آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
23-04-16, 10:06 PM
| #31 | |||||||||
| نجم روايتي ومشرفة سابقة وفراشة متالقة بعالم الازياء  
|  الجزء السادس والعشرون <<<< صحى على صوت الاذان وشاف امل نايمه بتعب باسها برقه وقام توضى وصلى وقعد على السجاده يدعي ويستغفر خلص ووقف توجه للسرير قرب منها وهمس : امل حبيبتي فتحت عيونها بتعب ورجعت غمضتها مسح على شعرها : يلا قلبي قومي صلي لاتتأخرين على الصلاه هزت راسها وفتحت عيونها ببطىء عدلت قعدتها واسندت ظهرها للسرير : مساء الخير حبيبي راكان : مساء الفل ياعيون حبيبك يلا قومي حبيبتي وقفت وفتحت الشنطه اخذت لها ملابس واغراض وتوجهت للحمام - اكرمكم الله - سكرت الباب وقفلته سمعت طق على الباب فتحته باستغراب : شفيك حبيبي راكان : لاتقفلين الباب امل باحراج : قلبي خلني اقفله عشر دقايق واطلع راكان : لا لا سمح الله صار لك شي امل : طيب احلف ماتدخل راكان فطس ضحك عليها : ههههههههههههههههههههههههه هههههههه والله ماراح ادخل ابتسمت ودخلت اخذت شور سريع وطلعت صلت بعدين جففت شعرها وحطت ميك اب خفيف قربت من راكان : يلا خلصت راكان ناظرها : ياحبي لهالوجه الله يخليه لي شخبارك اليوم وشخبار حبيب ابوه امل تحط يدها على خده : الحمد لله بخير ياعمري راكان قرب وحاوط خصرها وباسها : اخخ لو الدكتوره مو مانعتنا - غمز لها - انحرجت وقالت وهي تاخذ عبايتها : يلا ننزل لا نتأخر عليهم كتم ضحكته وباس يدها : امووووت انا عَ اللي يستحون امل بخجل : راكاااااااااااان راكان : عيونه وقلبه المهم حياتي انتهبي لنفسك واذا بغيتي شي كلميني وكلي زين شوفي وجهك شلون اصفر طيب غلاي امل هزت راسها : من عيوني راكان : تسلم لي عيونك يلا قلبي انا نازل للشباب فتح الباب بيطلع لكنها قالت بسرعه : لحظه لحظه تعال رجع باستغراب وهي قالت بضحكه : امسح الروج تبي تفضحنا انت ههههههههههههههههههههههههه ههههههه ابتسم ومسك منديل مسح شفايفه وطلع بسرعه قبل لايتهور نزل عند الشباب وامل دخلت عند البنات اللي اول ماشافوها صاروا يناظرون بعض ويضحكون قعدت جنب مها : خير شفيكم مها ببراءه : شوفي انا بقول لك بس لاتسطريني امل : قولي نورينا وش مهببه مها تحك راسها : شوفي بصراحه امس كسرتي خاطري فقلت اجي انام جنبك يمكن تحتاجين شي ولاش وجيت وياليتني ماجيت وعد: ههههههههههههههههههههههههه ههههههههه دخلت وراكان نايم عندك امل شهقت: آ ياللي ماتستحين اعترفي وش شفتي مها : والله ماشفت شي مامداني اصلا خساره ههههههههههههههههههههههههه ههههههههه امل تضربها بالمخده : ارتاحي اصلا الدكتوره مانعه اي شي هالفتره جود: من حسن حظك صراحه ولا كان طاحت عليك بوضع لاتحسدين عليه عاد وش يفكك من لسان مهيو ههههههههههههههههه امل بتعب : والله مالي خلق لسخافتكم دخلت مرام : بس انتي وهي البنت تعبانه مو وقتكم يلا قوموا ننزل مشاعل : انتي وش تسوين لحالك تحت -غمزت لها - ولا مع عزيز مرام : لا تطمني مو مع عزيز كنت فَ المطبخ بسوي لأمول الباستا اللي تحبها امل ابتسمت لها : بعد قلبي انتي الله لايحرمني شفتوا تعلموا مو انتوا سديم دخلت وقالت بصوت عالي : تعالوا الشباب بيسوون سباق لبسوا البنات عباياتهم ونزلوا الا مها كانت تدور جوالها بعد فتره قصيره جاتها فجر : يلا وينك تعالي بسرعه بيبدأ السباق مها : طيب دقي على جوالي وانزلي الحين بجي لقت جوالها ولبست عبايتها بسرعه ونزلت تركض صقعت بشي صلب وطاحت على الارض مسكت راسها : آآآآآآآه فهد : سوري سوري وش فيك جايه تركضين الله يهديك وقفت وقالت باحراج : لان السباق بيبدأ فهد: عسى ماتعورتي مها هزت راسها : لا - قالت تضيع الموضوع - انت مو معهم فَ السباق فهد : الا بروح الحين - غمز لها - وشجعيني انحرجت وطلعت بسرعه للبنات جلست جنب امل ومرام همست لها امل : شفيك مها بهمس : بعدين اقول لك كان سباق بالدبابات ركبوا الشباب واستعدوا والبنات يشجعونهم ابو عبد الكريم : مادري وش عاجبكم في سباق هالدبابات المهم انتبهوا ريان : ان شاء الله يبه لاتخاف متعودين عد ابو سعود للثلاثه وانطلقوا بسرعه والبنات يصارخون ويشجعون سديم كانت قاعده بحضن ندى ومتحمسه تشجع ابوها والبنات يضحكون عليها وصلوا الشباب لخط النهايه ورجعوا وكان فيصل متقدم ووراه عبد العزيز ومرام تصارخ وتشجعه عشان يتقدم ويفوز فاز فيصل فَ الجوله الاولى وعبد العزيز الثاني وريان الثالث وبدت الجوله الثانيه وفاز فيها راكان الاول وسلطان الثاني وياسر الثالث كشرت فجر وهي تناظر اسيل بحقد شلون تشجع ياسر همست لها : اعصابك لاتموتين علينا لفت اسيل عليها وهي مالها خلقها ورجعت تناظر الشباب فجر بقهر: انا لما اكلمك تردين سامعه اسيل : اففف فجر مو وقتك شتبين فجر : لاتتلصقين بياسر اسيل : عندك شي روحي قوليه لياسر هو يحبني ويبيني وهو رجال وفاهم ويختار حياته بكيفه انقهرت فجر وعضت شفتها بقوه وهي تتوعد وكانت بترد بس حست بجود تمسك يدها : فجر شفيك فجر : مافيني شي امشي نقعد قعدوا وجود تبي تسحب منها الكلام : والله ان بين اسيل وبينك شي مانعرفه فجر بقهر : اسيل تحب ياسر وياسر يحبها ارتحتي الحين قالت مشاعل تستعبط : طيب وانتي شدخلك فجر: صح مالي دخل خلاص اسكتي خلينا نكمل السباق ,,, مرت الايام سريعه كانت تقلب القنوات بملل رمت الريموت