أستودعتك الله الذي وضعك بقلبي / للكاتبة نوال المطيري، مكتملة

[لامارا]

	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته نقدم لكم رواية أستودعتك الله الذي وضعك بقلبي للكاتبة نوال المطيري قراءة ممتعة للجميع......

[لامارا]

رابط لتحميل الرواية هنــــــــــــــــا

بسم الله الرحمن الرحيم

السلام عليكم ورحمة الله وبركاته

. لو خسرت الأمس
كمل من جديد
العوض قدام
والماضي فدى
.....
•
•
•
•

[لامارا]

. لو خسرت الأمس
كمل من جديد
العوض قدام
والماضي فدى
.....
•
•
•
•
محمد/ الو السلام عليكم
هند/وعليكم السلام هلا بذا الصوت كيفك يالغالي
محمد/بخير الحمدلله انتي كيفك وكيف عيالك وسعود
هند /بخير عساك بخير محمد صوتك فيه شيء
محمد /لاتخافين مافيني شيء اسمعي عندك شيء المغرب ولا اجيك ابغى اتكلم معك
هند/ لا ماعندي شيء انتظرك
محمد/ بعد المغرب ان شاءالله وانا عندك. مع السلامه الحين وراي كم شغله بلخصها واجيك
هند/ انتظرك يالغالي
محمد / ركب سيارته بيخلص كم شغله وبعد يبغى يمر عمه سعود اللي طالبه
اذن المغرب
وبعد الصلاة. محمد رفع يدينه يدعي
بدعاء طويل يناجي فيه الله بكل شيء. اثقل كاهله فلا يعلم بحاله
الاالله
سعود بن علي / حط يده على كتف محمد اللي شايفه يدعي وباين مهموم
الله يصبر محمد والله يصبره ويعدي الفتره الجايه على خير تحمل فوق طاقته. يبغى يخفف عنه ويغير جوه
سعود/محمد وراك ياخوك. مشينا ولا تبغى تجلس لين ياذن العشاء
محمد/. وش جايبك انت الواحد مايجلس مكان الا واحد منكم بوجهي
سعود /عاد وش نسوي نحبك. وبعدين ذا مسجد حارتنا موب بيتك
محمد / مشينا تراني قايل بجيكم واكيد هند تنتظرني وش يفكني منها الحين
سعود/ الله الله وانا اقول من العصر تحوس بالمطبخ احسبها عازمه حريم
لنا الله محمد اختك تراها مخربتها الايام ذي
طلع سعود ومحمد وسعود. يحاول انه. يغير جو محمد اللي مقفله معه
سعود /الله حي النسيب تو مانور البيت
محمد /اقول تراني ماني رايق لسوالفك صكني راسي من حنتك وهذرتك
هند / السلام عليكم نور البيت ياخوي سلمت عليه ووهي مجهزه السفره
بعد السوالف العاديه والضحك على سعود
هند /محمد امرني وش بغيت
سعود /بخليكم. لحالكم وادخل انام شوي
محمد /سعود منت غريب. وبعدين منت جاهل الموضوع اجلس
سعود/لايكون موضوع امل
محمد / مافيه غيره وطلعت منه تنهيده.
هند/ وش الجديد
محمد /انا قبل المغرب كنت عمي سعود وكان معصب وطبعا كالعادة طاحت براسي
هند/ قطعت قلبي ياخوي
محمد/ هند انتي العاقله. كلمي عمتي حصة الله يهديها ونجيب البنت عيب والله الناس كلت وجيهنا
سعود/ تبي الصدق والله عيب نخلي بنتنا عند الناس وحنا بيوتنا مفتوحه واذا عمتي حصة ماتبي نجيبها عندي ولا عندك بس نتركها عندهم ولا والله الشيء زاد عن حده
هند/بعد انت ياسعود
سعود /حرام عليكم انسوا الماضي. حرام والله
هند/والله انا عجزت من الكلام المشكله حتى خواتي مايبغونها مو بس امي


نرجع. بالزمن لورى شوي من البدايه

المزاحمية /:
عبدالله / انا تعبت والله
سعود/ الله يصبرك من امي لصالحة مدري كيف تحملت كل ذا السنين
علي/عبدالله ياخوك تزوج. دام امي غصبتك تتزوج بنت اختها من حقك ترتاح
عبدالله / طيب دور لي عروس ولا ابغى وحده من ربعنا ابي افتك من المشاكل
علي / عروستك عندي. ناس اجاويد.
سعود/من تفكر فيه
علي /تعرف. عايض اللي في النماص راعي المحطه
سعود / ايه ايه عرفته والله ونعم
علي /خلاص بنخطب لعبدالله من خواته
عبدالله /تعرفونهم. ولا بس
سعود/افا والله ماهقيتها منك اقول قوم خلنا نروح ونخطب لك
فعلا اتفق الاخوان وسافروا للجنوب تحديداً للنماص اخطبوا حصة لعبدالله
وفعلا ماكمل اسبوعين الا هم راجعين بالعروس <يازين طبع الاولين وايامهم
بعد شهرين
علي /ها وش العلوم ويغمز بعينه
عبدالله /وش اقول الله يسعدك ياخوي وانا احسب كل الحريم مثل صالحة
علي/ هههههههههه مثل مافيه الشينه فيه الزينه
بس اشوف امي. شابه وش السالفه > شابه معصبه بقوه
عبدالله /بضيقه. من جهة حصة والله بنت رجال ومستانس من جهتها بس امي الله يهديها قاعدة لها على شان صالحة
علي /وانت ياحظي ماتقول لك شيء ماتخلي عنك خلك رجال
اسمع انا بكلم امي الحين. اسكت انت
كملو سوالف الا هاذي امهم داخله عليهم
فز علي سلم على راسها ويدينها
علي /الله حي ام عبدالله
فاطمة / الله لايحيك مغز ابره وينك فيه. لي اسبوع ارسل لك وموصيه حريمك ولاشفتك
علي /افا قالبه علي وش بلاك والله كنت بالرياض عندي شغل
فاطمة / طيب. وش وراك
علي /الله يهديك يالغاليه وراك نارن شابه مابه الا كل خير
الا ورى ماتجين تسكنين عندي. ترى انا بعد ولدك زي عبدالله
فاطمة /مابيك ولا ابي مقابل حريمك. انا يكفيني بنتي صالحة
علي / افا. اقول والله مامضيعك الا صالحة ولا مردي حظك الاهي
فاطمة / تضرب علي بعصاها
مايكفي قليل الخاتمه اللي تزوج عليها وكسر بخاطر ذا اليتيمه
عبدالله/ الله يهديك يمه انا بعد ماني مرتاح تراني ولدك
علي /يمه الله يهديك شبعنا كلام بذا الشيء وبعدين انتي مو تبين اخو لمحمد
فاطمة /الا ابي له اخو يسنده
علي /خلاص عبدالله تزوج على شان كذا الله يرزقه ادعي له موب تسوين له مشاكل مع حرمته الجديده
وين بناتك اخذهم معي من زمان عنهم
طلع علي من المجلس الا محمد يلعب بالارض. شاله وباسه وناد البنات
نورة /سم ياعمي تامر شيء
علي / وين خواتك باخذكم معي للبيت عندي
نورة /بجيبهم الحين وراحت تركض
صالحة /وين ان شاءالله ماخذهم منهو بامره تاخذ بناتي
علي / يالله مسى خير تراني عمهم وبعدين انتي ماتخلين شرك. ليه مانعه البنت يجون يلعبون مع بنات عمهم
صالحة /بناتي وانا حره مالك كلمه عليهم
علي / بغضب والله ثم والله لو اني زوجك والله مااخلي فيك عظمه سليمه
وطلع

بعد خمس سنوات

عبدالله /يمه الله يهديك ليه المشاكل وش سوت لك علميني
الجدة فاطمة / اسمع انا ساكته لك ولها كل ذا السنين وقلت لعل وعسى
تجيب لك ولد
بس ماجابت غير البنات اربع بنات
عبدالله /يمه خافي ربك ذا شيء من الله مالنا دخل فيه
الجدة فاطمة / هين ياانا ياهي بالبيت
عبدالله / خافي الله في حصة وبناتها
دخلت امه بغرفتها وتركته واقفه
وهي عارفه كيف تسود عيشه حصة بزيادة
مرت بعد خمس سنوات كاحلة السواد.
بارده المشاعر قاسيه
حصة والدموع خانقتها وبكل الم وحسره
/فلوه انا والله ماعاد اتحمل.
فلوه/ والله ماالومك ياختي انا لي اسبوع شيبوا براسي هي وبنت اختها تبين اكلم اخواني
حصة / يوه يفلوه والله يحرمني من بناتي عبدالله ماعاد زي اول الحين يخاف من امة وصالحة كل الوجع والشغل علي انا وكل الهواش علي انا
انا بس يوم قلت له انهم سبب ان اللي في بطني طاح والله ضربني يافلوه
فلوه/ذوا وش مخلوقين منه مافي قلوبهم رحمه. واذا الله ماكتب لك ولد وش يعني. هذا هي عندها نفسك اربع بنات
حصة /ايه نفسي بس عندها محمد
فلوه /. لاتبكين. بخلي عايض اخوي يجي يتفاهم مع زوجك اللي مايخاف الله
هدى جايه تركض وتبكي
خاله خاله /جدتي تقول خلي امك وخالتك يجهزون العشاء بسجونا ضيوف وعطتني كف
فلوه /ضمتها بحضنها وش عندها عجوز النار ذي
بطلع اتفاهم معها ماعاد اقدر اسكت
حصة /تكفين يافلوه مابي مشاكل الله يخليك
فلوه /وانتي متى بتخلين طيبة قلبك ذي شوفي بناتك يتعذبون وانتي ماتقولين شيء
حصة /فلوه انا صابره على شانهم وش مصبرني على العذاب الا بناتي
نورة وسارة جايات يركضون
وقفوا بالباب لما شافوا فلوه تلبس نعالها وتعدل جلالها
فلوه /وش عندكم يابنات صالحة
سارة /خاله هدى وينها حنا جايين لان شفنا جدتي ضربتها
حصة /نورة سارة اخلوا قبل يشوفكم احد
دخلوا البنات وجلسوا يلعبون مع خواتهم. بعيد عن كل المشاكل والحقد طغت براءات الاطفال
فلوه /تهاوشت مع ام عبدالله وصالحة واخر شيء طردوها من البيت وصبت عجوز النار على قولت فلوه غضبها على حصة وبناتها
مرت ست شهور
وصالحة وخالتها يزيدون العذاب على حصة بغفله من عبدالله اللي ياكثر ماصار يضربها
حصة مالها حيله. تخاف تقول لخوانها ويجون وياخذونها وتنحرم من بناتها
حصه ياربي انا ماعاد اتحمل كل يوم اتعذب ووسلون الحين بقول لعبدالله خايفه يحرمني من بناتي ان جبت بنت واخاف اقول بروح لاهلي لين اولد يحرمني بعد منهم يارب. ارحمني برحمتك
عبدالله /دخل وين العشاء
حصة جاهز. بروح اجيبه من المطبخ
راحت بسرعة وجهزت العشاء وجابته تعشاء وقام غسل يدينه ورجع وجلس له شوي
حصة /ساكته وباين تبغى تقول شيء بس الخوف. مسيطر عليها
عبدالله /وش عندك ياوجه النكبه
حصة / اقول يابومحمد.
عبدالله /قولي تقولت حنوسك
حصة /انا حامل
عبدالله مسكها من شعرها ورماها بالجدار
وطاحت بالارض تتالم
اسمعي والله يحصة ان جبتي بنت ماتلومين غير نفسك برجعك لاهلك وانسي ان لك بنات عندي عدل ثوبه وحاول يهدي نفسه وجهه كله احمر من الغضب
حصة /وهي تشاهق من كثر البكي وانا وش ذنبي حرام خاف الله خاف الله.
عبدالله / اخاف الله قبل اعرفك وطلع وخلى لها الغرفه كله

[لامارا]

. البارت الثاني
خطوات حذرة
•
•
•
•
حصة /يخاله حرام عليك انا تعبانه
الجدة فاطمة / خير ان شاءالله من بيشتغل شغل البيت صالحة حامل وماتقدر تتحرك. لايطح الولد منها
وانتي وش شغلتك هناك الا تخدمينا
حصة / بدموع وحسرة مشت وهي تردد حسبي الله ونعم الوكيل
تسوي نفسها حامل على شان ماتشتغل وانا اخذ كل شغل البيت الله
يوريني فيكم عجايب قدرته
الجدة فاطمه صار لها مزاج تعزم. الظاهر ماخلت احد من اهل المزاحمية ماعزمته بشهور حمل حصة
هدى/يمه ارتاحي. انا وخواتي نجهز الفطور انتي مره تعبانه
حصة /بتعب وهي تمسح العرق المنهمر من على جبينها لا بنتي انتم صغار ولازم اشتغل انا
هند يمه روحي شوفي ابوك جا من المسجد
هند/ان شاءالله يمه.
هدى /انا باخذ القهوة للمجلس.
حصة / بسرعة يمه لايجون ابوك وضيوفه وحنا ماخلصنا الفطور
هند /جت مسرعة.
يمه يمه يمه
حصة /وش فيه بسم الله عليك
هند/مافيه شيء بس عمي سعود عطاني فلوس لي ولخواتي وعطا محمد بعد لان حنا كنا واقفين عند الباب
حصة روحي بسرعة خبيها بالغرفة لاتجي جدتك وتسوي لنا سالفه
نورة /صباح الخير ياعمة وش اساعدك فيه
حصة /ياصباح النورة على قمرنا لا ياقلبي روحي نامي لاتجي جدتك وتسوي لنا مشكله مثل اخر مره
نورة/والله حرام عليها ليه ماتخلينا نساعدك
هدى /نورة انتي عارفه جدتي الله يخليك روحي لغرفتكم
نورة /طيب بروح
محمد/ صباح الخير ياعمه. ابوي يقول الفطور جاهز
حصة /صباح النور يانور عيوني قول له جاهز خلصنا. بنرتبه بالمجلس الصغير
محمد / هنوده تعالي اعلمك
هند /ها وش فيك
محمد /ابوي بشتري لنا مزرعة كبيره اسمعه يقول لعمامي. لاتعلمين احد بس انتي اللي قلت لها
هدى /هند اخلصي شيلي. وين دلال ورحاب
هند /هذولا هم جو. جهزوا الفطور. ومر بسلام بغياب حظور الجدة
حصة كانت مره تعبانه بعد الفطور دخلت غرفتها ترتاح
عبدالله /هدى وين امك
هدى / امي بالغرفة ترتاح تعبانه شوي
عبدالله / اسمعي تراني بروح للرياض مع عمك علي وماراح ارجع الا بكره.
هدى/طيب توصل بالسلامة
بعد الظهر
الجدة فاطمة طلعت لبيت ولدها سعود ولا رجعت الا بعد العشاء فعم السلام ارجاء البيت
حصة /هدى روحي بسرعة لجدتك. قولي امي تعبانه مره
هدى /تكفين تحملي على شانا وهي تبكي خذت خواتها للغرفة الثاني وجلست هند عند امها
هدى / جده جدة جدة. الحقي اني تعبانه مره شكلها بتولد
فتحت الجدة الباب خير ياطير كسرتي الباب واذا امك بتولد عسى ماشر
وخري مناك وعطتها كف ومشت هدى وهي تبكي
الجدة فاطمة /صالحة تعالي شوفي معي ذا العله حصة شكلها بتولد. عاد مزعجتنا وش بتجيب بنت مثل العادة
صالحة / نروح ونشوف وش عند حصيصه وهي تعدل شيلتها وتطقطق اللبان في فمها
من اول مادخلت الجدة ويدها اليمين صالحة وهم ماسكين لحصة تجريح
حصه /تتالم بتموت من كثر الوجع وهم يطعنونها بكلامهم الجارح

الجدة خانتها خبرتها بتوليد ومن الحقد على حصة. مارضت انها تاخذها للمستشفى رغم بكى حصة وهي تترجاهك ياخذونها للمستشفى
بس الجدة رفضت قالت من زينك اخذك للمستشفى حريم اول يولدن بالبيت ولاجاهم شيء
وش زودك تولدين بالمستشفى
تعسرت الولادة وحصة شوي صاحية عليهم ومرات تفقد الوعي
اخير على الساعة 12 نزل اول مولود
او بالاصح مولوده
صالحة /خالتي بنت
الجدة فاطمة / ابعديها عني هذا اللي مامنها خير ابد ومسكت حصة وصارا تهاوشها على البنت
صالحة خاله فيه واحد ثاني
الجده ماانتبهت لصالحة تكمل هواشه مع حصة
صالحة حاولت انها تطلع التوام الثاني بس طلع ولقله خبرتهم ماعرفوا ان الولد كان محتاج اوكسجين حسبوه ميت ورموه طبعا الولد فعلا توفى لان محد اسعفه
الجدة فاطمة:متاكده ولد
صالحة /شوفيه ولد ولد بس مات
الجدة فاطمة /صح ولد
صالحة /انا خايفه تقول ذبحتوا ولدي
الجدة فاطمة ماعليك منها هي ماتدري عنا الحين
اخذوا الوالد وطلعوا. وبراس الجدة خطه تخلي عبدالله يطلق حصة ويحرق قلبها على بناتها.
بعد الفجر

جهزت الجدة وصالحة وضعوا اخر خطوات الخطة
بعد ساعة
دخل عبدالله البيت كانت معه اغراض مر المطبخ دخلها شاف البيت هادي والحوش مافيه احد
مشى خطواين بيتجه للمجلس الاصوت احد يبكي من جهة المجلس توجه للصوت
عبدالله /افا والله وش فيك يمه لاتخوفيني وش صاير عليكم
الجدة فاطمة/ ياولدي. وش اقول خلني ساكته احسن مااحب المشاكل انا
عبدالله /والله ان ماقلتي وش صاير
الجدة مسكت يده خلاص بقول لك لاتعصب
اسمع يوم رحت قلت ياحصة يابنتي تعالي سوي لي الفطور
قالت ماعلي منك ياعجوز النار ماراح اسوي لك شيء وراحت غرفتها
انا ياولدي عجوز النار
قلت يابنات تعالوا سووى لي فطور
طلعت ودخلت بناتها عني
سكت وماقلت شيء ناديت بنات صالحة وسووى لي الفطور
ثم. قلت يمكن تعبانه رحت لها غرفتها الا هي بتولد
قلت افتحي الباب نوديك للمستشفى قالت ابعدوا عني قلت اجل اولدك قالت مابيك وبعدي عني وصارت تسبني
بعد سكت ورجعت غرفتي العصر قلت بروح اسوف اللي جابت واشوف اذا محتاجة شيء
ماخلتني ياولدي ادخل ولا اشوف بنتها وطردتني
يوم جا بعد العشاء الا صالحة بعد قلبي جاها الطلق وتعرف مطر وشتاء مافيه احد يوديها للمستشفى
قلت تعالي ياحصة نولد صالحة جت يوم شافت انها جابت ولد مسكته بغفله مني وخنقته وش ذبه ذا الصغير. تذبحه
طلع عبدالله من المجلس. وهو واصل اخره معصب
راح لصالحة اللي جالسه على سريرها وهي مسويه تعبانه ولانها بيضاء كانت ضغاطه على وجها لين صار احمر وسوت نفسها تبكي على شان تحبك الخطه وحاطه والوالد عندها وتبكي
طلع وعلى غرفة حصة وسحبها من شعرها وطلعها برى الغرفة بالحوش. وصار يضربها ويسبها
لين صارت تنزف من كثر ماضربها كان يصربها بوحشيه بدون رحمة
عبدالله /ليه تذبحين الولد ليه ليه والله مااخليك تشوفين بناتك دامك حيه
حصة/ حرام عليك مافيه ام بتذبح ولدها تبيني اذبح ولدي.
رجع ضربها من غير شعور ماعاد قدر يسيطر على اعصابه وبناته يحاولون انهم يبعدونه عن امهم وجا محمد وسارة ونورة وحتى ريم جت
نورة يبه حرام عليك والله عمتي حصة ماذبحته امي وجدتي هم اخذوا الوالد انا متاكده
محمد /يبه امي اصلا ماهي حامل كيف بتجيب ولد
عبدالله فاق من غفلته
واخذ الوالد وطلع
حصة ضمت بنتها وصارت تبكي ثم حاولو يدخلونها البنات لغرفتها
بعد ساعتين
دخل عبدالله
راح للمجلس وجلس لين خلاص هدت اعصابه ورجع لحصة الا هي تبكي وضامه بناتها والكل يبكي وباخر الغرفة. المولوده ملفوفه بمفرش ابيض

عبدالله / حصة
حصة رفعت عيونها بالرجال الواقف قدامها صارت تبكي وتبوس رجوله
تكفى. خل بناتي معي لاتحرمني منهم حرام عليك خل بناتي معي
عبدالله / حصة خلاص ماراح احرمك منهم اخذي بنتك شوفيها ميته تبكي
حصة مالي بنت. بنتاتي هذولا هم
عبدالله / حصة ذي بنتك بعد
حصة بنتي ماتت مع اخوها ماعاد لي احد
حاول عبدالله انها تاخذ البنت بس الجرح اللي صابها خلاها تكره البنت ذي
موجوعه كانت جسد بدون روح مافيه وصف يوصف الالم الجسدي والنفسي. شيء فوق قدرتها وتحملها
عبدالله /اخذ بنته وطلع لامه اللي جالسه مع صالحة
عبدالله /يمه. اخذي البنت
الجدة فاطمة /ماعلي منها بنت حصيصه على اخر عمري تبغاني اربي
عبدالله /صالحة. اخذيها انتي
صالحة / هذا اللي ناقصني بعد اربي بنت حصيصه
عبدالله عارف ان مامنهم فايده طلع شايل بنته

.

