آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
29-04-16, 08:43 AM
| #51 | ||||||||
| مراقبة عامة ومشرفة منتدى الروايات المنقولة  
|  أتعب معك لو قلتلي صابك تعب كثرك أنا ؟ لا ما ظنتي نفس التعب ! تتعب جسد ، أتعب شعور ويتعب بلد أنت تسكنه البارت ال٥٠ والأخير دبي عايشه : هلا والله بحبيبي احمداني ، شحالك احمد يبوس راسها : الحمدلله عموه ، شحالج انتي ، سلامات ، بلاه الياهل مستعيل يبا يطلع هههه محمد : طالع ع ابوه هههه عايشه تناظر فاطمه وميثه : حياكن الله ، هاي اللي بالي بالك ؟ احمد : هههههه هيه فاطمه تنحرج : .... ميثه : الله يسهل عليج ان شاء الله ، انا ميثوه وهاي فطامي اللي بالي بالج هههه الكل : هههههه عايشه : شحالج فاطمه احسن احينه ؟ فاطمه تيلس ع السرير : هيه الحمدلله ( تهمس ) سوري ع الخبال اللي سويته فيه ميثه : لا انا السبب ، بس تصدقين سوالها اكشن احمد هههههه محمد : اكشن شو ؟!! هههه فاطمه تنحرج : ايه جب انتي فضيحه ، يالله لازم نرد البيت تأخرنا احمد : هههه ولا شي النسيب ، يالله سرينا خل اوصلكن وأسير الفندق أسبح وأغيّر ثيابي عايشه : ليش انت اروحك هنا ؟! احمد : هيه ، قلت بغيّر جو ،،،،،، بيت بو عبدالله ساره تخاف : لا تفهمين غلط نحن .... هدى تعصب : انتو شوووه هااا !!! وانت ما تستحي ع ويهك ؟؟!! يعني هاي ياهل ! ما فكرت ف نوير ؟؟؟؟ والله انك نذل ناصر : جب يالله ما يخصج انزين نوره : بلاكم ؟؟؟ هدى تحضنها وتصيح : مشتاقتلج ، تعالي حجرتي بنسولف ناصر : نوير تعالي بنسير البيت يالله نوره : ما عليه سير انت ، انا بتم وياها شوي ناصر يعصب ويسحبها : قلتلج طوفي ام ناصر : اميه ناصر بلاكم شو مستوي ! ليش ساحبنها جيه ؟؟ ناصر : ماشي بس بنسير البيت ، من رخصتكم بو عبدالله : وقف ي ناصر ، ماشي طلعه الا وانتو متعشين مايد يحدر : السلام عليكم ساره وميا يركضون ويحضنونه : باباه وحشتنا شيما : السلام عليكم ام مايد : هلا بالمعاريس ، الحمدلله ع سلامتكم خليفه يسير لهدى : بلاج صايحه ! هدى : ماشي بس وحشتني نوير وايد ونصور الخايس هب راضي يخليها عندي مايد : مبروك خالوه ع التكريم ام عبدالله : الله يبارك فيك حبيبي ، عيل بسرعه رديتو ما مداكم شيما : البحرين صغيره خالوه ام ناصر : اهم شي استانستو مايد : الحمدلله ، عيل وين احمداني ؟ بو مايد : ساير دبي من امس ناصر : شو عنده كل يومين نط هناك ، بدال ما يقابل شغله هدى تناظره باحتقار : وانت شو يخصك فيه ، خل يستانس ، ع الأقل ما يسوي شي غلط خليفه يناظرها ويهمس لها : وانتي شو يخصج فيه نوره : ها خالوه ما بتعشونا شو ، يوعاااانه هههه ناصر يعصب : وانتي بس الا تبين تاكلين ، ما تشوفين عمرج كيف منتفخة مايد ينازعه : نصور ، شو هالرمسه ، جان يضايقك