آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
20-06-16, 10:36 PM
| #101 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  الجزء .. 35 .. ما قبل الاخير .. اخيرا انتهت من المكياج والشعر .. اليوم كان طويل حتى يوم عرس أمل ما استغرقت كل هالوقت في عمل شعرها ومكياجها .. شافت روب التخرج وهو على السرير .. كانت فرحانه طايرة من الفرحة وبنفس الوقت داخلها حزن عميق .. تذكرت من 3 سنين كانت أمل بهالموقف كانت أمل الي تستعد لحفلت تخرجها بس بنفس الوقت كانت أمها معااها .. موجودة معاها ..! اليوم تحس نفسها وحيدة صحيح ان أمل اجلت سفرها لشهر العسل لحد بعد حفلت تخرحها .. لكن تحس بفراغ .. فراغ كبير .. التفتت على المكتب وشافت صورة أمها ..! رفعت الصورة وظمتها بحظنها ..! - عندووووووووووووووو حطت الصورة بالدرج بسرعه .. ومسحت دموعها ولتفتت لدانه الي كانت داخله البيت .. العنود : هلا دوين .. دانه : انتي لحد الحين ما لبستي .. العنود : توها الي صففت شعري راحت .. ومالت الميك اب بعد راحت ما بقى الا لبسي الحين بلبس وبنزل .. دانه: يله ترا هيا تقول ان مريم راحت للفندق خلاص .. العنود : غريبة ما اتصلت وقالت لي .. دانه بعصبية : جوالك مسكر .. حتى انا جربت اتصل وهو مسكر .. العنود : يعني انتي جايه من بيتك عشان تقولين لي البس .. دانه بعصبية :تدرين انك ما تستحين هذة جزاتي الي جايه اقولك .. العنود تضحك : دوين والله سوري .. دانه : البسي بسرعه ..! العنود : الا وين بنت جاسم .. دانه : فالبيت ..! العنود: اشلونك معاهم الحين دانه وهي تجلس ع السرير : مع ان مب وقته، بس الحمد لله .. صحيح ان لحد الحين في مشاكل بيني وبينه بس الحمد لله عايشين ..! ضحكت على كلمتها .. تتكلم وكانها عجوز أو وحدة خلاص كبرت بالعمر ولا كانها دانو الي تقول هالكلمات .. العنود : والله وكبرنا وعجزنا دن دن دانه وهي تضحك : اقول يله البسي لو اتصلتي وقلتي ما دخلوني الحفله مالي شغل العنود : طيب اكدتي على جدتي انها تجي الحفله .. دانه : اوووف تعرفين اني موب قادرة اتعامل مع جدتج الله يهداها كله تهاوشني العنود: بس دندون الحق ينقال .. من يوم ما رجعتي من السفر وهي طيبة خصوصا بعد ما عرفت عن زواج جاسم الاول وبنته .. دانه بحزن : يس والله لاحظت بس بعد .. لحدالحين مدري وش شايله بقلبها علي ..! المهم ما علينا يله البسي بسرعه .. العنود : طيب طيب .................................................. ............ - يمه انتي وش تقولين .. أم حمد : شنو وش اقول . يا يمه البنت ما شاء الله عليها جميله خل اخطبها لك . حمد بعصبية : بس يا يمه انا قلت لك اخطبي لي منى بنت عمي مو بنت عم خالد ام حمد : يا يمه بنت عمك ما عليها كلام .. بس !! حمد " وش اقولها ذي الحين .. طول هالسنين وانا أكلمها عن منى وفي النهايه تروح تخطب لي وحدة شافتها بعرس مدري بحفله " أم حمد : يا ولدي ابوك كلم ابو البنت خلاص .. حمد : يمه حرام عليكم الي اعرفه ان الناس ما يصدقون اذا الواحد خطب بنت عمه .. تروحون انتوا تسون العكس !! أم حمد : يا ولدي البنت ما عليها كلام وفقيرة وفي حالها .. أمها متوفيه .. حمد يقاطعها بعصبية : يمه بتصدق عليها انا .. أم حمد : ما قلنا كذا يا يمه لكن .. خلاص ابوك خطب البنت .. لا تحرجه قدام الناس .. .................................................. . كان جالس بالصاله ولحد الحين باله مشغول بالوضع الي هو فيه .. من يوم ما تزوجوا ما تكلموا مثل الناس .. كان متوقع ان من بعد الملكه وكلامهم مشاكلهم بتنحل لكن لحد الحين ما في اي تطور .. خايف منها .. هو واثق من تربيه عمه لكن مع هاي كله خايف .. المواقف الي شافها فيها موب هينه .. وخايف من علاقتها بنوف ..! كان مفكر يقطع العلاقه بينهم من ايام الملكه ويطلقها لكن خاف من عمه .. وابوه أكيد ما راح يعدون الموضوع بالساهل ..! - خــــالد .. ما يدري ليه ابتسم لما شافها .. معقوله بعد كل الي عرفه عنها يحبها ..! خالد : سمي .. أمل: ترا بروح حفله العنود اختي .. حفله تخرجها حقت المدرسة اليوم .. خالد : ووين الحفله ..! أمل: بالفور سيزون .. خالد: اووك .. روحي ..! أمل وهي تجلس بالكرسي المقابله : انت فيك شيء .. خالد بدون نفس : سلامتك .. أمل: خالد .. الي بيني وبينك مو معرفه يوم ولا 2 .. لا تنسى اني اعرفك زين .. شفيك خالد : سلامتك أمل: خالد .. انت من يوم زواجنا مب طبيعي .. سكت وما حبيت اعلق قلت هم لما يرتاح بيتكلم.. معقوله يوم ما كنت تعرف اني بنت عمك كنت اقرب لك من الحين وانا زوجتك خالد " وش اقولها ذي .. اقوله اني خايف ان علاقتنا ما تستمر .. انا ادري انها ما سوت شي ولا عمرها بتسوي .. محد يعررف أمل كثري بس .. " خالد : سلامتك بس ... أمل :بس شنو .. خالد بعصبية : مب قلتي بتروحين حفله اختك يله روحي ... أمل " اووف هذا وبعدين معاه هاي جزاتي الي قلت باكلمه .. ناس ما تنعطى ويه .. اووف " امل بصراخ : شايفني اشتغل عندك تهاوشني بهالطريقة .. خالد بين اسنانه قاطعها وهو على وقفته : لااا ترفعين صوتك بوجودي سامعه أمل لفت وجهها بعصبيه : سوري خالد ييستغرب منها غبيه لدرجه السذاجه تعتذر على اشياء مفروض ماتسكت عنها .. براءتها تقتله لانه يشوف غير ويسمع غير .. لولا ان شافها ذاك اليوم مع الرجال ما كان صدق .. لولا ان كلمها بالنت ما كان صدق .. لولا ولولا ولولا .. مواقف وايد جمعتهم وكل موقف اشد من الثاني .. دخلت للغرفة الثانية وغيرت ملابسها .. دورت الشنطه الي فيها فساتينها لكن ما لقتها تذكرت انها موجودة في غرفه خالد .. ركضت بسرعه للغرفة وبدلت ملابسها وجلست تحط الميك اب هناك .. اضائـت غرفته افضل والمرايه أكبر .. دخل خالد لغرفته شافها عند المرايه وعلب كثيره من المكياج على التسريحه .. واكسسوارات على السرير وجزم – وانتوا بكرامه- بالارض ناظرها بيهزءها .. شافها لابسه الفستان القصير الاورانج الرايق .. شكلها طلع اكثر براءه ...ناظر شكلها من فوق لتحت فستان لفوق الركبه مع شعر مجعد لكن حيوي وكانها طالعه من المسبح .. لفت عليه وبيدها الروج ..(( ياويلي الحين بيقول وش تبي من غرفتي )) قالت بنعومتها : ترا بمشي الحين بس الاضاءة هني افضل للميك اب ما اعطاها وجه وجلس ع السرير يشوفها .. خالد بجفاء : وش هذا اللي لابسته أمل وهي تشوف فستانها : شنو .. ليكون مو حلو خالد وهو يسوي نفسه مو عاجبه :امم .. لا وش ذا .. شكله عادي والموديل مو لايق لج .. لفي ابي اشوف موديل الظهر .. ( اخذت دورة بالفستان اما هو قلب وجهه زياده ) حشى فستان عجيز مو وحدة عمرها 22 سنه .. قال كذا علشانه مايبغى يقولها الجو بارد البسي شي يدفيك .. وتصدق حالها .. وبالمرة يقهرها زيادة .. احيانا يحس ان وده يكبر الفجوة بينهم واحيانا لا .. أمل الي انصدمت الفستان مايركب لها وهي طالبته مخصوص من ديوووور ..: هذا مايركب لي انت اكيد ماتشوف عدل .. الفستان لايق علي .. خالد رفع حواجبه من ثقتها بنفسها .. هو عارف هالصفة فيها من زمان بس كان وده يضايقها .. صحيح تبين له انها واثقة من نفسها بس عارفها زين .. راح تفكر عدل وتغير الفستان بعد ثواني .. وبتلبس العبايه وتطلع عشان ما يدري انها سمعت كلامه .. : ليش تحبين تحرجين نفسك .. البسي لون وموديل يناسب لك .. وبعدين حنا بدخلت شتاء هذا صيفي . أمل جمعت اغراضها من التسريحه بقهر بعد ماحطت الروج الفوشي الصارخ والماسكرا الزرقاء ..: لااا اللون يناسب لي والفستان حلو .. طلعت من الغرفه وراحت لغرفتها أمل هو راح للصاله يشوف التي في كلها دقايق وطلعت وهي لابسه العبايه .. وتبي تطلع .. خالد : ما وريتيني فستانك .. أمل بتررد : ها .. مو توك تقول موديل عجايز لبست العباه عشان ارحمك من الموديل البشع .. خالد وهو فاهم حركتها .: افاا .. لا بس انا قررت اشوفه مرة ثانية يمكن اغير رايي أمل بعصبية : حد قالك ان رايك هامني .. خالد وهو يضحك " اي واضح ولا كانها غيرت الفستان .. ذيل الفستان واضح من ورا العبايه هالمرة الفستان سماوي .. " خالد : خلاص خلاص براحتك .................................................. ............. - انا قررت اخطبها خلاص .. - ودي افهم شيء واحد طلول ليش متردد هالكثر كان خطبتها من قبل وارتحت طلال : ما ينفع يا جاسم .. هي كانت بالثانوي وانت تعرف عمي اكيد بيرفض بيقول ما خلصت دراستها جاسم وهو متحمس : والله وكبرت يا طلول وبتعرس طلال : يله زين الي يسمع يقول انك من سناين ابوي تراك اكبر مني بسنه ولا 2 بس .. جاسم : هاا نسينا .. نسيت اني عمك ..! طلال وهو يضحك : ما يسوى علي جاسم : خلاص كلم نور وهي بتكلم جدتي وان شاء الله الموضوع يمشي طلال : انا رايي انطر اشوي جاسم بعصبية : تستهبل انت ووجهك .. ! من اشوي تقول قررت تخطبها الحين قلت تنطر اشوي .. انت شكلها البنت بتظيع منك طلال بملل : مشكلتي اني فضيحة لو كنت ساكت احسن .. جاسم : لو ساكت كان عمرك