وعدتك ما أحبك وغلبني الشوق في حبك / للكاتبة ولاء العيون ، مكتملة

[فيتامين سي]

43




مرحبببببببببااا اعتــــــــــــــــــــــ ــــــــــــــــذر ججدا ع التأخير . وقراءة ممتعه مع البارت .




بيت ابو وليد ( الساعه 3:45 )

زهرة : يمماا بكرة بنروح الساعة 1 الظهر .
ام وليد : ههو شدعوة الساعة 1
مي : شفييك يمماا ... اصلا بنروح الساعة 1ويالله يمدينا نخلص ع المغرب .
ايمان : اييه احنا اربع .
زهرة : ايي صح .. وشسمه ترا مارح نرجع للبيت ثانية يعني جهزوا اغراضكم واخذوهم معاكم للمشغل .
ايمان : اي والله ماحد راح يرضى يرجعنا للبيت وبعدين يودينا بيت عمي
ام وليد : خلاص انا بجهز اغراضي وانتو لاتنسون اغراضكم نفس ذاك اليوم ملكة ولاء جننتوني .
مي : اوووك يماا .
( دق جوال ايمان وردت )
ايمان : اييووهه هلا بيان .......... الحمدلله تمام وانتي .؟ ............. ايوه .؟ ...... ليش وابرار .؟ ..............
اهاا اووك اوك لحظة اشوف خواتي " وبعدت الجوال " زهرة مي . بيان تقول تبي وحده تروح معاها تجيب فستانها
مي بشهقة : ههـــــــــــــــــ .. ياويلي وانا اقوول وشو ناسية . اثاري ناسية الفستان .
ايمان : مالت يالخبله .. روحي معاها يلا قومي لبسي .
" وترجع الجوال " ههلا بيان .............. لا مي الخبله ناسيه الفستان عن الخياط وتوها تتذكر .......................
ايه اهيه بتروح معاك يلاا ............ اوك باي .
زهرة : حمدلله والشكر .. لا ععاد انتي المعرسة وناسيه فستانك مالت عليك .
مي : اففف بس بروح البس عشان اروح معاها ... ايمان بتجي بيان ولا اروح لها .؟
ايمان : لا راح تجي .
زهرة : شكل بدر ماخذ عقلك " وتغمز لها "
مي واهي تصعد الدرج : ههيي قليلة ادب .


بيت ابو ليان ( الساعة 5 العصر . مجلس الرجال )
ايثاان : اقول اياس.
اياس : ههلا .؟
ايثان : تركي وعممار بيجون بعد شووي
اياس : اي بس ياخوي موحلوة كل شوي ندخلهم ببيت عمي . احس فشله .
ايثان : ايه وانا اخووك .. بس ويين راح نجلس .؟
اياس : امممم . ايثان بيتنا .
ايثان : ايه صاحبه اخذه .
اياس : اووفف.
ايثان : اياس لاتنسى البيت ايجار .. وسلمناه لصاحبه .
اياس : اممممممممم .. ايوه صح .
ايثان : صج شرايك نأجرشقه ع الاقل ليلة وحده بس.
اياس واهو يفكر : اوووك حلو .. امم يلا قووم .
ايثان : ااوك بس خل اتصل على الشباب واقولهم .

طلعوا اياس وايثان من المجلس .

اياس : ايثاان شووف انت الحقي للسيارة وانا بروح اسكر الموية شوفها كيف مفتوحة .
ايثان يناظر الموية المفتوحة : اووك . انا رايح .

طلع ايثان وركب السيارة اما اياس مشى يرركض بيسكر الموية المفتوحة .. جلس وحاول يسكر الموية لكنها انكسرت
وتبللت ملابسه موييه
اياس شهق : هـــــــــ .. يالله شننو هذا .. ناقص انا الحيينن .
ناظر الموية وشافها تصب بشكل غزير : يالله شسوي في هالموية الحين .؟
وقف وتوجه للمخزن اللي برا فتحه ودخل وصار يحوس بين الاغراض الين مالقى له شي يسد الموية اخذها
وطلع وتوجهه للصنبور وحاول يسد المويه فييه وبالموت سكره .. وقف واهو يزفر . توجه لداخل صعد فووق
وصدم بشي لف وجهه وشاف نور طايحة ع الارض ...

نور رفعت راسهاا وقام قلبها يدق بقووه ووقفت علطول : آآآ ... انا اسفه .
اياس ابتسم : لا ععادي انا الي اسف ما انتبهت لك !
نور ابتسمت لابتسامته لكن سرعان انتبهت لملابسه : آآ شفييك .؟
اياس : حصل خيير .. صنبور الموية مفتوحه وصلحتها .
نور : يعطيك العافية .
اياس : يعافيك يلا سلام .

مشى اياس لغرفته بدل ملابسه ونزل وركب السيارة وطبعا حصل كم تهزيئه من ايثان بسبب تأخره
اما نور اول مامشى اياس صارت تبتسم وقلبها لسى يدق .. نزلت تحت واهي سرحانه . واختها ليان تكلمها لكن لاحياة
لمن تنادي .


في المحل .

دخلوا بيان ومي المحل وسألوا عن فساتينهم .. طلعهم العامل واخذوهم وطلعوا .. وراحوا مجمع الراشد .

مي : بييون
بيان : همم .؟
مي : امممم تتوقعين ابوي يطلع اخوي وليد من الغرفه.؟
بيان تناظرها : والله مدري .. بس صراحة يامي مع احترامي لكم .. وودي امسك ووليد وواكفخه لين ماقول بس .
مي : نفس تفكيري .. بس مهما كان هذا اخوي اصلا المفروض الكل ينصحه .. لكن محد فكر بهالشي .
بيان : هه مستحيل منو بيفكر فيه .. بكره ملكتك انتي وابرار .. وشهد بغيبوبة .وفارس زين طلع من اللي هو فيه
الكل مشغول يامي .
مي : حتى ولو يا بيان ذا اخوي ومستحييل ارضى احد يضره . وبعدين بيان لاتتكلمين عنه جذي .ادعي له
بيان : طيب .. تعالي نجلس ونسولف .
مي : اووك.


ابرار : اهلين فيييييييك . مساء الخيير .
فارس واهو يجلس ع الاريكة : مساء النوور .
ابرار : ههااه اشوف الوجه ينور .. فرحنا معاك .؟
فارس : مافيني شي ... وبعدين احد يشووف هالوجيه ومايستانس .؟
ابرار بخجل : بعد ععممريي فارس .
فارس يناظر امه : ويي نسيت خليني ساكت احسن الحين يجي طلال ويخبنا عليها .
ابرار باحراج : ههيي فارس عيب .
ام فارس تضحك : هههههههههه .. ياحليلك بس .
ابرار تضرب فارس : انقلع ععني والله لاعلم طلال .
فارس يغمز لها : الحين طلال هااا.؟
ابرار وقفت : انا بروح احط العشا احسن من مقابل وجهك .
فارس : اووك اسفف والله لاتزعلين .
ابرار تمد بوزها وتروح المطبخ بدون ماتعطيه وجه .


مجمع الراشــــــــــــــد ( الساعة 9:10 )
مي : طيب بيان عندي فكره .
بيان : قوليها .!
مي : امم شرايك بعد مانخلص من الملكة .. نقول للشباب كلهم يتجمعون ويكلمون ابوي .. ع اساس انهم يبون يزورون وليد ويحاولون يغيرون من جوه شوي . وبنفس الوقت يحاولون يتجازون عن المشكلة ويصالحون بين فارس ووليد .
بيان : امممم حللوة الفكرة لكن ماتوقع فارس بيقبل هالشي .
مي : وليش .؟
بيان: انتي ماتدرين شكثر فارس يموت بشي اسمه شهد .. واههو قال لو شهد صار لها شي مارح يسامح وليد ابداً
مي : ايووه بس هالشي مايمنع انهم يتصالحون .. بيان افهميني ... خلينناا نجرب يمكن نطلع بنتيجة .
بيان : مي حبيبتي .. انتي انسي كلشي وفكري بملكتك الي بكرة. وبعدين يصير خير .
مي : مستحيل يابيان .. احس ان هم ثقيل جالس على قلبي ! .
بيان : مي .. وليد يستاهل الي يصير له .. المفروض عمي يخليه شهر او شهرين عشان يتعلم ويعرف ان ذا غلط .
مي بقهر : بيان مو لهدرجة ععاد .. صج نعاقبه بس احسك تماديتي .. ودك نذبحه عشان ترتاحين منه .
بيان : ياليت .. صراحه جالس على قلبي .
مي : بيان ما اسمح لك . مولهدرجة تغلطين على اخخوويي .
بيان : طيب ههدي شوي يامي شوفي الناس تناظرنا
مي : انتي اللي بديتي لو انك ساكته احسن
بيان توقف وتمسك مي وتمشي : امشي بس نروح البيت

طلعوا مي وبيان من المجمع وركبوا السيارة ومشو متوجهين للبيت وكل وحدة تفكر بشي ..


ملـــــــــــــــــــــــ ــــكة { ابرار & طلال - مي & بدر }

جلسوا من النووم وسط صراخ امهم .. شافوها الساعة 1 قاموا واهما مفزوعين وكل وحدة تدخل الحمام واللي تطلع
لها ملابس واللي ترتب اغراضها ووسط صراخ وهواش .. اما سعود كان نايم .. وابو وليد كان جالس بالصالة
يتابع الاخبار .. نزلت ام وليد وبيدها شنطتها دخلت الصالة وشافت ابو وليد جالس
ام وليد : هلا والله .. هها بتطلع ولا بتنام شوي .؟
ابو وليد : لا بنام للساعة 3 وبعدين بطلع .
ام وليد بتردد : اقول يابووليد .. افتح الباب لوليد .. اخذ له اسبوعين واهو محبوس . حتى ماي واكل ماعنده .
ابو وليد : لا يام وليد مارح افتحه .
ام وليد : تكفى يابووليد .. انت كلمه شوفه يمكن غير رايه يمكن يبي يقول لنا شي .
ابو وليد : ..................................
ام وليد : لاتظل ساكت ... قوم افتح له الباب . ابي اعرف ماعورك قلبك عليه حابسه اسبوعين بدون ماي ولا اكل .
ابو وليد خاف من كلام ام وليد ووقف على طول ولحقته ام وليد . صعد فوق يركض ووراه ام وليد .. توجه لغرفه وليد وطلع المفتاح وحاول يفتحها ويدينه ترجف .. خايف لايكون صار شي لوليد .. اخذ له اسبوعين بدون ماي ولا شي .. فتح الباب ودخل وكانت الغرفة ظلال .. شغل اللمبات وانصدم بـولده الي طايح ع الارض جثة . ركض ناحيته وجلس على ركبته وصحا على صوت ام وليد واهي تصرخ
ام وليد : لاأأأأأأأأأأأأأأااااااااا ااااااااااا ولييييييييييييييد .
ابو وليد يضرب خد وليد بخفيف : ولييد ولييد يباا ققووووم .
ام وليد تبكي : وليييييييييييييييييد يمممماا لاتروح وتخليني يممماا ولييييييييييييييييييد
ابو وليد : بدال ماتصيحين قومي جيبي له ماي .
ام وليد وقفت : كله منك انت السبب . انت السبب .
ابو وليد : بسرعه روحي جيبي موية .

طلعت ام وليد من الغرفة على دخلة بناتها الي جايين يركضون .. دخلوا الغرفة بخوف واهما يشوفون ابوهم ووليد
في حضنه .
مي شهقت : هــــــ يببااا ووش فيييييييييه ولييدد .؟
زهرة بخوف : يببباا شفيه وليييدد
ايماان تصحي وليد : وليييييييييييييد تكففى اصصحى.
زهره : يبباا شسالفه .؟
ابو وليد : دخلنا وشفناه طايح .. ماندري وش فييه .
مي : نوديه المستشفى احسن .؟

دخلت ام وليد واهي تركض وبيدها الموية ... اخذته مي وصارت تمسح على وجه اخوها ولييد ... حرك عيونه بخفيف وحاول يفتحهم لكن ضوء الغرفة اصبح قوووي على عيونه .. سكرهم وفتحهم مره ثانيه واههو يشوف ابوه اللي حاط راسه بحجره .. وخواته الي كل وحده جنب الثانيه ويناظرون فييه بخوف .. رفع عيونه لامه اللي واقفه وعيونها مليانه دمووعع .. تكلم بصعوبة وصوته مبحوح : طلعووا برررا .
ايمان : وليد حبيبي .. تبي ماي .؟
وليد على صوته شوي : طللعووا بررا .. مابي احد ههناا .
ام وليد : وليد يمماا .. خلاص مارح نخليك بالغرفة انت الحين لك الحرية .
وليد يحاول يتعدل بجلسته : طلعوا برا خلوني لحالي مابي اشووف احد فيكم ..
ابو وليد حضن ولده : انا اسف ياوليييد ... ياليت تتفهم الي انا سويته .
وليد بعد عن ابووه ووقف : طلعوا برا .
ابو وليد : طلعوا خلوه لحاله .

الكل طلع ماعدا ابووليد . توجه لولده وجلسه على الكنب وجلس معاه .
ابو وليد : ولييد يباا .. انا ماسويت كذا الا ....
وليد قاطعه : الا انك تبي مصلحتي .. عارف يايبا .. وبعدين انا موزعلان منك .. انا اللي كنت غلطان والمفروض
ما اسوي هالشي .
ابو وليد : الحمدلله انك متفهم هالشي . انا اسف .
وليد : ماله داعي تتسأسف .
ابو وليد : قوم وانا ابوك تروش واطلع اكل لك كم لقمة شووف نفسك كيف نحفان .
وليد : مشكور يبا مابي شي .. ممكن تطلع .؟

وقف ابو وليد وطلع وترك الباب مفتوح وقفه صوت وليد لف عليه : نعم .؟
وليد يمد له مفتاح الغرفة : نسيت تقفل الباب .
ابو وليد ابتسم : هه لا مارح اقفله ... يلا يابوك تجهزالليله ملكة عيال عمك .
وليد مد المفتاح لـ يد ابوه ودخل الغرفة : مارح اروح .. انتو روحوا عليكم بالعافية .
ابو وليد : بس
قاطعه وليد : لابس ولا شي

طلع ابو وليد وسكر الباب لكن ماقفله ونزل تحت واههو متضايق عشان ولده .. اما البنات كملوا شغلهم وطلعوا وراحوا المشغل واهما يحاولون ينسون سالفة اليوم ..

