آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
30-04-16, 06:16 PM
| #1 | |||||||||||||||||
| مراقبة عامة ومشرفة منتدى الروايات المنقولة  
|  الحـــب للجميـــــلات فـــــقط "،بقلـــم : ســـاره الـراوي (مصرية) (مكتملة)
| |||||||||||||||||
|  |
|
06-05-16, 09:46 AM
| #2 | ||||||||
| مراقبة عامة ومشرفة منتدى الروايات المنقولة
|   المقدمة الحب للجميلات فقط قد تكون هذه العباره صادمة للبعض و قد تقولون ان هذا ضلم ،،، نعم اوافقكم الرأي و لكننا في مجتمع يصدق هذه الجملة و يطبقها طوال الوقت ليس بالأمر الغريب ان نرى شاب وسيم متزوج من امرأة جميلة،، لن نستغرب بل اننا سنقول العباره المعتادة ،، لايقين على بعض،، ولكن لماذا يصيبنا الذهول عندما نرى فتاة عادية او حتى غير جميلة تتزوج من رجل وسيم او العكس خلقنا الله مختلفين و اعطانا مميزات كثيره و لكن في نظر مجتمعنا هذا الجمال يساوي الحب و الحب يساوي الزواج و اي شئ غير ذالك يساوي العنوسة !!!!!!!!! في الفترة الاخيرة بدأ الاعلام يصور لنا ان المرأة يجب ان تتعرى و تضع كل انواع المكياج لتبدو جميلة ،، بطلات الفديو كليب و الافلام جميعهن يتميزن بالانوثة الطاغية حتى بدأ الجميع يضن ان هذا هو الشكل الطبيعي للمرأة و لكن كيف لفتاة مثل مريم ان تعيش في هذا المجتمع و كيف تجد فرصة للعمل و الحياة وهي فتاة عادية !!!!! و من ناحيه اخرى كيف لقلب ادهم اللذي دمرته الخيانه و طعنته في قلبه ان يكسر ذالك القيد ليعيش حياته مره اخرى مع فتاة عادية لا تشاركه العادات و التقاليد ؟؟؟؟ التعديل الأخير تم بواسطة فيتامين سي ; 08-05-16 الساعة 12:30 PM | ||||||||
|
| |
|
06-05-16, 09:47 AM
| #3 | ||||||||
| مراقبة عامة ومشرفة منتدى الروايات المنقولة
| الحلقة الاولى ....................... مريم هي فتاة ذكيه جدا وطيبة القلب تمتلك قوام رشيق و عينان بنية اللون لم تكن فائقة الجمال بل هي عادية جدا و البعض يرى انها لا تمتلك من الجمال الا القليل و هي من عائله متوسطة تكسن في احدى الحارات الشعبية ، كان والدها صحفي و لكنه توفى و هي صغيرة و اضطرت والدتها للعمل كخياطة لتربي ابنتيها مريم الكبيرة 25 سنة و اماني الصغيرة 20 سنة قبل حوالي ثلاثة اشهر انهت مريم دراستها الجامعيه و تخرجت من كلية التجارة بتقدير جيد جدا و قد دعاها خالها لتقضي فترة الصيف عندهم في لندن و لان حالته المادية جيدة جدا فقد تكفل بكل مصاريف الرحلة ،،،،،، اليوم هو موعد رجوع مريم الى مصر بعد ان قضت وقتاً ممتع جدا في لندن ، ودعت خالها و عائلته بحرارة و اتجهت الى الطائرة المتوجهه الى مصر ................................. طلبت منها المضيفة ان تجلس في مقعدها ووضع حزام الامان و لأن مريم تخاف من الطائره فبدأت تردد بعض الايات القرانيه و اغمضت عيناها و يبدو عليها التوتر ،،، و فجأة قطع شرودها صوت طفلة صغيرة تجلس في الجهة المقابله لها،، الطفلة ببراءة ،، انت بتعملي ايه مريم بأحراج ،، انا بقرا قرآن يا حبيبتي الطفلة،، يعني ايه ؟؟ مريم ،، بأستغراب ،، انت مش عارفه يعني ايه قرآن الطفله ببراءة شدت يد ذالك الرجل الوسيم اللذي يجلس بجانبها بشرود الطفلة،، بابي يعني ايه قران ادهم بأنفعال،، نادين انا مش ناقصك اقعدي مكانك من غير كلام استغربت مريم من رد فعل ذالك الرجل ،، نظرت اليه طويلا ثم ضحكت و قالت في نفسها ، مش كان ربنا خلقك وحش بس اخلاقك حلوة بدل ما انت قمر كده و محسسني اني عفريتة قاعدة قدامك لاحظت مريم انزعاج الطفله فقررت ان تتجاهله و تتكلم معها مريم بأبتسامة،، اسمك حلو اوي يا نادين نادين ،، مرسي و انت اثمك ايه مريم ،، انا اسمي مريم ، انت عندك كم سنة نادين،، اشارت بيدها، خمثة مريم ،، هههههه اسمها خمسة مش خمثة،، بس انت حلوة اوي يا نادين شكلك زي باربي نادين،، بابي بيقول ان شكلي زي مامي مريم ،، بجد ،، طب هي فين دي اكيد حلوة اوي شبهك وقبل ان ترد عليها نادين استدار ادهم على جهة مريم و قال بأنفعال ادهم ،، خلاص بقة انت مبتزهأيش من الكلام مريم ،، بأنزعاج ،، انت ازاي بتكلمني كده ادهم،، انا اتكلم زي ما انا عاوز ، ياريت متتكلميش مع بنتي ،، فاهمة مريم،، انا اللي غلطانه عشان كنت عايزه اسليهه ادهم،، انا موجود معاها انت تسليها ليه بصفتك ايه مريم انزعجت من قلة تهذيبه و قالت،، بصفتي انسانة عادية و عشان مماتها مش معاها فقلت اتكلم معاها لاحظت مريم ان غضب ادهم تحول في لحضة الى حزن يكسو كل جزء من وجهه حتى انه لم يجيبها و نظر الى شباك الطائرة بشرود ثم احتضن نادين اللتي بدأت تغفو على ذراعيه كانت الرحلة طويله و كل شخص في الطائرة حاول ان يجد شئ ليسليه ، شاهدت مريم بعض الافلام التي كانت معروضة في تلفاز الطائره و غفت لعدة مرات و لا تعرف لماذا كان يجذب انتباهها ذالك المغرور ، لاحظت انه لم ينم و لا دقيقة في الطائرة و حتى عندما احضرو المضيفات الطعام لم يأكل شئ و كان مشغول بأطعام ابنته ،، قضى ادهم وقته بالشرود و النضر الى الشباك كانت مريم تعبث بهاتفها عندما لاحضت ان ادهم وقف و ابعد نادين اللتي كانت نائمة على صدره برقة ليذهب الى الحمام انتبهت مريم انه طويل و يبدو انه يمارس الرياضة لأن عضلاته كانت بارزه ، كان وسيم جدا و يبدو انه هادئ و قليل الكلام ، ثم شردت و قالت في نفسها يا ترى مراته شكلهه ايه ، اكيد حلوة اوي اللي زي ده لازم يتجوز واحدة شبه البت نانسي عجرم ، عيني عليه اكيد انا حتجوز واحد شبه اللمبي ده لو حد رضي بية اساساً كان يتردد في رأسها كلام الناس و كل الافكار اللتي اعتادت على سماعها و انتبهت ان نادين صحت من النوم مفزوعه و بدأت بالبكاء لم تستطيع ان تترك نادين فشعرت بالشفقه عليها مريم،، متخافيش يا نادين بابا راح الحمام دلوقتي يرجع نادين،، ببكاء،، لا انت كدابه بابي حيثيبني زي مامي مريم،، بأستغراب،، لا يا حبيبتي متخافيش انا معاكي لحد ما بابا يرجع نادين ،، انا بخاف لوحدي متثيبنيش ثم سمعت صوت ادهم و هو يقول،، انت تاني بتعملي ايه هنا مريم بتأفأف من تصرفاته ،، بنت حضرتك كانت بتعيط ادهم بفزع عاد الى مكانه و احتضن ابنته ،، مالك يا نودي ليه بتعيطي نادين،، انت ثيبتني لوحدي زي مامي ادهم ضهرت عليه علامات الغضب ،، فأسند رأسه على الكرسي و نضر الى ابنته بشرود ثم احتضنها بشده و قال ،، انا عمري محسيبك ابعدت مريم نفسها عنهم و شعرت بحزن ادهم اللذي كان واضح جدا و ان هناك سر في حياة ذالك الرجل و رغم انه كان قليل الادب في تعامله مع الجميع الا انه كان يهتم بكل تفصيله من حياة ابنته يطعمها بنفسه و يحتضنها لكي تنام و يحكم عليها الغطاء ، و رغم طول الرحله الا ان مريم لم تشعر بها و هي تراقب ذالك المغرور اللذي شغل عقلها و قلبها فجأة ........................................... بعد وصول الطائرة الى مصر بسلام وقفو في المطار لعمل الاجرائات الاخيره للوصول و قبل ان يغادر ادهم القاعه تركت نادين يده بسرعه و ذهبت الى مريم و احتضنتها نادين،، انت بقيتي ثاحبتي مش كده مريم ،، طبعا يا حبيبتي و انا بموت فيكي كمان نادين ،، يعني حتيجي تشوفيني مريم ،، بأحراج ،، لو ربنا اراد يا حبيبتي ثم ابعدها ادهم بسرعة و غادرو القاعة في ثواني عادت مريم الى منزلها و استقبلوها والدتها و اختها بحرارة و اشتياق وبعد الغداء دخلت مريم مع اختها الغرفة اماني ،، طبعا مين ادك راجعة من لندن مريم،، يا ساتر اهو النق ده هو اللي جايبني وره اماني ،، يا سلام يعني انت متبسطيش هناك مريم،، لا الصراحه خالي و مراته كانو بيعاملوني احسن معامله و وروني لندن حته حته اماني بمشاكسة ،، يا سلااااام خالك و مراته بس طب و سي احمد ابنهم مريم،، بطلي بقة انت عارفه انا مش بتاعت الحجات دي اماني ،، هو انا قلت حاجه ، بس انا و انت عارفين ان خالك عايز يجوزك لأحمد ابنه من زمان مريم ،، و النبي تسكتي انت مش عارفة حاجه اماني،، بت انت وراك حاجه و مخبية عليه مريم،، لا اصلا الحاجه دي مش بتستخبه اماني ،، ايه اتكلمي مريم،، احمد اتكلم معايا و طلب مني اني اقول لخالو اني مش عايزاه عشان هو بيحب واحده و عايز يتجوزهه اماني،، ازاي يطلب منك كده ، بجد معندوش ذوق مريم،، و انت كنتي فاكره ان واحد زيو ممكن يقبل يتجوزني اماني ،، ليه بتقولي كده يا مريومة انت اي واحد يتمناكي مريم،،حاولت ان تخفي حزنها،، انت عارفه يا اماني اللي زيي محدش عايز يحبهه و يتجوزهه ،، عايزين الحلوة و انا زي ما انتي شايفه اماني،، بلاش تتكلمي كده انت حلوه اوي من جوه و من بره كمان ،، انت محجبه و مبتحطيش ميك اب و تتمايعي زي البنات بتوع اليومين دول ولبسك محترم و ده مش معناه ان هم احلى منك مريم بأبتسامة،، وحشتيني والله يا موني دايما رافعه معنوياتي اماني ،، و انا كمان كنت عايزه اشوفك و اتكلم معاكي اوووي و كنت بستنى الطياره بتاعتك بفارغ الصبر مريم،، فكرتيني ده انا قابلت واحد فالطياره مغروووور اوي و فاكر نفسه حاجه مهمة و كمان زعل عشان اهتميت ببنته روت مريم على اختها ما حصل في الطائره بالتفصيل اماني،، يا ساااتر معاها حق مراته تسيبو مريم،، و عرفتي منين انها سايباه مش جايز موجوده اماني،، يا بنتي فكك منه ده شكله معقد مريم،، ايه فكك دي انت بتجيبي الكلام ده منين اماني،، يا بنتي دي لغة العصر انت بس اللي متخلفة مريم،، سبنالك التحضر ياختي اماني ،، بقولك ايه قومي بسرعه الصحون تنادينا مريم،، يوووه تاني خلاص امشي قدامي ................................................. الروايه دي فيها مفاجأت كتييير و اتمنى تكون الفكره عجبتكو و ادوني رأيكو بقة | ||||||||
|
| |
|
06-05-16, 09:49 AM
| #4 | ||||||||
| مراقبة عامة ومشرفة منتدى الروايات المنقولة
