آخر 10 مشاركات
|
| |||||||||||||
| مشاهدة نتائج الإستطلاع: وش رايكم بالرواية | |||
| ممتازه ورائعه تستحق القراءة |     | 70 | 58.33% |
| جيده جدا |    | 22 | 18.33% |
| جيده |    | 19 | 15.83% |
| ليست جيده |    | 9 | 7.50% |
| المصوتون: 120. أنت لم تصوت في هذا الإستطلاع | |||
 |
| | LinkBack | أدوات الموضوع | انواع عرض الموضوع |
15-12-15, 01:42 AM
| #1 | |||||||||||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر 
|  رواية ماقلت لك قد الغياب اشتقت لك *مميزة و مكتملة *   
 أطرح روايتي الثانيه بمنتداي المفضل أتمنى اني الاقي التشجيع والحماس والأن اتركم مع الروايه    رواية ماقلت لك قد الغياب اشتقت لك بقلمي للكاتبة ♡بحر الخيال ♡ روايتي الثانيه """""المقدمة """" كان يوقف قدام شباك غرفته ويناظر شباك جيرانهم الي مقابله كانت كل يوم تطل منه وهي تبتسم له وهو بعد يبادلها الابتسامه وبعدها تركض لتحت وهو بعد ويتلاقون ويجلسون يلعبون ببراءه وحب كانوا كل يوم على هذا الحال هو حبها من صغرها وكان في كل صباح لازم يقوم ويطل من شباكه على وجهها المشع كالشمس وكلما تطلع للمدرسه يراقبها حتى تروح كان فعلا حبهم طاهر وصادق كان يقول لها وبكل برآءه احمد ربي اني اشوفك كل صباح احمد ربي انك قريبه مني إذا كنت ابي العب معك انتي غير عن كل جيراننا وهي كانت تبادله نفس الشعور كانت ماتحب إلا تلعب معاه حتى خواتها ماتلعب معاهم تحبه هو احبوا بعض من صغرهم فتذوقو طعم الحياه الحقيقيه ولكن ولكن القدر أراد أن يفرقهم نقل ابوها من بيتهم لمنطقة ثانيه كان هو يبكي بدل الدمع دم وهي تبكي ماتبي تفارقه لكن ليس كل مايتمناه المرى يناله ومرت الأيام والسنين """"البارت الأول """"" ماقلت لك قد الغياب اشتقت لك من أخرك لين أولك قد القصيد الي كتبته بك وعيا يوصلك قد السنين وقد انكسارت الحزين قد الحنين الي ملاء صدري أنين قد احتياجي بشوفتك في وقت ضيق وقد الجفا يوم الجفاء مابل ريق قد الدموع الي بعيون اثنين فرقهم القدر حبوا بعضهم من صغر ماقلت لك قد الغياب اشتقت لك (لشاعر عبد العزيز الدلح) سمع صوت طق الباب قطعت عليه التفكير بذكرياته رفع رأسه :مييين منار :الوليد .....يلا قوم ياكسول الوليد ابتسم وقام فتح الباب سوى نفسه معصب:يامزعجه ....نعم وش تبين منار بدلع :ولودي ماما تقول أنزل أفطر الوليد ضحك :هههههه دايما تغلبيني بدلعك ....يلا دقايق ونازل منار :اوكيه بعد ما راحت منار صك الباب وتوجه لشباكه وفتحه """اشتقت لك وينك فيه ياترى باقي تذكريني وتفكرين فيني زي ماأنا أفكر فيك اااااه يارب اجمعنا مع بعض مره ثانيه """" قفل الشباك وبدل ملابسه ورسم احلى ابتسامه ونزل في الصاله الكل مجتمعين على الفطور أبو الوليد :وينه الوليد مااشوفه إلا الوليد نازل :هذاني يبه ....صباح الخير يالغالي وسلم على رأسه أبو الوليد :هلا بك ياولدي تعال أفطر ام الوليد :تعال يمه كل لك لقمة قبل ماتروح ل دوامك شوف كيف وجهك صاير الوليد جلس جنب زياد :ههههههه وش فيه وجهي يمه زياد وهو عارف الوليد مانسي :ههههه والله يمه شكل ولدك يحب الوليد دقه بيده :انطم زياد :ههههههههه ام الوليد :ههههه والله مادري عنه .....منار منار :هلا يمه ام الوليد :وين اخواتك ليش مايجون يفطرون منار: طيف فطرت قبل وطلعت تلعب بالحديقه واروى يمه يعني ماتعرفينها خيشة نوم من يومها أبو الوليد :هههههه انا أشهد نزلت أروى وهم يتكلمون عليها :مين الي خيشة نووم أبو الوليد يضحك :من غيرك أروى مدت فمها وبزعل مصطنع :افا يبه أبوها :هههه امزح معك تعالي حبيبتي افطري قربت أروى من ابوها وباست رأسه و باست رأس أمها وجلست :صباح الخير زياد :بدري ...تو الناس الوليد :صباح النور لاحلى أروى بالعالم ابتسمت أروى :هذا الاخو الي يبرد القلب مو انت الكل :هههههههههههههه أروى :غريبه مااشوف تؤامك وينه زياد بقلق:تعب امس وماقدر ينام من صدره إلا قرب الفجر وخليته ينام ماصحيته ام الوليد بخوف :بسم الله على ولدي ليش ماقلت لي زياد:يمه هو طيب الحمدلله واعطيته علاجه ام الوليد :متأكد يمه الوليد ضحك:يمه شكلك نسيتي انه دكتور ويعرف كيف يتصرف ام الوليد قامت وهي قلقانه بروح اشوف نتعرف على عائلة ابو الوليد أبو الوليد "عبد العزيز ""طيب ويحب عياله رجل بمعنى الكلمه عمره 50 سنه عصامي ويحب الشغل وكل شي إلا الشغل ام الوليد ""مها"" ام وزوجه حنونه تحب عيالها وتخاف عليهم جميله مع كبر سنها إلا أنها كأنها ب 30 عمرها 46 الوليد عمره 26 شاب جميل لأبعد الحدود ابيض وعيونه عسلي فاتح وشعره اسود وانفه سلة سيف طويل وجسمه نحيف حنون بس عيبه انه اذا عصب مايعرف ابوه من أمه وفيه شوية كبر كل البنات خاقين عليه بس هو مايعطي أحد وجه لأنه يحب وحده ومن صغره ويتمنى اليوم الي يلقاها فيه زياد عمره 25 توه متخرج من الطب حبوب ويحب المزح وجميل اسمراني وعليه غمازات تجنن عيونه عسلي وشعره بني غامق زايد عمره 25 تؤام زياد يشبه له نفس الشكل بكل شي بس زايد عيونه سوادء وشعره اسود وتحت فمه من جهة اليسار حبة خال مريض عنده القلب منار21 بنت جميله تشبه لأمها عيونها عسلي فاتح وشعرها بني لنص ظهرها كل البيت يحبها تدرس إدارة أعمال ثاني سنه أروى 18 جميله لأبعد الحدود عيونها وساع بنيه وشعرها اسود طويل ملفف طبيعي سمرا بس سمارها محليها عندها غمازه وحده بجهة اليسار حساسه بالمره وأكبر خوافه تدرس ثالث ثانوي طيف 7 سنوات آخر العنقود دلوعة العايله لانها الصغيرة وأي شي تبغاه لازم يتنفذ في مكان ثاني ببيت بحي من أحياء الشرقيه القديمه دانه تبكي:يبه تكفى لاااااااا يبه والله ماااااخذته ابوها ماسك سيخ بيده ومحميه على النار وناوي يحرقها وخواتها جالسين بالزاوية وضامين بعضهم ويبكون أبو دانه :ومين أخذه انا كنت حاطه هنا دانه وهي تبكي:يبه ليش انت تعاملنا كذا احنى بناتك .......بناتك ابوها :بناتي هه الله العالم أمك من وين جابتكم دانه صرخت كله ولايتكلم عن أمها :يبه كااااااافي كاااااااافي ابوها ابتسم بخبث وقرب السيخ وكواها بظهرها دانه :اااااااااااه اااااااه وطاحت بالأرض ابوها ناظر لها :ههههههههه هذا عشان ثاني مره ماتاخذين حاجه خاصه فيني وطلع وهو يضحك البنات اول ماطلع قربوا من دانه وهم يبكون جمانه تبكي و تهز دانه :دانه ...