بيت ابو طلال . كان الكل منشغل بترتيب الطاولات والكراسي والخدامات يحطون الورد والمقبلات على الطاولات
اما البنات كانوا في المشغل .. وطبعا الرجال هم اللي قاموا بترتيب وتنسيق الطاولات .. بعدها طلعوا للحلاق .
وطبعا الملكة راح تكون في بيت ابو طلال .



ادري البارت قصصير لكن هذا الي قدرت علييه ..




عطوني توقعاتكم .؟

[فيتامين سي]

44




في الليل .. كان صوت الدي جي مالي الصالة والناس تدخل وتطلع وام طلال وام وليد وام فارس عند الباب يستقبلون
المعازيم .. اما البنات كانوا فوووق .. والخدم كانوا يضيفون المعازيم ويقدمون لهم العصاير والمرطبات ..
اما عند البنات فووق .. كانوا يسولفون مع ابرار ومي .. وكل شوي يحرجون ابرار ومي .. وطبعا لاتخلوا جمعتهم
من الصراخ والضحك .


ايمان : يالله مي بتتزوجين وبتخليني مع زهره النسره .
زهرة : لاوالله مو مالية عينك .؟
ايمان : انتي دايما على الكتب وش تملين عيني فيه . !
بيان : والله حتى انا بفقد ابرار .
ايلاف بصراخ : هي انتي وياها مانبي صياح . وبعدين توه العرس مابعد يصير .
ايمان : مابقى شي عليه .. غيير شهر .
سارة : وولاء بعد بتروووح عند ايلااف وببقى لحالي .
ايلاف : ععادي تعالي كل يوومم عندي والله بستانس .
ساره : اووووك .
ليان : اووف .. اشتقت لشهد ممتى تصحى .
نور : تمنيتها تكون معانا بكل فرحة ومناسبة .
زهرة : خلاص لاتنكدون علينا .. خلونا نستانس وندعي لها .
الكل : طيب .
ابرار : خايفة .!
مي تفرك يدينها ببعض : وانا بعد خايفة .
رؤى : لاتخافوون .. انا حسيت بنفس شعوركم لكن شعور حلو والله .
ولاء : هذا اسمه توتر مو خخوف .. اذكروا الله واقروا الاذكار .
ابرار : متى راح ننزف ..؟
سارة : تقول امي بعد عشر دقايق .
نور : ادعو ان الله يزوج ليان عشان افتك منها .
ليان تضربها : ووجع ان شاء الله انتي تتزوجين مو انا .
نور : لاوالله مارح اتزوج قبلك .
بيان : صج نور يمكن تتزوجين قبل ليان .
نور : فال الله ولا فالك .
سارة : اييوه شوفي مي اصغر من زهرة وتزوجت قبلها .



عند الرجال .. كانوا الرجال يسولفون وانواع الضحك والاستهبال من الشباب .. وطبعا بدر وطلال مافيه مثلهم .
وشووويي ويغمى عليهم من الفرحه .. وطبعا نناقصهم وليييد .

طلال : وليش لا ان شاء الله .؟
محمد : بعديينن تخربونن عرسي . مابيكم .
طلال : لاوالله شايفنا بزارين عندك .؟
محمد : اججل وشو انتم .؟
بدر بقق عيونه : ههااه وشوو .؟
سعود : هههههههههههههاايي .
احمد : كففووو يالنسيب .
فارس : حرام عليك محمد .. شووف البووز انمد شبرين .
محمد يناظر بدر وطلال وباستهبال : انا اسسف خخلاص لاتزعلون .
طلال يضربه : خيير شايفنناا بزارين ولا بزارين .؟
محمد : لا اطفال .
طلال : اقول لاتتطنز .
محمد : اقول انت وياه خلوني اقووم اشووف زوجتي العزيزة اححسن من مقابل وجيهكم .
سعود : روح الله يوفقك .!
بدر يكلم احمد : ورا ماتتعلم من نسيبك وتقوم وراه .؟
احمد : افا تبي الفكه مني .؟
بدر : لا شدعووه .
احممد : والله فكرة زيينه خلني اقووم لزوجتي احسن لي .
فارس : حافظك الله .
سعود : شباب اليوم ابوي فتح الباب لوليد .
الشباب كلهم يناظرون سعود : امانه .؟
سعود : والله , بس لما فتح الباب لقوه طايح حاولوا يصحونه وبالموت صحى .
سيف : طيب شصار .؟
سعود : انا كنت نايم بس ايمان اهي الي قالت لي .
بدر : اييووه كمل وش قالت لك .؟
فارس يوقف : عن اذنكم .!
سعود يمسك يد فارس ويجلسه : وييين رايح .؟
فارس : بطلع اشم هوا شوي .!
سعود : فارس ممكن تسمعني شوي .؟
فارس : خلها وقت ثاني .
سعود : فارس المفروض اللي بينكم ينحل .. ترا وليد تغيير مع ان ابوي حبسه اسبوعين لا اكثر لكن يوم فتحوا له الغرفة ولما صحى كان متغير 180 درجة .. فارس ترا وليد اعتذر من ابوي ومن اميي ... ومقرر يعتذر منك ويعتذر من شهد لما تصحى ويعتذر من الكل اههو بنفسه حاس بالذنب لكن موقادر يتكلم اهو لسى مومرتب افكاره وكلامه عشان يعتذر .
فارس : اخيراً حس بالذنب .!
بدر : فارس , لاتقسي قلبك عليه , انتو كنتوا اخوان واكثر لاتخلي اللي بينكم يتغير .
فارس : هه مو انا اللي غيرت اللي بينا , ههو الي غير كلشي وهدم كلشي .
سيف : شباب ههدوا شوفوا الرجال يناظرونا .
فارس : خلوني اطلع احسن مايصير هواش . هالمواضيع بعدين نتكلم فيها .


طلع فارس برا المجلس وجلس على الكراسي الموجودة برا واههو يتذكر كلشي صار له
مواقفه مع شهد ومواقفه مع وليد يتذكر كييف وافق انه يتزوج شهد بدال ولييد وندم انه فعل هالشي .
صار يدعي ان شهد تصحى لانهه من دوونها يحس نفسه ضايع .


عند محمد .... كان يكلم ولاء ويحاول يقنعها تنزل عشان يشوفها لكن ....

ولاء : لا لا مابي .. اصلا مووححلوو شكلي .
محمد : طيب انا مابي شكلك يصير حلو بس اطلعي ابي اسلم عليك .
ولاء : لالا مابي .
محمد : يلا عاد ولاء .
ولاء : اهئ. مابي مو غغصب . وبعدين اخاف احد يشوفنا .
محمد بضحكة : هههههههههههه
ولاء : لاتضحك مافي شي يضحك .!
محمد : ادري انك مستحية عشان كذا ماتبين تطلعين.. بس صدقيني اذا ماطلعتي انا راح ادخل واخذك .
ولاء : ماتقدر .
محمد : تتحدين .؟
ولاء توقف قدام النافذة وتناظرة من فوق : ايييوهه .
محمد يقرب عند باب المدخل : تراني عند باب المدخل .
ولاء اوول ماشافته قررب انصعقت خافت يسويها وقالت علطول : محمد انتبه تقرب من عند الباب .
محمد : ههههههههههه .. يلا اجل نزلي دام ماتبيني ادخل .
ولاء : محمد ععاد مولازم اطلع بس ناظر فوق وخلاص .
محمد يدور وين : ويين ؟
ولاء : شوووف انا عند النافذة .

رفع محمد راسه وطاحت عيونه على عيون ولاء حس كأن الزمن توقف للحظة .. مع انها كانت بعيده عنه ومستحيل
يشوفها بوضوع لكنه انعجب بشكلها .. بتسريحتها ومكياجها وروجها .. كانت ناعمة مرره .. ابتسم ورجع يكلمها
ع الجوال ويسوي نفسه معصب

محمد : ادخلي داخل .
ولاء بخوف : شفيك .؟
محمد بصراخ : اقولك ادخلي داخل ... ماتخافين احد يشوفك من الرجال .؟
ولاء : محمد انا فووق مو تحت . بعدين منو بيرفع راسه وبيشوفني .؟
محمد : انزلي بسرعة
ولاء : اوووف .. طيب .

سكر محمد منها وابتسم بخبث .. رفع راسه للنافذة وماشافها .. تنهد واههو يدعي ان الله يحفظها له .. ماهي الا دقايق وشاف زولها .. مشى متوجه للباب لكن ولاء ماطلعت كانت تقول له يروح ورا البيت واهي بتطلع له من الباب الخلفي مشى متوجه ورا البيت .. واههو لازال مبتسم على شكلههاا .. وقف ينتظرها وشافها كيف تطلع من باب المطبخ بفستانها الفوشي الي يوصل للركبة .. بدون علاق ومكياجها اللي مخليها ناعمة غير التسرحية الي كانت على جنب وكانت جداً ناعمة .. توجهت بخطوات بطيئة واهي تمشي بخوف لجهة محمد اكيد راح يصارخ عليها ويزعل ههذا طبعة من يوم عرفته .وصلت لعنده وكانت منزلة راسها وتفرك يدينها ببعض . تقدم محمد ومسك يدها بقوة وباليد الثانية رفع راسها وصار يناظر عيونها .. قد ايش جميلة .. نزل انظاره على انفها الصغير رجع ناظر عيونها بابتسامه ونزل انظارة على شفايفها الوردية المليانة ماقدر يقاوم نفسه وتقدم وطبع بوسة على شفايفها .. اما ولاء غمضت عيونها بقوة تحاول انها تمسك نفسها . بعد محمد عنها وناظرت فيه .

كانت ولاء لابسه



محمد : صايرة تجننين .!
ولاء : شكراً
محمد : بس شكراَ.؟
ولاء : هه .. انت بعد جمييل .
محمد : يعني مافي حضن ولاشي .؟
ولاء حضنته : ههه شفيك صاير تتغلى .؟
محمد حضنها : الله يديمك لي .!
ولاء : ويديمك لي .
محمد بعد عنها : تاخذين العقل والله .. اخاف اتهور .
ولاء : انتبه .!
محمد : يالله متى يجي العرس . صراحه ماقدر انتظر .
ولاء : ترا كلها شهر .
محمد : والشهر سنة بالنسبه لي .



عند البنات .

وقفت ابرار عند الدرج تستعد لوقت زفتها . اشتغلت موسيقى هادية .. ونزلت عليها وعيون الناس كلها عليها ..
اللي تسمي واللي تذكر الله .. .كانت ايه في الجمال بفستانها




ومكياجها الي معطيها نعومة ورقة .. وتسريحتها البسيطة .. وصلت للكوشة .. واهي من داخل مرتبكة وخايفة .
وكانت تحاول تخفي هالتوتر .. بعدها بخمس دقايق انزفت مي على موسيقى هادئة .. وصلت للكوشة وجاو البنات
وكانوا مستانسين مرره .

فستان مي



ايمان : ميي كان شكلك يجنن وانتي تنزفين .
مي : جد .؟
سارة : ايي والله كنتي تهبلين .
مي : بعد عمري عقبالك .
ابرار : وانا شكلي ححلو بعد .؟
البنات : اييووه
ابرار : بنات كان مبين علي اني ارتجف وخايفة صح .؟
ايلاف : لا ابد والله كنتي تمشين بثقة .. اعجبتني مشيتك والله .
ابرار بخجل : بعد عمري تسلمين عقبالك .
رؤى : بنناتت بقولكم شي .
البنات : وشوو .؟
رؤى : بس ترا ماقلت لاحد للحين ولا حتى احمد .
ايلاف بصراخ : ححاممل .
رؤى : هيي انطمي .. وبعديينن شششلونن ععرفتي .؟
ايلاف تحضن رؤى : بعععدد عمممممري الف مبروووووك .
ابرار : حبيبتي الف مبرروووك .
ولاء : الف ممبببروك .
رؤى : الله يبارك فيكم .
زهرة تناظر بطن رؤى : ياعممري ان شاء الله بنت .
نور : يممممهه وناسسهه .
رؤى : هههه
ايلاف : احمد لسى مايدري .؟
رؤى : لا ولاحتى امي وابوي .
ايلاف : وناسسهه متحمسه اشووف ردة فعل احمد .
ايمان : اكييد راح يستانس .
ليان : ان شاء الله بنووتهه صغنونه .
بيان : اميييييييييييييينن .
ايلاف : ولاء .. رحتي لمحمد .
ولاء : اييه .
ايلاف : ازعجني ... يقول لي خلي ولاء تطلع .
بيان : اكييد بيزعجك دام ولاء كذا .
ولاء باحراج : وججع .

الشقة عند الشباب ( اياس - ايثان - تركي - عمار - ياسر )

تركي يمشي للصالة وفي يده صحن الكوب كورن : هاه شقررتوا عليه .؟
ياسر : بنتابع فلم اكشششن وحممماس .
عمار : بالمووت طلعنناه
تركي : عفيه يلا تحمست اشوووفه .
ايثان يدخل الصالة وفي يده صحن الاندومي : وهذا الاندومي جاهز .
ياسر : فدييتك والله .. زين في احد قام سواه لنناا .
اياس : قوول زين تركي طلع منه وسوه الفشار.
تركي يناظرهم : لاتتطنزون ولا ما اخليكم تاكلون منه .
ياسر : خخف علييينناا .
تركي ياخذ الفشار :اوك لاتاكلون .
عمار : هيه انا مالي دخل يعني خلني اكل معاك .
تركي : لا دامهم ربعك مارح اعطيك
عمار يسوي روحه زعلان : اوووف تركي .
ايثان : استغفر الله متى بتشغلون الفلم .؟
ياسر : اقوول تركي يلا بس .. وخلنا ناكل وقوموا شغلوا الفلم .
تركي : انزيييينن .


