبيبي انا ما حجيب ضرتي بيدي بو ياسر برجاء مضحك: بنت وحدة ع الأقل ام ياسر بحماس: لاااا تخيل احمل ويصيروا توم بنات ز ــ سكتت ــ بو ياسر ناظرها بحده ام ياسر: ماني ناقصة اصير متل رضيه معليش جد انت ما عندك فرق اما انا عندي وقامت بو ياسر ابتسم ع غيرتها: خلوني اقوم عشان ما تقلبها عليا مناحة اليوم ياسر: الحق قبل ما تنام بالصالة الكل: ههههههههههههههههههههههه طلع بو ياسر رتاج: جدتي تكسر الخاطر الكل: الله يرحمها طيف: طبعا حبيبي يحب البنات ــ وخزته ــ ياسر: اعشقهم طيف: ايوه زين ان شاء الله اللي ببطني توم بنات و نكسر هدي القاعدة ياسر مسح ع ذراعها بيده و ابتسم يطمنها ثامر: انسدح: تخيلوا عاد اتزوج وما اخلي زوجتي تجيب الا اولاد ... كان انجلط الكل ضحك ثامر: لالا والامر من كدا ما اقربها عشاني اخاف انها ممكن تجيب بنت .. آآآآآه وربي الموت اهون الكل: ههههههههههههههههههههههههه ههههه انتهـــى البـــ[7]ـــارت ان شاء الله ينال اعجابكم تــوقـــعــاتــكــم؟؟ 1- مين اللي شاف { الرباعي } ؟؟؟ 2- هل بتكتمل علاقة { غزل & الوليد } ؟؟؟ 3- الدار بيقدرون يوصلون لـ{ الرباعي } ويرجعونهم ؟؟؟ اراكم ع خير ان شاء لله.. ولا تحرموني من ردودكم وتوقعاتكم و بليييييييييييز ما ابي احد من خلف الكواليس شاكره لكم .. مع تحياتي: جذابة والعيون غلابه { Simoo } ^__^ | |||||||||
|
| |
|
23-09-15, 12:40 AM
| #13 | |||||||||
| نجم روايتي ومشرفة سابقة وفراشة متالقة بعالم الازياء
| هلا والله بنات من جد من جد اسعدتني ردودكم مرررررره و اشكركم وحده وحده و ان شاء الله اسعدكم بهذا البارت .. البـــ[8]ـــارت &&& في الاندلس مول &&& سكر عيونه بقوه بعصبيه: دحين تفهموني كل حاجة ولا وربي وربي ارجعكم للعانس غصب عنكم غرام تنرفزت: هوب هوب هوب مين انتا عشان تتكلم معانا كدا سونيا: خلاص يا جماعة فضحتونا الكل يناظرنا الوليد حاول يمسك اعصابه و عرف انه هدا الأسلوب ما ينفع معاهم: ممكن تحكوا لي ايش تسوو هنا فاطمة: عشان مين ؟؟ الوليد عض شفايه السفليه يحاول يمسك نفسه سونيا: ماشي ماشي انا حفهمك الوليد: احكي سونيا: هربنا طبعا و انت تعرف اكيد الوليد: شباب انتو شباااااب تهربوا كدا ايزي !!! غرام: مال امك انتا ها الوليد: غرام انطمي ما ابا اسمع صوتك غرام عصبت: جالس ع طاولتنا بدون أي حق وجاي تسوي معانا تحقيق.. ايوه هربنا مالك دخل الوليد يقلد صوتها باستهزاء: ايوه هربنا مالك دخل ــ عدل صوته ــ هييه انتو اصحو انتو بالسعودية مو امريكا طيب .. و انتو بدال ما تضحكوا وتستهبلوا وتطلعوا فكروا بخواتكم و بحالتهم غزل انجنت بسببكم تنام ع صياح و تقوم ع صياح و البقيه الله يعلم بحالهم فاطمه: انت هييييه اخونا ؟ ابونا؟ عمنا ؟ خالنا ؟؟ لا مال امك دخل امشي احسن لك سونيا: خلاص عاد زودتوها الكل سكت سونيا: اسمع احنا هربنا بإرادتنا و لو انت بمكانا سويت نفس الشي الوليد: نفس الشي !! .. انا رجال فاهمين ايش يعني رجال غرام: لا والله عشانا بنات يعني ما ينفع الوليد عارف لو تجادل معهم بهذا الموضوع ما راح يستفيد: دحين فهموني راح تعيشون بالفلوس اللي معكم شهر شهرين تلاته عشره وبعدين حتخلص ليه تحرقون قلب خواتكم من البداية فاطمة: يا ابويا احنا مخططين لهدا الموضوع مو شهر ولا شهرين سنيييييين فاهم ايش يعني سنين الوليد انصدم ليان: صبر صبر انت مواعد غزل هنا ؟؟ الوليد: لا جاي مع صاحبي.. دحين يعني انتو مبيتين النية من سنين؟؟؟؟ الكل: ايوه الوليد: طيب ما فكرتوا بخواتكم ؟؟ الكل سكت الوليد: غرام انتي اكتر وحدة تهتمي ادا هالشي بيأذي خواتك ولا لا غرام نزلت راسها ليان: بفهمون علينا بعدين الوليد: ايش يفهمون .. غزل كل يوم تبكي عليكم و محد قادر يهديها و الله اعلم بحالة البقية سونيا: ادري دقيت عليها امس باليل الوليد: كلمتيها ؟؟؟ سونيا: لا سمعت صوتها وهي تبكي وما قدرت اتكلم الوليد: ايوه قطعت نفسها بكي لما عرفت انكم مو عند مريم كان عندها امل انكم مع مريم بس طلعت الست هانم كادبه عليهم مريم سكتت الوليد: عاجبكم كدا ؟؟ غرام: اسمع اسمع الوليد الوليد قاطعها: ادا بتقلي ادبك و زي كدا ما حسمعك غرام: لالا اسمعني دحين انتا وهما تبغونا نرجع احنا ما صدقنا هربنا من بدريه . . طيب نفترض رجعنا وربي ما نسلم الوليد: ليه سويتوا كدا من الاول غرام: انت مو مستوعب بدريه قديش حقـ××× معايا و احنا نبا حريتنا بدون اوامرها الوليد: معليه بدريه مو حقـ××× انتي اللي تخلين الواحد يتصرف معك كدا غرام: انــــــا !! الوليد: لا ظلك غرام: ماشي ماشي بس ولو يعني الوليد: وحريتكم وين انكم تهربون وتسببون فوضه غرام: ايوه الوليد: هناك مو معطينكم حريتكم !!! غرام: بس مو نفس العوائل البقية الوليد: بالعكس انتو تلبسوا احسن الملابس و تاكلوا احسن الاكل و تناموا بأحسن الغرف و ش ناقصكم غيركم مو لاقين كسرة خبز فاطمة: خلاص لا نتكلم بالماضي قد صار و انتهى ليان: وانت ما حتعلم غزل طبعا الوليد: من راسك قررتي سونيا: ما يصير تقولها الوليد: ليه بالله غرام: حتفضحنا طبعا و لسان البنات مفلوت الوليد: اسوي أي حاجة لمصلحة غزل فاطمه: لا الوليد تكفى سونيا: ماشي ماشي اسمع انت تبا مصلحة غزل صح الوليد: ايوه سونيا: حاول تقنعها انو ادا هديو و اقتنعوا حنقابلهم بس بدون علم أي وحدة من المشرفات و بدون ما تعرف حسناء الوليد: وعد ؟ الكل: وعــد فاطمه: بتقنعها وحتقولها انو تعرف مكانا بس لازم تقتنع بقرارنا وتحترمه و تتأكد اننا ما حنقابل ولا وحدة الا ادا اقتنعت و هديت الوليد: ماشي موافق بس لا تنسون تقابلون غزل بأقرب فرصة الكل: اوك الوليد: يلا يا حلوين رقمكم الكل: ليه الوليد: ضمان ــ ومد جواله لهم ــ كتبوا ارقامهم الوليد يتأكد دق ع الارقام مريم: خلاص تطمنت؟ الوليد قام: سلام طلع &&& في دار الايتام للبنات &&& غزل: ما ادري الوليد الوليد: وربي اشتقت لك .. ما اشتقتي لي ؟ غزل سكتت لان كلمة شوق قليله باللي تحس فيه الوليد: تكفين غزول حاولي تطلعي مع أي وحدة كمان غزل: هدا كورنيش مو مول عشان يرضوا الوليد: مافي فرق غزل: الا ادا بنطلع الكورنيش البنات بلزمو يطلعوا كلهم و غير كدا بقولو ما ينفع بكرا لانو بعضهم عنده اختبارات الوليد: طيب انا لقيت حل غزل: قول الوليد: تروحون ع المول انتي وكم وحدة و برسل السواق يجيبك للكورنيش غزل: الوليد ليه ما تجي للمول الوليد: ابي اتكلم معك بهدوء مو كل شوي تتلفتين خايفة احد يشوفنا وربي عندي لك مفاجأة راح تستانسي فيها غزل: مفاجأتك ما تقدر تديني اياها بالمول الوليد بصوت حزين: خلاص ع راحتك متى ما جيتو تروحو للكرنيش اديتك هيا و عادي بكرا نتقابل بالمول غزل ما حبت تكسر فيه من اول وهو يترجاها: طيب خلاص اشوفك بالكورنيش الوليد بفرح: صـــدق غزل ضحكت: ايوه الوليد: البنات بيجو ؟ غزل: لا بسوي نفس كلامك الوليد: احـــــــــــــبـــــــــ ـــك وربي غزل: و انا كمان الوليد: اوعدك ان الهدية حتعجبك غزل: شوف الوليد لو طلعت تكدب عليا ورب اللي خلقني ما اكلمك اسبوع الوليد: ماشي ماشي وربي حتعجبك غزل: طيب خليني دحين بحاول في االبنات الوليد: ماشي احبك باي غزل: و انا كمان باي سكرت منه وراحت لشيماء: شيوم شيماء: من الأخير قولي غزل جلست و قعدت تفرك يدها: بكرا ابا اقابل الوليد شيماء وهي تطقطق باللاب: قابليه حد ماسكك .. ولا اول مره تقابلينه؟ غزل: كلـ×× ما قصدي كدا شيماء: ايش تبغي ما معي فلوس غزل رمتها بالخدادية: ع اساس طلبت منك فلوس انا اللي اسلفك دايم.. بس اباك تروحين معي شيماء ناظرتها: من متى و انتي تاخديني معك ادا كنتي مع الوليد غزل: اسمعي بقولك كل شي طيب شيماء باهتمام تركت اللاب وناظرت غزل: احكي غزل: يبي يشوفني بالكورنيش وتعرفين ما حيرضو لي اطلع وحدي للكورنيش لازم مجموعه معي وكدا و انتو تبون تروحون المول شيماء: ايوه غزل: تقدري بكرا تغطي عليا شيماء: ليه غزل: بروح مع سواقه للكورنيش بس بيعطيني هديه ونرجع شيماء: وليه ما يعطيك اياها بالمول؟ غزل: يقول ما يبا ازعاج المول و خوفي الزايد شيماء: لالالا يا بنت اخاف يسوي فيك شي غزل صربت يد شيماء: ع ××× طيب انا واثقه في الوليد اكتر من نفسي شيماء تفرك يدها: يا بنت ايش معنى يعني تروحي مع سواقهم ليه ما تروحي بالتكسي غزل: يخاف علي شيماء: اقول من يومنا نركب تكسي ادا احتجنا غزل: ماشي بس اهم شي اروح للكورنيش شيماء: لالا بجي معك غزل: لا شيوم ابي اقعد معه لحالي شيماء: و ادا ما طلع بالكورنيش وو.. غزل قاطعتها بضربه ع يد شيماء: وجع طيب وجع ايش هدي الأفكار ترا اكتر واحد يخاف عليا هو طيب شيماء: قطع الله هاليد غزل: ها ايش قلتي بتحاولين مع البنات تغطون علي شيماء: طيب ــ رفع يدها اللي ضربتها غزل ومدتها لها ــ غزل ناظرتها باستغراب شيماء: بوسي غزل بعدت يد شيماء وهي تضحك: كلي××× شيماء: خلاص مافي طلعه غزل باست خد شيماء بقوة: تكفيييييييييييين شيماء ضحكت: طيب انقلعي غزل استانست و رسلت للوليد تم شوي ودق عليها غزل: انت ما تشبع الوليد: لا وربي &&& في فلة بو ياسر &&& ام ياسر: شتسوي ثامر وعيونه ع اللاب: احذف ام ياسر: تحدف ايش؟ ثامر: حاجه رتاج: يحذف كلامو بالآسك ثامر ناظرها رتاج: صح ؟ ثامر: ايوه .. كل يوم والتاني جايني واحد ويقولي هلا بالعاشق ام ياسر ضربت ع صدرها: تـــحـــب ثامر ناظر امه: لا ايش هدا الكلام بس في احد سألني وكدا وقلت له ايوه عشان ما يزعجو ام اهلي ام ياسر: اها ثامر حس انها مو مقتنعه بكلامه: و انا عندي خوات و اخاف عليهم رتاج ناظرته: ترا ما عندك غيري انا لا تسوي فيها انو عندك اكتر من وحدة ثامر: ×××× طيب .. ليه بنات اعمامي مو خوات لي رتاج طنشته وقعدت ع جوالها ثامر رماها بالخداديه و رجع للاب &&& في فلة الوليد &&& الوليد: و ابيك تجي معايا اخطبها من اهلها ....: ليه مين قال اني مسؤول عنك الوليد: ايش هدا الكلام انت عمي مين حييجي معي ادا ما جيت انت ؟؟ عم الوليد: اها عمك توك تفتكر عمك لما جيت تبا تخطب الوليد سكت عم الوليد: انسا الوليد: يا عمي استهدي بالله يعني انا ايش بيدي عم الوليد: كان بيدك لما طردتنا امك الوليد: لو سمحت يا عمي اللي سويتوه في امي مو شوي و هدا الشي يحق لها عم الوليد: انسا الوليد حاول يمسك اعصابه: كم تبا ؟ عم الوليد: حياتك كلها فلوس و ع بالك الناس بتمشي بفلوسك الوليد ابتسم باستهزاء: اجل ليه كنت تبا تتزوج امي ــ وغمز له ــ عم الوليد ناظره الوليد ابتسم: عمي الله يرضا عليك قولي كم تبا ونخلص من هدا الموضوع ام الوليد نزلت من الدرج و هي لابسه عبايتها ومتحجبه: ولا ياخد ولا قرش الوليد ناظر امه: امي انا ابا اخطب البنت ام الوليد: الله يتمم عليكم الوليد ناظرها ام الوليد جلست جنب الوليد عم الوليد: خلاص بكرا مرني البيت ونتفق ام الوليد: ولا حيمرك بمزبلتك عم الوليد: الوليد احشم امك ام الوليد: انا حاشمه نفسي انت اللي احشم نفسك وراح تروح مع الوليد و تخطب له البنت غصب عن خشمك عم الوليد: محد يقدر يغصبني ع حاجه ام الوليد: انا اقدر عم الوليد ناظرها بتحدي ام الوليد: الا وين راحت المليون ريال عم الوليد حط فنجال القهوة ع الطاولة الوليد ناظر امه باستغراب: أي مليون ؟ ام الوليد حطت رجل ع رجل عم الوليد: اسمع يا ولدي قلت لك مو كل شي بالفلوس يا اخي تعلم كيف تتكلم بأدب و انا حروح معك بس حدد لي يوم عشان اضبط جدولي الوليد بدهشه: هاه !!!! عم الوليد: يلا انا استأدنكم الوليد جاء يقوم ام الوليد مسكت الوليد: تدل الباب ماله داعي اتعب ولدي عم الوليد ناظرها بقهر ومشا الوليد: ماما أي مليون ام الوليد: خليك من هدا كله متى ناوي تخطب البنت رسمي الوليد: بالويكند ام الوليد: الله يتمم عليكم يا رب الوليد استغرب من تغير امه ام الوليد ضحكت: يعني مستحيل ازوجك بنت ما اسأل عنها الوليد: اها و ايش عرفتي ام الوليد: اللي يعرفونها ما تكلموا عنها الا كل خير الوليد ابتسم و حمد ربه انها ما عرفت عن الشباب اللي كانت تكلمهم ام الوليد: و طلعوا كمان اعمامها نصابين الوليد: نصابين وبس .. بس ان شاء الله اقدر اقنعهم سريع ام الوليد: بس زوجاتهم غير الوليد: كيف يعني ام الوليد: سألت عنهم طلعوا يحبون غزل توقعت انهم هما اللي مشيشين ازواجهم ع غزل الوليد ضحك بصوت عالي: مو كل الحريممتل زوجات عمي ام الوليد ابتسمت: الوليد الوليد: لبيه ام الوليد: اسمع لو تزوجت غزل من دحين اقولك فهمها وضع عايلتنا و زوجات عمك خط احمر الوليد: لا توصي حريص ام الوليد سكتت الوليد ناظرها لاحظ ابتسامتها اللي انرسمت ع وجه امه: ايشبك ؟ ام الوليد: تذكرتك قبل سنيتين لما كنت تبا تطلع و اشوفك تنط نط بالدرج و اسألك كنت تقول بروح لغزالي الوليد ضحك ام الوليد: الوليد .. لما رفضت انك تاخدها لانها عايشه بالدار مو مع اهلها وتربيت عيال الدار غير و غير كدا بعضهم همجيات و عدوانيات الوليد: بس غزل غير ام الوليد: ان شاء الله تكون غير الوليد: والله يا امي حتحبيها ام الوليد ابتسمت الوليد: طول هدي السنتين كان تفكيري عندها ام الوليد: ايوه لدرجه انك نسيت امك الوليد جلس عند رجولها وباس ركبتها: آسف ام الوليد: و انا كمان آسفه كنت احسب انها نزوة وحتروح الوليد ناظرها: عمر غزالي ما كانت لي نزوة ام الوليد مسحت ع راس ولدها بحنان ( اليوم الثاني ) &&& في بيت الرباعي &&& ليان: هدي ايش في امها كل يوم و التاني مطيحه عندنا مريم رمت ليان بشنطتها حقت المدعسة: ع ×××× ما تستاهلون وربي غرام: احنا ما عندنا دراسه كل يوم والتاني جايه لنا بعد الظهر ليه مريم: وفي احد ينام لساعه 2 الظهر يا سرابيت فاطمه: ما عندنا درااااااااااااسة مريم: كلو ××× طيب سونيا: حرام تكسر الخاطر تدرس مريم تنرفزت ورمت عبايتها ع سونيا: انا حخلص قبلكم و انتو بتقعدوا كدا لين الله يفرجها عليكم و ترجعوا تدرسوا غرام: عن نفسي ما احتاج دراسه اعرف اكتب و اتكلم و آلات الحاسبة مو غالية مريم: فكونا دحين من الهم سويتو غدا ؟ ليان: دوبنا صاحيين من ازعاجك مريم طلعت جوالها ودقت ع مطعم غرام: فطوم افتحي التلفزيون مريم: بنات بعد اسبوعين يوم التلوت عيد ميلاد حمود في بيت امه فاطمة: يعني ؟ مريم: هيا عزمتكم وكدا سونيا: اوك غرام: ع كيف امك اوك سونيا: والله اشتقت للبارتيات ليان: بس الملابس اللي عندنا مو حق بارتيات سونيا: ايزي بكرا ولا أي يوم نروح ندور لنا ملابس مريم: ايوه فاطمه: خلاص طيب غرام: مين عازمين ؟ مريم: تطمني ولا وحدة من مدرستنا القديمة ولا من الدار ولا احد يعرفكم و ام حمود تعرف عنكم &&& في فلة بو هاني &&& هاني جلس جنب امه: امي ام هاني: همم هاني: امي مو عاجبني حالتك انتي و ابويا ام هاني ناظرته هاني: ع اساس تبينون لنا ان ما فيكم حاجه وعيونكم فاضحتكم ام هاني: ايش هدا الكلام يا ولد هاني: امي ورب الكعبة من هداك اليوم و انتو مو مع بعض زي اول ام هاني: ما فينا شي وغير كدا كل زوجين يتهاوشون هاني: صح كلامك بس صارلكم مده متى ناوين تتصالحوا ام هاني: بس احنا مو متهاوشين عشان نتصالح هاني: امي تقدري تقولي هدا الكلام لتاج وغلا انا لا ام هاني نزلت عيونها للجوال هاني: امي ابويه مأذيك ؟ ام هاني: لا بس سوء تفاهم بينا هاني: سوء التفاهم ينحل بعد يوم ولا يومين مو شهر تقريبا ام هاني: انت ما حتطلع مع ثامر هاني: امي ام هاني: هاني حبيبي خلاص هاني سكت شوي: بروح اشوف تاج و غلا ام هاني: في بيت عمك بو ياسر هاني هز راسه و طلع لبيت عمه ودق الباب شوي وفتحت له الخدامة هاني وعيونه ع جواله: وين ثامر؟ الخدامة: في جناحه هاني هز راسه و طلع الدرج وسمع صوت البنات: احم احم البانت تحجبوا رتاج: هدا هاني روان: حياه هاني: سلام الكل: وعليكم السلام رتاج: اخبارك هاني هاني: تمام و انتو روان: يسرك حالنا هاني ابتسم وطلع لجناح ثامر ودخل بدون ما يدق الباب و ما لقاه هاني: ثــــــاااامر ثامر طلع من الحمام ــ الله يكرمكم ــ هلا والله هاني جلس ثامر ينشف شعره: ايشبك ؟ هاني: ولا حاجه بس طفشان ثامر حس انه متضايق: طيب امشي نروح للاستراحة هاني: الشباب مع اهلهم ثامر: طيب نتمشى بالكورنيش ولا روح النادي هاني: لا مالي خلق نادي ثامر: قوم للكورنيش هاني: خلينا ناخد البنات معانا واضح طفشانين ثامر: هما تحت ؟ هاني: ايوه ثامر: لا يا شيخ وربي يبثرونا هاني: هيه خواتي ثامر: ويعني خواتك هاني: لالا قوم نغير جوهم ثامر: طيب هاني قام ثامر: ايوه صح هاني لف عليه ثامر: كنت افكر نروح البر وكدا بالويكند ايش رايك هاني: خلاص كلم جدي انت ثامر: طيب هاني نزل ثامر لبس: تيشيرت باللونين البيج و الرمادي من جاب و بنطلون جينز من سكوتش اند سودا .. حرك شعره بشكل عشوائي و اخذ ساعة فضيه من سوارفسكي راح لدولاب الجزم ــ الله يكرمكم ــ و اخذ شوز من ايكو .. اضغط على الصورة لرؤيتها بحجمها الطبيعي نزل بسرعه وشاف البنات جالسين بعباياتهم و بالغرفة اللي بجنبهم جالس هاني ويطقطق بجواله ثامر: يلا ركبوا السيارة و حرك ثامر تاج كانت جالسه ورا ثامر و تناظره من المرآه ثامر: اقول بنات الكل: ها / هلا / لبيه/ سم ثامر: نفكر نروح البر هالويكند الكل بحماس: ايوه ايوه ثامر: خلاص يا سرابيت .. المهم كل وحدة تقنع اهلها و خلو ناصر يجي لا اكسر وجهه رانيا: ايوه هين ثامر: ايشبك رنو الكل ضحك ثامر: الا صحيح خويلد الـ×× مسافر لفرنسا ولا قالنا ؟ روان: احنا ما عرفنا الا بنفس يوم رحلته هاني: اما عاد ثامر: الحـ××× تونا نعرف امس بالتويتر هاني: و انت 24 ساعة ع التويتر ثامر: لا وربي ما اقعد عليه كتير هاني: واضح ولا ما كان عرفت عن سالفة البنات تاج: أي بنات ؟ ثامر: تدكري البنات اللي يتحرشون فينا هاني ناظره: يتحرشون فينا !!! ثامر لف عليه وغمز له هاني لف وجهه ويضحك رتاج: ايشبهم ثامر: الله يسلمكم هربوا من الدار الكل: اييييييييييييش غلا: البنتين اللي تهاوشو معاكم في المطعم ؟؟؟؟ ثامر: لا اربع تاج: بس احنا شفنا ثنتين ثامر: لا وحدة منهم مو من ضمن رباعيتهم بس اصلا هما اربعه و هربوا اسبوع اللي راح هاني لف عليه: خلصت ؟! ثامر: ها هاني: ع كيف امك تحدد ان هما اللي هربوا ثامر: ايوه هما هاني: احنا سمعنا ان في 4 هربوا من دور الايتام مو شرط يكونوا هما ثامر: بس اسبوع اللي راح شفنا بنات الدور في المول ما كانوا معاهم الرباعي ثامر: خلاص يا اخي دوبك من دوبهم 24 ساعة غلا: من جد لا تحط عقلك بعقلهم رتاج: انا ابا اعرف هدولا عميان ولا ايش هاني: ليه؟ رتاج: يتحرشون فيكم انتو !!! ولا بالأخص هدا اللي بدون ملامح ثامر: رتاج هانم ترا السيارة اللي راكبه فيها سيارتي ترا ارميك هنا وخلي السواق و لا تكسي يجي يوصلك رتاج: جد !! يلا نزلني نفسي اركب تكسي ما عمري ركبته ثامر: هدي لو ما سكتوها بالعن خيرها تاج ضحكت: رتوج خلاص رتاج: وينه ياسر بس ثامر اخذ الكلينكس ورماه عليها: انطمي رتاج: رمته عليه: انطم انت هاني: هيييييييييييييه انتي وياه بنسوي حادث عشان هواشكم الغبي دا روان: وين بنروح ثامر: نروح الكورنيش غلا: من زمان ما رحنا الكورنيش ثامر: تكلمي عن نفسك ابوي غلا: يييييه اخوك ايش يسكته رنا: هدا وهو يسوق يتكلم كدا كيف لو كان مكان هاني رانيا: عز الله رحنا فيها الكل: ههههههههههههههههههههههههه هههههههه ثامر بسخريه: هـ هـ هـ هـ سو فاني .. اوريك يالسنفورة رانيا: مقطعك الطول ثامر لف عليه: هدي متى طلع لسانها بالله رنا: اوووووه لسانها اطول منها الكل: ههههههههههههههههههههههههه ههههه رانيا ضربت رانيا بكوعها: انا اختك يا حمـ××× رنا: وحد تبرا منك ؟ ثامر وقف هاني: امشوا امشوا يا سرابيت نزل الكل تاج: نفسي بموكا بارد غلا: بدا البرد !! تاج: وربي مشتهيته هاني: بطلي جنون مالي خلق هواش مع امي و ابويه تاج مدت بوزها بزعل ثامر: و انا بعد نفسي فيه هاني: انت كيفك اختي لا ثامر: ما علي منك بنت عمي مشتهيه موكا مثلي تاج لفت ع غلا وتناظره بمعنى ما قلت لك ثامر راح لأقرب كفيه وجاب لهم هاني: ما راح تكثرين منو طيب تاج: يصير خير غلا مسكت يد روان: طفشت بمشي انا وروان و رنا شوي تاج: طيب سي يو رتاج: هيا انتو كمان ما جينا عشان نقعد مع ناس بدون ملامح هاني: كلامك هدا مو موجه لي طبعا ؟ رتاج وهي تناظر ثامر: اكيد ومشت مع البنات ثامر شات من وراها: انقلعي طيب هاني: هههههههههههههههههه انتو الاتنين مو صاحيين ثامر مشا وخلاه هاني مشا وراه وهو يضحك ** في مكان ثاني ** كان جالس ورا السور و ينتظرها ويناظر جواله شافته من بعيد: هلا شيوم خلاص وصلت بقفل دحين شيماء: طيب سلام غزل سكرت منها وراحت له بهدوء شافته سرحان و يناظر جواله غزل هزته من كتفه: بششش الوليد قفل جواله ع طول ولف عليها غزل حركت حواجبها الوليد: هلا حبي غزل جت بتنط وتجلس جنبه الوليد مسك ذراعها يسندها غزل جلست وكانت بتطيح ع ورا بس الوليد مسكها من ظهرها غزل ناظرت يده اللي ع ذراعها الوليد سحب يده ورفعها: بس اساعدك غزل ضحكت الوليد: كيفك غزل: منيحه وانت ؟ الوليد: دحين صرت بخير غزل ضحكت بخجل الوليد سرح بضحكتها غزل: يا هووو الوليد ناظرها غزل: يلا وريني بسرعه هديتك الوليد: مستعجله لهدي الدرجة غزل: لا وليدي بس ما ابا احط شيوم بموقف وكدا الوليد فها من كلمة وليدي غزل: يا هوووو بتقعد كدا كل شوي تسرح الوليد: اشتقت لهدي الكلمة غزل ما انتبهت: أي كلمة ؟! الوليد: وليدي .. يالله قديش اشتقت لها غزل توها تستوعب: قلت وليدي ؟ الوليد هز راسه بايه غزل: طيب الوليد: اعشق هالاسم منك غزل بخجل: خلاص الوليد الوليد: لالالا قولي وليدي غزل ضحكت: بتوريني هديتك ولا ارجع الوليد: طيب طيب ــ تذكر وناظر الجوال بعدين ناظرها ــ ايوه اباك تسمعيني للأخير ماشي غزل بجديه: قول الوليد: دحين انتي مشتاقه حق خواتك الرباعي صح غزل نزلت راسها بحزن: ايوه الوليد: ايش بتسوي ادا شفتيهم ؟؟ غزل: ياليت والله اكون اسعد انسانه الوليد اخذ نفس عميق: انا شفتهم غزل ناظرته: هااه الوليد: امس الصبح شفتهم بالمول وكدا و قعدت اتكلم معهم ومن هدا الحكي وهما نفسهم يشوفونك وكدا غزل دمعت عيونها: الوليد تتكلم من جد الوليد: خليني اكمل غزل سكتت الوليد: بس خايفين غزل: خايفين ؟!! الوليد: ايوه يخافو يشوفونكم و يزل لسانكم للمشرفات و كدا غزل: لالالالا بس شوفتهم تكفي وما حنقول ولا حاجه وربي وعد الوليد: طيب هما وعدوني انو حيقابلونكم لو هديتو و اقتنعتو بقرارهم و ان مالهم رجعه ابدا غزل: يعني كيف حيعيشو بعيد عننا الوليد: هدا قرارهم وخلاص .. يعني بالله عليكي تبغيهم يرجعو دحين عشان تلعن خيرهم بدريه غزل سكتت الوليد: ادا وعدتيني انك ما تحكي لاحد و انك ما تقعدي تحاولي فيهم انهم يرجعو حيقابلونك غزل بفرح: جــــــــــــــد الوليد ناظر جواله الرباعي بصوت واحد: ايوه غزل انصدمت وناظرت الجوال الوليد مد لها الجوال غزل قعدت تكلمهم ** عند هاني و ثامر ** ثامر: يا اخي ما في زوجين ما يتهاوشون هاني: بس هدا الموضوع كبر كتير ثامر: ايش دراك هاني: وربي يبينون لنا حاجه واللي بينهم حاجه تانيه ثامر: انت ادعي لهم وبس هاني: الله المستعان ثامر: امين ــ عقد حواجبه و ضيق عيونه بتركيز ــ هدي مو من الدار هاني ناظر مكان ما يناظر ثامر: ما ادري ثامر: هديك اللي بالمطعم هاني: ايوه ايوه ثامر: اوه طلعت راعية شباب هاني: لا تتكلم في البنت ما تعرف ايش ممكن يكون لها عندك اخت ثامر: يا شيخ كلهم طينه وحدة هاني: ثـــااامر ثامر بصدمه: شوف شوف ** عند غزل و الوليد ** غزل سكرت من البنات بعد ما حكت معهم وحدة وحدة ووعدوها اذا هدت واقتنعت بقرارهم بخلون الوليد يعطيها ارقامهم .. جلست جنب الوليد بفرح و اعطته الجوال وبعفويه باسته بخده الوليد ناظرها بصدمه وفرح بنفس الوقت غزل استوعبت اللي سوته و ناظرت عيون الوليد بصدمه شوي ونزلت عيونها بخجل ووجها صار احمر الوليد لف وجهه بفرح كان يتمناها و يحلم فيها غزل بارتباك: ءءء بـ-ـروح الحمـ-ـام ــ الله يكرمكم ــ غزل جت تنط عشان تطلع الوليد سندها من ظهرها غزل هزت راسها وراحت الوليد لحقها غزل دخلت الحمامات ــ الله يكرمكم ــ وناظرت نفسها بالمرايه بصدمه " كيف تجرأت اسوي كدا !!!.. دحين ايش يقولي عني !!!! " غسلت وجها بالمويه ونشفتها ظلت داخل 7 دقايق ** برا ** كان واقف قريب شوي من الحمامات ــ الله يكرمكم ــ و حالته مو اسوء من غزل بس كان يبتسم و يحاول يخفي ابتسامته عشان محد يتكلم فيه .. حط يده ع خده يتحسس مكان البوسة طلعت غزل وتعلقت عيونها بعيونه نزلت عيونها وقعدت تفرك بيدها بارتباك الوليد توجه لها: احم يلا غزل: ابا ارجع دقو عليا وكدا الوليد: طيب خليني اوصلك غزل هزت راسها وراحوا لسيارة الوليد الوليد شغل اغنية بسيارته وقعد يناظر غزل غزل ناظرته و ابتسمت بارتباك **عند هاني وثامر ** هاني: خلاص ثمور لا تتكلم في البنت تاخد دنبها ثامر: هه كلهم نفس الطينه من جد مو متربين هاني: خلصت ؟ ثامر ناظره هاني: امشي و انت ساكت ( الثلاثاء ) يوم ميلاد محمد &&& في بيت الرباعي &&& غرام: لو تز××× ما حلبسها سونيا: ياه ليه ياخي غرم: اخاف فاطمة: غرام سونيا بتلبسك هيا و بتشيلها هيا غرام: هدي عيون عرفين يعني ايش عيون ليان: ياليييييييل طيب ما يصير كل يوم نفس التسريحه غرام: انسوووووو سونيا: غرام ترا كل مره وهدي هوشتنا ونرجع و اشيلها لك كاني دكتورة جراحة و ما يصير فيك حاجه غرام: لالالالا مريم: خلصينا غرام راح تلبسيها يعني بتلبسيها غرام: مابي فاطمه: طيب لا تلبسينها بس التسريحة بتسوينها غصب غرام: لا بالله و عيوني اللي مو منتبه لي انتبه ليان: عشان كدا نقولك البسيها مافي فرق بعيونك غرام سكتت سونيا: وعد ادا صار شي بعيونك بعطيك عيوني غرام: وعد؟! سونيا: وعد غرام: طيب سونيا راحت لغرام: افتحي عيونك ولا تسكرينها غرام فتحتها وكل شوي تسكرها سونيا بصراخ: غراااااااااااام غرام: طيب طيب سونيا لبست غرام العدسات بعد جهد و جهيد ليان: وجع ما بغينا &&& في فلة زوج ام محمد &&& ام محمد: مهند مهند مهند لف عليها: لبيه ام محمد: جوالك يدق مهند اخذ منها الجوال: الوو ثامر: هلا والله مهند: هلا ثامر: وينك مهند: ببيت ام محمد ثامر: بتقعد هناك؟ مهند: لا ما حقعد طول الحفلة ثامر: ايوه زين مهند: يلا انقلع بخلص شغلي ثامر: سلام سكر منه وراح لام محمد ام محمد: محمد لسا نايم ؟؟ مهند: مدري والله بدق ع ابوي ام محمد: طيب انا بروح اشوف الخدم مهند هز راسه ودق ع ابوه بو مهند: ها مهند: محمد لسا نايم؟ بو مهند لا قام ويسأل عنكم مهند: دحين شيسوي؟ بو مهند: يلعب ويطالع نكلودين مهند: زين بعد نص ساعة خليهم يلبسونه اللي بغرفتي ع سريري و انا بجيبه بو مهند: طيب ولمتى انا بقعد له دادا عندي شغل يا ولد مهند: بابا هانت نص ساعة بس بو مهند: ماشي يلا اذلف سكر منه وراح لام محمد: عمي ما حييجي؟؟ ام محمد: لا ما تعرف عمك انت ما يحب حفلات الميلاد بس حيرسل الهديه مهند: اها ام محمد: و ابوك ؟ مهند: لا ما اتوقع اليوم عنده شغل بالموت مجلسه بالبيت ام محمد هزت راسها: كل الرجال كدا مهند: ها ها و انا ايش !! ام محمد ضحكت وضربته بخفه ع كتفه: قصدي الاباء وكدا مهند: ما عليك حنا نكفي و نوفي شوي ودخلو قريبات ام محمد مهند نزل راسه وسلم عليهم و طلع ....: ام محمد وين البنات ؟ ام محمد: مدري قالت لي مريم ربع ساعه وبجون ** عند مهند ** مهند: اجي اخدكم مريم: لالا السواق موجود مهند بغيظ: مدري مين اقرب لك انا ولا السواق مريم: مهند مو كدا بس ما ابا اتعبك تجي وترجع مهند: انا جاي سكر منها وراح لام محمد ام محمد: متى بجون البنات ؟ مهند: دحين بروح اجيبهم ....: ليه يا وولدي خلي السواق يجيبهم مهند: لا ماله داعي يا خاله انا موجود ام محمد: طيب يلا الله يسهل لك مهند: امين وطلع ركب سيارته وحرك بسرعه للعمارة مهند: الوو مريم مريم: ها مهند: يلا انا تحت مريم: طيب مهند ارسل احد يشيل الهداية مهند: طيب انا طالع نزل من السيارة و طلع لشقتهم و دق الباب ليان فتحت الباب وهي لابسة عبايتها سونيا: شوف الهداية ع الكنبة مهند شال بعضهم و نزل و ارسل حارس العمارة يجيب الباقي شوي ونزلوا البنات و ركبوا السيارة مهند ركب مكان السائق: اووووه غرام لبست عدسات اخيرا من سنه غرام: اسكت و اللي يرحم والدينك عيوني تحرقني سونيا: انتي خليك طبيعية ما حتعورك مريم: تخيل من زواج اجناد السنه الماضية توها تلبس عدسات مهند ضحك: ايوه والله حالتك مستعصية صراحة في المناسبات القوية تلبسينها مريم: لا ارتاح بالاعياد ما تلبسها الا ادا كان في حاجه بالعيد مهند: غرام من جد للحين مو متعلمه كيف تلبسينها انا عرفت كيف تنلبس و انا اشوف مريم بس غرام: والله اخاف مهند مات ضحك: ههههههههههههههههههههههههه هههههههه وربي مو لايق عليك كلمة اخاف غرام: كل×××× بلا بشكلك دق جوال مهند مهند: اششش ابويه ــ رد ــ الووو بو مهند: خلاص لبسوه مهند: طيب اوصل البنات و اخده بو مهند: لالالا انت وصلهم و انا اجيبه بعد ما تكتملون هناك و مره وحده اعطيه هديته مهند: طيب بو مهند: الهديه بسيارتك صح ؟ مهند: ايوه بو مهند: طيب يلا سلام سكر من ابوه ووصلوا &&& في دار الايتام للبنات &&& سجى: يا بنات غزل مو طبيعية جواهر: من جد حسناء: ليه سجى: قاعدة تقنعنا لها فتره ان هدا قرار الرباعي وكدا مدري مين اللي متقطع بكي ديك الايام شيماء: لالالا و الاقوى و الامر تكلم بعيد عننا رهف: ممكن تكلم واحد جديد سجى: مستحيل صاروا دحين مخطوبين رسمي لبعض هاجر: حتى ولو هيا لو تكلم واحد تاني تكلمه قدامنا كمان شيماء: والله لها فتره متغيره يا بنات غزل: حشو حشو الكل ناظرها غزل: مين اللي متغيره ؟؟ هاجر: انتي غزل: اناااا شيماء: لا ظلك غزل: ××× قولو بايش متغيره فيه ؟ رهف: مرات يدق جوالك و تروحي بعيد و تتكلمي وكدا غزل: هدا الوليد شيماء: الوليد دايما تتكلمين معاه قدامنا غزل: هوا اللي يقولي روحي لمكان وحدك سجى: بالله !! و كل مره كدا غزل: يا لييييييييل حسناء قامت و طلعت غرفتها غزل كانت تناظر حسناء لين ما سمعت صوت الباب يتسكر: تعالوا الغرفة جواهر: ليه ؟ غزل راحت للغرفة ولحقوها البنات وجلسوا غزل: تبون تعرفون مين اكلم ليا فتره الكل هز راسه غزل: اول حاجه عطوني وعد وعد انكم ما تعلمون احد غيرنا يعني ما يطلع هدا الموضوع لاحد حسناء او أي وحدة و حتى المشرفات الكل ناظر غزل بجديه: وعد غزل: جد جد الموضوع قوي مره جواهر: احكي خرعتينا غزل: اكلم الرباعي الكل: ايييييييييييش غزل: الله يلـ××××× يا ×××× انطمو وربي ما اكمل الكل سكت غزل: ترا حتى هما مشتاقين لنا مررره بس مو قادرين يتواصلون معاكم لين تقتنعون بقرارهم رهف: يعني ايش ما حيرجعو !! غزل: ابببد .. بنات دحين لو رجعو وربي ما يسلموا من بدريه حياتهم برا مره حلوه وزينه احسن من هنا الكل سكت غزل: بنات تبغوا تكلموهم الكل: ايوه / اكيد / طبيعي .. غزل: اجل فكرو بكلامي وحعطيكم ارقامهم بس ولا وحدة تفكر انها تقولهم ارجعوا تبو تقابلوهم اوك بس بعد ما تقتنعون وكدا شيماء دمعت عيونها و خنقتها العبرة وحطت يدها ع رقبتها: قابـ-ـلتيهـ-ـم ؟؟ غزل هزت راسها بلا بحزن: يبغون يقابلونا كلنا رهف مسحت دموعها: وين عايشيين ؟ غزل: بوريكم بس ولا وحدة تفكر ادا قالت للمشرفة يعني بترجعهم لو تحبوهم خلوهم ع راحتهم الكل هز راسه غزل: وعـــــد؟؟؟ الكل: وعـــــــد غزل فتحت جوالها و التموا حولها غزل: هدي الصالة هاجر: الله تجنننن غزل: ودا المطبخ جواهر: صغير غزل: اكيد صغير بمقارنة بمطبخنا شيماء: بس يكفيهم اربعتهم غزل: هدي غرفة سونيا و ليان سجى: كيووووووووووووت غزل: ودي غرفة غرام وفطوم شيماء: شوفوا شوفوا شنطة غرام تحت الستارة الكل ضحك غزل: عشوائية هالبنت هاجر: يعني فطوم طالعه منها شوفي سريرها الكل ضحك رهف: لحظه لحظه الكل لف ع رهف رهف: كيف اخدو لهم شقة ولازم يكون في إجراءات غزل: نسيييت .. تراهم مع مريم و البيت هدية من ابو مريم و السواق من مهند سجى: كداااااااااااابه غزل: وربي و قصري حسك لا ادوس ببطنك سجى: طيب طيب هاجر: بس مو ديك المره مريم قالت ... ــ وسكتت ــ غزل ابتسمت: كلهم مخططين شيماء: و الهوشة و النقل ووووو غزل: كلها خطة منهم عشان يقدروا يهربوا و ما يسألوا عنهم عند مريم جواهر: شف السـ×××× غزل: ههههههههههههههههههههه رهف: كملي ورينا الصور غزل: هدا مجلسهم جواهر: شوفوا العصيرات ههههههههههههههه غزل: هدولا هما كلهم سجى دمعت عيونها: وحشوني غزل ناظرتها جواهر ضمتها غزل: سجوي حبيبتي شوفي كيف مستانسين احنا مو كنا خايفين عليهم و كيف بدبرو امورهم وكدا .. شوفيهم مرتاحين و ادا تبغو تقابلوهم لازم تتفهموهم الكل هز راسه &&& في مطعم كابتشينو &&& س 11 ** في الجلسات برا ** كان يناظر بالفراغ بشرود غلا: هنوي يعني ايش بتسوي انت هاني: ما اعرف بس كل ما زاد الوضع بيبعدو عن بعض اكتر غلا: بابا يحاول يراضي ماما بس ماما احسها ما تعطيه وجه هاني: خايف ان الموضوع اكبر من هوشه عاديه شفتي بعد ما كلمتها سوو نفسهم انهم يضحكوا ومدري ايش مع بعض و بالحقيقه حاجه تانيه غلا: تدري بدت تجيني وساوس و شك مرات هاني: متل ايش؟ جاء رجال ويزيد الفحم لهاني هاني هز راسه له غلا: ممكن بابا متزوج ع ماما يعني قصدي انو.. هاني: لالالالا ابويه يعشق امي يسوي المستحيل عشان امي لو تقوله امي ادبح نفسك و ريحني بريحها غلا: مدري بس احس الموضوع كبير هاني: تدرين ان هدي الفكره مستحيل تجيني غلا: ليه هاني: لانو عارف قديش ابوي يحب امي غلا: حتى امي تحب ابويه هاني: اعرف بس مو زي ابويه ترا يعني اعرف انهم يحبو بعض مررره بس ابويه اكثر تعرفي ان امي تبا اكتر من مره تحمل بس ابويه خايف تطلع بنت غلا: ايشبهم البنات يجننو اسم الله عليهم هاني: ندري انهم يجننو بس ابويه ما يبا يتزوج ع ماما غلا هزت راسها هاني: بس امي تبا ولد و كدا بس ابوي رافض يخاف غلا: الله يعين بحاول افهم من ماما أي حاجه مو حاله هدي هاني شفت من لي الشيشة و نفثها بضيق: يارب يرجعوا زي قبل غلا: امين دق جوال هاني هاني: ها ثامر: هيا تعال هاني: تعالوا انتو جالس مع غلا ثامر: يا شيخ ما مليت من الجلسة هاني: ثامر يا حمـ××× غلا رجولها تعورها غلا تأشر له: لا عادي صرت احسن ثامر: يلا بس البنت تقولك صارت احسن امشوا عندنا هاني: طيب ثواني سكر منه غلا: بروح الحمام ــ الله يكرمكم ــ هاني: طيب و انا بحاسب غلا راحت هاني: الحساب حاسب الرجال و قام لعند حمامات النساء ــ الله يكرمكم ــ ينتظر غلا شوي و طلعت هاني مسك يدها: ها كيف رجلك دحين ناظرته باستغراب و عصبيه: نعم خير ؟؟ هاني باستغراب: ايشبك سحبت يدها منه بعصبيه: انت اللي ايشبك ولا عندكم عادة هاني: غلاوي حبيبي زادت عصبيتها : حبك برص يا شيخ و مشت لطاولة بعيدة شوي هاني ناظرها وهو مصدوم غلا طلعت بسرعه: ايش في ؟؟ هاني ناظر غلا غلا: هاني ايشبك خرعتني هاني مصدوم مو قادر يتكلم غلا: امشي امشي هاني: انتي غلا ؟؟ غلا: هههههههههههههههههه هنوي ايشبك هاني ناظر الطاولة اللي راحت لها شبيهة اخته غلا: ايشبك تناظر البنات كدا هاني نزل راسه ومشا غلا لحقته وهي مستغربه: هاني هاني: ها غلا: ايشبك حبيبي هاني: ورب الكعبه نسخه منك غلا: مين هدي هاني: البنت اللي طلعت قبلك غلا باستغراب: تشبهني!! هاني: نسسسخخخخه منك وربي غلا: عادي خلق من شبه 40 هاني: بس هدي كانها انتي بس الفرق العباية غلا: طيب هاني عادي هاني هز راسه ومشوا غلا: هدولا البنات هاني راح لهم خالد: ها غلاوي كيف رجلك غلا: زينه تاج: متأكدة غلا: هههههه ايوه اشبكم ثامر: يلا احنا بنمشي خالد: انتو الاتنين انا بروح لحالي ثامر مسكه: عشان ما نلاقيك الا متضارب عشان وحدة خالد: كل×××× طيب ــ وأشر له بعيونه ع البنات ــ رنا: ع اساس ما نعرفك احنا خالد ابتسم ثامر لاحظ شرود هاني: هاني هاني ناظره ثامر: ايشبك رتاج: يلا سلام مشو البنات هاني جلس ع السور: شباب شفت وحدة نسخه من اختي خالد: اما قمرين ع الارض ما يصير ثامر: كل تـ×× انت خالد: ما اكلك .. بس جد والله حلو راح يكون اتنين من تاج شي جمييييييييييل هاني ناظر خالد: انت ما تعرف تسكت ثامر ناظر هاني بجديه خالد حس انهم جاديين تغيرت ملامحه: طيب و ايش فيها هاني: وحده نسسخه من غلا ثامر: خلق من شبه 40 هاني: بس مو كدا كانو هيا حتى مسكتها و ع بالي غلا خالد مات ضحك هاني: يلا خدلك استهزاء ثامر: اما عاد وريني هيا امانه هاني: امشوا امشوا راحوا لنفس المكان هاني كان يدور بعيونه ع شبيهة اخته و راح لنفس الطاولة الي جلست عليها بس مالقاها مسك واحد من العمال هاني: هنا كان في بنات كتير وينهم ؟ الرجال: قبل شويه راحوا هاني: وين راحوا ؟ الرجال: ما اعرف والله هاني طلع ثامر: ها وينهم هاني: طلعوا قبل شوي ثامر: امشي امشي يا شيخ ممكن يتهيأ لك هاني يمشي معاهم: مستحيل اقولك نسخه نسسسخخخه خالد: طيب ليه مكبر الموضوع عادي هاني: لا بس مستغرب الشبه اول مره اشوف كدا ثامر: عادي يا شيخ هاني: ترا حتى امي مره شافت بالمستشفى وحدة تشبه اختر غلا مره نسخه من بعض وحسبت انو هيا ثامر: عادي طيب هاني هز راسه: بس تدكرت كلام امي ثامر: شبااااااااااااب هاني و خالد ناظروه ثامر: تشفون اللي اشوفه هاني: ايش ثامر يأشر ع 5 بنات 3 يمشون جنب بعض ومعطينهم ظهرهم و ثنتين مقابلينهم ويمشون بالعكس هاني: هدي مريم اخت مهند خالد يصفر: صاروخ هاني: استحي ع وجهك هدي اخت صاحبنا خالد: طيب طيب ثامر: دحين ما ركزتوا الا ع مريم هاني: ايش تبا ؟ ثامر: اللي معاها من بنات الدار هاني: مستحيل متهاوشه معاهم هيا ثامر بعفويه: وربي شوف شوف هديك اللي عطتك كف معاها خالد: ايش !! هاني ناظر ثامر بقهر: و اكيد اللي معاهم العوره اللي لفت يدك ثامر ناظر هاني: ايش قصدك هاني: انت اللي بديت خالد: فهموني مين هدولا اللي ضربوكم هاني: ما ضربونا خالد يضحك: يقولك عطتك كف هاني لف وجهه بانزعاج ثامر: خلاص بعدين نفهمك هاني مسك ثامر: ثامر خليهم ثامر بعد يد هاني و مشا وراهم ولحقه خالد ثامر سحب كبوس جاكيته يخفي وجهه شوي ويسوي نفسه يطقطق بجواله ليان: معليش مريوم مريم: كل××× طيب ما بينا سونيا: بس جد دي قريبتك تنرفز مريم: اصلا ام محمد قالت لي انها ما عزمتها غرام بملل: بنات العدسات تحرقني ابا اشيلها سونيا رحمتها: امشي الحمام ــ الله يكرمكم ــ اشيلها لك مريم: بتنكتمي ترا غرام: ليه ؟ مريم: بترجعي الثمه غرام: ايزي اخاف يصير بعيوني حاجه فلتت ضحكه من ثامر البنات لفو عليهم ثامر شال الكبوس وهو يضحك: اما تخافين غرام لفت وجها: ياليييييييييل خالد: والله طلعوا يعرفونكم فاطمة: وهداك كلبكم يمشي وراكم كان هاني يمشي وراهم ويناظر الارض بسرحان ثامر عصب: احترمي نفسك سونيا: انتو اللي لاحقينا مين المفروض يحترم نفسه خالد: انا مالي دخل فيهم .. انا بس خقيت ع الحلو ــ و اشر ع مريم ــ ثامر ضربه بكوعه وبهمس ما بين اسنانه: اخت مهند خالد: طيب خلاص وجع هاني صقع فيهم: وجع امشـ ــ ناظر البنات ــ ليان: التم المتعوس ع خايب الرجا هاني: نعم؟ غرام: نظف ادنك ادا ما تسمع هاني جاء يرد عليها: انا ما .. ــ انشل لسانه وهو يناظرها بصدمه ــ غرام: سفله ثامر: احترمي نفسك لا ادوس ببطنك غرام: واحد يغازل و التاني يضارب ثامر: نعععممم انتو عارفين مين !! حدكم لقطاء وشايفين نفسكم مدري ع ايش هاني دف ثامر: امشي ثامر ثامر يبعد هاني: خليني اربيها مدام اهلها ما عرفو يربونها المفروض اهلك يتربو عشان يربون غرام: خليت لكم التربية .. بس نسيت انكم تربية خدم هاني لف عليها: اختي آسف كنت غلطان غرام: اسفك هدا بلها و اشرب مويتها هاني حاول يمسك نفسه سونيا: امشي امشي غرام ثامر كان توه ينتبه لعيون غرام راح ولفها من ذراعها غرام: خيييييير ثامر: اوووه اكشخ تو انتبه لعيونك غرام دفته بقوه عنها: مره ثانيه تلمسني العن خيرك فاهم ولفت بتمشي خالد راح لها: وانا عادي ؟ سونيا: ورب الكعبه دبحكم ع يدي خالد خق: لبى الدبح دامه ع يدك سونيا طنشته وراحت مع غرام للحمامات البنات لحقوهم هاني: شباب شفتو؟ خالد: ايش ؟ هاني: هدي هيا شبيت غلا ثامر: ايوه من جد فيها من غلا لانو ما ركزت بملامحها هاني: وربي نسخه منها خالد: ما انتبهت ظلام هاني سكت ثامر: بس تراها لابسه عدسات هاني: ترا العدسات ما تغير شي كبير ثامر: بس نفس الانف و العيون الباقي ما ركزت عليه خالد: هدي تشبهوها بغلا الناعمة ثامر: من جد فرق السماء عن الارض هاني ضحك: من جد ع قولة مشعل هدولا شنب خالد ضحك: كم مره تهاوشتو معاهم ثامر: كتير هاني: و السبب ــ وناظر ثامر ورفع حاجبه الايسر ــ ثامر: هما كمان مستفزين خالد: الا صحيح ايش سالفة الكف و اللفه ثامر: امشي و احكي لك كل حاجه ** عند البنات ** غرام: لو صار شي بعيوني يا ويلك يا سونيا سونيا: انتي بس انطمي وما حيصير شي غرام سكتت سونيا: خلاص شلتها غرام: اوه اخيرا غسلت وجها ونشفته و عدلت حجابها فاطمه: غرام ترا محد بينتبه لك بهدا الظلام فاطمه: من جد غرام: احلفوا ليان: يه والله العظيم غرام طلعت بدون ما تتلثم لحقوها البنات ليان: خلونا نرجع بديت انعس فاطمه: و انا كمان مريم: طيب ــ طلعت جوالها و دقت ع مهند ــ مهند: ها مريم: وينك مهند بالاستراحة مريم: طيب خلاص مهند: ايش تبغي ؟ مريم: كنت اباك ترجعنا وكدا مهند: خلاص جاي مريم: لا عادي بخلي السواق مهند: سلام جاي سكرت منه مريم: دحين بجي جلسوا ع الكراسي غرام: لنا فتره مرتاحين من وجيهم و دحين فجأة يطلعون لنا فاطمة: ايش صار بينك وبين هاني غرام: الحـ××× لما طلعت من الحمام ــ الله يكرمكم ــ لما كنا بالمطعم مسكني ويقولي كيف رجولك حبيبتي .. حبه كلب اجرب ليان: ول وجع مريم: ممكن غلطان غرام: مالي دخل بنيته &&& في سيارة مهند &&& دق جوال مهند مهند: ها ثامر: الا اقول وينك مهند مهند: برا ثامر: اها ما بتجي الاستراحة ؟ مهند: انا كنت بالاستراحة انتو وينكم ؟ ثامر: برا .. طيب بترجع ؟ مهند: ايوه بس اوصل اهلي وكدا و برجع ثامر: ايوه قلتي لي اهلك هاه مهند: ايوه ليه ؟ ثامر: لا حبيبي ولا حاجة خلاص احنا دحين رايحين للاستراحة مهند: طيب سلام ...... شوي ووصل ..... مهند دق ع مريم: وصلت وينكم مريم: احنا جنب حمامات النساء ــ الله يكرمكم ــ مهند: في اكتر من حمام بالهبله ــ الله يكرمكم ــ مريم: ها ايوه طيب انت وينك ؟ مهند: جنب مطعم كابتشينو مريم: طيب خلاص جاين دحين سكر منها وطلع من السيارة ودخل المطعم اخذ له موكا بارد و طلع شاف البنات متوجهين لسيارة مهند يأشر لهم: ياهوووو لفو عليه البنات ثامر: هلاااا مهند مهند لف ع ثامر بسرعه وفتح عيونه ع وسعهم .......... انتهـــى البـــ[8]ـــارت ان شاء الله ينال اعجابكم تــوقـــعــاتــكــم؟؟ اراكم ع خير ان شاء لله.. ولا تحرموني من ردودكم وتوقعاتكم و بليييييييييييز ما ابي احد من خلف الكواليس شاكره لكم .. مع تحياتي: جذابة والعيون غلابه { Simoo } ^__^ | |||||||||
|
| |
|
23-09-15, 12:55 AM
| #14 | |||||||||
| نجم روايتي ومشرفة سابقة وفراشة متالقة بعالم الازياء
| البـــ[9]ـــارت &&& في دار الايتام للبنات &&& غزل: خايفه انو اللي سويته غلط الوليد: لا يا قلبي بالعكس اللي سويتيه كان من زمان لازم يصير غزل: مدري البنات حينصدمو الوليد: بالعكس ليه ما تقولين راح تكون مفاجأة لهم غزل: مدري اخاف البنات يزل لسانهم الوليد: هدي مهمتك انت غزل: يس الوليد : خلينا منهم دحين غزل: همم الوليد: تدرين ما توقعت اعمامك يوافقوا بسهوله كدا غزل: وانا كمان مستغربه بس خايفه يكون هدا الهدوء ما قبل العاصفة الوليد يضحك: ان شاء الله يكون من جد ما في حاجه غزل: الوليد الوليد: عيونه و قلبه انتي غزل: بعدين اكلمك الوليد: زوز فيك شي ؟ غزل: صبر اسمع صوت البنات في صراخ الوليد: طيب حبيبي بعدين طمنيني غزل: طيب سلام الوليد: احبك باي سكرت منه &&& في بيت الرباعي &&& كانت الصالة هدوء و الكل ساكت ويناظر بعض فاطمه قطعت الصمت: وين سونيا ؟ ليان: تكلم داخل مريم: بنات ايشبكم الكل ناظرها مريم: عادي ترا اللي صار غرام: ثامر هدا واضح انو ندل مريم: بس مستحيل يبلغ عنكم فاطمة: هو حاقد اصلا ايش اللي يخليك واثقه مريم: اعرف انهم يكرهونا وحاقدين علينا بس ما توصل انهم يبلغون عكم ليان: انا راسي بينفجر غرام انسدحت ع الكنبة وفصخت جوتيها برجولها ـــ الله يكرمكم ــ و اخذت رموت التلفزيون وشغلته فاطمه قامت: بجيب لي شي اشربه اجيب لكم معي ؟ غرام: جيبي لي معك فاطمة: ايش؟ غرام: زيك فاطمة: بجيب لي خرا غرام رمتها بالخداديه: كليه انتي فاطمة ضحكت ودخلت المطبخ طلعت سونيا: بنات الكل ناظرها سونيا: عندي لكم مفاجأة غرام: اكتر من مفاجآت اليوم .. خليها بكرا وفرو شوي مفاجآت سونيا: انقلعي وين فطوم فاطمة تطلع من المطبخ: ها سونيا: هواه .. اقعدي عندي لكم مفاجأة فاطمة: يارب شي حلو ــ وجلست ــ سونيا: قولو هاي ليان: انقلعي مريم: دي فاضيه فاطمه: حنا وين وهيا وين سونيا: خلصتوا ؟؟ غرام: انقلعي سونيا ايش تبغي سونيا: قولو هاي ايش بتخسرو ؟؟ الكل باستهبال: هااااااااااااي سمعو صوت يطلع من جوال سونيا: هاااااااااااااااااااااااا ااااااااااااااااااااااااا ااااااااااااااااااااي الكل فز وراح لسونيا ليان: خواتي !! سونيا هزت راسها قعدوا يتضاربون ع الجوال لين اخذت ليان الجوال &&& في استراحة الشباب &&& مهند: بس كمان ما يخصكم وهدولا متل اهلي هاني: من جد شباب يعني اكيد بقولنا انه ما يعرف عنهم شي عشان ما تقربون لهم في النهايه هو خايف ع اهله خليل: الله عاد و الاهل مهند: خلييييييل خليل: هدولا ما يعتبروا اهل مهند: مالك دخل يا اخي مشعل: للحين مو مستوعب هربتهم مهند ناظره ثامر: ههههههههههههههههههههههههه هههههههه شباب احنا مره وحده حاولنا نهرب من المدرسة و انمسكنا يوسف: و انضربنا كمان هاني يضحك: تستاهلون مشعل: الحيـ××× هدا الوحيد اللي هرب هو وخليل خليل: شسوي لكم كمان اساعدكم بهدا الدبي ــ ويأشر بيوسف ــ مهند: بعدها سوا رجيم عشان ينحف الكل: ههههههههههههههههههههههههه هههه ثامر: طلعوا البنات احسن مننا خليل: تكلموا عن نفسكم احسن منكم انتو يوسف: اهم شي انجلدتو زينا مهند قام وهو يضحك: الحمد لله اني كنت غايب عشان ما انجلد معكم خليل: مهند امانه هدولا أي صف مهند: ثاني ثانوي خليل: ودي حركاتهم!!! مهند: المهم خلونا من هدا كله .. الرباعي محد يمسهم من دحين اقولكم .. هاني امسك ولد عمك احسن له هاني ناظر ثامر بعتب يوسف: ع وين ؟ مهند: تعبان حيل بروح البيت انااااام سلم ع الكل وطلع ثامر ناظر هاني: طيب طيب والله ما حسوي لهم حاجه تانيه خليل: شباب من جد خلونا نبعد عنهم مشعل: قول هدا الكلام حق الدلخ اللي جنبك ثامر: الدلوخ اللي جابوك هاني: قوم ثامر خلينا نرجع البيت ثامر: لا اقعد نلعب ورق هاني: ابويه يدق ثامر: طيب هاني: ثامر وين جوالك ؟ ثامر طلع جواله: طفا .. وين خلود هاني: برا اكيد يكلم ثامر: طيب هيا سلموا عليهم ومشو هاني شاف خالد جنب المسبح و يكلم بالجوال: خاااااااالد امشي هيا نرجع خالد: طييييييب يوسف: يلا انتو كمان الساعه بتصير اثنين مشعل: يوسف وصلني بطريقك مالي خلق اسوق يوسف: قوم قوم شغل السيارة ع ما اجمع الاغراض خليل وهو ياخذ بوكه و مفاتيحه وجواله: خليها يجي العامل بكرا الصبح و ينظف يوسف: اقول جمع الورق اللي جنبك و انت ساكت خليل جمع الورق يوسف شال القير حق السوني وحطه جنب البلايستيشن خليل جمع القلاسات و حطها الطاولة: هيا امشي يوسف اخذ اغراضه وطلع ( اليوم الثاني ) &&& في بيت بو مهند &&& س 9 ص آية تفتح الباب: غريبه جايه من الصباح؟ مريم: اللقافة بتذبحني آية ضحكت مريم: وينهم ؟ آية: في غرفة الطعام مريم رمت عبايتها و شنطتها ودخلت غرفة الطعام: صباح الخيييير باست ابوها بخده و جلست مقابل اخوها بو مهند: صباح النور مريم: وين حمود ؟ بو مهند: عند امه مريم هزت راسها مهند: ليه قلتي لي انك ما حتادومين مدام بتصحين بدري مريم: جيت من اللقافة مهند: ها ؟ مريم: ايش صار امس مهند: مو صاحية مريم: يلا مهننند مهند: ما صار شي تكلمنا وتفاهمنا وخلصنا مريم: اعرف اقصد التفاصيل بو مهند خلص اكل قام وهو يضحك: يلا اخليك مع الملقوفة ادا خلصت تعال ع طول للشركة مدام ما عندك جامعة مهند: ماشي بو مهند: سلام طلع بعد ما غسل يده وفمه مريم: هيا احكي مهند: اسمعي يا طويلة العمر ( ............... قبل 9 ساعات .............. ثامر: هلاااا مهند مهند لف ع ثامر بسرعه وفتح عيونه ع وسعهم هاني نزل راسه مهند مد يده وسلم عليهم البنات كانوا واقفين عند السيارة ويناظرونهم ثامر اشر لمهند بحواجبه ع البنات مهند لف ع البنات و حرك راسه عشان يدخلون السيارة ثامر: ما تعرف مين هما اللي هربوا .. بلا بشكلهم .. تهاوشوا مع اختي هاني كتم ضحكته ومازال منزل راسه مهند: خلصت ثامر ابتسم مهند: ما يخصك هاني: من جد ايش هدي اللقافة ثامر يضحك: يا حيـ××× ايش دي الحركة كل هدا عشان ما اتهاوش معهم مهند: لو ما اعرف انك ندل كان خريتها ثامر: اما عاد مهند: لو اني قلت لكم عنهم راح توقفوا اول شي ضدي ثاني شي انت ما بتصدق خبر كل يوم بتقعد تتعمد تقابلهم عشان تطقطق عليهم هاني: في هدي صدق انا معاك ثامر: انا كدا!!!! مهند: لا ظلك ثامر: المهم يا بكاش توصلهم وتجي ع الاستراحة ع طول لا يمين ولا يسار مهند: ماشي سلام ) مريم: اوف ايش هدا النشبة مهند: ثامر من يومه كدا مريم: ما راح يتعرضوا لهم ابد صح ؟ مهند: ايوه وعدني مريم باستهزاء: ع اساس بكون قد وعده مهند: اعرف ثامر زين ادا وعد ما يخلف مريم: ان شاء الله مهند: كيف البنات ؟ مريم: امس كلموا خواتهم مهند كان يشرب المويه وشرق مريم: بسم الله مهند: كيف عرفوا مريم: من غزل مهند ينظرها يعني كملي مريم: بس ما حيعلمو احد مهند هز راسه مريم باستهزاء: وعدوهم مهند ضحك: والله ما حيقربو منكم مريم قامت وراحت غرفتها &&& في المدرسة الثانوية للبنات &&& شيماء: الا صحيح غزول وش عرفك مكانهم و وكيف حاكيتيهم سجى: من جد كيف ؟ غزل: الله يسلمكم حبيبي شافهم سجى: الوليد !! غزل هزت راسها شيماء: كيف يعني ؟؟ غزل: شافهم و قعد يحكي معاهم و كدا بعدين اعطاني رقمهم سجى: بس غزل: ايوه سجى: يعني ما قابلتيهم ؟ غزل: لا والله ودي سجى: ليه ما نزورهم ببيتهم غزل: نسيتي بدريه شيماء: نقابلهم برا غزل: قالوا بجي يوم و نتقابل بس مو هدي الفتره و ما نبا نضغط عليهم ماشي شيماء + سجى هزو راسهم &&& في فلة بو هاني &&& ام هاني نزلت وشافت هاني جالس بالصالة: هاني !؟ هاني لف عليها و عدل جلسته ام هاني: ما عندك جامعه اليوم ؟ هاني: لا ام هاني جلست جنبه هاني باس خدها: صباح الخير ام هاني: صباح النور .. لو ادري ما فطرت في الغرفة هاني: عادي فطرت مع البنات ام هاني هزت راسها هاني: ماما تعرفي ايش شفت امس ام هاني: ايش هاني: شفت وحدة نسخه من غلا تخيلي ام هاني جمدت ملامحها هاني قام وجلس مقابل امه: شبه مو طبيعي ام هاني ابتسمت هاني: تخيلي دخلت غلا الحمام ــ الله يكرمكم ــ و انا كنت واقف انتظرها و طلعت هدي شبيهة غلا و مسكتها ع بالي غلا و اكلمها البنت لعنت خامسيني ام هاني ضحكت هاني: والله و انا مصدوم اقول ايشبها دي ولما تركتني دوبي انتبه للعباية ام هاني: خلق من شبه 40 هاني: ايوه صح بس الصدمه انها تشبها بكل حاجه بوجها و انفها وحواجبها وعيونها وفمها ام هاني: هههههههههههههههههههه قزيت البنت قز هاني: ماما من الصدمة ام هاني: تشبها بكل شي بكل شي ؟؟ هاني: ايوه كل شي حتى كنت ابا اوريها غلا بس غلا ما صدقتني .. اسالي ثامر ثامر شافها ام هاني هزت راسها وطلعت جوالها هاني: بس عيونها مو نفس الشي ام هاني رفعت راسها بحذر هاني بشرود: كانت محطيه عدسات ام هاني: عدسات !! هاني: ايوه اصلا هيا عيونها كل وحدة مختلفه عن الثانية ويبين كانها عوره بس كانت امس محطيه عدسات ام هاني: وانت ايش دراك هاني: سمعتها تقول ابا اشيل العدسات وكدا ام هاني هزت راسها هاني: بس انصدمت وربي ام هاني: عادي ممكن بس تشبها بالعيون هاني: لا ماما حتى لما شالت العدسات كانت تشبه غلا بشكل مو طبيعي بس الفرق عيونها اليمين لانو اليسار نفس غلا ام هاني بلعت العافية: وو وانتو كيف تعرفوها ؟؟ بو هاني بانزعاج كان واقف من اول ويناظرها بحده عشان تسكت: هاني هاني لف ع ابوه: هلا بابا قام وباس راسه بو هاني: ما عندك جامعة ؟ هاني: لا بو هاني: طيب خد ثامر وتعالوا لشركة سريع هاني: بابا ايش بتستفيد مننا مثلا ام هاني: من جد خلي الاولاد بو هاني: احتاجهم وطلع هاني: انا بروح ابدل عشان الحقه ام هاني: طيب بس ضروري ترجع وتحكي لي عن شبيهة غلا ــ وضحكت ــ هاني ضحك وطلع لجناحه ودخل غرفة التبديل دق ع هاني وحط سبيكر ثامر: ايش تبا ؟ هاني: وينك ثامر: ببيت ياسر هاني: ابويه يقولك تجهز وامشي نلحقه للشركة ثامر: طيب انا بجي مع ياسر هاني: طيب كلمة خليل ؟ ثامر: لا بالمحاضرة هاني: طيب سلام سكر منه و لبس ثوب وراح لتسريحة و لبس كبك باللونين اسود و فضي من بولغاري و ساعة بحزام جلد اسود و المينا حق الساعة فضي من كورلوف .. سرح شعره ع ورا ولبس شماغه و عقاله وطلع سريع &&& في بيت الرباعي &&& س 4 العصر غرام: ليان اديني الصحن ليان طلعت الصحن وعطت غرام غرام: حطيتي السفرة ؟ ليان: ايوه هيا غرام شالت الاكل و ساعدتها ليان غرام: فاطمه سونيا هيا اكل .. ليون تكفين ناديهم ليان راحت لهم شافتهم يتهاوشون رجعت بسرعه: غرام فاطمه وسونيا يتهاوشون غرام راحت مع ليان لغرفة فاطمه وغرام غرام: هوووب هووووب ايشبكم ترا في جيران سونيا: غرام خليها تطلع اسوارتي فاطمه: مو عندي يا حيـ×××× مو عنديييي سونيا: وربي هيا اللي اخدتها امس بالحفلة غرام: ايوه فطوم انتي كنتي لابستها امس فاطمة: طيب رجعتها ع تسريحتهم ليان: سويس دوري زين بالغرفة سونيا: حست عليها مالقيتها فاطمه: شسوي لك حطيتها بالتسريحة سونيا: انا اديتك هيا ترجعيها بمكانها مو ع التسريحة فاطمة: وين احطها لك ان شاء الله فوق راسك سونيا: فطيم دبري نفسك طلعي لي هيا شاريتها ب 45 فاطمه: درينا انك شريتيها 45 ترا غرام: خلاااااااص خلونا ناكل بعدين ندور عليها وجع راحوا وجلسوا حول طاولة الطعام يتغدون فاطمة: كلمتم مريم ؟؟ ليان: ايوه الشباب عرفونا سونيا: و مهند ؟ ليان: عادي مافيه شي فاطمه: خفت نورطه غرام: من جد ليان: لالا مافيه الا العافية غرام: بنات لا تطلعون اليوم نطلع مع بعض الجمعة سونيا: والله انا وليون طالعين تبغي تعالي معانا غرام: والله ما فيا كرهت الخرجات بس ضروري نطلع الجمعة ماشي فاطمة: هيييييه يا ×××× بنروح درة العروس يوم الجمعة ابو مهند عازمنا غرام: لا تسبي .. اعرف بس بطلع الصباح ضروري و برجع سريع ليان: لا غرام نطلع اليوم خلاص كلنا غرام: ما ابا تعبت من طلعت امس سونيا: خلاص انا وليان طالعيين غرام: طيب فاطمه قامت غسلت يدها وشغلت الـt.v وجلست ع الكنبة: وين الريموت ؟؟ غرام: اخر مره كان مع ليان ليان: حطيته ع الكنبة فاطمه قامت تدور الريموت تحت الكنبة سونيا: فطوووووم فاطمة: هاه سونيا: هدي اسوارتي يا سربوته فاطمة سحبت اسوارة سونيا: خديها ذليتينا سونيا: هاتي حيـ××× تقول حطيتها ع التسريحة &&& في مطعم بي اف شانجز &&& كانوا هاني وثامر يتساسرون ثامر: لا يا شيخ مو كتير يشبهوا بعض هاني: اقولك ما فرقت بينهم ثامر: فرق السماء عن الارض هاني: ياخي اترك الاخلاق قصدي الشكل ثامر: تتوهم كتير مهند جلس: ايشبهم هدولا خليل: هاني ثامر ثامر ناظرهم مشعل: سلامات !! هاني: امور الشركة يوسف: انتو تهرجوا بمواضيع الشركة !!!!! ثامر: طيحين من عينك مهند وهو يشرب عصيره: من زماااااااااااااااااان خليل: الا ايش عندكم صدق من يوم جلستوا ما سكتوا هاني: نثنق الشركة وكدا مشعل: ع اساس صدقتوا كدا يوسف: ما علينا شباب متورط ثامر: كم تبا ؟؟ هاني: مع مين ؟؟ مشعل: اهبدهم لك دحين خليل: انتهى الموضوع اهلهم ترحموا عليهم مهند: نكلم الشرطة احسن يوسف بصدمه: هوب هوب ايش هدا!!!! الكل ناظر يوسف يوسف: خلوني اكمل الكل سكت باهتمام يوسف: امي تبا تخطب لي مشعل: مبروك منك المال ومنها العيال خليل: متى العرس ؟ مهند مد يده ليوسف يصافحه: عظم الله اجرك من دحين الكل: ههههههههههههههههههههههههه هههههه يوسف: في هدي صدقت هاني: توك يا بابا ايشبهم اهلك ؟ يوسف: و انا ادري !!؟ اقولهم انا عمري لسا 24 مو راضيين يسمعوا يقولون اللي بعمرك صاروا اجداد يا ابويا ايش البكش هدا ثامر تسدح ضحك: اما اجداااااااااااد يوسف: ياشخ اهلي ادا يبغو يقنعوني بحاجة لازم يبالغوا مهند: ما تخلص بهارات اهلك يوسف: طلعوا لي حل امي مصره خليل: شورها وهداية الله مهند: اسمع ما عليك منه قولهم انك مو قد المسؤولية دحين وكدا و ما تبا تظلم البنت معاك يوسف: قلت لهم كدا قالوا لي عشان كدا نبيك تعتمد ع نفسك ومن هدا الكلام هاني: يا بابا ارفض و ريح راسك يوسف: و انت بتراضي امي ؟؟ مشعل: مشكلتك والله يوسف: سرااابييييت مهند: ومين بتخطب لك ؟؟ يوسف: تبا تاخد من بنات خالتي بس مستحيل اخد وحدة منهم وحدة خكرية و التانيه عربجية الكل: ههههههههههههههههههههههههه هههههه ثامر: ما بنصحك بوحدة منهم لانو الثنتين دمار &&& في فلة بو هاني &&& ** في جناح غانم+ سارة ** غانم: ايش قصدك من هدي الحركة؟؟ سارة: غانم بنتي لسا عايشه غانم: و انتو كل ما بتشوفوا وحدة تشبه غلا خلاص توأمها سارة: غانم واللي يرحم والديك وين بنتي غانم: ماااتتت مااااااااااااتت سارة: وهدي مين ؟؟؟ غانم: خلق من شبه 40 سارة: بالله .. لدرجة انها نفس توأم غلا بكل شي غانم: سارة الزبدة هدا الموضوع ما عاد راح ينفتح بالبيت فاهمه سارة: راح افتحه مره ومرتين وعشر لين الاقي بنتي غانم قرب منها: ساااارة ما حيخرب نظامنا عشان وحدة تشبه غلا سارة: غانم بعد عني غانم بهدوء وحنان: ترا هدولا مو بنات وحدك انا كمان ابوهم سارة لفت وجها: غانم ابعد غانم: سارة حبيبتي انا مستعد ادخلها البيت من اليوم لو طلعت بنتنا سارة تبكي: اببببععععدددد غانم ضمها له سارة حاولت تبعده عنها لين ارخت جسمها و استسلمت لدموعها تنزل لصدره غانم مسح ع ظهرها بحنيه سارة: ابـ-ـي بنـ-ـتي غانم: بنات تاج و غلا سارة ما بين شهقاتها: غـ-ـرآم غانم شد عليها سارة: مسحت دموعها وبعدته: غانم لو سمحت ابعد مو قادرة اتقبلك غانم: لمتى لمتىىىى واحنا كدا وطلع وضرب الباب بقوة دخلت بعده تاج و غلا تاج: ماما سارة ضمتهم لحضنها وبكت غلا بهمس: ماما ايشبك؟؟ سارة باست جبين غلا تطمنها تاج: تهاوشتوا كمان ؟ سارة هزت راسها بايه تاج هزت راسها بيأس وطلعت سارة ناظرت تاج غلا: انا بروح لها سارة: طيب غلا لحقت تاج سمعوا صوت الباب يتسكر هاني طلع وهو يغني: غلا غلا لفت عليه هاني: ايشبك غلا: ماما وبابا تهاوشوا هاني هز راسه جاه تبلد من كثر هواشهم غلا: روح كلم ماما هدا الموضوع صار سخيف مره وطلعت هاني راح جناح امه و ابوه وطق الباب ام هاني: ادخل دخل هاني: ماما ام هاني: تعال هاني باس خدها وجلس: اشبكم كمان اليوم ام هاني: ما يصير الواحد يتهاوش مع زوجه ؟؟ هاني: ماما هدا الموضوع كبر كتير ام هاني سكتت هاني: ماما ايش الموضوع ممكن اقدر اساعدك ام هاني: الموضوع اليوم مره سخيف ما علينا انا اليوم براضيه هاني: ماما لا تكدبي عليا ام هاني: والله ما اكدب اليوم لما يرجع بتأسف منه وبنرجع زي قبل هاني: وعد ؟ ام هاني: وعد هاني: طيب انا بروح ابدل ثيابي ام هاني: هاني هاني: لبيه ام هاني تشغل نفسها باسوارتها: ما كملت لي حكاية هدي البنت اللي تشبه غلا هاني: اها غرام ام هاني جمدت عروقها ورفعت راسها مستحيل يكون كل شي تصادف هاني ارخى جسمه ع الكنبة: اممم كنا نتهاوش معاهم كتير من قبل ام هاني: تتهاوشون !!! هاني: ماما ثامر كان يتهاوش معاها انا مالي شغل ام هاني هزت راسها عشان يكمل هاني: بس الغريبة اننا كنا نتصادف معاهم كثيييييييييييير ام هاني: ايش هدي الصدف !! هاني: انا كمان استغربت ام هاني: طيب هاني: و بس كل يوم والثاني نطلع معاهم بمشكله البنات كرهونا صاروا بس ادا لمحونا كشرو و انا ما الومهم ثامر ما يخليهم بحالهم خاصة غرام لو ما عاير بعيونها و بأهلها ما يرتاح ام هاني: يعايرها !!! هاني: ايوه مره يقولها يالعوره و مره العمية لانو تلبس نظارة شمسيه حتى بالليل و بالمولات لانو شكلها تخجل من عيونها ام هاني نزلت راسها بحزن هاني: ومره يقولها يالقيطه و يقعد يشتم فيها ام هاني بعصبية: ايش هدا وليه مافي احد يوقفه عند حده هاني: حاولنا وربي بس ولد حماك مجنون ام هاني زادت عصبيتها هاني: ياما اوقف بوجهه و اقوله هيا ايش دنبها وكدا بس ما يسمع لي .. وغير كدا يا ماما البنات ما قصروا ام هاني: كيف يعني ؟ هاني: هدي غرام مره لفت يد ثامر عشان كان يبا ينل النظارة من عيونها ام هاني فتحت فمها بصدمه هاني: بس مرات ما الومهم لانو ثامر كمان غلط ام هاني: وغلطوا كبير مره هاني: ايوه بس ما يسمع لي ام هاني: كمل هاني: ايوه وقبل فتره هربوا هدولا الاربع من الدار .......................... اخلي هاني يحكي لامه عنهم &&& في فلة الوليد &&& ام الوليد: هدولا مو اهل صراحة !!! الوليد: انا موافق ام الوليد: ايش اللي انا موافق الوليد: ماما انا احب غزل ولجلها اشق الارض مو فلوس تحرمني منها ام الوليد: هدا اللي بجنني الوليد: ماما تكفين ام الوليد: دحين تدق ع غزل وتحكي لها عن شروط اعمامها متكفلين فيهم احنا الوليد: ماما مو من جدك ام الوليد: لا من جدي ولا انا اللي بدق عليها الوليد: غزل ما تعرف عن الموضوع ولو عرفت حترفض وما حنتزوج ممكن كمان ترفضني عشان ما انحرج مع اهلها ام الوليد: واحنا مو مسؤولين عنهم الوليد: ماما الله يخليك خلينا نسوي اللي يطلبونه مالنا الا هدا الحل ولا كيف بناخد بنتهم ام الوليد: والله ما عرفوا بنتهم الا لما جت تتزوج وطول السينين هدي راميينها في الدار الوليد: ماما لا تعقدين الوضع ام الوليد: خلينا نقول لغزل ممكن يكون عندها وجهة نظر تانيه الوليد: انا اعرف غزل و ايش بتقول &&& في دار الايتام للبنات للبنات &&& غزل: نــــــــــــــــــــعـــ ـــــــــــــم .. خيييير بأي حق يطلبوا كل هدا من الوليد زوجة عمها ام مساعد: والله انا زيك انصدمت و ما رضيو نحكي لك بس لازم تعرفي وتوقفي بوجهم لانو حاسه ان الوليد ما حيقولك عشان ما تنحرجين مننا غزل: هييين انا اوريهم ام مساعد: راح تجي اليوم ؟ غزل: ايوه دحين بجي ام مساعد: ننتظرك غزل: سلام سكرت منها ونزلت سريع عند مياسين غزل: ميسو مياسين: لبيه غزل: بروح عند اعمامي مياسين: ممن جدك؟! غزل: وربي مياسين: طيب روحي تجهزي غزل طلعت غرفتها ولبست : بلوزة متعددة الاوان من كنزو و بنطلون اسكيني من مانجو .. رفعت شعرها كعكه .. ولبست عبايتها و اخذت شنطة باللون الاحمر من اقنر .. ولبست حذاء فلات ــ الله يكرمكم ــ باللونين الاحمر و الابيض من شومارت اضغط على الصورة لرؤيتها بحجمها الطبيعي و نزلت سريع وركبت السيارة و ارسلت للوليد ( انا طالعه دحين لبيت اعمامي ) شوي ودق جوالها الوليد: الوو غزل غزل: ليه ما قلت لي الوليد سكت غزل: احكيييييييي ليه ما قلت لي ؟؟ الوليد: خفت يصير نفس هدا الموقف غزل: باللله الوليد: غزل انا شاريك و بسوي المستحيل عشان اخدك غزل: مو كدا مو كدا الوليد: هما اهك ويحق لهم يطلبوا اللي يبغوه غزل ضحكت باستهزاء: ههههههههههه اهلي ما توقعت هدي الكلمة تطلع منك .. لو اهلي ما رموني بالدار 10 سنين الوليد سكت غزل: الوليد ارفض الوليد: ما اقدر انا اباك احبك افمهي غزل: و انا كمان احبك بس هدي مو طريقة عشان نتزوج اللي طلبوه كتير الوليد: لجل عيون تكرم مدينه غزل: الولــيـــد الوليد: غزل انا راضي خلاص مافي مشاكل غزل: كيف راضي كييييييييف الوليد: يا ماما انا راضي ما يخصك تبغي تسوي أي مشكله عشان نترك بعض !!! غزل: انــــا !! الوليد: زوز حبيبتي خلي هدا الموضوع عليا خلي الرجال يتفاهمو غزل: تصطفلو لو الموضوع ما يخصني الوليد: غزيل خلااااص عاد غزل: هدي فيها استغلال وما حأرضا احد يستغلك الوليد: انا راضي يا بنت تكفين خلينا نملك و نخلص غزل سكتت شوي: الوليد الوليد: قلبه غزل: سلام وصلت الوليد: غزززللل غزل: باي احبك الوليد: غزل لا تسكـ.. سكرت منه و دخلت العمارة ( يوم الجمعة ) &&& مجمع العرب &&& ** داخل احد محلات الذهب ** يناظر ساعته الرولكس الذهبية بميناء باللون النيلي بملل وتأفف انفتح باب المحل و دخلت وهي متحجبة ولابسه نظارات شمسية و سألت عن احد العاملين اللي يشتغلون بنفس المحل العامل: سمي اختي طلعت من شنطتها البنيه اللي من لويس فيتون عقدها الذهبي اللي نقش عليها اسمها ويتدلا منه اول حرف من اسمها: هدا اللي حكيت لك عنه العامل اخذ السلسال بحذر وبعد مدة زمنيه: بـ####### غرام بصدمة: بسسس !! العامل ابتسم الفتت نظره لما سمع صوتها و تأكدت انها نفس الشخص ناظر السلسال اللي مع العامل و عقد حواجبه باستغراب غرام لوت بوزها: طيب خلاص اهم شي اخلص منه تقدم لها بخطوات واسعه: اختي غرام لفت عليه وكشرت هاني يهديها: مو جاي اتهاوش ورب الكعبة غرام: ايش تبا اخلص هاني: ابا اشتري منك هدا السلسال غرام: دحين ببيعه هاني ناظر العامل بعدين ناظر غرام: ممكن شوي غرام سكتت شوي تفكر بعدين راحت معاه بعيد شوي هاني: بشتريه منك بالمبلغ اللي تبغيه غرام: خلاص راح اخده بـ##### هاني: هدا بخص لك حقه و انا اقدر اشتريه منك بـ##### غرام فتحت عيونها ع وسعهم من الرقم اللي طلع من فم الشاب: لهدرجة غالي هاني: ها ايش قلتي ؟؟ غرام: اكيد موافقه هاني: خلاص انتظرك برا غرام راحت للعامل و اخذت منه السلسال: خلاص مشكور العامل كشر بوجهه بانزعاج من هاني غرام طلعت ورا هاني وجلسوا مقابلين بعض هاني: السلسال صراحة عاجبني مره وابا اشتريه و انقهرت لما بخص بحقه العامل غرام: من النهايه هدا هوا تباه بعته ما تباه امشي ــ وحطته ع الطاولة ــ هاني شاله وقعد يناظره: ايوه اكيد اباه .. بس ابا اسألك غرام بانزعاج: اخلص هاني: من وين اشتريتي هدا السلسال؟؟ غرام: لو اعرف عن هالسلسال حاجه كان شفتني جالسه معاك دحين ؟؟؟ هاني استغرب: هاه !! غرام: هدا كان معي و انا صغيره .. تطمن مو سارقته هاني: استغفر الله غرام: بتشتري ولا ما عندي وقت وربي هاني: طيب كيف تبيني ادفع لك غرام بسرعه: كاش هاني: طيب ثواني ــ طلع جواله ودق ع احد العاملين ــ دحين تجي ومعاك ##### كاش ....... ايوه لا تناقش .......... يلا ثواني و الاقيك عندي ........... مجمع العرب ............ سلام سكر منه هاني: ايش تشربي غرام: هييييه يابو انا جايه ابيع مو جايه اشرب معاك حاجه هاني: طيب طيب خلاص آسف دق جوال غرام غرام ردت: هااه ......... طيب خلاص ساعة بالكتير و انا عندكم .................. لا تكتري هرج ............ يلا انقلعي سكرت من سونيا وناظرت هاني اللي كان ينظرها وعاقد حواجبه غرام: نعم ؟؟ هاني استوعب: معليش اسألك سؤال غرام: لا ... ولا تنسا احنا اعداء ما بينا شي هاني: طيب بس انا ما اعتبرك عدوه غرام: و انا اعتبركم اعدائي هاني: طيب اسمعي سؤالي غرام: انت قلت ممكن وانا قلت لا ما بينا الا هدي البيعه هاني بانزعاج: طيب طيب اوف شوي وجاء واحد ومعاه ظرف بني كبير و اعطاه لهاني هاني مد الظرف لغرام غرام طلعت الفلوس وجت بتعدها هاني: من جدك !!! غرام: ايش ؟؟ هاني: بتعدي كل هدولا هنا غرام: اجل !! هاني: عديها بالبيت ولا بالسيارة غرام: لا والله و ايش عرفني انك مو كداب و ان هدي الفلوس مزورة او انها مو كامله هاني تأفف ومد لها كرته: أي حاجه ناقصة او مزورة دقي عليا و هنا موجود كل معلوماتي و تقدري كمان تاخدي مكان بيتي غرام اخذت الكرت: لا تسلم و مشت بعد ما حطت الظرف بشنطتها هاني ارخا جسمه ع الكرسي وهو يناظر السلسال " السلسال مو غريب علي !! " جلس مقابله: ها اخدت الاساور ؟ هاني ناظر ثامر ودخل السلسال بجيبه: هاه لا روح جيبوا انتا ثامر: هييه ترا هدي امك كمان هاني: طيب ما قلت حاجه مافي فرق بيني وبينك ثامر يقوم ويتحلطم: عيد امي وحدي و انا مدري &&& في درة العروس &&& كان جالس يحاول بأمه و امه رافضه ....1: ماما تكفين روحي اسأليها ....2: لالا تخيل تفشلني ....1: ماما ما حتفشلك انتي بس اسأليها ولا بس ناديها و ادا كانت هيا حتلتفت ....2: لالالا انت مو بصاحي ....1: مامااااااااااااااا ....3: امي فكينا منه وروحي اسأليه له كم وهو يحاول فيك ....2: شوفوا لو فشلتني باللعن خيركم ....1: طيب ....3: تلعنين خيره هوا انا مالي دخل قامت من عندهم وراحت ورا 4 بنات كانوا يسولفون ويضحكون.. بحذر: لـــيـــان ؟؟ &&& في دار الايتام للبنات &&& مها: غريبة والله بالعادة غزل ادا راحت عند اعمامها وقالت انها حتبات عندهم ما يمديها يوم الا هي راجعه شيماء: من جد بديت اخاف عليها كتير مياسين: حتى ادق ع جوالها ما ترد مها: دقيت ع زوجات اعمامها يعطوني مشغول سجى: هيا قالت بتقعد كم يوم عند اعمامها توقعتها حترجع اليوم الثاني الصباح بس اليوم الجمعة وللحين ما رجعت هاجر: نروح لهم ؟؟ شريفة: حنتفشل من اعمامها .. لسانهم سليط و ما يحشموا احد جواهر: من جد و عيونهم زايغه رهف: بس تحدث بالبيبي سجى: ايوه بس ما ترد ع احد مها: اجل هيا بخير بس تبا ترتاح شوي &&& في فلة الوليد &&& جت الخدامة ومدت للوليد جواله: سير الوليد ناظرها وسحب الجوال ورد: هلا حياتي غزل: هلا الوليد كيفك الوليد: بخير و انتي ؟؟ غزل: تمام الوليد: صايره تكلميني شوي مو زي قبل ايش صاير ؟؟ غزل: نثنق بس ابا اقولك حاجه الوليد: ايش؟؟ غزل: جيب الملّاك وتعال اليوم ع المغرب الوليد: أيــــــــــــش !!! انتهـــى البـــ[9]ـــارت ان شاء الله ينال اعجابكم تــوقـــعــاتــكــم؟؟ اراكم ع خير ان شاء لله.. ولا تحرموني من ردودكم وتوقعاتكم و بليييييييييييز ما ابي احد من خلف الكواليس شاكره لكم .. مع تحياتي: جذابة والعيون غلابه { Simoo } ^__^ | |||||||||
|
| |
|
26-09-15, 08:42 AM
| #16 | |||||||||
| نجم روايتي ومشرفة سابقة وفراشة متالقة بعالم الازياء
| معللللللللللييييييييييييش ششششش تأخرت عليكم كثير بس هذا الاسبوع كان ضاغط علينا كثير .. يوم السبت ما بقدر انزل بارت معليش بس بحاول انزل بأقرب فرصة البارت الجاي .. وهذا البارت عيديتي لكم مع انها متأخرة وكل عام و انتو و السعودية بخيييير .. ان شاء الله ينال اعجابكم .. قراءة ممتعة .. البـــ[10]ـــارت غزل: جيب الملّاك وتعال اليوم ع المغرب الوليد: أيــــــــــــش !!! غزل: اللي سمعته الوليد الوليد: زوز من جدك غزل: هدي المواضيع ما فيا مزح الوليد بجديه: ممكن تفهميني اللي صار غزل: ما صار حاجة بس انت مو كل مره تقولي ان متى تعدي هدي الايام وتجي اجازة الفصلين الوليد: ايوه غزل: خلاص جيب الملاك وهيا تعال نملك الوليد: طيب طيب &&& في درة العروس &&& ** في فلة بو مهند ** دخلت غرام و رمت عبايتها باهمال شافت البنات جالسين حول بعض الا ليان غرام باستغراب: ايشبكم سونيا: الناس تسلم غرام: سلام الكل: وعليكم السلام غرام: ايش صاير و وين ليان ؟؟ فاطمه: برا غرام: طيب ليه مخلينها وحدها ــ جت بتطلع ــ مريم مسكتها: اجلسي غرام: وليان؟! فاطمة: خليها قاعدة مع وحدة ربتها قبل ما تجي الدار غرام: أيــــــــش !!! مريم جلست غرام سونيا: و احنا نمشي جت وححدة ونادتها ( ....2: ليـــان ؟! ليان لفت عليها: هلا ....2: انتي ليان ؟ ليان: ايوه معليش ما عرفتك ....2 بدهشه: صدق انت ليان ؟؟؟ ليان ضحكت: ما بنسا اسمي ....2 دمعت عيونها: ليان ابراهيم ليان تلاشت ضحكتها: تعرفيني ؟؟ ....2: انا ام فارس نسيتني ليان عقدة حواجبها تتذكر ام فارس: يوم كان عمرك 5 سنين وشوي كنت ماخذتك عندي اسبوع ليان فتحت عيونها ع وسعهم ام فارس تأكدت انها تذكرتها فتحت لها يدها تضمها ليان رمت نفسها بحضن ام فارس مريم: خلونا نمشي سمعوا صوت شاب من بعيد يصرخ بفرح ) غرام: هدي اللي جابت ليان للدار ؟؟ سونيا: ما ندري ** برا ** كانو جالسين جنب بعض ليان: كيف عرفتيني ام فارس: نسيتي انو انا اللي مسويه هدي الاسورة ــ ورفعت يد ليان ــ و اني كتبت فيها حروفكم انتي وشهاب ليان ناظرت الاسورة اللي ع يدها كانت عباره عن خيوط و مكتوب فيها حرف L-Sh ام فارس: شوفي اللي هناك ليان ناظرت مكان ما اشرت ام فارس ام فارس: اللي قاعد يناظرنا من بعيد ولابس جاكيت اسود هو شهاب و اللي معطينا ظهره فارس .. فارس خاطب وحدة من سنتين ليان ناظرت شهاب اللي اول ما طاحت عيونها بعيونه حط يده ع شعره بخجل ونزل راسه .. ابتسمت وناظرت يده تحطمت لما ما شافت الاسورة ام فارس ابتسمت ليان: ايوه كنت لابستها لانها تمشي مع ملابسي بس ام فارس ناظرت ليان بدهشه ليان بابتسامة: و شهاب خاطب ؟؟ ام فارس: لا لسا ليان: الله يسهل له ام فارس ابتسمت: تذكرين لما كنتي عندنا كنتي تحبين الفطاير اللي كنت اسويها ليان: هههههههه ام فارس: كنت اتمنى انك تعيشين معي ليان امتلت عيونها بالدموع ونزلت راسها: وليه تركتيني ام فارس: نسيتي ان فارس صوب ع عمه ليان رفعت راسها بصدمة ام فارس: انا بحكيلك كل حاجة.. اخذتك من السوق الكبير بمكة لما شفتك ضايعه قعدت ادور معاك ع اهلك بس مافي فايدة ما قدرت اروح الشرطة خفت ينأخذ فارس وكدا كان عمر فارس وقتها 15 سنه و شهاب 10 سنين .. اخذتك معي لجده توقعت ان ممكن اهلك يطلعوا بلاغ عنك وكدا بس ما في فايدة كنا حنسافر للأمارات بس ما قدرت اتركك ظلينا 10 ايام ننتظر يطلع عنك خبر بس مافي فايدة وسمعنا ان اولاد عم فارس وشهاب انهم حيبلغوا عن فارس لو صار لابوهم شي كان وقتها ابوهم بالعناية .. بعد 10 ايام حطيتك عند جارتنا ووصيتها عليك بس حسيت كانو جزء مني افقده كنتي بالنسبة لي وحدة من عيالي .. 10 ايام و انتي بحضني 10 ايام و انتي تنامي جنبي 10 ايام و انا اكلك 10 ايام و انا العبك 10 ايام حسيتها 10 سنين من فرحتي فيك .. شهاب تعلق فيك حيل .. تذكري ايش كان يقولك ليان ناظرت ام فارس ام فارس: كان يقول ان ادا كبرتوا حيتزوجك ليان ناظرت بطرف عيونها لشهاب اللي كان يسولف مع اخوه .. ابتسمت بحسره ونزلت راسها: كنا صغار ام فارس تحطمت: ولما سافرنا كنت ابكي عليك و كنت ادق ع جرتنا كل شوي اطمن عليك بس بعدها بيومين كدا ودتك دار الرعاية لان ميزانيتهم ما كانت تسمح لهم تضايقت كتييييييير بس ايش اسوي مو بيدي لو بيدي اخدتك معايا زعل مني شهاب و ما كلمني وبعدها بكم سنه تزوجت من رجل اعمال امراتي .. و دوبني طلعت من الحداد ليان ناظرتها بدهشة ام فارس هزت راسها بألم: الله يرحمه ليان: عظم الله اجرك ام فارس: اجرنا و اجرك ليان مسحت ع كتف ام فارس ام فارس: ولا من جد ما فكرتي كيف انا بدخل هدا المكان واحنا كنا ع قد حالنا ليان: ربي يرزق عبادة من حيث لا يعلم ام فارس: ونعم بالله.. تعرفي يا ليان انو اول من عرفك .... غرام قاطعتها: لياااااااااااااااااااااان ليان التفتت لغرام غرام تقدمت وسلمت ع ام فارس ام فارس: هلا والله ليان: هدي اختي كمان غرام ام فارس ابتسمت: الله يخليكم لبعض ليان: امين غرام: هيا عمي و مهند جابوا الغداء ليان: طيب غرام: حياك يا خاله ام فارس: لا يا قلبي عوافي عليكم احنا دوبنا اكلنا غرام: ع راحتك ام فارس: بس ها العشاء حتتعشون عندي غرام: لا تعبين نفسك يا خاله ام فارس: لا تعب ولا حاجة العيال حيسوه ليان: ع امرك ام فارس: ما يآمر عليكم ظالم روحي يا قلبي ليان باست خدها: حرجع لك ام فارس هزت راسها ليان راحت مع غرام ام فارس ناظرت عيالها شهاب اول ما شاف ليان تبتعد مع البنت اللي جت وخذتها راح ركض لامه: ايش صار ؟؟ ام فارس: ولا شي قعدنا نتذكر ايام اول شهاب بخجل حط يده ع رقبته: ءءء تذكرتني ؟؟؟ ام فارس: ايوه شهاب ابتسم ورفع كم جاكيته و باس الاسورة اللي مكتوب عليها Sh-L ام فارس حزنت عليه شهاب: وليه راحت ؟؟ ام فارس: راحت تتغداء جاء فارس: ها ايش صار حكيتو؟ ام فارس: ايوه فارس: هيا امشوا داخل بردت ( خديجة: ام فارس .. ام حنونه ع عيالها و تحبهم .. عندها اثنين فارس و شهاب .. عندها مشغل بأبو ظبي و بجدة .. تزوجت من رجل اعمال بعد ما هربت مع عيالها للأمارات و توفا قبل كم شهر . فارس: ولدها البكر عمره 27 سنه .. خاطب من سنتين من بنت إمارتيه و ينتظر اخوه يخلص جامعة ويخطب عشان يتزوج معاه.. متسرع و مرات يجرح بكلامه بدون قصد لان اللي بقلبه ع لسانه واضح وصريح <<الشكل الخارجي >> طويل وعريض و ملامحه حادة و بنيته قويه و جسمه رياضي .. حنطي و اجمل من شهاب .. ومحدد عوارضه . شهاب: عمره 21 و 6 شهور .. خجول و رومانسي و يحب ليان من هو صغير .. يدرس جامعة بالأمارات سنه ثالثة .. امه سوت لهم اسورة من خيوط له ولليان .. كتوم احياناً ونادر ما تشوف عصبيته << الشكل الخارجي >> طويل بس مو اطول من فارس ملامحة حلوة عاديه اقل جمالا من اخوه .. بنية جسمه متوسطة ويلعب حديد زي اخوه .. حنطي .) &&& في فلة بو هاني &&& ** في جناح هاني ** دخل وحط هدية امه في الدرج و رمى نفسه ع الصوفا و طلع من جيب ثوبه سلسال غرام و قعد يناظره " انا وين شايف متله .. بس وربي ما كان مكتوب عليه غرام " قعد يتأمله بتفكير انطق الباب ودخلت ام هاني: هاااني هاني دخل السلسال: هاه ام هاني: هيا بنروح لجدك وربي بيحفر فيك الارض لو ما جيت هاني: لالا جاي جاي ام هاني: هيا طلعت هاني اخذ جاكيته وطلع بسرعه و راحوا لفلة جدهم اللي تتوسط المجمع بو غانم: سلامات يا هاني ليكون مو عاجبتك الجمعة هاني: لا يا جدي ايش دا الكلام بس تأخرت شويه بو غانم هز راسه هاني جلس جنب ثامر وخالد ثامر: ايشبك يا واد تأخرت ؟؟ هاني: تعبان شوي خالد: تبا نوديك المستشفى هاني: لالالا مو لهدي الدرجة ياسر: نجيب لك الدكتور هاني: يا شباب بس شوية صداع ثامر: اجل انقلع هاني ضحك ثامر بهمس لهاني: اليوم شفت غرام هاني: مين ؟ ثامر: اقولك انا اليوم شفت غرام هاني ارتبك: ايوه ثامر: اول مره اشوفها و ما اطقطق عليها احس اني سويت انجاز كبير هاني: ان شاء الله ع طول انجازاتك هدي ما تخلص ثامر: انت ما شفتها ؟؟ هاني: مين غرام ؟؟ ثامر: ايوه انا شفتها يوم كنت جاي لك هاني: لا ما انتبهت لاحد كنت ماسك جوالي ثامر هز راسه &&& في عمارة اعمام غزل &&& ** شقة اكبر اعمامها ** سكر الشيخ الكتاب و سلم عليهم و بارك لهم وطلع الوليد: لو ما عليك امر ابا البس غزل الشبكة قام واحد من اعمامها وراح ناداهم دخل الكل وبعدهم دخلت غزل وهي لابسة: فستان قصير بلاك من فيليب بلين و صندل كعب عالي ــ الله يكرمكم ــ باللون الذهبي من ستيف مادن و قلادة باللون الذهبي و اسورة ذهبيه و اقراط اذن من لويس فيتون اضغط على الصورة لرؤيتها بحجمها الطبيعي و ميك اب بلاك ناااعم و هادي الوليد فها ام الوليد ناظرت ولدها كيف مفهي بالبنت و فاتح شوي من فمه .. نغزته بكوعها الوليد وعى ع نفسه وقام غزل بخجل راحت له و سلمت عليه الوليد مسك يدها وغمض عيونه و باس جبينها غزل سكرت عيونها تحس بكهربه تجري بجسمها الوليد بعد عنها وبهمس: مبروك حبيبتي غزل بهمس ما سمعه الوليد زين: الله يبارك لنا جلسوا جنب بعض ام الوليد عطت الوليد الشبكة غزل شالت كل اكسسواراتها بمساعدة زوجات اعمامها ام الوليد لبست غزل العقد و الاقراط و الاسورة و مدت الخاتم للوليد الوليد مد يده اليسار لغزل غزل حطت يدها فوق يد الوليد الوليد لبسها الخاتم ورفع يدها وباسها البنات انواع التصفير و التصوير غزل ابتسمت و اخذت الخاتم الثاني ولبسته للوليد الوليد ما صدق اخيرا صارت حلاله تو يحس ان الموضوع صدق انواع الزغرطة و التصفيق و التصفير الوليد ناظر غزل بفرح غزل رفعت راسها وناظرته الوليد بجراءة قرب منها و باسها بخدها قدام الكل غزل وجها صار احمممممممممر و صنمت البنات: اوووووووووووووووووووووووو ووووه الوليد ضحك لانه توه استوعب انها صارت ملكه وحلاله وزوجته " الله يا حلو الكلمة زوجتي غــزل حرم الوليد " ام الوليد تفشلت من الوليد زوجة عم غزل: هيا هيا خلو الرجال وزوجته مع بعض يا جماعة طلع الكل الوليد ع طول لف ع غزل: انتي زوجتي غزل كتمت ضحكتها الوليد: صدق صدق انتي زوجتي دحين صح غزل: ايو.. ما امدها تكمل الا طبع بوسه ع شفايفها غزل وجها كان احد كاب عليها مويه باردة الوليد: هههههه دحين ينادوك حرم الوليد غزل بعدت عنه للحذر: ايوه ايعد عني الوليد: ههههههههههههههههههههههههه طيب خلاص توبه تعالي جنبي غزل: الوليد تكفى الوليد: قلب الوليد انتي تعالي وربي ما حسوي حاجه غزل قربت بحذر الوليد: كيفك غزل: زينه وانت ؟ الوليد: انتي من جدك ايش هدا السؤال غزل استغربت الوليد: اكيد بخير انتي دحين زوجتي وما تبغيني اصير بخير غزل: ههههههههههه الله لا يغير عليك الوليد: لا يغير علينا غزل: امين يارب الوليد: اسمعي زوجك ما فيه صبر هيا سريع روحي جيبي عباتك و خلينا نطلع غزل: وين ؟ الوليد: غزل تحبي تخربي المفاجآت ؟؟ غزل: لالا بس عشان اقولهم لما يسألوني الوليد: محد له كلمة عليك دحين غزل سكتت الوليد: قوليلهم بطلع مع الوليد غزل: طيب طلعت من المجلس شوي ودخلوا اعمامها بابتسامة صفرا جته رسالة ع جواله من امه ( قبل ما تطلعوا انا بطلع السواق تحت ) الوليد ( ماما خليني اوصلك ) ام الوليد ( يا ولد استح ع وجهك خليك مع زوجتك دحين ) الوليد ( طيب ) ** عند الحريم ** ام الوليد: معليه خلوها مره تانيه الغيت اشغالي كلها عشان خاطر غزوله غزل بخجل: طيب معليه اقعدي معانا شوي ام الوليد: لا معانا ولا معاهم انتي حتروحي دحين تلبسي عباتك لا تتأخري ع زوجك غزل استحت ام الوليد تسلم ع غزل وتضمها: يلا حبيبتي الله يتمم عليكم يا رب و اشوفكم اجداد كمان غزل بهمس خجول: تو الناس ام الوليد ضحكت: هيا مع السلامة يا جماعة و حفلة الملكة بنفس اليوم ما تغيرت ماشي سلموا عليها وطلعت غزل راحت بدلت ثيابها ولبست عبايتها و طلعت مع الوليد الوليد مسك يدها غزل ناظرته الوليد يشد ع يدها عشان تتطمن: طول عمري بكون جنبك غزل: ربي يخليك لي الوليد يفتح لها باب سيارته غزل ضحكت بخجل و جت بتدخل سمعوا صوت ينادي باسمها الوليد التفت غزل ناظرته بصدمه الوليد ناظرها باستغراب: مين هدا ؟؟ غزل: الوليد الوليد وقف الرجال اللي كان متوجه ناحيتهم محسن: غزل مين هاد ؟؟ غزل: انت ايش تسوي هنا اصلا محسن: بيتي هون ــ ويأشر ع العمارة اللي جنبهم ــ غزل ناظرت الوليد الوليد: نعم مين انت محسن: ما عرفتينا ع بعض يا هانم الوليد دفه من صدره و مسكه من ياقته: هدي الهانم تصير زوجتي يا استاذ محسن بردة اطرافه بصدمه غزل: هيا الوليد محسن: هاد اللي تركتيني مشانه غزل: طير يا شيخ ما فكرت فيك حتى الوليد: اقول هيا انقلع بس محسن: غزل كم مره حكيت لك انو بحبك و يجي هاد ياخدك مني الوليد: يا اخي اقولك هدي زوجتي زووووووووووجتي ــ دفه ــ هيا غزل اركبي غزل ركبت و سكرت الباب الوليد ركب مكانه وحرك بسرعه غزل بخوف: الوليد خفف الوليد خفف من سرعته غزل: وربي هدا من زمان هدا اللي حكيتلك عنه الوحيد اللي مو سعودي كان بحياتي الوليد: خلاص غزل غزل: شوف ادا من دحين بتخرب طلعتنا من دحين اقولك رجعني البيت و ارجع انت كمان البيت و لما تهدأ كلمني الوليد بصراخ: خــــــــــــــــــــــلا ااااااااااااص غزل غزل ناظرته بصدمه الوليد وقف ع جنب و حط راسه ع الدركسون غزل قربت منه وهمست بأذنه: حبيبي الوليد سكر عيونه بقوة ورجع جسمه للكرسي بهدوء غزل حطت يدها ع يده بحنان: انا لك انت الوليد اخذ نفس عميق وباس يدها: آسف غزل هزت راسها الوليد: ما راح اخرب نظامنا غزل: صدق !! الوليد: يخسي واحد متله يغير نظامنا غزل ابتسمت بفرح الوليد مسك يده: انتي لي غزل هزت راسها " صدقت رهف لما قالت ان الرجال مهما كان عمره عامليه كأنه طفل كبير " &&& في فلة بو غانم &&& كانوا كل الرجال جالسين برا و يشربون شاي ثامر: يا الله تفاهة الحريم هاني: ايشبك ثامر: يتفاخروا كل وحدة تسوي تصميم معين للأسورة ولا لعقد او لأي حاجه هاني: طيب ايشبها ثامر: المشكله يدفعوا دم قلبهم ع هدي التفاهات ويلبسوها مره ولا مرتين ويرمونها هاني: ههههههههههههههههههههههههه هه من جد ثامر باستهزاء: لانو ما يصير حصه شافتها علي في المحل الفلاني هاني: بالذات عاد تاج و رتاج ثامر: والله ما علم رتاج الا ام رتاج هاني: ههههههههههههههههههههه صادق ــ سكت وعقد حواجبه ــ ثامر: دحين الست رتاج تنتظر عقد لها ولما يجي تلبسوا مره ولا بالكثير تلاته و ترميه متل البقيه هاني قام ثامر: هاني هاني: صبر صبر ثامر: بلا بشكلك اتكلم مع واحد فاهي هاني دق ع غلا غلا: ها هاني: اطلعي ابغاك غلا: مين برا ؟ هاني: كلنا غلا: طيب شوي وطلعت غلا و هي لابسه عبايتها و متحجبة هاني يمشي معاها: الا انتي كمان حتفصلي لك عقد و اسورة وووو غلا: ههههههههههه لالا بس زي كل مره تاج راح تفصلي مع انو مالو داعي هاني: من جد و حتى لو مو تاج اللي فصلتلك ماما بتفصل لك غلا: هههههههههه من جد .. اعترف مين ارسلك ماما ولا تاج هاني: ههههههههههههههههههههههههه ه لالا ولا وحدة منهم غلا ناظرته بطرف عيونها: عليييييييييييي هاني: وربي غلا: طيب هاني: الا غلوي وين السلسال اللي امي فصلتو لك يوم ولادتك غلا: اللله قديييييييم ايش دكرك فيه هاني: ولا شي بس شفت تاج لابسه عقدها و سألت عن عقدك غلا: حقس مقطوع من زمااااااان هاني: وليه ما صلحتيه غلا: مادري والله كل مره اتكاسل .. ليه بتصلحو ليا هاني: تبي اصلحوه لك غلا: لا عادي اصلا من زمان ما لبسته هاني: طيب هاتيه اصلحه عشان ماما لا تاخد بخاطرها غلا: والله ما اذكر .. اتوقع انه بواحد من ادراجي هاني: اها .. طيب اسمعي ابا اشوفك متلثمه غلا: ليه .. لا تقولي تلثمي ولا تكشفي ومدري ايه عند تاج اكبر مني احكي معاها هاني: ههههههههههههههههههههههههه ه ول ول ..لا بس ابا اشوف عليك غلا: ما اعرف هاني ساعدها انها تتلثم غلا: كدا هاني ناظرها " نسخه من هديك " طلع نظارته الشمسية من جيبه: البسي غلا: هيييييه ليل خييير عميه شايفني هاني: هههههههه وجع البسي ابا اشوف عليك كيف يطلع غلا لبست هاني " ول كانو هيا نفسها " سحب نظارته واللثمة غلا: ها تبا شي تاني هاني: لا روحي خلاص غلا مشت وراحت داخل هاني راح ركض لسيارته و ع طول راح لفلتهم سحب جلنط قوي و نزل بسرعه وراح جناح غلا و قعد يفتش بالادراج و الصناديق بجنون لين لقاه كان عباره عن سلسال ذهب و مكتوب عليه اسمها و مقطوع شوي منه طلع سلسال غرام من جيبه " نفس شكل الحروف و نفس طريقة العقد مستحيل تكون شاريته " حطهم اثنينهم داخل جيبه و نزل بسرعه ورجع لفلة جده ثامر: وين رحت هاني: تاكدت من حاجه بالبيت وجيت خالد: هاني تراك اليوم مو طبيعي هاني: لا وربي بس مشغول شوي بالي ثامر غمز له: يتهنى به هاني: طير يا شيخ افكر بموضوع بكرا ثامر: موضوع ايش هاني: التقرير اللي طلبه الدكتور مننا ثامر: يووووووووووووووووه نسيته خالد: الله يعينكم هاني: امين &&& في درة العروس &&& ** فلة بو مهند ** ليان: هيا بنات لا نتأخر ع الحرمه فاطمه: هيا هيا جينا طلعوا كلهم مع بعض وتوجهوا لفلة ام فارس شافوها تنتظرهم عند الباب ليان خطفة نظره سريعة لشهاب شافته يمشي ع البحر بشرود و يشوت الرمل بين فتره وفتره وكان لابس: تيشيرت باللون النيلي من ديسجوال و مايوه من بيلابونغ و جاكيت بلاك من جاب وشبب ــ الله يكرمكم ــ من نايك << هذي نظره سريعة !! اضغط على الصورة لرؤيتها بحجمها الطبيعي سلمت ع ام فارس ام فارس: تبغو نقعد برا ولا ندخل داخل ؟ غرام: ع راحتك ام فارس: خلونا نتنعم اجل بجو ربنا جلسوا كلهم حول بعض بعد السؤال عن الحال و الاحوال و التعريف و كل هدا الكلام فاطمة: الا خاله هدي اول مره تجو فيه السعودية ؟ ام فارس: للاسف ايوه بعد 11 سنه غرام: بس انتي عندك مشغل هنا ام فارس: ايوه بس ما عمري شفته كنت ارسل غيري يشوفه كنت اخاف اجي و اعمام اولادي ياخدو اولادي مني سونيا: بس دحين هما كبار محد يقدر يمنعك منهم ام فارس: عشان كدا مطمنه ليان مسحت ع كتف ام فارس ام فارس: اول ما خلص حدادي نزلت جدة و ع طول جت ليان ببالي ع طول رحنا لدور الايتام وسألت عنك بس محد عطاني اجابه وحكوا لي ان مافي احد بهدا الاسم دورت ع جارتنا اللي ودتك و سألتها حكت لي انها ودتك لدور الايتام رجعت سألت عنك بس مافي فايدة تحطمت كتييييييير وبعدها بأسبوع جينا هنا دحين لنا تقريبا 4 ايام .. فارس جابنا هنا عشان تتغير نفسيتنا و احمد ربي انو جينا مع انو كنت رافضة الا انها خيرة وربي .. ربنا يحبنا عشان كدا جمعنا مره تانيه مع بعض ــ وضمت ليان لها ــ ليان باست يدها غرام: وقتها كنا شاردين ام فارس: الا صح ايش هدي العمله اللي عملتوها كيف تهربوا من بيتكم فاطمه: قد هربنا وخلصنا مافي داعي نصايح دحين سونيا: بس شكل بدرية عملت عمايلها وشالت اسامينا من كل مكان حتى من الشرطة ليان: اكيد اهم شي ما تنفضح ام فارس: انا ابا افهم كمان اللي سويتوه مريم: انا احكي لك ** عند الشباب ** فارس: شهاب شيل هدي المشاوي ووديها للحريم شهاب: ابعد انت انا اشوي و انت وديه فارس: شهاب ايشبك ؟؟ البنت لعبة بمخك شهاب بهدوء: فارس لو سمحت فارس: حريقة بكيفكم اخذ المشاوي و راح للحريم: احم احم احم ام فارس: هيا يا بنات خلونا ندخل داخل تاخدو راحتكم اكتر قام الكل ودخل ام فارس اخذت من فارس الاكل: حاول في اخوك وفهمه فارس: ابنك مجنون يا امي في هدي اللي اسمها ليان ام فارس: فارس خلصنا هيا امشي فارس مشا ام فارس دخلت الاكل وساعدوها البنات و جلسوا ع طاولة الطعام و بدأوا ياكلون ام فارس: اذكر اول كان فارس يحب ينرفز ليان ويخليها تبكي .. ياخد الالعاب منها ياخد اللقمة منها يشد شعرها يهاوشها لاتفه الاسباب.. لانو ما يحب البنات الكل: ههههههههههههههههههههههههه ه ليان: ودحين هو اول واحد خطب ام فارس: يا ماما خليها ع ربك حتى زواجه تحدي مريم: كيف يعني !! ام فارس: اصحابوا تحدوه يخطب و يملك خلال اسبوع و خطبنا له اخت جيرانا و ملاك عليها بعد 4 ايام الكل ناظروها بصدمه ام فارس: سألتو يا ابني ايشبك مستعجل قالي متحدي مع اصحابي اني اخطب و املك خلال اسبوع سونيا: مو صاحي والله غرام: ما شافها ؟ ام فارس: شافها مره وحدة يوم لبسها الشبكة وحتى ما كان مهتم مره فاطمة: يا شيخه ما عليك منو خليهم يتزوجو بس ما راح يقدر يخليها ثواني يقعد يتصل عليها كل دقيقه ام فارس: و انتي صادقة غرام: وشهاب ما تعرف ع وحدة او مو ناوي يخطب وكدا يعني ــ وناظرت ليان المشغولة بالأكل ــ سونيا بهمس لليان: الأكل ما بطير ليان مسحت فمها بالمنديل: يعطيك العافية خالتي ويسلم يدهم مره لذيذ ام فارس: ما اكلتي يا بنتي ليان: وربي شبعت ــ قامت ــ ام فارس: لوين ؟ ليان: بروح اغسل يدي و اجيب جوالي من البيت نسيتو ام فارس: طيب لا تطولي طلعت ليان ام فارس: تمنيت تكون ليان لشهاب الكل ناظر ام فارس ام فارس: يحبها بجنون لحد دحين ما رما ولا لعبه لعبت فيها ليان و حتى الاسورة اللي بيده سونيا: يعني شهاب للحين يحب ليان ام فارس: يحبها بس الا قولي يعشقها.. توقعت ليان نفس الشي بس اليوم لما سألتها عن الاسورة قالت عشانها تمشي مع ملابسي و لما حكيت مع شهاب اليوم تضايق كتير فاطمة: كدااااااااااااابه هدي الاسورة عمري ما شفتها راميتها ولا عشان لبسة طول عمرها لابستها و ادا مو لابستها تكون بجيبها و ادا انقطعت ولا صار حاجه فيها جواهر اختنا كانت تعرف لمثل هدي الاساور فكانت تصلحها لها غرام: كلنا حكينا لها انها اهترت بس تقول عادي تعجبني ومدري ايه ام فارس فرحت: من جد تحكوا !!! مريم: والله العظيم ام فارس: وليه حكت لي كدا اليوم سونيا: لانو ما شافت شهاب لابسها بس شكل الجاكيت كان مغطي عليه وهيا غبيه ع طول تفهم غلط ** برا ** كانوا ياكلون ع جنب فارس: شوفها هناك وحدها شهاب التفت وشافها تمشي جنب البحر بسرحان فارس: هيا روح لها شهاب نزل راسه للارض فارس: هيا قوم تحرك مو كل مره تكون وحدها ترا شهاب قام وراح لها كانت تمشي ومو منتبها للي وراها شهاب: بسسسسس ليان خافت: بسم الله شهاب: آسف آسف ليان دق قلبها بقوه وسكتت شهاب: خوفتك ؟ ليان: عادي شهاب: كيفك نينا ليان ابتسمت: تمام و انت شهاب: الحمد لله ليان هزت راسها وكملت مشي شهاب تورط مو عارف كيف يتكلم معاها: ءءء كيف الدراسة؟؟ ليان: زينه شهاب: سنه تانيه صح ليان: ايوه .. وانت كيف دراستك سمعت انك سنه تالته شهاب: ايوه .. شوي صعبه ليان: مو كل حاجه تجي سهله شهاب: صادقة ليان هزت راسها شهاب ناظر يدها شافها شاده ع الجاكيت شهاب: بردانة ؟؟ ليان: شوي مو كتير شهاب جاء يفصخ جاكيته: خدي ليان: لااااا دحين بروح البيت باخد جوالي و ارجع شهاب: عادي يا بت انا مو بردان ليان: لالا تكفى الجو بارد بروح اخد جوالي و ارجع شهاب: ع راحتك ليان: الا صح مبروك ع فارس معليه متأخرة شهاب: هههههههه يبارك بعمرك ليان بألم: عقبالك شهاب ناظرها ليان ابتسمت له شهاب نزل راسه: وياك ليان دخلت فلة بو مهند مهند شافها: ما حتسهروا عند خاله خديجة ؟ ليان: الا بس جيت اخد جوالي مهند هز راسه: كيف الجلسة ؟ ليان: حلوة مهند: الله يخليكم لبعض ليان: ويخليكم لنا &&& في الكورنيش &&& الوليد: غزيل عادي ابا اسألك سؤال غزل: قول الوليد: صحيح انا كنت مستعجل ع الملكة وكدا بس غريبة قدمتي الموعد كتير غزل سكتت الوليد: اكيد انا فرحان لانو خلاص صرتي ملكي بس قصدي انو .. ايش صار ؟؟ غزل رفعت راسها بعدين ناظرت البحر: جيت عندهم و كلمتهم بأدب بس ما سمعوا لي هددتهم بالعمارة و اني راح اخدها و اطردهم لانو صار عمري 19 و اقدر امسك حلالي زعلوا مني كلهم وبعدها وافقوا انهم ما يطلبوا منكم هداك المبلغ خفت لو سكت عليهم كم يوم يزوروا او يسووا أي حاجه عشان ياخدو العمارة عشان كدا حكيت لهم انو راح نملك اليوم هاوشوني كتير بس م استسلمت و حكيتك و بس الوليد ناظرها غزل تمسح دموعها: تعبت تعبت امثل اني قويه وربي تعبت هدولا اعمامي المفروض يحسوا فيا انا بنت اخوهم مفروض ما يسووا فيا كدا ــ لفت للوليد ــ انا ايش سويت لهم ايش سووييييت الوليد ضمها من الجنب: خلاص حبيبي خلاص انا معك محد يقدر يسوي لك حاجه مدام انا معاك.. واللي سويتيه صح و موعد حفلة الملكة ما حيتغير غزل هزت راسها الوليد: خلاص حبيبي لا تبكي غزل مسحت دموعها الوليد: بتروحي اليوم عند اعمامك ولا الدار ؟ غزل: لا الدار البنات مره خايفيين عليا الوليد: هما بس خافوا عليك غزل ابتسمت: آسفه الوليد باس يدها: ولا يهمك ( اليوم الثاني ) &&& في درة العروس &&& طلعت ليان وشافتهم جالسين برا ويفطرون ليان: صباح الخير الكل: صباح النور بو مهند: وين البقية ليان: نايمين سونيا من وراها : انا قمت مريم: هيا اقعدوا نفطر جلسوا حول الطاولة ليان: ايشبو هدا داخل كدا بو مهند: ايشبها ؟ ليان: برد سونيا: كيف تبغيه يدخل ان شاء الله بجاكيت !! ليان: لا ما قصدت كدا سونيا: وين مهند؟ بو مهند يأشر بحواجبه ليان و سونيا التفتوا ليان: تعَرّف عليهم ؟؟؟ بو مهند: ايوه سونيا ضربت ليان بكوعها: شوفي اللي هناك ــ و اشرت ع البحر ــ ليان ناظرت شهاب اللي طلع من البحر بجسم عاري و مايوه من بيلا بونج اضغط على الصورة لرؤيتها بحجمها الطبيعي ليان لفت وجها: مو صاحي سونيا بغباء مصطنع: هدي مو نفس اسوارتك ؟؟ ليان لفت بسرعه: وين سونيا اشرت ع شهاب شهاب اخذ الفوطة و حطها ع ظهره و راح لفارس و مهند ليان: ما في اسوارة ؟؟ سونيا: فاتك ادا جاء يلبس شوفيها ليان: ما يهمني ** عند الشباب ** مهند: تجننت انت !! شهاب: ليه ؟ مهند: تتسبح بهدا البرد وربي بتمرض شهاب: فارس ابعده عني دا انا استغل الفرصة امي نايمه و هدا ينصحني مهند: بكيفك شهاب: ها وين صاحبك ؟ فارس: اهو الطيب عند ذكره شهاب سلم ع صاحب فارس: انا بروح البس و اجي راح شهاب للفلة و ناظر الدريشه شاف ليان اللي كانت تناظر مكان ما طلع من البحر ابتسم وراح لغرفته و اخذ له شور سريع و نشف شعره و لبس: بلوزة صوفيه باللون الرمادي من كوتون و بنطلون جينز كحلي من سكوتش اند سودا و شوز ــ الله يكرمكم ــ باللونين الكحلي و الرمادي من شومارت اضغط على الصورة لرؤيتها بحجمها الطبيعي ناظر نفسه بالمراية ومشط شعره بشكل جميل و رفع اكمامه .. ناظر الاسورة ابتسم وباسها و راح لتسريحته و اخذ عطر كاتر من بوشرون و تسبح فيه و نزل بروقان شاف امه جالسة تفطر راح وباس راسها ام شهاب: اوووه ايش دا الروقان شهاب: هدي كلها من اخبارك الحلوة ام شهاب: هههههههههه الله يسعدكم يا رب شهاب: اميييييييييييين ام شهاب: وين رايح ؟ شهاب: بطلع للشباب ام شهاب: الله يخليكم لبعض ولا يحرمني منكم شهاب باس خدها بقوه: امين يارب ولا يحرمنا منك طلع و لف ع طول لفلة بو مهند وشاف ليان مشغولة بجوالها ابتسم وراح للشباب شهاب: كيفك نايف ؟ نايف صديق فارس: نسأل عنك شهاب جلس: عال العال فارس فلتت منه ضحكه شهاب ابتسم براحة ** عند البنات ** فاطمة: ليااااان شوووفيي ليان لفت عليها: ايييش فاطمه تأشر ع شهاب ليان: يا حيـ××× لا تأشرين فاطمة نزلت يدها: طيب شوفي ليان شافت شهاب: طيب فاطمة: شوفي يده ليان ناظرت يده و انصدمت غرام حطت يدها ع كتف ليان: ترا عمره ما فصخها ولساته يحبك بس يالغبيه كان الجاكيت مغطي ع يده ليان لفت ع سونيا: قلتي لههههمممم سونيا رفعت يدها: تحت ضغط فاطمة و غرام ومريم ناظروها بدهشه سونيا ابتسمت لهم ليان ناظرت شهاب ** عند الشباب ** شهاب رفع عيونه وناظرها بحب فارس حب يحرج شهاب رفع يده لليان وحركها شهاب ناظر ليان تأشر بيدها استغرب ورفع يده فارس: ههههههههههههههههههههههههه ههه شهاب لف عليه شافه يأشر بيده انحرج وقام: هيا شباب نلعب كورة طائره فارس: ههههههههههههههههههههههههه صرف صرف مهند و نايف مو فاهمين شي نايف لفارس: نش نش يلا فارس قام وهو لسا يضحك ع اخوه &&& في دار الايتام للبنات &&& سجى: كيف تملكي بدون ما تحكي لنا غزل: غصب عني شيماء: مافي حاجه غصب عنك انتي وياه تحبو بعض وملكتو بدون ما تحكوا لنا غزل: يوووووووووه توقعتكم حتفرحو لي كل ما حكيت لاحد هاوشني ــ ناظرتهم بقهر ــ ما سويت شي حرام اوووك جواهر مسكتها قبل ما تمشي: بس يحق لنا احنا كمان نفرح معك غزل بعدتها: بتفرحوا لا تخافون حلفة الملكة ما حتتغير و طلعت رهف: ما كان لازم تسووا كدا هاجر: يا امي طيري .. ايش هدا تملك امس و اليوم تقولنا سجى: حتى لو كانوا هدولا اهلها احنا نعرفها اكتر منهم عاشت معانا اكتر منهم مين يحق له يفرح معاها احنا ولا هما؟؟! جواهر: من جد والله .. لو ما نحبها ما زعلنا عليها رهف: بس كل شخص وله ظروفه سجى تكتفت و باستهزاء: ايش ظروفها بالله شيماء بحزن: معايا بالغرفة 24 ساعة و ما حكت لي ولا حاجة .. استخسرت فينا الفرحة لها !!! رهف: ياهوووووو ايشبكم احنا مو من زمان كنا نباهم يملكوا !! سجى: بس مو كدا .. الواحد يعطي خبر جواهر: ولا كأننا خواتها ** في غرفة غزل و شيماء ** رمت نفسها ع سريرها بقهر ورمت مخدتها: اوك اسألوا ايش صار لك طيييب ــ سكرت عيونها بقوة ــ دق جوالها غزل اخذته وردت بدون نفس: نعم الوليد: ايشبك غزل: ولا حاجة الوليد: غزل ايش صاير ؟؟ غزل: ولا حاجة يا اخي الوليد: اول حاجة انا زوجك مو اخوك غزل قاطعته: يا ليييييييييل الوليد وربي نفسيتي بخشمي الوليد: طيب خلاص اعصابك بسكر باي سكر منها غزل رمت الجوال بقهر " وهدا ايش دنبه كمان ازعق عليه " لمت شعرها كعكه و اخذت نفس عميق و اخذت جوالها ودقت عليها وكان مشغول رمت الجوال: بالطقاق &&& في فلة الوليد &&& ينزل من الدرج: طيب طيب دحين جاي خلاص سلام سكر جواله ام الوليد: ايشبك من صباح الله خير الوليد: لازم اروح الشركة ام الوليد: طيب ايشبو وجهك كدا الوليد كان عاقد حواجبه ومكشر ام الوليد: هيا افرد نونتك الوليد: ماما والله العظيم متضايق ام الوليد: دحين في واحد ملكته كانت امس يتضايق اليوم الوليد: لا بس بالي مع الشركة ــ باس خدها ــ هيا اشوفك الظهر ام الوليد: انا ما حرجع الا العصر تغدا وحدك اليوم الوليد: طيب قبل ما تمشي دقي عليا ام الوليد هزت راسها: طيب روح الله يوفقك الوليد: امين وطلع فتح جواله وشاف مكالمه فائتة من غزل ارسل لها ( في شي ؟؟ ) ركب سيارته وحرك بسرعه لشركة جته رساله من غزل ( ابا اكلمك ) الوليد وقف ( معليه دوبني واصل الشركة او ما اخلص بحاكيك ) غزل ( طيب ) &&& في فلة بو هاني &&& هاني: دحين احكييييي لي ــ رفع السلسال ــ هدي اختي ولا لا ؟؟ ام هاني نزلت راسها وسكتت شوي: أيـ-ـوه هاني ضرب الطاولة برجولة ــ الله يكرمكم ــ بقهر: رميتيها عشان ابويه ما يتزوج عليييك صح ؟! ام هاني: هاني اسمع هاني جاء يطلع قاطعها ولف عليها: الله ياخــــد الــــزواج اللي يخليني ارمي بـــنـــتــي عشانو ................................ انتهـــى البـــ[10]ـــارت ان شاء الله ينال اعجابكم تــوقـــعــاتــكــم؟؟ 1- { ليان & شهاب } حيرجعوا لبعض ؟؟؟ 2- { غزل & خواتها } حترجع علاقتهم زي قبل ولا هذي المشكلة ممكن تكبر ؟؟ 3- ايش سبب وجود { غرام } بدار الأيتام ؟؟؟ اراكم ع خير ان شاء لله.. ولا تحرموني من ردودكم وتوقعاتكم و بليييييييييييز ما ابي احد من خلف الكواليس شاكره لكم .. مع تحياتي: جذابة والعيون غلابه { Simoo } ^__^ | |||||||||
|
| |
|
17-10-15, 10:15 PM
| #17 | |||||||||
| نجم روايتي ومشرفة سابقة وفراشة متالقة بعالم الازياء
| البـــ[11]ـــارت نرجع لـ 15 دقيقة ورا ام هاني طقت باب جناح هاني بس مالقت رد دخلت شافت هاني سرحان و معطيها ظهره ام هاني باستغراب: هاني هاني لف عليها: هاه؟ ام هاني: اناديك ليا ساعة ما ترد هاني: كنت سرحان ام هاني: ايشبك ؟ هاني: ولا حاجة ام هاني: ما عندك جامعة ؟ هاني: الا بس الساعة 10:30 ام هاني: اها فطرت ؟ هاني: الحمد لله ام هاني ناظرت الطاولة اللي عليها الفطور: شربت شاي بس ؟ هاني جلس: مالي نفس ام هاني جلست: ايشبك حبيبي هاني: ولا حاجة ام هاني ناظرت الطاولة شافت قلادة غلا: أيش يسوي سلسال غلا هنا هاني ناظر السلسال: ايوه صح .. امي انتي مسويه هدي القلادة بس لغلا ؟ ام هاني: ايوه اكيد هاني: يعني ما في احد سوا زيك او كدا ام هاني بشوية غرور: مستحيل انا بنفسي كلمت المصمم عشان يسويها ليا قبل ولادة غلا و اكد لي انو ما في متلها هاني: طيب طيب .. تخيلي انو انا شفت نفس سلسال غلا نفسسسه بالضبط طيب بس مكتوب اسم تاني ام هاني: مستحيل هاني طلع سلسال غرام من جيبه و حطه قدام امه: شوفي ام هاني ناظرت السلسال وسحبته بيدها هاني: انا قلت مستحيل يكون احد لابس نفس سلسال غلا بس لما شفت هدا السلسال استغـ .. ــ شاف يد امه ترجف ــ ماما ايشبك ؟ ام هاني: مـ-ـن وين اخذت هـ-ـدا ؟ هاني باستغراب: شريته ام هاني: من ويـ-ـن هاني: وحدة كانت بتبيعه و راعي المحل بخص بحقه و انا اخذتو وشريتو منها ام هاني: هدي اكيد سارقته هاني: لا مو سارقته .. ماما تذكري البنت اللي حكيتلك عنها اللي تشبه غلا و اسمها غرام ام هاني فتحت عيونها ع وسعهم: غـ-ـرام هاني: يعني اللي افكر فيه صحيح ام هاني ناظرته: تفكر فيه ؟! هاني: غـــرام توأم غــــلا !! ام هاني بلعت ريقها هاني: ردي عليا ام هاني نزلت راسها هاني وقف و سحب السلسال من يدها: انا ما احكي مع نفسيييي ام هاني ناظرته هاني بعصبية: دحين احكييييي لي ــ رفع السلسال ــ هدي اختي ولا لا ؟؟ ام هاني نزلت راسها وسكتت شوي: أيـ-ـوه هاني ضرب الطاولة برجولة ــ الله يكرمكم ــ بقهر: رميتيها عشان ابويه ما يتزوج عليييك صح ؟! ام هاني: هاني اسمع هاني جاء يطلع قاطعها ولف عليها: الله ياخــــد الــــزواج اللي يخليني ارمي بـــنـــتــي عشانو ام هاني لحقته: هاني اسمع هااااااني انا ما رميتها هاااني هاني لف عليها: يا ماما الله يخليك لا تلعبي عليا ام هاني: انت اسمعني ما حتخسر حاجة هاني: ما ابا اسمعك .. سمعتي لأختي لما فكرتي ترميهاااا ام هاني: مو انا مو اناااااااا افهم هاني: انا اللي رميتها صح ام هاني مسكته: وقف اقولك هاني: امي الله يخليك ابعدي ام هاني: انا نفسك انصدمت لما عرفت انها عايشه هاني: بالله كان ودك انها تموت ام هاني: اسمعني هاني لف وجهه ام هاني: اول ما حكيت لي عن هدي غرام رحت ع طول لدار الايتام اليوم التاني ( بدرية: كيف اقدر اخدمك يعني ام هاني: حبيت اسأل عن وحدة عندكم اسمها غرام بدرية: غرام ايش ؟ ام هاني: لالا مجهولة النسب بدرية: ما عندنا وحدة بهدا الاسم ام هاني: عمرها حوالي 17 سنه عيونها مو نفس بعض بس ما اذكر الوانهم بدرية: ما عندنا متل هدي المواصفات ام هاني طلعت جوالها وورتها صورت غلا: تشبه هدي بدرية: ما عندنا اختي آسفه ام هاني قامت وسلمت عليها: مشكورة تعبتك معي بدرية: ولو ام هاني طلعت بس حست ان بدرية مو صادقه شافت وحدة من البنات: لو سمحتي سجى ناظرتها من فوق لتحت: خير ام هاني: و ين الاقي غرام سجى استغربت وعقدت حواجبها ام هاني توريها صورة غلا: قصدي هدي سجى: هدي مو غرام ام هاني: ها؟! سجى: غرام شعرها قصير من وين جبتي هدي الصورة ام هاني استانست بس ما بينت: اها .. طيب وين الاقيها سجى تخصرت: انتو ايش تبغو ها ام هاني استغربت: ما فهمت سجى: انسي ما عندنا احد بهدا الاسم ومشت وهي تتحلطم ) هاني: ههههههههه ــ صفق بيده ــ واااااو يا ام هاني .. رحتي ع طول للدار عشان ما تنكشف لعبتك ام هاني: هــــاااني خليني اكمل هاني لف وجهه باستهزاء ام هاني: قبل 17 سنه لما ولدت غرام وغلا (بالمستشفى بو هاني: دحين ايش اقول لابوي كيف بتصرف ام هاني: عادي قوله اني جبت توم بنات بو هاني: والله عشان يدبحني و يخليني اتزوج عليك ام هاني من ورا قلبها: لو تتزوج علي عشره اعرف قديش تحبني بو هاني: بس ولو تخيلي تبعدني عنك ولا تأذيك ولا تقولك كلام ما صار و تتعبي ولا تخيلي تشيش ابويه عليك و يخلينا نطلق والله اموت ام هاني بحب: حبيبي احنا بنحكي لعمي و خلينا نشوف ايش بقول .. ترا البنات جنة الدنيا بو هاني: ما قلت حاجة بس ابوي ما يفكر كدا ابد و انا ما ابا اتزوج عليك ام هاني بقهر: ويعني انا اللي اباك تتزوج عليا بس يعني ايش بنسوي محد قلك تكدب عليه وتقوله ولد بو هاني قرب منها وجلس: سارونه حبيبتي ام هاني بتعب: همم بو هاني: ليه ما نحطهم عند شخص موثوق فيه او او انو... ام هاني بصدمه قاطعته: هووووووووب ايش دا الكلام هدولا بناتي فاهم ايش يعني بناتي بو هاني: وهدولا كمان بناتي بس ما اقدر ابعد عنك دقيقه ام هاني: لا مو صاحي انت بو هاني يهديها: ما حيصير لهم حاجه و راح نقابلهم دايم بس ع الاقل ابويه ما يعرف ام هاني: عرف ولا ما عرف ما يهمني بو هاني: ساااارة افهمي راح يبعدونا عن بعض لهدرجه بايعتني ام هاني: مو بايعتك ولا حبيع بناتي اللي من لحمي و دمي .. هدولا بنات يا غانم بنااااتك بو هاني: عندنا هاني و تاج يكفونا ام هاني: مو من جدك ايش دا الحكي انت أب !!!! بو هاني: لو ما احبك ما حكيت كدا ام هاني: الله يلـ××× ابو الحب اللي حيخليني ارمي بنتي بو هاني: اصلا وحدة منهم عورة ام هاني: ع كيفك هوا لسا الدكتورة ما اكدت علينا و غرام ما فيها حاجه بو هاني وقف: غرام ولا غلا اهم شي عندي انتي ام هاني تبكي: غانم تكفى خلي بناتي بحالهم بو هاني لف عليها: ما بسوي حاجه خلاص هدي ام هاني قعدت تبكي بو هاني راح لها: سوسو حبيبي خلاص اسف ما حسوي فيهم شي لا تخافي ام هاني: غانم اطلع لو سمحت طلع غانم و نادا الممرضة و الممرضة عطتها ابرة مهدئة ونامت ) هاني باستغراب ودهشه: ابـــــويـــــه !!! ام هاني: ايوه هاني هز راسه بايه: كملي ام هاني: بس و اليوم الثاني لما قمت قالي ان غرام ماتت انهرت كتير وكدبته رحت بنفس للحضانة و ما لقيتها تعبت كتير ديك الفترة و خاصة من اسئلتك لما كنت تقولي و ين اختي التانيه هاني بدهشه: ههههههه لا تقوليلي دحين ان هدا خطئ طبي ام هاني: ما اتوقع هاني سكت شوي وهو يناظر امه بصدمه: مستحيل اب يرمي بنته ام هاني حطت راسها بين يدينها: مدري مدري احاول اكدب عقلي بس هدي بنتي ــ رفعة راسها ــ تتدكر لما طاحت علينا غلا لما كنا بمهرجان اليتيم هاني: ايوه ام هاني: دخلت غرفة غلط بالمستشفى و الصدفة ان اللي كانت ع السرير بنتي غرام هاني: مستحيل ام هاني هزت راسها ونزلت دموعها كنت احسب انها غلا و مسحت ع راسها بس انصدمت لما شفت شعرها قصير قلت متى قصت شعرها غلا و لما دخلوا عليا خواتها اللي من الدار و حكت لي وحدة من مشرفاتهم انها يتيمه وكدا و انها مو بنتي علقة في بالي و تهاوشت ديك الايام مع ابوك لانو قلت له انها تشبها مره بس حكا لي خلق من شبه 40 حاولت اصدقه بس قعدت عايفته لان فكرت انه رما بنتي براسي.. و لما حكيت لي انت انك شفت وحدة تشبه غلا مره و انو اسمها غرام ومن دار الايتام ما قدرت اصبر ورحت اسأل عنها بس مو موجودة هاني مصدوم: ايوه كانت داك اليوم بالمستشفى ــ ناظر امه ــ مسكت يد اختي و ما دريت عنها .. تركت ثامر يتمسخر بأختي و انا ساكت .. تهاوشت مع اختي و انا ما اعرف مين هيا ام هاني تبكي: ابي بنتي خلاص تأكدت انو هيا هدي البنت سمعوا صوت تصفيق التفتوا شافوا بو هاني جالس وراهم و يصفق بو هاني: خلصتو ؟؟ هاني وقف: انت كيف تقـ.. بو هاني قاطعه وهو يوقف و يرفع سبابته لشفته: اشششششش ام هاني وقفت بو هاني: حميت عايلتنا .. تضحيتي ببنتي عشانكم .. صرت انا الغلطان !!! هاني باستهزاء: يكبر شانك والله بو هاني لف ع ام هاني و مسك يدها: لاني احبك ما اقدر اخليك تتعذبين من داخلك عشان ابويا يبا يزوجني ام هاني سحبت يدها بقوة: الله يلـ××× ابو الحب هدا هاني لسا مصدوم: و عشان تحافظ ع حبك ترمي بنتك !!!!!!! بو هاني: عشان حبي اضحي بكل حاجه عندي بس امك ما وافقت ابد اننا نترك جدك هاني: اكييد تبا تعصي ابوك عشان حرمه حتى لو كانت امي بو هاني: قلت لك اسوي المستحيل هاني: و عبالك اللي سويته صح .. بنت يا سيد تربت بدور ايتام و انت ما تحركت شعره منك دق جوال هاني هاني رد: نعم ثامر ثامر: وينك يا رجال ربع ساعة وتبدأ المحاضرة هاني: ما بجي اليوم ثامر: لا يا شيخ و التقرير هاني ضرب راسه بيده: طيب طيب يلا سلام سكر منه هاني: هدا الموضوع ما تسكر و انا بنفسي برجع غرام وطلع بو هاني: سارة ام هاني: ابعد عني و طلعت بسرعه لجناحها بو هاني اخذ نفس عميق وطلع &&& في شركة الوليد &&& س 12:37 الوليد طلع من الأصنصير و طلع جواله و دق ع غزل غزل: الوو الوليد: هلا سمي غزل: زعلان ؟؟ الوليد: لا ليه غزل: ترا واضح انك زعلان الوليد: ما في سبب يزعل انتي شايفه ان في حاجه تزعل ؟؟؟ غزل: يا لبييييه فديته حبيبي الزعلان الوليد ابتسم بس حب يماطل: طيب وبعدين غزل: خلااااص عاد اسفه الوليد: طيب غزل: والله زعلان كتير ؟ الوليد: مدري غزل: ههههههههههه يا حيـ××× دوبه امس كانت ملكتنا الوليد: غزل ايش تبغي ؟ غزل: خلاص الوليد لا تزعل والله ما اقدر كدا كلكم زعلانين مني طيب حسو فيني انا الوليد باستغراب: ايش صاير؟ غزل: اول حاجه قول انك مسامحني الوليد بحب: ما اقدر ازعل منك اصلا غزل ضحكت: احبك الوليد: اعشقك.. دحين احكي لي ايش صاير غزل اخذت نفس عميق: تخيل البنات كلهم زعلانين مني الوليد: ليه ايش سويتي ؟ غزل: ما سويت حاجه بس لانو ملكة و ما قلت لهم الوليد: بس انتي كنتي مجبره غزل: مو راضيين يفهموا تخيل قعدوا يهاوشوني ومدري ايه و يقولو حسافه و مدري ايه و ربي قالو كلام مره كتير و كبير وربي ما تحملت و انت دقيت عليا وحطيت حرتي فيك اسفه الوليد: خلاص كلي××× انتي و هالآسفه اصلا كان بالي مشغول عليك لانو حسيت ان فيك حاجه غزل: تخيل الوليد يقولوا لي احنا مو خواتك عشان ما تحكي لنا ومدري ايه و يقولوا صحيح هدولا اهلك بس احنا نعرفك اكتر منهم .. طيب هما ما يعرفوا قديش انا احبهم اكتر من اللي ينقال لهم اهلي بس غصب عني اللي صار الوليد: طيب حبيبي فهميهم هدا الكلام غزل: مو راضيين يفهموا و كل ما جيت احكي لهم يقاطعوني طيب ليه ما يسألوني ايش صار ايش اللي جبرك لا ع طول قوموا القيامة عليا الوليد: خلاص حبيبتي هما بيفهمون غلطهم و حيعتذرو منك غزل سكتت شويه: حتى انا غلط صح ؟ الوليد: ما غلطي بس كمان كان لازم تحكي لهم انا استغربت انك ما حكيتي لخواتك غزل: ما قدرت لو حكيتهم كنت حبكي و كانوا حيسألوني اسأله كتيره و ما بقدر اركز ع الموضوع اللي ابيه الوليد: طيب بس موعد حفلة الملكة ما تغير غزل: يعرفوا بس كانوا يبغو يحضروا كتب الكتاب الوليد وقف سيارته: اها .. طيب امسكي شيماء و احكي لها وهيا حتفهمهم غزل: شيماء للحين ما تناظرني و ما تدخل الغرفة لانو انا فيها الوليد: وما شاء الله اليوم كلهم غايبين غزل: ايوه غياب جماعي لانو خلاص هدي ايام مراجعات الوليد نزل: اها .. طيب اسمعي انتي اطلعي من الغرفة و ادا دخلت شيماء الغرفة سكري الباب و خليها غصب تسمعك غزل: تتوقع تسمعني؟ الوليد: اكيد غزل: ان شاء الله الوليد: ان شاء الله غزل: تغديت ؟ الوليد: دوبني وصلت البيت غزل: طيب خلاص تغدا بعدين احكي معي الوليد: طيب يا قلبي احبك باي سكر منها وراح غسل يده و تغدا &&& في درة العروس &&& فاطمه: بناااات الكل لف لها فاطمه: غزيل ملكت الكل: اييييييييييييش فاطمه: وربي و البنات عملوا اضراب ومو قاعدين يكلمونها غرام: طيب ليه ملكتهم بعد الاختبارات فاطمه: مدري ليان: هدي سربوته سونيا: اكيد صاير شي لحد يتكلم قبل ما تسألون مريم: سونيا و اللي يسلمك طيب تعرفين قديش يحبو بعض اكيد الوليد ما قدر يصبر و ملكوا فاطمة: لالا والامر من كدا انها ملكة في بيت اعمامها ليان و غرام و مريم: كمااااااان سونيا قامت: مستحيل غرام: مافي حاجه مستحيله سونيا اخذت جوالها ودقت ع غزل ليان: اجلسي اجلسي تبي تتأكدي يعني سونيا تأشر لها بأصبعها السبابة ع شفايفها فاطمه: اقول سكري شوفي الصور كمان الكل التم حول فاطمه وشاف الصور و الفيديوهات مريم: مو صاير حاجه وزي ما قلت لكم سونيا: ما ترد ليان اخذت ع خاطرها: خليها دحين بايعتنا هدي سونيا: هووب ليان نسأل اول ليان هزت راسها غرام: متى حنرجع مريم: بعد بكرا غرام: بكرا بتروحي للمدرسة مريم: لا سونيا: ليه ما حداومين ؟ مريم: بسحب ليوم الاثنين و الثلاثاء بداوم ليان: ما بقى حاجه اسحبي ع هدا الاسبوع وفكي نفسك مريم بعدم اهتمام: اوك سونيا: هييييييه انتي هدا مستقبلك مريم: هههههههههههه طيب خلاص بداوم بعد بكرا اعصابك ليان: انا بروح اشوف خاله خديجه غرام ارخت جسمها ع الكنب: خاله خديجه ولا ولد خاله خديجه ــ وغمزت لهم ــ الكل عدا ليان: هههههههههههههههههههه ليان: هـ هـ هـ تلايطي دخل مهند: سلام الكل: وعليكم السلام مهند: تغديتو ؟ مريم: ايوه مهند: سرابيت ما انتظرتوني سونيا: الله تبانا ننتظرك لحد دحين مهند: طيب خلاص ول عوافي وراح للمطبخ ليان طلعت فاطمة: غرام شفتي بوكي غرام: لا دوري بغرفتنا فاطمه قامت وراحت لغرفتهم و قعدت تدور بالادراج و الشنط شافت شنطة فيها ظرف " ايش دا ؟" سحبت الشنطة و طلعت الظرف وفتحته استغربت و طلعت لصالة فاطمة: حق مين هدي الشنطة؟ غرام: مي فاطمة طلعت الظرف: ايش دا غرام ناظرت الظرف وبعدم اهتمام: فلوس فاطمه: اعرف مريم قامت و سحبت الظرف وفتحته: من وين لك كل هدي الفلوس سونيا باستغراب: اشوف غرام: ما يخصكم فاطمه سحبت الظرف ورمته ع الطاولة: احكي من وين لك هدي الفلوس غرام ناظرت فاطمه وسكتت شوي: بعت السلسال الكل: اييييييييييييييييش !!! غرام: اللي سمعتوه مريم: مـــــتــــــى ؟! غرام: يوم الجمعة لما كنت طالعه سونيا بعصبية: ليه يا ×××× غرام: كيفي سلسالي و انا حره فاطمه: لا مو كيفك المفروض تعلمينا غرام: بالله غبيه ولا هبله عشان اقولكم !! عشان تسولي مصيبه و تخبونه و ما تخلوني ابيعه مريم: طبيييعييي هدا الشي الوحيد اللي من اهلك غرام وقفت: الله ياخد هالأهل طيب .. سوو فضيحتهم ورموني وتكرموا عليا باسم و ممكن كمان مو اسمي ممكن يكون اسم امي او بالأصح اللي ×××× معاه او أي اسم تاني الكل سكت غرام رمت نفسها ع الكنبه وبهدوء: قد بعته وخلصنا مريم جلست جنبها: غروم غرام تناظر جوالها: همم مريم: في أي محل بعتيه؟ غرام: لا تحاولين ترجعينه مريم: طيب احكي لي وين بعتيه غرام: بعته لرجال سونيا: نعرف بس وين غرام: ما بعته لمحل في واحد شافه وحب يشتريه مني فاطمه: ايش اسمو ؟ غرام بكذب: ما اعرف سونيا: كيف تبيعين لشخص ما تعرفينه غرام: اهم شي عندي اني ابيعه مريم: باللهي غرام: ممكن تسكرون هدا الموضوع ــ قامت و اخذت الضرف و حطته بحضن سونيا ــ حطي هدا مع الفلوس الباقيه سونيا: انقلعي بس هدي فلوسك غرام تعطيها ظهرها وتمشي: انا و انتم واحد فاطمه: مدام اننا واحد ليه ما قلتي لنا !! غرام: قلت لكم دحين ** برا ** فارس: ليان ليان لفت عليه: هلا فارس فارس: اهلين ليان: كنت بروح عند خالتي خديجه فارس: نامت قبل شوي ليان: خساره .. طيب لو تكرمت ادا قامت خليها تحاكيني فارس: ان شاء الله ليان جت ترجع فارس: ءء ليان ليان: لبيه فارس: احم شهاب هناك ليان ناظرت مكان ما يأشر فارس .. كان شهاب جالس و يشتغل ع الاب: ايوه فارس بلع ريقه: انا بطلع بعد شوي مع نايف ليان هزت راسها فارس: لو تتكلمي معاه اليوم يعني ليان ما قدرت تسمك ضحكتها ع شكل فارس: ههههههههههههههههههههههههه ههههههه فارس: يوووووه انا ايش خلاني اتكلم معاك ليان: ههههههههههههههههههههههههه ههه لالا خلاص سكت فارس: ادري يعني انتي مو ماخذه فكره عني غير اني اضايقك شوي وو و اشد شعرك و اخد اللقمة منك ليان: ههههههههههههههههههههه شوي فارس: اوووففف طيب شسوي كنت احب اضايق البنات كانت هدي متعتي يعني ليان: هههههههههههههههههههههههه ودحين انت اول واحد خاطب فارس: هيييه كان تحدي ليان: الزواج مو لعبه فارس: اعرف ليان: زين فارس: المهم شهاب هناك ومشا ليان ناظرت زوله بعدين ناظرت شهاب وراحت له: احم احم شهاب التفت و قام بسرعه بارتباك وكان بطيح الاب ليان: هوب هوب شوي شوي شهاب: هـ هلا ليان ليان: هلا كيفك شهاب: بخير و انتي ليان: ما علي شر شهاب: نجلس ولا نمشي ليان: نمشي احسن شهاب سكر الاب: هيا ليان: مو مشغول شهاب " افضا لك يا شيخه ": لا ابد ليان هزت راسها شهاب بارتباك لان طال سكوتهم: ءء ليان ليان: همم شهاب: صدق صدق توقعتك نسيتينا ليان: ولا مره شهاب: و احنا كمان ع طول جيتي ببالنا اول ما نزلنا جدة مع انك كنتي في بالي دايم ليان: ثنكس شهاب وقف مقابل ليان: ليان ليان ناظرته: همم شهاب اخذ نفس عميق: انا ــ دق جواله وطاعه بارتباك ــ ليان: رد شهاب لف ظهره ورد: نعم شو تبين ............. ايوه بالأمارات غير و بجدة غير ................... يوووو ريما ورب الكعبه ما بسحب عليج ..........................خلاص راح اسويه و ارسله لج .................. ريما انا مشغول الحين ......................... مدري متى ................ ريما لا تدقين كل شوي مو بزر قدامك اول ما اخلص بدق عليج ...................... لا ما بسحب .......................... طيب خلاااااص ................... ريما ... ريما... ريما اسكتي شوي ......... يالييييييييييييل مادري انتي من وين تفهمين .................... خلاص سلام ترمسين وايد هالأيام ...................................... هههههههه ما تقدرين تسوين شي بدوني .............................. امزح امزح يلا سلام سكر منها ــ لف وناظر ليان اللي تناظر الارض و تلعب برجولها ــ ليان ليان رفعت راسها وملامح وجها متغيره شهاب: هذي صديقتي بالجامعه حنانه كثير ليان هزت راسها شهاب: ليان هذي معي بس بالبحوث ليان: طيب شهاب: خطيبة نايف صديق اخوي فارس ليان: الله يتمم عليهم شهاب: دقت علي تحسب انو نايم لانو ما ارد ع رسايلها ليان: ليه ما ترد ع رسايلها؟ شهاب: اذا فتحت رساله وحدة بتقعد ترسلي واجد و انت ساحب و انت مدري ايه ليان فلتت منها ضحكه بيسيطه شهاب ابتسم: ما علينا منها و من الجامعة بكبرها ليان هزت راسها شهاب: ابي اقولك حاجه ليان بنذاله: لازم ارجع دحين ــ عطته ظهرها بتمشي ــ شهاب مسكها من ذراعها: نينا صبر ليان ناظرته شهاب نزل يده: ليان انا احــبــك ــ تنفس براحة اخيرا قالها ــ ليان " لبى الكلمة منه " سوت نفسها مصدومه شهاب كان قلبه يدق بسرعه: ووو والله العظيم احبك ليان ناظرت عيونه سمعوا صوت فاطمه من بعيد: ليااااااان ليان لفت وناظرتها شهاب " وقتها عاد " ليان راحت لها: ايشبك ؟ فاطمه: غرام باعت السلسال ليان: كدااااااااااااااااااااااا ااااابه فاطمه: ورب الكعبة ليان: وين باعته ؟ فاطمه: باعته لواحد من برا مو بمحل ليان: متى اصلا امداها تبيعه فاطمه: الجمعة لما راحت المول قبل ما تجي ليان ناظرت شهاب: فاطمه صبر بعتذر من شهاب و بجيك فاطمه: سريع ليان راحت لشهاب: احم شهاب شهاب ناظرها و ابتسم: معليه في مشكله صارت و بروح لخواتي شهاب: طيب انتبهي لنفسك ليان: و انت كمان شهاب: ليان ليان: لبيه شهاب سحب جوالها من يدها ودق ع رقمه: بحتاجك مثلهم ليان ابتسمت: لا تنسا تخبر خالتي خديجه لما تقوم اني ابيها شهاب: من عيوني ليان اخذت جوالها و مشت مع فاطمه فاطمه: شسالفه ليكون خربت عليكم ليان: شوي فاطمه: حيـ××× استحي ع وجهك ليان: ههههههههههههههههههههه انتي سألتي فاطمه: جاملي ليان: المره الجايه دحين قولي اللي صار &&& في سيارة هاني &&& ثامر: هاني ايشبك اليوم مو ع بعضك هاني: ولا حاجه ثامر: بالله عليك هاني: ثامر والله مصدع ثامر: ادا مصدع هيا نروح البيت فريت راسي هاني: تبا ترجع ارجع وحدك انا ما حرجع ثامر بجديه: هاني ايش صاير ؟ هاني: ولا حاجه يا رجال بس مالي خلق حاجه ثامر: تهاوشت مع اهلك اليوم ؟ هاني: لا ثامر: اجل ايشبك حتى جوالك ما ترد عليه عمتي دقت عليا كتير تسألني عنك هاني: رديت ؟ ثامر: رديت عليها بالمطعم وحكيت لها انك معي هاني: طيب ــ مسك جواله و حطه بأذنه ــ ثامر: عمتي ؟ هاني: لا مهند مهند: هاه هاني: وينك مهند مهند: بدرة العروس هاني: مع اهلك ؟ مهند: ايوه ليه هاني: كنت افكر امرك بس يلا معليه اقدر اقابلك برا مهند: والله مواعد اهلي هالطلعه زين طلعت للجامعة اصلا هاني: متى بترجعون ؟ مهند: بعد بكرا هاني: طيب خلاص اقابلك بكرا بالجامعة مهند: بكرا ما حجي هاني: اها طيب سكر منه ثامر: ايش تبا فيه ؟ هاني: ولا حاجه نبا نجتمع كلنا قبل التخرج و كدا ثامر: ع خير ان شاء الله &&& في شركة سعد الـ****** &&& كان جالس ورا مكتبه و السكرتير جنبه و يأشر ع الاماكن الي يحتاج فيها توقيعه غانم: خلصنا ؟ السكرتير: مشكور طال عمرك غانم ابتسم السكرتير طلع وسكر الباب وراه غانم استند ع الكرسي الجلدي و سكر عيونه وهو يرجع بذاكرته لـ17 سنه ورا ( غانم طلع الفلوس: راح تقولين لها انو وحدة من التوأم ماتت لان طلعت قبل موعدها .. تمام الدكتورة لفت وجها وهي تناظر الممرضة: صعبه اوي غانم حط الفلوس ع الطاولة و ابتسم الدكتورة ناظرت الفلوس: ما اقدرش غانم لف وجهه بقهر: انا والدها الدكتورة هزت راسها بلا غانم لف عليها بعصبيه و زاد ع الفلوس: ها؟ الدكتورة ناظرت الممرضة اللي هزت لها راسها بأيه: ماشي الممرضة بتطلعها لك و انا بأجري الإجراءات ع اساس الطفلة التانية اللي ماتت اليوم غانم: حلو الدكتورة : الممرضة بتجيبها لك ورا المبنى و ينتهي كل حاقه بعد كدا غانم وقف: اتفقنا بس ياليت لو تجيبين لي غرام قصدي العورة الدكتورة: بس هيا ... غانم قاطعها: سمعتيني صح الدكتورة هزت راسها غانم جاء يطلع و كانه تذكر حاجه لف عليها: انتي بتبدلي الاساور صح الدكتورة: اكيد غنم: حلو عطيني معاها اسواره مكتوب عليها غرام بس الدكتورة هزت راسها ..... 4 .... طلعت من المبنى وهي تتلفت بخوف و شايله طفله عمرها يوم ونص وراحت للسيارة اللي تنتظرها فتح لها الباب و دخلت و حطت بيده الطفلة غانم شال غرام بحذر الممرضة جت تطلع غانم: انتظري الممرضة لفت عليه غانم: الاسواره داخل ؟ الممرضة هزت راسها غانم طلع فلوس وحطهم بحضنها الممرضة ابتسمت و اخذتهم وطلعت غانم حط غرام ع الكرسي اللي جنبه وحرك سريع لأبعد مسجد ناظر ساعته " لسا باقي ع اذان الفجر " اخذ غرام من الكرسي اللي جنبه بدون شفقه و بدون ما يناظر بوجها كمان طلع يدها الصغير بدون رحمه و تأكد من الاسورة و ما كلف نفسه انه يدفيها مره ثانيه .. راح لباب المسجد و ناظر حوله و حطها ع باب المسجد بغطاء ليس بذاك الدفيء لطفله لم تبلغ من العمر الا يوم ونصف !! بلا شفقه او حنان ابوه .. ركض لسيارته و حرك سريع و تركها بدون ما ياخذ نظره لها او يستفسر عن المكان او المسجد اللي حطها فيه ) فتح عيونه لصوت اخوه مساعد و اخذ نفس عميق و اخرجه بهدوء مساعد: ايبشك ؟ غانم: ولا حاجه مساعد: صار لك شي غانم اسند راسه ع يده وسكر عيونه: لا مساعد: تعبان ؟ غانم: مساعد خلاااص مصدع شويه مساعد: دحين اطلب لك بنادول ولا ارتاح بالبيت غانم: لالا ما فيا حاجه خلاص مساعد: تهاوشت انت و سارة ؟ غانم سكت شوي و رفع راسه وناظره: غـــرام رجعت مساعد عقد حواجبه: غرام مين ؟ غانم رجع ظهره للكرسي: توأم غلا مساعد فتح عيونه ع وسعهم: بـ بس هي ما ماتت ؟ غانم حرك راسها بلا: شكل صار خطأ طبي مساعد: صبر صبر قبل ما تحكم انو هيا انت ايش عرفك ؟ غانم: تشبه غلا مساعد: خلق من شبه 40 غانم: عيونها وحدة بنيه غامق زيي و التانيه عسليه زي سارة مساعد: قلت لك خلق من شبه 40 غانم: نفس الاسم ؟ مساعد: تشابه اسماء غانم: تعيش بدار ايتام مساعد: ممكن كمان ان بنتك الحقيقيه توفت وهدا كله تشابه غانم: الســلــســال اللي سوته سارة لغلا نفسه عند غرام وبأسمها مساعد اسند ظهره للكنبة: غرام بلا أي شك غانم: 100% مساعد: وايش بتسوي ؟ غانم: بنتي وراح ارجعها مساعد: ههه كأني ما اعرفك .. و سارة ؟ غانم: اكتر وحدة مصرة سارة مساعد: و ابويه ؟ غانم مسك راسه بيده: ما اعرف ما اعرف بس ما اقدر اعيش بدون سارة و سارة لو انقهرت و تضايقت راح اتعذب مساعد: والله ما تقدر تقول حاجه لابوك غانم قام: انا بروح له دحين مساعد: اجل مبروك من دحين ع التانيه ههههههههههههه غانم: هـ هـ هـ بأحلامك &&& في فلة بو هاني &&& غلا نزلت: مو راضيه تخليني ادخل تاج: بابا و ماما مشاكلهم صارت كتيره صراحة غلا وقفت: الله اعلم ايشبهم تاج استندت ع درابزين الدرج مقابل غلا: مو متحمله اشوف شكل ماما كل يوم تصيح و بابا ما يرجع الا نهاية اليوم مرات غلا: نكلم جدي؟ تاج: اخاف ينقلب ضدنا غلا: ههههه دلوعته انتي نسيتي .. ما يرفض لك أي طلب تاج: اعرف بس مدري اخاف ماما تزعل مني غلا: حتى بابا دخل هاني وسأل الخدامه: بابا موجود الخدامة: لا غلا نزلت له: وينك هاني الكل تاركنا اليوم هاني طنشها وجاء يطلع فوق تاج مسكته من ذراعه بخوف: هاني ايش صاير هاني سكر عيونه بقوه وفتحها ولف عليها بهدوء: مافي حاجه تاج تاج: ايشبكم اليوم محد معطينا وجه هاني باستغباء: ليه ايش صاير ؟ غلا: بابا وماما شكلهم كمان اليوم تهاوشوا هاني: جــد تاج: ماما مو راضيه تفتح لنا الباب و صوتها واضح انها كانت تبكي هاني: اها غلا: ايش اها هاني: تعودت عليهم حتى انتو لازم تتعودوا تاج: ريليييي!! هاني: يس وطلع فوق غلا لحقته: ما بتتغدا؟ هاني: ببدل و اطلع غلا: امييزي وطلعت لجناحها بسرعه هاني سكر الباب واستند عليه وسكر عيونهم" مالهم دنب هدولا " دخل غرفة التبديل وبدل سريع و سحب جاكيته و طلع بسرعه شاف تاج جالسه قدام الـT.V و والدموع ع خدها هاني " يا رب " راح لها و جلس مقابلها: تاج تاج نزلت راسها ومسحت دموعها هاني: حبيبتي بابا وماما صاير معهم ضغط هدي الايام بس هدي الفترة تعدي وراح تشوفيهم بيرجعون ما كأن فيهم حاجه تاج: بس ما كانو يتهاوشون قد كدا هاني: حصل معهم ضغط و توتر وراح يحلونه تاج: عمرهم ما تهاوشوا كدا هاني: ما تعرفي ممكن السالفة قويه تاج: بابا مستحيل يزعل ماما هاني: يعني ماما اللي بتزعل بابا تاج سكتت هاني: خلوهم ع راحتهم و يحلوا الموضوع بينهم حنا لازم ما نتدخل ماشي تاج ناظرته هاني: ماشي تاج هزت راسها بايه هاني: طيب روحي جهزي نفسك بنتمشى شويه تاج: و غلا هاني: انا بروح لها تاج: طيب هاني طلع لجناح غلا وطق الباب غلا: ادخل هاني دخل شافها جالسه ع السرير و قدامها الاب و تناظره بشرود راح لها وجلس مقابلها غلا ناظرته وبعيونه تحجرت الدموع هاني سحبها وضمها لصدره وهو يتذكر غرام غلا: والله تعبـ-ـنا نحتاجـ-ـهم احنـ-ـا هاني يمسح ع شعرها: وهما كمان محتاجين لنا و كل زوجين تحصل معهم مشاكل غلا: بس اول مره يطول زعلهم هاني: ما تعرفي مشاكلهم غلا: طيب احنا عيالهم المفروض يحسوا فينا هاني: ونحنا المفروض نحس فيهم ونراعي مشاكلهم و ما ندخل غلا: ايش دي المشاكل اللي تطول اكتر من شهر هاني: مو لازم نعرف اللي نبي نعرفه بس هو تصالحهم غلا: ومتى ان شاء الله احس ان ورا هواشهم هدا راح يصير شي ما نباه هاني فهم عليها: ما حيطلقوا ارتاحي مو لهدي الدرجة .. وغير كدا انتو مو أي حاجه تقولوا عنها عين غلا ناظرته هاني كمل: قولوا كمان ان هدي عين وما صلة ع النبي غلا فلتت منها ضحكه ما بين دموعها هاني ابتسم: هيا غسلي وجهك و غيري تيابك و بمشيكم غلا سكتت هاني بعدها عنه: هيااا غلا قامت ولفت عليه: و تاج هاني: تنتظرنا تحت غلا هزت راسها &&& في درة العروس &&& ** فلة بو مهند ** ليان: ايوه صح ليه ما حكيتو لنا ان في احد سأل عني هاجر: توقعنا انهم حق الجرايد ومدري ايه و خفنا ادا حكينا لهم يرجعونكم و انتو مرتاحين هنا فاطمه: زين سويتو سجى: ايوه صح مو بس سألت عن ليان في وحدة تانيه سألت عن غرام كمان غرام: انــا ؟؟! سجى: ايوه غرام: وقلتي لها سجى: لا ما قلت لها شي عنك مريم: مين هدي طيب سجى: ما ندري بس كانت تسأل عن غرام و توقعتها انها تبا تكتب عنكم او حاجه زي كدا غرام: يا بابا زين تسون و أي احد يسألكم عننا قولولهم انكم ما تعرفوا شيماء: لا تشيلوا هم سونيا: بس الحمد لله انو خاله خديجه عرفت ليان الكل: من جد سونيا: هيا بنات سكروا ابا ادق ع احد وبرجع اتصل عليهم سجى: طيب سلام سكروا منهم سونيا: هيا انا بدق ع الوليد اسأله عن اللي صار ليان: يا ماما عرفنا اللي صار سونيا: مو متأكدة دخل بو مهند: السلام عليكم الكل: وعليكم السلام بو مهند جلس: لازم نرجع بكرا مريم: ليه ؟ بو مهند: في امور بالشركة لازم اروح اشوفها ولازم اكون قريب من الشركة وغير كدا حمودي بيرجع اليوم فاطمه: طيب خلونا نرجع من دحين بو مهند: لا مينفع يابوك ابيكم تستانسون اليوم سونيا: مستانسين بكل الحالات يا عمو بو مهند: و انا كمان ابا اقعد هنا مدام آخر يوم الكل هز راسه سونيا: عن اذنكم الكل: اذنك معك ليان وقفت: انا كمان لازم اروح عند خاله خديجه بو مهند: سلمي لي عليها ليان: يوصل غرام + فاطمه + مريم: قاعدين ع قلبك بو مهند: ههههههههههههههه عسل طلعت ليان وراحت لفلة ام فارس ام فارس: حكا لي شهاب انك كنتي تبغيني ليان: ايوه حبيت اقعد معك ام فارس سحبتها و جلسوا بالصالة: و انا كمان ابا اقعد معك ليان: بكرا بنرجع البيت ام فارس: دوبكم جيتو ليان: عمو صالح عندوا شغل ام فارس: اها و انتو ساكنين عنده ؟ ليان: لا ام فارس: وين ساكنين ليان: بشقه في وحدة من عمايره ام فارس: اهاااه اديني هوه ليان: ارسلته لك ام فارس: جد ما شفت ليان هزت راسها ام فارس قربت منها وحطت يدها ع يد ليان: نينا ليان: عيوني ام فارس: جعل عيني ما تبكيك .. احنا راح نرجع للإمارات اسبوع الجاي ليان: ليه ام فارس: كان ودي ارجع لجدة خلاص بس شهاب يدرس هناك ليان نزلت راسها: راح تخليني مره ثانيه ام فارس: لا مستحيل اخليك ليان دمعت عيونها ام فارس: يوووه يا نينا خليني اكمل ليان مسحت دموعها ام فارس: فارس كمان يبا يرجع هنا و قال انو يبا ينقل كل امور الشركة هنا بس دراسة شهاب ليان: ايوه ولسا هو سنه تالته دخل شهاب وجلس مقابلهم ليان لفت الطرحه ع شعرها شهاب: انا برجع بس انتو خليكم هنا ليان ناظرته شهاب: ادري ان في كثير بشتاقون ليا بس مطر ام فارس رمته بالخدادية: انقلع بس ليان" هدا متى صار كدا .. كله من فارس هو اللي خربه " شهاب: جد والله ام فارس ناظرت ليان: راح ياخذ فارس امور تخص الشركة و انا باخذ اغراضي و ننقل هنا ليان: جـــد ام فارس: ايوه .. وو وبصراحه حابه انك تكوني معي ليان: آسفه خالتي بس ما اقدر اترك خواتي ام فارس: هما كمان يجون ليان: ما حيرضوا فارس دخل: اوك معليه اهم شي نعرف مكانها ليان: متى حتسافروا؟ فارس: اسبوع الجاي ليان: ترجعون بالسلامة الكل: الله يسلمك شهاب: صبر صبر كلكم بتستقروا هنا و انا بالإمارات ؟ ام فارس: ايوه شهاب: لاااا والله انا ابا اكون هنا فارس باستهزاء: ننقلك هنا مثلا شهاب: ايوه فارس: اقول تلايط عمي ما دفع رسوم دراستك عشان تنقل هنا شهاب يناظر فارس بحده و سأشر له بعيونه ع ليان فارس: ادا تبا تتزوج خلص دراستك بسرعه اجل شهاب: ادرس صيفي مثلا فارس: ممكن شهاب: والله و ما ازوركم هنا بالصيف !! فارس: تخلص و تستقر هنا ليان: صادق شهاب: طيب و زوجتك ما فكرت فيها ؟ فارس: تبا تعيش معايا هنا حياها الله ما تبا بيت ابوها كبير ليان: حرام عليك فارس فارس: والله العظيم ادا ما تبا محد بجبرها ام فارس: انا بكلم اهلها ونشوف فارس: ايوه صح ــ طلع كرت من جيبه ومده لليان ــ اذا احتجتيني او حاجه هذا رقمي ليان اخذت الكرت: تسلم فارس: شوفي لو استحيتي وربي اذبحك فاهمه ليان: طيب خلاص اهجد شهاب بهمس لفارس: عشان اتوطاك فارس حب يحرجه: نــعــم شهاب ناظر فارس و ابتسم فارس: مين يتوطاني شهاب: مين قال يتوطاك ؟ فارس: مدري كأني سمعتها شهاب: يتراوا لك فارس: اها ( اليوم الثاني ) &&& في شقة الرباعي &&& رموا نفسهم ع الكنبة سونيا: ايوه صح ترا كلكم ظالمين غزل غرام: طيري بس سونيا: وربي .. ترا غصب عنها .. اعمامها طلبوا مبلغ كبير من الولد و كدا و الوليد كان بيعطيهم اياه بس غزل ما رضيت و .................. نخليها تحكي لهم اللي صار .............. ** في غرفة ليان و سونيا ** ليان سحبت جوالها و فتحت رسالة من شهاب ( وصلتوا ؟ ) ليان ابتسمت ( ايوه دوبنا ) شهاب: ( جنبك احد ؟) ليان: ( ليه ؟ ) شهاب: ( سؤال ) ليان: ( لا ليه ؟ ) دق جوالها ليان: هاه شهاب: ليه ما مريتي علينا قبل ما تروحين ليان: خالتي مرت علينا قبل ما نمشي شهاب: و انا ليان: طيب قاعد تكلمني ــ تثاوبت ــ شهاب: طيب حبيبي اخليك تنامين ليان: طيب اول ما اقوم بكلمك شهاب استانس: طيب انتبهي لك ليان: و انت كمان .. باي سكرت منه و حطت جوالها ع الشاحن و نامت &&& في فلة بو هاني &&& ** في جناح بو هاني و ام هاني ** بو هاني: اقعدي بقولكم حاجه ام هاني: ما ابا اسمع حاجه بو هاني: الا بتسمعين ــ جلسها و جلس مقابلها ــ ام هاني: ايش تبا تقول اكتر من كدا بو هاني سحب جواله و دق ع هاني هاني: نعم بو هاني: تعال عندنا وسكر قبل ما يسمع جوابه شوي وانطق الباب بو هاني: ادخل دخل هاني بو هاني: اجلس جلس هاني ع كنبه منفرده بو هاني جاء يتكلم هاني قاطعه: اليوم بروح اجيب اختي بو هاني: حلو .. ممكن اتكلم ام هاني + هاني ناظروه بو هاني: كلمة ابوي و وافق اننا نجيب غرام للبيت ام هاني + هاني فتحوا عيونهم ع وسعها هاني: مستحيل جدي و اعرفه ام هاني: ادا ع بالك انك بتلوي ذراعي ادا تزوجت فهدا ما يهمني بنتي اهم من كل حاجه بو هاني: تطمني ما حتزوج و انا بنفسي ابا غرام هاني ناظر ابوه بدهشه بو هاني: بس راح نقول ان صار خطئ طبي هاني: هههاااي انسا ما حكدب ع اختي بو هاني: ادا تبا اختك ما تكرهك او انها ترفض انها تجي لازم نقول انه خطئ طبي لانو لو حكينا لها اللي صار حتكرهنا كلنا و ما تدري ايش ممكن ماخده فكره عننا ام هاني: اكيد ماخده فكره عننا بو هاني: و انا مو حاب تزيد هدي المشاكل عشان أي احد ــ قام وجلس جنب ام هاني و مسك يدها ــ ما اقدر ع بعدك اكتر من كدا ام هاني بعدته عنها: ما نسيت حركتك بو هاني: كنت صغير كان تفكيري سطحي.. تفكيري بس فيك ام هاني: هدي بنتي بو هاني: وبنتي كمان ندمت كتير انو تركتها ندمت كتير انها ما تربت بحضني او بحضنك .. تكفين سارة لا تبعدين عني اكتر من كدا ام هاني ناظرت هاني هاني صحيح استغرب بس تذكر خواته هز راسه لها: خواتي محتاجين لكم كمان وطلع تاج: متى بيتصالحو ؟ غلا: هه ما اضن هاني: متشائمين كتير تاج + غلا ناظروه هاني: تصالحوا غلا و تاج ناظروه بصدمه: كدااااااااااااااااب هاني: ههههههههههههههههه وربي غلا و تاج صرخوا بفرح ام هاني طلعت بسرعه: ايش صار غلا و تاج راحوا لها بسرعه وضموها بو هاني طلع: حضن جماعي ولا ايه ؟ تاج راحت له بسرعه وضمته: تصالحتوا ؟ بو هاني: و انا اقدر ع زعل امك غلا: اووووه راح نفسيه بو هاني: ههههههههههههههههههههههههه ه ام هاني: تعالوا يا بنات بكلمكم بالصالة بو هاني بدهشه: دحين ام هاني هزت راسها: ايوه و هاني لازم يروح دحين صح هاني ابتسم بفرح: ادا ابويه ما عندوا مانع بو هاني: اكيد لا هاني: عن اذنكم طلع هاني ام هاني: هيا جلسوا كلهم بالصالة ام هاني: اممم تخيلوا لو انتو 3 بنات غلا: ماما انتي حامل ام هاني: ههههههههههههههههههههه تاج: والله احنا ما عندنا مانع بس الخوف من جدي ام هاني: كيف يعني تاج: اخاف يزوج بابا ام هاني: ما حيزوجه تاج: يعني انتي حامل ؟ ام هاني: لا غلا + تاج: اجل ام هاني سكتت و هي تانظرهم بتوتر وتفرك يدينها ببعض تاج: ماما ايشبك ام هاني نزلت راسها: غلا عندها تـــوأم غلا+ تاج ناظروها بصدمه و انفتحت ثغره بين شفايفهم ام هاني: ايوه غلاوي عندك توأم غلا: كيف عندي توأم ام هاني: لما كنت حامل فيك كنت حامل بتوأم ووو.. بو هاني قاطعها: و صار خطئ طبي وبلغونا ان توأمك توفت تاج: صبر صبر غلا عندها توأم ليه ما حكيتوا لنا ؟ بو هاني: بعد ما قالوا لنا ان وحدة من التوأم ماتت ما حبينا نسوي فوضه او نقولكم لان مو مهم غلا وقفت وبعصبية: بس الدكتور كم مره سألكم ادا عندي توأم ولا لا وحكيتوا له لا بو هاني: ايوه ما كدبنا احنا كنا نحسب ان توأمك ميته و حكينا له لا غلا: كان قلتو له انها ماتت مو تقولون له لا.. طيب ليه ليه ما حكيتو لي ع الاقل ان عندي توأم بو هاني: لان كنا نحبها ميته غلا: ولو ام هاني: خلاص غلاوي حبيبي هدي حتى احنا ما كنا نعرف انها حيه بو هاني: ممكن نكمل غلا جلست تاج: وين هدي اختنا اللي تقولون عنها وكيف عرفتو انها اختنا بو هاني: هاني اكتر من مره شافها و كان يقول انها تشبه غلا كتير غلا: ليكون اللي شافها بالمطعم تاج: تعرفيها ؟ غلا: ما شفتها بس هوا كان يقول انها تشبهني تاج: خلق من شبه 40 بو هاني: و حتى احنا كنا نقول كدا بس يوم الجمعة باعت هيا سلسال لها و اشتراه هاني و كان يشبه سلسال غلا غلا: صبر صبر عشان كدا سألني هاني عن سلسالي تاج: ليه هدا كله انا ما اعرفه بو هاني: ايوه عشان كدا سألك غلا: و نفس سلسالي كان ؟ بو هاني: ايوه و اسمها غرام نفس الاسم اللي سميناها اياه غلا: و توأمي هدي وينها دحين &&& في فلة بو مهند &&& مهند: مستحيل هاني حط راسه بين يدينه: وربي انا اللي انصدمت مهند: غرام مالها اهل انسا هاني: مهند تكفى قولي وينها مهند: ما عندنا لك خوات و ادا عن غرام هيا رافضه اهلها بنفسها ...................... انتهـــى البـــ[11]ـــارت ان شاء الله ينال اعجابكم تــوقـــعــاتــكــم؟؟؟ اراكم ع خير ان شاء لله.. ولا تحرموني من ردودكم وتوقعاتكم و بليييييييييييز ما ابي احد من خلف الكواليس شاكره لكم .. مع تحياتي: جذابة والعيون غلابه { Simoo } ^__^ التعديل الأخير تم بواسطة اسطورة ! ; 17-10-15 الساعة 10:33 PM | |||||||||
|
| |
|
17-10-15, 10:23 PM
| #18 | |||||||||
| نجم روايتي ومشرفة سابقة وفراشة متالقة بعالم الازياء
| معليييييييييييش ع التأخير بس مو بيدنا البارت مخلص من الساعة 2 الظهر بس انتهى اشتراكنا من يوم الخميس و درنا كل مكان عشان افعل بس قالوا ما ينفع الا بكرا و شحنت عشان انزل لكم بس .. قراءة ممتعة .. البـــ[12]ـــارت هاني: مهند تكفى قولي وينها مهند: ما عندنا لك خوات و ادا عن غرام هيا رافضه اهلها بنفسها هاني: شوف اول شي دي السالفة مالها دخل بعلاقتنا اوك مهند: ماشي بس ما عندنا لك خوات هاني: مهند ايشبك هدي اختي مهند باستهزاء: باللهِ اقنعتني صراحة.. الفتو لكم قصة من راسكم و قاعد تحكيها ليا الا وين ثامر عشان يزيد الدراما حقتك ــ وغمز له ــ هاني: ثامر ما يعرف عن حاجه مهند باستهزاء: لاااا جد ــ بجديه ــ هاني خلو البنات بحالهم لو سمحت هاني: ما ابي غير غرام اختي مهند بعصبية: ع كيف امك اختك هاني طلع السلاسل: اول شي اهدا .. و شوف ادا مو مصدقني مهند ناظر سلسال غرام و سلسال غلا هاني: ها مهند: أي احد يقدر يسوي نفس هدا السلسال هاني: هدا السلسال امي سوته و لبستهم اياه اول ما جابتهم و الباقي حكيتو لك مهند جاء يرد عليه نزلت وهي تلف الطرحة ع شعرها: انسا و حتى لو كان كلامك صحيح ما حتروح معاك هاني: مريم افهميني تكفين دحين لو ما اخدتها انا منكم و عرف ابويه وينها حيشتكي عليكم ويقول انكم خاطفينها ومدري ايه و انا ما ابا ابويه يعرف وين هيا مريم: خفنا مررره .. يهدد دا ..انسا هاني: مهند تكفى مهند: آسف انا وعدتهم ان ولا واحد منكم راح يمسهم هاني: هدي اختيييي اختيي افهم مهند: قلت لك آسف عندك موضوع تاني قوله هاني: مهند كيف تباني اثبت لك مهند: لو تجيب تحليل dna و تطلع ابوها مو بس اخوها ما حتقربهم هاني: انت اتجننت مهند ما رد عليه هاني: اقولك اختي اختييي افهم ليش اخليها تعيش بعيده عننا مدام اني اعرف انها اختي مهند: وينكم عنها 17 سنه ها هاني: لو كنت اعرفها كل هدي السنين ما خليتها تعيش هناك مهند: اختصر عليك الموضوع هيا ما تباكم هاني: خليني اكلمها مهند: خلاص هاني سكر ع هدا الموضوع وانساه لان ما حتلاقي مني جواب هاني: كيف اسكر ع الموضوع اقوللللك اختي مهند يقاطعه: لا تتعب نفسك هاني قام: مشكور ما تقصر ــ سحب السلاسل من ع الطاولة و حطهم بجيبه و جاء يطلع ــ مريم: صبر صبر هاني لف عليها مريم سحبت من جيب هاني طرف السلاسل و طلعت سلسال غرام و اعطته سلسال غلا: هات هدا هاني سحب منها السلسال: شريته يا هانم مريم: هدا حق غرام هاني: و صار حقي .. تبغيه مريم ناظرته هاني: وديني لغرام ولا جيبيها ليا مريم: بستين داهيه مهند: خلااااص مريم هاني طلع مريم راحت لمهند: مهند مهند ناظرها: هاه مريم: صحيح كلامه مهند: ما اعرف مريم: مستحيل غروم تكون اخت هدا مهند: قلت لك ما اعرف مريم: ما حتعطيهم اياها صح مهند: مستحيل مريم: و ما حنقول لغرام عشان ما تتضايق مهند: طيب مريم: خلاص هدا الكلام يتسكر اليوم مهند: خلاص مريم قلت لك طيب مريم: طيب سكت مهند حط راسه بين كفوفه مريم جلست جنبه: مهند ايشبك مهند: ولا حاجه ــ رفع راسه ــ مريم بكرا ما حتروحي للبنات مريم: ليه مهند: ممكن يحطون وراك احد عشان يعرف وين مكان غرام مريم: ايوه صح .. بس ما اقدر ابعد عنهم اكتر من يوم مهند: مريم ادا تبي مصلحة صديقاتك لا تروحي لين ينسون مريم: طيب مهند قام مريم: و ادا سألوني البنات ؟ مهند لف عليها: صحيح مريم: اخاف يجون مهند: قوليلهم بعدين اقولكم و لما ينسون الشباب بتقولين لهم مريم: ماشي &&& في فلة بو ياسر &&& ثامر: هدا مدري وينه ادق عليه ما يرد ياسر: ممكن نايم ثامر: مو بالبيت ياسر: طيب ممكن مشغول ثامر: عمي يقول ما ارسله للشركة ياسر: مو شرط يكون له شغل بالشركة ثامر: الوو ......... اسمع مين بالاستراحة ؟؟ ....................... و هاني ؟ ................... لسا ما جاء ................... طيب لما يجي كلمني ................ سلام سكر منه ياسر: و انت ايشبك خلي الرجال بحاله ثامر: هاني ما يطلع بدون ما يقولنا وين بروح ياسر شال ولده: بكيفك ثامر جاء يطلع ياسر: وين ؟ ثامر: بطلع ادوره ياسر: ايش هدي النشابه يا شيخ.. وتراه مو طفل ثامر: تلايط طلع بسرعه وركب سيارته وحرك للبوابة بس شاف البوابة تنفتح و تدخل سيارة هاني ثامر وقف بقوه و طلع سيارة هاني وقفت مقابل ثامر ثامر ركب سيارة هاني: ايشبك ادق عليك ما ترد هاني: دقيت علي ؟ ثامر: مليون مره هاني طلع جواله وسواه سايلنت: اووه كان سايلنت و انت ايش دا الازعاج ثامر: انت من متى تطلع بدون ما تحكي هاني: طلعت مستعجل ونسيت ثامر: انقلع يا شيخ مالت طلع و توجه لسيارته و رجع هاني اخذ نفس عميق وحرك لبيته و دخل الكل وقف هاني ناظرهم غلا توجهت له و ابتسمت: وينها هاني بلع ريقه و سكر الباب: ما جبتها ام هاني راحت له: ليه ؟ هاني نزل عيونه: ما اعرف مكانها ام هاني: كيف ما تعرف مكانها مو .. هاني قاطعها: ماما ام هاني عقدت حواجبها بو هاني: وكيف حتعرف مكانها هاني: بدور بو هاني باستهزاء: ع خير وطلع فوق ام هاني: هي مو صديقة اخت صاحبك هاني ناظر غلا غلا: تشبهني كتير ؟ هاني سحبها وجلسها و جلس جنبها ام هاني استغربت و جلست هاني: نسسسسخخخه منك بس عيونها اليمين عسليه زي ماما تاج: يعني مو عوره ؟ هاني: اكيد لا تاج: اها غلا: ما يهم قديش تشبهني؟ هاني: بكل شي انفها شفايفها وجها حواجبها زين انك مو راسمه حواجبك غلا: حواجبي حلوه ما يحتاج هاني باس جبينها: نفسك بكل شي يعني انا ما شفت الا وجها و لما شفتها مره بالعدسات حسبتها انتي تاج: ههههههههههههههههههه لهدرجه هاني: وربي تاج: غلاوي تخيلي تناظرينها كأنك تناظرين مراية غلا: هههههههههههههههههههههه ما اتخيل ام هاني ضحكت: بس شعرها قصير غلا: لييييه ام هاني: و انا ايش دراني غلا: عادي اخليها تطوله زيي ام هاني: ما تقدروا تجبروا البنت ع أي شي غلا: اكيد اصلا محد بقرب توأمي لو بكلمه فاهمين هاني: هههههههههههههههههه من دحين تهديد تاج بزعل مصطنع مدت بوزها: من دحين بطيح كرتي غلا بنذاله: طايح من زمااان تاج: ههههههههههههههههههه حيـ××× اصلا ما حخليك تقربي منها باخدها عندي غلا: خير توأمي تاج حركت حواجبها باستفزاز غلا: انا توأمها تاج: و انا اختها الكبيرة غلا: ههههههههههههههههههههههههه ما استغني عنك ابد تاج: ايوه زين ام هاني: ههههههههه طيب هاني قولي هاني: هلا ام هاني: مو هيا و اخت صاحبك صديقات هاني: ايوه ام هاني: وليه ما سألتهم عنها هاني: ما رضوا يحكوا لي وبصراحة اخاف ادا ابويه عرف انهم ما رضوا يعطونا غرام يشتكي عليهم ام هاني: احسن نبا بنتنا هاني: غرام كدا بتكرهنا غلا: ليه احنا اهلها هاني: ولو هدولا عاشت معاهم عمر تاج: صح ام هاني: بس هدي بنتي هاني: تعرفي كمان كانت تعيش بدار الايتام ومجهولة النسب ام هاني هزت راسها هاني: اكيد ما حتتقبلنا بالبداية غلا بحزن: اكيد ام هاني: ايش اسم صاحبك هدا ؟ هاني: مهند صالح الـ***** ام هاني: و ايش اسم اخته هاني: مريم ام هاني: حضرت زواج ياسر هيا ؟ هاني: اتوقع تاج: مشت مع وحدة مننا ؟ هاني: مدري ام هاني: ما اتوقع لو مشت مع وحدة منكم كان انتبهت ان غلا تشبه غرام غلا: صح هاني: ممكن قعدت مع بنات عمي خليفة ام هاني: ممكن هاني: لانو ثامر هوا اللي عزمهم و خلاه يجيب اخته معاه و اكيد كلم واحد من عيال عمي ام هاني: مو مهم تعرف مدرستها ؟ هاني سكت يتذكر: اتوقع مره قالنا وين نقلوها صبر ــ اخذ جواله ودق ع ثامر ــ ثامر: هاه هاني: ثامر بسألك ثامر: ايش؟ هاني: تذكر اسم مدرسة اخت مهند مريم ثامر سكت يتذكر: ايوه صح مدرسة الـ****** هاني: ثنكس ثامر: ليه ؟ هاني: لا بس غلا تبا تنقل من مدرستها مو مرتاحه ثامر: افا ايش صار؟ هاني: بعدين اقولك سكر منه هاني: مدرسة الـ****** ام هاني: انا بكرا بروح غلا: بجي معاك ام هاني: مالو داعي غلا: خديني معاك الله يخليك تاج: عندك مدعسة بكرا غلا: عادي بسحب مراجعات ام هاني: اخاف تغيب هاني: جربوا حظكم بس ترا غرام و البقيه ما يدرسوا هناك ام هاني: طيب بسألها عنهم وبحاول فيها غلا: ليه وين يدرسوا ؟ هاني: وقفوا دراسة غلا: امممااا لييه هاني: اصلا هما مو حقين دراسة وغير كدا ادا سجلوا راح يعرفوا مكانهم الدار غلا: اهااه &&& في شقة الرباعي &&& غرام: هيييه ع وين ؟ ليان: بروح عند خالتي خديجه تجين ؟ غرام: لا سونيا: مريم ما بتجي ؟ فاطمه: لا عندها مدعسة بكرا ليان: طيب محد بجي معي ؟ الكل: لا فاطمه: انا بسوي بيرجر مين يبا معايا ليان وهي تتوجه للباب: خونه سونيا: جوالك مشحون ؟ ليان: ايوه .. سي يو و طلعت فاطمه: تبو ولا لا؟ غرام: سويلي معك سونيا: و انا كمان فاطمه راحت للمطبخ: بنات مافي عصير غرام سحبت عبايتها: انا بنزل اجيب سونيا: خلي يرجع السواق و يجيب لنا فاطمه: الله قد متنا جوع شفتي وين بيت خاله خديجه غرام: هدا بيت هدا قصر يا ماما سونيا: ههههههههه قولوا لا اله الا الله فاطمه: عيونا بارده يا قلبي غرام: ايش تبغو اجيب لكم ؟ فاطمه تكتب بجوالها: برسلك دحين غرام: سلام و طلعت سونيا: فطوم فاطمه: همم سونيا: اخاف ليان تصير زي غزيل فاطمه: لا اسم الله عليها ليه ؟ سونيا: تكلم شهاب بالجوال فاطمه: تعرفين انهم يحبون بعض من هما صغار سونيا: ولو حرام تكلمه فاطمه: خلاص كلميها انتي سونيا: ماشي 8 &&& في دار الايتام للبنات &&& ** في غرفة غزل و شيماء ** انطق الباب غزل: هاا دخلوا البنات غزل ناظرتهم سجى: آسفين غزل ناظرتهم بدهشه: هاه !! شيماء راحت وباست غزل بخدها: آسفين غزل باستغراب: صار لكم شي ؟ تجمعوا حولها رهف: هههههههههههههه لا بس عرفنا اللي صار غزل: اهاااه هاجر: كان قلتي لنا غزل: انتو ما رضيتو تسمعوني و شيوم ما تنام عندي شيماء باستها بقوة بخدها: كنت متضايقة منك غزل: عادي .. بس مين قالكم ؟ جواهر: سونيا غزل: سونيا ايش عرفها ؟؟ رهف: انتي ما كلمتيها ؟ غزل: لا ما كنت ارد ع اتصالاتها لانو احسب انها بتعاتبني كمان هاجر: شكلها عرفت من الوليد غزل: مدري والله &&& في فلة ام فارس &&& ليان وهي تمسح الاطباق بالفوطة : وليش ما تجيبين خدم ؟ ام فارس: لان عمرنا ما جينا هنا بس كنا نعرف انه باني لنا بيت هنا عشان اذا صار له شي ليان: الله يرحمه ام فارس: بس ان شاء الله اذا رجعنا راح اجيب خدم ليان: ومتى بترجعون ؟ ام فارس: خلال اسبوعين تلاته ما ادري بس فارس بطول شوي و شهاب طبعا عنده دراسة ليان: ايوه الله يعينه ويوفقه دخل فارس: وتتزوجون ويفكني من بثرته ليان وجها حمر شهاب دخل ونزل راسه بإحراج ام فارس: ههههههههههههههههههههههههه ههه امين يا رب ليان بارتباك: ءء خالتي وين احط هدي الاطباق فارس دف شهاب شهاب ناظر فارس بحده ام فارس: هناك ورا شهاب ليان راحت عند شهاب وقلبها يدق طبول: شوي شهاب بعد شوي وقلبه يرقع فارس مسك يد امه وطلعها بهدوء ام فارس بهمس لفارس: ما يسير اخليهم فارس يأشر لها برجاء: شوي بس ليان رفعت نفسها بأطراف اقدامها عشان توصل لدولاب و تحس بتوتر فضيع شهاب لف عليها و سحب الاطباق و حطهم بمكانهم ليان وجها صار طماطم شهاب " قلبي بوقف من كثر ما يدق " بعد شوي عنها وناظرها ليان ما لفت عليه: مشكور و طلعت من المطبخ شهاب حط يده ع قلبه و جلس ع الكرسي وسكر عيونه فارس دخل: احم شهاب ناظره و ابتسم فارس غمز له: اعجبك شهاب: انقلع فارس حط يده مكان قلب شهاب: ولللل والله لو انه فلم رعب شهاب: هـ هـ هـ بايخ فارس: ههههههههههههههههههههههه .. ياخي اخطبها و اخلص شهاب تنهد: مو مشكله بس المشكلة من مين اخطبها فارس: صادق شهاب: اوووفففف المشكلة امي لقتها بمكة يعني كيف بيمدينا نلاقي اهلها فارس: وهيا ما تعرف الا اسمها و اسم ابوها شهاب: لالا صبر امي زمان لما سألتها عن اسم عايلتها قالت لنا فارس: ما اذكر شهاب قام بسرعه وطلع لصالة: يما ام فارس: نعم شهاب يتلفت حوله: وين ليان ؟ ام فارس: بالحمام ــ الله يكرمكم ــ شهاب جلس: ما تذكرين اسم عائلة ليان ؟ ام فارس عقدة حواجبها تتذكر: ما اذكر الا اسم ابوها فارس: طيب تذكري ام فارس: ليه فارس جاء يرد شهاب قاطعه: بعدين نقولك ام فارس: ما اذكر والله فارس: ممكن نقدر نلاقي اهلها اذا عرفنا اسم عائلتها ام فارس: لو اهلها موجودين كان حطو اعلان عنها من زمان فارس: ولو احنا نحاول ليان دخلت: لا تحاولون ولا حاجه الدار دوروهم بس مالقوهم شهاب: طيب ايش اسم عائلتك ؟ ليان: الـ***** فارس ناظر شهاب: مشكورة يلا حنا نستأذن شهاب ناظره باستغراب فارس مسكه من كتفه: هيا قوم ليان ناظرت ام فارس: بدرية قالت لي زمان ان ممكن اهلي متوفين ام فارس ناظرتها باهتمام ليان: لان ما بلغو عني .. يعني لو عايشين اكيد ببلغون ام فارس ما عرفت كيف تواسيها تخاف تقول ان شاء الله عايشين و هما مكلفو نفسهم يبلغوا عنها و تخاف تقولها الله يرحمهم و ينقطع عندها الامل .. مسحت ع كتفها بحنان &&& في فلة بو مهند &&& مهند: بابا ما قلتلي ايش رايك بو مهند ناظر مريم مريم: عادي قول ما بقول حاجه بو مهند: قولوا لغرام و خلوها هيا تختار مهند: بس اخاف تقعد تنصدم وتفكر و تبكي ومدري ايه بو مهند: اوك خليها تنصدم وتبكي لان ممكن كلام اهلها صحيح طيب هما كمان فقدوها و كل هدا من الاخطاء الطبية و راح يبلغون الشرطة اكيد عشان يتعاملون مع الدكتورة اللي ولدتها و الممرضات مريم: وادا كانوا كدابين ؟ بو مهند ناظر مريم: مريم انت كمان مقتنعة ان كلام هاني صحيح و بس قاعدة تعاندين نفسك مريم نزلت راسها بو مهند: ما حنخسر حاجه لو سوت التحاليل مهند: اخاف تتأمل و بالناهية يطلعوا مو اهلها بو مهند بتفكير: عشان كدا لازم نتأكد مريم: مو هوا يقول ان غرام توأم اخته مهند: ايوه مريم: ممكن تشبها ؟ مهند: حتى لو تشبهها ممكن ما يطلعون اهلها و ان هدا تشابه بو مهند: بس مستحيل السلسال يكون عند ثنتين يشبهون بعض و يشتبهون انهم توائم و اساميهم متشابها غلا و غرام مريم: فرق السماء عن الارض بو مهند: لا تعاندون نفسكم مريم: انا بروح انام بكرا عندي مدعسه بو مهند: هههههههههههههههه حلوه التصريفه ليته كل يوم ( اليوم الثاني ) &&& في مدرسة ثانوية الـ***** &&& دخلت المراقبة: وين مريم صالح مريم: هاه المراقبة: يقولون نعم مو هاه مريم: اخلصي المراقبة: المديرة تباك مريم: حتى و انا مو مسويه حاجه المراقبة: انزلي هيا بسرعه مريم طلعت و راحت غرفة الادارة و طقت الباب المديرة ناظرت مريم: ادخلي حبيبتي دخلت مريم المديرة ناظرت اكمام مريم المرتفعة مريم ناظرت اللي جالسة مقابل مكتب المديرة: تقول المراقبة تبغيني المديرة: تفضلي مريم جلست: وبعدين ؟ المديرة قامت: يلا اخليكم مريم: صبر صبر مين دي ؟ ام هاني ضحكت: ما بسوي لك حاجه مريم: طيب ايش تبغي ؟؟ المديرة طلعت ام هاني مدت يدها تصافحها: سارة مريم صافحتها: ما اتوقع انك ما تعرفين اسمي ام هاني: اكيد ولا ما استدعيتك مريم: انتي ام صالحه ؟ ام هاني عقدت حواجبها مريم: معليه والله ايش دي الرسمه اللي ترسمها صالحه بحواجبها لو تحط شنب لأخوها الأملط احسن ام هاني كتمت ضحكتها: مو امها مريم: اها ايوه ايش بغيتي ام هاني سكتت شوي: بقولك سالفتي بس محد راح يقدر يساعدني الا انتي مريم : انــا ؟؟؟ ام هاني: ايوه مريم: ادا حاجه اقدر عليها ام هاني: لا ان شاء الله تقدري مريم هزت راسها ام هاني نزلت راسها: انا فقدت بنتي قبل 17 سنه عشان ايش عشان خطأ طبي قالي انها ماتت مريم فهمت عليها و تأففت وجت بترد عليها ام هاني اشرت لها بيدها تصبر: وبعد 17 سنه لقيت اثر لها و ابي اوصل لها بس مو قادرة .. تساعديني ؟ مريم: انسي ام هاني: يا مريم يا حبيبتي ترضين تعييش صديقتك بعيده عن حضن امها مريم: كانت بعيده عنه 17 سنه و ش بفيدها بعد 17 سنه ام هاني: ابي اعوضها عن السنين اللي ما كانت فيه بحضني مريم: ما تقدرين .. اهم 17 سنه ما كنتي موجودة فيه معاها ام هاني: وما ابا بعد ما عرفت مكانها اتركها هدي بنتي مريم: انسي انسي لا تحاولين .. تعبتي نفسك كتير لما جيتي لهنا ام هاني: انتي مو مصدقتني صح مريم: ولا حصدقكم ام هاني طلعت جوالها و فتحت ع صورة غلا و لفته لمريم: ما تشبها ؟ مريم ناظرت غلا نسخه كانت من غرام بس الفرق ان شعر غلا طويل ام هاني: هاه وش رايك ؟ مريم: المطلوب اني اوديك لها ؟ ام هاني: لو تكرمتي مريم: خلصتي ؟ ام هاني سكتت مريم وقفت: انسي ولا عاد تجي مدرستي و طلعت ام هاني راحت وراها: مريم .. مريم مريم لفت عليها: لو ناديتني كمان تاني مره حشتكي عليك ام هاني تكتفت باستهزاء: والله !! مريم " لو اشتكوا علينا البنات كلهم برجعون للدار وراح ياخذو غرام كمان " ام هاني: مريم مريم ما ردت عليها ام هاني قربت منها: ما طلبت منك حاجة صعبة .. ابا بنتي مريم: ليه بعد كل هدي السنين ام هاني: لو كنت اعرف مكانها ما تركتها مريم: ودحين سوي نفسك ما تعرفي مكانها.. غرام ما تباكم ام هاني: لانها ما تعرف القصة مريم ناظرت ساعتها: عندي حصة وركضت بسرعه للدرج ام هاني: مرييييم مريم لوحت لها بيدها وطلعت ركض لمعمل الفيزياء &&& في جامعة الـ***** للبنين &&& هاني قرب من مهند وهمس له: ثامر ما يعرف عن حاجه لا تقولو شي مهند هز راسه يوسف: هيه انت وياه ايشبكم تتساسروا مهند: لا نتساسر ولا شي بس قاعد يسألني عن حاجه بالمحاضرة ثامر سحب من مشعل الموكا: ابا ارجع البيييت خليل: ليه ثامر: امس ما نمت كويس مهند: بعد المحاضرة ع طول روح للبيت ثامر: ياليييت هاني: لا بيت ولا حاجه بتجي معايا خليل: ع وين ؟ هاني: في شغله ابويه طلب مننا نخلصها ــ وناظر ثامر بحده ــ ثامر حط راسه ع الطاولة مهند: ينرحم يوسف: مررررره هاني ضحك خليل: يلا انا رايح ثامر رفع راسه: وين خليل: البيت ــ بنذالة ــ بنااااااااااااااااااااام ثامر: حيـ××××××× خليل: ههههههههههههههههههه يوسف: و انا جاي معاك مشعل: انا بروح محاضرتي دحين بتبدأ ثامر لف ع هاني و مهند: طيب ايش رايكم انا بسحب ع المحاضرة و لما تخلص هاني تعال وخدني معاك هاني: يا ليييييييييييل هدا ما يعرف يسكت مهند: انقلع اشوف نام لك كم ساعة ثامر: هيااااا ــ اخذ كتبه ــ سلام و طلع مهند طلع جواله هاني: مهند مهند: همم هاني: ما نسيت موضوع امس صح مهند ناظره هاني ناظره برجاء مهند ناظر ساعته: 10 دقايق وتبدأ المحاضرة هاني: مهند مهند عطاه ظهره و مشا &&& في فلة بو هاني &&& ** في جناح غلا ** انطق الباب غلا: ادخل دخلت تاج: ايش هدا غلا: ايش؟ تاج جلست ع سرير غلا: العمال ؟ غلا: اها ايوه عشان جناح غرام تاج بحماس: وناسة غلا بحزن: حاولت مع ابويه انها تنام عندي ما رضا تاج: اكيد غلاوي .. ممكن البنت تتضايق غلا: ما بخليها تتضايق تاج: ولو هيا كمان لها خصوصيات يعني غلا هزت راسها: بس كل يوم راح انام عندها تاج: ههههههههههههههههههههههههه هه من دحين نشبة غلا: انقلعي هههههههه تاج: يا خوفي البنت تشرد منك غلا: تاج ايش رايك ادا جت نسوي حفل استقبال تاج: طبعا غلا: و اليوم التاني نروح لشاليه تاج: صبر صبر ترا عندك اختبارات غلا: يعني ؟ تاج: يعني يا ماما بتقعدي تذاكري غلا: طيب مافي حاجه نذاكر مع بعض تاج: عز الله هجت غلا: ليه تاج: ما تدرس هيا اول شي غلا: اييييه صح تاج: عشان كدا انا بخدها معايا غلا: ع اساس ما عندك جامعة تاج: اوك بس مو مهم كتير عندي دخل بو هاني: بنات تاج + غلا: ايوه بو هاني: تاج ما عندك جامعة ؟ تاج: لا بو هاني: و انتي ليه ما رحتي المدعسة ؟ غلا: ما عندنا حاجه مراجعات بو هاني: ترا المراجعات مهمه غلا: الابلات بيعطونا اوراق نداكر منها بو هاني: بالتوفيق غلا: بابا بو هاني: نعم غلا: اخترتو لون الجناح ؟ بو هاني: لا لسا غلا: انا بسوي كل حاجه بو هاني: هههههههههههه حبيبتي ما يصير ممكن هيا ما تحب الألوان اللي تحبيها غلا: توأمي طبيعي تحب اللي احبه بو هاني: هههههههههههههههههه وطلع غلا ناظرت تاج تاج: هههههههههههههههههههههه بابا صادق غلا: انقلعي بس &&& في شقة الرباعي &&& ليان: ها مين بيشتغل معايا بمشغل خاله خديجه ؟ سونيا: انا غرام: و انا كمان فاطمة: لالا غروم ما انصحك غرام: ليه ؟ فاطمه: بتسوي مشكله مع أي وحدة وهدا مشغل كبير غرام كشرت: طيب ليان: ايوه صح مريم قالت بترد لنا خبر عن موضوع محل الـ****** اللي بالأندلس فاطمة: ومريم من امس ادق عليها جوالها مقفل ليان: متى دقيتي ؟ فاطمة: 12 سونيا: اكيد نايمه اليوم عندها مدعسة فاطمة: ايوه حتى انا قلت كدا غرام: اليوم بتجينا ونقولها ليان: خلاص يعني محد بيشتغل معانا فاطمه + غرام: لا ليان ترسل لخاله خديجه: ( انا و سونيا بس اللي بنشتغل معاك ) غرام: ايوه صح امس البنات تصالحوا مع غزل سونيا: صدق غرام: و ربي و غزل تدق عليك جوالك مسكر سونيا: ايوه مالقيت الشاحن امس و بعده ما شحنته فاطمه: كان اخدتي شاحن ليان ليان: كان معايا غرام ترمي لها جوالها: خدي كلميها &&& في شركة بو مهند &&& .....: اسمعني يا اخوي انت تعرف ان بو هاني يدور عليك الزلة بو مهند هز راسه بأيه .....: اعطوهم البنت احسن لكم بو مهند: ما اقدر يا بو مشاري انا وعدتهم ان ما يمسهم حاجه بو مشاري : طيب ولو تعرف لو ابو هاني عرف انهم عندك ايش حيسوي بو مهند سكت بو مشاري: حيشتكي عليك اقل حاجه و بقول انك خاطفهم بو مهند: بس هم جو بإرادتهم بو مشاري: بس هدا يسمونه خطف لان بو هاني يقدر كمان يخلي الدار اللي كانت عايشه فيه يعترفوا انهم مخطوفين بو مهند: طيب نفترض حكينا لغرام كل حاجه ممكن ما توافق ترجع لهم بو مشاري: بس لازم نفهمها ان ادا ما رجعت ممكن يشتكون عليكم بو مهند: كدا حترجع غصب عنها عشانا بو مشاري: انتو سويتو كل حاجه عشانهم بو مهند: مريم حتزعل بو مشاري: لازم تفهم مريم كمان بو مهند: مدري مدري يا اخوي دق جوال بو مشاري بو مشاري: هدي ام محمد تدق .. ايوه صح انا حاخد محمد من المدعسة بو مهند: لبيتكم ؟ بو مشاري: ايوه بو مهند هز راسه &&& في مجمع الردسي &&& ثامر جلس مقابل هاني: اهوه جيت ايش هدي الشغله اللي طلبها منا عمي هاني: بندور غرام ثامر باستغراب: غرام مين ؟ هاني: يا ليييييييل ثامر صحصح معي ثامر: مصحصح بس مين دي غرام ؟ ثامر: مصحصح بس مين دي غرام ؟ هاني: غرام اللي من الدار ثامر باستغراب: ليه ايش يبا منها ؟ هاني: شوف انا قلت ابويه لان لو قلت انا بتسحب علي ثامر: سـ×××× طيب انت ايش تبا من غرام هاني سكت شوي بتفكير: ابي منها حاجه ثامر رفع حاجبه الايسر : هاني ايش تبا منها؟ هاني: مو انت تحب تضايقها ليه تسأل ثامر: طيب جاوبني ولا ما حساعدك هاني اخذ نفس عميق وبتفكير: ثامر اسمع ..غرام اختي ثامر بصدمه: هااه هاني: اللي سمعتوا ثامر: كيف يعني ؟ هاني: يعني غرام اختي توأم غلا ثامر: ما يصير هاني: ثامر ايشبك ثامر: كيف اختك كيييف هاني: امي كانت جايبه توأم بس صارت اخطاء طبيه ومدري ايه مو وقته اشرح لك بتساعدني انو نلاقيها ولا لا ؟ ثامر سكت و رجع بذاكرته (ام ياسر بحماس: لاااا تخيل احمل ويصيروا توم بنات زي ــ سكتت ــ بو ياسر ناظرها بحده ) هاني: ثامر ثامر: اكيد بساعدك بس مو هنا نلاقيهم هاني: احنا بس نبا غرام ما نباهم كلهم ثامر: المهم ترا مهند يعرف مكانهم هاني: مهند ما راح يساعدنا ثامر: راح تقوله القصة و مره وحده افهمها انا منك هاني: سبقتك وحكيت له و حاولت معاه بس مو راضي ثامر: صبر صبر متى صار هدا كله وكيف عرفت ان غرام اختك هاني: كل شي صار امس ثامر: و التهامس اليوم ؟ هاني: ايوه ثامر: كمل هاني: شفت يوم الجمعة لما رحنا المول عشان نشتري هداية لأمهاتنا ثامر: ايوه هاني: مو انت قلت لي انك شفت غرام ثامر: ايه هاني: انا كنت شايفها قبلك بالمحل و كانت بتبيع سلسال لها و الرجال بخص بحق السلسال قمت انا اشتريته منها لانو انا كنت شايف نفس هدا السلسال بس ما كنت اذكر وين بعدين تذكرت ان غلا عندها نفسه و تأكدت منه و قالت لي امي كل حاجه و دحين قاعدين ندورهم ثامر: ترا انا مو فاهم ولا حاجه هاني: مو لازم لما نلاقيها احكي لك كلللل حاجه ثامر: طيب يعني دحين غرام تصير بنت عمي غانم ! هاني باستهزاء: لا بنتي انا ثامر: هاه هاني: يوووووووه ثامر دحين مو لازم افهمك أي حاجه لازم ندور ع غرام ثامر: ادا مهند ع قولتك مو راضي يساعدنا نحاول بمريم هاني: مافي فايده لانو مريم رافضه ثامر بعصبية: ع كيف امهم هدولا هاني: لازم ما نعصب عشان ما ينعادون اكتر ثامر: طيب و كيف راح نلاقيهم هاني: زمان لما ما كنا نبا نقابلهم نلاقيهم بكل مكان ودحين لما احتجناهم ما نلاقيهم ثامر بتفكير: احنا ادا بنقابلهم لازم ندور بالمولات هاني: حلووو هدا اللي ابا اوصل له ثامر: هيا قوم طيب ايش تنتظر هاني قام ثامر: صبر صبر هاني لف عليه ثامر: لازم نحط احد ورا مريم لان مريم 24 ساعه معاهم هاني: لا تشيل هم حطيت ثامر: طيب هيا خلينا ندور هاني: انت انزل تحت و انا بدور هنا ثامر: صبر هاني هاني: ايش كمان ثامر: صح ممكن البنات عايشين مع مهند ومريم هاني: لا في مكان تاني ثامر: و انت ايش عرفك هاني: مره قلنا هاني انهم يعيشون لوحدهم نسيت ثامر: ايوه صح هاني: يلا انقلع دورهم ثامر عطاه ظهره بسرعه &&& في فلة بو هاني &&& غلا: طيب كان حاولتي معاها اكتر ام هاني: ابوس رجولها يعني !! غلا: لا ما قصدت كدا ام هاني: حاولت معاها بكل الطرق تاج: هدي وين بيتها انا بروح لها ام هاني: اهجدوا بس هاني حط احد يراقب مريم ويعرف وين تروح ووين تجي ومنها يعرف وين ساكنين البنات غلا: طيب و ادا ما استفدنا ؟ ام هاني: بنطّر نخلي ابوك يتصرف تاج: خلوه يتصرف من دحين ام هاني: ما نبا غرام تكرهنا من اول مره تاج: بتعرف انو لمصلحتها غلا: ولو لو ابويه اشتكا عليهم ممكن يرجعوا كل البنات لدار وبتحقد علينا غرام تاج: بكيفكم ام هاني: بكرا ممكن ولا بعده المهم أي يوم ممكن نجتمع عند جدكم عشان يحكي للكل عن غرام غلا: ما كان في احد يعرف عن غرام ؟ ام هاني: لا غلا هزت راسها ( في صباح يوم جديد ) &&& في شقة الرباعي &&& سونيا: بنات صارت تلات ايام ومريم ما جت عندنا فاطمة: مع انها 24 ساعه تكلمنا بالجوال غرام: بنات لما اسألها تطلع من الموضوع سونيا: خلونا نروح لها ليان: لا انا بروح عند خالتي خديجه شهاب بسافر اليوم غرام: بتاخدي السواق ؟ ليان: ايوه مو بعيد كتير فاطمه: خلاص ناخد لنا تاكسي سونيا: وانتي بس تودعينه ع طول ترجعي ليان: يوه طيب فاطمه: انا بقوم البس &&& في فلة ام فارس &&& شهاب: امي امممييي ام فارس: نعم ايش تبا شهاب: ليان ما حتجي ؟ ام فارس: الا دوبها حكتلي بالطريق شهاب: اخاف اروح و ما اشوفها ام فارس: لا تاخاف حتجي ولا تقعد تحن كتير طيب فارس: هدا ما اعرف ايش بسوي ادا تزوجها شهاب: بطير فارس: انت مطيور من دون حاجه شهاب: انقلع فارس: من جد والله شهاب: اقول شوف نفسك احسن لك شوف كم صاير لكم مخطوبين ومدري لمتى بتخلي البنيه معلقه تنتظرك حتى مسجات هيا تقعد تكلمك و امي ترسل لهم هدايا ع اساس انها منك فارس: كيفي ياخي اصلا تحمد ربها ان فارس الـ***** خطيبها ام فارس: والله البنيه الف من يتمناها فارس: وين هدولا الألف شهاب: انت ما منك فايده ورب الكعبة حرام اللي تسويه فيها فارس: ادا فكرت تتزوج ديك الساعة بتزوج انا معاك شهاب: يا ابوي انا لسا ما خلصت دراسة و ع ما نلاقي اهل ليان و كدا لا تربط نفسك معي فارس: ننتظر ايش ورانا شهاب: وراك مرأه تبي تشوف مستقبلها .. يا تنفصلون يا تاخذها و تتيسروا فارس: ادا هيا تبانا ننفصل من عيوني التنتين ما طلبت المستحيل شهاب: عيب يا رجال تبا الناس تتكلم فيها ؟؟ فارس يغير الموضوع: ايوه صح ترا نايف دق علي يقولك رد ع ريما يا اخي وفكنا شهاب: يا حليلها والله هالريما دخلت ليان: يحليك ربي شهاب التفت عليها: ليان ام فارس كتمت ضحكتها وراحت لليان: هلا حبيبتي ليان سلمت عليها: هلا بك ام فارس: وينك يا يما تأخرتي ليان: زحمة جدة ام فارس ابتسمت فارس ضحك ع معالم وجه شهاب المرتبكة: كيفك ليان ليان: نحمد ربي فارس: لا يغير عليكم يا رب ليان ابتسمت شهاب بارتباك: ايش عاملة ليان: الحمد لله شهاب: ايش تشربين ؟ ليان التفتت لأم فارس: هيا خالتي خليني اساعدك ام فارس ناظرت شهاب: هيا طلعوا ام فارس و ليان شهاب رما ع فارس الخدادية: كنت متعمد صح فارس: ههههههههههههههههههههههههه ههه والله انت اهبل ع طول قلت ياحليلها شهاب: يا حيـ×××× كنت اقصد انو ما تمل من كتر ما تدق فارس: والله انت رامي ع البنت كل حاجه شهاب طنشه وطلع فوق &&& في سيارة هاني &&& ثامر: وهدي حالتنا يا نفرفر بالمولات و ادا طلع مهند باشا يلحقه الرجال و احنا نقعد قدام بيتهم هاني: مريم ما طلعت معاه عشان كدا ممكن تروح مع السواق عند البنات او أي حاجه ممكن تصير ثامر: تعرف ان مهند ما يخليها تروح مع السواق هاني: طيب خلينا ننتظر بس ممكن ابوها يوديها كمان ثامر: صار لك تلات ايام تقول نفس الكلام هاني بحزن: ع امل اشوفها ثامر: وقف تاكسي قدام بيتهم هاني رفع راسه ثامر: هدولا هماااا هاني: لا هما 4 ثامر: وربي هدي اللي عطتك كف شوفها هههههه بكل راحه تعدل شعرها هاني بانزعاج: اهوه شوف اختي اللي لفت يدك ثامر لف عليه: خلاص هاني هاني: انت اللي بديت ثامر: انزل انزل لا يشوفونا ** عند البنات ** فاطمه لفت شعرها كعكه و لفت الطرحة سونيا: هيه ترا انتي بالشارع فاطمه تناظر يمين و يسار: ما في احد غرام: هيا ندخل مت برد دخلوا ** بسيارة هاني ** ثامر: هيا ناخدها هاني مسكه: لا خليك عشان لما يرجعوا البيت نعرف مكانهم ثامر: ايوه صح ** داخل البيت ** مريم: يا حيـ××××× اشتقت لكم غرام بعتب: ايوه واضح فاطمه تكمل عليها: لدرجه تلات ايام ما تزورينا مريم: اعصابكم خلاص .. بقولكم بقولكم وما حتلوموني وربي سونيا: توقعتك تعبانه بس كل يوم كنتي تكلمينا مريم: من شوقي لكم و كمان لساتني مشتاقه لكم غرام: طيب احكي وفكينا فاطمة: في احد ولا ؟ مريم: لا امان فصخوا حجابهم و جلسوا حول بعض مريم: وين ليان؟ سونيا: شهاب بسافر اليوم مريم: طيب اسمعوا جت الخدامة وضيفتهم مريم سكتت بتفكير سونيا: احكي خوفتينا مريم: بصراحة ما اقدر اسكت اكتر من كدا و ادا كدبت حتكشفوني غرام: ايش صاير ؟ سونيا: فيكم حاجه ؟ مريم: لا سونيا: طيب احكي لو سمحتي بدون سكوت مريم: طيب .. غرام لمين بعتي السلسال غرام: بنرجع لنفس الموضوع مريم: خلاص خلاص غرام: احكي مريم: تعرفوا هاني طبعا فاطمه: مين هدا ؟ مريم: هاني و ثامر اصحاب مهند غرام: ايوه الكريهين مريم هزت راسها سونيا: ايشبهم مريم: طبعا الاخت الكريمة باعت السلسال لهاني الكل: ايييييييش غرام: طيب شسوي دفع مبلغ كبير عليه.. وغير كدا هدا مو موضوعنا مريم: ايوه المهم جانا قبل كم يوم اول ما رجعنا من درة العروس.. وقعد يحكي مع مهند وانا كنت نازلة بالغلط وسمعت حكيهم وكدا فاطمه: ايش قال ؟ مريم: خليني اكمل فاطمة: خلاص سكت مريم بانزعاج: اوووه بقول كل شي باختصار ما اقدر اكتر من كدا توترت غرام + سونيا: احكي مريم: هاني يقول ان غرام اخته غرام ببلاها: هاه مريم: ايوه هاني يقول انو انتي توأم غلا اخته الكل: كيف يعني مريم: انتي بعتي سلسالك لأخوك غرام: هههه ــ قامت وتحسست جبين مريم براحة يدها ــ مسخنه ؟؟ مريم نزلت يد غرام وبجديه: غرام ترا هدا الموضوع مافيه مزح فاطمه: اجل تكلمي بعقل مريم: ورب الكعبة هدا اللي صار غرام: وانا ما فهمت ولا حاجه من اللي صار مريم : هاني يقول ان لما شرا منك السلسال كان متأكد انه شايف متله من قبل و عرف ان اخته غلا عندها نفس السلسال و باسمها سأل امه وقالها ادا في احد تاني مسوي نفس سلسال غلا و نكرت هدا الشي وقالت انو مستحيل وحكا لها عن سلسالك ووراها و انصدمت و قالت انك توأم غلا غرام بصدمه قاطعتها بضحكه ساخرة: ههههههههههههههههههههههههه ه دحين تبين تقنعيني ان صار لي اهل بعد 17 سنه دخل بو مهند: كان عندك اهل من 17 سنه وللحين عندك اهل الكل لف الطرحة ع شعورهم غرام: مستحيل فاطمه وسونيا ناظروا غرام بو مهند: مو مستحيل غرام: انا ما اباهم حتى لو هم موجودين بو مهند: ما سألتي ليه كنتي بالدار ما دامهم موجودين غرام : وما ابا اعرف بو مهند طنشها وجلس: امك لما جابتك انتي و توأمك سارات اخطاء طبيه و حكوا لها انك توفيتي وبعدها بكم يوم نقلوك لدار الايتام و لما اشترا منك اخوك السلسال و عرف الكل انك توأم غلا جو يدورون عنك ومن حسن حظك ان صديقهم اللي هوا مهند يصير اخو صاحبتك غرام محطيه راسها بين يديها و تهز راسها بلا: مستحيل مستحيل مستحيل بو مهند: اهلك يبونك يا غرام غرام هزت راسها بلا بو مهند: زي ما فقدتي اهلك 17 سنه هما كمان فقدوك 17 سنه غرام بصراخ: مستحييييييييييل انا ما فقدتهم انا اصلا ما كان لي اهل بو مهند وقف: الا كان لك اهل و يحبونك كمان ويتمنوك تكوني معاهم اليوم قبل بكرا غرام: لو يبوسوا السماء ويرجعوا بو مهند: هدا قرارك انتي بس اهم شي لا تظلمين اهلك غرام ناظرته: صبر صبر نسيتوا اسورة المستشفى بو مهند عقد حواجبه غرام ابتسمت باستهزاء: كمان كانت هدية من امي ولا من ابويا ؟ بو مهند: هدا السؤال تسألينه اهلك يا غرام غرام وقفت وامتلت عيونها بالدموع: كداااابين وربي كداااابين مدري كيف صدقتوهم عمو انت قلت ان محد راح يقدر يقربنا بو مهند: وانا عند كلامي يا بابا محد راح يقربكم الا بأدنكم غرام: عمو ما اباهم بو مهند: فكري بكلامي زين يا بابا مو زين لك غرام: عمري ما احتجتهم طول 17 سنه ما ححتاجهم بعد كل هدا بو مهند: محد ما يحتاج يكون له ام او اب غرام: انــا .. مــا .. احتــاج ــ شددت ع كل كلمة و بشكل مفصل ــ بو مهند: ع راحتك فكري زين عائلتك من اكبر العوائل مستحيل بعد ما عرفوك يتركونك هما كمان يبونك غرام: حريقه تحرقهم اولاد ×××××××××××× الـ×××××××××× بو مهند سكر عيونه بقوه من كلام غرام فاطمه + سونيا وقفوا وراحوا لها: خلاص غرام خلاص حبيبي غرام بعدتهم و سحبت شنطتها فاطمه لحقتها: غرام وين .. غرام قاطعتها: لا تجي ورايا مريم: فاطمة غرام طلعت وسكرت الباب بقوة و ركضت لبرا اسوار البيت ** داخل سيارة هاني ** ثامر يهز هاني: هاني هاني هاني: همم ثامر: اختك طلعت هاني: وين ؟ ثامر يأشر ع غرام: اهوه شوف هاني ناظر غرام وحرك بسرعه وراها ثامر: هدي وين تروح هاني: مدري ثامر: وقف وقف هاني: ليه وقفت هنا كانت غرام واقفه ع الرصيف قدام الشارع الفرعي ثامر: خلينا ننزل وناخدها هاني :لالا احنا نبا نعرف وين ساكنين هدولا بس ثامر: طيب يلا ركبت تاكسي حركوا ورا التاكسي لين وقفوا قدام احد العماير ثامر: هدي العمارة لعم صالح هاني: نزلت ثامر: هيا خلينا نروح وراها هاني: انت ايشبك مستعجل يا اخي ثامر سكت هاني: انا اخوها ما سويت زيك ثامر: كل××× مالت عليك وع اللي جاي يساعدك هاني ناظر المدخل و تأكد ان غرام طلعت: هيا ثامر: وين هاني نزل ولحقه ثامر هاني راح لحارس العمارة وطق الباب ثامر: ايش تبا فيه ؟ هاني: استنا طلع الحارس هاني: في 4 بنات يسكنوا هنا كم رقم الشقة ؟ الحارس: ما في 4 بنات ثامر: لا اسمع شفت صاحب العمارة دي الحارس هز راسه ثامر: مسكن 4 بنات هنا وحده منهم اسمها غرام وين يسكن هدولا الحارس: ما يعرف انا هاني: كيف ما تعرف انت مو حارس العمارة الحارس: ايوه ثامر: في 4 بنات ساكنين هنا في أي شقة ؟ هاني: هدا غبي ما عليك منه شوف شوف ــ مسك واحد كان بيطع للعمارة ــ لو سمحت تعيش هنا ؟ الشاب: ايوه هاني: في 4 بنات ساكنين هنا كم رقم شقتهم الشاب ناظر الحارس بعدين ناظر هاني: ما اعرف هاني: كيف ما تعرف في 4 بنات ساكنين هنا وحده اسمها غرام والتانيه فاطمة الشاب: طيب حتى لو كانوا هنا ايش تبا منهم ؟ هاني: في حاجه مطيحينها ونبا نرجعها لهم الشاب: اديها للحارس يوصلهم لها هاني: لا حاجه خاصة الشاب ناظر الحارس و ناظر هاني وثامر: آسف ما اعرف ثامر مسك الحارس: كداب كداب وربي هدا اشر له عشان ما يقول الشاب طنشهم ومشا هاني سحب ثامر: مبين ان العم صالح موصيهم ثامر: ايش بنسوي طيب هاني: اهم شي عرفنا مكانهم ثامر: طيب هيا امشي هاني طلع جواله وحطه بأذنه: الو ...... اسمع خلاص عرفنا مكانهم تقدر ترجع ........ طيب سلام ثامر: مين هاني: هدا اللي حطيتو ورا مهند &&& في المطار &&& ام فارس: انا بروح الحمام ــ الله يكرمكم ــ ليان: اجي معك ؟ ام فارس: لا يا ماما ايش تسوي معي شهاب يأشر لفارس بحواجبه فارس باستغباء: ايشبك شهاب ناظر ليان بعدين ناظر فارس بحقد: لا حواجبي تحكني فارس: اهااا ليان لفت وجها تكتم ضحكتها شهاب: فارس ابا قهوة من هناك فارس بنذالة: قوم بنفسك شهاب: انا بسافر دحين فارس: بتسافر مو معاق شهاب انقهر منه فارس قام: خلاص اشفقت عليك ــ لف ع ليان ــ انتي ايش تشربي ؟ ليان: مشكور مالي نفس فارس: ع راحتك ومشا شهاب: ليان ليان: هاه شهاب بلع ريقه: ترا لما قلت عن ريما ياحليلها كان قصدي عشان انها تدق كتير وكدا عشان الجامعة ليان هزت راسها شهاب: امانه ليون لا تزعلي ليان: مو زعلانه شهاب: وربي ريما متل اختي ليان هزت راسها بايه شهاب: ليان والله ما اكدب ليان: ما قلت حاجه شهاب: طيب احلفي انك مو متضايقة مني ليان كتمت ضحكتها " ايشبو دا صار زي البزر" : والله مو متضايقة منك شهاب تنفس براحة: طيب يعني بسافر و كدا ما حقدر ارجع الا بالإجازات ليان نزلت راسها بحزن شهاب ميل راسه: ما حتقوليلي شي؟ ليان مررت لسانها ع شفايفها لترطيبها: احم الله يوفقك ويسهل لك ولا ترمي كل شي ع ظهر ريما شهاب فلتت منه ضحكه صغيره: ههههه .. امين يا رب ويوفقك و يخليك لي و ان شاء الله اخلص بأسرع وقت و ارجع لك ليان ابتسمت بخجل شهاب قام و ادنى لها وبهمس بأذنها: احــبـــك ليان اول ما قرب منها استنشقت ريحة عطره تبي تحتفظ فيها داخل مذكرتها و اول ما اهمس لها وجها صار احمر و صارت تحس بحرارة تسري بجسمها شهاب كان لسا بنفس وضعيته ليان بتوتر و ارتباك: ووو وانا كمـ-ـان شهاب ناظرها بصدمه و فرح ليان نزلت عيونها بخجل شهاب جلس ع كرسيه بربكه وتوتر اول مره يصير معاه هذا الاحساس و ما قدر يمنع نفسه من الابتسامة ام فارس جلست وناظرت ليان: يما ليان ليان رفعت راسها وناظرتها وبلعت ريقها ام فارس استغربت من ملامح وجها وناظرت شهاب اللي يتلفت والابتسامة شاقة وجهه جلس فارس و حط القهوة قدام شهاب شهاب بتوتر اخذ القهوة وشربها فارس: يا مجنووون حارة شهاب قعد يكح ليان بخوف مدت لها مويه ومنديل شهاب ناظر عيونها اللي مليانه خوف ابتسم ورجع يكح فارس بهمس: وقت دا يتبوسم شهاب اخذ الموية وشربها ام فارس: ايشبك يا ولد ليان كتمت ضحكتها شهاب يبلع ريقة: شرقت ام فارس: دوبو اخوك جايب القهوة تشربها ع طول ليه شهاب: عطشت ام فارس: في مويه شهاب قام: يلا لازم ادخل ام فارس ضمته: توصل بالسلامة شهاب يبوس راسها: الله يسلمك ام فارس: انتبه لنفسك يا ماما شهاب: و انتو كمان ــ قرب من امه و بهمس ــ انتبهي لزوجتي ام فارس فلتت منها ضحكه: امش يا قليل الادب شهاب ضحك فارس سلم ع اخوه بالخد: توصل بالسلامة يومين واحنا عندك شهاب: الله يسلمك فارس: شكلك ضيعة علوم البنيه شهاب: والله محد ضاع علومه غيري فارس: هههههههههههههههه سربوت شهاب بعد عن فارس وراح لليان: انتبهي لنفسك فارس يأشر لأمه و غمز لها ام فارس ابتسمت ليان بخجل: و انت كمان .. توصل بالسلامة شهاب بهمس: اول ما اوصل بحكي لك ليان هزت راسها: انتبه لدراستك زين شهاب: ابد تامرين امر بخلص بسرعه ــ بهمس ــ وبرجع لك ليان استحت: طيب خلاص ابعد شهاب ابتسم وتوجه للبوابة ام فارس: هيا خلونا نروح ليان بدون تفكير: ما راح ننتظر لين تقلع الطيارة ام فارس ابتسمت فارس: ترا بكون داخل الطيارة ما راح تقدرين تشوفينه ليان انحرجت فارس: هههههههههه ام فارس: فااارس فارس: قصدي ما راح تقدرون تشوفونه ام فارس: طيب هيا امشي طلعوا من المطار فارس كان ورا ليان: ايش سويتي بأخوي يا بنت ليان لفت عليه: انـا!! فارس هز راسه بايه ليان باستغراب وقفت: ولا حاجه فارس بهمس: ضاعت علومه ليان انحرجت ومشت فارس: هههههههههههههههههههههههه &&& في فلة بو مهند &&& وقف مهند سيارته وهو يرفع الجلنط ونزل بسرعه ودخل: ابوييييه بو مهند: لا تصرخ وتعال مهند التفت شاف الكل جالس.. راح لهم مريم: قلت لهم مهند: برافو شكل هاني وثامر كانوا وراها مريم: ايييش مهند: الحارس يقول ان في اتنين سألوه عنكم فاطمة: ايش بنسوي مهند جلس ع كنبه منفردة وحط يده ع راسه: يا خوفي ياخدوها غصب فاطمة: محد يقدر يلمس شعره منها طيب مهند: بلا افلام انتي ترا بكلمة منهم تجي ورجولها فوق رقبتها سونيا: يخسون مهند قام بو مهند: وين مهند: بروح اشوفهم طلع وركب سيارته وحرك بسرعه لمجمع سعد الـ******** مهند: ايشبهم هدولا ما يردون شوي ووصل و انفتحت البوابة مهند: هاني و ثامر هنا ؟ البواب: ايوه دخل بسيارته و وقف قدام فلة بو غانم و نزل وصعد درج المدخل ودق الجرس فتحت الخدامة: نعم مهند: هاني و ثامر هنا ؟ الخدامة: لا ما في مهند بصراخ: ايش اللي مافي البواب قالي انهم جو الخدامة: ما يئرف انا توجهت غلا لبيتهم : نعم خير مهند نزل راسه: اختي ناديلي هاني غلا: مين انت مهند: صاحبو غلا: يا كتر اصحابه مهند: قولي له مهند غلا تتذكر: انت اللي معاك توأمي؟ مهند: اختي لوسمحتي ناديلي اياها غلا: خدامة ابوك انا و دخلت مهند ناظر زول غلا بصدمه هاني: مهند؟ مهند لف و نزل له هاني: ايشبك ؟ مهند مسك هاني من ياقته: اترك البنات بحالهم يا هاني هاني يبعده: ما سويت شي ثامر: مهند ايشبك مهند يبعد عن هاني: اسمعوا انتو الاتنين غرام و البقية لو تقربوهم او تلمسوا شعره منهم تحفرو قبرقكم بنفسكم ثامربقهر: يا ابويا هدي بنت عمي مهند ضحك باستهزاء: ههههههههههه شوف مين اللي قاعد يقول بنت عمي اللي قعد يهينها 24 ساعة .. يالله قديش حزنت عليكم ثامر لف وجهه هاني: كلامك ع عيني وراسي بس يا اخوي ما يصير تخبو البنت عننا في النهاية دي اختي و لازم تحكوا لها عننا مهند: غرام هيا اللي بتقرر مو تروحوا وراها وتفجعوهم هاني: وربي ما سوينا حاجه بو هاني: يعني بنتي عندك يا ولد صالح الكل التفت لابو هاني ......................................... انتهـــى البـــ[12]ـــارت ان شاء الله ينال اعجابكم تــوقـــعــاتــكــم؟؟ اراكم ع خير ان شاء لله.. ولا تحرموني من ردودكم وتوقعاتكم و بليييييييييييز ما ابي احد من خلف الكواليس شاكره لكم .. مع تحياتي: جذابة والعيون غلابه { Simoo } ^__^ التعديل الأخير تم بواسطة اسطورة ! ; 17-10-15 الساعة 10:48 PM | |||||||||
|
| |
|
17-10-15, 10:57 PM
| #19 | |||||||||
| نجم روايتي ومشرفة سابقة وفراشة متالقة بعالم الازياء
| البـــ[13]ـــارت مهند: غرام هيا اللي بتقرر مو تروحوا وراها وتفجعوهم هاني: وربي ما سوينا حاجه بو هاني: يعني بنتي عندك يا ولد صالح الكل التفت لابو هاني هاني: ابويه .. بو هاني اشر لهاني بيده بالسكوت مهند ناظر بو هاني بتحدي بو هاني: اسألك يا ولد صالح مهند: ولد صالح له اسم يا عم غانم بو هاني ابتسم باستهزاء: مهند مهند ابتسم له بمجاملة بو هاني: جاوبني اجل يا مهند .. بنتي غرام عندكم ؟ مهند: بنت الدار غرام عندنا بو هاني: بنتي مهند: ما راح اثق بكم سلسال وبكم اسم بو هاني: مستعد اسوي تحليلي dna مهند: هدا القرار راجع لغرام بو هاني: حلو و الاحسن انكم تقنعونها لاني ما احب اتصرف بنفسي ــ وغمز له ــ هاني: ابوويه مهند رفع حاجبه الايسر بو هاني: سلام يا .. مهند ومشا هاني ناظر مهند: مهند مهند اتجه لسيارته هاني راح له ووقف مقابله: مهند ما عليك من ابويه مهند: ابعُد عني هاني: هدي المشاكل موجودة من زمان يا مهند مهند: مدام اني هادي اتقيني هاني بعد عنه مهند ركب سيارته وحرك بسرعه ثامر راح لهاني: اول مره اشوف عمي كدا هاني رفع حواجبه: هدا هوا الوجه التاني لأبويه ــ و ابتسم ــ ثامر: مهند اخد ع خاطره؟؟ هاني: مشاكله م اصلا ما تنتهي بس احنا ما نتدخل فيها و مهند كمان يعرف ان مشاكل اهالينا مالها علاقة فينا ثامر: اخاف من جد عمي يتصرف هاني: ما حخليه ثامر: ايش بتسوي يعني؟ هاني: دحين انت روح بيتكم و انا بتصرف ثامر: سلام هاني دخل البيت: وين ماما الخدامة: فوق هاني طلع غلا: شفت صاحبك هاني ناظرها باستغراب غلا: مهند كان يباك هاني: قابلته ام هاني: وش صار هاني: اسمعوا انا عرفت مكانهم و كل حاجه بس عندي طلب منك يا امي غلا + تاج بفرح: اممماااا ام هاني: ايش هو هاني: بابا قابل مهند ورما عليه كلام كتير .. احكي له ادا سوا لعائلة مهند حاجة يحلم يشوف غرام ام هاني: ليه ايش صاير هاني: هددهم بطريقة غير مباشرة .. وصاحبي مالو دنب صراحة تاج: والله بابا ما يسوي الا الصح ام هاني: خلاص يا ماما انا بتصرف معاه تاج قامت: بس رجاءً ماما لا تهدديه فيك وطلعت غلا: شوفوا كل حاجة صحيحه بس بابا المفروض ما يهدد احد ماشي لان بتكرهنا غرام هدولا عايشه معاهم عمر و نجي احنا نخرب نظامهم بيوم وليله هاني: صحيح غلا: و ماما لا تضغطي ع ابويه بس حاولي معاه ام هاني: خلاص ايشبكم انا بتصرف غلا: ولا تنسوا جمعتنا بعد المغرب هاني تذكر: ايوه صح ــ قام ــ ام هاني: ايشبك هاني: ثواني راح ركض لجناحة وطلع هدية امه و رجع لصالة و مدها لها ام هاني ابتسمت بحب هاني باس خدها: كل عام و امهاتنا معانا غلا ضمت امها: امييييييييين يا رب &&& في فلة بو مهند &&& دخل مهند وسمع ليان تقول ليان: كل هدا صار و ما حكيتو لي ليه ؟ فاطمة: خلاص قلنالك هيا امشوا مهند: ع وين ؟ مريم: للشقة مهند: طيب انا بوصلكم سونيا: لالا انت روح ارتاح من اول و انت رايح و جاي مهند: معليه ابا اكلم غرام كمان مريم: هيا ركبوا السيارة و حركوا للشقة .............. شوي ووصلوا ........ مهند: فاطمة شوفي لي غرام لو تكرمتي فاطمة راحت الغرفة و فتحت الباب بهدوء استقبلتها نسمة هواء باردة دخلت وشافت الانوار مطفية و غرام منسدحة ع سريرها ومعطيتها ظهره و الدريشة مفتوحة .. فتحت نور واحد و سكرت الدريشة وجلست ع طرف سرير غرام فاطمة: غرام غرام: ..... لا رد فاطمة تعرف انها مو نايمه بس ما تبي ترد عليها ناظرتها بحزن و طلعت بعد ما سكرت النور مريم ناظرت فاطمة فاطمة: متى تتكلم سونيا تمد الصحن لمهند مهند اخذ كاس عصير: طيب اسمعوا سونيا اعطت الكل عصيرات وجلست مهند: محد راح يجبر غرام ع حاجه ماشي .. هدا قرارها هيا هدولا اهلها مستحيل اقولكم ان هدولا مو اهلها ادا مو واثق فاطمة: ايش يبغوا منها بعد ما رموها 17 سنه مهند: بطلوا انانيه اوك صديقتكم و اختكم وكل حاجه بس هدولا اهلها الحقيقين سونيا: وينهم عنها كل هدي السنين ع بالهم بيوم وليله راح يخدوها مننا مهند: محد بياخد حد من حد سوسو ليان: قولهم غرام ما تباهم وانهي الموضوع مهند: غرام هيا اللي بتقرر .. ليان لما طلعت خاله ام فارس بوجهك ع طول سامحتيها صح ليان: ايش دخل دا الموضوع مهند: هما كمان حطوك بالدار ليان: كانو مضطرين مهند: حلو .. اهل غرام راحت بنتهم من يدهم غصب عنهم مو بيدهم فاطمة جت ترد عليه مهند قاطعها: لو سمحتوا مشو هدا اليوم ع خير و ادا غرام قررت كلنا بنحترم قرارها .. كل وحدة فيكم لو كانت مكان غرام ع طول بتروحوا لهم .. فكروا فيها شوي بس لا تفكرون بنفسكم.. كلكم تتمنون انكم تكونوا مكانها مريم: خلاص مهند مهند: طيب .. انا بمشي أي حاجه تصير احكو لي مريم: ماشي سلام طلع مهند بعد ما سكر الباب وراه سونيا بتفكير: بصراحة كلام مهند عين العقل ليان ناظرت سونيا سونيا: انا لو امي جتني وقالت لي اسامحها ع طول بروح لها فاطمة: انتي تعرفين ابوك و امك اصلا ولو انهم عايشين ما كان كنتي معانا سونيا: الله يرحمهم الكل: الله يرحمهم فاطمة: اما غرام من يوم انولدت وهي بالدار ومكتوب اسمها بس ليان بتفكير: ممكن بعد ما صارت الاخطاء شافوا الاسم اللي بالسلسال و كتبوه صح ؟ مريم: صادقة سونيا: مشكلتنا مو هنا المشكلة ان شوفوا مين اخوها .. اخوها هاني اللي فاطمة عطته كف فاطمة باستهزاء: من جد مهزلة ليان: وصاحب اخوها نفسه اللي تتهاوش معاه مريم بلعت ريقها: بنات الكل لف عليها مريم: ادا قصدكم ثامر فثامر ولد عمها يصير الكل ناظرها بصدمة: اييييييييييش مريم: يعني هو مو صاحبه هوا ولد عمهم فاطمة: كملت ليان: بنات بصراحة اخاف ع غرام ادا راحت لهم يطيحوا فيها تجريح مريم: بس تبغو الصدق .. هاني كان واضح عليه طيب ويباها من قلب فاطمة: ايوه واضح طيب مريم: اوك صحيح بدافع عن ولد عمه بس كل مره يوقف بوجه ولد عمه سونيا: ما علينا.. اللي تقولو غرام بصير &&& في فلة بو غانم &&& س 6 المغرب ** في اكبر مجلس بالفلة *** عند جهة الحريم .. كانت اصوات همسهم تتصاعد تلقائيا اما عند جهة الرجال.. كان الجد يتكلم مع غانم لوحدهم بهمس والكل ساكت بو غانم اخيراً: هاني هاني: لبيه بوغانم: غرام بنتنا عند صاحبك يعني هاني: ايوه يو غانم: خلاص انت كلمهم ادا ما جابوا بنتنا خلال يومين بنشتكي عليهم هاني: يا ابويه هما مالهم دنب غرام مستنجدة فيهم بو غانم: انا ما علب منهم نبا بنتنا هاني: بنتكم اللي هيا اختي ما كنتوا تعرفوا عنها ولا حاجه خلال 17 سنه و دحين بعد 17 سنه جايين تهددوا كمان ! بو غانم: شفت كل كلامك هدا ما يهمني اللي اباه بيسير هاني: لا مو كدا الناس تتفاهم بو غانم: انت قولهم كدا وبس هاني: ما حخرب علاقتي مع صاحبي عشانكم معليه .. هيا لو تبانا بتقولنا بو غانم بعصبية: يا حمار اختك مع رجال غريب كيف ترضاها بالله هاني: هدا الرجال الغريب اللي تتكلم عنو اثق فيه اكتر من أي احد تاني بو غانم: انا الغلطان اتناقش معاك .. اسمع يا غانم انت وخد البنت من شعرها لو ما رضيت غلا بعصبية: خير خير ايش اللي من شعرها خروف هيا !!؟ بو غانم: يا بنت لا تدخلي.. ادا حكوا الرجال يسكتوا الحريم غلا: لا ما حسكت ما دام موضوعكم توأمي بو غانم: الله يحرقك انتي وتوأمك .. ما عندنا بنت تقعد مع الغرب غلا: لها 17 سنه عايشه مع الغرب ما تحركت فيكم شعره بو هاني بعصبية: غــــلا خلااااص غلا لفت وجها بقهر ام هاني: معليه يا عمي بنتي محد بمسها بشيء يا تجي برضاها او نحاول نقنعها بو غانم: يا سارة ما تبي بنتك ؟؟ ام هاني: اباها اكتر منكم كلكم بس هدي غلطتنا ولازم ندفع تمنها بو هاني: دفعنها خلال 17 سنه ام هاني: ما كنا نعرف بوجودها بو غانم طنشها: اسمعني يا غانم غانم: سم بو غانم: من بكرا او من دحين تروح لبيت بو مهند و تحكي معاه ام هاني وقفت: وانا اقول ان محد بمس عائلة الـ****** او بنتي بشيء حتى لو كان ابوها .. لو ايش لو كان ابوووهاااا لين تجي برضاها بو هاني: خلاص يا ابويه هاني بيقنعها هاني ناظر ابوه بو هاني هز راسه رتاج بهمس: تجو تاج ناظرتها رتاج: وين كانت عايشه غرام ؟ تاج: بدار الايتام رتاج كشرت: امااا تاج: اجل وين بتعيش رتاج: مدري توقعت ان في احد متبنيها ويصير زي الافلام تاج: لا من الدار رتاج: طيب كيف عرفوا مكانها ؟ تاج: بعدين احكي لك رتاج: طيب تعالي عندنا اليوم تاج: طيب رتاج لفت ع غلا: غلاوي غلا: ها رتاج: تعالي انتي كمان مع تاج عندنا غلا: لالا مابا رتاج: طيب بو غانم قام: خلصنا طيب بعد جيتها بيومين راح نسوي لها حفل هاني لف عليهم باستغراب: وادا ما جت ؟ بو غانم: بنحاول بأدب لين تجي هاني رما الخدادية اللي بحضنه ع جنب و طلع بانزعاج ثامر طلع وراه هاني طلع دخانه و شغله ثامر سحبه منه الدخان: مو كدا يا شيخ هاني: انقلع عن وجهي احسن لك ثامر: طيب بس مو دحين هاني ناظره بعصبية: ثــااااااممممررر ثامر: خلاص خلاص سكت ــ مد له الدخان ــ تفضل هاني سحبها منه بقوه ثامر: محد راح يلمس غرام لا تخاف هاني ضحك باستهزاء: هههههههههههه شوف مين قاعد يحكي دا الحكي اللي خلا غرام تكرهني ثامر: هاني اللي فات مات هاني لف عليه بعصبية: لا اللي فات ما مات ثامر لف وجهه وسكت هاني: لو مو انت مضايقها كان جت معانا بدون كل هدا التعب ثامر ناظر هاني: كنت اكرها هاني: عاد من حبها هيا لك ثامر: خلاص هاني هاني: انقلع عن وجهي بس ثامر: بروح اعتذر منها لو تبا هاني ابتسم باستهزاء: انت ! ثامر رفع حواجبه: ايوه هاني: ههههههههههههههههههههههههه ه لو يصير زلزال ما حتعتذر ثامر: يا لييييييييييل انا الغلطان احكي معك هاني: مسخن اكيد ثامر: بدينا هاني: لو تعتذر لها من اليوم لين بكرا ما حتقبل انت مو بس فشلتها قدامنا قدام المولات بكبراها ثامر: انقلع يا شيخ ومشا &&& في فلة بو مهند &&& بو مهند: ما عليك منهم ما يقدروا يسووا حاجه مهند: كيف ما يقدروا بو مهند: تقدر تقول اني كاشف بو هاني من سنين ع سرقاته بين الشركات مهند فتح عيونه ع وسعهم: بو هاني !! بو مهند هز راسه مهند: عمي غانم يسرق بو مهند: اوووه عد و اغلط مهند: وليه ساكت بو مهند: ما حبيعكم بيدي مهند: بس الساكت عن الحق شيطان اخرس بو مهند: صادق بس انا ما شفت شي بعيوني انا وصلت لي اخبار و اخبار اكيده كمان بس ما حبيت ادخل مهند: طيب دحين ايش بنسوي بو مهند: قلت لك اللي تفوله غرام بصير مهند: و انا كلمت الحارس ما يخلي هاني او ثامر يدخلوا بو مهند: و الباب الخلفي ؟ مهند: حطيت حارس تاني بو مهند: حلو &&& في شقة الرباعي &&& طلعت غرام من الغرفة وراحت لصاله الكل لف عليها مريم: ايش دا النوم كله غرام: الناس تقول مساء الخير مريم: مساء الخير غرام جلست وهي تتثاوب: جوعانة الكل ناظرها غرام: بسم الله ايشبكم .. المهم بقوم اسوي مكرونة مين تبا ؟ الكل سكت ولا رد عليها غرام: بالطقاق قامت وراحت للمطبخ وفتحت الثلاجة: مرييييم دقي ع السواق يجيب ببسي ليان قامت وراحت لها: غرام من جدك غرام: ايش في ؟ ليان: تبي تاكلي دحين ؟ غرام: ليه ايشفي ؟ فاطمة قامت وحطت يدها ع جبين غرام: غرام فيك حاجه ؟ غرام نزلت يد فاطمة: انقلعي عن وجهي.. مريم دقي ع السواق مريم قامت وراحت لهم ولحقتها سونيا: قلت له سونيا: طيب سوي لك معك غرام غرام: اخيرا احد بشاركني ــ راحت لدولاب القدور وفتحته ــ فاطمه راحت لها وسحبتها من زندها غرام: هييييييه فاطمة ناظرت عيون غرام غرام: ابعدي فاطمة سحبتها وضمتها غرام اخرت يدها ليان دمعت عيونها وراحت لهم وضمتهم ولحقتها سونيا و مريم غرام مسحت دموعها: ابعدو هيا جوعانة بعدوا عنها فاطمة: سوي لي معاك غرام ابتسمت سونيا سحبت غرام وجلستها ع الكرسي: انا بسوي لك غرام: سويتي خير فاطمة: احنا نبا نكلمك غرام طلعت شبس وقعدت تاكل: امم قولو مريم: ايش رايك بالكلام اللي صار اليوم غرام باستغباء: أي كلام مريم ناظرت البنات سونيا: انو لك اهل و كدا غرام: اهاااه انتو لسا بنفس دا الموضوع مريم: دا الموضوع بغير كل شي يا غرام غرام: وش بغير ؟ مريم: بغير حياتك كلها غرام ناظرت مريم بحده: محد يقدر يغير حاجه بحياتي ليان جلست مقابل غرام: غرام هدولا اهلك غرام: مالي اهل .. و انتو انسوا هدا الموضوع خلاص ولا كانوا صاير شي فاطمة: كيف ولا كانوا صاير شي !! غرام: اسمعوا هدا الموضوع يخصني انا صح الكل: ايه غرام: و انا ابا اطنش الوضع خلاص انسوا امانه مريم وقفت وعطت غرام ظهرها و اشرت للبنات يسكتون غرام: اسمعوا خلونا نروح الكورنيش ليان: دحين ؟ غرام: ايوه ايش ورانا مريم: هيا ــ طلعت جوالها ــ انا بدق ع السواق دق الجرس ليان راحت للباب وناظرت بالعين السحرية: خلاص لا دقي هدا هو السواق ــ سحبت طرحه ولفتها ع شعرها وفتحت الباب ــ مريم اخذت طرحتها ولفتها ع شعرها: اسمع جهز السيارة بنطلع السواق هز راسه ونزل مريم: انا بكلم مهند سونيا: و المكرونة ؟ غرام: انتو البسوا و انا باكل فاطمة: انا كمان جوعانة سونيا: انا بروح البس ليان: وانا كمان غرام: نينا ليان: ها غرام: ترا ما نسيت بتقوليلي ايش صار اليوم ليان ضحكت وراحت غرفتها &&& في استراحة الشباب &&& وقف سيارته و رد ع جواله ونزل: ها مريم مريم: وينك ؟ مهند: بالاستراحة مريم: طيب انا و البنات بنطلع مع السواق مهند بانزعاج: وين؟ مريم: الكورنيش مهند باستغراب: دحين !! مريم: ايوه مهند: كورنيش ايش ؟ مريم: ابحر مهند: طيب ابحر ايش؟ الجنوبي ولا الشمالي ممكن امركم ع الرجعة مريم: لا الجنوبي مهند بتفكير: الجنوبيييي .. امم طيب خلاص ع الرجعة انا باخدكم مريم: طيب مهند: و غرام ايش صار عليها ؟ مريم: ما تبا تتكلم بالموضوع مهند: خلوها ع راحتها مريم: ايوه مهند: طيب معك فلوس طلعتي من البيت بدون ما تاخدي شي مريم: لالا معي مهند: طيب انتبهوا لنفسكم ولا طولون عشان ما تبردون مريم: طيب وانت كمان سلام مهند سكر جواله و دخل يوسف: هلا بالمشغول مهند رما مفاتيحه و بوكه : هلا دخل خالد واخذ مفاتيحه وبوكه خليل: ع وين خالد ناظر مهند: هلا مهند مهند: هلا يوسف: وين رايح؟ خالد: عندي مشوار بخلصه وبرجع نسهر .. وخليك مهند بكسر راسك مهند ابتسم: ايوه هين خالد طلع بسرعه وركب سيارته الرياضية وحرك بسرعه دق جواله خالد: الوو ثامر: خويلد بالاستراحة ؟ خالد: لا ثامر: وينك خالد: بروح الكورنيش ثامر: الشباب هناك؟ خالد: لا بنت عمي هناك ثامر: ها؟ خالد: بنت عمي غانم بالكورنيش ثامر: لا تاج عندنا و غلا بالبيت خالد: التانيه ثامر: قصدك غراام خالد: ايوه ثامر: وليه بتروح لها خليها يا ولد خالد: ع اخر عمر جدي يتهاوش مع حريم عشانها تخسي ثامر: اعقل يا خالد خالد: يلا سلام ثامر: خااااااااالد خالد: يا حيـ×××× قدامي الشرطة سكر منه &&& في فلة بو ياسر &&& هاني: ايشبكم ؟ ثامر: خالد بروح لغرام هاني: اييش ثامر: امشي امشي هاني طفا دخانه وراح بسرعه مع ثامر لسيارته هاني: وينه ؟ ثامر: بالكورنيش هاني: كيف عرف؟ ثامر: ما ادري هاني: الله يستر ثامر يزيد بالسرعة: الحيـ××× يقول ع اخر عمر جدي يتهاوش مع حريم عشانها هاني سحب جواله ودق ع خالد: الـ×××× ما يرد ثامر: و ما حيرد &&& في سيارة الرباعي &&& غرام: وجع مافي مواقف مريم: وقف وقف هنا ليان: ممنوع مريم: عادي بنزل و هو يحرك غرام: صح السواق وقف نزلوا البنات و حرك السواق ليان: بنات اشتهيت كوفي غرام: طيب روحي جيبي لك سونيا: بجي معك غرام: انا بروح مع فطوم الحمام ــ الله يكرمكم ــ مريم: انا بروح مع ليان افترقوا البنات فاطمة: غروم فصخي النظارة و خليني البسك عدسات غرام: انسي فاطمة: طيب انقلعي غرام: يلا خلصينا فاطمة عدلت حجابها غرام: بعدين خنروح لكنز ابحر ابا اشيش فاطمة: ايش القطات اللي عليك فجأة تقولي ابا اشيش غرام: وربي اشتهيته فاطمة: طيب غرام: وجع كل هدا تلبسي حجاب فاطمة: خلصت ول طلعوا وتوجهوا للبنات مريم: اجيب لكم موكا ؟ غرام: لالا خنروح نشيش بكنز ابحر مريم: دحين !! غرام: ايوه خاطري فيه مريم: بنات هيا بنروح كنز ابحر ليان تاخذ الكوفي وتطلع: هيا طيب مشوا غرام: ليان ايش صار مع شهاب ليان ابتسمت ع ذكراه: سافر الإمارات غرام: ادري انه سافر مريم: شوفوا شوفوا كيف تبتسم ليان: انقلعوا .. بتقعدو تطقطقوا ما بتكلم سونيا: هههههههههههه لالا تكلمي ليان: رحنا المطار مع فارس وجلسنا عشان خالتي تبي تاكل وكدا غرام: اللي بعدوا ليان: طيب انطمي خليني اكمل غرام: طيب سكت سمعوا صوت قريب منهم: يالعميييه طنشوه وكملوا مشي راح لها ولف غرام من زندها عليه غرام شهقت باستغراب البنات لفوا عليه فاطمة: خييييير انت خالد: جب انتي اتكلم مع العورة اللي مسببه مشاكل يمين ويسار غرام: انـــا !!! خالد: لا ظلك غرام: تكلم معاه مو معايا خالد: لا تستعبطي لا كف دحين يدور وجهك غرام دفته: تخسي ولد امك مريم: هدا وين شفته ؟ خالد رما ع مريم كلمة سريعة: مع اختك .. المهم انتي .. مريم فتحت عيونها ع وسعها وقاطعته: كل ××××× يا ابن الـ×××× خالد طنشها: مين يالبزر عشان تخلين جدي يتهاوش مع حريم ها ؟! غرام تكتفت: والله ادا جدك رخمه انا ايش دخلني خالد: كل××× يا ×××× ــ رفع يده بيضربها ع وجها ــ ثامر ركض له ومسك يدها وبصراخ: خااااااااااااالد خالد: ثامر ابعد اعلم الكـ××× دي الأدب ثامر: والله محد يباله تعليم غيرك ابعد تضرب بنت خالد يدف ثامر: ابعددد تجمعوا الناس عليهم هاني دف خالد وبصراخ: خاااااالد اهدا خالد رجع كم خطوه ع ورا ثامر: ايشبك انت اتجننت خالد ناظر غرام بحقد هاني: اختي هدي يا حـ××× خالد: ويعني اختك تخلي جدي يتهاوش مع حريم لا راحوا ولا جو هاني: الحريم اللي لا راحوا ولا جو يصيروا خواتي و امي خالد: في النهاية حريم ثامر: كل خـ×××× يا حمـ××× ياسر وقف سيارته بسرعه ونزل بدون ما سكرها وركض لهم ومسك خالد: خااالد ابعد ايشبك يا واد خالد يدف ياسر: ابعد عني انت التاني ثامر توجه لواحد من الشباب اللي يصورون و سحب جواله و رماه الشاب: يا ابن الـ××× ثامر طنشه وراح لغرام: فيكي حاجه ؟ غرام: انقلع انت التاني خالد يدف هاني ويبعده هاني مسك يد خالد ولفها وقرب منه من ورا: يا حمـ×××× فضحتنا اهدا ياسر اخذ خالد من يد هاني وسحبه: خلاص ابعدوا هاني عدل شعره وناظر الناس وصفق بيده: خلاص خلص المشهد بدوا الناس يبعدوا هاني راح لهم: ما سوا لكم شي صح غرام صفقت بيدها: وااااااو حلو المشهد اهنيكم الكل ناظرهم باستهزاء هاني عقد حواجبه: ها ؟ فاطمة: بس معليش ما اتقنتوه ليان: كان حطيتوا ضرب و بقسات ثامر: هاني امش امش يا رجال هاني: مشكورة يا اختي بس اهم شي عندي انك بخير غرام باستهزاء: هههههههههههههههههههههههه طيب يا اخويا هاني ابتسم لها بحب ونزل نظراتها: عيونك احلا عيون لا تخبينها غرام دفته وسحبت نظارتها: انقلع اشوف هاني: مع السلامة ثامر: سلام يا بنت عمي غرام: تخسي يابن الـ××× ثامر ضحك وراح ورا هاني هاني ركب السيارة و رجع راسه ع ورا ثامر: ههههههههههههههه ما توقعت ابد بحياتي اقولها بنت عمي هاني: ليه ايشبها ليكون مو عاجبتك اخ ثامر ثامر: عاجبتني !! ــ و سكت ــ " لو تدري باللي بقلبي لها من اول يوم " هاني: حرك حرك يا شيخ اما خويلد شغلوا عندي &&& في فلة بو ياسر &&& ** في جناح رتاج ** رتاج: لا جد بنات ادا هدا تصرف صديقتها كيفها هيا تاج: لا مو شرط .. شوفي صديقة روان كيف اخلاقها وتصرفاتها تقولين مو انسانه حيوانه بس روان غير روان: احم شهادة اعتز فيها رنا: انقلعي دحين بتنفش ريشها علينا روان بدلع: يحق لي رتاج: بس حتى بالأفلام والقصص بنات الدور معذبات ومدري ايه تاج: هههههههههههههههههههه رتو هدي افلام رتاج: تحمست والله .. بس جد بنات تخيلوا تكون اخلاقها زفت تاج: لا ما اتوقع شوفي غلا رانيا: غلا غير يا ماما هدي مو عايشه مع عوائل تاج: هيييييه سفلتوا بأختي قبل ما تجي رتاج: لا مو قصدنا يا حيـ×××× بس قاعدين نتخيل تاج: زين غلاوي مو هنا ولا كان فرشتكم الكل ضحك روان: انا بوصلها كل حاجه ــ ومدت لسانها ــ سمعوا صوت برا الحديقة تجمعوا حول الدريشه ** تحت ** ياسر: خلاص يا هاني هاني: ايش اللي خلاص ع كيف امك تبا تمد يدك ع اختي خالد: والله لو انك رجال ما تخلي اختك عايشه وحدها مع كم بنت بشقة هاني بعصبية توجه له وضربه بقس: ارجل منك يا خروف خالد رجع خطوتين لورا: والله الخروف اللي يخلي اختو هايته مدري مع مين هاني هجم عليه: اختي اشرف من لسانك الوقح دا ياسر و ثامر حاولوا يفكوا بينهم غلا كانت تكلم صديقتها بجوالها وسمعت صوت الصراخ: اسمعي بعدين اكلمك باي سكرت منها وركضت وفتحت عيونها ع وسعهم: هااااااني خلاااااااااااص خالد كان فوق هاني و يضربه ثامر دف خالد: خالد خلاص ابعد هاني جاء يهجم ع خالد ياسر مسك هاني: هاني خليك اعقل منو خالد بصراخ: ديوث مخلي خواته بالشارع ولا درا عنها ثامر عصب وعطاه بقس : انطم يا حيـ×××× استح ع وجهك انتو اولاد عم خالد دف ثامر وراح لبيتهم ياسر: خلاص يا هاني ما عليك منو هدا الحـ××× نزلوا البنات: ايش صاير ياسر بعصبية: ادخلوا داخل اشوف غلا توجهت لهاني: الحيـ××× هدا يتكلم عن توأمي؟؟ ثامر: غلا حبيبي ادخلي داخل غلا بعصبية: بزر قدامك ثامر سكت هاني: ما عليك منه غلا: هاني رد عليا دا الزفت يتكلم عن توأمي هاني: ايوه غلا: اوريه من الديوث هاني: ما عليك منه دا حمار غلا: امشي معي للبيت وجهك انعدم ثامر: ادخلوا بيتنا ** داخل فلة بو ياسر ** رانيا تلبس عبايتها: من دحين مشاكل عشان بنت الدار هدي رنا: وهدي هيا لسا ما جت غلا: بنت الدار دي توأمي يا هانم رانيا: والله توأمك من دحين مسويه مشاكل من عند جدي لاخوي ياسر: والله اخوك غلطان يا هانم رنا: انا بروح اشوف اخويه شوهتوه وطلعت رانيا و روان لحقوها تاج جابت شنطة الاسعافات وعطت غلا هاني سحبها من غلا: خلاص روحوا انا بطهرها غلا: كسر بيده طلعوا البنات رتاج: يا خوفي تصير مشاكل ادا جت تاج: الله لا يقوله غلا: والله احنا اللي لاحقناها مو هيا اللي جتنا رتاج: بس احس انو بتصير مشاكل كتيييره غلا: اهم شي محد يمس اختي بحاجه تاج: ترا مو اختك وحدك طيب غلا: كمليها انتي كمان وتهاوشي معايا تاج سكتت رتاج: خالد مالوا داعي صراحة غلا: خروف دا ما علينا منو &&& في كنز ابحر &&& مريم: هههههههههههه لالا شكل ثامر يضحك وهو يدافع عن غرام غرام نفثت هوا الشيشة: هههههههههههه من جد ما كانوا هو نفسه اللي قبل كم يوم يتهاوش معايا ويعايرني فاطمة قامت وعطت ليان نبريج الشيشة و راحت لغرام وسحبت نظارتها وباستهزاء: عيونك احلا عيون لا تخبينها الكل: ههههههههههههههههههههههههه ههههه ههههههههههههههههههههههههه هههههههه فاطمة مسحت دموعها وهي تضحك وجلست غرام: بلا بشكله عاش الدور سونيا: الاخوة مقطعته الكل: ههههههههههههههههههههههههه ههههه ليان: لالا ثامر قصة تانيه صراحة فيكي حاجه الكل: ههههههههههههههههههههههههه ههههه غرام: ع اساس خايف الأخ فاطمة: لا تقولين لمهند عشان ما يتهاوش معاهم مريم: لالالا ما حقوله غرام: بنات الكل ناظرها بعدم اهتمام غرام حطت نبريج الشيشة ع جنب وسكتت مريم: ايش؟ غرام بتفكير: اسوي التحاليل؟؟ فاطمة: تحليل ايش؟ غرام سكتت شوي: تحليل DNA الكل ناظرها بصدمه ( اليوم الثاني ) &&& في فلة ام فارس &&& فارس: هههههههههههههههه يا امي ولدك يتبرا بيوم من الايام من ريما ام فارس وهي تدهن التوست بالمربى: هههههههههه ليه فارس لف جواله يوري امه: شوفي كل هدا مجهزتوا له عشان يسويه ام فارس عقدت حواجبها: وللللل ايش دا كله .. والدي بموت فارس: ههههههههههههههههههههههههه يستهال محد قاله يخليها بدا الوقت ام فارس: الله يوفقهم يا رب فارس: امي امانه اقهريه و نادي ليان عندنا ام فارس: لا حرام اقهر قلب الولد فارس: امي الله يخليك ام فارس: لالالا بينقهر فارس: احسن ام فارس: لالا اسم الله ع وليدي فارس: افا يا ام فارس اول ما راح ولدك سحبتي ع البنيه ام فارس: لا والله مو قصدي كذا فارس: طيب ناديها ايش بتقول البنت عننا ام فارس رمته بالكلينكس: مالت عليك و ع حركاتك فارس مسك الكلينكس: هههههههههههههههههههه ام فارس قامت و اخذت جوالها ودقت ع ليان فارس اخذ جواله و ارسل لشهاب: ( ليان بتجي عندنا اليوم ) شوي ودق جوال فارس فارس: ههههههههههههههههه الوو شهاب: ليه تجي؟ فارس: تشوف خالتها شهاب: بالله خلي امي تروح لها فارس: ولا كمان بلعب معاها بلاستيشن شهاب: انقلع بس ابعد عن زوجتي فارس: باكلها انا !! بلعب معاها بس شهاب: ابعد بس فارس جاء يرد عليه بس سمع صوت ريما ريما: شهااااااب سكر اشوف وخلصنا فارس: ههههههههههههههههههههههههه هههههه وبقولها انك مع ريما شهاب: انطم يا حيـ×××× فارس: ههههههههههههه انا ايش ؟؟ شهاب: فروووس فارس: مين عمك شهاب: الكـ××× فارس فارس: هههههههههههههههه مين عمك شهاب: فارس بلا سخافة فارس: وينكم فيه؟ شهاب: بدبي مول فارس: ايوه ادري وين ؟ شهاب: بارماني فارس: طيب بقول لريما تتصور معاك و ترسلها لي شهاب: تخسون فارس: ههههههههههههههههههههه وبعدين نقول باي باي يا نينا شهاب: كل×××× فارس: اديني ريما شهاب: سلام فارس سكر منه وهو ميت ضحك ام فارس: نينا ما ترد فارس: ممكن نايمه ام فارس: الساعة 9 فارس: عادي ام فارس: لا ما تنام دحين فارس: دقي ع خواتها ام فارس: ما يردون فارس: نايمين يا امي ام فارس: ان شاء الله &&& في فلة بو مهند &&& دخلت مريم: صباح الخير بو مهند + مهند: صباح النور مريم جلست بعد ما باست ابوها بو مهند: ايش بتذاكري اليوم ؟ مريم: ما بذاكر بروح للبنات بو مهند: يا بنت لا تخلين اللي صار يأثر ع دراستك مريم: من زين دراستي بو مهند: ولو مهند: بابا صادق يا بنت البنات كمان بيزعلوا منك مريم: طيب خلاص باخد الكيمياء معايا وانا طالعه بو مهند: ع وين ؟ مريم: للبنات بو مهند: طيب زين انا بجي معاك بكلم غرام مهند: انا بروح الشركة طيب بو مهند: زين في اوراق عطيهم عمك بو مشاري مره وحده مهند قام: ماشي بو مهند: تلاقيها ع طاولة مكتبي مهند: طيب سلام طلع مهند مريم تشرب شاي: انا بروح البس بو مهند: ما فطرتي مريم: بفطر بالطريق بو مهند: طيب مريم طلعت غرفتها ولبست: بلوزة صوف بأكمام طويلة من جفنشي و بنطلون من ديسكوارد2و حذاء فلات باللون الاخضرــ الله يكرمكم ــ من تومز و شنطة باللون الاحمر من توري بورش اضغط على الصورة لرؤيتها بحجمها الطبيعي نزلت بسرعه وركبت السيارة بو مهند حرك: بو هاني ينتظرنا مع زوجته بالمستشفى مريم هزت راسها شوي ووصلوا .. طلعوا بالاصنصير و دقوا الجرس ليان فتحت الباب بو مهند: السلام عليكم الكل: وعليكم السلام مريم: وين غرام غرام طلعت من المطبخ: اهليييييييين تو ما نور المكان بو مهند بابتسامة: منور بوجودكم جلسوا كلهم بو مهند: كيفكم سونيا: كلنا بخير بو مهند: الحمد لله فاطمة: فطرتو؟ بو مهند: الحمد لله مريم سحبت من فاطمة الكوفي: وين جوالاتكم ليان: بالغرف مريم: حرقت جوالكم غرام: بروح اجيب شنطتي بو مهند: كلكم بتجون ؟ سونيا: ايوه بو مهند:بس خلوكم بالسيارة فاطمة: عمو بو مهند: رايحين مستشفى مو مول فاطمة: طيب غرام: عمو زي ما قلت لكم ادا طلعت التحاليل غير مطابقة يعطونا تعويض بو مهند: منتي محتاجة يا بنتي غرام: مو محتاجة بس اوريهم هالبزر ع قولتهم شتسوي بو مهند: وايش بتستفيدي ادا كانت مطابقة غرام: ما راح تكون مطابقة ان شاء الله بو مهند: الله يجيب اللي فيه الخير طلعوا وركبوا السيارة بو مهند حرك للمستشفى بو مهند: محد يتحرك ليان: طيب بو مهند: هيا غرام غرام نزلت مع بو مهند وقلبها يدق طبول وتدعي ان التحاليل ما تكون مطابقة بو مهند بهمس : هدا هوا بو هاني غرام ناظرت بو هاني اللي يسمى بأبوها بو مهند يكمل: واللي جنبه زوجته غرام ناظرت ام هاني: هدولا راح اقولهم ابويا و امي ؟؟ بو مهند: ايوه غرام باستهزاء: يصير خير بو مهند مد يده لابو هاني بو هاني سلم عليه و ابتسم له بمجاملة: هلا والله بو مهند بنفس الابتسامة: جبتها بنفسي بو هاني: و انا عملت التحاليل ام هاني بفرح: هدي بنتي بو هاني: هدي هيا غرام؟؟ بو مهند: ايوه بس ما تحب تفسخ النظارة عشان عيونها ام هاني راحت لها بخطوات واسعه وجت بتضمها: غرام غرام بعدت عنها ودفتها ام هاني ابتسمت بفرح ودمعت عيونها غرام: ابعدي ام هاني ناظرت ظهر بنتها بحزن غرام راحت لابو مهند: عمو ادخل هنا بو هاني بابتسامة حب: غرام بنتي غرام: لا تتقطع علينا اللي يشوفك يقول ما عنده بنات بو هاني عقد حواجبه بو مهند: ايوه حبيبتي ادخلي هنا دخلت غرام وشافت الممرضة: انتي اللي بتسوي التحاليل ؟ الممرضة هزت راسها بايه غرام: طيب اسمعي ادا صارت التحاليل مطابقة غيريها طيب الممرضة: ما يصير غرام طلعت من شنطتها ظرف وحطته ع الطاولة الممرضة اخذت الظرف و دخلته داخل جيبها &&& في سيارة بو مهند &&& فاطمة: ياااااااااااارب تكون التحاليل مو متطابقة ليان: يووووووه خالتي خديجة داقة علي كتير فاطمة: بعدين دقي عليها مريم: بنات ادعو تكفون سونيا: يا رب يا رب يا رب فاطمة: خلونا ننزل مريم: بابا قال لا فاطمة: طيب خلاص &&& في فلة بو هاني &&& غلا تروح وتجي تروح وتجي تاج: خلااااااااااااص غلا غلا: انطمي هاني: ههههههههههههه غلاوي خلاص وربي مطابقة غلا: خايفة هاني وربي هدي اختنا ياه غلا: طيب بس ولو ادعو ممكن كمان تصير اخطاء طبيه هاني: فالك ما قبلناه غلا: يا رب ما يصير ولا خطأ هاني+ تاج: امييييين غلا: هاني تعرف بيتهم ؟ هاني: اعرف عمارتهم بس غلا: طيب هيا امشي عشان لما يوصلون انا بلحقهم و اعرف وين يسكنوا هاني: ايوه والله صادقة تاج: بجي معكم هاني: لالالا خليك انتي عشان لما تسأل امي عننا تاج: طيب بس قولوا لي ايش يصير معاكم هاني: ماشي غلا اخذت عبايتها هاني: ما بتبدلي غلا: ما فيا هاني: يلا طيب ركبوا السيارة وحركوا لعمارة بو مهند &&& في فلة بو ناصر &&& بو ناصر: انقلع اشوف ما ابا اشوف وجهك رانيا: من دحين مشاكل بو ناصر: انتي جب روان: بابا خلاص بو ناصر: واحد منكم يغلط ع بنت عمكم غانم ولا يقولها شي ما يلوم الا نفسه خالد وهو ماسك خده المحمر: يصير خير بو ناصر بصراخ: نعععععععععم خالد: حاضر بو ناصر: انقلع اشوف غرفتك و لا عاد اشوفك اليوم خالد طلع بسرعه لدرج بو ناصر: كلمة مو زينه تنقال عن بنت عمكم حشيت لسانكم مفهووووم رانيا طلعت لدرج بسرعه بقهر بو ناصر: عيال اخر زمن ام ناصر: خلاص يا بو ناصر اهدا تعوذ من الشيطان بو ناصر: اعوذ بالله من الشيطان الرجيم روان مدت له مويه بو ناصر شرب المويه &&& في المستشفى &&& بو هاني: خلاص التحاليل راح تطلع ان شاء الله بكرا بو مهند: حلو .. نشوفكم بكرا بأذن الله غرام: و ان شاء الله ما نتلاقى بعد كدا ام هاني نزلت راسها بحزن غرام تمتمت : مقطعها الزعل بو مهند: هيا غرام غرام راحت معاه لسيارة فاطمة: ايش صار مريم: طلعت التحاليل؟ غرام: لا بكرا بتطلع بعد كدا ما حنشوف وجيهم ليان: الله يسمع منك يا شيخه بو مهند حرك للعمارة شوي ووصلوا نزلوا البنات بو مهند: مريم مريم: هلا بو مهند: داكري كويس دا مستقلك مريم: ان شاء الله بو مهند: و أي حاجه ما تفهميها دقي عليا مريم: ماشي .. سلام ــ باست خده وطلعت ــ &&& في سيارة هاني &&& هاني: ارمي الطرحه ع وجهك غلا رمت الطرحة ع وجها هاني: نزلوا غلا جت تنزل هاني: لا صبر بقا مريم غلا جلست هاني: هيا انزلي و انتبهي كويس غلا: طيب سلام نزلت غلا وراحت ورا مريم مريم ضغطت زر الأصنصير: سرابيت حتى ما انتظروني انفتح باب الأصنصير و دخلت مريم و غلا مريم ضغطت رقم 4: أي دور؟ غلا: نفس الدور شوي ووصلوا وانفتح الباب مريم توجهت لشقة الرباعي غلا سوت نفسها تروح لاحد الشقق مريم دخلت الشقة غلا كشفت وجها وناظرت باب الشقة " يا ربي هنا توأمي " راحت للباب بيتهم و اخذت نفس عميق ودقت الجرس شوي و انفتح الباب ............................... انتهـــى البـــ[13]ـــارت ان شاء الله ينال اعجابكم تــوقـــعــاتــكــم؟؟ اراكم ع خير ان شاء لله.. ولا تحرموني من ردودكم وتوقعاتكم و بليييييييييييز ما ابي احد من خلف الكواليس شاكره لكم .. مع تحياتي: جذابة والعيون غلابه { Simoo } ^__^ | |||||||||
|
| |
|
03-11-15, 11:24 AM
| #20 | |||||||||
| نجم روايتي ومشرفة سابقة وفراشة متالقة بعالم الازياء
| البـــ[14]ـــارت مريم ضغطت رقم 4: أي دور؟ غلا: نفس الدور شوي ووصلوا وانفتح الباب مريم توجهت لشقة الرباعي غلا سوت نفسها تروح لاحد الشقق مريم دخلت الشقة غلا كشفت وجها وناظرت باب الشقة " يا ربي هنا توأمي " راحت للباب بيتهم و اخذت نفس عميق ودقت الجرس .. انفتح الباب مريم ناظرتها باستغراب: انتي ما دخلتي قبلي ؟ فاطمة: مين ؟ مريم: غرام ادخلي ايشبك غر رفعت عيونها لهم مريم: هيـ.. ــ عقدت حواجبها باستغراب ــ فاطمة و ليان وسونيا راحوا لمريم ليان باستغراب: غـ-ـرام ــ وهي تأشر ع غرفة غرام وفاطمة ــ داخل كنتي !! غرام طلعت من غرفتها: اسمعوا بنات بقولكم حاجه البنات لفوا عليها غرام: سكروا الباب وجع مريم لفت ع غلا و اشرت لها براسها تدخل دخلت غلا غرام: مين دي ؟ غلا لفت ع غرام " هدي توأمي " ابتسمت بصدمه وفرح و تخالط مشاعر غرام " مرايا مو توأم دي " غلا راحت لها بسرعه وضمتها غرام فتحت عيونها ع وسعهم بصدمة البنات انصدموا غرام ناظرت البنات بدون ما تضم غلا غلا بعدت عنها بفرح بعد ما ضمتها بقوة: ما توقعت انك تشبهيني لدي الدرجه غرام: ........... لا رد مريم سكرت الباب سونيا: تفضلي معليه من الصدمة ما جلسناك غلا جلست ليان سحبت غرام وجلستها غلا ناظرت البنات: اسفة جيت بدون ما اعطيكم خبر وكدا سونيا: عادي غلا: بس ما قدرت انتظر امي و ابويه لما يرجعوا غرام: كيف جيتي ؟؟ غلا ابتسمت لسماع صوتها لفت عليها بفرح: هاني جابني غرام كشرت غلا: بصراحة كان ودي اروح مع امي و ابويه بس ما رضا بابا فقلت اروح و اشوف توأمي بنفسي ما عاد فيا صبر صراحة مريم: انتي اللي كنتي معي بالاصنصير ؟؟ غلا: ايوه مريم: كدا عرفتي بيتنا صح غلا: ايوه اسفة سونيا قامت وراحت لغلا ومدت يدها: هاتي عبايتك غلا: لالا خليها من الحماس ما بدلت ملابسي ليان: عادي بيت اختك بيتك غرام ناظرت ليان سونيا: صادقة غلا ناظرت غرام سونيا: هاتي غلا فصخت عباتها و عطت سونيا ليان: ايش تشربي ؟ غلا: تسلمين حبيبتي لا تعبين نفسك جيت اشوف توأمي وربي غرام لفت وجها: دريت اني توأمك خلاص عاد غلا ابتسمت لها سونيا: ايوه صح اسفه ع اول موقف صار لنا مع بعض غلا: لا تقولي كدا انا اللي اسفة لما عرفت ايش سوو فيكم زعلت عليهم من جد غرام هزت راسها بايه مريم: هيا بنات خلو الخوات لحالهم غرام: ليه دولا مو خواتي ؟ مريم: غرام غرام لفت ع غلا: هدولا خواتي غلا: احلا خوات والله .. مدري ادا تعرفون ولا لا بس انا غلا مريم: انا صديقتهم مريم ــ واشرت ع سونيا ــ دي سهى بس نناديها سونيا و دي ليان ودي فاطمة غلا: تشرفت والله ليان: الشرف لينا سونيا: انا بروح اسوي اكل غلا: ادا عشاني لا تتعبي نفسك امانة سونيا: اقول طيري وراحت ليان: انا بكلم خالتي خديجة وطلعت مريم ناظرت فاطمة اللي مو راضيه تتحرك: فاطمة تعالي بوريك حاجه غرام ناظرتها مريم ابتسمت و سحبت فاطمة غلا قربت من حافة الكنبة ومسكت يد غرام: غروم تكرهيني صح ؟ غرام سحبت يدها: ما اعرفك عشان اكرهك ولا احبك غلا: طيب انت دحين عرفتي انو انا توأمك غرام: ترا ابثرتيني من الصبح توأمي و توأمي ما كأن في توائم غيرنا غلا بحماس: ماشي غرام ناظرتها غلا ناظرت عيون غرام: بصراحة اول ما كنت اعرف انو ليا توأم وحتى لما اتعب ما كان ينعرف السبب غرام عقدت حواجبها غلا: و امي لما قالت لنا من فترة انصدمت و استانست مرررره غرام باستغراب: ليه غلا بابتسامة: شعور ان عندك توأم جميل غرام سكتت غلا: كانت امنيتي زمان اشوف 39 اللي يشبهوني غرام رفعت حواجبها باستغراب غلا ضحكت: او ع الاقل شخص واحد يشبهني .. ايش اسوي يعني من الفضاوه تمنيت كدا غرام هزت راسها بايه غلا: اخونا هاني الكبير لو مدحته لك بتقولين انو ارقع له بس هو مره حنون و طيب ويحبنا و انتي بالذات يحبك ونفسه يحسن علاقته معك بس كل مره الظروف تكون ضده غرام: افلامهم حلوة بس ما فيا اكشن غلا: ها ؟ غرام: مثل فلم امس غلا: أي فلم ؟ غرام: ليه ما قالك اخوك الحنون اللي صار مع هدا اللي اسمه خالد غلا: ايوه صح غرام: كان ناقصة شويت اكشن غلا: كيف يعني غرام: يعني بقس كف ضراب غلا: اها اللي صار امس انتي تشوفينه فلم !! غرام: بس عليهم هواش وكلام جمييييل غلا: الكلام اللي قاله خالد ما عليك فيه لانو هدا مريض غرام: والله كلكم مريضين غلا: طيب ما راح اقولك ولا حاجه لانو لو انا بمكانك قلت نفس كلامك غرام هزت راسها غلا: غرام ما تعرفين قديش فرحت انك اختي و توأمي غرام: يا لييييييييييل اللي يسمعك يقول ما عندها اخت كبيرة غلا: تاج اختي الكبيرة صحيح بس انتي بالنسبة لي بتكوني غير غرام ناظرتها باستهزاء غلا: شوفي صحيح انا وتاج سمن ع عسل بس ترا انا وياها مو نفس التفكير غرام: ........لا رد غلا: ماله داعي احكي لك عن حياتنا ومدري ايه لما تجين عندنا راح احكي لك كل حاجه و ابثرك غرام: ههههههههههههههههههههههههه ههه لا تحلمين غلا اختفت ابتسامتها غرام: مو معناته اني اشبهك يعني نحنا خوات غلا عقدت حواجبها غرام ابتسمت غلا: ما علينا .. حتى لو ما كنتي اختي او ما تبين نكون خوات انا ابا اعتبرك اختي يصير ؟ غرام ناظرت عيون غلا غلا ناظرتها برجاء: مابا حتى لو كانت التحاليل مو مطابقا تتركيني غرام لفت وجها غلا: كتير تأملت اول ما عرفت انو لي توأم غرام بلعة ريقها غلا: حتى لو ما طلعتي توأمي الحقيقية اباك تكوني لي اخت .. انتي اخت لثلاثة ما فرقت لو صرتي اختي كمان غرام لفت عليها غلا ناظرة ساعة الحائط: لازم ما اتأخر عشان بابا و ماما ما يدرون انو انا هنا غرام هزت راسها غلا وقفت و طلعت رقمها وحطته ع الطاولة: هدا رقمي راحت اخذت عبايتها ولبستها غرام وقفت غلا: ايوه صح تاج كانت تبا تجي معايا بس قلنا لها تقعد بالبيت عشان ادا جو ماما و بابا غرام هزت راسها غلا تحجبت وتوجهت للباب غرام راحت وراها غلا لفت ع غرام: اقدر اجي انا كمان هنا أي وقت ؟ غرام ناظرتها شوي وهزت راسها بايه غلا ضمتها غرام رفعت يدها وضمت غلا غلا باست خد غرام: يلا اشوفك بأقرب وقت غرام هزت راسها غلا جت تطلع: ايوه صح ترا انتي اكبر مني غرام: ها غلا: ماما تقول انو انتي اكبر مني بـ5 دقايق غرام ابتسمت وبانت انيابها غلا: سلمي لي ع البنات غرام: يوصل غلا طلعت غرام سكرت الباب بعد ما تسكر باب الاصنصير .. اخذت نفس عميق ورجعت لصالة شافت البنات سونيا كانت مستندة ع الباب و ليان و مريم جالسين ع الكنبة و فاطمة مستنده ع متكى الكنبة غرام: تبا تصير اختنا حتى لو طلعت التحاليل غلط فاطمة تغير الموضوع: عطيتي الممرضة الفلوس ؟ غرام: ايوه سونيا: تمنيت انو ما اعطيتيها مريم: المهم انتبهوا بابا ولا مهند يسمعون يذبحونا غرام تمشي للغرفة: انا بروح انام فاطمة: بنروح عند خاله خديجة غرام: سلموا لي عليها فاطمة وقفت عدل: من بدايتها يعني !! غرام لفت عليها سونيا بحدة: فاطمة فاطمة بانزعاج: طيب طيب انا بركب السيارة ليان راحت لغرام: ادا تعدل مزاجك حنا عند خاله خديجة تبغي تيجي تعالي بنقعد عندها لليل غرام: ايشبكم انتو ؟؟ سونيا: ما عليك منهم.. هيا نامي و ادا صحيتي تعالي مريم: انا بقعد بنات ليان: ليه ؟ مريم: اصلا كنت بقولكم حطوني بالبيت بس مدام غرام ما بتروح بقعد ما بخليها وحدها غرام: عادي روحي مريم: لا بداكر ليان: الله يوفقك وطلعت سونيا تسلم ع غرام: فكري بغلاوي وطلعت غرام ناظرت مريم: معليش مخي ما راح يستقبل بروح انام مريم: عوفييييي &&& في سيارة هاني &&& هاني: غلا غلا كانت لافه وجها لدريشه هاني: ايشبك ي بت من يوم جيتي و انتي لافه و ساكته غلا بغصة: مافيا حاجه هاني عقد حواجبه ووقف ع جنب و لف عليها: غلا غلا: همم هاني لفها من زندها غلا نزلت راسها هاني: تبكين ! غلا سكتت هاني: ايشبك ايش صار بينك وبين غرام غلا: ولا حاجه بس استانست انو شفتها هاني: طيب ليه تبكي غلا: لانو اباها تعيش معانا هاني: راح تعيش معانا غلا: ما اتوقع لانو واضح بعيونها كرهها لينا هاني: قالت لك شي ضايقك؟ غلا: لا بس يحق لها صراحة تكرهنا هاني: ايوه غلا ناظرته و عيونها مليانه دموع: بس ما ابا اخسرها هاني: ما حنخسرها غلا هزت راسها هاني: لا تفكري كدا مره ثانيه غلا: لو انت و ولد عمك م سويتو لها حاجه ما كان عاندت اكتر من كدا هاني: ثامر مستعد يعتذر لها غلا ضحكة باستهزاء: ههههههههههههههههههههههه مين يعتذر ؟ هاني: ثامر غلا: حلوه بس لا تعيدها مره تانيه هاني: حتى انا قلت زيك بس جد ثامر يبا يعتذر منها غلا: خليه يرتاح اعتذر ولا لا نظرتها لينا وحدة هاني: احنا بنحاول نخليها تحبنا و تحسن نظرتها لنا غلا: حرك حرك هاني حرك &&& في سيارة الرباعي &&& فاطمة: لا ما اعتقد غرام تكرهم سونيا: ولو يظلوا اهلها فاطمة: لا يا شيخه من جد وينهم 17 سنه سونيا: وربي انتو غبيات ولا تستغبوا ليان: لا غبيات ولا نستغبي .. قبل كم يوم يتهاوشوا معاها كأنها حشرة ودحين يركضوا وراها سونيا: بس اخوها ما سوا لها حاجه و كل مره يوقف بوجه ثامر هدا و مرات لما نزودها بالكلام ما يرضا عليه بالناهية ليان: بس ع بنات الناس عادي سونيا: اقول وصلنا انزلوا انزلوا انتو مجانين وربي نزلوا فاطمة كانت تتمتم بكلام غير مفهوم وترفع عيونها بعدم رضا ليان ابتسمت ع وجه فاطمة: امشي امشي لا طير عيونك فاطمة: مالك شغل سونيا: خلاص انطمو انفتح الباب ودخلوا ام فارس تضمهم: وينكم حبيباتي تأخرتوا ليان: الشارع مره زحمة ام فارس: هيا ادخلوا سونيا جت تفضخ طرحتها: في احد ولا ؟ ام فارس: ايوه فارس شوي ويطلع سونيا لفت الطرحه: طيب اخبارك ام فارس: بخير حبيبتي وين غرام و مريم ؟؟ ليان: صارت شغلات كتير ام فارس باستغراب: ايش صاير نزل فارس و الجوال باذنه: السلام عليكم الكل: وعليكم السلام فارس: كيفكم ليان: بخير فارس ابتسم بخبث: اقول شهاب وينك فيه لسا مع ريما ولا رحت مع الشباب ليان ناظرت فارس فارس: اهااا دق جوال ليان ليان طلعت جوالها وناظرته باستغراب وردت فارس: يعني لساتك معاها ليان: الوو شهاب: الوو نينا كيفك ليان باستغراب: تمام و انت ؟ شهاب: الحمد لله .. امي تقول ان كانت تدق عليك بس ما تردي ايشبك ؟ ليان ناظرت فارس اللي مستمر بالكلام: مين اللي قاعد يكلمه فارس دحين ؟؟ شهاب:هااه ؟ ليان: فارس يقول انه يكلمك ؟ فارس ناظر ليان ليان: اها .. فارس شهاب يسلم عليك فارس: هاه الكل: ههههههههههههههههههههههههه ههه فارس: يلا انا طالع ام فارس: يستاهل ليان: يلا شهاب اكلمك بعدين سكرت منه سونيا بهمس: انتي شغلك معايا بعدين ليان: ايش سويت ؟ سونيا: امشي &&& في فلة بو هاني &&& دخل هاني وغلا ام هاني: وين كنتوا هاني: تمشينا شويه غلا: ها ايش صار ؟ بو هاني: اجلسوا جلسوا هاني: ايوه ايش صار؟ بو هاني: طبعا زي ما توقعنا تاج: توقعتوا ايش ؟ بو هاني: غرام من يوم قالت تبا نسوي اتفاقيه حسيت انو راح تخلي الممرضة تغير التحاليل غلا: ايييش ؟؟!! بو هاني: ايوه وصار نفس ما توقعت غرام عطت الممرضة فلوس عشان تغير التحاليل بس انا كلمت الممرضة من قبل انو ممكن تديها فلوس وكدا و لازم تاخد الفلوس عشان ما تشك بالموضوع هاني: يعني ما حيتغير حاجة صح ؟ بو هاني: اكيد غلا: ومتى حتطلع التحاليل ؟ بو هاني: حاولت فيهم بطلعونها بكرا بس حيطلعوها بالليل غلا: اهم شي تجي غرام عندنا بو هاني ابتسم &&& في فلة بو مهند &&& مهند: غرام مره واثقة انو مو بنتهم مع اني واثق انها بنتهم بو مهند: و انا كمان من كتر ما هيا واثقة خفت انو حنا غلطانين مهند: و ما ادري ايش فايدة التعويض اللي بتاخده بو مهند: سألتها نفس السؤال و قلت لها اللي تبغاه انا بوفره لها بس ما رضيت تقول اعلمهم البزر هدي ايش تسوي مهند: الله يجيب اللي فيه الخير &&& في دار الأيتام للبنات &&& سجى فتحت الباب و استندت عليه: عجبتك الغرفة ؟ .....: عادية سجى: عادية !! .....: غرفتي كانت احلا من كدا سجى: طيب ليه ما تروحي غرفتك ..... سكتت ونزلت راسها بحزن غزل حطت يدها ع كتف سجى: تو تو تو تو سجاوي نسيتي ؟ سجى ناظرتها ببراءة كاذبة: ايش ؟؟ غزل: ابوها مطلق امها ..... بعصبية: تراهم مو اول ولا آخر اتنين يطلقوا سجى راحت لها ودفتها من كتفها بأناملها: اجل لا تنفخي ريشك وراسك علينا ماشي شيماء دفت سجى: سجاوي خلاص ابعدي عن سمر غزل: ابعدي سمعتي هدي شتقول عن غرفة ليان وسونيا شيماء: مالنا دخل فيها كيفها هاجر: مو من جدكم تتهاوشوا عشان غرفة سجى: وحضرتهم مالقوا غير غرفة ليان وسونيا يدونها اياها شيماء: ما عادوا موجودين خلاص عاد سمر: هدولا ميتين ؟ غزل: فالك ما قبلناه يومك قبل يومهم سمر: اسم الله عليا دخلت وحدة: اما بكون مع دي سجى: ليه ايشبها غرفتك مها ؟ مها: المكيف ما يشتغل وراح يجيبوا عامل صيانة و ع ما يجيبوه بقعد هنا غزل: احسن يا شيخة ولا تقعد دي وحدها هنا وتحوس باغراضهم سمر: من زين اللي فيها سجى: احترمي نفسك مها: ههههههه بنات خلاص خلوها عليا سجى عطت نظرة حادة لسمر وطلعت ولحقتها غزل وشيماء و هاجر مها جلست ع سرير سونيا: ايوه ليه تطلقوا امك و ابوك ؟ سمر تغير الموضوع: مين هدولا ليان و سونيا ؟ مها: هدولا رباعي سمر: كيف يعني رباعي ؟؟ مها: هما اربعة مع بعض غرام و فاطمة وليان وسونيا سمر: ووينهم هدولا مها: علمي من علمك بس لا تتكلمي عنهم بكلمة لان واضح اللي هنا يحبونهم سمر : يعني دولا ميتين ؟ مها: ما سمعتيها تقولك فالك ما قبلناه يعني مو ميتين سمر هزت راسها وطلعت حسناء شافتها: انتي بتقعدي بدي الغرفة ؟ سمر رفعت عيونها لفوق: من الصبح و انتو تسألوني ايوه راح اقعد بدي الغرفة حسناء: اعصابك يا امي لا يطق لك عرق دحين سمر حركت يدها بتذمر مها: حسناء حسناء: نعم مها: ما سألتك سمر عن حاجة ؟ حسناء: لا ليه ؟ مها: كانت تسألني عن الرباعي حسناء: ايشبهم ؟ مها: بس تسأل عنهم حسناء: مو لازم تعرفوا عنهم حاجة ماشي &&& في فلة ام فارس &&& ام فارس: المفروض انكم تفكروا فيها هيا فاطمة: لو احنا ما نفكر فيها ما خفنا عليها ام فارس: هدولا مهما يكون اهلها و اللي سويتوه ما يجوز ليان: ايش نسوي يعني تبيهم ياخدوها من عندنا ونسكت ام فارس: هدا انا لما جيتك ما اخدتك ليان: في فرق ام فارس: ايش هوا ؟ ليان: ممكن انتي تفكرين فيني وكدا بس هما ما يفكروا فيها هما كانو يجرحونها كل مره مليون مره كيف تبينا نديهم اياها كدا ام فارس: ما قلت لكم ادوهم اياها بس خلوها ع راحتها شوفوا كيف ظلت ساكته لما شافت توأمها سونيا: من جد ام فارس: غرام عاقلة و تعرف مصلحتها زين يعني مافي داعي تخافوا عليها وغير كذا هيا تحسكم مثل سندها لا توقفون ضدها اوقفوا معاها بأي حاجة تقررها ليان + فاطمة سكتوا سونيا: و انا اتمنى ان يرجع ضمير الممرضة و ما تغير حاجة ام فارس: تروحوا عندها دحين و تطلبوا منها ما تغير حاجة سونيا: ما نعرف مين هيا ؟ ام فارس: ننتظر لبكرة اجل &&& في مجمع العرب &&& س 7 م في لعبة الشواية كانت الاصوات و الصراخ و الضحك مرتفعة لين وقفت اللعبة غرام: دورة تانية دورة تانية مريم: اقول تلايطي بطني يتقلب فاطمة: انقلعي يا××× مو تسويها علينا مريم: طيب يلا ننزل نزلوا و راحوا دورة المياه ــ الله يكرمكم ــ غرام: فطوم وين نينا وسونيا فاطمة: جالسين يتكلموا غرام: في حاجة ؟ فاطمة: لا سونيا تعطي ليان درس اخلاقي غرام: افا ليه ؟؟ ** عند سونيا و ليان ** سونيا: بس انتي كدا تسوي نفسها ليان: بس انا ما العب ع احد ولا هو يلعب عليا سونيا: ادري وهو كمان يحبك اكتر من نفسه بس ولو تعرفي ادا تزوجتوا بكون ماخد عنك فكرة اول حاجة تاني حاجة لا تنسي ممكن يشك فيك بعدين ليان: مستحيل شفتيه كيف يعشقني سونيا: شفته بس ولو اثقلي حسسيه انك مو خفيفة ليان: يعني ايش بنسوي هاه بنظل نحب بعض من بعيد لبعيد سونيا: نسيتي انهم بدورون لك عن اهلك ليان: وادا ما لقو ها ؟ سونيا: طيب خليك واثقة و ادعي انو يلاقون و ادا عجزوا نلاقي لكم حل تاني ليان هزت راسها بايه سونيا: وانا بكلم شهاب عشان ما تنحرجي منو وانتي تقولين له ليان ابتسمت لسونيا سونيا ناظرت جوال ليان: ههههههههههههه كم لو دحين وهو يدق ليان ناظر شاشة جوالها: هدي المره 5 سونيا سحبت جوال ليان: انا بكلمة ــ قامت و عطت ليان ظهرها وشافت البنات ــ روحوا عند ليان شويه وبجيكم فاطمة: وين بتروحين ؟ سونيا: شوي بس مريم راحت وجلست مقابل ليان سونيا راحت بعيد شوي وردت: الوو شهاب: الوو نينا علامك من امس و انا ادق عليج سونيا: وللل من امس عاد شهاب باستغراب: مين ؟ سونيا: انا سونيا شهاب: هلا هلا سونيا سونيا: هلا بك كيفك؟ شهاب: بخير وين نينا ؟ سونيا: جالسة مع البنات و انا اللي ما خليتها ترد عليك شهاب: ليه ؟ سونيا: كنت احكي معاها شهاب: اها سونيا: ودحين ابا اتكلم معك شهاب بخوف: شو بلاج ؟ سونيا: لا تخاف ما في حاجة شهاب: انزين ارمسي لا تسكتين سونيا: طيب طيب .. اسمع شهاب تعرف انو اللي تسوونه غلط صح شهاب: ........ لا رد سونيا: و اعرف قديش تحبو بعض و اعرف قديش نينا تعشقك و انت تموت فيها شهاب: ايوه يمين بالله سونيا: اعرف اعرف لا تقعد تحلف شهاب سكت سونيا: بس ولو انت تحبها وهيا تحبك بس ما يصير تحكوا مع بعض ما اتوقع ترضون لبعض الحرام ولا اتوقع انو ودك ان نينا تتعذب صح شهاب: لا طبعا اسم الله عليها سونيا: اسم الله عليكم كلكم بس لو تبون تحكون مع بعض اسمح لي لازم يكون بينكم شي رسمي شهاب: تعرفين انو انا مو حق لعب سونيا: ايوه اعرف بس ما ابا لكم الشر شهاب: والله انو نحاول بكل الطرق اننا نلاقي اهلها عشان اصير جريب منها بس ما بيدي حاجة سونيا: ادري يا ابوي بس ولو وربي اخاف عليكم .. فكر بنينا شوي شهاب: فاهم عليج سونيا: تقدر تبعد عن الاتصالات والرسيل وكدا يعني ؟؟ شهاب سكت شوي ومن ورا قلبه: بحاول سونيا: اعرف نينا كويس لو كلمتها انت ما حتقدر تقولك لا عشان كدا انا اقولك .. و ادا تبغو تعرفوا اخبار بعض عندكم خالتي خديجة شهاب سكت يفكر شوي سونيا: اسفة ع التدخل بس دي اختي بالنهاية شهاب: شو هالرمسه انتي اختها ويحق لج تخافي عليها من الهواء الطاير .. و ما يصير خاطرج الا طيب و بحاول اخلص بسرعة و اخذها سونيا ضحكت: الله يخليكم لبعض ويوفقكم شهاب من قلب: اميييييييييييييييين سونيا: يلا استودعتك ربي ليان تطالعني من بعيد ع امل تسمع صوتك شهاب بدون ما يحس: فديت قلبها والله سونيا: ولد شهاب بخجل: آآ سلام سلمي لي عليها وايد سونيا: يوصل شهاب: آآ سونيا سونيا: هلا شهاب: برسل لها رسالة بعد شوي اتمنى تعطينها الجوال سونيا ابتسمت: ان شاء الله شهاب: انتبهوا لنفسكم و لها سونيا: ماشي سلام سكرت منه و راحت للبنات و مدت لليان الجوال: برسلك بعد شوي رسالة ليان سبت الجوال بسرعة وقعدت تنتظر لين سمعت صوت الرسالة من شهاب وفتحتها ( نينا ي قلبي انتبهي لنفسك وايد وانتبهي تبردين والله يوفقك بكل خطوه و راح اطمن عليك دايما من عند امي احبك وبظل احبك كل يوم مليون مره صحيح بشتاق لصوتك و لكلامك بس راح اصبر عشان خاطرك ولا تخافين علي ريلج سبع ما ينخاف عليه و اول ما اخلص باخذك منهم .. استودعتك ربي الذي لا تضيع ودائعه .. احبك ) ليان ناظرت سونيا: بشتاق له فاطمة: يا لييييييييييييل من جولييت دي سونيا مسحت ع كتفها: تعرفي اخباره من عند خالتي ** في مكان ثاني ** خليل: انا اعرف ان الدنيا صغيرة بس مو لدرجة انو كل ما طلعنا شفناهم بوجيهنا ثامر حك راسه من ورا: ما علينا منهم خليل: نعم ايش قلت ؟؟؟ ثامر: ما علينا منهم يوسف حط يده ع جبين ثامر: فيك حاجة ثامر يبعد يد يوسف: ابعد بس خليل: هيا شباب نمشي ما نبا نتهاوش معاهم ثامر: ومين قال اننا بنتهاوش معاهم يوسف: ع اساس ما نعرفك احنا صح ثامر: والله ما بسوي مشاكل بس خلونا ياخي دوبنا جايين خليل: اقعد اقعد حلف ثامر: اوف ما يخلون الواحد بحاله ** عند الرباعي ** مريم: يلا مهند برا ليان: طيب خليكم شويه مريم: لا مستعجل الاخ يلا اشوفكم بكرا سلام سلمت عليهم ومشت غرام: من زمان ما كلمنا خواتنا صح ليان: وش اللي من زمان واللي بالقروب ايش ؟ غرام: لا ما قصدت كدا قصدي من زمان ما سمعت اصواتهم فاطمة: ادا رجعنا البيت حاكيناهم هنا ازعاج سونيا: بنات مين دي سمر اللي يحكوا عنها فاطمة: وحدة جت اليوم يقولون و ابوها و امها مطلقين و ابوها جابها لسكن ليان: ي عمري فاطمة: لا يغرك ي قلبي من يوم جت وهي رافعة خشمها ع البنات و لا وتنام بغرفتك انتي وسونيا غرام: اما ؟ فاطمة: وربي .. وتقول انها مو زينه ومدري ايه ليان: ع كيف امها مو زينه احلا غرفة كانت غرفتنا سونيا: من جد غرام: شف دولا ليه غرفتنا زريبة ؟! سونيا: هههههه لا بس ما في ولا حاجة داخل الدولاب ولا داخل السلة كلها ع الارض ليان: و لا التسريحة فضيييييييييحة من جد كل الكتب عليها سونيا: كل غرفتهم فضيحة اصلا ولان الخوات يحبون كرة السلة علقوا لهم السلة فاطمة: عشان ادا تعاقبنا نتسلى غرام: ههههههههههههههههه والله كانوا يجون ورانا وينظفون دحين مافي غيرنا ننظف فاطمة: اسمعوا ابا اشتري كرة سلة و السلة ليان: وين بتحطيها ان شاء الله غرام: بغرفتنا سونيا: يا لييييييييل فاطمة: قوموا يلا مليت قاموا يمشون ليان كانت كل شوي تقرا الرسالة سونيا مسحت ع ظهرها غرام: بنات اليوم عشاكم ع حسابي وقفوا باستغراب ولفوا عليها سونيا: ليه ايش صاير فاطمة: غزل تركت الشباب ؟؟ غرام: هـ هـ هـ .. جد جد عشاكم ع حسابي ليان: ما نبا بوفية بو علي لو سمحتي فاطمة: هههههههه لا اكله يجيب المرض غرام: كلو×××× سونيا: هههههههههههه طيب ليه ؟ غرام: بمناسبة التعويض اللي بجينا بكرا ثامر لف عليها باستغراب فاطمة: افا عليك مطفرينك الليلة غرام تمشي: وين تبون ؟ ليان: تدرين انو كنا نبا نروح للممرضة اللي اديتيها فلوس و نقولها ما تغير حاجة غرام: عشان ادبحكم سونيا: بنات هدا يلاحقنا ولا ايه ؟ ثامر سمعها عطاها ظهره وراح لوحدة من المحلات فاطمة: من زين وجهك عاد شوفي الرجال بطريقة ** داخل المحل ** نزل كبوسه و طلع جواله ودق ع هاني وعيونه تلاحقهم هاني: هلا ثامر: اختك دافعة للمرضة فلوس عشان تغير التحاليل ؟؟ هاني: ايش دراك ؟ ثامر: سمعتها هاني: ثامر وينك فيه ؟ ثامر طلع من المحل ولحقهم من بعيد: بالمول هاني: كيف سمعتها ثامر: بعدين اقولك هاني: ثامر لو تقرب من غرام بدبحك ثامر: وربي ما سويت لها حاجة هاني سكت ثامر: غرام بتاخد التعويض هاني: ابويه يدري انها دفعت للممرضة ثامر: بالله !! هاني: والله عشان كدا دفع لها وقالها لا تغير حاجة ثامر: اهااه هاني: ايوه وخلاص ابعد عنها ثامر: بعيد بعيد ودحين بطلع هاني: زين سلام سكر منه وظل وراهم شوي ودق جواله ثامر: ها ؟ خليل: هدا اللي قال ما علينا منهم و ما حنتهاوش معاهم ثامر: ايوه خليل: ومين اللي راح وراهم !! ثامر: ما رحت وراهم بس تذكرت حاجة خليل بعدم تصديق: طيب طيب وينك ؟؟ ثامر وقف: دحين جاي وسكر ثامر ناظر المطعم اللي دخلوه حط الكبوس ع راسه واخفا نص وجهه وراح لريسبشن ** عند الرباعي ** سونيا: غرام ترا دا المكان غالي شوي غرام: كل فلوسي اليوم لكم ليان: بنروح بعد كدا داك المحل اللي وريتك اياه سونيا غرام: ع حسابي ولا تزعلين ليان: اقول تلايطي بس غرام: احمدي ربك طيب فاطمة: احسهم بقولون انك وافقتي عشان الفلوس غرام: لا بس دي البزرة ع قولتهم بتخليهم يتمنون انهم ما وقفوا بوجها سونيا: يا خوفي من ثقتك غرام ضحكت &&& في الاستراحة &&& دخل مهند مشعل: وينك فيه من اول مهند: رحت اجيب اهلي هاني: كلها اخت وحدة ويقول اهلي الكل: هههههههههههه مهند: وين الباقي هاني: جايين دحين مشعل: يلعن ××× مهند: قوم قوم خلي الكنج يكسر راسه هاني: عطه عطه خنشوف مشعل عطا القير مهند و قعد ع جواله و حط السماعات مهند: الا اقول ابوك جهز التعويض هاني: ليه انت تعرف ؟ مهند: و الله من ثقة غرام واضح انكم مو اخوان هاني: الله يجيب اللي فيه الخير مهند: امين هاني: ابوي قاعد يجهز جناحها مهند: قوله لا يتعب نفسه هاني: ع الاقل لو طلعت التحاليل انها اختي راح تجينا و بنحاول فيها كم يوم لين ترضا تعيش معانا مهند: غرام!! تقتنع منكم انتو !! هاني: بنحاول مهند: ههههههههه طيب هاني حط ستارت ولف ع مهند: مهند احنا ما نبا نجبرها ع حاجة مهند لف عليه: وانا معاها بأي قرار تقوله هاني ضغط ستارت وكمل: طيب دخل خالد وناظر هاني مشعل: وينك من اول خالد: كنت اكلم جوال .. كيفك مهند مهند: الحمد لله خالد ياخذ مفاتيحه ومحفظته مشعل: ع وين؟ خالد: في شغله بروح اسويها مشعل: خليك ي شيخ بعدين تسويها خالد ناظر هاني: لا ضروري دحين هاني: اذا دخلت الملائكة تخرج الشياطين خالد: لم لسانك احسن لك عشان ما افرش فيك الارض هاني: تخسي ولد امك خالد حاول يمسك اعصابه وضغط ع يده بقوة وطلع هاني: سلم لي ع حبك مشعل: ايشبكم ؟ هاني: ولا حاجة مريض مهند: واضح ولا حاجة شوي وتتناحرون هاني: لو يجوز نحرته بدون كلام مشعل اشر لمهند يسكت دخلوا ثامر و خليل و يوسف: سلام الكل: وعليكم السلام ثامر: افا يا هاني 3/1 هاني: ما عليك دحين اجيبها دبل مهند: ايوه هين .. الا وينكم من اول ؟؟ ثامر: والله ملينا واحنا هنا طلعنا للمول مشعل: طيب كان انتظرتونا لين نجي نطلع سوا ثامر: والله قلنا نطلع موبايلي احسن هاني رما عليه الخدادية اللي يتسند عليه: انقلع بس ثامر: ايشبكم كدا مكشرين مهند يسجل قول ع هاني: عشانو مهزوووووووووووووووووووووم و قوووووووووووووووووول ثامر: هيا هيا قوم قوم &&& في فلة بو ياسر&&& طيف: طيب كيف تحسيها نفسك ولا غير يعني كيف احكي غلا: ما تنعرف شخصيتها بنص ساعة ولا ساعة رتاج: طيب كيف شفتيها؟ غلا: ما تكلمت كتير تاج: يعني هادية غلا: والله مدري ادا هيا هادية ولا هدا الهدوء ما قبل العاصفة طيف: ممكن هادية ومسالمة رتاج: ان شاء الله غلا: بس اول مره لما ضميتها وما ضمتني قلت انو ممكن تطردني دحين ولما جيت اطلع ضمتني طيف: اتوقع حنت وكدا غلا: ممكن بس تخيلوا ترفض تعيش معانا رتاج: ليه وين عيشين فيه عشان ما ترضا غلا: ولو طول حياتها عايشه مع خواتها ودحين راح نجبرها تعيش معانا خير طيف: طيب صدق دفعت للممرضة فلوس ؟؟ غلا: ايوه يحق لها تخاف مننا رتاج: ليه بناكلها يعني غلا: ليه حضرة جناب اخوك ما قالك ؟ رتاج: أي واحد فيهم ؟ غلا: ثامر رتاج: ايش يقولي ؟ غلا: خلاص ولا شي رتاج: لا قولي غلا: خلاص ولا حاجة &&& في مجمع العرب &&& *** داخل احدا المطاعم *** غرام: جيف مي ذا اكاونت سونيا: غرام ما تعرف غير دي الكلمة صراحة غرام: ولا متعلمتها من مريم كمان الكل: هههههههههههه جاء الجرسون: الحساب مدفوع يا مدام غرام: وجع يقول مدام .. اقول اخوي حنا لسا ما دفعنا الحساب الجرسون عطاها الدفتر غرام فتحته وعقدت حواجبها: بنات في احد دافع الحساب وكاتب بالعافية فاطمة: ههههههه شكل في واحد كان يبا يرقم هدولا ــ و اشرت ع البنات اللي وراهم ــ يلا خير وبركة غرام: من جد ليان: بس ترا يعني هالمره ما عشيتينا غرام: وجع احمدي ربك يا حـ××× سونيا: تسلمين يا قلبي يلا خلونا نمشي فاطمة: اقلبي الورقة ممكن يكون فيها رقم غرام: هههههههههههه ××××× يصير خير قاموا وراحوا لوحدة من المحلات ( اليوم الثاني ) &&& في شقة الرباعي &&& غرام تقوم فاطمة: طم طوم يلا قومي يا لبييه الريحة تشهي فاطمة: خلاص وجع قمت غرام: انا اليوم ما حطلع من البيت من جمال الريحة فاطمة: هههههههه انا بتسبح و اجي غرام: طيب طلعت وراحت للمطبخ: سونيا يا قلبي انتي وروحي ايش دي الريحة من جد سونيا ناظرتها: اقول اذلفي رتبي غرفتك و بعدها تعالي انتي وفطوم نفطر غرام ناظرت باب الثلاجة المفتوح: ليان اديني كولا من عندك غلا وقفت: الكولا مو زينه ع الصباح غرام فتحت عيونها ع وسعها سونيا ابتسمت غلا: صباح الخير غرام سحبت ربطتها اللي لامة فيها شعرها القصير وبصوت واطي: صباح النور غلا: انا عصرت لكم برتقال ان شاء الله يعجبكم غرام: ما كان له داعي سونيا: وش اللي ما كان له داعي اقول هيا روحي رتبي غرفتك غرام: ما حرتبها دحين اقولك جوعانة غلا: خلاص سونيا خلينا اول نفطر غرام قامت: بحط السفرة دخلت ليان: غرام ايش رايك بدا اللون غرام: حلو .. بس وش هالرواقه ع الصبح مناكير ليان: عجبني اللون قلت احطه غرام: تعالي معي نجهز السفرة سونيا: لا احتاج ليان روحي انتي غرام طلعت سونيا اشرت لغلا تلحقها غلا اخذت الصحون و راحت ورا غرام غرام: من متى و انتي هنا غلا: تقريبا من ساعة غرام عقدت حواجبها غلا: دقت عليا سونيا قالت لي اجي افطر معكم مريم: قامت فاطمة ولا ؟ غرام: ما شاء الله كلكم هنا ولحد قالي مريم: ليكون تبيني استأذن منك غرام: انقلعي متى جيتي ؟ مريم: قبل ربع ساعة ليان تحط البان كيك فاطمة دخلت: سلام ــ ناظرت غلا ــ صباح الخير غلا: صباح النور فاطمة سلمت عليها بالخد سونيا تحط العصير و الملاعق و الشوك: يلا تعالوا جلس الكل ليان: ترا دي مو كل مره تسوي لنا كدا يعني لا يغرك غلا: ههههههههههههههه تسلمين تعبتك معي سونيا: ما عليك منها لا تعبتيني ولا حاجة انا اللي جبتك وخليتك تشتغلي معايا غرام: بتتعازمو مين تعب التاني هيا كلو غلا كتمت ضحكتها غرام: طلعيها طلعيها لا تحطيها بنفسك غلا ابتسمت مريم: ايش العزيمة اللي ثارت امس غرام ابتسمت: والله محد قالك تروحي بدري مريم: يا حيـ×××× ع الاقل اجليها لين اكون معاكم غرام: قد عزمتهم وخلصت مريم: الحـ×××× هدولا عشتهم غرام ع حسابها بدوني غلا: عوافي مريم: ولا من المطعم اللي احبو كمان غرام: مو ع حسابي في احد دفع عننا مريم: اماا عاد غرام: وربي شكله كان يقصد البنات اللي ورانا بس يلا فيه الخير والبركة مريم: ههههههههههههه بصراحة ما كان احد مستغل دا الوضع الا غزيل سونيا: دحين زوجها موجود يدفع زي ما تبا غلا: مين دي غزل ؟ ليان: دي اختنا كمان من الدار سونيا: كلمتهم الصبح متهاوشين مع سمر مريم: ليه ؟ سونيا: مغيرة الترتيب بالغرفة غرام: ليتنا موجودين فاطمة: من جد يا ليت ليان: تستاهل صراحة سونيا: بس بدرية عاقبة الكل فاطمة: اشتقت لصراخها سونيا: و انا كمان امس قلت لهم اشتقت لصراخ بدرية ردت عليا غزل تقولي افا عليك ارسلك صوتها واليوم ارسلت لي صراخها فاطمة قامت: وين جوالك سونيا: بالمطبخ فاطمة راحت جابت جوال سونيا ور عطتها سونيا فتحت المقطع وطلع صوت صراخ بدرية وسبها لهم غرام: اشتقت لها غلا: مين دي ؟ غرام: هدي الله يسلمك مدرية السكن غلا: وكل مره كدا تهاوشكم ؟ غرام: لما نتشيطن غلا: ولو مو كدا الناس تتعامل غرام: اوووه دحين اكيد مخليه سجاوي بالبرد مع هاجر ينظفوا غلا: دحين !!! غرام: عادي غلا: حـ×××× غرام باستهزاء: معليش ما ارضا ع امي غلا ناظرت غرام غرام ابتسمت &&& في فلة بو هاني &&& تاج: وين غلاوي ام هاني: طلعت تفطر مع هاني تاج: ايش دي الخيانة ام هاني: دقو عليك الباب ما تردي تاج: اصلا فطور البيت يجنن ام هاني: ههههههه سلكي لنفسك بو هاني: صباح الخير ام هاني: صباح النور بو هاني باس خدها وجلس ام هاني: كلمة المستشفى ؟ بو هاني: قلت لك بتطلع بعد المغرب ام هاني: كلمهم خليهم يعجلون فيها اكتر بو هاني: هدا اكتر شي اقدر اسويه ام هاني سكتت بو هاني: انتظرنا كتير مو قادرة تنتظري كم ساعة ام هاني ابتسمت &&& في فلة بو ناصر 1 &&& **في غرفة الطعام ** بو ناصر: وين خالد يا رضية اليوم ما شفته بالمسجد دخل خالد: ليه مافي غير مسجد المجمع بالدنيا ام ناصر: تكلم بأدب يا ولد بو ناصر ناظره بعصبية خالد: رجعت بعد الفجر بو ناصر: حلو والله ابني لك بيت برا كمان مو احسن خالد: يا ليييل ــ جلس ــ بفطر و انقلع ما عليك بو ناصر: خاااااااااااالد خالد سكت شوي: اسف ابويه بو ناصر قام ام ناصر: اجلس ما فطرت شي بو ناصر: شبعة وطلع ام ناصر لفت ع خالد: زين كدا خليت ابوك يطلع بدون فطور خالد: بموت يعني بفطر بالشغل ام ناصر: حسبي الله ع اصحاب السوء خالد: يا ليييييل امي يرحم والدينك ابا افطر ام ناصر قامت &&& في فلة بو مهند &&& س 5م مهند يناظر مريم بتوتر مريم تهز رجولها بتوتر بو مهند دخل: ايشبكم ؟ مريم: بابا متأكد راح يجون عندنا ويرسلون التقارير لنا اول بو مهند: ايوه متأكد و حيجون عائلة بو هاني و صديقاتك بعد شوي دخلوا الرباعي مريم راحت لهم غرام: جو ؟ مريم: لا غرام: عمو اخاف ياخدو التقارير هما بو مهند: لا تخافين يا بابا راح يرسلونها لنا اول جلسوا شوي واندق الباب مهند: انا بفتح قام وتوجه للباب وفتحه بو مهند: سلام مهند: تفضل بو مهند دخل مهند سلم ع هاني هاني: وصلت التقارير ولا؟ مهند: الساعة 6 بتجي هاني دخل آية: تفضلوا دخلت ام هاني و تاج و غلا قام الكل ام هاني توجهت للبنات تسلم عليهم مريم سلمت عليها غرام سحبت نظارتها ولبستها وفكت اللثمة مريم كانت كل ما تسلم ام هاني ع وحدة تقولها اسمهم: سونيا ودي ليان ودي فاطمة و طبعا دي غرام غرام وقفت ومدت يدها ام هاني سحبتها وضمتها غرام انفجعت وفتجت عيونها ع وسعهم بدون ما تضمها ام هاني نزلت دموعها غرام بعدتها عنها بهدوء: وفري دموعك ام هاني مسحت دموعها و جلست تاج مدت يدها غرام سلمت عليها تاج باستها بخدها: انا اختك الكبيرة تاج غرام بعدت وجها: لا تصدقون نفسكم كتير بو مهند بحدة: غرام غرام لفت وجها غلا ضمتها: جمال اليوم اللي اشوفه فيك مرتين غرام ربتت ع ظهر غلا غلا جلست قريب منهم هاني جاء يروح لغرام غرام: ابعد مهند وقف: لسا ما ينعرف ادا تحل لها ولا لا هاني هز راسه وجلس آية تضيفهم ام هاني: ماما نزلي النظارة غرام طنشتها ولفت ع بو مهند: كم الساعة ؟ بو مهند: 5:35 تقريبا غرام قامت: انا بطلع مع فاطمة شوي برا سونيا: غراام اجلسي غرام: ابا فاطمة بسالفة سونيا تدري انها كذابة: باللهِ غرام ابتسمت وطلعت سونيا: معليش اكيد متوترة ام هاني ابتسمت مرت الدقايق بطيئة بالنسبة لعائلة غانم و سريعة بالنسبة للرباعي آية مدت الظرف لبو مهند: تفضل بو مهند: تسلمين .. لو ما عليك امر نادي غرام وفاطمة ام هاني: خليك انا اناديها بو مهند: تفضلي يا ام هاني بس لو تناديهم آية يكون احسن ام هاني جلست آية طلعت ونادت غرام و فاطمة فاطمة: لا تخافي خلاص غرام: مو خايفه فاطمة: واضح دخلوا وجلسوا جنب البنات بو مهند فتح الظرف بو هاني: ايش مكتوب ؟ بو مهند: صبر شوي بو هاني سكت بو مهند ناظر غرام غرام: ايش ؟ بو مهند: التحاليل مطابقة غرام فتحت عيونها ع وسعها: اييييييش كيف يعني مستحيل فاطمة : كيف مطابقة سونيا رفعت راسها وتمتمت: الحمد لله ام هاني قامت بسرعه و راحت لها بتضمها غرام دفتها عنها ام هاني وقفت باستغراب غرام: ما يصير انا مو بنتكم هاني: غرام يا قلبي غرام تبعده عنها: ابعد مهند: خلاص غرام غرام: انا مو اخته افهم مهند: التحاليل مطابقة غرام اخذت الاوراق من بو مهند: ما يصير بو مهند سكت بحزن عليها غرام ما فهمت حاجة من الورقة رمتها ع الارض: كيف قلت انها مطابقة بو مهند اخذ الاوراق: شوفي غرام: ما ابا اشوف حاجة اخذت جوالها و طلعت لحقوها البنات ام هاني: غرام غرااام غلا: خلاص ماما انا بروح لها طلعت ركض وراهم غلا: صبر بجي معكم مريم فتحت لها الباب غرام لسواق: روح مستشفى الـ**** السواق حرك غرام: يحلمون اكون بنتهم شوي ووصلوا نزلت غرام ونزلت وراها فاطمة جت تنزل سونيا فاطمة: خلاص خلوكم شوي وراجعين لا نسوي ازعاج بالمستشفى سونيا هزت راسها بالموافقة فاطمة ركضت ورا غرام غرام راحت لريسبشن: وين الـ××× اميهان الموظفة: نعم اختي !! غرام: وين الممرضة اميهان الموظفة: توها طلعت غرام: وين بيتها ؟ الموظفة: آسفة ما اقدر اساعدك غرام: ××××× عليكم و ع مستشفاكم وطلعت فاطمة: خلاص غرام اهدي غرام: والله لاشرب من دمها بنت الـ××× الناس التفتوا عليها فاطمة: خلاص غرام فضحتينا غرام ركبت السيارة &&& في دار الايتام للبنات &&& شيماء: لا ما اتوقع اهلها خير بعد 17 سنه يقولو احنا اهلك سجى: انا اتوقع انو اهلها لان لو شفتو الصورة اللي شفتها بتقولو انها غرام ورب الكعبة نسسسخه ناعمه من غرام الكل: ههههههههههههههههههههههههه هه سجى: وربي شعرها طويل و محطيه مسكرا و غلوس شيماء: ولل كل هدا بنظره وحدة سجى: افا عليك غزل: بس خير ليه دوبهم يفكروا فيها جواهر: ممكن ما كانوا يعرفوا عنها غزل: وكيف عرفوا عنها فجأة رهف: اقول تتوقعون غروم تروح معاهم هاجر: عائلة الـ*****ليه ما تروح معاهم انا لو منها مو بس اروح معاهم الا اخدمهم كامن الكل: ههههههههههههههههههههههههه ه غزل: وجع هاجر هاجر: وربي جواهر: تتوقعون غرام تشوف نفسها علينا ادا راحت معاهم سجى: مستحيل &&& في فلة بو مهند &&& مهند: ها هديت ؟ مريم: ايوه وحاولنا نضحكها شوي دخلت غرام: راحوا ؟ مهند: لا .. الاتفاق اتفاق غرام كشرت مهند: هيا ادخلوا غرام دخلت: ادا بجي باخد معايا خواتي ام هاني: بس خواتك لو تبين كل الشارع اخذتهم غرام: اوزني كلامك خواتي مو بنات شارع ام هاني: محشومين والله مو قصدي كدا غرام: فكينا هاني ناظر مهند مهند: غرام عيب بو هاني سلم ع بو مهند: يعطيكم العافية بو مهند: لا تنسا تسوي إجراءات الدار بو هاني: ان شاء الله مهند يسلم ع هاني: غرام برقبتك يا هاني هاني: افا عليك اختي دي مهند: لو ضايقتوها بشي اكون انا دابحك هاني: ادبح اللي يضايقها بكلمة مهند هز راسه غرام: عمو بو مهند: آمري غرام: ما يامر عليك ظالم باخد مريم كمان و بنرجعها بو مهند: افا يا غرام دي مو اختك وين ما تروحين هيا معاك غرام راحت وباست راسه بو مهند: تبوسين الكعبة غرام: هيا طلعوا الرجال ام هاني: غرام غرام لفت عليها ام هاني: ممكن اضمك يا بنتي غرام لفت وجها: اقول امشي الله يرحم والديك ام هاني طنشتها وراحت لها وضمتها غرام عضت شفتها السفلية بقهر ام هاني تمسح دموعها: الله لا يبعدك عني ولا ثانية غلا: وانا كمان وانا كمان راحت لهم وضمتهم تاج راحت لهم وضمتهم ام هاني ضمتهم: الله يخليكم لي ولا يحرمني منكم يا رب تاج + غلا: امين فاطمة + ليان + سونيا عطوهم ظهروهم فاطمة طلعت غرام بعدتهم عنها: فاطمة فاطمة مسحت دموعها ولفت عليها: ها غرام: بتجين معايا فاطمة: اكيد ما حخليك سونيا+ ليان + مريم: ولا حنا اكيد غرام: الله لا يحرمني منكم الكل: امييين راحوا لرجال هاني ناظر غرام راح لها وضمها غرام اول مره يضمها رجال تجمدت بمكانها هاني دمعت عيونه وهو يتذكر اللي سواه فيها: آسـ-ـف يا غرام آسـ-ـف غرام دمعت عيونها من صوته هاني باس جبينها: والله العظيم آسف غرام لفت وجها هاني باس يدها: آسف والله آسف غرام سحبت يدها: هاني خلاص هاني مسح دموعه غرام: الرجال ما تنزل دموعه هاني: الرجال ما يسكت عن اللي يهينون خواته غرام نزلت راسها هاني رفع راسها: راسك دا ما ينزل طول ما انا عايش غرام هزت راسها هاني ضمها غرام: ابعد خنقتني هاني بعد وهو يبتسم لها غرام: نحنا بنروح مع مهند غلا: بجي معكم فاطمة بمزح: من دحين صارت التوأم النشبة الكل ضحك غلا: والله توأمي وانا حرة تاج: غلاوي خليهم مع بعض دحين ولما يجون البيت نستفرد بيها غلا ابتسمت: تمام غرام: يلا مهند مهند ركب سيارته غرام راحت وركبت السيارة مع البنات دق جوال هاني هاني: نعم نعم يا ثامر ثامر: ها ايش صار ياخي هاني: لما نرجع بقولك ثامر: متى جاين ؟ هاني: دحين خلاص فارق سكر منه و ركب سيارتهم وحركوا &&& في سيارة مهند &&& مهند: ما تبغو نرجع البيت و تاخدو اغراضكم غرام: لا ما بنطول مهند: بس راح تنامين عندهم تقريبا اسبوع ولا نسيتي غرام: اوك بس مو معناته ما حنرجع الشقة مهند: ع راحتكم .. بس انا راح اخلي خاله آية تجيب لكم اغراض غرام: طيب ....... شوي ووصلوا ...... غرام: وين رايحين ؟؟ مهند يفتح الشباك: افتح البوابة البواب ناظر السيارة مهند: هدي غرام و خواتها بنت عم غانم البواب فتح البوابة مهند: هدا مجمع الـ****** غرام: كلهم عايشين هنا !!! مهند: ايوه شوفي هدي الفلل لأعمامك غرام: ودا البيت الكبير حق مين ؟؟ مهند: هدا حق جدك غرام هزت راسها مهند وقف: هدا بيتك غرام ناظرته مهند: هيا انزلوا ثامر كان واقف مع هاني قدام الباب غرام كشرت: هدا ايش يسوي هنا ؟ مهند: هدا ولد عمك غرام: وييعع مهند: هيا نزلوا البنات هاني: احسن لك تبعد عشان ما تفرش فيك الارض ثامر: لا بسلم عليها اول هاني: براحتك انتي اللي بتنفرش راح لهم: تفضلوا ام هاني فتحت الباب: حياكم حبايبي دخلت غرام وقعدت تناظر البيت كان فخم بمعنى الكلمة غلا ركضت لها وضمت غرام غرام: ترا ذبحتيني ضم غلا ضحكت ووقفتها قدام المراية: شوفي غرام تنزل الطرحة ونزل شعرها غلا سحبت النظارة غرام ناظرت المراية: ههههههه امك طابعة ولا ايش غلا: اسم الله ع امي غرام: ههههههههههههههههههههههههه ام هاني: ههههههه تعالوا داخل تاج نزلت بكل رقة من الدرج وضمتها غرام ما رفعت يدها تاج باست خدها: تو ما نور البيت غرام هزت راسها تاج: اجلسوا جلس الكل بعد ما فصخوا عباياتهم تاج بهمس لأمها: ماما رتاج و روان و طيف يبغوا يجون ام هاني: البنت دوبها جايه تاج: شقول لهم دخلت رتاج وروان بحماس: تاااج تاج: ها جو ام هاني هزت راسها: انا بروح المطبخ وطلعت تاج راحت لهم: تعالوا رتاج تسلم عليها بالخد: وينها نسخة غلا روان شهقت: هادي هيا الرباعي ناظروا بعض باستغراب تاج بهمس: فضحتينا روان: ما شاء الله نسخة رتاج بهمس لروان: قولي مراية مو نسخة روان تسلم عليهم رتاج لحقتها ووقفت عند سونيا: مو انتي اللي تتحرش باخويه سونيا: نعم غرام: الا اخوك هو اللي يتحرش يابو رتاج: اخويه يتحرش فيكم انتو !! غرام: لا بالهواء رتاج: اكيد كان ناقص نظر غرام دفتها من كتفها: احترمي نفسك لا اربيك دحين رتاج بصدمه: نععععمممم فاطمة: مو متربين ما استغربت انك اخته صراحة انتهـــى البـــ[14]ـــارت ان شاء الله ينال اعجابكم تــوقـــعــاتــكــم؟؟ اراكم ع خير ان شاء لله.. ولا تحرموني من ردودكم وتوقعاتكم و بليييييييييييز ما ابي احد من خلف الكواليس شاكره لكم .. مع تحياتي: جذابة والعيون غلابه { Simoo } ^__^ | |||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
.png)
العرض العادي
