آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
06-04-16, 02:48 AM
| #1 | |||||||||||||||||
| مراقبة عامة ومشرفة منتدى الروايات المنقولة  
|  القلب فاض حبا بكِ يا حسناءِ ، للكاتبة / عاصفة حب
التعديل الأخير تم بواسطة فيتامين سي ; 18-04-16 الساعة 10:08 AM | |||||||||||||||||
|  |
|
06-04-16, 02:51 AM
| #2 | ||||||||
| مراقبة عامة ومشرفة منتدى الروايات المنقولة
|  القلب فاض حبا بكِ يا حسناءِ خرجتا من منزلهما مودعتان ابويهما بقبلة لكل منهما على الرأس وتأكدتا من احتشامها وان حجابهم غطى كل جسدهم لا ترا منهما الا السواد صعدتا لباصهما وعين ذاك الشاب تلاحقهما بل الاصح تلاحقها هي مثل كل يوم ينتظرها صباحا عند ذهابها ومساء عند عودتها تأففت منه واستغفرت وصعدتا للباص وجلستا بالقرب في اخر مقاعد الباص على الرصيف المجاور لمنزلهما عاشقها مصعب: انت ما مليت من وضعك هذا كل يوم مراقب البنت الصباح وهي مداومة والظهر وهي راجعة عبدالله بكل صدق: احبها احبها يا مصعب وهي لا تلتفت لي حتى حاولت اتواصل معاها واخبرها بمشاعري بس ماعرفت مصعب: انسى ان هذا البيت تخرج لك منه تربية فاسدة انت تعرف كيف تربية العم ابو محمد واصلا لو يحس ولا يعرف انك قاطعه عبدالله قبل لا يكمل بقلب محروق: انا عندي خوات مستحيل افكر اكلمها انا بس ودي تعرف اني احبها وش بيدي اسوي يا مصعب تعبت والله خطبتها مليون مرة كل مرة اجيب له جاهه ومشايخ نفس الرد بناتنا ما يطلعون من قبيلتهم اللي قاهرني يا مصعب ان ابوها متعلم وواصل منصب عالي وشهادات ويسافر لكل مكان يلقي محاضرات ليش هالتفكير المتحجر انا وش ناقصني علم وشهادة ووظيفة في احسن مستشفى بالرياض ليش يا مصعب وش ناقصني بس عشان ماني من قبيلته طيب انا قبيلي مثله مصعب: يا عبدالله هذي عادات وتقالد بعض العوائل ومارح تغيرها في يوم وليلة عبدالله: الله يلعنها من عادات لا الله ولا رسوله يرضون بها لكن واللي خلق ذا الراس يا حسناء ما تكون لغيري لو انها توصل للقتل مصعب: لا حولا ولا قوة الا بالله انت انهبلت في عقلك عبدالله بقلب عاشق موجوع: افهمني يا مصعب انا احبها قلبي يطوق لها عيني ما تشوف غيرها ليش ا انحرم منها لمجرد اني مو من قبيلتها مصعب: والله يا رفيقي مدري وش اقول لك عقول وش نسوي بها عبدالله بقهر: وش ذنبي انا وش ذنب قلب حب بكل طهر وتمنى حسناء بالحلال وش ذنبي انت تدري يا مصعب اني ما اجتهدت في دراستي وسهرت ايام وتعبت وحفيت عشان اخذا الامتياز وماصدقت وتوظفت عشان اخطبها وابوها يصدمني برفضه وبس عشان قبيلتها المشكلة بناته كبروا عنده ما حد تزوجهم كل ماجاه حد رده لنفس السبب مراقبتي لها مهونه علي زولها وشوفتها تجدد فيني الامل وتخليني ما ايأس وبحزن كمل بس هالسنه هي خريجة بنحرم من شوفتها انا اتجنن في الاجازات من شوقي لها كيف لمن تتخرج نكس مصعب رأسه من الحالة التي وصل اليها صديقه :مشينا على الدوام تأخرنا وبمزح ياعنتر زمانك اكتفى عبدالله بابتسامه: تعال اول خلنا نفطر ذوق اكل خطيبتك مصعب استحى شوي: اجل يلاه دخلوا البيت يكملون سوالف في الباص حسناء: اف ياربِ مليت من هذا الانسان بيسبب لي الشبهات مريم: انت ساكتة عنه علمي ابوي او اخوانك يتصرفون معه حسناء بخوف: لا لا انت ما تعرفين عمك يعني بيقول اكيد انه شاف منكم شيء اكيد انكم ابديتوا له الموافقة واخواني والله يمكن يقتلونه بعدين اصلا ماتذكرين لمن تهاوش معاه محمد مره بس قال اني استنى اخته ليلى بس الحين اخته تزوجت من شهرين وتركت الباص مريم: الله يعينه مامل والله لو غيره كان مل وامداه خطب وتزوج خطبك ميات المرات ومع كذا مامل وبضحكه كملت انه عاشق من الطراز الاصيل حسناء: ههههههه كنك ماتعرفين السبب اللي عنس خواتي وبيعنسني انا وياك هههههههههه مريم بتعجب من عمها ما ادري كيف ابوي توصل للدكتوراه مع هذا التفكير حسناء: الله يعين مهما كان يظل هذا ابوي مريم: طيب اخوانك ما شاءالله ليش ما يكلمونه حسناء: اووه يامى تكلموا معاه وصارت هوشات ابوي ماحد يقدر يغير اللي براسه على العموم خلينا من هالسالفة اليوم فتحوا التخصصات اختاري من بدري عشان لا تقفل عليك ويحذفونك بتخصص خايس مريم:لا والله ان شاءالله بروح اليوم عندي بريك الساعة 10 حسناء: الله يوفق مريم: امين يارب في بيت ابو محمد تحديدا في الصالة جالس هو وزوجته ام محمد يفطرون ابو محمد: الحين بناتك هذي شغلتهم سهر في الليل ونوم في النهار ام محمد: وش تبيهم يسون دراسة وتخرجوا و وظيفة مالقوا وزواج ماتبي تزوجهم خلهم على راحتهم دامها جات بس ع السهر و النوم ابو محمد بغيظ: الله يسامحك انا منعتهن من الزواج ام محمد: اجل وش ذا اللي تسميه منيره انخطبت فوق العشر مرات وسلمى للحين تنخطب وانت ما توافق ومن زينة الشباب كلهم خير منصب واخلاق وبعضهم من عيال زملائك ليش يا ابو محمد ربي بكرة بيحاسبك عليهن ابو محمد: تبني ازوج بناتي ناس ما تعرف طباعهم ولا عاداتهم بكرة اذا صار بينهم خلاف ولا مشاكل ووصلت للطلاق وخذا عيالها ولا وحرمهم كيف تبيني اضمن الغريب لا والله يا يتزوجن من اهلهم يا يجلسن في بيتي معززات مكرمات ام محمد: الله يهديك يا ابو محمد لو كل واحد فكر مثل ماتفكر ماحد تزوج بعدين ليش تفكر في الجانب السلبي احسن الظن بالله ابو محمد: ونعم بالله انا غير ذا الكلام ماعندي وفكينا الله يصلحك وتبين اخواني يزعلون طلعت بناتي للغريب وعيالهم اولى ام محمد: انت تبي تجنني اخوانك وعيالهم لو يبون ياخذون من عندنا كان جو من زمان منيره قربت الثلاثين وسلمى بتلحقها بعد كم سنه ابو محمد: خلاص عاد فكينا من ذا السيرة ام محمد : الله يسامحك ويصلحك يا خوفي بكرة يعنسن بناتك وبنت اخوك عندك وساعتها خل الندم ينفعك ابو محمد بعصبية: بنت اخوي مثلها مثل بناتي وغلاتها من غلاتهم وهي امانه عندي واللي احبه لبناتي احبه لها ام محمد: بناتك وقلنا ابوهم وحر لكن هاليتيمه ليش تمشي عليها قوانينك حرام عليك بكرة تتسأل عليها ابو محمد بزعل: اللي يسمعك يقول ظالمها ومعذبها اعاملها احسن من عيالي حتى ام محمد: لا تقلب السوالف انا ماقلت كذا اقصد زواجها لا تمنعها ابو محمد: مامنعتها ابي لها الزين وبعدين اسكتي اوجعتي راسي بذا الهرج كل يوم مناشبتني ام محمد: ابي افرح ببناتي ابو محمد بنرفزة: انتيب تسكتين ولا كيف ام محمد بيأس: خلاص سكت ابو محمد: البنات ونايمات العيال وينهم ام محمد تشمق: عيالك الخرفان كل واحد متقفل عند حرمته ابو محمد: هههههههههههههه تغارين من حريم عيالك ام محمد: لا والله ما اغار لكن حريم ماعندهن سنع ساكنين في بيت واحد وتمر اسابيع ماينزلون يسلمون ويسألون حتى عيالهم ياكفي مايعلمونهم على صلة الرحم الله المستعان لكن العيب مو فيهن العيب في عيالك الخرفان لكن دواهم عندي ابو محمد: ههههههههههههه خفي عليهن يا ام محمد مانبي مشاكل قربهم يكفينا اهم شيء عيالي واحفادي عندي حريمهم مع السلامة اللي تبي تنزل تنزل واللي ماتبي بحفظ الرحمان ام محمد: اللي تشوفه يانظر عيني ابو محمد: صدق اني نظر عينك ام محمد بخجل: نظر عيني وسيدي وتاج راسي ابو محمد: فديتك يا نور عيني انت هيه يازينة الحريم انت :احم احم السلام عليكم وش عندهم الكناري يتغالزون ام محمد خجلت مره ابو محمد: استح على وجهك ياولد فهد:هههههههههه والله ياجدة ماعرفتك تغازلين هالشايب ابو محمد يسوي نفسه بيضربه: انا شايب يا اللي ماتستحي فهد:هههههههه امزح امزح انت سيد الشباب صبِ لي حليب يا جدة ام محمد: من عيوني فهد بخبث: لا عيونك لشايبك ماهي لي ام محمد: مافي حليب وانقلع عند امك تسوي لك لا اقوم عليك الحين ابو محمد وفهد: هههههههههههههه يقوم فهد ويحب راس جدته: لا والله كلش ولا زعل حصيص ام محمد تضربه بمزح: حصيص ياقليل الحيا حشى ماعرفت تربي نوير فهد: ههههههههههههه فدوة ياجدة الله لا يحرمني منك ابو محمد: الا ليش ما رحت جامعتك فهد: مالي خلق والله ابو محمد: ماعندنا شيء اسمه مالي خلق فهد: والله مواصل ياجدي توي جاي من الاستراحة من عند الشباب ام محمد: الله يهديك يلا افطر ورح نام ريح فديتك فهد: ابشري عائلة ابو محمد ابو محمد دكتور بجامعة الامام سعود متقاعد طيب وحنون على عياله لكنه عنصري شوي ومتعصب للعادات والتقاليد متمسك بها بقوة ومستحيل يتنازل عنها متزوج من بنت خاله ام محمد انسانه جدا حنونهوعطوفه فيها شوي من كيد الحريم على حريم عيالها تموت في بناتها وفي مريم واحفادها ورزق ابو محمد وزوجته بخمسة ولدين وثلاث بنات ومريم بنت اخوه يتيمه الام والاب توفوا وهم رايحين للحج بحادث من عمرها سنتين وعلى طول عاشت مع عمها ومن حبها لهم وغلاتهم تنادي عمها وزوجة عمها بأمي وابوي (محمد الكبير: 42 سنة ضابط شخصيته طيبه وحازم في نفس الوقت متزوج بنت عمته نوره ربة منزل طيبه حليوه لكنها مقصرة شوي مع بيت اهل زوجها عيالهم فهد22 سنة طالب تخصص قانون فلاوي مزوح حنون على اهله وعماته طويل وجسمه رياضي بشرته برونزية شعره اسود قصير كثيف عيونه عسلي غامق طالع له شوية شنب خفيف ويعاني من ذا الشيء الاخ وده بشنب كثيف لكنه طالع على خواله ههههه خشمه طويل وحاد ابتسامته جميلة محترم وماله بسوالف الشباب البايخة وقاعدته اللي ماترضاه على نفسك واهلك لا ترضها على غيرك فارس:18 سنة ثالث ثانوي علمي انسان ثقيل وراحته وانبساطه بين كتبه ودراسته حلمه يكون عالم كيميائي طوله متوسط يلبس نظارات يشبه اخوه فهد بس بشرته فاتحه فوز:15 سنة ثالث متوسط مربره شوي بيضاء شعرها اسود ناعم مره تحت اكتافها بشوي سنفووره مره عيونها صغيره ومسحوبه سودا ملامحها شوي تميل لشرق اسيا اسيا بس الفرق خشمها طويل ) (يوسف الابن الثاني :36سنة محامي متزوج من جماعته فاطمة 29سنة ربة منزل وعندهم زياد:12 سنة واياد:10 سنوات رسيل:3سنوات) (منيره :28سنة متخرجة تخصص تربية فنية طيوبه البيت على راسها هي وسلمى طويله جسمها رشيق مايل للامتلاء بشرتها بيضاء مره وجهها طويل عيونها كبار عسلي فاتح خشمها طويل شفايفها صغيره وحمراء شعرها اسووووود كاتم طويل لمن اردافها عادي مش ناعم ولا خشن ) (سلمى: 26سنة متخرجة من سنتين تخصص رياض اطفال طويلة اطول خواتها 177 جسمها رشيق تحب الرياضة والموضة بيضاء وجهها دائري عيونها واسعه بني غامق شفايفها صغار فيها غمازات شعرها بني غامق مقصوص لمن اكتافها ناعم جدا دلوعة وتتمنى تعيش قصة حب خيالية الاخت لاعبة فيها المسلسلات ) (حسناء اخر العنقود:24 اخر سنة تخصص برمجة حواسب قصيرة 155 جسمها مثل سلمى بشرتها حنطيه عيونها كبار عسليه فاتح وجهها طويل خشمها وسط شفايفها وممتلئة فيها غمازة وحدة تحت الشفة طيبه وهي ومريم مره قراب من بعض) (مريم:20 سنة قزومة بيضاء وجهها دائري عيونها وسيعة شوي خضر غامق وراثة من اهل امها لأنهم من الجنوب خشمها طويل شفايفها رسمة التفاحة وفيها غمازات شعرها اسود ناعم قاصته فكتوريا تحت ذقنها بشوي) ابو محمد بيته ملك نظام فلة وفوق شقتين شقة لمحمد وشقة ليوسف وجنبه جاره ابو عبدالله متوفي من ثلاث سنوات زوجته ام عبدالله 50سنة حيييييييل حنونه وطيبه قطريه رزقهم ربِ بثلاثة ولد وبنتين كان ودهم بخلفه اكثر بس عشان بأخر ولادة لها تعرضت لنزيف حاد اضطروا يستأصلون الرحم حاولت ام عبدالله تزوجه لكنه كان يحبها واكتفى باللي اعطاهم ياه ربِ عز وجل عيالهم (عبدالله الابن الاكبر:26 سنة دكتور اطفال شخصية قوية وعنده ارادة حنون طيب على امه وخواته عاشق ومتيم لبنت جارهم حسناء ماقد شافها بحياته اللهم مره اخته ايام الثانوية كانت مريضة وجات زارتها وشاف زولها ومن هذاك اليوم وهو لا ليله ليل ولا نهاره نهار طويل مره جسمه رياضي اسمر شعره اسود ناعم كثيف يغطي رقبته وجهه طويل عيونه دعج سبحان الله مكحله من ربِ عسليه خشمه طويل وحاد ابسامته تذوب ) (ليلى:24 سنة مع حسناء بنفس التخصص مالها دور كبير اللهم انها اختهم ^_^ متزوجة من شهرين من برا العايلة) (سهى: 22 سنة حبوبه تشبه اسيل عمران خطيبة مصعب صديق اخوها زواجهم في الصيف ان شاءالله) (مصعب: صديق واخ عزيز لعبدالله ونسيبه :27سنة وسيم نوعا في شبه من الشاعر ياسر التويجري دكتور اسنان) هذي بس المقدمة وان شاء الله تعجبكم رواياتي انا لسا اتعلم هذي ثانية رواية لي بعد رواية رواية تصدقني إذا قلت لك أحبك /بقلمي ؛كاملة ان شاء الله رح اتطور من نقدكم وتشجيعكم البناء في رواياتي رح تلاقون بعض المشاكل اللي يعني منها المجتمع ورح احاول احلها واكيد بمساعدتكم بطرح الاراء التعصب القبلي اهمال الام لأولادها البرود بين الزوجين واكيد رح تلاقون الضحك والزعل وشوية حرق اعصاب على شوية رومنسية غير خادشه للحياء وقليل جدا من البكاء لأني ما بحبه ولا احب ابكي شخصياتي وقرائي الحلوين البارت رح يكون ان شاء الله مرة بالأسبوع اذا كان طويل ومرتين اذا كان قصير و مافي يوم محدد على حسب ما تسمح ظروفي بس اذا مر اسبوع كامل بدون بارت ح يكون في بارتين في الاسبوع اللي بعده واللي حاب ينقل الرواية ينقلها بس ياريت يكتب اسمي عليها عاصفة حب ودي لكم | ||||||||
|
| |
|
06-04-16, 11:46 PM
| #3 | ||||||||
| مراقبة عامة ومشرفة منتدى الروايات المنقولة
| البارت الثاني في صباح الاثنين ويوم جديد على ابطالي في غرفة حسناء ومريم غرفة متوسطة مع حمام داخلي اكرمكم الله صبغت جدرانها باللون الموف وزخرفة ببعض النقوش الفضية وارضيتها باركيه وفيها سجادة صغيرة في المنتصف سادة بلون الابيض وفي جهة كل جهة من اليمين واليسار سريران بلون الابيض ومفرش موف ودولاب كبير ابيض وتسريحة متوسطة الحجم مريم جالسة ع التسريحة تسرح شعرها لابسة فستان رمادي قطن مفتوح من الجنب من بداية ساقها لأخرها وعليه بلوزة قصيرة عودي غامق راسمه فرنسي ومسكرا وروج بلون كشمش سوت ضفيره فرنسية مهملة مريم: حسحس عجلي الباص ربع ساعة ويجي حسناء خارجة من الحمام ولابسة الروب وترتجف من البرد وقالت بقهر: ليش سكرتي السخان موت برد ماتحسين مريم بضحك: ههههههههه يختِ تعرفين ما احب الموية الحارة بعدين مو كويسة ترهل البشرة خليكِ زي موية باردة تشد البشرة وتنشطك حسناء: شكرا خليت لك الشد وخلِ لي الترهل امانة ماعاد تسكريه على الاقل في الصباح جلست ساعة ع الدش احط يدي واشرد لمن تأقلمت ع البرودة جسمي كله قشعر من البرودة حشى جلدك جلد حمار مريم: شكلك مطولة بنزل افطر حسناء: سوي لي نسكافية مريم: اوك نشفت حسناء شعرها بالمجفف ودهنت جسمها بلوشن ولبست تنورة سكيني ميدي اسود على قميص جينز ازرق بحري ورفعة الاكمام شوي ولبست ساعة جلد بني ولمت شعرها كوكيز مهمل ورسمت حوابها وقلوس وردي ونزلت عند مريم افطروا وسلفوا شوية وجاء الباص خرجوا و كالعادة عبدالله قدامهم مريم بشويش: انه عنتره يا عبله حسناء كتمة ضحكتها وركبوا الباص وجلسوا في مكانهم المعتاد حسناء: الله يرجك مريم: ههههههههه الا وش فيك ماعلقتي كالعادة حسناء: صراحة صراحة صح وقفته هذي تضايقني وتنرفزني بس شيء حلو ن في شخص يحبك ويعني وكذا ومثلك ادري وتغمز لها من تحت النقاب مريم بخجل: فضحتينا لا يشوفك السواق ويحسبك تغمزين له حسناء بفجعة ترمي الطرحة ع عيونها: تهقين مريم بضحك: ههههههه مدري وعدى الطريق وهم يسولفون مريم وحسناء جامعتهم بعيدة مرة عن البيت عشان كذا الباص يجيهم بدري عبدالله بعد ما مشى الباص دخل بيتهم شاف امه باس راسها :صباحك الله بالخير ام عبدالله: صباح الرضى حبيبي غريبة اليوم جاي هالوقت العادة مداوم عبدالله: ايه كنت مناوب في الطوارئ عن واحد من العيال ام عبدالله: الله يعطيك العافية افطرت حبيبي ولا انزل لك عبدالله: الله يعافيك لا يالغالي ماودي ابي انام تعبان ام عبدالله:نوم العافية عبدالله: تامرين بشيء يمه ام عبدالله: لا فديتك روح ريح عبدالله قام وطلع الدرج اول غرفة على اليمين غرفته كبيرة غرفة وحمام الله يكرمك وغرفة صغيرة فيها تلفزيون ومكتبة كبيرة ا فيها كتب عبدالله من عشاق القراءة غرفته جدرانها مصبوغه برمادي فاتح ومحددة من الجوانب والاسقف بزخارف اسلامية باللون الاسود وسرير ضخم ودولاب وسط مع تسريحة عاديو بلون الاسود ومفرشه بلون الابيض الغرفة الثانية بنفس اللون اللهم فيها كنبة كبيرة وفيها خداديات بلون الاصفر والرمادي دخل ع الحمام خذا شاور ولبس ترنج اسود اديداس انسدح على سريره وسرح في حسناء :هيه يا حسناء ياترا انتِ حسناء مثل اسمك ولا كيف شكلك يا ترا بيضاء ولا سمرا شهرعا طويل ولا قصير فيها غمازه مثل فهد ولا مالها و بضحكه لكنها قصيرة عني خخخخ مو مشكلة وبحزن يارب تجمعني فيها بحلالك يارب تيسرها علي يارب اجعلها خير لي واجعلني خيرا لها وييسرها يارب ونام وهو يهوجس ويفكر فيها ومره يدي ومره يرجع يسرح ويتخيل كيف شكلها في شقة محمد بالتحديد في غرفته هو و زوجته محمد بقلة حيلة: يا حرمة وانتِ هذا حالك دايم قومِ صلِ وشوفي مع عيالك فطريهم سهر لأخر الليل ونوم طول النهار امس ماتعشينا