وعدتك ما أحبك وغلبني الشوق في حبك / للكاتبة ولاء العيون ، مكتملة

[لامارا]

	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته نقدم لكم رواية منقولة وعدتك ما أحبك وغلبني الشوق في حبك للكاتبة / ولاء العيون قراءة ممتعة لكم جميعاً........

[لامارا]

بسم الله الرحمن الرحيم

السلام عليكم ورحمة الله وبركاته

حابه اقوول لاعضاء المنتدى اني راح انزل رواية بكره
واهي بعنوان { وعدتك ما احبك وغلبني الشوق في حبك } لعل تكون بداية رائعة ورواية جميله واتمنى من الاعضاء تقبل مروري .

ولاء العيون.

[لامارا]

البارت الاول



وليد : راحح اخليك تندمين انك عرفتي وليد
شهد : انت واحد حيوان وحقيير . تتهمني بشي انا ماسويته .
وليد بحقد : لاتكذبين.
شهد : بس انا ماقتلته .. والله مالي ذنب
وليد مسكها من فكها : انتي وحده حقيره .
شهد :والله ماقتلــ
طرآآآآآآآآآآآآآآآآآآآخ . عطاها كف قوي لدرجة انها طاحت من طولها
وليد بعصبية وحقد : لاتلعبين مع واحد مو من مستواك " ومشى عنها "

{ بعد مرور ثلاث سنوات }

شهد قامت : يلا ماما لازم البس واروح الشغل .
ام شهد:في امان الله حبيبتي .


راحت شهد وبدلت لبست ملابسها الخاصة للشركة
طلعت وراحت الشركة دخلت مكتبها الخاص وصارت تشوف الاوراق المهمة
{ شهد عمرها 25 سنه تشتغل تصرف عليها وعلى امها .ابوها متوفي وامها مريضة بالقلب . بنت جميله لابعد حد . شعرها طويل كستنائي جسمها مليان شوي . ملامحها بريئة وطفوليه عيونها وساع ورموشها كثاف . تشتغل في شركة تصميم للحفلات وحق هالشغلات }
دخلت السكرتيره عهد : لوسمحت استاذه شهد " ومدت لها بطاقات "
اخذتهم شهد : طيب شكراً
فتحت اول ظرف وقرأت التصميم المطلوب والتاريخ والعنوان .
شهد نادت السكرتيرة عهد
عهد : امري استاذه.
شهد : اليوم عندنا تصميم ابيك تجهزي الاغراص المطلوبة وراح اعطيك ورقة الاغراض
عهد : حاضراستاذه . بس كم الساعة اكون مستعدة ؟
شهد : ع الساعة 3 العصر عشان يمدينا نجهز القاعة
عهد : طيب شكراً
طلعت السكرتيرة عهد وصارت شهد تقرأ البطاقات الباقي
_________________

مكان ثاني .

وليد يشغل السيجارة ويناظر الي حواليه .
احمد : طال عمرك . اليوم عندنا حفله
وليد : اووك .خليك جاهز عشان نروح من بدري.
{ وليد عمره 29 سنه ملياردير وعنده شركات كثير .مغرور وشايف نفسه يحب امه وخواته و الي يعصي كلامه ياويله .. غامض درجة اولى .يحب اخوه علي الي توفى والسبب متهاوش مع واحد وطلق عليه نار بس وليد اتهم شهد بقتل علي . وكانوا شهد وعلي زملاء ايام الجامعة }

الساعه 8 الليل " قاعة الاحتفال "

دخل وليد بهيبته قدام الحضور والكل وقف احتراماً له .
وصل لطاولته المخصصه وجلس والبدي قارد وراه . اعجب بتصميم القاعة وبالوانها الراقية
بدأو الحفل وبين ماكان يناضر في الحضور لفت انتباهه شخص اول ماطاحت عينه عليه تغيرت ملامح وجهه ورجعت فيه الذاكرة لـ 3 سنين للوراء
__________________________

نهاية البارت

توقعاتكمم .؟
ورايكم !

[لامارا]

حبايبي الي يقرون البارت الأول فيه توضيح مهم جداً ان شهد وعلي ليسوا أصدقاء بمعنى الصداقة والحب ، شهد وعلي زملاء في نفس المحاضرة بس ، وطبعا دراستهم الي بالجامعة خارج السعودية . مو بالسعودية.......... ووليد لما شاف علي طايح وشهد جالسه جنبه كان جنب شهد مسدس ووليد فهم ان شهد هي اللي اطلقت الرصاص عليه عشان كذا اتهم شهد بقتله . }

البارت الثاني
______________

: علي علي قوم الله يخليك قوم .علي
جا وليد يركض شاف علي جثه والدم يسيل من صدره وكان مغطى بالدم
وليد بعصبية : انتي حيوانه كيف تتجرأين وتقتلين اخوي انتي وحده حيوانه وحقيره
شهد :والله ماقتلــ
طرآآآآآآآآآآآآآآآآآآآخ . عطاها كف قوي لدرجة انها طاحت من طولها
وليد بعصبية وحقد : لاتلعبين مع واحد مو من مستواك " ومشى عنها "
ما قدرت ترد عليه لأن وليد اخذ علي وطيران للمستشفى وهناك خبروه انه توفى........
________________

قام من الكرسي وراح للشخص وعيونه معلقه عليه
وقف وليد عند الباب الخارجي وصار يناظر الشخص : اخيرا لقيتك
لفت عليه البنت الي اول ماشافته انصعقت : آ ... آآآ آنت .
مسكها من يدها بقوه وسحبها لخارج القاعة : اخيرا طحتي بيدي . والله لاخليك تندمين على فعلتتك وراح اخليك تعيشين بعذاب
شهد : انت للحين مانسيت السالفة .
وليد : ولاراح انساها . وانتي جيتي للموت بنفسك والله لاعيشك بعذاب
شهد نزلت دموعها : خلني افهمك السالفه والله مو اناا الي قتلــ
عطاها كفف قووي لدرجة ان خدها صار احمر : ججب . لاتجيبين سيرة اخوي على لسانك ... وراح اضل طول عمري اتهمك بقتله يالحيــ.......
شهد : حرام عليك . والله حرام عليك .
وليد : ماتهميني .. ودموعك خليها لك
تركها وطلع والف فكره وفكره تمر قدامه ، ولحقه احمد واهو مو فاهم شي
_____________________

