آخر 10 مشاركات
✨الصالون الأدبي لرمضان 2024 ✨ (الكاتـب : رانو قنديل - )           »          جدران دافئة (2) .. سلسلة مشاعر صادقة (الكاتـب : كلبهار - )           »          صفقة طفل دراكون(156)للكاتبة:Tara Pammi(ج2من سلسلة آل دراكون الملكيين)كاملة+رابط (الكاتـب : Gege86 - )           »          عالقة بشباك الشيطان (105) للكاتبة: Carole Mortimer *كاملة* (الكاتـب : Gege86 - )           »          عشق من قلـب الصوارم * مميزة ومكتملة * (الكاتـب : عاشقةديرتها - )           »          معذبتي الحمراء (151) للكاتبة: Kim Lawrence *كاملة+روابط* (الكاتـب : Gege86 - )           »          ساحرتي (1) *مميزة , مكتملة* .. سلسلة عندما تعشق القلوب (الكاتـب : lossil - )           »          ثَأري..فَغُفْراَنَك (الكاتـب : حور الحسيني - )           »          الرزق على الله .. للكاتبه :هاردلك يا قلب×كامله× (الكاتـب : بحر الندى - )           »          شـقّ الـغَـمـام (الكاتـب : مدامع حزينة - )


العودة   شبكة روايتي الثقافية > قسم الروايات > منتدى الروايات والقصص المنقولة

موضوع مغلق
 
LinkBack أدوات الموضوع انواع عرض الموضوع
قديم 18-06-16, 10:04 AM   #61

mariem23

? العضوٌ??? » 367434
?  التسِجيلٌ » Mar 2016
? مشَارَ?اتْي » 56
?  نُقآطِيْ » mariem23 is on a distinguished road
افتراضي


امتى البارت القادم
بجد جميلة جدا ونفسى اكمله كلها


mariem23 غير متواجد حالياً  
قديم 20-06-16, 12:50 AM   #62

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


البارت الثالث و الاربعون



مدخل لفيصل العدواني!


‎المزاج اليوم عالي وفللي
‎رايق بالي وجوي معتلي

‎بس كذا لزوم الانبساط
‎انت يآ عايد بصوتلك علي


‎لا تجادلني ولا تزيد الملام
‎أحمد الله مادعيتك فرغلي


‎يا ولد هالدعوه خربانه معي
‎يعني لا تنقد ولا تشره علي


‎ودي أضرب كل شي بعرض بطول
‎وأترك المنكوس وهوبالت هلي

‎ثم بوجهها على الشعر الفصيح
‎بشتويه أحيآن وأحيآنأ قلي

‎أقترب ببدا وثم خلك معي
‎من بعد هالشطر دقق مدخلي

‎لي فتاة عذبتني بالهوى
‎لم تزينها الأساور والحلي

‎بل هي من زينت تبر الجبال
‎صاغها من هو بعرش معتلي

‎قد رأيت منهآ السبع العجاب
‎إن مشت مآلت غصون السنبلي

‎طرفها يخطر إليك بالهلاك
‎إن تداعت بالحرير القاتلي

‎ورعة ما مثلها عيني رأت
‎أمحقت قلبي وجسمي ناحلي

‎ورعة مع امحقت هذي لنا
‎لعنبو هالعرق يصلاني صلي

‎قلت أبسلك مير ما سلكت موانا
‎مبتلي نفسي ولاني مبتلي

‎قرد حظي كآن شعري ما ذكرت
‎القصايد ما اتعدى منزلي

‎ويابري حالي من حروف السكون
‎والماخوذ الجر وأبن الدؤلي

‎كلمتين وكني داخل في جهاد
‎ناشف ريقي وحالي امبهذلي

‎لين طالت يا عساها للذهاب
‎وانكتم صدري بعد ماهو خلي

‎عايد اسمع طالبك انسى القصيد
‎واللي قلته لا يحط بفايلي

‎ارم ما قلته ورا ظهرك وكاد
‎والسموحه منك لا تنقد علي




دقت الباب و هي تحس بخوف فضيع
مساعد في مكتبه رفع راسه جهة الباب : تفضلي
لين دخلت و ابتسمت و هي تحاول تخفي خوفها : كيف عرفت انه انا
مساعد : اممم دقتك ناعمه لو عزام دقته قويه و راكان دقته مزعجه
لين : ماشاءالله عليك تفرق
مساعد : اكيد ، لف عليها و شافها تفرك يدها بقوه اللين ما صارت حمراء : وينك من اول مختفيه ما تطلعين من غرفتك لك كم يوم
لين رفعت راسها و صارت تناظر فيه و هي مهي عارفه كيف تبدأ
مساعد : قولي اللي عندك و انا معك من الان
لين سكتت مايقارب خمس دقاقيق ومساعد ساكت ينتظرها ، لين : موافقه
مساعد : على ايش
لين : على الزواج
مساعد : مين فيهم محمد و لا رعد؟




خيروني فيك و بين الاشخاص
و اختارك القلب و صرت انت الوحيد !!




لين نزلت راسها و بهدوء : رعد


"""""""""""""""""""""""


عزام : الين هنا احنا انتهينا في الشغل تقدرون تتفضلون
كل وحده من البنات مشيت و بقى لتين اخر وحده مشيت بينهم
عزام لف عليها : لتين
لتين لفت عليه : نعم
عزام : انزلي تحت المختبارات و جيبي من عندهم التحاليل للحاله اللي انتي سويتيها و جيبيها مكتبي
لتين : حاضر
مشت و هي متوجهه للبدروم اللي فيه قسم المختبارات و كان الدرج حقه طويل مره لتين صارت تنزل الين ما وصلت اخر الدرجات و هي تلهث من التعب تزحلقت ( انزلقت ) رجلها و طاحت على الارض ورجلها صقعت في حافة الدرج بقوه
لتين قامت بسرعه و هي خايفه ان احد شافها و لكن الممر كان فاض على طول مشيت و اخذت التحاليل و هي متجاهله ألم رجولها
صعدت الدرج و هي تحس بشي على رجولها و لكنها مشت و كملت الين ماوصلت لمكتب عزام و دقت الباب و هي تحس بألم فضيع في رجولها
سمعت صوت عزام و دخلت و جلست بسرعه على الكرسي لانها مهي قادره تتحمل الألم
عزام لف عليها و هو متفاجأ منها كيف دخلت بسرعه و جلست بدون حتى ما تستأذن ، سكت و هو ماله خلق يتكلم : وين التحاليل
لتين تكلمت بصعوبه من ألم رجولها : تفضل
عزام عقد حواجبه السود بأستغراب من نبرتها : امم خلاص تقدرين تروحين لان الوقت تأخر و بكره انشاءالله تعالي الصباح
لتين جات بتتكلم بس تحس بحرق برجولها خلى عيونها تتغرق من الدموع : طيــ... ااههه
عزام قام عن كرسيه : بسم الله وشبك
لتين ما قدرت تتحمل الألم و صارت تصيح : يوجع اهه
عزام رفع عيونه و لأول مره تأملها ، تأمل عيونها الكحيله المغرقه بالدموع لدرجة انها زادت جاذبيتها جسمها الصغير بالنسبه له قرب منها و هو يحاول انه ما يتأمل جاذبيتها الخاصه : وين يوجعك
رفعت عيونها الجذابه و هي ما تقصد شي و صارت تأشر على رجلها و بصوتها الهادي : هنا !
بعثرت رجولته و احاسيسه بكلمتها البسيطه " هنا" خلت مشاعره الرجوليه تتبعثر و تهيج حاول يسيطر على نفسه : طيب ممكن اشوف
لتين مدت ساقها الرفيع و هي تتألم : بسرعه يحرق
عزام مد يده و هو يحس بحراره تسري في جسده ، و مسك ساقها بهدوء و رفع البنطلون عنه و بانت نعومة و صفاء بشرتها البيضاء مسك جرحها اللي كان خفيف و لكن ينزل منه الدم ، عزام : انتظري دقيقه
لتين سكتت و هي تحس بحرق على رجولها شافته يجيب شاش و معقم جروح و بدأ يعقم جرحها ، تأملت شعره البني الناعم الغزير كيف متناسق و مرتب و هو قاصه قصه خفيفه على الجنب و مزوده جاذبيه و جمال رموشه الطويله الملفته لناظرين شنبه الاسود العريض المتلاصق لعوارضه الخفيفه خشمه مثل السيف بحدته ، ايقضها من تأملها بصوته الرجولي الهادئ : خلصت
لتين مسكت البنطلون و صارت تنزله بهدوء : شكرا دكتور عزام
عزام قام و هو يحاول ما يناظرها : العفو
لتين : يلا مع السلامه
عزام لف و اعطاها ظهـره و هو يششيل اوراقه و جواله من المكتب : مع السلامه
لف و هو يسمع صوت قفلت الباب بعد خروجها تنهد و هو يمسح على خصلات شعره البني : اعوذ بالله منك ياابليس



