آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
04-01-16, 04:12 PM
| #1 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  كل الخلايق فوجودك و لا شي / ورد الحنان ، عمانية مكتملة
التعديل الأخير تم بواسطة لامارا ; 08-05-16 الساعة 09:41 PM | |||||||||||||
|  |
|
28-04-16, 10:47 PM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  بسم الله الرحمن الرحيم السلام عليكم ورحمة الله وبركاته جميع أعضاء المنتدى حبية أنزل روايتي الأولى وما لقيت أحسن من المنتدى أنزلها فيه راح أنزل الرواية كاملة وأتمنى من كل من يقراها يحط تعليقه ورأيه بكل صراحة فالرواية وردوكم راح تشجعني وايد فتكملت مسيرتي الكتابية ...أختكم الصغيرة ..(دمعة) نبدأ بسم الله فالرواية . . . . . . رواية كل الخلايق فوجودك ولا شي بقلم/دمعه   التعديل الأخير تم بواسطة لامارا ; 02-05-16 الساعة 06:07 PM | ||||
|
| |
|
02-05-16, 06:08 PM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| كان حمد وربعه جالسين فستار بكس وما مخلين أحد فحاله يعلقو على الرايح والراد حمد:أقول سعود عندك رنات جديدة يا أخي مليت أبى أغير سعود:أفا عليك أمس جالس ع النت ما خليت شي جديد ما نزلته شغل بلوتوثك وأنا أدز لك حمد:أول عطني أسمع يمكن ما يعجبني سعود:لا برسل لك وأسمع على راحتك حمد:زين أرسل كان يقوم سعود ويرسل لحمد ويشتغلو بالبلوتوث حقهم أما سلطان كان مندمج وهو ما سك تلفونه وكل شوي يبتسم فيصل:خير سلطان أشوفك توزع أبتسامات شو عندك.؟ سلطان:والله يالحبيب طايح بالبلوتوث أراسل لي غرشوبات فيصل:ههههههههههههه الله يغربل بليسك وين هذول.؟ سلطان:عيب تشوفهن أشغل نفسك بغيرهن فيصل:هههههههههههه شو الحبيب تغار عليهن ترى الا بنات تافهات حمد:أقول فيصل هذيلاك اللي فأخر الطاولات اللي يتبسمن وماسكات تلفوناتهن يعني من بيكون غيرهن سلطان:أقول خل عيونكم على تلفوناتكم وخلوني بحالي ضحك فيصل على سلطان وشوي ويشوف أستقبال من بلوتوث بأسم"همسة دلع" ضغط موافق وكلها ثواني ووصله مسج فيصل:حمود أقرب شوي قرب حمد جنب فيصل وقرى المسج "هلا بالمزيون أخباااااااااااارك.؟" حمد:خطيرة هاي رد عليها.. فيصل:تولي زين حمد:شو بتخسر تسلى لك شوي ولا عطني التلفون أنا براسلها فيصل عطى حمد التلفون وجلس يسمع الرنات مع سعود حمد دز مسج لبلوتوث البناتي"همسة دلع" وكتب لها"هلا وغلا ...أنا تمام ..أنتي منوووو.؟ همسة دلع:أنا الريم محمد ...وأنت منووو.؟ أبتسم حمد:أنا حمدان الريم:عاشت الأسامي يا حمدان ..أسمك وايد حلو حمد:هههههههه شوف فيصل فيصل:الله يغربل بليسك يا حمد شو بعد حمدان..مصدق عمرك أنته حمد:صبر شوي رسل حمد:مشكورة يالغلا..امم فديتج أنتي وين ما أشوفج..؟ الريم:أنا يالسه مع عمتي ومتغشية حمد:افاااا وأنا أريد أشوفك الحين.. الريم:طيب أنت وين يالس.؟ حمد:أنا مع الشباب الطاولة اللي ع اليمين الريم:اها شفتك اللي لابس كندورة كحلية حمد:لا فديتج ها ربيعي أنا اللي عداله لابس كندورة سودا الريم:ما شاء الله عليك مزيون أتعق الطير من السماء حمد:أكيد مو أنا حمــــــــــــدان فيصل:ههههههههههههه والله لاعب الدور يا حمد حمد:صبر شوي علي بس أن ما خليتها ترسل صورتها ما يطلع أسمي حمد حمد يرسل لريم:فديتج أبغى أشوف ويهج الريم:لا شو تشوفني فشلة والله عمتي بتقص رأسي حمد:لا أنا راويتج نفسي الحين بشوفج ولا بزعل الريم:طيب بس برسل لك صورتي بس بليز أحذفها أوكى حمد :ههههههههههههههههههههه فيصل:هههههههههه هاي أكيد خبلة حمد رسل:أوكى يا قلبي رسلي بسرعة أنتظر على ناااااااااااااااااااااار شوي ووصلت الصورة لحمد من شافها ظل فاتح فمه من أية الجمال اللي يشوفها "كانت الصورة حلوة وايد لبنت فاتحه شعرها الأسود وكانت بيضا ومكحله عيونها العسلية وتبتسم وباينه غميزتها اللي ع خدها اليسار وكانت وايد حلوووووة" فيصل:ما شاء الله الحين هالقمر هي اللي تراسلك حمد:سبحان الله هالجمال فلقة قمر رسل لريم:سبحان الله اللي صور هالزين كله قمر وربي قمرررر يحق لج تتغشي ربي يحفظج ريم:شكرا فديتك حمد:ريم ممكن طلب وأتمنى ما ترديني.. ريم:أمر لك عيوني أذا أقدر حمد:ممكن رقم تلفونج.؟ ريم:أبشر الحين برسله لك بس بليز لا تتصل الا فالليل الحين صعب لاني مع الأهل يا الله أشوفك على خير...وكتبت له الرقم فيصل:مينون أنته حمد:أعجبك أنا وخذ تلفونه وطرش طورة ريم له وحذفها من عند فيصل وسجل رقم فتلفونه ومسح المسجات اللي فموبايل فيصل فيصل:ههههههههه لا تخاف ما بحط عيني عليها ستــــــــــوب التكملة بعد شوي ...أنا بنزلها كاملة دون ما أشوف الردود الحين أقروها على راحتكم وأتمنى كل من يقرأها يعطيني رأيه بعد ما يقرأها كاملة ما راح أماطلكم فالرواية لأني ما أظمن دخولي النت فالفترة القادمة ويمكن أطول لمدة طويلة ففضلت أنزلها كاملة وأسمح للكل يقرأها دون لا أحرق أعصابة أختكم دمعة... عند باركنات المول مها:ههههههههههههههههههه والله أني مستانسه طايرة من الفرح عليا:أنتي مينونه كيف تسوي كذا مها:ما تدري كيف برد فؤادي بس صبري والله أن ما بخليها تتهنى بنشر صورها ورقمها لكل الشباب بخلي سيف يذبحها ويعلقها على باب بيتهم هههههههههههههههههه عليا:أنتي أكيد فيج شي حرام عليج جي لا يستوي قلبج أسود مها:أقول لا تستوي فيها القلب الطيب الحنون أنا ما أسكت عن حقي نسيتي كيف مدت يدها علي ولا بعد شو تفلت فويهي والله ما بخليها تتهنى وبدفعها الثمن غالي وبتقولي مها قالت عليا:الله يستر قومي خلينا نروح الحين ما فيني على حشرة مانع مها:يالاا بيت أبو سيف كانو جالسين يتعشو بهدوء وكسر هالهدوء سيف كالعادة:ريم ريم :نعم سيف:ليش ما تأكلي وتلعبي بالأكل ريم:والله أكل سيف:هذا أكل تسميه يا الله أكلي زين ما فيني أطحي مرة علينا ويقولو مجوعينك ريم:والله أكل شوف أم سيف:خل البنت تأكل على راحتها يا سيف سيف:والحين أنا شو قلت لها أنا أريد مصلحتها العمه منال:الله يهديك بس..الا أبوك وين ما جى للحين سيف:أبوي أجازته تأجلت لبعد أسبوع الشفت الحين تغير منال:يا الله يجي بالسلامة...أنا بسير أتصل على عادل صار لي يومين ما كلمته قامت منال وراحت لحجرتها وقالم سيف وريم لمت السفرة وسارت المطبخ غسلت الصحون ورتبتهن فالأدراج وسارت حجرتها خذت موبايلها وأتصلت على صديقتها فاطمة ريم:ألوووو فاطمة:هلا والله هلا ريامي فديتج ..شحالج.؟ ريم:الحمد لله بخير..أخبارج أنتي.؟ فاطمة:دامج يالغلا بخير فأنا بخير.. ريم:ها شو مسوية وكيف نفسيتج اليوم..؟ فاطمة:الحمد لله فديتج وأيد مرتاحة ريم:الحمد لله عسى دوم ..الا ما قلتي لي كيف ناصر معك فاطمة:وايد طيب وحنون لو تسمعي كيف يسولف معي وايد أندمجت معاه أدعي لي يا ريم الله يوفقني وياه ريم:أمين يا رب دون لا تقولي أدعي لج فكل صلاتي فاطمة:فديتج يا أحلى أخت وصديقة فالدنيا كلها ريم:يا بعد عمري أنتي ..أخبارك بعد؟.. فاطمة:ما شي والله على حالي أجهز للعرس ما بقى عليه شي ريم:يا الله شدي حيلج وخلصي قبل العرس وإذا بغيتي شي تراني حاضرة فاطمة:ما تقصري فديتج .. ظلت ريم تسولف مع فاطمة لين دخلت عمتها عندها سكرت من فاطمة لفت لعمتها:خير عمتي عسى ما شر منال:ما شر فديتج بس تولهت على عادل ريم:بيرد بالسلامة أنشاء الله ومعه الشهادة اللي ترفع رأسج منال:أمين يا رب ..الا من كنتي تكلمي .؟ ريم:هذي فطوم وتسلم عليج وايد منال:الله يسلمها يا رب وكيف نفسيتها قبل العرس ريم:الحمد لله مرتاحة وتجهز لعرسها الحين منال:الله يوفقها يا رب ريم:أمين عند حمد توه راد البيت دخل كالعادة الوقت متأخر والكل راقد سار لحجرته وحط العدة ع الطاولة(البوك- التلفون-السويج-النظارة)وسار الحمام وتغسل ولبس بجامة النوم وأنسدح على فرأشه وجت فباله الريم خذت تلفونه وجلس يتأمل فصورتها دخلت خاطره من يوم شافها بس كان متضايق من أسلوبها وأنها من البنات الرخيصات اللي يكلمن شباب ويغازلن ولا همها سمعت أهلها راح للأسماء وصل لين أسمها "همسة دلع"سجلها بذا الأسم بعدها ضغط على زر الأخضر وسوى لها أتصال ظل يرن ويرن لين بند وما حد شله وبعد دقيقة أتصل وظل يرن نفس الشي وما أحد شله كتب لها مسج"مرحبا الريم ..أنا حمدان" ورسل لها ومرت دقيقة وثنتين وثلاث لين مرة نص ساعة وما شي رد دز لها مسج ثاني"عسى ما شر يالغلا ولا نسيتيني " وظل ينتظر ردها وما ردت عليه وما حس بعمره الا راقد الصباح بيت أبو سيف قامت ريم من النوم ع الساعة 8 وبعد ما تغسلت وتسبحت شالت موبايلها:اوفف من من هالأتصالات والمسجات جلست على كرفايتها وفتحت المكالمات كلها رقم غريب بس من فتحت المسجات ظلت مصدومة من اللي قرته من حمدان وكيف يعرف أسمها ظلت على حالها وهي خايفه ريم فنفسها:يمكن هاي وحده من البنات بتسوي لي مقلب أكيد ولا من بيعرفني خل أقوم طلع لا يجي سيف معصب كالعادة عند حمد قام من النوم وتسبح وصلى الفجر لأنها طافته وهو نايم شاف تلفونه مافي ولا أتصال من ريم طلع من حجرته ولقى أمه وأبوه يتريقو حبهم على رأسهم وجلس عدال أمه أم خليفة:حمد يا أبوي متى راد أمس وايد طولت حمد :ع الساعة 2ونص كنت رأمس مع الربع أبو خليفة:يا ولد خف من هالرمسات اللي ما منها فايدة وقابل شغلك حمد:يا أبوي أي شغل الحين الله يهديك أنا ما خذ أجازة أبغى أريح ابو خليفة:براحتك أم خليفة:حمد يا أبوي أريدك توداني بيت خالتك حمد:متى..؟ أم خليفة:بعد ساعة حمد:أنشاء الله ..الا وين الشباب والبنات ما أشوف أحد منهم أم خليفة:خليفه ساير مع ناصر يعاونه على تأثيث بيته وطلال نايم ما عنده دراسه وشما وشيخه نايمات عجزت وأنا أقومهن حمد:اها يا الله أنا بسير حجرتي يوم تخلصي قولي لي أم حمد:أنشاء الله بيت أبو علي أم علي:علي يا ولدي خلى وحده من خواتك تكوي لك علي:طبيهن بناتج ما منهن فايدة متكبرات ما أعرف على شو أم علي:زين عطني أنا بكوي لك علي:حشى ولا عطيتج أنا شو ناقصني الحين بخلص .. أم علي:أنا بسير أشوفهن للحين ما قامن علي:أصلن هن نامن مهوه جالسه على تلفونها ومنى على النت بناتج يبالهن شوية سنع أم علي:والله تعبت منهم يا ولدي علي:الحين أنا مستعجل بس أفضى لهن بعرف كيف أأدبهن ..توصي شي يالغالية أم علي:سلامتك حبيبي وسلم على عمتك وأم سيف علي:يوصل الغالية طلع علي من البيت وركب سيارته الكزس وشغل الراديو وجلس يسمع الأغاني ووصل لبيت عمه ونزل دق الجرس أم سيف:ريموووووووه روحي شوفي من جاي ريم:أنشاء الله لبست شيلتها وطلعت لخارج ومن ورى الباب:منوو.؟ علي بفرح من سمع صوتها:أنا علااااااااااوي أبتسمت ريم وبطلت الباب:هلا علي يعني لازم تدلع نفسك علي:ول زين سلمي ريم:هههه السلام عليكم علي" فديت هالضحكة يا ناس":وعليكم السلام..شحالج.؟ ريم:الحمد لله بخير..حياك تفضل علي دخل:الله يحيج سيفوه هنأ ريم:هيه أدخل علي:ما عندكم أحد غريب يعني أدخل سيده ريم:لا ما أحد غريب بروحنا دخل علي:هود هود أم سيف:حياك علي هداا ما أحد غريب دخل علي وسلم على أم سيف وحبها على رأسها:شحالج يا أم سيف أم سيف:الحمد لله بخير وعافية..أنت شحالك وشحال أهلك..؟ علي:الحمد لله بخير وعافية والوالدة تسلم عليج أم سيف:الله يسلمك ويسلمها..أستريح ليش واقف جلس علي:الا عمتي وسيف وين.؟ أم سيف:عمتك فحجرتها وسيف يتسبح علي:الحين يتسبح وأنا قايل له بمره أم سيف:والله أنا أخرته جلست أسولف معه ومر الوقت وعاد أستأذن عشان يتسبح ويطلع معك علي:افا عليج أنتظره شو وراي دخلت منال:السلام عليكم علي:وعليكم السلام يا هلااااا بعمتي الغاوية منال:هلا بك علاوي شحالك ما تنشاف الحين علي:الحمد لله بخير عموتي والله أشغال تعرفي عاد أنا يعني من كبار الشـ قاطعته منال:بس بس واللي يرحم والديك لا تكمل وتبدى بالخقه علينا علي:هههههههههههههههه أفا عموه تكسحيني منال:شو أسوي لك ترى وايد خقاق علي:زين بذمتج ما يحق لي كل الجمال هذا منال:هيه يحق لك ..