دانه دانه رفعت راسها وتكلمت بألم:أنا بخير جمانه بصوت باكي:أنا يوم جيت وشفته على الطاوله أخذته ورميته بزباله كل يوم هو وهذا السم الي يشربه دانه سامحيني اههييه اهيههييه المفروض انا الي انكوي مو انتي دانه ابتسمت لها من بين دموعها :زين ماسويتي ولو انا شفته قبلك كان رميته اسيل باقي تبكي قربت منها دانه وضمتها :اسوله حبيبتي خلاص ماصار شي هذاني طيبه وبخير اسيل تمسح دموعها :بس شوفي كيف الحرق قوي دانه :معليش احط له مرهم وان شاء الله يطيب اسيل :الله يجعل يده الكسر هذا أبو ورجعت تبكي قامت دانه وهي متجاهله ألمها :يلا اسوله على شغلك وانتي حبيبتي جمانه ارجعي بيتك اكيد زوجك منتظرك جمانه مدت فمها بزعل :لااااا ماابي ارجع الحين وبعدين اكيد باقي بالعمل اليوم انتي مافي شغل ويلا على غرفتك ارتاحي اسيل مسحت دموعها وقامت :ايه احنى بنسوي الشغل اليوم ويلا على غرفتك ابتسمت دانه وقربت من خواتها وضمتهم دايما يحسون فيها وطلعت غرفتها اول مادخلت قفلت الباب ورمت نفسها على سريرها وهي تبكي بكا يقطع القلب ""ليش يبه تغيرت ليش "" تذكرت ابوها قبل كان حنون عليهم ويعامل أمها بحب وبعد ماخسر املاكه كلها نقلوا لهذا البيت وبعدها صار دايما يشك في امها ويضربها وامها ماتحملت ماتت من القهر والظلم وهو صار دايما يصارخ عليهم ويضربهم ودايما يرجع البيت سكران تذكرت شي من زمان ماشافته قامت بالغصب تحس الحرق يألمها فتحت دوالبها وطلعت صندوق قديم منه جلست على السرير وفتحته طلعت دفتر مذكراتها وفتحته قلبت على صفحه قديمه كان كاتب فيها ""دانه سأظل أحبك مهما بعدنا عن بعض سأظل اعشق تلك الفتاة الصغيره التي لطالما عشقت برائتها أتمنى أن لاتنسيني سأفتقدك"" """الوليد """" وكان حاط صوره له حظنت الصوره ودموعها تنهمر :ااااه يا لوليد مدري لو كنت موجود بجنبي بتدافع عني اههييه يارب انك ترحمنا من هذي العيشه وترجع ابوي مثل قبل تعريف على عائلة ابو دانه أبو دانه (عمار) 47 انسان قاسي على بناته من بعد ماخسر كل شي انتقلوا من بيتهم وبعدها حياته أنقلبت صار يسكر ويشك بزوجته وصار قاسي ويسوي أي شي يبيه وماعليه بأحد ام دانه تزوجت أبو دانه وعاشت معاه على الحلو والمر توفت قبل سنه كانت مريضه ومن الظلم والقهر زادها مرض دانه وماادراك ما دانه دانه عمرها 22 انسانه رقيقة وهاديه حبوبه وجميله بمعنى الكلمه عيونها لاهي زرق ولا خظر بين الاثتين وكبار واسعه تجذب بيضاء وشعرها بني وطويل لخصرها جسمها يجنن احلى من خواتها كلهم وماتشبه لأحد بعد ماماتت امها صارت تقوي نفسها عشان خواتها بس هي من الداخل أنثى ضعيفه جمانه عمرها 20 جميله عيونها عسلي فاتح ملامحها صغيره كأنها طفله شعرها طوله وسط وبيضاء قوية شخصيه وعناديه بس تخاف من ابوها من تشوفه معاد تقدر تنطق بكلمه أسيل عمرها 18 بيضاء وعيونها رماديه جسمها يجنن شعرها قصير بعدين تعرفون قصة شعرها هذي البنت أكبر خوافه وحساسة وتخاف من ابوها ابوهم مسوي لهم كلهم عقده ~~~~~~~~~ دخل وهو مبسوط ويدندن أمه كانت جالسه بالصاله تتابع فيلم مجرد ماشافت ولدها توسعت ابتسامتها :جعل الضحكه دوووم ماتفارقك حمودي حمد ضحك وتوجه لأمه وباس رأسها :ههههه حمودي يمه انا صرت رجال معادني هذاك الطفل الي تدلعينه ام حمد ضحكت:أنا راح تبقى بعيوني طفل حتى لو صرت شايب حمد :هههههههه ام حمد :لا تضحك اذا صرت أبو بتشوف بعدين كيف تشوف عيالك بنظرك حمد :ان شاء الله يمه يلا تأمرين على شي يالغاليه انا بروح الدوام ام حمد :سلامتك في حفظ الله يمه انتبه لنفسك يمه عائله ابو حمد أبو حمد متوفي من زمان ام حمد 45 حنونه مع ولدها الوحيد وتخاف عليه لكن متكبرة وشايفه نفسها على الناس حمد 24 جميل و اسمراني وعنده غمازات طويل صديق زياد وزايد توقعاتكم ................... خاطرة اهداء للروايه من كبرياء عنيدة   الفصل الأول بنفس المشاركة من الفصل الثاني الي الخامس بنفس الصفحة من الفصل السادس الي الفصل العاشر الفصل الحادي عشر الفصلين الثاني عشر والثالث عشر بالتتابع الفصلين الرابع عشر و الخامس عشر الفصول السادس و السابع و الثامن عشر الفصل التاسع عشر من الفصل 20 الى الفصل 23 الفصل الرابع والعشرون الفصل الخامس والعشرون الفصل السادس و السابع و العشرون الفصل الثامن والعشرون الفصل الثلاثون الفصل الواحد والثلاثون الفصل الثانى والثلاثون الفصل الثالث والثلاثون الفصل الرابع والثلاثون الفصل الخامس والثلاثون الفصل السادس والثلاثون الفصل السابع والثلاثون الفصل الثامن والثلاثون الفصل التاسع والثلاثون الفصل الاربعون الفصل الواحد والأربعون الفصل الثالث والأربعون الفصل السادس والاربعون الفصل السابع والأربعون (الاخير) و الخاتمة  تصميم الغلاف الرسمي : كاردينيا73 تصميم قالب الصفحات الداخلية : حلا تصميم الفواصل ووسام التفاعل المميز والبنر الاعلاني : بحر الندى  رابط تحميل الرواية كاملة ككتاب الكتروني   التعديل الأخير تم بواسطة كاردينيا الغوازي ; 17-12-16 الساعة 04:42 PM | |||||||||||||||||||||
|  |
|
16-12-15, 02:22 PM
| #3 | |||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
|  اقتباس:
ههههه صحيح هي الثانيه عندكم بس بنسبه لي هي ثالث روايه وان شاء الله روايتي الأولى بعد التعديلات راح أنزلها فرحت جدااا بتعليقك  | |||||||||||||
|
| |
|
24-12-15, 02:24 AM
| #4 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| لم أتمنى البكاء يوما ولكن! هم الزمان أبكاني تمنيت أعيش كما تريد نفسي ولكن ! عاشت نفسي كما يريد زماني """"البارت الثاني """" رجعت البيت فتحت الباب ودخلت بهدوء خايفه انه يكون موجود ويدري انها طلعت من البيت من غير ماتقول له ""يارب انه مارجع يارب "" وقفها صوته :جمااااااااااااانه جمانه من سمعت صوته صنمت ب مكانها وقوة نفسها وناظرت له شافته متكتف ويناظرها من فوق لتحت وشكله معصب جمانه:ه ه هلا فيصل قرب منها وعيونه حمر من العصبيه مسكها مع ذراعها بقوه وهزها وهو يصارخ :أنا كم مره قايل لك لا تطلعين من البيت من دون علمي جمانه عصبت :فييييصل ااااااي فك يدي لو سمحت فيصل :هههههه لا وبعد ترفعين صوتك ومسك فكها بيده وشد عليه :والله والله ان رفعتي صوتك مره ثانيه لأكسر فمك وبصوت هز البيت :فاااااااااااااهمه جمانه بدت دموعها تغرق وجهها :فاا.همه... فيصل بنفس النبره :واهلك ماتروحين لهم الا بأذني وبكيفي جمانه تهز راسها :طيب .......... فيصل فك يده منها ودفها حتى طاحت :ويلا الحين انقلعي شوفي شغلك وبعد نص ساعه اشوف الغدا جاهز ساااااامعه جمانه قامت ومسحت دموعها :طيب ....... طلعت وهي ماسكه يدها """ااااي الله يكسر يدك """ فيصل زوج جمانه 27 جميل بشرته حنطيه عيونه عسليه عنده غمازه وحده تجنن شديد وعصبي فيه طيبه بس مايظهر طيبته لأسباب يتيم الأم والأب ~~~~~~~~~~~ رجع من دوامه تعبان دخل غرفته ورمى شماغه وراح فتح الدولاب يطلع له ملابس شاف البرواز االي حاطه بدولابه كانت فيه رسمه وتعني له الكثير رسمتها حبيبته وهم صغار كانت الرسمه طفوليه كانت راسمه الوليد وهو واقف وهي واقفه بجنبه وكان فيه مطر وهم ماسكين يدين بعض ابتسم مجرد مايشوفها يحس التعب تبخر منه لبس ملابسه وانسدح على السرير ورجعت فيه ذاكرته وهو عمره 12 اشرت له من الشباك انه ينزل ونزلت له وهي تركض وتناديه لودي ...