بيت ابو وليد (الساعة 8 الليل )

دخل وليد وتوجه لغرفته . تروش وطلع اخذ جواله وراح مكتبه على طوول .
وليد : احمد ... يا احممد .
احمد جا : سم طال عمرك.؟
وليد : البنت الي كنت اكلمهاا .. تعرفها .؟
احمد : أي طال عمرك . هاذي اللي صممت قاعة الحفل .
وليد : ماتعرف وين تشتغل ووين بيتهم.؟
احمد : لا طال عمرك بس اعرف اسمها الكامل .
وليد يناظره . : بكره ابي ملف كامل عن هالبنت .
احمد : تم طال عمرك .
وليد "هييييييييين والله لاعيشك بجحييم "
_____________________

بيت ابوطلال
( يوم جديد 1الظهر )

سيف : بدر .. بدر
بدر : ههاا.؟
سيف : شووف بقولك شي .
بدر : قوول .
سيف : سيارتي خربانه واذا ممكن " وبترجي " تعطيني سيارتك .
بدر : لاوالله انت كل يوم سيارتك بالكراج . وتجي تاخذ سيارتي .
سيف: ايي بس هاليومين تكفى
بدر : اناا اليوم بطلع فيها . خذ سيارة طلال .
سيف :لا طلوول مارح يرضى . تكفى اخووي انت حبيبي .
بدر : وقت المصالح تجيك الكلاب مشتاقة .
سيف : تكفى عااد يلاا .
بدر : لا سيف والله مقدر .
سيف : لحوووول .
دخل طلال : سلامم .
الكل : اهلن عليكم السلام .
ام طلال : هلابوليدي .. تعشيت يمما احط لك عشاا .؟
طلال : لايمما حبيبتي تعشيت .
سيف : طلوول طلبتك .
طلال :آمر
سيف : سيارتك . !
طلال : هه واننت للحين سيارتك بالكراج.؟
سيف : اييه بعد يومين تطلع .!
طلال : لا انا احتاجها ما اقدر
سيف: افف " طلع وراح غرفته "
دق التلفون وردطلال : مرحبباا معكمم الاستاذ طلال .
: مشاء الله صجج .؟ توني ادري والله .
طلال : ايي والله اسمي طلال .
: اقوول بس عطنني سويرهه .
طلال : انتيي . ممي؟
ايمان : لا .
طلال : اجل ايمان
ايمان : شرايك يعني اذا ماكنت مي اكيد بكون ايمان.
طلال رمى التلفون على ساره : حشى حشى مولسسان بسم الله .
ساره: هلاوغلاومسهلا بالحبب .
ايمان : مراحب بكك اخبارك شلونك كيف حالك عساك طيبه ان شاء الله
ساره : يه يه شوي شوي كل ذا لي .؟
ايمان : هههههههههههههه
ساره : خليني ارد على وحده وحده .
ايمان : الزبده ذا اليوم السبت ومالي خلق اذاكر وكذا
ساره : شسوي لك يعني .؟
ايمان : خليناا نتجمع .!
ساره : خيير مستحيل بابا وماما يرضون وبعدين بكره علينا بحث حق" ابله مندوبه "
ايمان : هههههههههه اسمها دكتوره مندوبه مو ابله .. ترا احنا جامعه .
ساره : اليي هي والله ماتعودت اقول دكتوره .
ايمان : زيين يلا طسي خل اسوي البحث .
ساره : حيوانه انتي الي داقه مو اناا ياخبله .
ايمان : اوكي باي " وسكرت "
________________________

عائلة ابوطلال

ابوطلال وام طلال
طلال عمره 28 سنه
سيف عمره 26 سنه
بدر عمره 25 سنه
سارة عمرها 19 سنه
________________________

في الشركة

طق طق طق
وليد : تفضل
دخل احمد : لوسمحت .
وليد : آمر .؟
احمد مد له ملف : هذا الملف الي طلبته .
اخذه وليد : اوووك شكرا .ً
طلع احمد وفتح وليد الملف وصار يقره المعلومات عن شهد .
______________

بيت ام شهد
( الساعه 4 العصر )

كانت جالسه تتابع تلفزيون ومندمجة شوي دق جوالها .شافت الرقم غريب وردت
شهد : مرحبا معك المصممة شهد .
:مرحبا بالمصممة شهد .
شهد بخووف : اهلين .. آمر؟
:مايامر عليك عدو بس حبيت اقوولك
شهد : اناا الي ابي اقولك .. لاتظلمني خلني افهمك
وليد قاطعها : بلا حكي فاضي .. وصدقيني مارح انتقم منك بهالطريقة
شهد : أي طريقة ؟
وليد : انتي فاهمة قصدي يا انسه شهد
شهد : لاموفاهمة وبعدين ليش انت تتهمني بقتل اخوووك .
وليد احتتار مايدري شيقوول هو صحيح ماكان يدري مين قتل اخوه بس اهو شاف المسدس طايح عند شهد .كانت الافكار توديه وتجيه اما شهد بس قالت كلمتها سكرت التلفون وصارت تصيح

________________________

نهاية البارت
توقعاتكم ؟؟ .