شي فيها ، بينك وبينها ، ما تحرجها قدامنا سامع ( نوره تصيح وتركض وتظهر برع البيت ) هدى : والله انك نذل ( وتظهر وراها ) بو عبدالله : صلو ع النبي ، ما يباله كل ها ، ابويه ناصر ، اتقو الله فيهن ، بالهداوه عليها مسكينه ناصر يوقف : ان شاء الله ، من رخصتكم بسير لها ام مايد : صراحةً شوفي صرفه لولدج ، ما تهون عليه بنتي يسويبها جي ( وتقوم وتظهر ) ام عبدالله : انزين وين سايره ؟! ام ناصر : شسويله اختيه كم مره رمسته ، ما عليه طيش شباب الله يهديه ، اسمحولي انا بعد بترخص ،،،، ف المستشفى راشد تدمع عيونه : خايف عليها جسوم ماعرف شسوي ، كله مني انا السبب جاسم : لا تخاف الغالي ان شاء الله خير ، كاهي حرمتيه عندها وبطمنا ان شاء الله يمعه يحط ايده ع كتف راشد : شحالك النسيب راشد يحضنه ويصيح : يمعه .. انا .. انا منال : اهدى ي راشد ولا تحاتي ، ان شاء الله بتكون بخير ، انا احين بحدر عندها وبطمنك مزنه : هلا منوله ، شحالج منال : الحمدلله ، شحالها طمنيني مزنه : صار لها نزيف بس الحمدلله هي بخير احينه ، شكلها من الخوف ، تعرفين اللي صار لها قبل هب شوي منال : حسبي الله ونعم الوكيل ع اللي كان السبب ، خلاص حبيبتي ردي البيت استريحي ، تعب عليج ونا بتم عندها ،،،،،، دبي ف الموتر احمد مشغل : يا صغر الفرح في قلبي .. ويا كبر الألم والآه !! تغرّب في زمنها الناس .. وزوّد ظلمها ببلواه . ميثه : شفيك داق حزن ؟! طفرتبنا احمد : والله ع ماعتقد ها موتريه ونا حر فيه ، أشغّل اللي اباه ميثه : افف مالت ، حتى ما قال بيعزمنا لو ع كرك احمد : مالت عليج انتي واااالله ، انزين شو تبون تتعشون ؟ فاطمه : ايه انتي شو تبينه ، ما نبا غير سلامتك ميثه : انا ابا من ماكدونالدز فاطمه : بلاج انتي مطعونه جي ، مب شايفه خير شو احمد : ههههههه ، وانتي فاطمه من وين تبين ؟ ميثه : مثلي اكيد ههههه فاطمه : افف ، احمد ودني البيت بسرعه احمد يناظرها من المنظره : لا بعشيكم وعقب بوديكم انزين ، ولا أهلج بيقولون تأخرتي ؟ ميثه تحط ايدينها ع حلج فاطمه : لا عادي لا تأخرنا ولا شي هههه ،،،،، بيت بو مايد نوره تصيح : خلوني اروحي مابا ارمس حد مابا ااااه ساره مضايقه : انا آسفه عموه لاني .... هدى : انتي جب ويالله اظهري برع مايد يحدر : هدوه ش هالرمسه ، يالله اظهرو كلكم وخلوني وياها نوره : الله يخليكم ابا اتم اروحي ااااه حسو فيني مابا ارمس حد ناصر يحدر : خلونا اروحنا شوي ( ويسير لها ويحضنها ) انا آسف سامحيني ( ويبوسها ع راسها ) حقج ع راسي ي بعد راسي ، انتي حب الطفوله ( وتدمع عيونه ) انتي عشقي وروحي ودنيتي ، انا غبي والله غبي سامحيني ( ساره واقفه تسمعهم صوب الباب وتصيح ) ،،،،،،، ف المستشفى راشد : انتي شو تقولين ي ميره ! ميره تنزل