آخر 10 مشاركات
رواية ناسينها ... خلينا نساعدكم [ أستفساراتكم وطلباتكم ] (الكاتـب : × غرور × - )           »          نبضات حرف واحاسيس قلم ( .. سجال أدبي ) *مميزة* (الكاتـب : المســــافررر - )           »          على ضِفَّة لوحة انتظار ! وَ في لحظاتٌ تُحَيّكَ بهما الأَشْواقُ.(مكتملة) (الكاتـب : عمر الغياب - )           »          61 - الشبيــه - نان اسكويث- (مكتوبة/كاملة) (الكاتـب : SHELL - )           »          68 - ذهبي الشعر - فلورا كيد - ع.ق (الكاتـب : pink moon - )           »          128- فرس الريح - مارغريت بارغيتر - ع.ق(كتابة /كاملة)** (الكاتـب : أمل بيضون - )           »          0- عاشت له - فيوليت وينسبر -ع.ق- تم إضافة صورة واضحة (الكاتـب : Just Faith - )           »          030 - خيمة بين النجوم - دار الكتاب العربي (الكاتـب : Topaz. - )           »          [تحميل] الحظوظ العاثرة،للكاتبة/ الرااااائعه ضمني بين الاهداب " مميزة "(جميع الصيغ) (الكاتـب : فيتامين سي - )           »          شيء من الندم ..* متميزه و مكتملة * (الكاتـب : هند صابر - )


العودة   شبكة روايتي الثقافية > قسم الروايات > منتدى الروايات والقصص المنقولة > منتدى الروايات الطويلة المنقولة الخليجية المكتملة

