آخر 10 مشاركات
1092 ـ لن أحترق بنارك ـ ميشيل ريد ـ ع.د.ن (كتابة/كاملة **) (الكاتـب : Just Faith - )           »          عندما يعشقون صغاراً (2) *مميزة و مكتملة *.. سلسلة مغتربون في الحب (الكاتـب : bambolina - )           »          جاك...كارا (114) للكاتبة: Lynn Raye Harris (ج5 من سلسلة دماء سيئة) *كاملة* (الكاتـب : Gege86 - )           »          زوجة بالميراث (127) للكاتبة: Sara Craven *كاملة* (الكاتـب : Gege86 - )           »          أُحُبُّكِ مُرْتَعِشَةْ (1) *مميزة & مكتملة * .. سلسلة عِجافُ الهوى (الكاتـب : أمة الله - )           »          وأشرقت في القلب بسمة (2) .. سلسلة قلوب مغتربة *مميزة ومكتملة * (الكاتـب : Shammosah - )           »          شهم الطبايع يا بشر هذا هو الفهد *مميزة و مكتملة* (الكاتـب : Aurora - )           »          زهر جبينها المكلل- قلوب أحلام غربية (118) [حصريا] للكاتبة Hya Ssin *مميزة ومكتملة* (الكاتـب : Hya ssin - )           »          وابتسم القدر(وعندما اقتربت النهاية...ابتسم القدر) *مميزة ومكتملة* (الكاتـب : فاتن عبدالعظيم - )           »          غمد السحاب *مكتملة* (الكاتـب : Aurora - )


العودة   شبكة روايتي الثقافية > قسم الروايات > منتدى الروايات والقصص المنقولة > قسم ارشيف الروايات المنقولة

Like Tree8Likes
إضافة رد
 
LinkBack أدوات الموضوع انواع عرض الموضوع
قديم 26-04-16, 08:37 AM   #31

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي




البارت الرآبع عشر ||


‏نصف مشاكلي اني لا أتكلّم، النصف الآخر منها أني عندما أتكلّم لا يبدو الكلام شبيهًا بما أردت قوله.




خالد : هههههههههههههههههههه طيب صديقك خاطره بشي

هاجر ببرائه : ايش !!

خالد بابتسامه برزت غمازته : يحضنك

تذكرت توصيات موضي ونصايح عمتها الثمينه ..، تذكرت خطط ساره وفرح ..، تذكرت وضعها وانها وحيده معاه هو وزوجته ورفعت رأسها ناظرت لعيونه وابتسامته الخفيفه .. كأنه مدرك تأثيره القوي عليها .. فعلا شيطان بس شيطان وسيم ..!!

ناظرت للباب وشافت ظل .. ابتسمت بداخلها يعني جود تتسمع خليني اولعها بينهم عشان ثاني مره يحاسب تصرفاته ..

هاجر بمكر : وجود

خالد وعيونه ماتركت عيونها لحظه : شفيها جود اقولك بنصير اصحاب ونمون على بعض وجود مالها دخل بعلاقتي فيك

هاجر : ومانصير اصحاب الا بحضن ؟؟ طيب انا موافقه نكون اصحاب بدون هالخرابيط

خالد : هههههههههههههههههههه انا ابيك تتأكدين اني مو وحش ولا راح اهجم عليك بأي لحظه .. يعني ابي تتأقلمين عليا وصدقيني الحضن تأثيره كبير

تأففت بطفش .. ليش ماتحضنه يمكن فعلا تتقبله
مدت يديها ليده اللي محاوطتها وسحبها لحضنه

رأسها يوصل لبدايه صدره .. نتفه قدامه

ابتسم على رجفتها .. بريئه وطفله .. مستحيل يقدر يجرحها مستحيل ..حب يطمنها انه صديق واخ واب لها فهالغربه .. ولو طلبت المزيد مابيرفض ..

واخيرا حن قلب هالخالد ~~



ناظرتهم وداخلها نيران ..، مثل ماتوقعت هاجر خصم مو بسيط ..))



....،،،،.......،،،..

صحت من النوم وتذكرت انها نايمه بعيد عنه ..
احسن خليه يحاسب نفسه اخاف يتعود يهاوشني ويضربني وانا غبيه بكلمه وكلمتين ارضى ..،

ناظرت لجسمي احس وزني ناقص ياقلبي ياموضي كانت ماتسمح لنا نفوت وجبه .. لازم كلنا نجتمع اما هنا صح عمتي ماتقصر بس قليل يجتمعون وفرح نظامها ملخبط .. طلعت من الغرفه وتوجهت لغرفتها الساعه 10 يمديه مداوم من 8 يعني مابتضطر لمواجهته ..

ناظرت لترتيب الغرفه وابتسمت .. هالشي اكتشفته من اول ليله لهم ذياب منظم لدرجه كبيره .. السرير يرتبه لاصحى .. صحنه يشيله ويرجعه للمطبخ وكوب القهوه يغسله ويرجعه ..، ملابسه ينزلها بنفسه للشغالات .. اخخ والله طلعت مدققه كل تصرفاته

سحبت شورت سكري وبدي اسود لنص البطن .. صح الجو بارد بس الجناح كله نظام تدفئه .. واشتاقت لجسمها بدون جاكيتات ولبس ثقيل ..

رفعت شعرها ولبست سلسال ذهب ناعم على شكل قلب صغير جاها هديه من امها لما حفظت سورة الملك .. الله ياذيك الايام .. تنهدت وهي تكتم دموعها يدها تمسح على السلسال ..

سحبت نفس طويل وابتسمت .. لازم ابدأ يومي بابتسامه ونشاط عشان بداية اليوم هي اللي تحدد مساره

دخلت للمطبخ التحضيري وسوت فطور خفيف .. ناظرت للحديقه الجو غيوم ..

من وصلت لحايل ماشافت السما صافيه .. دايم الاجواء غيم وامطار الحمدلله يارب ❤

شغلت التلفزيون وجلست تتابع برنامجها المفضل صباح الخير ياعرب ..



دق جوالها باإسم فرح .. استغربت شمصحيها هالوقت

ردت بسرعه : هلا

فرح : ساره ود تحت

ساره بصرخه : ايشششش !! وش جابها هالوقت

فرح ويدها علئ صدرها بخوف : مدري لانها تدق ومارد ولما قالت بسير عليك كنت اصرفها بسرعه انزلي انا اخاف احوس الدنيا

ساره وهي تركض لخزانتها تطلع لبس : وعمتي ؟

فرح : امي راحت مع ام حافظ للغنم ولله الحمد بسرررعه انزلي

قفلت ولبست فستان كحلي ثقيل علئ جسمها واكتفت بروج اورنج لامع ونزلت ..

شافت فرح ببجامتها : للحين مانزلتي ؟؟

فرح : خايفه

ساره : خخير وين عايشين حنا ؟ المهم لاتجيبين طاري زيارة سما ولا سببها يعني سلكي الموضوع

هزت رأسها فرح وهي ممنونه لوجود ساره فحياتهم ..()




...،،،،.......




عاليه وراقيه ونادر بصرخه : ايشش


سما ببرود : مثل ماقلت لكم امس رحت للبنت وحذرتها

راقيه ويدها علئ رأسها : وابوي لو عرف !! بتخربين كل اللي بينكم

سما : لو تزوج بيخرب فعلا

عاليه : قسم مانتي هينه

ابتسمت وانتبهت لنظرات نادر : ندور لاتزعل

نادر : بالعكس مبسوط بهالتطورات

انحرجت ويديها تلعب بكوب الحليب اللي بيدها

دخل سامر وهو يبكي وقفت وجلسته بحضنها : من ضرب حبيبي

سامر بزعل : امنه

تأففت وبتمثيل للعصبيه : الحين اذبحها

ابتسم ببراءه ومسح دموعه ويده تسحب يدها ..


مرت من غرفته وشافته يبوس جبين فهميه ..

وخزات خفيفه بقلبها بس تراجعت لما تذكرت ليلة امس ...شفيني ابيه لي لحالي يكفي ان قلبه ملكي ..بلاش طمع ياسما عشان ماتخسرين اقرب ناس لقلبك ..



...،،،،،....


ود بنظرات حارقه لساره : كيف تتحملين ذياب


ساره : يوه فديته قولي هو كيف يتحملني ويتحمل دلعي

فرح بتمثيل : اوه ذياب تخرفن وخلاص

ود بإهتمام : يعني شلون

سمعو صوته ووقفت ساره قبل لايدرعم .. شافته واقف قدام المجلس واضح انه سهران والنوم ماذاقه .. كسر خاطرها بس كابرت ..

ناظر لها باستغراب : عندكم احد ؟

ساره : ايوه صديقة فرح

ذياب : هالوقت عاد ؟؟ شوي ويجي موعد الغدا

سمعت ضحكة ود العاليه وانقهرت ..وبجنون فتحت الباب بشويش وخلت ظهره لهم وبدلع : ماشتقت لحضني

ارتبك من جرأتها : ساره حياتي فيك شي ؟

مالت علئ خده وباسته : تدري حبيبي امس مانمت زين

تنهد : وانا مانمت نهائي ..!!

ساره بدلع وصوت عالي : طيب شرايك نطلع نتغدئ برا

ذياب بخشونه ويده تحك ذقنه المهمل : تعبان حياتي

تركت يده وبقلبها مالت عليك شوي رومنسيه ياخي ..

سحبها لصدره وباس خشمها وبهمس : تأمرين امر يلا تجهزي

ساره : لا لا مو الحين انت نام ل3 وبصحيك

ذياب : متاكده ؟

هزت رأسها وهي تتذكر وجود ود ..





