آخر 10 مشاركات
|
| |||||||||||||
| مشاهدة نتائج الإستطلاع: وش رايكم بالرواية | |||
| ممتازه ورائعه تستحق القراءة |     | 70 | 58.33% |
| جيده جدا |    | 22 | 18.33% |
| جيده |    | 19 | 15.83% |
| ليست جيده |    | 9 | 7.50% |
| المصوتون: 120. أنت لم تصوت في هذا الإستطلاع | |||
 |
| | LinkBack | أدوات الموضوع | انواع عرض الموضوع |
25-01-16, 03:08 AM
| #12 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر 
|  الامل هو ذلك الخيط الأبيض الرفيع الذي يلوح في الأفق كلما أدلهم الخطب!! فأن فقدان هذا الخيط معاناه فقدان لامل """"البارت السادس """"" الوليد بمكتبه جالس يشيك على بعض الملفات دخل عليه فواز فواز :نعم طال عمرك بغيتني بشي الوليد :وش صار على الموضوع فواز ساكت لأنه ماسوى شي بالموضوع الوليد : ابيك تسأل عنها بكل حي كم لي مكلفك بهالامر فواز بكذب :طال عمرك دورنا بكل محل مالهم أثر صرخ الوليد :أنا قلت تطلعونها حتى لو من تحت الأرض فواز :ابشر وطلع من عنده وهو منقهر من الوليد الوليد جلس على الكرسي وهو يتنفس بسرعه ويكلم نفسه :دانه وينك اشتقت لك انا كل يوم أعد الساعه والدقيقة واليوم عشان اشوفك انا عايش على ذكراك يارب ساعدني والاقيها يارب رجعت فيه ذاكرته لمى كان عمره 12 سنه وهي 8 سنوات كانوا جالسين على المرجيحه الي بحديقة بيتهم جنب بعض ويتمرجحون الوليد :دندونه اذا فرقنا الزمان راح ادورك حتى القاك واذا كبرت ابي اتزوجك وتجين هنا عندنا ببيتنا انا ابي أكون لك وتكونين لي دانه استحت ودخلت يدها بين خصلات شعرها من تحت ورفعتها لفوق وابتسمت (هذي كانت حركت دانه اذا استحت ) الوليد يتكلم من جد :دندونه انا أحبك دانه قامت من على المرجيحه وقالت بصوتها الطفولي :وانا بعد أحبك وراحت تركض والوليد مازال يتمرجح وده لو يكبر بسرعه وياخذها معاه رجعت به الذاكره وإنتبه ل دمعته الي نزلت من شوقه لها مسحها بسرعه وأخذ الملف الي قدامه يبي يلهي نفسه فيه ~~~~~~~~ فيصل يناظرهم وهم مازالوا يناقزون ضحك :وبعدين معاكم ترا أهون جمانه انتبهت لنفسها وحكت رأسها من الاحراج :هههههه لا كله ولا تهون يلا انا الحين اروح البس عبايتي وناظرت لنواف :يلا نوافي تعال معاي خليني البسك نواف :تيب وراحوا بسرعه قبل لا يهون فيصل فيصل ناظرهم حتى راحوا :هههههههه وربي كأنها طفله متزوج لي طفله بعد 10 دقايق نزلت جمانه وهي لابسه عبايتها ونواف لابس :يلا خلصنا فيصل :يلا وطلعوا لأول مره سوا يفطرون برا وهم مبسوطين وجمانه تحسها طايره من الفرح لأن فيصل بيعاملها دوم كذا ~~~~~~~~ بمدرسة البنات وصلت أروى متأخره ودخلت الفصل كانت الحصة مبتديه من زمان الأستاذة تناظر ساعتها :أروى ليش جايه متأخره أروى تخاف من هذي الاستاذه و ترقع لنفسها :أستاذه تأااخرت لأن اخوي عيا لايقوم من النوم وانا من الصبح جاهزه الأستاذة :طيب يلا ادخلي بسرعه على مكانك بدأ الشرح من ربع ساعه دخلت أروى و نزلت شنطتها وجلست جنب أفنان أفنان تدق أروى بيدها وتهمس:اخوي عيا لايقوم والله اقص ايدي اذا مو انتي الي نايمه أروى بهمس :اشششش لا تسمعك أفنان ضحكت بصوت واطي :ليش تخافين منها الأستاذة بصوت عالي :وبعدين معاك انتي وياه انتبهوا لدرس أروى تأشر لافنان :طيب لك عم الهدوء بالفصل وخلصت الأستاذة الشرح وطلعت أروى اول ماطلعت :أووووف ماصدقت وهي تطلع هههههه وتناظر أفنان :يااختي هذي تخرع ديره وربي أخاف منها أفنان :ههههه اصلا دوم انتي خوافه وتذكرت شي :إلا أسيل غريبه غايبه اليوم مي من عوايدها أروى بقلق:ايوا الله والحين حتى إذا نبي نسأل عنها ماعندها جوال ولا ندل بيتهم يلا بكرا تجي ونعرف ليش غايبه أفنان :ايه صح ~~~~~~ رجع زياد غرفة آسيل اسيل جالسه تناظر بالفراغ تشوف كل شي اسود و تكلم نفسها :حسبي الله عليك يبه حسبي الله عليك انت السبب و تبكي زياد دخل وشافها تبكي قرب منها :اسمعي هذا قضاء وقدر وبعدين ليش تتحسبين على ابوك اسيل وهي تشاهق من البكا :تدري ليش اتحسب عليه لأنه هو الي باعني وخلاني اروح مع واحد غريب وكان بيعتدي علي وانا هربت وصار الي صار وتصرخ :شفت في ذمتك هذا ابو زياد :طيب اهدي ...اهدي اسيل مازالت تبكي زياد قرب بهدوء واعطاها ابره مهدئه وبعدها نامت زياد يناظركيف وجهها الملائكي وشكلها الصغير وكل هذا يسير لها معقوله في اب يسوي ببنته كذا جاء دكتور العيون وكشف عليها وبعدها طلع من عند اسيل الدكتور :تعال معي مكتبي يادكتور زياد عشان اشرح لك حالتها زياد هز رأسه ومشى مع الدكتور لمكتبه زياد :كيف عيونها يا دكتور عمر د.عمر :شكل الضربه أثرت على نظرها لا ن بعض الكدمات والضربات في العين تسبب تدهور في النظر وتنتج عن نزيف في العين ويمكن يستمر هذا النزيف لفترة طويلة ويمكن بعد زوال النزيف يرجع البصر سليما هذا إذا لم تصب الضربة بعض الأجزاء الحساسة للعين كعصب البصر أو الشبكية زياد :يعني أن شاء الله بترجع تشوف بدون تدخل للجراحة د.عمر :اذا ماتأثرت الشبكيه أو عصب البصر ف أن شاء الله خلال سنه يرجع بصرها بس بتدريج زياد :مشكور يادكتور عمر الحين طمنتني الحمدلله د.عمر :واجبي طلع زياد من عند الدكتور وراح لشغله وبعد ماتصحى اسيل بيخبرها ~~~~~~~~ بسيارة فيصل جمانه جالسه قدام ونواف بحضنها نواف يلعب بيد جمانه ويصفق :بابا ..زمانه ....ويضحك ببراءه وفيصل وجمانه يضحكون عليه سكتت جمانه وفيصل باقي يضحك على نواف جمانه ""ااااه يالبى ضحكته تجنن يارب اجعلها دووم ""وابتسمت فيصل :نوافي خلاص حبيبي اسكت عشان أجيب لك سياره نواف ببراءه :ابي سياله تبيرررره الوح أمسي زمانه وبس (ابي سياره كبيرررره اروح امشي جمانه وبس ) فيصل ضحك :ههههه جمانه بس وبابا لا نواف يهز راسه ويحط رأسه على صدر جمانه ويضمها :بس زمانه جمانه ضمته وباسته :فديت نوافي حبيبي فيصل في نفسه ""كيف خلت نواف يحبها كل هالحب وانا مو قادر حتى اتقبلها"" وصلوا للمطعم وقف فيصل والتفت شاف نواف نام بحظن جمانه ابتسم :يلا وصلنا ردت له الابتسامه جمانه وجات بتزل وهي شايله نواف فيصل :لحظه خليك انا باجي اشيله جمانه :طيب نزل فيصل وراح لها وأخذ نواف منها ونواف صحى دخلوا سوا المطعم وكان فخم جمانه كانت منبهره بالمطعم اول مره تروح مطاعم زي كذا فيصل شايل نواف بيده نواف :بابا ابي زمانه تسيلني فيصل ضحك :لا انا بشيلك دخلوا قسم العوائل وطلبوا فطور وجلسوا يفطرون ~~~~~~~~~ الملف في يده يفتحه ويقفله اصلنا مايدري وش فيه لأن فكره بعيد يتخيل لو أنه لقى دانه اكيد حياته راح تكون سعيده وراح تعوضه عن فقدانه لها كل السنين الي راحت دخل عليه فهد وماانتبه له فهد :الوليد .....