"""""""""""""""""""""""

نزل من الدرج و هو فرحان من الخبر اللي وصله مو مصدق انها وافقت : يمهه يمه الحقي علي يا يمه
امه جات مسرعه و هي خايفه من صراخه : وش فيك يا عين امك وش فيك
ديم طلعت من غرفتها و وراها خالد : وش فيه
البدر واقف وراء رعد بالدرج : وشبك تصارخ
رعد ابتسم و هو طاير من الفرحه : وافقت وافقت علي
ديم : منهي ذي !
رعد : لين الخالد وافقت علي
امه غطرفت : الف الف مبروك يا عيني
البدر حط يده على كتف رعد : مبروك يالعضيد
خالد : و اخيرا تزوج السيد وحش اوييييهاا
رعد بفرح : الحمدلله الحمدلله
خالد :والله بتكون حماره لو انها رفضتك
ديم : من جد بتكون حماره و غبيه لو انها رفضت الشيخ ولد الشيخ رعد بن فهد الفهد
ام رعد : تعالو تعالو نجلس وش بلانا واقفين في الدرج
كلهم اتجهوا لصاله
رعد لف على امه : يمه انا بكلم مساعد اخوها و احدد الملكه
ام رعد : وشبك مستعجل
رعد نزل راسه و بهمس : كفايه اللي راح يا يمه
ام رعد ما سمعته : وش تقول انت
رعد : اقول يا يمه ماله داعي نتأخر
ام رعد : يعني تبي نروح لها و نخطبها و يكون نفس اليوم ملكتها
رعد : ايه يا يمه
ام رعد : سو اللي يرضيك يكفيني اني اشوفك و انت معرس يا غلاي
البدر : يمه بديت اغار ترى
ام رعد لت عليه : وش رايك نزوجكم مع بعض و يصير عصفورين بحجر واحد
البدر وقف بسرعه : يوه يوه يمه ابعدي هذا الموضوع عني و خلني اروح قبل ما يتحول الموضوع علي
ام رعد : الله يعيني عليك بس
خالد : يمه ترى انا بالخدمه
ام رعد : انت تخرج و بعدها يصير خير
خالد بحلطمه : طيب ياالغاليه كرشتيني ترى
ام رعد سفهته و قامت
خالد : احح يا يمه سحبتي علي
ديم : تستاهل
خالد : انتي اسكتي بس


""""""""""""""""


مساعد قفل جواله من رعد و لف على عز : عز
عز : هلا
مساعد : رعد يبي الملكه تكون يوم السبت
عز متفاجأ : السبت هذا ؟
مساعد : ايه يقول خير البر عاجله
عز : والله انا اقول اسأل لين اول واللي تبيه يصير
مساعد : خلاص انا بكلم لين واللي تبيه يصير بأذن الله


""""""""""""

فصخت القلفز ( القفاز - الجونتي ) حق التنظيف و هي تحس بتعب فضيع راحت شربت لها كاس مويه و بعدها فكرت تسوي لها اكل و لكن البيت كان فاضي راحت لبست عبايتها و هي تاخذ محفظتها و فتحت لقت ١٥٠ : حلو حلو والله تقضي الحاجه بس
طلعت من الشقه و هي تسمي بالله نزلت مع الدرج وهي تفكر في امها اللي صارت عليها تصرفات غبيه و مالها داعي و صارت تتصرف زي تصرفات المراهقين قطع تفكيرها و هي تمشي متجهه للبقاله صوت ولد جيرانهم : السلام عليكم
سلطانه لفت عليه : و عليكم السلام ، كيفك يا علي
علي : بخير انتي كيفك و كيف امك
سلطانه : والله على حالنا
علي ابتسم و هو فاهم قصدها و حال امها : وين رايحه ؟
سلطانه رفعت يدها و هي تأشر على البقاله اللي كانت قدامهم : البقاله بشتري شويت اغراض
علي بروح اخويه : اجل امشي معي مدامنا على نفس الطريق و مره وحده اشيل لك الاكياس
سلطانه و هي متعوده عليه : يلا امشي
مشيوا و هم يسولفون بنيه طيبه بدون خبث و حقد نيه صافيه يعدون بعضهم اخوان من هم صغار و ما نسيوا بعض الين ما كبروا


"""""""""""""""

جالسه على السرير و هي ماسكه صورته تتأمل ملامحه اللي مستحيل تنساهه كيف ما كرهته و هو كسر قلبها اههه يا سطام وش كثر عشت في كل جزء من قلبي تحبه و عمره ما نقص حبه من قلبها شالت الصوره و حطتها تحت مخدتها و هي تتنهد مسكت جوالها بعد ما سمعت نغمة الاتصال استغربت و هي تشوف رقم غريب ردت : الو
بصوت هادي مليئ بالخشونه : السلام عليكم
قرصها قلبها لمن سمعت نبرت الصوت ( لا لا يا لانا مستحيل هو اكيد تتخيلين ): و عليكم السلام مين ؟
رد بهدوء مربك : معك سطام يا لانا



|||| انتهى البارت ||||



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


قديم 23-06-16, 03:01 AM   #63

mariem23

? العضوٌ??? » 367434
?  التسِجيلٌ » Mar 2016
? مشَارَ?اتْي » 56
?  نُقآطِيْ » mariem23 is on a distinguished road
افتراضي

شـكــ وبارك الله فيك ـــرا لك ... لك مني أجمل تحية .

mariem23 غير متواجد حالياً  
قديم 23-06-16, 05:50 PM   #64

صمتي لا يعني ضعفي

? العضوٌ??? » 350314
?  التسِجيلٌ » Aug 2015
? مشَارَ?اتْي » 13
?  نُقآطِيْ » صمتي لا يعني ضعفي is on a distinguished road
افتراضي

البارت قصير ..
متى رح تكملي


صمتي لا يعني ضعفي غير متواجد حالياً  
قديم 23-06-16, 10:08 PM   #65

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي

اقتباس:
المشاركة الأصلية كتبت بواسطة صمتي لا يعني ضعفي مشاهدة المشاركة
البارت قصير ..
متى رح تكملي

هلا وغلا
حبيبتي الكاتبةماحددت موعد للبارت القادم


فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


قديم 04-08-16, 03:02 PM   #66

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


البارت الرابع و الاربعون



مدخل لسعد بن عجلان !



