آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
09-10-15, 12:12 AM
| #51 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  نزلت بسرعه وانا اتوجهه للسيارة قبل لا اشوف يكلمني ابو وليد داخل السيارة : شلون عرسهم يا سما قلت بتوتر من نظرات وليد : حلو والله ..الله يبارك لهم دخلت حنان السيارة وهي تسلم : قل من شفت اليوم ابو وليد : من شفتي حنان : لطيفة ام شهد ابو وليد : الله يرحمها ..شفت ابو شهد بعد في مجلس الرجال ركب وليد السيارة وعيونه تناظرها من غير أي كلمة ..نظراته هادئه ..بس ماني متطمنه ...فتحت جوالي وانا اقلب فيه بتوتر ... سكرته ورفعت عيني ..كانت عيونه على الطريق ...ارتحت ..بس كان في شي موترني جواله كان يدق ..ويسفهه اكثر من ثلاث مرات ابو وليد يكلم وليد : وش فيك يا ابوك رد على جوالك وليد يتكلم وعيونه على الطريق : شي موب مهم ابو وليد تأكد الآن ان ولده موب خالي و كأن فيه شي قال : خلاص اجل سكره ولا حطه صامت اشغلنا وقفت السيارة عند البيت نزلت وانا اتحاشا النظر له .. طلعت بسرعه لغرفتي ..وانا اشوفه ماسك جواله شاد عليه فتحت جوالي كانت 17 مكالمة ... رجعت اتصلت وانا اقول بصوت غاضب : اذا مارديت عليك مره فـ معناتها مانيب راد عليك لو وش ماصار هادي : هذا انت رديت علي وليد بصوت غاضب : وش تبي انت ابي افهم ؟ هادي بصوت مستفز : ابغى موتك قدامي ..ولاني مرتاح الا لين اصف قبرك جمب قبر اللي ذبحتها بـ انانيتك وليد بصوت عالي : شهد الله يرحمها ماتت بـ أرادة الله موب انا اللي موتها هادي على نفس صوته : انت تحسبني ما ادري انك غصبتها تجيب لك بزر ..لكن اسمع والله العظيم ..ورب السموات السبع حق توأمي لـ أجيبه لو كلفني عمري ...انت قاتل ...انت قاتل استوعب صارخت بصوت عالي يكاد الدم ينفجر من راسي وصوتي يملا البيت : انا مانــــــــــــــــــــــ ــــــــــــــيب قاتل تفهم ولا لا ...لا تحملني ذنب موب ذنبي هادي : قاتل ..لا تنسى انك قاتل ما يصير تعيش على الارض وانت ذابح وقاتل لك احد ثاني سكر الجوال وعيونه حمرا و كلمة قاتل تتردد في اذنه ..يدينه شادة وعروق وجهه مخيفه .. وجهه ما يبشر بالخير ... رقيت لمكتبي ..قاتــل ...قاتل ...قاتل ..تترد الكلمة ...كلامه يتردد من الغضب بديت اكسّر الاشياء الموجوده في المكتب وعقلي ماعاد يميز ..اجتمعت علي الذكريات الحلوة ..والمره مع شهد ...سمعت صوت باب الغرفة الامامية ..طلعت من الغرفه هايج ..فتحت باب غرفتها ...كانت جالسه على السرير تستعد لنوم ..قربت من عندها وانا اسمعها تقول بخوف : يمه ...وش فيك ...قبل لا تدخل استأذن عـ..... ما انتظرتها تكمل كلامها ...ضربتها ..بقسوة ...كنت غاضب بدرجة لا توصف احتاج احد افرغ فيه كمية الغضب اللي فيني ...كلمة هادي لازالت تتردد على اذني ...كنت اسمع صوت صارخها وهي تطلب المساعده ... بس كنت لا ابالي ...صرخت وانا اقول : ثااااااني مرررره لما اقول شي تسمعينه فااااهمة ولا لا كنت متوقعه منه سبه شتيمه ..بس كان منظره مخيف ..دخل كأنه ثور هائج ...قرب مني بدا يضربني ..انصدمت ...خفت ..صارخت بما يكفيني ... كان يضربني بدون رحمه ..غمضت عيوني ..وانا اسمع الصوت نفسه (كل ماتذكرتي موقف يعورك ..يوجعك ..تذكريني ..تذكري صوتي ..احساسي لك ..لا تنسين صوتي ..خليه دايم في بالك ..ولا تنسين في يوم انك في قلبي قبل عقلي ) فتحت عيوني ..بعد ماحسيت انه ابتعد عني ..كان مبعد عني ويناظرني من بعيد ..طلع بسرعه وسكر الباب ..ناظرت نفسي ...اوووه وش سوا فييك هذا ....ابتسمت بسخريه وانا اقول : الحمدلله يا سما انك متعوده على الضرب كان قميصي مشقوق و شعري متبهذل ..وشويه دم عند شفايفي ..و كدمه زرقا في كتفي ... ابتسمت بقهر وانا اقول : الحمدلله ..الحمدلله رجعت جلست على سريري وانا منقهره ..انذليت فيي ثالث يوم لي هنا .. استقوا علي ...حاولت ابكي ..لكن ما قدرت ..يا حظ اللي يقدر يبكي ..يا حظ اللي اذا تألم بكا ..وراح ألمه ..آآآه ابغى ابكي .. رجعت ظهري على السرير .. وانا افكر وش السبب اللي خلاه يسوي كذا .. ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ في بيت ام محمد .عند الباب كانت تناظر امها بـ أمل ان امها تقول لها ارجعي ..لا تروحين ..موب لازم تروحين معه كانت تسلم على امها اللي ضمتها بكل قوتها ريم وهي تناظرها : يا الله نور بلا دلع ..خلاص سارة : خليها تسلم على امها .. لفت نور على سارة وهي تضمها بقوة ..ونفس الشي مع ريم اللي كانت واقفه عند الباب ولابسه عبايتها وسارة نفس الشي وقفت سارة وريم يناظرون نور ريم بسرعه : سارة ..سارة ..شوفي هذا الافريقي ناظرت سارة في المكان اللي تأشر عليه ريم وضحكت من قلبها وهي تشوف فارس رفع نظره على صوتها ..وصله ..الافريقي رفع نظرة وناظرها .. الله يلعن بليسك يا انور خليتني مضحكة عند البنات ..انا مهبول يوم اقول لها هالكلام عض شفايفه بقهر وهو يسمع ضحك بصوت خفيف ناظر انور وهو يقول بصوت عالي : انـــــور لف عليه انور وهو واقف قريب من ريم : نعم فارس بصوت عالي : شــــــلـــــون صديقك اللي طاعنه افريقي عقد حواجبه بغرابه : لا الحمدلله صار بخير ..وشفيك تسأل فارس وهو يسترق النظر لريم اللي صاده عنه : ولا شي ..قلت اسأل عنه ابتسم انور وهو يناظره طلعت نور للباب وهي تقول لـ شوق اللي واقفه ورا الباب : شوق ..لا اوصيك على امي شوق ابتسمت ما تدري وش اللي جابها للباب : ان شاءلله طلعت من الباب وهي تشوف سيارته ..قربت منها وهي تناظر ناصر ..كله بسببك ..انت اللي حديتني ..انت اللي كسرتني ..كسرني فيك ..كسرني في اخوي .. ناظرت جهت الباب كانت طالعه منه وهي يالله يالله تمشي ..تبغى ترجع ..اعرف اللي يدور في راسها ..نزلت من السيارة و وقفت عند باب السائق وانا اناظر فيها ..كانت تناظر فيني بنظرة غير مفهومة .. قلت لها : أركبي قدام ..انا اللي بسوق ركبت قدام من غير أي كلمة .. ركبت وسكرت الباب بقوه لفت علي بخوف من دون أي كلمة حركت السيارة وانا اشوف عيونها مسلطه على اخوانها اللي يأشرون لها وقفت عند الأشارة لفيت عليها وانا اقول : جبتك ناظرت فيني : شاطر ..قوي والله ابتسمت على ردها : كنتي تقولين اني مانيب طايلك ..هذاني طلعتك لفت علي وهي تقول : كنت اقولها وانا احس اللعب معك نظيف ..ماكنت اعرف انه تهديد وتوعد ناظرت فيها وهي تتكلم رجعت ركزت عيوني على الطريق ... شغلت الراديو كانت اغنيتها ..بنت النور .. لفت تناظر فيني ورجعت تناظر الطريق .. اكرها ..اكرهه الاغنية بكل شي فيها ..كلماتها وقتها..احساسها ..طلعت جوالي و دخلت السماعات في اذني ..ابغى ابتعد عن الاغنية ..بس حركته صدمتني سحب السماعات من اذني بقوة ..وفتح الدريشة و رماها لفيت عليه بغضب : وش سويت سيف ..استفزتني حركتها كانت ماتبغى تسمع أي شي يخصني ..او يخصنا ..قهرتني ..سحبت السماعات بقوة وانا انطلها مع الدريشة : اسمعي معي ..ما احب اسمع لحالي ناظرت فيني بصدمة : تستهبل انت صح سيف هزيت راسي : لا والله نور ناظرت فيه وهي تقول : أكرهك والله ..وأكره كل شي يخصك ..ما ابي اسمع شي .. وبحركه سريعه طلعت السيدي ونطلته مع الدريشة وهي تقول : كذا حنا متساوين ابتسمت على حركتها وقفت عند الفيلا ..كانت فيلا اهلي الا ان لي جزء مستقل ..له باب خارجي .. صغير مصممه انا من سبع سنين لهذي اللحظة .. نزلت من السيارة لفيت عليها كانت جالسه ومكتفه يدينها ..قلت : انزلي نور ماكنت ابي انزل ..بس للحظة حسيت شكلي غبي ..جالسه ومكتفه يديني ..نزلت من السيارة وانا امشي وراه ..دخلت البيت ... وانا اتأمله ..حلو ماعليه ..جلست على الكنبه ..وانا اناظره ..جا وجلس مقابل لي .. ( تعرفون شعور اللي خلاص ماعاد في شي يهمك ..بايعه كل شي ..كان هو شعوري بالضبط ) قال : مافيه احد ناظرت فيه : ادري قال وهو يأشر ب اصبعه : شيليه نور ناظرت اتجاه اصبعه كان يشير ل نقابي : موب لازم قال وهو ينزل غترته : تشيلينه ولا اشيله انا نور كنت عارفه انه ممكن يسويها .. وقفت بسرعه وانا اقول : وين غرفتي سيف لازال على نفس وضعه : شيلية نور ناظرته وانا اقول : اشيله عند محارم لي ..بس انت اعتبرك منت محرم لي ..تفهم ولالا وقف وهو يقرب من عندها كنت اناظره يقرب من عندي رجعت على ورا بهدوء ماكنت ابيه يعرف اني خايفه ..او فيني ذرة خوف ..وقفت لحد الكنب ..ماكان فيه شي وراي غير كنب وجدار قرب مني وهو يقول : ماكنت ابغى اشيله انا ..كنت ابغاك تشيلينه وبحركة سريعة قرب مني وسحب النقاب حطيت يديني على وجهي بحركة لا أرادية قربت اكثر لها ..وانا اتأمل شكلها ..قربت لحد ماحسيت اني لصقت فيها حطيت يدي علي يدها وانا اقول بصوت هادي : وش فيك نور كنت ارتجف للحظة ما ابغاه يقرب من عندي ..ما ابغاه يلمسني ..احساس شييييين ..حسيت بيدة على يديني ..سمعت صوته يالله مقرف ..كذاب ..وسخ قلت وانا ابعد يدينه بقرف : وخر عني .. قربت لها اكثر نزلت يدينها وانا اناظر في وجهها : كارهتني نور بصوت صادق : بدرجة ماتتصورها سيف بصوت هادي على نفس وضعه : ليش نور ناظرت فيه عيوني على عيونه قلت بصدق : لاني حبيتك مره ..كرهتك مره ..ولا ابي شي منك ..ولا ابيك تبيني سيف كنت اسمع كلامها واحس انها صادقه قلت : بس انا ابيك نور بديت انكتم من الوضع اللي انا فيه : انا ما ابيك ..أكرهك ..تفهم اكرهك ...لدرجة انك تقرفني ...تعرف شلون تقرفني ..أكرهك اشوفك والله سيف دفيتها على الكنب وانا اقول بلهجة صارمه : تكلمي زين معي نور بصوت شبه مرتفع : انت تبي الصدق وهذا الصدق سيف قربت راسي لراسها وانا اقول : انا الحين مافي بالي شي ..لا تخلينني اغير اللي في بالي يا نور نور وهي تحاول تدفه : وخر عني ..انت ماتفهم ...أكرهك ..أكرهك ما اتخيل اشوفك قدامي حطيت يدي على راسها وبالكاد امسك غضبي : والله العظيم ما ابي اسوي شي يتعبك ويتعبني ..وبلهجة صارمه وصوت عالي ..أســــكتي ناظرت فيه بخوف وكأني أستوعبت اني زودتها عليه شوي ..خله يحس ..خله يعرف ..خله يعرف ان اللي سواه ماهو هين .. كنت اناظره واناظر وضعنا كنت مسترخيه على الكنب ..وهو واقف فوقي ..وراسه قريب مني ..ناظرته للحظة حسيت اني ..اني مع سيف الاولي ..موب سيف الحين .. حسيت بيده على خدي . ..كأني تخدرت ..قرب من خدي وهو يقول : أشتقت لك ..لدرجة التعب كنت مصدقته بس في شي جواي ماهو مستعد له .. دفيته بكل قوتي ..وانا اقول : انت ماعندك كرامه ..كم مره قلت لك اكرهك نظراتها الهادية تحولت لنظرات مرعبه اول مره في حياتي كلها ..اشوف سيف بنظرات نفس هذي قرب من عندي وحط يده في شعري وهو يقول : انتي ماتفهمين الكلام اللي ينقال لك ....لازم معك العنف نور تناظرة بقهر وهي تقول : فك شعري ...فك شعري انت ماتفهم سيف خفف مسكته وهو يقول : آخر مره بقول لك هذا الشي واسمعيه زي ..انا مستحيل ارضى في يوم ..احد يقلل مني لو من ما كان ..لو تعديتي حدودك معي أقسم بالله لـ اوريك نجوم الليل في الصبح تفهمين ولا لا ... اذا انتي تغيرتي وكرهتيني ولا لي فيك شي ...نفس الحاله معي ..انا اذا كرهت الله يعينك ..انتبهي دفني على الكنبه وهو يقول بصوت غاضب : الطيارة الساعة 7 الصبح جهزي نفسك ناظرته طيارة وش اللي يتكلم عليها هذي وقفت وهي تقول : طيارة أيش لف عليها وهو يقول : جهزي نفسك ولا تكثرين كلام نور وهي ترفع صوتها : على كيفك كل شي انت ..ولا تقول لي كني شنطة تسحبها معك للمطار بس ..انا مانيب متحركة من هنا تفهم ولا لا قرب من عندي وهو يقول بصوت واطي : ان ما تحركتي انا موجود أحركك تركها دخل الغرفة جلست على الكنبه مقهورة ..مقهورة ..مقهورة ..يمكن يصير فيني شي من القهر ..هذا جاي بعد اربع سنين بعد ما أتعبني وهلكني ..و خرب حياتي يقول لي هالكلام .. ما قدرت أصبر وانا جالسه وقفت وتوجهت للغرفه كان جالس على السرير ويكلم سيف : خلاص أنا جاي ان شاءلله ....يعني تقريباً بعد بكرة اكون عندكم الفجر ...يزن ...رتبت اللي قلت لك ...شقة تكساس ..انتبه ... كيف حمد ... الحمدلله ..... قال بصوت افزعني . انــــا وش قـــلت لك يا يزن ......ماقلت لك زيـــد ما ابغى اسمع له طـــــــاري الا لين أجي ماتفهم انت .......... تــــــصرف معه ..........ما ابغى شوشرة .......نبهه وقل له .. يقول لك سيف اذا تبي تعيش ابتعد عنه ولا أقسم بالله لـ أدمره ...خلص الموضوع واتصل علي سكر الجوال وهو ياخذ نفس بقوة وانا مرعوبه من الكلام اللي دار لف علي وهو يناظرني : وش تبين نور هزيت راسي بالنفي وفي عيوني باين الخوف او الهلع من اللي سمعته : ولا ..شي لفيت وراي ..كانت مرعوبه واضح ..من الكلام الل دار بيني وبين يزن ..لو عاشت هناك كيف بتصير حياتها ....بتصير حياتها رعب في رعب قلت لها بصوت جامد : اذا خلصتي خلينا نطلع للمطار ناظرت فيني واضح في عيونها خليط من الرعب والقهر قالت بصوت واطي : ما ابي اروح سيف استرخيت على سريري وانا اقول : على كيفك هو ... انا راسي فيه ما يكفيه مالي خلق دلع بزران رفعت راسها بقهوة وهي تقول : على كيف من اجل سيف : على كيفي انا ..