آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
05-04-16, 04:57 PM
| #1 | ||||||
  
|  ღ هاتولى عريس ღ للكاتبة نورهــــان ، مصرية (مكتملة)  بسم اللة الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة اللــــــــة وبركاتــــــــــه نقدم لكم رواية منقولة ღ هاتولى عريس ღ للكاتبة : نورهـان قراءة ممتعة للجميع التعديل الأخير تم بواسطة Topaz. ; 30-07-23 الساعة 09:25 AM | ||||||
|  |
|
05-04-16, 05:15 PM
| #2 | ||||||
|  ~¤الفصل {1} ¤~ تقف حائره خايفه قالقه امام غرفه داخل مشفى كبيره منتظره خروج الطبيب ليطمنها على صحه والدها المتدهوره فى الايام الاخيره ووالدها طبيب مشهور يمتلك شركه كبير للادويه وهذه المشفى ايضا التى يرقد بها يخرج الطبيب لهم ليركضوا عليه كلهم: خير يا دكتور منتصر ايه الاخبار منتصر : ما خبيش عليكى يا انسه جميله دقات القلب فى النازل لازم نسرع شويه ونعمله العمليه جميله باكيه : منا بحاول معاه بقالى مده وهو مش عاوز عمليات ومصمم على كده منتصر يربت عليها : طيب اهدى كده وبطلى عياط يا بنتى ان شاء الله خير حاولى معاه تانى واحده من الواقفين معهم تقول بصوت عالى : مهو لو رضيتى بشادى ابنى كان زمان اخويا عملها من سنين بس اقول ايه بقى عليكى جميله : ارجوكى يا عمتو مش عاوزه اتكلم فى الموضوع ده تانى وكمان مش وقته خالص عمتها : ليه يعنى انا عاوزه اعرف ماله شادى ابنى عيبه ايه عشان كل ما يتقدملك ترفضيه ها ردى عليا دادتها تتكلم بالنيابه عليها : براحه يا ست انشراح المواضيع دى ما تتحلش هنا .... اهدى يا جميله وبطلى عياط بقى كفايه انتى من امبارح ما بطلتيش عياط وكله وحش عليكى ترتمى فى حضنها لتبكى اكثر على حالها وتدهور صحه والدها وانها خايفه عليه ليحصله حاجه وعمتها تبقى المسيطره على كل شى فى حياتها بعد كده عشان كده باباها كان نفسه يطمن عليها قبل ما يعمل العمليه ... اعرفكم بجميله عمرها 26عاماً وهى فتاة جميلة الملامح ذات بشرة بيضاء وقوام ملفوف ورشيق وعينان زرقاوين وشعر كستنائى قصير نوعاً ما وهى رقيقة جداً طريقتها مثل الطفلة الصغيرة... هى يتيمه الام وعمرها كان 15 سنه تشبه والدتها فى كل شى علشان كده باباها سماها على اسمها لانها بالفعل جميله يعنى اسم على مسمى ****** داخل الغرفه كانت جالسه ماسكه ايدى والدها وتقبلها بحب : حبيبى يا بابا والدها بتعب : بطلى عياط انا بقيت احسن انشراح : احسن فين بس يا بدران الدكتور قالنا بره انك فى حاجه حرجه ولازم من العمليه تبص لها جميله بصات بانها تسكت وما تقولش الكلام ده قدامه عشان حالته ما تسوش لكن انشراح كانت قاصده كل كلمه قالتها وبرده كانت بتبص على جميله بصات ناريه كانها بتتحداها الداده : ان شاء الله الباشا هيقوم بالف سلامه من غير اى حاجه بدران وهو يربت على جميله : كل اللى يجيبه ربنا انا مش معترض عليه بس عاوز افرح بجميله واطمن عليها قبل ما ادخل العمليه جميله تبصله وتبكى تانى : طب عشان خاطرى نعمل العمليه الاول وبعدين نفرح كلنا بدران بتعب : يا جميله عاوز اطمن عليكى انا حاسس انى مش هقوم منها يبقى اموت وانا مطمن انك بخير جميله تقبل ايدى باباها وتبكى : بلاش تقول كده يا بابى ان شاء الله هتعمل العمليه وهتخف ان شاء الله زى ما قالى دكتور منتصر الداده تبعدها عن والدها لانها انهارت كتير فى البكاء وخرجتها بره الغرفه وقالتها تهدى لكن جميله فضلت تعيط وتفكر تعمل ايه مفيش حل غير انها تتجوز من ابن عمتها المتسلطه وابنها المغرور وانه كمان تافه بالنسبلها لانه مش راجل يعتمد عليه من فشله فى حياته بس هتعمل ايه لازم توافق عليه عشان باباها يعمل العمليه .... الداده : كده برده يا جميله دا اللى كنا متفقين عليه تنهارى بالطريقه دى وكمان قدامه وانتى عارفه انه بيزعل عليكى من اقل حاجه جميله : غصب عنى يا داده والله غصب عنى الدنيا كلها مضلمه قصاد عينا ومش عارفه اعمل ايه الداده : يبقى نهدا عشان نفكر هنعمل ايه فى الموضوع ده جميله : انا بفكر اوفق بشادى وخلاص واللى يحصل يحصل الداده : انتى اتجننتى شادى مين ده اللى توافقى عليه وانتى اساسا مش بطيقى صوته الله قولى كلام يعقل جميله : طب قوليلى ايه الحل بابا وعاوز يطمن عليا قبل ما يدخل العمليه يبقى مفيش غير كده الداده : يعنى الدنيا كلها ما بقاش فيها غير شادى ده ابو دم تقيل ده انتى بيقدملك رجاله زى الورد اشكال والوان ومناصب عاليا فى الاخر ترضى بالواد اللى ضيع كل ثروه ابوه فى الهلس بتاعه جميله : اعمل ايه بس اروح ادور عليهم واقولهم انا موافقه عليكو بعد ما رفضتكم طبعا مش هينفع الداده : يبقى نهدا عشان نعرف نفكر صح جميله : انا كل خوفى على بابا والله مش اكتر عاوزاه يعمل العمليه قبل ما قلبه ما يتدهور الداده : ان شاء الله هيقوم منها وبكره تقولى داده امينه قالتلى تدفن راسها فى حضنها وتبكى : يارب يا داده يااارب ومن داخل الغرفه انشراح : انا عاوزاك تهدى يا بدارن عشان صحتك يا خويا غاليا علينا كلنا بدران بتعب : ان شاء الله مش هوصيكى على جميله يا انشراح عمليها كويس انشراح بدموع مزيفه : انت هتوصينى على بنتى دى بنتى يا بدران اطمن انت بس وكل حاجه هتبقى زى ما انت عاوز ... انا بس عاوزاك تلح عليها فى موضوع شادى وحياتك ما هتلاقى زيه اصل وفصل وكفايه انه ابن عمتها وهيشلها فى نن عيناه .. عاوزه ايه تانى بقى بدران : مش عاوز اغصب عليها فى موضوع الجواز كفايه غصبت عليها تدخل كليه هى مش حباها انشراح : ومالها كليه الطب دى اى بنت ولا ولد بيتمنى يبقى دكتور مشهور هى تحلم تبقى زيك كده بدران : مهو عشان غصبتها تبقى دكتوره مش عاوز اغصبها فى الجواز كمان يا انشراح انشراح : الله ومين قالك انها هيكون مغصوب عليها وافق انت بس بالخطوبه وهتشوفها هى اللى هتجيلك وتقولك يا بابى انا عاوزه اتجوز شادى بسرعه دا ابنى مفيش زيه اه والله كان على بعد امتار كتير من المشفى كان يجلس شادى مع اصدقائه على كافيه فى وسط البلد وكانوا بيتقفوا هيسهرو فين انهارده عشان يلعبوا قمار واحد منهم قال : انا بقول نخلينا فى نادى (...) واحد اخر قال : لالالا النادى ده يا عم مشبوه انت ناسى اخر مره لولا اخو شادى المحامى دا كنا روحنا فى داهيه واحد تانى قال : خلاص بقى خلينا فى اللى قال عليه تامر تامر : انا سمعت انهارده ان النادى ده جالو شويه مزز ايه فبريكه يا معلم واحد اخر : انت ساكت ليه يا عم شادى ما تقولنا ايه رايك نروح النادى اللى تامر بيقول عليه ولا عندك مكان تانى شادى ويشرب حاجه فى كوبايه على بوق واحد : اى حته المهم عاوز اعوض الخساره بتاعه امبارح تامر : ااااااااشطه يبقى حضر نفسك يا كنج الليله شادى يخرج دخان سيجارته : محضر يا عم تيمو والباقى يطلقون ضحكاتهم عاليا ******** نروح تانى للمشفى نلاقى لسه الداده حاضنه جميله وبترتب عليها بحنان : ها بقيتى احسن جميله : ايوه يا داده داده : طيب انتى صليتى المغرب ولا لسه جميله :ايوه الحمدلله داده : طيب انا عاوزه اروح الحقها قبل ما العشا ما تادن جميله : طيب حاضر داده : وانتى هتعملى ايه بلاش تخشى عليه تانى بقى جميله : هروح استناكى لما تيجى فى اوضه مكتبه داده : كويس اهو تريحى جسمك شويه لحد ما اخلص الصلاة وتسيبها دادتها وتمشى قدامها عشان تصلى المغرب وتفضل تبص عليها وتتذكر انها هى من قامت بتربيتها من بعد ما والدتها توفيت وكمان كانت لها اكتر من ام وعمرها ما تركتها فى يوم وجميله بتعبرها كل حاجه فى حياتها من بعد مامتها وباباها وما تنساش انها علمتها قراءه القران والصلاة فى وقتها وكمان خلتها تتحجب مع ان والدها كان رافض موضوع الحجاب بس دادتها قدرت تقنعه بانه امر علينا لطاعه ربنا سبحانه وتعالى وانه هيحافظ عليها من كل الفتن وفعلا لبسته وهى فى سن ال 18 سنه وكان يوم ذلك فى عيد ميلادها لما هديتها بيه دادتها عواطف مع اسدال صلاة وكتاب الله وتفسيره وكانت اغلى هديه جاتلها فى عمرها كله ..... فاقت من شرودها ... و قامت عشان تروح ترتاح شويه فى غرفه مكتب والدها وكانت عليها ان تركب المصعد ومنه الى مكتبه ولسه هتفتح نور الاوضه الا وشخص وضع يداه على فمها ليكتم صوتها....... دا الفصل الاول اتمني يعجبكم ويا ريت تقولولو عشان اكملها ولا اوقفها | ||||||
|
| |
|
05-04-16, 10:16 PM
| #3 | ||||||
| وقفنا الحلقه اللى فاتت على ان جميله ذهبت الى مكتب والدها فى المشفى لترتاح به قليلا .. لكن اتفاجئت بشخص وضع يداه على فمها ليكتم صوتها 2/ جميله بفزع ودموع : امممممم الشخص لسه واضع يداه على فمها وهى مش عارفه تتكلم : تعرفى لو ما بطلتيش مأمأه جميله مش عارفه تتنفس خالص وكان خلاص هيغمى عليها : اممممم الشخص : انا هشيل ايدى بس لو فتحتى بوئك مش هتلحقى يا قطه هزت راسها فبعد يداه وجريت وقفت بعيد وهى بتترعش وبتاخد نفس جامد : ااااانت مممممين وووعاوووز اااايه الشخص كان متخفى ولابس تيشيرت وبنطلون اسود حتى القناع اسود مش ظاهر غير عينيه وبس : داخله الاوضه لقتينى بسرق هكون بعمل ايه يعنى ... جاى الم الغله جميله بغير فهم : غله يعنى ايه الشخص : غله يعنى البهاريز يعنى المانى اوعى كمان ما تعرفيش المانى يعنى ايه جميله بطيبتها : اه تقصد الفلوس ... هو انت حرامى ؟؟ الشخص يضحك على سذاجتها : لا دكتور نساء وتوليد جميله بانفعال : احترم نفسك ووقولى كنت بتعمل ايه فى مكتب بابى بالظبط الشخص : اللهم طولك يا روح ما قلتلك جاى الم الغله انتى غبيه ليه يا بت جميله : بت وكمان غبيه انا ما اسمحلكش الشخص : هاهاهاوى مش عجبك انك غبيه ما انتى كده مع انك موووووووزه موووووت جميله تبعد عنه وتحاول تدراى خصلات شعرها اللى بانت منها : انت قليل الادب على فكره واتفضل من غير مطرود لاحسن الم عليك المستشفى كلها الشخص : ما قلتلك ما تقدريش تعمليها عشان هتكونى بعد دقائق تحت فى التلاجه بتاعتكم جميله بخوف : طب خلاص خلاص خد اللى انت عاوزه وامشى الله يخليك بس ما تعملش فيا حاجه ************************************************ انهت صلاتها وفكرت انها تروح على كافتيريا المستشفى وتجيب لجميله كوبايه عصير عشان تهدى وهى بالسكه تقابل انشراح وتكون خارجه من المصعد ومتجهه الى خارج المشفى : انشراح : انتى بتعملى ايه هنا عواطف يارب صبرنى : بجيب لست البنات لمون عشان يهديها اجبلك انشراح تبص ليها من فوق لتحت بقرف وتمشى من غير ما تقول كلمه عواطف : لا حول ولا قوة الا بالله .... ربنا يهديكى ويعفى عنا جميعا ..... وتقول للنادل : هات ياابنى اللمون خلينى اطلع تخرج انشراح وتلاقى السواق جايبلها العربيه وتركبها وهى فى الطريق اتصلت بشادى ابنها شادى كان فى النادى كليب ومش سامع موبايله من كتر الدوشه اللى حوليه بس كان بيلعب قمار مع اصحابه وجنبه بنت مرتديه ملابس لا تستر جسداً ولا تخفي عورة وكانت فى ايديها كاس فيه خمره وبتشرب منه شادى وكان على اخره من خسرته المتكرره : سالى اعمليلى كاس تانى سالى وبتوشوش قبل ما تقوم بدلال : اوك يا حبى تامر : ها يا كنج ما تلعب شادى يبص لورقه ويلاقيه ناقص ويشتاط غضبه تانى واحد اخر : ها يا شادى معاك ايه شادى : انا بره الدور ده يا جماعه تامر : ليه يا كنج بس شادى : مصدع شويه هروح اشرب كاس وراجع واحد صديقه اخر : اوك يا كنج روح وارجع منتظرينك وبعد ما مشى اصدقائه يفضلوا ينمو عليه وعلى انه فلس ومعهوش فلوس عشان يكمل لعب وفضلوا يتكلموا عنه كتير ويضحكوا شادى يروح للبار ويلاقى سالى وبنت تانيه هناك : ايه يا حبى جيت ليه انا كنت جيبالك الكاس بتاعك شادى ياخده منها وعلى بوق واحد : بقولك ايه ما تيجى نروح سالى تضع يداها على عنقه بدلاال :اوك يالا بينا بس على بيتك ولا فين شادى : ليه انتى شقتك مشغوله انهارده ولا ايه سالى : اه يا حبى مشغوله شادى بغضب وياخد مفاتيح عربيته ويتركهم : هو يوم باين من اوله البنت الاخرى تقول لسالى : هو ماله افش كده ليه سالى : ههههههههههههههه اصله مسكين خسر فلوسه كلها انهارده البنت : ههههههههههههههه يا حراااااااااام صوعب عليا اوى ياتى ليهم احد اصدقائه ويجالسهم : ما يصعبش عليكو غالى ياختى منك ليها ويطلقوا ضحاكتهم العاليه جميله بتنظر له وهو بياخد كل اللى فى الخزنه ومش عارفه تعمل ايه تصوت ويكون نهايتها على ايده ولا تسيبه ياخد فلوس باباها كانت فى امر صعب جدا وعشانها طيبه قالت لنفسها ممكن يكون محتاج الفلوس لحاجه ضرورى فى حياته اخد باله منها وهى بتنظر له : خلصتى تصوير جميله بغير فهم : ها تصوير ايه الشخص : اصلك بصالى بقالك مده جميله : خلاص خلصت وخدت اللى انت عاوزه الشخص : ايوه يا لوزه اخدت اللى انا عاوزه جميله : اتفضل بقى من غير مطرود الشخص بسخريه ويقرب منها : بتطردينى يا لوزه جميله : لو قربت منى اكتر هصوت الشخص يروحلها ويلوى دراعها وراها : هههههههههههههه لا شجيعه يا بت ورينى هتصوتى ازاى جميله وتبلع ريقها من خوفها : خلاص خلاص اتفضل بقى امشى الشخص : ايوه كده ما كان من الاول طاه يدفعها بعيد عنه ويركض للنافذه عشان يقفز منها زى ما جه وقبل ما يقفز قالها : بيبااااى يا قطه جميله بسرعه : استنى هنا يحدق لها بعينه الواسعتين باندهاش وبدون ان يتكلم ... وهى تنظر اليه وبسرعه وبدون تفكير : تتجوزنــــــــــــى...... | ||||||
