29-04-16, 01:38 AM | #11 | ||||||||
مراقبة عامة ومشرفة منتدى الروايات المنقولة
| البارت ال١٠ ، ، ، ف العزبه عبود : يالله هزاعوه هب فون ها من متى انا بضيق : اسكت عني ي ريال اروحي مخنوق ، شفتني يعني حصَّلته ! ترانيه أدور عليه من متى افف عبود : انزين ما تتذكر وين خليته بالضبط ؟؟ هزاع ! انا عاطنه الظهر وتنزل دموعي : هذوه حصَّلته ( يالس اناظر اتصالات ودوم ومسجاتها وقلبي يعورنيه حيل ) انا .. انا ( وأصيح اكثر ) ندمان اني نازعتها قبل تسير ومتعذب لاني ما شفتها ولا حتى سمعتها ااااخ بس،،، تتذكر صاحبة المسجات ، عطيت الرقم لرضيعتي عسب ترمسها وافتك انا ، عسب جي غيرت رقمي عبود يحضني : آسف سامحني ظلمتك ، امم اقولك هزاع شرايك نسافر الكويت انا متفاجأ : هاه !! عبود : من قال ها سمع ههههه ،،،،، بيت عمي المرحوم سالم ينتبه للفون ويقوم من الرقاد : الووو هاه ، هلا حبيبي ، أذن الفير ! ان شاء الله احين بنش ( ويتوضأ ويظهر الصاله ويشوف ميثه بعبايتها كانت توها داخله ) ميثه ! لابسه عبايتج هالحزه ووين سايره ؟! ميثه ترتبك وتسكر عبايتها زين : أأأ ترا شسمه ، طليقي بيكون هالحزه محد ف بسير بيتي ، اكيد هو مخلي الاوراق ف مكان سالم : جيه فيلم هندي هو ، يالله ردي داخل ، كل شي يستوي بالقانون ، تخيلي كان هناك وشافج وخبر عليج الشرطه ، بيمسكونج ف قضية سرقه وبتضيّعين كل شي من ايدينج ، دام انا واقف معاج لا تحاتين ، والحين صلي وكملي رقادج يالله ههه ميثه ارتاحت انه ما شك فيها : ههه ان شاء الله ما تقصر ،،،، بيت عمي بو حمد عمي بو حمد : أصبحنا وأصبح الملك لله ام حمد : ادخل الغالي توضا بترياك عمي بو حمد : لا دشي انا بسير اتوضا ف حمام الميلس اللي برع ( ويتفاجأ عمي انه حد ف الحمام ويدق الباب ) امنووو ! حمد يرتبك : انا ي ابوي ، شوي وبظهر ( و ف نفسه ) ششت ان شاء الله ما ينتبه اني متسبح عمي بو حمد : خلاص خلك ، انا بتوضا ف المسيد ، بس لا تتأخر بيقيمون حمد : انزين الغالي ، افف طاح قلبي والله ( عقب الصلاه يحدر عمي وحمد البيت ) ام حمد : يالله قربو الريوق زاهب حمد يبوس راسها : انا مابا الغاليه ، بسير أرقد ( ويصعد فوق لحجرته ) صباح الحب حبيبي ، ها خلصتي صلاه ؟ حصه معصبه : انت وينك من امس ها ! اتصلبك وما ترد بعد حمد يحضنها : اشش اهدي حبيبي ، تعالي نيلس ، ربيعي وداني البحر وكانو الربع يشوون وتميت وياهم ، وعيب اني أيلس ألعب بالفون عند الرياييل حصه : لا والله ! وامنو قال انك بتلعب ، ع الأقل اكتبلي ع الواتس ما تخليني جي ع أعصابي ! حتى للحين ما غمظت عيوني من الخوف عليك ، وحضرتك بارد حمد : أفا حصوصتي انا بارد ! ( يبوس راسها ) سامحيني حقج علي انا غلطت وآخر مره ما بعيدها حصه : غصبن عنك اصلا حمد : هههه اكيد ، يالله تعالي نرقد لاني للحين واعي شراتج وحدي منتهي ، الحمدلله اليوم السبت بعد ههه ،،،،، بيت عبود ام عبود : اخيرا ييت ، الساعه 8 الصبح عبود ينسدح ف الصاله : آخ والله اميه مدوِخ عقب بنسولف ، خليني أرقد احينه ام عبود : نش أرقد داخل حجرتك ، ابوك يمكن ايي عبود : وليش ان شاء الله ، شو اييبه بعد ؟! ام عبود : عيب شو هالرمسه ، هذا ابوك ارمس عنها باحترام فاهم عبود : انزين ونا شو قلت ( ويدق الجرس ) امنو بعد ياينا من الصبح ( ويبطل الباب ويتفاجأ بأبوه اللي ياي يحضنه بس عبود يبتعد عنه ويدش داخل حجرته ويقفل الباب ) بو وديمه : السلام عليج الغاليه ، ما شاء الله ع البيت الغاوي ام عبود : وعليكم السلام ، تو ما نور البيت ، غاوي بوجودك ، عاد اسمحلي ع تصرفات عبود ، تعرف الشي هب هين عليه و ... بو وديمه يقاطعها : ما ألومه وانا لو كنت مكانه بسوي شراته ، اشتقتلج جمول ( ويمسك ايدينها ويبوسها ) ام عبود توقف ويدخلون حجرتها وتحضنه : ونا اكثر ي الغالي بو وديمه : آه شكثر اشتقت لهالحضن ( تدمع عيونه ) سنين ونا أدور عليكم واحمد ربي مليون مره لانه جمعنا مع بعض مره ثانيه ، احبج ( ويقعد يبوسها و ...... ) ،،،،،، بيتنا الجميل شواخه تظهر من حجرة يدي : صباحوو ( وتحضني ) انا ألعب بشعرها : صباحوو ، عيل الشعر معقوص ههه شواخه : أوامر يدوه هههه انا : انزين بس هديني هههه تصدقين حلو طالع عليج ، احس لو ودوم تسوي شراتج بتطلع كيوت ههه شواخه تيلس : ع طاري الكيوت ، هي وين ؟! اتصلبها ما يلقط الخط ، مقطوع شو !! انا ايلس صوبها وأقول بقهر : آخ بس خليها ع الله ، انا بسير أرقد للحين مواصل يدي يحدر البيت مع ابويه : هزاع وينك انت ! ما شفتك ف المسيد اليوم انا أبوس راسه وراس ابويه : ظهرت من المستشفى متأخر ، بس لا تحاتي صليت ف مسيد ثاني ويا عبود ابويه : ها تصالحتو خلاص منصور وهو نازل من فوق : يالله ابويه انا جاهز ، خل نسير لشمه يدوه تظهر من حجرتها : اسمع طاري شمه ، جان بتسيرون يالله ابويه : لا اميه فديتج بعدنا ، الزيارات تبدأ ع التسع انا اتثاوب : يالله من رخصتكم بسير أرقد ، هلكان مره شواخه : ابويه تبون اسويلكم بيض وطماط ولا فول ؟ يدوه : لا اميه استريحي انتي ، انا بسويلهم قرص وبلاليط ابويه : الغالي استريح ليش واقف يدي يقعد : أفكر بموضوع هزاع ومهره ، هب عارف كيف اقنع هالولد ، كلما افتحله الموضوع يتهرب الهرم شواخه : يدي ، هزاع عينه ع وحده ثانيه ،،،،، الكويت يدة وديمه : هلا بالغاليه هلا بحبيبتي ، شلونج يمه وديمه تركض تحضنها وتصيح : .... يدة وديمه : بلاج يمه تبجين ! سعاد شمسويه ف البنت ، جابرتنها تجينا ولا شنو ام وديمه تيلس وتحط ريل ع ريل : والله يمه البنت صايره دلوعه وديمه تصيح : لا يمه ، ماما وبابا بيطلقون اااه يدة وديمه منصدمه : شنو !!! صج هالكلام ي سعاد ؟!! نواف ينزل من فوق ( عمره ٢٥ متزوج وحرمته حامل ) : هلا والله بحبيبة خالها ( ويحضن وديمه ) ، ليش تبجين ! ام وديمه : اووه خلاص انا عجزت من هالبنت ، بروح داري أبرك يدة وديمه : لا حول ولا قوة الا بالله ، خلاص حبيبتي مسحي دموعج ، يمه نواف شوف ميري خلها تجيب عصير لوديمه نواف : ع هالخشم يمه ، كم وديمه عندنا مشاري يحدر ( ولد خالة وديمه عمره ٢٢ ويدرس هندسه ) : سمعت الحلوين وصلو ، شخباري هههه غبار دودو وديمه تناظره وتنزل عيونها : .... يدة وديمه : أمك وين ! مشاري يقعد صوب وديمه : الحين جايين يمه ( يناظر وديمه ) ايييه شنو ! مب مستانسه بشوفتي ؟ تحدر منى ( اخت مشاري وبعمر وديمه ) تركض لوديمه وتحضنها : دوووودوووو حبيبة قلبي اشتقتلج ، يااااه مو دراسه تاخذج منا جذيه وديمه : ونا اشتقتلج اكثر والله بس تعرفين آخر سنه وجي ، كان لازم أشد حيلي مشاري : ايه والحمدلله جبتي نسبة زينه ، عقبال الطمطمه اللي عندنا ههه منى تفره بالمخده : انجب انت ، خالتي وين ؟ يدة وديمه : راحت دارها ترتاح ام مشاري : السلام عليكم يا حلوين ، شلونج يمه دودو اشتقنالج شدعوه ما تسألين وديمه تحضنها : الدراسه خالتي سامحيني ، انتي شلونج مشاري : ها اخترتي هندسه مثل ما قلتلج وديمه : ما سرت الجامعه للحين ، ابي ارتاح سنه ف البيت منى مستغربه : وليش تضيعين سنه من عمرج ، مينونه انتي ! ما تفكرين يدة وديمه تنازعها : منى منى تخاف : نعم ! يدة وديمه : نعامه ترفسج قولي آمين ، خلي البنت ف حالها اللي فيها مكفيها نواف : ليش بابا وديمه شنو صاير ! وديمه تركض تحضنه وتصيح : ماما وبابا بيطلقون ،،،،،، المستشفى شموه : ابويه ابا اظهر مليت ، خبرهم يظهروني شهوده : هيه ودخلوني بدالها ، مابا اسير المدرسه اميه تضربها ع راسها : عن الخبال هههه يدوه : ما عليه اميه تمي ارتاحي شو وراج يدي : والله صدقها المستشفى ضيقه ، سير ابويه عبدالله شوف الدختور جان بيظهرونها ابويه : من عيوني الغالي منصور : انتي بيبي شو ! ما تعرفين تقصين سلطه شمه تضايق وتنزل عيونها : .... ،،،،، بيت عمي المرحوم ام سالم : موزوه سيري شوفي ميثه ، الساعه ثنتين وهي للحين ما ظهرت من الحجره ، عن يكون يعورها شي ميمي : ما فيها شي يدوه بس راقده موزوه : اكل ومرعى وقلة صنعه سعود يدحنها ع ظهرها : جب ولا كلمه ، لا ترمسين عنها جي جدام بنتها سامعه موزوه إطلع الاكل من حلجها من قوة الضربه : آخ الله ياخذك قول آمين ( وتقوم ) سالم : انتو بتسكتون ولا كيف ، خلاص عاد ، وانتي تعالي اشوف كملي غداج ميمي تخاف وتصيح : آاااااه ميثه تظهر ( ف خاطرها ) اف شو هالمزعجين ما يخلون حد يرقد ،،،،، ها ماماه ليش تصيحين ام سالم : من حشرتهم ، تعالي يلسي تغدي ميمي : ماماه ابي اسير بيتنا ، مابي اتم هنا ،،،،،، بيت عمي بو حمد حصه : حمد ، قوم ي حمد ، فونك حشرنا من متى يرن حمد : ها ! عطيني إياه بشوف ، الو هلا ميثه حصه بصدمه : ميثه !!! ، ، ، خلص البارت ،، شو الراي ؟! | ||||||||
29-04-16, 01:40 AM | #12 | ||||||||
مراقبة عامة ومشرفة منتدى الروايات المنقولة
| البارت ال١١ بيت عمي المرحوم سالم : باباه شو هالرمسه ! ميمي : انا اخاف يوم تعصب ميثه : حبيبتي ميمي ، عادي ما فيها شي ، الناس هب دوم تضحك ، عن الدلع عاد موزوه تهمس لسعود : ايه شفيك تناظر الحرمه جي من فوق لتحت سعود بضيق : يعني عايبنج لبسها افف ( ويسير حجرته ) ام سالم : بلاه سعود ! موزوه : ماشي اميه سلامتج ، توني اتصلت ف شواخه وقالت بيظهرون شمه اليوم ، شرايج نسير بيتهم العصر سالم : هيه زين وخذو وياكم هالدلوعه ههه ميثه : هيه والله ياريت لاني بسير الصالون وهب فاضيه لها ،،،،، بيتنا الجميل انا اقوم ع صوت الجرس وافتح الباب ، كانت عيوني مورمه من الرقاد وشعري حالته حاله ههه : عمي ! عمي بو حمد : ما شاء الله الحبيب راقد ، حرقنا الجرس يبوك انا ابوسه ع راسه : سامحني عمي ، امس تأخرت ف المستشفى وتميت مواصل للصبح ، اقرب الغالي استريح ( وأسير لعموه ام حمد وأبوس راسها ) ام حمد : واعليه عليك خربنا رقادك انا : فدوه عموه ( وتطلع ف ويهي مهره ويات تسلم علي ) اسمحيلي ما اسلم ع بنات عمي بو حمد : كفو من رباك ، تعال ايلس صوبي مهره بزعل ودلع : انزين انا بنت عمك هب غريبه ام حمد : لا صادق فديته ما يجوز ، كنا بنسير المستشفى لكن اتصلت ف أمك وقالت يايين ف الطريق ف يينا هنا انا أعدل شعري : البيت بيتكم حياكم الله ف اي وقت ، انا بسير اغسل ويهي وبرجع مهره تقوم : بسير فوق عند شواخه ( واتي وراي حجرتي ) هزاعي انا أنصدم فيها : مهره ! خير فيه شي ؟ مهره تتقرب مني : انا .. انا انا ف خاطريه ياربيه بلاها هاي بعد : بلاج انا وانا ، تبين شي ؟! مهره تحضني : انا احبك ابويه يحدر : انتو شو تسوون !!! ،،،، بيت عمي بو حمد حصه تصارخ : جذاب والله جذاب مريوم ادق الباب : حصه ، حمد شو صاير حمد يفتح لها الباب : هب صاير شي اختيه هاي حصه .... حصه تقاطعه وتصيح : هيه اكذب بعد اكثر ، اخوج خاين هب بس كذاب مريوم : انتي شو تقولين !!! حمد يعطيها فونه : هاج الفون واتصلي ع الرقم وحطيه سبيكر حصه تسحبه : طبعا بتصل ، خل اختك تسمع فضايحك ( وتتصل ع آخر رقم ويرد ريال ) حمد ياخذ الفون : اسمحلي بو ميثه بالغلط ، فداعة الله مريوم تناظر حصه : احين ثاني مره تظلمينه ، هب حرام عليج ؟! حصه تناظره : حمد انا ... حمد ( يرن فونه ) هلا ابويه ، ان شاء الله الغالي ، بسبح ع السريع وبنييكم ان شاء الله ( يناظر حصه ) سيري جهزي العيال بنسير بيت عمي ( ويسير عنها ) مريوم : الله يهديج حصوه بس ،،،،، الكويت وديمه يالسه ع المريحانه وشعرها يطير من الهوى وكانت لابسه سبورتي : .... منى تمسك ايدينها : دودو لا تضايجين مشاري : منى خلينا شوي منى : طيب مشاري : الجو حلو ، تعالي نطلع وديمه : مابي مشاري يسحبها من ايدها : مو بكيفج اصلا ( ويفتح باب الموتر ) يالله اركبي اشوف وديمه تركب : افف انت شو تبا احين مشاري يحرك : فديت اللي تتحشى اماراتي هههه ، اشتقت لج شدعوه ما تسألين ، قلنا دراسه بس مو جذي ماخذتج عني وديمه تنزل دموعها : مشاري انا مضايجه وايد ، لو ماما وبابا اطلقو بعيش هنيه ونا مابي هالشي ، مابي اكون بعيد عن بابا اااه بموت والله مشاري يمسح دموعها ويحضنها : اهدي حبيبتي لا تبجين ، ان شاء الله ما بيطلقون لا تفالين وديمه تبتعد عنه : ماما مصّره ع رايها مشاري وانت ما تعرفها يعني شكثر عنيده ! مشاري : انا داري بطبعها اللي ما يتغير ( ويمسك ايدينها ويناظر عيونها بكل حنيه ) ما اشتقتيلي ؟ وديمه تنزل عيونها : تصدق انك فاضي مشاري : أفا ونا اللي كنت انطرج ومتلهف ع شوفتج ، مو مشكله ، تبين آيس كريم ؟ ،،،، بيت عبود حمود قماري : كل ها يصير ونا ي غافلين لكم الله !! عبود : ههه شفت عاد ، ما حبينا نخرب عليك وناستك ويا الأهل حمود قماري : حليلك هزاع والله انه غامظنيه ، والحين صدق بتسافرون الكويت ؟ عبود : هيه قلنا ف الويكند وبنرجع السبت ، بتي ويانا ؟ حمود قماري : يالله فوقه ، الا شحالك ويا الوالد عبود : دخيلك حمود غيّر الموضوع حمود قماري : أفا ي عبود ما هقيتك جي ! وين البر بالوالدين ، وانت من سنين تتمنى يكون عندك أب وأحين يوم شفته ما تباه ! عبود : ما قلت ماباه بس هب قادر أتقبل وجوده ، يعني فجأه ظهر ف حياتي وهب عارف كيف اتعامل وياه بو وديمه يدق الباب : عبدالله ، ممكن احدر ؟ ،،،،، بيتنا الجميل يدي يضربنيه حيل بالعصا ويصارخ : يوم انت تبا البنت شحقه ما رمست ويالس تلف وإدور وتجذب علي وتقول ماباها ولا بس تبا تلعب ( ويرد يضربنيه أقوى ) هاي هب عرضك !! جيه تسوي فيها ي الهرم انا بقهر : مظلوم يدي والله مظلوم عمي بو حمد يعطيني طراق ع ويهي : ونا اللي أقول انك ريال بس للأسف طلعت ... شموه تصيح : عمي ، هزاع هب جي حرام عليكم لا تظلمونه ابويه ينازعها : سيري داخل انتي وخواتج يالله اميه مقهوره علي : اصبر ي عبدالله خل نفهم من هزاع ، ولدي متربي الحمدلله احسن تربيه ، مستحيل يسوي جي مهره تصيح : لا عموه قاصد يتحرش فيني اااه سحبني لحجرته والحمدلله عمي لحق عليه ولا الله اعلم شو كان بيسوي بعد اااه يدي بعصبيه : اسمع ي عبدالله ، الحين تسير تييب المليج عسب يملج عليها انا منصدم : لااا يدي لاااا حرام عليكم ، ارمسي ي مهره يدي يضربنيه اكثر واكثر : إنجب مابا اسمع صوتك ( ويزيد ف الضرب ) لا باركتن فيك من ولد ، ها آخر تربيتي لك ، نزلت راسي بالارض مهره تحضن امها وتصيح : ..... ام حمد بعصبيه : بس عمي ما بياخذها الا وهي بفستان العرس ، انا ما ببيع بنتي جي ،،،،،، ف موتر حمد حصه تنزل دموعها : انا آسفه حبيبي حمد يمسك ايدينها ويبوسها : حصل خير مريوم : فديت اخويه الطيب ، الله لا يغير عليكم ان شاء الله حمد : آمين ، يالله انتو نزلو بيت عمي ، انا بسير اخذلي رصيد وبي ( ويتصل ف ميثه ) هلا ميثاني هلا بهالصوت ، اشتقتلج ههههه اكيد ، والله اليوم ماعتقد ميثه : ليش حمادي مشتاقتلك تعال عاد ، سايره الصالون لعيونك حمد : فديتج الأهل كلهم متيمعين بس بحاول لكن ما اوعدج اوك ،، يالله حبيبي بسكر عنج احينه ،، امواح ، باي ابويه ظاهر من البيت : حمد زين شفتك حمد يبوس راس ابويه : سم ي عمي ابويه : أباك تييبلي المليج البيت والحين ، ولا تسألني ليش ، عقب بخبرك حمد مستغرب : ان شاء الله ! ،،،،،، مركز الشرطه سالم : البنت مخطوبه هههه عواس : أفا ، يالله ماشي نصيب ، بس ما عرفت ليش كانت تبا تنتحر سالم : والله نسيت اسأل هزاع ههه ( ويرن فونه ) الو هلا سعود ، هاه !! انت شو يالس تقول ! صدق ولا تتمصخر !! معقوله هزاع يسوي جي !! اوك الحين ياي ، باي عواس : عسى ما شر سلوم شو مستوي ! سالم : مصيبه عوده عواس عقب بخبرك ، من رخصتك ، اذا سأل عني المدير قوله ظرف عائلي ، سلام ،،،،، الكويت وديمه : يمه ، وينها ماما ؟! يدة وديمه : راحت زوارات ويا رفيجاتها ، تعالي قعدي يمي يمه ، انا كلمت البابا وقال ما فيه لا طلاق ولا غيره وهو متمسك فيكم حيل بعد وديمه بفرح : صج يمه !! نواف : هيه صج هههه ف بطلي بجي وزعل وديمه تنط من الفرحه : هييييه الحمدلله ههههه حنان حرمة نواف تنزل من فوق : اشوف دودو مستانسه خير ؟! يدة وديمه : كل خير الحمدلله مشاري يحدر : السلام عليكم ، يه يه ! اشوفج ترقصين شالطاري وديمه : ايه لاني فرحانه حيل ، ما تبي آيس كريم ؟ منى تحدر وهي شاله اكياس ف ايدها : الله سمعت آيس كريم !! حنان : ها منى يبتي الأغراض اللي وصيتج عليهم ؟ يدة وديمه : أغراض شنو ! مشاري يسحب وديمه : تعالي قعدي ، شرايج باجر اتين جامعتنا وتتعرفين عليها وديمه : طيب شنو ورانا منى : هاي اغراض للبيبي يمه نواف : للبيبي ! بس نحن ماخذين كل شي حنان حنان : ايه بس هذول غير من أمريكا ، طالبينهم من النت وماشي مثلهم بالديره يدة وديمه : ي حبكم للخساير وديمه تفتح فونها وتناظر صوري وينتبه لهم مشاري : .. مشاري : من هذا ! وديمه تمسح دموعها : ها شاعر اماراتي مشهور ( وتسكر فونها ) مشاري يسحب فونها ويقعد يشوف الصور : ومتصوره وياه بعد ! خوش والله وديمه تعصب وتسحب فونها : مالك شغل فيني سامع ( وتقوم ) مشاري يسحبها من ايدها : كيف مالي شغل فيج !! خطيبج ع الفاضي ،،،،، بيت عبود حمود قماري : يالله عمي من رخصتك بو وديمه : مرخوص حبيبي ربي يحفظك ( ويناظر عبود اللي كان يلعب بأي شي عسب يتحاشى ابوه ) انا وايد فخور فيك لانك ... عبود يقاطعه : ماله داعي هالتمثيلية ، ونحن هب محتايين لك ولا لبيزاتك ، انا الحمدلله أداوم وأقدر اصرف ع اميه بو وديمه : وامنو قال اني ياي اصرف عليكم ، انا بس ياي أعوضكم حب وحنان السنين اللي فقدتكم فيها ي ولدي ام عبود تحدر : ونحن محتايين حيل لهالشي خاصةً عبودي حبيبي عبود يناظر ابوه : لو سمحت ابا عنوان اختي ف الكويت ، ، ها آخر بارت لين بعد الامتحانات لانه ع الأسبوع الياي الفاينل والسموحه ع القصور وان شاء الله يعيبكم البارت | ||||||||
08-05-16, 01:35 PM | #13 | ||||||||
مراقبة عامة ومشرفة منتدى الروايات المنقولة
| البارت ال12 ، ، ف المول ابراهيم وهو ظاهر من السينما : ها عميه حلو الفيلم ؟ خالد : هيه عميه ، عيبني ماوكلي يوم نقذ الفيل من الحفره مايد : انا بعد خالد : انت اصلا طول الوقت راقد هههه مايد : لا ما كنت راقد .. انا .. انا ( ويطيح ع الارض ) ابراهيم يركض له ويضربه خفيف ع ويهه : مايد !!! شوفيك عميه ؟؟!! ماااايد ،،،،، بيتنا حمد يتقرب مني عسب يضربنيه لكن مسكه سالم : هدني سلووووم خل أأدبه هالحيوان سالم : اهدا حمدوه عن الخبال يدي يعصب : انجب انت وياه واظهرو كلكم مابا اشوف حد هنا عمي بو حمد : اظهرو يالله كلكم برع واخذو اللي ما يتسمى وياكم سعود يقرب مني ويسحبنيه وياه : نش هزاع ،،، يالله قوم ابويه يبوس راسه : اهدا ي الغالي عشاني ، هزاع غلط وندمان والحمدلله صلحنا غلطته ف الصاله ، ام حمد تحضن بنتها : آخ قلبي معورني عليج ي بنتي ، حسبي الله ونعم الوكيل ع اللي كان السبب اميه تصيح : .... يدوه تعصب عليها : لا تتحسبين ع الولد ، وخلاص الحين هو ريلها واذا تبين حفله وفستان ، يدها ما بيقصر ام سالم : يارب عونك ، خلاص اختيه فاطمه ، عذبتج عمرج من الصياح انا اشوف مهره واركض لها ودموعي تنزل بحرقه وانزل ع ركبي : مهره قولي الصدق ، انا تحرشت بج !! جاوبي دخيل الله حمد يسحبنيه ويعطينا بوكس ع ويهي ويصارخ : خوز عنهاااا ي الوصخ سعود يضرب حمد ويعصب عليه : هزاع اشرف منك انزيييين ( ويتضاربون ) يدي يسمع الحشره ويظهر : خلااااص ، هذا اللي فالحين فيه بس صح ، ما تجاوبون ؟ شحقه سكتو حمد يظهر برع البيت ونا اسير ليدي وأبوس ريله وأصيح : يدي ورب الكعبه اني بري ( وهو يخليني بحرقتي ويدش داخل ) عمي بو حمد : الله ينتقم منك قول آمين ، حجرة خواتي ، موزوه تحضن شواخه ويصيحون : .... شهوده : الله ياخذها يارب وتموت الجذابه منصور : آمين شموه تصيح وتتصل ف عبود بس ما يرد وعقب اطرشله مسج : عبود إلحق ع ربيعك ،،،،، الكويت وديمه بعصبيه : انت شو يالس تخربط ، خوز ايدك مشاري : واذا ما شلتها ؟ شنو بتسوين ها ! نواف : مشاري لا تلعوزها ، تعالي خالي عندي ، بتروحين الأبراج ؟ وديمه تناظر مشاري بعصبيه : ايه بس بدون هذا منى : هذا هههههه وييييه مسكين يا هذا مشاري : جب يالله ، ريلي ع ريلكم انزين يدة وديمه : خلاص لا تتناجرون ، كلنا بنروح حنان : ايه بس انا ماقدر يمه ، تعبانه وبروح أريِح بداري وديمه اطرشلي ع الواتس : تدري آني محتآجك وفآقدك حيل ي غلآي ( وتركض لحجرتها وتصيح ) منى تسير وراها : دودو ليش تبجين !! وديمه : احبه منى والله احبه ااااه وهو ما يبا يرمسنيه منى تركض تسكر الباب : اشش وطي صوتج ، منو هذا اللي تحبينه ! مشاري يفتح الباب : منى طلعي وديمه : انت اللي تطلع مابا اشوفك هنيه ( وادزه برع الحجره ) اقولك اطلع مشاري يعصب : اوك انا اوريج ، حسابج بعدين ( ويسكر الباب بقوه ) ،،،،، بيت عبود ام عبود : شحقه اميه تباه ؟! عبود يناظر ابوه وينزل عيونه : بس جي بو وديمه : عشان هزاع صح ام عبود مستغربه : هزاع !! ليش بلاه ؟ بو وديمه : هههه خلي عبود يخبرج ، متى تبا تسير باباه ؟ عبود : ف الويكند ام عبود : وين يسير ان شاء الله !! ودوامك اميه ؟! بو وديمه : ما عليه جمول تراه بيرجع السبت ان شاء الله ، خلاص عيل انا بخبر الدريول هناك عسب يستقبلكم والتذاكر والسكن علي عبود : وتذكره لحمود بعد لانه قال بيسير ويانا بو وديمه : عيوني لك حبيبي ام عبود : طع مخططين الهروم لكل شي هههه بو وديمه يبتسم : ما بخلي شي ف خاطر ولدي ولا ربعه عبود يناظره وهو مستغرب : ..... ، مشكور ، ( ويشوف مسج شموه ويفز من مكانه ) هزاع !!!! ،،،،، ف سيارة ميثه ميثه تمسك ايدينه : حبيبي خلاص عاد ، ترا شكلك هب حلو وانت معصب حمد : خاطريه اذبحه واشرب من دمه ميثه : هههه جيه مصاص دماء حمد : ههههه ميثه : هيه جيه اضحك الشي ما يستاهل ترا ، يالله ننزل حمد : يعني لازم فندق حبيبي ؟! اخاف حد يشوفنا ميثه : لا تحاتي حمادي فيه باب ورا ، يالله تعال ، امنو يتصلبك ! حمد : ها اخوي برهوم ، يمكن عسب اليهال مودنهم السينما ، برايه بيشوفني ما رديت بيتصل ف امهم ،،،،،، بيتنا ادش حجرتي واقفل ع عمري الباب وتنزل دموعي قهررر وظلم وعذاب من اللي صار كله ، كيف انا ف لحظه اتزوج ومن وحده غير حبيبتي ! اااخ يارب ،، لو ودوم عرفت شو بيستوي فيها شوووه اااه بس ، وأشل فوني وأشوف الوتساب واقرا رمساتنا وأصيح اكثر ، رقم غريب ! معقوله ! ودوم !!! واتصلبها : حبيبي ! هاي انتي ؟؟ وديمه : هزاع !! حبيبي ( وتصيح ) انا : اشش والله ما ينزلون ، دموعج غاليه ي قلب هزاع وديمه : اااه والله اشتقت وابي ارجع لحضنك ، مابي اتم هنا دقيقه انا : انا ياي آخذج ف الويكند ، ما بخليج هناك وديمه منصدمه : شووه ! انت ترمس جد ولا تتمصخر ! انا : ما اتمصخر حبيبي ، بيي انا وعبود وما برجع الا وانتي وياي سامعه ف الصاله عمي بو حمد : باباه ارمس شوي شوي ، هب فاهم عليك ،،، هاه !! شفيه مايد حصه تفز من مكانها وتمسك ايدين عمي : مايد !!! شفيه عمي ! ام حمد : صبري اميه بو حمد : ف اي مستشفى انتو الحين حصه تصارخ : لاااا ولدي شو فيه !! ام سالم تمسكها : اهدي اميه ، الحين بنعرف ، ها بو حمد عسى ما شر ؟ يدي يعصب : ما ترمس حميد ؟؟؟ بو حمد : ماشي ي ابوي بس طاح عليهم ويتريون الدكتور ابويه : قوم خلنا نسير ، انتو الحريم تمو هنا ما نبا زحمه حصه تصيح : والله ما أتم والله ، ما بخلي ولدي اروحه مريوم : ونا بسير وياها ، سالم اتصل ف حمد وخبره يدوه : لا تصيحون اميه ، ان شاء الله بيكون بخير ،،،،، ف المستشفى ابراهيم يتنازع ع الممرضه : وينه الدكتور ليش للحين مايا الممرضه : لانه فيه دكتور واحد ف الطواري ي اخوي ، اصبر شوي ابراهيم : شو اصبر ها شو اصبببر ؟؟!!! الولد ما يتحرك اقولج ، شو هالاهمال ؟؟؟ والله اشتكي عليكم حصه تشوف ابراهيم وتركض له : وينه ميود ويييينننه خالد يركض يحضنها ويصيح : ماااماااه بو حمد : شو صارله فجآه باباه كيف تعور ؟؟ ابراهيم : تعالو هو داخل ، مدري فجآه طاح ! سالم : حمد ما يرد ، يعني كان لازم تضاربه ؟؟ سعود : لانه هزاع مظلوم ي اخوي ، مستحيل يسويها سالم : يسلام وانت شدراك مظلوم عاد ! للحين هب متأكدين ، خل اشوف الدكتور وين ، عنبوه ماشي الا دكتور واحد يدي يقرا ع مايد : لا حول ولا قوة الا بالله ، عين ما صلت ع النبي حصه تصيح : حبيبي ي ولدي اااه ابويه : اهدي ابويه ، الحين بيي الدكتور وبطمنا ان شاء الله ،،،،، ف الفندق ميثه : اوهووه عاد ويا فونك ، كل شوي حد يتصل ، حشرونا هلك حمد يبوس خدودها : خلاص حبيبي عاد بحطه صامت لعيونج ، اوه هذا الوالد ، عيل لازم أرد عليه ميثه : افف اوك حمد : هلا ابويه ، ماشي والله يالس أتمشى ف الموتر لين تهدا أعصابي شوي ، مستشفى ! ليش !! ان شاء الله الحين ياي ، فداعة الله ميثه بدلع : لااا عاد جي بزعل ، تخليني ! حمد يبتسم : وامنو قال اقدر اخليج حبيبتي ، بنخلص وبسير لهم ( ويغمز لها ) ما فيه ولدي شي الا زكام ف عادي ، احبج ميثاني ( ويبوس شفاتها ) ميثه : هههه فديت اللي يفهمني ( وتحضنه ) ،،،،،، الكويت ام وديمه تعصب : وشلون يعني ها ؟؟ نلعب احنا ولا شنو وديمه : بس ماما انا ماحبه مابيه نواف مستغرب : ليش خالي ! مو من كم سنه متفقين ع هالشي ؟! شو اللي غيّر رايج الحين ؟! وديمه : ايه خالي بس خلاص تغيرت مشاعري صوبه احين يدة وديمه : تعالي يمه قعدي صوبي ، ي يمه بعد الزواج ومع العشره بتحبينه ، انا ما كنت اعرف جدج خير شر ، لكن تعودت عليه وقمت احبه ومشاري طيوب وحباب وما فيه احسن منه ي يمه وديمه تنزل دموعها : ايه بس ماريد اتزوج الا اماراتي ، ابي اكون مع باباتي مو بعيد عنه حنان : طيب مو مشكله ، بيسكن ف الامارات معاكم ، عندكم ڤيله شكبرها نواف : ايه صح كلام حنون ، يالله حبيبي توكلي ع الله ، والله ما بتلاقين احسن منه وديمه تصيح : لا ماريد ( وتسير حجرتها ) ام وديمه تصارخ عليها : مو كيفج غصب طيب بتاخذينه فاهمه ،،،،، ف المستشفى حمد يبوس راس ابوه : ها ابويه وينه الولد بو حمد : عظم الله أجرك ي ولدي ، ، ان شاء الله يعيبكم نزلته لعيون ربعي حاشريني نزل ونزل السموحه ع القصور ^^ | ||||||||
08-06-16, 06:25 AM | #14 | ||||||||
مراقبة عامة ومشرفة منتدى الروايات المنقولة
| البارت ال13 ، ، الكويت منى : انتي من صجج !!!!! وديمه تجهز ملابسها ف الجنطه : ايه بشرد وياه ، بيجي اهو وأخويه وبياخذوني نواف : تشردين مع من !! وديمه ترتبك : أ أ أ ( وتناظر منى وهي خايفه ) منى : قاعدين نلعب خالي ما فيه شي نواف يسكر الباب : قعدو يالله وفهموني السالفه وديمه تصيح : خالي ابي ارجع ديرتنا عند بابا ، اشتقتله نواف : انتي دايم بالإجازة تقعدين معنا واكثر من ثلاث شهور حتى ،، وأحين مو متحمله أسبوع ! شدعوه خالي ؟ منى : خالي صراحةً ، اهي ما تريد مشاري ، ترا مو غصب الزواج نواف : ههههه بس جي ! خلاص بقوله بس مو تهجين بهالطريقه جنج حراميه ههههه وديمه تحضنه : احبك خالي نواف يأشر لمنى عشان تظهر : يالله خالي انتي طلعي ملابسج من الجنطه أوك ؟! وديمه تسير لجنطتها : اوك ههه نواف يظهر ويقفل عليها الباب و وديمه تركض : خالي لااااا افتح الله يخليك خاااالي اااه يممماااااه لحقي علي يدة وديمه : نواف ! شنو تسوي ؟؟؟؟ نواف : دودو تبي تنحاش يمه ام وديمه تركض : شنو صاير ليش وديمه تصارخ !!!! ،،،،،، ف المقبره حمد ينزل القبر وابوه يعطيه ولده ويحضنه ويبوسه : اااه ي ولدي سامحنييييه اااه ، كنت بعيد عنك وقصرت بحقك سامحني ي الغاااالي ااااه بو حمد يمسح دموعه : تعال ي ولدي اظهر لا تسوي بعمرك جي حمد يصيح بصوت عالي : خلوووني مابا اظهر اااه ابا اتم عنده ، ي ليتني انا اللي مت هب اهو اااه ي ولدي الغالي رحت عني وخليتني اااه يدي : لا حول ولا قوة الا بالله ، سالم وسعود ظهروه يالله ، هب زين يعذب ولده اكثر من جذا لازم ندفنه ابويه : اظهر حبيبي ، ولدك طير من طيور الجنه وبيشفعلك يوم القيامه ان شاء الله سالم ينزل ويرفعه ع فوق ويسحبه سعود : لا تسوى جي ف عمرك ، ترّحم عليه حمد يصارخ : خلووووني عنده ااااه حرام عليكم ابا ولدي ، انا السبب انا قتلته انا اااه ( ويطيح ع الارض ) يدي يحضن حمد : اذكر الله ي ابوي هب زين اللي تسويه حمد يصيح حيل : اااه يددددددي ابااااه خلوووني دخيلكم ،،،،،، بيت بو حمد ام سالم : وينها ! موزوه : قافله ع عمرها الباب وهب راضيه تفتح يدوه : ما عليه خلوها ع راحتها يحدر حمد وثيابه كلها تراب ويطيح ف حضن يدوه : يدددووووه ااااه يدوه تحضنه وتصيح وياه : سير الغالي عند حرمتك ، حليلها حابسه عمرها ف الحجره وهب رايمين عليها تظهر حمد صوب حجرته يدق الباب : حبيبي بطلي الباب حصه تبطل الباب وتحضنه وتصيح حيل : رااااح ي حمد رااااح ااااه حمد : قلبي حارقنيه انه مات وما شفته ولا حضنته اااه خلودي يركض لهم ويصيح : ابا ميوووود باباه ااااه حمد يبوسه ويناظر ف عيونه : خلاص ميود سار فوق عند الله خلودي : ف الجنه ؟ حصه تحضنه وتصيح : هيه ماماه ف الجنه حجرة مريوم شواخ تهمس : وبعد لها عين يالسه جدامنا موزوه : شفتي عاد ، اونه الحزينه شموه : بس انتي وياها ، لا تيلسون تتشمتون ، ولد اخوها الميت ، طبيعي تصيح ، وانسو خلاص سالفتها ويا هزاع شهوده : مسكين هزاع لأول مره صدق ينكسر خاطريه عليه مريوم تصيح : لا حول ولا قوة الا بالله ، يارب صبرنا ع فراقه ،،،،، ف بيتنا عبود : هزاع شو تسوي هنا والنَّاس كلها ف العزا ؟! انا بضيق : مالي خلق اسير هناك ، اروحي مضايق من اللي سووه فيني حمود قماري : بس هب حلوه منك هالحركه ، جيه بيعصبون اكثر انا : خل يعصبون محد هامني ، احين شو بنسافر ولا ؟ عبود : هيه كل شي ع ابويه التذاكر والسكن حمود قماري : اوووه وقمنا نقول ابويه ههههههه انا : حسّيت هههههه عبود : ههه جب جب ، بس هزاعوه شو بتقول لاهلك اروحهم مضايقين منك انا بضيق : آخ بس ، الله بيفرجها ان شاء الله ( ويرن فوني ) لحظه ي الربع ،،،، هلا حبيبي ، ليش تصيحين !!! شووووه انتي ترمسين جد ولا تتمصخرين !! كيف يعني يحبسونج !!! عبود : حاسبين امنو ! انا : قم خلنا نسير عند ابوك ، اليوم بنسافر ، خالها حابسنها يتحرونها بتشرد حمود قماري : بس كيف نسافر ودوام عبود ؟ عبود : حابسينها ! هزاعوه حطلك ثياب بسرعه خل نسير قبل أيون اهلك انا : بس شوف تحمّل تخبر ابوك لانها ما تباه يضايق اذا عرف حمود قماري : بس ي الذكي لازم ابوها يعرف ، ع الأقل اذا خذها وياه هو ابوها ويحق له عبود يفتح كبتي ويعق لي ثيابي : ونا اخوها انا : اييييه انت كيف جي تفر الثياب ! غربلاتك انا أقول خبصت لي الدنيا ، احين هلي بيقولون انا اللي شارد الكل : ههههه ،،،،، مركز الشرطه عواس : تفضلي ميثه تاخذ الاوراق وهي متفاجئة : انت من صجك !!! بس كيف ؟! وشو صار !!! عواس : انا اروحي متفاجيء ، تنازل عن كل شي وماقدرت اعرف منه السبب ، عطاني وسار ميثه : وسالم يدري ؟؟!! عواس : هيه وهو اللي عطاني رقمج عسب أتواصل معاج ، لانه تعرفين مشغول ف العزا ميثه : الحمدلله انه رجعلي مالي وحلالي ، مشكور ي اخوي ( وتغمزله وتروح ) عواس يبتسم : خبله هاي شو ،،،، الكويت مشاري بعصبيه : خالي من صجك يه ، هات المفتاح بسرعه ام وديمه : ي الخبل ما تبيك ، تبي تنحاش ، خلها تستاهل يدة وديمه تعصب عليها : سمعي انتي وياه لو ما جبتو المفتاح لا انتو عيالي ولا أعرفكم نواف : يمه يعني ترضين باللي تسويه ! محد مدلعنها غيرج ، هاج المفتاح ونا مالي شغل فيكم مشاري يسحب المفتاح ويبطل لها الباب : دودو وينج !! ( ويشوفها متكوره ع عمرها وتصيح ) وديمه تركض له من الخوف وتحضنه : م م م مممشششاري الحق علي ااااه مشاري يمسح ع شعرها : لا تخافين ما راح يلمسون شعره منج دامني هنيه ، خلاص لا تبجين يدة وديمه : تعالي يمه ، ينت امج ، مو غصب الشغله ترا ي سعاد واذا عاندتي انا بنفسي برجعها الامارات سامعه ام وديمه : ليش يمه ؟! شفيه مشاري ! خوش رجال وماراح تلاقي مثله مشاري يستغرب : ليش ! شسالفه خالتي !! ،،،،،، بيت عبود بو وديمه : هلا بالغالي ولد الغالي ، وينك ما تسأل عن عمك ولا نسيتنا ! انا أبوس راسه : ونا اقدر أنساكم بس ظروف والله ي عمي ام عبود : أحسن الله عزاكم حبيبي ، الحين يايه ألبس عسب أسير العزا ، الله يصبركم ع فراقه عبود : آمين ، انا خذت اجازه واليوم بنسافر حمود قماري : هيه اتصلنا وقالو شي طياره عقب ثلاث ساعات بو وديمه : والعزا !! انا : ترااا شسمه ، امم عادي ، صح عبود ؟! عبود : هيه تراه قام بالواجب ، يالله ابويه نحن مستعيلين ام عبود : وشو عايلنكم ي ولدي ، اصبرو لين ثالث يوم العزا وعقب سيرو انا بصوت عالي : لااااا ماقدر اصبر اكثر من جي ، قصدي .... ( وجان استحي ع ويهي ) بو وديمه : هههه خلاص هب مشكله حمود قماري يهمسلي : شحالك ي العاشق الولهان انا : ههه جب ،،،،، بيت عمي بو حمد حمد يظهر من الخيمه : ايييه انتي شو فيج !! حشرتيني باتصالاتج ولا فوق عشرين مره ، ياخي احترمي الظرف اللي انا فيه ميثه بدلع : أفا حمادي ، تصارخ ع حبيبتك ميثوه حمد : استغفر الله ، خلاص ي ميثه كل واحد منا ف طريج ونا ندمان حيل ع اللي سويته معاج ، ربي عاقبني ف واحد من عيالي ومابا اخسر الثاني ، غلطه وما راح أكررها ورقمي هذا ياليت تنسينه ، فداعة الله ميثه تصارخ : نعم نعم !!! ليش هي الدنيا فوضى ، تلعب وتتسلى ع حسابي شووووه حمد بضيق : ي بنت الناس خلاص و ....... ميثه : لا هب خلاص سامع هب خلاااااص ونا براويك ي حمد وبتشوف بعد حمد يعصب : اوه بالطقاق والله ، هلي اهم منج مليون مره ي الزباله يالله جلبي ويهج اشوف ميثه : انا زباله ي حمد ! اوك والله لفضحك وان ما نشرت صورك وانت ف الفندق ماكون انا ميثوه ( وتسكر ف ويهه ) حمد : صوري !!! شششت ، ، السموحه ع التأخير بس كانت فترة امتحانات ،،ً ان شاء الله يعيبكم | ||||||||