رجعت لهم وهي تراقب نظرات ود الحارقه .. يالطيف شفيها ذي

ود : فرح وريني صورك بزواج ذياب

التقت نظراتهم وغمزت ساره لفرح

ساره : ماصورنا ومانعترف بالتصوير

ود : ليششش اصلا صوري عند صديقاتي الناس تطورت ترئ

ساره بطفش : احنا ماتطورنا طيب

صدت ود وبتفكير : طيب عندكم سناب لاتقولون لاا

بصوت واحد : لاا

ود : يالطيف !!


سمعو صوت الجرس وفرح فزت بخوف .. معقوله امي رجعت بدري والله لو تشوف ود وقصة شعرها انها بتنحرني ..

فتحت الباب وانطلقوا عيال ابثر انسانه علئ قلبها

حسن / عبدالمحسن / حسناء

حضنوها وشناطهم معاهم ..

تأففت : خير خير شعندكم وين امكم

رفعت رأسها وشافت اختها من ابوها .. (حميده )


حميده بحماس : ماشاءالله ماشاءالله فروح صايره عروسس

ركضوا العيال للمجلس ورجعوا يصارخون : يمه في رجال لابس عبايه

ضحكت فرح : ذي صديقتي ياخبول

استغربت ساره من الزوار واشكالهم ..

اما ود قامت بطفش وهي تسمع تعليقات العيال عليها

حسن : الحين ذي البويه اللي يقولون عنها بالله شف لابسه عبايه

عبدالمحسن : وين يابو الشباب تو الناس

ود : وعع قرويين

حسنا وهي تمط العلك : قرويين بعينك يالفاسده بالله شايفه وجهك البارد ذا وانتي تتمسخرين

ابتسمت ساره بحماس .. وهي تشوف وجه ود الاحمر

طلعت ود بدون كلام وهي متنرفزه من فرح واهلها .. وارسلت لجراح على طول : شكل موضوعها بيطول هالفرح ..،

حميده ناظرت لساره باعجاب : ماشاءالله تبارك الله ذي زوجة ذياب والله لايقتن له

ضمتها وباست خدها بقوه وجلست بجنبها تتأملها ..

فرح : ليش جايين ؟ وين ابوكم هاه

حميده : ذياب حبيب قلبي عزمنا نجلس عندكم كم اسبوع ومنها جيت ابارك له واشوف هالقمر

فرح : لاحول شلون بتحمل المهابيل الثلاث

محسن وهو يعدل شماغه : طول الباب وتقولين مهابيل
اقول وين سامي جايب له اشرطة بلاستيشن

حميده : ماعليك منها ذي لسانها متبري منها .. بس مايعرف لها الا تركي

فرح : اها قولي جايه عشان كذا ..

وقفت ساره وخلتهم يحطون الغدا وتغدو وسط هوشات فرح وعيال حميده ..


حبت الجو بينهم اللي تعرفه من كلام فرح قبل ان حميده امها متوفيه وهي متزوجة خال تركي بعد قصة حب قويه .. والوحيده من البنات اللي متواصله مع اهل ذياب وكل اجازه تجي عندهم كم اسبوع .. واقرب انسانه لذياب بعد عمته ..

طاحت عينها علئ سامي وابتسمت وهي تشوفه مبسوط وصوت ضحكته مالي البيت

...،،،،،.....

صحئ من النوم واستغرب ان الوقت ليل .. استغفر وهو معصب ليش ماصحته ؟؟!

توضئ وصلئ اللي فاته وهو متضايق ان الصلاة ضاعت عليه ..،.

لف الجناح يدورها ومالقاها .. نزل تحت وهو عاقد حواجبه

كانت مشغوله باللعب مع محسن وسامي بلاستيشن .. وصوت ضحكها كل شوي يعلئ لانها فازت علئ محسن اللي يهايط ..

همست فرح لأمها : ياويلها ولدك معصب

وقفت حمده وهي ترحب فيه .. اما ساره مغصها بطنها شلون نسته .. هو مايحب تفوته اي صلاه بس كان كاسر خاطرها وخلته ينام وفوق كذا اصلا نسته اليوم كله ..

ذياب بصوت مبحوح : مصدعع ساره قومي حطي لي اكل وسوي لي قهوه ..

ماتحركت ولاردت ..

استغفر بداخله .. هالانسانه تستفزه بشكل صعب يتحملها

لفت وابتسمت له : بقئ 10 دقايق وتنتهي اللعبه

بدون شعور صرخ والكل التفت عليه : انا متزوج ورعه !! قومي خلصيني لابتلي فيك اليوم بسررعه

نزلت اللعبه وبعناد طفولي مرت من عنده تبي تروح لجناحها لكن سحبها قدامه
وبصرخه : تعاندين يعني !! مايكفي نومتيني جوعان وكذبتي علي هاه

نزلت دموعها وهي منحرجه من الكل ..

وقفت لطيفه وسحبتها وراها : شفيك الله يهداك البنت نست اليوم حميده وعيالها اشغلونا وونسونا وحتئ مافضينا لشي

مسك اعصابه وبهدوء : ساره يلا سوي لي قهوه

داخلها يغلي ..هالموقف كسر كل شي جميل بينهم .. نظرات الشفقه اللي تتلقاها الحين مثل الرصاص اخترق قلبها ..

وقفت حميده وسحبت ساره للمطبخ .. وسوت القهوه وهي تراقب دموع ساره الصامته .. من شافتها عرفت انها قويه وفعلا مناسبه لذياب ..

حميده : هدي يابنت هدي .. ترئ الرجال عند الجوع ينسون نفسهم ..

ساره برجفه : انا توي عروس مالنا اسبوعين متزوجين ،،؟ وذي خامس مدري سادس مشكله تصير لي معاه .. تعبت من اسلوبه وعصبيته احيان يطيرني فوق واحيان ينزلي للقاع ..

دخلت لطيفه وهي متضايقه وبعتاب : الله يهداك ساره شلون نسيتي زوجك ! نايم جوعان ولاصحيتيه يصلي وفوق كذا يوم يأمرك ببرود تقولين له بعدين .. انتي الغلطانه هالمره

تنهدت ساره وظلت ساكته ..

وقفت حميده بتودي العشا لكن ساره وقفتها واخذته وهي تتظاهر بالقوه .. ماتبي فضايح اكثر ..

نزلته قدامه وهي تشوفه منسدح علئ رجول حسنا اللي تدلك رأسه ..

احتارت تجلس ولا تروح فوق .. تخاف يهزأها بعد ..، ناظرت لها فرح وفهمتها ونادتها تروح معاها

صعدت الدرج وهي متضايقه ..

فرح بهدوء : ساره ترئ ذياب كذا اسلوبه وهو اذا جاه الصداع يقلب شخص ثاني

ساره : ماهمني لاتحكين عنه واليوم بنام عندك وان علمتي عمتي

فرح : ههههههههههههههه افا عليك اصلا انا بساعدك انك تربيه تراه قاهرني من زمان هالمغرور

....،،،،،،....

بالصاله الجانبيه ..،. منسدحه وبحضنها امنه وسامر يتابعون توم وجيري ..

شعرها رافعته بطوق ورد اهدتها اياه امينه .. ولابسه بنطلون قماش ابيض وبلوزه طويله عنابيه .. اليوم كله ماشافته الا الصباح .. فتحت جوالها وهي تتأمل انها تلقى رساله منه .. لكن ماحصلت شي

تنهدت بطفش وناظرت للساعه 9 .. وفهميه وبناتها راحو للسوق ..

سمعت صوته يكلم وركزت بكل حواسها بدون لاتلتفت ..،


جراح وعينه عليها : ايوه مثل ماقلت لك


هههههههههههههههه لا لا بعدين نتفاهم يلا باي ..

جلس على الكنب وعيونه عليها ..

بصوت مليان مشاعر : سما

التفتت وهي مبوزه : هاه

ابتسم وهو فاهمها : تعالي لغرفتنا

وقفت ومشت وراه .. لابس ثوب كحلي وشعره الاسود واللي يتخلله الشيب يوصل لاكتافه .. ناظرت لاكتافه وعضلاته .. بنيته قويه جدا ومشيته كلها هيبه ..

دخلها الغرفه وقفل الباب ..


قرب منها وارتبكت .. حاصرها بينه وبين الباب

جراح : وين راحت جرأتك امس

ارتبكت اكثر وهي تتذكر الجنون اللي سوته ..

سما : جراح بطلبك طلب

مال عليها وباس شفايفها بشويش : امري كلي لك

سما وعينها على ملامحه الحاده : لاتتزوج

عقد حاجبه وهو يفكر .. بعدها تذكر انها تقصد زواجه من اخت ذياب

جراح بهدوء : الامر طلع من يديني

سما بغيره : مو انت تحبني وانا احبك ليششش تتزوج

تركها وجلس علئ السرير : الزواج منهم معناها انتهت العداوه ذي سلوم البدو وشيوخ القبايل

سما : بس انت ماتبيها وتبي تطلقها .. كذا بترجع المشاكل وفوق كذا تدمر مستقبل البنت

بصرخه : لاتتدخلين انا ماحد يقدر يغير رأيي .. احبك واموت فيك بس حدودك تلزمينها

سما : ذياب ماله دخل بجده واللي سواه

ناظرها بقوه : كيف تنطقين اسمه كذا ؟ وتدافعين عنه

سما بقوه : فرح مو هي اللي قذفت امك مالهم دخل انسى الماضي عشاني

سكتها الكف اللي انطبع علئ خدها ..

سما بصراخ : والله والله لو تتزوجها لاذبحك واذبحها وهربت للحمام وقفلته

تنهد ودمه يفور .. من علمها ؟! من فتح اسرار دفنها بصدره من كان طفل .. قرب للباب وهو ناوي يكسره ويكسرها معاه بس صوت فهميه وقفه ..


