آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
17-07-16, 04:03 AM
| #61 | ||||
| نجم روايتي وفراشة الروايات المنقولة 
|  ياربي شو الي صار لفهد فجاه الدم طلع منه ليكون شوق رمت عليه شى معقول المجنونه من كيدها ولا دعونها الله استجاب الها وخاصه انها بالرغم من جنانها بس حركه فهد فيها كانت حقيره بعدين ناصر موشايف ان فارس طول عمره بيعامل بنته بحقد ومازال مستمر بهل الجوازه المهزله ليش ماعم يرضى يفك رباطهم وهل ممكن تنبا فهد ان فارس يصير غنمه بايد شوق نفسي يصير هل الشى وبعدين ياسر وين اختفى وشو سر عداوه نايف وفارس شكرا لامارا على النقل الله لايحرمنا منك | ||||
|  |
|
17-07-16, 06:03 PM
| #63 | ||||||||
| نجم روايتي وفراشةالروايات المنقولةوبطل اتقابلنافين؟وأميرةخباياجنون المطروكنزسراديب الحكايات ونجمةكلاكيت نجمةمسابقةشخصيةفي رواية 
| | ||||||||
|
| |
|
23-07-16, 11:22 PM
| #64 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
| بسم الله :: :: :: :: لا تلهيكم الروايه عن الصلاه .....ولا احلل من يقل روايتي بدون اذني او بدون اسمي ** ** ** ** ** 13.2 حمله فارس بسرعه وتوجه فيه للمستشفى بأقصى سرعه وقلبه يدق بخوف انه يفقد صديقه صديق الطفوله وأمين اسراره ما يقدر يعيش بدونه يبغى يصرخ بأعلى صوت فهد لا تتركني فهد للي شاركه افراحه واحزانه ما يتصور انه يفقده بالسهوله ناظره من المرايه وشافه فقد وعيه صرخ بأعلى صوته ودموعه بعيونه : فهد فهد لا تتركني باكر عرسك قوم علشان ازفك يا عريس فهد تراني اموت من بعدك فهد وسكت وهو يكتم شهقاته وهو يحس الدنيا ظلام حوله كيف يعيش بدون ملح الحياه بالنسبة له فهد للي دوم يتحمل عصبيته وصراخه مسح بيده على وجهه للي يتصبب عرق وبصوت خافت متأجج يا رب احفظه يا رب يا رب وعض على شفته ونزلت دمعه خائفه من الفراق ما يتصور لحظة الفراق ابدا ** ** ** ** * كانت تنط تنط وتصرخ مثل المجنونة : يمه فهد فهد فهد يمه شريفه ودموعها نازله بغزاره وتحاول تهدي مريم للي تنط مثل المجنونه وبالغصب دخلوها الصاله : يا يمه اهدي ما فيه شيء مريم وهي تبعد امها ووجهها احمر منتفخ : لاااااا انا شفته بدمه خلاص راح راح كيف اعيش بدونه قولي لي باكر كان زواجنا شفت يمه مو مكتوب لي الفرح اخخخخخخخ يمه مو قادره اصدق مستحيل مستحيل ورمت نفسها بحضن امها حضنتها شريفه وهي تحاول تهدي فيها فاطمه والموقف أثر فيها مسحت دموعها وهي تناظر مريم ودموعها ما وقفت مسكينه باكر عرسها تنهدت ومسكت الجوال واتصلت على فارس الو .......وينك ..........وش صار ؟؟؟ الكل ناظرها ينتظر الخبر وحتى مريم كملت فاطمه المكالمه بهدوء : الحمد لله يا رب وكيف هو الحين ؟؟؟ .......الحمد لله ...... الحمد لله على سلامته ....خلاص الحين اخبرهم .....