آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
22-10-16, 11:55 AM
| #101 | ||||
| نجم روايتي وفراشة الروايات المنقولة 
|  يعني والله هل ام صقر عقلها صغير عم تحط راسها بعقل بنت صغيره بدل ما تستوعبها قايمه تغار منها لانها اخذن نايف منها هو شوق غلطانه من الاول بس ام صق كان لازم تكون اعقل لانها الكبيره شوق معروف انها مجنونه وبلا عقل حاسه الحرب العالميه الثالثه حتولع والخوف بالاخير تتسبب بطلاق شوق اصلا اكيد شوق بحاجه لضربه قويه لتصير اعقل وووفاطمه بدات تتضايق من تدخلات الكل فيها وببنتها والظاهر ان سكوتها زمان انتهى بس الخوف من ناصر الي واضح انه متغير عليها من لفعال امها \\\\ياسر بدا ياثر على ناصر وهذا الشى مضايق فارس السخيف لامارا مشكوره ياعسل على النقل الله لايحرمنا منك | ||||
|  |
|
26-10-16, 06:14 AM
| #104 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
| بسم الله ** ** ** ** بارت 20.2 ** ** ** ** فتحت الخط وبصوت متعب بائس :الو ابعدت السماعه عن اذنها شوي من العاصفه للي هبت عليها : ليه ما تردي على الجوال ؟!! قولي انه الزفت مانع تردين على امك ؟ وينه هالخبيث خليني اعرفه قدره للي ما يسوى نعال زفرت بضيق مقاطعه امها : الجوال بالغرفه وما سمعته ام عمر بتهجم : ايه وش تبغين بالجوال دام زوجك الزفت عندك وكأنه ما عندك ام تتصلين فيها تشوفين اخبارها فاطمه بنبره حزينه : حقك علي يا يمه وانا اسفه ام عمر بعصبية : وش ابغى بأسفك حسبي الله على زوجك وقفلت الخط بوجه فاطمه ناظرت فاطمه الجوال وهو مقفل اخذت نفس عميق لعله هالهموم للي كاتمه على نفسها تروح ما تدري وش تعمل امها للي ربنا انزل بالقران البر فيهم وزوجها للي امر الله بطاعته هي ما بين أمها وزوجها وكل واحد يضغط عليها حتى يقهر الطرف الاخر وهي الضحيه .... ** ** ** ** ** ** ** ام صقر تناظر سميه بمحبه : الله يوفقك ان شاء الله سميه بابتسامه : الله يخليك يا خالتي ساري بسعاده انه امه راضيه عن زوجته : وانا ما لي دعوات ام صقر ناظرته : احد ما يدعي لروحه الله يوفقك يا وليدي ويسعدك ويرزقك الذريه الصالحه ساري زادت ابتسامته : الله يخليك لنا قاطعه نايف وهو داخل ويده بيد شوق : اشوف الدعوات لناس وناس ساري ضحك بخفه وبعدها تكلم : الظاهر ورقتك طايحه وحرك حواجبه يقهره نايف يجلس وشوق جنبه وبثقه : باحلامك وناظر ام صقر صح يمه ؟! ام صقر بقهر : والله للي يسمع كلامي ما تطيح ورقته نايف سكت بعد جوابها ورجع ناظرها : وفي احد ما يسمع كلامك يالغاليه ام صقر ناظرته بنغزه: باين واعطت نظره لشوق للي مو باين غير عيونها ساري متضايق من شوق بعد سالفه الحفله وكيف ضربوا زوجته ابتسم على كلام امه وخاصه انه حس انها شوق فهمت مغزى امه نايف يغير مجرى الحديث ويكلم سميه : الله يكون بعونك على ساري تراه غثيث سميه تناظر ساري وابتسمت : قول هالكلام من غيرتك نايف بابتسامة : انا اغار من هذا؟ وليه اغار ؟ ام صقر بضربه لشوق : تغار لانه ما شاء الله عليه دكتور ومعاه فلوس وزوجته ملكة جمال وبنت حسب ونسب وفوق هذا متعلمه ومعها ماستر مو اميه وغبيه وما تفهم وما تحترم للي اكبر منها سكتت ام صقر وهي تشوف ساري يضحك بصوت عالي ساري ما قدر يمسك ضحكته وهو يسمع نغزات امه بس بلع ضحكته وهو يشوف نظرات نايف المعصبه ساري وهو يأخذ نفس : تذكرت نكته الحين نايف طنش كلام امه وهو يحس انه شوق مولعه من كلام ام صقر سميه ببراءه : طيب قول النكته وضحكنا معك ام صقر : تراك طيبه يا سميه وعلى نياتك معقول ما قاطعها نايف قبل ما تزود الكلام امه وهو يناظر ساري : ترى نسيت امي تقول اني احلى منك وحرك حواجبه يقهره ساري : وش ابغى بالجمال اهم شيء الدراسه والتفوق العلمي شوق بنغزه : مو شرط التعليم عندك ناس يكون معهم شهادات بس الحمار يفهم اكثر منهم وعندك ناس ما كملت تعليمها بس تكون حياتهم اكثر تفاهم من المتعلمين ساري تضايق من كلامها ومتأكد انها قاصديتهم بالكلام : مو شرط بنفس الوقت عندك كثير من للي ما كملوا تعليمهم ما ينجحون بحياتهم اليوميه وحتى عيالهم غالبا يطلعون فاشلين لاهلهم ام صقر تقاطعه بخبث وتمثيل : يا حسرتي عليك يا نايف وش رح يطلعون عيالك وامهم ما وصلت الثانويه شوق وهي ماسكه نفسها بس مستحيل تسكت لهم : صحيح ما كملت تعليمي بس روحي شوفي شهاداتي كل سنه اطلع بشهاده تقدير ومن الاوائل ام صقر بعدم تصديق :وليه ما كملت تعليمك ؟! شوق وهي تنفخ ريشها بالكذب : بصراحه ما لي خلق للدراسه والبنت اخرتها للزواج ما رح تفيدها الجامعه بحياتها الزوجيه الأهم تهتم بزوجها وعيالها مو تكون مشتته بين الدراسه والوظيفة والزواج والعيال سميه بطيبتها صدقتها : وكيف ابوك وافق تطلعين من المدرسه ؟ شوق تكمل كذبتها : زعل بالبدايه مني ورفض بشده وقال لي حرام هالذكاء يروح وما تستفيد منه هالبلد ساري حسها تبالغ بس ما علق على الموضوع ام صقر وكل هالكلام مو داخل عقلها : وامك وجدتك مزنه وش قالوا ؟! شوق بابتسامه خبيثه بانت من عيونها : جدتي انبسطت من طلوعي من المدرسه بس انقهرت بنفس الوقت لانه تقدم لي عرسان كثير مهندسين ودكاتره ومعلمين ورفضتهم ما ابغى الزواج تغير وجه ساري وهو يحس انها قاصديته لما خطبها و رفضته ونفس الوقت إحمر وجه ام صقر بالقهر كيف شوق تنفخ ريشها وتلطعهم بالحكي انها رفضت ساري قاطعها نايف وما عجبه كلامها لانه ما له داعي وخاصه لما شاف وجه ساري وام صقر : يالله يا شوق نطلع فوق جوالي ما في شحن شوق بعدها ما كملت كلامها انقهرت ووقفت وهي تتوعد بنظراتها ام صقر بالايام الجايه وطلعت مع نايف بهدوء أم صقر بعصبية بعد ما طلعوا : هالخبيثه ساري بضيق بس ما يبغى يظهر انه فهم شيء من مغزى كلام شوق : وش فيك يمه ؟؟ ام صقر وهي تعض على شفتها : هالكذوب قال دكاتره ومهندسين مين الغبي للي يطل بوجهها ويوافق عليها ساري وهو يحاول يكون طبيعي : حفيدك طلع غبي وتزوجها ام صقر بقهر : لأنه مشفوح زواج ولو شافها قبل الملكه ما رح يرضى فيها سميه بدفاع : حرام عليك يا خالتي والله انها حليوه ام صقر بمكابره : الكل يقول عنها حلوه الا انا ما اشوف جمالها ساري بتحليل : لانك ما تحبينها ام صقر لوت بوزها بقرف : ولا رح ييجي اليوم للي احبها فيها ساري اشر لهم يسكتون : كأنه صوت نايف طالع ام صقر ترفع يدينها وتدعي من قلب : يا رب يطلقها ونفتك منها ساري : حرام عليك يمه بعدها عروس لفت وجهها ام صقر بعدم اهتمام لكلام ساري ** ** ** ** ** ** نايف بعصبيه : الظاهر لسانك يبغى له قص شوق عفست ملامحها بعصبيه : والله ؟! نايف بصرخه : انكتمي شوق وهي تحط يدها على خصرها والشر يطلع من عيونها : ما رح انكتم نايف والشرار يطلع من لسانه : خليني اسمع سوالفك التافهة تتكرر مره ثانية ورح تشوفين وش رح يصير خفف من نبره صوته وهو يقلد صوتها بسخريه : خطبني دكاتره ومهندسين بس رفضت مالت عليك وعلى للي خطبك واولهم انا شوق لوت بوزها وبصوت هامس ما يسمعه : مالت عليك لوحدك لأنه ما خطبني غير انت وعمك الغبي طالعها وهي تمتم : اشوفك تتهامسين سمعينا شوق بتذكر ابتسمت بغباء وبنفسها وابن خالي خطبني اقترب واشر بيده قدام عيونها : الظاهر انجنيتي تبتسمين مع نفسك ناظرته بابتسامه وسيعه بانت فيها الغماز وتكلمت بطر يقه غبيه :هاه طالعها بعصبيه هو مولع وهي تبتسم مع نفسها: وعصاه وتركها وتوجه للغرفه وهي جلست على الكنبه وهي تحس بالسعاده انها قهرت ام صقر ** ** ** ** ** باليوم الثاني جالسه مع امها وجدتها ومبسوطة بتواجدهم عندها الجده : الله يرزقك الذريه الصالحه شوق بابتسامه : انا ونايف اتفقنا نجيب عيال بعد سنه دخلت ام صقر على جملتها وحاست بوزها : وليه ان شاء الله بعد سنه ؟؟ شوق رفعت حاجب وهي تشوف ام صقر تسلم على امها وجدتها وتكلمت بدلع : نبغى نعيش حياتنا بدون ارتباطات ام صقر جلست بعد السلام وبنغزه : الرجال ما يمشي معهم هالكلام الجده بتأييد : صادقه كله هذا خرابيط شوق وقفت لما سمعت صوت نايف وتوجهت لجهة الباب ناظرته وسرعان ما رجعت للخلف لما نهرها اخذت العبايه وتغطت وطلعت من جديد واقتربت منه نايف بعصبيه مكبوته وبصوت منخفض : كيف تتطلعين بدون قاطعته بدون مبالاه : نسيت تضايق من عدم مبالاتها تكلم بدون نفس : مره ثانيه انتبهي ولما اناديك تيجين تسلمي على اهلك بالمجلس شوق باعتراض : وليه ما اطلع الحين واسلم عليهم ترى صار لهم وقت جالسين مو حلوه للحين ما سلمت عليهم نايف بصوت حازم : مو الحين وتركها وتوجه للمجلس انقهرت من تصرفه وتقدمت خطوه تتدخل لمجلس الرجال بس سرعان ما تراجعت خافت يكون في احد غريب بالمجلس علشان كذا قال لها ما تدخل عادت ادراجها لعند امها ** ** ** ** ** ** ناصر ما عجبه صار لهم وقت جالسين وما طلعت لهم شوق