آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
10-11-15, 04:59 PM
| #1 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  غربتي بين اهلي / للكاتبة flash star ، عمانية مكتملة
التعديل الأخير تم بواسطة لامارا ; 15-11-15 الساعة 01:34 PM | |||||||||||||
|  |
|
10-11-15, 05:00 PM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  السلام عليكم ورحمة الله وبركاته flash star فلاش ستار تحيكم وتتمنى لكم امتع الاأوقات ... حياكم الله ويا هلا بكم جميعا هذي قصه من تــأليفي بالغه العاميه عنوانها "غربتي بين اهلي" .. بنزلها على اجزاء اذا تحمستو للجزء الاول بكمل واذا ما تحمستو خلاص هههههههههههههه .. لا امزح معكم عجبتكم او لا برايكم بس رأيكم ونقدكم السلبي والايجابي يهمني كثير ولا تبخلو عليي بأراءكم  ان شاء الله تعجبكم التعديل الأخير تم بواسطة لامارا ; 15-11-15 الساعة 01:29 PM | ||||
|
| |
|
10-11-15, 05:02 PM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| // "غربتي بين اهلي" الجزء الاول كان سامي ولد طموح نسبته في الثانويه ما أهلته انه يدخل جامعه او كليه حكوميه فدرس برع البلاد على حساب والده وبعد تعب وجهد رجع سامي من الغربه بحماس غير طبيعي .. سامي في الطائره يتذكر المعاناه الي عاشها في الغربه بكل ظروفها الصعبه وبكل مافيها من مصاعب .. سامي بنفسه :أاااااااااه واخيرا برجع واخيرا بيخلص هم الدراسه أاخ فيني شوق غريب للأهل ..الحمد لله أني خلصت ..ماني مصدق حمد لله حمد لله ..,,, كان سامي همه كيف يوصل البلد ويشوف اهله لأنه اخر سنه دراسه ما استطاع انه يرجع البلد في الاجازه وكان مشتاق واجد .. كان يفكر بكل شي في البلد الرحلات مع اصدقائه -الي كانت اجازته الي يرجع فيها البلد كلها معاهم ..-حت انهم كانو يشغلوه عن الطلعه مع الاهل - قبل ما ينزل سامي من الطائره كان تفكيره كله ايش بيسوي اذا رجع كان يفكر انه خلاص ناوي انه يرتب وقته ويخلي وقت للأصدقاء ووقت للأهل والاقارب كان يخطط لاشياء كثير - وهذا طبعا حال متوقع من شخص غاب عن بلده فتره و راجع مشتاق - .. وصل سامي بالسلامة وأول ما طلع من الطائره كانت عيونه تلمع من كثر اللهفه والشوق .. استقبله والده في المطار كان يسلم عليه بلهفه غريبه .. اول مره يحس والد سامي ان ولده مشتاق بصوره غريبه ابو سامي :سلامات ياولدي نورت البلاد ومبروك ياولدي التخرج والله فرحتنا كيفك وكيف امورك ؟ سامي :حمد لله الله يسلمك ويبارك فيك.. يا بو سامي والله لكم وحشه مشتاق لكم واجد .. ابتسم ابو سامي و احساسه ان سامي جاي متغير عن العاده جاء سامي للبيت ولما شاف والدته حضنها بكل ما عنده من قوه ودمعه عينه كانت واضحه مع انه كان يحاول يخفيها .. والدة سامي وهي تبكي بدموع شوق وفرحه :انا فدى عمرك مبروك والله رفعت الراس كيفك عسى ما تعبت بالرحله ؟ سامي :حمد لله انا بخير الله يسلمك يا ام سامي حمد لله هذا كله من خيركم وتشجيعكم وتصبيركم لي .. الله يعطيكم العافيه ويطول بعماركم جزاكم الله خير لولاكم انا ما اوصل كذا خلاص انا جيت ومعد لي روحه مكان خلاص معكم كل يوم كان ابوسامي يطالع بسامي ويقول بنفسه:فعلا الحين احس ان سامي صار يعتمد عليه ورافع روسنا بالعالي الحمد لله على هذي النعمه ما خاب ضني فيك ام سامي :خلاص يا سامي جهز نفسك نحن دعينا الناس بعد بكره مسويين عشاء كبير مناسبه تخرجك سامي :ليش يا ام سامي الله يهديكم مافي داعي اذا اشتغلت خير ام سامي :لالا خلينا نفرح بك تستاهل يا ولدي كان ابو سامي ما عنده الا سارة و سامي سارة الصغيره في الثانويه وكانت متعلقه في اخوها سامي كثير بعتبار ماعندها الاهو سارة بعد ما سلمت على اخوها:سامي اي تعال وين هديتي ؟ سامي :ايبيوه انا عرفتك ما سلمتي عليي كذا الا ووراك شي مصلحه انت ما بتعقلين ؟ هههه سارة :زين وين هديتي خلصني سامي :ماشي هديه حت تروحي تجيبي شي بارد اشربه ام سامي :ايوه روحي ما ضيفتي اخوش شي سارة:كل شي عليي ايوه يوم جاء سامي معد حد اهتم بي الكل يضحك من تصرف سارة .. اليوم الثاني : سارة :يااااااحيا بسامي منوره البيت سامي :يالله من الاخر ايش تريدين ؟ سارة:تفهمني ههههههههههههه .. اريد اروح السوق اريد اشتري ملابس جديده لعزيمه بكره سامي :ليش لازم جديد ؟ الكبت عندك مليان ملابس لازم جديد يعني ؟ سارة:ايوه لازم جديد انا اخت راعي الحفل لازم اظهر ههههه خخخخ سامي :والله البنات عقليات يالله زين معك خمس دقائق اذا ما خلصتي ما بوديك سارة:دقيقتين واكون جاهزه سامي يبتسم ويقول بنفسه والله اشتقت لحركات ساروه الله يخلينا لبعض راح سامي وصل اخته سارة السوق نزلت سارة من السياره:عشر دقائق وبطلع سامي :خذي راحتك عادي ^^,,, جلس سامي يدور على شريط يسليه يسمعه بسيارة هنا هناك ما حصل شي سامي :اوووف ولا شريط ليتني جبت السيديات الي عندي الله يهديك يا ساروه كله من راسك ما مهلتي بي اجيب شي .. مالي الا الاذاعه,, فتح سامي الاذاعه وكانت اغنيه عبد المجيد عبد الله فراغ العاطفه كلنا نشكي فراغ العاطفة هايمين قلوبنا ظميا حنان ساكنتنا احلام عذراء خائفة مانحققها يعاندنا الزمان لي حبيب أعرفه ما أعرفه حيث ربي ما كتب وصله وحان التقي به يا خيال او سالفه لا طريته كل شين الوقت زال سامي لما سمع هذي الاغنيه قال بنفسه:فعلا فراغ - وسرح سامي بعيد وصار يفكر ويتمعن معاني الاغنيه وصار في وادي ثاني فجأه احد دق زجاجه النافذه و حركه لا شعوريه انتبه سامي من السرحان الي كان فيه .. طلع فيصل ابن عمه سامي نزل من السياره علشان يسلم عليه .. فيصل :اهليييييين سامي حياك كيفك ؟متى الوصول سلامات!! سامي :والله امس الله يسلمك بخير حمد لله فيصل :الي ماخذ عقلك يتهنى به سامي : خلي عنك هذي السوالف ههههه فيصل :لا شكلك خليت حبيبه القلب هناك و بتفكر فيها ههههه -يتمسخر ويضحك - سامي :ابتسامه خفيف "ويقول بنفسه اي خرابيط ايش بيقول هذا ؟ ",, سامي في الغربه كان مع مجموعه شباب ملتزمين وما همهم الا الدراسه وما عندهم خرابيط فكان سامي مثلهم وهذا الشي اكثر سبب خلى سامي يدرس ويركز على دروسه ويجيب معدل زين علشان كذا مستغرب من كلام فيصل - سامي :فيصل لازم تجي بكره االاهل مسوين عزيمه بمناسبه تخرجي لا تقول مشغول ترى بزعل اذا ما جيت فيصل :والله بشوف يمكن اطلع مع الشباب معاهم رحله بس بحاول سامي بنفسه :فعلا طلعه الشباب كثير تنسي الواحد اهله في هذي الاثناء جت سارة ركبت السياره ..وفيصل بعده يكلم سامي فيصل طالع في سارة وقال :اوو سامي هذي سارة؟ ما شاء الله قدها كبيره وتغطي وجهها كبرو البنات سامي :وين انت سارة بثالث ثانوي ليش من مت ما زرت اهلي فيصل:يا خي الشباب هنا نادرحد يروحون عوايل فمحد يشوف حد سامي ابتسم له:يالله اشوفك على خير و لا تنسي تجي العزيمه لاحق على الشباب,, وفي الطريق للبيت كان سامي ساكت يفكر في كلام فيصل الحين سامي حس بأنه لما كان يجي في الاجازات كان مقصر مع اهله وان الي بيسوه الشباب وطلعاتهم واجد تبعدهم عن اهلهم سارة :هذا ايش فيه بن عمك ما قدر؟ يعني شايفني طفله ولا ايش ما شاف خواته الي خلاهم يغطون وجوههم من صف اول ثانوي سامي :ونت ايش الي تاعبك؟ خليه يقول الي يريد برايه سارة :لا بس اسلوبه بايخ عصب بي اووووووف سامي :هذاك من زمان ما شافك ههههههه من كذا قال هذا الكلام وممكن انا لو شفت خواته اقول نفس الكلام ههههههههههههههههههههه سارة وهي معصبه :زين جرب تقول كذا .. ايييييييييي هو ماله دخل سامي :خلي عنك بس ما شي يستاهل .... يوم العزيمه لان ابو سامي اول مره يكو ن عنده شي كبير جاء عندهم ناس واجد .. وكان سامي مرتاح وحاس بفخر وانجاز .. كان كاشخ قميص بحري ومصر بحري على بني وفرحان والابتسامه ما فارقت وجهه ..وهو يستقبل الضيوف ..جاء ابوفيصل ..السلام عليكم .. رد الجميع وعليكم السلام سامي :- سلم على عمه - كيفك يا عم وشخبارك ؟ ابوفيصل:حمد لله -وما قال لسامي حت مبروك عكس كل المعازيم - ابو فيصل بصوت عالي :يا بو سامي ايش من ثقل هذا سويته عشان ايش هذا كله عزيمه وذبايح وربشه؟ هذا وبنكم درس على حسابكم ودفعتو عليه وخسركم توه عاد ما ينجح وله خمس سنوات بيدرس وهذي السادسه وبيكون بيسقط ونجح بالزف ..المفروض تسون العزيمه اذا اشتغل وقده رجال .. شوف فيصل ما شاء الله دخل كليه حكوميه وماخسرنا وبيدرس ومجتهد وبينجح ومعدله زين واشتغل ما شاء الله سامي عصب وحز في نفسه وما يريد يرد على عمه امام الرجال لانه استفزه وما خلاه يسوى شي ابو سامي :يا بو فيصل هذا ابننا الوحيد ونحن فرحانين فيه والي صرفناه على دراسته مو خساره ..الاولاد مافيهم خساره خاصا اذا ولدك مراعيك وبيدرس وبيشد حيله وهو قد المسؤوليه وسامي ما شاء الله عليه مجتهد ولا سنه سقط وهو له خمس سنوات بيدرس لانه اول سنه كانت لغه واذا اشتغل ان شاء الله بنسوي له عزيمه ثانيه يستاهل مالنا غيره ابو فيصل ما عجبه الكلام ..لأن اولاد ابو فيصل ثلاثه خالد ما كمل ثانويه واشتغل بشركه براتب قليل وهيثم كل ما حاول يدرسه مكان يلعب وما يجي بنتيجه و فيصل دخل التقنيه بالواسطه وبينجح بالعافيه وحصل شغل في الحكومه .. سامي بعد كلام ابو فيصل معد صار مرتاح مثل اول وبعد كلام والده ارتاح شوي بس حاس بشي مكسور في داخله انه عمه اقرب الناس ما قاله مبروك الا العكس ذمه امام الناس وكسر بخاطره بدون سبب .. بعد العشاء جاء فيصل بن عم سامي .. سامي :اهلين فيصل يارجال الحين تجي يوم خلص الناس العشاء حرام عليك فيصل :والله امس سهرت للفجر ونمت وما حسيت بالوقت وقبل شوي قمت سامي مستغرب :زين وصلاة ؟ فيصل :بقضيهم بعدين استغفر الله سامي :وبعدك ما قضيتهم ؟ ايش من ضمير فيك ؟ فيصل :الله غفور رحيم سامي بستغراب:ونعم بالله,, سامي ما تعود على هذا الشي لانه مهما سهر ونام اقل شي يقوم يصلي كل صلاة بوقتها ويرجع ينام وكان مستغرب في البرود الي فيصل عليه وهم يسولفون رن تلفون فيصل .. طالع فيصل الرقم وضحك:ههههه حيييياااااااااا ,, سامي مستغرب الحماس الي فيه فيصل -قال بنفسه اكيد احد من الشباب جاي بيمره بيروحون مكان - فيصل راح يتكلم بعيد ويضحك ويسولف بطريقه غريبه حت لهجته المحليه تغيرت سامي بنفسه :اكيد يكلم صديق له من الخليج واذا تكلم بالمحلي ما بيفهم عليه ..ما شاء الله يا فيصل وتاقن اللهجه صح هههه وشوي سمع سامي فيصل يقول :لا ما ازعجتيني يا الغاليه حبيبتي ما عليك زود بقفل الخط الحين مشغول شوي فديتك لا تقطعين انا بدونك ولا شي سامي حس ان فيصل عنده سوالف مع بنات والواضح انه يلعب ويتسلى ..فدفع سامي الفضول انه يسأل سؤال غير مباشر سامي :فيصل اكيد هذا الشباب متصلين عليك علشان يطلعون رحله فيصل :هههههههه ايوه احلى شباب سامي ابتسم فيصل :لالا مو الشباب هذولا ..هذي وحده تحبني وتموت فيني .. هههه لا تطالعني كذا ايوه بنت تعرفت عليها بطريقتي وذابت في كلامي كلمتها كلام حلو خلاص ما عد صبرت مني سامي سكت وصار يفكر كيف كذا ؟ انا ولا عمري فكر في هذا الشيء هل بيجي يوم وحده بتفكر فيني بهذي الطريقه او انا بقدر اسوي مثل سوات ابن عمي ؟ما عندي الجرأه اسوي مثله ولا ضميري بيسمح اني اكلم بنت كذا ..والواضح انه يكذب عليها !!حرام اللعب بمشاعر الناس ..يعني كل شي في حياه فيصل صح جت على البنات ؟ ؟ - في هذي اللحظات اتصلت سارة في سامي ..قبل ما يرد قاله فيصل :اكيد هذي صديقتك ايوه هههههههههههههه سامي بكل برود:لا هذي الاهل يريدوني ..الووو هلا ساروة سارة :اهلين ..امي تقولك ادخل هنا داخل عماتي وخالاتي يريدون يشوفك و يباركون لك سامي :لا ما يصير ادخل عند الحريم ..اكيد في حريم غرب هناك استحي ادخل هدي سارة :ايييي لالا راحو ماحد بقى الا خالاتي وعماتي تعال ادخل وخلي عنك سامي قفل الخط وحاس بإحراج من عماته وخالاته لانه من زمان ما شافهم فيصل :اوووه ياحظك بتدخل عند الحريم ههههههههههههههههه سامي :ايش يا حظي عماتي وخالاتي يعني بغازلهم خخخ فيصل :انت مت بتتغير مت بتعقل ؟ سامي :ايش فيك ؟ شايفني مجنون ولا؟"سامي في نفسه ما كفى عمي اليوم جاي تزيد عليه ؟ " فيصل :لاااا حاشاك بس انا مو قصدي خالاتك ولا عماتك قصدي بنات خالاتك وعماتك هعععع يا ذكي سامي :ايش فيهم ؟ وانا ايش دخلني بهم ؟ فيصل:يا الله انت كيف نجحت كيف تخرجت اريد افهم انت ايش من ادمي ؟ ياريتني اقدر ادخل معك وهييييي سامي :اي فيصل ما فهمت لك شي انا جيب من الاخر شوف هذي ساروه بتسوي رنات !! فيصل :شوف ما بقولك شي الا انه اذا دخلت وبتسلم على خالاتك وعماتك انك تطالع هنا وهناك ومابتندم بتشوف الجمال والبنات الحلوات وعاده معاهن عزيمه بيكونين كاشخات اوووو يا بختك بس سامي:انت ما عندك سالفه .. وهو في الطريق لداخل البيت سامي يفكر في كلام فيصل ويقول بنفسه .. اصلا حت لو شفت بنات عمي وخوالي يمكن ما بعرفهم لانه لي فتره ما شفتهم ايش بلاني فيهم .. هذا فيصل تفكيره غريب !! دخل سامي وكان في المدخل مرايه .. عدل نفسه وترتب ودق الباب سامي :احم احم السلام عليكم !! كل عماته وخالاته قامين والزغاريط والي تسلم عليه والي يبارك له وسامي يضحك وهم ما وقفو زغاريط .. وفي هذي اللحظات والناس مرتبشه فكر في لحظه انه ينفذ وصيه فيصل و يطلع بنظره عابره في البنات الي خلف خالاته وعمات واكثر شي دفع هذي النظره الفضول .. وشاف ما شاء الله البنات وكان كل وحده احلى من الثانيه .. بس ما حد لفته الا بنت خالته الي كانت مغطيه شعرها زين ولابسه لحافين علشان الستر احسن من الباقين الي كان واضح انهم معتمدات يتغطين اي كلام علشان يظهرو زينتهم ..فكان التركيز على بنت خالته الي كانت بعيده عن الضجه الي مبين عليها مستحيه لما دخل سامي ... عمت سامي وكانت من النوع الي يسأل واجد:مبروك يا ولدي كيفكم ؟؟ بتخبرك كيف معدلك زين ؟جبت زين ولا مال النجاح؟ عارفه الصغيرين ما يحقون للدراسه !.. سامي ببتسامة خفيفه:الله يبارك فيك يا عمه .. لا حمد لله معدلي زين جبت جيد جدا العمه :الحبين تعرف به العنجليزي؟ سامي يضحكه :ايوه حمد لله العمه :الحي بك الي حجيت خبار العنجليز تجي خالته من الصوب الثاني :مبروك يا سامي للللللللللليييييييييللللي ييييي نشوفك عريس ان شاء الله سامي كان من النوع الي يضحك على كل شي ومو متعود على اسلوب الحريم العفوي فكان مستغرب في فكره انه يكون عريس ويضحك ويقول بنفسه والله تفكير الحريم محدود انا اشتغل واكون نفسي بعدين احاول استوعب اني اتزوج هههههههه سامي لخالته:لاحق على الزواج يا خاله مو مستعجل عاده ورايي اشياء اهم الخالة:انت بس اشر على اي وحده و ما بيحصلن احسن منك ولك الي تريد سامي انحرج من كلام خالته وغير السالفه :سارة الرجال يريدون قهوه وين ماخلص ؟ سارة مستغربه :هااا؟ سامي :تعالي بخبرك هنا سارة:ايش فيك ؟ القهوه جاهزه من بعد العشاء وودوهم الشغالات عندكم ايش بتخرف انت ؟ سامي :يااااه انتي ما تفهمين ..انا تورطت بكلام خالتك ومعد جيت على كلام واريد اغطي السالفه قلت لك كذا 0 0 0 يتبع .......... عطوني رأيكم في البدايه ^-^ | ||||