اللي اقوله انا يمشي وتسمعينه وتننفذينه زين كنت انتظر فرصة اقول له وش صار وش سوا فيني في الاربع سنين انفجرت وانا اقول : انت جايني بعد اربع سنين تأمرني وترفع صوتك على و تمشيني على مزاجك ..بدال ماتقول لي ليش غبت ليش تركتني في يوم زواجي على الاقل القا شي اغفر لك فيه خطاياك ..ليش صرت اناني ...نسيت كل شي بيني وبينك ..نسيت كل شي حلو بيني وبينك كملت بصوت واضح عليه الرجفه : ...انا ...تدري وش صار لي ...تدري شلون تعبت ...شلون تبيني القى لك عذر وارجع زي اول ..وانت كل هذا مسويه فيني ...تدري وش كان يصير ...بدت تبكي وصوتها مليان رجفه وهي تقول : كانوا البنات يمرون من عندي وهم يضحكون ...يقولون يا حرام ...فرحة ..ماتمت ...تركها ..سفهها كنها أي جماد عنده ..سيف ...تدري وش كنت اسوي وقتها ...انزل راسي ...وافك شعري ...والبس نظاراتي ...ما ابي احد يعرفني ...تدري وش كنت احس فيه ...احس اني خجووووولة ...ما اقدر ارفع نظري في احد قبل كنت اناظرهم وانا واثقه من نفسي ...لكن الحين اناظرهم وانا كلي حزن وخجل من نفسي والله ...أحس اني صرت عاله على أهلي ...تدري وش كان يوصلني كلام كل يوم ..تدري وش يصير فيني اذا سمعت اسمك ...ايه ما اكذب قبل كنت أحبك ... أحبك لدرجة اني اذا سمعت صوت عند دريشتي كل يوم اركض كني مجنونه اتمنى اشوفك انت ..بس ارجع خذلانه كل مره ..لحد فعلا ما كرهتك ..كرهت اسمك..كرهت طاريك ..تدري وش صار فيني ...هجرت كل شي ...حتى دنياي هجرتها ..وانت عايش حياتك بالطول والعرض ...ماكنك مسوي شي ...وقتها توفى ابوي برا ولا شفته ...ما سمحوا لي اشوفه ..وانت كنت بعيد عني ..كانت واجد كثيييره علي ..ما قدرت اتحمل ... انت لو تجرب تعيش يوم في مكاني .. بس يوم ..... يوم واحد كان موب بس كرهتك مره ..كان كرهت نفسك مليون مررره ...كملت وهي منهارة : سيف ....انت موب بس أهنتني ...لا والله ...أنت جبت سكين حااده وجرحت فيها قلبي ...تعرف العوار شلون يجي ..ما اتوقع انك حسيت فيه ... تعرف شعور الحبيبه اللي تشوف الدنيا كلها في عيون حبيبها ..تعرف شعور الحبيبه اللي كل دنيتها حبيبها ..تعرف الحبيبة اللي ما على لسانها الا انت...تعرف الحبيبة اللي كل تفكيرها فيك...تعرف الحبيبة اللي ما تعيش لحظه بدون ما تكون في تفكيرها و في قلبها ..تعرف الحبيبة اللي حياتها كلها متعلقه في فيك ...وفي لحظة ...في لحظة كانت بالنسبه لها شي كبببييير ...في يوم عرسها اللي كان اكبر حلم في حياتها ... ما تلقاك ...والاصعب ترجع بعد سنين تزيد في جروحها بدال ما تسكرها لها .. كان يناظرها وهو تعبان من داخله ...حس انها صادقه بكل كلمه تقولها ..و يدينها تشرح وضعها ...كان يناظرها بدون انفعالات ..بس من داخله كان مجروح أكثر منها بمراحل كان مجروح لدرجة انه تبلدت ... معاها عذرها اكيد ...وش اقول لها ...أقول لها والله يا نور انا رحت هناك عشان مصيري من البداية في يد ناس ما يخافون الله ..أقول لك انهم استغلوني ..اقول لك انهم نطلوني في طريق ماله رجعه ..اقول لك ..اني رحت هناك عشانك انتي بس ... كانت عيوني مصنمه عليها جلست على السرير وهي تنهج بالبكاء وكأنها انتظرت فرصه تطلع فيها كل هالبكاء رفعت راسها وهي تقول بصوت مرتجف قالت بصدق : والله ..والله ...هذي آخر مره تشوفني ..ابكي عشانك يا سيف ..والله العظيم ...ما عاد اتعب نفسي عشانك ...خلاص ...ببقى معك ..لكن ببقى معك وانا موب معك ...كرهت كل شي ..الله ياخذني يارب ...الله ياخذني ولا عاد اشوفك في هالدنيا ولا القاك ابد قرب سيف بسرعه بسبب دعوتها على نفسها وهو اقول : استغفر الله ..أستغفري الله ناظرت فيني وعيونها مليانه بكا وعتب : يهمك اني اموت ..انا ميته من زمان ..صدقني قرب منها وبحركة سريعه عطاها كف قال بصوت تعبان: هذا عشان كل شي كسرتيه فيني وقرب من عندها اكثر وضمها بكل قوته وهو يقول بصوت واطي : وهذا عشان الوقت اللي كنت اتمنى اشوفك فيه ولا اقدر ...عشان الايام اللي اشتقت لك فيها ...عشان كل ذكرى مرت في بالي ولا قدرت ابتسم دفيته عني بقوه وانا مصدومه من الشي اللي سواه: لا تلمسني ...لا تملسني ..اكرهك تفهم ولا لا ...ما ابي اشوفك قدامي ...ولا ابي اعرفك في حياتي ..وخر عني ناظر فيها وتغيرت نظراته من سيف الحنون الى سيف القاسي : بتتعبين وانتي تتكلمين ..ما راح احس صدقيني ..انا خلاص ماعاد يهمني شي فهمتي ...انا ماعاد يهمني شي ...كلامك كله ما اثر فيني ... تكرهينني اكرهيني ..ماعاد يهم ..اللي يهم الحين ..اني جبتك لين هنا ..لي بيتي ...يعني خلاص انتي صرتي عندي ملكي ...ماعاد تقدرين تروحي ..انتي دخلتي سجني ..وانا ما احب اطلع احد منه الا وانا راضي ..اكسبي رضاي احسن لك ناظرت فيه بصدمه عديم احساس نذل واطي قلت : نذل واطي ..مايهم خلني هنا ..بس والله والله العظيم منت بلاقي فيني شي تبيه طلعت من الصاله وانا اناظرها اخذت نفس و بدلت ملابسي لبست بدله مريحه للسفر .. طلعت وانا اشوفها جالسه تناظر فراغ قلت لها : قومي بدلي فستانك ..انتظرك برا .. ناظرت فيني وهي تقول : من قال لك اني لابسه فستان قلت لها وانا مانيب فاضي ابد : طبيعي بتلبسين فستان وش بتلبسين يعني ابتسمت بسخريه واثار البكاء على وجهها باينه: انا خالصه . سيف : براحتك طلع من البيت وانا امشي ما ابي اكلمه خلاص ..ب اتحاشاه للابد ..خلاص هو بالنسبه لي زوج بالاسم بسس ـــــــــــــــــــــــــ ـــــــــــــــــــــــــ ـــــــــــــــــــــــــ ـ أنـــــتـــــهى الــــبارت الثامن التعديل الأخير تم بواسطة لامارا ; 10-10-15 الساعة 12:24 AM | ||||
|  |
|
09-10-15, 12:14 AM
| #52 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الـــبـــارت الـــتاسع ـــــــــــــــــــــــــ ــــــــ رجعت لمكتبي وجلست وانا احس بتعب غير طبيعي ..استنزفت كل طاقتي ...رجعت لي ذكرياتي معها ..تعبت ...انا ما قتلتها ..ما ذبحتها ..ليش مايفهم ..ليش ما يستوعب ان اخته ماتت من الله نزلت نظري ..ليدي ..كانت حمرا فيها جروح ..ناظرت يدي ..وكأني استوعبت وش سويت يالله ...انا وش سويت ...ناظرت يديني ..تذكرت شلون اعتديت عليها بالضرب ...يالله يا كبرها عند الله يا وليد ...آآآه لا يا وليد ...يالله ... تذكرت شكلها كانت متكوره على نفسها وجالسه ...وش السبب الللي خلاني اعتدي عليها ..حركاتها اليوم استفزتني صح ..لكن موب لدرجة اني اسوي فيها كذا ..وقفت وانا اشوف الساعه كانت اربع الفجر فتحت باب غرفتي واتجهت لغرفتها ..فتحتها بشويش ..قربت من السرير ..كانت نايمه بهدوء اثار الطق باينه عليها ..ضاق صدري ...يالله وش سويت بـ بنت الناس يا وليد قربت اكثر وضح لي اكثر وش سويت فيها ..ناظرت كتفها ...كان مزرق ..شفايفها كان حولها دم ... يالله ..يارب اعني ..وش اسوي ..لازم ما يلاحظ ابوي ..ولا تلاحظ حنان ..وش اسوي يالله ... طلعت من الغرفة ..وانا تعبان ..ضايق صدري بشكل غير طببيعي من اللي سويته جلست على سريري ..وانا اتذكر كلام حنان عنها .. ( حنان : وش اقولك يعني ...بنت ضعيفه ... عايشه عند مرت عمها ..معذبتها ...كل يوم تنومها بضرب ..وتصحيها بضرب ..حياتها كلها من البداية خطأ ..البنت هذي ذاقت اشياء جعل ما احد يذوقها في حياته ..اتق الله فيها ..وخاف الله فيها يا وليد ..) حطيت يديني على راسي وانا افكر وش اسوي نزلت المطبخ فتحت الدرج واخذت الاسعافات الاولية ..دخلت الغرفه بشويش ..قربت من عندها ..وانا اخذ مطهر حطيته على شفايفها بشويش كانت تتحرك منزعجة ..اخذت مرهم وحطيته على الكدمة الزرقا على كتفها وقفت وانا اشوفها ماتقدر تنام من ظهرها ..شكلني ضربتها عليه بقوه ..كانت تتحرك وواضح عليه الالم ..قربت ورفعت بلوزتها بشويش ..انصدمت من المنظر ..كان فيه ضربه كبيرة في ظهرها ....كانت ماليه كل ظهرها تقريبا ..يالله وش هذا ..حطيت على ظهرها بشويش ما ابغاها تحس ..حطيت مخده تحت ظهرها بهدوء جلست احتري المرهم ينشف عشان احط ثاني مره ..جلست على طرف السرير وانا ضميري مأنبني ..مهما كنت صارم ..مستحيل فيه انسان سويَ ..يسوي كذا في بنت ...تأملتها من جديد ..نقيض شهد بالمره ...حطيت يدي على شعرها ..بهدوء .. كنت احس بيدين على ظهري ..ما كنت ابي افتح ..اتخيل انها امي ..اتخيل انها امي ..ايه امي ...لا تفتحين خلي امي تكمل شغلها ..كانت يدها حنونه ... هاديه ..كنت لما ابين اني اتألم توخر اليد ..فتحت عيني بعد ما حسيت انها اختفت ..بس ما ادري ليش انصدمت ..كان جالس فوق راسي ..على الطرف ويناظرني ...وقفت اللحظة ..ما ادري وش اسوي ..اناظره ويناظرني ..شعور غريب في عيونه ..كأنه ندمان ..في شي في عيونه غريب فتحت عيونها ..سرحت فيها ..ابغى اقوم ..ما اقدر ..اناظرها وانا فيني مليون شعور متلخبط ..كانت تناظرني بنظره ثابته هاديه ..وقفت بسرعه وبعدت وانا اقول : المرهم جمبك حطي منه كل ما عورتك اللي في ظهرك لف عني و واضح انه مأنبه ضميره قلت بهدوء : اللي في ظهري لا تخاف ماهي منك لف علي وهو يقول : ما يهم ..اهم شي حطي عليها من هذا المرهم ريحتني بقوة ..يوم قالت ان الضربه ماهي مني ..أرتحت ...شكلها حاسه اني حاس بتأنيب الضمير ..لان طلعت وسكرت الباب وراي ارتحت انها بخير لان الضرب اللي جاها مني ماهو قليل والله .. ـــــــــــــــــــــــــ ـــــــــــــــــــــــــ ـــــــــــــــــــــــــ ــــ في بيت ابو فارس .. رجع من صلاة الفجر ...رقى لغرفته استرخى على سريرة ...يفكر ..قرار ابوه بزواجه صح ولا خطأ ..بتزوج بنت ماتدري من انا ..ماتدري وش صار لي ..ماتدري وش ماضيي ماتدري ولا شي عني نزلت راسي وكأني حسيت بالخزي من نفسي .. زواجي منها ماهو صحيح ... الا لين تعرف حقيقتي ..انا مين ..انا وش اصير ..خطأ ..والله خطأ ناظرت ساعة الحائط كانت الساعه 4 الفجر ..اخذت نفس ..التفكير لعب فيني .. البنت شكلها نقية ..بريئة ماتفهم الدنيا هذا اللي استنتجته من موقف اليوم .. يحق لها تعيش حياتها بدون كذب بدون تعب ما اقدر انام ..مستحيل انام ..الا لين احل الموضوع ..زواجي منها قرب يتم وش الحل .. كيف اطلع من هالورطة بدون ما احد يحس وقفت وانا منهار داخلياً من شي يؤلم داخلي ..طلعت بسرعه ما اقدر اتحمل نزلت الصاله ..لقيت ابوي ..جالس في الصاله وفي يده مصحف قربت من عنده وانا اقول ...: يبه ..ما اقدر اتزوجها ..ما اقدر اربطها فيني واربط نفسي فيها ما اقدر .. ناظره ابوه بهدوء وهو يقول : والسبب ناظر ابوه : انت تدري ابو فارس عقد حاجبه : وش ادري به جلس وهو يقول : انا مانيب ولدك ..انا في النهاية موب من صلبك ..ادري ان الكل مايعرف هالسالفه ..بس ما اقدر يبه ... مقدر اكذب على بنت الناس واعيشها معي وانا اكذب عليها كل يوم ناظر فيه ابو فارس وقال بصوت عالي : انت ولدي ...تفهم ولا لا مايهم من صلبي ولا منت من صلبي انت ولدي ...بطاقتك مكتوب فيها اسمي ..انت ولدي فارس بهدوء ناظر ابوه : في النهاية الحقيقة هي حقيقه ناظره ابوه بنظره مؤثرة : انا جبتك وانت عمرك يومين يا فارس ..انا ابوك ..انا اللي ربيتك ..أنا اللي كبرتك ..انت ولدي ..لو استغنى عن كل عيالي اللي من صلبي ..ما استغنى عنك يا فارس وقف ابو فارس واتجهه لولده وجلس ملاصقا له : فارس يا ولدي ..انا قلبي ما يتحمل هالكلام منك ..ما اتحمل فارس ب تأثر : أحاول يا ابوي ..احاول اقنع نفسي اني زيي زي الهنوف مها وهديل ..بس ما اقدر ..ما اقدر ..الحقيقة هي حقيقة ابو فارس بصوت هادي : والمطلوب فارس بعد صمت : ما اقدر اتزوجها الا لين تعرف انا من ..ما اقدر اتزوجها وانا اكذب عليها ..وليتها كذبه وحده يا ابوي كذبتين .. متزوج قبلها ومطلق ..وما احد يدري ..شلون تبيني اعيش مع وحده حياتي معاها كذب ..ما اقدر ابو فارس وقف وهو يقول : ما انت بقايل شي ..تفهم ولا لا ..انت ولدي اللي اشوفه من صلبي ..انت قطعه من قلبٍ في صدري .... وكانك بتقول لهم عن طلاقك فهو بيضرك انت يا فارس ..بيضرك ضر ماعمرك شفته ..انتبه ..انت تعرف منهي طليقتك و وينها الحين .. انتبه فارس ناظر ابوه وهو يقول : ما يهمني ..قبل لا املك لازم اقول لها كل شي وقف واتجهه لباب الصاله بس استوقفه صوت ابوه مكسور : ويرضيك بعد هالعمر يقولون ابو فارس رجال من ينعرف كذبه من صدقه ..يرضيك ان ابوك يمشي بين الرجال والرجال تكلم فيه من قدامه و وراه ..يرضيك يا فارس ...حتى لو ما كنت ابوك ..اعتبر اني مربيك يا ولدي ..ولا اعتبر اني ..كنت خدام عندك أرعاك لين كبرت لفيت بسرعه من كلام ابوي ..قربت منه بسرعه وانا ابوس يده : يخسون يا ابوي ..و اخسي انا ..اخسي يا ابوي اخليهم يتكلمون عنك لو كلمه رفع ابو فارس يدينه ل عيونه الغارقة بالدموع قال بقلة حيلة : تذبحني يا فارس بهالكلام ..يا ولدي انتي ولدي ..انا ابوك ..لا تنسى ضميت ابوي وانا كارهه نفسي شلون أسوي بـ ابوي كذا ..شلون أكسره كذا .. بعد ما طلع فارس من عند ابوه اخذ ابو فارس جواله وهو يتصل على ابو صالح ابو فارس : السلام عليكم ..