دموعها بحرقه : ها اللي سمعته ، ماقدر استمر معاك ، انا اعاني وايد من اللي صارلي وللحين مب قادره انساه ، حتى معاك كنت خايفه موت ، حسيتك وحش مب ريلي اااه سامحني راشد ، بتحصل الحرمه اللي تستاهلك وتحبك ، انا ما اصلح لك راشد : وامنو قال اني ابا غيرج ! ( ويمسك ايدينها ) ميره انا مستحيل اتخلى عنج والله بوقف معاج وبساعدج لين تستوين بخير ميره : لا اااه انا عمري ما راح استوي بخير والله دخيلك افهم ، طلقني خلاص ( وتغطي ويهها بايدينها وتصيح حيل ) راشد يسير صوب الباب وعقب يلتفت لها والدموع ف عينه : انتي طالق ،،،، بيت بو عبدالله بو عبدالله : آخر الاسبوع ان شاء الله بسويلج حفله عوده بمناسبة هالتكريم ام عبدالله : فديتك الغالي ، يكفيني وجودك خليفه : اوب اوب ما نروم ع هالحب هههههه هدى تحدر : ضحكوني وياكم بو عبدالله : عيل ييتي ! ها شحالهم هدى : هيه باباه لانه نصور الخايس طلعنا كلنا وقال خلوني اروحي ويا حرمتيه خليفه : احسن خل يتفاهمون اروحهم ، ها بتسيرين دبي ولا ؟ ام عبدالله : دبي ! ليش شو عندكم بو عبدالله : وانتي شو تبينهم هههه ريال وحرمته هدى : هههه نتمشى اميه ، بتسيرين ويانا ؟ ،،،، بيت ام ناصر مزنه : تعبانه اميه وكله احس بلوعه وما اشتهي شي ام ناصر : ها ترا الحمال لازم تتحملين ، الا جسوم ليش ما حدر وياج مزنه : انا قلتله يسير ، هب طايقه ريحته ولا قربه ولا شي حتى قلتله اييبلي ثيابي هنا ام ناصر : هههههه الله يعينه عليج ناصر يحدر وهو ماسك ايدين نوره : السلام عليكم ام ناصر : وعليكم السلام حبايبي ، الله يرضى عليكم دنيا وآخره نوره تبتسم : آمين ،،،، دبي مول احمد : الحمدلله ع السلامه ، العصر بيأذن ونحن ما تغدينا ميثه : شسوي ف هاي ، ما كانت تبا اتي فاطمه تيلس : لانه ماله داعي احمد : هب ع أساس انتي قلتي خلها غدا احسن ، لانه ماشي وقت تتعشون ميثه : مكاره لاه ، يالله شو بتتغدون انا ميته يوع ( وفجأه اتي هدى وخليفه ويقعدون قدام طاولة احمد وتقعد هدى قباله ولأول مره تشوفه عقب ما تزوجت وتنصدم بوجوده وينصدم بوجودها ) أحمد يوقف : اطلبو اللي تبونه ، انا بسير تكرمون الحمام وبيي كيف أعذرك وأنت مالك عذر مجروح منك وتصرفك مضيّقني تبي البعد ي أغلى البشر خلاص رسالتك لي وصلتني هدى : احمد احمد يلتفت : ليش يايه ورايه عن يشوفج ريلج هدى : لا تحاتي ، انا آسفه احمد ودخيل الله تسامحني ، انا ما أرقد الليل من كثر ما أفكر بك ، انا ظلمتك و .... احمد تدمع عيونه : انا اللي ظلمتج من هذيج الليله ، انتي اللي سامحيني هدى : ورفقه لا ينزلون ، دموعك غاليه وانت أغلى ، فداعة الله حبيب العمر ( وتسير عنه وتمسح دموعها ) احمد يناظرها بحزن ويهمس : فداعة الله ،،،،، بيت بو عبدالله ام عبدالله : اليوم احلى يوم ف