إضافة رد
 
LinkBack أدوات الموضوع انواع عرض الموضوع
قديم 10-11-15, 10:10 PM   #11

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



//

الجزء التاسع


ريم:خلي المسخره منك قولي ؟؟؟
سارة:ما ادري قالي بعدين بتعرفين ؟ وما خبرني بشي ...بعدين تعالي ايش سالفه التلفون هذي ؟ بتكلمين سامي من وراييي؟
ريم:وانتي بعد مع الناس يا بنت فهموني انا عمري ما اسمع صوت اخوك في التلفون امس اول مره ومستغربه وفي البدايه ما عرفته وربي صح سالفه التلفون هذي من وين جبتوها مادري ؟
سارة:امش تقول فيصل ؟
ريم :فيصل كذاب لا تصدقوه
سارة:وسالفه الخطبه ؟
ريم:ايش فيها ؟
سارة:ياخه استحت خخخخخ
ريم:بس خلي الكلام انا مستغربه في سامي كذا فجأه قرر يرتبط ؟
سارة في نفسها :مادرت ان الرجال مغيب وماهو متخبر على حد بقولها وامري لله
سارة:وللحين عد ما قرر
ريم :كيف كذا ؟ يكلم والدته ووالدته تكلمنا وهو مو مقرر ما فهمت ؟
سارة:سامي اصلا ما يريد يرتبط بس امي تريد
ريم :يعني هو ما يريدني ؟
سارة:انتي لا تتحسسين ما قال ما يريدك قال فكره الارتباط مو في باله حاليا
ريم:اهاا بس امي قالت ان خالتي ام سامي قالت عمي بيجينا قريب يتكلم رسمي,,,
في هذي اللحظه اتصل سامي في سارة علشان تطلع يرجعها البيت
سارة:ما ادري الله يقدم الي فيه الخير يالله بروح على خير ..
--------------------------
سارة :يا سامي ايش الحين بتسوي ؟ بتخطب ريم ؟
سامي:لا
سارة:ريم شكلها مرتاحه وفرحانه .. مع اني قلت لها ان سامي ما يريد يرتبط بحد حاليا
سامي:وايش ردت ؟
سارة:قالت سامي ما يريدني ؟ بعدين قلت لها لا هو ما قال ما يريدك هو اساسا فكره الارتباط مو في باله ..
سامي:كان تريحيها وتقولين لها ما اريدها ولا اريد غيرها
سارة:حرام عليك تكسر بخاطرها ..
سامي:اكسر بخاطرها حرام ومو حرام يخطبون لي بالعافيه كذا؟..
سارة:اممممممممم زين انت في بالك حد ؟
سامي:حت لو في بالي حد محد له دخل هذي حياتي وانا احدد متى افكر ارتبط
سارة:زين خبرني ليش قلت لي اكلم ريم هذاك اليوم ؟
سامي:حتى لو خبرتك ما بتصدقين لانه ما عاد حد يصدق الي اقوله..مدري انعدمت الثقه
سارة:حرام عليكم..ليش بتقول كذا السالفه الاولانيه خلصت بوقتها
سامي:زين بقولك بس بكيفك تصدقين او لا ..
سارة:اوك
سامي:تذكرين في المطعم يوم بقولك عرفت واحد ؟
سارة:ايوه ؟
سامي:هذاك كان فيصل ابن عمك
سارة:و زين ؟
سامي:كانت معه بنت وشكيت فيها قلت ممكن تكون ريم بس شفت طولها غير قلت بنتظر حت يطلع يوم قلت لك بشتري بطاقه .. رحت لسيارته ودقيت عليه الدريشه وكان مرتبش ومتوتر وسألته من معك قالي ريم فقلت لها كيفك ؟ما ردت قال ريم تستحي وقلت له مره ثانيه هنا ساره تريد تسلم على ريم قال يوم ثاني وعلى طول راح .. فأنا كنت اريد اتأكد من الي معاه من كذا سألت ريم طلعت مكان او لا ..
سارة@!الحين هذا كله صار وانا وين كنت ؟
سامي:كنتي بس مغيبه
سارة:الحين انت من صدقك هذا صار يعني فيصل كان من معاه ؟؟
سامي:ما ادري .. ممكن حد خالاته او شي ما تدرين ان بعض الظن اثم
سارة:بس خالاته كلهم حريم كبار ؟؟ المهم مشكلته مالنا دخل به ..المهم انت الحين ..بصراحه ريم بنت طيبه وزينه بس اممممم
سامي في نفسه:مشكلتكم ما تريدون تقتنعون ان السوالف كلها مع فيصل وانا مالي دخل
سامي :لا تقنعيني انا ريم معتبرها مثلك وعمري ما فكرت فيها في شي ثاني
لا تبسبسين لي
سارة:لا بس كنت بقولك انا اريدك لندى !!
سامي :........ليش ندى؟
سارة:احس انك تهتم بها ..
سامي يغير السالفه:لمهم الي اريدكم تعرفوه اني مستحيل ارتبط بريم
سارة :كلم والدي مره ثانيه ممكن يقتنع
سامي : خير ان شاء الله ,,
وصلو سامي وسارة للبيت وقرر سامي يكلم والده مره ثانيه عسى انه يكون معه..
سامي :السلام عليكم يا بو سامي كيفك ؟
ابو سامي :وعليكم السلام ..بخير الله يسلمك هاا كأن في عيونك كلام
سامي:هههه ايوه امممم
ابو سامي :ايش تريد ؟
سامي :والله يا ابو سامي اريدكم انت ووالدتي تطلعون من روسكم سالفه ارتباطي بريم بنت عمي
ابو سامي:ليش ايش فيها ريم يوم مو عاجبتك ؟ بنت عمك ونت اولى بها وما بتحصل احسن منها ووالدتك عطت الناس كلمه وما بتتراجع فيها
سامي :كيف كذا تعطي كلمه بدون ما تاخذ رأي اخر شي هذي بتكون حياتي
ابوسامي:يعني ايش تريد تسوي قصص وروايات وبعدين تنسحب لا انا ما ربيتك كذا الحين انت الي بتجني اعمالك فتحمل وكون قد المسؤليه
سامي:يا والدي ليش ما تريدون تصدقون ؟ انا ما بيني وبين ريم شي
ابو سامي:سامي كلمه وقد عطيناها الناس ومستحيل نتراجع عنها يهون عليك تفشل والدتك خلاص لا تناقش الامر منتهي وبكره العصر رايحين لهم ان شاء الله نخطب رسمي