بيت ابو طلال ( الساعة 11:30 )

وقفت مي وساعدوها البنات عششان تصعد فووق لان طلال راح يدخل .. مشت متوجهة للدرج والبنات وراها وصعدوا فووق ... اماا ابرار كانت ترتجف من الخوف والتوتر .. ووجهها احمر شافت ولاء جاية جهتها ابتسمت لها وولاء ردت لها الابتسامة .
ولاء: هاه جاهزة .؟
ابرار : انا خايفه مره .. لاتخلينه يدخخل .
ولاء : ماكوو شي يخووف .. اذكري الله وقولي لا اله الا الله ... ترا مارح ياكلك .
ابرار : متأكدة .؟
ولاء : ههههههههههايي . اخوي ما انولد عشان ياكلك .. انولد عشانك انتي .
ابرار بخجل : ههي ععيب .
ولاء : هههه مايفيد معاك الا جذي , يالله يالعروسة وققي .

وقفت ابرار بمساعدة ولاء لها .. فجاة انطفت الاضواء واشتغل نور ابيض ودخل طلال بهيبته ورزته والبسمة ماتفارق وجهه ابداً كان جمييييييييييل بمعنى الكلمة ... كان لابس بدة رسمية



وملامحة كانت تدل على الحب والفرح والسعادة ... دخل وشاف امه قدامة باس راسها وباس راس ام فارس وبعدها
توجه لجهة ابرار واههو يناظرها وصل لعندها وباس جبينها وحضنها وسط انظار الكل وصدمة ابرار .. بعدها مسك
يدها وتوجهوا للكوشة واهو لازال مبتسم على شكل ابرار . جاو ام طلال وام فارس وام وليد يباركون لهم اما سارة
جات تركض وحضنت اخووهها واهي تصارخ .

سارة : ححرام علييييييييك احرجت البنت .
طلال : كييفيي اهي حلالي موحرام علي
سارة تصفر : صح علييك .. اخيراً طلع عندنا واحد رومنسي بالعايلة .
ولاء : انتي ماتستحين .؟
سارة : من ششنو استحي بالله وبعدين اخوي وزوجته .
طلال يناظر ابرار وبهمس : اخيييرا صرتي لي .
ابرار : تونا مابعد نسوي العرس .
سارة : سمعتكم .
طلال : انتي وش تبين قاطة وجهك عندنا .؟
ولاء : قصدك اذنها .
طلال : بالله ولاء افتحي لي الجوء شوي ... خذي سارة من ههناا .
سارة تجلس جنب ابرار : والله ما اتزحزح من ههناا ,
ولاء : عييب يابنت استحي على وجهك وقومي .
سارة : مانيب قايمة وبعدين انا ححلفت .
ولاء : سارة ترا بنادي اممي .
سارة : لاوالله اههما بعد اشوي بيروحون الغرفة يعني بياخذون راحتهم اكثر ههناك .
طلال بقق عيونه : شهالكلام سارووووه .
سارة : اووف يلا سولفوا شالهدوووءء .؟
طلال : شنو شالهدوء ... صراحةة البنت خايفة منك تقل جني طالع من تحت الارض .
ابرار بضحكة خفيفة : ههههه ححرام عليك والله سارة حبوبة .
طلال يناظر ابرار بطرف عينه : حبوبة .؟ وواضحك اصلا اههي لو تربي شنبها تصير واحد من ربعي .
سارة بقهر : جبب
ولاءتمسك سارة وتاول تقومها : قوووومي اوووف حشى موب بنت .
طلال : توك تدرين انها مو بنت .؟
ولاء : افف شوفي الناس كلها تطالع فينا .!
سارة : منو الناس .؟. ... ترا مافيه غيير اهل محمد واهل ليان وجارات امي وخالاتي !
ولاء : اففف منك بروح انادي احد يسحبك من ههنا .
سارة توقف : ماله داعي تنادين احد انا بقوم من نفسي .. صصراحه ماتستاهلون سارة تجلس معاكم
ابرار : حرام عليك زعلتها .
طلال : خل تولي ناشبة لي في البلعوم .




نهاية البارت


توقعاتكم الجميلة

[لامارا]

45



عند البنات .
ليان : تعالي عندنا انا ونوور ونعلمك
ايلاف : لاوالله تحسبيني ماعرف ؟
رؤى : خفي علينناا من متى تعرفين تحطين مكياج .؟
ايلاف : احم احم اسمله ععلي من يومي اعرف احط مكياج .
رؤى : لاواضح .
نور : والله ججد يمكن تععرف .. رفعي معنوياتها .؟
رؤى : يصير خير .
ايلاف تمثل العصبية:انتتي وش فيييكك علي وبعدين يمكن صج اععرف .!
بيان : ههههههههههههههايي ... اييلااففففففففففففففففففف فففوه تحط مكياج .؟
ايلاف بعصبية : خييييييييير انتي وياها اشووف قمتوا تتطنزون ععلي ..؟
سارة دخلت عليهم واهي مبوزة : وحده تروح تقول للخدم يجهزون جناح طلالووووه .
بيان : وليش ماتروحين حضرتك .. مو اخوك .؟
سارة : مابي اروووح ... روحي ايمان اوو ايلاف
زهرة : ماني رايحة
سارة : انتي جب محد كلمك .
بيان : انا برررروح .
رؤى : وش فيييك معصبة ككذا ..؟
سارة : مافيني شي ماني معصبة .
رؤى : الا شكلك يقوول انك معصبة .
سارة :اقووول ورا ماتروحين لزوجك احسن .؟
دخلت ولاء وسمعت كلام سارة : شفيكم .؟
رؤى:مافينا شي . الا اقوول متى بيزفون مي وبدر .؟
ولاء : هالحين بيطلعون ابرار وطلال
رؤى توقف : اووك انا بروح عند امي .

عند مي ... وقفت عند الدرج عشان تنزف .. انطفت الاضواء واشتغلت موسيقى هادئة ونزلت عليها وبنص الطريق
التقت مع بدر ... تقدم لها ومسك يدها وكملوا طريقهم للكوشة وكل واحد يناظر الثاني بنظرات ححب .. وبدر كان
يضغط على يد مي بقووة لدرجة انها تعورت من ضغطته . وصلوا للكوشة واشتغلت الانوار وباس بدر جبين مي
وحضنها .. والكل قام يصارخ ويصفق .. جلسوا ع الكراسي وبعد ربع ساعة جابوا الكيكة عشان يقصونها مع بعض
وبعدها جابوا الشبكة ولبسها بدر والبنات يصفقون وطبعا ايمان كانت تبكي ... بعدها طلعوا مع بعض لجناحهم عشان
التصوير وياخذون راحتهم اكثر .



يوووم جددييييييد على ابطال روايتي .. البعض منهم كان مستانس والبعض كان يوم تعيس .

صحى فارس على صوت منبه الجوال اخذه وطفاه ووقف دخل الحمام وانتو بكرامه ياخذ له شور طلع ولبس جينز
ازرق مع تيشيرت ابيض لبس جزمة بيضه توجه للتسريحه ولبس ساعة زرقه ومشط شعره ... اخذ عطره بيرش منه
بس انتبه لعطر شهد اخذه وصار يناظر فييه .... نزلت دموعهه لا ارادي يالله شقد اشتاق لها .. اشتاق لضحكتها
وحزنها وبكيها .. تمنى لوترجع ويحضنها ويعتذر منها مايبيها تروح واهي زعلانه منهه .... حط العطر ع التسريحه
ومسح دموعه بألم وطلع من الجناح ونزل تحت لقى امه وابوه وخواته ع الصفرة يفطرون سلم عليهم وجلس .

بيان تمد له الخبر : خذ فارس الخبز يلا كل .
فارس اخذه : طيب .
ام فارس : البارحه جاوا حريم كثير الحمدلله كانت الملكة بعد حلوة
بيان : يب حتى مي وابرار كانوا يهبلون .
ابرار : بعد ععمري عقبالك .
بيان : لامابي الحين " وتمد بوزها "
ابرار : ههههههه ... الزبده ماردك بتتزوجين .
ابوفارس : لاخليها تضل عندنا خليني ادلعها شوي ... قبل كنتي انتي ماخذه الدلع كله .
ابرار : ححرام عليك ييببا ... كنتت تشاركني فيها بكل شي .. احسها صايرة نشبة لي بكل شي .
ام فارس : ههههههههه .
ابرار : فارس ... وش فيك ماتشاركنا السوالف .؟
فارس :..................................
ابرار تهز كتف فارس : فارس ... اللووو شفييك .
فارس انتبه لها : ههاه .؟
ابرار : من مساعه وانا اكلمك وش فيك ماترد .
فارس : مافيني شي .
ام فارس : وش فيك يمما سرحان .. علامك صابك مكروه لاسمح الله .؟
فارس : لا يمه مافيني شي ... بس قررت اليوم اروح ازور شهد .
ابوفارس : فارس ياولدي .... مو انت طلقتها .؟ .. كيف تروح لها .
فارس : الا يبا طلقتها بس " وسكت وناظر ابوه " بس ماقدر امنع نفسي منها , يبا الكل عارف اني يوم طلقتها ماكنت
ناوي هالشي يصير .. وترا لما تصحى شهد راح ارجعها .
بيان : فارس .... لين تصحى يصير الف خيير بس انت الحين امسح دموعك لاتبكي . والله قطعت قلبي .!

فارس انصدم كيف دموعه نزلت واهو ماحس فيها .. رفع يده ومسح دموعه وووقف واهو بيطلع سلم عليهم وطلع
ركب سيارته لكنه كان منهار وموقادر يسوق اصلا .. نادى على السواق عشان يوصله للمستشفى


بيت ابو وليد ( الساعة 9 الصباح )
نزل وليد واهو لابس شورت اخضر وبلوزة سودة وجزمة سودة وشعره مسويه على ورا مشى متوجه للمطبخ
دخل وفتح الثلاجة وصار يطلع له شي ياكله .. جلس ع الطاولة وصب له كافي وجلس ياكل .... شوي ودخلت مي
واهي تناظر ومستغربه مين ههذا ... لان وليد نحف شوي عشان كذا ماعرفته

مي : ممنو هننا ..؟
وليد سمع صوت مي ولف عليها : لهالدرجة ماعرفتيني .؟
مي اتسعت ابتسامتها وراحت له تركض وحضنته : وليييييييد اشتقنا لك كلننا
وليد يحضنها : يابعدي والله .
مي : كييف تسوي فينا كذا , والله لو تشوف حالنا احنا وامي والله حالتنا تعور القلب وخصوصا امي .
وليد يبعد مي عنه : مي .. انا بتغير للافضل ... بطلع من الغموض الي انا فيه صدقيني .
مي: اتمنى يصير كذا .
وليد : يقولون البارحه ملكتك ... الف مبررووك .
مي بخجل : الله يبارك فييك .. عقبالك ياخووي .
وليد : اميين .
مي : بس انا زعلانه عليك ليش ماجيت .؟
وليد : عذريني مي والله كنت تعبان وماجيت وبعدين انتي عارفة السبب فماله داعي ابرر لك .
مي : اوووف متى تنحل هالمشكلة
وليد : الله كريم
مي تحاول تغير الموضوع : بروح اقووول للكل انك نزلت .
وليد مسك يدها : ميي تكفين لا .. انا نزلت وانا اترقب المكان اخاف احد يشوفني .
مي باستغرب : وليد ليش ماتبي احد يشوفك .. وبعدين ترا ذا بيتنا يعني ماله داعي تخاف كذا .
وليد تنهد : مي انا لسى مومستعد كيف بواجه امي وابوي وخواتي ... يعني يبي لي وقت على ما اهيئ نفسي .
مي : ماله داعي تتجهز .. انت بس اعتذر من امي وابوي وانحلت المشكله .
وليد : لايامي انتي ماتدرين وش بداخلي .. اصلا مارح احد يفهمني غييرك ... مدري كيف بتحمل فراقك .
مي دمعت عيونها .
وليد : انتي الوحيدة اللي اشكي لك بالبيت وتفهميني علطول
مي : وليد قول لي وش فيك وانا راح اعطيك حل لكل شي.


في المستشفى
كان جالس عند رجولها ووجهه مليان دموع كالعادة جالس يشكي لها همومه يكلمها لعل تسمعه .. مسك يدها وضغط عليها
بقوه وصار يرد بأذونها " شهد اذا تسمعيني اضغطي على يدي " لكن مافيه اي اجابة .. حط راسه على يدها وصار
يناظر فيها الين ماغلبه النووم ونام .


فارس : ششششششششهد لاتروحين لاتتركيني فاهمة
شهد : فارس انتبه لنفسك ... انا رايحه رايحة .
فارس يركض وراها ويصارخ : ششششششششششههدد لاتروحييييييييين .
شهد : قول للكل اني مسامحتهم خلهم يسامحوني يافارس .
فارٍس : شههههههههههههد الله يخليك رجعي لاتروحين
شهد لفت عنه وعطته ظهره ومشت واهو يناديها لكن ماترد


صحى من النوم واهو مفجوع من الحلم شاف الدكتور والممرضات حوله وممرضه تدخل والثانية تطلع .. التفت للدكتور
وصار يناظر في ملامح وجهه وشافه كيف خايف .. انتبه للدكتورة اللي تجر العربيه وفوقها جهاز الصعق الكهربائي
اخذته الدكتوره وحطته على صدر شهد واهي تحاول وتدعي انها تعيش . وبعد محاولات عاد النبض لشهد والكل تنهد
براحه وفارس كان لصى مصدوم وموقادر يستوعب الي قاعد يصير قدامه .. شهد تمووت وترجع للحياة وكل ذا قدام
عيونه وقف وتوجه للدكتور الي طلع من الغرفة وسأله عن الي صار

الدكتور : هي للحين بغيبوبة بس لازم نتأكد اذا حالتها تحسنت او لا .
فارس : طيب في امل انها تصحى قريب .؟
الدكتور حط يده على كتف فارس : والله ماندري لحد الحين وانا قلت لك خلنا نتاكد وان شاء الله يصير خير ... الحمدلله
انها نجت من الموت والنبض رجع لها .
فارس : دكتور تكفى لاتخيب املي .
الدكتور : ادعي لها .

مشى الكتور وفارس مسح دموعه وصار يدعي .. مشى لغرفة شهد وصار يناظرها من النافذة الصغيره بعدها مشى طلع
من المستشفى وتوجه للشركة لعل يشتغل وينسى شوي من اللي صار .