الا ما قلت لي شو أخبار أمك ..؟ علي:الحمد لله بخير تسلم عليج منال:الله يسلمك ويسلمها ليش ما جت معك.؟ علي:تعرفيها أمي من صباح الله تلف على الجارات وتسلم عليهن وما تجلس فالبيت الا نادر هالوقت منال:صدقها تتسلى فديتها ولا خواتك أنا غاسله يديني منهن علي:والله صدقج .. دخلت ريم وهي شايله القهوة وحطتها جدام علي اللي من دخلت وهي يراقبها لين سارت وكل ما جابت شي يناظر صوبها..منال أنتهت له وأبتسمت لأنها عرفت من نظرات علي لريم أنه يحبها بعد ما حطت ريم القهوة جلس علي يتقهوى مع أم سيف وعمته منال ..أما ريم شغلت التلفزيون وجلست تقلب فيه دخل سيف وعيونه على ريم :السلام عليكم الكل:وعليكم السلام قام علي وسلم على سيف وجلسو مع بعض سيف:ريم سيري حجرتي بتحصلي سلة فيها ملابسي يريدن غسال غسليهن وحطيهن فكيس بوديهن الدوبي قامت ريم على طول:أنشاء الله أم سيف:ليش توداهن الدوبي خل أحنا بنكويهن لك سيف:لا برايهن بوديهن الدوبي ..ها علي مشينا أم سيف:الحين وين بتروحو قام سيف:عندنا شغل ..يا الله فمان الله طلعو سيف وعلي وروحو يشوفو أشغالهم بيت أم عمر أم خليفه:الا وين العروس ما أشوفها أم عمر:سايره السوق مع خواتها عشان تتزهب ما بقى شي على عرسها أم خليفه:يا الله الله يتمم على خير ويوفقهم أم عمر:أمييييين يا رب وعقبال شيخه أم خليفه:طبيها عنج كل ما ياها واحد أطلع فيه سته وستين عيب تقول ما تبى تعرس بعدها صغيره أم عمر:والله البنات طالعات لنا بمنكر جديد الحين هاي فطوم لعوزتنا لين وافقت أم خليف:يا الله كل شي قسمة ونصيب واللي مكتوب ألهن بيأخذنه أم عمر:صدقتي يا صالحة"أم سيف"..الا حمد وين سرحان..؟ أبتسم حمد:أبد خالتي لا سرحان ولا شي أسمع رمستكن أم عمر:عاد أسمحلي يا ولدي عمر ساير يودي البنات السوق حمد:لا عادي أفا عليج خالتي أصلن أنا الحين بروح عندي كم شغله قلت أخلصهن مرة وحده أم عمر:الله يحفظك ما بتجى تتغدى عندنا من زمان عنك حمد:خليها مرة ثانية الغالية..يا الله فداعة الله أم عمر وأم خليفه:الله يحفظك طلع حمد من بيت خالته وأول ما ركب سيارته أتصل على ريم ريم كانت توها مخلصه تغسيل الملابس وسمعت صوت تلفونها لما جت تشوف شافت نفس الرقم ظل يرن لين سكر ورد أتصل مرة ولا ردت وأخر شي جاها مسج "السلام عليج ...ليش ما تردي علي ولا مستحيه مني ..دخيلج ردي علي .." كتبت له ريم"وعليكم السلام...عفوا أنت منوو..؟" كتب لها"أنا حمدان شفيج الا أمس شايفنج واليوم نسيتيني" ريم"شكلك غلطان أخوي" حمد"لا مب غلطان أنتي بروحج عطيتيني الرقم..ريم بلاج علي ..." ريم يا ربي هذا من وكيف يعرفني أنا ما ناقصة أحد ينكد علي عيشتي كتبت له"أخوي قلت لك مغلط تأكد من الرقم ورجى لا عاد تتصل وتزعجني" حمد هذي شو فيها لا يكون تلعب علي بس ما عليه شكلها ما ينفع عندها الا أسلوب التهديد رسل لها"طيب دام أنتي مب ريم وأنكرتي هالشي بكيفج أنا عندي صورتج وللحين ما حذفتها وإذا تبي بدزها لج" ريم لا هذا أكيد مخرف أنا واثقة من نفسي وبعدين غبية أعطيه صورتي كتبت له"طيب أرسلها وأنا واثقة أن ما عندك صورتي لأن ما أنا اللي أوزع صوري لأي أحد" شوي ووصلتها رسالة وسائط ومن فتحتها أنصدمت هذي صورتها يوم متخرجة من الثنويه كيف وصلت له ما حست الا دموعها تنزل على خدها حست أن الدنيا تدور فيها وأن مستقبلها وحياتها ضاعت إذا وصلت الصورة لأخوها ما بيتردد فثانية عن ذبحها جلست تصيح وهي تشوف صورتها وكتب له بيدين يرجفن "كيف وصلت الصورة لك أنت منوو وشو تريد مني..؟" حمد :هههههههههه لا هذي أكيد تستهبل علي ..خل أنزل الحين وبعدين أتفاهم وياها صدق ها مخرفة ولا شاربة لها شي... دخل البيت وحصل شما أطالع التلفزيون:هلا شمووه شحالج.؟ شما:الحمد لله حمووود أخبارك وينك ما تنشاف..؟ حمد جلس ع الكنب:والله مشغول ..أنتي شخبارك وكيف الدراسة وياج ...؟ شما:الحمد لله زينه وشاده حيلي يا رب أجيب نسبه وأدخل جامعة السلطان قابوس أبتسم حمد:عاد شدي حيلج وتوكلي على ربج والله يوفقج شما:دخيلك حمود أدعى لي أنشاء الله أجيب نسبه كبيرة أدخلني الجامعة حمد:أمين يارب رن موبايلة برنة رسالة فتحها ولقاها من ريم "الله يخليك رد علي قول أنت من وشو تريد وكيف صورتي جت لك إذا كنت تعرفني وتبي تسوى مقلب دخيلك الا سمعتي " أبتسم حمد بسخرية وقام لحجرته:هههههههههه قال سمعتها قال ضغط على أتصال وظل يرن ويرن لأخر رنه ردت عليه ريم:.................. حمد:هلا والله بالشيخه ريم زين تكرمتي علي ورديتي ريم:................ حمد:شو فيج لا يكون مستحية مني عيل أمس ما كنتي جي شو سالفتج أنتي.؟ ريم بصوت هامس خفيف:أنت اللي من وشو تريد فيني.؟ ظل حمد ساكت لفترة من سمع صوتها حس كأنها أنغام وأوتار موسيقية :أفا الحين أنا من بس ما مشكلة يعجبني الأستهبال اللي أنتي فيه ..بذكرج أنا حمدان اللي أمس تقابلنا فالموول ريم بأندفاع:جذااااااااااب أنا أمس ما طلعت من البيت حمد عصب:لا تقولي جذاب عيل أنا من وين يبت صورتج ورقم موبايلج الا إذا أنتي عطيتيني أياه ريم:والله ما عطيتك وأنا ماني رخيص عشان أرخص سمعتي وسمعت أهلي وأسلمك ورقة أعدامي بيدي فاهم ورجى بلى هالأستعباط اللي أنت فيه وقول لي أنت منوووووو حمد بصوت عالي:قلت لج أنا حمدان أنتي ما تفهمي وأمس قابلتج فالمول وكنتي ومع عمتج بعد ريم وبصوت عالي بعد:أنا قلت لك كنت فالبيت أمس ولا خرجت لمكان ..يعني مو أنا اللي رسلت لك حمد سكت لفترة يحس من صوتها الصدق بس كيف وهو أمس قابلها قطع عليه سرحانه صوتها ريم:وبعدين بذمتك إذا أمس شفتني ليش أرسل لك صورتي وكييف أرسل لك وأنا ما أعرف أنت من أصلن حمد:كنتي متغشية.. ريم:متغشية ويعني أكون متغشية من صوب وأرسل صوري من صوب حمد:زين ليش معصبة أنا ما غلطت أمس كنت أراسلج بالبلوتوث فالستار بوكس وأنتي اللي رسلتي لي بالأول وعلى فكرة كان الرسائل فتلفون ربيعي مب فتلفوني أنا بس حبيت أستهبل وعاد من قلت أريد صورتج على طول رسلتيها لي ريم:أنت ما تفهم غبي أنت ولا شارب لك شي قلت لك ما رسلت ولا طلعت من البيت يعني أكيد مب أنا وهذي وحده تبي تخرب سمعتي حمد:لا تغلطي علي فاهمة....طيب وأنا شو يخصني فيج وفمشاكلج ومن بيخرب سمعتج ريم:الله يخليك لا عاد تتصل لي ورجى الصورة تمسحها من عندك أنا ما أريد مشاكل حمد:أوامر ثانية ست ريم ريم:لا وقفلت الخط فوجهه وضمت مخدتها وجلست تصيح من الخاطر منال:الحين أريد تفسير لكل ذا يا ريم نقزت ريم بخوف من شافت عمتها :أنتي من متى هنأ..؟ منال:من أول المكالمة ..من هذا يا ريم والله ما توقعتج توصلي لذي المواصيل ريم صاحت:عمتي لا تضلميني منال:أظلمج زين أنا سمعت كلامج فالمكالمة شو سالفة الصور ريم قالت لعمتها اللي صار وهي ما تعرف كيف وصلت الصور لحمدان هذا عند حمد كان جالس على كرفايته ويفكر بالمكالمة واللي صار فستار بكس حاول يربط بين الأمور بس ما فهم شي حس أن السالفة فيها شي ريم اللي فستار بكس غير جريئة وريم اللي عنده صورتها غير صوتها فيه رجفة خوف أنفعالها وحرصها على كرامتها حمد:هالسالفة فيها إنا معقولة تكون اللي فستار بكس تبي تشوه سمعة ريم هذي أكيد ليش لا لأن ما في بنت ترسل صورتها كذا لأي واحد ما صار لهم متعرفين حتى نص ساعة وغير كذا أنهم كانو بنفس المكان يعني بأي حالة كان يقدر يشوفها دون ما ترسل الصورة قطع عليه تفكيره رن موبايلة لقى رقم الريم ود :ألوو كان الصوت غير:أنت حمدان..؟ حمد:هيه أنا حمدان منال:ممكن تفهمني السالفة من أول وممكن أعرف كيف صورة الريم عندك حمد:أول شي ممكن أعرف من اللي يتكلم منال:ما أظن هالموضوع مهم كثر صور ريم أخلص علي وقول لي كل شي حمد:طيب.."وقال لها كل السالفة لما كانو فستار بكس " منال:اها يعني البنت كانت موجود فستار بكس حمد:هيه وبعد ربيعي فيصل شاهد لأن المسجات كلها كانت على تلفونه منال:طيب يا أخ حمدان حابة أقول لك أن الريم كانت فالبيت وأنا شاهدة على هالشي وشكل اللي طرشت لك الصور تبي تخرب سمعت الريم .أمم ممكن أسألك سؤال.؟ حمد:تفضلي منال:أنت شفت البنت اللي كانت تراسلك..؟ حمد:هيه كانت متغشية وجالسه مع عمتها منال:طيب ما تذكر شي لفتك فيها أي شي يعني عبايتها شيلتها ساعتها أي شي حمد:ما أذكر لأن ما ركزت وايد عليها منال:خلاص أنا بعرف الموضوع بس رجا يا أخ حمدان أن تحذف رقم وصور اليوم اللي عندك حمد سكت لفترة:طيب بس إذا ما كانت ريم اللي سوت كذا وفي وحده ثانية سوت كذا ما تتوقعي أنها بتنشر صورها عند الشباب منال تنهدت:هذا اللي خايفه منه بس أتمنى ما يكون في واحد غيرك رسلت له وأنا أنشاء الله بعرف السالفة ومن ورى كل هذا حمد:طيب تأمريني بشي منال:سلامتك والسموحة منك حمد:حصل خير...مع السلامة منال:مع السلامة سكرت التلفون:لا تخافي ريم شكله ولد حلال ..الا تعالي ما تذكري أنج عطيتي صورج لأحد ريم:أنا ما عطيت صوري لأي احد غير الأهل وفطوم بس منال:فطوم ريم:لا لا مستحيل فطوم تسوي كذا أنا واثقة منها وبعدين ما عندها مصلحة تسوي كذا منال:طيب من عطيتي من الأهل ريم:بنات خالاتي كانن حاضرات يوم سوينا حفلة لتخرج الثنوية ومصورات معي وبعد مها ومنى منال:بس خلاص ما في غيرهم هذول اللعينات يا مها يا منى ريم:لا حرام عمتي لا تظلمينهن الظلم ما زين منال:طيب ما بظلمهن مع أني متأكدة منهن ذيلا ما أحد أحقر عنهن ..على العموم لا تشيلي هم ألا ما أعرف من ورى السالفة وأخليها تتأدب ريم:من وين تجيني الراحة ولا أشيل هم وسمعتي مهدده عمتي تعرفي لو وصلت الصور لسيف أقل شي يسوية أنه يذبحني حتى دون لا يعرف الموضوع منال:ما عليج الحين وخلج واثقة فيني وما بيصير الا الخير أنشاء الله عند سيف وعلي علي:قوم خل نسير عند عموور سيف:مالي مزاج الحين علي:الحين أنت ما تقولي شو فيك يا أخي كله حار سيف:اوفففف قوم قوم روحنا ما فيني على حشرتك أسميك مثل عمتي منال علي:يعني عمتي الحين حشرة ما عليك أن ما قلت لها سيف:احيدك فتان ما تروم تحط رمسه فحلقك أضني تختنق ..بس تعرف خبرها وإذا تريد بكون وياك علي:ول ول ول عليك الحين أنا فتان بس ما برد عليك ..قوم مشينا عند عمور روحو سيف وعلي صوب عمر أخو فاطمة لأن ربيعهم من أيام الدراسة ودوم ويا بعض عمر من شافهم ياين صوبه قام:مرحبا السااااااااااااع هلا والله ب سيف وعلي حي الله هالوجيه الطيبة قربو صوبه وسلمو على بعض علي:ما عليك زود يالغالي أخبارك..؟ عمر:الحمد لله دامني أشوفكم بخير فأنا بخير ونعمة..شحالك سيف.؟ سيف:الحمد لله بخير علي:غريبة يالس بروحك أشوف عمر:هيه والله الخونه ما جو لي بس الحين بيو عيال خالتي والنسيب والشباب وياهم علي:زين والله نتعرف عليهم مرة وحده عمر:هذا هم وصلو وصلو حمد وناصر وخليفة وفيصل وسعود وسلطان وسلمو على سيف وعلي وتعرفو على بعض وألتمو كلهم على طاولة وحده خليفة:حي الله سيف وعلي سيف وعلي:الله يحيك علي:عمووووور أسميك زطي أنا من عرفتك وأنت زطي عمر متروع:بسم الله شو سويت لك الحين ..