سامي :لكن .........
ابو سامي:اذا لنا احترام عندك بتسمع الكلام وبتروح معاي بكره هذا اذا بتحترم اهلك
سامي وخاطره مكسور:ان شاء الله ما يكون خاطرك الا طيب
-----------.....
في اليوم الثاني
امل ففكرت في خطه جديده ..كانت مروى صديقه امل في الدوام تعرف عن قصه امل مع فيصل فما كان امام امل الا انها تستعين بصديقتها ..
امل:مروى بتساعديني ؟ انتي عارفه الي كان بيني انا وفيصل واذا بتساعديني ما بنسالك جميلك ,,
مروى:اذا شي اقدر اسويه عادي ..ولا يهمك
امل:بعطيك رقم فيصل وكلميه
مروى:اكلمه اقوله ايش ؟ وبعدين انا عمري ما فكرت اكلم واحد ما اعرفه ارجوش اعفيني ما اقدر
امل:عادي هو ما بيعرفك بس سوي الي قلتلك ارجوش لا تخيبين املي فيك محد بيقدر يساعدني الا انتي
مروى:اممم زين ايش بقوله اذا كلمته يعني ؟
امل:تكلميه على انك غلطتي بالرقم ..وبعدين هو انا عارفته ما يصدق حد يغلط عنده بيتصل بك كل مره وانتي في البدايه كلميه سبيه يعني طولي في المكالمه بس على انك بتحاكميه ومره مرتين ثلاث كلميه عادي وهو بيكلمك كلام محترم وبيكون شخص مثالي في البدايه ..
مروى:اي ايش قصدك يعني بكلمه اكثر من مره ؟ هدي لا لا لا ما ينفع
امل :مروى ارجوش بتساعديني واجد
مروى :بشوف ..
--------
والعصريه بعد ما جاء سامي من الدوام وبقى له الشفت الثاني ..
ابو سامي :سامي خليك جاهز ريحين عند بيت عمامك على الاتفاق هاا
سامي :عندي دوام
ابو سامي :غازي قد قالك اي يوم ما تريد تداوم المساء مو مشكله فلا تعقدها ويالله معك 10 دقائق انا منتظرك ..
سامي:ان شاء الله
سامي في نفسه:الحين ايش اسوي ..يالله الله يهديك يا بو سامي ,,
رح سامي مع والده عند عمامه وفي المجلس كان فيصل وابو فيصل في استقبال سامي ووالده..وبعد ما رحب بهم ابو فيصل ..
ابو سامي :يا خوي يا بو فيصل انا ما بسوي مقدمات لان نحن خوان وما بيننا شي رسميات نريد نخطب سامي لريم
ابو فيصل:حياكم الله وما بنحصل احسن منكم ومن سامي ولا بتحصل ريم احسن منكم
سامي:ههههههه الحين انا صرت زين في عيونكم ؟
ابو سامي :سامي ايش من كلام بس
ابو فيصل:ايش فيك يا سامي مو عاجبك كلامي ؟
سامي:حاشا بس مو العاده تمدحني ايش الي جرى ؟ الحين صرت زين ؟ مو انا الي تشوفوني الولد العاب الي ورا البنات ؟ ايش الي غير هذي النظره ؟
ابو سامي :سامي خلاص
ابو فيصل:انت تفكرنا بنوافق عليك كذا لا يا بن خي اكيد في لريم شروط لان تاريخ كله ما يرفع الراس
سامي وقف واقف :اهااااااااا شروط حلو ..
ابو فيصل :واول شرط تترك سوالفك مع بنات الناس ..لا تجيب لبنتي مصيبه ثانيه
سامي:اهاااااا زين يا عمي العزيز اذا خايف من المصايب انتبه لبنك فيصل اول بعدين خاف على الناس
ابو سامي:سامي ايش بتقول انت ؟ سكت خلاص
فيصل :وانا ايش دخلني انا ما لي دخل فيكم
ابو فيصل:ياريتكم كلكم مثل فيصل كان الدنيه بخير
سامي :هههههههه والله ؟ زين فيصل هو سبب المشكله اقصد المصيبه الي انحطيت انا فيها وقبل يومين شايفه مع وحده في المطعم يعني ايش تريدني مثل فيصل ؟؟ كذا ؟ كذب وخداع ؟
فيصل عصب وقام يريد يضرب سامي ومسكه ابو فيصل :انا الحين كذا يا النذل ؟ تلفق لي كلام مو صحيح ؟
ابو سامي:عينو خير نحن جينا لفرح وخير وانتو قلبتوها مشاكل ايش فيكم ؟
سامي:يا ابو سامي انتو تريدوني اقدم على شي انا ما اقدر عليه فسمح لي الناس قدرات
ابو فيصل:يعني بعد كلامك هذا كله تفكرنا عادنا نريدك ؟ روح ولا ني عمك ولا اريد اشوفك ولا تجيني ولا اعرفك ..
سامي ببرود طلع برع :الله يسامح
ابو سامي :يا ابو فيصل هذولا شباب ويكون منهم ما عليك من كلامه
ابو فيصل :سمعته ايش بيقول على فيصل ما يستحي .. خلاص يا بو سامي مالكم نصيب عندنا
ابو سامي :خير ان شاء الله يالله مع السلامه ..
طلع ابو سامي وهو منكسر ماتوقع من سامي هذا كله..وطبعا سامي ما تصرف كذا الا من القهر الي فيه ..
ابو سامي في السيارة:يا سامي ليش سويت كذا مو عيب عليك تقول كذا على ولد عمك في بيتهم ؟
سامي:انا ما قلت الا الحقيقه
ابو سامي:ومفتخر بنفسك اي حقيقه واي خرابيط ياخسارة تربيتي فيك
سامي:يا ابو سامي كل شي يجي بالغصب الا الزوج وانا ما اريد اظلم نفسي واظلم البنت معاي وانت عارف عمي كيف نظرته لي وما اريد حد يعايرني طول عمري بشي انا اصلا مظلوم فيه
ابو سامي:كل ما كلمناك تقولنا مظلوم يا سامي نحن بنشوف كلام وبنسمع كلام ثاني بس ما اقول الا الله يهديك ويصلحك والله يسامحك فشلتني عند عمك
