آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
05-10-15, 09:22 PM
| #1 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  في بيتنا ملتحي / للكاتبة روان صادق ، مصرية مكتملة
| |||||||||||||
|  |
|
05-10-15, 09:51 PM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|   المقدمة !! بعد أن أصبحنا في زمان تُشن فيه الحرب علي الأسلام ها نحن نراي حديث رسول الله (يأتي زمانٌ على أمتي القابض على دينه كالقابض على جمرة من النار" _ وكآنه حي بيننا يراي ما يحدث نعم فهو لا يتحدث من الهوي فهو من كله وحي من الله عزوجل وبعد ان شوه الأعلام صورة كل ملتزم ومتدين بل جعلة الملتزم شخص يستهزء به في كل أفلامهم ويسخرون من من كان علي نهج النبي وكآنهم لاينتمون إلي الأسلام فـ ظل تللك الظروف هل يستطيع أحدهم تغير هذه الأفكار؟؟!! هل يستطيع أحدهم أن يعلمهم المعني الحقيقي للألتزام أم سيواجه ظروف عصيبه؟؟ هل سيظل أحدهم علي نهج النبي ؟؟ أم سيتغير من أول أختبار له معاً سنعيش مع البطله والبطل يوماً بيوم سنري كل مايوجهه فلنبدء في الروايه وليجدد كلاً منا نيته قبل القراءه والله يعلم أن نيتي من الروايه أن يغير أحد منكم فكرتة عن الملتزمين وأن يغير فكرتة عن أصحاب اللحي خصوصا التعديل الأخير تم بواسطة فيتامين سي ; 07-10-15 الساعة 08:59 AM | ||||
|
| |
|
05-10-15, 09:52 PM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الآول " الحلقه الأؤلي ً تعيش تللك الفتاه مثلها مثل باقي الفتيات الذين يتخذون الغرب قدوه لهم للأسف هذا حال آغلب الفتيات تعيش في بيت بالأسكندريه احدي المدن المصريه "عروس البحر المتوسط" مع عائلتها "الأب " عم محمود و "أم" و "شقيقها الأصغر حـــازم " ,وهي الأن في مرحلتها الأولي من الجامعه وقر الفتن أما عن أسرتها فهي أسرة الوالد فيها علاقتة بالدين هو صلاة الجمعه فـ المسجد والوالده علاقتها بالدين هو مجرد وضع حجاب علي رآسها وهكذا تصبح مسلمه " للأسف" ________ في حوار بين الزوجه والزوج الذي يأخذ برآي زوجته في كل الأمور فهو يؤمن بدور المراءه و يقدرها ويحب زوجته فهي أم لأوده ولكنها عنيده بعض الشئ ولديها الرغبة في تنفيذ أوامرها لكنه يحبها ويصبر عليها الزوج" بقولك إيه ياام حازم .. عاوزين نسكن الدور الاؤل من البيت بدل ماهو فاضي ومفهوش حد ونستفاد من الأيجار الزوجه قائله " لالا بلاش يامحمود أحنا مش هنجيب حد غريب عندنا البيت _لالالا ماهو مش غريب متقلقيش _مش غريب.... دا أنت محدد بقا هو مين علي كده _بصراحه الحج ماهر آخو جوز خالتي عنده بن ملحقش السكن الجامعي السنه دي والراجل كويس وابنه كويس ومتخفيش انا عارفهم والراجل فاتحني في الموضوع وقالي ارد عليه أنتي إيه رآيك _ خلاص طالما آنت واثق فيه إيه المانع مفيش مشاكل وأهو بالمره ياخد باله من هاجر أول سنه ليها في الجامعه _ ماشي هتصل وأقوله يجهز نفسه وانا هنزل افتح الشقه وأطمن عليها باردو أقوم بقا أتصل بالراجل علشان مستني رد مني __________ يتصل الزوج بوالد الشاب الذي اتفق معه علي ان يسكنه علي الفور وأتفقا معاً علي المعاد المناسب ليذهب الشاب ويري الشقه وفي اليوم المحدد والمتفق عليه مسبقاً ___ يأتي الشاب ومعه خاله وفي نفس الوقت هو صديقه ايضاً ومعه والده الذي هو من أحد اقارب عم محمود بعد ان دلهم علي عنوان البيت وجاءو في المعاد عم محمود يستقبل الحج ماهر وابنه " أحمد محمود قائلا " يامرحب يامرحب اهلا بيك ياحج ماهر نورت والله الحج ماهر" اهلا بيك ياحج محمود .. والله انا مش عارف اشكرك آزاي انك وافقت انك تقعد أبني احمد في الشقه لأنه للأسف ملحقش السكن الجامعي السنه دي في الجامعه محمود " ولا يهمك متقولش كده احنا يشرفنا أننا يكون عندنا في البيت حد زي ابنك احمد ربنا يبارك فيه يارب ـأحمد " انا متشكر لحضرتك وربنا يجزيك خيراً يارب نسيت أعرف حضرتك علي سعيد صاحبي ويبقي خالي في نفس الوقت وهو معاكي في الجامعه باردو محمود" أهلا بيك ياسعيد تنورني والله يقطع الحديث زوجتة عم محمود عندما تنادي علي زوجها ياأبوحازم ياابو حازم .. عاوزك ثواني محمود " استئذن انا ثواني والبيت بيتكم ____ يذهب الزوج ليجيب نداء زوجته نعم ياام حازم خير في إيه الزوجه" مين إللي مع الحج ماهر دول!!  _دا ابنه ومعاه صاحبه سعيد ... في حاجه ولا إيه _دا ابنه بدقن !! أنت عارف انا بكره الرجاله أم دقن دول _متقلقيش دا ولد محترم وكويس وبعدين طول ماأحنا واثقين فيه خلاص وبعدين فيها ايه يعني بدقن .. يلا انتي بس حضري الغدا علشان نأكلهم ونخليهم ينزلو يشوفو الشقه _خلاص الأكل جهز .. صحي هاجر تقوم تجهز السُفره معايا _______ ينتهي حوار الزوج مع زوجته ويذهب ليرحب بالضيوف مره اخري وقبلها ينادي علي ابنه الأصغر حازم ليعرفه علي الضيوف محمود" دا ابني حازم الصغير في تانيه ثانوي ومعايا كمان هاجر داخله أولي كليه السنه دي احمد" آهلا بيك يابطل ... متعرفش أنا بحب أسمك دا قد إيه.. ربنا يجعلك من آهل الجنه محمود" يارب يااحمد .. يلا روح ياحازم صحي هاجر وقولها قومي ساعدي ماما في السُفره الحج ماهر" والله ماليه لزوم الغدا ... انت ابو الكرم ياعم محمود ربنا يعزك يارب محمود" متقولش كده ياحج ماهر ربنا يعلم انا بعزك قد إيه دا أحنا البيت نور عندنا ____ تستيقظ هاجر من النوم وعلي وجهها الغضب فقد كانت تريد أن تستكمل نومها تذهب إلي المطبخ هاجر قائله للأم " إيــه داا ياماما الصوت العالي دا بابا جايب ناس وصوتهم عالي وضحك مين دول الأم" دول قاريب أبوكي من بعيد الحج ماهر وابنه ومعاه صحبه هاجر" ودول جايبن ليه؟؟ الأم" ما دول إللي هيسكنو في الشقه إللي في الدور الأرضي تحت علشان هما طالبه في الجامعه وملحقوش السكن الجامعي هاجر" ومين أبو دقن دا !! الأم" بأبتسامه " أحمد بن الحج ماهر هاجر" وبتضحكي ليه كده ياماما وأنتي بتقوليها الأم" أصل أنا لسه ابوكي نفس السؤال كلنا عندنا فضول نعرف مين دا ؟!! هاجر" أنتي عارفه ياماما أنا بكره الشيوخ والشاب إللي بيبقي عامل نفسه فيها المتدين وقال الله وقال الرسول اللشيوخ دول بيبصو بصات من تحت لتحت وف الأخر يقولك غض البصر اووف بقا الأم" ملناش دعوة بيه احنا في حالنا وهو في حاله يلا يلا نحضر الأكل علشان ينزلو يشوفو الشقه ___________ وبعد تخضير المائده للغداء والانتهاء من الطعام وتناول الضيوف الشاي آخذهم والد هاجر " عم محمود" إلي الشقه التي سيسكن بها أحمد" الشاب الملتحي " وسعيد ~ محمود يوجه كلامه إلي سعيد وأحمد _إيه رآيكم بقا في الشقه يارب تكون عجبتكم _احمد " طبعا ياعمو كفايه ذوق حضرتك بس محمود" بص ياأحمد انت وسعيد أنت لو عاوز أي حاجه هنا معاك حازم أبني وأنا كمان تحت أمركم .... _____ بعدها يغادر الضيوف المكان ويذهبو ليلحقو القطار لييذهبو إلي القاهره مره اخري وحتي يبدائ العام الدراسي الجديد سيافر الشباب مره أخري إلي اللأسكندريه ليستكملو الدراسه في جامعه الأسكندريه _______ وفـي حوار الأب " عم محمود " مع عائلته حازم الأبن" بابا انا أرتحت أوي لاحمد يمكن أكتر من سعيد الأب" فعلا أحمد أخلاق وولد كويس جداً وكمان سعيد يبقي خاله وصحبه حاجه حلوة اوي ترد هاجر علي كلام حازم كأنها متعجبه_هاجر" مين أحمد دا ياحازم ابو دقن دا ؟!! ياااااي بجـد محمود" ايه ياهاجر دا عيب كده .. علي فكرة دا هيبقي معاكي في الجامعه وهيخلي باله منك هاجر بأندهاش " يخلي باله مني ليه وإزاي؟؟ هيمشي ورايا مثلا ويمسكلي الكشكول الأب" هاجر عيب كده ... ومش هو دا قصدي هاجر" عموما يابابا انا هنزل بكره أشتري هدوم علشان الجامعه الأب" بكره مينفعش ... حبيبه بنت الحج ماهر هتيجي تروق الشقه علشان خالها واخوها وهيكون معاها الحج ماهر فأنتي هتنزلي تروقي معاها الأم" تروق معاها ليه !!؟... روحي ياهاجر ياحببتي النكان إللي انتي عاوزه وانا هبقي اروق معاها وكمان أصلا الشقه مفهاش حاجه تتروق الأب" الناس حددو المعاد إللي جاين فيه .... عموما لما يجي بكره يحلها ربنا.. دلوقتي يلا أتفضل كل واحد علي الأوضه بتاعته.. علشان معاد النوم يذهب كل فرد إلي غرفته وفـ الصباح تستيقظ هاجر عـلي صوت الأم هاجر هاجر ... قومي قومي تتفكرو هتقوم تعمل إيه  هتعرفو الحلقه الجايه إن شاء الله ماتنسو التقيم ^^ عايزة اسمع ارائكم وتشجييع عشان اكمل | ||||
|
| |
|