‎البارحـه يـــــــوم الاوادم خواشـيـع
‎في نومها وناعلى الكـوع واعـي

‎هم(ن)يمزع سترة القلـب تمـــزيـع
‎تقول ينهــش ثومة القلـب افاعـي

‎خذت القلم من بين روس الاصابيع
‎وحبيت اميز سيرتـي وانطباعـي

‎عزلت من صدقان عطلةالاسابيـع
‎وعزلت من ضحك الوجيه الصناعي

‎وعزلت من بنين بامالي مشاريـع
‎جميد برد ولانس الشمـس ماعـي

‎وعزلت من زرع الخلـي البــلاقيـع
‎وعزلت من رفــــع الثنيـه رباعـي

‎من نفعة اللـي ماطلبنـي منافيـع
‎جميلة(ن)في غير اهلهـا ضياعـي

‎في اسواقها ماعاد لشري ولابيـع
‎لخطيت من رفقة طويـل الـــذراعـي

‎اللي على الرفقه يسوقـه دوافيـع
‎هـذاك تشـرى رفقتـه ماتبــاعـي

‎امايشجعني على الطيـب تشجيـع
‎والايعلمنـي حمــــــيـد المسـاعـي

‎والا ليـــامنـه رمعـنـي روامـيـــــــع
‎وضاقت على كل الفجوج الوساعي

‎جيته ويسرلي عســــيـر المواضيـع
‎وخلاخفايا خاطـري لـه وســـاعـي

‎معرفتـه ماهـي معرفـة طماميـع
‎ماتنتـج الاالغطرسـه والضيـاعـي




مساعد دخل غرفتها بعد ماسمع صوتها
لين قفلت جوالها و ابتسمت : هلا والله تو ما نورت الغرفه
مساعد جلس على السرير : منوره بوجودك يا قلبي
لين وقفت : قوم نجلس في البلكونه الجو مره حلو
مساعد : يلا
راحوا جلسوا في البلكونه الخاصه بغرفه لين و تم يسولفون بسواليف عاديه و يسألون بعض عن احوالهم الين ما بدأ الصمت يسود عليهم
مساعد تنحنح : لين انا جاي بكلمك بموضوع يخص رعد
لين بدأت نبضات قلبها تزيد من سمعت اسمه : امرني
مساعد صار يمسح على القناع الاسود اللي مغطي معظم وجهه : صراحة رعد كلمني امس و قال انه يبي الملكه السبت
لين رفعت عيونها بصدمه : السبت هذا يعني بعد يومين !!!
مساعد : ايه و يبي يملك على طول
لين بأرتباك تحس صعب عليها تقابله : بس مره بدري و ما يمديني اسوي شي
مساعد : عادي يا لنون خلي سحاب و صديقتك لتين يساعدونك و انا و عزام و عز محنا مقصرين معك
لين سكتت و هي تحس بخوف عجيب و مهي لاقيه سبب تعطيه مساعد عشان يأجلونها شوي
مساعد : ها خلاص نقول تم ؟
لين بطاعه و هي تسلم نفسها للأمر الواقع: اللي تشوفه يااخوي
مساعد قام و باس راسها : الله يوفقك يا لين و يسعدك
لين وقفت معاه و بهمس : امين يارب
مساعد مشي بس وقف و هو يبتسم و لف عليها بخبث : عاد نسيت اقولك ان حبيب القلب يقول انه مستعجل عليك
لين سكتت و جمدت مكانها من الخجل
مساعد كمل طريقه و هو يبتسم و خرج من الغرفه


""""""""""""

سحاب : الو
لتين و صوتها كله نوم : هممم
سحاب و هي مرتبكه و حايسه : قومي قومي بس بسرعه
لتين قامت مفجوعه : خير وش فيه !!
سحاب : عز توه قالي ان ملكة لين يوم السبت و البنت ما جهزت لشي قومي خلنا نبدأ من الحين
لتين : مسرع بتملك و هي الخطبه ما سوتها
سحاب : والله هذي طلبات رعد يقول يبي الملكه على طول
لتين : مستعجل الاخ وشبه
سحاب : مدري عنه قهرني والمشكله عز يقول وش فيها خلهم يتزوجون بسرعه بدال المطمطه
لتين : مالت عليه و على رعد بعد
سحاب ضحكت من قلب : يلا قومي اجهزي انتي و الماس و انا بمر لين و بعدين امركم
لتين قامت من السرير بحماس : طيب طيب
سحاب : مع السلامه
لتين : مع السلامه


""""""""""""""


لانا و دموعها تنزل صار لها خمس دقايق بس يطلع صوت شهقاتها الموجعه
سطام و قلبه يتقطع على صوت بكاها : لانا لانا وشبك ردي علي
لانا حاطه يدها على فمها و تبكي : اهئ اهئ
سطام بعصبيه : لانا انا اكلمك ردي علي و لا تقهرين قلبي بصوت بكاك
لانا قفلت بوجهه و هي تصيح بوجع و ألم صوته وجع لها الاوجاع اللي حاولت تدفنها من بعد غيابه وش يبي الحين ناوي يجدد وجعها اكثر و اكثر !!


""""""""""""

