آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
24-07-16, 10:25 AM
| #41 | ||||||||
| مراقبة عامة ومشرفة منتدى الروايات المنقولة  
|  بسم اللّه آلرحمن آلرحيم آلبارت 20، [COLOR="Blue"]مدخل:﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏ تحسب الجفن من دمعه عقيم .. .. يستحي منك والا اقفيت انثره.. ولا يغرك وان بدا جسمي سليم .. .. والله انه مثل سور المقبره .. والله ان احر من دمع اليتيم .. دمعة الرجال من فرقى مره.. ﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏ توجه لفندق واتصل ع حآزم ركن سيارته داخل المواقف ونزل يحاول يسلي نفسه قبل لايجي حازم جلس ع مقدمة السياره وهو يحس بضيق وملامحه عابسه فجاءه حس بنقباض بقلبه رفع كفه اليمين وحطها قلبه غمض عيونه بآلم وهو يحس بشي غريب يسري بجسده يحس بحراره بجسده وراسه مر طيف عزآم وابتسم بهدوء وهو يتذكره وكيف تعلق فيه بظرف ساعه فتح عيونه ع توق اللي جالسه وتقلده تنهد بضيق وهو ينزل اخذها وشالها وهي تضحك التفت لحازم اللي يحط اغراضهم هو وفهد ركب السيآره وتوق بحضنه مآهي دقايق وركب حازم وفهد وراء..التفت الجارح وبهمس:انزل بسوق انا الجارح برفض: آنا اللي بسوق حازم: طيبب عطني توق الجارح: لا حازم اللي ضحك :هيه تراها بنتي ماهي بنتك الجارح بابتسامه: كيفك عاد انا ابيها حازم سكت وهو يتآمل الطريق الجارح بهدوء: شفيك متضايق حآزم بحزن: طلقتها وكرهتني بجنس حواء الجارح بهدوء مد يده لكفه ومسكه: مآعليها حسوفه وانا اخوك واصابع يدك ماهي سوئ واللي جابها يجيب غيرها اهم شي راحتك وعيآلك واللي مايبيك لا تبيه وخلها مع اللي فضلته عليك وربك مايخلي عبده زفر بضيق وصد وجهه للطريق وبنفسه: الم يقتلني اهات تجرعت مني كيف اقف واعود لقوتي كيف لي ان اثق بآنثئ بعدها اكرهتني جنسها ورحلت ونست تكرهني حبها نعم حبها يزداد بقلبي ع الرغم من خيانتها اللتي حدثت امام عيني وع مسامعي وقف حبها يغفر لها عندي احببتها بصدق بل عشقتها اهيم بنظره منها لكن الآن كرهتها لكن بقي لها بعض الشيء بقلبي لا اعلم هل هو حب ام تملك لكن لااتخيل يوماً انها ستزف لغيري كيف تستبيح النوم مع غيري وانا من علمتها كيف تخطي خطواتها الاولئ بالحب كيف تعشق وانا من علمتها كلماته وكيف تتعلق بشخص وتتركني ع حافة الهاويه لاتخاف علي لاتخاف ع قلبي ان يتعب من همها لاتخف علي مثل قبل هل محت كل ذكريتنا هل محت حبي لها وعشقي من كانت يوماً تتراقص ع كلماتي ومن كانت تذوب خجلاً من همسي لها ونظراتي ومن كانت تهرب من توبيخ والدتها لحضنها ومن احتضنها عندما تخرجت من الابتدائيه والمتوسط ومن الثانوي ومن عمل لها حفله يتحدث الجميع عنه ومن كانت تركض لحظني كلما راتني ومن تزيد من حظني عندما نغفو معاً هل تتركني وتتخلئ عني يقتلني تفكيري بها لم اتخيل يوماً ان تصل الامور الئ هنا اعلم انني اعشقهآ حد الثماله ولكن اكرهتني بالحب افاق من حديث نفسه ع صوت الجارح الذي يقصد بضيق تام: بعض العرب حبـه يـوردك الجنـون ولا يوصف لـه غـلاه احكـاك لـه مايقنعه وصفحدث الغلا لـو وش يكـون لو كل حـرفٍ بالحريـر يحـاك لـه الموت جاك وهـو تقلبـه الضنـون ولا لك الا الصبر....وش وداك لـه؟ ان قلت ضايق..قال : هونها تهـون مايدري ان ضيقتك لـه وبكـاك لـه تقعد تحبه وانـت ساكـت ومغبـون يمكن بيوم يقال له مـا اوفـاك لـه وكانك مشكك هو يمون او مـا يمـون تخيّل ان عفـت الصبـر فرقـاك لـه غلاه من فوق الغـلا ماهـو بـدون وحكاه سمعك يجبـرك بارخـاك لـه ودك تحطه فالعيـون مـن العيـون وتبسط على رمضى الثرا يمنـاك لـه وتظله من الشمس في ظل الجفون,,,, ولا يمر اذنه سوا لباك له وتسج من غيـره لونهـم يذكـرون ومنين ما سجت القـدم ممشـاك لـه فلو ٍ يميله التـرف ميـل الغصـون غصن ٍ ليان ومكرمـه بسقـاك لـه جديله الى اقفى ستـر منـه المتـون كنّـي بريحـه لالتفـت لدعـاك لـه يزها الملابس ..اي لبس ..واي لون وفالليل وجهـه لا ظهـر قـداك لـه كيك وعسل لكن ماهو فـي صحـون ودعاك من عين الحسود اغطاك لـه الله لا يعطيـه نـاس س ينضلـون ويستر عليه مـن النحـل لا ياكلـه الوصف والتعبير في وصفـه يخـون غير اطلب الله يستجيب ادعـاك لـه وعذال قلبك فـي محبتـه يخسـون سكينهم عـن قطـع حبلـه حاكلـه اللـي مـن لحـوم الاوادم ياكلـون وحلوقهـم دافـع البـلا متواكـلـه ناس ٍ عن اعراض العرب ما يعرضون ودايم على نفس الشكـل والشاكلـه في سلمهـم اولا بالاكـل الاقربـون واطيبهم اللي صيدتـه شكـواك لـه يدعيهم الشيطـان للذنـب ويجـون هـذا يقطـع لــه وذاك يواكـلـه يا جعلهم فدوة ثـر الغـض الفتـون اللي على الدرب الطويل اخطـاك لـه طيفه الى نـام البشـر زارك بهـون وطيفك الى نام البشـر سـرّاك لـه حبه دفان ومقبـرة خضـر الطعـون بيـن العظـام العـوج كنـك تاكلـه اللي كذا حبـه لـو تمـوت مغبـون ولا لك الا الصبـر .. وش وداك لـه حازم بهدوء: صح لسانك الجارح: صح بدنك وبمزح: اطربنا بقصيده من عندك حآزم وهو يتنحنح.ويلعب بسبحته وبصوته المبحوح : تسولف لي عن الضيقه وانا كلي ألم وأحزان وأنا من وين ماناظر بعيني شفـت ضيقاتـي تسولف لي عن الضيقه وأنا عنوان للحرمـان دخيلك لا دخيل الجـرح لا تكشـف معاناتـي دخيلك لا تشجعني أسولف وأكسـر الكتمـان تعبت من السكوت اللي تعود يسكـن بذاتـي عليم الله مافيني شبر يضحك فرح وأشجـان وأنا لو جيت ابضحك لك أجيك أضحك بدمعاتي حياتي شعر(ن) وشاعر وجمهوري بقايا انسان ونقـادي زمـن قاسـي ولا يفهـم كتاباتـي أناظر للبشر حولي أحد يضحك أحـد طربـان وأنا صعبن علي أضحك أسايرهم بضحكاتـي عجزت أكذب على نفسي بفرحه ما بها ألوان وحزني ما عجزعنـي بـدا يرسـم نهاياتـي طريقي صعب وجروحي كثير وداخلي ضميان أبي لو يوم واحـد أحـاول أجمـع شتاتـي أنا قصه تبعثـرت وتطايـرت بزمـن خـوان تعلمت أخسر البسمه وأداري عضـة شفاتـي أبكتب لك وبالخط العريض وريشـه الفنـان أنا الخسران توقيعي وانا الخسران بصماتـي أكمل لك عن الضيقه اكمل لك عـن الأحـزان تأكد لو بكمل لـك تصيـح وتطلـب سكاتـي● الجارح بهدوء: صح منطوقك حازم بهدوء:صح بدنك الجارح بتسآل :اهل ابوي لحد الحين ع طبايعهم حازم: ايه والله لحد الحين ع طبايعهم وازيدك من الشعر بيت... نوره خذت محمد وطلقوها من اخو زوجتك والزين اليوم ملكتها ع ياسر وعمك جاب زوجته الثانيه بالقصر وسالم بيخطب بنت عمه بس جدك بيفاجاءه اليوم ويحير له اريآم وسلمآن اليوم يرجع ونور الجارح المنصدم: اوف كل هذا صار بثلاث سنين حآزم بضحكه:: واكثر وانا اخوك بلاوي كثيره صارت الجارح بقهر: آقسم بالله لاطلق نوره من محمد وازوجها نواف كنها تبيه حازم بزفره: كانك نسيت انه اخوي الجارح بضيق: اخوك ع عيني وراسي بس انت عارف سوالفه وخابره عدل وماترضاها لاختك لاترضها ع بنات الناس ياحازم حازم بهدوء: عارفه عدل وانا مارضيتها لبنت عمي بس تركتهم يلعبون ولا انا معي توكيل كامل من محمد واقدر اطلق نوره منه بس اول اتاكد من نواف اذا يبيها او لا الجارح بابتسامه : كيف جبت التوكيل حازم بضحكه: جبته من سنتين مره ياطويل العمر انمسك محمد مع وحده ويوم طلعته .. اتفقنا يسوي لي توكيل علشان امشي اموره اذا انسجن ولا صار له شي ووافق وسوا لي توكيل والغرض منه كان اذا تزوج وحده من بنات عمي اطلقها منه من غير لحد يدري وبنفس الوقت يحسبونه انه هو الجارح: والله انك كفو ياخي هات راسك خلني ابوسه حازم: هههههههه لا لا يرحم امك لاتقرب من راسي الجارح اللي غفت بحظنه توق خذها وعطها حازم حازم بهدوء: توق بابا اصحي توق زادت من دفن نفسها بحضن ابوها ابتسم وهو يحاوطها بيدنه وبهمس: جعلك ابرك من امك. التفت لفهد النايم وبهمس: الجارح وقف عند محطه واشتر لهم اكل الجارح بضيق: مايمدي خلنا لادخلنا حايل نشتري لهم طالع ساعته الحين سبعه المغرب وانا متفق مع الشيخ تسع اكون عندهم حازم بهدوء: طيب ....... عند قصر الجد الترتيبآت ع قدم وساق والورد المنثور ع الطاولات والشموع اللي ع المدخل ابدعوا بالزينه والترتيب امتلا القصر بالضيوف المقربين من الطبقه العاليه لهاعايله اجتمعوا الرجال بالديوانية الجد الكبيره ورائحة البخور والعود تملآ المكان واقنعة الابتسامه والضحكه ارتدواها... وقف وهو ينظر للداخل بقوه كيف يتجرئ الدخول بهذي الثياب نظر للرجال الذين ينظرون لولده باشمئزاز توجه له وهو يمسكه بذراعه ويسحبه بهدوء وبهمس: امش معي بهدوء ولا والله اسفل بك قدامهم اتبع والده بهدوء كما اوصاه ماان خرج الا بكف من والده الغاضب وبصرآخ: ماتستحي يوم تدخل بهالبس ليه مافيه رجال وشياب مافيه احترام لنا ولا خلاص نسيت وين عايش ومن تكون لاعبوا بعقلك الخمه وصرت مثلهم ....قدامي غير لبسك والبس ثوبك وعقالك وصير رجال وتعال واذا بتعاند لاتجي سيآف ببرود: مسوي لي فضيحه وش لابس كله شورت وتشيرت صدق انكم معقدين غآزي بغضب: مستانس بلبسك ولا من زين كراعينك يوم انك تلبس هالسروال المشقق اسمع كلام يوصلك ويتعداك اشوف عليك هالبس قطعته فوق راسك وحرمتك من المصروف لعنبوا ابليسك ماعندك احساس امس مطلق واليوم ملكة طليقتك وعندك عادي وبعدين من متئ نحظر العزايم بالملابس تسنع ياسياف لااحذفك مثل ماحذفت اخوك سياف بصبر: طيب بعد هالمحاظره وش المطلوب غازي بقهر: المطلوب تنقلع وتغير هالبس سياف بهدوء: ماني مغير وبروح انام عن اذنك مشئ متجاهل ابوه اللي يطحن من الغضب والقهر غازي بقهر: اوريك ياسياف انا ماخليتك رجال مااكون غازي رجع يدخل الديوانيه وهو يحس بالفشيله من منظر ولده ونظرات الرجال له آلجد بهدوء وبصوته الفخم : حيآكم الله ع ملكة ولدي يآسر طآلع سآلم بنظرات تكلم ابوه بهدوء: مدام اليوم ملكة يآسر حبينآ نطلب منكم كريمة خالد لسآلم ولدي خالد برزانه: موآفقين يابو سآلم ولد الخال ماينرد سآلم طآلع خآله بنظرآت وكتم غيضه وقهره منهم حآول يتمآسك ويبتسم بس عجز يطلع البسمه قآم بسرعه وهو يستآذن طلع وهو يحس بخيبه وقهر كيف يخطب له ابوه وهو عآرف انه يبي بنت عمه طلع جوآله بسرعه ودق ع سلمآن سلمآن بهدوء: هلا سآلم سآلم بقهر: الحقني ياخووك سلمان بخوف: صاير لك شي ابوي صاير له شي قاطعه سالم بغبنه: مابهم شي بس آنا اللي فيني سلمآن باستغراب: وش فيك عسئ مآشر سالم بخجل وقهر: اخطبوا لي آريآم سلمآن بلع ريقه بتوتر وصدمه: لاتمزح يآسالم سالم بقهر : والله ماامزح