....،،،،،،.....،،،،،


تركي : خلاص يمه والله شبعت ترئ الحمدلله مافيني شي ومتعافي وبكرا بداوم

ام تركي بحنان : الحمدلله الحمدلله الله يحفظك لي

ابتسم وباس يدها : ياحبي لك والله

سحب جواله ودخل غرفته بدل لبسه ببنطلون اسود وجاكيت بني ناظر لذقنه المهمل .. ابتسم وهو يتذكر تعليق بنت اخته لما شبهته بالاتراك باللوك ذا ..وابتسم اكثر لما تذكر تعليق ذياب عليه انه يكره الثياب ويحب يهتم بلبسه .. تنهد وهي تطري علئ باله .. نفسه يعرف رأيها فيه هي الوحيده اللي تهمه

تعطر وطلع لبيت ذياب ..


..،،..

فرح برجه : اسمعي بنزل واشوف ذيبك وين

ساره وهي تتمغط : انقلعي روحي

نزلت وهي مروقه وتندندن .. شافت حميده تتابع مسلسل وعيالها حوالينها

حميده : فرح حنا ضيوف ترئ الكل دخل غرفته وتركنا ولااحد سوئ لنا حلويات ولااستقبال عدل

فرح : الحين بطلب كنافه شرايكم

حسنا بحماس : ياليت نبي نسهر ونتونس

فرح : بس لادرئ ذياب ؟

حميده : ذياب بالدوانيه تركي بيجيه

فرح باهتمام : صدق

طلعت للحوش وهي ترفع سروال بجامتها القطني وشعرها الناعم علئ عيونها .. ليش ماتتهور وتشوف هالتركي علئ الطبيعه ..

وقفت قدام الدوانيه ورفعت رجولها للشباك تبي تشوفه لكن انصدمت لما دخلت السياره داخل الفيلا .. بدون تفكير دخلت لدورة المياه ووقفت عند المغاسل وهي ترجف .. يمه لو يشوفني ذياب ..

جلست تتشهد وهي مرتبكه ..


دخل تركي .. وشاف ظل عند المغاسل .. توقعه سامي وحب ينرفزه مثل كل مره

تركي بروقان : ياهلا والله ..

عيونهم تلاقت .. هي فتحت عيونها الضيقه وتأملته بخوف

وهو وقف قلبه من منطرها الطفولي .. بجامه سودا بقلوب حمرا وشعرها الاسود علئ اكتافها ويدها الصغيره علئ فمها ..

شافها تبي تهرب الحمام وسحب يدها بجرأه ..

تركي : فرح انا والله احبك وحلم عمري انك توافقين نتزوج .. انتي ماتدرين انك كل لحظه تطرين علئ بالي

رفعت رأسها وتأملته وبقلبها والله انا العجوز مو هو كان يشبه ابطالها الهنود بسماره وحدة ملامحه ..

تركي : انا بخطبك اخر مره واتمنئ تستخيرين وتفكرين عدل ..

غمضت عيونها بخوف ودفته وركضت للبيت ..

ابتسم وصرخ صرخه خلت ذياب يركض له وهو خايف ..

تركي باحراج : هاه لا بس رجلي عورتني

ذياب بنقد : انت متئ تصير رجال وتعقل

ضحك تركي وبقلبه : قريب قريب

دخلت ووجها احمر وركضت لساره اللي وقفت بخوف وهي تناظر لها : بسم الله شفيك

فرح : شفته شفته ..

ساره : مين

فرح : تركي .. يمه ياساره يهبل شكل ولا اناقه ولا صوته

دخلت حميده وهي تبتسم بخبث : ماقلت لتس انه لايق عليتس يالخبله

ابتسمت ساره وهي تناظر لفرح اللي تنط وتتكلم بحماس

فرح : انا انا كنت احسبه شايب معقد بس ذا لااااا وكلامه كلامه يهبل .. خلاصصصصص ابي اعرسسس زوجوني

ضحكت حميده وهي تزغرد بقوه ..وفرح ترقص
ماقدرت ساره الا تشاركهم الفرحه وتنسى همها معاهم ..


..،،،،،.......


هاجر بهدوء : انا مابي آكل هنا

ناظرت لها جود بحقد : مو على كيفك هالمطعم انا احبه

خالد ببرود : هاجر ليش مو عاجبك

هاجر : ماحب آكل مأكولات بحريه ابي بيتزا

جود : خلاص لاوصلنا الشقه اطلبي بيتزا

خالد : جود ممكن ماتتدخلين ؟

تفاجئت جود بكلمته اللي عادها وهالمره قدامها .. سكتت ودمعتها بعينها

هاجر وهي تعدل نقابها : انتم تعشو انا برجع للشقه واطلب لي

خالد : اجلسي بس ماتروحين لحالك

هاجر : الشقه هذه هي قدامنا مابضيع

خالد وهو يأكل : قلت لاااااا انتظري وبعشيك بعد ماتعشئ

ناظرت له بصمت ورجعت ناظرت لجود اللي صحنها قدامها ورجولها تهتز .. كسرت خاطرها وندمت انها وافقت تطلع معآهم ..


وقفت جود وهي تتأمل ان خالد يمنعها تروح لحالها لكن شافته متجاهلها كملت طريقها للشقه وهي مجروحه .. معقوله مال قلبه للورعه ذي ونساني ..؟ حتى موعدي اروح له لحالي ومايترك بنت عمه لحالها .. مسحت بطنها وتذكرت قناعاتها قبل .. بتضطر تسكت لحد ماتولد وتنجح عمليتها .. من يدري يمكن هالهاجر تكون ام للي فبطنها ..يارب امد فعمري يارب


هاجر بضيقه : خالد جود زعلت

خالد وحاجبه مرفوع : براحتها

هاجر : تراها زوجتك وتغار

ابتسم : وانتي مو زوجتي !؟

هاجر : زوجتك بس الصبح اتفقنا وخلاص .. ماله داعي تزعل جود عشاني

خالد : يعني مابتغارين !

هاجر : اغار ليش .. يلا خلص اكلك وعشيني

ابتسم وهو يراقبها بعباتها .. مايدري ليش يحس انه مسؤول عنها ومايقدر يتركها لحالها ..

مد يده لها وتجاهلتها ومشت وراه بصمت ..

وصلو للمطعم وطلب لها بيتزا كبيره ..،

هاجر : خالد شرايك نتمشى

بروقان رد : يلا ماعندي مانع

جلسو بالحديقه اللي قدام شقتهم ..

خالد : مشتاق لأمي ..

انصدمت من كلمته ..، كل عمرها تحس هالانسان مايحس ولو حس من النوع الكتوم

هاجر : قبل ساعتين كلمتها والحمدلله تطمنت عليها

هز رأسه وبخوف : اخاف الموت يسرقها مني وانا هنا

سحبت يده وحضنتها ..

هاجر : خالتي بخير ربي يطول فعمرها ..، انت لاتوسوس وكل يوم كلمها وتواصل معها .. وهالايام بتمشي بسرعه ان شاءالله

خالد : هاجر اول ماتمشين وش بتسوين ؟

هاجر : باخذ عمره عن امي وابوي
هالوعد قطعته على نفسي من زمان ..

خالد : وانا اللي بوديك ان شاءالله

ابتسمت وبداخلها تمنت هالشي .. ماتدري بعد هالجلسه كيف ارتاحت له خالد طيب وقلبه كبير .. بس غامض شوي

خالد : يلا نرجع للشقه

.........،،،،.....،

صعد لجناحه بعد ماودع تركي المروق اليوم .. مر من غرفة فرح وسمع ضحكتها ابتسم ووقف لما سمع ضحكة ساره ..

طق الباب وسكتو .. فتحته فرح وفهت بخوف ..، لايكون تركي علمه يارب استر

ذياب بتعب : ساره يلا قدامي لجناحنا

ساره وهي تتأمل ملامحه بصمت ..

ذياب وبيده كيس ادويه : ساره والله تعبان مالي خلق للنقاش

فرح : دقايق وتجيك ابيها بموضوع

ذياب : ياكثر مواضيعك ..،

تجاهلته ساره ودخلت لدورة المياه ..

فرح : ذياب اتركها بس اليوم تكفى

هز رأسه وطلع ..

استغربت فرح من استسلامه .. ناظرت لساره الواقفه بصمت

فرح : والله ذياب يحبك ؟

ساره : ادري وهالشي معور قلبي يحبني بس مو قادر يعاملني زين

فرح : المسكين مصدع وهالصداع بيعذبه يجيه كل فتره شكل النومه الغلط رجعته له

ساره باهتمام : ليش شفيه

فرح وهي تنسدح : عنده صداع نصفي .. المهم خليك زوجة سنعه وروحي له تراه يحتاجك

طلعت ساره وتوجهت لجناحهم .. مهما كان شوفته وهو تعبان عورت قلبها بتنسى الزعل لحد مايطيب بعدها بتحاسبه

دخلت الغرفه وشافته متمدد وصدره عاري وبلوزته رابط فيها رأسه ويأن ..

قربت منه بسرعه : ذياب

رفع رأسه واشر بيده تقرب منه .. دمعت عيونها من منظره وهو تعبان وعيونه حمرا

قربت وباست جبينه وبدت تدلكه بشويش ..

ذياب بتعب وبحروف ثقيله : والله احبك سامحيني ادري غلطت وكثير بعد .. بس تحمليني ياساره وبتحملك لحد مانغير سلبياتنا بمساعدة بعض ..

ساره : انا جيت اعالجك لانك زوجي اما الزعل ذا شي ثاني ..

