31-03-16, 04:22 AM
| #1 | |||||||||||||||||
| مراقبة عامة ومشرفة منتدى الروايات المنقولة  
|  عنق المها ، للكاتبة/ عالية الخالد
التعديل الأخير تم بواسطة فيتامين سي ; 11-04-16 الساعة 07:09 AM | |||||||||||||||||
|  |
|
31-03-16, 04:25 AM
| #2 | ||||||||
| مراقبة عامة ومشرفة منتدى الروايات المنقولة
|  السلام عليكم ورحمة الله وبركاته اقدم لكم اول رواية لي و اول تجربة لي بعالم الروايات و القصص ، انا مالي بالمقدمات كثير و لا احبها و دايما اسحب عليها فأنا ما راح اطلب منكم غير طلب واحد الا و هو اتمنى ما تنقلون روايتي بدون ذكر اسمي " عالية الخالد " و ما احلل من تنقلها بدون اسمي. ... ،، عنق المها ،، تدور الأرض و تدور السوالف و السنين تدور وأنا لو أعرف اللي راح ماني بعرف الباقي يقولون القصيد شعور و الشاعر بدون شعور و أقول الله يعاقبني إذا ماهو من أعماقي أنا لو أكذب بشعري وقف نبض و يبس حنجور و قادر أخسر الدنيا و عاجز أخسر أخلاقي و لأجل عنق المها و الصوت الأدفى و العيون الحور وقف عمري و لا أدري ويش أنا من وقفته لاقي قسم بالله .. ما قبلك غياب و لا بعدك حضور ولكن ودي بفرقاك .. لو ما ودك فراقي تعاتبنا بما فيه الكفاية من ثمان شهور و سالت دمعتين و طاح قلب و ماتت أشواقي تعدتك المشاريه و جفاك اللوم و المستور إذا ما يكشفه صوتي كشفه الحبر بأوراقي تعبت أضحك على نفسي و أبرر لك و أعيش الدور و تعبت أجامل ظروفك و أصدّق كذبك الراقي يكفّيني أغيب و خافقي ما جاك منه قصور و يكفّيك اتّذكّر كل ليلة .. لهفة عناقي تذكّر يوم أخليك اتباهى كبرياء و غرور يوم إني أتحدابك و أخيّب هقوة الهاقي و تذكّر يوم أعذرك و انت لا صادق و لا معذور أدور لك عذر و أصدقه .. و أكذّب أحداقي و تذكّر يوم جيت من الحزن متضايق و مكسور فرشت لك الضلوع و قلت لك.. : يا سيد عشاقي خذ اضلوعي و ابن فيها يسار الصدر بيت و سور ترى ما فيه قبلك من سكن صدري و خفاقي و بعد هذا رحلت و لا بقى إلا بيتك المهجور و ألا يا كبرها لا من رحلت و منزلك باقي للشاعر محمد جار الله السهلي.. | ||||||||
|
| |
|
31-03-16, 04:29 AM
| #3 | ||||||||
| مراقبة عامة ومشرفة منتدى الروايات المنقولة
| البارت الأول في بيت خالد الوافي بوسط الرياض.. جدة و بناتها الاربع و ابنها و احفادها يعيشون بهالبيت الكبير نرجع قبل 6 سنوات بالضبط ناصر الوافي و علي الوافي و فهد الوافي و سالم الوافي تقدموا لامهم الحنونه لجل يسلمون عليها قبل يروحون المقناص مع رجال اعمال كبار لتمضية الوقت! الجدة ببكاء : يا قطع قلبتس يا مهرة يا قطعه ناصر بإبتسامة وسط شيبه الطاغي : افا يالمهرة يا جعل قلبي ينقطع قبل قلبتس ! و بعدين الله يخليتس لي يالغالية حنا اربع و عشرين ساعه بالمقناص جت على هالسعة؟ الجدة بحزن : يا عيني يا ناصر قليبي قارصني من هالطلعه تكفى يا حبة عيوني لا تروحون ها؟ يا امتس ها؟ فهد بإبتسامة : يا بنت الماجد مهب صاير شي لنا ، ناسية ان اللي جابتنا مهرة؟ و حنا فرسانها؟ علي : صح لسانك يالخوي يا ريحة الجنة ما يجي صبح الاثنين الا و حنا عندتس؟ وش قلتي يالمهرة؟ الجدة بكت بكت و كأنها حاسه ان هذا اخر كلام معاهم ضمت عيالها و ودعتهم و راحوا و هم ما يدرون ان روحتهم بلا رجعه ! و بقى معاها " سالم ، عليا ، فاطمة ، سارة ، مزنه " زوجات عيالها عدا سالم و عليا الباقين لها! اتمنى تحفظون اسمائهم زين بإختصار وراء كل اسم حكاية و مأساة مختلفة! بعد ست سنين بداية جديدة شخصيات جدد ، ابطال جدد! في صباح جديد مشرق "يوم الجمعة" الساعه 5:30 الفجر بتوقيت الرياض ' كالعادة الجدة صاحية بهالوقت صلت و جالسه على سجادتها المرسومة بدقة و الوانها تفتح النفس. طقت الباب مزنه : يمه الفطور زاهب لفت عليها الجدة بإبتسامة : هذاني قمت سفرة كبيرة بالحوش مفروشة على الارض بشكل يفتح النفس جالسين الاحفاد و الحفيدات بشراشفهم و انقبتهم والعم متوسط الجلسه جت الجدة و جلست جنبه الجدة : يا صباح الخير الكل : يا صباح النور والسرور سالم بهدوء : يمه بالصدفة و انا احقق مع احدن من المجرمين طلع مرسول من ال كاظم " و ابتسم بخبث " واحد من احفاد ال كاظم هو الراسل و انا اقدر اورطهم كل ال كاظم بحيلتي و اخذ حق اخواني واحد واحد الجدة : لا يا سالم انا ما علمتس تاخذ الحق بالحيلة الا هالشي يا سالم الا هالشي و انا امتس الله بيعاقبهم خلهم على الله يا جنيني راجح بثوران : لا ياجدتي حق ابوي و عماني والله لاخذه منهم بأي اسلوب! و بعدين هم غدروا بأبوي و عماني بالحيلة يا جدة الجدة : قلت لكم لا توحي انت؟ راجح بعصبيه : يا جدة انا ما اوحي شي الا لما اخذ حق ابوي تفهمون! سالم بعصبيه مرعبة: راجح اقطع اقطع ، صوتك ما ينرفع على امي توحي انت؟ راجح طالع بعمه بقهر : ان شاء الله يا عم الجدة : اللهم صل وسلم على نبينا محمد المها : يا جدة بكره به عرس صديقتي و ابي اروح انا و بنات عمامي عادي يالغالية؟ الجدة هزت رأسها بالموافقة : والله ان قلبي يعورني لامن رفضت لس طلب يا المها بس شوري عمتس و ان وافق هو كذالك سالم : روحي يا المها انتي و البنات و يوديكم بإذن الله ماهر ماهر بإبتسامة : ابشر يابو السوالم بس روق يا جعلني ما اخلى منك ابتسم سالم بس ما طولت الابتسامه حتى سمعوا صوت بنت برى تبكي و تستنجد فينا ، فزوا العيال و العم بسرعه نجود ببكاء و صراخ : يا عمي يا عممي الحقني … يا فهد يا خوي يا عييال العم الحقوني ركض لها سالم بخوف : نجود يابوك وش فيك وش؟ نجود طاحت على رجولها تبكي : يا عمي انا انهنت ذبحني ياعمي ذبحني الله لا يسامحه … الله لا يسامحه اه فهد : نجود يا روح اخوتس وش فيتس تكلمي نجود ببكاء : طردني يا فهد طردني من البيت بأنصاص الليول لوحدي بالشارع بدون لا جوال ولا عباية مغير جت جارتنا و عطتني عباية و طرحه ياخوي حرمني من بنتي و هددني ان ما اشوفها مره ثانيه … تكفى ياخوي يافهد تكفى يا عمي تكفون " و بكت" راح راجح بفزعه و حمية لبنت عمه اخذ الرشاش و طلع لهم بعصبيه : و انا ولد الوافي ان ما يسري الليل الا و هو بقبره قليل المرجلة سالم بحكمة : رجع السلاح و انا وفهد بنتصرف مع هالرخمه ماجد بحمية : يا عمي من يأذي بناتنا نرشهم بالدم فاهم يا عمي بالدم يرضاك بنت العم قاعده بالليل لا سند ولا عباية والله ان ذبحه حلال ماهر بعصبيه: يا عم هذا ما احترمنا ولا قدرنا يحسب ان نجود مالها سند؟ فهد : تسلمون يا عيال العم مير انا اللي بأخذ حق اختي و بأربي الخمه ذا و قولوا فهد ما قال راشد : دربك خضر يا ولد العم سالم : يا فهد بعد ما تشرق الشمس نشوف حل للديوث هذا فهد: ابشر ياعمي محمد : ياعم و ياولد العم ان كان تبون الفزعه حنا لها فهد: ما تقصرون بس والله ان ما يمرح طيب و انا ولد ابوي ~ _________________________~ في احد الاحياء فبيت كبير ما يسكنه الا 5 اشخاص تبكي و تترجى ولدها الكبير : تكفى يا الكايد ارحم اخوك تكفى يا سندي الكايد بتعب : يا يمه ولدك جنني بيفتح دفاتر مسكره من زمان ناوي على الحرب من جد و جديد مع ال الوافي شهقت ام الكايد بريعه : اخت اخوي ، يا ويل قلبك يا نورة الكايد : يا يمه حازم يبي له تربية من جد و جديد و انا اللي بربيه بس الله يرضى عليك لا تتدخلين بيني و بينه يا يمه اخر مره يوم جاني سالم الوافي بالويل مسكت نفسي لأذبحه جايي يقولي امسك ورعكم لو ما مسكني زياد يا يمه اه بس اه يا حازم ام الكايد بدموع : وش اسوي معاه قلي هالولد ناوي يذبحني يا امك ناوي الكايد : ما عليك يالغالية والله ثم والله ثم والله و هذه ثلاث حلوف ان ما يقرب احدن لحازم او لنا و هذا انا قلته ام الكايد ببكاء : الله يرحمك يا صالح الله يرحمك تركت علي حمل كبير يا رفيقي نزل رأسه و ترحم على ابوه نزلوا عايدة و اسرار لابسين رايحات الجامعه قربت عايدة و باست رأس امها ثم رأس الكايد و اسرار بالمثل سوت... عايدة : الجو مكئب علامكم؟ الكايد : ما شي مهم حازم قام ولا لا؟ اسرار بطفش : لا ، صار لي ساعه اقومه يودينا الجامعه و مافيه فايدة عيا يقوم الكايد مسك نفسه لا يكسر رأس هالولد اللي اتعبه و هد حيله : استغفرالله العظيم ، انا بوديكن تجهزن يالله اسرار : يالله مشينا عيود عايدة : الكايد الكايد بإبتسامة : لبيه عايدة : اليوم ارجع الساعه 2 الظهر و اسرار بتطلع 10 مين راح يأخذنا! الكايد عقد حاجبيه : انا بروح شركة الوالد الحين و احتمال اطلع 1 او 12 خلاص حازم ياخذكم اثنينكم اسرار : تمام بس وش فيك انت وامي؟ عايدة : بالضبط اول ما جينا سكتوا و وجيهكم ما تبشر بالخير ابد الكايد ابتسم تسليك : يا عيون اخوكم شي يخص واحد من اخوياي توفى لهم قريب و قلت لآمي و امكم حساسه تبكي من اي شي عايدة : يا حياتي يا امي حنينه اسرار ما مشت عليها تصريفة اخوها و سكتت تفكر ضل الهدوء بالسيارة الى ما وصلهم جامعهتم ~ ___________________________~ في جامعة الأميرة نورة الساعه 46 : 10 كانت اسماء و سمية يدورون على بنت عمهم المها اللي اختفت و الحين موعد طلوعهم من الجامعه و رابح ولد عمهم برى و معصب و المها مب موجودة دوروها بكل الجامعه وما لقوها و اتصالوا ما ترد او مشغول اسماء بصيحه : مب وقتها ابدا سمية : الحين وينها هي المشكلة قايلة لنا انها بتطلع معنا بنفس الوقت و ما طلعت ياربي اسماء : تعالي نسال صحباتها سمية بعصبيه : اذا شفتها قسم بالله لآضربها لين تعرف ان الله حق وش تحس فيه؟ رابح برى و بيلعن خيرنا بسببها اتجهوا لمكان صاحبات المها اللي ما كان فيه الا ثنتين و الباقي اللي بالمحاضرة واللي طلعت. اسماء بإبتسامة تسليك : السلام عليكم ببنات ما شفتوا المها؟ لينا صاحبة المها : كانت معنا لما خلصنا محاضرة و طلعِنا سوا و بعدوه قالت لنا انها بتطلع لكم لانو تنتظرونها اسماء : جد؟ بس ما جتنا و لا اتصلت مع اننا متفقين نطلع مع بعض لينا و هي تشرب عصيرها بدلع : واللهي ماعرف عنها بس يمكن راحت ل بنت عمكم هاذيكا شسمها يالله … سمية انفقت مرارتها من الغثيان اللي تشوفه قدامها : امتنان قصدك؟ ولا العنود؟ لينا : ايوا ايوا امتنان اسماء : بس ما داومت امتنان صالحه صاحبة المها اخيرا تكلمت : والله ما نعرف بس سمعتها تكلم مدري مين تقول انتظريني عند مبنى 2 سمية : متى هالكلام؟ صالحة : اظاهر اذا مب ناسية انه الساعه تسع اسماء بطفش : خلاص شكرا بنات ما تقصرون والله مع السلامه صالحة: ولو يا اسماء المها اختنا ابتسموا لها و راحوا سمية : انا ما عاد بي حيل خلاص بروح للبيت اسماء : ثواني سميوه بتصل على العنود اشوف اذا معها سمية : العنود عندها محاضرة و بتحط صامت اكيد بنت عمنا دافورة ضحكت اسماء بطفش : اجل امشي نروح لرابح __ كان ينتظر له نص ساعه بالشمس و معصب لاخر شي رابح : هين يا بنات العم و مهيش انا ما لعنت خيركن … ههه هذا اذا فيه خير ركبوا اسماء و سمية ورى و سلموا عليه رابح بعصبيه : نعنبوكم لي ساعه انتظركم ولا حياء لا مستحى ابك ما تقولون ولد عمنا ينتظرنا بالشمس و لاطعينه برى انا ماني بشر و احترق من القايلة ها؟ ها؟ اسماء : اسفين والله كنا ندور المها سمية بهمس : قال يحترق قال وش يحترق فيه وهو خلقه اسمر تقل …… رابح بعصبيه : الله ياخذ عدوتس ابك انتي ما تحشمين اللي قدامك تحشين فيني و بسيارتي بعد سمية : خلاص روقنا يا شيخ من ركبنا و انت بس تهاوش و تهزئ الله يلعنها من مذله رابح لف عليها بالعقال يبي يضربها بس مسكته اسماء اسماء : رابح!! صل على النبي انت انهبلت تبي تضربها رابح عطى اسماء نظرة استحقار و وخر يده عن يدها و رجع لمكانه يسوق اما اسماء استحقرت نفسها و استحت سمية طالعت فيها و قرصتها بمعنى "عيب" اسماء : اييي سمية سمية نفصت فيها و سكتت سال رابح متجاهل اسماء و قلة ادبها : المها وين؟ سمية: مدري عن اختك والله على اساس نروح سوا و ما شفناها ما لقيناها بالجامعه رابح وقف السيارة بنص الخط : كيف يعني؟ سمية صقع راسها بالمرتبة : انهبلت انت رايح بعصبيه: كيف يعني ماهي بالجامعة اسماء : ما ندري سألنا عنها بس ما لقيناها رابح : يعني عندها محاضرة ولا وش؟ اسماء : لا ما عندها و دايما نطلع بهالوقت كلنا بس مدري وينها شد شعره بعصبيه رابح و مسك جواله الا بإتصال من رقم غريب رد بعصبيه : الو المها ببكاء : رابح تسمعني رابح: المها! تكلمين من جوال مين المها بدموع : ما يهم ما يهم الحقني تكفى رابح تعال العنوان اللي بيقوله لك هالرجال رابح مط عيونه: نعم؟؟ رجال ايش المها وصله صوت واحد : الو السلام عليكم رابح : و عليكم السلام مين انت السايق : انا راعي تاكسي و جتني زوجتك قالت لي الحق هالسيارة و وصلتها و بدت تبكي الان و انا مدري شالسبب؟ المهم اخوي حي *** شارع *** عند محطه ** تلاقيني عنده بالضبط رابح مط عيونه : طيب شكرا شكرا و سكر سمية بخوف : رابح وش فيها المها؟ رابح بعصبيه: مدري مدري بس السايق عطاني عنوان حق شقق تمليك … الله يستر الله يستر سمية و اسماء : ايش __________________________ بسيارة التاكسي كانت تبكي بخوف يالله ساعدني يارب ما حست الا بيد ممدوده عطتها منديل الا هو راعي التاكسي اخذته : شكرا اخوي راعي التاكسي : العفو … بس هذه اللي متجهة لنا سيارة زوجك؟ رفعت عيونها تشوف : ايه ايه سيارة اخوي مو زوجي هز رأسه بمعنى طيب طلعت بوكها بتعطيه بس رفض و قال ما يحتاج فتح باب التاكسي رابح بعصبيه : المها وش تسوين هنا؟ المها نزلت و مسكته : رابح الحق تكفى قبل يصير شي رابح مسك نفسه لا يعطيها كف : وش الحق تكلمي زين و فهميني المها ببكاء : راجح راجح سحب بنت من الجامعه و اخذها معاه " اشرت على شقق تمليك قدام المحطة " لهنا رابح بصدمه : ايش؟ …… اسمعي ادخلي السيارة و قفلوا الباب عليكم لا تفتحون السيارة الا لي و ان صار شي لا سمح الله المسدس بالدرج اللي قدام خذي المفتاح اخذته المها : ابشر بس تكفى راجح بيسوي شي ياخوي ركبها السيارة و راح يعدي للشقق وهو خايف اخوه سوى شي للبنت ______ ______ راجح بإبتسامة : اتمنى انبسطتي يا حلوه … الحين تتصلين لاخوك و تعلمينه بكل شي سويته " غمز لها" عايدة ببكاء و لافه الشرشف على جسمها: الله لا يســـامــحك حسبي الله ونعم الوكيل راجح ارسل لها بوسة بالهواء : تؤ تؤ يا روحي الا الدعاء ما نلعب فيه عايدة بكت : الله لا يوفقك انا وش سويت لك وش سويت اصلا انا ما اعرفك حتى!!! راجح : بس انا اعرف اخوك و ابوك الكلب جت بترد عليه بس سمع دق باب قوي و كأنه بيكسر الباب ابتسم بعباطه : ليكون اخوك جاء بسرعه عاي انفجعت و بكت راح فتح الباب و ما عليه الا بنطلون بدون تيشيرت بس انصدم باللي ضربه رابح بعصبيه : راجح .. وش سويت انت بالبنت؟ وش سويت يا ملعون الخير رابح بعصبيه: اي حق ها؟ ابونا و عمامي العدالة خذت حقهم و قتلوا القاتل تجي انت تتكلم عن الحق ها؟ وش لك عندهم؟ راجح بثوران : قتلوا ابوي قتلوا ابوي و عمامي و حرمونا منهم هذا حقي و حق العايلة كلها قاطع كلام راجح البنت اللي تبكي و رامية الطرحة على وجهها تركض رابح انصدم : راجح انت وش سويت ياخوي راجح : قضينا ساعتين حلوه انا و القمر ، ما توقعت بتكون جميله كذا رابح مسك راسه بصدمة : راجح انت انتهيت تفهم!! لو يدرون اخوانها.. راجح قاطعه بإبتسامة : تلاقي اخوها جاء الحين بإنتظار عارهم سمعوا صوت طلق نار و طالعه رابح بنظرة انت انتهيت و نزل رابح بسرعه و لحقه راجح _________________ جاني اتصال من ولد الوافي انصدمت الا ما توقعت قال لي تعال بنصفي حساباتنا رحت له بسرعه و انا حقدي كبير على العايلة بس انفجعت لما شفت عايدة اختي طالعه تركض و تبكي ناديتها و انا مو مستوعب شي : عايدة لفت بخوف : حازم! حازم مسك كتوفه بشدة : وش تسوين هنا انتي؟ وش جابك لشقق ها؟ عايدة بكت : سامحني حازم والله مالي ذنب والله حازم بخوف : اسامحك على وش؟ عايدة ببكاء مسكت يدين حازم بترجي : والله مالي ذنب هو هو اللي خطفني من الجامعه و اغتصبني حازم بصدمة دفها : وش تقولين انتي وش تقـــــولــين؟ منهو منهو اللي اغتصبك عايدة بدموع : ولد الوافي حازم سحبها للسيارة : لا تطلعين منها حتى لو تشوفيني ميت قدامك فهمتي؟ فهمتي؟ ياحيف هزت رأسها ببكاء راح للباب الثاني و فتحه طلع من الدرج مسدس شهقت عايدة : حازم وش قاطعها حازم بعصبيه : ولا كلمة و شغلي معاك ما انتهى سكر الباب بقوة وصل عند العمارة و اطلق رصاصتين بالهواء _______________________ سمية شهقت بخوف : يا بنات وش بيسوي هذا اسماء بكت : معاه مسدس يا ويل قلبي المها : بنات هذا ليكون اخو البنت سمية: حسبي الله عليك يا راجح دامك بتخرب سمعتنا كذا اسماء بكت و صوتها زاد المها بعصبيه : انتي ما بتسكتين!!! سمية : ماله داعي بكاك خلاص انطمي سكتت اسماء ________________ فهد ضرب يدينه ببعض : اخ بس اخ ولد امه انحاش سالم بهدوء : مصيره راجع خله يهرب على كيفه الحين لكن ان جاء خذينا حق نجود يا فهد فهد بترقب : هذا اللي بيصير سالم : لا تتصرف بدون ما تعلمني يا فهد فهد: ابشر يا عمي ، لكن ابيك بموضوع و ابي استشيرك فيه يا عم سالم بإبتسامة: كلي فداك بس الحين عندي قضية لازم اشتغل فيها و ان شاء الله افضي نفسي لك فهد : تم يا عمي ، سالم : توصي شي يا فهد ولا تنسى تروح لامي تبيك بموضوع فهد : مشكور يا العم هذاني رايح لها ______________ اطلق رصاصتين بالهواء نزلوا رابح و راجح على صوت الطلق حازم بعصبيه : يا ولد الوافي جيتك و اعتبرتك رجال و نصفي الحساب بس طلعت رخمه اخيه عليك بس اثاري رجولتك على الحريم راجح بعصبيه : احترم نفسك و صون لسانك ... و لا تطول لسانك على اسيادك .. انتم وش تأكلون بنتكم ما شاء الله جميلة و انبسطت معاها خل اختك تقولك التفاصيل " غمز له بخبث" حازم جن جنونه و رفع المسدس بوجهه : ايا الرخمه يا الديوث قسم بعزة الله ان ذبحتك على يدي رابح تنرفز من كلام اخوه و قال يهدي الوضع : يا ولد الكاظم صل على النبي و نزل مسدسك ترى الملائكة تلعنك الحين راجح لف على اخوه : لا خله يا رابح اصلا العايلة كلها متعودين يرفعون السلاح و يذبحون دام ابوه ذبح ابوي ما تبيه يذبحني حازم اطلق رصاصة على رجل راجح رابح بصراخ : راجح نزلوا البنات من السيارة بصراخ و بكاء المها بدموع : راجح سمية بعصبيه : يا حقير حازم ناظرهم بإستخفاف : هاذي طلقه وحده لكن باقي ما شفت شي مسكه رابح مع ياقة ثوبه و ضربه شافت الوضع عايدة و دقت على الكايد ببكاء : الكايد الحق الحق بيذبحون حازم الكايد بخوف: مين مين عايدة ببكاء : عيال الوافي يا الكايد وقف الكايد بعصبيه : اظاهر انهم يبون موتتهم على يدي ، انتم وينكم فيه عايدة ببكاء : ما اعرف بس بمكان فيه شقق تمليك .. لحظه فيه محطة اسمها** و الشقق اسمها*** الكايد : جيت جيت انا قريب رابح كان فوق حازم و يضربه اما راجح كان يتألم زحف زحف لين وصل للمسدس و مسكه حاول يطلق على حازم بس يده ترتجف بسبب الاصابة اسماء شهقت لما شافت راجح ما حسوا الا بسيارة فحطت نزل بسرعه و هيبته طاغيه على المكان : يا عيال الوافي شكلكم ناوين على اجلكم رابح تقدم ل الكايد : امسك ولدكم يا ولد كاظم ترانا كافين خيرنا و شرنا منكم حازم قام من الارض و دف رابح : كافين خيركم و شركم اجل؟ و اخوك قليل المرجلة و اللي سواه بأختي والله ثم والله ثم والله و هذه ثلاث حلوف ان يتمنى الموت ولا يطوله الكايد : وش سوى حازم جاء بيتكلم بس ما درى الا برصاصه بظهره طاح على الارض الكايد : حازم حازم لف شاف راجح ينزف و معاه سلاح قام الكايد بعصبيه و دعس على رجل راجح اللي تنزف و راجح يتألم : حسابي معاك لكن مو الحين شال حازم و ركبه سيارته و اخذ عايدة معه _______ الى هنا انتهى البارت الأول. | ||||||||
|
| |
|
31-03-16, 10:42 AM
| #4 | ||||||||
| مراقبة عامة ومشرفة منتدى الروايات المنقولة