سامي:انا ما قصدي اني افشلك يا ابو سامي انا قلت الحقيقه واذا هم زعلو منها بكيفهم ..واذا اليوم حسيتو ان كلامي غلط واني ما سويت زين بيجي يوم وبتعرفون اني ما كذبت في ولا كلمه قلتها .. وانا اسف وسمح لي يا بو سامي ..مرات اذا واحد مقتهر من شي يقول كلام ما يقصده..
ابو سامي:بعد ايش بعد ما خربت كل شي ..
سامي :انا مستعد اروح لعمي واعتذر له
ابو سامي :وريم ؟
سامي:ريم ما وعدتها بشي والله يرزقها ولد الحلال الي يستاهلها
--------------
وفي بيت ابو فيصل..
ام فيصل :ها يا ابو فيصل بشر ايش صار معاكم اتفقتو ؟ متى العرس ؟
ابو فيصل:ماشي عرس
ام فيصل:كييييف؟ يا رجال قول كلام غير هذا انا متفقه مع ام سامي ومخلصين ؟
ابوفيصل:انا ما جنيت ازوج بنتي واحد ما يحترم اهله
ام فيصل:انا ما اعرف سامي الا ادب واخلاق ما شاء الله عليه واي واحد يتمناه لبنته..
ابو فيصل :شكلك نسيتي سوالفه..وفوق هذا كله من قله ادبه قال انه فيصل هو الي عنده سوالف بطاليه ..الله يهديه الحق على ابو سامي الي ما عرف يربيه زين ويوقفه عند حده بس ايش نقول الدلع ومايسوي ..والغربه والبعد عن البلد والصحبه الفاسده تسوي كذا ..
ام فيصل:لا حول ولا قوه الا بالله يالله الله يقدر خير ..والحق على ريم بنتك بعد الي بتكلم الولد وما حسبت حساب شي
ابوفيصل:ايش ؟ بتكلم الولد ؟؟
ام فيصل بنفسها : وييييه نسيت انه مو عارف ..امري لله بخبره
ام فيصل :ايوه كانت تكلم سامي ..
ابو فيصل :وبكل بساطه كذا انا بقوم ارويها شغلها الحين
ام فيصل :لا خليها حلفت عليك لا تمسها كفايه الي سواه فيها فيصل
ابو فيصل :لو ما قلتي لي كذا كان شافت عارها ..الله اكبر عليك يا سامي حت ريم ما خليتها في حالها ..لكن خليها تتوب وتتحمل غلطتها انها ما تفكر تكلم حد لانه محد يوثق بحد هذي الايام ولو كان اقرب الناس
ام فيصل:اي والله محد يوثق بحد صدق يا ابو فيصل ,,,
ريم سمعت الكلام الي دار بين واهلها وتحطمت من الخاطر لان الامل الوحيد الي كانت متمسكه فيه هو كلام خالتها ام سامي لما قالت ان سامي كلمها على انه يريد ريم بس احلام وأمال ريم طارت ومالها رجوع..والي كان قاهرها انهم مفكرين انها بتكلم سامي ومو مصدقينها ....
ريم بنفسها : لو كنت بكلم سامي من صح ايش كان سو فيني ×_×
----------
ام سامي:ياسامي كل هذا يطلع منك حرام عليك ..
سامي:حرام عليي اذا قلت الحقيقه؟ حرام عليي انا ولا حرام عليكم الي تريدوني اظلم البنت واظلم نفسي ..
ام سامي:وانت مو حرام عليك توعد البنت بوعود كذب ؟
سامي:اذا ما صدقتيني اني عمر ما كلمتها روحي اتصلي بها وسأليها
ام سامي:ايش الفايده الحين خلاص خربت كل شي وخليتنا ما لنا وجه نقابل حد على الي سويته ..والي قهرني اكثر تظلم فيصل معك ليش هو ايش دخله
سامي:دخله كثير بس ما اقول الا الله يسامح الجميع وبيجي يوم الي بتصدقوني فيه ..
ام سامي:بصراحه يا سامي كل ما جاء يوم احس فيه ان تربيتنا لك كان فيها غلط او غلطتنا اننا وديناك تدرس بعيد عنا من كذا تعلمت اشياء ما علمناك ايها ولا عودناك انك تكون كذا ,,
تقدم سامي جهه والدته وسلم على راسها ..
سامي:طيب انا اسف وحقكم عليي وسمحولي على الي سويته واعتبروها غلطه ما بتتكرر ..
ام سامي :ان شاء الله يا سامي والله نحن نحبك ومالنا غيرك والله يهديك ويصلحك ويبارك فيك ..
سامي:امين
,,,,,
سامي ظل يتردد على بيت عمه ابو فيصل علشان يتأسف لعمه وعمه مو راضي انه يسامح سامي .. وحجه ابو فيصل ان سامي لو طالب السماح بجد بيتقدم لريم مره ثانيه وسامي مو متقبل انه يرتبط بريم كونه معتبرها كأخت وماقدر انه يرضي عمه بشيء اما ندى من بعد سالفه سامي مع عمه ابو فيصل معاد جت عندهم البيت لانها مو متحمله تشوف سامي ولا تكون قدامه لانها حاطه في بالها انه يريد ريم وبتحاول تنسى امره ..سارة كانت تزور ندى اكثر بس الفتره الاخيره اشغلت سارة في التسجيل لانه النتائج طلعت وارتبشت سارة وما حصلت فرصه تتواصل مع بنت خالتها وسامي كان دايم يسأل سارة عن ندى ليش معاد صارت تجي عندهم مثل اول وسارة تتعذر لسامي ان ندى مشغوله وسارة كانت تعرف حجه ندى بس ما حبت انها تقول لسامي شي وتكدر خاطره ...
اما امل حاولت في مروى حتى اقتنعت انها تكلم فيصل وعلى الخطه الي اتفقو عليها ..
زارت امل مروى في البيت ..
مروى:يا امل حرام عليك الحين بسوي شي مجبوره عليه ...
امل :مو مشكله سويه علشاني بليييززززز
مروى:اوك يالله خلصيني عطيني الرقم,,
عطت امل مروى الرقم واتصلت وفتحت السبيكر ..
مروى:الووه السلام عليكم كيف الحال ؟
فيصل:اهلييين وعليكم السلام والرحمه حمد لله هلا الغاليه من معاي؟
مروى:هذا تلفون عبير ..