في الشركة
سيف : انا بكلم ابوي وعمامي ينقلونكم من هالقسم .
سعود : لاوالله موكيفك .
بدر : ايي والله الشغله عاجبتنا مانبي نغيرها .
سيف : اجل اسكتوا وبلا هرج , ترا مو قادر اركز بالشغل .
سعود : اشتغل محد قالك لاتشتغل .
سيف : هذرتكم صدعت راسي .. وبعدين عندي 4 ملفات ابي اخلصها لاتزعجوني .
طلال دخل وفي يده ملف : سلام .
الكل : عليكم السلام .
طلال يجلس ع الكرسي : اهه تعبت .. اقول شباب ماسمعتوا اخر خبر .؟
بدر : لاوشو .؟
طلال : محمد بيطلع من شغله وبيجي يشتغل معانا بالشركة .!
سعود : صجج .. ليش ههو وين يشتغل ؟
سيف : يشتغل في البنك على ما اعتقد .
طلال : ايوه .
سعود : اييهه حياه الله .
سيف : اوووووف صراحه الشغل كثييير .
طلال يناظر الملفات : الله واكبر كل ذا شغلك ؟
سيف : لاياخوي ذا شغل وليد بس لانه موموجود ..فـ بخلصهم بداله .
طلال : كان خليت اسماعيل او ناصر يخلصونهم .
سيف : اسماعيل ماخذ اجازة وناصر متعاون معاي بالشغل .
طلال : الله يساعدك بس .
سعود : انا بقوم اتجول في الشركة شوي وارجع .
بدر طلال سيف : اوووك .

طلع سعود من المكتب وصار يتمشى في الاسياب وينزل ويصعد .. قرر يروح لـ فارس ويتكلم معاه مشى لمكتب فارس
لكن مالقاه تنهد وطلع .. مشى لمكتب وليد واول مادخل المكتب انصدم من فارس اللي كان يفتش في المكتب . قرب
منه ويحاول يشوف شنو يسوي جا في باله انه راح يسرق حاجه
سعود : فارس.؟
فارس رفع راسه : هلا .؟
سعود : فارس شنو تدور علييه .؟ .... هاذي اغراض وليد .!
فارس : شرايك انت .؟
سعود : تسرق .!
فارس انصدم : هااااااااااااااه .؟ .... انا اسرق ..؟
سعود : وجودك هننا يدل على هالشي .
فارس وقف : لاحبيبي تطمن انا جيت ادور مفتاح المخزن مفتاح ابوي ضايع وارسلني اخذه من مكتب وليد " وطلع "
سعود : فارس .. فا.............. اوووف شالتفكير ياسعود وبعدين شنو راح يسرق مثلا .؟
دخل فارس مره ثانيه .. سعود : فارس ممكن نتكلم شوي .؟
فارس اخذ المفتاح من الطاولة : لا .. انا جيت اخذ المفتاح نسيته .
سعود مسك فارس: فارس انا دايم ابي اكلمك بروحنا بس انت ماتعطيني فرصة ابداً
فارس : لان اصلا مافي موضوع نتكلم فيه .
سعود : الا فييهه ... فيه موضوع وليد وشهد واننت .
فارس : سعود الله يخليك مالي خلق الحين افتح هالموضوع ولو سمحت ممكن تأجل .؟
سعود بعصبية : اي لين متى وانا اأجل في الموضوع لين متى ..... فارس انت ماتبي تحل المشكلة وتنسى الماضي .
انا اقولك وليد تغييير وانت موراضي تستوعب " ويأشر على عقله " هذا مو راضي يستوعب
فارس : قوووول شعندك .؟
سعود : اوول شي تعال نجلس ونتكلم بالهدوء .

توجهوا للكنب الموجود وجلسوا عليه وفارس ينتظر سعود يتكلم .
سعود : ................................



نهاية البارت


توقعاتكم .؟

[لامارا]

46



طلع سعود من المكتب وصار يتمشى في الاسياب وينزل ويصعد .. قرر يروح لـ فارس ويتكلم معاه مشى لمكتب فارس
لكن مالقاه تنهد وطلع .. مشى لمكتب وليد واول مادخل المكتب انصدم من فارس اللي كان يفتش في المكتب . قرب
منه ويحاول يشوف شنو يسوي جا في باله انه راح يسرق حاجه
سعود : فارس.؟
فارس رفع راسه : هلا .؟
سعود : فارس شنو تدور علييه .؟ .... هاذي اغراض وليد .!
فارس : شرايك انت .؟
سعود :لا تسرق .!
فارس انصدم : نعم.؟ .... انا اسرق ..؟
سعود : وجودك هننا يدل على هالشي .
فارس وقف : لاحبيبي تطمن انا جيت ادور مفتاح المخزن مفتاح ابوي ضايع وارسلني اخذه من مكتب وليد " وطلع "
سعود : فارس .. فا.............. اوووف شالتفكير ياسعود وبعدين شنو يسرق مثلا المكتب فاضي.
دخل فارس مره ثانيه .. سعود : فارس ممكن نتكلم شوي .؟
فارس اخذ المفتاح من الطاولة : لا .. انا جيت اخذ المفتاح نسيته .
سعود مسك فارس: فارس انا دايم ابي اكلمك بروحنا بس انت ماتعطيني فرصة ابداً
فارس : لان اصلا مافي موضوع نتكلم فيه .
سعود : الا فييهه ... فيه موضوع وليد وشهد واننت .
فارس : سعود الله يخليك مالي خلق الحين افتح هالموضوع ولو سمحت ممكن تأجل .؟
سعود بعصبية : اي لين متى وانا اأجل في الموضوع لين متى ..... فارس انت ماتبي تحل المشكلة وتنسى الماضي .
انا اقولك وليد تغييير وانت موراضي تستوعب " ويأشر على عقله " هذا مو راضي يستوعب
فارس : قوووول شعندك .؟
سعود : اوول شي تعال نجلس ونتكلم بالهدوء .

توجهوا للكنب الموجود وجلسوا عليه وفارس ينتظر سعود يتكلم .
سعود : فارس ترا وليييييد تغييير 180 درجة , تخييل صار وليد واحد ثاني اوول مرره نشوفه ... يعني حتى صارت
طلعاته من البيت قليله .. دايم يقووول مايبي يطلع كثيير ويبي بس يفكر بحياته المستقبليه يبي يفكر كيف يعتذر من الكل
يبي يرجع يشتغل يبي يخلي حياته غييير .. يعني تخيل لدرجة ان احنا مايرضى يجلس معانا كله جالس بالغرفه
والغدا والعشا مايجي يجلس معانا , دايم اذا سألناه يقوول انا ابي افكر بروحي . يقوول وده يكلمك ويعتذر منك
وكل ماعطيناه امل يتراجع ويقووول ان انت مارح تقبل اعتذاره عشان كذا يغير رايه ... فارس انا والشباب صرنا
دايم نروح لـ وليد ونجلس معاه ويتقبلنا مو نفس قبل اذا تجمعنا مايجلس معانا . الحين لا غير الحين يسولف معانا
واغلبيه سوالفه عنك انت ... يقوووول وده يرجع يعتذر منك وتصير اخووه نفس قبل .. يقول انا متحسف لاني ضيعت
اخو مثل فارس والله يافارس قام يصيح قدام عيونا .


>>>>> قبل اسبوعين <<<<<

في بيت ابو وليد > غرفة وليد <
سيف : وليد انت لاتيأس , وبعدين فارس قلبه طيب واكيد راح يرضى بسرعه .
وليد : تكفون حاولوا معااه انا تعبت ابي اخوي يرجع لي احس بدونه ضايع والله ضايع .
طلال : ولييد تكفى خلاص . خل أملك بالله كبير لاتضعف قلبك .
وليد دمعت عيونه : قولوله شكثر انا اشتقت له , قولوله اني راح اتغير قولوله تكففوون .
سعود يحضن اخوه : وليد تكفى لاتسوي بنفسك كذا .... ترا انا اخووك واخاف عليك .
وليد حضنه : والنعم فيك ياخوي .. الله يخليك لي يارب .
سعود : راح اكلمه عشانك ياوليد . انا ما أتحمل اشوفك بهالحالة .
بدر : وليد تكفى هد .. كلنا مانتحمل نشوفك بهالحالة .


>>> نرجع للواقع <<<
فارس : طيب دام جلساته معاكم قليلة كيف عرفت ان كل ذا في وليد .؟
سعود : هو كلشي يقوله لمي . واهي تقولنا
فارس :........................
سعود : ارجوك تفكر يافارس , وليد حالته صعيبة انا الحين بروح البيت " ووقف " اليوم قررنا ناخذ البنات
ونروح المزرعة نغير جو والحريم والرجال بيروحون عرس الجيران , حياك المزرعة

طلع سعود وتارك وراه قلب محتار بالكلام اللي سمعه ومشغول باله على شخص غالي وعزيز عليه " شهد "

الساعة 12 الظهر .
بيت ابووليد .

طلعت من الحمام واهي تنشف شعرها جلست على التسريحة وصارت تمشط شعرها
زهره : اقوول مييوه بسسرعهه هاه عشان لانتأخر .
مي : اووووك بس ايمانووه وينها .؟
زهرة : تحط الاكل بالشنطة .
مي : اووك ... مره متحمسه , الا اقوول بنروح مع ميين .؟
زهرة واهي تلبس عبايتها : بنروح مع سعود .
مي لفت عليها : ووليد مارح يروح .؟
زهرة : امبلى , بس قال بيجي ع الساعه 2 كذا
مي : اوووك
دخلت ايمان : ههاه بنات خلصتوا . ؟
مي : بس بحط اغراضي بالشنطة الصغيرة .
ايمان : يلا ترا سعوود معصب مرره .
مي وزهره : اوووك يلاا .

لبسوا عباياتهم ومي حطت اغراضها بالشنطة ولبست عبايتها واخذت شنطتها ونزلت وركبوا السيارة مع سعود
وتوجه فيهم للمزرعة .
اما في بيت ابو طلال .... كانوا ولاء وسارة يجهزون نفسهم وطلال وبدر وسيف يحطون الاكل والخرابيط بالشنطة
سيف ياخذ النوتيلا ويحطه بالشنطة فجأة طاحت العلبة وانكسرت بالارض والنوتيلا انكب
بدر : اووووووف الله يعينك على سويررره الحين .
طلال : ماليت تكسر الا النوتيلا .؟
سيف : يالله عاد ساروووه لسانها طوييل . شيفكنا منهاا .
طلال : خلونا نمسحه قبل ماتجي تراها تشم الريحة من بعد امتار.


صاروا يمسحون النوتيلا ويشيلون الزجاج وفجأة ماشافوا الا ضلها واقف وعيونها مفتوحه للاخر .
سارة بعصبية : خييييييييييييييير ليس تكسرووووونه ههذا حبييبي اناا هذا زوجي وولدي خييير انت وياه
تشترون لي غيييييييييره فاهميينن ولا اكفخكم ... يلا يلا يلا الحيينن تروحون تجيبون لي ثلاث كل واحد فيكم
يجيب لي واحد تسمعوووووون ....
قاطعها طلال :هي هي هي انتي وين جالسين ..حشى بالعه راديوا .
سارة بقهر : اووووف انت وياه كل واحد ابرد من الثاني وانا على اعصابي .
بدر : شتبين نسوي يعني .؟
سارة : لاوالله كاسرين علبة النوتيلا وتقولون وش نسوي ... حلوة ذي .
سيف : ياخي راح نجيب لك غييرهاا عشر بعد مو وحدة بس فكينا من ازعاجك .
دخلت عليهم ولاء : شفيكم صراخكم واصل لفوق .؟
بدر : ابد بس علبة النوتيلا انكسرت وبالنسبة لسارة عزاء مو علبة وانكسرت .
ولاء :اقووول بس ترا عيال خالاتي كلهم مشوا وانتو ضلوا .
طلال يسكر الشنطة: يلاا مشينا .
سارة : والنوتيلا .؟
سيف : على الطريق نشتري لك .

طلعوا وركبوا السيارة وطول الطريق صراخ وهواش وضحك ورقص واستهبال .

بيت ابو فارس .

كانت ابرار تمشط شعرها وتتجهز وتصحي في بيان لكن لاحياة لمن تنادي ابد موراضية تصحى شوي وسمعت
طق ع الباب فتحته وشافت فارس واقف وجاهز .
ابرار : يلا انا جهزت
فارس : وين بيان .؟
ابرار : تعبت وانا اصحي فيها مو راضية تصحى كيفها .!
فارس : قلتي لها ان بنروح المزرعة .؟
ابرار : قلت لها تقول مو مهم .
فارس: كيفهاا الزبدة يلا مشينا..

طلعوا وركبوا السيارة وتوجهوا للمزرعة

ع الساعة 12:45 الكل وصل وصاروا ينزلون الاغراض ويرتبونهم وطبعا بيت ابو محمد جاو بعد .

محمد : مرحببا شباب .
الشباب : اهليييييين كيفك .
محمد : تمام والله
بدر : هلا والله احمد كيفك .
احمد : هلافيك تمام وانت كيفك .
فارس :حيالله من جانا .!
محمد - احمد : الله يحييك .
سعود : اقققققققققققووول سيفوووه يازفت امسك زين لايطيح المووويه
سيف : والله ثقيله مو عارف اشيلها .
سعود : منت بكفووو صراحه بتكسر المطارة حقت المويه روح الله لايهينك خل احد يجي مكانك .
سيف ينزل المطارة : فارس تعال ششيل .
فارس يرفع اكمام القميص ويروح مع سعود : اووووك .
طلال جا وفي يده شنطتين : بدر الله لايهينك روح نزل باقي الشناط .
بدر : اوووك .