مسك جواله و هو مصدوم منها شلون هان عليها تقفل الجوال بوجهه و تترك قلبه محروق من صوت شهقاتها ، قام بسرعه و هو يلبس ثوبه مستعجل يبي يشوف وش فيها حبيبته نسي انها مهي محرم له و نسي ان اهلها في البيت و نسي اشياء كثيره تمنعه من شوفتها بس باقي شي بذهنه يشوف وش فيها حبيبته تبكي بوجع
نزل من الدرج و هو يركض يبي يلحق عليها سمع صوت امه و هي تناديه بس ما وقف و هو يتردد على اذنه صوت بكاها
ركب سيارته بسرعه و دعس برا القصر و هو متوجه لبيتها اللي يحفظ طريقه حفظ
وقف و شاف البيت هادي و مافي و لا سياره واقفه برا ، طلع جواله و هو يدق عليها مره و اثنين و ثلاث و....إلى آخره. و لكن مافيه رد دق المره الثامنه و سمع صوتها و هي تصرخ : وشتبي يا سطام تكفى روح عني و توجعني اكثر
سطام بحده : انا تحت بسرعه افتحي الباب
لانا وقفت بخوف وراحت لشباك و شافت سيارته واقفه : وش تبي جايني الحين
سطام : قلت لك افتح
لانا بصوت موجع و البحه تعذب قلب عاشها : روح يا سطام واللي يرحم لك امك
سطام بهدوء خلاها تنصت له بكل حواسها : اذا كان لي حب في قلبك لو بسيط تكفين انزلي و اعتبريها اخر مره تشوفيني فيها لو انك ما تبيني
لانا سكتت بصوت و صوته و هو يقول ( اخر مره تشوفيني ) يتردد بذهنها : طيب انتظر
قامت بسرعه لبست جاكيت اسود واسع و حطت القبعه حقته على راسها و هي تحاول تغطي شعرها الناعم ، نزلت بهدوء و هي تتأكد ان اهلها كلهم خارجين ، طلعت الحوش ووقفت قدام الباب و هي تشوف ظله ووهو واقف خلف الباب مسكت الباب و هي تفتحه بيد مرتجفه فتحته و هي تشوف الشخص اللي طعنها و كسرها و مازالت تحبه كسر قلبها و لكن ما نقص حبه ابد شافته و هو لابس الثوب على جسمه الذبلان ووجهه مرسوم عليه اثار التعب و شعره المتناثر يطيره نسيم الهواء نزلت دموعها غصب و هي تشوفه
واقف و هو يشوفها تتأمله طفله و هي اجمل طفله شافها بحياته طفلته و حبيبته و قلبه واقفه بجسمها الصغير و شعرها يداعب ملامح وجهها الجميل و دموعها اللي قطعت قلبه و حرقته من الوجع ما قدر يصبر سحبها لحضنه بكل قوته لدرجه ان شعرها طلع كله و القبعه طاحت من راسها حضنها و هو وده يدخلها بين ظلوعه وده يشيل الهم عنها و يحطه في قلبه جرحتك يا لانا و انا اسف على جرحك!!
لانا و هي بين حضنه اللي فقدته و كانت تحتاجه من اول ، فجر كل وجع و هم كان بقلبها و هي تحس بريحته و حنانه تحتضنها صارت تصيح بصوت و هي تنادي عليه كان يشد عليها و هو وده يمحي ألمها وخرها عنه و هو يمسح دموعها : خلاص يا روح سطام خلاص
لانا و هي مازالت تصيح : ليه سويت فيني كذا ليه جرحتني
سطام : كنت فاهم غلط و تركتك رغم اني احبك
لانا ما قدرت تتحمل و جلست على الارض : كنت تحبني !! طيب ليه تجرحني ليه تخليني ماانام بدون دموع ليه يا سطام قتلتني و انا كنت طفله في الحب انت اول شخص عشقته من بين ملاين الرجال و اخرها تجرحني و تموتني بكلامك
سطام نزل عندها بأنكسار : طيب اسمعيني
لانا : وش اسمع بعد ذي السنين يا سطام
سطام برجى : تكفين يا لانا اسمعيني
لانا سكتت و هي تتأمل عيونه المكسوره
سطام حط عينه بعينها : كله بسبب تفكيري الغبي و المتسرع كسرتك لاني كنت احسبك تحبين و كنت احسبك مخطوبه لولد عمك كنت احسب اني بخصرك و لكن انا الغبي اللي وخرتك عني بغبائي انا كنت احسب تميم حبيبك
لانا سكتتت و هي متفاجأه من السبب كل الجروح و ألام و الفرقاء لمدة سنتين و اكثر بسبب وهم اختلقه من راسه نزلت دموعها و هي تحس بجرح اكبر و اكبر من كلامه : يعني انت تحبني و ما سويت كل ذا الا عشان وهم جبته من راسك ، تميم اخوي اخوي يا سطام
سطام : دريت بذا بعد مارجعت الرياض و ندمت قد شعر راسي يا لانا
لانا ببحه موجعه : ليه ماسألتني وقتها ليه !!! ليه خليتني اتعب و اموت من الهم و الوجع من كلامك لي من نظرتك اللي حسيت انها مثل السهم اللي انغرس وسط قلبي ، ليه خليتني احاول اكرهك و ما قدرت ليه عذبتني بحبك لــــــيـــــه !!!
مسك يدها برجاء : والله احبك والله تكفين خلنا نبدأ من جديد تكفين يا لانا
لانا وقفت و هي تخبي حبه في قلبها : اطلع برا و لا عاد توريني وجهك اكرهك يا سطام ما عدت احبك و لا اطيق صوتك اطــــلــــع
سطام وقف بصدمه و هو مو متوقع تكون هذي ردت فعلها : ايش تقولين انتي !
لانا و هي تدعس على قلبها و تلف و تعطيه ظهرها عشان ما تبي تشوف عيونه و تضعف : اطلع برا و لا ابي اشوفك اكرهك يا سطام اكرهك
سطام سحبها و حطها قدامه و دموعه تنزل و هو يصرخ : بس انا احبك و ابيك انا ابي اخطبك و ابأ بعك حياه حلوه
لانا و هي ما تبي تطالع فيه : ماابيك اكرهك اطلع
سطام برجا: انا احبك يا لانا و ابيك
لانا صرخت و هي تطالع بدموعه اللي حرقت قلبها : اطلع اطلع برا و لا توريني وجهك اكرهك اكرهك ما تفهم انت اطلع طلبتك
سطام وقف ووخر عنها و بهدوء : اللي تامرين فيه يا لانا و اعرفي ان هذي اخر مره تشوفيني فيها دام ذا طلبك فأنا طالع و ودعتك الله يا حبيبتي
لف و اعطاها ظهره و نزلت دمعه حرقت خدوده دمعة رجل يحب بصدق بدون خبث و بصفاء دمعة انكسار
شافته و هو يكلمها و هي ودها تقوم تحضنه و تقول له اللي في قلبها بس كرامتها مانعتها لف ظهره و هي سقطت على الارض و هي تحط يدها على فمها تمنع صوت نحيبها بكت و بكت و بكت بألم طلعت صرختها و هي تأن من ألم قلبها و جروحها لمن شافته طلع و ما بقى له اي اثر : اههه يارب اهه
سمع صوتها و هي تبكي بصوت و شد على يده بغضب ما يقدر يسوي شي رفضته رفضت حبه ركب سيارته و هو مصدوم منها رفع جواله و أرسل لأمه انه عنده سفره ضروريه و مهو راجع البيت رمى الجوال جنبه بتعب و فتح ازرار الثوب و هو يحس بشي يحرقه على خده شاف دموعه اللي صار لها عمر ما نزلت و الحين تنزل عشان حبيبته للمره الثانيه بدأ يسوق و هو يطلع من الرياض و من المدينه اللي جرحته مرتين بسبب (الحب) طلع والدموع مازالت تنزل ماطول الا هو واصل لشرقيه وواقف عند البحر وقف بسيارته قدام البحر و ماكان موجود و لا احد غيره نزل من السياره ووهو واقف و دموعه تنزل و لكن مامسحها : انزلي يمكن تريحين قلبي من هم الحب



تدري وش هو اصعب طريق ؟
هو طريق عودت حبيب
تصبح المسافه عنوانها الضيق
و يموت القلب ليلقى المجيب !




"""""""""""

يدورن في الاسواق و يدورن عن فستان للين و لهم
سحاب : بنات بنات تعالو شوفوا ذا الفستان مره يخبلل
لتين : الله مره كيوت
ألماس : و مره يلبق للملكه بعد
لين و هي تشوف فتحت الصدر مره كبيره : لا لا مره خالع
سحاب اعطتها نظره : اقول اسكتي بس والله يجنن
ألماس : خذي البنك احلى شي
سحاب : ايه مبين الموديل مره حلو
لين و هي تحط يدها على وجهها : وهه بنات فشله خير ألبس كذا قدام رعد
لتين : أحسن خله يتخبل عليك عاد هو اول مره يشوفك
لين سكتت و في قلبها " هو شافني و خلص " : افف طيب خلاص خلنا ناخذه اصلا انا تعبت
جاتهم سحاب و هي ماسكه فستانين : بنات المحل يخبل فيه فساتين مره حلوه خلنا نشتري منه كلنا
لتين سحبت فستان لونه احمر جريئ مره : ابيه مره حلو و خاصة انه طويل خله يغطي الشاش اللي برجلي
سحاب : اصلا انا جايبته لك احس بيجي على جسمك شي و خاصة ان جسمك مرسوم ، شوفوا انا باخذ ذا ، مدت فستان لونه ابيض كيوت مره
لين : الله مره حلو خذيه
ألماس جابت فستان لونه اصفر : وش رايكم بذا
لتين : ياي مره كيوت
سحاب : سبحان الله من الصباح ندور و تكسرت رجولنا و اخر شي نلقى فساتين كلنا في محل واحد
لين : انا بروح ادىر لي كعب و حركات للفستان مين تجي معي
لتين : يلا انا بجي
تفرقوا البنات و هم يدورن اشياء للملكه و هم مبسوطين و فرحانين للين و طبعا لين طايره من الفرحه لأنها بتتزوج رعد


""""""""""""""""