مع السلامه وقفلت الخط وهي تناظر الاعين تنتظر خبر يريحهم فاطمه غصبت نفسها على الابتسامه : الحمد لله بخير اصابه بسيطه وهو الحين بخير شريفه وهي تمسح على شعر مريم : شفتي يمه هذا هو فهد بخير بس انت كبرت الموضوع مريم بصوت مبحوح ودموعها تنزل : ذبحني منظره وهو بالدم ما قدرت اتحمل الجده وهي عارفه انها فاطمه تكذب وما كلمت احد بس تكمل الكذبه عن فاطمة: الله يسامحك روعتينا وبالاخير ما طلع في شيء اصابه بسيطه خلود وهي تمسح دموعها وبصوت حاقد : حسبي الله عليها ناظروها باستفهام وتكلمت ام فهد من وسط عبراتها : وش قصدك ؟؟ خلود عفست ملامحها بقرف وقهر : ولا شيء سكت الكل وكأنهم فهموا مغزى كلامها بس ما حد علق لانها ما صرحت بالكلام وما بينت قصدها شريفة طنشت كلام خلود ما تبغى تصير مشاكل ناظرت الموجودين وحمدت ربها انها شوق مو موجوده والا صارت علوم سندت مريم بشويش وبصوت حاني : قومي يمه ارتاحي بغرفتك وقفت مع امها وبصوتها المبحوح : ابغى اجلس معكم ومشت بخطوات بطيئة باتجاه الكنبه جلست بتعب وغطت وجهها بيدينها ودخلت بنوبة بكاء جديد تقدمت شريفه منها تسكتها اشرت لها فاطمه بهدوء : اتركيها على راحتها خلها تبكي رح ترتاح كمان شوي هزت شريفه باستسلام وجلست جنب مريم وعيونها تدور على الموجودين الكل متواجد الا شوق !!!! وخلود وش قصدها من الكلام ؟؟/ ومين للي تتحسب عليها ؟؟/ حست في شيء بالموضوع بس كيف تعرف ؟؟؟ والمشكله ما حد رد على اتصالاتهم يريحهم ويطمئنهم *** *** ** ** ** ** ** ابو احمد بحده ناظر ولده : متأكد من كلامك ؟؟ احمد بخوف طفولي وتردد: والله العظيم شفتها واقفه عند الشباك قاطعه ابو احمد بعصبيه وعيونه تلمع شرار : وقسم بالله لو تطلع كذاب ما يحصل لك خير حط ابو فهد يده على صدر ابو احمد ودفه بالخفيف : يا رجال ارفق بالطفل تراه مو من المجرمين للي تحقق معهم بالقسم شوف وجهه كيف صار من الخوف هز ابو احمد راسه : يصير خير واعطاه نظره وعيد وناظر ناصر للي يطالعهم وساكت وبداخله ينذبح ألف مره وهو يسمع اصابع الاتهام تتوجه لشوق شوق طفلته للي دوم يشوف البراءه فيها مستحيل تعمل كذا ؟؟ بداخله صراع إما يوقف بوجههم ويحط لهم حد ما يتعدونه لانه بنظره شوق مستحيل تعملها لانها طفله بريئه مستحيل توصل لهذي الوحشية او انه يسكت ويشوف وش آخر السالفه ويمكن شوق تكون وهز راسه بالرفض مو قادر يستوعب هذا الشيء رفع نظره لابو احمد للي يكلمه : يلا يا ناصر علامك واقف كذا ،؟؟؟ هز راسه ومشى خلف اخوه وقلبه يدق يخاف يسمع الحقيقه المره كان ابو احمد يمشي بخطوات هاديه وواثقه حتى وصل باب غرفتها التفت للخلف وناظر ناصر للي يظهر عليه القلق والخوف وخاصه انهم للحين ما تطمنوا على فهد وقف ناصر جنب ابو احمد وزفر بضيق مد يده بهدوء وطق الباب ابو احمد ما سمع رد حط يده على مقبض الباب وفتحه بهدوء دخل خطوتين وألقى نظره عامه على الغرفه واخيرا استقر نظره عليها على السرير والظاهر انها نايمه رجع ألقى نظره تفحصيه للغرفه وبعدها تقدم بخطوات هاديه حتى وصل فوق راسها ناظرها للحظات وبعدها ناظر ناصر للي اقترب منهم طالعه ابو احمد وتوجه للكرسي وجلس عليه بهدوء : صحيها يا ناصر هز ناصر راسه بملامح جامده وحرك كتفها بشويش : شوق شوق شو انزعجت شوق وبملامح معفوسه ردت وهي تنقلب للجهة الثانيه : همممممم ناصر طالع اخوه ورجع هزها : شوق وبعدين معك ؟؟