و حضرت جنابك سهرانه مع خواتك قامت نورة بعصبية: نعم وش تبي انت روح عند امك محمد: انتِ ما تستحين انا استحيت فطوري وغداي وعشاي كل يوم عندهم عيالك ماعاد لهم وجه اشتاقوا لك يبون يشوفونك نوره بنرفزة: اوووووووه عيالك كبار ويفهمون وما اشتكوا وانا مثل كل الحريم كلهم يطلعون ويسهرون يعني انا ناقصة عنهم محمد: استغفرا الله انتِ الكلام معاك منتهي كل يوم نفس الهرج اعيده لك ولا كأني اكلم كأني افخ في قربه مفقوعة نورة: عليك الله ياريت تسكر نور وتطلع مصدعة وابي انام محمد: قومِ صلِ على الاقل مقصرة معانا وقلنا الله المعين بعد بتقصرين مع ربك نورة: صبرا جميل ولله المستعان ماعليه صلاة ويلا توكل محمد زفر: استغفرك ياربِ واسألك الصبر نورة: حط لي فلوس بنزل الظهر مع خواتي المطعم محمد بكل قهر: موتِ اريح لك ولنا نورة: لسا ما جاء يومي ويلا بنام طلع محمد من الغرفة بكل قهر على حاله اللي كل يوم يتكرر وقفل الباب بكل قوة خرجت فوز من غرفتها وحاطه كل الاساور اللي بالمملكة في يدها ومسكرة وجزمة مخالفة وخلخال وريحة العطر تفح باست ابوها ع Good morning, Daddy خده: محمد: دادي الله يصلحك صباح الخير وش هالحفلة اللي مسويتها متأكدة انك رايحة المدرسة خلك كول Come on Daddy فوز: محمد في قلبه وش انتظر يطلع منك وامك تاركتك لنفسك: الله يصلحك الله يصلحك فوز: ابي مصروف محمد: خرج خمسة وعطاها فوز: دادي من جدك خمسة ايش اعمل فيها هذي تجيب لي ايش مثلا محمد: انا كنت اداوم بريالين وساعات بدون مصروف فوز: هذا زمانك اما انا زماني غير محمد: ههههههههه طيب يا ام زمان خذِ البوك وانتِ خذِ اللي يكفيك Thanks! Daddyفوز: دخل عليهم فارس بقرف من دلع اخته الماسخ: ثانكس داد باس راس ابوه: صبحك الله بالخير يالغالي محمد: صباحك رضى وسرور يارب stupid boyفوز: فارس طنشها: يبه اليوم بعد الدوام العيال رايحين لمعرض للعلوم بروح معاهم اذا تسمح لي محمد: اكيد روح بس لا تتأخر من المعرض للبيت ولا تسحب على صلاة الظهر فارس بكل صدق: لا ابد جاهم فهد وهو لابس: هاه الكل مجتمع صباح الخير الكل: صباح النور فوز بدلع: فهووووووود ابيك توصلني بليز بليز بليييييييييز فهد: ابشرب كم فوفه عندي just meفوز: فهد يجلس جنبها ويضمها: وفديتها الله يخليها لي فارس يكش عليها وهي تمد لسانها عليه This is a brother, but you nooooooehفوز: فهد: يلا انا تأخرت البسِ عباتك والحقيني فوز: طيب بس كمان ابيك ترجع لي الظهر فهد: من عيوني فوز: فديت عيونك فارس: يلا انا كمان رايح خرجوا كلهم وصل فهد فوز وبعدها راح لشغله في الصالة ابو محمد وام محمد يفطرون كالعادة ويسلفون بمية موضوع فوق في غرفة سلمى سلمى بخوف: يزن ما اقدر والله انا خايفة يزن: من شو خايفة مالك سلمى مالك اللي بيسمعك بيحكي اني بدي اخطفك مو اخطبك سلمى: انت ما تعرف ابوي يــ يقاطعها يزن بنرفزة: شو مالك سلمى بدك نضل هيك طول عمرنا نحكي بالتلفون سلمى منشان الله ماتخافِ ليش تسبقي الاحداث يمكن ابوك يوافق ليش نظرتك سودة سلمى: انا متأكدة يزن انت تعرف كم مرة انخطبنا انا واخواتي من ناس سعودين ورفض ابوي لانهم مو من قبيلتي الحين تبيه يوافق عليك يزن: يالله هسا ايش يعني بدك تماطلي سلمى انا هاي اخر سنة اللي بالسعودية بدي ارجع لأهلي خلصت شغلي هون حرام علكِ يابنت الناس وجهك وما بعرفوا ووين وين لنحكي مع بعض بحكي لك بعرفك ع اخواتي مابترضي بحكي لك اعطيك رقم امي وخلي امك تتعرف عليها مابدك بحكي لك بدي اخطبك مابدك انتِ شو بدك شو بدك يابنت الناس علقتيني فيك وهسا بدك نترك بعض سلمى: يزن انا غصب عني حبيتك والله انا خايفة كل يوم اموت وربِ يحاسبني يزن: اخرصي ايش هاظ الحكي انا غررتك فيكِ احنا صنا زنينا ببعض عشان تحكي هيك سلمى بحزن : لا بس انت عارف يزن الشرع لا تحط حجج يزن: طيب انا ما حكيت انو اللي نعمله حلال وصح لاني عارف الشرع خلص احنا حبينا بعض شو نعمل بدك نكمل هيك بالحرام اعطيني ارقام اهلك وعنوانك وانا بزبط مع اهلي وبجي اخطبك ونجتمع بالحلال سلمى: ما اعرف يزن يزن بعصبية: ليكي يا بنت الناس انتِ شكلك هيك بتعلبي وبتتسلي اللي سنة وانا عم بترجاكِ تعطيني أي شيء ليوصلني لأهلك وانتِ مابدك حتى مابعرف غير اسمك هاظ اذا كان اسمك حقيقي انا طفِشت من هاظ الحال هاظ رقمي عندك بدك تكملي معِ ابعثِ رقم ابوكِ اخوكِ وانا بتصرف غير هيك مابقدر انتِ بتدلعِ وانا مش طايق وقفل سلمى تبكي: يارب والله مابي اعصيك قلبي مقدر اتحكم فيه يارب اجمعني فيه يارب (سلمى بعد التخرج سوت حساب تويتر كله خواطر من بوحها المهم يوم من الايام جتها اضافة وقبلت وصار يرتوت تغريداتها واحيانا كثير يمدح وهي ماترد يوم شهر سنة البنت تعلقت فيه البداية كانوا بس يكتبون خواطر وكل واحد يرد للثاني بخاطره بعدها تتطور الوضع وصار ع الخاص مساء صباح الخير كيفك بعدها تطور وصار وتس ولين وصل هذا حالهم وسلمى الله يهديها ما صحيت على نفسها الا لمن تعلقت فيه ومليون مرة تتركه وتضعف وترجع له يزن ابد مو مفكر يتركها هو ناوي يتزوجها صادق في حبه اتجاهها لكن هي عارفة تفكير ابوها وخايفة من ردت فعله نشوف مع الايام وش يصير لهم) في غرفة منيره جالسة ع سجادتها تسبح وتدعِ: يارب تحفظ لي اهلي واخواني وتسعدهم يارب ترزقني بالزوج الصالح والذرية الصالحة يارب تكتب لي الامومة يارب لا تحرمني منها يارب اصلح ابوي واهديه ولا تؤاخذه يارب تثبت قلبي على دينك وتصلح شأني قامت طبقت سجادتها وجلالها ورتبت شكلها كانت لابسة فستان بينت مشجر بدرجات الازرق ورابطة شعرها ذيل حصان وحاطه مرطب شفايف بس طلعت من غرفتها دخلت على سلمى منيره: سلوم تجين معي من زمان مافطرنا مع امي و ابوي سلمى بحماس: طيب نزلوا سلمى منيره: صباح الخير ام محمد ابو محمد: صباح الرضى والسرور ابو محمد: منور وسلوم صاحيات ماذا جرا ماذا جرا ي هل ترا البنات: هههههههههههه سلمى: قلنا نجي نجلس معكم ام محمد: فديت هالطلة والله ربِ ما يحرمني من حسكن جلت منيره جنب امها وضمتها : امين ياتاج راسي ويخليك لنا\ سلمى غارت وجات ضمت امها: ويخليك يااغلى ام في الدنيا ابو محمد يكش عليهم: مالت عليكم وعلى امكم ام محمد: ههههههههههه هاه يا ابو محمد غرت من ورداتي ابو محمد يبتسم: ما غار منهم اغار عليك ام محمد استحت البنات:هههههههههههه منيره: لا الوالد خطير سلمى: ايه منور سفي امي استحت ياحليلها الكل ما عدى ام محمد: هههههههههههه ام محمد : ترا بقوم واترك لكم المكان سلمى: لا والله كلش ولا ام سلمى منيره: أي والله كلش ول ام منوري حبيبت الشعب وكملوا سوالف وتريقة بعدها قاموا البنات ينظفون البيت وبعدها بيجهزون للغداء فوق بشقة ولدهم يوسف يوسف بجفاء: هيه انتِ قومي جهزي فطوري رايح الدوام فاطمة بأدب: ان شءالله قامت فاطمة توضت وصلت ودخلت المطبخ تجهز فطوره فاطه بقلبها: يعني وش كان رح يخسر لو صحي معانا من بدري وافطر مع عيالها وشاف اذا كانوا محتا جين شيء الله يهديك يا يوسف يوسف يصارخ: يازفت تعالي سكتِ هذي الزفت ازعجتني عندي قضية مهمة ولازم اروق لها فاطمة بحنان: حرام عليك رسيل زفت يوسف طنشها فاطمة اخذت بنتها وبوستها :يلا تعال جهزت الفطور لم اوراقه ودخلهم بالشنطه واخذ شماغه وعقاله:صبِ لي شاهي تأخرت فاطمة بقهر صحاها من النوم وتعبها واخر شيء ما اكل: طططططيب يوسف: لا تنافخين لا أكسر لك فمك فاطمة: الله يسامحك راحت عبت له كوبه اخذه منها من غيرا شكرا ولا شيء فاطمة: الله يسامحك ويحنن قلبك علي وعلى عيالك اخذت بنتها وحممتها واعطتها رضعتها وبدت ترتب في البيت في مدرسة فوز في الفسحة منار صديقة فوز منار: الا ليش غايبة الخميس والاحد واليوم كمان ماجيتي مع الباص خالد مرة معكر مزاجه فوز بغرام: امانه فقدني منار: ايه فقدك ابو عيون ملونه فوز بحالميه: فديته وفديت عيونه بس احسن خلِ يتأدب عشان يبطل طلبات منحرفة منار: ليش وش قال لك فوز: نو اسرار بيني وبين بيبي منار تكش عليها فوز: حتى اليوم مارح ارجع معاكم منار: يا واد يا ثقيل فوز: ههههههه خليه يتربى منار: الله يعينك ياخالد (فوز ضحية اهمال امها اللي ماتدري عنها ولا تدري بنتها بأي صف اصلا وضحية استغلال سواق الباص لها شاب جميل ووسيم قدر يضحك عليها بكم كلمة معسولة وحنان هيه محتاجته اشغل وقت فراغها للأسف فوز للأن طفلة ومالقت من ينصحها و يوجهها) (خالد: 22 سنة متغرب من بلد عربي يشتغل في شركة باصات نقل شاب وسيم جميل مستغل البنات الصغيرات لأشباع غرئزه قدر يعلق فوز في شباكه من السنة اللي فات اول ماسجلت في بداية مراهقتها وحاجتها للحب والاحتواء والحنان هو اعطاها كل ذا بس عشان يوصل لشيء بس مايبي ياخذه غصب هالذي الشيء الوحيد اللي حلو فيه مايجبر حد على شيء بس للحين ماقدر ياخذه من فوز بنشوف بيقدر ولا لا ) في المستشفى عند مصعب جالس على مكتبة وعايش جوه مصعب برومانسية: هههههههه فديت المستحي سهى بخجل شديد: مصعب خلاص استحي خالد: يا بخيلة بس وحدة يلا عشان تفتح نفسي للشغل سهى بخجل: طيب بس بقفل بعدها على طول خالد: بس هالمرة سهى:اموووووووه وعلى طول قفلت خالد:هههههههههههههههههههه� �هههههههههههه ونادى الممرضة تعطيه ملفات المرضى وبداء ينادي بالدور عند سهى انسدحت وغطت وجهها المحمر بالبطانيه: يووووووووه مره جريء كيف لمن نتزوج ونامت من غير ماتحس وهي تفكر فيه عند مريم وحسناء جالسين في حديقة الجامعة يتقهون مريم: اقول والله الاغنية بطلة ترقص حسناء: ما حبيتها مزعجة الموسيقى اعلى من صوت المغني مريم: ماعندك سالفة جات عندهم بنت قاصة شعرها ناحتته نحت ولابسة زي حقين النقر سمرا طويلة وبصوت خشن : ممكن اشاركم الجلسة مريم وحسناء فغروا فيها(أي بلموا ههههههههه) حسناء بخربطة: هاه ايه اقعدي البنت: كيفكم يا حلوات مريم بستغراب: تمام انتِ البنت: دوم يامزز انا تمام حسناء ومريم يطالعون ببعض البنت: احمم انا اسمي جمال حسناء: هلا جمال جمال: وانتم حسناء:انا حسناء جمال تناظر مرم بنظرة وسخة: وانت يا قميل مريم بقرف:مريم جمال: حلو اسمك مريم بسدة نفس: شكرا وجلسوا يسولفون شوية بعدها دق جوال حسناء:الو طيب يلاج اين وقفلت حسناء:مريوم هذا الباص يلا مريم: يلا قامت مرم وقامت معاهم جمال لحظة انا حبيتكم ممكن ارقامكقم البنات توهقوا لان ماراتاحوا لها جمال :هيا اشبكم مريم: انا ماعندي جوال حسناء دحمرت فيها مريم هزت لها عيونها جمال:كيف ماعندك لا كذا مايصير انا اجب لك احلا جوال لأحلا مريوم حسناء بغت تموت من الضحكة بس مسكتها مريم: عندي بس خربان حاليا جمال: اها طيب ما ااخركم اشوفكم مرة تانية البنات جاملوها وسلكوا لها لبسوا عباياتهم وركبوا الباص ويترقيون على اللي صار انتظروني الاسبوع القادم ان شاءالله | ||||||||
|
| |
|
10-04-16, 12:25 AM
| #4 | ||||||||
| مراقبة عامة ومشرفة منتدى الروايات المنقولة
| البارت الثالث فوز منسدحة في غرفتها الوردي في وردي وكأنها غرفة باربي وجوالها ما وقف رنين ومع كل رنة تحس دقات قلبها تزيد وبعد حوالي ستة مكالمات ردت فوز بجفاف :الو الطرف الثاني واحس اخيرا ان روحه رجعت له ومايدري ليش: واخيرا كذا يا فوز تحرميني منك حرام عليك اشتقت لك وفقدك فوز:انت السبب خالد: ليه وش سويت فوز بغضب: انا كم مرة طلبت منك ما تطلبني طلبات غبية خالد بزعل: يعني عشان مشتاق لك وودي بضمتك اكون غبي فوز: خالد انا كم مرة قلت لك ما احب هالحركات خالد: فوز انا بصير زوجك فعادي يعني اكيد يكون بينا مثل كذا فوز:يوووه انت شكلك مارح تتوب يلا مع السلامة خالد: لا لا لا خلاص مارح افتح معاك ذا الموضوع بس انتِ لا تزعلين اشتقت لك انتِ ما اشتقتِ لي فوز بدلع: لاااااااء خالد بضحكة: كذابة اشتقتِ لي موت حتى خلاص بكرة بمر عليك لا تغيبين طيب فوز: انا ما غبت اليوم خالد : كيف ما غبتِ اجل ليش كلمني ابوك ما امر عليك فوز: انا قلت له وبكذب اصلا خلاص ماعاد احتاج اجي مع الباص فهود قال بيوديني ويرجعني خالد بعصبية: مو على كيفك انا كم يوم بغيت اموت كيف على طول وانتِ رافضة يكون بيننا لقاءت فوز: ليش ترفع صوتك علية انا كنت امزح لكن مع هذا الاسلوب الغبي انا رح اكلم اهلي ماعاد ابي باص وقفلت فوز زفرت بغضب وضمت مخدتها: غبي مين هو عشان يرفع صوته علي عند خالد مصدوم انها قفلت في وجهه: طيب يا فوز طيب والله تندمين مدري هذي بزر ولا حرمة دخل عليه خويه ويصير ولد عمه بنفس الوقت: وشبك تكلم نفسك خالد: فوز يا سعد متعبتني ماهي مثل كل اللي عرفتهم احس عقلها كبير وذكيه ما قدرت عليها للحين سعد: اوف اوف خويلد مخقق البنات ماهو قادر على بزر عمرها 15 خالد: كل ما قربت منها وقلت خلاص استوت انصدم الاقيها اذكى بكثير من انها تنخدع سعد: خلاص طيب اسحب على ام امها ودور غيرها خالد: وش اللي اسحب عليها البنت حلوة وصراحة ماهي نكديه وذكيه و أعجبتني حيل ورح اجيب راسها الحين او بعدين سعد: والله يا خوفي هي اللي تجيب راسك خالد: هههههههههه ما عندي مانع البنت من عيلة شبعانة سعد: اجل شد حيلك خالد: يصير خير حسناء جالسة في الحوش وتفكر في حالها وحال اخواتها اليوم جاء خاطب لمنيرة بس ابوها كالعادة رفض ومنيره زعلت ومتقفلة في غرفتها حسناء في قلبها: يا ترا هالبيت مارح يطلع منه عروسة مارح نصير خالات في يوم طيب خلاص رضينا ما نتزوج من برا ليش خوالي واعمامي ما يخذون مننا وش ناقصنا علم ودين و اخلاق حتى اننا حلوت وش اللي يمنعهم الله يسامحك يا ابوي والله ما تلامين يا منور اللي قدك تزوجوا وعندهم اثنين وثلاثة شافتها مريم سرحانة وحبت تفجعها وقربت لمن صارت وراها بالزبط وما يفصل بينهم الا كم سم وبصوت عالي: وش تسوين قفزت حسناء: يمممممممممممممممممه مريم: ههههههههههههه له حسحس لو تشوفين شكلك ولا عيونك بغت تخرج هههههههههه حسناء: حيوانه خوفتِني مريم: وش عندك جالسة لحالك حسناء بنهيدة: ولا شيء اتأمل السماء مريم : قلتِ لي تتأملين وبغمزة شكلك تفكرين في عنتر حسناء بخجل: هههههههه عنتر مين والناس نايمين مريم: حسونة لو ابوي يوافق عليه انتِ وش رايك حسناء بحالمية: والبنت وش تبي أكثر من واحد يحبها وموظف وظيفة حلوة واخلاقه الكل يشهد عليها بس مالي نصيب فيه يا حظ اللي بتاخذه مريم: وليش هاليأس تفألي يختِ حسناء بملل: لا والله كنك منتِ عايشة معانا وعارفة البير و غطاه مريم بحزن: منور للحين متقفلة بغرفتها حسناء: اوف منها كنها ما تعرف لازم كل مرة تسوي كذا المفروض يكون عندها الوضع طبيعي مريم: لا تقسين عليها منور حساسة هي حلمها تكون ام ونفسها يكون لها بيت وزوج منور ما هي صغيرة يا حسناء حسناء: ادي مريوم وانا والله ودي انها تتزوج اليوم قبل بكرة بس وش بيدنا نسوي قومي المطبخ خلينا نسوي اكل ونطلع نقتحم عليها الغرفة اذا استنينا تخرج مارح تطلع مريم:ههههههههههههه يلا في غرفة منيره متكورة في سريرها غرفة منيره كلاسيكية الجدران بلون السكري والارضية باركيه والسرير كبير بلون البني ومفرش سكري ودولاب وسط وتسريحتها مكتفية بمراية طويلة ورفوف موزعة على الجدار وفيها ادواتها التجميلية منيره ببكاء: يارب وش ذا العيشة ابي اتزوج بعيش حياتي ابي اخلف العمر يمشي بصك الثلاثين وانا على حطت يدي لا وظيفة تشغلني ولا شيء اوف اوف يالله والله تعبت كل صديقاتي تزوجوا وخلفوا الا انا ليش يا ابوي ليش الله يسامحك دق قوي مزعج ومافكرت كثير مثل كل المرة البنات جاين يعزونها ويواسونها قامت بكل كسل وعيونها منفوخة من البكي ووجهها مورم واحمر وشعرها مبهدل كانت لابسة قميص قصير للركبة مقلم بالعرض رمادي وبنفسجي فتحت للبنات ورجعت انسدحت سلمى: يا ويل حالي وش ذا تخرعين يا يمه مريم: ههههههههههه وش مسوية بنفسك يا بنت كنك شغالة مسفرينها بدون رواتبها سلمى: هههههههههههههههه منيره : اطلعوا برا يا وسخات حسناء: يلا عاد منور وش هالدلع لازم تسوين هالفلم كل ماجاك عريس منيره: ياعالم حسوا فيني عجزت ابي اتزوج وانتم تتمسخرون مريم: وش لك في الزواج والنكد والقرف والشقى منيره: مجربة الاخت عشان تحكمين حسناء ترفع حواجبها: كان ماتوا بعض الناس منيره وسلمى: هههههههههههههههه مريم بخجل وعصبية: غبيات منيره: بعد الشر عنه حبيبي ويحفظه سلمى: على طاريه بدق عليه يجب لنا من باسكن نفسي فيه مسكت جوالها الايفون ودقت من ثالث رنة رد :الو سلمى: هلا فهود فاضي فهد: ايه وش عندك سلمى: طلبتك ما تردني فهد بملل عرف ان وراها مشوار: وش تبين سلمى: انا والبنات نبي من باسكن فهد: طيب رايح واحد بالتوفي والباقي وش يبون سلمى بخبث: ايه حق الحب تعرف وش يبي بس حنا ماتعرف مريم تغطت ببطانية منيره من الخجل حسناء ومنيرة: هههههههههههههه فهد سمع ضحهم وعرف ان مريم استحت و بزعل: ليش تخجلونها حرام عليكم خلاص ماني رايح وخلوا عنكم الحركات البايخة واتكروا البنت في حالها سلمى: حشى قام المحامي علينا هي مدلعة الله يعينك عليها ماحست الا بخدة طايرة من جهت مريم وضربت