آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
30-06-16, 04:14 AM
| #21 | ||||||||
| مراقبة عامة ومشرفة منتدى الروايات المنقولة  
|  الفصل العشرون سلمى : ميرو حبيبة قلبى اخبار ايه .. سلمى بزعل طفولى :بجد انا زعلانة منك مفش حتى اتصال كدا تتطمى عليا تشوفينى انا عملت ايه مروة : خلاص بقى يا سالومى والله كان غصب عنى خلاص بقى حقك عليا يا ستى ..دا انا كنت جبالك خبر حلو سلمى : قولى مع انتى لسه زعلانة منك مروة : حزرى فظرى سلمى : ها قولى يا رخمة مروة : احم انا خطوبتى كمان اسبوعين سلمى : مبروووووووووووووك مروة : الله يبارك فيكى سلمى بفقضول : ها اتعرفتى عليه ازاىاحكيلى مروة : هو صاحب عمرو وكان جاى عشان شغل مع عمرو بالصدفة شافى طلب ايدى من اخويا ..بس تعرفى يا سلمى عجبنى اخلاقه اوى ومحترم جدا ميهمنيش مركزه الاجتماعى ايه على الرغم انه من اسره متوسطة الحال زى ناس كتير بس فرق عنهم انه فضل ورا احلامه لحد ما حقق الى هو عايزه دا الى سمعته من عمرو دا غير الى شوفته منه عمرى ما شوفته بيرفع عينه ليا بالعكس اول ما بيشوفنى بيحط وشه فى الارض عجبنى جدا انه مش بيض لحرمات ربنا كل ذلك كانت سلمى تستمع اليها والابتسامة لا تفارق وجهها لتحمد الله على تحقيق احلام صديقتها ، فتابعت مروة كلامه : على فكرة الخطوبة هتبقى فى قاعتين منفصلتين دا الى فرحنى اوى انه عايزنا نبدأ حياتنا برضى ربنا ومنبدأش بمعصية . سلمى بابتسامة رضى : ربنا يتمم بخير يا مروة انا فرحت بيكى اوى مروة ترد الابتسامة :الله يبارك فيكى يا حبى ......... اخ منك يا سلمى يعنى انتى سيبانى ارغى ونسيت اسألك انتى عملتى ايه سورى الكلام معاكى خدنى سلمى : انا تمام الحمد لله اتجوزت مروة مصدومة : ايه !! بتتكلمى جد سلمى : وهى الحجات دى فيها هزار مروة : لا .. بس .. اصل سلمى : مروة اطمنى يا حبيبتى صدقينى انا كويسة وانا كمان بقضى شهر العسل ملحقتش ابلغك وكل حاجة جات بسرعة . متزعليش منى انى معلافتش ابلغك . مروة : انا مش زعلانة منك بس خايفة عليكى من الى جاى سلمى : مروة حبيبتى اطمنى فارس ربنا يخليه ليا يا رب مش مخلينى محاتجة حاجة كان فارس قد دخل الرفة فتوقع ان تكون سلمى نائمة فما كان منه الا ان استمع الى جملتها الاخيرة فارتسمت الدهشة على ملامح وجهه سرعان ما تحولت الى ملامح الرضا فانسحب خارج الغرفة حتى لا تشعر به . لتتابع حديثها ،مروة : انا فرحانة عشانك اوى ربنا يسعدك يا رب مع جوزك و يرزقك بالزرية الصالحة سلمى برضى : اللهم امين يا رب .... حبيبتى معل شانا هقفل دلقتى مروة : اتفضلى يا حبى توحشينى سلمى : انتى كمان خرجت سلمى من الغرفة لتجد فارس يشاهد التلفاز لتفزع بدورها فارس نقل نظره اليها : اسف خضيتك سلمى : قدر الله وما شاء فعل فارس : سلمى تعالى انا عايزك ممكن نتكلم شوية ، من شدة احراجها ظلت واقفة بجواره . فارس : هتفضلى واقفة كتير كدا سلمى بارتباك : سورى فجلست بجواره عندها اطفأ التلفاز ليلتفت اليها ،فارس : بصى اولا احنا بعيد عن اهلنا فى الصعيد يعنى تقدرى تقولى الى انتى عايزاه من غير ما حد يضغط عليكى فى اى قرار هتاخديه ودا فى الاول والخر راجع ليكى ، فوضع يدها بين يديه لتسرى