علمني حبك ان ابكي من غير بكآء / للكاتبة عبير السلطان

[لامارا]

	، ، بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته نقدم لكم روايات علمني حبك ان ابكي من غير بكآء للكاتبة عبير السلطان ، ، قراءة ممتعة لكم جميعاً...... ،

[لامارا]

رابط لتحميل الرواية

https://www.rewity.com/forum/t331024.html

اهلا عالم غرام الجميل ..

اليوم اخيرا تحمست وتجرأت انزل روايتي الاولي




ِ|| علمني حبك ان ابكي من غير بكآء ||

ممكن اكون ب إستعجالي ظالمة بحقها
لكن الفكرة كانت تراودني من زمان .. ومع الفراغ والطفش إلي امر فيه حالياً بسبب تخرجي ، حسيت إني بقدر انفس عن حالي بالكتابة ، ما أعرف سبب إختياري لهذا الأسم الا انه أعجبني ،


ماراح أطيل الحكي اتمنى انها تعجبكم ..

[لامارا]

علمني كيف اهوى الحياه .. علمني كيف اهوى القدر ..
علمني بإيماني اكون .. يارب .. اكثر من بشر .. "





بلعب معاكم عادي
ببراءة ناظرت لهم ..


رد الصغير منهم :
لا انتي مو حلوه وتخرعين وسودا
حنا نلعب بس مع موضي وشهد الحلوات

رد الثاني :
انتي روحي العبي مع الشغالات

وتردد صوت ضحكاتهم مع خواتها كالعادة دايم مسخرة للكل

دخلت داخل ، وهي مقهوره دايم يفشلونها فالمدرسه وفالبيت وفكل مكان لانها مو حلوه مثل خواتها


نادتها زوجة عمها :

فجر تعي اجلسي مع ليث وسعد بدي إعمل الكن العشا
استانست إن احد ناداها وعبرها فهالبيت

" ناظرت لليث ولسعد الوحيدين اللي يضحكون لها ومايفشلونها يمكن لأنهم لسي صغار "



بعد 20 سنة .. ،


اليوم احلي ايامها .. تحقق حلمها واخذت شهادة الماستر وبتفوق .. سجدت شكر قدام الجميع وهي مو هامها نظرات اللي حولها .. كانت تتمني ان احد من اهلها معاها ، لكن دايم هي آخر إهتماماتهم
تنهدت وحاولت ترجع مزاجها الحلو قبل لاتتضايق اكثر
همست لنفسها
" يلا يافجر ابتسمي يلا لاتكدري خاطرك ، الحياه حلوه والحمدلله حلمك تحقق وكلها كم شهر وتترشح معيده فهالجامعه "


تلقائياً رجعت إبتسمت .. وهي تستقبل تبريكات اللي حولها ..

بعد ساعة .. طلعت لمواقف السيارات وهي تنتظر ولد اخوها من ابوها سعد .. اقرب شخص لها فهالدنيا وهي تقريباً اللي ربته وماتركته لقسوة اهلها كانت له الام والاخت والصديقة .. مع ان فارق العمر بينهم 3 سنوات والحين تشوف ثمرة تعبها معاه


شافته ينزل من السيارة .. ببدلة الضباط ويدق تحيه لها والسيارة ترقع اغاني .. ومعاه بوكيه ورد كبير دمعت عيونها بحب له حضنها ولاهمه نظرات اللي حولهم
سواء الناقدة او المعجبه.. باس رأسها وهمس بفخر :
الف الف الف مبروك فجري

انحرجت واخذت باقة الورد وقالها بغمزة : ليث ولدك الثاني معاي تري ومعاه هديه لك بعد
ركبت ورا وهي تسلم علي ليث اللي رد بخشونه ارعبتها - افف متي كبر وصار ضخم كذا -

لف عليها .. وبإبتسامه طيحت قلبها


وبخشونه نطق :


الف مبروك ماما فجر ومد لها بوكيه ورد


رفع سعد صوت المسجل وهو يضحك علي كلمة ليث اللي تنرفز فجر من كانوا صغار

" كانت تبي ترد كالعادة وتهاوشه .. بس لا ذا مو ليث البريء الخجول اللي تعرفه 6 سنوات من ترك الرياض غيرته وخلته رجال تستحي منه بعد ماكانت تمون عليه "


ناظرت فشوارع الرياض ؛ وهي تحس بكئابه انها بترجع للبيت بيت اهلها اللي مفروض يكون امان لها صارت تتهرب منه بالدراسه


من تخرجت بمعدل كبير .. قدمت علي الماستر والحمدلله تعبها ماراح هدر بعد سنتين هذي هي تنجح بتحقيق احلامها

قطع تفكيرها .. صوت ليث المبحوح اللي يكلم سعد :
شرايك مانروح للبيت ونغدي امنا فجر بهالمناسبه الحلوه

التفت له سعد :

كأنك عارف وش افكر فيه بس بشرط انا وفجر نتغدي لحالنا وانت تطلب لك طاوله لحالك

ضحك ليث :
اجل تغدوا فبيتكم احسن


وفعلا وصلوا لمطعم هادي من اختيار ليث وجلسوا بطاوله وحده هي ماتتغطي عن عيال عمها كلهم
الأكبر واللي كبرها ليش مستحيه من ليث اللي اصغر منها ب 3 سنوات

قام سعد يطلب لهم علي ذوقه

وهي تصنمت مو قادره ترفع الغطا عنها وجهها باهت مو حاطه شي


" لحظة لحظة من متي انا اهتم بنظرات الناس لي "

ناظرها ليث وابتسم :


لايكون مستحيه مني


نزلت نقابها بعناد .. ورفعت حاجبها له وهي تناظر له ببرود خارجي


استغربت من نظراته لها .. كانت متوقعه يتمسخر عليها يقط كلمه لكن اللي تشوفه بعيونه شيء ثاني شيء غريب ..


قطع تأملهم فبعض دخول سعد المرح وهو ينطق :


اعترف ياصديقي إن ذوقك جميل شكل طبخهم حلو


ضحكوا علي سعد اللي مايفكر الا ببطنه ..




" مدري كيف مرت هالساعة علي وانا آكل تحت انظار عيونه الغريب لونهم ! شفيه ذا نسي اني ربيته مع سعد من توفوا امه وابوه وهو عمره 5 سنوات لعبتهم ودرستهم وسهرت معاهم لحد ماجت خالته واخذته عندها بالشرقيه ومن بعدها مالي علاقه فيه غير رسايل تهنئة العيد ورمضان الجماعيه "




مو مصدقه اني وصلت للبيت ومعاي باقات الورد وانا مبسوطه اني شفت سعد وليث ، ومبسوطة انهم ناجحين مثلي ... الاثنين ضباط ماشاءالله واخلاقهم عاليه والكل يشهد لهم يكفي احترامهم لي هم الوحيدين اللي مانسوني ...

فتحت باب بيتنا القديم / واستقبلني صوت قناة العربية اكيد امي وابوي جالسين عليها كالعاده ولافكروا فيني وانا الصباح ازعجتهم ادعوا لي ادعوا لي



سميت بالرحمن ورسمت احلي ابتسامه عندي ودخلت عليهم ناظرني ابوي بحب يافديته بست رأسه وانا ابشره يبه اخذت الماستر الحمدلله ابتسم لي وبارك لي وقطع صوته استهزاء امي كالعادة :


وش تنفعتس الشهادة !!
وانتي عانس بحلقي اختس اللي اصغر منتس اعرست وعيالها طولها وانتي للحين تركضين وري هالخرابيط



بست رأسها بالقوه ... وانا امسك نفسي لاأرد ودخلت علي طول غرفتي اللي كانوا يشاركوني فيها موضي وشهد قبل لايتزوجون ..