براسها سلمى: حشى مو ايد هذي الله يعينك يا ولد اخوي مو بس دلوعة عليها يد الله المستعان فهد: ههههههههههههه احسن تستاهلين ما يجيك وش تبون غير الايسكريم سلمى: يعني حركات السهرة و لوازمها فهد: طيب اذا بغيتم شيء ثاني دقوا سلمى: طيب حبيبي اذا انت في البيت كلم فوز تنزل لنا من زمان عنها الكلبة فهد:هههههههههه طيب قفل فهد منها ودخل غرفة فوز :فوفتي بعدت فوز جوالها بخوف: هاه قلبي بغيت شيء فهد بشك: لا من كنتِ تكلمين فوز: صديقتي ليش فهد : ولا شيء البنات دقوا يقولون انزلي لهم من زمان عنك فوز: طيب بغير وانزل لهم فهد بحنية: طيب انا رايح اجيب لهم اغراض تبين شيء فوز: جيب لي مثلهم فهد: من عيوني فوز بدلع قامت باست خده: الله يخليك لي يا حلا اخ بالدنيا طلع فهد ورجعت فوز لجوالها: خالد لسا معي خالد برومنسية: ايه معاك ها عيوني بكرة تداومين معنا في الباص فوز: تيبب خالد: واخيرا رأفتي بحالي فوز: انت تعرف انا ما احب اقسى عليك لكن انت تغصبني اتصرف معاك بطريقة ما احبها ولا انت تحبها خالد: طيب يا ستِ مار يصير الا اللي يرضيك فوز: طيب بيبي انا بنزل عند عماتي اكلمك لمن ارجع خالد: اوك بس ما تنسيني No I cannot forget youفوز: I love you خالد: Me tootفوز: خالد: يلا ما ااخرك روحي بس لا تطولي علي فوز: طيب باي خالد: باي قفلت فوز منه بدلت ملابسها ولبست بنطلون جينز كحلي مشقق من الركب وعليه بلوفر احمر و شعرها تركته مفتوح وحطت روج احمر طلعت نار ببشرتها البيضاء وكحلت بأسود ومسكرة ونزلت عند عماتها شافت جدها وجدتها بالصالة Hi my grandparentsفوز: Hi sweetheart found ابو محمد لغته الانجليزية ممتازة: ام محمد: وش تقولون انتم فوز سلمت على جدها واست خده وراسه و ضمت جدتها وباست راسها: ههههههههه كيفك جدة ام محمد: زعلانة عليك اسبوع ما نزلتِ تسلمين علي فهد وفروس كل يوم ينزلون عندنا حتى عيال عمك زياد و اياد ينزلون كل يوم فوز بوزت وبدلع طفولي: جددددددددددددة لا تزعلين مني سوري ما عاد اعيدها ام محمد : بسوي نفسي صدقتك انتِ كيفك يا بنتِ وكيف امك المصونة فوز بقهر من امها: والله يا جدة اني ما اشوفها بالايام لمن نصحى هي تكون نايمة ولمن ننام هي تصحى وكل وقتها جمعات وخرجات مع خالاتي وصحباتها ام محمد بقهر على حال ولدها وعياله: حسبي الله عليه شايف يا ابو محمد بنت اختك وش مسوي في ولدي والله هذاني قلت والله لو ما تعدلت لخطب له ثلاث مو بس وحدة بلغي امك بذا الكلام ابو محمد يتدارك عشان لا تزعل فوز: فوز يا يمة لا تصدقين جدتك تمزح معاك روحي البنات فوق ينتظرونك فوز تلف على جدتها: والله يا جدة ما بزعل منك ابوي مسكين يحزني حاله كنه عزابي ماهو متزوج وقامت طلعت عند عماتها ام محمد: شايف حتى البنت نقدت على امها البنت اعقل من الام ابو محمد: انتِ علامك على المرة مناشبتها خلاص ولدك وراضي مالنا دخل ام محمد: لا تكلمني انا انت منت احسن منها ليش رفضت سلمان وا اسالك بالله لا تقولي ماهو من قبيلتنا ترا بطلع جنيتي عليك ابو محمد: ههههههههههههه الله يهديك ويصلحك والله السبب تعرفينه وما يحتاج اقول لك بس الصراحة حتى لو انه من قبلتنا ما اوفق عليه سلمان الله يهديه ما يصلح لمنيرة عصبي وايده طويله ولسانه وسخ ومنيرة حساسة وطيبة وام دميعة ام محمد: طلبتك يا ابو محمد اذا لي معزة عندك اذا جاء خاطب واخلاقه طيبة لا ترده وزوجه والله ودي افرح ببناتي ابو محمد: انتِ ما تملين من ذا الموضوع وانتِ عارفة جوابي فلا تخلقين مشاكل من عدم الله يصلحك بناتي وانا ادرى بمصلحتهم ام محمد قامت على المطبخ: الله المستعان ابو محمد: وين رايحة تاركتني ام محمد: يا رجال انت من تقاعدت مناشبني وين ما اروح حتى جاراتي انقطعت عنهم عشان لا تجلس لحالك رايحة اجيب قهوتنا ابو محمد بغزل: وش اسوي مقدر على غيابك ام محمد ونست كل شيء مزعلها: فديتك يا تاج راسي فوق بغرفة منيره حسناء ضامة فوز: حيا الله فوز وش ذا القمر وحشتيني يا كلبة وباستها بقوة فوز: ههههههههههههه وانا بعد وحشتوني منيره: شوي شوي على البنت تعالي عندي ياروح عمتك وينك من زمان مانزلتي عندنا قامت لها فوز وانسدحت في حضنها : والله ادري كلكم زعلانين مني بس انشغلت بالدراسة سلمى: معذورة ياعمري بس لا تعيدينها ترا بنفسي بطلع لك وبجرك من شعرك فوز: ههههههههههه ما اهون عليك ادري سلمى: حيوانه تدري بمكانها مريم: عرف الحبيب مكانه فتدللا الكل:ههههههههههههههههه حسناء: تعالوا للقهوة ولا مستنين عزيمة تجمعوا البنات على شكل حلقة بوسط غرفة منيره وسوالف وضحك نست منيره او تناست سبب بكاها بعد نص ساعة دق جوال سلمى فهد: انزلي خذي الاغراض سلمى: طيب نزلت سلمى لفهد: اوهو وش عنده الحبيب كاشخ فهد كان لابس بنطلون جينز رمادي فاتح على تيشرت اسود وساعة سوادء وكاب رمادي وجزمة من اديداس رمادي فهد: هههههههه يعني ما يكشخ الا انتن حتى انا اكشخ سلمى : الا قول كاشخ للبعض الناس عشان اذا لمحوك فهد استحى ومسوي نفسه معصب: يلا عاد يلاه خذي الاغراض اخوياي منتظريني سلمى: ههههههههه طيب طيب اخذت منه الاغراض وطلعت فوق عند البنات وبخبث قالت: بنات تخيلو سمعت فهد يكلم وحده ويقول لها يا قلبي خليك جاهزة ربع ساعة وامرك اشتقت لك يا دبه مريم حمر وجهها بعصبية: الحيوان الحقير فوز : نعم ايش قلتِ ما اسمح لك بليز الا فهودي بعدين مستحيل فهودي يعمل كذا منيره: حرام عليك سلوم شوفي البنت كيف عروقها بتطلع البنات طالعوا بمريم وفقعوا ضحك على وجهها محمر وعروقها باينه سلمى: يا خبله اضحك عليك بشوف وش ردة فعلك مريم عصبت وقامت بطلع من الغرفة: غبيات مسكته حسناء وضمتها من ظهرها: ههههههههههه عاد كلش ولا مريومتي لو يشوفكم فهد يسلخ جلودكم مريم بخجل: خلاص فكيني انتِ الثانية منيره: يلا عاد مسوية زعلانة تعالي انثبري عيني عليه جاب لك ايسكريم اكبر حجم واحنا احجام عاديه لنا الله جلسوا مرة ثانية وياكلون حسناء: الخايس جايب كل شيء تحبه مريوموه وحنا وهذا حنا اللي كلمناه فوز بقهر: أي والله الحين من جد يستاهل السب ما جاب اللي احبه بس يلا هالمره بمشيها عشانك مريم مريم تمد لسانها لهم البنات: ههههههههههه (فهد ومريم يحبون بعض من هم صغار ومحد يعرف بحبهم الا البنات وفوز وفارس مريم تغطت عنه من اول ثانوي وما بينهم أي تواصل بس ما خذين وعد من بعض انهم يتزوجون بس يتخرج فهد ويتوظف) في شقة يوسف زياد واياد يلعبون بلايستيشن ومسوين ازعاج وفاطمة في المطبخ تسوي عشاء يوسف دخل البيت ومعصب من الازعاج اللي واصل للعالم كلها يوسف: زياد اياد قفلوا ذا الزفت قفلوا الجهاز بخوف ابوهم مسبب لهم رعب جلس يوسف على الكنب: وين امكم زياد: ماما في المطبخ يوسف: رح نادها راح عند امه في المطبخ: ماما بابا يقول تعالي فاطمة في قلبها: وش عنده الاخ جاي بدري فاطمة: هلا حبيبي غريبة جاي بدري يوسف: تعالي اجلسي وخلينا من خرابيط المراهقين حبيبي قال فاطمة انحرجت لانه احرجها قدام اولادها: امر وش بغيت يوسف: زياد روح انت واخوك عند عماتكم مسوين حفلة (الحين عشان جايبين كم غرض سماها حفلة عقول الرجال ) نزلوا العيال تحت متحمسين دخلوا بفجعة عند جدانهم ولقوا البنات جالسين معاهم ام محمد: يا ساتر وش عندكم تراكضون اياد: بابا يقول عندكم حفلة ابو محمد: ههههههههه الحين لو مافي حفلة كان ما جيتم زياد: ايه الكل: ههههههههههه ابو محمد: افا حسناء: زيادوه يا الخايس امس وش قلت لك انا زياد بفهاوة: وش قلتِ يا عمه حسناء: ما قلت لك في صحن حلا وده لأمك الحلا خاس انت وين عقلك زياد يحك راسه: والله نسيت يا عمه مريم: من الهبال والله ابو محمد: وين امكم ما جات اياد: بابا قال انتم انزلوا وقال يبي ماما ابو محمد: اخس يا يوسف يصرف العيال اكيد يبي حرمته البنات استحوا ام محمد: ههههههههه لو يسمعك كان عصب اقشر ذا الولد الله يهديه ويعين فاطمة عليه نرجع ليوسف وفاطمة فاطمة: هاه يوسف العيال ونزلوا وش بغيت يوسف: احم من زمان ما قعدنا سوا وانتِ غبية منتِ مثل الحريم فاطمة انبسطت انه يي يقعد معاها بس انكسرت فرحته لمن كمل كلامه الجارح فاطمة: الله يسامحك انا كل يوم اسوي جو غير واستناك و احاول اتقرب منك لكن انت اللي معصب وما تبي يوسف: والله من ثوارتك ما تعرفين تختارين الاوقات المناسبة فاطمة بدموع: يعني انت الحين منزل عيالك عشان تجرحني وقامت على المطبخ تكمل عشاها يوسف دخل عليها معصب: انتِ كيف تسمحين لنفسك تقومين من غير ما اخلص كلامي الشرهة موب عليك علي اللي تارك اخوياي وجاي لك فاطمة: لا ما قصرت ليش قطعت على نفسك الوناسة ارجع لهم ما ابيك يوسف: موب على كيفك يا حلوة اظن اني ما طلبت الا حقي الشرعي انا استناك في الغرفة وتاركك لك انتِ وضميرك و لا تنسين بلعن الملائكة وخرج على غرفتهم و كله ثقة ان فاطمة رح تلحقه لانه عارف انها تخاف الله وما تحب تعصي كلامه فاطمة بكل قلة حيله: يا رب صبرني يا رب دخلت فاطمة ولقت يوسف قدامها جالس ع السرير اول ما شافها ابتسم في وجهها باستهزاء تأففت منه وطلعت لها أي قميص من الدولاب وكان اسود ستان طويل ماسك ع الجسم مفتوح كل الظهر دخلت تحممت ورتبت شعرها واكتفت بلوشن وعطر وقلوس وراحت لها وهي حاسة بقهر و غبنه منه اما هو ما اهتم لمشاعرها في احد مقاهي جدة كان عبدالله و اخوياه متجمعين سعود: ترا كلكم معزومين على عرسي الخميس الجاي و مارح اقبل اعذار مصعب: عن نفسي انا جاي منصور: وانا بعد اكيد ان شاءالله عبدالله: اكيد بو سعيد رح احضر منصور: الا انت يا ابو عبيد منت ناوي تدخل القفص الذهبي مصعب بحزن ناظر في خويه عبدالله: ههههه لا بترك لكم القفص انا لسا بدري علي سعود: الله يوفقك بو عبيد طيب انا استأذنكم عندي مشوار منصور: وين رايح سعود: والله بروح اشوف العمال اليوم يجيبون الاثاث وحاب اوقف عليهم مصعب: الله يعطيك خيره وبيتا عامر ان شاءالله سعود: امين يارب عبدالله: تحتاج مساعدة سعود: لا والله تسلم يلا اشوفكم الكل: مع السلامة منصور دق جواله وابتسم لانها زوجته: عن اذنكم يا شباب الاهل خلصوا مصعب عبدالله: الله وياك عبدالله: لا يكون انت بعد بتروح مصعب: لا ماني رايح قاعد لك عبدالله: مليت مصعب مصعب فهم وش يقصد: والله انت اللي متعب نفسك ومعلق نفسك با احلام مستحيلة عبدالله: انت الوحيد اللي توقعتك تفهمني مصعب: لا فاهمك وفاهمك عدل لكن اللي براسك انت داري اكثرمني انه مستحيل الا بقدرة ربِ عبدالله: وانا املي بالله كبير مصعب: عبدالله العمر يمشي ما ودك تصير اب وتفرح الوالدة بذات انت ولدها الوحيد عبدالله: الا ودي بس يا مصعب ما اقدر والله ما اقدر رح اظلم بنت الناس معي مصعب تفاجئ: لا عبيد انا اعرفك مستحيل رح تظلمها عبدالله: ما اقصد كذا اقصد مشاعري وعواطفي مارح اقدر اعطيها شئ وش ذنب بنت الناس تاخذ واحد معطيها كل شيء بس الحاجة اللي من حقها ماهي لها وكان يأشر على قلبه مصعب: الله يعنك على ما بلاك عبدالله: و يا زينها من بلوه ربِ بيسرها بإذن الله بكرة بعد المغرب المسجد اللي في الحي مسوين محاضرة عن عضل البنات بروح لها و اكيد عمي ابو محمد رح يروح لانه ما يفوت ولا حلقة او محاضرة تقام في المسجد مصعب: ههههههههههههههه الحين محاضرة ساعتين رح تغير راي ابو محمد عبدالله بيأس: لا تحطمني مصعب مصعب: الله يهديه ويصلحه ونشوفك عريس قريب عبدالله بأمل: يااااااااااارب مصعب: من قلب ههههههههههه عبدالله: قول يارب انت بس مصعب: يارب يحقق مبتغاك عبدالله:امين ياابو النسب وكملوا سوالف واغلبها كانت عن الشغل عند يزن كان بشقته المكونة من غرفة وحمام الله يكرمكم وصالة ومطبخ وتحديدا كان جالس بالصالة يكلم امه سكايب يزن: كيفك امّي شو عاملة ام يزن: مليحة انت شو عامل يزن: مليح كيف ابي واخواتي ام يزن: كلون ملاح شو كيف الشغل معك يزن: الحمدلله ام يزن: امتى رح تجي مش حكيت انو عقدك قرب يخلص يزن: اه حكيت بس فاضل هيك كم شهر ام يزن: مليح منشان نلّحق نخطب لك يارا لأن العين صارت عليها يزن بنرفزة: وانا شو دخلني بيارا امّي انا كم مرة حكيت لك بديش يارا و بديش اخذ من قرايبي ام يزن: يزن ولا شوفيها يارا بنت خالتك صبية بتجنن حلوة كتيرة وخلوقة ومتعلمة وبتعرف لشغل البيت شو ناقصها يزن: ما ناقصها اشي والله يحفظها لأهلها ويرزقها انا بديش اياها ام يزن: ولشو مابدك اياه شو حاطط عينك ع غيرها يزن: اه انا مش بس حاطط عيني ع غيرها انا بحب وحده غيرها وما بديش غيرها تكون مرتي وام اولادي ام يزن بتشميقة: ومن هاي اللي احسن من يارا يزن: وك يالله من هالياره اللي طوشتينا فيها بديش يارا حكيت لك من زمان امّي شو مالك ام يزن: شو بدك تحرجني مع بيت خالتك انا متفقة مع امها من زمان يزن: انا شو خصني انا حكيت لك امّي ما تعلقي حدا وما تحكي لحدا حكيت لك ولا ما حكيت لك ام يزن: اه حكيت يزن: خلص انتِ بتتصرفي معهن انا مش خصي انتِ حكيتي انتِ بتحليها ام يزن: طيب بنشوف هلا احكي لي من هاي اللي بدك اياه يزن: وحده ما بتعرفيها ام يزن: طيب هاي مالها اسم يزن: اسمها سلمى ام يزن: شو سلمى وك هلا بتترك يارا الغنوجة لوحدة اسمها سلمى وك باين من اسمها مش حلوة يزن: ما بعرف اذا حلوة او لا بس انا بدي اياها ام يزن: كيف يعني ما بتعرف انت عم تتخوث معي ياولا يزن: لا والله بحياة الله مابعرف شكلها هي محجبة ومحافظة ام يزن: اها مليح طيب وين تعرفت عليها وشو اسم عيلتها منشان اتعرف عليهم يزن بخوف: هي مش اردنية ام يزن بغضب: شو عم تحكي يا بعدي شو يعني مش اردنية بدك تدخل علينا وحدة غريبة ما بنعرف من وين ارضيها يزن: أمّي شو مالك هلا انا بدي اتزوجا ولا عيلتي ام يزن بنفاذ صبر: وشو ترجع عيلتها ست الحسن والدلال يزن بقهر: سعودية ام يزن: هههههههههههههههههه انت جنيت شي يزن: لا ما جنيت شو مالك ام يزن: هلا السعودين بيتركو ولادهم وبيزوجك انت يزن: و انا شوفيني وشو ناقصني ام يزن: ما ناقصك اشي بس انا عشت هونيك وبعرف طباعهن ما بيسخوا ببناتهم ويطلعوهن غير بلد يزن: هلا ما علينا بهاظ الحكي اهم شيء موافقتك انتِ وابي شو رايك ام يزن: شو احكي خلص انت اخترت وامري لله بحكي مع ابوك وبرد لك ما تتصرف قبل ما ارد لك يزن: يعني شو بأيدي اعمل من غيركم رح استناكم تتيجو ونروح نخطبا من ابوها ام يزن: بس من هلا بحكي لك رح تنرفض واذا وافقوا ح تتعب انت وياها يزن: بشو رح نتعب ام يزن: تربيتكم غير عاداتكم غير عن بعض اشياء كتيره انت غير وهي غير عنك يزن: بالحب كل اشي بيصير سهل ام يزن: الله بكتب لك اللي فيه نصيب حبيبي يلا انا بدي سكر بعمل العشاء لأخواتك يزن: سلمي على ابي و اخواتي ام يزن: بيوصل حبيبي يزن:امي ماتنسي تحكي لابي ام يزن:مش رح انسى يلا بحكي معك بعدين يلا الله معك قفل يزن وسرح بسلمى القاسية اللي مروا ثلاث ايام وما فكرت تسأل فيه بيعطيها مهله لأخر الاسبوع اذا ما دقت هو بيدق عليها وبيغصبها تعطيه عنوانها وارقام اهلها واذا مارضيت ماله الا هو يجيبها بنفسه ونام من غير ما يحس نهاية البارت الجزء الثاني من البارت رح يكون بنهاية الاسبوع لا تحرموني من ردودكم التعديل الأخير تم بواسطة فيتامين سي ; 10-05-16 الساعة 02:23 AM | ||||||||
|
| |
|
10-05-16, 02:27 AM
| #5 | ||||||||
| مراقبة عامة ومشرفة منتدى الروايات المنقولة