صبحك الله بالخير ابو صالح : وعليكم السلام ..يا هلا ومرحبا ..صبحك الله بالنور والسرور ابو فارس : شلونك يا الرفيق ..عساك بخير ابو صالح : بخير ونعمة جعلها تدوم ... شلونك انت عساك بيخر ابو فارس : الحمدلله يارب ابو صالح ب استغراب : عسى ماشر يا ابو فارس ..ماخبري انك تقوم هالوقت ابو فارس بهم : الشر ما يجيك ...وبكذب : والله يا ابو صالح طلع عندي انا وفارس اشغال برا الديرة ولازم نهاية الاسبوع اكون في نيويورك .. ف قلت اكلمك وتخلينا نملك بعد باكر ابو صالح ويده على لحيته : طيب خلنا نخليها عقب ماترجع ابو فارس بلعثمة : اذا رجعنا ...عندنا اشغال واجد ..خلنا نقدمها ابو صالح : على بركة الله .. اجل بعد بكره ب اذن الله ابو فارس بفرحة : الحمدلله ...فمان الله ابو صالح : فمان الكريم ـــــــــــــــــــــــــ ـــــــــــــــــــــ توهه يدخل البيت على اذان الفجر ..كان عنده شغل ما يتأجل توجهه لغرفته فتحها بهدوء ودخل ابتسم وهو يشوفها توها تخلص صلاة جلس على السرير وهو يفصخ جزمته أكرمكم الله ناظرت فيه ..ابتسمت بهدوء و وقفت اتجهت للكنب وجلست تقرا الاذكار ناظر فيها بعد ما خلصت : كيف العرس شوق : حلو ..اول مره احضر زواج سعودي محمد وهو يفصخ ثوبة : عاد اعجبك ناظرت فيه شوق بسرعه : كم مره اقول لك الغرفة مشتركه ..بتفصخ ملابسك افصخها في الحمام فصخ محمد ثوبه : اللي يسمعك يقول انا الحين مفصخ قدامك ..تراني لابس سروال و فنيلة صدت وجهها شوق : حتى ناظر فيها : ماشاءلله .. ايمانك قوي ناظرت فيه وهي تبتسم بتسليك : شكرا فصخ طاقيته وتوجهه ل التسريحة وهو يناظر شعره : شعري مدري وش فيه صاير يطيح ضحكت بقوة وهي تشوف شعره : هههههههههههه لف عليه وهو عاقد حواجبه : وش اللي يضحك مره شوق ناظرت فيه : لانه اربعه وعشرين ساعة فلافل .. عمري ما شفتك ممشطه ..اذا مشطته بيزين محمد بقلق : انا والله ما اعيش بدون شعري شوق ناظرت في شعره .قصير ماهو طويل بس انه فلافل يعني موب زين : يعني ما اشوف ان فيه شي حلو عشان تمسك فيه ناظر فيها وبفلسفه : انا متعلق فيه .. يعني احاسيسي كلها في شعري ..اذا راح شعري راحت احاسيسي شوق ضحكت شكله مضحك وهو يناظر شعره بقلق في المراية ناظرها وهو يقول بصدق : تهقين لو احط زيت النارجين بيرجع مثل اول شوق بعيون ضاحكه وساخره : من جدك انت ..مافي شعرك شي .. شلون عرفت ان زيت النارجين زين جلس على التسريحة : مدري شفت دعاية لوحدة هنديه حاطه زيت النارجين وشعرها حلو ...بستخدم مشط شعرك شوي ..لو امشطه موب طايح شوق ب سخريه : اخذه اخذ المشط وحطه في شعره وعيا المشط يطلع محمد بسرعه : شوق ..شوق عيا يطلع المشط .. تكفين ساعديني شوق وهي تضحك بقوة : هههههههههههههههه ... شفت عشانك ما تمشطه محمد بضيقة صدر : امانه لا يتقطع شعري .. حطي أي شي عليه وقفت شوق وتوجهت له : خلاص خله انا افكه قربت شوق وهي حاطه يدينها على بطنها بتفكير : شلون بطلعه عاد ... كل المشط متعلق في شعرك .. محمد ضايق صدرة : امانه شوفي لك صرفه شوق ناظرت في المشط وحاولت تطلعه محمد بألم : اييي ...اييي ..امانه شوي شوي ..وش هالنذاله شوق رحمته : طيب ..ما يطلع الحين وش بنسوي ..لازم نقص شعرك ناظرها محمد وعيونه تتكلم : لا ...اقول لك شعري احساسي شلون تقصينه شوق وهي تفكر : تعال المطبخ ..بحط على شعرك زيت طبخ يمكن يفك محمد بسرعه : اخاف يضر شعري شوق بطولة بال : ما يضر امش فتحت باب الغرفه ومحمد يمشي وراها والمشط معلق في شعره بشكل مضحك محمد : ترى انتي اللي قلتي لي مشطه ان صار في شعري شي يا ويلك شوق ناظرت فيه : وانت ما عندك عقل وتعرف ان شعرك خشن ليه تسمع كلامي ناظر محمد شعر شوق : عمرك منتي بحاسه شعرك ناعم ..ما حسيتي بوجعك الشعر الخشن شوق فتحت انوار المطبخ : خلاص ..بشوف لك حل اجلس على الكرسي جلس على الكرسي محمد واخذت زيت الطبخ شوق : يالله استعد بصب الزيت غمض محمد عيونه : سوي مساج وانتي تحطينه صبت شوق الزيت ودخلته في شعر محمد زين ..وحاولت تسحب المشط ..كثرت الزيت لحد ما صار شعر محمد كله زيت طلعت المشط وهي تقول : خلصنا ..لف خلاص لف محمد عليها شوق وهي تناظر محمد : ههههههههههههههههههههههههه هههههه ناظرها وهو رافع حاجبه : وش يضحك شوق وعيونها مليانه دموع : شف ...شف شكلك .....هههههههههههههههههه كنك ..راجو ناظر محمد شكله شعره يقطر دهن وبلوزته مليانه دهن وشعره مفروق من النص وصاير تحت اذنه كنه مستشور لف محمد عليها : وش اسوي الحين عشان يروح شوق بعد ما خلصت ضحك : تروش ..وحط الشامبو 4 مرات ناظر محمد شعره : متقصدة تكبين كل هذا الزيت شوق ناظرت فيه : ليه يعني متقصدة محمد ناظر شعره : تبين احاسيسي تخرب شوق وهي تناظره : انا للحين احاول افهم شلون احاسيسك في شعرك محمد : هذي الاحاسيس محد بيفهمها الا اللي شعورهم خشنه ..عمرك ماتفهمين شلون الاحاسيس في الشعر ..المهم عاطيني المشط الخايس هذا بكبه شوق وهي تاخذ مشطها : لا تكبه ليش محمد : شوفي وش سوا في شعري ..لا يخرب شعرك شوق ناظرت في شعره : وانت تقارن شعري في شعرك ..مشطي زين بس شعرك اللي موب زين انت محمد يفهمها : شعري هذا اللي تسبينه هو الوحيد اللي صبر علي ناظرت فيه : الحمدلله والشكر ..والله انك صادق الدكتور النفسي اجن من المريض النفسي ..هههههه ..انا برقى ابتسم محمد وهو يطفي اللمابت : يالله مشينا لفت عليه شوق : خلاص رح ..انا بتمشى شوي وارجع ناظرها وهو يبتسم وشعره يقطر زيت : بمشي معك ..احس فوق راسي ريحة قلي ضحكت بقوة : بطلع اتمشى في الحوش اخاف يلفحك هو ناظرها : يضر الشعر اذا لفحني هنا شوق هزت راسها وعيونها تضحك : يوقف شعرك محمد : خلاص ..بروح اتروش اجل رقى للغرفه وطلعت تتمشى في الحوش ..عقدت حواجبها وهي تشوف خالتها ام محمد جالسه في على الكرسي اللي في الحوش .. وتفكر قربت منها وهي تبتسم : صبحك الله بالخير لفت ام محمد : صبحك الله بالنور .. جلست جمب ام محمد : وش اللي مطير النوم من عيونك .. التعديل الأخير تم بواسطة لامارا ; 10-10-15 الساعة 07:55 AM | ||||
|
| |
|
09-10-15, 12:15 AM
| #53 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ام محمد ودمعة في حينها نزلت : يعني ...نفس كل ام بنتها تتزوج ..اول ليلة شينة بدون بنتها ابتسمت شوق : هذي سنة الحياة ..الله يعينك ناظرت ام محمد شوق : وانتي وش مصحيك شوق ب ابتسامه : محمد علق شعره بالمشط ونزلنا انا وياه نفك شعره بزيت القلي ضحكت ام محمد : ولدي هذا من يوم عمره سنه وهو يهتم في شعره ..من اول كان ياخذ ربطات نور ويلبسها على شعره اذا تروش ..كان كبير والله وقتها ..بس يقول اذا لبست الربطة زان شعره ضحكت شوق على كلام ام محمد : قبل شوي انهبل ..يخاف شعره يطيح ام محمد : هذا هو محمد .. ماخذ الدنيا كلها شعرهه شوق ابتسمت : الله يحفظه ناظرتها ام محمد وبعد وقت : قبل كنت رافضه زواج محمد من البنت اللي ما اعرفها ..بس من اول ماشفتك ..ودخلتي وانتي منزله راسك .. ما ادري وش صار وانقلب كل شي .. حسيت انك نفس بنتي نور .. ناظرت فيها شوق : كنت عارفه .. من حقك تزعلين ابتسمت ام محمد : بس الحين غير عاد.. خلاص انا راضيه فيك ولا انا براضيه بغيرك ابتسمت شوق : الله يخليك ام محمد قربت من شوق وهي تضمها : الله يسعدك يا بنتي ويسخر لك محمد مسكت شوق يدين ام محمد وهي تبتسم : امين رفعت عيونها ام محمد وهي تناظر محمد : هوو محمد وش مسوي بنفسك انك شوق ناظرت محمد وهي تضحك : ههههههههههه كان واقف ولابس بجامة وفوقها روب ثقيل حق البرد ولاف شعره بمنشفه كبيرة وفوقها حاط كبوس الروب محمد وهو يجلس قبالهم : تروشت ..اخاف يدخلني برد شوق ناظرت فيه : راح الزيت محمد : يالله يالله راح ابتسمت شوق : زين .. والله يوم شفته قلت يبي لك تفرغ شامبو على راسك عشان يروح ام محمد : ورا ما تقص شعرك بس وتريح عمرك شوق بسرعه : شعره احساسه يا خالتي ..خليه هو وشعره محمد ناظر امه : بالضبط شعري احساسي ام محمد تناظر محمد : متى بترجع لندن محمد : مدري ..لحد الحين شهر قدام مانيب رايح .. شوق تناظر فيه بهدوء ..ما عاد تبي ترجع ..خلاص ..كرهت لندن بكل مافيها وقفت ام محمد : الله يسهل لك ..يالله انا بدخل انام ..ناظرت ساعتها .. يمدي نور الحين سافرت دخلت ام محمد شوق ناظرت محمد وهي تقول : اذا بترجع لندن .. ما ابي ارجع معك محمد مد رجوله على الكرسي اللي قدامه : يصير خير شوق حطت السماعات في اذنها وهي تسمع اغاني دق جوال محمد ..رفع جوالها وهو يتأفأف ..كانت مريضة من مرضاه طلبت رقمه بحجة انها اذا احتاجته اتصلت المريضة : صباح الخير د محمد محمد : صباح النور المريضة : شلونك اليوم ان شاءلله بخير محمد : بخير الحمدلله ..في شي رفعت عينها وهي تشوف محمد يتكلم في الجوال نزلت سماعاتها المريضة : امم ..لا ..بس كنت بسألك ..ينفع اكثر من الدوا اللي صرفته لي ..لاني بصراحة ما اقدر انام ... في اشياء شاغله تفكيري محمد : ماينفع ..انا قلت لك قبل اصرفه لك ..ان استخدامه يكون مره وحده في الليل قبل النوم ..الكثرة منه ابد ماهي كويسه المريضه : طيب ..ينفع اسولف معك شوي ..احس ضايق خلقي محمد بحكم شغله ..وانها مريضة عند : تفضلي .. المريضة : امم ... مدري سولف انت محمد بطولة بال : اسولف عن وش اذا في شي حابة تتكلمين عنه يخص علاجك تفضلي غيرة ..خليه في العيادة احسن المريضة : خلاص اجل ..في العيادة .تصبح على خير نزل الجوال من اذنه بملل من البنات اللي يراجعون عنه ناظرت فيه بنص عين ناظر فيها : وش فيك شوق : ودي اصورك بشكلك هذا واحطها قدام عيادتك ضحك محمد : وش هالنذاله ابتسمت : هههههههههه وقف محمد وهو يبتسم : شوق ..اذا ما عليك امر اذا كنتي صاحيه صلاة الظهر قوميني شوق : طيب توجهه محمد للدور الفوقي وهو هلكان اليوم كان يوم حافل جدا جالسه بلحالها ..ماتدري ليش ..في شعور كذا صغير مزعج لما كلم محمد مريضته قدامها ..ما تدري وش .. يمكن تعودت على محمد ...يمكن ..ما تدري وش بالضبط .. ـــــــــــــــــــــــــ ـــــــــــــــــــــ وقفت عند باب الطيارة .. ما ابغى أركب ..ودي أسكر باب الطيارة عليه وانحاش .. شفته يناظرني وهو رافع حواجبه ..بعد هو ووجهه يرفع حواجبه .. سيف : وراك ناس ..أمشي دخلت الطيارة ..وانا كارهه كل شي ..صدق كارهه كل شي جلست على مقعدي ..جمب الدريشة ..وهو جمبي .. يالله مستفز ..مستفز..سرحت في اشياء كثيرة لحد ماصحاني صوت الكابتن ..معلن الاقلاع ..بعدها تذكرت شي وين بيروح ..بيطير ..انا عندي فوبيا ..يمكن يغمى علي لفيت بسرعه على سيف وانا اقول : وقفه لا يطير وقفه سيف بنظرة ساخره : خير وش فيه نور وهي تفك الحزام : سيف الله يخليك وقفه انا ما اقدر ..عندي فوبيا والله ما اقدر طلع من جيبه حبوب وهو يقول : ادري ان عندك فوبيا ما نسيت ..خذي هذا كليها منتي بحاسه بشيي بتنامين على طول نور ناظرت فيه وانا اقول : لا لا ..والله بحس خله يوقف تصنمت مكاني ..لما حسيت الطيارة تمشي ..يمه ...خله يوقف ما اقدر خله يوقف كنت عارف ان عندها فوبيا المرتفعات ..مسكتها وانا احط الحبه في فمها بالغصب نور بغضب : وجع ان شاءلله ... ما ابي وخر حطيت الحبه في فمها وهي تتحرك بقوته ..بعد خمس دقايق ..كأنها بدت تدوخ ..نامت بعد ما استقرينا في الجو ..ناظرتها ..تذكرت سفرتنا الجماعية لـ لبنان .. عمي الله يرحمه ..و محمد ..و ناصر ..وعمتي .. وانا و امي و سارة ..وعبدالله .. تذكرت اول مادخلنا الطيارة ..كانت جالسه جمب ابوها نور بخوف : يبه والله ما اقدر انت تذكر وش صار فيني يوم نسافر اخر مره ابو محمد بضحكه : يا بنتي انتي كبيرة الحين وش فيك ..عيب عليك ..خلك راكزة كلها ساعتين و واصلين نور وعيونها مليانه دموع : والله بموت ..بيوقف قلبي ..مره ابو محمد : طيب وش رايك تقرين آية الكرسي ..بعدها بيطير الخوف ناصر بضجر : بلا دلع ..اهجدي ترا كلها طيارة محمد بهدوء : انت اللي اهجد عادي هذي فوبيا المرتفعات .. ابو محمد : دامك دكتور نفسي علاجها فكنا من صراخها كل ما جينا نسافر محمد يضحك على شكلها كانت حاطه يدها على وجهها وتقرى ايه الكرسي بخوف واضح .. كانت عيوني مركزه عليها ..صغيره يمكن عمرها وقتها 17 او 18 سنة ..وانا كنت يمكن 28 سنة ..بس مع فارق السن اللي بيني وبينها ..كنت اعشقها لدرجة كبيرة صحيت من سرحاني على صوت الكابتن ..يتكلم .. لفيت عليها كانت نايمه وغارقة بالنور ..ناظرتها ..وعيوني مركزه عليها ابتسمت ابتسامه من زمان عنها ..كانت ابتسامه خاصه بنور ..لنور بس ... قربت من عندها وقبلت خدها ..سحرت فيها ... سرحت .سرحت .. وقت طول ..ناظرت ساعتي كانت الساعه 9 بتوقيتنا ..طلعت سرحان فيها ساعتين ..يالله .. طلعت حبوبي ..اخذت حبه وانا احس بضيق بالتنفس .. فتحت لابتوبي ..ألطيران اللي انا عليه فيه واي فاي ..خدمة ممتازة للي سفراتهم طويله ..ناظرت الوقت ..يمكن باقي على وصولي لـ امريكا 10 ساعات ..فتحت لابتوبي وارسلت ايميل ..