سحب يدها اللي على جبينه : ساره تدرين اني احبك من زمان من كنتي طفله .. كنت احب العناد اللي فعيونك وتعبت لحد ماحصلتك وبغباء جالس اخسرك كل يوم

ناظرت لعيونه .. وعروقه البارزه برقبته ..

وحضنته وانسدحت قربه .. وبهدوء : ماعليه ارتاح الحين بعدين نتفاهم ..


هز رأسه وغمض عيونه برضا ()



....،،،،..


صحت سما وهي تحس بحركه حولها .. ناظرت لجراح اللي متسند على يده المصابه ويتأملها

صدت عنه ..

قرب منها وباس خدها : خلاص مابتزوجها

رفعت رأسها وناظرت له : ايش

سحبها لحضنه : اوعدك انسى كل شي وابدأ معاك من جديد ...،،.
بعدها عنه واصابعه تلمس خدها اللي انصفع اليوم ..


وبهدوء : سما انا حياتي بدت من دخلتي بيتي .. ومستحيل اسمح لاي شي يعكر حياتي معاك

سما ودموعها فعينها وبجرأه : جراح ابي بيبي منك ..

جلس وناظر لها بصدمه

قطع تأملاتهم دخول فهميه السريع وبعصبيه : والليله دي حتأخدها سما برضو ؟










والبارت بين يديكم .. مع انو مو عاجبني بس ماحبيت اكون فاضيه وماكتب لكم


توقعآتكم .. ذياب وساره .. هل سيرتاحون اخيرآ ؟

هاجر وخالد .. هل سيكتفون بوعد الصداقه ام هناك مشاعر اخرى ..

وسما هل ستخسر فهميه وبناتها ؟؟

واخيرا .. تركي وفرح هل ستنجح علاقتهم

دمتم بخير ❤❤❤❤❤❤














لامارا غير متواجد حالياً   رد مع اقتباس
قديم 26-04-16, 01:17 PM   #32

شموخي ثمن صمتي

? العضوٌ??? » 179150
?  التسِجيلٌ » May 2011
? مشَارَ?اتْي » 2,118
?  نُقآطِيْ » شموخي ثمن صمتي has a reputation beyond reputeشموخي ثمن صمتي has a reputation beyond reputeشموخي ثمن صمتي has a reputation beyond reputeشموخي ثمن صمتي has a reputation beyond reputeشموخي ثمن صمتي has a reputation beyond reputeشموخي ثمن صمتي has a reputation beyond reputeشموخي ثمن صمتي has a reputation beyond reputeشموخي ثمن صمتي has a reputation beyond reputeشموخي ثمن صمتي has a reputation beyond reputeشموخي ثمن صمتي has a reputation beyond reputeشموخي ثمن صمتي has a reputation beyond repute
افتراضي

شـكــ وبارك الله فيك ـــرا لك ... لك مني أجمل تحية .

شموخي ثمن صمتي غير متواجد حالياً  
التوقيع
[SIGPIC][/SIGPIC]
رد مع اقتباس
قديم 26-04-16, 03:40 PM   #33

عبيركك

نجم روايتي وفراشة الروايات المنقولة

 
الصورة الرمزية عبيركك

? العضوٌ??? » 308350
?  التسِجيلٌ » Nov 2013
? مشَارَ?اتْي » 7,127
?  نُقآطِيْ » عبيركك has a reputation beyond reputeعبيركك has a reputation beyond reputeعبيركك has a reputation beyond reputeعبيركك has a reputation beyond reputeعبيركك has a reputation beyond reputeعبيركك has a reputation beyond reputeعبيركك has a reputation beyond reputeعبيركك has a reputation beyond reputeعبيركك has a reputation beyond reputeعبيركك has a reputation beyond reputeعبيركك has a reputation beyond repute
افتراضي

ذياب اسلوبه الجلف ماعم يقدر يتخلص منه وساره عصبيه الحب موجود من الطرفين بس في سوء معاشره وعدم التعود على طبائعهم لازم يصير تنازل من الطرفين \\سما ووعد جراح هل سينفذه ويلغي فكره زواجه من فرح فهيمه نسيت ان سما تركتلها جراح سنين وهي ليله مومستحمله تتركه لسما بعتقد ان فهيمه هي الي حتغلط بسما وتحركها الغيره واكيد العلاقه حتتخرب الا اذا جراح وضع حد \\\\\فرح واخيرا اعجبت بتركي وان شاء الله تتزوجه بسرعه وتقطع الطريق على جراح \\\\خالد بحسه حيحب هاجر ويفضلها على ود يمكن لانها بحاجته وانها مسؤوليته ومعتمده عليه حسسته برجولته واهميته اكيد جود حتتضايق من هل الوضع وخاصه اذا تحسنت صحتها اكيد حتسعى لتتخلص من هاجر شكرا لامارا على النقل

عبيركك غير متواجد حالياً   رد مع اقتباس
قديم 27-04-16, 01:24 PM   #34

deegoo

نجم روايتي وفراشةالروايات المنقولةوبطل اتقابلنافين؟وأميرةخباياجنون المطروكنزسراديب الحكايات ونجمةكلاكيت نجمةمسابقةشخصيةفي رواية

 
الصورة الرمزية deegoo

? العضوٌ??? » 333511
?  التسِجيلٌ » Dec 2014
? مشَارَ?اتْي » 3,620
? الًجنِس »
? دولتي » دولتي Yemen
?  نُقآطِيْ » deegoo has a reputation beyond reputedeegoo has a reputation beyond reputedeegoo has a reputation beyond reputedeegoo has a reputation beyond reputedeegoo has a reputation beyond reputedeegoo has a reputation beyond reputedeegoo has a reputation beyond reputedeegoo has a reputation beyond reputedeegoo has a reputation beyond reputedeegoo has a reputation beyond reputedeegoo has a reputation beyond repute
¬» مشروبك   7up
?? ??? ~
My Mms ~
افتراضي

بارت جميل جدااا ذياب لا يستطيع السيطرة على اعصابه ويغلط على سارة احيانا وهي تنرفز ببعض تصرفاتها يعني الغلط من الجانبين وعليهم ان يتجاوزو سوء الفهم ويتصالحو مع بعض ويتنازل كل منهم للآخر فكلاهما يحبان بعض .. سما وجراح هل حقا سيفي بوعده وسيلغي الزواج لأجل حبيبته سما وسما والبيبي هل ستتحقق امنيتها وفهيمه لما الانانيه سما سنين تركت جراح لها رغم حقها فيه ولمن بدت تاخذ حقوقها غارت وبدءت تسوي المشاكل هل ستنتهي علاقة فهميه وسما بسبب جراح ام انه سيتصرف تصرف ثاني .. خالد وهاجر ووعد الصداقة هل سيستمرون ام انها ستتولد مشاعر اخرى من غير احساسهم وجود ومرضها هل ستشفى وتطالب بخالد لها ام ستموت وتربي هاجر ولدها .. فررررح واخيراااا قبلت بترركي وشافته الشايب على قولتها وان شلء الله يتزوجون قرريب .. ود اعتقد ستنتهي مهمتها بعد قرار جراح بترك فرح .. ننتظررك بشوووق يالمووور ♡♡

deegoo غير متواجد حالياً  
التوقيع
رد مع اقتباس
قديم 28-04-16, 02:33 AM   #35

jamilah
 
الصورة الرمزية jamilah

? العضوٌ??? » 336812
?  التسِجيلٌ » Feb 2015
? مشَارَ?اتْي » 138
?  نُقآطِيْ » jamilah is on a distinguished road
افتراضي

السلام عليكم ورحمة الله وبركاته
شـكــ وبارك الله فيك ـــرا لك ...
موفق بإذن الله ...


jamilah غير متواجد حالياً   رد مع اقتباس
قديم 28-04-16, 02:55 PM   #36

em esoos

نجم روايتي وفراشة الروايات المنقولة

 
الصورة الرمزية em esoos

? العضوٌ??? » 167417
?  التسِجيلٌ » Mar 2011
? مشَارَ?اتْي » 752
?  نُقآطِيْ » em esoos has a reputation beyond reputeem esoos has a reputation beyond reputeem esoos has a reputation beyond reputeem esoos has a reputation beyond reputeem esoos has a reputation beyond reputeem esoos has a reputation beyond reputeem esoos has a reputation beyond reputeem esoos has a reputation beyond reputeem esoos has a reputation beyond reputeem esoos has a reputation beyond reputeem esoos has a reputation beyond repute
افتراضي

تسلمين عاليه على البارت القسير هههههه ولكن لا باس به.
على ما يبدو فرح لم تكن تعرف تركي وشكله والحين اعجبها
ساره مسكينه مره حب وغزل ومره تفقيع وملل. من ذياب هههههه
شكل خالد مال القلب. لهاجر. دون علمه خخخخخ وجود شبت نار الغيره
تسلمين لامار. يا ورده.


em esoos غير متواجد حالياً   رد مع اقتباس
قديم 02-05-16, 05:07 AM   #37

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



البارت الخآمس عشر ~||



دائمًا أحسن الظن بالكل,لأن منطقيًا سُوء الظن يتعبك نفسيًا قبل لا يضايق غيرك,ينهي علاقات على أشياء ما صارت .








قطع تأملاتهم دخول فهميه السريع وبعصبيه : والليله دي حتأخدها سما برضو ؟


وقفت سما بارتباك وناظرت لجراح ..

جرآح : من الوقاحه تدرعمين بدون احم ولادستور وانا مابنام هنا كنت ابي سما بموضوع يعني لو منتظره دقايق كان جايك ..

سما : انا بروح للبنات

جراح بصرخه : انتظري هنا ذي غرفتك هي اللي تطلع وتتعوذ من ابليس ..

طلعت فهميه بسرعه ..

قرب جراح من سما : سما انتي نامي الحين بعدين نتفاهم خلاص ..