لودي. ضحك:هههههه من لودي دانه بحيا :انت الوليد :هههههههه اذا انا لودي انتي من اليوم ورايح دندون دانه :اوكيه دانه سكتت لفتره وهي مخبيه وراها شي الوليد انتبه لها وتكلم :وش وراك دانه ببراءه :امممم هديه لك الوليد تكتف وهو يضحك وغمض عينه ومد يده الثنتين :طيب يلا حطيها بيدي دانه طلعت من وراها الهديه وحطتها بيده وقربت من خده وباسته بهدوء الوليد حس بشفايف صغيره وناعمه تقبل خده توسعت ابتسامته وفتح عيونه وهي كانت بتموت من الحيا ماتدري كيف باسته قالت له بسرعه : كل عام وانت بخير وراحت تركض لبيتهم الوليد ضحك ورد لها بصوت عالي عشان تسمعه :وانتي بالف خير مشكوره على الهديه قطع عليه تفكيره صوت جواله ناظر له شاف المتصل ورد على طول :الووو فهد :هلا هلا والله ب القاطع وينك فيه يااخوي الوليد :ههههه قاطع وأمس واحنى سوا فهد:هههه وش اسوي اشتاق لك ياأخي الوليد :هههههه قول وش عندك وخلصني فهد :دوووم عارفني الوليد ضحك :هههههههههه........... فهد:نبيك تطلع معانا على الكورنيش نبي نتمشى ونغير جو تراني كلمت زياد وزايد وحمد بنطلع كلنا خليني اشوفك تعتذر بعد المغرب تلاقيني واقف لك عند بيتكم سامع وقفل في وجهه من غير مايسمع رده الوليد ناظر جواله وضحك :هههههههههه وقام يتجهز قبل لايجي فهد ويحوسه يعرفه لسانه متبري منه ~~~~~~~~ فتحت عيونها عيونها وناظرت لساعه :هييييه الساعه 3 العصر غريبه البنات ماصحوني وقامت اخذت مذكراتها والصوره وقبل ماترجعها باست صورة الوليد ورجعتها بالصندوق وراحت تتوضأ وتصلي خلصت صلاتها وطلعت بتشوف خواتها راحت الصاله والمطبخ ماشافت أحد رجعت لغرفة اسيل الي جنب غرفتها فتحت الباب ودخلت شافت اسيل جالسه عند المرايه وماسكه شعرها وتناظر نفسها ودموعها تنزل دانه خافت على أختها وقربت منها :اسوله وش تسوين أسيل ناظرت لدانه وابتسمت ابتسامه باهته من بين دموعها :ولاشي بس أحاول اصلح شعري الي ابوك قصه من غير سبب دانه حزنت على حالهم :طيب حبيبتي هاتي المقص وخليني اعدله لك اسيل بكت بقوه :دانه ليش ابوي يسوي فيني كذا انا وش سويت له عشان يقص شعري كله عشاني ماسمعته يوم ناداني دانه انا احب شعري كثير الحين شوفي كيف صار شكلي وجلست تبكي قربت منها دانه أكثر وضمتها :خلاص حبيبتي مع الأيام راح يطول وبعدين الحين أقص لك واخليه احلى من أول ~~~~~~~~~ خلصت الغدا متاخر شوي وحطته على الطاوله ونسقتها بطريقه حلوه وراحت له المكتب دقت الباب مارد فتحت الباب بشويش ودخلت شافته حاط رأسه على المكتب وهو نايم قربت منه أكثر شافت ملامحه وابتسمت وفي نفسها ""ههههههه وهو نايم الي يشوفه يقول مافي أهدى من هذا الإنسان "" هو ماكان نايم فتح عين وناظر لها :وش تسوين جمانه ارتبكت:هاه جييت ابي اصحيك للغدا فيصل ناظر لساعته وقام وهو ناوي شر قرب منها وهي تراجعت لورى حتى وصلت للجدار وهو حط يدينه على الجدار وتكلم بعصبيه : الغدا انا مو قلت لك ابيه بعد نص ساعه والحين الساعه 3 أظن لك ساعه متاخره ليييش ماسويته بدري جمانه :أااابعد عني انا مو خدامه عندك وبعدين وش راح يصير اذا اخرته ساعه فيصل :ههههه ومين قالك انك مو خدامه وبعدين انا اوريك وش يصير جمانه قوت نفسها :أنا قلت ودفته عنها فيصل مسك شعرها وسحبها جمانه :اااااااااي فيصل فكني فيصل شد على شعرها بقوووه : اوريك وش يصير وانا مو قلت لك لا ترفعين صوتك علي جمانه بكت :اااااي فيصل فك شعري قطعته فيصل سحبها من شعرها وضرب برأسها بالجدار كم مره من غير رحمه وهي تصارخ وتترجاه انه يتركها بس بدون فايده بعد ماخلص رماها بالأرض وطلع وقفل عليها باب المكتب شاف ولده عند الباب يبكي قرب منه وضمه بقوه :نوافي لاتبكي حبيبي نواف :بابا ليش طديتها زمانه تهبني وانا اهبها ( بابا ليش طقيتها جمانه تحبني وانا احبها ) نواف ولد فيصل عمره 3 سنوات جسمه صغير وابيض وعيونه حلو وواسعة تشبه لعيون ابوه وغمازه وحده نفس ابوه فيصل ترك ولده وطلع وهو متضايق من نفسه وصل للبحر ونزل جلس على الشاطى وهو يكلم نفسه دايما اغلط على هذي البنت بااتفه الأسباب بس انا ماابيها مااحبها اخذتها عشان ولدي بس ولدي وبس واذا ماتبيها تسوي فيها كذا أيه احسن خليها تتأدب عشان مره ثانيه ماترفع صوتها علي خليها تولي لا لا هي مالها ذنب خليني اروح اشوفها ياربي معاد اعرف نفسي كل ماابي اعاملها باحترام وحب مااقدر مااقدر كل الحب والاحترام راح راح معك ياغدير نزلت دموعه وجلس يمسحها تذكر زوجته الي ماتت وهي تولد بنواف لأن جسمها كان ضعيف وماتحملت ~~~~~~~~~~ بيت أبو الوليد ام الوليد واروى وطيف جالسين يتابعون مسلسل طيف طفشت وقامت وقفت قدام أروى تبي تعاندها أروى :طيوووفه وخري عن وجهي خليني اشوف طيف مدت لسانه:لاااااااا ماراح اوخر أروى ناظرت أمها الي منسجمة على المسلسل وجالسه تاكل حب :يمه أمها :نعم أروى :يمه انتي كيف تتفرجين وهذي قدامك تصايح ام الوليد :اسكتي خليني اشوف ريتاج بيزوجونها غصب بهذا الي مدري وش اسمه أروى:طيوفه انقلعي عني قبل لا أقوم اكفخك دخل زايد وهو يسمعها :مين هذا الي يبي يكفخ طيوفتي طيف من شافت أخوها راحت ركض وضمته بقوه وضمته وهو يضحك ام الوليد :شوي شوي يابنت اخوك تعبان زايد ابتسم :خليها يمه وبعدين الحين انا طيب وبعدين مين قالك اكيد زيادوه وانا قايل له لاتقول لأمي دخل زياد وعصب لما سمع زايد :زيادوه بعينك هذي جزاتي اني خايف عليك لو ماقلت كان الحين ابوي مصحيك من الصبح و مداوم مو مكبر المخده ونايم زايد :ههههههه زعل زيود وقرب منه وضمه زياد ابتسم مايقدر اصلنا يزعل على تؤامه زايد :ايه كذا احلى مو داخل قبل شوي مكشر ....الا قول لي بتروح معانا زياد :ليش انت بتروح المفروض ترتاح اليوم وماتطلع زايد :ياخوي مليت من البيت ابي اطلع والحين شوي وفهد بيمرنا حتى الوليد بيروح ام الوليد :أجل انتبه ل اخوك يازياد زايد وجهه تغير :يمه انا كبير مو صغير عشان ينتبه علي ...ويلا انا طالع طلع زايد وزياد التفت لأمه :الله يهداك يمه زايد كبير معاده طفل زي اول وبعدين من صغرنا دايما تحسسينه انه مريض خليه على راحته خلاص صار متعقد من مرضه والسبب انتي ام الوليد بحزن :يمه مو بكيفي أخاف عليه زياد:ماراح يسير شي إلا الي ربي كاتبه له صح ام الوليد :صح زياد :يلا يمه انا رايح ام الوليد :الله يحفظكم يمه وراح زياد ل زايد برى بعد خمس دقايق نزل الوليد وسلم على أمه وطلع مع زياد وزايد برى ينتظرون فهد عشان يمشون سوا جاء فهد وكل واحد ركب سيارته ومشوا ~~~~~~~~ ماسكه جوالها تقلبه يمين يسار تبي بس رساله منه اشتاقت له لها كم يوم ما كلمته ولا جاهم اشتاقت لأيام الطفوله لما كان يجي يلعب مع زياد وزايد كانت تلعب معاهم حبته من صغرها رغم مرور السنين الي مرت كان حبها يكبر ويزيد له.... تعشقه سمعت صوت نغمة مسج فتحتها بلهفه اشتقت لك واللي خلق حلو الإحساس يا مشغل قلبي وروحــي وعيني .. حبي لك أكبر من هوى الناس للناس تبعد تقرب انت موجود فيني .. زوجك@حمد ضمت جوالها وأرسلت له زعلانه منك بعد لحظات رن جوالها ب اسم (عشقي الابدي) ردت بصوت كله دلع :الوووو حمد بصوت هايم :هلا بالي مأخذه عقلي وتفكيري منار بزعل:مأخذه عقلك وتفكيرك وانت لك كم يوم ماكلمتني حمد :منوره حبيبتي والله انشغلت شغلي الين رأسي حتى النوم معاد انامه زين منار:............. حمد :منار ....