وخاف ربك من متى وأنا زطي والله ما أحد أكرم عني علي:زين أثبت لنا يا أخي صار لنا ساعة جالسين معك ولا قلت بطلب لشباب شي الصراحة طحت من عيني عمر:غربلك الله يوم بتطلب ليش ما تطلب بروحك علي:ترى قايل أنك زطي ما تطلع البيسه منك عمر:لا حول ولا قوة الا بالله خلاص الحين أطلبو وعلى حسابي أفا عليكم بس وبدى شغل النذالة عند الشباب ما خلو شي ما طلبوة ترسو الطاولة تراس عمر:حسبي الله عليكم شو ذا كله بتهفوه علي:الصراحة أنا ألف مع سيف من صباح الله وما كليت شي يعني ميت جوع فيصل:حتى عاد أنا تصدق ما كنت مشتهي والحين من شفتك أنفتحت نفسي سعود:وأنا الصراحة مشتهي أكل مشاوي خاطري فيها وجت الحين فوقتها سلطان:أما يا عمر عزيمتك هذي فن الصراحة ما لذا وطاب موجود حمد:ههههههههههههههههه ذوق الحين ثوارتك حد يعزم هالمخبل ناصر:والله أنك طحت فمدينه ما ترد ميت الحين هذا بيهفوه كله وأنت عاد أجلس وأدفع تستاهل عمر:افا يا النسيب أشوفك قلبت علي الحين بس ما عليه أنا عارف كيف أأدبك ناصر فهمه:لأا الشيمه كله ولا ذي وإذا تريد بدفع النص عنك بس خلك حبوب عمر:هيه رجال ما تجي الا بالعين الحمرا الكل:هههههههههههههههههههه� �ههههههههههههههههه حمد:علامك سيف مسرح متضايق من شي سيف:لا والله بس كنت أفكر فشغله...خير شو هالأكل كله علي:اوو الرجال مو ما عندنا..كل كل ترى هذا كله على حساب عمور سيف:والله وبليت عمرك يا رجال عمر:شفت عاد بس شو أقول الله المستعان فيصل:الحين أنا ما أستاهل تعزمني وأنا اللي مطيح كل بنات عُمان عمر:أسكت واللي يعافيك بس أنت شايف وجهك قبل لا تتكلم علي:هاهاهاهاهاهاهاها فشلوووة فيصل:أقول أنطم أنت بس علي:ِشوف التيس يسكتني فيصل:أنا تيس ولا أنت الثور سعود:ول عليكم الحين متعارفين أمداكم تتوايعو"تتهاوشو" عمر:هذا علي لسانه متبري منه علي:لا حول ولا قوة الا بالله يا شباب صخو عني خلوني أتهنى فلقمتي سيف:أقول علي فشلتنا الله يفشلك الا تصرط هالأكل بسك شو مجوعينك فالبيت علي:لا والله بس يا أخي اللي بلاش أكثر تنفتح النفس عليه الشباب:هههههههههههههههههه� �هههههههههههههه جلسو مع بعض سوالف ومضارب ومر الوقت عليهم وأندمجو الشباب مع بعض التكملة قادمة......... | ||||
|
| |
|
02-05-16, 06:09 PM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| التكملة جااااااااااية وأنشاء الله اليوم بنزلها كااااااااااااااااااااملة الغلا.. : : : : : التكملة.... عند مها ومنى منى:أقول مها هذا طفرني ترى شو أسوي له مها:منو هذا..؟ منى:جمعه مها:ووويع هذا اللي عنده الألتيما منى:هيه هوه شو أسوي له والله لاعت جبدي منه مها:امممم طرشي له مسج وقولي له أنج عرستي وخلي ينسى رقمج منى:وتعتقدي بيفكني بيتم يتليعن علي مها:خليه يولي أنتي قفلي تلفونج وخليه يزول وأفتحي أي رقم من الأرقام اللي عندج ..وبعدين ما عنده شي عليج أبد لا يعرف شكلج ولا شي حتى أسمج ما عطيتيه يعني أسحبي عليه يا قمر منى:فديتج يا أحلى أخت والله بدونج أنا ولا شي مها:أعجبك أنا ..حوووووو علاية وين مسرحه علياء:ها لا لا ولا مكان مها:أقول علاية ما علي هالكلام قولي بشوف تفكري علياء:مها ما كأن حرام اللي سويتيه ف ريم مها:اووووه علينا أنتي للحين تذكري السالفة ..خليها تزول علياء:مها أنتي وعدتيني ما تعيديها يعني بس ذاك الولد وما في غيره صح مها:اوففف هيه والله ما عطيت أحد أصلن طبيتها عني تزول المهم بردت فؤادي ذاك اليوم فالمول علياء:الله يستر منج يا خوفي يجي يوم وتقلبي علي أنا مها:لا حول ولا قوة الا بالله ..أنتي أمشي وياي سيده ما بيظرج شي مني أوكى علياء:أوكى..يا الله أنا بسير بيتنا مها:وين تو الناس.؟ علياء:شو تو الناس الساعة الحين بتجي12وأنتي تعرفي مانع كيف يعصب لا تأخرت برى البيت هو الحين ساكت لأني عندكم مها:خلاص براحتج عليا :يا الله مع السلامة بعد أسبوع عند ريم ريم:أمي حرام عليج والله ما بطول وايد عندها أم سيف:أنا مالي كلام وياج سيري لسيف ريم:أمي حرام والله أنتي تعرفي سيف ما بيوافق بيتنيذل علي أم سيف:بكيفج تبي تروحي لفطوم قولي لسيف أنا مالي شغل ريم:اوفففففف شوهالعيشة هذي :أفااا شو فيها حبيب قلبي زعلانه نطت ريم بفرح:باباتي وركضت لأبوها ولوت عليه:الحمد لله على السلامة أبو سيف:الله يسلمج يا روح أبوج أم سيف:الحمد لله ع السلامة أبو سيف:الله يسلمج ..شحالج يا أم سيف.؟ أم سيف:الحمد لله بخير الغالي...أنت شحالك وشحال الشغل وياك.؟ أبو سيف:الحمد لله بخير وعافية والشغل ما شي .. أم سيف:لو تودر هالشغل اللي ما منه فايدة كان أحسن لك أبو سيف:لا والله أني متونس فيه مع الربع أم سيف:الحين شغل السيوح أحسن تجلس أسبوعين ما نشوفك وأوقات أطول أكثر أبو سيف:يا أم سيف لا تفتحي هالسالفه كم مرة تكلمنا فيها خلاص طبيها عنج..الا ريامي شو عندها زعلانه..؟ أم سيف:بنتك تدلع الا ما عندها شي ريم:الا أبا أروح لفطوم وأمي ما طايعه أبو سيف:وليش ما تخليها تسير ربيعتها فاطمة والنعم فيها وفأهلها نعرفهم من سنين أحنا أم سيف:أنا ما قلت شي عليهم بس تريد تروح حفلة مسويتنها فطوم قبل عرسها وأنا ما أريدها تسير عند الناس لين وقت متأخر ريم:والله ما بتأخر يعني الساعة 9ولا 9ونص بكون فالبيت أبو سيف:لا تضيقي ع البنت يا أم سيف وخليها تسير أم سيف:خلاص دام أبوج راضي سيري نطت ريم بفرح وباست أبوها وأمها وسارت حجرتها تكلم فطوم أبو سيف:ههههههههههه مربوشه هالبنت أم سيف:الله يخليها لنا يا رب أبو سيف:أمين يا رب ..الا وين منال وسيف ما أشوفهم..؟ أم سيف:منال سايره تشري كم غرض ناقصينها وسيف مداوم أبو سيف:اها يا الله أنا بسير أتسبح وأريح وقومين لصلاة الظهر أم سيف:أنشاء الله بيت حمد حمد فاتح صورة ريم وجالس يناظر فيها..أنا شو فيني الحين ما قادر أحذف صورتها وليش كل يوم أطالعها والله ما عارف شو اللي صار لي من شفتها ..وهالسالفة اللي صارت وجمعتني فيها والله شي يحير بصراحة معقولة إذا وحده بتنتقم تدمر سمعت البنيه صدق حريم ناقصات عقول دخلت شيخه:حمودي حمد أنتبه لها وسكر الصورة بسرعة:هلا شيخه.. شيخه:حمود بطلب طلب صغنون مرة حمد:خير شيخه:أول قول تم حمد:شواخ قولي شو عندج..؟ شيخه:امم بروح بيت خالوتي وأريدك توصلني حمد:وليش ما تخلي أبوي ولا خليفة يودوج شيخه:خليفة ساير دبي وأبوي قال عنده شغل فالمعرض وما راح يتفيج لي ..الله يخليك حمود حمد:أنشاء الله بوديج بس لا تصدعي رأسي شيخه:فديتك حمودي أحبك حمد:حلفي بس شيخه:ههههههه حمد:الا تعالي أمي وشما ما بيسيرن شيخه:هيه بيسيرن حمد:غريبة أمي ما قالت لي شيخه:أمي كانت بتخلي عمر يمر يا خذنا بس أنا قلت بشوف إذا بتتفيق لنا حمد:هيه زين..الا وين طلول ما أشوفه شيخه:أخوك هذا يأكل الكتب تعرفه يحب الدراسة ما أعرف على من طالع يعني كل وقته مقابل كتبه ويذاكر حمد:الله يوفقه يا رب وأنتي ما وراج كلية شيخه:تولي الحين وبعدين باكر الخميس يعني فاضية وأريد أوسع صدري فحفلة فطوم حمد:الله يعينج على عمرج بس شيخه:أمين عند ريم سيف:الحين شو هالمنكر اللي مطلعاتنه لنا حفلة وداع وحفلة ما أعرف شو يعني الا تتزوج ما بتهاجر منال:وأنت شو عليك بنات ويريدن يوسعن صدورهن أنت شو حارنك سيف:لأني أشتغل دريول عند حضرت جناب ريم خانم منال:هههههههه تحمل شوي يوم بيرد عادل هوه بيوديها ويجيبها سيف بنص عين:هذا اللي قاصر تروح مع عدول بعد منال:ههههههههههه وشو فيها ولد عمتها على ما أعتقد سيف:أنا مروح الحين لأني لو أجلس معك ما أعرف شو ممكن يصيبني منال:سمع الحمار شو يقول سود الله ويهك من ولد سيف:والله ما ولد الا ولدج ...طال عمرج أنا ريال منال:ههههههههههههه سير سيرالله يسر دربك بيت أهل فاطمة كان مجهزين كل شي لأن فطوم قررت تسوي حفلة صغيرة لها ولكل ربيعاتها اللي معها فالمدرسة والتقنية كحفلة وداع العزوبية خلود أخت فاطمة:فطوم قومي تعدلي الحين ما بقى شي والبنات كلهن بيوصلن دخلت بدور:فطوم وصلت حبيبت ألبك فاطمة بفرح:من ريوومه بدور كشرت:لا مها بنت عمها فاطمة :اوف من عزمها هذي خلود:أنا خبرتهن كلهن ربعاتج ما أنتي عطيتيني الدفتر وقلت ارسلي لكل الأرقام الموجودات فاطمة:اوففف ما أنتبهت لرقمها أنه موجود..بصراحة ما أطيقها بعيشت الله حتى فالتقنية ما أروح صوبها وإذا شفتها بس سلامن بينا خلود:ول ليش كل ذا ..؟ فاطمة:يا أختي غثيثة ومتكبرة على شو ما أدري صح هيه حلوة بس عاد ما كذا في بنات أحلى عنها ومتواضعات بدور:قصدج ريم صح فاطمة:هيه والله ريم وايد متواضعه مع أنها حلوة وبعد علايه بنت خال مها حلوة بس ما متكبرة بدور:طبينا منها الحين وقومي تعدلي الحين بيجن البنات..أنا بسير مع الغثيثة على قولتج أهبل فيها وأطلع كذوبها..تشاااااااااااااااا ااو خلود:ههههههههههههه أختج هذي توحفه فاطمة:صدق والله...الا تعالي خالتي والبنات ما وصلن خلود:ما أدري المهم قومي بسرعة بسوي لج ميك اب وتسريحه خلصيني وراي شغل فاطمة:طيب طيب خلود أخت فطوم شاطرة فتعديل من ميك اب وتسريحات ونقش حنا لأنها خذت لها دورة فالجمعية طبعا البنات طردن عمر خارج البيت عشان البنات يأخذن راحتهن وهو جلسو فالمجلس الخارجي حمد:هههههههه أسميهن عرفن لك بدواك عمر:والله أنا مسكين من أسبوع فلسوني الشباب واليوم أنطرد والله حرام ما احد حاس فيني حمد:ههههههههههههههههههههه� �ههه قوم قوم حبيبي والله كسرت خاطري عمر:زول عني...أقول حمود شو رايك نخبر الربع يجو ونتجمع ويا بعض فالميلس حمد:على هواك عمر:الحين بتصل لهم...الا خلوف وين ما أشوفه..؟ حمد:ساير دبي .. عمر:وطلول حمد:فالبيت عمر:والله هالولد ما ينشاف خل أتصل عليه وأقول له يجي حمد:من بيجيبه عمر:عادي بقول لنصور يمر عليه حمد:بعد زين بعد ساعة تجمع الشباب كلهم فبيت عمر فالميلس طلال:الحين ليش جايبيني معاك اوففف غثث يا أخي عمر:نعم أستاذ طلال شو تفضلت ما سمعت زين طلال:يا أخي كلكم شياب وأنا الشاب الوحيد بينكم عمر:شاب حيلك يا مسود الويه هذا جزاتي أريدك تغير جو صدق ما يبين فيك الخير طلال:لا حول كلمة وسحبناها كله ولا زعلك يالحبيب عمر:فديتك أنا لما يصير لسان عسل طلال:بعد عمري والله عمر:فداك كلي أنا علي:قووم حبه بعد أشوف طايح مغازل أنت مع ولد خالتك يا أخي حشمو شوي مب قدامنا راعو شعورنا شوي أحنا عزااااااااابية الكل:هههههههههههههههههههه� �هههههههههههههه عمر:شو يالكلب شايفنا ولد وبنيه علي:والله هذا الظاهر لي عاد طلول توه الشنب ما خط والشعر شطوله الصراحة بنيه زوينه فره طلال بالمخده اللي جنبه :ما بنيه غيرك يالهرم الكل:هههههههههههههههههههه� �ههههههههههههههههههههه جت الخدامة:بابا امر تأل شيل أغراص ما أنتا ودى متبخ عمر:مالت عليج أنا أسمي عمر ما أمر وبعدين وين محي الدين ليش ما هو يشيل أظن هو السواق مب أنا الخدامة:قومي يلاا محي دين سير مع بابا اود قومي عمر:سمع الكلبة شو قومي ريال طول بعرض وهالشنب واللحيه شو فايدتنها لما تقولي قومي الشباب:هههههههههههههههههه� �هههههههههههههههه علي يستهبل:قومي ماما أمر سيري شيلي الأغراض يلااا ههههههههههههه سيف:سيري ماما سيده زين سعود:قومي ماما يلا حبه حبه أمشي لا يطيح الشباب أنفجرو ضحك وعمر قام معصب وطلع وقام حمد وراه وهو يضحك عليه حمد:ههههههه هدا بالك يا رجال ليش معصب..؟ عمر أبتسم:لأا معصب ولا شي صاير لكم مهرج هالأيام كلن يضحك عليه حمد:هههههههه محشوم أفا عليك عمر:زين أنا بسير أجيب الأغراض وبرجع اوكى حمد:اوكى أنا ساير عند الشباب إذا بغيت شي أزقرني عمر:أنشاء الله رجع حمد عند الشباب سلطان:حمود أفتح بلوتوثك برسل لك شي يعجبك حمد:الله يستر منك حمد فتح الرسالة وطلع مقطع فيديو من شافه نقع ضحك لين دمعت عيونه سعود:بسم الله حمد شو صابك فيصل:حوووووو حمود لا تموت علينا شوف وجهك صاير طماطة سلطان:خلوه والله لو تشوفو اللي راسلنه بتتسدحو مثلة حمد بعد ما هدى شوي:الله يغربلك من وين جبته هااا سلطان:أفا عليك أصلن أنا محتفظ فيه من ذاك الزمان وأمس جالس أقلب فالاب وحصلت وقلت الا أرويكم اياه وتتذكرو زمن المراهقة فيصل شل تلفون حمد ومن شاف المقطع ضحك ...