0
0
0
>>>> يتبع ... ترقبو الجزء الاخير ..الساعه 12:00 يوم الخميس الموافق 10/4/2008 << يوم ميلادي العيد عيدين خليها تكون هديتي لكم ^^



لامارا غير متواجد حالياً   رد مع اقتباس
قديم 10-11-15, 10:14 PM   #12

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

الجزء العاشر والاخير


فيصل:ايوه وصلتي هذا تلفون عبير وزهور وورود وكله ههههههه
مروى:اسفة غلطت بالرقم اعذرني
فيصل:لالا ما اعذرك ,,
مروى تطالع في امل واتأشر لها ايش اقوله ؟ وامل تأشر لها كملي ..
مروى:ليش ما تعذرني ؟
فيصل:ما اعذرك الا اذا غلطتي مره ثانيه اوك ؟؟
مروى :انت ما عندك سالفه يالله باي
,,, وقفلت السماعه ...
امل:ليش قفلتي؟ حرام عليك كان تكملين
مروى :اكمل ايش اقول؟ مااعرفت ايش اقوله
امل :طيب لهنا اوك باقي عليك 3 مكالمات
مروى:لاااااا
امل:لالا ما بتتصلين فيه هو بيتصل لا تستعجلين
مروى :اووف ايش انا سويت يعني بيطبق الحين ؟ ×_×
امل:قلت لك هم 3 مكالمات وبيخلص دورك ..
مروى:امري لله ..,,
امل استأذنت من مروى وعلمتها ايش تسوي مع فيصل .. وبعد ربع ساعه من خروج امل اتصل فيصل ..
مروى: الووه ايوه ؟
فيصل :هلا والله .. حبيت اغلط عندك عادي ؟ هههههه
مروى:طيب وبعدين ؟
فيصل :امممممم اقولك ايش رأيك نتعرف على بعض بس نسولف عادي انا احس نفسي دايم وحيد ومحد عندي اقدر اكلمه ارجوش سمعيني ..
مروى:ليش حد قالك انا اخصائيه اجتماعيه ايش؟
فيصل :لا بس ارتحتلك حسيت انك مؤدبه وبنت محترمه وعاقله و..
مروى:لا انا كلمتك مو معناه اني اريد العب انا غلطت فقط .. والحين يالله مع السلامه ..
فيصل في نفسه :ما ني مخليك وانا فيصل ..,,
ومر يومين وسامي منشغل في شغله ومحد يشوفه الا في وقت الغداء و صار سامي دائما هادئ ما يعطي رأي في شي ولا يشارك حد في الكلام خاصة مع اهله كان متحفظ لأخر درجه واكثر شي علشان ما يقول كلمه تزعلهم وابو سامي وام سامي وسارة حاسين هذا الشي في سامي بس محد تجرأ انه يكلمه ..اما فيصل فكان مُصر انه يكلم مروى لان من طبع فيصل انه ما يحب حد يعانده بشي وهذي الشي كانت امل تعرفه زين من كذا فكرت في خطه ان مروى تكلمه ... ,,,
فيصل اتصل بمروى مره ثانيه ..
فيصل:اي انتي خلي الدلع منك وكلميني زين تعرفين اني مسميك العنيده ؟ ,,,
وهنا بدت الخطه صح وعلى ما تريده امل ...
مروى: ههههههههههه تتكلم جد ؟
فيصل:وااي فديت الضحكه ايوه خليك كذا الحين ريحتيني ..تعرفين يومين مو نايم افكر فيك
مروى:سلامتك .. ليش ؟
فيصل :لاني ما سمعت صوتك.. هذا كيف لو شفتك
مروى:تتكلم جد تريد تشوفني ؟
فيصل:وين اشوفك انا عارف انتو البنات تفكيركم دايما غلط
مروى:كيف يعني غلط حرام عليك
فيصل :ما اعرف تفكرون كأنه احد بيخطفكم ما تقولون صداقه وتعارف
مروى :تريدني اثبت لك اني غير ؟
فيصل :انتي تكذبين عليي ؟
مروى :لا اتكلم جد
فيصل :يعني عادي نتقابل؟
مروى:اكيد عادي بس وين بنروح؟
فيصل:اعزمك على العشاء عادي؟
مروى :اممممممممممممم
فيصل:قلت لك ما تقدرين وتكذبين عليي
مروى:من قال انا قول وفعل ..
فيصل بنفسه:اشهد قول وفعل حت اول ما كلماتني كانت تقول ما اكلم شباب ما اعرفهم هع هع
فيصل :طيب وبعدين
مروى:خلاص لازم نتقابل انا بعد اريد اشوفك ,,,
اتفق فيصل مع مروى على انه يروحون يتعشون برع .. وكان الاتفاق مع امل انه مو مروى الي تروح مع فيصل كانت امل هي الي بتروح مع فيصل ...
مروى:يا امل انا خايفه احسن لك انسحبي من هذا كله
امل :انا وعدته ما اخليه وانا على وعدي
مروى :الله يهديك انا ليش طاوعتك من البدايه ياربي يا ريتني ما سويت الي قلتي لي عليه
امل:ماعليك بالعكس انتي وفرتي عليي كثير
مروى:الله يستر
وفي يوم المقابله ..امل كشخت وتجهزت ووقفت في المكان المتفق عليه ..وفيصل نفس الشي كان متحمس للبنت الجديده ..
وفي الموقف وقف فيصل وعرف ان البنت المتغطيه هناك هي البنت الي هو يريدها ..
امل ركبت السيارة وهي ساكته..
فيصل:يا اهلين وسهلين ومرحبتين حي الله العنيده لا وفيتي بوعدك بصراحه ياريت كل البنات مثلك ..
امل :........
فيصل ظل يتكلم ويعبر وامل ظلت ساكته ما نطقت ولا كلمه .. حت وصلو المطعم ..ولم وقف فيصل السيارة..
فيصل :اي انتي من دخلتي السياره ما قلتي شي سمعيني صوتك ضحكتك شي ؟؟؟
امل رفعت الغطاء عن وجهها : ما عرفتني يا فيصل ؟؟
فيصل انصدم وما عد قدر يتكلم ..