فى جيدها رعشة لم تعهدها من قبل ، فتابع كلامه فى حاجة كمان احنا اتفرض علينا الو ضدا بس مش معنى كدا اننا هنفضل مجبورين على دا . قاطعته سلمى التى كانت على وشك البكاء فحاولت التماسك لاقصى حد : انت تقصد اننا نطلق فارس : يا بنت الناس الطيبين ايه الى جاب سيرة الطلاق دلوقتى ، فبدى عليها الارتياح ، بصى يا سلمى جوازنا واقع لا مفر منه فانا بقتر حاننا ناخد فرصتنا عشان نقدر نتأقلم ونعيش مع بعض لازم نكون صريحين مع بعض لاقصى حد حتى لو الصراحة ممن تزعل التانى فهمانى ؟ اومأت رأسها بالايجاب فتابعت : ممكن اطلب منك طلب يا رب تقدر تنفذه فارس بانصات لاقصى درجه : لو فى ايدى هعمله مش هتأخر سلمى : بالنسبة للجامعة انا فى اخر سنة يعنى لو رضيت انى ابقى اروح قاطعها : سلمى من غير ما تتكلمى تعلميك هتكمليه لو حابه تاخدى كمان الماجستير معنديش اعتراض ، فسحبت يدها يديها من يده وخفضت بصرها : فى حاجة كمان اهم فتابعها باهتمام ، عايزة نبدأ حياتنا على طاعة ربنا لو شوفتنى قصرت فى حق ربنا أو فى حقك ابقى قولى عشان اخد بالى ومش اكرر تقصيرى ده . فارس بابتسامه رضا وقناعة : ان شاء الله ربنا هيكرما مع بعض ، سلمى يالا قومى نصلى ركعتين لله سلمى بفرح : حاضر اتوضا و نصلى جماعة ان شاء الله فارس : سلمى ! سلمى ادارت وجهها له : نعم فارس : تقبل الله مناه ومنكم مقدما سلمى بخجل : امين يا رب هناك من يتربص بهم لا يكل ولا يمل حتى يخرب عليهم حياتهم ، فلا يخلو الهدوء من امر ما يعكر صفو راحتهم . مهما فعل الانسان من شر ليؤذى به من يؤذى فتحما سيُرد اليه يوما ، فكما تدين تدان . | ||||||||
|  |
|
30-06-16, 04:15 AM
| #22 | ||||||||
| مراقبة عامة ومشرفة منتدى الروايات المنقولة
| الفصل الحادى والعشرون هناك من يتربص بهم لا يكل ولا يمل حتى يخرب عليهم حياتهم ، فلا يخلو الهدوء من امر ما يعكر صفو راحتهم . مهما فعل الانسان من شر ليؤذى به من يؤذى فتحما سيُرد اليه يوما ، فكما تدين تدان . يجلسان بجانب بعضهما البعض حين كانا يأكلان سويا فى مطعم القرية حتى هبت العاصفة لتعكر راحتهم . انجى تقترب من الطاولة : هاى فارس ترك فارس الملعقة ليتلقى الصدمة ، بينما نظرت اليها سلمى فى دهشة واستغراب . انجى تسحب كرسى لتجلس فى الجهه المقابة لفارس وانجى : ايه يا فوفو مش تعرفنا ولا ايه وتقصد بذلك سلمى سلمى بدا يظهر عليها الضيق ( فوفو ودا ايه ان شاء الله ) ، فارس مازال الصدمة عليه فارس : هـا ! سلمى اعرفك انجى صديقة قديمة انجى : ( دلوقتى بقيت قديمة ، طيب ما وريتك انت والسنيورة بتاعتك ) تابع قائلا : اعرفك يا انجى سلمى مراتى فضغط باسنانة على كلمة مراتى انجى : بطرف اصابعها تمد يدها للسلام على سلامى ، اهلا يا مدام سلمى سلمى : اهلا بيكى ( بدت أها تبكى فسماسكت لاقصى درجة حتى لاترى دموعها ) انجى التفتت الى فارس : فوفو انت مقولتش لمدام سلمى انا مين ولا ايه فارس ( اللهم ولك يا روح ) : انجى انت جاية ؟ انجى : ايه يا فوفو جاية ابارك للعريس فارس "لم يعرها اى اهتمام كان كل اهتمامه الى تلك الفتاة المصدمة امامه التى على وشك الانهيار ،فأخذ القرار الحاسم ليوضع حد لهذه المهزلة " : سلمى صح نسيت اكملك انجى تبقى بالنسبة ليا ايه " فظهرت شبه ابتسامة على شفتى انجى ، سلمى ! انجى كانت خطيبتى سابقا فتاعبعت انجى فى خبث : وكنا هنتجوز بس انتى السبب اننا متجوزناش نزلت دموع سلمى فى صمت مسك فارس يد سلمى الموضوعة على الطاولة تحت مرئى انجى ، فتاابع فارس موجها نظره الى سلمى : بس الحمد لله متجوزناش فنقل نظره بين الفتاتين ، انجى مش انتى جاية برضه عشان تعزمينا على خطوبتك ؟ انجى قى صدمة : ان انت عرفت ازاى حرك كتفيه لاعلى دون مبالاه : مفيش حاجة فى البلد دى بتستخبى انجى كالطير الذبيح الذى يترنح لينثر دمه على من حوله لن تبقى هكذا ستنتقم لكرامتها التى اهُدرت فارس موجها نظره الى سلمى : سلمى كملى اكلك عشان نروح السينما سلمى بضيق : انا الحمد لله شبعت التفت الى انجى وانتى يا انسة انجى تحبى اطلبك ايه انجى تكتم غيظها : مليش نفس شكرا فارس : ببرود : ازاى انتى ضيفتنا انجى بدلع مصطنع ( طيب يا فارس ما خليت سلمى تعيط مبقاش انا انجى ) : خلاص ممكن اشرب على زوقك يا فوفو ضغط بيده على يد سلمى فهمس فى اذنها " اوعى تخلى واحدة زى دى تأثر عليكى باى شكل من الاشكال متنسيش انا جامبك ديما فغمز لها فابتسمت " اخذت نفس عميق فشربت بعض الماء من الكوب الموضوع امامها فوضعته لتجد حركة تلقائيه من فارس لم تكن تتوقها ، فشرب من نفس الكوب الذى شربت منه ومن نفس المكان على الرغم يوجد كوبا على الطاوله "فلا يفعل ذلك الا العاشق " . كانت تنظر اليه دون ان ترفع عينها عنه وكذلك هو انجى بقيت متجمدة فى مكانها قامت من مكانها لتغادر حتى جائت اللحظة الحاسمة للانتقام عبد الرحمن : ها يا ولدى من ناوى تتجوز انت كمان ولا ايه اختك الحمد لله شوفتها فى بيت جوزها قبل ما اموت رامى : جواز ايه بس يا بابا دلوقتى عبد الرحمن : ايه يا ابنى انت ما شاء الله عليك عندك وظيفة بيتمناها اى شاب وعندك الشقة كمان يعنى جاهز من مجاميعه رامى : انت ناسى انى غلى بره مصر عبد الرحمن : لا مش ناسى بس الى وصلى ان الشركة هناك هتعمل فرع فى مصر يعنى ممكن تنقل شغلك هنا ، يا ولدى نفسى افرح بيك لما كنت قدك كنت متجوز وكنت مخلفك انت وسلمى عايز اشوف عيالك قبل ما اموت رامى : ربنا يطول فى عمرك يا حاج ان شاء الله عن قريب هتلاقينى متجوز عبد الرحمن : ربنا يريح قلبك يا ولدى ، رامى : الهم امين انجى بقيت متجمدة فى مكانها قامت من مكانها لتغادر حتى جائت اللحظة الحاسمة للانتقام . قامت من مكانها فى تلك اللحظة اقرب الجرسون بصنية المشروبات الساخنة لتتعمد الاصطدام به لتقع الصنية وما عليها على ظهر سلمى سلمى ببكاء والم جامد : اه فارس بخصة : سلمى حبيبتى قومى معايا فنظر الى الجرسون بصوت عالى : انت مبتشوفش مش تفتح يا اعمى الجرسون : اسـ اسف والله يا فندم انا كنت واخد بالى بس الانسة هى الى خبطت فيا فارس بصوت عالى : امشى من قدامى انجى بزعل مصطنع : سورى يا سلمى مش شوفته وهو جاى سلمى ما زالت متأله ، فارس : اخفى من قدامى دلوقتى يا انجى وانتى حسابك بعدين سلمى ببكاء : فارس ضهرى فارس وضع يد على اعلى كتفها واليد الاخر تمسك بيديها لتسندها : تعالى يا حبيبتى متخافيش انا معاكى ، تحركوا وتركوا انجى مزهولة اخذت تتسئل نفسها احبها بتلك السرعة على الرغم انه لم يبقى معها سوى اقل من اسبوع ، اهتمت بجمالها الخارجى واهملت جمالها الدخلى فاصبح الغرور هو كل ما تمله . مهما فعلت لن تجد سوى الفشل " فانقلب السحر على الساحر " . | ||||||||