|
| |
|
06-04-16, 02:36 AM
| #4 | ||||||
| وقفنا الحلقه اللى فاتت لما اللص سرق الفلوس من خزينه مكتب دكتور بدران ولسه هينط من الشباك فراحت جميله وقفته وقالته تتجوزنى 3/ الشخص فضل متنح كتير اوى ليها وقال لنفسه البت دى واضح عليها انها عبيطه وهبله اوى ... مشيت شويه واتقربت منه لكنها لسه مرعوبه منه لاحسن يعمل فيها حاجه وقالت نفس الكلمه تانى : تتجوزنــــــى الشخص : انتى عبيطه يا بت جميله : ما اسمحلكش الشخص : ما تسمحليش ايه بس مهو كلامك ده بيبين كده جميله : طب اسمعنى فى الاول وبعدين ابقى رد عليا براحتك الشخص يعقد يداه على صدره : اتفضلى سمعك عاوزه تقولى ايه جميله : انا بمر بمرحله صعبه اوى فى حياتى وبجد محتاجه لحد يتجوزنى فتره صغيره وبعدين ننفصل وصدقنى مش هتندم ابدا لانك هتكسب كتير اوى منى ومن المعروف اللى هتعمله معايا الشخص فضل باصص عليها من اول الكلام لحد الاخر وهو مش عارف هيقول ايه ولا ايه اللى بتقوله ده وازاى يعنى تتجوز واحد لقيته بيسرق فلوس من مكتب باباها .... رجعت وقالت له : ها قلت ايه صدقنى مش هتندم ابدا انا هديك اللى انت عاوزه وزياده كمان بس حللى الموضوع ده الشخص يهرش فى راسه : ممممم سيبينى امشيها فى دماغى الاول جميله : تمشى ايه مش فاهمه الشخص :هههههههههه مش بقولك انك هبله اقصد افكر شويه جميله : ااه قول كده اوكيه فكر زى ما انت عاوز بس ياريت تفكر بسرعه لانى محتاجه ردك ضرورى الشخص : طيب ماشى انا هفك بقى دلوقتى قبل ما حد يجى ويشوفنى جميله : طيب الاول ادينى فونك الشخص : فون ايه انا ماعنديش موبايل جميله : امال هكلمك ازاى الشخص : مش عارف اتصرفى انتى بقى جميله بعد نفاذ صبر فتحت شنطتها الكروس وطلعت منه موبايل قديم وادتهوله الشخص ينظر ليه وبسخريه يقولها : ههههههههههههههه بنت دكتور مشهور وعندكم املاك كتير ومش هاين عليكى تجبيلك موبايل عدل اما انتى رمه بصحيح جميله بدموع على وشك النزول : ارجوك بقى كفايه انا استحملت اهانتك بما فيه الكفايه مش عاوز الموضوع من دلوقتى تقول وخلاص بس تهني كل شويه كده مش هسمحلك الشخص وشكله صعبت عليه جميله وفكر بانها ممكن فعلا تكون بتمر بمحنه فقالها بصوته الرخيم : طيب خلاص خلاص كنت بضحك معاكى اصل بصراحه مش موبايل ده فى احدث بكتير بشوفهم فى التلفزيون جميله تمسح دموعها : اولا انا مش بحب الرسميات والكلام ده ثانيا ده فون مامى الله يرحمها وعزيز عندى اوى بس مش قدامى غير انى اديهولك موقت لحد ما اعرف ردك ايه وبعدين هخده منك تانى ينصر للهاتف ويحطه فى جيبه : طيب يا حلوه انا هكت بقى لاحسن سامع حد جاى على هنا جميله : اوكيه اتفضل وياريت ما تقفلش الموبايل عشان اعرف اوصلك الشخص : تمام يا حلوه سلاموز جميله : استنى هنا الشخص : فيه ايه تانى رجعتى فى كلامك ولا ايه جميله : لالالا ما اقصدش انا لسه ما اعرفش اسمك ايه الشخص : اه اسف اسمى سحس جميله : ايه اسمك ايه الشخص : ايه بقولك سحس مش فاهمه كمان معناه ولا ايه جميله : لالالا مش مهم دلوقتى المهم مش هفكرك رد عليا باقصى سرعه ارجوك الشخص : ماشى يا حلوه ... ما اتعرفناش بقى بالجميل اسمه ايه جميله : جميل مين تقصدنى انا الشخص : ههههههههههههه لا الحيطه اللى وراكى ... هو في حد غيرك هنا يا حلوه جميله : اسمى جميله الشخص : يا صلاة النبى احسن جميله وانتى على بعضك جميله جميله : ميرسى لزوقك اتفضل بقى امشى من هنا لاحسن حد ياخد باله يفتح الشباك سحس اخيرا وينط منه وهى تجرى وتبص عليه تلاقيه بيركض بسرعه رهيبه من داخل المشفى لحد السور ونط وبص عليها وبعدين اختفى قالت لنفسها : مش عارفه اللى عملته ده صح ولا غلط بس اكيد مصلحه عشان بابى مهو مش هينفع اتجوز شادى ابن عمتى ده ابدا ************************************************** * مر الليل واتى النهار عليهم واذا باشعه الشمس تشع شعاعها الذهبى على وجهها البرىء داخل غرفتها بالفيلا ... دادتها تزيح الستائر لتدخل الشمس بكل نورها الى الغرفه جميله : صباح الخير يا داده عواطف : صباح الخير يا ست الجميلات جميله : يااااه يا داده انتى لسه فاكره عواطف : وما افتكرش ليه انا هفضل اقولك كده لحد ما عمرى ينتهى جميله تقوم وتروح ليها وتحضنها : ما تقوليش كده يا داده الله يخليكى انا ماليش حد فى الدنيا غير بابى وغيرك عواطف : يابنتى دى اعمار وكل واحد وليه يوم يتلاقى فيه ... يلا يلا بلاش لكاعه انا حضرت الفطار تحت صلى الصبح والبسى وانزلى يلا جميله : حاضر ************************************************** * فى شقه كبيره كانت تقطن بها انشراح اخت بدران ومعاها اولادها وائل وشغال محامى وكان متجوز بس مراته توفت ومن ساعتها وهو ضارب عن الجواز .. والتانى شادى ... كانت داخله فى غرفته وزاحت الستائر واذ هو ينهض وينظر لها ثم يغطى وجهه كله بالكوفرته ... تروح عنده وتسحبها منه : كفايه كده نوم قوم عشان هنروح زى ما قولتك امبارح شادى يغطى وشه تانى : لسه بدرى الساعه لسه ما جتش 9 انشراح : انا قلت ايه احنا هنعيده تانى ولا ايه يا شادى شادى يقوم ويجلس على السرير ويهرش فى راسه : حاضر قومت اهو حاجه تانى انشراح : خد شاور والبس احلى حاجه عندك وحصلنى على بره مستنياك وتتركه وتخرج بره تلاقى ابنها وائل فى غرفه مكتبه بيحضر اوراق له تخص قضيه : بتعمل ايه عندك وائل : صباح النور يا امى انشراح تذهب له : قلت ميت مره بلاش كلمه امى دى اسمها ماما مامى مش هتنسى ابدا انك اتولت فى بيئه تانيه وائل : وليا الشرف انى اكون منها يا ماما كويس كده انشراح بانفعال : مش عاوزه اتخانق انهارده بذات ها قلت ايه رايك هتيجى ولا هتخليك هنا وائل : زى ما قلتلك امبارح انا هفضل هنا ومش همشى انشراح : براحتك بس اعمل حسابك حُسنيه هاخدها معايا هناك لانى مش معايا فلوس ادفعلها انت عارف الازمه اللى بنمر بيها ينظر لها ناظره لها معنى : وانتى هتقوليلى بالازمه دى منا عارفها كويس اوى ياتى اليهم شادى وقد تألق فى ملابسه مثلما قالت له انشراح منذ قليل : انا جاهز يا شوشو تنظر اليه وتبتسم بمكر وتمشى ويداهم متشبكان ... اما وائل فيظل ينظر لهم لحد ما سمع صوت قفل باب الشقه : ربنا يهديكو على اللى فى دماغكو ... جميله طيبه وماتستهلش اللى بتفكرو فيه ده ابدا ************************************************** * كانت داخل المطبخ بتعد الافطار لجميله ولها ليدخل اليها من باب المطبخ الخارجى الجناينى ومعه الورد بتاع كل يوم عواطف : عمرك ما تنسى ابدا فى ميعادك يا عثمان ربنا ما يقطعلك عاده عثمان : يارب قوليلى اخبار الباشا بتاعنا ايه عواطف : مخبيش عليك يا عثمان تعبان اوى ومحتاج عمليه عثمان : طيب ما يعملها مستنى ايه عواطف : مستنى يفرح بجميله انا قلقانه اوى عليه والله عثمان : ربنا يقومه لينا بالسلامه عواطف : يارب يا راجل يا طيب يلا خد السندوتشات بتاعتك اهى انت بقى صب الشاى عثمان : حاضر تسلمى يارب تخرج عواطف من المطبخ وتركض للمائده لتضع عليها الطعام فتسمع طرقات الباب : ياترى مين اللى جاى دلوقتى يارب اجعله خير تفتح الباب تلاقيها انشراح وشادى وكانت وراهم الخادمه و البواب حامل حقائب كثيره لهم انشراح : وسعى كده هتفضلى متنحه كتير عواطف : لا ابدا اتفضلى يا ست انشراح انشراح : اسمى انشراح هانم يا عواطف كذا مره اقولهالك عواطف : حاضر يا انشراح هانم اتفضلى انشراح : امال فين جميله جميله ترد عليها وهى نازله : انا اهو يا عمتو انشراح : ازيك عامله ايه جميله تنظر الى الحقائب : الحمدلله تمام فيه حاجه انشراح : اه فيه ... وتنظر لعواطف اللى كانت لسه واقفه بتنظر لها : ايه يا عواطف انتى هتفضلى واقفه كتير ولا ايه ما تروحى تحضرى الفطار عواطف : حاضر يا انشراح هانم وتمشى عواطف وتترك جميله مع عمتها اللى اول ما عواطف مشيت قالت لها : امبارح وانا مع بدران وصانى عليكى بانى اخلى بالى منك فقلت يا شوشو ما تروحى تقعدى مع بنت اخوكى واهو تونسيها لحد ما يخرج بدران بالسلامه جميله : بس انا كويسه ومش محتاجه وصايا من حد انشراح : والله الكلام ده بقى قوليه لباباكى مش ليا انا شادى : انتى مكنتيش عاوزانا ولا ايه يا جوجو جميله : اولا انا مش اسمى جوجو ثانيا انا هسال بابى على الموضوع ده شادى : اساليه وهو هيقولك بنفسه يلا بقى فين اوضتى عشان اطلع ارتاح شويه انشراح : استنى يا دودو دلوقتى عواطف هتطلع ترتبلنا الاوضتين اللى فوق جميله : داده عواطف مش خدامه انشراح : وهو انا قلت حاجه غير كده ... عشان كده جبت معايا حُسنيه اهى تساعد برده جميله تتراكم فى عيناها دموع كثيره فيشوفها شادى وبسخريه يروح لانشراح ويقولها : تؤ تؤ تؤ ليه بس كده يا مامى شوفتى هتخليها تعيط المسكينه جميله وتحاول التماسك : بعد اذنكم عشان لازم اروح لبابى المستشفى دلوقتى انشراح : اه اوى روحى انتى وما تقلقيش انا هرتب كل حاجه منا من دلوقتى بقيت ست البيت ده كله تنظر لهم وهما بيضحكوا وتركض بسرعه الى المطبخ لتحضن عواطف : دول خلاص اتحكموا فيا يا داده عواطف : اهدى انتى بكده هتبينلهم انك ضعيفه ومكسوره كده هيفترسوكى .... جميله بدران مش ضعيفه ولا فريسه سهله فاهمه تفضل بحضنها وتبكى اكتر من الاول وبعدين تتذكر سحس وحوار الجواز التمثيلى وتروح جرى تطلع من الباب الخلفى للمطبخ وتتصل بيه على هاتف والدتها ليرد بعد اول رنه جميله : الو سحس : ايوه مين اللى بيكلم جميله : انا جميله فاكرنى سحس : ههههههههههه وهل يخفى القمر برده جميله : ميرسى لزوقك ها فكرت سحس : انتى مالك متسربعه كده ليه لسه الصبر طويل جميله : معلش انا محتاجه اعرف ردك دلوقتى حالا ارجوك ساعدنى سحس : طيب نتقابل الاول عشان نتفق على التفاصيل جميله : طبعا هتنقابل بس الاول قولى ردك موافق ولا ايه بسخريه يرده عليها : مش بقولك انت ذكيه اوى مهو انا طلبت نتقابل نتفق يبقى ايه بالمفهوميه كده جميله : اه سورى مخدتش بالى اوكيه تحب نتقابل فين سحس : قولى انتى يا حلوه جميله : طيب انا هروح دلوقتى اطمن على صحه بابى وهكلمك واعرفك امتى وفين اوكيه سحس : اشطه يا جميل جميله : اشطه !!؟؟ اوكي اوكى يلا سلام سحس : سلام يا حلوه | ||||||
|
| |
|
07-04-16, 04:11 AM
| #5 | ||||||
| ~¤الفصل {4} ¤~ وقفنا الحلقه اللى فاتت على ان انشراح وابنها شادى راحو يقعدو معاها فى الفيلا وانها حزنت كتير لكنها فكرت فى اتفاقها مع اللص سحس فكلمته واتفقوا يتقابلوا وانها هتكلموا تانى عشان تعرفه الميعاد بعد ما فطرت مع عمتها وابن عمتها راحت المستشفى لوحدها المره دى لان عواطف طلبت منها انها تفضل عشان تراقب انشراح وابنها ليعملوا حاجه لانها شاكه بانهم بيفكرو بشىء خطير قعدت فى اوضه باباها وكانت بتاكله بايدها معلقه ذبادى منزوعه الدسم : دى وخلاص يا بابى بدران بتعب : كفايه كده انا مش قادر جميله : عشان خاطرى دى وبس بدران ياكلها منها وهى تمسحله فمه بمنديل وتعدله لبسه : ها ايه اخبارك جميله تخفى حزنها : الحمدلله كويسه كتير بدران : بجد جميله : ايوه بجد يا حبيبى بدران : طيب كويس.. انتى قابلتى دكتور منتصر تانى جميله : لا لسه ليه فيه حاجه بدران : اصل كلمنى على دكتور وليد وطلبه ليكى جميله تتذكر وليد اللى اتعين فى المشفى من فتره قصيره واول يوم شافها فيها راح قال لدكتور منتصر عليها وانها عجباه وعاوز يتقدملها لكنها رفضته لانها شعرت بانه طمعان فيها وفى ثروتها .. فاقت من شرودها لما باباها ندى عليها : روحتى فين يا حبيبتى جميله : ها لا ابدا يا بابى انا معاك بدران : طيب قولتى ايه جميله : ممكن بس يا حبيبى ما ترهقش بنفسك بالكلام ده بدران : انا عاوز اطمن عليكى يا حبيبتى جميله : هتطمن ان شاء الله عليا قريب بس انت بلاش تتكلم كتير بدران : بجد يعنى فيه حد ويقاطع ردها رنه هاتفها لتخرجه من شنطتها تلاقيه رقم مامتها فتتوتر لانها عاوزه ترد ومش عارفه هتعمل ايه وباباها موجوده بدران : مش هتردى ولا ايه تكنسل عليه : مش مهم اصلها لمياء وانا مش فاضيه للرغى بتاعها بدران : وهى عامله ايه خطيبها خلاص اتعين فى المستشفى جميله : اه يا بابى دول فرحانين اوى ربنا يخليك لينا يا احن اب فى الدنيا كلها ... ودفنت راسها فى حضنه وفكرت فى اتصال اللص وكانت عاوزه تكلمه عشان تشوفه فيه ايه بس اتحرجت عشان باباها فاول ما الممرضه دخلت عشان تديلو حقنه حمدت ربنا واستأذنته بحجه انها مش بتحب تشوفه وهو بيتألم وده حقيقى فعلا ... خرجت بره وراحت على جنب واتصلت بيه ورد على طول جميله : الو فيه ايه وليه اتصلت بيا مش متفقين ان اللى هكلمك سحس : حيلك حيلك بقولك ايه من الاول هتعلى صوتك عليا يبقى نفضنا من ام الموضوع ده اه انا راجل وليا كلمتى وليا شخصيتى اه جميله : اوكيه ايام سورى اصلى قلقت لما كلمتنى