30-04-16, 01:09 PM
| #23 | ||||||||
| مراقبة عامة ومشرفة منتدى الروايات المنقولة  
|  السلام عليكم مع الاسف مافيه بارت هالاسبوع ابدا و راح اوقف كتابة هالفترة عشان الاختبارات النهائيه لازم اتفضى لها و اجيب نسبة حلوة و اضغط على نفسي بالمذاكرة اتمنى تتفهموني و تقدرون اني بالثانوي و صعبه حيل ، راح ارجع لكم بقوة بعد الاختبارات النهائية و راح اعوضكم بثلاث بارتات بعد ما اخلص . اتمنى ما تزعلون حبايبي مني. استودعتكم الله. عالية | ||||||||
|  |
|
30-04-16, 04:18 PM
| #25 | ||||
| بسم الله الرحمن الرحيم السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه أجمعين شـكــ وبارك الله فيك ـــرا لك ... لك مني أجمل تحية . موفق بإذن الله ... لك مني أجمل تحية . | ||||
|
| |
|
05-06-16, 04:09 AM
| #27 | ||||||||
| مراقبة عامة ومشرفة منتدى الروايات المنقولة
| السلام عليكم ورحمة الله وبركاته اول شي وحشتوني و اشتقت للرواية): ثاني شي ابشركم جبت ٩٦ و تخرجت من الثانوي الحمدلله. + شكرا ما قصرتوا ردودكم اسعدتني و دعائكم لي): . " " " " البارت التاسع في مطار الملك خالد الدولي بالرياض.. سند طالع بنظرة للمطار : ما تغيرتي يالرياض اخ يا شوقي لك خمس سنين بلاك يا وجع قلبي عليك يالرياض دق جواله رد بهدوء : هلا ابرار … الحمدلله وصلت … لا بروح الحين عندهم و بإذن اللي ما تنام عينه انا عندكم و هم معي … فمان الله و صلي سلامي للغوالي لبس نظارته الشمسية و راح للمواقف و كان بإنتظاره سيارة تابعة لشركاتهم ،، ركب سند مد له ورقة : الله يعطيك العافية على هالعنوان روح له السايق هز رأسه بمعنى طيب.. ___________ في شقة مشاري مشاري بإبتسامة : سمية انا بروح للعمل متى تروحين الجامعه؟ سمية بعد ما رشفت الحليب : على الساعه 1 الظهر و اطلع 2 ونص مشاري طالع بساعته : ع كذا ما بقدر اجيبك ، عادي لو تنتظريني لين 3 سمية بضيق : شرايك لو اروح مع امتنان و المها؟ مشاري بعصبيه : لا يا سمية تركنا هالبيت بخيره و شره بضغط ع نفسي اخلص بسرعه و اجيك اثنين ونص سمية سكتت: ابشر باس راسها و طلع.. _____________________ بنفس هالوقت كانت سيارة مشاري طالعه و سيارة سند داخلة للحي.. فتح الباب و نزل بعد ما نزل نظارته الشمسية و اعطى نظرة للمكان ثم توجه للشقه مع المصعد (اللفت او الاصنصيل). دق الباب مره مرتين ثم فتحت الباب بنت يشهد البدو على جمالها و عيونها الوساع الكبار تناظرني بفجعه ثم سكرت الباب بقوة.. تعوذ من الشيطان و دق مرة ثانيه وصله صوت من ورى الباب سمية بعصبيه : مين انت و وش تبي؟ سند تنرفز بس سكت : مشاري بالبيت يا بنت سعود؟ سمية ترددت برأسها بنت سعود و كيف ما تتردد و هو مافيه احد يناديها بهالاسم او يربط اسمها مع اسم ابوها " سند : انا اتكلم يا بنت مشاري بالبيت ولا لا؟ سمية صحت من سرحانها : لا مب موجود من انت؟ سند : ولد عمك سند متعب ال وايل سمية انلجمت لا انفجعت ما توقعت ابد ابد ان بيوم بتقابل او تسمع عن احد من اهل ابوها او بالاصح اهلها لا شعورياً نزلت دمعه و بحدة : ما عندي عيال عم ولا لي كلام مع رجال غريبين كأنك تبي تتكلم رح و تكلم مع اخوي سند عقد حاجبيه : واخوك وينه؟ ____________ ____________ ف بيت الوافي الوضع متكهرب صراعات بين عليا و الجدة و سالم و بالجهة الثانية تفكير عميق من جهة المها و بزواجها الغريب او المزعج ، لكن الخبر الفاجع لابد انه يجي مهما حصل.... دق تلفون البيت اكثر من مرة لحتى طفشت امتنان و ردت : ألو رد بصوت متردد : السلام عليكم هذا بيت ال وافي؟ امتنان استغربت : و عليكم السلام ايه بيت الوافي وش بغيت؟ هالمرة تردد اكثر لكن تكلم بحدة : وين عل…… اقصد سالم الوافي امتنان : طيب انتظر راحت بتأفف تنادي عمها ثواني و رد سالم : الو السلام عليكم غمض عيونه بقوه ثم : و عليكم السلام سالم سكت هالصوت يعرفه : مين معي سعود : معاك سعود الوايل سالم بهدوء و بحذر : هلا والله سعود : بجي السعودية قريب سالم بهدوء اكثر : الله يحيك الدار دارك و بالنهاية هي وطنك سعود تنرفز : انت تعرف ليه بجي سالم ببرود : ابد و حتى ما يحتاج اعرف ليه هذه ديرتك سعود بعصبيه : بجي باخذ عيالي يا سالم سالم : تقدر تشوفهم بأي وقت يا سعود الوايل سعود عض شفايفه بقوة و بعصبيه : مو جاي اشوفهم جاي اخذهم للابد ولا حتى نظرة بتشوفهم سالم بهدوء : الله يحيك بالسعودية بتنور والله نتكلم بالامور ذي لامن جيت انا وياك و عليا و مشاري و سمية فمان الله و سكر بهدوء صارخ بألم هو ما تخيل عمره بهالضعف و التردد و العجز ! يحس انه مختنق من كل هالبشر حتى عياله ما يبي يشوفهم و يضعف او كيف بيشرح لهم ليه تركهم و يعلمهم الحقيقة المُرة! هو نادم الف مرة ، كيف كان و كيف صار هالمثل ينطبق عليه كان سعود الوايل كل العرب تهابه و تحترمه كان الرجل الصادق القوي اللي ما احد يطوله بالشجاعة لكن كيف صار؟ صار الرجل المهزوز اللي هاجر ديرته و هاجرت وراه عايلته انسان بلا ثقه بنفسه نادر ما يعصب هادئ. " دنيا " ______ ______ اما عند سالم اللي توتر مجرد تخيل انه بيفقد احد من عيال اخته وتره وخلاه يخاف.. امتنان بنظرة : عمي وش فيك؟ اللي دق قال لك شي كدرك؟ سالم : ها ! لا لا ما فيه شي تطمني قام ثم قعد ع الكنب ثم قام بإستغراب امتنان بنظرة شك : عمي متاكد مافيه شي؟ وش بلاك سالم بهدوء طلع من البيت متجاهلها امتنان بخوف : الله يستر بس. _________ وقف السيارة و بدا يدور ضرب راسه بخفة : يالله كيف نسيت جوالي رجع على وراء بالسيارة و رجع للشقه سند : واخوك وينه؟ مشاري بعصبيه مسكه من كتوفه : انا اخوها وش بغيت؟؟ سند ابتسم و بعد يدين مشاري عن كتوفه و مد يده يصافحه : السلام عليكم يا مشاري انا سند الوايل ولد عمك مشاري صافحه بحدة : يا مرحبا لكن وش بغيت سند بإبتسامة : افا ما راح تدخلني البيت؟ مشاري فتح الباب بالمفتاح و بصوت عالي : درب تفضل دخل المجلس المتواضع و جلس : كيفك يا مشاري عساك بخير انت واختك؟ مشاري : بخير و يا ليت تدخل بالموضوع بسرعه سند هز رأسه : سمعنا بأن ال وافي طردوكم من البيت و جاي اخذ حق عيال عمي و اردهم معي لقطر مشاري بحدة : وانت بأي اساس جاي؟ ولد عمي يعني وش؟ بعد كل هالسنين؟ سند بحدة اعلى : حنا قرايب هذه الصلة و عمر الظفر ما يطلع من اللحم مشاري : صلتك هذه بلها و اشربها ، و انت اصلا ليش جيت؟ وين اللي يتسمى ابونا يجي بدال ما يرسلك ولا اقولك رح تؤكل ولا اشوف احد منكم سند : يا مشاري لا تعاند حنا مب بزران ، امش انت واختك تعرف ع ابوك و اهلك قطع الرحم صفة شينة ياخوك مشاري بحدة و عصبية : من غير مطرود يا ال وايل اطلع بكرامتك ولا عيني تشوفكم سند وقف و حط كرت على الطاولة : فمان الله يا مشاري فكر زين و هذا رقمي اتصل و ابشر بعزك مشاري سكر الباب بقوة : مع السلامه جت سمية بعصبيه : وش يبي؟ مشاري بضيقة : يبينا نروح للي يتسمى ابونا و ما نقطع الرحم و من هالحكي لكن معصي سمية بهدوء : حتى ما كلف على نفسه و جاء يا مشاري!! لهدرجة مب عاجبينه راسل ولد اخوه مشاري ضمها و باس راسها : انا اكفيك عنهم يا سمية انا اهلك و اخوك سمية بغصة : الله لا يحرمني منك يا مشاري الله لا يحرمني منك ___________________ ___________________ ف بيت الوافي فاطمة جلست بعصبية : انا بنجلط من هالبنت اقول امشي نقضي لزواجك تتحجج بأي شي و المشكلة ما عاد بقى غير اربعه ايام و حنا ما سوينا شي ابد عليا : هدي يا فاطمة كل شي بيصير زين بس روقي غير كذا فستان المها طلبته لي اسبوع بكرة بإذن الله يوصل و نقيسه عليها فاطمة بتوتر : و الكوافيرة؟ للان ما حجزت و اكيد ما فيه حجز الحين خصوصا اننا نهاية السنه و الناس بتختبر ثم يجي موسم الاعراس سارة : قضينا من الكوافيرة حجزت انا و مزنه ارتست مشهورة و شغلها يعجبك فاطمة : والنقاشه؟ اكيد بترفض و ماتجي وش بسوي الحين الجدة هزت بعصاها : والله ان ما قضبتي فمتس يا فطيمة ان احط هالعصى على ظهرس قلنا لتس كل شي جاهز و قاضين من زمن فاطمة بحزن : يا عمه اول عرس لعيالي و عرس بنتي الوحيدة اكيد بأتوتر و اشيل هم الجدة : اجلسي و هدي لامن جاء العصر خذي بنيتس و روحن السوق فاطمة : ابشري ياعمه " " في غرف امتنان و المها قدام المراية كانت تحط الروج الاحمر بدقة على شفايفها المليانه نزلت الروج و طالعت بلبسها برضا ، لفت على صوت امتنان الساخر امتنان بنظرة : المها ما كأنك كاشخه زود؟ تراه كله اختبار و تمشين.. المها بإبتسامة : وش اسوي انا انسانه اروق واحب البس و اكشخ وقت الاختبارات امتنان لفت الطرحة عليها : بأفقدكم والله ، سمية و راحت الله يستر عليها و انتي كلها كم يوم و تلحقينها المها بإبتسامة : امتنان لا تضيقين خاطري قاعده احاول انسى و بعدين الريم و نجود و العنود و اسماء موجودات امتنان بنظرة : بس انتي و سمية غير عنهم ، اسماء صح انها طيبة البنت و فلة لكن عيبها حبها لرابح المقزز و الريم بعد طيبه لكن هادية و عنود بزر و نجود مدري يمكن ترجع لزوجها بعد المها لبست نقابها : تكه و اصيح عندك اصلا فكرة اني ابتعد عن هالبيت كنت مستبعدتها خصوصا بهالعمر يعني مثلا انا كنت مخططه ما اتزوج الا بنص الثلاثين او ما اتزوج اعيش حياتي لكن راجح ما قصر هدم كل احلامي امتنان بعد ما ضبطت نقابها اخذت شنطتها و : الله يهديه بس امشي قبل محمد يذبحني اسماء بعصبيه فتحت الباب : بنات ساعه تلبسون محمد تحت سفل فيني لين قلت بس يالله قبل نتأخر على الجامعه المها : هالمحمد دايم دمه حار الله يعين اللي بتاخذه امتنان : اخوي وانا ادرى فيه الله يعينها الف مره ضحكوا البنات و نزلوا ___________________ ___________________ بعد مرور اربع ايام مرت اربع ايام و كأنها اربع ثواني تقريبا خلصوا اختباراتهم البنات و بقى اخر اختبار و يودعون الجامعه للابد اللي هو بعد زواج المها مباشرة..، سند رجع لقطر بعد ما خبرهم برفض مشاري ...، سالم متوتر من موضوع سعود اللي شاغله من يوم اتصاله ....، عايدة تركها راجح بالفندق ولا جاها ابد ...،" اما الباقي احداث روتينية " اليوم المنتظر " زواج الكايد و المها ". الساعه 5 العصر تجهز الكل الا عروستنا اللي !!!! عند باب الحمام "الله يكرمكم" فاطمة اللي شوي و تبكي ويسيح مكياجها : المها تكفين اطلعي حرام عليك تعذبيني اطلعي خلي المره تزينك المها من ورى الباب : يخسي اتزين او اكشخ له منيب طالعه ولا بروح معه بقعد هنا فاطمة مسكت رأسها بتعب : حرام عليك يا مها حرام تعبتيني يا امك قومي عشان خاطري الجدة بعصاها تدق الباب بعصبية : يالمها لو انتس ما تبينه كان ما وافقتي عليه قومي حرام عليتس ذبحتي امتس امتنان بضيق : عمي سالم جاء سالم بعصبيه دق الباب بقوة : المها اقسم بعزته و جلالته لو ما تطلعين لأقلب يومك نكد اطلعي لا تفضحينا دامك ما تبينه ليه وافقتي ها؟ المها بدموع : ما ابي اطلع يا عم خلني بحالي سالم رفع صوته لأول مره بهالطريقة قدام اهله اللي نقزوا من الفجعه : المها فتحت الباب بخوف و شعرها مبلل و لابسه روب "روز" سالم بنظرة طالعها و راح فاطمة : يا امتنان نادي الكوافيرة راحت مثل ما قالت عمتها """ نزل للمجلس و شاف راجح سالم بعصبيه : راجح ابك انت وش تسوي هنا راجح قرب من عمه وباس راسه و يده : كيفك يا عم سالم : بخير بس وش جابك و مرتك وين راجح تذكرها و بحرج : بالفندق ياعم سالم بإستنكار : نعم !! بالفندق و لوحدها بعد ابك انت صلبي ولا كافر تترك مرتك لوحدها!!! ناوين تجننوني انت واختك؟ قم رح لها الحين نعنبوك راجح : ابشر ياعمي _____________________ _____________________ بالفندق لبست فستان ابيض يليق لاخت العريس و سوت شعرها ويفي و مكياج خفيف وناعم تأملت نفسها ثم مسكت بطنها و مسكت دمعتها لا تنزل سمعت صوت باب خافت و مادرت وين تتخبئ غير كذا وترها صوت خطوات جايه للغرفة خذت فازة و راحت ورى باب الغرفة تتخبئ فتح راجح باب الغرفة يدورها مادرى الا بفازة انكسرت على ظهره صرخ بعصبيه : يا حيوان عايدة ناظرته بخوف : اقسم بالله ما قصدت احسبك عامل والله راجح مسك ظهره بألم و عصبية : لو ما انتي حامل وريتك الشغل سكتت بخوف راجح رفع نظره و تأمل جمالها اللي حرام فيه و بدون شعور : حلوة و حلوة بزيادة اه يا قطع قلبي عايدة بصدمة انحرجت ردت بقوة : تقتل القتيل و تمشي بجنازته هذا انت حطمتني و شف كلامك الحين راجح استوعب كلامه : اسكتي ما ابي اسمع حس لك دامك خلصتي البسي عباتك و امشي نلحق على الزواج عايدة مسكت عبرتها و لبست عبايتها و نزلت معه بصمت ______________ ______________ لبس البشت الاسود و الثوب الابيض و الغترة الحمراء بطوله المبالغ فيه. شاف امه جت و معها البخور ابتسمت لها : الكايد يالله ياامك تبخر عشان نروح للقاعه الكايد بإبتسامة : ابشري يمه حازم دخل بالبشت : ماشاء الله يا ام حازم بخرتي و عطرتي ولدك و انا كالعادة نسيتيني ام الكايد بإبتسامة : نساك الموت يا حازم بس اخوك عريس عقبال ما يفرح قلبي بشوفتك عريس حازم ابتسم بضيق و ما علق ___________________ ___________________ في احد قاعات الرياض الكبيرة دخلت سمية و بأيدها باقة ورد و بوكس اسود ، بفستانها الذهبي الطويل و شعرها الكيرلي المرفوع بطريقة جميلة و مكياجها الناعم عدا روج الاحمر الصارخ نجود صرخت و ضمتها : سمية اشتقت لك سمية ضمتها بقوة : كيفك نجود؟ البنات وينهم نجود : بغرفة العروسة مجتمعين يغيرون جو المها سمية : يالله امشي بسلم عليهم سحبتها نجود معها لغرفة المها بالقاعة نجود بإبتسامة : جبت لكم مفاجأة دخلت سمية بإبتسامة و فرحة : سلام صارخت بفرحة امتنان : وحشتيني سلمت على البنات و اعطت المها هديتها سمية بهمس لامتنان : كيف نفسيتها؟ امتنان بضيق : شوفة عينك البنت متضايقة بالويل خلينها تطلع تتزين سمية طالعت المها بحزن : ما اقول الا حسبي الله على الظالم دخلت عليا و بتعجل : المها حبيبتي بنزفك الحين "لفت على البنات و شافت سمية و بلا شعور صرخت بفرح" سميية يمه سمية غمضت عيونها و ضمت امها : كيفك يمه عليا بعيون ممتلئة دموع : بخير يا عسى شوفتك دوم كيف مشاري؟ سمية بإبتسامة : بخير عليا باست يدين سمية بشوق سمية فكت يدينها من امها : يمه لا تسوين كذا عليا بفرح : يالله يمه المها انزلوا يا بنات و نجود خليك معنا نزلوا البنات لقوا فاطمة و الجدة على الكوشة و مزنه و سارة على الطرف و القاعه ظلام ما فيه الا ضوء مسلط على الباب اللي بتنزل منه المها.. انفتح الباب و تسلط الضوء على المها ثم اشتغلت الاغنية " " يوم أقبلت بقدومها عم السكون واجتمــع في ضيــها كل النهـــار حيــرت عينها عيــون ينــــظرون هـي مـلاك يا ترى أو هي بشـــر تاج الملوك الفاتنه عندي فضول ليه السكـون بطلتــك ساد المدار يوم جيتي صابهـا الصاله سـكون وارتبـك من جيتــك حتى المســار ****** تاج الملوك الفاتنه عندي فضول ليه السـكون بطلتــك سـاد المدار يوم جيتي صابها الصـاله سكـون وارتبــك من جيتــك حتى المـــدار كل الحضــور بطلتــك كانت تقول كيف ليل واطلعــت شمس النهـار كيف لا و انتي بأوصــافك تطــول يا مالكــة عيون المعـازيم باختصار ****** العطــر والــورد ضبــي الجفـــون تجتمـع بأوصافــها ســحر و جـــمال الغنــج و الزيــن و النطق العسول والعيــون الخــرس ورمـــوش خــيال العطــر و الـــورد ضبــي عســـول والعيــون الخـــرس ورمــوش الخيال البخـــور أنفــاسها و الثـــغر لـــول والشذى مـــن روحــها عطــر اللـيال ****** الـمـهـا غيرها ألمـاس ولـول درة عن ألـــــف درة بالكـــــــــــــمال تاج الملـــوك الفاتنه عنـدي فضول ليــه السكــون بطلتـــك ساد المـدار يوم جيتــي صابــها الصــاله سكون وارتبــك من جيتـــك حتى المــــسار ****** زفوا البشاير وارزفو صـوت الطـبول وارفعــو اللــولاش بأصــــوات جهــار للكـــريم دامـــــها بنت الأصــــــول حقـــها ليا أقبلــــت تمشـــي بفخـر بالـــذهب مجد كتب قال الرســول هــامت الأمجــاد هــم أعلى شعــار بالذهب مجــد انكـتب قال الرسـول هامــت الأمجـاد هـــم أعلى شــعار ****** نالهـــا الكـــايـد وهي صعــب الوصول بس ميــــلاد الحبايــب لــه طــــــرب تاج الملوك الفاتنه عنـــدي فضول ليه السكــون بطلـــتك ســاد المـدار يوم جيتــــي