لـ يزن يخص هدى ..جلست اشتغل على لابتوبي ..لمده طويلة ...كانت تتحرك جنبي بشكل مزعج ..عدلت ملابسها ..وغطيتها بالبطانية ..سكرت لابتوبي ...ورجعت ظهري على ورا باقي على الوصول .. سبع ساعات ... تذكرت قبل اربع سنين .. ما بقى على زواجي من نور الا يوم سيف في غرفتي اغني : يا دانة في عين بحّارك ترى الاحساس ربانك ..يا دانه في عين بحارك ..ترى الاحساس ربانك ..وانا ربان هالمركب وانا ربان هالمركب ..واثني رحلتي عندك ..وحطيت الأمل عند.. رن جوالي رديت من غير ما اشوف الرقم : الو .......: الو ...سيف ال........ سيف : ايه نعم وصلت من معي ..............: معك ناس لهم ثار عند أهلك سيف عقد حواجبه : نعم ..................: زي ماسمعت ...فيه ناس من أهلك مطلوبين عندنا أحياء ولا أموات سيف : وش تقول انت ..كانك رجال تكلم مثل الخلق .................: كانك تبي سلامتهم ..برسل لك عنوان ..تجي عليه على اقرب طيارة لـ امريكا سيف بتعجب : أمريكا ..من انت ...تكلم ..الو سكر الرجال ..وانا عيوني على الجوال ....هذا من ..صوته موب غريب علي .. رجعت فتحت جوالي وانا اتصل على واحد من أخوياي : الو ...هلا ابو طالب ...بخير الحمدلله ...برسل لك رقم الحين ...وابيك تعرف من هو صاحبه ضروري ... تسلم يا ابو طالب ..مشكور سكرت من ابو طالب وانا مشتت ..الصوت ..ابد ماهو غريب ..وين سمعته ..اذكر اني سمعته ..بعدها بكم دقيقة وصلت لي رساله من ابو طالب ( اعذرني يا سيف ..الرقم أجنبي مالقيت له أي مكالمات سابقه عندنا ) قريت الرساله وضربت يدي بقوة .. بعدها بربع ساعه جتني رساله من رقم اجنبي غريب ..فيها العنوان واخر شي مكتوب ..( بتتعب لو تحاول تدور على الارقام اللي تجيك ..كلها ارقام وهمية يا بطل ..حياة عائلتك في يدك ..تبغاهم جنبك للابد ..تطير على اول طيرة لـ أمريكا ...تبي تصلي عليهم بعد بكرة ..لا تجي ) أرعبتني الرساله ..حسيت انها صدق وقفت وانا كل عقلي مع رساله ...طلعت وانا اسمع صوت امي ..تناديني ...طلعت مثل المجنون ..رحت مكتب الحجوزات ..لكن اكتشفت ان مامعي فيزة جلست على العتبه ..افكر وش اسوي ..الفيزة يبغى لها على القليل ثلاث ايام ..جتني رساله ( رح لهذا العنوان في الرياض ..بيضبط وضعك ) لفيت يميني ويساري شلون عرف ان وضعي متلخبط ..طرت على العنوان اللي معطيني اياه ..كان مكان فخم كبير ..تحت مسمى ... لـ منصور محمد الـ.. كانت اللوحة أكبر شي في المكان دخلت ..اول مادخلت جوني رجالين ..أسألوني كم سؤال وطلعوا لي ظرف كبير ..فتحته كانت صدمتي ان الفيزة والتذكرة موجودة و وقت تختيمها كان قبل يومين ..جلست على الكرسي بتشتت ..المطار قريب ..وزواجي قريب ..وعائلتي ممكن تطير مني ..يالله وش اسوي ..يارب العون ..يارب العون ..قررت ..اني اسافر ..هذا الحل الوحيد ..في البداية قلت ان الموضوع فبركة ..بس تأكدت انه حقيقة من الفيزة والتذكرة مستحيل احد يلعب عليك بيسوي لك فيزة وتذكره ..ركبت سيارتي ..واتجهت للمطار .. وقفت عند المطار .. كان قدامي رجال حاط غترته على عيونه وينهج بالكباء قربت منه وانا اساله وش فيه ..شكا لي الحال ..عطيته اللي ربي ميسرة و أمنته على سيارتي ودخلت على طول المطار من دون تفكير بـ وش بيصير .. صحيت من سرحاني بالماضي على حركتها المستمرة باين انها بتقوم .. فتحت عيني وانا ادعي انه كابوس وزال ..أكيد كابوس يا نور ...خلاص انتي تحلمين ..بتفتحين عيونك تلقينك في غرفتك .. فتحت عيني وانا خايفه بس خاب أملي لما شفته بوجهي كشرت وانا اقول : حسافه طلع حقيقة ...ليته كابوس ناظر فيني من دون ولا كلمة وكأن ماله خلق ...عدلت جلستي ..كانت الطيارة شبه فاضية ..فتحت الشاشه اللي قدامي ..ناظرت كم مدة الوصول الباقي 3 ساعات ..زين مر الوقت الحمدلله بدون لا اشوف وجهه لفيت عليه كانت عيونه حمرا ..يغمضها بقوة ويرجع يفتحها ... كنت اراقبه من دون ما يحس ..تعرفون احساس الغرابة ..تحسين نفسك مع رجال غريب ماتعرفينه ..هذا حالي معه ... احس انه غريب عني ..ما اعرفه رجعت نفسي على ورا ما ابي افكر فيه ...ولا ابي افتح لنفسي باب الحزن مره ثانية ـــــــــــــــــــــــــ ـــــــــــــــــــــــــ ـــــــــــــــــــــــ الساعه 1 في الرياض واقفه قدام المراية ..اناظر الكدمات اللي في كتفي ..وش اسوي فيها ..واضحة مره ...رفعت عيني لشفايفي اللي واضح مطقوقه ..ياربي ما ابي حنان تلاحظ ..ولا ابي سالم يلاحظ ..لبست بلوزة اكمامها طويلة ما ابي تبين شي وشفايفي وش اسوي بخليها زي ماهي وبدور عذر اذا سألوني فتحت باب غرفتي ..واتجهت للدور الاول دخلت وانا اسلم ..كان جالس وسطهم ..وليد و حنان و عمي .. سما : السلام عليكم الكل : وعليكم السلام حنان اول ماشافتني قامت مسرعه متجه لي بخوف : وش فيك ..بسم الله عليك ..وش هذا ابتسمت وانا اقول : الكعب اول ما دخلت غرفتي ..خبطت وطحت عن التسريحة ..وشوفة عينك وش سوا فيني حنان : بسم الله عليك ..ماتشوفين شر ابو وليد : انتبهي يا بنتي مره ثانيه سما بـ ابتسامة خفيفة : ابشر يا عمي جلست بعيد عنه وانا اناظره واتذكر اللي صار امس ..كنت اناظره بغرابة .. وفي نفس الوقت احس اني حاقدة عليه وماني حاقدة شعور غريب نزلت عيوني وانا اشتغل على جوالي ما ابي اناظر فيه زيادة كان يناظرها .. انقهر ..ما يدري ليش ..تعرفون شعور اللي تنقهرون من شي ماتدرون وشو ..هذا حال وليد ..ناظرت فيها بعمق .. طاحت بالكعب ..ليش ماتقول لهم الحقيقة ..وليد اللي سوا فيني كذا .. الحين بتحس انها متفضلة علي ومخبية علي دخل سالم وهو يركض اتجاه سما : ماما فتحت يديني وانا ابوسه بشويش : اهلا ناظر فيني بخوف وهو يقول وعيونه فيها دموع : ماما هذا ايش كان يأشر على شفايفي قلت وانا ابتسم : ولا شي ..انا عورت نفسي امس .. سالم بعيون طفل : يعورك سما ناظرته وقربته مني : عادي .. مايعورني جلس جمبي ودخل يده في يدي لهيت في جوالي ..و سالم لها في ايباده التعديل الأخير تم بواسطة لامارا ; 10-10-15 الساعة 08:17 AM | ||||
|
| |
|
09-10-15, 12:17 AM
| #54 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ماكنت مرتاحه ..نظرات وليد غريبة ..كأني مذنبه في شي ..رفعت عيني اتاكد انه يناظرني ..كان يناظرني بنظرات غاضبه ..ما ادري ليه ..من اللي مفروض يغضب على الثاني انا ولا هو حنان ناظرت في ابو وليد وهي تقول : سالم .. وقت علاجك الطبيعي .. ابو وليد بهدوء : والله يا حنان ما يفيد حنان وقفت وهي تتجاهل كلامه : يالله رحنا دفت ابو سالم وطلعوا من المجلس كان جالس وعيونه مركزه عليها .. كارهها ..كارهه اني اشوفها حتى ..قلت بصيغة امر : قومي جيبي لابتوبي فوق كانت لاهية في جوالها وقفت مسرع تجاها وسحبت جوالها وانا اقول : ما تسمعين ناظرت فيني بصدمة : وش تسوي ..عطني جوالي سالم يناظر ابوه : بابا .. ناظر وليد في ولده وهو يقول : رح اطلع برا الحديقة عند لطفيه سالم بعناد : ما ابي بجلس عند ماما صرخ صرخه اول مره تطلع منه : قــلــت لك قــم أطـــــــلع ناظره سالم بخوف طفل صغير ناظرت فيه سما وهي تقول : هذا طفل شوي شوي ... سالم حبيبي سو زي ما قال بابا قربت منها وانا شاد على اسناني : مالك دخل فيني انا و ولدي تفهمين ولا لا سما وقفت وانا اقول : لي دخل ..انا جايه هنا على حسب كلامك عشانه هو بس وليد ناظرتها وانا احاول اتحكم في اعصابي : لا تردين الكلام علي ..وانت قم اطلع اخلص طلع سالم وعيونه مليانه دموع رجعت على ورا وانا اقول : عطني جوالي رجع مكانه وجلس . ناظرت فيه وانا اقول : عطني جوالي تسمع انت ولا لا وليد وهو يمد جوالها : تبين جوالك ..تعالي خذيه قربت باخذ جوالي .. صدمني بحركته اخذ الجوال و بكل قوة ضرب به الجدار قال بصوت تهديد : ثاني مره اذا قلت لك شي اسمعيه من اول مره ..عشان ما تتضررين مجنون ..مجنون هذي حركة يسويها واحد عاقل فقدت اعصابي وانا اقول : مجنون انت ..مجنون لو انك عاقل ولا فيك ذرة عقل ما سويت هالشي الطفولي ..بزززر ناظر فيني وهو يقول : وتصارخين في وجهي حلو والله ..صفق وهو يقول : متربية مضبوط ماشاءلله كنت واقفه قدامه وهو جالس قدامي قلت بـ اسلوب مستفز له و بدون تفكير : مختل عقليا ..ماراح استغرب اذا شفت هالحركات منك مره ثانيه .. وش بشوف شي زين من واحد كرهه ولده وهو ماله ذنب ..وش ارتجي من واحد يعلق ذنب شخص في ارقاب الباقي ناظرته وانا مستحقرته طلعت من الصاله ضغطت على يديني بكل قوة من كلامها .. كنها عرفت وش اللي يقهرني وتكلمت فيه وقفت وانا فاقد اعصابي .. رقيت فوق وانا اشوفها جالسه في الصاله قربت منها ومسكت شعرها وانا اقول : انتي قد اللي قلته سما كان شاد شعري بقوة حسيت شعري كله في يده : قده ونص يا مريض فك شعري وهو يسحبني من يديني بقوة .. سما بصوت عالي : فكني ...فكني ...انت ماتفهم فكني كنت اجرها وانا ما احس بنفسي كل شي فيني معصب منها ..ما اقدر امسك نفسي ..جريتها وانا اسمع صوتها العالي ..سحبتها لحد ما دخلتها غرفة معزولة في البيت دخلتها الغرفه وهي تصارخ دفيته وانا اقول : خلي كلامك ينفعك ناظرتني وهي تقول : وخر عني خلني اطلع مسكت الباب وانا اقول : منتي بطالعه الا لين تعترفين انك منتي قد كلمتك ناظرت فيني بتحدي وهي تقول : انا قد كلامي ..ماقدر قلت كلمة الا وانا قدها ناظرتها اعجبني موضوع التحدي اللي بيني و بينها خصوصا اني انا انسان اعشق التحدي : اسحبي كلامك منتي بقد اللي بسويه فيك سما كانت في زاوية الغرفه : ماتقدر تسوي شي ابتسمت وانا اقرب منها : شكلك مثل نوعي تحبين التحدي سما ناظرت فيه بقهر : بسم الله علي منك لازلت على ابتسامتي : يعني منتي بساحبه تحديد سما : لو اموت وقفت وانا اقول : براحتك تحملي اللي بيجيك اجل وقفت عند الباب وطفيت الكهرب وانا اقول : يوم سعيد طلع وقفل الباب ضربت الارض بقهر .. كنت اناظر المكان ..كان مكان زي المكتب ... معزول عن الغرف الباقيه اثاثه مغبر .. انا فيني ربو ما اتحمل الغبار نظفت الكرسي وجلست عليه وانا اتمتم : مريض ..الله ياخذك ...اكرهك كانت الساعه 3 العصر الشمس في عزها ...كانت الغرفه منورة شوي .. اخاف تغيب الشمس وما يفتح لي .. ما احب الظلام .. يذكرني بـ ذكريات تخوف ..جلست وانا احتري الفرج ...بس شدني نور خفيف طالع من سلك صغير قربت من عنده ..كان شاحن اللابتوب ..عقدت حواجبي ..كم عنده لابتوب هذا .. جلست على كرسي المكتب وانا افتح اللابتوب , فتحت اللابتوب ..مافيه واي فاي حسافه ..فتحت الصور اتفرج ..انصدمت ..تصلبت عيوني على اللابتوب ..كنت اناظر بخوف ..فتحت قسم الفيديو بس هالمره كانت شهقتي اقوى ..آآآآآآآه هذا ايش ... كانت صور و مقاطع لبنات في حالة اعوذ بالله ..سكرت اللابتوب بسرعه وانا استغفر الله ..بـ استفرغ ( اعزكم الله ) ما اقدر .. ناظرت في اللابتوب بصدمة قلت بهمس : نذل .. الله ياخذك ..اكيد مهدد البنات فيهم ..فتحت اللابتوب بسرعه وانا احذف الصور ..واستغفر من الصور اللي امر عليها ..بعد ماحذفت كل شي في اللابتوب ..اكدت على حذفه وسكرت اللابتوب ..وانا افكر في الشي اللي شفته ..طلع هذا نوعه ..طلع من هالنوع ..لميت يديني على نفسي وانا خايفه ..هذا كيف بكمل معه حياتي ..هذا شلون بأستمر معه ... ـــــــــــــــــــــــــ ــــــــــــــــــــــــ نزلت على ارض الدولة اللي ما تمنيت في يوم انزل على أرضها لو حتى سياحة لفيت عليه وانا كارهته من كل قلبي ..ماعاد يهمني شي ..كل شي عندي متساوي ..أكرهه من كل قلبي .. جلست على الكرسي ...وهي تراقب الناس ...و أراقبه يخلص جوازاتنا ويضحك مع الاجانب كن بينهم معرفه سنين ..لفيت راسي بقرف من الوضع اللي انا فيه .. قرب من عندي وهو يقول : قومي وقفت بدون ما اتكلم كنت امشي وراه وسرحانه بـ اشياء كثير .. ركبنا السيارة وبعد وقت طويل رفعت راسي ..صدمني المكان اللي حنا فيه ..لفيت راسي لدريشة السيارة كنا في مكان اشبه ما يكون بقرية مخيفة ...كأنها قرية من قرى أفلام الرعب شهقت وانا اقول : وين موديني لف علي بهدوء : للبيت نور كنت اناظره ابي افهم شي : بيتك ليش هنا ..كنك مختفي عن العالم ابتسم لي بنرفزة وهو يقول : شغلي نور حطيت يدي على فمي وانا اقول بلا وعي : مجرم هز راسه وهو يضحك : بالضبط رجعت ظهري على الكرسي وانا مصدقه انه مجرم ..المكان اللي اشوفه قدامي مستحيل يكون مكان في نيويورك ..مكان في عز الشمس باين انه مظلم ..طُرقه مليانه بالحصاء اللي ما تثبت السيارة اذا مشت عليها ..وقفنا عند مكان كبير محاط بـ اسوار طويل و باين من فوقها شجر كثيف .. انفتحت البوابة دخلت السيارة وبدوا العمال يرحبون فيه من ورا السيارة بفرحة واضحة ...نزل من السيارة وسلم عليهم وانا منزله عيوني ما ابي اشوف واخاف اكثر ..احس بوحشه فضيعه ارتعب بعد ماطق علي زجاج السيارة وأشر لي أنزل .. نزلت من السيارة ببطء ناظرت قدامي وانا اشهق ..كان المنزل او الحديقة جنة الله في الارض ..عكس طريقها المخيف ..كلها ورود حمرا وبيضاء و زرقاء ..