سحس : انا قلت افكرك احسن تكونى نسيتى ولا حاجه جميله : لا ما نستش ولا حاجه انا فاكره كويس سحس : طيب ها ميعادنا امتى جميله : كمان ساعه هنا سحس : هنا فين لامؤاخذه جميله : هنا فى المستشفى سحس : انتى ناويه تبلغى عنى ولا ايه جميله : لا والله العظيم ليه بتقول كده سحس : امال ليه عندك المقابله ما تخليها بره احسن جميله : بره فين انا مش متعوده اقابل ناس اغراب فى اماكن عامه سحس : حلوتك امال بتحبى تقابليهم فين يا قطه قولى قولى ما تتكسفيش جميله : على فكره انت قليل الادب وانا لولا الازمه اللى بمر فيها كنت علمتك الادب من اول وجديد سحس : لالالا انتى اللى زوتيها يا قطه بقى وكلمه زياده مش هخلى الدبان الازرق يعرف مكانك انتى فاكرنى مين اكونش سوسن ولا توتى صحابك انا سحس والاجر على الله جميله بنفاذ صبر : اوكيه اوكيه هستناك بعد ساعه فى جنينه المستشفى سحس : اوكيه يا قطه سلام جميله بعد ما قفلت معاه ندمت انها اصلا كلمته فى موضوعها وكانت نفسها تقول لدادتها بس استنيت لما تعرف الاول ايه رده عليها .... وفعلا بعد ساعه كانت قاعده فى جنيه المشفى ماسكه مجله تقرأ فيها لقيت شخص يجر كرسى ويقعد امامها نزلت نظارتها الشمسيه لتراه شخص طويل القامة ... ذا عينين عسليتين ولحيه منبته ومرتدى تيشيرت ابيض وبنطلوان جينز ازرق وكاب ونظاره شمسيه ... واول ما جلس على الكرسى خلع الكاب والنظاره ووضعهم على الطاوله ورسم ابتسامه على شفتاه : مالك مبحلقالى كده ليه جميله بارتباك من اللى شيفاه قدام عيونها : انت مين سحس يطلق ضحكه عاليا تهز المكان كله : هكون مين يعنى جميله بشك : انت الحرامى سحس : تؤ تؤ تؤ ما اتفقناش على كده اسمى سحس جميله تنظر اليه تانى وعلى شعره البنى الناعم : احم ما علينا نبدا الكلام سحس : نبدا ها ناويه على ايه بقى جميله : احنا هتنجوز لحد ما بابى يعمل العمليه ويقوم بالسلامه وبعد كده كل واحد هيروح لحاله سحس : ما اختلافناش جميله : بس احنا هنتفق يعنى مفيش حد هيرجع بكلامه تانى سحس : وانا راجل واد كلمتى جميله وهى شاكه بانه هو اللص الذى قد سرق مال والدها من خزينه مكتبه : انت بجد الحرامى سحس يطلق ضحكه قويه اخرى تهتز بها هى المره دى : والله العظيم هو اعمل ايه تانى بس يخربيت دى شغلانه يا هوووو جميله : اصلى بصراحه شاكه فيك هايئتك بتقول انك مش حرامى سحس : تقصدى على اللبس مهو ده بقى الشغل انتى فاكره الحرامى دلوقتى زى زمان لبسه كله مقطع وشعره منكوش وواخدله بشله فى وشه لالالا احنا بنشتغل باللبس ده عشان محدش يشك فينا جميله بعدم فهم ما قاله : اوكيه مش هنختلف اتفضل قول طلباتك سحس : هو كام يوم الجواز ده جميله : مش عارفه لسه حسب صحه بابا اكيد سحس : اوكيه انا هاخد ربع مليون يا قطه ودا اكرميه منى ليكى اه احنا جدعان اوى ونعجبوكى جميله : اوكيه موافقه سحس بينه وبين نفسه : اخيييه ياريتنى طلبت اكتر شكلك واقعه واقعه جميله : انا مش هديلك الفلوس دلوقتى الا بعد كتب الكتاب وهديك ساعتها النص وبعد الطلاق النص التانى اتفقنا سحس : ليه بقى العوج ده جميله : عوج ايه وياريت تتكلم كلام مفهوم عشان افهمك كويس سحس : انا عاوز الفلوس كلها كاش وفى يوم واحد جميله : مش هينفع انا هديك النص بس فى الاول سحس : ماااااااشى يا ستى وانا مش هخلفك برده الزوج الكويس بيعمل للمودام بتاعته قيمه بردك جميله ويأست من كلامه الغير مفهوم وتقول لنفسها : شكلك هتاخد شغل كتير اوى انا ايه اللى هبتته ده بس سحس : بتقولى حاجه يا ابله جميله : ايه ابله دى اسمى جميله قلتلك سحس : خلاص براحه ما تزقيش هنتجوز امتى يا جميله الجميلات جميله بشك : انت مين اللى قلك على جميله الجميلات دى سحس يضحك : محدش قالى انا عرفت من نفسى اصلى فصيح طول عمرى جميله : اوكيه انا بكره هقول لبابى وهكلمك عشان اعرفك بالميعاد اللى هتقابله فيه سحس : اوكيه يا عسليه جميله : ممكن بلاش الكلام ده وتتكلم كويس زى الناس المتحضره سحس : وماله بقى كلامى جميله : ياريت تنساه شويه لحد ما التمثليه تخلص وبعدين ابقى اعمل اللى انت عاوزه سحس : اوكيه يا لوزه خلاص خلاص اوكيه يا جميله حلو الكلام جميله : انا هقوم بقى عشان اطلع اشوف بابى ومش هوصيك وخلى الفون مفتوح عشان اكلمك سحس : ماشى ماشى جميله تقوم وتتركه وتمشى لكنها التفتت اليه وجدته بيلبس الكاب ونظارته الشمسيه ومشى باتجاه باب المشفى الرئيسى فقالت لنفسها : مش عارفه ليه قلبى اتقبض من بعد ما شوفتك استر يارب ************************************************** ***** بتقولى ايه هتتجوزى حرامى الجمله ده قالتها عواطف بعد ما سمعت كلام جميله بخصوص طلبها للجواز من سحس جميله : اصبرى بس يا داده وافهمى عواطف : اصبر ايه واهبب ايه طب شادى وادينا عرفينه فى الاخر ابن عمتك واكيد مش هيعملك ضرر فى حياتك انما عاوزه تتجوزى واحد ما تعرفيش عنه اى حاجه وكمان حرامى ازاى يعنى جميله : يا داده منا مش هتجوزه جواز بجد تؤ هتجوزه تمثيل داده : فى الاخر اسمه جواز على يد مأذون واللى هتتجوزى على يد شيخ منصر جميله : يا داده ما لقتش حل غير ده قدامى داده : طب افرضى ضحك عليكى عمل فيكى حاجه وهرب يابنتى دول بيسرقوا الكحل من العين ازاى تأمنيه على حياتك انا نفسى افهم جميله : اهو اللى حصل بقى هتخليكى معايا ولا هتتخلى عنى داده : يا بنتى انا معاكى لانك عارفه انتى بالنسبه ليا ايه بس بصراحه مش هبقى مبسوطه وانا شايفاكى بترمى نفسك بالطريقه دى جميله : صدقينى يا داده الحل اللى لقيته قدامى عجبك يعنى اوافق على شادى عشان عمتو تتحكم فيا اكتر من كده وكمان ياخده كل حاجه منى ولا اوافق على دكتور وليد اللى اول ما اتعين وعرف انى بنت صاحب المستشفى طلبنى للجواز مفيش غير الحل ده صدقينى عواطف كان هاين عليها تعيط عليها وعلى حال جميله بس كانت خايفه من التمثليه اللى عاوزه تمثلها مع واحد هتقول عليه انه جوزها عشان باباها يعمل العمليه وهو مطمئن عليها جميله : ها يا داده فهمانى عواطف تاخدها فى حضنها ويعيطوا مع بعض : اللى فيه الخير يقدمه المولى يا جميله يا بنتى احنا هنعمل اللى علينا وهنصلى سوا استخاره دلوقتى والباقى على الله ان شاء الله ************************************************** ***** تانى يوم الصبح كانوا فى غرفه والدها ومنتظره منه الرد النهائى على العريس المتقدم لخطبتها بدران : وانتى عرفتيه ازاى وامتى يا جميله جميله تنظر لعواطف اللى كانت نفسها تتشق الارض وتبلعها وما تشوفش اليوم ده جميله : ده كنت عرفاه فى كندا لما كنت بدرس هناك واتقطع الاتصال ما بينا خلال الفتره اللى فاتت ولما رجع مصر كلمنى واتقابلنا هنا وقالى انه معجب بيا وكده يعنى بدران : بس انتى ما قولتيليش حاجه زى كده جميله : مهو مهو اصل الاتصال ما بينا كان اتقطع وكنت نسيت خالص بس لما رجع وكلمنى حسيت انه بيحبنى بجد وانى بجد عاوزاه بدران : انتى شوفيته يا عواطف جميله تنظر لعواطف برجاء : ايوه يا باشا شوفته هو كويس باين عليه محترم اوى بدران : خلاص خليه يجى يقابلنى يا جميله انهارده الساعه 8 بالليل جميله : بسرعه كده يا بابى بدران : انتو مش بتقولو عليه كويس ولا ايه جميله : اه اه كويس اوى بدران : طيب خلاص خير البر عاجله كلميه وخليه يجى يقابلنى ونشوفه جميله تنظر الى عواطف ثم اليه : اوكيه هكلمه بدران : هو شغال ايه جميله وقعت فى الفخ لانها مكنتش عارفه هتقول لباباها ايه بس عرفت تغير الموضوع وكمان انشراح جت وانقذتها من المازق ده انشراح : ازيك يا بدران عامل ايه دلوقتى بدران : الحمدلله تمام بالليل عريس جميل جاى ابقى خليكى عشان تشوفيه انشراح : عريس ؟؟ بدران : ايوه عريس يا انشراح هيتقدم بالليل لها انشراح عوجت بوقها ولنفسها انت روحت بس يا شادى : طيب على خير الله ************************************************** ***** فى نادى كليب فى وسط البلد نجد فيه شادى وباقى اصدقائه على طاوله قمار بيلعبوا وبعد خسارته المتتاليه سحب فلوس كسلفه من احدى اصدقائه تامر : انت انهارده خسرت كتير يا شادى شادى : لازم اعوض باى شكل عماد صديقه : يبقى هتستلف تانى يا كنج شادى : ما قلتلك كل اللى باخده منك هردوهولك بعد ما انول المراد عماد : احنا بنسمع منك الكلام ده بقالنا فتره ومش باين يعنى حسابك تقل اوى ده عدا ال 20 الف تامر : وحتى لو وصل لمليون الكنج ادها وادود ده ابن اخت اكبر دكتور مشهور اوى اوى اوى شادى يشرب كوبابه الخمره على بوق واحده ويقول : وقريب هكون جوز بنته الوحيده تامر : يعنى اللى هيأش فى الاخر شادى : عليك نووووووور اللى هيأش فى الاخر ************************************************** ***** نلاقيها تحت واقفه منتظره سحس وطلبت منه ياتى قبل الميعاد بساعه عشان تتكلم معاه فى الموضوع اللى هيقوله لباباها وهتتفق معاه على كل حاجه .. بصيت للدادتها اللى كانت واقفه معاها انا مش عارفه ايه اللى جبنى معاكى هنا جميله : يعنى كنتى عاوزه تسيبنى لوحدى يا داده جميله : مش انتى اتفقتى وقاعدتى معاه ايه لزمتى دلوقتى جميله : بصراحه مش عارفه ليه خوفت اوى لما بابى قالى انه عاوز يقابله انهراده عواطف : وما خوفتيش ليه لما قاعدتى لوحدك معاه واتفقتى جميله : مش عارفه بقى ... بس قاطع كلامهم شخص اتى اليهم من بعيد ... اهو يا داده وصل عواطف : فين ده جميله : اللى جاى علينا ده كان مرتدى قميص كارو ازرق وبنطلون جينز عواطف تبص عليه من فوق لتحت بااستغراب : ده الحرامى ياترى ايه اللى هيحصل هتعرفو بعدين امووووووووووه | ||||||
|
| |
|
07-04-16, 04:13 AM
| #6 | ||||||
| ~¤الفصل {1} ¤~ وقفنا الحلقه اللى فاتت عند جميله وعواطف كانوا منتظرين سحس تحت فى حديقه المشفى عشان يتفقو معاه على الكلام اللى هيقولو لباباها سحس : مساااء الخير جميله : مساء النور اتفضل اقعد سحس ينظر لعواطف اللى كانت بتبص عليه بشك وخوف من فوق لتحت : مين الحاجه عواطف : حاجه فى عينك سحس : ايييييه هنبتدى بقى ولا ايه جميله : فيه ايه بس معلش اهدى يا داده ارجوكى سحس : داده هههههههههه عواطف : مالها الداده يا حبيبى سحس : ملهاش يا ستى ها اؤمرى جيبانى على ملا وشى بدرى كده ليه جميله : الاول مش كنا متفقين انك تتكلم كويس عشان محدش يشك فيك سحس : اوكيه يا قمر ها حلو اللون عواطف ما يعجبهاش تصرفاته ولا كلامه : شكلك هتغلبنا معاك يااسمك ايه انت سحس : اسمى سحس يا مودام عواطف : مودام ؟؟ سحس : امال اقولك ايه يا خالتى عواطف : لا بقولك ايه اقعد عدل واتكلم بادب انا مش تربيه سريات يا حبيبى سحس : لا خوفتينى يا تنت عواطف : اللهم يطولك يا روح سحس : حاسبى بس لتفرقع منك يا تنت عواطف : طنت فى عينك بقولك ايه احترم نفسك وما يغركش كبر سنى لا انا لسه شباب وممكن اقوم عليك اوريك شغلك سحس : حلوتك يا تنت يا قمر ايوه بقى جميله : ارجوكم بقى كفايه خلينا نخلص سحس : الله مش هى اللى بدات جميله : طيب بليز اهدى شويه دلوقتى عاوزين نتفق هنقول ايه لبابى على شغلك وكمان وانت بتتكلم معاه بلاش تزعجه بكلامك لانه مش مستحمل يعنى واحده واحده وتتكلم بطريقه كويسه سحس : ما تقلقيش هعجبك هتتفاجىء اساسا منى جميله : اوكيه لما نشوف هتقوله بقى انت شغال ايه سحس بتفكير كبير : مممممممم ايه رايك لو قلت انى طيار اصلى كنت نفسى اطلع طيار من زمان عواطف : ياريت كنت طلعت طيار كانت الطياره وقعت بيك وريحتنا منك سحس : بتقولى ايه يا مودام انا سمعك جميله : ما بتقولش دى بتهزر معاك سحس : اه بحسب ها يلا بقى نطلع لابوكى عشان ورايا شغل جميله : شغل ايه مش متفقين هتكون ليا وبس الفتره دى على الاقل سحس : يعنى بلاش اشتغل لالالا ما يرضكيش ده حتى الايد البطاله نجسه جميله : ارجوك ارجوك بلاش الكلام ده بليز قدام بابى سحس : ما قلتلك هتتفاجىء فوق منى ومن اللى هقوله جميله : ربنا يستر ما تنساش بس ..... احنا اتقابلنا فى كندا لما انا كنت بدرس هناك وانت كنت فى شغل اوعى تنسى حاجه سحس : يا ستى مش هنسى قولتلك يلا بقى خلينا نخلص من ام الحوار داهو ************************************************* كانت قاعده لسه معاه انشراح اخته وكانت على اخرها من ساعه لما قالها بموضوع العريس اللى متقدم لجميله بنته وشكلها موافقه عليه : انا بصراحه مش موافقه يا بدران وكمان انت اى حد كده هتوافق بيه بدران : يا انشراح زى ما قلتلك انا مليش دخل فى حياتها تانى كفايه مره وندمت بعدها وكمان ده جواز يعنى عشره طويله انشراح : وانت شوفته بدران : لا هشوفه دلوقتى اانشراح : اه عشان كده نزلت وخدت عواطف معاها بدران : ايوه راحو يستقبلوه تحت انشراح : شادى هيزعل خالص انت ما تعرفش بيحبها اد ايه بدران : الجواز فى الاخر قسمه ونصيب ولسه مش عارفين النصيب فين يا انشراح انشراح : طيب ادينا قاعدين لما نشوف العريس الغفله ده كمان مين بدران : وائل عامل ايه انشراح : كويس بدران : هو مارحش معاكى الفيلا ليه انشراح :اصل اه عنده شغل كتير وقالى انه هيفضل فى الشقه لحد ما يخلصه انت