نزلت عباتي وناظرت نفسي بالمرايه

بشره سمراء ناعمه ، عيون كبيره عسليه فاتحه ، حواجب حاده تعكس شخصيتي ، شفايف صغيره ، وانف مستقيم ، شعر ناعم بني لفوق خصري


دخلت الحمام والحمدلله اني مجهزه مويه بارده بسطل كبير من امس تروشت فيها وفركت نفسي بصابوني اللي بريحة الفراوله اللي احبه واللي ريحته تنعشني بسرعه رجع مزاجي الرايق ...


طلعت وانا لافه الروب الابيض علي ..نشفت شعري بالإستشوار دهنت جسمي ووجهي بمرطب احب بشرتي تكون ناعمه فكل وقت مع جو الرياض وجفافه .

صليت الظهر بخشوع .. وقريت اذكاري وحمدت ربي اني تغديت يعني مو مضطره اطلع من غرفتي
لبست بجامه صفراء رغم سماري الشديد الا اني احب ادلع نفسي والبس اي لون يخطر علي بالي .



صوت جوالي صحاني من النوم .. رديت وانا حاقدة علي اللي خرب علي احلي نومه جاني صوته اللي احبه

: يمه فجر مصدعين انا وليث وخاطرنا بقهوتك اللي تعدل الرأس


جلست علي السرير وانا اتأمل الشباك المظلم اف يعني جاء الليل وانا نايمه


رديت بحب :

من عيوني ابشر بالقهوة والحلا بعد

قفلت منه وانا استغفر فوت علي فروضي شفت الساعة 9 !! غريبه امي ماصحتني اكيد خواتي عندها ولا ماتنسي تنكد علي ..


صليت ولبست تنورة سكيني رمادي ميدي وبلوزة واسعه لونها احمر وفتحة الصدر كبيره غطيتها بسلسال ضخم ابيض ولبست فلات ابيض
اكتفيت بروج زهر خفيف وماسكرا وارسلت لنفسي بوسه وانا اتعطر ..


طلعت ومثل ماتوقعت استقبلني ازعاج عيالهم جو يركضون لي فديتهم حضنتهم ووعدتهم بعد ماخلص شغلي اللي بالمطبخ اعطيهم حلاو ومصاص وانبسطوا وراحوا يكملون لعب


سلمت علي خواتي ببرود كالعاده .. وحتي مباركه ماباركوا لي اصلا افضل لي كذا اكره النفاق .

[لامارا]

دخلت المطبخ ولقيت ميري رابطه رأسها ههههههههههههههههههههههههه كالعاده من يجون خواتي كل حاجه تخرب ووتتكسر والبيت ينقلب فوق تحت وهم مايطلع منهم اي ردة فعل ولو احد كلم عيالهم سواءً امي ولا ابوي ولا انا زعلوا ورجعوا لبيوتهم استغرب من تفكيرهن وتربيتهن قبل كانوا يومياً عندنا مع ان عندهم عيال يدرسون مافي اهتمام نهائي ..

موضي 30 سنة
وعندها 3 بنات و4 اولاد
اكبر عيالها بالثانوي

وشهد 24 سنة
عندها بنتين وولدين بنتها الكبيرة بالمدرسه


لكن امي لها سنه اذا جونا اكثر من مرتين فالاسبوع تطردهم لانها ماصارت تتحمل ازعاجهم وابوي يعصب بعد وصارت تخاف ان الشغاله تهج والحمدلله صاروا يجونا الاثنين والخميس



ضبطت القهوة وسويت لهم سوفليه وعطيتهم ميري توديههم للدوانيه


رتبت تنورتي ورجعت للمجلس عندهم مجبورة اجلس معاهم واتحمل سخافات تفكيرهم لاتتوقعون اني غيرانه منهم !!
هم بنوا هالحاجز معاي من بدوا يعايروني ويشكون اني احسدهم واحسد عيالهم

فجر
26 سنة .


قطع تفكيري صوت مسج لجوالي فتحته وانصدمت ان ليث اللي ارسل لي " يعطيك العافيه احلي قهوه واحلي سوفييه مدري شتسمونه ذا "

ضحكت علي سوفيه ورديت " يعافيك ربي "


بتستغربون مني اكيد .. احنا عندنا عادي علاقاتنا مع عيال عمنا .. رسايل وحتي اتصالات وفالاعياد نجلس سوا وماتتغطي صح هالعاده مو حلوه .. ومو من ديننا لكن كبرنا علي هالشيء .. يمكن انا الوحيده اللي علاقتي معاهم رسميه لكن ليث مميز عندي لاني ربيته مع سعد ولد اخوي الله يرحمه .. لانه يتيم مثله وكلهم عاشوا بهالبيت وكبروا فيه رغم معاملة امي السيئة لهم لكن كنت اعوضهم قد ماقدر باهتمامي..

بأكلهم اللي كنت اخبيه لهم ونومهم ودراستهم كنت اذاكر لهم بالغصب واهتم بواجباتهم كان يومي كله يضيع عليهم ، لحد ماصاروا مثل عيالي مع ان الفرق بينا مو كبير لكن دايم كنت احس بالمسؤليه تجاههم ومن وصل عمر ليث 18 سنه اخذته خالته بالشرقيه بعدها انقطع عني وانا نسيته واكتفيت بسعد اللي لليوم ذا ساكن عندنا ...



قمت صبيت لي قهوه وعيوني مافارقت جوالي بس شدني كلام موضي

: تخيلي يمه يقولون ماجاها احد يخطبها وهي صكت الثلاثين وراحت للخطابه وزوجتها مدرس عزوبي

شهقت امي بحسد لهالغريبه :
إهب والله انها محظوظه

ضحكت شهد ومستحيل تفوت هالفرصه عليها :

شرايك فجوره احط اسمك عند هالخطابه يمكن يجيك معيد بالجامعه مثلك بالمستقبل

وضحكت هي وموضي وامي تناظر لي بحسره
..

لازم بكل جلسه لهم يجرحوني .. وانا اطنشهم كلامهم مايهمني ، لاني واثقه بنفسي صح ماانخطب بس انا مو شينه ولا ناقصه ولامريضه لكن مؤمنه ان ربي مايأخر شي الا لحكمه حمدت ربي بسري علي عقل خواتي وتفكيرهم
اللي من كانوا صغار وهم مو تاركيني بحالي والسبب طبعا امي والمقارنات بينهم
موضي وشهد جميلات جدا .. بياض عيون سوداء خدود شعور سودا لتحت خصرهم واجسام ممتلئه مثل امي
وانا كنت اشبه عمتي نحيفه حيل وطويله وسمراء
ومن صغري امي تعايرني بهالشيء .


قمت عنهم بدون اي تعليق وارسلت لسعد جوعانه
وجاني الرد بثواني :
دقايق والعشا يوصلك

ابتسمت ربي مايأخذ الا يعطي اخذ حب اهلي لي وعطاني حب هاليتيم حتي الشغاله منه هو ولا قبل كنت اكرف لامي وخواتي وامي ماترحمني واحيانا اقفل علي واحيانا مارد عليها اعترف اني عنيده كنت عايشه بمشاكل كل يوم بيني وبين امي لحد ماريحني سعد وبأول راتب له هالسنه اخذ قرض وشري سياره له وجاب لنا شغاله واهداني احلي غرفة نوم الله يسعده بس
..