عند البنات
ايلاف تحضن سارة : ههلا فيك هلا بالزين اخبارك اشتقت لك
سارة : تممماموا وعال العال .
زهره : ياي من زمممانن عنكم .
ابرار: ايي والله
مي تحضن بسام : يمماا فدييييتك بععد عممري.
ايمان الا صج رؤى قلتي لهم انك حامل .؟
رؤى : اييوه قلت لهم والله ماتدرون كييف استانسوا والكل يدعي انها تكون بنت .
سارة : امميينن ياارب تكووون بنت وتسمينها سارة
ابرار تطقها على راسها : خيييير مانبي سارة وييع عشان تطلع مثلك .!
سارة : خييير وشفيني شايفتني جني ولا جني .؟ وبعدين شحلاتني.
زهرة :اييي حييل واضح شحلاتك .
ايلاف : نبي اسم جديد في العايلة " وبتفكير " امم شرايكم لمياء.؟
ولاء : لالالالالا .. امم شرايكم ريم .
مي : لاموحلوو .. اممم سمييهاا العنود !
ايمان : هم لا مانبي العنود نبي نجلاء .
سارة : سموها حورية .؟
زهرة : لاموحلو حورية نبي ازهار .
ابرار : جب انتي وياها رؤى سمعيني زين .. لما تجيبين بنت سميها دانة .
رؤى : خيير انتي وياها على كيفكم تسمون بنتي .؟
البنات صاروا يناظرون بعض .. وفجأة : ههههههههههههههههههههههههه ههههااي
رؤى : وبعدين انتو واثقين انها بنت , يمكن تطلع ولد .!
ولاء بسرعه : لالاالاا مانبي ولد تكفيين .
زهرة بضحكة : هههههههه ههو بكيفها بتجيب بنت ولا ولد .؟
ايمان : اقووول مو كأن في أحد ناقص .؟
ابرار:اييوه ناقصه بيانوه .
سارة بصراخ : بيانوووووه وينها ليش ماجات .؟
ابرار: نايمة وتعبت وانا اصحيها , تخيلوا قلت لها بنروح المزرعة تقوول مومهم .
ايلاف: هالحيييوانه كيفهاا راح تفوتها المقالب والحماس والاهم المسبح .
سارة : تستاهل الخاينه , المشكلة ترز وجهها بكل طلعة واهي اوول وحده تركب السيارة . والحين ماتبي تجي
ايمان : خلوني اشوفها اوريها شغل الله , لا اكفخها , المشلكة تقول لنا في القروب عندي لكم خطط حماسية ومدري
وش والحين ماتجي .
ابرار : صبروا الحين لما تصحى من النووم بتقوم الدنيا وبتجلسها .
زهرة : ياعمري عليهاا .

بيت ابو ليان ( الساعة 2الظهر )
كان ابو ليان نايم وام ليان كانت تتجهز حق العصر اما اياس وايثان كانوا في جناحهم في الدور الثالث اما ليان ونور
فكانوا يغسلون اغراض الغدا في المطبخ

نور : استغفرالله الحياة بدون خدامة تعيسه .
ليان : ايي والله صدقتي من سافرت خدامتنا واحنا منقلبين فوق تحت .. ممدري متى بتجي الخدامة الجديدة .
نور : ايي الله يعينا , شسممه شرايك العصر نروح المول مننها نتمشى ومنها نطير الزهق .
ليان : اي والله صدقتي .. احسن لنا من جلسة هالبيت .
نور : يلا بسرعه خلصي عشان مانتأخر .
دخلت ام ليان : هها بنات خلصتوا .؟
ليان : اييي يمماا تونا مخلصين .!
ام ليان : الله يعطيكم العافيه ,انا العصر بروح بيت ام حسن وفي الليل بروح عرس بيت ام ناصر .
نور: اووك يمماا , احنا العصر بنروح المول .
ام ليان : زين تسوون .
ليان وكأنها تذكرت شي : اييييييييه نسييتت حاجة .!
ام ليان - نور : وش فيك .؟
ليان : البنات راحوا المزرعة وقالوا لي تعالوا العصر .
نور : يوووف العصر بنروح المول .
ليان : اووكي مومشكلة نروح لهم المغرب .
ام ليان : لاتنسون تقولون لابوكم .
نور : ان شاء الله يما .
ام ليان واهي تطلع من المطبخ : يلا تحملوا بروحكم .

طلعت ام ليان من المطبخ اما البنات صعدوا فووق يبدلون عشان يروحون الموول .

في جهة ثانية >> الطابق الثالث جناح الشباب <<

اياس : كييف .؟
تركي : شباب لاتفهموني غلط بس صراحة دخلت مزاجي ممرره ... مع انها كانت نظرة بس وبالغلط .
ايثان : اي وحده فيهم .؟
تركي : ماعرف اسمهاا
اياس : طيب كييف يعني بتخطبها ولا شنو راح تسوي .؟!
تركي : والله نيتي اني اخطبها احسن من اني اسوي علاقات . وبما اني عزابي فـ مالي غيركم اشكي لكم حالي وبما
انها بنت عمكم فـ اكيد راح توقفون معاي وابيكم تشهدون لان اهلي موموجودين ههنا .
ايثان : تركي لييه ماتسافر تعيش عند اهلك برا.؟
تركي : من جدك يا ايثان تبيني اعرس بـ المانيا ... وبصراحة اهلي مشكلتهم للحين ماخلصت فعلشان كذا مابي اروح
واتعقد معاهم بالمشكلة .!
اياس : الله يوفقك يارب .
تركي : بتوقفون معاي .؟
ايثان واياس يناظرون بعض .. ايثان : من ناحيتي انا أأيد فكرتك انك تخطبها احسن من انك تبدا بعلاقه معاها بس
انت قلت لي اي وحدة فيهم تبي .؟
تركي : اللي اعرفه انها دبدوبة اما ملامحها وشكلها ماعرفه .
اياس : من ججدك بتاخذ ليانووووووووه .!
تركي : اسمها ليان.؟
اياس : والله تناسبون بعض .!
ايثان : خلاص توكلت على الله .؟
تركي : اييهه , الا اقوول لايكون واحد منكم يبيها وسبقته .؟
اياس وايثان بنفس الوقت : لالالا
تركي : هههههههههه شفيكم شوي شوي .
ايثان بجدية : خلاص اليوم او بكرة بكلم عمي عنك .



بيت ابوفارس ( الساعة 3 الظهر )
نزلت ليان واهي معصبة وتصارخ : ابرارررررررررررررررروووه فارسسوووه وجعع وينكم صار لي ساعة
ادوركم فوووق ... ابراااااااار ..................... اففف ويينن راحووووا ههذذووول الله يغربل ابليسهم
" راحت للمطبخ تدور امها مالقتها راحت للصالة ولقتها " اقووووول يمممماا ماشفتي عيالك ؟؟
ام فارس : ابرار وفارس راحوا المزرعة مع البنات والشباب .!
بيان توسعت عييونهاا : اوووووووووووووووف كييف نسيتت " وبعد ما استوعبت " ههااهه .. راحوا المزرعة
وبعدييييييين كييف يروحون بدوني وليش ماصحوووني ... اووووف ييمممماا الحين كيف برووح
ام فارس : والله محد قالج ماتصحين بدري , وبعدين لما اقولج لاتسهرين تعانديني شوفي ماجلستي الا متأخر
ومشو عليج .
بيان : اووووف يمممااا مو وقت عتابج علي , الحيينن فكري معاي بححل كيف بروح , انا مستحيل اروح مع السواق
بروحي .
ام فارس : دوري لج احد تروحين معاه , ولا مولازم تروحين .
بيان لفت على امها : لا شنو مولازم , انا لاززمم اروووح , افف بشووف اتصل على ايلاف اذا راحت اولا .

مسكت تلفونها واتصلت على ايلاف بعد خمس دقايق وصل لها صوتها سالتها اذا راحوا او ولا وقالت لها انهم كلهم
موجودين عداها اهي .. سكرت منها واهي منقهره وشوي وتصيح من القهر .
ام فارس : انا بقووم الحين اجهز بعد شوي بتجي خالتج ام وليد وبنروح نسلم على ام حسن وفي الليل بنروح عرس
بيت ام ناصر .
بيان : اوووف يمما الكل بيطلع وانا اضل لحالي بالبيت .؟
ام فارس طنشتها وصعدت فوق اما بيان ضلت تفكر بححل يخليها تروح المزرعة .



نهاية البارت

1) فارس هل بيتقبل كلام سعود ولا .؟
2) هل تركي بيخطب ليان .؟
3) هل ابوليان بيقبل في تركي .؟ وايش بتكون ردة فعل ليان .؟
4) وايش راح يصير في المزرعة .؟
5) وبيان هل بتروح للمزرعة .؟ واذا بتروح مع مين .؟
وأخيرا أتمنى البارت كان طويل وممتع

ولاء العيون

[لامارا]

47




لمممماا جيت بنسخ البارت وانززله انحححذف لكن الحمدلله قدرت ارجععه .



قراءة ممتعه للجميع .






بيت ابو وليد

كان جالس في غرفته ويفكر بالكلام اللي قالته له اخته مي لما اعترف لها انه.....


>> قبل يومين <<
وليد : ميي تكفين الكلام اللي بقوله لج لايطلع مع اني واثق انج مارح تقولين لاحد بس احذرج احتياطي .
مي : قوول كلي اذان صاغية .
ولييد : امممم .. بصراحة ممي ... اناا احب .!
مي : ههههاا .. اححلف .؟
وليد : والله !
مي بحماس : مين هذي وكيف تعرفت عليها وهل اعترفت لها ولالا .؟
وليد : شوي شوي على الاسئلة , اممم اول شي ماعترفت لها وثاني شي اهي تقرب لنا .
مي : يعني من العايلة ... امم خليني احزر افزر .. اكيد سارة لالاسارة دفشه وماتناسبك .
وليد : هه لا موسارة .
مي : لايككوووون تحب ايلاافف .؟
وليد : ممنو ايلاف .؟
مي : اوووف ماتعرفها يعني اكييد مو ههاذي ...... امم لايكون بيان .!
وليد ابتسم : ايوا بيان . >_<
مي بفرح : وناسسسسهه تكفى اخطبها ياوليد تكفى .!
وليد : مي تتوقعين بتقبل فيني .؟
مي وكأنها تذكرت شي وتغيرت ملامح وجهها وانتبه لها وليد ... وليد : شفيك مي .؟
مي : وليد اذا انت جد تبيها لازم تخطي خطوة لجدام وبتكون صعبة مره .
وليد لسى مافهم قصدها : ايش قصدك .؟
مي : وليد .. بيان حاقدة عليك بقوووه من لما درت بمشكلتك مع فارس وشهد كانت دايم تدعي عليك ودايم تقوول ان اللي
بتتزوجك مقرودة وتقول من هالكلام .. وليد لاتاخذ عليها بس هي طبعها كذا واللي بقلبها على لسانها يعني ماتسكت ابد
فـ مستحيل رح تقبل فيك وتتزوجك بهالسهولة .
وليد بعدم استيعاب : لهالدرجة حاقدة علي .؟
مي تهز راسها : وليد انت لازم تفكر بهالشي بس لاتتسرع بفكرة الزواج الا لما تحس ان الوضع الي بينكم جيد
وليد : طيب ايش اسوي .؟
مي : امممم ... انت لازم تحسن وضعك مع العايلة لازم تحسسهم انك تغيرت عشان اهي بعد تقتنع بهالشي .
وليد : تتوقعين رح انجح .؟
مي : وليش ماتنجح وش ناقصك انت .؟
وليد : مي اوصفيلي شخصيتها .اسلوبها!
مي : اممم .. بصراحة بيان لسانها طويل واللي بقلبها على لسانها يعني حتى لوزعلت منك تجلس تهاوشك وتطلع
كل حرتها فيييك اممم تتقبل المواضيع وتتفهمهم واذا زعلت ماترضى الابهدية بس ولامرة زعلت الا مع ايمان وايمان
جابت لها هدية . " وابتسمت "
وليد ابتسم : شخصيتها متقاربة من شخصيتي .. يعني نقدر انا واهي نبني مستقبل آمن .
مي : وليد لاتتحلم كثيير .. اولشي فكر باللي انت بتسويه .

>> نرجع للواقع <<

صحى من هالذكرى الأليمة الي كانت بالنسبه له هم كبير على قلبه ومو عارف كيف راح يغير فكرة بيان له حس انه
غلط غلطة كبيرة وصعب يتخلص منها .. تنهد واهو يحاول يفكر بشي يخلي بيان ماتشيل عليه مسك راسه بيدينه
الثنتين وغمض عيونه بقوه ورجع فتحهم ناظر الساعه شافها 3 العصر .. قرر يقوم يبدل علشان مايتأخر على المزرعة
دخل الحمام وبعد عشر دقايق طلع لبس جينز رصاصي وتيشيرت اخضر لبس جزمة رياضية باللون الاخضر
توجه للتسريحه ولبس ساعة رصاصية ومشط شعره رش من عطره واخذ مفاتيحه وبوكه ونزل شاف امه جالسه
بالصالة تتابع تلفزيون تقدم لها سلم عليها وباس راسها .

ام وليد : هلاولدي هلافيك .. زين شفناك يمما وراك صرت ماتبين .
وليد يجلس جنبها : والله الحمدلله تمام انتي اخبارك .؟
ام وليد : الحمدلله بس أسال عنك .
وليد : سألت عنج العافية يمما .
ام وليد تناظر فيه : هها يما اشوفك لابس شكلك بتطلع .؟
وليد : اييه يمما مو الكل راح المزرعة , يبوني اروح معاهم .
ام وليد : زين تسوي يما , اقوول شرايك بطريجك توصلني عند خالتك ام فارس . العصرية بنروح لبيت ام حسن .
وليد : ايه يمماا يلا انطرج انا بالسيارة على ماتلبسين عباتج .
ام وليد توقف : اوووك خمس دقايق واجيك يمماا .

طلعت ام وليد فوق تلبس عبايتها اما وليد طلع وشغل السيارة وجلس ينتظر امه .عشر دقايق وشافها تطلع من البيت
ركبت السيارة وابتسم لها ومشى متوجه لبيت ابوفارس .


بيت ابو فارس
كانت تتابع التلفزيون بس موفاهمة ولا شي منه لانها كانت منقهره ولسى تفكر كيف تبي تروح المزرعة . شوي ونزلت
امها من فووق ودخلت الصالة وفي يدها عبايتها .