| بسم الله الرحمني الرحيم السلام عليكم ورحمة الله وبركاته اعتذر عن التأخير بس كنت في أختبارات عمليةورا بعض واجهز مشاريع تخصصي رسم وفنون انضغط كثير وقت الاختبارات وماقدر ادخل  شاكرة كل من قراء سواء رد او مارد شاكرة له وقوفه وقرائته لحروفي المتواضعة حابه انوه بس الرواية احداثها بمدينة جدة في البارت الاول غلطت وكتبت ان عبدالله متوظف في الرياض ^_^ البارت الرابع اليوم الثاني بعد صلاة الفجر شقة محمد نورة توها جاية البيت كانت في حفلة عند وحدة من صديقاتها محمد في الصالة كان يجهز الفطور لعياله محمد بعصبية: اهلا وسهلا يا مدام ليش جاية بدري كان نمتِ برا نورة تشمق: يالله صباح خير محمد: لا والله تدرين انه الصباح نورة: محمد مالي خلقك تعبانة مصدعة بروح انام نتكلم وقت ثاني محمد: حسبي الله ونعم الوكيل فيك من مرة يا بنت الناس انا بطقاق فيني عيالك شوفيهم بنتك مراهقة اكثر وقت تحتاجك فيه الحين فارس مسخن طول الليل حرارته ما نزلت وحضرت جنابك و لا دارية نورة: عيالي كبار ويفهمون وش ذا الدلع ياخذ خافض حرارة وانتهى الموضوع يلا عن اذنك بنام محمد من قهره مسك كاس العصير وكبه عليها نوره شهقت: محممممممممممد وش ذا الحركات يالمتعلم محمد: اقسم بالله لو ما تتذلفين عن و جهي ما يحصل لك خير خرجوا عيالهم على اصواتهم فهد: يمه يبه استهدوا بالله وشفيكم فوز ضمة ايد فارس وخايفة محمد: استغفر الله العظيم يارب ارحمنا اعوذ بالله من الشيطان الرجيم نورة: عيشة تجيب القرف محمد وعياله انصدموا لانها هي اكثر وحدة عايشة حياتها بالطول والعرض ولا احد واقف بطريقها فوز: ماما ايش هذا الكلام عيشتنا قرف نورة: انتِ اص ولا كلمة فوز ما تحملت دمعت عيونها جرت على غرفتها وقفلت الباب بقوة فارس: يمه وش فيك نورة: فيني جني خلاص ارتحتم مسحت وجهها بالمنديل ودخلت غرفتها وقفلت الباب بكل قوتها محمد جلس على طاولة الاكل بكل قهر جاء فهد وجلس جنبه: يبه اهداء وان شاء الله قاطعه ابوه: ان شاء لله ايش فهد انا خلاص رضيت بوضعي و ما ابي منها شيء بس ابيها تلتفت لكم قول انت كبير فارس و فوز فوز بعدها صغيرة محتاجه امها في اشياء انا ما اقدر اعلمها اياها محتاجه امك ورقابتها انا تعبت من امك والله يا فهد لو ماهي بنت عمتي كان ما قعدت على ذمتي ولا يوم اللي مربطني انتم وانها بنت عمتي وما ارضى لها الكلام فهد بألم من حالهم وحال ابوه بس وش يسوي مهما كان تظل امه: هونها يا ابو فهد وتهون محمد: الله يعين قوم يا ولدي اجهز لا تتأخر وتعال افطر عند فارس منسدح : انا لازم اشد حيلي واتخرج بسرعة واسافر هالبيت مايريح الواحد امي ضيعتنا واهملتنا لولا الله ثم ابوي واهله كان انا انتحرت هذي ام هذي وين الحنان اللي درسناه وين الكلام اللي قالوه لنا وين ما اشوف في امي الا الاهمال يارب يارب انت عالم باللي في قلبي ما بي اكرهها بس هي تكرهنا فيها استغفر الله استغفر الله لازم اشد حيلي لازم مارح اقدر اشوفها واسكت مابي اغلط عليها عند فوز نايمة ع بطنها ويدينها على وجهه وتبكي: اكرهها انانية ما تحب الا نفسها ولا مرة حسيت انها ماما امرض بابا و موجود فهد موجود عماتي موجودات جدتي موجودة ماما وينها ماتدري عني انجح بابا يفرح لي اخواني يفرحون لي عماتي يفرحون لي ماما وينها مشغولة اغلط بابا يعاقبني اخواني يزعلون علي عماتي يوجهوني ماما وين مشغولة هذي مو ام اكرهها اكرهها مستحيل اسامحها يا ليت اقدر اغيرها دق جوالها والمتصل خالد على طول ابتسمت ونست جروحها:الو خالد استغرب: فوزتي تبكين فوز ببكاء: لاء خالد: حبيبي بيبي مين زعلك فوز: محد خالد: جهزتِ فوز: لا لسا بتأخر روح خذ البنات لا تتأخرون بجي مع فهد وبرجع معاك خالد بزعل: لاااااااا فوزي مشتاق لك فوز بدلع: تيب ربع ساعة وتعال خالد: اوك فوز: باي خالد: باي قامت بسرعة بسرعة تحممت ولبست مريولها وتركت شعرها ولبست عليه طوق كحلي واحلاق دوائر صغيرة كحلي وساعة بيضاء مع اساور كحلي وجزمة بيضاء وخلخال بالخيوط بلون كحلي وقلوس مشمشي وتعطرت ولبست عبايتها دقت على خالد خالد: هلا بيبي فوز : انا جهزت خالد: يلا انا برا انزلي خرجت ولقت ابوها واخوانها يفطرون باست ابوها وفهد ع خدوهم: يلا انا رايحة الباص جاء محمد: ما افطرتي يا بابا فوز: كفاية ماما فطرتنا فهد: فووز فوز: يلا اشوفكم الظهر محمد: الله معاك حبيبي انتبهي لنفسك فوز: تيب يلا باي فارس يستهبل: بااااااااااااااااي محمد وفهد: ههههههههههههههههههه نزلت للباص و كالعادة مامر على حد قبلها عشان ياخذون راحتهم بالسوالف وركبت في اول مقعد بعد السايق وبدلع: صباح الخير خالد يطالع لها من المراية: صباح الورد والياسمين صباح المسك وصباح الحب والدلع صباحي انتِ فوز خجلت خالد: يلا وريني وجهك وحشني قبل نوصل بيت البنت كشفت فوز وجهها خالد: ااااه يالبيه هالوجه وش هالجمال يابت احلويتي وش تاكلين انتِ عسل فوز بحيا: عيونك بيبي خالد: اااه فديت البيبي حقي انا وبقهر اوف وصلنا وقف وكانت الطالبة تستنها وركبت على طول: السلام عليكم فوز: وعليكم السلام هلا رنوش كيفك رنا: تمام انتِ كيفك وعدى الوقت وهم يسولفون ويمرون على بيوت الطالبات عند ابو محمد جالس مع ام محمد وكل البنات يفطرون معاهم لأنهم مواصلين ام محمد: الحين انتن تداومون مواصلات حسناء: هههههههههه وين نداوم يا يمه الباص راح من زمان مريم: وحتى لو مارح والله مافيني افتح عيوني عشان اداوم سلمى: والله قلنا لكم انخمدن مارضيتم مناشبينا انا ومنور مريم: نحبكن وش نسوي منيره: واضح الا الخبال والله ام محمد: وش رايكم بما انكم كلكم موجودات نروح مكة نسوي عمرة ونرجع حسناء تحمست: أي والله بسبب الدراسة لنا كم شهر انا ومريوم ماسوينا عمرة مريم بحماس مماثل: أي والله يبه خلنا نروح سلمى: أي والله يبه ودنا الله يسعدك منيره: صدق يبه خلنا نروح حتى فطوم امس رحت لها وقالت ودها بعمرة يوسف ماهو فاضي يوديها ابو محمد: يا ساتر خلوا الواحد يتكلم بلعتوني ام محمد: ههههههههههه مالك حجة بتودينا خلك من هالربادة من تقاعدت وانت ماعدت تسوي شيء ابو محمد: خلاص طيب كلموا حرمت اخوكم تجهز وتستأذن يوسف منيره: طيب الحين اكلمها ابو محمد: هم بعد كلموا منيره يمكن ودها تروح المسكينه البنات وامهم بوقت واحد: ووووووووووووعوه ابو محمد: ياللي ماتستحن بنت عمتكم وحرمت اخوكم تقولون عنها ام محمد: و الكوبة والله انت تبي تسد نفسنا عن بيت الله حسناء: اصلا الاخت ما شرفت البيت الا الفجر شفتها لمن طلعت الزبالة عند الباب الله يكرمكم ام محمد: ام المنقود حسبي الله عليها انا والله اني قادرة عليها لكن حشمة لأبوك واخوك وعيالها ولا هي ما تسوى ريال عندي ابو محمد بزعل: لا يا حصة ما هقيتها منك مهما كان هذي بنت اختي ام محمد تشمق وتكش على وجهها: مالت علي يوم وافقتك ورحنا خطبناها حسناء: ههههههههههههه فات الوقت يا يمة مالنا نقول الا الله يهديها ويصلحها لعيالها الكل: امين منيره: انا بروح اكلم فطوم واتجهز ابو محمد: أي والله اجهزوا ما ابي يأذن الظهر الا وحنا في البيت ام محمد: ان شاءالله سلمى: انا رايحة اجهز: حسناء: انا بغسل صحون الفطور وبقوم اجهز مريم: بجي اساعدك برا البيت عبدالله بقلق: اف وشفيها ماداومت الوقت راح يارب لا يكون صاير معاها شيء او تعبانة لا ان شاءالله طيب وش فيها يارب مو عادتها يارب تحفظها ومن غير شار عليها لا مقدر لازم اتطمن دخل البيت وطلع لغرفة اخته سهى دق الباب سهى تكلم مصعب: حبيبي لحظة الباب يدق اكيد امي قامت فتحت الباب وبأستغراب: عبود عبدالله بقلقق: سوسو ابيك بخدمة سهى: امر حبيبي عبدالله بخجل: احم اليوم كنت استنى ووووو سهى : ايوه عبدالله: حسناء ما داومت استنيت هي تداوم بدري بس اليوم ما خرجت انا خايف صاير معاها شيء سهى: لا ان شاءالله طيب بنت عمها داومت عبدالله: لا محد خرج الباص ما مر سهى: يمكن الباص عطلان او يمكن ما عندهم دوام تفال خير عبدالله: انتِ عندك رقم حسناء صح سهى بصدمة: لا مو منجد تبيني اكلمها في هذا الوقت عبدالله: طلبتك ليلى لا ترديني والله قلقان وتعبان نوم بس مابقدر انام وانا قلقان عليها سهى بنفرزة: طيب الو مصعب قفلت مصعب: لا حبيبتي معاك سهى: دقايق و اكلمك طيب مصعب: خذي راحتك قفلت منه ودقت على حسناء سهى: بالله الحين وش اقولها عبدالله: سألتك بالله تحطين سبيكر سهى: استح على وجهك احم الو صباح الخير حسناء بستغراب: هلا سهى صباح النور كيفك سهى بخجل: الحمدلله طيب عبدالله قرب منها ولصق اذنه ع الجوال سهى: كيف انتِ و كيف الاهل حسناء: الحمد لله كلنا تمام انتِ كيف اهلك سهى: الحمدلله تمام حسناء: امري قلبي وش بغيتي سهى: هاه احم ااا والله يعني الصراحة الصراحة حسناء ومن غير زعل عبدالله جاني زي المقروص في هذي اللحظة عبدالله ناظر فيها بعصبية ويقرص فيها عشان تسكت بس هي ماسكتت وكملت : جاني شوي ويبكي يقول حسناء ما دوامت دقي شوفي وش بها لا يكون صاير معاها شيء حسناء بخجل وجهها احممر: لا مافيني شيء بس مواصلين انا ومريم ومالنا خلق دوام سهى: هههههه السهر لعب فيكم حسناء : أي والله سهى: طيب قلبي اجل ما اطول عليك يلا اشوفك على خير زورونا بالله حسناء: ان شاءالله قريب وقفلت منها سهى: هاه تطمنت عبدالله ببتسامة: تسلمين قلبي بس ما كان له داعي تقولين لها سهى: هههههههه يلا بنام عبدالله: بتنامين ولا تكلمين مصعبوه سهى بخجل: يلا هذا جزاتي اخدمك عبدالله: هههههههههههههه في شقة يوسف فاطمة: يوسف وش فيك نفسي اروح معاهم مافي احد غريب يوسف: لا يعني لا انا اوديك اابوي مو مكلف فيك فاطمة بقهر: يعني متى بتوديني من زمان وانا اقول لك ابي عمره وانت ساحب علي بروح معاهم يوسف بنرفزة: وبعدين يعني اهلي ماهم فايقين لك وصياح بنتك انا ملزوم فيك هم لا فاطمة: يوسف وش ذا الكلام اهلك اهلي قبل يكونون اهل زوجي يوسف انت بتروح دوامك والعيال في مدارسهم منيره تقول عمي بيرجعنا قبل الظهر انا نفسسي اعتمر لا تحرمني يوسف: يالله على زنك قلت لا ومافي غيرها كلمة فاطمة : انت دايم اللي انا ابيه ما تسويه تحب تقهرني يوسف: ايه احب اقهرك عندك اعتراض فاطمة: عيشة تجيب الهم يوسف: والله الباب قدامك ماهو عاجبك الله معاك فاطمة شهقت: الحين هذا اللي طلع معاك يوسف: اللهم طولك يا روح انتِ اللي وصلتيها لهنا من البداية كان حطيتي لسانك بلهاتك بس ما ترتاحين لين تسمعين شيء ما يرضيك فاطمة: مشكورة وما قصرت قامت من عنده ودخلت غرفتها يوسف: وهذا اللي فالحة فيه تعصب الواحد بعدين تزعل دلع حريم رن جواله: الو الطرف الثاني: هلا استاذ يوسف جاني خبر ان الجلسة تأجلت يوسف: بالله طيب حسن اجل اشوفك بكرة حسن: على خير يارب مع السلامة قام يوسف ودخل على فاطمة ولقاها تبكي: ههههههههههههه فاطمة مسحت دموعها وغطت وجهها بالطانية جاها يوسف بدفاشة ورفع البطانية : يلا قومي اجهزي ربِ كاتب لك عمره اليوم فاطمة بوناسة: يعني اروح معاهم يوسف: لا انا بروح معاكم فاطمة باست خده بفرحه: طيب يوسف مسوي نفسه عصبي: يلا عاد با دلع قامت تجهز وجهزت بنتها يوسف في قلبه: خبله فديتها فاطمة رجعت له: يوسف يوسف: احم هاه فاطمة: احبك يوسف بفرحة ما قدر يخبيها: وانا كمان وبعصبية يلا بتتأخرين بروح واسيبك فاطمة جري تلبس وتلبس بنتها تحت عند البنات مريم: حسحس شفتي الكريم اللي باللوز حسناء: ههههههههه لا شفت اللي بالفستق مريم: هاهاها اضحك يعني ولا اضحك حسناء: لا ابكي مريم حذفتها بالفازلين: سامجة وربِ حسناء: مو اكثر عنك دخلت عليهم سلمى: بناااااااااات يوسف بيجي معانا مريم حسناء: لاااااااااااااااااااااا سلمى بحزن: والله حسناء: الحين يكرهنا في انفسنا مريم: يا خسارة الحماس دخلت عليهم منيره ولابسه عبايتها : بنات يلا امي و ابوي يستنونا بالسيارة ويوسف معصب علينا سلمى: هففففففففف من بدايتها مريم حسناء قاموا يلبسون بسرعة بسرعة وسلمى طلعت جري على غرفتها ولبست عبايتها و ركبوا بوقت واحد يوسف: لا والله كان تأخرتن شوي ابو محمد: يا ولدي وش فيك عليهن يوسف: الحين ما بي حركات ما لها داعي يا ويل اللي تبعد عن عيني مفهوم محمد رد يوسف: قلت مفهوم فاطمة: طيب طيب بس انت اهداء حسناء ورا فاطمة توشوها: انتِ كيف متحملته بدخلين الجنة من ورا لسانه سلمى: ههههههههه يوسف: هاااااااااااه بدينا من الحين ام محمد بنرفزة: انت وش فيك على البنات خلهن يضحكن و يسولفن من حنككك ولا حنكهن يوسف: يا يمه الدلع ما حبه تعرفيني ابو محمد: خلاص يا بنات اهجدن السيارة كان جيب عائلي السواق يوسف وجنبه ابوه والمقعد اللي وراهم جالسه امه ومنيره و فاطمة واللي وراها سلمى ومريم وحسناء ام محمد: منور يلا نشدي لنا نتسلى في الوقت يوسف بغى ينجلط ما يحب الازعاج ودلع الحريم :يمه ام محمد: اسكت اذا ما تبي انزل البيت لسا قريب حسناء: ايه يلا منوري فاطمة: ايه والله منوره من زمان ما سمعت صوتك منيره: طيب وش تبون مريم: اللي في بالك حسناء: بطة انتِ بعدها فاطمة: ههههههههه طيب يوسف بغيرة: لااااااااااااا سلمى تشمق وتكش عليه وتوشوش مريم: يقال انه غار مريم: ههههههه منيره: يلا اسمعوا احم احم منيره تتميز بصوت وعذب (تفداك عيني ومالي أمي وأبوي وعيالي وأي شيء ثمين وغـالي . .. يا رسول الله .. طيفك يداعب خيالي مزيون سيد الرجالي قدرك رفيع وعالي ... ونفــديك والله .. يا الله يا ذا الجلال صـل بعد الرمالِ على بهـــي الجمــــالِ . .. نبـــــيـــك يا الله .. عالي وغالي وحالي أفديه في كل حالي والله ما يـــكفي ما قــالي . .. ما يــكفي والله .. هديه وفي كل جالي نوره سطوعاً ويلألىء راسخ رسوخ الجبالي .. . في قلبي والله .. واسمع يا عمي وخالي شايب شباب ويهالي هذا النبي المثالي .. . قدوتك خله وخله ... سلم عليه الغزالي وناخت رقاب الجمالي وصاح الجذع بنفعالي .. . مشتاق والله .. صابر ويوم النزالي ثابت بقول وفعالي صلب الجدا والنصالي ... على عدو الله) ابو محمد: اللـــــــه يا زين صوتك يا منور منيره بخجل: فديتك اخذ الطريق منهم ساعة ووصلوا الحرم سو عمرتهم وماجات 11 الا هم مخلصين فاطمة ضاعت الجزمة اللي كانت جايبتها الله يكرمكم فاطمة بخجل : يوسف ما لقيت جزمتي(يكرم القارئ) يوسف: والله من دلاختك فاطمة تطالع اذا احد جمنهم وزعل: انت بس تسب تسب ضاعت وش اسوي يعني يوسف: خلاص انطمي بس تبكين و بعدين ليش رسيل مع البنات كيف تأمنين عليها البنات مطافيق الحين يضيعونها ولا تنخطف فاطمة بقلبها: اللهم طولك ياروح الواحد في الحرم نفسيته تتجدد ويصير عاقل ذا لا يوسف: انا اكلمك يا زفت فاطمة ولا اول مرة: ما غيرك الزفت وراحت وتركته يوسف طير عيونه: انا هين يصير خير منيره: بطة تعالي هنا في بسطة نشتري لك شبشب(الله يكرم القارئ) فاطمة: طيب يوسف: يصرخ عليهم يلا يا البرنسيسات وش منتظرات دعوة خاصة اهلي سبقونا على الباص حسناء: امشوا لا يكلنا ذا اعوذ بالله مطير عيونه سلمى: ههههههه احس عمرتي ناقصه من كثر ما حشيته منيره: ومين سمعك الكل: هههههههههههه يوسف: يلااااااااااااااااااااااا اااااااااااااا البنات اخترعوا ومشوا معاه بهدوء نزلهم الباص عند سيارتهم وحركوا على جدة وصلوا قبل الاذان بنص ساعة اخذوا غداء مرة وحدة وب وصلوا البيت اذن فوز توها نازله من الباص فوز: اووووووووه وين كنتم يا خونة يوسف: ادخلي جوة وش رايك تسولفين برا فوز طارت من الخرعة على بيتهم مو بس جوة تخاف من عمها مرة ام محمد: اعوذ بالله منك كانك طيرت المسكينة سلوم دقي عليها تنزل تتغداء معانا اكيد المصونه ما سوت غداء سلمى: ان شاءالله يمه دخلوا البنات كل وحدة على الحمام ابو محمد ويوسف راحوا المسجد يصلون صلوا وخلصوا زياد واياد رجعوا فاطمة: تحمموا وصلوا و انزلوا تحت للغداء عن جدكم انا سابقتكم جهزوا البنات الغداء سفرتين وحدة بالصالة للحريم ووحدة بالمقلط للرجال في المقلط فهد: يا ريتكم قلتولي كان رحت معاكم فارس: أي والله حتى انا ودي اروح ابو محمد: خلاص نروح الجمعة كلنا سوا نصلي الجمعة ونطلع على الطايف يومين وش رايكم ابو محمد: ازين راي من زمان عن الطايف ونبي نمر نسلم على عمكم خالد يوسف: أي والله الطايف اجوائها حلوة ذا الوقت دافية زياد: بابا نبى ناخذ معانا مروان ولد خالي يوسف: انا ناقص بلوة انتم و جايببن لي المرض ابو محمد: علامك على العيال خلهم ياخذونه يوسف: لا والله يا يبه انا ما اتحمل مسؤولية احد كفاية علية عيالي محمد: أي والله يا يبه ما نبي نتحمل عيال الناس يصير لهم شيء ولا شيء حنا نتحمل ذمتهم ابو محمد: برايكم عند البنات ام محمد: ههههههههههههههه حسبي الله على عدوكم مريم: والله يا يمه انها نشبة منيره: انتبهوا منها لا تسبب لكم مشاكل حسناء: لا تخافين ماتقدر تضرنا فاطمة: ان شاءالله والله بنات ذا الزمن يخوفون تخيلوا صديقتي مدرسة تقول كشفوا بنات خرجوا معاه من المدرسة والهيئة راقبتهم نزلوا لشقة كان بيغرر في البنات الشقة كان فيها شباب استغفر الله خمر و بلاوي ام محمد بفجعة: اعوذ بالله يارب لا تبلانا وتستر على بناتنا الكل : امين فوز وسلمى حسوا بمغص وكل واحدة تحس الكلام موجه لها سلمى بخوف: انا تعبانة بروح انام فوز: انا كمان يلا اشوفكم باي سلمى في غرفتها: اعوذ بالله يا رب تستر عليه توبه يا رب توبه ما اعاد اتواصل مع يزن يا رب انت عالم بنيتي ما كنت العب استغفر الله يمه اعوذ بالله يارب تكفيني شر نفسي ونامت وهي تهوجس عند البنات غسلوا صحون الغداء والكل راح ينام في غرفة حسناء ومريم كل وحدة تستعد للنوم حسناء: مريوم اليوم سهى كلمتني مريم: سهى غريبة وش عندها حسناء بخجل: احم تقول ان عبدالله سأل عني مريم نطت عندها: اااااااااااااايش قليل الحيا وش صفته يسأل عنك حسناء بزعل: وش فيك بلعتيني بس حب يتطمن ليش ما داومت مريم: حتى ولو ماله حق حسناء: ادري مريم بس انا حبيت الاحساس وحبيت اهتمامه مريم:اقول حسحس ما يحتاج اقول لك انتِ عارفة صح حسناء: ايه عارفة ما يحتاج انا بس حبيت اقول لك مو شيء اكثر مريم: زين لا تعلقين نفسك في اوهام حسناء: لا ماني معلقة نفسي يلا انخمدي مريم: ههههه طيب بعد صلاة المغرب بمسجد الحي الكبير كان الشيخ يلقي محاضرة عن الزواج وتحديدا عن عضل البنات وكان عبدالله وابو محمد من الحاضرين اللي حاب يستفيد من المحاضرة يلاقيها في ذا الرابط ط?طxط±ظ?