[لامارا]

.البارت الثالث
حياة جديدة
عبدالله /يارب انا وش سويت وش ذنب ذا الضعيفه الحين
كيف سويت كذا الله يخزيك ياابليس. اعوذ بالله
ابو هادي /يابو محمد انتبه من الجدار وسحبه
عبدالله / ماانتبهت سلم على ابوهادي .
ثم سلم على اخوانه خالد وسليمان ووهادي ولد ابو هادي
عبدالله /عسى ماشرجايين من طريق المقبره
ابو هادي /عسى الشر مايجيك ياخوي
ابد بس الله رزقي امس ببنيه والله اخذ امانته وتوني جاي دافنها
عبدالله /عظم الله اجرك والله يجعلها شفيعه لكم ومسك ابوهادي على جنب وقال له كل اللي صار في بيته
ابوهادي/لاحول ولاقوه الا بالله الله يهديك ياخوي
عبدالله /اسمع انت صديقتي واخوي وعطاه البنت تراها جتك الله اللي عطاك والله اللي عوضك بها عن بنتك
ابوهادي / تسلم وانت اخوي واعز والله مايجيها باس دامني حي بالحفظ والصون
كمل عبدالله لبيت اخوه سعود
سعود /حي الله اخوي تفضل ادخل وش بلاك
عبدالله / قال لسعود كل اللي حصل له
سعود بعصبيه /والله ثم والله لو ماانت اخوي الكبير ان مايبرد حرتي غير كف بوجك صاحي انت تطاوع امي وصالحة متى بتغدي وحال وش عليك من حكي النسوان
امي من الظهر وهي عندي بالبيت. وش اقول بس
قام وراح ثم شوي الا هو راجع وحذف عليه مفتاح
سعود /قوم خذ مفتاح البيت وسكن فيه حصة وبناتها وكفر عن خطاياك واستغر ربك على اللي سويته والبنت زين ماسويت ابو هادي ستر وغطا ورجال ونعم الرجال وبنتنا معه كنها عندنا. روح
عبدالله /فعلا اخذ حصة وبناتها وسكنهم في بيت اخوه سعود
سعود / يمه ماتخافين الله ماتخافين دعوة المظلوم والله يمه انتي وصالحة ان صار لحصة شيء. تراها برقبتكم
صالحة/ حنا وش سوينا
سعود /انتي يارس الحيه اسكتي والله اخوي مهوب رجال ولا عرف يربيك المره بالمستشفى. خافوا عقوبت الله
والله تراني لكم من الناصحين ياناس توبوا لله خافوا دعوة المظلوم وطلع
بعد يومين
عبدالله انفق مع ابوهادي يسمون البنت امل وبدوا باوراقها
سعود/الو وين علي. خلوه يجي بسرعة. عبدالله مسوي حادث ومدري ناحقه ولا لا
فعلا ماقدر سعود وعلي يلحقون على اخوهم لما وصلو للرياض والمستشفى الا هو توفي
صالحة يوم جاها الخبر زلقت من الدرج وطاحت على راسها ونقلوها للمستشفى
وبعد اسبوع توفت
الجدة فاطمة /بعد الاحداث ذي خافت يجيها عقاب الله زي ولدها وصالحة. وتابت لله بس وش عقبه. وبعد ولدها ماكملت شهرين. وتوفت
سعود / بعد اخوه ماهان عليه كلمة اخوه تضيع وماقدر يرجع امل بس كمل باقي اوراقها وهو الوصي عليها بس عارف ابوهادي ومتطمن عليها

بعد 13 سنه
ريم /والله مااخليك. تعالي هنا
أمل /وخري عني يالدبه
هذي فلوسي انا عمي سعود عطاني لاني متفوقه
ريم /أمل عطيني منها ولا يويلك. ماراح اخليك
أمل /وس بتسوين يعني ماني خايفه منك
ريم /مسكتها من شعرها وجرتها وش بسوي هذاني حشرتك
أمل /كل شيء الا شعري اتركيني
بندر الحق علي فيصل الحقوا علي
فيصل / لبيه ياعيون فيصل وشالها انهبلتي اتركي شعرها
ريم /حرام نزلها ماخذيت حقي منها
فيصل / وخري فضحتينا بالرجال روحي لااكفخك جيبي القهوه
راحت ريم وهي معصبه وتسب
فيصل /نزل امل باسها عدل شعرها
نزل لمستوها وبنبره حنونه وهو يمسح الدمعه اللي هربت من عينها
مااحد ينزل دموع الغاليه وانا حي لا اشوف دموعك واذا ضربتك ريم عطيها كف يطير وجها وفلوسك لاتعطين الطماعه منها تاخذ فلوسها وفلوسك
أمل /الله يخليك لي فصول ولا انحرم منك
بندر /وانا
أمل /وانت بعد
فيصل / امسكي لاتشوفها ريم هذي مني انا هدية النجاح
راحت تركض للغرفه تخبيها يوم طلعت من الغرفة الا ريم واقفه بالممر مسكر الطريق بيدينها وشعرها المتطاير
امل /عدلت شعرهابغرور وثقه ومشت
ريم /طلعي الفلوس
أمل /الحين بدال ماتضاربين معي روحي اخذي فلوسك من بندر مو تجين تتقوين علي انا بعدي عن الطريق لا اطير وجهك بكف
ريم /وش تقولين
امل/عمي سعود مرسل مع بندر لك بعد زيي مو انا بس فلوسك مع بندر فهمتي ولا اعيد
بعد العشاء وراحوا الضيوف
صارت هوشه بين ريم وبندر
ابوهادي /استحي على وجهك صوتك واصلني بالمجلس متى بتصرين زي امل عاقله
ريم / مابي اعقل خل العقل كله لامل ابي فلوسي من ولدك
بندر / اصلا ماتستحين ولنك فشلتينا عند الرجال مافيه فلوس
مزنه (ام هادي ) بندر ياقلبي عطها فلوسها فكنا من شرها
بندر/على شانك انتي بس ويريل لها بوسه بالهوا
تلعبون كوره الحين
امل /يالله فيصل تلعب معانا
فيصل لا والله يالله كل واحد على سريره ناسين بكره مدرسه
بندر /بس بكره اول يوم مااحد يداوم
ابوهادي /غياب مافيه
الكل راح لغرفته ينام
بعد يومين العصر
امل / انا الحين متقدمه عليك 3 صفر
بندر / غش اصلا. ماخذه فريقي
امل / اعترف اني هزمتك للمره المليون
نوال /ابوي تاخر مره مو عادته
مناير اتصل على جواله مسكر
بندر /اتصلي على خالد قولي له يروح يشوف وين ابوي بروح لهادي اقوله
في كلامهم الا هادي وعبدالله وخالد جايين. ووجيهم ماتبشر بخير ابد غير ان خالد مره وجهه احمر وعيونه حمرا ومنفوخه من البكي
ام هادي / هادي وش العلم قول
هادي /يمه ابوي صار له حادث
ام هادي /عرفت الخبر من وجيه عيالهت صارت تبكي. وربط الله على قلبها قالت انا الله وانا اليه راجعون
عبدالله ماعاد قدر يمسك نفسه راح لامه وبحضنها صار يبكي خالد نفس الشيء وبندر بعد
ريم ضمها هادي وهي تبكي
امل جالسه تتفرج عليهم مو مستوعبه الشي اللي يصير
بعد ماهدوا قال لهم هادي كل شيء ورجع البكي لهم بعد العشاء تجموا العايله كلها في البيت والحريم يبكون. امل بالدور الثاني تبكي مو مستوعبه كيف يعني ابوي مات
كل اللي مستوعبته كلام ريم لها قالت قومي ماتحسين ابوي مات ماعاد نشوفه ابد
يعني ماراح نشوفه ماراح نسمع صوته. لا مستحيل يتركني ريم تكذب علي كلهم يكذبون ضمت نفسه وصارت تنتحب وبكاء طفله لاتعرف مدى فاجعتها ولا المها وهي تتيتم للمره الثانيه وتفقد والدها للمره الثانيه
بعد ماراحوا الناس بقت بعض العمات وخالاتهم
مزنه /امل وينها
مناير /ماشفتها من العصر
مزنه روحوا دور عليها لاتكون صار فيها شيء
نوال ومنيره ركضوا يدورونها
نوال لقيتها / اموله اهدي اذكري الله
امل /ضمتها يعني ابوي ماراح يجينا ريم صح كذابه قولي لي صح ابوي بيرجع.
نوال /امل لاتبكين وهي ترفع. وجهها الطفولي وتمسح سيل الدموع المنهمره الموت حق لاماراح يرجع ابوي مات بكره تروحين منا نسلم عليه قبل الصلاة
امل /لا لا لا لا ابوي مامات خلوني لحالي كلكم كذابين ابوي قال لي انا بجيب لك هديه لا تنامين اذا نامت ريم روحي للمجلس اكيد ابوي رجع الحين وينتظرني بالمجلس
نزلت تركض وطلعت بتروح للمجلس
الا عبدالله بوجها ومسكها لان المجلس كله شباب
وين رايحة يامل
أمل /عبود ابوي ينتظرني. بالمجلس بروح له
عبدالله /لايقلب اخوك ابوي راح ماراح يرجع لاتبكين يامل وشالها وطلع بها فوق وجلس معها لين نامت
بعد شهرين من وفاة ابو هادي
هادي /ياهلا ومرحبا تفضل ياعمي
سعود/الله يرحم ابوك ويجعله من اهل الجنه ويكثر خيركم وانا عمك
جلسوا بالمجلس سوالف
سعود / دام انت واخوانك مجتمعين. ابي اخذ بنت اخوي وانتم ماقصرتوا ابد والحين جا دوري. انا طول السنين اللي راحت وانا ماقدرت اكسر كلمت اخوي لبوكم الله يرحمة والحين بعد ماتوفى. باخذ امل
عبدالله /بس ياعمي أمل اختي وحنا ماراح نقصر عليها وحنا من بعد ابوي ماراح ينقص عليها شيء دامنا حيين
سعود/ والنعم فيكم واعرفكم بس ياعيالي ذي عرضي واقدر اخليها اكثر من كذا وانا قد كلمت ابوكم الله يرحمه بموضوعها وهو موافق اني اوجعها لامها
فيصل /ياعم مانقدر نمنعك عنها بس الله يخليك تعطينا مهله نمهد لها للحين ماقدرنا نقول لها عارف الظروف
سعود /لكم شهر من اليوم وبعدها اجي اخذها
ام هادي وعيالها ماقدروا بالشهر ذا يقولون لها. بس يقصون قصص لها تشبه حالتها ويلمحون.
بعد الشهر
فيصل / ياعمي والله ماقدرنا الامر صعب
سعود /انا مالي دخل. لكم اسبوع مافيه غيره ان علمتوها ولاجيت بنفسي قلت لها والخميس الجاي موعدنا
وطلع معصب
دخوا العيال بالصاله الا نوال جايه
عبدالله/ وين امي
نوال /بغرفتها وش صار
فيصل /امل وين
نوال /عند عمتي مع ريم. فيه شيء
فيصل /بندر روح جيبها
ام هادي / لازم نقول لها وش قال لكم ابو نايف
هادي /عدل جلست والله مصمل ويبغا ياخذها وعطانا لين يوم الخميس اذا ماقلنا لها بيجي لها ويقول لها وياخذها مناير تبكي
دخلت ريم وأمل اللي ميته ضحك وانصدمت بالوجبه الحزينه بالصاله
ريم عرفت الموضوع وراحت فوق تبكي
أمل /فصول وش فيكم. شوف عمه وش شاريه لي
ونزلت عبايتها. وتدور بالفستان الاحمر القصير
عبدالله /وش ذا الزين كله. ضمها وهو يبكي
ام هادي //امل تعالي ابغاك في غرفتي
امل /يالغاليه والله انا ماقلت اشتري لي فستان
اصلا هو لأمال بس صار ضيق عليها. وعمه قالت اخذيه يامل
ام هادي / اعرف ياقلبي بس ابغاك بموضوع ثاني
دخلت الغرفه وامل وراها
امل /تعدل شعرها الطويل وتسوي حركات طفوليه قدام المرايه
يمه وش رايك يصلح لزواج سهام بنت عمتي الشهر الجاي عمه تقول البسيه ياقمر
ام هادي /امل تعالي جنبي
امل /ياحبيبتي. نامت على رجوالها
ام هادي /قالت لها القصه بس ماقالت لها انها قصتها
جلست امل /وهي متنرفزفه وبحركه طفوليه تحرك يدينها ليه. اهلها شريرين يرمونها. وبعدين يرجعون ياخذونها مو حرام
ام هادي /ضمتها وصارت تبكي
امل /مع بكي امها عرفت انها المقصوده من القصه ذي كلها وصارت تجمع ذكرياتها اللي اللي كانت تشك فيها اسمها بالمدرسه شبها غير خواتها كلام البنات لها
امل /يمه مابي اروح لهم انتم اهلي
قولي انك تمزحين علي
ام هادي /امل ورفعت راسها ومسحت سيل الدموع امل انتي كبيره وهذا اللي الله كتب لك ماتعرفين كيف كانت ضروف اهلك
امل /مالهم عذر ليه اتركوني مابيهم انتم اهلي وانتي امي مااعرفهم ماابيهم
ام هادي /لاتبكين انتي كبيره الحين وفاهمه. عمك بيجي ياخذك لامك وخواتك وتتعرفين على اهلك
امل /مابي انتم اهلي انتم اهلي وتبكي واخوانها ورى الباب يبكون من بكاها ونامت بحضن امها ودموعها على خدها
مر الاسبوع وامل بس تبكي وكل ما رتبوا اغراضها تبكي وترجعها للكبت

.

[لامارا]

.البارت الرابع
حياة جديده
•
•
•
•
اللهم اختر لنا طريقاً يسعدنا طريقاً لايشقى قلوبنا
ولا يوذي أعيننا طريقاً ترضاه لنا. ثم ترضينا به
الرياض
سعود : الو محمد اجمع خواتك. وبعد ابي اجيكم المغرب
محمد /عليكم السلام عمي وش فيك معصب.
سعود /سمعت اللي قلته اجمع لي خواتك
محمد /كلهم ولا نصفهم
سعود سكر بوجهه
محمد /اوف عمي موصله معه حيل
خلود/ابوي وش فيه
محمد/ ماني فاضي لك الحين بجمع خواتي. الله يستر مدري وش نهايتها
خلود/ انا بروح للبنات بقولهم ريم ومها ودلال ورحاب وهدى كلهم مجتمعين عند هند. انت كمل للباقين وش اقول لهم
محمد /زين قولي ان عمي يبغاهم ضروري بكره المغرب فيه اجتماع ومعلن حالته استنفار مابي ولا وحده تغيب
اليوم الثاني بعد المغرب
المكان المجلس الكبير في بيت حصة
نورة ماكن عمي تاخر وش السالفه جايبيني بذا السرعة
هند /اكيد على شان موضوع امل
اسكي هاذا هو جا
سلموا وجلسوا
بدت رحاب ودلال الضيافه بما انهم اصغر الحضور
العم سعود كل خواتك حاضرين
محمد /كلهم باقي سارة تعرف بلندن
العم سعود/ زين.
اسمعوا علمن جاكم وتعداكم من اكبركم لصغركم الخميس الجاي ان شاءالله بجيب امل هنا كلت الناس وجيهنا
السنه اللي فاتت قلت وخليتكم على راحتكم رغم اني متفق مع ابوهادي اخذها
وخلاص الرجال توفى والبنت ملزومه منا
مابي الماضي يرجع. البنت لازم ترجع لاهلها لبيتها
حصة/انا مالي بنت وقلت لكم تبيها خذها عندك ولا عند علي بيتي ماتطلبه
العم سعود/اسمعي ياحصة بجيبها هنا والبنت بنتك غصب عليك واللي صار مالها ذنب فيه يكفي تاركينها كل المدة ذي
حصة انا قلت مابيها مالي بنات غير ذولي وطلعت وتركت المجلس لهم
دلال/عمي انا مع امي مالنا اخت ومانبغاها هي ماتعرفنا خلوها عندهم وحنا نرسل مصروفها كل شهر
العم سعود / ماعاد تحمل قام وعطاها كف الا هي طايحه بالارض
محمد / بسرعة اخذ دلال من المجلس وطلعها عن عمه لا يكمل عليها
وهو شايف عمه معصب مره
نورة /عمي الله يخليك اهدى
ريم /عمي اهدي دلال ماتقصد خلاص ياعمي جيبها ومايصير الا كل اللي تبغى
هند /امل بوجهي ياعمي انا اللي بحمل مسوليتها ولاتزعل وتعصب
هدى /ورحاب ملتزمين الصمت
العم سعود / والله ان احد ضايقها ولا قصر معها لايلوم غير نفسه والخميس بجيبهاواشوف احد يقول لها شيء
وطلع
رحاب /ليه يجيرنا نتحملها
نورة /رحاب. امل مالها ذنب بكل اللي صار مالها ذنب انها ولدت مع الوالدولا لها ذنب انها انولدت قبله
حرام تاخذونها بذنب جدتي وامي حرام والله
ريم/ والله امل مالها ذنب يكفي انحرمت منا طول السنين ذي حنا خواتها
وحنا ملزومين فيها مو عايلت ابوهادي
وانا اول وحده بخصص لامل جزء من راتبي على شان مصروفها ويليت كلنا دامنا موظفات. على الاقل نعوضها عن السنين اللي راحت واعرف مانقدر نعوض شيء
هند/وانا بعد ياريم
رحاب /اذا على الفلوس راتبي كله لها بس قلبي لا
محمد/كفو بخواتي
مها / محمد. امل اختنا وماراح يصير الا كل خير والله ان قلبي يتقطع على ذا الضعيفه وش ذنبها بكل اللي صار الله يسامحك ياجدة وانتي وامي كرهتوا عمتي حصة ببنتها
محمد انت شفتها تشبهنا ولا كيف شكلها
محمد/ صراحة صورها كلها عند عمي سعود انا بس شفت لها صوره وعمرهت خمس سنوات. ماشاءالله صراحة اميره بسم الله عليها
على العموم بتجي اميرتنا ونشوفها ونتعرف عليها
هند/ انت بتروح مع عمي
محمد /اكيد وتبون الحقيقه نفسي اشوفهت مافيني صبر من كثر كلام عمي سعود عنها
هند /حتى عمي علي قد شافها كم مره
كملو سهرتهم طول الليل والحوار على الاخت الجديده

اليوم الثاني
قروب الاخوات بالوتساب
سارة /يعالم اصحوا احد يعلمني وينكم مختفين
دلال /كلهم اكيد نايمين
سارة / وش الاخبار
دلال /مابه جديد
سارة /دلال وش صار بجتماع امس هند قالت لي
دلال/تخيلي عمي اللي ماعمره رفع يده على وحده منا عطاني كف شوفي وجعي منتفخ وارسلت فيس يبكي
ريم /تستاهلين ماجاك
نورة / احمدي ربك محمد اخذك من وجهه ماعمري شفت عمي معصب مثل امس
سارة /فهموني وش السالفه. امل جت
نورة /لا بتجي بعد بكره الخميس
سارة /وش سالفة الكف
هند /سارة كيفك انتي وعييالك
ساره /حنا بخير هند بتصل عليك محد يبرد حرتي غيرك
اتصلت على هند وقالت لها كل شيء صار
سارة /دلال. تستاهلين وش ذا الكلام
دلال /ساره والله مقهوره هذا وهي مابعد شرفت والبيت مقلوب
سارة / دلال منتي بزر نحطين عقلك بذا الضعيفه. تدرين بالقصه مالها ذنب
وخلي الغيره عنك يالدلوعة
دلال /انا دلوعة
نورة /ايوه لانك اصغر وحده ودلوعة محمد
مها / وراح البساط من تحتك هههههههههه
هدى /بس انا جد ماابغاها تجي مابي امي تتضايق كلكم عارفين انها حتى ماتطيق تتذكر الايام ذيك وصحتها مو ذاك الزود
هند / اعرف بس امل اختنا وعيب نخليها عند الناس صدق والله عمي معه حق الناس كلت وجيهنا
ريم /هيه انتم بس على شان الناس بتجيبونها حرام
تراها انسان.
رحاب /والله اعرف ومابي اكون قاسيه بس مقدر انسى الي صار
دلال / انا مابيها معي بغرفتي
هند/تطمني محمد بيجهز لها الغرفة اللي فوق على شان تكون بعيده عن عيون امي.
سارة /انتم خواتي الله يخليكم خلونا ننسى الماضي ونعيش ونستقبل اختنا بقلوبناا قبل بيوتنا يكفي انحرمت منا كل السنين انا ماااعرف كيف عاشت عندهم
ريم /لاتسوين لنا فلم هندي تراها بنتهم بعد وعلى كلام محمد تصير اختهم من الرضاع وبعد امل عاشت كل السنين ماتعرف انها مو اهلها يقول انها دلوعتهم ماادري ذا الكلام من محمد
سارة /ومحمد من وين جاب كل ذا
ريم / اكيد عمي سعود قال له. وش رايكم تبون تشوفونها
هند /ودي اشوفها
مها /وانا بعد
/ساره اكيد انا بعد
كلنا نبغى نشوفها
ريم طيب انا بقول لنايف نروح نتعشى عند عمي اليوم وعاد باخذ منه كل التفاصيل
هند /كفوا يام سعود.
نورة / طيب وش رايكم نسوي لها حفله يوم الخميس
هند /لا مو الحين الحفله خلينا نصبر لين تتعود علينا على الاقل اسبوع
انا طالعه بروح اجهز مع محمد غرفتها. ريم نتظرك
محمد وهند جهزوا غرفة أمل
ريم اخذت عيالها وعلى بيت عمها. سعود بس عمها سعود كاشفها ولا قدرت تاخذ الصور من جوال عمها عاد زوجها نايف طول الطريق يعلق عليها
نايف / ابوي حافظك ياريم قول جيتك مهيب لله
ريم / وحنا كل يومين عنده بس الله يهديه وش بيضره لو اخذت صورتها من جواله. ياقلبي مدري كيف طاوعهم قلوبهم يرمونها
نايف/ كيف شفتيها وجوال ابوي بيده
ريم /عمي من زود حبه الظاهر حاط صورتها. خلفيه جهازه
لان البنت مو من خواتك ولا من عيالهم ولااعيال اخوانك ولا من عيال عمي علي ولا من عيال خواتي من تكون غير امل
نايف /والله اني غبي صدق
وانا اقول من البنت ذي دايم بجوال ابوي بس الحين مو تقولون كبيره
ريم/ تقريبا عمرها 13 او 14 بس الصوره ذي قديمه يمكن عمرها خمس سنوات. ومتاكده جوال عمي مليان صورها كيف اخذها مددري وعدت خواتي اجيب الصور
نايف /هذا همك انتي وعدت خواتي
اسمعي قبل انسى بكره العشاء عندنا عازم الشباب لاتنسين
ريم /ان شاءالله
ريم /صباح الخير وينكم انا اسفه عمي كشف مخططي وقال لاجتكم بتشوفونها مايحتاج صور
دلال /هههههههه احسن طاح ووجهككك
سارة /حرام اذا جت صورها لي حرام ولا والله على اول طيارة
هند / ههههههه سارة تعالي والله مشتاقين لك
ريم /بس انا شفتها ماشاءالله جميله كيف طاوعتهم قلوبهم يرمونها
نورة /مو تقولين رفض يعطيك الصور كيف شفتيها
ريم/ شفت صورتها خليفه لجوال عمي. يمكن عمرها خمس سنوات
العيون عيون عمي سعود.
اصبروا نايف ياحكني