عزام : انا بكلم المنسقين عشان يجهزون للملكه
عز : تبونها في بيت مساعد
مساعد : ايه البيت بيتكم كلكم و كبير و يكفي المعازيم
عز : اجل خلاص خلنا نجهز كل شي من الحين و خاصة ان الوقت ضيق
عزام : الله يصلحه رعد مره الوقت ضيق
مساعد بضحكه : مستعجل الرجال
عزام : اووهه عاد بياخذ جوهره محد يحلم بها
عز : يستاهلها رعد رجال و النعم فيه
عزام قام : انا طالع مع عبدالملك بنروح نشوف المكتب حق التنسيقات
عز : الله معك
عزام طلع و شاف عبدالملك ينتظره بسيارته : هلا هلا
عبدالملك حرك السياره : لا يياشيخ كان ما جيت مره وحده و ريحتنا
عزام : كنت اسولف مع اخواني
عبدالملك : لا والله !! و انت تسولف و انا انطق برا
عزام : اقول عاد ترى كلها خمس دقايق
عبدالملك : طيب طيب الحين وش نسوي ووش تبي فيني
عزام بأبتسامه غبيه : مو يوم السبت ملكة اختي ؟
عبدالملك : ايه
عزام : ابيك تروح معي نشوف المكتب حق التنسيق قال لي لازم اجي عشان اشوف الألوان
عبدالملك : و انا وش دخلني اروح معك
عزام : افااا و هذا و انا عادك اخوي تقول وش دخلني !!
عبدالملك : طيب خلاص بروح
عزام رفع حاجبه : غصباً عنك
عبدالملك لف عليه : نعم !!!
عزام : سلامتك
عبدالملك اعطاه نظره : الله يسلمك



- [ ] ||| انتهى البارت |||



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


قديم 27-09-16, 09:38 PM   #67

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



البارت الخامس و الاربعون



اللهم صلي و سلم على سيدنا محمد


مدخل للبدر !



‎ادفن يدي .. تحت الثرى ..
‎واسقيها من جفني ارق ..
‎يذبل مابين اصابعي ..
‎عشب و ورق ..
‎ادفن يدي .. فوق الثرى
‎يلفها برد وسموم ..
‎واحس بعروقي يبست ..
‎ما توصل عروقي الثرى ..
‎ولا تشرب عروقي النجوم
‎وينبت على جفني سهاد ..
‎يذبل ورا صدري الشجن ..
‎اشقق اوراق الزمن ..
‎وانام ..
‎في حلقي الليله جفاف ..
‎شربت أيامي .. ومضت ..
‎واللي بقى جرحي الوفي ..
‎في خاطري باب يرد ..
‎وسراج دوبه ينطفي ..
‎اغطي الظلمه بظلام ..
‎كل ما اشد اصابعي ..
‎على العيون المتعبه ..
‎جرحٍ ينام .. وجرحٍ شعر بي وانتبه ..
‎قام وتبعني لشرفة ظلمه بعيد ..
‎جاني يقاسمني السهاد .. جاني قصيد ..
‎ادفن يدي تحت الثرى .. فوق الثرى ..
‎واعيش انا بباقي يدي ..
‎نصفٍ يموت .. ونصفٍ درى انه يموت ..
‎يا سيدي .. ربي انا نقطه ف بحر ..
‎علمني كيف اهوى الحياه ..
‎علمني كيف اهوى القدر ..
‎علمني بإماني اكون ..
‎يارب .. اكثر من بشر




سحاب واقفه فوق السرير و تنقز : عز عز عز عز عز
عز حاط المخده فوق راسه بإنزعاج : سحاب يا قلبي و يا روحي انتي خلاص تفكين خليني انام
سحاب تكتفت و هي تشوفه يناظر فيها : بس وديني عند لين تكفى
عز : انتي صاحيه تبيني اوديك الحين ترى الساعه ٨ الصباح
سحاب تعدد على اصابعها : طيب لازم نروح بدري عشان نسوي الماسك على وجهنا و نسوي بدكير و مناكير و نسوي ....
عز قاطعها : يا كثر كلامك الا الا تقنعني طيب خلاص قومي عشان نروح و تخلصين شغلاتك
سحاب نطت فوقه و باست خده بقوه : ياخي احبك احبك وش اسوي
عز ضحك : يا نصابه مو لله
سحاب قامت و سحبت عبايتها اللي مجهزتها : يلا انا جاهزه
عز قام بلبسه اللي كان عباره عن شورت اسود و تيشيرت ابيض : و انا بعد
سحاب بأستغراب : بتروح ببجامتك !!
عز و عيونه حمراء : دايخ بوديك و انام هناك
سحاب : طيب خلاص براحتك اصلا الملابس جاهزه و بخلي الخدم يجيبونها هناك
عز مسك يدها : يلا خلنا نمشي
سحاب : يلا



"""""""""""""""

لين : تكفين تعالي
لتين و صوتها كله نوم : ياخي دايخه حرام عليك بنام
لين : ياتبن انا النوم ماجاني و خايفه و لي ساعه اترجاك و انتي منتي راضيه
لتين حزنت عليها و حست انه من جد لازم تروح : طيب طيب خلاص بجي
لين : اافففف اخيرا ما بغيتي و لا تنسين الماس
لتين : طيب بقوم اجهز و اكلم الماس و اجيك
لين : يلا انتظرك
لتين : مع السلامه


"""""""""""""""