هزت راسها وهي مصدومه من الموقف للحين . نظرات فهميه نظرات غيره وحقد .. معقوله بتصير عدوه لها بعد 3 سنوات حب وسلآم ..

طلع جراح وتوجه لغرفته شاف فهميه تبكي .. ومعاها راقيه وعاليه

ابتسم اول مره تزعل منه دايم مطيعه ومستسلمه له ..

ناظر للبنات واشر لهم يطلعون ..

طلعو بصمت وهم مقهورين من اللي صاير لامهم من تجاهل ..


راقيه : ابوي تغير حيل

عاليه : ترئ سما مالها دخل

راقيه ببرود : الا لها دخل تقدر تمنعه ياخذ ليلة امي .. احسها تبي ابوي لها لحالها ونست افضالنا عليها لما كسبت قلبه



بغرفتها جالسه ومتوتره .. ماودها تطلع وتنصدم من الوضع فالبيت ..

انسدحت وهي تفكر ليش مو مكتوب لها ترتاح لما تزوجت !! اخذت زوج اختها اللي توفت واللي اكبر منها بكثير .. لما كسبت اهله وبناته !! خسرت اهلها .. ولما كسبته !! خسرت اهله وبناته .. ليش دايم فرحتها ناقصه ؟؟

استغفرت وتنهدت بتعب .. الحمدلله يارب علئ كل حال الحمدلله ..


...،،،....


صحئ وشافها متسنده علئ صدره ونايمه بعمق .. ابتسم وهو يتذكر انها كل الليل كانت بقربه شوي تدلك رأسه وشوي تقرأ عليه قرآن .. باس خدها بهدوء ووقف وهو مقرر يفرحها ويحجز لهم لالمانيا منها شهر عسل ومنها تشوف اختها قبل عمليتها ..،.

بدل لبسه وهو مروق .. وجودها بحياته اضاف له الشي الكثير ، حتئ مشاكلهم ونرفزتها يحبها .. صح يعصب بس لما يهدأ يبتسم غصب .. يحب شخصيتها وتهورها

نزل تحت وهو يشوف امه وحميده يسولفون ..
وقدامهم الفطور ودلة القهوه ..


ذياب : صبحهم بالخير

لطيفه : هلا هلا بنور عيني صبحك الله بالرضا والسعآده

باس رأسها وولوئ وجهه لما شم ريحة الحنة

لطيفه : شبلاك

ذياب : ليش ماعلمتيني انتس متحنيه عشان ابوس يدينك

حميده : هههههههههههههههههههههه ابشرك بنمسك زوجتك ونحنيها اليوم

ذياب : ياويلكم الا الحب عاد

ناظروا لبعض وتبادلوا الابتسامات ..

ذياب باحراج : انا بقوم بفطر بالشركه

طلع وهو مرتبك .. مع ان عمره تعدئ الثلاثين الا ان هالاشياء تعتبر خطوط
حمراء عنده بس شكل هالساره بتحطم كل حدوده
وتخليه بدون عقل

لطيفه : الحمدلله شكلهم تراضو

حميده : يمه وجهي خير عليكم

ابتسمت لطيفه : اي والله خيرر

حميده : وعندي بشاره لتس
امس فرح وافقت علئ تركي

نزلت فرح وهي تصارخ : هيه هيه وش هالاشاعات

لطيفه بفرحه : والله وافقت يارب لك الحمد

وقفت فرح وبتمثيل : يمه مابي اتزوج

حميده : ومن اللي امس قا

ركضت لها فرح وسدت فمها : اوشش يافضيحه

ناظرت لها لطيفه وهي مبسوطه .. دق الجرس وقطع الحرب بين فرح وحميده

دخلت سعاد واكتملت جلستهم ..


فوق بجناحها صحت وهي تتمغط .. تحس بتعب فجسمها سحبت جوالها وفتحت الواتس وشافت فرح تناديها تنزل تحت معاهم ومصوره لها الفطور

مغصها بطنها من الجوع ودخلت للحمام .. اخذت شاور دافي وصلت الفجر اللي نامت قبلها بدقايق ..

ناظرت لبشرتها الباهته .. تحتاج عنايه لازم تنزل لاقرب مشغل وتدلع نفسها زي ايام قبل مع الهنوف ًًٍٍ ..

سحبت فستان ناعم اسود ومعاه جاكيت بنفسجي .. فتحت شعرها بعد ماجففته .. وتركت وجهها بدون اي اضافات .. تعطرت ونزلت

سمعت ضحك فرح وابتسمت ..

ساره بهدوء : صباح الخير

لطيفه : هلا يمه تعالي عندي

فرح بقهر : افا انا لك ساعه تمسخريني قدام العذال وذي تخمينها عندها ذياب يكفي

انحرجت ساره وسكتت

حميده : ههههههههههههههههههههههههه هه اي والله مفروض الحضن لي ولفرح انا زوجي مسافر وفرح توها مادخلت العش الذهبي

فرح بجرأه : وينك ياتركي تعوضني

ماحست الا بالعصا علئ كتفها

لطيفه : ياللي ماتستحين قومي اذلفي عن وجهي

وقفت وهي تسوي حالها معصبه .. وفتحت الواتس وهي تشوف رقمه اللي جابته لها حميده عشان تشوف صور الواتس عنده

جلست بالمطبخ وفتحت الواتس ... ونافخت بعصبيه : خير خير ياتروك مستعرض بوجهك الاشهب انا اوريك بس خل نتزوج والله لاخليك تحط ورده وحرف f

دخلت ساره ومعها الفناجيل تغسلهم ..

فرح بضحكه : هاه تراضيتو

ساره ببرود : لا اصلا من صحيت ماشفته

فرح : ياقلبي علئ المشتاقين بيرجع الظهر وتشوفينه

ساره : اقول جب جب ولا اخلي عمتي تكفخك مره ثانيه وحركت رمشوشها بدلع وطلعت ..

...،،،،....،،،.

ال9 صباحا

فتحت عيونها وناظرت للسقف الذهبي .. سمعت بكاء سامر .. طلعت من السرير وركضت تدوره

شافته تحت آمنه اللي تضربه
سحبت امنه عنه وبصرخه : كم مره قلت لك لاتضربينه

آمنه بدلع بدت تبكي وتولول صعدو البنات وامهم ..

سحبت سامر بحضنها ومسحت دموعه ..

ناظرت لها فهميه بغضب وهمست : افتكرناه موسئ طلع فرعون

وسحبت امنه ونزلت مع بناتها ..

حاولت تتماسك وماتغلط عليها .. تعرف نفسها اذا انفلت لسانها بتصير مصايب مهها كان ذي لها قدر

دخلت سامر الغرفه وابتسمت له : شكلي نسيتك لي فتره من اليوم مابتفارقني .. وامنه ذي بشكيها لابوك ضربها لك مو طبيعي

ناظرت لشفايفه المجروحه باظفر امنه وعورها قلبها .. من متئ يبكي ؟ وليش ماحد دافع عنه ؟ هذا يتيم والله يتيم

سما : شرايك نفطر مع بعض

سامر : اي اي ابي كرون ليكس

ضحكت وهي فاهمته ووصته ينتظرها هنا ..

صلت ولبست قميص بيت .. تحتاج تنزل للسوق وتهتم بنفسها .. لعيون جراحها $

سحبت سامر ونزلت تحت بثقه .. هي متأكده انها مو بغلطانه ومستحيل تتهرب منهم ..

كانو يسولفون من شافوها سكتو ..

ركضت امنه عندها وبفرحه : ماما تقول مابتعيشون هنا

رفعت عينها وناظرت لفهميه اللي متجاهلتها .. نقلت نظراتها للبنات وماشافت اي تفاعل ..

ابتسمت لآمنه وبهدوء : لا بعيش هنا وبنرجع مثل اول واحسن بس ترئ الشيطان شاطر

وقفت فهميه وقربت منها : ماحدش شيطان هنا غيرك .. نسيتي كل حاقه عملتها لك وعضيتي اليد اللي اتمدت ليكي


سما ببرود : انا شسويت مو ذنبي اذا جراح يحبني ؟ انا ماتدخلت بينك وبينه 3 سنوات وانتي اسبوع واحد قرب فيه مني وطلعتي علئ حقيقتك

راقيه : لو سمحتي لاتغلطين علئ امي

سما بصدمه : حتئ انتي ياراقيه ؟ الله ياجرني فمصيبتي

ودخلت المطبخ وتركتهم ..


بدت تجهز الفطور ابتسمت باستهزاء وهي تشوفهم راميين الاكل اللي سووه بالزباله .. شكلهم فعلا اعلنو الحرب

دخلت عاليه وناظرت لها سما ببرود

عاليه بصوت واطي : سموش انا معاك ترى تعرفيني مع الحق دايم

ابتسمت سما براحه : الحمدلله عالاقل صرنا 2ضد 5

عاليه : هههههههههههههههههههه عايشه اكشن انتي

سما بضيقه : تدرين اني احب امك واموت براقيه ؟ والله امس نمت وانا ابكي من الموقف

عاليه : ادري والله .. راقيه تعرفينها عند امي تتغير كل مبادئها .. وامي جاراتها لحسوا عقلها خاصه انها تعلمهم بكل شي يصير هنا

تنهدت سما : والحل ؟ ماقدر اتحمل كذا

جلست عاليه وسحبت صحن سامر اللي عصب وبدا يصارخ

سما : لاحول هيه بقولك شي

عاليه وهي تلحس اصابعها : همم

سما : ترى بزوجك عبدالله اخوي

رفعت رأسها : هاه اناااا !!؟

سما : هههههههههههه اي بس بعد سنه وشرطه تكونين رشيقه

عاليه باحراج : اخاف ماعجبه اخاف من اول شهرين ارجع اسمن

جلست قربها : اسمعيني مابمدح لك اخوي .. بس تراه حنون قلبه طيب وهادي .. عاقل وراعي مسجد وصلاه
وبالنسبه لجسمك من بكرا بخلي نادر يوديك تسوين فحوصات للهرمونات بعدها يحولك لاخصائي تغذيه ينظم جدولك واكلك

عاليه وعيونها دمعت : سما اول مره احد يهتم فيني كذا صح كلكم تبوني انحف بس اكتفيتو انكم تجيبون لي اجهزه وتتركوني لحالي .. وتعرفوني انا قدام الاكل اضعف ابي احد معاي خطوه بخطوه

سما : اوعدك خلال سنه تصيرين مثل جسمي

عاليه بحماس : الله ياليت

دخلت فهميه وناظرت لعاليه بغضب وطلعت ..