|
| |
|
10-11-15, 05:04 PM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| // الجزء الثاني سارة تضحك :ههههههههههه والله ما عندك سالفه الحين هذي سالفتك روح روح ماني فاضيه لسوالفك سامي :زين يا ساروه حسابك بعدين رجعت سارة عند بنات عماها وبنات وخالاتها .. سارة للبنات :اي سمعتن خالتي ام حمد قالت ايش لسامي .. يالله جهزن نفوسكن ههههههههه ترى سامي يحب البنت العاقله ههههه البنات ضحكو وسكتو .. ردت بنت خالتها ندى الي كانت لافته انتباه سامي :ليش شايفتنا مجانين هو اذا رضينا فيه يقول حمد لله سارة عصبت:اي اي ليش سامي ايش فيه حتى ما يعجبك اي بنت تتمناه وهي الي تحمد ربها اذا جاء صوبها ندى :الحين انا ما قلت فيه شي عشان تعصبين كل حد بيشوف نفسه.. زين سارة تتمسخر:زين بس سكتو الحين بس بيفكر فيكن سامي ردت بنت عمها ريم :ليش مو قد مستواه يعني ؟ سارة :طالع الثانيه لا تكونين تريدن سامي وانا ما دريت ههههههههه -انحرجت ريم من كلام سارة وسكتت -لا بس سامي اصلا ما يفكر في هذي السوالف حاليا وطموحه بعيد تطمنو يابنات محد بيجي صوبها ههههههههههه ريم ظلت ساكته لانها انحرجت من كلام سارة .. سارة بينها وبين ريم :ريم اشوفك سكتي لا يكون كلامي احرجك سمحي لي والله ما قصدي انا ما ركزت في كلامي وكنت امزح معك ريم :لا بس اذا انا قلت لك امام البنات تريدين فيصل اخوي ايش بيكون موقفك سارة كانت بنت جريئه وصريحه شوي وماعندها لعب .. سارة :بصراحه بحكم شخصيتي ومعرفتي بسوالف فيصل اخوك مع احترامي بقولك لو كان اخر واحد في الدنيه اموت ولا اخذه ههههههههههههههه ريم :لااا ونت ايش دراك عن فيصل ما عنده سوالف .. هو صح دايم مشدد علينا في البيت واذا بنطلع لازم قوانين تغطي ولا تطالعين ولا تفتحين الدريشه ولا تطالعين و و و و بس هذا لصالحنا سارة :ونت يا حبيبتي تفكرين من فراغ يسوي هذا كله.. هذا الشباب اذا عندهم سوالف مني مناك لازم يشددون على خواتهم لانهم يكونون بيكلمون بنات ويخافون خواتهم يكلمون شباب يعني يرضوها على نفوسهم ولا يرضوها على الناس . ريم :لا عاد مو لهذي الدرجه فيصل اخوي وانا اعرفه هو احسن خواني معتمد على نفسه في كل شي سارة :الي يدري يدري والي ما يدري مصيره بيدري ريم :اشوف كلامك فيه شي انا ما اعرفه ؟ سارة :لا سلامتك مافيه شي كانت ريم مهتممه لأمر سامي يعني دايم تسأل سارة عنه وسارة حاسه هذا الشي من كلام ريم لكن من بعد كلام سارة لريم في العزيمه قررت انها تحاول ما تسأل عنه وتحاول تبعد اما ندى كانت واثقه في نفسها واجد لدرجه احيانا تفسر ثقتها امام الناس انها مغروره بس هي كانت بالعكس طيبه بس مو بسهوله ينضحك عليها واخيرا خرج سامي وافتك من مسكه عماته وخالاته الي سوين معه تحقيق وبلعافيه حت فك منهم ,, شاف امامه فيصل فيصل :ها بشر اشوفك طولت شكلك انهبلت يوم شفت البنات هههههه سامي :انت الحين كله تفكيرك كذا ؟ بصراحه ولا تحقيق كذا فيصل :ههههه ما تعرف الحريم اذا يريدين خبار جديد هع هع ,, من كذا انا اروح مع الشباب بلا حريم ولا مسؤليه ولا وجع راس ,,, سامي كان متشتت من هذي الناحيه وهو من جاء البلد وهو مقرر انه يرتب وقته وينظم وما يقصر في طلعته مع الاهل لكن من كلام فيصل حس انه مشوش وكلامه مو منطقي بس بحكم انه كلهم شباب حس سامي ان كلام فيصل فيه من الصحه فيصل :سامي تعال بتروح معنا بكره الشباب بيروحون رحله خبرني اذا بتروح معنا سامي:والله ما اعرف توني واصل قبل امس وفي اشياء كثير اريد ارتبهم ومو حاس نفسي مستقر اذا خلاص ارتحت زين واموري ترتبت بخبرك وبطلع معكم فيصل :اوك خذ رقمي اذا كان هذا مقفل اتصل على الثاني سامي :ليش كم تلفونات معك ؟ فيصل :هههه وحياتك ما استقر على رقم انا سامي:ليش يعني كل مره تشتري رقم يكون مميز احسن من الثاني ؟؟ اذا عندك ارقام مميزه لا تنسي بن عمك بطاقتي احترقت لها سنه مقفله ورقمي ما عد قنعت فيه ههههه اريد افتح رقم مميز فيصل :ام انت حكايه هههههه مت بتفهم ليش انا بغير ارقامي ؟ سامي :بكيفك عاد المهم شوف لي معك رقم مميز فيصل :زين ولا بتفهم شكلك خخخخخخخخخخ ..بشوفلك كم حدك ,,, فيصل كان عنده ارقام كثير لانه عنده سوالف مع بنات وكل ما تعرف على وحده جديده يغير رقم .. فيصل في نفسه :خليني اغفل على بن العم بعطيه شي من ارقامي الي معد بستخدمهم وبرايه عاد اذا حد من البنات اتصلو به يتحمل ههههههه ..,,, يومين ورتب سامي اموره في البيت ورتب اغراضه ونسخ اوراقه المهم وكتب سيرته الذاتيه بالغتين العربيه والانجليزيه علشان يكون جاهز لبدء البحث على وظيفه .. ---------- فيصل بصوت عالي :ريم ..ريم .. ريم :هااا ايش ليش تصارخ كذا ؟ فيصل:جيبي رقم تلفون عمامي بيت ابو سامي ريم :عشان ايش تريده ؟ فيصل :مالك شغل جيبيه وبس ريم :زين شوي شوي ما شي اسلوب عطت ريم الرقم لفيصل فيصل اتصل على بيت عمه:.. الوووه ردت سارة :الووو هلا من ؟ فيصل :افااااااا ما عرفتيني ؟؟ سارة عصبت:انت من ؟ وايش تريد ؟ فيصل :اووو ليش العصبيه هدي هدي يا سارة سارة في نفسها:هذا واحد يعرفني @@ سارة :انت من ؟ فيصل :بكل برود معجب ويضحك ههههههه ,, كانت ريم تسمع فيصل ايش يقول لسارة لانها عرفت ان فيصل ما بيتصل عند عمامه الا لانه يريد سامي وهي دايم متابعه لأخبار سامي بس من بعيد ريم بنفسها :يعني كلام سارة تقصد انه فيصل يغازلها ؟؟ بس انا اشوف ما فيها شي بن عماها عادي !! ,, سارة ما عجبها الكلام قفلت السماعه في وجهه فيصل :والله قويه هههههههه ,, وفي هذي اللحظه دخل عليها سامي كان جاي من المكتبه نسخ اوراقه وشهاداته عده نسخ علشان يوزعهم علشان الوظيفه سارة :جيت والله جابك تعال هذا واحد يتصل ويقول كلام غبي والقهر يعرف اسمي @@ سامي :انتي بس تخافي من كل شي هو في التلفون ما بيخرج لك وممكن حد نعرفه او خمن الاسم سارة :لالا مو تخمين شكله يعرفني ياويلييييي من هذا ارجوك اذا اتصل رد عليه وشرشحه و قوله بخبر عليك الشرطه زين سامي ببرود :سويتيها سالفه وهي ما تستاهل ههههههههه ,, ولحظات.. عاد فيصل اتصل مره ثانيه فيصل :الووه رد عليه سامي :الووه هلا اهلييييين حيااااااك فيصل :الله محيي سامي شخبارك يا رجال مالك صوت ادور على رقم لك ما حصلت بعدين سألت ريم على رقم البيت وحتى قلت بجرب اتصل يمكن احصلك في البيت زين حصلتك سامي :حياك وصلت ..ليش في شي ؟ فيصل :سلامتك بس بغيت اعطيك الرقم الي طلبته مني,, سمعت ريم كلام فيصل لسامي وصارت تقول بنفسها :ظلمت فيصل هو كان بيضحك مع سارة مو قصده يغازلها ويريد سامي عشان البطاقه والله ظلمته الله يسامحك يا سارة خلتني اشك بخوي .. في هذي اللحظات وسامي يكلم فيصل ..سارة تطالع سامي وتأشر له بيدها مين هذا ؟؟؟ وسامي يبتسم له ابتسامه يغيضها ويتكلم وهو يحيرها بحيث انها ما تعرف من المتصل و سارة تقتلها اللجفه تريد تعرف من الي بيتكلم سامي :زين ما قصرت انا كنت بشتري اي بطاقه امشي الحال بس زين جت في وقتها لانه تعرف الحين بقدم على وظيفه ولازم يكون معاي رقم عسى حد يتصل يبشرني بخير فيصل :ان شاء الله بتكون هذي البطاقه فال طيب لك وبتدعيلي ههه سامي :ان شاء الله خلاص انا اليوم بعد المغرب امر عندكم اخذها ومشكور ما قصرت فيصل :العفو هذا واجب يكون لك بن العم .. صح ايوه انا ما بكون في البيت بعطي الاهل يعطوك زين سامي :اوك عادي براحتك يالله مع السلامة سارة :من هذا ؟ سامي :وانتي ايش تاعبك؟لازم تدرين ؟ سارة :سامي افرح به الشاطر قولي من هذا سامي :هذا بن عمك فيصل سارة :واشوف الاسلوب الغبز وييييه ملييييق معد بدعي ..ايش عنده مو العاده يتصل او يعرف انه عنده عمام ! سامي :لا كنت طالب منه بطاقه تلفون رقم مميز والحين جابه سارة:والحين عدمين البطاقات ماصارين الا من عند فيصل ؟ سامي :انتي ايش فيك على الولد ما قلك شي ؟ حاطه دوبك بدوبه ؟ سارة :ما ارتاح له هذا الانسان احس تحته بلاوي سامي :خلي الشك منك وخلي الولد بحاله ولا تضنين في الناس السوء سارة :مشكله اخاف عليك منه .. لاتروح معه زين ؟ سامي:سمع هذي ايش فيش لا تروح معه قالت ابن عمي يعني اذا قلت لك لا تروحين مع بنات عمك بتسمعين كلامي ما اعتقد ههههههه خلي الخبال منك هدي سارة:اذا فيهم شي ايوه ما بروح معهم ..جد ما ارتاح له ولا اريدك تروح معه تكون مثله بعدين ما بطيقك انا هههههه يرضيك اكرهك سامي :ما عندك سالفه انتي روحي ذاكري بس سويتي لي ازعاج,, راح سامي يجيب البطاقه من بيت فيصل فيصل للشغاله: .. اذا في جي ولد يريد فيصل عطيه هذا ريم شافت فيصل يعطي الشغاله البطاقه وخطر ببالها انها هي الي تفتح الباب لسامي .. انتظرت ريم على النافذه حتى جاء سامي وقبل ما يدق الجرس قامت ريم للشغاله تاخذ منها البطاقه ريم :جيبي البطاقه انا بعطيه الشغاله :لا هذا فيصل خبر عطي ولد ريم :انتي ماعليك انا بعطيه الشغالة :فيصل يسوي جنجال بعدين ريم :ما عليك انتي هذا ولد ابن اخو مال بابا عادي ما في مشكله انا في عطي ,, وفي هذي اللحظات دق جرس الباب .. ريم :من وراء الباب مين ؟ سامي :انا سامي فيصل موجود ؟ ريم حت ما مهلت سامي يتكلم زين الا فتحت الباب سامي ماكان متوقع ان حد من بنات عمه بيطلع عليه يعني تفاجأ شوي لانه من زمان ماشافهم .. سامي :السلام عليكم .. كيف الحال- كان سامي يستحي وغاض نظره شوي ..بس ريم كانت تطالع واجد في سامي ريم :وعليكم السلام .. بخير الله يسلمك .. تفضل سامي:زاد فضلك ..بس اريد فيصل هو في البيت ؟ ولاطلع ؟ ريم :لا طلع بس عطاني هذي اعطيك .. سامي :اوك مشكورين سلمي على فيصل واجد وقولي له سمحلي عذبته معاي ريم :لا لا عذاب ولا شي هذا واجب والواحد اذا ما ساعد ولد عمه بيساعد من ؟ سامي :جزاكم الله خير ..يالله انا استأذن سلمي على عمي مع السلامة ركب سامي سيارته وهو بعده مستغرب كيف كذا بسهوله ريم تطلع تفتح الباب وتسولفه بعد ؟؟ سامي بنفسه:الي فهمته من سارة بنات عمي ,فيصل مشدد عليهم ما يطلعون على حد ليش كذا ببساطه خرجت عليي؟ اممم يمكن هذاك زمان كان مشدد عليهم الحين شكله مل من هذي الحركات مع اخوته .. جا سامي البيت وجلس يحط البطاقه في التلفون ,, وأول ما فتح التلفون الا و يرن التلفون بنغمه الرسائل 1-2-3-5 وصلو الرسائل الى خمس رسائل استغرب سامي كل هذي الرسائل اعلانات من الشركات او كيف ؟؟ جاء على باله ان الرسائل جت كثير لان الرقم مميز وممكن انه عليه الطلب ..الرسالة الأولى اذا طلع لك قلب وعرف يشتاق تعال دورني تلقاني مكاني وان كان قلبك نايم ما بعد فاق خله الين يفوق مع جرح ثاني ابشرك ما عاد يوجعني فراق واقسى وجع فيني يزول بثواني سامي بنفسه اكيد غلطان .. @@ والرساله الثانيه وكانت برقم ثاني : يَلّعْبّ عَلُيِ يْحّسَبْ أنَيّ مْنِ الَمْلاعَيِبّ مّادْرَى ِ أنَيِ عَلّىْ الَنْاسّ لَعْيبِ سامي : لا عاد ما صارت ؟ الرسالة الثالثه :بنفس الرقم الاول ما اعتدت أجادل شخص ميت ضميره..إنسان ماتت به مفاهيم الإنسان .. أنا مع أهل الطيب لي ألف سيره .. وإلا انت مالك مع أهل الطيب عنوان - لا تستهين فيني ترى ماني بسهله "أمل" ,,, كانت صاحبه هذي الرسالة هي السبب الرئيسي لتغيير فيصل رقمه .. كانت أمل تشتغل سكرتيره في معهد الي فيصل اعطوه الوزارة فيه دورة لتعليم الكمبيوتر وكان مدة الدورة شهر ..في هذي الفتره تعرف فيصل على امل و كانت البنت الوحيده الي يكلمها فيصل وهي تعرف عنه كل شي اسمه الحقيقي بالكامل ووين عمله وكل شي بعكس البنات الي يكلمهم فيصل ويضحك عليهم كان يألف اسماء ويقول كلام كله كذب ..تطورت علاقه امل بفيصل و صارو يتكلمون على التلفون وبدأ فيصل يوعد أمل بوعود كاذبه انه بيتزوجها و و و و وامل تعلقه فيه بصدق و حست من كلامه انه صادق وما بيكذب عليها في اي شي بحكم انها تعرف كل شي عنه ..وخلصت دورة فيصل واستمر الكلام بين امل وفيصل مايقارب خمسه شهور وصار فيصل يريد يفتك من امل بأي طريقه لانه ما تعود يكلم بنت ويطول معها تعود على الكذب والتجديد وكل اسبوعين يغير ويكلم بنت ثانيه ..فقرر فيصل انه يقطع علاقته بها فقال لها بكل بساطه كنت اكذب عليك انا ما اتزوج وحده عادي تكلم اي واحد بكل سهوله من وراء اهلها .. انصدمت أمل من كلامه لانه كانت امالها مبنيه مع هذا الشخص فيصل الي كلامه الحلو يكسر الصخر ودايم يوضح في كلامه الصدق والعفويه والرجوله يطلع كذاب ؟ويضحك عليي ؟؟ كانت صدمه بمعنى الكلمه لأمل .. فبعد ما قفل فيصل تلفونه رسلت أمل بعض هذي الرسائل واكثر شي كان هدفها انها تعرف مت بيفتح فيصل تلفونه علشان تنتقم منه او تسوي شي في بالها .. وظلت أمل منتظره يوصل لها تقرير رسائلها انه تم التسليم علشان تعرف كيف تتصرف..وفعلا جاء لها تقرير رسائلها تم التسليم لان طبعا سامي هو الي فتح الرسائل .. كان اخو أمل تقريبا نفس صنف فيصل يكلم بنات وعنده سوالف ..وكان مشدد على خواته لا يطلعو مكان واشياء كثير يمنعهم عنه وكان عصبي وما عنده ادنى تفاهم .. فيصل غير الرقم علشان يفتك من أمل ولاتقدر توصل له .. ونسى امرها و ما تذكر السبب الي خلى هذا الرقم المميز واستخدم غيره واعطى سامي الرقم وهو متطمن ,, الرساله الرابعه برقم مختلف : السوالف طعمها وياك غير ,,, انا لي شفتك احس اني بخير خذ قلبي يوم وعطني يوم قلبك شوف وش سوى الزمن فيني وحبك الرسالة الخامسه : تبي تزعل تبي ترضى تبي ترحل تبي تبقى.....على كيفك.....ترى عادي, وجودك والعدم وااااااااحد!! سامي :طالع هذا !! يكون فيصل يريد يسوي لي مقلب اما عليك سوالف ويضحك سامي وهو يقنع نفسه ومو متطمن ان كل هذا مقلب .. سامي اتصل على فيصل :الووو السلام عليكم كيفك فيصل ؟ 0 0 0 <<< يتبع ....... بنتظار تفاعلكم ^^ | ||||