ما راح تتكلم .. طلول اعقل وكلم نور .. ولا تدري شكلي بتصرف وانا باكلم جدتي واذا جدتي درت شوف وش بتسوي طلال بعصبية : تدري لو سويتها وش باسوي فيك .. خلني انا بتصرف فاهم .. - السلام عليكم.. طلال بفرح : حياا الله النسيب .. عبدالعزيز وهو يجلس : الله يحيك .. وين الناس جسووم حتى ما صاير تجي الاستراحه .. جاسم وهو يضحك : خبرك صرت رب اسرة ما عندي وقت عبدالعزيز : اووه يا كشخة !! طلال : اي كشخة يا شيخ تلاقيه متوهق ويا بنته .. جاسم وهو يضحك : تصدقون كنت متوقع تصير مشاكل بين دانه وشهد .. بس مدري الحمد لله عبدالعزيز : روح اقرى عليهم لا تصكهم بعين وترجع تلاقي البيت مكسر وبنتك شاردة .. طلال : وش دعوه فيلم هندي .................................................. .......................... ابتسمت لما نادوا اسمها . مشت بشموخ بين البنات وصعدت المنصه عشان تستلم الشهادة التفتت لجهه الجمهور وشافت اختها وجدتها بينهم كان ودها تبكي تبكي بحرارة .. وينك يا يمه ..! باصعب لحظة في الحياه .. تستلمين شهادتك وودك تشوفين امك وتضمينها .. تشكرينها ع تعب ال 17 سنه الي عشتيهم معاها .. تشكرينها على توفيرها كل وسائل الدراسه خلال ال 12 سنه الي فاتوا .. مسحت دمعه طاحت من عينها بسرعه ورجعت لكرسيها وربعها معاها .. اخيرا ارتاحت من المدرسة ..صحيح ان نسبتها ما كانت النسبة الي تتمناها طول عمرها لكن تحس انها انجزت شيء .. تمنت لو امها تكون معاها وتشوف هاللحظة وتعيشها وياها .. تمنت لو تضمها وتبارك لها .. ! تمنت تحس بحنانها ولو مرة وحدة .. سمعت تصفيق الامهات والمدرسات ومع اغنية النهاية الي كانوا جايبين مطرب يغنيها عن المدرسة مخصوص وعن دفعهم .. مشت بكل هدوء وتوجهت ناحيه جدتها وباست راسها .. ما قصرت عنها من يوم ما توفت أمها .. يمكن كانت تهاوشهم قبل .. لكن من يوم فقدت حنان الام بهالحياه حاولت جدتها توفرة لها بأي طريقة .. سلمت على عمتها الي كانت حاضرة عشان حفل تخرج مريم .. وضمت أمل .. أمل .. الي حاولت تحسسها إن الوضع طبيعي قدر الامكان .. الي هيئة لها جو البيت والعائله عشان تقدر تدرس وترتاح .. .................................................. ............................... كانوا جالسين بالمجلس والهدوء سيد الموقف .. ما عرفت وش تسوي من أول ما جا وهو ساكت ويتأملها .. قدمت له عصير ثم قهوة وحلا ولحد الحين هو ساكت ولا تكلم .. هيا بـ صوت رقيق:وين سرحت؟ أحمد بـ نفس صوتها:فيـك!! هيا " يستهبل ذي أما من اول ما دخل لحد الحين سرحان فيني .. المشكله شكلي عادي .. اووف والله حاله وش اسوي .. " حاولت تضحك بهدوء .. أحمد : دام ما عاجبك سرحاني فيك تكلمي .. هيا " اووف من أولها ما عندنا سوالف أجل وش بنسوي لا تزوجنا " هيا : اممم وانت بتظل ساكت .. تكلم ..! تراني ما أحب الهدوء .. ضحك على كلامها .. أحمد : مدري عنك كل ما اجيك انتي تسكتين وانا اتكلم كأن حد منبهك لا تتكلمين قدامه .. هيا " لو تدري عن مريوم والله ييبي لها ذبح " أحمد : افاا مب ناويه تتكلمين تراني اليوم جاي عشان اسكت واسمع شاك انهم زوجوني وحدة ما تتكلم .. هيا " اووف وبعدين معه ما حب الهدوء جد انا بايخة لازم اتكلم .. " أحمد:ودي اقولك كلمه حلووه وتردين علي بـ مثلها!.. هيا بـ تردد..حطت عينها بـ عينه:أ...أمممممم.... أحمد .. انا احبــــك!! أحمد يستغبى : جد .. لا لا .. تصدقين ما كنت ادري .. زين قلتي لي .... احبك الله الذي احببتني فيه .. هيا تضرب على صدره وتضحك:ههههههههههههههه..مال� � عليك!..مب رومنسي ابد أحمد يمسك يدها اللي ضربته فيها ويضمها له وقال متجاهل كلامها:وانا أكثــــــر!! .................................................. ......... مر اسبوع وهم على حالهم دانه وجاسم الكلام بينهم قليل صحيح انهم تصالحوا بس لحد الحين مب حاس انها راضيه او سعيدة .. حس بالندم انه خبى عنها الموضوع مع انها تعامل بنته بكل حنية واهتمام .. حتى نادين ما كانت راح تعاملها بهالطريقة .. دخل للبيت وصعد جناحه على طول شافها جالسه ع الاب توب وشكلها مشغوله .. - السلام عليكم .. رفعت راسها وشافته شايل ورده حمرا ومدها لها .. دانه : عليكم السلام .. جاسم : احلى ورد لاحلى ورده بحياتي دانه : على اي فيلم سهران امس .. جاسم : اووف ما تفهمين بالرومنسيه انتي .. الحين المفروض تقولين تسلم يا عمري .. شيء كذا دانه : يا روحي انت انا مب لبنانيه وش عرفني بالرومنسية .. ضحك من قلب على كلامها صحيح انها تحاول تنسى لكن لحد الحين مو قادرة .. قرب منها وحط الباقه قدامها .. جاسم : مهو اللبنانيات بايخات .. ما في احلى منكم .. دانه بعصبية : تصدق انك بايخ جاسم وهو يتصنع الغضب : افاا تراج اهنتيني دانه بعصبية : احسن .. مسك يدها وخلها تلتفت له بالغصب .. جاسم : لحد متى.. دانه : لحد ما انسى جاسم: انا اسف .. ! دانه وهي تمسح دموعها : تدري اني خايفة .. اخاف اصحى يوم القى سر جديد من حياتك توه ينكشف لي ولا باب جديد توه ينفتح لي .. لو في شيء ثاني قول عشان ما اتفاجأه .. .................................................. ................. من يوم الملكه ما سمعت عنه أي خبر .. كلمتها موزة مرة ولا ثنين تسألها كم سؤال عن تجهيزات البيت والاثاث والفندق لكن هو ما له أي حس .. ما كلمها ولا سالها ولا أي شيء .. جربت تكلم أمل ولا حتى العنود يمكن تسمع عن أخبارة بس محد قالها أي شيء .. محد كلمها عنه ولا جاب لها سيرته .. حتى اهلها ما فتحوا لها موضوعه مع انها تسمع انه صديق طلال وايد .. وشافته كذا مرة ببيتهم ولا بالمجلس لكن الحين نهائيا .. كانت جالسه ع التي في تتابع مسلسلها المصري المعتاد .. انتبهت على جوالها الي رن برقم غريب لكن ما ردت عليه .. حست ان ماله داعي ترد خصوصا ان الرقم مو مسجل عندها واول مرة تشوفه .. كملت تتابع المسلسل وبالها مو معاها ما تدري ليه طول اليوم وهو تفكر بحصه هالبنت الي اقتربت من حياتها فجاه وابتعدت عنها فجاه ولا عرفت منها شيء .. حست انها مقصرة بحقها جربت تتصل فيها كذا مرة لكن ما في أي خبر ما ردت عليها .. تركت الجوال وجلست تشوف المسلسل صحيح انه قديم من رمضان قبل الي فات بس ما تدري ليه المسلسل عجبها مع انها مو اول مرة تشوفه لكن كل مرة تشوفه تنسجم معاه اكثر .. -حياا الله الريم .. التفتت على الصوت وشافت طلال داخل وبيدة كيس من باسكن .. اتسعت ابتسامتها وهي تشوفه يطلع الايس كريم .. طلال: لا تحاتين جبت لك توفي ريم: تصدق اني احبك.. طلال: لو ادري كان كل يوم جبت لك توفي ضحكت واخذت الايس كريم ورجعت تتابع المسلسل .. طلال: جرب يتصل فيك عبدالعزيز كذا مرة لكن ما رديتي عليه ريم" وش قصة عزيز اليوم .. أكيد في شيء .. معقوله يكون هو الرقم الغريب الي ع الجوال " ريم: يمكن هو الرقم الغريب الي اتصل فيني وما رديت طلال باستغراب: انتي لحد الحين ما عندك رقمه .. ريم بتوتر : ها الا .. بس يمكن اتصل من رقم ثاني .. هو اتصل فيني كذا مرة وقال ان هاي رقم الشغل .. غريبة ما اتصل فيني من الرقم الثاني طلال " والله اني حاس ان وراكم قصة ": المهم ردي عليه يبي يكلمك بموضوع ريم" اووف غصب يعني .. بس والله حرام شكله طيب .. اي طيب الا شكله مغصوب مثلي " : ما تعرف وش الموضوع طلال بعصبية : وش دخلني انا بينكم .. لا مدري لا تكثرين اسئله وردي على زوجك لما يتصل .. ريم " بل شرارة .. " : طيــــــب انتظرته لحد ما راح لغرفته واتصلت في الجوهرة من القهر .. - بحبك واداري ليلي ونهاري .. اعمل بحبك ايه .. ريم : ترا الاغنية قديمه الجوهرة : احبها .. شفيك متصله هالوقت الساعه 4 موعد مسلسلك ريم: مالي مزاج الجوهرة: شفيك فضفضي .. انا هوون .. ريم: عزيز . الجوهرة: اشفيه لحد الحين ما تدرين عنه شيء زوجك الضايع هذا .. ريم: هيي حدج الجوهرة تضحك : مدري عنك .. ريم: الا اتصل فيني اليوم بس ما رديت وجا طلول وقالي ردي على تلفوناته والجوهرة : وليش ما رديتي ريم: وش اسوي ما يعرف متى يتصل متصل الساعه اربع ما يدري ان موعد مسلسلي .. الجوهرة وهي تضحك : حد قالك انك هبله .. ريم: اي دانوه قالتها مرة واتوقع مرة خلود بس مو متاكدة .. ( بعصبية ) تستهبلين الجوهرة : وش اسوي يعني ريم: عطيني حل الجوهرة: بايش .. ما في مشكله عشان ادور حل .. عبدالعزيز يتصل طيب ردي على تلفوناته لو حصلت مشكله اتصلي فيني .. ريم : طيب باي باي .. الجوهرة : شنو ريم : عزيز ع الويتنج ( الانتظار) الجوهرة : سلمي عليه ريم: طسي سكرت الخط وردت عليه .. ريم تتصنع الهدوء : الوو عزيز: السلام عليكم ريم : عليكم السلام .. مين معي عزيز : ليش متعوده تردين على ارقام غريبة وتسولفين ريم: نو أرد ع الارقام الي يقولي عنها طلال .. وطلال قالي ردي بس ما وضح لي شيء عزيز : احسن .. ريم: شالمووضوع عزيز: مدري ما عجبني حالنا .. ريم : احسن عزيز يضحك : بتردينها لي يعني .. ريم: مدري عزيز : ع العموم