آخر 10 مشاركات
443 - سر الأميرة - كارا كولتر ( عدد جديد ) (الكاتـب : ^RAYAHEEN^ - )           »          كاثرين(137)للكاتبة:Lynne Graham (الجزء1من سلسلة الأخوات مارشال)كاملة+روابط (الكاتـب : Gege86 - )           »          هيا نجدد إيماننا 2024 (الكاتـب : رانو قنديل - )           »          مواسم العشق والشوق (الكاتـب : samar hemdan - )           »          ✨الصالون الأدبي لرمضان 2024 ✨ (الكاتـب : رانو قنديل - )           »          6 - موعد مع الغرام - روزمارى كارتر - ع.ج ( إعادة تنزيل )** (الكاتـب : امراة بلا مخالب - )           »          328 - العروس المتمردة - جوليا جيمس (اعادة تصوير) (الكاتـب : سنو وايت - )           »          نصيحة ... / سحر ... / الأرملة السوداء ... ( ق.ق.ج ) بقلمي ... (الكاتـب : حكواتي - )           »          الجبلي .. *مميزة ومكتملة* رواية بقلم الكاتبة ضي الشمس (فعاليات رمضان 1436) (الكاتـب : قصص من وحي الاعضاء - )           »          آسف مولاتي (2) *مميزة ومكتملة * .. سلسلة إلياذة العاشقين (الكاتـب : كاردينيا الغوازي - )


العودة   شبكة روايتي الثقافية > قسم الروايات > منتدى الروايات والقصص المنقولة > منتدى الروايات العربية المنقولة المكتملة

Like Tree1Likes
إضافة رد
 
LinkBack أدوات الموضوع انواع عرض الموضوع
قديم 11-08-15, 06:38 PM   #11

اسطورة !

نجم روايتي ومشرفة سابقة وفراشة متالقة بعالم الازياء

alkap ~
 
الصورة الرمزية اسطورة !

? العضوٌ??? » 120033
?  التسِجيلٌ » May 2010
? مشَارَ?اتْي » 15,367
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » اسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond repute
¬» مشروبك   pepsi
?? ??? ~
My Mms ~
افتراضي


البارات التاسع

: الوه ..السلام عليكم ...كيف حالك يمه ؟
: وعليكم السلام ...الحمد لله ..ايش اخبارك انتي وسباء
: الحمد لله كلنا بخير ...الا يمه كلمتي وفاء والا شيء؟
:لا والله ماجسرت اكلمها ..الله يعلم ايش اخبارها بس قد بكره الثالث حقها وبنشوفها في بيت عمها ان شاء الله
: يلا خير بس انا قلت بسأل عنها ...متي بكره بتروحي ؟
: الله اعلم ...ليش تشتي نأخذك معنا وحنا رايحين ؟
:ايوة .. الله يخليك لي ويخلي لنا علي اخي
: خلاص تمام خليك جاهزة من بدري متى ما مشينا مرينا عليك
: تمام يلا في امان الله
: الله معك وبوسي لي سباء وسلمي على ابوها
: يوصل مع السلامه
؛؛؛؛؛؛؛؛؛؛؛؛؛؛؛؛؛؛؛؛؛؛
في بيت ابو سيف
: قد يمه كلمتي كل الجيران يجوا بكره الثالث حق زوجات اخواني ؟
:الحمد لله ...بس ان شاء الله اخوانك بكره يروحوا بدري عشان الكوفيرة بتجي تصلح البنات
: سيف اليوم بينام بشقته بس سعيد الله يعلم ايش ناوي
: وانتي اش عرفك ان سيف بيروح الليله ؟
: اول لمن كلمتهم قالت لي سناء انهم بيروحوا الليله شقتهم
: يصير خير وسعيد بنكلمه ونشوف ايش ناوي
يدخل عليهم سعيد ووفاء
: السلام عليكم ورحمة الله وبركاته
: وعليكم السلام ..ياهل بعريسنا الذي غط ومحد عرف له طريق حتى تلفونه مغلق ...عادني الان انا وامي نسأل عنك...ثلاث ايام يالظالم لا حس ولا خبر والا من لقي احبابه نسي اصحابه
: ما شاء الله عليك بالع راديو... وبعدين متى هي ثلاث ايام يالمفتريه هي يوم العرس وانتي بوجهي لاخر وقت يعني ما تحسب واليوم انا قدامك وعاده بعد العصر يعني مافي الا امس يعتبر بس افتكينا منك
: ياهلا يمه حياكم ادخلوا تفضلوا ومالك من عايدة والله ما تخلص حنتها
: كيف حالك عمه .. وايش اخباركم
: الحمد لله ...الله يحفظكم كيفكم انتم
: الحمد لله له الفضل والمنه
: ها ياولدي بتناموا اليوم في الشقه ؟
: ايوه خلاص سلمنا الفندق ليلتين كفايه
: الحمد لله احسن انكم بتكونوا في بيوتكم
: ليش ياست عايدة لتكوني ناوي علي شيء خليك مكانك ولا تعتبي السلم انسي انه في دور ثالث فوقك
: ليش بتمنعني ؟ وبعدين انا مابطلع عندك بطلع عند زوجات اخواني
: ما فيش احد يشتيك تطلعي عنده فريحي نفسك احسن لك
: قالك ياوفاء ما تشتيني اطلع عندك ؟
: اهلاً وسهلاً فيك متي ما تشتي
: شفت انت بس الذي ما تشتي تتونس مع احد اعوذ بالله منك
: بس يابنت بطلي فتنه بين الرجال ومرته...متى بتكبري انتي ؟
: خليها يمه انا داري انها خبل عشان كذا نمشيها على قدر عقلها
في نظرات جديه وضيق : طيب.... والله ماادخل بيتك الان جد
: الله المستعان زعلتي من جدك ؟انا امزح ...ايش حصل لك اليوم ايش الذي غيرك ؟
: اسأل نفسك انت اليوم تتكلم جد مش مزح زي عوايدك
: خلاص حقك عليا ...اسحب كلامي والله ما قصدت ازعلك وهذه بوسه على راسك
: خلاص مسامح بس ما تعيدها ...وتنفجر ضاحكه وتهرب من امامه
: يعني كنتي تكذبي انا برويك والا ما كون سعيد
وفاء وام سيف يشاركنهم الضحك ههههههههههههههه
: ها يمه الترتيبات بكره كل شيء تمام والا في شيء ناقص ؟
: لا ...الحمد لله كل شيء تمام
: اجل احنا طالعين شقتنا نلتقي بكره ان شاء الله
: لا يمه انزولوا تعشوا معنا واخوك بيكون قد روح وبتلاقي ابوك ها ايش قلت ؟
: ان شاء الله الى بعدين يصيرخير
؛؛؛؛؛؛؛؛؛؛؛؛؛؛؛؛؛؛؛؛؛؛؛؛
في بيت ابو محمد
ام محمد : اليوم كلمت سناء وقالت بيروحوا شقتهم وبكره بيعملوا الثالث حقهم
ابو محمد : الله يحفظها والله لها وحشه
ام محمد :أي والله حاسس ان البيت فاضي مع ان محمد ومرته قدهم عندنا طول اليوم بس حس سناء بالبيت غير
ابو محمد : الله يوفقها ويحفظها ...ايش ناوي تأخذي لها معك بكره ؟
ام محمد : قد عملنا انا ومرت محمد كعك وانت اشتري كرتون عصيروبناخذهم مع السلسال الذهب اللي اشتريناه قبل الزفه
ابو محمد : يلا تمام وقد محمد قال بيسلم عليها بعشرين الف
ام محمد : كذا وافي ... ومحمد ماقصر الله يطول بعمره
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛
شقة سعيد
: كلمتي بيت ابوك من يوم الزفه ؟
:لا والله اصلاً ما عندي تلفون
: لا حول ولا قوة الا بالله باتقولي لي وبخليك تكلميهم ...بكره ان شاء الله بنزل اشتري لك تلفون ....الان كلميهم من تلفوني
: الله يخليك لي وما يحرمني منك والله جمايلك فوق راسي
: ما فيش بين الواحد وروحه جمايل ...يلا كلمي عمتي وبلغيها السلام مني وسلمي على ابوك واخوانك
: يوصل
؛؛؛؛؛؛؛؛؛؛؛؛؛؛؛؛؛؛؛؛؛؛؛؛
بيت سمير
وهي تلاعب ابنتها على السرير ياربي منك الله يحفظك اقسم بالله انك تخلي الحجر يضحك وسباء تضحك بصوت مسموع بسبب مناغاة امها لها ياقلبي الصغير والله انك بلسم حياتي انتي روحي وعمري ربي يحفظك لي يابنتي
بتجهم : خلاص انتي وبنتك قد انا داري انك باتموتي فيها قومي اعملي لي شاي الله يخلصني منك
: والله ماني عارفه ايش من قلب معك امانه عليك لمن تسمعها تضحك ما تشفقها وتتوق تضمها وتشبع منها ؟
: انا ما يعجبنى الصغار ولا يعجبنى ملاعباتهم ...ويلا قومي صلحي شاي قبل لا اوريك انتي وبنتك ما تكرهي
: خمس دقائق وهو عندك ...وهي تحدث نفسها الله يصبرني عليك بس ويحمي بنتي من بطشك
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛
في شقة سيف
: نورتي بيتك ياحبي
: البيت منور فيك وما يحتاج نوري
:لولاك ماكان لي نور ...ها ايش رايك بالشقة والاثاث ؟
:ما شاء الله روعة ... البيت باين من عنوانه من اول ما دخلت وشوفت لون الرنج ابيض عرفت انها بتكون ذوق زي صاحبها
: قصدك صاحبتها ...لاني كنت كل ما اقرر شيء افكر الف مرة انها بتعجبك والا لا
: كافي ان انت الذي جهزتها عشان تعجبني
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛
شقة سعيد
: ما شاء الله البيت مرة اثاثه حلو
: يعني اعجبتك؟
: مرة وخاصه غرفةالنوم
: هذا لان عيونك حلوة تشوفي كل شيء حلو
: لا صدق هي حلوة وما اجاملك
: تعرفي انه انتي الحلوة وما في شيء بعدك حلو ...كل شيء فيك عاجبني طريقة كلامك وحركاتك وكل شيء
: خلاص سعيد تخجلني
: اموت انا بلي يستحون ...كذا قولي اسمي مرة ثانيه
: سعيد
: نعم يعيون سعيد ...اول مرة اكتشف ان اسمي حلو لهذه الدرجة ...مدري هو طالع منك زي العسل
؛؛؛؛؛؛؛؛؛؛؛؛؛؛؛؛؛؛؛؛؛
اليوم الثاني كانت حفلة الثالث ومن قبل العصر كانت سناء ووفاء قد هم جاهزات ولابسات فساتينهم دم الغزال زي بعض
وعملوا لهم زفه من فوق لتحت وجاء كل المعارف والجيران والاهل وكانت حفلة مرة حلوة
وبعد شهر من الزواج راحوا بيوت ابائهم رد الجد كما هو سالف البلاد
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛
نهاية البارت التاسع
ودمتم بالف خير
المحبة اسماء




اسطورة ! غير متواجد حالياً   رد مع اقتباس
قديم 11-08-15, 06:39 PM   #12

اسطورة !

نجم روايتي ومشرفة سابقة وفراشة متالقة بعالم الازياء

alkap ~
 
الصورة الرمزية اسطورة !

? العضوٌ??? » 120033
?  التسِجيلٌ » May 2010
? مشَارَ?اتْي » 15,367
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » اسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond repute
¬» مشروبك   pepsi
?? ??? ~
My Mms ~
افتراضي