بيان : اووف يمماا تكفين خلي حد يوديني .
ام فارس : منو بيوديج مافي احد كلهم راحوا المزرعة .. وابوج مارح يرضى يروح وانتي تدرين الطريج من هني
للمزرعة نص ساعة .
بيان بتأفف : يوووووووووووه . شسوي يعني بروحي ... الحين انتي بتطلعين مع مين اضل.؟

" ترررررررررررررررررن .. تررررررررررررررررن "

ام فارس : قومي فتحي الباب اكيد هذي خالتج ام وليد

قامت واهي تتأفف فتحت الباب ودخلت ام وليد وسلمت عليها وسلمت على ام فارس وجلسوا في الصالة
ام وليد : ها بيان شخبارج بنيتي .؟
بيان واهي مبوزة : موو بخييير .
ام وليد : افففاا شفيج عسى ماشر .؟
بيان : خالتي ترضين جذي .. كلهم راحوا المزرعة ولا خذوني معاهم ولاصحوني من النوم الله يغربل ابليسهم افف
والله حددي منقهره ومافيه اححد يوصلني .
ام فارس : ازعجتينا يابيان وبعدين خلاص لاتتأففين مافي احد بيوديج كلهم راحوا . روحي بس جيبي ماي حق خالتك
وقفت بيان وراحت المطبخ تجيب موية .
ام وليد : لحظة بتصل على وليد ... اهو بيروح هناك مرة وحدة في طريجة .
ام فارس: صج .. اجل يلا اتصلي فيه احسن ماتزعجنا .
اتصلت ام وليد على وليد وقالت له اذا لسى قريب يرجع وياخذ بيان وطبعا اهو ماصدق من على الله وقالها انه راح يجي
ياخذها بس يخلونها تجهز .. سكرت من وليد على دخلة بيان الصالة وفي يدها كاس الموية اخذته منها

ام وليد : بيان روحي لبسي عبايتك عشان تروحين المزرعة .
بيان بوناسه : مع ميينن .؟
ام فارس : مومهم تعرفين مع مين اهمشي دبرنا لك احد تروحين معاه .
بيان بعدم اهتمام : ايوالله مومهم اهمشي اروح .. بروح البس يلا باي .

راحت بيان فووق تركض واهي مستانسه واخييرا حصلت لها احد يوديها المزرعة .. بدلت ملابسها ولبست جينز
سكيني اسود مع بلوزة فوشية رفعت شعرها ذيل حصان ولبست جزمة باللون الاسود .. حطت لها روح خفيف
ورشت من عطرها , توجهت للدولاب وطلعت لها كم لبسه وحطتهم بالشنطة الصغيرة وحطت الشاحن والككاوات
وسكرتها لبست عبايتها واخذت شنطتها ونزلت .

بيان : انا جهزت .
ام وليد : انتظري شوي لسى مابعد يوصل .
بيان : الا ماقلتوا لي مين اللي بياخذني .
ام فارس : وليد بيروح المزرعة وقلنا في طريجة يوديك معاه .

بيان حست وكأن احد كاب عليها ماااااي باااااااااارد , اتسعت عيونها بصدمة واهي تسمع كلام امها .. حاولت تستوعب
كلمة انها بتركب مع وليد بنفس السيارة .. واهي اللي تكرهه ولاحتى تفكر تكلمه او تتواجد معاه بنفس المكان والحين ؟
بتركب معاه وبروحهم بعد .. " اففف مالقوا الا ولييييييييدوه يخلوني اركب معاه , يخسي ويعقب وبعدين هذا مصدق نفسه
اني راح اركب معاه ... انا اوريك لو تمووت مارح اركب معاك . جعلك المووت , افف الله ياخذك ياوليد ونفتك منك
والله انت سبب المشاكل كلها ,اكرهك "

صحت على صوت امها وام وليد واهما ينادونها .
بيان : ههاه .
ام وليد : صار لي ساعة اناديج ماتسمعين .؟
بيان ابتسمت ع جنب : اسفه بس سرحت شوي .
ام وليد : يلا قومي وليد بررا ينتظرك .
بيان وقفت : خلاص هونت مارح اروح .
ام فارس بعصبية : شنو ماتبين تروحين ,
بيان بقهر : مابي اروح خلاص هوونت
ام فارس: الحين خالتك متصله فيه ومرجعته من نص الطريق عشان ياخذج وفي الاخير ماتبين تروحين .. مساعه
مقومه الدنيا بس عشان تبين تروحين ولما وفرنا لج السيارة هونتي .. شالي غيرج .؟
بيان : مو لازم ياخي , وبعدين انا مابي اتواجد مع وليد بنفس المكان عشان كذا مابي اروح معاه .
ام وليد باستغراب : لييه وش فيه وليد ولدي .؟
بيان : لاني اكرهه ماحببه ... ماحب اتواجد معاه بنفس المكان .

ام وليد حز بخاطرها كلام بيان بس حاولت ماتبين اما ام فارس جبرت بيان انها تروح مع وليد وبيان قررت تروح لان
امها اجبرتها على هالشي ... طلعت وفي يدها شنطتها واهي منقهره وودها لو تمسكه وتقطعه بضروسها .. وقفت
عند السيارة وترددت وش تسوي .. ماشافت الا وليد واقف جنبها وفاتح باب السيارة الي جدام ينتظرها تركب
وعلى وجهه ابتسامه ساحرة , اما هي من شافته استغربت من ملامح وجهه ومن ابتسامته شافته واقف وينتظرها تركب
طنشته وفتحت الباب الي ورا وركبت وسكرت الباب ... اما وليد انقهر من حركتها وسكر الباب ورجع ركب مكانه
ولسى ماحرك السيارة .
بيان انقهرت منه : اقووول ورا ماتمشي .؟
وليد لف عليها : مارح امشي الا لما تركبين جدام .!ّ
بيان : خيير لو تموت ما ركبت جدام .
وليد : وانا مارح اتحرك الا لما تركبين جدام .
بيان بعصبية وقهر : وليييييييييييييييييييييد .. انا حدي منقهره ولاتخليني اطلع حرتي فيك .
لف عليها وليد واهو مبتسم : كلي فدالك .
بيان استغربت من اسلوبه " اافف شفيه هذا يتكلم معاي جذي لايكون يحسبني حبيبته وانا مدري " بيان : لايكون تفكرني
وحده من اللي تلعب عليهم .. اقوول انتبه لكلامك زين
وليد انقهر : اللي اكلمهم كلهم راحوا هباءاً منثوراً وبقيتي انتي الوحيدة اللي ساكنه هني " ويأشر على قلبه "


ماحبت تطول السالفة اكثر من جذي . فتحت باب السيارة ونزلت وركبت جدام .. شغل وليد السيارة وتحرك فيها
للبحر اما اهي كان ودها تقوم وتذبحه كانت منقهره من اسلوبه الجديد اللي ماهي عارفه وش مخبي وراه بعد عشر دقايق
وصلوا للبحر لفت عليه بيان واهي مستغربه .... بيان : وليد ليش جايبنا هنا .؟
وليد : لاني بتكلم معاك شوي .. ومابي احد يعرف الموضوع اللي بكلمك فيه .
بيان بخوف : وشوو هالموضوع على ما أعتقد مافي بيننا مواضيع .
وليد : ماكان فيه مواضيع , بس الحين عندي موضوع ومهم
بيان لفت تناظر البحر : قول وش عندك .؟
وليد : بيان لو اعترفت لك بحاجة راح تصدقيني .؟
بيان : تعترف لي بشنو .؟
وليد : اعترف لك بكلام طويل , اعترف لك اني تغيرت ... ايوه تغيرت لاتنكرين هالشي لانك ماشفتي شي مني لما
تغيرت , بيان انا نسيت المشاكل ونسيت هالاشياء والله يشهد علي ربي اني راح اعتذر من الكل وخصوصا فارس
وشهد ... صدقيني كل يوم ادعي لشهد انها تصحى علشان فارس يرتاح......
قاطعته بيان : لاتكممممل .. اصلا مستحيل اصدقك .. انت كل كلامك وافعالك كذب .. انت مستحيل تتغير .
انت وليد راعي المشاكل مستحيل تتغير ..
وليد : والله اني تغيرت .. بيان لاتحكمين على شخص بصفة وحدة .. ترا الانسان مهما كانت اغلاطه يقدر يتوب
ويعتذر ويتغير بيان صدقيني ندمت على فعلتي .. اتمنى الكل يقبل اعتذاري ... بيان انا ابي اعتذر للكل بس موعارف
شلون ابي احد يساعدني .انا حتى بالبيت ما اجلس مع اهلي دايم افكر كيف ارضي الكل افكر كيف ارجع واجلس
معاكم بدون ما اكون حمل على قلب احد , بيان انا واثق ان الكل راح يقبل باعتذاري الا انتي وفارس وشهد
بيان : ولييد رجاءا لاتتكلم معي بهالموضوع ... انت اصلا كذاب انت جالس تخطط عشان تبدا بمشكلة ثانية انا مستحيل
اصدقك تفهم .
وليد بصوت هادئ : طيب لو قلت لك اني احبج وش بتسوين .؟
.
.
.
.
.
.
.
.
.
.
.
.
.
.




نهاية البارت . توووواقعاتكم .

[زهر ايلول]

رائعة جدا الرواية

[لامارا]

48





بيان اتسعت عيونها على اخر شي .... حست ان راح يغمى عليها من كلام وليد كيف هو يحبها واهي اللي تكرهه
وماتواطنه بعيشة الله ابداً "شلون مصدق نفسه اني راح احبه وبعدين هذا مستحيل يحبني اكيد راح يلعب علي .
لايابيان لاتنزلين نفسك لمستواه .. " بيان فتحت باب السيارة ونزلت حست ان الاكسجين الي بالسيارة خلص
نزلت ولحقها وليد واهي لسى تحاول تستوعب الكلام .. ماوعت الا على صوت وليد : بيان .!
بيان : وليد تأخرنا على المزرعة .
وليد مسك يدها وضغط عليها : تكفين بيان عطيني فرصة .
بيان :اترك يدي .
وليد : انا ماتغيرت الا عشانك ... عشاني احبك وابيك لي . بيان مابي اصير حمل على قلبك بليز
بيان : ولييييييييييد اترك يدي .
وليد ترك يدها ولف للبحر وبهدوء : شفتي البحر ... كل الناس تجي تشكي له همومها وتمشي , الا انا !
ماعمري شكيت للبحر كنت دايم اشكي لفارس بس الحين تركني , صرت وحيد مالي الاغرفتي ومي ... مي هي الوحيدة
الي صرت اشكي لها بعد فارس .. بس ماكنت اقولها كلشي .. لانها بتروح وماعاد بيبقى لي احد لاصديق ولا حبيب
الكل موراضي يتقبل فكرة اني اتغير الكل صار يكرهني بسبب شي ماضي انا احاول اغيره ,احيانا اتمنى لو اموت
ولا اشوف احد من اهلي يناظرلي بنظرات او اشوف احد من اهلي شايل علي بقلبه " ولف عليها " حتى الي احبها
طلعت تكرهني وماتطيق العيشة معاي " سكت شوي والعبرة خانقته لف عليها " يلا مشينا .


ركبوا السيارة ومشى وليد للمزرعة والصمت هو سيد الموقف لاكن بيان تأثرت كثيير بكلام وليد وحست انها
قست عليه كثير ... لكن لازال الشخص اللي بداخلها ينبهها بأن وليد وراه خطه ومشكلة اكبر .وانها مستحيل
تحبه وبتضل تكرهه .


المزرعة
كانوا جالسين بالجلسة الي برا البنات والشباب وكانوا يسولفون وانواع الضحك والاستهبال وكان الاكل مرمي ع الارض
بشكل عشوائي .
رؤى : ههههههههههههههه والله اذكر حموود لما كان صغيير كان شيطان مرره لدرجة انو سوا مقلب في امي ..
تخيلوا حط صابون وماي قدام باب المطبخ وبس دخلت امي زلقت وطاحت .
الكل : ههههههههههههههههههههههههه ههههههههههههه
محمد : رؤى ععاد كل فضايحي طلعيتها ستري علي شوي قدام زوجتي .
ولاء بخجل : هه لا عادي , وبعدين خلني استكشف ماضيك " وابتسمت "
ابرار : والله سارة اللي كانت شيطانه مراا لما كانت صغييره سرقت القطه حقت الجيران وخلتها عندها لمده شهر
وبعدين ماتت .
مي : عاد كلش ولاسارة ماضلت مصيبة ماسوتها واهي صغيرة .
سعود : اسمله عليك انتي الحين الي ماسويتي مصايب .
زهرة : هههههههههههههههاااي .
الكل يناظر زهرة مستغرب : شفيك / شسالفة / بسم الله . !
زهرة : تذكرت مووقف سوته مي واهي صغيرة
الكل : شننوو .؟
زهرة : اذكر مرره اممي صحت مي للمدرسة وطبعا مي لما كانت صغيرة كانت تخاف من المدرسه .
الزبده ان مي كانت تحلف انها ماتداوم وامي تقولها راح تداومين .... راحت مي تدور لها حجه عشان ماتداوم .
دخلت الحمام وفتحت على الموية الحارة ودخلت تحتها بحكم ان بيصير جسمها حار وبتقول لامي انو فيها حرارة .
لكن الاخت في الله احترق جسمها
الكل : هههههههههههههههههههههههها يي
سارة : خطيييييييييييييرةة مررا .
ايلاف : خووووش حححل .
بدر : الله شكثر شيطانه وانتي صغيرة .. هههههههه
مي : ههههههههههه
: السلام عليكم .
الكل لف لناحية الصوت وشافوا بيان واقفه .. سلموا عليها وجلست جنب مي وبعد شوي جا وليد وسلم ع الكل
احمد : حيالله من جانا .
وليد : الله يحييك .
ابرار : بياننوووه مرره ثانية اصحي بدري موتنشبين في امي ... اكيد طلعتي قرونها .
بيان : افف ترا كنت نايمة وماحسيت لما صحيتوني .
ابرار : مع ميين جيتي .؟
بيان تناظر وليد : مع وليد .
سارة : بيانوووووه اخييرا شرفتينا .
ايلاف : ايمانووه قومي عليها بسرعه .
ايمان توقف : انا قلت بضربك وبطلع حرتي فييك .


قامت ايمان وصارت تضرب في بيان وبيان تبعدها عنها واهي ميته ضحك .
بيان بضحك وصراخ : ايميي خخلاص تكفييين .!
ايمان واهي تدغدغها : عشان مرره ثانية ماتسحبين علينا.
بيان : يلا ععاد ابعدي
ايمان تضربها : مره ثانية نامي من الساعة 8
بيان بققت عيونها : الله واكبر دجاجة عشان انام الساعة 8
سارة باستهبال : ليش لايكون في فرق بينكم وانا مدري .؟
بيان : ياكلببببببببببببببببه انتي الدجاجة فاهمة !
سارة توقف : ههههههههههههههههههههااييي .
ايلاف : خيير وين راييحهه .؟
سارة : تعبت بروح اتمشى شوي قوموا معاي يلا .
ايمان : يلا قوموا .