انا عارف انك تبيها وخطبتها من خالي بس استغربت يوم خطبها ابوي لي وانا كنت ناوي اخطب بنت عمي وانت عارف بذا الشيء سلمان وهو يعض شفته: مبروك ياخوي وبنصيحه: لاتوقف حياتك علشاني ومن قال اني احبها سالم بضيق : يآسلمان انا ادري انك مقهور ومتضايق انت رجال وقادر تكمل حياتك من دونها بس هي اللي اعرفه من خواتي انها تحبك سلمآن وهو يحاول يبتسم: حبها وخلها تحبك ابد من الصفر وانسئ بنت عمك وعارف انك ماعمرك حبيت حتئ بنت عمي بتاخذها علشان اخوها عيش حياتك وكملها وانسئ انها تحبني او احبها وبضيق بعدين انا ماعمري جبت لكم سير اني احب اريام او العكس وبمزح: يمكن اجيكم اليوم ةمعي شفراء وبضحكه: مبروووك ياخوي وعقبال مانزفك سالم بفرحه وهدوء: الله يبآرك فيك وعقبآلك سلمآن بغصه: آمين اسمع ارجع لدوانية ولا تضايق روحك علشان خطبه ماتدري يمكنها خيره سالم بهدوء: طيب هذا ان برجع لدوانية وع قولتك يمكن انها خيره سكر منه وتوجه دوانية الرجال وكلام سلمان يدور براسه كيف يقول مااحبها وعيونه فاضحته وكيف يقول ماعمري حبيتها وهو كان خطبها وبضيق سامحني ياخوي سكر من وركب الطياره بضيق مسح ع صدره وهو يزفر بقوه حس بآالم هنا وده يصآرخ بآقوئ مآعنده شلون خطيبتي ياخذها اخوي يآالله صبرني يالله اعني ع مصيبتي نعم مصيبه عقب ماكنت لي عقب ماكنت اغرقها بكلمات العشق سهراتنا اخر الليل الرسآيل الوعود بلحظه وحده صارت لغيري بتكمل حياتها وبتوقف حياتي تنهد بقوه وهو يحس بكتمه وعيونه حآره ابتسم بسخريه هذي بس خطبه إجل الملكه والعرس وش بسوي رفع عيونه فووق بعد مآاحس بدموع تملي عينه.. ..... نرجع للقصر دخل آلشيخ وراه يآسر المبتسم عند الحريم دخلت الجآزي بهدوء وقار مشت وهي تسلم عليهن من يرآها لايظن انها جده او بالخمسين فجسدها ورشاقتها وكلامها الهادئ والرزين ولبسها المحتشم نظروا اليها بعد .ماجلست وهي ترحب بهن جلابيه سودآء بنقوش ذهبيه تملئ جسدها ومكياجها الناعم الخالي من الكريم ماعدا كحلها وحمرتها شعرها الكثيف الذي يلتف حول بعضه بسب تسريحتها يتهامسن بخفوت عن جدتهن اللتي خطفت الانظآر قبل دخول العروس رفآء بضيق: آحس بكتمه وحزن بصدي آريآم بهدوء: صارلي مده اقول صلي ارجعي رفاء القديمه بس انتي مو يمنا لاهيه ع الجوال خليه يفيدك الجوال رفآء طنشتها بضيق نزلت نوره بهدوء بفستانها الاسود وكعبها الاسود توجهت للمغآسل وقفت وهي تتآمل نفسها بفستانها الضيق ع جسدها ومبين نحرها وصدرها وفتحت ظهرها الوسيعه اكتفت بقلاده من الماس لتغطي بها فتحت صدرها واكسوراه ناعم ع يدها وخاتمها الاالماس نظرت لساقها المزين بخلخال من الالماس حست بغرور رفعت عيونها للمرايه وهي تطالع مكياجها الثقيل والمنتهي بحمره حمرآء غامقه وشعرها مخليته ع طوله ليغطي فتحت ظهرهآ صورت نفسها وارسلت له يمكن يحن لها بعد مايشوف صورتها تنهدت وهي تخرج متوجه للمجلس دخلت بعد ماالقت السلام جلست بجانب جدتها ... بجناح الزين نظرت لخالاتها بعين دامعه نطقت بخوف: امي وين خالتها الكبيره: امك رفضت تجي الزين بيآس: كيف رفضت هي وعدتني تجي خالتها سميه بضيق: عجزنا عنها آخوك الصغير طاح مريض وجلست عنده حاولنا فيها عييت تقول ماتقدر تخليه الزين بسخريه وهي بعدها مالبست ولا جهزت نفسها: بالله يعني علشانه ماجت ملكة بنتها الكبيره علشانه بس طاح وبقهر: طيب انا ياكثر ماطحت وانضربت قدام عينها ولا عمرها نطقت ولا لاني بنت عنآد وبحه: طيب اليوم ملكتي احتاجها معي تقدموا منها خالاتها وحضنوها بكت بنحيب وقهر كيف تتركني التفت لسميه وعيونها حمراء والكحل سال: يعني بعرسي ماهي جايه اجل بلاها من ملكه مابي اتزوج دام امي كذا خالتها الكبيره سعآد مسكتها وبهدوء:حبيبتي انتي امسحي مكياجك خليني اضبطها ترئ مابقئ وقت ع الزفه وامك ماعليك منها انسيها وتعالي معي هزت راسها باايه وهي كاتمه وجعها من امها وابوها وبنفسها من بيزفني لياسر ابوي ايه اكيد ابوي وجدي غسلت مكياجها ومسكتهآ خالتها وقعدت تمكيجها دخلت نور بسرعه عليهم هي والبنات شهقت بصدمه: ماخلصتي يآسر بيدخل الزين ساكت وهي تطالع لهن سعاد بهدوء: دقايق وتخلص التفت لسميه: روحي جيبي فستانها وغدير حطي لها بخور يله بسرعه جابو لها فستانها مسكت يد خالتها وبهمس :لاتتركيني لبسيني مااعرف البسه ثقيل مسكت يدها وهي حاسه بخوفها ورجفة يدينها لبست فستانها وقفت وهي تبخرها وتتاملها بفستانها السكري وبفتحت ظهرها المزين بنقش ومن قدام ع صدرها كرستالات خفيفه ومن الخصر يجي ضيق عليها وراها ذيل طويل مرصع بكرستالات الفضيه وبكعبها السكري واكسسوراتها الالماس خالتها باعجاب: ماشالله تبارك الله تعالي يمه خلني اقراء عليك قربت من خالتها وهي حاسه برجفه وبرودة جسدها حصنتها خالتها ومشوا متوجهين للغرفه اللي امتلت بعماتها وبنات عماتها صرخت نور باعجاب: واو عزالله راح اخوي فيها ملاك عمتها قربت منها والدمعه ب عيونها : مبروك حبيبتي ابتسمت بركبه: الله يبارك فيك اريام بضحكه: والله وكبرنا ياسنفوره صرتي طويله ام رفاء بدفاع: من طولك انتي التفت للزين مبروك قلبي الزين نزلت راسها مستحيه من ام ياسر اللي دخلت تقدمت لها وهي تضمها وبهمس: مبروك ياعمري وها يايمه اذا قالك ياسروه شي علميني عليه وبمزح: الله يعين ولدي ع كشختك عزالله تخرفن ضحكت بحيا وخوف عمتها ام رفاء ...يله حبيبتي بنزفك مشت معهم وهي بالوسط وكل احساسها بالخوف زاد وبهمس لخالتها ابوي بيزفني خالتها بهدوء: لا جدك وخالك طلب من ابوك هو يزفك بلعت غصتها لا ابو ولا ام بيزفوني كلهم تخلوا عني وصلت الباب الفاصل بين المجلس والصاله تنحنح بهدوء تكلمت بحيا: حياك خالي دخل خالها وجدها خالها باعجاب: ماشاءالله تبارك الرحمن وش ذا الزين انشهدك انك اسم ع مسمئ دنقت راسها بحيا من كلام خالها وجدها تقدم لها وهو يحضنها ويبوس جبينها: اسمعي يابنيتي لو قال لك ياسر كلمه علميني عليه وبحنان: مبرووك يابنت عناد ابعد جدها وتقدم لها خالها وضمها يوم حس انها بتصيح وبهمس: مايستهلون دموعك ولا يستهلونك طنشيهم وعيشي يومك وبمزح : بعدين حاصلك يزفك حبيب البنات وبغمزه: لاتلوميني لااغمئ عليهم من جمآلي ضحكت بصوت هادي وبهمس: عقبال ماازفك ياخال. ابتسم لها ومسكه من يديها وبهمس: جاهزه هزت راسها باايه مسكها ومشوآ مع بعض انفتح الباب وتوجهت الانظآر لهم والاضاءه عليهم مشت بهدوء وهي تحس برجفه وخالها كل ماله يشد ع ايدها يذكرها انه معها وصلت للكوشه جلسها وباس جبينها وبهمس: عسئ السعاده ملفاك وعسئ التوافيق بدروبك مبرووك ياروح خالك دمعت عيونها من كلامه وبهمس: الله يخليك لي انفتح الباب الثاني ودخل ياسر ببشته الاسود ورزته بثوبه الابيض اللي ضاق ع عضلاته وبسمته طول ماهو يمشي مسكت يد خالها ووقفت شدت ع يد خالها بتوتر تقدم ناحيتهم وبتصرف فاجآئهم حضنها بدون مقدمات صاحوا البنات بصدمه وفرحه ابتسم خالها عليهم حضنها وحس بتوترها وخوفها همس : مبروك ياعيني ردت بصوت هامس: يبارك فيك زاد من حضنه وغطاها ببشته همسته له بااحراج من عمامها وجدها وخالها: ياسر الله يخليك بعد خلاص ابتسم ع ربكتها وبعد وهو يبوس جبينها التفت لخالها اللي يوصيه هز راسه باايه وهو ياشر له ع عيونه طلعوا من الصاله وبقئ هو تقدموا لهم عماتهم وخواته سلموا عليهم وباركوا لهم التفت لامه اللي تمسح دموعها وبيدها الشبكه باس راسه وبضحكه اذا الملكه كذا اجل شلون بالعرس همست: غصبن علي يايمه ابتسم وباس راسها مره ثانيه الزين بارتباك: ياسر الله يخليك خلاص ماعاد فيني اتحنل نظراتهم ياسر بهدوء: تبين البسك لحالنا هزت راسها باايه مسك يدينها وهو ياشر لخواته يشفون له الطريق دخلوا المجلس وهو حاس بخوفها التفت لنور وبهمس لاحد يدخل علينا جلس بجنبها ولبسها عقدها والدبله عطها دبلته ولبسته وهي ترجف همس وهو يمسك يدينها شفيك احد قايل لك شي همست: لا قرب منها وهو يرفع ذقنها: اجل وش فيك متضايقه. همست: امي ماجت وابوي رفض يزفني رفعت عيونها لياسر: بتعوضني عن جفآهم بتصير لي ابوي وامي. ياسر بابتسامه: بصير لك ابوك وامك واخوك وزوجك بصير نصفك الثاني شهقت وتوالت دموعها ع خدها ضمها وبهدوء ووجع: افآ يالزين تبكين انتي متعوده عليهم ماهو غريب عليك الوضع تكلمت بالم: متعوده صح بس كل يوم اعطي نفسي امل انهم بينتبهون لي بيسآلون ماتوقعت انهم حتئ بملكتي يختفون مسح دموعها وبابتسامه: انسيهم الحين انتي بنت ياسر وزوجته طيب هزت راسها باايه وصوتها عاجز عن البوح وقفها وهو يبويها من خدها وبهمس: شرايك نتعشئ بمطعم. هزت راسها بلا وبهمس مثله وهي تلعب بازرار ثوبه: ابي نروح مكانا وببتسامه: وراء القصر بالحديقه السريه ضحك وهو يحضنها: تامرين يآالزين وبآمر: غيري لبسك وانتظرك تحت يله الزين بهدوء وضحكه: طيب تنهد بعد مااختفت عنه حس بمسؤليه اتجاهها لازم يعوضها عن امها وابوها ..... ع مدخل الرياض وقف سيارته وهو مو عارف وين يروح غمض عيونه وهو يحاول يتذكر مكان فلة عزام فتح جواله وهو يدور بالرسايل شهق بفرحه وهو يقرآء مكان الفله ركن سيارته ونزل بعد ماقفلها وقف اجره وتوجه للعنوان بالفله كان غرقان بنومته مو حاس بشي بسبب مفعول المنوم. وقفت السياره ونزل طالع الفله والحرس عصب وبتفكير شلون بدخل الحين ابتسم وهو يمشي وراء الفله طالع للسور العالي تنهد بحزن ياربي كيف بدخل رجع وهو يطالع الباب الرئيسي ينفتح بتدريج ودخلت سيارة ابوخالد ابتسم بس بنفس الوقت ضاق لانه عارف ابو خالد واسلوبه جلس ع الصخره وهو ينتظر عزام يطلع .. ابو ناصر جهز اغراضه وقدم ع نقل وينتظر القرار علشان يباشر بالقضيه بالرياض | ||||||||
|  |
|
24-07-16, 10:27 AM
| #42 | ||||||||
| مراقبة عامة ومشرفة منتدى الروايات المنقولة