|
| |
|
30-06-16, 04:17 AM
| #23 | ||||||||
| مراقبة عامة ومشرفة منتدى الروايات المنقولة
| الفصل الثاني والعشرون سلمى ببكاء شديد : فارس ضهرى بيوجعنى اوى فارس بتأثر : معلشى يا حبيبتى نامى على بطنك زى ما الدكتورة قالتك ، نامت سلى على ظهرها ، فارس : يالا اكشفى ضهرك سلمى باحراج شديد : ليه ! فارس : حبيبتى امال هحطلك المرهم ازاى على مكان الحرق سلمى بصوت منخفض من شده احراجها : لا انا هبقى احطه فارس : الله يهديكى هتطولى ضهرك ازاى فتابع فى خبث وبعدين انا مش حد غريب انا جوزك سلمى احمرت وجنتاها: بس اصل فارس بخبث : انا مش هكلك انا هحط المرهم بس احمرت وجنتاه من كثرة خجلها واحراجها الذى وضعها فى ذلك الموقف "بصوت همس " : اوك ، كشفت سلمى ظهرها لتسمح لفارس بوضع المرهم مكان سقوط المشروبات الساخنة عليه . كأن الكهربات سرت فى جسدها عندما وضع فارس يده عليها فارتعش جسدها من تلك اللمسة ، فاكن فارس يضع المرهم بضمير ! تمر الايام وسلمى فى تحسن ، جلست فى الشرفة تفكر فى حالتها "ماذا حدث لها لماذا شعرت بالضيق عندما رأتها تلكمه بلهجة المحبين ، لماذا ارادت ان تبكى كلما تذكرت ذالك ؟ هل قال حبيبتى انتقاما لكرامته المجروحة عندما علم بخطبة حبيبته السابقة.ضمت كفها لتضعه على قلبها : كم اكرهك ايها القلب آلمتىنى لا استطيع ان اتحملك اكثر من ذلك ، بكت بحرقه لماذا تفعل بى ذلك يا قلبى لم اعهدك من قبل فى هذه الحالة ، يا رب اصرف عنى ضيقى لم استطيع ان اتحمل ذلك ! فارس : اخبار ضهرك ايه ؟ سلمى بابتسامة رضى : الحمد لله احسن من الاول فارس : طيب قومى معايا سلمى باستغراب : على فين ؟ فارس : نتمشى شوية وبالمرة نتكلم سلمى بضيق : فارس لو سمحت مش عايزة نتكلم فى الى حصل فارس اقترب منها نظر الى عيونها: خليكى واثقة فيا سلمى بتوتر : حاضر خرجا يتمشيا سويا على الشاطئ فى صمت رهيب، يفكر كل منها فى حاله مع الاخر ، تنحنح فارس ليقطع ذلك الصمت . فارس : اولا من غير ما تقاطعينىانا بعتزر عن الى حصل وعارف مهما قولت ومهما عملت مش هترضى عن الحصل ، آلمها قلبها اكثر من ألمها الجسدى ، سلمى ادارت وجهها له فارس انا نسيت الى حصل يا ريت انت كمان تنشى فارس بشك : متأكدة ؟ سلمى تحاول اخفاء الم قلبها : اطمن انا نسيت فتابعت فى مرح بس لو عايز تصالحنى تجيبلى ايس كريم وانا هقبل اعتزارك على طول . انفجر ضاحكا ليهدأ رويدا ناظرا الا بعين ثابتة تتأملها : الى تطلبيه حتى لو فى الهند هجيبه ليكى .... تحبيه بطعم ايه ؟ بطريقة طفوليه : امم ايس كريم بالشيكولاته مث بحبه بالفانيليا فارس اتسعت ابتسامته : بس كدا من عيونى لمعت عينيها لتعلن عن حبها لذلك الرجل الذى يقف امامها بكل كيانه " شهت بصوت عال لا تعرف كيف و متى وقعت فى حبه وكيف سمحت لنفسها بالعتراف لنفسها بحبه " وضعت كلتا يديها على فمها لتكم شهقتها التى صدرت عنها . فارس بقلق : سلمى فى حاجة مالك فيكى ايه ؟ سلمى : ها لا ابدا مفيش حاجة اطمن روح يالا عشان تجيب الايس كريم ولا رجعت فى كلامك فارس بابتسامة صافية : لا يا ستى مرجعتش يالا بينا كان يقف عن البائع ليشترى لها ما طلبت فانشغل عنها حين وجدت طفل يبكى يفرك فى عينه من كتر البكاء . اقتربت منه فمالت بجسدها لتقترب من : مالك بتعيط ليه ؟ الطفل فى بكاء :الجيلاتى بتاعى وقع على الارض سلمى : انت بتعيط عشان كدا اومأ برسأه ، سلمى : خلاص بلاش تعيط وهجيبلك واحدة تانية الطفل : بجد يا أبلة ، سلمى بابتسامة : بجد يا حبيبى كان يراقبها كل حركة منها كل همسة كل تصرف تقوم به يزيد من من اعجابه بها . تتصرف ببراءة الأطفال تقبلين يا سلمى بالشئ البسيط لتقبلى الاعتزار ليست كبعض الناس تهتم بالمظاهر عندما اتي بهدية نفيسة لخطيبته السابقة لم تهتم سوى بثمنها . فارس يمسك الايس كريم فى يديه الاثنتين متجها نحو سلمى : سلمى فى حاجة ؟ سلمى :اه ممكن الايس كريم ، فارس : اه طبعا اتفضلى اخذتها منه لتعطيها للطفل الباكى : اتفضل يا حبيبى دى بدل الى وقعت منك الطفل : شكرا يا أبلة انتى اسمك ايه يا أبلة عشان ابقى اقول لماما انك جبتيلى حاكة حلوة سلمى بضحك : اسمى سلمى وانت اسمك ايه ؟ الطفل : اسمى ثيف سلمى : يا خلاصى عسل اسمك جميل يا سيف ، سيف : وانتى كمان جميلة اوى يا أبلة سلمى ... عاوز اقولك على حاكة يشاور لها بيده لتهبط الى مستواه ، اقتربت منه لتصبح فى مستواه كل ذلك فارس يتأملها وفى عينيه لمعة الحب ! تلك اللحظة طبع على خدها قبلة رقيقة وضعت يدها لتلمس مكان القبلة : بس كدا يا سيف ،سيف بابتسامة : بس تدا ، وانت كمان يا عمو ثكرا فارس بابتسامة : العفو يا حبيب عمو سلمى : طيب روح عشان ماما متقلقش عليك سيف : حاضر يا ابلة سلمى يشاور لها مودعا هى وفارس وكذلك هى رفعت يدها ملوحة له فارس مد يده ليعطى الايس كريم الاخر لسلمى :خدى دى بدل الى ادتيها لسيف سلمى نظرت فى التجاة الذى سلكه سيف : مش مهم كلها انت انا بعتنى أكلتها خلاص فارس بنظرة حب : انتى جميلة اوى خفضت بصرها خجلا : شكرا فارس : بجد دى حقيقة وبعدين خدى الايس كريم كليه قبل ما يسيح وبعدين ايدى وجعتنى سلمى بابتسامة : ماشى بس شرط تروح تيجب ليك واحدة تانية فارس بابتسامة : لا يا كأنى كلتها انا وانتى واحد ولا ايه ، شعر باحراجها : يعنى مسمحانى ؟ سلمى : انا نسيت كل حاجة سيف خلانى انسى كل همومى ، تعرف انا بحب الاطفال اوى فارس يأكل الايس كريم وينظر اليها مبتسما : وانا كمان .. يالا عشان عاملك مفجأة حلوة سلمى بفضول : مفجأة ايه ؟، فارس : هو انا لو قلتلك عليها تبقى مفجاة ،سلمى : عندك حق يالا | ||||||||
|
| |
|
30-06-16, 04:19 AM
| #24 | ||||||||
| مراقبة عامة ومشرفة منتدى الروايات المنقولة
| الفصل الثالث والعشرون مسك سلمى باقة الورد فى يد واليد الاخرى تقرأ المكتوب فى الكارت فى صدمة ! سلمى بصوت مخنوق والدموع على خديها تمد يدها : اتفضل يا استاذ فارس فارس باستغراب : ايه دا سلمى بنفس الحالة : اتفضل برقية من حبيبتك فارس : سلمى ! سلمى ببكاء صامت : لو سمحت طلقنى فارس غير مصدق لما يسمعه : انت بتقولى ايه ! اقترب منها ليمسك بذراعيها .. دا مستحيل انتى فاهمة مستحيل دا يحصل سلمى ببكاء والم : ليه مستحيل