| البارت الثاني "" في المستشفى تحديدًا بالعناية المركزة.. الكايد على اعصابه ينتظر و جالسه على الكرسي عايدة و تبكي الكايد بتعب : عايدة يا روح اخوك وش فيك؟ تبكين من السيارة الله يهداك حازم بإذن الله مب صاير له شي عايدة بكت زيادة ما تبي اخوها يحن عليها و يخليها تكرهه نفسها زيادة كيف كيف بتقوله؟ وش بيصير اذا حازم قام و علم الكايد و امي اااه يارب ساعدني دق جوال الكايد للمرة الثالثة " اسرار يتصل بك" تنهد كيف بيعلمهم الحين : الو اسرار : وينك الكايد و وين عايدة؟ لي ساعه انا و امي ندق عليكم و على حازم ولا تردون فيه شي؟ كفاية اني اضطريت اجي مع سواق صاحبتي بسبب حازم النذل الكايد : اسرار حبيبتي عايدة راحت لصاحبتها الان و حازم مع اصحابه اذا خلصت شغل اجي اسرار مطت عيونها : الكايد !! انت ما تسمح لنا نقعد عند بنات خالتي الحين فجاءة تسمح لعايدة تقعد عند صاحبتها الكايد بعصبيه : اسرار خلاص يالله سكري و لا تقلقيني اسرار : طيب فمان الله الكايد : فمان الكريم عايدة بدموع: ليش كذبت عليهم كذا ولا كذا بيدرون الكايد : عايدة ما ابي ابدا معاك اللي فيني كافيني سكتت بخوف _____________ في جناح اخر من المستشفى سالم شد على سنونه بعصبيه : ليش ما علمتوني بالبداية؟ ليش؟ ناوين على الحرب انتم ، تبون قص ارقاب! و عزة الله و جلالته ان اوري هالراجح تربيته على يدي رابح: يا عم والله من الشوشرة و اللي صار نسيت حتى اقولك سالم : نمشي انك ما قلت لي لكن توصل فيك تاخذ بنات عمك واختك لعند الكاظم و الرخمه اللي جوا مغتصب بنتهم! ما خفت عليهم انت وين غيرتك؟ رابح نزل رأسه : اسف ، انا لما سمعت صوت المها و بكاها قلت فيه مصيبة حتى نسيت انهم معاي سالم هز رأسه : لا لا الوضع زاد عند حده اخوك خله يطلع بس _________________ في بيت الوافي الجدة ضربت على صدرها : يا ويل قلبك يا مهرة اخ يا راجح انت وش سويت يا جنيني اخ فاطمة " ام رابح " بكت : بيذبحني هالولد يا يمه ، ولد بطني ما خلا لي مجال ابرر له غلطته اغتصب ولا بنت الكاظم واطلق على ولدهم و الحين هو بالمستشفى المها ضمت امها ببكاء : يمه دخيلك لا تبكين كفاية فاطمة زاد بكاها و شهيقها عليا * ام سمية و مشاري * بدموع : يا سمية سمية : لبيه يا يمه عليا : ازهمي على مشاري و شوفي وش صار على ولد خالتك سمية : ابشري دقت سمية على مشاري و قال لها اطلعي لي لحقتها الريم: سمية سمية : هلا الريم : وش بيصير الحين سمية بهم : مدري مدري يالريم الشي اللي اعرفه ان راجح دمر سمعتنا بالصميم و الله يستر من عيال الكاظم الريم شهقت بخوف: يعني يمكن تقوم الحرب بيننا بينهم؟ سمية : يمكن بس ربك يسهلها ،، مشاري ينتظرني بروح له هزت رأسها و دخلت جوا مشاري : ساعه يا سمية سمية : كنت اكلم الريم مشاري ابتسم على طاريها سمية : يا هوه انتبه لنفسك و شيلها من بالك مشاري بإستغراب : ليه انا بتزوجها ان شاءالله بعدين هي بنت خالي سمية: لامن صار العرس وقتها نتكلم ، شلون راجح امي تسال عنه مشاري: كلمت عمي و قال طلعوا الرصاصه منه و ع الاكيد بكره الظهر طالع ان شاء الله سمية بكره : الله لا يرجعه القذر مشاري : سمية!! هذا ولد خالك احترميه عيب سمية انفجرت فيه : هذاك قبل احترمه لكن عقب اليوم يخسي احترمه و لو ذرة ، اجل يغتصب بنات الناس ما يخاف تنرد لنا و لا المها حرام عليه الله لا يسامحه مشاري : هو غلط و غلط غلطة كبيرة بس ما يصير تدعين عليه فكري بزوجة خالي شوفي كيف منهارة سمية سكتت مو راضية عن كلام اخوها و دخلت للبيت مشاري طالع فيها لين دخلت : الله يهديك الله يهديك ____________ تعريف بسيط عشان ما تلخبطون الجدة عندها اربع اولاد ثلاثه ماتوا بالمقناص و بقى سالم و عليا منهم.. عليا زوجها بيطلع بالبارتات الجايه : مشاري، سمية زوجات اولاد الجدة بقو عندها اللي هم فاطمة زوجها فهد الله يرحمه / رابح ، راجح ، المها مزنه زوجها علي الله يرحمه / فهد ، نجود ، اسماء، الريم سارة زوجها ناصر الله يرحمه / ماهر ، محمد ، راشد ، ماجد ، امتنان ، العنود نرجع للاحداث ______________ ام الكايد بقلق : اسرار يا امك خايفه … قلبي قابضني احس فيه شي صاير اسرار : يمه لا تخافين يا روحي وبعدين مثل ما قلت لك عيودة عند صاحبتها و حازم مع اصحابه بعد و الكايد كالعاده بالشركة روتين يالغالية ام الكايد : ارجاك يا بنيتي دقي على حازم ابي اسمع صوته بس اسرار : يا يمه لنا ساعه ندق و ما يرد تلقينه مشغول مب حولنا ام الكايد بدموع : الله يستر الله يستر ________________ بالمستشفى الساعه 8:33 الليل طلع الدكتور من العناية المركزة و هو مبتسم الكايد بقلق: بشر دكتور كيفه؟ الدكتور : ما شاء الله عال العال كنا نتوقع ممكن الرصاصة تسبب له اعاقة لكن قدرة الله و اعجازه نجى ولدكم ، محظوظ لكن في احتمال ان عاموده الفقري تضرر شوي بس يصحى من البنج نشوف اتمنى ما تخافون الامور سهالات الكايد بإبتسامة : مشكور دكتور ما قصرت الدكتور : ولو بالخدمة راح الدكتور راح اتجاه عايدة يبشرها لقاها نايمة على الكرسي ابتسم و قومها : عايدة عيود عايدة عايدة بخوف : وش … وش صار الكايد : ما صار شي بإذن الله الصبح يصحى و العملية نجحت عايدة بكت فرح : الحمدلله الكايد : يالله قومي بنروح البيت و عشان لازم اعلم امي عايدة : طيب يالله _____________________ ف المستشفى جناح راجح صحى بألم لقى عمه سالم على جواله و رابح يقرأ القرآن بهدوء وباين عليه الحزن ، سكر عيونه بقوه و فتحها تكلم بصعوبه : ابي موويه فز رابح وصب له مويه من الجك و شربه اما سالم جالس على جواله ولا هامه رابح : انت بخير؟ هز رأسه بمعنى ايه سالم بهدوء : الشرطه بتجي بكره تحقق معك وش بتقول لهم؟ راجح طالع بعمه بقهر ثم سكت رابح : يقول الحقيقة سالم : قول كنت تنظف السلاح و بالغلط اطلقت بدون ما تدري فاهم؟ ولا براحتك قول اللي تبي رابح سكت مو راضي عن كلام عمه راجح هز رأسه بمعنى ايه موافق دخل الدكتور : السلام عليكم كيفك يا راجح الحين؟ راجح بصوت مبحوح : بخير الدكتور هز رأسه وبدأ يكتب بالملف : يا راجح الحمدلله طلعنا الرصاصه لكن راح تستخدم العكازات لفترة قصيرة راجح فز : نعم؟ ما راح استخدمها سالم : خلاص يا دكتور شكرا فيه شي ثاني؟ الدكتور ناظر براجح بهدوء ثم لف نظره لسالم وهو طالع : لا العفو راجح : عمي انت تسمع وش يقول سالم : خلاص لا تستخدمها و خل تجيك اعاقة دائمة و نفتك رابح : راجح خلاص ارتاح بكره خروجك سالم : انا رايح لأمي و الظهر اجيك رابح خل عيونك عليه رابح : من عيوني تبشر يا عم طلع وهو مو مطمئن على راجح راح الاستقبال : السلام عليكم الموظف : و عليكم السلام هلا اخوي سالم : ابسالك عن وضع المريض حازم الكاظم الموظف : عفواً بس ما نعطي معلومات الا لاقاربائه سالم: شكلك ما تعرف مين انا الموظف : لا اخوي سالم طلع بطاقته: انا المدعي العام سالم الوافي الموظف فز من الخوف : ابشر ابتسم سالم الموظف : حازم الكاظم حاليًا وضعه مستقر كان فيه احتمال اصابته بشلل او اعاقة بس الله نجاه و بكره اذا صحى من البنج راح يسوي عدة تحاليل بسيطه و بإذن الله اذا ما صار شي معاكس نهاية الاسبوع يطلع سالم : مشكور تنهد براحه الحين ما بقى عليه غير اقناع الكايد انه ما يشتكي على راجح و تصير الامور تمام __________ في بيت الكاظم ام الكايد ببكاء و صراخ : اخ يا حبة عيني يا حازم يا روح امك اه ، كنت حاسه كنت حاسه ان فيه شي ياربي لا تمتحني بعيالي اه الكايد ضم امه : يالغالية حازم بخير ما يجي الصبح الا و هو صاحي بإذن الله و وعدًا مني لك ما تشرق الشمس الا و انتي عند حازم ام الكايد ببكاء : من هم من هم اللي سوو بولدي كذا انا اعرف حازم ما يأذي احد ولدي حنين يا الكايد من هم الكايد : عيال الوافي يا يمه بس ان تشوفين والله لاخذ حقه بس صبري عليهم ام الكايد شهقت و ضربت صدرها : اخت اخوي، وش يبون يالكايد اخ وش يبون مو كفاية اللي صار فينا الكايد بترقب : صبري عليهم يا يمه ويشوفون منهو الكايد و كيف يأذون شعرة من شعر اخوانه ام الكايد ببكاء نزلت عند رجوله : ارجاك يا ولدي ارجاك لا تقرب منهم نخيتك يا ولدي انا من لي غيركم من؟ رفع امه و جلسها على الكنبه و باس رأسها : يا يمه لا تنخيني بهالشي طلبتك اسرار : يمه الكايد معاه حق هذولي ان ما وقفناهم عند حدهم بيزيدون و ما احد بيوقفهم غير الكايد الام بكت الكايد : عايدة وين؟ اسرار بدموع : راحت لغرفتها مدري علامها الكايد بتعب : انا بروح انام اول ما تشرق الشمس نروح لحازم يا يمه بس شرطًا عليك تروحين تنامين و ترحمين نفسك ام الكايد ببكاء : كيف يالكايد كيف ارحم نفسي و ولدي بالمستشفى الكايد : اسرار امي امانه عندك انا برتاح فوق اسرار : ابشر ___________________ انتهى البارت الثاني | ||||||||
|
| |
|
02-04-16, 02:20 AM
| #5 | ||||||||
| مراقبة عامة ومشرفة منتدى الروايات المنقولة
| البارت الثالث الساعه 9:30 الصباح فتحت الباب بقوة : عايدة!! للحين ما قمتي عايدة ' دافنه وجهها ببطانيتها الكبيرة و تبكي بصمت اليوم بتنتهي هي خلاص حازم بيفضح كل شي بس يصحى راح يذبحها ، تعرف اخوانها زين او بالاصح عايلة الكاظم اهم شي الشرف تحته مليون خط ، حياتها انتهت بسبب قاطعت سراحانها اسرار لما سحبت البطانية من فوقها و رمتها على الارض : عايدة تبكين! عايدة مسحت دموعها : لا ، بكيت لاني خايفه على حازم اسرار بنظرة غريبة : طيب يالله بنروح المستشفى ، دقوا يقولون انه صحى عايدة : يالله بلبس عباتي و انزل لكم اسرار : لا تطولين امي قاعده على اعصابها تنتظر هزت رأسها بمعنى ايه و دخلت الحمام * الله يكرمكم * نزلت من الدرج اسرار : يمه انتظروا دقايق عايدة بتروح معنا بتلبس و تجي ام الكايد : وانتي ليش ما لبستي نقابك للحين؟ اسرار : بلبسه بس يجي الكايد ، الا هو باقي ما جاء؟ ام الكايد بتوتر : الا بس راح للشركة و جايي بالخط الحين ، اسرار يمه حازم تتوقعين بخير ما فيه شي! انا خايفه ياامك من عيال الوافي و شرهم الله يستر اسرار: يمه لا تخافين بإذن الله مب صاير شي و الحكومة بتاخذ حقنا ام الكايد بدموع : ان شاء الله اسرار بطفش : يمه دخيلك بنروح الحين للمستشفى نزلي كل دموعك الان و فكينا يالغاليه ترى حازم اذا شافك كذا بيتعب زيادة ام الكايد مسحت دموعها و سكتت ________________ بالمستشفى جناح راجح راجح بعصبيه : قلت لك اني كنت انظف السلاح و بالغلط اطلقت بدون ما ادري الشرطي بنرفزة : فيه شاهد على هالكلام؟ رابح مط عيونه من اخوه : انا الشاهد كنت معاه الشرطي : الاسم الكامل و العمر و رقم جوالك رابح : رابح فهد خالد الوافي العمر 32 سنه جوالي 05****** الشرطي يكتب المعلومات بالملف : طيب شكرا ، لازم تجون المخفر توقعون على إفادتكم و تتوكلون رابح : العفو ان شاء الله الشرطي اخذ ملفه و طلع رابح بعصبيه : راجح! ابفهم متى بتحترم اللي قدامك انت! راجح : انت شايف كيف يتكلم معي و كأني قاتل ابوه رابح بنظرة : والله من الاسلوب الزين اللي عندك راجح طنشه : ابي اطلع الحين رابح : تطلع الظهر راجح بصراخ : ابي اطلع الحين ما تفهم انت!! رابح بعصبيه : راجح و تبن! صوتك ما يعلى علي انا اخوك الكبير يا ليت تحط هالشي برأسك و لا تتصرف تصرفات متهورة و انك الكبير الفاهم ، و بالنسبة لموضوع بنت الكاظم نتفاهم فيه اذا رجعنا البيت مع عمي راجح : وانا وش علي ببنت الكاظم؟ عيبي اشيله انا لكن هي بنت و خلهم يبتلشون فيها احسن رابح مط عيونه بقوه : وش عليك اجل؟ بنت الكاظم بتتزوجها مثل ما اغتصبتها بتتزوجها و راسي يشم الهواء راجح بثوران فك المغذية من يده و صارخ : تعقب و تخسي ، ما بتزوجها لو اموت ، بنت الكاظم بنت عدونا و غريمنا اتزوجها هه والله ان تخسى رابح بعصبيه ضرب يده بالجدار : راجح اقطع اقطع ما عاد ابي اسمع صوتك بروح اكتب لك خروج و اربيك بالبيت يا ولد امي و ابوي طلع و سكر الباب بقوة راجح جلس على السرير و دخل يده بشعره : تبطي والله ان تبطي بنت الكاظم ______________ فالمستشفى.. عند حازم دق الباب مره مرتين ثلاث بدون رد اضطر انه يدخل : السلام عليكم لف وجهه و عصب : وش تبي يا ولد الوافي سالم : رد السلام واجب لكن ما عليه الحمدلله على السلامة حازم : الله لا يسلمك سالم بحكمة : يا ولد الكاظم جايك ابتفاهم معاك بمسألة بنتكم ، المفروض اجيكم بعد ما تطلع من المستشفى لكن ، راجح غصبن عليه بيعدل غلطته و يتزوجها قاطعه بعصبيه : والله ما يأخذها سالم بهدوء : لا تحلف يا حازم ، كنت ابتكلم مع الكايد بما انه الكبير بس شكله ما درى و ماحبيت احرجه حازم مط عيونه : تحرجه بأيش؟ انت اللي مفروض تستحي على وجهك ما تجي بقوه عين تقولي بيتزوجها غصبن عنه سالم بهدوء قام : اشوفك على خير بعد ما تطلع و تهدى و تفكر زين و اكيد بعد ما يعرف الكايد لان كلامي بيجي معاه مو معاك الحمدلله على السلامة مره ثانيه حازم جاء بيتكلم بس طلع سالم غمض عيونه بقوه و بكى ايه نعم بكى و كيف ما يبكي و اخر كلمات ابوه بأسمه كيف ما يبكي و هو فقد ابوه بسن مراهقة ، اللي مات ما كان مجرد ابو له! كان ابو و اخو و صديق للروح قبل القلب! محور حياته كان ابوه ابوه وبس كيف مات بغمضة عين ، ما مات موته طبيعية مات و الكل يحسب انه مجرم و حاقد كلهم وقفو ضد عيال الكاظم و طلعوا فيهم كلام بسبب ابوهم ، ما يبي يعيش اكثر من كذا هو شاف و عاش اشياء اكبر من عمره ، كبر و الحقد يكبر معاه ، عمره 24 بس الحياة كبرته عشر سنين زيادة كبرته و كبرت اخوه معاه ! شد شعره يبكي : اه يا عايدة اه يابنت ابوي اه دق الباب دخل الكايد و امه و خواته الكايد انصدم من حالة اخوه : حازم! ام الكايد قربت منه بريعه و حطت يدها على كتفه: حازم يا قرة عيني وش فيك حازم بدموع دف يد امه : ما فيني شي مافيني الكايد : العب على غيري يا حازم وش فيك يالعضيد رفع عيونه و شاف اخر انسانه كان وده ما يشوفها بعصبيه : انت وش جابك هنا؟ جايه تتشمتين بأخوك اوه اوه اقصد عدوك "بنظرة استحقار" اصلا ما اتشرف فيك بأخت و اطلعي برى ما ابي اشوف رقعة وجهك عايدة ببكاء : حازم لا تقول كذا الكايد : حازم عايدة وش هالكلام؟ حازم بسخرية : ههه ما قالت لكم مسودة الوجه "وقف بتعب و صراخ" ما قالت لكم الله يلعنها و افتك منها الكايد بعصبيه : لا تلعن اللعن يطرد من رحمة الله ، و بعدين وش فيه وش سوت عايدة حازم : راح شرفنا يااخوي راح هاللي تتسمى اختنا "غمض عيونه ما قدر يكمل" عايدة مب بنت الكايد مط عيونه بقوه و لف على عايدة بعصبيه : وش تقول انت وش؟ حازم : و الاعظم يااخوي مع ولد الوافي راجح ام الكايد شهقت : عايدة وش سويتي اه ياربي الكايد سحب عايدة معاه و طلع من المستشفى بكبره!! ام الكايد بصراخ : بيذبحها يا ويلي على عيالي بيذبحها يا حازم انسدح حازم على السرير و غمض عيونه بقوه : خله يا يمه لو ما ذبحها انا اللي بذبحها اسرار من الصدمة جلست على الارض ام الكايد مسكت رأسها بتعب و بكت ________ طلعوا من المستشفى و كل واحد مب طايق الثاني دق جوال رابح و رد : الو السلام … ايه طلعنا يا عمي … طبيعي بنتهاوش يا عم بس خل نوصل البيت … لا قريب الحين بدخل الحارة … اجل اشوفك بالبيت … فمان الكريم. لف رابح على راجح بسخرية : و بتصير عريس يا اخوي قبلي راجح ثار من رابح : اقطع ابتسم بأستخفاف و وقف السيارة عند البيت : تحتاج مساعده ولا تمشي بعكازتك لوحدك راجح طنشه و نزل يمشي بالعكازة بصعوبة ناظر اخوه بأسف على حاله و تمم بهمس : الله يهديك الله يهديك دخل و كانت بأستقباله امه العتبانه عليه و خايفه بنفس الوقت ام رابح بحزن : الحمدلله على السلامة يا ولد بطني ضم امه ببرود : الله يسلمك يا غالية سالم : اذا خلصت مسرحيتك سير راجح تعال المجلس بسرعه راجح بصراخ : راجح راجح راجح ياخي راجح زهق منكم و من عقلياتكم الساذجه ماهر طالع فيه بنظرة : عقلياتنا الساذجه؟ الله يشفيك بس و اخلص تعال للمجلس خلنا نحل موضوعك و نريح قبل تجي الشرطة عند بابنا تسحبك للمحكمة عصب راجح و لحقهم للمجلس ___________ في بيت الكاظم في زاوية المستودع حاطه رأسها بين فخوذها و تبكي و تشهق ، جسمها كله معلم عليه اول مره تنضرب بحياتها متعودة على الدلع لكن الحين تحس انها تنزف من كل مكان ، الكايد الاخو الحنون ابونا اللي مدلعنا يضربني كذا ، انا استاهل والله استاهل و استحق الضرب و الذبح ! تذكرت قبل ساعتين اول ما طلعوا من المستشفى سحبها بعصبيه للسيارة الا شوي و بتنخلع يدها من الكايد! كان يمشي بجنون اول مره اشوفه كذا العروق مبينه على وجهه معالم وجهه تفجع ما كأنه اخوها الحنين. سحبني من شعري للمستودع وانا ابكي بس بدون دموع! رمى شماغه على الارض و اخذ عقاله و محطني فيه ضربني ضرب قاسي ما حسيت بجسمي من قوة الضرب ، اخذ حزام كان مرمي على الدولاب قديم و ضربني فيه تصدقون عاد اني ما حسيت بألم الضرب كثر ألم القلب مسكني مع كتوفي يهزني و يتكلم كلمات ما سمعتها من شدة الألم ما صرت اسمع اي شي ما اتذكر الا ذاك القذر وهو يغتصبني مسكت رأسي اهز بالنفي و ابكي اخذت الحزام اللي كان بيده و ضربت نفسي و كأني مجنونه كل ما اتذكر كيف اغتصبني ازيد اضرب بنفسي عشان انسى بس مستحيل انسى هذا خلاص رسخ بعقلي شفت نظراته المصدومة مني اخذ مني الحزام و عطاني كف من قوته شفتي السفلى نزفت دم اعطاني نظرة استحقار هزتني هز و قفل باب المستودع و طلع رجعت للواقع و كأني ميته او زومبي شكلي يفجع وجهي كله ضرب هذا غير جسمي و ظهري اللي احسه ينزف ابي ابكي بس ما عاد للبكاء دموع! ابي اصيح بس ما عاد فيه صوت! ابي حضن امي و ارتمي فيه بس هذا مستحيل ! ______________ بيت الوافي بالمجلس الاصوات بدت تعلى و تعلى فهد بعصبيه : اقطع يا مسود الوجه البنت بتتزوجها يعني بتتزوجها تفهم انت؟ راجح بثوران : والله ما اتز… قاطعه كف من سالم و شد على سنونه : لا تحلف ، بتتزوجها و رجلي فوق رأسك توحي! تهورك هذا ما بينفعك، بإختصار لو ما بتتزوجها بروح و اشتكي عليك بالمحكمة انك زاني و يزوجونك ياها غصب سكت عقب كلام عمه الواثق من نفسه بس ما طال حتى سمعوا صراخ الكايد بعصبيه مرعبة : يا عيال الوافي … يا عيال الوافي طلعوا و انصدموا لما شافوا ولد الكاظم! سالم بهدوء : ادخل خلنا نتفاهم الكايد بنرفزة : اي تفاهم؟ اللي سواه قليل المرجلة له تفاهم قلي انت؟ ماهر برزانة : يا الكايد الولد بيتزوجها و يستر عليه و عليها الكايد بإبتسامة وسط ثورانه : والله ثم والله ثم والله و هذه ثلاث حلوف يا عيال الوافي ان اخليكم تتمنون الموت ولا تطولونه دام هذه سلومكم اللي تتفاخرون فيها بنتصرف نفس التصرف توحون؟ سالم بعصبيه : يا ولد الكاظم قلنا لك هالرجال بيتزوج بنتكم و يصحح غلطته الكايد : بعد بكره الملكة تجي انت و ورعك و تملكون عليها و عقبها بأسبوع الزواج احسبوا حسابكم طلع ثاير متوجه للمستشفى ياخذ اهله.. سالم : حسبي الله عليك يا راجح دامك ذليتنا و خليتنا ولا شي قدام ال كاظم فهد : خربت سمعه قبيلة كاملة بسبب تهورك و غبائك يا ولد الوافي دخلوا كلهم و بقى هو يفكر بكلام الكايد بقهر ____________ بعد يومين مرت بتعاستها على العايلتين جاء وقت تصحيح الأخطاء و ملكة راجح على عايدة! و طلوع حازم من المستشفى عقب ما درى اصر الا يطلع اليوم... العصر 4:12 بمجلس الرجال ببيت ال كاظم الشيخ بصدر المجلس و على يمينه الكايد و حازم و على يساره سالم و راجح و عيال عمه الشيخ : خلاص اجل بقى نسمع موافقه البنت و توقيعها الكايد بصوت مرتفع : لحظه يا شيخ عندي شي بقوله قبل موافقه البنت سالم ناظره بإستغراب الشيخ : تفضل يا ولدي الكايد بإبتسامة خبث : قبل تصير اختي حليلته ، ابي اخت راجح الوافي حليلتي طامع بنسبهم انا ابتسم حازم على خبث اخوه فز راجح مثل المقروص : تخسي والله ما تتزوج المها سالم بعصبيه : يا الكايد حنا جايين نملك على بنتكم وانت تعرف السبب الكايد برفعه حاجب : كان انكم تبون المشاكل ارفضوا و نتقابل بالمحاكم البنت بالبنت ، و انا ما رحت سويت الشين ببنتكم انا ابيها على سنة الله ورسوله رابح بنظرة احتقار : يا خسيس تبي تضيم اختي حازم بإبتسامة : علامكم يالربع ترانا بنصير انسباء عيب هالكلام و اخوي يبي قربكم "لف على الشيخ" ولا يا شيخ حرام نطلب بنتهم الشيخ بإستغراب : حلال يا ولدي بس يا ليت تخلصون عندي بعد المغرب عقد قران اخر راجح بعصبيه : الغي العقد يا شيخ ما نبي بنتهم خلها عندهم الشيخ استغفر و خذا كتابه و طلع الكايد ابتسم بخبث : معكم يوم واحد فكروا و اذا ما اعجبكم علموني اروح المحكمة و تروح سمعتكم ماهر بعصبيه و استحقار : المها محجوزةً لي من هي صغيرة تجي انت تتزوجها! الكايد : درب السلامه يا عيال الوافي حازم : لا تنسون معكم يوم بس طلعوا عيال الوافي و العصبية واصلة معاهم الف _____________ نهاية البارت الثالث. ' ' البارت جدا جدا قصير اعرف بس حالياً هذ اللي قدرت انزله لكن اوعدكم بجزء من البارت الرابع بكره و ارضيكم فيه! بالنسبة لموعد البارتات حالياً بيكون كل خميس و جمعه فقط لكن وقت الاختبارات اعذروني يمكن انزل بيوم واحد بس او اوقف الرواية فترة الاختبارات و بس اخلص انزل لكم.. ودي لكم. | ||||||||
|
| |
|
08-04-16, 09:59 AM
| #6 | ||||||||
| مراقبة عامة ومشرفة منتدى الروايات المنقولة