الوليد الوليد مازال يفتح في الملف ويقفله ويبتسم فهد صرخ :وليدوه وصمخ وليد نقز:بسم الله الرحمن الرحيم ورفع رأسه شاف فهد :حسبي الله على ابليسك انت دايما كذا فهد ضحك :هههه انت ماينفع معاك إلا كذا بس فكرك بهالدانه هذي وهي ماهي عندك أجل لو لقيتها يمكن معاد تطلع من البيت ولانشوفك الوليد ابتسم :اكيد مدام معايا القمر مالي ومال النجوم فهد :من الحين صرنا النجوم وقرب منه وضربه على ظهره :قم بس قم انا عازم نفسي اليوم عندك على الغدا الوليد ضحك :ههههه وبعد عازم نفسك فهد : ههههه وابي أكل بيت ياأخي مليت من المطاعم انت عارف محد عندي بالبيت الوليد :وراك ماتتزوج وترتاح من الوحدة فهد ابتسم واشر على قلبه :قل لهذا مو راضي يلاقي الي يبيه الوليد :أمش بس انت وقلبك هذا الي مابقى وحده ومادخلته هههههههه فهد :والله على كثر الي اكلمهم ولا وحده دخلته وضحك :شفت كيف قلبي اختياره صعب طلع الوليد من مكتبة والتفت ل فهد :اقول امشي ياصعب ورفع يده يدعي :يارب انك ترزق فهيد بوحدة تدخل قلبه من أول نظره وتعذبه بحبها فهد :هههههه لا عاد انا ما أومن بالحب من أول نظره الوليد ضحك ومشى وفهد معاه ~~~~~~~~ بالمدرسة أفنان واروى واقفين برا بساحة المدرسه منتظرين متى يطلعون أروى وهي ماسكه الكتاب وتهوي على نفسها وعلى أفنان :أووووف حر موت الحين ليش مايفتحون الباب يخلونا نطلع أفنان :ايوا الله إلا ماقلتي لي مين جاي لك لاني برجع معاك ابوي اليوم مشغول وقال خلي الي يوصل أروى يوصلك أروى ابتسمت :مين غير زيود أفنان بدأ قلبها يدق بمجرد سماع اسمه .................. أروى تناظر أفنان وهي بعالم ثاني وتكلمت :هيييييه يالاخت افنان :هاه اروى تقلدها :هاه ....... امممم ماقلتي لي اي زيود 1 ولا 2 أفنان :هههههه يلا قولي من 1 ومن 2 أروى :الله يسلمك 1 هو زياد لأنه طلع قبل زايد ب3 دقايق وزايد 2 أفنان :هههههه وش 3دقايق يقال ان زياد أكبر من زايد أروى :ايه أفنان :ههههههههه أروى ضحكت :أفنان يلا فتحوا الباب الحين تلاقين زايد واقف برا أفنان تغطت بشيلتها وطلعت مع أروى اول ماطلعوا شافوا زايد لابس نظاره شمسيه و متسند على سيارته ومنتظر أروى أفنان تناظر زايد ماقدرت تنزل عيونها من عليه كان وسيم لأبعد الحدود زايد اول ماشافهم يقربون منه عرف أروى والثانيه عرفها كيف مايعرفها وهي حبه ابتسم يوم شاف أفنان حس قلبه يدق عدل وقفته وفتح لهم باب السياره أروى :اهلين زيود اوووه اليوم متكرم وفاتح لي الباب زايد همس لها بأذنها :لاتصدقين نفسك فاتح لفني اركبي بس أفنان سمعته لأنها كانت واقفه جنب أروى واستحت أروى قرصته :طيب لك كنت احسبك فاتح لي الباب اثاريك فاتح لست أفنان زايد :اااااي اركبي بس ركبت أروى وهي تتحلطم وافنان كاتمه ضحكتها اول ماركبت تكلم زايد وهو يعدل المرايه عليها :افنان وشلونك أفنان :هلا زايد بخير وانت وشلونك زايد في نفسه ""لبى هالصوت "" :الحمدلله بخير دام فني بخير أفنان ابتسمت :جعله دوووم يارب أروى بقهر :الله لنا وتقلد زايد أفنان وشلونك واخته نسي حتى مايسألها وش اخبارها زايد:هههههه وش لي فيك مدام فني معي وبعدين الصبح وانتي معي أفنان تدق أروى وهي تضحك بصوت واطي : غايره هاه أروى قرصت أفنان :وانتي عاجبك الحال أفنان بهمس:ايه بعد لحظات وصلوا لبيت عمهم أفنان قبل ماتنزل :مشكور زايد تعبتك معي زايد ابتسم حتى بانت غمازته:تعبك راحه أفنان :تسلم وراحت وهي قلبها عند زايد وزايد جلس يناظرها حتى دخلت البيت وهو مازال يناظر محلها أروى ضحكت :ههههه زيود الله يخلف عليك امشي البنت دخلت من زمان زايد ضحك وحرك السياره لبيتهم وهو يفكر انه يقول ل أفنان انه يحبها ~~~~~~~~ طلع من الشركه وهو مقهور ومعه صديقه مازن يمشون لموقف السيارت فواز :ياخي هذا الإنسان متكبر مازن :يحق له شركة ابوه فواز بحقد:هه شركة ابوه ماجاء من وراها إلا الهم مازن :وش قصدك فواز :ولا شي خليني اروح ادور العنوان لزفت وليدوه مازن :لاحول مدري ليش ماتطيقه فواز :كذا مااحبه مازن فتح باب سيارته وركب :سلام فواز :سلام وركب سيارته وحركها انتهى البارت ............. توقعاتكم ............... | ||||||||||||
|  |
|
30-01-16, 05:38 PM
| #14 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
|  الزمن يفرض سؤاله كل أجابته محال السعادة شيئ واضح ولا من وحي الخيالx كلنا محد سلم من تعاسه أو الم بس من هو اللي فينا من وسط قلبه أبتسمx أنا مو قصدي تشاؤم ولابجراحك أساهم أنا من قلبي أحاول ألقى بس إنسان فاهم """البارت السابع """ بالمستشفى ام غلا حاطه يدها على رأس دانه وتمسح عليه وتقرأ عليها دانه تسمع صوت حنون يقرأ قرآن حاولت تفتح عيونها بس ماقدرت حاولت إلا أن رمشت بعيونها ام غلا انتبهت لها وحطت القرآن ومسكت يدها :يابنتي تسمعيني دانه فتحت عيونها بتعب :ابي مويا ام غلا قامت بسرعه وجابت لها مويا وشربتها دانه رجعت غمضت عيونها ام غلا :الحمد لله لك يارب وراحت بسرعه تبشر أبو غلا طلعت برا شافت أبو غلا جالس على الكرسي أم غلا بفرح :البشارة ياابو غلا أبو غلا ابتسم :البنت صحت صح ام غلا :ايه صحت الحمدلله وقالت تبي مويا واعطيتها أبو غلا بفرح :أجل انا رايح أنادي الدكتور يشوفها ويطمنا عليها ~~~~~~~~~ بجهه ثانيه بالمستشفى زياد دخل على اسيل شافها نايمه حس بالذنب هو السبب بفقدان نظرها جلس قريب منها جلس يتأمل ملامحها اعجبته حيل حس أن هذي البنت مظلومة مد يده بتردد وحطها على رأسها يمسح عليه اسيل كانت صاحيه بس مغمضه عيونها حست بيد دافيه على رأسها حست بالحنان تكلمت وهي مغمضه عيونها :كم مرة تمنيت ابوي يجي يمسح على راسي مثلك زياد بهدوء:انتي صاحيه اسيل :............... زياد:طيب ليش مغمضه عيونك اسيل فتحت عيونها وبدت دموعها تنزل :لاني مغمضه ولا مفتحه نفس الشي مااشوف دكتور ممكن أكون عمياء طول عمري زياد ابتسم :اول شي ناديني زياد مو دكتور وثاني شي انا جاي ابشرك أن أن شاء الله خلال سنه او اقل راح تقدرين ترجعين تشوفين بالتدريج ويرجع نظرك بدون تدخل جراحه اسيل ابتسمت ومسحت دموعها :صدق زياد ابتسم لابتسامتها:ايه صدق أسيل :مشكور دكتور زياد زياد :هاه ايش قلت انا ...زياد بدون دكتور اسيل ضحكت :زياد زياد خق على ضحكتها وفي نفسه ""فديت هالضحكه "" وبعدين انتبه لنفسه ""هههههه وش فيك يا زياد صرت تتفادا البنت وانت مالك حتى يومين من شفتها "" ابتسم على تفكيره وقام :أنا رايح تامرين على شي أسيل :سلامتك ~~~~~~~~ دخل الوليد ومعه فهد بيتهم الوليد :ياهلا والله ..... يالله أن تحيي فهيد ويضربه على ظهره فهد ضحك: ههههه الله يحييك ياخي وراك عنيف كذا كسرت ظهري الوليد :هههههه تعلمت منك ادخل بس .... دخل فهد بيت الشعر وبعدها حطوا الغداء وتغدوا وبعد الغدا راحوا الوليد وفهد المجلس ♧ ~~~~~~ أروى بعد مارجعت من المدرسه تغدت وغيرت ملابسها لبست بنطلون اسود وبلوزه سواد وطالعه تجنن عليها ولابسه طوق قامت تدور تبي الشريط حق الفلم الهندي بس مالقته راحت لمنار أروى :مناروه ابي الفلم الهندي ألي أمس تفرجتي له منار جالسه تبرد اظافرها :تلاقينه بالمجلس أروى حطت سماعاتها بأذنها وراحت تتمشى بالحديقه وتغني والهواء يحرك شعرها دخلت المجلس وهي تكلم نفسها :اممم وينه الفلم الهندي ألي ابيه ياربي كله من مناروه تتفرج ولاترجعه محله يمكن