جنبها " اففف وش هالعيشه اللي انا فيها " بعد فتره قصيره دخل وفَ يده اكياس كثيره : السلام عليكم عبير بهمس : الله لايسلم فيك مغز ابره حط الاغراض فَ المطبخ ورجع للصاله رمى نفسه على الكنبه جنبها وقال باستفزاز : شفيه الحلو معصب عبير : انت اييييش ماعندك كرامه اقول لك اكرهك مااطيق اشوف وجهك طلقني مشاري : انتي مامليتي من هالاسطوانه اطلقك وين تروحين واهلك بنفسهم مرجعينك لي وقالوا لك مالك الا بيت زوجك عبير بقهر وشوي وتبكي : طيب ليش حابسني هنا عطني جوالي ورجعني بيت اهلك نسكن هناك مشاري ببرود : جوالك انسيه وهذا بيتنا الجديد ويلا قومي جهزي العشاء بلا كثرت حكي عبير : الله يخليك بس اكلم اختي واللي يسلمك مشاري بنذاله : امممم خلاص افكر بس قومي جهزي العشاء ميت جوع ولا تتأخرين وقفت وراحت للمطبخ سوت معكرونه على السريع وكانت معصبه وترمي كل شي قدامها خلصت وحطته في صحون وطلعت للصاله حطت صحنه قدامه مسك مشاري الشوكه واكل لقمه وكشر : شفيك انتي ماتعرفين تسوين شي كله ملح عبير ذاقته : طعمه عادي الملح مو زايد مشاري : افففف متزوج بزر مو حرمه عبير بصراخ : والله تبي اكل هذا هو قدامك ماتبي عمرك مااكلت ان شاء الله وبتخليني اكلم اختي ولا لا مشاري : مع اسلوبك هذا يمكن تموتين وانتي ماكلمتيها - وقف - انا طالع اتعشى وبروح للشباب عبير : روحه بلا رده ان شاء الله طلع وهي نزلت دموعها بقهر : الله ياخذك يارب ويفكني منك لمت الاكل ورجعته للمبطخ انسدحت عَ الكنبه وغفت عينها وماحست بنفسها الا يوم سمعت صوت مشاري يناديها : عبير عبير فتحت عيونها ببطىء : خير مشاري : الخير بوجهك قومي نامي فَ الغرفه عبير : مابي بنام هنا مشاري يسحبها : لين يصير بكيفك قومي اخلصي سحبها للغرفه ورماها على السرير قالت بصراخ : ابعد لاتقرب مني فاهم مشاري يسكر الباب : ههههههههههههه ضحكتيني وانا مالي خلق اضحك قرب منها ومسك فكها بقوه : انا زوجك وباخذ حقوقي وقت ماأبي سامعه عبير ضربت صدره : مابيك لاتلمسني اكرهك اكررررهكككك همس : انا اللي اموت فيك تصدقين عبير : اجل وش تبي مني اتركني فَ حالي رح لوحده من زبايلك مشاري ولا كأنه يسمعها ,,,, نزلت وناظرتهم باستغراب كانوا مندمجين فَ السوالف نجلاء : تخيلي وربي صارت مضحكه لكل البنات وتفشلت ههههههههههههههههههههههههه ههههه رشا وهي توكل تميم : ههههههههههههههههههههههههه الله يقطع ابليسكم حسيت اني كنت مسالمه بالنسبه لكم انا كان قمة الفله عندي اهرب من الحصه لا وأكون ميته خوف جلست ربى جنبهم ورفعت كتوفها " سبحان مغير الاحوال " نجلاء : هههههههههههههههههههههههه شفيك مستغربه ربى ترا احنا تعودنا على هالوضع نسولف ونرجع نتهاوش ونرجع نتصالح وكذا ربى : اها نزلت هديل وهي شايله بنتها اللي تصيح وقعدت بملل رشا : هههههههههههههههههههههه شفيك كذا هديل تهز بنتها : صار لها ساعه تبكي صدعت راسي مدري وش تبي تبعت منها ربى : كان اخذتيها للمستشفى يمكن فيها شي هديل: امس كانت كذا بعد ووديتها وقالوا مافيها شي مدري وش اسوي معها ربى تاخذها : هاتيها هاتيها خذتها وصارت تحاول تسكتها وتلاعبها لين سكتت ونامت ربى بهدوء : شفتي يبي لها شوية صبر ولا هي دايخه وتبي تنام هديل تنهدت براحه : الله يريحك مثل ماريحتيني تعبت وانا قاعده معاها من العصر رشا : انا ميته جوع وش نسوي عشا ربى : خلونا نطلب احسن مالي خلق اطبخ رشا : اوك براحتكم طلبوا لهم عشا وجلسوا يسولفون تميم واللي بدأ يمشي مشى بحركه غير متزنه لين وصل عند جوان وصار يحركها يبي يلعب معاها ربى تبعده : لا حبيبي خلها نايمه تميم يمد يده يبي يمسكها وربى تبعده وقف وناظرها وهو ماد بوزه ربى : لا تمد بوزك وتسوي لي هالحركات رح لماما يلا ناظرها وصار يبكي بقوه تحركت جوان بانزعاج من صوته وصارت تبكي هي الثانيه هديل بيأس حطت يدها على وجهها : لاااااااااااااا الكل : ههههههههههههههههههههههههه ههه ,,,, ليان : تكفين تكفيييين تعالي بس يومين ونرجع امل : والله مااقدر اروح الدكتوره موصيتني ومنبهتني ليان بستسلام : اففف منك والله ودي تحضرين معنا الزواج امل : ان شاء الله المرات الجايه تروحون وترجعون بالسلامه يارب ليان : متحمسه اشوف بنات عمي من زمان عنهم بس لاتستغربين لارجعت لك اتكلم جداوي هههههههههههههههه امل : هههههههههههههههههههه الا متى بتمشون ليان : الفجر ان شاء الله امل : الله يحفظكم الا وين فستانك ماوريتيني اياه ليان تضرب راسها : يووووووه صح نسيييييت لحظه بروح اجيبه طلعت بسرعه وبعد دقايق رجعت ورهي رافعه الفستان : شرايك امل : وااااااااو يهبل وبيطلع عليك احلا ليان: تسلمين ياعمري عيونك الحلوه راكان : لا والله غزل عيني عينك ليان : انت شتبي انا واختي كيفنااا راكان طنشها وجلس جنب امل : كيفك حبي امل : الحمد لله شفيك تأخرت حبيبي راكان يشيل الشماغ : واحد من الشباب ماخذ اجازه واظطريت آخذ مكانه لان عندنا ظغط فَ الشغل ليان : راكان تكفى تعالوا معانا الله يخليك راكان : ياربي من امس وانتي تحنين ماتعبتي يابنت افهمي امول ماتقدر تروح بالطياره ليان : طيب روحوا بالسياره راكان : نفس الشي الطريق طويل ومتعب خلاص بلا حنه انا دقيت على عمي وتعذرت منه قومي بس خليهم يحطون غداي ليان تغمز له : قول تبي تصرفني وبس راكان : زين انك عارفه توكلي وسكري