05-10-15, 09:54 PM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقة الثانيه من " فـ بيتنا ملتحــــــــي عاوزكم تركزو في كلمة في حلقة النهارده الحلقه طويله بس مش ممله وفـ الصباح تستيقظ هاجر عـلي صوت الأم هاجر هاجر ... قومي قومي هاجر ولا زالت نائمه .. في ايه ياماما بــس سبيني نايمه شويه الأم" حبيبه قاعده برا وجايه من بدري كمان وخلصت الشقه وانا عاملت معاها قومي بقا اقعدي معاها شويه ... عيب كده دول ضيوف هاجر" حاضر ياماما حاضر .. أتفضلي حضرتك وأنا جايه وراكـــي ___ تستيقظ هاجر وهي غاضبه لأنها استيقظت علي غير عادتها وليس في المعاد الذي تسيقظ فيه ~ الأم مره أخري لهاجر" انتي لسه مخرجتيش هاجر" ياماما هظبط نفسي وهخرج ياماماا _ تخرج هاجر من غرفتها وقد أرتددت ملبسها المعتاده " بنطلون _ بدي_وطرحه "" هاجر" صباح الخير ينظر الضيوف إلي هاجر بتعجب وأستغراب ثم تنظر حبيبه إلي أحمد ... تقوم حبيبه وتقف أمام هاجروتهمس في أذنها وبأبتسامه وكانت حبيبه منتقبه " " سلام عليكم ياهاجر ... أنتي شكلك قمتي من النوم علي صاله الضيوف دخليني غرفتك بس تعالي هاجر" فـي إيه ... انا مش فاهمه حاجه .. استني بس هسلم عـ أخوكي وباقي الضيوف حبيبه" تعالي بس ياهاجر ندخل غرفتك ... تدخل هاجر وحبيبه غرفة هاجر وهاجر في قمة الدهشه لما تفعله حبيبه ومن رد فعلها ... وكل مايدور في بال هاجر ماالذي فعلته حبيبه؟؟؟ هل ثيابي غير لائق ؟؟ ام ماذا دخلت حبيبه وهاجر الغرفه فتسرع هاجر قائله أولا أزيك ياحبيبه ... وإيه اخباركـ ؟؟!!! بعيد عن أي حاجه .. هو انا فيا حاجه عيب أو غلط فهميني دلوقتي انا مش فاهمه حاجه !!!؟؟ حبيبه بابتسامه " لأ ياهاجر .. انتي مش فيكي أي حاجه خالص انتي كويسه جدا ....هو بس انتي المفروض لبسك غير مناسب انتي لابسه بنطلون؟؟ وخارجه عادي من انتي اكيد مكونتيش تعرفي أني احمد احويا قاعد معانا صح .. معلش ياحببتي.. حصلتلي كتير اوي أني أفتكر ان مفيش حد قاعد وبخرج من غير نقابي .. معلش ياحببتي هو أحمد غض بصره عـلي طول ملحقش يشوفك متقلقيش هاجر ترد علي حبيبه وهي لازالت مندهشه إيه إللي أنتي بتقوليه دا ؟!! أنا مش فاهمه حاجه... انا كنت عارفه إنك قاعده برا وكنت عارفه كمان أن أخوكي او والدك معاكي علشان كده لبست طرحه .. حبيبه " إزاي؟؟!!... هو دا لبسك ؟؟!! بنطلون !!!.. وعليه حجاب طب إزاي؟؟!! هاجر" وفيها ايه دي انا مش فاهمه يعني ؟؟!! حبيبه " ياهاجر ياحببتي انتي دا أصلا لبسك وآنتي نازله في الشارع عادي؟؟!! هاجر" وإيه الغريب في الموضوع " الدين يسر مش عسر " انتِ ليه مكبره الموضوع !! حبيبه" انا أصغر منك اه .. بس عمر ماكان لبسي كده !! انا منتقبه من اعداي وعندي احساس أنه جزء مني هاجر" اه وشويه شويه تقوليلي بحس إني ملكه وأنا منتقبه مش عارفه ملكه إيه يعني؟؟!! وبعدين أخوكي إيه إللي هو عامله فـي نفسه ده؟؟؟!!... دقن ومش بيبص للبنات لالا أنتم أكيد فيكم شئ غلط حبيبه" عـ فكره ياهاجر والله انا فعلا بحس وأنا منتقبه إني ملكه عارفه هتحسي فعلا بالأحساس دا ... لما تلبسي النقاب.. اما بالنسبه لأخي فاهو بيقتدي بُسنه النبي " محمد(صلي الله عليه وسلم) ... أنا ممكن علشان نشاءة في بيئه متدينه فابحبه .. بس عارفه ساعات بتيجي عليكي فترة بتبقي عاوزه تقريي من ربنا آوي ^^ من غير حتي ماحد يقولك حاجه من جواكي كده تلاقي نفسك عاوزه ترضي ربنا فابتلبسي إللي يرضيه ويبقي عندكـ آستعداد تعملي أي حاجه علشان ربنا .. جربتي تحبي ربنا ؟؟ هاجر" علي فكرة أنتي صعبانه عليا أوي ... أنتي في حد لعبلك فـي دماغك بجد صعبانه عليا... عمر لبسك ماهيخليكي تقربي أو تبعدي من ربنا.. بس انتي معذوره تلاقيكي صاحبك زيك كلهم .. ربنا يهديكي ياحبيبه حبيبه التزمت الصمت ولم تجيب علي كلام هاجر فهي متعجبه هل الهدايه تكون لها .؟ ام لهاجر التي اردتدت ثياب لاتجوز ان تخرج بها امام الرجال هل حبيبه حقاً علي خطاء؟؟ لولماذا تتحدث هاجر بهذه الطريقه كل هذه الأسئله لا تستطيع حبيبه الأجابه عليها .. لكنها سكتت حتي لا تدخل في نقاش مع هاجر في أول لقاء بهما وقررت حبيبه علي ان تكون علاقه جيده بينها وبين هاجر ثم بعد ذالك تناقشها .. تدخل الأم الغرفه علي هاجر وحبيبه الأم" إيه يابنات قاعدين كده ليه؟؟.. بصي ياحبيبه انتم كده كده مش هتمشو دلوقتي .. وهاجر هتنزل تشتري هدوم جديده إيه رأيك تنزلي معاها تسرع هاجر بالرد" لالا ياماما انا مش هروح النهاردا خالص ..صحابي هيجو معايا يوم تاني حبيبه وقد فهمت ان هاجر فعلت ذالك حتي لأ تاخدها معاها وهي تشتري ملابسها وتتحكم في ملابس هاجر ... فترد قائله لا ياطنط انا همشي انا واحمد علشان منتأخرش وهاجر هتروح مع أصحابهاعلشان متبقاش مدايقه الأم" طب إيه رأيك تخليكي أنتي النهارده وتروحي البيت يوم تاني مش انتي بتعرفي تروحي البيت لوحدك حبيبه " لا ياطنط إزاي اروح لوحدي وأركب الموصلات المختلطه لوحدي.. لا ياطنط مستحيل مستحيل مينفعش بنت تمشي لوحدها هاجر" مش قلتلك " أنتي حد لاعب في دماغك " هكذا كان رد هاجر علي حبيبه كانت هاجر دائما تستغرب من رد حبيبه كان تقول عليها انها تعيش في زمن غير الزمن وانها يجب أن تعرف المعني الحقيقي للحياه ويجب ان لا تعقد حياتها هكذا كانت هاجر تاخد الحياه وتعيشها بالطول والعرض " كان تفكيرها ليس غريب فهي مثلها مثل باقي شباب الجيل وخصوصا انها لم تجد يوما من ينصحها وهذا ليس مبرر لما تفعله فمثل ماقالت حبيبه " ساعات بتبقي من جواك عاوز ترضي ربنا وتقرب ليه من غير حتي ماتسمع درس علم اوتسمع موعظه من حد حاجه من جواك انت من شرط ربنا يبعتلك حد علشان تبقي كويس وتتوب إليه ولكن هل ستظل هاجر هكذا؟؟ حبيبه ستافر إلي القاهره وستدخل هاجر إلي الجامعه بئر الفتن ولكن تمنت حبيبه لهاجر التوبه وأخذت عهد مع الله علي ان تكثف الدعاء لهاجر ولمن في نفس تفكيرها ان يهديها وان يتوب عليها ويصلح حالها ______________ تأخد هاجر والدتها بعيداً عن حبيبه هاجر" ايه ياماما إللي هاخدها معايا دي هتخليني اشتري نقاب .. دي بتعترض علي لبس البنطلون بتاعي دي أكيد فيها حاجه غلط الأم" بلاش تتناقشي معاها في حاجه دي ممكن تعقدك دي فعلا معقده... خلاص اجلي النهاردا ليوم تاني وشوفي اصحابك يروحو معاكي .. هاجر" خلاص خلاص أنا هتصرف معاها تدخل هاجر إلي غرفتها مرة اخري هاجر" بصي ياحبيبه يمكن اكون دي اول مره اتكلم معاكي واشوفك..... تقاطعها حبيبه لا ياهاجر متكمليش انا عارفه أنتي إنتي عاوزه تقولي إيه .. بصي انا مش معقده ولا حاجه والله كل الحكايه اني بحب اعمل اي حاجه فيها رضي ربنا عني وعموماً انا المفروض إني هرجع القاهره النهارده ومش هينفع اتأخر وزمان احمد مستني وبجد ياهاجر انا نفسي اننا نبقي اصحاب اوي لأني حبيتك أأوي وربنا يعلم دا .. وعاوزه اشوفك تاني .. ايه رأيك اخد رقمك ونتواصل مع بعض وكمان لو عندك أكونت علي الفيس ... هاجر" وكآنها تراجعت عن رآئيها في حبيبه وترد مبتسمه ... ماشي ياحبيبه شكرا علي كلامك الجميل ... اكتبيلي رقمك هنا علي الفون بتاعي هنا وانا هسجله عندي واكيد هنتواصل مع بعض ^^ حبيبه" اكيد ياهاجر أتفضلي انا كتبت رقمي .. وعارفه كمان انا كل سنه انا واخويا وبابا وخالي سعيد بنروح نعمل عمره بس للأسف السنه دي مروحناش إن شاء الله السنه الجايه تبقي معايا فيها وهدعيلك في كل صلاه ان ربنا يوعدك بزيارة الكعبه هاجر" متشكره ياحببتي .. اكتبي كمان الميل بتاعك حبيبه" انا كتبت رقمي ونبقي نتكلم علي الوتس معلش لازم اخرج انا اكيد احمد قاعد مستني برا هاجر" تمام.. اتشرفت بيكي ياحبيبه وفرصه سعيده بجد ____ تخرج حبيبه من الغرفه إلي صاله الضيوف حيث قد جلس أحمد وعم محمود والد هاجر وبعد القاء تحيه السلام تستئذن حبيبه أحمد في الرجوع إلي البيت وحتي يلحقا القطار المسافر إلي القاهره... هل ستغادر حبيبة ؟!!! هل ستترك هاجر حبيبة كانت مشفقة علي هاجر جدا كانت تتمني أن تعيش معاها أسبوعاُ عـ الأقل حتي تغير فكرتها عن الألتزام حني والملتزمين فالأعلام قد لعب دوره مع هاجر وأستطاع إن يجعلها تكره كل أصحاب اللحي وكل أصحاب النقاب معذورة هاجر __________ هاجر لم يأتي في بالها كل ما قالته لها هاجر ,وأستكملت باقي يومها تتجول بين الفيس وسماع الموسيقي وخصوصا موسيقي " راب" وأتفقت فـ أخر اليوم مع أصدقائها علي شراء الملابس التي ساترديها في الجامعه ومن المعروف ان الفتاه تشتري اجمل الثياب للجامعه خصوصا وانت كانت في السنه الأؤلي للدراسه تذهب هاجر لولدتها قائله ماما هاتي الفلوس إللي انا هنزل اجيب بيها الهدوم يلاا انا هنزل شويه كده مه ريهام وأميرة الأم" اميرة؟!! لأ بلاش دي بتخليكي تشتري لبس متخلف أحتمال تقولك روحي الجامعه بأسدال هاجر" لأ متخفيش مبقتش تعرف تتكلم معايا ولو قالتلي البنطلون ده ضيق ولا اتكلمت والله أسبها وامشي متخفيش بنتك مش سهله يعني دا احنا جامدين أوي فـ اليوم التالي تكون قد سافرت حبيبة لإلي بيتها بالفعل مع احمد وتذهب هاجر مع أصدقائها إلي المول لتشتري ملابسها حبيبة فـ حوار مع أحمد _بصراحه يا احمد هاجر بنت عمو محمود دي صعبانه عليه أحمد" ليــه بس مالها؟؟ علشان معندهاش أخوات بنات يعني؟!! طب ما انتي كمان معندكيش وعآدي يعني مبسوطه ده بس علشان عندك أخ زي أحم احم أرجوكـي كفايهـ بقآ متتكلميش عليا أكتر من كده حبيبه ضاحكه ولا تستطيع أيقاف الضحك" أضحك الله سنك ياأحمد بجد مش قادره .... هو انا أتكلمت أصلاً أنت إللي بتكش في نفسك ... هاجر صعبانه عليا فعلا مش لأنها معندهاش اخوات بنات.. لأ لأن للأسف مضحوك عليها تصدق أنها بتقولي ربنا يهديكي!! احمد" طب وفيها إيه ربنا يهدينا جميعاً حد يطول حبيبة" لأ ياأحمد شكلك مش هتفهم ... بس أنا قصدي انها بتقوولها تريقه بتقول عليا معقده.. وبتقول عليك كمان معقد أحمد" انا مشوفتهاش آصلاُ الحمدلله كنت مشغول مع عمو محمود وحازم أبنه ... بس إللي فهمتة من كلام حازم أنها يعني مش ملتزمة وكدهـ هو مقالهاش صريحه بس أنا فهمت .. اخوكـي لامح أصلـــه ^^ حبيبة" طيب يالامح ... بس بجد نفسي ربنا يهديها أنا اخدت اكونت الفيس بتاعها وكمان رقم تلفونها وهقعد أتكلم معاها وأخليها تغير فكرتها عن الملتزمين عموما أحمد" نعـم الفتاه أنتي يا حبيبة ... الحمدلله الذي أنعم عليً بأخت زيك يابيبه .. يارب أشوفك زوجهـ صالحه مع إللي يستهلك حبيبة " يآرب أمين احمد وهو رافع لحاجبه متعجباً " أنتي بتقولي أمين ..؟؟ أنتي عاوزه تتجوزي قبلي ده بدل ماتقوليلي يارب يا أخويا أنت الأول .. يلا قومي من قدامي بدل ماهجري وراكـــي وأشيلك واحدفك من الشباك تنزلي مايحصلش ليكي حاجه لأننا بالدور الأرضي حبيبه" أنت بجد بتخليني مبطلش ضحكـ .. يارب يارب يوعدني بزوج دمه خفيف زيكـ... بس انت الأول ياسيدي حلو كده؟؟ أحمد" مممم مش بطال ... يلا صغيرتي إلي النووووم حبيبة " نــــوم أنت عاوز تدخل الجنه وتسبني بقآ ... اه قلتلي أنام انا وأنت تروح تصلي القيام صح ؟؟ لأ ياحبيبــــــــي وراك وراكـ يلا روح أتوضا وأنا كمان هتوضا وهاجي أقف وراك نصلي يافارسي أنت أحمد مبتسم ويضغ يده علي كتف حبيبة " مش بقولك " نعم الفتاة أنتي " يصلي أحمد وخلفه حبيبة ويقيم الليل بصوتة الذي كانت تعشقه حبيبة بل كان الأصدقاء أيضاً احيانا في رمضان يذهبون إليه ليصلي بهم فبصوته الخشوع لا يقراء آيه من آيات الله إلا ويبكي لها وصف الجنه يبكي لأنه يتمنها وصف النار يبكي لأنه يخشها رحمة الله يفرح بها ويحزن خوفاً من غضبه يقيم أحمد بسورة الرحمن وغافر وبعدها ينتهي من الصلاة ينظر إلي حبيبه وكآنه نسي شيئاً مهماً يتبع أنتظرو حلقه غداًً أن شاء الله ^_^ | ||||