منار . منار ساكته:.......... حمد :لا دام منوره زعلانه مااقدر اروح ل شباب الحين اسحب عليهم واجيك واعشيك بمطعم وش رأيك منوره. منار ابتسمت :جد حمد :ايه جد ياقلبي وبعدين كم منار عندي منار بدلع :اكيد وحده حمد ابتسم :أجل يلا حبي كلها ساعه واكون عندك منار :طيب حبيبي انتبه على نفسك قفلت منار وهي مستانسه وراحت فتحت دوالبها تشوف وش تلبس ملاحظه (حمد مملك على منار) انتهى البارت ........ توقعاتكم ...... دانه بتبقى حياتها عادية ولا بتسير تغيرات تغير مجرى حياتها الوليد راح يلتقي بحبه ولا الزمن بيلعب دوره منار وحمد وقصتهم بالبداية جمانه وش راح يصير فيها بعد طق فيصل فيصل راح يتغير ولا بيبقى كذا فهد هل له دور بالرواية ولا لا زياد زايد أروى اسيل هل راح تتطور حياتهم تابعوا رواية ماقلت لك قد الغياب اشتقت لك وتعرفون 😊😊😊 | ||||||||||||
|
| |
|
02-01-16, 06:56 AM
| #5 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| رغم بعد المساااااافات.. ~ ومرور السنين ..~ إلا أن الأمل باقي في قلوبنا..~~ {لعلنا نلتقي يوما ما ونعود كما كنا من قبل } ""البارت الثالث "" :هاه والحين وش رأيك اسيل تناظر نفسها :اممم حلو دانه :يادلبي طالعه كأنك بيبي ب قصتك اسيل :ههههه أذكر زمان يوم اني صغيره كنت أقص دائري زي كذا دانه :ايه والله صادقه جاهم صوت من برا :داااااااانه ....دانه وصمخ اسيل خافت وبدت تتنافض :دانه روحي شوفيه أخاف يسوي بشعرك مثلي دانه :اسوله لاتخافين بروح اشوفه طلعت دانه من الغرفه :نعم يبه بغيت شي أبو دانه :اسمعي الحين تشيلين هذي الأغراض وتروحين تبيعينها كلها فاهمه وان رجعتي فيها زي ماهي ماتلومين إلا نفسك دانه :يبه بس انا اليوم عندي مذاكرة مااقدر اروح أبو دانه بعصبيه :بتروحين ولاكيف دانه خافت :خلاااص يبه بروح ورجعت عند اسيل اسيل :وش يبي ابوي دانه :يبيني اروح ابيع كالعاده ...بس انا عندي اختبار بكرا اسيل :خلاص انا اروح بدالك دانه :لا لا انا بروح وانتي روحي ذاكري ونامي بدري طيب اسيل ابتسمت وضمة دانه :طيب يا اطيب قلب دانه قرصة خشم اسيل :يلا انا بروح انتبهي على نفسك مع السلامه راحت دانه غرفتها واخذت مذكراتها وصورة الوليد وحطتها بالشنطه عشان تقرأ مذكراتها اذا طفشت وتكتب وتجهزت وأخذت أغراضها قبل لا تروح مرت ألقت نظره على أختها قبل ماتروح اسيل مازالت تناظر نفسها بالمرايه ابتسمت دانه وطلعت ~~~~~~~~~ رجع البيت مر من غرفة الطعام كان الغدا على حطته ومنسق بطريقه حلوه لام نفسه على تصرفه معاها حتى لو مايحبها لازم يعدل أسلوبه مشى لجهة مكتبه شاف نواف إلى الحين جالس عند باب المكتب تقدم منه :نوااافي نواف رفع رأسه :بابا انت زيت بابا افتح لزمانه بابا انا احب زمانه ليس انت يا بابا ماتحبها (بابا انت جيت بابا افتح لجمانه بابا انا احب جمانه ليش انت يا بابا ماتحبها ) فيصل: طيب حبيبي يلا انت روح غرفتك وانا باافتح لها طيب نواف هز رأسه وشال دبدوبه الي جنبه وراح لغرفته فيصل يناظر ولده كيف حب جمانه على طول وهو حتى خالاته مايحب ولا وحده تقرب له عجيبه هذي الجمانه مدري كيف خلته يحبها بهالسرعه بعدين تذكر كيف طقها اليوم طلع مفتاحه من جيبه وفتح شافها طايحه بالأرض ب مكانها حس أطرافه بردت قرب منها بهدوء :جمانه ...جمانه جمانه :............لارد قرب أكثر وجلس جنبها ورفع رأسها كان كله جروح ودم ضربها بخفه على وجهها :جمانه ...جمانه . ضرب بيده بالأرض وش سويت يافيصل شكلك ذبحت البنت قام بسرعه وجاب مويا ورشها وبدت جمانه تفتح عيونها حست ب صداع فضيع ناظرت قدامها شافت فيصل جالس عندها فزت بسرعه ورجعت لورى ودموعها تنزل :تكفى فيصل وخر عني كفايه الي فيني فيصل قرب منها وحط يده على كتفها :جمانه قومي خليني اوديك المستشفى جمانه بعدت يده عنها بقوه وهي تبكي :ماابي ولامستشفى ابي اروح غرفتي عساني اموت وترتاح مني ليش انت قااااااسي وقامت عنه فيصل جلس بالأرض ونزل رأسه بين رجله حس كلمتها بقلبه قاااااااسي قاااااااسي ايه انا قاسي ليش صرت قاسي كذا البنت ماسوت شي وجلس يلوم نفسه جمانه سحبت نفسها بالغصب وراحت لغرفتها طلعت عدت الاسعافات وجلست تعالج نفسها بنفسها وتبكي على حظها تمنت أنها تكون عند ابوها رغم انه معذبهم الا ان خواتها على الأقل كل وحده كانت تخفف على الثانيه بس هنا محد يخفف عنها ~~~~~~~~~~~ خلصت وناظرت نفسها ب المرايه بإعجاب ايه كذا تمام تعطرت ولبست عباتها ونزلت مرت من عند أمها :يمه انا طالعه حمد ينتظرني برا ام الوليد ابتسمت :الله يحفظكم يمه أروى :مناروه من قدك طالعه مع حمد مالت علي وانا جالسه انا وهالعله ""قصدها طيف """ طيف :والله ماعله غيرك أروى :يمه شوفيها ام الوليد طنشتهم وناظرت منار :روحي يمه لو جلستي تسمعين هالاثنتين ماراح تخلصين منار :هههههههه ايوا الله يمه يلا باااااااي أمها :في أمان الله ~~~~~~~~~~ :هههههههههههه ايه تعال البيت فاضي ومافي أحد إلا أنا وهي هههههه لا لا تخاف راح تجي معاك و رجلها فوق رقبتها كم قلت لا لا زي ماتفقنا الليله 50 الف وقفل وهو مبسوط : ههههههه والله وبترزق من ورا هالبنات وراح لها غرفتها طق الباب اسيل :مين ابوها بهدوء : افتحي يابنتي قامت اسيل وفتحت لابوها وهي خايفه من هدوءه غريبه يطق الباب بالعاده يجي ويرفس الباب ويدخل :ه.هلا يبه بغيت شي ابوها جلس :اسمعي واحد كلمني وقال ابي مربية اطفال ليوم واحد عنده شغل هو وزوجته وعنده ولدين صغار ويبي وحده تجلس عندهم اليوم مقابل مبلغ زين وانا قلت له ان عندي وحده كنت ابي دانه بس دانه طالعه انتي روحي خلاص اسيل بتردد وخوف :بس يبه أبوها عصب :لابس ولا شي يلا تجهزي وحطي لك مكياج والبسي احسن شي عندك لأنهم ناس اغنياء اسيل هزت رأسها وهي تحس بخوف ماتدري ليش طلع من عندها :ههههههه ومشت عليها باقي العله الثانيه خليها تجي ونشوف لها واحد بعد نص ساعه جاء خوي أبو دانه أبو دانه :تفضل حسن وهو يمسح ذقنه الي كان أغلبه ابيض وشكله يخوف :خلي اللف والدوران وينها واطلق هذيك الضحكه الي تخوف ههههههه أبو دانه بأدلة الضحكه:الحين اناديها اسيل ..