/ فتحت عيونها ولما شافت ابوها فزت على حيلها ناصر بهدوء : غسلي وجهك وتعالي ناظرت ابوها وعمها باستغراب وتوجهت للحمام بعد دقائق طلعت بهدوء ابو احمد بهدوء : تعالي يا شوق هنا واشر على السرير مقابل له جلست بهدوء مكان ما اشر لها وناظرته وكأنها تستفسر عن السبب ابو احمد طالع عيونها : اممم ليه مو نازله تحت تجلسين ؟؟ شوق بتعجب : انزل تحت ؟!! ابو احمد : عند مريم تواسيها ؟؟ شوق عقدت حواجبها باستنكار : اواسيها ؟؟ ليه وش صاير ؟؟ ابو احمد : ليه ما تدرين انه فهد بالمستشفى ؟؟ شوق باستغراب : بالمستشفى ؟؟ وش صاير ؟؟؟ تنهد ابو احمد : وين كنت لما كانت الساعه ...؟؟ شوق ببرود : كنت نايمه ناصر تدخل : كيف احمد يقول شافك على الشباك ورمي قاطعه ابو احمد : ناصر اسكت شوي خليني شوق طالعتهم بشك : وش قصدكم من الكلام ؟؟ ناصر واعصابه فالته : شوق قولي لي وقفت على الشباك عند البالكونه والا لا ؟؟ شوق بتوتر من نظرات ابوها اخذت نفس : قبل ما انام ناظرت من الشباك كالعاده ورحت نمت ليه ممنوع اطالع من الشباك ؟~! ابو احمد : مين شفت لما ناظرت من الشباك ؟؟ شوق تنرفزت من هالاسئله : ليه هو تحقيق ؟؟ ابو احمد بحده : ايوه تحقيق وجاوبي على قد السؤال ؟؟ شوق ونسيت وجود ابوها : والله ما معي متر علشان ارد على قد السؤال قاطعها عمها بحزم : شوق ناصر بعصبية : حنا وين وانت وين ؟؟ الحين حاطينها برقبتك انك انت للي ذبحت فهد وانت قاعده تتغشمرين ؟؟!! شوق حطت يدها على فمها بصدمه : وش تقول ؟؟؟ ابو احمد : حنا ما شفناك ولا قلنا هذا الكلام بس احمد ولدي شافك و.. ** ** ** ** ** ** فارس واقف وينتظر على اعصابه ومعه عيال عمه وعمته والكل ينتظر على اعصابه ومقابلهم وليد وخالد وعبود وسامي مندمجين بالتحليل وليد وهو حاط يده تحت خده وبتفكير : ما اذكر انه فهد له اعداء احسه انسان مسالم وطيوب ؟؟ خالد وهو مرتكي على الجدار : وش عرفك يمكن له من ربعه بالشغل اعداء وعملوا كذا علشان يخربون فرحته بالزواج قاطعه عبود وهو ينظر للبعيد : وليه ما يكون في شخص يبغى يخطب مريم وحاط عينه عليها وحب ينتقم من فهد لانه اخذها عفس وليد ملامحه ما يحب احد يجيب سيره اخواته : وش هالكلام يا عبود ؟!! وبعدين مين هذا للي يعرف مريم ؟؟؟ شاك بأحد ؟؟ عبود هز راسه بالنفي : لا وليد وهو مكشر : لا تقعد تجيب كلام ما له اصل وت.. قاطعه خالد بعقلانية : كلامه في منه يمكن اخو صديقه لها مدحتها وكذا قاطعه وليد والشرار يطلع من عيونه : خالد اسكت دام النفس عليك طيبه عبود يغير الموضوع : شوفوا فارس متأثر عليه كثير اخاف يكون هو وليد بعصبية من افكارهم وبصراخ : وبعدين معك انت وإياه؟؟!! كان صوته عالي والتفت عليه الموجودين اعطاهم فارس نظره قويه وكأنه ناقص بهذا الموقف بزران كان ناوي يمسح فيهم الارض ويطلع قهره وخوفه على فهد فيهم بس غير وجهته وتقدم نحو الدكتور للي طلع من الغرفه ** ** ** ** ** ** ** جالسه بالصاله وعندها رائد وتقرقر فوق راسه : شفت قليل الحياء ياسر تركني وما سأل عني ولا كأنه يعرفني واتصل