| البارت الرابع بعد المغرب ببيت الوافي.. تحديدًا بالمجلس " سالم ، الجدة ، فاطمة ، عليا ، راجح " فاطمة ضربت يدها على صدرها و شهقت : اخت اخوي وش تقول انت يا سالم الجدة تمتمت : لا حول ولا قوة الا بالله عليا بحزن : ما فيه حل ثاني يا سالم ! سالم نزل رأسه : لا والله يا نزوجه المها ولا راجح بالسجن عليه قضيتين محاولة قتل + اغتصاب فإستحالة ينجى راجح بإنزعاج : اذبح نفسي ولا ذاك الخسيس يتزوجها بكت فاطمة : و العمل يا سالم؟ يعني نرخص المها و نزوجها ولد الكاظم!! سالم بحزن : يا مرت اخوي ، وش اللي ترخصينها؟ وانا وين رحت! و بعدين الكايد سمعته زينه و رجال ولو ان كل هالمشاكل بيننا و بينهم و طلب المها مني والله لاعطيه بدون تردد ارتاحي الجدة : حسبي الله عليك يا راجح دامك خليت اختك ب حيرة حسبي الله فاطمة مسكت يد الجدة بترجي : تكفين يا امي تكفين لا تدعين عليه هذا ولدي الجدة بأسى على حالها استغفرت سالم لف على عليا : ازهمي على المها تجي و نشوف اذا وافقت كان بها ما وافقت والله ما نزوجه حتى لو كان الضحية راجح نزل رأسه بألم راجح راحت عليا تزهم على المها و هي عارفة ان هالليلة ما راح تمر بسلام ابد! سالم طالع براجح : وش اسوي فيك انا؟ من ولدت وانت مطلع عيوني و شاقيني ها؟ اتعبتني يا راجح اتعبتني راجح سكت بخجل و حزن دخلت عليا و المها بإبتسامة : السلام يا قوم ، قالوا لي انكم طالبيني خصيصاً ليكون بتسفروني؟ سالم بهدوء اشر على المها تجي جنبه : تعالي يا المها جلست و قلبها قابضها تحس فيه شي كبير الله يستر! سالم بحنية : تعرفين الاوضاع مكركبه هالايام و مشاكل راجح الله يهديه … اليوم رحنا نملك على بنت الكاظم "سكت ما عرف وش يقول" المها : ايه اعرف يا عمي عطني الزبدة سالم بتوتر : رفضوا يزوجون راجح لبنتهم المها بإستغراب : ليه؟ يعني ليش رفضوا سالم : شرط! شرطوا شرط ان ما يتزوج راجح بنتهم الا اذا وافقنا نزوجك ولدهم واذا ما وافقنا بيرمون راجح السجن المها ضحكت : عمي انا وش دخلني!! و بعدين ليكون نسيت اني محجوزة لماهر؟ سالم : ادري! يا حبيبتي قرري وعلميني و صدقيني اذا رفضتي والله ما يتزوجك و ان يدخل هالخايب راجح السجن طالعت براجح اللي منزل رأسه و يحس نفسه صغير! المها غمضت عيونها و فتحتها : اذا ما وافقت بيدخل السجن صحيح؟ سالم هز رأسه بمعنى ايه نزلت دمعتها : عمي راجح! سامحوني انا مو موافقه اتزوجه و اضيع مستقبلي بسبب شي سخيف طلعت تركض تبكي فاطمة زاد بكاها : اخ يا راجح اخ سالم تنهد بحزن اما راجح طلع متوجه غرفته _________ دخلت امتنان : المها! المها بدموع : هلا امتنان بخوف : مها وش فيك يا روحي؟ المها بكت : ولد الكاظم شرط ما يزوج راجح الا لما يتزوجني او يدخل راجح للسجن ، وانا رفضت يا امتنان خايفه امتنان شهقت : ناوي على اجله ذا!!!! المها بسخرية ممزوجة بصوت باكي : وش اسوي؟ اذا وافقت حياتي و مستقبلي بيتدمر واذا رفضت راجح بتروح حياته و مستقبلي ، كالعادة انا الضحية بين اخواني!! رابح رافض فكرة اني اتزوج و راجح اخ منه امتنان ضمتها : مهوي فكري بحياتك انتي لا تهتمين لراجح و مصيره! هو ما اهتم فيكم لما اغتصب البنت و الحين انتي اللي تتحملين اخطائه!! فكري بمصلحتك. المهَا ضمت امتنان بقوة سكتت تفكر!.. دقت الباب نجود و دخلت : المها كيفك يا قلبي؟ المها هزت رأسها بمعنى لا نجود : فكرتي بكلام عمي؟ ترى كل البيت دروا و قلقانين عليك المها : ما فكرت ولا حتى بفكر لان جوابي معروف لا والف لا نجود مطت عيونها : المها منجدك!!! بيروح مستقبل اخوك انتي عارفه هالشي صح!! امتنان بعصبيه : نجود سكتي واللي يسلمك هذا قرارها وهي مقتنعه فيه ماله داعي كلامك هذا. نجود بعصبيه : امتنان لا تعبين راس البنت ، لا تخلينها قاسية بقرارها هذا بتدمر حياة اخوها!! امتنان بعصبيه : اي تعبيه! وبعدين مثل مابيخرب مستقبل راجح بيخرب مستقبل المها المها مسكت رأسها بتعب و صرخت : خلاص يكفي ، هذه حياتي وانا اللي بقرر فيها نجود بنظرة : ما توقعت قلبك قاسي كذا يا المها ، امك ذبحت نفسها من البكاء تحت وانتي بكل قواة عين تقولين لا! امتنان بقوة : هوب هوب نجود هانم ، انتي اخر من يتكلم بقساوة القلب و حياة المها ما تدخلين فيها و يالله حبيبتي الغرفة تتعذرك نجود: تطرديني من الغرفة!!!! المها : انا اللي بطلع اختنقت يكفي نزلت تحت و لحقتني نجود شفت كلهم متجمعين بالصالة و الحزن و الكئابة طاغية على المكان و راجح امي تضمه كأنها تودعه! و سالم اه من سالم العم الحنون منزل رأسه بحزن و جدتي دموعها تنزل و تستغفر و تهلل! خلاص انا ما اتحمل كل هالضغط علي! المها بهدوء وصوت مرتفع : عمي وصل لولد الكاظم اني موافقه عليه سالم و كأن وجهه تهلل لكن : المها حبيبتي اذا ما تبينه … قاطعته المها بحدة : لا يا عم انا راضية رابح بعصبيه و ثوران : المها انتي من جدك!!! توافقين عليه عشان واحد ما يستاهل ما يفكر الا بنفسه خلي هالديوث يدخل السجن و ياخذ عقابه المها جت بتتكلم بس قاطعها سالم : رابح اقطع ، خلاص اختك وافقت وانا ولي امرها يعني تنطم ناظرت عمها بألم كيف! رابح بثوران طلع من البيت.... المها : تصبحون على خير. لحقتها فاطمة لغرفتها و سكرت الباب : المها المها بإبتسامة : هلا يمه فاطمة ببكاء : ليش ترخصين بعمرك يا قلبي ليش المها بألم : ليش ارخص؟ انتم قاعدين تعذبوني و تضغطون علي بالحيل ، نظراتك و بكائك على راجح و بكاء جدتي و نظرات الحزن والانكسار داخل عيون عمي و راجح العاجز و غضب رابح و كلام نجود كلكم ضغطتوني حتى النظرات العتاب من اللي تحت ما سلمت منها و تقولين ليش ارخص عمري! ابد والله فاطمة ضمت بنتها بقوة و بكت المها بإنكسار بعدت امها و بكت : يمه و اللي يعافيك مو طايقة نفسي ، سوو اللي تبونه بدون شوري ' ' طالعت بنتها و بدموع طلعت تركض لغرفته تعبت من راجح و مشاكله اللي ما تخلص : راجح راجح لف على امه بندم : لبيه يا يمه فاطمة بحدة و دموعها تنزل و تضرب على صدرها: الله لا يسامحك لا دنيا ولا اخرة الله لا يســـامــحك مثل ما خربت حياة اختك فز لها و كأنه مقروص و حط يده على فمها و برجاء : يمه لا تدعين الا الدعاء يمه ، تبين تضربين اضربي تبين تهاوشين هاوشي تبين تذبحين اذبحيني بس لا تدعين يمه افديك يالغالية الا دعائك ما ابي ربي يغضب علي فاطمة زاد بكاها : استغفرالله استغفرالله بس ربي غاضبن عليك انت تعرف وش سويت؟ شرف البنت راح حرام عليك يا ولدي حرام هي مالها ذنب والله مالها ذنب راجح بندم و دموعه تنزل حضن امه : يمه ادري مالها ذنب ادري بس … بس كنت ابي دمهم يحترق و يفور ابي يحسون بشعور القهر و العجز مثل ما حسينا فيه ولا انا بتزوجها يا الغالية انا مو دنيئ لهدرجة انا مب ظالم و لا عندي ناموس انا بس ابي ابرد خاطري بس ما برد يا يمه الا اشتعل نار ندم و حسرة على المها فاطمة بدموع دفت راجح : قضينا يا راجح قضينا انت حطمت حياة بنت بأكملها انت ظالم لا تبرر لنفسك يا ولدي اعترف بخطائك انت دنيئ و بلا ناموس و ديوث هذا انت! انت حثالة الان ، يمكن قبل كنت رجال و افتخر فيه بس "غمضت عيونها بألم" بس الحين انت عندي بلا رجولة انسان يبي الدم بس يغتصب بنات الناس و يقول انه رجال افهم! ابني نفسك من جديد و كون حياة جديدة مع البنت و نسيها اللي صار هذا اذا نست الضعيفة على الاقل اثبت نفسك قدامي وقدامها صير رجال من جديد راجح نزل عيونه : يمه لا تضغطين علي كفاية عمي و عيال عمامي لا تكسريني يالغالية كلامك هذا يجرح رجولتي بالصميم فاطمة هزت رأسها بمعنى ايه : ايه ايه هذا اللي ابيه ابيك تحس على نفسك و ترشد تصير انسان فاهم و عاقل لا تملئ قلبك بالحقد و الشر اخطي خطى رابح و عمك سالم لا تتصرف بعدوانية و تهور راجح طالع بأمه بمعنى ما اقدر فاطمة طالعت فيه بتصميم : تقدر تقدر يا راجح لا تعجز روح و ابدا اول شي بالمها طيب خاطرها خلها تسامحك و خل بنت الناس تسامحك ثم بعدها انا اسامحك طالع بأمه و سكت : يمه ما اقدر اعتذر فاطمة مسكت يد راجح و سحبته لغرفة المها و دقت الباب : الله يقويك فاطمة ابتسمت لولدها و نزلت تحت " بيت الكاظم شهقت ام الكايد : وش تقول انت؟ الكايد : لا تخافين يمه ما راح اسوي فيها الشين مجرد بخوفهم بأختهم ولا انا مستحيل أذي البنت بشي بتزوجها على سنة الله ورسوله ام الكايد بشك : احلف يا الكايد احلف الكايد بإبتسامة : والله حازم : هذا شرطي انا و الكايد بعد سته شهور يطلق عايدة و الكايد يطلق بنتهم بنفس اليوم ام الكايد بدموع : حرام عليكم يا عيالي حرام الكايد بحزم : يمه عايدة مستحيل تقعد عند ذاك الشيطان اكثر من سته شهور عشان الناس ما يشكون ام الكايد : و الولد وش قال؟ حازم : ما قلنا له بس يجي نقوله و غصبن عنه يوافق ام الكايد مسكت رأسها بألم و طلعت لغرفتها حازم ابتسم : تدري عاد ما توقعت انك بتقول كذا صراحةً اتحفتني بكلامك قدامهم الكايد : حبيت اقهرهم بس و لا انا ما راح اسوي شي للبنت حتى ما راح ألمسها بخليها ثلاثه شهور او اربع و بطلقها تشوف حياتها لان مالها ذنب بعد حازم : عارفك يا الكايد و داري انك حنين مب مثل اللي تظهره لنا بالقسوة يعني ما يحتاج تبرر لي يااخوي هز رأسه الكايد : المهلة بتنقضي بكره يا اما بالطيب ولا الغصب حازم ابتسم بلعانة : مع اني افضل يكون بالغصب ابي اشوف الشرطة تجرهم جر و اضحك بشماته الكايد طالعه و ابتسم : اول مره افكر مثلك و تعجبني شماتك ضحك بقوة حازم : قايل لك قبل انا احسن شي بالحياة تشوف احد ظالمك و تاخذ حقك منه و تتشمت الكايد : حدك يالغالي لا تتشمت كثير خلها على الله حازم : الكايد الكايد لف عليه : هلا يا عين اخوك حازم بحدة : لو يأذي راجح عايدة فاعرف ان ذبحته على يدي عايدة غالية علي الكايد بإبتسامة : لامن ذبحته علمني اقبره ابتسم حازم ________________ ________________ ببيت الوافي تحديدًا قدام غرفة المها واقف متردد و متوتر دق الباب للمره الثانيه و ما فيه رد دق مره ثالث مافيه رد اضطر انه يفتح الباب و يدخل شافها مغطية وجهها باللحاف و تتظاهر بالنوم كأنها ما تبي احد : المها ادري انك مو نايمة لا رد راجح : المها لو سمحتي ابي اتكلم معاك بعدت اللحاف عن وجهها و بدون ما تطالع فيه : انا مسامحتك سكر الباب معاك راجح طالع فيها : المها لو سمحت… قاطعته المها بحدة : راجح انا عارفة وش تبي تقول ! فروح انا مسامحتك و لا تتظاهر بأنك الاخو الحنون النادم ريح ضميرك و تؤكل تراني مسامحتك دنيا و اخره راجح ناظرها بألم و طلع سكر الباب " اشرقت شمس الرياض على احيائها معلنه يوم جديد.. ف بيت الكاظم الكايد : يمه قولي لبنتك ان الحين بنروح نحلل لزواجها و زواجي ام الكايد بحزن : الحمدلله طيب راحت للمستودع و شافت بنتها متكورة على نفسها و نايمة بكت عليها اخ يا عايدة قربت منها و جت تصحيها بس فزت بخوف ام الكايد : بسم الله عليك يا بنتي بسم الله عايدة طالعت امها بخوف ام الكايد : يالله يا حبيبتي قومي لغرفتك تسبحي و غيري لبسك و روحي حللي مع اخوك عايدة بدموع : احلل ايش؟ ام الكايد مسحت دموع بنتها : تحللين لزواجك يا بنتي عايدة ببكاء تمسكت بشرشف امها : يمه دخيلك ما ابي اتزوجه الا هو يمه الا هو ام الكايد بكت : يا عيودة يابنتي لازم تتزوجينه و تسترين على نفسك عايدة ببكاء و تترجى امها : يمه الله يخليك ما ابيه افهموني ، يمه اذبحيني بس لا تزوجيني ياه ام الكايد بدموع مسكت وجهها تهديها: يا بنيتي اخوانك حلفوا انك تقعدين عنده سته شهور و ترجعين عشان الناس عايدة ببكاء : يمه سته شهور كثير والله كثير كيف بتحمل اقعد مع المريض ذاك سته شهور!!!! ام الكايد بدموع : الله يعينك يا حبيبتي يالله قومي ازهبي و روحي مع اخوك قامت بصعوبة وساعدتها امها و طلعوا من المستودع و امها تسندها صادفوا الكايد طالع فيها بحزن و طلع انتهى البارت الرابع انتظروني الليل.. | ||||||||
|
| |
|
11-04-16, 07:16 AM
| #7 | ||||||||
| مراقبة عامة ومشرفة منتدى الروايات المنقولة
| البارت الخامس. اشرقت شمس الرياض على احيائها معلنه يوم جديد.. __________ بمركز الفحص الطبي قبل الزواج!! دخل الكايد و جنبه عايدة اللي بس شافت راجح تمسكت بقوة بالكايد بخوف اما الكايد سكت على حركتها : السلام عليكم سالم بهدوء : و عليكم السلام ، نادو على اسم عايدة و راجح يالله الكايد ابتسم لعايدة بمعنى اطمني انا معاك و دخلت لقسم النساء و راجح بهدوء دخل قسم الرجال لجل يحلل و يفتك الكايد بخبث : بنتكم معكم؟ سالم بنظرة : الكايد ندري معاك الحق لكن لا تظلم البنت و تعذبها معاك! المها ما تستاهل كل هذا احترمها و صونها عشان نصونك و صدقني لو تشتكي منك لاخرب الدنيا عليك الكايد هز رأسه : لا يهمك بإذن الله ما اظلمها بنتكم بالحفظ و الصون سكت ما يبي يتجادل مع الكايد.. موضف الاستقبال : الكايد صالح الكاظم الكايد لحق الموظف.. بعد نص ساعه بالضبط راجح طلع من القسم بكبره اما الكايد طلع و معاه عايدة شاف سالم ينتظر برى و جنبه بنت ابتسم بخبث طلع المفتاح من جيبه و مده لعايدة : روحي للسيارة انتظريني فيها دقايق و اجي هزت رأسها بطيب و هي متضايقه و مشت للسيارة!! تقدم لهم و بصوت جهوري : اشوفك تنتظر يا ال وافي برى سالم : ابد يا ال كاظم بغيت اعرف متى الملكة و قلت انتظر حضرة جنابك الكايد بإبتسامة : ما عليه الزواج ابيه مع الملكة يعني بعد التحليل بأسبوع سالم بهدوء : يكون احسن بعد بس زواج المها بيكون غير من حقها تفرح بعد الكايد : يصير … المها قاطعته بحدة : اي فرحة يا عمي!! على العموم ما ابي زواج و هيصة لاني ما اعتبر عروس ما يهمني اذا كان اليوم او بكره اهم شي افتك من هالمسألة سالم بحدة : المها!! الكايد نزل نظارته الشمسية و شافها من فوق لتحت و رفعها ابتسم على ردها : نمشي على رأي العم ولا عروستي؟ سالم بنظرة و حدة قاطعه : زواجكم يكون بعد عرس راجح و بنتكم بأسبوع و الملكة مع زواج راجح قضينا الكايد بإستخفاف : يناسبني خلاص اتفقنا نشوفكم على خير سالم مسك ايد المها و بحدة : على خير يالله مها توجه كل واحد لسيارته... ________________ في بيت الوافي بالحوش فارشين سجادة كبيرة و يتقهوون مع الجدة.. امتنان اخذت لها تمره : الحين البنت وش اسمها ياربي! عيدة اظن! فاطمة بعد ما رشفت قهوة : عايدة اسمها امتنان و للان بيدها التمرة حركت يدها بلا مبالاة : أياً كان عيدة او عايدة مفيش فرق ، بتسكن عندنا!! ولا بيطلع معها راجح برى ببيت فاطمة : الله و اعلم بس اكيد بتسكن عندنا الجدة : هاو اكيد بتقعد عندنا حنا ما راح نأمنها عند المجنون ذا ، بتقعد عندتس قدام عيوننا لجل ما يسوي لها شي المجنون العنود بإبتسامة : اقول جدوه تذكرين ولد الكاظم اللي بيتزوج المها اللي جانا يهاوش الجدة لبست نظارتها : ايه وش فيه؟علامتس؟ العنود بحالمية : اه يا جده يفتن يا حظ المها فيه الجدة طقت بعصاها على الارض بحدة : ما بقى الا بنت الظ،ظ¥ سنه تتكلم عيبن عليتس ، اقسم بالله يا عنيد لو تمدحين الريجيل تسذا والله ان ما تمرحين الا جلدتس احمر من العصا توحين؟ العنود حطت يدها على فمها بمعنى توبه امتنان : جدة تعرفين ال العلي؟ الجدة : ال علي لا والله بس الاسم مهب غريب علي ، علامهم؟ سوو فيتس شي؟ امتنان بابتسامة : هاو جدة انا بنت الوافي ما يسوون شي ولا يسترجون حتى عليا : قصدك ايهم؟ هم ياكثرهم العلي امتنان : جاسم العلي اللي ابوه عبدالعزيز عليا بعز المعرفة : يا حيهم من معرفة ما شاء الله اعرفهم زوجته كانت زميلة لي ايام الدراسه وش فيهم؟ امتنان بنظرة لسميه يعني كملي انتي انا اكل سمية بعصبيه : يا تكملين الهرج للنهاية ولا لاتهرجين مرةً وحده افف منتس ، كلمتني بنتهم انا و امتنان تقول انهم يبون يخطبون اسماء لاخوها جاسم و يبون الموافقه عشان يجوننا بالبيت اسماء شهقت : نعم!!! الجدة تهلل وجهها : ما شاء الله والله وجت قسمتس يا اسماء و بالعان انها قسمتن زينه عليا بإبتسامة: ما شاء الله يا اسماء سمية طالعت مزنه : هاه عمه مزنه وش قلتي عشان نقولها؟ مزنه بفرح : والله لساني انربط من الفرح عيال العلي ينشرون و معروفين بالطيب و السمعه الزينه مالي كلام عقب كلام سالم و اسماء اسماء قامت من الجلسه لغرفتها بسرعه نجود ابتسمت : خلاص ما عاد بقى احد بالبيت بكره تروح المها و بعده اسماء يالله كبرتوا يا بنات ، الله يرحم ذيك الايام اللي كنتوا تلاحقوني فيها تبون تتلصقون وانا يعنني كبيرة ما اكلم بزران سمية : عدال يالكبيرة ، خاطري ارجع لوراء واصفق نفسي على الايام اللي كنت خاقه عليك و حاطتك مثالي الاعلى امتنان غطت وجهها بفشله : ايه والله ودي امحي ذيك الايام كنت خبله والله خبله! انا مو قاهرني غير الكحل الوردي اللي تحطه و كنا خاقين عليه و لا لما قصت شعورنا الاناناس يقال على الموضه و كشخه و فساتينا الحمر و هي الاصفر و نصيح نبي مثلها لا ياربي وش هالماضي الاسود نجود ضحكت : اقول بس كنت كشخه بذاك الوقت ، و بعدين اعترفوا ذيك الايام كانت موضه الكحل الوردي و الاناناس الريم كشت على وجهها : يا شينها من كشخه بس مالت علي العنود بتكبر : الحمدلله ما عشت زمنكم المغبر يع مدري كيف كانت اشكالكم يع بس نجود رمت عليها كرتون المنديل : بنت الالفين انطمي بالله! بالله قولي وشهي حياتك الحين مغير على الجوال اربع و عشرين ساعه وين طفولتك بس؟ العنود : طفولتي حلوه و كيوت اجل بالله هذه طفوله اركض ورى القطاوة والعب بالتراب وانحاش بالحواوير و مضارب؟ تسمين هذه طفولة؟ الا بيئة سمية : اقطعي بس كانت ايام حلوة و تجنن الجدة حطت يدها على برقعها تخز العنود : اجل بيئة يا عنيد! هذه طفولة العرب و البدو اجل تبين طفولتس بالميوه على البحر و جنبتس السرابيت يتراقصون العنود سكتت ما عجبها حكيهم ففضلت تسكت ضحكت بقوة نجود : جدة اسمه مايوه مو ميوه الجدة : اقطعي انتي سمية بضحكة : يا عزتي لهم الكفار لو دروا انك تسميه ميوه لا ينتحرون سارة اللي اخيرا تكلمت ابتسمت: ما عليك منهم يا يمه قولي اللي تقولينه و انتم احترمن جدتكن بلا طقاق و مزح فاضي سمية رفعت يدينها فوق : اسكتوا تكلمت مدرسه الدين ضحكوا كلهم امتنان بضحك : حدك الا ميمتي الغالية سارة خزت بنتها بمزح : صرت غالية الحين! اجل تضحكين على ذبتها وبعدين تقولين حدك!!! عز الله خلفت امتنان قامت وحبت راس امها : اعذريني يمه لكن الحق حق ذبتها ضحكتني انفتحت البوابة الكبيرة و دخلت منها سيارة سالم و اللي كان معه المها وقف السيارة بالكراج و نزل هو و المها راحوا للجدة باس راسها سالم و سوت مثله المها و باست راس امها و استئذنت منهم لفوق سالم بابتسامة : ايوه قولوا لي وش في حسكم واصل لبرى و كركركركااكاا اجل؟ ضحكت عليا : يا اخوي ابدن سوالف نجيد و امتنان و سمية عاد لاجتمعوا بيصير كذا و زعلوا دلوعتك بعد خاصةً امي استقعدت لها سالم بضحكة : افا يالمهرة تزعلين العنود شيخه الغيد!!! الجدة بخز : خلها ما تقدر الكبير ، ماعلينا وش صار على المها و راجح سالم تقلصت ابتسامته:ابدن حللوا و طلعنا و راجح بعد ما حللنا ذلف لوين مدري فاطمة كانت بتقوم للمها بس وقفتها امتنان : خلك يا عمه انا بروح لها انا و سمية سكتت فاطمة و جلست مهمومة.. سالم تكى على المركى و اخذ فنجال القهوة من الريم : بإذن الله تطلع بكره الظهر ، طلع لعيال الكاظم معارف فالمركز و بالكثير بكره تطلع و نشوف فاطمة بهم : الله يتمم على خير الجدة : الزواج متى؟ سالم بإبتسامة : الملكة و الزواج بتكون سوا اما زواج مها بعدها بأسبوع عليا : ما يمدينا نجهز و لا نقضي يا سالم الله يهديك اذا شهر قليل علينا ويالله نجهز بعد!!! سالم : والله انتم يالحريم ما اتوقع تكفيكم سنه تتجهزون مزنه : والله طبيعي ما تكفي هذا زواج ولدنا و بنتنا سارة : واللي يعافيك سالم لا تتكلم بأمور ما تعرفها ضحك سالم و رفع يدينه : استسلم والله __________ _____________ بنفس البيت لكن بجهة ثانية بغرفة المها سمية مطت عيونها : المها منجدك!!!!! المها فسخت عبايتها و جلست على السرير بإبتسامة : ايه من جدي سمية بعصبيه : بنت! تراك تلعبين بالنار وانتي مب دارية "لفت على امتنان اللي كانت تفكر" امتنان قولي لها فهميها ان اللي تسويه مب من صالحها!! امتنان بعد تفكير : اللي يلعب بالنار هو و دامه تزوجها بلوي ذراع فليش ما تنتقم بطريقتها!! وبعدين فكرتها حلوه سمية طالعت فيهم مو مستوعبه : لا لا انتم اكيد مسخنين ولا انجنيتن المها : سمية يا روحي ما عاش من يستقوي على مره ولا هو رجال ، اذا بيحط رجولته يحطها قدام رجال مثله بدون ما يدخل الحريم لكن!! امتنان تربعت على الارض بحماس : ايه بالضبط قولي وش بتسوين؟ المها بإبتسامة : بتعامل معاه عادي مثل اي زوجين و راح اعطيه حقه الشرعي و طبعاً بتعامل معاه بدلع و اخرفنه لين يصير بيدي و يطيح بحبي ولا يقدر على فرقاي بعدين ابلعب بمستقبله لعب و اما شغله اللي فرحان فيه و مفتخر فيه هذا ما راح اقولكم وش بسوي فيه خلوه سر و تشوفون انتم و بعده ابطلقه سمية بعصبيه : مها و وجع ان شاء الله!! مستوعبة وش تقولين انتي ، لو ما طلقك مثلا المها : بأخلعه و لا تنسين ان عمي قاضي يعني يطلقني منه غصبن عنه امتنان بنظرة : المها ما كأنك زودتيها شوي؟ المها بعصبيه : ما زودت ولا نقصت شي و يحمد ربه انها جت على كذا سمية قامت من السرير بعصبيه : انا بعلم عمي حالك هذا مو طبيعي انخطبتي و استخفيتي المها بعصبيه : تبين تعلمين علمي يالله وش تنتظرين!! سمية بعصبيه رفعت اصبعها بوجهه المها : لو ما تتراجعين عن اللي تفكرين فيه اقسم بعزته و جلالته ان انزل تحت واعلم الكل توحين؟ المها : يالله روحي بأخاف مثلا!!! سمية تحاول تهدي نفسها : المها لا تسوين بنفسك كذا ، انتي شكلك ما تعرفين منهو ولد الكاظم؟ كلن يخاف منه و يهابه مستحيل تقدرين تسوين فيه كذا هذا اذا ما كشفك بعد؟ صلي لك ركعتين و ارجعي لصوابك واعرفي ان اللي تسوينه خطأ و استخيري و ارضي بقدرك لا تظلمين نفسك و تظلمينه يمكنه صالح الولد و حليل لا تخربين مستقبلك المها بدموع : اي مستقبل؟ هو اصلا ضل مستقبل عقب اللي سواه راجح دمر حياتي ، وهذا مو قدري اصلا قدري مع ماهر وانتم تعرفون بعد اننا مخطوبين لبعض سمية بهدوء : قبل كم سنه انخطبتوا؟ لا تستهبلين على راسي هذا ايام الطفولة كان مجرد كلام و كل ما جاك خطاب قالوا محجوزة لماهر؟ لو انه يبيك صدق كان تزوجك من مدة لكن قدرك الحين مع الكايد عيشي معاه و حاولي تسعدين نفسك معه. امتنان بندم : مها يا قلبي كلام سمية صح خلاص حاولي تتقبلينه واذا ما اتفقتي معاه تطلقي منه المها غطت اللحاف على وجهها بصوت باكي : ابي انام ممكن تطلعون برى!!! سمية طالعت ف امتنان بنظرة امشي نطلع و فعلا طلعوا و سكروا الباب __________________ ببيت الكاظم بالحديقة المنزلية اللي العشب الاخضر ماليها والورد بأنواعه واللي غالب عليه الياسمين و" السبب نعرفه بالبارتات الجاية " ' تمر البال ؟ لا والله يا سيد الناس * هو الي يمرّك اليا من فقد حاله* سلام الله عليك من آدم الاحساس الين آخر طفل مولود ف عياله بيديك ورد وعقد ؟ خذها معك وأنسى قاسي شعور الفقد؟ فقد الشعور .. أقسى للشاعر الكبير سعد علوش ' منسدح على العشب الاخضر و يناظر النجوم بهدوء و هواجيسه رايحه لمكان يكره توصله لكن كيف يمنع مشاعره اتجاها! هو يحبها الا يعشقها بشكل ما يتصوره ملامحها ما تنمسح من عقله هذه حُب الطفولة و المراهقة و الشباب ، تذكر صرختها لما اطلق الرصاصه على راجح كيف كانت خايفه و مصدومة و نظارات رابح لها اللي خايفه عليها حس بغيرة لدرجة كان وده يطلق عليه بعد ، عيونها اخ سبحان من كحلها و سواها كيف بنظرة تاخذ قلبه و تطلق سهومها. بغيض و قهر عاشق : اخ يا بنت الوافي وش سويتي فيني من عشر سنين و انا اندب حظي اللي تركني اعشق و ما عشقت الا بنت الوافي ! وش قد انتي صغيرة يا دنيا تركتي بنات حواء كلهن و ما خليتيني اعشق الا بنت الوافي كحيلة العيون السود. فز من العشب لما سمع صوت اسرار الخايف : اسرار وش فيك؟ اسرار بخوف : حازم! الحق الحق عايدة اغمى عليها و ما ندري وش نسوي؟ حازم بجمود : و المطلوب مني اسرار بعصبيه : انت وش وظيفتك مو دكتور؟ قم افحصها شوف وش فيها حازم واللي يخليك قم حرام عليك حازم رجع انسدح و طنشها اسرار برجاء : حازم على الاقل عشان امي تكفى ياخوي حازم بعصبيه : وينها فيه؟ ابتسمت : بغرفة امي تعال """" حاظنه يد عايدة تبوسها و تبكي دخل حازم و وراه اسرار اللي جابت شنطة حازم قرب من السرير وبدأ يتفحصها متجنب يناظر وجهها مسك يدها الثانية يتفحص نبضها بنفس اللحظه فتحت عيونها عايدة و شافته : حازم! حازم ترك يدها بجمود : ما فيها الا العافية ، انا بروح انام لحد يزعجني عندي دوام بكره عايدة خنقتها العبرة و سكتت تناظر امها تحاول تمسك نفسها لا تبكي ام الكايد بدموع و تعب : حازم واللي يرضالي عليك لا تداوم المستشفى معطينك اجازة شهر عشان اصابتك خلها لين تنتهي و بعدين داوم ، لا تقلقني عليك حازم : يمه قاطعته ام الكايد بدموع : والله ما تداوم و هذه انا حلفت يا حازم ما تداوم حازم بيأس : ابشري يمه مع ذلك بنام ارتاح تعبت كثير اليوم ام الكايد بهدوء : نوم العوافي طلع حازم و عيونه بالارض يفكر بحالتهم ___________________ بأحد مقاهي الرياض الكبيرة.. جالسين عيال الوافي بأخر طرف بجلستهم المعتادة "فهد - ماهر - رابح - محمد - مشاري - راشد -ماجد" محمد : افا عليك يا فهد حنا معك فهد بتفكير : حالياً عمي ناسي موضوع نجود بعذره اكيد لكن انا بروح للكلب و اتفاهم معاه و اجيب بنت اختي من عنده وانا ولد ابوي ماهر بهم : كأنك تبي مخاوة بخاويك فهد بإبتسامة : ما تقصر لكن هذا الموضوع يخصني انا ماجد بعفوية دق رابح بمزح : هيه يالاخو وين واصل رابح بعصبيه : ماجد و وجع كم مرة اقول مزحك هذا خله على اللي قدك لا تتسيخف علي اقسم بالله بزر ماجد بسخرية : اوه نسيت انك كبير و مفروض ما نتكلم معك ، مفروض اتكلم مع ابو سنتين لانه قدي و يحشمني صح رابح مط عيونه : تراددني يالكلب و تتريق اقسم بالله لامردغك هنا توحي انت يالورع ؟ ماجد بعصبيه : رابح تراني سكتت لك كثير نمزح معاك ما يصير ، نجلس جنبك بالمجلس ما يصير اقصد انت ما تتنازل و تفشلني بالمجالس و اسكت و اضحك احاول ما ابين لكن توصل … قاطعه ماهر بعصبيه : ماجد اقطع ولا ترادد ولد عمك انا اللي باخذ العقال و احطه على ظهرك وافشلك قدام الناس ماجد بعصبيه : يالله تعال حاطيني بزر ابو 6 سنوات وانا عمري 25 سنه رجال قام رابح بعصبيه و قرب من عند ماجد و مسكه مع ياقة ثوبه : يالله يا رجال ورني وش بتسوي ماجد دفه بقوة مشاري دخل بينهم و فرق بعصبيه: انتم علامكم انهبلتوا تراكم عيال عم!! ماجد بعصبيه اخذ مفتاح سيارته وطلع لحقه مشاري اما رابح جلس بعصبيه يتوعد فيه ماهر : صل على النبي يا رابح و تراني سكت لانك ولد عمي لكن المره الجايه بوقف مع اخوي يكون لك علم رابح مط عيونه: صل عليه وسلم تبي توقف معه وقف بخاف يعني؟ راشد بنظرة استحقار : انت انهبلت من اللي سواه اخوك و اذا ما مسكت نفسك بتسوي اللي سواه انتبه مب ناقصين مشاكل و الضحية هي اختكم رابح بعصبيه: ماهر لو ما تمسك اخوانك اقسم بعزته فهد قاطعه بعصبيه : اذا انا ساكت لك انت وياه من البداية هذا مو يعني راضي الا ابي اشوف نهايتكم لوين! لو يتكرر هالشي منيب قايل عيال عمي لا يا حبيبي انت وياه!! اعقلوا و اعرفوا انكم اخوان وانت يا رابح الزم حدك و اهدأ لا تجي هنا و تحط حرتك فينا صل على النبي و ريحنا مراجلك لا تطلعها هنا على عيال عمك الولد سكت سكت لين طفح الكيل معه اعقل يا رابح اعقل انت ما كنت كذا يالله سرينا الحين قاموا بهدوء و كل واحد عقله مب معه انتهت هالليلة على خير لكن يا ترى هل بكره بيجي على خير و لا شر!!! انتظروني بالبارت القادم يوم الخميس. | ||||||||
|
| |
|
16-04-16, 06:30 PM
| #8 | ||||||||
| مراقبة عامة ومشرفة منتدى الروايات المنقولة
| البارت السادس " ما علمك صوت المطر كيف احتريك؟ " ما ألذ لحظات الفجر ممزوجة بحبات المطر..! لحظات يصافح النقاء فيها الإشراق فيولد صبح جديد تتوارى شمسه خجلاً خلف غيم السماء ترقب لحظات اللقاء بين الأرض والسماء..واعتناق الغيث رمل الحياة.. بيت ال كاظم قام بحيويه و نشاط توجه للحمام " اكرمكم الله " توضئ و طلع من غرفته يصلي بالمسجد شاف غرفة حازم و دق الباب دقتين و دخل: حازم يابوي قم صل الفجر ما رد حازم قرب من السرير و حط يده على كتف حازم يهزه : حازم جعلك للجنه قم ياخوي قم صل فتح عيونه بتعب حازم : يالله جاي انزل و انا بتوضئ الحقك الكايد باس راس حازم بإبتسامة : اليوم بترتاح لكني رجيتك شي واحد لين قلبك على عايدة طريقة تعاملنا معها تعور قلبي هذه اختنا عيودة بنتي يا حازم حازم وقف : رجاك على العين والراس ياخوي لكن اللي صار مستحيل اتقبله برحب صدر و كأن ما صار شي كسرتني يا الكايد و كسرها مهب شوي الكايد ابتسم : كسرتنا كلنا لكن تضل بنتنا و حنا مستحيل نتخلى عنها بهالطريقة يا حازم انسى لا تفرح راجح فينا بيحسب ان مالها اهل و يفرد عضلاته فيها خلك ظهر لها يا حازم حنا سندها حنا اللي اذ قالت اه قلنا فينا ولا فيك حازم بحمية : يعقب ولد الوافي يسوي فيها شي ، لو بس يلمس شعرة منها اقطعه و ارميه للكلاب الكايد بإبتسامة ضرب ظهر حازم : ايه هذا اخوي هذا سندي اللي اعرفه خلك كذا حازم ابتسم : الصلاة بتفوتنا بتوضئ و الحقك هز رأسه بابتسـآمه و نزل __________ ف بيت الوافي بعد صلاة الفجر تحديدًا بالسطح جالسه تتأمل الشروق و تفكيرها مشغولة بسارقه " " على كف القدر والحب ظامي والرجا حيران على كف الزمن ضاعت سنيني مع لياليها تضيع بداخلي بسمه ويظهر للشقا عنوان واذا بانت بوادرها عذاب الهجر يخفيها واحس ان الجفا يمشي بدمي داخل الشريان يعذبني..يسهرني..ليالي مر حاليها عجزت ولابقابي حيل وانفاس الوصل هجران تعبت اسأل ليال الصمت جروحي كيف أواديها؟ تجاوبني ليال الصمت وتحرق قلبي الهيمان تقول:شموع امالك حلفت اني لطفيها مدام انك على دربي ابعطيك العذاب الوان وازيد جراحك بصدرك ولا لك من يشافيها ياليت اقوى ولو لحظه اسلي خاطري بنسيان الم جروحي واهاتي من الدنيا وبلاويها نخيتك يامل ضايع نخيتك تطوي الحرمان نخيتك ترسم الفرحه على حزني وترضيها والا يالله يارازق عبادك يارفيع الشان تفرح قلبي الملهوف قبل ماروح تنهيها للشاعر الكبير فيصل العدواني " " امتنان بطفش : سُمية و وجع اكلمك لي ساعه ولا تردين سمية صحت من سرحانها : ها؟ وش تبين امتنان : يعني وش ابي مثلا؟ تعالي افطري الفطور زاهب و جدتي تسال عنك سمية بهمس : مابي شي امتنان بنظرة : سمية ليكون تفكرين فيه " و بتهديد " سمية لا تفكرين لو درت جدتي والله ما تخليك عايشة سمية بهمس و دموعها تنزل : امتنان انا اصلا مب عايشة من بعده مالي حياة يا امتنان امتنان جلست قبالها و برجاء : سمية لا تكفين لا تقولين كذا ، لا تخلين ذيك السنة ترجع اصلا تجاوزنها بصعوبة يالله سمية سمية بكت : قهروني يا امتنان قهروني نزعوا قلبي من جسدي ، تحسبيني فرحانه بهالعيشة؟ اضحك و اطقطق و ابكي من الداخل! ضمتها امتنان بدموع : يا سمية حنا مو ناقصين والله ضمتها سمية ببكاء و بدت ترجع لها ذكريات قبل 5 سنوات قبل خمس سنوات "" الجدة بصرامة : سمية و قطع بطلعين ولد الكاظم من قلبتس و خطبتس منه انسيها ، هذا اللي ناقص بتتزوجين ولد قاتل خوالتس سمية بعصبيه : جدة هذه حياتي وانا حرة فيها و خالي ما رفض و حنا محجوزين لبعض من اعمارنا ١٦ سنه الجدة بعصبيه : سميوه لسانتس هذا بقطعه ما توحين انتي؟ هذا ولد قاتل خوالتس يا الفالحة اذا لهدرجة تبين الزواج ها عيال خوالتس قدامتس طبي و اختاري تزوجي منهم سالم بحدة : يمه دخيلك قاطعته الجدة : اخس و اعقب انت سمية بأنهيار و بكاء : والله ثم والله ثم والله و هذه ثلاث حلوف يا جدة ان ما اتزوج غير حازم ، جدة انا احبه والله احبه وهو يحبني لا تحرمونا من بعض عليا ببكاء: يا يمه رجيتك خلاص هدي بنتي انا بقنعها بس تكفين سكتي عنها سمية بجنون و دموع : انتم بتتحكمون فيني عشان ابوي مهب فيه ولا لي سند!!! لكن ابوي انا عارفه انه بيجي و ياخذني من هنا والله ما عاد تشوفوني مشاري : سمية وش هالكلام ياختي انا اخوك و ابوك و سندك سمية ببكاء : الحين صرت اخوي و ابوي؟ ههه باين عليا بدموع نزلت عند رجول سمية تترجاها : يابنتي لا تقولين كذا انتي مب بحاجه ابوي انا اهلك سمية طالعت بأمها بحزن : يمه انتي ضعيفة لدرجة خليتي امك تتحكم فيك و فينا لكن بعمري ما راح اسامحك ، و حازم طال العمر و لا قصر انا له و هو لي سالم بعصبيه مرعبة عطى سمية كف تردد صوت الكف بمسامعها : سمية زودتيها الحياء وين راح؟ و عزة الله و جلالته ان تزوجتيه فأنا مب رجال اعقلي يا سمية انا اخبرك مب كذا لكن صدقي اني ممكن اقتل بنت اخوي بكل برود الا هالولد مستحيل تتزوجينه و ان سويتي اللي بالك بقتله و اقتلك وراه و ماعندي مشكله ادخل وراكم السجن او يعدموني سمية بعصبيه : اقتلوني يالله انا ما بخاف منكم اخاف من الله اللي خلقني غيره ما اهابهم مشاري بحزن : سمية يا روحي الجدة بعصبيه : مشاري اطلع ما ابي اشوف وجهك هالسعة!!! مشاري بعصبيه : يا جدة منيب طالع من هنا ، سمية والله ما تنضامين بهالبيت البسي عباتك و امشي نروح لعمامي عليا ببكاء و صراخ : مشاري لا يا مشاري لا تخلوني تكفى يا ولدي لا تروح و تاخذها انا من لي غيركم؟ مشاري : يمه الصبر ما عاد عندي اختي تنهان و تنضرب عشانها حبت بس و بتتزوج؟ هذا انت يا خالي حبيت و بغيت تذبح كل هالعالم لأجلها و عشان سمية بنت قمتوا عليها حبهم عفيف و نظيف وانا اعرف حازم واعرف سمية زين سالم بهدوء : مشاري الكايد مستحيل يزوج اخوه سمية مشاري : انت ما تعرف حازم سالم بنظرة : سمية اذا ما تفكرين فينا طالعي امك و ارحميها سمية طالعت امها و بكت : لا تستغل عواطفي الجدة بعصبيه : يالله روح انت واختس ولا عاد اشوف رقعة وجهتس انتي وياه مشاري بعزم : بنروح بنروح يالله يمه الجدة بحدة : امتس مهيب رايحه معاكم مشاري بعصبيه : وهو بكيفك ياجدة امي طريقها من طريقنا الجدة : اص اص يالمروح امتس ان راحت مالها عودة هنا و لا عادني بأمها و غاضبتن عليتس يا عليا ليوم الدين انتي وعيالتس عليا بأنهيار : يمه لا يمه دخيلك احب رجولك الا هالكلمة الجدة : امسكي بنتس و ارضى عليك عليا ببكاء : سمية دخيلك يمه لا تسوين فيني كذا بموت والله بموت سمية جت بتتكلم صارخت الجدة : عليا حسبي الله عليك من عيال ذبحتي امتس بكت سمية و راحت لغرفتها ___ رجعت للواقع على صوت امتنان : سمية علامك ياروحي سمية بدموع : اه من ذاك اليوم وش قد كسرتني طيحة امي بالمستشفى خلتني اتخلى عن كل شي عشانها ما احد وقف جنبي غير مشاري يا امتنان امتنان بدموع : اصبري يا سمية ياروحي اصبري جت المها : صباح الخير وينكم ما افطرتوا معنا، ارسلنا هالمصفوقة و راحت ولا جت قربت من عندهم و انصدمت من دموعهم : سمية امتنان!! وش فيكم بنات؟ امتنان مسحت دموعها : ولا شي تابعنا مسلسل و بكينا ع النهاية المها بنص عين : ايه صدقت من متى سمية تبكي على مسلسل؟ قولوا وش فيكم سمية مسحت دموعها و طالعت فيها بحدة : قلت ما فيني شي امتنان بنظرة : تذكرت حازم و قاطعتها سمية : امتنان المها بحزن : سمية لا تسوين بروحك كذا سمية بتعب: مها انتي تعرفيني عدل لكن ما اقدر المها ضمتها بقوة وتمسح على شعرها: اص سموي امتنان بتغير الموضوع : المها وش عندك كأنك متضايقه المها بهم : التحاليل تطابقت و بعد. بكرة زواج راجح و ملكتي سمية : عدال يالخايفه امتنان بضحكة : عاد تخيلي هالثولة تخاف المها بضحك : ليه مب انسانه سمية قامت بضحكة : انا جوعانه امتنانوه مثل ما خليتيني ابكي قومي سوي لي فطور امتنان : ابشري والله احلى فطور لك بس اضحكي كذا ابتسمت المها و سمية نجود بسرعه : بنات اللي تبي شي من بنده تلحقنا بنروح انا و عمتي عليا المها : ايه انا ابي امتنان : يالله بنلحقك الحين ثواني ____________ ف احد الاحياء المتوسطة بالرياض.. دخل بسيارته تحديدا للبيت الابيض الكبير وقف سيارته على جنب و نزل بطوله المتزن للباب يدق الجرس مرة ^ مرتين ^ ثلاث ^ اربع ^ سبع اخيرا فتح الباب بعصبية رفع نظره وانصدم: فهد!! فهد بإبتسامة استهزاء : بشحمه و لحمه زين انك حافظ اسمي باقي عزام بتوتر : هلا يالنسيب وش بغيت!!!! فهد : ما تبي تدخلني داخل ولا خايف من ابوك و اخوانك؟ عزام : وش تبي فهد بإبتسامة : ابي ترف بنت اختي عزام بعصبيه : نعم نعم!!! بأي حق جاي تاخذ بنتي فهد : و بأي حق تحرم البنت من امها!! عزام بعصبيه : فهد رح تؤكل على و روح بنتي مالها مكان غير بيت ابوها ما ابي مشاكل خلنا كذا حلوين فهد بعصبيه ضرب يده بالجدار : و عزة الله ان ما جبت البنت لاشتكيك بالمحاكم ، فيه رجال عاقل يطرد مرته بأنصاص الليول بدون ساتر لو جاء احد و تهجم عليها!!! و ضاربها بعد يالخسيس! جب البنت لا يصير شي ما يرضيك انا راحمك عشان ترف مابي ابوها يتعفن بالسجون قم عزام بتوتر : ما قالت شي ثاني! فهد بإبتسامة : ما قالت بس انا عرفت من الخميم اللي مجمعهم ببيتك انك سكير حتى الصلاة ما تركعها جب ترف بالطيب لا اورطك بالمحاكم عزام : كذب مين قال اصلا انا اصلي و لا اشرب فهد هز رأسه بتسليك : ايه ايه ادري انك ما شاء الله ايمانك ما يتقارن بأحد عزام بخوف : فهد لو اعطيك ترف بتشتكي علي؟ فهد بإبتسامة استهزاء : لا ما راح ابلغ عشان ترف بس فنادها احسن لنا الاثنين غير كذا ورقة طلاق اختي توصل للبيت عزام : بس انا ابي ارجع نجود انا بتوب فهد بصبر : عزام ، نجود مالها رجعه لك عقب اللي سويته توب و تزوج الله يهديك لكن اختي مالها نصيب معك ناد البنت و خلني اتوكل بالطيب عزام طالعه و راح للخدم يجهزون اغراض ترف بالشناط عزام حضن بنته بقوة و باسها : يالله تروفه اشوفك الويكند سلمي لي على ماما و بشتاق لك كثييير ترف بفرحة باست خد ابوها : طيب وانا بشتاق لك قد السماء والأرض و اكبر بعد يالله بروح مع خالوه مسك يدها و سلمها لفهد اللي شالها بإبتسامة ركبوا السياره و ترف للان تسوي بيدها باي لابوها لين طلعوا من الحي ثم لفت على خالها : خالو ماما كيفها وحشتني؟ فهد بإبتسامة : اووه امك بخير و ذابحها الشوق عليك الحين بنسوي لها مفاجأة سبرايز يعني ترف بضحكة : بتفرح صح؟ فهد : ايه كثير بعد ترف ابتسمت تتخيل كيف فرحة امها __________ بيت الكاظم ام الكايد برجاء : يا عايدة لا تعاندين هذه فرحة عمرك و يوم ما بينسي خلينا نروح نجهز جهازك يا دوب نخلص اليوم و بكرة عايدة بدموع : هذه مب فرحة الا تعاسة عمري واذا اني مب ناسيتها طبعا ما راح انساها لانها اتعس ليله بحياتي و انا مو عروس يا يمه اسرار بحدة : اذا ما تبين على الاقل قدام الناس نسكتهم؟ ولا انتي وياه بحريقة عايدة : دولابي مليان ملابس مب لازم ام الكايد : لا تجننيني يا عايدة عايدة بعناد : قلت لكم لا يعني لا ام الكايد بعصبية : اسرار قومي البسي عباتك خنروح ندور لها يناسب عروس و فستان ابيض لان هالبنت ما منها رجاء تبي تفضحنا اسرار بطفش : يالله يمه قمت البس دخل حازم : يمه الكايد وينه؟ ام الكايد بتعب : عطيته المقاضي يجيبها من بنده حازم : اها شلونك انتي ام الكايد : بخير يارب حازم بهدوء : وش فيه اصواتكم عاليه قبل شوي ام الكايد بحزن : عايدة ما تبي تقضي جهازها حازم بنظرة : ليه؟ ام الكايد بدموع : لا تسالني حازم ناظر عايدة بحنية : عيودة قومي يالله بوديكم و بقهويكم برى بعد مين قدكم عايدة شهقت من الفرحة كلامه يدل انه سامحها ركضت له تضمه : حازم حازم بعدها عنه : بنت قلنا بنوديك مو تعالي ضميني ابتسمت و راحت تلبس عباتها بحماس ابتسم براحة و نزل للكراج لسيارته ينتظرهم بسرحان ___ في بنده يمشي بالعربية الشبه مليانه و يقرأ الورقة الطويلة اللي امه ما بقت شي ما كتبته امه طولت ابتسامته حتى سمع صوت صراخ بنت ترك العربية و راح لها ______ في جهة ثانية من بنده واحد من عمال بنده مسك المها يجرها للزواية حقت غرفة استراحتهم و بما ان الصبح مافيه الا قليل فأستغل الفرصة المها تطقه ع صدره : ساعدووني سمية بصراخ ضربته بشنطتها ع راسه بحكم جسمه العملاق ما تاثر من ضربها : يا حيوان ابععد عنها يا وسخ الله لا يوفقك ساعدووونا يا ناس امتنان اخذت جزمتها و جت تضربه فيها الا دخل من بينهم الكايد بعصبية دف العامل بعيد عن المها و سحب المها وراء ظهره ---- نهاية البارت السادس ~ | ||||||||
|
| |
|
17-04-16, 06:56 PM
| #9 | ||||
| نجم روايتي وفراشة الروايات المنقولة 
|  تسلمين ياالكاتبه عاليه. حد الروايه من بداؤتها حماس. وحلوه. تشد الواحد بس اتمنى الها تكمله ربي يسعدك يا فيتامين سي. كل شي تنزليه. ذوق. اتابع. كل اللي تنزليهم. تقريبا. سلمت يمناكي ومجهودك الطيب يالغلا:67 | ||||
|
| |
|
18-04-16, 10:38 AM
| #10 | |||||||||
| مراقبة عامة ومشرفة منتدى الروايات المنقولة
| اقتباس:
الله يسلمك ياعمري ومشكوره على تفاعلك ومشاركتك لاخلا ولا عدم منك يارب | |||||||||
|
| |
 |
| أدوات الموضوع | |
| انواع عرض الموضوع | |
|
|
.png)
العرض العادي