عارفه ما بيحبش الدوشه بجدران : دوشه ايه بس ما البيت عندى واسع وكمان كان هيدرس القضايا بتاعته فى مكتبى تحت انشراح : مش عارفه بقى هو قالى كده وخلاص بدران : وشادى بيروح الشركه انشراح : ها اه طبعا يا بدران بيروحها ده حتى يا حبيبى بيتعب اوى فيها هناك بدران : طيب كويس خليه يخلى باله منها انشراح :اه طبعا امال ايه ما تقلقش من الناحيه دى خالص حتى اسال عليه هيقولوك انه بيروح ومخلى باله منها وهو فيه زى شادى ولا امانه شادى انا عيالى مفيش زيهم يا بدران بدران : طبعا ربنا يوفقهم فى حياتهم انشراح : ياااااااارب ياخويا يااااااااارب ************************************************* لتطرق الباب وتفتحه وتدخل تلاقى عمتها لسه موجوده وتقول لباباها : بابى اااا ... وتفتكر انها ما تعرفش اسمه ايه هتقول ايه بدران شعر بانها محرجه فقالها : فيه ايه مالك هو جه جميله : اه اه برره بدران : خليه يدخل طيب جميله : اوكيه تخرج لسحس وتلاقيه واقف بيتكلم مع عواطف فتقوله : اتفضل وبليز حاسب على كلامك معاه سحس : ما قلتلك اطمنى على الاخر ياحلوه عواطف : والله انا خايفه على صحه الباشا منك سحس : ليه يا مودام بس انا بعبع ولا ايه انا حتى بنى ادم زى زيك عواطف : طيب يلا يا بنى ادم اتفضل للباشا وحسك عينك تتكلم كلمه كده او كده سحس : الموادم دى عصبيه اوى يا جميله شكلها هتتعبنى ..... ويدخل جوه وجميله من وراه وتقول لنفسها : والله انت اللى شكلك هتتعبنى معاك ربنا يسترها سحس اول ما يدخل يجد بدران راقد على سريره وبجانبه اخته انشراح اللى اول ما شافته بصت له من فوق لتحت بنظرات ناريه : السلام عليكم بدران : وعليكم السلام ورحمه الله وبركاته اهلا وسهلا يا ابنى اتفضل سحس : والله ما انت قايم خليك مرتاح صحتك اخبارها ايه بدران : الحمدلله تمام سحس : يارب دايما يا باشا انشراح بارف : اهلا بيك ما اتعرفناش اسمك ايه جميله وعواطف ينظرو لبعض بقلق واضح بينما انشراح واخده بالها من نظراتهم وكلام سحس : اسمى حسين ... حسين دهشان بدران : اهلا وسهلا جميله تتنهده بارتياح بينما يكمل بدران حديثه معه : بيتهألى انا سمعت اسم دهشان ده قبل كده انت من عيله دهشان اللى فى اسيوط حسين : لا حضرتك احنا من هنا مش من هناك هههههههه بدران : اهلا بيك ياابنى تشرفنا حسين : عشت الله يحفظك بدران : طيب خلونى مع حسين شويه لوحدينا جميله : ايه بدران : خدى عمتك وعواطف واطلعوا بره شويه عاوز اتكلم مع حسين لوحدنا جميله تخاف من حسين وممكن يقع فى كلمه كده او كده معاه لكنها طاعت امر باباها وخرجت بره انشراح: انتى عرفتيه ازاى جميله مكنش واخده بالها من السوال لانها كانت بتفكر فى اللى بيحصل جوه وخايفه كتير لكن عواطف نكزتها عشان تفوق : نعم يا عمتو بتقولى ايه انشراح :لالالا انتى مش معايا خالص جميله : سورى كنت سرحانه شويه انشراح : سرحانه من دلوقتى ما علينا انتى اتعرفتى عليه فين وامتى جميله : من ايام دراستى فى كندا انشراح : ااااه يعنى هو كان بيشتغل هناك جميله : ها اه اه انشراح : هو شغال ايه جميله تنظر لعواطف لتنجدها من كلام عمتها وفعلا عواطف تدخل وتتكلم : انشراح هانم اجبلك شاى انشراح : لا ميرسى مش عاوزه حاجه ليتفاجئو بحسين خارج من الغرفه وكان على وجهه ابتسامه بسيطه جميله : ها ايه الاخبار عواطف تنحنحت عشان تعرفها ان انشراح واقفه معاهم وجميله خدت بالها حسين بأدب : بابا هيقولك دلوقتى جميله : اوكيه ماشى حسين : مش عاوزه حاجه منى تانى جميله : لا ميرسى هنبقى نتكلم فون بقى حسين : اوكيه هستنى منك مكالمه باى جميله : باى حسين وهو معدى جنب عواطف : بيباى يا تنت ههههه عواطف فى سرها : الهى ما توعى تلحق تروح بيتكم يا بعيد وتدخل جرى عند والدها لتسمع منه ما يقوله بدران : هو شخص كويس ومن عيله محترمه انشراح : انت عرفته يعنى قالك على عيلته يا بدران بدران : لا ما قالش واضح عليه انه طيب وخجول كمان ينظرو لبعض جميله وعواطف باندهاش وتقول جميله : هو مين ده يا بابا اللى خجول بدران : حسين يا حبيبتى انشراح :بس انا شاكه فيه مش عارفه ليه بدران : مش المهم احنا يا انشراح المهم جميله ايه رايك يا حبيبتى جميله : اللى تشوفه يا بابى انا موافقه عليه بدران : بكره هخلى منتصر يسال عنه وبعدين ربنا يقدم ما فيه الخير جميله فى سرها : ربنا يستر | ||||||
|
| |
|
07-04-16, 04:16 AM
| #7 | ||||||
| ~¤الفصل {6} ¤~ وقفنا الحلقه اللى فاتت على ان والد جميله قالها انه هيسال عن حسين دهشان العريس الملقب بــ سحس كانت فى نفس اليوم نائما فى غرفتها لكنها فجاه استيقظت بعد ما سمعت صوت ياتى من الخارج لبست السدال بتاعها وفتحت باب اوضتها وسمعت ان الصوت جاى من تحت فنزلت براحه خالص عشان محدش ياخد باله لكنها توقفت فى منتصف السلم لما رأت خيال لشخص داخل غرفه مكتب والدها ... قالت لنفسها : هعمل ايه دلوقتى تلاقيه حرامى وتذكرت حسين وقالت اكيد هو .. وبصوت تحدى : والله لو كنت انت لهوريك الغبيه الهبله دى هتعمل ايه فيك .... وفعلا ركضت بسرعه الى المكتب وقامت بفتح الباب واشعال النور واتفاجئت باابن عمتها شادى وهو واقف وبيحاول يفتح الخزنه جميله بفزع : شادى انت بتعمل ايه عندك شادى بارتباك ووضاح عليه حاله السكر : انا انا جميله : انت ايه اتكلم شادى : اصلى سمعت صوت من هنا وجيت اشوف من فين جميله : صوت ايه وايه اللى موقفك عند الخزنه بتاعه بابى ... وتروح لهناك عشان تشوفه اخد ايه لكنها فرحت لانه ما قدرش انه يفتحها : اتفضل امشى من هنا لو سمحت شادى وهو بينظر لها من فوق لتحت بشهوانيه : امشى اروح فين بس ما تيجى معايا جميله تبعد ايده عنها : ابعد عنى وايه ريحتك دى انت شارب ايه شادى : هههههههه شارب ولحيه جميله : شادى اخرج بره بدل ما اصحى عمتو تيجى تشوفك شادى : هههههههههههههه صحيها خليها تيجى تشوفنى وانا وانتى هنا متلبسين عشان نتجوز بسرعه اقولك انا هصلح غلطتى معاكى جميله : ايه انت اتجننت ولا ايه شادى وبيحاول يعتدى عليها وهى بتقاومه : ابعد عنى يا داده يا داده الحقوووونى شادى : محدش هيقدر يحوشك عنى يا جميله انا بحبك اوى جميله تحاول ان تبعده عنها راحت دفعته بعيد ليقع ارضا وهى تجرى بره المكتب تلاقى عواطف نازله جرى على السلم : فيه ايه يا جميله وبتعملى ايه هنا جميله بدموع : الحقينى يا داده شادى كان عاوز عواطف تلاقى شادى طالع من اوضه المكتب وهو بيطوح يمين وشمال ويقول : مسيرك ليا يا جميله وهتشوفى هعمل فيكى ايه ...... الهلومه دى كلها فى الاخر هتبقى ملكى انا انا مش حد تانى عواطف : طب يلا اطلع اوضتك ربنا يهديك شادى : اوعى كده يا وليه انتى عواطف : ولولو عليك دسته يا بعيد ... وبعد ما مشى واطمنت عواطف : انتى ايه اللى نزلك دلوقتى جميله : انا سمعت صوت خبط جاى من اوضه بابى دخلت لقيته كان عاوز يسرق الخزنه عواطف : طيب يلا اطلعى قدامى بكره هنقول لعمتك كل ده جميله : وهى يعنى هتعمله ايه ده مش همه وبيقولى قوليلها عشان اصلح غلطتى واتجوزك عواطف : لالالا الكلام ده لا يمكن يتسكت عليه ابدا انا بكره ليا كلام معاهم جميله : انا خايفه يا داده ليجيلى اوضتى عواطف : ما تخافيش يا حبيبتى انا معاكى يلا اطلعى هنام معاكى فى اوضتك الليله عشان تطمنى وبكره هخلى مسعد يجيب نجار ويعمل ترابيس تانيه للاوض كلها بتاعه الفيلا وتطلع معاها جميله لغرفتها تانى وتقفل عواطف الباب باحكام وتنيمها فى سريرها وتغطيها كويس وتفضل جنبها تربت عليها لحد ما راحت فى نوم عميق ************************************************ وفى الصباح الباكر كانت انشراح فى حديقه الفيلا وكان معها اتصال مهم جدا عشان كده خرجت الحديقه عشان تاخد راحتها فى الكلام انشراح : ايوه ها ايه الاخبار لالالا مش عاوزه اتدخل خالص لاحسن اثير الشكوك حوليا بقولك ايه انت بس عليك بيها واهتم بيها شويه هما البنات بيحبو الاهتمام والكلام المعسول من الاخر خليها ما تشوفش غيرك اتفقنا يلا سلام انت دلوقتى عشان داخله ليها جوه وتنهى المحادثه وتدخل ليهم تلاقيهم على مائده الافطار ... قاعدت معاهم وقبل ما تاكل قالتلها جميله باللى حصل من شادى بالليل بانه كان عاوز يسرق الخزنه بتاعه باباها وانه كمان حاول يعتدى عليها ... وكالعاده انشراح كذبتها وقالتها ان ابنها ما يعملش حاجه زى كده ولازم تصدقها وان شادى بيحبها ممكن عشان كده كان بيحاول يقرب بس مش اكتر قالت كلامها وطلعت ليه فوق اوضته عشان تصحيه اما جميله وعواطف فضلوا يبصوا لبعض ومشيوا وراحو على المشفى وفى الطريق جميله : مش قلتلك يا داده مش هتصدقنى عواطف : اما وليه قادره بصحيح معلش يا حبيبتى هتعملى ايه نصيبك كده بقى جميله : شوفتى اديكى قولتى عشان كده فكرت فى موضوع حسين ده عواطف : بس لسه قلبى مش مرتاح للموضوع ده يا جميله ما تراجعى نفسك يا بنتى جميله : يا داده ما انتى شايفه صحه بابى كل يوم فى النازل انا خايفه عليه اوى وهو راسه ناشفه ومش عاوز يعمل العمليه غير لما يطمن عليا عواطف : طب افرضى الحرامى ده ما طلقكيش ايه العمل بقى جميله : لا منا هاخد عليه وصل امانه لو محصلش الطلاق هسجنه عواطف : وصل امانه ايه هما الناس دول بتوع كده اكيد قضى طول حياته فى السجن وهيقول عادى ما اسجن بس اعمل اللى على هوايا جميله : يا داده ما تقلقنيش بقى اهو انا فكرت فى كده وبس عواطف : ياخوفى ليطلع زى ابن عمتك ياخوفى جميله تبص ليها وبعدين تركز فى السواقه والطريق وتتذكر ما عمله معها ابن عمتها ليله امس ... اما اانشراح فقد دخلت الاوضه اللى ابنها نايم فيها ونكزته عشان يصحى وهو كالعاده حط البطانيه على وشه ... راحت شالتها من فوقه بعصبيه قوملى هنا يا واد انت انا عاوزه اعرف ايه اللى هبتته امبارح ده شادى : هببت ايه انا ما عملتش حاجه انشراح : على امك برده جميله قالتلى انك كنت فى اوضه مكتب خالك كنت بتعمل هناك ايه شادى : اعملكم ايه يعنى منا محتاج فلوس وانتى دايما بتقوليلى اجبلك منين ومفيش فلوس وهتسمعينى الموشح اياه احنا جينا هنا عشان ما نتفضحش لاننا معناش فلوس انشراح : صح بس ده برده ما يدلكش الحق تدخل مكتب خالك وتسرقه شادى : انا قلت اخد ايه حاجه القيها انا مديون لطوب الارض يا ماما انشراح : طبعا من الهباب اللى بتلعبه انت واصحابك دول شادى : يووووه انشراح : بقولك ايه حاجات زى دى تانى ما تحلصش فاهم ولا اقوم تانى وحسك عينك تقرب منها هى كمان احنا مش ناقصين شادى : اصلك ما شفتهاش امبارح كانت لبسه ايه ياااهو عليها وعلى جسمها ولا حلوتها فى الضلمه اموووت انا انشراح : انا عارفه انى اخرتى على ايدك شادى لو سمعت منها الكلام ده تانى هتشوف منى حاجات عمرك ما كنت تتخيلها منى فاهم شادى : بالحق ايه موضوع الواد اللى متقدم ليها ده انشراح : اعملك ايه ما انت مش موجود وكتير بقولك اتقربلها واهتم بيها عشان تحبك بس اقول ايه بقى شادى : يعنى كده خلاص راحت منى انشراح : مين قال كده لسه التقيل جاى ورا يا حبيبى شادى : احبك يا شوشو يا مولعاها ************************************************ توصل المشفى وبعد ما تطمئن على والدها وتفطرو زى كل يوم تروح على عيادتها بها اللى بقالها كتير ما رحتهاش عشان مرض والدها صباح الخير يا نسمه نسمه : صباح الخير يا دكتوره اخيرا جيتى جميله وبتقعد على مكتبها : معلش بقى انتى عارفه صحه بابى نسمه : ربنا يطمنا عليه ان شاء الله جميله : ها دكتوره نهال كانت تمام هنا نسمه :/ ايوه بس طبعا مش زى حضرتك عارفه كتير اوى من الامهات والاطفال كانوا بيسالو عنك ولما بنقول ان حضرتك غايبه كانوا بيزعلوا اوى وفيه منهم بيرحو ومنهم بيدخل للدكتوره نهال جميله : هعمل ايه بس مكنش بايدى اسيب بابى بالحاله دى وانزل شغلى نسمه : مفهوم يا دكتوره جميله : طيب يلا لوفيه حد دخليه بسرعه نسمه : حاضر بعد اذنك وخرجت نسمه ودخلت لها اول حاله وكانت طفله ومعها والدتها واول ما شافت جميله جريت عليها وحضنتها جميله : اهلا بوسى ازيك يا عثوله بوسى : الحمدلله ازيك انتى انا جيت كتير وانتى مش كنتى موجوده جميله : اه اسفه بقى بابى كان تعبان شويه وكان المفروض ابقى جنبه مامت بوسى : الف سلامه عليه ... احنا اول ما جينا اول الشهر وعرفنا زعلنا خالص حتى بوسى مكنتش راضيه حد يكشف عليها غير حضرتك جميله تربت على شعرها : ليه كده بس يا بوسى كده هزعل منك بوسى : كلهم وحشين انتى حلوه جميله : هههههههه ودكتوره نهال طيبه برده وحلوه بوسى : لا بتزعق و ولما العب بالقلم تزعق فيا جامد جميله : هههههههههه معلش هى مكنتش تقصد لو تعرف انك صحبتى مكنتش تعمل كده ابدا بوسى : خصميها بقى زيا جميله : ههههههههه حاضر هخصمها يا بوسى عشان خاطرك انتى وبس وتلتفت لمامتها : ها ايه اخبار المتابعه ماشيه على العلاج كويس الام : ايوه الحمدلله بتاخده بانتظام بس اكلها بقى خفيف اوى يا دكتوره جميله : لالالا كده يا بوسى انا اللى هزعل منك واخصمك احنا اتفقنا اننا ناكل حلو ونكتر من الفاكهه اوى والعصاير صح ولا مش صح بوسى : صح