بعد خمس دقايق
ارسلت ريم. صورة بنت صغيره عليها فستان بنك وشعرها لين كتوفها وعيونها واسعه وعسليه عندها غمازات وتضحك
مها / ريم من ذي
سارة / وينك اختفيتي
هند/ اكيد ذي امل
هدى / اكيد هي
ريم /نايف ارسلها لي وانا ارسلتها لكم ذي اختنا امل كان عمرها خمس سنوات والصوره بابها
هدى /ماشاء الله. تشبه عمي كثير والخشم على ابوي
ريم /. نايف يقول ان عمي يقول انها تغيرت ورفض يرسل لها صوره وهي كبيره يقول على شاني انا ارسل ذي
سارة / اول مره يجي منك انتي وزوجك فايده
والكل ضحك
الخميس

الرياض كلهم مستعدين
المزراحميه
من الصبح وامل تبكي رغم انهم مسوين لها حفله وشارين لها هدايا بس امل تبكي وتقول مابي اروح معهم
أمل /تبكي متغطيه بمفرشها وتبكي تتذكر اللي صار امس بالحفله
فيصل /امل ياقلبي لاتبكين كلنا فراحنين فيك وحنا اخوانك للحين وبتروحين لاخواتك وتتعرفين عليهم وكل مابغيتي اتصلي بس وانا والباقين نجيك وناخذك. وبعدين الرياض مو بعيده مهما عشتي عندهم بتظلبن اختنا الغاليه
أمل /بس مابي اروح لهم هم تركوني ولا فكروا فيني
فيصل /من قال مافكروا فيك وعمك سعود اللي كل اسبوع وهو عندك غير مصروفك مانسوك يامل ولا يوم بس ماتعرفين وش كانت ضروفهم لاتكونين قاسيه
قاطعها الصوت اللي سحب المفرش من عليها وهي تعصب
اتركوني لحالي
بندر شالها ووهو يركض
فيصل /اتركها.
بندر /لا ياتاخذني معاها ولا بخطفها انا
امل /خلوني وش فيه
فيصل / انت وش. انا باخذ امل انا وهي لحالنا مابي احد تجي تخرب علي اسكت لاتجي بعد ريم
بندر بتاخذني ولا افضحك
فيصل / خلاص روح غير ملابسك
نزل امل وراح يركض
فيصل /اموله غيري ملابسك. بنطلع
امل /مابي اعرف بتاخذني لهم. مابي اطلع وصارت تبكي
فيصل /لا اصلا عمك بيجي بعد العشاء. انا وانتي معزومين بسرعة قبل تجي ريم
راحت ولبست بنطلون اسود وتي شرت اخضر وربطت شعرها ولبست عباتها ونزلت
بندر /تاخرتي طلعوا
امل /وين بنروح بذا الوقت
فيصل /عبدالله وخالد عازمينا بمطعم بالرياض وتاخرنا عليهم
وعلى الرياض تغدوا ورجعوا بسرعة.
بندر /كيف جوك الحمدلله مافاتني الغداء الزين ذا
أمل /انت ماهمك الا بطنك يالدب وتضربه على كتفه
بندر/بصلي العصر واجي اتفاهم معك يالعصلا
طلعت امل اخذت شاور ولبست بلوزه كت بيضاء وتيور مشجر قصير تحت الركبه بشوي صلت وجلست تسولف مع امها ووالبنات مشغولين بالمطبخ
ريم /هين تروحون وتخلوني انا ماقهرني الا ماخذين الدب بندر معكم وانا ليه. ماتاخذوني
أمل /انا مالي دخل
هادي /ريم وش قلنا ولا اعيد
انا طالع للمجلس
طلع وجلس مع اخوانه الا العم سعود ومحمد جايين
سلموا سوالف تقههوو ا
العم سعود /وين امل
عبدالله / بجيبها لك
دخل /الا هي جالسه مع نوال ونورة تعلمهم وش صار بالغداء
عبدالله /اموله تعالي معي تسلمين على عمك واخوك
أمل /حرام تكذبون علي قلتوا بيجون العشاء مابي اروح معهم مابي اشوفهم
عبدالله شالها وغسل وجهها وعدل شعر امل ورفع راسها بيده مابي يقولون ماعرفنا نربيها ابي ترفعين روسنا ابيهم يشفون بنتانا اللي ربينا
وين امل القويه ارفعي راسك مسكها ودخل فيها للمجلس
وهي منزل راسها للارض. ماحست الا اللي حضنها وباسها على راسها
العم سعود/امل لاتبكي انا عمك وانا ابوك وكل اهلك مابي تبكين دامني حي رفع راسها وهي تبكي وتشاهق من الخوف وهي ميته خوف من المستقبل رفعت راسها لعمها
من شافته عرفته. هي تعرف العم سعود من صغرها وتحبه لانه دايم مدلعها ويعطيها فلوس والعاب وكل علمها انه صديق ابوها ولما قالوا لها اسم عمها سعود ماتخيلت انه نفسها اللي تعرفه. راح نصف خوفها لما شافته
اخذها وبيجلسها جنبه قام محمد وسلم عليها ومسح الدموع اللي باقي تنزل. من عيونها
محمد/لا ياقلبي لاتبكين انا محمد اخوك ارفعي عيونك مابي تنزلين راسك ابد فهمتي جلسها جنبه وجنب عمه سعود
العم سعود /ماقصرتوا والله يرحم ابوكم وامل بعد بنتكم زي ماهي بنتنا وراح تزوركم كل فتره وانتم تزورونها
كملوا سوالف شوي
العم سعود /امل يابنتي بنمشي سلمي عليهم وخلينا نمشي
واحت تركض تبكي
ضمت امها. لاتخلينهم ياخذوني مابي اروح
جو خواتها سلموا عليهم وهم يبكون
مناير/لبستها عباتها وجا خالد واخذها وهي تبكي مابي اروح معهم سلموا عليها اخوانها ومسكها محمد. وشالها لانها تعلقت باخوانها
طول الطريق وهي دموعها تنزل بدون صوت
العم سعود / امل. امسكي ذا جوال لك ومعها فلوس. واي شيء تبغينه اطلبيه مني ولا من محمد لاتستحين
محمد/ ماتقصر ياعمي
العم سعود /محمد لاتنسى مدرسة لاختك شوف لها مدرسة اهليه زينه. مابي يضيع عليها الترم
محمد/اللي تامر فيه
العم سعود /امل ابي تتحملين الوضع الجديد. ابي بنتي قويه
نزل محمد ونزلها ودخلوا البيت
الا هند بالاستقبال
رحبت فيها. وسلمت عليها واخذتها
محمد /وين عمتي
هند /بغرفتها
محمد /بروح لها
هند /اموله تعالي ابي تشوفين البيت
اخذتها ودارت فيها على البيت كله وامل بس تناظر وساكته
جت /دلال وسلمت واختفت
جت رحاب بعد سلمت واختفت
هند /امل ذي غرفتك ان شاء الله تعجبك اي شيء تبغينه الشغاله عندك تجيبه لك وتسوي كل اللي تبغين
انتي كبيره وعاقله ابي تتحملين الوضع الجديد ويليت يالغاليه ماتحتكين بامي. الفتره ذي
امل بقهر /انا وش ذنبي باللي صار. مالي دخل اني عشت وهو مات
هند /ضمتها تبكي لايقلبي مالك ذنب بس ذا اللي الله كتبه لك الله يخليك تحملي على شاني
طلعت وتركتها تبكي بغرفتها
محمد /عمه ممكن ادخل
حصة /اذا هي معك مابي اشوفها
محمد / لا انا لحالي
حصة /ادخل
محمد /سلم وجلس
الله يخليك ياعمه على الاقل شوفيها والله مدري كيف ابوي تركها هناك
حصة /مابي اشوفها. قلت لكم.
هدى /محمد لا تزيد على امي ماتبغى تشوفها
محمد/هدى خلك محضر خير وليه ماسلمتي عليها روحي شوفيها
هدى /مانسيت ضرب ابوي في امي مانسيت اللي سوته جدتي
تبغاني اشوفها
محمد /وامل وش ذنبها باللي صار
هدى /مالها ذنب والله مالها ذنب بس من ينسينا اللي صار
محمد /مدري متى تنسون الماضي
وطلع ولحقته هدى
محمد / يام معاذ مابيك تصيرين ظالمه وقاسيه على اختك لاتصيرين زي جدتي
هدى /انا قاسية
محمد /ايه اعقلي وعلقي خواتي انا طالع
والله ان احد زعل حبيبت اخوها مايحصل لكم طيب
أمل /فتحت عيونها تتامل وينها فيه ظلام وفيه نوره بسيط من الشباك
تدكرت انها مو في بيتهم ونزلت دموعها مره ثانيه نزل من السرير فتحت الشباب ودخلت الشمس الغرفة
شافت الساعة بيدها يوه نمت كل ذا ماصليت
شافت فيه باب بالغرفة عرفت ان فيها حمام ولقيت شنطتها اخذت ملابس واخذت شاور وصلت وجلست الغرفة احلى من غرفتي مع ريم لونها ودي فاتح ومن جهه ورق حدران ورد والاثاث ترتيبه خيال واهم شيء مااحد مشاركني الغرفة

شافت العاب كثيره عرايس على دباديب. غير الملابس الجديده بالكبت
شافت عليه هدايا كبيره فتحتها ولقت كرت نورتي البيت ياعمة عبدالله وسعود
أمل /انا بعد عمة هنا من هم عبدالله وسعود هديتهم ذوق ولقت باقه من امس من محمد
جلست على السرير مسكت الجوال لقت عمها متصل عليها
الوقت بدري مقدر اتصل سبع الصبح.
شوي الا الباب فتحت الباب الا الشغاله
تغبى تشوف وش تبغى على الفطور وراحت وجابت الفطور ومويه ونزلت
مر الاسبوع بارد من المشاعر امل طول الوقت بغرفتها الا لما يجيها محمد او هند واتصالات عمها يخترق صمت الاسبوع
أمل /واقفه عند الشباك سرحانه
انا من جيت هنا وانا بسجن. اشتقت لاهلي ونزلت الدمعه من عيونها صح اني ارتحت من ريم بس اشتقت لها اسولف معها الحين انا لوحدي
محمد/اموله ممكن ادخل
مسحت امل دموعها وفتحت الباب
محمد /افا ليه تبكين
أمل /ماابكي
محمد/ غيري ملابسك انا عازمك على الغداء
أمل /بطلع اخيرا الله لايحرمني منك ونطت بحضنه
محمد /ياقلب اخوك انتي ليه ماقلتي ابغى اطلع. بسرعة غيري. خلينا نطلع
بالسيارة
محمد/ اموله
أمل /سم
محمد /مابي تستحين قلت اي شيء تحتاجينه قولي تدللي بس وكم أمل عندنا
اسمعي خواتي. مزعجيني وتراني مانعهم يجتمعون ابيك تاخذين راحتك ولا يزعجونك
وبعد الغداء راح نزل للسوق على شان تشتري كل اللي تحتاجين واغراض المدرسة بكره الحلوه لازم تروح للمدرسة
أمل /طيب
بعد الغداء راحوا للسوق شرت لها اغراض وطلعوا على المغرب صلواالمغرب وصار يتمشون
محمد/ اموله تراك معزومه على العشاء
أمل /من عازمنا
محمد / مفاجئه تبغين ايسكريم
أمل /اكيد بس قول مين
محمد /اللي ينزل اول واحد يحاسب
امل / انا انا
ونزلت تركض
محمد/فزتي علي انتي حاسبي
امل /اكيد اختار انت
اختاروا وطلعوا
وقف محمد عن الطريق وصار يسولف لها
أمل /محمد من عبدالله وسعود
محمد/عيالي وش فيهم
أمل / مرسلين لي هديه ولا شكرتهم.
محمد/ صار يسولف لها عن خواتها ويعد لها عيالهم لين ماعاد عرفت شيء
محمد /وش فيك سكتي
امل /ضيعت
محمد /لاشفتيهم بتعرفينهم الحين بنروح نصلي ونروح لموعدنا مستعده
أمل /اكيد
امل /حمودي قول لي من عازمنا
محمد/حمودي يويل حالي خلي خلود تسمعك. تتعلم منك الدلع
انزلي وتعرفين
نزلت ودخلو المطعم
أمل /احلى مفاجئه ياعمي وعلى حضنه
العم سعود/اشتقت لك يالغاليه
محمد /ترى انا هنا
العم سعود/ شايفك وخير ياطير
محمد /يليتني ماتكلمت هههههههههههه
أمل /اشتقت لك بعد
العم سعود / اخذتي اغراض المدرسة
أمل /ايوه اخذتها
العم سعود/ ناقصك شيء محتاجة شيء
أمل /لا ماني محتاجة شيء
وسوالف وتعشوا ورجعوا للبيت اسعد يوم من جت للرياض
دخلت تركض وطلعت غرفتها
فتحت الباب الا الغرفة كلها هدايا
امل /تفاجئت
رحاب /كلها لك. من خواتي وعيالهم
نزلت عبايتها وجلست تفتح ثم راحت وضمت رحاب شكراا الله لايحرمني منكم
رحاب واقفه باب تضحك عليها تتامل كيفه تتحرك وتعبر عن فرحتها بحركات طفوليه يازينك يامل. ياقلبي عليك ليت الزمن يرجع ونغير فيه
أمل /رحاب تعالي شوفي معي مقدر افتحها كلها وبعد مااعرفهم كلهم جلست معها وصارت تفتح

[لامارا]

. البارت الخامس
لننسى الماضي
•
•
•
•
لا اعترض صوت الحكي ضحكتها ....
ينطوي حزني وتجدد افراحي .!

أمل /كم انا وحيده
في حزني وبين دموعي
كم افتقد صباحتي الجميله
صوت امي وهمسات اخواتي
مقلب ريم
كم افتدكم
وهاانا اليوم وحيده حبيسة غرفتي كاني بمنفى او سجن جميل
ان اردت ان استيقظ من نومي يجيب ان لا انسى
المنبه ولا لن يوقظني احد
لا احد يهتم انه اول يوم لي بمدرستي
سوى الخادمة اللي احضرت لي الافطار مسرعة
تقول بابا محمد يذبح انا فيه تاخير
ودعت غرفتي او سجني الجميل وشعري لم استطع تسريحة اعرف اني لو كنت عند امي لن ترضى ان اخرج وهو بهذا الشكل
تاخرت كثيرا ولا وقت للافطار ولا رغبه لي به
توجة للباب والسائق ينتظرني. والى المدرسة
كم افتقد غنائي كل صباح مع بندر
كان اجمل يومي صباحي والان هو اسوى شيء عندي
مسحت دموعي المتناثره وتوجهت لباب مدرسة
ل اواجهة حرب اخرى
بمدرسة وعالم جديد
مر الاسبوع ثقيل

سارة /وينكم كيف اموله
دلال /انتي اللي وينك
سارة /عيالي تعبانين وانشغلت مافضيت للجوال
دلال / سلامتهم ابد داومت الاسبوع ذا بالمدرسة
سارة /وين اللي بيصورونها لي
ريم / السلام عليكم الجمعة الاسبوع ذا عند محمد ترى
سارة / لاتحسرين بي
مها / قال لي على شان ان نشوفها
رحاب / اقول وش بتسوين ياريم على شان لاجيت للبيت اشتغل شغلي
ريم /انا بجيب. ورق عنب ومكرونه وتبوله
خلود بتسوي بس حلا القهوة مع القهوه والعصير وتقول بتسوي كيك لامل
رحاب / اوك تم انا طالعه الحين رايح للبيت دلال لاتتاخرين ابي تساعديني
مها /انا وهدى ترى ماراح نجيب شيء.
هدى / اكيد.
نورة / سلامات
هدى / نورة خلود تقول لاتجيبون شيء. هههههههههه
سارة /تراكم طفشتنوني. اابي اشوف امل
الشرهة على اللي يكلمك بروح احاكي محمد
سارة /صباح الخير يابو عبدالله
محمد/ وين صباح الخير بذا القايله
سارة /هههههههههههه انا صباح الخير
المهم من الاخير ابي اشوف امل خواتي ماعطوني وجهه
محمد/ههههههههههه وانا اقول وش عند سارة بذا الظهر
سارة /تكفى طلبتك
محمد / للحين ماصورتها ترى اختك ام دميعه ومابي اصورها وهي تبكي
سارة /ياقلبي عليها
محمد /جيتها البارح ولا هي نايمه ودموعها بعيونها نايمه بمريولها
سارة /محمد. الله يخليك لاتخليها ماقهرني الا دلال ورحاب.
محمد/وش تبين اسوي عجزت وانا اتكلم
تصديقين ماخذه جمال العايله كله
العيون واسعه وعسليه وشعرها بني وجهها طويل زي رحاب وعندها غمازات زيي
لما تمشي زي ابوي
اما اذا ابتسمت زي ريم
بس تعرفين كل شيء جديد عليها
سارة / بسم الله عليها. اقول ماراح انتظر الاجازه بجي قبلها
محمد / لو اني دارني بتجيبك امل جبتها من زمان
انتظرك.
امل رجعت من المدرسة ودموعها على خدها رمت نفسها على السرير تبكي
ثم سحبت الجوال واتصلت
الو
العم سعود/ياهلا بذا الصوت
افا ليه تبكين
أمل / الله يخليك ياعمي ودوني لاهلي.
العم سعود / امل اهدي انتي عندك اهلك
امل / ابي اروح للمزاحميه الله يخليك
العم سعود /امسحي دموعك مابي تبكين. مابي يشوفك تبكين غيري ملابسك ومحمد بيجيك الحين ويوديك لهم وش تامرين فيه بعد تدللي بس
أمل / لا بس مابي شيء بس ابي اروح للمزاحمية
العم سعود/تغديتي
أمل /لا
العم سعود /تغدي بسرعة قبل يجي محمد كيف المدرسة
امل /ماشي حالها
العم سعود/اعرف فاقده مدرستك ولاهي عاجبتني مدرستك ذي بس تعرفين بنصف السنه والسنه الجايه مدرسه احسن من ذي وبخلي محمد يدور لك مدرسة حلوه من الحين كم عندنا امل
أمل /الله يخليك لي ولايحرمني منك ابد
سكرت اخذت شور وتجهزت ونزلت تركض
الا محمد جاي
سلمت وهي طايره من الفرحة
محمد/ دوم الضحكه كل ذا على شان المزاحميه يفداك المزاحميه واهلها كلهم
أمل /بسرعة يمحمد مابي اتاخر
محمد /ماراح يهربون. اول لازم اغديك ثم نطلع للمزاحميه عمي يقول ماتغديتي ولك يومين ماتاكلين
أمل /ماني مشتهيه الله يخليك يامحمد ابي اروح للمزاحميه
محمد /شافها تبكي
اموله خلاص بوديك بس مو زين لك ماتاكلين وفيه بعض ناس عازمينك
أمل /من
محمد / عبدالله وسعود وسعود وماجد
أمل / من
محمد / دقيقه اشوف وين العزيمه والله مايجي منهم مكان صاحي
اتصل وسكر وهو يضحك
محمد /احد يعزم في كنتاكي. والمشكله طول لليل على راسي ومعطيهم فلوس واخر شيء هنا انزلي نشوف وش اخرتها
امل /ضحكت اخيرا
دخلوا
محمد/ياللي ماتستحون على وجيهكم هاذي اخرتها تعزمون عمتهم هنا
عبدالله /ذا مطعم لاتفشلنا الله يخليك
عبدالله /عمه انا عبدالله. وذا الدب سعود اخوي والتمساح اللي وراه سعود ولد عمه ريم وماجد اخوه
سلموا وجلسوا
لما جلست امل شالت الطرحه
سعود /عمه يازينك وش رايك تجين عندنا بالبيت
عبدالله مفهي
ماجد /الحين انتي خالتي زيهم
محمد /الشرهة على اللي جايبها لكم
سعود ولد ريم /خالي توبه بس ترى للحين محنا مستوعبين لنا خاله كذا اموره وصغيره
تغدوا وضحكت امل على هبال الشباب وطلعوا
امل / مره بجننون
محمد /شوفي ترى المفروض اليوم الجمعه عندي وخواتي بيجتمون على شانك ومابي امنعك من اهلك والمزاحميه بس المره ترى اخرى مره تتخلفين عن اجتماع خواتك
امل /بس
محمد / الحين بنصلي ونطلع للمزاحميه
بعد الصلاة اخذ محمد مجموعة حلويات وطلعوا للمزاحميه
محمد /. الجمعه العصر تكونين جاهزه بجي اخذك
بعد العشاء
بيت محمد
خلود /امل بالمزاحمية ههههههه عطتنا سيفون
هدى / قال لنا محمد. حتى محمد بعد سحب علينا
ريم /محمد مع العيال وازواجكم بالاستراحه يالفالحة
مها /كان ودي اشوفها
هند/ اتصلت على عمي تبكي تبغى تروح للمزاحميه ومانقدر نرفض
محمد يقول الاسبوع الجاي شفوها
ريم/ ماراح انتظر للخميس الجاي
رحاب / لا والله راحت فيها امل. حطتها ريم براسها
ريم / اضحكي انتي تشوفينها كل يوم وحنا ماشفناها.
رحاب /لي اسبوع ماشفتها ترى
هند / بالله انتي اخت ماالومها يوم تتصل بعمي تبكي
خلود / جد رحاب انتي ودلال حرام عليكم البنت اصلا الوضع جديد عليها وصعب تزيدونها انتم
دلال /مو شغلي هذاني احط لها مصروفها بالدرج وماقصرت
خلود لاوالله مقصره/سارة بتجي الاسبوع الجاي
هدى ومها /بصوت واحد اوما
خلود /محمد قال لي انها خلاص بتجي وحجزت
هند /غريبه الاجازه اللي فاتت ماجت
خلود /اسالي اختك وش دخلني. المهم ترى الاسبوع الجاي محمد بسوي عزيمه كبيره لامل كل وحده تحسب حسابها
نورة /خلود هنا ولا بالاستراحة
خلود/اكيد بالاستراحة الخميس والاربعاء بالبيت والجمعه عند ابوي
هند /وسارة متى بتجي
خلود /مااعرف انا ماكلمتها ذا كلام اخوك
دلال /عصبت خلاص هههههههههه
امل /نست دموعها وحزنها من جت المزاحميه ومرت اليومين بسرعة ورجعت للبيت
مر الاسبوع والاربعاء اخذها محمد لبيت وشافت خواتها وعيالهم الصمت محاصرها بس تتفرج واذا احد كلمها تجاوب على قد السوال وتسكت. رغم محاولات خواتها
بس تشوف كيف خواتها اللي من ابوها يحبونها اكثر ساره ونوره وريم ومها اكثر من خواتها من امها وابوها طبعا هند غير عنهم بس هدى ورحاب ودلال
الخميس والجمعه نفس الوضع حست انها غريبه ومخنوقه
لاجديد بايامها من البيت للمدرسة. اسبوع تروح للمزاحميه واسبوع لا وبالمزاحميه تبسط وتغرغ كل حزنها وبكاءها وترجع للحزن والوحده
خواتها يحاولون يقربون منها بس هي حابسه نفسها تحس انها مشاعر شفقه على حالها او تانيب ضمير رغم انهم مدلعينها اخر شيء
جت الاختبارت. وخلصت اموله وواليوم رايحة تجيب النتيجه
دايم يوم النتياج مميز لها
اول ماترجع من المدرسه تكون امها مزنه تنتظرهم تسلم عليها وتحضنها تشوف درجاتها تكون محضره لها حلويات والعصر يطلعون لملاهي ولايرجعون الا مع الفجر
بس اليوم انا بالرياض اكيد ماراح احد يهمه نجحت ولا لا
دخلت ودموعها على خدها اول مادخلت للصاله الا امها حصه جالسه
فرحت امل قالت فرصة ض اسلم عليها وانا ناجحة
اول مابدت تقرب حست عليها حصه وقامت مسرعة
أمل /انا بنتك. ترى على الأقل شوفيني. انا كبرت يمه
انا نجحت شوفيني ودموعها تنزل
حصة /هي تبكي وبس ماتبغى لاتشوفها ولاحتى تسمع صوتها
أمل /حرام والله انا مالي ذنب اني ولدت قبله ولا لي ذنب انه مات وانا عشت
مالي ذنب حرام عليك
حصة /مااقدر مااقدر وراح وتركتها تصارع دموعها
طلعت امل تركض لغرفتها لمت اغراضها بسرعة ونزلت. وعلى بيت محمد
فتحت لها خلود
خلود/ شافت امل منهاره تبكي دخلتها حاولت تهديها بس مافهمت شيء منها
أمل / ابي محمد ابي محمد
اتصلت خلود على محمد بالدوام
محمد / وش عندك باقي اغراض ولا وش
خلود /محمد أمل عندي تبكي وماقدرت اعرف وش فيها عطتها الجوال
أمل / تشاهق محمد الله يخليك. ودني للمزاحميه مابي ارجع هنا مابي ارجع هنا
محمد /اهدي اهدي. وش فيك
أمل / محمد الله يخليك الله يخليك مابي اعيش هنا خلاص رجعني للمزاحميه عند اهلي الله يخليك
محمد /اهدي اهدي انا جايك الحين
محمد ترك دوامه وجى مسرع
دخل الا هي بحضن خلود تبكي اول ماشافته ضمته تبكي
محمد /بسم الله عليك وش فيك اهدي شالها وعدل طرحتها واخذها للسيارة وعلى المزاحميه وطول الطريق تبكي وتشاهق
محمد /قبل تنزلين ابي اعرف وش فيك
أمل / مابي ارجع هناك الله يخليك هنا اهلي وبيتنا وامي وخواتي الله يخليك ماعاد ابي ارجع هناك