ظ… ط¹ط¶ظ„ ط§ظ„ظ†ط³ط§ط، انتهت المحاضرة والمسجد اصبح شبه فاضي عبدالله يقبل راس ابو محمد: السلام عليكم كيفك عمي ابو محمد ابو محمد باعجاب من اخلاق وادب عبدالله: الحمدالله يا ولدي انت كيفك وكيف الاهل عبدالله: الحمدالله كلنا بخير احم هاه يا عمي بعدك مصر على كلامك ابو محمد فهم عليه: يا عبدالله وانا وابوك انا ما عضلت بناتي لكن انا ودي القرب لبناتي ما بيهم يبعدون عني صدقني ما ناقصك شيء عبدالله: يا عمي يقاطعه ابو محمد: لا تحرجني يا عبدالله انا مارح ازوج بناتي الا من جماعتي عبدالله تضايق: بهواك يا عمي عن اذنك وراح وتركه وهو جدا متضايق ومكتئب وحس فعلا انه مافي امل ابو محمد في قلبه: الله يرزق الجميع يارب ومشى على بيته لانه قريب من بيته في شقة محمد نورة بعصبية: فوووووووووووز فوز طلعت من غرفتها جري: هلا مامي نورة: بلا مامي بلا بطيخ ابوك وينه ادق عليه مايرد فوز رفعت حاجبها بتعجب: ماما انتِ زوجته ماتعرفين انا ايش يعرفني نورة: اذلفي اذلفي مامنك فايدة بوزت فوز ودخلت غرفتها تتحلطم من امها دخل فهد :السلام عليكم نورة: جيت وجابك الله ابوك مدري وينه مايرد وخالتك سيارة السواق خربت يلا ودني تأخرت على الحريم فهد : يمة وش رايك نطلع اليوم كلنا نتعش نورة قطعت كلامه: وع وع وش ابي بجلستكم نفس الوجيه اعرفها وتعرفوني فهد بخيبة امل وكسرة خاطر: ابشري يمة استناك في السيارة دخلت نورة الغرفة تكمل لبس غير مبالية بأولادها ولا بأي شيء فهد بقلبه: الله يهديك ويسامحك يمه الله يسامحك ونزل يستنى امه مثل ما طلبت منه فوز بغرفتها تكلم صديقتها منار فوز: لا يا منور انا مستحيل اطلع معاه انتِ كيف تفكرين منار بصغرة عقل وطيش مراهقة: مو تحبون بعض ورح تتزوجون فوز بكل صدق: ايه متواعدين بس اتخرج من الثانوية يجي يخطبني منار :طيب خلا يعني لازم تتقابلون وكذا عادي فوز: لا مو عادي عمتي منيره تقول غلط وحرام منار: عمتك كبيرة وماتعرف الحب بعدين انتِ وخالد تعتبرون مخطوبين فوز: مدري مدري مارح اخاطر على الاقل الحين لمن اقتنع بالفكرة منار: بكيفك بس اخاف يمل ويتركك فوز بخوف: لا لا لا ليش يتركني مستحيل خالد يتركيني هو يحبني منار:ان شاءالله وكملوا سوالف مراهقين مالها أي هدف في الحياة في شقة يوسف تحديدا في الصالة يتقهون فاطمة ويوسف عيالهم تحت عند عماتهم يوسف: انا ما نسيت حركتك اللي اليوم انتِ كيف ترفعين صوتك علي وتطنشيني فاطمة: كح كح احم ما كان قصدي يوسف يرفع حاجبه: لا يا شيخة والله يا فطيم لو عاد طولتي لسانك ولا رفعتي صوتك مايحصل لك طيب هالمرة بمررها بمزاجي فاطمة بقلبها: مصدق نفسه بقوة والله لو ماني مكبرة عقلي كان من زمان حنا متذابحين يوسف بنرفزة: انا اكلمك فاطمة: معاك حبيبي يوسف بلهفة طفل مايقدر يخبيها: تحبني فطوم فاطمة عارفة وضعه متعوده عليه جاف وجلف وقاسي بس يموت على غزلها وكلامها ومتأكدة من حبه لها بس موع اجبها اسلوبه:انت وش شايف يوسف :يوه يعني وش شايف شايفك انتِ فاطمة بملل: انت ما تطلع من فمك كلمة حلوة يوسف سكت شوية قرب منها وحط راسها على كتفه ومسك ايدها وبكلام مقطع مايعرف يعبر عن مشاعره:احم بطة حنا كم سنة متزوجين عارفتني وعارفة اسلوبي احم صح جاف وقاسي ولساني طويل بس بس لكن يعني انتِ تعرفين انك غالية عندي وووو يعني تعرفين اني احبك انا كذا تحملني فاطمة رفعت راسها وناظرت في عيونه: وانا اموت فيك ورح اتحملك وبدلع وامري لله يوسف:هههههههههههههههه ورجع ضمها وهي شدت من ضمته لها تحت في بيت ابو محمد سلمى بغرفتها تكلم يزن سلمى: يزن لا تحاول تقنعني انا اخذت قراري مستحيل اكمل معاك النهاية معروفة والله غضبان علينا مارح يوفقنا يزن: سلمى حبيبتي بس اعطيني فرصة احكي اسمعيني انا سلمى تقاطعه:لا يايزن انا يقاطعها يزن بعصبية: شو مالك انتِ الي ساعه بدي احكي مش تاركتلي فرصة شو بك انا مابلعب عليكِ انا شاركِ والله العظيم مالك سلمى بخا عليك اكثر من حالي ثلاث سنين راحوا من عمرنا سلمى وهسا بدك تبيعي كل اشي منشان شو احكي سلمى: يزن اقول لك اللي نسويه غلط حرام افهمني الله يخليك يزن: لا حولا ولا قوة الا بالله رجعت تحكي حرام يا بنت انا حكيت لك انو حلال حكيت لك تعي نطلع سوا بعرضك من اول ماعرفنا بعض طلبتك صورة سلمى: لا يزن: حكيت معك بمواضيع مش منيحة سلمى: لا يزن: طلبت نطلع سوا سلمى: لا يزن: طيب يابنت انا عارف حتى لو ماعملنا كل هظول اللي بيناتنا غلط وانا مابدي الغلط يستمر ماحكيت لك نكمل هيك بدي اجي من الباب انا واهلي وبخطبك من ابوكِ معززة مكرمة وبدفع مهرك اللي بدكم ياه وكل شروطكم رح اوافق عليها سلمى افهميني والله شاريكي وبديكي تكوني حلالي وام لأولادي خلاص مابدك نكمل طيب بس اعطيني عنوان اهلك وانا بجي مع اهلي ونخطبك وافقوا اهلك كان بها ماوافقوا كل واحد يروح بطريقوا شو قلتي سلمى بتردد: خايفة يزن: توكلِ ع الله شو قلتي سلمى: طيب رح ارسل لك العنوان بس من اليوم ماعاد بيننا أي تواصل اذا ربِ كاتب لنا نجتمع رح نجتمع طيب يزن: اللي بدك اياه بس اوعديني تنتبهي ع حالك سلمى: طيب وانت كمان يزن: لا تنسيني ولا تفكريني سحبت عليكي رح طول شوية عبال ما ابي واعمامي ياخدوا اجازة من دواماتهم واجهز حجوزتهم ماشي حبيبتي سلمى بخجل: طيب يلا توصي شيء يزن: سلامتك الله معك قفلت سلمى وانسدحت على سريرها بكل راحة :يارب يارب تيسرها علينا يارب وسرحت بخيالها بعييييييييييد بعيد مرة وماندري وين بيوديها قلبها في الحوش منيرة ومريم وحسناء يلعبون مع زياد واياد معبين بلونات مويه ويرمونها على بعض منقسمين فريقين منيرة وزياد واياد وحسناء ومريم زياد: عمة انتبهي من مريم منيرة بصراخ: اياد عليك فيها حسناء: ههههههههههههه منور ياوسخة انتم ثلاثة وحنا بس ثنتين خلينا نغرقكم على الاقل من مرة مرة منيره:ههههههههههههه لا والله زياد روح لها من الجنب مريم: ووووووووووووووووواي برد يابنات حسحس مامنك فايدة بلالينك تنفقع قبل ماتوصلهم حسناء: هههههههههه يختي وش اسوي منيرة: حوووووووووله ههههههههههههههه زياد براخ: هييييييييييييييه فزنا اياد: يلا عمة قلتِ اذا فزتم تسوين لي شاورما حسناء: اهب عليك مايفكر الا ببطنه مريم: هههههههه أي والله جواعانين سوي لنا كلنا منيرة: يلاه حبايبي وتطالع بزياد واياد خلونا نتفرج ع التيفي عبال مايجهزون عشانا مريم: اخس يالتيفي ماعرفتك يا ام شلحة حسناء: ههههههههههههههههه أي والله تتحضر علينا ام شلحة منيرة: بقهر مالت عليكم يعني مايلبس شلحة في العالم الا انا مريم وحسناء:ههههههه ايه منيرة تكش عليهم: مالت عليكم وبدلع يلا جهزوا عشانا جوعانين سح حبايبي زياد واياد: ااااااااااااااايه حسناء ومريم طلعوا يبدلون ملابسهم ونزلوا المطبخ نزلت سلمى: وين الصبايا منيرة: يسون عشاء انتِ وش عندك في الغرفة لك ساعتين سلمى : كنت اكلم صديقتي منيرة: مين سلمى: تحقيق هو منيرة: لا عادي بس اسأل سلمى: عبير تسلم عليكم زياد: عمة فاتك لعبنا وغرقنا عمة حسناء ومريوم سلمى: ههههههه بالله ليش ما استنيتوني اياد: ناديتك عمة بس طولتي علينا وبابا قال بعد صلاة العشاء تعالوا سلمى: حبيبي انت مرة ثانية ان شاءالله في المطبخ حسناء تجهز الشاورما ومريم تقلي البطاطس مريم: منور الحيوانة انامارضيت العب الا عشان تخسر وتسوي لي ديناميت شرمب مشتهيته احس بموت اذا ما كلته حسناء: هههههههههه ياساتر لا يكون حامل وتتوحمين اعترفِ يابنت من ابوه مريم باستهبال: هههههههه حسنين البواب بس حلفتك بالله ماتعلميش حد حسناء: يالهوي يالهوي مالقيتيش غير حسنين البواب يادي الندامة وحتداري فضحتك ازاي يانبوية مريم: مش عارفة يا صفية شوفيلي حل حسناء تأشر بالسكين: مافيش غير ادبحوكي ونستر ع الفضيحة ادي مريم: ههههههههههههههه اسم الله علي حسناء: ههههههههه مجانين والله مريم: طيب لسا نفسي في شرمب وش اسوي حسناء: مايبي لها تفكير غسلت يده واخذت جوالها ودقت حسناء: فهودي مريم بحلقت فيها وتأشر لاه بلا وتحرك وجهها بتعابير تضحك حسناء: هههههههههههه فهد: الله يديم الضحكة وش عندك حسناء : في ناس مشتهين اكله وميتين على ماياكلونها فهد فهم عليها: ههههههههههههههههههههه قولِ لهم تم سعاة والاكلة عندهم تبون شيء ثاني حسناء: سلامتك عيوني فهد: الله يسلمك مع السلامة حسناء: مع السلامة مريم بخجل وقهر ووجهها محمر مثل الطماطم:تخنقها يا حيوانه فشلتيني ياويلي احس جسمي نار شابه يا ويلي فشلة فشلة حسناء: ههههههههههههههه ماعليك هو يموت على مانطلبه شيء لك مريم: حتى لو احراج وش يقول عني حسناء بتقليد: وش بيقول بيقول يالبيه يالخفوق اللي خفقبي خفقان مابعده خفقه مريم: لا ياشيخة خلصي خلي عيال اخوك بيصلون العشاء بيطلعون بيتهم حسناء: أي والله عبدالله جالس في الحوش مع امه واخته فارشين على الزرع اللي عندهم و يتقهون امه على يمينه واخته على يساره سهى: عبود وش فيك سارح ومتضايق صاير معك شيء عبدالله بشبح ابتسامة: لا ياقلبي مافيني الا العافية ام عبدالله فاهمة على ولدها بس ما باليد حيلة: ياولدي اللي خلقها خلق غيرها وخلق احسن منها عبدالله: بس يايمة القلب مايبي غيرها ام عبدالله بكسرة خاطر على ولدها: الله المستعان عبدالله سهى: امين سهى: الله ييسرها لك ياحبيبي ويكتبها من نصيبك انا حاسة انا من نصيبك عبدالله بتفال: من جد سهى سهى: والله احساس مايفارقني انكم رح تجتمعون مع بعض عبدالله: ان شاءالله يارب وبغمزة الا كيفه الحبيب ماشفته اليوم سهى بخجل: طيب اليوم اخذ اجازة تعبان شوي عبدالله: بالله والله مادريت شوية بكلمة سهى: سخونة وزكام لا تخاف عبدالله: اها لا معليه زوجك قرد ماينخاف عليه سهى: حرام عليك ماهو قرد ام عبدالله: هههههههههه حرامم عليك عبود شوف عروقها بتطلع عبدالله: هيه يامصعبوه التيس كل ذا الحب لك سهى ساحت من الجل : بقوم اجيب لكم الشاهي ام عبادالله و عبدالله: هههههههههههههههه ام عبدالله: الله يديم الضحكه على مححياك ياعمري انت عبدالله: الله يديمك لي يا تاج راسي انتِ فديتك ام عبدالله ابتسمت لولدها بحنان نهاية البارت الجزء الاول من البارت الرابع ترقبوا الجزء الثاني نهاية الاسبوع ان شاءلله اتقبل ارائكم وانتقاداتكم بكل سعادة وش رايكم في الشخصيات وطريقة السرد والرواية بشكل عام استودعتكم الله التعديل الأخير تم بواسطة فيتامين سي ; 10-05-16 الساعة 10:39 AM | ||||||||
|
| |
|
13-05-16, 03:17 AM
| #6 | ||||||||
| مراقبة عامة ومشرفة منتدى الروايات المنقولة
| السلام عليكم ورحمة الله وبركاته حبيت ابلغكم البارتات رح تكون كل اثنين وجمعة واذا مانزلته في يومه اكيد حيكون في اليوم اللي بعده. عاصفة حب | ||||||||
|
| |
|
14-05-16, 01:27 AM
| #7 | ||||||||
| مراقبة عامة ومشرفة منتدى الروايات المنقولة
| الجزء الثاني من البارت الرابع بعد شهر ماكان في أي احداث مهمة مثل روتين كل يوم كانوا في اجازة الترم الاول عبدالله اشتاق لحسناء نت بداية الاجازة ماخرجت من البيت واخته تذله عشان تتصل وتسال عن احوالها بس هاليومين اخذا اجازة وسافروا عند خواله بقطر بعد صلاة العشاء في غرفة مريم وحسناء فوز: عمة روحي معانا الزواج والله تتونسين منيرة: والله مالي خلق ياروح عمتك سلمى بترجي: منوره روحي معانا كلنا بنروح محد بيجلس منيرة: ابوي بيجلس وفهد اكيد شوية ويجي يونسني فوز: فهد راح ثول كشته مع اخوياه مارج يجي الا بكرة منيرة: عادي انا مالي خلق اطلع والله بعدين فطوم تركت عندي رسيل رح تونسني سلمى: ليش ما ودتها اختها مع زيود واياد منيرة: تعرفين ماتثق الا فينا اختها فاهية زيود واياد امها رح تنتبه لهم وتعرفين كبيرة مارح تقدر بثلاث سلمى: أي والله صادقة حسناء: يلا بنات يوسف ازعج الحي بصوت البوري مريم: هههههه ياويلي على فطوم وامي الحين اكلهم فوز: واي عمي ذا رعب سلمى: يلا يلا الحين يوسف ياكلنا حسناء: طيب بنات مالقيت شنطة تناسب لون فستاني عادي اروح كذا مريم: عادي محد بيطل فيك ههههههههههه حسناء تكش عليها الكل: ههههههههههههه طلعوا البنات على السيارة يوسف بعصبية فحط فيهم بسرعة: لا والله بدري وشبكم مستعجلات كان استنيتم شوي ام محمد: يا ولدي الله يصلحك كان يترتبون يوسف: الله والوجيه ركب لو ايش ما يحطون البنات بحلقوا فيه بحقد ام محمد: بسم الله على بنياتي كل وحدة تقول الزين عندي يوسف: ايه واضحك لو مثل ماتقولين كان ماعنسن عندك فاطمة: يوسف خلاص يوسف: انطمي انتي فاطمة ببكي: شكرا ام محمد كانت قاعدة قدام قرصته في جنبه وبصوت خفيف: عيب عليك يوسف انحرج من امه وخواته عرف انه مو من حقه يحرج زوجته وخواته بهذا الكلام ق فاطمة في قلبها ببكية: لا يا يوسف مو قدام اهلك فوز توشوش عمتها حسناء: ياويلي عمة فاطمة كيف تتحمل عمي يوسف حسناء: الله يصبرها ويهديه يوسف: يلا وصلنا هيا انا رايح الطايف عقيقة لولد واحد من اخوياي لمن تخلصون دقوا على فهد حسناء: فهد راح ثول مع اخوياه بنكلم محمد يوسف: يووه ياذا البلشة محمد مرابط مابيجي الا بكرة العصر وش نسوي الحين ام محمد: خلاص حنا ندبر عمرنا ابوك في البيت مارح نتأخر نكلمه يجي ياخذنا يوسف: طيب نزلوا كلهم وقبل ماتنزل فاطمة يوسف: فطومتي شسمه ماكان قصدي س اححم سامحيني فاطمة: انتبه على نفسك لا تسرع في الطريق يوسف: ابشري وانتي كمان تحصني فاطمة: طيب مع السلامة عمري يوسف: مع السلامة لحقت فطوم البنات دخلوا القاعة وفسخوا عبيهم واعطوها اللي على الرسيبشن الزواج لأحد قرايب ام محمد من بعيد فاطمة: الا نورة ليش ماجات ام محمد: وع وش تبين بوجه البومة فاطمة تتلفت لا يكون فوز وراهم: ههههههههههههههه دخلوا وجلسوا على اقرب طاولة في وججهم سلمى كانت لا بسة فستان اسود قطيفةسادة ماسك على جسمها اكمام طويلة والظهر كله شفاف استشورت شعرها وفيرته من تحت وتركته مفتوح لجل يغطي ظهرها وميك اب خفيف رسمة فرنسية شوية عريضة وبلشر وردي باهت وروج قرمزي كعب بسيط فضي وشنطة صغيرة يدوب تدخل فيها روجها وجوالها. حسناء لبست فستان مشمشي تل ماسك على جسمها كت هادي وعادي مافيه أي تطريز مسوية شعرها كله فير على الجنب وميك اب خفيف رسمة فرنسية ناعمة وبلشر برونزي وروج عودي قاتم كعب عودي مريم لا بسة فستان اسود ميدي شيفون والبطانة ترابي كت ماسك لمن خسرها بعدين يبداء بكسرات استشورت شعرها وضفرت من الجوانب ضفيرة السمكة وتركته مفتوح واكتفت برسمة فرنسية ناعمة وبلشر خربزي وروج عودي وكعب اسود وشنطة سوداء فوز لبست فستان ابيض قصير لتحت الركبة بشوي اكمام قصيرة تركت شعرها مفتوح واكتفت بروج وردي ومسكرا كعب احمر فاطمة فستانها من فوق تل اسود ومن تحت خربزي زي المرد كم طويل ومسويه بشعرها شنيون ناعم وميك اب ناعم وروج بني غامق كعب اسود وشنطة سوداء ام محمد جلا بية فخمة عودي مشغول عليها بالخيوط الذهبية وكحل خفيف وروج احمر حركات الحريم الكبار الطاولة كانت على شكل دائري حسناء: وع وع صوت المطربة زي الطرمبة واللهي فوز: هههههههههههههه حرام عليك عمة انا احب الطرمبة سلمى: طرمبت ايش الله يفضحكم اسمه بلح الشام حسناء: اخس يا ام الذبان اثاري مو بس ام شلحة تتحضر حتى انتِ الكل: هههههههههههههه مريم: أي والله تذكرين سلوم لمن طحتي على ......... وتجمع عليك الذبان سلمى يقهر: الناس تكبر وتنسى انتم لا خلاص لا زم تذكروني بماضيه المرير ام محمد بتموت من الضحك: المشكلمة انها تبي تكمل لعب بالقوة خذيتها وحممتها سلمى: يييييييييييييييييمة حتى انتِ حرام عليكم فاطمة: بنات قوموا نرقص حسناء: اخاف الحين يقولون توهم ماجلسوا ع الطاولة قاموا ردحوا مريم: لا حسوني لا تخربين نظرتي فيك وتصيرين مثل ام شلحة وام الذبان فوز وفاطمة: ههههههههههههههه حسناء: هزلت يلاه مشينا نكسر الحته يا قدعان سلمى مببوزة: ماني رايحة معكم مريم: محد كلمك انتِ اخاف الحين يتجمعون عليك الذبان الكل: هههههههههه سلمى: مريموه ياوسخه طيب مردوده لك مريم ترفع حواجبها بنذاله: ماتقدريش وكملوا العرس وجات الساعة 3 وهم لسا مارجعوا عند منيرة جوالها دق منيرة: الو هلا يمة ام محمد: يمة منيرة صحي ابوك يجي ياخذنا والله مره نسينا نكلمه من بدري منيرة: ليش وين محمد ويوسف ام محمد: يوسف راح الطايف عزيمة ومحمد مرابط بكرة يجي منيرة: كلمتم فهد ماودي ازعج ابوي ام محمد: فهد في ثول وش يجيبه الحين منيرة: طيب يمه بنجيكم انا وفارس بسيارة ابوي ام محمد: فارس خذته نوير مكة عشاء عند اختها ومافي حد يوديها منيرة: ييييييوه كلهم مافي حد طيب يمه بصحيه مع السلامة ام محمد: مه السلامة طلعت منيرة من غرفتها ونزلت تحت لغرفة امها وابوها دقت الباب ودخلت لقت ابوها نايم وقفت عند راسها وبصوت خفيف: يبه يبه يبه امي دقت تقول مافي حد يرجعهم يبه منيرة تهز ابوه بشويش: يبه خافت مو عوايد ابوها نومه خفيف: يبه حبيبي يبه حاولت تصحيه مافاق معاها خافت عليه شافت نبضة في نبض وتنفسه خفيف وبطئ خذت كاس الموية ورشت وجهه تصفع وجه ابوها بخفيف يبه قوم تسمعني يبه يبه حبيبي الله يخليك قوم ياربِ وش اسوي مافي احد جرت على غرفتها وخذت جوالها ودقت على الاسعاف وصفت لهم البيت لبست عبايتها واخذت رسيل وشالتها معاها دقايق ووصلت الاسعااف دخلوا شالوا ابوها