البارات العاشر
بعد شهرين
؛؛
؛؛؛
؛؛؛؛؛
: الوه السلام عليكم ...كيف حالك وضوح ؟
:وعليكم السلام ...الحمدلله ...انتي ايش اخبارك ؟ وكيف زوجك معك؟
:الحمدلله ..الله يخليه لي مالي حياتي سعادة
:الله يديم فضله عليك ...صدق اسم على مسمى
:ايوة والله ...ايش اخبار سباء قدني فاقدة لها
:الحمدلله الله يحفظها لي والله انها شاغله لي حياتي ومؤنستني
: اقول وضوح ايش رايك استعمل شيء عشان لا احمل السنه هذه والا كيف اعمل ؟..قد لي شهرين من تزوجت وانا على بابك ياربي
:ليش ؟ والله انهم رحمة ويملوا حياتك وناسة
: انا عارفة بس سعيد يقول اذا حملت هذه السنه بتعب مع الدراسة ويمكن تجي الولادة وعادني ماكملت ....قلت استشيرك ايش رايك ؟
:الله يهنيك بزوجك ويسعدك معه ...بس تشتي نصيحتي لا تستعملي علاج ولا شيء يمكن العلاج مع الوقت يضرك وبعدين بتندمي
: يعني نستعمل الجدول زي ماقال سعيد احسن قد هو قال لي ما يشتينيش استعمل علاج اضر نفسي بس انا قلت انه اضمن من أي شيء ثاني
:ياخبلا ما دام هو راضي يعني بيكون مضمون وآمن لان الجدول الاساس فيه الرجال مادام راضي خلي في بطنك بطيخ صيفي وتطمني
:يلا على قولك بستعمل الجدول وخلاص
: يلا مع السلامة سمير روح وما اشتيه يدري اني اتكلم في التلفون الان ....يلا مرة ثاني بنتكلم
:الله معك
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛
في الصاله متمدد على احد المفارش : ياجني وينك ؟.......كم مرة قلت اروح وانتي واقف على الباب ؟........وبنتك هذه مالها برجع يوم اسكتها نهائي وارتاح من بكاها
تنظر اليه في هدواء عكس ما في داخلها : خير ايش فيك؟ وتحدث نفسها "اصلاً بنتي ما تبكي الا من صوتك الذي يهد الصخر لاحول ولا قوة الا بالله ، الله يصلح حالك ويصبرني عليك بس"
يستشيط غضباً : لا تذكري الخير على لسانك لانه انتي والشر متلازمين
تنظر بنظرات ازدراء لم ينتبه لها من حسن حظها : صدق انك مثل الذي عيرني عيارته وركبني حمارته
وهو يجر حزامه من وسطه : ايش قلتي ما سمعتك واذاقها لهيب السياط هذه المرة لك ....ويلا روحي جيبي الغداء
تبكي وبنتها في حضنها فزعة وهي متكوره على نفسها ولا يسمع الا شهقاتها : الله ينتقم منك
: بطلي دلع وما تلومي الا نفسك هذه من عمايلك لوانك محترمه نفسك ما جاك شيء
وكما هي عليه لم تتحرك من مكانها وتتحدث لنفسها اصلاً متى كانت حياتي معك اهداء من يوم خذيتني وهذه هي حياتي الله يصبرني بس ويعينني اخفي الامر على اهلي والا ما ضنتي ان وفاء بيتخبى عليها من كثر وجياتها عندي قد بدت تحس وشكلها بتكتشف حقيقتك يالنذل تستقوي على مراءة
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛
بعد كم يوم
؛؛
؛؛؛
؛؛؛؛؛
في بيت فضل
تحضر له امه الشاي والذمول وهو يستذكر دروسه
ام علي: ها يمه كيف الدراسة معك تمام ؟
علي: ايوة الحمد لله عادنا اول السنه وانا اذاكر اول باول عشان لا تتراكم الدروس عليا في الاخير ...بس انتي ادعيلي معك ما تنسنى لان هذه السنه وزاري
: الله يوفقك ياولدي وينور دربك والله اني ادعيلك كل ساعة وكل وقت ...كيف ما ادعيلك وانت حامل همنا على راسك ...الله يصلح ابوك يحملك فوق طاقتك ورامي حمله عليك
: ابي الخير والبركه وبعدين هو يشتينى اوقع رجال ...الله يطول في عمركم ويعينني على بركم
:ايش كنت بأقول ياولدي .... الله يسعدك كون شوف معك اخوك زياد و راجع له معك انت داري انا ما اعرفش اذاكرله واخواتك الله يوفقهن كل وحدة في بيتها وانا اخاف اخوك يضعف مستواه
:ان شاء الله يمه ولا يهمك بكون اعمل له كل يوم ساعة اتابعه فيها
:يلا انا بروح لا اشغلك على مذاكرتك
؛؛؛؛؛؛؛؛؛؛؛؛؛؛؛؛؛؛؛؛؛؛؛
في بيت سعيد وهي جالسه بجانب زوجها : الله يقلع الفيزياء تعبتني وكرهتني حياتي
يحضنها من كتوفها : بكره ان شاء الله اذكر لك الفيزياء يادلوعة ...انتي بس لو تركزي مع شرح الاستاذة بتفهمي بس قدك راكن
وهي تدفن وجهها في صدر سعيد : الله لا يحرمني منك ...اذا ما تدلعت انا من يتدلع غيري ؟!
:صدق ان الدلع خلق لك ...يلا انا خارج الان معي مشوار وبرجع سريع ان شاء الله ...يلا مع السلامة
وهي تطبع قبله على خد سعيد كما هي عادتها دائماً اذا خرج : لا تتأخر عليا بنتظرك ...اي تأخير بتحاسب عليه هههههههه
: الله لا يحرمني منك قولي امين
:ولا منك ياروحي ....انا بنزل تحت لمن تروح بتلاقيني عندهم
: طيب ...يلا في امان الله
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛
وتمر الايام والشهور وتمر حياة ابطالنا معها
؛؛
؛؛؛
؛؛؛؛؛
وفاء بضيق من منظر اختها : حسبي الله على زوجك ...الله يكسر يده مثل ما يمدها عليك
وضحى: لا تدعي ولا شيء قد الله بيجازيه بأعماله كلها ان خير فخير وان شر فشر .... خليه على ربك
:أي خير اللي تتكلمي فيه ..... انا مش عارفة من منكم مافيش معه قلب هو والا انتي ...كيف عادك يكون لك نفس تسلمي نفسك له والان حامل
بسخريه وتهكم واضحة : الله يصلح حالك بس.... ليش بعتقادك ان حياتنا طبيعي زي خلق الله ...من يوم ما عرفته وهو يغتصبني اغتصاب حتى ليله عرسنا ما رحم حالي ... وقد هي ارادة الله يخرجوا من صلبه عياله ..كل شيء بقدرته وحكمته ... وانا مافي بيدي اعمل شيء
بصدمه بانت على ملامحها من الخبر الذي لم تتوقعه ابداً: ان لله وان اليه راجعون ....الان كم لك حامل؟
:اعتقد خلصت الرابع ...بس والله ماني مقهور الا على سباء ما خلصت لها الرضاعه حقها فطمتها وهي عمرها سبعه شهور
:كم قد لك مزوج انتي الان ؟
:سنه وتسعه شهور
: يالله من كثر ما شفتي بحياتك قدني اشبه لك عشر سنين
: خليها في القلب تجرح ولا تخرج تفضح
: يلا انا بقوم اللبس بيجي سعيد الان
: والله عاده بدري ليش مستعجله
وهي تنظر لسباء بحب : خليني اروح قبل لا يرجع الوحش حقك ...هاتيها والله اني افقدها مرة الله يخليها لك
: آمين ...والله انها تونسني ...بس اخاف عليها من ابوها لتمتد يده عليها
: الله يستر منه بس ...يلا مع السلامة قد سعيد خارج
:في امان الله ...بلغي بيت عمك السلام
:الله يسلمك بحفظ الله
؛؛؛؛؛؛؛؛؛؛؛؛؛؛؛؛؛؛؛
بعد كم يوم
؛؛
؛؛؛
؛؛؛؛

في بيت الحاج سالم
ام محمد : قومي يابنتي كلي من الصباح ما اكلتي شيء
سناء : والله يمه مالي نفس اكل شيء مدري كيف احس لمن اشوف الاكل قدامي
بفرحه : ليكون يابنت حامل ؟
بحياء : مسرع يمه عادني تزوحت ؟
: الله يصلحك يابنتي ...قدك بتوفي السنه الشهر الواجي ...خليني اقوم اكلم ابوك يشتري معه فحص حمل
بسرعه وبخجل : لايمه لا تخلي ابي ولا شيء ...بعدين ما اعتقد اني حامل قد لي كذا كثير يمكن من الشهر الاول ...بس وانا مروحه بخلي سيف يشتري فحص وبقولك بتلفون استحي من ابي

: ان شاء الله تطلعي حامل ويجيك جاهل يونسك ويفرحك من كلامك انك حامل ....متى اخر مره جتك ؟
تفكر : قد هذا ثاني شهر ما تجيني بس هي احيان كذا تتأخر عليا ...بس يارب اكون حامل حتي سيف نفسه يجيه عيال بسرعه ...الله يقدم الذي فيه الخير
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛
تمر الايام وعلي يجتهد في دراسته فهو ثالث اعدادي ويحاول ان يوفق بين عمل البيت والمدرسه
ووفاء تنعم بحب سعيد واهتمامه وتستعد لاختبارات ثالث ثانوي
تعاني سناء من الوحام الذي ارهقها وارهق سيف معها فهي تتوحم عليه مما اضطرها للجلوس في بيت ابيها
وضحى كل يوم يزيد زوجها في اذيتها واهانتها فحياتها نكد في نكد
عايدة تدرس الجامعة وسعيدة بوجود زوجات اخوانها في البيت
بيت اوس الفرحة غامرتهم بسبب حمل سناء فأخيراً سياتي البيت طفل يسعدهم
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
نهاية البارت العاشر
دمتم بالف خير
المحبة اسماء


اسطورة ! غير متواجد حالياً   رد مع اقتباس
قديم 11-08-15, 06:40 PM   #13

اسطورة !

نجم روايتي ومشرفة سابقة وفراشة متالقة بعالم الازياء

alkap ~
 
الصورة الرمزية اسطورة !

? العضوٌ??? » 120033
?  التسِجيلٌ » May 2010
? مشَارَ?اتْي » 15,367
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » اسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond repute
¬» مشروبك   pepsi
?? ??? ~
My Mms ~
افتراضي

البارات الحادي عشر
بيت سمير
بعتب ام محبه : يعني يابنتي لو مااجيتك انتي ما بتجي عندي؟
بحياء : الله لا يحرمني منك ...بس انا مقدر اجي وحدي وقدني استحي من علي كل شيء عليه عادني ازيد ارمي حملي عليه !
بقلة حيلة : الله يصلح لك زوجك بس ...وفاء كل جمعة وهي عندنا الا اذا هي مشغولة او عندها اختبار
بضيق من المقارنه الدائمة : يمه اصابع بنانك ما تتساوى ...بعدين سمير مش فاضي يالله يلحق على شغله ويروح يرتاح وماكون اشتي اشغله فيني وبخرجاتي
بتيرجه وتهكم : الله اكبر ...ماهو الشغل هذا الذي ما يخليه يتنفس ؟ ما كلهم متوظفين ويقضوا حوائج بيوتهم الاهو مدري كيفه !
في محاوله لتغيير الموضوع الذي يرهقها : المهم خلينا منه الان ...ايش اخبار زياد ليش ما جبتيه معك ؟...والله اني فاقده له قدلي كثير منه
: والله كان نفسه يجي معي بس بكرة معه اختبار وقال بيروح يذاكر مع صاحبه ...بس تعرفي ايش قال لي ؟
: اكيد ارسل لي بوسه مع سلام
:لا قد راحت عليك حتى ماذكرك ...الا يقول جيبي سباء معك والا ما ترجعي البيت من غيرها
: هههههههه الله يقطع ابليسه ماعاد لي كرت عنده من يوم جت هذه المقصوفه
: تشتي الصدق كلنا نحبها اكثر منك اصلاً ما شاء الله عليها تنطرح على الجرح يبراء
:الله عليكم بس يالله فديتها بنتي ...الله يحفطها لي ..خليني اقوم اجهز لها غيارات عشان تأخذيها معك
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛
في بيت ابو سيف
ابو سيف : مسكين سيف ماعاد هو طايق نفسه من يوم ماراحت مرته بيت ابوها
ام سيف : هههههه الله يعينه ما يقدر حتى يروح عندها توحمت عليه كل ما شافته رجعت ...يالله بتعدي الايام بسرعه وبتبقى ذكريات
يدخل عليهم وامه تحدث اباه ويسمع نهاية حديثها :ايوه بتبقى ذكريات بعد ما تكون روحي قد خرجت
بخوف : بسم الله عليك وعلى روحك ياولدي....كثير حريم يصير لهم كذا
عايدة : ما جاءت الا على سيف والله اني راحمتك ياخوي
بنظره متفحصه متهمه : راحمتني والا ضايقه مني ومن شغلي؟ قدنا داري بخباياك
بزعل واضح في نبرات صوتها :الله يسامحكم كلكم ظالمين لي ...بس يالله خلي هذا الشهر يعدي وبترجع سناك وماعاد اشتي اشوف وجهك قدامي
بضحكه ابويه خالصه :هههههههه ...هذا ما جنته براقش على نفسها
يقوم سيف ليطبع قبله علي راس عايدة: انتي الاصل والبركة ...انا امزح معك بس
: عادي قدني صابره عليك شهرين ماعاد يضرني الباقي ...بس صدق قد سناء احسن امس لمن رحنا عندهم قالت ان الوحام خف عندها كثير
: ايوه ياولدي ... الحمد لله قدها بتخلص الرابع زيد خليها اسبوعين ورجعها
: ان شاء الله ...الله يصبرني لذك الوقت
ابو سيف : يلا انا رايح العمل ناقص شيء اجيب معي بعدين
سيف :اصبر يبه انا خارج معك يلا مع السلامة
: الله معاكم ما نشتي الا سلامتكم
مع السلامة اذكروا الله
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛
بعد ساعات
؛؛
؛؛؛
؛؛؛؛؛
: وين بنتك قومي جهزيها قد علي بيجي بعد شويه
: يمه هذه الزيارة ما تحسب لانها الصباح انا اشتيك تجي عصر نجلس سواء
: والله يابنتي الصباح احسن علي الاقل الوقت اطول من العصر
: يلا الله معاكم ...هاتيها ابوسها اول ..وهي تضم ابنتها الي صدرها : تروح سباء حبيبي مع جدة عند خالوا زياد ؟
بفرحه طفوليه : اوه الوح عند اياد واحليك وهدك " ايوه اروح عند زياد واخليك وحدك "
: ياربي بموت انا منك خذيها يمه قبل اكلها ... يمه خلي بالك منها ولا تخليها تزعج ابي وبكره خلي علي يرجعها
: تمام ان شاء الله ما يصير الا كل الذي يرضيك ...يلا في امان الله
: الله معكم مع السلامة
دخل في هذه اللحظة علي للسلام على وضحى وبعد السلام : ها بتجي معنا حبيبت خالها ...هاتي يمه انا احملها ...تعالي سباء عند خال علي ...يلا مع السلامه
:بحفظ الله
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛
بعد كم يوم
؛؛
؛؛؛
؛؛؛؛؛
وهي ترى اثار ضربه لاختها : انا مش عارفة على ايش صابره عليه ياختي اطلبي الطلاق وخلصي نفسك من هذا العذاب وارتاحي
وضحى: ياقلبك الواسع ...وتعتقدي اني لو طلبت الطلاق بيطلق بالساهل هذا استاذ ابليس في الخبث يدور كيف يأذيك بكل شيء وكيف يستفيد منك ....وانا ما حيلتي ولا حاجة ماعاد طرح لي شيء حتى ذهب العرس بعت نصه في ولادت سباء والباقي بعته على دفع كل ما احتاج شيء ابيع منه لانه سمير يصرف كل فلوسه على البلا الذي ياكله ....وبعدين انا وراي اثنين سباء وهذا الذي ببطني الدكتوره تقول 80% ولد والله اعلم ...وين تشتيني اروح انا وهم اذا تطلقت ...يعني رغم عيوبه الا انه يبقى فاتح لنا بيت ويصرف علينا حتى لو يقصر بحقنا بس احسن من ما فيش وان شاء الله يتعدل
وفاء: والله ذيل الكلب عمره ما يتعدل ...بس اذا الوضع عاجبك بكيفك والا بيت ابي موجود وامي عادها تعيش الحمد لله
: انا حتى شغل ما اقدر اشتغل بشهادة الثانويه باعيش من وين انا وعيالي وانتي تعرفي ابوك كيف يحب القرش اكثر من نفسه
بضيق على حال اختها : والله ما اقول لك الا خير بس كيف بتعملي ؟
بعد تنهيده حاره : خليها على ربك وهو مابيضيعنا ...وبصبر لبعد مااولد ويصير خير بعدها ....يمكن هذا الولد يكون فاتحة خير علينا وينصلح حال ابوه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛
نهاية البارت الحادي عشر
ويارب احصل ردود تشرح خاطري
ودمتم بالف خير
المحبه لكم اسماء


اسطورة ! غير متواجد حالياً   رد مع اقتباس
قديم 11-08-15, 06:40 PM   #14

اسطورة !

نجم روايتي ومشرفة سابقة وفراشة متالقة بعالم الازياء

alkap ~
 
الصورة الرمزية اسطورة !