عليه جواله مغلق اكيد غير رقمه رائد بنفسه اكيد هج منك ما ادري كيف متحملك طول هالفتره وبمجامله : هذا ياسر انسان يدور مصلحته اذا كان له مصلحه عند واحد يلتصق فيه وبعد ما تنتهي مصلحته يمر ولا كأنه يعرفه اسأليني انا كم مره كان ياسر يقول عنك بوس الكلب على فمه لحتى تأخذ حاجتك منه ام عمر فتحت عيونها بعصبية : انا ياسر يقول عني كلب ؟؟!! رائد بنفسه يبغى يضحك على هالكذبه للي قالها وبما انه جدته انفعلت وعملت اكشن فحب يزيد العيار ويرفع ضغطها شوي : ايه يا جده دوم يقول عنك كذا مسكته ام عمر من اذنه وشدتها : دامك تعرف انه يقول عني كذا وليه ما خبرتني ؟؟ رائد للي وهق نفسه معها وش للي خلاه يرد على امه ويودي لها الاغراض كان الحين مصفي راسه من ثرثرتها وداير مع ربعه هزته ام عمر بقوه : جاوب رائد وهو يبعد ايدها عن اذنه : اخ اخ اخ والله يوجع انا وش دخلني ياسر هو للي قال مو انا وبعدين كنت ابغى اقول لك بس خفت ما تصدقيني لانه ياسر عندك المدلل وحتى قلت لخالتي فاطمه ما يصير ياسر يقول عن جدتي كذا قالت خلها تستاهل ما احد قال لها تربيه وتدلله هذا اخر دلالها حطت يدها على صدرها بقهر : هي قالت كذا ؟؟ رائد يزيد العيار : حتى وهي وزوجها ناصر ما يقولون عنك الا العجوز الشمطاء احتقن وجهها وصار احمر والشرار يطلع من عيونها ومسكت الجوال : الحين اتفاهم معها فاطمه رائد بصوت متلعثم : ها جده لا تقولي اني قلت باكر ما حد يتكلم قدامي اما كذا اجيب لك الاخبار وكل شيء يقولونه عنك هزت راسها بدون اهتمام لثرثرته وبعد لحظات رمت الجوال على الكنبه : ما ترد لكن حسابها عسير عندي وانت ناظرت مكان رائد ما كان موجود تمتمت بصوت منخفض : بسم الله وين راح هالولد دوبه كان هنا لكن بسيطه دواكم عندي كلكم ونشوف مين للي يقهر الثاني ** ** ** ** ** ** ** بعد ما كلموا الدكتور وعرفوا وضعه الصحي تركوا الدكتور وتوجهوا لغرفته وفارس كل علامات العصبيه مرسومه على وجهه دخل وناظر فهد وهو جالس على السرير وراسه ملفوف بالشاش طالعهم فهد وهو يقرص بعيونه : مين انتم ؟؟ مهند بضحكه : الظاهر الضربه اثرت على دماغه وفقد الذاكره تقدم فارس منه وبملامح تخوف وضربه على كتفه وبقهر : وقسم بالله ودي اضربك على راسك واكسره تكسير فهد بضحكه متعبه : ههه حرام عليك لازم تريحوني بما اني مصاب وباكر زواجي فارس بقهر وبنبره واضح فيها الخوف : حرام عليك ذبحتني وانا افكرك متت وانه رصاصه داخله نافوخك طلعت بالاخير مفلوع بحجر حسبي الله على ابليسك وليد : مين للي ضربك وكسر راسك ؟؟ عبود : يمكن واحد من البزران ضرب حجر وكسر راسك مهند : ربك ستر وجاءت سليمه فارس بابتسامة راحه وهو يشوفه ما في شيء : تدري لما شفتك فقدت الوعي حسيت خلاص راح افقدك مهند : الدكتور يقول فقدت الوعي لانك نزفت كثير والا ضربه عاديه بالنسبة لجمجمه حمار هههه خزه فهد بعيونه : جمجمه حمار يالثور فارس بابتسامة : الحمد لله كل واحد عارف صفة صديقه وغمز لهم تكلم فهد ومهند بصوت واحد : ناسي نفسك يالبغل وناظروا بعض وابتسموا لحركتهم فارس كش عليهم ؛ مالت عليكم اص.. قاطعهم صالح : الحين ما عرفتم الجاني؟؟؟ فارس حرك حواجبه بالرفض : لا ما عرفنا للحين عبود : يمكن واحد من البزران بالشارع رمى الحجر وجاء براسه صالح : اهم شيء جاءت سليمه وبتذكر اعمامي وين ما اشوفهم هنا ؟؟؟ وقبل ما احد يجاوب رن جوال فارس طالع الاسم ورد بهدوء : الو .......ايه الحمد لله بخير ....لا ضربه بسيطه .....لا صاحي والحين جالس معنا .........ايوه حتى الدكتور كتب له خروج بعد ما تأكد انه ما تأثيرات .........خلاص ان شاء ..... وقبل ما يقفل تذكر وسأل بسرعة قبل ما يتقفل الخط _ ما عرفتوا مين للي .........خلاص ان شاء الله مع السلامه تكلم قبل ما احد يسأله : هذا عمي ابو احمد يسأل عن اخبار العريس مهند : ما عرفتوا للي ضرب هالخبل ؟؟ فهد رفع حاجب : اشوف مستوطيين حيطي الشاطر يضرب علي كلام لا يغركم اني مصاب ترى الحين قاطعه مهند : لولا انه باكر عرسك كان قاطعه صالح بنرفزه : بعدين معك انت وإياه خلينا نعرف السالفه وناظر فارس : مين للي ضرب فهد ؟/ فارس : هز كتوفه ما ادري قال لما ترجعون يصير خير خالد بابتسامه : لو تعرف للي ضربك وش رح تعمل فيه ؟؟ فهد بتفكير وهو ينفش ريشه بغرور : امممممم بما انه معروف عني الكرم والتسامح وكمان عريس خلاص مسامحه ههههههه طالعه فارس باستصغار : يا سخفك تدري نفسي اعرف الشخص للي ضربك وابوس راسه مهند حامت كبده من فهد وطيبته: صادق يا ليته للحين يضرب فيه ** ** ** ** ** ابو فهد دخل ومعه احمد ناصر بعصبية اشر لاحمد: تعال طالع ابو احمد ابنه وبعدها التفت على شوق وللحين مقهور منها وعنادها : اقول لك اعطيني المسدس شوق وهي تهز راسها بالرفض : ما عندي ابو احمد طالع احمد بقوه : مو شفتها ومعها المسدس احمد بخوف : انا ما شفت المسدس قاطعه ابوه بكف على وجهه : اجل وش شفت ؟؟ كيف تقول انها شوق ؟؟ احمد ودموعه تنزل : ءءء انا شفتها عند الشباك ولما شافتني ارتبكت وكان معها شيء ما قدرت اميزه ودخلت بسرعه ولما ناظرت شفت فهد كله دم و.. قاطعه ابوه بكف ثاني : بس انت ما قلت كذا من البدايه الحين ميزت ارتباكها وما عرفت الشيء للي كان بيدها أبغى اعرف وين المسدس ؟؟؟ دخل فارس الغرفه وصوتهم واصل لخارج الغرفه ناظر وشاف الوضع متكهرب سأل بهدوء : اي مسدس ؟؟ قبل ما احد يجاوبه سأل ابو فهد : كيف فهد الحين ؟؟ فارس وهو يناظر شوق وباين عليها الانفعال : الحمد لله بخير والحين هو في بيته ابو احمد : رصاصه جاءت براسه كيف يطلعونه من المستشفى ؟؟ فارس عقد حواجبه باستنكار : اي رصاصه ؟؟ وابتسم لانه فهم انه اعمامه يفكرون رصاصه : لا يا عم ترى فهد مو رصاصه للي ضربته حجر هو للي ضرب براسه ابو احمد بحده : متأكد ؟؟ فارس ابتسم ؛ ايه متأكد وبعدين لو كانت رصاصه براسه تلقاه الحين عايش وجالس في بيته على الاقل لو عاش بيجلس بالمستشفى لوقت مو يخرجونه بنفس اليوم ابو احمد طالع احمد ويبغى يذبحه من وين جاب قصة المسدس يحسه سقط من عينه دوم كان بعينه صادق وما يكذب واكبر من عمره بس الحين تأكد انه مو كل ما يشوفونه الاطفال حقيقه يمكن عقله رسم له هذا الشيء زفر بضيق وتكلم والكلام يطلع منه بالغصب : مين هذا للي ضربه بالحجر حست الكل ناظرها وكأنهم متأكدين انها هي ردت بصوت غير مبالي : انا للي ضربته بالحجر ابو احمد رفع حاجب ؛ ما شاء الله وبكل وقاحه تقولينها ؟؟ ابو فهد طالعها بلوم وعتب : ليه يا شوق عملت كذا لو مات فهد وش تستفيدين ؟؟ شوق بهدوء : ولا استفيد شيء قاطعها ناصر لما تقدم منها بهدوء : شوق انا للحين اتابع وانا ساكت اكرر السؤال وجاوبي بصدق وبدون لف ودوران : انت ضربت فهد بالحجر ؟؟؟ اخذت نفس شوق وتحس قلبها يدق بقوه خوف من ابوها وبتردد تكلمت : ايه انا وقبل ما تكمل كانت يده مطبوعه على خدها رفعت نظرها والدمعه بطرف عينها وكأنها تتأكد انه ابوها للي ضربها بس سرعان ما غمضت عيونها وهي تحس بالكف الثاني على خدها مسكها من كتفها وهزها بقوه وبصوت مخنوق محرج من تصرفاتها : ليه يا شوق تعملين كذا ؟؟؟ انا سكتت عن تصرفات كثير منك بس لحد هنا كافي ما اسمح لك فاهمه وقسم بالله لو تتكرر هذي الحركه ليكون موتك على يدي دفها قدامه اختل توازنها بس ثبتت نفسها اخر لحظه تكلم بصوت غاضب : بسرعه الحين اعتذري من عمك ابو فهد بسرعه اشوف ما تحركت من مكانها بس سرعان ما نقزت من صراخ ابوها وتقدمت من عمها وباسته على راسه وبصوت على وشك البكاء : انا آسفه تقدم ناصر منها وسحبها من كتفها : والحين إلبسي العبايه وتغطي ورح تروحين تعتذرين لفهد بنفسك كان كلام ابوها بالنسبه لها وكأنه شطرها نصفين مستحيل تذل نفسها وتمسح كرامتها وبتمرد : يخسى ا قاطعها كف من ابوها : انا وش قلت ؟/ شوق وكأنها الحين ادركت انه ابوها للي قدامها وبصوت خافت مستسلم : ان شاء الله توجهت تلبس العبايه ومسحت بطرف اصبعها دمعه تسللت غصب عنها ابو احمد للحين معصب من تصرفها ومو عاجبه ابد اما ابو فهد بالرغم انه ابنه المصاب اعطى ناصر نظره يخفف شوي بنظره بعدها بزر صغيره اما فارس للي مستمتع بالمشهد ويتمنى يعطونه الاشاره الحمراء ويخلي وجهها الوان الطيف من الكفوف كملت لبس ومشيت خلف ابوها للي امرها بصوت حازم والغضب ظاهر فيه : امشي وراي طلعت خلفه بهدوء عكس الاعصار للي بداخلها ** ** ** ** ** ** ** فهد اممم بصراحه استغربت لما خبرني عمي ناصر انها شوق رح تعتذر مني عن تصرفها تفاجأت لما عرفت انها هي ما ادري وش للي دفعها تضربني افكر يمكن انتقام لاني رفضتها وكرها لي ولمريم اعماها ومع ذلك قلت لعمي ينسى الموضوع وما ابغى تعتذر لي وانا مسامحها لكنه اصر وحلف يمين الا تعتذر مني مع انها هي العلطانه مهما كان الشبب ما يدفعها تضربني لكني مستصعب الموضوع كيف تعتذر لي وخاصه شوق العنيده ام لسان بشعبتين كيف تعتذر لي مو داخله مخي بس هي تخاف من عمي ما تقول له لا اكيد غصبها والا هي كان لو بيدها ترجع تضربني بصخره هههههه والحين انتظر اللحظه الحاسمة واشوف كيف رح يكون اعتذار بنت العم ناظرتها وهي تدخل خلف عمي وعيونها بالارض تكلم عمي ناصر وهو يحاول يكون صوته هادي بس باين الغضب فيه : هذي شوق جايه تعتذر لك عن تصرفها الغبي بصراحه والله مستثقلها كيف تعتذر خلاص للي صار