[لامارا]

البارت الثالث
_________________________________

يوم جديد بيت ام شهد

جلست من النوم الساعة 5:30 الصباح .
دخلت الحمام ( وانتو بكرامة )طلعت ولبست لبس الشركة
خذت عبايتها وشنطتها ونزلت دخلت غرفة امها .
شهد : ماما صباح الخير .
ام شهد :صباح النور . هلا ببنتي
شهد : هلابك حبيبتي اخبارك . ؟
ام شهد : تمممام كويسةة .
شهد : هاه فطرتي ؟
ام شهد : لايمه حبيبتي توني مخلصه صلا ه وبنام
شهد توقف : اوك يمه انارايحه الدوام ..انتبهي لنفسك . " باست راس امها وطلعت "
____________________________

في بيت ابو فارس

ابرار تصحي بيان : بيانوووه يلاا قوومي بسرعه
بيان بصوت كله نوم : ههاااه شفيك خليني نايمة
ابرار : قومي بسرعه تجهزي .
بيان : شوووفي الحين بيخلص الفلم واجيك .
ابرار : حمدلله والشكر أي فلم هاللي تتكلمين عنه ؟
بيان رجعت نامت واهي موحاسة بشي
ابرار طفشت واهي تجلس فيها .. راحت بدلت ملابسها ونزلت تحت تفطر
ابرار : صباح الخير " وجلست "
ام فارس : صباح النور . وين بيان ؟
ابرار: فووق نايمةة . افف طفشت منها مي راضية تجلس .
ابو فارس : خلاص خليها تغيب اليوم الخميس
ابرار : بابا انت دايم تخلي بيان تغيب .
ابوفارس : وانتي بعد غيبي مارح امنعك !
ابرار : لابابا موقصدي انا اغيب او لا . انا اصلا مابي اغيب . بس بيان الغياب راح يأثرعليها مرره .
ام فارس : عددل كلام بنتي .
طلعت ابرارمع السواق وراحت الجامعة
_________________

عائلة ابوفارس

ابو فارس – ام فارس
فارس عمره 29 سنه
ابرار عمرها 22 سنه
بيان عمرها 19 سنه
____________________________

في الشركة ( الساعة 8 )

كانت ماسكة ورقة التصميم وفاتحة على المنتدى في اللاب وتكتب التصاميم الي تخطر في بالها . ثواني وطق الباب
شهد وعيونها ع اللاب : تفضل
دخلت عهد : مرحبا انسه شهد .
شهد : مرحبا حياك حبيبتي آمري .؟
عهد : تفضلي .
شهد خذت الورقة وفتحتها قرت المكتوب : يوم الاحد عندنا موعد لتصميم قاعة .
عهد : حللوو استاذه .
شهد : اييه خلي كل شي جاهز
عهد : طيب " وطلعت "
_________________________________

بيت ابو وليد ( الساعة1الظهر )

ايمان : اووووووووووووووفف اخيراا اخيرا جا الخميس .
مي : يب يبب وناسه اخيرا بشووف ساروه الدووبه .
ايمان : ماكأنها معاك بالجامعة .
مي : الا بس ما اخذ راحتي كثير بالجامعة . الزبده تعالي نبدل يلا
صعدوا فووق يبدلون .
مي :ايمييوه .
ايمان : هلا .؟
مي : يوم السبت عيد ميلاد بيانوه شرايك نسوي لها عيد ميلاد .؟
ايمان : اوووك ححللو .
دخلت زهره : مرحببا .
مي وايمان : اهلييين .
مي : زييزي يوم السبت عيد ميلاد بيان
زهره : اوك خل نسوي لها عيد ميلاد
مي : ايه انا فكرت كذا .
ايمان : شوفوا طبعا بنسويها بالصالة الكبيره الي بالمزرعة .
زهره : ايوه ححللوو وشووفوا نبي نزين القاعة بشكل حلو .
مي : امممممم شرايكم نخلي احد يصممها .؟
ايمان : طيب . شوفوا في وحده مشهور بالتصميم ورقمها موجود .
زهره : اووك العصر نتصل عليها ونخليها تجي المزرعة .
مي : اووووووووووووووووك .
_______________________________

بيت ام شهد ( الساعة 2 الظهر )

دخلت شهد وراحت سلمت على امها واسأذنت راحت للغرفة تبدل
دق جوالها وردت بدون تشوف الرقم
شهد : اهلا مرحببا .
: اهلينن .. يامرحباا بك انتي ... كيفك.؟
شهد بخوف : وليييد .؟!
وليد : هه .قصدك زوجك وليد .
شهد : زوجي .؟
وليد : اووه اقصد قريب واصير زوجك .
شهد : شتخربط شتقول انت اصلا مين قالك اني بوافق عليك . ؟
وليد : انتي بنفسك .
شهد من القهر : انتبه لنفسك عددل ترا انا مو أي وحده تكلمها جذي مني والطريج
وليد : ههههه والله وعندك لسان وانا مدري
شهد : ومن تكون عشان تدري ان لي لسان
وليد : زوجك الي بينتقم منك
شهد من القهر سكرت التلفون في وجهه ونزلت تحت
شهد : ماما يومم الاحد عندي تصميمم في قاعة .
ام شهد : الله يساعدك حبيبتي . والله يوفقك وين ماتروحين
شهد : اميين يمماا
ام شهد : حبيبتي شهد ادري والله تعبتك معاي وانتي جالسه تشتغلين عشان تصرفين علي وتوفرين مصاريف حق العملية .واسفه اذا ضايقــ
قاطعتها شهد : ماما ايش هالكلام مايصير كذا .. انتي امي وحبيبتي وكل شي والله ما احب اشوفك زعلانة وعسى الله يطول بعمرك يايمه .
ام شهد : اهه يابنتي .. انا تعبانه بمرض القلب واكيد مارح استمر معاك للنهاية .
شهد دمعت عيونها : مامي ايش هالكلام اسمله عليك عسى يومي قبل يومك .
ام شهد : اهه بس متى تتزوجين واشوفك مستانسة مع زوجك واتطمن عليك قبل ماروح من هالدنيا .
شهد حضنت امها .
دق جوال شهد شافت الرقم وردت : مرحبا
: اهلين معاك مي .
شهد : هلاوغلا بمي .
مي : اهلا فيك كيفك انسه شهد .؟
شهد : كويسه . وانتي .؟
مي : تممام اناابخير . .حبيت احجز موعد لتصميم صالة .
شهد :اووك حبيبتي جاهزين بس تبغين الالوان من ذوقك ولا من ذوقي .؟
مي :لا انتي اختاري الالوان احسن وراح تكون الحفلة لعيد ميلاد بنت
شهد : اوك حبيبتي بس انطيني العنوان
مي : حي ####### شارع ###### وبكره العصر تروحين هناك وراح اكون موجودة
شهد : اوك حبيبتي
مي : شكرا يعطيك العافية
شهد : ربي يعافيك حبيبتي باي " وقفلت "
___________________________