طبعا المقطع كان تصوير لشباب فإيام الثنوي أيام الأستهبال والمراهقة لما كانو فأخر يوم يداومو فيه جابو مسجل وما خلو غنية ما شغلوها والشباب رابطين الغتر ع الخصر ويهزو ويرقصو وكانت أشكالهم تموت من الضحك طبعا كل الشباب من شافو المقطع جلسو يضحكو وجلسو يرسلوه لتلفوناتهم عمر:خير شو صاير عندكم مع هالضحك حمد :أفتح بلوتوثك برسل لك سواد ويوهنا عمر:الله يستر أرسل أشوف من رسل حمد لعمر المقطع جلس يضحك :الله يغربل بليسكم من وين طلعتوه ها سلطان:من عندي طال عمرك مستودع الملفات الفضيحه علي:والله صدق أنك فضيحه الحمد لله ما درست وياك ولا صدق طلعت الفضايح صح سيوف سيف:ههه هيه والله أنها فضايح جلسو الشباب يسولفو مع بعض لين حمد جى بيرسل لفيصل مقاطع ولقى بلوتوث وأنصدم من قرأ الأسم"همسة دلع" وعلى طول رسل لها "هلا والله وغلا بالريم شحاااااااااااااااالج" مها اللي كانت مع البنات وتلعب بتلفونها جتها أستلام من بلوتوث"الشموخ" وأستقبلته ومن قرت المسج أستغربت بس بعدها تذكرت وردت عليه "هلا وغلا ..أنا بخير..أنت حمدااااان" حمد أبتسم "هذا اللي أريده" رسل لها"هيه فديتج أنا حمدان والله ما أصدق أنج موجودة فنفس المكان اللي أنا فيه" مها"هههههههههه لا صدق يا عمري أنا هنا ومتولهه عليك مووووووووووووووت" حمد من قرأ الرسالة عرف أنها ما نفسها ريم اللي كلمها ورسل لها "تشتاق لج العافية فديت روحج ..اممم ممكن طلب يا حلوووة" مها"أفا عليك أنت تأمر أمر " حمد"أريد أشوفك والحين دخيلج" مها"اوكى بس صبر علي شوي " حمد"طيب بس لا تتأخري اوكىىىىىى" قامت مها وطلعت من الصالة وبعد دقائق رجعت مكانها ورسلت لحمد "يا الله حبيبي أنا أنتظرك فالمطبخ لا تتأخر أخاف أحد يجي أوكى" حمد قام والأبتسامة على ويهه عمر:حو حمود وين ساير..؟ حمد:الحين بي بشوف الأهل يريدو شغلة وراجع ناصر:هيه غضب البصر عن محارمنا زين حمد:هههههه أنشاء الله ولا تشيل هم ما بدخل داخل ناصر:أشووو بردت فؤادي طلع حمد بسرعة وسار للمطبخ وقبل لا يدخل سمع صوت أخته شيخه وراح شوي شوي لدريشة وطل يشوف من داخل دون لا يشوفنه شاف شيخه معطتنه ظهرها والريم قباله ضل فاتح فمه من شافها كانت أحلى وايد من الصورة ريم:أقول شواخ زولي عني الحين شيخه:ههههههههه خلاص والله توبة ما أعيدها ولا تزعلي يا قلبي ريم:هيه جي خلج أسطلبي دخلت فاطمة:أنتن شو تسون هنأ قومن خلنا نروح داخل البنات يرقصن وبصراحة رقصكن أنتن الثنتين خطير ريم تضم فاطمة:فديتج فطوم بتعرسي وبتسيري عني فاطمة:ريامي لا تقولي جي والله قلبي يعورني من تقولي جي أنا ما بخليج ودوم بزورج وأنتي بعد بزوريني فبيتي ولا تريدي تقطعيني ريم:لاشو وأنا أقدر أقطعج فديتج شيخه:أييي أنتن تراني أغاااااااااااااااار ريم وفاطمة:هههههههههههههههههه� �هههههههههههههه حرة شيخه:ما عليه بنشوف أن ما أحتجتن لي "وطلعت" راحن ريم وفاطمة وراها وهو يضحكن عليها حمد"أأأأأأأأأأأأه يا قلبي هالبنت بتذبحني أنا الحين تأكدت أن ريم هذي مالها يد فالسالفة بس الحين لازم أعرف من ورى سالفة الصور والبلوتوث الحين أقدر أحذر الريم منهاا" مسك موبايله وأتصل على شيخه شيخه:هلا حمد حمد:شيخه وينج أنتي.؟ شيخه:أنا داخل خير حمد صاير شي..؟ حمد:أسمعي أريدج فخدمة .. شيخه:قول حمد والله خوفتني حمد:أريدج تعرفي أي وحده من البنات اللي داخل أسم بلوتوثها "همسة دلع" شيخه :ليش..؟ حمد:بعدين بخبرج بس الحين ضروري تعرفي من هي وعطيني معلومات عنها ضروري شيخه السالفة مب لعب فيها سمعه وشرف شيخه بخوف:حمد والله خوفتني صاير شي..؟ حمد:شيخه مب وقتج الحين سوي اللي قلت لج عنه ولما تعرفي ردي علي اوكى..أنا أنتظر ردج الحين.. شيخه:خلاص ولا يهمك بس عطني دقائق وبرد لك.. سكر حمد من شيخه ودخل المجلس لقى الشباب يلعبو كيرم ومسوين حشرة جلس على جنب وحط تلفونه فحضنه سيف:خير حمد صاير معك شي..؟ حمد:لا تشغل بالك موضوع خاص شوي سيف:اهاا ..علي البنات جايات معك.؟ علي:هيه سيف:زين وصل الريم معك أنا رايح علي زام الليلة وبروح أريح لي ساعة علي"اااه يا فديتها أنا وفديت طاريها":خلاص لا تشيل هم سيف رفع يده يسلم:يا الله شباب أشوفكم على خير الشباب:الله يحفظك طلع سيف وروح للبيت عند البنات شيخه :بناااااات خاطري أغير أسم البلوتوث وخاطري أحط أسم دلع بناتي شي كذا خلود:زين حطي سود العيون منى:ولا حطي صمت الشفايف فاطمة :لا حطي دلـــوعة مروى:أنا أقول تحطي المزيونة شيخه:عاد تعرفن أنا خاطري أحط لقب همسة دلع مها:لا فديتج ها اللقب حق بلوتوثي أنا شيخه"أيوه لقيتها":افا أنا الحين بحطه لي..يعني ما يصير مها:لا أنا حاطه هاللقب ما أريد أحد نفسي غيري أنتي شيخه"خل أتأكد":يعني ما أحد حاط نفسها سامية:أصلن أنا حاطة أسم الجهاز ما أهتم بالأسماء ريم:لا أنا حاطه أسم ثاني فاطمة:ولا أنا حاطه نفسه مها:شفتي ما أحد مثلي خلاص حطي شي ثاني شيخه:اهمم خلاص بدور على أسم وبغيره وقت ثاني...شو رايكن الحين نقوم للعشى .. فاطمة:هيه يا الله بنات قومن نتعشى قامن البنات وشيخه رسلت مسج لحمد "حمود البنت أسمها مها مبارك الـ....... وبصراحة البنت مالا هناك يعني ما احد يطيقها ومتكبرة وراعية حركات " حمد من قرى المسج كتب لشيخه"طيب عطيني رقم تلفونها وبعد أعرفي شو علاقتها فالبنت اللي أسمها الريم محمد" شيخه من قرت المسج شهقت شو عرف أخوها بالريم رد عليه"بنت عمها ..أنت من وين تعرف الريم..؟" حمد "بعدين بخبرج كل شي رسلي رقمها ضروووووري" شيخه"الله يستر منك ع العموم هذا رقم مها ******** تريد شي بعد" حمد"شكرااااااااااااا شواخ أردها لج فعرسج" شيخه"زلول لا ه الله لا يقوله" حمد ضحك على أخته وحس أنه أرتاح بذا الأنجاز اللي سواه وأن طلعت الريم بريئه قدامة وكأنه برأها قدام العالم كله...حمد للحين ما أنتبه أن الريم أخت سيف وبنت عم علي وأن مها تكون أخت علي... | ||||
|
| |
|
02-05-16, 06:11 PM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| التـــــــــــــــكملة بعد الحفلة طلعن مها ومنى والريم مع بعض وكان علي واقف خارج مع عمر وحمد منى:وواي مها شوفي الشباب اللي مع علي والله مزاين طيرو عقلي مها من شافت حمد أبتسمت بخبث وهي تشوف الريم كاشفه وجها طبعا الريم ما تتغشى الا نادر حمد دز علي من جدفه:روح لاه علي:هههههههههههههه تراهن زين حمد:هيه وإذا فزت عليك تسوى اللي أطلبه منك علي:على ذا الخشم بس أكيد بتخسر فديتك أنا ما أحد يغلبني حمد :هههههههههههه روح يلاا علي:أقول لا يكون بيت أبوك وأنا ما أدري كل شوي تقولي روح وروح حمد:ههههههههههه لا بيت خالتي علي:أقول عمر هذا شارب له شي أشوف فيوزاته ظاربه عمر:والله ما أدري عنه علي شاف البنات :يا الله شباب أشوفكم على خير حمد أنتبه لريم وجلس يناظرها علي سلم عليهم وراح وركب السيارة وحرك وحمد يلاحقه بنظراته فجأة أنتبه لشي كان غافل عنه مها وريم بنات عم وعلي وسيف عيال عم يعني ريم أخت سيف ومها أخت علي سلم على عمر وطلع هو وأمه وأخوانه وردو للبيت أم خليفه:ما بتنزل..؟ حمد:لا الغالية عندي مشوار ضروري لازم أخلصه أم خليفه:وهالمشوار ما يجي الا فنصاص الليول حمد:ما عليه الغالية ما بطول نزلت أم خليفة وتمت شيخه مع حمد:أقول حمد أريد الحين أعرف سالفتك مع ريم ومها حمد:شيخه ما وقتج الحين عندي مشوار بس أخلص بخبرج لا ترقدي أنتظريني شيخه:أنشاء الله ..بطلت الباب ونزلت حمد حرك السيارة وجلس يلف أخر شي روح لمبزرة طلع تلفونه وجلس يتأمل صورة ريم لفترة أخر شي حذفها :أسف يا ريم كان ودي أتأمل صورتج كل يوم بس ماأريد أكون نذل لا مع سيف ولا مع علي سوى أتصال على رقم ريم وكانت الساعة 11ونص منال:ليش ما تردي..؟ ريم بخوف:هذا رقم حمدان منال :هذا ليش متصل الحين أحنا ما قلنا له يحذف الرقم ريم:خايف يكون يهددني بالصور منال:يخسي يسوي جي..ردي عليه وحطي سبيكر ريم:لا ردي أنتي منال:ريم بلى دلع ويا الله ردي سمت بالله وردت حمد:السلام عليكم ريم:وعليكم السلام فرح حمد من قلب أنها ردت عليه:احم ريم ممكن أخذ من وقتج شوي..؟ ريم:شو تريد يا حمدان..؟أنا ما قلت لك أحذف رقمي.. حمد"أاااااه يا ليت كان أسمي حمدان ":أنا أسف وأوعدج أني أحذفه مثل ما حذفت صورتج ريم بفرح:صدج حذفت صورتي حمد:هيه والله حذفتها ..الصراحة أنا عرفت من اللي نشر رقمج وصورج ريم ومنال أنصدمن ريم:من ..؟ حمد:أنا اليوم كنت عند الأهل وأنا أرسل لربيعي بلوتوث لقيت نفس أسم البلوتوث اللي كانت تراسلني فستار بكس ولما رسلت لها كلمتني عادي وحتى لما قلت لها أنتي ريم قالت أيوه وسألتني إذا أنا حمدان يعني عارفتني وعلشان أتاكد منها طلبت أني أشوفها وردت علي بالموافقة أني أقدر أشوفها فالمطبخ وفعلن لما رحت الصراحة شفتج أنتي... ريم صاحت:والله مب أنا والله العظيم حمد:هدي روحج أنا أعرف أنج مب أنتي ومصدقنج..أنا كلمت وحده من البنات الموجودات وطلبت لها تجيبلي معلومات عن البنت وللأسف أقول لج أنها مها بنت عمج شهقت ريم وناظرت فعمتها اللي كانت صدمتها أخف لأنها كانت متأكده أن مها ورى السالفة ريم:كيف وليش..؟ حمد:بصراحة ما أعرف وأنا خذت رقمها وإذا حابة تتأكدي ريم:ماله داعي أنا بعرف أتصرف مشكور يا حمدان الله يكثر من أمثالك وأن اأسفه على كل كلمة قلتها لك قبل حمد:لا عادي أفا عليج ..يا الله ما بطول عليج مع السلامة والسموحه منج الغالية"وسكر" تنهد براحة وقام رجع البيت منال:ما قلت لج أن مها ورى السالفة ريم:معقولة مها تسوي فيني كذا زين أنا بنت عمها شرفي شرفها منال:ومها من متى سائلة عن أحد بس ما عليه أنا بأدبها ريم:شو بتسوي..؟ منال:لا تهتمي أنتي الحين وأنا بتصرف عند حمد رجع للبيت وتذكر شيخه أكيد تنتظره للحين دق باب حجرتها وبطلت له شما:هلا حمود حمد:شما غريبة سهرنه للحين شما:هيه باكر ما شي مدرسة عشان كذا سهرانه ..حياك أدخل حمد:لا بسير حجرتي بس بغيت شيخه شوي شما:شو تريد فيها..؟ حمد:يا الله اللقافة ابغاها فسالفة خاصة شوي.. شما بمرح:لا تقول أن أحد خطبها الله بيصير عندنا عرس حمد:هههههه مجنونه أنتي لا ما في أحد خطبها الموضوع فشي ثاني يا الله أزقريها أنا بسير حجرتي شما:أنشاء الله دخل حمد حجرته وفسخ غترته وعلقها ع الشماعة ووقف جدام المرأية تم يطالع صورته فالمنظرة وهو يفكر بريم اللي ما قدر يشيلها من باله ..دخلت شيخه:والله العظيم أنك مزيون لف حمد عليها وأبتسم :صدق أنا حلو شيخه:هههههه والله أنك حلو والبنات دوم يسألني عنك ويقولن أخت المزيون حمد:هههههههههههههه لا الحين عاد بغتر شيخه:أقول خل عنك هالكلام ...ويا الله قول لي شو سالفتك مع مها والريم تنهد حمد تنهيدة طويلة شيخه:لا تنهيدتك هذي وراها سالفة عوده تعال قول لي جلس حمد على الكرفاية وشيخه جلست عداله وجلس يخبرها من يوم كان فالمول للين اللي صار اليوم ... شيخه:هئئ حسبي الله عليها هذي حقيرة طول عمرها بتم جي حمد:أنتي تعرفيها.؟ شيخه:أصلن من ما يعرفها البنات كلهن ما يداننها حتى فطوم ما كانت تبي تعزمها بس خلود رسلت لها مسج مع أرقام البنات اللي عطتها أيهن فاطمة حمد:يعني هي مب زينه شيخه:متكبرة ومغترة بنفسها مع أنها ما بس الوحيدة فالجمال يعني ريم أحلى منها بوايد حتى ما مغترة بنفسها مثلها حمد:هيه والله ما شاء الله عليها حلوة وايد شيخه:حموووووود حمد:ههههههه ما قلت شي الا الصدق شيخه:زين أنت صدق حذفت صورتها حمد:والله حذفتها حتى خذي التلفون وفتشي فيه ورقمها بعد حذفته شيخه:افا عليك حمود أنا مصدقتنك وواثقة فيك يعني لو كنت بتلعب ما كنت أهتمت لها أصلن حمد:أنا ممكن أغازل فالمجمعات وكذا بس سوالف مع البنات ما عندي حتى أن فعمري ما رقمت بنت شيخه:أدري فيك أخوي فديتك حمد:طيب ممكن الحين تطلعي لأن بنام تعبان شيخه:سلامتك من التعب ..