صوت الشلال وريحة الزرع المسقي ..رفعت راسي بغرابه ..ناظرت قدامي ..رجعت على ورا بخوف وانا اشوف ثلاث رجال مسلحين ..لابسين أسود في أسود ..و معاهم رشاشات ناظرت في سيف اللي واقف يناظرني من بعيد ويناظر ردة فعلي شفت مرأه كبيرة في السن تتكلم معاه قربت من عندي وهي تقول : انتي زوجة سيف ناظرتها بخوف ما ابغى ارد عليها ما ابغى اتكلم بولا شي حتى ما ابغى اشوفهم قدامي المرأة المسنه تكلم سيف : ربما لا تستطيع تحدث الانقليزية جيدا ..هل اتكلم العربية سيف رفع حواجبه : انا اعلم انها تتكلم بلغه طلقه جدا ..ربما افضل مني المرأة : لما لا تريد ان تتكلم سيف : لا اعلم ..اتركيها الآن المرأة : كيفما تشاء كانت عيونها تايهه في المكان اللي هي فيه و خصيصاً في الرجال المسلحين ...قربت من سيف وهي تقول : سـ...سيف ...انت وين جايبني سيف ناظر فيها : جايبك في بيتي أشرت بـ أصابعبها بخوف واضح على الرجال المسلحين : وش يسون هذولا هنا سيف وهو يمشي : هذولا رجالي نور وش يقصد برجاله مشت وراه وهي تقول : شلون رجالك ..وش يسون هنا هذولا سيف لف عليها وبصوت شبهه عالي : موب لازم تعرفين ..لا تكثرين أسئلة علي ..قلت لك كلمة امشي عليها رجعت على ورا بخوف المكان موحشه تحس بغربه قالت له بصوت هادي : غرفتي وين سيف وهو يكلم المرأة المسنة : ميلا ارجوك خذيها الى غرفتها ميلا المرأه المسنة : حاضر قربت ميلا من النور اللي لازال الخوف متملك لقلبها : تفضلي معي سيف قال بصوت عالي : تعالي ...تعالي هنا لفت وهي عاقده حواجبها : وشو سيف يمد الجوال : امسكي اخذت الجوال وهي تحطه على اذنها : الو ام محمد : نور ..يا عين امك شلون حبيبتي ..ان شاءلله انك بخير نور صوت امها ..قالت وهي حابسه البكيه : بخير ..بخير .انتي شلونك ام محمد : ردت فيني الروح يوم سمعت صوتك نور : الله يخليك لي ام محمد: ان شاءلله مبسوطه يا عيني ناظرت سيف بهدوء : مبسوطه الحمدلله ابتسم سيف على جنب وهو يسمعها كفو ام محمد : يالله يا حبيبتي ما اطول عليك ..لا تقطعينني كل شوي اتصلي علي نور : ان شاءلله .. مدت الجوال لسيف .. سيف : هيا ميلا خذيها لغرفتها مشيت وراها برعب من المكان اللي هي فيه ..كانت تناظر من حولها كثير عمّال و عاملات ..المكان هذا ايش ..ماهو بيت ..ولا مزرعه ..ولا حديقة .... كأنه وكر .. مخيف ... دخلت المرأة المسنة المدعوة بـ ميلا الفيلا ..وتبعتها نور ناظرت حوالها ..كانت الفيلا فخمة .. وكبيرة ..تقريبا نفس بيتها اللي في الرياض .. تبعت نور المرأة المسنة لحد ماوقت عند باب طويل المرأة المسنة بـ ابتسامه : تفضلي ..هنا غرفتك نور بتردد : ماهذا المكان الذي انا به المرأة المسنة : قد يكون مخيف بالنسبة لك ..لكنه أمان جدا لا تخافين . نزلت ميلا ونور تناظرها ..غرفتها مقابلة للدرج ..فتحت الغرفة وترددت في الدخول .. دخلت الغرفة ..ناظرتها بصدمة ...لفت عيونها على الغرفة بصدمة أكبر .. تجمعت في عيونها الدموع وهي تذكر قبل اربع سنوات حديثها هي وسيف عن الغرفة الخاصه بهما نور بزعل : لا ما ابي ..ابغى لون الجدار ابيض سيف ب اختلاف برأي : لا ما احب الابيض في الغرف ..خلينا نسويها بيج نور لازالت على زعلها : اجل نام فيها انت بلحالك سيف ابتسم : مع اني ما احب الابيض ..بس تامرين نور : ايه هذا حبيبي المطيع سيف : طيب والاثاث وش تبين لونه نور بتردد : اذا قلته بتزعل سيف : عارف وش تبين بس انسي نور : سيف حرام عليك هذا حلمي في غرفتي .... والله اذا صارت الغرفه بيضا والاثاث ابيض وانت تلعب في الوان الكنب والمفارش تطلع مره حلوة سيف ب اصرار : انسي مافيه نور : يعني وش بتحطة سيف : بحط بني نور بصوت شبه عالي : لاااا امانه وش بني مجنون انت لا ماني راضيه سيف : بزر عندك انا وش هالالوان اللي تختراينها حتى لون الجدار ابيض موب زين نور : ما عندك حس فني والله ..المهم انك بتسوي اللي انا اقوله سيف وهو متأكد انها بتقنعه : على كيفك يعني نور وهي تبتسم : ترضى يصير فيني اكتأب من غرفتنا المستقبلية سيف وابتسامته معلقه على وجهه : لا نور ب ابتسامتها الساحرة : خلاص تسوي اللي اقولك عليه سيف : تامرين نور : حبيبي انا ...كنت عارفه صحت من سرحانها بدمعة انسابت على خدها ..مسحتها بسرعه وهي تشوف الغرفه كانت الجدران بيضا و الاثاث ابيض و الكنب لونه وردي و الخداديات اللي عليه ملونه .. ومفرش السرير وردي وخدادياته ملونه بالاصفر والاخضر والوردي الغمق والبنفسجي اتجهت للباب وفتحته وهي تنزل للدور الارضي تدور سيف ميلا بـ استغراب : هل تحتاجين لشي ؟ نور : أين سيف ميلا وهي تأشر على الغرفه : السيد في هذه الغرفه لكنه الآن مشغول لا يجب عليك ان تدخلي نور مشت للغرفه وفتحت الباب رفع رأسه ب استغراب من جرأة الشخص اللي فتح الباب .. هو يعرف ان عاملينه اللي هنا مستحيل يتجرأون و يفتحون الباب ..اكيد هي ..فعلا بعد ما رفع راسه كانت واقفه عند الباب سيف : نعم نور قربت منه : ما ابي الغرفه اللي عطيتني اياها سيف برفعه حاجب : موب هذي غرفة الاحلام حقتك نور : قلت لك ما ابيها غيرها لي سيف : لا ..هذي غرفتك اللي لك هنا نور بصوت عالي : ما ابيها غيرها تفهم ولا لا وقف من مكتبه بغضب قرب منها وهو يقول : صوتك لا يعلى هنا تفهمين ولا لا .. في هذا المكان الصوت لي انا بس ..انتبهي يا نور يرتفع صوتك علي ولا على أي احد هنا نور رجعت على ورا وهي تقول : ماني نايمة فيها سيف : طيب وش تبين لون غرفتك الجديده واثاثها نور بقهر : اسود في اسود مثلك سيف بقلة صبر : أطلعي برا نور ناظرت فيه : بطلع .. بس ماراح انام هنا سيف : ان مانمتي هنا بتنامين برا في الحديقة والخيار لك نور برفعة حاجب : شلون يعني سيف نزل راسه لمستواها : يعني لو مانمتي في غرفتك اليوم ماراح اسمح لك تنامين الا برا نور بصدمة : يعني اذا مارضيت انام فيها ..اناك برا الفيلا سيف هز راسه نور بقهر : ماراح انام فيها سيف رفع كتوفه : كيفك ..بس تنامين في مكان داخل الفيلا تحلمين نور ابتسمت بقهر واضح : مانيب نايمة فيها ولا راح انام في الفيلا بكبرها طلعت تمشي بقهر واضح على وجهها من كلامه رجع جلس على مكتبه وهو واثق ان نور بتنام في غرفتها ـــــــــــــــــــــــــ ـــــــــــــــــــــــــ ـــــــــــــــــــــــــ ـــ أنـــــتهى الـــبــــارت الــــتــــاسع توقعاتكم وتعليقكم يسعدني الـــبــــارت الجاي ب اذن الله الخميس الجاي ... شكرا لـ متابعتكم .. فعلاً أحبكم من كل قلبي ... التعديل الأخير تم بواسطة لامارا ; 10-10-15 الساعة 08:42 AM | ||||
|
| |
|
09-10-15, 04:13 PM
| #55 | ||||||||
  
| السلام عليكم ورحمة الله وبركاته.... نور فصلين ولا ارووووووع....حقائق بدأت تظهر ..وأشياء مخيفه كانت مخفيه... نبدأ بسيف ونور....حقيقا سيف يخوووف...وحياته كمان تخوف....ما عجبني طريقه تعامله مع نور ...ابداً ماهو مقدر وضعها أو الأشياء الحصلت لها....اشوف انه بيعاملها بقسوه....يعني اذا هو يحبها جدا مفروض يحاول يكسبها تاني ويرجع حبها مش يخوفها كده....الله يستر منه ومن مصائبه... نور مسكينه جدا....يعني حتى حق الرفض سلب منها...صارت مسيره ومن أقرب الناس مفروض لها....قطعت قلبي لما انفجرت في سيف عن الوضع كيف كان وكيف صار الناس تتشمت فيها.... فارس وأبو فارس....غلطه كبيره جدا ان أبو فارس ينسب فارس له ويعطيه إسمه....اصلا هذا الشئ حرام كيف أبو فارس يعمل كده....فارس تفكيره صحيح ريم وأهلها لازم يعرفوا بتحقيقه نسبه وبطلاقه.. وليد وسما....وليد أظن يحتاج علاج نفسي مع محمد هههه....جد ماطبيعي هذا الإنسان...يمكن عقده الذنب وكمان أهل زوجته مامقصرين وهم متهمينه بالقتل ....اتوقع اللاب توب حق زوجته المتوفيه....ما اظن وليد حق خرابيط زي كده.... محمد وشوق.....فقعت ضحك على شعره وأحاسيسه.....هههههههههههههه� �هههه.....جد ضحكني.....يمكن هو قاصد يعمل كده عشان يعود شوق تتعامل معاه باريحيه وطبيعية.....بس هو انسان رائع وشوق بنت رائعه جداااا وتستاهل كل الحنان من محمد وأهله..... في حاجه لسا محيراني ....في المقدمه في طفل بيلقوه في شنطه وقتل....كنت أتوقع هذا الطفل سيف.. بس الحين عرفنا أن سيف احضره عمه وبعد كده ابوه رجع وعاش مع آمنه .... طيب ميييين هذولا ؟؟؟!!! مشكورررررره لامارا على النقل .... (سبحانك اللهم وبحمدك أشهد أن لا إله إلا أنت استغفرك وأتوب أليك) | ||||||||
|
| |
|
10-10-15, 09:57 AM
| #56 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| السلام عليكم ورحمة الله وبركاته كيف حالكم إن شاء الله دائما بخير ؟ هلا وغلا نور كيفك يا حبي إن شاء الله زينة يا قلبي شكرا عـ البارتين يا روحي نجي للتحليل نور و سيف للحين نور ما تدري عن زواج سيف من هدى ، فلو تدري وش راح تسوي ، أعتقد فوق الكره والعتب راح تحقد عليه بزيادة.... سيف مثل البحر متقلب حنون مرة وقاسي عشرة بس اصراره على نور ما هو طبيعي...... هل هو حب ولا عناد ؟؟؟ شوق و محمد هههههههه محمد ابو شعر منكوش مكدش ههههههه ما اتخيل دكتور شعره منكوش ههههههه نكته راحت الهيبة يا حمود يا بو شعر كدوش منكوش..... شوق مستقرة استقرار وقتي هش ممكن في لحظات يطير...... ريم و فارس حكاية فارس عويصة فيها حلال وحرام فرضا ريم تطلع قريبة له ومن محارمه ولا يجوز يتزوجها ابو فارس شخص لا يحلل ولا يحرم إلا اذا كان فارس فعلا ولده من صلبه بس مو ولد ام فارس لان حبه لفارس قوي ويبيله الخير أو يمكن بو فارس شرير وكذاب و يبي يوجع أبو صالح في بنته الوحيدة فارس طيب و شخصية عفوية ودليل ذلك سالفة الأفارقة مسكين بسن نية تورط هههههههه ريم تناسب فارس بس من غير غش...... شنو راح يصير عليهم هـ البطلين الطيبين في الرواية ؟؟؟ ننتظر ونشوف سما و وليد و ناصر وليد ماله حق يعامل سما كذا ؟؟ وش سالفة اللاب توب بعد ؟؟!! أو يمكن اللاب مو مال وليد لان وليد ما له بهالسوالف حسب الظاهر الله يعلم بالباطن ناصر دخل عرض في قصة سما و وليد بس انا من انصار وليد حتى الآن على الأقل ما يندرى وش راح يصير بعدين...... سما بين مشاعر ود و مشاعر بغض لـ وليد الله يساعدها متى ترتاح لا عند أهل ولا عند رجل بعدين وش سالفة ام شهد إللي جات حذرت سما ، يا ترا هـ التحذير بصالح سما ولا مو بصالح سما ؟؟؟ وكما هادي توأم شهد يا ترا صج وليد قاتل شهد ولا كذب لأن حسب كلام حنان ان شهد هي اللي تبي طفل قصة وليد كانت بسيطة رجل أرملة وفي لزوجته الراحلة لكن فجأة تشربكت القصة وظهرت قصص ورا وليد و زواجة من شهد غموض كبير حتى سالم ما قام يعامله زين وش السالفة يا ترا ؟؟؟ ننتظر ونشوف...... اليوم سارة وسلطان مسجلين غياب ما هم اضرين مفتقدينهم بقوة يعني صراحة سارة ظهرت عـ الخفيف بعرس اخوها في الاخير الله يجيبك يا يوم الخميس عـ خير ننتظرك نور لا تطولي حبي دمت بود شـكــ وبارك الله فيك ـــرا لك ... لك مني أجمل تحية . موفق بإذن الله ... لك مني أجمل تحية . | ||||
|
| |
|
15-10-15, 10:43 PM
| #57 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الــــــبـــــــارت ( 10 ) ـــــــــــــــــــــــــ ــــــــــ دُنيانآ يا أبتي لآ ترحم .. صغيراً كان أو كبيراً يا أبنتي .. دُنيانا يآ أبتي ظالمة قاهره ... فـَ ليكن الصبر يآ أبنتي سلاحاً فرحي حزينٌ يآ أبتي وحزني طويل .. تلك هي الحياة يآ أبنتي تلك هي العذآب .. تبقى لي أنت الحياة يآ أبتي والباقي في ذهاب .. وتبقي لي يآ أبنتي قرة عيني والحياة .. *النور ـــــــــــــــــــــــــ ـــــــــــــــــــــــــ ـــــــــــــــــــــــــ ـــ فتح عيونه بعد نومه طويلة بعد ما اخذ مخدر ذكر ما حصل في الامس ..غمض عيونه بقوة و قهر ...سارة ..تزوجت ...نزلت دمعة حارة من عين رجل على خدة .. مسحها بقهر زياد بصوت واطي و ألم : ما عمر عيني عرفت الدموع الا من عقبك يا سارة .. وماعمر قلبي انجرح الا من عقبك يا سارة آه ...آه وقف وهو يحاول يصلب طوله ..لف يمينه ويساره يشوف هو وين ..في شقته .. زين انه دخل شقته بالسلامة تذكر زوج سارة ..كيف ضربه وسط نظرات سارة شد على يدينه بقهر ..شد على اسنانه وفي عيونه نظرات توعد مخيفه رفع جواله بتعب بعد ماسمع صوت رنينه قمر بقهر : زياد ..وينك ...شو هالحركات تتركني وتمشي ماتخبرني زياد بقهر : انتي طالق ..لا تتصلين علي ولا اشوف رقمك قمر بصدمة : بتطلقني ..شو عملت لـ الك ..ليش عم بتطلقني زياد بصوت عالي : رقمـــك ما ابي اشوفهه تفهمين ولا لا .. قمر بقهر : ماشي ..ماشي يا زياد سكر في وجهها بتعب من كل شي يصير حوله رجع ظهره على ورا غمض عيونه وذكرى سارة للحين في باله ... ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــ وقف عند فيلا سارة ..نزل من السيارة دق على سارة ..سكرت في وجهه اخذ نفس حركات اطفال والله العظيم ..رجع دق ثاني مره وسكرت في وجهه ..ارسل لها ..