الباب وراك واذا جهز الغداء خليهم يجيبونه ليان : ان شاء الله عمي طلعت وسكرت الباب وقف راكان وبدل : تغديتي عمري امل : لا كنت انتظرك تجي راكان باس يدها : آسف جوعتك حبيبتي اندق الباب ودخلت الشغاله وهي تسحب طاولة الغداء حطتها قدامهم وطلعت راكان : يلا حبيبي سمي بالله ,,, الساعه 2 فجرا دق جواله رفعه بسرعه : ها عماد عماد : طال عمرك بعد ثلاث ساعات حجز عايلة بو راكان لجده ومافيه الا امل وزوجها طلال : متأكد عماد: مليون فَ الميه طلال هز راسه : خلاص انا بنام اذا وصلوا جده دق بلغني عماد: حاضر طال عمرك توصي شي ثاني طلال : خلاص مشكور ومابي احد يدري فاهم عماد : اكيد يلا مع السلامه طلال : سلام سكر وابتسم "واخيرا جات الفرصه لين عندي وماراح اضيعها من يدي " # انتهى سبحآن الله وبحمده سبحآن الله العظيم | |||||||||
|  |
|
23-04-16, 10:09 PM
| #32 | |||||||||
| نجم روايتي ومشرفة سابقة وفراشة متالقة بعالم الازياء
| الجزء السابع والعشرون <<<< صحت على صوت الاذان وعيونها منتفخه من البكي ناظرت جنبها ماشافته قامت بسرعه واخذت لها شور وطلعت صلت وطلعت للصاله تنهدت براحه لانه مو موجود توجهت للمطبخ وسوت لها كوفي قعدت تقلب فَ القنوات حطته على ام بي سي 3 وجلست تتفرج على فلم كرتون تمنت لو ترجع طفله وتلعب مع شوق وطلال وفهد ويوديهم ابوهم مدينة الالعاب ويلعبون لين يتعبون تذكرت وهم صغار اذا جاء العيد تلبس هي وشوق مثل بعض تذكرت شلون كانت تركض لطلال ويشيلها ويدور فيها نزلت دموعها اشتاقت لاهلها حتى لو كانوا السبب باللي هي فيه اشتاقت لهم ولأيامها معاهم اشتاقت لسوالف شوق لضحكة فهد لحنية طلال لابتسامة ابوها ولنصايح امها اشتاقت لغرفتها وبيتهم كله اشتاقت تصحى وهي مو شايله هم شي اشتاقت تروح غرفة شوق وهي نايمه وتزعجها لين تقوم اشتاقت واشتاقت واشتاقت بس لافات الفوت ماينفع الصوت رمت نفسها على الكنب وهي تبكي "خلاص والله اترك غروري واصير انسانه ثانيه والله اترك امل في حالها واصير احب بنات عمي بس ارجع لبيتنا تعبت من هالعيشه تعبت " بعد فتره طويله دخل وشافها ضامه رجولها وتبكي مااهتم تعود على هالوضع توجه للغرفه وبدل ورجع جلس جنبها مسك الريموت : بزر انتي تتابعين افلام كرتون ماردت عليه مسحت دموعها بقوه وقامت بتروح للغرفه لكنها سمعت صوته من وراها : وين رايحه روحي جهزي الفطور - ناظر ساعته - وبسرعه لاني بطلع عضت شفتها بقهر وتوجهت للمطبخ تدري لو ماسوت اللي يبي وش بيجيها سوت فطور سريع ورجعت للصاله حطته قدامه ناظرها وقال بأمر : اجلسي كلي جلست غصب عنها وبدت تآكل بدون نفس ناظرته وقالت برجاء : الله يخليك مشاري بكلم اختي الله يخليك مشاري بلا مبالاه : اذا جيت فَ الليل خليتك تكلمينها هذا مو وقت مكالمات انقهرت وسكتت تحبس دموعها ماتقدر تعترض ماتقدر تقول شي رفعت راسها وهي تتذكر : طيب ابي اروح السوق محتاجه اغراض وملابس جديده مشاري : اكتبي الاغراض اللي تبينها وانا باخذ داليا ودانا للسوق وبخليهم يشترونهم لك اما انتي لاتحلمين تطلعين ناظرته بحقد ووقفت اخذت ورقه وقلم من عَ الطاوله ومن قهرها كتبت كل شي تحتاجه وماتحتاجه ناظرها وكتم ضحكته واضح مقهوره : شوي شوي على القلم بينكسر طنشته وكملت كتابه لين عبت الورقه ومدتها له : خذ ومابي ولا غرض ينقص سامع كلهم احتاجهم ناظر الورقه وهو يقراء المكتوب رفع حاجبه : اممم تحتاجين ادوات خياطه قالت بتوتر : ايه اخاف احتاج اخيط ولا شي وماعندي لاخيوط ولا ابر ولا شي مشاري : وتحتاجين مكياج وانتي صار لك مدري كم شهر ماشفت ذرة مكياج فَ وجهك عبير بتأفف : ايه احتاج ومالك دخل جب الاغراض وانت ساكت مشاري وقف وطوى الورقه وحطها بجيبه : اوك ولا تحسبين بهالحركات بتنتقمين ترا فلوسي تغطيك وتغطي اهلك كلهم ولو بغيت ماجبت لك هالاغراض بس بمزاجي بجيبهم باي ياحلوه طلع وصفق الباب وراه تنهدت بضيق " هذا وش ينفع معاه اففف بس " ,,,, جالسين يفطرون ويسولفون ناظر ابو راكان الساعه : قوموا بسرعه مافي وقت انا بسبقكم للسياره والحقوني راكان : يبا ماتبيني اوصلكم ابو راكان : لا يابوك مايمديك لازم بعد شوي تروح الشركه وهالله هالله لاوصيك انتبه لكل شي كلها يومين وراجع راكان يبوس راسه : افا عليك يالغالي تعرفني انت وتروحون وترجعون بالسلامه لاوصلتوا طمنوني طلعوا كلهم بعد ماسلموا امل تنهدت : بفقدهم والله قرص خدها : كلها يومين ويرجعون يلا حياتي انا رايح البس عشان لآاتاخر طلع راكان ولبس ونزل بسرعه باس خدها : تبين شي حبيبتي امل : سلامتك قلبي انتبه لنفسك راكان : ان شاء الله وانتي بعد انتبهي لنفسك واذا بغيتي شي كلميني باس راسها وطلع طلعت امل لجناحها وشغلت التي في وجلست تتفرج على اعاده لمسلسل انسدحت على السرير وهي تتابع وغفت عينها بعد فتره طويله اندق الباب ودخلت الشغاله : مدام بابا فيصل تحت امل باستغراب : فيصل هنا غريبه ماقال لي الله يستر ليكون صاير شي خلاص انزلي انتي وانا بجي قامت بسرعه وهي خايفه ونزلت وصلت للحديقه ماشافت احد تلفتت يمين ويسار سمعت صوت من وراها : اخيرا يآ أمل شهقت ولفت بسرعه توسعت عيونها وقالت بصدمه : طــ ــ ـ ـــــلاــ ـ ل طلال يقرب منها : عيونه انتي وش فيك حبيبتي خايفه تراجعت لوراء وهزت راسها : طلال اطلع الله يخليك وش تبي جاي طلال : ابيك