|
| |
|
10-11-15, 05:06 PM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| // الجزء الثالث فيصل :اهليين حمد لله تمام كيف عجبك الرقم ؟ سامي :اي والله زين ما قصرت بس خلي سوالفك تريد تسوي لي مقلب ^_× فيصل :اي مقلب ؟ سامي :لا تستعبط اعترف ههههههههههههههههه فيصل :لا جد ما سويت لك شي ؟ سامي :البطاقه فيها رسائل ما ادري من عند من ومحد يعرف رقمي الا انت فيصل :اهاا لالا هذا رقم استخدمته اسبوعين وخليته سامي :هذا واسبوعين هلت كذا الرسائل ما صارت شهره هههههه لا وكل الرسائل عتاب ههههه ايش مسوي في العالم انت ؟ فيصل :ما عليك مشي حالك لغيهم واذا تريد تتسلى رد على الرسائل ما بتندم ههههههههههه سامي :حلوه ارد على ارقام ما اعرف من صاحبها ؟ فيصل :الي يسأل ما يتوهش هههه سامي :والله عليك حركات غريبه ما افهمك انا ولا اريد افهمك هههههههههه فيصل :كيفك عاد يالله خلينا على تواصل سامي :ان شاءالله مشكور .. على خير سامي بعد ما قفل السماعة :شكلي بحصل من ورايه بلاوي هذا الله يستر,,.. طلع سامي يتمشى وحده على الشاطيء وجلس يتأمل ويفكر وحده في الوظيفه وقررر يوزع اوراقه على الشركات اولا علشان يكتسب خبره بعدين يقدر ينقل للحكومه .. وأمل كانت تفكر في خطه تخلي فيصل يندم على الي سواه فيها فجلست طول الليل تفكرايش تقدر تسوي علشان تنتقم والي مخليها متأكده ان فيصل هو الي فتح التلفون ان الرقم مميز و مستحيل يفرط فيه لكن ظن امل ما طلع في محله لأن فيصل طلع جبان ومو قد المواجهه في اليوم الثاني راح سامي من الصبح و وزع اوراقه في كل الشركات الي ممكن يقبلون شهادته وظل يدور حت الساعة 2 الظهر في هذا الوقت كان سامي همه كله الوظيفه وشاغله تفكيره بشكل كبير اما امل فحصلت الحل و بدات بتنفيذ خطتها .. واول خطوه كانت انها سوت رنه على تلفون فيصل الي حاليا يستخدمه سامي طالع سامي الرقم ما عرفه رقم غريب .. سامي بنفسه :امممم من هذا الي بيتصل الحين الظهر ؟ اتصل سامي على الرقم وكان يرن بدون محد يرد .. استغرب سامي وخلى الامر عادي ممكن حد غلط او شي امل استغلت الاتصال وراحت عند اخوها عمار.. امل:عمار اريدك بسالفه عمار كان معصب كلعاده :اي سالفه لا تزعجيني جاي من الشغل تعبان ولاني قادر لك امل :زين اذا قمت العصر عمار :اوووف قولي الي عندك خلصيني امل :شوف صاحب هذا الرقم زعجني يتصل يغازل كل مره وانا ما ارد عليه عمار:وانتي ليش تردين اصلا امل :كل مره يتصل هلكني ويقول كلام استحي اقوله -كان هدف امل انها تثير اعصاب اخوها على فيصل لانها عارفه اخوها ما بيسكت عليه عمار فعلا عصب ومثل ما توقعت امل .. اتصل عمار على الرقم عمار:بيشوف هذا ايش بسوي فيه كانت الساعه 2ونص الظهر سامي قايم من النوم على صوت التلفون ومو مركز في المكالمه زين :الووو عمار :من معي ؟ سامي :سامي انا انت الي من ؟ ؟ - سامي ما حس انه قال اسمه لانه كان فيه النوم ومو مركز عمار :حياك سامي شخبارك ؟ امل كانت مقتهره من اسلوب اخوها لانه كان بارد وهو بيتكلم و معصبه لانه معتبراته بيكذب يوم قال ان اسمه سامي سامي :ها الطيب لاتكون تبع شي شركه الي اليوم قدمت فيها ؟ عمار استغل الوضع :ايوه اريد اقابلك اليوم ضروري بنتقابل ع شاطي اريد اناقشك في اشياء سامي صحصح شوي من النوم يوم سمع بالوظيفه :اوك ان شاء الله متى ؟ ووين بالضبط؟ انا سيارتي لونها اسود اكورد علشان تعرفني ^__^ عمار:اوك بعد الساعة عشره كذا بكون فاضي لك يالله مع السلامه سامي :مع السلامه  امل :ايش بتسوي ؟ عمار:بتشوفين بأدبه انه ما يكلم بنات الناس انا كنت ناوي احاكمه بس لكن جبها لنفسه وقالي انت من جهة الوظيفه ومشيت له السالفه الحين بقابله وبيشوف عاره امل :انت لا تكبر السالفه واجد هو يستاهل بس شوي شوي عليه كلمه وهدده وبس عمار:معد عليك منه انا بشوف له صرفه سامي ماعد جاله نوم من الفرحه على باله الوظيفه ومرتاح وما طلع من البيت سامي :سارة جيبي دخون ودخني قميصي يلا سارة:ايش من حماس فيك اليوم ؟ سامي :متحمس كذا بقابل شخص مهم سارة ؟:ايش بتتزوج بالسر خخخخخخخخ سامي :ايوه ما دريتي ههع هع هدي بس خلي منك الكلام الزايد وروحي جيبي المجمر,, سامي يريد يسوي لأهله مفاجأه اذا توفق في الوظيفه واذا ما توفق مايريد يكدرهم من كذا ما خبر حد وين هو بيروح ..كان قصده التأني واذا في شي مصيرهم بيعرفون كان متفائل بس ما درى ايش الي منتظره جت الساعه 10 وسامي منتظر على الشاطي وكاشخ ومتحمس وفي باله الف سؤال ليش بيقابلني هنا ؟؟ يمكن لانه يريد يسألني اشياء بعيد عن جو العمل يمكن اممممممم في هذي اللحظه جا عمار اخو امل معه ثنين من نفس نوعيته ومفهمهم ان سامي رجال اي كلام وناوين عليه عمار عرف السياره على الوصف ولانه المكان الي متفقين عليه هادي وما فيه حد نزل عمار من السياره هو واصحابه.. تفاجأ بهم سامي يعني لانه اشكالهم ما كانت تطمن بالخير وبدون مقدمات مسك عمار سامي من قميصه وقاله كلمتين وسامي مافهم شي عمار:اليوم بتنسى اليوم الي كلمت ختي وجربت تزعجها وتغازلها وتكون لك توبه تكلم بنات الناس سامي :ختك ؟؟؟؟؟؟؟؟؟؟؟؟؟!!!السالفه اكيد فيها غلط ؟ وبدء عمار و اصحابه يضربو سامي وسامي مو داري ايش الي بيصير حوله ..واكيد ثلاثه اشخاص بيقدرو على واحد في هذي اللحظه كان في واحد من الشباب اسمه غازي يسوي رياضه على الشاطئ و سمع صوت وحس ان الوضع مو طبيعي فركض صوب سامي ..حس عمار واصحابه انه في حد جاي صوبهم راحو رمو سامي وهربو سامي ما قدر يتكلم جاء غازي صوبه وحصله في حاله يرثى لها غازي :ايش الي صار ؟ قوم معاي بخذك المستشفى سامي ماقدر يكلمه ولا يقول كلمه غازي اخذ مفتاح سياره سامي وما قصر فيه وداه المستشفى ..وفي الطواري رفض الدكاتره يعالجون سامي حت تجي الشرطه لان الي في سامي كان واضح انه فعل فاعل ,, جت الشرطه وسمحت للدكاتره انهم يعالجوه .. وغازي ما درى ايش يسوي او كيف يتصرف اخذ تلفون سامي وجلس يدور في الاسماء على شخص يتأكد انه من اهل سامي وممكن يخبره بالي صار بس كان غازي خايف ان سامي يكون عنده سوالف ويتورط لان الموقف ما كان طبيعي .. غازي :ما فيها كلام بكيفه عاد بتصل والي يصير يصير فتح المكالمات الصادره حصل اخر رقم رقم ما عليه اسم الي هو رقم امل والثاني مكتوب اسم فيصل .. غازي :اكيد هذا فيصل صديقه او احد من اقاربه بتصل عليه وبشوف اذا ممكن ينفعني غازي :الوووو اخ فيصل ؟ فيصل :هلا ايوه معك هذا مو رقم سامي ؟ انت من ؟ غازي :انا بصراحه ما اعرف اسم صاحب التلفون انت ايش قرابتك فيه ؟ فيصل :انا بن عمه ليش خير في شي ؟ ليش تلفون سامي معك ؟ غازي :خير ان شاء الله .. سامي تعرض لحادث واريدك تخبر اهله هو الحين في المستشفى واريد حد من اهله يجي فيصل :هااا في شي ؟؟ غازي :ان شاء الله مافي شي ..خبر اهل يجون يتطمنو عليه فيصل:ان شاء الله انا الحين بجي وبخبر اهله مشكور ما قصرت الطيب فيصل اتصل على بيت عمامه .. كانت سارة بعدها صاحيه تذاكر لان الامتحانات قربت ..ردت على التلفون وكانت خايفه لان الوقت متأخر وتلفون البيت في الصالة .. فيصل :الووو السلام عليكم سارة :وعليكم السلام ..خير فيصل :معك فيصل ..عمي موجود ؟ سارة:ايش صاير ؟ خير ؟ ؟ اتصالك مو طبيعي ؟ حد فيه شي ؟ ,, فيصل كان متوتر لانه ما يعرف ايش حال سامي ولا حت عارف ايش نوعيه الحادث الي صار له فيصل بعصبيه يصرخ في سارة:روحي قومي عمي الحيييين سارة خايفه :زين لا تصارخ واذا في شي قولي فيصل:اقولك قومي عمي يكلمني الحين بسرعه ,, سارة ركضت غرفه اهلها ودقت الباب وهي ترتعش من الخوف سارة :يبااا فيصل على التلفون يريدك مدري ليش قام ابو سامي:الله يقدر خير ام سامي :عسى ما شر ابو سامي :السلام عليكم ايوه خير ؟ فيصل:وعليكم السلام ..يا عم سامي سوى حادث وهو في المستشفى الحين وما اعرف عنه الا انه بخير بس يمكن فيه رضوض وانا الحين في الطريق رايح له ..اتصل فيني واحد من تلفونه وما اعرف شي ثاني وقالي ابلغكم .. ابو سامي :لا حول ولا قوه الابالله بس انا جاي الحين ام سامي :خير يا بوسامي ايش جرى ؟ ابو سامي :سامي مسوي حادث بسيط وما فيه شي ان شا ءالله ام سامي :سامي؟؟؟ وهيي انفدى عمره وينه الحين ؟؟ ابو سامي :بخير بخير ان شاء الله هو في المستشفى بروح له الحين سارة بتبكي :بروح معاك اانا وامي ابو سامي :انا بروح وانتو الصبح تجون اذا جلس هناك للصبح انا متأكد ما فيه شي بيطلع سارة :لالا فيه ولا ليش هو ما اتصل بنفسه؟ ام سامي :بعيد الشر لا تفولي على خوش .. نحن بننتظر حت يجي ابو سامي او يتصل بنا يطمنا وان شاء الله خير,, سارة ما صبرت الا تتطمن على اخوها راحت غرفتها واتصلت على رقم سامي .. كان مع غازي التلفون ..ورن تلفون سامي وكان الاسم الظاهر أغلى الغاليات تردد غازي انه يرد وطول غازي :ما فيها كلام برد وامري لله غازي:الووه سارة :انت من ؟ وين سامي ؟ غازي:انتي من ؟ سارة وهي تبكي :انا اخت سامي عطيني سامي الله يخليك وينه انا اريد اكلمه غازي:اختي ما تقدرين تكلميه الحين الدكتور عنده اذا طلع اخليه يكلمك ما تخافي عليه سامي بخير ان شاء الله سارة:انا منتظره اتصاله ما بنام حت يكلمني غازي :ان شاء الله اذا كلمته اخليه يكلمك سارة :لا تنسي قوله يكلمني غازي:ان شاء الله جاء فيصل وابو سامي المستشفى .. فيصل :لغازي ايش صار ؟ كيف سامي ؟ غازي:الحين طلع من عنده الدكتور وعطاه مسكن ورفضو يقولون لي شي حت اهله يجون والشرطه للحين ما كلمته فيصل:ليش من كان الغلطان ؟ دعم ايش ؟ غازي:هو ما كان حادث سياره فيصل :ولا ايش ؟ قال غازي السالفه كلها لفيصل ولأبو سامي .. ابو سامي:ما عرفت سامي اذى حد ولا عنده اصدقاء كذا حتى يسون فيه هذا كله فيصل:انا مستغرب من هذا كله يعني ايش الي خلاهم يسون كذا ؟ غازي:سمحو لي انا رديت على مكالمه اتصلت اخت سامي وكانت تريد تكلمه وقالت لي اقول لسامي يكلمها الحين حد يتصل بها ويطمنها لان من صوتها كانت قلقه ابو سامي :ان شاء الله ما عليك مشكور والله ما قصرت فيصل معصب:وانت ليش ترد على تلفون ما تعرفه ؟ غازي :يالطيب كان في يدي التلفون وقلت حد من اهله ممكن يتصلون يسألو عنه فيصل:وانا ما قلت لك انه انا بقولهم؟ ولا ما صدقت تشوف اسم بنت قلت تتسلى شوي ؟؟ غازي:ما كان القصد والله ابو سامي:فيصل خلاص نحن في ايش ولا ايش راح ابو فيصل يكلم الدكتور .. فيصل :اخر زمن هات التلفون - واخذ التلفون من غازي بالقوه اتصل فيصل على اخر رقم وارد وعرف انه رقم سارة فيصل بعصبيه:الووووه سارة ؟ سارة :نعم وين سامي عطيني اكلمه فيصل :ماشي سامي الحين..لك عين بعد ..تكلمين رجال غريب بس هين الحين مو وقته سارة:اي انت لو صرت احد من خواتك قول هلكلام مالك شغل فيني .. اريد اكلم سامي اقولك فيصل :سامي نايم مو فاضيلك وما اعتقد انه يريد يكلم وحده ما عندها حيا تكلم رجال غريب وهو في هذي الحاله سارة:اصلا سامي مو مثلك يا النذل فيصل :زين هين حسابك بعدين ما برد عليك,, غازي كان يسمع مكالمه فيصل لسارة ومستغرب من اسلوبه غازي بنفسه :والله مكبرالسالفه يعني البنت هي تدري من بيرد عليها ؟ ولا انا كليتها ؟ والله تفكير معقد ابو سامي :دكتور كيف سامي ؟ الدكتور :يا ابو سامي سامي فيه رضوض و شق بسيط في يده اليمين ابو سامي :بس اموره تمام ؟ الدكتور:الحمد لله الاخ غازي انقذه ولا كان كسروه تكسير ابو سامي :ومحد يعرف السبب ؟ الدكتور:بكره يقوم سامي وكل شئ يتضح ان شاء الله اليوم الثاني,,,,,,, قام سامي وكانو رافضين احد من اهله يشوفه قبل التحقيق الا والده الي اصر يدخل يتطمن عليه جاه الشرطي يحقق معه الشرطي :السلام عليكم كيفك سامي ان شاء الله تمام سلامات؟ سامي :وعليكم السلام .. الحمد لله بخير الله يسلمك الشرطي :طبعا انت عارف ليش نحن هنا سامي :ايوه علشان حادثه امس الشرطي :تخبرني ايش صار بالتفصيل الممل خبر سامي الشرطي بكل تفاصيل الحادث وبعد قصه سامي .. الشرطي :وانت ايش الي خلاك تقوله اسمك يوم اتصل بك؟ سامي :كنت قايم من النوم وماني حاس ايش بقول الشرطي :طيب انت شاك بحد ؟ سامي:انا توني جاي البلاد قبل اسبوع ما يمديني اشك بحد الشرطي:المهم سلامات وتقدر تطلع البيت على كلام الدكتور واذا عرفت شي خبرنا ونحن بننظر في الموضع وبنحاول نطلع اسم صاحب الرقم وبنحقق معه . سامي :ما تقصرون ... انا بصراحه عن نفسي مستغرب من السالفه وللحين ما استوعبت الموقف ,, غازي ما ترك سامي لحظه ظل معه لصبح والصباح لما سأل عن حالته وقاله الدكتور انه بخير طلع البيت بدل ملابسه ورجع جت ام سامي ووالده وسارة المستشفى وجلسو عند سامي سارة:ينكسرين يدينه يارب الي سوى فيك كذا اخ بس لو اعرفه سامي :اي تدعين على الناس مو زين ههههه قولي الله يهديه 0 0 0 >>>>>>>>>>> يتبع .................. بتفاعلكم تكمل القصه | ||||
