|
مشاهدة نتائج الإستطلاع: تقييمك للقصه بعد قرائتها | |||
90 % | 9 | 81.82% | |
70 % | 2 | 18.18% | |
50 % | 0 | 0% | |
اقل من 50 % | 0 | 0% | |
المصوتون: 11. أنت لم تصوت في هذا الإستطلاع |
| LinkBack | أدوات الموضوع | انواع عرض الموضوع |
26-04-16, 01:17 AM | #22 | ||||
نجم روايتي وكاتب في قصص من وحي الاعضاء
| الجزء الاول من القصه بسم الله الرحمن الرحيم السلام عليكم ورحمة الله وبركاته الجزء الاول من قصه سهم طائش في المستشفي يرقد في المستشفي مغمض العينين لا يسمع في الغرفه سوي صوت نبضات قلبه في جهاز قياس النبضات يحاول ان يعد انفاسه الاخيره وهو لا يعرف اي نفس منهم ستخرج به روحه ولكنه ينتظره ويستعد له في اي لحظه يوضع جهاز الاكسجين علي فمه ليستنشق انفاسه بينما يضع يده علي قلبه ويفتح عينيه بصعوبه وينظر الي سقف الغرفه ويدور في عقله جمله كثيرا ما رددها وهي (( اذا كنت تخاف من سهم طائش من ان يصيبك ، فكن انت رامي السهم تنجو )) في المقهي يجلس مالك امام مريم التي تنظر له بحزن ثم تقول له مريم : سمعت انك هتسافر قريب يضع مالك وجهه في كوب العصير الذي امامه لتكمل مريم وتقول مريم : وياتري فكرت فيا ولا مجتش اصلا علي بالك مالك : عرفتي منين ؟ مين الي قالك ؟ مريم : متعودتش منك انك ترد سؤالي بسؤال ، زي برده متعودتش ان عنيك متجيش في عيني واحنا بنتكلم ينظر لها مالك بصعوبه بينما تنزل دموع مريم امامه عندما تقول مريم : مالك انت مخبي عني حاجه ، قولي انك مش مسافر تلمع عين مالك بينما يظل صامت في حين تقول مريم مريم : قولي انك هتفضل معايا وانك بتحبني بجد وانك عمرك ما هتسبني يتكلم مالك بصعوبه ويقول بنبره منخفضه مالك : احنا لازم نسيب بعض ! تنظر له مريم بانهيار بينما يقول مالك بحزن مالك : انا مش هقدر اسعدك زي ما وعدتك ، مش هكمل معاكي الحلم الي عشنا نحلمه طول عمرنا تصرخ مريم فيه بقوه وتقول له مريم : ليه ؟ ليه بعد كل الي كان بنا دا بتقول كده ؟ ينظر مالك لها بدموع ويصمت للحظات ثم يقول لها مالك : مش هينفع اقولك ليه ، هتعرفي مع الايام بس الي عايزك تعرفيه دلوقتي اني عمري ما كدبت عليكي في شئ و اني حبيتك اكتر من نفسي مريم : وعلشان حبيتني تسيبني ، هو دا وعدك ليا مالك : انا اسف يا مريم بس صدقيني دا لمصلحتك يذهب مالك و يترك مريم تبكي خلفه دون ان يلتفت لها في البيت يحضر مالك شنطته بينما تدخل عليه والدته وتقول له الام : ليه يابني عملت كده مع مريم ، ليه تسيبها بالطريقه دي ، انا اكتر واحده عارفه انت قد ايه حبيتها مالك : وعلشان حبيتها سيبتها ، حياتها هتكون افضل من غيري الام : طميني يابني قولي انت مسافر فين وهتعمل ايه بالظبط مالك : قولتلك يا حاجه انا مسافر في شغل ، سنه ولا اتنين وارجع ان شاء الله تمسكه امه و تضع عينه في عينها وتقول له الام : لاول مره احس انك بتكدب عليا ، مش انت مالك الي انا اعرفه قولي يابني فيه ايه ينظر لها مالك بابتسامه صغيره ويقول لها بعد ان يحتضنها مالك : مفيش حاجه يا امي انا هسافر علشان شغل متخفيش عليا بس انتي ادعيلي الام : دعيالك يابني تروح وترجع بالف سلامه يارب تدمع عين مالك في حضن امه ولا يتمالك نفسه في بيت عادل بعد ان حلقت