نهاية البارت
توقعاتكم .؟
هل وليد بيقدر ينتقم من شهد .؟
ايش بتكون نهاية علاقتهم .؟
ام شهد ايش بيصير فيها .؟
اذا لقيت تفاعلات راح انزل

[لامارا]

البارت الرابع
______________________

يوم جديد ( الجمعة )
بيت ابووليد ( الساعة 11 الظهر )

سعود : ولييدد يلا
وليد واهو نازل من الدرج .: يلا كاني جيت
ام وليد بخرت ابووليد ووليد وسعود وبعدها طلعوا للمسجد
ام وليد : يممما زهره
زهره جات : هلا ماما .
ام وليد: يلا حبيبتي خلصوا بعد اشوي بيجون عمامك والعيال .
زهره : من عيوني يمماا
بعد نص ساعة جا الكل وجلسوا سوالف .
بيان : خلاص خلاص والله حرام نححش
ايمان : لاوالله مساعة توك تحشين والحين ححرام .
بيان : طبب غيروا السالفة.
زهره : اممم شرايكم نلعب لعبة .
الكل : شنووو .؟
زهره : ندور اشياء بحرف مثلا الهاء و الي يلاقي اغراض اكثر يفوز
سارة : اييييييهه حلو حلو يلا
ابرار : يلاا
سارة : دوروا اشياء بحرف السين .
البنات : اوووك
عند سارة : دخلت غرفة من الغرف وصارت تحووس وتدور شوي ودخل فارس
فارس : شنوو تسويين هنا.؟
ساره : بليييزز ابي اشياء بحرف السين .
فارس : شتسوين داخله غرفتي ؟؟ بدون استئذان بعد
سارة : ايي اسفه بس بدور الاغراض وبطلع بسرعه
فارس : استغفر الله اقوول بس طلعي برا
سارة لقت ساعة وسماعات وسير اخذتهم وطلعت واهي مو معطية فارس بال
فارس : شفف هالخبله ذي تاخذ الاغراض وتهج . هييييييييييهه انتي تعاليي هني جيبي اغراضي . ردييهم .
اما عند بيان دخلت غرفة زهرة وصارت تدور ولقت اغرض بحرف السين خذتهم ونزلت
تحت عند ابرار دخلت المطبخ وحصلت الاغراض وراحت للغرفة
*عند الشباب
سعود :ولا لمماا يسووق يمسك الجوال بيد ويسوق بيده الثانية .ويقووول شفيك خايف.
سيف: ههههههههههههههه .. يالخوواف تراا عاادي ذي مهارات جديده
بدر :أي مهارات جديدة ياخوك يجلس يتفنن وبعدها يسوي لنا حادث
فارس : اييهه جد يجلس يتفنن لك في السواقة . وشوي تشوفه مسوي حادث
طلال : الله لايبلانا بس .
فارس :الله يرحم امواتنا ياربب .
الكل : امييييييينن .

*عند البنات اجتمعوا البنات كلهم .

زهره :يلا كل وحده تقول كم لقت ؟
سارة : انا لقيت 4 اشياء
بيان : انا لقيت 7 اشياء
مي : انا لقيت 3 اشياء
ابرار : انا لقيت 5 اشياء
ايمان : انا لقيت 6 اشياء
زهره : انا لقيت 3 اشياء
سارة : مين اكثر وحده
بيان : انافزززززززززززتت جبت 7 .
الكل : اووووووووووووههه مبروك .
بيان : عااد هالله هالله بالهدايا .
ايمان : احم طبعا انا مارح ادفع شي لان مو اناا الي طلعت الفكره .
الكل يناظر في زهره
زهره : لالاشنووو والله اناا موقصدي اجيب هدية ولاشي ثاني .... كان قصدي يعني نلعب وبس وكيفكم مارح اجيب هدية .
بيان بوزت : اووووف شنو يعني خافي الله فيني .. بكره عييد ميلادي .
مي وكأنها تذكرت شي : اييي صححححححح تذكرت شي .
البناات : وشوووو .؟
مي قامت : لاخلاص ولاشي " وطلعت "
نزلت مي تركض لبست جلالها وراحت للشباب
مي : وليييييييييييدد .
وليد : نعمم .؟
مي : تعال بسرعةة .
وليد راح لها : نعم .؟
مي : شوف بكره عيد ميلاد بيانووه . وانا تصلت في مصممة تجي تزين المزرعة وقلت لها العصر تكون هناك موجودة وابيك تودينناا .
وليد : وكيف على بيان . اقصد كيف بتصرفونها .
مي : اممم خلي اخوها يطلعها لين مانخلص .
وليد : اذا رضى فارس بوديكم .
مي : اووك كلمه انت الحين بسرعة .
وليد نادى فارس وقاله السالفة كلها ووافق . راحت مي تركض وقالت لـ بيان ان اخوها بيطلع معاها وبيان طبعا ماصدقت على الله وراحت لبست وطلعت اما البنات عرفوا السالفة وراحوا متوجهين للمزرعة .
____________________________________

بيت ام شهد( الساعة 4 العصر )

شهد : ههههههههههههههه .. ماما تكفييننن شصار فيك .
ام شهد : كان شكلي يضحك والمكياج محيوس بوجهي والشعر معفوس شوي وتجي جدتك وتضربني وتهاوششني .
شهد : اههه ياماما تعبت وانا اضحك " ناظرت الساعة ونقزت "
ام شهد : شفيك ؟
شهد : ماما تأخرت عندي موعد
راحت فوق تركض بدلت ولبست عبايتها وركبت مع السواق وتوجهت اخذت عهد والعاملات الي معاها وبعدها توجهوا للعنوان وصلت فتحت الباب ونزلت ووراها العاملات. راحت عند الباب ودقت الجرس شوي وانفتح الباب وكان وليد اول ماطاحت عينها عليه قام قلبها يرقص من الخوف .
وليد : مرحبا انتي المصممة .؟ تفضلي
دخلت شهد بهدوء واهي تحاول ماتبين شي
وليد ينادي ايمان :اييميي تعالي خذي المصممة .
جات ايمان وسلمت على شهد والي معاها ودخلتهم داخل سلمت ع الكل وبدأو بترتيب الصالة وتصميمها ع ذوق شهد
_____________________