قاموا ( ايمان - بيان - سارة - ايلاف ) يتمشون بالمزرعة وانواع الاستهبال . اما عند مي وزهرة وابرار وولاء ورؤى
كان الجوو غيير ... كانت سوالفهم عن المكياج والعروس والفساتين ........... الخ الخ .

ولاء : انا يوم كنت اقضي لي رحت محل جديد توه فاتحينه حق عطورات وربي عطوراته خخقق
رؤى : وش اسمه .؟
ولاء : محل *********** ....... تخيلي اذا خذتي علبتين عطر يعطيك ثالثة مجانا وعلى ذوقك بعد .
ابرار: الله وناسه .. خل اروح اشتري لي منه عطورات .
زهره : تعالوا شفتوا المكتبة الي عند مجمع الراشد .
ابرار : وش فيها .!
زهرة : فيههاا كتاب جديد توووه نازل وربي يجنن ....... قريت نبذه عنه جميل مره .
رؤى : شتحسين فيه ماتتعبين وانتي تقرين كتب .؟
زهرة : اممممم بصراحة افكر اتركهم واقره روايات من النت .
ولاء : يعني ماتطلعين من جو القراءة ابببد .
زهرة واهي تضحك : ههه لا لا لاتحاولين .
فارس بصراخ : ابرار يلاا قووموا اسبحووا لان احنا راح نسبح في الليل .
ابرار : لافارس احنا بننتظر ليان ونور لسى ماجاو .
سيف : اوووف متى بيجون .؟
ابرار : شكلهم ع المغرب .
سعود : خلاص احنا نطب الحين وبعدين انتو طبو .

قاموا الشباب بدلوا ملابسهم ودخلوا غرفة السباحة وطبوا وصاروا يسبحون وانواع الالعاب والمسابقات .

اما عند الشلة العربجية ( مالقيت اسم يناسبهم الا هذا >_< )

ايلاف : بيجون نور وليان .؟
سارة : اييهه ياويلها نور لوماتجي .
بيان : انتي ماضل احد ماقلتي ياويله .
ايمان : ججد ععاد .
سارة :هههههههههاايي .
ايمان : بنات شرايكم نركب بالدبابات .؟
ايلاف : فييه دبابات .؟
سارة بحماس : اييوهه عندنا اثنين بس .!
بيان : اييوه كل وحدة تركب مع الثانية .
ايلاف : بما اني ما اعرف اسووق لذاك الزود فـ وحدة فيكم تسوق بدالي .
سارة : خلاص ايلاف تعالي معي .
ايمان : انا بروح مع بيان .!
بيان واهي تركب الدباب : اوووك بس مسكيني زين لاني راح افحط .
ايمان : اووك يلا .

ركبوا الدبابات وصاروا يفحطون في المزرعة ويسرعون وراحوا عند البنات وكانت بيان تسوي نفسها بتصدم
البنات الي جالسين ( تخوفهم ) ولما تقرب منهم تلف ع الجهه الثانية .

ولاء : بيانووووووووه ووجع لاتسوين كذا .
بيان بصراخ : كيفي ياخي بستانس .
مي : انقلعوا هناك شوفوا جبتوا لنا الغبار .
سارة : حمممممماس مررررررررررررررهه تعالوا العبوا
ابرار : صراحة احنا مستغنين عن لعبتكم الخايسة .
ايمان : كيفكم ., اقوول بيان شوفي هذيك الصخرة روحي انقزي فوقها بلييزز !
بيان تناظر الصخرة وبحماس : اوووك


ضغطت بيان على الدعسة ومشت وصارت تفحط وبعدها مشت واهي مسرعه تجاه الصخرة ونقزت فوقها وفجأه
اختل توازن الدباب وو " طرااااااااااااااااااااااا ااااااااااااااااااااخ " طاح الدباب ع الارض وطاحوا معاه بيان وايمان
ع الارض وصوت الطيحة كانت عالية مرره ... جاو البنات وااهما يركضون وعلى كل وحدة فيهم علامة الخوف .
شافوا ايمان تأن من الالم ووجهها مليان دمووع توجهت انظارهم لبيان وشافوها مستقره ع الارض لاحركة ولاأنين
والدم يسيل من راسها ركضوا كلهم يحاولون يصحون بيان وبعضهم يحاولون يسعفون ايمان ركضوا البنات لجهة
المسبح ودخلوا واهما خايفين مرره ويصارخون ع الشباب اللي خافوا


طلال : وش فييكم .؟
ابرار : طلال تكفى الحق .
ايلاف تلهث من التعب : انقلب الدباب
الشباب بخووف : وش فيكم .؟
مي : تكفوووون اختي بتموووت الحقوا عليها
ابرار : ايمان وبيان طاحوا من الدباب .. بيان اختي ماترد علينننا تكفون الحقوها


وليد اول ماسمع اسم بيان والدباب بدل ملابسه وطلع من المسبح صاروخ وراح يدور وينها ولما لقالها شافها جثة هامدة
ع الارض والدم يسيل من راسها انصدم من شكلها وفجأة شاف الكل متجه لهم وسوو دائره عليهم ويحاولون يسعفونهم .
ماحس بنفسه الا واهو متجه جهة بيان حملها بين يده وتوجه فيها لسيارته شغلها ومشى للمستشفى واهو كله رجا
ان ماصار فيها شي .. اما في المزرعة شالوا ايمان وركبوها السيارة وراحوا فيها للمستشفى وطبعا الكل مستغرب
من تصرف وليد وفارس انقهر عشان وليد اخذ اخته وراح فيها للمستشفى .. بعد دقايق وصل وليد للمستشفى
ودخل واهو يركض ويصارخ ع الممرضات ... اخذوها الممرضات ودخلوها الغرفة اما هو ضل برا ينتظرهم يطلعون
ويدعي بداخله ... مسح وجهه بيدينه بكل توتر وخوف .. شوي وشاف البنات والشباب يدخلون من الباب وماسكين ايمان
جاو الممرضات وجلسوها ع السرير واخذوها للغرفة اهي الثانية وصار الكل واقف ينتظر خبر عن بيان وايمان .



فارس صار يناظر وليد ووده لو يمسكه ويطيح فيه ضرب .. تقدم لجهه وليد ومسكه من ياقة القميص
فارس بعصبية : شالتصرف السخيف اللي سويته .؟
وليد : فارس ..
فارس بدا صوته يعلا : المفرووض تاخذ اختك للمستشفى مو تاخذ اختي .!
وليد : فارس قصر صوتك احنا بالمستشفى
فارس : لاتفكر انك تلمس شعره وحده من خواتي فاهم .
وليد : شالتفكير يافارس وبعدين منو فتح هالموضوع .
فارس : هالمره بعديها لك لكن المره الجاية راح تشوف شي عمرك ماشفته
وليد بعصبية : فاارس لوسمحت ماسمح لك تتكلم علي بهالطريقة اناا مو حييوان تعاملني كذا .
فارس : الحيوان اشرف منك .
وليد بعصبية : فارس الفاظك ثمنها ولا والله مايحصل لك طيب .
فارس قبض على يده بقوه رفع يده وعطا وليد بكس على فمه وسال الدم من شفة وليد .. توجهوا الشباب لجهتهم واهما
يبعدون فارس عن وليد لكن الاثنين في حاله غير طبيعيه وصاروا يضربون بعض وبالموت الشباب فكوهم



سيف : فارس شفيك ياخي عصبت كذا .. الحمدلله انه انقذ اختك .
بدر : فارس شسالفه وبعدين شالتصرف السخيف
فارس : خل يحسن تصرفاته بالاول .
وليد : انا دافعت عن نفسي , لكن انت الي يبي لك تحسن الفاظك البذيئة
سعود : شباب هدوا خلوا هالموضوع لبعدين , احنا بمستشفى موبالبيت .
سيف : اذكروا الله واجلسوا .
ابرار : فارس خلاص ععاد .. احنا الحين طايحين بمصيبة لاتجلس تسوي لنا مصيبة ثانية .
مي : اوووف تاخروا مرا .
رؤى : تعوذي من الشيطان ان شاء الله مافيها الا الخير .
مي : الله لايصيبهم بمكروه .
طلع الدكتور ووراه الممرضة توجه الكل جهته واهما يسالونه بخوف
ابرار : دكتور طمنا على حالتها .؟
الدكتور : .............................................
الكل بصدمة : هاااااااااااااااااااااااا ا!




توقعاتكم للبارت الجاي .؟

[لامارا]

49

قراءة ممتعة للجميع .

طلع الدكتور ووراه الممرضة توجه الكل جهته واهما يسالونه بخوف
ابرار : دكتور طمنا على حالتها .؟
الدكتور : المريضة عندها كسر باليد اليمنى وبصراحة الإصابة جت ع الراس مما سبب لها فقدان الذاكرة .
الكل بصدمة : هااااااااااااااااا !!
طلال : طيب متى راح ترجع لها الذاكرة .؟
الدكتور : والله احتمال كبير انها تتاخر لكن رجوع ذاكرتها يرجع لكم ولمعاملتكم لها .
طلال : طيب دكتور يعطيك العافية .
الدكتور : الله يعافيك ... وماتشوف شر ان شاء الله ." وراح "
ابرار : هذا اللي استفدنا منه يووم انكم ركبتوا الدبابات .
سارة : بس احنا ماسوينا شي غلط .
ابرار تمسح دموعها : انا بدخل عندها.
مي : وانا بجي معك .
رؤى وايلاف وولاء : واناا بعد .
زهرة : اصلا كلنا بنجي معاك .
سيف : وين رايحين .؟
ابرار : بنروح عند بيان .
سيف : تروحون ليش .؟ ... يمكن لسى ماصحت .
ابرار : صحت ولا ماصحيت انا بروح " ومشت ولحقوها البنات "

مشو البنات كلهم ودخلوا غرفة بيان شافوها جالسه وتناظر الفراغ انتبهت لهم وصارت تناظر فيهم وحدة وحدة وعلى
وجهها علامات الخوف جلسوا عندها البنات وكل وحدة تنتظر الثانية تتكلم .. تشجعت ولاء وتكلمت
ولاء :الحمدلله على السلامة بيان .
بيان : منو انتي .؟ ... ومنو بيان .؟
ولاء : انا اسمي ولاء انا بنت خالتك .
بيان : ...........................
ولاء تناظر البنات وتبتسم لبيان : هذول كمان بنات خالاتك " وتاشر على ابرار " هاذي ابرار اختك !
بيان : ..............................
ابرار دمعت عيونها وحضنت بيان : بيان انا ابرار تذكريني , مستحيل تنسيني انا اختك .
ناظرت فيها بيان وكانت مثل الاطرش بالزفة ماتدري شسالفه وعن ايش يتكلمون كانت تناظر في ولاء اللي كانت
تتكلم معاها وتعرفها على البنات وكيف كانوا يهدون ابرار الي كانت تبكي حست انها ضايعة بينهم .
بيان : ممكن تطلعون برا .؟
البنات كلهم ناظروها .... سارة : بيان احنا خواتك وجايين نتطمن عليك بعدين مستحيل نخليك لحالك ونطلع فاهمة
بيان : لا موفاهمة , انتو شكلكم مضيعين غرفة المريضة حقتكم .
مي : لا , مومضيعين الغرفة , بيان انتي فاقدة الذاكرة عشان كذا ماتعرفين ولا وحده فينا .
بيان " مستحييييييل .... كيف اصلا وش اللي صار لي عشان افقد الذاكرة " : انا موفاقده الذاكرة فهمتي .
زهرة : ايي واضح , اصلا لو انك موفاقده الذاكرة كان عرفتي اسمك .
ايلاف : زهرة شوي شوي عليها المفروض ماتتعاملين معااها كذا .
بيان دمعت عيونها : طلعوا برا .
رؤى : بنات خلونا نطلع ونخليها على راحتها شوي .
ايلاف والدمعة بعيونها : بيان توك من شوي تسولفين معانا وتضحكين بيان انا ايلاف تكفين لاتنسيني وتذكريني .
ولاء : بنات خلونا نخليها على راحتها ونروح نشوف ايمان .
ابرار وقفت وطلعت بدون ولاكلمة ولحقوها البنات اما بيان ضلت تناظر الباب واهي سرحانه وتحاول تستوعب الي
قاعد يصير لها , بعدت البطانية عنها ووقفت وتوجهت للنافذة الكبيره وصارت تناظر في الشوارع واهي لسى تفكر
منو ووين امها وابوها وليش محد جا منهم يتطمن عليها مع انها ماتدري ايش اللي صار لها بالضبط بس اللي تعرفه
انها مريضة وبالمستشفى دخلت الممرضة عشان تكشف على المغذي انتبهت لها بيان ولفت عليها
الممرضة : كيف حالك ان شاءالله كويسه .؟
بيان ابتسمت : ........................
الممرضة :ماتشوفي شر .
بيان : لوسمحت انا وش صار فيني .؟
الممرضة بتوتر : امممممم ..حبيبتي حابة اقولك حاجة , انتي تعرضتي لاصابة لدرجة انك فقدتي الذاكرة , يعني مارح
تذكري اهلك وصحباتك بس لاتخافي كلها فترة وتعدي وانا راح اكون معاك ووقت ماتحتاجين اي شي راح اساعدك اوك .؟
بيان : طيب ابي اسالك
الممرضة : تفضلي .!
بيان : انا وش اسمي .؟
الممرضة : بيان . ربي يحفظك يا امورة .

بيان لفت للنافذة " هالدكتورة تقول ان انا فاقدة الذاكرة كييف بعيش بالله وانا فاقدة الذاكرة كيف بعرف اهلي امي ابوي "
انتبهت لها الممرضة وماحبت تزعجها اكثر كشفت على المغذي وتوها بتطلع الا
بيان : لوسمحتي .
الممرضة : تفضلي .؟
بيان : منو اللي مساعة كانوا عندي .؟
الممرضة : والله ماشفت مننو بس اتوقع اهلك .
بيان هزت راسها .. الممرضة : بتحتاجي حاجة ثانية .؟
بيان هزت راسها بالنفي وناظرت النافذة اما الدكتورة طلعت

عند البنات كانوا في الغرفة عند ايمان وكانوا الشباب كمان جالسين عند ايمان والاغلبية كانوا ساكتين .