| الحلقة الثانية ........................ عاد ادهم مع ابنته الصغيره ليسكن في منزل والده في ذالك المنزل الفخم تسكن عائلة ادهم مصطفى ، الاب ، حنون و طيب القلب يمتلك شركة معروفه و مشغول بالعمل طوال الوقت نهلة ، الام، تحب اولادها جدا فوق الوصف و لكنها ليست صارمة معهم و رغم حبها لأولادها الا انها قد تكون حادة الطباع مع الاخرين حسام،، 23 سنة،، شاب طموح جدا و يدرس في كليه الحقوق يمتاز بروح الدعابة رندا،، بنت دلوعة جدا و تحصل على ما تريد بسهوله ،، جميلة و رقيقه لكنها مغرورة و مازالت في الثانويه العامة ادهم،، بطل قصتنا، الابن الاكبر لهذه العائلة 30 سنة ، درس الهندسة في لندن و تعرف على زوجته هناك ثم قرر الاستقرار في لندن لرغبة زوجته في البقاء ، شخص لا يتكلم كثيرا ، و لكنه كان يمتاز بالهدوء الجذاب ، شخصيته غامضه طوال الوقت نادين،، ابنة ادهم ،، 5 سنوات ، فتاة صغيرة لكنها بالغة الجمال ، شعرها اشقر طويل و عيناها خضراء مشعة ، عكس والدها تماماً تحب المرح و اللعب و لا تكره الغرباء .................................................. ....... كان وصول ادهم و ابنته مفاجأه كبيره لكل افراد العائله فهو لم يخبرهم عن نيته في زيارة مصر هذه الايام استقبلوه بحب و اشتياق ثم بدأو بالاسئلة الكثيرررره حسام،، انت ليه مقولتليش كنت جبتك من المطار على الاقل ادهم ، كنت عايز اعملكو مفاجأه نهله ،، يا حبيبي واحشني اووووي كنت حموت و اشوفك حسام،، اهو حبيب القلب رجع و احنا خلاص راحت علينا رندا،، ابعد شويه يا اخي ، جلست بالقرب من ادهم،، هااا بقى قولي جبتلي ايه هدايا ادهم،، بأحراج ،، انا ملحقتش بصراحه مصطفى،، بنت ، ابعدي عن اخوكي بقه انت مفيش على لسانك غير الطلبات مش لسه واخده مني الفين جنيه ، ابقي هاتي بيهم اللي عاوزاه رندا،، يا بابا انت بتقول ايه الالفين دول اخلصهم في يومين حسام،، بتخلصيهم ازاي ده انت مصروفك اكتر مني بتلت مرات رندا ،، انتو كلكو عليه ،، الحقيني يا ماما نهلة ،، ايه مالكو دي بنت و لازم تتشيك و تلبس هو يعني اللبس مش بفلوس حسام،، ايوا دلعي فيهه كده مهي اخر العنقود و انا اللي ضايع فالنص انتبه مصطفى ان ادهم كان شارد لا يتكلم معهم فأستغرب و سأله ايه يا ادهم مالك انت مش معانا خالص ادهم،، لا انا معاكو بس تعبان من السفر رندا،، طب انا حاخد نادين تنام في اوضتي بدل نومتهه على ذراعك كده ادهم ، بأنفعال ،، لالا سيبيهه مش حتنام من غيري نهله ، بأستغراب ،، امال شيرين فين ، هي مرضيتش تيجي معاك مصر و لا ايه ادهم بأرتباك و حزن و توتر،، انا طلقت شيرين !!!!!!!!! الصدمة جعلت كل العائله لا تستطيع النطق بأي كلمة ، كانو يتبادلون النظرات بذهول ، فهذا اخر شئ كانو يعتقدون ان ينطق به ادهم لعلمهم بحبه الشديد لها مصطفى،، معلش انتو بتتخانقو كل يوم عادي هدي نفسك و ان شاء الله كل حاجه تتحل ادهم بحدة،، مفيش حاجه حتتحل ، انا مش حرجع لشيرين و ياريت محدش يتكلم في الموضوع ده نهلة،، انت عارف اني من البدايه مش مرتاحه لجوازك منهه بس برضو لازم اعرف اتطلقتو ليه ادهم، بانفعال،، ارجوكي يا ماما اقفلي الموضوع ده تماماً حسام،، طب انت حتقعد في مصر اد ايه ادهم بنفاذ صبر ،، على طول .................................................. . تركهم في ذهولهم و دهشتهم و حمل نادين و دخل غرفته القديمة ، وضع ابنته على السرير ثم اطال النظر الى وجهها الصغير و هو يلامس خصلات شعرها الذهبية عندما ينظر الى ذالك الوجه الطفولي ينسى كل شئ بعد قليل بدأ ادهم بالاستحمام بالماء البااااارد جدا كان يشعر بالنار اللتي تجتاح قلبه رغم برودة الماء ، فكيف يطفأ نار الغدر و كيف يستطيع ان يعتني بأبنته اللتي تعقدت بسبب ام مهمله و قاسية القلب ، فهو ايضاً مجروح و يتمنى لو ان ما يعيشه كابوس طويل و سيصحو منه قريباً كان واقف في البلكونة يحدق بالسماء بشرود عندما دخل اخيه حسام الغرفه حسام،، انت كويس ادهم، بأبتسامة مصطنعة ،، متقلقش حسام،، انت اخويه الكبير صحيح بس انا بعرفك من عنيك ، انت زعلان اوي و فيه حاجه مخبيهه علينا ادهم،، مش كل حاجه تتحكي يا حسام حسام،، بس انت طول عمرك بتثق فيه اشمعنه المره دي مقلتليش على موضوع الطلاق و لا حتى عايز تقولي ايه السبب ادهم ،، ايوا انت عارف اني بثق فيك اكتر من نفسي بس الحكايه مش حكايه ثقة حسام ،، امال ايه فهمني انا قلقان عليك اتكلم عشان ترتاح سالت دمعة من عيون ادهم رغم محاولاته لأيقافها ، مسح دمعته بسرعه و قال لحسام ادهم،بأنفعال ، انا لو اتكلمت حنهار يا حسام ،، ارجوك انا جيت هنا عشان انشغل عن التفكير في اي حاجه لو عايزني ارتاح بجد يبقى تقفل الموضوع ده حسام،، بحزن على حال اخيه ،، حاضر بس انت عارف اني معاك مش ضدك فأي حاجه وقبل ان يجيب ادهم قاطعته نادين اللتي كانت تبكي في نومها قفز ادهم من مكانه و احتضنها و هي تبكي مما اثار دهشة حسام حسام،، هي مالها بتعيط ليه ادهم ،، من بكرا لازم نلاقي دكتور نفساني شاطر حسام،، ليه يا ادهم نودي مالها ادهم،، بيجيلها كوابيس كتير و متعرفش تقعد من غيري حسام،، بس ده مش طبعها ، الصيف اللي فات لما جيتو كانت كويسة ادهم،، بعصبية ،، و دلوقتي مش كويسه خلاص يعني اعمل ايه انزعج حسام من طريقة كلام ادهم معه فترك الغرفة بهدوء و لكن ادهم لحق به بسرعه ادهم بتوتر،، انا اسف حسام،، خلاص محصلش حاجه ادهم بحزن ،، متاخدش على كلامي انا اليومين دول مش عارف بعمل ايه و لا بقول ايه حسام،، خلاص انا مش زعلان و الله ،، يلا هات نادين و تعالى عشان نتغدى ادهم ،، مليش نفس حسام ،، و البت الغلبانه دي ذنبهه ايه مش انت بتقول مبتعملش حاجه من غيرك ادهم ، ، خلاص انا نازل .................................................. ............... في بيت مريم كانت الساعات تمر بسرعه ، قضت اليوم في توزيع الهدايا على والدتها و اختها و حكت لهم تفاصيل رحلتها مريم،، انا حروح انام بكرا ورايه يوم طويل كريمة،، والدة مريم،، يا بنتي انت حتفضلي تدوري شغل لحد امته ما انا قلتلك اعلمك و اشتغلي معايا مريم،، يا ماما انت عارفه اني مليش في الخياطه و بعدين انا اتعلمت ليه انا عايزه اشتغل في حاجه بحبها كريمة،، انا بتكلم عشان مصلحتك يا حبيبتي بدل مانتي بتخرجي كل يوم تدوري على شغل و تتشحططي في المواصلات مريم،، ادعيلي انت بس يا ماما كريمة،، ربنا يوفقك و يرزقك بابن الحلال اللي يسعدك يا بنتي مريم،،، ههههه هو مفيش فبالك غير الموضوع ده،، و ابن الحلال ده اكيد عايز واحده من بتوع اليومين دول حيعمل ايه بيه كريمة،، ده انت ست البنات اوعي تستقلي بنفسك يا مريم مريم،، ربنا يخليكي ليه يا ماما ،،ومتشغليش نفسك كل شئ نصيب .............................................. يارب تكون الحلقه عجبتكو و لسه فيه احداث حتقلب كل الموازين | ||||||||
|
| |
|
06-05-16, 09:50 AM
| #5 | ||||||||
| مراقبة عامة ومشرفة منتدى الروايات المنقولة
| الحلقه الثالثة .......................... بحثت مريم عن عمل لأسابيع و لكن الجواب كان دائما لاتوجد وضائف خاليه ، بحثت في كل مكان و لكنها لم تجد اي امل لتتعلق به ، لم تكن مريم تبحث عن عمل تحبه او يناست مؤهلاتها كما اخبرت والدتها ، بل ان غايتها كانت ان تجد اي عمل لتخفف المصاريف عن والدتها اللتي لم تعد تقوى على الخياطة لفترات طويلة كما كانت في السابق، و في طريقها للعودة الى منزلها وجدت محل عطور و مكياج فخم معلق عليه لائحه تقول انهم بحاجه لبائعة و رغم ان هذا العمل لا يناسبها و لكنها دخلت لتسأل المدير ،، انا اسف يا انسه مريم،، انتو لقيتو بنت تانيه يعني ، اصل انا بعدي من هنا كل يوم و اول مره اشوف الاعلان ثم اتى صوت فتاة تقول لها،، احنا لسه معلقين الاعلان النهاردة مريم،، الضاهر اني جيت متأخر معلش مفيش نصيب الفتاة سحبت مريم بعيد عن المدير ، بصي بقة احنا لسه مجلناش بنت تانيه بس المدير هو اللي مش عايز يشغلك مريم بدهشه،، ليه يعني ده حتى ميعرفنيش الفتاة،، مش حكايه يعرفك ، اصل انت عشان تشتغلي هنا لازم تبقي على الموده و حاطه ميكب و سوري يعني شكلك حلو ، انا بس قلت انبهك عشان متحرجيش نفسك شعرت مريم بالاهانة من كلمات تلك الفتاة و ايضا بالغباء لعدم تفهم طلب المدير ، مشت بخطوات سريعة و عادت الى منزلها و دخلت الحمام بسرعه ثم انفجرت في البكاء و هي تقول في نفسها انا ذنبي ايه بس ان ربنا مخلقنيش حلوة يعني اعمل ايه حتى مش قادرة الاقي شغل عشان طبعا محدش عاوز يشغل اللي زيي ،، لازم ابقى حلوة و شيك و ستايل عشان اعجب ،، يعني اعمل بس ،، اعمل ايه خرجت من الحمام و ادت صلاتها و دعت ربها كثيرا ان تجد عمل مناسب ثم قرأت وردها اليومي و غطت في نوم عميق ..................................... في هذه الفترة كان ادهم قد بدأ بالعمل مع والده في الشركه و لم يكن ترك نادين في المنزل بالامر السهل فقد كانت تصرخ و تبكي كلما تذكرت انه ليس موجود معها و لكنه يحرص ان يتصل بها عدة مرات في اليوم نهلة،،، انا مش مرتاحة لموضوع اخوكي ده ،، انا من الاول قلتلو ان دي واحده عامله فيهه عايشه بره و بتعمل زيهم و هو اللي كان حيموت و يتجوزها على ايه بس رندا،، لا يا مامي متنسيش انها واحده ستايل اوي و جميله و بعدين مستواها راقي نهله،، اسكتي انت مش فاهمة حاجه مستواه ايه ده ، انا اقدر اجوزو ست ستها هو اخوكي شويه ده كل بنات مصر حيتجننو عليه رندا،، بس انا شايفة ان من ساعة ما رجع و هو بقة دمو تقيل و مبيتكلمش مع حد نهلة ،، هو ده اللي قلقني حاسه انها عملتلو حاجه جامده اوي اصل انا عارفة ابني لما يبقى متدايق كده مبيتكلمش رندا ،، بقولك ايه يا مامتي يا حبيبتي انا كنت عايزه اطلب منك طلب نهلة،، قولي يا روحي رندا،، صحابي طالعين رحلة للغردقة و انا عايزه اروح معاهم نهله،، تروحي لوحدك ازاي يا ريري رندا بدلع،، يا مامي انا زهئت من البيت خلاص و بعدين انت مش واثقة فية ولا ايه نهله ،، لا يا روحي انا واثقة فيكي طبعا بس انت عارفة حسام اكيد حيرفض رندا ،، و مين طلب رأيه انت الكل في الكل نهله،، ماشي يا بكاشه خلاص اطلعي معاهم و ابقي فكريني اديكي