الطائره التي حجز مالك مقعدها بساعه يرن جرس باب بيت عادل صديق مالك فيفتح الباب ويقول متفاجئ عادل : مالك انت مسافرتش ليه يدخل مالك البيت الذي لم يسكنه غير عادل ويجلس وينظر الي صديقه ويقول مالك : انا مش هسافر يا عادل ينظر له عادل في استغراب ويظل صامت بينما يكمل مالك ويقول مالك : انا محتاجك تساعدني يا عادل ، انت اكتر واحد ممكن تساعدني عادل : في ايه يا مالك ، ايه الي حصل وعايزني اساعدك في ايه يتكلم مالك دون تردد بعد ان ينظر الي عادل ويقول مالك : انا مريض يا عادل ، مريض عندي كانسر في الكبد يجلس عادل من الصدمه بينما يكمل مالك ويقول مالك : هتعالج بالكيماوي ، شعري هيقع و هتعب من كل جرعه اكتر من الي قبلها كل دا مش مهم تلمع عين عادل بينما يقول مالك مالك : كل دا مش مهم ، المهم ان محدش يعرف اي حاجه عن المرض دا ، انا مسافر يا عادل ينظر له عادل بحزن بينما يقول له مالك مالك : عادل متخلنيش اندم اني قولتلك الحقيقه ، مريم وامي مكنوش هيستحملوا الي حصل ارجوك متقولش لحد تنزل دموع عادل امامه بينما يمسكه مالك ويقول بقوه مالك : لاء يا عادل متخفش ، انا هتعالج ، هستحمل وعمري ما هستسلم للمرض دا ابدا ينظر له عادل وهو يمسح دموعه بينما يقول له مالك مالك : المرض دا عامل زي سهم طائش الكل خايف انه يصيبه ، بس علشان تنجي منه لازم انت الي تتحكم فيه ومتستسلمش ابدا ، انا هتعالج يا عادل ومش هستسلم ابدا في المستشفي (( بعد مرور شهر )) يفتح مالك عينه بصعوبه ليجد عادل يقف امامه عادل صديقه الذي ينظر له بسعاده ويقول له عادل : حمدلله علي سلامتك يا بطل الجرعه كانت شديده بس انت استحملت يشاور مالك براسه بصعوبه ثم يغمض عينه مره اخري في حين يخرج عادل مع الدكتور ليقول له عادل : ها يا دكتور اخبار حالة مالك ايه دلوقتي ينظر الدكتور الي عادل ويقول له الدكتور : للاسف حالة مالك في تراجع بعد جرعات الكيماوي ، المرض تم اكتشافه متأخر شويا ، كل حاجه دلوقتي بأيد ربنا وبصبر مالك علي تحمل الجرعات دي يضع عادل وجهه في الارض حزنا علي صديقه بينما يذهب الدكتور فيدخل هو الي غرفه مالك ليطمئن عليه ليجده مستيقظ و يقول له مالك : انا كنت فاكر اني هقدر استحمل الجرعات دي بس الظاهر اني مكتوب عليا اني اعيش بتألم واستني الموت في كل لحظه يجلس عادل بجانبه ويقول له عادل : ياعم متقولش كده الدكتور لسه مطمني دلوقتي وبيقول حالتك ابتدت تتسحن وان شاء الله هتتعالج وترجع زي الاول واحسن كمان قول بس يارب مالك : يارب ، مقولتليش سئلت علي امي زي ما قولتلك عادل : امك حاسه بيك يا مالك ، ومتأكده انك فيك حاجه ومخبي عليها مالك : عايزني يعني اعمل ايه يا عادل ، اقولها اني عندي كانسر دي كانت تموت فيها يصمت مالك للحظات ثم يقول بتردد مالك : واخبار مريم ايه ينظر له عادل بحزن شديد ليقول له مالك بخوف مالك : ايه حصل حاجه ، في ايه يا عادل عادل : مريم هتتخطب قريب ، مكنتش عايز اقولك بس كان لازم تعرف تدمع عين مالك وينظر له بكسره ثم يقول له مالك : انا عايز اشوفها ينظر له عادل بصدمه ثم يقول له عادل : لاء يا مالك مش هينفع تعمل كده ، مش هينفع تخرج وانت في الحاله دي وبعدين انت المفروض مسافر مالك : انا لازم اشوفها يا