صحيت الفجر علي الاذان قمت اصلي وطلعت اصحي سعد اللي ينام بالملحق بجنب الدوانيه طبعاً بيتنا جدا عادي 3 غرف نوم غرفه لي بحمامها وغرفه لامي وابوي وغرفه كانت لسعد قبل لاتجي ميري وتحتلها ومجلس صغير مرتب ودايم مقفل الا للضيوف وصاله فيها جلستنا والتلفزيون ومطبخ وحمام اكرمكم الله ابوي كل معاشه التقاعدي بيد امي وامي كل فلوسها لبناتها طبعا باستثناء انا ، دايم اقولها خلينا نصبغ ونأثث وتقول لاعرستي اصبغي بيتك ذا مو بيتك

المهم احلي شي فبيتنا ان له حوش كبير وحديقتي الصغيره وفي دوانيه وملحق غرفه وحمام كانت لليث قبل وصارت لسعد الحين

وصلت للملحق .. وانا لابسه بجامتي الصفراء وشعري نصه علي عيوني ونصه علي كتوفي بحريه .. كان فيني النوم ومو مركزه فتحت الباب بدفاشه وانا اصرخ
قممم صل سعود ..

انصدمت ان ماحد بالغرفه غير ليث .. اللي ناظر لي من فوق لتحت بجرأه هربت بسرعه وقلبي يدق بقوه ..

دخلت للبيت ولقيت ابوي حبيبي قدامي وهو يذكر الله كالعاده .. ووراه سعد يحرك كرسيه بيروحون المسجد
بست رأسه وانا اصبح عليه وهو بسمته ماتفارق وجهه البشوش ..
رددت بداخلي " يارب لاتحرمني منه "

رجعت انسدحت بسريري وانا اردد اذكاري
- ‏يارب ارحمني اذا بردت قدماي، وارتخت يداي، وعرق جبيني، وسكن انيني، وزاغ بصري، اللهّم ثبتني عند السؤال واغفر ذنبي واكرم نزلي يارب -
قطع خلوتي دخول امي وهي معصبه يارب استر يارب ..

هذي مقدمّة واعتبروه بارت " تعريف "
, بالبارتات الجايات ببدا أسرد لكم حكاية فجر وتفاصيلها ..
وعشان احمسكم شوي رايح يكون اكشن كثير كل هذا بتعرفونه بالبارتات الجايات ..
اتمنى تردون وماتخذلوني .. موعد البارتات كل 3 ايام
ادري الخط صغير لانو داخله من جوال واللاب خرب اعذروني ..
بالنهاية ما ابيح احد
ينقلها بدون ذكر المصدر
ودّي لكم .

[لامارا]

البارت الثاني --


صارخت علي امي بقسوه :

ماشاءالله عليتس فاتحه بيتنا ملجأ للي يسوي واللي مايسوي ماهمتس كلام الناس وهم يشوفون ولد عمتس داخل وطالع من عندنا مايكفي انتس عاندتيني زمان وخليتيه يعيش عندنا ..



ماعرفت وش ارد لأني لسي متأثره بلقائه وقلبي ماوقفت دقاته السريعه ..




عطتني محاضره طويله عريضه وانا مكتفيه بالصمت تعبت مني وراحت وهي تدعي علي !

حسبي الله عليتس من بنت ياربي ياتاخذ روحها وتفكنا انا وابوها من همها ولا تزوجها



استغفرت ربي وانا ادعي ربي مايغضب عليها !



تنهدت بتعب .... يالله ليش امي كذا نفسي مره تضحك بوجهي ، مره تمزح معاي ، مره تمدحني تمدح طبخي تمدح ذكائي دايم تحطيم لي ، امي كل تفكيرها متي اتزوج ولا الحين انا مالي قيمه عندها وهم علي قلبها
هي قاسيه معنا كلنا قبل لايتزوجون خواتي
كانت تشغلنا ليل ونهار .. وتشك فينا مانروح ولانجي الا معاها لأن كلنا بنات لكن من تزوجوا خواتي تغيرت صارت حنونه معاهم وتحبهم وتعطيهم فلوس المهم مايجونها زعلانين وكل الغضب حطته فيني انا



انسدحت ودمعتي علي خدي صح انا قويه لكن تعبت والله .. صرت اتمني اي احد يدق بابنا وبوافق لو علي شايب المهم اطلع من هالجحيم



نمت وانا مو حاسه .. صحيت علي صوت شهلا بنت عمي وهي تتعطر من عطري وتغني
ابتسمت لها بحب ذي قدوتي فالحياه والله

شهلا 32 سنه
ام لولد مصاب بالتوحد
مطلقه

قمت وسلمت عليها وهي تسولف بحماس : جبت لتس معي قهوه وحلا يلا مشينا لحديقتس

استغربت وناظرت الساعه طلعت 7 الصباح وش جابها المطفوقه هالوقت



مشت قدامي وتركتني اهوجس بسرعه اخذت شاور خفيف ولبست بنطلون اسود وتيشيرت واسع رياضي
رفعت شعري فوق وحطيت روج


طلعت لها لقيتها تفطر مع امي وابوي وتسولف عليهم وولدها جالس معاهم سلمت وبست رأس ابوي وتجاهلت امي لاني متضايقه منها بقوه ..

ندمت علي حركتي بسرعه بس شهلا ماعطتني مجال للتفكير : هاه اخبار العروس

ناظرت لها بصدمه وناظرت لامي المبتسمه

بصراحه انبسطت يالله امس دعيت واليوم جاني عريس
ناظرت لها بحيا وانا اشرب الحليب : وش عريسه

[لامارا]

ضحكت هي وامي علي شكلي ونطقت : اخوي راشد يبيك علي سنة الله ورسوله ومابتلقين احسن من راشد دين واخلاق

انصدمت وطارت فرحتي راشد !!

راشد عمره 40 سنه ومتزوج 3 حريم ومعقد لاطلعات لاروحات

سكت وكملت فطوري بهدوء وانا شايله بخاطري عليها ليش ماعلمتني اول وماخذه رأيي قبل لاتعلم امي
الحين بتجبرني اوافق ولا بتنكد عني

قمنا وشلنا الفطور ودخلت امي مع ابوي وهي تناظر لي نظرات غريبه ..


جابت قهوتها وهي مبسوطه وناظرت لي : شفيك لايكون بترفضين

همست لها بزعل : تبيني اخذ راشد ! واصير الرابعه ليش وش ناقصني

صرخت فيني : ياخبله والله راشد بيطير بك شفتي حريمه انتي استغفر الله بس

"تذكرت اشكالهم فعلا سبحان الله ولا زوجه له حلوه وفوق كذا اوزانهم كبيره عمتي مدري شلون تختار له

وهو مزيون ومدير مدرسه وراعي حلال .. "


رديت بطفش : حتي لو كم عنده ورع كل وحده معها درزن انا ابي زوجي يكون لي لحالي

: هذا انا كان لي لحالي لكن يغازل 10 من وراي .