ناظر نايف: وين شوق علامها ما دخلت تسلم علينا ؟!! نايف. وهو يتعود كل الحركات ايام الخطوبه يطلعها من عيونه رد بابتسامة خبيثه : الحين تيجي مشغوله داخل عند الحريم ناصر هز راسه وما علق وليد : والله صارت حركات شوق يعني تتغلى عبود : ربع ساعه ما اجت حنا طالعين ورانا اشغال سكت لما اعطاه ناصر نظره اخرسته ياسر ابتسم نص ابتسامه : صاير مشاغل يا عبود وش عندك خالد بسخريه : عنده شركات كبيره يا دوب يلحق عليهن عبود ما رد وهو يشوف نظرات ابوه المعصبه مر نص ساعه والوضع نفس ما عليه يعم المجلس الملل ناصر بغيض حاول ما يظهره وهو متأكد حركة نايف مقصوده : نادي شوق خلينا نسلم عليها ما في وقت نايف بابتسامة قهرت ناصر : ان شاء الله طلع من المجلس وتوجه لمجلس الحريم ونادى شوق بعد دقايق طلعت متغطيه : تعالي سلمي على اهلك هزت راسها ومشت معه وهي متضايقة دخلت المجلس وما كان فيه احد الا اخوانها كشفت وسلمت على ابوها واخوانها من امها بحراره اما عبود ووليد سلمت عليهم ببرود وقبل ما يسألها ابوها عن حالها واحوالها ناظرها نايف : خلاص روحي عند الحريم عمي ساري يبغى يدخل ويسلم شوق باعتراض : بس بعدني ناصر وهو واقف انقهر من نايف : خلاص ما في داعي حنا طالعين وناظر شوق قولي لأمك وجدتك تطلع وما ترك فرصه للاعتراض ** ** ** ** طلع من المجلس وهو معصب شاف ساري قريب منه سلم عليه والضيق باين بملامحه التفت للمجلس وكان قريب منه وهو يسمع صوت شوق واصل لعنده استغرب هالشيء وبسرعه توجه للمجلس بدون ما يعير اي اهتمام لساري دخل المجلس وشوق تتكلم بصوت عالي وتصرخ : مو على كيفك فاهم والحين راجعه مع اهلي وتقدمت بقوه عين لما شافت ابوها داخل ناصر حس بمويه بارده انكبت فوق راسه وين ترجع معه وهي ما كملت اسبوع عند زوجها تكلم بصوت متردد : وش فيه صوتكم طالع ؟؟ شوق صوتها يلعلع : راجعه معكم لو على جثتي ما اجلس دقيقه خالد : ومين قال انك رح تبقين عنده لانه واحد واطي نايف رفع اصبعه بتهديد باتجاه خالد : احترم نفسك والمكان للي انت فيه احسن ما امسح فيك الأرض وليد بحميه تقدم باتجاه نايف ونبرة تهديد : اشوف كيف رح تمسح فيه الارض علشان ادفنك بمكانك ناصر بضيق ما يبغى تكبر المشكله : اسكت يا وليد عبود بطيش وحميه عن خالد غافل الموجودين ومد يده باتجاه نايف الكل اندهش من تصرفه ومن رد فعل نايف لما مسك يد عبود قبل ما توصل لخده ولفها للخلف بقوه حتى اصدرت صوت طق صرخ عبود بوجع من الالم : فك يدي يا حقير خالد ووليد بنفس الوقت تقدموا والشر بعيونهم .... ** ** انتهى البارت.... انتظروني يوم الجمعه ...دمتم بخير | ||||
|
| |
|
26-10-16, 09:18 AM
| #105 | ||||
| نجم روايتي وفراشة الروايات المنقولة
| ياربي مبين ان الطلاق امر واقع اهل نايف مو متقبلينها وام صقر نازله ترمي كلام عليها ونايف بدا يتضايق من كلامها معهم وهلاء كملت الامور برده فعل اخوانها وبجنانها هي مشكوره لامارا على النقل | ||||