|
| |
|
10-11-15, 05:08 PM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| // الجزء الرابع سارة :وتدافع عنه !! سامي:بصراحة ما عرف كيف كل شي جاء فجأه وما توقعت حت ما قدرت اسوي شي ثلاثه وكل واحد اغلظ من الثاني والله جزاه الله خير الرجال الي ساعدني ولا كان كسروني زين ام سامي:والله ما قصر غازي دق الباب :السلام عليكم ام سامي وسارة غطو وجههم وابتعدو شوي عن سامي علشان غازي يقدر يكلم سامي براحته سامي :وعليكم السلام دخل حياك غازي :الله محييك سلامات ها الطيب كيفك اليوم ان شاء الله بخير سامي :والله محد طيب الا انت مشكور وجزاك الله خير ما قصرت والله غازي :لا شكر على واجب يا سامي هذاك انت طيب والله ما اراد لك بلأذى وانا سبب انه ما تتأذى اكثر سامي :عرفت اسمي ههههه الا ما عرفت اسمك ؟ غازي :عرفته من فيصل ابن عمك .. انا اسمي غازي سامي :عاشت الاسامي والله ارتحت لك واجد انا وجميلك ما انساه طول عمري غازي :مابيننا شي اي واحد في موقفي بيسوي الي سويته المهم طمني عليك وخلينا على تواصل لازم تطمني عليك من بعد اذنك خزنت رقمي عندك امس بإسم غازي وسجلت رقمك عندي علشان اتطمن عليك ,,, في هذي اللحظات دخل فيصل فيصل طالع في غازي نظره استهزاءوما عبره لتفكريه انه ام سامي وسارة في الغرفه وهو يكلم سامي و مو محترم الي موجودين مع ان غازي كان في الطرف وبعيد وما طالع صوب الحريم وكانت زيارته عابره وخارج فيصل:سلام .. كيفك سامي .. سلامات ما تشوف شر,,, غازي حس بتصرف فيصل غازي :وعليكم السلام ..سامي اشوفك على خيروما تشوف شر وطمني عليك يالله مع السلامه فيصل:حضرت الشياطين هربت الملائكه ,,, غازي ما عبر فيصل وطلع سامي مستغرب من كلام فيصل:فيصل ايش فيك على الرجال ؟ هذا مفضل علينا مايصير كذا فيصل وهو يطالع في سارة بحفه :انت ما دريت ايش سوى امس سامي :ايش سوى ؟ فيصل :ما في داعي الحين يوم تكون مركز معاي زين بخبرك سامي :ما فهمنا لك ..خلاص اريد ارد البيت تعبت من المستشفى ام سامي :والدك الحين بيجيب اوراقك وبنطلع خلاص ان شاء الله ماعليك باس ,,, رجع سامي البيت وسامي محيره الاتصال ومحيره التصرف والموقف الغريب سامي بنفسه ..ايش يريد مني ؟ وليش ضربوني ؟ كان يقول تكلم اختي مدري شي كذا ما فهمت له امممممم,,, شك سامي في فيصل .. محد عنده هذي السوالف الا فيصل ؟ معقوله يعني ؟ لالا بس هذا قال اسمي ؟ حت لو ما قال اسمي انا قلت له انا سامي مو فيصل علشان يسوي كذا .. فتح سامي الرسائل وشاف الارقام وفتح المكالمات الوارده وحصل نفس الرقم في رسالة موقع عليها في اخرها اسم امل ؟؟؟ لازم اسأل فيصل وجها لوجه خليني اعرف السالفه,,, امل اتصلت بها الشرطه وكان رقمها مسجل بلإسم اخوها عمار وما كانت عارفه ايش الي صار لان عمار رجع متأخر وراح الدوام ورجع نام وأمل ما سألته عن السالفه الشرطه :السلام عليكم امل :وعليكم السلام ايوه من معاي ؟ الشرطه :لوسمحتي الاخ عمار صاحب الرقم وين اريد اكلمه أمل :هذا رقمي بس يمكن مسجل بإسم عمار في شي ؟ بعطيك رقمه اتصل عليه الشرطه :لا نريد نكلمه الحين ضروري امل :ان شاء الله بشوفه لحظه شوي امل :عمار قوم هذا واحد يريدك ع تلفوني مدري يمكن شركه الاتصالات لانه يقول الرقم مسجل بإسمك عمار :قولي له بعدين يتصل امل :قال ضروري مدري ايش يريد هاك كلمه عمار :ما تخلون حد يناااااام .. الوووه نعم ؟ الشرطه :انت صاحب هذا الرقم ؟ عمار :ايوه خير ؟ حد يريد يشتريه ما بنبيع الشرطه :لا بس حبينا نستفسر انت بعته لحد ؟ او شي ؟ عمار :لا هذا رقمي وما غيرته وختي تستخدمه بس خلص التحقيق ولا عاده شي ؟ الشرطي :لا سلامتك مشكور عمار :والله ماعندهم سالفه اغبياء .. امل :ايش يريدون ؟ عمار :ما غفلو روحي خلينا ننام .. الشرطه كان هدفهم يتأكدون ان عمار هو المتسبب في الحادثه الي صارت مع سامي .. الشرطه :الووو السلام عليكم اخ سامي سامي :هلا وعليكم السلام من معاي ؟ الشرطي :الشرطه معاك نريد نقولك اننا عرفنا صاحب الرقم اسمه عمار تعرف حد بهذا الاسم ؟ واذا شفته ممكن تتعرف عليه وتتأكد انه هو او لا ؟ سامي :لا ما اعرف حد بهذا الاسم ..ايوه بعرفه اذا شفته الشرطه:خلاص بكره الصبح تكون عندنا لانه بنجيبه ولازم تشوفه علشان تعرفه سامي :خلاص ان شاء الله اكون عندكم سامي بنفسه:الحين لازم اجيب فيصل وامسكه مسكه ويقولي كل الي عنده ..اتصل سامي على فيصل وقاله لازم تجيني ضروري جاء فيصل عند سامي فيصل:ها سامي شخبارك ؟ كيف يدك ؟ ان شاء الله احسن سامي :الحمد لله بخير الله يسلمك فيصل :خير ايش الي تريده ضروري ؟..,,, سامي حس انه غلط لما قال لفيصل تعال ضروري فحب يخلي الامور عاديه علشان يقوله فيصل على كل السالفه . سامي :لا بس كنت اضحك معك عارفك بتروح مع اصحابك وبتخليني اذا ماقلت لك ضروري .. بس حبيت حد يونسني لان الوالد الله يعطيه العافيه رافضني اطلع بالسياره وانا كذا .. فيصل:افاا عليك فداك صحابي كلهم ماعليك اذا تريد اي شي خبرني بوديك مكان ما بغيت سامي :ما تقصر .. اقول فيصل هذي الرسائل الي كانت في تلفونك من عند من ؟ فيصل :هههه انت ما مسحتهم ؟ ما عليك منهم سامي:لا جد ..خاصا هذي الرسالة موقعه اخر شي بإسم امل ؟ من هذي ؟ فيصل :هذي وحده لصقت فيني فتره وانا كل ما اريد ابعد هي تجي واخر شي غيرت التلفون عشان الفكه منها سامي :زين كان تقول لها اتركيني ولا اشتكي عليك وخليك على رقمك بصراحه رقم مميز محد يخليه سامي بنفسه:رقم مميز دفعت ثمنه انا ×_× فيصل :كذا عاد صار ما عليك منها خلاص ولت بحالها سامي :اقولك الصراحة! فيصل :؟ لا تكون اتصلت بك ؟ سامي :ايوه بس ما كانت هي الي تتكلم فيصل :ما فهمت ؟ سامي :صاحب هذا الرقم هو الي ضحك علي وخلاني في هذي الحاله فيصل:اييييييش ؟ ايش بتقول انت ؟ ما فهمتك ؟؟؟؟ @@ سامي :ايوه قالو لي على اسمه الشرطه قال ان صاحب هذا الرقم اسمه عمار و الي بيستخدم الرقم هي اخته وانا استنتجت انه اخته هي امل صاحبتك لاني بصدفه قارنت الرقم برقم الرسالة فيصل :لالا ما يصير حت لو كان هي ايش دخلهم يضربوك لالا اكيد في خطأ او يمكن خربطت بالرقم وخذو الرقم الغلط سامي:فيصل خليك صريح معاي وقولي السالفه زين ايش بينك وبين هذا الناس ؟ فيصل :ما بيني وبينهم شي بنتهم بتكلمني غصب وانا ما اريدها .. تكون عصبت وقالت لأخوها و يفكرك انا وجاء وصار الي صار ؟ سامي :حت لو قالت لأخوها ما اعتقد بيفضح اخته انها بتكلمك على الاقل قدام اصحابه الي ساعدوه عليي فيصل:تكون كذبت عليه و لفت ولفقت كلام وطلعت نفسها من السالفه . انا مالي دخل هي الي جابته لنفسها سامي :مشكور يا بن عمي ..وشايف الامر عادي !!انا بكره برو ح الشرطه لانهم بيجيبون عمار هناك ويريدوني اشوفه واتعرف على شكله اذا هو او لا ..اذا سألوني ايش اقولهم ؟ اقولهم الرقم رقم ابن عمي وتفاهمو معااااه ؟؟ واكيد بيسألوني هذا رقمك ولا رقم حد ثاني ؟ وبيطلعون اسم صاحب الرقم الي هو انت فعطيني حل فيصل :... سامي :فيصل اقولك عطيني حل الحين .. انت سويت هذا كله واخرتها انا كليتها الحين عطني حل يقنعني ولا انا بتصرف بنفسي فيصل :خلاص بروح انا بكره معك وبتصرف,,, في اليوم الثاني راح فيصل وسامي للشرطه الشرطي:نحن اسفين يا سامي انت اكيد تعبان بس مضطرين انك تحضر ونخذ أقوالك سامي وهو يطالع فيصل:لا ما في تعب ولا شي حمد لله الله يسامح من كان السبب ,,, فيصل نزل راسه الارض وكان منحرج واجد من سامي ومتفشل الشرطي :نحن كلمنا عمار وهو بينكر انه سوى شي .. والحين اريدك تشوفه وتقولي اذا هو او لا,,, بعد ما جابو عمار سامي :ضحك هههه ايوه هذا هو .. الله يهديك ياخي انا ايش مسوي لك عشان كل هذا عمار :عصب لا ما سويت شي انت الشرطي :عمار انت الحين ما عندك اي خيار الا انك تتكلم وتقول الي عندك عمار :ايوه انا ضربته ويستاهل ..لانه كل يوم يتصل على اختي ويغازلها وزعجها وكل شي ولا سمعه البنت الشرطي :ويوم انه يغازل اختك تروح تضربه .. اذا عندك شكوى تجي هنا عندنا في جهات تقدر توقفه عند حده عمار :ما نريد فضايح الشرطي :والله عقليات يعني تروح تضربه مو فضيحه الا فضيحه ونص انت جبت لنفسك ..الحين الي عرف بتهمتك ايش بيقول بيفكر في شي ثاني اكبر من انه كان يغازل اختك مثل ما انت ادعيت ..وفي نفس ا لوقت تسيء للرجال ونت مو متأكد انه هو ولا مو هو الي كان يغازل اختك سامي للشرطي :الحين انا ايش المطلوب مني ؟ الشرطي :سامي انت تعرف اخته ؟ سامي :لا والله وعمري ما كلمت ولا غازلت حد عمار :كذاااااب انا شفت رقمك سامي :انا اعترف اني اتصلت على رقمها بس لانها هي مسويه لي رنه وما عرفت الرقم عمار بعصبيه :لا تكذب على اختي ولا بكسرك زين سامي :لا تعصب ولا شي عندك تلفوني وشوف مكالمات لم يرد عليها رقم اختك والوقت واضح نفس الوقت الي انا اتصلت فيها فيه وما ردت عليي وبعدها بنص ساعه انت اتصلت ومن غبائي انا ولاني كنت مو مركز قلت لك اسمي وعرفت عني كل شي و استغليتني فيصل :خلاص لو سمحت حضره الشرطي الامر واضح ان عمار متبلي على ابن عمي الشرطي :هذا شي واضح بس انا اريد اعرف السبب واقتنع فيه عمار:هذا هو سببي.. هذا واحد ما عنده غيره على بنات بلده الشرطي :الحين الحق في يد سامي ..تريد حقك ولا تتنازل ؟ سامي :انا متنازل والله يسامحه ..ولو يريد احلف له بحلف انه عمري ما كلمت اخته ولا سمعت صوتها الشرطي :خلاص سامي تنازل وانت ياعمار لازم تاخذ جزاك وتعترف من الاثنين الي كانو معك .. سامي :انا بس اريد ابرء نفسي اني عمري ما غازلت ولا تطلع عليي كلام انا بعد لي سمعه وكلام الناس ما يرحم خاصا ان السالفه كبرت ووصلت الشرطه ومحد بيصدقني الشرطي :سامي تقدر تروح انت واسفين انا جبناك هنا ونت تعبان سامي :مافي مشكله بس اريد اقول لعمار ماتصدق كل شي بسهوله الين ما تتأكد وعرف اني مظلوم وما كان من حقك انك تسوي فيني الي سويته مع السلامه ,,, عمار كان متشتت ما فهم شي والي قهره زياده رقم اخته الي شافه في تلفون سامي اما فيصل فكان مو قادر يتكلم ولا يقول كلمه لانه هو سبب الرئيسي في كل المشكله ...امل عرفت بلسالفه ان عمار ضرب ابن عم فيصل ظلم وهي ما كانت متوقعه ان عمار بتوصل فيه المواصيل والعنف انه يضرب الرجال .. وفي نفس الوقت كانت أمل متمنيه ان فيصل يكون مكان سامي على الاقل ياخذ جزاه شوي لان اخوها لازم بيحتبس فتره على الي سواه وفي كل الاحوال بتحصل أمل عقابها من عند اخوها عاجلا ام اجلا .. سامي رجع البيت مع فيصل وفي السياره كان صمت قاتل نزل سامي في البيت ولا تكلم كلمه مع فيصل حت فيصل ما حصل كلام يقوله سامي دخل البيت .. سارة :ساميي ايش سويت ايش صار ؟ سامي :ماشي تنازلت سارة :ليييش ؟؟ حرام عليك خليه ياخذ جزاءه يعتدي على الناس بغير حق ؟ تعال وايش سببه المقنع انه ضربك ؟ كان سكران ؟ سامي :الشرطه بتعاقبه غير العقاب الي تنازلت عنه .. لاهو سكران ولا شي بس شكله مخربط فيني كان يريد واحد ثاني جالي انا وانا اكلتها سارة :والله ما تستاهل فديتك يكون فداك يارب سامي :لا تدعين على الرجال قولي الله يهديه ..بروح انام انا سارة :سامي شكله مو طبيعي والله ما يستاهل ×_× ----------- امل :والله حرام ايش ذنبه مسكين ايش الحين بسوي ياربيي كله من فيصل ما بدعي عليه اخخخ بس ياربيي والله تعبني هذا الولد كيف كذا ياريته كان فيصل اووووف من تصرفات عمار الحين انا الي بكلها ------------ ام سامي خبرت اختها ام ندى بحادث سامي بس كان الامر سري ومفهمين الناس ان سامي عامل حادث سياره علشان ما يضنون الناس في سامي السؤ.. وجت لعندهم.. ام ندى :سلامات يا سامي ما تشوف شر والله ما تستاهل سامي :ما صار شي يا خاله نكون مظلومين ولا نكون ظالمني ام ندى :حمد لله بس الله يعطيك العافيه ما تستاهل يا ولدي سارة :يا خالة وين ندى ؟ مالها شوف ليش ما جت معاش ؟ ام ندى :كانت بتذاكر لخوانها وقالت لو حصلت حد يجيبها بعد المغرب بتجي تغفل معاش سارة :بس زين بروح انا اجيبها مع سامي ام ندى :لا تعذبين اخوك يده بتوجعه سامي :عادي يا خاله ما فيني شي واقدر اسوق مو مشكله ام ندى :برايكم اتصلو بها شوفوها اذا جاهزه,,, سارة رسلت لندى وقالت لها انها بتجي لها وسارة كانت معتمده انها تجيب ندى علشان يشوفها سامي زين لان سارة تحب ندى واجد وتتمنى انها تكون لأخوها كان سامي في حالة صدمه من ابن عمه على الي سواه فيه وما كان مركز مع حد حت وجعه ما كان يهمه اكثر من تفكيره في ابن عمه وصدمته فيه .. .. ركب سامي السيارة وكان مو رايق وشارد الذهن وساكت طول الطريق ,, سارة :سامي ايش فيك ياخي مانك على طبيعتك الي متعوده على تعليقاتك وضحكك ؟ فضفض لي قول الي بخاطرك ,,, سامي كان وده يكلم حد على السالفه وتفاصيلها الي محد كان عارف حقيقتها بس علشان حد يشاركه التفكير ويدله ولو بكلمه مواساه تقنعه ...بس كان عارف ان سارة ما تطيق ابن عمها فيصل ولا تحب تسمع سيرته ولو سالفه عاديه كيف ولو كانت السالفه فيها اذيه لخوها من ناحيته .. فكان سامي مانع نفسه انه يتكلم مع حد بالسالفه علشان ما يبين ان ابن عمه مسوي شي مو زين قدام الناس ,, سامي :ما فيني شي بس نعسان شوي واريد انام سارة :زين كان تقولي معد اعذبك ^^! سامي :عادي لاحق على النوم,,, وبعد ما وصلو لبيت ندى ندى :السلام عليكم سامي وسارة :وعليكم السلام سارة :اهليييين ياحيا بندى وينك يا القاطعه سلامات ندى :سلامات .. كيفك سامي ما تشوف شر سامي :الله يسلمك الشر ما يجيك كان سامي في البدايه يستحي ويتكلم بصوت منخفض لانه ما تعود يكلم بنات عمه او بنات عماته فكان متحفظ شوي ندى :سارة سمحي لي انا ما احصل حد يجيبني عندكم وخواني عليهم امتحانات وانتي بعد قربت امتحاناتك وما حبيت ازعجك .. 0 0 0 >>>>>>يتبع............. | ||||