| .... عند صقر صحئ وهو مستغرب وينه فيه طالع المكان بهدوء وهو يحاول يتذكر حس بواحد واقف قدامه ومتلثم همس: شتبي فيني ماعندي لافلوس ولا منصب تكلم المجهول بهدوء وهو يجلس: انا خطفتك علشان احميك من المافيا صقر بهدوء: وليش انا بذات همس بصوت مو مسوع: لانك ولد عزام صقر: وش تقول ماسمعتك رد بصوت واضح: لانك انقذت غيرك وغير كذا ولد عمر صقر بحيره: بس هذا طيب شدخلك تورط نفسك فيني تنهد وبهدوء: صقر انا مانقذتك وخطفتك الا خوفاً عليك. بكره بنطلع لمزرعه بعيده عن لندن صقر بخوف: طيب امي ماقدر اخليها تعبانه المجهول: لاتخاف خذيتها امس وديتها لاهلي صقر بتساول: انت سعودي المجهول بابتسامه: ايه سعودي وبضحكه : يبيلها ذكاء ياصقر مو واضح من اللهجه. صقر بخجل: الا بس قلت اتاكد المجهول وقف: جهز نفسك من بكره بنرحل وبتتعرف ع ولدي وبخليك هناك لين ترجع معي لسعوديه. بهمس وطبعا لاوافق ابوك وطلع وخلئ صقر بحيرته من هالشخص وش غرضه يساعدني.. تننهد بخوف: الله يستر من الجآي ..... بحايل ... آلساعه 8 ونص فيلا نوآف واقف هو وضآري واصدقآئهم حضروا والشيخ جاء وبقئ آلجآرح ينتظرون طالع لضآري بارتباك من تآخر الجآرح طلع جواله ع نغمة رسآله استانس علئ باله الجارح بس انصدم وهو يشوف صورتها تنهد بضيق رفع عيونه وهو يستغفر ربه كان ناوي يحذفها بس بنفس اللحظه ارسلت له نوآف وهو يقرآ بصوت هامس: اشتقت لي طيب شرايك بكشختي حط يده ع قلبه وعض شفته وبهمس: محرمه عليك يآنوآف ماهي بذمتك ماهي مثل قبل ارسل لها : خافي ربك وراك حسآب انا غريب عنك وماني من محرمك واللي تسوينه خاينه لزوجك اسمحي لي نوره بحذفك ولا عاد تراسلين انا اخاف عليك من الذنوب ومابي اجرك لشي اقوئ ابعدي عني يابنت الناس وراي اختي وبنتها وراي بنات وزوجه مابي اتحاسب صدقني مآرضاها لهن ماارضها لك اذا الله كاتبك لي صدقيني باخذك انتبهي لك ومع السلامه. ... ارسلها وعطها حظر تنهد براحه يحس براحه مع ضيقه بس اللي سواه هو الصح لانه مايرضاها ع اهله ومارضاها ع زوجته سابقا زفر بحراره وتوتر وهو يتذكر ملامحها بالصوره استغفر الله واستعاذ من الشيطان ضاري باستغراب: ولد الجارح دق علي يقول بالطريق بس وقف ع عيال حازم اشترئ لهم اكل وقال بلبس واجي يعني تقريباً ربع ساعه وهو موجود هز راسه باايه ودخل عند الرجال وهو يلبس قناع الضحك والمزح عند كيآن واقفه عند راس الجارحه تصحيها كيآن بقهر: بنت قووومي ملكتك اليوم الجارحه وهي تتغطئ بالحاف: اووف بنآم بنآم وبصراخ: ماني طالعه له مو هذي سلومكم كيان بزفره: ايه سلومنآ بس وهو ساعدني بتربيتك ومن حقه يشوفك قومي يله الجارحه باستفزاز: مااابي بنام كيآن بضيق: انا اوريك الجارحه بضحكه: اوريتس يايمه ولا لهجة الرياض مانسيتيها كيآن بخبث: اها اشوفتس قعدتي هين يالجويرحه عند رجلتس الجارحه تنهدت برآحه: رجلي ماهو قايل لي شي كيآن بضيق: يابنت قومي معي ماتستحين انتي مخليه امتس لحالها لا بنات ولاشي ماعندي الا انتي وبتفارقيني بعد الجارحه بخبث: يجيك الغالي ويوسع صدرك كيان بعدم فهم : شقصدتس الجارحه: قصدي اللي يخطبونك باليوم عشر كيان طارت عيونها بصدمها وبعصبيه : انا اوريتس صدق ماتنعطين وجه قامت عليها وفزت الجارحه وهي تركض من السرير وكيان رافعه جزمتها اكرمكم الله وتلحقها ماحست الا برتطامها بضاري ضاري اللي حاول يتوازن لانه ع الدرج ثبتها بيده وايده الثانيه ع الجدار وبصراخ: بنت ماتخلين هبالك الجارحه وهي تلهث وصارت واره بخوف : شوف امي بتكفخني بملكتي كيان بخبث: بالله ضاري مدام نواف مشغول امسكها بكفخها ضاري: هههههه وهي لتس ياختي جاء بيمسكها وركضت تحت ضاري: يالخوافه لو انك بنت قابليني ومو تنحاشين كيان: هههههه خلاها ماسكتها ماسكتها وانا اختك ضارري بتسآل: ليه وش مسويه هي كيان بقهر : تبيني اعرس ضاري بجديه: وهي صادقه شوفي عمرتس توس صغيره تزوجي وجيبي لتس عيال يسندونس لاتعبتي كيان بلعت ريقها بارتباك وعيونها امتلت بالدمع وبهمس: انا قايله لكم سكروا هالموضوع ضاري بهدوء: ياكيان ترانا ماحنا دايمين لتس بكره كل واحد يلهي بعياله وزوجته وتبقين لحالتس وحتئ بنتس بتعرس الاقل جيب لها سند وعزوه كيان عطته ظهرها وهي تنادي الجارحه تجي وتجهزها ضاري تنهد وهو يشوفها تتجاهله وبتخطيط وذكاء ارسل للجآرح الخطه ابتسم وهو يمشي للمجلس الرجال .. الجارح وقف ع طريق بري قبل حايل بكم كيلوا التفت لحازم : يله بعد ماكلنا لبس عيالك وكشخهم وانا بلبس والبس انت حازم بنعاس: خلاص واحد لك واحد لي اوكيه الجارح ابتسم: طيب انا احب البنوتات انا البس تووقه حازم رفع حاجبه: طيب بس ترئ اسمه تووق مو توقه الجارح: هههههه والله عاد كيفي نزل وهو يطلع ثوبه الجديد لبسه وهو يطالع لحازم اللي يلبس مثله ضبط شماغه طالع يده ناقصه ساعه وساعته بالشقه عض شفته وصرخ: موقتگ والله اوووف حازم اللي جالس يسوي شماغه: شفيك الجارح: نسيت ساعتي حازم بسخريه: الحمدالله والشكر علشان ساعه تصارخ وبتكبر: خذ ساعتي الجارح: يله يله عطني اياها حازم: عوذه ولا تقول لاء ياخي استح الجارح وهو يلعب بحواجبه : ماحد قالك تقول خذها يله الرجال مايرجع بكلمته حازم وهو يطآلعه بنظرات نزع ساعته وهو يعطيه: ها حافظ عليها ابتسم وهو يرسله بوسه حازم كشر ع طول ضحك الجارح وهو يطلع ثوب توق اللي كلت ورجعت نامت الجارح: حازم لبس فهود ترئ مابقئ وقت حازم بهدوء: طيب جلس فهد اللي صحئ ع طول وجلس يلبسه ثوبه وشماغه اما توق بالمرتبه اللي قدام عن الجارح اللي لبسها وهي نايمه طلع جزمتها ولبسها طالع شعرها اللي طاير من النومه وبضيق: يارجال بنتك شعرها طاير وش اسوي له علشان ينزل حازم بحيره :مدري وبتفكير مشطها ولابسخا طوقها حق الفستان الجارح: يابوي مطوله السالفه خذا المشط وشوية مويه وجلس يمشطها لابسها الطوق وطلع عطره والعود تعطر وحط تولات العود ع اماكن النبض ابتسم وهو يطالع نفسه بمراية السياره التفت لتوق اللي تفرك عيونها بضيق عطرها وحط لها عود ع ايدينها ورقبتها حازم وهو يشوفه مهتم بتوق وبابتسامه: عطني عطر بتعطر واعطر فهود عطاه وهو يركب السياره ويجلس توق غصباً عنها بحظنه وهي نص نايمه ونص صاحيه حازم بعد ماانتهئ من فهد باسه ع خده ونزل معه وركب بجنب الجارح اللي حرك ع طول حس بجواله يهتز بجيبه طلعه وهو يقراء رسالة ضاري تنهد بحيره كيف بيفتح معها الموضوع وهي عنيده وخاصه بموضوع الزواج حازم باستغرآب: شفيك تتنهد صاير شي الجارح بضيق: ضاري مرسل لي يبيني اكلم عمتي واقنعها تتزوج حازم باستغراب: عمتك غريبه ماهي كبيره الجارح: لا صغيره بالعمر حازم بتسآل: كم يعني الجارح: كبرك او اكبر منك بسنه حازم بصدمه: صغيره الجارح بابتسامه: ايوه تزوجت وهي صغيره وتوفئ رجلها من 16 سنه ورفضت تتزوج بعدها والخطاطيب عليها حازم: لهدرجه مزيونه الجارح بهدوء: الزين مو زين الملامح آلزين زين الروح يآخوگ حازم سكت بغصه ولف وجهه وبتفكير ومزح: اجل ابيها انا اخطبها لي الجارح اللي انصدم وفرح الجارح بفرحه: ابشر يابو فهد اول مااملك نخطب لك حازم بصددمه: امزح معك الجارح بصرمه: بنات الناس مو مزح عندك وبلسانك قلت اخطبها والرجال مايرجع بكلمته حازم سكت بهدوء وهو يفكر: يمكنها خيره الجارح بجديه: اقسم بالله لو تلف هالكون ماتلاقي مثل عمتي حازم بابتسامه وهو حاس براحه وضيق: بس اليوم مطلق الجارح: عادي مانت اول واحده طلق وبعدين عمتي بقنعها واصلا. هي تحب الصغار حازم بضيق: ع عيني وراسي بس انا ماعدت اثق بالحريم وغير كذا كرهتم الجارح وهو يوقف قدام البيت وبهمس: اصلا من تشوفها بتحبها سكت حازم وهو يحس بارتباك وكانه اول مره يخطب حس شي بصدره وهو يطالع الفيلا الصغيره بضيق: يالله عساها خيره نزلوا واستقبلهم نواف بابتسامه نواف: حياالله المعرس وولدعمه الجارح براحه: الله يحيك وبهمس: لو ماعليك امر خذ البنت لعمتي ابتسم نواف: تامر يالنسيب بس خلنا نسلم ع ولدعمك قرب منه وهو يرحب فيه دخلوا المجلس وفزوا الرجال وهم يسلمون عليهم دخل نواف لداخل ومعه توق ابتسم نواف وهو يشيلها ويوديها فوق فتح غرفة الجارحه انصدم وهو يطالعهن ضحكن كلهن الجارحه: خالي امسك عيونك لاتطلع نواف باعجاب: ماشاءالله تبارك الرحمن كآنگن خوات مو ام وبنتها كيان باحراج: وين بالعكس نواف بجديه: والله طالعي نفستس بالمرايه وبضحكه: ههههه الله يستر ليلخبط بينكم الجارح الجارحه بجراءه: لاماعليك من هالناحيه ضامنته ابن عمي وبتسآءل: من المزيونه اللي معك نواف: بنت ولدعم رجلتس تعالي خذيها تقدمت وهي تنزع جزمتها الكعب وتتوجه لخالها مسكت توق اللي كملت نومه بحظن نواف قرصت خدودها وبصراخ: يالبيه ياخدودها تهبل وبالتفت لامه لو انتي متزوجه كان عندنا مثل هالقمر نواف المبتسم ع خجل كيان تقدم لكيان وهو يطالع وبابتسامه: عقبال مااملك لتس ع رجلتس باس راسها وحضنها الجارحه بغيره: ترئ آنا العروس وملكتي اليوم لاباركت ولا شي ابتسم وهو ياشر لها تجي جته وهي تركض وتحضنه مع امها ضحك ع عنادها وهبالها باس راسها وخدها وبهمس: مبرروك ياقلب ابوتس وخر عنهن وهو يقول لهن ينزلون التفت لامها وحضنتها اكيان بهدوء: شسمها البنت الجارحه: توق كيان : وش عرفك الجارحه بثقه: الجارح قالي كيان وهي تلتفت لها لقتها نايمه بسرير الجارحه الجارحه وهي تطالع ثوبها البيجي النافش يجي من الخصر والصدر ضيق وع صدرها نقش بكرستالات بلون الاسود وظهرها مفتوح ع شكل سبعه وفيه خيوط لامعه بلون الاسود ومن تحت الخصر نافش لين تحت الركبه بلمعه خفيفه بلون الاسود وكعبها بيجي بكرستالات سود كبيره وخلخالها الناعم الاسود واكتفت بكحله وحمره غامقه وسوراه بلون الذهبي الناعم والدبله اما كيان مثل ثوبها بس ع طويل ومرسوم ع جسدها ومبين طوولها ودقة خصرها اللي يشوفها يعطيها بالعشرين نزلوا لتحت وجلسوا يبخرون المداخل والمجالس والحلئ المصفوف ع الطاولات الاستقبال وصورة الجارحه والجارح وكانت احد مفاجاءت نواف وضاري لها شوي الا رن الجرس حق باب الحريم الجارحه بصراخ: لا اوف اكيد صديقاتك وعماتك ثقيلات الدم كيان بابتسامه: اطلعي فوقي يله وخلك مع البنت الجارحه بضيق: بالله والطاوله والزينه والجارح كيف اشوفه كيان: خوالك ماسوئ الحركات الا علشلنهم عازمين حريم عمامهم واصداقائهم وانتي اطلعي فوق رالجارح بتشوفينه لاتخافين طلعت وهي تسب بقهر: اووف الا يخربون علي يومي وبعدين ابي اكل ورق عنب شلون الحين ياررربي منكم دخلت الغرفه وهي تجلس وتلعب باصابع توق النايمه ..... بمجلس الرجال ملكوا تحت مباركت الجميع لهم تكلم الجارح بصوته الفخم: حنا جاينك يانواف نطلب القرب نواف باستغراب: لمنو الجارح وهو يحط ايده ع فخذ حازم: لحازم ع ام الجارحه وياليت لو نملك لهم معنا طارت عيون ضاري نواف وحازم انصدموا الثلاثه حازم توقع بس خطبه واحتمال كبير انها ماتوفق ماتوقع ان الجارح بها الجراءه نواف بلع ريقه بصعوبه: والله نسبكم ماينرد بس حازم متزوج وعنده عيال الجارح برزانه: بس مطلق ويبيله حرمه عاقله وفاهمه ومافي احسن من ام الجارحه له. نواف وهو