يا اسيل نزلت اسيل تركض ولابسه عباتها ومتغطيه ابوها :يلا روحي مع أبو عادل يوديك للبيت الي يبونك اسيل من شافت الرجال حست بالخوف :ليش يبه مو انت الي بتوديني أبو دانه عصب :لا... هو يوديك ويلا عن الاسئله روحي معاه اسيل غطت عيونها بالشيله وطلعت معاه وهو بس يناظرها ويضحك وركبت معاه وهي تدعي بقلبها انها توصل لعند الناس بسرعه ~~~~~~~~~ بالكرونيش عند الشباب :فيهدان وبعدين معك انت ماتجوز عن طبعك خلي بنات الناس فهد :هههههه مو انا الي اجيهم هم الي يجوني إلى عندي احم احم لاني وسيم الوليد :هههههه مداح نفسه يبيله رفسه اقول أمش خلينا نروح نجلس بأي مكان زياد وزايد :ههههههههههههههه فهد :انطموا زياد :ليش ننطم نبي نتونس فهد :وماتتونسون إلا علي هاه زايد :ههههه لأن مافي احد غيرك يونسنا ويلا انا بروح معاك نشوف هاالمزيونات فهد :هههه يابعد قلبي يازيود مااحد يفهمني غيرك الوليد :هيه انت وياه هذا وجهي اذا عاد طلعت معاكم فهد :هههههه نمزح معك وليدوه الوليد ابتسم :أيه تمام يلا مشينا زايد :لحظه بروح اشتري من هذي الحرمه وراح لها كانت جالسه وتناظر كيف الناس رايحين جايين الي ماسك يد زوجته والي هو وإخوانه والي عائله ام واب وعيالهم كانت تتمنى لو يرجع الزمن ويرجعون عائله مثل قبل تذكرت حبها الأول الي ماراح تنساه تمنت لو تشوفه لحظه بس اكيد ماراح تعرفه اكيد كبر وتغير قطع عليها:لوسمحتي اختي أعطيني واحد مويا دانه :طيب وراحت طلعت له مويا وجات بتعطيه :زاااااااايد كم مره اقولك لاتاخذ مويا من الي يبعون بالشارع دانه ناظرت له من فوق لتحت :ووش فيهم الي يبيعون بالشارع يترزقون الله مايشحذون الوليد :هه بس وش درانا انه معبى مو صحه وعلى فكره الي بالشارع مو من مستوانا ولا نأخذ منهم وناظر ل زايد .........زايد أمش زايد :الوليد لحظه وش فيك اليوم دانه من سمعت اسم الوليد حست قلبها ينبض بسرعه من زمان ماقد سمعت هالاسم مسكت على قلبها وجلست لاحظ عليها زياد وقرب منها :اختي انتي بخير دانه ماهي بعالمهم نزلت دمعه من عينها اشتاقت للوليد بس هي ماتدري في أي أرض هو توها تنتبه لشاب الي يكلمها :لا مشكور اخوي مافيني شي ورفعت رأسها ناظرت للوليد وبسرعه قامت أخذت أغراضها ومشت عنهم زايد :زين كذا قطعت رزق البنت وخليتها تمشي الوليد :أمش بس خلينا نروح نجلس بأي محل وبعدين اذا تبي شي انا اروح اشتري لك من محل زين انت عارف انك تعبان واخاف أن المويا معبى مو صحه اخاف تضرك زايد عصب :تعبان و تعبان إلى متى بتظلون تعاملوني كذا على اني ناقص انا تعبت تعبت ومشى وخلاهم زياد :زايد ....زايد زايد ماكأنه يسمعه مشى وخلاه زياد ناظر الوليد :الحين عاجبك الي سويته الوليد :أنا ماكنت أقصد ازعله بس من خوفي عليه زياد :انت وأمي وابوي دوووم كذا هو رجال مو طفل ويعرف مصلحة نفسه أكثر مني ومنك وراح وتركهم ~~~~~~~~~ سحب الكرسي :تفضلي يا اغلى ناسي منار :تسلم حمودي حمد :هههه بالبيت حمودي وعندك حمودي منار :ايه حمودي الين تشيب وانا بظل ادلعك حمودي حمد :ياجعلني فدوه لك منار خجلت :تسلم حبيبي ...اممم...ويلا اطلب ولابنقضيها غزل ..تراني جوعانه حدي حمد :ههههههه يخسى الجوع ..الحين اطلب لقلبي الي تبي منار :فديت قلبك .....حمد حمد :هلا منار :منهو فينا ياحمد أكثر يموت بصاحبه حمد ابتسم حتى بانت غمازاته :اكيد أنا منار :لا انا اكثر حمد انت بالنسبه لي دنيتي تعرف كيف دنيتي انت أغلى من على الأرض عندي انت حبي الأول انت الطفل الي أشعلت قلبي بحبك لو احكي لك من اليوم لآخر يوم بعمري ماراح اقدر اوصف شكثر احبك حمد قرب من يدينها ورفعها وباسها :الله يخليك لي يادنيتي لو ما العيب كان شلتك وجلست ادور فيك واصرخ بكل صوتي احبببببببببببببببك منار ابتسمت له بحب :ويخليك لي ياقلبي نخليهم يكملون غزل ~~~~~~~~ استأذن من فهد وراح يمشي لحاله يبي يختلي بنفسه حاس نفسه مخنوق اول شي قطع رزق البنت وثاني شي زعل زايد وبعده زياد كان يمشي وشاف البنت الي تهاوش معاها عرفها وراح يبي يعتذر لها شافها تقطع الشارع وشكلها مي منتبه لسيارات راح لها بسرعه كانت فيه سياره جايه مسرعة سحبها وطاح هو وياها بعد لحظاااااااات رفع رأسه وقام وقومها معاه وصرخ عليها :انتي ماتنتبهين ماتشوفين السيارات رايحه جايه شكلك بايعه نف...... انقطع كلامه يوم ناظر عيونها عيونها الي ذكرته بحب الطفوله الي يتمنى يشوفها من سنين تعلقت عيونه بعيونها للحظات دانه بدت دموعها تنزل بقوه يوم شافته عرفت انه الشاب الي تهاوشت معاه تمنت للحظه لو يكون الوليد الوليدحبيبها كان ارتمت بحظنه عشان يخفف عنها حزنها واشتياقها له الوليد من شاف دموعها ارتبك :أ.أ.اسف ماكان قصدي اصارخ عليك دانه مسحت دموعها وردت بصوتها الناعم :مو مشكله معاك حق المفروض انتبه وبعدين انا مو من مستواك عشان تعتذر لي مشكور اخوي وأخذت شنطتها ومشت عنه وهي تحس بغصه الوليد يحس قلبه يدق نفس العيون نفسهاااا راقبها حتى راحت وتوجه لسيارته وركب وهو مازال يفكر بعيونها ~~~~~~~~~~ بمكان ثاني دخل القصر الكبير رمى مفتاحه على الطاوله وجلس على الكنبه الفخمة ومد رجلينه وتنهد بألم إلى متى بتظل كذا إلى متى يافهد لا أنيس ولا ونيس كلن لاهي بحياته وانت وحيد احس الحياة مالها طعم من غيركم يمه يبه حتى اخوي اخوي الوحيد ماشفته من كم شهر ضحك على نفسه هه الكل يشوفني اضحك ومبسوط بس مايدرون عن الي بداخلي اااااااااخ نهاية البارت توقعاتكم الوليد ودانه راح يلتقون مره ثانيه ولا القدر راح يفرقهم ....... فهد وش قصته اسيل وش راح يصير عليها جمانه وفيصل منار وحمد راح يستمر حبهم زياد وزايد | ||||||||||||
|
| |
|
05-01-16, 06:42 AM
| #7 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| modyblue مرورك اسعدني | ||||||||||||
|
| |
|
10-01-16, 11:11 PM