جميله : امال ليه بقى ما بتسمعيش كلام مامى بوسى : هسمع جدميله : لو مامى قالتلى ان بوسى ما بتاكلش كويس تانى انا هزعل منك اوى اوى ومش هكلمك تانى اتفقنا بوسى : اتفقنا جميله : طب يلا على السرير عشان اكشف عليكى وتجرى بوسى على السرير وتوجه جميله كلامها للام : لازم تاكليها كويس باين ان وزنها قل عن اخر مره شوفتها فيها الام : والله بعمل اللى عليا يا دكتوره بس هى عنديه اوى جميله : يبقى نشوفها هى عاوزه ايه ونعمله مقابل انها تاكل الاكل بتاعها كله الام : حاضر يا دكتوره وتقوم جميله عشان تكشف على بوسى ونسيبها بقى تشوف شغلها ************************************************ ونروح عند بدران وكان بيتكلم مع الداده عواطف عن حسين وانه سال عنه ناس معرفه وقالوا ومداحو فى اهله الله يرحمهم عواطف كانت تستمع ليه ومندهشه من كلامه على حسين لانها عارفه انه حرامى مش انسان كويس بس فضلت ساكته عشان ما تزعلش منها جميله وكمان لما شافت الفرحه فى عيون باباها بدران : روحتى فيه يا عواطف عواطف : معاك يا دكتور بدران بدران : ايه رايك لو قرينا الفاتحه بكره هنا عواطف : اللى تشوفه بدران : طيب انتى معكيش رقمه عواطف : فى الحقيقه لا بدران : كنت عاوز اكلمه واقوله اننا وافقنا ويجى بكره عشان نقرا الفاتحه كانت اتت اليهم انشراح وجلست وفضلت تنظر لعواطف وقلقت لتكون حكيت لاخيها على موضوع شادى واللى عمله مع جميله لكنها اطمنت لما قالها انه بكره هيقرا فاتحه جميله على حسين دهشان واصطنعت الفرحه والسعاده انشراح : انت مش شايف اننا استعجلنا يا بدران بدران : انا ايامى معدوده يا انشراح وعاوز افرح بيها انشراح : اصلنا ما نعرفهوش عشان فى يوم وليله نجوزه بنتنا بالشكل ده بدران : انا سالت عنه ناس كتير فى العنوان اللى قالى عليه وكلهم شكرو فيه وفي عيلته انشراح : هما عيلته كلهم ماتوا بدران : تقريبا كده بس سمعت انه ليه اعمام بس مش عارف فينهم انشراح : اممممم طيب بدران : ابقى قولى لوائل وشادى وخليهم يجو يحضرو انشراح برسم ابتسامه اصطناعيه : اكيد واحنا لينا بركه غير فيك وفى جميله بكره الكل لازم يجى عشان يفرح ليها ... وفى سرها ... وقرب برده اليوم اللى همتلك كل حاجه يا بدران | ||||||
|
| |
|
07-04-16, 07:18 PM
| #8 | ||||||
| ~¤الفصل {7} ¤~ فى اليوم التالى كانت فى غرفتها واقفه تنظر للسما وتدعى ربها بانه يكمل الزيجه اللعبه دى على خير لانها فكرت فيها بس عشان خاطر باباها واشتكت ربها من عمتها وابنها اللى طمعانين فيها وفيه ثروتها فهى فكرت فى الحل ده عشان تبعدهم عنها وما يقدروش يتحكموا فيها ... دخلت عليها عواطف وراحت لها وربتت عليها وخدتها فى حضنها عواطف : خلاص بقى اللى انتى فكرتى فيه حصل وانهارده قراءه فاتحتك جميله : ايوه يا داده عواطف : امال مالك بقى جميله : مش عارفه حاسه ان قلبى وجعنى اوى عواطف : سلامه قلبك يا حبيبتى جميله : هى عمتو هنا عواطف : لا راحت شقتها عشان تقول لوائل ابنها جميله : طب وشادى عواطف : اهو مخمود جوه انا مش عارفه الواد ده جبله والا ايه بقى خاله فى المستشفى وهو داير على حل شعره كده ويجى مطوح كل ليله وش الفجر جميله : ربنا يهديه لروحه يا داده عواطف : ربنا ياخده هو وامه جميله تبتسم رغما عنها عواطف : مالك ايه اللى بيضحكك جميله : افتكرت مناقرتك مع حسين ده عواطف : طب اسكتى بقى انا سامعه صوت جاى علينا ... وفعلا كانت الخادمه حُسنيه بتقولهم ان فيه واحده تحت بتسال على جميله وكانت صحبتها لمياء جميله : اه خليها تطلع حُسنيه : حاضر عواطف بعد ما نزلت الخدامه : هى لمياء تعرف جميله : لالالا يا داده اوعى تعرفيها بحاجه زى دى عواطف : كويس برده انك عرفتينى بدل ما كان لسانى يوقع منى ولا حاجه جميله : هههههههههه لا امسكيه على الاخر لحد النهايه الله يخليكى عواطف :ايوه كده خلى الابتسامه تنور وشك الجميل ده تانى وتيجى ليهم لمياء وتقعد معاها شويه وتحكى لها جميله بان فيه عريس متقدم ليها وهى وافقت وانهارده المفروض هيقراو الفاتحه لمياء : اخص عليكى يا ندله كده برده من غير ما تقوليلى جميله : الموضوع جه فجاه والله يا لمياء لمياء : طب بسرعه بقى قوليلى اوصافه اسمه وشغله وسنه وطوله بسرعه بسرعه جميله : حيلك حيلك يا بنتى لمياء : حيلى ايه بس دلوقتى انا عاوزه اعرف التفاصيل كلها ومين ده اللى خطف قلب الدكتوره جميله الجميلات جميله بابتسامه : عمرك ما هتتغيرى ابدا لمياء وتقول كلامها متلحن : اهو ده اللى مش ممكن ابدا ونسيبهم بقى جميله تقولها على حسين ... ********************************* نروح لانشراح مع وائل كانت قاعده قصاده بتكلمه وائل : انا قولتلك مش جاى يعنى مش جاى انشراح : يا وائل حرام عليك خالك هو اللى طلبك بالاسم وائل : وانا بقولك مش رايح لانى لو روحت هعك الدنيا انشراح : انت بتهددنى يا ولد وائل : افهميها زى ما تفهميها انشراح : واقول ايه لخالك وائل ينظر بطرف عينه : انتى هتغلبى يعنى قوليلو زى ما طول عمرك بتفبركى كلام وتقوليه انشراح : فقرى وعندى ولسانك طويل زى ابوك وائل ينظر لصوره باباه المتعلقه على الحائط : الله يرحمه كان اطيب واحن وانقى واطهر اب انشراح بتافف : اه يانى منك انا عارفه مش هخلص ابدا انا امشى احسن يرجع ينظر لصوره باباه من تانى ويتذكر حديثه دائما معه على مامته ان عمرها ما حمدت ربنا على اللى معاها ابدا ودايما كانت باصه على اللى فى ايد غيرها وخصوصا اخوها بدران وكانت دايما بتدعى ان ربنا ما يدلوش ولد عشان ما يورث ثروته وكفايه عليه البنت عشان هى هتورث معاها وهيبقى ليها كل حاجه لو اللى بتفكر فيه يتحقق بان تجوز ابنها شادى لجميله وعشان كده طبعت شادى بطبعها وكان دايما بيحذره منها ومن تفكيرها ده ********************************* ويمر الوقت وكانت نازله من عربيتها امام المشفى متألقه فى ملابسها الثانيه على التوالى ღ هاتولى عريس ღ نورهــــان دخلت من باب المشفى لاحظت احد يقرب منها وبيقولها : ازيك يا عروستى التفتت جميله وجدت حسين مرتدى بدله سوده شيك وحاطط برفييوم حلو اوى ... تنحنحت وقالت : احم احم الحمدلله تمام حسين : امال فين تنت عواطف جميله بتشاورله بيدها كاتحذير : بليز يا حسين داده عواطف فى مقام مامتى يعنى بلاش كلامك ده معاها وتحترمها شويه حسين : وهو انا قلت حاجه دلوقتى انا بسال عليها عادى جميله : طيب انا قلتلك وبس حسين : وافتكر ده تهديد يعنى جميله بخوف منه : احم لا ابدا وانا اهددك ليه انا بلفت نظرك مش اكتر حسين : اوكيه يلا بينا جميله : يلا بينا على فين حسين : على ابوكى عشان الفاتحه انتى نسيتى ولا ايه جميله : قلتلك مليون مره اسمه باباكى مش ابوكى حسين : طيب يا ستى باباكى حلو الكلام جميله بتأفف : كويس انا هستنى داده عواطف عشان نطلع سوا جسين : وهى راحت فين جميله : نسيت حاجه وراحت تجيبها من البيت حسين : طيب تعالى نستناها جوه ما يصحش نفضل واقفين هنا كده جميله تنظر له وعلى اسلوبه ساعات يكون كويس وسعات بيكون اوفر اوى فى كل حاجه وبعد شويه تأتى اليهم عواطف وكانت بتسرع عشان تلحقهم : معلش اتاخرت عليكى يا حبيتى جميله : كل ده يا داده داده : معلش غصب عنى كوتش العربيه فرقع واحنا ماشين واضطر لطفى يغيره هو ده اللى اخارنى جميله : طيب يلا بينا عشان بابى ما يقلقش عواطف : يلا يا حبيبتى حسين لعواطف : مفيش ازيك يا تنت ولا انا مش باين انى قاعد عواطف بأرف : لا مش باين ما خدتش بالى حسين : ليه نظرك ضعيف اوى كده عواطف : نظرى احسن منك ومن اللى خلفوك حسين يقوم ويروح لها بانفعال: تؤتؤتؤتو اغلطى فيا اعديها انما تغلطى فى اهلى وحيات جميله تقاطعه : خلاص خلاص حقك عليا انا ... داده ارجوكى مش عاوزه مشاكل عواطف : هو انا قولت حاجه ما قصدتش وكمان مهو غلط فيا اسكتله حسين : لا ياختى ما تسكتيش اتكلمى وخدى راحتك فى الكلام عواطف : شوفتى بيقول ايه جميله : يا جماعه ارجوكم بقى كفايه حسين يرجع يقعد من تانى : خلاص خلاص حصل خير ما تتعصبيش بقى جميله تنظر لحسين: انت مش هتيجى معانا ولا ايه حسين : لا مش هروح جميله : نعم حسين : انا مستنى واحد جاى دلوقتى جميله : واحد مين ده بقى حسين : قريبى جميله : وقريبك جاى ليه حسين : هيكون جاى ليه يعنى عشان يتفق مع ابوكى يوووو اقصد السيد الوالد جميله : وانت صدقت ولا ايه دى تمثليه حسين : وهو انا قلت غير كده لازم يكون معايا حد انا بشوفهم بيعملوا كده فى التلفزيون عشان اشرفك يا جميل جميله بنفاذ صبر : وان شاء الله بقى الواحد ده زيك كده حسين يفهم ما تعنيه : تقصدى حرامى طبعا جميله : ما اقصدش اقصد يعنى حسين مقاطعا لها : ما تقلقيش مش حرامى هو محترم غيرى خاااالص جميله : اوكيه انا هسبقك ... بليز مش هفكرك كل شويه بلاش كلامك ده مع بابى حسين : قلتلك ما تقلقيش اتفضلى انتى دلوقتى جميله : اوكيه يلا يا داده حسين : ايوه يلا روحى معاها يا داده عواطف تنظر له بحده وهو يبصلها ويضحك ويطلع لها لسانه جميله : خلاص بقى يا داده امشى عشان خاطرى ********************************* وبعد قليل نجدهم كلهم فوق فى غرفه بدران وكان جالس امامه حسين ومعه شخص كبير فى السن قال لهم بانه خاله وبعد ما اتفقوا بكل شىء تمت قراءه الفاتحه وسط فرحه من والدها وحزن والم بداخلها هى وشر بداخل انشراح وابنها شادى اللى كانوا على اخرهم فى القاعده دى لما عرفوا بان حسين بعد الجواز هيعيش معاهم فى الفيلا شادى بهمس : سامعه اللى سمعته انشراح : بس هس عشان محدش ياخد باله شادى : ده باينه هو اللى هيأوش انشراح : مين اللى قالك كده اللى هيأش احنا يا حبيبى شادى : يا ماما ما انتى شايفه خلاص كتب كتابهم قرب انشراح : ولولا ما تقلقش وهتشوف فى الاخر اننا احنا اللى هنكوش على كل حاجه شادى بابتسامه : حلوتك يا شوشو انشراح : هس قولتلك ... وبعد شويه انشراح مشيت مع شادى ابنها وخدو معاهم عواطف .... وظلت فى المشفى مع والدها جميله وكان معاها حسين بدران : ابقى روح بقى الفيلا عشان تختارو اوضه جميله تنظر لحسين ثم الى باباها : احم ما لسه بدرى يا بابى على كده بدران : يا بنتى انا عاوز افرح بيكى قبل ما اموت دى امنيه حياتى جميله تروح لوالدها وتمسك ايده : وحياتى بلاش الكلام ده تانى عشان خاطرى بلاش تقوله بدران : خلاص يبقى انتى نفذى اللى بقولك عليه لو عاوزانى اكون مطمن ومرتاح جميله بدموع : حاضر يا بابى كل اللى انت عاوزاه هيحصل بدران : حسين ابقى شوف بقى قاعه عشان تلحقوا تحجزو فيها انا عاوز فرح كبير جميله : ازاى يعنى اعمل فرح وانت تعبان لا يمكن ابدا بدران : يا بنتى انا نفسى افرح بيكى جميله : وانا مش عاوزه كده ازاى عاوزنى افرح وارقص واتنطط وانت هنا تعبان ازاى يا بابا بس بدران : يا جميله يقاطعه حسين : تسمحلى بدون قطع كلام حضرتك اقول حاجه ينظرو اليه هما الاتنين : اتفضل ياابنى حسين : انا بقول بلاش نعمل فرح دلوقتى نكتفى بكتب كتاب بس وان شاء الله نطمن عليك وعلى صحتك بعد العمليه نبقى نعمل ساعتها فرح كبير منه لفرحنا ومنه لرجوعك لينا بالسلامه ها ايه رايك جميله تنظر اليه بابتسامه وفرحه لانه انقذها وقال كلام حلو اوى وعجبها : وانا رايى من راى حسين يا بابى بلاش نعمل فرح دلوقتى كفايه كتب الكتاب بدران : بس كنت نفسى افرح بيكى يا حبيبتى جميله : ما انت هتفرح وكمان مش كنت عاوزانى اتجوز عشان تطمن اهو اديك هتطمن عليا قبل العمليه وهكتب كتابى وان شاء الله اول ما تقوم بالسلامه هنعمل فرح كبير اوى بدران : خلاص زى ما انتو عاوزين جميله تضم نفسها اليه وتنظر لحسين اللى كان باصص عليهم ********************************* بعد ما راحو الفيلا دخلت انشراح ومعاها ابنها شادى الاوضه وفضلوا يتكلمو على اللى حصل فى المشفى شادى : يعنى انت عجبك كده كل حاجه هتروح فى ثانيه انشراح : قلتلك ما تقلقش انا عامله حسابى مش عاوزه تتجوزو خلاص تتجوزو بس مش هتلحق تتنهى باى حاجه شادى : ازاى بقى انتى ناويه على ايه انشراح : ملكش دعوه باى حاجه وسبنى انا افكر واخطط شادى : وياترى بقى مين المره دى عليه التنفيذ انشراح بنظره انتصار ومكر : بكره هتعرف شادى : طب ايدك على فلوس عشان نازل انشراح : انت مش هتبطل سهر بقى انا خايفه جميله تقول لخالك وتبقى مصيبه لو عرف شادى : تقولو ولا ما تقولهوش ما يهمنيش فى حاجه انشراح : مهو لو عرف ياغبى هيمشيك من الشركه بتاعته وما تنساش انك بعد ما يموت خالك هتمسكها وهتبقى المدير كمان شادى : يااااااااريت امتى بقى يجى اليوم ده انشراح : اهو قرب خالص انت بس بلاش تسهر كتير الايام دى وحاول على قد ما تقدر تتقرب من جميله ونبين لها اننا مبسوطين بانها اتخطبت وهتتجوز قريب عشان ما حدش يشك فينا بعدين شادى : مااااشى يا شوشو انتى دماغك دى متكلفه جامد اوى انشراح : اهو ده اللى انت فالح فيه شادى : طيب انهارده اجازه ادينى بقى فلوس خلينى اروح اسهر وما تقلقيش مش هتاخر زى كل ليله انشراح : اتفضل ادى اللى معايا وعلى فكره دول اخر فلوس فى ايدى شادى : امتى بقى نقب لوش الدنيا زى الناس العليا ونمسك الفلوس كده بايدنا انشراح : قريب اوى يا حبيبى قريب اوى ********************************* يمر الوقت نلاقيهم مع بعض ماشين ورايحين ناحيه المصعد عشان ينزلوا بيه لتحت جميله : انا متشكره جدا على كل حاجه حسين : ايه رايك عجبك الكلام جميله : ما تتصورش اد ايه حتى جالى احساس ان مش انت خالص سحس ده حسين : انفع يعنى اكون ممثل جميله : تنفع بس بجد انت ازهلتنى فوق حسين : اى خدمه يا قمر جميله : انت معاك عربيه ولو تحب اوصلك حسين : لا معايا اللى هناك دى جميله بتبص عليها وتتفاجىء : دى عربيتك الثانيه على التوالى ღ هاتولى عريس ღ نورهــــان حسين : ايه مالها مش عجباكى ولا ايه جميله : لا بس موديلها قديم جدا حسين : مش مهم المهم انها تقضى الغرض وخلاص جميله : تقضى غرض ايه بس لو عمتو او حد شافك بيها ممكن نتكشف حسين : ليه يعنى مالها مهى عربيه زى باقى العربيات ولا لازم تكون على اعلى مستوى عشان اعجب جميله : ما انت عارف الناس بيتكلمو ازاى وبيفكرو ازاى حسين : والله انا مليش دعوه بالناس انا ليا دعوه بيا انا واللى يمشى على هوايا يعنى لو قلعت هدومى كلها دلوقتى ومشيت فى الشارع محدش ليه عندى كلمه جميله : ايـــــــــــــه حسين وبيبدأ يخلع جاكيت بدلته : ايه تحبى تشوفى بنفسك جميله من اللى سمعته خافت ليعمل كده فركضت بسرعه على عربيتها وهى بتقول : انت اكيد مجنون مش طبيعى مش طبيعى | ||||||