بعد أسبوعين
محمد راح ييجيبها على شان زواج رحاب وصارت تبكي ومحمد نقطه ضعفه دموع امل وقال خلاص اجلسي طول الاجازه عندهم
خلصت الاجازه والناس داومت بالمدارس ولهم اسبوع
محمد راح لامل وصارت تبكي وتركها
العم سعود/ محمد أمل رجعت
محمد /رافضه وتبكي. ومقدر على دموعها والله
العم سعود/ وهي عارفه نقطه ضعفك ومستغلتها
محمد/ههههههههه مقدر عليها بخليها الاسبوع ذا وعدتها
العم سعود/الاسبوع الجاي ابيها تجي يويلك ان ماجبتها خذ هند معك
فعلا راح محمد وهند وجابوها بالغصب
ومن نزلت وراحت تركض لغرفتها
هند/فديتها معصبه
محمد /ماشاء الله عليها جامعه كل جمال العايله
العيون والشعر على عمي سعود
الفم على ريم وعمي علي
الانف على ابوي واذا عصبت بعد
هند /لاتنسى اذا جت تمشي بعد عليها من ابوي كثير
دخل محمد وهند.
محمد /هنوده لاتنسين العشاء عندي
هند / لاياقلبي اعذرني تعبانه بروح بيتي
محمد/عارف وضعك الله يقومك بالسلامه. لاتطلعين لها معصبه
دخلت هند عند امها
حصة /جت معكم
هند /جت بعد الويل
حصة /هند لاتقصرون معها بشيء وزيدو مصروفها
هند/يمه امل مو ناقصها الا انتي. الله يخليك. انسي الماضي
حصة /انا مقدر ياهند انا قلت لخواتك على شان امل اهتمي فيها تراها مسؤوليتك
هند/امل في عيوني يالله بروح لبيتي
تامرين بشيء
حصة /سلامتك
رحاب ارسلها محمد لامل
رحاب /ممكن ادخل
أمل /لا
رحاب /طيب ليه
أمل /محد يحبني غير هند ومحمد وانتي لا ودلال بعد كلكم تكرهوني
مابي اعيش هنا بس جابوني بالقوه ماني بزره
رحاب /ههههههه فتحت الباب الا هي متخبيه تحت المفرش ورجولها طالعه
رحاب جلست اللي بيدها وسحبت الصندل من رجوالها
أمل /ماقلت ادخلي
رحاب /امل انا اسفه ذي هدية زواجي المفروض انك انتي اللي تشترين لي بس انا وعبدالله شارينها لك
قومي ابي اشوفها عليك
وسحبتها
محمد / وش ذا الايسكريم الزين
رحاب /ذا لامل لاتاكله
محمد /امل زعلانه ولاتبغى باكله انا عيالي مايخلون شيء بالثلاجة
أمل/ذا حقي واخذت الصحن
محمد/هههههههههه اموله فديت دلوعة اخوها اسمعي بكي مابي
تزعلين يالله قومي غيري ملابسك وابي اشوف ذوق بعض الناس
رحاب / اهم شيء احلى من ذوقك انت
جربت امل الفستان وطلع مره جميل عليها
امل تعودت على خواتها تغيرت رحاب ودلال. وهدى وصارت تحس صدق بخواتها رحاب ماراحت بعيد فوق ودلال تزوجت اخو زوج سارة وعاشت بجدة
كل شهر جمعة خواتها بالاستراحة وايام الاسبوع زيارات
صارت تحب الرياض وخواتها وبزراينهم. وتعرفت على بنات عمها
كل أربعاء ياخذها عمها علي من المدرسة يتغداء معها ويمشيها ويرجعها ومرت ثلاث سنوات جميله.
كل سبت تسلم على راس امها وهذا اقصى ماتمنت امل وصارت الدنيا جميله
رحاب /من بتروح لحفل تخرج اموله
هند /اسمعوا ترى مافيه الا ثلاث دعوات وانا وحده مالي دخل
مها /وحنا
ريم /وانا الثانيه
رحاب /باقي وحده نورة اخذيها
نورة /رحاب روحي بدالي
هدى /ماكنكم ساحبين علينا حنا اهل الشرقيه
دلال /وانا. وين رحت
هند /انتي تعبانه اهجدي بالبيت
خلاص الباقي يجهزون الحفله هههههههههه
دلال /ظلم
رحاب/اهم شيء اروح انا مالي دخل.
امل /اذا بقدر اجيب كروت زياده بشوف
هدى /اموله خلاص اهم شيء شفتي فستانك جهزتي اغراضك
امل /ايوه متى بتجون انتم.
مها /بكره ياقلبي اول ماتطلعين من الحفل نكون كلنا مجتمعين
انتي روحي نامي الحين
ريم /يالله على سريرك ياحلوه
أمل / تو الناس الساعة 12
هند /يالله بلا عناد
امل /تراكم تعاملوني كني طفله. شوفي البزارين مابعد نامو
رحاب /اموله اطلعي غرفتك. البزارين بنيمهم بعد ابي ترتاحين
امل /طيب رحاب ابي تشيز كيك.
رحاب / طيب روحي نامي الحين
امل /تصبحون على خير ياخلى خوات بالدنيا
نورة /كل وحده على بيتها خلوا اميرتنا تنام
ريم /طيب اصلا عيالي هادين ههههههههه
تصبحون على خير سويره متى بتجين
سارة /ماني جايه. بخليها لين العيد الناس تصيف عندنا ارجع للرياض
ريم /بكيفك ترى بنجيك كلنا اجل تحملي
سارة /الله يحيكم
ثاني. يوم
ريم /فديت اللي تخرجت. وبتروح للجامعة
امل / كيف شكلي حلوه ولا لا وكيف لما كنت بالمسيره
هند /بسم الله عليك. من الصبح وحنا نسمي عليك بسرعة البسي عبايتك. وخلي قبعتك معك فيه ناس تنتظرك برى بسرعة
امل /محمد اكيد
رحاب /بسرعة اطلعي شوفي
لبست عبايتها ووطلعت.
الا محمد واقف عند الباب وعرفها وشالها
مبروك الف مبروك يالغاليه. عقبال الجامعة
أمل /الله يبارك فيك نزلني فشله يامحمد نزلني
محمد /اختي الصغيره وفرحان فيها مالي دخل بالناس
نزلها ووشال القبعة ومشى
الاعمها سعود واقف ينتظرها
اول ما شافته راحت ركض الله لايحرمني منك ابد ابد
العم سعود/ولا منك يالغاليه الف مبروك التخرج.
عسى دوم فرحتك يالغاليه ياعساني ماانحرم من ضحكتك ابد
شال النقاب وحط القبعه عليها
امل حنا بالشارع
العم سعود /واذا محد يمنا
ريم /حنا هنا من زمان
رحاب /مو يمك الحب معه
العم سعود /شايفكم بس الحين امل
سلم عليهم ومحمد مسك خواته تعليقات
العم سعود اخذ امل ومشى
أمل /وين بنروح
العم سعود/ماعليك علمني. بكل اخبار الحفل
أمل /صارت تحكي لعمها ومنسجمه وتاشر بيدينها
لين وقفوا عند باب بيت العم سعود
العم سعود /انزلي الف مبروك والله للحين ماني مصدق انك كبرتي وبتروحين للجامعة
نزلت الا عمها علي واقف عند الباب ومعه عبدالله زوج رحاب اللي هو ولد العم سعود وامل اصلا ماتغطى عنه
سلمت على عمها وعبدالله ومشت وقفها عمها عند الباب ونزل عبايتها الامحمد جاي
ولبسها قبعهتها ودخلوا
الا كل الحديقه زينات وانوار
امل /كل ذا لي
العم سعود / وكم عندنا أمل
الف مبروك التخرج ياقلب عمك انتي
صورت مع عمامها. ومع محمد. والبزران
العم سعود/هاذي هدية تخرجك
أمل /ياعمي يكفي الحفله ذي والله
الله يخليك لي ولايحرمني منك ابد
العم سعود /ولا منك يالغاليه
محمد/افتحيها ابي اشوفها
أمل فتحتها الا هي تدكرتين للندن
أمل /الله لايحرمني منك مو مصدقه وضمته تبكي
محمد / حركات بس من له التذكره الثانيه
العم سعود/لك يامحمد ابيك تاخذ دلوعتي للندن
محمد/الله لايحرمنا منك والله مو بس لها لي انا بعد
سلم على راسه ثم راحوا للكيك قطعوه وصورو
أمل مانتبهت على اللي راح فيها من شافها
محمد بن سعود /
يويل قلبي وين كنت وماشفتها قدامي والله اني طحت ولا احد سمى علي.
رحت وطي ياحمود القمر قدامك ولا شفتها
عاد امل تسوي حركات ومحمد يصورها وعمها سعود يدلعها ويقول فيها قصيده
عبدالله بن سعود /هيه انت يالخو محميد وش عندك هنا
محمد/الحق علي ياخوي رحت وطي من بنت عمك
عبدالله بن سعود /اقول على المجلس امش وانت تناظر في البنت اذكر الله عليها
طلعوا الرجال للمجلس ودخلو البنات للحديقه وكملوا سهرتهم لين صبح الصبح
رقص واستهبال واحلى فلهه
أمل /رجعت للبيت تعبانه اخذت شاور لبست بجامتها تذكرت ريم واعدتها بصور التخرج
يوه نسيتها. وش يفكني منها بس برسل لها رساله لو اتصل بتاكلني
ارسلت لها. وبعض الصور ونامت
محمد بعد سوى لها عزيمه كبيره بالاستراحة
راحت امل للمشغل قصرت شعرها مدرجات سوت بدكير ومنكير وسوت مكياج نعوم ورجعت للبيت
دلال/تاخرنا
امل /بس اغير وانزل
لبست فستان ازرق نعوم قصير عاري الصدر مشغول بتنتر ومن تحت واسع ومنفوس وتعطرت ولبست طقم نعوم ولبست عبايتها ونزلت تركض
دلال /اخير
الحفله كل العايله مجتمعه وناس كثير وزحمه بس كانت المفاجئه امها مزنه وخواتها حضروا وانبسطت امل حيل

وعمها علي سوى لها حفله
ثم راحت للمزاحميه وجلست عندهم اسبوع نصفها راحت هواش مع ريم وامها سوت لها حفله
ورجعت مشغوله تجهز للسفر مع عمها علي وهند وزورجها
رحاب /وش الحوسه ذي
أمل /اجهز اغراضي
رحاب /مو تجهز ذا. انتي مطلعه كل ملابسك وبعدين تاخر الوقت نامي وراك سفر
امل /بس ماخلصت الي اجهز ذي اغراض مكه وذي اغراض لندن
رحاب /انتي غيري ونامي بغرفة هدى انا وريم بنرتب اغراضك
أمل /بس
ريم /وش بس انتي بس حايسه ولاسويتي شيء. يالله نامي بس
أمل /طيب بنام بس ازعاج كيف بنام
ريم / سكري الغرفهم وبتنامين
امل سافرت مكه وراحوا جده والطايف تقريبا شهر رجعت انشغلت باوراق الجامعة خلصتها وكل شيء بعد شهر
ريم/وينك
أمل /والله مشغوله عندنا زواج بنت عمي الليله بكره بجيكم المغرب خلي بندر يجي ياخذني ويرجعني
ريم وش عندك ماجلستي عندنا غير اسبوع وهجيتي
امل وش ويني انا كنت مسافره ورجعت انحست بالجامعة واخير اليوم خلاص
والله مشغوله مو زيك فاضيه
ريم /والله انك سامجة يالدلوعة
أمل /ماني دلوعة دلوعة بوجهك.
اصلا كنت ناويه اجلس باقي الاجازه عندكم خلاص هونت
ريم /لاخلاص اسفه. تعالي اشتقت لسماجتك
أمل /قدمي معروض اشوف مواعيدي والتزاماتي
ريم /تافهه اوريك لاجيتي
أمل / يقولون فيه هدايا لي مسروقه
ريم /مااخذت شيء اصلا ماعندنا هدايا لك
أمل /والله اذا جيت وماطلعتي الهدايا يويلك ياسروقه فيصل قال لي
ريم /ماعندي لك هدايا اصلا فيصل ماجانا
امل/هين اوريك

.

[لامارا]