يكون ب الدولاب فتحت الدولاب الخاص ب الأشرطة :اوووف وين بيروح هذا لا لا يمكن هذا قلبت الشريط ونقزت :يس يس لقيته هو كان يطالعها وهو مبتسم معقوله ماانتبهت لي ناظرها وقال :كل هذا الفرح عشان شريط أروى سمعت أحد يكلمها ضنت انه زايد التفت :وانت وش دخل......... انلجم لسانها لم شافت رجال غريب وجات ب تهرب إلا وهي تسمع الوليد بيدخل ويتكلم :ياهلا والله ب فهد فهد من سمع صوت الوليد ارتبك ونزل رأسه دخل الوليد وفهد رفع راسه وجلس يناظر وين راحت مانتبه وين راحت اروى قبل لايدخل الوليد جلست تحوس وش تسوي وين تروح لو يشوفها الوليد بيذبحها في كنبه كبيره جنب الكنبه الي فهد جالس عليها فيها فراغ وراها دخلت وراها وهي قلبها يدق بسرعه من الخوف :ياربي وش هالورطه جلس الوليد وشاف فهد مو معاه :وين يالاخو فهد :هاه الوليد يقلده:هاااه وصب له القهوه :اليوم نبي نسهر سوا مافي رجعه للبيت بدري أروى بنفسها :ياويلي يسهرون وانا هنا أروى طلعت يدها من جهة فهد وتأشر له بيدها يعني روح وفهد توه ينتبه لها وابتسم يبي يعاندها :هههههه ايه نسهر حتى الفجر زي اول الوليد : الحين أدق على زياد وزايد وحمد عشان يجون بعد المغرب أروى تكلم نفسها :ياحبيبي على كذا رحت فيها وبدت دموعها تنزل من الخوف بعد ساعه وهم سواليف فهد حن على البنت :الوليد الوليد :هلا فهد :اذا ماعليك أمر ابيك تجيب لي مويا الوليد قام :ابشر وراح اول ماطلع الوليد أروى طلعت ووجها احمر من البكا وهي تمسح دموعها ناظرت ل فهد :قليل أدب المفروض تطلع من أول ماشفتني فهد قام وقرب منها وهو يناظرها :اقول روحي بس قبل لايجي اخوك أروى منقهره منه أعطته كف بكل قوتها وطلعت وهي تبكي فهد منصدم من الكف ووقف محله وحط يده مكان الكف دخل الوليد وهو باقي واقف مكانه :فهد وش فيك فهد نزل يده:استاذنك تذكرت عندي موعد مهم الوليد :لا تقول فهد :خيرها بغيرها يلا في أمان الله الوليد :طيب اجلس شوي فهد :مره ثانيه قام الوليد معاه لبرا اما أروى اول ماطلعت حطت يدها على قلبها وهي تبكي ماتدري كيف جاتها القوه وضربته كف بس من الخوف وبعد هو يستاهل جالس يناظرني ماكأنه حرام عليه قابلت زايد بالحديقه وهي تركض زايد :أروى أروى مرت من عنده ولاكأنها شافته وعلى طول طلعت غرفتها قبل لأحد ثاني يشوفها زايد ضرب يدينه ببعض وهو يمشي رايح لشباب وش فيها هذي الوليد سمعه :مين هذي زايد :أروى مرت من جنبي طايره وشكلها تبكي الوليد :هههه تلاقيها شايفة فلم هندي يحزن وكالعادة تبكي عليه فهد مستمع ""عرف أن الي شافها أروى "" فهد :يلا شباب توصون على شي الشباب :سلامتك ركب فهد السياره وهو فكره مع أروى ~~~~~~~~ بغرفة منار فاتحه كتابها ياربي من وين ابدا اذاكر أوووووف حاولت تذاكر فتحته مالها نفس تذاكر ابد رمت كتابها وأخذت جوالها يمكن اذا سمعت صوته تقدر تذاكر من اول رنة رد بصوته الي تعشقه منار حمد:مساء الشوق مساء الحب مساء مايليق الا في مناري منار بخجل: حمد خلاص عاد خف شوي علي ترى مااتحمل هالحب حمد: اجل لو اكشفلك اللي بقلبي واخليه يبان ويش تقولين منار: في اكثر من كذا جعلي ماانحرم منك حمد انت عشقي احبك حمد بضحكه من قلب: من اللي مايقوى ذحين على حب الثانيx انتي يا مناري لو تفارقيني دقيقه انتهي انا اتنفسك اعيشك يلا مناري ابيك تجيبين الشهاده الزينه كم لي منتظر هالسنين اللي راحت ترى نفذ كل صبريx على بعدك منار وبدلع يذوب حمد :واذا قلت لك انتظر سنه وحده حمد بنفس طريقة كلامها: اقولك تحلمين لاني مشتتتاااااق وما عاد اقوى على بعدك منار : حبيبي ابي اذاكر الحين بس قبل لا تقفل ابيك تغني ليx حمد :ابشري كم عندي منار منار بدلع :وحده حمد :فديتها هالوحده وبدأ يغني بصوته الجميل اللي تميزه البحه: كل يوم ابارك قلبي فيك واهنيه على وجودك في حياتي والأيام كبير حبي لك وياكيف ابحصيه وانا اعشقك في كل ساعه مية عام احساسي لك اجمل من اني اوفيه روضة مشاعري بين روحي والانسام اسمك على سمعي اذا مر طاريه كأني بشعور المرتوي عقب الصيام بعد ماخلص منار جلست ساكته شوي حمد : مناري وين رحتي ؟؟ منار:احبك والله احبك حمد :بس انا اعشقك يلا روحي انا راح اقفل الحين وانتي ذاكري ونامي بدري عشان بكره تكونين رايقه منار:من عيوني انتبه على نفسك عشان حبيبتك واذا جيت تنام تغطى زين خلاص حمد :من عيوني وبخبث عقبال ماتسوينها انتي بنفسك منار بحيا :حموووودي حمد:ههههه خلاص ايش قلنا بس عشان تكونين متطمنه على حبيبك منار ابتسمت :يلا امشيها بكيفي حمد :احلفي منار :والله حمد:طيب دلوعتي ركزي بكره وجيبي هالشهاده وحلي عقدتي منار :طيب يلا يالغلا مع السلامه حمد :مع السلامه يادنيتي قفلت منار وهي مبتسمه ومسكت كتابها وتنفست براحه :اااااااه الحين اقدر اذاكر ~~~~~~~~ فيصل واقف بصالة و ينادي :جمانه جمانه جمانه سمعته وطلعت من غرفتها هي ونواف فيصل ابتسم يوم شافهم سوا جمانه :هلا فيصل متى جيت فيصل :هلابك ..توني جاي وفتح يده لنواف نواف راح يركض ل ابوه وضمه فيصل يطلع من وراه كيس حلاوه :وهذي لنوافي نواف بأس خد ابوه :ياثلام هذي لي ولزمانه صح بابا فيصل :هههههه صح يا احلى نوافي ونزله:يلا روح البس عشان بوديك مكان من زمان مارحناه نواف :تيب فيصل ناظر جمانه:اذا ماعليك أمر ابيك تلبسينه جمانه ابتسمت :ابشر وناظرت نواف :يلا نوافي البسك عشان تروح مع بابا نواف راح وهو مبسوط ويأكل حلاوه ~~~~~~ أروى رجعت غرفتها طيران وهي تحس قلبها بيوقف مسحت دموعها وجلست على سريرها وهي بعالم ثاني ""ياربي كيف جاتني القوه اضربه""" وبعدها ضحكت :هههههههههههه سمعت جوالها يرن شافته أفنان يتصل بك ردت وهي تضحك أفنان :الله الله أروى ترد وهي تضحك وش صاير أروى :ههههه الواحد يسلم وبعدين يسأل أفنان :ايه صح ...وش اخبارك اروى :اااه أفنان ضربته أفنان :ضربتي مين هههههه وبعدين أروى تضرب أحد ما اتوقع أروى :هههههه وربي ضربته كف بس هو استفزني أفنان :لا اليوم شكلك مصخنه تكلمي زي الناس مو بالألغاز أروى حكت لها كل السالفه أفنان :هههههههههههههه من جدك تتكلمين أروى :والله مدري كيف جاتني القوه أفنان :يستاهل أروى :بس يجنن ياافنان كأنه سلمان خان واحلى بعد أفنان :اهاه يمكن من الصدمه انه يشبه له ضربتيه كف أروى :أفنان بلا سخافة أفنان :خلاص طيب الحين بسكت بس اذا شفتك لي تفاهم ثاني وتكلمت بجد :أروى انا دقيت عليك مالاحظتي أن اسيل ماجات أخاف أن ابوها مسوي لها شي حتى مو بالعاده تغيب واذا غابت أختها تدق وتشوف وش اخذوا أروى بقلق :والله ماأدري اقلقتيني ياافنان أفنان :ننتظر بكره أن شاء الله تجي اروى:ان شاء الله انتهى البارت. .............. توقعاتكم ............. دانه وش راح يسير معاه ومع العائله الجديده ؟ الوليد راح يلقاها ولا ؟ زياد هل هو بدا يحب اسيل ولا شفقه ؟ فهد واروى هل الموقف هذا بيكون بداية لهم ؟ انتظروني ............. 😚😚Ts_011: | ||||||||||||
|
| |
|
08-02-16, 07:08 AM