08-06-16, 06:33 AM | #15 | ||||||||
مراقبة عامة ومشرفة منتدى الروايات المنقولة
| البارت ال١٤ بيت عمي بو حمد شموه : انت تخبلت هزاع ولا شو !!! شو بقول لابويه انا : خلاص شموه عاد تصرفي بس لا تقولين لهم مسافر ، يالله بسكر احينه وتحملي فيهم ، فداعة الله شموه : اصبر ي الخبل ، الو ، الو ،، غربلاتك ي هزاع ، احين شسوي ! ( وتسير ليدوه ) يدوه تعالي اباج ضروري يدوه : عيب اميه ما تشوفين الحريم تارسين البقعه ، كيف اظهر عنهن ، صبري موزوه : بلاها شموه متحرقصه ، شي تحت راسها شواخه : اشوفها ، أقول موزوه ! عيل ما اشوفج تصيحين ع ولد اختج ، عنبوه حتى دمعه ما نزلتي موزوه بضيق : ما يخصج افف ( وتسير تكرمو الحمام وتصيح لانها ما تحب تصيح جدام حد ) حصه تخش راسها ف حضن امها : اااه امميييه راح حبيبي مني راح ام سالم تمسح ع ظهرها وتصيح : لا اله الا الله ميثه تحدر : السلام عليكم مريوم تناظرها بضيق وتهمس لمهره : والله لو ما العزا جان طردتها ، لها عين بعد اتي هنا عقب اللي سوته فيني مهروه : خلها تولي ما عليج منها ، اهم شي سالم ملكج احينه وعرف قدرها الخايسه ، من يات فاحت ريحتها مريوم : ههه استغفر الله ام حمد : فديته الغالي ، راح عن يدوته ، يارب ترحمه برحمتك اااه يارب ام عبود : السلام عليكم ، وأحسن الله عزاكم ( وتيلس صوب اميه ) اميه : الدوام لله ، شحالج اختيه ام عبدالله ام عبود : والله زعلت ع الولد الله يرحمه ، وما مضايقنيه غير هالهروم ، ما صبرو لين العزا يخلص ، مستعيلين ع السفر اميه : امنو !! ام عبود : ويديه ! بعد امنو عبود وهزاع وهذاك ربيعهم حمود ،،،، الكويت مشاري : شفيج ما تاكلين ! يايبنج مطعم تغيرين جو ودافع دم قلبي ع الاكل ، اكلي يالله وديمه : يسلام ! ومستكثر علي حضرتك مشاري : ههه اتغشمر يبه ، اذا مو عاجبج اوديج مطعم غيره ، جم دودو عندي انا وديمه تناظره : وليش كل هذا مشاري ، مهما حاولت ترا ما ... مشاري بضيق : لا تكملين وتوجعين قلبي كثر ماهو موجوع ، الا مو ناويه تكملين دراستج بالكويت ، ترا جامعاتنا قويه وديمه تمسك ايدينه : آسفه ، ونا والله احبك بس ... مشاري يطير من الفرحه : تحبيني !! صج ؟؟!!! يسسس هههه انا مو مصدق انج اخيرا قلتي الكلمه اللي كنت ناطر اسمعها من سنين وديمه : سنين ! اللي يسمعك يقول عمرنا ف الثلاثين مشاري : جب هههه ، لحظه ، الووه ها منى ها ي المزعجة ، بس جذي ما نبي ناخذج معانا مو غصب هههه وديمه تسحب عنه الفون : الو هلا بالمزعجه هههه والله اتغشمر ، الحين وغصب عن مشاري بنرجع ناخذج طيب ؟ ، اوك تجهزي سريع سرررريع ههه ،،،،، ف الطياره حمود قماري : عبود طالع ربيعك ، من ركبنا الطياره وهو يناظر ف الدريشه وسرحان ههه عبود : الريال رايح فيها من زمان ههههه انا : ترانيه أسمعكم هب اطرش ، ولا مغتاظين لاني يالس صوب الدريشه حمود قماري : حشى عليه ، جيه ابويه أغتاظ ؟ الا دريشه ههه عبود : هيه انا متغايظ ، يالله قم بيلس مكانك انا : روح يالله روح عن اطيرك احينه حمود قماري : تراه طاير من زمان هههه عبود : أفاا هزاعوه ونا اللي مودنك لرضيعتي ، خلاث ذعليت انا : ي حلوها اللي ذعلت ههههههه حمود قماري : هههه غربلاتكم انا أقول ، عيل متى بييبون الغدا ، يعت الصراحه عبود : أفا عليك ، بس بإشاره وحده مني بيوون يركضون انا : هيه الشيخ ونا مدري هههه ،،،،،، خيمة العزا سالم : حمد اذا تعبان سير ارتاح ، تراك مواصل من امس حمد يمسح دموعه : مابا شي ي سالم ، مابا شي سعود يشل خلودي ع ريوله : يوعان حبيبي ؟ خلودي : ميود متى بيرجع ؟ ابراهيم يسمعه ويحط كفوفه ع ويهه ويصيح حيل : ااااه بو حمد يحضنه : خلاص باباه خلاص ، هب زين الصياح وايد يدي : لا حول ولا قوة الا بالله ، ابويه عبدالله اتصلت ف المطعم عسب نغدي الرياييل ابويه : اوه الغالي نسيت اخبرتهم ، الحين بتصل بو وديمه : لا اتعب عمرك ي اخوي ، انا مخبر جماعتي وساعة زمان وبيوصل كل شي ان شاء الله يدي : ليش كلفت ع عمرك ي ابوي بو وديمه : أفا عليك طال عمرك نحن نسايب احينه وها واجبنا منصور يمسك ايدين خلودي : تعال بنسير نلعب برع اوك ،،،،، بيت عمي بو حمد اميه تسحب ام عبود لداخل : يلسي وفهميني جمول ، شو قصدج !!! ام عبود : ويييه والله ما دريت انج ما تعرفين اميه : ماعرف شو !!! ما تقولين ام عبود : سافرو تراهم الكويت حق وديمه حليلها اميه : وهزاع وياهم !!! ام عبود تسحب اميه : تعالي يلسي انزين شحقه واقفه ، هيه وياهم ، وخليه برايه يغير جو عن الضيق اللي هو فيه ، يعني معقوله ي فطيم تزوجونه غصب ، معقوله تصدقين ولدج يسوي هالسوالف ؟! اميه تصيح : والله مصدقتنه والله اااه واعرف انه بري فديته وعمره ما يسوي الغلط بس شسوي ي اختيه ، حكم القوي ع الضعيف ، ماقول غير حسبي الله ونعم الوكيل اااه يدوه عقب ما تخلص صلاه : موزوه سيري زقرتي لي شمه واظهري خاري انتي وشواخه صلن شواخه : ليش يدوه ! الحجر الثانية زحمه من الحريم ، خلينا بنصلي وعقب بنظهر يدوه : ياربيه من هالبنات اللي ما يسمعن الرمسه ، يالله دهديه صلن وخلصن شموه تحدر : يدوه ! انتي هنا ! أفا ي الخاينه ونا أدور عليج من مكان لمكان هههه موزوه : يدوه سمعتي ههه طيحي فيها يدوه : انا أقول قبظنها زين وييبن العصا شموه : لا خلاص والله خلاص هههه ، يالله ايه انتن الثنتين ظهرن أبغي يدوه ف سالفه شواخه اطنشها وبصوت عالي : الله اكبر موزوه : هههه استغفر الله ،،،،، الكويت عبود : ايه محمد ، مره سيده بيت اخت مال انا حسنين : من عنيه ي سعتِ إلبيه حمود قماري : اوه تحيا مصر انا : هههه غربلاتك حمود عبود : السموحه تحريتك هندي حسنين : معليش ، حصل خير ، بس لمؤاخزه ، انت اطلعت امنين ؟ انا ماكونتش اعرف انوه الباشا عندوه ولد كمان حمود قماري : نِزِل من السما ي اخويه هههه انا اضربه ع راسه : شو تباه انت بعد ههه ، انزين ي عم ... اسمك لمؤاخزه ايه ؟! حسنين : حسنين ي بيه عبود : طيب ي عم حسنين ، انا مش عاوز اروح الفندق دلوقتي ، خدني اشوف اختي لانها واحشاني جداً حمود قماري : وقمنا نرمس مصري ههههه ،،، بيت يدة وديمه يدة وديمه : وانتي ليش معصبه ها ام مشاري : شفيه ولدي يمه ومو احنا متفقين ، شو اللي غيّر رايها ست الحسن والدلال وديمه تحدر : ست الحسن والدلال كبرت الحين وتغيّر كل شي ام وديمه : ما عليج منها ، هالخميس الملجه لا تحاتين وديمه تصيح : يمه شوفيهم انا خلاص تعبت والله تعبت مشاري بضيق : طيب ليش !! انا بشنو قصرت ، حتى وانتي بديرتج كل يوم اتصلبج ونسولف ، شو اللي تغيّر منى : مشاري حبيبي ، دودو كبرت و ... ام وديمه : انطمي انتي وخلنا نشوف شنو جوابها ام مشاري : ي حسرتي عليك ي ولدي يدة وديمه : انا ابي اعرف ليش مكبرين الموضوع ، ترا ما يستاهل ، يمه مشاري فكر بعقل حبيب يدتك مشاري يمسك ايدين وديمه ويصارخ عليها : ماااا تجااااوبين عبود : خوز عنهااااا ،،،، بيتنا ابويه بعصبيه : ما ترمسين يدي : اصبر ي عبدالله ، ها ابويه شمه خبريني الرمسه عدل شموه بخوف : انا مالي شغل يدي والله هو اتصلبي وقال بيسافر وسكر وبس ( وتناظر يدوه ) الله يسامحج يدوه يدوه : خل عنج هالرمسه وقولي هو مسافر لامنو اميه : يعني بيسافر لامنو عموه ، الله يهديج بس ، سار يغير جو حليله ( وتناظر يدوه برجا عسب ما ترمس ) ابويه : استغفر الله من هالولد ، يعني ما كفاه اللي سواه ، الحين يالس يحاوط ع كيف كيفه ولاه بالدسه بعد شواخه : كله منكم اصلا ، انتو اللي خليتوه جي ، لأنكم ظلمتوه يدي يضربها بالعصا : وقام يطول لسانج ي شيخوه ها ! ، يالله ي عويش سيري زهبي ثيابي ، خلنا نسير بيت المرحوم أخيّر لنا ابويه : أفا ابويه ، هم الطالعين وانت الداخل ، لا تقول جي دخيلك ،،،، بيت عمي بوحمد حصه تصيح ف حضن حمد : ااه ي مايد اااه ي ولدي حمد : خلاص حبيبي اذكري الله ، خل يرتاح ف قبره حصه : ان شاء الله ، من اليوم وساير خلودي بيرقد عندنا ، ماباه يرقد اروحه ( وتمسح ع شعره ) حبيبي ولدي ، شت خلودي محموم ! حبيبي ممكن تسير الصيدلية تاخذله أدول حمد : من عيوني وينزل حمد ويشوف ظرف ع موتر ابوه وفيه صوره : شششت سوتها الحقيره ، الله ياخذج ي ميثه والله ما برحمج ، ، ان شاء الله يعيبكم | ||||||||
08-06-16, 06:36 AM | #16 | ||||||||
مراقبة عامة ومشرفة منتدى الروايات المنقولة
| البارت ال١٥ الكويت وديمه تركض لعبود وتحضنه : اخووووي انا اناظرها بكل خوف وحنان ، ودي انا اللي ألمها بحضني ، انا اللي اقولها لا تخافين ، اشتقتلج ي قلب هزاع وفجأه ام وديمه تصارخ : انت شنو جايبك هنيه ولك عين بعد تدخل بيتي ! مشاري : من هذا !! منى تستانس : اخوها عبدالله يدة وديمه : عيب ي سعاد ، تعال يمه عبدالله حياك انت وضيوفك ام وديمه : انتي من صجج يمه !! وين ايون ان شاء الله ام مشاري : اهدي وخلنا نشوف شنو سالفتهم هذول بعد عبود : انا ياي أخذ رضيعتي وبسير ، وين ثيابج ؟ نواف ينزل من فوق : وان شاء الله بأمر من تاخذها انا اناظره من فوق لتحت : وشو بتسوي يعني ها حمود قماري : هزاعوه هدي ، هب يايين نضارب نحن مشاري يناظرنيه : ههه جاي تستقوى علينا حضرتك ، لحظه ! انا شايفك قبل ، انت اللي صورك عند دودو ، ايييه احين بان كل شي ي الجذابه وديمه : مشاري تكفى خلاص ، ياخي افهم نحن مو لبعض ، كيف بتعيش مع وحده ما تحبك ام مشاري : امش ي ولدي بنروح بيتنا احسن ، ما نبي مذله من احد يدة وديمه : يمه قعدي ، اذكري الله ام وديمه اتي وتسحب وديمه : امشي يالله ع غرفتج نواف : وانتو يالله برع عبود : احتراماً بس لشيبتك بسكت عنك بس انا ما بظهر من هنا بدون اختيه ،،،،، بيتنا شواخه ادق حجرة يدي : يدي ممكن احدر يدوه : تعالي اميه شواخه تركض ليدي وتحضنه وتصيح : سامحني يدي حقك علي يدي : بس ذبحتي يدج ههه ي بنتي اخوج غلط ولازم يتحمل غلطته شواخه تناظر ف عيونه : يعني معقوله يدي تصدق انه هزاع يسوي جي !! هو تربيتك يدوه : خلاص صار اللي صار احينه ، يالله سيري شوفي ابوج عسب نسير العزا ، الساعه داخله ع الثمان وابا ألحق ع الحريم قبل يتوالفن شواخه بضيق : ان شاء الله ( وتظهر برع وتشوف اميه تصيح ) اميه شبلاج تصيحين !! اميه : أصيح ع ولدي المسكين ، هب راضيين يصدقون انه بري ، بس ماقول غير حسبي ربي هو اللي بياخذله بحقه ان شاء الله شموه تنزل من فوق : السلام عليكم ( وتبوس اميه ) اميه : خوزي عني ولا تقربين مني ، هاي سواه تسوينها ! بدال ما اتين وتخبريني عن هزاع ! تسيرين ليدتج !! يعني انتي ما تعرفين باللي سووه فيه ، زين جيه احينه ! معصبين منه اكثر شموه تنزل دموعها : آسفه اميه بس والله ما توقعت يدوه بتفتن عليه اميه : الله يعلم الحين شو بيسوون فيه من يرد ، وشحقه انتو بعد ما خبرتوني عن وديمه ها !! ولاه حضرته متعني ومسافر لها بعد ، خل يرجع بس ما أدّبته شواخه : عيل توج اميه تحاتينه وأحين معصبه ههههه ابويه : ضحكونا وياكم شواخه تحضن ابويه : ابويه زعلان مني ابويه : الحين انتي العاقل تقولين جي ليدج ! لو شهوده بقول لسانها شطوله بس انتي !!! الله يهديج بس شهوده وهي حادره من فوق : ترانيه أسمعك ابويه ، اميه يوعانه وين الريوق ، الباص بيي يدي يظهر من حجرته : اي ريوق بعد ، يالله تزهبو خل نسير العزا ، وانتي تريقي ف المدرسه ،،،،، بيت عمي بو حمد حصه تفز من رقادها : خلووود !!! خلود وينه !!! حمد يقوم : اهدي حصوه بلاج ، اكيد ظهر عند اميه ولا مريوم ، بسير اشوفه ( ويظهر حمد ويشوفه يالس ف الصاله ) حبيبي خلودي شو تسوي هنا اروحك خلودي : باباه انت ليش هب لابس حمد باستغراب : ها ! شو بعد هب لابس هههه خلودي يعطيه صورته وهو ف الفندق : شوف باباه حمد ينصدم ويقطع الصورة : من وين يبتها هذي ، ما تقووول خلودي بخوف : ربيعة ماماه عطتني وسارت حمد : باباه لا تقول لحد انزين ، انا كنت بتسبح عسب جيه ما لبست ، لا تخبر ماماه اوك خلودي : اوك حصه : تأخرت عليه حمد وقمت احاتي ، خلودي مره ثانيه لا تظهر من الحجره الا وياي سامع خلودي : انا كنت أدور على ميود ، ماماه متى بيرجع حصه تحضنه وتصيح : حبيبي ممكن تييب حمد يسكن ويانا ، الله يخليك حمد : بس كيف اييبه حبيبي ! يدته ما بترضى ، ما عندها غيره ،،،،، بيت عمي المرحوم سعود يدش المطبخ ويشوف ميثه لابسه بجامة نوم قصيره وفاتحه شعرها ويعطيها ظهره : استغفر الله ، انتي ما تستحين ع ويهج !! ما تعرفين انه فيه رياييل ف البيت ميثه بدلع : اوه سامحني فديتك ، تحريتكم رقود هالحزه ( وتمشي وادزه عن قصد ) اوه سوري ما شفتك سعود يعصب ويمسكها من شعرها ويصارخ عليها : ي الحيوااانه ، اذا اخويه ما عرف يأدبج انا براويج الأدب كيف ميثه تصارخ : اااه لحقو علي اااه هدني موزوه تركض : سعود هدها شو تباها ، هدها قبل اميه تنش سعود يفرها ع الارض : والله لو عدتيها ما رحمتج ميثه تصيح : اااه والله ما سويتله شي موزوه ، يايه اشرب ماي ومدري انه هنا اااه قطعلي شعري موزوه : انتي بعد الله يهديج تحشمي هب جي تظهرين ، يالله نشي بوديج حجرتج سالم : ميثه ! ( وينزل راسه ) شو فيج جي ! موزوه : ماشي اخويه بس طاحت ميثه بدلع : الحق علي سلومي، اخوك ضربنيه اااه شوف حتى شعري كيف قطعّه ، كل ها لاني ظهرت جي والله تحريتكم رقود سالم : ما عليه دواه عندي ، وديها موزوه داخل موزوه تعصب منها وتهدها : خل تمشي اروحها ( وتسير عنهم ) ،،،،، الكويت نواف : مشاري اتصل ف الشرطه مشاري : وليش الشرطه خالي ! غصبن عنهم يطلعون يدة وديمه تقوم من مكانها واتي صوبنا : والله ما يطلعون وأي واحد يتكلم فيكم اهو اللي يطلع تسمعون ، ( وتناظرنا ) تعالو ي عيالي ، حياكم يمه ( وديمه تناظرنيه بكل شوق ، كانت نظراتها تعذب ، كان خاطريه اصرخ جدام الكل واقولها احبج ، اخ بس ، الله يسامحك يدي ، شو بيستوي فيها لو درت اني ملجت ع غيرها ، وجان تدمع عيوني دمعة قهر وألم مني بسبب ظلمهم ) حمود قماري يحط ايده ع كتفي : دموعك غاليه وان شاء الله بتكون لك لا تحاتي انا امسح دموعي : ان شاء الله يدة وديمه : منى ، خلي ميري تسويلهم عصير عبود : خيرج سابق ، نحن بنسير بس ياي أخذ وديمه يدة وديمه : وين تاخذها يمه ! هي مو ف بيت غريب ، احنا بعد نحبها وهي بنتنا ومستحيل نضرها بشي انا : محشومه الغاليه بس الباقين ضارينها مشاري يناظرنيه بنص عين : الباقين اَهلها وأقرب لها منك سامع حمود قماري : ي اخوي نحن هب يايين للمشاكل ، يايين نتطمن عليها ودام اهي هب مرتاحه وياكم لازم .... نواف يقاطعه : وانت ما شاء الله المحامي مالهم شنو هههه عبود : ليش هب عايبنك شو وديمة تمسك ايدينه وتهمس له : حبيبي اخوي طنشه مابي مشاكل طيب مشاري يوقف : ايه انا مو عاجبني انا أوقف له ، وما شاء الله عليه ضخم وأطول مني ، ها كيف بضاربه انا !! بس عادي اهم شي ودوم لي انا وبس ، وأضربه خفيف ع صدره : تبا تضارب يعني ام وديمه : ههههههه من يتحجى وديمه تخاف علي وتوقف ف النص بينا : لاااا تكفون ( وتلف صوبي وتناظر ف عيوني بكل خوف ) حبيبي لا دخيلك مشاري يعصب ويغار من كلمة حبيبي وادزها ع الارض ويضربنيه بوكسات ع ويهي ويصارخ : كله منك انت اللي اخذتها مني ، والله ما أخليك لحالك عبود يسير لودوم : انتي بخير !! حمود يسحبه عني ويضربه : عيب ترا نحن ضيوفكم نواف يضرب حمود : والضيوف يضربون اهل البيت ؟! يدة وديمه تصارخ عليهم : خلااااااص ، كل واحد يقعد يالله منى تصارخ : خالتي لحقي ع دودو مو قادره تتنفس ، وين الأكسجين ؟؟؟!!! ام وديمه : ما بجيبه لها الا اذا قالت انها تبي مشاري مشاري بخوف : خالتي !!! بتروح فيها مو وقتج تكفين ام مشاري : سعاد ينيتي ولا شنو ، منى روحي غرفتها اكيد بتحصلينه هناك يالله بسرعه انا بخوف اناظرها ، حسيتها بلحظه بتروح مني حبيبتي وعمري وحياتي ، لاااا الا انتي ، اموت انا بس تكونين بخير ، وما احس بعمري الا وانا شالنها واركض فيها برع : حسنيييييين شغل السياره بسسسسرعه ( وأركب ورا وهي ف حضني ) يالله بسرعه ع المستشفى ( وتنزل دموعي وأبوس راسها ) حبيبي تحملي شويات وبنوصل عبود يركض وراي : هزاااع وقف ، هزاااااع حمود قماري : طع الهرم ، احين شو نسوي مشاري يركض ويشغل سيارته ويوقف لهم : اركبو بسرعه ، ( ويصارخ ) يالله ،،،،،،، خيمة العزا حمد : عيل ام بنتك بعدها ف بيتكم سالم : هيه ليش !! فيه شي ؟!! حمد : لا بس قبل رمستني اذا اقدر أدور لها ع وظيفه وجي سالم : ماعتقد بتحتاي للوظيفة احينه ، لانه ريلها رجع لها كل حلالها حمد : اها يعني اهي ردت بيتها ؟ سالم : تصدق مدري ، زين ذكرتني عسب اتصلبها لانها كانت تعبانه مساعه ،،، الو هلا ميثه ، شحالج احينه ، بعدج مضايقه من سعود ؟ زين ما عليه اخوج الصغير هذا ، ان شاء الله ، عيل انتي وين احينه ، زين تمي ف بيتنا عسب يوم ميمي ترجع من المدرسه وعقب ردي بيتج جان تبين ، بس تمام ، فداعة الله حمد يوقف : سالم جابل الرياييل شوي ، انا عندي كم شغله بخلصها وبي اوك ، سلام يدي : انا زعلان منك ي ابويه حمدان بو وديمه : أفا الغالي ! أبيع الدنيا وارضيك ابويه : عيل تسّفر العيال الكويت ونحن آخر من يعلم ! عمي بو حمد : هاه !! امنو مسافر الكويت ؟! بو وديمه : والله الغالي ما دريت أنكم ما تدرون الا امس بس ، السموحه منكم ( ويبوس يدي ع راسه ) وهاي حبه فوق راسك الوالد يدي : حبتك الملائكه ، ما عليه حصل خير ، عيال هالزمن مخبّل ولازم يتأدبون طشونه ، يبالهم قرصة إذن بو وديمه : أفا عليك ابويه ، مره عيالك سوى فيهم اللي تباه عمي بو حمد : ما تفهموني شسالفه ! سعود : شسالفه سلوم ! شاردين شو سالم : خبري خبرك ! احينه الا اسمع من يدي ،،،، الو ( ويظهر برع الخيمه ) هلا مريومتي هلا بشيخة البنات ، هههه خلاص حبيبي بتسير اليوم بيتها ارتاحي ، هههههه ، تامرين ع شي غناتيه ؟ شووووه !!! ،،،،، ف المدرسه شواخه : ليش مداومه موزوه ! موزوه : بس ،،، امم سعود يسلم عليج ويقولج مشتاقلج ، ويترياج فليل تتصلين به شواخه تستحي : استحي ارمسه موزوه ، هب متعوده موزوه : ي الخبله تعودي ، باجر بتنقفل عليكم حجرة وحده ههههه شواخه تضربها : ي الخايسه جب ، ماحبج ههه ، تعرفين هزاعوه سافر الكويت موزوه : ها !! ليش وكيف ؟! شواخه : بعد كيف يعني ، بالطيارة طبعا ، سار عند حبيبة القلب ودوم ، بس الله يعينها يوم بتعرف عن مهروه موزوه : هيه والله ، الله يعينكم انتو يوم بتسكن عندكم شواخه : افف لا تذكريني ، بقول لهزاعوه اظهر برع اسكن احسن ولا عادي ترا اضاربها كل يوم موزوه : سسسكتي ، ما قلتلج شو سوى اليوم سعود ف ميثوه الخايسه !! ضربها ضرب ههههه شواخه : نعم نعم !! وليش يلمسها اصلا ؟!! ،،،،، بيت عمي المرحوم حمد يحصل الباب مفتوح ويدش : ميثه ، ميثه ميثه تظهر : حمد ! شو يايبك هنا ، عن حد يشوفك ! حمد يعطيها كف ع ويهها : ولج عين بعد تعطين ياهل الصور !! انتي شو !! لهالدرجة واطيه ميثه تصيح : ارجعلي حمادي ماقدر بدونك الله يخليك حمد يمسك رقبتها : تخسين والله ارجع لوحده شراتج ، وين الصور بسرعه ولا والله بذبحج سامعه ميثه : اااه خلاص والله بييبلك هدني ، عندي بنت الله يخليك اااه حمد : الحين حسيتي ف بنتج هههه ، تفو عليج والله ، سمعي تييبين الميموري من فونج بعد ، انتي وحده ما منها أمان ميثه تصيح : الله يسامحك حمادي ، محيت كل لحظه حلوه كانت بينا ( وتحضنه ) الله يخليك خلنا نرجع حمد يعصب ويبعدها عنه : بتييبين الصور ولا شووووه ام سالم تحدر وتشوفهم وتنصدم فيهم : حمد ! وميثه ! معقوله !! ، ، السموحه ع التأخير | ||||||||
08-06-16, 06:37 AM | #17 | ||||||||
مراقبة عامة ومشرفة منتدى الروايات المنقولة