|
| |
|
05-10-15, 09:55 PM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقة الثالثة من في بيتنا ملتــــــحي ^^ ينظر إلي حبيبه وكآنه نسي شيئاً مهماً احمد لحبيبة " حبيبة أحنا نسينا نصحي خالك سعيد وبابا حبيبة " خالو سعيد لو صحي هيضربنا انا عارفه هيقول أنا بصلي ومحدش ليه دعوة وفجاءه يأتي صوت قادم من الغرفة الخاصه بسعيد مين بيقول سعيد .. مين بيجيب سيرتي حبيبه ببسمتها التي لاتفرقها " أنا ياخالو .. أصل احمد كان عاوزني أصحيك تصلي معانا سعيد" ما انا علي ماقمت أتوضا لاقتكم خلصتو .. بلاش تصحي أبوكي علشان الطياره بتاعته بعد الفجر خليه يلحق ينام شويه انا كمان حضرتله الشنطه بس قوليلي ياحبيبة روحتي روقتي الشقه وعملتيها كويس حبيبه" شقه إيه؟!!! أنت بتقول طيارة أبي الفجـــر؟؟ ؟؟ وانا معرفش كل ده انا المفروض إني هسافر مع أبي صباح الخير ياخال .. الطياره بعد يومين لسه .. سعيد" بجد .. يعني أبوكي كان بيشتغلني .. مااشي تلاقيه قالي كده علشان ينام ويسبني انا اتكلم لوحدي أحمد" عموما بقا عاوز أقولك ان حبيبة طلعت شطره وعملت كل حاجه بس طنط مرات عمو محمود ساعدتها طبعا سعيد " شكلها زوجه طيبه وكويسه .. يلا يلا نصحي أبوكم بقاااا .. وانت يااخ احمد حضر نفسك كلها يومين ونسافر أسكندريه وهنرجع للدراسه والأبحاث ياااااه الواحد بجد كان مرتاح اووي احمد" أبحاث إيه انت محسسني انك ف علوم .. اومال لو مكنتش اداب واخر سنه .. الله المستعان يرفع أذان الفجـر بعد دقائق ويذهب كلا من سعيد و الحج ماهر واحمد إلي المسجد _ اما في بيت عم محمود في تلك اللحظه تنام جميع أفراد الأسره عن صلاة الفجـر إلا الوالد الذي أعتاد علي أداء جميع الصلوات في المسجد _ الأجازة علي وشك الأنتهاء واحمد وسعيد يستعدون للسفر لأستكمال الدراسه إما الوالد الحج ماهر وحبيبة قد سافرو بالفعل إلي السعودية الليله الأولي في منزل عم محمود احمد بالفعل سافر إلي الأسكندرية ومعه سعيد وقد وصلا إلي الأسكندرية قبل الدراسه بيومين حتي يستعدا سعيد لأحمد " إيه أحنا مش هناكل .. متزل تشتري حاجه ناكلها احمد" لأ طبعا عيب .. احنا لازم نعرف عم محمود أننا وصلنا الأول سعيد" ماهو عارف يعني ياأحمد مش مهم احمد" اسكت ياسعيد أنا هطلع أخبط وأعرفه اننا وصلنا يفتح أحمد الباب ويصعد إلي الطابق الثاني حيث منزل عم محمود ويطرق الباب ويقف بعيداً ويدير وجهه إلي الخلف هاجر من خلف الباب " حازم أنا قلتلك الف مره خد المفتاح احمد" سلام عليكم .. عم محود موجود هاجر" ميــــن ؟؟ _أحمد ماهر حضرتك انا بس عاوز أعرف عم محمود إني وصلت هو موجود؟ _لأ بابا نايم وأكيد مش هصحي بابا علشان أقوله كده .. أما يصحي أبقي أقوله _شكراً لحضرتك سلام عليكم .. يبدء احمد في النزول ويتفاجئ بصوت فتح الباب ينظر احمد فإذا هي زوجة عم محمود _ايه يااحمد حمدلله علي سلامتك ياحببيبي _الله يسلم حضرتك _أستني أهو عمك محمود تقريباً صحــــي _لا ياأمي خلي براحته عم محمود يخرج وبصوت عالي " تعالي ياحمد أتفضل أسكندرية نورت _اهلا بحضرتك .. منورة بيكم _طيب .. أنا هغير هدومي ونازلك أهووو محمود لزوجتة " حضرتي الغدا ؟؟ الزوجة" اه طبعا .. بس لو قالي ياأمي دي تاني مفيش حتي لقمة عيش.. قال امي قال أنا ابقي أم الولد ده دا اطول مني يبتسم محمود" خلاص بقا ياأم حازم قلبك أبيض هاجر تتدخل بالكلام " هو إيه ده يعني؟؟ يديني ضهره وهو بيتكلم هو إيه مفيش أحترام؟ محمود " ياهاجر هو ده الأحترام وبعدين احمد شاب محترم أوي ومش بيبص لبنات آصلا هاجر"" ياسلام يابابااا هو إيه إللي مش بيبص للبنات اومال لما يجي يتجوز هيعمل إيه؟؟ هيشوف مراته إزاي؟؟ وبعدين يعني هو المفروض... يقاطع الوالد أبنتة " خلاص ياهاجر خلاص .. يلا ياام حازم حضري الغدا علشان انزل بيه _ تحضر الزوجة الغدا وتضعه علي النسيه وتعطيه لزوجها الزوج" تسلم أيدك يارب .. فين حازم أومال يفتح حازم الباب بالمفتاح ويسرع لوالده _بابا الحق ده احمد وسعيد وصلو تحت أهم الأب_منا عآرف يلا دلوقتي انزل معاي علشان نديهم الغدا _ده احمد بيقولي عاوزك توريني أقرب سوبر ماركت تقريبا شكله عاوزه يشتري اكل _طب يلا بسرعه ننزل علشان نلحقهم ياخذ محمود أبنه حازم أحمد يتفاجئ بمحمود وحازم ويشكرهم لكرم اخلاقهم أما محمود فيوصي أحمد " احمد حازم أخوك لو محتاج اي حاجه قول علي طول حازم" اه طبعا هو انا اطول يبقي عندي أخ زيك .. انا أصلا بحبك في الله أحمد يرد بأبتسامه " وانا كمان بحبك في الله ياحازم حازم" بحبك في الله لسه سمعها النهارده من صاحبي يعني متأخدش عني فكرة إني زيك كده ملتزم أنت أصلا هتدخل الجنه علي طول من غير حساب يبختك ياعم أحمد" لا طبعا متقولش كده محدش عارف هو إيه مصيره .. بس عندي طمع في كرم ربنا أن أدخل الجنه يخرج سعيد " ليه حضرتك بس تعبت نفسك .. بجد جزاكم الله خيراً محمود" متقولش كده أحنا اهل باردو بس عاوز اطلب منكم طلب احمد" طبعا أتفضل ياعمو محمود" هاجر بنتي رايحه الجامعه وهي لسه اولي وجاتلها كلية أداب كمان زيكم ممكن بس تبقو تخلو بالكم منها سعيد"حاضر ياعمو كده كده انا واحمد في أتحاد الطلبه وإحنا تحت أمرك محمود" شكراً ياشباب أسبكم انا بقي ... في رعاية الله يوم الدراسه العالمي ـــــــ هاهو يوم الأؤل للدراسه حيث يذهب جميع طلبة الجامعه خصوصا طلاب المرحلة الأؤلي من الجامعه هاجر علي تواصل مع أصدقائها ويلتقي كلا منهم في المكان المحدد والمتفق عليه ف أول يوم تردي أجمل الثياب من وجهة نظرها وفي لحظه خروجها من البيت هي تللك اللحظة التي يخرج فيها سعيد وأحمد هاجر وهي وجهها في وجه سعيد هااي .. صباح الخير سعيد" صباح النور يمسك احمد سعيد من يده وكأنه يسحبة للنزول حتي لا يختلط بهاجر تغضب هاجر من تللك الموقف وتستحلف انها سترد إليه ذالك وتخاطب نفسها " أنا يتعمل معايا كده.. طب أصبر عليا يابتاع غض البصر ... فـ الجامعه تقابل هاجر أصدقائها أميرة و دينا أميره" هاجر؟؟!!!!! هاجر" في إيه مالك؟ أميرة" لبسك عامل كده ليه؟؟ أنا عمري ماشوفتك لبسه بنطلون ضيق كده _" بقولك إيه أنا مش طايقه حد يتكلم معايا وبالذات انتي سامعه دينا" مالك ياهاجر ف إيه ؟؟ -إللي أسمة احمد إللي انا حاكتلك عنة ده _اه إللي اخته اسمها حبيبة وعنده دقن _اه .. شاب متخلف ومش بيعرف يتعامل مع البنات آصلاً _ياهاجر متشغليش بالك بيهم اميرة" علي فكرة ياهاجر الشاب الملتحي بيعرف يتعامل مع البنات والمتلزم كمان لأنهم بيأخذو الرسول قدوة في كل حاجه _بقولك إيه ياحجه أميرة انتي أسكتي بدل ماأدعي عليكي تتجوزي واحد منهم أميرة " يارب أتجوز شاب ملتحي وأنتي كمان يرزقك بشاب متدين وملتزم وملتحي زي الرسول وبياخدو قدوة هاجر ترد علي أميرة وقد ظهر علي وحهه الغضب" اميرة بقولك إيه أمشي من قدامي حالأُ دينا" بصــو يابنات مين هناك .. مش ده خالد إللي كان معانا في درس التاريخ هاجر" اه هو ومعاه كريم صحبه كمان .. إلحقي ده شافني وبيضحكلي .. شكلهم جاين دينا" مصلحه خليهم يروحو يشوفو احنا أسمنا جاي في أنهي شعبة أميرة" بنات انا همشي .. سلام دينا" استني يابنتي بلاش تعقيد هاجر" سيبك منها دي أنسانه متخلفه زي المتخلف إللي ساكن عندنا في العمارة خالد وكريم يقفا بجوار هاجر ودينا وبصوت عالي هاجر " إيه ياخالود أزيك أزيك ياكيمو يتعجب كريم وخالد من اللهجه التي تتحدث بها هاجر فقد أعتاد كلامنهم من هاجر علي اللهجه التي بها قسوة وتكبر وأستعلاء منها لأول مره تتكلم هاجر بتلك الطريقه المختلفه يرد كريم" إيه ياهاجر عامله إيه ؟ انتو معانا هنا فالكليه دينا" أيوة أحنا ف كلية اداب بس لسه معرفناش أداب إيه هاجر " كريم هطلب منك طلب ... تعالي معايا حالً نسأل الولد بتاع اتحاد الطلبه علي التشعيب بتاع الكليه كريم" طب منا كده كده هروح انا وخالد هاجر وبقسوه" بقوولك تعالي معايا فهمت يسرع كريم وعـ وجهه علامات من الدهشه والفرحه في نفس الوقت فهو يمشي مع هاجر البنت التي كان دائما يتمني لو يتكلم معاها ولكن لكبريئها والطريقه التي تتكلم بها دائماً جعلته يتجنبها هاجر تقف أمام مبني أتحاد الطلبه الذي أصبح ملاْ بالطلاب وبصوت رقيق جداً وتحاول أن تقترب من كريم وتقف بجانبه وتلتزق به وهي تخاطب احد من أعضاء الأتحاد " لو سمحت أنا أسمي هاجر محمود وهو كريم أحمد عاوزين نعرف أحنا شعبة إيه؟؟ أحد أعضاء الأتحاد" القايمه مع الأستاذ احمد ثواني .. أحمد .. ياأحمد ياماهر احمد مشغول جدا وليس لديه وقت للرد ولا يستطيع حتي أن يسمع صوت زميله بسبب كثرة أصوات الطلاب وكثرة الطلاب بجانبه ولكن بصعوبة جدا يلتفت أحمد إلي زميله " أيوه يا رامي .. معلش مش عارف اتابع معاك .. أمورني رامي" شوف عندك هاجر محمود كده شعبة إيه أحمد يرد بأستغراب هاجر محمود!! هاجر ومازالت تتكلم بصوت رقيق " أيوه ياشيخ هاجر محمود مش انت شيخ باردو ؟؟ احمد وهو يعطيها ظهره " حضرتك كاتبه رغبة أولي إيه؟؟ هاجر" هو انت قسم إيه ؟ احمد" نعم يافندم .. بقول لحضرتك كنتي كاتبه رغبة أولي إيه؟؟ _كريم هو فين مكتب عميد الكليه علشان أشتكي الأستاذ ؟؟ ده بيكلمني بطريقه غريبه اوي ؟ هو جاي هنا علشان يبقي في خدمة الطلاب مش علشان يكره الطلابه في الكليه كريم" هدي نفسك بس ياجوجو ومتخديش بالشكل انا مش عارف الدقن دي هو مربيها ليه بيشوه سمعة الدين وخلاص احمد يتعجب للحوار الذي دار بين هاجر وكريم ولا يبالي ويتركهم ويذهب ليستكمل باقي عملة كارئيس في أتحاد الطلاب تغضب هاجر لرد فعل أحمد وتتصل بوالدها علي الفور هاجر" بابا تعالي الحق شوف إللي أنت بتقول علية قريبنا إللي انت بتقول أنه هيحلي باله مني بسأله وبقوله عاوزه أعرف انا قسم إيه مش بيرد وبيكلمني بعدم احترام الأب" أحمد!! احمد عمل كده؟؟ غريبه هو ميعرفكيش ولا إيه ؟ عموما انا هتصل بيه _اه يابابا أتصل بيه وزعقله متخلهوش يجي عندنا تاني ويسكن خليه يشوف أي بيت تاني يعيش فيه دا أنسان ميعرفش يعني إيه الأحترام الأب" أهدي بس ياهاجر .. هتصل بيه اهو سلام يذهب كريم إلي هاجر إيه ياهاجر كنتي بتكلمي مين؟؟ _ وأنت مالك انت .. أنت إيه موقفك معايا .. يلا أمشي روح شوف انت رايح فين تغادر هاجر الكليه بل الجامعه وتذهب إلي البيت ومازال كريم يتعجب لتصرفات هاجر المتناقضه وقبل أن تدخل إلي البيت تستعد للبكاء وتدخل البيت وهي تبكي بابا الحق بقا اتصرف معاه ده أنسان مش محترم وبيكلمني وبيديني ضهره وف الأخر يسبني ويمشي الأب" بتصل بيه ومش بيرد .. وحتي سعيد مش بيرد.. بصي ياحببتي ادخلي نامي دلوقتي وأهدي بس ةانا لما يجو هنزل وأعرف هما ليه عملو كده؟!! يتــــــــــــبع | ||||
|
| |
|
05-10-15, 10:00 PM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقة الرابعة من في بيتنا ملتحي ^_^ تدخل هاجر إلي غرفة نومها وهي تشعر بالفرح لأنها انتصرت وأستطاعت أن تشوه صورة أحمد " الشاب الذي يشكر فيه كل من يراه وكل من يعرفه تنام هاجر ولا تستيقظ إلا بعد صلاة العشاء وكالعاده تقوم وتضع سمعات الهاتف في أذنها وتستع إلي ااالغناء والموسيقي وبعدها تتجول في صفحتها علي الفيس بوك وبعد مرور ساعه أو اكثر تتذكر موقف الكليه مع أحمد وماذا فعل والدها معه؟؟ تخرج هاجر من الغرفه مسرعه إلي والدها " بابا عاملة إيه مع إللي أسمه احمد ده الأب" هما وصلو بعد المغرب بس قلت أستني شويه وأنزل أتكلم معاه علشان أكيد هيكونو مش فاضين _مش فاضين وراهم إيه يعني؟؟ من فضلك أنزلهم حالاً _حاضر ياهاجر .. هنزل أهو يذهب الأب إلي احمد وسعيد وبعد حوالي ربع ساعه يصعب الأب وبيدو علي وجهة انه كان مبتسماً هاجر" إيه يابابا أنت طالع بتضحك وكأن كان في نكته ؟؟ في ‘يه قالك إيه _ياهاجر احمد ميعرفش أسمك أصلا وميعرفش إنك بنتي وأنتي لو كنتي روحتي لسعيد كان عرفك انا قلت باردو احمد ميعملش كده _ميعرفنيش ؟؟!!.. ‘زاي ؟ ده كداب حازم يسمع الكلمة وتقع ف أذنه كالصااعقه إيه إللي بتقوليه ده . احمد مش كداب أحمد ده أحلي واجمل شاب شوفتة فـ حياتي .. متقوليش عليه كده وهو أكيد كان بيكلمك وهو ضهره ليكي لأنه مش بيبص للبنات حتي أنه مره قالي لو في دكتورة بتشرح هو مش بيبص عليها وفي سنه من السنين معرفش شكل الدكتورة إللي كانت بتدرسله لحد اخر السنه أنا أستحاله أصدق انه يكدب هاجر" أنت بتكلمني عنه كأنه ملك ومش ييغلط ف إيه ؟؟ ده انسان متخلف وتفكيره متخلف الأم تخرج علي صوت حازم وهاجر وتجد الوالد قد أرتفع صوتة قائلا" أحترمي نفسك يابنت .. وبعدين هو لو يعرفك أكيد هيقولك.. وعلي فكرة أنا قلتله انك كاتبه رغبة أولي أداب أنجليش وقالي انه لسه قسم أنجليش مش ظهر الأم" في إيه صوتكو عالي ليه؟؟ هاجر" هقولك بعدين ياماما ترجع هاجر لغرفتها مره أخري وقد خاب أمالها في أن تفسد الليله علي احمد بل ليلتها هي التي افسدت تقرر هاجر عدم نزول الجامعه إلي حين أن تعرف القسم الذي ستتخص فيه في الكليه وبعد مرور يومين جاءت نتيجة التشعيب للكليه وتخصصت هاجر في قسم اللغة الأنجليزيه وقررت بعدها ان تبدء في النزول إلي الجامعه لتحضر الجدول الخاص بالمحاضرات في اليوم التالي تستقيظ في الصباح لتستعد للنزول إلي الجامعه يستوقفها والدها " إيه ياهاجر خلاص نازله _اه يابابا هروح انا ودينا وأميرة نجيب الجدول بتاع المحضرات _طيب خدي بالك بقا .. وعلي فكرة هتلاقي احمد هناك قوليله وهو هيديكي الجدول _ترد هاجر بأستهزاء" احمد .. أحمد إيه ده إللي انا هروح أتكلم معاه .. علي فكرة لو أسلوبه معايا متغيرش هتصرف أنا بقا _هتتصرفي ؟؟!!! بس طيب ياهاجر روحي علي الجامعه ربنا يهديكي هاجر في طريقها إلي الجامعه وتقابل أصدقائها وبعد أن كتبت الجدول تستعد لحضور أول محاضره في مادة الدراما ويدخل الأستاذ الخاص بالماده ويقدم نفسه كأستاذ للماده وينبه الطلاب علي عدم النطق في المحاضره باللغه العربيه وعلي الطلاب أن يستعد كلاً منهم علي تقديم نفسه بالانجليزيه وأثناء المحاضره كل حديثه بالأنجليزيه وهاجر لا تفهم إلا شئ قليل من ما تتذكره من أيام المدرسه فتخرج من المحاضره وعلي وجهها أثر الغضب فتجد احمد أمامها مع سعيد فتسرع إليهم قائله لو سمحتو أستنو يتوقف سعيد ليري ماتريده هاجر إما احمد فيذهب إلي المحاضره هاجر" انا حضرة ماده أسمها دراما ومش فاهمه حاجه خالص الدكتور بيتكلم ومفيش أي كلمة عربي سعيد مبتسماً" عادي ماهو أصل عندنا أداب كده مينفعش تتكلمي عربي حتي عندنا في قسم الفرنساوي ممنوع نتكلم غير فرنسي ولازم تاخدي علي كده _طب هو يعني الأستاذ احمد ده مشي ولأ أكن في واحده واقفه بتتكلم _معلش .. هو مش بيحب يتكلم مع بنات و أنا كمان مش بكلم بنات أنا برد علي حضرتك علشان من لأتحاد واكيد حضرتك محتاجه حاجه هاجر تتعجب لكلام سعيد و بزهول" أنا هاجر علي فكرة سعيد" هاجر ... !!.. اه اه استاذه هاجر بنت عم محمود معلش اسف جدا لأن مش شايف حضرتك هاجر" أظن من الذوق إنك تبص للشخص إللي بيتكلم مش تديله ضهرك أو تبص ف الأرض سعيد" هكذا علمني ربي " {قُل لِّلْمُؤْمِنِينَ يَغُضُّوا مِنْ أَبْصَارِهِمْ هاجر تتعجب اكثر من كلام سعيد وتتركه ومازال علي وجهها الغضب وتلتقي بدينا وأميرة ويذهبو يستكملو باقي المحاضرات وبعدها تذهب إلي البيت ولا تريد ان تتحدث إلي احد وتذخل غرفتها لتنام من كثرة الأرهاق الذي مرت بيه طول اليوم وتستيقظ علي صوت هاتفها المحمول ترد ومالزالت نائمه "الو .. _المتصله " سلام عليكم هاجر _الو مين ؟؟ _انا حبيبة ياهاجر .. إزيك تتذكر هاحر حبيبة فترد " اه اهلا أزيك _انا الحمدلله كويسه ... انا دلوقتي في السعودية والله كل اما أصلي في الحرم بدعيليك _اه .. ماشي شكراً _العفو ياحببتي متقوليش كده .. ربنا يهديكي يارب _يهديني!!!! ليه هو انا مجنونة .. والله ياريت تدعي لأخوكي بالهدايه ومعاهم خالك .. لأنه فعلا دا المعني لحقيقي للجنون _ترد حبيبة ضاحكه " يارب يهدينا كلنا ياجوجو .. المهم مبارك عليكي التخصص في الكلية انتي عارفه أحمد وخالي سعيد قسم فرنساوي أخر سنه وبعدها هيسافرو فرنسا في رحلة دعاوية _رحلة دعوية... طيب طيب .. شكرا علي أتصالك مش هطول عليكي علشان انتي دولي .. سلام تغلق هاجر الهاتف دون ان تنتظر الرد من حبيبة وتنظر في الساعه فإذا الوقت قد تجازة الواحده صباحاً تخرج من الغرفة فتجد عائلتها قد نامت ولا أحد مستيقظ من النوم غيرها فترجع إلي غرفتها لتنام فقد كانت تعشق النوم لكن هناك صوت يجعلها لا تستطيع النوم صوت إيقاظها تتعجب لذالك الصوت من إين مصدره صوت يأتي من الدور الأرضي وتحديداً من غرفة أحمد وسعيد صوت جميل جداً يجعلها تستيقظ لتستمع إليه صوت أحد يتلو القراءن وهي لا تعلم ان كان صوت أحد يستمع للقراءن في أذاعه القراءن ام صوت احمد أو سعيد؟؟! ولكن لا تبالي رغم أنها كانت معجبه بتللك الصوت وأستكملت نومها ,وتستيقظ في الصباح لتحضر المحاضرة وترتدي ملابسها وأثناء نزولها تستوقفها الأم" وبآستغراب شديد " علي فين ياهاجر؟؟؟!! يتبع | ||||
|
| |
|