لفت وركضت لكنها ماقدرت وقفت ومسكت بطنها بألم والدموع تجمعت بعينها : طلال واللي يسلمك اطلع قرب اكثر وهي تتراجع وهو يقرب وهي ترجع لين صقعت فَ جدار المقلط اللي كان وراها حط يده على الجدار وقال وهو يناظر عيونها : انتي اللي حديتيني دفته بقوه : ابعد عني طلال ابعد انت مستوعب وش قاعد تسوي طلال مسك يدها بقوه وحطها على قلبه : لاتكلميني كلمي هذا اللي يموت فيك ومو قادر يطلعك انا اموت فيك ومستعد اسوي اي شي عشان تكونين لي سامعه امل بدموع ورجاء : طلال انت مو كذا كنت غير والله كنت غير طلال : منك انتي السبب الكل يقول لي تغيرت وماعدت طلال اللي قبل كله منك انتي اللي خليتيني اصير هالانسان اللي قدامك امل كأنها تذكرت شي : الشغاله قالت لي ان فيصل هنا اطلع بسرعه قبل لايشوفك طلال باستهزاء : انا فيصل شغالتكم شكلها جديده وغبيه امل بهدوء : طيب طلال يلا اطلع بسرعه طلال هز راسه : ماجيت عشان اطلع مسك يدها وباسها وهي تحاول تسحبها قرب من وجهها وباس خدها وهي صرخت وصارت تضربه وهو واقف مثل الحجر سمعت الشغاله الصراخ وخافت وركضت للتلفون دقت على راكان وقالت له دقايق بس وكان راكان داخل للبيت وينادي أمل بأعلا صوته سمعها تصرخ وانجن ركض لمكان الصوت وشاف اللي عمره ماتمنى يشوفه جن جنونه وركض لطلال وهجم عليه وصار يضربه بكل مااعطاه الله من قوه مسك راسه وصار يضربه بالارض صرخت امل وهي تشوف الدم ملى وجه طلال قربت وتحاول تبعد راكان صرخت : بس راكان بتموته بس وقف وصدره يطلع وينزل والشياطين تتنطط قدامه لف على امل ومسك كتوفها : سوا لك شي امل تبكي بخوف هزت راسها : لا لا راكان وش سويت ذبحته راكان ضمها : لاتخافين حبيبتي اهدي يستاهل اللي جاه ولو علي قطعته ورميته للكلاب امل تبكي وتشاهق : رآآكان الرجال مات مات شوف الدم راكان ضم وجهها بيدينه : اسمعي انا بدق على الاسعاف يجون يشيلون هالكلب امل تهز راسها : لا لا لا بياخذونك الشرطه راكان لاتدق الله يخليك راكان : مايحتاج ياخذوني انا بروح اسلم نفسي ومو خايف من شي لأني ماسويت الا الصح وهالواطي حاول يــ سكت مو قادر يكمل وامل تناظره بصدمه معقوله هالكلام اللي تسمعه ولا هي بحلم هزت راسها بعدم تصديق رفع الجوال ودق على الاسعاف وسكر وضم امل بقوه : انتبهي لنفسك وللي في بطنك ولا تزعلين صدقيني اي واحد مكاني بيسوي اللي سويته امل تمسكت فيه وهي تشهق : راكان لاتقول هالكلام انت ماراح تروح مكان لاتقول كذا الله يخليك اذا تحبني لاتروح راكان غمض عيونه : ان مارحت بيجون ياخذوني حبيبتي ابيك تعرفين اني احبك ومستعد اسوي اي شي عشانك حتى لو اروح فيها اعدام امل بهستيريا : لاتقوووووول هالكلامممم فاهم انت ماراح تروح مكان سامعع ماراح اخليك تطلع راكان الله يخليك عشاني وعشان ضناك اللي في بطني عشان امك اللي بترجع وتنفجع فيك باس راسها ومسك يدها وباسها وباس خدها وكل جزء في وجهها ناظرها وهو يغالب دموعه همس لها : لاتنسين اللي وصيتك عليه وسلمي على اهلي فمان الله طلع بسرعه وهي جلست على الارض وصرخت صرخه هزت اركان البيت : راكآآآآآآآآآآآآآآآآآآآآآآ آآآآآآآآآآآآآآآآآآآآآآآآآ آآآآآآآآآآآآآآآآآآآآآآآن سمع صرختها وهو برا شد قبضة يده ومشى بسرعه قبل لايضعف ,,, بـــــــــعــــــــــــد 5 شــــهـــــــــــــور ,, رفعت قبعة صغيره باللون الازرق : وااااااو يجنن امول شوفي شرايك ناظرتها وابتسمت بدون نفس : حلو الله يعطيكم العافيه تعبتكم معاي ليان : لاتقولين هالكلام وتزعليني ويلا قومي نتغداء ولاتقولين ماابي لاني بسحبك غصب سامعه امل : طيب انزلي بلحقك نزلت ليان وامل ناظرت الملابس والاغراض اللي قدامها وحطت يدها على بطنها بحزن قربت ولادتها تمنت راكان يكون معاها في هالوقت ويساندها امتلت عيونها دموع ومسحتها بسرعه ماتبي تزيد على اهله اللي فيهم مكفيهم نزلت وجلست تتغداء معاهم رنيم بحماس: امول دخلتي التاسع صح امل : باقي كم يوم وادخل التاسع ام راكان: الله يسهل عليك يمه ويقومك بالسلامه امل : امين خالتي ام راكان بزعل : انا وش قلت امل : آسفه يمه نسيت ليان : يلا كلي ذوقي التبوله انا مسويتها بس مالي دخل اذا كلتي اصابعك وراها ابتسمت امل لها : الا ليان انا بعد الغداء بروح بيتنا تجين معاي ليان : لا يَ قلبي مااقدر بس سلمي لي على البنات امل : ان شاء الله خلصت غداء وطلعت لجناحها لبست ودقت على السواق يجهز السياره سلمت على الكل وطلعت وصلت ودخلت توجهت للمجلس على طول لان جدها وفيصل هالوقت يقعدون في المجلس يتقهوون سلمت عليهم وجلست تتقهوى وتسولف معاهم فيصل : والله وصرتي بطه يآأمول ههههههههههههههههههههههههه ههههه يلا متى يطلع حبيب خاله امل تمسح على بطنها : هانت مابقى الا شوي ويطلع فصولي الصغير ابتسم فيصل لها بحب وقال : فديته والله وفديت امه ابو عبد الكريم : الله يسهل عليك يايبا - قال بتردد - طيب شرايك تجين هنا اريح لك هزت راسها : لا يبا خلني لين اولد واخلص نفاسي عند امي ام راكان بعدين اجي ابو عبد الكريم : الله تشوفينه يبا اهم شي راحتك عندي امل تبوس راسه : تسلم يالغالي يلا عن اذنكم انا بروح للبنات دخل ريان : وين وين تروحين وانا ماشفتك وقفت امل وسلمت عليه وسولفت معاه شوي وطلعت دخلت للبنات وسلمت عليهم وماسلمت من تعليقاتهم قالت ريم وهي تشيل بنتها من العربه : ذوقي مثل ماذقت ههههههههههههههههههههههههه هههههه ابتسمت امل ومدت يدها : عطيني اياها هالحلوه اخذتها وباستها : ياناسو تدنن سديم تكتفت : لا والله بس ساره تجنن وانا امل مدت يدها له : انتي حبيبتي وحياتي كلها ركضت سديم لأمل وضمتها ناظرت في ساره اللي نامت : طيب عطيتها امها خلاص نامت ضحكت امل عليها وعطت ساره لريم مها : هذا من سارونه وتغارين شلون اذا جابت اللي في بطنها سديم : اللي في بطنها ولد مها : واذا ولد ماتغارين منه هههههههههههههههههههههه سديم : لا يولي ماراح تلبسه فساتين وتسوي شعره وتحط له روج امل : ههههههههههههههه وانتي هذا اللي هامك سديم هزت راسها بقوه وحماس وقالت : اصلا لو اللي في بطنك بنت بشوته لك لين تموت مها شهقت : وش هالاجرام اللي فيك هذا وانتي نتفه ومجرمه سديم تكتفت ورفعت راسها : اللي بياخذ امل او بابا مني بذبحه مو كفايه اخذها صديقها ذاك الطويل نزلت امل رآسها ومها عضت على شفتها : حبيبتي سديم روحي العبي مع سلاف وفارس قامت سديم ومها حطت يدها على كتف امل : امــ هزت امل راسها بسرعه : خلاص مها ,,, تعلقت بيده وهي تقول برجاء ودموع : واللي يسلمك بس بروح اشوف اخوي الله يخليك مشاري طلبتك صار له شهور فَ المستشفى خلني اشوفه لو من بعيد واتطمن عليه تكفى كسرت خاطره ومسكها ورفعها : خلاص طيب روحي البسي بسرعه ركضت لبست عبايتها واخذت شنطتها ورجعت بسرعه : يلا لبست طلعوا وتوجهوا للمستشفى بسرعه سألوا عن رقم الغرفه وتوجهوا لها اول ماوصلوا للدور شافوا شوق واقفه ركضت لها عبير بجنون وضمتها وهي تشهق : وحشتيني شوق بدموع : وانتي اكثر محتاجينك ياعبير والله محتاجينك ناظرهم مشاري بحزن وصد عنهم "وش الحقاره اللي خلتني امنعها من اهلها كل هالمده " بعدت عبير عنها ومسحت دموعها : وينها امي وكيفه طلال شوق بحزن : امي عنده داخل ومو مسموح لأحد يدخل غيرها وطلال مايعلم بحالته الا الله ولا ندري متى بيقوم ادعي له محتاج دعائنا عبير ودموعها تنزل من جديد : الله يشفيه يارب ويقومه بالسلامه بس هو ليش سوا كذا لو يحبها خلاها ترتاح بحياتها استغربت شوق من كلام اختها وتغيرها المفاجىء بس قالت : خلاص ياعبير اللي صار صار ادعي لطلال وبس بعد فتره طلعت ام طلال ركضت لها عبير وضمتها وهي تبكي وتشهق : يـــ ـمـ ــ ـــــ ــه امها تضمها اكثر : ياروح امك وعيونها اشتقت لك ياعبير اشتقت لك يايمه عبير تبوس يدها : وانا اكثر يالغاليه كيفك ام طلال : الحمد لله على كل حال قرب مشاري وسلم عليها وباس راسها وهي سلمت عليه بجمود لف على عبير : عبير تقدرين تروحين معاهم البيت وفَ الليل بجي آخذك عبير انبسطت : جد مشاري هز راسه : ايه يلا فمان الله مشى وهو ضميره مأنبه عبير بضيق: ابي اشوف طلال شوق : ماتقدرين انا حاولت كثير ومادخلوني بس امي تدخل دقوا على السواق وبعد نص ساعه كانوا في البيت توجهت عبير لغرفتها بسرعه وناظرت كل اركانها فسخت العبايه ونزلت تبي تقضي اكثر وقت مع امها واختها شوق تبي تغير الجو : عبوره بسوي لك الحلا اللي تحبينه ام طلال : يمه شفيك نحفانه ووجهك شاحب واصفر لازم تهتمين بنفسك عبير: ان شاء الله يمه - لفت على شوق - شواقه يلا قومي بساعدك انا ,,,, نزلت الصاله وناظرتهم تعودت تشوفهم كل يوم كذا قربت وجلست جنبهم : وش هالهذره والازعاج قوموا على المطبخ اشوف جهزوا العشاء قاموا بدون لايتكلمون لانه كان هذا اتفاقهم مهما تقول مايجادلونها توجهوا للمطبخ وشافوا الشغاله تغسل المواعين ربى تناظر المطبخ بتفكير: وش نسوي وش نسوي انا بسوي باشميل هديل : وانا بسوي فتوش وحلا على السريع وبروح اشوف جوجو اكيد طلعت قرون لأبوها ههههههههههههههههه رشا : ياشيخه خليهم يحسون فينا شوي المهم انا بسوي شوربة عدس لذيذه وسريعه وبسوي عصير طبيعي يجنن توني شايفه طريقته بالمجله امس نجلاء تفكر : انا وش اسوي اييييه بسوي فطاير مشكله جبن ولبنته بالزعتر ودجاج يم يممممممي بدو يشتغلون ويسولفون والشغاله تتذمر لانهم كل شوي يحطون مواعين وهي تغسل رشا وهي تقطع البرتقال : الا وش صار على امل هديل بحزن : ماصار شي مايعلم بحالها الا الله الله يعينها يارب ويسهل امرها ربى : والله ماتستاهل هالبنت اللي يصير لها هديل تنهدت وهي تحط الحلا بالثلاجه : مانقول الا الله يصبرها هالمسكينه والله كاسره خاطري نجلاء : وماعرفتوا زوجها ليش سوا كذا بطلال ربى تهز راسها : لا بس اكيد مسوي شي قوي ولا مستحيل يضربه كذا كملوا سوالف ومر الوقت بسرعه خلصوا كل شي وطلبوا من الشغاله تجيب جلالاتهم لبسوها وطلعوا للصاله ناصر يمد جوان لهديل : خذي حطيها نامت هديل: ماجننتك ناصر : لا فديتها عطيتها الرضاعه ونامت بدر يضرب تميم بخفه على راسه : مو مثل ذا قاعد اترجاه ينام ضحكوا عليه وخذته رشا ودقايق الا هو نايم بحضنها ناظره بدر بحقد : شف الخايس طلع يبي امه ناصر : ههههههههههههههههههههههههه هههههههههههههه اكيد يبي امه انت شايف شلون قاعد تنومه ربى : العشاء جاهز اذا تبون نحط الحين ناصر : ياريت والله ميت جوع نادت ربى الشغاله وطلبت منها تحط العشاء قعدوا كلهم يتعشون ويسولفون ام ناصر تناظرهم : مين اللي سوت الشوربه رشا بخوف : آآ آنا ام ناصر بتكشيره : وليش كذا ماصخه بدر بسرعه : بالعكس يمه ظابطتها مثل ماأحب بالظبط ناظرته رشا وابتسمت بانتصار