صابها الصــاله سكون وارتبــك مــن جيتـــك حتــى المسار " " انتهت الاغنية على جلوس المهـا على الكوشة بإبتسامة دقايق حتى امتلت الكوشة بأقارب و اصدقاء يسلمون عليها. ام الكايد بإبتسامة : المها حبيبتي يالله الكايد عند الباب المها ارتجفت بخوف و سكتت فاطمة ابتسمت : طيب تلبس العباية و تجي .. نجود نادي امتنان و تعالوا نجود : هلا فاطمة : جيبي عباية المها و شنطتها راحت امتنان تنفذ كلام فاطمة سمية بإبتسامة تهدي المها بهمس : المها ابتسمي ولا تخافين هزت رأسها بغصة الريم ببكاء ضمت المها : المها استودعتك الله العنود بدموع : صحيح نتهاوش دايم لكن والله احبك و البيت ملل بلاك اسماء مسكت دموعها : بنات لا تصيحون عند البنت و تنكدون عليها اذا تبون تبكون اطلعوا فوق سمية : ايه والله جت امتنان بالعباية و لبستها فاطمة و مزنه طلعت بهدوء و مسك يدها سالم سالم : المها غالية على قلبي و كأنها وحدة من بناتي يالكايد ان ضريت وحدة من بنات الوافي اللي هي المها صدقني بتلقى الوافي قدامك ، احفضها بقلبك ، عامل زوجتك بما تحب أن تعاملك به من الأنس والملاطفة وتقدير رأيك ولا تأخذك الرجولة إلى الخروج عن ذلك وتذكر قول عمر بن الخطاب -رضي الله عنه- وهو الرجل القوي الشديد:*ينبغي للرجل أن يكون في أهله كالصبي -في الأنس واليسر-فإذا كان في القوم كان رجلا رابح : حط المها بعيونك الكايد بإبتسامة : ابشروا بإذن الله المها بحطها بين عيوني " فتح الباب الكايد للمها اللي ركبت بهدوء " الكايد فتح الباب : فمان الله مشت السيارة و كلن يطالع فيها فاطمة بدموع : استودعها الله _____________________ _____________________ فسيارة الكايد الهدوء يعم المكان مافيه غير عطورهم الكايد قطع الصمت بسخرية : المها بنت الوافي على الكايد ولد الكاظم يا سبحان الله المها طالعت فيه و لفت بسكوت الكايد بإبتسامة : ايه قولي لي وافقتي علي مغصوبة ولا بأتم الرضا؟ المها بضعف سكتت اول مرة تكلم رجل غريب ولا زوجها بعد الكايد بإستخفاف : يحق لك ولد الكاظم تزوجك نسبًا يشرفك المها بدموع : تعقب و تخسي يا ال كاظم انا بنت الوافي الحسن و الدلال اما بالنسبة لنسبك فما يشرفني ابد ناس قطاع طرق و ابوه قاتل ابوي تعقب والله الكايد بصدمة مسك يدها بقوة و لواها شد على سنونه بعصبيه : احترمي نفسك اشياء بالماضي ما تعرفينها لا تتكلمين فيها لأكفر فيك و قطاع الطرق مهب حنا الا اخوك المها سكتت بألم __________________ __________________ اما بالقاعة تقريبا كلهم راحوا ما فيه غير الوافي امتنان : عايدة تعالي معنا فيه لك مكان بالسيارة عايدة بتوتر : لا راجح بيجي الحين اسماء بإبتسامة : عايدة راجح راح من مدة للبيت تعالي معنا امتنان مطت عيونها من وقاحة راجح و سكتت حزنانه على عايدة اللي انصدمت مزنه بحزن على عايدة : يالله ياحبيبتي امشي معنا عايدة هزت رأسها بإنكسار سمية : مع السلامه بنات مشاري ينتظرني عليا ضمت بنتها و ودعتها " " دخلوا البيت الوافي الا و صوت راجح و كأنه مب بوعيه : عايلتي وصلت هههه يا هلا عايدة مطت عيونها بصدمة راجح شاف عايدة و مسكها من ياقة عبايتها : انتي للحين موجودة وش تببببين فيني ……ماععندك كراممة انا اغتصبتك اغتصبتك ياج*** جر شعرها الطويل قدامهم و يضرب فيها سالم بعصبيه مرعبة : راجـــح !! اترك البنت راجح لف على عمه : عمي هذه دمرت حياتي ماهر بعصبيه سحب راجح و ضربه بقوة : يا قليل المروءة انت ما تستحي سالم بعصبيه : ماهر ارمه برى و تفاهمي معك بكره طلعوا العيال و سالم عشان ما يحرجونها فاطمة ضمتها بشفقة : يا حبيبتي لا تبكين عايدة بدموع : بموت بطني يا خاله الجدة : وش فيتس ؟ عايدة ببكاء : انا حامل ودوني المستشفى تكفون اااه الجدة بريعه : يا سالم يا فهد الحقونا ___________________ نهاية البارت التاسع. | ||||||||
|
| |
|
05-06-16, 04:13 AM
| #28 | ||||||||
| مراقبة عامة ومشرفة منتدى الروايات المنقولة