نزل من الدرج و هو مبسوط و يحس ان اليوم هو احلى يوم بحياته اليوم حبيبته بتصير ملكه و حلاله ، سمع اصوت تحت و شاف عماته و بنت عمته و اخوانه
رعد : السلام عليكم
الكل : و عليكم السلام
احلام : الف الف مبروك يا رعد منك المال و منها العيال
رعد قرب و باس راس عمته : الله يبارك فيك يا عمه
دلال و هي رافعه خشمها : الف مبروك يا ولد اخوي
رعد صافحها لانه ما يطيقها : الله يبارك فيك
دلال : ما توقعتها منك ياولد الفهد
رعد بأستغراب : وشو اللي ما توقعتيه مني ؟؟
دلال : تترك بنتي رنا اللي كانت خطيبتك و تروح للغرب
رعد بصدمه : و من متى رنا صارت خطيبتي
دلال : هذا اللي معروف في العايله ان رنا لرعد
رعد : والله هذا الكلام انا ما قلته و اذا قصدك على الكلام ترى انتي اللي نشرتيه من راسك
دلال : افهم من كلامك انك ما تبي بنتي ؟؟
رعد : يا عمه بنتك على العين و الراس و ربي يوفقها مع غيري انشاءالله
رنا بدموع التماسيح : بس انا ابيك انت
رعد رف عيونه و صار يناظرها و هو مفجوع من جرأتها : ربي بيعطيك اللي احسن مني
رنا بصراخ : ماابي غيرك انت ياولد خالي انت حب الطفوله وشلون تهدم كل ذا بسبب بنت ما نعرف من هي و لا وش طبوعها
رعد بقهر : هي هي انتي اي حب طفوله و اي خرابيط اللي تتكلمين عليها اذا انتي توهمتي و خططتي من راسك فهذي مشكلتك اما انا ما قلت شي و لا قد تكلمت في ذا الموضوع
دلال : اصلا الموضوع كله مدبر من راسك امك اللي تفكر بالورث و ما تبينا ناخذه
رعد : اقول يا عمه لا تتبلين على امي البنت انا اللي اخترتها و سالفة الورث و ما الورث ترى مالكم شغل فيها
دلال : امك هي راس البلاء هي اللي خربت كل شي و سرقت حلالنا
البدر : يا عمه الحلال حلالنا حنا و بس يعني ما لكم اي نصيب فيه و اذا كنتي تبين رنا لرعد عشان الورث فأعرفي انه مستحيل يصير ذا الشي لان رعد خلاص بيتزوج و اختار البنت اللي يعتز فيها و بتكون ام عياله
دلال : اشوفكم كلكم تدافعون على هذي الغريبه اللي بتاخذ رعد و المشكله حنا ما نعرف طبوعها و لا ندري عن بلاويها
ديم : رعد اختار جوهرة البنات و مستحيل ياخذ بنت عاديه و اذا تقولين ما نعرف بلاويها فأعرفي ان اللي عندك هي ام البلاوي
رنا : وش قصدك انتي !!
ديم بقهر : اللي على راسه بطحاء
خالد : يحسس عليها يا ذكيه
دلال لفت على نوال ( ام رعد ) : منهي بنته يا نوال اللي لفيتها على ولدنا
نوال : الولد هو اللي اختارها و البنت جوهره و مافي مثلها
دلال : وش بتطلع اكيد من عايله مهي من طبقتنا
رعد : الشي ذا راجع لي و انتم مالكم اي حق تتكلمون فيه و عشان ترتاحين تراني خذيت لين بنت عبدالله الخالد
دلال اتفاجأت من الاسم : من الخالد !!!
رنا : حسبي الله عليها عساها ما تتوفق
رعد صرخ : هيي انتي اقص لسانك اذا دعيتي عليها
دلال بصرا و هي مقهوره : كله منك يا نوال لعبتي على اخوي فهد و خليتيه يكتب الحلال بأسم عيالك و الحين خليتي عيالك ياخذون من الغرب و يتركون بناتنا حسبي الله عليك يا الحيه
رعد : يا عمه الزمي حدودك عشان ما يصير شي ما تحبينه
دلال : انتم ما تفهمون ترى امكم سوسه مسويه قدامك الام البريئه و هي الشر بكبره تراها طماعه من يوم مااخذت فهد اخوي و هي ما غير لاصقه فيه اكيد مسويه سحر له اجل فهد الفهد ياخذ وحده فقيره و حقيره و من عايله ماندري وش اصلها و عايشين بزباله مثلهم...
قاطعها رعد بكف خلها تسكت مفجوعرمن رعد الهايج اللي كان وجهي يخوف من العصبيه : اقول ترى طالت و تشمخت من انتي عشان تتكلمين عن امي كذا احترمتك بما فيه الكفايه و الحين اقضبي بنتك و اطلعوا برا
دلال بخوف من رعد : تطردني !!
رعد : ايه اطردك و اسوي اللي اقوى منه اذا مديتي لسانك على امير
رنا : ووجع فيكم كلكم خير تضرب امي ترى امي تسواكم كلكم يا حثاله
البدر مسكها مع شعرها : اقول حطي لسانك بفمك عشان ما يصير لك شي ما يعجبك
نوال و هي تحس بكتمه : برا بسرعه
دلال : ما بقى غير اشكالك يطردني
رعد بصراخ هز البيت : يا عمه اطلعي برا
دلال مسكت يد بنتها : و تشوفون و الايام بيننا
رعد : نشوف يا عمه نشوف
طلعت و كل واحد جلس بصدمه من اللي قاعد يصير ما توقعوا عمتهم تسوي كذا في هذا اليوم !!



"""""""""""""""""""


جالس في سيارته بهدوء و بدون اي صوت حوله غير صوت امواج البحر ، من يوم ماوصل لشرقيه و هو ما تحرك من مكانه و بس جالس يتذكر كلامها اللي جرحه في الصميم ، كان وده يمسح دموعها و يشيل همومها و لكن هي ردته ، تنهد و هو يسحب جواله و يشغله انتبه لتاريخ و تذكر ان اليوم ملكة اخوه و صديقه رعد مسح على شعره بهدوء و هو يدق على رعد
رعد : هلا والله بالقاطع وينك يارجال
سطام بصوت مبحوح ماليه الهم : هلابك
رعد تفاجأ بصوته : سطام !!
سطام : هلا
رعد : وش فيك ؟
سطام تنهد : مافيني الا كل خير
رعد : اي خير يارجال وصـ...
سطام قاطعه و هو ماله حيل يتكلم : انا قلت مافيني شي يا رعد ، و انا دقيت عليك ابي اعتذر منك يااخوي لاني مااقدر احظر ملكتك
رعد عارف ان سطام فيه شي كايد و اثبت له لمن قاطعه بالكلام : معذور يا سطام و خلني اخلص ذا اليوم و نتقابل
سطام عارف انه ماله مفر من رعد : يصير خير يالله مع السلامه
رعد : مع السلامه
قفل جواله نهائيا و رجع سند راسه على مرتبة السياره و هو يفكر بسارقة قلبه " لانا "


"""""""""""""



طلعت من الغرفه و هي بكامل اناقتها : ها بنات وش رايكم !!
الماس و هي تلقي نظره على فستان سحاب الابيض كان ساده طويل وواسع و فيه حزام من الوسط لونه فضي نحيف و كعب فضي طويل و شعرها مخليته ستريت و حاطه مكياج هادي و روج بيج و كان شكلها جدا فخم و انيق ، الماس : ماشاءالله مره شكلك يجنن
سحاب صارت تدور على نفسها : اجنن اجنن بسم الله علي
الماس وقفت و هي توها مخلصه من لبس كعبها و كان شكلها جدا جميل بالفستان الاصفر الضيق اللين الوسط و بعدها منفوش و طوله الين نص الساق و لابسه كعب اسود و شعرها البوي رافعته لفوق و حاطه مكياج بسيط و روج بنك و كان شكله جدا جميل : اووف ياذا الكعب ساعه عشان تلبسينه
سحاب : شكلك مره كيوت و يجنن
الماس و هي تحط يدها على صدرها و تبتسم : يا عمري والله تسلمين
لتين دخلت الغرفه و هي بكامل اناقتها لابسه فستان احمر ضيق مره مبين جميع. انحاء جسمها الفاتن و كانت فتحة الصدر حقته كبيره مره على شكل (٧) و موضح صدرها المغري و شعرها مخليته ناعم و من الاطراف مسويه فير و مكياجها كان جدا جميل و مبين ملامحها الهاديه و الجذابه و حاطه روج احمر جريئ معطي شفايفها جاذبيه : اخيرا خلصت
سحاب لفت عليها : لا لا وش هذا الجمال يا بنت
الماس : غطيتي علينا
لتين : يلا يلا بسرعه خلنا نروح عند لين و بعدها ننزل تحت
سحاب : ايه والله مره تأخرنا
الماس : يلا مشينا


""""""""""""""""""""



واقف بسروال و فنيله : ياولد هذا شماغي
عز لابس ثوبه و طاقيته : اقول روح بس هذا حقي انا متأكد
عزام : حقك من متى ماشاءالله
عز : انت مسطل و لا ايش تراه حقي انا متأكد
عزام : يالليل يا عز هذا حقي انا اللي متأكد
دخل مساعد بعصبيه : بزران بزران انتم
عزام و عز وقفوا جنب بعض و هم مخروشين من صراخ مساعد
مساعد شال الشماغ المحطوط على الكنبه و ما كان واضح و اعطاه عزام : هذا حقك يا غبي ، و سحب الشماغ اللي بيد عزام ، و هذا حق عز اخلصوا علينا تكسرت رجولي و انا جالس لحالي تحت اسلم على الرجال و لا واحد منكم نزل
عز لف على عزام : شفت ماقلت لك انه حقي
عزام حك شعره : والله نفس حقي
عز : لا يا شيخ
مساعد : اقول اخلصوا علينا ترى...
دخل راكان و هو لابس الثوب الابيض و الازرار مفتوحه و الشماغ يزحف وراه بالارض و الطاقيه مغطيه عيونه و العقال محطوط برقبته و الجزمه مقلوبه و كان شكله يضحك : بابا شوفني صرت حلو صح
عزام مات ضحك و مو قادر يتكلم من شكل راكان : ههههههههههههههههههههههههه هههههه
عز صار يضحك بقوه : هههههههههههههههههههه اجل صرت حلو !!
مساعد مطير عيونه : من سوى فيك كذا يا ولد ابوك ؟؟
راكان و هو يرفع الطاقيه عن عينه : انا لبست من نفسي عشان صرت كبير
مساعد و هو يسحب الشماغ اللي يزحف وراه : يا بري حالي عليك يا ولد مساعد
عز سحب راكان : خلاص روح انت و انا بضبطه و الحقك
مساعد : ضبطه زي الناس لا يفشلني
عز ضحك : معليك روح بس
مساعد لف على عزام : و انت اخلص علينا يلا
عزام : طيب الحين اخلص