| #15 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| السلام عليكم ورحمة الله وبركاته اعتذر عن التأخير. ........... """"""""""""""""""""""""" يــــا فــــــلان اشتاق اليكx فماذا افعل وانت بعيد؟؟؟؟؟ كم تغمرنى أحضان طيفك عندما أغمض عيناى وعندما افتح عيناى لم اراك يجن جنونىx وابحث عنك بكل مكانx ها انا اسير بطريق كنا نسير فيه معاً ""البارت الثامن "" دخل فهد البيت كالعاده محد يستقبله ولا فيه حياة مشى لصالة وجلس على الكنبه وهو يتنهد :اااااه وبعدها ابتسم وهو يحط يده على خده :هههههه هذا كف ههههههه هذي لمسه مو كف ياحليلك يا أروى غمض عيونه وهو يشوف أروى بعينه وهي تبكي كأنها طفله وواضح عليها الخوف فتح عيونه لما سمع صوت الجرس عقد حواجبه :مين جايني غريبه وقام للباب يبي يفتحه اول مافتحه توسعت ابتسامته :عمووووو وجاه ركض فهد فتح يدينه وشأله :هلا بروووح عمو ويسلم عليه :وشلونك اشتقت لك والله كبرت يانوافي وصرت رجال نواف:ايه انا سلت رزال زي بابا ثح (ايه أنا صرت رجال زي بابا صح ) فهد :صح ياروح عمك فيصل متكتف :الله لنا من شفت نواف حتى ماسلمت علي فهد:ههههه وراح له وسلم عليه وضمه :اشتقت لك يااخوي وينك ليش قاطع فيصل :قاطع انا ولا انت فهد :انت عارف انك توك متزوج واستحي اجي فيصل :مو عذر فهد ضحك :طيب يلا ادخلوا ولا تبونا نسولف عند الباب فيصل ضحك :يلا فهد جلس وبحظنه نواف وهو يبوسه :اليوم نواف ماراح يرجع معك فيصل :لا انا مااقدر على بعد نوافي صح نوافي نواف وهو يبوس فهد :لا انا ابي ازلس عند عمووووو فهد فيصل :ههههههههه الحين يوم شفت فهد مابغيتني فهد ضحك :شفت يبيني بكره اجيبه لك فيصل :اممم أفكر إلا ماقلت لي وشلونك يااخوي فهد :تمام ماشي الحال من الشغل للبيت ومن البيت لشغل هذا حالي فيصل :وراك ماتتزوج وترتاح من الوحدة الي انت عايش فيها فهد مايدري ليش خطرت على باله اروى و ابتسم :قريب إن شاء الله ~~~~~~~~~ بالمستشفى دانه فتحت عيونها مره ثانيه وتحس نفسها مي مركزه زين ناظرت للحرمه الي جنبها وتكلمت :أنتي مين ام غلا قربت منها ومسكت يدها :يابنتي انا اعتبريني بحسبة أمك دانه جلست وحط يدها على رأسها وعقدت حواجبها مما يدل على تألمها :ااااااه احس ب صداع فضيع ااااااه ام غلا قربت بخوف: الحين أنادي الدكتور يشوفك بعد لحظات جاء الدكتور وكشف عليها :وش تحسين فيه دانه بتعب :احس ب صداع وذهني مشوش الدكتور :طيب وش اسمك دانه :اااا...اسمي دانه ........... الدكتور :دانه مين دانه تغمض عيونها وبمراره :دانه عمار ال.......... الدكتور :طيب متذكره وش صار دانه وهي تمسك على رأسها ومنظر الحريق بعيونها وبدت تبكي :ايه أذكر نار وحريق وووو................. معاد قدرت تكمل وبكت بحرقه الدكتور :اهدي ..طيب اهدي ام غلا ضمت دانه :خلاص يابنتي خلاص الدكتور :ماتشوف شر أن شاء الله بس نفسيتها تعبانه شوي بسبب الي صار راح اكتب لها خروج اليوم وطلع ....... دانه باقي ضامه ام غلا بقوه وتتكلم وهي تبكي :خالتي الحين وين اروح من لي كل اهلي راحوا ما عندي الا اخت متزوجه ومااعرف وين ساكنة ولا أعرف لها رقم حتى اسم زوجها مااعرف إلا أن اسمه فيصل وبس اااااه ...هههييه ااااهييييي...... ام غلا وهي تمسح على شعرها :بس يابنتي لاتبكين قطعتي قلبي دانه ببكا :ماأدري وين اروح ام غلا :بتروحين معي يابنتي دانه ودموعها تنزل :خالتي بس .... ام غلا قاطعتها :لابس ولا شي وبعدين ماابي اسمع كلمة خالتي ابيك تقولين لي يمه دانه مسحت دموعها واكتفت بالسكوت ام غلا ابتسمت وباست دانه :فديتك ~~~~~~~~ في غرفته بعد ماشرب علاجه سادح ومتغطي ويحس الألم يزيد عليه يحس بنغزات توجعه أكثر من العاده أخذ نفس شهيق وزفير عشان يخف عليه شوي بس نفس الشي ماخف قام بصعوبه ولبس وطلع نزل تحت شافته أمه وهو طالع ام الوليد شافته :زايد يمه وين رايح زايد يبي يخفي التعب ماوده أمه تنتبه له ابتسم :يمه مواعد واحد من الشباب بروح له أمه :الله يحفظك يمه طلع زايد وهو يالله يتنفس ركب سيارته بصعوبه وظاغط على قلبه بقوه وهو يتألم ويتنفس بصعوبه :اااااااه ....ااااااااخ... يااااربي رحمتك نزل راسه على الدركسون وهو مازال يتألم بعد ربع ساعه من الالم حس أن الألم خف شوي شغل السياره وراح المستشفى بس مستشفى غير المستشفى الي يشتغل فيه زياد مايبي يشغلهم عليه راح على طول ودخل عند الدكتور الي دايما يروح له بعد الكشف أعطاه الدكتور أبره تخفف الألم قام زايد وهو يعدل تيشيرته وجلس على الكرسي والدكتور جلس الدكتور :اسمع يااخ زايد مااخفيك حالتك صارت بالمراحل الأخيره يعني بمرحله متطوره واذا ماسويت العمليه خلال ثلاث شهور لاسمح الله يمكن يتوقف القلب عن العمل وطبعا هالشي يؤدي إلى الوفاة زايد نزل رأسه و تنهد :وكم نسبة نجاح العمليه الدكتور :نسبتها 50 بالميه بس ان شاء الله تنجح انت خلي أملك بالله كبير زايد :50 بالميه بس الدكتور :راح اعطيك شهر تفكر وتأخذ قرارك وتستخير بس لاتتاخر أكثر من كذا لأن لو جلست أكثر حالتك راح تسوء أكثر زايد قام وهو مهموم :مشكور يادكتور الله يعطيك العافيه طلع من عند الدكتور ودمعته بعينه ممكن يموت ويترك أهله امه وابوه وأخوانه وخواته توأمه ......... كيف بيكون حال احبابه تذكر أفنان حبه من الطفوله الي حبها من كل قلبه معقوله يموت وهو حتى مااعترف لها بحبه جلس على كرسي بالانتظار ودموعه تنزل ويتكلم بنفسه ""كنت اتمنى اني اتزوج أفنان ونجيب عيال وأشوفهم يكبرون قدام عيني ونعيش حياة سعيده بس شكل حلمي ماراح يتحقق """ انتبه لواحد حط يده على كتف زايد وتكلم :وش فيك يا ولدي زايد رفع راسه وشاف واحد كبير بالسن حب يفضفض لهذا الشايب الي بقلبه لعله يخفف عنه شوي وقاله كل شي الشايب ابتسم وقال:قل مايصيبنا إلا ماكتب الله لنا خلي إيمانك بلله قوي ياولدي توكل على الله فمن توكل على الله فهو حسبه زايد مسح دموعه وابتسم لشايب :جزاك الله خير ياعمي وقام عنه الشايب :الله يشفيك ياولدي زايد :امين وطلع وهو يحس ان هالشايب خفف عنه شوي وتوجه للبيت يبي يرتاح ~~~~~~~ زياد بمكتبه جالس اليوم عنده مناوبه بليل يحسه طفشان ماحس بنفسه إلا وهو واقف قدام غرفة آسيل دق الباب ودخل اسيل كانت ترتجف وتبكي وجالسه وضامه رأسها بين رجلها دخل زياد ولمى شافها كذا تقدم منها بخوف :اسيل وش فيك اسيل لمى سمعت صوته وحست بنبرة الخوف فيه زادت دموعها زياد جلس على طرف السرير وبحنان :آسيل في شي مضايق اسيل رجعت لقبل خمس دقايق قبل لايدخل زياد دخلت عندها ممرضة وقربت منها :انتي آسيل آسيل:هلا ايه انا اسيل الممرضه قربت منها وضحكت بشر :ههههه أبو عادل يسلم عليك ويقول باقي ماصفا حسابه معاك يا.... يا... بنت عمار اسيل بخوف :مين انتي الممرضه :أنا من طرف ابو عادل وترا كل تحركاتك مراقبه ايه ونسيت قبل مااطلع اقولك لاتحطين زياد ببالك ههههههه تسمعين ي العمياء اسيل حست بجسمها رجفه من الخوف """أبو عادل حسبي الله عليك وعلى من كان السبب ياربي وش اسوي انا اقول لزياد لا أخاف انه ينضر