يا الله نوم العوافي..تصبح على خير حمد:الله يعافيج ..وأنتي من أهله طلعت شيخه وحمد على طول نام بعد ثلاث اسابيع عرس فاطمة ريم:خلاص فطوم بسج عاد من هالتوتر وخلج ريلاكس فاطمة:مب بكيفي رشا خلاص أنا هونت عن العرس ما أريد رشا"أخت ناصر":هههههههه قولي هالكلام لناصر وشوفي شو بيسوي فيج فاطمة:يا ربي والله ما قادرة خايفة شيخه:تعرفي فطوم يبالج جو فرفشة عشان يخف توترج ريم:ما في وقت اصلن الحين بتدخل الصالة فاطمة:لا شو أدخل الحين بعده في وقت رشا:أي وقت أنتي بعد الساعة الحين 10 والصالة تارسه معازيم يا الله قومي ما عندنا بنات يتدلعن فالقاعة بعد ما زفو فطوم كانن البنات يرقصن فالمسرح أم ناصر:يا الله بنات البسن عبيكن الحين بيدخل المعرس لبسن البنات عبيهن وبعدها دخل المعرس مع أبو فاطمة وعمر شيخه:هههه شوفي فطوم الوجه طماطة ريم:ههههههه فديتها الله يوفقها شيخه:أمين وعقبالج يا رب ريم:الله كريم شيخه:شو لا يكون حاطه أحد فبالج يا الله أعترفي ريم:هههههههه لا والله ما في أحد لا فبالي ولا فقلبي شيخه:اشووووو ريم رفعت حاجبها:ليش..؟ شيخه أرتبكت:هاا لا لا ولا شي ريم:لا والله الحين بتقولي لي شو وراج..؟ شيخه تستهبل صد وراها:ما في شي وراي ريم ضربتها على يدها:الحين بتتكلمي ولا شوو شيخه:طيب بقول بس لا تزعلي لأن أن ابصرحة ما دريت الا من ثلاث أسابيع ريم:قولي وأنشاء الله ما بزعل شيخه:أول أوعديني انك ما زعلي ريم:خلاص وعد يا الله قولي شيخه:وعد شوو..؟ ريم:اووففففف وعد ما بزعل يا الله لا تستوي غثيثة شيخه:اممم أنا عرفت عن سالفة حمدان ريم شهقت:هئئ كيف عرفتي ..؟ شيخه:لأن حمدان يكون أخوي ريم عقدت حواجبها:أخوج..شيخه لا يكون شيخه قاطعتها:لا لا والله مب انا معقولة ريم تشكي فيني أفا والله ريم:لا أسفه شيخه بس كيف فهميني ..بعدين تعالي اللي اعرفه أن ما عندج الا ثلاث أخوان من هذا حمدان أبتسمت شيخه:أخوي حمد هو حمدان ريم عقدت حواجبه:زين ليش قال أسمه حمدان..؟ شيخه:ترى لما كان يراسل الحقيرة مها قال لها أسمه حمدان ريم:اهااا يعني هو يضن أني أنا نفسها شيخه:هيه لكن يوم حفلة فاطمة.............................."وخبر� �ها كل شي صار" ريم تنهدت:ما تعرفي كيف عشت والله كنت وايد خايفه ما تعرفي شو كان بيصير لي لو وصلت الصور لسيف أشهد أني ميته شيخه:فديتج الله كشفها لج وعاد أنتبهي مرة ثانية تعطي صورج لأحد ريم:للأسف أنها بنت عمي وكنت واثقة فيها..وبعدين لا تخافي عمتي خذت حقي منها وخبرت أمها وعلي عليها وخذت كل صور بنات العيلة من عندها شيخه:زين تسوي فيها والله ريم:زين ما قلتي لي شو قصدك لما قلت لك أن ما أحد لا فعقلي ولا فقلبي شيخه:أمممم بصراحة حمد يحبج ريم:هاااااا شيخه:ههه والله لو تشوفيه كيف متغير مرة نادني ريم وجلست أضحك عليه ريم:شيخه شو هالكلام..؟ شيخه:والله العظيم ما أكذب عليج ..أنا سألته وقال أن من شاف صورتج وسمع صوتج وأنتي ما غبتي عن باله ..ما أعرف شو سويتي فأخوي ريم:شواااااخ شيخه:هههههههه خلاص بسكت بس أنا قلت لج عن شعور أخوي أتجاهك ويعني لا تنصدمي إذا جى وخطبج ريم شهقت:يخطبني ..بعدين تعالي هو كيف عرفني أنا بنت من و.. قاطعتها شيخه:بالله عليج مها قالت له ريم محمد وبعد شافج فبيت خالتي وشافج لما طالعه مع ولد عمج يعني ما تريديه يعرف عنج كل شي ريم غطت وجها بيديها:اااي الفشيلة شيخه:هههههههههه عادي فديتج النظرة الشرعية دزتها ريم:جب يلااا شيخه:هههههههههههههههههههه� �هههههههههههههههه بيت أبو علي علي:والله يا أبوي أنا أشوف أن سيف ما يستاهل يأخذ وحده مثل مها أبو علي:وأنا أقول مثلك سيف رجال والنعم فيه ويستاهل وخده أحسن من مها تصونه وتصون أهله ما توطي رأسه بسواد ويها أم علي:كلامكم صح بس ما أحد بيأدبها الا سيف مها تحتاج رجال شديد تهابه أبو علي:وأنتي تشوفي كذا أم علي:دام أنه يبيها وشاريها توكل على الله وزوجها ما نريد نستأثم فرجال يأخذها وتقلب حياته جحيم علي:بس أنا بخبر سيف عن سواد وجها مع ريم أبو علي:كذا تخرب سمعت أختك عنده علي:يكون أحسن عشان يعرف كيف يأدبها ولا نكون غشيناه وكذبنا عليه أبو علي:خلاص نتوكل على الله ورد عليه باكر علي:أنشاء الله عند ريم ومنال ريم:هههههههههه الحين سيف خطب مها منال:والله تصدقي أنصدمت بس لما قال أنه يحبها ما قدرت أخبره اللي سوته قلت حرام أطيح من عينه ويكرها ويتعقد من الحريم ريم:صح كلامج بس تعرفي ما أحد بيسنعها الا سيف منال:فذي صادقة والله..ها ريم شو عندج أشوف فعيونج كلام ومستحيه منه ريم:ها أنا لا لا ولا شي يتهيا لج منال:ههههههههههه ربكتج هذي تثبت لي يا الله قولي ريم:بقول بس لا تعصبي علي منال:قولي قولي وطلعي اللي عندج ريم خبرتها عن كلام شيخه لها منال:طلع حمد ايا الملعون بس تعرفي والنعم فيه رجال ينشد فيه الظهر شوفي كيف ساعدج وحافظ على سمعتج ريم:صح والله بس أنا ما أريد أفكر فالموضوع أخاف أتعلق فيه وبعدين ما يصير نصيب منال وكأنها تذكرت شي:هيه يكون أحسن لا تفكري فيه ريم:وليش تقوليها كذا منال:لأن بصراحة أنا ملاحظة أن علي يحبج ريم:علي.!!!!! مناال:هيه ريم:بس علي أخوي منال عقدت حواجبها:أخوج ريم لا تقولي أنج تعتبريه أخوج ترى ما يصير ريم:لا والله علي أخوي حتى أسألي أمه هي قالت لي أن مرضعتنا أنا وياه منال:حلفي ريم:والله العظيم هي اللي قالت لي منال:لا عاد لأزم هذي يعرفها علي شكله ما يعرف عن شي ريم:تصدقي ولا حسيت أن يحمل مشاعر لي أنا أمزح معه وأكلمه عادي لأن مثل سيف منال:خلاص أنا بشوف أم علي وبقول لها تخبره حرام مخليتنه كذا ريم:هيه والله..الا عمتي عادل متى بيرد ما كان طول فالسفر منال:اااااه يا ريم والله ما معور قلبي لا هالولد متولهه عليه ودي أضمه وأشمه مشتاقه له وايد ريم:الله يرده بالسلامة وتفرحي بشوفته وتقر عينج منال:أمين يا رب سيف ينادي من خارج:ريم عمتي تعالن بسررررررررررررعة ريم:الله يستر شو مستوي منال:أخوج هذا دوم صوته عالي حتى على شي تافهه قومي أكيد يريدنا نتعشى ريم:يا الله أول ما طلعن من الحجرة يشوفن فوجهن عادل صرخت منال:حبيبي عادل على طول لمها بقوة:فديتج الغالية متووله عليج منال صاحت وجلست تبوس فيه:الحمد لله على السلامة حبيبي تولهت عليك وايد عادل:هههه أمي ليش تصيحي ما كفاج كل يوم تتصلي وتصيحي ع التلفون منال:دموع فرح ما مصدقة أنك قدامي الحين سيف:لا لا صدقي شوفي حتى أغراضة هنأ عادل:شدخل الأغراض بأني أكون قدامها سيف:ما أعرف بس كذا أسكتها شوي الكل:هههههههههههههههههههه� �ههه جلس الكل مع بعض ويتعشو ومنال كل شوي تأكل عادل بيديها سيف :لا أنا أحتج الحين الحين تلقميني ولا عاد جى ولدج نسيتيني منال:خلاص طاح كرتك روح لأمك ولا روح لمها أحسن عادل:شو دخل مها..؟ منال:اوو ما دريت الأخ خطب مها عادل:اوو شو هالتطورات مبروك ألف ألف مبرووووك الله يوفقك يا رب سيف:ههههه الله يبارك فيك بعد للحين ما ردو علي أم سيف:أصلن يحصل لها سيف يخطبها وما توافق أبو سيف:بدت الخقة الكل:هههههههههههههههههههه� �ههههههههههههه وكملو سهر وكانت أحلى سهرة سهرتها العائلة كان سيف متغير يضحك وينكت ويطفر ب ريم على عكس عادته لما يكون دوم معصب ومكشر بيت أبو خليفة أم خليفة:والله هذي الساعة المباركة اللي فكرت فيها تتزوج خليفة:شو أسوي كل ربعي تزوجو بعد شو أنتظر الحين صك عمري 25سنه أبو خليفة:ها في وحده فبالك ولا تريد أدور لك خليفة:والله أنا أريد خلود بنت خالتي أم خليفة بفرح:والله وعرفت تختار يا خليفة خلود وايد تناسبك هادية وحبوبة ومزيونه شما:الله خلود بتكون عندنا وناسه خليفة:ههههههه بعدني حتى ما خطبتها أم خليفة:أنشاء الله بتخطبها وتتزوجها شيخه:أمي ليش ما تزوجي خليفة وحمد مع بعض أم خليفة:ياليت والله بس لو حمد ينوي أبتسم حمد:والله يالغالية أنا خاطري أعرس اليوم قبل باكر و أم خليفة:خلاص أنا بزوجك شيخة البنات شيخة:أمي أنا عندي حرمة لحمد أم خليفة:من..؟ شيخة:ربيعتي الريم أم خليفة:أي الريم..؟ شيخة:أمي ريم اللي كانت جالسه عدال فطوم فالكوشة أم خليفة:هيه ما شي حالها زوينه بس أنا أريد أخذ له سوسن بنت عمتك حمد تضايق من الخاطر:أمي شو سوسن هذي صغيرة وايد وبعدين دلوعة أم خليفة :شو صغيرة عمرها الحين 17سنه حمد:أمي أنا ما أريدها أم خليفة:شو حاط عينك على وحده حمد:أنا أريد الريم أم خليفة:شو الريم هذي ما تناسبك حمد:وشو فيها الريم عشان ما تناسبني أم خليفة:عائلتهم ما تناسب عائلتنا أبو خليفة:شو ذا الكلام يا أم خليفة من متى هالكلام وبعدين عائلتهم من أحسن العوائل وسمعتهم سابقتنهم أم خليفة:أنا ما أريدها زوجة لولدي وغير سوسن ما بتأخذ حمد :تعرفي أنا زواج ما بتزوج يوم الريم ما بتكون زوجتي أم خليفة:بتتزوج وغصب عليك يا حمد ولا لاني أمك ولا أعرفك قام حمد وهو متضايق وطلع من البيت طلال وخليفة ركضو وراها لكنه ما عطاهم مجال وطلع من البيت أبو خليفة:أرتحتي الحين لما نكدتي على الولد بعنادج أم خليفة:هذا جزاتي لأني أبغى مصلحته شيخه:أمي شو مصلحته حمد يريدها ويحبها أم خليفة عصبت:شو يحبها حنا وين عايشين وبعدين كله منج أنتي حطيتي البنت فرأسه لين عاندني شيخه:أنا شو يخصني هو اللي قال أنه يريدها أبو خليفة:خلاص قفلو على الموضوع والحين خلي موضوع حمد وشوفي موضوع خليفة كلمي أختج وشوفي طلباتهم أم خليفة:أنشاء الله عند سيف وعلي سيف بضيق:معقولة مها تسوي كل هذا.. علي:هيه أنا بصراحة ما كنت أريدها لك بس لأنك تريدها وشارنها قلت لأزم تعرف عن كل سواياها مع ريم سيف:ما كنت متوقع أن مها يطلع منها كل ذا علي:إذا كنت ما تريدها ما أحد يجبرك يا سيف وأبوي متفهم الموضوع سيف:اممم لا أنا أريدها وأنا اللي بعدلها علي:هههههههه بس عاد لا تمد يدك عليها تراها أختي سيف:لا تحاتى وإذا وصلت لضرب بشاورك أول ههههههههههههه بيت أبو سيف عادل:والله يا أمي أنا ما فكرة منال:وليش يا عادل الحين الوظيفة وأنت ظامننها ليش ما تتزوج عادل:أمي الله يرضى عليج انا ما صار لي كم يوم من واصل أريد أريح لي كم شهر وبعدها أوعدج أني أتزوج البنت اللي تريديها منال:طيب ما بضغط عليك بس أتمنى تتزوج وتستقر عادل:أنشاء الله الغالية لا تحاتي زواجي أنا أكيد أريد أتزوج بس مب الحين عند حمد طلع بسيارته ما يعرف وين يروح ضايقه فيه الدنيا راح السيح وطلع فوق العرقوب وجلس تخيل صورة ريم نزلت دمعه من عينه أنه ما يقدر يأخذها وأن أمه ما راضية على زواجه منها تنهد بضيق وطلع تلفونه وأتصل على فيصل وقال له يجي عنده لأنه محتاج يفضفض لأحد بعد ساعة جى له فيصل وجلس جنبه:أفا يا أبو حميد شو اللي مكدرنك هالكثر حمد:اااااااه يا فيصل تعبان فيصل:سلامتك يا أبو حميد قول لي شو الي مضايقنك صدقني بترتاح وأنا مستعد أوقف وياك وأساعدك إذا أقدر حمد جلس يخبر فيصل عن الريم وقال له السالفة اللي صارت وأن اللي رسلت له الصورة ما هي ريم وخبره أنه يحبها وأن يريد يتزوجها وأن أمه تريد تزوجه بنت عمته فيصل أبتسم:وهذا اللي منكد عليك يا أخوي حمد حط يديه على رأسه:ااااااااااخ يا فيصل أحس نار شاعله فصدري تحرقني أنا إذا خذيت غير ريم بموت والله بمووووت فيصل:أسم الله عليك من الطاري..