"""""""""""""""""


دخلو على لين اللي كانت مثل الاميرات جالسه على الاريكه و هي تفرك يدينها بتوتر رفعت عيونها و شافت البنات داخليها عليها وقفت بسرعه : اخيرا جيتوا
وقفوا كلهم و هم مصنمين من جمالها النادر كانت جذابه لأبعد حد لابسه فستان لونه وري فاتح مطلع لون بشرتها البرنزيه ضيق من عند الصدر الين الوسط و جاي من عند الصدر على شكل ضرب و بعدين منفوش ببساطه واقف و من الظهر مفتوح و الحواف عليها ورد و شعرها رافعته بطريقه بسيطه و منزله خصل منه و حاطه طوق ورد لونه ابيض و حاطه ايلاينر اسود عريض و مكثفه المسكرا و روج وردي فاتح و شكلها كان مره كيوت
سحاب : ماشاءالله تجنني كأنك لعبه
الماس : بسم الله عليك ملاك
لتين : تخققين
لين : والله مره خايفهه
سحاب : ياروحي انتي لا تخافين ترى هذا زوجك و بيصير كل شي بدنيتك
لين : الله ييسرها
دق الباب و قطع عليهم الحديث ، دخلت امرأه كبيره بالسن و لكن الاهتمام كان طاغي عليها و العز واضح : السلام عليكم
سحاب ابتسمت لانها عرفتها : يا هلا والله بعمتي هيا
العمه هيا : يا هلابج والله
سحاب : هذي تصير اخت عمي عبدالله يعني عمتك يا لين
لين وقفت بأحترام : يا هلا والله
هيا : انتي لين اذا ماخاب ظني
لين : ايه انا لين بنت عبدالله
هيا ابتسمت : سبحان الله نسخت امك كلكم خذيذتوا منها العيون الزرقاء و اخذتوا جمالها الله يذكرها بالخير بس عبدالله كسرها و خرب شبابها
لين نزلت راسها : الحمدلله على كل حال
سحاب تحاول تغير الموضوع شافت بنت العمه هيا وراحت تسلم عليها : هلا والله بجوري كيفك
جوري : بخير يا عمري انتي كيفج
سحاب : الحمدلله نزقح ، اعرفكم عليها هذي بنت العمه هيا
لتين : حياك الله
جوري : الله يحيك
لين قامت سلمت عليها : تشرفت بمعرفتك
جوري : الشرف لي
العمه هيا : يلا يا بنات خلنا ننزل ترى المعازيم جو
سحاب : يلا اصلا اخوان لين يبون يسلمون على لين
العمه هيا : اجل انزوا و انا بسلم عليهم و بعدها ألحقكم
سحاب : طيب
طلعوا البنات و ما كان باقي في الغرفه غير لين و العمه هيا و كلها دقايق و دخلوا مساعد و راكان و عزام و عز
العمه هيا وقفت و هي تتأملهم اخر مره شافت عزام و مساعد كانوا صغار و ما يذكرونها : يا هلا والله بعيال اخوي يا هلا بعيال ماريا
عزام كان بيطلع لانه يحسبها حرمه غريبه عليه و لكن لمن سمع كلامها وقف مكانه
عز قرب و سلم على راسها لانه يعرفها بما انه تربى عند ابوه : هلابك يا عمتي ما بغيتي تجين الرياض
العمه هيا : تعرف ان عيالي عندهم دراسه و ما جات الفرصه اللي انزل فيها الرياض
عز لف على اخوانه و شافهم مصنمين وواضح عليهم انهم مهم عارفين مين هذي الحرمه ،: هذي اخت ابوي يعني عمتنا
مساعد كان يتذكر ملامحها و لكن مو مره : انتي عمتي هيا اذا ما كنت غلطان
عمه هيا قربت منه و مسحت على قناعه الاسود اللي مغطي معظم ملامح وجهه و مو مبين غير عيونه الحاده و حواجبه و جبهته : انت مساعد صح ؟
مساعد : ايه انا مساعد
العمه هيا ما نزلت نظراتها عن القناع اللي محاوط وجهه : حسبي الله عليك يا عبدالله اثر السنين مازال عن عيالك
مساعد يعرف انها تدري عن كل سوالف ابوه و تدري عن سالفة القناع اللي لابسه : خلاص يا عمه اللي فات مات
العمه هيا : وين مات و اثر جريمة ابوك ملازمتك الين الحين
مساعد : حنا عيال اليوم يا عمه
العمه هيا ما كانت تبي تكمل الموضوع اللي يجرحهم في يوم زي ذا لفت على عزام و اللي كان ساكت و يتأملها : انت عزام
عزام ابتسم لأنه ارتاح لها : ايه انا عزام
العمه هيا دارت عيونها عليهم عز و مساعد و عزام و لين كلهم يشبهون امهم و كأنهم توائم : سبحان الله كلكم تشبهون بعض ، و لفت على راكان اللي كان ماسك يد مساعد : مين هذا الحلو اللي يشبهكم بعد
مساعد : هذا ولدي راكان
العمه هيا سلمت على راكان : ربي يحفظه و يخليه لك بس من امه انا عرفت سحاب اللي هي زوجة عز و لكن معها بنتين وحده اسمها لتين و الثانيه الماس
مساعد ابتسم بأسى : لا زوجتي ما كتب لي الله اني اكمل معاها
العمه هيا : الحمدلله على كل حال يالله انا بنزل تحت
راحوا كلهم و سلموا على راسها تقديرا لها و بعدها نزلت و بقي الخمسه لحالهم و كل واحد منهم يحكي قصة مختلفه عن الثاني ( مساعد و راكان ، عزام ، عز ، لين )
مساعد شاف لين و هي تتأمل اخوانها و باين عليها الخوف و التوتر راح مسك يدها : وش ذا الزين ماشاءالله اميره
لين : مب ازين منك يا عمري
عزام باس خدها : بسم الله عليك طالعه علي بالجمال
لين ضحكت : لا ياشيخ
عز : والله لو شافك رعد بيقول خلاص الزواج اليوم و باخذك معه
مساعد : بينهبل المسكين
عزام بغروره المعروف : اكيد بينهبل هو ماخذ الاميره لين مو حي الله
لين ووجها احمر و هي تتخيل رعد واقف قدامها
عز : خلاص خلاص بنسكت البنت وجهها قلب طماطم
مساعد قرب و باس راسها : ربي يحفظك و يخليك لنا يااجمل اخت
لين : و يحفظكم لي يااجمل شي بحياتي
عز : لين حبيبتي اذا كنتي مو مرتاحه لذا الزواج قولي ترى والله عادي نكنسل الزواج
عزام : ايه ترى اهم شي عندها هي راحتك
لين : الحمدلله انا مرتاحه و راضيه بذا الزواج
مساعد : الحمدلله
عزام قرب منها و صار يقرى عليها
عز : الله يحفظك من كل شر
مساعد : يلا حنا بننزل الحين اكيد جو رجال كثار
لين و هي تتأملهم و تشوف اهتمامهم فيها : الله يحفظكم لي
عز : امين
عزام : يلا مع السلامه
لين : مع السلامه


"""""""""""""