.البارت السادس
حياة سعيدة
حبيتك بعيون ماشافت فيك نقص
كامله والكمال لله
•
•
•
•
توجهت امل للمزاحميه وكالعاده هواش ريم ودلع اخوانها سهر. ونوم
ريم. /طلعت تبغى تشوفها تبي تعلب معها كوره بالحوش
ريم /على وين ان شاءالله
أمل/معزومه على بارتي بنات عمي
ريم /سلامات الحين انتي تضحكين على نفسك ولا علينا انك جالسه عندنا
أمل /ليه وانا وش اسوي الحين
وتعدل شعرها وترسم الكحل على عيونها
ريم /كل يوم وانتي عندي حفله عندنا تماميم ملكه شبكه زواج وش وضعكم انتم
امل /اذكري الله علينا. طيب وش اقول اجلوا مناسباتنا على شان ريم اختي زعلانه طقي براسك الجدار وبعدين. منتي كفوا خطبك لولد نوره اختي ورفضتي وخطبناك لحسام ولد عمي ورفضتني من زينك هين ان ماجوزته احلى منك مااكون امل
ريم /هيه وش ذا الحب لعمامك كله لايكون. فيه من عيال عمك ماخذك قلبك
امل /سامجه مافيه احد وبعدين ذولا عمامي احبهم واموت فيهم .واسمعي اصلا انا ماني راجعه والاسبوع الجاي بسافر لندن
ريم /اقول تراني ماصدقت سفرت لندن
امل /والله والله بسافر لسارة اختي انا ومحمد ويمكن تجي معنا خلود
اسمعي
ريم /طيب اجلسي عندنا لين موعد سفرك وش بيضرك يعني
امل / خبله انتي اجلس بالبيت لحالي
هيه جهزي اغراضك بتروحون بكره للشرقيه
ريم /وش تقولين
أمل /لبست عبايتها واخذت شنطتها
والتفت عليها
امي تقول لاتعلمين ريم المرجوجه
بايوا
وريم بتلحقها الا بندر بوجها
بندر/على وين انتي وشوشتك
ريم /بلحقها اتضارب معها
بندر /عيب الرجال برى بيسمع صراخك
ريم /منهو
بندر/مااعرف من عيال خواتها كل مره يجي واحد هههههههه
نفسي تجين زي البنات تعلمي من امل كلها انوثه فديتهاوانتي بخلاقينك
ريم /احترم نفسك تراني اكبر منك
بندر/ واذا يعني.
خالد/جد كلام بندر حقيقه شوفي خواتي الكبار لبسهم وانتي مدري من طالعه عليه
ريم /انا احب اللبس هادي مااحب الالوان كثير
خالد /خفي علينا. تعلمي من امل
ريم /كل شيء امل امل سماجه
خالد /تعدلي ونمدحك
زعلت ريم وراحت تبكي
بعد اسبوع
أمل / وينكم البيت هادي
رحاب /حنا بالحديقه صحيناك لين دخنا ونايمه
امل /حرام احد يجي ياخذني
هند/اكلي ورجعي نامي وراك بكره سفره
امل /شبعانه نوم طيب بروح لعمي سعود
ريم /طيب مافيه احد يوديك ترى صرفي نفسك السواق معنا
اتصلت على عمها سعود وارسل لها محمد
امل /هيه انت ليه تاخرت لي ساعة واقفه عند الباب انتظر حضرتك
محمد بن سعود/ انا هيه بوجهك ان شاءالله. سواق عندك
امل /تقريبا
محمد/بعد انزلي انزلي ماني متحرك
أمل / بعلم عمي بقول تركني بشارع لحالي
وصارت تبكي
محمد بن سعود/خلاص اسكتي. والله نشبه
أمل /ضربته كتفه يالله بسرعة تاخرت على عمي
اول بروح محل حلويات ثم نروح للبيت
محمدبن سعود/فيه اومر ثانيه طال عمرك
أمل :لاسلامتك حمود
محمدبن سعود/يازين حمود بلسانك. يابري حالي بس
محمد بن سعود مفهي بامل وهي تختار بمحل الحلويات شال الاغراض وهي تتهاوش البائع وطلعت بعلبه صغيره
محمدبن سعود/ فضحتينا وش عندك
أمل /حرامي اجل شاريه كثير ليه مايعطيني هديه المهم طلعتها من عيونها امسك
محمدبن سعود/وش ذا
أمل /تشيز كيك لك انت
راحت للبيت وسوالف لين الفجر ورجعت للبيت نامت وصحت وطلعوا على المطار
بالطيارة
محمد/مبسوطه
أمل /حيل من زمان نفسي بلندن
محمد/ وليه ماقلتي ابغى لندن وانا اوديك
امل /يعني لو طلبت بتوديني
محمد/وكم عندي امل اكيد باخذك
أمل /الله لايحرمني منك ابد ابد
وضمته
محمد/خلاص فضحتينا بالناس
ماشفت فيك أدنى قصور وعذاريب
كامل بعين اللي يحبك بكل حالاتك
مطار هيثرو بلندن مدينة الضباب
ساره /Welcome to London
محمد/سارة لاتشتغلين لي بالانجليزي
سارة /الله حي اخوي الغالي نورت لندن وبلاد الغرب كلها
محمد/ايه كذا تكلمي
محمد/ياخي اتميلح عندكم وين اموله
امل /هذاني اخير ياسارة
ساره /نورتي ياقمر كيفك
أمل /بخير الحمدلله
وين عيالك
سارة بالمدرسة ولاقلت لاحد عنكم
أمل / يوه وانا كنت متوقعه تجي زفه بالمطار هههههههه
سارة /مابي فضايح. حنا ناس معروفه هنا بلندن ههههههههه
محمد/اشتقت لسوالفك
راحوا للبيت
سارة/ تو مانور البيت
محمد /بنور اهلك كيف زوجك وعيالك
سارة/ بخير الحمدلله
تراني خلاص بودع الغربة اخيرا ونرجع لارض الوطن
أمل /اخيرا.
سارة /جلست سوالف وامل نامت على رجول سارة
سارة /محمد شلها وخليها تنام كلها ساعة ويجون ابيها لهم مفاجئه
أمل /انبسطت حيل بأحواء لندن حيل
وسارة وعيالها ماخلو مكان بلندن وشرت اغراض للجامعه
محمد/اموله خلاص ماخليتي شيء ماشريتي
أمل /ههههههههه ابي هدايا لخواتي مو كلها لي
بشاير /خالها بليز تعالي ادرسي معي بجامعة عزوز
أمل /اسمعي انا سجلت وخلصنا ندرس الترم الاول واللي ماتحب جامعتها تروح للثانيه وش رايك
بشاير /اكيد موافقه خاله بليز بليز بليز ابي اخذك بكره معي ابغى اشتري ملابس للجامعة اغراضك جميله
سارة /وملابسك وين راحت
بشاير /بس ابي اصير زي خالتي
امل /هههههههه مافيه غير امل وحده
عبدالاله /صح بس خاله اموله وحده
طلعوا وشرت لها اشياء ةكثيره واخوانها ماخلو تعليق على بشاير ماقالوه
سعد/خاله بعد محتاجة شيء ولا راحة اليوم
أمل /باقي لي بس ابي لي كم جزمه وانتم بكرمه ونخلص مودي باخذك معي
معاذ/تعيش خاله اموله تعيش خاله اموله
امل /بيشو تروحين معنانا
بشاير /اكيد
امل /يالله قو
الكل راح يركض يغيرون ملابسهم
عبدالاله /يالغاليه انا وسعد طالعين نخلص باقي الاغراض وعبدالملك ومعاذ وخالد راح يطلعون مع خالتي
سارة /لاتنسى تاكد على شركة الشحن مو اوصل الاقي اغراضي مكسره
سعد/من عيوني
امل /وينهم انا جاهزه
محمد /وش ذا الزين اخاف على ذا اللانجليز ينهبلون لاشافوك
سارة /هههههه يازين اختي بس والله بيرحون فيها
محمدبن عبدالعزيز/يامامي قولي لي ولد منسي
سارة/ اخيرا صحيت لك اسبوع بس نايم
محمد /هههههه وانا خالك مهوبذا نوم ماشفناك
محمد بن عبدالعزيز/سلم على امه وخاله وخالته الاموره على قولته وجلس
والله اعوض النوم اللي بالكليه
امل/فديت الطيار انا
محمد بن عبدالعزيز/وفديت خالتوا القمر على وين بذا الزين
امل /احرجتوني ماصارت بروح للسوق
محمد بن عبدالعزيز/كل ذا الكشخه للسوق صراحة ياخاله اخاف عليك يخطفونك بروح معك مرافق لك طال عمرك
امل /موافقه بسرعة قوم غير
محمدبن عبدالعزيز /وكم خاله امل عندي دقايق بس
امل /حنا طالعين توصون شيء
سارة /امل حبيبتي لاتطاوعين خالد ومعاذ عيالي وعارفتهم كل شيء نبغى
امل /ماعليك خبره بزران ههههههههه
امل لبسه بنطلون جنز ضيق وبلوزه شيفون لونها اخضر طويله ولبسه عقد طويل من شانيل ونظاراتها كبيره بعد شانيل وشعرها ربطته وشنطتها بعد حجمها وسط لونها ازرق مع شوي اخضر. ومتعطره وطالعه بشاير لبسه عبايتها وكاشفه وجهها
محمد /لبس بنطلون اسود وقميص مقلم سمائي
ومعاذ وخالد نفس بعض برمودا جنز وبلوفر اصفر
اول شي راحوا لشارع اكسفورد وشرت امل لها كم جزمه
محمد /خاله مستعده لجوله سياحيه
امل/ اكيد
محمد /اول شيء راح نرسل اغراضك ذي للبيت اخاف تضيع ثم روح لمكان متاكد راح يعجبك
بشاير/حمود وين بنروح
عبدالملك /مالك دخل امشي واسكتي
اتجهوا لشارع
بورتوبيللو
امل /يوه زحمه حيل
عبدالملك /اكيد زحمه لانه اكثر مكان السياح يزورونه واسعاره حلوه واعرف بتاخذين اشياء كثير
بشاير وخالتها من مكان لمكان وشروا اشياء كثير طبعا بشاير اي شيء تاخذه خالته تاخذ زيه ومحمد وعبدالملك يضحكون
امل /جوعانه ميته جوع
محمد /اوك ولو ان الوالده مانعتها من اكل الشوارع بس لااحد يعلم وهو اصلا احلى شيء
صاروا يشتروا وكملو جولتهم
واتجهوا لسوق برودواي
عبدالملك /تراني تعبت من الاكياس ذي
امل /ابي ستوبري حرام والله
بشاير /خاله من سمعك قال الرياض مافيها فراوله
امل /لا فيها كثير بس هنا غير تجي فرش ومحد قال لك تحسرين فيني بالصور لما كنت بالبيت
محمد/ههههههههه تصدقين والله انا بعد ابغى
خالد ومعاذ ماخلو بائعه ماتمشكلوا معها
شروا لهم فرواله وكم نوع ومشوا
امل /تعبانه خلاص من كثر مامشينا. ابى كذا مقاهي لندن
عبدالملك /خاله تراك سمجتيها
امل /ماكل يوم بسافر لندن وبعدين لاتنسى طيارتنا الفجر لازم احلل اوم السفره
عبدالملك /انا تعبت. خلاص برجع للبيت.
محمد /خذا المبزره معك
خالد /لا محنا راجعين ومحنا بزران وصار يهاوش
امل/خلاص ملوك روح لحالك.
سوالف واغلبها عن كليه محمد
لين وصلوا لشارع ريجينت ستريت
جلسوا باحد المقاهي ارتاحوا شربوا لهم كفي وطلعوا امل قال ابي ايس كريم على شان خالد ومعاذ وشروا لهم
بشايرمع محمد لان سارة اتصلت عليهم واقفين يكلمونها
أمل تقدمت معها خالد ومعاذ
معاذ عمره تسع سنوات وخالد 11
وقفت بالشارع تنتظر محمد وبشاير وتعدل الشنطه والبلوزه
وماحست الا الجسم اللي صدمت فيه
وعصبت لان الايسكريم انكب على بلوزتها
قالت بعصبيه /But you can see in front of you
000/ماعطاها وجهه ودخل للمقهى شاب وسيم لبس بنطلون رياضي من لنيك رمادي وتي شرت اسود ولبس بلوفر خفيف حيل لونه زيتي
محمد/سلامات وش فيك ياخاله
امل /قليل الخاتمه حتى ماكلف على نفسه يعتذر ان ماخليته يندم مااكون امل
بشاير/خاله وش السالفه
معاذ/خاله خاله شوفيه طلع
امل /سحبت علبة الكولا من محمد ورمتها بكل قوتها على الولد
الا هي مستقره براسه
..... /اي وش ذا دم من المجنون ذا
التفت الا امل تضحك وعيال خواتها
امل /This was a simple revenge
محمد/خاله حرام
..../عرب وسعودين متى لندن تفتك من اشكالكم
امل /هيه ياوجه النكه الناس تعذر
.../ اخذ علبت الكولا وسددها لامل اللي صابتها برجلها وصارت تبكي مشى وهو يعطي لها التحيه
بشاير /يويل حالي مزيون
محمد/ياخاله ياحبك للمشاكل وليه تبكين وانتتي ضاربته
امل / رجلي توجعني انكسرت رجلي برفع عليه قضيه
محمد/خاله مافيك شيء باخذ تاكسي انتي ضربني وبكاء وسبقني واشتقى
معاذ /اصلا هو اللي بدى شايف نفسه ومغرور
خالد /اصلا انا شفت سيارته ماي باخ والله
محمد/هذا اللي همك انت والله يخاله اخاف الشرطه الحين تاخذنا ههههههههه
امل امشوى الشرهة علي اللي ماخذتكم معي
بشاير/يجنن يجنن يخاله
محمد/استحي على وجههك. هذا وانا معك وتتناضرين الرجال
بشاير /وش اسوي قدامي والله مزيون
امل على الصامت
رجعوا للبيت
محمد/وش فيها.
محمد بن عبدالعزيز /خالتي شرانيه صاقه ولد بعلبةكولا ورجع رماها عليها وعلمهم السالفه
محمد/كفو والله باختي بنت رجال.
امل /ورافعه رجلها على مخده وعبدالملك يسوي لها كمدات
كفوا والله باخوي عزوتي مو اللي معي خايفين من الشرطه واذا جت يعني
سارة /امل هنا لازم تتبعبن التعلميمات مو مشاكل
امل /وانا وش سويت اصلا خرب بلوزتي وخرب ابو مودي شايف نفسه ومغرور
محمد/يلتني معكم حتى اشوفها هههههههه
بروح لشارع اكسفور
.... شوي شوي اي اي
... ياطويل العمر نظفت الجرح تامر شيء الافضل نطلب الدكتور على شان نتطمن
...خلاص كله جرح بسيط
.....وش صار ماتبغى تقول لي
..... وش اقول ابد وانا زي كل يوم بالسبورت مريت شارع ريجينت ستريت
انا كنت سرحان وصدمت في بنت ومن ردات الحظ كانت سعوديه ياخي وين ماتروح تلاقي سعوديين
....ههههههه من جد لندن مليانه المهم كمل وش فيها البنت
... البنت الظاهر معها اخوانها معم ايس وانكب على البلوزه وعصبت علي
ماعطيتها وجه واخذت لي مويه ماحسيت الا بعلبة الكولا براسي
تخيل رمتني ولا وصابتتي
....ههههههههه اوما مستحيل بنت تسويها
......والله لا ماشاءالله رميتها براسي على طول لا وتضحك وتقول انتقام بسيط.
....مسترجله بويه اجل
.... لا والله الا بنت وعلى اخر موديل وعطر واكسسورات بعد ههههههههه
ياراسي بس ماخليتها رميتها بنفس العلبه وبرجلها وصارت تبكي تناقض
....ههههه فاتتني السالفه المهم صامل نسافر ولا نهون
.... لا والله صامل عندي كم شغله اخلصها قبل الكليه
بعدين لاتنسى نزوز الوالده قبل
سعد/خاله. وش فيك الاخلاق قافله من الظهر ماصارت موقف
أمل /سعود لاوالله بس تعبانه مانمت من بيشو وابي انام لين اوصل للرياض
سعد/علينا يخاله
امل / خلهم يجيبون لي مفرش برد
محمد/ اموله فيك شيء
امل /لايقلبي بس نعسانه. لاتخاف علي
الرياض
امل من رجعت وهي تنام تصحى صلي وترجع تنام
هند/اموله اصحي ماصارت سفره
امل /تعبانه ابي انام
هند/ لايكون عندك حراره
امل /لا بس ابي انام
هند/لازم تاكلين.
رحاب /جبت لك شوربه اكلي وارجعي نامي
امل /ماني مشتهيه
رحاب/لك يومين مااكلتي لازم تاكلين ولا اخذتك للمستشفى
امل /لا لا مستشفى لا هاتي الصحن
صارت تاكل.
هند /ههههه يوه منك لازم تهديد ماقلتي كيف لندن
امل /حيل جميله
وصارت تسولف
رحاب /طيب اخذي شاور وانزلي تحت
امل غريبه البيت هادي
هند/وين هادي بس خف الازعاج لان الكل رجع بيتهم مدارس نسيتي
امل يوه نسيت
رحاب /خلود وريم تحت. تعالي تقهوي معنا
امل /وين هشوم وجوجو
هند/تحت لاتخافين
كملت باقي الاسبوع نايمه او ترتب اغراضها مرهقه
اليوم اول يوم جامعي لاموله
رحاب/صباح الورد ياحلى ورده بذ الكون اصحي تراك متاخره
امل /فتحت عيونها صباح النور يام مشعل
رحاب/يالله بسرعة تجهزي ريم جهزت لك الفطور انزلي بسرعة
امل/طيب بس طلعي ميشو من الغرفة ههههههاحاس اوم الدنيا
رحاب/يبغى يساعدك هههههههه
أمل /اهذت شاور بسرعة سوت شعرها ولبست تيور اسور وبلوزه لونها ازرق من شانيل ولبست عقد لولو ورسمت عيونها وروج وبلشر واخذت شنطتها ونزلت
ريم /بسم الله عليك يارب احفظها من كل شر وش ذا الزين. قريتي اذكارك
أمل /قريتها صباح الورد
ريم /صباح النور اكلي والسواق ينتظر برى
امل اكلت فطورها بسرعة ولبست عبايتها. يالله بروح للجامعة تامرون شيء
راحاب وريم /سلامتك انتبهي لنفسك وان بغيتي شيء اتصلي
امل /تراني رايحه للجامعة مو حرب وهذي هند تتصل
راحت للجامعة يوم عادي اغلبه بالاطلاع والاكتشاف
رجعت اخذت شاور لبست بنطلون جنز وبلوزه ورديه
وربطت شعرها ذيل الحصان الا محمد يتصل
امل /الو يالغالي
محمد/ياقلبي انا على اللي كبرت وصارت بالجامعة
امل /كني رايحه حرب كل شوي وحده من خواتي متصله هههههه
محمد/والله نفسك ازعجوني من كثر مايتصلون علي خواتي مااهتموا بعيالهم لما دخلو للجامعه بس كلنا اليوم خايفين عليك
امل /لاتخافون والله كل شيء زين
محمد/طيب ياحلوتي نامي وارتاحي
امل /لا ماني نايمه بتصل بامي مزنه ثم بطلع مع عمي سعود
محمد/سوي اللي تبغين اهم شيء راحتك.
سكرت من محمد اتصلت على امها مزنه
امل /الوا
مزنه/الله حيها فديت بنتي اللي كبرت
امل /انا صرت طالبه جامعيه
مزنه/كيف اول يوم
امل /ماعليه حوسه وكذا
مزنه انتبهي لنفسك ولدروسك نبي معدل زين
الحين ارتاحي ونامي
امل /ريوم داومت اليوم
مزنه /لا ماداومت
امل /ظلم انا اداوم وهي لا
مزنه / انا ماخليتها تروح ابي تساعدني على شان العزيمه الليله
امل /عزيمه وش
مزنه/ ابد تماميم تركي
امل /حرام وانا متى يمدي اجي ليه ماقلتوا لي
هيا/ياقلبي كله عشاء عادي وبعدين ماحددنا حنا انتي عارفه زوج اختك مزاجي
امل /بقول لعمي بجي لكم الليله.
هيا/ لاتجين ولاتتعبين عمامك معك كله عشاء ارتاحي
امل /طيب
صلت الظهر ونزلت تحت لعبت مع البزران لين جى عمها سعود جاي
العم سعود/ ياقلب عمك اللي داومت بالجامعةً
امل /انا كبرت خلاص ماني صغيرونه
العم سعىد/هههههه عندي لسى صغيرونه على قولتك كيف الجامعة
امل/مو شينه بس ابغى فتره لين اتعود عليها
العم سعود/الحين ابي تنبسطين
تغدوا سوالف وامل مبسوطه حيل
العم سعود/الحين خلينا نروح للسوق
امل /ليه
العم سعود/ابي تاخذين كل شيء تبغين ابيك احلى بنت بكليه الحقوق كلها
امل /الله يخليك لي يالغالي بس مابي اكلف عليك انا شريت من لندن
العم سعود/وانا قلت اشتري يالله انزلي اختاري كل شيء تبغين
لين المغرب وهم بالسوق
امل / خللصت
العم سعود/خلينا لبعد المغرب واخذي بعد
امل /لالاخلصت كل اللي ابغى الله لايحرمني منك ابد
العم سعود /اكيد خلصتي
امل /اكيدين
العم سعود/اجل مشينا دام اميرتنا خلصت اغراض
بالسيارة / خلاص مقدر افتح عيوني
العم سعود/نامي لين نوصل للبيت
امل /لا بسولف معك
جلست سوالف ثم صارت تغني الاماكن. لان عمها يحبها
العم سعود /اموله من بكره ان شاء الله محمد راح يوديك للجامعة ولاخلصتي يرجعك اخاف تروحين مع السواق
امل/اللي تامر فيه
ونامت ماعاد حست
ولا صحت الا بسريرها
مر الاسبوع سريع الجامعه مافيه جديد
الا كل صبح امل هواش مع محمد ولد عمها
ريم /الو بتجينا الاسبوع ذا
امل /يالله مسى خير لا ماني جايه والاسبوع اللي بعده بعد. خير وش عندك
ريم /وش عندك
امل /اليوم عندنا عزيمه. وبكره جمعة عمامي والاسبوع الجاي جمعه خواتي بالاستراحة
ريم /طيب
نزلت امل تساعد خواتها وسوالف مع بنات خواتها. لين جو بنات عمامها
وراح اليوم بسرعة نامت امل ثاني يوم صحت واخذت شاور. ولبست وعلى بيت هند من العصر سوالف مع خواتها ثم راحوا للعشاء في بيت العم سعود
سوالف مع بنات عمها عن الجامعه
امل /حرام مااحد معي بالجامعه بس انا لحالي
عهود /بلاك مقروده هههههههه حنا بالامام. وش موديك لسعود
افنان /ههههههه من جد وش رايك تداومين معنا يمكن تغيرين رايك وتحولين
امل /لا سلامات اصلا حتى لو جيت عندكم بالامام محد مستوى اول
غدي /الاصح محد اول سنه جامعة الا انتي مع الشباب
صيته /هههههه اموله روحي مع الشباب ادرسي معك محمد ورائد ومشاري
امل /كل شيء الا النشبه محمد يويل قلبي كل صبح وانا هواش معه ليتني مع مشاري ارحم منه المشكله عمي لازم مااروح الامعه
غدي /ههههههههه هين اموله نشوف
امل/ ياسامجه وش رايكم نطلع بكره للثمامة
البنات /يليت من. زمان
امل /طيب دام كلنا نبغى من بيودينا
افنان /مستحيل ابوي يوافق نروح لحالنا
امل /اذا على عمي سعود امره عندي. بس من يودينا
هنادي/انا علي ترامس القهوه والشاهي
عهود /وانا علي المشروبات والحلا
افنان /وباقي اغراض الطلعه نكملها انا والتوام
غند/بس من بيودينا بقول لمحمد
امل /اذا محمد بيودينا ماتي رايحه بيجيك لنا ويطقطق
صيته /خلاص بقول لحسام وريان ياخذونا
امل/وانا بجيب احلى حلويات الوعد بكره العصر لاتنسون تمروني
غند/ههههههه لا بنساك اصلا اهم شيء انتي
فعلا امل اخذت الموافقه من عمها سعود واخذها مع البنات وراحوا للثمامة فلو امها بعد المغرب جلسوا على الرمال ولعب وهيال ورجعوا متكسرين
الصبح
محمد/لي ساعة انتظرك خير سواق عندك
امل /والله كنت نايمه
محمد/هذا المطامر على الرمال والخيل تطيح براسي راحت محاضرتي علي بسبتك
امل /لاتزعجني خلاص والله عرفت
محمد/متى الله يفكني منك
امل/ويفكني منك وضربه على راسه
باقي اللسبوع مر عادي بالجامعه
الاربعاء/
امل /الو هلاريوم وش عندك ارعجتيني عندي محاضره
ريم / بتجين عندنا اليوم ولا لا وهي معصبه
امل /خير وش عندك
ريم /انتي خبله ولا غبيه ولا وش وضعك
امل /ليه وش السالفه
ريم /اليوم ملكة حنين بنت عمتي وبندر له ساعة عند الباب ينتظرك اطلعي له وتعالي بسرعة
امل /ماجهزت اغراضي ولاشريت فستان ولاسويت شيء ماني جايه
ريم /تعالي بملابسك اللي عليك وفيه اصلا ملابسك بالدولاب وامي شاريه لك فستان اخلصي تعالي نتظرك على الغداء
طلعت امل
بندرر/اخير خست بذا الشمس
امل /عندي محاضره ياخي وش عندكم
بندر/مافيه شيء ماعندي الا محاضره قلت امرك واجيبك مشتاقين لك
امل /ضربته على كتفه مو علي يابندر انت وريم وراكم بلاء
بندر /ماورانا شيء وش فيك لاتضبين وصارت بالشنطه تضربه
امل /اعترف وش وراكم
بندر/تراني اكبر منك ترى
امل / اعرف بس هين وراكم شيء ماتمشيء علي حركاتكم
وصلت المزاحميه
ولما دخلو الا البيت كله زينات
امل /ضرب بندر بشنطتها عارفه وراكم شيء
مزنه /بسم الله على اللي كبرت وصارت بالجامعه فديت قلبك
امل /الله يخليك لي ولايحرمني منك ابد كل ذا على شاني وبعض الناس كل واحد يصرفوني
ريم / وش نسوي فيك لازم نجيبك
خالد/ عقبال مانسوي حفل تخرجك. ياقمر
فيصل /فديت اللي تدرس حقوق
اتحتفلو في امل وضحك وتعليقات على ريم وبندر.
راحوا لصلاة العصر ورجعوا سوالف وقهوة
مزنه /اموله اطلعي جربي فستانك نبغى نشوفه عليك
طلعت امل ولبست الفستان
فستان طويل لونه بنفسجي مشدود مع الصدر وبخيوط فضيه تلف على الكتف ونازل ضيق ويتوسع بطبقات من تحت
ونزلت
بندر وخالد يصفرون
فيصل /قلت لكم بيكون حلو
مناير /والله انا خفت مايضبط.
نورة /ههههه والله يوم جبناه من المشغل ماش ماعجبني بس الحين مره جميل فديت اللي لبسته
ريم/حركات ناس ينشرا لهم من الشرقيه وناس على الجاهز من اسولق مكة
امل /تستاهلين هههههههه
مزنه /كيف عجبك الفستان
امل /مره جميل. الله يخليك لي يارب ولايحرمني منك ابد
مزنه /ذا من فيصل اللي شرى القماش وانا وهو اخترتا الموديل
بندر /وتراني معهم. حست بالسوق والمشاغل
امل /فصول الله لايحرمني منك مشكور حيل فديت ذوقك انت يابعدهم
هادي /انتي ياقلب اخوانك واذا مادلعناك من ندلع
ريم /انا
خالد / تسنعي وندلعك
نوال/ياقمر انتي بسم الله عليك بسرعة غيري على شان نطلع للمشغل
طلعوا على المشغل
امل /سوت كيرلي لشعرها. وسوت ميكب خفيف ناعم ظل بنفسي عادي مع شوي ذهبي واضاءه ورسمت حواجبها وعيونها وروج وبلشر وسوت تاتو بكتفها وجلست تنتظر الباقين
رجعوا قبل العشاء بشوي
ولبست وتعطر ونزلت اللاخوانها. جالسين مع امها
هادي /يارض احفظي ماعليكي بسم الله عليك عروس ماشاءالله
سلمان /عمة والله كنك عروس وشغل اغنيه وصار مع بندر يرقص وباقي اخوانه
امل /احرجتوني خلاص
مزنه ا/ ههههه والله كنك عروس يارب ازفك قريب
عبدالله /والله امه داعيه له اللي بتكونين من نصيبه
صورت مع اخوانها وطلعوا للملكة
امل /من جو وهي حاسه فيه شيء غريب
امل /ريم. فيه شيء
ريم /وش فيك انتي ياوم احساس لاتصيرين شكاكه تعالي ارقصي معي بس
امل /بس برضوا قلبي يقول فيه شيء
رقصت مع ريم. وجت عمتها ومسكت امل وصارت تراقصها ثم بناتها بعد.
امل بنفسها /الوضع مو طبيعي ابد عمتي من جيت وهي بس. تراعيني بزياده
وجلست وسرحت تفكر. وليه امي واخواني مهتمين بلبسي بزياده ومسوينه فخم. رجعوا للبيت
غيرت امل وعلى غرفة امها بس حصلتها نايمه ورجعت راحت لغرفة نوال الا هي حايسه مع عيالها
امل /ممكن ادخل
نوال /اكيد حياك
امل/اساعدك
نوال /لاياقلبي خلصت
جلست تسولف معها شوي
امل /ام ريان بالله وش السالفه لاتصرفيني زي ريم علموني
نوال /هههههه مافيه سالفه
امل /الا فيه سالفه الفستان الفخم سالفه حركات عمتي وبناتها بالملكه.
نوال / اسمعي انتي استعجلتي حنا مقررين نقول لك العصر ههههههههههههه
امل /وحنا فيها الحين ابي اعرف
نوال /ابد عمتي خاطبتك لولدها محمد من واهلي بالشرقيه ولاقالوا لك ورجعوا حقوا بالموضوع الاسبوع اللي للي فات
امل /هههههههههه
وانا اقول. كنك عروس وفستان فخم وعمتي وبناتها
كله على شان محميد
زواج مابي اتزوج ومابي محمد ومليون مره قلت لاتجيبون لي طاري الزواج
نوال /اموله. ترى محمد والله ولد ماشاءالله عليك مافيه زينه ولد كويس فكري على الاقل
امل /مابي حتى افكر مابي اتزوج مو غصب هو
نوال /لايكون انخطبتي لواحد من عيال عمامك
امل / شوفي محمد لا اول واحد ولااخر واحد يخطبني وانا مابي اتزوج. لاتحدوني ماعاد اجي هنا كد مره اجي جايبن لي واحد شاكين لكم الحال انا مابي اتزوج
بندر/وش فيك معصبه
عبدالله /عرفت
نوال /ايوه والتعصببه على شان الخطبه
امل طلعت معصبه
العصر
مزنه /امل. فكري مو بس لا. ولد عمتك مافيه عيب
امل /يالغاليه ماقلت فيه عيب انا مابي اتزوج. بندر ابي ارجع للرياض
بندر /سيارتي خربانه
امل /خالد
خالد /انا مواعد العيال وطالع الحين
امل /حركاتكم ذي ماتمشي.
مناير /هدي وراك شابه
امل / كرهت سيره الزواج ذي
ومسكت جوالها واتصلت بمحمد اخوها وجى مسرع
امل /انا ماشيه
بندر/اقول يمه. اخاف بنتك. تبغى من عيال عمها
امل /بندر والله ان ماسكت ماتشوف طييب
ريم / هيه الحين مسويه سالفه يوم رفضت ولد عمك والحين مسويه مشكله
امل/ محد يفهمني مابي اتزوج لين اخلص جامعة
وقلت لعمي علي وقال اللي تامرين فيه فهمتوا
وطلعت لبست عباتها وسلمت وطلعت
ريم /بنتك شايفه نفسها والله والله كل البنات يتمنون محمد مزيون وبزنس
مزنه هي اللي بتتزوج مو انتي
يمكن حنا زدنا عليها الضغط
نوال /قلت لكم بتعصب محد طاعني. كل مره تجي تصايقونها خطبه خطبه
عبدالله /بس حنا خايفين عليها ومنى عيونها نشوفها عروس
نوال / توها صغيره والله اللي كاتبه بيصير انتم عارفين امل عنيده خلوها خلاص