أسمع أنت توكل على الله وأخطب بنت عمتك بس قبل أتفق مع أختك أنها تكلمها عشان ترفض تتزوجك وبكذا ما بيكون لأمك حجة على زواجك من الريم أبتسم حمد:فكرتك مجنونة يا فيصل فيصل:ههههههه ما تعرفني إني دوم متهور يا الله توكل على الله وسوى اللي قلته لك والله ييسر لك حمد:أنشاء الله عسى الله يريحك يا فيصل مثل ما ريحت قلبي حمد رجع البيت وكلم شيخه أنها ترتب له الموضوع مع سوسن عشان ترفضة لا خطبها ويقدر بكذا يتزوج الريم شيخه:ههههههههههه أنت خطير يا حمد حمد:هذي فكرة فيصل يا الله أنتي كلميها وأنا بروح أقول لأمي أدعي أن الموضوع يتيسر شيخه:الله يوقفك طلع حمد من عند شيخه وسار عند أمه وحبها على رأسها ويديها وجلس عدالها :سامحيني الغالية أم خليفة مسحت على رأسه:مسموح يا ولدي حمد أبتسم:أمي أنا موافق أخذ سوسن بس إذا رفضت أتمنى أنك تخطبي لي الريم أم خليفة:لا أنشاء الله ما ترفض وبعدين وين بتحصل أحسن منك ولد خالها وبتحافظ عليها حمد:الله يكتب اللي فيه الخير بس أتمنى ما ترديني أم خليفة أبتسمت عشان تسكت ولدها:أنشاء الله أزوجك ريم إذا سوسن رفضت زين كذا قام حمد وحبها على رأسها:الله يخليج لي يا الغالية بعد شهر ونص سيف ملك على مها ومعاملته لها جافة ويحاسبها على كل شي حتى على الكلام علي عرف أن الريم أخته بالرضاعة تضايق فالبداية وبعدها رضى بقسمة ربه عادل توظف فالمستشفى لأن دارس طب وصار طبيب أطفال مثل ما كان يتمنى ريم على حالها بس حمد أستغل كل تفكيرها وصارت تحبه حمد فرحته ما تنوصف لما ردت سوسن بالرفض وأم خليفة أنصدمت لكن مجبورة تنفذ وعدها لولدها وتزوجة الريم مثل ما يريد خليفة خطب خلود رسمي وملك عليها وأجلو عرسهم لين يخطب حمد ويكون عرسهم مع بعض بيت أبو خليفة أم خليفة:والله يا أبو خليفة هذا شرطي وأنا بقول رأي فيها ذاك الوقت حمد تضايق من أمه وايد اللي تصعب الأمور عليه أبو خليفة كسر خاطره ولده وقال:خلاص أنا بكلمهم كلهم وأتفق معاهم بس أسمعي زين يا أم خليفة لو تجاوزتي هالحد أنا بزوج حمد وأنتي مالك شور فاهمة كافي عذاب للولد وطلع قام حمد وطلع عن أمه بعد ما ناظرها بعتب وسار حجرته ..شيخه من شافت حمد دخل حجرته ركضت وراه ودقت الباب حمد تنهد:أدخل دخلت شيخه وسكرت الباب وجلست جنبه على السرير:حمد حمد بنبرة حزن:نعم شيخه:حبيبي لا تشيل هم شي وبعدين لازم تفرح راح تشوف الريم ولا ما خاطرك تشوفها حمد:أأأأأأأأأه يا شيخه أمي تعبتني يعني هي ما شافتها ما تعرفها عشان تقول أول تشوفها وبعدها تخطبها ليش ما قالت كذا لما خليفة قال بيخطب ولا خليفة ولدها وأنا لا شيخه :ما عليه حمد أصبر وأنشاء الله الريم تكون لك وأدعى الله يسر لك حمد:أمين يا رب بيت أبو سيف غرفة سيف وعادل كان سيف منسدح على كرفايته ويلعب بالتلفون فإيده بعدها ضغط على رقم مها وأتصل لها مها:ألوو سيف:هلا والله بالصوت ..شحالج.؟ مها بهمس:بخير..من..؟ سيف:أفا والله نسيتيني بذي السهولة يا عمري مها:أنت من ..؟ سيف:معقولة يا قلبي ما تذكرتيني مها:طيب قول أنت من عمران ولا سالم سيف ثار وصرخ عليها:لاا يا كلبة أنا ما صايع من صايعينج أنا زوجك مها انصدمت:سيف....؟؟؟؟!!!! سيف:صدق اللي قال ذيل الكلب عوي وعمره ما يتعدل أسمعي زين الحين بسكر منج وبرد أتصل ويكون التلفون عند علي وقسم بالله لو دريت أن عندج التلفون بتكون نهايتج على إيدي مها صاحت:سيف سيف:جب ما اريد أسمع حسج"وسكر التلفون فوجها" فر التلفون بعصبية:هين يا مها أنا بربيج شكلج للحين ما تعدلتي بس صبرج علي دخل عادل على صوت تكسر التلفون:بسم الله بلاك أنته سيف :ما فيني شي حل عني عادل:بسم الله شو سويت لك أنا الحين..؟ سيف:اوففففففف عادل أسكت عني ما اردي غلط عليك "شل سويجه وطلع" عادل:الله يهديك بس دقت الريم الباب وبطلته:شو صاير..؟ عادل أبتسم:أخوج تخبل ما أعرف شو فيه معصب زين ما ذبحني أبتسمت الريم:الله يهديه وجت بتطلع ناداها عادل:الريم الريم:هلا عادل:ما عليج أمر أريد الاب حقج لأن لابي أنكسر والحين فالتصليح.. الريم:أنشاء الله الحين بجيبه لك عادل:أنتظرج طلعت الريم وبعدها جابت الاب وعطته عادل وسارت تجلس مع أمها وعمتها عادل بدل ملابسه وشغل الاب وكانت الخلفية صورة العائلة أبتسم لما تذكر هالصور كانت يوم تخرج من الثنوية وقبلوه بالبعثات الخارجية ركب الفلاش حقه وبدى يشتغل وبالغلط فتح مجلد "ذكريات" وكان كله صور بنات وبسرعة قفلة بس طبعا بعد ما شاف صورة البنت اللي كانت أول شي بيت أبو علي علي:دواج وأكثر من دواج تعرفي لو أنا ذبحتج عاد اللي يجيك من سيف ما أحد له شغل فيه الحين هو زوجك وولي أمرج مها تصيح:حرام عليك علي والله تبت والله علي:تبتي وتقولي فلان وفلان أقول أنقلعي عني الحين مها طلعت من عند علي وهي تصيح شافتها منى:مها شو فيج شو مستوي..؟ مها:أهئ أهئ يويلي من سيف عصب علي منى:طيب تعالي الحجرة نتكلم مها:أهئ أهئ منى أنتي غيري رقمج وتركي عنج هالطريج لا يصير لج مثلي منى بخوف:لا أنشاء الله وبعدين أنا قلت لأبوي يشتري لي رقم جديد ما أريد أطيح من عين زوجي مها من قالت كذا جلست تصيح لأن سيف أكيد الحين كرها أكثر وأكثر منى:مها خلاص أسكتي لا تصيحي وقومي صلي وأدعي الله يهدي ويحنن سيف وأنشاء الله ما يسوي لك شي مها:منى أنا أستاهل اللي سويته فريم ما شويه والحين أخوها ينتقم مني ..منى الله يخليج أنتبهي لنفسك ولا تضيعي نفسك بنفسك منى:خلاص مها لا تقولي كذا ولا ما بتزوج طول عمري مها مسحت دموعها:لا منى لا تقولي كذا أنشاء الله تتزوجي وتتوفقي مع زوجك بس تركي الطريق هذا الشباب ما منهم أمان منى:أنشاء الله عند سيف جلس يلف بسيارته لين تعب وقف فالمبزرة وطلع سقارة وجلس يدوخ بعصبية :ما عليه يا مها أنا أعرف لج بس الحين لأزم أخلص الموضوع وأتزوجك بسرعة عشان تكوني عندي وأعرف كيف أأدبج زين والله بخليج تندمي على الساعة اللي فكرتي تلعبي بحياتج على كيفج يوم الأربعاء عائلة أبو عمر وعائلة أبو علي وعائلة أبو سيف وعائلة أبو خليفة كلهم طلعو لسيح يغيرو جو طبعا الطلعة كلها فكرة أم خليفة عشان تشوف الريم سيارة علي كان معه مها ومنى ومعاهن عليا اللي بالغصب قنعو أخوها مانع عالطلعة وسيارة عمر كان معه خلود وبدور وأمه وأبوه وفاطمة مع زوجها ناصر وسيارة حمد كان معه شيخه وسيارة خليفة كان معه أبوه وامه وشما وطلال وسيارة أبو سيف معه أم سيف ومنال والريم وسيارة سيف فيها سيف وعادل علي أتصل على حمد:مرحبا الساااااااع حمد:مرحبا ملاااين هلا ب علي علي:هااااااا تسابق حمد:هههههههههه أنت مجنون معانا الأهل علي:قول أنك خايف تنهزم ومنت قد التحدي حمد:روح زين أنا قدها وقدود بعد وبشوف كان ما بهزمك علي:نشوف زين يا الله حمد:على خير شيخه:حمد أنت مجنون تسابق حمد:ما عليج أخوج سويق بس بأدب هالدب نافش لي ريشه ما أعرف ع شوو شيخه:شكلك بطيح من عين حبيبت القلب حمد أبتسم:لا بتشجعني وبتشوفي شيخه:يا الثقة ما نرررررررررروم حمد:هههههههههههههههههه وبد علي يتحرش بحمد فالسواقة ولين بدو يتسابقو عادل:سيواااف شوف علوووووه مرتبش دوس دوس ورررررررررراه سيف أبتسم:أفا عليك "ويدوس سيف بجنون والكل يعرف سواقة سيف يموت ع السباقات" عادل:ههههههههه هد يا رجال تقول ثور هايج سيف:جب جب بتشوف شو بسوي فيهم ويروح سيف يسرع ويخطف عدالهم ويعفرهم تراب علي معصب:حمااااااااار والله لوريك يا الكلب البنات:هههههههههههههههههه� �هههههه علي:جب أنتي وياها يا الله ما ابى أسمع حسكن حمد:شووووووف الزفت عفرنا تراااااااااااب بس ما عليه أنا أراوية وراااااااااااه شيخه:حمد أنت مجنون هد السرعة حمد:سكتي أنتي ما وقتج الحين شيخه صاحت:حمد الله يخليك خف السرعة شو هالجنوووووون حمد هدى السرعة:علشانج بس ولا دواه عندي الخسف سيارة أبو سيف أبو سيف:هذا الولد مجنون شوفي حتى سيارته ما مبينه أم سيف:الله يستر أنا قلت له يركب مع واحد من ربعه بس ما طاع منال:لا والخسف عادل معه ريم:أظن عادل هو اللي رابشنه ما تعرفيهم يعني منال:ما عليه دواهم بعدين وصل الكل للمكان بسلام سيف نزل من سيارته وزاعق على حمد وعلي:وووووووووووووووووووو� �يو عفروهم تراب ههههههههههههههههههههههههه ههههههههههههههههه علي عصب ويشل صلب حطب ويركض ورى سيف سيف ركض وعلي وراه والكل يضحك عليهم عادل راح صوب أمه وهو يضحك:هههههههههههههه الحمد لله ع السلامة يالغالية منال على طول لوت أذنه:الحمد لله ع السلامة هااا شو هالربشة اللي مسوينها أنت وولد خالك عادل يوخر يد أمه ويبوسها:ههههههههههههههههه فديتج عادي ما صار شي منال:أنت تبى تخبلبي هااا ولا تموتني ناقصة عمر عادل:أسم الله عليج عمرج طويل أنشاء الله ..بس فديتج عادي نهبل بالشباب شوي منال:الله يهديك بس شكلك بتعذبني مثل أبوك كان يسرع لين سوى حادث ومات"ودمعت عيونها" عادل كسرت خاطره أمه ولوى عليها:فديتج خلاص أوعدج ما عاد أسرع بس لا تصيحي شيخه:منو هذاا..؟ ريم:عادل ولد عمتي منال شيخه :والله حسبالي بعدها ما متزوجة شكلها وايد صغيرة ريم:متزوجة وزوجها متوفي من كان عمر عادل سنتين وما رضت تتزوج شيخه:اهاا بس حلو شكلهم ما كانها امه ابد ريم:هههههههه عادل يعاملها مثل أخته ودوم مضارب هو وياها شيخه:هههههههههههههههههه عادل رفع يده:رياااااامي تعالي بسررررررررعة ريم:ههههههه بروح أشوفه وبرد لج شيخه:أوكى راحت ريم عند عادل ومنال ريم:خير عادل:فوجهك بذمتج بذمتج الحين وجها ما يخوف وهي تصيح منال دزته:حمااار ريم لوت على عمتها:أصلن عمتي حلوة بكل حالاتها وانت فيك حرررررة لأنها احلى منك عادل:عشتو أصلن أنا ما احد يوصل لقمة ... قاطعته ريم بسرعة:قمة البشاعة عادل:شوو الحين أنا مب حلو ريم متلوعة:ووويع خلص الجمال دام أنت حلو عادل:شوف العنز شو تقول ريم:هههههههه زوجتك العنز يا التيس عادل عض ع شفته بقهر وجى يمسكها لكنها ركضت وركض وراها:تعالي والله لوريج أن مسكتج علي:اوو شكل أختي متورطة سيف:شوف العنز كيف يركض وراها تعال نشتغل محامين لها علي ضحك:ههههههه يا الله وراحو صوب ريم وعادل ريم تصرخ وتركض جهت علي وتتخبى وراه:هه هههههه اه اه علي خله يروح عني عادل:والله ما سكك ما سكك مالج مهرب مني ريم:هههههه تخسى عادل بطل عيونه مصدوم :سمع بنت اللذينا شو تقول ما عليج أنا بأدبج سيف:لا لا عاد كله ولا الريم عادل:زول أنته عني الحين مب متفيج لك سيف يستهبل:هههههههه لا دخيلك حبيبي لا تقول كذا ما أقدر على بعدك عادل لف عليه:شو الأخ تحسبني زوجتك ..لا عيوني انا عادل روح دور عليها لف بيشوف الريم بس ما شافها أبتسم علي له:راحت من زمان عند الحريم عادل:الشت بس ما عليه الا أمسكها هي ولسانها الطويل علي:اااي جوز عن أختي تسمع طلال راح صوبهم:حوو شباب تلعبو كرة الصراحة الجو روعة عادل يرفع كندورته:والله أنك جبتها يا طليل أحسن من هذول المخبل عند الحريم وصلت ريم وهي تضحك:السلام عليكم الكل:وعليكم السلام منال:تعالي حبيبتي عدالي فديتج أنا ريم :اااه الحمد لله طلعو سيف وعلي ولا بيذبحني أم سيف:أنتي متى تخلي شقاوتج هذي ريم بدلع:يمه أنا ما شقية أم عمر:فديتج الريم حبوبة وما في أهدى منها الله يسعدها ريم:شكرا خالوه خلود:بنات قومن نتمشى شوي ملل الجلسه فاطمة:هيه والله قومن نسير فوق العرقوب الجو روعة عليا:يا الله مشينا قامن البنات يتمشن مع بعض ريم:شواخ شو فيج.؟ شيخه:ها لا لا ولا شي عادي ريم:أكيد شيخه:هيه فديتج أكيدين بدور فوق العرقوب:تعالن بسرعة فوق تشوفن لعب الشباب عدل طلعن ريم وشيخه مع البنات وجلسن على الرمل ويشوفن لعب الشباب ..ريم أنتبهت لحمد وأبتسمت وفخاطرها"فديتك تولهت عليك يا عمري" شيخه كانت جالسه وتراقب ريم وفنفسها"معقولة الريم تحب ولد عمتها ولا فكرة فحمد معقولة تكون محجوزة له لا يا ربي حرام حمد بيتعذب " مها كانت تشوف سيف "أأأأأأأأه يا سيف ملاحتك وأنت تضحك ومبسوط يا ليتك تكون كذا معي حنون وطيب مثل ما تكون مع ريم "دمعه عيونها شما:قوووووووووووووووووول حمود سجل قووووووووووووول البنات:هههههههههههههههههه� �ههههههههههههه بدور:أشوفج وايد متفاعلة شما:أكيد حبيبي أخوي سجل قوووووووووول منى:أخوج هذا اللي لابس كندورة حليبيه شما:هيه هوه ريم بغيرة:وليش تسألي عنه منى:عادي بس أسأل ريم صدت عنها وجلست تشوف حمد عند الشباب "كان عمر وخليفة وناصر وطلال فريق" "وسيف وعلي وحمد وعادل فريق" علي:فديتك يا حموووود والله أنك تبيض الوجه عمر:لا تفرح وايد أحنا بنفوز عليك أكيد طلال:أكيد طبعا دام أن األعب معاكم سيف:هاهاهاها ضحكتني أحنا اللي بتنفوز حمد:يا الله عدووووووووول بسرعة عادل:هههههههه أفا عليك ويشوف عادل الكورة ويجيب قول وقامو يصارخو ويغايضو ب قوم عمر خليفة:يا الله نصور والله أن ضيعتها بذبحك طلال:بسم الله أخوي سفاح ناصر:ههههههههههه قووووووووووول جلسو يلعبو وخلص لعب والنتيجة"3/2" فاز فريق سيف الباقي فالطريق..... | ||||