05-10-15, 10:10 PM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقة الخامسة من في بيتنا ملتحي ,وتستيقظ في الصباح لتحضر المحاضرة وترتدي ملابسها وأثناء نزولها تستوقفها الأم" علي فين ياهاجر؟؟ _إيه ياماما رايحه الجامعه _جامعه!! النهارده الجمعه ياحببتي .. هو في جامعه يوم الجمعه _بجد ؟؟ .. وأنا أقول باردو دينا وأميره محدش فيهم اتصل ليه ؟ .. دا انا مش عارفه الزهايمر ده بيجي من إيه الأم"طيب انا هنزل انا وأبوكي نجيب حاجات من تحت يرد حازم" إللي واخد عقلك هاجر" صـح ياحازم فكرتني .. أبقي أقول لأحمد ده يوطي صوت الراديو بليل بيشغل القراءن بصوت عالي _لأ طبعا مش هقدر أقوله كده ده قرآءن يعني _يعني إيه يعني الناس متنمش يعني _بقولك إيه أسكتي علشان هنزل أجيب الفطار وأنزل أفطر مع احمد وسعيد .. أنا متفق معاهم وكمان أحمد هيذكرلي الفرنساوي _لا بجد ..طيب أنزل خلي احمد ينفعك .. يارب وانت ماشي معاه ظابط أمن دوله يآخده يارب ويتسجن ويآخذ أعدام _إيه إيه .. اهدي شويه كل دي دعواي... وبعدين مالك بتكرهي أحمد كده _أنا بكره ؟؟ أبداً متقولش كده أنا لو أطول أبلغ عنه كنت بلغت _فـ إيه ياهاجر طيب هو عامالك إيه ؟؟ _بقولك إيه فكك دلوقتي .. قال دقن قال وسنه النبي .. طيب الأؤل يعرف يتكلم إزاي وبعدين يعمل نفسه فيها متدين أشكال عاوزه الحرق يرد حازم غاضباُ " بقولك إيه عارفه لو اتكلمتي علي أحمد كده .. والله لقول لبابا وعلي فكرة طول ماأنتي متعاملتيش معاه متحكميش عليه -وانا أتعامل معاه ليه آصلاُ.. هو حتي مديني فرصه اكلمه _يابنتي احمد وسعيد دول أنا بآخدهم قدوة ورغم إني مقعدتش معاهم كتير إلا إني بحبهم آوي .. وياريت تسكتي بقا انا نازل سلام هاجر بآستهزاء" طب حاسب وأنت تحت يجلدوك ولا يقيمو عليك الحد حازم رداً علي كلامها " منا بنزل عندهم علشان يقيمو عليا الحد .. كم إنتي ظريفه تدخل هاجر غرفتها لتغير ملابسها وتجلس علي اللاب وتبدء في الأستماع للأغاني وبصوت مرتفع جداً يسمعه كل من في البيت تفتح هاجر نافذه غرفتها لتستفز شعور احمد فمؤكد انه يكره الغناء وقد عزمت علي ان تجعله يترك البيت فهي تكره الملتزمين عموما وأصحاب اللحي خصوصاً تعلي من صوت الغناء أكثر واكثر وتغني هي أيضاُ وفجاءه يطرق الباب أخوها حازم وبسرعه شديده "أفتحـــــي أفتحي ياهـاجر بكل بطء تفتح هاجر الباب" في إيه ياحازم ؟ حازم _إيه البرود إللي انتي فيه ؟؟ بدل ماتشغلي سورة الكهف والنهارده الجمعه بتشغلي أغاني .. ربنا يهديكي .. احمد بيكره الأغاني جدا ترد هاجر بصوت مخيف وبه شيئاُ من الحده" أحمد احمد احمد قرفتني بقا مش عاجبو البيت يمشي يروح في أي مكان .. انا زهقت دي حرية شخصيه حازم" وطي صوتك .. احمد واقف علي الباب برا لأنه خاف جداً ليكون في حاجه .. أسكتي أسكتي "_" لأ مش هسكت وإللي مش عجبه أحسن باردو .. ده أسلوبي ينادي احمد علي حازم " حازم حازم.. تعالي ثواني عاوزك حازم" حاضر يااحمد نازلك اهو يسرع حازم لأحمد وبعد خمس دقائق يرجع إلي هاجر ومعه أسطوانه هاجر تستعجب " إيه الأسطوانه دي ؟ حازم" احمد بيقولك ده بديل الغناء .. قرآن بصوت شيخ مريح جدا وهيعجبك _قرآءن ليه هو شايفني كافره .. ولا هو هيسمعني إللي علي مزاجه .. بس بس يروح الأؤل يلحق دقنة ولا حتي يستحمي دا انا بتقرف أبص في وشه أرهابي والله أرهابي دا انا بخاف عليك معاه حازم" بقولك إيه مش عجبك خلاص ... وسبيني بقا انا هنزل لأحمد وياريت تسمعي أغاني لوحدك بصوت واطي .. وعموما انا هروح السوق مع سعيد .. هاجر مسرعه وبلهفه " احمد مش هيروح معاكو؟؟ _لأ احمد هيراجع علي الورد بتاعه من القرآن علي ماجي انا وسعيد هاجر بصوت غير مريح.. اممم طيب ماشي انت نازل دلوقتي صح.. ماشي خلاص هقفل الأغاني اهو .. يستعد حازم وسعيد للنزول إلي السوق لشراء الفطار إما هاجر فقد خطر ببالها فكرة شياطنيه علي الفور نزلت هاجر وتطرق الباب بشقة احمد وتقف بجانب الباب احمد من خلف الباب" اكيد نسيب تآخد فلوس كالعاد ياسعيد ..أنت أصلا فظيع زهيمر ,ويفتح الباب ويتركه ويدخل البيت ولكن سعيد لم يدخل عجباً ! يخرج أحمد وينظر من الباب فلا يري احد فتظهر هاجر من الجانب سلام عليكو احمد فوراً يغض بصره .. وعليكم السلام .. عم محمود ف حاجه؟؟ _لأ ..أنا جايه أشكرك علي السي دي بتاعتك شكراً _العفو .. عن أذن حضرتك ويتستعد ليغلق الباب هاجر" بتعمل إيه .. انت هتقفل الباب في وشي ؟؟ دي اخلاق الأسلام أحمد بنبره هادئه " يأختي بارك الله فيكِ .. ماخلا رجل بأمراءه إلا كان ثالثهما الشيطان " ,لا ينتظر احمد الرد ويغلق الباب تتفاجئ هاجر برد فعل احمد كل هذا وهاجر لا تستطيع ان تستوعب ماحدث لها !! وتقف صامده بل ومصدومه هي كانت تعرف رد فعل احمد ولكن اردات أن تجرب لعله يغير طريقتة أو تستفزه لتجعله يترك البيت ولكن احمد لا يتغير ابداً هو كما هو فهناك أشخاص لا يتأثرون بالفتنه مهما كانت قلبهم لا يشرب الفتنه قط لا يعرفون شيئاً سوي حُب الله والرسول كل هدفهم الجنه وفقط يعرفون طريقهم جيداً بعدها ترجع هاجر إلي شقتها وهي غاضبه لما حدث وتستكمل في سماع الغناء علي اللاب توب وتجلس بالساعات علي النت وتمر بيها الوقت وهي مازالت علي بين الغناء والشات ولكن فجاءه يحدث عطل باللاب تنزعج هاجر بسبب تللك المشكله فتقرر النزول إلي حازم وتخبره بما حدث لعله يجد حلاً لتلك العطل وفي الحال تسرع للنزول وتطرق باب المنزل .. ولكن لا أحد يجيب رغم وجود صوت لأحمد وسعيد وحازم وصوت ضحك عالي وبعدها تسمع كلمه " حبيبي يارسول الله " "باأبي أنت وأمي يارسول الله " وبعدها يستمرون في الضحك هاجر تستمع للضحك بتعجب وأندهاش ماعلاقة رسول الله بالضحك وهل أحمد الشاب الملتحي يعرف معني الأبتسامه أصلاً وما الذي يجعلهم بضحكون لدرجة أنهم لا يستمعون الباب ولا يستمعون لصوتي هاجر تنادي من خلف الباب " حازم .. حازم أفتـح .. وفجاءه تسمع صوت حازم مخاطباً احمد " طب يلا قولي بقا احمد مواصفات زوجتك إللي انت بتحلم بيها" تبدء هاجر بالتركيز في لكلام والأنساط جيداً وتقرب أذنها من الباب لتستمع جيداً وفجــاءه تسمع صوت أمها "هاجر بتعملي إيه..أنتي واقفه هنا ليه؟؟ ترتبك هاجر " لا ياماما أصل حازم ااتاخر واللاب معرفش ماله قلت انزل اشوفه أخليه يصلح اللاب _طيب أستني أتصل بيه ماهو اكيد معاه الموبيل " ... ألو.. أيوه ياحازم .. أفتح ياحبيبي باب الشقه انا واقفه أهو يسرع حازم " خير ياماما .؟؟ الأم" اختك اللاب بتاع معرف ماله تعالي شوفه حازم" طيب هطلع أجيبه وهخلي احمد يصلحه .. احمد شاطر ف التصليح يحضر حازم اللاب وهاجر تنتظر حازم ع أحر من الجمر " وهو احمد ده هيعرف أصلا يصلحه؟؟!! .. يلا يمكن يكون بيعرف فيه ويعرف يصلحه انا كنت شغاله عليه كويس معرفش إيه حصل حازم حاملاً اللاب وف أقل من خمسة دقائق ويخاطب هاجر قائلا " احمد قالي أنه هيصلح اللاب بشرط أنك تمسحي كل الأغاني إللي عليه هاجر بعصبيه شديده" امسح الأغاني .. هو ماله هو خليه في نفسه حازم" ماهو مش عاوز يصلحه علشان ميآخدذش ذنوب لو انتي سمعتي أغاني وبيقولي ممكن يكون حصله كده بسبب الأغاني إللي عليه _عاوز تفهمني أن الأغاني هي إللي عطلت اللاب .. عموما قله شكراً مش عاوزه حاجه منه .. بكرة هبعته لأي احد يصلحه قال أمسح الأغاني قال حازم" ع فكرة أسكتي وكمان انتي قطعتي علينا كلامنا كنا بنضحك ونهزر .. انا هنزل نكمل كلامنا ... سلام تستوقف هاجر حازم " أستني هنا .. خد اما أقولك ... هو أنتو بتضحكو ليه؟؟ وإيه علاقة حبيبي يارسول الله بالضحك إللي انت كنت بتضحكه ده انتم صوتكم كان عالي جداً في الضحك حازم ويبدء في لضحك مرة اخري "أسكتي متفكرنيش ده احمد ده أبن نكته بجد مينفعش أقعد معاه ألا ولازم أضحك _أيون يعني .. بتضحك علي إيه _أصل احمد كان بيحكي مواقف حصلت أيام الرسول مضحكه .. وبيحكي عن السيده عائشه وقد إيه الرسول كان بيحبها فعلاً " نتعلم منه الرومانسيه " حبيبي يارسول الله هاجر" امممم ده إللي كان بيضحك .. طيب طيب كنت هقولك حاجه كمان بس نسيت .. لما أفتكر بقا حازم" كفايه بقا رغي انا هنزل سلام .. اه صحيح هنزل علشان يقيمو عليا الحد .. ويضحك بأستهزاء هاهاهاهااه هاجر وبعدين اللاب حصل فيه إيه.. أنا هفضل كده علي طول تخرج هاجر من الغرفة إلي والدتها _ماما .. اومال بابا راح فين _أبوكي بيزور صاحبه .. هو حازم لسه مطلعش من تحت تسرع هاجر بالرد" لأ .. أنزل أنادي عليه _اه انزلي قوليله عليك درس والساعه قربت علي 4 بسرعه شديدة تهرول هاجر إلي حازم وتطرق الباب بشده فيخرج أخاها " خير ياهاجر..؟؟؟!! _ماما بتقولك يلا علشان الدرس .. أنت أتأخرت _اه اه فكرتيني .. طيب انا هروح دلوقتي اهو ...سلام اطلعي بقا علشان هنا في شباب مينفعش كل شويه تطلعي وتنزلي كده مش صح _نعم أنت عاوز تعمل راجل عليا . أنا اكبر منك سامع _اطعلي ياهاحر الله يرضي عليكِ أطلعي هاجر قد أصابها اليآئس في أن توقع بين احمد وحازم لكن آصرت علي الأنتقام من أحمد وقررت أن تشوة صورتة الجميله التي رُسمت في ذهن عائلتها حتي أمها ظلت تمدح به .. لماذا كل هذا ؟؟ من اجل شاب أطلق لحيتة وتشبه بالمجرمين يجب أن أنتقم " هذا كل ما كان يدور ببال هاجر وقتها هاجر في مكالمة هاتفيه مع دينا " الو يادينا .. بقولك إيه ان اللاب بتاعي معرفش ماله . هجيبه معاي بكرة وشوف حد يصلحه من أصحابك الولاد الكتير دول ماشي.. خلاص اتفقنا سلام في تللك الليلة لم تذق تلك الفتاة النوم كانت تفكر في خطة لتجعل احمد الشاب الملتحي يترك البيت سواء كرهاً أم برغبته علي فراش نومها تفكــــر في فكرة شياطنيه " تكيدها لأحمد وهي تفكر بالحل أذ بها تسمع صوت القرآن الذي سمعتة بالأمس .. نفس الصوت الجميل .. صوت خاشغ بكاء هي لاتفهم معني مايقال ولكن تجد نفسها تبكِ عند سماعه صوت مؤثر جداً ^^ يتبع | ||||
|
| |
|