[لامارا]

. البارت السابع
الحياة اجمل بوجود الاصدقاء
•
•
•
•
تدري حبيبي شوفك كم تمنيته
وتدري انك اجمل ماحصل في زماني
أنت الوحيد اللي من المخايق بغيته
وانت الذي ماغابت عن بالي ثواني

امل /تلعب مع البزران بالحوش
محمد/اموله ماعندك مذكره من رحتتي من المزاحميه وانتي تلعبين تعالي هنا
امل/لا ماعندي شيء
سم وش بغيت
محمد /دخل للصاله الاريم ورحاب وهند وخلود
محمد/ بنات قوموا جهزوا العشاء يالله ولاوحده تجلس
شروق بنت هند/خالي قول اخلو بالمعنى الاصح
محمد/على المطبخ بسرعة
هند / وش فيك يابو عبدالله
محمد/امل اجلسي وش مضايقك
امل /مافيه شيء
ريم /لا فيك من رجعتي وانا باين زعلانه احد زعلك هناك
امل / ......
محمد /رفع راسها والدموع بعيونها ضمها بقوه لصدر ماعاش من يزعلك يالغاليه قولي وش فيك
قالت لهم اللي صار
هند/هههههههه وهذا اللي مزعلك والله احسبه شيء كبير
ريم /اموله دامك رفضتي خلاص ليش الزعل ومحنا مزوجينك الا وانتي موافقه. ترى يوم كنا بعمرك كنا متزوجين وكل وحده معها ثلاثه اربعه ههههه
محمد/ مابي تتضايقين
امل /محمد ابي ادرس الترم الجاي بجدة مع بيشو
محمد/وش ليه تروحين جدة
امل / لان ماني مبسوطه بالجامعه لحالي طول اليوم ولا تعرفت على بنات
هند /انا ماراح اخليك تروحين جدة بعيد عن عيني انسي وترى لسى في بداية الترم ركزي على درجاتك ام شيء نبغى معدل حلو
خلود/اموله حبيبتي. لا تستعجلين يمكن تلاقين بنات وتنبسطين زي ماقالت هند لسى باول الترم
امل /بس اذا ماحصلت بروح جدة
محمد/ مقدر مااشوفك كل يوم انا ماني موافق تروحين جدة
امل /واذا عمي وافق
محمد/عاد الشكوى لله
امل / طيب بطلع لغرفتي
ريم /تعشي ثم اطلعي
امل /ماني جوعانه برتب اغراضي وانام
محمد/ تصبحين على خير
سلمت على محمد وطلعت غرفتها
رتبت اغراضها ولبست بجامتها واخذت جوالها واتصلت بامها مزنه
امل /الو
مزنه/ هلا ياقلبي. هديتي الحين
امل /انا اسفه لاني عصبت كثير
مزنه/ ياقلبي انتي نسينا الموضوع
انتي فيك شيء مضايقك
امل /لامافيه.
تصبحين على خير
يمه زوجوه ريموه خلنا نفتك منها
هيا/ههههههههههه. هو مايبغى الا انتي
سكرت وحاولت تنام الاهجوم عليها
من هشام ولد رحاب والجوهره بنت محمد
عاد ذولا قلب امل ودنيتها على كثر عيال خواتها واخوانها بس هي اكثر اثنين تحبهم تقول ذولا عيالي
كبر بعض تقريبا من شافهم يحسبهم توم
امل /هشوم خلاص لاعاد تبوس
هشوم/احبس
جوجو /وانا بعد ابي حواوه >حلاوه
امل /عرفه كل البوسات وراها شيء
وصارت تلعبهم وعطتهم حلا ونزلتهم
امل / نازله وشايله للاثنين من بناطيلهم
احديبغاهم ولا ارميهم
خلود/ههههه كيف طلعوا لك
امل /ابي انام
رحاب / شروق هاتي الثنائي المشاكس
شروق /مالي دخل تصلحون على خير ينتظروني بالسيارة
امل /مافيه احد يبغاكم وين ارميكم
خلود/ هههههههه مو يمك مع الحلاو اللي بيدهم
اخذهم خلود ورجعت امل لغرفتها
مر شهر ونفس الوضع ملل بالجامعه وخلاص قررت تروح جدة بشاير مبسوطه وقالت لصديقاتيها خالتي بتجي تداوم عندنا
امل /كل همها الحين تجيب معدل كامل ماعاد لها طموع تكون صداقات زي اول الترم كل همها دراستها
الصبح /
محمد/مليون مره قايل لك غيري عبايتك ذي
امل / حمود مالك دخل
محمد/لاوالله انا ولد عمك ومسؤول عنك امسكي العبايه ذي تلبسينها كل يوم عبايتك ذي لاعاد اشوفها
امل /وبعدين
محمد/سلامتك
امل /اول شيء ماني لبستها ولا لك كلمه علي وعبايتي اللي ماهي عاجبتك عمي اللي هو ابوك شاريها لي فا انتطم واسكت وضربه على كتفه ونزلت للجامعة
محمد/ ياربي منها والله ماخربها الا ابوي ولا ذي عبايه
محمد/يغار عليها ويموت فيها وش يقول لها اغار
عليك مابي احد يناظر فيك بالشارع وعبايتها مطرزه

اليوم الثاني
محمد/وارتحتي نشبنا بالزحمة كله منك
امل /كل شيء براسي
محمد/اكيد دايم تتاخرين. علي وانا اتاخر على محاضرتي وان حملت مواد السبب انتي
امل / لاوالله بقول لعمي بروح مع السواق
محمد/ناسيه ان السواق سافر
امل /باخذ سواق محمد اهم شيء مااروح معك
محمد/الا تعالي العبايه اللي امس شريتها وين
امل /بدولاب
محمد/سلامات اناشاريها تلبسينها ولا تحطينها بالدولاب
امل /ومن انت حتى تفرض علي البس. وش البس وش اخلي
محمد/انا المسوول عنك
امل /منت المسؤول عني وضربت كتفه ونزلت
ورجعت اسمع لاتجي تاخذني بطلع للبنات بالامام
محمد/سلامات وش يوديك للامام
امل /وش دخلك
محمد/اجلسي واحضري محاضراتك
امل/ماعندي الا اختبار الحين واخلص تسعه وبطلع لهم
محمد/ ومن بتروحين معه
محمد/بقول لافنان ترسل سواقهم وش دخلك انت مو متاخر عن محاضراتك روح
محمد/اسمعي علمن جاك وتعداك الساعة تسعة اشوفك عند الباب والله يامل ان تاخرتي تشوفين شيء مايرضيك
امل / يمه خفت منك
فتحت شنطتها وتحوس طلعت تفتر حذفته بوجه محمد قم لقت بسكوت ورمته عليه ومشت
محمد/دقترك ي الخبله وش تذكرين فيه
محمد/اصلا عنده اوف وامل ماتدري بس لازم يخليها تعصب
يحب لاعصبت واذا ضربت على كتفه هذي قمه الرومانسيه عنده
وكلامها ولما تاشر بيدينها بقوة مغرم فيها
امل /خلصت اختبارها كان سهل عليها وطلعت
امل / الحين كل ذا البنات ليه يخافون منهم والله فاضين خلني الحق على ذا المهبول لايسوي لي سالفه
طلعت مرت لها وشرت اثنلن موكا ودونات وطلعت
الامحمد قريب من البوابه
تطق الباب برجلها
محمد /كسرتي السيارة
امل /افتح الباب يادب
فتح لها الباب وجلست معه قدام
امل /والله انك ماتستاهل اشتري لك وامشي طول الطريق شايله وبعد تهاوش امسك
محمد/ماقلت لك اشتري لي
امل نزلت اغراض محمد ورجعت ورى وركبت وجلست تاكل وطنشته
محمد/عصبت شكلها ماحلت هههههههه
امل /جوعانه واكل الاحليت وان شاء الله علامة كامله
محمد/ سوال ليه دخلتي قانون وهو صعب
امل /ياجاهل انا حقوق. مو قانون
كان نفسي بعلوم ساسيه او هندسة
محمد/هههههههههههههههه لامنهبله الشمس ماثره فيك
امل /حمود. ترك سامج تاخرت على البنات
الو عهود
ايوه انا بالطريق خليك عند البوابه وش تبغون اجيب معي
لا انا طلبت لكم الفطور باسم افنان وصل ولا لا
اوك
لا والله مافيه تعب
طيب جايه مع. حمود النشبه
ههههههههه
طيب خلاص بجيب معي
محمد/انا نشبه ياقلبله الخاتمه
امل /مره نشبه بعد هههههههه اسمع وقف عن باسكن روبنز
محمد/بعد ماراح اوقف مكان اشترو من الجامعة ولو ماني وعدتك اجيبك لهم كان مايردني الل بيتكم
بعد. نشبه وابغى وابغى
امل /مابي منك شيء. لاتسوي لي فيها وزعلت ولاعاد كلمته
محمد/خرب جوه يبغاها تتكلم وهي تناظر جوالها ولاسرحانه كلمها ولا انتبهت يمه. نزل عند باسكن شرى لها قالب كبير ورجع محمد عارف امل وش تحب
محمد/انتي رمى عليها علبت المناديل وصحت من السرحان
امل /وصلنا
محمد /انزلي اخلصي
نزلت وبتمشي الل هو يناديها
امل امل
امل /خير وش عندك
محمد /اخذي
امل /مابي خلاص طابت نفسي
محمد /مو على شانك انتي لا تغترين على شان خواتي ماشريته لك عطيه افنان
امل /طيب. وماراح اكل منه مابي شيء منك وبرجع مع البنات روح
محمد/اقول شكررا على الفطور مابغيت اسوف منك شيء ههههههه
امل /اخذت الايسكريم ودخلت الا البنات ينتظرونها
عهود/تاخرتي
امل /زحمه. وش اسوي
افنان واكيد هواش مع محمد
امل /كنك تشوفين امسكي يقول لخواتي
افنان /ههههههههههه يالله مشينا
جلست مع بنات عمامها وسوالف وضحك وجو صديقاتهم امل جامعتكم حلوه
مرام /حولي معنا لا تروحين جدة
امل /محمد وهند رافضين عمي يقول اللي تبغين سويه. طيب عندكم حقوق
حنان /مااضن.
امل. /صارت تسولف عن كليتها والبنات تعليقات
امل /لاتضحكون والله كلهم قروبات وين اروح انا
حنان /طيب لما تجلسين بالكلاس من اللي جنبك تعرفي عليهم
امل /انسي ذولي نفسيات مايكلمون احد وتقلدهم
غدي/المشكله منك انتي مايعجبك العجب
رماس /بنت عمكم شايفه نفسها
امل / لا ماني شايفه نفسي تعالوا بكره وتعرفون الوضع
كل كليتنا كل وحده شايفه نفسها
والله ذاك الاسبوع وحده عى دايم شايفه نفسها يوم رحت مع هند نشتري
العاب لقيتها بسوق ا ذاك السوق
اللي بالبديعه مدري السودي الدولي
مرام /وشلون عرفتيها اوم القفطه
امل /من مشيتها ومن صوتها لا وملابسي من باريس
عهود /لزوم نشوف وضع كليتكم
امل / يليت تجون والله طقت سبدي لحالي
افنان خلاص تم. نشوف وضعنا ونسير عليك متشوقه اشوف بنات الحقوق
مرام /اسمعي انتي بعد لبسك من برى ومنتي اقل من احد
امل /انا اصلا احلى بنت بالكليه وماعمري هايطت وقلت ملابسي من كذا ولا كذا. وماهمني احد ولا احد له دخل وش البس
رماس / عارفه ان الكلام موجهه لها
حنان بنت علي جالسة جنب امل /اموله ودي احول عندكم وهي خجلانه
امل /طيب حتى لو حولتي منتي يمي بس بروح مع بعض
عهود /وهذا المطلوب على شان تشوف حبيب القلب
افنان /وحبيب القلب مو يمها
اخوي واعرفه
امل /وش السالفه حنون من قصدك
حنان /محمد وجهها كله احمر
امل / شرقت بالعصير الله يهنيك معه والله حظك مقرود مالقيتي تحبين الا محمد بعقلك شيء
لو قايله رائد ماقلت شيء
غدي / وش فيه محمد اخوي
امل / عله ونشبه وسامج
حنان /حرام اموله حمود جد حساس خلوق رومانسي
امل /صارت تضحك لين خلاص ماعاد تقدر
افنان .امل خلاص ماصارت والله اخوي ماهو قليل
امل /حنون الله يسعدك معه والمهر علي انا بس تزوجيه وفكيني
سوالف وطلعوا ورجعوا للبيت
نامت وصحت بالليل تذاكر وكل ماتذكرت كلام حنان رجعت تضحك
مشعل /خاله انجنت
امل /وش جايبك يالنتفه هنا
مشعل / ماني نتفه انا رجال كبير مامي تقول تعالي العشاء جاهز
امل /هشوم وين
مشعل /نايم
امل /خلاص روح وانا جايه وراك لاتحوس اطلع
مشعل/مامي تقول لاتنزل لين تجي خالتك معك
امل /خلاص يانشبه هذاني طالعة
امل لبسه برمواد بيج وبلوزه علاقس زيتي شالت مشعل ونزلت
امل /رحاب مو حاله ذي كل مره ترسلينه يحوس الغرفه
عبدالله / انا اللي مرسله عندك اعتراض
امل / لا ورجعت تركض لغرفتها
رحاب /ممكن ادخل
امل /كله منك انتي وولدك
رحاب/وش فيك
امل /ابد ولدك ماقال انه ابوه تحت وانا نازله كذا
رحاب /ههههههه طيب غيري ملابسك وانزلي
امل /فشله مستوعبه يعني ولا لا
رحاب /اعرف المفروض تسالين من تحت اصلا
امل /صح نسيت طيب مابي انزل
رحاب /اقول انزلي اخلصي. العشاء بيبرد والعيال بيرجون لبيوتهم مو فاضين لك
امل من
رحاب /ابد عيال ريم
وعبدالله وسعود
امل /طيب وعبدالله وش جابه
رحاب /من سمعك قال تتغطين منه
اقول اخلصي
امل /غيرت بسرعه لبست بنطلون جنز وبلوزه وربطت شعرها ونزلت
سعود /خاله ماصرت برد العشاء
امل /اسكت
عبدالله (ابو مشعل )مسويه مستحيه خلها
امل /والله سامج صبر رحاب عليك
عبدالله /من مزعل احلى عمه بالكون
امل / ماني زعلانه وش عندكم مجتمعين
سعود/عمه مشتهين طبخ خاله رحاب وجايين
امل تعشت ورجعت غرفتها
جلست تذاكر
بعد ساعة
رحاب /للحين مانمتي
امل /اذاكر
رحاب / عهود اتصلت تبغاك تقول ماتردين على جوالك
امل /بالشاحن وطافي
رحاب /تقول بتجي بكره مع البنات بس تقول مو اكيد
تبغين اسوي لك شيء تاخذينه معك
امل / لا ارتاحي بطلب ولا شرينا من الجامعه
رحاب /ترى صايره عصبيه الايام ذي
امل / اعرف طفشانه حتى مارحت لي اسبوعين للمزاحميه.
رحاب / طيب عمي سعود يبغاك الخميس تجينه وعمي علي يعتذر يقول بكره مسافر على شان كل اربعاء
امل كل الدنيا اتصلت وجوالي بالشاحن
رحاب / ايوه وسارة وبشاير بعد
امل /اوك بنام انا. بكره اتصل عليهم
بليز لاتترسلين ميشو بعد روحي هشوم اللي مايتعب خالته فديته
يحوس بالعاب
رحاب / نامي بس عاد هشام مايخرب
شالت هشام وطلعت
امل /وصلت للجامعة وهي ماتكلمت. تقرا كتاب ومحمد ماش جوه خربان مافيه هواش ولا شيء نزلت ومشى
محاضرات وطلعت تقريبا 11
فتحت جوالها واتصلت على عهود
امل /وينكم
عهود /بالجامعه وين بكون
امل / وين اللي صاملين وبيجوني
اخذته افنان
اموله ماقدرنا اسفين يوم ثاني ياقلبي
امل /والفطور اللي طالبته من بياكله
افنان /حنا قلنا مو اكيد بنجي
امل /طيب ماشي المره الثانيه ماراح اطلب لكم شيء تخسرت بس
صيته /افا يابنت العم متخسره فينا الفطور
امل /سامجات والله
عهود /وحنا نقدر عن اموله
امل /نورت كلية الحقوق كلها
سلموا وصاروا يتمشون
مرام /اموله مالومك. صراحة وش ذا كني مو بالرياض
امل /ههههههههههه
مشينا انا جوعانه وترى عندي محاضره وش رايكم تحضرون معي
بوريكم شغله
عهود /حنا ساحبين على محاضراتنا تجين تخلينا نحضر لك محاضره
افنان / تاكل ومعصبه
لا وحقوق بعد
وش فهمنا حنا فيه
غدي /من جد
امل /خلاص بتجلسون ورى اخر شي بتسولفون اصلا وتتفرجون على العالم
بعد الفطور صلوا الظهر وعلى القاعة
امل شوي وراجعه لكم
راحت خذت اذن للبنات ورجعت
امل /اسمعوا شفتي الزاويه ذيك بيجون قروب ويجلسون ركزي عليهم
حنان /ليه
امل / خبله المهم شوفي القروبات وبعد المحاضره عازمتكم على الغداء
وفيه مفاجئه
عمي سعود بياخذ لنا شاليه
عهود / انا شايفه ابوي الصبح ماقال لي شيء
افنان/بعد ماقال لي شيء
امل خلاص جت الدكتوره
ترى المحاضره انجليزي شي يحبه قلبك ياحنان هههههههه
البنات بس شوفي ذي ويتهامسون ويضحكون
وامل /بعالمها بالمحاضره
خلصت المحاضره
عهود/يمه خلاص ماعاد اقدر من الضحك
افنان /والله انا انبسطت حيل امل عندك محاضره بعد بنحضر معك
امل /ههههههه خلصنا خير وش السالفه ماتستحون ضحكم عالي
صيته / ههههه انا مره ضحكت ماقدر اسكت
امل /التوم وين لايسوون لنا مشاكل
افنان /خواتي ذولا ماهابيل
امل /اجلسوا هنا واذا جو اتصلو علي تركت باقي اغراضها ورجعت للمبنى تركض
الا شافت قروب نورة متجمعين
اكيد /ياربيه المهبل ذولا وش يسووهنا
قربت الا غدي وغند
امل سحبتهم ورجعتهم ورى
امل /انا اسفه حقكم علي بنات عمي مايعرفونكم اعتذر منكم
نورة /لاعادي بس برضوا كيوتات احب التوؤام ترى ابتسم ومشت الا قروب ريما
سلموا على نورة وامل سحبت التووام وطلعت
امل بعصبيه /بتجلطوني انتن وش تسون مع قروب نورة صاحين انتم
غدي /وش فيك وليه تعتذرين منها ماسوينا شيء غلط
امل امشوى لا تطيح براسي
افنان /هههههه وش مسوين
غند /ماسوينا شيء اصلا البنت تقول ليه تضحكون. بالقاعة ازعجتوا عن المحاضره
وجلست تسلنا وانتي مسويه تعتذرين
امل /لاني عارفة جنانكم وانتن مفهيات ماليقتوا تطيحون الا بقروب نورة
غدي /وش فيها زود بنت عاديه وانتي احلى منها وشلتها بليخات ودمهم ثقيل. تصدقين تقول انتم تدرسون معنا ولما عرفت انا ثانوي تقول نشوفكم عندنا السنة الجاية
امل /انتم ماانتبهتوا الاسماء بالحضور
افنان /لا كنا نضحك على وحده تاكل بطاطس
امل /يانكبتك يامل امشوا
طلعوا من الجامعة وعلى مطعم تغدوا
وكل وحده على البيت وجهزوا اغراضهم وعلى الشاليه كملوا سوالف عن الجامعة
غدي / لاتزعلين ياموله والله ماصارت سالفه
امل /انا وحده مااحب المشاكل وابي اخلص الترم ذا واروح جدة وافتك من الكليه ذي
افنان /اموله تعالي اللي لبسه كحلي مع اصفر وتاكل بطاطس باول القاعة وش اسمها
امل /ذي تغريد العتيبي. مهستره مدري كيف دخلت حقوق. هي وقروبها يحسبونها فله اصلا تشوه كيف منظر طالبه حقوق. وسمعت انها حرمان
صيته /واللي سلمت عليك اول مادخلنا وتكلمت معك
امل /ذي هيفاء السديري كانت معي بالمنارات
افنان /طيب ليه منتي بقروبها دامك تعرفينها
امل / شوفي ايام الثانوي. كنت بشعبه وهي بثانيه انا اخذت الاول وهي الثاني ماكنت اعرفها الا بالاسم وهنا لقيتها وبس زي ماتشوفين احيانا تسلم تسال عن شيء وبس
عهود /بس شكلها حبوبه واموره
امل /مره عسل بس ماتبغى احد بقروبها واصلا نفس قروبها ايام الثانوي
غند /ونورة
امل / ذي ماعمري حاكيتها ولا لي دخل فيها ولا ابي احتك فيها. رغم انها تعرف اسمي وتفاجئت.
هي وقروب ريما محد يحتك اصلا الدفعه حقتنا محد يحتك بالثاني.
مدري كيف تجيب الوجع ذا الدفعه رغم الدكتورات والاستاذه يقولون ان حنا اشطر دفعه
افنان / طيب تتوقعين تجيبن معدل كويس
امل / اممم ان شاء الله المنافسه قويه فيه هيفاء وفيه ريما. وفيه ابرار واماني وسحر كلهم علامات كامله
افنان / وانتي بعد علاماتك كامله
امل /اعرف وانا وعدت عمي اجيب امتياز واتخرج مع مرتبه الشرف الاولى
صيته /بعد قلبي انتي الله يوفقك ويسهل كل اختباراتك بس تخصص صعب
امل /عمي جى مشينا نجلس معه
طلعوا سوالف مع العم سعود وضحك وجهزوا العشاء والبنات يشوون. واخر بسطه
العم سعود/ عاد ماعاد فيه طلعات الاختبارات جايه قريب
افنان /بس يابوي لسى بدري عليها وراك علينا
غدي /ايه صح بدري عليها
العم سعود/ماشاء الله رسوب السنه مابي ياافنان. ماصارت كليه
افنان / والله الدكتوه جالسه لي وش اسوي
العم سعود /اللا ماتذكرين
وقلبوا تعليقات على افنان وطلعوا للبيت
امل / مشغله نفسها بالدراسه ونست بشاير واوراق التحويل
اليوم طفشانه اخر شيء ماعندها محاضره الا بعد الظهر بعد ماخلصت محاضرتها الاولى راحت للمكتبه وورجعت وجلست بالمقهى ريم مقفله جوالها عندها محاضره وبنات عمها نفس الشيء
جلست لها ساعة حتى الكفي والاكل مالها نفس بشيء

