03-06-16, 03:02 PM
| #11 | ||||||||
| مراقبة عامة ومشرفة منتدى الروايات المنقولة  
|  بسم الله الرحمن الرحيم اللهم صل وسلم على محمد وآله وصحبه أجمعين """"" فارقتكم مكرهاً لا كارهاً ويدي ... أعضُّها ندماً إذ لم أمت كمدا والله لو أنَّ أيامي تطاوعني ... على اختياريَ ما فارقتكم أبدا """" تجري في الشارع فالوقت قد تأخر وبالتأكيد أم فايز رجعت لبيتها هذا يعني أن رؤيا لوحدها ،وقفت عند الباب تلتقط أنفاسها ،ثم دخلت بهدوء رأت رؤيا نائمة على الكرسي ،وضعت الأكياس على الأرض وتقدمت منها هزتها بخفة اكثر من مره فتحت عينيها بكسل -: حزن وين كنتِ تأخرتي مره اعادت شعرها الملتصق على جبينها للخلف -: آسفه ،توي انتهي من الشغل دخلت للغرفة وحملت طاولة الخشب المتآكله وضعتها امام اختها ،واخرجت من الكيس ثلاثة صحون بلاستكية بغطاء شفاف ،وضعتها امام اختها وفتحتها وناولتها شوكة لتشير -: هذي مكرونه باللحم مكرونه بالخضار مكرونه بالدجاج،،، ثم اخرجت مشروبين ووضعت واحدا امام اختها والأخرى على الارض رؤيا تأكل بنهم فهي لم تتغدا اليوم -: ايه ليه تأخرتي تأكل ببطئ رفعت رأسها لتتمعن في طريقة اكل اختها -: اعجبك طعمه والا عشانك جوعانه ضحكت رؤيا ووضعت يدها على شفتيها -: ياربيه انفلت ماقدرت اسيطر على نفسي جوعانه ولذيذ ابتسمت براحة -: بالعافيه خلصي هالصحون ،ايه تأخرت عشان الشغل اللي مسكته معقد وبالكاد خلصته -: كم كسبتي هالمره اخرجت المبلغ من جيبها -: ثلاثة آلاف وخمسية ريال بذهول-: واوو مانتي سهله ابتسمت بغرور -: الشغل يعتمد علي -: انتي الى الحين ماعلمتيني وش شغلتك بس ان شاء الله ماتكون حرام هزت رأسه نافيه تطمئنها -: يعني شلون سرقة والا ايش ،لا تخافين حلال ********* دخلت غرفتها وادارت المفتاح ،لتتوجه لدورة المياة ثم تغسل يدها وتأخذ منديلا حتى تغلق به باب الحمام -اجلكم الله - رمت المنديلا في سلة القمامة واستلقت على سريرها انفجرت باكية متألمة من حالها ،قبل قليل حدثت مشكله بينها وبين أمها بسبب الخاطب الذي رفضته كغيره ،لتغادر الصالة لغرفتها المكان النظيف المريح ،رفعت جوالها واتصلت بأختها ،بعد ثالث رنة ردت تلك بتعب -: هلا ارونة اعتدلت جالسه تتلمس مشرف السرير -: هلا رنو اخبارك ؟ -: الحمدلله انتي اخبارك ؟ -: عايشين ،ها كيف سفرتك كانت لاندونيسيا ضحكت بتعب -: الحمدلله يوم كان كفيل اني استانس، صرخت تلك بذهول -: يوم !!تستهبلون -: مو مهم انتي اخبارك ،ابوي يقول ان عمار ولد جارنا خاطبك ورفضتيه على طول !!! وش بلاك انتي هذا رابع واحد ترفضينه انفجرت باكية نعم لم تعد تحتمل قد تصاب بالجنون رنا بفزع -: وش فيك! وش صاير تبكين ارين ارين تسمعها تكرر مناداتها بعد ان هدأت قليلا -: تعبت يارنا تعبت ،لاليلي ليل ولا نهاري نهار ، ماراح ارتاح الين اموت او ادخل بغيبوبه نهرتها -: وش هالكلام ! استغفري الله وش هاللي متعبك ،قولي اساعدك تنهدت بألم -: الواسوس خلاص وصل اخر مراحله ما ارتاح الا بغرفتي ما ارتاح الا الليل عشان مافيه صلاة ،واشيل هم صلاة الفجر ،احسني خلاص ابنتهي وزني نزل بشكل كل تفكيري بهالواسوس وانتم تبوني اتزوج !! بهدوء-: اسمعي مالك الا تحجزين عند الاخصائية النفسية ملاك في مستشفى ال.... -:مستشفى اللي فيه خالي اسامه ! ويازيني يشوفني طالعه من دكتوره نفسيه ،يقول وش بلاها ذي مهبوله ! -: اسكتي بس خالي انسان فاهم وواعي ولو تبين اكلمه الحين يحجز لك بخوف -: لالا يالخبله لا احد يدري ابحجز لنفسي رنا -: يالله اجل ناصر على وشك الوصول ،مع السلامه ****** اغلقت رنا الخط ووضعت جوالها على التسريحه وجلست بتعب على السرير ،نعم اليوم استنزفت العزيمة كل طاقتها تذكرت سلفتها تلك التي كانت تدخل وتتذوق دون ان تعرض عليها مساعدتها ،اخذت المشط ومشطت شعرها الرطب الذي يصل الى اخر ظهرها .ارتدت جلابيه واخذت جلالها وخرجت من غرفتها ،السيب فوضى فالعاب ابناء زوجها في كل مكان تنهدت بقلة حيلة لاتحتمل مشاهدة الفوضى نزلت للمطبخ ،قد كانت ارام تقوم بعمل سنادويشات شاورما اقتربت بابتسامه -: تبين اساعدك ارام -اخت زوجها- -: ارتاحي حبيبتي يكفيك الكرف اللي اليوم ابتسمت وجلست على كرسي خالتها -: ودي والله انام بس ناصر لسى ماجااء -: ياحبيبتي خذي لك سنادويش واسحبي على ناصر ونامي ، وقفت -: تخيلي عاد ! اخوانك برى ؟ لتدخل في هذه الاثناء تهاني وخلفها اطفالها الأربعه وتتقدم لصحن السنادويش وتسحب خمس سنادويشات وزعتها على اطفالها المزعجين -: بسام لك ثنيتن والباقي وزعه بين اخوانك ،خرجوا الاطفال فرحين بينما تلك سحبت لها سنادويشة تأكلها -: لذيذه مره اغضبها تصرف زوجة اخيها -: تهاني ،انتي وعيالك لازم عشاكم دورين مره بالمطبخ ومع الجميع استحوا شوي بكل برود -: جوعانين وش نسوي بقهر -: ماراح تموتون خرجت رنا وفي داخلها تسأل الله العافيه اسدلت الغطاء على وجهها وخرجت لفناء البيت ،مفترشين سجادا كبيرا عمها وخالتها ومعهم اخوان واخوات ناصر ،جلست متطرفه بعد ان القت السلام بهمس عمها بمحبه -: الله يجزاتس خير يابنيتي على الغدا ويحرّمتس و من رباتس عن النار تدخلت الخالة الغيوره -: الله اكبر اللي يسمعك يقول مزينتن ذبايح كلها كم نوع ومالها فضل ولا معروف هذي الحرمة السنعه اللي تقوم عن خالتها تدخل احمد ( اخ ناصر 17 )-: ايه بس انقرضن الحريم اللي مثل مرة ناصر يؤيده ماهر (19) -: والله انك صادق أنفال (16) -: شوفوا بس زوجة سعود وشلون تسوي نوع غدا لا وتساعدها امي الام بحده -: كأني احس ان بنت خالتس ماهي عاجبتك وقفت انفال بقهر -: يعني انتي تشوفين بس جيدتن بالبلع هي وبزارينها ،وعادت للفله الاب -: وين سعود احمد وماهر بنفس الوقت -: نايم بالمجلس ***** ترجل من السيارة بتعب ،بالكاد يرى ما أمامه ،ادار مفتاح الباب دخل ليرى والده ووالدته كعادتهم يجلسون بفناء المنزل وحولهم اخوته اغلق الباب وتقدم ناحيتهم ،القى السلام قبّل رأس والده ثم والدته امه-: اجلس تعشى معنا ناصر بتعب -: مو مشتهي شيء ابروح انام دخل الفلة فتبعته رنا وقف عند باب المطبخ شعر بها خلفه -: رنا جيبي جيك موية للغرفه ابيه بارد انتبهت له ارام -: حبيبي نويصر ماتبي شاورما هز راسه نافيا وغادر المطبخ ،دخلت رنا وبسرعه اخذت جيك غسلته ثم ملئته بماء وثلج وفتحت الدرج وسحبت كأس وخرجت ،، دخلت الغرفة واغلقت الباب ،لتراه مستلقي على السرير سكبت له كوب ماء اعتدل جالسا وتناوله منها بادرته -: وش فيك تعبان ! وضع الكأس جانبا -: اليوم كديت جلست على السرير ليخرج من جيبه خمس مئة ريال متفرقة اردف -: هذا اللي كسبته تأملته بهدوء-: لاتشد على نفسك وتتعب ،يكفي شغلك -: ثمانية الاف وش تبد عليه ! على مطبخ والا فاتورة كهرب والا ماء ،والا حاجات امي وابوي والا اخواتي واخواني حتى انتي من اعرسنا ماخذتي مني ولا ريال كله من ابوك يبدوا ان هذا الامر يزعجه تطمئنه -: والله ماسحبت من ابوي ريال ،بس عندي رصيد في البنك تأمل ملامحها وعينيها الصادقة بابتسامه -: ابوي متصل فيني اليوم وماغير يمدحك ضحكت بخفه -: ياحبيله عمي لو ارفع كاس مدحني اردفت -: الا ناصر ورى ماتكمل دراستك ! بتهكم -: انتي شايفه عندي وقت اكمل دراسه ! بهدوء-: انا شفت ملفك بالدرج تخصصك علمي ودرجاتك كلها ممتازه ،وش رايك تكمل عن بعد بس تروح للاختبارات استلقى على ظهره -: وش باستفيد محاولة اقناع -: صدقني بتترقى في شغلك ،وراتبك بيتغير وحالك بتزين تغطى باللحاف -: اشوف بعدين , طفي النور ،وقفلي الباب لا يدرعمون علي بزران سعود ،وصحيني صلاة الفجر وقفت -: ابشر ********* فتحت درج التسريحة واخذت لها قرص مسكن ،ابتلعته بدون ماء فالوجع يكاد يقطّعها ،وبالكاد وصلت إلى السرير لترمي جسدها عليه لعلها تنام ********* مستلقي على الكنب وحوله اطفاله وزوجتيه احداهن حامل ببداية الشهر التاسع رفع جواله واتصل برفيقه بمرح -: هلا والله ابو جراح -: هلا ابو عبدالعزيز وش عندك ؟ -: لازم يصير عندي شيء لاجل اتصل بك بتهكم -: لايكون حريمك متهاوشات انفجرا ضاحكا وهو يحدق بزوجتيه -: لا الحمدلله هاجدت الله يكفينا شر ضده -: اخلص علي وش تبي -: اعوذ بالله ماتعرف تجامل ! ابي اسولف -: طول يومنا نسولف من وين اصنع لك سواليف -: الشره علي اللي داق اقلب وجهك يا ...اُغلق الخط بوجهه اعتدل جالسا -: مؤيد اقعد ليان شوفي ريفال ،عبدالعزيز امسك تالا وعامر لم يلقون له بالا صرخ بهم فانصاغوا لاوامره ،تأفف وقف واخذ مفتاح السياره من فوق الطاولة وخرج *************** يسترقن النظر مع نافذة المطبخ لينا بحب -: يازين الأولاد يانث ياجماله ربي يحميه رفعت حاجبها باستنكار بيلسان -: وين الزين بس ،انتي شايفه خشة ولدك وش كبرها !؟ والا شايفه جرم راسه مارفديته زين شهقت لينا -: من زينك تعيبين على ولدي بيلسان بابتسامه -: شوفي ندو كل من شافها قال جميله ماتقدرين تنكرين هالشيء لينا بصراحه -: بلاها طالعتن على ابوها ،والا لو انها طالعتن عليك ماحد قبل يشوفها صمت بيلسان -: هذا حنا نشوف شكلك والحمدلله صابرين ومحتسبين قطع حوارهم دخول لطيفة تقدمت نحو الفرن رفعت غطاء القدر واخذت تحرك الجريش والتفت عليهن -: من تذوق ملوحته تقدمت بيلسان بابتسامه واخذت ملعقه صغيره لتتذوقه -: مضبوطه ملوحته ماشاء الله ابتسمت براحه اعادت غطاء القدر وفتحت وسط الفرن لترى اللحم على وشك أن يتحمر ،تقدمت نحو الدرج لتأخذ بصلتين متوسطتي الحجم تقدمت منها لينا-: عنك ياخاله اقطعه ابتسمت لطيفه -: لا حبيبتي افرمه بالفرامه اسرع التفت عليهن واردفت -: ترى آسر وعز مايواطنون ريحة البصل ابحمسه الحين وبتعلق بكن الريحه خلا المطبخ الا من لطيفه و دخل قسوره بعد ان رأهن يخرجن من الطبخ اخد منها السكينه وبدأ يقطع البصل لقطع كبيره ثم ادخله الفرامه اخرجت لطيفه مقلى ووضعت البصل وقطعة سمن وعلى النار اضافت له بهار البزار قسوره وهو يحرك البصل -: يمه وش بتسوين فيه هذا -: ياولدي هذا احطه فوق الجريش ارتفع رنين جوال قسوره اخرجه بيده الشمال -: وش تبي -: افتح لي الباب ابتسم -: ما اذكر اني عازمك ،اقلب وجهك بخبث-: تراي ابرن الجرس اسمع صوت ابوك بالحوش -: اصبر طيب انهي اللي بيدي واجيك ربع ساعه بعد ان انهى البصل جهز القهوة والشاي بمساعدة والدته ،خرج مسرعا وفتح انوار المجلس والمكيف ثم خرج ليستقبل فارس بعد السلام ادخله المجلس فارس بسخرية -: الحين تستقبل ضيوفك بريحة بصل ضحك قسوره وهو يرسل لعزّ بأن يحضر القهوة والشاي للمجلس -: عشانك ضيف مميز -: لو انك حرمه وزوجتي لا اطلقك من هالريحه ،لا وبثوب نوم بعد كملت ابتسم -: جاي بدون عزيمة ويلومني ! -: لاطعني عند الباب ربع ..قطع عبارته دخول والد قسورة وعز خلفة حاملا صينة بعد السلام والسؤال عن الأحوال فارس بمزاح -: ياعم ماتشوف قسورة ! جراح بابتسامه -: كان بالمطبخ يعاون امه ، وقف قسورة -: ما اقول الا الله يصبّر حريمك ..وخرج ********* مر الوقت سريعا وهاهو يبزغ فجر يوم جديد في منزل أول مرة نزوره تجلس مع والدتها على طاولة الإفطار دخل والدها وجلس معهم-: ابتهاج روحي نادي طارق وقفت بمرح -: اي واحد -: اختاري اللي تبين خرجت من صالة الطعام تجري صعدت السلالم بوقت قياسي ،وطرقت بابيّ اخويها خرح الأول يرتدي بدلة رياضيه وخرج الثاني يرتدي الزي الرسمي ثوبا وغترة بيضاء ابتسمت لأخويها -: ابوي يبيكم ،ثم اختفت عن انظارهم ،نزل صاحب الزي الرسمي ودخل صالة الطعام بعد أن طبع قبلة على رأس والديه جلس -: سم يبه الام بحنيه -: بتداوم يابوي خذ لك اجازة ترتاح من الانفلوزا ابتسم لها بحب -: جعلني فداك يمه ،انا طيب الحمدلله ومليت والله من الجلسه دخل الآخر -: الحب كله لطروق وانا ولد البطة السوداء الأم بقهر من لبسه -: انت وش لابس ! وين بتطس هالصبح ضحكت ابتهاج -: وش هالتفرقة يمه ! طارق رح دور لك ام ثانيه طارق (1) -: لا إله إلا الله اذكري الله ابتهاج طارق (2) -: الا تكفين انظليه ،كود امي تعامله مثلي والا هذي يبيلها ام راضي ضحكت ابتهاج -: وحده بوحده لو تبي طير يطيح تطيحه طارق (1) -: يارجل والله لو انه عدو مافكرت بام راضي عبدالعزيز ضرب الطاولة بخفة -: خلاص يكفي مناقر ،الا بغيتك ياطارق تروح لولد ابو محماس تجيب منه كراتين التمر ،بس قبل تروح غيّر لبسك -: على ذا الخشم الظهر اروح اجيبهن ان شاء الله ابتهاج وهي ترتشف كوب الحليب -: بابا اخبار عمو علي هز الاب رأسه -: بخير الام -: ليت من يعزم ام ديمة وبناتها بكره الخميس والا ويش رايك -: رأي طيب ،اكلم علي واشوف ابتهاج تحاول تسترجع ذكرياتها -: ديمة ومزن متزوجات صح ،والسمو وجوري شصار عليهم ؟ الاب -: الاولى انفصلت عن ولد عمتها وإلى الان والثانيه زواجها بعد سنة بالكثير ان شاء الله بنبرة حزينه -: ياعمري يالسمو ملكتها سنين واخر شيء طلاق الام بحكمه -: ما احدن يدري وين الخيره فيه مير الله يعوضها خير تطلقت ! لم يكن يعلم بذالك! تملكه السرور غمره الفرح سعيد جدا جدا لا احد يشعر بحجم سعادته ،يجب ان يغادر المكان والا فضح نفسه ،وقفا معا بعد أن ودعا والدتهما خرجا ورافقة ابتهاج طارق 1 ليوصلها إلى جامعتها عبدالعزيز صاحب علي طارق -طارق 25 عاما ابتهاج 21 ************** بالكاد استطاعت مرجانه ايقاظها لأداء صلاة الفجر ولا أول مره تتأخر في صلاة الفجر ،انهت الصلاة وجلست على سجادتها تتلو ماتيسر من كتاب الله ،استقامت واقفه خلعت الرداء ونزلت للاسفل والتعب بادٍ على تقاسيم وجهها ،وقفت عند باب المطبخ رأت مرجانه تجهز القهوة قهوة في الصباح لمن ! علمت بعد سؤالها ان عمها جراح وزوجته سيأتيان مرجانه مشغولة فلم تلتفت لرؤية وجه شيخه شيخه بتذكير -: خلاص تقولين لهم نايمه طيب ! تهز رأسها ايجابا -: خلاص حبيبتي مع اني ما اشوف فيه داعي تك....