نهاية البارت
توقعاتكم ؟....
هل البنات بيكملون خطتهم بدون ماتدري بيان .؟
هل بيان بتكشف البنات .؟
ايش بيصر في المزرعة .؟

[لامارا]

البارت الخامس
_______________________

عند فارس وبيان

( الساعة 5 العصر )

بيان : الاا صحح شالطاري جايبني هناا . ؟
فارس : اختي وبعد لازم ادلعهاا ولاماتبين ادلعك ؟
بيان : لا ابيك تدلعني بس يعني غريبة .
فارس : مو غريبة ولا شي وبعدين بكره عيد ميلادك
بيان : يابعدديي والله فروووس يازينك .
فارس مسك يدها : تعالي ندخل هالمحل .
دخلوا فارس وبيان المحل وصاروا يتمشون
فارس : بيانننوو.
بيان : هلاا .؟
فارس : اشتري لك أي شي يعجبك .
بيان بعدم تصديق . : شتقوول .؟
فارس ضحك : ههههههههه شفيك اقولك اشتري لك حاجة تعجبك .
بيان : امممم من جدك ؟
فارس : لاوين جديي من زمانن مات .
بيان : هيييييييييي حددك سخيف . والحين صججج اشتري الي ابي ولا .؟
فارس : هههههههههه اييه اشتري الي تبين
راحت بيان تركض وخذت لها سلة وصارت تحوس وتشتري الاغراض الي تعجبها وبعدها حاسب فارس وطلعوا
بيان : والحين وين بنروح .؟
فارس : وين بعد بنروح .؟ ماشبعتي حمدي ربك شريت لك هالاغراض " وباستهبال " خسرتيني .
بيان : عشششششششتووا خسرتك ؟
فارس : هههه امزح المهم يلا بنروح المطعم وبعدها بنمشي البيت .
_________________________________

ابوفارس – ام فارس
فارس عمره 29 سنه
ابرار عمرها 22 سنه
بيان عمرها 19 سنه
ابوطلال – ام طلال
طلال عمره 28 سنه
سيف عمره 26 سنه
بدر عمره 25 سنه
ساره وولاء تؤام مختلف عمرهم 19 سنه
______________________________

في المزرعة ( الساعة 6:30 )

القت نظره اخيره على الصالة بعدها طلعت وتوجهت للغرفة الي جالسين فيها البنات
شهد : بنات انا خلصت شغلي .
ابرار قامت : اووك حابين نتطلع على القاعة .
شهد : هه اووك .
راحوا البنات للصالة وانبهروا بشكل الصالة وتصميمها .كان تصميمها ناعم مرره ويناسب لاعياد الميلاد .
مي : وواو شهد تصميمك ححلوو .
شهد بخجل . تسلمين حبيبتي انتي الاحلى .
زهرة : يعطيك العافية .
شهد : يعافيك . يلا انا الحين ماشية .
ايمان : ويين توو الناسس .
شهد : لا ويينن تو الناس امي بالبيت لحالها لازم اروح لها .
مي : اوووك حبيبتي الله معاك بس لاتنسين بكره بالليل تجين .
شهد : حبيبتي والله لاتكلفين ع نفسك ماله داعي حضوري اصلا .
سارة : لالا مايصير لازم تجين ولا نززععل عليك .
ولاء تطقها على كتفها : من متى تعرفينها عشان تزعلين عليها.؟
سارة :ايي وججعع وبعدين عاادي توني تعرفت عليها .
ابرار : اهمشي شهد حبيبتي لاتنسين بكره تجين
ايمان :حابين نتعرف عليك اكثر .
شهد ماكانت تبي تجي عشان ماتقابل وليد بس ماحبت تكسر بخاطرهم :اووك حبيباتي من عيوني . ماعليكم زود والله .
سارة: يلا حبيبتي قوود بايي . وسلمي ع ماماتك .
ايمان : ههههه انتي شكلك تعرفينها وتعرفين امها بس خاشه عنناا .
سارة : لاشنو حرام عليكم بسس يعني خلوني اقط الميانة يهه .
طلعت شهد ووصلت العاملات وعهد ورجعت البيت
_______________________

عند وليد

كان يحوس في المزرعة على مايخلصون البنات شوي دق عليه فارس ورد
وليد :هلا والله .
فارس : اهليينن . ها بشر .؟
وليد : خلاص ودها البيت وانا بودي البنات هناك .
فارس : متاكد يبوون يرجعون .؟
وليد : ايه ليه .؟
فارس : بيان تقول انهم بيتجمعون في المزرعة
وليد : قصدك بيضلون هنا .
فارس : اتوقع .
وليد : ثواني اشوف البنات واجيك " وبصوت عالي " يازهره زهره
زهرة جات :هلا .
وليد : بترجعون البيت ؟
زهرة : أي بنرجع عشان بيان ماتشوف الي سوينا
وليد يكلم فارس : بيرجعون البيت
فارس : اوك يلا باي .
______________________________

عند وليد

طلع من المزرعة ركب سيارته ووصل البنات وبعدها صار يحوس بالسياره وفكره بشهد كانت الافكار توديه وتجيه مره يقوول بيتجاوزعن شهد ويخليها بحالها ومره غروره مايخليه . احتار بين امره وقرر يخبر صديق عمره فارس اتصل فيه
فارس : مرححبببوو .
وليد : هلابك . فارس تقدر تقابلني .؟
فارس حس ان وليد فيه شي : سلامتك ياخوي عسى ماشر .؟
وليد : ماشر ياخوك بس اشتقت لخشتك .
فارس : ههههههه اووك بس وين .؟
وليد : نفس المكان الي كل مره .
فارس : اوك عشردقايق واكون عندك . " وقفل "
نزل وليد وجلس على الارض وسند راسه عالسياره من عرف بحال شهد واهو منقلب فوق تحت يحس انه يبي يحن عليها يبي يتركها لحالها يبي يساعدها مايدي شنو يبي يسوي .
صحاه من سرحانه فارس : شفيك وليد .؟ تعبان اوديك المستشفى .؟
وليد : هه لا فارس اجلس ما ابي مستشفى
جلس فارس : وليد . شكلك تعبان خلني اوديك المستشفى .
وليد : فارس اناموتعبان بس متضايق شوي وابي افضفض لك .
فارس : ايي قوول كذا من البداية . طيب شفيك شاللي مضايقك .؟
______________________________