|
| |
|
10-11-15, 05:36 PM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| // الجزء الخامس سامي بدون شعور :اصلا سارة مكسره عمرها ع المذاكره تعالي اي وقت ما عليك واذا ما في حد يجيبك اتصلي بي سارة :اي سامي ههههههههههه سامي :هاا لا ما قصدي شي انا وسارة نجيبك اولاد خالتك لا تستحي منا ندى مستغربه :ما تقصرون @@!,,, وفي الطريق رن تلفون سامي .. سامي :من هذا بعد ,, الووو ؟؟ ,,,:الوو كيفك ؟ انت الحين لحالك ؟ سامي :نعم؟؟ ,,,:انت وحدك الحين ؟؟ سامي :وانتي ايش دخلك من تكونين علشان تسألين انا وحدي او لا ؟,,, كان كلام سامي بدون ما يحسب حسابه للي معه في السيارة لانه كان معصب وزادته تعصيب اسلوب البنت المتصله ,,,:بس اريد اقولك شي ممكن ؟ سامي :ايش تريدين ومن انتي ؟ ,, :انا امل اريد اقولك ,وو سامي قفل السماعه وقفل التلفون كامل وعصب اكثر وصار يسوق بسرعه وسارة ماسكة نفسها وما قدرت تتكلم كلمه .. اما ندى ندى :انا عادني اريد نفسي اذا انت صاخي بنفسك وبأختك شوي شوي ماشي بيطير لاحقين ,,, ساره انصدمت من كلام ندى لان سامي كان اذا عصب يسوي اي شي من كذا ما كان حد يكلمه اذا كان معصب وكانت خايفه من رده فعله على كلام ندى وتريد تعرف من الي كان على التلفون .. بس الي ما كان متوقع من سامي انه خفف السرعه وما رد على ندى .. وسارة مستغربه من الموقف @@! وصلو للبيت ودخل سامي البيت ولا طالع في حد كان معصب وباين في وجهه العصبيه ودخال غرفته وجلس وحده ,, سارة :سمحيلي ندى ..سامي اخوي ما قصده يمكن حد زاعجه لا تلوميه الحادث مأثر عليه شوي ندى :ما ادري بس بديت اشك ان سامي اخوك مو مظلوم مثل ما قلتي لي شكله باديه معاه سوالف من عاير ابتلى يا سارة ضحكتي على فيصل اخو ريم وطلع اخوك نفس النوعيه سارة وهي متردده لانها كان تفكريها مثل تفكير ندى بس بتكابر :حشااا ما تقولي عن سامي كذا الا سامي مو سامي الي يتبع حركات فيصل ..فيصل اخر واحد سامي يتبع كلامه لا حرام عليك تصغرين بعين اذا تقولي كذا ندى :بصراحه اي حد يسمعه وهو يتكلم في التلفون يقول كذا ايش يعني بيكلم والدته كذا مستحيل سارة :لا تضنين فيه السوء ممكن حد مخربط شي كذا ما تدرين ندى :الله العالم,,, سامي كان متشتت مو عارف ايش يسوي صدمته كانت كبيره وزادتها امل ولو سمع كلام ندى الي قالته فيه بتكمل معه بعد ما راحت خاله سارة ..دخلت سارة عند سامي سامي :ايش تريدين طلعي برع خليني انام مو ناقص حد ولا اريد اكلم حد سارة :لا لازم تقوم وتكلمني وتقولي من الي كنت بتكلمها يوم كنا انا وندى في السيارة؟؟ سامي:ما ادري سارة :حلوه واضح انك تعرف الي تكلم والواضح انها بنت !ما قلت عمرك ما كلمت بنات ؟! سامي:زين والمطلوب ايش تريدين ؟ ؟ سارة :سامي ارجوك ما اريدك تكون مثل فيصل لا تصدمني فيك سامي :ما اريد اسمع اسمه يلا طلعي وقفلي الباب بنام سارة:ايش فيك سامي ايي .. فيصل سوا فيك شي ؟ قولي ؟ سامي معصب :مالك دخل اقولك طلعي برع ,,, سارة طلعت من الغرفه وهي زعلانه لانه سامي مو من العاده يقسى عليها كذا سامي بعد ما طلعت سارة حز في نفسه انه قسى على اخته وهي ما كان قصدها الا انها تكلم اخوها وتعرف ايش الي فيه وهو ما كان نفسه يكلم حد حت لو فكر ما بيكلمها ولا بيخبر بالي فيه لانه على باله انه اذا تكلم بيسيء لولد عمه فيصل ,, ----------- في بيت ابو فيصل ابو فيصل :يا فيصل ايش فيه سامي قالو مسوي حادث فيصل :لا ما في داعي اخبرك مو زين نتكلم على الرجال ابو فيصل:ليش ايش مسوي ؟ هو الغلطان ايوه بيسرع ؟ فيصل :لا هو مو حادث سياره هو انضرب جوله شله ضربوه ابو فيصل :وعشان ؟ ايش سوا.. ما قالو انه حادث سيارة ؟ فيصل :الله يستر عليه مو زين مافي داعي اقول أبو فيصل :قول يا ولدي علشان اذا في شي مو صح نتكلم مع والده ويشوف له حل فيصل :لا ما في داعي تكلم والده خلاص قد خذ جزئه.. وبعدين هو قال لوالده كلام ثاني ووالده اقتنع وخلاص ابو فيصل :زين ايش سوا ؟ وبيكذب على والده ؟ ما يستحي هذا فيصل:كانه كان يغازل بنت على التلفون والبنت خبرت اخوها جو وضربوه ابو فيصل:يستاهل ليتهم كسروه زين انا افكر سامي عاقل يطلع كذا لازم اخبر ابو سامي فيصل :لالالا مافي داعي لاااا يا بو فيصل انا خبرتك وما اريد حد يدري لانه لو درا بيقول انا قلت محد عارف بالسالفه الا انا ابو فيصل :اذا ابو سامي عرف عنك شي مو زين بيجي يخبرني كلكم اولادنا ونريد لكم الصلاح وانا لازم اخبر والده يشوف له حل في هذي اللحظات دخلت ريم الصاله جابت لوالدها الشاي ريم :على من ؟ من هذا الي بتخبرون والده ؟ فيصل :مالك دخل ابو فيصل :ابن عمك الي اصدمنا في عمايله ريم :من سامي ؟ ليش ايش سوا ؟ ابو فيصل :ما خلا بنت ما كلمها هذا وهو هنا في البلد كيف عاد كان بيسوي برع البلاد ؟ ريم :معقوله !!سامي ؟؟ لالا ما اعتقد هذا يستحي من ظله حرام عليكم وانتو ايش عرفكم ؟ ابو فيصل :مو انضرب يوم غازل بنت الناس ياما تحت السواهي دواهي ريم :لاااااا معقول ؟؟ سامي؟ بصراحه اخر واحد اتوقعه انتو متأكدين ؟ فيصل :وانتي حمقانه ليش ؟ ومهتمه كذا واجد ليش ؟ مالك دخل خليك في حالك ريم :لا بس ........... فيصل :روحي شوفي دروسك وخلي عنك الكلام الفاضي بتدافع عنه وهو قبل امس انضرب والله حاله ريم في نفسها :لازم اتصل بسارة واسألها عن السالفه وايش ا لي صار باضبط ,,, راحت ريم تتصل بسارة .. ريم :الوووو السلام عليكم كيفكم شخباركم ؟ ام سامي:وعليكم السلام اهلين من معاي ما عرفتك ؟ ريم :انا ريم يا خاله ام سامي:حياك الله كيف االاهل هناك ؟ ريم :والله الحمد لله ..سارة موجوده ؟ ام سامي:ايوه لحظه اناديها ,, سارة:الووو اهلين ريم شخبارك يا القاطعه ماعاد شفناك ؟ ريم :هلا الحمد لله تمام دراسه وغبز ما بسألك انت نفس الحاله متعادلات ههه.. ريم :اقول سارة بسالك اممممم سارة :هااا قولي سألي ليش متردده ؟ ريم :لا بس ايش صار على سامي ؟؟ سارة :هههههههههه الحين هذا سؤالك ههههه والله حاله ريم :ليش تضحكين جاوبيني سارة:بخير سامي سوى حادث بسيط وبخير هو ريم :ايش نوع الحادث ؟ سارة :يعني الحوادث كيف تكون سياره طبعا كان سارة تعرف ان سامي انضرب ومثل الجميع فاهمه ان شله شباب كأنهم كان هدفهم شخص وخربطو بسامي وطاحت على راس سامي وكانت تستعبط على ريم.. ريم :متأكده ؟ سارة :اي ايش فيش ايوه متأكده ريم انتي شاربه شي اليوم ههههه؟ ريم :لا بس انا سمعت كلام غير كذا انه سامي مو مسوي حادث سياره سارة :طيب ايش الي مكسر ايده يا فالحه ؟ ريم :لاااااااه كسروله ايده ما يستاهل والله وتقولي بخير ×_× سارة:اي ريم ايش عندك قولي من هم الي كسرو له يده بصراحه ما فهمت لك ؟؟؟ @@! ريم :سمعت ان سامي ما سوى حادث سياره في جماعه ضربوه لانه يغازل أخت واحد منهم والبنت اشتكت لأخوها واخوها جمع اصحابه وضربوه ,,, سكتت سارة لحظات تتذكر التلفون الي جاء لسامي وما عرفت من وبتتذكر كلام ندى الي قالته عن سامي ,, سارة دخلها الشك في اخوها و مو مصدقه بس الكلام مطابق للواقع الي هي مو عارفه حقيقته ريم :ايش فيك سارة سكتي ؟ خبريني السالفه هذي صح ولا ؟؟ سارة:ريم من قال هذا الكلام ؟ انا عارفه اخوي زين لا تقولون عنه كلام كذب ريم :بصراحة اليوم سمعت فيصل ووالدي يتكلمون عن هذي السالفه .. انا مالي دخل ومستغربه من هذا الكلام لانه من عرفت سامي وهو مو مال هذي السوالف سارة معصبه :زين وايش قالو بعد؟؟ ريم :والدي قال بيخبر والدك علشان يشوف لسامي حل سارة :كلام فاضي روحي انتي واخوك خرفو بعيد عنا ريم :ايش فيك قلبتي عليي ؟ انا مالي دخل انا لو مقتنعه بكلامهم ما كنت اتصلت بك .. سارة :زين انا متأكده انه كلام فاضي وبسأل وبعرف الصح ريم :اوك لا تنسيني انا منتظره ردك سارة :خير ان شاء الله بس اريد منك طلب ولا ترديني ريم :اذا اقدر ولا يهمك .. سارة :قولي لفيصل اخوك تقولك سارة خليك بعيد عن سامي لانه دامك قدامه ما بيكون بخير ريم  @ لااااااااا ما اقدر انتي مجنونه انا بالعافيه قدرت اتصل بك سارة لا يكون حد يدري اني كلمتك او قلت لك شي بلييييييييز سارة :ما منك فايده انت مت بتكون لك شخصيه كما الناس وبتتخلين عن الخوف الي فيك ؟ خوااافه ..خلاص زين يلا باي ريم :يالله مع السلامه سارة :الحين ايش اسوي ؟ انا المفروض زعلانه من سامي وما بكلمه حت يراضيني اممممممم ..خليه بيجي وبيكلمني بعدين بتصرف لازم اتأكد من كلام ريم,,, سامي كان طالع يغير جو ولما وصل عند باب البيت تذكر سارة انها ماخذه على خاطرها منه و رجع يجبر بخاطرها ويكلمها .. سامي :سارة ؟؟ سارووه سارة مسويه انها زعلانه:نعم في حاجه؟ سامي :لا ما في بس حبيت اسلم سارة :زين انا مشغوله ما اريد ازعاج ابتسم سامي وطالعت فيه سارة .. سارة :لوين بتروح ؟ سامي :بتروحين معاي ؟ سارة :ايوه خلا دقايق بلبس وبجي سامي :ههههههههه يالله بسرعه سارة في السيارة :وين بروح ؟ سامي :لو دريت ان الطلعه بتراضيك كنت كل يوم زعلتك هههههههه واطلعك في السبوع مره هههههههه سارة:اووف اصلا بس نسيت اني زعلت يوم قلت لي بتروحين ههههههه وين بروح ؟ سامي :بنتمشى عادي مافي مكان محدد .. تريدي نروح البحر؟ سارة :ايوه من زمان مارحت له سامي :كم حدك بس خلا ههههههه,,, سارة تفكر وهي ساكته كيف تقدر تكلم سامي ومو هاين عليها الوضع انه ما صدقت ان سامي ارتاح شوي وطلع من الجو الي كان مكدره .. بس لازم تعرف فيصل يكذب ولا كلامه صح قبل ما يروح ابو فيصل يخبر الوالد .. سارة :سامي ..بسألك سؤال وياريت تجاوبني بكل صراحه سامي :اوك قولي ايش عندك ؟ سارة:بس لا تزعل مني وقولي الصراحة سامي :خلصيني قولي ايش عندك ؟ سارة:كيف كان الحادث الي صار لك سامي :كم مره اعيد واقولكم سارة:يعني ما تعرف حد من الي ضربوك ؟ سامي :خلاص كل شي خلص لا تعيدين لي السالفه سارة :اممم..... سامي :قولي الي عندك في عيونك كلام قولي ؟؟ سارة :بصراحة انا سمعت كلام ثاني ..انه انت كنت تكلم اخت واحد من الي ضربوك وضايقتها وهي خبرت اخوها وبعدين ,,, سامي عصب وحس ان فيصل صار يلعب من وراه وما كفاه الي سواه والي جا من وراه :ومن قالك هذا كله ان شاء الله ؟ سارة:عرفت وخلاص سامي :تكلمي سارة:ريم قالت لي وقالت عمي اليوم بيجينا يخبر والدي بليي صار ,,, سامي حت لو قال الحقيقه محد بيصدقه خاصا عمه الي يريد اي شي على سامي علشان يشهر فيه يعني السالفه لاصقه في سامي 100 % سامي مصدوم من الكلام:.... سارة:يعني الكلام صح ؟؟ سامي تشتت تفكيره واحتار ايش يرد على سارة ,, سارة حست ان الكلام صحيح من سكوت سامي .. سارة وهي معصبه :يعني ندى كان تحليلها صح وما كذبت ×_× سامي :متفاجأ ليش ايش قالت ندى ؟ ؟ سارة :قالت انك مثل فيصل وانه انا كنت اضحك واتكلم على فيصل واقول عنده سوالف وعايرت الناس وطلع اخوي مثله سامي في نفسه مقتهر:حت انتي يا ندى كلكم ضدي!!.. الله يسامحك يا فيصل ما كان كذا اتفاقنا سامي :الحين انا صرت مثل فيصل ؟ سارة وصارت تبكي :ايوه وممكن تكون اكثر..سويت اكثر من الي سواه فيصل على الاقل فيصل اذا سوا شي ولو عنده سوالف ما توصل فيه المواصيل انه حد يجي يغلط عليه يقدر يخلص ومايكون عليه شي حت والده مايعرف عن سوالفه اما انت خليت الي يسوى والي ما يسوى يدري بالي بتسويه ,,, سامي انصدم من كلام سارة وما عاد عنده شي يقوله ..وعارف ان سارة عارفه عن رقم فيصل بس ظل سامي متحفظ على وعده لبن عمه انه يغطي السالفه ...سامي لف للبيت ونزلت سارة وهي تبكي وزعلانه ومصدومه في سامي ..لانها اخر واحد تتوقع منه هذا الشي و الي قنعها اكثر ان سامي ما دافع عن نفسه ولا برر موقفه بشي سامي في نفسه :من الحين بيصدقني ؟ ايش اسوي ؟ حت لو قلت ان فيصل هو السبب في كل شي محد بيصدقني وممكن تزيد السالفه وتنفتح من جديد وانا مو طبعي اني افتن على حد وحت لو تكلمت يعني الوجع بيجي لفيصل ما اعتقد انه بيحس لانه مو فارقه معاه ووالده مستحيل يصدقني.. بس الي قاهرني اني ما اسوي شي والناس تتكلم عليي بسوء وانا ما سويت شي هذا الي يقهر ×__×..الغربه كانت صعبه بس مو اصعب من الموقف الي انا فيه الحين ايش اسوي ..ياربي ساعدني وفكني يارب ,,, تفكير سامي ما وصله لحل الا انه يكلم فيصل ويتفاهم معه ..اتجه سامي عند عمامه دق الجرس وطلع له عمه ابو فيصل .. سامي :كيفك يا عم .. فيصل موجود ؟ ابو فيصل :حمد لله بخير .. ايش تريد بفيصل فيصل نايم سامي :ما اقدر اكلمه اليوم ؟ 0 0 0 >>>>> يتبع .............. ولي عوده ... تحليلكم وتعليقاتكم لا تنسون ^______× | ||||
|
| |
|