السلام عليكم ممكن اجلس هنا
امل /رفعت راسها وعليكم السلام
امل بنفسها / ذي وش جابها الله يعدي اليوم ذا على خير اكيد ريما مرسلتها
عبير/ انا عبير الشهري
امل / ياهلافيك اعرفك معي بالكلاس
عبير/صارت تسرد سيرة امل الذاتيه
امل خريجة منارات الرياض بتقدير ممتازه الاولى على المدرسه
نسبتها ميه بالميه الخامسه على منطقه الرياض
وبالقبول بالجامعة اخذت درجات عاليه
امل / طيب وتعرفيني وبعدين
عبير / ولاشيء بس ريما. تبغاك
امل /وش تبغى ريما مني

[لامارا]

عبير /وش فيك عادي تعالي وتعرفين
امل /اوك مافيه مشكله اروح واشوف اخرتها
امل /من درست وهي تشوف قروب ريما ممتازات ومنظمين
ومااحد يحتك فيهم ابد عكس قروب نورة
مافكرت يوم تحتك فيهم خصوصا انهم من Vip
وصلت امل
ريما /حي الله من جانا ياهلا والله بالاموره
امل /من جوى خايفه ماطلبتها ريما الا تبغى شيء بس بينت العكس بكل ثقه
جلست وحطت رجل على رجل يقولون بغيتيني
ريما /يس انا طلبتك ياعسل
بقولك السالفه حنا المجوعة المتواضعة اللي قدامكك
من بداية الترم وحنا نشوفك لحالك مامعك احد
امل/وبعدين
ريما /ابد وعاجبتنا صراحة
وحابين تنضمين معنا بالقروب اذا موافقه طبعا

امل / كل شيء توقعته الا الموضوع ذا فضلت ساكته ولا ردت بكلمه
معقول ريما تبغاني انا يامل اكون معها بالشله قويه اكيد انا احلم
ريما / امل. ليس ساكته
امل / الحين انتم. تبغوني انا اكون معكم بالشله
نوف /ايوه ليش مستغربه يعني
امل /لابس انتم يعني عايلتكم و
ريما /واذا حنا اخترناك انتي وبعدين حنا زينا زيك
نوف/ ترى انتي اللي تقررين والخيارالاول والاخير لك اذا حابه تنضمين معانا تراك بعيونا واذا ماتبغين بعد تراك غاليه
امل انا طيب بفكر
ريما /طيب بعرفك عيلهم
للي جنبك ذي بنت عمتي نوف بنت مشعل
امل /تشرفنا
نوف /لي اكثر ياعسلوه انتي
بوصف لكم نوف
نوف جميله حيل بيضاء عيونها عسليه واسعة شعرها مقصوص جهه لين أذنها والجهه الثانيه أطول وحرير وجهها مدور وعندها غمازات طويله ومومره نحيفه جسمها متناسق )
ريما/واللي بعدها ذي الهنوف بنت خالد
امل /تشرفنا
الهنوف /لي اكثر ياقلبي ومنوره يامل
الهنوف(طويله نحيفه حيل عيونها عاديه سوداء شعرها طويل رابطته وهادية فمها صغيرون )
ريما /واللي ماسكه المرايه المزيونه ههههههههه
ريم /انا ريم يامل
امل –تشرفنا
ريم /لي اكثر ياقمر انتي
ريم مربوعه سمراء بس مزيونه ودلوعه وشوي مغرووه عيونها عيون الريم رموشها كثيفه شفايفها مليانه وعندها غمازه بجهه وحدة
ريما /وعبير تعرفينها.
امل /ايوه
امل /طيب بقول قراري السبت
ريما /انتي عسل وتستاهلين كل خير ونتظر قرارك.
امل /سيو
ومشت بل هيبتها وثقتها المعروفه
ريما /تعجبني ثقتها
نوف /مره ماشاء الله عليها هيبه واذا مشت كذا شموخ على فخامة
راحت للمحاضره امل وهي مو يمها جالسهه جسم وعقلها يفكر بكلام ريما
خلصت المحاضره وطلعت
الامحمد ينتظرها
طلعت معه ومشى وامل سرحانه
محمد/ياهو وينك
امل /.....
محمد/رمى عليها بسكوت سنكرز حجم كبير اللي تحبه امل اخذته وفتحته صارت تاكل
محمد/وش فيك تعبانه
امل /لا بكره كم عندك محاضرات
محمد/ليه وش فيك عندي بعد الظهر
امل /طيب خلاص بخلي احد من اخواني بجي ياخذني بكره
محمد/وين بتروحين
امل /للمزاحميه
محمد/وش اللسالفه انتي ماتروحين الا الخميس
امل / وش دخلك ياخي مو شغلك وضربته بكتابها على راسه
محمد/ههههههههعع الحين انتي امل بنت عمي اسمعي اذا بتخلصين بدري عادي اوصلك وارجع
امل /لا خلاص بكلم عبدالله يجي ياخذني مالك شغل منت ولي امري.
محمد/بنفسه ياليتني ولي امرك
رجعت للبيت ماطلعت من غرفتها ذاكرت ونامت بدون عشاء
الصبح جهزت بسرعة ونزلت اخذت ساندوس وجلست بالحوش تاكل لين يجي محمد. واتصلت على عبدالله اللي اعتذر مايقدر يجيبها وراح يجيها بندر
محمد/وين العبايه. ارجعي البسيها ماشريتها للدولاب
امل /حمود ترى والله واصل معي مالي نفس اتهاوش معك من الصبح
الا محمد اخوها طالع من بيته
محمدبن سعود/هيه يالنسيب صباح الخير
محمد/صباح النور. كيفك جى وسلم عليه
محمدبن سعود /اسمع عبايتها خلها تغيرها ولا ماتمشي معي
امل /احسن والله ترى ماني ميته على توصيلتك. ابيها من الله تفكني
محمدبن عبدالله /امل ارجعي غيري عبايتك انتي رايحة للجامعة
امل /محمد ليه تمشي كلمته علي مو ولي امري ترى هين ياحمود ان ماقلت لعمي مااكون امل
ودخلت معصبه ومحمد ولد عمها مبسوط
محمدبن عبدالله /شاف حب محمد لامل اخته. وبنفسه معجبه الشيء ذا
طلعت الاهو جالس ينتظرها سكرت الباب بقوه
محمد/كسرتي الباب
امل /احسن من زين سيارتك
محمد/هههههههه بذي معك حق بس الوالد. وعدني يشتري لي سيارة
امل/تاخرت على المحاضره
محمد/ احسن بعد ويقلدها
امل عارفه ان محمد يستفزها طنشته وسوت نفسها نايمه
لين وصلت للجامعة
محمد/اصحي وصلنا للجامعة
امل/اعرف ماني نايمه. وطلعت من شنطتها علبة مويه وكبتها على محمد ونزلت تركض
محمد /هين وين بتروحين يعني انا اوريك
اهم شيء لبست العبايه فديتها ياناس والله طالعه قمر. ياعساني فدوه لها
ممحمد يعشق ويموت في امل بس من يشوفها تضيع علومة ولا يعرف يقول كلام حلو يجلس يتهاوش معها وامل عنيده فتعصب
امل /خلصت محاضرتها وطلعت بسرعة الا بندر واقف ينتظرها
امل /تاخرت عليك
بندر /لا توني وصلت احمدي ربك ان عندي اوف اليوم غريبه بتتجينا اليوم وش عندك
امل / حرك حرك بس مافيه شيء
بندر /هههه تراني جوعان تفطرين معي
امل / ماني جوعانه اطلب وخلهم يوصلونه لين بيتنا لاني باخذ اغراضي
بندر /وش عندك. مستعجله.
امل /بندر
بندر /خلاص تراني الكبير. ماني اصغر عيالك
راحت للبيت واخذت اغراضها وعلى المزاحميه
ريم /غريبه وش عندك جايتنا اليوم
امل /على راسك. انا
ريم /ايه على راسي. وش جايبك
امل /كذا ابي اضيق صدرك واجلس على قلبك عندك شيء.
ريم /الغداء طيب تغدي اول ثم نتهاوش
بعد الغداء جلست تلعب مع البزران لين العصر والعصر مجتمعين سوالف لين المغرب
بعد المغرب تلعب مع بندر بليستيشن بعد العشاء جلست مع نوال سوالف
ثم راحت تتهاوش مع ريم
واخر شيء تضاربوا بالمخدات
مزنه اصواتكم واصله اخر الشارع
ريم /يمه شوفيها ماتخليني اذاكر
امل /ماسويت شيء
مزنه /امل تعالي معي. لغرفتي
امل / تسوي حركات عناد بريم. وطلعت
امل /نامت على رجول امها
مزنه /اموله بخاطرك شيء مضيق صدرك قولي
امل / مافيه شيء
مزنه قولي لي بسرعة
امل جلست يمه تعرفين قروب ريما اللي كلمتك عنه من فتره
هياء /وش فيهم
أمل /قالت لها اللي صار
مزنه طيب. وش مضايقك انتي اذا تبغين تنضمين معهم ولا اعتذري
امل /بس يمه. ذولي. اميرات افهموني يعني انا مو زيهم وكذا
مزنه /واذا يعني مو ناس هم
امل/الا
مزنه/انتي جيتهم تكلمتي معهم طلبتي تكونين معهم
امل /لا
هيا/خلاص هم اللي اختاروك وهو عارفينك وترى منتي باقل منهم. وش ناقصك انتي
امل /ولاشيء البس احسن بنت بالكليه
وممتازه وكل اساتذتي يثنون علي
مزنه /خليك واثقه من نفسك ابي بنتي اللي ربيتها. وين الراس المرفوع رفعت راسها وقفت عدلت البجامه ومشت بكبرياء وهي تضحك انا امل احلى بنت بالمزاحمية و اشجع بنات الحارة
هيا/لاتنسينها ابد
امل لما كانت صغيره صارت تبكي مره هاوشتها بنت من جيرانهم وامها علمتها الحركة ذي تمشي رافعه. راسها وترردد انا احلى بنت بالمزاحميه واشجع بنت بالحارة. فصارت ثقتها كبيره بنفسها واذا مشت دايم رافعه راسها وتمشي بكبرياء هي نوع من الاتكيت بس بطريقه سعودية شوي
امل /مامي ممكن انام بحضنك
مزنه/تعشي ثم نامي
امل /شبعانه ابي انام بليز
نامت بحضنها. هم وراح نامت ولا صحت الا الفجر
رجعت الجمعة وولعبت شوي مع هشوم وجوجو ذاكرت ونامت
السبت
كلية الحقوق بجامعة الملك سعود
ريما جالسه تعدل شعرها
صباح الخير ريوم
ريما/صباح الفل هنوفه
كيفك اليوم
الهنوف /بخير الحمدلله. تتوقعين امل بتوافق
ريما /مدري صراحة
ريم /ياصباح الفل
ريما والهنوف /صباح النور حركات
ريم /اصلا انا دايم مزيونه. مايحتاج احد يبغى توقيع
هههههههه
الهنوف / عجبتني البلوزه مره
ريم /من ذوقك ياقلبيي هاه بشروا جت امل
ريما /لا
عبير صباح الخير /هاه بشروا
ريما /وش فيكم مصروعين من الصبح البنت لسى ماداومت
الهنوف /جت جت
امل /السلام عليكم
الكل /وعليكم السلام
امل /صباح الخير
الهنوف /صباح النور وقرارك بسرعة
امل /موافقه بشرط
ريم /وش شرطك
امل /اذا ماعجبني الجو بترك القروب
عبير وريم صياح
ريما /اكيد تقدرين مبروك يامل ومنوره الشله ياقلبي
سلموا عليها
ريم /تاخرت كالعاده
ريما /مشينا. بتبدا المحاضره
طبعا شله ريما باي قاعة مكانهم معروف محد يجيه
جلسوا امل وجنبهاريما وجنبها ريم
واللي ورى الهنوف وعبير وكرسي لنوف
ريم انا عندي سالفه مع الهنوف خلني نوف تجلس مكاني
ريما /احسبي 1
2
3
4
5
هههههههههههه
الا نوف جايه تركض ويالله مسكت الباب ودخلت قبل الدكتوره
وراها المرافقه معها الاغراض
ريما /متى تجين على الوقت
نوف / صحيت متاخره والله
والله اكمل لبسي بالسيارة
ريما /والله يوم بتنكسرين من الركض بالممر
نوف/هههههههه ريوم مبروك اموله جنبك
ريما/خلاص تكلمي بعد المحاضره الدكتورة تناظر فيك لاتحطك براسها ذا العجوز الشمطاء
بعد المحاضره
نوف /اموله الله حيك منوره منوره ياعسوله انتي والله انا قايله اموله بتوافق
ريما /هدوء بليز
بهذه المناسبة الجميله انا ريومه عازمتكم على الفطور خارج الكلية
ريم وعبير والهنوف /تعيش ريومه.
ريما /ان شاء الله ماتغيرين رايك ومن جد تراك اموره وعسل وشرف لنا تكونين معانا
امل /تسلمين لي اكثر
نوف /قبل نطلع ريم هاتي التعليقه بسرعة
ريم /فكت العقد لللي عليها وعطته نواف وفكت المدليه وعطها ريما ووطلعت بروش من الشنطه وعطته عبير والهنوف الفستان بيوصل لك
وطلعت الخاتم من يدها ولبست امل
امل /انا مابي شيء
نوف /ماعليك يامل ذي مايطلع منها شيء
ريم /اموله لاتصدقين ترى نصف اللي عليهم. من اغراضي
ريما /ماشاءالله. اقول امشي يالله قال اغراضها ء
طلعوا وعلى العليا مطعم فرايديز ريما حاجزته ومجهزين الزينات والكم امل والورد والبلونات. على شكل اقواس والمفارش لونها بيج مع الورد بدرجات الوردي والشموع والماء الملون
دخلو البنات
ريم /ووواو ريوم لاعدمت ذوقك ابد
ريما / كله على شان امل. اموله عجبك
امل /مره جميل مشكوره ريما
نوف/والله حركات ريوم وتضرب كتفها وحنا ولا وحده صارت لها حفله
جلسوا بعد صورة جماعية وسوالف
نوف/ اموله تراك اول وحدة يصير لها حفله. ولا حنا كلنا. ههههههههه ماله داعي اكمل
ريم /مره
اسمعي اموله. انا وريما ونوف والهنوف من ايام الابتدائي مع بعض
الهنوف /اما الاخت عبير انضمت معنا ايام الثانوي ههههههه بعد ماضربتها نوف
عبير /الله لايعود ذاك اليوم جلست اسبوع وجهي منفوخ هههههههههه ومتكسره
ريما/كل ماتذكرت ذاك اليوم. ارجع اضحك
اموله لازم تعرفين ان نوف مقاتله فذه اخاف يوم تضربك زي عبير
ريم /من جد ترى كلنا اكلنا بوكسات
نوف /عن التطنز
امل /مااصدق. نوف
ريما /لايغرك الانوثه معها الاحزام الاسود بالكاراتيه وتعرف حركات قتاليه عادي بنت بين شباب والبيت كله عسكري هههههههه اقول توقعت تدخلين كليه الضباط
نوف /بلاسماجة. تراكم. سمجتوها اموله تراهم يبالغون لاتخافين. ههههههوغيورات وتعض على شفايفها
ريما حسابك بعدين
عبير / لا والله مابالغنا بس مابي امل تخاف بعدين بتعرفك
نوف /اصلا محد يفهمني وبابين زعلانه ومعصبه
البنات سوالف وضحك
ريما /بنات مو طولت هدايا بعض الناس
الهنوف /مره لها سنة
ريم /بس الطلبات تتاخر شوي ليه مستعجلين
نوف / ريما تصرفي
ريما /ريم بتجينا الهدايا ولا اقول لفيصل
ريم /لا لا الا فيصل فديته خلاص اللاسبوع الجاي والهدايا عندكم
عبير /ماينفع فيك الا ريما كفو ريوم
الهنوف/ لاتنسين هدية امل بعد
ريم /ماراح انسى اصلا هي احلى وحدة فيكم
ريما /يالله على الجامعة
عبير /لا لا وش يرجعنا خلاص اصلا مايمدي نرجع الاالمحاضره بدت وخلصت بعد
الهنوف /ريوم. خليها اليوم على شان اموله وخلونا نطلع للبيت عندي
ريما /على شان اموله يالله على بيت الهنوف
طلعت الهنوف
عبير طلعت مع ريم ونوف خذت امل معها وريما لحالها
امل /نوف وش سالفة الهدايا وفيصل
نوف/هههههه فيصل ولد خالي واخو ريما انا اقولك السالفه قبل شهرين كنا بالمزرعة وبعض الناس ريم مسويه تحب فيصل بس فيصل مو يمها المهل تحديناها وكان الشباب بالمزرعة بعد. وقلنا اذا كلمها فيصل وسولف معها تشتري لنا هدايا عاد سولفت معها وسحبت علينا
امل /الحمدلله مالي دخل بالسالفه
نوف/ وش فيك انتي لاتكونين حساسة حنا نستهبل نتهاوش نتضارب كل شي تلاقين بقول البنات يحبون عيال خالي مو على مزايين بس كذا مدري كيف
ريم بفيصل والهنوف بخالد
أمل /غريبه وانتِ
نوف /هههههههه بخجل انا على الكبير عبدالعزيز
امل /هههههههههه
نوف /شوفيه هاذي قبل اسبوع في بيت جدتي انا صورته وهو مايدري وذي قبل شهر عندنا بالبيت واللي جنبه هذا سعد اخوي
وهاذي بالاجازه اللي فاتت ريما تعرفينها وخواتها العنود والجازي. والصغار ذولي خواتي دانه واماني
وذي بامريكا قبل سنه وذي انا مصورته ماكان يدري فديته
امل /تشوف الصور. توقعت الحب ذا متبادل بين نوف. وعبدالعزيز
نوف / كيف شفتي عزوز
امل /الله يخليه لك يارب مملوح والله
نوف/اللهم امين مو مملوح بس الا مزيون وسرحت بعالم عبدالعزيز
اكيد الحين عبير وريم هواش ومضارب بالسيارة ههههههه
الهنوف /بالاستقبال
الله حي اموله نورني البيت يامرحبا ويمسهلا
امل /الله يحييك ومنور باهله
نوف /وحنا مالنا ترحيب
الهنوف /امس وانتم عندي مايحتاج
ريما /فقر مشاعر
دخلو وجلسوا جت الضيافة
ريما /هنوفة ايش جدولك
الهنوف/ابد. اللي يريحكك عندنا فلم بعد سباحة اذا حابين شي ثاني عادي
جلسوا سوالف وتعليقات على نوف. وريم ومحديم ال فلم الا عبير
بعد الظهر بعد سوالف وقلبوها رقص
الهنوف/سومنق تايم
عبير/ماخلص الفلم
ريما /اصلا محد غيرك يتابعة مشينا
جلست امل تصل على محمد /لانها تاخرت وهي اصلا قايله له بس كل شوي يتصل يتطمن عليها
ثم سوالف مع عبير
البنات غيروا ملابسهم وطلعوا للمسبح
الهنوف/اموله انا جهزت ملابسك فوق اطلعي غيري ملابسك لاتجلسين تتفرجين
ريما / من تفوز اليوم
نوف /انا اكيد اموله بسرعة انزلي
امل /لا لا مااعرف اسبح بجلس هنا اتفرج عليكم
جلست على الكراسي وصارت تضحك وتشجع نوف اللي بالاول
ثم تحمست وراحت لهم بالجهه الثانيه
جلست على طرف المسبح تسولف مع نوف اللي بداخل المسبح ولاحست الا عبير ترميها بالمسبح
البنات صياح
امل/ طلعوني بغرق حرام
ريما /خلاص طلعوها صدق ماتعرف اخاف تغرق طلعوها وجابو لها روب ولبست وجلست على الكراسي
عبير /والله اسفه اموله
امل /لا عادي
نوف / انتي بخير
الهنوف /اموله تحسين بشيء اطلب الدكتور
امل /لامافيني شيء ارجعوا للمسبح خلاص
جابو لها عصير وجلست تشرب
البنات رجعوا للمسبح
امل / نزلت البلوزه والتنوره اللي غرقانه موية وكان فيه مكان اللي ينزل من فوق مو مره مرتفع
ركضت وقفزت من فوق
البنات /وقفوا مبهورين
ريما /اطلبي الاسعاف اخاف البنت صار فيها شيء
امل /مافيني شيء ههههههههههههههههه وصارت تسبح على ظهرهها
ريم /امل. صار لك شيء
امل /no
نوف /مو تقولين تخافين من الموية وماتسبحين كيف الحين
امل /انا اسبح من عمري خمس سنوات ظهر وبطن بعد بس مابي البس ملابس مو لي
البنات هجوم عليها لانهم صدق خافوا ان صار لها شي. لعبوا ثم طلعوا
عبير / نوف تكفين بردي حرتي فيها اكلتنا مقلب نشف ابو الدم بجسمي
ريما من جد
نوف /لاعيب اول يوم
امل /هههههههههه بس جد من زمان ماسبحت
الهنوف /بس ماشاءالله سباحتك جميله
أمل /عبدالله اخوي علمني اسبح مع ريم لما كنا صغار كنا بنغرق في مسبح الاستراحة زمان
طلعوا فوق سوالف بغرفة الهنوف
درجات الارزق. وفيه شعار نادي الهلال
وصوره للهنوف صغيره مع ابوها مع الكابتن سامي الجابر
وغرفة الملابس كبيره كل نوع بجهه
البنات اخذوا شاور وغيروا ملابسهم من غرفة الملابس حقت الهنوف
الهنوف / امل ليه للحين ماغيرتي تراك بتبردين
امل /انا عطيتهم ملابسي وبعد شوي بيجيبونها
ريما / شوفي ماكنه قصير مره
ريم / غيريه مو حلو
ريما /عاد من زمان وانا ابغاه
نوف /تعدل بطلونها وتضبط شعرها. قلنا لك كل جسم له مميزات اللي يضبط على الهنوف مايجي قياسك
نوف /ماتمشي الا ملابسها معها لبسه بنطلون جنز وبلوزه علاقي لونها وري
فهي اول من خلص
نوف / وامل ليه ماغيرتي
الهنوف /مستحيه ماتعودت على الجو
نوف /اموله تعالي معي
ودخلت غرفة الملابس الا الهنوف مجهزه لها فستان رسمي لونه ازرق من شانيل ومعه الاكسسورات بالستكر حقه وبعد ملابس داخليه بعلبتها
نوف /. غيري ملابسك وانزلي وصارت تحوس بالملابس وتنادي الهنوف
الهنوف /وش فيك
نوف /من زمان ابي الفستان ذا
الهنوف /مالي دخل ذا لامل وبعدين انتي تجبين ملابسك معك
نوف هونت طيب
وين الفستان اللي تقولين لي ماشفته
الهنوف / بالجهه الشمال شوفيه حتى مكتوب عليه باسمك
نوف /طيب بجربه واذا ماعجبني ولا مقاسه مو كويس يويلك
الهنوف /وانا وش دخلني
نوف /انتي اللي مدحتي المصمم
يالله اموله غيري
امل /بنتظر ملابسي
نوف غيرت ملابسها وماعجبها الفستان ضيق ورجعت لبست ملابسها وعصبت
ريما/احسن يالدوبه
نوف /ماني دبه
عبير /الا صايره دبه شوفي نفسك بالمرايه سوي رجيم
الهنوف /من جد صايره مره دبه نوفه
نوف /توني ادري خلاص بسوي رجيم
امل اخذت شاور ولبست ملابسها وطلعت
نوف /طلبتك اموله جربي الفستان ذا والله. قاهرني ومستحيل اخليه للهنوف
الهنوف / يمه منك شريره
امل /بس
نوف / طلبتك بس بشوفه عليك وفيه ناس تخطط عليه وماراح اعطيهم لو يموتون
ريما /عبير راح عليك ههههههههه
لبست أمل الفستان
لونه وردي وفيه ورده على جنب رسم يدوي
رسمي ونعوم حيل
امل /كيف
ريما /ماشاء الله والله مقاسك اصلا كيف دخل في نوف
نوف /مادخل اصلا ههههههه.
ريما قربت وخلتهم يرفعون شعرها وغيروا الجزمات بنفس لون الفستان
الهنوف /بسم الله ماشاء الله. قمر فديتك
نوف / اموله ممكن صوره بليز. صورت نوف معها
وكملوا سوالف عن الازياء والملابس
قالوا لها ان كل وحده تشتري ملابس وتخليها عندها فكل وحده عارفه مقاسات الباقين
امل/ انا تاخرت كثير. لازم ارجع للبيت
الهنوف /طلبت لها سيارة وطلعت امل وعلى البيت غيرت ونامت
امل / حبت الجامهة اكثر مع البنات وبعدت حبيتهم كثير وهم نفس الشيء
العصر.
امل محمد /ابغى اروح للمكتبه ناقصني كم شغله بليز
محمد/ اوكي بعد صلاة العشاء على طول تكونين جاهزه
اسمعي ترى بشاير ازعجتني تبكي
امل /يوه نسيتها خلاص ماعاد ابي اروح جدة واصلا ماقدمت اوراقي
محمد/اتصلي عليها وترى وعدتها اوديك لها بالاجازة
امل /تم ماانحرم وطلعت تذاكر بس جوجو وهشوم ماخلوها وصارت تلعب معهم
بعد المغرب نيمتهم عندها وصارت تذاكر
وبعد الصلاة وهي جاهزه اتصل محمد وعرفت انه عند الباب وطلعت
تفاجئت انه محمد ولد عمها
امل /انت وش جايبك
محمد/انتي مو تبغين المكتبه
امل /الا ابغاها ومحمد اخوي بياخذني
محمد/ ومحمد اخوك قال لي اخذ امل للمكتبه انا معزوم
امل /خلاص هونت ماعاد ابغى اروح
محمد /اخلصي علي بعدين تقولين محمد مااخذني وتصيحين علينا
اتصلت على محمد
امل /ليه ترسل لي محمد
محمد /هدي هدي. مابي تروحين مع السواق لحالك يالله روحي معه وبلا
كلام
امل /مابي يكفي ياخذني للجامعة
محمد/اموله مو العصر مزعجتني ابغى اغراض ضروريه روحي معه
امل \ اكرهه
وسكت وطلعت معه
محمد/ ماتستحين تطلعين كذا العبايه مفتوحه ولبسه قصير
امل /مو شغلك
محمد /سكري العبايه اخلصي وانزلي. لاتتاخرين علي ترى عندي امتحان وبرجع اذاكر
امل /ماطلبت منك اصلا تجي ونزلت وسكرت الباب بقوه
اتصل محمد على ابوه
العم سعود /وينك انت
محمد/انا عند المكتبه ماخذ دلوعتك تبغى المكتبه
العم سعود /وانت ليه تاركها لحالها روح وراها اخاف عليها
محمد/دلوعتك تخوف بلد ماعليها
ترى أبي سيارة جديده بنت اخوك كسرت سيارتي من كثر ماتسكر الباب بقوه
العم سعود /طيب خلاص نشتري لك بس روح لها الحين ووشوف اذا تبغى شي ء ثاني معك فلوس
محمد/معي
وسكر من ابوه ودخل للمكتبه ولقاها واقفه تقرا لها كتاب
محمد /ماشاء الله اخلصي علي عجبك اخذيه
امل / وش جايبك. اخذت الكتاب ومشت اخذت لها قرطاسيه ولقت مكعبات قالت باخذها لجوجو وهشوم وصارت تدور لها كتاب ثاني
محمد /بزر انتي ومعه قلم طويل فيه ريش وقلب ويمشي وراها ويضربها به
امل تدور الكتاب ومطنشته
محمد /سكري عبايتك وعدلي نقابك
امل /والله ان ماسكتت بذا المجلد على راسك
محمد /ابوي يقول انت المسوال عنها لاتخليها لحالها
امل /منت المسؤول اخذت الكتاب ومشت حاسبت وطلعت
محمد /مشى وراها يضحك
تبغين شيء يالدلوعة
امل /دلوعة بوجهك. مابي شيء ارجع للبيت
محمد / وقف عن محل اتصالات
ثم مر مطعم اخذ العشاء
وامل تغلي بالسيارة
امل /خلصت مشاويرك ولا لا
محمد /باقي بس ملابسي عند المغسله. وباقي ملزمتي عند واحد من العيال
امل /ترجعني للبيت ولا اخذ تاكسي
محمد/طيب ياربيه منك رجعاها للبيت اهم شيء عنده عصب فيها رجعت وعلى غرفتها تذاكر
والايام. اللي بعد بين الجامعة والبنات وخواتها وعمامها وتروح للمزاحمية
وتذاكر كثير لان الاختبارات قربت مره والتخصص صعب وتبغى امتياز
محمد/ هيه ترى من بكره صرفي نفسك انا بذاكر واري امتحانات.
أمل /فكه منك احلى خبر
محمد /ياشر بسنكرزحجم كبير
امل/مابي.
محمد /احسن فتحه وصار ياكل أسمعي مافيه روحة للمزاحمية
أمل / ومن انت ياحمود تمنعني اني أروح للمزاحمية
محمد/ولد عمك
أمل/ تراك صجيتني بولد عمك ولد عمك
محمد نزل عند محل اتصالات ثم مشى ووقف عند محل باسكن روبنز واشتر علبه حجم كبير غزل البنات ورجع وصار ياكل منه
محمد/تبغين مليت منه
أمل/ مابي وع أكل منه وانت ماكل منه
محمد/ونشوف من كلمته تمشي أناولا انتي
أمل /أنا طبعا وعلى البيت يالله
محمد/عناد فيك ماني متحرك من مكاني الا لما تاكلين منه لوانام هنا
وقف على جنب وقفل السياره
عارف بتنزل وتروح على لموزين
أمل /عصبت وضربته على كتفه حمود سمجتها والله بتصل بعمي
محمد/أتصلي عليه ماهميتني تاكلين العلبه اتحرك مااكلتي بنام هنا
امل / مابي تاكل منه وتعطيني
محمد /انا جايب ملاعق كثير وملعقتي. رميتها وذي جديده
امل /مابي
محمد /بتاكلينه ولا لا
امل /لا طبعا
محمد /وماراح اتحرك من هنا الا لين تاكلينه وش وراي
نزل وسكر السيارة راح وصلى ورجع
محمد /ماطاح اللي براسك ماني محرك الا لين تاكلين بسرعة قبل يخرب
امل / مابي ماقلت. لك ابي
محمد / وماني متحرك لين تاكلين اتصل على صديقه مشعل وجلس يسولف معه
امل عارفة محمد ماراح يتحرك لين تاكل
امل /الحين انت ليه جايبني اصلا المفروض عمي اللي يجي ياخذني ويوديني للمزاحمية
محمد /اكلي واسكتي ابوي اللي مرسلني لك
اخذت العلبه وصارت تاكل وهي مغبونه من قلب وتتحلطم
امل /والله مااعديها لك ياحمود الزفت ومن انت حتى تمنع اروح لمزاحمية
محمد /مشعل فيه ناس تهددني ههههههه
مشعل /غبي قول لها شيء حلو
قول لها
محدن ترى غيرك حبه شغلني
عالمي بكفه وانتِ بكفه لحالك
عسى لله منك مايحرمني
وعساني ماانحرم شوفتك ووصالك