? العضوٌ??? » 120033
?  التسِجيلٌ » May 2010
? مشَارَ?اتْي » 15,367
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » اسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond repute
¬» مشروبك   pepsi
?? ??? ~
My Mms ~
افتراضي

البارت الثاني عشر
بيت سيف
وهو يضمها اليه : والله كنت بموت وانا وحدي والا بجن كنت كل ما دخلت الشقة اشوفك قدامي بكل مكان... ريحتك...ملابسك...كل شيء كان يذكرني فيك لحد ماحرمت اطلع الشقة ...حتى ملابسي وادواتي رجعتهم غرفتي القديمة ببيت ابي ...الله يسامحك بس ....بهذلتينا ياشيخة
وهي تدفن نفسها بين احضانه : هههههههه ..... هذا عشان تعرف قيمتي وما تستهين فيني ...لكن تشتي الصدق والله كنت ساعات افقدك قوي واقرر ارجع حتى لو اني متوحم عليك بس ارجع ابطل واقول بعيدة محبوبة ولا قريبة مكروهة
:ههههههههههه.... بهذه صدقتي لانك كنتي بتكرهيني بنفسي وانتي كل ما شفتيني والا شميتي ريحتي رجعتي
: الله لا يعيدها من ايام ...بس والله انها ذكريات حلوه
؛؛؛؛؛؛؛؛؛؛؛؛؛؛؛؛؛؛؛؛؛؛؛
بعد شهرين
؛؛
؛؛؛
؛؛؛؛؛
بيت سمير
: ايش رايك ياوفاء تجي عندي في ولادتي لاني ما اشتي اروح بيت ابي اولد ولازم يكون معي احد في الايام الاولى
:والله ؟....من صدقك انتي تشتيني اجي عندك ...والوحش حقك نسيتيه ...لا ياعمري انا مش بايعه نفسي عشان اجي اجلس عندك
بصوت باكي والدموع تترقرق في عينيها :لا حول ولا قوة الا بالله ...انتي ما تشتي تجي عندي ...وامك ماتقدرش تسيب بيتها وزوجها ...وابوك قد قال مرة واحدة تكفي يعني ايش بيدي اعمل ....اموت نفسي وارتاح واريحكم ؟ وعلا صوت نحيبها
تقوم لتحضن اختها : بعيد الشر عنك ...بس انا عندي حل يرضي الكل
وما زالت الدموع في عينيها :تحفيني بالحل المثالي الا انا ما قدرت اوصل له يمكن ينفع
: ياعمري انتي ...شوفي ....سباء نخليها عند امي طول فترة نفاسك لحد ما تقدري تقومي على نفسك ..وبما انك مرتبة لنفسك وحدة تجي عندك وقت الولادة فخلاص هي بتولدك ...وبعدين انا بكون اجي عندك كل يوم النهار ارتب شؤونك واشوف ايش يلزمك وارجع بيتي ...ها ايش قلتي ؟
: والله حل حلو ...بس كم بتجلسي على هذا الوضع ؟ بتتعبي
: يعني اسبوع ... عشر ايام ...عادي لانك بعد كذا بتكوني تقدري تعملي شغلك وانا ما بقطعك بكون اجي بين الفترة والثانيه اعمل الشغل الكبير ...الكنس وغسل الثياب ...وسباء عادي تتأخر عند امي كم ما تشتي
: خلاص تمام ...مع اني ما كنت اشتي سباء تكون عند امي اخاف ابي يتضايق
: يتضايق والا يكسر راسه بالجدار ...ايش نعمل له يستحمل
: استغفر الله ...ما يجوز تقولي على ابوك كذا مهما يكون هذا ابونا الذي تعب عشانا ...يلا استغفري ربك
: استغفر الله العظيم من كل ذنب عظيم ....الا انتي متي بتولدي
: اعتقد في هذه اليومين الله يخارجني بس ويسهل لي
: ان شاء الله يلا انا مروحة قد سعيد خارج ينتظر وسامحيني لو انا ضايقتك والا زعلتك ...وتتقدم لتقبل راسها
: لا عادي ....انا عارفة انك ما تقصدي ...يلا الله معك وسلمي على بيت عمك
: الله يسلمك ..يلا في امان الله
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛
في بيت اوس
سناء : ياربي على ولد وضحى ...عمري ما شفت ولد زيه ما شاء الله عليه ...عادعمره شهرين بس وربي يجنن واحلى حاجة فيه عيونه ما شاء الله عليهم مرة حلو ..ان شاء الله بنتي تكون كذا حلوة وتأخذ العقل على قول اخواننا المصريين
ام سيف : أي طالع لابوه الله يحفظه ...بس وضحى كاسرة خاطري صح وفاء كل كم يوم تروح عندها وتقول انها طيبة ..بس احسها تاعبة مدري فيها شيء ...قبل كم يوم لمن شفتها اوجعت قلبي
عايدة : أي والله صدق تشوفي بعيونها التعب والارهاق مدري الحزن ..الله اعلم وحده ايش فيها... يلا الله يريحها ....الا وين وفاء ياسناء مانزلت معك ؟
سناء : راحت عند امها قالت بتمر وضحى وبتروح معها بيت ابوها
ام سيف : الله يريح قلبها مثل ما تحاول تريح قلب اختها ....قومي يابنتي شوفي وين ابوك واخوك وجيبي لهم شاي وفطائر
عايدة : على امرك الان بقوم اودي لهم
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛
في بيت سمير
وضحى: والله تعبت ياوفاء وما عادني قادرة اصبر ..تصوري قد وصل فيه الامر يضربني على الطالع والنازل من غير سبب .. ويجلس بالايام ما يروح البيت ما ادري عنه شيء ولا وين ارضه من سماه
وفاء: احسن فكة من مكة .. فكة من وجهة النحس
وضحى: على قولك ...بس انا استخرت ربي ونويت اقول لابي كل حاجة واروح انا والاولاد عندهم ويحلها الف حلال
وفاء : افضل حاجة سويتيها بحياتك...توكلي على ربك واستحملي ابي افضل من زوجك المنحوس هذا .. وعلى قول المثل نار ابوك ولا جنة زوجك
وضحى بحزن: أي والله على قولتك ...يلا بيكون سعيد قد رجع من المشوار ..وانا مابروح معك اليوم قد انا بكرة بروح لهم مرة وحدة
وفاء: يلا على كيفك ...اقول لامي ولا كيف ؟
وضحى : لا ماتقول لها حاجة انا بكلمها بنفسي
وفاء: اشوفك على خير مع السلامه
وضحى : الله معك ..مع السلامة
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛
اليوم الثاني عصر
دخلت وضحى بيت ابوها حاملة اولادها وتجر شنطة ملابسها خلفها
بجزع ام وقلب حنون : عسى ما شر ايش فيك ؟ ايش الذي صاير مالك كذا ؟وبعدين ليش جايبه ملابسك معك ؟ايش حصل بينك وبين زوجك ؟
تجهش ببكاء حاد دون ان ترد بكلمة واحدة على تسألات امها
: استغفر الله ...استهدي بالله يابنتي وقولي لي ايش حصل
: ما عادني راجعه له لو تقطعوني ...خلاص تعبت وما عادني قادرة استحمل اكثر ...كل ما قلت بيتعدل يزيد ينحرف
: ايش الذي حصل عشان تقولي كذا ؟ أي زوجين تصير بينهم مشاكل وتنحل .. وبعدين انتي ناسيه انه في ذمتك عيال بتشرديهم من ابوهم يعني عشان راحتك هذا سنة الحياة لازم المشاكل تقع وبعدين تنحل وكل شيء يعود لما كان ومحد معصوم من الخطاء
: البلا انك مانتي عارف ايش بقلبي ....وين ابي ؟ انا بقول لكم كل شيء من يوم ما تزوجته لحد الان وانتم احكموا
: لا حول ولا قوة الا بالله ...والله قلبي كان حاسس انك معذبه وما تبي تقولي ...الله يسامح الذي كان السبب ...يلا قومي توضي وصلي ركعتين وإهدأي ولمن يرجع ابوك واخوك يصير خير
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛
بيت سعيد
فجاءة بتنهيدة عميقة وبصوت هامس : لا اله الا الله محمد رسول الله ...استغفر الله العظيم ...اللهم اجعله خير يارب
: ايش فيك ؟خير ايش حصل ؟ فجعتينا الله يهديك
: ما فيني شيء ...بس حاسس انه اليوم بيصلح شيء ...ان شاء الله خير
:ان شاء الله ....اجلسي وخليني اتونس بسوالفك وخليها على ربك
تدفن نفسها في صدره وهي تتذكر حال اختها : الله لا يحرمني منك ياروحي
: ولا منك ياوفائي
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛
بيت ابو علي
بعد رجوع ابيها اخبرتهم بكل شيء منذ بداية تهاونه في الصلاة ثم انقطاعه عنها وتركه العمل بسبب كثرة غيابه حتى ادمانه المخدرات مع شربه الخمروحضوره الي المنزل برفقت اصدقائه وصولاً الى ضربها واخبرتهم انها بعد ان فاض بها الكيل وبعد ان اذاقها طعم السياط واللهب جسدها بكل صنوف العذاب اتت اليهم مستنجدة بهم
وهي تبكي : اسألك بالله يابي ما تردني له ...والله ما شفت يوم مريح من يوم ما تزوجته وكل يوم اصبر نفسي واقول يابنت اعقلي دائماً البداية صعبه وبيتغير ...ارحمني يبه الله يخليك... وماعاد ترجعني للعذاب عنده
ابو فضل بحزم : ما فيش عندي الان كلام لازم نسمع الطرفين ...بشوف ايش عنده وبعدين نشوف كيف نعمل
وضحى بقوة من يتمسك بالحياة بعد ان ذاق الموت : والله ما عادني راجعه له ابداً هذا فاسق لا يخاف ربه ولا يخاف عباده ...والله لاموت نفسي لو تغصبوني ارجع له
وهي تبكي لبكاء ابنتها : اتقي الله في بنتك يافضل وخاف ربك بتسأل عنها يوم القيامة ...البنت تقول لك يضربها ومعذبها حياتها كلها وفوق هذا كله ما يصلي ولا يعرف ربه وانت تقول بتتفاهم معه
بغضب مكتوم : والله وصار لك لسان تردي عليا ياروؤفة
: هذه بنتي وانا خائفة عليها ليصير فيها شيء ونكون احنا السبب
واخيراً تحدث بعنفوان الشباب وحميتهم : اسمح لي يبه ... انا اختي ما بترجع له الا على جثتي ...والله ما عاد يشوف منها شعره هذا الكلب النجس... ولي معه حساب على كل اللي سواه فيها والا ماكون علي بن فضل
ابو علي باعجاب بشهامة ولده :الله يحفظك ياولدي مش كذا تنحل الامور ... ولا بالغضب والحميه تأخذ حقك
علي : باخذ حق اختي منه باي طريقة ... وبعدين ايش باقي عشان نسأله والا نشوف الامر واضح وضوح الشمس ولازم يكون موقفنا واضح وحازم
ابو علي: يصير خير دامكم اجتمعتوا عليا ....بكلمه يطلقها والله يقدم الذي فيه الخير
تقوم لتقبل راس ابوها : الله لا يحرمني منك ويطول بعمرك ياتاج راسي
تطلقت وضحى بعد مرور شهرين وبعد اخذ وعطاء وتحكيم ومشارعه مع زوجها وهي عند ابيها منذ حضرت اليهم وكانت متعلقة بأولادها لا تفارقهم ابداً وكانت تشعر بستثقال ابيها لها وانزعاجه من اولادها فكانت تحاول ان تبعدهم قدر المستطاع عن اماكن وجوده حتى لا يزعجوه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛
يجلس في مكتبه وضع راسه بين يديه
" يارب ماكون انا السبب بظلمها ... والله ماكنت اشتي لها الا الافضل وماجاء في بالي حتى واحد بالمية اني راميها هذه الرميه ... يارب سامحني وعسى الضرب اللي حصله هذا الكلب من علي واصحابه يكفر عننا ماجنيناه عليها ... يالله ماعادني قادر اشوفها قدامي ... كل ماتقع عيني عليها والا على عيالها يزيد حزني وغبني واحس اني عاجز عن محو لمحة الحزن والالم اللي في عيونها ... انا لازم ازوجها عشان تنسي الاول وتبداء حياتها من جديد ... بس يارب تطاوعني هي وامها "
نهاية البارت الثاني عشر
ودمتم بخير
المحبة اسماء


اسطورة ! غير متواجد حالياً   رد مع اقتباس
قديم 11-08-15, 06:41 PM   #15

اسطورة !

نجم روايتي ومشرفة سابقة وفراشة متالقة بعالم الازياء

alkap ~
 
الصورة الرمزية اسطورة !

? العضوٌ??? » 120033
?  التسِجيلٌ » May 2010
? مشَارَ?اتْي » 15,367
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » اسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond repute
¬» مشروبك   pepsi
?? ??? ~
My Mms ~
افتراضي