عادل ، اشوفها حتي لاخر مره في حياتي ، لازم اشوفها في محل المجوهرات تقف مريم مع خطيبها وتختار الدهب وهي سارحه ولا تعرف ماذا تفعل ، لا يظهر عليها فرحه ذلك الخطوبه بينما تختار عقد ذهب وتلبسه يرفع صاحب المحل مرآه لتنظر هي الي نفسها وتري ذلك العقد تنظر خلفها في المرآه لتجد مالك يقف ورائها وينظر لها بحزن فتلتفت مسرعه وتنظر خلفها فلم تجد شئ ، تنظر الي جميع اركان ذلك المحل ولكنها لا تجد اثره فيلاحظ خطيبها ذلك ويقول لها - ايه مالك فيه حاجه مريم : لاء مفيش كنت فاكره اني شفت حد اعرفه بس الظاهر كنت بتخيل يقف مالك خلف محل المجوهرات ويستند علي الحائط وتبدا دموع عينه في النزول بينما يذهب اليه عادل ويأخذه مره اخري الي السياره بعد ان رأي مريم مع خطيبها الذي اخذ مكانه في المستشفي يجلس مالك في المستشفي ويقول لعادل مالك : انا ضحيت بكل حاجه علشان خاطر اتعالج ، ضحيت بشغلي و بأمي الي مكنتش اقدر اغيب عنها يوم واحد ، وضحيت بمريم حبي الوحيد كل دا علشان خاطر اتعالج ينظر له عادل بحزن بينما يقول له مالك مالك : انا قررت اني مش هكمل العلاج يا عادل يتبع في الجزء الثاني ان شاء الله | ||||
26-04-16, 02:06 AM | #23 | ||||||||
نجم روايتي وفراشةالروايات المنقولةوبطل اتقابلنافين؟وأميرةخباياجنون المطروكنزسراديب الحكايات ونجمةكلاكيت نجمةمسابقةشخصيةفي رواية
| مبروووووةك ياتوماااس الرواية الجديدة سعدت اووووي انك نزلتها اليوومين دي ... نجي للقصة مالك ااااه كسر خااطري المسكين قال لهم مسافر عشان محدش يعرف انه مريض وهو بالاصح قعد يتعالج بمدينته ياااقلبي حزززني اوووي ربنا يشفييك يامالك وترجع لحضن امك معافى ماتفقدش الامل خليك اووي ومؤمن بالله .. مريم لو تعرفي مالك فين حتمووتي من القهر بتمنى تبطلي الخطبة لانك حتندمي اذا عرفتي مالك تركك لييه .. ابدعت ياتووماس البداية جمييلة جداا وننتظررك بالجزء الثاني .. ♡ | ||||||||
26-04-16, 03:08 AM | #24 | ||||||||||||
نجم روايتي وكاتبة في قسم قصص من وحي الأعضاء
| معرفش أزاى بتعرف تنقل من الكوميديا للنكد للرعب .. ماشاء الله ألا تقول انى حسدتك ولا حاجه المهم مالك يقطع القلب شاب وفجأه لقى أحلامه كلها بتضيع منه بسسس نقووول ايه بقى كاتب شررريررر فصل حزين أوووى ومكتوووب حلووو أوووى بأحتراف وأصعب حته ومريم بتشترى الدهب فى بنات كتير كده يكون قلبها فى حته وعقلها ف حته و تمشى ورا عقلها بسسسس المصيبه انها تعيش حزينه على قلبها " واحده صاحبتى ^_*" بنات تعل نفسى أعرف رونتى ليه دايمآ متأخره هى وأم سوسو بالك أنت لو كنت مخوفهم كانوا جم بدرى زى ديجووو العسل الكيووت مش هوصيك يا بركوته عاوزين تفااااااااؤل وفررررح ماااااشييييييييييي انتى فيييييييين يا نيررمين | ||||||||||||
26-04-16, 03:16 AM | #25 | |||||
نجم روايتي وكاتب في قصص من وحي الاعضاء
| اقتباس:
| |||||
26-04-16, 03:24 AM | #26 | |||||
نجم روايتي وكاتب في قصص من وحي الاعضاء
| اقتباس:
