آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
10-04-16, 10:30 PM
| #1 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  بديت أنساك يا لون السعادة / للكاتبة ضاقت أنفاسي ، مكتملة
التعديل الأخير تم بواسطة لامارا ; 07-01-17 الساعة 08:40 AM | |||||||||||||
|  |
|
11-04-16, 01:16 PM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  بسم الله الرحمن الرحيم رجعت لكم من جديد برواية أتمنى تعجبكم وتكون مختلفة عن روايتي الاولى طفولتي المشتتة اتمنى ما تربطوا احداث هاي الروايه بالروايه الاولى لأنه كل وحده لها احداث اخرى انتظر ردودكم على البارت واتمنى ما تلهيكم عن الصلاه ....دمتم بخير  #ملاحظة لا اسامح من ينقل روايتي بدون إذني #  التعديل الأخير تم بواسطة فيتامين سي ; 07-01-17 الساعة 12:46 PM | ||||
|
| |
|
11-04-16, 01:17 PM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الأول #1 &&&&& &&&&& &&&&& شوق بقهر وهي تعدل شعرها للخلف : حسبي الله عليها الله ياخذها وارتاح منها فاطمة بلامبالاه وهي تجلس على الكنبه باللون البني الغامق : تستاهلين ما حد قال لك لسانك يكون طويل شوق بقهر بعد ما عدلت شعرها : وهي من حطها جاسوس علي واشرت على نفسها وشدت على اسنانها بانفعال اكرها هي وامها شوشو مسكت فاطمه فنجان القهوة وبنفس البرود : اسكتي لا يسمعك ابوك ويرجعلك مره ثانيه وبدل المحاضرة للي اخذتيها يمسح فيك الارض والا وحده عاقله وفهمانه تشتم الابله قدام البنات وتتمسخرين عليها وين الاخلاق ؟؟ فوق ما هي معلميتك لازم تحطينها على راسك وتقدرينها مو تتمسخربن عليها شوق قاطعتها بترقيع : بس يمه الابله ما سمعتني وما كانت موجوده اصلا «وشدت على على حرف الصاد» قاطعتها فاطمة : لو سمعتك كان الحين انت مفصوله من المدرسه وبجديه ناظرت بنتها وهي تصغر عيونها : تدري يا ليتها سمعتك وفصولك من المدرسة للي وجودك وعدمك واحد جالسه مثل الدرج بالصف على الاقل لو انك جالسه بالبيت تساعديني بالشغل قاطعتها شوق بتأفف: افف دايما هذي الاسطوانة فاتحيتها خلاص الفصل هذا رح يكون غير وبتشوفي كملت عنها فاطمة بترييقه وهي تقلد صوت شوق : رح اكون من الاوائل وتك وتك وتك واخر السنه بنستأجر شاحنه علشان تشحن المواد الراسبة فيها ناظرتها شوق بحنق وهي تشبر بيدينها : انا الحين بسالفه الفتانه وانت نقلتي على سالفه الدراسه الله يأخذها هالمريم وبنظره توعد : لكن يصير خير والله لتندم وسحبت نفسها وتوجهت لغرفتها هزت فاطمه راسها بفقدان امل منها وبنفس الوقت تضايقت من مريم لو خبرتها كان تصرفت مع شوق بدون ما توصل السالفه لابوها وقفت وبيدها الفنجان وراحت تشوف الاكل :: :: :: :: :: في نفس البيت بس بالدور الثاني شريفه بلوم جلست جنب مريم بالصالة : ليه قلتي لابوك عن شوق ؟؟؟ مريم بهدوء ورقه وهي ترجع خصله من غرتها خلف اذنها : انت ما شفتيها بالمدرسة والله اني استحي بتصرفاتها وإلي خلاني اقول لبابا عنها لما سمعت البنات يقولن ما عندها اهل يربونها لسانها يبغى له قص وتحترم للي اكبر منها تصرفاتها محرجه بالنسبة لي وخاصه البنات يعرفون اني اختها تنهدت شريفه :الله يهديها هالشوق عكس امها اخلاق وطيبه وسنع ولا اخذت صفه سنعه من امها ما ادري على مين طالعه مريم وقفت بهدوء : الله يهديها ما ادري تعاملنا وكأننا ماكلين حلالها شريفه تغير الموضوع : يالله بدلي وتعالي علشان الغداء ابوك معصب حده من بعد السالفه هزت مريم راسها وتوجهت لغرفتها وهي تمشي بخطوات واثقه وهاديه ** ** ** ** جالسه على سفرة الاكل وبيدها الملعقة تأكل بهدوء وتناظر بشوق ما عندها مصطلح زعل او كرامه ابوها اعطاها محاضره ادبيه طويله وعريضه وكان معصب من تصرفها والحين جالسه تتغدى ولا كأنه صار شيء لو وحده ثانيه كان رفضت وزعلت وعملت فلم قاطع افكارها شوق وهي تتكلم والأكل بفمها : يمه قاطعتها فاطمه بتنبيه : لا تتكلمين والاكل بحلقك وبتذكير كم مره قلت لك ؟؟ شوق بلعت اللقمه وبعباطه : ما اذكر كم مره! المهم سمعت انه جدتي البارحه راحت على المستشفى بالليل فاطمه رفعت حاجب : ما سمعت وش وفيها ؟؟؟ شوق بالامبالاه وتكمل اكلها : لا تخافي هذي مثل القطوه بسبع ارواح فاطمه بنهر : شوق انتقي الفاظك لو ابوك موجود كان شفتي الصلصله بوجهك شوق بلامبالاه : عادي خله يسمع وبعدين يمه اشوفك خايفه عليها وهي للي خربت بيتك وحطت فوق راسك ضره فاطمه بدون اهتمام لثرثره شوق : والله جدتك احترمها واحبها ولها معزه بداخلي واعتبرها مثل امي قاطعتها شوق بقهر : مثل امك ؟؟ فاطمه ببرود : ايه مثل امي الحين لو امي ابنها قعد سنين بدون عيال اكيد رح تزوجه والدين حلل اربع يعني لا هو حرام ولا عيب عضت شوق على اصبعها : اخخخخخ يالقهر تراك يمه تجلطيني ببرودك لو انك طلبتي الطلاق وقتها كان الحين عايشه انا على هواي ما حد يتدخل بحياتي وخلي شوشو تنفعه ابتسمت فاطمه على شوق : لو طلبت الطلاق وقتها كان الحين مصفي راسي من ثرثرتك وما رح تكونين موجودة بذي الدنيا فتحت شوق فمها تستوعب الكلام وبعدها ارخت ملامحها : الحمد لله انك ما زعلتي عند جدي والا كان انا مو موجوده ومريم وشوشو وعيالها يلعبون على كيفهم وما في حد يوقفهم عند حدهم وقفت فاطمه وصارت تزيل الصحون : الحمد لله انه ابوك موجود وموقفك عند حدك ما ادري ليه تكرهين اخوانك لذي الدرجه وقبل ما تفتح شوق فمها بإسطوانه : اقول قومي ساعديني ما ابغى اسمع ثرثره زياده شوق لوت بوزها وحملت صحن فاطمه رفعت حاجب : خذي معك هذا شوق بتهرب : لا يا يمه ثقيل فاطمه بقهر : وقسم بالله اخوانك الصغار يساعدوني احسن منك شوق بدون مبالاة : ليه ودتيهم اليوم عند عيال فوزيه ؟؟ فاطمه بنرفزه : ترى الكلام معك ضايع وتوجهت للمطبخ وهي ضغطها مرتفع من شوق ناظرت شوق امها ورجعت الصحن على الطاولة وبسرعه ركض على غرفتها رجعت فاطمه للصاله وشافت الصحن مكانه هزت راسها بأسف وكملت تنظيف ** ** ** ** ** ** بعد المغرب فاطمه واقفه عند باب غرفة شوق : خلصيني قومي إلبسي تأخرنا الحين ابوك يعصب شوق بضجر ناظرت غرفتها للي يغلب لونها الموف : قلت لك ما ابغى اروح فاطمه بمكر : خلاص براحتك الحين ادق على ابوك قاطعتها شوق وهي توقف بتأفف : انا جايه وسحبت العباية وصارت تلبس فاطمه بقهر : ارحميني لمتى تطلعين بملابس البيت ؟؟ شوفي اخواتك وبنات عمك قاطعتها شوق وهي تحط الطرحة على وجهها : ما علي من احد هزت راسها بأسف وطلعت وخلفها شوق ** ** ** ** ** طلعت بالسياره بالخلف وامها من قدام بعد ما ردت السلام بهدوء حرك ابوها بهدوء وهو يتكلم مع فاطمه ومندمجين وناصر ماسك يد فاطمه وهو يسوق باليد الثانية ويتكلمون بالالغاز ويضحكون ناظرتهم شوق بقهر ما تبغى امها تعامل ابوها كذا تبغى امها تحقره وما تهتم له وخله يروح عند شوشو فوق ما هو متزوج عليها عادي الوضع ولا كأنه شيء استوى قاطع افكارها ابوها للي يحاول يدمج بين الاخوان وما يكون في حاجز بين الاخوه وكأنهم من ام وحده : ليه ما رحتي مع اخوانك ؟؟ طالعته شوق بتوتر : ها تكلمت فاطمه عنها وهي تعرف انها شوق تخاف وتتوتر من ابوها مع انه ما يضربها ويعاملها زين بس تخاف منه : ما قلت لها يا ناصر ويمكن ما يكون فيه مكان لها ناصر ناظر بالمرايه وابتسم لها : لا ضياق ولا شيء كان تونستي معهم بالطريق وبنغزه ترى ما في اجمل من جلسات الاخوان طالعته شوق وبنفسها ايه كثر منها انا ما اطيق اسمع اسمهم كيف اجلس معهم ومع ذلك هزت راسها بالموافقة بدون ما تتكلم ** ** ** ** ** دخلت عند الحريم خلف امها سلمت على الموجودين وعلى شريفه وبناتها سلمت برؤوس اصابعها والكل لاحظ هذي الحركه بس ما حد تكلم جلست عند بنات عمها وناظرت امها وكانت مندمجه مع الحريم بعدها ناظرت اخواتها وبنات اعماها الكل متشيك ومرتب عمره وللي يشوفهن يقول العريس على الباب ينتظر يدخل ويملك لوت بوزها مو عاجبها وقاطعها صوت خلود وهي تمزح : نفسي اشوفك متشيكه يا شوق دائما تيجي بملابس البيت !!!! التفتت فاطمه لكلمة خلود وناظرت الموجودات الكل متشيك ومرتب عمره الا شوق دوم تطلع بملابس البيت لا واليوم طالعه بالبيجاما تحس بالإحراج بس الكل عارف شوق وراسها اليابس تنهدت ورجعت تكمل سوالف شوق ناظرت خلود وهي رافعه حاجب وبعدها التفتت على اميره : ما حد خبر بنت عمك انه دمها ثقيل اميره بضحكه : ههه لا ما حد خبرها لعيونك الحين اخبرها وناظرت خلود : ترى في ناس تقول عنك دمك ثقيل خلود ضحكت : هههههه من غيرتها لوت شوق بوزها : على وش اغار يا حسره قاطعتهم الجده بابتسامة محبه وهي تناظر حفيدتها : شوق ناويه تنامين عندنا لابسه بيجاما؟؟؟ شوق بنفسها انام بالصحراء والبرد ولا انام عندكم وقبل ما ترد سبقتها فاطمه وردت خافت شوق تجيب العيد بكلامها : كنا مستعجلين وبسرعة طلعت قبل ما تبدل هزت الجده راسها وطالعت فوزيه : خلاص نويتم تخطبون لفهد ؟؟ شوق صار وجهها الوان لما سمعت سؤال الجده وفتحت اذانها عالاخير علشان تسمع كل حرف فوزيه بابتسامة تعبر عن فرحتها : خلاص نوينا وهاليومين نكون في بيت ناصر شوق للي قلبها يدق طبول واخيرا بتخطب وتطلع من البيت وما تشوف شوشو وعيالها وتخلص من محاضرات ابوها الطويله وتعيش مثل ما تبغى ما في لا مريم ولا فارسوووو يفسدون عنها لابوها وعضت على شفتها بندم لو تدري كان رتبت نفسها الجده بفرحه بانت بعيونها : على بركة الله الا قلتي لي اي وحده شوق والا مريم ؟؟؟ عقدت شوق حواجبها باستغراب وبنفسها وش دخل مريم بالموضوع ؟؟/ فوزيه : تدري يا خالتي عمي الله يرحمه وصى من بنات ناصر وحنا قلنا له هو بنفسه يختار للي يبغاها وناظرت مريم وابتسمت لها وكانت كل الاعين على مريم وكأنه خلاص هي للي رح يخطبها شوق خلاص ولعت معها نفسها تقوم وتصفق الموجدات كل وحده كف وتطيرهم من شوشتهن وتصرخ بأعلى صوت فهد ليييييييي اناااااا بس سكتت تشوف اخرتها معهم وتهز رجلها بتوتر وعاضه على شفتها حتى ما تتهور بالكلام وطالعت جدتها وهي تسأل وكأنها ما معها خبر و ما تدري عن شيء : وكيف رح يختار ؟؟ فوزيه ابتسمت : كل شيء بوقته حلو الجده : على بركة الله ورجعوا الحريم يكملون سوالفهم وشوق تغلي غلي والافكار تدور براسها اخذت نفس وهي تحاول تكون طبيعية وتشوف اخر هالمهزله ناديا بابتسامة :، متحمسه تصير بالعائله مناسبه علشان ألبس وارقص اميره : وانا مثلك بعد ترى فهد اول واحد يخطب بالعائله الكريمه خلود بابتسامة وهي تناظر مريم : ان شاء الله يتمم على خير وافرح بأخوي ابتسمت مريم باحراج ونزلت نظرها للارض لاحظت حركات اخوات فهد ونغزاتهم بس سكتت وما قالت شيء وتمت تسولف مع بنات عمها وعمتها وتضحك مع وجود تصادم بينها وبين خلود وناديا اخوات فهد بعد مرور الوقت اتصل ناصر فيهم حتى يرجعوا تجهزوا وطلعوا وشوق تحس نفسها مثل البركان بتنفجر بأي وقت ** ** ** ** ** كنت امشي خلف امي واكتم غيضي مو قادره اتحمل اكثر نفسي امسك احد واطلع حرتي فيه ويا ليت تكون شوشو عضيت على شفتي بتوعد لما شفت مريم وشوشو توجهوا لسياره فارس لويت بوزي لاني ما اطيقه وللي زاد قهري ابوي لما كلمني : شوق روحي اركبي مع اخوانك واشر لفارس : انتظر شوق خلها ترجع معكم وصل الضغط عندي ألف هذا الناقص اركب معهم انقذتني امي لما قالت :خليها يمكن ما في مكان لها رد ابوي : في مكان وليد وعبود رح يرجعون معي ما في الا ام فارس ومريم ودانا ناظرتني امي بمعنى روحي بس انا مستحيل ارضى وبمحاوله اخيره تكلمت وقلبي طبول من الخوف : بس يبه ما ابغى قاطعني بحزم : انا وش قلت ؟؟ سحبت نفسي بدون نقاش وتوجهت لسياره وانا بأي لحظه انفجر كان واقف عند السياره ولما قربت تكلم برؤوس خشومه : سنه حتى حضرتك تشرفين ؟؟ طالعته بقهر : وانت وش وظيفتك ؟؟ وجاوبت بدون ما انتظر جواب : السواق ينتظر وما يتأفف قاطعني بصوت منخفض عصبي : حسابك بالبيت علشان نشوف مين السواق انقلعي عالسياره اشوف لا تلوموني احب ارفع ضغطه وبما انه طلع بوجهي قلت خلني اطلع حرتي فيه : لا يطق لك عرق روق وتوجهت للسيارة ودخلت وهو مفور من العصبيه وسكرت الباب بقوه دخل السياره معصب وناظرني : كسر يكسرك ان شاء الله تدخلت شوشو وهي تناظر فارس بلوم : استغفر الله وش هالكلام يا فارس ؟؟ فارس بقهر وتوعد وهو يناظرني : وقسم بالله لتندمين يا زفته قاطعته شريفه : خلاص يمه حرك ما نبغى مشاكل وفضايح اخذ نفس وحرك السياره وانا اعلك واتعمد تطلع صوت ولا كأنه شيء استوى وقف السياره على جنب وبعصبيه التفت لي : ارمي الزفته للي بحلقك ناظرته شريفه : وش فيك عليها ؟؟ فارس بعصبية وعناد : مو متحرك اذا ما رمت للي بفمها تعمدت اطلع صوت بالعلكه بدون ما ارد بحرف واحد بس نقزت من صرخته : انا وش قلت ؟؟؟ شريفه ناظرتني : خلص يا شوق ارميها وفكينا من المشاكل رديت عليها ببرود وانا اعلك : والله انا حره وما له دخل فيني خله يسوق وهو ساكت هز راسه بتوعد ومسك الجوال بصراحه خفت يتصل بأبوي ويطلع سالفه تأليف من عنده مع شوي من البهارات وطبعا ابوي عنده فارس مصدق بكل شيء وبسرعه قبل ما يتصل قلت بقهر : خلاص رميتها ناظرني بالمرايه وللحين معصب بس نزل الجوال وما اتصل وحرك السياره مريم ودانا ما تكلموا ساكتين طول الطريق اول ما وصلنا نزلت من السياره وبسرعه توجهت للبيت بعد ما ضربت باب السياره بقوه وفارس نزل يتوعد *** *** *** *** *** انتهى البارت ....انتظر ردودكم | ||||
|
| |
|