|
| |
|
29-10-16, 07:48 AM
| #107 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| بسم الله اشكر كل المتابعين واخص بالشكر إلي يعبروني بالردود  وبالنسبة لنقل الروايه ما عندي مشكله بنقلها اهم شيء ينذكر اسم الروايه واسمي ناصر بضيق ما يبغى تكبر المشكله : اسكت يا وليد عبود بطيش وحميه عن خالد غافل الموجودين ومد يده باتجاه نايف الكل اندهش من تصرفه ومن رد فعل نايف لما مسك يد عبود قبل ما توصل لخده ولفها للخلف بقوه حتى اصدرت صوت طق صرخ عبود بوجع من الالم : فك يدي يا حقير خالد ووليد بنفس الوقت تقدموا والشر بعيونهم نايف استعد وهو ناوي يمسح الارض فيهم وليد تقدم باندفاع نحو نايف التفت بعصبيه للخلف لما اوقف حركته يد امسكت بقميصه من الخلف وليد والشرار يطلع من عيونه والحركه نرفزته بزياده : ياسر اتركني خلني اعرفه قدره ياسر بعصبيه ناظره : انت ما تستحي على وجهك تتهجم على رجال في بيته !! تكتف نايف وهو يشوف رد فعل ياسر لوليد ولوى شفايفه بسخريه واخيرا شاف احد بالعائله يفهم وسرعان ما فتح عيونه وهو يشوف خالد ينهال عليه بالضرب وهو يصرخ : هذا يبغى له واحد يكسر راسه تقدم ياسر يساعد نايف بس مسكه سامي ووليد صرخ بقهر : خالد اترك الرجال نايف وهو يمسك بيدين خالد ويبعده عن رقبته للي تحول وجهه وصار احمر من قبضة يد خالد شاف عبود وهو يمسك طاوله صغيره وناوي يضرب فيها نايف ضرب بكل قوته بوكس ببطن خالد للي ارتخت يدينه وبسرعه حرر نايف نفسه من خالد ناصر للي صرخ على عياله يسكتون بس ما احد رد عليه جلس على الارض بتعب وهو يحس الضغط ارتفع عنده وصار يتنفس بصعوبه نايف رجع واشتبك مع خالد شوق تناظر بندم وهي تشتم نفسها انها السبب بالشجار وقع نظرها على ابوها للي تحس انه شبه فاقد الوعي توجهت له بسرعه ومعها كأس مويه وصارت تمسح على وجهه بيدين مرتجفه خايفه ناظرت اخوانها وصرخت باعلى صوتها : خلاص كافي انتبه ياسر لابوه وحاول يفلت من اخوانه وبصرخه : ابوي يالغبي اتركني وسرعان ما حرر نفسه وتوجه لخالد وسحبه من نايف وبدأ يضربه بقوه ويصرخ : الله يأخذك انت واخوانك فضحتونا وبعد ما طلع حرته منه تركه متوجه عند أبوه بدأ ناصر يحس بتحسن ناظر عياله فوق راسه وبصوت متعب : حسبي الله على عدوكم نايف اقترب خطوه وهو يمسح وجهه بتعب وملابسه معفوسه ياسر اسند ابوه ووقفه بعد ما طلب منه وقف ناصر بصعوبه وبصوت اقرب للهمس : نادي جدتك وامك تأخرنا شوق وهي تبكي : يبه خالد وحالته حاله : امشي معنا يا شوق شوق رجعت للخلف بخطوات دلاله على الرفض ناصر بحزم : اجلسي عند زوجك ياسر بهدوء ظاهري وبداخله نار من همجيه اخوانه : يالله يبه تأخرنا واشر لاخوانه يطلعون مسك نايف نفسه قبل ما يقول لشوق انقلعي مع اهلك بس مسك لسانه ما يبغى يتسرع ويندم بعدين شوق وهي تناظر ابوها واخوانها طالعين لفت للخلف وشافت نظرات نايف لو كانت نظراته تقتل لقتلتها تكلم من بين اسنانه : روحي خلي امك وجدتك يطلعون وتركها وطلع تنهدت براحه لبضع ثواني ورجع لها الخوف بعد ما ودعت امها وجدتها احتارت وين تروح ؟ خافت إن طلعت للجناح يستفرد فيها ويلعن خيرها وان جلست تحت مع اهله تخاف يفشلها قدامهم قررت تجلس بالصاله وهي تحاول تظهر عدم المبالاه **** ** ** ** ** نايف واقف برا وداخله نار ما برد حرته فيهم كيف في وسط بيته يعتدون عليه بالضرب لازم يطلع هالحركه من عيونهم وقهره ناصر ما كلف نفسه يعتذر او يخلي عياله يعتذرون ساري وهو واقف جنبه : وش صار داخل صراخ عيال ناصر طالع ؟؟ نايف زفر بضيق : ولا شيء ساري بعدم تصديق وهو يشوف شكل نايف معغوس : من متى تخبي عني ؟!! نايف ما له نفس يتكلم : اتركني لوحدي الحين وتركه نايف قبل ما يفتح تحقيق معه *** *** *** ياسر بعد ما رجعوا البيت وقف مع ابوه وبضيق : عجبك يبه تصرف عيالك ؟! ناصر عفس ملامحه : ياليتهم للحين يطقونه فتح ياسر عيونه بصدمه : وش تقول؟!! ناصر يكمل كلامه وهو قابض يده بقوه : والله لولا كلام الناس ما تركتها عنده دقيقه ما شفت حركته للي عملها ياسر بترقيع : حرام تظلمه يمكن الرجال مو قصده ناصر هز راسه : انا متأكد لولا خوفي انه يطلقها وهي ما كملت اسبوع عنده والا كان لي تصرف ثاني عنده عموما لا تجيب سيره قدام احد وانسى الموضوع هز ياسر راسه بضيق ما يبغى تصير مشاكل من اولها *** *** ام صقر باستغراب وهي تشوف شوق جالسه معهم من وقت ما طلعوا أهلها وما طلعت للجناح اسراء باستغراب وهي تناظر شوق : وين نايف من وقت طلع وما رجع ؟! ساري ناظر شوق ينتظر الاجابه على نار يمكن يلاقي مبرر للموقف للي شافه بس كشر وهو يسمع رد شوق : ليه تسألين عنه ؟ اسراء هزت كتوفها : بس ابغى اطمئن عليه شوق وهي ما لها خلقها : امه والا اخته وانا مو داريه ؟! اسراء ما عجبها رد شوق : ايه اخته عندك اعتراض ؟! شوق لفت وجهها عنها وتكلمت من رؤوس خشومها : بس زوجي ما عنده اخوان ولا اخوات سميه : حنا نحسبه مثل اخونا شوق باسلوب اقرب للسخريه : طلعي جوالك واتصلي عليه علشان.... قاطعتها ام صقر بحده : اعوذ بالله اكلت الحرمه بلسانك وهي ما قالت شيء !!! شوق بضيق : يعني مو سامعه كيف فتحت تحقيق تبغى تعرف وين زوجي !! وشهوله تسأل عنه ؟! زوجها مو موجود معنا اجي واسالها وين زوجها ؟! وش هاللقافه هذي ؟!! ساري انقهر منها ومن اسلوبها وحس انها منفعله زياده عن اللزوم اكيد صار شيء بالمجلس بس وش صار ما يدري عم الصمت لدقائق وقطعه دخول نايف رد السلام بدون نفس وجلس جنب شوق ام صقر وهي تناظره: علامك ماد بوزك شبرين ؟ والا مو عاجبك الجالسين ؟! نايف ماله مزاج للكلام : ما في شيء بس تعبان الظاهر لوزي رح تنزل ووضع اصابعه على حلقه يتحسس برفق اسراء بابتسامة تكلم نايف حتى تقهر شوق : دوبني اسال عنك استغربت عدم تواجدك نايف سكت لثواني وبعدها تكلم : عزمني واحد من الربع اتقهوى عنده ساري ناظره وهو نفسه يعرف وش للي صار وقلب حاله انقهرت شوق من نايف كيف يبرر لاسراء عدم تواجده وبنفس الوقت قلبها يدق بقوه خايفه منه وخاصه للحين ملامحه ما تبشر بخير دخلت شمس وخلفها اختها قمر معهم عصير وحلويات شمس بابتسامة : يا هلا بعمي ساري وعروسته خالتي سوسو ساري ضحك ضحكه قصيره : الله اعلم وش عندك بعد هالترحيب شمس خزته بعيونها : الحق علي ارحب فيكم قمر ابتسمت وهي توزع العصير : انتبه يا عمي اكيد عندها مصلحه شمس حاست بوزها بطفوله : الله يسامحك يا عمي سميه : ما عليك منه يا احلى بنوته بالعالم اسراء بامر : اقول وزعي الحلو بلا كثره حكي لوت بوزها : ان شاء الله شمس مدت الصينيه باتجاه شوق ردت شوق بحركه بيدها دلاله على الرفض شمس ما عجبها تكلمت : ليه يعني تقرفين من عندنا ناظرتها شوق بكره وهي ماسكه نفسها ما تبغى ترد عليها وتزيد المشكله خلها بالاول تنتهي من سالفه اخوانها وبعدها تتفرغ لهم سميه : لا تضغطيها يمكن علشان النقاب ما رح تعرف تأكل شمس تحكي بترفع : يا اختي شيلي هالنقاب لا تخافي ما حد رح يطلع بوجهك وكل هالجمال موجود واشرت براسها على امها وخالتها سميه وتابعت كلامها حطت يدها مكان الكف وفتحت عيونها بصدمه صرخ بعصبية : اقسم بالله كلام سخيف مثلك ما ابغى اسمع واحترمي نفسك فاهمه ! احسن ما اكسر راسك هذي للي مو عاجبيتك احسن من امك وخالتك وكل اهلك بالف مره وزفر بغضب قلة ادب ناظرته بعصبيه كيف يمد يده عليها ويكلمها بذي الطريقه سكت على أسنانها وبكل قوه رمت الصينيه على شوق وصرخت : الله يأخذك انت واياها وبسرعه تركت المكان تركض بسرعه مطنشه ساري وهو ينادي عليها ** ** ** ** ** ** ** فارس بغضب من حركه نايف كله ولا ناصر ما رح يسكت : كيف يسمح لنفسه يعمل كذا ؟! يقال ابوي ناصر يبغى يجلس معه وليد بقهر : نفسي للحين اضربه قهرني خالد : علنا يبغى يبعدها عنا وما نشوفها فارس هز راسه كمل عبود : ما ذبحنا الا ياسر محامي دفاع عنه وليد : خاف تكبر المشكله وتصل للطلاق وهي ما كملت الأسبوع عند زوجها فارس باستفسار : والحين ابوي ناصر وين ؟؟ وليد هز كتوفه : ما ادري شفته كان واقف مع ياسر عض فارس على شفته بغيره من ياسر وهو يحس روح الانتقام فيه بدت تنمو بداخله ** ** ** ** ** ** ** جالسه بالغرفه وزادت عيار الالم حتى ينسى نايف سالفه اخوانها نايف ناظرها : يوجعك كثير ؟ شوق تبغى تضحك على اهتمامه واصلا ما يوجعها شيء يستاهل وبنفس الوقت تبغى تبكي وهي نشوف اهتمامه فيها وكيف يحاول يداوي جراحها ودافع عنها وقف ضد اهله عكسها وقفت مع اخوانها وخلقت مشكله وما دافعت عنه حست بالخجل من تصرفها نزلت راسها وهي تمسح دموعها وبدت دموعها تنزل نايف باستغراب لموجه البكاء : يوجعك شيء ؟! اخذك للمستشفى ؟! هزت راسها بالرفض نايف جلس على الارض بضيق من تصرف شمس