كنت متصل عشان اقولك شيء .. ريم وهي تتصنع البرود : وما هو عزيز " اكرهه هالاسلوب .. بس اخخ .. وش اسوي بقلبي الي اختارها ": ترا طلعت لي دورة بهولندا .. ولازم اسافر بعد اسبوعين .. الدورة مدتها 8 شهور يعني وقت العرس ما راح اكون بالدوحة ريم بعصبية : عرس اخوك هو عشان تكلمني ببرود وتقول ما راح تكون بالدوحة .. تراه عرسك تبيني اجلس ع الكوشه لحالي عزيز : افاا ما يهون علي .. ما له داعي نسوي عرس تجين نسافر ولما نرجع اسوي لك حفله كبيرة .. ولا تاجلين العرس براحتك.. ريم: مدري عزيز بعصبية : شنو الي ما تدرين .. قولي رايك عشان اعرف اتصرف .. أأجل حجز الفندق ولا ألغيه . أحجزلك معاي ولا لا .. ريم: اخاف اقولك اجله وتقول مجبورة ع الزواج واهلها ظاغطين عليها .. عزيز: ما عادت تفرق .. ريم " بل لهالدرجة هاي وانا اقول انك طيب وحرام الي اسويه فيك " عزيز" غبي .. غبي .. هاي بدال لا تقولها انك تحبها تقولها ما عادت تفرق . " ريم: خلاص بسافر .. بس ابي حفله كبيرة .. عزيز" اشوى انها وافقت .. المشكله بالدورة هي مدتها 5 شهور . بس يله شهرين نحل فيهم مشاكلنا .. ": لا يهمك .. بأجل العرس واخليها حفله بنفس القاعه .. ريم بحماس : يس يس .. عزيز : ريم انتي مو مغصوبه .. ريم : صدقني لو ماني مقتنعه ما كنت واقفت .. كان ما صدقت وقلت لك خلها بعد 8 شهور او لو تجلس هناك 7 سنين احسن بعد .. ضحك على كلامها طول عمرها لسانها طويل .. ريم : ودي اعرف من موصل لك هالمعلومه .. عزيز : حركاتك . . ريم بهدوء : تقصد قبل الملكه .. ما سمعت اي رد من الاتجاه الثاني لكن قررت انها تكمل كلامها ,, ريم : لو كنت جاي تخطبني وشفتني بيوم اعطيت وجه لاي اخو من خوان صديقاتي يعني شفته عند الباب وجلست اسوف معاه .. او صدمني بالسيارة بالخطا وسويت نفسي مجروحه عشان يوديني الطوارئ .. وش كنت بتقول .. أكيد بتعصب وتقول هذة وحدة مو متربية مو بعيدى تخلي اختك تعبد عني وتلمح لخواني على تصرفاتي .. ما حب يرد وهو يسمع كلامها طول عمره عارف ان لسانها طويل لان اول مرة يعرف انها صريحة لهالدرجة .. تبين للكل انها غامضه لكن العكس هي شفافه بتصرفاتها .. .................................................. ......... مر اسبوع من اخر مرة شافت فيها ريم .. خلاص ما بقى الا يومين وتسافر قررت اخيرا انها ما تسوي عرس .. لكن راح تسوي حفله لما ترجع من السفر .. طول عمرها ريم ما تحب حفلات الاعراس بشكل كبير .. تجذبها الحفلات البسيطة الهادية .. الخاليه من التعقيدات .. والبذاخه الزايدة .. مسكت دفترها .. صار لها فترة ما كتبت فيه اي خاطرة او قصيدة لها .. هي من محبين القصائد وتكتبها .. لكن بفترة انقطعت عن هالعالم بعد ما تحاول كل يوم او يومين تكتب شيء بهالدفتر .. أبطيت وينك.؟ أشتقت أنا اسمع احوالك.. اشتقت.!! لصوتك ..وهمسك ..ونبضاتك .. اشتقت.!! لعتابك ..يوم تقول تعالي وحشتيني.. اشتقت..!! لجنونك .. يوم تقول انتي بجد تحبيني ؟؟ ابتسمت وهي تعيد قرائة الحروف الي كتبتها وضمت الدفتر بهدوء لصدرها وهي تتذكر مكالماته لها .. معقوله كل الكلام الي قاله وهم .. أول ما سحر توفت رجع للسعودية ولا افتكر يسأل او يسلم .. معقوله الي كان يقوله مجرد كلام عشان يتسلى .. حمدت ربها انها ما اعطته وجه .. الله يرحمك يا سحر .. فعلا مكانك يبين .. ما كنتي قريبه من دانهـ بس .. الا كنتي قريبه منا كلنا .. ................................................. - يبة انت وش تقول.. راشد وهو يشوفها باستغراب : شنو يعني وش اقول العنود بعصبية : انا مب موافقة راشد: طيب ليه يا بنتي .. لو في سبب عطيني رايك وقولي العنود : أنا مب موافقة .. راشد : بس الرجال ما شاء الله عليه ما فيه شيء ينعاب وغير كذا يقربون لخالد ولد عمك .. االعنود : دادي .. انتوا خليتوا امل توافق غصب الحين بتجبرني انا حنا لعبه عندك راشد بعصبية : وش هالكلام .. امل هي الي وافقت .. العنود فكري عدل وبلا كلام فاضي .. حمد ما فيه شيء عشان نرده .. العنود : يبة بس .. راشد : بس شنو يا العنود .. بابا انا مستحيل اجبرك .. بس لازم تفكرين بعقل الرجال ما ينعاب .. طلع من الغرفه أما هي .. غاصت بافكارها . صحيح انها تحبه وعمرها ما فكرت انها بتاخذ غيره بس مع هاي .. أبوها معاه حق حمد ما ينعاب .. تمنت لو تقدر تكلم حد وتطرح له مشكلتها ... تمنت لو امها موجوده عشان تستشيرها .. تمنت لو حد يساعهدها بهالاختيار .. عمرها ما عرفت تاخذ قراراتها .. دووم تواجه صعوبه كبيرة بهالامور .. ما تدري ليه .. هي في شيء غلط بتركيبة شخصيتها ولا .. ما تعرف كل الي تعرفه انها ما تحب تواجه هاللحظات .. القرارات الصعبه .. القرارات الحاسمه .. طول عمرها وهي نقطه ضعفها .. اي نعم نقطه ضعفها .. سمعت طق ع الباب .. مستح دموعها وراحت عشان تفتحه .. العنود بعصبية : نعم وش تبين - ماما كبير يقول روهي سوي قهوة .. بابا تلال تحت .. العنود " طلول تحت .. يا رب يكون يفاتح الموضوع مع ابوي .. يا رب .. " لبست شيلتها وعبايتها ونزلت تحت على طول . كانت بتروح للمطبخ بس شافت باب الصاله الجانبي شبه مفتوح .. اقتربت من الباب وطلت وشافته جالس لحاله وشكله يتكلم بالتلفون .. محد معاه لا جدتها ولا ابوه كان ودها تدخل وتقوله لكن ما حبت ترخص نفسها .. هو المفروض يطلبها ويفاتح ابوه بالموضوع برغبه منه . توها بتمشي الا سمعت لمه شده انتباها .. - يا حبيبتي انتي .. كم مرة اقولك مو فاضي مشغول مع الشغل لا تسوين لي تحقيق .. - ................. - قلت لك مو فاضي .. اي تحبيني يا شيخة تحبيني ومسويه تحقيق ..! - .............. - يله مع السلامه !! مسحت دمعتها .. وصعدت فوق على طول وقفها صوت جدتها وهي تناديها لكن ما ردت ما حبت ترد ولا كانت تبي ترد .. حست ان كل الي بينهم وهم .. خداع مجرد لعبه ..ّ! اي نعم مجرد لعبه .. لكن اخر شيء مانت تتوقعه ان ولد عممها هو الي يلعب عليها .. الشخص الي حبته من كل قلبها .. حبته .. وحسته قريب منها ..! توها بتروح لغرفتها ولا تشوف ابوها ناوي ينزل لتحت عشان يشوف طلال .. العنود وصوتها فيه غصة : يبـــــه راشد : هلا حبيبتي .. العنود: تراني موافقه على حمد ..! ابتسم ابتسامه رضى ونزل لتحت اما هي .. طاحت دموعها من غير لا تحس ..! وراحت لغرفتها بكل هدوء .. | ||||
|  |
|
20-06-16, 10:36 PM
| #102 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجزء .. 36 .. والاخيــــــر .. جلس كالعادة بالقهوة .. مو عارف هالمسجات متى راح تبطل .. هالبنت مو راضيه تفهم انه خلاص ما وده يكلمها .. زهق منها .. من يوم ما دخلت باله وقلبه وهو خلاص .. بدى يقطع كل علاقاته يحس ان الحركه بايخة .. سخيفة ..ّ! انتبه للي جاي وجلس جنبه على طول .. وشكله معصب ..! طلال باستغراب : شفيك .. جاسم بعصبية : احس نفسي ضايع يا شيخ.. وش هالحياه ..! طلال : بسم الله عليك .. شفيك جاسم :خالتك مدري اشفيها .. طلال: تدري انك ازعجتني بمشاكلكم . جاسم بعصبية : مالك دخل انت تسمع وانت ساكت طلال: طيب اتفضل جاسم: مدري وش فيها هي .. مرتاحه مع شهد ولا .. ! حيرتني ..! تعاملني كانها زعلانه بس تعامل شهد بحنان وعادي .. وش اسوي فيها .. طلال: ................. جاسم بعصبية : تكلم طلال: توك تقول اسمع وانت ساكت .. جاسم : طلــــــــــــــول الســلام عليكم .. طلال: حياا الله ولد الخاله .. واخي العزيز أحمد : الله يحيك .. جاسم : حيا الله النسيب ..! أحمد: الله يحيك .. شالاخبار .. طلال: وينك يا اخي ما تبين .. أحمد: والله لاهي بهالدنيا وصله اتصال ثاني منها لكنه سكر بوجها هالمرة وسكر الجوال بكبرة بعد ..! أحمد: هي نفسها .. طلال : اي نعم . جاسم : هذة متى راح تبطل .. .. طلال: مدري عنها .. ازعجتني احمد : طيب كلمها وقولها اياها هالمرة بوجها .. ابتعدي عني يا بنت الحلال ..! طلال: هالاشكال ما تسحي ..! أحمد : اي صح تذكرت .. جاسم : شنو .. أحمد : بعد بكرة ملكه العنود بنت عمي راشد ..! فتح عيونه من الصدمه وما عرف وش يسوي .. شاف الابتسامه على وجه احمد كانها ابتسامه سخرية لولا انه واثق ان احمد ما يدري عن شيء .. كان وده يروح لها ويتهاوش معاها وده يضربها ويقولها ليش .. معقوله كل الي كان في بالي خيال .. معقوله كل شيء مجرد وهم ..! كان متوقع انها تبادله نفس الشعور .. كان متوقع انها تحبه او على الاقل حست بمشاعره نحوه .. بس اخر شيء توقعه ان كل احاسيسه وهم .. وهم .!. طللع من الكوفي شوب بسرعه وهو معصب .. لحقة جاسم الي حاول يهديه لكن ما في فايدة ركب السيارة ومشى .. ! حاول يوقفة لكن ما أعطاه اي مجال .. .......................................... طلع من الشقه بدري أما هي تمللت من الجلسه لحالها قررت تروح الكوفي شوب القريب من الشقه من الملل .. تحس ان حياتها عادية .. شبه ممله ..! لكن ما خاب ظنها يوم قالت انه طيب وحبوب .. فعلا هو طيب كثير .. يحاول يقرب منها باي