10-11-15, 05:38 PM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| // // الجزء السادس ابو فيصل:نايم ما تفهم انته فيصل نايم ما ادري به تريد شي ثاني ؟ سامي :لالا سلامتك .. سامي في نفسه وهو في الطريق لخارج البيت :اشفيه هذا الثاني ناقصه انا الله يستر ايش بيقول لوالدي البدايه ما تطمن .. شوي وسامي راكب سيارته طلع فيصل من البيت ..شافه سامي وضرب هرن علشان ينتبه له..فيصل ابتسم لسامي ورفع يده يحييه و ركب سيارته وراح .. وسامي مقتهر من حركه فيصل انه حت ما عبره ولا سأله ايش يريد.. سامي :ايش بلاني اروح له هذا اوووف ما في حل الا اني اروح رحله مع اصحابي وابعد شوي ؟ اممم لالا اذا رحت بعتبر هربت من الواقع وهو ورايي وبتلصق فيني السالفه اكثر ايش اسوي ياربي بقول لأهلي على الاقل يعرفون والي فيها فيها خلاص فيصل اصلا مو كفو احد يثق فيه ..ما كذبتي يا سارة يوم قلتي فيصل مو كفو ثقه اخخ هذي وانا ما طلعت معه ..,,, راح سامي يدور في الشوارع بدون ما يدري وين رايح لانه كان يفكر ويريد حل يقنعه زين ..وبعد ما تعب من دواره رجع البيت وكانت الساعه 11 بليل دخل البيت وكان متوقع اي شي يصير لانه عارف عمه ما بيصبر الا يوصل الخبر لوالده ..شاف سارة ووالدته في الصالة .. سارة لما شافت سامي قامت وراحت غرفتها ووالده سامي تطالع سامي وهي منكسره سامي :مساء الخير ..ايش فيك يا ام سامي مو بالعاده اشوفك كذا ؟ ام سامي :تسألني يا سامي ..الله يسامحك يا ولدي كذا سواتك.. تكذب علينا ؟ ما فكرت في كلام الناس ؟ ايش بيقولو عنا الناس هو واحد وما عرفو يربوه ؟ ماقدرو عليه ؟ ولا هذا اخر الترفيه الي ما نقصنا عليك شي كذا يا سامي سامي :يا ام سامي والله مظلوم صدقيني ام سامي :كيف مظلوم محد بيجي يضرب حد كذا بدون سبب بلادنا امان ومافيه عصابات نخاف منها والي سوا شي بياخذ جزاءه .. سامي :يامه انتي الحين ليش ما تريدين تصدقيني انا تربيتكم ولا عمري فكرت اسوي شي كذا وانتي تعرفيني ما احب اكلم بنات واستحي ولا اقرب عندهن ..ولا بحلف كذب ,, وفي هذي اللحظات دخل ابو سامي .. ابو سامي :سامي تعال اريدك سامي :ان شاء الله,,, دخل سامي المجلس مع والده ابو سامي :سامي الكلام الي سمعته صحيح ؟ سامي :اذا بتصدقني بتكلم ابو سامي :تكلم سامي :لا مو صحيح وما اقدر اقول الا كذا ابو سامي :لا ما يصير كذا الي قاله عمك كله صار الا قصه البنت هذي الي طلعت لنا سامي :يا ابو سامي الواضح ان الرقم الي اشتريته كان مال واحد لعاب و انا انظلمت وصار الي صار ابو سامي :كيف كذا يا ولدي من بيصدق كلامك تفكرنا اطفال ..كل مره بتألف لنا قصه ؟ وافرض ان الرقم مال شخص ثاني ايش الي دراهم انك جالس على الشاطي وعرفو مكانك على طول ؟ سامي :يا ابو سامي السالفه انه انا لما اتصلو بي ضنيت انهم تبع الدوام فقالو لي انهم يريدون يقابلوني وانا لبيت ورحت وصار الي صار ابو سامي :ياولدي انا والدك لا تخبي عليي شي انا ما اتوقع منك هذا الشي بس السالفه ما دخلت راسي وبعدين فيصل قال لوالده انه هذي السالفه محد يدري بها الا انت وهو يعني متفقين تخبون فلا تلف وتدور وقولي الصراحه سامي :يا بو سامي ليش ما تريد تفهمني ؟ فيصل يمكن وصل السالفه لوالده غلط او عمي ما فهمه .. ابو سامي :المهم يا سامي انت ولدنا الوحدي ونحن دايم نشوف فيك حالنا وما نرضي حد يقول فيك شي فإذا معك شي سوالف اتركهم وخليك في حالك احسن هذي المره انضربت المره الجايه ما تدري ايش يصير فيك خليك مثل فيصل ابن عمك سامي مقهور:لا يا بو سامي لهنا وبس فيصل اخر واحد احاول اكون مثله او يكون قدوتي راح الزمن ودار وصرتو تقارنوني بفيصل ابو سامي :وايش فيه فيصل .. رجال ويشتد فيه الظهر ولو كان بيسوي شي بيظهر والناس بتدري فيه مثل الي انت سويته .. ياريتك في الدراسه ولا اتنحط في هذا الموقف امام الرجال ..الحين انت مفكر عمك بيسكت ؟ مكان ما جاء بيتكلم وبيقول حت لو انا اخوه ما بيفكر انه انت مثل فيصل و سمعتك من سمعته الله يهديك يا سامي خبرتك اخر مره اسمع عنك شي كذا ولا بيكون في تصرف ثاني معك سامي :يا ابو سامي الحين انت ما صدقتني حرام عليييك ابو سامي :لا حرام عليي ولا شي تحمل الي يجيك لانه شي جبته لنفسك طلع ابو سامي وسامي مقتهر جلس سامي في المجلس فتح التلفزيون وهو مو مركز مع الي في التلفزيون كان كل تفكيره في اهله كيف ما صدقوه يعني اهله ما صدقوه الناس الثانيه بتصدق ؟ اليوم الثاني : فتح سامي تلفونه وحصل رسالة من عند أمل :ليش قفلت التلفون؟ ليش ما سمعتني ؟انا اسفه ما كان يقصدك عمار اخوي كان يقصد فيصل بس ما اعرف مت بقدر اوصل لفيصل ودامني حيه بيجي له يوم وبتقول امل قالت .. سامي :وانا ما بخلص من هذولا ورايي ورايي ؟؟ ,,, وجت لسامي فكره سامي :فيصل كان سبب في الي صار لي ومع هذا كله بدل ما يسكت ويغطي السالفه راح وخلاني ما اسوى شي قدام اهلي الحين خليه يحس بشوي من الي فيني لو كان بيحس نذاله بنذاله ,,, راح سامي رسل رساله لأمل يقول فيها.. اسف مالك ماتنفعني الي صار صار واخوك وابن عمي ما قصرو فيني ولكذا هذي ارقام فيصل كلها مال الشغل:,,, والنقالات:,,, وسوي الي تريدين ورقمي هذا نسيه ولغيه من عندك واذا شفت رقمك مره ثانيه بشتكي عليك وبتكون فضيحه من صح..,,, امل ارتاحت لما شافت ارقام فيصل لانها تريد تسوي فيه اي شي لانها وعدته انه ما بتخليه وسامي قصر عليها المسافه وجاب لها الارقام كلها .. سامي في نفسه :الحين والدي ووالدتي ما اقتنعو بس مشو السالفه حت لو مو مرتاحين بس سارة الحين ايش الي يقنعها؟؟ عارفها اذا مقتنعه بشي ما تفك عنه الا بدليل قاطع ... ما بقد اخبرها ان فيصل ورا هذا كله لانه ما اعرف ايش بتسوي اذا درت .. بروح لها اجرب اكلمها ,,, سامي دق الباب على سارة سارة :ادخل سامي :شكرااااان ^^ سارة :ايش تريد ؟ اذا ما شي مهم قبض الباب سامي:افاااا اخوش اكبر منك تقولين له كذا حشمي شوي ؟ سارة :دام هو مو محشم حد وهامه نفسه محد بيحشمه سامي :ايش الي يرضيك الحين خبريني ؟ وانا مستعد اسويه سارة :اقنعني ان كلام فيصل عنك كان كله كذب سامي :انتي ما تنسين ؟؟ خلاص السالفه خلصت ونسيناها سارة :لا انا اريد اقتنع لاني مو مصدقه انك تكون كذا سامي :خلاص اعتبريه طيش شباب و اوعدك ما اكررها سارة:طيش شباب!! يعني تعترف انك مو مظلوم وتستاهل الي جاك سامي:فسري الكلام على كيفك المهم تنسين السالفه وانا هنا سامي قداامك اوعدك ماتسمعين الا كل خيرعني ان شاء الله والانسان يغلط وكل غلطه بتعلومه .. سارة :خلاص زين سامي :ايش الي زين ؟ ما فهمت ؟ يعني ؟ سارة:خلاص بنسي مع اني مو مقتنعه سامي :لا اقتنعي واذا نسيتي بتريحيني سارة:خير ان شاء الله بس يا خوي انت راس مال اهلي ومانريد تكدرهم في شي وانت وعدتني الحين سامي في نفسه:أخخ لو تحس يا فيصل بالي انا فيه الله يسامحك كانت السالفه بتعدي وخلاص سامي :ان شاء الله خيتووه بس اهم شي انتي ركزي في درستك واذا تريدين مساعده خبريني ولا تترددين سارة:ان شاء الله .. سارة بنفسها :مدري ليش حاسه سامي مخبي شي ..... سامي :يلا انا بطلع بروح ادور في الشركات الزفت ولا يكون حد وافق عليي سارة :ههه -الله معك --------------- ريم في بيتهم كانت على نار تريد تعرف صحت الخبر و سارة ما اتصلت بها ولا طمنتها .. ريم :ايش اسوي ؟امممممم اتصل بها ؟؟ لالا برسل لها مسج في هذي اللحظه كان فيصل يسمع ريم ايش بتقول .. فيصل :من هي الي بترسليين لها ؟مجنونه بتكلمي نفسك؟ ريم :هااا ايش لالا ما شي فيصل :قولي ايش معاش ؟؟ ريم :ما شي بكلم سارة بنت عمي في اشياء في الدراسة اريد اسألها عليها فيصل:الحين سارة اشطر منك؟ اذا تريديني اوصلك عندها خبريني .. ريم مستغربه @؟؟؟ زين مشكور اذا بروح لهم بخبرك .. ريم في نفسها :امممم زين هو ما يخاف يكون سامي في البيت ويشوفنا ما كان تفكيره كذا والي يقهر اكثر ان سامي قريب صارت له السالفه مع البنت و فيصل هو الي بيخبرنا يعني ليش فيصل ما خاف علينا منه ؟؟؟ امممممم ..اكيد في شي ..لازم اروح لهم احسن مو كل يوم بيكون فيصل رايق وبيقول لي بوديك ريم :فيصل خلاص بروح عنها بتوديني العصر ؟. فيصل:زين الساعه خمسه تكونين جاهزه ريم :ان شاء الله ,,, ريم رسلت لسارة انها بتجيهم العصر وخبرت فيصل انه يوديها واول مره تحس ريم ان فيصل متغير يعني كان بعد تعب يوديهم عند عمامه خاصا اذا كان سامي موجود في البلاد ..كان قصد فيصل انه يتشمت في سارة الي كانت اكثر وحده ما ترتاح لفيصل ويريد يشوفها بأي طريقه علشان يعايرها بسامي اخوها والسالفه الي صارت .. كانت سارة ما تجلس مكان الا تمدح فيه اخوها وتشوف نفسها فيه وطبعا كان كلام سارة عن اخوها كله صح بس هي اذا حد من بنات عمها اشتكو من خوانهم تتكلم عن سامي وتخبرهم انه ما يرفض لها طلب وطيب و و و و .... وهذا الشي كان مأثر في ريم فكانت اذا تريد شي من اخوانها تقول لهم ما شفتو سامي الي يصبرع على اخته ويوديها مكان ما تريد احسن منكم فكان هذا الكلام يغيض فيصل وما يعجبه ..وصل فيصل قدام بيت عمه وغير العاده قال لريم .. فيصل :بنزل اسلم على عمي ريم @؟؟؟ طيب ,,,دخل فيصل وريم عند عمامه سارة كانت متحمسه لزيارة ريم لهم لما دخلت الصاله تفاجئت بفيصل سارة في نفسها:هذا ايش جابه عندنا ؟؟ الله يكفينا شره اووف سارة ما عبرت فيصل :اهلييييين ريم كيفك وشخبارك؟ معد جيتينا اشتقنالك فيصل:لو ما انا جبتها ما كان جت عندكم يالله شكريني ههههههه سارة :انزين حظك غصبا عنك بتجيبها لانه بنذاكر,,, في هذي اللحظات دخلت ام سامي الصاله ام سامي :اهليين فيصل وريم عندنا يا حيا بكم كيفكم وشخباركم وكيف الاهل؟؟ ريم :الحمد لله يسلمون عليكم ام سامي:الله يسلمهم فيصل :يا ام سامي كيف سامي؟ ام سامي :حمد لله بخير واعافيه في هذي اللحظات راحت ام سامي تخبر الشغاله تجيب شي بارد للضيوف سارة ما ارتاحت لسؤال فيصل لانها حاسه انه ورايه شي فيصل :ها سارة عرفتي بسوات اخوك ؟ سارة :اخوي ما سوا شي احسن منك فيصل:واضح ..فعلا اكيد هو احسن مني بيكلم البنات ومعه سوالف ما تدرين بيطلع معاهن وين ههههههه هههههههههههه سارة :فيصل شوف انا متأكده اخوي مو مثلك فسكت احسن لك انت في بيتنا ولا تغلط على سامي ريم :يا جماعه بس عينو خير ماشي يستاهل سارة:سكتي اخوك الي ماعنده سالفه ..اقول انا دخلتك علينا مو لله فيصل:من قالك ؟انا اصلا جاي اريد عمي في سالفه سارة:عمك مو محتاج لك وطالع رحله وما بيجي اليوم فروح احسن لك فيصل:افااا كذا بس طرده الله يسامحك زين عادي يكون لك سارة:ريم خلا يالله بروح نذاكر اكرم لنا من الجلسه هنا بدون فايده مع واحده اي كلام ريم :اي سارة ايش فيك ؟ سارة في نفسها :الله يسامحك يا سامي اخر زمن خليت فيصل يعايرنا .. سارة:ما فيني شي يلا قومي ولا اذا ما جيتي تذاكرين رجعي مع اخوك ريم:ايييي سارة كانك زوتيها انا ايش ذنبي فيصل:هذي بنت عمك وحبيبتك الي جننتي بنا تريدين تروحين لها شوفيها بتطردك بطريقه غير مباشره ريم بصراحه هذي مو كفو واحد يهتم لها ريم :ايييييييي فيصل روح الحين وانتي يا سارة هدي جنيتو ايش فيكم ,,,,,,, في هذي اللحظه جاء سامي ودخل الصالة ..لما شاف فيصل كان يتصرف عادي سامي:اهلين اولاد العم عندنا اليوم ايش الي جرا؟؟ كانه العيد خخ ,,, فيصل انحرج من سامي ما كان وده انه يقابله وما كان متوقع ان سامي بيكون في البيت ..لانه ما له وجه على الي قاله كذب عن ابن عمه فيصل :اهلين حياك كيف يدك ؟ سامي :حمد لله بخير دام اني مظلمو لازم بتتعافي الله مع المظلمو وعلى الظالم ..الله يسامح الي كان السبب فيصل استغل الفرصه .. فيصل :ايش مظلوم ههههههههه كلهم قد عرفو الي سويته ياخي عيش حياتك سامي بمسخره:اووه بالله عليك فكرت محد عارف الا انت سمح لي فكرتك ابن عمي وحبيب قلبي بتغطي عليي سالفتي بس عادي كل شي يجي في وقته ويعترف لا تستعجل..الجايات اكثر.. فيصل انصدم من كلام سامي ما كان يعرف سامي كذا بيرد عليه وحس نفسه تفشل وماعرف ايش يقصد سامي بالضبط انه هل هو خبر اهله بالسالفه الصحيحه وصدقوه ولا ايش الي صار بالضبط؟؟مع ان فيصل حاسب حسابه ان اهل سامي مستحيل يصدقوه لان السالفه كانت مرتبه زين وكان حاسبها صح وكل شي لصالح فيصل وعارف ان سامي ما بيخبر لان سامي يعز عليه ما يفتن على حد حت لو هو بيطلع مظلوم .. ومن جهه ثانيه فيصل شاف ان سارة كانت مستقويه وتتكلم بثقه ما درى ان سارة طبعها كذا مهما كان ما تتنازل عن حقها ولو كانت غلطانه .. وهوحاط في باله ان سارة ما بتتكلم كذا الا وهي واثقه فيصل:يالله انا بطلع سلمو على عمي ,,, ريم مستغربه من الموقف وما فهمت شي وسارة نفس الشي بس احساسها من كلام فيصل ان سامي مظلوم وماله دخل في السالفه بس الواقع شي والاحساس والكلام شي ثاني ..سامي راح ولا كلم فيصل ولا عبره وخلاه ودخل غرفته فيصل:شفتي الادب الي في اخوك حت ما قال لي مع السلامه حمقان ليش خابرت عن سوالفه سارة:مالك دخل في اخوي بيته ويسوي الي يريد ما قلت بتروح يالله الله يحفظك .. فيصل:زين يا بنت العم يجيلش يوم وتتذكرين ايش الي سويتيه وايش الي قلتيه عليي زين سارة:زين حظك ..ريم خلا يالله بنذاكر حد بيجي له نفس يفتح شي الحين هوف ,,, دخلت ريم وسارة للغرفه وفيصل طلع وهو مو مرتاح لكلام سارة وكل تفكيره يسوي اي شي يكسرغرور سارة وثقتها الزايده الي دايما تسكت فيها فيصل في الغرفه .. سارة فتحت الكتاب:يالله بسم الله خلينا نشوف الرياضيات ايش الي مو فاهمينه ريم :لحظه سارة بتخبرك سارة :ريم موضوع غير الدراسه ماني راده عليك ريم :سارة ايييي حرام عليك سؤال بس سارة:هاا خير ؟ ريم :سالفه سامي طلعت صح؟ سارة:ريم ماني راده عليك شوفي بتذاكري حياك ما بتذاكري شوفي اخوك المؤدب يجيلك قربت الامتحانات مو ناقصه اضيع وقت ريم :سارة عيب عليك ما قلت شي انا الحين ما حسيتي نفسك هذي اليومين متغيره عليي حرام عليك سارة:اعوذبالله من الشيطان ريم حبيبتي اسفه مو قصدي بس هذا اخوك فيصل الغبز ما خلا فيني حس هو وكلامه خلاص خلينا في دروسنا محد بينفعنا يالله .. ريم :اوك,,, فيصل وهو في السيارة راجع البيت :هذي سارة يريد لها سالفه لوحدها خليها سامي مهو احسن منها بتشوف ..,,, 0 0 0 0 يتبع >>>> تحليلكم لا تنسووووووون ^^ | ||||
|
| |
|
10-11-15, 05:41 PM