سقطت السكين من يدها عندما انتبهت لوجه شيخه اقتربت منها بخوف -: شيخه وش فيك ليش وجهك كذا شيخه بهدوء -: لاتخافين حمى تسحب مرجانه جوالها -: ابتصل بأبوك وضعت يدها على الجوال تمنعها -: ان كان لي خاطر عندك ماتعلمين احد ،اباخذ لي بنادول وابطيب ان شاء الله برجاء -: شيخه ارجوك ابتصل هزت راسها نافيه ،وخرجت من المطبخ ها هي تتوسط غرفتها اقتربت من سريرها لتسقط عليه من شدة التعب ********** أخبرت ابنها جراح بأن سعيد ابن جارتها خطب منها بحكمه -: وش يمه تزوجين بناتنا من هالشايب زرعه بتخطيط -: شيخه انا اللي ربيتها عانس وهذا نصيبها تتزوجه ان شاء الله مع اني محتاره ازوّجه العانس والا المطلقه لطيفه تحاول السيطره على اعصابها -: ياخاله وش عانس ومطلقة ! ثمين سعيد عياله كبر البنات ،ماهو معقول بياخذ وحدتن بينها وبينه حو الثلاثين سنه !!!!! -: هو رجالٍ يبغى يجدد شبابه ومل من العجوز اللي عنده ويبغى يفرح بظنى بتهكم -: رجل هنا ورجل بالقبر بيجدد شبابه هذا اللي مثله يعكف على سجادته -: مايتفوت رجال كريم وطيب وراعي صلاة ،انا ابقول لاسامه عن هالبنت اللي ناشبتن بالحلق ماحد فكر يطق يخطبها تكاد تجن -: ياخاله اتقِ الله في هالضعيّفه اللي عندك هزت راسها وهي ترسم الخطط كيف تجبر اسامه على تزويج شيخه ****** اتصلت به والدته الساعه العاشره صباحا ليصطحبها للمنزل ،ركن سيارته وترجل منها ،دخل بيت جدته وسلم عليها ثم خرج برفقة والدته و الضيق بادٍ على وجهها بعد ان ركبا السياره أدار المحرك -: يمه وش فيك ؟ -: وش فيني ؟ -: وجهك ! كانك سامعتن خبر شين تنهدت بقلة حيلة -: تعرف سعيد ،خاطبن من جدتك رفع حاجبه باستنكار وبهدوء -: ماشاء الله ومن خاطب لن تخبره بنية جدته -: اي وحده بنت علي او بنت اسامه -: اها ،وهو له وجه يخطب وحده كبر عياله ! -: ماعليك منه علي واسامه وهم ادرى ببناتهم -: بس انتي ماتجهلك حركات جدتي بأسامه تمتمت بخوف -: الله يستر والله أوصل امه لبيتها ثم انطلق بسيارته والنار تشتعل بصدره غاضبا من الخاطب ،هل يُعقل أن يتزوج احدى بنات اعمامي ! رجل شارف على السبعين بالكاد يتحرك يتزوج ! فكّر مليا واهتدى لحل ،سيمضي طيلة يومه مع اسامه حتى يرافقه ان اتصلت به امه **** خرجت للشارع بعد صلاة الظهر وقفت امام بيتها ،لترى ذلك الشاب واقفا امامها عند البقاله اقتربت منه بحده -: مضيع شيء ببيتنا ! ابتسم لها -: سلمي اول باستنكار-: اسلم ! ومتى المعرفه لاسلم ؟ ماجاوبتني وش تبي ببيتنا -: عاجبني بتهكم -: جدا والله ،اذا حاب تستأجر احد الغرف ترى الايجار عندنا رخيص غرفة مرفقه بحمام ومطبخ بعد يجاريها -: حلو !طيب الحوش ابستأجره منك واحط فيه بيت شعر -: لا الحوش مساحته واسعه ،بيضيع فيه بيت الشعر ،ومكلمين حديقة حيوان بيستأجرونه اذا حاب تساعد يعني ابتسم -: امري بس بإيش وقفت بباب البقاله ابتسامه جانبيه -: عندهم نقص بالقرود دخلت البقالة وهو يحاول كبح ضحكته ،طريقة كلامها تعبيراتها بشرتها السمراء شعرها القصير يجعل كل من يراها يظن بأنها فتى ابتسم وغادر المكان *** نهاية البارت العاشر أعتذر بشدة على التأخير كان الأمر خارجا عن إرادتي | ||||||||
|  |
|
10-07-16, 04:28 PM
| #13 | ||||||||
| نجم روايتي وعضو الموسوعة الماسية بقسم قصص من وحي الاعضاءوفراشة الروايات المنقولة  
| السلام عليكم ورحمة الله وبركاته عاشت الايادي عللى الاختيار المميز يافيتامين سي اسامة ظالم ظالم ظالم ولا تبرير له انه ترك ابنته تعاني الظلم على يد والدته تحت يافطة البر بالوالدة !!! اي بر هذا شيخة مسكينة مالذي ينتظرها مع حيزبون النار زرعة شكرا لك يافيتامين سي | ||||||||
|
| |
|
11-07-16, 02:16 AM
| #14 | ||||||||
| نجم روايتي وفراشة الروايات المنقولة 
| مساء الخير فيتامين ومشكورة ع النل اسامة شو هالظلم حتى ربنا ما يرضى هاي مو رضا والدين وشيخة شو رح يصير بيها من ورى هالجدة الحيزبون رواية حلوة | ||||||||
|
| |
|
20-07-16, 07:44 AM
| #15 | ||||||||
| مراقبة عامة ومشرفة منتدى الروايات المنقولة
| بسم الله الرحمن الرحيم استغفر الله واتوب اليه ******** قد أظلمتْ عيشتي ولستُ أرى إلاّ بكمْ مشرقاً لها أفقا فأسألُ اللَّهَ أن يُعيدَكُمُ ويَجْمَعَ الشملَ بَعْدَما افترقا ***** الساعه الرابعه عصر يمشي في اسياب المستشفى ويتصفح ملف مريضه ،ليصتدم كتفه بكتف شخص قادم رفع رأسه واذا به الدكتور منهل تصافحا واكمل كلا منهما طريقة ،توقف عند مكتب قسوره دخل وأغلق الباب -: ياربيه ياصبر الارض مشغول بكتابة بعض الملاحظات في ملف احد المرضى -: انت ماعندك مكتب ! قبل ثلاث ساعات عندي !!! رمى بجسده على الصوفا -: والله تو شفت منهل ياثقل طينته ما اواطنه رفع رأسه -: ما ادري وش فيك عليه -: اكرهه يطيح الميانه بينه وبين المتدربات عنده ،شف لو كتب الله وصار عندك متدربات وتضحك معهن تبريت منك ابتسم -: ،ياخي اشك انك مركب كميرات بالمستشفى تراقبهم من بيتك بإزدراء -: بلاي محضض كلش بوجهي ، ماقلت لك عن الدكتوره تها. قاطعه قسوره بحده -: الله يستر على المسلمين يانت بعد تحب تفضح بخلق الله شكل العداوة انتقلت من حريمك، ضحك فارس -: على طاري حريمي !! داقٍ علي عبدالعزيز يقول الحق صايرتن بينهن مشكله -: انت استسلمت ماعاد تقدر عليهن من شهر تقول الاوضاع زينه -: مير كوده يصير هواش كل شهر ابسجد سجود شكر لله ****** فتحت باب منزلها وجلست على العتبه اختفى ذلك الشاب المزعج لم تراه منذو شهر تنهدت براحه .