|
| |
|
02-05-16, 06:13 PM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| عند الحريم أم سيف:والله البنت بنتكم يا أم خليفة وأنا عن نفسي ما عندي ما نع إذا تريدوها خذوها الحين وأحنا ما بنلاقي أحسن منكم ومن نسبكم بس مثل ما تعرفي لأزم أنشاور البنت وأبوها وأنشاء الله بنرد عليكم أم خليفة:فديتج ما عليكم قصور ..عاد لا طولو علينا لأن الولد مستعجل بيعرس مع أخوه أم سيف:أنشاء الله عند الشباب قام عادل وراح لسيارة سيف يدور على موبايله اللي ضاع منه عادل:اوففف الحين وين سار هذا بعد بطل باب السيارة وسقع أحد نزل رأسه وشاف بنت ع الأرض أنحرج مرررررررة :عسى ما تعورتي شيخه قامت بسرعة ونفضت ملابسها وبهمس:لا عادل لمح تلفونه فيدها وعقد حواجبه:شو ياب تلفوني عندج شيخه صارت طماطة من المستحى:حصلته طايح كنت بتعطيه الريم..تفضل"ومدته له" عادل أبتسم:مشكورة ما قصرتي صار لي ساعة أدور عليه شيخه:العفو وروحت على طول عنه عند الحريم ووجها قالب ألوان جلست عدال الريم بهمس:شو فيج.؟ شيخه بهمس:ولا شي الريم:ههه قولي شو قال لك عادل عشان ويهج قالب ضو شيخه رفعت رأسها:هاا الريم:ههههه شفتج واقفه معه يا الله أعترفي تحبي من ورانا هاا شيخه فتحت عيونها:هااا لا والله بس كنت بعطيه تلفونه حصلته طايح الريم بنص عين:تعطيه التلفون والوجه طماطة شيخه:ريم حرام عليج والله كنت............."وخبرتها اللي صار" ريم:ههههههههه فديتج خلاص لا تعصبي بس تعرفي وايد لايقين لبعض شيخه عقدت حواجبها:منو..؟ ريم:عنتر وعبلة يعني منو أنتي وعادل شيخه:وأنتي ريم رفعت حاجبها:وأنا شو شيخه:ها لا ولا شي خلاص أنسي ريم:كيفج بس المهم ترى عدول يدور عروس وشكله بيحطج أول الأسماء فالقائمة شيخه دزتها ولفت ع خلود تسولف معها أما ريم فضحكت عليها عند عادل بعد ما راحت شيخه أبتسم:هذي هي اللي فالصورة فديتها محلاها فالطبيعه أنا لأزم أخطبها بس ما أعرف من هي صح هي قالت ريم أظن صديقتها اوو شفيني أكيد صديقتها بعد شو خلاص لما نرجع بسألها عنها وه فديتها حمد:شو عندك توزع أبتسامات نقز عادل:بسم الله خوفتني حمد:ههههههههه شكلك سرحان لا يكون بس شارب الهوى هاا عادل:هههههههههههه شكلي طحت وما حد سمى علي حمد:ههههههههههههههههه يا الله أنظميت لمجمعتنا مجموعة العشاق عادل بنص عين:أنظميتلنا شو أخ حمد أعتقد أنك عاشق متيم حمد:أأأأأأأأأه والله أحبها وأموت فالترب اللي تدوس عليه عادل:اوب أوب من هي هذي اللي سرقت قلبك حمد غمز له:كل شي فوقته بيبان..المهم شو تسوى الحين..؟ عادل:والله جالس أسولف مع واحد شارب الهوى على قولته حمد:ههههههههههههههههههههه� �هههههههههههه الله يخسك عادل:ههههههههه أقول شو رايك نستهبل شوي حمد:والله زين بس شلون عادل:تعال أركب معي الحين قام حمد وركب عدال عادل وشغل عادل السيارة وسار صوب جلست الشباب ووقف السيارة وشغل المسجل وعلى الصوت أخر شي ونزل ونزل حمد معه وسحبو العصي وقامو يرزفو علي:هههههههههههه هلا مرحبا والله عاشوووووووو الصقور وسعو الشيخ علي أحسن يويل بيول معاكم وقامو الشباب ويا بعض يرزفو ويولو وكل شوي يشغلو أغنية قام حمد وشغل أغنية الشوق لفرقة الشواهين الحربية يا شوق كيف الهوى سوّق مواليفــي ..والشوق يا شوق كيف اللي مسونّــــــــه ما طاعني القلب منه ماعلى كيفــــي ..القلب يهواه وعيوني غصب طاعنّــــــــه بلغ نسيم المهبه كوس ومريفــــي ... وبلات ريج على الكاسات يرونــــّــــــــه اللي سبقني يخبرهم بتعريفـــي...ناس قدرهم عيوني ما يساونّـــــــــــــــــــ ــــه من غاب جرحي لهبني دايم نزيفــي... وصدري عليل سموم الشوق شكنــــــّـه يا كيف بصبر ويا كيف المواقيفي... صبري معبر وحالي قد خلا منـــــــــــه اللي ذبحني عليه المـوت تشريفي ..يا ليتني ليت كلي له فدا عنـــــــــــــــــــه بس المودة يواصلها بتصريفي ..ويرحم خليل على شوقه مخلـــــــــــــــــــنه اللي ذبحني عليه الموت تشريفي ..يا ليتني ليـــت كلي له فدا عنـــــــــــــــــه بس المودة يواصلها بتصريفي ...ويرحم خليل على شوقه مخلنّــــــــــــــــــه بعد ما شبعو من رزف ورقص سمعو تسفيق وتصفير لفو يشوفو شافو الشياب يأشرو لهم ويضحكو سيف:والله وطلعنا مصخرة عند الشياب عمر:روح زين أصلن هم لو الود ودهم كانو مكانا ناصر:اما ذي وحده أشوف الحين الشياب يمسكو عصي ويرزفو بيطلعو لؤطه الشباب:هههههههههههههههههه� �هههههههههه جلسو لين المغرب وصلو وبعدها كل واحد رجع لبيته بعد أسبوعين بيت أبو خليفة شيخه:بلاك حمد متضايق حمد:شيخه أمي للحين ما فتحت الموضوع ولا قالت رأيها ف الريم والله تعبت خايف أحد يأخذها مني شيخه:ما عليه يا حمد صبر ولا أقول قوم خل نروح نشوف شو رأيها حمد:يا الله قومي نزلو حمد وشيخه ولقو أم خليفة تتكلم تلفون جلسو وهم يناظرو بعض ينتظروها تخلص أم خليفة:على خير أنشاء الله فأقرب فرصة بنزوركم ونتفق وياكم ....والله أنا أقول أن باكر يكون مناسب لنا كيف عندكم......خلاص أتفقنا يا الله مع السلامة. سكرت التلفون ولفت تشوف شيخه وحمد:خير أنشاء الله حمد:أمي أنا بقول على طول الصراحة تعبت وأنا أنتظر لين متى بنتظر رأيج فالريم أم خليفة أبتسمت :صبر علي لين باكر فالليل ولك اللي يسرك حمد:امي والله العظيم تعبت صار لج شهر الحين أم خليفة:يا ولد أصبر لين باكر الحين صبرت شهر ما تصبر يوم حمد قام:أمري لله بس اتمنى ما يطول صبري أكثر من يوم أم خليفة:لا ما راح يطول بالباكر بيت أبو سيف منال:ههههههههههه ريم بلاج جي خلاص عاد ريم:منال بيشوفني اليوم والله قلبي يرجف منال:ههههههههههههههههه ما فيها شي عادي والله ما بيأكلج وبعدين المحارم بيكونو وايج سيف وعلي حلفو ما يخلوج بروحج ولا يهبلو ف حمدان..أو قصدي حمد ريم:ههههههههههههه بعدج تذكري..؟ منال:وأنا نسيت والله لما أتذكر اللي صار أقول أن هذا مكتوب عشان تعرفون بعض ويصير بينكم نصيب ريم:أأأأأأأه الله يوفقج يا مها دنيا وأخرة منال:هههههههههههههههههههه� �هههه أقول قومي خلينا نسير الصالة بيت أبو خليفة حمد قام واقف:شوووووو أم خليفة:بلاك حمد إذا ما تريدها خلاص نكنسل كل شي حمد لف عليها:أمي تتكلمي جد يعني وافقت وافقت أم خليفة بحنان:هيه حبيبي وافقت وأنا ما حبيت أخبرك الا الحين عشان لا أكسر بخاطرك قام حمد ولوى على أمه وحبها على خدها:فديتج أمي بروح أكشخ شيخه فرحت من الخاطر لأخوها والريم :شوي شوي لا طيح وتتعور ويتأجل كل شي سنه حمد بطل عيونه:ول عليج أنتي وفالج والله لو يدفوني بكرسي بروح وبخطبها ما بيعوقني شي شيخه:ههههههههههههههههه يا بختج يا ريم فالليل فبيت أبو سيف تمت الخطبة رسمي والرجال أتفقو على المهر والحريم أتفقن على التجهيزات والحفلة سيف يناظر أبوه ويعض ع شفته يريده يتكلم بس أبوه مسوي نفسه ما فاهم عليه خليفة وسيف وعلي جالسن عدال بعض ويضحكو على حمد اللي طفران من أبوه طلال:أبوي بلاك الحين ما فهمت على حمد من ساع يأشر لك عشان تكلم عمي أبو سيف يريد يشوف البنت الكل :هههههههههههههههههههههههه� �هههههههههههههههههههههههه هههه أبو سيف:هههههه الله يهديك يا ولدي كان تكلمت هذا حقك ما يحتاج تشاور ..أبوي سيف قوم خذ حمد يشوف الريم علي وقف:أنا بسير أخبر الريم عادل همس لخليفة:أن ما طلع يسب ويلعن خيرهم ما يطلع أسمي عادل خليفة:والله نظراتهم خبيثة الله يعين اخوي بيتبهدل الريم:سيف ما لازم والله خايفة سيف:شفيج ريوم عادي الا يشوفج ما بياكلج وبعدين لا تخافي أنا وعلي وياج يا الله قومي منال جت لهم:بعدكم واقفين ومخلين الريال ينتظر يا لله ريم عن الدلع ترى الرجال بيهون ريم:هاا سيف مسك يدها:هههههه تعالي طلعو من الصالة ودخلو المجلس الداخلي وكان حمد جالس وعلي مقابل له من شاف الباب تبطل ركض لريم ووقف قدامها:هلا والله مرحباا حمد يريد يشوف الريم بس علي مغطي عليه وده يقوم يرفسه بس ما يقدر قدام الريم سيف بهمس:والله شكل حمد بيذبحك اليوم علي:والله لهبل فيه بس صبر شوي..ها ريم خلاص بتروحي يا الله حبيبتي سيري دربج خضر حمد يناظره بكرة ووده يقوم يصفعه سيف:علوه خوز خل الرجال يشوفها يا خوفي يقول عطيتنوني إياه قصيرة ولا طويلة ولا مدري شو خاز علي وحمد جلس يناظر فالريم وأبتسم سيف ضغط على يدها:سلمي لا تفشلينا فالريال ريم بهمس:السلام عليكم حمد:وعليكم السلام والرحمة...شحالج الريم..؟ ريم :بخير جلس سيف وجلست عداله الريم ومنزلة رأسها وهي بتموت من الخجل علي :حمد بسك بتتجلع عيونك وأنت تخز فيها حمد أنحرج وناظر ف سيف سيف:يا أخي لا تشوف علي هذي حرمتك مب أنا حمد جى يناظر فريم قام علي:يا ربي أنت هي لا تشوف عليها وايد أخاف تصكها عين حمد بقهر:لا تخاف عيني مب حارة ريم ناظرت سيف يعني بطلع وسيف غمز لها عشان تقوم وقامت بهدوء وطلعت لف حمد بيشوف ريم لقاها طالعه ناظر لسيف بعصبية:وين سارت..؟ علي:حوو ترى هي الا نظرة ما تجلس تدقها سوالف حمد:أستغفر الله رب العظيم شوفو لي الطريج بطلع قبل لا أرتكب فيكم جريمة سيف وعلي:هههههههههههههههههههه� �هههههههه أتقفو على ان الملكة تكون بعد اسبوعين والعرس بيكون مع عرس خليفة بعد ثلاث شهور فالمول ريم:والله محتارة ما اعرف شو أختار..؟ منال:شوفي الفستان الفيروزي حلو شيخه:حتى الأحمر حلو وبيطلع وأيد فنان عليج ريم:لا هذا وايد مفتوح وعاري ما أريد ..أريد شي ناعم وساتر ما فضايح وايد منال جلست:ألصراحة أنا مليت منج صار لنا ساعة نفر وأنتي تتشرطي أختاري على كيفج جلست ريم تتفرج على الفساتين لين لقت فستان دش خاطرها كان لونه أصفر على ذهبي وماسك على الجسم من فوق ويتوسع من الخصر لتحت وأخر طبقة مدرجة بكم طبقة ثقيلة ومن فوق واصل لرقبة وفيه كم صغير وايد يمسك ع اليد والفستان كله كرستالات قررت تشتريه ومنال وشيخه أيدنها فيه لأن وايد حلو وناعم ويناسب لها ولبشرتها فيوم الملكة سوت مكياج هادئ وناعم جدا وتسريحة حلو رفعت كل شعرها ونزلت خصل بسيطة وقصتها قصتها لين حواجبها وسوت لها بوف وطلع شكلها مررررررررررة جنان وكانت الحفلة عندهم فالبيت وما عزمو الا الأهل دخلت الصالة والكل سم وذكر الله على جمالها جلست على الكوشة وبدو المعازيم يسلمو عليها ويباركو لها وبعدها بدن البنات يرقصن ويحاولن يخففن من توتر الريم عند الرجال كان الشباب مرتبشين ويطفرو بحمد ويعلقو عليه سيف:يا ريال قوم أرقص حمد:زول عني شو أرقص تحسبني متخبل مثلكم عادل:ههههههه قوم يالنسيب وخل عنك يا اخي أبو سيف:أعقلو أنت وياه وخل الريال فحاله تريدو الناس يقولو مزوج بنته خبل حمد لف يناظر أبو سيف بأستغراب والشباب ضحكو عليه أبو سيف غمز لحمد:أمزح وياك أبتسم حمد ومر الوقت ودخل حمد عند الريم ودخلو وياه أبو سيف وسيف وعلي حمد من شاف ريم كان قلبه يدق بالقوووو قرب لها وباسها على رأسها وهمس فإذنها:مبروك حبي ريم بخجل:الله يبارك فيك.. قرب أبو سيف من الريم وحبها على رأسها:مبروك يا بنتي ريم حبت أبوها على رأسه:الله يبارك فيك سيف وعلي:مبروك حبيبي ريم:الله يبارك فيكم عقبالكم علي بصوت عالي:أأأأأأأأأأأأأأأمين سيف دقه:أأأش فضحتنا علي تلفت وشاف الحريم يشوفن عليه نزل رأسه وأبتسم بأحراج جلسو شوي معاهم وصورو كم صورة وطلعو عند المعازيم جابو لهم الكيكة وقصوها مع بعض وأكلها وأكلته وجابو لهم العصير وكان قلاس كبير وفيه قصبتين"قشة العصير" شيخه:هههههه والله الريم بتذبحنا على ذي الحركة عليا:لا والله حلوة رومانسية منال:هيه بيبان الرومانسية شوفن ريم كيف تغير لون ويها شما:ههههههههه عادي عادي بعدين بتفرح وتقول يا ليت ويا ليت البنات:هههههههههههههههههه� �ههههههه حمد ناظر الريم والريم منحرجة كيف تشرب معه من نفس الكوب دقتها شيخه:شفيج ريم يلا أشربي عشان يصوروكم يلا ريم بهمس:ما أريد فضيحة شيخه دقتها:هههههه يا الله أشربي لا الحين أسوي لك أنا فضيحة ..