امل :افااا ما عرفتني ؟
فيصل:امل؟؟؟؟ انتي ايش جابك ؟
امل:جابني غباءك
فيصل:ايش من كلام بتقولين ؟ انتي ما تتوبين اخوك ورميناه في السجن وبعدك ما تبتي ولا تريدين تتبعيه انتي بعد ؟
امل:لو تقدر اوك اريد اتبعه ..
فيصل:اقول يالله نزلي شوفي لك حد غيري تتسكعين معاه
امل :لا والله انت الي جبتني وبرضاك بعد
فيصل :اقولك نزلي
امل:ما قلت بتعزمني ؟
فيصل عصب :نزلي من السياره الحين
امل:انا خلاص معد صرت اخاف منك لانك قتلتني كثير وصرت بدون احساس ولا شعور
فيصل :شب ولا كلمه ،،،
امل صارت تضحك بطريقه جنونيه اما فيصل فكان معصب ورجع بالسياره وصار يسرع بدون ما يحسب لشي
فيصل بنفسه:الحين هذي ايش قصدها بهذي الحركه ايش تريد ؟
وفي هذي اللحظات ما كان فيصل منتبه للإشارة الي امامه انها كانت حمره وقطع الشارع وبدون شعور وفي غمضه عين صار حادث فضيع ..صدم فيصل سياره كبيره كانت امامه وادى الحادث الى انه تكمل عليه سيارتين من الامام لانه كانت الاشاره الاماميه مفتوحه وفيصل كان داخل في طريق غلط ..الحادث كان فضيع وفي نص الشارع وفي الاشارات وفيصل كان معه امل الي ما تقرب له ولا يعرفها الا انها كانت وحده من الالعاب القديمه بالنسبه لفيصل .. امل كانت انفاسها الاخيره في سياره فيصل الي فكرت انها تغيضه وتبين له انها تقدر تضحك عليه بسهوله كان هذا هدف امل ما كانت تحسب لشي ثاني الا انها ترجع شي لفيصل تحسسه انه الواحد اذا كذب على حد مو سهل ومو سهل الواحد ينسي الاساء ه واللعب بالمشاعر مو شوي ولكن امل ما فكرت ان يومها بيخلص مع فيصل وفعلا فيصل ما بينسى الي صار له وبيندم طول حياته على الي صار له ..فيصل كانت حالته خطيره واعضاءه شبه مكسره وبعد وصول الاسعاف قدرو انهم ينجدون فيصل وينقلوه الى المستشفى ويحول الى العنايه المركزه اما امل فكان مصيرها وقدرها انها تودع الحياه امام حشد من الناس في الشارع منهم من كان يحاول انه يساعد ومنهم من كان يتفرج ويراقب ..
اخذت امل جثه هامده من بعد ضحكه قهر وانتصار على فيصل ولكن لم تكمل حفله امل وسبقها الموت قبل ان تكمل حفلتها..,,
اتصل مهند واحد من اصدقاء سامي القداما في سامي ...
مهند:الووه سامي ؟
سامي:اهلين مهند وينك من زمان ما سمعنا صوتك ؟
مهند:بخير ..اقول سامي كأني شفت فيصل بن عمك مسوي حادث اليوم تأكد اذا ما غلطت هو
سامي:هااااا فيصل؟ كييييف ؟ متأكد انت؟
مهند:اذا ما غلطت هو ..
سامي:ايش نوع السيارة ؟
مهند:كانت سيارة إيجار,,
سامي كان عارف بسوالف ابن عمه انه ما ياخذ سيارات الاجار الا اذا معه سوالف,,
سامي:طيب حد كان معه
مهند:اذا ما غلطت كأني بسمع الشباب يقولون معه بنت
سامي :الله يستر .. وفيهم شي ؟
مهند :بصراحه ما ادري سمعت انه الاسعاف خذتهم وما اعرف عنهم روح تأكد لازم تتأكد علشان تخبر اهله ..
سامي :طيب ان شاء الله مشكور يا مهند ما قصرت والله اخ عزيز وغالي على خير ..,,,
طلع سامي الى المستشفى وعلى امل انه يكون مهند غلطان ويخيب ظن سامي ...وفي المستشفى سأل سامي وعرف انه فعلا فيصل مسوي حادث وسأل على البنت بس ما عرف من هي بالضبط
سامي:الوه كيف يا عم
ابو فيصل :بخير ايش تريد ؟
سامي :اريد اقولك ان فيصل مسوي حادث وهو في المستشفى
ابو فيصل:فيصل ؟؟؟؟؟؟ ايييييييش فيه شي
سامي :ان شاء الله بخير بس حد من خواته كانت معاه ؟
ابو فيصل :لا خوانه كلهم هنا .. ليش حد فيه شي معه ؟
سامي :ما ادري يقولون كان معه بنت بس ما اعرف
ابو فيصل :انا الحين جاي ,,,
جاء ابو فيصل وعرف السالفه وعرفو ان البنت كانت مع فيصل ولا كانت تقرب له ولا يعرفها وعرف سامي انها امل ..فيصل صار فيه كسور كثيره وممنوع عن الحركه لمده طوله ..كانت ضحكات امل الاخيره ترن في اذن فيصل ما كان قادر انه ينساها وضميره في كل لحظه يأنبه انه كان سبب في موتها ..ابو فيصل اخيرا عرف ان سامي كان صادق في كل كلمه قالها عن فيصل ومع هذا كله مافكر سامي انه يتشمت في ابن عمه بالعكس كان جنب فيصل في كل وقت وكان سامي حاس بندم وانه هو السبب الي دل أمل على فيصل يوم عطها كل ارقامه ما كان متوقع ان امل بتوصل لفيصل بهذي الطريقه ..اما ابو فيصل ما تحمل انه يشوف فيصل قدامه على الي سواه وكان ماله عين يطالع سامي ..وكان كل ما يشوف فيصل يعايره ويستهزء فيه ويقوله دايم تستاهل الي جالك ....ابو فيصل تخلى عن فيصل واهمله كان اذا يريد يسأل عليه يسأل الدكتور وما يدخل يشوفه .. فيصل كان حديث الناس وامل كان الكلام اقسى عليها حت في موتها ما ارتاحت من الكلام ...