....،،،،.....


لطيفه بهمس : ام محسن ارسلي لذياب ان فرح وافقت

حميده بحماس : ابشررررري

نقلت نظراتها لسعاد الصامته : شفيك يابنتي وجهك مو عاجبني

سعاد : لا لا مافيني شي

حميده رفعت رأسها : الا واضح فيك شي ؟ بينك وبين مازن مشكله

سعاد : لا والله مازن مافي اطيب من قلبه بس انا

لطيفه بخوف ضربت يدها على صدرها : شفيك انتي !!


سعاد : انا حامل

لطيفه : وجع خوفتيني الف الف مبروك يابنيتي

سعاد وهي تمسح دموعها : يمه مابي احمل ذياب توه صغير ..

حميده : هههههههههههههههههههه وذا اللي مزعلك ياحبي لك

سعاد : هالشي مو هين .. للحين الحمل وتعبه والولاده وصعوبتها برأسي .. مامداني انسى غير ازعاج ذياب حتى النوم مانامه

لطيفه بعصبيه : احمدي ربك غيرك يدور الضنا مايلقاه .. ذا خير من ربك .. بعدين بقولك شي انا ذياب ارسلك دايم تجيبينه وترفضين ارسلت لك شغاله ورجعتيها .. عايشه كأنك مقطوعه من شجره ماتبين احد يساعدك

سعاد بزعل : يمه انتي عارفتني احب كل شي انا اسويه

لطيفه : بس يابنتي الحياه مشاركه انا ليش عايشه لهالوقت وش فايدتي اذا بس تجين تسيرين ساعه وتروحين

سعاد : الله يطول بعمرك

لطيفه بتنهد : حتى فرح زعلانه منك .. ماقد اخذتيها معاك من يصدق اننا ماقد دخلنا شقتك من جبتي ذياب ؟؟

نزلت رأسها باحراج ..

وقفت لطيفه بصعوبه وهي تستغفر وتهلل وتركتها مع حميده ..

سعاد ودموعها تنزل : انا بايش غلطت ؟

دخلو ساره وفرح وهم يضحكون وناظرو لسعاد .. اشرت لهم حميده يذلفون لكن فرح طنشتها وحضنت سعاد ..

فرح : من مزعل اختي حبيبتي

سعاد : ماحد بس امي قطت علي كلام

فرح وهي تصفق : الحمدلللله اخيرااااا في احد يتهزأ بهالبيت غيري عقبالك ياسوير

ضحكت سعاد على هبال اختها .. وبقلبها غصه من كلام امها

بعد ساعتين


قطع صراخ فرح وضحكها مع حميده دخول ذياب ..

اتجهت انطاره لساره اللي منسدحه على كنب الصاله ونايمه ..

حميده : قلنا لها نامي فوق ورفضت ..

فرح : تراها مشتاقه لك ..نامت هنا عشان من تدخل تشوفك حركات عشاق يعني

ذياب : فرحححح ؟!

سكتت فرح وناظرت لحميده اللي كاتمه ضحكتها ..

ذياب : جوعان حطوا لي غدا

وقفت حميده .. واشرت لفرح اللي عاندتها وهي تراقب ذياب

ذياب بهدوء : فرح روحي معها

فرح : طيب قول ابي اجلس مع ساره لحالي ترى مو بقر حنا

ذياب بتنهد : لسانك رجع يطول ؟

سحبتها حميده ودخلو يحطون الغدا ..

ابتسم وقرب من ساره وباس خدها : حياتي قومي تغدي

فركت عيونها وناظرت له وجلست بسرعه ..

ذياب : تبيني اشيلك للغرفه

ساره : لا لا اصلا جوعانه

ذياب بصدق : والله من شفتك شبعت الله لايحرمني منك

ناظرت له ببرود وسكتت ..

حطو الغدا وتجمعو كلهم مع عيال حميده وسامي ..

ذياب : ذا طبخ ام محسن صح تسلم يدينك والله

حميده : الله يسلمك عقبال ماطبخ تمايم عيالك

ذياب : امين

ناظر لساره اللي تأكل بهدوء ..

ذياب : يمه ترى حجزت لي ولك عشان نروح لالمانيا

فرح بشهقه : وانااااا اصلا ابي اجهز لعرسي من هناك

سامي : بتعرسسسين ؟!

غصت بالاكل وهي تشوف نظراتهم وركضت فوق وهي منحرجه

الكل : ههههههههههههههههههههههههه ههههههههههههههههههههه

ساره من داخلها كانت تحترق .. لهالدرجه ماعندها قيمه بالنسبه له ؟ زعلانه ومتجاهل زعلها وفوق كذا يسحب على شهر عسلهم اللي وعدها فيه ويسافر بدونها

نزلت الملعقه وبهدوء : الحمدلله شبعت

لطيفه : مااكلتي زين

ساره : والله اكلت نعسانه بنام

طلعت لجناحها وهي مكتومه ..

جلست تنتظره وهي مقرره انها تنفجر وتتهاوش معاه .. الذوق والاحترام مانفع فيه

بعد دقايق دخل وهو مستعد لهواشها .. كان عارف انها مابتسكت ومتحمس لهالشي .. برودها وهدوئها ينرفزه

ناظر لها واقفه ابتسم : مشتاقه لي

ساره بحده : لاااااا

ذياب : ههههههههههههههههه طيب هدي حبيبي

ساره : فوق اني زعلانه تتجاهل وجودي وتسافر مع خالتي لاختي لحالكم ؟


ناظرها ببرود ..


قربت منه وهي تنافخ من القهر : فهمنيييي انت شلون تحبني وتعاملني كذا ؟

باس خدها وابتسم : احبك واموت فيك والله

ساره بصرخه : وانا اكرهك ماطيقك

سحبها وحضنها : فديت الزعلانين اللي خلونا ناخذ اجازه اسبوعين ونسافر بهم

ساره : ايش ؟

دخل يده بجيبه وطلع التذكرتين وحطهم بيدها ..

ناظرت له وانحرجت ..

ساره : ليش تحت ماقلت كذا

ذياب : كنت ابيك تصارخين وتطلعين قهرك كله عشان ترتاحين

ساره وهي مبوزه : بس للحين مارضيت

شالها وبروقان : اراضيك يانور عيني بطريقتي


....،،،،،.....

المانيا
6 مساء ..



رجعوا من المستشفى .. وهي متوتره تقررت عمليتها بعد 3 ايام ..

ناظرت لجود المنسدحه والواضح انها تنتظرهم ..

نزلت عباتها وهي تناظر لجود اللي تعلقت برقبة خالد وبدت تتدلع عليه وتحاسبه ليش تركها وليش وليش ..

تجاهلتهم وتوجهت للمطبخ بمساعدة عكازاتها ..

سوت قهوه عربيه .. ومن شمت ريحتها حنت لاهلها ولبيتهم وللسعوديه بكبرهآ ..


دخل خالد وتكتف وناظر لها ..

خالد : والله هالقهوه بوقتها

التفتت له وشافته بشورت ابيض وتي شيرت اورنج


سكتت ومزاجها متعكر .. مع انها قبل لاتدخل هالشقه كانت مروقه واكتشفت ان خالد دمه خفيف وصحبته حلوه ..

قرب منها وباستغراب وهو يأشر على حواجبها المعقوده : تونا كنا حلوين ؟

هاجر : للحين حلوين

ابتسم بارتياح وناظر لجود اللي اقتحمت المطبخ

جود : خلودي ابي نطلع زي قبل لحالنا طلعات رومنسيه

خالد : انا تعبان الحين ودي اتقهوى وبعدها بتمشى مع مجموعة شباب خلبجيين تعرفت عليهم تحت .

ضربت رجولها بالارض : انت من تزوجت هالعله وانت متغير معاي

ودخلت غرفتها وقفلتها ..

حك رأسه وهو يناظر لابتسامة هاجر : توقعت بتزعلين وتعصبين مثلها

هاجر : هههههههههههههه لا والله حركاتها تمتعني ..

ضبطت القهوه واخذت المعمول اللي شروه بطلعتهم وجلسو بالبلكونه ..

لفت على راسها شال احمر .. زادها جمال وجاذبيه

خالد : هاجر تذكرين لما كنا صغار كنتي تغارين علي من الكل ولازم اوديك لحالك للبقاله

هاجر : كح كح

خالد : هههههههههههههههههههه طيب تذكرين وقت ضربتك نوره ومسكتها وصفقتها لعيونك

هاجر بابتسامه : اي اذكر كنت احسك بطل واي شي تقدر تحله وكنت اهدد بنات المدرسه فيك

خالد : للحين بطل بس جربيني

ابتسمت بهدوء ..

ناظر لها وهو وده يسولف بعد .. لكن فضل انه يتأملها .. ذكرته بالغجريات بشعرها الاجعد وعيونها العسليه ..