شكل أبو عادل ماهو بسهل""" رجعت للواقع على لمسة يد زياد زياد: آسيل لاتخبين علي مو اتفقنا انك ماتخفين عني شي أسيل بصوت باكي :زياااد زياد بحنان و بلا شعور :عيونه اسيل حست بحنان صوته :زياااااااد تكفى لا تخليني وانا بأمس الحاجة لك زياد قرب منها أكثر ومسك يدها :آسيل توافقين تتزوجيني آسيل تفاجات من طلبه سكتت تبي تستوعب الي قاله :............... زياد :أنا عارف اني فجأتك اسيل :بس .......... زياد حط يده على شفايفها :لا بس ولاشي انا بتزوجك عشان احميك من ابوك وغيره ولاتنسين اني السبب بالي صار لك أسيل """"معقوله يبي يتزوجني عشان هالسبب بس يمكن تكون العيشه أهون من اني ارجع بيت ابوي لاني مهما جلست هنا مصيري ارجع """" وبدون تردد:زياد انا موافقه زياد: أجل خلاص ارتب اموري ونروح للمحكمه اوكيه اسوله اسيل ابتسمت :اوكيه بعد لحظات رجعت الممرضه شكل عندها باقي كلام دخلت عندها الممرضه ندى وشافت زياد عندها انقهرت زوود :أهلين زياد زياد من غير نفس :لو سمحتي الدكتور زياد وبعدين وش بغيتي ندى بإرتباك :آآآ شكلي دخلت الغرفه الغلط وطلعت بسرعه اسيل عرفت من صوتها أنها الممرضه الي جاتها قبل شوي ~~~~~~~~ بعد ماطلع أخوه وترك نواف عنده فهد :امممم والحين يانوافي وش تبينا نسوي نواف بابتسامه:نلعب بلاستيثن فهد :هههههه بلاستيشن مو بلاستيثن نواف بزعل :مااعرف اقول حتى زمانه دايما تعلمني أقولها صح فهد ضحك :ومين زمانه هذي نواف ببراءه :زمانه الي ببيتنا هي حلوووه مله وتحبني فهد :هههههههه وانا اشوف ابوك وافق انك تجلس عندي اليوم بسرعه شكل زمانه لحست مخه نواف ضحك ومايدري و ش السالفه :اثلا هي تنام بعرفه وبابا بعرفه فهد فهم كلامه """"الله يعينك يااخوي يعني متى راح تنسى غدير مر على موتها ثلاث سنوات وهو مازال زي ماهو أخاف انه يظلم البنت معه """" صحى على صوت نواف :عمووووو يلا قوم فهد ابتسم له وشأله وهو يدغدغه ونواف يضحك :هههههههه حلاث ههههههههه فههههود ههههههههه فهد :هههههه وبعد فهووود والله وصرت تتكلم يانوافي نواف وهو يضحك :اعزبك فهد تركه وهو يضحك : هههههه تعجبني ونص ...يلا نروح نلعب نواف بفرحه :ايه ~~~~~~~~ كانت مسنده رأسها على شباك السياره وتناظر الناس والسيارات نزلت منها دمعه دمعه على حالها شي صعب انك تفقد أهلك بلحظه صح أن ابوها مايعاملهم زين بس مهما كان هذا ابوها تذكرت وشلون اسيل اذا رجعت من المدرسه تجلس تسولف على رأسها حتى تصدعه وجمانه الي ماتدري حتى وين ساكنة قطع سرحانها صوت ام غلا :دانه حبيبتي دانه ناظرتها:هلا ام غلا :وصلنا هذا بيتنا دانه رفعت راسها وهي تناظر البيت بأعجاب كان بقمة الفخامة مدخله كبير ومزخرف بشكل رهيب انفتح الباب ومشت السياره وهي تطالع كيف الاشجار والزرع والوروود الي مزروعة بطريقه جذابة ولفت السياره بالدوار الي موجود قدام القصر دانه انبهرت بجمال القصر ام غلا نزلت وفتحت لها الباب :تفضلي يا بنتي تو مانور البيت دانه نزلت :تسلمين ياخاله ام غلا :وش قلنا دانه ضحكت واكتفت بالسكوت أبو غلا تكلم بحنان : البيت بيتك يابنتي وانتي من اليوم ورايح نعدك مثل بنتنا غلا دانه بإبتسامة :تسلم لي أبو غلا يضحك :هههه شكلنا بنقضيها سواليف عند الباب ام غلا ضحكت ودخلوا وهم يسلفون على رأس دانه يبون يبعدون عنها الحزن وام غلا طلبت من دانه تكشف على أبو غلا لأنه كبير بالسن وبحسبة ابوها ودانه وافقت بس تتحجب عنه ~~~~~~~ رجع البيت متاخر فتح الباب ودخل شاف المكان مظلم والدنيا هدوء تقدم بخطوات ومر من الصاله شافها سادحه على الكنبه قرب منها جذبه شكلها الطفولي كان شعرها مفتوح ومتناثر على وجهها وبجامتها الطفولية الي كلها رسومات هلوكتي قرب منها وجلس جنبها وتكلم :صراحه هالبنت عجيبه كيف قدرت لقلب نواف وتنهد : بس ماراح تقدرين على قلبي لأن الوحيده الي تسكنه غدير جمانه ماكانت نايمه يوم سمعت صوت الباب سوت نفسها نايمه كانت تبي تشوف وش يسوي سمغت كلامه حست كلماته مثل الخنجر بقلبها ""ماراح يحبني بس انا انا حبيته من شفته وقلبي مادق إلا له رغم معاملته القاسية إلا أنه تملك قلبي"" فيصل باعد شعرها عن وجهها وشاف وشلون هالبنت بريئه ماقاوم جمالها وبرأتها طبع بوسه على خدها الناعم وقام عنها وهو مو عارف ليش سوا كذا جاب لها لحاف وغطاها وراح لغرفته جمانه بعد ماحست فيه أنه راح فتحت عيونها وهي مو مصدقه معقوله فيصل يبوسني حطت يدها على خدها وهي تهز راسها :لا لا شكلي احلم ~~~~~~~~ بغرفة الرسم الخاصه فيه جالس بين اللوح وباله بلوحة وحده حاطها قبالة ويفكر كيف ملامح وجهها ناظر للعيون الي رسمها تمنى لو تتحول الصوره لحقيقة ويشوفها وتلتقي عيونه بعيونها تنهد الوليد :جاء الفرج ي الوليد معاد باقي شي وتلاقيها ااااه يا دانه قلبي متشوق للقاك تذكر وشلون كانوا لمى يلتقون بعد المدرسه مره ببيتهم ومره ببيت أهلها واذا جاء الليل ويبي شي منها يصفر وتطلع له من شباكها وبعض الأحيان يجلسون سواليف من الشباك عن طريق الورق هي تكتب له وتسويه على شكل طياره وترميه له وهو بعد نفس الشي ابتسم لمى تذكر طيارتها المقلوبه وغمض عيونه ................ الوليد كتب لها بورقة ورماها :هههههه دندونه ليش طيارتك دايما مقلوبه دانه رسمت له وجه يضحك وبعدها كتبت :حلوة مو الوليد رجع كتب لها :هههههه اقولك مقلوبة تقولين حلوة دانه رجعت كتبت ورسمت وجه مغرور ورمتها عليه :ايه حلوه اصلنا أي شي تسويه الدانه حلوو الوليد بإبتسامه أشر لها أن كلامها :صح وبادلته الابتسامه الوليد ابتسم على هالذكرى الرائعه بحياته وقام وهو يرتب أغراضه وهو عنده أمل انه راح يلاقيها بيوم من الأيام انتهى البارت ............ توقعاتكم............. دانه ياترى كيف راح تكون حياتها مع عائلة ابو غلا ؟ اسيل وزياد هل تسرعوا بزواج ؟ زايد وتدهور حالته ؟ فيصل وجمانه ؟ ابي حمااااااااس 😊😊😊 | ||||||||||||
|
| |
|
08-02-16, 07:44 PM
| #16 | ||||
| نجم روايتي  
| السلام عليكم ورحمة الله وبركاته حلو الفصل جدا تغيرت حالة الاخوات اسيل ماذا سيحدث لها من هذا الوقح عمار الوليد كانت امامك وانت ماعرفتها وقاعد تحلم فهد واروي متي اللقاء ف انتظارك لا تغيبي علينا موفق بإذن الله ... لك مني أجمل تحية . شـكــ وبارك الله فيك ـــرا لك ... لك مني أجمل تحية . | ||||
|
| |
|
13-02-16, 04:54 PM