نهاية البارت !
توقعاتكم ..؟؟
ايش قرار وليد .؟؟؟
وهل هو بيترك شهد بحالها ولابيكون في خطة جديدة .؟
ايش بيصير في البارت الجاي .؟؟

[لامارا]

البارت السادس
_______________________

وليد : فارس تذكر لما كلمتك عن وحده اسمها شهد .
فارس يحاول يتذكر : أي وحده .؟
وليد : اليي قلت لك انها قتلت اخوي علي .
فارس : ايييييييييييهه شفيهاا . ؟
وليد : لقيتها
فارس : امانه لقيتها ...؟
وليد: حبيت اعرف كلشي عنها ووين تسكن وكذا .. ولما قريت عنها حسيت اني قاعد اظلمها حسيت انها مسكينة .!صج اني فكرت اعذبها بس انا ماقدراسوي لها شي اصلا
فارس : قصدك انها مو محرم لك ؟
وليد :اييييييهه .
فارس : طيب ليش ما تتزوجها وبعدها بتقدر تتحكم فيها .!
وليد بقق عيونه : هاآآآآآآآآآآآآآآآآ
فارس : شفيك .؟
وليد : خيير تبيني انا اتزوج ذي .
فارس : اييه عادي .. ولا اقوول وليد ليش ماتتركها بحالها بدال عوار الراس .
وليد : ما اقددر .
فارس : ربك بيحاسبها على فعلتها انت مالك دخل فيها .
وليد : لايافارس حاولت اتركها بس ماقدرت مدي احس في شي يجذبني لها .
فارس : هيي لايكون تحبهاا .؟
وليد يناظر فيه : ههههههههههه حللووه ذي
فارس :وليد خلاص ياخوك يعني هالموضوع مضيق خلقك .. هالبنت لاعبة فيك شكلها .
وليد :فارس ابي ولو مره وحده انتقم فيها منها .
فارس :طيب قلت لك تزوجها .
وليد :وانا ماقدر اتزوجها فارس انت الوحيد الي عارف عذري واني ما اقدر اتزوج .
فارس :وليد ليش ماتقول للعائلة .؟
وليد : لافارس خلني كذا
_______________________________________

عند شهد

دخل الغرفة وبدلت ملابسها وجلست على التسريحة " يالله كيفف وليد يقرب لهالبنات .. كيف بكره بروح المزرعة افف ياولييييدوالله حيرتني ماني عارفة وش اسوي ... يارب يارب بكره يصير شي وما اروح ... استغفرالله استغفرالله يووه الله يكون بالعون "
مسكت المشط وصارت تمشط شعرها وخطرت في بالها فكره وعلطول نزلت تحت لامها
شهد : ماماا
ام شهد :هلابك حبيبتي .
شهد : يمه ابي اطلب منك طلب .
ام شهد :آمري يمه !
شهد تمسك شعرها : احمم ......... آآ آآ ابي اقصصهه .!
ام شهد :تقصين شنو .؟
شهد بتردد : شعري.
ام شهد:هاآآآآآآآآآآآآآآآآآآآ� �آآآآ .. لالالا مستحيل
شهد بترجي : تكفين ماما بس مره وحده .
ام شهد :لالا كذا حلوو
شهد : ماما من زمان ابي اقصه وكله ابويي يمنعني .... حتى انتي الحين بتمنعيني يعني
ام شهد : يايمه انتي شعرك حلو واهو طويل حرام تقصينه.
شهد بحزن : طيب خلااص مولازم .
ام شهد : حبيبتي يمما لاتتزعلين !
شهد : مازعلت " وشغلت التلفزيون "
ام شهد : طيب انا بقوم احط العشا
________________________________

عند البنات ( الساعة 9:45الليل )

ولاء : بنننناتت شرايكم ننام عند بععض ؟.؟
ساره نطت : ايييييييهه اييهه . !
زهره : الله وناسه
بيان : خلاص خلونا نقوول لابوي والرجال .
مي : يلاا قوموا
نزلوا البنات تحت وراحوا للرجال طقوا الباب ودخلوا
ايمان :سلام .
سارة : مرحببببببباا
ابرار : السلام عليكم .
ابوفارس : هلاعليكم السلام .
جلسوا البنات وكل وحده تناظر الثانية .
ابووليد : شفيكم يبه تبون تقولون شي.؟
ايمان : ايه بابا سارة تبي تقول شي
سارة " هالحيوانه حطتها فيني " : اييه عمي نبي ننام كلنا مع بعض.
بيان : اذا ماعليكم آمريعني .
ابوطلال : خذوا راحتكم يببه ومادام بكره السبت خلاص ناموا .
ابوفارس : يلا خلاص تمت الموافقة .
ولاء : شكرا باابا شكرا عمامي
طلعوا البنات وراحوا الحديقه وجلسوا هناك
_________________________________________

عند الحريم

ام وليد : لاتنسون بكره عرس ولد ام جاسم وصتنا نجي
ام طلال : ان شاءالله على خير
ام فارس : ان شاء الله الله يهنيهم ومايتطلقون .
ا م وليد : ايي والله مسكين كل ماخذ له وحده طلقها .
ام فارس : الله لايبلانا ويبلي عيالنا .
ام طلال : شسالفه ولدها ليش يطلقههم .؟
ام وليد : سمعت ان ماعجبوه وطلقهم
ام فارس : أي بس هالمره بياخذ بنت خالته اسمها نورة .
ام طلال : الله يوفقهم .
_______________________________

نهاية البارت
توقعاتكم .؟؟

[لامارا]

البارت السابع
____________________________

يوم جديد " عند البنات "

( الساعة 2 الظهر)