وكلامها الجارح ناظرها وهي تبكي : لا تهتمي لكلام شمس تراك والله احلى منهن كلهن بس هي مغروره بنفسها عالفاضي وتحب تتفلسف يقال انها تكلمت بعدها صغيره شوق تذكرت كلام شمس وانقهرت كيف تقول لها هالكلام قدام ساري الحين اكيد يقول عنها انها بشعه رددت بنفسها حسبي الله عليك يا شمس *** *** *** *** *** ساري بعصبية : تصرف شمس غلط اسراء بقهر : بس ما توصل فيه ويضرب البنت كذا ! واحرجها قدام الجميع ! ابوها ما يضربها ييجي هو ويضربها ؟! ام صقر : صادقه ما يصير يضربها وين حنا علشان يضربها ؟! ساري بحق : يا يمه شمس للي تعدت بالكلام والحرمه ما غلطت ولا تكلمت عليها وما اكتفت حضرتها تقوم نضرب الحرمه فيها ؟! والله عيب ام صقر بشماته : تستاهل ويا ليت انكسر راسها هالشوق تراك ما تعرفها اعوذ بالله منها ما تطلع انيابها قدامكم شوف كيف سحبت ولدنا مننا وابعدته قاطعها نايف وهو يدخل : ما عاش من يبعدني عنكم وبعدين ليه هالكلام ؟ مو كأنك شفت الموقف بعيونك وكيف تعدت شمس عليها ؟! ام صقر : اشوف حطتك محامي دفاع عنها؟ ساري بضيق : يمه وبعدين ؟ اسراء بقهر : ليه تضربها ؟ نايف طالعها والضيق باين بملامحه : علميها توزن كلامها وبعدها اعترضي وقبل ما تقاطعه كمل : الله يرضى عليك تراني خلقي ضايق ما ابغى اتكلم بكلام واغلط فيه بحقك وانت مثل اختي ساري : صلوا على النبي عم المكان بالصلاه على النبي جلست ام صقر بعد ما توجه نايف للمطبخ وبعدها بدقائق طلع ومعه صينيه عليها اكل وطلع لجناحه حاست بوزها ام صقر وهي تشوف اهتمامه فيها استأذن ساري وطلعت معه سميه زفرت ام صقر بضيق وناظرت اسراء بحده : ترى شمس زودتها والغلط راكبها الحرمه قالت ما تبغى تأكل بقلعتها ليه الكلام الزائد ؟ اسراء : خليها لما اطلع يصير خير واذا ما خليت محمد يمسح فيها الارض ما اكون اسراء ام صقر : الله ستر لو صار بالحرمه شيء وش يخلصنا من اهلها اسراء : قولي وش يخلصنا من زوجها العاشق الولهان ام صقر هزت راسها :بهذا صدقت ناظرت جهة الدرج وهي تسمع صوت الصراخ وقفت على حيلها وهي تردد الله يستر ** ** ** ** ** ** انتهى البارت ....انتظروني يوم الثلاثاء بإذن الله ...دمتم بخير | ||||
|
| |
|
29-10-16, 02:38 PM
| #108 | ||||
| نجم روايتي وفراشة الروايات المنقولة
| لسه الحظ عم يلعب لمصلحه شوق كنت متوقعه ترجع مطلقه مع اهلها بس نايف لسه عم يتحكم باعصابه بس لمتى والكل من اهله ضد هل الزواج ومبين ان اهلها كمان وهي لسه عقلها مومزبوط بس شمس بفعلتها خلتها تربح الجوله وينسى نايف شو عملت معه يوم ماكان اهلها موجودين ودافع عنها وماهان عليه حدا يهينها نايف وقف معها بالوقت الي هي وقفت مع اهلها ضده ياريت تتعلم شوق كيف لازم تتصرف وماتخسر نايف لانه فارس عم يستنى فشلها مشكوره لامارا على النقل | ||||
|
| |
|
| أدوات الموضوع | |
| انواع عرض الموضوع | |
|
|
5Likes
العرض العادي