| #17 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| تصدق منيتي شوفك ولكن الزمن ضدي سرق من عيني الفرحة وانا مخبي لك بقلبي كلام يطــــــــــــــول في شرحهx أبي لو شفتك بعيني وجت ايدك على ايديني أبحكي لك أبشكي لك إذا تسمح أببكي لك بقولكx يابعد عمري انا لك وش كثر مشتــــــــــــــــــــــ ــــــــــــــــــاقx .......................... """البارت التاسع """ ♤♤♤♤♤♤♤♤ صحى من النوم اليوم يحس انه نشيط غير عن العاده قام واخذله شور ولبس ثوبه وشماغه وكشخ وصار شكله يجنن تعطر من عطره وناظر لنفسه بالمرايه ورسم على وجهه احلى ابتسامه وقبل لايطلع فتح دولابه وألقى نظره على البرواز الي موجود فيه الرسمه ابتسم وأخذ نفس ونزل تحت عشان يفطر مع أهله دخل الصاله :السلام عليكم ..... صباح الخير أمه وابوه :هلا وعليكم السلام صباح النور ام الوليد :تعال يمه أفطر الوليد قرب سلم عليهم وسحب الكرسي وجلس منار :اوووه الوليد وش قصة الكشخه اليوم الوليد ضحك :هههه لزوم فيه قصه كذا حبيت اكشخ أروى :أحلى بس تدري ولودي طالع تجنن ابيك تجيني المدرسه عشان صديقاتي يشوفونك الوليد :ههههه وهذا الي هامك بس أروى :ايه اكيد عشان يقولون هالمزيون أخو أروى الكل :هههههههههه ابوها وهو يضحك :اجل أنا بكشخ واجيك اليوم عشان صديقاتك يشوفوني ويقولون هالمزيون أبو أروى ام الوليد عصبت وضربته بالملعقه على يده :تكشخ هاه عشان يشوفونك هذي اخرتها ياعبد العزيز أبو الوليد :اااااااخ ههههههه علامك امزح معك انا مااكشخ إلا لمهاوي ام الوليد ابتسمت بحيا :ايه احسبك الوليد :ههههههه يازينكم الله يخليكم لنا الكل :امين دخل زياد وكان جاي من برا :السلام عليكم الكل :وعليكم السلام أمه :وينك يمه كل هذا شغل اهلكت نفسك زياد بتعب سلم على أمه وابوه :ااااه وش اسوي يمه هذا شغلي واليوم مناوبتي بالليل يلا تأمرون على شي بروح انام طلع غرفته ودخل شاف زايد نايم استغرب نومه بهالوقت بدل ملابسه وانسدح بتعب وهو يفكر يحس انه تسرع في طلب الزواج من اسيل الحين كيف يخبر أهله الوليد رن جواله وهو يفطر ورد :هلا فهد ايه خلصت انت برا ايه خلاص الحين جاي وقام :يلا في أمان الله فهيد برا ينتظرني ام الوليد وأبو الوليد :الله يحفظك واروى من سمعت اسم فهد تذكرت الموقف البايخ الي صار لها وابتسمت منار قرصتها:يلا قومي تاخرنا أروى توها تتذكر :ومين بيودينا زايد نايم وزياد توه راجع تعبان ابوها :يلا انا اوديك على طريقي ام الوليد :وش قلت أبو الوليد ضحك :ههههههه قلت بوديهم البنات ضحكوا:ههههه يمه بيودينا ماراح يناظر أحد أمهم بأبتسامه :راقبوه اذا ناظر يمين والا يسار علموني والله لاطلع عيونه أبو الوليد :اوب اوب مره وحده تطلعين عيوني ام الوليد :هههه ايه هذا إذا ناظرت أبو الوليد قرب منها وضمها وهمس لها بحب :أنا عيوني ماتطالع إلا مهاوي حبيبتي ام الوليد استحت منار واروى يصفرووون :أحلى يمه يبه ابوهم وأمهم توهم ينتبهون لهم وبعدوا عن بعض ام الوليد بضحكه:يلا روحوا تأخرتوا أبو الوليد ضحك :هههههه طيب في أمان الله والبنات سلموا على أمهم وهم يضحكون وطلعوا بعد ابوهم ~~~~~~~~ جلست على الكنبه وشغلت التلفزيون قلبت بالقنوات حست بالطفش من أمس وهي جالسه لحالها حتى فيصل اليوم راح من بدري وماصحاها :ياربي البيت مو حلو من غير نوافي سمعت صوت الباب ينفتح دخل نواف يركض لعند جمانه وجمانه شالته وهي تبوسه بخدوده :نوافي حبيبي وين رحت انا طفشت لحالي نواف وهو يبوسها:زمانه استقت لك جمانه :يابعد قلبي انا اشتقت لك فيصل ضحك :هههههههه تصدقين من ركب السياره وهو بابا يلا بسرعه ابغى جمانه جمانه :فديته وناظرت فيصل : فيصل فيصل :هلا جمانه :وش تبي على الغدا فيصل :اي شي جمانه :طيب ومسكت يد نواف :يلا نوافي نروح نلعب نواف ناظرها وهو ينقز بمكانه :ايه ...يلا .... فيصل ابتسم وراح على مكتبه عنده شوية أوراق يبي يرتبها ~~~~~~~ فتحت عيونها ناظرت يمين يسار شافت نفسها بغرفة كبيره وفخمه حست ان احد ضامها رفعت راسها وشافت ام غلا ضامتها ونايمه جنبها ابتسمت وتذكرت أمس لمى كانت نايمه شافت كابوس زي كل يوم من صار الحريق وهي كل يوم والكوابيس تطاردها رجعت دفنت رأسها بصدر ام غلا وضمتها تبي تحس بحنان الأم من زمان ماحست فيه فاقدته ام غلا حست فيها وصحت ومسحت على رأسها :ان شاء الله يابنتي نمتي زين دانه :يمه تكفين ضميني ام غلا ابتسمت وضمتها ودمعتها على خدها كان ودها تسمع هالكلمه من زمان بس ماالله أراد أن غلا تقولها لها لأنها افقدتها وهي صغيره باقي ماتتكلم والحين سمعتها من دانه بعد خمس دقايق دانه تكلمت :يمه ام غلا باعدت عن دانه :عيون أمك دانه :ابي أسائلك وين غلا ام غلا ابتسمت بحزن :غلا اااه يابنتي هذي قصه طويله دانه عدلت جلستها :أسفه بس ماكان قصد.......... قاطعتها ام غلا :لا عادي وبعدين انتي بنتي ولازم اقولك قبل 25 سنه تقريبا تزوجت ب محمد وكنا نحب بعض وكنا نتمنى طفل انتظرنا سنه سنتين ماحملت لأن عندنا مشاكل وبعدها رحنا الخارج وسويت اطفال انابيب وبعدها حملت وولدت بالخارج و الله رزقني توام بنت وولد وكنا مبسوطين فيهم الولد شفته مره وحده وكان فيه شبه من أخته وبعدها خبرونا انه مات على طول والبنت بقت حيه وكنا طايرين فيها رجعنا من الخارج وكانت معانا البنت وسميناها غلا وتعلقنا فيها كثير بس ............... وبدت دموعها تنزل وتتكلم بحسره دانه :بس ايش يمه ام غلا :بس كان محمد عنده عداوه مع واحد من أخوياه وخطف غلا دورنا دورنا مالقيناها وبعدها جانا خبر انها ماتت و الي خطفها مات بحادث وبكت ................. دانه حست فيها صعب انك تفقد أحد غالي عليك وضمتها وقالت :يمه ممكن اطلبك طلب ام غلا :اطلبي ياحبيبتي دانه بأبتسامه :ممكن تناديني غلا ام غلا ابتسمت :اذا تحبين دانه :ايه خلاص من اليوم ورايح انا غلا بنتك ام غلا :الله يرضى عليتس يابنتي سمعوا طق الباب غطت رأسها دانه ودخل أبو غلا :ايه يا ام غلا من لقى احبابه نسى اصحابه خلاص نسيتي محمد ام غلا :هههههههه دانه ضحكت:ههههههه مدام غلا معاها راح تنساك صح يمه أبو غلا ابتسم وقال بستغراب :غلا دانه :ايه غلا يبه أبو غلا عينه دمعت وبعدها ضحك :واحلى غلا الله يفرح قلبك يابنتي زي مافرحتينا دانه :امييين ام غلا ضحكت :هههههههه وإلى متى راح نبقى على السرير كذا أبو غلا ضحك :هههههههه انا ادري عنكم يلا قوموا فديتكم ~~~~~~~~ طق الباب وبعد ما أذن له دخل الوليد وهو جالس يقلب في الملفات من غير مايرفع رأسه :نعم وش بغيت فواز بقهر انه مارفع رأسه مد له بورقة :هذا العنوان الي طلبته الوليد فز قلبه ورفع رأسه :متأكد فواز :ايه طال عمرك متأكد ونص مو انت تبي عمار ال..... الوليد وقف وبفرح :ايه فواز :طيب هذا هو عنوانه الوليد أخذ الورقه وبعد ماطلع فواز على طول طلع وهو يمشي بسرعه ويحس قلبه يدق بقوه خلاص هانت راح يلاقي دانه وهو ماشي صدم ب فهد فهد بستغراب:الوليد وش فيك مستعجل كذا الوليد وهو ماشي :بعدين بعدين اقولك يافهد ومشى بسرعه وصل لسيارته وركب وحرك بسرعه جنونيه يبي يوصل بسرعه يبي بس يعرف وين دانه وبعدها يخلي أهله يزوجونه دخل بالحاره القديمه وهو يدور للعنوان وقف عند بيت كان شكله جايه حريق ناظر للورقه :هذا العنوان لالا يمكن غلطان نزل وبيده الورقه مر واحد من أهل الحاره الوليد :لو سمحت الشاب :هلا الوليد :وين بيت عمار ال...... الشاب أشر على البيت الي واقفين عنده :هذا هو الوليد تسارعت انفآسه وبلع ريقه :طيب ...وين ...أهل ...