طريقة لكنها مو راضيه تعطية فرصة .. ما تدري ليه .. مع انها ما صارت تحس بالكره اتجاه مثل قبل .. لكن مع هاي تحس بان فيه شويه غموض . يمكن لانها ما تعرفه .. ما تدري . كل الي اكتشفته انه عكس الصورة الي رسمتها .. حست انها محتاجة وقت تقضية مع نفسها وتفكر فيه كل شيء حصل بسرعه .. الملكه ثم الزواج والسفر .. ما لحقت تفكر هل هي سعيدة .. هل هي فرحانه .. شنهي مشاعرها اتجاه عبدالعزيز كل الي تعرفه انها متقبلته اي نعم متقبلته .. انتبهت للجوال وشافت مسج من دانه .. " ريموو لما تكونين بروحج اتصلي فيني ضروري .. " شد انتباها المسج واتصلت على طول .. دانه : اشوى انج اتصلتي بسرعه ريم بخوف : امي فيها شيء دانه : لا بسم الله عليها .. الحمد لله ما فيها شيء ريم : عيل خرعتيني دانو دانه : بعد بكرة ملكه العنود بنت عمي راشد ريم بصدمه : شنوو .. دانه بعصبية : شنو شنو .. ريم : بس مو كنا بنخطبها لطلال .. دانه : هاي الي صار .. أمل توها متصله فيني تقولي عشان نحضر .. انا خايفة على طلول وما عرف اتصرف .. ريم : اتصلي على جاسم قولي له . دانه : اتصلت وجاسم يقول انه عصب لما سمع الخبر ريم : طيب خلاص اكيد مافي نصيب .. الله يهنيها وهو بنخطب له وحدة ثانية .. دانه : تستهبلين .. وبصراحة انا كان ودي ان طلال يخطبها تدرين شكثر احب عندل ريم: مي تو والله بس وش بيدنا نسوي .. هاي بنت عمنا ما نقدر نضرها الله يهنيها وبعدين يمكن هي ما تبي تتزوج طلول .. وهي مرتاحه لخطيبها محد يدري بالي بالنفوس .. دانه : شنسوي .. ريم : تستهبلين .. ولا شيء طبعا .. ما نقدر نسوي شيء الله يهنيها .. وقولوا لطلال ما يخرب خطبة البنت ولا حاجة خلها تتهنى بهاليوم .. وانا ان شاء الله باكلمه بعد .. دانه : بس .. ريم : بس شنو .. اقول يله انا بسكر مالي مزاج لج دانه : صج ما تستحين .. اخبارج ويا بعض الناس ريم بحزن : تصدقين دانو ما ادري دانه : اشلون يعني ريم: يعني ما ادري انا فرحانه ولا زعلانه .. مدري اذا احبه ولا اكرهه .. مدري هو طيب معاي .. دوم يقولي اذا مو راضيه عن شيء بس قولي وانا بانفذ .. انتي امري وانا باطيعج .. مع اني عصبية معاه بس ما فقد اعصابه ونرفز بالعكس يجلس ويسمعني لحد ما اخلص كلامي .. دانه : شكله يحبج .. ريم : هو طيب وايد .. بس انا مدري وش فيني .. المفروض احبه صح دانه : ما في شيء اسمه المفروض تحبينه . المهم انك مرتاحه له وخلاص .. بعدين كل شيء راح ينحل لا تحاتين .. بس لا تفكرين بعيوبه لو فيه عيوب لا تفكرين بشيء ومع الايام بتحبينه صدقيني .. ريم تضحك : جوو من ينصح ..! دانه بعصبية : اقول ترا كف ..! يله باي ..!ّ ................................................ دخل للشقة وشافها تطالع التي في .. شكلها كان يجذب لابسه بادي وردي وبنطلون برمودا ابيض .. كانت كانها طفله صغيرة كان وده يروح لها ويضمها ولكن كل ما يبي يقرب منها يتذكر موقفها بالكوفي شوب ويمسك نفسه .. يحس انه نخدع ..! أمل " لازم اغير وضعي معاه لحد متى راح نستمر على هالحال والله تعبت متى بيفهم اني بريئة والله العظيم بريئة " .. أمل : مساء الخير .. ما رد عليها وجلس على الكرسي المقابلها .. خالد ببرود : حطي العشا .. أمل " عشا .. اي عشا يستهبل ذي .. ما قالي انه يبي عشا وبعدين هو يدري اني ما عرف اطبخ " .. امل: .. خالد : اشفيك ما تسمعين .. روحي سوي عشا . ولا الحين الساعه 7 المفروض يكون جاهز .. روحي حطية امل بعصبية : اولا محد يتعشى الساعه 7 وشدعوه دياي " دجاج" .. وبعدين ما عرف اطبخ ..! انت تدري .. كل يوم تتعشى برا حبكت اليوم بالبيت خالد بعصبية : كم مرة اقولك لا تعلين صوتك .. ثانيا اي ودي اكل بالبيت يله بسرعه روحي سوي لي عشا .. شافت بعيونه شر عمرها ما شافته .. كانت متوقعه ايام ما كانت تكلمه ان حياتهم بتكون مختلفه .. ما تدري ليش هو جي .. كانت تحبة وصحيح انها تحبه لسى بس تحس ان في شيء يفرق بينهم .. يشوفها على اساس انها رخيصة وقذرة .. مع انها بريئة وعمرها ما خانت اهلها .. وبالصدفة ذاك اليوم شافها خالد .. تحس بالقهر تحس بالندم وتحس بالعجز .. ابوها طيب وحنون لكن مستحيل يوقف بصفها .. هو يدري عن عملتها ذاك اليوم صحيح انه ما يدري كل شيء وخالد ما قاله السالفه لكن هو شاك .. اي نعم شاك .. دخلت للمطبخ وهي ما تعرف وش تسوي .. دخلت للمطبخ كذا مرة لكن كله بمساعده الطباخ ولا جدتها .. عمرها ما دخلت لحالها .. صيح انها تعرف تطبخ اشوي لكن ما تعرف تسوي طبخة من الصفر كانت تقطع الخضار ولا تزين الطاوله او ترش ليمون وتكذب على عمرها وتقول انها طبخت .. فتحت الثلاجة وشافت جبن ومرتديلا .. تذكرت مرة شافت ريم حاطة توست وجواه مرتديلا مع جبن .. سوت مثله وودته للصاله . أمل : تفضل خالد : وش ذا امل بابتسامه : عشا خالد : الحين تبغين تفهميني جلستي سنتين مع جدتي ولا تعلمتي شيء سنع .. أمل : والله عمرها ما دخلتنا مطبخ خالد: الا جدتي ما تحب حركات البنات المايعه بس انتي ما كنتي تدخلين . حتى دانو الي كانت مدلعه تسنعت وانتي ما نفع معاج أمل : اي مهو اسمي امل مو دانه .. خالد : انتي اساسا ما تنفعين الا بقله الادب .. جرحتها الكلمه .. حست كأن طعنات بقلبها . متى بيفهم انها مظلومه كان ودها تبكي وتصرخ بصوت عالي وتقول انا مظلومه .. مظلومه ..ّ لكن حاربت دموعها ومنعتها انها تنزل ومشت بكل شموخ لغرفتها ..! .................................................. ............ وصل لبيت جده وهو مو عارف وش يسوي .. احساس بالحزن والالم يعصر قلبه .. كان وده يدخل ويعطيها كف .. كان وده يدخل ويقولها ليه كذا ,, ليه كل هذا .. حرام عليك يا العنود والله حرام .. اتصل بخالد وهو بطريق وعرف ان الي خطبها حمد وهو أكثر واحد عارف حمد .. عارف ان حمد في باله يخطب بنت عمه .. يعني ما يبي العنود .. ليه خطبها الحين ليه ..! دخل بيت جدته والشر يتطاير من عينه لازم يشوفها لازم يفهم .. لازم يعرف ..! شاف جدته جالسه بالجلسه العربية الي ع الجنب تتقهوى .. طلال وهو يحاول يخفي الي داخله : السلام عليكم ام محمد : يا هلا ويا مرحبا .. يا هلا ببو عبدالله .. ابتسم وباس راس جدته وجلس مقابلها .. ام محمد : وينك يا ولدي .. ما تزورنا ولا كان لك جده .. طلال بابتسامه : والله مشغول جدتي .. تعرفين الدوام والشغل أم محمد بابتسامه : ترا بنت عمك ملكتها بعد بكرة مو ما تحضر يمه وتفشلنا قدام الجماعه .. طلال " اخ يا يمه .. لو تدرين بس .. " طلال: الا هي شلونها عشى مرتاحه للولد " لازم افهم وش الموضوع لازم " ام محمد : بيني وبينك يمه مدري وش بلاها الولد ما ينعاب اما هي كله تبكي وتصيح ؟.. شكلها مشتاقه لاممها .. حس بالفرحة وهو سمع هالخبر .. لا يا جدتي هي مو زعلانه لان اموها مب معاها بس شكلها معارضة وهاي الي ابيه بس لازم اسمعه منها عشان ارتاح لازم .. طلال قام فجاه : جدتي انا ماشي الحين أم محمد : وين يا ولدي طلال : لا سلامتج بس راجع من الشركه تعبان .. طلع من البيت بسرعه وأول ما طلع سوى نفسه نسى جواله وكلها دقايق واتصل من جوال الشغل بالبيت لكن بالتلفون الموجود فوق عشان هي ترد عليه وبالفعل ما خيبت ضنه ردت عليه بصوتها الهادي ..! العنود : ألوو .. طلال : العنود .. انصدمت .. أي نعم انصدمت .. .. ما توقعت انه يعرفها من صوتها ما توقعت انها بحساباته اصلا .. كانت متوقعته ما يحمل لها اي نوع من المشاعر .. العنود وهي تحاول تخلي صوتها طبيعي : نعم طلال: مبروك .. كان ودها تسوي نفسها مو مهتمه وترد عليه .. وتقوله الله يبارك فيك لكن .. ما قدرت قلبها ما طاوعها .. دموعها خانتها .. بكت وهي تسمع صوته .. حس فيها وهي تبكي لكن فضل الصمت احتراما لمشاعرها وهو يخفي فرح في داخله .. تاكد من حبها .. وصار واثق منه .. كل شيء راح ينحل وتكونين لي يا العنود ..! .................................................. .... طلعت من الكوفي شوب وقررت تتمشى حبت تغير جو اشوي .. تمشت بالحديقة القريبة من البيت وما طولت كلها نص ساعه ورجعت للعمارة .. دخلوا للعمارة بنفس الوقت تقريبا ... حست بخوف لما شافته داخل معاها بنفس الوقت خافت لا تفتح باب لمشكله ولا هوشة لكنه ابتسم وفتح لها باب الاصنصير عشان تدخل .. واول ما كانوا لحالهم همس لها بهدوء عبدالعزيز : المرة الجايه اذا بغيتي تطلعين اتصلي فيني او ارسلي مسج عشان اعرف ..1 ابتسمت على طريقته بالحوار .. انسان هادي .. يوم عن يوم تختلف نظرتها له .. تتفاجاه كيف كانت تشوفه عصبي .. دخلت للشقه بسرعه .. خلاص لازم تبدا معاه صفحة جديدة .. لازم تنسى كرها له كل مرة تقول هالكلام وما تطبق لكن هالمرة خلاص .. أي نعم خلاص .. لازم تتعود عليه لازم تحاول باي طريقة انها تحبه .. هو طيب وما يستاهل .. اي نعم ما يستاهل .. كفايه انه لحد الحين مخليها على راحتها ولا اقترب منها .. كفايه انه ما فقد صبرة من حركاتها ..! لفت باتجاه وابتسمت له وهي تفسخ الشيله