سامي :اسف يا فيصل انا السبب في الي صار لك
فيصل:ليش بتقول كذا يا سامي هذا امر الله وانا استاهل الي جاني
سامي:انا الي عطيت امل رقمك وقدرت انها توصلك لاني كنت مقتهر من الكلام الي قلته عليي وكنت اريد افتك من امل وما جاء في بالي حل الا اني اعطيها ارقامك وافتك منها وما توقعت ان الامور توصل كذا ..
فيصل:انت مالك دخل انا الي جبت لنفسي هذا كله وحت لو ما سويت كذا كان بيجي اليوم الي باخذ جزائي على الي كنت بسويه
سامي:لا تقول كذا يا فيصل انت الحين حسيت ان الي كنت بتسويه ما كان صح وهذا اهم شي ..دعي لها بالرحمه .. الله يرحمها ..,,,
فيصل كل ما تذكر امل دموعه تنزل ويموت في مكانه مئه مره من الندم ..ويتذكر امل اول ما تعرف عليها وعفويتها وصدقها واخلاصها له .. فيصل بعد الي صار له حس ان امل الوحيده الي كانت صادقه وما كانت تلعب وحبته من صدق وما سوت الي سوته الا من قهرها من فيصل الي ما حس فيها بس فيصل ما حس بهذا الشي الا لما فات الاوان ...
ابو سامي وام سامي عرفو وصدقو اخيرا ان سامي انظلم وكان فيصل ظالمه كثير لدرجه انه عدم الثقه بين اهل سامي وسامي ..
ابو سامي :يا سامي سمح لنا والله نحن يمكن ما صدقناك وكذبناك كثير حقك علينا الله يهديه ويشفيه الي كان السبب
سامي :لا تتأسف لي يا ابو سامي انا ابنكم ولكم حق عليي وانا الي مفروض اتأسف لكم لاني ممكن في اوقات كنت مقتهر وما طعتكم
ابو سامي :لا زين انك ما طعتنا لاننا الحين نحن عرفنا اننا كنا غلطانين ومالنا حق الله يبارك فيك يا ولدي ويبعد عنك عيال السوء ..الله يشفي ابن عمك
سامي:امين ..انا الحق عليي اني ما وضحت لكم الكلام ومن ناحيه ما كنت اريد افتن على فيصل
ابو سامي :الله يشفيه ما نقدر نقول الا كذا وصدقني يا سامي الحين حسيت انك كبرت في عيني اكثر مع انك خبيت على ابن عمك بس نحن ما علمناك الفتنه الله يبارك فيك يارب ...,,,
وبعد كل الي صار لسامي .. كانت ندى في بال سامي دائما بس ما كان عنده حجه واضحه تبين لندى اي شي ..
سامي :سارة ..
سارة: هلا ايش يا سامي في شي ؟
سامي :ايوه اريدك في مهمه خطيره ههههه
سارة:اووو خطيره مره وحده ايش هذي المهمه ؟
سامي:اريدك تكلمين لي ندى قولي لها سامي بيتقدم يخطبك اذا موافقه بجيهم رسمي
سارة:..........
سامي:ايش فيش ؟ مستغربه يعني ؟ عادي بنت خالتي واحسها احسن من كل البنات وانتي عارفه انها من زمان في بالي ..,,,
سارة لما سمعت كلام اخوها نزلت دمعتها :ايش اقولك يا سامي ؟
سامي:سارة ايش فيك خلي الدلع منك هذا كله فرحة اني بخطب ندى ياريتني خطبتها من زمان علشان اشوف دموع الفرحه ..
سارة:.......
سامي:سارة خلي عنك الدلع يالله قومي اتصلي بندى ولا انا بتصل بها ههه
سارة:ما اقدر اتصل بها ..
سامي:ليش متزاعلات ؟
سارة:لا .. بسس
سامي :ايش؟ بس زين ايش فيش ؟ ترى بخلي امي تكلم خالتي ..
سارة:ندى انخطبت
سامي مصدوم:........
سارة:انخطبت على ابن عمها
سامي بحزن:الله يوفقها ويسعدها ,,,
سارة ماتحملت الموقف لانها تعرف مدى تعلق سامي بندى وندى انخطبت قبل حادث فيصل بيومين -وما حبت ساره تكدر سامي وتخبره- وكان اكثر شي دفع ندى انها توافق على ابن عمها انها تنسى سامي لانها مقتنعه انها مستحيل ترضى في سامي بعد الي صار والي سمعته عنه..سارة حضنت اخوها وجلست تبكي وسامي يحاول يخفي دمعته ..
كان سامي متحطم شيء ما كان حاسب له حساب .. ندى الي كانت الوحيده الي حس انها البنت الي تناسبه بأخلاقها وطيبتها وعفويتها وقوه شخصيتها كذا بكل سهوله تضيع من يده ..
عرفت ندى ان سامي كان مظلوم من كل السوالف وكان فيصل ابن عمه هو السبب في كل الي صار لسامي .. تعبت ندى على الي صار ورضت بالواقع ان الله مو كاتب لها انها ترتبط بسامي ..وقسمتها ونصيبها كان ولد عمها ...
سامي قرر انه يكمل دراسته ويبعد ويرجع لغربته الي كان ما صدق انه افتك من مرها وصعوبتها .. بس هذي المره رح لها وهو راضي عن نفسه ومتحمل كل صعوبتها وطموحه اكبر من الاول ..
سامي بنفسه ..وهو في اخر موقف يطالع بلاده من نافذه الطائره ..
تحملت غربتي بين اهلي وما كانت اسهل من غربتي برع البلاد اللهم يسر امري يارب.