مفتشل مايدري وش يرد قاطعهم صوت ضاري المبتسم: وام الجارحه بنشاورها الحين وبنرد لكم الخبر وقف بهدوء وطلع تحت انظار حازم ونواف المنصدمين ...... دخل وهو ينادي ع كيان طلعت له بهدوء: سم ياضاري ضاري بهدوء:لو طلبتس ياخوتس بترديني كيان بهدوء: لا والله ماردك ياخوي ضاري برجاء: اجل اخوتس طالبك توافقين ع حازم كيان بصدمه: من حازم وبعدين تعرف راي بهالموضوع ضاري برجاء: وتفشلين اخوانتس قدامهم كيان بضيق: منو هو ضاري بهدوء: حازم ويصير ولدعم الجارح وبنته اللي داخل عندكم كيان بصدمه: وعنده عيال اعذرني مابي اخرب بيت الحرمه ضاري: يابنت الحلال مطلق ويبيك انتي وبعدين خذيها فرصه بنتس قريبه عندس وعلئ عينتس كيان بدمعه: بس مااتخيل انام مع واحد غير الليث ضاري بزفره: كلنا ماتخيلنا نعيش من غير الليث وعشنا وماتخيلنا نعيش من غير امي وعشنا وهذي الحياه تكفين ياخوتس لاتفشليني عندهم وافقي والملكه اليوم كيان من غير تفكير وبضيق: كيفك ياخوي بس ضاري بهدوء: بس ايش كيان دمعت عيونها: ولا شي خلاص جت بتدخل مسكها حضنها وهو يبوس راسها :لحظه لاتروحين علشان توقعين دخل والابتسامه ماليه وجه وبهدوء التفت لحازم: وافقت عليك لكن بشرط تعيش هنا بحايل مو بالرياض هز راسه باآيه وتقدم لهم علشان يملكون خذا الدفتر وهو يعطيها وبهدوء: طلب يشوفتس موافقه هزت راسها بلا نواف بهدوء: طيب شوفيه واتفقي معه يمكن مايرضيتس او اسلوبه مايعجبتس شوفيه وتفاهموا ع حياتكم هذا زواج مو لعبه كيان بهدوء: طيب بعد العشاء مو الحين نواف بهدوء: طيب ونادي معك الجارحه الجارح يبيها بالمجلس مشت من قدامه من غير لاترد تنهد بالضيق من ضاري اللي غصبها دخل وهو ينادي الجارح يطلع للمجلس دخل المجلس وماهي دقايق الا دخلت ومعها ضاري ضاري بهدوء: ترئ من سلومنا ماتشوفها بس علشانك قريب مننا وافقنا الجارح بابتسامه: تسلم ع الموافقه والحين عطنا مقفآگ ومن غير مطرود ضاري بتوعد: اوريك يجويرح ضحك وضاري معطيه ظهر سكر الباب معه التفت للجارحه اللي جالسه ومدنقه راسها ابتسم لها وبهدوء: مببروگ قلبي الجارحه بهدوء: يبارك فيك الجارح وهو يطلع الشبكه وبهدوء: اوقفي وقربي لي شفيتس خايفه الجارحه بلعت ريقها بتوتر وقربت لبسها عقدها ودبلتها الجديده بلون الذهبي وتدرجات الرمادي مثل لون عدستها قرب لها وهو يختمها ببوسه ع كفها وبهدوء: ماآحلا من العقد الا لبآسه ضمها لحضنه وبهمس: لعنبوا ابليستس شهالكشخه اقسم بالله رحت فيها وبضحكه وهو يحس برتجافها :هههههه تصدقين لي زمان مانمت بحضنك الجارحه بغيض: وخر هذا كلام تقوله لي بملكتي الجارح وهو يخرها ويجلس ويجلسها بجنبه: اجل وش تبيني اقول وبمزح تراني: اول مره املك طالعته بنظرات غضب ولفت: ابي كلام مثل خلق الله كل هالبس والكعب والحركات ومافيه حتئ ماشاءالله الجارح بابتسامه; انا اقول ماتكونين الجارحه اذا مهاوشتي وبهدوء: لاتنسين تباركين لامتس تراها ملكت ع ابو توق وفهد الجارحه بصدمه: كيف وابوي الجارح وهو يمسك ايدها ويلعب فيها: انا وش فهمك مو تضغطين عليها وابوك الله يرحمه وامتس من حقها تشوف نصيبها وبغمزه : وغير كذا بيصير لك اخوان وبتعيش بجنبنا ويمكن معنا بعد الجارحه بهدوء: طيب وحازم يصير اكشف عنده ولا لا الجارح بهدوء: ايه وترئ احتماال عرس امك بعد شهر وبضيق: وانا برجع للرياض بعد بكره وماراح اشوفتس لين تخلص المهمه الجارحه بضيق: ياربي لاتذكرني الجارح وهو يفرك عيونه: تصدقين مواصل لي يومين من رجعت من عندكم مانمت مثل خلق ربي كل ساعتين قاعد الجارحه: ههههههه انا عن نفسي صار لي يومين نايمه الجارح بسخريه : ايه اشوف جفونتس متفخات تقل صينيه الجارحه بسخريه: طالع منها يامصاص الدماء ع عيونك الحمرااء الجارح وهو يوقف: يابوتس بروح انام وخلتس لحالتس طيب الجارحه وهي تمسكه وتحضنه: شرايك نسوي مغآمره وتنآم معي وبغرفتي الجارح بلع ريقه وبتوتر: لا مستحيل وبهمس وهو يغرقها بوساته : اخاف اتهور الجارحه ضربته ع صدره: ليه قلة الادب ها بتنام عندي وبسوي لك تدليك طيب الجارح بهدوء: طيب بس اول اوصل حازم وعياله ع الفندق وبعدين اجيك وبغمزه ضبطي لي الحمام والسرير ابتسمت بخجل وبهمس: واثقه فيك يبه سكت وهو يدنق عليه ويبوس عيونهآ وخدها وبهمس: غصبن عنتس تثقين وانا عند كلمتي ماادخل عليك الا اذا خلصتي ثانويه وصريتي بالجامعه وقتها عاد باخذ حقوقي همست.بخجل: ايه طيب غير الموضوع ضحك ع احراجها مسك ايدها وباسها: عن اذنك اشوفتس بعد ساعتين طلع من عندها وهي حاطه يدها ع قلبها وبهمس: ربي يحفظك لي طلعت فوق وهي تنظف غرفتها وتجهز الحمام خذت توق وحطتها بغرفة آمهآ .... آلئ هنا اقف ...اعذروني حبايبي مااقدر ارد عليكم ماعندي شبكه خلصت والحين شابكه ع اخوي وان شاءالله لا فعلتها كثرت ايام التنزيل وللتوآصل فيه حسآب مشترك مع كاتبه مبتدئه بحسابها وتنزل فيه روايات منقوله وبتنزل قريب فيه روايه منقوله وانا بيكون تواجدي فيه كل يومين يعني السبت والاحد واالاربعاء والخميس اللي حابه تتواصل معي هذا الحسآب ومثل ماقلت لكم تواجدي كل يومين الحساب: 900_sto برعاية الرحمن | ||||||||
|
| |
|
08-08-16, 10:27 PM
| #43 | ||||||||
| مراقبة عامة ومشرفة منتدى الروايات المنقولة
| البارت 21 بسم الله الرحمن الرحيم مدخل: غفئ في صدري العتاب ومابقئ للحكي قيمه 🎶 ︴︴︴ جلس وهو يستغر ربه ويده ع قلبه تنهد مئات المرات وزفر كثير لعله يرتاح نظر لساعته الساعه ثلاث فجراً استغرب من مفعول الحبوب الطويل اعتدل بجلسته ومد يده تحت فراشه ولقاه انصدم وهو يشوف الحبوب مبدله ببندول تنفس بغيض من ابوخالد المبدل الحبوب وسرعآن ماابتسم ع اهتمامه بس فيه شي بقلبه يقول له لاتقرب منه حيل ولاتثق فيه وقف وهو يتجه لدورة المياه اكرمكم الله اغتسل وتوضآء وهو ناوي يصلي الوتر طلع من مجلس الرجال المنعزل عن فلته واخذ يتمشئ ويفكر بحلمه المفرح المرعب جلس ع صخره سارح بعالمه الخاص وتفكيك اسرار احلامه ماحس الابحجر بجبهته وقف بسرعه برعب وهو يتلفت سمع اسمه بصوت هامس توقع انه يتخيل استعاذ من الشيطان ولا حجره ثانيه بصدره رفع راسه فوق وشهق بقوه من الصدمه والخوف فزوا الحرس له تقدم رئيس الحرس له: حضرت اللواء فيك شي تلقيت اشاره او ظل لمتسلل. توتر وارتبك وهو يشوف رعد جالس فوق الجدار وراه الحرس واذا التفتو الحرس بيشفونه: مافيه شي بس انا شوي تعبان وياليت لو تخففون الحراسه رئيس الحرس بهدوء: اومر علياآ سيدي عزام بخبث.وضحكه وهو يشوف رعد يسوي لهم حركات وهم معطينه ظهورهم وبصوت عالي: آجل فتحوا عيونكم عدل وكثرو الحراسه بالخارج وياليت لو تاخذون لفه حول الفله وتنتبهون مضبوط ولكنه عسكريه خاليه من المزح: علم رئيس الحرس: علم سيدي اشار بيده ان يذهب بعد ماآدئ له التحيه العسكريه ماان اختفوا الا سقط من الجدار العالي بتهور معروف عنه ركض له عزام بخوف ابوي: ولد انت حي دنق له وهو يسمع يآن جلس ع ركبيته بخوف دقايق حتئ اعتدل المتهور وغرق بضحكاته ع خوف عزام نظر لعيونه ورعد متجاهل ان يضع عيونه بعيون والده لانه يعلم ان وضعها سيبوح له بالسر القاتم ع صدره ماذا لو تعلم ان الضحكآت قبل خلفها دموع حارقه ماذآ لو تعلم ان الدموع مختبئه خلف دموعي تعلم لماذا لنبرة الحنان بصوتك يآابي لركضك وخوفك وانت من كنت تتباهئ ان تخبرهم عني لكن لم تستطيع ابي اريد ان احتضنك نعم رغبتي الوحيده ان احضنك واهمس لك اقسم لك ياابي اني لم انت منذ الولاده واقسم لك ان اثنين يشاركوني احساسي لكن لم ارءهم بعيني ثلاث ياابي نسدنك وثلاث عزوتك لم الحزن بعيونك فاض ياابي هل تعلم محظوظ انا جدا والحظ يالمني لان اخوتي لم يشاروكني فيه محظوظ اني الان مقابلك وانك من احسنت تربيتي لم اغترب بالغرب ولم اعيش عند احقااد والدي هل تعلم ياابي انني وجدت اخي الجارح هل تعلم انك رايته بل انه يشبهك ونسختك رايته لم اتحمل ان انتظر فبحثت عن اسمه بامواقع التواصل وجدت حساباته وضفته ياابي اليوم ملكته ويفتقد لابيه وامه يفتقد لاخوه يقفون معه يفتقد لاب يقبل جبينه ويقول موفق ياابني تنهد بالم وملامحه بارده نظر لعزام اللي يساله وتاره يمسك وجهه وكتفه وتاره يمرر ايده رجوله بخوف من انه تااذآ صحئ من سرحانه صوت عزام الخايف : يوجعك شي تحس بشي امش معي المستشفئ اخاف صاير معك نزيف ولا شي لم يجيب وقد تبدل حاله للجمود بعد الضحك وعيونه زادت احمرار وقف بسرعه ووقف مع عزام احس بدوخه فمد ذراعيه دون شعور واسنده ع كتفه وامشاه لداخل الفله وابعد مكان تهرب من ابو خالد اجلسه ع السرير وجلس بجنبه عض شفتيه وهو يحس بشي حار ينزل ع ظهره تلمسه بيده وصرخ من الالم عزام بخوف وهو يشوفه غارق بدمه من ظهر رفع تقدم له وه متجاهل تحذيرات رعد انه مايقرب قطع ثوبه بسرعه وانزعه بلوزته الداخليه ظل عاري الصدر تركه مفتوح وهو يرجع يجيب شااش ومعقمات جلس خلفه ومعه قطعه من ثوب رعد ابلها بالماء الحار ومررها ع ظهره تحت صوت رعد المتالم لم يعي وخرجت الكلمات: تكفئ يبه شوي شوي علي والله يبه يعور وقفت يده عن تنظيف الجرح وهو يرئ الوشم بكتفه بلع ريقه وهو يتذكر حلمه والعلامه اللي كل يوم يرسلونها له مجهولين تذكر حديث واحد من اللي حقق معهم وقاله عيالك ما ماتوا بس ماصدقه وقاله عن الوشم وكذبه عض شفته بارتجاف بقلبه مد يده المرتجفه واعاد رسم الوشم فز وجسمه يرتجف بهلع وجزع وتفكيره شارد وقف يناظر رعد اللي يطالع له تبادل النظرات وكل واحد منهم يحكي حزنه مرت ذكرئ ع عزام اول مدرب رعد وكان شديد معه وعلشان يرضاء عليه كان يقول له يبه مر باله الجارح ربط الاحادث بسرعته ودهاء وبهمس: صقر وينه التفت لرعد وركض لتحت لغرفة ابو خالد ومن حسن حظه ان ابو خالد ناسي غرفته مفتوحه جلس يفتش بالاغراض فتح ملف القضيه وهو يقراء بااصابع مرتجفه سقطت دموعه وهو غير مبالي مستمر يقراء بصوت عالي ليخفف توتره سقطت الاوراق وركض للجوال المرركون باخر السرير وابو خالد نايم بالمجلس فتح جواله الثاني ع طول انصدم وهو يقراء الرسايل من المجهول والكلام عنه وعن عياله ماقدر يكمل واخذ الجوال بكل غضب توجه للدوانيه وخلفه رعد الخايف عليه فتح المجلس بغضب عارم وضرب الجوال بثريه وتساقطت الثريه وقطع الزجاج التفت لرعد وهو يشير له مايدخل فز بخوف وهو يطالع نظرات عزام وبهمس: يالمجنون رجعت لحالتك شفيك... عزام لم يجيب ولا بكلمه اخذ جواله وهو يتصل ع ابوناصر