مي : ماتشوفي ششر والحمدلله ان الاصابة جت كذا .
ايمان : اهه والله يألم ممرا سعود او وليد بليز ابي مسكن .
سعود : ايمان توك من شوي ماخذه مسكن .
ايمان : بس انا اتألم كثير .
زهرة تمسح على يدها : ان شاء الله شوي وبيروح الالم لاتخافي .
ابرار : فارس , ايش بتقول لامي وابوي .؟
فارس يناظرها : راح اقول الصج يعني شنو بقوول .!
ايمان بخوف: شنو تقولون لهم .؟
الكل يناظرون بعض واهما متوترين ... ايمان : شفيكم تكلموا , اي صح بيان وينها ........ لايكون فيها شي .. تكفون
قولولي بيان فيها شي .؟
مي : لاتخافين ايمان بيان مافيها الا العافية .
ايمان : كذابيينن بيان فيها شي صح .؟
زهرة : ايمان اذكري الله .
ايمان صارت تناظر الكل واحد واحد وكل واحد علامات الخوف بوجهه وطاحت انظارها على سارة
ايمان : سارة ..... سارة انتي الوحيدة الي ماتكذبين علي تكفين قولي لي بيان فيها شي.؟
سارة تفرك يدينها ببعض : بصراحة بيان انكسرت يدها اليمنى
ايمان : سارة تكفين لاتكذبين علي بيان ماماتت صح , انا كنت اناديها ماكانت ترد علي . كانت تتقول لي
انا اشوف الموت ياايمان ولما قلت لها تحملي مارددت علي وسكرت عيونها " وتمسح دموعها " ابي بيان ودوني لها
تكفوووووووووون ودوني لبيان .
مي تحضنها : حبيبتي خلاص هدي , انا راح اوديك لها بس تكفي هدي .
ايمان تحضن اختها : تكفين مي قولي لي الصج قوليلي انها ماماتت .
مي : والله بيان بخير واسمله عليها لاتفاولين لها بالموت .
ايمان وكأنها ارتاحت حضنت اختها اكثر واما الباقي كان السكوت هو افضل حل لهم ... وقف وليد بيطلع استاذن من
الكل وسلم على اخته وطلع ولحقته مي اخته

مي : ولييد بكلمك شوي .
وليد يحك راسه : ماتقدرين تأجلين للبيت .؟
مي : كيفك الوقت اللي يناسبك .!
وليد : خلاص لما نرجع البيت
مي : طيب , اممم مع السلامة .
وليد : مع السلامه .

دخلت مي غرفة ايمان اما وليد طلع من المستشفى وركب سيارته ومشى ... عند فارس لما حس ان الكل بدا يسولف
وياخذ راحته ومحد منتبه له .. انسحب من عندهم بحذر وطلع تنهد براحه ومشى بخطوات سريعة لغرفتها واهو
مشتوق لشوفتها وصل لغرفتها وصار يناظرها من شباك الغرفة ووده لويدخل لها ويكلمها ويكحل عيونه بشوفتها .
لكن كل ذا ممنوع لانه بالاساس موحلال لها ... تنهد تنهيده عميقة وراها هم كبيير حط يده على قلبه وعصره بالم
قرر يمشي من هالمكان قبل لايصير له شي لكن وقفه صوت الدكتور اللي ناداه للغرفة راح معاه ودخلوا الغرفة وجلسوا .

الدكتور : بصراحة يافارس مادري شقولك بس انت عارف ان شهد بفضل الله عايشة على الاجهزة .
فارس وقلبه بدا يدق بخوف : خيير دكتور شصاير.؟
الدكتور: والله شهد حالتها تسوء والاجهزة مالها فايدة يعني مافي تطورات ونفس ماقلت لك حالة شهد تسوء .
فارس : طيب ايش المطلوب اقصد ايش اللي ممكن نسويه .؟
الدكتور بتنهيد : راح نفصل الجهاز عنها .
فارس بصدمة : ايييييييييييييش .؟
الدكتور : اهدا يافارس لاتتفاعل , خل املك بالله قوي احنا سويناا الي علينا والباقي على الله
فارس لازال في الصدمة : يعني شهد بتموت .؟
الدكتور : اللي كاتبه ربك بيصير مانقدر نحكم الحين , لكن بكرة ان شاء الله راح نفصل الجهاز .
تنهد فارس تنهيدة قوية ونزلت وراها دمعة وراها دمعة وراها سييل من الدممووع لكن الدكتور ماقدر يتحمل حالة فارس
وقف وتوجه لفارس وحضنه وصار يهدي فيه بعد خمس دقايق هدا فارس ووقف وشكر الدكتور وطلع والكلام
لازال يتردد في ذهنة >> شهد بتموت <<
مشى ومشى وحس انه مشى كثير وقف قدام الغرفة واهو موعارف كييف يخبرهم دخل الغرفة وحالته متغيرة 180 درجة
وقف وسند نفسه ع الجدار وكتف يدينه وقال بصوت مبحوح : شهد بتموت .
الكل لف علييه بصدمة : نعععععععععم .؟؟
ولاء : ففارس ممكن تفهمنا ايش صاير .؟
سيف : ايش الي شهد بتموت .
ايلاف : فارس لاتستهبل موكافي بيان فاقدة الذاكرة تجي تزيد علينناا .
فارس بتفاعل : وانا وش ذنبي اجي ازيد عليكم .؟ ..... انا جاي اشكي لكم انا محتاج شهد تكفون فهموني .
سارة : كلنا محتاجين شهد بس ماتقول انها بتموت شهد بتصحى ان شاء الله .
فارس : الدكتور قال بيفصل الجهاز عن شهد , شهد ماتقدر تعيش بدون الجهاز لكن الجهاز يعذبها ... يعذبها .
ابرار وقفت وتوجهت لفارس وحضنته وتحاول تهدي فيه : خلاص فارس هدي شوي لاتسوي كذا بنفسك .
فارس : ابرار تكفين مستعد اعطيها روحي بس لاتموت لاتموت .

الكل تضايق بسبب هالخبر الي نزل عليهم مثل الصاعقة وكل واحد يحاول يهدي الثاني , استأذنوا لـ ايمان وطلع
الكل من غرفة ايمان وتوجهوا للسيارات وركبوا ومشو متوجهين للمزرعة عشان بياخذون اغراضهم وبيروحون
للبيت وكل واحد داخله هم كبييير وقلب يدعي لبيان وشهد بالشفاء .

بيت ابوفارس ( الساعة 9 الليل )

كانوا جالسين في الصالة يتقهوون بعد ماخلصوا العشا وابرار وفارس متوترين وموعارفين كيف يفتحون الموضوع
مع ابوهم وامهم .

ابوفارس : العرس تأجل يا ابرار راح يكون بعد عيد الاضحى باسبوعين .
ابرار : ليهه .؟
ابوفارس : لان طلال طلع له شغل بالشركة وانضغط شوي .
ام فارس : زينن , والحين صار عندك وقت زيادة تقضين فيه اغراضك .
ابرار : اوووك يمماا بس بكرة مارح اقدر اروح السوق .
ام فارس : عارفة يمما انك تعبتي كثير بس ترا مابقى شي ونخلص.
ابرار : لايمه موعشاني تعبانة بس آآآ ..........
ام فارس بخوف : بس شنو .؟
ابرار تناظرهم بخوف : شسمه اليوم بالمزرعة بيان وايمان ركبوا الدبابات وانقلب عليهم الدباب.
ام فارس : يممه بنتي وينها فيه خليني اتطمن عليها !
فارس : يما بيان انكسرت يدها اليمنى وآآآآ ............... وفقدت الذاكرة.
ام وابوفارس : هااااااااااا.!!!!!!!!
ابوفارس : ووينها هي الحين .؟
ام فارس تصيح : يمماا بنتي
فارس :بالمستشفى , الدكتور يقول مارح تطلع الا بعد اسبوع عشان يتأكدون اذا مافيها شي وانها بخير
ام فارس: اسبوووع كثير ياولدي
فارس : يمما هاذي فقدت الذاكرة موشي سهل .
ابوفارس : وايمان وش صار عليها .؟
ابرار : انكسرت رجلها , يبا انا حذرتهم وقلت لهم لايركبون بس مايسمعون كلامي .
ابوفارس : لاحول ولاقوة الا بالله العلي العظيم .
ام فارس : قوموا ودوني عند بنتي ابي اشوفها .
فارس : يما اصلا روحتك لهناك مالها فايدة , بيان ماتذكر ولا احد فينا .
ابرار : يمماا بكرة بنروح ان شاء الله لاتحاتين الممرضة بتهتم فيها .
فارس : الدكتور يقوول راح يفصلون الجهاز عن شهد ..... يعني شهد " وبغصة " بتموت .
ابو وام فارس : ههاااااااااااا.؟
ابوفارس : فارس لوسمحت لاتجلس تنكت ترا اللي فينا مكفينا .
ام فارس بعدم استيعاب : شكلك من كثر مانت مشتاق لها تقول هالكلام .
فارس : لاما استهبل , شهد بكرة بيفصلون الجهاز عنها لانها جالسه تتأذى بسببه .
ابرار : انا بقوم انام تصبحون على خير .
الكل : وانتي من اهلة .

وقفوا ام وابو فارس وتوجهوا للغرفة وداخلهم مشفوق على بيان وشهد كان ابوفارس يحاول يهدي في ام فارس اللي
كانت تصيج بحرقة وضلت طول الليل تدعي لبيان وشهد , اما عند فارس وقف وصار يصعد الدرج بخطوات سريعة
ويحاول يخفي دمووعه لكنها سبقته دخل جناحه وسكر الباب ودخل الغرفة مسح دموعه وتوجه للتسريحة جلس يناظر
نفسه ووده لويصرخ وده لو يطلع حرته يحس انه منقهر من نفسه يحس هو الي وصل شهد لهالحالة اهو اللي مامسكها
هو الي ما انقذها من المووت ههو مايقدر يساعد شهد مايستاهلها ... صار ينثر الاغراض الي على التسريحة بقوة
وقلب الغرفة فووق تحت انسدح على الارض واهو يتنفس بقوه ويحاول مايصيح لكن دخل بنوبة بكاآء .

في غرفة ( ابرار )

دخلت الغرفة واهي ماسكة دموعها واول ماسكرت الباب انهارت وقامت تصيح غطت وجها بيدينها وصارت تشاهق
بقوه بعدت شعرها عن وجههاا واهي تذكر الله وتدعي لبيان توجهت للحمام وغسلت وجهها وطلعت مسك جوالها
واتصلت على طلال بعد دقايق جاها صوته .

طلال : هلافيك .
ابرار: اهلين طلال .
طلال بخوف : ابرار شصاير , شفيه صوتك كذا .؟
ابرار تشهق وتحاول ماتصيح : طلال تعبانه ممكن تجييني .؟
طلال : الحين اكون عندك بس تكفين لاتصيحين والله تقطعين قلبي .
ابرار : انتظرك .
طلال : اووك " وقفل "

سكر منها طلال وبدل ملابسه واخذ جواله ونززل يركض وركب السيارة ومشى طاير لبيت ابو فارس ... بعد خمس دقايق وصل وقف السيارة ونزل واهو يركض دخل الصالة وعلى طول توجه لغرفتها ودخل حتى بدون مايطق الباب شافها كيف جالسه ع السرير وضامة ركبتها لها ووجها مليان دمووع وشعرها نازل على وجههاا سكر الباب وتوجه لها وحضنها بقوه واهو يحاول يهدي فيها .

طلال : خلاص ياقلبي لاتعورين قلبي.
ابرار : ......................
طلال : المفروض تحمدين الله ان الاصابة جت كذا .
ابرار : هه كيف عرفت اني ابكي عشان كذا .؟
طلال يضحك : الحاسه السادسة عندي قوية .
ابرار تضربه على كتفه : خخفف علينناا .
طلال : يلا ععاد بلاسماجة ومسحي هالدممووع , جايبتني من البيت طاير زين ماسويت حادث .
ابرار تحضنه : سوري والله .
طلال : لاععادي , اهمشي راحتك .
ابرار : بقوم اغسل واجيك .

قامت ابرار دخلت الحمام وغسلت وجهها ناظرت نفسها في المراية ونزلت دموعها لكن سرعان مامسحتهم قفلت الماي
ونشفت وجهها وطلعت شافت طلال منسدح ع السرير وباين عليه تعبان ويبي ينام .
ابرار : شكلك فيك النووم .
طلال : ممررا , عادي انام ههنا مالي خلق اسوق .!
ابرار : اووك بس اناا بنام بغرفة بيان .
طلال : لييه .؟
ابرار تهز كتفوها : بس كذا .. يلاا تصبح على خيير .
طلال يرفع اللحاف ويغطي نفسه : وانتي من اهله .. سريرك دافيء .
ابرار تضحك : بالعافية

طلعت ابرار وسكرت الباب وراها ونزلت تحت شربت مويه وصعدت ودخلت غرفة بيان انسدحت على السرير
وضلت تقلب في الجوال لين ماجاها النوم ونامت .

بيت ابووليد الساعة 10:00 ( غرفة وليد )

مي : ...................................

نهاية البارت توقعاتكم .
- بيان بتتقبل اهلها بسرعة ولا .؟
- مي وايش الموضوع الي بتقوله لوليد .؟
- وليد وايش نهايته مع بيان هل هي زواج ولا .؟
- شهد هل بتموت ولا بتعيش .؟
- اكتبوا باقي توقعاتكم .؟

ولاء العيوون .

[lyanaahmad]

وين باقي الرواية

[فيتامين سي]

السلام عليكمم


في غلط في اخر بارت نزلته وهذا التعديل









سكر منها طلال وبدل ملابسه واخذ جواله ونززل يركض وركب السيارة ومشى طاير لبيت ابو فارس ... بعد خمس دقايق وصل وقف السيارة ونزل واهو يركض دخل الصالة وعلى طول توجه لغرفتها ودخل حتى بدون مايطق الباب شافها كيف جالسه ع السرير وضامة ركبتها لها ووجها مليان دمووع وشعرها نازل على وجههاا سكر الباب وتوجه لها وحضنها بقوه واهو يحاول يهدي فيها .