واقفه تستقبل المعازيم و دخلوا حرمه و معها بنتين ، سحاب : يا هلا يالله ان تحيهم
ام رعد : هلابك
سحاب بعد ما خلصت سلام عليهم : انتم اهل العريس اذا ما خاب ظني
ام رعد : عليك نور
سحاب : تو ما نور البيت تفضلوا تفضلوا
ام رعد : منور بأهله ، انتي زوجة ولدهم سحاب
سحاب : ايه انا سحاب بنت سلطان
ام رعد : و النعم
سحاب : ينعم بحالك


"”"""""""""""""



جالس بصدر المجلس بشموخه و يسولف في مواضيع عامه مع الرجال و عز جالس على يمينه فجأه دخل عزام ووجه مكتم وواضح ان وراه سالفه قرب من اخوانه و بصوت مخنوق : بسرعه تعالوا وشوفوا الفضيحه
عز و هو حاط عينه بعين عزام : وش فيه !
عزام : بسرعه ألحقني
عز مشي وراء عزام و قلبه يدق خايف من المصيبه اللي بيشوفها
مساعد استأذن من الحاضرين و لحق اخوانه شاف اللي ما كان يتوقعه يصير شي ماكان حاسب حسابه ابد و لا كان يتوقع انه بيصير
عزام مصدوم من اللي يشوفه ما كان يتوقع ابوه يسوي ذا الشي
عز ماسك ذراع ابوه : يبه روح البيت و لا تسوي لنا فضايح
عبدالله و هو يترنح من كثر الشرب و لسانه ثقيل : وش اللي فضايح
مساعد بنظره استحقار لأبوه يوصل فيه انه يجي في بيت عياله و هو سكران و في يوم ملكة بنته بعد!!
: وش تبي جاينت الحين و بذا الشكل بعد
عبدالله رفع يده و هو يأشر على مساعد : انت اللي تسرق حلالي و حلال ابوي يا الحرامي اذا ما وريتك شغلك مااكون ولد عبدالرحمن
عز : يبه اطلع برا
عبدالله مسك عز من رقبته : هييه ما بقى الا انت تطردني اقول اركد بس
عزام اشر لطارق واحد من الحرس الموجودين في البيت : بسرعه خذه ووده البيت حقه و شددوا الحراسه هناك و لا تخلونه يطلع
عبدالله : هيه انت لا تسوي على راسي الولد العاقل اقول اركد
عزام صرخ لانه مو قادر يستحمل اللي قاعد يشوفه و لا هو قادر يستحمل ريحة الشراب فايحه : طـــــارق خذه بسرعه
طارق مسك عبدالله و سحبه
عبدالله : اقول ما عندك شي نشربه و لا زقاره على الطاير
طارق سفهه و سحبه على السياره و هو مطنش كلام عبدالله اللي صار يهذري و هو مو داري عن نفسه
عزام كان اكثر واحد مصدوم لانه كان يسمع كلام عن ابوه و لكن ما توقع انه يشوف ابوه و هو سكران قدامه
عز ساكت لانه متعود على ابوه
مساعد حالته من حالة عز لانه عاارف كل شي عن ابوه : يلا امشوا ندخل
عز : الله يستر من هذا اليوم
عزام : ايه والله الله يستر منه



""""""""""""""


سحاب و هي تنادي لتين : لتين تعالي هنا
لتين جاتها : هلا
سحاب : تكفين لتين اطلعي فوق و جيبي جوالي من الغرفه
لتين : لا يا شيخه و انتي وش حظرتك
سحاب : انا بروح اشوف التحظيرات حقت الرجال عز يقول القهوه ما كفت
لتين : يوه الله يعين عاد الغرفه في اخر البيت
سحاب باست خذها : يازينك بس
لتين ضحكت و هي تشوفها تمشي و تروح لجهة المطبخ ، طلعت مع الاصنصير وصلت الدور الثاني و هي تمشي و صوت كعبها يتراعد على صوت الرخام فجأه سمعت صوت رجال و كان واضح انه طالع من الدرج و جاي عندها ما عرفت وش تسوي و كان قدامها باب لأحد غرف هذا القصر الكبير دخلته و هي مهي داريه هذي غرفة مين بالضبط سندت ظهرها على الباب و هي تلقي نظره على الغرفه الكبيره اغلب الوانها الاسود و الرمادي و السماوي و كانت ريحة العطر الرجالي تفوح من جميع ارجاء الغرفه فتحت عيونها على اخرها و هي تشوف الشخص اللي قدامها و كان واضح جزء من وجهه لانها كان معطيها ظهره
لتين شهقت : انت !!!





|||| انتهى البارت ||||


فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


قديم 10-10-16, 07:38 AM   #68

ღحنين الذگرياتღ
 
الصورة الرمزية ღحنين الذگرياتღ

? العضوٌ??? » 378874
?  التسِجيلٌ » Jul 2016
? مشَارَ?اتْي » 68
?  نُقآطِيْ » ღحنين الذگرياتღ has a reputation beyond reputeღحنين الذگرياتღ has a reputation beyond reputeღحنين الذگرياتღ has a reputation beyond reputeღحنين الذگرياتღ has a reputation beyond reputeღحنين الذگرياتღ has a reputation beyond reputeღحنين الذگرياتღ has a reputation beyond reputeღحنين الذگرياتღ has a reputation beyond reputeღحنين الذگرياتღ has a reputation beyond reputeღحنين الذگرياتღ has a reputation beyond reputeღحنين الذگرياتღ has a reputation beyond reputeღحنين الذگرياتღ has a reputation beyond repute
افتراضي

متي البارت ؟؟؟؟؟؟
طولتي علينا


ღحنين الذگرياتღ غير متواجد حالياً  
التوقيع
ღاللهم إني استودعك قلبي وقلب زوجي فاجعل بيننا الحب والمودة وسخرنا لبعضنا واستودعك أهلي وزوجي ونفسي وأحبتي فثبت قلوبنا علي دينك وإهدنا إلي صراطك المستقيمღ
ﺍﻟﻠﻬﻢ ﺻّﻞِ ﻭﺳَﻠّﻢْ ﻋَﻠﮱِ ﻧَﺒِﻴْﻨَﺎﻣُﺤَﻤﺪ ﷺ♥
قديم 11-10-16, 10:03 PM   #69

وفاءءءء

نجم روايتي

 
الصورة الرمزية وفاءءءء

? العضوٌ??? » 67631
?  التسِجيلٌ » Dec 2008
? مشَارَ?اتْي » 567
?  نُقآطِيْ » وفاءءءء has a reputation beyond reputeوفاءءءء has a reputation beyond reputeوفاءءءء has a reputation beyond reputeوفاءءءء has a reputation beyond reputeوفاءءءء has a reputation beyond reputeوفاءءءء has a reputation beyond reputeوفاءءءء has a reputation beyond reputeوفاءءءء has a reputation beyond reputeوفاءءءء has a reputation beyond reputeوفاءءءء has a reputation beyond reputeوفاءءءء has a reputation beyond repute
?? ??? ~
My Mms ~
افتراضي

بآرت جمييل كآلعآدهـ يعطيك ربي
آلعآفييه


وفاءءءء غير متواجد حالياً  
التوقيع
[SIGPIC][/SIGPIC]
قديم 19-03-18, 04:18 PM   #70

Lunnita

? العضوٌ??? » 417780
?  التسِجيلٌ » Feb 2018
? مشَارَ?اتْي » 26
?  نُقآطِيْ » Lunnita is on a distinguished road
افتراضي مرحبا

ممكن تنزيل الرواية وشكرا

Lunnita غير متواجد حالياً  
موضوع مغلق

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 01:43 AM



Powered by vBulletin®
Copyright ©2000 - 2024, vBulletin Solutions, Inc.