ابو ناصر بهدوء: ها بشر وش النتيجه وعزام شك ان الجارح ولده وبتحذير اخفي الاوراق حقت الجارح واللي تخص موت الليث وامسكه واذا ساله عزام عن ابو زوجته خله يختلق اي اسم اهم شي عزام مايدري انه ولده وان زوجته بنت اخوه ابعد الجارح كثر ماتقدر عنه ورعد انحاش بعد ماسمعته كم كلمه اهم شي المداهمه اشغله عن كل شي حتئ عياله وتحذير: سيف اربع وعشرين سنه ابعدنه عنهم حاول بشهرين تبعدهم عنه علشان يركز وانا اسبوع جاي عزام اللي حاول يتكلم همس: خساره انك عشير ابوي وياخساره كثر ماقلت لك يبه والحين بقدم استقالتي ودبروا واحد يشوف هالمداهمه غيري وغير عياالي وبلخبطه: اقسم بالله مدري شقول بس صدمتي فيك قويه قويه قفل الجوال وهو يطالع ابو خالد بنضرات وبهمس هادي: ع كثر ماضحكنا الا ان كان قلبي ناغزني كيف طاوعك قلبك كيف قدرتوا تلعبون علي وبهمس ميت: خاينة عناد وعمر كانها امس واليوم انت وذاك ليه مكتوب علي الشقاء عيالي عايشين عيالي يتالمون وانا اتالم اجيك اشكي وتقولي روح لدكتور نفسي خليتني مجنون علشان تبعدوني عنهم لاجلست مع رعد كل شوي واحد ناط لي لهدرجه انا لعبه عندكم لو اخذ خالد منك وش تبي تسوي غمض عيونه وسكت عجز عن الكلام طالع بوجه وهو يهز راسه ويحرك راسه التفت لرعد وهو يمشي له ورعد جامد حضنه بقوه بهمس: خذني بعيد عنهم يارعد خذني ابعدني عنهم شد عليه وهو يمشي مع بعض ايقن ان ابوه بحالة الصدمه لدرجه مو مستوعب ان رعد عايش وصل الغرفه ماهي دقايق الاغرق بنحيبه الرجولي المؤلم تعالت شهقاته احتضنه رعد وهو يبكي معه وشهقاتهم بزدياد عزام برجفه: ماكنت ادري انكم عايشين بس كنت احس فيكم احس لاتالمتوا واحس بوجعكم رفع راسه من حظن رعد ورجع احتضنه بقوه وبهمس: الله يخليك يبه لاتبكين تكفئ يالغالي عزام وهو يضرب صدره بقوه :كيف ماابكي كيف مااشهاق وانا اليوم اكتشف خيانتهم واكتشف ان العسكري ويدي اليمين ولدي طآلع لرعد بنظرآت وهمس انت كبرت قدام عيني بس اخوانگ وينهم تعذبوا ولا لقوا اللي يحميهم گم مره ناموا بدون لحاف ولا ناموا بردنين وقف وهو يمسح دموعه تعود ع عدم البوح سيصمت وسيهرب للمره الثانيه وبصوت هادي: جهز اغرآضي يارعد وجيب حزامي حق البدله رعد بهدوء وهو يلبس ثوب من ثياب عزام: طيب توجه للمجلس طالع لظهره بابتسامه وتوجه للغرفه وهو يجمع اوراق الاثباتات وقف يطالع نفسه بمرايه شعره الواصل تحت اذنه عوازضه اللي باديه بشيب خصل كثيره من شعره شيب طالع لوجه الذبلان. وعيونه الحمراء ابتسامته الشابحه ونحله وطوله غمض بهدوء وهو ياخذ شهيق وزفير يريح اضطربات قلبه السعيد بلقئ عياله ابتسم ومشئ لرعد اللي جاب الشنطه لابوه فتح الشنطه وهو يطلع ثوبه الابيض الناصع لبسه ع عجل وبهمس معك سياره: رعد: ايه معي عزام بهدوء: امش معي وتلثم مشوا وراء الفله وهو يتذكر كلام ابو خالد اللي هدده يبلغ عنه هو وولده التفت لرعد باستعجال: كيف نطيت رعد بهدوء: جبت سيارتي وركبت عليها تافف بتعب وهو يتجه للمخزن طلع السلم ووثبته طالع لرعد اطلع بسرعه وشغل السياره رعد برفض: اطلع انت اول عزام بغيض: ولد اطلع رعد بضحك: حاظر بابا مشئ من قدامه تحت ابتسامة عزام المخبيه تحت لثمته جاء بيصعد وغمض وهو يحس بتعب حاول مره ثانيه وصعد لقئ رعد مقرب السياره علشان ينط عليها نط عليها وهو يحس بدوخه ركب ع طول وهو يمسگ قلبه وبتعب: امشئ لحايل رعد بركبه.:يبه مآادل عزام وهو يزفر :خلاص اطلع للمجمعه او النعيريه اهم شي نطلع من الرياض طلع جواله وهو يتصل ع واحد من العساكر وقاله يقدم له استقاله والعهده بفلته سكر جواله تحت تنهيدت رعد اللي ضاع بالطرق وبهمس: يبه عزام وهو شابگ يدينه وسرحان رعد بهدوء: يبه عزام بالتفته :هلآ رعد بابتسامه: جوالگ ازعجنا طالع جواله والرقم الدولي رد بفرحه :هلا هلا ابو تركي ابو تركي: آهلين فيگ وبهدوء اسمع تعال اول رحله لندن عزام بهدوء: اصلا انا كنت ناوي اقولك اني بطلع ودبرلي مكان ابو تركي: تخلصتوا من العصابات عزام بهدوء: ماتركت الشغل الا اني قبضت عليهم واحد واحد بمساعدات من القوات المسلحه وبكره يمسكون العصابه الثانيه واما ابوگ ارسلت اوراق مهمه وقضايا كثيره عليه جابهن لي رعد وارسلتهن بفاكس للانتربول وراح يتولونه مدام الي عندنا مامسكوه علشان الوسطات سعود بوجع: عزام تراجع عزام باصرار: لاياعمي احترم قراري خلوني لو مره وحده اقرر وبهدوء احجز لي ع اول رحله مدام ريان الكابتن سعود بابتسامه: تبشر الحين اتصل عليه عزام: ثلاث مقاعد سعود باستغراب: ثلاث عزام بهدوء : ايه سعود بفرحه: استعجل الجيه ياعزام استعجل قبل لايختفي حلمگ عزام بعد فهم: وش تقول سعود: مع السلامه يالشايب سكر منه والف علامة استفهام براسه رعد بتسآءل: عزام سكر افمه بخوف من نظرات ابوه وبضحكه: اسف اسف قصدي يبه الحين العصابه اللي جايبن يفجرون مسكتهم هز راسه باايه وبهمس: وبسام معهم رعد بعبوس : يبه تكفئ طلعه علشاني عزام بصرمه: سكر ع موضوع يارعد وبهمس : بدق ع الجارح. خذ جوال ابوه وهو يتصل عليه ...... قبل اربع ساعات .. طلع من عندها وهو متجه لنواف وهوو ينتظر حازم يطلع من عند عمته عند حازم اللي دخل المجلس بجمود مع توتر دخلت بعده بهدوء ومعها ضاري ضاري بهدوء: صونها بعيونگ ياحازم ماعندنا اغلا من ام الجارحه وبهمس: عن اذنكم تقدمت بتوتر من نضراته حازم من دخلت وهو مو مصدق انا اللي قدامه عمرها بالثلاثين وشكلها صغير وجمالها الفاتن بلع ريقه وبهمس: هذي ماتتقارن برفاء ابداا تكلمت بثقه وهي تلعب بختمها: اسمع ياحازم مدامنا بااول الطريق خلنا نتفاهم وتوضح لي من انت وكم عيالك حازم بصوته الفخم والهادي: اسمعي ياكيان انا انسان جدًا هادي وابرد مني ماراح تلقين بس عند الشده والضغط تلقيني شخص ثاني وبالنسبه لزواجي الاول ماتوافقنا وتم الطلاق ومن انت انا حازم غازي حازم واتوقع اسم معروف لك وعيالي ماعندي غير التوام فهد وتوق وببرود ومن شروطي ماابي عيال حاولي تاكلين حبوب كيان بسخريه: انا اللي ميته عليهم بنتي مكفيتني واحبوب ماني ماكله اختار الخيار الثاني ومن شروطي ماتدخل علي وتنسئ شي اسمه حقوقي عليگ اقوم بيتك وعيالك واحطهم بعيوني اما النومه اعذرني انت بغرفه وانا بغرفه حازم ببرود: والله عاد بكيفي متئ مانويت الكسر كسرت هالشرط وبهداوه: الجوال ممنوع طيب الطلعات والدخلات ممنوع عزايم مافيه الا يبيك يجيك كيان بهدوء: اصلا الجوال بالنسبه لي مو ضروري والطلعات نفس الحكايه حازم وهو يوقف وبتحذير: لاتخونين ياكيان معه وبتفكيرك فيه ومقارنتك بينا ترئ زوجك يصير ولد عمي ياكيان لاتخونني بذكراه انا الحي وانا الموجود طيب قالها وهو يدنق عليها ويبوس راسها وبهمس: جهزي نفسك بعد شهر بتمام زواجنا بتكون حفله بسيطه كيان رفعت عيونها لعيونه وبهمس : حذرتني وبحذرك ياابو فهد لاتقارنا بينا ولا تتخوني بخيالك معها وقفت بسرعه وابعدتوه عنها وهي تسرع بخطواتها للداخل غمض عيونه بسعاده وهو يتنفس بقايا عطره طالع شفته وبقايا حمرتها ضحك ع تهوره وهو يمسح حمرتها وطلع لقئ توق وفهد مع الجارح وهو متوجه للسياره التفت لنواف وهو يسلم عليه ركب السياره بفرح: ياخي عمتگ هذي رضاعه حلا وزين الجارح : هههههههههههه افا بانت علومك ياابو فهد حازم ببتسامه: هذا اذا بقئ علوم عقب عمتك وبجديه: ياولد مااقدر شلون مسكت نفسي وقلت الشروط يوم حطت عيونهابعيوني خربتها الجارح وهو يشاهق من الضحك: تكفئ لا تقول ورجع يضحك حازم بخوف: يخبل لانندعم والسبب انت. الجارح وهو يستغفر وهو يطلع وجه حازم وبضحك: امسح امسح فضيحتك خذ علبة مويه وهو يبل المنديل ويمرره ع شفته بابتسامه توق بضحك: بابا في بنتت مرره حلوه وعيونها مثل ججوجو حازم بخبث: وش لابسه الجارح بقهر: توق ولعنه اسكتي والله لااذبح ابو حمره توق بخوف : خلاص ها سكت .... وصل الفندق ونزلوا حازم: مانت نازل الجارح بهدوء: معزوم عند واحد قريب من هنا حازم بهدوء طيب بحط لك المفتاح تحت الباب هز راسه وهو يرجع السياره لفلة نواف الجارحه وهي تشوف امها ترق الدرج بعصبيه وقفت ببجامتها الوريه وفاتحه شعرها وريحة بخورها تسبقها وعطورتها كيان بغضب: ماشآءالله ش هالبجامه الضيقه والقصيره وبعدين ريحة العطور سكت روسنا عروس انتي ضحكت وهي تهز راسها كيان بغضب: بنات مايستحن زدات بضحكاتها وبصوت عالي: يمه الحمره رايحه فيها غمزة لها مبرووك الزواج امي العزيزه كيان بغضب نزعت كعبها عليها وركضت الجارحه بسرعه لغرفتها وقفلتها كيان بغضب: ماعاد بوه حيااء توجهت لغرفتها واختلت بنفسها وافكارها من اللي اخترق حياتها ... الجارحه للمره العاشره تبدل بجايمها استقرت علئ ثوب نوم قصير ابيض مخطط بوردي وع خصرها ربطه طالعت نفسها برضاا خذت جوالها ونزلت بهدوء دخلت الديوانيه وهي تناظر لخالها ضاري ونواف النايمين بمكانهم من التعب ضحكت بفرحه وسكرت البابب توجهت للباب الخلفي وماحست الا بصرخه الجارح اللي دخل قبلها وشافها جابه بتفتح الباب وصرخ ناوي تخوفها صرخت برعب وضمها من وراء وهو يكتم صوتها بيده وبهمس: ي خبله انا ابعدت عنه بعصبيه: امش وراي وبدون صوت هز راسه وباله ضحكه وراحه غريبه دخل البيت وهو يهمس: خوالتس وين همست: نايمين بدوانيه ابتسم بخبث وهو يشوفها بتصعد الدرج وشالها وصعد فيها بسرعه ودخل الغرفه صرخت بخوف بعد مادخلوا وبصوت هادي: ياولد انت الهبال يمشي بدمك همس بذوبان: لعيونتس يمشي باابو ابوه وشتبين بعد همست بخجل: خلاص اسكت امش تراني ميت تعب بنام توجهت لسرير ظل واقف يصبر نفسه ويبعد عنه الشيطان نزع ثوبه توجه وراها وجلس بالطرف الثاني وبهمس: ،الجارح مايكفي اثنين بنزل انا تحت مارد عليها وهو يسحبها لحضنه وبهمس: يكفي بس انتي نازل عليتس الحيا توترت بحياآ وخوف من انه ينقض الوعد بس ارتاحت وهي تسمعه يردد اذكار النوم وبهمس وهو يبوس جبينها: تصبحين ع خير حياتي وطفي النور معتس همست بهدوء وهي تتطفي النور ؛وانت من اهله رجعت انسدحت بتوتر ماحست فيه الا يحوطها بيدنها ويضمها بقوه وبهمس: لا تخافين من ابوتس ابوتس يالجارحه اقسمت لتس مااقرب لتس ليه الخوف ماردت واكتفت تدفن نفسها بحظنه ابتسم وغمض عيونه دقايق وناموا بتعب ... عند حآزم اللي جالس ينتظر الجارح ابتسم وهو يتذكر ملامحها وكلامها اجزم ان عمرها بالعشرين وبهمس: اقسم بالله اطلق من رفاء مو معقوله اكبر مني بثلاث سنين وبابتسامه ؛ عادي اهم شي اخذها مدامي