البيت الشاب :والله ياخوي أهل البيت كلهم توفوا بالحريق الي صار ببيتهم الوليد :اييييش الشاب: زي ماقلت لك كل الي بالبيت توفوا بالحريق ومشى عنه الوليد حس أن روحه بتتطلع مشى لسيارته من غير حتى مايحس وشغلها وحرك بسرعه ودموعه على خده وكلام الشاب يتردد بأذنه صار حريق وكل الي بالبيت توافوا صار حريق وكل الي بالبيت توافوا صار حريق وكل الي بالبيت توافوا كل الامل الي عنده انه يشوفها مره ثانيه تبخر معقوله دانه ماتت من غير حتى مايشوفها ولا يضمها حس انه مخنوق وقف قدام البحر وهو يشوف امواجه الرايحه وتمنى لو تااخذ همومه واحزانه بكل موجه تروح نزل وجلس على الرمل وصار يضرب بيده الأرض ويصرخ دااانه ماااااتت دااانه مااااااتت دااانه مااااااتت لااااااااااااااااااااااا. ... ماحس بنفسه إلا وهو يبكي يبكي حبه الي ضاع وماكتمل يبكي أحلامه الي ضاعت يبكي حبيبته الي ماتت وماشافها وعى على يد انحطت على كتفه :.....هونها يا اخوي وتهون الوليد التفت يبي يشوف مين :......فهد......كيف جيت فهد :افا عيك اعرف وينك لو انت تحت الأرض وبعدين من شفتك طلعت مستعجل طلعت وراك وابتسم :تبيني اتركك وانت شكلك متضايق الوليد نزل رأسه بحزن :فهد كيف تبيني اهونها كيف اااه يافهد انا احس اني بموت من شوقي لها ورجعت دموعه :فهد دانه ماتت محبوبتي ماتت الي كنت اتمنى لو اشوفها لمحة بس ماتت آآآآه.... يافهد صدري يوجعني... يوجعني ...حييييل .......... فهد قرب من صديق عمره وضمه يبي يخفف عليه والوليد شد عليه وهو يبكي مثل الطفل ~~~~~~~~ بالمدرسة أفنان :يااختي طفش لنا حصتين جالسين كذا أروى :انتي دووم طفشانه وش تبينا نسوي نهرب مثلا أفنان :هههه لا عندي فكره احلى ووقفت وهي مبتسمه بنات طفشانين البنات بصوت واحد :ايوا والله أفنان طيب قفلوا الباب وحده من البنات اسمها غاده غاده :خلاص انا بجلس عند الباب وقفلت الباب وقربت طاوله وجلست عليها اروى تناظر أفنان :وش عندك اكيد ورا هالابتسامه مصيبة أفنان :هههههه بنات جاهزين البنات وهم متحمسين وش بتسوي أفنان :ايه أفنان طلعت يوسبي وشبكته ب السبورة الذكيه وشغلت اغاني البنات :ووووواووووو أروى مسكت أفنان بأذنها :أفنان من جدك تشغلين اغاني بالمدرسة أفنان وهي تضحك :هههههه ايه من جدي وفكت أروى وبدت هي وبعض البنات يرقصون والباقي يشجعون واروى خايفه أنهم ينكشفون بعد 10 دقايق الوكيله والمرشده عند الباب رفسوا الباب ودخلوا غاده مسكينه ماحست بنفسها إلا بالأرض البنات وقفوا إلا أفنان ماانتبهت لهم وباقي منسجمه وتتفن بالرقص أروى تهمس لها :أفنان أفنان وافنان مطنشه ولاهي داريه عنها المرشده تصفق بيدها:ياسلام عليكم ياسلام الوكيله متكتفه:ايه كملي ياست افنان أفنان توها تنتبه ووقفت :أااستاذه الوكيله تأشر لهم :يلا كلكم قدامي أروى :أستاذه وربي ماني معاهم الوكيله صرخت :قلت كلكم اطلعوا ولا كلمه طلعوا البنات وراها وكتبتهم تعهد وان اذا عادوها راح تفصلهم أفنان :هههههه ياخوافه كله تعهد بس ليش معصبه أروى معصبه:كله منك انا ولا عمري كتبت تعهد الحين بسبتك اكتب تعهد غاده وهي ماسكه على كتفها :ااااه كسروني حسبي الله عليهم أروى ضحكت :ههههه والله ياغاده شكلك تحفة ماشفتك إلا ناقزه بنص الفصل غاده :ههههههه أي والله حسسوني اننا مداهمين أفنان :هههههههههههههه أروى :ولا أفنان تموت ضحك معقوله ماانتبهتي لهم لمى دخلوا أفنان :هههههه كنت منسجمه غاده واروى :هههههههههههه ~~~~~~~~~ بالمطبخ بعد الغدا دانه حاست الدنيا كله تبي تسوي حلا ولابسه المريله ومغطيه شعرها طلعت البيض وكل أغراض الحلا ام غلا دخلت عليها وهي حايسه الدنيا :لا مو كذا دانه:أجل وشلون يمه ام غلا :ههههههه كيف تبين تسوين حلا وماتعرفين دانه مسحت خدها وفي يدها دقيق وتكلمت بحزن :كنت أساعد جمانه بس إلا أنا ماني فالحه بالحلا ام غلا تغير الموضوع :طيب وش بتسوين دانه :بسبوسه ام غلا :هههههه بسبوسه ومطلعه دقيق دانه ببراءه :ايه ام غلا أخذت من الدقيق ونثرته على وجه دانه ودانه أخذت شوي وكبته على ام غلا وصاروا يلعبون بالمطبخ لعب دخل أبو غلا على أصواتهم :بسم الله الرحمن الرحيم وش مسوين بأعماركم دانه تناظر ام غلا وام غلا تناظر دانه وكانت اشكالهم كلها دقيق وبعدها انفجروا ضحك وكل وحده تأشر على الثانيه أبو غلا :ههههههه وين الحلا الي بتسونه رجعوا ضحكوا مره ثانيه أبو غلا بأبتسامه:الله يخلف عليكم وطلع بعدها طلعوا يبدلون وخلوا الشغاله تسوي لهم الحلى والقهوه انتهى البارت ............. زياد هل تسرع بطلب الزواج من اسيل ؟ الوليد وش راح يسير فيه بعد ماعرف بموت دانه ؟ وهل راح يتلاقون الوليد ودانه مره ثانيه ؟ توقعاتكم ابي حمااااس ............... .................................................. ... .................................................. ... وش رايكم بالرواية والأسلوب هل هو حلو ولا يبيله تعديل | ||||||||||||
|
| |
|
13-02-16, 05:00 PM
| #18 | |||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| اقتباس:
وعليكم السلام ورحمة الله وبركاته اشكرك جدا على التعليق الدائم من جد تعليقك يبث في نفسي العزيمه ويحمسني لإكمال الكتابه شـكــ وبارك الله فيك ـــرا لك ... لك مني أجمل تحية . | |||||||||||||
|
| |
|
23-02-16, 08:33 PM
| #20 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| اعتذر عن التااااخير بسبب ظروف ....... """""""""""""""""""" صعب جدا ان يحب الانسان بصمت ويفارق بصمت ويشتاق بصمت ويتألم بصمت بلا صراخ و يبكي بلا دموع ويتعذب بلا مؤاس ويعيش بلا امل........ """البارت العاشر """ طلع من دورة المياه وهو لاف المنشفه على خصره قرب من المرايه وجلس يطالع نفسه للحظات كان وجهه شاحب نشف شعره وبعدها فتح درج التسريحه وطلع علاجه عشان يشربه وراح لبس بنطلون عشبي وتيشيرت ليموني مشط شعره وتعطر وقبل لايطلع قرب من زياد وشافه نايم ابتسم بحزن وطفى اللمبه وطلع شاف أمه بالصاله تقدم منها وسلم عليها :هلا يمه صباح الخير أم الوليد :هلا حبيبي قول مساء الخير شوي ويأذن ظهر ابتسم :مساء الخير لأحلى ام بالعالم أم الوليد : ياجعل عيني ماتبكيك يا زايد زايد حس بغصه:امين ام الوليد :غريبه اليوم قمت متاخر زايد :سهرت أمس مع الشباب ومارجعت إلا متاخر.................. إلا زيود غريبه نايم الحين ام الوليد : مارجع إلا الصبح زايد شاف طيف نازله من فوق :طيوفه تعالي حبيبتي طيف جات ركض وباست زايد بخده :زيود طالع حلو اليوم زايد :ههههه بس اليوم طيف :لا كل يوم بس اليوم احلى ام الوليد :زايد يمه روح ل أختك مافي احد بيروح لها زياد نايم والوليد أدق عليه مايرد ايه وعمك بعد قال لأبوك أفنان بترجع معك زايد من سمع طاري أفنان حس أن قلبه يوجعه وقام :طيب يمه انا رايح ركب سيارته وهو يكلم نفسه ""انا لازم مااحسسهم بشي خليها على الله تفأل بالخير يازايد "" ابتسم بتفأل وحرك السياره لمدرسة البنات ~~~~~~~ أصر عليه فهد أنه يركب معاه ويوقف سيارته لأن حالته ماتسمح له أنه يسوق في سيارة فهد يسوق والوليد ساند رأسه على الشباك ودموعه تنزل بصمت ..... فهد شغل المسجل واشتغلت على طول انشوده ياليتني قد مت قبل نهارنا هذا فماقد كان في حسباني أن يأتي يوم محزن ............. فهد من سمعها طفى المسجل على طول الوليد زادت دموعه وتكلم بحسره :فهد تدري ياليتني مت قبل هذا اليوم الي اعرف فيه أن محبوبتي ماتت ااااه يافهد قلبي يوجعني حيل يوجعني حييل ياأخوي فهد :الوليد أذكر الله يعني حزنك راح يرجعها الوليد يضرب على صدره ويتكلم بألم :لا اله الا الله .....