هاجر بطفولته كانت شي خاص بالنسبه له .. يمكن لانها كانت تلجأ له لازعلت ولا فرحت عكس ساره اللي تاخذ حقها بيدها ..

بدون شعور : اشتقت لامي

ناظرت له وسكتت ..

خالد : والله ياهاجر اني ندمان اني رحت بدونها خالي امس كلمني يقول ماتأكل الا بالعله هي متعوده تأكل من يديني وتنام وانا اسولف عليها

هاجر : طيب خل خالك يجيبها

خالد : لا انا شكلي بنزل واجيبها مع ممرضتها .. ماني مرتاح بدونها وحنا تو ماصار لنا اسبوع

هاجر : تصدق اول مره احسك حنون

خالد : اخيرا احد حس

وغمز لها وابتسم .. دق جواله ورفعه وهو متحمس

قرب لها وبعدت بخوف .. سحب ذقنها وباس خدها برقه : تسلم يديك على القهوه

وطلع وتركها غرقانه باحاسيسها ..

بالغرفه كانت منسدحه علئ بطنها وتبكي .. والجوال بيدها

جود : مخنوقه ياخاله مخنوققققه

ام حسن : انتي شفيك الحين ؟! التعب والضيقه ماتصلح لك وسعي بالك وخالد يكفي انه عادل

جود : اصلا ماينام معاها

ام حسن : بعد ؟ ومتضايقه ليش اجل . ترئ الرجال مايحب الحرمه النكديه

جود : والله لو القتل حلال لاذبحها .. ذي كابوس اسود ودخل حياتي والمصيبه تسوي حالها بريئه ..

ام حسن : قومي صلي ركعتين وارتاحي

قفلت جود وهي مكتومه .. طلعت تدورها ولقتها تكلم

وقفت قدامها وناظرت لها بكره

هاجر ببرود : يلا نوره اكلمك بعدين بوسي لي امك والله مشتاقه للقيمات اللي تسويهم .. فأمان الله

قربت جود منها وبصراخ : انتتتتي ماعندك دم ،؟ دخلتي حياة الرجال عشان يعالجك ولا عمتك اللي طلبته وترجته يوافق ماهمك ان حياته اللي يحبها تخرب .. لو عندك دم تدقين علئ خواتك وترجعين بأول طياره
وعمرك مامشيتي


تجاهلتها جود ومن داخلها مقهوره .. هي تدري انه انجبر لكن انها تنقال فوجهها كذا غير ..

جود وهي تسحب يدها وتوقفها : تكلمي تهاوشي معاي لاتسكتين

هاجر بهدوء : خايفه علئ خالد ؟ طيب حتئ انتي مريضه مثلي ومو احسن مني وجايه هنا تتعالجين يعني كلنا زي بعض

جود : ياوقحه شقصدددك يعني تعايريني بمرضي

هاجر : انا اخر وحده ممكن اعايرك بمرضك ويعلم الله ان كل مادعيت لنفسي دعيت لك ..

جود وهي تصفق وبقهر : تبيني اموووت وتاخذين ولدي وزوجي .. والله والله ماخليك تتهنين والله لاتندمين انك ارتبطتي بخالد

ودخلت الغرفه وهي تبكي بصوت عالي قطع قلب هاجر ..

سحبت جوالها ودقت علئ خالد وهي خايفه يصير لها شي ..

...،،،،،......،،،،

محسن : سامي شفيك يلا نروح لبيت عمي

سامي : لا مابي اروح ذياب يعصب لازم استأذن منه

حسن : افا ليش انت مو رجال ؟ مشينا مشينا بس

انحرج منهم وراح معاهم

دخلو الدوانيه وشاف الشباب الصغار كلهم موجودين .. اغلبهم يكرهونه ويعايرونه باللي صار له ..

تعكر مزاجه وهو يشوف عبدالاله ولد عمه يقرب منه ..

عبدالاله بخبث : سامي تعال نشتري دخان من البقاله

سامي : لا مانيب رايح خذ اي احد ثاني

محسن : شكله مايدخن الورع

الكل : ههههههههههههههههههههههههه ههههههههههههههه

وقف وطلع ولحقه عبدالاله : افا من زعل حبيب قلبي

سامي بتقرف : انتبه لكلامك

عبدالاله ويده تمسك يد سامي : ابشر انت تامر امر

دفه سامي لكن عبدالاله اكبر منه واضخم ..

حاول يتحرش فيه وهو يتلفظ عليه الفاظ قذره ..

عبدالاله : تسوي نفسك ماتحب هالحركات وانت اختفيت مع اسماعيل يومين يالحلو

سامي ودموعه خانقته : قسم لاعلم ذياب لو قربت مني

عبدالاله : ههههههههههههههههههه فديت الدلوع انا

قطع عليهم دخول محسن وبعصبيه سحب عبدالاله وضربه ضرب مع انه اصغر منه .. لكن الموقف وقف الشعر برأسه

جو العيال وفكو بينهم .. وسامي ركض لبيتهم اللي يبعد كثير عن هنا

لحقوه محسن وحسن بسيارتهم

حسن : ليتنا ماخذناه الله ياخذه هالعبدالاله الكلب

محسن وشماغه علئ اكتافه وبقهر : ماتوقعت انهم انذال كذا شفت كلامهم وتلميحاتهم عنه ..حنا السبب


حسن : وقف وقف هذا سامي

وقفو وتجاهلهم ..

محسن : قسم ان ماوقفت بدق علئ ذياب

ركب سامي وهو ساكت ..

وصلو للبيت ..وشافو ذياب وتركي واقفين ويضحكون

عقد حواجبه ذياب وهو يناظر للساعه 11 من متئ سامي يغيب عن البيت هالوقت ..

دخل سامي ووجهه احمر ..

ناداه ذياب وتجاهله .. ركض لغرفته وقفلها

جلس بالزاويه وشريط ذاك اليوم ينعاد عليه ..

وقتها كان عمره 9 سنوات .. وكانو مخيمين كل آل سعيد

راح هو وعيال عمه للمخيم اللي جنبهم ..ولعبو هناك ولانه حس بالجوع قرر يرجع لحاله وقبل لايوصل للخيمه شاف واحد يناظر له ومعاه قفص طيور ..

اسماعيل : تبيهم

سامي بفرحه : ايوه ايوووه ابيهم

اسماعيل : اجل شرايك اعطيك قفصين بس واحد لازم نجيبه من استراحتي اللي قدام

سامي ببراءه : بروح اشوفهم معاك

راح معاه وهو مبسوط .. بيقهر حسن ومحسن وفرح

نعس وهو يحس الطريق طويل ..
تثاوب : الحين اهلي يدوروني خلاص برجع

اسماعيل : لا لا هذا هي الاستراحه بها طيور وحمام وكل شي بيعجبك

نام قبل لايوصل للاستراحه وماصحئ الا وهو مرمي عند المخيم ..

يتذكر صراخ اهله .. اغماء امه :: انهيار خواته ..: عصبية ذياب ..،، يتذكر تفاصيل ذيك اليومين

ونظرات الشفقه من عمامه .. ونظرات الشماته والاستهزاء من اولادهم

من ذاك اليوم انقتلت براءته وطفولته .. وانتشرت قصته بالهجره اللي ساكنين فيها ..

اول شي سواه ذياب نقلهم لحايل .. وقطعه عن الناس .. وكل سنه بمدرسه جديده .. وفرض عليه قوانين وياليت بس عليه علئ البيت كله .. هو سبب حزن اهله .. دموع امه فالليل .. صمت سعاد .. تهور وعصبية فرح .. وقسوة ذياب


سمع طق الباب وصارخ : اتركوووني لحالي

لطيفه بشهاق : يايمه بس بشووفك طمني

تجاهلهم وغمض عيونه ونام ..



سحب الرشاش ذياب وسط صراخ ساره وامه وخواته

حميده وهي تلطم : تعوذ من ابليس ياذياب

ذياب وعروقه بارزه : قسم ماراح اخليه .. صفق يديه بقهر وعجز من حال اخوه اللي يعتبره ولده ..

طلع وناظر لتركي المقهور اكثر منه .. من علمهم محسن وهم بحالة غضب كبيره ..

تركي : هاه نروح

ذياب : يلا شغل السياره

....،،،،.......

نادر بعصبيه : يلا انزلي تعشي معنا

سما وبحضنها سامر : اقولك الكل كارهني وتبيني اقط وجهي ،؟

نادر : خاله كل شي اسمح فيه الا هالشي ..وش صار لكم كنتم مضرب مثل

سما : مدري مدري واللي يقهر ابوك ولااهتم

نادر : ابوي مايحب سوالف الحريم انتي عارفته .. عشاني انزلي

تأففت وقامت معاه ..

نزلت وشافت الكل متجمع .. تكذب لو قالت ماحنت لايامهم وسهراتهم ..

شافت جراح يضحك علئ سوالف امنه ومن شافها اشر لها تجلس بقربه ..

تجاهلته وهي مالها خلق مشاكل اكثر ..

عقد حواجبه وهو مستغرب ..

امنه : يبه امي تقول

فهميه بصرخه : ماتسكتي يابت ؟

جراح : اتركوها تتكلم شقالت امك

امنه : قالت ان خاله سما وسامر بيسكنون فبيت لحالهم

جراح بهدوء : اها

رفعت رأسها تنتظر تعليق اقوئ ؟ تنتظر مسانده ؟ تنتظر يحس بموقفها ونظراتهم لها

وقفت وبهدوء : الحمدلله شبعت

دخلت غرفتها وهي مصدومه من هالجراح .. اي حب يتكلم فيه وهو مايحس فيها !!

انفتح الباب ودخل وهو مروق : هلا بحبيبتي الزعلانه

سما : وبسس !!