| البارت ال١٦ الكويت عبود يقرب صوبي ويعطيني بوكس : كيف تسير بدوني ها حمود قماري : عبود ترا أبد هب وقتك مشاري يصرخ علي : وينها دودو وينننهاااا انا بضيق : مدري ودوها داخل عبود : كيف ما تدري يعني !! انا اصارخ عليه : شدراااانيييه خذوها مني وخلااااص حمود قماري يحط ايده ع كتفي : خلاص هزاع هدي مشاري يناظرنيه بضيق وكره : ما منك فايده ، جاي بس تنفخ ريشك علينا ( انا اعصب منه وأضربه وهو يضربني لين أيون شرطة المستشفى ويمسكونا وعقب ما هددونا بالطرد ، تمينا يالسين ع الكراسي نتريا ، آخ ي حبيبة قلبي شو صار فيج ، يارب تكوني بخير يارب ) مشاري : الو خالي ، ايه للحين ، اوك من يطلع الدكتور بطمنكم ، باي ويوصل الدكتور اخيرا : مشاري مشاري يناظرنيه بنص عين ويقوم : هلا دكتور شلونك الدكتور : انا ما قلتلكم جم مره لا اتعبونها ، ترا قلبها ما يتحمل والحمدلله اليوم عدت ع خير ، لكني ما أظمن الأيام الجايه ... انا أوقف بخوف من سمعت قلبها : شفيه قلبها دكتور !!!! الدكتور : انت من ؟! عبود : انا اخوها دكتور ، شو فيها اختيه بالضبط الدكتور : كيف اخوها وما تعرف انه مريضه بالقلب !! انا بصدمه : القلب !!!! ( وأمسك الدكتور ) وينها ابا اشوفها وينهاااا ؟؟؟ الدكتور : لا شنو تشوفها ! ممنوع الزياره الحين ، البنت تعبانه ، تعالو باجر واصارخ عليه : شو باجر !!!! تتمصخر حضرتك ، انا اليوم بشوفها سامع عبود ينازعنيه : هزاع هدي شفيك افف خلاص ، انزين ع الأقل اشوفها انا واتطمن عليها دكتور وأوعدك ما اسولف معاها الدكتور يناظرنيه بعصبيه : طيب ، تعال مشاري يعصب علي : زين جيه استانست حضرتك انا اطنشه وأسير لعبود : عادي احدر عندها بدالك ؟ دخيلك عبود : اقولك اقلب ويهك يالله ( ويسير عني ) ،،،،، بيت عمي بو حمد مريوم تسحب سالم ع المطبخ وتحضنه وتصيح : ... سالم : فديتج ي قلبي ، لا تصيحين مريوم : محتايه لحضنك حيييل ااه ، لا تهدني دخيلك ، متى بيجمعنا بيت واحد ي سالم متى سالم : أحيد الريال اللي يستعيل هب الحرمه هههه مريوم تستحي وتخوز عنه لكنه يسحبها ويضمها اكثر لحضنه ويبوس خدودها : احبج مريومتي حصه تحدر : احم احم نحن هنا مريوم تخوز وتركض داخل ، وتضحك عليها حصه : ههه دواج عقب ، شحالك ي اخوي سالم يحضنها ويبوس راسها : بخير دامني اشوف هالضحكه ع ويهج ي عيون اخوج ،،،،، بيت عمي المرحوم حمد ينصدم ويتمنى الارض تنشق وتبلعه : لا عموه انتي فاهمه غلط ميثه تصيح بصوت عالي : لحقي علي عمممووووه ااااه ام سالم : انتي جب ولا كلمة ي خرابة البيوت ، انتي اصلا ساس البلا ي مسودة الويه ، شلي ثيابج وطلعي برع ، وانت ي حمد أفا والله ما هقيتها منك ، ف شو قصّرت فيك بنتي ها ، ما تجاوب حمد ينزل عيونه الارض : غلطه وندمت حيل عليها ، خاصه عقب ماراح ولدي مني ( وتنزل دموعه ) انا بس ياي أخذ صوري اللي يالسه اتهددني ابها ميثه تظهر من الحجره وتصارخ عليها ام سالم : لحظه ، وين الصور ميثه تناظر حمد وتصيح : هاي الصور والميموري بعد ام سالم : يالله برع ، مابا اشوف رقعة ويهج هنا مره ثانيه سامعه حمد يصيح : سامحيني عموه ام سالم : المسامح الله وهالشي بيكون بينا ي ولدي لا تحاتي ، والله غفور رحيم ، ادري السوسه ميثه ساس كل البلاوي ، الله ينتقم منها ،،،،، ف بيتنا اميه : بشو سرحان ابويه : أفكر ف هزاعوه الهرم ، كيف كان وكيف استوى ، حسبي الله عليه من ولد اميه : دخيلك لا تتحسب عليه عن يصيبه شي وهو ف السفر ، يكفيه العذاب اللي هو فيه ابويه يعصب : اي عذاب ان شاء الله وهو مسافر يستانس ولا جنه عندنا عزا اميه بضيق : يوم ما تعرف عن الولد شي لا تيلس تظلمه ( وتقوم ) ابويه يمسك ايدها : لحظه وين سايره ! انتي تعرفين شي ومخبته عني منصور يحدر : اميه بطني يعورنيه اميه : من شو اميه ؟ شو ماكل ! عبدالله عطني الفيكس بحطله منصور : انا برقد وياكم اليوم مريض عبدالله : سمعو المكار هههه ،،،، الكويت عبود : حمود قم حشرتنا بشخيرك حمود قماري يفتح نص عينه : شسوي فيكم يعني هب راضين تردون مع انه الدكتور قال محد بيحدر عندها ورغم جيه حدرت وتطمنت عليها ، ليش تامين هنا بعد للحين افف انا بكل حسره : بردها لك ي عبود ، يوم رضيعتي تعبت خليتك تشوفها بس ما عليها والله لأردها لك ( وأظهر برع ) مشاري يناظر عبود : انت من وين طلعت ! غريبه دودو ما قالت لي شي عنك عبود يناظره بنظره وينزل راسه : ....... حمود قماري يتبعني : لحظه هزاعوه وين ساير انا بعصبيه : نعمم !!! خبير شو تبا ؟؟!! اللي فيني ترا مكفيني ( وأسير عنه ) حسنيييين لو سمحت ودني الفندق حمود قماري : ايييه صبرو بيي وياكم ،،،،، ف بيت يدة وديمه يدة وديمه : والله لو صار لها شي ما تنامين عندي الليله تسمعين ي سعاد ام وديمه : يمه تكفين ، يعني شنو بيصير لها مثلا ، ضيق تنفس مثل كل مره منى : كله من مشاري ، يالله يمه خلنا نسير لها ام مشاري : وين نسير يمه ! نواف : خلاص اهدو ،،،،، الو هلا مشاري أخبارها طمني ، صج ! الحمدلله ، طيب ارجع ، اوك مو مشكله باي ، اطمنج يمه ، دودو بخير الحمدلله ام وديمه : شفتي يمه ! قلتلج ، دلع بنات بس ، انا بسير داري انام يدة وديمه : آه من قلبج البارد ، يالله نواف ودنا المستشفى حنان تحدر : السلام عليكم ، خير ان شاء الله اسمع مستشفى نواف : ايه دودو تعبت شوي وبنسير لها ، ارتاحي انتي ف دارج لين نرجع ،،،،، بيت عمي بو حمد مهروه : افف وبعدين اميه ؟! ام حمد : عيب يالله ، وخلاص انجبي يدوه تحدر وتيلس : ها شفيها بعد بنتج تتأفف مهروه : ماشي يدوه سلامتج بس كيف يعني هزاعوه يسافر ونا آخر من يعلم ! يدوه : وجيه انتي شو تبين به مهروه : خطيبي يدوه ، شو هالسؤال بعد شواخه : نعم نعم !! هب ع أساس متحرش بج ! لازم تكونين كارهتنه صح موزوه موزوه : شدرانيه شكله العكس والله مهروه : ايه انتي ، شو قصدج ها موزوه توقف : تبين تظاربين ؟ ترانيه جاهزه ام سالم : موزوه ويهد ، بتيلسين ولا شو يدوه : بتيلسن ولا بالخيزرانه ع ظهوركن شواخه تسحب موزوه : تعالي موزوه ( وتهمس لها ) لا توصخين ايدج اميه تحدر : انتو هنا والحريم خاري ، يالله تعالن يدوه : يايين الغاليه بس كنا نصلي ، يالله نشن ،،،،، خيمة العزا سالم : لحظه خلني اظهر برع ، بلاج ي ميثه تصيحين ! هاه !! انتي شو تقولين ؟! اميه طردتج ! ليش شو مسويه ؟؟ ميثه : يسلام ! وليش يعني كله تحطون ف بالكم اني مسويه شي ، شو شايفيني يعني سالم : السموحه ميثه ، قولي انزين بلاها اميه ؟ ليش سوت جيه ؟! سعود : الو موزوه ، وينها عطيني بسرعه برمسها قبل ارجع الخيمه ، ترا قامو الرياييل يتوافدون ،،،،، هلا بالحب شواخي ، أفا وينج عني طول هالايام ؟ ما وحشتج ! ليش ساكته ! لين متى بتمين تستحين حبيبي ، ها شحال الدراسه وياج ؟ اقولج شوي وبتصلبج انزين باي ، حمد ! شو فيك عسى ما شر ؟؟ ويهك معتفس ! حمد : ولا شي سعود بس أفكر ف ولدي الله يرحمه ، لحظه بشوف امنو متصلبي ، هلا ام نوره ، هلا بالغاليه ، آمري فديتج ،،،،،، الكويت وديمه تفتح عيونها وتشوف الكل صوبها : هزاع وين ! ، ، والسموحه ع التأخير المخ كان مقفل ان شاء الله يعيبكم | ||||||||
15-06-16, 12:12 PM | #18 | ||||||||
مراقبة عامة ومشرفة منتدى الروايات المنقولة
| البارت ال١٧ بيتنا شمه : آه واخيرا بيتنا الجميل ، وتحضن المخده ، اشتقنالك شهوده : اللي يسمعج مفارقتنه من سنين شواخه : لا بس غير يوم بنتم هنا وما بنسير خلاص بيت عمي ونجابل الكريهه مهروه ، اونه شو ! خطيبي موزوه : خطبها يني قولو آمين الكل : آمين ههههههه اميه : ها بلاكن ! ضحكوني وياكن شمه : ماشي اميه بس مستانسين ع بيتنا الجميل هههه منصور يحدر من فوق : اميه هاج فونج يرن اميه : ونا أقول وينه ، بيفضي بسبة لعبانك ، الووو امنو ! هزاع ! شحالك حبيبي ، جيه تسوي ف أمك ؟ تسافر وما تخبرنيه ؟! تشرد شرات الحراميه بس ما عليه دواك عندي ، لا ما تهون بس عسب مره ثانيه ما تسوي هالحركه ، وهب ناوين تردون شو ؟؟ ولا ما شبعت من حبيبة القلب ، هيه اعرف كل شي عنك ي مسود الويه هههه العصفوره خبرتني الكل : هههههه شهوده : عيل ليش يدوه مايت ويانا ؟ ما شبعت من ويه مهروه شو موزوه : هههه عن تسمعج امج ، قالت بترقد عندهم هي ويدي كم يوم ،،،،،، الكويت مشاري يعصب : شلون يعني هزاع وين ها !!! عبود : ايييه والله بصفعك ترا ، لا ترمسها جيه فاهم نواف : بتسكتون ولا شلون يه ، الحمدلله ع سلامتج دودو ( ويبوس راسها ) سامحيني حبيبي ع اللي سويته فيج وديمه : مو مشكله خالي ماقدر أزعل منك ، يمه ، ماما وين يدة وديمه تمسك ايدينها : تعبت شوي لانها كانت خايفه عليج وحست بصداع ف انا قلتلها تريّح بدارها وعقب تجي هنيه وديمه تخاف : هي بخير !! ام مشاري : ايه يمه بخير لا تخافين ، الا ما قال الدكتور متى بتظهرين ؟ مشاري يهمس لعبود : تعال ابيك برع عبود : خير ! تبا تظارب بعد ؟ مشاري يطنز : الخير بوجهك ، قلنا اختك بس مو لهالدرجه مسوي فيها الأخ الحنون ، ترا نحن عايشين معاها اكثر منك وعارفينها اكثر بعد ، ف مو ع الكلمه والثانيه نطيت لنا عبود : انزين السموحه منك وحقك ع راسي ، فيه شي ثاني بعد ؟! مشاري : ايه تعال اقعد وخبرني قصتك ،،،،، بيت عمي بو حمد يدوه : شفيج اميه حصه خلاص يلسي ، داخ راسي وانتي سايره وراده حصه : احاتيه يدوه ، اتصلبه ما يرد ، هو ليش جيه يسوي فيني !! ما يشوف كيف حالتي من عقب ولده اللي راح ، ترانيه والله ما أتحمل والله خل يرحمنيه من تصرفاته ام حمد : انزين اميه يمكن عنده شغل وخلا الفون ف السياره مريوم تسير لحصه : شفيج حصوه ! وين حسن الظن بالله ! هب زين هالتفكير حصه : محد حاس فيني لانه انا اللي راح ضناي هب انتو ! فاهميييين هب انتو يدوه : جيه ونا ما فقدت عمج الله يرحمه ! حصه تسير ليدوه وتبوس ايدينها : سامحيني يدوه ، ما كنت عارفه شقول ، الله يهديه حمد ما خلا فيني عقل ويحدر حمد ووياه حمد الصغير : شرايج ف هالمفاجأه ؟ خلودي يركض لحمد الصغير : حممممد ، تعال بنلعب حصه : شسالفه ! حمد : تعالي نيلس انزين يدوه : ولد امنو هذا ! ام حمد : جيه يايبنه عن هله تالي الليل ! حمد : شوي شوي عليه انزين ههههه ، الله يسلمكم ، انتو تعرفون انه يتيم وعايش ويا يدته ونا متكفل ابهم ، اليوم هي اتصلت فيني وقالت الولد قام يكبر وهي هب رايمه عليه ويباله مجابل ، قالت اخاف يضيع ونا حرمه مجسحه ف كيف بتراكض وراه ، وما بتحصل احسن مني ، خاصه هو محتاي لأب يرعاه ويهتم به حصه : سبحان الله ! ونا اللي كنت اقولك ييبه عسب خلودي مريوم : هيه والله سبحان الله ! الحين بيستانسون ويا بعض يدوه : فيك الخير ي وليدي والله يكثر من امثالك ،،،،،، بيت ميثه ميمي بزعل : ماماه ليش ييتي هنا ميثه : خلاص ماماه ردينا بيتنا ، يالله سيري دشي حجرتج ، بسولف ويا باباه شوي ميمي تحضن ابوها : تصبح ع خير باباه ، احبك سالم : ونا احبج حبيبة باباه ، قولي بسم الله قبل ترقدين وتلحفي عدل انزين ، ها ي ميثه خبريني بلاج ويا اميه ميثه : حمد ريل اختك ، كان حاط عينه علي قبل وفاة ولده ويوم عرفت أمك طردتني ، اونه انا خرابة بيوت سالم ينصدم : لحظه لحظه !! كيف يعني حاط عينه عليج !! ميثه بمكر : هو قالي انه معجب فيني ويتمناني زوجه له بس بالسر عسب محد يعرف وامس ياني بيتكم لانه مشتاقلي وأمك شافتنا وتحرتني انا السبب ونا مسكينه وما يخصنيه ، حتى تقدر تسأله سالم : عسب جيه امس كان يسأل عنج وظهر من الخيمه وقال عنده شغل ! معقوله ! انزين اختيه ف شو قصرت وياه ! وانتي كيف توافقين ها !!!! ميثه : فديتك آمنو قال اني وافقت ! انا صديته وما قمت أرد ع اتصالاته ، عسب جيه طب عليه ف بيتكم والحمدلله أمك حدرت علينا ولا الله اعلم شو كان بيسوي فيني ، بس الله يسامحها ظلمتني ( وتسوي عمرها تصيح حيل ) سالم يحط ايده ع كتفها : خلاص لا تصيحين وها حمد دواه عندي ميثه تحضنه وتكمل صياح : لا فديتك اخاف يسويبي شي سالم يرتبك : لا م م ما بيسوي شي انا بأدبه بطريقتي لا تحاتين ميثه ترفع عيونها وتحس بأنفاسه عليها : فديت انفاسك ونظرة عيونك ( وتبوس شفاته ) اشتقتلك سلومي ،،،،،، الكويت يحدر عبود جناحهم ف الفندق : السلام عليكم حمود قماري : وعليكم السلام ، اخيرا ييت ، شحال رضيعتك ؟ عبود يتلفت : الحمدلله احسن ، عيل هزاعوه وين حمود قماري : من يينا وهو داخل وقافل ع عمره ، كلما ادق ، صرخ عليه خلني اروحي وخلني اروحي ، خليته اروحه عبود : انت من صجك !!! اخاف يسوي ف عمره شي ( ويسير يدق الباب ) هزاع بطِّل الباب ، هزاع بطِّل ولا بكسره حمود قماري : خف علينا ي الرجل الحديدي هههه ، عاد انت آخر واحد ممكن انه يبطلك ، معصب منك وايد ، ف تعال ايلس أبرك عبود : ياربيه والله انه ياهل حمود قماري : يوم خلاك تشوف رضيعته ، ما قال عبود ياهل ، بسير أرقد احسن لي ( ويقوم عنه ) ( عبود يضايق ويحط راسه ع الكنبه لين يرقد بدون ما يحس بعمره ) قريب الفير انا انتبه وانش من الرقاد وأظهر برع حجرتيه وأشوف عبود راقد : ها ليش راقد هنا بعد ! ( وأشد حجرتي وألبس بدله وأنزل تحت وأسير للرسبشين ) لو سمحت ي اخوي بغيت تكسي موظف الرسبشين : من عنيا ي افندم ويوصل التكسي وأقوله عن المستشفى واحدر هناكي واسأل عن غرفة حبيبة القلب والروح : مدري ادق الباب ولا ؟ اخاف راقده وازعجها وفجأه تظهر من الحجره بنت خالتها وابتعد وامشي بسرعه عسب ما تزخنيه : هزاع وقف انا ألف وراي : تعرفيني ! منى : ايه اكيد ، جاي لدودو صح ( وتسحبني من ايديني ) تعال بسرعه اكيد دودو بتفرح ، حنا سهرانين مو ياينا نوم وطلعت أخذ لنا جيبسات ، تفضل ادخل ، انا بروح وبرجع ( حسّيت بثقل فظيع ونا افتح الباب ، جني هب رايم عليه ، خطواتي ثقيلة وقلبي يدق بقوه ، مدري من التوتر ولا الفرح ولا الشوق ، مدري أصيح ولا اضحك ، اول ما بطلت الباب ، جان اناظرها وهي تناظرني مصدومه ، حسّيت محد ف العالم كله الا نحن الاثنين ، الوقت لنا واليوم لنا ، والعالم كله لنا ، بس لنا ) وديمه : هزاع ! انا أسير ايلس جدامها ع السرير وبكل لهفة وشوق : ي عيون هزاع ، ي قلب هزاع ، ي روح هزاع وديمه تقرب مني وتحضني وتنزل دموعها : لا تخليني ، انا مالي غيرك ف هالدنيا انا احط كفوفي ع ويهها وأبوس عيونها : لا ينزلون اوك وديمه تخش راسها ف حضني اكثر : خلني بس هنيه ف حضنك وما بينزلون ، اشتقت لهالحضن واااايد انا اضحك : اها يعني ما اشتقتيلي ، بس تبين الحضن وديمه : لا لا والله لا هههه ابيك كلك احضنها حيل من خصرها وهي تحط ايدينها ع كتوفي واقعد أبوس خدودها وأشم ريحة شعرها وأقرب من رقبتها وابوسها حيل وديمه تمسك ايديني وتتقرب من ويهي : فديت انفاسك انا بكل شوق أرقد يمها واحضنها حيل لصدري وأبوس شفاتها : وفديت كلج ( ونرقد ف حضن بعض بدون ما نحس بعمارنا لين ما تظهر الشمس ، وتحدر علينا منى ) منى : ما شاء الله ع عصافير الحب هههه ، دودو قومي يالله ، هزاع قوم قبل ايون انا افتح نص عين وانحرج منها : ههه اوك وديمه تسحبني لحضنها : خلك حبيبي شويات ، ما عليك من منى منى : لا والله ! اوك ي دودو هههههه ( وتسكر علينا الستاره ) وترقد ع سرير المرافق ،،،،،، بيت عبود ام عبود : لا والله هب ع أساس اليوم بتون ، ولا عيبتكم المرغده هناك بو وديمه : ههه شوي شوي ع الولد ام عبود : شوف ي عبود اليوم تحجزون لكم سامع ولا لا ، اي ظرف هذا ان شاء الله ها ، وديمه ! بلاها ؟ بو وديمه يسحب الفون عنها : بلاها اختك عبود ! ما ترمس ، ، ان شاء الله يعيبكم والسموحه ع التأخير | ||||||||
16-06-16, 02:36 AM | #19 | ||||||||
مراقبة عامة ومشرفة منتدى الروايات المنقولة
| البارت ال١٨ بيت ميثه ميمي تشوف ابوها راقد ف الصاله : باباه ! شو تسوي هنا ! ( وتهزه ) باباه قوم استوى الصبح سالم ينتبه : ها باباه ، شششت !! الساعه كم ؟ ميمي : الساعه سته باباه ميثه اتي وهي شاله كوفي ولابسه جنز وتي شيرت وفاتحه شعرها : هاك فديتك اشرب ها ميمي مستغربه : الله !! انتو رديتو لبعض !! سالم : لا باباه نحن .... ميمي تحضنه وتصيح : الحمدلله باباه ، انا ماقدر أعيش بدونكم والله تعبت نفسيا حتى درجاتي ف المدرسه نازله باباه ( وتناظر عيونه ) انا كنت كل يوم ادعي الله عسب ترجعون لبعض والحمدلله استجاب دعائي اااه ميثه تيلس صوب سالم وتمسك ايدينه : شرايك سالم يخوز ايدينه ويهمس لها : ميثه ما كفتج نزاعة امس ، خوزي بعيد عني ، حركاتج هاي ما تمشي عليه ، انا احين عندي وحده وأحبها واللي بينا منتهي من زمان ( ويقوم ) ميثه تصيح بمكر : تكفى سالم عشان بنتنا وعشان ما يضايقنيه حمد ، الله يخليك ميمي تصيح : باباه وين بتسير !! سالم بضيق : لا حول ولا قوة الا بالله ( ويقعد ) باباه سمعي ، انا وامج رجعنا لبعض بس لا تخبرين حد أبد انزين لاني بتزوج عموه مريم الحين واذا عرفت بتزعل مني ومنج ميمي : وعد ما بخبرها ولا ما بتييب لي حلاوه بعدين سالم : حتى قوم يدوه ، مابا حد يعرف انزين ولا بزعل وما برجع هنا مره ثانيه ( ويناظر ميثه ) زواجنا بيكون بالسر فاهمه ، لو هب بنتي جان ما رجعت ولو حد عرف بالموضوع ما بتلومين الا نفسج سامعه ميثه تحط راسها ع كتفه : ان شاء الله حبيبي ،،،،، بيت عمي بو حمد يدوه : يالله بصباح خير مريوم تنزل صينية الريوق وتبوس راس يدوه : صبحج الله بالخير يدوه ، والله بيتنا منور بوجودج ي الغاليه يدي يحدر : هيه يدوتكم تحصل الدلع هنا وهناك ونا محد مسولي سالفه حمد : هههه أفا يدي انت الخير كله حصه : هيه ما نروم نصبر عنك نحن ولا عن سوالفك يدوه : خلوه ما عليكم منه ، يدّلع الشيبه ام حمد : يحقله الدلع عموه ، مالنا غنى عنه ابراهيم : شعليك يدي ههههه بو حمد : عيل مهروه بعدها راقده مريوم : هيه ابويه ، كانت سهرانه ع اللاب امس يدي : اسمع ابويه حمد وانتي بعد ي حصه ، ترا الحزن ف القلب ونحن مستحيل ننسى موتانا الله يرحمهم ، لكن لابد من انه الانسان يفرح ويعيش حياته ، ونا هب حاب أطول وايد ف سالفة مريم وسالم ولا هزاع ومهره حمد : الشور شورك يدي ونحن تحت أمرك مهره تنزل وهي تتثاوب : اااه سلام ( وتيلس ) يدوه تعصب عليها : الناس تقول السلام عليكم هب سلام وما تعرفين تبوسين راس يدج ولا تبين حد يعلمج ام حمد : ما عليه عموه سامحيها دلوعة البيت هذي يدي : دلعها لعمرها ، نش يالله حميد ودني الجبرى عمي حمد : تريق انزين ي ابويه قبل ،،،،، الكويت وديمه : خلاص حبيبي شبعت انا اعطيها الاكل : عشاني بس هاي اللقمه آخر وحده منى : شعليج من قدج ههههه مشاري يحدر : انت شتسوي هنيه ! انا اطنشه واقوم : تامريني ع شي ودوم قبل اسير ؟ وديمه تناظر مشاري بضيق : لا سلامتك بس طمني عليك طيب ؟ مشاري يعصب : خوووش والله !! ( ويقرب مني ويضربنيه خفيف ع كتفي ) اطلع يالله منى : مشاري خلاص والله مو ناقصين مشاكل انا اغايظ مشاري وأمسك ايدينها : امواح ي بعد عمري ، تحملي بعمرج واذا بغيتي شي اتصلي اوكيك ( واغمزلها ) وفجأه مشاري يعطيني بوكس ع ويهي : والله ما برحمك ( ويضربنيه اكثر ) بو وديمه يحدر : مشاري مشاري يتفاجأ : عمي ! ( ويسير يسلم عليه ) شحالك عمي وديمه : بابا !! ( وتقوم له وتحضنه ) حبيبي وحشتني بو وديمه : وانتي اكثر حبيبي ، نامي ارتاحي ، شحالك هزاع ، سير اغسل ويهك من الدم ، جيه تعامل الضيوف مشاري ؟ مشاري تدمع عيونه : تراك مو حاس بالضيم اللي في قلبي ي عمي ، جاي ياخذ أغلى شي عندي منى تحضن اخوها : حبيبي مشاري ، الحب مو غصب ، ليش مو راضي تفهم بو وديمه : تعال اقعد مشاري وامسح دموعك ، انت أقوى من جيه ، اسمع ي ولدي ، انا اعرف انك تحبها وهي ما راح تلاقي احسن منك يصونها ويداريها لكن ف النهايه القرار لها ونا ماقدر اجبرها ، وانت بعد ما بتقدر تعيش مع وحده قلبها ومشاعرها هب لك صح ولا لا ؟ ( مشاري يقوم ويظهر برع الحجره وتقوم وراه منى ، ونا اظهر تكرمون من الحمام بس الدم هب راضي يوقف لانه فتحلي راسي صوب الحاجب من قوة الضربه ) وديمه تصيح : ما حبيت انه يظهر جي وهو زعلان ومكسور خاطره اااه بو وديمه : ع الأقل احسن من انه يحط أمل فيج ، خل يعرف من الحين ولا انه يعور قلبه اكثر ، تعال هزاع بشوف الجرح اللي ف راسك ، ها يباله خياطه ، بس لا تحاتي كم غرزه بس انا اقوم : هيه حسّيت ، خلك ي عمي ويا بنتك ، انا بسير للممرضه ،،،،،، بيتنا اميه : ويييه واعليه عليها ما تشوف شر ان شاء الله ام عبود : هيه وأبوها من عرف بالخبر حجز اول طياره وسافر لها اميه : ع طاري ابوها ، شحالج وياه ( وتغمز لها ) هههه ام عبود تنحرج : هههه زين اميه : زين وبس ! ههههه الحمدلله رد ويهج ينور من رجع لج ، عاد شدي حيلج واحملي عسب تتمسكين به اكثر وما يسير للكويتيه ام عبود : وين بحمل ونا هالكبر وولدي شطوله وشعرضه اميه : يالله اللي يسمعج عيوز احينه ، والله وحشني هزاعوه الهرم ، ان شاء الله يرد ريلج بسرعه واييبهم وياه شمه تحدر الميلس : السلام عليج عموه ( وتبوس راسها ) تفضلي العصير ،،، ف حجرة البنات شواخه : موزوه يالله متى بتحلين واجب الرياضيات ؟ موزوه تلعب بالفون : صبري شوي بصور سناب حق حمدانوه شواخه تنصدم : حمدانوه امنو !!! موزوه : واحد تعرفت عليه ف تويتر شواخه : وشحقه تصورين عمرج له !!! انتي تخبلتي ؟؟!!!! موزوه : هههه طع هاي ، هب مينونه انا ، بصورله الواجب مال الانجليزي شواخه : ما شاء الله وبعد طلع طالب الأخ ، انتي ما تخافين اخوانج يعرفون شهوده تحدر عليهم : يعرفون شو ؟ موزوه : وانتي شو يخصج ي الرزه ، قلت بقص شعري وبس شهوده : انزين واخوانج شو يخصهم ف شعرج هاه ! بس ما عليه كل شي بيبان عقب شواخه : انتي ظهري يالله وخلّينا نذاكر ، موزوه عن يكون تحبينه بعد موزوه : لا شو ، صح حليو بس ابيض ونا أحب السمر ، تعالي برويج سناباته ههههه ،،،،، قسم الشرطه عواس : انت من صدقك سلوم !!! عرست عليها ؟؟؟! وليش سويت جي !! سالم : والله ما بغيت هالشي يصير بس غصبن عني ، عورنيه قلبي ع بنتي حيل عواس : وانت اصلا شو اللي خلاك ترقد عندهم ها سالم يقعد : آخ ي عواس ، والله حاس انها حطت شي ف القهوة امس ، هاي ما منها أمان عواس : قم خل نسوي لك تحليل نتأكد ، نش يالله سالم : انزين وشو الفايده خلاص تزوجتها احينه عواس يسحبه من ايدينه : بس جي غصه ف بلعومي منها ، آخ بس ، عرفت تلعبها صح بنت اللذين ، الله يعين الثانية لو عرفت سالم : اسمع عواس ترا مابا حد يدري بالموضوع هذا موليه عواس يضرب ع صدره : أفا عليك ونا اخوك ، سرك ف بير ،،،،، الكويت انا امشي بسرعه لين الباركنات والدم يصب من راسي وضاغط عليه بكلينكس ، كنت ادور ع مشاري : أخيه وينه ! يارب ألحق عليه عم حسنين : أهو هناك ، يا هزاااع يا واد يا هزااااع عبود يركض لي : هزاعوه شو هالدم !!! انت بخير ؟؟؟ حمود قماري : امنو سوى فيك جي !! انا : محد بس طحت عبود يسحبني : انزين تعال خل يخيطونه لك ، يالله بسرعه انا بكل ضيق وحسره : ان شاء الله ، بس انتو خيبه توكم واعيين من الرقاد شو ! حمود قماري : شو نسوي من التعب ههه وفجأه يظهر ف ويهي مشاري ، كان توه ظاهر من المستشفى واتي عيني ف عينه اللي كانت حمره : مشاري لحظه منى : هزاع تكفى مو ناقصين مشاكل انا اطنشها : ممكن أتكلم معاك شوي عبود : منى خليهم ع راحتهم شوي ، ويالله نسير عند ودوم مشاري : شنو تبي بعد ، مو يكفي خذيتها ! ولا ياي إتشمت فيني ؟! انا بحزن : والله هب ياي اتشمت ولا شياته ، انا اكثر واحد حاس فيك ي مشاري ، لانه نحن الاثنين نحب من قلب ، و ع فكره هي تبيني لكن خالتك تكرهني وموت بعد هههه ، يعني ف الحالتين مدري اذا بتكون من نصيبي او لا ، ما ندري الله شو كاتب لي ولك مشاري يمسك ايديني : تعال ( ويروح عند الممرضه ) لو سمحتي ممكن تعالجون راسه ( ويناظر فيني ) ترا مو عشانك بس الدم ينرفز وهو ينزل منك انا : ههههه اوك صدقتك ( وأمد له ايدي عسب أسلم عليه ) ممكن نكون ربع ؟ ،،،،، بيت عمي المرحوم سالم : السلام عليكم ام سالم وسعود : وعليكم السلام ام سالم : وينك اميه امس شغلت بالي واتصلبك ما ترد سالم يبوس راسها وعقب يرقد ع ريولاتها : سامحيني اميه كان عندنا شغل ضروري ، عيل موزوه بعدها ف بيت عمي سعود : هيه شكله مقطوع سرها هناك ام سالم : هههه خلوها برايها ، ما عندها اخت هنا تستانس وياها حمد وحصه يحدرون : السلام عليكم خلودي : يدوه ، يدوه سلمي على حمادي حصه : هذا حمد اللي قلتلج عنه اميه ام سالم : هييييه حليله مسكين ، تعال حبيبي شحالك بخير ؟ حمادي : الحمدلله سالم يناظر حمد : حمد تعال الميلس أباك ف رمسه حصه : ها شو عندكم هاااه ههه حمد : ههه سوالف رياييل سعود : وليش انا هب تارس عينكم شو هههه سالم : انت برع الموضوع ، السالفه بيني وبين حمد حمد يقعد : آمر ي النسيب سالم يناظر بنص عين : ميثه ، ، ان شاء الله يعيبكم | ||||||||
21-06-16, 12:19 AM | #20 | ||||||||
مراقبة عامة ومشرفة منتدى الروايات المنقولة
| البارت ال١٩ بيت ميثه ميثه تحدر : شفيج كل شوي تتصلين حشرتيني ، يعني الواحد ما يكشخ شوي ! ما يتعدل !! افف ميمي تحضنها : انزين ماماه انا اروحي ف البيت ، حتى شغاله ماشي ، لازم بخاف ميثه تقعد وتحط ريل ع ريل : انزين بس خلاص فكينا ، برمس باباه بعدين يكفل لنا شغاله ميمي : انزين ماماه يوعانه للحين ما تغديت ميثه : شوفي عاد ، انا توني يايه من الصالون ومتعدله ، ما فيني ع الطباخ ، تبين اي شي اطلبي لج من برع ميمي : انزين ماماه شرايج نسير المول نتغدا وبعد من زمان ما سرت الألعاب ، بليز ماماه بليييز ميثه : ياربيه بتجلطني هالبنت ، يالله انزين قومي دامني متعدله ، خل الناس تشوف كشختي هههه ميمي : انتي اصلا ليش كاشخه جي ! بتسيرين عرس ؟ ميثه : حق ابوج ي حظي ، هب معاريس يداد نحن ، بس شكله آخر شي ع الفاضي ، مالت ع حظي بس ميمي : أفا عليج ماماه ، بتصلبه وبتم أصيح وبقوله بطني يعورنيه باباه الحق علي هههههه ميثه : هههه كفو طالعه على امج ،،،،، الكويت بو وديمه : الحمدلله ع سلامتج باباه ( ويحضنها ويبوس راسها ) يدة وديمه : ايه والله تو ما نور البيت حبيبة يدتج منى : ها يمه ونا مو حبيبتج بعد وديمه : بدت الغيره الكل : ههههه حمود قماري يهمس لي : احس شكلنا غلط انا : نفس الإحساس ههه عبود : شفيكم تتساسرون ! نواف : منور البيت ي النسيب ، والحمدلله اللي جمعك بولدك عقب هالسنين بو وديمه : هيه والله الحمدلله ( ويناظر عبود ) وعبدالله ما فيه مثله وبيكون عون وسند لاخته وديمه تناظره وتبتسم وتهمس له : احبك بروو عبود يهمسلي : شو يعني بروو ؟! انا : اختصار برذر ي الطمطمه هههه حمود قماري : خف علينا ي الانجليزي ههه ام وديمه تنزل من فوق وتتفاجأ فينا : بعد لكم عين تجون هنيه مره ثانيه ، كنتو بتذبحون بنتي و ... يدة وديمه تقاطعها : اذكري الله ي سعاد ، وتعال اقعدي يم زوجك بو وديمه يسير لها ويبوس ايدينها : وحشتيني ي الغاليه ، شحالج ام وديمه : ايه باين وديمه تسير لها وتحضنها : وحشتيني ماما ، انتي بخير ؟ يمه قالت تعبتي لما طحت انا ام مشاري : اهي بخير يمه لا تحاتين مشاري يحدر ومعاه الغدا : السلام عليكم ، منى نادي ميري تاخذ الاكل وخبريها تجهز السفره حنان : زين ما سويت حبيبي مشاري انا ميته من اليوع ، يالله منى بسرعه نواف : هههه حبيبتي والله مشاري يقعد صوبنا ويناظرني : لا تحط ف بالك انه اذا استوينا ربع خلاص ! ترا فيه تحدي بيني وبينك ، من يكسب قلبها بالاخير انا ابتسم : ونا قد هالتحدي ،،،، بيت عمي المرحوم حمد يبلع ريجه : امنو ميثه ! سالم : وليش فيه غيرها طليقتي ؟ هب ع أساس بدور لها ع وظيفه حمد ارتاح : هيييه صح نسيت اخبرك اني ما حصلت للأسف ، بس ترا احس انها ما تحتاي لانه الدولة ما تقصر ف المطلقات سالم يرفع حاجب واحد : اها زين ! شوف تراها ع ذمة ريال الحينه ف لا اتعب عمرك خلاص وياريت لو تحذف رقمها بعد حمد يتفاجأ : تزوجت ! سالم : هيه تزوجت ، علامك مستغرب حمد : لا هب مستغرب عادي وبعد رقمها ما عندي اصلا ، حاذفنه من زمان حصه تحدر عليهم : ما بسكم من السوالف ، يالله قومو الغدا جاهز ،،،،،، بيتنا شموه : افف ( وتفر الكتاب ع الارض ) شواخه : شفيج !! شموه : مضايقه من عبود ، من سافر ولا كلّف ع عمره يتصلبي موزوه : يمكن حصل حقه كويتيه بعد شرات ابوه هههههه شواخه تفرها بالمخده : موزوه ي الحماره هب وقت مصخرتج شموه : اصلا انا الحماره يالسه وياكن ( وتدخل تكرمون الحمام وتقفل ع عمرها الباب وتصيح ) موزوه : خيبه بلاها ترانيه اتمصخر ( وتيود فونها ترمس حمدان ) هههههه تعالي شوفي شو كاتب شواخه : مابا اشوف شي ، زين جيه ! تزعلين اختيه وهي اروحها مضايقه منصور يحدر : ايه انتن يالله قومن غدا ويظهرن ويخلن فوناتهن وتحدر شهوده وتاخذ فون موزوه : افف فيه رمز سري ، بس ما عليه موزوه ، بتم وراج لين اعرف سرج شموه تظهر : سر شو ان شاء الله ! وانتي شحقه زاخه فونها ي اللي ما تستحين ، هذا اللي تربيتي عليه شهوده !! ما ترمسين ليش زاخه الفون ؟؟؟ شهوده تخاف وتفر الفون : آخر مره ما بعيدها ( وتشرد برع ) شموه يرن فونها : هزاع !!! هلا حبيبي اخوي ، شحالك ، لك وحشه ي الخايس متى بتردون ؟؟؟ وشحالها ودوم بخير ؟؟ و .... شسمه .... اممم ... ههه ماشي بس شحاله عبدالله ؟ لا لا الو هزاااع ، افف غربلاتك .... هلا عبود ، شحالك ، وايد زعلانه منك وااااايد ، عايبنك جيه ما تتصل ولا تسأل ! ودوم ! ليش شو صار لها ؟؟؟ ،،،،، سيارة سالم يدي : حي الله سالم وشحالك ي الغالي ولد الغالي سالم : والله الحمدلله يدي ماشي حالي ، قلت خلني اظهرك شوي تغير جو من يلسة البيت والعزبه ونسير البحر شرايك يدي : شكله عندك رمسه ويالس تتلعث بالبحر هاه ههه سالم : آخ منك يدي ما يطوفك شي هههههه يدي : يالله قول شعندك ولا مستعيّل ع العرس ؟ اذا جذا لا تحاتي سالم يوقف موتره : اصبر يدي ببطلك الباب يدي : جيه ! بعدني ما تكسحت انا ، يالله مناك سالم : ههههه ما عاش اللي يقول عنك جي ( ويقعدون جدام البحر ) يدي انا .. انا يدي يحفر الرمل بعصاه : وانت هالونونه ما بتبطلها ، سبحان الله نفس طبع ابوك المرحوم ، لي بغى شي لازم انا وانا سالم : هههه الله يرحمه ، يدي انا سويت شي وماعرف اذا صح ولا غلط بس كله عشان بنتي ولولاها انا ما .... يدي يقاطعه : لولاها ما رديت لحرمتك الأولية صح ؟ سالم يستغرب : هاه ! يدي : من قال ها سمع ، اللي سويته زين العقل ي ابوي والبنت تحتاي لك الحين ، ما بتم سايره وراده عليك وعلى امها سالم : بس يدي انا مابا ... يدي : سرك ف بير ي ولدي ، سرك ف بير سالم يبوس راسه : فديت اللي فاهمنيه يدي : بس هاه ، لازم ايي يوم وتخبر الريم ، لا تخليها تسمع من برع سالم يتنهد : آخ ي يدي ، ان شاء الله ،،،،، بيت عمي بو حمد مهروه تدور : ها مريوم شرايج ؟ حلو علي ولا مريوم : هيه حلو بس ليش اخترتي فستان منفوش ، عيل ف العرس شو ؟ مهروه تقعد : ههه ف العرس بيكون منفوش اكثر شرات فيلم السندريلا مريوم : ههه ان شاء الله ، ربي يهنيج ي قلب اختج ، اممم انتي هب خايفه من هزاع ؟! مهروه : وليش اخاف ! بالعكس مستانسه واااايد مريوم مستغربه : هب ع أساس تحرش فيج ! مهروه : هاه ! هيه امبلا تحرش فيني بس ليش اخاف عادي يعني حصه ادق الباب : ممكن ادخل ، اوه مهروه شو هالفستان الحلو ، معزومه مكان شو ؟ مريوم : لا وين هههه ها مال الملجه ، الأخت مستعيله من الحين هههه حصه تضايق عسب ولدها المرحوم : اها زين ، عيل اسمحولي بترخص عنكم ، بسير حجرتيه حمد : حبيبي شفيج ! حصه : ماشي بس تذكرت ميودي حمد يحضنها : .... ،،،، الكويت منى : امم عندك انستا ؟ حمود قماري : هيه منى : عادي اضيفك ؟ بو وديمه : يمه رمسيها يدة وديمه : خلاص ي سعاد ، انت مالج غير زوجج وبنتج ، لا تضيعين عمر قضيتوه مع بعض ، روحي يمه دارج وزهبي جناطج وتوكلي معاه سعاد : بس بشرط ، هالولد مابي اشوفه ف بيتي انا : شفيها امج تآشر علي ! وديمه : لا تهتم ، انا بس خايفه انه ما توافق نرجع البلاد عبود يحط ايده ع كتفها : لا تخافين ، ماعتقد ابويه بيخليج اتمين هنا على طول ( ويناظرنيه ) طع ربيعك العاشق الولهان هههه انا اناظر حمود : هههه حرام عليك ، هو ف حاله ، هي اللي يات وتتحرش به وديمه : ها ترانيه مارضى ع بنت خالتي هههه ، هي بس اجتماعيه وتحب تكوّن صداقات مشاري يقعد صوبها : قومي ابيج ف موضوع ، بنتظرج داخل وديمه : طيب ( وتناظرنيه ونا مشتعل غيره وتبتسم لي ،، آخ من بسمتها كيف تعذب وترّيح الواحد وتقوم وتسير له ) بو وديمه : باباه جهزي جنطتج بنرد البلاد وديمه : صج يبه !!! ها احلى خبر سمعته ( وتسير ليدتها وتحضنها ) بس ها مو معناته ما راح اشتاقلج يمه يدة وديمه : هههه ونا بعد حبيبة يدتج ( وديمه تسير داخل عند مشاري وأول ما يشوفها يحضنها ) مشاري يغمض عيونه : آه شكثر مشتاق لحضنج ، ارجوج لا تبتعدين ، ما تعرفين شكثر احبج والله احبج ،،،، بيت ميثه سالم يحدر : وينها ميمي ؟ بلاه بطنها ميثه بدلع : ماشي حبيبي لا تحاتي ، حطيت لها فيكس ورقدت سالم يناظرها وينبهر بجمالها ، كانت لابسه فستان اسود محدد جسمها ومفتوح الصدر وله طره ع صوب لين الركبه ، ومسويه شعرها كيرلي وروج احمر مات : أ أ انتي معزومه ع عرس ؟ ميثه تمسك ايدينه وبكل دلع : هيه عرسنا سالم : اوه سامحيني ، كان لازم اشتريلج دبله او ... ميثه تحضنه : يكفيني هالحضن احلى هديه سالم يلمها حيل لصدره ويبوس خدها : شكثر اشتقت لهالحضن ، وهالريحه الحلوه ( ويبوس شفاتها ) وهالشفاه العسل ميثه تستحي : ونا اكثر حبيبي ،،،،، انا احدر بيتنا ، ياه شكثر اشتقتله ، واشتقت لاميه وابويه ويدي ويدوه واخواني ، وأول ما احدر اشوف الكل ف الصاله : السلام عليكم ابويه يتقرب مني واتقرب منه عسب احضنه ، لكنه يعطيني طراق ع ويهي : شبعت من الهياته ي الهرم يدي : عبدالله ، يوز عن الولد ، تعال ي هزاع وأسير ليدي وابوسه ع راسه واسلم ع يدوه وأميه والكل وعقب اقعد صوب يدي وانزل راسي تحت من الضيق : ..... يدي : ترا عرسك الشهر الياي ، ، ان شاء الله يعيبكم | ||||||||
أدوات الموضوع | |
انواع عرض الموضوع | |
|
|