شفت نظراتها علي ولدها ياقلبي ياشهلا ادري تتمني لي الخير بس مو مرتاحه

جلسنا مع بعض وسويت الغدا انا وهي ساعدتني وميري خليتها تجلس مع معاذ الصغير


راحت لبيتها الساعه 2 بعد ماوعدتها اني استخير
رجعت بدخل غرفتي لكن وقفني صوت امي :
لايكون بترفضين ! تري كلمت خواتس والعصر بيجون وبنتفق كم بيكون المهر وان لتس بيت لحالتس

: للحين ماوافقت اول شي بستخير وافكر ولو ارتحت بوافق واريحك

صرخت علي : هذا اول واحد يتقدم لتس وابوتس يمدحه

دخل سعد بالوقت المناسب :
شفيكم شفيكم

ناظرت له امي باحتقار ودخلت غرفتها

اخخ تفشلت من امي مدري ليش تكره هالولد

: سعد تبي غدا من يديني

رد بفرح :
الله اخيرا رجعتي تطبخين يلا حطي لي انا وليث

حطيت لهم وارسلت ميري لهم
جاني الصحن فاضي وملحوس لحس
ضحكت علي منظره ... وقمت سويت حلويات كم صنف
خاطري استقبل خواتي زي قبل ببدأ بالتغيير ويارب هم يتغيرون ،

حطيت البخور بالصاله .. وقمت بدلت لبسي لبست فستان اسود ناعم علي الجسم وتحت الركبه

تأملت جسمي اللي هو احلي شي فيني كأني عارضة ازياء وحتي طولي حلو 163 عكس خواتي وامي قصار حيل .

حطيت روج لحمي ولبست عدسات رمادي تأملتني وتذكرت كلام لمياء بنت اختي :
خاله قسم انك تشبهين الممثلاث الهنديات يارب اصير مثلك لاكبرت

ابتسمت لنفسي وسمعت صوت شهد تزغرد !! خير شفيهم ذولا

طلعت لهم وانا معصبه وشفت معاهم كيك وعصير ! وموضي معها مسجل

صرخت بدون شعور :
من قال بتزوج ضبوا خرابيطكم ذي

ناظروا لي وبدت امي بالكلام :

بتوافقين غصب عنتس ولا بغضب عليتس ليوم الدين

شهد :
حسي علي دمك ووافقي الكل يعايرنا فيك يالعانس

تخيلوا قدام عيالهم هالكلام تخيلوا عانس لان وصل عمري 26 سنه !! لانهم تزوجوا قبل لاتوصل اعمارهم 18 سنه وانا للحين ماجاء نصيبي تنهدت وتذكرت مخططاتي اني اتغير واصير قريبه لههم

رجعت لغرفتي وقفلت الباب وعيوني غرقت دموع يارب ماصيح يارب لكن من سمعت صوت المسجل بديت اشاهق !


دقيت علي سعد بدون شعور :

سعد الحقني بيزوجوني غصب

: بسم الله عليك من بيزوجونك ومن يقدر يغصبك !!

: بيزوجوني راشد ولد عمي تكفي تعال طلعني من هالبيت خلاص ماقدر اتحمل قفل بوجهي ودقايق سمعت صرخة ابوي ومعاه سعد ..

بعد نقاش دام نص ساعه وانا متخبيه بغرفتي خايفه
المهم ابوي حبيبي عصب عليهم وسبهم وطرد خواتي وعيالهم وامي زعلت ودخلت غرفتها وهي تصيح وتدعي علي كالعاده بس ههالمرة جمعت معي سعد المسكين ..


سمعت صوت الباب يطق فتحته وانا منحرجه نزلت عيوني لابوي الحبيب وهو يبتسم لي غصب عني طحت علي رجوله وانا ابكي واترجاه مايبيعني فديته باس رأسي وهو يوعدني مايوافق الا بموافقتي ..






بعد 3 ايام -

5 مساءً /

بدت اجواء الرياض تبرد والسماء غيم والجو خيال
جالسه بحديقتي الصغيره وهي جزء من الحوش فيه اشجار وورود ووسطها جلسة مرتبه فوقها مظله ذي هدية ابوي لي لما نجحت بالثانوية العامه بنسبة 99 ولليوم ذا محافظه عليها واهتم فيها معاي كتاب اقرأ واتسلي فيه وافكر بحال البيت من رفضت راشد وابوي عطاهم رأيي ... امي زعلت وراحت عند موضي ولها يومين مارجعت
وشهلا ارسلت لي اني تسرعت وان اخوها مناسب لي بس غصب عني ماتخيل نفسي مع رجال يشاركوني فيه 3 بيوت !! متي يفضي لي بالله نار اهلي ولاجنته
عالاقل عند ابوي مرتاحه وسعد مدللني وامي خلاص تعودت علي كلامها قطع تفكيري تنحنح سعد

ابتسمت له بحب :
تعال اجلس معاي وذوق هالقهوة قهوة المارس بتعحبك والله
جلس وهو يبتسم لي ومنحرج استغربت وتأكدت معاه علم جديد

: شفيك سعود قول اللي بقلبك ؟

سعد : مدري وش اقول ياعميمه بس هالموضوع لازم تعرفينه ولازم تفكرين قبل لاتقررين يمكن يكون
سعادتك معاه

تأففت وناظرت له : بسرعه قل وش عندك

: بصراحه ماجد ولد جيرانا خطبك مني

ناظرت له وانا احاول اتذكر ماجد ذا

: ماجد وظيفته سكيورتي بس والله رجال والنعم

ابتسمت سبحان الله الخطاطيب هلوا فجأه

: طيب شفيك منحرج عادي تري وضحكت له بجرأه خلني استخير ونشوف

قام باس رأسي وهو يدعي لي بالتوفيق

قمت واانا اناظر السماء وادعي ان ربي يقرب لي كل خير واخذت جوالي ودقيت علي امي للمرة الالف ولاردت ارسلت لموضي اني انخطبت وابي اكلم امي
وفعلاً ثواني الا ورقم امي يدق ...



وذا ثاني بارت واعذروني انه قصير اوعدكم بكرا انزل لكم بارت طويل ، اتمني تقولون لي توقعاتكم
هل فجر راح توافق !
وش دور ليث بالروايه !
واي انتقاد اتمني تكتبوه لي تري ارائكم احتاجها عشان اكمل وان شاءالله اكون عند حسن ظنكم .. ودي لكم

[لامارا]

البارت الثالث



# لله في امره خيرا يؤجله فلا تظنن ان الله ناسيك #

لي يومين مدلعه احلى دلع وامي ماتناديني غير فجوره ههههههههههههههههههههههههه ههههههه وخواتي عندنا طبعا 24 ساعة... اوه صح ماقلت لكم إني وافقت على ماجد مبدئيا لحد ماتطلع نتيجة استخارتي للحين ماحسيت بشي لكن البيت يشع فرح احس عذرت امي يمكن تخاف تروح هي وابوي لاسمح الله ومن يبقا معاي لااخ ولاسند .. اف اف شفيني صرت مثل شهلا شكل محاضرتها امس اثرت فيني ...

مستحيل اعذر امي .. من تزوجت شهد وهي تعايرني وفوق كذا خلت بيني وبين خواتي حواجز بمقارناتها المستمره ، نست اني انسانه ناجحه ومحبوبه ولاقد احتجتهم بشي معتمده على نفسي طبعا انا الوحيده فالبيت كملت دراستي مفروض يفتخرون فيني لكن الله يعين بس !!