| #9 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| // // الجزء السابع وفي هذي اللحظه رسلت امل رساله على تلفون فيصل .. سلام يا ناسي العشره ..ما قصدي ابن عمك ونت ادرى وجاي دورك قريب .. فيصل في نفسه متردد:من هذا ؟؟؟ @@أمل ؟؟؟ لالا ما اعتقد من وين بتجيب رقمي امممم اتصل اتأكد ؟ لالا ما بتصل بخليها ,,, استمرت امل في ارسال الرسائل لفيصل ويكاد تلفون فيصل ما يوقف مسجات مره مسجات عتاب ومره شوق ومره مسجات فاضيه .. وفيصل مستغرب ومو متأكد من الرقم اذا هي امل او لا ..بس الكلام يقول انها امل فيصل ما صبر والفضول قاتله يريد يتأكد جرب يتصل .. فيصل :الووو امل :اهليين حي الله الغالي فيصل:انتي من ؟ امل:افااا نسيت صوتي؟ فيصل:امل ايش تريدين ؟ انا ما قلت لك بعدي عني مو محتاجلك خلاص؟ ايش فيك ما تفهمين؟ بنات اخر زمن تركض ورا الشباب امل:لا والله ؟ وانت ايش كنت تسوي للأسف انا ما عطيتك وجه الا يوم اوهمت نفسي اني تأكدت انك صادق بس حشا الصدق ولا قرب عليك فيصل:اوك دام انك عارفه هذا الكلام ليش بترسلين لي ؟؟ ومن وين اصلا حصلتي رقمي ؟ امل:مشكلتي اشتقت لك..والي يسأل ما يتوه فيصل:زين انا ما اشتقت لك ولا اريد اسمع صوتك ولا لي علاقه فيك كفايه الي جانا من تحت راسك امل:بصراحه تحسفت تمنيتك مكان ولد عمك تعرف ليش ؟ فيصل:اقول انتي ما عندك سالفه امل :بس علشان ازورك في المستشفى واشوفك فيصل:امل شوفي انا مو فاضي لك وقفلي ورقمي واسمي انسيه من ذاكرتك لانه انا ناسيك ولا تعنين لي شي امل:مو انا الي يضحك عليي بالسهوله وما بخليك بس علشان اعلمك وتعرف ان مشاعر الناس مو لعبه في يدك .. فيصل:يمه خوفتيني يلا باي ,,, قفل السماعه .. فيصل :اخر زمن بنات تهدد والله حاله .. كان فيصل متخوف من امل وما يعرف ايش الي يدور في بالها بس كان يطمن نفسه انه كلام وبس ..في هذي اللحظه وقف فيصل عند بيت عمه ينتظر ريم تطلع يرجعها البيت .. ريم وسارة عند الباب ريم :يالله مع السلامه ومشكوره يا سارة سارة :يالله موفقه وان شاء الله نخلص على خير ..مع السلامه ,, في السيارة.. فيصل:لا باتي عندهم عادش ريم:اووه زين عمامي ما فيها شي لو بتت عندهم فيصل :ايوه ما تصدقين انتي ..سامي كان هناك ؟ ريم :لا ما كان هناك ..وبعدين انت ليش كذا ليش فتحت السالفه من جديد ؟خلاص الواحد يستحي شوي شي صار وخلص فيصل:لا خليه يحس ان الي سواه غلط وبعدين بنت عمك المتكبره خليها تكسر الغرور مالها الي بدون معنى اخخ لو كنت اخوها والله لرويها الي عمرها ما شافته ريم :اي حسك؟ ايش فيك على البنت بصراحة من حقها اخوها اي وحده في مكانها بتقول نفس الي قالته..هي صح جريئه شوي بس بصراحة انت كان اسلوبك مستفز شوي .. فيصل:ايش ايش؟؟بخلي نفسي ما سمعتك ماعاد باقي الا انتي تعلمين الصح من الغلط بس بس عيرينا سكوتك .. ريم في نفسها:يالله حت الحريه في الكلام حرام !_! ,,,,,,,, سامي في الصالة قبل العشاء مع امه واخته ... ام سامي :يا سامي الا الولد الي ساعدك غازي ما كلمته ولا اتصلت به ؟ سامي :ذكرتيني كان على بالي بس ماعاد تذكرته والله انا مقصر فيه لازم اتصل به بعد العشاء ام سامي :لا تكونون كذا جاحدين لازم تتذكرون الي سوا فيكم خير سارة:بيكون الرجال بيقول الولد استكفى سامي:لا ما اعتقد والله انه رجال كفو ما اعتقد انه يفكر كذا ..اقول بس ما بتعشى بتصل به وبعشيه برا ام سامي:ايوه زين افرح بك ايوه كونوا كذا مع الناس الله يبارك فيكم سارة:وانا في وجهك 24 ساعة وما فكرت بس تعزمني برا اووه سامي:عليك دراسه ومذاكره وباقي يومين على امتحاناتك ولا يهمك بعد امتحاناتك بخذك مكان ماتريدين ,,, سارة:يمه شهدي عليه وعدني .. سامي:عمري ما وعدتك بشي واختلفت ان شاء الله كم حدك كم عندنا ساروه ؟,,,, اتفق سامي مع غازي يروحون يتعشون في مطعم .. سامي:يا غازي سمح لي والله مقصر معك صارت لي ظروف منعتني اني اتواصل مع اي حد .. غازي :معذور يا خوي انا بعد مقصر ما اتصلت بك اسأل عليك ..كيف يدك؟.. سامي:لا حمد لله الحين احسن طلعت الجبس و بس قالو لي لا تتعبها كثير غازي :ما تشوف شر ان شاء الله ..انا انشغلت الفتره الاخيره في شركة الوالد هذي اليومين ضغط في الشغل سامي في نفسه :عندهم شركه !!اقوله يشغلني عندهم على الاقل اتدرب !! لا لا لا بيفكرني استغلالي ..خلينا صحاب كذا افضل من صداقه المصلحه . غازي :الا انت وين تشتغل ؟ سامي :هاا اانا مقدم في شركات وبعدهم ما حد رد عليي قصدي اتدرب عندهم علشان الخبره ومنتظر الحكومه ينزلوا وظائف والله كريم غازي :ليش انت ايش تخصصك ؟ سامي :هندسة كمبيوتر غازي:ما شاء الله انا مستغرب هذا التخصص مطلوب في كل مكان حت نحن في شركه الوالد ندور مهندس كمبيوتر لانه كان قبل عندنا شخص وافد خرب علينا كل شي وضيع ملفات مهمه وسافر ..والحين ندور حد . بس حاليا الوالد يريد واحد عنده خبره فاهم زين وامين في عمله ..وللحين وما جاء الشخص المناسب للعمل ممكن اكلمه عنك اذا يرضيك تشتغل معنا !! سامي:يا خوي ما تقصر ولي الشرف بعد بس انا اريد اكسب صداقتك ولا اريد يكون بيننا مصالح اريدك صديق بدون مصلحه.. غازي:ازعل منك اذا تقول كذا اي مصالح واي خرابيط انت اخ عزيز والاخوان ما بينهم شي مجاملات ولا مصالح الا اذا انت عندك فكره ثانيه ؟ سامي:والله ما تقصر خيرك سابق وانا بصراحة اذا بتسألني عن الشغل اريده اليوم قبل بكره اريد اقتل الفراغ الي انا فيه وان شاء الله بعدين احصل عمل في حكومة انا اهم شي عندي شهاده الخبره غازي :ولا يهمك ..انا بشوف الوالد وانا متأكد ما عنده مانع وانا واثق بقدراتك ان شاء الله خلاص بكره تجي هذا عنوان الشركه وتجي لازم نشوفك .. سامي :ان شاء الله جزاك الله خير بصراحة امثالك قليل جمايلك زايده عليي والله غازي:الله يخليك لا تقول كذا ما بيننا شي..انا استأذن الحين ولا تنسينا ها تجي بكره ..,,,, في اليوم الثاني راح سامي لشركة والد غازي واقتنعو بسامي ووظفوفوه عندهم ..كان الشغل في الشركه متعب وشاغل وقت سامي بشكل كبير..ومرت الايام وقدمت سارة على الامتحانات واخيرا خلصت.. سارة بعد اخر امتحان دخلت البيت وهي طايره من الفرحه... سارة :سامييييييييييييييييي خلصصصصت سامي :زين مبروك سلامات حت خلصتي كيف كان امتحان اليوم ؟ سارة:لاحد يسألني خلاص اهم شي خلصت يالله سامي جهز نفسك للسوق العصر .. سامي:بسم الله الرحمن الرحيم ..تنسمي زين نامي ارتاحي لاحقه على السوق وايش اصلا بتشترين ايش وراك ؟..وبعدين انا عندي شغل الشركة دوامين ما بقدر اشلك سارة:اولا:ما بيجيني نوم من الفرحه ثانيا:الشغل غازي عادي بيعذرك قوله بخذ ختي للسوق ثالثا:ريم عازمه البنات عندهم واريد اشتري شي جديد سامي :ما شاء الله ما شاء الله خلاص قدها مخططه لكل شي ههههههههههه بس تمام ولا يهمك بوديك مكان ما تريدين وعلى الوعد بخذك تتعشين برع سارة:يسسسسسسس ايوه هذا سامي الي اعرفه ..تعرف نسيت انك وعدتني بالمطعم ههههه سامي:يا مصلحيه ..ياريتني ما ذكرتك هههههه,,, بعد العصر استأذن سامي من غازي انه بيتغيب عن الشغل وغازي عذره لان سامي كان ملتزم ومتقيد ما يغيب عن الشغل ومحافظ على المواعيد زين حتى مرات يكون مافي شغل بس يداوم فيه ..وصل سامي سارة للسوق ولما خلصو عزمها في مطعم فيه قسم عائلات .. وفي المطعم ... سامي :يالله طلبي الي تريدين خلصي سارة:زين امممم بصراحه احترت امممم سامي :خلصي انا رايح اغسل ايدي وجايك..,,, فتح سامي الباب وهو خارج شاف ابن عمه فيصل في المطعم ..رجع سامي ورا مايريد فيصل يشوفه ويريد يشوف فيصل وين بيروح.. سارة :ايش فيك ليش رجعت ؟ سامي:اووص خليني اشوف سكتي,,, كانت مع فيصل وحدة شك فيها سامي .. سامي بنفسه :من هذي الي مع فيصل ؟ ريم اخته ؟ لالا ريم مو كذا اممم,,, شوي ودلهم النادل للغرفه الخاصه بالعوائل .. سارة:سامي ايش فيك ؟؟ سامي:سكتي شوي .. سارة :من ؟ ايش ؟ سامي :اووص شفت واحد اعرفه بس .. سارة :زين ونحن ايش دخلنا فيه خليه بحاله بتراقبه مثل الحراميه هههه؟ سامي :هووس شوي شوي ..,,, في هذي اللحظه جاء النادل وطلبو الاكل ..سامي وسارة اكلو وخلصو وهم خارجين وقف سامي في السياره ..في هذي اللحظه اتصلت صديقه سارة وانشغلت سارة بالتلفون تكلم صديقتها ..وسامي كان منتظر فيصل يطلع من المطعم .. واخيرا طلع فيصل من االمطعم وشكله كذا فيه خوف ما حد يشوفه يعرفه ويمشي بخطوات سريعه والبنت الي معه وراه ..ركبوا السياره وقبل ما يتحركوا نزل سامي ودق على فيصل الدريشه .. فيصل في البدايه استعبط لما شاف سامي ..وكأنه يقول للبنت تغطي زين,,وسامي متعمد يدق الدريشه اكثر من مره .. واخيرا فيصل فتح الدريشه وهو مرتبك:هلا اهلين سامي كيفكم ها خير في شي ؟ سامي :حمد لله بخير الله يسلمك ..سلامتك مافيه شي .. هذي من معك؟ فيصل مرتبك :هذي ريم ماعرفتها سامي:ريم كيفك ؟ البنت :...... فيصل :ريم من النوع الي يستحي يالله بروح مستعجلين .. سامي:لحظه سارة تريد تكلم ريم .. فيصل :يوم ثاني ان شاء الله يالله مع السلامه,,, وراح فيصل بالسيارة بسرعه .. سارة بعد ما خلصت المكالمه وما كانت منتبهه لفيصل :سامي وين رحت ؟؟؟ سامي :لا ماشي ..ما عندي رصيد وكنت رايح اشتري وما حصلت عندهم سارة:طيب اشتري من مكان ثاني ؟ سامي:لا عادي مو مهم ..,,, سامي جلس يفكر وهو ساكت بعد نص ساعة بعد ما لفو شوي يتمشون وصلو البيت ... سامي :سارة الحين اتصلي لي بريم سارة:ليش؟ ايش اقول لها ؟؟ سامي :اتصلي الحين ومعد عليش سارة :زين سارة:الووه ريم ؟ اخذ سامي السماعة.. ريم :ايوه معك هلاسارة.. سامي:الووه ريم كيفك ؟ ريم متفاجأه:هلا!من سامي ؟؟ سامي :ايوه سامي معك وين كنتي اليوم ؟ ريم :هااا؟؟ ما فهمت ؟ سامي :يعني طلعتي مكان اليوم ؟؟ ريم :لا توني قمت من النوم نمت بعد العصر والحين قمت ليش!,, وفي هذي اللحظات دخل فيصل عند ريم واخذ منها التلفون .. وريم متفاجاه اول شي سارة المتصله بعدين سامي يكلمها بعدين فيصل ياخذ التلفون ريم ما فهمت شي .. سامي :اوك مشكوره .. فيصل :على ايش مشكوره ؟ حت ختي ما سلمين منك ياالنذل؟ تكلم ريم بدون علمنا كذا ؟ سامي :فيصل انا لا كلمت ريم ولا بكلمها بس كنت اريد اسألها... قاطعه فيصل:تسألها ايش ؟ما كفاك الي صار فيك ريته كسرك ولا جاء اليوم الي تكلم ختي فيه تغازل ريم زين حسابك بعدين ...,,, وقفل السماعه ... كان هدف فيصل انه يضيع سالفه المطعم ويشغل الي حوله بمشكله ثانيه فيصل مسك ريم من شعرها:شوفي ريم نحن وثقنا فيك ووفرنا لك كل شي واخر شي تخونين الثقه لا ومع من مع سامي كانك مو عارفه السالفه الي صارت له قبل فتره...شوفي روحه عند عمامك بيت ابو سامي ماشي ...و تلفون في يدك ممنوع وعمرك ما تشوفيه.. واتصلات مع سارة ممنوع ناقصين بلاوي اولاد عمك نحن .. ريم :اخخ فيصل حرام عليك انا ما اكلمه وربي اول مره اسمع صوته في التلفون هي سارة اتصلت بي وبعدين هو كان بيسألني ..... قاطعها فيصل بستهزاء:بيسألك ايش مت تكونين فاضيه نتكلم على راحتنا؟ بيقولك ايش ؟ تعلي عندنا بكره؟ ولا بيبارك لك بتخليص الامتحانات ؟؟ هاا؟؟؟؟؟؟؟ولا كلمه ما اريد اسمع عن اولاد عمك المثاليين ولا لك علاقه بهم من هذي اللحظه ريم :فكنيييييييييييييييي حرام عليك ما سويت شي .. وبعدين بكره انا عازمه البنات كلهم وسارة بتجي وما اقدر امنعها ما تجي فيصل:تصرفي مالي دخل لا سارة ولا اخو سارة مو كفو حد يدخلهم بيتنا لا تناقشين وبعدين ليش مسويه عزيمه ايش المناسبه والبنات مو عارفات انه في البيت شباب؟ ما يستحين ؟ خلاص العزيمه كلها تلتغي ريم:لالالا حرام عليك اول مره يجوني البنات وبعيدن انت ما تكون في البيت وخالد في الوقت الي بيجوني فيه البنات يكون في الشغل وهيثم ماشي جديد ما يجي الا اخر الليل حرام عليك وامي عارفه بالعزيمه ومجهزين لها كل شي ,,, فيصل كان خايف سامي يقول لسارة شي ويوصل لريم .. فيصل:اوك زين خليهن يجين بس بشرط ماتتكلمين مع سارة ولا كلمة عني حت لو هي تكلمت لاتردين عليها ولو دريت انك كلمتيها بشي عني ياويلك بتشوفين شي عد ما شفتيه ريم :اصلا سارة ما تطيقك ولا تحب تسمع سيرتك ,,, عصب فيصل لما سمع ريم تقول كذا وضربها كف .. ريم وهي تبكي :وانا ايش دخلني ..اذا اسلوبك مع الناس كذا ما الومها سارة هذا وهي ما شافت منك شي لو كانت مكاني ايش بتسوي .. ,, اخذ فيصل تلفون ريم وطلع من الغرفه .. ام فيصل:ايش فيك فيصل معصب وليش اصواتكم طالعه انت واختك ؟ خير؟ فيصل:هذا الدلع الزايد وما يسوي ..توثقون في البنات بعدين اذا ما سوين زين تحاكمون وتقولون ياريت ام فيصل:ليش ايش الي صار؟ ريم اعرفها عاقله وما تسوي شي الا الي يرضي اهلها فيصل:ايوه انتي هذا كلامكم بنتي احسن وحده ومحد مثلها ومطيعه والي بغاته سولها وعطوها ووثقو فيها ايش من ناس انتو ماشي رقابه ولاشي اهتمام الا ثقه عمياء على الفاضي ام فيصل :الحين انت ايش الي معصبك ؟ فهمني ؟ فيصل :ريم ست الحسن والدلال مسويه قصه غراميه مع بن العم الحلو الزين الي محد مثله مطيح البنات ام فيصل:من سامي ؟ريم تكلم سامي ؟ زين بن عمها عادي لو كلماته فيصل:اقولك مسويه قصه غراميه تقولي بتكلمه ..سامي الله يسلمك لما انضرب بسبب بنات الناس تاب مايكلم بنات ما يعرفهن فما حصل قدامه الا بنت العم السهل الي بيقدر يكلمها بكل سهوله ام فيصل:ليش وانت ايش عرفك ؟ فيصل:ما قلت لش ماشي رقابه ولاشي اهتمام هذي انتي الام كذا .. حصلتها بتكلمه في التلفون على سوالف وضحك وكلام بايخ وقله ادب ام فيصل:ريم؟ لالا ريم انا اعرفها عاقله ما تسوي كذا 0 0 0 يتبع>>>> .............. امممم تعليقكم مهم ^^ | ||||
|
| |
|
10-11-15, 05:44 PM