| #8 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| xعلى كفxالقدرxنمشي ولا ندري عن المكتوب عبارة كنت أرددها صدق من صاغ معناها مشينا دون لا ندري وشربـنا من بـلاهـا كـوب وهـذي حال دنـيـا رمـتـنـا مـا رمـيـنـاهـا تضحكنا تبكـيـنـا تـمـشـيـنـا على المـطـلوب على كف القـدر نـمـشـي دروب ما رميناها من الكاسب من الخاسر من الفايز من المغلوب مع الأيام تـحـصـدنـا وحـنـا ما حصـدنـاهـا وأنا واحد من الآلاف أعيش بعالمي مرعوب أحس الأرض مهزوزة من أدناها لا أقصاها نظرت الناس من حولي وكم بالناس هو منكوب حوادث هزه الوجـدان أجـل بالعـيـن شفناها ألا يا عـمـري الفاني ألا يا حـقـي الـمـسـلـوب متى عـيـنـي بليل الياس لـذيـذ النوم يهـنـاها متى يحـالفـنـي الحظ ويصحح وضعـي المـقـلـوب يعـدل قسـوة الأيام وغلطة ما ارتـكـبـنـاهـا... """البارت الرابع""" كانت تطالع يمين يسار وهي خايفه من المكان كان الطريق يخوف وكله ظلام بعد لحظات وقف عند بيت اسيل :لو سمحت هذا بيت الناس إلي يبون مربية أبو عادل ضحك بشر :هههههههه ايه وبتستانسين انزلي اسيل الخوف اجتاحها و تناظر البيت كان مظلم والشارع فاضي :طيب نزلت ووصلت للباب طقت الباب محد رد ماحست إلا أبو عادل ضامها من ورا ويبي يفتح الباب :لحظه الحين افتح ياحبي اسيل تتنافض من الخوف :انت وش تبي أبو عادل :افا عليك انا الولد الي يبي مربية هههههههههههههههه اسيل تبكي وتدفه بس هو كان شاد عليها بقوه وفتح الباب وسحبها معاه جوا البيت وهي تصارخ ابو عادل سحب غطاها عن وجهها وجلس يتحسسه :لا لا ماتفقنا كذا ياحلوه اسيل تبكي وترتجف من الخوف :اتركني الله يخليك أبو عادل وهو يمسح على وجهه الي يخوف :هه اتركك لا ياقلبي دافع فيك 50 الف مو ببلاش اسيل بصدمه :50 الف يعني ابوي باعني أبو عادل :ايه باعك ياحلوه والحين إجلسي بأدب عشان نبدأ سهرتنا بعد شوي وراح وهو يضحك اسيل جلست وهي تبكي لا لا ماراح اخليه يمس مني شعره لو على موتي فكري يا اسيل عشان تتخلصين من هذا الشايب اهدي اهدي وفكري خلي الخوف ولا بتنتهين """ ~~~~~~~~ زايد ركب سيارته وكان يمشي بالشارع مايدري وين رايح ماحس بنفسه إلا وهو موقف عند شاطى البحر نزل وجلس عند الشاطى وكان يراقب المد والجزر فتح جواله ودق على رقم من زمان ما دقه رقم صاحبه هو الوحيد الي يخفف عليه ردت بصوتها الناعم :الوووو زايد بتردد:الو أفنان :زايد زايد :هلا أفنان أفنان :هلا زايد وش اخبارك زايد :الحمد لله معليش أفنان ازعجتك داق عليك في هالوقت أفنان ضحكت وردت له بصوتها الي يجذبه :لا انا كذا بزعل زيود ......ويلا قلي وش مضايقك زايد ابتسم :هههههههه وش دراك اني متضايق أفنان : اممممم اعرفك وبس زايد : أفنان انا تعبان أفنان بخوف : بسم الله عليك زايد : أفنان انا تعبان نفسيا الكل يعاملني على اني ناقص وش ذنبي الله خلقني كذا أفنان :زايد اسمعني زين هم مايعاملونك انك ناقص هم يخافون عليك تدري ليش لأنك غالي عندهم لأنهم يحبونك يخافون عليك الحين عرفت سر معاملتهم لك حتى انا أخاف عليك يوم قلت لي تعبان حسيت قلبي طاح ببطني هههههههههه زايد ابتسم :أفنان تدرين محد يفهمني إلا انتي أفنان :ولو انا في الخدمه كم عندي زيوود زايد ابتسم وقلبه يدق :هههه واحد طبعا يلا اخليك يا ق...... كان بيقول ياقلبي بس ماعنده شجاعه عشان ينطقها وكمل كلامه ....تنامين تصبحين على خير فني أفنان ابتسمت بحب :وانت من أهل الخير قفل زايد وحس براحه بعد ما كلم أفنان وابتسم وقام ركب سيارته وحرك لبيتهم أفنان بعد ماقفلت من زايد ضمت الجوال من زمان ماسمعت صوته حست ان روحها ردت لها بعد ماسمعت صوته دخلت عليها أختها وهي ضامه الجوال :أفنان وش فيك ضامه الجوال كذا أفنان :هاه ريم :ههههههه من قال هاه سمع أفنان شالت المخده الي جنبها ورمتها على أختها :مالك دخل ويلا تقلعي على غرفتك ريم :الحمدلله والشكر اعصابك وطلعت من غرفتها أفنان بعد ماطلعت ريم انفجرت ضحك على نفسها صدق هبله ضامه الجوال والله جننتني يازايد تعريف عائلة ابو أفنان أبو أفنان أخو أبو الوليد أصغر منه عمره 40 ماعنده إلا بنتين رجال قد كلمته واذا قال كلمه مايثنيها يحب بناته ام أفنان عمرها 38 طيبه وحنونه ريم هي الكبيره عمرها 23 انسانه ملامحها عاديه تحب الوليد بس هو مايعطيها وجه أفنان عمرها 18 حلوه بشرتها حنطيه جسمها حلو كأنها عارضة ازياء عيونها لونها بني وشعرها قصير وجهها صغير وكل شي فيها صغير تجنن ~~~~~~~~ بيت أبو دانه جالس يشرب وعنده واحد من أخوياه وكلهم سكرانين قام خويه وهو يترنح :أبو دانه وييييين المططبخ أبو دانه وهو رايح فيها :ههه روح فوق تحت تلاقي المطططبخ هههههههه خويه:طييييب وراح يدور للمطبخ حتى لقيه دخل وهو يالله يمشي سكران وشغل الغاز وفتح العيون كلها يبي يسوي شاهي وأخذ الولاعه شغل العين وحط الولاعه جنب الفرن وحط الابريق على النار وراح جلس على الكرسي وحط رأسه على الطاوله ونام وخلى الغاز شغال ..... ............. ~~~~~~~~~ رجع لها وهو على وجهه ابتسامة خبث :هههههههههه شيلي العبايه ولا مستحيه لا تستحين ياقلبي اسيل رفعت وجهها وابتسمت ابتسامه مصطنعة :إلا بشيلها بس تكفى جيب لي مويا اذا ماعليك أمر أبو عادل وهو يمسح على وجهه المقزز ويضحك :ايه خليك كذا احسن ابشري الحين أجيب لك الي تبين اسيل ""يارب ساعدني "" قام أبو عادل وأعطى اسيل ظهره وهي قامت بسرعه وشالت المزهريه الي جنبها .......وطااااااااخ......... ظربت فيها راس أبو عادل طاح بالأرض :ااااااااخ ي××××......... اسيل بسرعه طلعت وهي تركض حتى شيلتها طاحت وصلت للباب وجات بتفتحه إلا أبو عادل واقف وراها وهو ماسك على رأسه الي ينزف :اوريك يا بنت عمار ااااخ انا تسوين فيني كذا ياحقيره اسيل وهي تبكي ضربته كف وأبو عادل مسك عبايتها وسحبها وهو يناظرها بأعجاب كانت لابسه بنطلون بني وبلوزه بيج كلها تطريز كم طويل ومفصل جسمها أسيل دفته وفتحت الباب ومن حسن حظها كان الباب مفتوح وطلعت بسرعه تركض بالشارع وهو وراها بس اسيل كانت أسرع طلعت على شارع عام وكان مظلم وهي ترتجف وتبكي من الخوف وهي تركض قطعت الشارع وجات سياره مسرعة وطررررررررررررررراخ .................................................. .. صدمتها السياره وطاحت فوق الكبوت زياد كان مسرع لأن عنده حاله طارئه بالمستشفى وماحس إلا بهذا الشخص الي قطع الشارع حاول يتدارك الموقف ويبعد عنه لكن صدمه وقف زياد ونزل بسرعه وهو يشوف هذا الشخص طايح على الكبوت زياد قرب وهزه :اخوي ....انت بخير اسيل طاحت بالأرض وهي تون والدم كان مالي وجهها آسيل:ااااه......ااااااااه زياد ناظر شاف ملابسها وجسمها مبين انها بنت وشكلها ""هذي شكلها بنت بس ليش طالعه بلا عبايه ولا غطاء "" قرب أكثر وسوا لها إلاسعافات الاوليه بحكم انه دكتور وشالها وكانت خفيفه وركبها السياره بهدوء عشان مايضرها وتوجه للمستشفى بااقصى سرعة و كان كل شوي يناظرها وينادي مايبيها تغيب عن الوعي زياد :تحملي .....تحملي يااختي اسيل تهذي :ماما .... ااااااه....دانه ....