البارات الثالث عشر
في بيت اوس
وفاء: يالله كيف الوحام تعب طول الوقت وانا نوم
سناء: احمدي ربك انك نوم بس وما كرهتي سعيد
وفاء : الحمد لله ...ما كنت بقدر انام وانا بعيد عنه قد تعودت اكون جمبه
وضحى بضحكه : جمبه والا في حضنه وانتي الصادقة ؟
وفاء وقد احمرت خجلاُ: بس ياقليلة الادب ...صدق انك ما تستحي
سناء وعايدة :هههههههههههههههه
سناء : قد هي باتوفي السنتين من يوم تزوجت وهي على ماهي تستحي لمن نذكر سعيد وعاد انتي زيتي بها
ام سيف : مالكم دخل في بنتي خلو لها حالها ...وبعدين الحياء زينه المراءة وتاج راسها
عايدة : بس زي وفاء ما قد شفنا
سناء : والله صدق ما قد شفت زيها ....اقول وضوح خلي اليوم سباء عندنا وبكره انا رايح بيت ابي برجعها معي
وفاء بسرعه : لالالا واللي يرحم والديك مالي خلق احد صدق اني احبها واموت فيها بس مالي خلقها هذه الايام
وضحى: الله اكبر عليك ...من قال اني بحطها عندك ...اصلاُ انا مااقدر انام الا وعيالي في حضني والا النوم يجافيني وما يقرب صوبي
ام علي : سبحان الله ....بهذه صادقه والله اني احالفها تخليهم يناموا عندي في الغرفه اذا ابوها مش موجود وما ترضى تقول يمه والله ما يجيني نوم وهم بعيد مني
وضحى : الله يطول لي في اعمارهم والله انهم الهواء الذي اتنفسه وما ارتاح الا وهم معي من غير رضاي لو ماهم قدام عيني مدري كيف ابقاء وتجيني الهواجس وتركبني الهموم كلها
ام سيف : الله يحفظهم لك ويعوضك فيهم يابنتي على حياتك وشبابك
الجميع : آآآآمين
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛
في الليل بيت سيف
: بكره ان شاء الله بتوديني بيت ابي عشان الولاده
: انا ما صدقت على الله تجي عندي وقدك بترجعي عندهم
: الان يفرق ...تقدر تجي كل يوم والا حتى لو تشتي تنام عندي مسموح
وهو يحتضنها : والله ماقدر افارقك لو كنتي تشوفي حالي وانتي هناك بترحمينا ايش رايك تولدي عندي وانا والله لعمل لك كل شيء
بدلع واضح : سيوفي قد اتفقنا على كل شيء ايش الذي تغير الان ؟
: تغير إني ماكنت عامل حسابي انك بتجلسي بعيد عني ثلاثة اشهر ....وتغير كمان إن الاتفاق اوبرم وعادنا ما جربت فرقاك ...اما الان ما اقدر والله العظيم ما اكذب عليك
وهي تدفن نفسها في صدره : سيوفي لو سمحت هي كلها شهر ونص وبرجع وبعدين انت تقدر تجي كل يوم عندي ...ها ايش قلت ؟
: قلت انك انانية ...والله حتى ابي يلاحظ كيف اتغير بس ايش اعمل امري لله منك ومن دلعك ...تعرفي اني مقدر ارد لك طلب وما ترحمينا
:احبك يااحلا زوج في الكون ...يلا بقوم اجهز ملابسي
: ايوه العبي على بكلمتين والا بالصدق انا الذي احبك مش انتي الذي تحبينا ....بس مابوديك بكره خلي ادواتك جاهزين متى ما جاءت الولاده اخذناهم معنا ووديناك المستشفى ورجعناك بيت ابوك
: على امرك حبيبي ...تسلم لي ياغالي
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛
قضت سناء فترت نفاسها في بيت ابيها وكان سيف تقريباً كل يوم يمر عليها وعلى ابنتهما شهد
ومحمد راضي عن نفسه و زوجته التي قبلت راضية ان تعيش مع اهله بعد زواج سناء
اما وفاء فقد عدت مرحلت الوحام وهي سعيدة بحملها
ووضحى تعيش في ترقب دائم وخوف على ابنائها من ان يظهر ابيهم ويأخذهم منها او ان يغصبها ابوها على الزواج مرة اخرى
وعلي الان في اول مرحلة من الثانوية ويعتبر رجل البيت فكل شيء على عاتقه
اما زياد فيدرس في الصف السادس وسعيد بوجود وضحى واولادها عندهم
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛
بيت ابو علي
: اليوم جاء خاطب لوضحى وهو متزوج بس مرته مريضة وهو عاده في قوته ويبيله مره ....وانا نفسي ازوجها وارتاح انتي داري ان البنات هم وعاد هي معاها عيال
: حرام عليك انت ما ترحم البنت عادها متأثره من زواجها الاول وانت تشتي ترجمها لتجربة ثانية الله اعلم ايش عواقبها
: انتي قولي لها وشوفي ايش بترد عليك ..وبعدين انا ما قلت بغصبها تتزوج
: وايش معنى انك كل يوم والثاني جايب لها عريس مالها الا شهرين من خلصت عدتها وشوف كم عريس قد جبت
: ايش اعمل لهم يجوني يخطبوا وانا اقول لكم لا ادور لهم ولا شيء
: يلا خير بروح اكلمها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛
في غرفة وضحى
: وضوح يابنتي ابوك يقول جاءك خا...
تقاطعها : لا تكملي ولا شيء انا زواج ما افكر فيه الان الا اذا ناوين تغصبوني
: لا ما بنكرهك على شيء ما تبيه وانا قد قلت لابوك بس هو قال اسألك ...يلا تصبحي على خير ولا تكدري نفسك ولا شيء كل شيء بيصير على ما الله يقدر
: تصبحي على خير
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛
:ها ويش قالت بنتك؟
: قالت ماتشتي تتزوج ...وخلاص فكنا من هذه السالفة الله يرحم والديك
: لا حول ولا قوة الابالله ....متى بتعقلي انتي وبنتك ؟ انا مابدوم لكم على طول
: الله هو الرازق ومحد يموت جوع والا قبل عمره
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛
بعد اسبوع
؛؛
؛؛؛
؛؛؛؛؛
يعود زياد من الخارج راكضاً وبصوت عالي : يمه ....يمه ...يمه
: خير ايش فيك..... مالك كذا تصيح ؟
:يمه زوجة محمد ابن الحاج سالم اسعفوها المستشفى يقولوا يمكن ماتت
: لا حول ولا قوة الا بالله ....بسير اشوف ايش حصل ...بتجي معي ياوضحى ؟
: يلا انا وراك اسبقى وانا بتبعك
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛
بيت ابو محمد
: السلام عليكم .....خير ايش حصل ولدي زياد روح يقول اسعفوا مرت محمد
: وعليكم السلام ...والله ماني عارفه ايش حصل لها كنا جالسين بعد الفطور مع بعض قالت بتسير تتمدد مع ولدها الا محمد بعد نص ساعة يدخل عندها ويخرج حاملها ويقول مدري مافيها ما تتنفس وشالها المستشفى
: الله يجيب العواقب سليمة ان شاء الله مايكون فيها شيء
تدخل سناء : الله يسمع منك ياخالة
وضحى : من متى انتي هنا ياسناء؟
: اول ما محمد خرج مرته الا احنا واصلين والان سيف معه
بعد فترة صمت ليست قصيرة تدخل وفاء وهى متغيرة الوجه
: السلام عليكم
الجميع : وعليكم السلام والرحمة
تجلس بجوار وضحى وتهمس : اشتي اقول لك شي
سناء: مرت محمد فيها شيء ياوفاء ؟ قد هو باين من وجهك ومن جيتك المفاجاة
وفاء بنظرات الدهشة والمفاجاة : انا مش عارفة عن مرت محمد حاجة ...ليش ايش فيها ؟ انا جيت بيت ابي قالوا لي عندكم.... خير ايش حصل لها ؟
سناء : ولا شيء ...انا قلت ان عندك خبر خلاص بس
وضحى تحدث وفاء همس: ها مالك ايش عندك ؟
وفاء بهمس ايضاً : مرت محمد ماتت وتقاطعها وضحى بشهقه مكتومة ... الله يقطع ابليسك خليتيهم ينتبهوا لنا
: اسفه ...كيف بنقول لهم
: انا ما اشتي اقول لهم ...الان سيف خارج مع الحاج سالم بنخلي سناء وامها يروحوا المجلس وهم بيكلموهم ....تمام؟
وضحى وهي تنظر لسناء برتباك مما اثار تسألها : خلاص انا بكلم سناء وانتي قولي لامها
سناء : مالك ياوضحى ايش فيك؟
وضحى : كذا روحي شوفي من في المجلس ..صوت رجال ليكون محمد رجع وما قدر يدخل لاننا موجودات ...هاتي شهد وروحي
:بس انتي كيف عرفتي انه يمكن في رجال في المجلس ؟
: سمعت الان اصوات واجيه من هناك
وفي الجانب الاخر من الغرفة بعد خروج سناء
وفاء : ياخالة ...سيف في المجلس يشتي يكلمك
تقوم ام محمد بعجلة وخوف : خير ايش في ؟ الان رايحه له
وفاء : مافي شيء بيسلم عليك بس
: والله ان قلبي ناغصني الله يستر بس
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛
نهاية البارت الثالث عشر
ودمتم بالف خير
المحبة اسماء


اسطورة ! غير متواجد حالياً   رد مع اقتباس
قديم 11-08-15, 06:41 PM   #16

اسطورة !

نجم روايتي ومشرفة سابقة وفراشة متالقة بعالم الازياء

alkap ~
 
الصورة الرمزية اسطورة !

? العضوٌ??? » 120033
?  التسِجيلٌ » May 2010
? مشَارَ?اتْي » 15,367
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » اسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond repute
¬» مشروبك   pepsi
?? ??? ~
My Mms ~
افتراضي

البارت الرابع عشر
في المجلس
سناء تبكي بصوت مؤلم : يمه الحقيني مرت محمد ماتت ماعاد هي راجعه ياربي رحمتك فينا
سيف وهو يحتضنها :استهدي بالله يامرة الموت حق على بني ادم ...لا حول ولا قوة الا بالله ...اجلسي وين بتروحي ؟...اشششش خلاص البكاء مابيرجعها ترحمي عليها
تدخل الام عليهم وترى منظر سناء في حضن سيف وهي منهارة فتجلس مكانها دون حركه او كلمة فالصدمة الجمتها فيهرع اليها زوجها الباكي بصمت ويهزها : جواهر ...جواهر تسمعينا ...جواهر لله ما اعطى ولله ما اخذ مايجوز تعملي بنفسك كذا
وقد استوعبت الخبرتنظر لزوجها ثم تجهش بالبكاء: ان لله وان اليه راجعون ...يارب رحمتك ولطفك ايش الذي حصل لها فجاءة ؟
ابو محمد : قضاء الله وقدره ...قالوا انها جاءتها سكته قلبيه ...الله يرحمها الان احنا بنروح عند محمد وسعيد المستشفى وانتم ادخلوا عند الحريم
سناء وقد هداءت قليلاً: بتجيبوها هنا نشوفها ؟
ابو محمد : ان شاء الله ....يلا في امان الله
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛
في الداخل حريم الحاره كلهم عندهم فقد انتشر الخبر والذي تواسي والذي تبكي معهم
ام علي : عظم الله اجركم وصبركم على ما بلاكم وتغمدها بواسع رحمته
ام محمد ولا زالت تبكي :شكر الله سعيكم وجزاكم خير ...وين عيال محمد ما أشوفهم ؟
ام علي تشير الى ابنتها وضحى : مع وضحى
وضحى وفي حضنها بندر وبجوارها محمود وحنان وسباء :هم عندي ياخالة لا تقلقي ثم اردفت تقول اصبري ياسناء روعتي الصغار وهم مش عارفين ايش حصل وقومي شوفي بنتك نشف حلقها من كثر البكاء
سناء: والله ماني قادرة اصدق انها ماتت كذا في غمضة عين ان لله وان اليه راجعون ...وين شهد الان ؟
وضحى : مع وفاء داخل في الغرفة قالت بتحاول تسكتها روحي شوفيها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
كل ايام العزاء كانت وضحى تقوم بالواجب في بيت الحاج سالم لان ام محمد وسناء انهكهم موت كنتهم المحبوبة فقد كانت تقوم صباحاً تصفي منزل والدها ثم تذهب بيت الحاج سالم وتعد الطعام وتصفي المنزل وتعود بيتها ثم تحضر في العصر لتقوم بواجب الضيافه لمن حضر للعزاء وتقوم بتنظيف البيت ثم تعود بيتها وهكذا انقضت العشر ايام على ابطالنا بطيه مؤلمة حزينة ...وبعدها زادت علاقة بيت فضل مع بيت الحاج سالم تعمقاُ وتعلقت وضحى باولاد محمد فقد كانوا اغلب الوقت عندها يلعبون مع اولادها
هذه هي الدنيا موت وحياة ونشور وكذا الموت يأخذ منا احبتنا ويتركنا نتخبط في الظلام بحث عن النور ليضي لنا باقي حياتنا
ولكن الحياة تستمر فقد اودع المولى الرحيم بعبادة فينا نعمة النسيان فيتسنا لنا الاستمرار في الحياة كما كتب الله لنا وتستمر الحياة فبعد موت عزيز نحزن ونبكي ثم نعود لحياتنا من جديد فهذه سنة الله في خلقه لا تبديل ولا تغيير
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛
بعد كم يوم من وفات مرت محمد
كانت تتوسط ابنائها ترضع بندر من صدرها الايمن وتنام خلفها ابنتها سباء في غرفتها القديمة في منزل والدها والظلام والهدواء يخيمان على المكان ودموعها تتساقط تباعاً من مرارة مايمر على بالها من ذكريات آليمة فقد مر شريط حياتها امام عينيها
زهرة في الثامن عشر من عمرها تستيقظ صباحاً لتفاجأ بانه قد حان وقت قطفها وبعد شمها سترمى دون رحمة لانها قد ذبلت واصبحت لا فائدة منها........هذا هو حالها زهرة مليئة بالحيوية والنشاط ...طموحة ....محبة لدراستها ...وطالبة مجتهدة ومتفوقة ...لكن كل ذلك ذهب مع مهب الريح .....
اكملت دراستها ...نعم
فقد جاهدت ليكون عرسها بعد امتحاناتها لكن المرارة فيما بعد العرس كانت تعيش الليالي الطويلة وحيدة بين اربع جدران لا يؤنسها سواء مصحفها وسجادتها تبكي حالها وتشكي لمن لاينام ولا يغفو والناس نيام تتوالى الايام التي يتساوى فيها النهار بالليل فضوء الشمس يحجبها ظلم زوجها لها حتى صارت لا ترى النهار نهار ثم تنجب اول فرحتها لتظل منبوذه في بيت ابيها شهرين لتعود لتقابل بنفس الاسلوب التحقيري .......وماالذي كانت تنتظره؟
ان تكون اللهفة والشوق هما سيد الموقف لكن "عمر ذيل الكلب ما يتعدل "وتتفاجاء بالطامة الكبرى فزوجها المبجل لا يريد ابنتها في منزله فتصبح اللبوة الشرسة لتدافع عن ابنتها وتمنع يده من الوصول إليها تحبس نفسها مع ابنتها في غرفة صغيرة لايوجد بها سواء بساط قديم وفي احد اطرافها اسفنجة قد اكل الدهر فيها وشرب من قدمها طالما زوجها سكران لتسمع صراخه وسبه وشتمه لها بالذع الكلام وإن كان غير سكران فهي ايضاً لا تسلم منه لكنها تظل بجواره وتبعد عنه سباء ما ستطاعت ليس حبه فيه ولكن حباً في ابنتها وتمر الايام وتحمل للمرة الثانيه وتبشر بأن ماتحمله ذكر فتفرح وتظن ان الايام ستضحك لها ولهم وانها ستكون نهاية الماساة لكنها كانت تنسج احلامها بخيوط العنكبوت فسرعان ما تلاشت .......لقد زاد تبجح زوجها وكثرت طلباته وكثر بالمقابل مد يده عليها دون رحمة اوشفقة ووصل به الامر الى التشكيك فيها وفي نزاهتها ..........واختفائه الايام والليالي الطويلة وظهوره المفزع ليذيقها سياط الالم والعذاب الجسدي والنفسي حتى لم تعد تستحمل فلكل شيء حدود وحدود صبرها قد نفدت ولم يعد لها القدرة على الصبر اكثر فالطالما دعت ربها ان يهديه ويصلح امره ولكنها لا تملك القدرة على الصبر اكثر فكان الفرج ونالت حريتها اخيراً لتعود لمنزل والدها ولكنها تعود وفي رقبتها طفلين لهما متطلبات واحتياجات وهي تعلم ان اباها لا يحبذ ان يستضيفها عنده ليوم فما بالك بعمر كامل لذلك لم يكن امامها الا ان تعمل بجد ليل نهار لتصرف على نفسها وابنائها فعملت فترة في صنع الكعك وبيعه ولكن لم يفدها فقامت بأعمال الحياكة وصارت تخيط الفنائل والكوافي والفساتين الصوفيه للاطفال وتبيعها مما ادر لها المال الذي تستطيع ان توفر به احتياجاتها وابنائها ............
عادت الى واقعها بسبب حركت بندر فمسحت دمعتها وضمت ولدها الى صدرها : اعوذ بالله من الشيطان الرجيم كيف خليته يلعب على عقلي ويخليني اتمنى لو كنت مت بدل مرت محمد ...استغفر الله العظيم ..يارب رحمتك ...اعوذ بالله منك ياشيطان .... بقوم اصلي لي ركعتين اهدي نفسي وارجع انام
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛
بعد مرور سته اشهر
في بيت الحاج سالم
بحزن ام شفوق :والله يابو محمد انا حال محمد ماهو عاجبني ولاحال عياله لازم نشوف له حل
بقلة حيلة : ايش بيدنا نعمل له ما عاد هو محمد ابني الذي اعرفه لا يضحك ولا يبتسم طول الوقت مفسر الله يعلم وين عقله يوديه ويرجعه
: انا اقول لو نزوجه احسن ...تكون بنت عاقله تجي ام لعياله وتونسه وتخرجه من الكائبة الذي حاط نفسه فيها
:ومن هي الذي بترضى في واحد معه اثنين؟
:بنت فضل وهي معها اثنين كمان
:مطلقه ؟ ! ما نشتيش مطلقة قدك عارفة نظرت المجتمع للمطلقة نبسر له وحدة عادها بنت...والا ارملة
: ليش ما فيها المطلقة ؟لانكون احنا والزمن عليها ...ووالله انها بنت عاقلة وذكيه وملتزمة والظاهر إن البلا في زوجها ما هو فيها حتى ما شاء الله عليها ماتقدر تخرج منها خبر تقول الذي فات مات وما تبي تخرج اسرار ابو عيالها ...والله وحتى سناء تقول انها مناسبة لمحمد وقد عيال محمد متعلقين فيها قوي وقدك تشوف على نظرك محمود اغلب الليالي ينام عندها
: يصير خير شوفي انتي الحريم اول وبعدين نكلم الرجال رسمي
: ومحمد من بيفاتحه في الموضوع ؟....وبعدين انا سمعت ان البنت رافضة فكرة الزواج بس انا بكلمها هي ان هي موافقة كلمنا ابوها ولا خلاص لا نعمل لها مشكلة مع اهلها
: محمد خليه عليا انا بكلمه وانتي شوفي البنت وامها وبعدين يصير خير
:ان شاء الله ...انا اليوم بروح عندهم وبشوف ايش بيقولوا ...تمام؟
: تمام ...الله يوفق بينهم ويهديهم لبعض
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛
في بيت سيف
وبيدها ابنتها شهد : مدري مالها اليوم حامية وكل شوية ترجع
وفاء تحتضن ولدها ريان : يمكن انها بردت امس لمن روحنا في الليل
: يمكن ...بس كانت لابسه تمام
: الله يشفيها ...والله ان المرض باين عليها حتى ضحك ماعاد تضحك
: ايوه ...والا كان الان قد شغلتنا وونستنا ...الله يخليها لي ويشفيها اليوم من الصباح وانا ملله لانها مريضة ...ما شاء الله عليها تونسنا كلنا
: وانتي الصادقة ما يحبوها الا هي حتى بيت عمي لمن انزل لهم ريان مايفرحوا زي لمن يشوفوا شهد
:انتي والنتفه حقك ...تقارني بنت 8شهور بابن 3شهور حتى ما يضحك ولا يتناغى
: على قولك ... الا انتي داري ما يسميها عمي اوس
: ايوة يقول عصفورة من الجنة ...حتى ابوها ما يسميها الا كذا يقول انها من اهل الجنة يازعم مش زي الاطفال ....ما شاء الله عليها ما قد تعبتني من يوم ماجت الدنيا هادئة وقنوعة وحاذقة
:حتى سعيد لا شافها بباب الشقة سيب ريان وحملها يقول مدري كيف لمن يشوفها كانه شاف ملاك ...حتى وضحى والله كل ماكلمتني ماتسأل الا عليها تقول هذه البنت غير مش زي الاطفال ....الله يحفظها لك ويحميها من كل عين
: آآآآآآآآآآآمين ويحفظ كل اطفال المسلمين ...بقوم اتجهز على ما اخلص بيكون سيف قد رجع بنوديها المستشفى
: يلا باي انا بدخل شقتي وبرجع انزل تحت مدري مالها عايدة من يوم ما انخطبت وهي متغيرة ما عاد تطلع عندنا ولا تتكلم مع احد
: انتي عرفتي ان ام العريس ماتبيها لولدها وقد قالت لها انها والله ما تتهنى معاه وهي مش راضية عن هذه الزواجة
بدهشه : صدق؟ ...والله انها قوية مادخل عايدة تكلم ولدها والا تأكل سحيق وتسكت ...الله يعين عايدة عليهم الولد مصمم وشاري والام بايعه والله ناس عجب
: يلا تأخرت
: في امان الله
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
في بيت فضل
ام علي : ياهلا ...خطوة عزيزة ...نورت البيت يوجودك ...يامرحبا
ام محمد: منور باهله ...حياك الله ..كيفكم وكيف البنات؟
ام علي : الحمد لله يسرك الحال ..انتم ايش اخباركم ؟
ام محمد :الحمدلله على كل حال بس والله حال محمد مايسر عدو ولا صديق
: الله يفرجها عليه وعليكم ...ليش ما تزوحوه يمكن تصلح حياته
:والله عندنا هذه الفكره لكن محتارين بالعروسة ...وانتي دارية انه ماعاده صغير وعنده اثنين جهال من الذي بترضى به ؟
: ياعيب الشؤم عليك ...محمد بسم الله عليه رجال تتمناه الف وحده الشباب قبل الثيب ...ايش يعيبه رجال مصلي ويخاف ربه ...وما يهم العمر والعيال للذي يشتري رجال
:والنعم فيه ..بس تشتي الصدق انا وابو محمد نفكر ببنتك وضحى تكون ام لعياله وهو بيكون اب لعيالها ...ايش قلتي ؟
: والله ما اقول لك الا كل خير ....بس انتي عارفة ان وضحى رافضة الزواج نهائي وما ترضى احد يفاتحها بهذا الموضوع
: انا عارفة بس الله يخليك حاولي معها وان شاء الله يلين راسها وتوافق وانتي اضغطي عليها بالعيال وبيكون بيننا تواصل وبنصبر عليها للمن توافق ...ايش قولك ؟
:الله يقدم الذي فيه الخير ....انا بكلمها والباقي على الله
:تدخل وضحى : السلام عليكم ...كيف حالكم ؟ وين محمود وحنان ليش ما جبتيهم معك يلعبوا مع بندر وسباء
: وعليكم السلام ...مرة ثانيه بجيبهم اصلاً كانوا مع ابوهم مش موجودين في البيت
:هاه ...الله يخليه لهم ....كيف حالتهم بعد امهم ...والله انهم صعبانيين عليا
: الحمد لله ...هي حنان قد هي كبيره وتميز بس محمود صغير يعذبنا وهو يسأل على امه ...والله احيان ما اعرف ايش اقول له
: يلا انا استاذن برجع البيت
: عاده بدري ياخالة ما اذن المغرب
: لا يا بنتي بدري من عمرك اشتي اروح اجهز وضوء الحاج واتجهز للصلاة ...يلا استودعكم الله
: يلا مع السلامة
: في امان الله
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛
نهاية البارت الرابع عشر
اذا شاء الله وقدرت راح انزل بكره الجزء الخامس عشر
ودمتم بالف خير
المحبه لكم اسماء