05-10-15, 10:34 PM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقة السادسة ماهذا الصوت من المفترض أن الشباب نائمون الأن هل يوجد احد يقراء منهم ام هذا صوت الأذاعه ... لا يهم الأمر كثيراً لكنها تستمع بأعجاب شديد وتنام علي الصوت الجميل .. علي الرغم من انها لم تستمع إليه سوا يوماُ واحداً إلا أنها أرتاحت كثيراً وتستيقظ في الصباح لتنفذ خططها الشياطنيه للأيقاع بأحمد في المصيده _ تأخذ اللاب معاه وتذهب إلي الجامعه بالملابس التي اعتدات عليها وتقابل دينا في طريقها وبعدها تبلغها أن ليس لديها رغبة في حضور المحضرات اليوم فترد دينا قائله"ليه ياهاجر .. مش من اول شهر كدهـ _لأ بقا أنا مش هاحضر .. بصي ياستي فكرة الشاب إياه إللي حكتلك عنه _اممممم .. اه اه إللي معانا عنا في الكليه .. أبو دقن _أيوة يادينا أبو دقن...بصي بقا أنا عايزة اعمل حاجه أخليه فيها يسيب البيت ده لو قعد اكتر من كده هيخلي حازم يضربني ومينزلنيش من البيت حازم أتغير جامد .. ده هيلوث حازم بأفكارة الساذجه _ياااه ياهاجر هو لسه في شباب بدقن .. هما مش أي حد بدقن بيقيضو عليه ويروح امن الدوله يخرج منها علي الدسكو عدل _الكلام ده بجد يادينا؟؟ .. يااه دا لو بجد يبقي الواد ده هيروح ورا الشمس ..أنا إزاي مجاش في بالي الحكايه دي _إيه ياهاجر انتي ناويه تعملي كده ولا إيه ؟؟ _لأ خلي موضوع السجن ده شويه كده لو خطتي منفعتش _وإيه الخطه دي بقا؟؟ _هقولك بعدين .. الممم خدي اللاب ده وشوفي خالد ولا كريم يصلحه ومتقوليش لحد إن اللاب بتاعي _ماشي ياهاجر .. هاتي وأقابلك بعد المحضرة تترك هاجر دينا وتبدء في تنفيذ خطتها ... تتجول هاجر ف الحرام الجامعي بحثاً عن الشاب ولكن لاا يوجد أي أثر له قررت أن تذهب لمقر أتحاد الكليه لعله يتواجد فيه .. ولكن ليس لديه أثر ... لا يوجد سوي بعض الشباب من الكليه يستعدو لحفلة بدآيه العام الجديد يستقبلها احد أعضاء اتحاد الطلاب .. مرحباً بها " أهلا بحضرتك يا أستاذه نتشرف بحضرتك؟ هاجر وكآنها قد تفاجئت بالطالب" ااا انا هاجر .. هنا معاكم في الكليه شعبة أنجليزي .. هو حضرتك متعرفش فين احمد ماهر رئيس الأتحاد الطالب" مع حضرتك رامي " لأ هو الحقيقة احمد ماهر مش رئيس الأتحاد لكنه مرشح لأنه يكون رئيس اتحاد الكليه بل والجامعه كمان من الطلاب المتميزين عندنا هنا _اه .. ماشي _طب حضرتك بتسألي عليه فيه حاجه أبلغه بيها؟؟ _لأ لأ مفيش حاجه سلام سلام _طب .. مستنين حضرتك في الحفله بتاعت الكليه لترحيب بالطلاب الجدد _اه اكيد هتبقي أمتي ؟؟ _خلاص كلها ساعتين وتبتدي مستنين حضرتك .. هاجر كل مايشغل بالها وقتها هو ان احمد سيحضر تللك الحفله بالطبع وتستطيع ان تنفذ خطتها بعد وقت قليل تخرج دينا من المحاضرة ومعاه اللاب وتذهب لهاجر " هاجر ده اللاب بس كان فيه حاجه بسيطه وكريم صلحه _بجـد.. فرحتيني أوي .. شكراً يادودو ياحببتي يخليكي ليا يارب أصبري بقا علشان بيقولو أن في حفله هتبدء .. وهيكون فيها أسمه إيه ده أحمد أبو دقن _طيب وفيها إيه مايبقي فيها يعني _لأ ما انا أصلي عاوزه أعمل حاجه كده حازم يكره بيها احمد أبودقن ده _حاجة إيه دي ياهاجر؟؟ _هقولك بعدين سبيني دلوقيتي ... دينا بصوت عالي " إيه ده الحفلة ابتدت ..يلا نلحق من الأؤل تقريباً أحمد أبو دقن هو إللي بيقدم الحفلة هاجر" أبودقن أبو قن أنا زهقت منه .. بس يلا نروح تسرع دينا ومعاها هاجر إلي الكان الذي ستُقام فيه الحفلة ويجلسون علي المقعد الخاص بالطلاب كانت الحفلة منظمة تنظيم رائع " بلالين .. وهدايا توزع علي الطلابه خصوصا طلاب السنه الآولي أنآشيد أسلامية ومسرح تقال علية الحفلات أمام الطلابة يشاهدون عليها العروض التي ستُقام بدآية الأحتفال يتقدم احمد ماهر "" ويقف علي المسرح المقام ويمسك المكيرفون " أولاً السلام عليكم .. ثآنياُ يقا اهلا بيكم .. ثالثاُ بقا وده الأهم .. انا الطلاب أحمد ماهر "أخوكم قبل كل شئ هبتدي الحفلة معاكم بقراءة القراءن وطبعا الطلاب إللي معانا في الجامعه من السنين إللي فاتت عارفني يقدرو يطلبو مني السورة إللي آقراء بيها "الطلاب بصوت موحد وهتفات بصوت عالي " يوسف يوسف " يبتسم احمد قائلا" كنت عارف إنكم هتطلبو مني سورة يوسف علشان كده هقراء سورة مريم انتم عارفني بحب الدميقراطيه يبدء احمد بالقراءه في سورة يوسف حتي يصل لقولة تعالي فَصَبْرٌ جَمِيلٌ وَاللَّهُ الْمُسْتَعَانُ عَلَى مَا تَصِفُونَ ,ويختم فقرة القرآن الكريم هاجر تسمع لصوت احمد بتعجب وأستغراب شديد ماهذا ؟؟؟"" هل هذا هو الصوت الذي تستمع إليه يومياً قبل النوم ؟؟ نعم هو ذالك الصوت الجميل الذي كانت ترتاح له وتعتقد أنه صوت أحد من شيوخ الأذاعه تدمع عين هاجر لسماع صوت احمد , حتي جميع الطلاب يتأثرون بصوت أحمد ويطلبون منه المزيد .. لكن يفضل احمد ان يستكمل باقي فقرات الحفل قائلا" ياجماعه بالله عليكم محدش فيكو يطلب مني أقول تاني لأني والله مش بقدر أستحمل كلامات القراءن إلا وببكي بشده وانتم متعودين مني علي الأبتسامه " الكل يصفق ويكبر ويهلل تشيجعاً وأنبساط بصوت احمد ويستكمل احمد باقي فقرات الحفل احمد " المهم بقا محدش يستني مننا أغاني في الحفلة .. عاوزين نبتدي الحفلة والسنه الجديده بطاعه لله عز وجل عاوزينتبقي حياتنا طاعه وبس تاني فقرة المفروض انا إللي أقدمها وتالت فقرة ورابع فقره بقاا .. المفروض باردو أنا إللي أقدمها أما خامس فقرة المفروض أن انا إللي اقدمها بس لتواضع أخلاقي وكرمي قلت أسيب فرصه للجيل إللي جاي ولا انتم إيه رأيكو ياشباب ؟؟ يبتسم كل من في الحفلة ويهتفون .. عاوزين احمد يكمل باقي الحفلة يخرج سعيد من وراء الستار ويقف امام احمد بعد ان يأخذ منه الميكرفون " هو مفيش غير أحمد ولا إيه اومال سعيد ورامي ومحمد دول إيه أحمد يدفع سعيد للخلف ويتقدم ويأخذ منه الميكروفون ياشباب عاوزين يهدمو موهبتي إللي مفيش زيها .. وبعدين يا سعيد كل الناس عاوزني أنا أنت مالك انت يلا ياشباب كملو الهتاف " عاوزين احمد مش عارف إيه كده أنتو كنتو بتقولو إيه؟؟ صحيح يرد الطلاب " عاوزين احمد يكمل باقي الحفلة يظل احمد وسعيد علي ذالك وهم يضحكون كل الطلاب والكل معجب بسعيد واحمد الثنائي الكوميدي خفيف الظل أحمد " علي فكرة ياجماعه الحفلة كده خلصت ,, اه اه خلصت محدش يستغرب بصو مش انا قرأت قراءن ؟؟ الطلاب " ايـوة _وبعدين قدمة الفقرات إللي بعد كده ؟؟ وبعدين خرج سعيد. وبعدها عاملنا حوار انا وسعيد .. وبعدها انتو ضحكتو .. خلاص عاوزين إيه تاني ؟؟ وزع يابني العصير وكفايه عليهم كده هاجر تشاهد كل هذا وهي تستهزء بكل كلمة يقولها وتتحدث إلي دينا " مش عارفه يعني فاكر أنه بكده دمه خفيف أوي .. ده ظريف علي فكرة دينا" لا حرام عليكي ده انا مش قادره أبطل ضحك هاجر" انتي فكرة انه بكده دمه خفيف ... علي فكرة ده بيحاول يصتنع دينا" حرام عليكي ياهاجر فعلاً .. أنا مش عارفه انتي بتكرهيه كده ليه؟ هاجر " بكره إيه يابنتي دول ناس تجار دين كل حياتهم حرام للناس حلال ليهم هما .. يلا يلا انا هروح بلا حفلة بلا كلام فارغ .. سلام تغادر هاجر الحفلة وتلحقها دينا وفي طريقهم يلتقو باأميرة صديقتهم اميرة " ايه ده ؟؟ أنتو كنتم في الحفلة ؟ هاجر" أه ليه في حاجه؟؟ أميرة " بجد احمد ماهر ده دمه خفيف أوي كل الطلاب كانو عاملين يضحكو هو ده الشباب الملتزم بجد.. بيهزر ويضحك وفي نفس الوقت بيحب ربنا ترد هاجر بكل أندفاع " مين ده إللي ملتزم وووو أنتي بتتكلمي علي أحمد ماهر؟؟ تصدقي انتي صعبانه عليه ..ده ياأميرة طالع يعمل نمرة ولا اكنه في مسرحية عاوز يخلي الناس تضحك ويقولو أنه دمه خفيف علشان يرشحو في اتحاد طلاب الجامعه وبعد كده هيابن علي أصله بقولكم إيه انتو هتجنوني معاكم .. أنا هروح البيت سلام تغضب هاجر وتغادر الجامعه وقد أصبحت لا تطيق ان تتحدث إلي احد كل مايهمها ان تنفذ خطتها التي من خلالها ستشوه صورة احمد التي يعرفها الناس عنه هل ستنفذ خطتها ؟؟ أم ستيأس ولا تستطيع أن تنفذ خطتها المكيده ؟ تصل إلي البيت وتدخل إلي غرفة نومها وتغير ملابسها بكل قوه تنادي عليها الأم" فتجيب مش عاوزه حد يكلمني .. أنا جايه من الجامعه تعبانه يستئذن حازم في الدخول " إيه ياهاجر مالك؟؟ هاجر " مفيش حاجه .. تعبانه شوية حازم" انا كنت هاجي الجامعه عندكم النهارده .. احمد قالي ان في حفلة هاجر بصوت ملئ بالحده " احمد احمد أحمد .. هو انا مش هخلص منه بقا ده بقا كابوس .. أنا تعبت خلاص حازم متعجباً للطريقة التي تتحدث بها هاجر"" في إيه ياهاجر . أنتي بتتكملي عن احمد كده ليهـ ده شاب كويس ومحترم هاجر بعد دقائق تجيب" طب وإللي يثبتلك عكس كده؟؟ هتغير فكرتك عنه؟ حازم بتعجب" عكس كده؟؟ أحمد ده مفيش منه أصلاً هاجر" ماشي باردو ولو ثبتلك عكس كده؟؟ هتغير فكرتك حازم" انتي عارفني انا لما شخص بينزل من نظري مش بفكر فية تاني هاجر مبتسمه" سيب الحكايه دي عليا حازم" ربنا يسترها عليك يا احمد يخرج حازم وتبقي هاجر بغرفتها بين الغناء والشات ولا تشعر بمرور الوقت فتخرج من غرفتها فإذا كل من بالبيت قد ذهب إلي فراش نومه هاجر لنفسها" ياااه للدرجادي مكنتش حآسه بنفسي وأنا في الأوضه جواه ده الوقت اتاخر وحتي محدش قالي تعالي أتغدي!! أنا هروح انام وخلاص يتبع ^_^ التعديل الأخير تم بواسطة لامارا ; 06-10-15 الساعة 09:13 AM | ||||
|
| |
|
06-10-15, 09:12 AM