،تقدم منها فيصل بفرح -:حزن تلعبين معنا كوره جلست القرفصاء واخفضت ذقنها على ركبتيها -: لااا بنبرة حزينه -: شفتك لابسه فنيلة الهلال ظنينك تبين تلعبين رفعت رأسها تأملت ملابسها ترتدي بنطالا زيتيا وقميص الهلال الأزرق -: لا مالي نفس باللعب جلس بجانبها -: وش فيك انتي ؟ على غير العاده احسك حزينه ! هزت راسها بقوة -: لا والله بس مالي خلق ابعتزل اللعب بالكوره التفت اليها -: متحسسه عشانك البنت الوحيده اللي بالفريق ! انفجرت ضاحكه -: تخيل عاد ان سبب مثل يخليني اترك اللعب ! اردفت -: الا اقول للحين مع العصابه وعلى شغلكم ! هز رأسه ايجابا -: خلاص نشبنا ماعاد يمديني اتركهم يهددوني بامي واختي بنبرتها القوية-: من شهور تركتهم ولاهددو ولاشيء -: فرق كبير بيني وبينك ! انتي كنت من اهم الاعضاء فيها وماحد يقدر يغصبك على شئ ماتبينه ،انا يحركوني متى مابغوا ومثل مايبون نهض فيصل وهو ينفض التراب عن بنطاله -: بنلعب كوره بالارض اللي قبال البقاله الكبيره ،لو حبيتي تجين تشجعيني ****** ارتقت السلالم ببطئ وفتحت الباب بقوة لترى هيكل شيخه يتوسط السرير لم تراها منذو اسبوعين معتكفه في غرفتها صرخت -: بنت الفااااااسده ووجع اعتدلت جالسة لتردف زرعه -: مرجانه وراحت ولوسي طبخه شين ورى ماتشمرين عن ذرعانتس وتتطبخين سكتت زرعه تنتظر ردا من شيخه لكن لاشيء سوى الصمت تأملتها قليلا يالله مالذي حل بها حتى تنقص الكثير من وزنها ! من يراها يظن بأنها مريضة بمرض مميت .... قطع تأملها صوتها الهادى -: تكفي لوسي ابتلعت ريقها وجه شيخه اخافها لكن سرعان ماتبدد الخوف بعدما تذكرت سعيدان بصراخ -: مشؤومه مشؤومة سعيدان يوم نوى يخطبتس مات مات سعيدان ! متى؟ سعيدان ذلك العجوز الذي يُلفق عليها التهم ليسستمتع برؤية زرعه تضربها حقا مات ! همست -: لاحول ولاقوة الا بالله خرجت زرعه وصفعت الباب بقوة ،نزلت السلالم وجلست بجانب الهاتف طلبت رقم ابنتها مزنه لكن لارد مسحت وجهها بتوتر لوهله فكرت لو أصر أسامة على رؤيتها وهذه هيئتها سيجن *** تأملت مكان جدتها الخالي ،تنهدت بصوت عالي ،نزلت من السرير واقتربت من النافذه تتناسى وحدتها ،وجود مرجانه سابقا يُخفف عليها ،فكرت لوهله لوأن علاقتها بأمها طبيعيه ،اخرجت رأسها من النافذه ليداعب الهواء شعرها ،شعرها ! أدخلت رأسها واتجهت للتسريحة سحبت مقص وقصته بعشوائيه ليتناثر على الأرض أصبح يلامس كتفها بقص غير متساوي البته ،وضعت المقص على التسريحه سحبت لها مجلة أزياء ما إن تصفحت الصفحه الأولى ألقت بها على الأرض مزاجها متعكر ،عادت أدراجها إلى السرير ارتمت عليه بتعب قلة النوم والوحده والذكريات السيئة التي تهاجمها أغمضت عينيها تتمتم بإخلاص أن يريحها الله من هذه الدنيا ******** جالسا على الصوفا مواجها الحاسوب فكثير من أعماله أجّلها بسبب مايحدث له ،خرجت من غرفة النوم لتراه منهمكا بالعمل بلا يأس أو كلل -: سبب طلاقك رفع رأسه بحده -: ماتملين انتي ! لك فوق الثلاثه شهور ماعندك الا هالسالفه ... قاطعته -: وعساس علمتني ! صرخ منفعلا لمقاطعتها حديثه-: لاتقاطعين اردف بصراخ -:حقك بالسؤال كان قبل تقبلين فيني ،ام الآن لا لا لا صرخت ببكاء -: لانك مو منتبه لنفسك من اول مره جت لبيت جدتك وانت عقلك مو معك معها والله معها بهدوء عكس ماكان عليه -: مين كاذب عليك ! مين اللي يوسوس لك انتي كيف تقولين كذا ! انفصلنا انت وبنت خالي والله يستر علينا وعليها بتجنين على نفسك بهالافكار يارجاء بس والله ماينفعك بعدها الندم -: يعني اييش بتطلق !او بتتزوج السمو !الحمدلله انها ماتحل لك والا كان ودك اليوم قبل بكره تكون عندك بالبيت ابتسم بسخرية -: بتحديني أدخل عليك شيخه بتحديني بانفعال -: تدخلها وين ان ..