اسطورة ! غير متواجد حالياً   رد مع اقتباس
قديم 11-08-15, 06:42 PM   #17

اسطورة !

نجم روايتي ومشرفة سابقة وفراشة متالقة بعالم الازياء

alkap ~
 
الصورة الرمزية اسطورة !

? العضوٌ??? » 120033
?  التسِجيلٌ » May 2010
? مشَارَ?اتْي » 15,367
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » اسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond repute
¬» مشروبك   pepsi
?? ??? ~
My Mms ~
افتراضي

البارت الخامس عشر
في بيت الحاج سالم
: ها قلتي لهم عن الخطبة ؟
: ايوه قلت لامها وهي رحبت بالموضوع ...بس متخوفه من البنت ترفض زي مارفضت الاولين لانها تقول قد كرهة الزواج من اصله وما يفرق عندها الرجال من يكون يكون
: الله يصلح حالها وان شاء الله ما يصير الا خير
: انا قلت لامها تشوف معها وإن احنا مش مستعجلين يعني لا تضغط على البنت ولا شيء تخليها على راحتها تفكر وان شاء الله ترضى حتى لو تأخرت
: ان شاء الله ...احسن عشان انا يكون معي وقت امهد الموضوع لمحمد
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛
في بيت فضل غرفة البنات
: الله يصلح حالك يابنتي ويرزقك ابن الحلال الذي يصونك
بضيق من دعوة امها : اوه يمه كم مرة قلت لك لا تدعيلي هذا الدعاء انا خلاص استكفيت من الرجال والله يخلي لي سباء وبندر ما عاد اشتي من الدنيا حاجة غيرهم
: يابنتي الزواج سنة الحياة ولو ماكان الرجل ضروري في حياة المرأة ماكانت امك تزوجت ....الله يرحم حالك ليني راسك قليل وشوفي نصيبك ومش كل الرجال سواسية اصابع بنانك ما تتساوى فيهم الصالح وفيهم الطالح
: اها فيهم الصالح وفيهم الطالح على قولك وانا كيف اعرفهم تجارب ما عادني حملها واحسن لي ابقى كذا
:يابنتي الله يحفظك توكلي على ربك واستخيري وهو اعلم منك ومني ...وبعدين انتي حتى ماترضي تعرفي من هو الخاطب عشان ترفضي والا لا على طول تقفلي الموضوع ...وتشتي الصدق انا قدني خائفة ابوك يرجع يغصبك على الزواج غصب وانتي تعرفي ابوك اكثر مني لو نوي شيء ما عاد يتراجع عنه وهو الان صابر عليك لانه يحس بتانيب الضمير لكن بيرجع صبره ينفذ وهذاك الوقت ما عاد بينفعك شيء
: لهذاك الوقت خليها على ربك يمه
: يابنتي في خاطب جاء عن طريقي وعاد ابوك مش عارف فيه اقول لك عليه وانتي فكري على راحتك ومتى ماقررتي قرار اكيد وقد استخرتي ربك تعالي قولي لي رايك وماعادني فاتحة معك هذا الموضوع مرة ثانيه ابداً ......ها وش قلتي ؟
:لا حول ولا قوة الا بالله ...هاتي ماعندك وخلينا نخلص من هذه السالفة التي واجعة لكم راسكم
: الخاطب هو محمد ولد الحاج سالم ....ويلا تصبحي على خير
: وانتي من اهل الخير
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛
ضلت وضحى تفكر في كلام امها طوال الليل وتوازن بين نفسها في ان تضل على خوفها من ابيها في ان يزوجها دون رضاها او ان تقبل بمحمد زوج لها فمحمد لا غبار عليه وهي تعلم انها في قرارنفسها معجبة به وبرجولته التي لمستها من خلال وجودها في بيت ابيه وابوته التي يحيط بها ابنائه وايضاً من حديث سناء عنه ومن مواقفه النبيلة المليئة بالشهامة والرجوله مع جيرانه ومعارفه ولكنها تعود لتقول لنفسها ربما كل ذلك غلاف خارجي سرعان ما ينكشف وما جوهره الا شيء اخر لا احد يعلمه ثم تفكر اذا كان ابوها سيزوجها كما تتنبى امها فافضل لها ان تقبل بمحمد فكما يقول المثل جني تعرفه ولا انسي ما تعرفه وهكذا كانت افكارها مشوشة حتى غلبها النعاس ونامت
؛؛؛؛؛؛؛؛؛؛؛؛
في بيت اوس
: خير يابنتي مالكم تأخرتوا ما قالوا لكم ايش فيها شهد ؟
سناء التي تحمل ابنتها : والله يمه ما قالوا شيء عملوا لها مغذي وفحوصات لان الدكتور قال ظاهرياً ما فيها شيء والنتائج بتطلع بكره ورجعنا روحنا
: يلا يصير خير كل الاطفال كذا يمرضوا ...الله يشفيها لنا ويقيمها بالسلامه ...وين سيف ما دخل ؟
: قال بيروح يشتري علاج للحمى وبيرجع يلا انا بطلع البيت مع السلامة
: الله معك يابنتي
؛؛؛؛؛؛؛؛؛؛؛؛؛؛
بعد ساعتين

وهي تبكي وابنتها في حضنها : والله ان قلبي ناقزني وحاسسه ان شيء كبير بيصير
: اذكري ربك وتعوذي من الشيطان هذا نغصات منه
:اعوذ بالله من الشيطان الرجيم ....لكن هذا الاحساس جاني ليلة وفات مرت محمد اخي ....الله يجيب العواقب سليمه ...خليني اقوم اصلي لي ركعتين وادعي ربي يشفي لي بنتي
: خفت الحمى قليل والا لا ؟
: الحمد لله خفت كثير والان قد هي نائم بطرحها واروح اصلي
: لا هاتيها لي وانا شويه واقوم بعدك
تخرج سناء الى غرفة اخرى لتصلي ماآراد الله لها ان تصلي وضل سيف هو وشهد يحدق النظر فيها وهي في حضنه والدموع تترقرق في عينيه : الله يطولي في عمرك يابنتي وما يحرمني ضحكتك في حياتي والله ان قلبي مقبوض عليك اكثر من امك الله يستر من بكره خوفي تشرق شمس بكره وقد طفت شمسي يارب رحمتك فينا اشفي لنا شهد ولا تفجعنا فيها يارب
؛؛؛؛؛؛؛؛؛؛؛؛؛؛؛؛؛
صباح اليوم التالي
في بيت فضل
والغضب ظاهر على محياه : ياهلا عادوه بدري ليش جبتي الفطور الان كنتي جلستي انتي وبنتك للظهر في المطبخ
: والله اسفه بس الغاز خلص وانا اخبز عشان كذا تأخرت ...ما دخل وضحى بالموضوع الله يحفظها عادها تساعدني
: المهم ...انا عندي قرار بيخلي بنتك تلين راسها وتتزوج
نويت اكلم طليقها يجي يأخذ اولاده انا مش مكلف اصرف على احد
وهى تمسك نفسها لا تبكي : يامقسى قلبك كيف بتهنى تؤديهم لابوهم وانت عارف كم هي متعلقه فيهم وما تقدر تفارقهم والله لا يصير فيها شيء والا تجن اذا اختفوا من حياتها
: انا ادرى بمصلحتها منكم اذا عيالها راحوا لابوهم هي بتشوف حياتها وبتتزوج وانا عارف هذا الشيء ومتاكد منه خلينا نخلص من الهم ونزوجها ونفتك
: الحين بنتك صارت هم ما نقول الا حسبنا الله ونعم الوكيل في العقلية حقك ....انت كيف تفكر ؟
فضل وقد تملكه الغضب امسك بيد رؤوفة من معصمها بشدة :انتي لا تدخلي ولا تعملي نفسك فاهم شيء ...من متى اصلاً كان لك راي انا بس قلت بأقولك عشان لا تتفأجيء بالموضوع بس مش اخذ رايك ...واقسم بالله اذا أي احد عرف بالموضوع ما تلومي الا نفسك فاهمه ...ثم رماها بعيداً عنه وهم بالانصراف
وهي تبكي بصمت لحال بنتها : متى بيجي يأخذهم هذا الذي ما يتسمى ؟
: متى ما شفت الوقت مناسب بأكلمه يجي يأخذهم خلينا اروح وراي عمل يامره ...مع السلامه
بهمس وبصوت باكي : لا حول ولا قوة الابالله ...الله يعصم قلبك يابنتي ويصبرك على مابلاك
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛
في بيت سيف
سيف : انا رايح العمل الان واذا صار شيء كلمينا
سناء : ان شاء الله مايصير شيء ...شهد الحمد لله قد راحت الحمى منها
: خلي بالك منها وما تتركيها وحدها هنا حتى لو نائم
: تمام لا توصي حريص ...يلا مع السلامه
يخرج سيف للعمل وتعود سناء لمزاولة اعمال البيت المعتادة وشهد ما تزال نائمة
تدق وفاء عليها الشقة بمرح : السلام عليكم ....وين شهودي تلعب مع ريان؟
: وعليكم السلام ....الحمى اهلكتها امس ما نامت الا بعد الفجر والان نائم
: انا نازله بيت عمي بتنزلي معي ؟
: ان شاء الله بكمل شغلي واقيم شهودي وانزل انا وهي ...انتي اسبقي وانا بعدين بتبعك
: يلا باي لا تتأخري ...والغداء عندهم تحت امس عمي قال نتغداء معهم
: تمام بصفي البيت وبنزل ما بتأخر
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
عايدة: ياهلا برياني حبيب عمته ياهلا بالمحمول
وفاء بزعل مصطنع : وانا يعني مرة اخوك مالي اعتبار ؟
: خلاص راحت عليكم من جو الصغار خلوا حياتنا كلها سعادة والله اني كنت احلم باليوم الذي يكون فيه اطفال في بيتنا
تدخل عليهم ام سيف الصاله
: ياهلا بالحامل والمحمول كيفك يابنتي هاتيه عنك
وفاء تمد ريان لعمتها : الحمد لله كيفكم انتم ؟
وتنظر الى عايدة : شفتي كيف الناس تحيي مش زي بعضهم
ام سيف وهي تلاعب ريان في حضنها : وين سناء وشهد ليش ما نزلوا معك ..... كلمتيها ان الغداء عندنا اليوم ؟
: ايوه كلمتها وقالت ان شهد قدها الحمد لله احسن قد راحت الحمى منها والان بتنزل بعد ما تكمل شغلها
وهم يتبادلون اطراف الحديث ويشربون الشاهي وينتظرون انضمام سناء لهم الا ويسمعون صراخ سناء المفزع
:شششششششششهد
؛؛؛؛؛؛؛؛؛؛؛؛؛؛؛؛؛؛؛؛
نهاية البارت الخامس عشر
ودمتم بالف خير
المحبة لكم اسماء


اسطورة ! غير متواجد حالياً   رد مع اقتباس
قديم 11-08-15, 06:43 PM   #18

اسطورة !