( افتحي باب الفيلا وحركات الاطفال هذي خليها عنك) بعدها بدقيقه ( ماراح افتح .. حركاتي ماهي طفولية بس فكر وش قلت امس ) ( أعتذر , فقدت اعصابي ) سارة ( اذا في كل مره بتفقد اعصابك وتقول كلام ماله داعي خبرني عشان اعرف كيف اتصرف معك ) سلطان : ماينفع اتكلم انا وياها بالرسايل وقف عند الباب جاب يرن الجرس فتح عبدالله الباب وهو لابس بدلته العسكرية : يا هلا بالنسيب ..يا الله حيه تنفضل سلطان بـ ابتسامه : هلا والله فيك ..شلونك عساك بخير عبدالله بـ ابتسامه وهو يدخل سلطان : الحمدلله بخير .. شلونك انت عساك بخير سلطان : بخير الحمدلله عبدالله جلسه في المجلس وهو يقول : بنادي لك سارة ..أنا و أنا اخوك عندي شفت الحين ما يمديني أجلس معك سلطان بـ ابتسامته المميزة : الله يسهل دربك طلع عبدالله من المجلس .. بعدها بنص ساعه دخلت سارة وهي تسلم : السلام سلطان وهو يناظرها : وعليكم السلام جلست على الكنبة بهدوء وهي تناظره سلطان يناظر ساعته : نص ساعه يا الله طعتني لـ هنا سارة بجراءة : تستاهل وقف سلطان واتجهه لها وجلس مقابل لها : افا .. استاهل ..ليه طيب ؟ سارة هزت راسها : تستاهل .. سلطان ياخذها على قد عقلها : ليش طيب سارة بزعل : ما ادري انت ادرى سلطان يسوي نفسه ما يدري رفع كتوفه : ما ادري ..وش مسوي انا ..احاول اتذكر بس ما اتذكر شي ..ولا اتذكر اني يعني سويت شي قوي سارة بهدوء : خلاص ما سويت شي سلطان وهو يحط رجل على رجل : مافي قهوة ..مافي شاهي ..مافي عصير ..اي شي يبل الريق .. سارة وقفت وهي تعطيه المويه: هذا اللي عندنا والله اخذ الموية : مشكورة كلها نعمة ربي رجعت جلست في كنبه ابعد شوي سلطان صفق كفوفه ببعضها وهو يقول : طيب .. بما انك زعلانة ..انا قلت لك اعتذر على اللي سويته مع اني ما سويت شي سارة وعينها في عينه : طيب خل اعتذارك يكمل ..ليش تقول انك ماسويت شي سلطان : هذي الحقيقة ..ماسويت شي بس اني اعتذرت سارة باصرار : الا مسوي سلطان ب استفهام : وش سويت سارة ماتدري وش تقول له بس تحس انه غلطان :........ سلطان وهو يبتسم : شفتي ..ما لقيتي شي صريح تغلطيني فيه ..الحين انا بقول لك انك انتي غلطانه لفت على سلطان بسرعه : ليش ان شاءلله سلطان بركادة : اهدي بقولك الحين تكتفت سارة : وش غلطت فيه سلطان : اولا .. رفعتي صوتك مع انه ما يصير زوجه ترفع صوتها على رجلها والعكس صحيح ..ثانياً ماجوبتيني على سؤالي بأدب كنتي تصارخين كأني بزر عندك .. والثالث والاهم طلعتي وتركتيني وانا اكلمك هذي موب اخطاء ؟ ..ولا الاخطاء في نظرك اللي سويته لك سارة سكتت : ........... سلطان : شفتي ..مين لازم يعتذر للثاني سارة بهدوء : مدري سلطان : يالله يا شطورة اعتذري لانك غلطتي سارة ناظرته : شطورة وش ..تكلم بزر انت سلطان : ولا يهمك ..يالله يا سارة يا كبيرة اعتذري سارة لاويه فمها : تستفزني انت ..خلاص خلنا ننسا اللي راح سلطان هز راسه بالنفي : انا اعتذرت لازم تعتذرين انتي سارة ماتقدر تعتذر : خلاص قلت لك خلنا ننسا ..يعني زي الاعتذار سلطان : لا والله يا حبيبتي ...اعتذري مثل الاوادم ... قولي انا آسفه يا سلطان عشاني غلطت عليك وانت ما تستاهل لفت عليه سارة وهي تقول : لا والله ..ما غلطت اجل انت ؟ سلطان هز راسه : ماغلطت سارة : واللي قلته سلطان : وش قلت سارة : يوم تقول لي تحبين زياد سلطان رفع حاجبه : فيها شي ..سؤال سألتك إياه وكنت ابغا جواب ..بس شكلك فهمتيه خطأ .. سارة : خلاص لا نتكلم في اللي راح سلطان بعناد : اعتذري اول سارة : خلاص موب لازم سلطان بعناد زايد: لازم سارة بصعوبه : افف .... اعتذر سلطان : كلمي سارة لفت عليه : خلاص يا سلطان قلت لك اعتذر ابتسم سلطان : والله اسمي حلو من لسانك سارة ضحكت : والله سلطان : أي والله سارة وهي تبتسم : زين ..عشان ماتمل مني كل ماناديتك سلطان : لا تخافين انا انسان موب ملول سارة : زين والله سلطان بجدية : يالله اجل خلينا نرجع للموضوع الرئيسي سارة : وش سلطان بهدوء : زياد سارة بملل: يالله لا تجيب لي سيرته تكفى سلطان بصدق : لا تخافين ..انا انسان عقلاني مانيب مجنون او متهور .. ابغى اكلمك بصراحة وابغى اجوبه منك صريحة اتفقنا سارة هزت راسها سلطان : زياد يحبك سارة بصعوبه هزت راسها سلطان بهدوء : وانتي تحبينه رفعت راسها بسرعه : لا قلت لك امس لا سلطان : طيب ليش يسوي كذا ..امس كان وضعه موب طبيعي سارة بصراحة : ما ادري والله ..زياد كان يحبني اعترف وانا من زمان مره كنت احبه بس الحين لا والله ما احبه ولا اعترف فيه اصلا ..والله العظيم لو كنت احبه لو واحد بالمية ما تزوجتك والله العظيم سلطان ناظر فيها : ما يحتاج الحلف ..أصدقك سارة بهدوء: أي اسئله ثانيه سلطان : من متى كان يحبك سارة بهدوء وبدت تكرهه الاسئلة : من زمان مره سلطان ابتسم : خلاص ..قضت الأسئلة سارة ناظرت فيه : طيب انا بسأل موب بس انت سلطان : تفضلي سارة وهي تفكر : امم ..قد حبيت من قبل سلطان هز راسه : ايه سارة فتحت عيونها: نعم سلطان ضحك : بديتي تغارين من الحين سارة وهي تناظره : لا موب غيرة ..بس شفافيتك سلطان هز كتوفه : شفتي اللي حسيتي فيه ..نفسي يوم قلتي انك كنتي تحبين زياد من زمان سارة وهي لاويه فمها : بس الوضع غير ..ما علينا .. من هذي اللي كنت تحبها سلطان : وحده من بنات خالاتي سارة : ماشاءلله ..ليش ماتزوجتها طيب سلطان ابتسم : تزوجت الله يستر عليها سارة بتردد : للحين تحبها سلطان : برد نفس جوابك ..لو كنت احبها لو واحد في الميه ما رضيت اتزوجك سارة انبسطت على موضوع الاسئلة : طيب ..شلون عرفتي سلطان : اثير ..كانت تتكلم عنك من زمان .. قالت لي بخطبها لك ..قلت اخطبيها سارة : بس كذا سلطان ناظرها ب استغراب : ايه سارة وهي تضحك : اثير سوت لي فلم ..تقول اخوي معجب فيك ...ومنشد لك ههههه حسبي الله على ابليسها كذبت علي سلطان وهو يبتسم : نصابه والله سارة بـ ابتسامه : طيب عاد انت لا تخرب صورتك ..خلني احس انك معجب سلطان ضحك ب صدق : هذا الصدق سارة وهي تصفق بيدينها: امم طيب ... خلاص خلصت الاسئلة ناظر ساعته بعدين ناظر سارة : تأخرت على الدوام ..عندي شفت اليوم .. وقف وهو يقول : انتبهي على نفسك هزت راسها جاب يطلع قبل لا يطلع ابتسم وهو يقول : اذا صار أي شي اتصلي علي ..لا تنسين هزت راسها طلع سلطان جلست على الكنب وهي مبتسمة ..احساس مسالم جواها ..يعني احساس بالهدوء والسلام مع سلطان ..شكله رجال طيب ..والاهم يخاف الله ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــ صحت من النوم .. كالعادة كان جالس على الكنبه ومعه كتاب يقراه والشمس ماليه الغرفه تأففت بقهر : محمد حرام عليك خربت علي نومي ..ثاني مره لا تفتح النور كذا محمد لابس نظرات : تنشطي ..ترى من اسباب التعب اللي انتي فيه طريقة نومك شوق بقهر و مزاج متعكر من نومها : مالك دخل انام مثل ما ابي واصحى مثل ما ابي لا تتحكم فيني ناظرت شعره وهي تشوفه هاجد موب زي العاده كشه: الزيت جاب نتيجه والله في شعرك محمد وهو يلمس شعره : حسيت والله دخلت الحمام أكرمكم الله وطلعت وهي تتأفف جلست على السرير ...ما لقت محمد ..طلع فتحت جوالها و اول ماطاحت عينها على التاريخ شهقت غمضت عيونها هذا حالها من سنين في هذا اليوم بالذات تتعب نفسيا بزيادة هذا اليوم ..شلون نسيتي يا شوق ..كيف نسيتي هذا التاريخ ..كيف تهون عليك نفسك تنسين هاليوم ... قبل ست سنوات كانت جالسه في الحديقة تحل واجبها المدرسي .. بعد ماخلصت سكرت الكتاب وهي تتأفف بملل من روتينها الممل ..استرخت بملل وهي تسمع صوت الاغاني الصاخبه الصادرة من الدور الارضي في بيتهم نفس كل يوم .. وقفت واتجهت لغرفتها ..فتحت الباب ودخلت غرفتها انسدحت على سريرها وعيونها تحوم في السقف ..سمعت فتحت الباب على غرفتها ..كان صديق والدها وخلفه ابوها يترجاه ابو راشد بدون وعي : عطني ابره ..بس ابره تكفى صديق ابو راشد بـ ابتسامته الخبيثه مد له الابرة وهو يقول : خلني معها اذا تبي الابره ابو راشد : خلك معها بس هات الابره تكفى بموت ..الله يخليك هات الابره التعديل الأخير تم بواسطة لامارا ; 15-10-15 الساعة 11:22 PM | ||||
|
| |
|
15-10-15, 10:44 PM
| #58 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| اخذ ابو راشد الابرة من صديقة غرس الابره في جلسه وبدا يهدى شوي شوي كانت تناظر الموقف بهلع قرب منها صديق ابوها ..رجعت على ورا : اطلع برا ...وش تبي في غرفتي اطلع صديق ابو راشد : شلون اطلع ..انتي ثمن الابرة قرب من عندها بسرعه ومسكها وهي تصارخ : وخررر عني ....بياااااه ...وخررر عندي ....يماااااااااااااا عضت يدينه بقوتها كلها وافلتت من يده وهي تقول ببكا : اطلع من غرفتي تكفا ..... انا كبر بنتك اطلع تكفا ابو مزاد وعيونه عليها بلهفه : ماراح اطلع لين اخذ ثمن الابره شوق بصراخ : الله ياخذك ....الله يااااااااااخذك ......يمااااااااااااه مسكها من يدها وجرها لعنده وهوي يظمها ويطبع قبل على جبينها وخدها واجزاء متفرقه من وجهها صارخت بأعلى صوتها ..دخلت امها وهي تركض : شوووووووق شوق ببكاء وصوت عالي : يماااا اخذت ام شوق المزهرية الكبيرة وكسرتها على رأس ابو مزاد بقوة لف عليها ابو مزاد بـ عدم اتزان طلع المسدس من جيبه وهو يأشر بها على ام شوق اللي ماسكه شوق ومخبيه راسها في حضنها أصابت الطلقة رأس ام شوق في منتصف الجبهه بعدها طاح على الارض ابو مزاد و ابو شوق جالس في الزاوية مسترخي بعد ما اخذ السم رفعت راسها من حجر امها بصدمة من الصوت اللي سمعته ..ما تدري من اصاب ..نزلت قطرة دم من رأس امها على يدها رفعت رأسها لجبين امها المليء بالدم صرخت بـ اسم امها بـ أعلى صوتها : أمممممممممممممممممممممممي ......يماااااااااااااااااااا ااااااااااااا .............يماااااااااااااااا� �ااا محمد دخل بسررررعه بعد ما سمع صوت الصراخ داخل الغرفه ...لقا شوق في الزواية تصرخ بـ اسم امها و تهلوس بكلام غير مفهوم شوق ويدينها ضامه رجولها وتتكلم بكلام غير مفهوم : سامحيني ...تكفين ...تعالي ...اسفه يمه ...تعاااالي تكفين ....لا تروحين ...الله يخليك خليك ...لا تروحين ...ما عندي احد ...كلكم رحتوا ...انتي و مشعل وياسر و مشاري ماعندي احد يمه ...تعالي تكفين محمد ناظرتها وعلى طول فهمت انها تمر في حاله عصبية ..قربت منها وانا اقول : انا هنا شوق ...انا هنا رفعت راسها لي و وجها ملي بالدموع حطت يدها على وجهه محمد وهي تقول : يمه ...انتي هنا ...مارحتي ...رجعتي لي.. رجعتي لي قربت من محمد ووحطت راسها في حضنه وهي تقول : لا تروحين مره ثانيه ...بموت يمه ..اذا رحتي ..خليك ..ما عاد ابي دنيا انتي موب فيها ..خليك يمه تكفين مسحت على شعرها وانا اقول بصدق : ماراح اروح ..ببقى معك لـ طول العمر ..ما راح اخليك ..انتبهي شوق : ليه غبتي طول هالوقت وين رحتي محمد : نامي الحين ...نامي وبعدين نتكلم نامي .. غضمت عيونها و لاول مره من بعد ست سنوات بتنام بهذي الراحة سرح في حالتها ..شالها وحطها على السرير ... جلس جبمها يتأمل وجهها المليان بالدموع .. وقف واتجهه للاب توبه ..فتح قوقل وحاول يبحث عن القصة اللي صايرة كتب اسم ابو راشد كامل وطلع له المواضيع اللي متعلقة فيه بس ما فيها شي من اللي يبحث عنه .. فتح محرك بحث اجنبي و كتب اسم ابو راشد بالاجنبي ..شده عنوان ( إبرة تقضي على حياة زوجة رجل الاعمال حسن الـ.......) فتح الموضوع ناقلته جريدة معروفه من موقع الكتروني اجنبي بدا يقرأ وعيونه مندهشه من الكلام اللي يقرأه كان المكتوب نفس اللي صار .. يعرف ابو راشد زين ..بس ابدا ما سمع عن هذي الحادثه سكر الابتوب ..وعيونه معلقه في فراغ ( اساس تعبك يا شوق امك ... شوق تمر بحاله نفسيه صعبه ممكن توديها لمسارات واجد ..قبل شوي شوق كلمتني على اساس اني امها ..كانت تناظر في وجهي لكن ما ميزت من انا .. حتى بشكلي الرجولي .. حتى يوم مشعل ..صار نفس الشي ...يعني اذا مرت في حالتها العصبيه ماتفكر او ماتستوعب من اللي قدامها ) بدا يفكر بتركيز ...ويكتب على الورق اللي قدامه بعد وقت طويل حط قدامه خطة العلاج اللي بيستخدمها مع شوق ) ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــ طال الوقت عليها وهي محبوسه ..تفكيرها كله في الصور اللي شافتها .... معقوله يكون وليد من هالنوع ..... سما بقهر : سبحان الله شكله مايبين عليه انه من هالنوع النجس حطت يدها على بطنها بجوع : ياليل شكلني بطول وانا محبوسه ..هههههههه والله يا سما تعيشين وقت يضحك ..طلعتي من بيت فايزة على اساس تعيشين عيشة هنية .. انصدمتي بالواقع ..يا عمري يا انا اخذت نفس النور بدا يغرب .. ما احب الظلام يذكرني بـ اشياء شينة قربت من الدريشة وجلست عندها ما تبي الظلام يعم كله قرت اذكار المساء ..لو ما تقرى اذكار الصباح والمساء كان الحين من اللي شافته يا في مستشفى الامراض العقلية يا تحت الارض وقفت وانا اخذ بشت شايفته اول مادخلت على الباب و غترة لفيتها على شعري وصليت المغرب سمعت صوت خفيف من الباب ..صوت سالم قربت من الباب وانا اقول : مين هنا سالم بصوت باكي : انا ..