وام ناصر انقهرت وقالت : على فكره انا مادري مين سوا الشوربه وحتى لو ربى ولا نجلاء مسويينها كنت بقول هالكلام بدر : حصل خير يالغاليه ادري انه مو قصدك ربى : ماما ذوقي الباشميل انا سويته عجييييييب وهديل سوت الحلا والفتوش ونجلاء المعجنات ورشا الشوربه والعصير ام ناصر ناظرتهم ورجعت تآكل : الله يعطيكم العافيه ناظروها باستغراب رفعت راسها : خيييير في شي بوجهي كلوا اشوف واللي مايبي ياكل يقوم ربى تضرب هديل بكوعها وتهمس لها : كأنها بدت تطخ هديل كاتمه ضحكتها : اي والله عسى دوم ان شاء الله ,,,, بعد عدت ايام اشتد عليها الالم مسكت بطنها ورفعت السماعه بسرعه ودقت على جناح ليان : ليان قولي للسواق يجهز السياره بسرعه شكلي بولد قامت ليان بسرعه ونزلت وهي تنادي : يمآآآآآ يمآآآآآآآآآآآآآآآآآآآ ام راكان ورنيم ناظروها بخوف ليان تآخذ نفس : يمه امل شكلها بتولد وقفت ام راكان بسرعه : روحوا ساعدوها تلبس العبايه والحقوني السياره طلعوا عندها شافوها قاعده على السرير وحاطه يدها على بطنها وعاضه شفتها السفليه بألم ركضت رنيم وجابت عبايتها ساعدوها تلبس ونزلوها بشويش طلبوا من الشغاله تجيب عباياتهم لبسوا بسرعه وطلعوا وهم ماسكينها ركبوا كلهم وحرك السواق كانت تتألم بهدوء ومتمسكه بأم راكان اللي تهديها وتدعي لها وصلوا المستشفى وعلى طوووول دخلوها للعمليات كانوا يجهزونها للولاده وهي تبكي بصمت تمنت امها تكون معاها في هالوقت وتهديها تمنت راكان يمسك يدها ويطمنها بعد سآعتين طلعت الدكتوره من الغرفه ونزلت الكمامه من على وجهها بتعب كانت تشوف التسآؤلات بعيونهم ابتسمت تطمنهم : الحمد لله البيبي والمدام بخير ام راكان بفرحه : اللهم لك الحمد اللهم لك الحمد الدكتوره : بعد شوي بنوديها لجناحها وتقدرون تشوفونها مشت الدكتوره وليان قالت : ونااااااسه صرت عمه رنيم : يما راكان لازم يعرف نزلت ام راكان راسها بحزن بدون لاتتكلم بعد فتره حولوا امل لجناحها الخاص دخلوا وسلموا عليها وتحمدوا لها بالسلامه وبعدها راحوا الحضانه يشوفون البيبي ليان : وآآآآآآآآآي يدنن النتفه يشبه راكان رنيم : فديته حبيبي مسحت ام راكان دموعها بسرعه قبل لايلاحظون بناتها الكل عرف بولادة امل وجات العايله كلها تزورها ومبسوطين خصوصا فيصل اللي مو مصدق انه صار خال # انتهى سبحآن الله وبحمده سبحآن الله العظيم انتظروني بالبآرت الاخيــــــــــــــــــــ ر | |||||||||
|
| |
|
23-04-16, 10:11 PM
| #33 | |||||||||
| نجم روايتي ومشرفة سابقة وفراشة متالقة بعالم الازياء
| الجزء الثامن والعشرون والآخــيـــــــــــــــــ ــــــــــــــــــر <<<< مرت الايآم سريعه على بعض ابطالنا وثقيله بطيئه على البعض الآخر أمل # حزنها وشوقها كل يوم يزيد لراكان وكل يوم تدعي ان الله يفرج عنه ومبسوطه بولدها وتحس انها ملكت الدنيا بوجوده ريم & سعود : حياتهم تغيرت 180 درجة صارت حياه حلوه سعيده بوجود بنتهم اللي ملت عليهم الدينا مرام & عبد العزيز : حياتهم مستقره وحبهم كل يوم يزيد ترف & سلطان : ترف حامل وسلطان طاير من الوناسه ومو مصدق انه بيصير أب مها & فهد : فهد خطب مها وملكوا وزواجهم قريب والكل مبسوط وفرحان لهم وعد & وليد : عايشين قصة حب جميله ووليد ينتظرها تخلص دراسه عشان يخطبها هديل & ناصر : مبسوطين بحياتهم خصوصا بعد تغير ام ناصر للأحسن رشا & بدر & نجلاء : تعودوا على الوضع يوم يتصالحون يوم يتهاوشون وعلى هالحال ربى# مبسوووطه بتغير امها المفآجئ وماتفكر في الزواج الحين ليآن & رنيم : كل يوم يدعون لراكان وزعلانين على حالة امهم فيصل # مبسوط بفصولي الصغير ومايفكر يتزوج لين يشوف امل مرتاحه بحيآتها ومبسوطه يآسر& أسيل : قرر يخطبها بعد زواج فهد ومها واسيل طايره من الفرح فجر# خلاص انسحبت بهدوء وداست على قلبها اهم شي كرامتها وصارت تعامل ياسر وأسيل برسميه ندى# تعلقت كثيييير بسديم وتحسها مثل بنتها او اختها الصغيره ومبسوطه بوجودها بين هالناس الطيبين عبير& مشاري : صارت حياتهم احسن وتعامل مشاري تحسن معاها وعبير صارت انسانه ثانيه طيبه وحنونه شوق # مبسوطه بتغير اختها للأفضل وزعلانه على حالة طلال وتدعي له كل يوم والبآقي نفس ماهم ماتغير شي انتهى شهر الخير بأيآمه وليآليه الي تبعث السكينة والطمأنينة *أول أيـــــآم عيــــــد الفطـــــر السعـــيـــد* الله أكبر الله أكبر الله أكبر، لا إله إلا الله، الله أكبر الله أكبر، و لله الحمد. الله أكبر كبيراً، و الحمد لله كثيراً، و سبحان الله بكرةً و أصيلاً. لبست عبآيتها بسرعه : انتبهي لفيصل بنصلي العيد وبنرجع الشغاله : ان شاء الله مدام نزلت امل بسرعه شآفت جدها وفيصل جآهزين طلعوا كلهم لصلآة العيد وكآن شعور جميل وهم يشوفون كل الناس تمشي متوجهه للمسآجد خلصوا الصلاه ورجعوا طلعت امل لجناحها بسرعه عشان تجهز وتجهز ولدها استشورت شعرها وحطت ميك أب خفيف وراحت تلبس لبست وبخت لها عطر ولبست اكسسواراتها وكعبها ووقفت قدام المرايه وهي تبتسم وتسمع تكبيرات العيد وريحة البخور منتشره طلعت ملابس فيصل وتوجهت لغرفته شآفته قاعد بين الألعاب والشغاله جنبه ابتسمت بحب وقربت منه وهو اول ماشآفها مد يدينه يبيها تآخذه رفعته امل وحطته على السرير : خلاص تينا انتي انزلي هزت الشغاله رآسها ورآحت لبست أمل فصولي وصآرت