نجم روايتي ومشرفة سابقة وفراشة متالقة بعالم الازياء

alkap ~
 
الصورة الرمزية اسطورة !

? العضوٌ??? » 120033
?  التسِجيلٌ » May 2010
? مشَارَ?اتْي » 15,367
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » اسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond repute
¬» مشروبك   pepsi
?? ??? ~
My Mms ~
افتراضي


البارات السابع عشر

؛؛؛؛؛؛؛؛
؛؛؛؛؛؛؛؛؛؛؛؛؛
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
عادت الحياة الى مجاريها كما هي سنة الله في خلقه وبدأت سناء بالتأقلم على اختفاء شهد من حياتها ومن الوجود أكمل وكانت دائماً تذكر نفسها ان الأولاد زينة الحياة الدنيا وانها باحتسابها ابنتها عند الله ستكون شفيع لهم يوم القيامة وان الانسان لا ينفعه أولاده في الدنيا وان الله اختار شهد لجواره لتكون شفيعة لوالديها وان مرور شهر واكثر على وفات شهد كفيل بأن يمحي الالم الظاهر مع انه لا يمحي الحزن المتعمق في القلب
ومع اقتراب العيد
تجلس بجوار النافذة تشاهد الاطفال يجرون ويلعبون وتنتظر رجوع سيف
" انا عارفة ان الحزن والبكاء ماراح يرجعوا لي بنتي وعارفة ان الحياة ما توقف لموت احد لازم اكون قويه عشان سيف وعشان الي في بطني واهم حاجة عشان نفسي ,,,يارب قدرني واللهمني الصبر والسلوان يارب ....لازم اوقف مع نفسي وقفه جادة وارجع لحياتي زي ماكنت واقوى"
تمسح دمعتها سريعاً قبل ان يشاهدها سيف : وعليكم السلام ... ها اخبارك يالغالي
بحزن : الحمدلله عايشيين
: سيوف حبيبي لازم تكون اقوى من كذا شوف انا كيف انهرت وبالاخر الحمدلله اللي الهمني الصبر
: والنعم بالله ... والله ساعات احس اني بحلم وراح افيق منه ....للحين اسمع ضحكها في سمعي
: كلنا مثلك بس لله ماعطى وله مااخذ
: الله يحفظك لي يالغاليه... بدل مااكون انا اللي اصبرك صار العكس
: بالعكس لولا وقوفك جمبي الايام اللي فاتت الله اعلم كيف كان بتكون حالتي الان ... يلا روح بدل وانا بجهز المائدة ... اليوم طابخلك فحسة من اللي يحبها قلبك
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛
في بيت فضل
وضحى : يمه اشتي اروح اشتري ملابس للعيال ماعاد معاهم ملابس نظيفه للعيد
ام علي : خلاص بعدين العصر نكلم ابوك ونروح ان شاء الله احنا وعلي والا زياد
: ان شاء الله ...بس يمه اشتي اول نروح المحل الذي اتعامل معه يبيع لي الاعمال اليدويه اللى اصلحهم عشان اجيب له دفعه جديدة واخذ منه حساب الدفعة الاولى
: ان شاء الله ولا يهمك ....الله يسهل طريقها الذي علمتك هذه الحاجات عشان يكون معك مصدر دخل لعيالك
: امين ويوفقها وين ماكانت ....والله لو ما لقيتها هذك اليوم وعلمتني الله العالم كيف كانت بتكون حالتي انا وعيالي الان.... كنا بنكون عاله على ابي
: ربك كريم يابنتي وما يخلي احد وكل واحد ورزقه مكتوب له من اول ما يخلق
: والنعم بالله
بعد الغداء تخبر روؤفه زوجها على نيتهم بالخروج الى السوق فيطلب منها ترك الاولاد معه بحجة انه سيذهب بهم الى الحديقة كما وعدهم سابقاً
: وضحى يابنتي بنخلي العيال عند ابوك قال بيوديهم الحديقة لانه وعدهم
: مش ضروري يمه يؤديهم انا بؤديهم في العيد ما اشتيش اثقل على ابي ..... وبعدين انا اشتيهم يكوني معي
: بيرجع ابوك يزعل وبيأخذها في نفسه ...خليه يأخذهم هي كلها ساعتين وبنرجع ...ها اش رايك ؟
: على امركم مع ان قلبي مش مطمن لكن يلا خليه يأخذهم
تدخل سباء فرحة تركض الى امها :ماما ...ماما ...تتو قال يودينا حديقه يلا ماما معنا
وضحى تحتضن ابنتها : لا يا ماما انتم روحوا مع تتو وبترجعوا بس خليكم حبوبين وتستمعوا الكلام طيب حبيبة ماما ؟
تهز سباء راسها : تمام
: وما تزعلوا تتو وخليكم هادئين لو يصلح ما يصلح ....واخوك خليه جنبك على طول اوكه حبيبتي
: خلاص ماما مع السلامة انا أروح معهم
: امسكي يد اخوك وماتفلتيه يلا مع السلامة
احتضنت وضحى اولادها وكأنها تشعر انها لن تراهم مجدداً وكانت الدموع تترقرق في عينيها : الله يحفظكم لي ويرجعكم سالمين
كانت سباء في الرابعة من عمرها وبندر يصغرها بعام ظلت وضحى تنظر اليهم حتى اختفوا عن ناظريها
: يلا يمه ننزل السوق عشان نرجع قبل ما يرجعوا
: يلا الان بس أغلق البيت
: ليش وين على ؟
: قال بيروح يذاكر عند صاحبه وبيرجع المغرب
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛
في سيارة ابو على
: الوه ....ايوه السلام عليكم .....الاتفاق الذي كان بيننا اليوم التنفيذ
الطرف الاخر :....................
: لا انا ما عندي وقت ....بعد نصف ساعه نلتقي في حديقة ال ######.......ثم يغلق الهاتف وينظر الى الاولاد
: تشتوا تشوفوا ابوكم اليوم ؟
: ايوه ...ايوه
: بس ماما قالت ان بابا راح بعيد
: قد رجع وماما مش عارفة ...واليوم بتروحوا معه بيته تمام ؟
: بس ماما قالت ما نروح ولا مكان وحدنا
: اللهم طولك ياروح من ماما هذه اللى ما خلت شيء الا حذرتكم منه
: ايش تقول ياتتو ؟
: بتروحوا مع بابا حقكم مش لوحدكم وماما ما بتزعل منكم عادي اذا رحتوا مع بابا ......تمام ؟
بطفولة بريئة لا تعلم من كره الكبار شيء : تمام ...تمام
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛
في السوق
: مالك يابنتي شكلك تاعبة تشتي نرجع البيت ؟
: لا يمه ما فيني شيء بس احس اني قلقة على العيال ...والله يمه قلبي ناقزني اخاف يصلح لهم شيء
:ان شاء الله مايصلح لهم شيء ...وبعدين اتني تعوذي من ابليس وخلينا نخلص بسرعة ونرجع البيت
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛
يجلس فضل في الحديقة يلعب العيال وينتظر سمير
: هلا ... وينهم العيال انا مستعجل وراي عمل
: كلنا مستعجلين خذ عيالك وماعاد نشتي نشوف لك صورة
بحقد وكراهيه : والله ماعاد تشوفوهم ولا تسمعوا عنهم حاجة بخفيهم من وجه الارض ...وين الاوراق الخاصة فيهم؟
يمد فضل لسمير بظرف : داخله كل مايخصهم ...والان بيجوا العيال سباء وبندر خذهم وتوكل
يعود العيال الى جدهم فيسلمهم الى ابيهم ولكنهم يصرخون ويبكون فيقوم سمير بسحبهم بشدة من ايديهم
: لا ياتتو مااستي اروح مع هذا ...هذا لا حلو سكله يهوفني
: لا تتو اشتي ماما ياماما ....ياماما
:لا تتو ماما ....ماما ....ماما
وهم يصرخون ويبكون وينادون على امهم ولكن ابيهم وجدهم لم تحرك فيهم دموعهم شعرة واحدة وكلاً راح في طريقة
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛
في نفس اللحظه وقت وصول وضحى وامها البيت تمسك وضحى قلبها وتصرخ : اه اه اه يمه عيالي والله انهم فيهم شيء ...الله يستر يمه بس ...وبدأت دموعها بالنزول
ام علي وقد تذكرت نية زوجها في اعطائهم ابيهم : الله يستر يابنتي ...ادعي ربك يرجعهم لك سالمين ويحفظهم يارب
: اول مرة اسيبهم مأخذهم معي ما عادني تاركتهم لو يصير مايصير الله يرجعهم لي بس
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛
في بيت ابو سيف
ام سيف بحنية :روحي يابنتي ريحي نفسك من الصباح وانتي تلوي مع عايدة من محل الى محل
سناء : الحمد لله ما فيني شيء .....وبعدين احسن اشغل نفسي بدل ما اجلس اكل فيها..... والوحام هذه المرة احسن حتى ما احس اني حامل .....وبعدين كم عايدة معنا خليني اتعب عشانها والله انها تستاهل
عايدة :الله يخليكم لي انتي ووفاء ....والله اني احس انكم خواتي واكثر مش زوجات اخواني
وفاء : انتي اللي ما في منك اثنين .....من يوم جيت هنا وانا احسك اختي الثانيه مع وضحى
ام سيف : الله يديم بينكم المحبه يابناتي ولا يفرق بيننا
الجميع : أأأأأأأأأأأأمين
عايدة : الحمد لله ماعاد معي شيء قد جهزت كل حاجة عشان يجي العيد وانا مرتاحة
وفاء : والله انك قطيب عاد باقي للعرس 3اشهر
عايدة : كذا احسن اخلص من الهم واتفرغ للدراسه ...ما اشتي حاجة تشغلني عنها قد هي اخر سنة اشتي اجيب درجات حلوة زي كل سنة واحصل مرتبة الشرف
وفاء : الله بيعيننا ...احمدي ربك انك اخر سنة مش بتكوني مزوج وتدرسي في نفس الوقت مثلي
عايدة : الحمد لله له الفضل والمنه
سناء : انتي كنتي بتريحي نفسك وبلاها الدراسه ما بتعمل لنا ...انا ما درست الا الثانوية وخلاص ريحت نفسي
وفاء : قد الظاهر اني بوقف هذه السنة تعبت فيها قوي ....الجامعة مش زي المدارس تتعبك كثير
عايدة : لا ياهبلا الدراسة سلاح المراءة وبعدين قدك في الوسط بس شدي حيلك وكملي
وفاء : اصلاً من بيخليني اوقف ... سعيد حالف علي الا اكمل للنهاية وهو بيساعدني
عايدة : احمدي ربك وشكري نعمه غيرك يجاهد عشان يدرس
وفاء : الحمد لله عل كل شيء
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛
في بيت فضل
وضحى وهي قلقة جداً: تأخروا يمه قد هو بيأذن العشاء وهم ماروحوا
ماان انهت وضحى كلامها الا ويسمعون صوت السيارة في الخارج فتقوم رؤوفه فرحه : هذا صوت السيارة ...يعني وصلوا
يدخل فضل لوحده متجهم الوجه عابس :السلام عليكم
: وعليكم السلام
في ريب من مظهر ابيها : يبه وين عيالي ؟
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛
نهاية البارت السابع عشر
تمنياتي القلبة لكم بقراءة ممتعة
ودمتم بالف خير
المحبة لكم اسماء


اسطورة ! غير متواجد حالياً   رد مع اقتباس
قديم 11-08-15, 06:46 PM   #19

اسطورة !

نجم روايتي ومشرفة سابقة وفراشة متالقة بعالم الازياء

alkap ~
 
الصورة الرمزية اسطورة !