ماما ..ليش انتي هنا حزنت على بكا سالم قالت بكذب : لا تبكي سلومي انا هنا عشان انظف الغرفة شوي واطلع سالم وهو يبكي : طيب افتحي الباب عشان اشوفك سما بكذب : ما اقدر سلومي المكان وصخ كله غبار وانا اخاف عليك من الغبار سالم بدا يقتنع : طيب متى بتجين سما : توني حبيبي ..يمكن اخلص اذا انت نمت ..بس اكيد بكرة الصبح بكون فيه ..يالله حبيبي روح عند لطفيه سالم بطاعة : طيب ..تصبحين على خير سما ببتسامه : وانت بخير حبيبي جلست عن الباب .. مسكين سالم ..انظلم مع ابوه كثير , الولد صغير و احسه تعبان نفسياً .. اخذت نفس و حسيت بالظلام لما خيّم على الغرفة .. قريت آية الكرسي اكرهه الظلام .. ، في الدور الارض حنان جايه من غرفتها : ميما ...ميما ميما : يس مادام حنان : ما شفتي مدام سما ميما : ممكن روح مع بابا وليد حنان هزت راسها وجلست على الكنب .. الحمدلله بدوا يطلعون مع بعض .. الحمدلله .. دخلت غرفتها وفتحت الصندوق اللي من 10 سنين ما فتحته اخذت الصورة اللي في الصندوق وهي تتأملها : زي ما وعدتك من عشر سنين ..بنت في الحفظ والصون ..طلعتها من ظلم فايزة ...حفظها الله لك ثم انا طول هالعشر سنين .. الله يجمعني بك ..الله يجمعني بك نزلت دمعة من عين حنان على الصورة القديمة .. سكرت الصندوق ورجعته لمكانه ـــــــــــــــــــــــــ ـــــــــــــــــــــ جالس في مكتبه يقلب في جواله دخل عليه صديقة الصدوق طلال طلال : وينك يا شيخ ..تعبت وانا اكلمك ماترد طلع عبدالله جواله الثاني وهو يقول : يووه مقفل ... وش صاير طلال جلس وهو يدخل يدينه في شعره : الغوا اجازتي عبدالله : ليه طلال بملل : نزلت لي قضية جديده قتل بدون عمد ..رجّال كبير في العمر دخل بيته شاب وتحرش في بنته .. وشافه العود وضربه بـ العصا اللي معه على راسه بقوة لحد ما مات الرجال عبدالله ناظر فيه : لا حول ولا قوة الا بالله ..حولها لي ..انا فاضي ماعندي شي طلال : لا يا رجال خلني بس اخلصها عبدالله : والله ل تنزلها لي و تنبسط ب اجازتك انت ومرتك ..حرام يا اخوي من يوم ما تزوجتها وانت هنا اربعة وعشرين ساعة ..ما عليك وانا اخوك ابتسم طلال : الله يخليك لي ..يالله اجل برسل لك الملفات المتعلقه فيها ابتسم طلال وهو يقول : ازهلها وانا اخوك وانبسط طلع طلال بعدها بكم دقيقة دخل عليه بالملفات طلال : امسك هذي هي ..وهذي الاوراق فيها الشاهدين على القضية وهذا متعلق ب عايلة المتهم اللي كانوا موجودين ... حققت معهم وهذا اللي وصلت له عبدالله : خذها ما تلزمني ..ببدا من جديد طلال : خذها يا اخوي ..يالله يالله طلعت بهالكلام منهم لا تتعب نفسك معهم عبدالله : معليه خلها طلال : اجل الله يعينك عنده بنت اعوذ بالله موب صاحيه عبدالله برفعه حاجب : ما عليك اقولك طلع طلال وبدأ عبدالله يناظر في الاوراق اللي قدامه دخل واحد من العساكر عنده عبدالله رفع راسه : زين جابك الله ..امسك هذي الورقه فيها اسماء بعض الشهود اللي متعلقين بـ قضية القتل بدون عمد ابغاهم عند بعد العشا ..برجع احقق معاهم ..لازم تجيبهم العسكري وهو يدق تحيه : تامر ..اي شي ثاني عبدالله : سلامتك ـــــــــــــــــــــــــ ـــــــــــــــــــــــــ ـــــــــــــــــــــــــ في بيت صغير مقسم الى غرفة معيشة و غرفتين نوم وحمام صغير ومطبخ صغير قالت بغضب لاختها : لا تبكين تفهمين ولا لا مريم ببكاء : شلون ما ابكي ابوي في السجن شلون تبينني اسكت فرح : ابوي ما غلط عشان تبكين ..ابوي راح السجن عشانه دافع عن شرفه ..لا تخافين ربي فوق يعرف الحق مريم حطت يدنها على وجهها : بيعدمون ابو.... فرح صرخت : يخسون .. والله العظيم يخسون ...الله بيظهر الحق ..وبيرجع لنا ابوي مريم وقفت بتششت وعيونها مليانة دموع وهي تقول : الحين وين نروح ..نجلس في بيتنا ولا وش نسوي فرح وهي شاده نفسها : نجلس في بيتنا ولا احد له كلمه علينا وقفت وهي تظم اختها : لا تخافين وانا معك ..انتبهي تخافين وانا معك ..انتبهي ظمتها مريم بقوة وهي تبكي فرح بهدوء بعد ما سحت دموع اختها : روحي كملي مذاكرتك ..عشان تنجحين هالمره موب نفس كل مره راسبه في مادة ..بكرة اختبارك اللي قبل الاخير ..روحي ذاكري ولا تشغلين بالك ربي بيظهر الحق مريم بتعب : ما راح اروح الاختبار ما ابي ادرس فرح : موب على كيفك ..بتروحين وتخلصين الثانوي ..خلاص كم دور حملتي ..خلاص ...بكرة بتروحين وتختبرين في الدور الثاني ..موب على كيفك مريم مسحت دموعها : الله يرجع ابوي بالسلامة جلست فرح على السرير : ان شاءلله انه بيرجع ـــــــــــــــــــــــــ ـــــــــــــــــــــــــ ـــــــــــــــ بعد ما طلعت من مكتبه رقت لغرفتها المقابلة للدرجة ..دخلت الغرفه وهي تشوفها نور بقهر وحلطمة : يعني غرفتي اللي احلم بها ههههههههه دفت الكرسي بقهر ... ونطلت الخداديات في كل مكان في الغرفة ..وسحبت المفرش وهي توطى عليه بقهر : حسبي الله عليييك يا نذل حسبي الله عليك جلست على الارض وهي تتنفس بقوة : نذل ..حقير .. وقفت وهي تاخذ شنطتها الكروس طلعت من غرفتها وهي تقول : والله ما انام فيها لو يذبحني اتجهت للبوابة طلعت من الفيلا وهي مقهورة طلعت تمشي بين الزهور الملونه : لا وبعد زارع ورود ...الورود لـ الناس الطيبة الحساسه موب هو ... كملت طريقها وهي تتحلطم جلست على كرسي شافته ناظرت المكان اللي هي فيه ما تعرف وش تسميه .. فيلا كبيرة وحولها مكان كبييييير مليان بالورود وشجر الفواكة و فيه زي الغرف المنثرة في الفيلا .. وقفت وكلمت طريقها وهي تمشي : شكلها كبيرة بدت تمشي لحد ما بدت مشاتل الورود تقل تدريجياً دخلت في مكان غريب مكان كله رمل .. وفيه كوخ صغير .. وحوله بير .. كملت طريقها وهي ما تفكر ماهمها الليل اللي تمشي فيه اهم شي تبعد عن النذل سيف كملت لحد ما حست انه لازم ترجع ..كش جلدها فجأة وهي تسمع صوت كلاب ( أعزكم الله ) صوتها بدا يعلى .. تكره الكلاب ..وتخاف منها لدرجة الهلوسة .. حطت يدينها على آذانها لفت بترجع بس ما تشوف شي ..كل شي ظلام ..مافي شي باين ... ارتعبت وصوت الكلاب بدا يعلى اكثر واكثر ..الصوت اللي اسمعه ماهو لكلبين لا لـ اكثر نزلت على الارض وعيوني تمتلي دموع : سـ...يف ..سـ....يف ـــــــــــــــــــــــــ ـــــــــــــــــــــــــ ـــــــــــــــــ طلع من مكتبه بعد شغل طويل ..ناظر ساعته كانت الساعه 1 الليل بتوقيت امريكا رقا للدور الثاني وقف عند باب غرفة نور ..جا بيفتح الباب تردد ..ما يبي يتعبها اكثر ..نزل وجلس في الصاله فتح جواله وبدا يلهى فيه عقد حواجبه التعديل الأخير تم بواسطة لامارا ; 15-10-15 الساعة 11:53 PM | ||||
|
| |
|
15-10-15, 10:45 PM
| #59 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| وهو يسمع صوت كلابته ( أكرمكم الله ) تصدر صوت ..فيه غريب داخل المكان ..الكلاب صوتها بدأ يعلى ... رفع عيونه بقوة للدور الثاني .. وعيونه على باب نور ..رقى بسرعه لغرفتها فتحها لقاها مبهذله ..حط يده على راسه نور برا طلع يركض وعيونه تدورها ...الكلاب ماهي موجوده الا في الجهة الخلفية عكس اتجاهها وهو يركض بسرعه دخل المكان وهو ينادي : نوووووور ...نوووووور رفعت راسها ..سمعت صوت يناديها قالت بصوت مرتجف يكاد يسمع : ..انا هنا ... حط يدينه على راسه وين راحت كلابه مفترسة ..ممكن تذبحها ... طلع الكشاف اللي في جواله ما ينفع ابد رجع فتح جواله واتصل على واحد من عماله : كريس .. شغل إضاءة الجزء الخلفي من الفيلا حالاً دخل جواله وهو يسمع صوت نباح الكلاب .. تشغلت الانوار لف بعينه يدورها ..شافها ..جالسه على الارض وحاطة وجهها بين رجولها ويدينها على أذانها .. والكلاب خمسه ممسكوين بـ سلسلة حديد في مكان قريب لها ركض جهتها وهو يقول : نور رفعت راسها وعيونها دامعه وقفت بسرعه واتجهت له ضمته بكل قوتها وهي تقول : كلاب ..هنا ..كله كلاب .. فتح عيونه بقوة من حركتها ..من يوم ما تزوجها ماعمرها سوت هالحركة ..من يوم ماتزوجها ما عمرها قربت منه او باسته او ضمته ..هو اللي كان يبادر اول .. استغرب بقوة حطي يدنه عليها سيف بصوت واطي : بسم الله عليك ..أهدي نور كانت منهارة بالبكاء : والله كانوا بيذبحوني .. سيف بهدوء : شوفيهم مربطينهم ما يقدرون يجونك نور وهي تبكي وضامته : الا والله انا حسيت ..بغيت اموت سكت بعد لحظات استوعبت هي وش تسوي ..دفت سيف بكل قوتها وهي تقول : انا موب قلت لك لا تقرب لي ..ماتفهم رفع حواجبه وهو يقول : والله ما ادري من اللي جايني وضامني نور ناظرت فيه بقوة: نعم ..من اللي جايك سيف بـ استفزاز : قولي والله ...يعني ما تدرين انك جاية لحد عندي وضامتني نور بدون استيعاب : مجنونه انا يعني ما اعرف سيف بقهر : يعني انا اللي ضامك نور بثقة : ايه متأكدة سيف غض شفايفه بـ نرفزة : طيب تعالي معي شوي نور : وين الفيلا مانيب داخلتها الا ولي غرفة سيف مشى وهو يقول : خليك عند الكلاب اجل نور مشت وراه وهي تقول : انا جيت موب عشان الفيلا ..عشان صلاة الفجر سيف وهو فاهمها : الله يقوي ايمانك نور : افففف مشت وراه لحد ما وقف عند غرفة من الغرف المنثرة في الفيلا دخل ودخلت وراه وهي تقول : وين موديني سيف : دقيقه كلم العامل سيف سيف وهو يكلم نور : تعالي قرب وهي تقول : وش تبي سيف جلس على الكرسي ومسك ماوس اللابتوب : قربي من الشاشه قربت : وشو شغل سيف كاميرا المراقبه نور يوم تضم سيف لف عليها وهو يبتسم : انا ضامك اجل نور ناظرت المقطع بصدمة قالت بسرعه : أمسسسحه امسسسحه ناظرها بسخرية وهو يقول : ضامك اجل ..ماشاءلله طلعت والله جراءتك نور رجعت على ورا وهي تقول : موب انا هذي ...انت مفبركها سيف : امداني افبركها يعني نور لفت للباب : والله يمديك تسوي كل شي سيف وقف : انا برجع للفيلا بتجين تعالي نور مسكت ذراعه وهي تقول : وقف ...أمسح المقطع الخايس هذا سيف فك يدة وطلع وهو يقول : للاسف ما ينمسح طلع وطلعت وراه متوجهين للفيلا دخل الفيلا وهي وراه نور بهدوء عكس ماكانت عليه : ما ابي انام في الغرفة سيف لف عليها وهو ماله خلق شي اشر بيدينه لغرفه بجانب غرفة نور : نامي في هذي الغرفة نور رقيت بدون ولا كلمة لفيت عليه بسرعه وانا اقول : امسح المقطع اللي فبركته سيف ناظرها بسخرية : ما فبركته نور : الا مفبركه ..امسحه وبس لف سيف يتجهه لمكتبه : بنشرة في السعودية .. لفت بسرعه : نعم سيف لف عليها وبرفعه حاجب : هماه موب انتي..عادي انا ابغى انفضح نور بقهر وهي مصرة على كذبتها : وحدة تشبهني وانت موجود اكيد بيقولون انه انا سيف : هذا اللي ابيه انا شهقت وهي مصدقته : حسبي الله عليك ببلغ عليك الهيئة والله ضحك وهو يقول : الهيئة في السعودية يا ماما هنا امريكا .. روحي لغرفتك ما نيب ناشر شي ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــ جالس في سيارته ما يبغى يدخل البيت .. نفسه ضاق عليه ما يبغى يكرر تجربته الفاشله اللي دمرت نص حياته .. ما احد يدري انه كان متزوج و طلق الا عائلته وعائلة طليقته .. غمض عيونه وهو يتذكر احداث زواجه من زينه ..وش صار في حياته بسببها .. كيف انصدم فيها .. كيف انصدم في عايلتها ... كيف ابوه منعه من اشياء كثيرة عشان هالزواج ..كيف ابوه منعه من حب حياته .. فتح عيونه وخيال ريم عالق في ذهنه .. البنت مسكينه ما تدري عن اشياء كثيرة ..ما تدري اني متزوج قبلها ومطلق ..ما تدري اني يتيم ..ما تدري ان اسمي و عايلتي كلها تزوير في تزوير ..ما تدري اني عايش بمسمى واحد ثاني .. ما تدري عن اشياء كثيرة فتح باب سيارته ودخل البيت وهو متوجه لغرفته مها طق الباب بهدوء فتحت الباب مها : فروس ..هلا والله ابتسم فارس : لا يكون قومتك من نومك مها بحب : اقوم لك لو اني وين ..امر حبيبي فارس وهو يدخل غرفه مها : مها ابغى منك طلب مها وهي تجلس : عيوني لك حبيبي وش تبي فارس بهدوء : ابغى رقم ريم ناظرته بتعجب مها : ليه طيب فارس : لا تناقشينني ابغاه ضروري مها وهي تحط يدها على راسها : بس اخاف يعني انها ماترضى وكذا فارس : مها ابغاه ضروري الموضوع مهم مرره مها فتحت جوالها : بدوره طيب فرك اصابعه بتوتر مها : ارسلته لك على الواتساب فارس وهو يشوف جواله : وصلني ..شكرا يا حبي مها ابتسمت : تامر امر طلع من غرفة منها وتوجهه لغرفته فتح جواله وهو يشوف الرقم .. ما يدري وش يسوي فيه يرسل لها رساله ولا يكلمها ولا وش يسوي بالضبط فتح الرسائل ما يدري وش يسوي اللي يعرفه يبغى ينهي هالزواج اللي ما ابتدى ب أي طريقة كتب بدون استيعاب او مراجعه لما كتبه ( بتتزوجين قريب ؟ نصيحة ولا تسألين من ..لا تتزوجين انتبهي انتبهي ..الزواج اللي انتي مقبله عليه ممكن يضيع حياتك كلها ) ارسل الرساله بسرعه ما يبغى يتردد حط يده على دقنه رجع قرا الرساله ..احسن يا فارس زين تسوي ..زين تسوي ... كأنه تذكر رجع فتح جواله وسوا لها حظر عشان ماترجع ترسل له شي او تكلمه ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــــ جالسه في غرفتها بملل من كل شي ترتب مكياجها رفعت راسها على صوت الرساله اخذت جوالها وهي تشوف : من يرسل رسائل الحين فتحت الرساله وبدت تقرأ عقدت حواجبها ..