بترت جملتها بعد فهمها مقصده فعادت لغرفة النوم وصفعت بالباب بينما عناد اغلق حاسوبه نهض وخرج من الجناح جلست على السرير تبكي اتصلت بأمها -: ماما بيعرس علي شهقت بذهول\ وش شره ! وش هالعلم اللي يضيق الصدر -: كله هذا عشاني ابيه يعلمني سبب الطلاق بخبث \ولايهمك يابنيتي خلاص كفايه ثلاث شهور ننتقل لخطه جديده عشان مايعرس عليك -:ماما حاط عينه على بنت خاله شيخه تطمئنها \ شيخه او خيشه مايهم عندي لك خطه لو اتبعتيها بحذافيرها راح يكون خاتم باصبعك اسمعي ... ******** نزل والضيق بادٍا على وجهه رأى ابنه راكان جالسا بجوار والده اقترب وقبّل رأس والديه وقبل ابنه وخرج ،ركب السياره تنهد بتعب يفكر بترك زوجته ببيت اهلها حتى تعود إلى رشدها فالوضع لايحتمل ..ارتفع رنين هاتفه رفعه واسم ابو حسام يُزين الشاشه ضغط زر الرد -: حياالله بوراكان قاد المحرك -: الله يحيك ابو حسام بشر عنك ؟ -: طيب طاب حالك إلا يابو راكان اذا فاضي ماتسير علينا ! -: خلاص ان شاء الله اصلي معكم المغرب -: زين اجل في امان الله أغلق الخط منذو صغره وهو يحب بيت خاله جراح ويحب خاله بشدة للطفه وحسن معاملته ابتسم لذكرى هجمت عليه ( كان يتمشى في الحديقة مع زوجته السمو فقد توسط له خاله جراح عند خاله علي بأن يسمح لعناد والسمو ان يخرجا للحديقة لم يسمح علي إلا بشرط أن يكون جراح مرافقا لهم فهو يخاف على ابنته الغريب ان جراح وافق ورافقهم وتركهم يتمشون بينما هو جالسا في السياره وأستغل وقته بقرأة كتاب ،كان يتحدث معها عن كل شيء سألها -: أكلة تحبينها كانت ستجيب قاطعها بضحكه -: بيتزا انتبه لعينها من تحت النقاب ابتسم -: لون تحبينه ! اردف قبل ان تتكلم -: البني ضحكت بخفه -: تسأل وتجاوب ! -: بتدخلين علمي والا ادبي ..ودك بعلمي بس خالي يبي تدخلين ادبي هزت رأسه بدهشه -: مو معقول كل شيء تعرفه عني ابتسم بسعاده -: كل شيء اعرفه عنك كل شيء عناد 22 \ السمو16 ) انتبه على صوت (البوري المزعج ) حرك السياره قاصدا حي خاله جراح ***** تحادث ابنتها وتصف لها شكل شيخه المخيف بحقد -:ياعمري ياميمتي قدرت تخدعك بمظهرها هذي مشكلة اللي قلبهم طيب ||عن أي طيبة قلب تتحدث !!!! زرعه بخوف-: شكلها يقطع الزرق وجهها غادن كبر اصبعتس البنصر بلا مبالاة -: صدقيني هذي خطه عشان تسمحين تشوف ابوها بشبه اقتناع -: تهقين تلعب علي -: تلعب ونص ..الا يمه شفت ام هوزان وش صار فيها وبدأن في اكل لحوم خلق الله ***** وقفت امام المرآءة تتأمل شعرها الرطب بعينها الحزينه ،قطع تأملها صوت أذان المغرب رددت خلف المؤذن وارتدت جلباب الصلاة كبرت للصلاة متناسية دنياها بوقوفها بين يدي خالقها ،انتهت من الفرض ثم اتبعته بسنته وجلست تردد الاذكار شعرت بالطمأنينه ،نهضت وخلعت الجلباب ترتدي قميص روز ازرق اللون خرجت من غرفتها ونزلت توقفت بنصف السلالم جذبها اسم أمها لتستمع زرعه بحقد -: عندها سبع عيال !! ام هتان -: تخلي سبع اولاد اكبرهم ابو سطعش ، زرعه بغضب -: وشلون ابو سطعش ! هي ما اعتدت عدة المطلقة ! ام هتان -: بس شهر ثم اعرست تخيلي -: ايه ايه الفاسده اخر همها الدين ،ماتخاف ربها بس الله مو مخليها بتأخذ جزاتها ام هتان -: يالله ياوخيه جاء ابو هتان اغلقت الخط وانتبهت لشيخه في طريقة للمطبخ -: يابنت الفاسده لم تعيرها انتباها دخلت المطبخ أخذت قنينة الماء وشربتها دُفعة واحده ثم خرجت وجلست على الصوفا وهي تتأمل وجه زرعه الغاضب ،ضربت بعصاها الأرض -: وطايحة بحركة جديدة تسفهيني بعد ! ارتسمت شبه ابتسامه -: ودايما ابسوي كذا اذا ماناديتيني باسمي -: طالت وشمخت ياشيخه قلتي كبرت وهي عجزت خلني اتقاوى عليها بهدوء-: سكوتي اول محترمه كبر سنك اردفت بحده -: لكن من اليوم ورايح تعامليني بأدب واحترام فلك مثل المعاملة والعكس صحيح -: ونا بنت علي تقولين هالهرج بوجهي والا استضعفتيني عشان وحيده وماعندي احد اكتفت بابتسامه ،رمقتها زرعه بحقد ونادت على الخادمه وأمرتها بأن تُحضر لها عباءتها وخرجت لزيارة احدى جاراتها ،تأففت شيخه بملل نهضت تهم بمغادرة الصاله أوقفها رنين الهاتف اقتربت ورفعت السماعه -وهذه مرتها الأولى - وصلها صوت امرأة ناعم -: السلام عليكم بهدوء-: وعليكم السلام ، -: هذا بيت زرعه ؟ -: ايه من معي ؟ -: انتي اللي مين باستغراب -: عفوا ! ضحكت برقة -: لاتصيرين رجعتِ شابه يازرعه أبعدت السماعه وتأملتها قليلا ثم أغلقتها بهدوء ،نعم سألتها من هي ولم تجب لذا تستحق ذلك ،نهضت ليرتفع رنين الهاتف مرة أُخرى رفعت السماعه دون أن تبنس بكلمة -: مالومك على قلة الادب وش ابتوقع من نسل زرعه تجاهلت جملتها -: من معي ! -: ام مصعب لم تعرفها فتذاكت عليها -: معليش بس كثر اللي كنيتهن ام مصعب ،ليت التعريف يكون بالاسم ضحكة بخفه -: بتجلطينها لو تقولين اسمي سكتت قليلا واردفت بحده -: وش تبي فيني يوم انها تسأل الحريم عني ! عجوزه ملقوفه بهدوء-: انصحك تجمعين أرقام الناس اللي حكو بك وتتفاهمين معهم ،أغبى من الغبي اللي يحسب بزعمه انه بيمنع الناس من الكلام فيه -: والله يانتي بعد غثيثه لاتكونين ديمه ! او رنا -: متفشلة من اسمك ماتقولينه بجدية -: اقول وصلي سلامي لها وقولي اماني على الاقل لها حسنه تشفع لها ساعدتني بإطلاق سراحي من ولدها ابتلعت ريقها بارتباك -: اماني الصالح ! -: شكلي مشهوره عندكم الا اقول سلمي لي على لطيفه وساميه .. انقطع الصوت لان السماعه سقطت من يدها فاصطدمت بالرخام وتحطمت ،نهضت تجري لغرفتها جلست على السرير تلهث هذا ماكان ينقُصها ،تتصل وتعرف الجميع بإستثناءها ! مالذي اقترفته بحقها لتتجاهلها ،هل تظن أنها تعيش برفاهيه عند أسامه! الذي استسلم بسهوله لزرعه وتخلى عنها ! لا كبرتِ ياشيخه على هذا ! لم يضرك تركه اياك في صغرك وتسلط زرعه عليك هل سيضرك الآن بعدما استغنيت بكل شيء.مشوشه شيخه بين عقلها وعاطفتها ****** دخل المجلس بزِي المستشفى ألقى السلام بصوته الجهوري تقدم من والده حيّاه وقبّل رأسه ثم بدأ بمصافحة الضيوف ،جلس بجانب عناد ومد له عمر فنجان القهوة أخذه منه ووضعه على الطاولة ،عامر بنبرة حزينه -: غش غش قسوره لابس بنطلون وانا ثوب ..التفت على والده -: هذا قسوره لابس بنطلون لامنقود ولاخرابيط ابتسم قسوره -: يارجل ان دخلت أبدّل أبنام وأبفوت علي هالجمعه الطيبه أسامه بتعب -: عجزت أربي فيه ذا ماهو مثل عمر كل شيء فيه معكوس ضحك آسر -: خله ياعم بكره يكبر ويتغير عزّ يؤيد عامر -: وش فيها اذا لبس بناطيل ! لا منقود ولاشيء عند عمانه تدخل عمر -: هو على المبدأ ،وبعدين اصلا ماغير مجالد هو ومدرس الرياضه عشانه يلعب بالثوب طواري هو ورأسه عامر بحماسة -: لا اللعب الثوب له طعم غير ،اللي ماجربه لا يلومني سلطان بابتسامه هادئه -: ماشي على قاعدة خالف تعرف ما إن نطق سلطان المثل حتى عادت به ذاكرته لذلك اليوم ( دخلت المجلس ترتدي فنيلة وردية وبنطالا أحمر قاتم وتربط على بطنها فنيلة صفراء وعلى رقبتها شريطة خضراء وقد سرحت شعرها ذيل حصان لكنه على غير العاده قد رفعته أعلى رأسها استنكر لبسها وتسريحة الشعر تلك -: وراك قايلة بنفسك كذا ابتسمت بمرح وجلست بعيدا عنه -: كيف شكلي ! رفع حاجبه -: من ناحية ايش انتي وراسك ؟ كشّرت عن أسنانها -: لهدرجه سؤالي مو مفهوم ،خلاص انسَ السؤال .الإ اقولك قريت استلقى على ظهره وأغمض عينيه -: لاتزعجيني سكتت قليلا -: قريت كتاب امثال والله جميل جدا بس اغلبها مافهمتها ابتسم ابتسامه جانبيه -: وش استفدتي من قرايته وانتي مافهمتيه ؟ بتفكير -: صار عندي محصول امثال لابأس بها نام على جنبه الأيمن حيث يتسنى له رؤيتها-:لا بأس بها أجل هذا اللي استفدتيه تشطحين بكلمات فصيحة لأن ماعاد تقدر تسعفك كلماتك العامية واذا كبرتي بتصرين غريبه عن محيطك -: أولا سيد قسوره كلمة لابأس بها هي كلمة دارجة بين الناس يعني استخدامي لها مو غريب وثانيا أنا حابه مثل ومن اليوم ورايح أبطبقه استحلى كلامها -: طيب ياأم الأمثال وش المثل -: اممممم يقول المثل خالف تعرف ،ولهذا أبخالف الناس حتى أكون معروفه ابتسم وأغمض عينيه -: قومي طفي النور وسكري الباب ومع السلامه نهضت بتضجر -: خير ان شاء الله ! لك فترة تجي وتنام لا نسولف ولانلعب ولاشيء -: مالي خلق هالفترة شهقت -: لاتصير تحب؟ اعتدل جالسا بسرعه والتفتت نحوها -: خير وذا الهرج تحركت قاصدة مفتاح الإضاءة -: يقولون من وقع بالحب سهر الليالي وماصار له خلق مع القاصي والداني هم يقولون مالي دخل أطفأت الإضاءة و أغلقت الباب فانفجرا ضاحكا ) التفت على عناد الذي هز كتفه بابتسامه -: معليش يابو راكان سجيت شوي سم ! أشار عناد بإبهامه خلف ظهره -: عمر يبيك قدم قسوره رأسه حيث يتسنى له رؤية عمر -: آمر ياعمر وش بغيت ابتسامه هادئة -: خلاص الله يعافيك ،كنت ابيك ترجعنا بيتنا بس بو حسام تزهّل -: ليش ماتنامون هنا ؟ عامر يقف بين آسر وسلطان ممسكا بدلة القهوه -: ليت والله عمر بتجهم -: وأمي سيد عامر !! تقعد لحالها بالبيت ؟ وضع الدله على الطاولة الزجاجيه وجلس بين آسر وعمه علي باستغراب -: وش فيها ! هذا اختي تقعد بالبيت لحالها ولاماتت غضب عمر وبالكاد سيطر على نفسه -: شيخه تنام ببيت جدتي لحالها ! متى هالكلام عامر وعينيه على الجوال -: غبي انت ! جدتي بعض الأحيان تجي تنام عندنا يعني شيخه لحالها بالبيت خلع غترته بيده الشمال والقى بها جانبا ثم فتح الزر العلوي لثوبه يكاد يختنق حدّق بعمه جراح طويلا ليهمس -: ياعم وش الذنب اللي اقترفته اختي لأجل ..... قاطعه عامر الذي فهم السؤال -: أبد صفحتها بيضاء أخت عامر بس ..