? العضوٌ??? » 120033
?  التسِجيلٌ » May 2010
? مشَارَ?اتْي » 15,367
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » اسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond repute
¬» مشروبك   pepsi
?? ??? ~
My Mms ~
افتراضي

والله تعبت كثير واستنزفت كل طاقتي عشان اكتب هذا البارت يارب ينال على رضاكم من حيث قوة المشاعر واني وصلت احساس وضحى بلي صابها
اتمنى لكم قراءة شيقة ... هو صح حزين بس هانت باقي القليل وتفرج اصبورا معنا وراح نسعدكم
البارت الثامن عشر
في بيت فضل
وضحى وهي قلقة جداً: تأخروا يمه قد هو بيأذن العشاء وهم ماروحوا
ماان انهت وضحى كلامها الا ويسمعون صوت السيارة في الخارج فتقوم رؤوفه فرحه : هذا صوت السيارة ...يعني وصلوا
يدخل فضل لوحده متجهم الوجه عابس :السلام عليكم
: وعليكم السلام
في ريب من مظهر ابيها : يبه وين عيالي ؟
بغضب وعنف : وينهم يعني انسيهم خلاص بح ......قد راحوا لابوهم مش راجعين لك ابداً....انسي انك معك عيال وشوفي حياتك وتزوجي وبتجيبي غيرهم
طوال الوقت ووضحى وامها فاتحات عيونهم دهشة من الكلام الذي يقال امامهم وكانه فلم رعب او كابوس من كوابيسها المرعبة التي تراودها الايام هذه وما ان انهى فضل حديثه الا وتسقط وضحى باكية وتنادي اولادها
ام علي تحتضن وضحى وهي تبكي معها : حرام عليك قتلتها الله ينتقم منك
وضحى وقد جن جنونها قامت الى ابيها وهي تبكي وتضرب صدره بشدة : انت ظالم مافي في قلبك رحمه وين وديت عيالي ؟جيبوا لي عيالي ...سبـــــــاء ...بنـــــدر ....وينكم يمه وين رحتوا وخليتوني وينهم عيالي وتسمع شهقاتها وبكائها وقد انهارت تحت اقدام ابيها وتهذي دون تركيز لما تقول : وين وديتهم ...جيبتهم لابوهم ...ليش هو عرف عنهم حاجة 3 سنين ماهو داري وين ارضهم من سماهم 3 سنين وانا تعبانه معهم ومحد منكم له دخل فيهم 3 سنين وانا كل يوم ساهره الليل بطوله اخيط الصوف والحرير عشان اصرف عليهم
والان ولد ابليس عرف ان عنده عيال ليش عشان يحرق قلبي عليهم ما كفاكم الا جاني منكم الله ينتقم منكم ويأخذ حقي الله يجازيكم على اعمالكم حسبي الله ونعم الوكيل حسبي الله ونعم الوكيل حسبي الله ونعم الوكيل وظلت هكذا تصرخ وتهذي طوال الليل
ابو علي بقسوة ظاهرة عليه عكس ما في قلبه من حزن على فلذة كبده واول فرحته في الدنيا لانه لم يعد قادر على استحمال الالم : سكتي بنتك وخلوني انام وراي شغل بكره
علي الذي يشعر انه مكتوف اليدين لا يستطع عمل شيء لاخته المحروق قلبها على اولادها وهو يصر على اسنانه غيضاً :هذا عملك يبه ...الحرمه الظاهر انها جننت ....فستحمل ما جاك
ينظر فضل لاولاده بغضب ثم يتركهم ويذهب لينام بعد ان اغلق باب غرفته يجلس على حافة السرير واضع راسه بين يديه يخفي دمعته المتحدره على خده
" يارب الهمها الصبر ايش سويت فيها الظاهر اني بدل مااكحلها عميتها .... يارب لطفك ورحمتك نرجوا.... يارب امسحهم من قلبها ونسيها غلاهم ... يالله انت اعلم فيني وعارف اني ماسويت كذا الا عشان ماتدفن نفسها بالحياة ... يارب ماكون ظلمتها ... الله يعصم قلبك ويرزقك الصبر والثبات "
؛؛؛؛؛؛؛؛؛؛؛؛؛؛
ام علي تنظر لابنتها وهي تبكي : حسبنا الله ونعم الوكيل ....الله يلهمك الصبر ويعصم قلبك يابنتي ويش بيدنا نعمل لك ...الله يصبرك على ما بلاك
اما زياد فكان يبكي لبكائهم دون ان يعلم مالذي حصل واين ذهبوا اولاد اخته
يحتضن اخته التي انهكها البكاء والصراخ برجوله متكتفه امام ابيه لانه ببساطه مايقدر يعمل له شيء : اصبري ياختي ...والله بيعوضك خير منهم وعسى ان تكرهوا شيء ويجعل الله فيه خير كثير محد يعرف وين الخير له ..... يمكن فيها الخيرة لك ولهم ....وعلى ذمتي أجيبهم لك اذا الله أراد و أحيانا من تحت الارض والا من فوق السماء ولو بعد سنين وهذا وعد في ذمتي لك
وهي في حضن اخيها وقد استسلمت للتعب وتبكي بصمت : اخذوهم مني .....اخذوا حياتي ....اخذوا عيالي ياعلي .....لمن اعيش الان ...انا كنت عشانهم صابرة ومستحملة كل شيء بس لجلهم ...الان ايش فايدة حياتي ....الله يأخذني وارتاح من يوم ما وعيت لدنيا وانا بجحيم الله يأخذني يارب
بحنان وحزن على حال اخته : لا حول ولا قوة الا بالله ...ما يجوز تدعي على نفسك بالموت وانتي انسانة مؤمنة وحافظة لكتاب الله وعارفة ان الانسان مبتلاء و على قدر دينه يكون بلائه ...اصبري ولازم ربي بيفرجها ...إن مع العسر يسرى ...ودوام الحال من المحال ....بتتغير حياتك وبتصير افضل من الان ان شاء الله
:ما عاد اشتي شيء من الدنيا ...وين بتصير افضل ...وانا عيالي مش عارفة وين هم.... وايش عاملين....وكيف بيعيشوا من غيري ...ومع من ...مع ابوهم الذي ما يعرف ربه كيف بيعيشهم ....وتعود لبكائها مرة اخرى
: ربك كريم يجعل بعد كل عسر يسر اصبري وتوكلي على ربك وما بيخيب رجائك ...و خلي ببالك قولهم
ضاقت فلما استحكمت حلقاتها
فرجت وكنت اظنها لا تفرج
؛؛؛؛؛؛؛؛؛
صباح اليوم التالي
ام علي بحزن تحاول اخفائه : الوه ...السلام عليكم ..كيف حالك يابنتي ؟
وفاء : وعليكم السلام ...الحمد لله ...انتم ايش اخباركم
وبعد السلام والسؤال على الحال كما هو المعتاد
ام علي : تقدري اليوم تجي عندنا
وفاء : خير يمه ايش في ....ليش تشتي اجي وعادني قبل امس عندكم؟
اه علي بحيرة : والله يابنتي ماني عارفة ايش اقلك ...بس وضحى مريضة وانا اشتيك تكوني جمبها
وفاء : سلامات ايش فيها ....خلاص بكلم سعيد واخليه يمرني معه على الطريق عندكم
ام علي : لا تتاخرين ننتظرك ...يلا مع السلامة ...في امان الله
وفاء : في امان الله
؛؛؛؛؛؛؛
سعيد بقلق من مظهر وفاء الذي تغير : خير ايش فيها عمتي مكلمتك من الصباح ؟
بتوتر : تشتي اجي عندهم وضحى مريضة مرة
سعيد :يلا تجهزي ...وانا بسبقك بنزل اسلم على امي وابي واحمي السيارة ...لا تتأخري
وفاء : الان بقوم اللبس والبس ريان واتبعك
؛؛؛؛؛؛؛؛
في الاسفل في بيت اوس
يدخل سعيد ويقبل راس ابيه وامه : السلام عليكم يااحلى ابوين في الكون
ام سيف :وعليكم السلام ...ها ياوليدي كيف اصبحت ؟
سعيد : الحمد لله ...وين عايدة اليوم عنكم
ام سيف : راحت الجامعة
سعيد : بدري اليوم خرجت ...الا يمه انا بودي وفاء بيت ابوها عمتي اتصلت الان قالت اختها مريضة وتشتيها تجي
ام سيف بخوف : سلامات مافيها ...الله يستر ليكون شيء كبير اول مرة يقولوا لوفاء تجي عشان مرض
ابو سيف : الله معك ياولدي وطمنونا عليهم لا تنسى
سعيد: ان شاء الله يبه ...يلا مع السلامة بتنزل وفاء الان ...بروح احمي السيارة
ام سيف : مع السلامة ... الله ينور دربكم
؛؛؛؛؛؛؛؛؛؛؛؛؛؛
تدخل وفاء حامله بيدها ولدها وفي اليد الاخرى تحمل كيس فيه بعض الملابس : السلام عليكم
ابو سيف :وعليكم السلام ...هاتي ولدي اصبح عليه
وفاء تتقدم الى حيث يقف عمها لتمد له ريان : سم بالله ...ثم تردف قائلة : انا بروح بيت ابي مدري مالها وضحى مريضة
ام سيف : الله معك يابنتي ويشفي اختك يارب بلغيهم سلامي وطمنيني عليها
وفاء :ان شاء الله ...يلا مع السلامة بتبع سعيد قد تأخرت عليه
وتخرج الى السيارة مع عمها الذي يحمل ريان معه
؛؛؛؛؛؛؛؛؛؛؛
في بيت الحاج سالم
بقلق واضح : مدري مالها ام علي امس بعد العشاء كلمتها بس حسيت انها مشغوله مدري كيف يعني مش على عوايدها
ابو محمد : روحي اليوم عندهم وشوفي ايش فيهم ليكونوا يحتاجوا شيء والا مساعدة وما قدرت تقولك في التلفون
ام محمد : ما اعتقد محتاجين حاجة ...امس من كلامها حسيت إن في شيء كبير حصل لهم ....كانت كانها مشوشة التفكير
ابو محمد : الان الكلام بفلوس وبكره بلاش ...روحي وشوفي ايش معهم وريحي نفسك بدل ما تجلسي تاكلي فيها
ام محمد بقلق : الله يستر ...والله اني طول الليل مانمت جاني قلق ....يلا برجع اروح عندهم احسن اطمن عليهم وازورهم
ابو محمد وهو يهم بالخروج : الله معك ...يلا مع السلامة انا رايح العمل
ام محمد تقف لتوديعه : في حفظ الله
؛؛؛؛؛؛؛؛؛؛
تدخل بيت ابيها بترقب وفاء: السلام عليكم كيف البيت هدواء وينهم العيال
ام علي وهي تخفي ملامح وجهها : وعليكم السلام هاتي ريان وفسخي عبايتك
وفاء وهي تفسخ عبايتها وتقوم بتعليقها : وين وضحى وعيالها ايش هذا الهدواء عادهم للان نايمين ؟
ام علي تبكي بصمت وتقبل ريان وتشد من احتضانه : وضحى مريضة في غرفتها والعيال مش موجودين في البيت
بخوف واضح : يمه ايش فيكم ...مالك تبكي ...ايش حصل لعيال وضحى ؟
:ابوك امس انخف عقله خذ العيال وداهم لابوهم ...والان وضحى من امس كنها ميته لا تاكل ولا تشرب ولا تتكلم ...امس بكت لمن قالت بس وبعدين سكتت وماعاد لها حس نناديها ...نكلمها لكن لا حياة لمن تنادي ...والله ماني دارية ايش اعمل معها قلت اكلمك
وفاء وهي تبكي : حرام عليكم يمه ايش عملت لكم عشان تعذبوها هذا العذاب كله ايش ذنبها ؟
ام علي بحسرة : هذا نصيبها ...والله كله من ابوك ...وانا مافي معي ظهر ...إلا اخوك علي وانتي عارفة انه يموت ولا يرفع صوته على ابوه ماتشتي نعمل يعني
وفاء بعبرات خنقت صوتها : والله إن قلبي يتقطع عليها عاد عمرها 23 سنة قد شافت بحياتها ماشاف ابن 50 سنة اتقوا الله فيها
ام علي وهي تبكي : الي فيني كافيني لا تزيدي اللوم عليا وروحي شوفي اختك يمكن تستجيب لك وتأكل لها لقمة وتشرب وترطب ريقها من امس مادخل جوفها شيء
؛؛؛؛؛؛؛؛؛؛؛؛
في الغرفة
تجلس وضحى القرفصى على الارض ومحيطه يديها على رجليها ودافنة راسها بين رجليها وتبكي بحرقة أم ثكلا فقدت ابنائها دون حتى ان تودعهم تبكي بصمت مؤلم لايسمع منها شيء الا شهقاتها بين الحين والاخر ودموعها تسكب على خديها دون توقف
تدخل وفاء وتصدم بمنظر اختها فتهرع اليها لتضمها الى صدرها : الله يكون في عونك ويصبرك ثم ترفع نظرها الى السماء " يارب الهمها الصبر انك على كل شيء قدير "
ياختي مايصح تعملي بنفسك كذا البكاء ما بيرجعهم استغفري ربك واسترجعي ثم تهز اختها التي تنظر للفراغ ولا تستجيب لشيء : وضحى وضحى تسمعيني وإلا لا ؟
تدخل ام علي وفي حضنها ريان واول مايقع نظر وضحى عليه تهرع كالمجنونه وتتشبث به وتأخذه من امها لتضمه الى صدرها وهي تبث له حزنها وتبكي بصوت يقطع نياط القلب :شفت اخذوا عيالي مني ماخلوني حتى اشمهم ولا اضمهم ماقالوا لي انها بتكون اخر مرة اشوفهم ماكنت عارفة اني ماعاد بالقاهم بحياتي ابداً... ايش ذنبي ياخذوهم ؟.... ايش عملت لهم قولي ايش عملت لهم عشان يحرقوا قلبي ويعذبوني ؟ ويعلو صوت نشيجها المولم
وفاء وامها : لاحول ولا قوة الا بالله
وفاء : من امس وهي على ذي الحال ؟
ام علي : ايوة ...عاد امس كانت تكسر أي حاجة تقع بيدها وتصيح وتسب كنها مجنونة اما اليوم على نظرك جالسه ما تحركت الا الان لمن شافت ريان الله يعصم قلبها والله اني خايفة تجن والا تعمل بنفسها شيء
وفاء : الله يستر ماعاد باقي بينها وبين الجنان الا شعرة
؛؛؛؛؛؛؛؛؛؛؛؛؛
ام محمد : السلام عليكم والرحمة ....كيفكم ؟
ام علي بصوت حزين : وعليكم السلام ...الحمد لله ...ادخلي حياك الله
ام محمد بمحبة : والله قلت بجي عندكم اشوف ايش في امس لمن كلمتك حسيت إن في شيء فيكم ...والله اني طول الليل مانمت وانا قلقه
والدموع تتساقط منها :الله يسامح الذي كان السبب بهذا كله...امس ابوها خذ العيال ووداهم لطليقها ....والان وضحى بين الحياة والموت
ام محمد بصدمه من الخبر :ليش فعل كذا حرام عليه !!!.... وين هي الان ؟
تقوم ام علي باصطحاب ام محمد الى الغرفة حيث وضحى وفي حضنها ريان وبجوارهم وفاء تقراء قرآن
ام محمد : لا حول ولا قوة الا بالله ...الله يصبرها ويكون في عونها ...بس الظاهر انها فرحانه بريان يمكن تحس انه بيعوضها عن عيالها
ام علي : الظاهر كذا بس من بيخليه لها وفاء بترجع بيتها وانا ما اشتيها تتعلق فيه ونرجع ناخذه منها اخاف تزيد حالتها
ام محمد : خلاص انا بكلم محمد واجيب العيال عندكم لحد ما ترجع لها نفسها يمكن ينفع وتخرج من حالة الصمت هذه
ام علي : والله ماني عارفة وين اودي جمايلك علينا
ام محمد : الجيران لبعض وبعدين مابعمل شيء هي كلها اني بجيب العيال عندكم عاد التعب الا عليكم
ام علي : الله يجزاك الخير
؛؛؛؛؛؛؛؛؛؛؛؛؛
تعود ام محمد الى منزلها والحزن باين في ملامحها
فوضحى ابنتها التي لم تنجبها كم تعبت معهم وهي الان ليس بيدها شيء لتعمله من اجلها
ابو محمد : خير ايش فيك وجهك مش عاجبنا
:اه اه بس ويش اقول ويش اخلي يابو محمد
:خير ايش صاير ؟
:هذه البنت تحرق قلبي والله ماني قادرة اعمل لها شيء الله يكون بعونها ويفك كربتها ويصبرها يارب
: أي بنت ؟مالك تتكلمي بالغاز اليوم
:من حر قلبي والله ...هذه وضحى بنت ابو علي ابوها امس خذ عيالها ووداهم لطليقها والبنت انحرق جوفها عليهم الله يصبرها بس والله ان شكلها يدمي قلب العدو قبل الصديق لو تشوفها يابو محمد انك تغتم عليها
: الله يصبرها ....وابوها ليش فعل فيها كذا ؟
: والله علمي علمك ما عرفنا ويش يدور في راسه
بس انا شفتها فرحت بولد اختها فقلت بكلم محمد يخلي عياله عندها يمكن تتحسن حالتها وتخرج من حالة الصمت
يدخل محمد عليهم بحزن مما سمع يقبل راس ابيه ثم راس امه : انتي تامري امر ياست الكل ...والله يكون بعونها ويصبرها على ما بلاها وانا حاضر بالي تشتوا
: الله يحفظك ياوليدي ويسعدك ويريح قلبك مثل مانت مريحني
: آآآآآآآآآآآآمين يارب
؛؛؛؛؛؛؛؛؛؛؛؛؛
انتشر الخبر بين الاهل والمعارف وكانوا ياتون لزيارتها بين الحين والاخر والسؤال عنها وكانت وفاء تذهب الى بيت ابيها صباحاً وتعود بيتها مساء حتى يأست من تحسن حال وضحى الذي يزداد سواء يوم بعد يوم ... وظل اولاد محمد ياتون عندها قرابت الشهر بعد ذلك توقفوا عن زيارتها لان حالت وضحى ازدادت سواء بسبب اضرابها عن الطعام والشراب وبكائها ليلها ونهارها لا تتعب ولا تفتر حتى وصل بها الامر ان صارت مقعدة الفراش وهي في صدمتها لا تعي شيء مما يدور حولها لا تستطيع حراك وشارفة على الهلاك مما اضطرهم الى نقلها الى المستشفى لتكون تحت رعاية طبية
؛؛؛؛؛؛؛؛؛؛؛؛؛؛؛
نهاية البارت الثامن عشر
ودمتم بالف خير
المحبة لكم اسماء


اسطورة ! غير متواجد حالياً   رد مع اقتباس
قديم 11-08-15, 06:48 PM   #20

اسطورة !