صار كلمت عمي بهدوء : قلت لك يا عم ماله داعي وانا سامحتها طنش كلامي وسحبها بهدوء ووقفها قدامه وبصوت امر : يلا يا شوق حسيت فيها تبغى تنبلع الارض وتنشق ولا تعتذر لي رفعت نظرها وعيونها تلمع بالدموع وتحس البراءه فيهم تخلي الواحد يشك بنفسه معقول هالعيون الربيئة الطفوليه تعمل كذا قطعت افكاري لما سمعتها تكلمت كسرت خاطري وهي تتكلم بصوت مخنوق وعلى وشك البكاء : آسف كان يبغى يتكلم عمي ناصر قاطعته : خلاص وصل اعتذارها وانا مسامحها هز عمي راسه ولف ظهره وبصوت آمر : يلا استغلت فرصة التفاف عمي وهمست بصوت وصل لسمعي : اسف لاني ما كسرت راسك لنصفين خيرها بغيرها وتوجهت خلف ابوها مسرعه بالخروج انا ألجمتني الصدمه هذي للي تشوف عيونها تقول مسكينه وهي سكينه ولسانها بشعبتين وانا مستغرب جايه تعتذر وقلد صوتها بترييقه اسفه لاني ما كسرت راسك لنصفين عضيت على شفتي بقهر عذي للي ابغى اذبحها واخلص منها وانا المغفل للي حزنان عليها وما ابغى تعتذر لي بس اخخخخخخ يالقهر ** ** ** ** ** __** انتهى البارت .....انتظروني يوم الاربعاء بإذن الله ...دمتم بخير ^_^ | ||||
|
| |
|
24-07-16, 04:09 AM
| #65 | ||||
| نجم روايتي وفراشة الروايات المنقولة
| شكر ا لامارا يعني كنت مفكرتها بريئه معقول هي ضربته ولا لانها متوقعه انهم يتهموها قالت انه هي وناصر ماشاء الله عليه دائما بيجى مع الكل ضدها لسه حاسه انه شو ماعملت ماقادره اكرهها وبيستاهل فهد الحجر وهذا رد على تصرفه معها وقت اختيار مريم البارت حلو بس قصير | ||||
|
| |
|
24-07-16, 09:52 AM
| #66 | ||||||||
| نجم روايتي وفراشةالروايات المنقولةوبطل اتقابلنافين؟وأميرةخباياجنون المطروكنزسراديب الحكايات ونجمةكلاكيت نجمةمسابقةشخصيةفي رواية
| | ||||||||
|
| |
|
24-07-16, 02:30 PM
| #67 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| السلام عليكم ورحمة الله وبركاته كيف حالك إن شاء الله دائما بخير ؟ أنا ما أحس إنها شوق اللي ضربته شوق كانت نايمة بسابع نومه لو هي كانت توترت وخافت وما جاها نوم والمجرم دائما يتصرف تصرفات تخليني الناس تشك فيه كما يقولون يكاد المريب أن يقول خذوني بس شوق فيها مغناطيس غير طبيعي للمصايب تجيب حق روحها المصايب أصلا لو بتفكرون في غرفة النوم من وين بكون عندها حجرة بعدين أحس الاصابة كانت من الخلف مو من الأمام مقابل شباك غرفتها بس الناس دائما تنسب المشاكل لأكثر شخص متسبب للمشاكل أحس خلود لها يد في الموضوع ننتظر ونشوف الأربعاء أحسه بعيد يا الله فاضل الأثنين وثلاثاء والأربعاء البارت بالتوفيق لـ ضاقت أنفاسي دمت بود | ||||
|
| |
|
24-07-16, 03:39 PM
| #69 | |||||
| نجم روايتي وفراشة الروايات المنقولة
| اقتباس:
| |||||
|
| |
|
27-07-16, 08:38 AM
| #70 | ||||||||
| نجم روايتي وفراشةالروايات المنقولةوبطل اتقابلنافين؟وأميرةخباياجنون المطروكنزسراديب الحكايات ونجمةكلاكيت نجمةمسابقةشخصيةفي رواية
| | ||||||||
|
| |
|
| أدوات الموضوع | |
| انواع عرض الموضوع | |
|
|
5Likes
العرض العادي