| #10 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| // الجزء الثامن فيصل :الحين بتكذبيني بتكلمه عيني عينك ودليل على كلامي شليت منها التلفون وكلمته وحاكمته ام فيصل :وهذا سامي ماحد يقوله شي ماحد يشوف له حل؟ فيصل:اهله مدلعينه ولا ما يكون كذا خليها خبرتكم ياويلكم حد يروح بيت عمامي وسارة هذي الي مسويه لنا صحبه مع ريم اذا اتصلت بريم قولو لها مو في البيت .. ام فيصل :انا بتصرف معها ... ام فيصل دخلت الغرفه عند ريم وحصلت ريم تبكي... ام فيصل:تستاهلين صدقه فيصل ما كذب يوم قال عاطينك الثقه اكثر من اللازم ..كأنك مو عارفه سوات سامي وليش انضرب اخر مره تريدين تجيبين لنا مشكله انتي هذا ووالدك ما درى ولا بيكسرك ويعرف يأدبك زين .. ريم وهي تبكي :يمه والله ما سويت شي حرام عليكم ام فيصل :ما سويتي شي وهو محصلك بتكلمينه ريم :سارة اتصلت وبعدين هو كلمني كان بيقولي طلعتي مكان اليوم ما فهمته والله اول مره اسمع صوته في التلفون يا ناس صدقوني ام فيصل:انا بصراحه ثقتي انعدمت فيك بعد الي صار انا بتصرف مع هذا سامي الي ماحد قادر يوصله عند حده ..,,, ام فيصل لبست عبايتها ونادت على فيصل ام فيصل :فيصل تعال وديني بيت عمك فيصل:ليش ما في داعي تروحين لهم تخربين كلامك في الفاضي مع ناس ما تستاهل ام فيصل:وديني ومعد عليك انا بتفاهم معاهم فيصل:زين برايك بس بحطك وبروح مافيني اشوف حد منهم ,, ---------- سارة :سامي ليش قلت لي اتصل بريم ؟ وليش بتسألها هذي الاسئله ؟ سامي :بس اريد اتأكد من شي بعدين بخبرك عليه يالله انا تعبان ما نمت ولا شي كله من السوق مالك هههه سارة:كانك بتمشي برجولك خخخ.. تعال وفيصل ايش فيه بيحاكم؟ سامي :ما تعرفيه فيه الشك في كل شي ما عليك منه..يالله تصبحين على خير سارة:ونت من اهله ,,, ------------ راحت ام فيصل بيت ابو سامي وكانت شبه معصبه وناويه على الشر فتحت لها الشغاله ودخلت ام فيصل :وين ماما خليه يجي .. الشغاله:زين ,,, جلست ام فيصل في الصالة منتظره حتى جت لها ام سامي وسلمت عليها ورحبت فيها ..وكانت الساعه 10ونص .. ام سامي :اهلييين حي الله ام فيصل ايش الزياره المفاجئه هذي تو ما نور البيت .. ام فيصل:الله محيي اصلك يا ام سامي بس انا جيتي لكم جيه عتاب مو زيارة عاديه ام سامي:عتااب؟ خير ان شاء الله يا ام فيصل غلطنا عليك بدون قصد دلينا وما يكون خاطرك الا طيب .. ام فيصل:الا وغلطتو وقاصدينا ام سامي:يا ام فيصل وضحي ايش الي مزعلك منا ؟ ام فيصل :سامي بنكم ام سامي :؟؟ ساميييي؟؟ ليش ايش مسوي ؟ انا الي اعرفه ما يشوف اهله هنا في البيت كيف انتو عمامه حيين سالمين .. لانه عنده دوامين الصبح والعصر ..وليش مزعلكم في ايش ؟ ام فيصل:شوفي يا ام سامي انا جاياتك وما اريد فضايح ام سامي:ما بيننا فضايح يا ام سامي نحن اهل بصراحة للحين ما فهمت شي؟ ام فيصل:شوفي هذا سامي بنكم بيتصل في ريم دايم وبيكلمها من ورانا وريم بتخبي علينا وياريته يكلمها عادي كذا الا مسوي لها محبه وسوالف وهذا الشي ما يرضي حد .. اذا سامي تاب من بنات الناس بنت عمه مو لعبه يتسلى بها ام سامي:ايش من كلام يا ام فيصل سامي بيكلم ريم ؟ وانتي ايش الي دراك بهذا الكلام ؟ ام فيصل:امس فيصل دخل غرفه ريم وحصلها بتكلمه في التلفون وشل فيصل منها التلفون وكلم سامي وحاكمه .. ام سامي:هذا كله يصير وانا ما ادري ..!! ام فيصل:انا الحين قادره على بنتي بس بغيت بنكم يبعد عن بنتنا ولا يقرب صوبها ولا فيصل متوعده اذا ما وخر عن ريم بيشوف عاره ام سامي في نفسها:زين يا سامي هذي سواتك وانا الي قلت الولد تاب من المره الاوليه ..بس انا بتصرف وتحمل يا سامي الي يجيك .. ام سامي علشان تغطي السالفه:في الحقيقه يا ام فيصل انا ما اعرف عن سامي انه بيكلم ريم الا من عندك بس سامي مره قالي انه يريد يخطب ريم رسمي وانا اجلت له الموضوع حت يشتغل ويرتب اموره وبيكون ما صبر هههه شوفي هم اولاد عم والواحد ماله الا بنت عمه ام فيصل:سامي هو يريد ريم ولا بيتسلى ؟ ام سامي:ايوه يريد ريم بس تعرفين الشباب ماشي صبر ام فيصل وتغير مزاجها يوم سمعت كذا:هو الا صدقك بعدين حياكم الله ويا حيا بكم وسهلا..في اي وقت تجون نحن ما عندنا مانع وما اعتقد ريم بيكون عندها مانع .. ام سامي:الله يقدم الي فيه الخير ,, ام فيصل جت بيت ام سامي معصبه وراحت فراحانه ومو مصدقه .. فيصل:ها ايش سويتي معاهم قلتي لهم يوقفو سامي عند حده ام فيصل بكل برود:لالا قلت لهم خلوه يكلم ريم متى ما بغى فيصل مستغرب:اي انتي شربوك شي عندهم ما كنتي معصبه وداخله بتحاكميهم ؟ ضحكو عليك بكلمتين رضيتي ولا ايش؟ ام فيصل:لالا بس اصلا نحن كنا فاهمين السالفه غلط فيصل :زين فهميني ام فيصل:ابو سامي بيجينا قريب يريدو يخطبون لسامي فيصل :نعم نعم ؟؟سامي يخطب ريم وان شاء الله انتي ما عندك مانع ؟ ام فيصل:لا ما عندي مانع وموافقه سامي ولد زين وما يتعيب .. فيصل:ونسيتو سوالفه و و و .. ام سامي:طيش شباب ومر وخلص بس هو بيكلم ريم ويريدها من صدقه ووالدته قالت لي انه كلمها وام سامي هي الي مأجله الموضوع .. فيصل:زين سوو الي يريحكم بس لا تندمون بعدين ام فيصل:ما بنندم ان شاء الله اذا قده عندنا بيتغير وبيتعود علينا ............... اليوم الثاني .. الظهر بعد مارجع سامي من الشفت الاول من الدوام وعائله ابو سامي مجتمعين بعد الغداء . ام سامي :سامي عندي لك خبر حلو .. سامي:اوو حلو مره وحده الله يسمعنا الاخبار الزينه هاتي يا ام سامي ايش من اخبار حلوه عندك ؟ سارة:اوو يمه عندك خبر جديد وانا من الصبح قدامك ما تخبريني بشي ؟ ام سامي:الخبر مو لك انتي لأخوك ابو سامي:من قدك يا سامي نحن محد يخبرنا بشي .. سامي :زين يالله حمستينا !! ام سامي:بخطب لك سامي:تخطبين لييييييييييي؟؟؟@@؟؟؟؟؟ سارة:بتخطبين له من ؟؟؟ ام سامي :توقعو من؟ سامي في نفسه :هذي الوالده ايش الي بتفكر فيه ؟ ا سارة:بدون تخمين قولييي؟من ؟ ام سامي:ريم بنت عمك سامي:ايش ؟؟؟ ريييييييم؟؟ انا اصلا ما بفكر ارتبط بحد حاليا سارة:ريم؟؟ ليش يعني ريم ؟؟ ابو سامي:ونعم الاختيار اولاد العم مالهم الا بعض ام سامي:هو عارف سامي ليش انا اخترت ريم سامي:عارف ايش ؟ريم اصلا معتبرها مثل سارة ولا انا اصلا في بالي اني اخطب الحين نسي الفكره ام سامي:انا خلاص كلمتهم وقلت لأم فيصل ابو سامي بيجيكم بأقرب فرصه يخطب رسمي ابو سامي:ام سامي مو مفروض تتصرفي قبل ما تخبرينا .. ام سامي:انا ما تصرفت كذا الا من ابنك سامي سأله ايش مسوي ابو سامي:ليش يا سامي ايش مسوي ؟ سامي:ايش مسوي ؟؟ مو مسوي شي ؟ ايش يعني بسوي ؟ ام سامي:يعني مكالماتك لريم ماهو شي ؟ سامي:ايشششش؟؟؟؟؟ مكالماتي لرييييييييييم؟؟؟ايش بتقولون؟ ام سامي:سامي لا تستعبط لي انا عرفت كل شي وما تصرفت كذا من فراغ سامي:عرفتي ايش ومكالمات ايش ؟ ايش بتألفون ؟ ؟ ابو سامي:سامي ايش فيك خلينا نفهم من امك ايش قصدها يا ام سامي ايش الي صاير ؟ ام سامي:لا تسألني سأل ولدك سامي:انا بسمع كلام اول مره اسمعه !! ام سامي:تنكر ان امس بتكلم ريم وجا فيصل وخذ التلفون وحاكمك ؟ سامي:كنت بسألها عن شي وسارة الي اتصلت لي وعد ما خلصت سؤالي زين الا طلع لي فيصل بيحاكم بيقول كلام له اول ماله اخر وما فهمت له شي وهذي سارة قدامك سأليها سارة:ايوه انا اتصلت بها بس ما ادري ليش سألها ؟ ام سامي:وسألتها عن ايش ؟ سامي:..... كنت اريد اتأكد من شي وخلاص وكان اول مره بصراحه اكلمها ع التلفون ابو سامي:وانتي يا ام سامي ليش كذا تسرعتي ؟ ام سامي:انا الحين بسمع كلام وامس ام فيصل جت معصبه وبتحاكم قالت سامي بيتصل في ريم ومسوي لها محبه وكلام فاضي وقالت ان فيصل حاكمه وكأنه ضرب اخته .. قالت هذا سامي تاب من بنات الناس جاء لبنت عمه شوفو له حل .. سامي:ايش ايش؟ لااااااااا لهنا وبس فيصل فيصل فيصل ايش من كابوس هذا كل مره يطلع لي في مكان ؟ انا الحين بكلم ريم ؟ لا ومسوي لها كلام فاضي ؟ ايش من كلام هذا يدخل العقل سارة في نفسها:امس سامي ما كان عنده رصيد يمكن من كذا كان يريد يكلم ريم وقالي اتصلي بها ؟يعني سامي بينه وبين ريم شي ؟ لالالا؟ اممممم لكن لا سامي لو بيفكر في ريم بيخبرني ؟وما عمري حسيت ان بين سامي وريم شي بعكس كلام سامي عن ندى غير ..بصراحه ما فهمت شي ام سامي:انا استحيت من المره وقلت لها ان سامي كلمني عن ريم ويريدها علشان اغطي السالفه ومعد يسون بنا مثل المره الماضيه الا ما بقت حرمه الا واتصلت بي ايش فيه سامي وايش الي جرا عليه وكل وحده اقول لها كلام وانحرجت وانحطيت في موقف حرج..وشفت ان سامي ما بغاله الا انه يخطب ويتزوج ويخلي الطيش الي هو فيه ابو سامي:كلامك صح وخلاص يا سامي مالك الا بنت عمك بكره بروح لهم نتكلم مع الناس رسمي,,, سامي اقتهر من السالفه الي جت كذا بدون مقدمات .. سامي:من قالكم انا اريد ريم ما اريدها انا معتبرها مثل سارة ما تفهمون ؟ فهموني ياناس هذا فيصل ما اعرف ايش فيه عليي كل مره يطلع عليي كلام ام سامي :حت لو طلع عليك كلام ما بيشوه سمعت خته ويفضحها الا والشي اكيد ..ايش فيك يا سامي ما كنت كذا ايش غيرك علينا ؟ ما كنت كذا زمان لهذي الدرجه الغربه تغير الواحد ؟ سامي:يمه انا ما تغيرت بس انتو الي معد وثقتو فيني ولا صدقتوني في شي .. خبرتكم لا تروحون تخطبون لي ولا تعذبون نفوسكم لاني انا مو موافق ولا بفكر اصلا لا في ريم ولا في غيرها .. سارة ما صبرت راحت اتصلت وخبرت ندى ان سامي اخوها بيخطب ريم ..وخبرتها على الي قالته والدتها وبكل السالفه .. ندى كانت مستغربه من تصرف سامي لانها كانت عارفه ان سامي مايفكر يرتبط وكانت ندى تحس ان سامي يهتم لها كثير لانه دايم كان يسأل سارة عنها وسارة دايم تلمح لندى بس ندى ماكانت تظهر اهتمامها .. .. ندى:سارة وليش تخبريني يعني انا ايش دخلني كل حد حر بتصرفاته سارة:انا ما قلت لك الا لاني حاسه ان السالفه ما دخلت راسي واريد حد يعطيني حل او يشاركني في التفكير ندى سامي اخوي متغير واجد ما اعرف ايش صار عليه ندى :لا متغير ولا شي هذا الشباب كذا هذاك اول لما كان في الدراسه ما كان عندكم واجد وفتره الاجازات ماكان معكم واجد الحين لما استقر عرفتي عنه اشياء كنتي تجهليها .. سارة:لالا يا ندى اي شي يحس فيه سامي كنت اقرأه في عيونه وانا شايفه انه مو مرتاح ندى:اصلا ريم مبين عليها انها مهتمه لسامي وسامي شكله من النوع الي حكمته لا تندم على من حبيت وخلاك اندم على من حبك وخليته ..فهو الحين ما يريد يندم انه خلا ريم .. وانا بصراحه معاه في هذا التفكير تفكيره منطقي سارة:حرام عليك .. ريم صح احس انها مهتمه في سامي .. بس عمره سامي ما فكر فيها الا انها مثل اخته .. وريم تعرف هذا الشيء زين .. وبيني وبينك .. اممم ولا اقول لالا خليني ساكته ندى : ايش فيك قولي !! سارة:اممم بصراحه احس سامي يهتم لك اكثر ندى:سارة لا تقولين لي هذا الكلام لاني عرفت كل سوالف سامي .. ومستحيل ارتبط بواحد مثله فلا تفكرين وشلي هذي الفكره من بالك سارة:ندى انت ايش فيك كذا حرام عليك .. سامي يمكن غلط بس كل شي وله حل ويتصلح ندى:سارة هذي السالفه لا تفتحين لي ايها اوك ؟ لانه امرها منتهي .. سارة:انتي الحين ليش كذا ما كانت فكرتك عن سامي كذا .. ندى:مو لازم اذا تعزين شخص ترتبطين فيه .. سارة:ندى يعني اعتبر هذا اعتراف منك انك مهتمه بسامي ؟ ندى:شوفي سامي ابن خالتي واعرفه مثل ما انتي تعرفيه هذا هي المعزه الي اقصدها سارة:مشكلتك كبريائك مو مخليك تعترفين بشئ .. ولما عرفتي بالحادث الي صار لسامي خلاص كأنه الواحد معصوم عن الخطأ ندى:الي يغلط مره وفي الموقف الي كان فيه سامي اخوك بيغلط كثير وبعدين انتي ليش كذا مكبره السالفه سامي اختار وبيخطب ريم وماهو سأل على حد لا تعذبين نفسك .. سارة:من قالك انا متأكده سامي ما يريد ريم هو قال كذا ندى :يريدها ما يريدها مو مشكلتي ولاعد تكلميني عنه … سارة:ندى انا طولت وورايي عزيمه ريم على خير وللحديث بقيه ههه ندى:اوك على خير والحديث مالك اذا بتغيرين سالفته يكون احسن. سارة في نفسها :يا عنادك يا ندى .. بس لازم اسوي شي ما يصير كذا سامي يريد ندى وندى بترفض وريم تريد سامي وسامي ما يريدها وامي عطت كلمه لخالتي .. السالفه مخبطه.. الله يكون بعونك يا سامي ×_× ------ في بيت ابو فيصل .. ام فيصل:يا بو فيصل ام سامي كلماتني امس يريدون سامي لريم انت ايش رأيك ؟ ابو فيصل:مع ان سامي ما يعجبني تصرفاته بس يالله بن عمها وما بتحصل احسن منه .. ام فيصل:زين انا بشوف رأي البنت علشان اذا جونا خلاص نعطيهم كلمه .. ام فيصل كلمت ريم بالسالفه .. ريم :مصدومه ؟الحين سامي يريد يخطبني ؟ ام فيصل:ليش يوم بيكلمك ما يقولك انه بيخطبك؟ولا مثل ما قال فيصل بيلعب؟ ريم:انتو ليش ما تريدون تفهمون ان سامي ما بيكلمني ؟ ولاعمره اتصل بي امس هذك سارة الي اتصلت بي ام فيصل:لمتى بتكذبين ؟ ام سامي امس قالت لي ان سامي كلمها عنك وقال انه يريدك بس ام سامي كانت مأجله الموضوع حت يجي الوقت المناسب . ريم:الحين انتي تتكلمين من صدقك ولا ؟ ام فيصل:ولا بكذب عليك هذي السوالف ما فيها لعب ريم:سارة دايم تقولي سامي ما يفكر انه يرتبط ليش الحين لا وانا؟؟؟ انتو متأكدين ؟ ام فيصل:ايش مو مصدقه كأنه الي جاك بن مدري من بن عمك سامي من غيره انا اكثر شي موافقه عليه عشانك ما نريد كلام يطلع عليك مو زين ريم:انتو ما تفهمون والله ما بكلم سامي حرام عليكم ايش فيكم فيصل بيخرف ام فيصل:لا تحلفين ولا تعذبين نفسك بس الحين انتي موافقه على سامي ؟ ريم :....... بافكر ام فيصل :ايش بتفكرين بس بقولهم موافقه معد لك كلام بعد الي سويتيه ريم :لا حووووول ولا قوه الا بالله انتو متى بتصدقون ؟,,, ريم كانت تريد سامي بس ما جاء يوم تحس ان سامي يبادلها نفس الشعور فكانت متردده ومستغربه من كلام امها خاصة لما قالت ان سامي كلم والدته عنها ... --------- وكان يوم عزيمه ريم لصديقالتها ... بعد ما تعشو البنات وراحو بقت سارة عند ريم شوي.. ريم:سارة ايش كان قصده سامي يوم كان يسألني رحتي مكان ولا في البيت؟ سارة بمسخره:يمكن كان بيجي يخطبك وحده ههههههههههههههه 0 0 0 يتبع >>>> ترقبو الجزء قبل الأخير تحليلكم مهم لاتنسو ^^ | ||||
|
| |
|
| أدوات الموضوع | |
| انواع عرض الموضوع | |
|
|
العرض العادي