بموت .............. زياد من سمعها تقول بتموت زاد السرعه وهو خايف أن البنت تموت والسبب هو ~~~~~~~ وقفت تاكسي وركبت وصفت له البيت دانه :لو سمحت ابي السوبر ماركت :طيب ماما وصل لسوبر ماركت ونزلت دانه أخذت أغراض ناقصتها ورجعت ركبت السياره وحرك لبيتهم وصل للحي ودخل دانه تناظر وتشوف نار من بعيد شكله فيه حريق اشرت للرجال :وقف وقف الرجال :هنا دانه أعطته الحساب ونزلت بسرعه اخذت أغراضها وراحت تمشي بيتهم كان بعد اللفه والنار باينه من فوق ماتدري من أي بيت زادت سرعتها ولمى وصلت للبيت شافت المطافي والناس الي متجمعين وشافت جثه مغطينها حست الدنيا تدور فيها بدت دموعها تنزل وتهز رأسها وتصرخ :لا... لاااااااا. .. يبه... اسيل راحت تركض لباب البيت تبي تدخل والناس يرجعونها تحس برعب وخوف النار ماكله البيت والدخان منتشر دانه وهي تصرخ :باقي أحد جوا اسيل يبه رجعت زي المجنونه وجلست جنب الجثه وكشفت عنها كان ابوها ميت عرفته دانه :اااااههيييييه لاااااااااااااا يبه ليش ترووح يبه كنت اتمنى ترجع زي اول ليش رحت قبل ماتعطينا شوي من حنانك مثل قبل طلعوا الجثة الثانيه وكانت مغطى عرفت دانه أنها اسيل وزاد بكاها في هذي اللحظه مرت سياره فخمه من عندهم كانوا فيها رجال وحرمه كبار بسن ام غلا :وقف يامحمد شوف وش صاير هنا محمد أبو غلا وقف ونزل وهو يشوف دانه جالسه عند الجثث وتبكي بإنهيار :لاحول ولا قوة إلا بلله ويسأل الي واقف جنبه :وش صاير الرجال :والله صار حريق بهذا البيت وأهل البنت هذي كلهم توفوا أبو غلا :أنا لله وانا اليه راجعون رجع سيارته وركب ام غلا :وش صاير أبو غلا :شفتي هذيك البنت كل أهلها توفوا بالحريق ام غلا دمعت عيونها :بروح اشوف البنت يمكن مالها أحد أبو غلا ايد رأيها وخلاها تنزل نزلت ام غلا وتقدمت من دانه وسحبتها.... :أدعي لهم يمه بالرحمه دانه ناظرت ام غلا :ابوي راح واسيل آسيل الي كانت تتمنى انها تكمل دراستها وتسير ممرضه ....... كذا اسيل ماراح تتحقق امنيتها ااااااه ....يالتيني رحت معهم وارتحت من هالدنيا اااااااه....... ام غلا :استغفري الله دانه وهي تبكي بنهيار:الحين وين اروح من لي بعدهم مالي أحد اروح له اااااه يارب صبرني ام غلا اخذتها فرصه هم ماعندهم أحد ببيتهم بس هي وأبو غلا :قومي يابنتي تعالي معانا والله ييسرها قومة ام غلا دانه معاها وهي تبكي و تمشي وهي ماهي حاسه بنفسها كل شي ينعاد عليها اليوم حتى طاحت واغمى عليها ومعاد حست بشي ام غلا :يابنتي ....يابنتي دانه :........لا رد ~~~~~~~ تحرك رأسها يمين ويسار كأنها تحلم وتصارخ فيصل كان مار من عند غرفتها وسمعها فتح الباب بهدوء وقرب منها وهي تهذي دانه اسيل تكفون تعالوا انا بحاجتكم هنا محد يحبني لا لا لا لاتروحون فيصل يهزها يبيها تصحى :جمانه ...جمانه جمانه مازالت تحلم وتبكي وهي نايمه وصرخت :لااااااااااااااااااااااا وفتحت عيونها وجلست بسرعه وهي تبكي وتمسح دموعها مسك يدها فيصل :جمانه هذا كابوس تعوذي من الشيطان جمانه رفعت رأسها شافت فيصل جالس عندها استغربت وجوده وقربت منه وضمته بقوه وهي تبكي وتتكلم :كلهم راحوا راحوا وخلوني فيصل يجاريها :وين راحوا جمانه :قالوا بيسافرون بس مدري وين فيصل الكل راح وتركني محد يحبني محد وزاد بكاها ........ فيصل حن عليها وضمها له أكثر وهو يمسح على ظهرها :خلاص ....خلاص جمانه حست بدفى حظنه وحنانه كان ودها تبقى كذا على طول تمنت لو فيصل يعاملها كذا على طول تمسكت فيه بقوه كأنها طفل وخايف لاتضيع لعبته فيصل جالس يمسح على ظهرها ويقرأ عليها حتى حس انها انتظمت أنفاسها شالها وسدحها زين وغطاها وجلس يناظر وجهها كيف انه كله جروح والسبب هو قرر انه يعاملها زي أخته حرام الي يسويه بالبنت دايما يضربها ويحسسها انها خدامه ومو ذنبها أن ابوها باعها له حتى من غير زواج دفع مهر وملك عليها واخذها كذا عشان تربي ولده وبس قام فيصل وناظر لها وطفى اللمبه وطلع مر على غرفة ولده نواف وشافه نايم ابتسم وقرب منه وباسه على خده وقرأ عليه المعوذات وراح لغرفته نهاية البارت توقعاتكم ............. الوليد ودانه هل لهم لقاء مره ثانيه ؟ أم غلا وأبو غلا هل لهم دور بالرواية ؟ اسيل ودانه وش مصير كل وحده منهم ؟ جمانه كيف حياتها بتكون مع فيصل ؟ | ||||||||||||
|
| |
|
19-01-16, 01:40 AM
| #9 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| ليه الدنيا ماترحم ..ليه الدنيا جبارة ليه الدنيا ماتوفي ..ليه الدنيا غداره ليه الناس ماتدري.. ليه الناس محتارة على وضعها الأسي..أمام طعون منهاره ليه الناس ماتدري.. ليه الناس محتاره على وضعها الأسي..أمام طعون منهاره غريبه أمرك يادنيا والاغرب انك منهانه ليه الدنيا ماترحم ..ليه الدنيا جبارة ليه الدنيا ماتوفي.. ليه الدنيا غداره """البارت الخامس """ وصل زياد بسرعه المستشفى وفتح بابه واخذ شماغه وغطاها فيه ودخل وهو شايل اسيل ويصرخ جيبوا سرير جابوا سرير وحطها عليه ودخلوها على طول قسم الطوارى وهو جلس على الكرسي """يارب انك تشفيها انا السبب بلي صار للبنت"" تذكر الحاله الي كانوا داقين عليه عشانه قام بسرعه مكتبه ولبس البلاطوا حقه وتوجه للقسم الي طالبينه سأل قالوا له مسكها دكتور غيره رجع بسرعه قسم الطوارى ودخل بسرعه يبي يتطمن على البنت شاف الدكتوره طالعه من عندها :هاه بشري وش فيها البنت دكتوره سهام :البنت يدها انكسرت وفيه رضوض متفرقه بجسمها بس الضربه جات قويه على رأسها بنشوف المضاعفات اذا صحت وان شاء الله مايكون فيه شي زياد :الله يعطيك العافية الدكتوره :ولو واجبي وراحت زياد بعد ما راحت دخل يبي يتطمن على البنت يوم دخل توه ينتبه لملامحها كان وجهها صغير وملامحها طفوليه وشكلها بريء جلس عندها ""ياترى وش قصتك ووش خلاك تطلعين آخر الليل بلا عبايه ولا غطى اكيد وراها قصه """" قام من عندها وهو يدعى أن الله يشفيها ومايصر لها شي ولا بيظل ندمان طول عمره لأنه هو السبب بعد ماتطمن عليها طلع زياد ورجع البيت دخل البيت كان هدوء شكل كلهم نايمين توجه لغرفته ودخل بهدوء عشان مايصحي زايد وكانت الغرفه مظلمة :ليش تأخرت زياد :بسم الله الرحمن الرحيم . ...انت صاحي زايد :هههههه وش فيك كأنك شايف جني زياد شغل اللمبه وجاء رمى نفسه على سريره وغمض عيونه زايد شاف الدم على ثيابه وقام بسرعه وهو خايف على أخوه :زياد فيك شي وش هذا الدم زياد يمثل انه متألم:اااااااااه زايد خاف أكثر وصرخ :زياااااااد .... زياد مغمض عيونه فتح عين وشاف زايد واقف عنده وشكله خايف وضحك :ههههههههههه زايد امزح معك هذا مو دمي زايد عصب وشال المخده وضربه فيها وزياد يضحك زايد :ياحمار قلبي طاح احسبه دمك زياد :هههههه ينلعب عليك بسرعه ههههههه زايد خلاص زايد باقي منقهر منه ويضربه وفجاءه وقف زايد ومسك على قلبه :ااااااااه قلبي يوجعني زياد وقف ضحك وقام له بسرعه وبخوف :زايد تحس بشي زايد ....... ........ زياد : زايد تكلم تحس بشي زايد مد لسانه وضحك :هههههههههههههه زياد عصب :لاعاد تمزح معي كذا زايد :وانت بعد لعاد تمزح معي كذا بغيت انجن يوم شفت الدم زياد ابتسم على حب أخوه وجلس جنبه :ماراح اعيدها وانت بعد ماتعيدها زايد :طيب اتفقنا .....بس قلي وش قصة الدم هذا زياد تنهد :زايد اليوم انا صدمت بنت بالشارع وهذا دمها زايد :ايييش ...والبنت جاها شي زياد بهم :الحين هي طيبه بس ماأدري اذا صحت نشوف اذا فيه مضاعفات زايد :الحمدلله ان شاء الله مايسير لها شي .....