فلوس رندا ،، مرسي يا ست الكل بموووت فيكي نهله،، و انا كمان يا قلبي ،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،، ،، في المساء اجتمعو العائله على العشاء و اخبرت الام الجميع بطلب رندا حسام،، تروحي لوحدك يعني ايه انت فاكره نفسك فين نهله ،، بالراحه يا بني دي رايحة فالاجازة مش دلوقتي حسام،، هي يعني كانت بتنجح عشان تكافئيهه و بعدين ازاي بنت في سنها تسافر لوحدها مصطفى ،، انا شايف ان مفيهاش حاجه دي كلهه كم يوم تغير جو و ترجع و بعدين حتنزل في الاوتيل بتاع محمد بي يعني امان متخافش حسام ،، انتو عايزين تجننوني ازاي بس تسافر لوحدهه و بعدين انتو مش خايفين عليهه دي بنت رندا ،، يووه بقه يا حسام ماما و بابا موافقين انت ليه محسسني اني مسافره برة مصر ، الغردقة قريبه جدا حسام بعصبيه،، و انت يا ادهم رأيك ايه ادهم،، مليش دعوه اللي هي عايزاه تعمله كان رد فعله بارد و غير لائق و لم يكن حسام يتوقع منه ذالك حسام،، اذا كنت انت عايز تمشي بعادات لندن فأنا اسف مش حقدر اجاملك يا ادهم ، انت ايه اللي حصلك انت مكنتش كده ايه اللي غيرك ادهم،، انت مالك متعصب كده الموضوع مش مستاهل حسام بحدة ،، طبعا اذا كنت سايب مراتك تعمل اللي هي عايزاه فأكيد معندكش مانع ان اختك كمان تعمل زيهه تحولت ملامح وجه ادهم الباردة الى شعله من الغضب و كاد ان ينقض على اخيه و لكنه تمالك نفسه في اخر لحضة و ترك طاولة الطعام بسرعه و انطلق بسيارته بسرعة جنونيه ، لم يكن يعلم الى اين هو ذاهب او لماذا لم يجيب على اسئلة حسام نزل من السيارة و بدأ بالمشي لا يعرف الى اين يذهب لكن كل ما يدور في رأسه هو ما حصل في لندن كان يمشي و هو شارداً و يدخن السجائر بشراهة و لكن صوت مؤلوف يناديه قطع شروده ادهم،، ادهم ،، استنى استدار ليجد امرأة تناديه كانت جميله جدا تمتاز بالعينين العسليه و الشعر البني الطويل ، تبدو كالممثلات طويلة و رشيقة و في غاية الاناقة ترتدي الكعب العالي و التنورة القصيرة ، جذبت كل المارين بجانبها بعطرها المميز ادهم،بتعجب،،مش معقول انت ازاي هنا يارا،بهيام، انا ولا انت ،، وحشتني يا ادهم ادهم،، بأبتسامة،،و انت كمان ذهبو الى اقرب كافيه للحديث عن ذكرياتهم القديمة ، كانت يارا صديقة ادهم المقربة في الثانويه و اعتقدو الاثنين ان العلاقة بينهم ستكون قوية جدا و كانت ستصل للزواج لولا ضهور شيرين في حياة ادهم ادهم ،، ياااه انا كنت فاكر اني مش حشوفك تاني يارا،، بحزن،، و انا كمان ،، هو انت رجعت مصر امته ادهم،، من فترة قريبة بس انا خلاص مش راجع لندن تاني يارا،، بفرحة ،، بجد ،، هي شيرين اخبارها ايه انتو اتجوزتو صح ادهم بحزن،، اتجوزنا و اتطلقنا يارا بحزن مصطنع،، انا اسفة ادهم ،، مفيش داعي تتأسفي ،، على فكره انا عندي بنوتة اسمهه نادين لازم اعرفك عليهه يارا،، بجد ،، انت خلفت ادهم،، ايوا عندها خمس سنين يارا،، و انت بتشتغل دلوقتي ادهم ،، ايوا انت عارفة لما اتخرجت من الهندسه اشتغلت في لندن و دلوقتي شغال في الشركه مع والدي،، و انت عملتي ايه اتخرجتي و له اتجوزتي احكيلي اخبارك يارا،،لا متجوزتش انا بقيت دكتورة اطفال يا باشمهندس ادهم،، انت تستاهلي كل خير طول عمرك نفسك تبقي دكتورة بس انا لسه شايفك يارا اللي كانت بتغش مني في الامتحانات يارا،، ههههههههه انت لسه فاكر،، انت بجد وحشتني يا ادهم ادهم بأرتباك ،،، ابتسم لها بتصنع،، و انت كمان وحشتيني ،،،،،،،،،،،،،،،،،،،،،،،،، ،،،،،،،،،،،،، كانت مريم تتصفح الجريده و رأت اعلان عن طلب سكرتيرة ففرحت جدا وقررت ان تجرب حضها مرة اخرى و اتصلت بهم و اعطوها موعد غدا اماني،، سكرتيرة يا مريم مريم،، و فيهه ايه يعني مش بدل قعدتي فالبيت كده اماني ،، انا خايفة يعملو زي اللي قبلهم و يرفضو مريم،، انا كمان ،، ربنا يسهل و يقبلوني لحسن انا تعبت من كتر التدوير على شغل اماني،بشرود ،، ربنا يوفقك مريم انتبهت لشرود اختها ،، ايييه مالك انت سرحانة في ايه اماني،، فيه واحد رخم و دمو تقيل ماشي ورايه في الكليه و بيعاكسني في الطالعة و النازلة مريم،، طب ما تبلغي امن الكلية خليهم يأدبو اماني ،، انا حعمل كده بكرا ،، بس تعرفي هو الصراحة بيضحكني مريم ،، انت مش لسه قايله انه دمو تقيل اماني،، ايواا جدااا ،، بس انت عارفة النهارده كان ماشي ورايه و عمال بيتغزل بشكلي قمت لاطشاه بالقلم و كأني قلتله بحبك كمل عادي و لا كأن في حاجه حصلت ،، يلا مش مشكله اهو بكرا حيتعلم الادب مريم بأرتباك،، معاكي حق اماني،، انا داخلة انام تعبت من المذاكره ،، تصبحي على خير يا ميرو مريم،، وانت من اهله يا حبيبتي سرحت مريم طويلاً في كلام اختها ،، في الحالات الاعتيادية تتعرض الفتاة للكثير من المعاكسات و لكن مريم انتبهت انها لم تسمع اي معاكسات من اي شاب نعم جميعنا نقول ان المعاكسات امر مزعج بل هو فعلا مزعج و لكن لا نستطيع الانكار ان احياناً الكلام المعسول من اي شاب حتى ان لم يكن فارس الاحلام يجعلنا نتغير تماماً، يعيد لنا الثقة بأنفسنا ، انها غريزه وضعها الله في المرأة تحب ان تسمع كلمات الغزل او عبارات الاعجاب من الناس لم تسمع مريم تلك الكلمات من قبل ، لم يتغزل احد في شكلها او ينضر لها بحب ، بل ان الجميع يعاملها على انها لا تستحق الاعجاب و التقدير تحدثت مع نفسها يا ترى حييجي اليوم اللي حد يبصلي فيه بعشق زي الافلام كدة و ييجي حد يحبني و احبه و نخرج مع بعض و اوحشو و يوحشني و ابقى حتجنن عشان اشوفو ،، و اتخانق معا و يصالحني،،، ثم ابتسمت بسخرية ياااه الضاهر اني بدأت اخرف من التعب ،، قال حد يحبني قال ،،،،،،،،، ،،،،،،،،،،،،،،،،،،،،،،،،، ،،،،،،،،،،،، يارب حلقة النهاردة تكون عجبتكو ،،، يلا بقه تفتكرو ازاي مريم حتتعرف على ادهم؟؟؟؟؟؟؟؟؟؟ | ||||||||
|
| |
|
06-05-16, 09:52 AM
| #6 | ||||||||
| مراقبة عامة ومشرفة منتدى الروايات المنقولة
| الحلقة الرابعة .......................... عادت مريم الى منزلها و هي في غاية الفرح، تدور حول والدتها و اختها و تضحك بصوت عالي اماني،، انت خلاص يا بنتي مخك فوت والدتها،، ربنا يفرحك كمان و كمان مريم،، مش مصدقة انهم قبلوني في الشغل حاسه اني فحلم اماني،، امال لو عملوكي المديرة كان حصلك ايه مريم،، مش مهم المهم اني لقيت شغل انا فرحانه اوي اماني،، مبروووك يا ميرو عقبالي يا رب والدتها،،انا مش فاهمه حاجه هو فين الشغل ده و حتشتغلي ايه مريم ،، انا حشتغل سكرتيرة يا ماما في عيادة دكتورة اطفال ،، اسمها يارا الحسيني ،، قبلتني على طول في الشغل عشان مستعجلة انها تفتح العيادة بتاعتها والدتها ،، ربنا يوفقها و يوفقك يا بنتي بس انت حتبدأي امته مريم،، بعد بكرا افتتاح العيادة و حبدأ معاها على طول اماني،، ربنا يوفقك يا اختي و انا حستجدع معاكي و اعملكو شاي عشان نحتفل والدتها،، شاي بس و الله انا مش عارفة حتفتحي بيت ازاي اماني،، بضحك،، حخلي جوزي يعمل كل حاجه مريم،، ايوااا عشان يرجعيك لينة في الصباحيه والدتها،، ربنا يديني عمر و اشوفكو انتو الاتنين متجوزين و متهنين في بيوتكو اماني ، مريم،، ربنا يخليكي يا ماما ،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،، ،، ادهم عاد الى المنزل مبكراً و كان خالي من الاصوات ،، استغرب الوضع و نادى على الخادمة ادهم،، امينة،، امينة امينة،، ايوا يا بيه انا كنت في المطبخ ادهم،، هو البيت فاضي ليه ،، راحو فين امينة،، زي كل يوم ، الهانم الكبيرة في النادي، و سي حسام في الجامعة،، و مصطفى بيه لسه مرجعش من الشغل ادهم،، طب و نادين فين امينة،، فوق مع الست رندا في اوضتهه ادهم ،، طب انا طالعلهم في غرفة رندا كان صوت الموسيقى صاخب و عالي جدا و رندا تضع السماعات في اذنيها و تعبث بهاتفها و تتراقص مع الموسيقى ووضعت جهاز الكومبيوتر على السرير ،،، دخل ادهم و لم تشعر به الى ان صرخ بها لتسمع رندا،، سوري مكنتش سامعاك ادهم،، ايه اللي انت بتسمعيه ده و ايه المكياج الكتير ده انت حتخرجي رندا،، بأنزعاج،، لا انا في البيت مش عايزني ارتاح و انا في اوضتي كمان ادهم،، انزعج من قلة تهذيبها ،، فين نادين رندا ،، راحت اوضتها ادهم،،بأنفعال ،، و ازاي تسيبيهه لوحدهه رندا،، يوووه هو انا مامتها يا ادهم عايزني امنعهه تروح اوضتها ادهم بحدة ،، ماشي يا رندا خرج من غرفة رندا و هو منزعج من تصرفاتها و قلة تهذيبها و شعر انها لا تهتم بأبنته كما كان يعتقد دخل الى غرفة نادين فوجدها تعبث بألعابها بملل ادهم ،، ايه يا حبيبتي ليه سبتي طنط رندا و قاعده لوحدك نادين بملل،، عشان الميوزك عاليه اووي و هي مش بترد عليا ادهم، بحزن،، معلش انا اسف عشان سايبك بس انت عارفة ان بابي بيحبك و لازم يشتغل صح نادين،، بس انا بخاف لوحدي ادهم،، انا عارف ،، بس انا مش عايزك تخافي،، ايه رأيك احكيلك حكاية نادين،، بفرح،، بجد ،، ماشي بس تعالى نام جانبي يا بابي ادهم،، حاضر يا قلب بابي و احتضنها ادهم و بدأ يقص عليها حكايه حتى نامت في احضانه، ثم تركها لتنام بهدوء و نزل للطابق الاسفل ادهم،، امينة ،، اعمليلي قهوة و هاتيلي حاجه للصداع امينة ،، حاضر جلس في حديقة المنزل يتصفح المواقع على اللاب توب و يشرب القهوة حتى رن هاتفه،، و ضهر اسم يارا على الشاشة ادهم،، ايوا يا يارا يارا،، ازيك يا باشمهندس ادهم ،، الحمد الله يارا ،، انا زعلانة منك اوووي ازاي من ساعة ما تقابلنة متفكرش تزورني ولا مره ادهم،، انا اسف حقك عليه بس يادوب ملاحق بين الشغل و نادين يارا،، اااه انا نسيت انك بقيت اب و عندك بنت لازم تخلي بالك منها، بس ايه رأيك تجيبها عشان تطمن على صحتها و اتعرف عليها بالمرة ادهم،، اكيد طبعا بس انت بتشتغلي فين يارا،، بص بقة افتتاح عيادتي بعد بكرا و عاملة الكشف مجاني اول يوم عشان متقولش عايزه ادبسك ادهم،،، ههههه بجد الف مبروك اكيد حجيلك انا ونادين يارا،، تنوروني و انا بعتلك العنوان في رساله ادهم،، شكرا يا يارا ،، اشوفك بعد بكرا،، مع