قرب منها وسحب يديها : اذا تبين احطك فبيت ابشري من عيوني

تركت يديه وهي تحاول ماتنفجر

سحبها له وبهمس : احبك واحب عطرك

دفته بقوه

وقف بغضب : شفيك !!

سما بصراخ : شفيني ؟؟ ماتدري شفيني حطيتني بموقف صعب ولاهمك كل اليوم واعصابي علئ نار ولاهمك كل اللي يهمك ليلتك كيف تكون

جراح بهدوء : سما تعوذي من ابليسسس

سما : ماني متعوذه انت مريض قسسسم مريض ولا بتحطني فبيت وانت تدري اني احب الكل هنا تبيني اتركهم هذا الحل عندك

مسك يدها وقربها منه وبغضب : انا مريض ؟؟

هزت رأسها ودموعها خانقتها : اي انت ماهمك غير ليلتك اللي تاخذها مني

جراح بقهر : وانا اللي كنت مخطط اترك كل ماضيي وابدا من جديد معاك .. بسبب زعل نسوان ومشكله تافهه تجحديني ؟

سما : لاتذلني بسالفة حقدك اصلا انا انهيته بنفسي ومع فرح قبل لاتنهيه

انتبهت لزلة لسانها وناظرت لنظراته الناريه : انا انا ماقصد

جراح بصرخه : وش سويتي !! تكلمييييي


....،،،،،،،،.......

دخل خالد وهو متوتر من مكالممة هاجر ..

ناظر لجود المنسدحه على السرير ووجهها ازرق

صارخ : هاجر دقي على الاسعاف

ركضت بدون عكازات وطاحت على فمها اللي نزف من قوة الضربة ماهتمت وزحفت وسحبت جوالها ودقت على الاسعاف وهي ترجف ..

تذكرت تفاصيل ذيك الليله ..


يومها ازعجت امها وابوها انها تبي اغراض من المكتبه
كان يوم خميس واجازه .. ولانهم مدلعينها وافقو بسرعه ركبت السياره وهي مبسوطه على سوالفهم

ابو موضي : انا اقول بتطلع دكتوره

ام موضي : لا لا هاجر دلوعه ان شاءالله تصير مدرسه

قربت وجهها منهم وبحماس : انا بصير فنانه

ابو موضي : هاه

ضحكت وكملت : يبه اقصد رسامه

ام موضي : براحتك المهم نشوفك ناجحه انتي وخواتك

رجعت لكرسيها وماسمعت الا صرخة امها ..

شافتهم وهم يتشهدون .. وشافت الناس متجمعه عليهم اللي يصور واللي يدعي لهم واللي يناظر لها بشفقه وهي مو قادره تحرك جسمها .. اغمى عليها وصحت بعد اسبوع وكل حياتها مقلوبه تحت ...


رجعت لوعيها وصارخت
: خالد والله بتموت شكلها بتموت

سمعت طق الباب وشافت خالد يركض ويفتحه .. دخلو الاسعاف وهي مو متغطيه نست نفسها ونست كل شي ومافيه بعيونها الا جود المرميه بلا حركه على السرير



....... انتهى .....



فديت اللي ينتظروني والله ..، يارب يارب يعجبكم البارت ويرضيكم ..

ابي منكم هالمره تحليل لشخصيات روايتي .. اختارو اي شخصيه وحللوها .. سلبياتها / ايجابياتها /

وتأكدوا مافي احد كامل حتى اللي نشوفه سيء فيه جانب رحمه وخير ..

ابي مواهبكم بالتحليل حبايبي وتوقعاتكم ..!!

❤ دمتم بأفضل حال ❤




لامارا غير متواجد حالياً   رد مع اقتباس
قديم 02-05-16, 12:32 PM   #38

شموخي ثمن صمتي

? العضوٌ??? » 179150
?  التسِجيلٌ » May 2011
? مشَارَ?اتْي » 2,118
?  نُقآطِيْ » شموخي ثمن صمتي has a reputation beyond reputeشموخي ثمن صمتي has a reputation beyond reputeشموخي ثمن صمتي has a reputation beyond reputeشموخي ثمن صمتي has a reputation beyond reputeشموخي ثمن صمتي has a reputation beyond reputeشموخي ثمن صمتي has a reputation beyond reputeشموخي ثمن صمتي has a reputation beyond reputeشموخي ثمن صمتي has a reputation beyond reputeشموخي ثمن صمتي has a reputation beyond reputeشموخي ثمن صمتي has a reputation beyond reputeشموخي ثمن صمتي has a reputation beyond repute
افتراضي

شـكــ وبارك الله فيك ـــرا لك ... لك مني أجمل تحية .

شموخي ثمن صمتي غير متواجد حالياً  
التوقيع
[SIGPIC][/SIGPIC]
رد مع اقتباس
قديم 02-05-16, 02:46 PM   #39

عبيركك

نجم روايتي وفراشة الروايات المنقولة

 
الصورة الرمزية عبيركك

? العضوٌ??? » 308350
?  التسِجيلٌ » Nov 2013
? مشَارَ?اتْي » 7,127
?  نُقآطِيْ » عبيركك has a reputation beyond reputeعبيركك has a reputation beyond reputeعبيركك has a reputation beyond reputeعبيركك has a reputation beyond reputeعبيركك has a reputation beyond reputeعبيركك has a reputation beyond reputeعبيركك has a reputation beyond reputeعبيركك has a reputation beyond reputeعبيركك has a reputation beyond reputeعبيركك has a reputation beyond reputeعبيركك has a reputation beyond repute
افتراضي

فهميه شو هل الغيره الي ركبت براسها نسيت سما ومعاملتها الهم وجراح بعد ماحصل على سما شكله اطمن انه ضمنها وصار ماهامه شى واكيد منتبه لتغير الكل مع سما ومعاملتهم السيئه الها وحقدهم عليها الي خلاها تنفجر بجراح وهذا شى هي غلطت فيه لانها لازم ماتفضلهم عليه لانهم ظهروا على حقيقتهم معها وبينت فهيمه اديش انانيه وبدها جراح بس الها وسما لازم تخلي جراح دائما بصفها موتخسره وهلا ء من عصبيتها فضحت حالها وانها خربت موضوع فرح بعتقد جراح حيتصرف بعنف معها وحترجع امورهم تتازم \\\\ذياب بالرغم من قسوته وغضبه السريع ولكن قلبه طيب وحبه لساره كبير ومنيح انه فكر يصالحها ويسفرها لعند هاجر بس ان شاء الله ما يكون لقائها بخالد اله تبعيات سيئه على حياتها \\\\فرح اخيرا رضيت بتركي واعلنت موافقتها هل سيتم الزواج ام جراح سيقف بطريقهم \\\\سامي مؤلم وضعه هل تم اغتصابه بشكل كامل واضح من معامله ذياب وخوفه عليه ان الامر حصل المني معايره الناس له ماذنبه وهوطفل امام شذوذ رجل بالغ استباح مالعنه الله \\\\\جود وغيرتها العمياء التي ستقضى عليها بالرغم من تطنيش هاجر لها ولكنها اصبحت كالمجنونه وتريد ابعاد هاجر عن خالد باي طريقه وهذا ولسه خالد مالمسها البارت حلو شكرا لك وشكرا لامارا

عبيركك غير متواجد حالياً   رد مع اقتباس
قديم 02-05-16, 03:37 PM   #40

em esoos

نجم روايتي وفراشة الروايات المنقولة

 
الصورة الرمزية em esoos

? العضوٌ??? » 167417
?  التسِجيلٌ » Mar 2011
? مشَارَ?اتْي » 752
?  نُقآطِيْ » em esoos has a reputation beyond reputeem esoos has a reputation beyond reputeem esoos has a reputation beyond reputeem esoos has a reputation beyond reputeem esoos has a reputation beyond reputeem esoos has a reputation beyond reputeem esoos has a reputation beyond reputeem esoos has a reputation beyond reputeem esoos has a reputation beyond reputeem esoos has a reputation beyond reputeem esoos has a reputation beyond repute
افتراضي

يعني يا سما كان مسكتي اعصابك شوي. ولا تفكري انه سهله على فهميه. انها تشوفك ملكتي قلب زوجها. وهب كانت تفكر انك تكرهيه. وانك بس عشان تربي اولاد تختد لانك انتي اللي صرحتي بالهالشي. بس معك حق. انها هيك تغيرت معك. والاكيد شافتك صغيره. وحلوه وسرقتي قلبو لجراح. ومن زن الحارات هي تغيرت بطلت تشوف فيكي. خصله منيحه وانك معهم. زي بناتها وبتحبيها وتحترمينها كثير. كمان البنات من صوب امهم. لانه يشوفها حزينه ومقهوره وبفكرو فيكي انك تنبشي مشاكل. وبالنسبه لحراح يمكن حاسس او شايف الوضع وبد اياكي تتحملي لانك صرحتي بحبك الو بس راح يتغير معك بع زلت اللسانك باللي عملتيه
وسامي. ما زال عنده عقده نفسبه. وابن عمه الكلب الوسخ بدو يستغل هاي النقطه فيه لرغبته الوسخه. وما الوم ذياب لو راح كسر راسه
واخيرا فرح اعترفت. انها بدا. تركي بعد ما شافتو هههههه
هاحر طلعت اصيله وحنونه على جود واحسن منها لانه حست بيها وبتعبها. وتذكرت اهلها من صار معهم الحادث. بس جود زودتها. ورايحه تخلي خالد يميل اكتر لهاجر من غيرتها اللي مالها حد تسلمي احلا كاتبه.
وشكرا لاحلا ناقله. يا. سكره. فيتامين. ولامار


em esoos غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 06:16 PM



Powered by vBulletin®
Copyright ©2000 - 2024, vBulletin Solutions, Inc.