رفع عينيه يتفحص ملامح الموجودين -: بس عشان جدتي تكره ام شيخه فكانت تبي تحرق قلبها على بنتها منعتها من التعليم ،وضرب وحال مايعلم فيه الا الله رفع حاجبيه بذهول مما سمع -: من اللي قالك ياعامر؟ -: أبد ياقسوره سمعت الحريم يحكن به مره قبل اربع سنين ، بحده وبشراسه رغم نبرة صوته المنخفضه -: محد عارض ! بزر لاحول لها ولاقوة تنضام تحت جناح جدتي محد دافع عنها محد وقف بوجه جدتي حتى ماتدمر مستقبل أختي.... صرخ بغضب -: بس ياعمر أشاح بنظره لوالده الواقف بجانب الباب أردف بحده -: تعال ياقليل الأدب ترفع صوتك بوجود عمانك واللي أكبر منك ! نهض عمر وتقدم من والده ليلطمه بقوة على خده الأيسر -: إعتذر واشوفك معتب برى البيت إلا للمدرسه والمسجد سامع والسوني والجوال شهر ماتمد يدك عليهم بجمود -: العذر والسموحه ياعماني وياعيال العم -: قدامي على السياره ..ووجه أمره لعامر -: انت نم عند عمك ابتلع ريقه بخوف نهض بسرعه -: ابخاويك يبه بحده -: انثبر لا أج... قاطعه جراح -: بس يا أسامه بس ،لاتقسو على عيالك قدامنا -: بس يابو قسوره ت. قاطعه علي -: امسحها بوجهي هالمره عمر يمكن أخطأ لكن هذي أول مره بإقتضاب شديد -: بيض الله وجهك ياعم ،بس أنا راغبن برجعة البيت قطع عليهم ارتفاع آذان العشاء ،فخرج أسامه يتبعه عمر عشر دقائق ليخلو المجلس إلا من قسوره وآسر وعامر محاولا تلطيف الجو -: والله ياني قمطت من ابوي قلت الحين يعطيني مخمس انا الثاني آسر بهدوء -: انت ماتعرف تمسك لسانك ! شف وش سببت على أخوك عامر بلامبالة -: رجال طول وعرض مايضره مخمس ! دخل عليهم عز سحب مناديل يجفف بها وجهه وساعديه -:مابقى على الإقامة شيء ******* ينظر إلى الطريق بجمود ثم أغمض عينيه ،ما إن توقفت السياره حتى امتدت يد أسامه تهز عمر بخفة فتح عينيه ليرى المكان الغريب ،تبادر لذهنه أن هذا عقاب من والده يطلب منه المكوث في هذا المكان وحيدا ،لايهم لم يعد طفلا ليخاف ،أمره والده بالنزول لينزل ثم يرى والده أمامه يسبقه للداخل تبع والده تخطى سياج حديدي ثم أنواع من الأشجار وكثيرا من النخيل توقف عند مبنى متواضع الشكل وصغير الحجم جلس أسامه على العشب ثم أطلق تنهيدة طويله اقترب عمر من والده انحنى وقبّل رأسه -: طالب رضاك يبه بهمس -: ما أخطيت يابوك ماقلت الا الصدق جلس عمر بجانب والده -: أخطيت انا يابوي قاطعه أسامه بمراره -: تخليت عن شيخه ماقدرت اوقف بوجه امي انا ضعيف ماني كفو اصير ابو ماني كفو بداية الامر كنت ما انام ليومين وبعد مااعتدت صرت انام ومرتاح ،اطلع واروح واجي وهي حبيسة الفلة واجتمع مع اخواني وهي وحيده، سافرت أمريكا وهناك نسيتها غصبا عني دراسه وحمل امك بك ، اخر مره شفتها قبل ست سنين كانت بارده ومالمحت بعينها لانظرة عتاب ولافرح بشوفتي .تنهد أسامه ثم استلقى على العشب تأمل والده ثم استلقى هو الأخر ****** فتح باب الغرفة بقوة لتفزّ من نومها صرخ بغضب -: مجنونه واقترب من حور ليجرّ شعرها فتقفز حياة بين حور و خالها محاولة تحرير شعرها من يده ببكاء -: اترك شعرها اتركه اترك ،حرّرا يده والتصقن بها بعض الخصل -: انا سوي موت مره ثانيه اذا هي اطلع من قرفه مفهوم! بهستيريا ودموع عينيها تشق طريقها لتلتقي عند ذقنها -: هذي الشقه بفلوسنا بفلوسنا مالك فضل ابدور ابوي وابقوله ابقوله بغضب -: انا اعطي انتي ملابس واعطي اكل وعيش سوا سوا بس ابو انتي مايبقى ،هو سوا سوا زوجه اولاد بنات انا ابو انتي ياهيوانه خرج من غرفتها صافقا الباب خلفه لتجذب اختها حور إلى حضنها تبكي بصمت ***** فتحت الباب ودخلت البيت بتعب ،تحمل اكياس بيدها وضعت الاكياس أرضا ،ثم دخلت الغرفة لتجد رؤيا تصلي انتظرتها ما إن انتهت من الصلاة حتى تقدمت حزن ودفعت عربيته خارج الغرفة جلست على الأرض وهي تمد لأختها فطيرة فلافل أخذتها رؤيا -: اليوم طوّلتي برا وانا لحالي حزن بهدوء -: لاتخافين كنت جالسه عند الباب ، حاليا ماراح أشتغل ومعي فلوس تتحدث وفمها مليئ بالطعام -: طفشت لحالي كان جلستِ معي حزن -: بكره أبطلع انا وياك وماراح نرجع الا الليل شقهت بخوف -: وين نطلع ! صاحيه انتي ؟ -: نتمشى في ارض الله الواسعه -: انتي شايفة وضعي وعربيتي يسمحن اني اتمشى -: تو تقولين طفشتِ لك سنة ماشفتي الشارع ،واما العربيه فأنا اشتريت جديده عن هالخرده -: وينها! نهضت حزن وخرجت للفناء ثم دخلت حاملة كرتون وضعته ارضا -: هذي هي ننتهي متعشين وافكها ******* أعتذر إن كان هناك أخطاء لم أراجع البارت | ||||||||
|
| |
 |
| أدوات الموضوع | |
| انواع عرض الموضوع | |
|
|
.png)
العرض العادي