قطع تفكيري دخول سعد ببدلته وهو مستعجل يبي يفطر ناظرت له بفخر قسم هالولد لو تربيتي له ووقفتي معاه يوم تركوه الكل الشي الوحيد اللي سويته فحياتي فأنا مكتفيه فهالشي ... الحمدلله ان ربي اختارتي اني انتبه لهالايتام واربيهم واهتم فيهم الف حمد وشكر



غمز لي وقال قدام ابوي : اخبار عروسنا




انحرجت للحين مانكتب كتابي لانهم ينتظرون ابو ماجد يطلع من المستشفى



ضحك ابوي فديته بس احس من وافقت وهو مرتاح وامي تضحك 24 ساعه سبحان الله * *




باس راس ابوي ثم باس رأسي احبه لاناداني يمه او باس رأسي خواتي يقولون يعتبرك عجوز بس هم مايفهمون العلاقه اللي بينا ..





قمت للحديقه والجو يرد الروح وكوب حليب معاي نزلته عالطاوله الصغيره وسقيت الاشجار والورود ،، انا فيني ميزه اني لاحبيت اعطي من قلب حبيت دراستي وحبيت سعد وحبيت هالحديقه وكلهم ماقد قصرت فحقهم ..


قطع تفكيري مسج وصلني من لمياء بنت اختي موضي " خاله الحقينا ابوي يضرب امي "


استغربت وانصدمت امس شحلاتها تمدح فيه شصاير !!


اقولكم شي !

انا ماعرف شي عن علاقة خواتي بأزواجهم .. لأنهم قدامي لايمدحون ولايسبون يخافون مني يمكن.. لكن انا بعد مقصره مهما كان خواتي جاهلات كلهم دراستهم لسادس... وتفكيرهم زوج وعيال وبس انا المتعلمة مفروض احاول اغيرهم تنهدت ودقيت على لمياء وردت وهي تبكي


: خاله ابوي طلع متزوج مغربيه هو وعمي نايف ...


انصدمت نواف ونايف رجال خواتي وهم عيال عمي ! طلعوا متزوجين حاولت اهديها ورحت لأمي وعلمتها بهدوء وجلست تنوح وتصارخ وتقول ذا من حسد الناس اني بتزوج بيتطلقون خواتي ههههههههههههههههههههه




4 مساء ...






اناظر لخواتي المتجمعات فالصاله ويبكون هم وامي ... تعبت وانا احاول اهديهم لكن مافي فايده احس بهالخبر انكسروا وماينلامون والله


اخذت عيالهم وحطيتهم بغرفتي وجلست العب معاهم فديتهم والله

اتمنى هالاجواء تنتهي بسرعه ...



طلعت من الحمام واستشورت شعري وتركته براحه على كتفي لبست بجامتي الرماديه مثل مزاجي اليوم ..

اخيرا رجعوا لبيوتهم طبعا خواتي شخصياتهم ضعيفه للأسف مع رجالهم وامي علمتهم على تقديس الرجل ومهما يغلط فعنده عذر والحرمه مصيرها لبيت زوجها ،،
وهي دقت على رجالهم وجوا اخذوهم نفسي انصحهم انهم يعاقبون رجالهم ويجلسون عندنا بس مابينا ذيك الميانه للأسف !!!!



دق جوالي وشفت رقم ليث انصدمت شعنده داق !!

جلست اوسوس يمكن سعد صار فيه شيء
رديت بسرعه وجاني صوته الضخم :

: سلام يابنت العم

: عليكم السلام شصاير بسرعه تكلم

:ههههههههههههههههههههههه شفيك مافي شي بس حبيت ابارك لك موافقتك على ماجد الخايس

!!!! استغربت نفس الوقت قلبي دق بقوة من ضحكته ....اف شفيني افكر كذا


ليث : فجر : فجري




رديت بخوف : انت شكلك مو صاحي وقفلت بوجهه ويدي على صدري



يمه كيف ينطق اسمي ذا !! كيفففففف

افف ليش يأثر فيني ؟ وش يبي مني

قطع تفكيري صوت مسج ..

" والله .. والله ..... مردك لي "

[لامارا]

وقفت على سريري من الصدمه وجلست استغفر احس شوي ويغمى علي ! وش افهم تهديد ! غزل ! ولا ايششش

دقيت عليه بتهور ابي افهم ولا اعرف اني ماراح انام


رد وهو يضحك ! لاتكفى لاتضحك !!!!




لكن حاولت استجمع قوتي وبصرخه :
ليث لاتنسى انك اصغر مني واني ربيتك مع سعد عيب هالحرك

قطع كلامي بصوت مبحوح ..



ليث : واذا هالصغير يبيك ! وكنتي حلمه من كان طفل ايش المانع يتحقق حلمه



انصدمت وقفلت بوجهه ثاني مره وانا امشي بالغرفه .. اي جنون هذا



ليث الطفل الاشقر الدبدوب اللي كان متعقد من شكله الجميل ودايم يجي يشكي لي انا وسعد ان الاولاد فالمدرسه ينادونه " السوري" او البنت ..




صار بهالقوه والجبروت !!




رجعت ذاكرتي لشكله اللي شفته بالسياره
لسى ابيض ماشاءالله لكن جسمه نحيف ومعضل من كتوفه وطويل مره .. شعره بني حواجبه كثيففه عيونه لونهم غريب عسلي فاتح وكبار خشمه سلة سيف .. وشفايفه اخخ وين وصلت انا !


قمت اتوضأ وصليت ركعتين وانا ادعي ان ربي ييسر اموري ويبعد عني كل اذى '''




-4 فجرا -



‏صباح الخير,كنصيحه تستطيع اعتمادها ليوم كهذا،اشرب قهوتك ردد اذكارك وامض حيث تاخذك الحياه التي تخصك،وليرافقك السلام ...


صحيت على صوت الاذان قمت اردد وراه وتذكرت سالفة ليث مدري كيف اتصرف !
وماجد طيب ! ايش وضعه اتمنى اليوم املك عشان تنتهي هالقصه وارتاح



فتحت جوالي لقيت رسايل واتصالات من صاحباتي وارقام غريبه استغربت فتحت الواتس لقيت ضايفيني بقروب (فجر احلى معيدة ) كلمت استاذتي الجامعيه وانا مو مستوعبه الحمدلله يارب اكدت لي هالخبر سجدت شكر و قمت ابشر اهلي حتى نسيت اني ماصليت



جو خواتي العصر ومعاهم حلويات استغربت من متى يفرحون لي دايم انجح ولاقد قالوا كلمه ... بصراحه حبيت انسى كل شي واحتفلنا سوا لا لا لحظه ماقلت لكم لما بشرت امي زغردت وحضنتني !!


حبيت " ماجد " اللي بقدومه تغيرت كل حيآتي ..



جو فالليل صاحباتي واستاذاتي الجامعيات يالله انصدمت من هالناس اللي تحبني البيت امتلى ناس وهو صغير ، سعد حبيبي ماقصر انواع الحلويات وكل دقيقه يدق يتطمن اذا مو محتاجه شي ، امي ماتركتني لحظه ، خواتي يقهوون والجو شي ماقدر اوصفه والله !!!


عالمي تحول من رمادي لوردي ... مو قادره اعبر عن فرحتي لهاليوم مو لأني صرت معيده لا للناس اللي وقفوا معاي بفرحتي .. لرجعة اهلي لي لوضع بيتنا اللي مفروض يكون دايم كذا





- 2 صباحا -


مو قادرة انام من الفرحه كأني مو من الفجر صاحيه مفروض اكون دايخهه .. تو البيت فضى وتوي ودعت موضي اختي واقنعتها ان لمياء تنام عندي هي وطارق اخوها لان لهم فتره يترجوني ينامون عندي ...