نجم روايتي ومشرفة سابقة وفراشة متالقة بعالم الازياء

alkap ~
 
الصورة الرمزية اسطورة !

? العضوٌ??? » 120033
?  التسِجيلٌ » May 2010
? مشَارَ?اتْي » 15,367
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » اسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond repute
¬» مشروبك   pepsi
?? ??? ~
My Mms ~
افتراضي

اعذروني مقدماً لو في اخطى املائية لاني ماقراته مرة تنقيحية لاني ضاغظة على نفسي عشان انزله الليلة لاني راح اسافر بكرة وبرجع بسرعة ان شاء الله يوم الثلاثاء بكون رجعت البارت التاسع عشر

بعد كم يوم في المستشفى
علي الذي انهكه تعب اخته وانعزالها الصامت عن العالم وكانها ميته يجلس بجوار سريرها : وضحى اتقي الله في نفسك ايش بيفيدك تعذيبك لنفسك الان ؟ تعتقدي إن بفعلك هذا بترجعي عيالك ....لا والله بالعكس بتموتي وبتتعاقبي لانك القيتي بنفسك في التهلكه
ام علي تحضر له الماء : كل يوم الصباح اقول بالقيها ميته والله انها اوجعت لي قلبي الله يشفيها ويقيمها لنا بالسلامة
علي يقطر الماء على شفتيها لترطيبهم : يأختي خافي الله في نفسك وفينا ...بتحاسبي علي عملك هذا ....اللهم هل بالغت اللهم فشهد انا عارف انك سامعتني فياليت تتذكري قوله تعالي
: { ولا تيأسوا من روح الله إنه لا ييأس من روح الله إلا القوم الكافرون } (يوسف:87)
وقوله تعالى: { ولا تلقوا بأيديكم إلى التهلكة (البقرة:195)
لكن وضحى لا ترمش لها عين وكأنها لا تسمع ولا ترى شيء مما يدور حولها
زياد يمسك يديها : وضحى قومي ياختي عشاني شوفيني انتطرك كل يوم تقرينا قرآن وتسمعي لي اللي حفظته ....وضحي شوفينا من يوم مرضتي حفظت جزئين وقدنا بنص الثالث عشان انا عارف انك بتفرحي اذا حفظت.... يلا وضحى قدنا بكمل العشرة الاولى وانتي ماسمعتي لي ...ثم يبكي لانها لا ترد عليه
يمه بتتكلم وبترجع زي ماكانت
: ان شاء الله ....انت بس ادعيلها ياولدي وهي بتتشافى وبترجع لك
؛؛؛؛؛؛؛؛؛؛؛
في بيت اوس
ام سيف : كيف حال وضحى قد تحسنت ؟
وفاء بحزن : هذك هي مافي منها فايدة قد شكلها بتموت
سناء : الله يعينها ويجبر بخاطرها والله ان فقد الولد وجيعه ما يحس بها الا من عايشها
عايدة: والله انك صادقه لمن ماتت شهد كنا بانموت وراها
سناء: على الاقل احنا عارفين انها ميته مش زي وضحى مش عارفه وين عيالها وعارفه انها انحرمت منهم وهم على وجه الارض
وفاء : الان على يخوفها بالله وانها بعملها هذا بتكسب سخطه عليها يمكن ترجع لرشدها وتقوم من سباتها لان الدكتور قال انها هي الذي اختارت انعزالها عن العالم الخارجي ومابيدنا شيء نعمله لازم هي بنفسها ترجع لحياتها الطبيعيه
ام سيف : ياحسرتي عليها ما تهنت بحياتها الله يشفيها ويقومهم لكم بالسلامه الا كيف هي عايشه الان
وفاء : على المغذيات اربعه وعشرين ساعه ويعملوا فيها علاج للآكتاب عشان يساعدها ترجع لرشدها لان عندها اكتاب حاد... وبعدي بعيد الشر عنك قد هي عظم على جلد
ام سيف :ايه شفتها الاسبوع الاول .... الله يكون في عونها وعونكم
وفاء : آآآآمين ..... يلا انا استأذن بطلع ارتاح قدني تاعبه بالموت
سناء وهي تحمل ريان : يلا بطلع انا كمان معك
عايدة : تصبحوا على خير مع السلامه
؛؛؛؛؛؛؛؛؛؛؛؛
ظلت وضحى على حالها قرابة الثلاثة اشهر حتى اخافها علي بالله وعقابه إن هي ماتت من فعلها هذا وكان يحضر اشرطة محاضرات عن عقاب الله وعن جزاء قاتل نفسه ويسمعها اياها حتى وثبت الى رشدها وعادت الى حياتها ولكنها عادت كسيرة النفس ذابلت الشعور متعبه القلب شاردة الذهن
بعد اسبوع

سعيد : الناس يدخلون يقولوا السلام عليكم مو مادين متارمهم شبرين قدام
وف وف من مزعلك ياعين سعيد قولي لي وانا اضربه الان
وفاء تنظر الى زوجها وبعينيها دموع متحجرة : محد مزعلني ولو سمحت مو وقت خفت دمك موطايقه نفسي خليلي حالي
احترم سعيد صمتها وعرف ان لوضحي يد في الذي هي فيه وصلا البيت وصعدت وفاء شقتها دون ان تمر على بيت عمها كما هي عادتها حتى ما اخذت ريان معها
جلست على اول كنبه وهي ترمي عبايتها ولثامها ودموعها تنزل بغزاره كفايه انها من اول ماراحت بيت ابوها وهي ماسكتها "في خاطرها " ياربي اول يوم يمر على بهذا الطول والالم كيف بارتاح وانا اشوف اختي إللي كانت شريكتي في كل شيء كانت الام الرؤوم لي بوجود امي كانت تتقاسم معي الحلوة والمرة وايام كثير كانت تاكل العقاب بدالي اذا ارتكبت غلط بغير قصد لانها ببساطه تعترف انها هي اللي عملته طول عمرها وهي تحمل وتخفف عني حتى بعد ما تزوجت كنت انتظر لحد ماتجي عشان افضفض لها وكانت تحمل عني وهي مو ناقصه هم بس ايش نعمل لقلبها الكبير وايش نعمل لها اذا كانت تفكر بالاخرين اكثر مما تفكر بنفسها ....اليوم شفتها صح مش نايمه زي الايام اللي فاتت بس وجودها بجسمها فقط اما روحها الظاهر تبعت اولادها مش معانا بأي شيء لا بالاكل ولا بالكلام
الله يفرجها عليها ويعوضها ويرزقها ابن الحلال اللي ينسيها كل ماقاست في حياتها
؛؛؛؛؛؛؛؛؛؛؛؛؛؛؛؛؛؛؛
وقد مر شهران واكثر
في بيت سالم
ابو محمد : كيف حال بنت فضل الان ؟
ام محمد : الحمدلله قد هي احسن بكثير ... قد بداء وزنها يرجع وصحتها تتحسن وامها ماهي مقصرة معها ...صح انها اكثر الوقت مفسر وما تكلم احد لكنها احسن مما كانت .... الله يتمم عليها صحتها
ابو محمد : امين ...بس انا اقول يعني لو تفاتحيها في موضوع الزوج الان ينفع وإلا حالتها ماتسمح؟
ام محمد : انت كلمت محمد انك تشتيه يأخذها؟
بإهتمام : ايوه ...ليش تسألي ؟
: الا بس كنت اشوفه مهتم مره لآمرها وكل يوم يسأل عليها حتى كان لو نسيت اودي الاولاد لها يأخذهم بنفسه لعندهم
: الظاهر انه كان يفكر فيها من قبل لا نقول له لاني اول ماكلمته سألني من في بالي ... ولمن عرف انها بنت فضل تنهد براحه وقال اعملوا الذي تشتوا بس ما عاد لحقنا نعمل شيئ اولاً موت شهد وبعدين فقدها لعيالها ومرضها
: انا بكلم امها وبشوف وش بتقول ....والله يقدم الذي فيه الخير... مع اني اخاف تنتكس حالتها
ابو محمد : لا ان شاء الله انها تكون متحفزة للزواج اكثر عشان عيال محمد... وقدك تشوفي كيف العيال عندهم اكثر الوقت
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛
في بيت فضل
وضحى بحنان الامومه المتجسد فيها : عرفتي الان تمام وألا اعيد لك الشرح
حنان : لا خلاص عرفت يا ما ....بترت جملتها التي قالتها بعفويه رفعت نظرها لعيون وضحى وسألت ببرئه عادي اقول لك ماما ؟
ضمتها اليها علها تشبع قليل من ضمئها لاولادها وهي تخفي دمعتها المنحدرة : عادي قولي لي كل يوم ماما من بيمنعك ؟
حنان : طيب ليش ما تجي بيتنا ؟ حتى بابا دائماً يسألني عنك وانا قلت له إنه انا ومحمود نحبك كثير ....وانتي تحبينا؟
: ايوه احبكم كثير.... يلا الان روحي البيت عشان ما تتأخري ويقلقوا عليك
: لا ما بيقلقوا اصلاً بابا يقول لمن نكون عندك كاننا عنده
ام علي تنادي من الصاله : يلا ياحنان يابنتي قومي اتبعي اخوك وزياد قبل ما يآذن المغرب وسلمي على جدتك
حنان تحتضن وضحى وتقبل راسها : تصبحي على خير ماما وشكراً لانك شرحتي لي الدروس
: عفواً ....وخلي بالك من الحفظ زيدي راجعي بعدين والصباح قبل تروحي المدرسة
: ان شاء الله بخلي ابي يراجع لي
بعد خروج حنان
ام علي : والله ان هذه البنت عسل ما شاء الله عليها ذكية وشاطرة
وهي تفكر : ايوة ....شاطرة مرة ..... يمه تعتقدي عاد محمد ناوي يتزوج وإلا بطل؟
: والله علمي علمك ....ليش تسألي ليكون بنته قالت لك شيء ؟
: ها ...لا لا لا يمه ...بس كذا اسأل من باب الفضول
وذهبت غرفتها وهي تفكر بكلام حنان " حتى بابا دائماً يسألني عنك ......اصلاً بابا يقول لمن نكون عندك كاننا عنده " ايش تقصد من كلامها هل صدق ابوها يسأل عني والا هي من نفسها تقول كذا ....اممم بس هي ايش عرفها بلعب الكبار حتى لو هي ذكيه ما يوصل فيها تفكر تعلقني بابوها بالطريقه هذه اكيد انه يسأل عني صدق ....بس ايش يقصد من كلامه المبطن كانهم عنده ليكون يشتي يوصل لي رغبته فيني عن طريق الاولاد ....امممم لالالا اكيد انه ما بيعتمد على بنت عمرها 8 سنين بموضوع زي هذا ....ياربي ايش صار لي صرت اضرب اسداس في اخماس وانا ايش دخلني يسأل والا ما يسأل ....على من تكذبين ياوضحى وانتي من يوم اخذوا عيالك وانتي تشوفي بعيال محمد العوض عنهم ونفسك تعيشي معاهم الامومه بحق وما بيكون لك هذا الا اذا تزوجتي ابوهم .... يالله قدم لي الذي فيه الخير ورضني فيه يارب ....انا بريح دماغي واللي ربي كاتبه بيصير ....يلا بقوم اصلي المغرب
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛
وتتوالى الايام ولاجديد سواء حسرة و الم قد مزق قلب ام ثكلى فقدت قطعة منها فلذات اكبادها وهي لا تعرف عن مصيرهم شيء كل ما تعرفه انهم مع اب فقد الانسانية وتجاذبه اصدقاء السوء من علو الهمة الى بئر الرذيلة والانحطاط حتى انغمس في مستنقع الفساد واصبحت جزء لا يتجزء من حياته فقد بسببها وظيفته ثم زوجته وابنائه واخيراً فقد نفسه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛
في بيت سالم
محمد بهدوء ظاهريخفي خلفه توتر: ما قلتي لي ايش رايك نكلم البنت والا نزيد نصبر عليها ؟
ام محمد : هذه الساعة المباركه وخير البر عاجله ومااظن أن في التأخير خيرة لك او لها ....البنت متعلقه بالاولاد وهم متعلقين فيها وهذه نقطه تحسب لصالحنا
: بس يمه انا ما اشتي الوي ذراعا بالعيال اخاف تكون مش مستعدة لحياة جديده وتكون ما برائت من جراح اللي فأت
: انا كلمت امها قبل فترة وهي قالت انها تشوف إن الزوج بيكون لصالحها وامها اخبر فيها ....انت كلم ابوها وعلى بركة الله
بفرحه بنبرت صوته لم يستطع اخفائها : خلاص إن شاء الله الليله اروح انا وابي عندهم ونكلم ابوها ....يقبل راسها يلا تآمرين على شيء يالغاليه انا رايح العمل
: روح الله يوفقك دنيا واخرة ...مانشتي الا سلامتك
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛
نهاية البارت التاسع عشر
في البارت القادم
سباء تبكي وتحتضن بندر الباكي : بس احنا جوعانيين من امس ما اكلنا شيء
: الله يقطعكم من خلفه اختفوا من قدام وجهي لاقتلكم اليوم واخلص منكم
تابعوني لتعرفون مصيرهم وماآل اليه حالهم
ودمتم بالف خير
المحبة لكم اسماء


اسطورة ! غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 12:54 PM



Powered by vBulletin®
Copyright ©2000 - 2024, vBulletin Solutions, Inc.