وركبت مع ابوها الاسعاف الممرض: المريض يعاني من ايش شيء منيرة: لا الحمدلله مايشكي من شيء و اول مره يصير معاه كذا الممرض: طيب لا تخافين اختِ ان شاءالله خير منيرة: ان شاءالله جوالها يدق : ياربِ هذي امي وش اقول لها استنتها لمن قفلت ودقت على يوسف يوسف: هلا منيره وش بك منيرة: وينك مشيت من الطاف ولالسا يوسف: ايه مشيت نص ساعة و اوصل البيت منيرة: طيب اسمع حبيبي ابوي مغمى عليه دقيت على الاسعاف جات وشلناه يوسف بخوف: ككككككككيف وشفيه ابوي وش صار معاه امانه منيرة لا تكذبين منيرة: والله مدري دخلت اصحيه يجيب اهلي لقيته مغمى عليه والحين نوصل المستشفى يوسف: انا جاي وين المستشفى منيرة: رح مر على اهلي محد رجعهم بعدين تعال مستشفى الملك فهد يوسف: طيب طيب شخط يوسف بالسيارة أسرع ماعنده وصل القاعة في عشر دقايق دق على فاطمة فاطمة: هلا حب قطعها يوسف يوسف: بسرعة انا برى وقفل فاطمة استغربت صوتها: عمه يوسف جاء يقول انا برا ام محمد بستغرب: الله يستر وش جابه المفروض عمك يجي لنا فاطمة:مدري والله يلا بنات يوسف الحين بيعصب لبسوا البنات بسرعة وطلعوا ركبوا يوسف ماستنى حتى يقفلون ابوابهم مشى اسرع ماعنده ام محمد: يوسف شبلاك ياساتر ليش مسرع يوسف: ابوي في المستشفى الكل صاح في وقت واحد ام محمد ببكي: وش فيه ابوك تركته ماكان فيه شيء يوسف:مدري يمه مدري منيره كلمتني توها ام محمد: ياويلي عليك يا ابو محمد انت طايح وانا في الرقص والاغاني جعلني فداك جعلني اخذ ضيمك فاطمة: هدي ياعمة ان شااءلله مافيه الا العافية البنات يبكون بسكات خايفين على ابوهم اول مرة يتعب عليهم وصل يوسف: يلا انزلوا ام محمد: بنروح معاك يوسف: وين تروحون معي بنصوص الليول ام محمد: مايجيني قلبي انزل وابوك مدري عنه يوسف: يمه الله يصلحك انزلي وانا وعد اخذك له بكرة الحين مقدر كفاية منيرة هناك لحالها مابي اتأخر عليها يلا انزلي سلمى خذي امك منتي شايفة حالتها اعوذ بالله منكن مافيكن اصل نزل الكل من السيارة نزلت سلمى امها ودخلوا البيت فحط على المستشفى عند منيرة في الطوارئ وكان المناوب دكتور شاب الدكتور حمد: لا تخافين اختي انخفاض في الضغط بس منيرة: طيب وش السبب لانه مقد صار له كذا حمد: يمكن لان كان زعلان او يفكر او ما اكل شيء بس المهم انه الحين صار بخير لا تخافين طمني الاهل منيرة: مشكور اخوي الله يعطيك العافية حمد: لا هذا واجبنا ما سويت شيء منيرة كانت كاشفة عوينها انفتن فيها الدكتور حمد والممرض اللي معاهم بس يناظر فيها بنظرات وسخة حمد انتبه له وانقهر منه مو اول مره يسويها : فيصل تقدر تروح تشوف شغلك فيصل بقهر: طيب دكتور خرج وراح حمد:معليش اختي ادري مو شغلي بس ممكن تغطين عيونك منيره شهقت :والله مو متعمدة من خوفي على ابوي غطت عيونها حمد: معذورة اختي والوالد لا تخافين علهيه بس يخلص من محلوله تقدرين تاخذينه معافى ان شاءلله منيرة: ان شاءالله شكرا مرة ثانية حمد: العفو انا استأذن تحت في الاستقبال يوسف: لو سمحت اخوي قبل ساعة جاكم شخص في الاسعاف بأسم سعد محمد الفارس : ايه فوق موجود في الدور الثاني غرفة 2209 يوسف: شكرا اخوي :العفو طلع يوسف الاصنصير وصل الغرفة دق الباب ودخل الدكتور بستغرب: نعم يوسف: انا يوسف ولد المريض منيرة: تعال يوسف الحمدالله ابوي مافيه شيء يوسف راح عند ابوه وباس راسه ويده وتوجه للدكتور وصافحة: طمني يادكتور حمد: الدكتور حمد اسمي حمد يوسف: تشرفني اخوي طمني على الوالد وش عنده حمد: لا تخاف الحمدلله سوينا تحاليل ومافيه أي شيء يدعو للخوف بس انخفاض في الضغط ادي للأغماء يوسف: يعني يمافي شيء رح يأثر عليه و كذا حمد: لا تطمنوا مافيه أي شيء يدعوا للخوف الوالد سليم ومثل ماقلت مجرد انخفاض في الضغط وتقدرون تاخذونه بس يصحى ويخلص المحلول يوسف: الحمدالله الحمدلله شكرا لك دكتو والله يعطيك العافية الدكتور: لا شكر على واجب وانا اخوك هذا واجبي ماحسوا الا صوت بكاء طفلة يوسف شهق وطالع في منيرة ويأشر على رسيل: هذي وش جابها منيرة: ماقدرت اخليها مافي حد معاها يوسف بنرفزة كيف بنته في المستشفى مع المرضى ما انتبه ان فاطمة مااخذتها معاها :طيب طيب حمد: طيب انا استأذنكم وان شاءالله مايشوف شر الوالد بس عشان نتطمن أكثر افتحوا له ملف ويصير يرجعنا كل شهر عشان تعرفون كبار السن لازمهم من المتابعة يوسف: ايه اكيد ان شاءالله بجيب الوالدة معاه حمد يطالع منيرة منيرة استحت: يلا عن اذنكم يوسف ماهو معاه باله مع ابوه: اذنك معك دق يوسف على امه ام محمد بلهفة: ها يوسف وش فيه ابوك امنتك ماتكذب عليه يوسف بضحكة: كل هذا حب لأبوي ام محمد بغبنة: يوسف مو وقتك طمني وش فيه ابوك يوسف: الحمدالله مافيه الا العافيه انخفاض في الضغط يتدلع الوالد علينا شوية ام محمد: امانه مافيه شيء يوسف: والله يالغالية مافيه شيء حتى بيطلعونه شوي بس يصحى ويخلص المحلول ويناظر في المحلول اصلا ماعاد بقي فيه الا شوي ام محمد: طيب حبيبي ما اطول عليك يوسف: طيب قولي لفطوم مافقدت شيء ام محمد: شيء ايش يوسف: اسأليها اشوف ام محمد البنات حوليها توجه كلامها لفاطمة: فاطمة يوسف يقول ما فقدتِ شيء فاطمة ابتسمت تحسبه يقصد نفسه بدلع قالت: لا ام محمد: تقول لا يوسف بستهزاء: اول مره اشوف ام تنسى ضناها خيبه تخيبها قوليلها يا مدام رسيل معانا لا تقلقل هذا اذا قلقت يلا يمه اشوفكم جهزوا غرفة الوالد و صلحوا لنا فطور زين ام محمد: طيب حبيبي قفلت وطالعت في البنات: الحمدالله ابوكم بخير وشوية بيجون كلهم البنات بأصوات متفاوته: الحمد لله الحمد لله ام محمد تطالع في فاطمة وبأبتسامة: يسوف يقول لك لا تقلقين رسيل معاهم شهقة فاطمة: والله اني نسيت عنها من الربكة يا قلبي عليها ام محمد: ما تنلا مين يابنتي من جيتي تواسين فينا فاطمة: اهم شيء عمي بخير ام محمد: أي والله الحمد لله يلا يابنات قوموا بدلوا ملابسكم وصلوا الفجر غيروا البنات وصلوا ونزلوا يجهزون الفطور ماجات الساعة 6 بالتمام الا يوسف واللي معه وصلوا البيت يوسف ماسك ابوه ودخله الصالة الكل كان في المطبخ يوسف: ياجماعة حنا وصلنا البنات جري ماعدى مريم عشان تتغطى عن يوسف حسناء: ييييييييييييبه حبيبي خفت عليك وتضمه سلمى: بعدي يا معفنه ابوي الغالي ليته فيني ولا فيك ياروحي انت ابو محمد يضم بناته بحنان ويبتسم لهم: الله يصلحكم يوسف بعصبية: خير انتِ وهي مافي أي مراعاة للمريض قوموا عن ابوي يالمخفات تتناقزون كنكم قرود طلعت ام محمد من غرفتها على اصواتهم وشافت ابو محمد راحت له وباست راسه قامت سلمى من يمين ابوها وجلست امها مسكت يده: سسلامتك يا الغالي ليتها بضلوعي ولا فيك ابومحمد: بعد الشر عنك يالغالية ام محمد تنشف دموعها بطرحتها: خفت عليك لا عاد تعيدها ابو محمد بمزح وهو يمسح دموعها: كنت اختبر غلاتي بس خلاص تأكدت الكل: هههههههههههههههه فاطمة: سلامتك عمي ماتشوف شر ابو محمد: الشر مايجيك يابنتي وين مريومة قلبي حسناء: شت نسيناها في المطبخ يوسف روح المجلس حنا بنجهز لك الفطور انت والوالد يوسف: طيب فطوم تعالي معي فاطمة بقلبها: اعوذ بالله دامه فال فطوم معناته بيلعن خير خيري فاطمة: طيب قاموا المجلس وجات مريم تسلم على عمها: ابوي حبيبي خفت عليك ابو محمد: لا تخافين و انا ابوك مافيني الا العافيه هاه شوفيني ويقوم يتعرض بكتافه مريم والبنات: ههههههههه مريم: الله يخليك لنا ياتاج راسنا الكل: امين ابو محمد: ويخليكم لي يابنتي ام محمد: يلا يابنات جهزوا السفرة عشان يفطر ابوكم وياخذ دواه وينام وانتم بعد تنامون سهرانين منيرة: طيب يلا بنات دخلوا البنات يكملون تجهيز في المجلس يوسف ماسك يد فاطمة وبروقان مستغربته فاطمة: الحين بالله في وحدة تنسى بنتها فاطمة محرجه: ما نسيتها بس والله انشغلت مع عمتي والبنات من الربكة ماطرت على بالي يوسف بمزح: ياشيخة طيب طيب يا فطوم بعديها لك فاطمة فرحت من هالتغير الغريب اللي في صالحها: ان شاءالله حبيبي يوسف: ايه اضحكي علي بحبيبي وعمري وعيوني فاطمة بصدق: والله ما اضحك عليك حرام عليك نت من جد حبيبي وعيوني وكل دنيتي يوسف بخجل يبتسم لها: طيب روحي عطيها رضعتها ونيمها وخليها عند البنات شسمه يعني انتِ اليوم طالعة حلوة ويكفخها على شعرها بدفاشه قلك يعنني رومانسي فاطمة ماتدري تبكي ولاتضحك من اسلوبه اللي ماتدري كيف جاي: طيب عيوني يوسف: تسلم عيونك دخلوا عليهم البنات جهزوا فطورهم فطروا يوسف وابوه وامه لحالهم والبنات في المطبخ يقرقون عن الزاوج وبعدها الكل افترق وراح غرفته ونام بعد ثلاث ايام في شقة محمد فوز: ماما مارح تنزلي تسلمي على جدي نورة تتفرج على التلفزيون: تعبانة مكسرة و الحمدالله خالي مافيه الا العافية فوز بقهر: لو كان في حفلة ولا عزيمة لوحدة من صحباتك كان رحتِ لها لكن اهل بابا ماتتنازلين تروحين لهم ترا جدي خالك وجدة تصير عمتك نورة: لا والله تعالي اكفخيني ست فوز اذلفي عن وجهي ولا والله مايحصل لك خير قليلة ادب ماكأني ربيتها فوز بضحك هستيري:هههههههههههههههههه� �هههههههههههههههههههههههه ههههههههههههههههههههههههه ههههههههههههههههههههههههه ههههههه نورة ترفع حابجها بستنكار: وش اللي يضحكك ست فوز فوز: لا ولا شيء عن اذنك بدخل البس وانزل عند عماتي نورة: اذلفي دخلت فوز غرفتها تلبس وتقول في قلبها: ربتني قالت والله ضحكتني دخل محمد توه جاي من الدوام شاف نورة جالسة بالصالة محمد: لا لا لا في شيء اشوف ويفتح الشباك لا والله الشمس في مكانها نورة: نعم وش عندك انت بعد محمد: نورة تتنازل وتجلس في البيت لا اكيد اكيد صاير شيء وياترا وش هالشيء نورة تشمق: ماصاير شيء تعبانه مكسرة قلت اليوم نقاهه محمد: الله يديم هالنقاهه نورة: لا تحلم كثير محمد: الله يصلحك انا تعبان بنام صحيني لصلاة المغرب نورة: ان شاءالله دخل غرفته ينام في غرفة فوز لبست فستان قطن كحلي ميدي كم طويل على فلات فسفوري وحطت قلوس وردي وهي خارجة دق الجوال بأسم بيبي فوز ببحة حلوة: الووووووو خالد: السلام عليكم فوز: وعليكم السلام خالد برومانسية: وحشتيني وحشتيني وحشتيني فوز بهيام: وانت كمان وحشتني خالد: كذابة لو وحشتك كان دقيتي فوز: انت سبقتني خالد: هههههههه بصدقك كيف جدك فوز: الحمدلله تمام شوية بنزل عندهم خالد بزعل: لااااااااااااااااا مشتاقلك خليك معي انزلي بعد صلاة العشاء اكون شبعت شوبة منك فوز: هههههههههههههه لا يكون اني اكلة وانا ما ادري خالد بتنهيده: هيييييييييه واحلا اكله الله وكيلك فوزاستحت: خاااااااااااااااااااااااا اااااااالد استحي خالد: فديت المستحي يا ناس تحت ببيت ابو محمد في غرفة سلمى منسدحة على سريرها وتلفل شعرها بأصبعها وفي قلبها: يا ترا وينك يايزن ماعاد جيت هو قال بيطول بس طول له شهر ونص تراجع او يمكن صاير معه شيء امممممممم لا ان شاءالله يارب تحفظه يا ترا وش اللي ااخرك ان شاءالله خير يا يزن طيب ويعني اذا جاء على اساس ابوي بيوافق هفففففففف اش ذا الحال انا دخلت نفسي في مشكلة اهلي اكيد بيعرفون اني على علاقة فيه ولا كيف عرفني وجاء خطبني ياربِ وش اسوي وشهقة بخوف ياويلي يوسف والله ليذبحني ياربِ انا وش ورطت نفسي فيه الله يسامحك يا يزن لو تركتني في حالي واقتنعت وانا بالله كيف عطيته بس هو للحين ما جاء ولا حتى كلم حد من اهلي يعني يمكن بطل يمكن وبخوف تزوج غيري معقولة لا مستحيل يووووه انا بموت من التفكير وجلست تفكر وتهوجس وما وصلت لشيء في غرفة منيرة كانت تفكر: يالله قد ايش هو انسان محترم ومؤدب كنت لوحدي وما حاول انه يقل ادبه او شيء يا زين طوله ويازين كلامه ولا اخلاقه يوه عليه عيون استغفر الله منيره تتغزلين في الولد مو حرام عليك استغفر الله يارب سامحني بس واشبه عالق في مخي مو راضي يطلع نفسي اشوفه مرة ثانية ههههههههههههه لو بس حد يسمعني الحمدالله والشكر قال اشوفة مرة ثانية اعقلي منور خلي عنك حركات المراهقين طيب انا الحين وش عندي اكلم نفسي يا ويلي ياحمد خليتني اكلم نفسي في يومين الله يخلف علي خليني انزل اسوي لي شيء احسن من ذا التفاكير اللي ماتودي ولا تجيب الا الحسرة والندامة و تضحك على نفسها لمن قالت ودي اشوفة هههههههه والله تني خبله وقلبي ماعنده سالفة شفت الرجال مرهة وحدة وقلك تعلق فيه والله ماني صاحية انا نقدت عل نفسي كيف لو حد يعرف تحت عند ابو محمد بمجلس الرجال عبدالله يسلم على راس ابو محمد ويجلس جنبه: سلامتك ياعمي ماتشوف شر ابو محمد ببتسامه صادقة: الله يسلمك يا ولدي الشر مايجيك يارب عبدالله بصدق: اعذرني ياعمي ماجيتك من بادري لكن والله كنت في قطر عند خوالي واليوم رجعنا وماعرفت الا من فهد بالصدفة لمن قابلته في الصلاة ابو محمد : معذور وا انا ابوك والحمدالله مافيني الا العافية عبدالله: الحمدالله ان شاءالله دايم تكون بخير وعافية ياعمي ابومحمد: وياك ياولدي انت كيفك وكف الاهل وخوالك عبدالله: والله الحمد الله كلنا بخير ابو محمد: وكيف قطر و اهلها والله من زمان عنها عبدالله: هههههه ابد والله يسلمون عليك وينتظرون زيارتك ابومحمد: ههههه ان شاءالله قريب نروح انا والاهل نقضي كم يوم عبدالله: على خير يارب طيب عمي انا استأذنك ابو محمد: لا بدري ماسولفنا عبدالله: والله ودي يا عمي لكن اليوم زواج واحد من اخوياي بمكة يدوب اجهز واطلع تعرف اليوح جمعة والكل خارج ابو محمد: الله يوفقه يارب وعقبالك عبدالله بنظر فهمها ابو محمد: امين ان شاءالله ابو محمد: الله ييسر لك اللي فيه خير ياولدي عبدالله: امين يارب لا اوصيك ياعمي تنتبه لنفسك واي شيء تحتاجه امانه مايردك شيء ابو محمد: ماتقصر اصيل مثل ابوك الله يرحمه عبدالله: الله يرحمه يلا عمي في امان الله ابو محمد: في امان الله طلع عبدالله وحس انه ممكن انه قرب من حلمه من اسلوب ابو محمد مع ان زيارته ابدا ماكانت عشان يتقرب ويتمصلح زيارته كانت لانه يشوف ابومحمد مثل ابوه الله يرحمه دخلت ام محمد المجلس: هاه راح عبدالله ابو محمد: ايه راح ام محمد: والله انه اصيل ذا العبدالله ابو محمد: أي والله الله يخليه لأهله ويرزقه بالزوجة الصالحة ام محمد بنغزة: الزوجة موجودة لكن وش نقول لبعض الناس ابو محمد يضيع السالفة: الا وين البنات مالهم حس ام محمد : فوق بغرفهم فوق بغرفة حسناء ومريم حسناء تناظر من ورا الستارة من اول مادخل عبدالله واستنته حتى خرج دخلت عليها مريم : وش تسوين فزت حسناء : بسم الله الرحمن الرحيم خوفتيني مريم: خوفتك هاه وش تسوين عند الشباك حسناء بربكة: وش اسوي يعني ها وش اسوي اتفرج في الحوش مريم: حوش قلتي لي ولا تراقبين عنتره حسناء تروح لسريرها وتجلس عليه وتشبك ادينها ببعض: مااخبي عليك في هالكم اسبوع اللي ماشفتهم فيها حسيت شيء ناقصني احس في شيء بقلبي كل يوم يكبر ويخنقني مريم قربت منها ومسكت ادينها وضمتها لصدرها: حسحس انتي مو بس بنت عمي ال اختي ونور عيوني ماابيك تتعلقين في اوهام بس خلصت كلمتها طحات دمعه حاره من عين حسناء شهقة مريم: لا يا حسناء هذا اللي مابيه كيف سمحتي لقلبك حسناء بغصة: غصب عني مريم والله غصب عني حبيته مو بيدي اشوفني في عيونه اشوف شيء كبير في عيونه ماقدرت اصده ماقدرت اقاومه مريم والله ماقدرت حبيته ما هو حرام ولا عيب مابي شيء بس بحبه من بعيد لبعيد اذا ربِ كت لنا نجتمع الحمدالله ما كتب لنا انا راضية انا مكتفية اني اعرف انه بخير مريم بحزن: مدري ايش اقول لك صدمتيني حسناء: لا تقولين شيء انتِ تعرفيني مريم مستحيل اسوي شيء غلط مريم: اعرف بس ماودي تعيشين شيء مجهول وانتِ ماتدرين وش نهايته حسناء: انا راضية ومكتفية حاليا ماابي اكثر من اني اشوفه بخير مريم: طيب وبعدين حسناء: مافكرت في بعدين مريم: الله يكتب لك اللي فيه خير وبمزح تغمز لحسناء الحين صرتم عنتر وعبله حسناء: ههههه نرجع لأم محمد و ابو محمد ابو محمد: ههههههههه والله على حسب ام محمد: افا يا ابو محمد يعني ودك بالعرس دخل يوسف المجلس: السلام عليكم : وعليكم السلام ام محمد: حياك ياولدي يوسف: الله يحيك كيفك يبه ان شاءالله بخير ابو محمد: علامكم انتم كل يوم اشلونك كيفك الحمدالله انا مافيني شي يوسف:هههههه نخاف عليك يالغالي ونبي نتطمن عليك ابو محمد:تطمنوا مافيني الا العافية الا وش عندك مو عادتك تجينا العصر دايم المغرب او العشاء يوسف: والله حبيت اكلمك قبل مايجون الشلة كلها ابو محمد:ان شاء الله انه خير يوسف: ايه خير وكل خير ان شاءالله اليوم دق علي الدكتور حمد ام محمد:ك مين الدكتور حمد ابو محمد: هذا الدكتور اللي اشرف علي ام محمد بقلق: ليش وش كان يبي النهاية ^_^ نهاية الجزء الثاني من البارت الرابع رايكم وتوقعاتكم لنا لقاء في يوم الاثنين ان شاءالله | ||||||||
|
| |
|
14-05-16, 08:41 PM
| #8 | ||||
| نجم روايتي وفراشة الروايات المنقولة 