الله يشفيها ....يلا زيود خلينا ننام بكرا ورانا دوام زياد ابتسم بحب لتوامه :يلا تصبح على خير ~~~~~~~~~ رجع البيت ودخل شاف المكان هادي توجه للغرفه الي مسويها له بالحديقه كانت غرفه تصميمها حلو مسويها كأنها كوخ من جوا كلها لوح راسمها الوليد لأنه فنان بالرسم توجه للوحه الي راسمها ومغطي عليها سحب الغطاء عنها كان راسم وجه بنت بدون ملامح مارسمها مسك قلم الرسم الخاص وماحس بنفسه الا وهو راسم عيون البنت الي شافها وقف رسم وجلس يتأمل اللوحة الوليد يكلم نفسه بحزن ""نفس العيون نفسها ااااه متى اشوفك يامن ملكتي هالقلب متى "" وناظر للوحة مره ثانيه .... وابتسم بحزن ""ومتى تكمل هاللوحة "" ~~~~~~~~ بالمستشفى ام غلا رايحه جايه أبو غلا :إجلسي يامره أن شاء الله مافيها شي أم غلا تبكي :محمد ماصدقت وانا الاقي لي بنت من بعد مابنتنا راحت وانا كل يوم احلم ببنت والحين الله جابها الين عندي وماتبيني أخاف عليها محمد انت مالاحظت حتى عيونها تشبه لعيون غلا أبو غلا قرب من ام غلا وضمها :اذكري الله ....بنتنا خلاص راحت وان شاء الله الله بيعوضك بهالبنت قطع عليهم خروج الدكتور توجه له أبو غلا :بشرني يادكتور الدكتور :مااخفي عليكم البنت جاتها صدمه قويه مما خلاها تدخل بغيبوبه ام غلا :غيبوووبه أبو غلا :لا حول ولا قوة الا بالله ومتى يادكتور ....بتقوم منها الدكتور :الله العالم متى راح تقوم على حسب تقبلها هي للحياة والواضح أنها عندها صدمه شديده أبو غلا :طيب تسمح لنا نشوفها الدكتور :تفضل بس بهدوء ولا تطول أبو غلا :ان شاء الله أبو غلا راح لام غلا :ادخلي شوفي البنت واجلسي عندها أم غلا دخلت غرفة دانه وقربت منها شافت شعرها المسدول ووجها الأبيض وملامحها الجميله جلست عندها ومسكت يدها وبدت دموعها تنزل تذكرت بنتها الي انحرمت منها يمكن لو عاشت كانت الحين بعمر دانه تعريف على عائلة ابو غلا أبو غلا 46(محمد ) انسان طيب وحنون ام غلا 39 ( أميره )طيبه وحبوبه جميله الي يشوفها يعطيها بالعشرين شايله كل طيبة العالم مافي احد مايحبها ~~~~~~~~ اليوم الثاني الكل جالسين على الفطور زياد نازل مستعجل مر من عند أبو وأمه وسلم عليهم ام الوليد :على وين يمه زياد :بروح يمه عندي حاله بشوفها ام الوليد :الله يحفظك وطلع زياد مستعجل لأنهم دقوا عليها وقالوا له البنت الي صدمها صحت زايد وهو قايم :يلا انا رايح للدوام الوليد :يلا حتى انا في أمان الله أبو الوليد ابتسم :الله يوفقكم ياعيالي ام الوليد :في حفظ الله منار :حتى أنا رايحه للجامعه وخيشة النوم أروى ماقامت أبو الوليد :ههههه الحين تشوفينها نازله من تسمعك منار : هههههههه أروى نازله وهي مبتسمه:خيشة هاه أنتي وابوي متفقين علي دايما أبو الوليد وام الوليد ومنار :ههههههههههههه أروى تضحك :يلا انا جاهزه يلا قومي مناروه وبعدين أتفاهم معاك منار :ههههه طيب يلا وسلموا على أمهم وابوهم وطلعوا اول ماطلعوا أروى مسكت إذن منار :خيشة هاه منار :اااااي خلاص انا الخيشه انا فكيني اااي أروى :ايه خليك كذا هههههههههه منار :ههههههههههه وبعدت عن أروى وصرخة بكل صوتها :خيشة نووم هههههه وركضت لسيارة واروى تلحقها ~~~~~~~~ جمانه صحت وجلست على السرير وجلست تتمغط وهي تحس براحه اول مره تنام زي أمس ناظرت لساعه شافت الوقت متاخر خافت انها تاخرت على فطور فيصل الحين يسويلها سالفه قامت بسرعه توضت وصلت ولبست لها بنطلون اسود وتيشيرت احمر ورفعت شعرها ذيل حطان وبخت من عطرها وطلعت بسرعه شافت نواف جالس بالصاله راحت له وضمته :نوافي حبيبي من متى صاحي نواف وهو يضم جمانه :زمانه ابي العب جمانه وهي تسحب خدوده وتضحك :كم عندي نواف الحين العب معك بس اسوي فطور وبعدها نفطر ونروح نلعب بالحديقه طيب فيصل كان واقف ومتكتف يناظر كيف جمانه تعامل ولده نواف شافه :بابا وراح ركض له فيصل ابتسم وفتح يدينه ونواف جاء ضمه وفيصل شاله ويبوسه:وشلونك بابا نواف بصوت طفولي يردد :بابا ..بابا ..زمانه ..زمانه جمانه ابتسمت ونزلت رأسها خافت فيصل يشوفها ويهاوشها قرب فيصل منها :ارفعي رأسك جمانه رفعت رأسها وهي خايفه فيصل :خايفه جمانه هزت رأسها :ايه فيصل قرب منها ومسك يدها اول مره يمسك يدها :جمانه انا اسف ماراح اعيدها جمانه بدت دموعها تغرق وجهها نواف بحزن وباقي شوي ويبكي :بابا سوف زمانه تبكي ليس فيصل :خلاص قلت لك اسف وممكن من اليوم نعامل بعض مثل الإخوان جمانه حست بغصه وبنفسها""زي الأخوان "" بس مسحت دموعها وابتسمت :ممكن ولا أحد يرفض فيصل يسير أخوها الكبير فيصل ابتسم وحس براحه :يلا انا عازمكم على الفطور جمانه :جد فيصل ابتسم :ايه جد جمانه جلست تنقز كأنها طفله ونواف معاها ويضحكون وفيصل يضحك عليهم ~~~~~~~~~~ بالمستشفى زياد دخل وعلى طول توجهه لغرفة اسيل شافها نايمه والدكتورة عندها زياد :هاه كيف البنت الدكتوره: فتحت عيونها ورجعت نامت على طول زياد قرب منها وكشف عليها كان يناظر ملامحها اعجبته بعدها صد عنها واستغفر جلس عندها منتظر متى تقوم بعد نص ساعه بدت اسيل تحرك رأسها فتحت عيونها ورجعت غمضتها شافها زياد قرب منها :فيك شي اختي تحسين بشي اسيل في نفسها """انا فتحت عيني ايه ليش اشوف كل شي ظلام "" رجعت فتحت عينها وترمش فيها قامت جلست وعيونها بدت تدمع حطت يدها على عيونها وتكلمت :لا لا انا مو في حلم التفت يمين يسار كل شي حولها اسود زياد من شاف تصرفها قرب أكثر :اختي انتي بالمستشفى تحسين بشي اسيل تبكي :أنا بحلم صح ليش مااشوف انا بحلم دانه جمانه وينكم زياد مسك يدها :اسمعي انا الدكتور زياد وانا الي صدمتك ممكن تهدين وتقولين وش تحسين اسيل :أنا ما اشوف تكفى قول لي انا بحلم صح بحلم اهههييه اااااه ياربي زياد حزن عليها كله بسببه البنت أنعمت طلع بسرعه ينادي أخصائي عيون يكشف عليها بنفس المستشفى بغرفة ثانيه ام غلا جالسه عند دانه رغم رفض الأطباء إلا أنها رفضت تطلع من عندها كانت تمسح على رأسها وتقرأ عليها اما دانه بعالم ثاني عالم يسوده الظلام لاتحس ولاتشعر بالي حولها انتهى البارت توقعاتكم ............................ | ||||||||||||
|
| |
|
19-01-16, 03:52 PM
| #10 | ||||
| نجم روايتي  
| السلام عليكم ورحمة الله وبركاته حلو الغصل مع انه وجع قلبنا عل حال البنات اسيل ياعيني عليها هالبنت فقدت البصر ودانة هل عائاة غلا تقرب لها زايد واغنان منتظرينك موفق بإذن الله ... لك مني أجمل تحية . شـكــ وبارك الله فيك ـــرا لك ... لك مني أجمل تحية . | ||||
|
| |
|
| الكلمات الدلالية (Tags) |
| رواية ماقلت لك اشتقت لك 2016, رواية ماقلت لك قد الغياب اشتقت لك |
| أدوات الموضوع | |
| انواع عرض الموضوع | |
|
|
1Likes
العرض العادي