جهزت الشاي والفوشار وضبطت جلسة الصاله بعد ماكنستها ونظفتها من حوسة اليوم
وطفينا اللمبات وجالسين حول بعض نتابع فلم اكشن على mbc2 ...

دخل سعد علينا وجاء جلس معنا وبعيونه كلام الله يستر بس ...

تابعنا الفلم وخليت طارق ينام بالملحق ولمياء بسريري تأكدت انهم ناموا وجيت جلست عند سعد .. من كنا صغار نفهم بعض من النظرات


: عمه اليوم تخاصمت انا وليث

بس اسمه اربكني وخفت سعد يشك ..

حاولت اعدل صوتي وارجع طبيعية

: ليش شصار

: يبي يرجع للشرقيه وطلب نقل هناك وجاه النقل وماعلمني !


استغربت بس ارتحت ......


: طيب وش بعد الشرقيه عنا كلها ساعتين وانت عنده


حط يده على شعره الكيرلي وتنهد
ياقلبي ياسعد مايبي يفقده ! سعد رغم إنه ضابط الا انه انه معقد شوي ماله علاقات خاصه الا انا وليث كل وقته بين شغله وبيننا فاهمه شعوره واحساسه .. طرت على بالي فكرة مجنونة ..


: سعود شرايك ازوجك ..



ناظر لي وهو مبتسم ..


كملت بحماس : اخت وحده من استاذاتي البنت تطير العقل جمال واخلاق ودين بنت ال ..... يمكن تعرفهم

رد علي وهو متردد : اخاف ماتوافق !

ناظرت له وانا مستغربه سعد بشغله معروف انه مايرحم لكن احيان احس ماعنده ثقه بنفسه او في شي غريب بشخصيته ..



مسكت يده بقوة وانا اهمس له : ومن اللي تقدر ترفض الضابط سعد الفيصل




ابتسم لي والحمدلله بديت اعطيه تفاصيل عنها .. هالبنت من زمان معجبتني واليوم لما جت مع اختها ماشاءالله كانت محط انظار الجميع واحس تليق بسعد بقوة يارب تكون من نصيبه. .


قمت وانا مبسوطه ومرتاحه اخذت المصحف وجلست بحديقتي رغم برودة الجو وقريت كم صفحه للفجر ... يالله تقريبا واصلت يوم واحس بتعب كبير صليت ومن حطيت رأسي نمت ...



""""
في بداية كُل يوم يحضرني بأن من شأن الكثير
من الاشياء ان تتغير في غضون لحظة ..
ومن المُحتمل ان تعود لمنزلك بشكل آخر وبقلب
مُختلف !! "



بعد مرور إسبوعين ..




اليوم اجمل ايام حياتي اليوم عقد قران سعد وسارة الحمدلله اني كنت سبب فرحة عيون هاليتيم ..
فهالاسبوعين ماصار شي
ماجد طلع ابوه من المستشفى ولاجو يملكون ! وابوي استحى يكلمهم امي رجعت تتحسر على شبابي وتحاول تقنعني اروح لشيخ يقرأ علي. ..


بعد يومين بيكون اول يوم دوام لي واول محاضره بعطيها .. ليث سافر للشرقيه عند خالته ولاعاد سمعنا له طاري لكن سعد متواصل معاه بكل وقت ..



ناظرت لسعد وعيونه الجريئة اللي تكتشف تفاصيل سارة الناعمه .. حمدت ربي ودعيت لهم بالتوفيق .. بالعلة اقنعت امي وخواتي انهم يجون امي يمكن للحين تكره ابو سعد لانه من ضرتها لكن خواتي ! مع امي بكل شي تقهرني تصرفاتهم جدآ ، حتى اذا امي عاملتني زين يعاملوني مثلها واذا صدت صدوا ؟؟






رجعت للبيت مع سعد وهو متحمس ويحكي لي عن ساره ومبسوط بقوة ..

دخلت للبيت وامي وخواتي جو قبلي بساعتين وجالسين يحشون كالعادة نزلت عباتي وانا شايله هم دوامي مامعاي فلووس اشتري ملابس ونفسي اكشخ عشان اداوم بنفسيه عاليه .. جلست عند امي ابي اطلبها لكن ناظرت لي نظرة عرفت ان وراها مصيبه ..

نطقت شهد :ماجد ملك على بنت عمه وتركك يافضيحتنا بس وش بيقولون الناس عنك هاه



انصدمت صراحة لكن قويت نفسي :


اكيد بالامر خيره الحمدلله افتكيت منه قبل لايصدمني بعد الزواج مثلكم

اول مرة اهاجمهم وسكتوا ماقلت لكم انهم ضعيفات ! لكن دايما ماعطيهم ذيك الاهميه واتجاهل لكن لهنا وبسسس ...


قمت عنهم وتروشت وبطني مغصني افف مو وقتها اخذت مسكن ونمت والساعه توها ماصارت 9 ..

صحيت الساعه 2 فالليل .. افف حاولت ارجع انام دام ماوراي صلاه لكن ماقدرت تعبانه جدآ



قمت للمطبخ وانا جوعانه ولقيت الحمدلله اكل بالحافظه دفيته وانا ارجف احس ببرد مع ان الشتاء توه مادخل صح ..


جلست عالتلفزيون وبديت آكل سمعت صوت سعد وضحكه شكله يكلم ساره بالحوش ماشاءالله صوته جهوري جدا


ابتسمت واول مره اضعف بديت افكر متى اعيش هاللحظات !


متى اكلم زوجي بقى كم شهر وادخل ال27 صح مو كبيره والعمر توه ببدايته لكن صرت اخاف من الوحده ...انا ظروفي غير ،
صح عندي اهل لكن بعيدين عني .. صح عندي صاحبات لكن ماحب افضفضلهم هي شهلا ومشغوله بولدها ووظيفتها ..ماحب ازعجها دايم
اما سعد انا خطبت له ساره عشان ينساني وينسى ليث ويصير له عالم ثاني غيرنا ومن اول ليله شافها فعلا نسانا ..


رجعت ابتسم وانسدحت بتعب وحطيت على قناة الحرم المكي سمعت صوت ماهر المعيقلي وارتحت . . ماصحيت الا على صوت سعد

: عمه عميمه قومي نفطر برا


ابتسمت وتذكرت اني قبل لانام كنت افكر انه نساني ..

افطرنا بمطعم فخم وسعد فتح معاي موضوع ماجد وانه خيره لي اننا ماتزوجنا ومن هالكلام ..

قلت له ان بعد يومين دوامي فهمني وعطاني الصرافه استحيت منه ..

بس تذكرت قبل لما كان يحتاج كنت اعطيه صرافة مكافأتي الجامعيه ويصرف نصها واحيان كلها ولا اهتم ،


طلعنا لمجمع وشريت اشياء بسيطه تكفيني قبل لاينزل اول راتب لي ..

بعدها تغدينا ورجعنا البيت دايخين على طول نمت حتى مابدلت لبسي


صحيت العصر مصحصحه الحمدلله خف المغص طلعت للصاله لقيت امي تدلك رجول ابوي ابتسمت وجلست معاهم ..غريبه امي هاديه اليوم وتسولف معاي عادي الحمدلله يارب كنت احتاج هالشي ..