السلامة يارا ، بدلع،، باي باي .................................................. ....... في يوم افتتاح العيادة ذهبت مريم مبكراً الى عملها الجديد و كانت متحمسه جدا يارا ،، ده مكتبك و حتلاقي على الكومبيوتر كل المواعيد بتاعت النهارده،، حتعرفي تطلعيهم من الجهاز و لا حتتعبيني مريم ،، بأرتباك،، لا انا بعرف اشتغل على الكومبيوتر يارا،، على فكره استراحة الغدا ربع ساعه بس و اياكي تتأخري عشان انا بخصم على التأخير لأي سبب مريم،، لا ان شاء الله مش حتأخر و اجي في معادي بالضبط يارا،، متنسيش تفهمي العيانين ان الكشف مجاني النهارده بس مش كل يوم ،، انا مش فتحاها سبيل مريم، بضيق،، حاضر يارا،، و في واحد حييجي اسمه ادهم حسان ده تدخلي على طول فاهمة اوعي تخلي يستنى مريم ،، حاضر تحت امرك يارا،، اما نشوف شغلك تركت يارا المكان و هي تصدر ذالك الصوت المزعج القادم من كعب جذائها العالي و تمشي بتفاخر و كأنها اميرة الكون قالت مريم في نفسها،، دي شكلها حتطلع عيني ،، هي اصلا مش حباني خالص و بتبصلي من فوق لتحت ،، يارب حنن قلبها عليه انا محتاجه الشغل ده اوي ،،، ثم بدأت مريم بأدخال البيانات في الكومبيوتر و ادخال المرضى حسب الدور و الاجابه على الهاتف من الحين للآخر ،، في منتصف النهار دخل ادهم مع ابنته لعيادة يارا و ذهب الى مريم اللتي كانت مشغوله ببعض الاوراق ادهم ،، لو سمحتي يا انسه انا عندي معاد رفعت مريم رأسها لتفاجأ بوجه ذالك المغرور ينضر اليها مريم بعفويه ،، انت !!! ادهم بعدم تركيز ،، نعم؟؟؟ مريم ،، بأرتباك شديد،، مش حضرتك كنت معايا في الطياره و قبل ان يرد ادهم انطلقت نادين و احتضنت مريم،، نادين،، ايوا انا فكراكي بس انت مش جيتي تشوفيني مريم،، بخجل ،، انا معرفش عنوانك يا نادين ادهم،، افتكرت انت اللي كنتي بتتكلمي كتير في الطياره مريم خجلت جدا من تعليقه السخيف و نظرت له بحقد ثم تجاهلته و تكلمت مع نادين مريم،، انت كويسه يا نادين ،، ليه جيتي للدكتوره نادين ببراءة ،، انا مش عيانه انا جيت اشوف صاحبة بابي ادهم ،، اي صاحبة بابي دي اسمهه زميله بابي عيب كده ثم استدار على مريم،، ممكن ندخل مريم،، بحنق ،، حاضر لما ييجي دوركو ادهم ،، انا مقدرش استنه معنديش وقت اضيعه مريم،، والله انا اسفه حضرتك لازم تستنى دورك ادهم،، امري لله حستنى لحد امته مريم،، العياده زحمة النهارده يعني حتستنى ييجي ساعتين تقريبا ادهم ،، بغضب ،، ماشي يلا يا نودي نادين،، لا انا عايزه استنة مع مريم ادهم ،، لا مفيش داعي تعطليهه مريم،، لا خالص انا عايزه اقعد معاها كمان كان ادهم يجلس بالقرب من مكتب مريم و يراقبها بخلسه ، كانت تضحك مع نادين من كل قلبها و تطعمها الشوكولاته و ترسم معها بعض اللوحات الصغيرة ، منظرها ذكره بمعامله شيرين لنادين و اهمالها في حق ابنتها ثم ابتسم رغماً عنه عندما شاهدها تأكل الشوكولاته كالاطفال و تطعم نادين برقة ،،،، كم كانت مريم مختلفة عن الفتيات في عالمه ،، فتاة بسيطه ، عفويه ، حنونة ،، لا ترتدي احدث صيحات الموده و لا تتزين بالمكياج الكثير ،،لكنها تدخل القلب بسرعة شعر انها من عالم اخر ، شرد في تصرفاتها و حركاتها و حنانها على ابنته اللتي لا تعرفها في الوقت اللتي كانت رندا لا تحتمل رعايتها لعدة ساعات في اليوم ....... مريم هي الاخرى كانت تراقبه بخلسة ، شعرت بشئ غريب يشدها لذالك المغرور ، صوته ، شكله ، طريقة كلامه و جلسته الهادئه ،، شعرت بأن قلبها يدق بسرعه عندما يقترب منها او يكلمها ، حاولت ان تطرد تلك الافكار من رأسها و لكنها لم تستطيع ان تمنع نفسها من النظر اليه ثم ضهرت يارا امامها فجأه و علامات العصبيه و الغضب تكسو وجهها يارا،، انت يا اللي اسمك مريم ،، سايبة شغلك و قاعدة تلعبي مع العيال !!!! ............................................ يارب تكون عجبتكو و ايه توقعاتكو عن اللي حيحصل ؟؟؟؟ | ||||||||
|
| |
|
06-05-16, 09:54 AM
| #7 | ||||||||
| مراقبة عامة ومشرفة منتدى الروايات المنقولة
| الحلقة الخامسة ............................ يارا،، انت ياللي اسمك مريم ،، سايبه شغلك و قاعده تلعبي مع العيال مريم بأرتباك،، لا والله انا بعمل شغلي كلو بس البنت دي انا اعرفهه اصلا و حبت تقعد معايا يارا،، ده اول يوم شغل و بتعملي كده امال لو كنتي عندي من زمان كنتي عملتي ايه مريم، بضيق،، انا اسفة يا دكتورة يارا،بحدة ،، هو ادهم لسه مجاش؟؟ ثم اتى ادهم بجانبها ،، انا هنا من ساعة و نص بس حضرتك اللي مشغوله و عامله علينا دكتوره يارا قبلته بسرعه ،، استنيت ليه بس انا قلت للسكرتيرة تدخلك على طول ادهم،بأحراج ،، معلش اصل المرضى كتير التفتت يارا الى مريم بعصبية ،، انا مش قلت ادهم يدخل على طول مريم،، انا اسفة اصله خد معاد بأسم بنته ،، انا معرفش ان حضرتك استاذ ادهم يارا،، دي تاني غلطة فنفس اليوم ،، البدايه كده متطمنش ثم التفتت الى ادهم ،، اسفه على التأخير بجد ادهم،، مش مهم ،، يلا مش حتكشفي على نادين يارا ،، بأبتسامة،، انت نادين كان نفسي اتعرف عليكي من زمان نادين نظرت اليها بخوف من عصبيتها مع مريم يارا، بأرتباك ،، اتفضلو دخل ادهم مع نادين غرفة الكشف ، و ذهبت معه يارا وهي تنظر لمريم بتوعد ،،،،،،،،،،،،،،،،،،،،،،،،، ،،،،،،،،،،،،، يارا،، نادين صحتهه كويسه جدا ادهم ،، طب الحمد الله يارا،، شعرك حلو اوي يا نادين نادين،، بضيق،، شكرا يارا،، يا ترى انت بتحبي تلعبي بالباربي و له بحجات تانيه نادين ،، مش بحب العب بالباربي يارا بأحراج ،، طيب تحبي نلعب مع بعض نادين،، بابي انا عايزة اروح لمريم ادهم،، مينفعش عشان هي بتشتغل دلوقتي ولكن يارا كانت تتمنى ان تخرج نادين من الغرفة يارا،، مش مشكله لو عايزه تلعبي معاها ممكن اسمحلها تاخد بريك ادهم،، متأكده انت لسه كنتي عايزاها تركز في الشغل يارا،، لا خالص هي بس شكلهه مبتفهمش فشغل السكرتارية كويس ادهم ،، خلاص روحي عندهه بس متتحركيش من عندها لحد ما ارجعلك نادين،، بفرحة ،، اوكي ،، و ذهبت بسرعة البرق الى مريم ادهم،، معلش متزعليش من نادين هي بس حالتهه النفسيه متلخبطه يارا،، لا طبعا مش زعلانة،، بس انا ممكن اسألك سؤال ادهم،، اتفضلي يارا،، انا مش قصدي اتدخل بس احنا صحاب من زمان، و بصراحة انا استغربت لما طلقت شيرين ادهم بصوت مخنوق،، انا اكتشفت فجأه اني خسرت كل حاجه ، بيتي و مراتي و شغلي و حتى بنتي كنت حخسرها يارا،، مش فاهمة ،، بس انت كنت بتحبها ايه اللي حصل تنفس ادهم بحسرة و اشعل سيجارة جديدة ووضعها في فمه بتوتر ادهم،، حبي ليهه عذبني اوي انا تعبت اوي يا يارا حاسس ان دماغي حتنفجر من التفكير مش قادر اشيلها من دماغي يارا بحزن،، انت لسه بتحبها ادهم بأنفعال ضرب الطاوله بيده ، مش عارف ،، و مش فاهم ، كل حاجه اتلخبطت مش فاااهم و لا قادر افكر يارا،، خلاص انا مش حضغط عليك بس ارجوك اهدى مفيش داعي تعمل فنفسك كده ادهم،، بتوتر،، انا اسف اتعصبت عليكي ، خلاص انسي الموضوع يارا ،، المهم انت اللي تنسى ادهم بضيق ،، ياريت اقدر اعمل كده كنت ارتحت يارا،، على الاقل نادين معاك ادهم،، ايوا ، انا لما ببص في وشها بنسى الدنيا يارا،، بضيق،، ربنا يخليهالك ادهم،، اه صحيح انا كان عندي طلب سخيف شويه يارا،، انت تأمر يا ادهم ادهم،، بما ان السكرتيره بتاعتك دي مش عارفة تشتغل شغل العياده ايه رأيك اشوفلك انا وحده عندهه خبرة و اخد انا دي عندي يارا،، بدهشه ،، مش فاهمة تاخدهه عندك في الشركة ادهم،، لا طبعا ،، انا عايزهه بيبي سيتر لنادين ، انت عارفة انا طول الوقت في الشغل و نادين محتاجه حد يقعد معاها و انا مش فاضي الايام دي يارا، بسخرية، دي حتعرف تقعد مع نادين؟؟؟ ادهم،، شكلهه بتعرف تتعامل مع الاطفال و نادين بتحبهه و انا عايز نفسيتهه تتحسن يارا بعدم اقتناع،، مش عارفة يا ادهم ادهم،، انا حجرب و لو منفعتش خلاص اجيب غيرهه و اوعدك بعد بكرا يبقى عندك سكيرتيره جديده يارا،، خلاص براحتك ادهم،، متشكر انت مش متخيله الموضوع ده اكيد حيفرق مع نادين ، انا عايزهه ترجع زي زمان يارا بأنزعاج،، اااه و انا كمان ،،،،،،،،،،،،،،،،،،،،،،،،، ،،،،،،،،،،،،،،،،،،،،،،،، نادت يارا على مريم لتتحدث معها في المكتب مريم،، ايوا يا دكتوره يارا بأنزعاج ،، الاستاذ ادهم عايز يعرض عليكي شغل مريم بأرتباك،، بس انا بشتغل ادهم رفع رأسه ببطأ ليتحدث معها و هو يشرب القهوة ادهم،، انا عايزك تبقي بيبي سيتر لنادين بنتي و حديكي ضعف المرتب بتاعك هنا تفاجأت مريم بعرضه و لم تعرف كيف ترد ، لم تعرف لماذا كانت متوتره لوجودها معه او حتى النظر الى عينيه يارا،، انت حتفضلي ساكته كتير مريم بتوتر،، بس انا معرفش يعني اقصد انا مشتغلتش مع اطفال قبل كده ادهم،، انسه ،، اسمك ايه ؟؟ مريم، بأنزعاج ،، اسمي مريم ادهم ،، انا شايف ان نادين مرتاحه معاكي و ده اللي بيهمني مريم،، بس شغلي هنا ازاي ،،، ادهم،، انا اتفقت مع الدكتوره على كل حاجه ، موافقه و لا اشوف غيرك طريقة كلامه كانت مستفزة و يتحدث بلهجة غرور زعجت مريم ، و لكنها تذكرت معاناتها مع رحلة البحث عن عمل و لكنها الان امام خيار صعب ،، اذا وافقت على العمل سيتضاعف راتبها و تستطيع مساعدة والدتها و ايضا ستكون بجانب نادين الطفله اللتي احبتها من اللحضه الاولى ، لكن كيف تتعامل مع ذالك المغرور ،، و اذا رفضت العرض ستطردها يارا من العمل بكل الاحوال كانت الافكار تدور في رأسها و لاتعلم كيف تقبل او ترفض هذا العمل و لكن ادهم قطع شرودها ادهم،، على فكره انا عندي شغل مش حستنى اليوم كلو مريم،،بتوتر،، خلاص انا موافقة ادهم بأرتياح،، كويس ،، ده عنوان البيت تيجيني بكرا الساعة تسعة بالدقيقة تكوني عندي مريم ،، و حمشي الساعه كام ادهم،، لما انا ارجع من الشغل تبقي تمشي،، و بكرا ابقى اشرحلك تعملي ايه مريم،بتوتر ،،، حاضر ادهم سحب الجاكيت من الكرسي المجاور بهدوء ،، انا لازم امشي دلوقتي اتأخرت على الشغل يارا،، اوكي بس عشان خاطري متفكرش كتير و خلي بالك من نفسك ادهم،، ابتسم بهدوء ليارا،، متقلقيش استغربت مريم من اخر جمله قالتها يارا لأدهم و لكنها كانت سعيده نوعاً ما انها لن تضطر للانصياع لأوامرها و عجرفتها يوماً اخر،،،،،، و لكنها لا تدري ماذا ينتضرها في منزل ادهم ،،،،، ،،،،،،،،،،،،،،،،،،،،،،،،، قصت مريم كل ما حدث على والدتها و اختها و اعجبتهم الفكره لأنها بالطبع لم تخبرهم عن طريقه تعامل ادهم السيئه معها ،،،،، اما في منزل ادهم زعج هذا الخبر والدة ادهم نهلة،، و لازمتهه ايه تجيبلهه مربيه و احنا كلنا في البيت ادهم،، لا انتو على طول بره البيت و البنت محتاجه حد معاها على طول نهلة،، يعني منتحركش من البيت يا ادهم ، دي لسه عيله صغيره و بكره تتعود ادهم،، انا ملطلبتش منكو توقفو حياتكو عشانهه بس انا مش عايز بنتي تقعد لوحدهه و ده حل مناسب للكل رندا،، ايوا يا ماما بصراحه نادين صعب التعامل معاها و انا مش بعرف هي عايزه ايه ادهم،، مش لما تسأليهه و له تقعدي معاها رندا،، قصدك ايه ان انا مش بهتم بيهه ادهم،، مقصديش خلاص من بكرا مش حيبقى فيه مشكله،، هو حسام فين؟؟ رندا،، بأنزعاج،، بيذاكر في اوضتو ادهم،، و انت مش حتذاكري و له ناويه تسقطي السنه دي كمان رندا،، لعلمك انا بذاكر اكتر من حسام بس انت اللي بتكون في الشغل و متشوفنيش ادهم،، كلو حيبان اخر السنة نهلة ،، سيبك من اختك و قلي انت اتصلت بمراتك ادهم تغيرت ملامح وجهه ،، مش حتصل يا ماما و ارجوكي بلاش كل شويه تسأليني عشان انا مش حتصل بيهه خالص !!!!! نهلة،، لو اعرف بس عملتلك ايه يا بني انا مامتك و محدش بيخاف عليك ادي ادهم ، قبل يديها،، ربنا يخليكي لية بس صدقيني انا مرتاح من غيرهه بلاش تدخليهه حياتي تاني عشان المره دي مش حستحمل نهلة بحزن على حاله ،، خلاص يا حبيبي انا عايزه اشوفك مرتاح و مش عايزه حاجه تاني من الدنيا ادهم،، و انا مرتاح كده ،، انا طالع لحسام ،، عن اذنكو ،،،،،،،،،،،،،،،،،،،،،،،،، ،،،،،،،،،،،،،،،،،، دخل ادهم الى غرفة اخيه بهدوء ليجده منهمك في الدراسه ادهم،، قاعد انت هنا و سايب ماما و رندا ياكلو دماغي حسام،، بذاكر انا عايز اخلص الماده دي قبل الامتحان و في حجات مش فاهمهه كمان ادهم،، طب يا سيدي ربنا يوفقك ،، اسيبك انا تذاكر براحتك حسام،، هو ايه اللي وره ضهرك ده ،، انت مخبي ايه ادهم بخبث،، هههههههههههه و انت مالك حسام،، كده ماااشي حسام قفز من مقعده و هو يحاول ان يقتلع الصندوق من يد ادهم و هو يضحك اما ادهم فكان يقوامه بشراسه ،،و يضحك من كل قلبه،، و قد تكون هذه الضحكه الاولى اللتي ترتسم على وجه ادهم منذ ذالك اليوم في لندن،،، و اثناء ذالك الصراع على الصندوق ركل حسام اخاه على بطنه ركله خفيفه و لكن رد فعل ادهم كان مفاجئه صاعقه لحسام جعلت عيناه تتسع بصدمة و هو يحاول تقبل ما يحصل ،،،،،،،، تمشي الرياح بما لا تشتهي السفن ،،،،،،،،،،،،،،،،،،،،،،،،، ،،،،،، ايه رأيكو فبارت | ||||||||
|
| |
|
06-05-16, 09:56 AM
| #8 | ||||||||
| مراقبة عامة ومشرفة منتدى الروايات المنقولة
| الحلقة السادسة ،،،،،،،،،،،،،،،،،،،،،، دار بين ادهم و حسام صراع مضحك على ذالك الصندوق اللذي يخبئه ادهم وراء ضهره و لأن ادهم كان قوي البنيه حاول حسام ان يركله ليقتلع الصندوق من يده و رغم انه لم يركله بقوة الا ان ادهم صرخ بتألم ادهم،، تحرك بألم ،، ااااااه ،، ااه بس يا حسام و حاول ابعاده حسام،بضحك،، انت حتمثل عليه هات الصندوق اللي وراك ،، هاتو يا ادهم و الا حاخدو بطريقتي ،، كدده طب خد ،، كان حسام يمزح مع اخيه فبدأ بركله بقوه اكثر و مرات متتاليه و قد بدأ ادهم يستسلم و فجأه سقط الصندوق من يد ادهم و التقطه حسام بفرحة ثم بدأ بفتحه و هو يسخر من اخيه حسام،، اما نشوف مخبي ايه ،، قلتلك انا حجيبو عشان تعرف اني اجمد منك ادهم، ................. فتح الصندوق بحماس ووجد فيه لاب توب جديد و عليه بطاقة ورقيه مكتوب فيها،، { مبروووك عليك يا اجدع محامي فمصر } حسام بفرحة و ابتسامة،، مش معقووول ده اللاب توب اللي كنت عايزو بالضبط انا مش مصدق انك جبته ،، ده انت اللي اجدع اخ في الدنيا رفع حسام رأسه ليشكر ادهم و لكنه تفاجأ عندما وجده جالس على الارض و يضع يده على بطنه بألم ،، يعض على شفتيه بقووة و يتلوى في مكانه من الالم حسام،، بصدمة،، ادددهم مالك انت كويس ادهم لم يستطيع الاجابة و اكتفى بان يغمض عينيه بقوة و هو يتنفس بسرعه حسام ،، اقترب منه غير مصدق ،، انت بتعمل عليه فلم يا ادهم صح، خلاص بطل تمثيل انت عارف اني بقلق عليك بجد حتى لو بتمثل ادهم،، مد يديه الى حسام و قال بصعوبه،، قومني يا حسام حسام بحيره ، لم يكن يعلم اذا كان ادهم جاد فيما يقول او انه يحاول اثاره شفقته و لكنه ساعده على القيام من الارض و فور قيامه انتبه حسام ان يد ادهم تلطخت بالدماء اللتي لوثت قميصه الابيض حسام بصدمة،، ايه ده !!! ايه الدم ده يا ادهم انت اتعورت ،، انا اللي عورتك صح ،، بس ازاي ادهم رد عليه انت كويس ادهم بصعوبه ،، اهدى انا كويس حسام،، كويس ايه ،، الدم ده جاي منين ابعد ايدك وريني ادهم،، بالراحة يا حسام حسام، بخوف،، حاضر بس ابعد ايدك دي ادهم ،، خلاص مفيش داعي ده جرح بسيط حسام بقلق ابعد يد ادهم بقوه عن بطنه ثم فتح ازرار قميصه و كانت صدمته لا توصف عندما رأى جرح كبير جدا في بطن ادهم و الدم يتساقط منه،، اتسعت عينيه حسام،بحيره،،، ايييه ده ؟؟؟ انت عامل عمليه ؟؟؟ ادهم،، حاول ان يخفي المه و يتمالك نفسه،، ايوا ده جرح العمليه ،، متقلقش عليه بس هاتلي قطن او اي حاجه اوقف الدم بيهه حسام ،، اي حاجة ايه قوم معايا بسرعه ،، ازاي سبتني اخبطك على مكان العمليه ، انا السبب ،، يلا خلينا نروح المستشفى ادهم،، لا مفيش داعي شويه و حبقى كويس حسام،، انت بتهزر ، مستحيل اسيبك كده و بعدين انت حتى تنفسك مش مضبوط ارجوك عشان خاطري لازم نروح المستشفى استسلم ادهم لطلب حسام لأنه هو ايضا شعر بوخز في مكان الجرح و الم مضاعف ،،،،،،،،،،،،،،،،،،،،،،،،، ،،،،، في المستشفى جلس حسام في قاعة الانتضار يلوم نفسه و يتذكر كيف كان يركل ادهم بقوة ثم خرج الطبيب من غرفة الفحص حسام بلهفة،، طمني يا دكتور الدكتور ،، للأسف الغرز اتفكت و لازم نعيد الخياطه حسام،، يعني هو حيبقى كويس ،، ممكن اشوفو الدكتور ،، ان شاء الله ،، متقلقش هو الضاهر لما اتخبط على نفس المكان اكتر من مره الغرز اتفكت و ده اللي سبب النزيف و كمان الجرح ملتهب جدا و كان لازم ياخد مضاد حيوي بس هو كيد مش ملتزم بالدوه حسام،، بحزن،، انا كمان لاحضت ان تنفسه مكانش مضبوط الدكتور،، لا ده من الربو و بقه كويس متقلقش،، انا حدخله دلوقتي عشان نعيد الخياطه و ممكن تشوفو لما يخرج حسام ،، شكرا يا دكتور ،،،،،،،،،،،،،،،،،،،،،،،،، ،،،،،، كان قلق جدا على ادهم و يشعر بالذنب و هو يراقب اي ممرضه او طبيب يمرون امامه لعلهم يطمئنوه على اخيه ثم رن هاتفه فرد بتوتر حسام ،، ايوا يا ماما نهلة،، انتو فين رندا بتقول انك خرجت مع اخوك و كان شكله تعبان و متسند عليك ،، هو كويس طمني حسام،بتردد،، متقلقوش هو كويس بس عندو دور برد جامد و انا خدتو على المستشفى نهلة،، متأكد انه كويس ، انا صوتك مش عاجبني اوعى تكون مخبي حاجه حسام ، بتوتر،، لا حخبي ايه بس نهلة،، طب اديهوني اكلمه حسام،، مينفعش اصله خد دوا و نايم نهلة ،، طب حترجعو امته و له اقلك انا جيالكو حسام،، لا يا ماما احنا مش حنتاخر الحكايه مش مستاهله متقلقيش نهلة ،، بس اول لما يصحى تخلي يكلمني عايزه اتطمن عليه و كمان نادين عايزه تكلمو و مش راضيه تنام حسام،، حاضر اول ما يصحى هخليه يكلمكو ، انا لازم اقفل دلوقتي نهلة،، ماشي بس اوعى تنسى تطمني انا قاعده على نار ،،،،،،،،،،،،،،،،،،،،،،،، خرج الطبيب ليطمأن حسام و اخبره ان كل شئ على ما يرام و لم تحدث اي مشاكل و لكنه بحاجه للراحه على الاقل عدة ساعات قبل ان يسمح له بالذهاب للمنزل شعر حسام بالارتياح الشديد و طلب من الطبيب ان يسمح له برؤية اخيه في غرفة ادهم،،، فتح عينيه و ابتسم لحسام بتعب حسام ،، بلهفه شديده ،، ادهم انت سامعني ادهم،، اكيد سامعاك انت بتزعق في وداني ضحك حسام بقلق،، انا اسف و الله مكنتش اقصد كان لازم اوقف الهزار لما قلتلي بس انا سوقت فيهه ادهم بأبتسامة،، انا اول مره اشوفك قلقان عليه، على كده انا غالي عندك اوي حسام،،، انت عارف انك ابويه مش بس اخويه ،، بابا طول الوقت في الشغل و انت اللي علمتني كل حاجه ، اوعى تخليني اقلق عليك بالشكل ده تاني ادهم احتضنه بحنان،، بصلي انا كويس اهو بلاش تلوم نفسك على حاجه انت ملكش ذنب فيهه،، انت مكنتش تعرف حسام،، بس دلوقتي لازم اعرف ،، ايه اللي حصل في لندن و دي عملية ايه ؟؟؟؟ ادهم ،، بلاش يا حسام تفتح مواضيع تتعبني اكتر ارجوك حسام،، لا !!! انا مش قادر اشوفك كده خلاص ،، صدقني محدش حيعرف ارجوك لازم تتكلم عشان ترتاح نظر ادهم الى اخيه بحسرة و الم ،، اخذ نفساً عميقا و بدأ يقص على حسام ما حدث تلك الليله في لندن ادهم،، انا كنت شغال على فكره مشروع كانت حتكسر الدنيا ،، كنت بشتغل ليل و نهار و عملت التصميمات و جبت كل التصاريح المطلوبه ،، سنتين شغل ،، كنت بنام اربع ساعات بالكتير فاليوم عشان اقدر اوفق بين شغلي و المشروع و البيت ،، كنت بحكي لشيرين على كل تفصيله فيه و كانت بتبقى طايرة من الفرحه و متحمسه اكتر مني،، و يوم ما خلصتو كان اسعد يوم في حياتي ،، خرجت مع شيرين و سهرنا بره للصبح ،، كانت الفرحة مش سيعاني و،،و،،و حسام،، كمل وقفت ليه ادهم،بتوتر،، مش عايز افتكر يا حسام ارجوك حسام،، و حتهرب لحد امته اتكلم انا عايز اعرف اللي حصل ،، المشروع اتنفذ و له لا؟؟ ادهم بحزن،،، بعد ما خلصتو رحت عشان اعرضو على الشركه المنفذه ،، بس لما رحت قالولي ان المشروع ده قدمو مهندس تاني امبارح و اسمه زياد سالم حسام صعق من الخبر و قال بصدمة ،،،ايه زياد صاحبك ازاي ؟؟؟؟؟؟ ادهم ،، انا مكنتش مصدقهم ،، زياد ممكن يخون نفسه بس ميخونيش انا، قلتلهم مش زياد اللي يعمل فيه كده ،، رحت شقته زي المجنون و انا حاسس ان الدنيا بتلف بيه و مش فاهم ازاي تعب السنين ده يضيع في لحضة و ازاي ممكن صاحب عمري يخونني ،، كدبتهم كلهم و رحتلو عشان اسألو و لما و صلت و قبل ما اخبط على الباب سمعته بيتكلم مع وحده و بيقولهه زياد ،، خلاص انا من هنا ورايح اسمي المليونير زياد سالم شيرين،، متنساش ان لولى اني اديتك مفتاح الشقه لما خرجت مع ادهم مكنتش حتقدر تاخد المشروع و تقدمو قبلو زياد،، مش ناسي يا روحي ده انت وش السعد و خلاص المشروع بقه بأسمي و تقدري تخلصي من ادهم شيرين،، اخيررا انا كنت قرفت منه و من تعقيداته الزايده و الغيره المصريه بتاعتو دي ،، مش فاهم انه دلوقتي في لندن و الناس هنا هاي كلاس زياد ،، خلاص بطلي كلام عن ادهم الليله دي بتاعتنا انا و انت و عقبال حفله جوازنا و طلاقك من سي زفت شيرين بدلع ،، بحبك يا بيبي انا في اللحضة دي كنت حاسس اني بجد حتجنن كنت عايز اقتلو و اقتلهة ،، رجليا مكانتش شيلاني كنت مصدوم و مش قادر استوعب اني اكتشفت ان مراتي بتخوني مع صاحبي و كمان سرقو المشروع اللي حطيت فيه كل احلامي و حسيت فجأه اني لازم انتقم منهم ،، كسرت الباب عليهم و دخلت و لقيتهه فحضنو ،، هي هربت لما شافتني و انا منظرها معاه خلاني مش شايف حاجه قدامي ،، مسكت حسام و خنقته بأيدي كان نفسي اموتو و اموتهه بس هو لحق نفسه و سحب السكينة بتاعت الاكل وضربني بيهه فبطني .... فاضت عيون ادهم بالدموع و هو يتكلم و لكن حسام حاول ان يحسسه بالتفهم رغم انه كان في قمة الغضب و الحزن على حال ادهم حسام،، الكلب ،،، الواطي ،، كل ده يطلع من زياد ده طول عمرو بيقول انك اخو و بعدين انت اكيد رميتو فالسجن ادهم ضحك بسخريه ،، لما فتحت عنيه في المستشفى شيرين كانت واقفة جانبي و هددتني اني لو رفعت قضيه على زياد حتحرمني من نادين طول عمري و انا كنت متأكد انها تقدر تعمل كده ببساطه ،، و اضطريت اتنازل عن حقي و قولت اني انا اللي عملت كده فنفسي بالغلط و خرجت من المستشفى من غير ما حد يعرف ،، طلقتها و جيت على مصر بسرعه انا و نادين حسام ،، كل ده يحصلك من غير ما حد فينا يعرف ،، ليه استحملت حاجه زي دي لوحدك ادهم،، انا مش قادر استوعب اللي حصل لحد دلوقتي شيرين اللي انا وافقت على كل شروطها و عشت في لندن عشانها ، تعمل فيه كده،، يا ترى هم بقالهم اد ايه مع بعض و انا الغبي اللي واثق فيهه ،، تدفقت الذكريات الى رأسه و هو يحاول محاربتها بكبريائه و لكن انهار للحضه في حضن اخيه و بكى بشده و هو يقول،، ليه عملت فيه كده انا عمري محبيت حد غيرها لييييه !!!! كانت الصدمة اكبر من ان يتحملها ادهم لوقت اطول ،، جرحته شيرين في رجولته و طعنه زياد في ضهره ،، في لحضة واحده اختفت كل احلامه و خسر زوجته و حلم حياته ،،،، كان يبكي بحسره و من كل قلبه في حضن حسام و هو يتذكر زوجته اللتي حطمت فيه كل معاني الحب و الصديق اللذي دمر حلمه و خانه مع حبيبته !!!!! حسام بدموع،،، اهدى ارجوك اهدى كده مش كويس عشانك ادهم،، عاد برأسه الى الوراء و مسح دموعه ،، الحمد الله على كل حال حسام،، ايوا كده ،، انت عندك ثقة في ربنا و الحمد الله انهم اتكشفو قدامك ادهم بعصبيه،، انا مش قادر انسى منظرها وهي في حضنه مش قااادر حسام،، والله بكرا تنساها دي واحده متستاهلش انك تفكر فيهه ،، انت حبيتها و هي خانتك يبقى هي اللي لازم تفكر فيك مش العكس ادهم،، بصوت مخنوق،، انا عايز اخرج من هنا حسام ،، الدكتور قال بعد شويه مش دلوقتي ادهم،، انا حاسس اني بتخنق هنا ارجوك خلينا نرجع البيت حسام ،، بس مينفعش الدكتور،،،، قاطعه ادهم ،، انا خارج لو مش عايز تيجي معايا حخرج لوحدي حسام بتفهم ،، خلاص خلاص ،، انا حعدي بكرا و اجيب باقي الدوا ادهم،، طب يلا بسرعه ساعده على تغيير ملابسه و اخبر الممرضه انهم سيخرجو من المستشفى و رغم اعتراضها لم يعير ادهم اي اهتمام فقد شعر انه يختنق في هذه الاجواء في سياره حسام حسام،، ماما كل شويه تتصل عايزه تتطمن عليك ادهم ،، بخوف،، هي عرفت حاجه حسام ،، لا متخافش انا قلتلهه انك عندك دور برد جامد، بس انت اقفل الجاكيت عشان الدم ميبانش ادهم،، هي الساعه كام دلوقتي حسام ،، حوالي تلاته الصبح ادهم،، اكيد نادين عامله حفله دلوقتي حسام،، ايوا ماما قالت انها مش راضيه تنام غير لما انت تيجي ،،،،،،،،،،،،، وصلو الى المنزل ووجدو الجميع في الصاله بأنتضارهم و حتى نادين كانت نائمة في الصاله ادهم ،، والله مفيش حاجه ليه قلقانين كده نهله،، يعني انت كويس يا حبيبي و الله كان قلبي حيقف لما رندا قالتلي انك تعبان مصطفى ،، ازيك يا بني حاسس بأيه ادهم،، الحمد الله انا احسن دلوقتي رندا،، كان شكلك تعبان اوي لما خرجتو من هنا ادهم بأبتسامه ،، انا كويس يا رورو متقلقيش حسام ،، شفت اهي نودي نايمة هنا مش قلتلك نهلة ،، فضلت تحاول تصحي نفسهه عشان تستناكو بس مفيش فايده ادهم،،انا حاخدهه سريرها اقترب من نادين ليحملها و لكنه شعر بالالم عندما انحنى و انتبه حسام فذهب اليه بسرعه حسام،، انا اللي حشيلهه انت لسه تعبان نهلة ،، ربنا يخليكو لبعض يا حبايبي مصطفى،، عايز حاجه يا ادهم قبل ما ننام ادهم ،، لا ربنا يخليكو ،، اطلعو استريحو شويه وضع حسام نادين في سريرها و اصر ادهم ان ينام بجانبها هذه الليله ،، شعر بالدفئ لنومه بجانبها و كأنها تنسيه كل الهموم و الذكريات المؤلمة و اغمض عينيه و غط في نوم عميق ،،،،،،،،،،،،،،،،،،،،،،،،، ،،،،،، في الصباح استيقضت مريم من نومها مبكرا جدا لكي لا تتأخر و صلت فرضها وقرأت بعض الايات اماني بنعاس ،، ايه اللي مصحيكي من دلوقتي مريم،، مش عايزة اتأخر ،، لو اتأخرت دقيقه حسمعلي كلمتين على الصبح و انا مش ناقصه اماني،، ده اللي اسمه ادهم شكله صعب اوي مريم بحيره،، مش عارفه انا حاسه انه مخبي حاجه او زعلان من حاجه ،، فجأه تحسي انه تعصب من غير سبب اماني،،، ربنا يعينك و لو قالك حاجه متزعليش الضاهر انه معقد مريم،، انا شغلي حيبقى مع نادين و بس و ربنا يساعدني و اقدر استحمل غلاسة بباها اماني ،، يلا روحي غيري و انا ححضرلك الفطار مريم،، من امته الدلع ده كلو اماني،، يعني مش كفايه انك قبلتي تشتغلي عند واحد زي ده عشاني انا و ماما مريم،، متقوليش كده هو انا ليه مين غيركو في الدنيا اماني،، ربنا يخليكي لينة يا ميرو يا عسل وفي تمام الساعة التاسعة رنت مريم جرس منزل ادهم ،،،،،،،،،،،،،،،،،،،،،،،،، ،،،،،،،،،،، يارب يكون عجبكو و اخيرا عرفنا حكايه ادهم و شيرين !!! تفتكرو ايه اللي حيحصل مع مريم في بيت ادهم ؟؟؟ | ||||||||
|
| |
|
06-05-16, 09:58 AM
| #9 | ||||||||
| مراقبة عامة ومشرفة منتدى الروايات المنقولة
| الحلقة السابعة ،،،،،،،،،،،،،،،،،،،،، طرقت مريم الباب عدة مرات ثم فتحت لها الخادمة امينة،، سيده كبيرة في السن و طيبة القلب،، اخبرتها مريم عن سبب قدومها و طلبت منها ان تنادي على ادهم امينة،، هو لسه نايم مريم،، بأستغراب،، بس هو طلب مني اجي الساعه تسعه بالظبط امينه،، معلش يا بنتي هو مواعيدو مضبوطه بس امبارح رجع متأخر مريم شعرت بالاحراج و لم تعرف ماذا تفعل امينة،، ايه رأيك تيجي تشربي معايا القهوة في المطبخ لحد ما سي ادهم يصحى ،، اصل كل اللي فالبيت خرجو مريم بأمتنان،، متشكره اوي تحدثت مريم مع تلك السيده لفتره طويله ،، كان حديثها ممتع يذكرها بحديث والدتها و شعرت بالاطمئنان لوجودها معها امينه ،، بما انك حتبقي موجوده معانا كل يوم انا حوريكي البيت و اوضة نادين و اي حاجه تحتاجيهه تقدري تسأليني مريم،، انا متشكره اوي بس ممكن نستأذن من الاستاذ ادهم الاول امينه،، متقلقيش هو اللي موصيني اوريكي البيت و اعرفك النضام هنا مريم،، نضام ؟؟ امينه،، ايوا اصل الست نهلة مبتحبش حد يغير نضام البيت ابدا حتى الغدا و العشا بمواعيد بس سي ادهم طيب اوي متقلقيش ابتسمت مريم بسخريه و قالت في نفسها،، اه ماهو باين انه طيب اداني معاد و حضرته لسه نايم و انا اللي بستناه ،، ايه قلة الذوق دي شرحت لها امينة عن طباع اهل المنزل قليلا و الاشياء اللتي تزعج نهلة ثم اخذتها في جوله سريعة في ارجاء المنزل و الحديقة حتى وصلو الى غرفة نادين امينه،، الساعة دلوقتي عشره تحبي تصحي نادين بنفسك مريم بفرحة،، اكيد طبعا امينه ،، الاوضه دي اوضتها ادخلي و انا حروح احضرلها الفطار مريم،، اوكي شكرا دخلت مريم الغرفة بحماس لتوقظ نادين و لكن اصابتها الدهشه و الاحراج عندما وجدت ادهم نائم على السرير بجانب نادين ،، خرجت بسرعه و اغلقت الباب بقوة لا ارادياً و هي تتنفس بسرعه و حمرة الخجل تكسو وجهها مريم،، ايه ده بيعمل ايه هنا انا شكلي دخلت اوضه غلط ثم وقفت بجانب الباب بتوتر لا تدري هل يجب ان تدخل مره اخرى ام تذهب من المكان بسرعة صوت الباب العالي جعل نادين تصحو من نومها و عندما وجدت والدها نائم بجانبها ارتسمت ابتسامة على شفتيها و احتضنته بقووة و هي تقول نادين،، بابي انت جيت فتح ادهم عينيه بنعاس و ابتسم لها ،، صباح الخير يا ندوشة نادين،، صباح النور يا بابي انت لسه تعبان ادهم،، لا يا روحي انا بقيت كويس احتضنته نادين بفرحة و لكنها ضغطت على مكان الجرح بدون قصد مما جعل ادهم يصرخ بصوت مكتوم ،، اااه ووضع يده على بطنه بألم نظرت اليه نادين بخوف واستغراب ادهم بألم ،، بالراحة يا نودي نادين،بصوت طفولي،، انت بطنك بتوجعك ادهم،، شويه يا حبيبتي نادين اقتربت من بطنه و قلبته بحنان على مكان الالم كما يفعل هو معها و قالت بفرحة،، انا بوستها خلاث مث حتوجعك تاني ضحك ادهم من قلبه رغم الالم و احتضنها و قال ربنا يخليكي ليه يا دكتورة نودي كان ادهم يشعر بالدوار لان الطبيب اعطاه نسبه كبيره من المسكنات الليله الماضيه بالاضافة انه لم ينل قسطاً كافياً من الراحة ،، تمدد على سرير نادين بتعب ثم طلب منها ان تنادي على حسام لانه هو اللذي يحتفظ بدوائه منذ الامس خرجت نادين من الغرفة فوجدت مريم امامها،، تفاجأت كثيرا ثم احتضنتها بفرحة غير مصدقه و بالطبع تفكيرها الطفولي جعلها تسحب مريم من يدها و تدخلها الغرفه مريم ،، نادين استني بس نادين ،، بفرحة،، بابي مريم جت كان الموقف محرج جدا فهي تقف امامه و قد اخفضت رأسها خجلاً و هو مضطجع على السرير مندهش لوجودها في الغرفة ثم قطعت مريم الصمت بأحراج وقالت ،، صباح الخير ادهم بتوتر و احراج،، اهلا قصدي صباح النور ممكن تستنيني برا شعرت مريم بالاحراج الشديد من كلماته فخرجت بسرعه من الغرفه بدون ان تنطق بكلمة و خرجت نادين ورائها نادين،، انت جيتي تشوفيني مريم مازالت محرجه من موقف ادهم ،، ها ، ، ايوا انا حجيلك كل يوم و نقعد مع بعض لحد ما بابا يرجع نادين،، بفرحة لا توصف،، بجد كل يوم مريم ،، ان شاء الله في هذ الاثناء خرج ادهم من الغرفة و هو يمشي بصعوبه و يبدو عليه التعب و يحمل بيده ورقه استغربت مريم طريقه مشيته لانه كان يمشي ببطأ و تعب ثم مد يده لمصافحتها شعرت بأحراج اكثر و اكثر و لم تعلق على الموقف ادهم،،، اااه انت من النوع اللي مبيسلمش و كده ،، حركات مكشوفه اوي على فكره مريم ،، بغضب ،، تقصد ايه ؟؟؟ ادهم،، مقصدش خلاص خدي الورقه دي فيهه كل الاكلات اللي نادين بتحبهه و اللي بتكرهه و كمان كتبت فيهه عنوان النادي لو حبت تروح تقدري تاخديهه و السواق موجود ،، اما بقى اللي انا عايزو منك فهو،، هو،،، توقف ادهم عن الكلام لانه شعر بالدوار و حاول ان يتمسك بالطاوله القريبة منه ليستند عليها مريم تفاجأت و شعرت انه متعب فعلا ،، استاذ ادهم حضرتك كويس و مدت له يدها لتساعده ادهم ابعدها بحده،، انا كويس ،، ثم اكمل حديثه بصيغة الامر،، انا عايزك تعلمي نادين على العادات بتاعتنا و كمان مش عايزها تتكلم غير عربي و لازم تعرفي ان هنا في نضام امينه تبقى تفهمك عليه مريم بضيق،، ايوا هي فهمتني على النضام هنا ،، ادهم،، انا مش عايز تطلبي اجازات كتير انا مشغول و لازم ابقى متأكد ان نادين معاها حد و انا سايبلك فلوس مع امينه لو خرجتو و احتاجت حاجه مريم،، بتوتر،، حاضر يا استاذ ادهم فهمت كل حاجه بس هي المدام بترجع امته عشان اضبط مواعيدي معاها كلمات مريم فجرت غضبه و قال بصراخ،، انت هنا عشان تعملي اللي انا اقولو و بس و اوعي تدخلي في حاجه تاني فاهمة !!! ثم تركها مصدومة و ذهب الى غرفته و الشر يتطاير من عينيه دمعت عيون مريم و شعرت بالاهانة الشديده ثم مسحت دموعها بسرعه و قالت ،، ماشي يا ادهم يا انا يا انت و انا بقه اللي حعرفك ازاي تعامل الناس بذوق غصباً عنك ،،،،،،،،،،،،،،،،،،،،،،،،، ،،،،،،،،،،،،،،،،،،، قضت مريم يومها الاول باللعب مع نادين و التعرف عليها اكثر و لكنها كانت مستغربه من وجود ادهم في المنزل و عدم ذهابه للعمل ثم رن هاتفها فابتعدت قليلاً عن غرفة نادين و ردت على اماني اماني،، انت فين يا بنتي بقالي ساعه بتصل بيكي مريم،، كنت عامله تليفوني سايلنت ،، خير فيه حاجه اماني ،، لا مفيش بس انا كنت عايزه اتطمن عليكي ، عملتي ايه مع نادين مريم،، نادين دي عسل انا حبيتهه اوي و هي كمان بتحبني و مبتتعبنيش خالص بس لولا بباها ده كان كل حاجه بقت كويسه اماني،، ايه هو زعلك في حاجه مريم،، مفيش حاجه معينه بس هو عصبي اوي و بيتعصب عليه من غير سبب اماني،، هو فاكر انك خدامه عندو انت شغلك تقعدي مع بنتو و بس مش المفروض يعاملك وحش مريم،، تعرفي انه قاعد في البيت و مراحش الشغل انهارده ،، الضاهر انه مش بيثق فيه اصلا ،، شكله معقد زي مقلتي و كمان معنوش ذوق اماني،، لا هو لو مش بيثق فيكي مكانش سابلك بنته مريم،، ربنا يسهل خلاص انا حروح لنادين و اشوفك في البيت انهت مكالمتها و استدارت لتعود الى غرفة نادين فوجدت ادهم يقف ورائها !!!!!!!! مشاعر متضاربه و دخلت الى قلبها في هذه اللحضه المفاجئه، الخوف، الشعور بالذنب ، و الاحراج الشديد من ادهم اللذي سمع كل مكالمتها و كلامها عنه شعرت انها ستطرد من المنزل في هذه اللحضه و لم تجرؤ على رفع عينيها لتنضر الى وجهه و التزمت الصمت و يقف ادهم و الشر يتطاير من عينيه و هو ينظر اليها و لكنه لم يقل شئ بل انه تضاهر بعدم سماعه للمكالمه و مر بجانبها و دخل الى غرفته بهدوء دون ان يقول شيئا وقفت تنظر الى المكان اللذي كان يقف فيه مصدومة غير مصدقه ،، كيف يكون هذا نفس الانسان اللذي وبخها قبل قليل و لماذا لم يعلق على ما سمعه فهي كانت متوقعه ان تسمع منه كل انواع التوبيخ و الكلام القاسي ،،، نادين،، مالك يا مريم مريم بعدم تركيز ،، ها ،، لا لا مفيش حاجه نادين ،، طب مش حتلعبي معايا مريم،بتوتر ،، ايوا يلا بينا ،،،،،،،،،،،،،،،،،،،،، مرت الساعات و لم تخرج مريم من غرفة نادين خوفاً من ان تحتك بأدهم مرة اخرى و كانت تسمع بعض الاصوات في المنزل حتى دخل الى الغرفة شخص لم تراه من قبل حسام،، السلام عليكم مريم ،، و عليكم السلام نادين قفزت لتحتضنه،، انكل حسام انا غلبت مريم حسام،، و هو يقبلها،، برافو عليكي يا شاطره ثم قال لمريم انت اكيد البيبي سيتر الجديده مريم ،، ايوا انا اسمي مريم حسام بأبتسامه،، اهلا وسهلا انا حسام اخو ادهم ،، يارب تكون نادين مش مغلباكي مريم ،، لا بالعكس دي هاديه اوي حسام ،، ان شاء الله ترتاحي معانا مريم بأرتياح ،، شكرا حسام ،، اكيد ادهم معرفكيش على العيله ،، اخويه و انا عارفو مريم،، لا هم مكانوش موجودين لما جيت حسام،، و لا يهمك يا ستي تعالي انا اعرفك عليهم خرجت مريم مع حسام بخجل و هي تقول في نفسها الحمد الله ان فيه حد هنا طايقني ،، ازاي دول اخوات واحد طيب اوي و التاني معدوش ذوق خااالص عند وصولها الى الصاله كانو الجميع مجتمعين على مائده العشاء حسام ،، اعرفكو يا جماعه مريم البيبي سيتر الجديده رحب بها مصطفى بحراره اما رندا و نهلة سلمو عليها ببرود و هم يحدقون بها و بملابسها البسيطه رندا بصوت خافت ،، ازاي ادهم يخلي بنتو تقعد مع الاشكال دي ،، دي باين عليهه بلدي اوي بصي لابسه ايه نهلة ،، انا عارفه اخوكي بيتعرف على الاشكال دي منين مصطفى ،، اتفضلي يا بنتي معانا على العشا مريم بأحراج،، لا متشكره انا شبعانه حسام ،، احنا مبنقبلش اعذار ،، يلا عشان يبقى عيش و ملح ،،،،،،،،،،،،،،،،،،،،،،،،، ،، جلست مريم على المائده بهدوء و هي محرجه من نضرات رندا و نهلة لها ،،، و اصرت نادين الجلوس بجانبها ،، بدأت بأطعام نادين و قد انتبهت ان ادهم لم يكن موجوداً على السفره و لكنها كانت تستمع للحديث اللذي يدور بجانبها عنه ،،،، نهلة،، امال ادهم فين حسام ،، نايم في اوضتو مصطفى ،، هو اكل اي حاجه النهارده حسام،، مش عارف انا لسه جاي حالاً و دخلت لقيتو نايم نهلة،، انا كمان لما رجعت دخلت اوضتو لقيتو نايم رندا ،، سيبو يا ماما هو لسه تعبان نهلة،، هو الدكتور قالك ايه امبارح حسام بتردد،، هو قال انه دور برد بس جامد شويه نهلة،، انا قايمة اصحي عايزه افهم منه مالو حسام بتوتر،، بلاش يا ماما سيبي يستريح ده كان تعبان اوي امبارح نهلة،، تعبو ده مش من دور برد انا عارفه ابني كويس كلو من اللي اسمهه شيرين مصطفى،، خلاص صفحة و اتقفلت بلاش نجيب سيرتها تاني قاطعتهم نادين ،، انا حروح اشوف بابي حسام،، لا يا حبيبتي بابي تعبان دلوقتي نادين،، الصبح كانت بطنو بتوجعو و مجاش يلعب معايا مصطفى بأستغراب ،، بطنو بتوجعو؟؟؟؟ نهلة،، انا حاسه ان فيه حاجه و لكن حسام تدارك الموقف بسرعه ،، مفيش حاجه صدقوني هو محتاج يرتاح سيبو شويه و حيبقى كويس مريم كانت تستمع لهم و هي تشعر بالذنب لأنها ضنت انه لا يثق بوجودها في المنزل مع نادين بمفردها و لم تكن تعلم انه مريض ثم تذكرت كيف كان يشعر بالدوار صباحاً ،،، و شعرت بالذنب اكثر لانه لم يوبخها على ما سمع في المكالمة ، استأذنت من الجميع بالذهاب الى منزلها و شكرتهم على العشاء و خرجت بسرعه في طريقها الى المنزل كانت تفكر فيه و تقول في نفسها يا ترى مين شيرين دي مراتو و له واحده تانيه و ليه بيقولو انها سبب تعبو ،، انا ايه اللي خلاني اقول لاماني الكلام ده و انا فبيتو ،، بس هو ليه مكلمنيش و مشي بسرعه ،، الراجل ده غريب بجد و انا مش عارفة افهمو عادت الى منزلها و ذهبت الى النوم بسرعه لتهرب من الافكار الكثيره اللتي راودتها ،،،،،،،،،،،،،،،،،،،،،، و في الصباح كانت متوتره و خائفة من ان ترى ادهم مره اخرى و ماذا سترد عليه ان ذكرها بكل ما قالته عنه في الامس......... دخلت المنزل و سلمت على نهلة ثم حسام و ذهبت الى نادين كان يومها يمر عاديا لعبت مع نادين و علمتها بعض الارقام ،، استمتعت بوقتها جدا خصوصا عندما علمت ان ادهم في الشركه بعد كم ساعه من اللعب استسلمت نادين للنوم،، فتركتها مريم و جلست في المطبخ و هي تتناول القهوة مع امينة ثم قاطع جلستهم ادهم و هو يدخل المطبخ امينة،، هو حضرتك رجعت امته ادهم،، من شويه امينه ،، تحب احضرلك الغدا ادهم،، لا بس اعمليلي قهوة امينة،، حاضر ،، ذهبت لتصنع القهوه اما مريم فخرجت ورائه الى الممر القريب من المطبخ مريم،، القهوة من غير اكل مش كويسه على فكره توقف ادهم عن المشي عندما سمعها و استدار بغضب قال بعصبيه ،، انت مالك حد طلب رأيك مريم بتوتر ،، انا اسفه ،، على اللي قلتو امبارح ادهم،، اقترب منها بسرعه و توتر ،، اسفه على ايه انك قلتي اني معقد و معنديش ذوق تفتكري اني بتأثر بكلام واحده زيك و له حتى افكر فيه ،، لازم تعرفي اني جايبك هنا علشان نادين بتحبك و بس ،، اوعي تتجاوزي حدودك معايا و لا تتدخلي في حاجه تخصني مريم بعصبيه،، انت بتعمل كده ليه ،، ليه بتعاملني بالطريقه دي و انت متعرفنيش اصلا ادهم ،، اقترب منها جدا لدرجه انها بدأت تشعر بأنفاسه و امسك ذراعها بقوه و قال بعنف عايزه تعرفي ليه ، عشان انتو كلكو كده بتحاولو تخلي الكل يثق فيكو و بعدين تخونو بدم بارد كانت مريم مندهشه من ما يحصل و لا تعرف عن ماذا يتحدث او لماذا ينظر اليها بهذه القسوه مريم ،، ابعد عني ايه اللي انت بتقولو ده انتبه ادهم على نفسه فترك ذراعها بسرعه و مشى بخطوات متعثره ليبتعد عنها قدر المستطاع لم تكن هي المقصوده و لكنه كان يرى شيرين امامه كان يقول تلك الكلمات لشيرين ،، شعر بالحيره و الذنب للطريقه اللتي تحدث بها اليها فهي لا تستحق ان تعامل بهذا الشكل و خصوصاً انها تهتم بنادين جيداً رمى بنفسه على السرير و كأنه في دوامة لا يستطيع الخروج منها ، صورة شيرين في حضن زياد جعلته يصل لاقصى مراحل العصبيه و يأذي كل من حوله سالت دموعه لتذكر الماضي و تذكر اول مره رأى فيها شيرين في الجامعه ،، كان انسان مختلف مرح ، خلوق ، لا يأذي احد حتى بالكلام و لكنها صنعت منه انسان بارد مجروح يحاول اخفاء جرحه بأيذاء فتاة مسكينه لم تفعل شئ سوى انها ارادت مساعدته ....... سمع طرقات على الباب فذهب بخطوات بطيئه و عندما فتح الباب كانت تقف امامه مريم مريم،، بضيق،، انا حسيب الشغل من النهارده ياريت تشوف واحده غيري ...... ،،،،،،،،،،،،،،،،،،،،،،،،، ،،،،،،،،،،،،،،، يارب يكون عجبكو ايه اللي ممكن يحصل في الايام الجايه و ازاي مريم حتتعامل مع ادهم ؟؟؟؟ | ||||||||