| #9 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقه السابعه ^_^ كالعادة تذهب لغرفتها وقبل أن تضع رأسها علي الوساده تسمع الصوت الذي أعتدات عليه والصوت الذي كان يقراء في الحفلة " فهو صوت احمد" الصوت الذي كلما قراء كلما أزاد في البكاء الصوت الذي اعترفت به نفسها أنه صوت اكثر من رائع " قبل ان تعرف أنه صوت احمد " في ليلتها تظل ساكنه في مكانها ولا تنام وتقعد باقي ليلتها في الأستماع والأنس لصوت احمد _ هي لا تعرف ما الذي يجعله يقراء القرآءن في تللك الساعه تحديداً لكن كل مايهمها أن تستمع وفقطـ وفـ الصباح تتاخر في النوم وتتاخر علي معاد المحاضرة الخآصه بها ولكن لا يهم فهي لا تستطيع ان تفهم مايقال لها من الأستاذ الخاص بالماده ولكن تقرر ان تذهب إلي الجامعه لعلها تقابل أحد من اصدقائها فيخبرها احد منهم ماالذي أعطاه لهم الدكتور هاجر في طريقها للجامعه وتذهب متأخره بسبب زحمة الطريق تصل للجامعه وقد أنتهي معاد المحاضرة حتي لم يعد احد من أصدقائها في الجامعه حتي تسأل احد عن الماده أو تاخذ المحاضره من احدهم تفكـر في ان تذهب لأحد من أعضاء الأتحاد لتسائله عن أذا كان بأمكانهم أن يعطو اي مذكرات وملخصات للمنهج الدرآسي بالفعل قررت الذهاب وأثناء مرورها بجانب المقر الخاص بهم تجـد أحمد قد وقف امام المقر وهنـــــــا تنتهز الفرصه في تنفيذ خطتها بالفعل تنفذها وبعدها تسرع في الذهاب إلي المنزل وهي ع أمل أن يغير حازم فكرتة عن احمد وفور وصولها للمنزل تقابل حازم هاجر بلهفة شديده" حازم عاوزك ثواني حازم" خيـر .. أنتي مش بتعوزيني غير في المصايب وبس هاجر بصوت مهموس " انت مش كنت قلتلي هاتيلي دليل واحد ع احمد وانا هغير فكرتي عنه؟ حازم بكل ثقة " علي أساس يعني إن احمد في حاجه غلط؟؟ هاجر" لأ خااالص .. تفتح هاجر الهاتف وتدخل في ملف الصور وتعرض لحازم صورة أحمد مع فتاه جميلة وانيقة وهو يسلم عليها حازم ينظر للصورة وماهو لا يصدق ما تراه عينه _أنتي متاكده أن ده أحمد؟؟ هاجر" وانا هكدب عليك ليه علشان تعرف أن الولد ده بتاع مظاهر بس لأ متدين ولا حاجه بيحلل لنفسه الحرام ويحرم لينا الحلال حازم" يااه .. أنا مش مصدق نفسي !! معقول؟؟؟ يبداء حازم في البكاء من صدمتة في أحمد هاجر" انت بتعيط ليه .. عادي يعني محدش قالك تثق فيه انت إللي مكنتش بتسمع كلامي حازم" بقولك إيه متتكمليش معايا في الموضوع ده.. حتي اننت يا احمد أتصدمت فيك؟؟ ده انا كنت دايماً بقول احمد وماليش غيره وبحبه بجد انا مش قادر أصدق.. الحمدلله إني عرفتة علي حقيقة يخرج حازم من غرفة هاجر ووه مصدوم ومتأثر ويذهب إلي صديقة ويرجع ومازال متأثراً بموقف احمد وما رأه بعينه هاجر في أخر اليوم لحازم "" أنت لسه مدايق ياحازم؟؟ _أنت شايفه إن دي حاجه مدايقش؟؟ _قول الحمدلله إنك عرفت أنسان زي ده علي حقيقتة _الحمدلله .. تصدقي حتي قابلته وانا رايح من عند صحبي مقليش حتي إزيك؟؟ .. هو شافك وأنتي بتصوريه ولا إيه؟ ولا مكسوف مني يعني _مكسوف إيه ياجازم .. هو ده وش كسوف أصلاً _انتِي عارفه ياهاجر أنا كنت بحب احمد اوي لدرجة أني كان نفسي يفضل معانا هنا كل يوم وكل دقيقة كان نفسي يتجوزك مثلا ويبقي جوز اختي وأشوفه كل يوم هاجر بنبره غليظه" جوز إيه؟؟؟ لأ لحد كده وأعمل أستوب لنفسك أنا عمري مافي يوم أتجوزه واحد زيه حازم" ياهاجر منا قبل ما أعرف انه بوشين .. بس يلا بقا ربنا يهديه .. ده انا حتي شوفته تاني وانا راجع من عند صحبي بص ليا بقرف وقفل في وشي الباب انا مستغرب من موقفه ده هو ليه بيعمل كده؟؟ انا كنت بحاول أكدب نفسي بس شكله كده بجد خلاص بقا ياهاجر متتكلميش معاي تاني معلش .. بلا نامي تصبحي علي خير هاجر" وهو بكرة التلات صح؟ _اه .. ليه؟؟ _أصل هنزل الصبح بدري علشان المحاضرات .. ماشي ياحازمو تصبح علي خير .. هاجر علي فراش نومها في غرفتها . ولا تنتظر أن تسمع الصوت الذي أعتدات عليه يوميا "صوت احمد وهو يقراء القرآءن" بل تسرع في النوم ..لأنها ستشعر بالذنب تجاه احمد فقد أستطاعت ان تغير صورتة أمام حازم بالكذب والأفتراء عليه وفـ الصباح تستيقظ وتذهب إلي الجامعه فـ بيت حازم " يطرق احمد الباب في الساعه العاشرة صباحاً حازم يفتح الباب فيجد أحمد واقف أسفل السلم وبصوت منخفض" حازم ولا عم محمود حازم" لأ انا ياحازم يا احمد .. في حاجه احمد" اه في حاجات عاوزك ضروري تنزل بس خمس دقايق مش اكتر حازم بلهجه غريبه" معلش مش فاضي بذاكر أحمد" طيب هتخلص امتي مذاكره حازم" معرفش احمد " طيب تعالِ دقيقة واحده بس متخفش أنا كده كده أجازه النهارده مش هروح الجامعه شوف بقا أي دقيقه من وقتك وتعالَ عاوزك بجد حازم" إن شاء الله هل سيذهب حازم لأحمد؟؟ ومالشئ الذي يريد ه احمد من حازم تللك هي الأسئله التي دارت برأس حازم لا يشغل باله باأحمد ولكن أستكمل باقي المذاكره وانتظر إلي انت تأتي هاجر ويسألها حازم لم يكلف خاطره للنزول لأحمد حتي يعرف ما الشئ الذي كان يريده احمد من حازم ظل حازم في البيت إما هاجر فـ الجامعه تشعر بفرحة النجاح ^^ والأنتصار عـ احمد وتقف مع دينا وبكل فرحه دينا " عاملتي إيه ؟؟ مع أخوكي حازم امبارح هاجر " أه الحمدلله الخطه جابت نتيجه أسكتي أنا خايفه لحازم يقولي أنزل أتاكد من احمد بس هو صدق علي طول دينا" والله الشاب ده صعبان عليا أحنا ظلمنا هاجر" والله أنا ساعات بقول يمكن هو غير باقي الناس الملتزمه أو انه مش متشدد بلاقي مواقف فيها يقفلني منه دينا" انا مشوفتش الصورة وريني كده؟؟ هاجر تفتح الصورة وتعرضها علي دينا ترد دينا بأندهاش " ياهاجر ياجامده عاملتيها إزاي دي؟؟ هاجر" والله انا فنانة دينا" برافو عليكي.. خبي الصورة بسرعه بسرعه الأخت أميره جآيه أميره تقف أمام دينا وتلقي السلام عليهن هاجر" وعليكم السلام يااميره .. عاملة إيه؟؟ وكنتي فين كده؟ أميرة "كنت بتفرج عـ حلفة آسرة مسلم كانو بيكرمو فيها الطلاب إللي حافظه القرءان هاجر " دي بتاعت مين الأسرة دي؟؟ اميرة " بتاعت أحمد ماهر رئيس الأتحاد هاجر تنفخ فمها وتغمض عينها " أأأف .. وطبعا احمد ده هو إللي كسب أميرة" لأ احمد مجاش النهارده أصلاً يابنتي .. وبعدين انا كنت بفتكره هناك كنت هفرح أوي لأن بجد صوته تحــفه هاجر" لأ في دي عندك حق هو صوته تحفـه جداً وانا بسمعه أصلا كل يوم بس هو كشخص مش بحب طريقتة أميرة" ربنا يهديكي ياهاجر .. مش عارفه لحد امتي هتفضلي تكرهي الملتزمين هاجر" مش بكره الملتزمين انا بكره تجار الدين اميره" ياااه تجار دين ... ماشي ياهاجر .. سلام علشان متاخرش اكتر من كده وعـ فكره ياهاجر ..أنتي عندك في البيت جاركم احمد ماهر ده كنز .. أنا لو منك أبقي أسعد انسانه هاجر بأستهزاء" كنز هاااهاها .. ماشي يااخت اميرة بعدها تغادر هاجر ودينا الجامعه تذهب كلا منهم إلي بيتها وفور وصل هاجر ‘إلي البيت يستقبلها حازم ويفتح الباب اما الأم وهي بالمطبخ "" هاجر أوعي تنامي علشان انا عاملت الغدا هاجر" حاضر ياماما حازم" هاجر عاوزك بموضوع هاجر" خير ؟؟ حازم" احمد النهارده جالي خبط علينا وقالي عاوزك .. ولما قلتله مش فاضي قالي ولو خمس دقايق بس وانا مش عارف اعمل إيه؟ هاجر بخوف شديد" اوعي تكون قلتله حاجه ع الصوره حازم" لأ طبعا .. وعمري ماهقوله كده .. المهم أنزل ولا إيه؟؟ هاجر بعد مهله من الوقت " براحتك .. زي ماانت عاوز حازم" خلاص مش هنزل انا أصلا مخنوق منه .. يلا يلا روحي علشان نتغدا لأني هموت من الجوع بصراحه عـ مائده الطعام تجلس الأسره لتبداء في تناول الغداء وفجاءه يرن هاتف حازم هاجر" مين إللي حماته بتحبه إللي بتصل علي الأكل ده حازم ينظر في هاتفه " ده احمد ماهر هاجر" لألأ ده حماتة اكيد بتكرهه الأب" طب رد عليه شوفه لو محتاج حاجه ؟؟ يرد حازم " الو.. وعليكم السلام... اه اها .. ماشي شويه كده علشان بتغدا... سلام الأب" عاوزك تجبلو حاجه؟ حاززم" لأ ده عاوزني انزل يقولي علي حاجه الأم" احنا مش وران غير احمد ولا غيه .. أنت ياأستاذ أنت وراك مذاكره ومش فاضي للكلام ده الأب" يعني هما الخمس دقايق دول هيعطلو حازم .. أبقي انزل شوف احمد محتاج إيه يستكمل حازم الغداء .إما هاجر فتترك الطعام وتذهب لغرفة نومها لأنها كانت مجهده وبعد أنتهاء حازم ومساعده والدته في بعد الأعمال .. فكان حازم يحب أن يعمل مع امه ويساعدها بعدها يتردد في النزول إلي احمد ..إلا أن والده طلب منه النزول بنزل حازم لأحمد وهو لا يريد أن يستمع منه إلي أي كلمة مهما كانت ولكن ... يطرق الباب فيفتح احمد ويرحب بحازم ويدخل إلي الشقه احمد" الشقه نورت .. معلش ثواني هصحي سعيد بس وهاجي.. حازم" بسرعه لو سمحت لأني مش فاضي احمد بأبتسامه " أنا عارف غنك زعلان منِ ليك حق بصراحه.. حازم" وهزعل ليه؟ احمد"لأنِ من إمبارح قفلت الباب ومش سلمت عليك لأني بجد كنت مدايق أوي وربنا يعلم بيا وبحالي حازم" معلش أحمد" أسمع بس ... كل الحكايه إني إمبارح حاصلت مشكله كبيره أوي في الجامعه بيني وبين بنت من الطلاب حازم يرد بأنتباه" بنت ..أنت بتقول بنت.؟؟؟. إزاي؟ احمد" اه والله .. أمبارح كنت فـ مقر الفريق وجات بنت تكلمني بطريقه غريبه كده وتقولي كلام غريب حازم" مش فاهم أي حاجه؟؟ احمد" اانا كمان مش فاهم .. البنت قالتلي إنها عاوزه تقعد معاي لما اكون لوحدي طبعا أنا حولت وشي الناحيه التانيه ووانا بدور وشي ساعتها لقتها مسكت إيدي وانا مش ساعتها مش قادر أتكلم مع حد ومخنوق جداً وحصلت خناقه كبيره بيني وبينها حازم مبتسماً " الكلام ده كان علي وقت قبل الضهر كده وكنت لابس تيشرت أسود احمد" أه .. أكيد اختك شافت وقالتلك .. ده خلاص تقريبا مفيش حد معرفش الحكايه حسبي الله ونعم الوكيل فيها.. كل إللي عرفته عنها انها طالبه فـ سنه أولـي حازم" يعني انت مكنتش بتسلم عليها؟؟أو ماسك إيديها احمد بصوت هادئ" ربنا هو إللي يعلم .. حسبي الله حازم" هو أنا ممكن اقوم أبوسك وأحضنك احمد مبتسماً " لأ عيب أستني لما نكتب الكتاب الأؤل حازم يرتفع صوته بالضحك ويرمي نفسه في حضن احمد قائلا... الحمدلله .. أنا بحبك ف الله يا احمد بس سبني دلوقتي أطلع فوق لأني اخدت قرار كده احمد" قرار بأيه؟؟ حازم" قررت أطلق لحيتي .. انا بقيت بعشق اللحيه احمد" أحلي خبر سمعته النهارده.. ربنا يثبتك يارب يترك حازم احمد ويدخل بيته وع وجهه فرحه وأول ما يفكر به هو الذهاب إلي هاجر ليخبرها بما حدث لأحمد يدخل لهاجر الغرفه " هاجر .. الحمدلله .. احمد طلع مظلوم وأنا كمان ظلمته المفروض إني كنت اتاكد قبل ماأظلمه هاجر بعصبيه " إيه إليي ظلمته وإيه إللي تتآكد منه؟؟ حازم" أصلا الصورة إللي واخده لاحمد أختيها وكآنت البنت بتحاول تستفزه علشان تشوه سمعته وانتي مستنيش تتآكدي وأفتكرتي أن احمد مسك إيد البنت أو حتي وقف يتكلم معاها أستغفري ربنا ... اه وعلي فكرة انا هربي دقني قدوة برسول ^^ هـاجر" بقولك إيه بقا أنت بجد فيك حاجه غريبه والله احمد لعب في دماغك هو الشخص ده مش نافع معاه حاجه أبدا؟ يلا بقا أمشي من قدامي وتربي دقنك تربي شعرك ماليش دعوة انا تعبت منك خلاص حازم" شكراً لذوقك ياهاجر .. وع فكرة انتي إللي مضحوك عليكي والله مضحوك عليكي ومسيرك هتعرفي أن مش كل الملتزمين ززي ماأنتي فاكرة للأسف هاتي فيلم أو مسلسل طلع فيه شاب ملتحي دمه خفيف ومتدين دايما يطلع شاب متسول شاب بيعمل عمليات أرهابيه وبيقتل أو حرامي هاجر" ماهو علشان دي الحقيقه حازم: أنا هسيبك لضميرك .. أقفي مع نفسك كده وشوفي مين إللي المفروض نتقتدي بيهم الغرب؟؟ ولا المتلزمين ؟؟ شوفي كده شاب ملتزم دايقك .. هاجر" إيه ياحازم مش فاكر الست إللي كانت هتسرق مني الفون بتاعي مش كانت منقبه؟؟ وكان معاها واحد ملتحي حازم" معني كده غنك تحكمي عليهم كلهم أنهم حراميه ؟؟ هاجر لو واحد بيصلي وبسرق يبقي معني كده أنكل المسلمين بيسرقو؟؟ هاجر" أكيد لأ حازم" طيب ليه بقا احنا منغيرش وجهة نظر الناس عن الملتزمين؟ ونعرف الناس التدين الصح ونصلي ونصوم ونلتزم هاجر"سبتك كل ده ياحازم... وعلي فكرة لو هتربي دقنك انا مش عاوزه يبقي ليا كلام معاك تاني ومش هتبقي اخويا حازم:" ماشي ياهاجر ياحببتـــي يااختي ^^ وانا هحاول جاهداً إني أخليكي تغيري فكرتك عن الملتزمين الله المستعان تقفل هاجر باب الغرفة خلف حازم وترجع إللي الغناء والشات إما حازم فيذهب ليخبر الأم والأب بالقرار الذي اتخذه فيكون رد الأم" تربي دقنك؟؟ وتمشي مع تنظيم القاعده إما الوالد" ربنا يوفقك يا حازم يارب أشوفك زي أحمد يارب حازم أمي أنا قررت أني اطلق لحيتي وأعرفكم المعني الحقيقي للتدين الأم" أمي!!! إيه أمي؟؟؟ أنت هتتكلم باللغه العربيه ؟ وشويه شويه تدخل ماسك السيف حازم" اللغه العربيه لغة اهل الجنه ربي يجعلك من اهلها يارب الأم بصوت مرتفع " حازم أتعدل معايا بلاش طريقة كلام احمد دي أرجع حازم إللي اعرفه أحسن يتبع ^_^ | ||||
|
| |
|
06-10-15, 09:15 AM
| #10 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقه الثامنه #في_بيتنا_ملتحي حازم " ياماما والله أنا اخدت القرار إني ابقي ملتحي بالله عليكِ بلاش تعترضي ولو لقيتي إن انا أتغيرت مع معاكي للأسوء يبقي ساعتها أوعدك إني مش هبقي ملتحي كل الحكايه إني قررت أبقي زي الرسول الأم" وأنت طبقت سُنه النبي في كل حاجه وخلاص بقاي الدقن وبصــــوت مرتفع تنادي علي الزوج " محمــــود " الواد ده مينزلش تحت عند إللي أسمه أحمد ده تاني تسمع هاجر تللك الكلمات وتخرج من غرفتها وعلي وجهها أثار الفرحه قائله" آيوة ياماما آيوة ياريت ويسلام لو بابا يخليه يروح مكان تاني آصل لو قعد هنا اكتر من هنا هيخلينا نخرج من البيت علي المعتقل علي طول .. وعلي فكرة دلوقتي اي حد هيبقي ملتحي هيتقبض عليه من أمن الدولة حازم" علي فكرة هما هيقبضو عليه علشان الحرب دلوقتي بقت علي الأسلام حرام عليكِ ياهاجر أتقي الله الأم" إيه أتقي الله ده؟؟؟؟!!!!!! أنت شايف أختك ايام الكفار حازم.. أعمل إللي انت عاوزه بس أنا مش راضيه عنك هاجر" اه ياماما وكله إلا غضب الأم .. شوف بقا حازم" ماما أرجوكي بلاش كده الأم" أسكت خاالص مش عاوزه أسمع صوتك... انا قلت إللي عندي ومش عاوزه يبقي بيني وبينك كلام أصلا .. حازم" ماما أستني أرجوكي . طب أسمعيني .. بابا طب قول لأمي أي حاجه الأب" سبها ياحازم ..أعمل إللي أنت عاوزه وأنا هتفاهم معاها وهي لما تلاقيك أخلاقك زي ماهي بل بالعكس هتبقي أحسن مش هتعرض .. أعمل إللي انت شايفه صح ياحازم وانا هتكلم معاها وهافهمها إما أنتي ياهاجر .. لو أتكلمتي كلمة زياده مش هيحصلك كويس وكل واحد ليه حريه شخصيه ومالكيش دعوة بحازم هاجر" حرية شخصيه . تمام أأأأوي يابابا لو في يوم حازم قالي إللي انتِ بتعمليه ده حرام أو حلال هقوله مالكش دعوة... دي حرة شخصيه حازم" فصبراُ جميـل والله المستعان علي ما تصفون "" يدخل حازم إلي غرفة نومه وقد أصابه الحزن والفرح معاً لا يعلم أيفرح بالقرار الذي اخذه ؟؟ ام يحزن لحزن امه ولكن يرجع بعدها ويطمئن لأنه عنده ثقه بالله عز وجل إما هاجر فلا تبالي بما قد فعله حازم ولا تبالي بتللك القرارت التي أتخذها حازم ذالك الشاب الذي قرر أن يكون من من قال عليهم رسول الله " وشاب نشاء في طاعة الله " ليس بآنه يعفي لحيته وفقط؟؟؟ ولكن بالأمتثال برسول الله وبأخلاقه وبأتباع سنته والأمر بالمعروف والنهي عن المنكر وحًب الله أولا وأصلاح صورة المتزمين التي للأسف شوهها الأعلام فلا يوجد فيلم من أفلام السنيما علي شاشة التلفزيون إلا ويظهر فيه الملتحي علي إنه أرهابي قاتل سافك الدماء يحلل القتل حامل السيف يرتدي القميص القصير المتسخ وإما لحيته مبعثره هو نفسه غليظ هذه هي الصورة التي يظهر فيها أي ملتحي للأسف في تللك الليلة لم يتسطع أن ينام حازم فيقرر أن ينزل إلي احمد بعد ان سمع صوتة يقراء القرآءن ولكن يستوقف لحظات ويقرر ان يصلي ركعتين القيام ويشكي إلي الله بدلاً من أن بنزل ويشتكي إلي احمد فاحياناً عندما تفضفض مع شخص تخبي بعض الأسرار بقلبك إما مع الله فهو يعلم كل شئ لا يخفي عليه شئ فتوضاء وصلي ركعتين ودعا أن يرزقه الله الصبر علي الأختبار وأن يجعل أمه راضيه عنه _ فـ الصباح يستيقظ حازم ويصلي ركعتين الضحي ويذهب ليقبل يد أمه ورآسها فيكون رد الأم " ربنا يكرمك ياحازم ويرضي عنك حازم يسمع تللك الكلمات ويركز جيداً في مصدر الصوت هل أمه هي التي تتحدث؟؟؟ فيرجع إلي امه "" يعني انتي اضيه عني يا امي %^^ الأم" الحمدلله ياحبيبي يخرج الأب" ايه ياحازوم صباح الخير ياحبيبي حازم" ازي حضرتك يابابا .. يقبل رأسه والده ويده الأب" أمك راضيه عنك اهو مفيش بعد كده حازم" أنت عاملت ايه البظبط؟؟ وقلتها إيه الأب" كل الحكايه إني قلتها ممكن انت تبقي شاب من شباب اليومين دول نت وسهر وحفلات إلا من رحم الله بس ربنا اكرمك وأصطفالك وجعلك تحب التدين وتحب الصلاة والأقتداء بسنه الرسول كل الحكايه إنك عاوز تبقي أنسان كويس وممكن في يوم من الأيام تكون سبب في دخولنا الجنه حازم" علي فكرة يابابا مش هو ده الكلام إللي جعل ماما تغير فكرتها الأب" اومال إيه ؟؟!! حازم" ثقتي في ربنا ودعائي أنا إمبارح منمتش وقاعدت ادعي ربنا كتير أأأأاوي انت عارف يابابا ربنا رحيم وكريم وأرحم بيا منك ومن امي علشان كده ربنا مخلنيش اتعب ومطولش بيا الأختبار إللي انا فيه ممكن تكون الحكايه لو حد سمعها حكايه عادي إيه يعني عاوزه تربي دقنك؟؟ فين الأختبار ؟؟ إيه يعني هو خلاص الدقن بقت قضيه؟؟ هما شويه الشعر دول إللي هيخلوك تبقي مسلم اه للاأسف ده هيبقي تفكير اغلب صحابي يابابا لكن الحمدلله ^^ كل الحكايه إني عاوز أبقي زي النبي في كل حاجه وأول ماالتقي به يوم القيامه أقوله أيوه آيوه انا الشاب إللي كان في زمن الغرباء أنا الشاب إللي نشاء في طاعه الله أنا الشاب إللي مشيت علي دربك في زمن الفتن وإللي اتقال عليهم أرهاب تفكتر الرسول هيفتخر بيا؟؟ تفتكر هيبقي ليا حق أشرب من يد الرسول ويبقي ليا حق ابقي من الذين يظلهم الله في ظل عرشه بتمني من ربنا ده ^^ يبتسم الأب ابتسامه عريضه ويقبل رأس حازم قائلا" أنا إللي المفروض أتفخر أني ربنا رزقني بأبن زيك تخرج هاجر من غرفتها وكانت قد أستعدت للنزول للجامعه هاجر" شكلكو كده كنتو بتهزرو وتضحكو وصاحين من النوم فايقين الأب" اه ياهاجر عاملت تحالف مع حازم خلاص هاجر" ربنا يخليكو لبعض .. انا هنزل انا علشان متأخرش علي المحاضره إللي انا زهقت منها ومش بفهم منها حاجه خالص حازم" طب ماتقولي ماده إيه وأخلي احمد يجبلك ملخصات أويقولك حاجه مفيده فيها هاجر" لأ مش عاوزه حاجه من حد .. انا هخلي دينا صحبتي تفهمني كل حاجه حازم" طيب .. خدي بالك من نفسك _ هاجر وهي في طريقها للجامعه تتصل بها أميره وتخبرها بأن هنالك شئ مهم حدث ويجب ان تأتي هاجر علي الفـــــــــور يتبع | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