هذا وش ..وش هالرساله جلست على السرير بقلق من اللي ارسل لها هالرساله .. شلون يعرف انها بتتزوج ..حطت يدها على قلبها بخوف : بسم الله ..الله يكفيني شرك يارب ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــ رن جرس الباب رفعت راسها مريم بخوف لـ اختها : من اللي جاينا وقفت فرح وهي تاخذ عبايتها : كم مره اقول لك لا تخافين نزلت مريم راسها واخذت نفس وقفت فرح عند الباب وهي تقول : من عند الباب عبدالله : افتحي الباب معك المحقق عبدالله فرح : ما اقدر افتح الباب عبدالله بهدوء : افتحي لازم احقق معك .. لا تخافين معي مرأة عشان تكون محرم بيننا فرح بصوت شبه عالي : انا قلت اللي شفته ماهو لازم افتح لك عبدالله بقلة صبر : افتحي بهدوء احسن .. بدال ما اكسر الباب ..هذي امور مهمة موب امور ينلعب فيها فتحت فرح ودخلت المرأة المحرم بينهم ودخل وراها عبدالله فرح وهي تمد يدها توقفه : وين وين ..خلك هنا لا تدخل اخذ نفس عميق وهو يقول : طيب جيبي كرسي لاني بطول راحت فرح ورجعت بكرسي جلس عليه وهو يقول : انتي من فرح بقلة صبر : من يعني انا ..جاي في بيتي ويقول من انتي عبدالله بصوت واطي : يا صبر الارض.. طيب انتي بنت المتهم اسمك فرح : لا تقول متهم ابوي ماهو متهم عبدالله بقلة صبر : طيب انتي بنت البرئ الكبيرة بس ابغى اعرف اسمك طال عمرك يعني بعد اذنك اخذت نفس بملل : فرح عبدالله : على حسب علمي ان عندك اخت ثانيه فرح وهي تتأفأف : مريم ..وش بعد عبدالله : اهجدي عشان اعرف اتكلم معك ..جيبي لك كرسي واجلس قبالي فرح بصوت عالي : ما بقى الا اجيب لي انا وياك شاهي نروق عليه عبدالله ضرب الطاولة اللي قدامه وهو يقول : احترمي نفسك ... تكلمي بـ أدب ولا حبست بتهمت التعدي على الحكومة فرح حست بخوف : عشان استهبلت عليك تعديت على الحكومة كلها ..خلصني وش تبي عبدالله وهو يهدي نفس : يا اخت فرح ...خلصيني وراي اشغال ..تكلمي عن اللي شفتيه فرح : وش يعني نفس اللي مكتوب عندك واحد تحرش وابوي ذبحة عبدالله بقهر : والله اتوقع انك انتي اللي تحرشتي فيه على هذا اللسان اللي عندك فرح وصوتها بدا يعلى : احترم نفسك وانتبه وش تقول ..وعلى فكرة اللي تحرش فيها موب انا اختي قالت تنهي الموضوع : رجعت من الجامعه شفت الرجال طايح على الارض و ابوي ماسكت اختي الصغيرة و بعدها انتم جيتوا واخذتوه ..اي شي ثاني عبدالله اخذ نفس : نادي اختك فرح بسرعه : اختي لا ..اختي تخاف ..اسألني انا و انا ارد عنها عبدالله : ما شاءلله فوق طول اللسان .. تزوير فرح تناظر فيه بقهر : وين تزوير ..قلت لك اختي تخاف ما قلت بزور لك عبدالله : في وجهة نظري كلام ينقال على لسان شخص ثاني تزوير ..نادي اختك بسرعه وقفت فرح وهي ترمق عبدالله بنظرات حاقدة عليه جات مريم وهي ترتجف جلست على الكرسي بخوف عبدالله : وش اسمك فرح : مـر... عبدالله رفع ناظرة : سألتها هي فرح : ففف مريم :......... عبدالله : وش اسمك مريم خايفة :............. التعديل الأخير تم بواسطة لامارا ; 16-10-15 الساعة 05:42 AM | ||||
|
| |
|
15-10-15, 10:46 PM
| #60 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| عبدالله لف على فرح : ليش ما ترد فرح بتريقة: وصلتها هيبتك وانت لابس بدلة الحكومة عبدالله رفع حاجبه وعرف انها تستهبل عليه وجهه كلامه لمريم : اسمعي يا اختي .. اذا ما تكلمتي ..انتي بنفسك بتودين ابوك للاعدام انطقي وخلصيني وخلصي ابوك ...وش اسمك مريم بخوف :..مريم عبدالله : طيب يا مريم قولي وش اللي شفتيه مريم قالت وهي ترتجف : أبوي طالع يصلي الظهر وكان تارك الباب مفتوح لفرح عشان ترجع من الجامعة ..كنت في البيت ..و فجأة دخل المجرم ..وحاول يعتدي علي ...و ابوي رجع من الصلاة وشافه وضربة وهو ما يقصد انه يذبحه قصدة يبعده عني ..والله كتب ومات عبدالله : طيب سبق و قد تحرش فيك سواء لفضي او .. مريم : ايه ..قد تحرش فيني بالكلام عبدالله : وانتي قد تحـرشتي فيه لفظياً او يعني تحرشتي فيه بـ... فرح وقفت بين اختها وبين عبدالله وهي تقول : الزم حدودك ..حنا بنات ناس ..انتبهه على الكلام اللي تقوله عبدالله بقلة صبر : ابعدي ..خليني اتفاهم مع البنت فرح رجعت مكانها : اعرف وش تقول ..أذا مافيه رجال يوقفك هنا ..انا فيه انتبهه عبدالله بقلة صبر : استغفر الله ..بتبعدين انتي ولا شلون فرح : ببعد بس تكلم زين عبدالله : هاه يا اخت مريم ؟ مريم ردت تحاول تخلص بالكلام : لا ما قد تحرشت فيه فرح ضربت مريم على كتفها : لا تردين وش هالسؤال اللي مثل وجهه اسفهيه وقف عبدالله وهو يقول : مشكورين على مساعدتكم لـ ابوكم فرح بقهر : ابونا بعد ... لو بغا ارواحنا عطيناه عبدالله ابتسم : فيكم الخير قبل لا يطلع رجع عبدالله وهو يقول : ما اخذت بياناتكم اخت مريم عطيني عمرك و وين تدرسين مريم : عمري 18 سنة أدرس في مدرسة 8 الثانوية في ثالث ثانوي لف بعيونة على فرح فرح : عمري 22 سنة أدرس في جامعة سعود قانون عبدالله ناظرها بسرعه : قانون ..زين طلع عبدالله بعد ما اتعبوه بالكلام معاهم ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــ فتحت عيونها بعد تعب كبير وجهد .. ناظرت الدريشة الليل ليّل عدلت جلستها على السرير .. تذكرت وش صار ..هي حست بـ امها ..حست انها نايمة في حظنها وامها مسحت على راسها ..حست بـ هذا الشعور ..ابتسمت بفرح ..ابتسامة كبير اول مره تبتسم في حياتها مثلها دخل محمد وهو يشوف : ماشاءلله توني اشوف اسنانك لفت عليه وهي تقول : لا تنكد علي تراني مبسوطه جلس على الكرسي وهو يفصخ جزمته ( أكرمكم الله ) : الله يديم الوناسة عليك وش اللي مبسطك شوق بحماس : شي .. محمد وقف وهو يفصخ ثوبه : اجل الله يديمه شوق تأشر له بيدها : هوب هوب ..وقف ..افصخ ثوبك في الحمام ..كم مره بقولك محمد ناظرها وهو يضحك : والله كم مره قلت لك تبين ماتشوفين غمضي عيونك .. غمز لها وهو يقول : تراك شايفتني ماعلي الا شورت شوق نزلت راسها : آآآه صدق اللي استحوا ماتوا محمد : ما بقى الا انتي والله شوق اخذت جوالها تتفرج فيه جلس محمد على السرير وهو يكلم بعد ماخلص لفت شوق عليه وهي تقول : محمد ..بما انك يعني دكتور نفسي بسألك سوال ولا تفسر على كيفك محمد يفصخ ساعته : وشو شوق بـ هدوء : حسيت بـ امي ..انها تضمني و تمسح على راسي ..حسيت انه احساس حقيقي ..يعني من كثر ماوصلني الشعور ..حسيت ان امي موجودة عندي محمد لف عليها : مم تذكري من اللي كان موجود عندك وقتها شوق بـ استغراب : المشكلة ماكان فيه احد محمد بدهشه خفيفه :..تذكري اكيد في احد ... في هذي الحاله في احد ضامك اكيد ..واحساس هذا الشخص وصل لك ..يعني الشخص اللي كان ضامك وقتها كان عنده احساس صادق لك .. عشان كذا وصلك الاحساس بسهوله شوق بـ استغراب : من يعني ...يمكن خالتي ام محمد محمد بـ هدوء : ويمكن محمد شوق ناظرت فيه بصدمة من كلمته :..... ضحك محمد يتدارك الوضع قبل لا تحس ان الكلام صدق : امزح وش فيك .. شوق هزت راسها : يمه خوفتني محمد عقد حواجبه : ليش شوق تدور بعيونها: مدري ..خفت محمد ابتسم : طيب عادي حتى لو ضميتك شوق نزلت راسها : لا موب عادي عندي محمد وهو ينسدح : والله عادي عندي انا شوق : مشكلة اذا كنت وصـ... محمد : وصخ كمليها عادي ايززي شوق : يا فاهمني محمد يكمل : يا قاريني من عيوني شوق وقفت وهي تقول : توني اقوم الحين ..وش اسوي محمد : انا بنام شوق جلست على الكنب تحوس بجوالها ومحمد يحاول ينام كانت اللمبات خافته ناظرت شوق في محمد بلعانه فتحت اللمبات محمد ناظر فيها : ليش شغلتي اللمبات شوق وهي تقلده : والله هذا روتيني اليومي تعود عليه محمد : الناس بتنام الحين شوق بلعانه : وانا توني اقوم ..الغرفه النص بالنص محمد جلس على السرير : طيب انزلي الصاله عند امي وجلسي معاها شوق وهي تجلس على الكنب : احسن حس فيني مثل ما تسوي فيني الصبح محمد وقف : الموضوع لعانه يعني شوق هزت راسها شافته وهو واقف وقفت وركضت بسرعه لجههة اللمبة وحطت يدها عليها : ماراح تسكرها محمد ناظر فيها : يعي عرفتي وش افكر فيه شوق : موب انت بس اللي تقرا افكاري محمد وقف قدامها وناظرها بنص عين وبحركة سريعه فصخ بلوزته شهقت شوق : البسها جا بيفسخ بنطلونه طلعت شوق من الغرفه بسرعه ضحك محمد وهو يقول : هذا اللي كنت بوصل له ..زين انك طلعتي شوق وقفت عند الباب : محمد لا تستهبل ..خلاص محمد وهو يسكر الباب ويقفله : احسن ..عشان تتأدبين شوق من ورا الباب : محمد امانه افتح ..خلاص اسفه ماراح اشغل اللمبه محمد : انزلي تحت شوق بصوت واطي : محمد ناصر تحت شلون انزل محمد وهو يضحك : ناصر سافر اليوم البيت خالي انزلي شوق بكذب : محمد فيني النوم ...امانه افتح ...خلاص والله ما اسوي شي افتح الباب وقف وفتحت الباب وهو ماعليه بلوزة دخلت شوق ويدينها على عيونها : محمد لو سمحت البس بلوزتك محمد اخذ بلوزته : ترى انا ما انام ببلوزة بس من يوم ما جيتي وانا انام ببلوزة شوق : تُشكر طيب البسها محمد : لبستها ...يالله اجلسي مؤدبة ..وخليني انام لان بكرة وراي شغل مهم شوق جلست على الكرسي وهي تحوس بجوالها بعد مدة قالت بصوت واطي : محمد محمد بملل : نعم شوق : تكفى بطلب طلب صغير لا تردني محمد : وش شوق : ابغى ايسكريم جلس محمد : من وين شوق رفعت كتوفها : ما ادري محمد رجع ينام وهو يقول : اشربي عصير ولا أي شي بارد وبكرة اجيب لك شوق بزنان : محمد لا تردها في خاطري تكفى محمد اخذ نفس وقف وهو يقول : طيب البسي عباتك شوق وقفت وهي تقول : بتوديني معك محمد هز راسهه : يالله ..غمضي عيونك يا شريفة مكة خليني البس ابتسمت وغمضت : يالله البس لبس محمد : يالله انا احتريك تحت نزل محمد ولبست عبايتها ولفت طرحتها عليها ونزلت نزلت وهي تشوف ام محمد جالسه قربت من عندها وهي تبوس راسها : شلونك خالتي ام محمد : بخير يا بنتي ..شلونك انتي ..وينك ماشفتك اليوم شوق ابتسمت : بخير الحمدلله ..بس غلبني النوم اليوم وكنت تعبانه شوي ام محمد : ماتشوفين شر يا بنتي شوق : الشر ما يجيك ام محمد : وين بتروحين شوق : بطلع انا ومحمد السوبر ماركت ام محمد : حافظكم الرحمن انتبهوا من الطريق هزت شوق راسها كملت طريقها وهي مستغربه من ام محمد اللي صاحية لحد الساعه وحده الليل ركبت شوق السيارة مع محمد لف عليها محمد شافها ما لبست نقاب : بتروحين بدون نقاب هزت راسها محمد ماكان يبغى يضغط عليها اليوم سكت وحرك السيارة متوجهين للتميمي ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــ خلص من التحقيق مع الشهود الخاصين بقضية القتل غير العمد رجع نفس على ورا بتعب .. بعد ما اخذ فترة راحة ..دخل عليه المتهم بقضية القتل رفع راسه عبدالله وهو يشوف المتهم يدخل كان رجل كبير بالسن وجهه ابيض يشع منه النور .. ولحيته بيضاء طويلة .. مبتسم عبدالله : تفضل .. دخل ابو فرح وهو رافع راسه جلس على الكرسي عبدالله : شلونك يـ...وش كنيتك قال بصوت هادي مبتسم : ابو فرح عبدالله ب استغراب من ابتسامته: شلونك يا ابو فرح ابو فرح : الحمدلله بخير ..ولله الحمدلله ابتسم عبدالله وهو يقول : وش سبب هالابتسامه يا ابو فرح وانت مسجون ابو فرح ضحك وهو يقول : الحمدلله على كل حال الواحد يرضى بالقضاء والقدر يا ولدي عبدالله : يمكن يجيك اعدام وتبتسم ابو فرح : أكيد انه خير لي عبدالله : ويمكن تنسجن ابو فرح ضحك اكثر : يمكن انه بعد خير لي عبدالله : كلها تعذيب يا ابو فرح ابو فراح : قل لن يصيبنا الا ما كتب الله لنا ..الاقدار اللي يكتبها ربي لنا يا ولدي احسن شي ..كل ما صار لي شي ابتسم ليش ازعل وانا عارف انه قدر من ربي عبدالله رفعت حواجبي بـ استعجاب من امره قلت : طيب وبناتك يا ابو فرح اذا اعدمت من عنده ابو فرح : اللي خلقهم يا ولدي ماهو مخليهم ..ربي بيحفظهم في كل مكان بيروحون له عبدالله استعجب منه : طيب يا ابو فرح خلنا نبدأ بالتحقيق ابو فرح ولا زال مبتسم ابتسامه خفيفه عبدالله : انت المدعو محسن عبدالله الـ... متهم في قضية قتل غير معتمد لـ سامي مزن الـ..... صحيح ابو فرح : صحيح عبدالله : ابغى اعرف سبب القتل بالتفصيل بدون أي حذف ابو فرح : كنت جاي من صلاة الظهر لبيتي وكنت تارك باب البيت لـ بنتي الكبيرة عشان لاجت من الجامعة ماتتعب وهي تطق الباب ..دخلت البيت ..وسمعت صراخ بنتي الصغيرة ..يوم دخلت ..عظ شفايفه بقهر: لقيته حسبي الله عليه الله ياخذ حقي منه يوم القيامة ..يحاول يعتدي على بنتي ..مسكت العصا وضربته على راسه بدون ما اعرف ولا احس بنفسي لحد ماطاح على الارض وعقبها جيتوا انتم ومسكتوني عبدالله : امم ..يعني انت جيت ولقيته يحاول يتحرش في بنتك التعديل الأخير تم بواسطة لامارا ; 16-10-15 الساعة 06:00 AM | ||||
|
| |
|
| أدوات الموضوع | |
| انواع عرض الموضوع | |
|
|
211Likes
.png)
العرض العادي