والله فعلا فيه بنات بتعل و تشل كتييييييير حاجه تمرض بس معلش بقي نستحملهم زي اخواتنا برده هههههههه المهم اتبسطت جدا ان القصه عجبتك و ان كتابتي ليها عجبتك برده برغم اني كنت بكتب بسرعه بس الاحداث متخزنه في دماغي فعارف انا بكتب ايه يعني رونتي دي حسابها معايا بكره ان شاء الله اقولها ابعتي الدعوات الساعه 8 بليل تبعتها قبل نزول الجزء بربع ساعه والناس كلها نايمه ، اما بقي ام سوسو متاكد انها هتقرا الجزء دا بكره ان شاء الله تفائل ايه و فرح ايه يا ماما مفيش الكلام دا خلاص مش نزلت القصه الي فاتت وضحكتي جيه الوقت اني انكد عليكم تاني بقي اصل فيه ناس هنا بتحب النكد زي عنيها نرمين فين صح يا نرمييييييييييييييييييييين | |||||
26-04-16, 09:22 AM | #27 | ||||
نجم روايتي
| السلام عليكم ورحمة الله وبركاته روعة فكرة القصة ولكن قل لن يصيبنا الا ماكتب الله لنا هو مش من حقه يحرم نفسه من ال بيحبوهم ويحرمهم منه ده واجب ف الحب من حق مريم تعرف مرضه وتختار تكمل معه او لا ومن حق مامته تكون معه هو الحوار سريع بس مؤثر وبليز بلاش نهاية حزينة موفق بإذن الله ... لك مني أجمل تحية . شـكــ وبارك الله فيك ـــرا لك ... لك مني أجمل تحية . | ||||
26-04-16, 11:01 AM | #28 | ||||||||
مشرفة وكاتبة في منتدى قصص من وحي الأعضاء ومحررة واعدة بعمود الأعضاء
| صباح الفل يا معلمين ماشي يا حياتي ليكي روقة و اعلقك و انفخك و اجيبلك سالم الملاح يحلق شعرك زيرو محموج معلش البنات كانو اجازة امبارح مفيش حضانة و صاحين من 5 ونص الفجر و نامو بالليل علي الساعه 11 فعلا بدات اشك انهم بيشربو قهوة و مكيفات من ورايا طبعاىنامو اناىبعت الدعوات و اتقلبت جمبهم لان مستحيل اعرف امسك التاب وةابعت دعاوي و اطلع اسامي و هما صحييين اسفة والله مقدرتش اسهر و مقدرتش ابعتها بدري عن كده | ||||||||
26-04-16, 11:08 AM | #29 | ||||||||
مشرفة وكاتبة في منتدى قصص من وحي الأعضاء ومحررة واعدة بعمود الأعضاء
| طيب نيجي بقي للقصة القصة حزينة و كلها تضحية غريبة علي جنس الرجال اعذرني يا محمود كل اللي اسمع او اقري عنهم ان الراحل بيكون اناني بمرضة او بغير المرض حتي و مراته او حبيبته بتتحمل كل حاجة لحد ما يقف علي ﻻحله تاني لكن لو هي اللي تعبت يجري يطلقها و باحسن الاحوال يسيبها علي ذمته و يتجوز عليها واحدة بصحتها عشان تشوف طلابته لكن ده ميمنعش ان لكل قاعدة شواذ زي مالك و انه مقدرش يربط مريم بمصير مجهول زي ده و يوجع قلب امه عليه عادل غلط لما قال لع علي خطوبة مريم عشان ده هيخلي الحالة النفسية تتراجع كنت لسه بقري علي النت حكاية واحدة اكتشفت وجود سرطان بالمرحلة الرابعه يعني مفيش امل و بفضل ربنا ثم رضاها بقضاء ربنا و ثقتها فيه اتعلجت و بقت فل بعد سنة تعتب تاني بس كان الورم المرة دي لسه بالبداية بس جوزها طلقها لانها شالت الرحم بالمرة الاولي المهم بسبب طلاقها حالتها النفسية اتنيلت خالص و نسبة شفاها نزلت جدا لان الزعل اخطر من قلة العلاج ربنا يشفيها عشان بنتها و يشفي كل مريض و يخفف عنهم الامه الرهيبة سواء الكيماوي او الجراحة ربنا يعفي عنا و عن اولادنا يارب و يبعد عنا النرض امين يارب كالعادة قصة جميلة غير متوقعه و مختلفة بانتظارك الخميس ان شاء الله | ||||||||
26-04-16, 12:30 PM | #30 | |||||
نجم روايتي وكاتب في قصص من وحي الاعضاء
| اقتباس:
| |||||
أدوات الموضوع | |
انواع عرض الموضوع | |
|
|