13-04-16, 01:37 PM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| السلام عليكم ورحمة الله وبركاته ...اتمنى الجميع بخير ...... البارت الثاني ** ** ** ** نزل من السياره ما يشوف قدامه من العصبيه بس توقف لما مسكته امه من يده وبصوت راجي : الله يوفقك يمه خلي هالليله تعدي على خير وما نبغى مشاكل قاطعها وهو مفور من العصبيه : ما شفتيها وش عملت هزت راسها بالموافقة : شفت يمه بس خلاص تحملها علشان أمها أخذ نفس عميق يطفي البركان للي بداخله وفك يد امه بشويش وتوجه للبيت تنهدت شريفه بضيق وناظرت بناتها للي دخلوا بهدوء بدون كلام وتوجهت خلفهم وهي تستغفر ** ** ** ** ** باليوم الثاني قاعده على الارض قدام امها والدمعه بعيونها وماسكه يد امها : شفتي يمه أكيد رح يخطبون مريم كل نظراتهم تقول كذا فاطمه ناظرت شوق وكأنها تمثل مقطع وما مسكت نفسها واطلقت ضحكات عاليه وشوق تناظرها وهي فاتحه عيونها عالاخير : انا الحين اشكي لك وانت تضحكين فاطمه وهي تمسح دموعها من الضحك : هههههه حاضره فلم وجايه تطبقينه عندي ههههههه يقطع شرك يا شوق ههههه وضمتها وباستها على خدها بقوه شوق ابعدت نفسها عن حضن امها وتكلمت بقهر : انا اتكلم جد اي فلم واي خرابيط عريس المستقبل رح يطير مني وانت قاعده تضحكين فاطمه اخذت نفس وناظرتها والدموع بعيونها من بعد ما رجعت البارحه وبعد كلام فوزيه توقعت انهم رح يخطبون مريم مع انه من كانت شوق صغيره وعمها يقول انها لفهد بس ما تدري كيف صارت الحين مريم بالموضوع بس ما حبت تظهر قدام شوق ردت بهدوء : وخير يا طير خله يخطب مريم انت وهي واحد هذي اختك ولازم تفرحون لبعض شوق بقهر قاطعتها : لا تقهريني يمه بكلامك فوق قهري فاطمه حزنت عليها بالرغم من اخطاء شوق بس تبقى ابنتها للي انتظرتها من سنين قطعه من روحها تنهدت وردت : وش تبغين مني اروح اقول لهم لا ترى فهد لشوق ؟ حطت يدها على كتف شوق وبنبره حانيه : يا يمه كل شيء قسمه ونصيب اذا لك نصيب فيه رح يكون لك غصب عن الكل واذا ما لك نصيب فيه لو الكل موافق ما رح يتم النصيب شوق بغصه : ادري يمه بس صعب موقفي كيف اختي تأخذ مني قاطعتها فاطمه : يمه انسي ولا تفكري بالموضوع وبعدين بعدك صغيره ما شبعت من شوفتك خلك عندي على وش مستعجله هزت راسها والتفتت على ابوها للي دخل البيت قفل الباب خلفه بهدوء وتقدم للصالة ورد السلام وجلس بهدوء جنب فاطمه فاطمه بابتسامة ردت السلام وهي تهلي وترحب فيه ناصر ابتسم لها و ناظر شوق للي جالسه على الارض قدام امها هو بطبعه يحب النظام : ليه جالسه على الارض؟؟ شوق بتوتر : ها وبعدها وقفت ناصر ناظر فاطمه وابتسم : هالبنت نفسي اسألها وتجاوب بجواب مثل العالم والناس دايما تقول ها فاطمه ناظرت شوق للي وجهها احمر وتناظر الارض ابتسمت وهي عارفه شوق تستحي تكلم ابوها : شوق شوفي اخوانك بالغرفه تفقديهم هزت راسها وبسرعه طلعت من الصاله ابوها له هيبه عندها تتوتر بوجوده طالعها ناصر وهي طالعه وبعدها التفت على فاطمه ،: تصدقين اني احيانا اشك بالشكاوي للي اسمعها عن شوق لاني لما اشوفها اقول مستحيل تعمل كذا شكلها بريء ومو صاحبة مشاكل فاطمه بنفسها لا صدق وتعمل ابو ابوها بس ابتسمت على هبال بنتها للي تموت عليها وطالعت ناصر : بعدها صغيره باكر تكبر وتعقل قاطعها ناصر : اي صغيره الله يهديك ؟؟ للي بعمرها متزوجات وعندهم بزران وهي للحين لازم كل يوم تيجيني شكوى عنها واليوم فارس يشتكي منها طولت لسانها عليه حتى يقول انه فهد كان قريب وسمع وما احترمته والباب بغت تكسره ومع ذلك سكتت وما قلت لها شيء ولا فتحت معها الموضوع فاطمه ما تدري وش ترقع عن شوق : الله يهديها ناصر بهدوء : امين *** *** *** *** *** دخلت غرفه اخوانها وتنفست براحه وناظرتهم وهم يلعبون وبتحقيق بعد ما تخصرت : البارحه ليه تلعبون مع وليد وعبود ؟؟ خالد بلامبالاه : ذول اخواني ولازم العب معهم شوق بحده وهي تناظرهم : لا مو اخوانكم ذول ما يحبونا لو كنتم تحبون امي كان ما لعبتم معهم سامي : بس امي وابوي يقولون لازم نلعب مع بعض وما نفترق لأننا اخوان شوق رفعت يدها بتهديد: لا تبسبس من متى تسمع الكلام يا ويلكم اذا شفتكم تلعبون معهم الا اقول عنكم انكم وناظرتهم بتوعد خالد بخوف طفولي : خلاص ما رح نلعب معهم بس لا تقولين هز سامي راسه بالموافقه ابتسمت شوق بنصر وطلعت من غرفتهم وحقدها معميها ما فكرت انها قاعده تقطع بالرحم للي ربنا امرنا نوصلهم أطفال صغار ليه نزرع فيهم الحقد والبغض من الصغر ؟؟!! اطفال للي مفروض نزرع فيهم المحبه والتسامح بس حقدها وكرها اعماها ما ندري وين رح توصل بحقدها ** ** ** ** بنفس البيت بس بالدور الثاني جلست على سريرها وتكورت على نفسها وهي تفكر بعلاقتها بشوق ما تدري ليه تعاملهم كذا ؟؟؟ تنهدت وهي تفكر لو خطبها فهد وش رح تكون رد فعل شوق ؟!!! هزت راسها بالخفيف ما تبغى تزيد الفجوه بينها وبين شوق تذكرت لما قالت لأمها تقول لابوها يخبر فهد اذا يبغى يخطب انه يخطب شوق وهي يطلعونها من الموضوع كله امها عصبت عليها وقالت لها روحي بنفسك وقولي لابوك لانها عارفه نقطة ضعفها مستحيل تروح تقول لابوها وتطلب منه هالطلب حتى فارس لما سمع مسح فيها الارض يقولون هذا هبل زايد عندها لانه شوق ما تستاهل التضحية دوم يقولون لها انها هبلة وسهل انه ينضحك عليها بكلمتين تنهدت باستغراب غريبه هالدنيا للي يتسامح مع الغير يقولون عنه اهبل هي مو رافضه فهد بالعكس كل بنت تتمناه بس خايفه من العقبات للي رح تواجها اذا خطبها وشوق اكبر عقبها قدامها لانها تعرفها قوية وما رح تسكت عن هذا الامر رفعت راسها وقررت تروح تساعد امها بالمطبخ احسن من القعده مع افكارها العقيمة ** ** ** ** ** جالس بين امه واخواته وهو يسمع كلامهم حك راسه وهو يتذكر من زمان جده كان يقول رح يخطب له شوق بس الحين مريم دخلت بالخيارات رفع حاجب بتعجب صاير تغيرات على الموضوع وناظر امه للي تستخدم اسلوب الاقناع : يمه صدقني شوق ما تنفعك بنت ملسونه عكس مريم جمال واخلاق وسنعه خلود تكمل عن امها : وبعدين مريم بنت خالتك واولى من شوق يعني لازم تخطب بنت خالتي شريفه ناديا : بعدين انا سمعت عمي ناصر مو فارقه معه يقول مريم او شوق للي يبغاها يخطبها تنهد فهد وناظر امه : ومين قال لك اني ابغى اخطب الحين ؟؟؟ فوزيه عقدت حواجبها : انت قلت بعد ما تتوظف رح تخطب وهذا انت توظفت فهد هز اكتافه ببرود : قلت وغيرت رأيي ما افكر بالموضوع الحين فوزية بهتت ملامحها : يعني تبغى تطلعني كذابة قدام الحريم ؟؟؟ انا قلت لهم قريب نروح نخطب من بنات عمك ناصر تبغى تطلعني بسواد وجهي ؟؟؟ وقف وهو يحط يدينه بجيوبه : انت بطريقتك إلغي الموضوع واستأذن وطلع خلود ناظرت امها للي القهر باين بوجهها فوزيه تكلمت بقهر : اخوك رح يجلطني دينا : انا اقول انك تسرعت يمه المفروض خبرتيه قبل ما تقولين قدام الحري... قاطعتها فوزيه بعصبية : انقلعي عن وجهي ترى مو فايق لمحاضراتك حسبي الله على إبليس خلود تخفف عن أمها : انت الحين اهدي واترك الموضوع اسبوع يمكن يتقبل هالموضوع وانا متأكدة الاسبوع الجاي رح يوافق يخطب بس قاعد يتدلل علينا فوزيه بأمل ضعيف وهي تعرف ابنها اذا قال لا صعب يتراجع : ان شاء الله يوافق واطلع من الموقف البايخ للي انحطيت فيه ** ** ** ** في اليوم الثاني جالسه بالفسحه مع اميره بنت عمها ومنال بنت عمتها وصوت ضحكهن مرتفع شوي اميره قطعت ضحكتها وبتذكر : فهد ما جاء عندكم يخطب ؟؟؟ لوت شوق بوزها : لا ما جاء منال باستغراب : كيف رح يختار بينكم ؟؟ اميره بجديه وهي تناظر شوق : اكيد رح يختار مريم ما شاء الله تلفت الانظار يعني انا بنت وتلفت نظري كيف اذا شافها رجال ؟؟ يميزها جمالها ونعومتها ورقتها وادبها وذكا قاطعها ضربه على راسها من شوق وملامح الغيره على وجهها : وش رأيك نخطبها لك ؟؟ اميره ضحكت : ههههههه مو قصدي شيء بس انا اقول الحقيقه حتى ما تنصدمين بالواقع شوق بحنق : لا تخليني اقول تلاقيك شاحنه وتصدمك علشان تتكلمين زين منال ضحكت على شكل شوق : هههههههه والله انك تحفه يا شوق هههههه برطمت شوق شفايفها تتظاهر بالزعل اميره مطت خدينها وابتسمت : لا تزعلين يا حلوه انت تدرين لو عندي اخ كان خطبتك له وما بخطب مريم تدرين ليه ؟؟ حررت خدينها من اميره وابتسمت كلامها رفع معنوياتها شوي : ليه تختاريني انا ؟؟/ أميره وقفت وابتسمت : لانها مريم مثاليه كثير وانا ما افضل هذا النوع احب زوجة اخوي تكون مثلك منال غمزت لاميره وشوق : قصدك انها شوق همجيه ؟؟ وضحكت بصوت عالي فتحت شوق عيونها عالاخير : انا همجيه ؟؟؟ اميره وهي تحط يدينها على بطنها من الضحك ووجهها احمر : لا لا ههههههههه انا ما قلت هههه كذا هههههههه واشرت على منال : هي للي قالت وانفجرت من الضحك منال وهي تحاول تتكلم بدون ما تضحك: هذا معنى كلامك يا اميره هههههههههه تنهدت شوق وعدلت جلستها وغطت وجهها بيدينها سكتت منال واميره وناظروها وتندموا على كلامهم خافوا انها زعلت وجلستها كذا اكبر دليل اقتربوا منها وجلسوا على مستواها حطت اميره يدها على ركبتها وبندم : شوق أنا قاطعتها منال : والله مو قصدنا شيء كنا نمزح معك وانت تدرين بمعزتك عندنا اميره تكمل : والله فجأة حطت يدها على راسها مكان الضربه ومنال نفس الشيء وفتحوا عيونهم بدهشه وهم يشوفون شوق وقفت وهي تضحك : هههههههه صدق انكن مخبولات ههههه وقفت منال : يا دبه وركضت خلفها واميره معها حتى يمسكونها كانت تركض وتناظر للخلف وتمد لسانها وتضحك بصوت مرتفع فجأة حست نفسها ضربت بشيء ضخم وقاسي رفعت نظرها بصدمه وغمضت عيونها بألم من قوة الاصطدام ومنار واميره شهقوا وحطوا يدينهم على فمهم من الصدمه والبنات يناظرون الموقف بدهشه ...... ** ** ** ** ** ** نايمه بحضن أمها على السرير ودموعها تنزل بهدوء كل شيء يوجعها غمضت عيونها بألم مسحت فاطمة على شعرها بحنان : بعده يعورك؟؟ هزت راسها بالخفيف مو قادره تتكلم حاسه راسها يدور فيها للحين تكلمت فاطمه بحنيه : الحين مع المسكن بروح الوجع رجعت غمضت عيونها وما تكلمت والموقف ينعاد عليها كانت تركض وتضحك وهي تناظر للخلف ما انتبهت قدامها تفاجأت لما اصطدمت بشيء قاسي رفعت نظرها ما شافت الا بياض قدامها ومزين باللون الاحمر تحسست مكان الضربه وهي تحس بلزوجه مكان الضربة تأكدت انه اللون الاحمر للي على الجدار هو لون دمها ناظرت كتفها كان لونه احمر ضغطت مكان الضربه حتى توقف تدفق الدم للي كان وكأنه حنفيه حست بتجمع البنات حولها بس ما تدري عن شيء الا بعد ما رجعت على البيت بدت تستوعب للي حولها نزلت دموعها وهي تحس جسمها مهدد من قوة الصدمه غمضت عيونها بقوة وهي تتمنى تنام لعلها تنسى وجع جسدها ** ** ** ** ** ** ** بعد المغرب نزلت شريفة مع بناتها لبيت فاطمه دخلوا بعد ما سلموا وجلسوا بالصالة شريفه بهدوء : اخبارها شوق ؟؟ فاطمه هزت راسها : بخير الحمد لله شريفه : ان شاء الله ما تشوف شر فاطمه بهدوء : الشر ما يجيك دخل ناصر البيت ورد السلام ومشى بخطواته باتجاه غرفة شوق بس وقفه صوت فاطمه : اتركها يا ناصر دوبها نامت ناظر فاطمه وهز راسه ورجع جلس معهم بالصاله بعد ما اعطى فاطمه كيس صغير : هذي مسكنات للوجع هزت فاطمة راسها بعد ما اخذت الكيس وعم الصمت بالمكان للحظات وناظر مريم : انت كنت موجوده وقتها ؟؟ ناظرت مريم ابوها بتوتر : لا وناظر دانا : وانت ؟؟؟ دانا بنفس التوتر : لا فاطمه : ليه تسأل ؟؟ ناصر بقهر : ودي اعرف يمكن وحده من بنات المدرسة ضربتها قاطعته شريفه : بس منار واميره كانوا معها وقالوا انها ما انتبهت على الجدار واصطدمت فيه ناصر بضيق كل ما يتذكر شكل شوق ودمها : هذي السوالف ما تمر علي كيف ما انتبهت للجدار ؟؟!! يمكن يسترون على الموضوع ما يبغون تصير مشكله وبحده : والله لو ادري انه وحده من البنات ضاربيتها ما يحصل خير ليه ابنتي جايبها من الشارع حتى يضربونها ؟؟ فاطمة بهدوء : انا اعرف ابنتي مخبوله تمشي وما تناظر قدامها ما احد ضربها بس انت هدي وما له داع لكل ذي العصبيه هز راسه بتوعد : يصير خير وعم الصمت المكان وكل واحد غارق بأفكاره ** ** ** ** ** ** جالسين بالمطعم ويغلب الهدوء على الاجواء فارس بحقد : يا ليتها كانت القاضيه وماتت وخلصنا منها فتح مهند عيونه باستنكار : وش تقول انت ؟؟ استغفر ربك يا رجال فارس بفحيح : اكرها ما تتصور كرهي لها فهد باستغراب : بس ما تصل لذي الدرجة !! فارس هز راسه : تراكم ما تعرفونها ذي حيه وعض على شفته بكره خليني ساكت احسن لي تدرون وش للي خايف منه ؟؟ تقول انه وحده من اخواتي هي للي ضربتها فتح فهد عيونه بصدمه : معقول توصل لذي الدرجه ؟؟؟ فارس بحقد : واكثر من كذا تراها انسانه خبيثة خبيثة الله يكفينا شرها سكت مهند وفهد بصدمه ما توقعوا بنت عمهم تكون كذا !!!!! ** ** ** ** ** ** جلست على السرير بتعب وناظرت ابوها ونزلت نظرها وهي تفرك يدينها بتوتر :ءء كنت امشي وما انتبهت للجدار ناصر وكلامها ما دخل راسه : شوق هذا الكلام ما يدخل راسي وقف وهو يناظرها : هذا انا رح امشي باتجاه الجدار وبدون ما انتبه له ما رح يصير جرح مثل للي براسك قولي لي الصحيح مين ضربك ؟؟؟ فتحت عيونها على وسعها وناظرته : ما احد ضربني هز ناصر راسه بتفهم : براحتك واقترب منها وباسها على راسها واستأذن وطلع من الغرفة تنفست براحة من تحقيق ابوها وناظرت الباب لما شافت امها داخله ومعها كأسه عصير وتناظرها بابتسامة ردت الابتسامه لامها بتعب جلست امها على السرير بعد ما حطت الصينيه على جنب ومسكت يد شوق : كيفك الحين ؟؟ هزت راسها : بخير فاطمه بهدوء: اشربي العصير مفيد لك هزت راسها بهدوء وما تكلمت فاطمة بابتسامة: لو ادري انك بعد الضربه رح تعقلين كان من زمان ضربتك بالجدار هههههههه ابتسمت على كلام امها وما تكلمت فاطمة وهي تسحب منها الكلام : والحين ابغى بالتفصيل الممل كيف صقعتي بالجدار ؟؟ شوق بصوت متعب : كنت جالسه مع منار واميره ونضحك وقمت اركض وهم من خلفي يلحقوني وكنت اناظرهم وانا اركض بسرعه واما انتبهت لزاويه الجدار واصطدمت فيه بقوه هزت فاطمه راسها بتفهم : هذا درس لك علشان تتعلمين مره ثانيه تناظرين قدامك يا متسرعه هزت راسها ونزلت دمعتها وعيونها اغرورقت بالدموع مسحت فاطمة خدها وبابتسامه : ليه الدموع يا بعد روحي ؟؟ شوق بدموع : تمنيت وقت الحادث يكون عندي أخت توقف معي وتسعفني فاطمه وهي تمسح على شعرها : عندك اخوات بس انت مو معترفه فيهن ردت شوق بنبره استهزاء : أخوات ؟؟؟؟!!! فاطمه حطت اصبعها على فم شوق : خلاص ما ابغى تفتحين هذي الاسطوانه وتنهدت وهي تناظرها : ما ادري متى يطيح الحطب للي براسك ؟!!! ناظرت امها وسكتت ما لها مزاج تتكلم ** ** ** ** ** ** : انا كل عتبي عليك انت يا مريم انت الكبيره العاقله المفروض تكونون دوم مع بعض لازم تكونون يد وحده .......ما ادري وش اقول لك اختك بنفس المدرسه وبنفس المرحله وما تدرين عنها وما معك خبر عنها ؟؟؟ ليه اميره ومنال معهم خبر ؟؟؟ شريفة ترقع عن مريم : يا ناصر تراها شوق للي رافضه وجود مريم معها ناصر بحده :مو على كيفها شوق انت اختها الكبيره ولازم تسمع كلامك وتكون معك واذا رفضت تعالي وقولي لي وانا اتفاهم معها مريم ؛ بس انا ما احب افرض نفسي على حد ناصر بزعل : قولي انك ما تبغينها وانتهينا ما توقعتك كذا يا مريم لكن مشكوره وطلع من البيت مريم بصدمه من كلام ابوها سكتت وما ردت فارس للي دخل اخر الكلام انقهر : الحين ليه حطت مريم بالسالفة ؟؟ والله متوقع تحط مريم بالسالفه وقلت هالكلام من قبل لكن يصير خير وناظر مريم للي تبكي بصمت : لا تهتمي بقلعتها طالعت شريفة فارس بهدوء : اسكت تراك فاهم الموضوع شوق ما قالت شيء بس ناصر عاتب على مريم ليه ما يمشون مع بعض بالفسحة فارس بقرف : والله مو مضطره مريم تسد نفسها بالجلسه مع هالاشكال بالفسحه شريفه : وبعدين معك ؟؟؟ فارس ناظر مريم : ولا تهتمي لهذي الاشكال انا للي رح أخذ حقك منها وتوجه لغرفته وهو يتوعد هزت شريفه راسها بضيق : لا حول ولا قوة إلا بالله وناظرت مريم : ليه تبكين الحين ؟؟؟ مريم وعيونها حمر هزت راسها بالنفي: ما في شيء وراحت لغرفتها ودانا ووليد وعبود يناظرون بهدوء ** ** ** ** في اليوم الثاني راحت مع امها للمركز الصحي تنظف الجرح للي براسها ورجعوا عند البيت بعد ما دخلت امها شافت فارس نازل من الدرج ومستعجل بس وقف لما شافها ورفع حاجب باستهزاء : سلامات سلامات ان شاء الله المره الجايه تكون القاضيه ونرتاح منك للابد ناظرته بكره العالم وتكلمت : رح ابقى شوكه بحلقك وبحلق امك واخواتك احتدت ملامحه : وقسم بالله كلمه زايده عن امي واخواتي امسح فيك الارض لفت وجهها وطنشته ودخلت وقبل ما تقفل الباب ناظرته : إن شاء الله تموت امك واخواتك قدام عينك وما تقدر.. وبسرعه قفلت الباب بالمفتاح لما شافته متوجه لها صرخ بصوت عالي : والله لتندمين يا زفته وتمتم الله يأخذك ويريحنا منك وتوجه طالع من البيت وهو يغلي من العصبيه يكرها وشوفتها تنرفزه ** ** ** ** دخلت لغرفتها واسندت نفسها على الباب وهي تتمنى تغير من حالها مشكلتها تتنرفز وتتكلم بدون وعي توجهت تبدل ملابسها بحذر بعدها ناظرت نفسها بالمرايه وجهها منفخ من حر الضربه انتفخ للحين أثار الدوخه فيها ناظرت الباب لما شافت خالد دخل عليها : تعالي جدتي لطيفه هنا تنهدت وهزت راسها وطلعت من الغرفه خلف اخوها دخلت الصاله ولما شافتها الجده وقفت وعملت فلم آكشن وجلستها جنبها وباهتمام مسكت يدها : يوجعك شيء ؟؟ هزت شوق راسها بالنفي بدون ما تتكلم طالعتها الجده وهي تمسح دمعها من طرف عينها : يا ويلي عليك كيف وجهها منتفخ انا ما ادري انه صاير كذا قالوا شوق ضرب راسها بالجدار وهي تمشي ما كنت ادري انه هالجدار عامل فيك الحسايب لو كنت ادري كان من البارحه كنت فوق راسك ناظرتها شوق وبنفسها الحمد لله انك ما دريتي كان صجت راسها من البارحه ما تنكر حنان جدتها لها بس لما تتذكر انها هي للي شجعت ابوها على الزواج تكرها مدت الجده يدها للي كلها تجاعيد ومسحت على شعرها بحنيه : الحمد لله انك بخير يا حبيبتي وناظرت فاطمه للي دخلت ومعها صينية العصير : ترى انا ما رح اجلس عندكم لحتى اطمئن على شوقتي انها بخير فاطمه بابتسامة : حياك الله البيت بيتك خالتي شوق برطمت شفايفها وبنفسها عشتو هذا للي ناقص تقابل خشتي لاجل غير مسمى والله لتطلع روحي فيها جدتي واعرفها الله يكون بعوني ناظرت امي للي قرصت عيونها تتوعد فيني تبغاني اتكلم وارحب فيها ناظرت جدتي : ما في داعي تكلفين على نفسك يا جده وتجلسين هنا انا بخير فاطمه اعطت شوق نظره حاره وغيرت الموضوع : نور البيت بوجودك يا خالتي الجده بابتسامة : منور بوجودك وين ناصر ؟؟ فاطمه : قريب يوصل ان شاء الله ارتاحي يا خالتي وبدت فاطمه والجده بالسوالف باندماج وشوق حاطه يدها تحت خدها وتسمع السوالف بملل *** *** *** *** *** بعصبية : انت تبغى تجلطني ؟؟؟ فهد ببرود : وليه اجلطك ؟؟ فوزيه مو عارفه كيف تقنعه تمنت لو لسانها انقص ولا تكلمت قدام الحريم هذي جزاتها فرحانه انها تبغى تزوجه وتفرح فيه تنهدت وتكلمت بنفاذ صبر : لما يرجع ابوك انا رح اخليه يتفاهم معك يعني بعد ما قلت للجماعه جاي الحين تسود وجهي فهد مو عاجبه تصرف امه : ومين قال لك تروحين تقولين لهم ؟؟؟ انا الحين ما ابغى اخطب ولا مفكر بالموضوع وخاصه بهذا الوقت فوزيه بقهر : اعطيني سبب واحد بس يقنعني حرك فهد شفتيه بملل وقبل ما يتكلم تكلمت خلود وهي داخله : يمكن مو عاجبه بنات عمه ناظرها فهد وابتسم : أموت على للي فاهميتني فتحت فوزيه عيونها بصدمه : وش تقول ؟؟؟!!!!! ** ** ** انتهى البارت .......انتظروني يوم الخميس بإذن الله .... لا يلهيكم البارت عن الصلاة ......دمتم بخير | ||||
|
| |
|
15-04-16, 11:15 AM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| السلام عليكم ورحمة الله وبركاته ....أتمنى الجميع يكون بخير ^_^ البارت الثالث ** *** **** ***** ****** ******* ****** ***** **** *** ** * 3333333 جالسه بالغرفه وتحس بالكتمه مخنوقه من لما ضربت بالجدار ما طلعت من البيت كانت تسلي نفسها بالمدرسه اما الحين كونها ماخذه اجازه تحس بالملل فتت روحها وامها مو بالبيت واخوانها طالعين مع العيال توجهت للمرايه وناظرت نفسها وهي تتحسس ملامحها للحين تحس في انتفاخ بوجهها للي يشوفها ينصدم متغيره مع الانتفاخ اميره ومنال وبنات عمها زاروها الامس وتحمدوا لها بالسلامة تحسست مكان الضربه بشويش تنهدت وقررت تطلع للحديقه تغير جو طلعت من البيت وناظرت المكان بتملل ومشت خطوات بطيئة تناظر حولها رفعت نظرها للدور الثاني وحست بكتمه بداخلها وجودهم معها بنفس المكان يخنقها لو كانوا بمنطقه ثانيه يمكن يكون اخف عليها ما تتوقع ييجي يوم وتحبهم جلست تحت شجره النخيل واسندت ظهرها عليها بعد ما ضمت رجلينها تفكر بحياتها وش يخبي لها المستقبل ؟؟؟؟ حاسه بتخوف بداخلها للايام الجايه وما تعرف سببه ناظرت السماء بلونها الازرق وبعض الغيوم تغطي السماء جلست تتأمل الغيوم وهي تتخيل اشكال كونتها الغيوم بحركتها تحب تتأمل اشكال الغيوم وهي سارحه بافكارها تنهدت ووقفت وهي تحس بالحر بعد ما فركت عيونها من اثر النظر للسماء ونفضت ملابسها وعادت ادراجها للداخل بس توقفت لما شافت دانا نازله عن درج بيتهم وتناظر شوق وبعيونها كلام وبدون ما تسألها شوق تكلمت وهي تصطنع البراءه : بارك لمريم فهد خطبها ناظرت دانا وحست كلامها صاعقه ضربت جسدها حتى افحمها وصارت كوم من فحم اسود بلعت غصتها وهي تحس وكأنهم اخذوا حق لها من صغرها وهي على اسم فهد وش رح يكون موقفها قدام بنات عمها وصديقاتها عضت على شفتها وهي تكرر بنفسها صديقاتها للي دوم كانت تكلمهم انها مخطوبه لفهد رسمت احلام ورديه لحياتها المستقبليه والحين كل شيء بلحظة اختفى وحل مكانه سواد بسواد غمضت عيونها بلحظات تستوعب الكلام وبداخلها تردد المفروض يخطبها هي كيف تحولت السالفه وانقلبت لصالح مريم كيف اختار مريم ؟؟/ ومتى اختارها ؟؟؟ شدت على قبضة يدها وناظرت دانا للي تتكلم وشوق مو يمها بالها مشغول ما تبغى تسمع شيء خلاص صرخت بصوت عالي : انقلعي عن وجهي الله يأخذك انت وامك واخوانك كلكم ان شاء الله تموتون كلكم شريفه طلعت على صوتها : وش فيه يا شوق ؟؟ صوتك طالع ؟!! شوق بكره وعصبيه وهي تردح بيدينها : تعملين نفسك غشيمه مو عارفه !! اشبعي انت وبنتك بعريس الغفله ما استبعد اي شيء عنكم حبكتيها مع اختك فوزيه وخلتيه يخطب مريم وبنبره حقد يا خطافات الرجاجيل شريفه تضايقت من كلامها ومسكت نفسها انها تعطيها كف يمكن لسانها يتعدل وبحده : شوق وش هالكلام ؟؟؟؟ احترمي نفسك مريم ببراءه طلعت على صوتهم : وش صاير ؟؟ شوق بقهر : لا تفكري انت وامك وخالتك اني ميته على هالفهد ! لا يا حلوه لاني ما اتشرف اخذ واحد عديم شخصيه يعني بالمختصر خروف وطرطور لامه وخالته اخذتن ابوي والحين سكتت بقهر وطالعتهن بنظره ناريه ودخلت لبيتهم قفلت الباب واستندت على الباب وعيونها تلمع بالدموع غافلتها دمعه ونزلت على خدها مسحتها بأصبعها بشويش وتوجهت لغرفتها وهي تحس بالقهر كيف خطب مريم ؟؟!!! متى صار هالكلام ؟؟؟؟؟ رمت نفسها على السرير خلاص كرهت الدنيا والعالم كله ** ** ** ** ** شريفه باستغراب بعد ما دخلت شوق : علامها ذي هبت فينا كذا ؟؟ مريم : ليه تكرهنا كذا ؟؟ شريفه ناظرت دانا باتهام : قلت لها شيء ؟؟ دانا : ايه قلت لها انه فهد خلاص خطب مريم شريفه بحده : من وين تجيبين هذا الحكي ؟؟؟ مريم بنبره لوم وهي تناظر دانا : فهد ما خطبني حتى تقولين كذا عيب هذا الكلام يا دانا وبعدين انا وشوق ما في فرق لو خطبها والله لافرح لها ليه كذا تعمل ؟؟ ومصره تعمل حاجز بيننا !! دانا لوت بوزها : هذي مريضه نفسي والله لاقول لبابا عنها قاطعتها شريفه بتوعد : وقسم بالله لو اسمع كلمه وحده وصلت لابوك او لفارس ما يصير لك خير هزت راسها بعدم اقتناع ودخلت خلف امها للي كانت مستغربه وهي ومريم كيف هبت فيهم شوق وكأنها بركان بس ما حد انتبه للشخص للي كان واقف قريب من البوابه الخارجيه ويسمع الكلام بدون ما يشوف الاشخاص ** ** ** ** ** في اليوم الثاني جالسه بالصاله وبتلعب على جوال امها بعد ما قررت تنسى موضوع الخطوبه وما تعكر مزاجها فيه تناظر الجوال ومتحمسه واصابعها يتحركوا على الشاشه وكأنها آله هلكت حتى وصلت للدور النهائي وهي مندمجه عند اخر مرحله وتحصل على المركز الاول رن جوال امها وكانت شريفه انقهرت لما شافت كل جهودها طارت بالهواء والسبب شوشو وبعصبيه بدون وعي ضربت الجوال بالجدار بعصبية وبعدها استوعبت الموقف و عضت على شفتها بندم لما شافت جوال امها تكسر وكل قطعه على الارض وبسرعه ركضت تجمع بقايا الجوال وهي تشتم نفسها وقلبها يدق طبول من الخوف لو يدري ابوها لفت للخلف ومدت يدها تلتقط البطاريه بس وقفت يدها لما شافت رجلين قدامها رفعت راسها ببطئ وبلعت ريقها لما شافت امها متخصره وتناظر فيها بنظره قويه شوق بتردد وخوف : ي يمه فاطمه بعصبيه : وجع شوفي وش عملت بالجوال وبتوعد ابوك على وصول خله يتفاهم معك لاني خلاص طق كبدي من تصرفاتك الغبية وقفت شوق عند امها وبندم : والله ما كان قصدي والله ما اعيدها بس لا تقولين لابوي فاطمه تهز راسها بعناد : خليه يتفاهم معك شوق بقهر من امها : كل هذا علشان جوال فاطمه بعصبيه من عدم مبالاه شوق وكل ما تكبر يقل ادبها وبقهر من تصرفها قرصتها بيدها بقوه : ايه علشان جوال يكفي اني ما قلت له عن سواد وجهك البارحه مع ام فارس تراني صرت انحرج من تصرفاتك وانحرج من... سكتت بعد ما ناظرتها بقهر ودخلت على المطبخ شوق تناظر زول امها للي اختفى عن انظارها وبصوت عالي مقهور وهي تفرك مكان القرصه : هذا جزاتي لاني اتكلم كذا من حرقتي عليك لكن خلي شريفه تنفعك دوم واقفه بصفها وانا اخخخخخ يالقهر عضت على شفتها وتوجهت للغرفه وهي مفوره من العصبية ** ** ** ** ** ** تعوذت فاطمه من الشيطان بس حركاتها وكلامها يستفزوها حتى الجوال وما سلم منها كل ما كبرت يزيد جنونها ما تدري وش سببه ؟؟!! مع انها دايما تحاول تغرس فيها الاخلاق الحلوه بس هي تتكلم يمين وشوق بالشمال تعبت معها وما تدري كيف تتعامل معها *** *** *** *** دخل ناصر معصب ونادى على فاطمه طلعت وناظرته مستغرب من عصبيته : وش فيه ؟؟؟؟ ناصر : ليه ما تردين على الجوال ؟؟؟ ام فارس اتصلت فيك وما رديتي وبعدها اعطى مقفل لما نتصل عضت شفتها فاطمه لما تذكرت انها طلبت منه وهم راجعين يتصلون فيها توصيهم على بعض الحاجيات وبترقيع عن شوق : وقع الجوال وانكسر ناصر زفر بضيق وجلس على الكنبه : دامه كذا مسموحه وبنبره هادية : خلاص اليوم يوصلك احلى جوال فاطمه براحه : تسلم ما تقصر قاطعهم دخول سامي : يمه وين الغداء ؟؟؟ فاطمه ناظرته : روح نادي اخوانك وتعال سامي : ان شاء الله بعدها بلحظات دخلت شوق وهي تتكلم مع خالد وتضحك ومبسوطه على الاخير ناظرتها فاطمه بطرف عينها وهي فاقده الامل منها قاعده تضحك ولا كأنه شيء استوى بس لما شافت زول ابوها سكتت وبلعت ضحكتها ابوها له هيبه في نفسها وتحسه انسان جدي جلست بهدوء بعد ما ردت السلام وبدت تتناول الاكل بهدوء عم الصمت بالمكان الا من صوت الملاعق لانه من طبع ابوها ما يحب الكلام على الاكل كانت تحس بنظرات ابوها يطالعها كل شوي اكملوا تناول الاكل وانسحب ناصر للصاله ينتظر الشاهي لازم بعد الغداء يشرب شاهي اما خالد وسامي رجعوا لغرفهم يذاكروا نظفت الطاوله فاطمه وتوجهت تجهز الشاهي تحت انظار شوق للي جالسه على الكرسي تكلمت فاطمه بدون ما تناظرها : ودي الشاهي لابوك الحين ألحقك وقفت بهدوء واخذت الصينيه وتوجهت للصاله لعند ابوها للي ماد رجوله على الكنبه بعد ما شاف شوق عدل جلسته ناولته شوق الشاهي وكانت تبغى تروح لغرفتها بس وقفها ناصر : شوق علامها يدك كذا ؟؟ شوق تلقائي حطت يدها مكان قرصة امها : ها وبترقيع يمكن ضربت بالباب ناصر عارف ومتأكد انه الاثر هذا مكان قرصه فاطمه اذا بغت تضرب العيال تقرصهم وبنفس الوقت يعرف انه فاطمه ما تضرب الا لما تكون السالفه قويه ربط الاحداث بعقله الجوال مكسور وفاطمه ضربت شوق فاكيد صار شيء وبحده : ليه ضربتك امك ؟؟ فاطمه وهي بالمطبخ لما سمعت صوت ناصر طلعت تشوف وش السالفه لما وصلت وسمعت كلامه : وش فيه ؟؟ ناصر : ليه ضربتي شوق ؟ وقبل ما تجاوب كمل : علشان الجوال ناظرته فاطمه وهي عارفه ذكاء ناصر خافت يروح باله بعيد تكلمت : امممم بصراحه ترى شوق هي للي كسرت الجوال وقع منها وتكسر وانا عصبت وقرصتها هز ناصر راسه وطالع شوق ساكته : لمتى تريحين امك وتعقلين ؟ وما انتظر منها اجابه وناظر فاطمه :تعال اشربي شاهي ناظرتهم شوق وطلعت بهدوء كانت فاطمه تبغى تسأل عن فهد وش صار بالموضوع بس ترددت وقررت تنتظر وتشوف وش رح يصير ** ** ** ** مر يومين والوضع هادي لبست العبايه وبدت تعدل الشال وترتبه تبغى تروح مع امها بعد المغرب عند صديقتها بس افزعها لما دخل خالد عليها : شوق ابوي يبغاك ضروري بالمجلس وتراه معصب ويقول لك .. وقبل ما يكمل كلامه بدون وعي من الخوف توجهت للمجلس تركض وقلبها يتراقص من الخوف وهي تتذكر وش عملت حتى ابوها يطلبها عضت على شفتها وهي مو ذاكره انها عملت شيء وتردد بداخلها والله ما عملت شيء ولا شيء وحتى شوشو وعيالها ما شفتهم وبتذكر ايه قال لي ارتب المجلس ونسيت يا فضيحتي الحين ودخلت المجلس مدرعمه وبدون وعي تكلمت وبنبره خوف : والله نسيت انظفه بس وقفت وبلعت ريقها لما شافت فهد جالس بالمجلس تمنت الارض تنشق وتبلعها موقف ما تنحسد عليه ابدا داخله عليهم مثل الغبيه صدقت منال لما قالوا واميره همجية طالعت ابوها للي تكلم : اجلسي يا شوق رجعت خطوه للخلف بس صوت ابوها الحازم خلاها تجلس بأقرب مكان لها جلست وهي خلاص شوي وتبكي على هذا الموقف للي انحطت فيه وبسرعه لمعت فكره في بالها فهد بالمجلس وابوها وهي فهذا يعني انه جاي يخطبها حست تبغى تطير من الفرح وتحلق لبعيد من الفرح بس سرعان حست جناحيها انقصوا وهوت على الارض لما شافت من الباب الخارجي للمجلس شريفه ومريم داخلات سلمت شريفه على فهد وجلست وجنبها مريم للي وجهها مورد من الحياء بعد صمت لثواني بعدها تكلم ناصر : شوف يا فهد ذول بناتي لك حرية الاختيار بينهم عضت شوق على شفتها بقهر تستوعب الكلام ؟!!! وش شايفهم بندوره وخيار حتى يختار ؟؟؟ وش هذي المهزله ؟؟ لازم تنهي هذي المهزله ؟؟؟ وش يظنونها مشفوحه على الزواج حتى يحطونها بهذا الموقف ؟؟؟؟ اذا الزواج رح يكون بذي الطريقه تفضل انها تعنس طول حياتها ولا تبقى دقيقه هنا استجمعت كل قوتها حتى توقف كل هالمهزله وناظرت ابوها وتبخرت شجاعتها لسانها انربط مو قادره تتكلم قررت تطلع وتترك لهم المجلس بدون كلام بس رجلينها خانوها ناظرت مريم للي كانت ملفته للنظر بأناقتها وترتيبها وجمالها وبنعومه بشرتها الخاليه من الميك اب بمقارنه مع نفسها وهي تتذكر شكلها قبل ما تطلع من الغرفه اكيد مريم هي للي رح يختارها حست بالدمعه بعيونها متحجره وش هذا التصرف ؟؟ لو كانت تدري كان ما دخلت ورح ترفضه لانها مو بندوره يعرضها ابوها كذا !!! وبنبره اضعف او على الاقل اعطوها خبر ترتب نفسها مو تدخل مدرعمه مثل الغبيه العبيطه قرفت حياتها خلاص متى تطلع من المجلس ما تبغى فهد ولا غيره وجودها بالمجلس يخنقها اكثر ناظرت بطرف عينها وشافت فهد عيونه مسلطه على مريم كيف ما يناظرها وهي بهذا الجمال ؟!!! وشريفه ابتسامتها شاقه الحلق ومريم عيونها بالارض من الحياء غمضت عيونها وهي تسمعه يكلم مريم : اي سنه يا مريم ؟؟؟ مريم رفعت عيونها للحظات ونزلتهم للارض وتوردوا خدودها وزاد جمالها بذي الحركه وبصوت ناعم هادي : ثالث ثانوي فهد بابتسامة : على خير ان شاء الله وش ناويه تدرسين ؟؟؟ مريم باحراج : حسب المعدل فهد : ان شاء الله تحصلين علامات ترفع الراس وتدخلين التخصص للي تبغينه شريفه بابتسامة: ان شاء الله ناصر : تراها من الاوائل وان شاء الله تجيب نسبه ترفع الراس فهد بابتسامة يناظر مريم : ان شاء الله تستاهل مريم كل خير كانت تحس نفسها موجوده بالمكان للي غلط اصعب شعور تكون على الهامش يتكلمون ولا كأنها موجوده زاد حقدها على شريفه ومريم ما تدري ليه نادوها يمكن فازا بالزاويه للزينه تنهدت بنفسها ويا شين هالفازا بلعت ريقها لما سمعت فهد يتكلم بهدوء وهو يناظر ابوها : والله يا عم نسبك يشرفني وبناتك اعزهن واحترمهن وان شاء الله ما احد يزعل من اختياري وكل شيء قسمه ونصيب بعد اذنك يا عم اقول اختياري ناصر : هذا حقك وما حد يزعل الزواج حياه يختار شريكه للي يناسبه حتى يكمل حياته معه وسواء مريم او شوق كلهم بناتي واتمنى لهم الخير ولولا اني اعرفك مثل ولدي ما سمحت لك تختار بينهم فهد بابتسامة : تسلم يا عمي اخذ نفس وتكلم بهدوء : والله يا عمي انا اطلب يد مريم تهلل وجه شريفه ومريم حمر وجهها من الاحراج اما ناصر تكلم بهدوء وبداخله ضيق ما يدري وش سببه ما ينكر انه كان يبغى يكون الاختيار من نصيب شوق لها معزه بقلبه تفوق كل اخوانها يكفي انها بنت فاطمه بس مستحيل يفرق بين عياله مثل ما يعامل بنت فاطمه يعامل بنات شريفه تنهد وتكلم :، على بركه الله وطالع مريم : مبروك يا مريم وفهد ان شاء الله رح يسعدك وناظر شوق والغصه بحلقه وقبل ما يتكلم استجمعت شوق قوتها وقفت بدون ما تناظرهم وملامحها جامده تحس انه كرامتها انهدرت وانذبحت خلوها مسخره وين امها تدافع عن حقها المغصوب ؟؟؟ طلعت وهي تجر اذيال خيبتها قفلت باب المجلس شدت على قبضة يدها اخذت نفس عميق تحاول تسترد روحها للي ذبحوها قبل لحظات مشت خطوات بطيئة شافت امها وهي طالعه من المطبخ : شوق وين كنت ؟؟ ناظرت امها للي المويه تمشي من تحتيها وهي ما تدري توجهت لغرفتها وما ردت على امها *** *** *** *** *** ما مسكت نفسها واطلقت زغروده تعبر عن فرحتها كيف ما تفرح وأمنيتها تحققت بعد ما خطب فهد مريم للي من زمان تتمناها لفهد ناظرت فهد ودموعها على خدودها من الفرح وبصوت تخنقه تعابير الفرح : مبروك يمه مبروك مسح على راس امه بابتسامة : الله يبارك فيك ومسح دموعها : ليه هذي الدموع ؟؟ فوزيه بابتسامة : من الفرحه واخيرا رح اشوفك عريس وبنبره استغراب : كيف خطبت وانت قبلها كنت رافض الزواج ؟؟؟ !!! فهد بضحكه قصيره : الحين اهون عن الزواج قاطعته بخوف انه يغير رأيه : كل شيء ولا تغير رأيك تعال تعال اجلس وقول لي وش صار لما شفتها مشى مع امه بابتسامة على لهفة امه *** *** *** في اليوم الثاني جالس بالمطعم مع فارس بهدوء فارس للي يضحك بصوت عالي : ههههههههه وبصوت منخفض : الحمد لله شمتتني فيها اكرها كره مو طبيعي يا ليتني كنت جالس وصورتها هههههههه فهد ابتسم مجامله ومن داخله يحس بالحزن على شوق بس كلامها استفزه لما قالت عنه خروف فحب يوريها الخروف والطرطور على اصوله ولما عرض عليه عمه انه يشوف شوق ومريم استغل الفرصه بس ما ندم على اختياره لمريم عجبته حيل فارس بابتسامة : شوف وش رح اعمل الحين ناظره فهد وابتسم وهو يناظره مسك فارس الجوال واختار الاسم وضغط اتصال وحط الصوت على السماعة الخارجية وابتسامته شاقه الحلق بعد كم رنه وصله صوتها :الو فارس بنبره سخريه : هلا والله اخبارك يا ب وبهتت ملامح لما شاف قفلت الخط احتدت ملامحه واتصل مره ثانيه انقهر لما اعطته مشغول فهد ضحك بهدوء : هههه وش تبغى فيها ؟؟ فارس حط الجوال بقهر : كنت ابغى اقهرها هالزفته فهد قاطعه: وانقلبت الايه وقهرتك ههههههه فارس وملامح القهر عليه : تخسى والله لتندم علشان مره ثانيه تقفل الخط وانا اتكلم فهد بمزاج رايق : لو يدري عنك عمي ناصر بيزعل اتركها بحالها فارس : ما ارتاح الا اذا نكدت عليها وبلقافه : ما قالت شيء لما اخترت أختي مريم ؟؟؟ فهد : يا لقافتك !!! قلت لك ما قالت شيء حملت نفسها وطلعت بهدوء حتى عمي ناصر كان يبغى يقول لها شيء بس طلعت وما تكلمت فارس بتفكير : تدري عندي موظف بالشركه افكر ازوجه لها واخلص منها فهد عقد حواجبه بانزعاج : الظاهر إنك انجنيت وبعدين عمي ناصر مستحيل يقبل فارس بغموض : انا اقنعه وبتشوف سكت فهد وهو مو عاجبه تصرف فارس بس ما حب يجادله لانه يعرف عمه ناصر مستحيل يقبل بهذا الشيء ...... *** *** *** *** وقفت بضجر عكر مزاجها فوق ما هو معكر لو ادري انه هو للي يتصل كان ما ردت تحس للحين متنرفزه من صوته شتمت نفسها لو شافت المتصل قبل ما ترد تأففت بضجر وتوجهت للمرايه بقلب ميت موجوع ناظرت نفسها بتأمل عيونها أوسع من عيون مريم بكثير حواجبها نفس حواجب مريم تحسست انفها بارز للامام بطريقه تعجبها مو كبير ولا صغير مناسب مع تقاسيم وجهها عكس مريم انفها صغير كثير ناظرت فمها مو صغير بنات عمها وصديقاتها يقولون اجمل ما فيك لما تبتسمين شفايف ممتلئه رسمتها جميله وخاصه مع الابتسامه والغماز تطلع شيء جذاب اما مريم فمها صغير كل شيء فيها صغير وجميل تجذب كل من شافها بأناقتها ونعومتها واكبر دليل البارحه فهد انسحر بها وظل يطالعها طول الوقت عضت على شفتها وهي تفكر المفروض ابوها ما دخلها وللحين الضربه اثارها واضحه على وجهها وبفحيح امل يمكن لو انتظروا حتى تروح الاثار يختارها فهد بس سرعان ما نفضت الفكره من راسها ما تبغى فهد ولا غيره خلاص عافت الزواج قررت تبغى مع امها طول حياتها وخلي الزواج لبنات شريفة ما خبرت أمها عن للي صار البارحه وقررت تنسى كل شيء وكأنه ما صار بس لما تتذكر الوضع للي انحطت فيه وكيف كانت وكأنها جدار تزيد حقدها على مريم وامها وعلى فهد مو طايقه تشوفه تنهدت تتمنى يروح الكره والحقد للي بقلبها بس غصب عنها تحقد عليهم مو بيدها وللي قهرها ابوها كيف رضي بهذي المهزله كيف وافق ؟؟؟!!!!! *** *** *** *** *** بعد يومين اميره بعدم اقتناع: يعني ما تضايقتي لانه خطب مريم ؟؟؟ شوق ببرود : وليه اتضايق ؟؟؟ اصلا ما يهمني ولو خطبني كنت رح اوافق علشان ابوي بس والا فهد ما همني بقلعته اميره مو قادره تصدق لانها عارفه صديقتها الروح بالروح دوم ترسم احلام ورديه مع فهد والحين كله تقول ما له اصل : طيب كيف اختار مريم ؟؟؟ يعني هو جاء وقال ابغى اخطب مريم ؟؟؟ شوق بنرفزه من الموضوع وذكرتها بالموقف البايخ للي انحطت فيه : وانا وش عرفني ؟؟ بقلعته هو ومريم اميره بابتسامة: علامك تقولينها بكذا وقبل ما شوق ترد قالت : انتظري شوي وش تقولين ......مين للي قال لك ؟؟ ........ وش رح يعملون ؟؟؟ ........ شوق للي كانت متنرفزه : انت وينك رحتي ؟؟؟ ومع مين تتكلمين ؟؟ اميره : هذي امي تقول انه الفحص بين فهد ومريم مو زابط شوق : وانا وش دخلني ؟؟؟ اميره : يعني الحين عمي ناصر رح يزوجك لفهد علشان الناس قاطعتها شوق بعصبية : تخسين اخذ هذا الخروف وبعدين انا مو حجر احتياط ما تم الموضوع مع مريم يحطوني انا ؟؟ لو ما بقى ولا رجال بالعالم ما تزوجت هالفهد اميره بابتسامة : علامك عصبتي تراني ام..... قاطعتها شوق بعصبية : اكلمك بعدين لانه عندي شغل لازم انهي هالمهزلة وقفلت الخط وهي مفوره من العصبية واميره تطالع الجوال بصدمه ما توقعت تنفعل كذا وبسرعه رنت عليها قبل ما توصلها مشكله بس شوق اعطتها مشغول وطلعت من الغرفه ** ** ** ** جلست مع فاطمه للي ظاهر عليها التأثر بعد ما سمعت انه فهد اختار مريم ومع ذلك باركت لشريفه ومريم بكل محبه وتمنت لها السعاده بس مستغربه شوق ما فتحت السيره ولا تكلمت قطعت الصمت : وش رايك تطلعين للسوق وتشترين شيء للملكه ؟؟ شوق عقدت حواجبها : اي ملكه ؟؟؟ فاطمه : وش فيك ملكة مريم ابوك الصبح خبرني انه الفحص ممتاز والحفله رح تكون بعد اسبوع شوق بشرود وهي تتذكر مكالمة اميره سدت على يدها وهي تتوعد فيها كانت تضحك عليها التفتت على امها بذهن شارد للي تكلمها فاطمه ؛ وش رايك بعد المغرب اليوم نطلع ؟؟؟ شوق ببرود تتظاهر فيه : لا فاطمه رفعت حاجب : طيب وش ناويه تلبسين ؟؟ شوق بتفكير وتخطيط ردت بمراوغه : عندي الفستان الزهر فاطمه مو عاجبها بس بنظرها ولا البلاش : براحتك ** ** ** ** ** اميره بخوف رايحه جايه بالغرفه حاطه يدها على قلبها تروح تنشر هالكذبه للي قالتها عضت على شفتها بندم ما كان قصدها كانت تمزح معها بس توقعت شوق تصدق بذي السهوله عضت على اصبعها لو تدري امها او ابوها رح تروح فيها وخاصه امها تموت من القال والقيل بلعت ريقها لما شافت امها واقفه عند الباب _ اميره ناظرت امها وبلعت ريقها وملامح خايفه ام احمد : وش فيك ؟؟؟ هزت راسها بالنفي : ما في شيء ام احمد بحده : ليه تقولين فتحت عيونها عالاخير لما شافت ملامح امها المعصبه وبدايه السؤال ليه تقولين فأكيد امها وصلها الخبر غمضت عيونها بقوه تنتظر الاعصار من امها بس تنهدت براحه لما سمعت امها تكمل السؤال ليه تقولين لخالتك اني مو بالبيت ؟؟ طالعت امها بعباطه : ها ام احمد تنرفزت منها : وقسم بالله اذا عملت هالحركه مره ثانيه لا تلومي الا نفسك فاهمه هزت راسها براحه وبسرعه بعد ما طلعت امها اتصلت بشوق لمحاولة اخيره تقول لها انها تمزح بس تبغى تشوف رد فعلها حست الروح ردت لها لما سمعت صوت شوق للي تتكلم من رؤوس خشومها :نعم ؟؟ اميره بفرحه : الله ينعم عليك يا احلى ورده بالعالم وما خلت فرصه لشوق تتكلم عبرت عما بداخلها بسرعه : تراني كنت امزح معك يا دبه وبصوت قريب للبكاء : والله كنت امزح معك شوق مهما عملت اميره تحبها وبسرعه تسامحها تكلمت بثقل ويقال انها زعلانه : وهذا مزح ؟؟ انت متخيله لو انا تكلمت قاطعتها اميره بندم : خلاص انسي والله ما فكرت بالعواقب لو انت تكلمت وانتشرت هالكذبه شوق : تدرين امنيتي اشوفك الحين قدامي واصفعك كف على وجهك على هذا المقلب للي مثل وجهك خلاص قفلي ترى قلبي عليك مليان اميره بضحكه بريئه : صافي يا لبن ؟ شوق بدون نفس : صافي يلا طيري قفلت الخط اميره وسجدت على الارض شكر لله انه ما صارت سالفه بسبب كذبتها وبندم اعلنت توبتها ما رح تكذب مره ثانيه ما وصلها الا وجع الراس من الكذب ورددت بداخلها فعلا انه الصدق منجاه والكذب ما ييجي منه الا المصايب *** *** *** *** باليوم الثاني فاطمة بابتسامة : الله يجيب للي فيه الخير......ان شاء الله .......اكيد ما رح نلاقي احسن من مهند ... .. تسلمين .......والله ما ادري .......امممم خلاص اشوفك اليوم ...... الله يسلمك مع السلامة قفلت الخط شوق وابعدت شوق عنها : اعوذ بالله ملقوفه شوق بانتعاش : صدق يمه عمتي تبغى تخطبني لابنها ؟؟ فاطمه حطت الجوال جنبها : تراه كلام مو رسمي قالت انها تبغى تخطبك بس بعده ما صار شيء يا ويلك اذا سمعت انك متكلمه بحرف قدام حد شوق وتذكرت رفض فهد لها وانمحت ابتسامتها وببرود : ومين قال لك ابغى اتزوج ؟؟ فاطمه : ليه ناويه تعنسين ؟؟ شوق بلامبالاه : ايوه ابغى اعنس واجلس عندك طول حياتي فاطمه ابتسمت : لما تخطبين رح تغيرين رايك وبتشوفين شوق وقفت وتركت امها وتوجهت لغرفتها خلاص عافت الزواج تمنت لو كانت شاطره بالمدرسه وتشغل نفسها بالدراسه مسكت ورقه بيضاء وسرعان ما مزقتها ورمتها بالزباله وزفرت بضيق وهي محتاره هل ترفض مهند ؟؟ بس عيون امها للي كلها فرحه لما خبرتها ام مهند ما تدري تختار بين فرحه امها والا عضت على شفتها لما تذكرت عمتها كيف تحبها وتفرح بشوفتها صعب ترفض ابنها وتكسر بخاطرها حضنت راسها بيدينها وهي محتاره ما تدري وش يكون موقفها من الخطوبه هذي توقفت افكارها للحظه لو رفضت مهند رح يقولون انها تبغى فهد وعلشانه رفضت مهند مع انه فهد ما يعني لها شيء عضت على شفتها بقهر ذبحها التفكير وما استقرت على موقف محدد ** ** ** ** انتهى البارت .......انتظر ردودكم .... موعدنا البارت الجاي يوم الاثنين بإذن الله ........لا ابيح من ينقل روايتي بدون إذني .......دمتم بخير ^_^ | ||||
|
| |
|
19-04-16, 06:47 AM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الرابع ** : لا تهتمي يا مريم هذا نصيب مريم بتأثر وحزن لما تذكرت الموقف : صحيح انها تكرهنا بس الوضع للي كانت فيه بصراحه يجرح المفروض فهد ما اختار قدامنا لو اختار بعد ما طلع واعطى الجواب لبابا مو كذا الاسلوب شريفه : ما ادري عنه ليه قال كذا على طول دانا جلست جنب امها : خالتي فاطمه معها خبر قاطعتها شريفه : لا ما تدري عن شيء وانا لولا فارس خبرني كان دخلت المجلس معك مثل الاطرش بالزفه ابوك ما خبر حد بس الله اعلم وش في بالها هذي البنت اخاف تخرب الحفله مريم بخوف وهي تتوقع اي شيء من شوق : معقول تعملها شريفه : والله شوق اذا عصبت ما تشوف قدامها الله يهديها دخل ناصر البيت بهيبته مريم توترت لما شافت ابوها هي من الاول تستحي منه والحين مع الخطوبه زاد الوضع ناصر بهدوء جلس بعد ما رد السلام : وش صار على الغداء ؟؟ شريفه بابتسامة : جاهز توجهت مريم بسرعه تجهز السفره ** ** ** ** ** ناظر شريفه السعاده تشع من وجهها من يوم ما اختار فهد لمريم تنهد وهو للحين متضايق من الموقف بعد ما صار كل شيء تندم قد شعر راسه بس كل شيء قسمه ونصيب ناظرته شريفه وعقدت حواجبها باستغراب : وش فيك ؟؟؟ ناظرها وبدون نفس تكلم : ما في شيء شريفه بضيق من تصرفه وهي متأكده كل هالضيق لأن فهد ما اختار شوق وبنبره فيها من القهر : ترى كلهم بناتك !! ناصر اعتدل بجلسته وناظرها بحده : وش قصدك ؟؟ شريفة بندم على تسرعها ؛ ولا شيء ناصر وهو على نفس الوضع : للي بحلم يفسر اما تقعدين تقطين حكي هذا انا ما احبه وتركها وتوجه لغرفته ما يحب حد يقول انه يفرق بين عياله عمره ما فرق بينهم كلهم يعاملهم مثل بعض ليه تقول كذا ضرب بيده بالجدار لذي الدرجة باين الضيق بملامحه علشان شوق تنهد بعد ما جلس على السرير غصب عنه يميل لشوق بس عمره ما ميزها عن اخوانها كيف يميز بينهم والرسول وصى العدل بين العيال ولو بالقبله ما رح يفرق بين عياله لو كان اخر يوم بحياته سمع صوت فارس وهو يدق الباب عليه بهدوء ناظره وهو يدخل عليه وابتسم غصب عنه وكيف ما يبتسم وهو يشوف فارس قدامه صار رجال كبير اتسعت ابتسامته وهو يشوف فارس اقترب منه وباس راسه : ما تبغى تتغدى يالغالي ؟؟؟ هز راسه بالموافقه وهو يناظره وده يدخله بقلبه ويسكر عليه له معزه بقلبه ما يوصلها إنسان ويعامله غير عن كل الناس فارس ابتسم : علامك تناظرني كذا وكأنك اول مره تشوفني ؟!! ناصر تنهد : ما تدري كم افتخر فيك يا ولدي الله لا يحرمني منك فارس بمحبة : امين يلا قوم معي للغداء عز الله ما رح نلحق شيء وليد وعبود شفتهم دخلوا المطبخ وقف ناصر وابتسم : الله يهديهم إخوانك ذول ما ادري متى يكبرون ويريحوني من ازعاجهم ومشاكلهم هز راسه فارس : بيجي اليوم للي يكبرون فيه دخلوا المطبخ والكل جالس يستنى فيهم وليد حط اللقمه بفمه ولما شاف ابوه داخل بلعها بسرعه وحسها وقفت بحلقه كح كح كح وبسرعه مسك كاس المويه وشربه على نفس واحد واخذ نفس بعد ما دق على صدره ناصر جلس وناظره بنص عين : من الادب انك ما تسبق امك وابوك على الاكل وليد بترقيع : يبه بس لقمه عبود قاطعه : كذاب لا ترد عليه يبه امي قالت له انتظر ابوك و اخوك قال اذا خلص الاكل المطاعم وش وظيفتهم ؟؟ ناصر ناظر وليد للي بلع ريقه : صحيح هذا الكلام؟؟ وليد حك راسه باحراج : كنت امزح ههههه ناصر ضحك على ضحكته يسايره : هههههه وبحده قوم اشوف على غرفتك علشان لسانك الطويل يتربى وليد باعتراض : بس يبه ناصر بحده : انا وش قلت ؟؟؟ ناظر فارس يستنجد فيه وهو يعرف معزته وابوه ما يرفض لفارس طلب بس فارس افحمه : روح ذاكر باكر عليك امتحان فتح عيونه بقهر وهو يتوعد بفارس وتوجه طالع من المطبخ والباقي يناظر وساكت اما عبود يوزع ابتسامات ومبسوط على طرد ابوه لوليد بس فز لما سمع صوت ابوه : وانت يلا على الغرفه علشان مره ثانيه تنقل حكي وبحزم اكبر : يلاااا طلع عبود بدون اعتراض وتوجه للغرفه وضرب الباب بقوه طالعه وليد وهو مستلقي على السرير وضحك بشماته : تستاهل ما جاك يا فتان عبود بعصبية : ترى مو ناقصك الحين احط حرتي فيك تراني مو طايقك وليد ميل فمه بسخريه : لا انا اموت عليك اقول تلايط من هنا ترى شوفتك تجيب لي قاطعه عبود بعصبية : وليد خلاص انكتم نهض وليد نفسه شوي وبتحدي : واذا ما انكتمت وش رح تعمل ؟؟ عبود بعصبية هجم عليه واشتبكوا مع بعض بعراك بعد وقت من العراك ابتعدوا عن بعض وكل واحد يلهث بتعب ناظروا بعض وبعدها انسدحوا على الارض من الضحك وليد وهو يضحك : هههههههه شكلك تحفه هههههههه عبود رد وهو يضحك : شوف شعرك تقول صايبه التماس كهربائي هههههههه وضجت الغرفه بأصوات ضحكاتهم وبعدها جلسوا وناظروا بعض واشكالهم حوسه وتكلموا مع بعض : كم معك فلوس ؟؟؟ واطلقوا ضحكاتهم مره ثانيه وليد اخذ نفس : قوم قوم غداك اليوم على حسابي عبود ابتسم : إلى الامام سرررررررر اقترب وليد من عبود وحط يده على رقبته وحضنه وبصوت منخفض : بس جيب معك «...»ريال تراني مفلس دفعه عبود بخفه عنه : اقول انقلع وقلد صوته بسخريه : «قوم قوم غداك اليوم على حسابي » وهذي اخرتها !!!! وليد دفعه على ظهره بابتسامة : امزح معك يا رجال قوم ترى الجوع ذبحني وقفوا وجهزوا نفسهم وطلعوا من الغرفه بخفه علشان ما حد يشوفهم ويطلع لهم ابوهم بسالفه ثانيه وبسرعة انطلقوا خارج البيت تحت نظرات شريفه وابتسامتها مرسومه وهي تشوفهم يكبروا قدام عينها وليد صار عمره 15 وعبود عمره 14 بس تحسهم اكبر من عمرهم غمضت عيونها للحظات وهي تدعي ربنا يحفظهم لها ** ** ** ** ناظرته بحنق : وبعدين معك ؟؟؟ رد ببراءه : وش فيك ؟؟ ناظرته امه وبعدها اشرت على الواكس : شوف حطيت كل العلبه على راسك يا مهبول تأفف رائد : اففففف يمه قاطعته بحده : ولا تقل لهما اف كمل رائد بابتسامة : ولا تنهرهما . وصار يلعب بحواجبه ام رائد بعصبية : رائد طالعها : وش فيك من لما دخلت تصرخين علي ؟؟؟، تكتفت وهي تهز رجلها بعصبية : غسل شعرك يا غبي تراك تنهبل لما تيجي عندنا بح ما يصير فيك عقل ناظر امه وهو يظهر نفسه مو فاهم مع انه لما سمع انها اليوم جايه بسرعه توجه لغرفته يرتب نفسه هزت راسها بقهر منه : تعمل نفسك ما تدري ؟؟ بعد شوي راجع ويا ويلك اذا شفت شعرك بذا الشكل ما تلوم الا نفسك تكلم بحنق : يمه تراني مو صغير تعامليني كذا تراني رجال واعرف مصلحتي رفعت حاجب مو عاجبها : ايه رجال بس يا ليت يا رجال تترك هالحركات الطايشه طلعت من الغرفه وهي تكلم نفسها بصوت مسموع : عمره 15 سنه وعامل حاله رجال ابو 30 سنه ما اقول الا مالت عليك قاطعها صوته وهو مطلع راسه من الباب : ترى عمري 15سنه و 7 اشهر يعني قريب ادش 16 لفت وناظرته وارتفع ضغطها لما شافت شعره واقف كله وكأنه جني صرخت عليه : انقلع غسل شعرك مالت عليك قال 16 الله يصبرني عليك قال سن المراهقة الله يعيني اصبر كم سنه وتخلص هالمراهقه واشوف نهايتها معه ** ** ** ** ** وقفت بقهر نفسيتها زفت وقررت تروح مع امها عند خالتها تغير جو بس لو تدري انه فارس للي رح يوصلهم ما طلعت من البيت وقفت قريب من السياره وهمست لامها : خلاص هونت ما ابغى اروح مسكت فاطمه يدها وهمست : اقول اركبي وبلا هذره فاضيه شوق بعناد : ما ابغى اروح او خلي السواق يوصلنا اما هذا مستحيل اركب معه رجعت للخلف ناويه ترجع بس امها مسكتها من يدها ودخلتها السياره جلست وهي تتأفف ناظرها فارس وهو عافس ملامحه بقرف وهز راسه وحرك بدون ما يتكلم احترام لفاطمه والا كان سمعها كم كلمه تبرد حرته فيها طول الطريق الصمت يعم السياره الا من تهامس خالد وسامي تناظر من الشباك وهي مو طايقه حالها تحس هالفتره مضغوطه نفسيا بس تهللت ملامحها لما شافت رائد واقف ينتظرهم برا وقف فارس وعقد حواجبه وهو يشوف رائد واقف عند السياره وعيونه على للي داخل السياره رائد والابتسامه شاقه حلقه : هلا هلا تو ما نور البيت نزلت فاطمه وسلم عليها وعيونه على داخل السياره وبعدها سلم على خالد وسامي وزادت ابتسامته لما شافها نزلت من السياره تقدمتهم فاطمه للداخل وخالد وسامي ورائد وشوق يمشون خطوه ويتكلمون باندماج حس النار مولعه بداخله يبغى ينزل ويكسر راسها ويحط حرته بخالد وسامي للي الوضع عندهم عادي نزل من السياره وهو ناوي عليها بس عاد ادراجه لما شافها تركتهم ودخلت داخل وعيون رائد عليها حرك السياره وهو يتوعد برائد .... *** *** *** *** بصاله متوسطه الحجم باللون الابيض والاثاث مدمج باللون الاحمر والابيض وقف رائد وهو طاير من الفرحه وبمرحه المعتاد : خالتي بنتك هذي اشك إنها حوله ما تشوف قاطعته شوق : اقول تلايط من هنا يكون احسن ام رائد باستغراب : كيف صقعتي بالجدار ؟؟؟ حركت شوق شفايفها تتكلم بس قاطعها رائد وهو يدق على صدره :أنا اقولك كيف صقعت بالجدار وقف وهو يقلد شوق وصار يركض وملتفت للخلف حتى وصل الجدار وبخفه مثل انه ضرب بالجدار وصار يعمل حركات مسخره على شوق مسكت شوق الخداديه ياللون الاحمر وضربته فيها وناظرت خالتها : خالتي شوفي ولدك خالد وهو يتربع على الكنبه : تراه فنان مثل الدور بإتقان سامي : وكأننا نشاهد اختنا العبيطه لما صقعت بالجدار بث حي ومباشر شوق لوت بوزها : تغارون مني وقضوا الوقت وهم يتناقرون وام رائد وفاطمه جالسات مع بعض ومندمجات بالحديث ام رائد ما عجبها الكلام : وموافقه انا على مهند ؟؟ فاطمه : ايه موافقه ما رح تحصل احسن من ابن عمتها ام رائد : ورائد ؟؟ فاطمه عقدت حواجبها : وش فيه ؟؟؟ ام رائد : من يوم وهو صغير وانا اقول لك شوق له قاطعتها فاطمه مو عاجبها الكلام : لا تنسين شوق اكبر منه ام رائد : وش فيها اكبر منه عادي الرسول كان قاطعتها فاطمه : رائد بعده بالمدرسه بدك تربطين شوق حتى يجهز نفسه بعد عشر سنين وتخيلي بعد هالعمر والانتظار يغير رايه ويقول ما ابغاها لا فكيني من هذي السالفه وبعدين بعده صغير وش يعرفه بذي السوالف وشوق تعتبره مثل إخوانها خالد وسامي ام رائد لوت بوزها : خلاص خلاص انسي السالفه وخلي مهند ينفعك ما ادري ليه مستعجله علشان تزوجينها فاطمه بابتسامة : البنت مو فالحه بالدراسة حتى اقول ازوجها بعد الدراسه خلها تتزوج يمكن تعقل هالبنت ام رائد وهي تناظر شوق دموعها تنزل من الضحك : والله يا خيتي مو طالعه من نفسي يا رب تكون من نصيب رائد فاطمه مو عاجبها : اسكتي ناويه تخلين شوق تعنس حتى يجهز هالرائد ام رائد : تراه ما عندي غيره ما اسمح لك تقللين من قدره غمزت لها فاطمه : ومين للي قبل شوي فتح ملف شكاوي عنه ضحكت ام رائد بخفه : ههه الله يعيني عليه مطلع روحي هالولد يا ليته مثل خالد وسامي هاديين وما اشوف عليهم حركات المراهقه زي العله للي عندي فاطمه ابتسمت : صل على النبي لا تصكيهم عين وينجنوا ويصيرون مثل رائد وشوق ** ** ** رجعوا للبيت مع السواق وتوجهت شوق لغرفتها ونفسيتها أحسن بكثير غيرت جو ونسيت كل شيء يعكر مزاجها بعد ما بدلت رمت نفسها على السرير والإبتسامه مرسومه على خدها خلاص قررت توافق على مهند حتى تسعد أمها غمضت عيونها وهي ترسم أحلام وردية وخلال لحظات اخذتها أحلامها الوردية لعالم الاحلام ....... في اليوم الثاني صحيت بنشاط غير عن العاده طلعت للصاله وشافت خالد واقف ويعدل قميصه مشت بخفه حتى وصلت لعنده وضربته على رقبته كف :وش قاعد تعمل ؟؟ طالعها بعصبيه : عيدي هالحركه وشوفي وش يصير رجعت ضربته على ظهره بخفه : امزح معك يا دب ناظرها ويبغى يكسرها تكسير بس خاف بأي لحظه يدخل ابوه : يا ثقل مزحك رايقه على هالصبح تخففين دمك ؟؟ هزت راسها وهي تبتسم بعباطه : اليوم يوم الابتسامه العالمي ناظرها وهو عابس ملامحه مو رايق لسماجتها طنشها وطلع من البيت لما سمع صوت سامي ينادي عليه من برا ناظرته وهو يطلع وتمنت لو كان بنت كان الوضع غير تنهدت ورفعت نظرها باتجاه الصوت كان جوال أمها بحثت بعيونها عن أمها سمعت حركتها بالمطبخ توجهت للجوال الملقى على على الكنبه وحملته بخفه وتوسعت ابتسامتها لما شافت ينور بإسم أميره ضغطت الزر الاخضر وتوجهت لغرفتها ** ** ** ** ** طلع من مكتبه وهو يناظر الموظفين وعيونه تبحث عن شخص محدد في باله حس بالشخص للي حط يده على كتفه وبدون ما يناظره : هلا فهد فهد ناظره وحس انه يدور على حد : تبغى احد ؟؟ ناظره فارس وابتسم وغمز له : ادور على عريس شوق فهد سحبه من يده : يا رجال وش تبغى بوجع الراس اتركها بحالها فارس مشى معاه وقرر بداخله يرجع بعدين *** *** *** *** *** شوق بضحكه : ههههه بايخة أميره بتذكر : صحيح تدرين اليوم عمتي رايحين يخطبون سلوى خطف وجه شوق وبلعت ريقها وخلال ثواني تحطمت كل احلامها وبصعوبه نطقت : مين قال لك ؟؟ أميره بتأكيد : عمتي اليوم كلمت امي وقالت انه كان في بالها بنت بس مهند رفضها وقال يبغى سلوى بنت عمه تردد صدى الكلمه على مسمعها رفضها رفضها رفضها فهد شافها ورفضها ومهند بدون ما يشوفها رفضها عضت على شفتها وبغصه انهت المكالمه وهي تحس نفسها بقايا رماد وبكل سهول طار مع الريح مسحت دمعه نزلت غصب عنها اصعب شعور تكون مرفوض شدت على قبضه يدها غمضت عيونها بألم وتذكرت فرحة امها لما خبرتها عمتها انها ناويه تخطبها ما تبغى تزيد على امها يكفي قلبها انكسر مرتين ما له داعي تكسر قلب امها اخذت نفس تحاول تكون طبيعيه ورح تكتم بقلبها ولا تخلي حد يشتم فيها بس لمتى ؟؟؟؟؟ **** **** **** **** **** ** ام مهند جالسه وماده البوز وتهز رجلينها بتوتر ناظر امه ورفع حاجب : بعدك للحين زعلانه ؟؟ ردت بشراسه : ايه ولاخر يوم بحياتي رح ابقى زعلانه مهند : يا يمه هذا زواج وهذا اختياري ام مهند بحنق : وشوق وش ناقصها حتى ترفضها مهند : وأختي منال وش ناقصها ؟؟؟ ام مهند بقهر من تفكيره : زش دخل منال بالسالفه ؟؟؟ مهند تكتف : والله اشوف فهد خطب بنت عمه وش ناقصها منال ليه ما خطب أختي ؟؟؟ وفارس سمعت يبغى يخطب اميره بنت عمه ليه اختي وش ناقصها ؟؟ هذا هم خطبوا بنات عمهم وانا رح اخطب بنت عمي ام مهند عقدت : هذا وهم ربعك تقول عنهم ؟؟؟ مهند بلامبالاه : ربعي على عيني وراسي بس أختي اولى منهم مثل ما انهم ما خطبوا من عندنا فما رح اخطب من عندهم وخاصه هالش سكت وما كمل كلامه وكلام فارس عنها يتردد بذهنه مستحيل يقبل بفتاه تحمل صفاتها مع انه امه ومنال دوم يمدحونها بس فارس ساكن بنفس البيت وكاشفها على حقيقتها هز راسه وطرد كل هالافكار للي مالها داعي خلاص للي في باله نفذه وماله داعي يخوض بالموضوع استأذن من امه وطلع من البيت *** *** *** *** *** يوم الملكه من الصبح مقفله الباب على نفسها ما تبغى تروح وتشوف الشماته بعيون الناس مع انه ما حد يدري انه فهد جلس مع مريم وشوق واختار مريم ومن بعد ما رفضها مهند تحس نفسها خلاص لا والمشكله من قراده حظها تتدلل وتفكر انها توافق او لا وبالاخير طلع عريس الغفله رافضها اه يالقهر بنفس الوقت يرفضونها اثنين نوت تقضي وقتها بالغرفه وتتهرب من امها كلما تطق امها تقول بعدها تجهز نفسها ظلت على ذي الحال لوقت موعد الحفله طقت امها الباب فتحت الباب بخمول وناظرت امها وهي عافسه ملامحها شعرها مرفوع بإهمال ولابسه ملابس البيت شهقت فاطمه وهي تشوفها بملابس البيت وبعصبيه : ليه ما لبست للحين ؟؟؟ ناظرتها شوق وتكتفت : ما رح احضر فاطمه انقهرت من تصرفها : هذي اختك كيف ما تحضرين حفلتها شوق بقهر وكره : مو اختي انا ما عندي اخوات فاطمه تحاول تقنعها : الحين الناس تقول غيرانه علشان كذا ما حضرت قاطعتها شوق : خلهم يقولون ما يهمني احد فاطمه بتهديد : الحين اتصل بابوك وخله يتفاهم معك شوق بلامبالاه : اتصلي الحين ابوي عنده الرجاجيل مو فاضي لذي السوالف وما رح يرد على الجوال طالعت فاطمه شوق وهي تعرف راسها اليابس مستحيل تغير كلمتها ما يكسر كلامها الا ابوها والحين ناصر مو فاضي قررت تنسحب وبعدين تعاقبها على عنادها ** ** ** ** تنهدت بعد ما طلعت امها وبدت دموعها تجري على خدها مهما حبستهم الا ينزلون مجروحه مو قادره تنسى ما تضمن نفسها اذا حضرت الحفله ما تقومها على راس مريم وامها والا كيف تناظر عمتها بعد ما رفضها ابنها وحتى منال عضت على شفتها والدموع اخذت مجرى على خدودها امها مو شاعره فيها ولا حاسه بالموقف البايخ للي انحطت فيه وزاد قهرها وهي تتذكر بالمدرسه خلود ومريم مع بعض ويتساسرن مع بعض تحس انهم يجاكرن فيها وخاصة لما سمعت كلام انه فوزيه وخلود هم للي اقنعوا فهد بمريم تحس بالحقد عليهم مو من حقهم يتدخلن كانت محيره له ولما كبرت حبكوا الموضوع وخلوه لمريم بأي حق اخذوه منها ؟؟؟؟ وحتى مهند كيف يرفضها بدون ما يشوفها ؟؟؟ كيف ؟/!!!! غمضت عيونها بألم ورمت نفسها على السرير تشكي قهر الايام *** *** *** *** *** *** بأجواء الحفله والمكان مليان بالمعازيم الجده تهمس لفاطمه : وين شوق ؟؟؟ فاطمه بترقيع بدون ما تناظرها : تعبانه الجده ما اقتنعت بالكلام : انا اعرفك يا فاطمه عدل قولي الصحيح فاطمه بصوت منخفض فيه نبره حزن : لا تلوميها يا خالتي الجده بهدوء : كل شيء قسمه ونصيب ان شاء الله ربنا يرزقها ويوفقها فاطمه : امين تمت الحفله وكانت عائليه مع وجود تساؤلات عن شوق وخاصه من بنات عمها للي علاقتها معهم حميمه باستثناء خلود وكان العذر انها مريضه *** *** *** *** *** *** من خلال الكلام سمع انه شوق ما حضرت الحفله احتدت ملامحه بعصبية اكره ما عليه يكون حواجز بين عياله يبغى تكون علاقتهم مع بعض حلوه كثيره بس يحس شوق تحاول تحط حواجز بين عياله توجه لبيت فاطمه ودخل معصب وخلفه فاطمه شافها جالسه على التي في تقدم منها وهو يصفق بيدينه : ما شاء الله سمعنا انك مريضه ؟ طالعته شوق بخوف ونزلت نظرها للارض ناصر بعصبية : كيف ما تحضرين حفله اختك ؟ هذي اختك من لحمك ودمك غيرك يتمنى يكون عنده اخوه وانت ما شاء الله كل ما قدرت تقطعينهم انا كم مره قلت لك اخواتك حطينهم بعيونك وهم نفس الكلام والا لازم تكسرين كلامي ؟؟ وبنهر بسرعه روحي البسي عباتك واطلعي بارك لمريم شوق بصدمه مستحيل تبارك لها فوق ما سرقته منها لا مستحيل نقزت على صوت ابوها : بسرعه ناظرت امها تستنجد فيها بس صدمها كلام امها : عجلي وباركي لاختك توجهت لغرفتها وتحس في بركان بداخلها دخلت خلفها فاطمه بهدوء وهي تناظرها تترقب تصرفاتها لبست العبايه وتغطت وتوجهت لامها وبصوت مخنوق : ارتحتي الحين ؟؟ الحين ابارك لشوشو ومريم وانا مشاعري بالهواء لمتى تهتمي لكلام الناس اكثر من مشاعري فاطمه بحزن على شوق : بس يمه هذي اختك ولازم تكون علاقتك اقوى من كذا شوق وتحس بغصه : انت ما تدرين كيف فهد اختار مريم ؟؟ انت ما تدرين عن شيء اصلا وبنبره ضعف ابوي خلانا انا ومريم نجلس معه بالمجلس وطول الجلسه يسولف مع مريم وشوشو وانا مثل الكرسي ما حد عبرني وبالاخير قدامنا يقول لابوي انا ابغى مريم اكيد لانها احلى مني اختارها وباتهام مو انت دوم تقولين مريم احلى مني ارتاحي الحين هذا هو فهد اختارها وبألم والحين تبغيني اروح ابارك لها تركت امها وطلعت من الغرفه وتركت امها مصدومه من الكلام ما عندها خبر بالموضوع طلعت خلف شوق وهي عقلها مشوش بس ما لقتها وتأكدت انها طلعت لبيت شريفه تبارك لمريم وبسرعه توجهت خلفها *** *** *** *** *** دخلت بيت شريفة وعيونها تجول بالمكان تبحث عن قطعه من روحها مكسوره قلبها دق بقوه وخوف لما بحثت عنها وما لقتها كانت تبغى تتصل بناصر تخبره بس خافت تصير مشكلة اكبر وهو الحين مو فاضي عنده الرجاجيل ناظرت فوزيه للي تكلمها : علامك واقفه اجلسي هزت فاطمه راسها بتوتر ووجهها مخطوف والكل لاحظ هذا الشيء جلست وبدون وعي تفرك يدينها وهي تفكر وين راحت ؟؟ الجده باستغراب لحالها : وش فيك يا ام خالد ؟؟؟ فاطمه بتوتر : ما في شيء ووقفت استأذنت وطلعت تحت انظار الاستغراب ** ** ** جالسه على السرير ومتكوره على نفسها وخصلات من شعرها نازله ومغطيه وجهها لما طلعت من غرفتها ما شافت ابوها استغلت الفرصه وتوجهت للمطبخ وانتظرت امها لما طلعت رجعت على غرفتها مستحيل تكسر نفسها وتهينها اكثر من كذا لو على جثتها ما تدخل بيت شوشو وتبارك لهن ما رح تسمح لكرامتها تنهان اكثر من كذا سمعت دق على باب غرفتها عرفت انها امها وهي تناديها تكلمت بصوت مهزوز : يمه اتركيني ابغى انام بعدها اختفى صوت امها تنهدت هي مو هامها فهد ولا يعني لها شيء بس الموقف هو للي ضايقها تحس انه المفروض تكون ملكتها هي مو مريم اسندت راسها على راس السرير وغمضت عيونها لعل القادم يحمل لها اجمل ..... ** ** ** ** فاطمه بقهر الدنيا كلها نفسها تخنق ناصر بيدينها كيف يخلي شوق وكأنها سلعه يعرضها لهنا وبس ما رح تسكت ناظرته والشرار يطلع من عيونها لاول مره يرتفع صوتها على صوته: انت كيف تسمح تخلي شوق سلعه ييجي يختار فهد بينها وبين مريم ؟؟؟ اسمع يا ناصر تراني سكتت لك كثير وما رح اسكت هذي المره ولو على قص رقبتي فاهم ؟؟ ناصر كتف يدينه ورفع حاجب وناظرها وبتساؤل : فاطمه انت تكلميني أنا ؟؟؟ فاطمه بقهر وصورة شوق في بالها ومكسور خاطرها : اي اكلمك انت مو شايف حد هنا غيرك ناصر بحده : فاطمه قصري صوتك احسن لك ولا تخليني اعمل شيء ما يعجبك قاطعته بلامبالاه : بلط البحر تراني خلاص طق كبدي ما رح اسمح لاحد بالدنيا يهين ابنتي ويكسر بخاطرها مين ما كان يكون حاطين ضد هالبنت الشاطر ييجي شوق عملت وشوق وقالت وكأنهم محطوطين عليها جاسوس وبعصبيه خلاص اتركوها بحالها ناصر بعصبية: قصري حسك وللي يسمعك ماسكين البنت وذابحينها فاطمه ناظرت جوالها للي يرن وردت وهي مفوره من العصبيه : هلا .......ايه دقائق واكون جاهزه ....سلام قفلت الخط وناصر يناظرها : وين رايحه؟؟؟ فاطمه اخذت نفس : لبيت اهلي خلاص انا ما لي قعده هنا لأنه وجودي وعدمي واحد المويه تمشي من تحت رجليني لذي الدرجة ما لي قيمه بالبيت ؟!! دامك ناوي تخلي فهد يتزوج مريم ليه تعمل هذي المسخره كلها ليه ؟؟؟ ناصر وهو ماسك أعصابه : وش خلاصة هالكلام كله ؟؟؟ فاطمه زمت شفايفها وتكلمت : الخلاصه ما لي قعده هنا لا أنا ولا عيالي انا راجعه لبيت اهلي وهو المفروض صار من زمان ناصر استغفر بداخله تكلم وهو عارف انها ما تقدر تبعد عنه : براحتك تبغين تروحين عند اهلك روحي قاطعته فاطمه بعصبية : طالعه بدون ما تقول ونادت بصوت عالي ؛شوق يا شوق رفع حاجب وهو يراقب تصرفاتها المجنونه اول مره تصير بذي الشراسه : وش تبغين فيها ؟؟؟ فاطمه بدون ما تناظره : رح تيجي معي لاني ما رح اسمح لشوق تنهان اكثر من كذا مسحتوا فيها الارض وش تبغى اكثر من كذا تبغاني اتركها هنا علشان تعرضها المره الجايه بالشارع سمعت صوت بوري السياره مشت خطوه حتى تجيب اغراضها وتجيب معها شوق حس ناصر انه الموضوع جدي وانها ما رح تعدي السالفه على خير وبدون سعور صرخ عليها من خوفه انه يفقدها : فاطمه نقزت على صوته وما ردت كمل بدون ما ينتظرها ترد : انت عقلك فيه شيء ؟؟؟ تعوذي من الشيطان ولا تحديني على شيء فاطمه وللحين تحس قلبها محرور : اعمل للي تبغى لانه خلاص ما عادت تفرق معي وكملت طريقها تجيب الاغراض بس وقفت لما سمعته يقول بعصبية : بتكوني طالق اذا طلعت من باب البيت *** *** **** انتهى البارت ......انتظروني بعد رجوعي من العمره بإذن الله .....دمتم بخير | ||||
|
| |
|
22-04-16, 08:05 AM
| #7 | ||||
| نجم روايتي وفراشة الروايات المنقولة 
| اتمنايكون لها تكمله. تسلم يد الكاتبه ومشكوره لامار على النقل الراءع. والمجهود المبذول بس احس شوق مزودتها بقلت ادبها قد ما بكون دول اخوانها. وهؤ. هيك بتخسر. اهلها. مع اني ضد تفكير فارس انه يزوجها اي حد بس هي نحد الواحد على اقصاه بطولت السانها وحقدها. مع انه معهاحق عالموقف اللي انحطت بيه موقف صعب ومحىرج وجارح | ||||