ولاء : ميي يلاا قوممي .
مي : اووك دقايق بس
ولاء : بناااااااااااااتت يلاا .
زهرة : لولي تكفين اشوي ونقوم افففف
ولاء بصراخ : والمزرعة طيب .؟
كل البنات نقزوا وراحوا يبدلون ويصلون ويجهزون بعدها نزلوا تحت
البنات : السلام عليكم خاله .
ام وليد : عليكم السلام
سلموا البنات عليها وجلسوا في الصالة .
ام وليد : احط لكم الغدا.؟
مي : ايي ماما جايعة .
ام وليد قامت تحط الغدا والبنات جالسين يسولفون .
بيان : احين ليش بتروحون المزرعة .؟
سارة : ولاشي بس اشتقنا لها وترا امس قلنا للرجال ان بنروح ووافقوا
بيان : اهاا
قاموا البنات يتغدون و على الساععة اربع ونص طلعوا وراحوا المزرعة ماعدا ابرار وبيان الي ضضلوا في البيت ع اساس يجهزون الاغراض حق المزرعة اما الباقي راحوا المزرعة وصاروا يزينون بالبالونات ويرتبون الطاولة والكيكة والشموع
_____________________________

بيت ام شهد ( الساعة 6 المغرب )

كانت ام شهد تعبانه وجالسه ع الكنب وحرارتها مرتفعه وشهد تحاول تنزلها بالكمادات بس مافي فايده
شهد : ماماقومي اوديك المستشفى
ام شهد : لاانا بصير بخير
شهد بخوف وتقوم امها : يما قومي يلا
شهد قومت امها ولبستها العبايةوراحت اهي لبست عبايتها وركبت امها السيارة وطلبت من السواق يوديهم للمستشفى بعد دقايق وصلوا نزلت ونزلت امها واهي ساندتها على كتفها دخلتها لداخل وجاو الممرضات واخذوها لغرفة الطوارئ صارت تنتظرهم يطلعون بعد ربع ساعة طلع الدكتور وتوجهة له
شهد : ها دكتور طمني.؟
الدكتور : هي مريضة بالقلب .؟
شهد : أي ماما من زمان مريضة بالقلب .
الدكتور : المرض مآثر عليها مماخلاها تتعب كثير
شهد تصيح : دكتور يعني امي بتقوم بالسلامة .؟
الدكتور : مانقدر نعطيك آمل.. انتي ادعي لها والامر بيد الله " وراح "
اتصلت شهد على صديقتها ليان
شهد : ليون مرحبا
ليان : اهلين شوشو .؟
شهد : حبيبتي تقدرين تججين المستشفى ؟
ليان بخوف: خيير شصاير .؟
شهد :ماما تعبانة
ليان بشهقة : هـــــــــــ طيب دقايق واكون عندك " وسكرت "
اما شهد صارت تصيح على امها وتدعي لها
___________________________________

في المزرعة ( الساعة 7 الليل )

ولاء : بننات خلصصتووا .؟
زهرة : ايه خلاص خلصنا كلشي .
مي : يلا كل وحدة تلبس فستانها وانا بتصل على ابرار
سارة : ااووك
راحوا البنات يلبسون ويتجهزون ومي اتصلت على ابرار وخبرتها تجهز بيان ويجون المزرعة بعدها راحت تبدل بعد ربع ساعة جهزوا البنات وجلسوا في الصالة
عند بيان وابرار
ابرار : تكفيين والله موحلوهه يعني تشوفك صديقتها ببنطلون وبلوزة .
بيان : افف ابرار والله مابي البس فستان
ابرار : شنوو تكفين بيون عشاني .
بيان : اووك بلبسه عشانك .
راحت بيان ولبست الفستان وحطت لها مكياج خفيف بعدها نزلوا وراحوا مع السواق المزرعةدخلوا وكانت هدووء فصخوا عباياتهم وبعدها ابرار اعطت رنة لجوال مي وفصخت عبايتها وعدلت شكلها مسكت يد بيان ودخلوا الصالة
اشتغلت اغنيةHappy Birthday بعد ماخلصت البنات بصوت واحد
البنات : كل عام وانتـــــــــــــــــــــ ـــــــــــــــــــــــــ ــي بخييرر .
بيان بوناسه : وااااااو تسلموووون حبيباتي والله لايحرمني منكمم
حضنوها البنات وعطوها الهدايا .
بيان : يوووهه ببكي والله تسلمونن حبايبي انتوو الله يخليكم ليي .
ايمان : احم احمم يلا عاد لاتتغلين عليناا .
زهرة :هه خليها اليوم بس تتدلع
بيان بغرور مصطنع: اييه اكيد يحقلي داممه يوم ميلادي
مي : الا غريبة شهد ماجات .!
سارة : ايي والله
ابرار : مي اتصلي فيها .
مي : اوك
اتصلت مي على شهد وردت .
شهد بصوت مبحوح من البكي : هلاا .
مي :اهلين شوشو . كيفك .؟
شهد : هلابك . زينة .. اعذريني مي ماجيت اسفه .
مي : شهد شفيه صوتك
شهد : لامافيني شي بس تعبانه اشوي .
مي : اها ماتشوفين شر
شهد : الشر مايجيك حبي وان شاءا لله وقت ثاني اجيكم .
مي :اوك حبيبتي يعطيك العافيه وتشرفينا باي وقت
شهد : بعد عمري ماتقصرين . يلا باي " وقفلت "
سارة : شفيها ؟
مي : تعبانه
سارة : حرااااااااااااااااااااااا مم .
_________________________

نهاية البارت
توقعاتكم .؟؟

[لامارا]

البارت الثامن
__________________________________

في المستشفى ( الساعة 8:30 )