|
| |
|
08-04-16, 09:10 PM
| #9 | ||||||
| ~¤الفصل {8} ¤~ فى الصباح الباكر نلاقيها واقفه امام المرايا وبترتدى حجابها .... لتدخل اليها عواطف بابتسامتها المشرقه : صباح الخير على جميله الجميلات جميله : صباح النور يا داده عواطف : انتى رايحه المستشفى من غير شر جميله : اه ان شاء الله فيه حاجه عواطف : لا يا حبيبتى ما استغناش جميله : هتيجى معايا ولا عواطف : لا خلينى انا ورايا حاجات كتير هعملها فى البيت جميله : طيب زى ما تحبى لو خلصتى وزهقتى كلمينى هبعتلك عم لطفى يجيبك عواطف : ان شاء الله ولبست شنطتها الكروس وقربت من دادتها وقبلتها ولسه هتمشى الا ورنه هاتفها وقفتها : ياترى مين عواطف : تلاقيه اللى يشك اللى اسمه سحس ده جميله : ههههههههههه انا مش عارفه ليه حاطه نقرك من نقره بس عواطف : هو كده مش نازلى من زور جميله : الحقيقه ولا انا يا داده بس هعمل ايه ما باليد حيله عواطف : هو مين اللى على الموبايل جميله : مش عارفه رقم غريب عواطف : طب افتحى وشوفى مين جميله : الو المتصل : ازيك يا دكتوره اخبارك ايه جميله : الحمدلله تمام مين معايا المتصل : يا خبر لحقتى تنسى صوتى بالسرعه دى جميله : افندم ... على اساس انى اعرفك مين اللى معايا المتصل : انا وليد ها افتكرتينى جميله بارف : ايوه نعم يا دكتور وليد فيه حاجه وليد : انا بكلمك عشان اقولك الف مبروك عرفت انهارده الصبح من بعض الزمله انك اتخطبتى امبارح جميله : ميرسى كتير على المكالمه بعد اذنك وليد : استنى بس جميله : فيه ايه تانى يا دكتور وليد وليد : انا لسه ما يأستش على فكره ومستنيكى جميله : اللى هو ازاى يعنى مش فاهمه وليد : عندى امل انك هتوفقى عليا انا جميله : والله ... طيب وخطيبى اعمل فيه ايه وليد : صدقينى يا جميله مش هتلاقى زى ابدا وكمان هكون معاكى كل حاجه وايدى فى ايدك فى المستشفى والشركه جميله وتلاقى حسين على الويت : اوكيه يا دكتور وليد انا اسفه مضطره اقفل دلوقتى مع حضرتك وليد : ماشى ياريت تفكرى فى كلامى وصدقينى مش هتندمى ابدا ابدا سلام جميله بعد ما قفلت : اوف اما بنى ادم غريب عواطف : ماله عاوز ايه تانى جميله : ثوانى بس يا داده لما اشوف حسين بيرن عليا : الو حسين : ازيك عامله ايه جميله : الحمدلله تمام خير على الصبح حسين : مالك بتكلمينى كده جميله : يعنى مانتش عارف ايه اللى عملته امبارح وكمان انت ازاى تكلمنى مش متفقين انا بس اللى اكلمك وقت ما اعوز حسين : يا سلام اه صحيح ما بقينا جواز تحت الطلب جميله : فيه ايه بتتصل ليه حسين : هو فيه ايه مالك وايه النغمه دى وكمان ممكن اعرف كنتى ويت مع مين جميله بطيبه : كنت بتكلم مع دكت ... وانت مالك اصلا حسين : نعم سمعينى تانى كده جميله : بقولك وانت مالك اكلم اللى اكلمه انا حره وميت مره اقولك ما تتدخلش فى اللى ما يخصكش انت سامع حسين : وطى صوتك وانتى بتتكلمى معابا يا دكتوره مش كل الطير اللى يتاكل لحمه وكمان هو انتى من النوع اللى لما تحبى تهربى من سؤال تتوهى بكلام تانى جميله : نوع ايه ده وكمان انا ما اسمحلكش تتكلم معايا بالطريقه دى حسين : والله ؟؟ طاب والفاتحه اللى لسه قريها امبارح مع ابوكى دى ايه جميله : اولا دى تمثليه انت مشترك معايا فيها مش حقيقى يعنى ثانيا قلتلك كذا مره اسمه باباكى مش ابوكى حسين : ما تهربيش يا جميله وردى عليا مين اللى كان بيكلمك جمليه : لتانى مره يا حسين بقولك ما تتدخلش فى اى حاجه ما تخصكش انت مجرد دور بتمثله واخرك هتاخد اجرك وخلاص فهمت ولا اقول تاااانى قاطعها حسين وبدون ان يرد عليها لكنه قفل السكه فى وشها ... وهى اتعصبت وانفعلت بزياده شوفتى يا داده قفل السكه فى وشى عواطف :اهدى بس وفهمينى هو ماله وحصل ايه لده كله جميله : اما وريتك يا سحس انت ما بقاش انا جميله بدران معلش يا داده انا هنزل ولما ارجع ابقى احكيلك ************************************************* كانت نازله على الدرج لكنها وقفت عندما سمعت صوت جميله عالى فضلت واقفه تسمع ما يدور وبعد كده وجدنا على وجهها ابتسامه نصر وبعد ما انهت جميله اتصالها كملت انشراح سيرها لتحت ... ومن خلفها كان نازل ابنها شادى ووجد جميله خارجه من غرفتها وكانت منفعله شادى : الجميل ماله وشه مقلوب كده ليه جميله : ابعد عنى دلوقتى يا شادى انا مش نقصاك تقولها جميله وتنزل لتحت شادى : مالها دى على الصبح انشراح بابتسامه عاليه : اهلا اهلا بست البنات جميله بتأفف : صباح الخير يا عمتو انشراح : صباح النور يا حبيبه عمتو ايه مش هتفطرى جميله : لا هفطر فى المستشفى بعد اذنكم وتمشى جميله ويجلس بجوار والدته شادى مستفهما لما جرى لجميله فى هذا الصباح ... لكن انشراح نكزته ليصمت عشان كانت عواطف واقفه بتبص عليهم انشراح : ايه يا عواطف مش هنفطر انهارده ولا ايه شادى بسخريه : مهو عشان جميله خرجت من غير فطار اظاهر عليها عاوزانا احنا كمان ما نفطرش يا مامى عواطف يارب صبرنى عليهم : لا الفطار هيكون جاهز حالا انشراح بعد ما بعدت عنهم عواطف قالت لشادى : ابشر مش قلتلك احنا اللى هنأش يا وله شادى : خير يا ماما ايه اللى حصل انشراح : دبت خناقه مع خطيبها اظاهر فيه حاجه جامده اوى شادى : ايوه بقى كان باين عليها انها متعصبه انشراح : دى بقيت لعبتنا احنا شادى : ازاى يعنى انشراح : الاول تبطل سهر وتاخير طول الليل تانى حاجه تخلى بالك من الشركه اللى شغال فيها لانها هتكون ملكك لوحدك بلا منافس طيب وتالت حاجه يا زعيمه انشراح : لا دى بقى عليا انا اهم حاجه عاوزاك تشاغلها الايام دى تسال عنها تجبلها شكولاته شادى بااستغراب : شكولاته انشراح : ايوه هما البنات بيحبوا الشكولاته وممكن تاكل دماغهم بيها شادى : اذ كان على الشكولاته بسيطه انشراح : انت دلوقتى تفطر وتروح على الشركه وتفضل متابع هناك اى حاجه وما تنساش تقولى اول باول على اى حاجه بتحصل شادى : اتفقنا يا زعيمه ************************************************* ركبه عربيتها وبتسوقها وهى منفعله ومتعصبه جامد عشان حسين قفل فى وشها السكه ... اول ما وصلت المشفى راحت على اوضه باباها تتطمن عليه لقيته نايم بس لقيت جانبه الممرضه قاعده ... ركضت عندها لتسالها : ايه اخبار بابى دلوقتى يا عفاف عفاف : الحمدلله كويس يا دكتوره جميله : طب وانتى ايه اللى مقعدك هنا عفاف : دكتور منتصر طلب منى وكمان منع الزياره جميله : ليه ايه اللى حصل عفاف : ما تقلقيش هو بخير بس تعب شويه بالليل جميله بخوف : ايه طيب هو دكتور منتصر فينه عفاف : هو كان هنا اكيد من شويه بيمر على باقى المرضى جميله : طيب طيب انا رايحه اشوفه ... وقبل ما تخرج من غرفه باباها ترجع وتبص عليه تانى ... وتمشى تدور على دكتور منتصر تلاقيه واقف بيتكلم مع احدى اهالى المرضى جميله : دكتور منتصر ممكن ثوانى منتصر : ماشى ثوانى وجايلك يا دكتوره منتصر لاهل احدى المرضى : زى ما قلت ممنوع المسبك والنشويات يعنى اكله هيكون كله سلق فى سلق وياريت نمنع السمن والزيوت نهائى كانت هتسبقه على مكتبه لكنها لقيت حسين فى وشها وبيجرها من ايدها لحد باب المصعد وقفله عليهم جميله بانفعال : انت اتجننت ازاى تمسك ايدى بالطريقه دى حسين : وانتى ازاى تسمحى لنفسك يا هانم تتكلمى معايا بالطريقه دى فى الموبايل يعنى ده اللى متشكره وميرسى على اللى انت بتعمله معايا جميله : اظن انا شكرتك كتير على المعروف ده وغير الشكر هتاخد اجرك كله كامل انا اللى مش هسمحلك يا حسين تكلمنى بالعصبيه دى مره تانيه انا تقفل فى وشى التليفون ودلوقتى بتجرنى من ايدى قصاد الكل الناس يقولو ايه عليا حسين : الناس الناس الناس يولعو الناس همك الناس اوى ومش همك اللى عملتيه انتى جميله : انا ما عملتش حاجه انت اللى عملت وزودتها كمان وانا مش هسمحلك بعد كده تتدخل فى حياتى انت مالك بكلم مين وما بكلمش مين انت ناسى انت مين وانا مين حسين : لا مش ناسى يا .... دكتـــــوره جميله مش ناسى حضرتك الدكتوره جميله بنت اكبر جراح فى مصر وانا هكون مين يعنى غير واحد حرامى لقيتيه بيسرق فلوسكم وعادى سبتينى اسرق وبعد كده اتفقتى معايا انى امثل على ابوكى واتجوزك مش ناسى بس كده خلاص يا دكتوره اللعبه خلصت وانا مش عاوزه ابتديها من الاساس معاكى جميله : يعنى ايه بتلغى اتفاقنا حسين : ايوه بلغيه يا دكتوره ... وابقى شوفى حد غيرى يجى يمثله ويكمل الدور انما انا من اللحظه دى مش هتشوفينى تانى .... وشغل المصعد لحد ما نزل لتحت وخرج منه على خارج المشفى وهى فضلت واقفه باصه للمصعد لحد ما اتقفل لوحده ظلت فيه وقعدت وبكيت بكا شديد جدا على كل حاجه على حالها وحال باباها وتصمميه على انه يريد ان يجوزها قبل دخوله للعمليات طلعت فوق تانى للطابق اللى فيه غرفه والدها ومكتب الدكتور منتصر طرقت بابه ودخلت لتطمئن على صحه باباها : خير يا دكتور بابى ماله انا سيبته بالليل كان كويس منتتصر : هو جه على قبل الفجر بشويه وتعب ... على فكره كنت هكلمك كويس انك جيتى جميله : ليه فيه حاجه تانيه قول يا دكتور الله يخليك ما تخبيش عنى منتصر : دكتور دابونت جه مصر امبارح الصبح وهيقعد اسبوع ويمشى انا كلمته على حاله دكتور بدران ووافق يعمله العمليه جميله : بجد ده خبر هايل منتصر : طب ياريت بقى تقدرى تقنعيه بانه يعملها بعد بكره لان ده الامل الوحيد لان دكتور دايونت عنده مؤتمر كمان يومين ومش هيقدر يستنى جميله بحزن : مهو عاوزنى الاول اتجوز منتصر : طب وفيها ايه بس يا بنتى ما كلنا عرفنا انك اتخطبتى امبارح مفيهاش حاجه لو استعجلنا على كتب الكتاب ... الدكتور مش هيقعد كتير فى مصر عاوزين نلحقه ودى فرصه كبيره لينا جميله : اوكيه يا دكتور منتصر انا هتصرف منتصر : ياريت باقصى سرعه يا جميله جميله : ربنا يقدم ما فيه الخير ************************************************* اما حسين لسه كان فى عريبته وسايق وهو متنرفز من اللى عمله فى جميله ومكنش عارف يعمل ايه لقى نفسى جنب النيل وقف عربيته ونزل قعد على الكورنيش شويه وفضل يفكر فى اللى حصل لحد ما جاله هاتف الو لا تمام ايوه ما تقلقش كله تحت السيطره ان شاء الله سلام اغلق هاتفه المحمول وحطه فى جيبه لكنه اتفاجىء بهاتف والده جميله لسه معاه فضل يقلب فيه شويه وبعدين حاطه فى جيبه وراح على عربيته وركبها واسرع بها ************************************************* اما جميله رجعت الفيلا وكانت مدايقه خالص هتعمل ايه فى اللى حصل مش قدامها غير يومين عشان باباها يعمل عمليه القلب وكانت بتفكر هتقوله ايه لما يسالها على حسين ... ركضت وجلست على طاوله فى الحديقه وفضلت تفكر فى حل يخرجها من الورطه دى لحد ما لقيت شادى هالل عليها بابتسامه صفره شادى : ازيك يا جوجو بتأفف : الحمدلله خير شادى يجر كرسى ويقعد جانبها : انا لقيتك قاعده لوحدك قلت اجاى اقعد معاكى شويه جميله : معلش يا شادى انا محتاجه اقعد مع نفسى شويه شادى : ليه يعنى هو ايه اللى حصل جميله : مفيش حاجه حصلت شادى يخرج من جيبه باكو شكولاته ويعطيها لها وبسخريه : انا عرفت ان البنات بيحبوها فجبتهالك جميله بتنظر له وللشكولاته : ودى بمناسبه ايه شادى : اعتبريها كادو على اى حاجه مش انتى اتخطبتى اعتبريها كاود على خطوبتك جميله باندهاش على طريقته : غريبه مكنش ده كلامك معايا يعنى شادى : انا قلت اتغير مدام انتى رافضه جوازى منك قلت خلاص يا كنج خليك جانبها كااخ او صديق وبلاش جوزها جميله : غريبه جدا شادى : ما غريب الا الشيطان يا جوجو جميله : طيب برده معلش ممكن تسبنى دلوقتى شادى : لا بقى مش هسيبك انا هفضل معاكى واحكيلى ممكن اساعدك فى مشكلتك جميله : مشكلتى ؟؟ شادى : ايوه مستغربه ليه ما كان باين عليكى االصبح انك متنرفزه هو حصل حاجه بينك وبين خطيبك ده جميله تتذكر المكالمه : لا محصلش وبليز يا شادى بجد عاوزه اقعد مع نفسى شويه ممكن شادى : اوك مش هزعجك على العموم انا فوق فى الاوضه لو حبيبتى تتكلمى معايا تعاليلى فوق جميله : افندم شادى : هههههههههههههه دايما بتفهمينى غلط اقصد نادى عليا يعنى جميله : اوكيه اوكيه اتفضل انت دلوقتى شادى : مش هتاخدى الشكولاته جميله تاخدها من ايده : اهى خدتها اتفضلى بقى شادى : اوك يا جوجو هستناكى ما تتاخريش ها ... ويبعتلها قبله على الهوا ... بينما جميله تبتسم لنفسها وتقول ... هو ايه اللى حصل ماله ده كمان باينهم اتجننوا كلهم فجاه كده يلا ربنا يصبرنى تأتى اليها عواطف بعد ما كانت واقفه شايفه شادى وهو قاعد معاها من اوضتها فوق ... جلست على نفس كرسى شادى الواد ده كان بيقولك ايه جميله : تتصورى يا داده قلب لحنيه مره واحده جايبلى شكولاته وبيقولى احكيلى على اللى مدايقك وكلام غريب كده عواطف : ما تصدقهوش طبعا ولا تحكيله على اى حاجه جميله : وهو انا غبيه للدرجاى يا داده عواطف : لا عاش ولا كان اللى يقول على جميله الجميلات كده جميله تتذكر عندما قابلت حسين اول مره وقالها انها غبيه وهبله عوطاف :مالك سرحتى فى ايه جميله : فى دكتور المانى جه مصر من يومين دكتور منتصر كلمه على حاله بابى ووافق يعمله العمليه والمفروض يعملها بعد بكره عواطف : طيب ده خبر مفرح ليه شيفاكى زعلانه كده جميله : لان طبعا لازم اكتب كتابى على الاقل بكره عواطف : بسيطه بدل ما كان الاسبوع الجاى يبقى بكره جميله : ازاى بقى مهو خلاص اللعبه انتهيت عواطف : مش فاهمه لعبه ايه اللى انتهيت جميله : لعبه الجواز يا داده عواطف : تقصدى اللى اسمه حسين ده ماله جميله : لغى الموضوع كله عواطف : لالالا دى عاوزلها قاعده وكوبايه شاى وتفهمينى بشويش كده ايه اللى حصل جميله : طيب روحى اعملى الشاى واعمليلى قهوتى لحد ما اروح اغير هدومى واجيلك ************************************************* شادى يدخل لمامته فى اوضتها يلاقيها معاها مكالمه وبتتكلم بصوت واطى وبعد شويه قفلت الموبايل شادى : كنتى بتكلمى مين انشراح : مش مهم تعرف دلوقتى ها ايه الاخبار شادى : كله فى السليم جبتلها شكولاته وفضلت ارغى معاها وخلتها كمان تصدق انى طلعت فكرت جوازى منها دى خاااالص انشراح : اهو انت كده طلعت ابنى حبيبى شادى : ايدك طيب على فلوس انشراح : ما انت لسه واخد شادى لحقت تصرفهم شادى : اعمل ايه يعنى منا حظى الايام دى فى النازل انشراح : بكره ولا بعده هبقى اتصرفلك شادى : بكره ولا بعده ايه انا عاوزه دلوقتى انشراح : وانا هجبلك منين وكمان احنا مش اتفقنا مفيش سهر شادى : مش هتنيل واسهر انا هروح بس كده شويه وهرجع بدرى انشراح : مفيش فلوس واتفضل بقى على اوضتك عشان تنام وتصحى فايق لشغلك شادى : مااشى يا ماما ماااااااشى .... يفتح الباب ويرزعه وراه بالجامد انشراح : انا هلاقيها منين ولا منين بس ************************************************* ونلاقيهم قاعدين تحت فى الحديقه وكان واضح على وجه عواطف بانها زعلانه من اللى حصل لجميله والغاء ما كانت نفسها يتحقق بانها تتجوز بالتمثيل عشان تقنع والدها بانه يطمن عليها لانها هتكون فى ايد امينه وساعتها هيوافق يجرى العمليه القلبيه عواطف : بصراحه قلبى وجعنى جميله : سلامه قلبك يا داده ... قوليلى اعمل ايه عواطف : ما تزعليش منى انتى برده غلطانه فى موضوع حسين جميله : غلطت فى ايه بقى ما كل حاجه كانت قصاد عينك عواطف : بصى انا مع الحق اه مش نازلى من زور بس الراجل عداه العيب وقف معاكى ووافق انه يعمل التمثليه دى معاكى فى الاخر تكلميه بالطريقه دى لا برده ما تنسيش انه راجل مهما كاااان جميله : مهو اللى ابتدا يا داده لما ادخل فى خصوصياتى عواطف : هو ممكن يكون قصده انه يعرف مش يدخل هنا تفرق جميله : اهو بقى اللى حصل حصل عواطف : طيب والحل دلوقتى ايه هنعمل ايه وهنقول ايه للباشا لما يعرف جميله : مش عارفه يا داده انا خلاص ما بقتش قادره افكر عواطف : طب استهدى بالله كده وخلينا نفكر تانى جميله : لا اله الا الله ... مفيش وقت للتفكير يا داده لازم بكره اكتب كتابى عشان بابى يوافق يعمل العمليه بعد بكره عواطف : لا حول ولا قوه الا بالله ربنا يسلم ويهدى الحال ... بصى هو مفيش غير حل واحد مقدمناش غيره جميله : الحقينى بيه يا داده عواطف : تكلمى حسين ده وتعتذريله وتكملى اللعبه بقى للاخر لحد ما نطمن على صحه الباشا وبعدين نقوله على كل حاجه جميله : انتى شايفه كده عواطف : مفيش حل غير ده قدمنا جميله : طيب بس انا مش هعتذر الا لما يعتذر الاول على كلامه ومسكته لايدى لو كان حد شافه وهو بيشدنى كانت زمانها المستشفى بتتكلم عنى عواطف : ربنا ستر بقى الحمدلله بس المهم هتكلميه دلوقتى ولا بكره جميله: اكلمه ازاى وانا ما اعرفش عنوانه او اى حاجه توصلنى ليه عواطف: هو رجعلك الموبايل ولا ايه جميله : لا صحيح لسه معاه انا من الكلام وطريقته معايا نسيت اخده منه وهو كمان لا كله الا الموبايل ده ده غالى عندى اوى ومش هسمحله ياخده منى عواطف : ههههههههههه والله هم يبكى وهم يضحك احنا فى ايه ولا فى ايه دلوقتى جميله : لا يا داده كله الا الموبايل ده بتاع مامى وانا مش هقدر استغنى عنه ابدا عواطف: كويس اوى ادينا عرفنا هنكلمه ليه جميله : ليه يا داده عواطف : كلميه بحجه انك عاوزه الموبايل والكلام هيجيب بعضه وابقى قوليلو بقى انكم هتكملوا الاتفاق جميله : فكره ممتااااازه يا داده عواطف : طيب هروح اودى الصنيه جوه عشان تاخدى راحتك فى الكلام جميله : اوكيه ... وتخرج هاتفها من شنطتها وتقوم بالاتصال به ************************************************* هو فى نفس الوقت كان واقف فى شرفه بداخل حى صغير وبيده فنجان قهوه بيشرب منه سمع صوت الهاتف ... وضع فنجان القهوه جانبا ولقط الهاتف من على الطاوله ... واول ما رأى الاسم وجدنا على شفتاه ابتسامه صغيره وفتح الاتصال لكنه كشر تانى : الو جميله : احم انا كنت بتصل عشان الموبايل انت نسيت تدهونى حسين يمنع الضحك : اه نسيت وماخدتش بالى غير من شويه جميله : وما كلمتنيش ليه بقى ولا كنت هتاخده هو كمان حسين : بقولك ايه انا مش هسمحلك تانى تهنينى انتى سامعه جميله قلقت وتذكرت مرض والدها وبصوت هادى : مش قاصدى اصله غالى عندى اوى وهو ذكرى من مامى الله يرحمها حسين : شوفى عاوزاه امتى وابعتهولك جميله : تبعتو مع مين حسين : هديه لاى حد بكره فى المستشفى يدهولك اظن كده عدانى العيب جميله : وليه تديه لحد ما تدهولى انا حسين : وهى يعنى فرقت جميله وارتبكت ومكنتش عارفه تقوله ايه حسين : انتى نمتى ولا ايه جميله : لا ما نمتش اصلى بصراحه خايفه عليه لاحسن يقع من حد او يضيع يرضيك اللى بقيلى من مامى يضيع كده حسين : لا يا ستى ما يرضنيش شوفى ايه اللى انتى عاوزاه وانا اعمله جميله :" بجد حسين : اه طبعا حسين : طيب لو طلبت منك نرجع الاتفاق تانى هتقول ايه حسين : هقولك طبعا لا جميله : ليه بس كده يا استاذ حسين حسين : لانى ما بحبش حد يلوى دراعى مهما كان جميله : وانا مش هعمل حاجه تانى معاك صدقنى بجد انا محتاجه لمساعدتك فيه دكتور المانى جاى زياره لمصر وقلنا ليه على حاله بابى وهو وافق انه يعمل العمليه وطبعا بابى مش هيوافق غير لما يطمن عليا الاول حسين : وانا مالى ومال ده كله شوفيلك حد تانى جميله : مش هينفع يا استاذ حسين اهون عليك تسبنى اكمل الطريق لوحدى كده حسين : طريق ايه ما تشوفى حد غيرى ينفع يمثل الدور جميله : ما قلتلك مش هينفع وحتى لو ونفع هقول ايه لبابى بعد ما اتفق معاك وقريت الفاتحه ارجوك يا استاذ حسين توافق انا محتاجه ليك بجد سكت شويه وما ردش عليها وجميله شعرت بانه لسه مصمم على رفضه انه يكمل معاها اللعبه فتراكمت فى عيناها الدموع وقالت له : اوكيه ردك وصلنى على العموم ميرسى ليك على كل شىء وصدقنى مش هكلمك ولا هزعجك تاااانى ابدا واذ كان على الموبايل ابقى ابعته زى ما انت قلت مع اى حد سلام حسين فى ثانيه : استنى ما تقفليش جميله : .......... حسين : الو انتى لسه معايا جميله بدموع : ايوه حسين : بتعيطى ليه دلوقتى طيب جميله : عشان بجد بابى انا قلقانه عليه اوى انت مش عارف حالته دلوقتى ايه لازم تتعمل العمليه باقصى سرعه حسين : خلاص طيب بطلى عياط انا موافق اكمل الدور جميله : بجد بجد موافق حسين : ههههههههه لا موافق بهزار جميله ضحكه جميله بدموعها : انا مش عارفه اقولك ايه حسين : قوليلى امتى اجاى واجيب المأذون معايا جميله : انت انبل انسان شوفته فى حياتى كلها حسين : بلاش تتسرعى طيب على اى كلام دلوقتى وخلينى فى الاهم بكره هنتقابل امتى جميله : هكلمك اول ما اصحى من النوم ونتفق اوكيه حسين : اوكيه جميله : طيب يلا بقى انا هقفل حسين : ماشى اقفلى وروحى نامى شويه عشان تصحى فايقه بكره هيكون اجمل يوم فى عمرك كله جميله باندهاش : ليه يعنى ايه الجديد فيه مهو هيكون زى اى يوم حسين : لا بكره كتب كتابك حاجه جديده عليكى ولا ايه جميله يدات تخاف : شكلك نسيت انه تمثيل فى تمثيل يعنى بعد كتب الكتاب كل واحد هيروح فى طريق حسين : طيب يا ستى وهو انا قلت حاجه دلوقتى جميله : اه بحسب انا حبيبت افكرك وبس حسين : ما تقلقيش فاكر ومش هنسى ابدا قوليلى بقى هتلبسى ايه بكره جميله : طقم عادى حسين : لا عادى ازاى كده باباكى هياخد باله انتى بكره كتب كتابك يعنى المفروض تلبسى حاجه سورايه وانا بدله شيك جميله تفكر فى اللى قاله وتلاقيه عنده حق حسين : سكتى يعنى جميله: كنت بفكر حسين : طيب اسيبك تفكرى بقى وانا هروح اكلم واحد صاحبى عنده اتيليه لتاجير البدل هأجر بدله حلوه وشيك كده جميله : اه مش ده برده اللى اجرت من عنده بدله امبارح حسين : اه هى ايه رايك جميله : بصراحه شيك اوى كانت عليك حسين باابتسامه : عشان تعرفى بقى ان زوقك حلو جميله: زوقى فى ايه مش فاهمه حسين : فى اختيارك مش انتى اخترتينى ولا نسيتى يا جميله الجميلات جميله بارتبااااك : احم طيب انا هقفل دلوقتى عشان ورايا حاجات عاوزه اعملها حسين حس بخلجها وارتباكها : هههههههههههههههه اهربى اهربى براحتك خالص هستنى منك مكالمه بكره ما تتاخريش يلا سلام بعد ما قفلت معاه فضلت تتذكر المحادثه كلها وتضحك على كلامه لحد ما اتفاجئت بشادى يقف امامها جميله : شادى انت هنا من امتى شادى : من بدرى اوى يا دكتوره ممكن اعرف بقى ايه اللى سمعته ده | ||||||
|
| |
|
08-04-16, 09:13 PM
| #10 | ||||||
| ~¤الفصل {9} ¤~ جميله بارتباك : انت انت من هنا من امتى شادى : من بدرى ممكن اعرف بقى ايه اللى سمعته ده جميله بارتباك : سسسمعت ايه شادى : انتى بجد بكره كتب كتابك جميله تتنفس الصعداء لانها حسيت انه سمع المكالمه وان حسين متفق معاها على انه يلعب دور على باباها : اه ان شاء الله بكره شادى : بسرعه كده جميله : بابى لازم يعمل العمليه بعد بكره ومفيش حل تانى قدامى غيره شادى : انتى متاكده من حسين ده كويس ما تفكرى تانى جميله : ايه اللى انت بتقوله ده وكمان مش كنت من شويه بتقولى انى بقيت اختك وانك شلت فكره الجواز منى دى شادى : ايوه بس بصراحه جميله : بصراحه ايه ما تتكلم شادى : مش عارف جميله : مش عارف ايه وممكن اعرف انت ايه اللى رجعك تانى هنا ايه كنت بتسمع كلامى فى الموبايل ولا ايه شادى : انا نسيت موبايلى ونزلت اخده ادى كل الحكايه جميله : طب اتفضل بقى اطلع اوضتك شادى : اوك طالع جميله : اووووووووف بنى ادم غريب الاطوال ايه دا عدل الليل وجه اليوم التانى وكانت جميله واقفه امام الدولاب بتختار اى فستان ترتديه اليوم عشان كتب كتابها وكانت محتاره جدا ولاقينا على سريرها كميه كتير من الفساتين والاطقم ده غير اللى فى ايدها عواطف دخلت وبصت على الاوضه والسرير والهدوم اللى مرميه على الارض : ايه ده فيه ايه جميله : مش عارفه اختار حاجه دماغى مشوشه خالص عواطف : ههههههههههه جميله : بتضحكى يا داده عواطف : بصراحه فكرتينى بايام زمان لما كنتى صغيره وتقفى قدام دولابك ومحتاره تختارى انهى فستان تخرجى بيه جميله : طب تعالى ساعدينى عواطف : انتى ليه محتاره نفسى افهم جميله : مش عارفه البس ايه كنت هلبس اى حاجه حسين قالى لازم البس حاجه سورايه عشان بابى ما يشكش وكده عواطف : طب اوعى كده واقولك هتلبسى ايه جميله : اتفضلى عواطف تبحث بايدها على فستان وفى الاخر اخرجتلها فستان سواريه جميل اوى جميله : ازاى ما ختش بالى منه عواطف : عشان دماغك مشغوله بحاجات كتير جميله تقبلها على وجنتيها : بحبك ياداده اوى ربنا يخليكى ليا عواطف : انا اللى بحبك يالا بقى البسى عشان نخلص ونلحق نروح للباشا وتقبلى حسين ده كمان جميله : ماشى ... اه بصحيح لمياء كلمتنى وقالتى انها هتيجى عواطف : طيب يا حبيبتى هروح البس انا كمان ******************************************* انشراح كانت فى اوضتها بتدخن بشراهه وبتفكر فى حاجات كتير سمعت صوت هاتفها راحت عليه وردت الو ايه الاخبار لالا مش عاوزه حد ياخد باله خاااالص ايوه تمام كده لا لسه فى البيت ههههههههه العروسه بتلبس جوه مش فاضيه لينا ... اهم حاجه دلوقتى مش عاوزه حد يحس بشىء فاهمنى كويس اوى لا اطمن فى الشركه لينا فيها عيون كتير لالالا ما تقلقش كله فى التمام هقفل انا دلوقتى عشان احضر نفسى لكتب كتاب الاميره جميله هههههههههه سلام ******************************************* يمر الوقت ونجدها ترتجل من سيارتها وكانت معها عواطف الداده ورسمه على شفتاها ابتسامه عشان انهارده هو كتب كتابها ولازم كل العاملين فى المشفى يعرف انها فرحانه وسعيده عروسه بقى كانت راكضه هى وعواطف لكنها وقفت فجاه عندما وجدت حسين جالس على طاوله فى حديقه المشفى ومعه بعض من الرجال واول ما لاحظ انها جت قام وقفل بدلته وراح عندها ورسم على شفتاه ابتسامه ونظر لها من فوق لتحت باعجاب شديد الثانيه على التوالى ღ هاتولى عريس ღ نورهــــان ... ازيك يا عروستى ايه القمر ده كله جميله دقات قلبها كانت عاليه ومكنتش تعرف السبب لكنها التزمت الصمت من كتر خجلها حسين : مالك فيه ايه جميله وشها كله بقى احمر خالص من كثره اقترابه منها وكمان البرفييوم بتاعه كان حلو اوى عواطف شعرت بها ومن شده خجلها لانها اول مره تحس الاحساس ده فمسكت ايدها : احنا هنطلع للباشا فوق ابقى حصلنا لما يجى المأذون حسين ابتسم لما شعر بانها محرجه منه : مفيش طيب ازيك يا تنت ولا حاجه دا انتى خلاص شويه وهتبقى فى مقام حماتى عواطف بسرها وهى ماشيه مع جميله : حماته ده اللى ناقص ال حماته قال جميله ابتسمت على كلامه وكملت سيرها مع دادتها الى داخل المشفى ... الكل قرب منها وبدا يباركلها ويدعو الله انه يسعدها ويتم شفاه والدها ويقوم بالسلامه وكانت منهم دكتوره كانت صديقتها ايام الجامعه ولما اتخرجو شغلتها فى شمفى والدها نهال : ازيك يا عروستنا جميله : ازيك يا نهال عامله ايه نهال : الحمدلله الف مبروك جميله : الله يبارك فيكى عقبالك عواطف : يلا يا جميله عاوزين نطلع للباشا جميله : حاضر يا داده بعد اذنك يا نهال وعقبالك يا حبيبتى نهال بعد ما مشيت : ان شاء الله ياختى ... مشيت شويه وجدت دكتور وليد داخل غرفته ركضت اليه وطرقت الباب ثم فتحته وليد : نعم يا دكتوره فيه حاجه نهال تقفل الباب وتركض عنده : احنا لوحدينا يعنى انا نهال وانت وليد وليد : نهال احنا فى المستشفى نهال : وفيها ايه يعنى وليد : فيها كتير يلا اخرجى دلوقتى قبل ما حد يلاحظ حاجه نهال : انت من امتى بتخاف كده شكلك نسيت ايه اللى كان بيحصل هنا دايما وليد يقرب منها : يا نهال افهمى الايام دى مش المفروض نقابل بعض كتير نهال : ليه يعنى وهو ايه اللى جد وليد : انتى بقيتى غبيه ليه نهال : غبيبه عشان بحبك يا وليد وليد : مش وقت الكلام ده بقولك ايه روحى دلوقتى وبالليل نبقى نكلم كلامنا نهال : انت مالك مستعجل كده على مشى من هنا ... ولا تكونش مش عاوزنى اشوفك وانت زعلان وليد : زعلان وهزعل من ايه نهال : عشان يعنى خلاص البيضه اللى كانت هتبضلك دهب هتتجوز انهارده وليد : نهال لتانى مره بقولك اخرجى من الاوضه وبالليل نبقى نكمل كلامنا نهال : اوكيه اوكيه همشى وهستناك بالليل يا وليد وطلعت نهال من الاوضه وهو رجع على كرسيه ورجع راسه لورا واتناهد : غبيه هتضع كل اللى بعمله فى ثانيه ..... وبعدين رجع فتح اللاب وكمل شغله ******************************************* جميله كانت جالسه جنب والدها وقالتله بان حسين تحت فى حديقه المشفى ومعه قرايبه منتظرين المأذون يجى بدران : افهم من كده انك موافقه ان يتكب كتابك انهارده جميله : احم ايوه يا بابى بدران : طب وليه الاستعجال ده بس ما كنا نستنى شويه كمان عشان على الاقل تاخدو على بعض وتعرفو بعض اكتر جميله : مهو مهو عواطف تلاحقها بردها : مهو عارفين بعض يا باشا انت ناسى ولا ايه لما كانوا سوا فى كندا انا بقول خير البر عاجله ومدام كده او كده هيكتبو الكتاب يبقى ليه بقى التاخير بدران : يعنى انتى شايفه كده يا عواطف عواطف : ايوه بس طبعا فى الاخر الامر امرك جميله : وكمان اللى خلانا نستعجل ان حسين جاله شغل من بدايه الاسبوع الجاى يعنى لازم يكون بره مصر الايام اللى جايه بدران : على خير الله ... امال فين انشراح وشادى جميله : زمانهم جاين طرقت الباب وعواطف فتحت لقتها صديقتها لمياء : مساء الخير جميله : لمياء كنت هزعل لو مكنتيش جيتى لمياء : وهو انا اقدر برده يا قلبى .. ازيك يا عمو اخبار صحتك ايه بدران : الحمدلله تمام يا بنتى ازيك انتى واز عادل خطيبك لمياء : الحمدلله تمام مش عارفين نشكرك ازاى على اللى عملته مع عادل بدران : انا معملتش حاجه عادل شاطر ومجتهد واى مستشفى كانت تتمنى انها تعينه بس الحمدلله احنا لحقنا وعيناه لمياء : ميرسى كتير لحضرتك والف مبروك لجميله بدران : ربنا يبارك فيكى يا لمياء لمياء تهمس لجميله : ايه الجمال ده كله انا مكنتش فاكره اننا حلوين وقمرات كده جميله : بس بقى بطلى كلامك ده لمياء : قوليلى صحيح اللى بالى بالك شافك ولا لسه جميله: ايوه ياختى شافنى لمياء : وووووووواووووووو اموت واشوفه بجد جميله : لمياء بطلى جنانك ده هو زمانه طالع دلوقتى وهتشوفيه لمياء : بجد طب ياريت قبل ما عادل يطلع عشان اشوفه كويس جميله : ههههههههههههههههههههه وليه بقى ان شاء الله بت انتى مش اتخطبتى عاوزه ايه تانى لمياء : لا ياختى ما تخليش فكرك يوديكى فى حتت تانيه كل ما فى الموضوع انى عاوزه اشوف مين ده اللى خطف قلب جميله الجميلات جميله : هتشوفيه دلوقتى اصبرى على رزقك لمياء : ايه يا داده فين الشكولاته جميله : داده بسرعه اديها عشان تتلهى و تسكت وبعد قليل تاتى انشراح وابنها شادى وايضا جاء ابنها وائل ليكون شاهد على العقد زى ما طلب منه بدران والشاهد الاخر كان دكتور منتصر وبعد ثوانى يطرق الباب ويدخل حسين ومن معه وبعد ما المأذون جهز اوراقه وحضر كل شىء سال جميله : هل تقبلين حسين دهشان منصور زوجا لكى على كتاب الله وسنه رسوله نظرت لوالدها ثم الى عواطف اللى كانت متراكمه فى عيونها الدموع وبعدين نظرت لحسين وجدته ناظر اليها بعيون مليئه بالحب والحنان غمضت عيونها لحظه ثم قالت بهمس : نعم اقبل بعد كتب الكتاب انشراح خدت اولادها ومشيت وظلت عواطف مع جميله وده كان طلبها منها بانها تفضل معاها بدران : الف مبروك يا حبيبتى الحمدلله والشكر لله ان ربنا ادانى العمر عشان اكون معاكى فى اللحظه دى جميله بدموع : ربنا يخليك ليا يا بابى بدران : حسين مش هوصيك على جميله تحطها فى عيونك وتحافظ عليها حسين : اطمن يا باشا جميله فى قلبى قبل عيونى بدران : باشا ايهع بقى خلاص انا بقيت والد مراتك يعنى من هنا ورايح تقولى يا عمى حسين : حاضر يا عمى عواطف : الف مبروك يا حبيبتى وربنا يتمم ليكى على خير جميله : تسلمى يا داده حسين يقرب من عواطف ويهمسلها : وانا مليش مبروك ولا ايه يا تنت دنا حتى العريس عواطف تنظر له وتقوله بغضب : مبروك حسين : شكلها وحش اوى وهى طالعه من غير نفس كده عواطف : وله عدى ليلتك ها حسين : ههههههههههه حاضر يا تنت هعديها عشان خاطر مراتى بس عواطف لجميله : مش يلا بقى ولا ايه عشان نسيب الباشا يرتاح جميله : خلينى معاه شويه يا داده بدران : لا كفايه كده ويلا قوموا روحو جميله تقبل يداه وتقوم : اللى تشوفو يا بابى هكون عندك بكره بدرى عشان اصبح عليك قبل ما تدخل العمليات بدران : ان شاء الله عواطف : ما تؤمرش بحاجه يا باشا بدران : الامر لله وحده يا عواطف عواطف :ونعم بالله ان شاء الله هنجيك الصبحيه بدران : ان شاء الله يلا خدى جميله واخرجى وسيبو معايا حسين شويه جميله تنظر اليه : ليه يا بابى فيه حاجه بدران : لا مفيش عاوز اقوله كلمتين وبس جميله : طيب ما تقوله اهو واقف بدران : لا هقوله وانتى مش موجوده جميله : ليه يعنى يا بابى فيه ايه بدران : يا حبيبتى مفيش بس عاوز اقوله كلمتين على انفراد يلا بقى مش قادر اتكلم اكتر من كده جميله : طيب ماشى يا بابى بس كلمتين وبس عشان غلط عليك بدران : ههههه حاضر اطمنى يلا بقى خديها يا عواطف واستنوا حسين بره عواطف : حاضر .. .يلا يا حبيبتى .... تنظر لحسين جميله قبل ما تمشى وبهمس : خلى بالك عليه بلاش تتعبه حسين بنفس الهمس : ما تقلقيش وخرجت بره مع عواطف وكانت قلقانه وبتفكر ياترى هيقوله ايه جوه ومش عاوزنى اعرفه عواطف :مالك يا حبيبتى بس جميله : عاوزه اعرف هو هيقوله ايه عواطف : دلوقتى تعرفى من حسين لما يطلع من عنده جميله : تفتكرى هيقولى جميله : وليه ما يقولش هو هيخبى عليكى اكيد هيقول جميله : ما افتكرش وياتى اليهم دكتور منتصر ومعه الطبيب الالمانى : الف مبروك يا عروستنا جميله : الله يبارك فيك يا دكتور منتصر منتصر : واقفين ليه كده فيه حاجه جميله : مستنيه حسين اصله جوه عند بابى منتصر : طيب ان شاء الله بكره هنعمل العمليه الساعه 8 الصبح زى ما اتفقنا وفى اللحظه دى يخرج حسين من الغرفه ويباركله دكتور منتصر على الزيجه ويدخل الى والد جميله ويفضلوا ينظرو لبعض حسين : ايه فيه ايه مالكم جميله : بابى كان بيقولك ايه جوه حسين : كلام عادى جميله : ايوه اللى هو ايه يعنى الكلام العادى ده حسين : فيه ايه يا جميله بقولك كلام زى اى كلام جميله توجه كلامها لعواطف : مش قلتلك مش هيقول حسين : هو فيه ايه بالظبط عواطف : جميله عاوزه تعرف الباشا قالك ايه وليه خرجها وكلمك على انفراد حسين : منا قلتلك كلام عادى بيوصينى عليكى يا ستى جميله : ياسلام ما كان يوصيك وانا موجوده حسين : هو بقى حب يوصينى عليكى مش فى وجودك اقوله بلاش جميله تنظر له وهى مش مصدقه وحاسه ان فيه حاجه تاني وهو مش عاوز يقولها حسين : ها يلا ولا هنبات انهارده هنا ... اه انا قلت يوم جديد علينا بس مش نبات فى المستشفى يعنى جميله : اتفضل هنمشى حسين : لا والله ابدا انتى الاول ليدس فرست يا زوجتى الجميله جميله : اولا اسمها ليدز فيرست ثانيا ايه زوجتى الجميله دى حسين : ايه مش انتى بقيتى مراتى ولا ايه جميله : لا طبعا دى تمثليه وانت عارف كده كويس حسين : ياستى عارف ما تفضليش تقوليلى كده كل شويه انا معنديش زهايمر جميله : اوكيه اتفضل بقى اركب عربيتك وامشى حسين : انا بطرد بقى جميله : سميها زى ما تسميها بقى حسين : من اولها كده طب حتى استنى لما نخلص شهر العسل جميله : شهر عسل ايه انت صدقت ولا ايه ده مجرد كتب كتاب وكمان لعبه حسين : يادى النيله عليا وعلى يومى جميله : اوكيه اوكيه مش هفكرك حلو كده حسين : انتى احلى يا جميل جميله وجهها يشع احمرارا ... حسين وضع يداه على خدودها بطريقه : ياخواتى على الناس اللى خدودها بتحمر دى جميله : حسين وبعدين معاك حسين : عيون حسين وقلب حسين ملكك يا جميله الجميلات ايش تطلبى جميله : لالالا انت مش ممكن ابدا حسين يعمل نفس الحركه : اه دنا برده جميله بزوم زى الاطفال : تؤ ما تنرفزنيش بقى حسين : وهو انا اتكلمت دلوقتى جميله : سامعه يا داده عواطف : ـــــــــــــــ جميله تبحث عن عواطف ما لقتهاش جنبها حسين : راحت العربيه زهقت من كلامك ومشيت ركبت العربيه جميله : والله ... بقى زهقت منى انا وليه ما تقولش زهقت من طريقتك انت حسين : وهو انا عملت ايه يعنى جميله : مهى المصيبه انك ما عملتش انا اللى عملت فى نفسى كده حسين يقرب منها بعينه : طب بذمتك مش احلى مصيبه جميله تغمض عيونها وتاخد نفسها من سرعه دقات قلبها : على فكره لو مش مشيت دلوقتى مش هيحصلك طيب حسين : لو هيحصل اللى فى بالى يبقى مش همشى جميله : وايه هو اللى فى بالك ده حسين ينظر على شفايفها ويعض بشفايفه : نفسى فيها موووووت جميله اول ما شافت طريقته ونظراته على شفايفها ركضت من امامه مسرعا : لالالا ده مجنون مجنون انا ايه بس اللى عملته فى نفسى ده حسين : هههههههههههههههههه اهربى اهربى هتروحى منى فين يا جميل يا قمر انت مسيرك هتقعى بين ايدى وساااااااااعتها مش هتعرفى تهربى يا قطه جميله كانت لسه بتركض الى عربيتها لكنها سمعت كلامه الاخير ووجدنا ابتسامه مع احمرار وجهها تاخد نفس طويل وتفتح باب عربيتها وتركبها : كده برده يا داده تسبينى لوحدى معاه عواطف : اعملكم ايه انا زهقت من الوقفه وانتو شغالين كلام ومناقره قلت اجاى اقعد فى العربيه اريح رجلى شويه جميله : طيب طيب عواطف : هو قالك جميله : على ايه عواطف : على الكلام اللى الباشا قالو جميله : لا ما قلش عواطف : امال كل ده كنتو بتقولو ايه جميله تنظر لها ثم تجده ماشى بجانبها بسيارته وبيغمز لها ويعض على شفايفه تانى وقالها : مستنيه ايه جميله : عاوز ايه تانى حسين : اطلعى يلا بعربيتك عشان امشى وراكى لحد بيتكم جميله تظل تنظر اليه باندهاش حسين : انا قلت ايه اطلعى يلا جميله تحرك عربيتها وتسرع بها وهو يلاحقها بسيارته | ||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