| الروايه حلوة وبتناقش موضوع مهم وهو التعصب القبلي وعدم زواج البنت الا من قبيلتها وبذلك تنحرم الفتاه من نصيب جيد وممكن ان تعنس ولكن كل هذا لايهم المهم الزواج من القبيله اعتقد انها انانيه ومفاهيم عفى عنها الزمن وممكن ان ابن العم يعاملها معامله سيئه في وقت ان الغريب يعزها ويدللها فهاهو محمد يعاني من زوجته ومن اهمالها ولكن لايستطع فعل شى لانها ابنه عمته فعاش طول عمره محتاج الحب هو وابنائه ورجل كعبد الله ما ينقصه علم ودين واخلاق والاهم انه يحب حسناء ذنبه الوحيد انه من غير قبيله الناس نسيوا الدين واحاديث الرسول واتبعوا العادات والتقاليد شكرا فيتامين على الروايه | ||||
|
| |
|
17-05-16, 06:41 AM
| #9 | ||||||||
| مراقبة عامة ومشرفة منتدى الروايات المنقولة
| السلام عليكم ورحمة الله وبركاته كيفكم جميعا ان شاءالله بخير البارت الخامس الجزء الأول ام محمد و ابو محمد في المجلس ابو محمد: ههههههههه والله على حسب ام محمد: افا يا ابو محمد يعني ودك بالعرس دخل يوسف المجلس: السلام عليكم : وعليكم السلام ام محمد: حياك ياولدي يوسف: الله يحيك كيفك يبه ان شاءالله بخير ابو محمد: علامكم انتم كل يوم اشلونك كيفك الحمدالله انا مافيني شي يوسف:هههههه نخاف عليك يالغالي ونبي نتطمن عليك ابو محمد:تطمنوا مافيني الا العافية الا وش عندك مو عادتك تجينا العصر دايم المغرب او العشاء يوسف: والله حبيت اكلمك قبل مايجون الشلة كلها ابو محمد:ان شاء الله انه خير يوسف: ايه خير وكل خير ان شاءالله اليوم دق علي الدكتور حمد ام محمد: مين الدكتور حمد ابو محمد: هذا الدكتور اللي اشرف علي ام محمد بقلق: ليش وش كان يبي يوسف يبتسم: والله يالغالية الدكتور حمد حاب يصاهرنا ويتزوج منيرة ام محمد بفرح: بالله ما شااءلله ياعمري يامنور اثاري ربِ مخبي لها هالنصيب الزين ابو محمد بستهجان: خير يا ام محمد وش مخبي لها ما مخبي لها ومن قالكم اني موافق\ يوسف: يا يبه الله يهديك البنات كبروا واذا بتستنى جماعتنا محد بيجي كلهم اصغر عن منيرة او متزوجين حرام نقطع نصيبها بعدين الولد جازم وشاري ولا ماكان على طول كلمني وانا سألت عنه قبل ماافاتحكم والله ان الكل يمدح فيه وبأخلاقة واسال عنه بنفسك ابو محمد: ماقلت شيء اخلاقه لنفسه انا بناتي ما يطلعون برا ام محمد بزعل: سألتك بالله يا ابو محمد ماتقطع نصيب بناتك حرام عليك منيرة سنتين وتدخل الثلاثين متى تلحق تتزوج وتخلف الخفلة بعد الثلاثين صعبة على الحرمة بذات البكرية يا ابو محمد ذنب بنات في رقبتك ليوم الدين ابو محمد: انا الحين ظلمتهم الله يسامحك معيشهم ومدلعهم وحاطهم في عيوني يوسف: يا يبه امي ماقصدها الا انك كذا قاعد تعضلهم من دون أي سبب يبه انت متعلم ودارس والشرع وش يقول يايبه قال رسول الله صلى الله عليه وسلم ام محمد ابو محمد: عليه افضل الصلاة والسلام يوسف: (إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير) ابو محمد: ياولدي انا عارف هالكلام لكن انا ما اضمن الغريب في بناتي بعدين وش يقولون عني الناس طلع بناته للغريب وترك القريب ام محمد بنرفزة: هو جاء القريب ورديناه بعدين يمكن القريب اللي تتكلم عنه هو اللي مابيصون بناتك يوسف: يايبه الله يهديك لو كل واحد فكر مثل ماتفكر كان البنات عنسوا في بيوت اهاليها بعدين اسمح لي يايبه سلمى ومنيرة كبروا بذات منيرة وفرصها في الزواج قلت وبعدين اللي متقدم لها دكتور وله سيرته الحسنه والله يايبه ان كل من سألته عنه مدحه لي هاه وش قلت ابو محمد:قلت الله يستر عليه ويرزقه ببنت الحلال ماله نصيب عندنا ام محمد ببكاء: امنتك يا ابو محمد لا تحرق قلبي على بناتي أبي افرح فيهم قبل مااموت انت ضامن عمرك مين لهم بناتي اخوانهم تزوجوا وكلن لاهي في حياته وبناتي لا زوج ولا سند ولا ولد مابسامحك يا ابو محمد ابو محمد: افا يا ام محمد ام محمد: ان رديته والله ما قعد لك في ذا البيت وخل بناتك في حلقك وربي بكرة بيحاسبك عليهم قامت وتركته ابو محمد: عاجبك اللي قالته امك كبرت وخرفت قالت بتترك البيت يوسف: يايبه من حرقتها على البنات يبه خواتي ماهم صغار زوجهم يايبه انت تحسبهم مبسوطات وراضيات كل وحدة اكيد تبي لها بيتها وحياتها المستقلة يبه فكر في كلامي انا قلت لحمد عطنا اسبوع اسبوعين نفكر ونسأل عنك وناخذ راي البنت وبعدها بنرد منك انت فكر يبه وشوف وش يقول لك ضميرك ابو محمد بعدم اقتناع : يصير خير يوسف: يلا انا رايح بمشي العيال توصي شيء ابو محمد: لا ابد سلامتك و انا ابوك طلع يوسف لشقته وترك ابوه يفكر بكلامه يوسف: فاطمة جهزتم فاطمة: ايه جهزنا بس باقي القهوة تاخذ لها عشر دقايق وتجهز يوسف بنرفزة: انا ماكلمتك من قبل اروح اصلي ليش ماخلصتِ فاطمة:الله يهديك ليش معصب خلاص الحين تجهز ونروح يوسف: زياد روح لعماتك قلهم تروحون معانا فاطمة: ودي نكون لحالنا يوسف: وش تبين في وجهي كل يوم خششنا في بعض بعدين البنات من زمان ما خرجوا فاطمة: طيب خلاص خرجهم وقت ثاني يوسف بقلة بال: انتِ وشبك تعرفيني نادر ماافضى احمدي ربك بخرجك بعدين الحين ماتبين خواتي وانتِ كل يوم ناقزة عندهم ياانانيتك هم لمن يخرجون ياخذونك معاهم فاطمة انصدمت ظلمها: والله ماكان قصدي كذا حرام عليك بس بغيت نخرج سوا اقعد معك انت قلتها من زمان ماخرجنا يوسف: افففففففففففف اقسم بالله انك ماتفهمين ولا عندك ذوق بدال مو انتِ اللي تكلمينهم فاطمة: اعوذ بالله منك خلاص ياكلمة ارجعي مكانك قسم بالله انهم اكثر من خواتي بس انت تحب تفسر كل شيء على كيفك يوسف: اقول لك احسن شي انثبري انتي وعيالك تكرهين الواحد في نفسه وطلع وقفل الباب ونزل ركب سيارته ماحرك حول عشر دقايق فاطمة بقلبها: اعوذ بالله هذا والله مريض اقسم بالله انا وش مصبرني عليه يعني كفرت اني قلت بنطلع لوحدنا اياد بزعل: ماما بابا راح ماعاد بنخرج فاطمة: ياروحي بابا جاه قطع عليها رنين الجوال فاطمة بقهر: نعم يوسف: يلا انزلوا موعلشانك عشان العيال واعدهم لا تتأخرون وقفل فاطمة: ماهو صاحي قسم زياد: ماما مين فاطمة: يلا انزلوا بابا يستنانا في السيارة اياد نط: هيا يعني بنخرج فاطمة: ايه يلا خذوا الاغراض معاكم انا بشيل رسيل نزلوا وركبوا السيارة وحرك يوسف بسكات فاطمة: وخواتك يوسف لف عليها بستنكار: مو هذا طلبك ياست الحسن فاطمة ماحبت تزيدها معاه سكتت عند ابو محمد دخل الصالة لقى ام محمد جالسة تتفرج على التلفزيون برنامج ديني ابو محمد: وش تتفرجين طنشته ام محمد قفلت التلفزيون وراحت وتركته ابو محمد بستعجاب: ام محمد وين رايحة ماردت عليه تركته وطلعت فوق عند بناتها ابو محمد: طيب يا حصة بنشوف وش اخرتها معك عند عبدالله لبس وجهز مر عليه مصعب وهم في الطريق مصعب: الا اسمع فيه مؤتمر عالمي بيسونه بأستراليا للأطفال المغوليين واليوم اسمك طلع من ضمن اللي يشاركون في المؤتمر عبدالله : بالله والله مادريت تدري اليوم وصلت من قطر مصعب: أي والله عبدالله: متى وكم مدتها مصعب: الرحلة بعد اسبوع ومدتها شهر عبدالله : اااوف شهر مقدر اترك اهلي شهر مصعب: افا و انا ويني ماعليك روح وانت متطمن عبدالله: احسها صعبة والله يا ابو عبدالله مصعب: مين ابو عبدالله عبدالله: انت مصعب: لا ياشيخ ومين قال عبدالله بثقة: انا قلت وانت يحصلك ولدك يطلع مثلي مصعب: الحين انا افتك من الخال يجيني الولد مثله وبسمه لا والله اكملت عبدالله: هههههههههه يا مخنز هذا مقداري عندك مصعب: هههههههه لا والله يا ابو مصعب مقدراك غالي عندي واكيد طبعا اول ولد بسمك انا كم عبود عنددي عبدالله: عبود في عينك بعدين احنا اتفقنا تسمي عبدالله من وين جبت ابو مصعب هذي مصعب: شوف الحيوان عبدالله: ههههههههههههههههههههههه مصعب: خسيس ادري بك عبدالله: طالع عليك وكنه تذكر اوووووف مصعب: عسى ماشر عبادالله: كيف راحت عن بالي شهر يامصعب كثيره ومااشوف الحب لا انا كذا بنجن مصعب: هههههههههههه اعتبره اختبار عبدالله: تضحك احمدالله على النعمة اللي انت فيها مصعب: ههههههههههههه الحمدلله انت اللي جايب لعمرك الشقى عبدالله بشبح ابتسامة: مارح تفهمني ولا حد رح يفهمني ال اللي مر بمثل موقفي مصعب: الله يعينك ويكتب لك اللي فيه خير ويزوجك في عبلتك عبدالله من كل قلبه: ااااااامين مصعب: ههههههههههههه هب من قلب عبدالله: واكثر لو تدري في شقة محمد فهد: فارس وين فوز و امي فارس: فوز نزلت من شوية عند عماتي وامي صراحة ماتوقعت هالسؤال منك يعني وينها اكيد في احد حفلاتها اللي ماتنتهي فهد بقهر: الله يهديها ويصلح حالها انا مو محزني الا ابوي فارس: أي والله مو ماكلها غير ابوي مدري ليش صابر عليها انا بداله متزوج من زمان فهد:استح على وجهك هذي امك مهما كان فارس: يا رجال خل عنك المثاليات امي غلطانه وعلى خطاء تبيني اسكت ليش فهد: حتى لو هذي امنا فارس: بعيد عن المثاليات فهود انت ماودك ابوي يعيش حياته مثل أي رجل ابوي يافهد حالته ماتسر فهد: الا والله ودي والله العظيم لو يتزوج اني بحضر عرسه وافرح له ابوي عمره ماقصر علينا بشيء عوضنا عن امي اللي مالها أي عذر ببعدها عنا فارس: اجل كيف شعور ابوي المسكين لا حب ولا احترام ولا اهتمام ولا أي شيء انا اشك اصلا ان اخر مرة كان بينهم شيء لمن حملت بفوز فهد: اقول استح على وجهك ما كأنك مصختها فارس: ههههههههههههههه و أنا صادق والله ماكانوا عارفين ان ابوهم وراهم وسمع كل شيء وانبسط ان اولاده عقولهم كبيرة وناضجة وحس انها الفرصة المناسبة لجل يخطو هالخطوة بس باقي له اكبر عقبة ابوه اللي مستحيل تهون عليه بنت اخته مر اسبوع كامل الوضع كان هادي عبدالله سافر للمؤتمر اللي باستراليا بس قلبه معاه بذات ان الداومات بداءت وخايف ان حسناء تفهم انه ماعاد يحبها نورة كعادتها طلعات وخرجات لاهية في حياتها يوسف وفاطمة كالعادة هو يقسى وهي تحاول تحتويه يلين شوية ويرجع يقسى حسناء وماادراك ماحسناء كل يوم تتعلق في عبدالله زياده فقدته في الصباح والظهر ماتشوفه يستناه مثل كل مره وصارت اغلب قعدتها في غرفتها عشان تلمحه وهو خارج وهو داخل على البيت بس له كم يوم ماخرج ماتدري بسفرته محمد فاتح امه انه يبي يتزوج مايحتاج اقول لكم قد ايش فرحت بس قالت خل موضوع منيرة يخلص وبعدها تتفضى له وهو ويوسف ولده فهد متناوبين على ابوه يحاولون يقنعونه وهو ماش مصر انه مايطلع بناته برا ام محمد للحين ماتكلمه ولا تقعد معاه بمكان واحد الا بس على الاكل ووقت النوم تروح تنام عند منيرة وهذا اللي كاسر قلب ابو محمد مو متعود على بعدها وجفاها والبنات مستغربات من وضعهم اول مرة يصير بينهم كذا وام محود ماحبت تعلم البنات الا لمن تصير الموافقة عشان ماينكسر قلب منيرة اذا رفض ابوها كعادته ومويه عيالها مايعلمون حد يوم جمعة على الغداء ابو محمد وام محمد وبناتهم حسناء تشاور منيرة: مو كأن امي وابوي فيهم شيء ماهم طبيعين من كم يوم منيرة : أي والله مدري عنهم اول مرة بحياتي اشوفهم كذا ام محمد: الحمدالله وقامت ابو محمد: ما اكلتِ زين ام محمد ماعطته وجه وراحت تركته سلمى: يبه وشفيك انت وامي لكم يوم منتم طبيعين ابو محمد: مالكم دخل فينا بعدين مافين الا كل خير انا شبعت الحمد لله وقام خلوه لمن خرج من الصالة مريم: لا يبنات مرة امي وابوي زاد حالهم ياترا وش صاير معاعم سلمى: ياربِ والله خايفة انه شيء كبير امي اول مرة تتعامل مع ابوي كذا حسناء: تتوقعون وش صاير منيرة: اقول لكم بس ماتعلمون احد البنات بأصوات متفاوته: قولي والله ما نعلم منيرة: فاطمة امس راسلتني واتس وتقول ان محمد قال ليوسف يبي يتزوج حسناء: اااااااااامانه وبشويش كولولولوليش واخيرا سلمى: ياعمري تأخر على مااخذ هالخطوة مريم: وانا اقول وش فيه هو ويوسف وفهد كل يوم حد ماخذ ابوي على المجلس وساعة كاملة يتكلم معاه اثاري السالفة فيها زواجه منيرة: يب واكيد ابوي رافض تعرفون نورة بنت عمتي وماتهون على ابوي مع انه عارف بسوتالفعا كلها وخيبتها بس تظل بنت اخته حسناء بستجان: بنت اخته اهم من ولده سلمى: والله لو اختي وهي تعامل زوجها وعيالها كذا قسم مازعل عليها لو تزوج زوجها والله تحمد ربها محمد صابر عليها للحين ومارماها عند اهلها ولا فوق ذا طلباتها موفرة لها وهي كل ما تزيد في بقاحتها واهمالها مريم: تهقون عيالها موافقين منيرة: فرحانين يابنت يوسف يقول لفاطمة ان محمد ماكلم جدتي الا بعد ما اخذا الموافقة من فوز وفارس وفهد بس للأمانه والحق حتى نورة منحقها يقول لها حسناء: الله يهديها والله اناها تغبن قسم سلمى: الا والله تستاهل مايجيها وليته ياخذا ثلاثة مو بس وحدة مريم: ههههههههههههههه حلوة ثلاثة حسناء: يلا يلا انتم شيلوا السفرة وانا بزبط لكم شاهي اخضر ونكمل سوالف طالعت بساعتها بنات بطلع غرفتي بجيب شغله واجيكم البنات: طيب وقاموا يسون شغلهم طلعت حسناء الدرج وجري على الغرفة وفتحت الستارة وظلت تراقب حول ربع ساعة: ياربِ وشفيه ماعاد بين يعني بعد ماحبيته وتعلقت فيه ماعاد يبين قلبي يوجعني ابي اتطمن عليه ياربِ تحفظه لأهله شكله مارح يجي خلني انزل اسوي الشاهي عند ابو محمد مايدري وش يسوي عشان يخليها ترضى دخل الغرفة حقتهم ولقاها جالسة على السرير قفل الباب وجاء جلس عندا جات بتقوم ابو محمد مسكه من أكتافها: حصة الله يصلحك وش هالحركات احنا مو بزارين ام محمد: اذا عندك كلام مهم قوله اذا مافيه اتركني الله يسعدك ابو محمد بهداوة: يا حصة حنا كبار والشي غزا روسنا ولا عمرنا تمشكلنا او تخانقنا الحين نسويها ام محمد: والله انت السبب ولا انا ماسويت شيء ابو محمد: كل هذا عشان الدكتور هذا وهو بس خاطب وصارت بيننا هالمشكلة اجل لو يتزوج وش بيصير ام محمد: لا تحط العلة في الدكتور العلة فيك انت ابو محمد: لا حولا ولا قوة الا بالله يا ام محمد بناتي وانا ادرى بمصلحتهم ام محمد: بناتك الظاهر اني امهم ولدتهم من بطني تعبت فيهم وذقت المر عشانهم مو من حقك تقرر عنهم ابو محمد يمسح وجهه: استغفر الله العظيم حصة افهميني ام محمد: انت اللي لازم تفهم وتستوعب ان افكارك هذي بتدمر بناتك وبتضيعهم بكرة ربِ يسالك عنهم وش تقول له ابو محمد نكس راسه ام محمد: شفت مالك حجة ولا عذر يا سعد انا وانت كبرنا ضامن عمرك غيرك ينبسط لا جاء نصيب بنته دام الولد فيه خير واخلاقه طيبه ووظيفته ممتازه ليش نرده بس لمجرد انه مو من قبيلتنا طيب لين متى نرفض هو جاء القريب ورديناه امنتك يا ابو محمد قد اخوانك كلموك في بناتك ولا اخواني قد حد من جماعتنا طلب من بناتنا ورديناه الكل تزوج وبناتي ماناقصهم شيء دين وخلق وادب وزين وعلم وبارات فينا ليش نقطع رزقهم لين متى تبيني اشوفك وانت ترد الزين والشين واشوف بناتي العمر يمشي فيهم وهم في مكانهم ابو محمد: طيب يا حصة هذا اللي تربينا عليه كيف تبيني الحين اغيره ام محمد: الله يصلحك يا سعد هذي عادات قديمة انت خذ من العادات الزين وامش عليه ام الشين اتركه ابو محمد بتردد: موافق لكن بشرط عليه شروووووط وان وافق ادري انه شاري بنتي وبيقدر يصونها ام محمد بفرحه ماقدرت نخبيها: اشرط باللي تبيه بس خف على الولد ابو محمد: والله عاد هو وحظه انا بشرط عليه وبعجزه عشان مايكمل لكن ان وافق فالله يحيه والله يعين قلبي ام محمد تناظره بنظرة : الله يصلحك ابو محمد: يعني رضيتِ علي ام محمد: مارضى لين تدق عليه اخاف بس كلام عشان تسكتني ابو محمد: افا انا اسوي كذا اخذ جواله ودق على يوسف يوسف كن في بيته يلعبون باصرة هو وفاطمة وعياله هو وزياد فريق وفاطمة واياد فريق يوسف: لحظة ابوي دق ابو محمد: السلام عليكم يوسف: هلا يبه وعليكم السلام امر يالغالي ابو محمد: مايامر عليك ظالم دق على الدكتور حمد وقله نستناك انت واهلك بكرة علة القهوة في المغرب يوسف بفرحة وقف: بالله يبه وفقت يعن واخيرا وحدة من قرود الطايف بتفلح ابو محمد: أي اللي ماتستحي على وجهك انا بناتي تشبهم بالحيوانت لكن الشرهه مو عليك علي اللي محشمك يوسف: ههههههههههههههه امزح يايبه فديتهم قرودك ياحبني لهم ابو محمد: رجع يقول قرود حسابك لمن اشوفك ودق على الولد وان شاءالله انه غير رايه يوسف: افا من الحين يايبه ابو محمد: والله انا ماودي لكن امك عاد وش نسوي يوسف: طيب يبه الله يجيب اللي فيه خير مع السلامة ابو محمد: مع السلامة وقفل منه ابو محمد: هاه ارتحتي ام محمد بخجل: الله يخليك لي ولا يحرمني منك عند يوسف دق على حمد واتفق معاه على الموعد حمد ماصدق من الفرحة يوسف: بهذي المناسبة السعيدة انا عازمكم اليوم على العشاء فاطمة: ياعمي يامنور والله تستاهل كل خير عقبال البقية يوسف: امين ياروحي فاطمة بفرحة: فديت روحك انت يوسف: خلاص انا بروح اخل كم شغلة انتِ كلمي البنات بعد العشاء يجهزون ونروح سوا طيب فاطمة: ابشر يتبع | ||||||||
|
| |
|
17-05-16, 06:45 AM
| #10 | ||||||||
| مراقبة عامة ومشرفة منتدى الروايات المنقولة