حرام شوفي حمد يكسر الخاطر رفعت رأسها وشافت حمد يناظرها ويبتسم لها أنحرجت ونزلت رأسها وبالغصب شربت العصير معه وصورو كم صورة ولبسها الشبكة وجلس شوي معاها وطلع على الساعة 11ونص كل المعازيم روحو وما بقى أحد دخلت ريم حجرتها وبدلت وتسبحت ولبست لها بجامة نوم وأنسدحت ع كرفايتها بتعب:أأأأه والله تعبت منال:يا الله حبيبتي الحين نامي كافي من الفجر قايمة ولا نمتي ريم غمضت عيونها:والله كنت ميته خوف حتى النوم ما قدرت أنامه منال:الحين أرتاحي يا الله تصبحي على خير ريم:وأنتي بخير طلعت منال من حجرت ريم وشافت سيف طالع:على وين .؟ سيف:بسير بيت عمي منال:عسى ما شر شو مستوي..؟ سيف:ما شر بس توني مكلم مها تقول تعبانة ما أدري شو فيها تصيح منال:عسى خير طمني عليهاا سيف:أنشاء الله"وطلع" راحت منال غرفة عادل حصلته واقف يناظر من الدريشة وشكله سرحان أبتسمت وراحت له:حبيبي فشو سرحان لف عادل عليها:هلا الغالية منال لوت على ذراعة:شو فيك حبيبي..؟ عادل تنهد:أأأه يالغالية هذا تاعبني"ويأشر على قلبه" منال تمسح على صدره:بسم الله عليك حبيبي شو فيك..؟ عادل:أمي أريد أتزوج منال أبتسمت:صدق حبيبي عادل:أمي أريد شيخه الله يخليج أخطبيها لي منال:من شيخه..؟ عاادل:أخت حمد الله يخليج والله من يوم شفتها وأنا ما أعرف شو فيني منال:متى شفتها..؟ عادل:لما رحنا السيح منال:حبيتها يا عادل عادل:أأأأأأأه والله أموت فيها منال تمسح على رأسه:خلاص حبيبي باكر أكلم أمها وأخطبها لك عادل ضم أمه:عسى الله يخليك لي يا ست الحبايب منال:ويخليك لي حبيبي جلست منال تمسح على رأسه لين نام باسته على خده وعدلت نومته وغطته وطلعت تذكرت لما كان صغير لما تحطه فحضنها على طول ينام والحين كبر ونفس الحالة ما تغير حست براحة فضيعة لما قرر يتزوج هذي كانت أمنيتها تشوفه معرس راحت حجرها وهي تتمنى تطلع الشمس بسرعة عشان تخطب لولدها وحيدها البنت اللي يحبها.. | ||||
|
| |
|
02-05-16, 06:14 PM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| فالمستشفى عند سيف كانت مها راقدة وسيف جالس عدالها يمسح على رأسها:أأه يا مها ليت التعب فيني ولا فيج مها حست فيه وبطلت عيونها وشافته عدالها همست بتعب:سيف سيف:عيون وروح سيف مها تجمعت الدموع فعيونها:سيف سامحني سيف مسك يديها بقوة:مسامحنج يا عمري بس أنتي هدي روحج الحين مها :سيف أنا بموت سيف مسح دموعها:لا تقولي كذا يا عمري أنشاء الله ما فيج الا العافية مها:أحس روحي ما بعيش اممممم الألم ذابحني سيف ..أنا أول مرة أحس ان أحد يحبني ويخاف علي هالكثر شكرا سيف سيف تأثر وايد :حبيبتي لا تقولي كذا أنتي بتعيشي وأنشاء الله كل اللي فيج شي بسيط مها بهمس:سيف أحبببببك سيف مسح دمعته:وأنا أحبج يا مها أحبج دخل الدكتور ووقف سيف :ها دكتور بشر مها شو فيها..؟ الدكتور:تعال معي خارج نتكلم مها مسكت يد سيف:لا تروح ..دكتور قول أنا شو فيني لا تخبي شي علي أنا بموت صح.. الدكتور:الأعمار بإيد الله يا بنتي ..بصراحة الفحوصات أبد ما تسر طلع عندج سرطان فالعظام سيف حس كأن أحد ظربه على أذونه بقوة وظل واقف دون ما يسوي إي ردت فعل مها غمضت عيونها بقوة ونزلت دموعها الدكتور:العلاج الكيماوي راح يفيدج ويمكن تشفي من المرض بأذن الله لأن المرض فبداية أنتشارة.. طلع الدكتور من عند مها بعد ما رمى عليهم الرصاصة اللي ذبحت سيف قبل مها مها :سيف سيف:........... مها:سيف رد علي سيف سيف لف عليه وعيونه مليانه دموع قرب لها ولوى عليها وصاح :ما راح أخليج راح أعالجك راح أسفرج خارج بسوي المستحيل عشان تشفي مستحيل اخليج تروحي مني مستحيل مها تمسكت فيه بقوة وصاحت فحضنه لين نامت طلع سيف من عند مها وهو مخنوق رجع البيت ورمى روحه ع الكنب بتعب وبدت دموعه تنزل دون أحساس لين غفت عينه بيت أبو خليفة حمد:شيخه لا تستوي نذله عطيني الرقم لا أذبحج الحين كافي علي سيفوه وعليوه ما طاعو يعطوني أشتغلت النذالة عندهم شيخه:ما بعطيك ويا الله خل أشوف كيف بتجيب رقمها حمد:تتنيذلي علي يا شوااخ ما عليج تحسبي بتم على منيتج طلع تلفونه من جيبه وأتصل على ناصر حمد:مرحبا ناصر ناصر:هلااا حمد أخبارك.؟ حمد:الحمد لله بخير وعافية..أخبارك أنته.؟ ناصر:والله دام سمعت هالصوت الغاوي أكيد بكون بخير حمد:تسلم فديتك..أقول ناصر ناصر:أمرني بوحميد حمد:ما يامر عليك ظالم بغيت منك خدمة وأتمنى تقول تم ناصر:تمين أفا عليك أمرني حمد:بغيتك تكلم فاطمة وتقول لها تعطيك رقم حرمي المصون لأن اللي عندي فيهم نذاله ما ادري من وين يايبينها ناصر:هههههههههههههههههههه� �ههههه شكلك تعاني وايد حمد تنهد:فوق ما تتصور ناصر:طيب الغالي دقائق والرقم عندك كم حمد عندي حمد:فديت خشمك يا أبو سالم..مع السلامة ناصر:مع السلامة بعد دقائق وصله مسج من ناصر برقم ريم ناظر شيخه وهو يحرك حواجبه:شفتي أني خطير شيخه:مالت على هالناصر زين حمد:هههههههه ويو غلبوها وييييييييييييو شيخه فرت بالمخدة:زول عني طلع حمد وهو يضحك وأتصل على الريم رن كم مرة ولا ردت عليه كتب لها مسج"حبي معقولة نسيتي رقمي أنا حمد زوجك" ريم قرت المسج ومسحت دموعها ولما أتصل ردت عليه:ألوو حمد:هلا وغلا باحلى ريم فالدنيا..شحالج عمري.؟ ريم بهمس:الحمد لله شخبارك أنت.؟ حمد:دامي سمعت هالحس أكيد أنا بخير غانتي ريم:............ حمد:فديتج فيج شي صوتج متغير لا يكون راقدة ريم على طول صاحت:............ حمد بخوف:ريم بلاج شو مستوي..؟ ريم تمش دموعها:متضايقة شوي حمد:أفا يا عمري تضايقي وأنا موجود..شومضيق عليج..؟ ريم:بنت عمي مريضة حمد:الله يشفيها يا رب شو فيها..؟لا تصيحي يا عمري ريم بغصة:عندها سرطان حمد:لا حول ولا قوة الا بالله الله يشافيها يا رب ريم:أمين حمد:أذكري الله يا عمري وأدعي لها الله يعافيها وأنشاء الله بتشفى ريم :لا إله الا الله ..كاسر خاطري سيف حمد:سيف بلاه ريم:هذي زوجته حمد:لا إله الا الله الله يشافيها يا رب ..تبيني أمر عليج ريم:لا ما له داعي أنا الحين بروح أشوفها .. حمد:زين فديتج بس حاولي تكوني قوية جدامها لا تزيدي عليها تعبها بدموعج ريم:أنشاء الله حمد:يا الله اخليج الحين وبدق عليج وقت ثاني ريم:طيب..مع السلامة حمد:مع السلامة حبيبي.. راحو الريم وأهله للمستشفى وزارو مها اللي نفسيتها كانت وايد تعبانة بيت أبو سيف سيف:أنا قررت أسفرها للخارج العلاج هناك أحسن أبو سيف:زين في أمل سيف:أنشاء الله أنا رسلت تقاريرها لمستشفى فالمانيا وأنتظر الرد وأول ما يوصل الرد أنشاء الله بنسافر على طول أم سيف:على خير أنشاء الله الله يشفيها الكل:أمين تأجلت خطبت عادل من شيخه عشان مرض مها بعد أسبوع وصل الرد من المستشفى الالماني وسيف ومها على طول سافرو للعلاج منال:الله يرجعها بالسلامة وتشفى من المرض اللي الله بلاها فيه الكل:أمين يا رب ريم فغرفتها تكلم حمد حمد:فديتج حبي والله مشتاق لج موت ريم بخجل:حتى انا حمد:أأأأأه وأخيرا رديتي علي بشي يبرد الفؤاد دوم مكسحتني فديتج أحبج ودي أصرخ بعالي الصوت وأقول أحببببببببببببببببببببببج ريم:ههههههه أنت مجنون حمد:فحبج يا عمري ..فديت هالضحكة أنا ريم:حمد خف علي شوي حمد:أنتي عمري وروحي وقلبي ودنيتي ريم:بعد عمري حمد:يا ويل حالي أنا بعد أسبوعين رجعو سيف ومها من ألمانيا والكل أنصدم لما دخلو البيت وكان أهل علي كلهم فبيت أبو سيف أم علي قامت:بسم الله شو رجعكم سيف ماسك يد مها وناظرها وأبتسم:ما في الحمد لله ع السلامة الكل:الحمد لله ع السلامة سيف ومها:الله يسلمكم سلمو على الكل وبعدها جلسو جنب بعض أبو علي:خير يا ولدي شو صار سيف:ابد طال عمرك ما صار الا الخير بس بنتك تدلع تبغى تسافر وسفرتها الكل:؟؟؟؟؟؟؟؟؟؟؟؟؟؟؟؟؟؟ سيف :ههههههههههه والله يا عمي لما سافرنا وسو الفحوصات قبل لا يبدو فالعلاج صدمتنا النتيجة قالو لنا كل اللي عندها التهابات عاد شوفو عشان التهابات وصلنا لألمانيا الحين لو فيها زكام وين بتوصلني الله العالم منال:يعني مها ما عندها سرطان سيف تنهد:لا الحمد لله هالأطباء غلطو ولو خليناها هنا كان عطوها العلاج الكيماوي واثر عليها الكل:لا حول ولا قوة الا بالله أبو سيف:الحمد لله يا رب..عاد بذي المناسبة لازم نسوي لها عزيمة سيف:هيه يا أبوي هيه عزيمة وعرسنا مرة وحده مها أنحرجت ونزلت رأسها أبو علي:والله الشور شورك يا ولدي إذا تريدها من اليوم خذها سيف طالع لمها المنحرجة:لا يا عمي مها ما أقل من البنات بسوي لها عرس وزفة وتلبس فستان يا الله بصبر لي أسبوع مها:شو أسبوع سيف:والله يا حلوة اللي أعرفة أنج جاهزة وما بقى عليج الا العرس مها:........... أم علي:على بركة الله خلاص توكل والعرس الخميس الجاي الريم:ما يمدي نحجز سيف:أصلن أنا حاجز ومخلص ..كلمت عمر وأنا فألمانيا وهو رتب كل الأمور بعد أسبوع تزوجو سيف ومها وسافرو الأردن وتايلند لشهر العسل فاطمة طلعت حامل فالشهر الثاني والكل فرح لها خليفة وخلود وسيف والريم ينتظرو عرسهم اللي ما بقى له شي غير "ثلاث أيام" علي خطب علياء بنت خاله ووافقت عليه وقرر الملكة بعد عرس الريم عادل خطب شيخه من شهر ووافقة عليه وملك عليها على طول وعمر يفكر يخطب منى بعد ما شافها فعرس سيف ريم:حمد لحضة شوي لا تسكر حمد:نعم يا عمر وروح وقلب ونبض حمد أنتي ريم بهمس:أحبك حمد:أأأأأأه يا قلبي أنا أحبج أحبج أحبـــــــــــــج ريم:هههههههههه قديمة حمد:تضحكي علي هاا ما عليج بس تجي عني بتشوفي كيف بأدبج ريم بدلع:أهون عليك حمد:أأأأأأه ....والله عارفة أني ما أقدر أسوي لج شي لأن قلبي ما يطاوعني ريم:فديتك أنته تدري أن كل الخلايق فوجودك ولا شي حمد:فديج يا عمري عسى الله يخليج لي ولا يحرمني منج ريم:ولا منك .. الـــــــنـــــــــهـــــ ــــــــاية | ||||
|
| |
|
02-05-16, 06:15 PM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| فالنهاية أحب تعطوني رأيكم بكل صراحة وأنا ما بزعل أكيد لأن ما أعرف أزعل أصلن ههه فالشخصيات اللي حبيتوها..ورأيكم فيني ككاتبة مبتدأه ؟؟؟ فالأخير أتمنى من كل شخص يحب ينقلها أن يعطيني حقي كصاحبة الرواية بذكر أسمي عليها ولا ينسبها لنفسه لأني تعبت عليها كل الخلايق فوجودك ولا شي بقلم محبتكم /دمعة وإذا الله أراد بكتب رواية ثانية وبيكون مقرها المنتدى الغالي أتمنى أشوف ردود تشجعني ودخيلكم لا تحطموني بتطنيشكم أريد أتفائل بردوكم | ||||
|
| |
|
| أدوات الموضوع | |
| انواع عرض الموضوع | |
|
|
.png)
العرض العادي