لاإله إلا الله ويأشر على قلبه :لكن هذا وش يفهمه أن الحزن ماراح يرجعها وش يفهمه قلي ........ فهد اكتفى بالهدوء وجلس يسولف معه يبي يرفه عنه بس الوليد مو معاه ابد ~~~~~~~~ بمكان ثاني بعيد عن السعوديه اول مره نزوره بلندن واقف عند البلكونه والهوا يحرك شعره الناعم ويكلم بجواله :هلا يبه وشلونك وشلون الاهل كلهم الحمد لله بخير دامكم بخير يالغالي تو الناس يبه باقي على الاختبارات كثير أن شاء الله تأمر بشي يالغالي سلم لي على الوالده والكل ....في أمان الله قفل وهو يتنهد مشتاق لهم كثير حس بأحد حط يده على كتفه عبد العزيز :هانت كلها كم يوم وراجعين طلال :اشتقت لهم حييل ياعبد العزيز عبد العزيز ضربه على ظهره :يعني انا الي مااشتقت لأهلي طلال ابتسم :اااخ ظهري كسرته هذي مو يد ياعزيز عبد العزيز ضحك :ههههه عزيز بعينك ياطليل طلال :هههههههههه طيب ياعزوز وش رأيك نطلع نتمشى لنا شوي ونودع لندن قبل الاختبارات عزوز حط يده على كتف طلال وسحبه :مشينا ~~~~~~~~ بعد صلاة العصر كان ماسك يدها وهي تحس بخوف ورجفه ماتدري تحس انها تسرعت بالموافقة بس خوفها من ابوها وأبو عادل سبب موافقتها فتح باب الشقه :سمي وادخلي أسيل سمت بالله ودخلت وهو دخل معاها وصلها للكنبه وجلس وجلسها معاه زياد :آسيل شيلي العبايه مافي احد بالبيت أسيل شالت عبايتها بتردد وكانت لابسه ملابس جابها لها زياد بنطلون بني ماسك عليها وتيشيرت برتقالي وبارز بياضها ووجها كان طفولي وحلو وشعرها الناعم بقصته الدائريه كأنها طفله صدق زياد من شافها حس بشي يشده لها اول مره يشوفها كذا دايما بالمستشفى تغطي شعرها كانت جميله بمعنى الكلمه اسيل جلست على الكنبه وهي تفرك يدينها ببعض زياد لاحظ إرتباكها:آسيل وش فيك اسيل بتردد :خا...يفه زياد مسك يدها عشان يهديها وبحنان :ليش خايفه أسيل رفعت راسها ودموعها تنزل من عيونها الرماديه :زياد خايفه من حياتي الجايه خايفه من كل شي زياد رفع راسه وجات عيونه بعيونها الي جذبته كانها لؤلؤه تلمع من بين الدموع ضمها له وهي تمسكت فيه وتبكي وتتكلم :زياد انا مو قادره حتى اتأقلم على حياتي وانا مااشوف شي زياد بحنان :أزمة وتعدي لاتخافين مدام انا معك لاتخافين سامعه أسيل هزت رأسها وحست ان كلامه ريحها (زياد تزوج أسيل عن طريق واحد يعرفه بالمحكمة وملك لهم وأخذ اسيل معاه للشقه الي استاجرها ) ~~~~~~~~ دخلت بكل دفاشه رمت عبايتها على الكنبه :يااهل البيت ياهووووو وينكم خالتي خالتي طلعت الدرج استغربت مافي احد :غريبه وينهم بالعاده الاقيهم بالصاله هزت رأسها وهي تمشي على الدرج نازله شافت أحد طالع رفعت وجهها إلا بوجه دانه كانت توها بتطلع فوق ملاك تغمض عيونها وتفتحها وتهز رأسها بطريقه تضحك :بسم الله الرحمن الرحيم انتي أنس ولا جن دانه :ههههههههه انا من الجن ملاك خافت وبشكل يضحك تتكلم وتنفث على نفسها :بسم الله أعوذ بلله من الشيطان الرجيم اللهم سكنهم مساكنهم دانه معاد قدرت وانفجرت ضحك :ههههههههههه ومن الضحك ماقدرت توقف جلست على الدرج وهي تضحك :ااه يابطني هههههههههه ملاك :بسم الله اول مره اشوف جني يضحك دانه وهي تضحك:من جدك تظنين اني جنيه هههههههه ملاك : ........... ام غلا جات على صوت الضحك :غلا يمه هذا كله تجيبين مويا غلا إلا هي دانه باقي تضحك ام غلا توها تنتبه لملاك :هلا ملاك وش اخبارك متى جيتي ملاك: خالتي انتي تشوفين الي اشوفها ام غلا :هههههه ايه اشوف هذي غلا ملاك عارفه أن غلا من زمان ماتت وحست بخوف :وش صاير بسم الله لا شكل انتم مو أهل البيت شكلكم مجموعة جن متنكرين على هيئة أهل البيت ام غلا وغلا:ههههههههههههه ام غلا :والله ماتجوزين عن طبعك تعالي اقولك وش صاير ~~~~~~ :مابغت امي توافق نشفت ريقي اروى:كذا هم الأمهات أفنان :إلا امي غير والله لو تدري اني كاتبه اليوم تعهد والله لو انط السماء وانزل الأرض انها ماتخليني اجلس عندك اليوم أروى :ههههه انا اقول غريبه أفنان تبي تجلس عندي اثاريك خايفه من عمتي لاتدري أفنان ضحكت :عليك نور أروى :هههه نور ولا ظلام أفنان :بلا نور بلا هم تعالي خلينا ننام شوي عشان بلليل نسهر أروى :أخاف انام ولعاد اصحى أفنان :ماتصحين اكوفنك هنا أروى ضحكت :طيب انسدحوا سوا عشان ب ينامون شوي أروى مجرد مانسدحت راحت على طول بنوم عميق أما أفنان جلست تتقلب بالسرير ماجاها نوم طلعت جوالها وفتحت على صورة زايد كم مره تصوره من غير مايدري تعشقه هالانسان تموت فيه اليوم لاحظت ان زايد فيه شي لأنه اليوم بالسياره كان بس ساكت ولا تكلم حتى ماسلم عليها ضمت جوالها ونامت وهي تفكر فيه ~~~~~~~ ام غلا :هاه والحين عرفتي وش القصه ملاك ضحكت :ههههه ايه عرفت وقامت جنب غلا وباستها تصدقين خقيت عليك لمى شفتك دانه :ههههههه صراحه انتي فله من زمان ماقد ضحكت زي كذا ملاك :اعجبك يا دندونه ولا غلاوي دانه :غلاوي ملاك مسكت يدها وقومتها معاها :يلا نروح ابي اعرف كل شي عنك دانه :وين ملاك سحبتها ام غلا ضربت بيدها على رأسها :ههههههه الله يعينك عليها دانه ضحكت وهي تمشي مع ملاك ~~~~~~~~~ وقف فهد سيارته عند باب بيت أبو الوليد وناظر الساعه كانت تشير على 12 ليلا التفت للوليد شافه نايم وهو متسند على الباب وكان باين عليه الحزن والتعب فهد يهزه :الوليد ...الوليد قوم وصلنا لبيتكم الوليد رفع رأسه ويحسه ثقيل فتح الباب من غير مايرد على فهد فهد نزل من السياره عشان يتطمن على الوليد :الوليد انت بخير الوليد هز راسه وهو يمشي ببطئ لحقه فهد ومسك يده :متأكد اشوف مشيتك مي متوازنه الوليد يحس رأسه ثقيل :دايخ شوي فهد مسك يده ومشاه حتى دخله الغرفه الموجوده ب الحوش كانت فيه غرفه نوم فاضية للسواق سدحه فهد وغطاه :اذا تبي شي دق علي الوليد انسدح على الجهه الثانيه وغمض عيونه وفهد هز رأسه بأسى وطلع وهو يدعى الله أنه يخفف عن الوليد الحزن وينسيه دانه ~~~~~~~~~ انتهى البارت توقعاتكم ............. الوليد كيف بتكون حياته بعد ما فقد الأمل بموت دانه دانه وحياتها مع العائله الجديده اسيل وزياد هل تسرعوا ب قرارهم وكيف راح تكون حياتهم .... الشخصيات الجدد هل لهم دور بالرواية ... زايد ،أفنان ،أروى ؛فهد ،فيصل وجمانه هل بتصير تغيرات بحياتهم تاااابعووني ......... | ||||||||||||
|
| |
|
| الكلمات الدلالية (Tags) |
| رواية ماقلت لك اشتقت لك 2016, رواية ماقلت لك قد الغياب اشتقت لك |
| أدوات الموضوع | |
| انواع عرض الموضوع | |
|
|
1Likes
العرض العادي