تدغدغه وتلعب معاه وهو يضحك ضمته بحب وشمت ريحته : حبيبي انت حطته بين الالعاب وصآرت تلعب معآه شوي : يلا ماما مآتبي ننزل نسلم على خآلو وجدو كآن ينآظرهم ودمعه متحجره بطرف عينه حست بحركه ورآها لفت بسرعه صدمـــــــــــــه صدمــــــــــــــــــــــ ــه آخر شخص توقعت تشوفه وقفت ببطىء وعدم تصديق ودمعه طآحت من طرف رمشها همست : رآكان كان وآقف بطوله الفآرع وبوسآمته التي تحبس الانفآس برجولته اللي تعشقها قرب منهآ بسرعه آشتاق لها بجنون آشتاق لكل شي فيها لريحتها وضحكتها وسوآلفها وحتى زعلهآ ضمهآ لصدره وكأنه يخبيها ويوعدها مايبعد عنها مرآ ثآنيه تعلقت فيه وهي تشهق مو مصدقه انه قدآمها خآيفه يروح خآيفه يكون حلم وتصحى منه : لاتتركني بآس راسها : مستحيل اتركك مرآ ثآنيه مستحييييل بعدها عنه وناظر عيونها : حبيبتي اوعدك مآأبعد عنك اوعدك نكون مع بعض على طول مسح دموعها ورجع ضمهآ وشم شعرها بحب : وحشتيني يآأمل وحشتيني اكثر من اي شي فَ الدنيا امل تعلقت فيه اكثر بدون لاترد مسك يدها وبآسها ونآظرها بحب وهيآم : محلوه حبيبتي وصآيره مثل القمر ابتسمت بأحراج وهي تمسح دموعها وتنآظر وجهه تبي تشبع منه التفتت للطفل الصغير بسرعه وكأنه تذكر شي قرب وشآله بين يدينه وهو يتأمله ضمه بقوه : فيصل بآبآ فيصل كآن ينآظره بآستغراب وراكان يضمه ويبوس فيه : يآبعد عمري انت وأمك أمل : ههههههه شوف شلون ينآظرك مستغرب راكان يبوس خده : فديته طالع قمر لأمه أمل ابتسمت : ولأبوه بعد ابتسم رآكان وضمها من الجنب : الله يخليكم لي يآأحلا شي صآر بحيآتي امل: ويخليك لنا يآبو فيصل ابتسم راكان بحب وضمهم مو مصدق انه اخيرا رجع لعايلته وزوجته وولده مسكت أمل يد فيصل الصغيره : عمره الحين سبع شهور راكان ناظره بحب : العمر كله ان شاء الله آسف حبيبتي على كل لحظه احتجتيني فيهآ وماكنت معاك آسف أمل : لاتعتذر حبيبي اللي فآت مآت قرب وبآس شفتها انحرجت وبعدت : راكان الولد هنا راكان : ههههههههههههههه وش عرفه هالنتفه ضحكت وقالت : بروح اظبط مكيآجي اكيد اخترب ناظرها وعض على شفته : وربي انك قمر بكل حالآتك حمر وجهها ورآحت تظبط المكيآج وراكان قعد يلعب مع ولده ويحاول يشبع منه ويعوض كل الأيام اللي رآحت همس له : تدري اني اموت في أمك والله اعشقها اعشقها كان فصولي يناظره ببرآءه ومايدري شالسالفه ضحك راكان وعض خده بخفه ,,, الكل كآن مجتمع في بيت ابو عبد الكريم والكل يبآرك لأمل بخروج رآكان ويتبآدلون التهآني بالعيد وعد بحمآس وهي تلبس عبآيتها : يلا الحين احلا فقره توزيع العيديات مها : هههههههههههههههههههههه امشي بس امشي طلعوا البنآت للمقلط الكبير وجلسوا كانوا الشباب في جهه والبنات في جهه وابو عبد الكريم وآقف فَ النص قال بصوت عآلي : اول شي حآب ابارك لبنتي امل بخروج رآكان قرت عينك يايبا ابتسمت امل : تسلم يالغالي كمل : ثآني شي كل عآم وانتوا بخير وجعل هالجمعه تكون هالسنه وكل سنه واحنا بخير وصحه وسلامه الكل بأصوات متفرقه : وانت بخير ... آمين ... ان شاء الله رفع ظروف كثيره في يده : والحين وقت توزيع العيديآت يآسر بمزح : جدي في ظلم وش معنى البنات تعطيهم واحنا لا ابو عبد الكريم : انتوا المفروض تعطونهم بعد كل واحد يعطي خواته واهله يآسر باستهبال حك رقبته : خلاص كمل كمل وكأنك مآسمعت شي الكل : ههههههههههههههههههههههههه ههههههههههه بدأ ينآدي الاسمآء ويعطيهم عياديهم والشغالات رايحين جايين بالشاي والقهوه والبخور وعد بهمس : جوووود تشوفين اللي اشوفه جود: اشوف اشوف يارب ترزقني بوآحد مثله يآحي يآغيوم وعد : يابخت امول بس جود: وهو يابخته بعد اقول اسكتي لاتسمعنا امل وتصفقنآ هههههههههه خلص ابو عبد الكريم من التوزيع وقال : اسمعوا ياشباب ولا واحد يقول بطلع مع اخوياي كلنا نبي نكون مع بعض اليوم طلعوا البنات من المجلس وهم مبسوطين طلع سعود ونادها قبل لاتدخل : ريم ريم وهي شايله سآره : نعم حبيبي سعود مسك يدها : كل عام وانتي عيدي ابتسمت له بحب : الله يخليك لي باس راسها : ويخليك لي حبيبتي عطيني سويره باخذها معاي ريم مدتها له : تريحني والله اخذها سعود وباسها : فديت الكاشخين ياناس وراح ابتسمت ريم ودخلت مها تعض شفتها : ياربي زواجي بعد كم يوم بموت من الخوف مرام : ههههههههههههههه كلنا كنا مثلك والحين شوفينا الحمد لله مبسوطين وعايشين امل : اي والله مرام : الا وين فصولي امل بابتسامه : عند ابوه مرام تغمز وبهمس : امانه امانه كيف كآن اللقآء ولع وجه امل وضربت كتف مرام بخفه : انقلعي مها : ياهوووووه صارت البنت طماطه امل : خلاص انتي وهي وجع قربت وعد وهي تحط يدها بحآلميه : اموووول زوجك هذآ بشر ولآ أيش امل بعصبيه مصطنعه : آ ياللي ماتستحين وعد ببرآءه : شوفي يعني هو مثل اخوي بس بصراحه بصراحه - قربت وقالت بهمس - والله والله ياحظك فيه آآه على طوله ورزته ورجولته ناظرتها امل بحقد ومها قالت : ههههههههههههههههههههههههه ههههههههههههه امول ماعليك منها تبي تختبر غيرتك وعد: ههههههههههههههههههههههه يمه خلاص بسكت لاتذبحيني ولاتصدقين عمرك تراه اكبر مني بألف سنه يعني مثل ابوي توسعت عيون امل والبنات فطسوا ضحك ووعد قالت وهي تضحك : بسم الله خلاص امزح وربي امزح ههههههههههههههههههههههههه ه مرام بخبث : والله لو يسمعك وليد وانتي تمدحين