ارتحت لها رجع يده تحت راسه وانسدح ع الكنبه وهو ينتظر الجارح يج ي ..... بمطآر الرياض الدولي وقفت الطياره ونزل باحساس ميت عبست ملامحه يوم شاف سالم . مبتسم ينتظره عض شفته وبنفسه: يارب صبرگ يارب هونها علي اكمل مشيه وهو يتصنع الابتسامه اقبل عليه وهو يمد يده سالم باستغراب مع ضحكه: صارلي اربع سنين ماشفتگ واخرتها ماد يدگ سلمآن حط عينه بعين سالم وصار يطالعه بحده سالم بهتت ملامحه وهو يشوف نظراته وبهمس سمعه سلمان: لابارك الله برجلن تفرقهم مره طير عيونه بصدمه من قوة كلمة سالم تكلم بقهر: هذا رايگ فيني تقدم له وهو مازال ع نظراته وحضنه غمض عيونه وهو يحاول يهدي نفسه ويمسگ دموعه بس كيف يمسكهن واقرب شخص له هو كيف يخبي عنه وهو توامه ونصفه الثاني وبهمس مگسور: لاتتركني ياسالم لاتظن فيني هالظن ماعشت اللي تفرقنا سالم بهدوء: طيب خنقتني ابتسم ووخر عنه وبابتسامه : يله ع البيت سالم بجمود: يله مشوا بجنب بعد وكل واحد فيهم احساسه مختلف عن الثاني سلمان بنفسه: يارب ثبتني غمض عيونه گيف بشوفها معه انا تخيل عجزت اتخيل كيف بالواقع ياه صبر قلبي اضحگ وداخلي يبكي اضمه وانا مقهور منه گيف طاوعه قلبه يسوي فيني گذا سالم بنفسه: جاي له مشتاق واخرته يخزني بنظرات ولا كاني اخوه الكبير نسئ نفسه الظاهر ولازاد حبه لاريام ولا يمكن منقهر عض شفته بحسره بس والله متاخذه بعد ماشفتها ..... بقصر الجد.. آلزين جالسه بجنب ياسر الزين بهدوء: يآسر ياسر بابتسامه: عيونه الزين بخوف: شوف الساعه كم تاخرنا كثير يآسر ببرود: تو الناس الساعه 3 الزين بخوف: اخاف من ابوي يهاوشني ولا يسوي لي سالفه لف لها وثبتها وبهدوء: مالگ دخل بابوگ انا الحين ولي امرگ وانتي ع ذمتي زيون ماعليگ من احد الا انا واذا ع التاخيره انا معلم جدي ومفهمه الزين بارتباگ: اوكيه ابتسم ع ارتباكها وحضنها ع جنب وهي مستحيه منه .... نوره بعد ماقرت رسالة نواف ابتسمت لانه كانت متوقعه رده هذا دمعة عيونها يارب اكتبه من نصيب يارب فرحني فيه وبهمس: حسبي الله عليه يامحمد ... نوآف يتقلب بفراشه عجز لاينآم اعتدل بجلسته وابتسم بذهن شارد وهو يتذگر كلام حازم عن اخوه وطلبه انه يرجع بنت عمه ع ذمته وبسخريه: ارجعها هه صدق عشقتها واتمناها للحظه بس كرامتي الزم ماعلي رجع راسه ع وراء وبقهر: بيعوضني ربي خير عنها. ...... صقر دخل المزرعه وراء المجهول آنصدم وهو يشوف المزرعه الكبيره وبوسطها فله صغيره وجسر تحت مويه وبهمس: ماشاءالله تبارك الله اكمل مشيه وهو فاتح افمه من جمال المگان صرخ بفرحه وهو يشوف اسطبل للاحصنه التفت للمجهول اللي يراقبه بصمت وبفرحه: عندك خيل المجهول بهدوء: خيل وبقر وعصافير وكل شي تبيه بتحصله هنا ابتسم بوجه وبهمس: وين ولدگ المجهول بهدوء: آلحين بنروح لهم زاد استغرابه ومشئ وراء المجهول دخل الفله وهو يحس بتوتر عند سعود وقف من دخل صقر ماتمالگ نفسه وهو يمشي له ويحضنه صقر كل الخوف الارتباك زاد توقع انه ابوه ابتسم بسرعه وهو يحس برجفه وبهس: ابوي صح سعود بعد عنه: لا عم ابوگ صقر بخيبه: شتبي مني سعود بفرحه: صارلي سنين ادورك صقر ع نفس الجمود: جايبني تقول لي الكلام هذا سعود بلع ريقه بصعوبه: صقر بگره ابوك جاي صقر بهدوء وردة فعل هاديه: يصير خير لاجاء سعود بهدوء: ترگي سلم ع ولد عمگ ...... آلجارح اللي صحئ من صوت جواله رد بسرعه وهو يتعدل ويعدل الجارحه معه رد بصوت هادي: منو معي رعد بربكه: معگ رعد من قسم الاستخبارت الحارح: امر وش فيه رعد: سلامتك بس اوراقك مااكتملت وضروري تجي الرياض اليوم الجارح بضيق: بس مااقدر وبتفكير بحاول رعد: لا تحاول ولا شي ملزوم تجي ومطلوب شخصيا من سعادة اللواء عزام الجارح: 'طيب بجي الئ هنا اقف آعتذر عن آلتاخير بس الله الشاهد امر بظروف صعبه واحاول قد مااقدر اني انزل لكم وع العموم بنهي الروايه عن قريب 💔😔وحبيبت قلبي اقريها طيب 💓 | ||||||||
|
| |
|
27-09-16, 05:29 PM
| #44 | ||||
| نجم روايتي وفراشة الروايات المنقولة 
| سلمت. يمناكي كاتبتنا. . بس. هل الروايه الهاتكمله. ام لا. منكثره. الاسماء ندخل. متاهات ونعيد الصفحه. لا حداث. بين الماضي والحاضر. حلوه الروايه. بس بدها. تدقيق. بالانتباه. والاحداث. سلمت يد الناقله | ||||
|
| |
|
27-09-16, 09:52 PM
| #45 | ||||||||
| مراقبة عامة ومشرفة منتدى الروايات المنقولة
| البارت 22 ماقبل النهايه ...... ما عاد باقي للوفاء داعي ودور وما عاد باقي شي يدعو لـ اهتمام ِ ودي أكون إنسان ما عنده شعور على الأقل لا رحت انام (أقدر أنام) ..... وصل البيت وهو ببرود تام مشئ يتبع سالم وبقلبه الف سؤال وسؤال دخلوا بهدوء التفت سالم له وبهدوء :اسمع ياسلمان حنا قريبين لبعض حيل ماابي موضوع بنت الخال يآثر علينا سلمان بغبنه وهدوء :ماكنت تبيها شلي غير رايك سالم ببرود :شفتها وحبيتها واتفقنا ع الملكه والزواج بنفس اليوم مع نوره ومحمد والزين وياسر غمض عيونه بهدوء التفت لورآء وايده ع خصره اخذ نفس وعيونه حمرآء وبهدوء وبحته بانت :الله يهنيك ياخوي الله يسر عليك رجع خطواته ع وراء وطلع تنهد سالم بحيره وقهر هو عارف ان اللي سواه غلط وانه اكبر ذنوبه كسر قلب اخوه وهو عارف انه يحبها ويعشقها ولا ماكان ع هالتناقض والحال استغفر ربه ووقف يصعد ع غرفته وبباله شي واحد سلمان ومتآكد انه ماراح يرجع لهم عند سلمان طلع جواله وكتب رقمها اللي حافظه عن غيب ردت بهدوء ونوم :الو سلمان بدموع وببحه :اريام اريام فزت بخوف :سلمان سلمان؛ سؤال واحد ليه كسرتي قلبي اريام ببكئ:ابوي طلبني وعجزت ارده سلمان :وقلبي عادي عندك تكسرينه يرضيك اختفي عن هالعالم. والسبب انتي ليه ماعلمتني من اول قلت لك يااريام ماابي اتعلق فيك وانتي مولي وقلتي بنت خالك ولك واليوم انتي لغيري وهه وغيري يصير اخوي حتئ اخوي خسرته حس قطع كلمته :احبك الله يهنيك سكر الجوال وحذفه بااقوئ ماعنده جلس ع التراب وهو يبكي بصوت عالي ونحيب رجولي تقدم له وهو عارف مكانه جلس قباله وبهدوء :سامحني ياوليدي غصبن علي خطبته لاخوك فز وهو يوقف ويمسح دموعه ويسلم ع ابوه بس ابوه احضنه وبهمس :ابكيها ياسلمان وارتاح ابكيها وانسئ مكان جمعكم طآحت دموعه ع كتف ابوه بقهر وغبنه وبحه مليانه عتاب :ليتك ذبحتني يايبه ليتك طعنتني ولا خطبتها له وعدتني تكون مفاجأة تخرجي وعدتني لاتفوقت تكون لي من المتوسط للجامعه وهي كانت الوعد كلما سويت شي وعدتني فيها ماوفيت بوعدك يالغالي ماوفيت شد عليه بقوه وبهمس : حسبي الله ع جدك وخالك ..... الجارح تعدل ولف ع الجارحه النايمه وبهمس : جوجو يله قومي جووجو تمللت بضيق : هااا الجارح بغضب : وجعااه قومي بطلع ماني قادر قعدت ع السرير وشعرها حوسه وثوبها واصل لفخوذها ابتسم ووقف وهو يلبس ثوبه وبكذب : دقيقه ان ماقمتي اكب عليتس ماء بارد طالعت فيه وطالعت جوالها : الجارح حرام عليك ماصارت لنا ساعتين من نمنا الجارح بهدوء : قلبي ناسيه اننا نايمين بالتهريب لو دروا اهلتس علقوني ع حبل المشنقة قومي شوفي لي طريق وقفت وهي تافف ونزلت تشوف الطريق التفت بسرعه لكبتها وطلع سلسال الماس من جيبه وحطها بين ملابسها سمعها تصفر ابتسم وهو ينزل بسرعه ويلف البيت ولقاها .عند الباب الخلفي وقف وهو يطالعها وهي تطالع فوق ماتبي تطالع له قرب بهدوء وضمها وبهدوء : انتبهي لنفسك وحطي ببالك ماازفك. الا الثانويه مخلصتها وبهمس :احتمال ماتشوفيني اربع خمس سنين مدري عن ظروفي طيب شهقت زاد من شدته وبهمس : علشاني تحملي علشاني جووجو انتظريني مو ارجع مالقاتس ابعد عنها وهي تبكي مسح دموعه وحضنها باس راسها ونزع عقاله وشماغه وعطاه وبهمس : جعلني ماني برجال ان تركتس وهذا اللي بيدتس عهد بيني وبينتس اذا وصلت علم موتي لاتبتسين واذا ماجاتس انتظريني واول ماادخل عليتس لبسيني اياها بكت بقوه وهو يهز راسه بلا : الجارحه تكفين خلاص بروح وانا مطمن تكفين كفي دموعتس وادخلي وبهمس: مااخبرتس حنينه ضحكت مابين دموعها ابتسم وهو ياشر لها تحضنه احضنته وهو مستمر يوصيها ع نفسها ... حازم اللي صحئ مستغرب من رسالة الجارح وقف ع السريع وقعد عيالهه ولبسهم دقايق الارنة من الجارح ونزلوا ... صقر بهدوء وهو يطالع اجوآء المزرعه وبداخله فرحه بس يكابر معقوله ابوي حي يالله كيف شكله ضحك بنفسه وهو يتذكر يوم انه صغير ويتباهئ عند اصدقآءه سعود وهو يراقبه ابتسم من قلب ع حركاته مبين انه عفوي كثير وطيب وبنفس الوقت عنيد وعصبي .... عزام اللي وصل لشقته ونزل يرتاح هو ورعد جآء بيدخل وقفته يد عارفه وخابرها من السنين التفت بقوه وعينه بعين ذاك ..... رعد اللي دخل الشقه قبل ابوه وانسدح ع طول ع السرير ونام .. رفآء اتصلت ع فارس اللي معطيها مشغول ماهي دقايق الا تجيها رساله منه قراتها بصدمه :كيف يعني كان يلعب علي صاحت بقوه وهي تكسر اللي قدامها دخلوا عليها امه واختها شفيه رفآ : ابي عيالي يمه ابيهم امها :عيالك مع ابوهم رفا :ابوهم طلقني وحالف مايعطيني عيالي امها بصدمه :حازم مايسويها رفآ بقهر :كله مني انا خربت بيتي امها وهي تهديها خلاص بشوف موضوعه وافهم. منه برد وجههها بخوف التفت لامها : ماابيه الغلط مني انا وانا حذفت عيالي عليه وقلت طلقني امها بحيره : يجي ابوك ونشوف موضوعك يارفآء ..... عند ابوناصر جالس بضيق وهو حاس انه مرتكب جريمه ع اللي سوه بعزام توه حس بغلطه وكانه كان مغيب عن العالم باكمله وقف وهو ياخذ جوازه ويركب سيارته ناوي يلحق عزام قبل لايختفي ... اما بيت الجد وقفت سيارات الشرطه نزل بكل هيبته ولبسسه العسكري المهيب ونجاماته ابتسم بحسره ع هالقصر اللي تعذب فيه يوم قال بس وبتفكيره بعياله اللي واحد منهم مات والثاني عانئ كيف يقبض ع ابوه وكيف يحط عيونه بعيونهم عقب هالسنين كلها مشئ خطوته الاولئ بقلبه حسره وغصه ابوي اللي حبسني عن العالم وابوي اللي ارسل ناس علي يذبحوني ابوي بتخطيطه صار الحادث وتوقعوا انه مات بس الله لطف فيه وصحئ ولقى نفسه خارج السعوديه بدوله ثانيه عاش 16 سنه فاقد الذاكره ورجعت له ذاكرته بعد الحادث اللي صار له قبل. 6 سنين منها بداء يخطط عارفه بكل اللي صار لعزام وهو اللي كان يرقيه وهو اللي كان يعطيهم الاوامر عارف باابوناصر وش سوئ بعزام وابو خالد عارف كل شي كان يدور من ورآء ظهره واليوم جآ الوقت يطلع بشخصيته وقف قدام البوابه اللي انفتحت ع طول اشر للعسكر يجو وراه وتقدم للداخل