محمد /ههههههههههه لا والله بتاكليني كذا
امل /من تقصد وبالكتاب براسه اكلت مشينا ياخي ابي اروح لعمي والله مااخليك
محمد /ابوي مشغول مو فاضي لك
امل /اتصلت ولا رد عليها
اتصلت على محمد كان مشغول يعقدون
امل /صارت تبكي
محمد/ اكلي واسكتي وانا مو قلت العباية ذي مااشوفه
امل /ذي جديده
محمد /اكلي وولاتبكين اول مره اشوف ناس تاكل وهي تبكي ههههههه
امل /محمد تراك والله سمجتها من جد تماديت اكرهك
محمد/ههههههههه. غصب عني
انزلي يالله يازعاج يابكاكيه وكلمتي مشت ومافيه روحة للمزاحمية اجلسي ذاكري
امل / مسكت العلبة وباقي فيها وعلى راس محمد
ونزلت
ودخلت معصبه
محمد /بسم الله الرحمن الرحيم بارد بس عسل منك يويل قلببي بس أنا مهبول ليه ماقلت لها انا احبك واغار عليك
أمل /غيرت ملابسها ونامت
قبل العشاء
دلال /امل اصحي متى بتجهزين
رحاب /للحين ماصحت
دلال /مثل ماتشوفين
رحاب /. بنتاخر كذا متى بتجهزين
امل /وش فيكم خلوني انام بعدي البزران عني
رحاب /هشوم عض خاله خلها تصحى
امل /حرام وش فيكم اي ياذني
دلال /بسرعة اجهزي بنتاخر على الشبكة
امل /وش شبكتة
رحاب /ملكة عهود بنت عمي وش فيك انتي مو معقول مامعك خبر محمد ماقال لك
امل / لا ماقال لي شيء والله مااأعديها له تهاوشنا ونزلت . قامت واخذت شاور وصلت ولبست بسرعة فستان اسود قصير فيه تنتر وشعرها فاكته وتاج صغيرون وسوت لها رحاب مكياجها ولبست طقم ناعم ومشوا
في بيت عمها البنات رقص وسوالف مع العروس
ثم زفوها تحت ولبسها الشبكه ورقصوا البنات وتصوير
طلعت امل مع بنات عمها للحديقه على شان البوفيه
الا محمد بوجها
امل /هين ياحمود.
راحت تركض وجابت كاس عصير ولبست طرحه على راسها
امل /والله مااخليها لك
محمد /ماني فاضي لك بعدي عن وجهي وين العبايه ماتستحين
امل/بس حاطه طرحة على راسها
امل/ سامج وكبت العصيرعلى وجهه و ثوبه وكان جواله بيده بعد جاه عصير
محمد /صاحيه انتي
العم سعود /امل
امل / سلمت ونزلت راسها سم ياعمي
العم سعود/عصب ليه يامل وانت وش جايبك هنا
محمد /الحلويات تاخرت. واتصل عليهم
امل /علمت عمها باللي سواه محمد
العم سعود/واذا سوى كذا مايحق لك تخربين ثوبه روح غير ثوبك وروح للمجلس حط يده بحنان على كتفها ورفع راسها
اسمعي انا قلت له يروح يجيبك ويشتري لك ايس كريم وقلت يقول لك لاتروحين للمزاحمية على شان ملكة عهود ويشتري لك جوال جديد
امل /انا اسفه ماكنت ادري >طاح وجههها مره وماسكه نفسها ماتبكي قدام عمها
العم سعود /عطوك البنات الجوال
امل /ايوه. انا اسفه وصارت تبكي عمي والله قهرني
العم سعود/خلاص لاتبكين خربتي مكياجك ومابي تبكين كل ذا على شان محمد.
امل /باست راسه ويده وراحت تركض
جلست وهي متضايقه طلعت مع السواق ورجعت للبيت وطلعت لغرفتها وصارت تبكي
صحت الظهر وهي مقرره وش بتسوي
جلست على الكتب تذاكر لين العصر صلت وبدلت ملابسها وطلعت مع السواق
راحت للسوق شرت جوال جديد اخر موديل غلفته تغليف حلو شرت ساعة من مايكل كروس. وغلفتها وشرت باقة ورد جوري وتشيز كيك وارسلتها ‹مع السواق
محمد كان بالمجلس بعد العشاء مع صديقه مشعل يقال يذاكرون يتقهوون وسولفون
شوي الا السواق جاي
امير /ماما امل قول اعطي حمود قول هي اسف
محمد/خلاص وصلت الاغراض. روح مشكورالله يعطيك العافيه
مشعل /حركات والله ورد وهدايا.
محمد /ماني مصدق اخاف السواق غلطان
مشعل /مو سواقهم
محمد /الا هو. ومافيه امل بالعايله الا هي
غريبة مرسله. لي هديهه ومرسله كرت
انا اسفه على اللي صار وذي هدية مني. اول مره واخر مره لاتنغر
محمد/ابتسم. لا امل وتهدد بعد
فتح العلب وهو مو مصدق
مشعل / لا فيه تطورات شكل القصيده جابت عمايلها
محمد/ماقلتها لها اصلا
كشخ بالساعة وكلو من الحلا وارسل لها رساله مشكوره ماانحرم منك ياذوق ارسلت له فيس بوكس
امل /بعد الملكه سكرت على نفسها وصارت تذاكر.
بعد اسبوعين
امل /الو يابعد قلبي ذا الصوت
العم سعود / تسلمين ياقلب عمك. اسمعي ابيك الحين تعالي مع محمد اخوك يالله انتظرك
امل /اللي تامر فيه شويات وانا ناطه عندك
بسرعة غيرت بفستان مشجر قصير وفكت شعرها وروج وكحل بوسط العين وبلشر خفيف وتعطرت ولبست عبايتها ونزلت تركض
الامحمد يتصل
امل /انا جاهزة طيب انا طالعة لك
طلعت للمحمد وتوجهوا لبيت العم سعود
محمد/ دخل وسلم وطلع قال ارجعي مع السواق
امل / لان المجلس مافيه الاهي وعمها نزلت عبايتها وجلست تسولف مع عمها وتصب له القهوة
العم سعود/كل ذا اسبوعين مااشوفك
امل /والله مارحت مكان بين الكتب اذاكر.
العم سعود/الله يوفقك وابي معدل يرفع الراس
امل /ان شاء الله
العم سعود/ومتى اختباراتك
امل/بعد بكره ان شاء الله
العم سعود/خلك واثقه من نفسك ولاتخافين واعرف بتجبين امتياز
امل /جلست جنبه الله لايحرمني منك ابد
العم سعود/ طلع من جيبه 10الالف وحطها بيدها
امل /عمي وش كل ذا والله معي فلوس محمد عطاني اليوم وخواتي والله يعطوني
العم سعود/ اعرف ياقلبي وذي مني انا لك ابي تعزمين صديقاتك وتنبسطين وان بغيتي زيادة قولي لي
امل /باست راسة ويدينه الله لايحرمني منك دايم تقرا افكاري من فتره وابي اعزمهم بس مادري وين
العم سعود/ المكان اللي يعجبك ولايهمك الفلوس
امل /والله مو على شان الفلوس بس كنت مشغوله وتفكيري كله بالامتحانات
العم سعود/ مابي تكونين اقل من احد ابيك احسن وحدة بكلية الحقوق
امل /والاولى ان شاءالله وعد ياعمي اخذها امتياز وارفع راسك
العم سعود/كفو
اسمعي بخصوص موضوع جدة انا مابي ارد لك طلب بس انا مقدر تكونين بعيدة عني
امل /لا خلاص هونت ماعاد ابي اروح جدة وبشاير عصبت مره هههههههه
العم سعود/ الله لايحرمني من الضحكة ذي
يالله ارجعي لمذاكرتك
امل الله لايحرمني منك ابد رجعت سلمت على راسه ويدينه وضمته
العم سعود/مليون مره قلت مابي اشوف دموعك
امل /مابكيت لبست عبايتها وتلف الطرحة وهي تمشي الا محمد بوجهها
محمد/تسمر مكانه ماعاد تحرك
ضاع بأمل وجمالها
أمل /ماتشوف انت وداست على رجله وطلعت
العم سعود /هيه لاتبرد بالباب تراها مشت من زمان الى متى بتوقف بالباب
محمد /سكت وجلس
العم سعود/شافه سرحان. امل راحت ترى
محمد/اعرف بس نسيت وش جاي على شانه
العم سعود/تبيها يامحمد
العم سعود /شايف ان محمد معجبته امل وهو بعد مايبغاها تروح عن عينه واسعد شيء عنده تزوج من عياله
محمد/سكت وطلع الا امل واقفه عند الباب
والسواق توه جاي وبتطلع معه
محمد/امل شكرا على الهدية
أمل: اقول لاتتنح لي ولاعاد أشوف النظرات ذي سمجتها وتراها بالعمر مره لا تفرح ومشت
محمد/قاسية بس احبها

أحبك أكثر منك لاتسأل وشلون؟
ياوقعي وأحلامي اللي خذوني!
إن عيوني شافتك مره تخون ..!
أصدقك الله واكذب عيوني

.