|
| |
|
03-05-16, 10:43 PM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الخامس ** ** ** ** ** ** 5.1 حس ناصر انه الموضوع جدي وانها ما رح تعدي السالفه على خير وبدون شعور صرخ عليها من خوفه انه يفقدها : فاطمه نقزت على صوته وما ردت كمل بدون ما ينتظرها ترد : انت عقلك فيه شيء ؟؟؟ تعوذي من الشيطان ولا تحديني على شيء فاطمه وللحين تحس قلبها محرور : اعمل للي تبغى لانه خلاص ما عادت تفرق معي وكملت طريقها تجيب الاغراض بس وقفت لما سمعته يقول بعصبية : بتكوني طالق اذا طلعت من باب البيت تابعت خطواتها بدون اهتمام بس وقفت لما مسكها من معصمها ولفها لجهته مو قادر يستوعب فكره فراقها عاش معها على الحلوه والمره والحين تتركه على موضوع زي كذا تكلم بحده : اقسم بالله لو تطلعين من باب البيت الا ازوجها لجارنا الشايب ابو علي وهذا انا حلفت كانت واقفه عند باب غرفتها وتسمع امها وابوها شهقت وحطت يدها على فمها من كلام ابوها ما تدري وش تعمل ما توقعت توصل الامور لهذا الحال قطعت افكارها وهي تسمع بدقه لرد فعل امها ** ** ** ** ** جالس على سريره وبعصبيه : والله على جثتي ما يتزوجها انا اولى فيها ام رائد بحده وهي متخصره : ولا كلمه ولا تقعد تصرخ فوق راسي ترى مو فايقه لك والبنت ابن عمتها اولى فيها منك سوالف المراهقة هذي فكني منها تراك اقرفتني والبنت ما لك امل فيها قاطع امه بعصبية : تراني احبها مو على كيفكم تزوجونها لوت بوزها بقرف من حركات ولدها وطلعت من الغرفة بعد ما قفلت الباب خلفها بقوه توجهت للصاله كان داخل ابو رائد البيت لاقته بعاصفه من الهجوم : اسمع شوف حال لولدك صار له كم يوم بدون اكل عامل حاله العاشق الولهان ما يصير كذا ؟!! تراني مليت من تصرفاته طق كبدي منه اففففففف طالعها وهو رافع حاجب : وعليكم السلام ورحمة الله وبركاته طالعته بخجل من تصرفها دخل وهبت فيه وكأنه بركان وانفجر ابتسمت ترقع صراخها وتكلمت بنبره هاديه : السموحه بس ولدك طلع الجنان بعقلي شوف حل معه ما يصير يبقى بدون اكل هز راسه بهدوء بدون ما يعلق على كلامها وتوجه لغرفة رائد وهو يقول بصوت هادي : الحين اشوفه هزت راسها بفقدان امل لانه ما رح يطلع بنتيجه مع رائد جلست على الكنبه وهي تهمس بنبره ساخرة على رائد : قال احبها حبك قرد مسكت الجوال واتصلت على امها ضيق خلقها رائد من لما قالت له انه شوق رح تتزوج مهند وهو معتكف بالغرفه قطعت افكارها لما سمعت صوت امها وتكلمت : هلا وغلا اخبارك يمه؟؟؟ ام عمر بهدوء : الله يسلمك اخبارك واخبار رائد؟؟ زفرت بملل : اقرفني يمه من لما قلت له انه ابن عمتها رح يخطبها وهو حابس نفسه بالغرفه ما يطلع ولا يوكل ما ادري اي فلم حاضر وجاي يطبق عندي ام عمر باعتراض : صبرك عليه يمه هذا السن صعب شوي قاطعتها : لا والله يبغى كم عقال على ظهره يسنعوه بس ما يقهرني الا ابو رائد ما يقول له شيء وتاركه على راحته ام عمر مو عاجبها تصرف ام رائد لانه من طبعها تحب تدلل العيال : ما ادري كيف تفكرين تراه ولدك بالسياسه عامليه ما عندك اسلوب تربيه كان انت والا اختك الثانيه تاركه ولدها اكثر من 6 اشهر ما سألت عنه ام رائد بملل : فكينا منه الحين متى رح تملك شوق ؟؟؟ ام عمر بنبره استغراب : تملك شوق ؟؟ على مين تملك ما عندي خبر !! ام رائد عقدت حواجبها : علامك يمه مو قالت فاطمه انه عمتها تبغاها لولدها مهند ام عمر لوت بوزها : مالت عليك فكرت في احد خاطبها جديد تنهدت ام عمر ما ادري عنك دوم توصلك الاخبار متأخره يا الخبله ابن عمتها خطب بنت عمه وهون عن شوق شهقت ام رائد : قولي قسم !! ما قالت لي فاطمه !! وش السبب ؟؟!! وانا الهبله للي افكر وش ألبس بحفلتها ام عمر : هذا للي همك وش تلبسين بالحفله ما اقول الا مالت عليك خلاص قفلي الخط تراك رفعت ضغطي الله يعين ولدك عليك ما ادري كيف متحملك للحين ضحكت ام رائد على رد فعل امها لما سمعت ام عمر ضحكاتها قفلت الخط بوجهها من القهر *** *** *** *** *** بعد كلامه ارتخت ملامحها وناظرته بحزن وتكلمت والعبره خانقيتها : اذا هان عليك تتطلقني يهون عليك تزوج شوق لابو علي قاطعها بعد ما تنهد : والله ما تهوني علي ابيع الدنيا كلها ولا افقدك قلت لك غلطه وندمت عليها لما دخلت شوق ومريم مع بعض تعامليني وكأني معصوم عن الغلط تراني بشر مثل كل الناس كل انسان يغلط بحياته لا تهدمي بيتك علشان غلطه انا اقترفتها وهذا انا اقول لك اني اعترفت بغلطتي لو يرجع الزمن مره ثانية مستحيل اكرر هذا الفعل وانت تدرين للي بقلبي فلا تقعدي تتوهمين اشياء ما لها اساس وانت ادرى تنهد بتعب لا تجلطيني يا فاطمه اذا تبغين يقولون باكر ناصر مات خلاص اطلعي اذا هذا الشيء يريحك وفتح لها مجال للخروج بس توقف لما سمع صراخها : اسكت اسكت ولا تعيد هذا الكلام مره ثانية بعيد الشر عنك وربي يطول عمرك تنهدت بندم لا تلومني ما ادري تنرفزت قاطعها بحنيه : لا تعتذرين انا للي غلطت بحقك فاطمة قاطعته : لا انا للي غلطت ورفعت صوتي عليك ... قفلت شوق باب غرفتها ولوت بوزها ما تحب المثاليه لازم امها زعلت وعملت كرامها لهم وآكشن زي كذا مو ترضى بذي السهوله لا وبعد تعتذر عضت على شفتها اخخخخ يالقهر المشكله امها ترضى بسرعه يمكن هذي اول مره تشوف بينهم مشكله دائما سمن على عسل جلست على اللاب بملل وهي متحسفه انها امها ما زعلت وعقلها الصغير ما فكر بالعواقب للي رح تصير لو امها عاندت وطلعت من البيت *** *** *** *** *** دخل ابو رائد غرفه رائد بهدوء وقفل الباب خلفه وناظر رائد للي معطيه ظهره ويتكلم بدون ما يلتفت : قلت لك يمه ما ابغى اكل !! تكلم ابو رائد بصوت هادي : ليه ما تبغى اكل يا وليدي تفاجئ رائد بوجود ابوه وما ترك له فرصه ابو رائد يرد كمل حديثه : تحبها يا رائد ؟؟؟ هز رائد راسه وكأنه عاشق ولهان ناظره ابو رائد وكتف يدينه : وش الحل بنظرك ؟؟ رائد بحريه يتكلم ومتعود على الدلال : تخطبونها لي او تحيرونها المهم تكون لي وما رح اكل ولا اشرب حتى تخطبونها لي ابو رائد هو يحك ذقنه : اممم انا عندي طريقه افضل لانك رح تموت من الجوع كذا حتى نخطبها وامور الخطوبه يبغى لها وقت فأنا عندي طريقه افضل بكثير والنتيجه مرضيه ان شاء الله وش قلت ؟؟ هز رائد راسه بالموافقه وسرعان ما قفز عن ظهر السرير لما حس بلسعة العقال على ظهره ابو رائد مسكه ونزل بالعقال : عامل حالك عنتره وعشقان عبله وانا ما ادري سكتت لك كثير وانا اقول باكر يعقل باكر باكر باكر وانت ولا عندك علم كل ما فيك تصير ازفت من اليوم للي قبله رائد وهو يستنجد : خلاص يبه والله اصير مثل ما تبغى يبه يبه الله يخليك يبه وابو رائد مستمر بالضرب ومطنش كلامه بعدها وقف ابو رائد وهو يلقط انفاسه ورمى العقال على الارض ومسك الكيس للي كان معه اول ما دخل الغرفه فتحه تحت انظار رائد للي يناظر ودموعه على خدوده وانفجع لما شاف للي بيد ابوه ونزل تحت رجلين ابوه : توبه يبه والله ما اعيدها يبه بالله قاطعه ابو رائد : ولا كلمه وقسم بالله لاربيك من اول وجديد تراك مو شايف نفسك اذا طلبت امك منك طلب تفضحنا بالحاره اذا قلنا لك اعمل كذا تروح تعمل العكس ما ادري شغل عناد والحين عامل حالك عنتره وقسم بالله لاخليك تندم جلس رائد على الكرسي غصب عنه وبدأ شغله ورائد دموعه تنزل وهو يمسك شعره للي يوقع على الارض شعره للي كان يقضي ساعات بتزيينه خلال دقائق طار كمل ابو رائد وهو ملامحه متجهمه : قوم غسل بسرعه خمس دقائق اشوفك هنا منغرز فاهم هز راسه وتوجه للحمام *** *** *** *** *** جهزت الغداء وتنتظر ابو رائد ينزل استغربت تأخره لفت لجهة الباب لما سمعت صوت اقدامهم بس ما مسكت نفسها وانفجرت من الضحك لما شافت زوجها ومعه رائد وشعره على الصفر ناظر ابوه وكأنه يقول له شفت امي اعطاه ابو رائد نظره بمعنى انطم جلس رائد بمكانه وهو يسمع ابوه يتكلم بحزم : شايف هذا الصحن كله تأكله فاهم كان يبغى يعترض بس سكت لما ناظره ابوه بحده كان يسترق النظرات لامه وابتسامتها شاقه الحلق عض على شفته بقهر وهو يشتم الحب وطريقه *** *** *** **** ضرب بخفه على راسه : يا عيني على البطيخه هههههه ابعد رائد يده عنه بقرف : انقلع عن وجهي وليد بضحكه ورجع حط يده على راس رائد : ههههههه بكم البطيخه اليوم ؟؟ رائد مو رايق له : خالد خلي اخوك يسد حلقه وينقلع من هنا سعيد : والله غريبه يا رائد تحلق على الصفر !! وانت طول الوقت تناظر المرايه وتسرح شعرك حتى بالحصص كيف بذي السهولة تخليت عنهم والكل ناظره نظرة شك عض رائد على شفته وهو يتذكر البارحه وحتى ما حد يلاحظ ابتسم : ان شاء الله بالعطله رايح عمره ومن الحماس حلقته من الحين وابتسم وهو يمسح على شعره ناظروه الموجودين نظره تكذيب ناظرهم : علامكم تناظروني كذا ؟؟؟؟ وليد ضحك باستهزاء : سلامتك يا غالي بس ما ادري حسيت المقص انكسر ههههههه حمد بسخريه : قال علشان العمره ابوك يالكذب رائد بدفاع : اذا مو مصدق اسأ قاطعه وليد : خلاص صدقناك وناظر عادل للي يناظرهم وهو ساكت : اشوفك ساكت يالعاشق وش صار معك؟؟؟ سرح رائد بفكره وهو يناظر عادل وهو يتكلم من بعد البارحه حرم انه يحب او يمشي بهذا الطريق كل المصايب وقعت على راسه من سبب هالخرابيط تنهد بحسره ومسح على راسه الاصلع يتحسر على شعره حلف من بعدها ما يفتح قلبه لذي الامور وينشغل بشيء يفيده أكثر بس يا ترى رح يستمر على هذا الطريق والا رح يرجع كعادته القديمه وشوق وش موقعها صار بعد الامس بالنسبة له ؟؟؟؟ *** *** *** *** تكلم بهدوء والفرحه باينه على ملامحه : خلاص نويت ان شاء الله قريب رح اقول لامي تخطبها لي فهد هز راسه بتأييد : خير ما تعمل ترى نسب عمي ابو احمد ما يتعوض انسان فهمان مهند جالس يستمع ويهز راسه كان يتمنى واحد منهم يتزوج من اخواته بس كل شيء نصيب فارس : الله يتمم على خير ان شاء الله كمل جملته وعفس ملامحه فهد رفع حاجب باستغراب : علامك انقلب حالك ؟؟ فارس باشمئزاز وصوت منخفض : شوف من جالس بالطاوله للي قدامنا يا كرهي له انسان غثيث ما اطيقه مهند ناظر قدام ورفع حاجب باستغراب : ليه ما تطيقه ؟؟ فارس بقرف من سيرته : لو تتعامل معه وقتها رح تعرف ليه ما اطيقه فهد وهو يحط يده تحت خده : احس انه مو سهل هالنواف مع اني ولا مره تعاملت معه بس لما تناظره تحس انه مو سهل ابد فارس : اصلا احس كل عائلتهم المكر واللؤم والحقد يسري بدمهم باستثناء ام ياسر قاطعه مهند : شوف الظاهر انه رح يطلع من المطعم ناظروه لما وقف التفت عليهم وناظرهم من فوق لتحت نظره تقييم وطلع مع صديقه من المكان كله مهند وهو يناظر زوله : صدق والله الخبث باين بعيونه فارس بتأييد : قلت لكم تراه خبييييث فهد : فكونا من هالسالفه وخلينا نطلع من هنا مهند وقف : صادق تأخرت عندي موعد ضروري اشوفكم بعدين استأذن وطلع وقف فارس وهو يعدل ثوبه : حظ اليوم ما داوم الموظف للي قلتلك عنه فهد مشى خطوه وهو مو عاجبه الوضع : انا حذرتك اترك البنت بحالها ترى لو يدري عمي ناصر بمخططاتك انت صاحي ترقي الموظف من مراسل لمدير مكتب وبعد الزواج فارس قاطعه: انت وش للي مضايقك فهد بنصيحه : ترى عمي ناصر ما رح يسكت لك ورح يزعل منك اذا عرف بالموضوع فارس باستبعاد : ما رح يدري ورح اكسر راسها بطريقتي الخاصه وبتشوف والحين امشي قدامي *** *** *** *** طلعت من المدرسه بتكاسل وخمول ومتضايقه كانت مريم تمشي قدامها بهدوء وصلت للسياره واستغربت لما شافت فارس جالس جنب السايق ما اهتمت وركبت بهدوء جنب مريم كالعاده بدون ما ترد السلام حرك فهد وناظر فارس : حشى داخله على يهود ؟؟ الواحد يرد السلام فارس يقهر شوق : ناس مريضه نفسي الله لا يبلانا فهد ابتسم على جنب : اخبارك يا بنت العم ؟؟ ما ردت ولا عبرت احد ما لها خلق لاحد فهد يكمل وهو رايق : الظاهر انها ما تسمع بنت العم ليه ما راجعتم فيها بالمستشفى فارس ضحك : هههههههه الله يسمع منك وتصير ما تسمع ههههههه اقترب فارس من فهد وهمس بإذنه بكلمات وبعدها انطلقت ضحكات عاليه منهم فهد تنحنح ويعدل صوته : اقول مريم كيف الدراسه ؟؟؟ مريم بضيق من تصرفاتهم وكأنهم بزران ردت بدون نفس : زينه فارس بنغزه : مريم ما شاء الله دافوره مو مثل بعض ناس تعيد الصف مرتين ههههه فهد بضحكه : هههه انت ما تدري تحب تتفقد الرعيه هههههههه طول الطريق ساكته وما فتحت حلقها بكلمه وهم يتريقوا عليها بعد ما وصلوا فتحت الباب وناظرتهم قبل ما تنزل وبصوت واثق : طنش الحمير بتعيش امير ونزلت بعد ما ضربت الباب بقوه فهد دق على صدره بابتسامة : كأنها شتمتنا ؟؟ نزل فارس معصب كيف تقول كذا وتسكر الباب بذي الطريقه وهو الف مره منبه عليها ما تسكر الباب كذا نزل فهد ومسكه : هدي يا ابن الحلال فارس بعصبيه : كسر يكسر يدينها فهد يهدي فيه : لا تنسى ترى حنا للي استفزيناها فارس بعصبيه : وقسم بالله لتندم اذا ما خبرت ابوي ناصر عنها خله يمسح فيها الارض ضربه فهد على كتفه بشويش : بسببك نسيت اتكلم مع خطيبتي فارس وهو مولع : روح انت وخطيبتك عن وجهي مالت عليك وعليها ضحك فهد على شكل فارس وناظر مريم : اقول مريم .. ناظرته مريم بزعل ودخلت داخل بدون ما تكلمه مقهوره منهم ليه يكلمون شوق كذا فهد عقد حواجبه : علامها مريم فارس ما له خلق : وش دراني ** ** ** ** دخلت البيت وهي مخنوقة للحين الصدمات للي اخذتهم ما نسيتهم وزاد عليها فارس وفهد كأنها ناقصيتهم واول ما اجت عينها بعين ابوها ما ثبتت نفسها وانفجرت بالبكاء وكأنها طفله صغيره جلست على ركبتيها انفجع ناصر لما شافها تبكي كذا وهب واقف على حيله والافكار تروح وترجع وش سبب انهيارها اقترب منها وهزها على الخفيف : شوق وش فيك ؟؟؟ شوق هزت راسها ودموعها تنزل على خدودها بدون توقف عاد السؤال والخوف بقلبه : وش فيك يا شوق ؟؟؟ تكلمت وهي تشاهق : ف ف ا رس ناصر بخوف على فارس يكون صايبه شيء: وش فيه فارس ؟؟ دوبه مكلمني ما فيه الا الخير !! وش صار له ؟؟؟ شوق وهي تمسح دموعها وبصوت مبحوح من البكاء : لمتى استحمله ؟!! لمتى ؟؟!! دوم يغلط علي ويتمسخر علي قدام الكل واليوم قدام فهد طول الطريق وهو يتمسخر علي ويقول عني مريضه نفسي وانا ساكته وان شكيت لك ما تصدقني !!! وش له دخل فيني حتى توصل فيه يلحقني علشان يضربني !! ترضاها يمد يده علي ؟!! وبنبره حزن : اذا انت ابوي ولا مره مديت يدك علي ييجي هو قاطعها ناصر بعد ما تنهد وتضايق من تصرف فارس : خلاص اليوم اكلمه ومن يوم رايح ما رح يتعرض لك انا رح اتفاهم معه هزت راسها وتوجهت لغرفتها وهي للحين الحزن مغرق قلبها جلست على السرير بتعب وهي مستغربه من نفسها لاول مره بحياتها تكلم ابوها بذي الطلاقه من قهرها وضيقها نسيت خوفها واحراجها من ابوها حطت راسها بين يدينها وهي تستغفر وبداخلها قهر وخاصه من فهد يتكلم معها بكل حريه ومطيح الميانه معها وناسي الموقف البايخ للي حطها فيه ** ** ** ** ** ** جالس بالسياره ويهز رجلينه بقهر نفسه تكون قدامه ويكسرها تكسير عض على شفته لما تذكر كيف زعل منه واعطاه كلمتين "اذا غلطت عليك شوق تعال قول لي وانا اتفاهم معها تراها ما عادت مثل اول " واعطاه نظره تمنى تنشق الارض وتبلعه كل شيء عنده ولا ابوه ناصر يزعل منه والسبب الزفته شوق زاد اصراره على تنفيذ مخططه وخلها تذوق الفقر والحرمان على اصوله يمكن لسانها الطويل ينقص عض على شفته متى ييجي ذاك اليوم ** ** ** ** ** ** جالسه تحس بالملل اشتاقت له كان يملي عليها وقتها شوي شافت خالد معه الكتاب وداخل الصاله نادته بحماس لعلها تغير من نفسيتها وتنسى كل شيء صار وتبدأ حياه من جديد : تعال ادرسك يا خالد خالد عفس ملامحه : لا مشكورة ما ابغى اغلبك سامي من خلفه : ههه قول الحقيقة وناظر شوق ترى كل حلك للمسائل غلط والاستاذ قال له مين الغبي للي حل لك المسائل وقام رائد من خلفه وقال للاستاذ : هذي اخته شوق للي حلت المسائل مكمله بكالوريوس بالثاني اعدادي كل سنه ترسب علشان تشرح لزميلاتها المسائل الصعبة خالد بقهر لما تذكر الموقف للي حطه فيه رائد وكل العيال بالصف انسدحوا من الضحك حتى الاستاذ لف لجهة السبوره يكتم ضحكته حطه بموقف محرج الغبي رائد ما يثمن كلامه وما يعرف يتكلم عض على شفته بقهر شوق بقهر من الكلام : هو الغبي اصلا وش يفهمه بذي المسائل ورائد التافه حسابه عندي اقول يا خالد استاذك متزوج ؟؟ خالد عقد حواحبه ونفسه يخنقها على الموقف البايخ للي حطته فيه : ليه تسألين ؟؟ شوق بفهاوه وهي ترسم انه يخطبها لو كان اعزب :هاه سامي بوعيد : رح اقول لابوي عنك تسألين عن اعطته شوق نظره قويه : قول وانا اقول عنك واعطته نظره تهديد وحتى ترقع : اصلا سألت لانه عندنا ابله زوجها استاذ عندكم قلت يمكن يكون هو نفسه فقلت اوصيها تقول لزوجها ينجحكم سامي ابتسم على جنب : بما انه عندك واسطات خلها تنجحك هذي الابله انت اولى ههههههه كشت عليه بقرف : انت انقلع من وجهي يا ثقل دمك وناظرت خالد : تعال ادرسك وما رح تندم حمل خالد كتابه وتوجه لغرفته : مشكوره على خدماتك كشت عليه : اصلا هذي المسأله اتذكر جاءت بالامتحان الفاينل وما حد عرف حلها الا انا سامي ابتسم : علشان كذا خلوك تعيدين ثاني اعدادي ههههههههههه ناظرته بحنق : انقلع يا ثقل دمك طلع من الصاله وهو يضحك عليها ناظرت التي في وهي مولعه من كل للي حولها والحين رائد نفسها تمسكه وتخنقه على كلامه وقفت بحزم خلاص لازم تنهي هذي المهزله وتهتم بدروسها وتكون من الاوائل ما رح تسمح لاحد يتمسخر عليها ورح تثبت لهم انها ذكيه ورح تدرس طب بالخارج حكت راسها باحباط ابوها ما رح يرضى انها تسافر بس سرعان ما رجعت عزيمتها رح تحطه بأرض الواقع وتدرس غصب عن الكل ورح تشوفون غمضت عيونها وهي تحلم وتتوظف بالمستشفى وتكون امهر طبيبه ويعجب فيها مدير المستشفى ويكون شاب وسيم ويتقدم لخطبتها ويخطبها من ابوها ويسألها ابوها مدير المستشفى خطبك موافقه يا شوق وترد عليها بكل حماس فرصه لا تعوض مواااااافقه حطت يدها على راسها مكان الضربه وفتحت عيونها بصدمه وهي تشوف ابوها فوق راسها ويسألها : على وش موافقه ؟؟؟!!! ناظرته بفهاوه : ها وبعدها استوعبت السؤال وتذكرت الاحلام للي رسمتها وصار وجهها احمر من الاحراج ما تدري وش تجاوب ناصر هز راسه : روحي اعملي لي شاهي يخلف على ام جابتك هزت راسها ومثل الطياره توجهت للمطبخ وهي تحمد ربها انه ابوها ما سمع شيء والا كانت الحين بالمستشفى وبعدها ضحكت بخفه على افكارها *** *** *** **** *** *** *** *** *** مريم واقفه مقابل امها وترتب فستانها قبل وصول فهد : تدرين يا ماما اني نفسي شوق تخطب دانا لوت بوزها : ليه تتمنين لها الخير وهي تتمنى لنا الشر شريفه وهي تتصفح مجله بيدها : ان شاء الله ربنا يرزقها ابن الحلال ما ادري ليه تكرهنا بذا الشكل ؟؟؟ مع اني ما ما احمل لها بقلبي ذره كره واعتبرها مثلكم بس ما ادري ليه مصره تعاملنا بذي الطريقه مريم بنعومه : اقسم بالله كنت ابغى اقول لبابا اني ما ابغى فهد علشان يخطب شوق بس خفت من بابا وسكتت انا ما ابغى واحد يفرق بيننا بس هي الله يسامحها مصره تحط فروق بيننا دانا: انا اقول مثل فارس انها مريضه نفسي شريفه بنهر : وش هالكلام ؟؟؟ وقسم بالله لو اسمع هذا الكلام مره ثانيه الا اخبر ابوك وانت تعرفينه تراه ما يرضى على شوق هزت دانا راسها وسكتت *** ** ** ** ** واقفه تنتظر امها واخوانها بالحوش عفست ملامحها لما شافت فهد داخل لفت وجهها للجهة الثانيه دخل فهد لما شافها ابتسم وبصوت مسموع : اخبارك يا بنت العم ؟؟ طنشته وما ردت فهد : انا اليوم رح اطلب من عمي لازم تروحين للمستشفى وتفحصين سمعك اكيد انك قاطعه صوت مريم وهي نازله من الدرج بنعومه : فهد ناظرها فهد وابتسم : هلا هلا نورت نزلت راسها مريم باحراج فهد : علامها اختك ما ترد علي السلام ؟؟؟ ناظرته مريم بعتب طلعت فاطمه ومعها سامي وخالد وقاطعتهم وهي ترد السلام فهد : هلا اخبارك خالتي ؟؟، فاطمة بهدوء : بخير اخبارك واخبار امك ؟؟/ فهد : بخير اذا تحبون اوصلكم ؟؟ فاطمة بامتنان: مشكور هذا اخوي على وصول وناظرت البوابه : هذا هو وصل وطالعت شوق للي معطيتهم ظهرها : يالله يا شوق خالك وصل هزت راسها وتوجهت خلف امها بعد ما غادروا ناظر فهد لمريم : تدرين احسها فعلا مريضه نفسيا مريم تضايقت من كلامه : لا تقول عن اختي كذا وش تبغى فيها ؟؟؟ فهد بتبرير : والله مو قصدي شيء وقلت لك من قبل اني اعتبرها مثل اخواتي واحب انرفزها مثل اخواتي هزت مريم راسها وتوجهوا للداخل *** *** ** ** ** *** *** ام عمر بنهر : اتركيه يا شوق شوق وبيدها عصاه وتؤشر فيها : والله لاخليه يندم ابو قرعه علشان يثمن كلامه رائد متخبي خلف جدته ويضحك : ههههههه والله ما قلت الا الحقيقه مو عدتي ثاني اعدادي 4 مرات هههههه شوق بحنق اقتربت منه : كذاب والله بس مرتين ام عمر وهي تبعدها عنه : خلاص خليها بوجهي وسامحيه هالمره ترى للي حصله كافي هز رائد راسه بتمسكن نزلت شوق العصاه وبتوعد : سكتت لك هذي المره علشان جدتي وبس ويا ويلك تعيد سخافتك هذي نواف وهو يضحك على شكل رائد وهو متمسك بثوب جدته : هههههههه خايف من بنت هههههههه فاطمه ناظرت شوق وهي تناظر رائد وتتوعد فيه : الله يكون بعونه للي رح يتزوجك ما حد سالم منك نواف يناظر عمته : بالعكس ما شاء الله عليه يكفي انها ادبت بعض ناس وناظر رائد وضحك هههههههه رائد وهو يعدل قميصه : تخسى اخاف منها سامي يناظر نواف : بما انك صيدلاني ما عندكم دواء للخوف هههههه ام رائد : واذا في دواء للهبل وللمراهقه اكون لك ممتنه رائد يحرك حواجبه وهو يناظر امه : واذا عندك دواء للضغط ههههههه ام رائد : وقح يعني تتعمد ترفع ضغطي ام عمر بدفاع : انا اشهد انه بناتي ما تعرفن شيء بالتربيه والا رائد ما في احسن منه وشوق ما قاطعتها فاطمه : والله ما احد خربهم الا دلالك الزايد ام رائد : صادقه دخل زيد وهو يبتسم : وش فيه صوتكم طالع شوق : يا لقافتك لازم تعرف كل شيء زيد جلس جنب فاطمه : اعوذ بالله من لسانها اقول يا عمه لمين طالعه ملسونه والله انك من الصابرات متحمله لسانها للحين ام عمر بحده : عند شوق وقف ما اسمح لك زيد ابتسم : تدخل محامي الدفاع فاطمه بابتسامة : كيف خالد وسامي بالمدرسه ؟؟؟ زيد بمدح : ما شاء الله مستواهم ممتاز وسألت الاساتذه عنهم ومدحوهم فاطمه : الحمد لله شوق : ورائد كيف مستواه ؟؟ نواف : وش دخلك فيه ؟؟ شوق مدت لسانها : اخوي الصغير واسأل عنه وش دخلك ؟؟ رائد عفس ملامحه مو عاجبه : نعم اخوك الصغير ؟؟ اعطته امه نظره بلاه يفضح الدنيا ويكشف المستور لوى بوزه مو عاجبه زيد ابتسم بخبث : وكيف مستواك يا شوق بالدراسه ؟؟؟ فهمت شوق انه رح يتريق عليها: مالك دخل فاهم خليك بالمدرسه وبطلابك احسن لك ام عمر : علامكم قاعدين للبنت على غلطه اتركوها بحالها والبنت ما لها الا بيتها وش تبغى بالشهادات وناظرت شوق ولا تردين عليهم دراستك ارميها خلف ظهرك فاطمه لوت بوزها : لا تخافين تراها رامييتها من زمان بس على الاقل تعرف تكتب اسمها مثل الناس والعالم فتحت شوق عيونها باستنكار : حرام عليك والله اعرف أكتب اسمي صح فاطمه : مو طالبين شهادات بس على الاقل اذا تزوجت تعرف تدرس عيالها ام عمر : هذي انت معك شهاده وما عرفت تدرسين شوق قاطعتها فاطمه بدون انتباه : لا تنسي تراها عاشت عندك يمه ومن فتره قريبه استقرت عندي يعني انا ما درستها ام عمر بزعل : قصدك اني اميه وبسببي طلعت بنتك غبيه بالمدرسه فاطمه بتبرير : والله مو قصدي شوق وهي تتخصر : انا الحين غبيه يا جده وطول الوقت وانا حاطك محامي دفاع والحين تقولين عني كذا ناظرتها الجده وضحكت بخفه : مو قصدي نواف : لو مكانك كان زعلت تراها قويه بحقك خالد وهو يحط رجل على رجل : وليه تزعل من كلمه الحق تراها غبيه ضربته شوق على راسه : انت الغبي ليه تيجي عندي علشان احل لك المسأله دامني غبيه ؟؟؟ خالد : يا نصابه قلت لي حل هذي المسأله موجود على كتابك القديم وقلت انك نقلتي الحل من السبوره وانا الاهبل للي صدقتك واعطيتك تنقلين الحل وما دققت بالاجابه والا مسأله حلها بسطر حاطه الاجابه صفحه كامله وخرابيط ما ادري من وين جبتيها شوق وهي تعدل الشاله : اصلا لما جيت انقلها ما اقتنعت بالحل الاجابه سطر واحد فقررت احلها لك بطريقتي الخاصة ام رائد تناظر فاطمه : الله يكون بعونك مصيبتي اهون من مصيبتك على الاقل رائد شاطر بالمدرسه فاطمه ابتسمت وهي تناظر شوق : الله يعيني على ما ابتلاني بشوق وبيا ... قاطعها سامي : يمه خلينا نرجع الحين الوقت تأخر وباكر عندي حصه اضافيه فاطمه وقفت تجهز نفسها : صادق اخذنا الوقت وناظرت شوق : يالله قومي وش تنتظرين ؟؟ شوق برجاء : خلينا شوي هنا ملحقين على الملل بالبيت فاطمه بحزم : قومي قدامي عندك مدرسه باكر قدامي اشوف وقفت وهي تتحلطم مو عاجبها ** ** ** ** ** ** وقف باب البيت قبل ما يدخل شاف السياره باتجاه بيتهم وقف يناظر بعد ما وقفت نزل خالد وسامي وخلفهم فاطمه ومعهم شوق وانجن جنانه لما شافها حاطه اللثمه ونص وجهها برا وللي يقهر نواف للي جايبهم عض على شفته وهو يغلي من داخله بعد ما غادر نواف ردت فاطمه السلام : السلام عليكم فارس وهو يهدي نفسه : وعليكم السلام وناظر شوق للي تعدل باللثمه : ما في داعي لابسيتها على الفاضي ونص وجهك برا قدام ابن خالك انت ما تستحين على وجهك ؟؟ وناظر سامي وخالد : وانتم رجال على الفاضي اختكم كاشفه نص وجهها قدام رجال غريب سامي باستغراب : وين المشكله اصلا شوق تكشف وجهها قدام نواف عادي ناظرته فاطمه بلوم وبتوعد على لسانه الطويل ناظر سامي امه وهي تتوعد فيه بنظراتها وهو مو فاهم ليه تناظره كذا ما قال شيء غلط لانها شوق تكشف قدام عيال اخوالها وخالاتها فارس بعصبية : وش تقول ؟؟؟؟ ** ** *** *** انتهى البارت ......ألقاكم يوم السبت القادم بإذن الله ....دمتم بخير ^_^ | ||||
|
| |
|
04-05-16, 01:44 AM
| #9 | ||||
| نجم روايتي وفراشة الروايات المنقولة 
| شكرا لامارا على اختيارك الروعه شوق بالرغم من سلبياتها وحقدها ولكني حبيتها هي حاقد على اخواتها لانها معتبره ان امها انظلمت وانهم سبب زواج ابوها على امها ومن محبتها لامها موقادره تتقبل اخواتها ويمكن محمله ابوها كمان السبب انه لو نطر فهاهي فاطمه قد حملت وانجبت له الاولاد بصؤاحه ماني قادره اكرهها بالعكس خايفه ان فارس ينفذ تهديده وينتقم منها بعدين تصرف فارس مومقبول فهي تعتبر صغيره بالنسبه اله وهو قلعد يفضحها عند اولاد عمه كانه ناوي يشوه سمعتها مشان فهد يخطب اخته وبعدين لاحظت انهم حتى اخواتها ماحاولوا يتقربوا منها ودائما بيفسدوا عليها عند ابوها يعني مافي تقبل من الطرفين بس جد الروايه بتشد وان شاء الله اكون من المتابعين | ||||
|
| |
|
| أدوات الموضوع | |
| انواع عرض الموضوع | |
|
|
5Likes
العرض العادي