حياتي ، الكل حولي هلي وأحبابي ، وبو عبدالله ما قصر سوى لي احلى حفله هدى : هيه اميه شعليج ههه خليفه : ما شاء الله عليج عموه اللي يشوفج يقول اختيه الصغيره مزنه : تف تف عن الحسد هههه جاسم : صادق خليفه بس عاد عموتي احلى هههه ام ناصر تستحي : هههه طع ، كل خواتي قمورات ما شاء الله نوره : بس أميه قمركم كلكم هههه ناصر : خل عنكم كلكم ، انا اكشخ واحد فيكم هههههه ساره تناظره وتنزل عيونها بحزن ويرمسها مايد : باباه شفيج ؟! كله مضايقه وحزينة ، فضفضيلي غناتيه ساره تحط راسها ع كتفه : ماشي بس مشتاقة لماما شيما تمسك ايدينها : الله يقدرني وأكون الماما الثانية لكم ام مايد : ربي يسعدج حبيبتي مثل ما تسعدينهم بو مايد : آمين ، شيما نادره ف هالوجود بو عبدالله : ههه ها امنو قدج ( وفجأه يحدر احمد مع محمد ومعاهم عايشه وف حضنها ياهل والكل يناظرهم ومستغربين ! ومتفاجئين فيهم وبالياهل ) محمد ياخذ الياهل ويعطيه لأبوه : ابويه هذا عبدالله بو عبدالله يصيح ويحضن الياهل ويبوسه حيل : اااه ي الغاااالي ام عبدالله تنزل دموعها وتشل عبدالله الصغير : ع ع عبببد الله !! عايشه تصيح : هيه خالوه عبدالله محمد يبوس ايدين ابوه ويحضنه : سامحني ابويه بو عبدالله : مسموح ي الغالي دنيا وآخره الكل فرحانين ومستانسين : الحمدلله ،،،، بعد سنه / دبي مايد : بلاك ابويه متوتر اهدا هههه احمد : ماعرف كيف بدش القاعه والحريم بيتمون يناظرون فيني ، اخاف اتخرطف محمد : خيبه ما يسوى هههههه ناصر : هههه انت بس خلا عيونك سيده ولا تناظر لا يمين ولا يسار مايد : هيه عن تقول العروس بعد يناظر الحريم ههههه ويحدر احمد القاعه لين يوصل للعروس ميثه ( اللي كانت لابسه فستان قصير للركبه مع هيلاهوب محفر بفراشات صغيره وطويل من ورى ، وعاري الصدر بحركة قلب بدون حمالات ولابسه عقد لولو بسيط ومخليه شعرها فير ومفتوح ) احمد يبوس راسها ويمسك ايدينها : مبروك ي القمر ميثه مستحيه : مبروك لي انا فيك ، امنو قدي احمد يهمس لها : احبج ميثه : احبك ،،،، محمد : فديت الجمال انا بس عايشه : ههه فديتك انت اجمل عبدالله : باباه ثلني محمد : تعال ي عيون باباه ، يالله هوووبا > تبا بونبون ؟ عايشه : هيه دلعه وخربه ههههه محمد : هيه بدلعه ، ها الغالي ، الله يرحمك ي اخوي ، لازم تطلع نفس عميه انزين ههه عايشه : آمين ، يالله خل نسير الكل يتريونا ، ، وانتهت الروايه الحمدلله ههه أتمنى انها نالت ع رضاكم وشكرا لكل من شجعني وتابعني سواء من أعضاء او زوار ويزاكم الله خير ع الرمسات الطيبه ^^ انتظروني ف روايه يديده ان شاء الله والسموحه ع التأخير والقصور اخوكم ، احساس شاعر | ||||||||
|  |
|
| أدوات الموضوع | |
| انواع عرض الموضوع | |
|
|
1Likes
.png)
.png)
العرض العادي