قلت لنفسي بما اني فاضيه ومروقه بقوم ارتب غرفتي استعدادا للدوام قمت ورفعت شعري فوق ولبست برمودا جيشي وبلوزه سودا
وسماعاتي بإذني ومنطربه .. يالله ياكثر حوستي رتبت ملابسي بعدها غسلت الارضيه وطلعت الديباج احتاج ديباج وشراشف جديدة للدوام ماقلت لكم احب ادلع نفسي طلعت لابوي اللي جالس يتقهوى مع امي


: يبه محتاجه فلوس

ناظر لي بحب احب نظراته اللي كلها حنان ..
مد لي 1500 واعتذر عن القصور بست رأسه ودخلت مبسوطه ارسلت لشهلا تمر علي ماودي اتعب سعد بعد ..


ربع ساعه وشهلا مع سواقها عند الباب استأذنت من اهلي وطلعنا لايكيا


شهلا عطتني 2000 هدية وظيفتي غصب عني خلتني اخذهم .. شريت مناظر جميله ومكتبه صغيره والديباج ووشموع وفواحه


.. رجعت للبيت بعد ماتعشينا برا رتبت غرفتي وطلع منظرها يجننن شغلت الشموع غرفتي لونها ابيض من ايكيا سرير كبير وتسريحه وخزانة والارضيه باركيه خشب ستاير بيضا والديباج اخترته رمادي بابيض ومكتب خشبي صغير ... اخذت دش دافي لبست بجامة حرير بيضا ورفعت شعري وفتحت اللاب وبديت اجهز محاضرتي ...


وصلني مسج اربكني قبل لافتحه ! مدري ليش توقعته من ليث فتحته وفعلا طلع منه لكن فاضي !!

مافهمت ايش قصده كتمت رغبتي اني اسأل عن اخباره ورجعت للاب لكن للأسف ماقدرت اركز ..

نمت الساعه 11 عشان اصحصح لمحاضرتي .. وانا مدري ايش ينتظرني فالايام الجاية ...


،،،،،،،،،،،،

توقعاتكم ايش ينتظر فجر !!
وليش نقل ليث بهالسرعه !!

اتقبل نقدكم بصدر رحب .. احبكم

[لامارا]

مرحبا .. اخباركم
ماشتقتوا لي
طيب ماشتقتوا لفجر

بعد قليل بينزل البارت .. ودي لكم .



البارت 4

فجرا -

‏تشرق شمس الصباح كل يوم
ولا نعلم اي فرح ينتظرنا
ولا{اي حزن} يضمنا
و يصبح الملك لله وحده��..


صحيت على صوت المنبه رددت اذكاري وقمت اتحمم بمويه دافيه وريحة صابوني المفضل تنعشني طلعت وصليت الفجر لبست تنوره سكيني سودا وبلوزه مخططه ابيض ورمادي وازرق غامق رفعت الاكمام ولبست ساعة بيضا ولبست شوز ازرق و حلق لولو
حطيت روج وردي وشعري سويته بوني تيل
وماسكرا خفيفه ناظرت لشكلي وعطيتني بوسه وطلعت افطر مع امي وابوي ماشفت سعد واستغربت بست رأس امي وابوي ودعواتهم تحضني ..

ملاحظه ان امي هاديه معاي ولابعد تدعي لي فكل لحظه احسها راضيه بقوه ووراها شي
بس شنو مدري .. مايهم المهم الراحه اللي احس فيها من تعاملها معاي

جتني شهلا مع سواقها طبعا شهلا ممرضه ماشاءالله ونشيطه جدا تعجبني حياتها بقوه ومثل ماقلت لكم هي قدوتي لانها خلعت زوجها وحبيبها من الطفوله وابو ولدها ولاهمها بالعكس صارت اقوى والكل يحترمها ويقدرها مع انها اول مطلقه فالعائلة وهالشي صعب عندنا لكن هي غير

،
سمعت صوت فيروز عشقها يصدح سلمت وجلست بهدؤء احس بتوتر خفيف ..

: شفيها استاذتنا هاديه !


: مافيني بس يمكن توتر طبيعي ..

: لا ماشاءالله ماعليك خوف انتي قدها ..



كلامها بسيط لكن مريح .. دخلت الجامعه ونظرات الطالبات علي ابتسمت لهم ، هالجامعه كنت من اشهر طالباتها ذكاء وانجازات والحين صرت من طاقمها التدريسي والكل يعرفني هنا

دخلت غرفة الاستاذات ... واستقبلوني بحب ضبطت جدولي وحطيته بمكتبي بشكل جميل احب اهتم بكل التفاصيل ، جهزت اوراقي لبست نظارتي وتعطرت وطلعت وانا اقرأ الاذكار دخلت القاعه الكبيره سلمت وبديت المحاضره اول 5 دقايق كنت متوتره لكن بعدها ماحسيت بنفسي الا وانا اشرح من قلب
هههههههههههههههههههههههه

[لامارا]

طلعت من المحاضره الساعه 9..30
ماحبيت اطول معاهم عشان مايملون كنت اتذكر معاناتي انا تخصصي احياء واحبه جدا بدرسهم مادة علم حيوان وتصنيف حيوان باذن الله ..



طلعت لمكتبي ودورت آله للقهوة احس رأسي مصدع لازم اشربها لكن اللي هنا كلهم اجنبيات والاغلب يحبون الشاي طلعت للكافتيريا
وجو عندي الطالبات يمدحون محاضرتي واني سعوديه متفائلين اني راح افهمهم وارحمهم ضحكت معاهم وسولفنا شوي وطلعت للبيت عالساعه 12 ..

الحمدلله دوامي اليوم خفيف بالطريق كلمت سعد ..

: وينك اليوم ماشفتك !!

: هلا عمه انا بالشرقيه عند ليث

: خير شصاير معاكم !

: لا ابد بس اخذنا اجازه وبجلس هنا معاه كم يوم ويمكن نطلع لدبي . انتي كيف دوامك

: الحمدلله كان عندي محاضره بس ..

: الله يوفقك ياعمه توصين على شي !

:: سلامتك حبيبي

سمعت صوت ليث يقوله سلم عليها .. وقفلت منه

وصلت للبيت على اذان الظهر دخلت لقيت ابوي حبيبي جالس على كرسيه ويتابع العربيه كالعاده وامي قهوتها قدامها .. سلمت وجلست معاهم احكي لهم تفاصيل يومي حتى لو ماتهمهم ولايفهمونها

صليت الظهر ولبست بجامه ثقيله الجو خلاص برد طلعت اتغدى معاهم بعدها نمت ساعتين للعصر ..

صحيت على صوت لمياء : خاله قومي بقولك شي

قمت بتعب شفت الساعه 4 ناظرتها كانت مرتبكه استغربت استأذنت منها وقمت اصلي ورتبت غرفتي قدامها وهي تناظر للارض ، سحبتها للمطبخ سألت الشغاله عن امي وطلعت مسيره عند جيرانا وابوي كالعاده هالوقت بمزرعه عمامي يتجمعون كلهم هناك ..



سويت القهوة وريحتها بس احس سوت مساج لرأسي سويت حلا بسيط وساعدتني لمياء طلعنا للصاله وريحة البخور تسبقنا .. ابتسمت لها وشجعتها تسولف


: خاله مدري وش اقولك في شي مو فاهمته ..

《انا علاقتي مع لمياء وطارق مثل الاخوان او الام وعيالها كل اسرارهم عندي 》

مديت لها الفنجال : تكلمي شصاير


: شسمه السالفه تخصك واتوقع بتعصبين وتزعلين

انصدمت وناظرت لها : ايش صاير تكلمي ..