.


.


.


.


.











النهـــــــــــــــــــــ ـــــــــــــــــــــــــ ـايـــــــــــــــــه


THE END



فكرة القصه :
جاءت فكره القصه بتأثري بأغنيه لراشد الماجد وكلمات:كاظم السعدي بعنوان "الوصيه " .. اعجبتني كثيرا هذه الاغنيه لما فيها من كلمات معبره ^^

اضغط للإستماع ^^


هلي وإن جارت الدنيا علـيا


اوصيكم على روحي وصيــه


انا مسافر وخلوا قليبي عندكم


غصب عني ترى لا مو بيديا



اعذروني إذا سالت دمعتي


وذكروني إذا طالت غربتي


يادنيا لعبة الشاطر لعبتــي


صرت للناس حمال الاسيه




يادهــــرى لا تحملنــــى البلاوى


انا المجروح ما الاقى اللى يدواى


ترانى عالســفر ماكنــت نـــاوى


حكم حكم القدر غصـــب عليــــا



قبل ماعوفكم لكم ياهلى كأنى


أشوف بــ غربتى حزنى وأنى


اذا أنتم صفيــتو بعيـــد عنــى


أموووت أحسن ولا هذى الاذيه



هلى دمعااااااات عينى بطرف رمشى


واذا غمضت عينى دموعــى تمشــى


اذا رحتـــم من ايدايا راح كل شــى


تــروح الـروح لو رحتوا من ايديــا



بلاكم كيف انا أتحمل بلاكم


وانا ورده وسط صحرا بلاكم


هواكم دمر قليبى هواااااااااكم


شيصير اكثر من إلي صار بيا

----------------------------
تقبلو مني خالص الاحترام والتقدير لكل من تابع ما كتبه قلمي المتواضع وان شاء الله اطل عليكم بقصه جديده افضل ^^ ودمتم بود







DONE By: flash star


لامارا غير متواجد حالياً   رد مع اقتباس
قديم 17-11-15, 10:22 PM   #13

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

يا الغالية يا العالية يا سلطنة عمان
يا درة ما تنحصاء بأي اثمااان
يا غالية بمنعى ولا مثلك اثنين

كانك قمر بمنتصف شهر يبااان
مزيونة احلى واحلى المزاااين




لامارا غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 07:21 PM



Powered by vBulletin®
Copyright ©2000 - 2024, vBulletin Solutions, Inc.