|
| |
|
06-05-16, 10:00 AM
| #10 | ||||||||
| مراقبة عامة ومشرفة منتدى الروايات المنقولة
| الحلقة الثامنة ،،،،،،،،،،،،،،،،،، مريم ،، انا حسيب الشغل من النهارده ،، ياريت تشوف وحده غيري شعر ادهم بالغضب من كلامها فهو لا يطيق العناد مع انه كان يشعر بالذنب تجاهها قال بعصبية،، لا مش حتمشي مريم بعناد ،، حمشي يا استاذ ادهم و انت مش حتقدر تمنعني و استدارت لتذهب ادهم،بضيق، خلاص استني و انا حزودلك المرتب تجمدت مريم في مكانها و شعرت بالاهانة فنظرت اليه و قالت بعصبيه انت ايه !!! مبتحسش ،، فاكر انك تقدر تشتريني بفلوسك انت من شويه كنت حتضربني ليييه عملتلك ايه بس ،، ليه فاكر ان الناس كلهه عبيد عندك فيه حاجه اسمهه ذوق و ده متقدرش تشتريه بفلوسك استمع ادهم لكلماتها و هو يصارع قلبه اللذي يصدق انها فتاة مختلفة و عقله اللذي يأكد له انها النسخة الثانيه من شيرين و فجأه وجد قلبه يغلبه للحضه و قال ادهم ،، انا،، انا اسف مريم ،، بعناد ،، اعتذارك مش مقبول ادهم بحزن،، ارجوكي استني عشان نادين مريم،، انا حبيت نادين و كان نفسي افضل معاها بس انت الشغل معاك مستحيل ، عن اذنك ادهم وقف امامها ليمنعها من الخروج ،، بلاش تسيبيهه اسمعيني و بعد كده انت حره توقفت مريم و هي تنظر له بملل اكمل ادهم حديثه بتوتر نادين محتاجه لحد يعوضها عن مامتها و هي مش بتحب اي حد بسرعه بس انت الوحيده اللي قدرتي تقربي منهه و تفهميهه و بتخاف تفضل لوحدهه ،، انا اسف على اللي حصل من شويه ،، لو عايزه تعاقبيني بلاش تعاقبيني ببنتي دي الحاجه الوحيده اللي انا عايش عشانهه ارجوكي!!! شعرت مريم بصدق كلامه و لكن اثار استغرابها الحزن اللذي كان يكسو وجهه و صوته و كل جزء فيه مريم،بتوتر،، ممكن اسألك سؤال ادهم،، اسألي مريم،، انت ليه متعصب طول الوقت ليه واخد الدنيا و كأنك في حرب ادهم ، ابتسم بسخريه،، الدنيا هي اللي مش سيباني فحالي مريم،، بس انت انسان ناجح في شغلك و من عيله كويسه و عندك بنت اي حد يتمناها المفروض تكون مبسوط فحياتك ادهم نظر لها بأسى،، ايوا صح انا عندي كل حاجه ،، المهم انت حتستني مع نادين صمتت مريم لتفكر للحضات ثم قالت،، على شرط ادهم،، شروط كمان على فكره انا مش بسمح لأي حد يتشرط عليه مريم،، براحتك ،، عن اذنك ادهم،، يووه بلاش حركات العيال دي اتفضلي اشرطي امري لله مريم،، اولا لازم تحترمني و تعاملني كويس عشان انا مبحبش حد يقلل ذوق معايا ادهم،، بتوتر،، ماشي و غيرو مريم،، مش حتدخل بأي حاجه تخص شغلي ادهم،، انت شغلك هو بنتي عايزاني اسيب بنتي مريم،، انا مقلتش كده بس انا اقصد ان انا خدت بالي ان نادين مبتعملش اي حاجه لوحدهه عشان كده بتخاف و تتوتر و كمان مش بتتعرف على الناس بسهوله و انا عايزه اخرجها من الخوف ده ادهم نظر لها بأعجاب انت لحقتي تعرفي كل ده عن نادين في يومين ،، مريم،، ايوا لحقت ،، انت موافق على الشرط و له لا ادهم ،، موافق المهم ان نادين تبقى كويسه مريم ،، ان شاء الله ،، عن اذنك ادهم ،، رايحه فين تاني مريم،، ابتسمت ،، رايحه لنادين ادهم بفرح ،، ماشي ،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،، ، قضت اليوم مريم و هي تفكر في شخصية ادهم الغامضه و طيبة قلبه رغم قسوته و ثم طردت تلك الافكار و قالت،، اهدي يا مريم ده واحد زي اي واحد تستحملي زي ما هو و خلاص بلاش تفكري فيه اماني،، انت بتكلمي نفسك مريم،، انا حتجنن يا اماني الراجل ده غريب مش عارفه اتعامل معاه شخصيته غامضه و كأنه مخبي حاجه اماني ،، مريومة ،، انت مش ملاحضه انك بتفكري فيه كتير مريم، بأحراج،، لا عادي على فكره انا بس مستغربه اماني ،، عليه انا الكلام ده ،، بقولك ايه هو شكله ايه مريم،، شكلو راجل اماني ،، لا والله و انا اللي كنت فكراه وحده ست ،، اييه انت حتستعبطي مريم،، عايزاني اقولك ايه اماني ،، شكله حلو مز يعني و له عادي مريم، بأحراج،، شكله حلو اماني ،، انا قلت كده برضو عشان كده انت مش متضبطه اللي واخد عقلك مريم رشتها بالماء و هي تقول ،، بت بلاش تتسلي عليه اماني،، كده تبوضيلي شعري طبعا الحقيقه بتوجع امال انت فاكره مسابكيش تمشي ليه مريم،، حقيقة ايه يا اماني خلاص بطلي كلام و نامي اماني ،، ايه يا ميرو انت اتضايقتي ليه انا بهزر والله مريم،، انت لازم تفهمي ان لا ادهم و لا واحد زيو ممكن يبصولي انا ،، حيسيبو المزز اللي حواليهم و يبصولي انا على ايه يا حسره اماني،، انت ليه مصرة تطلعي نفسك وحشه مع انك والله جميله و قلبك ابيض مريم،، الايام دي محدش عايز اللي قلبهه ابيض اماني ،، لا طبعا انت غلطانه الحجات دي نصيب و مينفعش تفقدي الامل مريم،، اديكي قولتي نصيب ،، و انا راضيه بنصيبي ، خلاص انا اصلا مش بفكر في الحجات دي ،، نفسي بس ربنا يقدرني و اساعد ماما في جهازك عشان افرح بيكي اماني،، ربنا يخليكي ليه و بعدين انا حاسه انك حتبقي احلى عروسة والله مريم،، بحبك يا مووني اماني،، وانا كمان يا اجمل و اجدع و ارق اخت في الدنيا مريم،، يا سيدي على الدلع و انت كمان خمسه حبيبتي اماني ،، هههههههههههههههههه ،،،،،،،،،،،،،،،،،،،،،،،،، ،،،،،،،،،، مرت الايام و كان ادهم يتحاشى وجوده في المنزل مع مريم ،، نعم كان يشعر بشئ تجاهها و يرفض الاعتراف به ،، كلما وقعت عينيه عليها وجدها قمة في الحنان ،، كيف تكون شيرين ام و لم تعطي الحنان لابنتها و لامرة و كيف تكون مريم مجرد مربيه و لكنها تهتم بنادين على اكمل وجه،،،،، و في احدى الايام قصت على نادين قصه حتى نامت و تركتها لتنتضر عوده ادهم و تذهب للمنزل و مرت بجانب غرفة رندا و سمعتها تبكي و تتكلم مع شخص في الهاتف و لم تكن تسمع ما يقوله المتحدث و لكنها استمعت لأجابات رندا بقلق رندا،، حرام عليك يا سيف انا حبيتك المتحدث،،،،،،،،،،، رندا،، يعني ايه انت حتتخلى عني المتحدث،،،،،،، رندا،، ارجوك متسيبنيش انا مش عارفة اتصرف ازاي لوحدي ده جزاتي اني وثقت فيك المتحدث،،،،،،،،،،، رندا،، يعني ايه ملكش دعوه بقولك انا حامل !!!!!!!!! تجمدت مريم في مكانها من الصدمة ،، لم تعد تعرف ماذا تفعل ، رندا فتاة صغيره في الثانوية العامه ،، كيف تكون حامل و ما اللذي حصل ،، وقفت ضائعة لا تدري كيف تساعدها او ماذا تقول لها !!!!!!!!!!!!!!!!!!!!!!!!!!!!!!! ابتعدت عن الغرفة و قررت ان تتكلم معها عندما تهدأ نزلت الى الصاله و تفاجأت عندما رأت يارا امامها نهلة كانت جالسه مع يارا و تتذكر معها ايامها معهم و كالعاده توقفت عن الكلام عندما رأت مريم يارا،، امال ادهم فين نهلة،، زمانو جاي في السكه يارا،، ايه ده مريم انت هنا مريم،، ازيك يا دكتوره يارا بغرور،، كويسه نهلة،، هي نادين نامت مريم،، ايوا يا طنط نامت نهلة،، خلاص لو عايزه تقدري تروحي مريم بأحراج،، انا كنت حروح بس استاذ ادهم طلب مني استناه لحد ما يرجع و بعد كده اروح نهلة،بعدم تصديق، ، اااه و مالو يارا،، بجد نادين واحشاني اوي يا طنط نهلة،، و انت كمان اكيد واحشاها ده انت لولا اللي اسمها شرين كان زمانك مامتها يار غمزت لنهله بخبث ،، احنه لسه فيها يا طنط نهلة ،، بفرحه ،، ياريت يا بنتي و هو يلاقي زيك فين يارا،، مرسي اوي لا تعلم مريم لماذا شعرت بالضيق الشديد لكلام يارا ، كانت مستغربه شعورها و كأن قلبها يتمزق حين تذكر يارا اسم ادهم على لسانها دخل ادهم اليهم و سلمت عليه يارا بحرارة و كأنها لم تراه منذ زمن مريم،، عن اذنكو انا حروح ادهم،، لا استني خلي السواق يوصلك انا اتأخرت النهارده و مش معقول حتركبي تاكسي في الوقت ده مريم بأمتنان،، متشكره مفيش داعي ادهم،، لا انا خلاص وصيتو و هو مستنيكي على الباب مريم،، بأبتسامة،، متشكرة تحركت كم خطوه قرب الباب عندما سمعت يارا تقول بسخرية انت خايف عليهه من ايه هي اللي زيها حد يعاكسها و لا يقربلها حتى ،، ثم انفجرت في نوبة ضحك نزلت دموع مريم لا ارادياً شعرت انها انهانت في انوثتها و كبريائها و لكنها دهشت عندما سمعت ادهم يقول ادهم بصراخ وعصبية ،، انت ازاي تتكلمي عنهه بالشكل ده انت اتجننتي !!!!!!!!! يارا،، بصدمة،، انا يا ادهم ادهم،، ايوا طبعا ،، ازاي تتكلمي عنهه بالطريقه دي و كأنها مش انسانة زيك يارا،، فيه ايه انا مكنش قصدي و بعدين انت مالك متعصب اوي عشانها ادهم،،انت اللي طريقتك غلط ،، عيب اوي لما تقولي عنهه كده يارا،، انا مجبتش حاجه من عندي ،، دي الحقيقة و الا انت شايف غير كده ادهم،، بعصبية،،، انا طالع انام ،، و تركهم و ذهبالى غرفته بأشمئزاز من يارا ،،،،،،،،،،،،،،،،،،،،،،،،، ،،،،،،،،،،،،،،،،،،، الاحداث ابتدت تسخن و انا بحب افاجئكو بحجات مش متوقعة اتمنى البارت يكون عجبكو و استمتعتو و انتو بتقرو الروايه !!!!!! | ||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
17Likes
.png)
العرض العادي