القصر وبصوته العالي : داهموا القصر توزعوا داخل القصر طلعوا منفجعين باللي يصير خالد بغضب : مو علئ كيفكم تتدخلون القصر الجد بغضب : ليه جاين وش تبون ناصر بهدوء : جاين نقبض ع حازم غازي وخالد حازم وعناد حازم الجد برد وجههه : ليه ناصر : ليه بتعرفها بالمركز اشر ع العسكر يقبضون عليهم تحت الاحتجاج منهم ومن عيالهم ناصر بصوته العالي : الحجر ع القصر وجميع املاك حازم غازي وعياله تتجمد جميع الصرافات بكل البنوك. والكلام لاحفاده وعياله طلعت الجازي بعباتها ولبسها المحتشم ادار ظهره ناصر وهو ناوي يمشي بس وقفه صوتها : ناصر وقف لاتروح غمض عيونه بالم كلهم ماعرفوه لابوه ولا اخوانه هي الوحيده اللي اعرفته لف لها بهدوء وهو عاجز عن الكلام الجازي : بتقوئ ع سجن ابوك واخوانك ناصر بهدوء : بقوئ يالجازي بقوى مثل ماقوئ ثلاث مرات يقتلني ويعذب عيالي وعيال عيالي الجازي بهدوء : دامك تقوئ وتقسئ كيف الله بك هز راسه باايه وقاطعه سؤال منها : نطلع من القصر ويين نعيش ياناصر وشركاتنا وعيالنا من وين نعيشهم. ناصر بكل برود : القصر لي وبااسمي وبتفضل عليكم وبالعافيه اما الاملاك كلها لي وبصفيها من مال الحرام وارجعها لكم لاني ماني بحاجتها ولو بطلع خبيث مثل عيالك كان رميتكم بالشارع مثل ماسويتوا بعيالي وبهدوء : وانسوا سعود بعد وطلع من القصر تامل الرقم واتصل بهدوء رد عزام بهدوء تام : الو ناصر بهدوء : جهز اغراضك انت ورعد تم قبول استقالتك وتجهيز طياره خاصه لك والفيزا انتهئ موضوعها انتظرك بالمطار الساعه 10 الصبح عزام بفرحه : اوكي شكرا ... عند الجارح اللي وصل للرياض ونزل حازم وعياله ع شقتهم. اتصل ع رقم عزام رد عزام بفرحه : الو الجارح. بنعسان : اهلين انت اللي قلت لي ناقصني اوراقك انا الحين بالرياض عزام بهدوء :: تعال لشقق …… وهناك تفهم الموضوع الجارح بهدوء : طيب مسافة الطريق وانا عندكم .... اما القصر مانانوا يفكرون بحل كل الشباب مع. عمهم. سعد وغازي بالصاله والبنات بالمجلس الثاني سعد بهدوء: انتم عارفين ان اللي صار كانا متوقعين يصير باي وقت الشباب بتساولا :ليه سعد :جدكم وخالد وعناد يتاجرون بااسلحه وممنوعات ولهم صله مع العصابات بس ماحد تجرا يقبض عليهم لان لهم اسمهم بس الحين قبضوا عليهم وهذا الموضوع كله لحد يجي ويتساءل غازي :بنكمل حياتنا عادي مثل قبل واي شي يصير لكم تتوجهون لي. ولا لعمكم سعد اما الشغل كل واحد يشد حيله ويتوظف بشهادته انسوا الدلع اللي قبل وتعاونوا وخلكم قلب واحد لاياثر فيكم كلام الناس تجاهلوا وعرس محمد وياسر وسالم بيتقدم الشهر الجاي جدكم قبل لاينقبض عليه جهز كل شي من القاعه والتجهيزات حتئ شهر العسل دفع جميع التكاليف الكلام لكم تجهزوا كلكم من بنات وعيال ومن اليوم ورايح تقللون الصرف الشباب بهدوء :طيب .... بقسم الشرطه ملتزمين الصمت والعسكري يلقي عليهم جريمهم. حازم بنبره مكسوره :: ابي اشوف ناصر وعزام. العسكري بصرمه : ممنوع وبصوت عالي : يالعسكري خذهم ع. السجن الانفرادي تقدم العسكري ووقتها ادركوا جريمهم وحسوا ببشاعتها تمنوا انهم يشوفون عزام وناصر ويطلبون السماح منهم واحد منهم بس اللي ملتزم. الصمت من عرف ناصر من عيونه وغيره كان متكلم مع عزام ابتسم وهو يتذكر عزام وكلامه قبل اربع ساعات وقفه وهو يمسك ايده لف له عزام بصدمه : انت عناد بهدوء : ايه انا وينك وليه تقول ميت وانت حيي دمرت حياتي. بسببك. عاتبت نفسي وعذبتها ظلمت بناتي وزوجتي والسبب انت كرهت الدنيا كلها قاطعه بسخريه : واضح كل يوم من. حضن بنت لبنت من خمر لحشيش لتهريب لشقق دعاره وكل هذا كاره الدنيا والسبب انا مو انا اللي جيتك وقلت ياعناد دمر نفسك ولا انا اللي جيتك وقلت. لك ياعناد فلها واشرب وحشش ع كيفك هذا شيطانك. انت موانا. وبسخريه : انا لين امس وارسل لك رسايل توعيك من تركتك. وابعدت ماهن. علي. اشوفك. كذا حاولت بكل الطرق رسايل وارسلت عليك ناس يوعونك. بس. انت مستمر بنفس. الغلط وكل. يوم. تغرق فيه وهذي. مشكلتك. مو مشكلتي عناد : بس خلاص انسئ كل شي وخلنا نرجع مثل قبل عزام. ببرود : راح الوقت ياعمي وماعاد لك بالقلب مكان. عناد بضيق : اتمنئ انك ماتنسئ صحبتنا قبل عزام. : واتمنى شي واحد تجاوبني عليه بكم بعت صحبتنا عناد بضيق : وغيره. عزام بحزن : مااقول الا ليتني ماعرفتك. دار ظهره لعناد اللي. يساله مسامحه هز راسه : مسامحك ياعمي مسامحك. .... الئ. هنا اقف انتظروا البارت الاخير .. اعذروني ع التاخير بس ماكان بيدي انتظروا البارت الاخير واخر تواجد لي بعالم الروايات | ||||||||
|
| |
|
27-09-16, 09:58 PM
| #46 | ||||||||
| مراقبة عامة ومشرفة منتدى الروايات المنقولة
| البارت 23 النهايه. أستخرت الله " مـنـك " وأقتنعـت أقتنعت : ( بـ حكـم رب العآلميـن ) لو نخنتني دمـوع عينك مآ رجعت قد : بـكـت عينـي دمـوع التآيبيـن ... الساعه 8 الصباح وصل الشقه ونزل هو تعبان ويفكر متئ ينام براحه دق الجرس فتح له رعد بابتسامه : حياك الجارح بااستغراب : يحيك دخل وهو يطالع الشقه وفخامتها طالع للي جالس بثوبه وشماغه ع كتفه رفع راسه للجارح اللي نسخته يوم هو شباب ابتسم ووقف الجارح وهو يحس بتوتر ورجفه قلب غريبه : اللواء عزام عزام بضيق وهو يتقدم له ويحضنه وهو يهمس له الجارح كل مافيه يرجف من الصدمه وبهمس : كيف يعني انت ابوي عزام وهو يشد له اكثر وعيونه تبكي : ايه ابوك والله ابوك ورقة التحليل عندي اذ مو مصدق ابعد عنه وهو يجلس ع الجلسه وبكلام سريع مو مرتب : كيف وليه تركتني عندهم تدري كم مره ناديتك ولا كم مره نمت بالبرد ولا كم مره انضربت وانا المظلوم ليه خليتني وبهمس : يبه رعد اللي جالس ع الطرف الثاني ساكت وعيونه ممتليه دموع عزام بنبرة قهر : اقسم بالله ماتركتك عندهم ولاتركت اخوانك الجارح قاطعه : اخواني عزام بعدم صبر : تدري شلون بكره افهمك الموضوع كله مع اخوك الثالث الحين جهز نفسك وجيب جوازك الجارح : جوازي معي بس وين بتوديني رعد باستهبال : لجهنم الحمراء عزام بغضب : رعد اسكت رعد وهو يمثل : ايه ايه تكبرنا يااعزام عقب يارعد تعال يارعد لاتروح الحين يعني شفت الجارح تغيرت علي ترئ انا ولدك بعد عزام بسخريه : والله ياحبيبي زعلت وغرت من اخوك رعد وهو يحرك عيونه بدلع : ايه زعلت عزام وهو ياخذ المخده ويحذفه عليه : اعقل يارعد لاتخليني اربيك من جديد الجارح بستهبال : مو علئ كيفك بعدين منو سمح لك تصرخ علئ اخوي عزام طارت عيونه وقف وبصراخ : احتراموا انفسكم انت وياه ولا والله تنثبرون هنا وماتسافرون معي الجارح وهو يوقف ويتجه لرعد رعد وقف ع طول وحضنه وهو يسوي نفسه يبكي : شفت يااخوي كيف اسلوبه معنا الجارح وهو يواسيه : الشكوئ لله ياخوي مالنا غير الصبر عليه عزام اللي ولع من القهر :مااشآءالله صرتوا حزب علي من متئ المعرفه ترئ ماصر لك عشر دقايق يوم. عرفت انه اخوك الجارح بسخريه : والله الفضل لك ياابي العزيز عزام بهدوء :وراي يالله ولا اسمع لكم نفس طالعوا لبعض بضحكه وفرحه ومشوا وراه وصل المطار وهو مستانس بعياله واحد ع يمينه واحد ع يساره وقف وهو يطالع رئيسه المبتسم بغصه تقدم له عزام بفرحه وهو يسلم عليه : مشكور ومانساها لك ياابو قاطعه ناصر : ياابو عزام عزام باابتسامه : ياابو عزام ناصر بخيبه انه مافهم : عزام طالع الاسم اللي فوق عزام طالع الاسم. توسعت عيونه بصدمه ورجع يطالع له : شلون ناصر بهدوء : سالفه طويله ياوليدي امش معي لطياره وبعدها يحلها ربك مشوا ورآء بعض وكل واحد فيهم احساس الفرحه معتليه ركبوا الطياره وودعوا الرياض بالطياره عزام مقابل ناصر ورعد مقابل الجارح ناصر بهدوء موتي كان حقيقه بس ربك لطف بااخر الثواني رد لي النفس وانتشر خبر موتي المزعوم واللي من تحت راس ابوي وخالد ودخلت غيبوبه وصحت وانا بالمانيا كنت فاقد الذاكره لمده كبيره ماكنت اعرف انا منو ولا ليه عايش تعاطفوا معي اللي كنت قبل اساعدهم صاروا يدي اليمين لانههم يعرفون كل شي صار قبل تقريبا عشر سنين او اكثر تعرضت لحادث من تحت تخطيط العصابه لاني كنت اشتغل بالانتربول وسبحان الله رجعت لي ذاكرتي ورجعت السعوديه بعدها يعني صارلي 6 سنين بالسعوديه من رجعت لي ذاكرتي وبعدها عرفت كل شي والتقيت بسعود اللي انصدم وفرح وبدينا نشتغل ع الملفات وصرت المبعوث من الانتربول واعمل بسريه تامه وبنفس الوقت لي اسمي ومكانتي كنتم تتلقون الاوامر مني من اول يوم لك بالوظيفه كنت تحت اشرافي بس وقتها ماكنت عارف انك ولدي وسعيت وراء العصابه لين قبل اربع ساعات قبضت عليهم واحد واحد طبعا تحت خططك ياعزام واخرشي قبضت عليه ابوي واخواني سلمتهم للعداله مع اني مستقيل بس اخر معمه لي قرررت نرحل للندن ونعيش هناك لنا قصور ومزارع ريفيه نريح من هالناس ونريح انفسنا من همومنا عزام بهدوء : طيب اللي تشوفه يبه الجارح اللي تنهد بقوه رعد المنصدم : يعني انت جدي ناصر بمزح : للاسف ايه رعد وهو ناوي يسلم بس وقفه عزام اللي قرصه : اثبر بمكانك لوقفت الطياره سلم ناصر : هههههههه عزام اتركه هذا ولدي الجارح بغيره : وانا ناصر : كلكم عيالي عزام بهبال : وانا ناصر بضحكه : انت اغلاهم انت ولدي وبكري رعد والجارح : لنا الله عزام بهبال : ولاتزعلون انتم عيالي وللاسف كلكم طلعتوا بدقيقه وحده الجارح : لحظه يبه انا الكبير وانا اول واحد طلعت صح عزام : والله وانا ابوك ماولدتك علشان اعرف انت الكبير ولا رعد : ههههههههههه ايه احسن اللقاقه مر زينه ناصر : خلاص الجارح الكبير بما انك ابو الجارح عزام : يعني هقوتك كذا ناصر : ايه خلاص الجارح بحنين : الله ياسمآء حايل متئ تجمعينا وافرح بضمتها ناصر وهو يلتفت بغضب : ماتستحي انت الجارح : وليه استحي حنيت لمرتي وذكرتها فيها شي ناصر بغضب : والله لولا انها مو بنت الليث ومتعلقه فيك كان طلقتها منك الجارح : وانت شعرفك فيها وباابوها عزام مسك راسه : خلاص لو صلنا هناك فهمناك الموضوع الجارح سكت وهو يفكر ويربط بين الاسماء وبشهقه : انت عمها اشر ع ناصر وانت جدها يعني انا ولد عمها عزام : ايه وازيدك من الشعر بيت خوالها خوالك انت واخوانك لان امك وامها خوات الجارح : يالله رعد بطفش : الجارح بالله نبيك تسوي عرس من زمان مارقصت وبعدين بتنكس بعرسك ع كيفي عزام بغبنه : شفت يايبه عيالي ناصر بضحكه ؛ الله يعينك ياوليدي بس ماعليك بنعيد تربيتهم بلندن الجارح سكت وهو يغمز لرعد يسكت ... بالقصر دخل عليهم معه عياله وراه محمد اللي وجه صاير اسود وضعفان وهو ماصر له اسبوع بالمركز شافهم مجتمعين وقف له غازي بعصبيه : ليه طلقت مرتك حازم ببرود : ماتناسبني غازي بعصبيه : ترجععها اليوم حازم بهدوء : ماراح ارجعها يمين بالله وعلئ فكره ترئ امس ملكة وزواجي بعد شهر غازي ببغضب : مانت بولدي قاطعه حازم بهمس : بتخسرتي علشان وحده خاينه غازي الجم من الصدمه تعداه حازم وهو يجلس ومع عياله التفت لمحمد اللي حالته مبهذله : اسمع انت من بكره تضبط جناحك وسالفة تقرب لنورره قبل عرسك ياويلك يامحمد محمد اللي عايف الدنيا : طيب اوامر ثانيه غازي : لا بس انتبه لنفسك واضبط حالك انت واخوك .. عند ياسر وهو يكلم الزين : اسمعي ابدي جهزيي من الحين ترئ ماعندك وقت وغير كذا لاتخلصين مهرك ع اشيآء تافه انتي عارفه اننا نمر بظروف غيبي شي لنفسك ينفعك بعدين الزين : طيب وانتت ياسر : انا دبرت لي وظيفه بالمستشفئ العام اقبلوا شهادتي الزين : بهالسرعه ياسر : لا انا مقدم من زمان صارلي اربع شهور وامس ارسلو لي الزين : حلو ياالله عن اذنك ببدآ اشوف اموري ياسر : بحفظ الرحمن ... نوره اللي جالسه مع الزين ومعهم اريام ويتفقون ع الصالون وفساتين العرس وجهازهم ... اما سلمان رجع للغربته بعد ماسمح له ابوه .. والمعاريس بدوا يخططون ويجهزوان من نفس المحل .... اما رفاء اقتنعت بخطآها وبدات تصلح من نفسها .... اما بحايل ضاري خطب اخت صديقه ونواف ملتزم الصمت وعايش حياته بهدوء والجارحه تساعد امها بالتجهيز ... وصلت الطياره لندن وكان بالاستقبال سعود وتركي وصقر تقدم ناصر وسلم وبعدها عزام اللي سلم وقرب من صقر وحضنه توقع انه بيبعدها بس انصدم بدموع صقر وبهمس :لاتبكي يابوك همس :طولت يايبه طولت تقدم رعد والجارح وهم يستهبلون عليهم وبعدها حضنوا صقر وصاروا يمشون مع بعض وصلوا المزرعه نزلوا تحت ترحيب سعود وفرحته فيهم ناصر بصوت عالي ;هالمزرعه ماتطلعون منها الا بعد ثلاث سنين طارت عيون الجارح :وليه ناصر :ابيكم تقلبون المزرعه فوق تحت فيه جزء منها محترق ابيكم تعيدونها مثل ماكانت وكل واحد بيستلم مهمه طلعوا بعض والتفتوا لابوهم عزام ;مالي دخل هذا جدكم وكلموه الجارح :عارف ان كل هذا عقاب وغير كذا علشان بنت ولدك ناصر :هههههههه زين طلعت تفهمها ع الطاير الجارح : طالع له بنظرات وصد رعد :جدي اخطب لي ناصر وسعود وعزام :ههههههههههه مايمدي صقر :وانا بعد مو بس رعد ناصر :خلصوا الثلاث السنين وابشروا ... بعد مرور ثلاث سنوات بقصر الجد طلعت نوره وهي تصرخ باسم بنتها الصغيره وتين وتين ركضت تحت عند ابوها نوره : بقهر والله لاوريك ياوتينوه الزين بضحك وهي شايله ولدها سعد ومعها بنتها الصغيره نوره : هههههه وانتي بس تصرخين هدي اسمها بتجي لك فوق نوره بقهر : اغبنتي خربت كل مكياجي ياسر وهو جاي لهم : الله يرحم فعايلك قبل بنتك نسخة طبعك نوره بزعل : هذ اللي الله قدرك عليه ياسر وهو يبوس راسها : امزح معك التفت للزين وهو يشيل سعد وبااستعجال يله ترانا تاخرنا ع الاستراحه مشوا وراه ونزلوا تحت ركبوا السياره وهم متوجهين للاستراحتهم العائليه وقفت سيارة حازم وكيان اللي اول مره تحظر لهم مناسبه حازم وهو يمسك ايدينها : كيونه لاتخافين وسلمي بثقه تراني موصي امي عليك كيان وهي حاسه بتوتر : طيب التفت : يالله قلبي توق ابتسم حازم وهو مازال ماسك ايدينها : حبيبتي انتبهي لنفسك واللي ببطنك هزت راسها باايه ونزلت وهي ماسكه ايدين توق نزل ومعه فهد بجنبه بعد غياب ثلاث سنين بحايل اليوم يرجع للرياض دخلوا الاستراحه بهدوء التفت وهي تشوف العايله كلهم مجتمعين وعازل بين. الحريم والرجال فزوا الحريم وهم يرحبون فيها طاحت عيون رفآء عليها وعلئ بنتها اللي متمسكه بثوب كيان توجهت للجازي وهي تسلم عليها الجازي : ياحي الله كيان حي الله من شافك. كيان : يحيك ياقلبي جلست بجانبها ومعها توق اللي متمسكه بكيان وخايفه همست لها : حبيبتي قوم العبي معهم. همست : لا اخاف ماما تجي وتضربني كيان بهدوء : انا عندك وانا ماما يله روحي ماحد يضربك. وابوك. هنا هزت راسها برفض وهي تحط راسها بحضن كيان ابتسمت من بعيد لهم وبهمس لحازم : الله عوضك بهالزين. حازم. : ايه والله الله عوضنا يايمه لو تشوفين بس غلاتها بقلبي ام حازم : مبين يايمه من كلامك عنها وماشآءالله ادب واخلاق وكافي انها صايره ام لعيالك حازم بفرحه : انتظري بعد ثلاث شهور ولي العهد الثالث ام حازم : يبلغك فيه ياوليدي ويصلحه يارب حازم : امين يارب ..... عند محمد اللي يتغزل بنوره من بعيد محمد : وتين بابا شفت امك وتين بزعل : ايه هناك جالسه محمد باسها بخدها وراح لنوره السرحانه بنافوره طلع قلمه وهو يمرره ع رقبتها فزت بخوف وهي تطالعه له :محمد شهالحركات محمد :منو مزعلك يابعدي نوره :بنتك هالعوبه محمد :هههههههههه نوره :ايه اضحك محمد :طيب وشو يرضيك نوره :سفره لمكه محمد :طيب ابشري كم نوره عندي ابتسمت وهي تحضنه وبهدوء : اشتقت لمكه تذكر محمد ابتسم :وكيف مااذكر وهي اول حب بيني وبينك ... اريام وهي تعبانه من عياله الاثنين صرخة بغضب :والله لاعلم سالم عليكم جاآ سالم من وراها وهو يحضنها : منو علئ حياتي اريام :عيالك هذول جننوني مافي ولد ماضربوه قلبوا الاستراحه فوق تحت عحزت عنهن انا سالم بغضب :قدامي انت وياه عند جدكم يالله لا شوفكم متحركين حمود :وانت وامي شتسون سالم بعصبيه :انا ذابحك ذابحك حمود ركض وراه سالم ... بمطار الرياض نزلوا كلهم رعد وبجنبه الجارح وصقر وتركي وقدامهم ناصر وسعود وعزام والحريم وراهم طبعا صقر خطب عبير بنت سعود ورعد خطب بنت خالتها والملكه والزواج بنفس اليوم مع الجارح اللي حدد زواجه بعد اسبوع وجهز كل شي من زمان وخلص الجارحه بعد جهزت كل شي وخلصت وطبعا جاها المهر مع جدها وعمها بيوم الزواج.. العرايس مع بعض بنفس الصالون والمعاريس باالقاعه الجارح وهو واقف ببشته والابتسامه ماخذه طريقها ورعد وده يرقص من الفرحه وصقر ممبتسم دخل ضاري ومعه ولد وبجنبه نواف وحازم وولده توجهوا وهم يسلمون ع رعد وصقر والجارح ..... بقاعة الحريم كيان ومعها الجازي وعمام عزام كلهم موجودين واقفين بعرس عياله ابتسم وهو يشوف القاعه ممتليه وعمامه جالسين وعيالهم قايمين بالعرس تنهد بضيق ع جده وعمامه: ياليتكم معنا وياليت الحقد ينمحي من قلوبكم التفت لابوه الواقف برزته وهييبته واصدقآئه العسكر حوله وسو له عرض خاصه توجه لعياله وهو يوصيهم ع حياتهم وحريمهم بدات الزفه وكل وحده منهم قلبها قام يرجف الجازي : يله الجارحه انتي اول وحده الجارحه بخوف : ماابي خلاص هونت الجازي : الجارحه اخلصي وراك ثنتين الجارحه وهي تطلع نفسها بمرايه ثوبها من فوق كت ومن الصدر ضيق لين الخصر وبعدها منفوش بلمعه خفيفه واكمام طويله وبسلسال ناعم الماس ومن قدام رافعه شعرها ومثبته الطرحه وباقي الشعرر مخليته ينسدل بنعومه ويغطي ظهرها وبمكياج جدا ناعم نزلت من الدرج وانطفت الاضوآء واشتغلت اضوآ خفيفه متوجه عليها انصدمت وهي تسمع الاهدآ لها والزفه بصوت الجارح واشعاره ابتسمت بقلبها مشتااق له حد الوجع صار له ثلاث سنين ماشافته وصلت الكوشه وانفتح الباب الثاني ودخل ومعه ابوه وجده وقفت وامها بجنبها وكل مافيها يرجف خافت تحط عينها بعينها تقدموا لها وتقدم جدها وهو يبارك لها وعمها وهو يسلم عليها ويوصي الجارح تقدم هو وباس جبينها وبهمس : مبروك علينا ردت بهمس : يبارك فيك حضنها بدون تردد وهو يهمس لها بشوق ووله لحضنها تحت تصفير الببنات استحت وهي تهمس : الجارح خلاص الجارح ابعد عنها بعد ماطبع بوسه صغيره ع شفتها وبهمس : يالله نطلع ماعد فيني صبر الجارحه بخجل : انت من جيت من لندن خربان الجارح بمزح : صلحيني الجارحه : ههههه طيب الجارح : يلا نمشي وقفوا بعد ماسلموا عليهم واشتغلت اشعاره وهم يمشون وشادين ع ايدين بعض وابتدآت زفة رعد وبعدها صقر وصلوا الفندق ونزل وهو يساعدها بفستانها وصلو الجناح ودخل وهو يسمي لف لها وهو يرفع طرحتها وبهمس : علميهم وش معنئ كلمة عروس علميهم فيتس اكتفيت وعلميهم ان حبي لتس عظييم ردت بهمس : علمهم ان حبي لك تعدئ قيس وليلئ فيك اختصرت الحياه وفيك ابوي صدق ابوي مات لكن الله عوضني فيك منك صرت اشوف الحياه وحبك علمني كيف انام واصحئ بك وكيف كل يوم احبك زود ويزود عشقك فيني ابتسم وهو يحضنها : كبرتي ياطفلتي ابتسمت : ع الوعد باقي ابتسم : ع الوعد باقي ياقلبي ابتسمت وهي تبعد عنه وتاشر له يصبر دقايق تقدمت له وهي معها شماغه وعقله ابتسم بفرح توجهت له ونزلت شماغه وعقاله ولبسته اللي معها وبهمس : تذكر ابتسم وهو يحضنها بقوه ;اذكر يابعد حالي همست :تذكر سؤالي لك وجملتنا همس :هل ستبقيني دآخل حنايا ضلوعك همست :ام سيمحيني الزمن بذكرئ عابره بعالمك همس :سآبقيك بآقصئ حنايا ضلوعي بين شرايني واوردتي همست :سآمحي من يقترب اليك وسآتمرد بقلبك واصبح نبضه ضحك وهو يسكتها ببوسه ... اما عزام مانام من الفرحه والراحه طلع للحديقه ولقئ ابوه وعمه جلس بينهم والابتسامه ماليه وجه ناصر :عساك ارتحت عزام :ايه والله يبه احس براحه سعود :يالله عاد بقئ دورك ضحك عزام :هههههههه راحت علينا. ناصر :توك شباب سعود :ههههه ايه عزز له ناصر ::ههههههه اكيد بعزز له مو ابوه عزام :الله يديم ضحكنا وافراحنا ونفرح بعيالهم ناصر وسعود :امين يارب ... الئ هنا تنتهي روايتي تعبت كثير حتئ انهيتها وادري ان النهايه ماكنتوا متوقعينها وكنت راسمه ببالي بطول فيها وفي احداث كثير شطبتها بسبب التعب اللي جانيي فجآآءه وماقدرت اكملها بااحداثها اختصرتها واعذروني ع التقصير بالبارتات وانتقدوني بلطف واول روايه لي واخر روايه لي بعالم الروايات اتمنئ اني كنت عند حسن ظنكم. واعذروني ع الاخطاء الإملائية واشكر كل من وقف معي من صديقاتي ومن متابعين لروايتي وشكر خاص لتوامي الله يخليك لي يارب وشكر للي خلف الكواليس اشكركم جمعياً واميرة الزمان وصراع من الم الواقع اكثر اثنين وقفوا معي حتئ اتممتها وشكرا للكاتبه نوره ع تشجيعها لي ببداية الروايه حتئ النهايه انتقدوا بلطف واعطوني رايكم باول روايه لي وللاسف اخر تواجد لي بهالروايه شكرا من القلب لمن وقف معي حتئ النهايه ودعواتكم حبايبي���� الكاتبه : آلهدآآ �� | ||||||||
|
| |
|
| أدوات الموضوع | |
| انواع عرض الموضوع | |
|
|
1Likes
.png)
.png)
العرض العادي