| البارت العاشر طلعوا العيال و سالم عشان ما يحرجونها فاطمة ضمتها بشفقة : يا حبيبتي لا تبكين عايدة بدموع : بموت بطني يا خاله الجدة : وش فيتس ؟ عايدة ببكاء : انا حامل ودوني المستشفى تكفون اااه الجدة بريعه : يا سالم يا فهد الحقونا ___________________ ___________________ بالفندق انسدح على الكنب و بشته على الطاولة يفكر مرت ساعه ولا طلعت من الغرفة قام للغرفة دق الباب لا رد لا رد الكايد : افتحي الباب بغير و اطلع ..... الكايد بتعب : يا بنت الناس افتحي الباب مالي خلق اعصب فتحت الباب لابسه روب طويل ما يبان منه شي و شعرها الطويل مضفرته على جنب و عيونها الوساع متنفخه من البكاء و عنقها اه من عنقها الطويل مرفوع بشموخ و عزة رغم الدموع لكن اصدقكم القول انها مليحة وناعمه مع هالدموع مع ان ملامحها تثبت ان خلف هالدموع جمال تحكي عنه القبايل!! المها بحدة : ما اظن فيه شي بوجهي عشان تطالع فيني اخذ لبسك و اطلع ابي انام الكايد بمغزئ : يعني ما انتي فاضية لي يوه حسافه المها بحدة اكثر : لو سمحت الكايد ابتسم على حدتها اللي وراها ضعف و خوف لكنه ما يقدر ما يتملعن فيها : هو انا ما كنت ابي اسوي لك شي اليوم لكن قدرة الله قوية المها طالعت فيه بفجعه بس ما بينت : انا تعبانه الكايد ابتسم بلعانة : حبيبتي اصير لك دكتور و اشفي جروحك. قرب منها لكنها ابتعدت حتى لصقت للجدار و صارت انفاسهم قريبة قرب منها اكثر و باسها بهدوء ثم شالها للسرير. ^_* _______________ _______________ في الطوارئ الساعه ٣ ونص الدكتور : الحمدلله ما فيها الا العافية مجرد مغص بسيط و هذه تصير فترة الحمل فاطمة بفرحة : يا دكتور الجنين ولد ولا بنت الدكتور بإبتسامة : للان ما تحدد يمكن بالشهر الرابع او الخامس و ممكن وقت ولادته يا خاله فاطمة : الله يجزاك خير …يالله يا عايدة سالم ينتظر تحت عايدة مشت معها بهدوء والانكسار والضعف باين بعيونها.... " " ركبت السياره فاطمة و عايدة سالم : وش قال الدكتور فاطمة بفرحة : الحمدلله ما فيه شي يقول مغص بسيط سالم ابتسم : الحمدلله و مبروك يا عايدة عساه يكون ذرية صالحة و يبرك عايدة بهدوء : امين __________________ __________________ مرت الليلة بخيرها و شرها و اشرقت الشمس تعلن وجود يوم جديد في الرياض بيت الكاظم جالسه على الكنب و حاطه يدها على خدها و تفكر بعيالها اسرار بطفش : يمه دخيلك لا تبكين ارحمي نفسك ام الكايد بدموع : البيت فضى يا اسرار ، عايدة و راحت الله يستر عليها و الكايد تزوج و بيقعد ببيت لوحده هو وحرمته و انتي بتتزوجين اذا مب الحين بكرة و حازم اكيد بيتزوج بنت الحلال و يستقر معها اسرار : يمه انا و حازم هنا و حتى لو تزوجت تحسبيني بخليك ابدن كل ساعه وانا عندك انا و بزاريني اخليك تطردينا ام الكايد ضحكت : اقول اسكتي لا يسمعونا العرب تقولين هالكلام والله ان تصيرين فضيحه اسرار بضحك : بالعكس بصير مشهورة بالقبيلة اسرار و بزارينها جو جو ام الكايد بضحكة : الله ياخذ عدوتس دق جوال اسرار ردت بلهفة : عايدة حبيبتي شلونك عايدة ببكاء : اسرار اشتقت لكم كيفك و كيف امي و حازم؟ اسرار بدموع : حنا بخير بخير انتي كيفك ام الكايد : عطينيياها اسرار : لحظه يمه عايدة : بخير انا و البيبي اسرار مطت عيونها بصدمة : بيبي !! عايدة حامل انتي عايدة ببكاء : ايه حامل اسرار بفرحة : عيودة حبيبتي مبروووك بصير خاله يمه عايدة حامل ام الكايد بدموع فرح سحبت الجوال من اسرار : يمه حبيبتي عيودة عايدة بدموع : يمه اشتقت لك يمه ام الكايد ببكاء : انتي كيفك؟ صدق حامل انتي عايدة بكت زيادة : بخير ايه يمه حامل ام الكايد بدموع ابتسمت : مبروك يا حبيبتي مبروك تعالي اليوم تكفين عايدة : ان شاء الله يمه ام الكايد بحنية : محتاجة شي يا بنتي عايدة : ما ابي الا شوفتك ام الكايد : اه يا قلبي وانا ميته على شوفتك عايدة بكت ام الكايد بإبتسامة : عيودة انا بسكر طيب يا قلبي انتبهي لنفسك و ولدك و زوجك مع السلامه عايدة : مع السلامه ام الكايد ضمت اسرار : بصير جدة يا اسرار باللحظة هذه نزل حازم بإستغراب : مين اللي بيصير جدة اسرار بفرح : عايدة حامل حازم بصدمة : كيف حامل لحظه لحظه بعد كم شهر بخليه يطلقها كيف صار كذا ام الكايد بعصبية : لهنا وبس انت و اخوك تحكمتوا بحياة البنت بزيادة طلاق ما فيه خصوصا ان البنت الحين حامل تبي حياة الطفل تتشتت حازم : يمه هذا الكلب يصير ابو ولد اختي و عمامه الوافي ام الكايد قاطعته : اقطع و اخس يا حازم لو تجيب سيرة الطلاق قدامي او قدام عايدة صدقني بوقف بوجهك هذا تحذيري لك حازم بعصبيه طلع من البيت اسرار : الله يكافينا شره _______________ _______________ بيت ال وافي هدوء بهدوء كلن افطر و راح لشغله امتنان جلست بلحوش و قدامها اسماء و نجود و الريم نجود بإستغراب : البيت هادي بزيادة امتنان : عشان عايدة الكل مختبص و يدورون هالراجح اسماء : يا بنات لو تشوفونها امس لما رجعت من المستشفى كيف الانكسار بعيونها كان ودي اروح و اقتل هالراجح حطم حياة البنت الريم : بنات هي حامل الحين وش بتسوي تتوقعون بتعلم اخوانها نجود بحزن : وش بتسوي يعني؟ بتصبر عشان اللي ببطنها ومستحيل تعلمهم امتنان حطت يدها على خدها : حياة المها بتكون مثل حياتها نجود بنظرة : الله لا يقوله المها قوية و عمي يقول ان الكايد رجال و ما راح يأذيها الريم : ان شاء الله يارب _________________ _________________ بالفندق صحت بضيق بس انفجعت لما شافت نفسها بحضنه العاري وهي بلا ملابس قامت مثل المقروصة سحبت الشرشف و غطت جسمها دخلت الحمام و هي تتذكر وش سوى فيها امس بالتفصيل كيف حاولت تبعده لكنه مثل الجدار ما يتحرك بكت بحرقة ، اخذت ليفة و فركت جسمها بقوة صحى الكايد على صوت جوال المها دورها لكن سمع صوت الموية بالحمام "اكرمكم الله" و رد بدون ما يقرأ الاسم امتنان : المها حبيبتي كيفك ليكون سوى فيك شي هذا الكلب اسمعي اذا سوى ولو شي بسيط دقي علي و العن خيره المهم امرك عشان نروح الاختبار بما انه اخر اختبار لنا و نخلص جامعه … مها تسمعيني!! مها! الكايد : خلصتي؟ المها بالحمام اذ خلصت تدق عليك و ترى ما سويت لها شي ارتاحي سكر بهدوء و راح لحمام الصاله "اكرمكم الله" يتحمم طلعت بعد ما لبست بجامة ثقيلة راحت تلبس بما انه اخر اختبار لها لبست تنورة سوداء وقميص ابيض ولا حطت ذرة ميك اب لمت شعرها فوق بطريقة حلوة و لبست عباتها و نقابها اخذت شنطتها و راحت للصاله تنتظر الكايد طلع من الحمام ما عليه الا منشفة استحت المها ولا طالعت : خلصتي؟ لوين رايحة المها بحدة : عندي اختبار ودني الجامعة الكايد بجمود : والناس كذا تطلب؟ لكن ما عليه البس و اجيك سكر الباب بقوة المها بعصبيه : يا جعله ما ينفتح بعد 10 دقايق طلع بالثوب الابيض والشماغ ابيض و ريحة العود تفوح منه مسك يدها بقوة رغم محاولتها ان تفك يدها لكن ما قدرت و مشت معه للسيارة وصل للجامعة الكايد بإبتسامة : متى تطلعين؟ المها بحدة : ١٠ ونص الكايد بإبتسامة خبث : الله يوفقك بإختبارك حلي عشاني المها بعصبيه : احمل المادة ولا احل عشانك نزلت و سكرت الباب بقوة الكايد ضحك : يا جعلك للكسر _______________ _______________ في قطر سعود بعزم : يمه يبه انا بروح السعودية اليوم على المغرب اوصل بروح اخذ عيالي ام سلمان تهلل وجهها بالفرح : انت صادق يا سعود و اخيراً يا حبة عيني ابو سلمان ابتسم : الله يوفقك يا ولدي روح دربك خضر سعود ابتسم : الله يخليكم لي بإذن الله مالي عودة بدونهم حتى لو كان الثمن الماضي ينكشف متعب : خير ياخوي خير رح و تؤكل على الله سلمان بفرح : روح ياخوك وانا بجهز مكانهم هنا سعود تنهد بفرح ___________ ___________ قدام بيت الوافي راجح كان ينتظر بسيارته عايدة يوديها لأهلها فتحت الباب و ركبت : السلام عليكم راجح : و عليكم السلام ، نروح محل حلويات ولا على طول لأهلك عايدة : مدري راجح ناظرها بملل : يالله بنروح محل حلويات دقايق و وصلو نزلت و نزل معها عايدة اخذت حلويات بسيطة " تشيز كيك و فطاير الخ" : شوف كم عشان احاسب راجح بإستنكار : نعم!!! تحاسبين وانا وين رحت؟ ماعندنا حريم يحاسبون عايدة بنظرة : ما عندكم حريم يحاسبون بس عندكم ريجيل يضربون حريمهم قدام اهله صح؟ راجح بعصبيه : قسم بأيات الله لو ما تروحين للسيارة لأكفر فيك قدام العرب مب قدام اهلي عايدة طالعت فيه بغصة و طلعت من المحل بتروح للمواقف ما درت الا بسيارة صدمتها لا شعورياً مسكت بطنها و اغمى عليها !!! سمع صوت السيارة لكن ما اهتم حتى سمع اللي وراه يقولون مره هي اللي صدمتها السيارة رفع ثوبه و راح يعدي للحادث و شاف الناس متجمعين على عايدة اللي مهب بوعيها و ساقها البيضاء طالعه و كلهم يطالعون فيها انفجع و بعصبيه غطى ساقها : خير خير انت وياه يا*** شالها يعدي للسيارة كل شوي يلف هي بخير ، هو ما يحبها ولا يحمل لها ذرة كره مثل اي شخص عادي لكن ما يبيها تموت بهالطريقة تموت وهي على ذمته هذا شي كفيل يخليه يندم و يعذبه ضميره طول عمره !!!! ________________ ' ' بيت ال كاظم ام الكايد بفرحة : اسرار فرحتي اليوم فرحتين فرحة حمل عايدة و جيتها اسرار ابتسمت : و الفرحة الثانيه؟ ام الكايد بإبتسامة : فرحة خطبة حازم البنت وافقت اسرار كانت تشرب قهوة و كحت : يمه وشهو !!! ام الكايد : خطبت لحازم قبل اسبوع من ال ياسر و وافقو دوب امهم دقت علي قالت هنادي موافقة اسرار مطت عيونها : يمه منجدك!!! ام الكايد : ليه وش فيها هنادي مب عاجبتك؟ اسرار : لا يمه هنادي ما عليها كلام بس حازم مستحيل يوافق ام الكايد بإبتسامة : يا حبيبتي حازم بس يدري اني خطبت و البنت وافقت ما راح يفشلنا و يفشل نفسه اسرار بطفش : الله يستر عايدة طولت؟ الساعه ١١ ام الكايد : بتجي الحين _______________ ________________________ واقف له نص ساعه بالشمس و يتوعد بالمها دقايق و ركبت المها : سلام الكايد بعصبية : لا يا عيوني كان طولتي زيادة ما عندي مشكلة انتظر!!! وش تسوين لاطعتني المها : كنت اودع صحباتي و دكتوراتي الكايد بتعب : تبين تتغدين المها : مو جوعانه الكايد بعناد : انا جوعان بنروح المطعم المها بطفش : ودني الفندق و روح تغد الكايد بإبتسامة خبث : ما اقدر اكل بدون ما اشوف وجهك السموح المها باستهزاء : اها اذا كذا الموضوع لازم نوديك طبيب باين مهووس فيني لازم تتعالج ولا بيوم تقتلني الكايد مسك يدها : عاد اذا قتلتك اعرفي ان الحب ما قتل المها سحبت يدها بعصبيه الكايد : إنا لله لامن جينا البيت علمتك هالحركات وش عقابها؟ لفت وجهها عنه ______________ ______________ طلع من المحكمة العليا هذه ثالث قضية لليوم يحكم فيها طالع الساعه بتعب و راح مكتبه فصخ مشلح المحكمة دخل السكرتير : حضرة القاضي خلصت القضايا لليوم لكن قضية اللاجئين بتكون بعد اسبوعين اتصل الوزير ** طلب تفاصيل القضية رقم ٥ أ وش قولك يا حضرة القاضي سالم بهدوء : لا تسلمه اي شي يخص القضية مهما حصل اذا متشوق للقضية خله يجي بعد اسبوعين غير كذا لا السكرتير : ابشر سالم بهدوء : انا بطلع الحين ولا راح ارجع الظهر السكرتير : بحال وصول اي دليل راح اخبرك فمان الله طلع سالم بتعب فتح جواله لقى اربع مكالمات من راجح استغرب و دق عليه مرتين و ما رد دق مره ثالثه و وصله صوت راجح الخايف : عمي الحق علي ياعم سالم بفجعه : وش فيك صار لك شي؟ راجح بخوف : عايدة صار لها حادث ياعمي الحقني ماتت قدامي سالم بفجعه اكثر : ماتت؟؟؟ ______________________ نهاية البارت العاشر | ||||||||
|
| |
|
05-06-16, 05:21 AM
| #30 | ||||
| نجم روايتي وفراشة الروايات المنقولة 
| صدمه صراحه موت عايده حيرجع التارات والنقمه القديمه وحيتهموا راجح وبيت الوافي بقتلها والمها كيف حيعاملها الكايد اكيد حينتقم منها تعقدت الامور وبدل مايكون الزواج نهايه التار رجع بضحيه جديده حازم هل سيرضى ان يرتيط بغير سميه ويفشل امه ام سيرضى بالامر الواقع وخاصه موت عايده ازم الامور سعود ماهو سر هجر عايلته وانكساره وترك بلده وهل سيرضى مشاري وسميه بعودته لحياتهم ام سيرفضونه عليا هل مازالت تكن مشاعر له ام ان ماضيهم لوث حاضرهمشكرا فيتامين على النقل ومبروك نجاح الكاتبه | ||||
|
| |
 |
| أدوات الموضوع | |
| انواع عرض الموضوع | |
|
|
.png)
العرض العادي