الي كانت مغطية شعرها .. ريم بعفويه :تصدق ودي اروح السينما .. يدري انها تموت بالكوميدي والدراما ويدري انها تستانس على تمثيل ان هاثوي ..! عبدالعزيز وهو يجلس على الكنبة الي بالصاله : ولا يهمج كم ريم عندي ( وقرصها بخفه من خدها ) في فيلم لان هاثواي ريم باستغراب : تدري احيانا احس انك تعرفني من زمان شلون تعرف كل هاي عني .. كان وده يقولها الحقيقة وانه هو حصة لكنه فضل يحتفظ بهالذكرى لنفسه وفي يوم ما يقولها لها .. خصوصا وان العلاقه بينهم متوترة بالوقت الحالي .. اي نعم متوترة ومتوترة بشكل كبير بعد ..! رن جواله لكن طفاه وجلس يناظر فيها يدري ان المفروض يثقل بس يحس نفسه مو قادر .. هو يحبها وما صدق انها قدامه الحين لا وتبتسم شكلها رايقة مو مثل كل يوم مكشرة ومعصبة او مسويه غير مباليه .. اليوم العكس جلست معاه اشوي وراحت المطبخ تقول انها تبي اتسوي الغدا بنفسها .. حتى ما كان متوقعها ست بيت شاطرة من لسانها الطويل وحركاتها الي تسويه .. لكن صحيح انه كلمها وعرف عنها اشياء لكن مع هاي في اشياء كثيرة ما اكتشفها الا الحين ..! وكانه أول مرة يعرفها أو حتى أول مرة يشوفها .. .................................................. .................................. طلع من بيت جده بسرعه وراح لبيت جده محمد .. لازم يقولهم على الخطه الي في باله لازم الموضوع ينجح .. لازم .. حاس انه ما يقدر يخسرها دخل للبيت وشاف الجوهرة تشوف mbc3 بالصاله التحتيه .. سئلها عن دانه ما ردت عليه .. راح للمطبخ وشاف جدتها هناك وقالت انها بغرفتها ..َ اتصل فيها واتصل بجاسم وجلسوا كلهم بالمجلس وكلها دقايق ودخل أحمد الي عزمه طلال على هالاجتماع .. وهو شكله ناوي على الشر .. توترة ضحك الجميع منه .. الكل يدري عن حركات طلال حتى دانه الي طول عمرها بالنسبة له اخته وحافظة اسراره .. عمرها ما توقعت تشوفه بهالحال ..! حتى الجدار يحب لكن طلال ما كانت حاطه في بالها انه بيحب وراح يفكر يستقر ..@ عمرها هالفكرة ما اشغلت تفكيرة .. كل تفكيرة بالسهر والطلعات والشغل طبعا ..! مع سهراته الا انه ناجح بعمله وبشكل كبير .. دانه تضحك : شكله وراك شيء ..! طلال: ابيكم تساعدوني .. جاسم : لا تتهور !! أحمد بعصبية : تراني مب فاهم !! طلال بنفس عصبية احمد : مب جاسم شرح لك لما كلمك ..! أحمد : الا بس قالي الموجز .! جاسم يضحك : وش تبغي بالتفاصيل .. من زين تفاصيلهم ! دانه : اقول سكتوا شكله وراه سالفه ..! ضغط على يدها لانها كان جالس جنبها .. وحشتها يده من زمان عنها .. صار لها فترة ما تقرب منه ولا مسك يدها مثل كل مرة .. همس لها "اشتتقت لك .." لكنها ما ردت عليه ,, ظلت تشوف طلال هو يتكلم لكن بالها مو معاه صحيح انها تعتبره اعز خوانها واقرب انسان لها وتهمها سعادته طبعا لكن بنفس الوقت ما ودي اضغط عليهم والتفتت على يد جاسم الي ماسها كانه خايف عليها لا تظيع ولا تتحطم وابتسمت بداخلها على حركته الحين عرفت قيمتي يا جاسم .. بس مشكله الي عرف غلطته متاخر .................................................. ....................... من غيرت معاملتها معاه وهو متغير معاها .. قرروا يروحون السينما العصر اشوي .. من طلعوا وهي تحس ان في شيء متغير بعبدالعزيز كأنه متوتر .. يتكلم بسرعه وما سكت ويجيب كلام مدري من وين .. معقوله هاي الصفة فيه من زمان .. لا لا ما اتوقع بس هو اليوم فيه شيء مو طبيعي .. شكله وده يقول شيء بس ما يدري اشلون يبدى ولا كيف يقوله .. راح يشتري تذاكر للسينما أما هي استغلت الوقت واتصلت على الجوهرة .. وصلها صوت صرخة الجوهرة من الخط : دوووبا .. حيوانه .. غبيه ريم وهي تضحك : افاا كل هذا فيني الجوهرة: لانج دوبا والله دووبا اشتقت لج .. يله ردي ما نبي لا زواج ولا هم ولا وجع راس ريم تضحك : تو الناس ليش ما قلتي هالكلام من قبل .. مدري من الي كانت تمدحة لي الجوهرة تضحك : مو انا بروحي كلنا كننا نمدحة ترا ! ابتسمت وتنهدت على طريقة زواجها الي ما كانت لها يد فيها .. الجوهرة : المهم اخبار زيزو معاج ريم : وووع اما زيزو متزوجه مصري انا كلها دقايق ولمحته جاي .. وسكرت الخط بعد ما سلمت على الجوهرة ..! عبدالعزيز بابتسامه : تكلمين اهلك .. ريم : يس يس كلمت موجو .. عبدالعزيز يضحك : اماا موجو وش اسمها ذي ريم : هاي الجوهرة عمتي .. نسميها موجو عبدالعزيز وهو يبتسم : طيب يله 10 دقايق ويبدى الفيلم .. .................................................. ........... لازم انسى .. احاول انسى بس المشكله اشلون .. لمحت فكرة سريعه في باله وابتسم .. وحمد ربه ان امل مو بالشقه .. دخل للغرفة ورتب الشنط وهو في باله فكرة وحدة وبس لازم ينفذها .. لازم يحاول ينسى كل شيء مروا فيه .. صحيح انه احيانا تجيه لحظات شك لكن مع هاي هو واثق من أمل ومن تربيه عمه .. يحاول يطرد الشكوك باي طريقة .. بس المهم ان حياتهم تستمر .. وهاي المحاوله الاخيرة عشان تستمر .. رتب الشنط وبدى يحطها بالسايرة وهو مرتاح .. ودخل للشقة مرة ثانية بهدوء وفتح التي في وبدا يشوف مسلسل امريكي .. مع ان باله مو مع المسلسل باله مع الفكرة الي يحاول تنفيذها ويدعي ربه انها تنجح لانها الامل الوحيد في انقاذ حياتهم .. . .................................................. ............................. جاسم باستغراب : انت صاحي طلال وهو يضحك : اخر واحد كنت متوقعه يقول هالكلام انت .. هاي وانت مسوي لي فيها روميو وعايش برا ومدري ايش .. جاسم : ما قلنا شيء بس فكرتك مستحيل تتنفذ دانه بحماس : ليش .. جاسم بعصبية : يعني انتي عجبتك هالمصخرة دانه : لا مصخرة ولا شيء .. الا تجربة .. ودام حمد من نفسه مو موافق على الزواج خلاص .. حرام البنت تنجبر وفي النهاية الراي الاول والاخير لعمي والعنود احمد : تدرون معاكم حق .. واتوقع ممكن كل شيء يصير جاسم : لا انتوا اكيد مب صاحين طلال بعصبية : يعني اعتبر انك مو معانا .. جاسم :اسمعني يا خوي .. البنت خلاص لقت نصيبها والله يهنيها . وانت اخطب وحدة ثانية .. عاد لا تسوي لي فيلم ابيض واسود وتقول مقدر اعيش من غيرها .. طلال : جاسم وش هالكلام .. الحين انا امثل واقول مقدر اعيش من غيرها .. بس هي موب موافقه ع الزواج ولا هو .. واحنا بيدنا ان نساعدهم .. أحمد : طيب افرض ان عمي احرجك قدام الرجاجيل ورفض .. طلال : لا ما اتوقع .. وعشان كذا راح نخلي جدي ابراهيم يساعدنا هو طيب وراح يحن قلبه دانه : خايفة ان الفكرة تفشل ونتوهق ,.. طلال: انتوا برا الصورة .. اذا حد بيتوهق فهو انا .. ولا تحاتون اعرف انقذ نفسي بس ساعدوني الله لا يهينكم !! جاسم بتردد : خلاص تم .. أحمد: بس لازم نتحرك بسرعه الملكه بكرا .. طلال : انا راح اروح اكلم حمد .. ودانه تكلم العنود وانت وجاسم اقنعوا عمي ابراهيم .. جاسم يضحك : اووف مفكر بكل شيء بعد ..! احمد : تصدق موب صاحين .. مدري اي واحد ياخذ بنات عمي راشد احسه ينخبل تذكرون خالد وش سوا فينا يوم الملكه .. جاسم وهو يضحك : الظاهر حد قاري عليهم .. حسافه ما عنده بنت ثالثه عشان نخطبها ونشوف شنو السر ..! .................................................. ........ سكرت السماعه وبكت وهي على سرير بعد 24 ساعه راح تتزوج شخص ثاني .. شخص ما تحبه أو تحمله اي مشاعر .. طول عمرها تتمنى هاليوم لكن مع الشخص الي حبته طول عمرها .. ومن فترة طويله .. كانت تتمنى هالقصة تتوج بالزواج وما تكون قصة حب مراهقة ..! استغربت من اتصاله لهالدرجة الموضوع سهل عنده وولا هامه لدرجة ان بارك لها بنفسه .. ندمت انها بكت على التلفون ودعت ربها انه ما يكون انتبه .. لحد الحين اتصاله محيرها .. لكن قررت انها تنسى .. مسحت دموعها ونزلت لتحت مثل ما هو مو هامه حتى هي ما راح تهتم .. وراح تستمر بموضوع الخطبه .. لحد متى راح تسيطر هالافكار الوهميه على بالها وتفكيرها .. ابتسمت لقرارها مع ان بداخلها ودها تصرخ وتبكي باعلى صووت .. لكن مسحت دمعتها اليتيمه الي نزلت .. وقررت تنزل لتحت لان امل عندهم على الاقل تغير جو وتحاول تنسى .. .......................... .......................................... يـــــــــوم ملكه العنود الساعه 8 الصبح .. صحى من النوم .. اساسا ما قدر ينام غير ساعتين أمس .. ما يدري وش يسوي كل ما يتذكر ان كلها لحظات ويفقد حبيبته الى الابد .. حاول يكلم حمد أمس لكنه ما قدر .. ما قدر يفاتحه بالموضوع .. انتبه على حمد انه متضايق وتعبان .. انتبه عليه انه وده يقول شيء لكن متردد وده يفضفض طول عمره وهو أعز صديق لحمد كل اسرارهم مشتركه .. اتصل فيه على أمل انه يرد . طلال : الوو حمد: هلا طلال في شيء طلال: اووف وش هالرسميه حمد : والله مو فاضي لك طلال: اي يالمعرس من قدك حمد بعصبية : طلاااااااال .. ترا اجيك واوريك شغلك الحين طلال: دامك معصب ولا موافق خلاص قولهم انك ما تبي تملك وينتهي الموضوع .. وش له العقد