: امس جتنا خالة شهد وسمعتها تتكلم عنك وعن ليث وانه خطبك جدي وجدتي وافقوا
وانهم رفضوا ماجد من زمان عشانه وخايفين من ردة فعلك ..

!!!!!!!!!!

انصدمت وقفت وانا رايحه جايه ذا طبعي لاتوترت .. يارب سمعت غلط يارب مابي انصدم بأهلي اكثر من صدمتي فيهم كل عمري ..


طيب وتمثيل امي وتبي توديني للشيخ ! ومسويه زعلانه على حظي .. طيب ابوي كيف سوا فيني كذا !! وسعد غريبه سعد مستحيل يدري

ركضت لغرفتي ادور جوالي بكلم سعد ولمياء وراي تبكي ياقلبي هديتها وانا اللي احتاج احد يهديني ..

يرفضون من وراي ويوافقون على واحد كل عمرهم يكرهونه وينبذونه واصغر مني !!

غيرت رأيي اني اكلم سعد واشغله وهو بإجازه جلست احاول افكر عدل .. سمعت صوت امي توي عرفت ليش راضيه عني طلعت ضامنه لي زوج ومو اي زوج ضابط وعنده ورث كبير من امه وابوه .. تنهدت بتعب شلون اواجهها الحين


طلعت لها ولمياء تمسك يدي تحاول توقفني لكن دفيتها وطلعت ناظرت لأمي وتكلمت :

يمه صحيح انتم رفضتوا ماجد !!


ناظرتني امي بربكه وناظرت للمياء بتهديد :

اي رفضناه الولد مايصلح لك ومنتف وبيتهم مليان وين يسكن

قطعت كلامها بصرخه :

انتي ماهمك وين اسكن وش يصير لي انتي ودك اتزوج اليوم قبل بكرا ولما خطب طرتي فرح لكن لما السيد ليث دخل بالموضوع تغير تفكيرك وحبيتي تستغلينه وتزوجيني اياه ..


ناظرت لي امي

: ليث كلمنا انا وعمك واقنعنا الولد يحبك وعاقل وعنده حلال ونص هالبيت بإسمه

< انصدمت من المعلومات الجديده امي شكلها توها درت ولاقبل ماتطيقه وتذله كأنه مشرد >


جلست بصدمه وشعري على وجهي .. جلست عندي امي ناظرت لها تصدقون اول مره اكون بقربها لهالدرجه شفت خطوط التجاعيد بوجهها
امي مو كبيره حيل توها دخلت 48 لكن طبعها الحار وانها تشيل هم كل شي كبرها ..


مسكت يديني ووقالت :

والله يابنتي مابعناك لكن هو قال اذا مازوجتوني اياها ابي نصيبي بهالبيت ترضين تكسرين ابوك !


انصدمت معقوله ليث بهالخبث !!

: يمه من متى طلعت سالفة البيت !


: من زمان بس ماتوقعنا يهتم بنص هالبيت وعنده بيوت واراضي هناك بالشرقيه ولأنه ماعمره جاب طاري هالشي توقعناه كل عمرنا مفروض ماينسى جميل عمه لكن ولد حصوص وش بيطلع ..



صدعت من هالمعلومات الجديده !! امي وايوي كانوا يعاملونه بقسوه صح مايضربون ولايهاوشون لكن هو وسعد كانو بالملحق كل عمرهم وممنوع يدخلون البيت والاكل نأكل حنا وترميه امي وتقول كيفهم يدبرون حالهم ..
وانا كنت اقسم اكلي بينهم آكل متأخر دايم عشان ماتكشفني امي .


يالله مالومه لو حقد ! بس انا شدخلني ؟؟
بحرب تصفية الحسابات ذا



قمت وانا احس بتعب داخلي .. ، تركت امي ولمياء ودخلت غرفتي وقفلتها ..


دقيت على شهلا تمرني لاطلعت من دوامها محتاجتها بقوة ..

بعد ساعتين ..


جالسه بغرفة شهلا وانا ندمانه اني علمتها شوفوا وش تقول ..

ماشاءالله ياحظك صمتي صمتي وافطرتي على ضابط اشقر ..


ناظرتها بنقد ..


كملت وهي متحمسه : يوه يجننن قسم ذاك اليوم جاء للمستشفى بيزور شرطي كل الممرضات انهبلوا منه وبعضهن صوروه وهو مايدري قسم كأنه من الاتراك هيبه والله هيبه ...

الصمت ملازمني .. ماحد فاهمني
اصلا علتي انه مزيون وانا بجهه والجمال بجهه واكبر منه ب 3 سنوات .. وطول عمري مسويه استاذه له ادرسه واهاوشه كأنه اخوي الصغير ..


ليش يبيني !!
اكيد بينتقم مني عشان اهلي ..


نمت عند شهلا وماهمني نقد اهلي او اهلها كنت بحالة صدمه والله .. وقفلت جوالي
صحيت الساعه 4 على الاذان لازم اروح للبيت البس اليوم عندي محاضرتين ..

صحيت شهلا لاني محشوره بغرفتها استحي اطلع .. الحمدلله نومها خفيف صحت وقمنا نتوضأ ونصلي افطرت بغرفتها وانا اناظر الساعه مابي اتأخر ..

شهلا : شفيك !

:مافيني بس ابيك توصليني للبيت عشان البس

عصبت علي وعطتني لبسها تقريبا اجسامنا متقاربه ..


وصلت للجامعة وانا مصدعه ومعاي قهوتي ..

دخلت للمكتب مالي خلق .. والحمدلله شكله واضح علي لأن الكل ماحتك فيني

دخلت المحاضرتين وطردت 7 طالبات ازعجوني بسوالفهم .. مدري هو انا اللي خلقي ضيق اليوم ولاهم قليلات ادب !!!

وصلت للبيت ولقيت ابوي زعلان علي .. لاني ماستأذنت منه .. اعتذرت منه وبسرعه رضى فديت قلبه ، امي ماطلعت لي مدري وينها

حطيت غداي بصحن وتغديت بغرفتي .. خلاص ماعدت اقدر اتحمل احد او اجامل احد ..!!

حطيت رأسي ونمت .. وصحيت على صوت جوالي رديت وانا مانتبهت للرقم ..

مرحبا ..

قمت وتعدلت كانه قدامي !
سكت وهو يتكلم :
اخبارك ، شلون استاذتنا الجامعيه وحرمي المصون

انقهرت ورديت : بأحلامك فاهم !!

ضحك ضحكته اللي توجع القلب ..ورد بهدوء :

لا لا انا ماحلم ذا واقع ، لاتتعلقي بجامعتك
لأني بنقلك للشرقيه بحلول اسبوعين والشقه جاهزه ضبطناها انا وسعد .. وزواجنا راح يكون بنفس يوم كتب الكتاب .. ايوههه مستعجل وابيك بقربي بأقرب وقت ..
باي ياأحلى عروس ..
وقفل ........



دارت فيني الدنيا ! بتهور وبتفكير اطفال ارسلت له : انا احب واحد لاتخرب علينا

شلون فكرت شلون ارسلت مدري ..

دق بسرعه حول 30 مره يدق وانا ارجف واناظر لضوء الجوال ..

ادري خربت كل شي ؛ بس المهم مايتم هالزواج اكيد بيكون عنده كبرياء ويتركني بحالي وصلني مسج منه .. عرفت إن هالمسج بيغير حيآتي - -