| عند ام محمد شافت البنات في الصالة يشربون شاهي ويحشون في خلق الله ام محمد بنقد: هذا انتم اللي فالحين فيه الربادة والحش سلمى: افا يايمه ربادة ايش وحنا مثل الآلات مانوقف شغل ام محمد: على العموم عندي كم خبر مفرح البنات كلهم تنقازو عندها مريم: وش هو حسناء: ابوي وافق نزوج محمد منيرة: شكله وافق من شكلك فرحانه سلمى:والله يمه وافق واي بيصيرعندنا عرس ام محمد بصدمة:انتن وش عرفكن محد رد ام محمد: المهم ابوكم وافق بس مو على سالفة محمد بعده مايعرف عنها سلمى: اجل ام محمد تناظر منيرة: منور جالها عريس وابوكم وافق البنات صاحوا ونقزوا من الفرحة منيرة مصدومة ماهي مستوعبة ام محمد: هههههههههههههه سلمى: امانه يمه من جد مريم: واي وناسة منيرة يام شلحة بتصيرين عروسة منيرة خجلت حسناء: مين يايمة خايب الرجاء اللي وافق عليه ابوي منيرة تصقها على ظهرها: ماغيرك خايب الرجاء حسناء تمسح ظهرها: اخس يام شلحة حركات تدافعين وانتِ لسا ماعرفتي مين المتعس قصدي المعرس ام محمد: ياكر هرجم الرجال مانعرفه لكن منيرة كانك تذكرينه الدكتور حمد اللي اشرف على حالة ابوك منيرة فغرت في امها: هاااااااااااه مريم: الله دكتور مرة وحدة سلمى: حظ القبايح في السما لايح وحظ الملايح في الارض طايح منيرة: يا معفنه انا شينة سلمى تضمها وتبوسها بقوة : فديتك ياامز بنت في الدنيا ام محمد: فكري يابنتي واستخيري والله يكتب لك اللي فيه خير ووطوا صوتكم ابوكم نايم وانا بعد بروح اقيل راحت والبنات نقزوا على منيرة سلمى: وش احساسك منور وش تحسين تحسين بوشوه منيرة: ههههههههههههههه كلهم نفس المعنى سلمى: الي هوه حسناء: واه يابنات ماني مصدقة اخيرا بيصير عندنا عروسة ياقلبي يامنور بنفقدك انتِ وشلحاتك مريم وسلمى: ههههههههههههههههههههههههه ههههههه منيرة: كلبة هذا وانا لسا ماوفقت البنات بفجعة ووقت واحد: وانتِ ناوية ترفضين حسناء: منور لو رفضتي صدقيني ماعاد ح يولفق ابوي على غيره هذي مرة وحدة بالتاريخ البشري سلمى تسوي نفسها تبكي: أي والله منور هذي فرصتيش لا تفوتينها مريم: اصلا خراطة ماشفتم كيف عيونها ابرقت وارعدت لمن قالت امي الدكتور حمد وتضرب على الطاولة اللي جنبها وتمثل العصبية اعترفي وش بينك وبينه منيرة بفجعة: والله وقسم بالله اني مااعرفه ولا بيني وبينه شيء اللهم عال ابوي البنات: ههههههههههههههههههههه حسناء: واي منور فاتك شكلك فديتك وفديت شلحتك انا مريم:هههههههههههههههههههه الحين وش دخل الشلخة حسناء: مدري ههههههههههههههههههههه منيرة: خايسات والله وقامت تطلع غرفتها سلمى: بنت وين مريم: هيه يا م شلحة على وين حسناء: بتعد شلحاتها تكفي لزواجها ولا ماتكفي الكل: ههههههههههههههههههههههههه هههههههههههه منيرة: حماااااااارات قسم وطلعت وتركتهم واول مادخلت غرفتها قفلت الباب دارت دارت دارت لمن داخت وفي قلبه واه ماي مصدقة الدكتور الليهوجست فيه كم يوم يجيني ياسبحانك ياربِ الحمدلله على فضلك ياربِ ماني مصدقة معناته هو كمان اعجب فيني مثلي ووردوا خدودها واااااااي ماني مصدقة ياربِ مبسوطة حيل يارب اكتب لي الخير وارزق خواتي وتجزم ان هاللحظة اجمل لحظات حياتها بعد صلاة العشاء بسيارة يوسف زوجته وعياله وخواته وبنت اخوه ماعدى مريم عشانها تتغطى عنه حسناء حوالت تجلس معاها لكن مريم حلفت عليها تخرج معاهم فوز بخوف: عمي فين رح تعشينا يوسف بروقان: انتم وش نفسكم فيه حسناء: انا صراحة ودي نروح مطعم سمك وش رايكم بمطعم عمو حمزة سلمى: لا لا لا امانة نبى مطعم شيزان فوز: لا عمة تعرفين مقدر اكل حار خلونا نروح صهاريج عدن مافيه الذ من الاكل اليمني يمي يمي حسناء: ماعندي مانع زياد: بابا نبى نروح (اشواق) اياد: بابا زياد يبي مطعم اشواق عشان اشواق بنت خالة عنود الكل: ههههههههههههههههههههههههه ههه يوسف: ايا االي ماتستحي بعدك مافقست من البيضة عايش لي قصص غرام زياد استحى: كذاااااااااب والله فاطمة: أنا اشوف بما ان المناسبة عشان منور فهي تختار المطعن يوسف: أي والله منور تختار منيرة بخجل: ماتفرق معي اللي ودكم فيه يوسف: لا يلا اختاري ولا ترا بعصب وارجعكم سلمى: لا لا لا دخيلك اختاري يام شلحة لا تدلعين منيرة تقرصها: ياخايسة طيب انا ودي صراحة بمشويات وحمص وش رايكم بمطعم الوزان يوسف: تم مشينا وحرك على المطعم من دون مايسمع راي احد اليوم الثاني قرب المغرب البنات مسوين حالة استنفار اللي تبخر البيت واللي تجهز الحلا والمعجنات سلمى: منور ترتبي اكيد امه وخواته بيجون ويمكن يطلب نظرة شرعية منيرة: بس ابوي ماقال انه بيجيب معه حريم مريم: ايه صح احتياط شوفينا حنا جهزنا هههههههههههه وحنا مالنا شغل حسناء: تقول حن العرايس ههههههههههههه مريم: أي والله هههههههههه الكل جهز بوصف بس شكل منيرة كانت لا بسة تنورة سكيني مقلم بالعرض ازرق وابيض على قميص كم قصير ابيض سادة ولمت شعرها بكماشة وتركته مفتوح ونزلت خصلها على شعرها واكتفت بمسكرة وروج وردي وساعة بيضاء واسوارة فضية سادة جو حمد واهله وكان معاه امه ثنتين من خواته واوخوه وعمه حمد ابوه متوفي من قبل ماوتولد زوجته بحمدان اخر خلفتها في حادث سيارة ومن وفاة ابوه عمه متكفل فيهم تعريف بالعاليلة ام حمد: حازمة وشديدة وحذرة مع الناس لكن مع اولادها حنونة جدا تعشقهم وماترضى عليهم حتى لو كانوا غلطانين سلوى: البنت الكبيرة العمر 34 سنة متزوجة ولد عمها وعندها 3 اولاد ياسر وفارس وموسى اميرة: البنت الثانية العمر 30 سنة مطلقة السبب لانها ماتنجب حمد: العمر 29 سنة دكتور حنون وطيب وهادى يحترم المراءة ويحب خواته بيتوتي من البيت للشغل و من الشغل للبيت ماعنده اصحاب حمدان: اخر العنقود سكر معقود العمر 18 سنة مغازلجي دلوع الكل يحب اهله ومايرضى عليهم لكنه صايع وماعنده حدود بس هذا كل من غير علم اهله قدامهم الولد الصالح دخلوا حمد واهله الحريم بمجلس الحريم والرجال عند ابو محمد وعياله وفقهد وفارس بعد السلام والكلام و وربع ساعة من السوالف والتعارف تكلم عم حمد ابو حسن ابو حسن: والله يا ابو محمد حنا اليوم جاين عشان نطلب ايد مصونتكم منيرة لولدنا حمد وهذا هو حمد عندك واسأله باللي ودك فيه ابو محمد: والله ونعم فيك وفي حمد ولو اني ماسألت عنه وتأكدت من اخلاقه كان مانتم بمجلسي اليوم ابو حسن: الله ينعم فيك وش قلت ابو محمد: والله يشرفنا نسبكم يا ابو حسن ابو حسن: واحنا اكثر ابو محمد: لكن عندي شروط ان وافق ولدكم عليها بنتي له وان وماجازت له الله يرزقه باللي احسن حمد: شروطكم كلها على عيني وراسي وان شاءالله مانختلف ابو محمد يبي ينفره بشروطه عشان ماحد يحط عليه حجه ابو محمد: البنت ان جاها التعين ماترده لو انه في طريف تسمح لها حمد: اكيد ياعمي انا ماني ضد احلامها وطموحها بالعكس انا رح اعينها واسعى انها تتوظف وان شاءالله مايصير الا اللي يرضيكم ابو محمد: ثاني شيء البنت تبي لها بيت مستقل لحالها حمد: البيت جاهز ياعمي ولو تبيه بأسمها سجلته ( شقته نفس نظام شقق عيال ابو محمد فينفس فلة اهله) ابو محمد امتعض وفي قلبه: هذ كل شي تم شكله شاري البنت ويبيها(الله يصلحك يا ابو محمد لو مايبيها ماتعنى وجاب اهله) ابو محمد: مهرها المقدم40الف والمؤخر 80 الف حمد: ان شاءالله تم ولو تبي 100 لتبشر بها ابو محمد ابتسم من قلبه:ىابد ياولدي انا ماحب اكلف وراك تكاليف العرس وزحمته ابو حسن: على خير يارب والله يوفقهم الكل: امين حمد: متى ودك ياعمي العرس ابو محمد: ان شاءالله كتب الكتاب بعد ثلاث اسابيع اذا يناسبكم والعرس تتفق انت والبنت ان شاءلله حمد: ان شاءالله ابو حسن: نقراء الفاتحة ابو محمد: على بركة الله في مجلس الحريم ام محمد: والله حنا نتشرف في ولدكم يا ام حمد والعيال سألوا عن حمد وماسمعنا عنه الا كل خير ام حمد بفخر: ايه الله يحفظه ماهو مدحا له يا ام محمد لكن والله ياحمد ينحط على الجرح يبرى ام محمد:الله يحفظه لك يارب الكل: امين سلوى: اجل وين عروستنا ام محمد: فطوم حبيبتي روحي نادي منيرة فديتك فاطمة: ابشري ياعمة راحت فاطمة نادت منيرة دخلت منيرة مستحية وبصوت واطي: السلام عليكم ورحمة الله الكل انبهر فيها: وعليكم السلام ورحمة الله ام حمد: يا هلا والله بالزين يا سبحان من صورك تعالي جنبي ام محمد تبتسم وتدعي في سرها ان الله يوفق بنتها ويعجل بنصيب خواتها ام حمد: كيفك يابنتي منيرة: الحمدلله ياخالة انتِ كيفك ام حمد: انا بخير من بعد ماشفت هالقمر منيره ولعو خدوها من الخجل ام حمد: وش تدرسين يابنيتي منيرة: متخرجة من اربع سنوات تخصص تربية فنية اميرة: اثاري عروستنا فنانة الكل:ههههههه اميرة: انا اميرة وهذي سلوى خواته الكبار وبعدنا حمد واخر شيء حمدان ام محمد عجبتها اميرة ومن سوالف التعارف عرفت انها مطلقة دق جوال ام محمد:هلا يمة فهد فهد: يمه جدي يقول خلِ عمتي منيرة تجي مقلط الرجال حمد يبي يشوفها ام محمد: طيب ياولدي تعال انت خذها عشان لا ترتبك منيرة حست بقلق بس لا ماتأكدت ام محمد: يمه روحي المقلط فهد ينتظرك معه حمد يبي يشوفك ارتبكت منيرة وحست نفسها وقف وقفت طلعت غرفتها خذت شيلة بيضاء شفافة ولفتها بأهمال على شعرها والباقي طايح من تحت الشيلة راحت لفهد فهد يصفر بشويش: لا لا وش تبين تسوي بحمد منيرة بخجل: فهود عن المساخة فهد: هههههههههه سمي بالله ترينه ماياكل انسان مثلنا منيرة: بسم الله مسكها فهد من يدها ودخلت معاه المقلط ولقت ابوها وحمد قاعدين هي منزلة عيونها ماهي قادرة ترفع راسها ام حمد حدث ولا حرج انبهر فيها اسرته من اول وهلة فهد لكزها بشويش سلمي منيرة يدوب ينسمع صوتها: السلام عليكم وجلست في اقرب كنبة ساكتين الاثنين حمد مستحي من ابو محمد وفهد اول مرة يشوفهم ويجلس معاهم بس مع ذالك ماقدر يبعد عينه عنها ابو محمد: هايولدي ن مارتحت او ماجازت لك ترا بعدنا في بداية الطريق وماحنا عاتبين عليك حمد: لا والله ياعمي انا شاري بنتكم وتشرفني تكون زوجة وشريكة لي ابو محمد: وانتِ يابنتي اذا ماودك فيه لا تخجلين هذا حقك قولي فديتك منيرة ماتوقعت هالسؤال من ابوها بذات في هالوقت: اححم اللي تشوفه يايبه اب محمد: لا مو انا اللي اشوفه اللي انتِ ودك فيه عشان ناتلوميني بعدين ولا تزعل مني ياحمد لكن انا رجل حقاني فهد في قلبه: اخس ياجدي ماعرفتك هذا وهو بالغصب راضي يزوجهم خخخخخخخخخخخخخ حمد: لا يا عمي اكيد هذا من حقها ابو محمد: ها يبنتي وش قلتِ منيرة تناظر فعد تبيه ينقذها من ذا الاحراج فهد فهم عليها: خلاص ياجدي عمتي موافقة بس هي مستحية ابو محمد يناظرها: صادق ولد اخوك منيرة أكتفت انها تهز راسها يالموافقة ابو محمد: على بركة الله الله يوفقكم خلاص فديتك ادخلي وترا اتفقنا المكلة بعد ثلاث اسابيع يكون جهزت التحاليل ويمديك تجهزين نفسك خرجت منيرة من غير ماترد لانها ميته احررررررراج اذن العشاء خرجوا يصلون العشاء لزم عليهم ابو محمد للعشاء لكن تعذروا بمشاغل اخذ حمد اهله وودع عمه ابو حسن في السيارة سلوى: والله يا حمود وين طحت على هالقمر حمد: وش رايك بس في اختياري ام حمد: بسم الله عليها ان شاءالله تكون اخلاقها جميلة مثل شكلهها اميرة: واله يايمه باين انها محترمة وسنعة واصلا ماشاءالله شايفة كيف تعامل امها ومرت اخوها اكيد هي مثلهم واصلا وجهها محمر من جلست معانا باين خجولة ام حمد: انا اقول ان شاءالله يارب حمد ياخذ يد امه ويبوسها: اهم شيء انتِ يمه تعجبك ام حمد: اهم شيء انت ياولدي حمد لمعت عيونه ام حمد:هههههههههههههه هذا وبس شوفة اجل اذا جلست معاها الكل: هههههههههههههههه ام حمد: الله يوفقك ياولدي ويسعدكم مع بعض الكل: امين عند ابو محمد مع عياله وزوجته ابو محمد: والله صراحة انه كفوا ونعم فيه ارتحت له مره يوسف: الحمدلله كنت شايل هم انك ماترضى فيه وتغير كلامك ابو محمد بلوم: اخس واقطع انا ارجع بكلامي محمد: محشوم يالغالي مايقصد يوسف لكن تعرفه مايثمن كلامه ابو محمد: ادري به الله يعين فاطمة عليه ام محمد: والله انها اليوم ماقصرت واقفة معي واستقبلتهم ورحبت فيهم والله انها نشمية مو مثل بعض الناس وتناظر ابو محمد ابو محمد فهم عليها يوسف: عاد يايمه جهزوا نفسكم الملكة بعد ثلاث اسابيع خلصوا اموركم وقولي لمنيرة يوم الاحد باخذها تحلل ام محمد: طيب ياولدي يوسف: زياد زياد: نعم بابا يوسف: روح ناد ماما وقلها بابا يقول يلا زياد: طيب طلع زياد غرفة عمته منيرة جيث الكل متجمع كانت منيرة جالسة بسريها والبنات مسوين حلقة عليها الكل: ههههههههههههههههههههههههه مريم: والله ماتوقعتها من ابوي واي اتخيل شكلك منيرة بأحراج: والله انحرجت الا يبيني اقول ايه ابيه واي قسم بغيت اموت احراج فاطمة: هههههههههههههه يلا احمدي ربك عديتيها الدور عليكم يالصبايا رح يجيكم نفس المواقف البنات صاحوا كل وحدة تخيلت نفسها في الموقف فاطمة منيرة:هههههههههه دق الباب ودخل زياد: ماما بابا بقول يلا نروح البيت فاطمة: طيب حبيبي يلا نازلة يلا بنات اشوفكم ان شاءالله البنات بأصواته متفاوته: مع السلامة تصبحين على خير فاطمة: مع انه بدري لكن وانتم من اهله خرجت فطوم والبنات كملوا يقرقون على منيرة ويخططون وش بيسون في الملكة بشقة يوسف زياد واياد شغلوا البلاستيشن يلعبون ورسيل نايمة امهم وابوهم بغرفتهم فاطمة ع التسريحة تفك اساورها ويوسف على طرف السرير يتفرج فيها يسولفون عن الخطبة فاطمة: والله منور تستاهل كل خير يوسف: أي والله عاد حمد ان شاءالله انه يسعدها و يصونها فاطمة: ان شاءالله يارب يوسف بغمزة: في ناس اليوم مدحتهم امي فاطمة فهمته غلط تفكره يقصد خوات حمد وشوية تبكي ماتوقعت هالحركة من عمتها: وش قالت عنهم يوسف انسدحع السرير ومدد يديه: تقول قاموا معاها وماقصروا فاطمة بتموت غيره: ايه وش بعد يوسف: ويقولون نشمية ماهي مثل بعض الناس فاطمة قامت وحطت يدينها على جوانبها: ياسلام ياسلام وشفيهم بعض الناس الحين ماصاروا يعجبونك يوسف جلس مستغرب منها وش فيها: بسم الله وش فيك هذا وحنا مادحينك اجل لو سابينك وش تسوين فاطمة فهت فيه: هاه يوسف حذف عليها خدادية كانت جنبه ويقلدها: هاه فاطمة استحت لمن عرفت انه يقصدها هي وراحت جلست جنبه: فديتها خالتي هي مثل امي يوسف: انتِ عندك انفصام في الشخصية فاطمة: ليش يوسف: قبل شوية تصارخين والحين رايقة فاطمة بقلبها: اذا انا عندي انفصام اجل انت وش عندك خخخخخخخخخخ يوسف ناظرها ورفع خصلتها: انتِ شتسوين تحلوين كل يوم اكثر فاطمة تغمز له: سسسسسسسسسسسسسر يوسف: ههههههههههههههه طيب اليوم انا عازمك وش رايك فاطمة: وش سبب التغير يوسف بنرفزة: اتِ ما يعجبك شيء فاطمة: لا لا لا الله يخليك يازينك تجنن خلك كذا دايم وباسته على خده يوسف تنهد وانسدح مرة ثانية: طططيب بحاول لكن انتِ ساعديني ولا تنرفزيني فاطمة ضمته وبدلع: تتتتتتتيب يوسف:هههههههههههههه وع مو حلو عليك فاطمة: الا حلو انا احليه يوسف : هههههههههههههههه يا واثق فاطمة: اكيد دام انت حبيبي بكون واثقة يوسف باسها بخشمها: فديتك فاطمة:فداك عمري يوسف: ترا مارح نتعشى والعيال بيموتون جوع اذا استمريتي تتدلعيني كذا فاطمة: ههههههههههههههه طيب الحين اجهز العشاء يوسف: لا انا طلبت قبل ماتنزلين لنا ولأهلي ساعة ويوصل فاطمة: طيب في بيت ام عبدالله تكلم ولدها عبدالله: والله يايمه لا تخافين الجو زين وصراحة نفسيتي زانت ام عبدالله: الله يحفظك ياولدي طيب متى رح تجي عبدالله: ان شا ءالله بعد ثلاث اسابيع ام عبدالله : بالسلامة يالغالي عبدالله: يمه سهى جنبك ام عبدالله: ايه خذها خذت سهى السماعه وعرفه وش بيقول: هلا عبود عبدالله: اهلين كيفك هاه كلمتيها وش اخبارها ياويلك اذا ما كلمتيها سهى: ههههههههههههههه حبه حبه عليه الحمدالله طيبه لا ماكلمتها مافضيت عبدالله بزعل: سهى حرام عليك هذا وانا اخوك اجل لو عدوك وش تسوين سهى: ههههههههههههه والله مافضيت عبود بس ان شاءالله اكلمها عبدالله: لا الحين كلميها وطمنيني عنها وقولي لهاعبدالله مسافر وبيرجع يستناك مثل كل يوم سهى: لا ياشيخ وش رايك اقول خذي رقمه وكلميه مشتاق لك عبدالله: هههههههههههههههههه ياليت والله تسوين فيني خير سهى: عبود استح على وجهك عبدالله: طيبلا انا مضطر اقفل لكن اوعديني تتصلين عليها سهى: خلاص ابشر عبدالله: ابشر ابشر ولا شفت شيئ اوعديني سهى: طيب وعد وقفلت ام عبدالله: وش قاعدين تسولفون عنه سهى: عن مين يعني عن عبلت ولدك ام عبدالله تضايقت: واحنا مارح نرتاح من ذا الموضوع سهى: يمه عبدالله وتعرفينه مستحيل يتخلى عن الي براسه ام عبدالله: الله يصلحة يارب وان كان فيهم خير لبعض الله يكتبهم لبعض سهى: امين يارب في شقة محمد غرفة فوز فوز: خالد انت تكذب علي كل مرة توعدني ماتفتح الموضوع ترجع تفتحه خالد: فوز انتِ منتي واثقة فيني صح فوز: الا واثقة خالد: لو واثقة كان ماترددتِ لكن خلاص فوز عرفت مقداري عندك يلا مع السلامة فوز: لحظ ماكملت لانه قفل انتهى^_^ نهاية البارت الخامس الجزء الأول انتظروا الجزء الثاني يوم الجمعة ان شاءالله رايكم في البارت ووش توقعاتكم | ||||||||
|
| |
|
| أدوات الموضوع | |
| انواع عرض الموضوع | |
|
|
.png)
العرض العادي