راكان كانت صارت علوم وعد بسرعه : لالالا كله ولا وليد والله ان يذبحني لو سمعني اقول هالكلام امل : اجل ابلعي لسآنك واسكتي وعد وهي قآيمه : فديت الغيورين ياناس هههههههههههههههههه امل هزت رآسها وهي كاتمه ضحكتها : مجنونه هالبنت مجنونه وصلت عآيلة ابو فهد وسلموا على الكل وقعدوا قامت عبير بتردد وقعدت جنب امل ناظرتها أمل باستفسار عبير وهي تفرك يدينها بتوتر : آآ امل أنا أنا آسفه ابتسمت امل : احنا عيآل اليوم ياعبير عبير وعيونها متلت دموع : تكفين سامحيني حطت امل يدها على كتفها : مسامحتك مهما كان تبقين بنت عمي مسحت عبير دموعها ولسانها مربوط وندمانه اشد الندم انها في يوم حاولت تضر هالأنسآنه الطيبه بعد فتره وصلت عآيلة ابو ناصر وابو راكان والكل استغرب من حضور ام ناصر وتغيرها ليان : وين ولد اخوي فديته ام راكان : اهجدي خلي الولد يشبع من ولده ليان غمزت : هاآ امول اشوف النفسيه عال العال امل : شرآيك يعني زوجي وحبيبي رجع من بعد كل هالمده ماتبيني افرح ليان : الا والله يحق لك يووووه لو شفتي امي أول ماجاء ابوي ومعاه راكان فضحتنا فَ الحاره ههههههههههههههههه امل : والله انك دبه ليش مادقيتي وعلمتيني شلون طاوعك قلبك وهو من امس جاي وماتعلميني ليان هزت راسها : والله كنت بدق بس راكان هددني قال انا بفآجئها وراح امس حلق وظبط نفسه واليوم صلى العيد على طول وجاك امل : بعد عمري الله لايحرمني منه ويخليه لي ليان : آمين ياقلبي الله يخليكم لبعض ويحرسكم من كل شر دق فيصل على امل عشان تاخذ فصولي وطلعت شافت فيصل شايله مده لها : خذيه ازعجنا يصيح خذته امل وباسته : ههههههههه مو متعود على الازعاج خاف حبيبي فيصل ابتسم : والله دلوع ولدك ذا امل : هههههههههههههه تراه سميك لاتنسى فيصل بحب : عسى دوم هالضحكه ماتفارق وجهك يلا ادخلي لايطلع احد من الشباب ابتسمت امل ودخلت وعلى طول ليان ورنيم صاروا يتهاوشون على فيصل وامل تضحك عليهم ام راكان تاخذه منهم : جيبووووه انتي وهي عورتوا الولد رنيم : ارتحتي الحين يالقنفذ ليان : ايييييه ارتحت يالسنجاب امل : ههههههههههههههههه لا بالله انهبلوا هالثنتين نزلت ام راكان فيصل فَ الارض وخلته يلعب مع تميم ولد رشا وجوان بنت هديل وساره بنت ريم ام راكان بتهديد : انا بروح جنب الحريم والله ان شفت وحده فيكم ماخذته وريتها شغلها ضحكوا عليهم البنات وليان قالت : ايه اضحكوا وش عليكم انتوا دق جوال مها وكان فهد بعدت عن البنات وردت : هلا حبي فهد : هلا بدنيتي كلها شخبارك مها بخجل : الحمد لله وانت فهد : بخير دامك بخير اقول حبيبتي اطلعي استناك برا مها : اوك راحت للمرايه الكبيره وظبطت روجها وشعرها وطلعت كان واقف ومنزل راسه للجوال قربت منه : آحم رفع راسه بسرعه وناظرها بتفحص انحرجت من نظرآته : فهودي شفيك فهد قرب وقال بهمس : فهودي بعد ناويه علي انتي مها باحراج : انا لازم ادخل البنات ينتظروني فهد : طيب مالي عيديه ناظرته باستغراب وهو ضحك وغمز : ههههههههههههههههههه اقصد عيديه من اللي خبري خبرك فهمت قصده وولع وجهها ضحك عليها مد خده وقال : بسرعه قبل لااغير المكان قربت وباست خده وكانت بتمشي بسرعه بس مسكها وهو عاض على شفته : وين رايحه مها : فهد تأخرت على البنات لازم ادخل - اشرت على خده باحراج - امسح خدك قبل لاترجع للمجلس ركضت لداخل وهو حط يده مكان بوستها وهو يبتسم رجعت مها للبنات ووجهها احمر وماسلمت من تعليقاتهم الــ 7 مسآء دخلت سديم وقالت بحماس : جدي يقول تعالوا للحديقه بسرعه فيه مفآجأه لبسوا البنات عبآياتهم وطلعوا شافوا الشباب كلهم في الحديقه وابو عبد الكريم وقفوا بحماس وهم ينتظرون المفآجأه ثوآني وأنطلقت الالعاب النآريه فَ السمآء الكل صرخ بوناسه وانظآرهم توجهت للسمآء ابتسم ابو عبد الكريم بفرح وهو يشوف عياله واحفاده واهله حوله ويحاول يسوي أي شي عشان يسعدهم راكان كان ماسك يد امل نآظرها بحب وانعكاس الالعاب الناريه على وجهه كل عام وإنت ياعمري بخير كل عام وإنت طيب ياغلاي شمعة أعيادك عسى دايم تنير مثل مانورت بوجودك سماي إيه أحبك حب ياعمري كثير صعب أوصفلك شعوري ياهواي كل مافيني غدا لحبك أسير أدعي الله فيك لايخيب رجاي كل عام وإنت ياعمري بخير كل عام وإنت ياقلبي معاي شدت على يده وكأنها تقول لآتتركني مره ثآنيه شد على يدها يطمنها ولغة العيون بينهم تحكي كل عامٍ وأنت عيـّـدي .. نبض .. يحيا به وريدي عشق اتباهى بـ حبه وله كتبت احلى قصيدي وله نثرت الشوق كله لجل ازين فيك .. عيـّـدي .. تركهآ رآكان شوي ورجع وفي يده بوكيه ورد كبير وقف قدآم امل ومده لها قدآم الكل تعالت الاصوات بالتصفير والتصفيق ولع وجه امل وتحس الاكسجين نقص حولها مدت يدها المرتجفه واخذت الورد مسك يدها وباسها برومانسيه ابو عبد الكريم بمزح : عيب عليكم فيه ناس عزوبيه هنا وبعدين ليش جايب لها بوكيه اكبر منها الكل : هههههههههههههههههههههههههههههه القمر ساطع والنجوم منتشره والجو عليل وفرحة العيد جمعتهم وضحكتهم مآليه المكآن هذا البيت اللي جمعهم سنين على الحلوه والمره "بيت جدي اللي جمع كل المحبه والأمآني والحنين" تمت بحمد الله سبحآن الله وبحمده سبحآن الله العظيم النهـــــــايـــه | |||||||||
|
| |
|
| أدوات الموضوع | |
| انواع عرض الموضوع | |
|
|
1Likes
.png)
العرض العادي