يا شيخ حمد: ترضاها على بنت عمك يا طلول طلال: لا والله ما ارضاها .. بس لا تحاتي البنت بيجيها نصيبها .. لا ومن العائله بعد .. حمد: يا خوي والله فكرت بالموضوع بس السالفه بتفتح بلاوي .. بتفتح ابواب كثيرة .. طلال: انت المهم عندك انك ما تتزوج بهالطريقه .. والله عارفك وعارف تفكيرك .. ما عليك انت بس قول تم واحنا بنتصرف حمد: انتوا من طلال: عيال عمها حمد: افااا يعني جماعي كلكم ما تبوني اناسبكم .. طلال: لا وش دعوه انت عزيز وغالي بس ما نبي لكم التعاسه .. ولا نرضاها لبنت عمنا .. انت معصب ولا رايد الزواج عندك فرصة انك تنسحب وصدقني محد بيشيل عليك من طرفنا واحنا راح نتصرف .. انت لا تحاتي حمد: وامي وابوي وش اسوي فيهم ..! طلال: قولهم انك ما تبي وانك مو رايح الملكه ومن هالكلام بيزعلون يوم ولا اثنين بس صدقني انت الي بتعيش معاها العمر كله .. وما نرضاها لكم انكم تعيشون تعيسين ..! حمد: تصدق عكس كلام عزوز طلال: ليش وش قالك النسيب .. حمد: قالي يمكن خيرة .. محد يدري وبعدين بتحبها بعد الزواج ومن هالكلام .. طلال" اي لانه حماار .. احنا نخطط وهو يخرب ": لا لا ما عليك منه .. هو رومنسي وايد .. وش فهمه عزوز ..! ضحك على كلامه بس ما حب يعلق لحد الحين الفكرة في باله ليش يجبر نفسه على أمر ما يبيه .. طول عمره حد يقرر بداله ولا كانه المفروض كل القرارات تكون بيدة . كان نفسه يدخل طب .. لكن ابوه جبرة يدخل هندسة .. كان ودة يتزوج بنت عمه لكن امه خطبت له العنود .. ومنى وش ذنبها بالقصة كلها ليه تنظلم وحتى العنود وش ذنبها تعيش مع انسان ما يحمل لها اي مشاعر ..! طلال: اشوفك ما تكلمت .. حمد: وش ناوين تسون .. لازم افهم بالاول طلال: سلامتك بنقول لعمي على انفراد انك خلاص موب جاي .................. .................................... صحت من النوم وهي تحلم بكابوس امس استخارت للمرة الثالثه على هالزواج وتحلم بنفس الكابوس .. حست انها متضايقة وتعبانه ..حتى لو طلال ما عاد يفكر فيها لازم تتخلص من هالزواج شكله راح يجيب مصايب كثيرة معاه .. طلعت من غرفتها وشافت ابوها يفطر تحت ..! العنود : يبة ابي اكلمك بموضوع ..! راشد وهو يبتسم : هلا يبه .. هلا بعندل العنود بعصبية : ابي اكلمك بموضوع يبة .. موضوع مصيري راشد: طيب اجلسي وحنا نتكلم ..! جلست بتوتر .. العنود: يبة انا غيرت رايي .. ما ابي اتزوج حمد راشد: نــــــــــــــعم العنود: يبة لا تعصب ولا تصارخ ادري اني غلطت يوم وافقت بسرعه بس صار لي 3 ايام احلم بكوابيس لا تقولي اثار خوف وقلق .. يبة انا استخرت 3 مرات ..! هالزواج شكله مب خير لي .. يبة لا تقط بنتك بهالطريقة حرام عليك .. عشاني كلمه وقوله انك معارض او اني غيرت رايي .. يمكن بيعصب وبيقول ان خدعناه وانا عارفة ان كلام الناس ما يرحم لكن صدقني احسن مما اعيش العمر كله تعيسة ..! راشد بعصبية : توك الحين تستخيرين .. توك تفكرين .. بعد ما عطيت للناس كلمه !! العنود: دادي بليز .. استخرت قبل مرة لكن ما حسيت باي احساس .. قلت يمكن عادي وجيت ووافقت بعد ما فكرت بالموضوع لكن هالمرة جد مو مرتاحه .. دادي عشاني ( وبدت تبكي ) ,,! | ||||
|
| |
|
20-06-16, 10:37 PM
| #103 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| دخل لبيت ابوه الله يرحمه وهو معصب من حركاتهم .. عبالهم بزر يحطوني بهالموقف .. بس كما راح يظرني بشي انا ما راح افاتح راشد بالموضوع بس اشوف اذا البنت مرتاحه ولا لا .. ما اقدر احطم سعاده ولدي .. والعنود طول عمرها مثل بنتي .! التفتوا الاثنين على باب البيت وهو ينفتح العنود وراشد وشافوا ابراهيم داخل وهو شكله معصب او تعبانه .. العنود وهي تبكي : عمي ساعدني ..! راشد بعصبية : اي يساعدك على هالمصخره .. تبين تقصرين رقبتي قدام الناس .. ابراهيم : شالموضوع .. راشد : بعد ما اعطينا الرجال كلمه ( وجلس يصارخ) جايه تقولي دادي انا مو مرتاح للزواج .. تستهبل ذي .. تبي تفشلنا .. العنود وهي تبكي : يعني اوافق وانا مو مرتاحه .. ترضاها على بنتك يبة .. ابراهيم " الحمد لله انها جات منهم .. يعني حتى العنود مو مقتنعه .. الله يسامحكم يا جاسم واحمد الي حطيتوني بهالموقف .. اذا صار شيء بيقولون ابراهيم الي تدخل وابراهيم قال .. " ابراهيم : العنود يبة .. روحي فوق باكلم ابوج اشوي .. العنود وهي تبكي : عمي ارجوك .. لا تخليه يجبرني .. لا تجبروني .. انا بنتكم لا تعذبوني .. لا تستغلون ان امي مو معاي .. لا تستغلون اني وحيدة ..! عورت قلبه هالكلمه .. خلته يسترجع الذكريات الي حاول يدفنها طول عمره .. كان وده يضمها ويقولها ما في شيء راح يصير ضد رغبتج .. هالكلمات اثرت فيه وايد .. لكنها مشت وصعدت لفوق .. ابراهيم وهو يجلس ع الكرسي : انت ليش معصب .. راشد بحزن : صعبه اتصل بالرجال واقوله غيرنا كلامنا .. الموضوع مو لعب بزران يا ابراهيم ابراهيم : انا داري لكن .. راسد : لكن شنو .. ابراهيم : ما يهون علينا نترك البنت عند شخص هي مو مرتاحه له .. هاي بنتك يا راشد .. راشد: انت عارف كلام الناس يا ابراهيم ابراهيم: عارف ,, وانا عندي الي راح يسكتهم .. راشد : وش تقصد ..! ابراهيم: بس بشرط ما تحكم ع الموضوع ولا تعلق الولد ما خطبها ولا الف مسلسل ولا حاجة هو كان متضايق وجا لي يفض فض .. راشد: وش تقول انت يا بو خليفة نروح للعنود الي كان ودها تصعد لغرفتها على طول .. بس بنفس الوقت تحس ان ودها تسمع لعمها وابوها وش يقولون .. وقفت بنص الدرج بحيث ان محد يدري انها موجوده .. أو حتى ينتبه لوجودها ..! كان ودها تعرف وش الي جاب عمها ابراهيم بهالوقت مو من عوايده انه يزوره الصبح .. غير هذا جدتها مو بالبيت وعمها يدري .. عندها موعد بالمستشفى وراحت مع أمل والجوهرة ..! نروح لابراهيم وراشد .. ابراهيم : أمس زارني طلال وكان شكله تعبان .. ترجيته انه يتكلم ولا يقول وش فيه .. هو ولد بنتي بمثابه ولدي .. راشد : تكلم بسرعه يا ابراهيم ولا ما لي مزاج انتظر ابراهيم : ولا شيء قالي انه كان وده يخطب العنود لكن خطبها حمد قبله .. وانه ما تقدم لها بعدين لان ما يصير يتقدم على خطبه اخوه وانت فاهم السالفه .. راشد : والله طول عمري كان ودي ازوجها لواحد مثل طلال .. طلال ولدي يا ابراهيم لا تنسى لكن .. ابراهيم : لكن شنو .. ترا ما كنت ناوي افتح الموضوع .. لكن يوم شفت موقف العنود قلت حرام البنت تنظلم .. وطلال قال اذا فصخت الخطبة راح يتقدم لها على طول راشد بعصبية: ابراهيم تبيني اكلم الولد اقوله تقدم لبنتي .. ابراهيم : وانا ارضاها على العنود .. لا احنا بس نفسخ الخطبه وخلاص .. ما صدقت لما اسمعت هالجمله . كان ودها ترقص ولا تنط .. كان ودها تصارخ .. الشيء الي تمنته تحقق وخلاص .. الشيء الي كان وجها انه يصير اخيراصار وتحقق .. يعني طلال يفكر فيها مثل ما هي تفكر فيه .. طلال كان وده يتقدم لها .. من الفرحة نطت على الدرج وراحت لغرفتها بسرعه كانت تبي تصرخ .. وكانت تبي تغني .. صحيح ان بدايه اليوم كابوس لكن تحس ان هاليوم اسعد يوم بحياتها .. ابراهيم وهو يضحك : وهاي موافقة البنت ..! راشد : تتوقع متفقين هي وهو ابراهيم : لا يا راشد .. انت عندك ثقة ببناتك اكبر من كذا .. وبعدين طلال ولدنا ومستحيل يخونا ..! راشد: بس انا مالي وجه اكلم الولد .. ابراهيم : الا لازم تكلمه لو انا كلمته راح يقول هذا مو مهتم لقرارنا ولا راينا .. انت كلمه افضل وفهمه ان البنت معارضة وجا لها نصيبها وانك اسف ومن هالكلام صدقني راح يفهم ويقدر ..! ولا كلم ابو الولد افضل .. يوم ملكه العنود الساعه 11 الصبح .. حمد : يا يبة افهمني .. خلاص الملكه راح نلغيها والحمد لله ان ما حصل شيء لسى .. بو حمد : الا هاي فضيحة تبي تحرجنا قدام الرجال ..! حمد : يا يبة لا حرج ولا سالفه انا مو مرتاح للموضوع .. هاي حياتي انا الي راح اعيش مع البنت .. بو حمد : ليه ما تكلمت من البدايه .. كلمه بزران هي .. الناس اعطونا كلمه واحنا نقول خلاص مو موافقين .. غيرنا راينا .. رن جواله وانتبه للرقم .. بو حمد : هذا عمك .. ابو العنود . حمد: طيب فرصة يا يبة تقوله .. بو حمد بعصبية : لا تحرجنا .. ( ورد على التلفون ) راشد: الوو بو حمد: اهلا راشد بقلق : هلا بك يا بو حمد .. بو حمد: راشد شفيه صوتك كذا راشد: لان ودي اقولك شيء لاكن والله ما لي وجه اتكلم العيال احرجونا .. بو حمد: اي والله .. العيال يغلطون وحنا الي نتوهق .. راشد: بو حمد احنا خوان وشركاء بالشغل قبل كل شيء والمشاكل ما راح تاثر بين علاقتنا واتمنى هالشيء .. بو حمد " شكله حاس بالي ناوي اقوله لكن الحمد لله ن هو الي قال هالكلمه": يا راشد اتوقع ان ما راح يحصل نصيب بين العيال .. راشد " الحمد لله ان جات منه .. " : اي فعلا كنت ناوي اكلمك بهالموضوع الحين .. بو حمد: يعني علاقه الشغل والصداقه ما ارح تتاثر .. راشد: لا ان شاء الله ما في شيء يتاثر ..! .................................................. ........................ صحت من النوم لكن ما لقته بالسويت .. معقوله راح للشغل من الحين .. لا مستحيل الا اليوم ..! اول مرة احس نفسي قريبة منه .. أول مرة احس باحساس اتجاهه .. اول مرة احس ان في رابط او اي شيء يجمع بينا .. اول مرة احس بشعور اتجاهه ..! ابتسمت لما لقت رسالته على الكميدينو الي جنب السرير .. " ما راح اتاخر " .. فعلا الامور بدت تنحل بدت تحسه قريب منها .. لما ما فكرت فيه على اساس ان عدو .. صار قريب من قلبها وبدت علاقتها تقوى معاه انتبهت على رنه الجوال وشافت ان المتصله هي دانه .. ريم : هلا وغلا دانه وهي مبسوطه : ريموو فسخوا خطبة العنود من حمد مدري احمد ريم تصرخ: كذاابه دانه: والله ريم: اكيد تصرفتوا دانه: يس يس افاا عليج ريم: حرام دمرتوا حياه عندل دانه: يله زين لا دمرناها ولا شيء ... هي بروحها كانت تصيح وتقول ما ابي مو مرتاحه ريم: وطلول دانه: فرحان حيل .. جالس في بيت عمي يقول خل نملك الحين ههههههههه ريم تضحك : اماا .. ما اصدق دانه : ليش ريم: طلول ما في اجمد منه .. حتى الجدار يتكلم ويصرخ وهو جامد دانه: تضحك .. يله زين كل شيء ولا اخوي حبيبي ..! ريم: اووف ليتني كنت معاكم دانه: الا جد اخبارة ابو الزوز ريم بعصبية : شنوو دانه تضحك : شفيك ريم: وش هالمصخرة تتطنزون على اسمه .. مرة تقولي زيزو ومرة ابو الزوز وع متزوجه مصري انا دانه :طيب روقي شفيج معصبة .. ريم: شفيج تتكلمين سعودي من الصبح دانه: لا بس اتعاطف مع موجو يوم بتروح السعودية .. ريم تضحك : خلاص وافقت دانه: يس يس .. ريم: والله والبنات كبروا ..! دانه: تصدقين انج هبله .. يله باي بنزل تحت اشوف الغدا شنو .. ريم: الساعه كم عندكم دانه: 11 .. ريم: عيل خير اي غدا الحين دانه: جووعانه . .............................................. - ممكن اعرف احنا وين رايحين .. - طيب ليش معصبة اضحكي اشوي .. أمل بخوف: مدري عنك .. هاي برا الدوحة انت بتخطفني .. خالد وهو يضحك : من زينك عاشن اخطفك .. أمل: لانك بايخ .. خالد: افاا ليش عصبتي .. انا بس قلت نروح مكان هادي نقعد يومين ونرجع .. امل " غريبة .. خالد يقول لي كذا .. " : اها .. اشوي ولا رن جوالها .. لكن ما حبت ترد قدامه .. مع انه استمر بالرن .. خالد: ردي ع الموبايل أمل: نو ما له داعي .. خالد: لا عادي ردي ازعجني الصوت أمل: بقفله الحين.. خالد بقلق: من الي متصل امل .. أمل: نـــــــــــــــــوف .. وقف السيارة والتفت لها .. خالد: مو قلت لج اقطعي علاقتك فيها .. أمل" الله يستر هذا الويه الثاني طلع " : اي بس هي تتصل .. خالد: طيب كان قلتي لها لا تتصلين او تدرين من بكرة رقم جوالك يتغير أمل بخوف: ان شاء الله .. فتح الجوال وحطه سبيكر .. خالد بعصبية : نعم .. نوف: هذا مو جوال أمل .. خالد: لا الشيخة .. ما عرف من أمل .. هذا جوالي .. نوف بتردد : بس .. خالد: مع السلامه . وسكر الجوال والتفت لها وهو يبتسم .. ما راح نحتاجة .. أمل" لا جد هذا شكله راح يخطفني .. " .. أمل بقلق: وين رايحين .. خالد وهو يضحك على شكلها: ليش خايفة .. أمل: مدري اول شيء تضحك وبعين تعصب وبعدين تضحك معاي .. اول مرة اشوفك جي .. خالد انت مريض .. لو بتخطفني وبتذبحني لا ارجوك رجعني عند ابوي بس لا تعذبني .. حزت بخاطرة هالكلمات لهالدرجة كان مسبب لها رعب طول هالايام الي فاتت .. ما كان يقصد بس غصبن عنه .. كان ودة يفتح صفحة جديدة معاها وكان يحاول ينسى لكن ما يقدر .. بس الحين لازم ينسى .. هو يعرف امل زين وواثق منها .. وقف السيارة والتفتت عليها .. شافت بعيونه حنان اول مرة تشوفه بحياتها ..! خالد: أمل انا ما اكرهك او تزوجتك عشان اذلك او اعذبك .. امل انا احبك وانتي عارفه هالشيء .. حبيتك من اول يوم شفتك في بالمنتدى .. حبيتك وانا اقرى ردودك واتابع اسلوبك من بعيد .. حبيتك واما اشوف ثقتك بنفسك مع الاعضاء وتمنيت اقرب منك .. تراجعت وخفت يوم دريت انك بنت عمي ما انكر .. بس صدقيني ما فارقتي خيالي .. انا ما تزوجتك عشان اعذبك .. انا كنت خايف لا ابعد عنك ..! معقوله ما فهمتيني .. وانا الي اتوقعك فاهمتني قبل لا اتكلم .. احاول اعصب واصرخ عشان ما تعرفين حقيقة مشاعري الي احاول اخبيها طول هالفترة ..! طاحت دمعه من عينها وهي تسمع اعترافه .. اخر شيء توقعته انه يعترف لها بحبه .. يعترف لها انه يحبها .. وتكتشف هالشيء .. ................................................ احمد وهو يضحك : لو شفتي وجه عمي يوم دخل جاسم وجايب معاه الي يملك .. حتى ابوي وعمي محمد انصدموا ما توقعوا ان راح نتصرف بهالسرعه . هيا : تصدق ونااسه .. احمد : طيب الحمد لله وملكوا وارتحنا من حنه طلول .. وينه سعود العاده يجينا المجلس يملغ علينا .. هيا وهي تضحك : لا تقول عن اخوي جي أحمد : اجل وش اقول استمتع لما اشوفه .. استانس وانا اشوف يوميا بالشغل ولما اجي بيتكم اشوفه .. جاني اكتئاب على فكرة .. هيا: بايخ ترا .. المسكين هو نايم .. بس وصانا ان لو جيت نصحيه .. أحمد: خل يدخل وانا اخذك واشرد .. قامت من الكرسي وراحت ناحيه الشباك .. أحمد وهو يقرب لها وحط يده من ورى خصرها : أحبـــــــــــــك هيا وهي تشوفة برعب : نعم .. أحمد : وش هالرومنسية يا ناس .. اجل اقولك احبك تقولين نعم .. هاي وهم حاسديني عليج يقولون المداام رومنسيه .. هيا: اي اي موب عاجبتك ..! احمد وهو يضحك : افاا وانا اقدر .. هيا : ممكن تبعد .. أحمد وهو يضحك : لااا .. هيا " اووف والله فشلله .. استحي اما امي ولا سعودو يدخلون احرااج " .. أحمد وهو يروح ناحيه الطاوله ويجيب عصير ويقدمه لها .. أحمد: جنوني .. هيا: هلاا أحمد : وش رايك لما نتزوج نشتري بيت يطل ع البحر ..! هيا: شاليه يعني .. اي عندناا .. أحمد : غبية ..! هياا: هيي وش هالكلام ..! أحمد : بيت صغير تعيش فيه .. موب شاليه .. هيا: ونااسه وعيالنا يلعبون ع الرمل .. احمد وهو يضحك : ويبنون قلعه .!. هيا: واذا ناموا يبنون قلعه ويوم يصحون يبكون ويقولون ليش تخربونها .. أحمد : ويكون عند احمد زوجه حلوه تهبل مره وهي جنونه ثم يجي واحد ويلعب براسه ويتزوج عليها هيا بعصبية : نــــــــعم ..! تدري احسن .. أحمد : افاا هاي وانا حبيبج . هيا : اي هين ..! توك تقول تبي تتزوج احسن تزوج ضمها وجلس يضحك ..... أحمد : انتي ما تدرين غلاج عندي .. موب انا الي اتزوج واتركج .! ................................. حاس ان اليوم أسعد يوم بحياته .. الفرحة مو سايعته خلاص .. ابتسم وهو مو مصدق ان الي كان يتمناه تحقق خلاص .. اي نعم تحقق خلاص .. العنود : ليش تشوفني جي .. طلال وهو يبتسم : مو مصدق العنود " اووف مي تو والله مو مصدقه .. معقوله ارتحت من هالكابوس خلاص .. معقوله كل شيء انتهى " طلال: احسك مو فرحانه .. العنود : عادي طلال بسخريه : عااادي .. العنود " ووش اقول يعني اني احبك .. ما اقدر استحي .. احرااج . واي يا ربي وش اسوي " .. العنود : شفيك .. طلال: سلامتك .. العنود: طيب لا تشوفني كذا .. طلال: ما اقدر ..! العنود: ترا بقوم ..! طلال وهو يضحك : تهدديني يا بنت عمي ..! ضحكت من كلمته اما و كان شكله فرحان ومو مصدق .. طلال: تدرين .. يوم دريت عن الي متقدم لك .. كان ودي اروح واذبححه والقهر انه اعز صديق عندي العنود: جد .. طلال: اي ..! كنت خايف لا اكون دمرت حياتك .. خايف لا تكونين مقتنعه وموافقة عليه .. بس يوم سمعتك تبكين .. حسيت ان العالم توقف على هاللحظة .. كان ودي اوعدك واقولك ما راح تكونين لغيري بس لا تتخلين عني .. ................................................. من مساعه وهي تسمع جوالها يرن كان ودها تروح له لكن من الزحمه ما قدرت تسوي شيء طول اليوم وهي مشغوله خبر ملكه طلال كانت مفاجاه للكل حتى امه وابوه .. نور عصبت طبعا وزعلت صحيح انها تحب العنود كثير بس زعلات لان طلال ما قالها لكن في النهايه فرحت ونست الموضوع .. فتحت الجوال وانتبهت للرقم كان الرقم خارجي من السعودية .. ابتسمت لما تذكرت نواف .. صحيح انها قررت توافق عليه لكن لحد الحين هي خايفة .. ما ودها تسافر ما ودها تترك امها واهلها .. الجوال ما وقف يرن ابتسمت وقررت انها ترد .. الجوهرة : الوو نواف: ما بغيتي تردين .. اشتقت لصوتك الجوهرة: عفوا اخوي .. نواف: افاا ترا وصلت الموافقه يعني ما سويت حاجه غلط .. الجوهرة : الا غلط اقدر اغير رايي .. نواف: لا ما تقدرين .. الجوهرة تضحك : الا اقدر .. نواف : طيب اتمنى انك ما تغيرين رايك .. وانا اسف اذا ازعجتك .. الجوهرة " معقوله زعل ": تراك ما ازعجتني .. نواف: يعني اتصل دووم .. ضحكت على كلامه .. الجوهرة : لاا .. نواف : افاا .. .................................................. ................. طلعت من الشاليه وشافته يشوي قدام البحر . المنظر فعلا كان رائع . اقتربت منه وابتسمت رد لها بابتسامه وكمل شوي . خالد : هاا صدقتي اني ما راح اخطفك .. أمل وهي تضحك : يس يس .. خلاص سوري على ضني .. خالد : والله مسكين انا كله مظلووم .. امل وهي تضحك : افااا . عورت قلبي .. خلاص راح ابكي انااا .. خالد وهو يضحك عل شكلها : والله خطيرة مرتي طلعت تعرف تمثل .. حست باحساس حلو وهي تسمع كلمه مرتي .. أول مرة تسمعها .. واستانست عليها .. فعلا حست انهم اليوم خلاص طووا صفحة المشاكل الي بينهم وابتدوا صفحة جديدة .. أمل: عشان اتعرف اني مني سهله .. خالد: هههههههه أمل بحركه عفويه وطفوليه : تراني جعت ما بعد خلص الاكل .. خالد" يا ويل حالي ": افاا جوعانه وانا موجود .. ثواني ويخلص .. أمل وهي تفرك بطنها بعفويه مثل افلام الكرتون : تصدق الريحة تذبح .. خالد " احلى شيء فيها انها بزر " :هههههههههه أمل تتصنع العصبية : ليش تضحك .. خالد: كانك بزر .. أمل : افاا انا بزر يا الشيبة .. ترك الي بيده وقرب منها أما هي من الخوف ابتدت تركض خافت لا يظربها .. وهو ما كذب خبر ركض وراها على طول .. خالد: من الشيبة يا العجوز .. أمل وهي تركض وتضحك : انا عجووز . خالد : اي ما تعرفين تركضين .. ركضت عشان توريه سرعتها وهو يركض وراها وكلها دقايق وسبقها .. لكنه وقف فجاه وكانه تذكر شيء .. أمل وهي تلحقه : اشفيك وقفت .. خالد وكانه نسى شيء: الاكل احترق .. أمل تضحك : قلت لك شيبة .. فاقد الذاكره ليه ما شلته من الشوايه قبل لا توريني انك بطل ..! رجعوا للاكل لكن طلع كل شيء تمام الحقوا عليه بالوقت المناسب قبل لا يحترق كله .. أمل وهي تاكل : تصدق طلعت موهوب بالطبخ .. خالد وهو يغمز لها : قلت لك من اول ما تعرفنا اني خطير وكلي مواهب .. .................................................. ..... ابتسم يوم شافها تلعب مع بنته .. أما هي أول ما دخل طلعت من الصاله الي بجناحهم وراحت للغرفه الثانية تسوي نفسها ترتب .. لحقها .. لازم يحط حد للموضوع خلاص .. لحد متى راح يظلون جي .. لحد متى راح يعيشون في بيت واحد لكن ما يجمع بينهم غير السلام والتمثيل قدام الاهل .. جاسم: ممكن نتكلم .. التفتت ناحيه بهدوء وببرود شديد : تفضل .. جاسم: كنت متوقع ان الامور بينا نحلت بلندن .. كنت فاهم ان يوم رفضتي طلاق انك خلاص شلي تغير يا دانا .. دانه: ما تغير شيء .. جاسم: دانه اناا .. دانه بعدم صبر وعصبية : انت شنوو .. بتطلعني انا الغلطانه وتحسسني بالذنب مثل كل مرة .. انا رجعت اي .. حاولت اعطيك فرصة ثانية تقريبا .. جالسه احاول الحين لا تتوقع اني اعاملك مثل قبل واتعامل معاك كان يئا لم يكن .. انت ما تدري علاقتي بنادين اشلون كانت حتى يوم جيت قطر ما انقطعت عنها .. اخر شيء اتوقعه هالموضوع .. هي كانت تعرف انك ولد عمي يوم كنت اشتغل معاك عمرها ما فكرت انها تقولي .. الموضوع بكبرة كان صدمه لي يا جاسم صدمه .. كفايه اني احاول اتاقلم مع حياتي الجديدة كام لا تصعب علي الامور اكثر الله يخليك .. جاسم : انا عارف ومقدر حتى انا الموضوع جديد علي .. عمري ما كنت قريب من شهد لهالدرجة .. كنت موكل موضوع شهد لخالد هو الي كان يتطمن لي عليها ويسال عنها انا كنت اسئل من بعيد بس لكن .. انتي متوقعتني من دون احساس .. ما احس ّ!! تعامليني كاني جماد كانك تعاقبيني على ذنب تاسفت منه الف مرة .. يعني شنو جاسم مو انسان .. ما يحس ما يتعذب من هالمعامله المفروض انك قريبة مني واكثر وحدة تعرفني .. لف والدمعه في عينه .... ونطق الكلمه الي كان وده يقولها لها من زمان لكنه مو قادر .. صحيح انه بينها لها كذا مرة من تصرفاته معاها ... حاول يوصلها لها بكذا طريقة بس عمرها ما كنت للطرق مفعول قوي مثل وقع الكلام على النفس .. جاسم وهو يحس ان هالكلمه اول مرة تطلع من قلبه .. : دانـــــــــــــهـ .. انا احبج .. والله احبج .. شالت نفسها وطلعت براا .. شافت شهد تلعب بلعبتها بهدوء وولا داريه بلي حولها ابتسمت لها والتفتت على جاسم الي لحقها .. دانه : صحيح اني كنت احس بحبك .. بس تدري عمري ما توقعت اني راح اتأثر لما اسمعها .. جاسم وهو يبتسم : صحيح اني حبيت نادين . بس صدقيني حبج انتي غير .. حبها كان حب مراهقه حب لعب لدرجة ان اول مشكله واجهتنا تخليت عنها وما رجعت لها .. اما انتي غير يا دانه .. لما اشوفك غصب اضحك .. ويوم ما اشوفك اتخيلك قدامي .. يوم اسمعك اتفائل ويوم اشوف ابتسامتك كانه احلى يوم بعمري .. جاسم وهو يقرب لها ويحط يدها على قلبه .. : أسمعي هاذي دقات قلبي هاذي هي الإجابه عن مقدار حبي .. دانه : جااسم جاسم: جنونه .. دانه : امس عرفت خبر وكان ودي أأجله وما اقولك عنه الحين . لكن مو قادرة.. احس ضروري تعرف جاسم : خبر !! دانه بابتسامه : انا حــامل .. حس ان الدنيا مو ساعيته لما عرف هالخبر .. شعور مختلف عن المرة السابقه يوم عصب وزعل .. فعلا حبه لدانه هو الحب الي طول عمره يتمناه .. الحب اي ما حصله الا وياها . | ||||
|
| |
|
20-06-16, 10:38 PM
| #104 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ما بعد النهاية .. بعد مرور اربع سنوات دخلت بيت جدتها وهي مشتاقه لكل جزء فيه .. صار لها فترة طويله ما رجعت قطر فيها حوالي سنتين من بعد ما كانت هني اخر مرة .. شافت اخوانها وعمامها جالسين في المجلس مع جدتها سلمت عليهم وصعدت على فوق على طوول .. شهد وهي تركض : عمه جوجو جات عمه جوجو جاات .. ريم تصرخ عليها : شهوود وش جابك لفوق قلنا لكم اجلسوا تحت مع الرجاجيل والعجايز فوق احنا وبس ..! هيا جايه من بعيد وشاله ولدها ابراهيم : ليش تصرخين . ريم: لانك بقرة .. ليش جايبة برهوم .. خليه تحت نبي نستانس اشوي تمللنا من ازعاج البزران .. انا ريحت عمري وارسلت عبدالله وسارة مع عزيز لبيت موزة .. الجوهرة: السلام عليكم .. ريم وهي تنط وتحظنها : عليكم السلام اشتقت لج . اشتقت لج ..! الجوهرة: فديتج مي تو والله الا وين البنات ما اشوف حد .. هيا وهي تسلم عليها : اي بنات صاروا عجايز كل وحدة وراها عيال .. دخلت لغرفه أمل وشافت كل البنات متجمعين ويسولفون فعلا صار لها فترة طويله ما شافتهم حوالي سنتين .. ما تغيروا مثل ما هم .. دانه: تدرون ودي ارقص .. مريم تضحك عليها : انتي ما عقلتي .. العنود: انتي ولا كلمه مسويتلي فيها عرووس ..! انتي اول وحدة بترقصين .. راحت للاب وشغلت اغنية اجنبية كانت تحبها كثير ودوم تسمعها صحيح انها قديمه شوي من 5 سنين او اكثر لكن تحبها وايد .. تحسها ترقص .. أمل وهي تضحك : دانووا مو كان هاي الاغنية الي شغلتيها اول ما جيتي قطر يوم رقصتي بالصاله دانه وهي تضحك: لا تذكريني والله مو قادرة انسى ذاك اليوم .. علوا على الصوت وقاموا كلهم يرقصون .. يسترجعون ايام اول وحركات اول .. لما يجتمعون ببيت وحدة ويرقصون ويستهبلوون .. في المجلس الي تحت .. ابراهيم : وش هالازعاج .. راشد: الله يهداهم ما عقواا .. جاسم وهو يلعب مع منى بنته الي عمرها سنتين : شفتي بابا جالسين يغنون ويرقصون مدري يراكضون فوق ومخلينا نجلس معاكم تحت .. طلال وهو يضحك : شلي جابرك روح لهم فووق .. خالد: لا يله زين تراني اغار على ام بدر .. طلال: وهو يضحك عليه والله وكبرنا وصرنا ننادي ام بدر الله يرحم ايام اول الجدة بعصبية : هذوول كل ما يكبرون يستخفوون .. كل وحدة وراها 3 مدري اربع عيال وبعد جالسه ترقص وتنط .. راحت للمطبخ واخذت كيس اسود كبير .. وجمعت فيه كل " النعل " وانتوا بكرامه وطلبت من الشغاله تحملها لها وصعدت لفوق بعكازها .. صحيح حركتها قلت لكن لحد الحين ما شاء الله عليها بعافيه .. فتحت الباب فجه على البنات الي تخرعوا وشهقوا كلهم وهم يشوفون نظره الشر بعيونها .. وكلها دقايق ويشوفونها تحذف عليهم النعل " وانتوا بكرامه " الجدة وهي تصرخ : مسوين لي فيها امها ومربيات اجيال وانتوا ترقصون على هالمصخرة الله يرحم ايام اول يوم اول ما يصير عندنا ولد ولا بنت نقول خلاص كبرنا .. وانتوا وراكم 3 مدري اربع كل وحدة ولحد الحين بخبالكم .. دانه: جدتها فليها حرام عليج .. والله ما صدقنا نرتاح من حنه اليهال .. الجدة : عاد انتي يا السوسة .. عندج 3 عيال غير شهوده فديتها ولحد الحين عبالك ياهل .. يله كل وحدة تاخذ رجلها وعيالها وعلى بيتها ارقصوا هناك .. ورجعت تحذف عليهم النعل وهم يركضون من باب المطبخ الخلفي عشان محد يشوفهم ويضحك عليهم .. وكل وحدة ركضت لبيتها بسرعه قبل لا حد من الرجاجيل يشوفهم وينفضحون لانهم حتى شيل مو لابسين .. النــــــــهااايه ... تم وبحمد الله الانتهاء من كتابه الروايه بتاريخ .. 25- سبتمبــر – 2009 استغرقت بكتابتها سنه وشهرين تقريبا . اتمنى انها تنال على اعجابكم .. ولكل من حاب ينقلها يا ريته يذكر اسم الكاتبه " مشاعر حزن " اشكر كل من تابع الروايه من البدايه واشكر كل من رد علي وشجعني على اكمالها .. الله يعطيكم العافيه .. وابي رايكم فيها كامله .. وانتظروني بروايتي القادمه منقوووله | ||||
|
| |
|
| أدوات الموضوع | |
| انواع عرض الموضوع | |
|
|
.png)
العرض العادي