ليان تحضن شهد : خلاص حبيبتي والله مايفيد البكي .
شهد : ليان ماعندي غيرها لو بتروح وين انا بروح من بعدها .
ليان : حبيبتي لاتقولين كذا ان شاءالله بتقوم بالسلامة .
شهد من قلبها : اميين .
الدكتور : لوسمحت ممكن تتفضلي معاي المكتب .
شهد : طيب
راحوا شهد وليان المكتب مع الدكتور
الدكتور : فيه احتمال ان امك تدخل بغيبوبه بسبب المرض الي مآثر عليها
شهد : لااا دكتور تكفى قوول غير هالكلام
ليان : طيب دكتور ماتقدرون تسو ن شي ؟
الدكتور: مافي الا انكم تسوون لها عملية . ومثل مانتوا عارفين اكثرالعمليات تكون خارج السعودية .
شهد : دكتور الله يخليك لاتخليها تموووت .
ليان : شكرا دكتور " اخذت شهد وطلعت وراحوا بيت شهد دخلوا البيت وتوجهوا لغرفة شهد فصخوا عباياتهم وجلسوا على السرير
شهد:لينوو حبيبتي خلاص روحي بيتكم . مشان مايفقدوك اهلك
ليان :لاحبيبتي مارح اتحرك وراح انام معك .
شهد : بعدين اهلك رح يخافوا عليك بليز حبيبتي روحي انا مافيني شي لاتخافين
ليان : حتى لو انا كلمت ماما وبابا ورضيوا انام عندك .
شهد حضنتها وبكت وليان تحاول تخفف عنها .
شهد " كلله منيي انا امس دعيت ان يصير شي . اهه بس ياليت مادعيت هالدعوه .. الله يقومك بالسلامه يايمة وترجعين لي سالمة ياربب "
_______________________________________

يوم جديد ( عند سعود ) { الأثنين }

كان في سابع نومه والغرفة باردهه وظلمه خرب عليه نومته رنه الجوال صار يرن مره ومرتين وثلاث جلس سعود بكسل مسك الجوال ورد
سعود : هلا .
بدر : هلابك شفيك صار لي ساعة اتصل عليك ماتررد
سعود بنوم : نايمم . وانت دايم تخرب علي نومتي .؟
بدر : اقوول بس فز يلا وتعال
سعود : وين اجي .؟
بدر : لابالله رحنا وطي ... تحسب مافيه دووام انت ووجهك
سعود فز :اوك اوك بقوم "وسكر "
قام سعود وتروش وطلع لبس ثوب وشماغ احمر ولبس كبك وتعطر خذ مفاتيحه وبوكه
و نزل تحت وسلم على امه واخذ له كوفي وطلع ركب سيارته .
وصار يمشي بسرعة يبي يلحق على الدوام .
_____________________________________

عند وليد ( الساعة 9 الصباح )

كان جالس على مكتبه ويراجع الملفات وكان مشغول . فجأة رن جواله ورد
: مرحباا
وليد : اهلين .. .؟
: لوسمحت انت تقرب لـسعود ؟
وليد بخوف : ايه اخووي . ليه وش فيه .؟
: ياليت تتفضل في مستشفى الــ####
وليد وقف : خير شصايرر.؟
: اخوك صار له حادث والحين اهو بالمستشفى وياليت تتفضل " وسكر "
طلع وليد بسرعه وركب سيارته وتوجه للمستشفى بعد خمس دقايق وصل ونزل وراح للرسبنشن وسأله عن اسم المريض ورقم الغرفه . توجه للسلم الكهربائي وراح للدور الثالث وتوجه لجهة العناية المركزة وشاف الدكتور
وليد : دكتور بشرني عن حاله سعود ؟
الدكتور : سعود صار له حادث والمريض دخل في غيبوبة .
وليد بصدمة : غيبوبة .؟
الدكتور :ايه . ادعي له " وراح "
نزل وليد راسه بألم وخووف . خووف من ان سعود مايفوق من الغيبوبه خوف من انه يفقد اخوه .. خوف من انه كيف بيخبر اهله .." آآه ياسعوود الله يقومك بالسلامه "
دق وليد على بدر ورد
بدر: هلا والله وليدد . اسمعني تراا سعودووه ماجا الدوام ولازمم نعاقببهه فهمتت .!
وليد : ......................
بدر باستغراب : وليد شفيك .؟
وليد بحزن : سعود صار له حادث .!
بدر بخوف على صديق عمره : حــــــــــــــــــــــــ ـــــــــــــــــــــــــ ـــآآدث .؟
وليد :ايه الحين هو بالمستشفى
سكر بدر وتوجه للسيارة ركبها وتوجه للمستشفى واهو مو مصدق اللي سمعه وصل المستشفى بسلامم ونزل وتوجه لغرفة سعود . شاف وليد واقف توجه له
بدر : وليد من جدك انت ولاتمزح .
وليد : لاصج .. ودخل بغيبوبه
بدر من الصدمةموقادر يوقف . جلس على الارض ومسك راسه بيدينه .واهو يحاول يستوعب كلام وليد .
_____________________________________

بيت ام شهد ( الساعه 11 )

جلست ليان على صوت المنبه قامت دخلت الحمام وتروشت وطلعت لبست من ملابس شهد جينز اسود ماسك مع بلوزة فوشية رفعت شعرها ذيل حصان وتعطرت وراحت تصحي شهد الي على طوول صحت وقامت تتروش وتبدل
{ ليان عمرها 25 سنه ماتشتغل شعرها بوي وناعم واسود جسمها انحف من جسم شهد وطويلة . ملامحها حاده بشرتها برونزية .وصديقة شهد واقرب وحده لها }
نزلوا شهد وليان تحت وصاروا يفطرون .
شهد : لينوو . بنروح للماما اليوم .؟
ليان : اييه بنروح . حبيبتي شهد ادعي لها تقوم بالسلامة .
شهد من قلبها : آمييييييييييييينن يارب تقووم بالسلامه يارب .
ليان : انا خلصت اكل بقوم البس عبايتي وبجيب عبايتك .
شهد : اوووك .
قامت ليان وراحت تجيب عبايتها وعباية شهد خذتهم وخذت جوالها ودقت على امها
ليان : هلا ماما ............ الحمد لله انتي كيفك كيف البابا ونور .... هه اوووك بجي العصر . بس الحييننا بروح مع شهد المستشفى ............ لاماما الدكتور يقوول يمكن تدخل بغيبوبة بسبب المرض ..........آآهه بس الله يقومها بالسلامه ........ امين يمما ادعي لها بكل صلاة شهد والله حالتها تقطع القلب ....... ان شاء الله يلا باي " وسكرت ونزلت تحت لبسوا عباياتهم وركبوا مع السواق وتوجهوا للمستشفى
______________________________________

نهاية البارت
توووووقعاتكمم .؟
ايش راح يصير لأم شهد ؟
وسعود هل بيفوق من الغيبوبة اوو لا .؟
والاهم من هاذا كله ايش راح يصير في البارت الجاي ؟؟؟؟