كل شئ فى الدنيا ممكن لو خايف من موضوع التار متخافش هقولهم ان الغلط من عندى ومرتحتش معاك فارض بغضب عارم : فوقى انتى مش عارفة انتى بتقولى ايه ، يغور التار فى داهية ميهمنيش حد انتى فاهمة كل الى يهمنى هو انتى وحكاية الطلاق انسى سلمى ببكاء مرير : أنـ انا تعبت معتش قدره استحمل انهارت لتقع بجسدها على السرير ثم رفعت رأسها له لتنظر اليه بأعين دا معه صدقنى حاولت بس مش قادرة فارس باستغراب : هو ايه الى مش قادرة بالظبط ؟ مدسلمى باعين دامعه شاردة العينين : اقرأ الى فى ايدك وانت تعرف فار س ظل يقرا بلا مبالاه ثم ضرب بالكارت عرض الحائط فنظر اليها فى نظره عتاب: بقى دو دا الى مزعلك؟ سلمى بنظرة الم : دى فى نظرك حاجة متزعلك فارس : لا متزعلش فأمسك كتفيها بيديه ليوقها امامه فقال بصوت احش حنون : سلمى انتى مراتى .. فاهمة يعنى مراتى يعنى بقيتى حته منى ، ومستحيل ابص لغيرك.... مش عارف اقولهاك ازاى سلمى : هـ هى ايه ؟ وضع وجهها بين يديه فأغمض عينيه ليأخد شهيقا ثم فتحها ببطءنظر فى عينيها ليغوص فى اعماقها لينطق بتلك الكلمات التى توقف قلبها وعقلها عن العمل بصوت اشتياق بصوت حنون : بحبك يا سلمى "كأن على روسهم الطير "تلك هى حالتها عندما نطقها فبكت بصمت لتسمح لدموعها المكبوتة بالنزول كالشالالات . تاثر فارس فألمه بكائها ..ألم تحبه كما يحبها ؟ لما البكاء مر عليه الثوانى كالدهر ينظران الى بعضهما البعض فقطع هذا الصمت فى همس يمسح دموعها: هشششششش خلاص مش عايز اشوف دموعك دى تانى عشان خاطرى تابع فى الم لو عايزانى ارجع فى كلامى كانى مقولتش حاجة . ما كادت ان تنظر اليه حتى ارتمت بين احضانه ، ضمها اليه بشوق حتى هدأت بين احضانه . فارس بصوت رجولى حنون : انسى الى فات بلاش تهتمى بكلام واحدة زى دى عايزة تخرب علينا حياتنا الى لسه بنبدأها همس فى اذنها دى واحدة غيرانه منك يا حبيبتى .. وبلاش اشوف دموعك غالية عليا اوى ،فأومأت برأسها ..حتى كادت ان تحترق من الداخل بسبب انفاسه الحارة التى تلفح خدها من قربه ،نظر الى عينيها ليذوب عشقا فيها فانحنى ليلثم فمها بقبلاته المحمومة ! فى الصباح وقفت امام شباك غرفتها المفتوح لتسمح للهواء الطلق يتخلل بين خصلات شعرها المتطايرة ما بين فترة واخرى تنظر اليه فى حب وشوق فتتذكر ليلة امس فى خجل حتى سرحت بفكرها لبعيد ، لتجده يلف زراعيه حول خصرها من الخلف ودفن وجهه فى عنقها يطبع قبلات رقيقة على عنقها ووجنتها – صباح الخير يا حبيبتى ،ردت فى خجل : صباح النور يا حبيبى -ايه القمر دا ، ابتسمت فى خجل عيونك الى حلوة يا حبيبى ادارها اليه ليصبحا وجها لوجه – بصى بقى احنا هنشافر يالا عشان نلحق نجهز الشنط ردت باهتمام على فين ؟ - ابتسم لها لأ دى مفجأة رن هاتفه فأخرجه من جيبه – حبيبتى ثانيةهرد على المكالمة - فؤش اخبارك يا باشا ؟ -الحمد لله مبروك على الجوازة -الله يبارك فيك عقبالك ان شاء الله - بالمناسبة دى انا جاى اعزمك على خطوبتى يوم الخميس الاسبوع الى جاى ان شاء الله - مبروك واخيرا عملتها دا انت دوختنا يا جدع مش عايز تتجوز واخيرا وقعت فى القفص الابدى - رد عليه بضحكة يالا كل شئ نصيب واخيرا جه الى يوقعنى - مبروك يا فؤش ربنا يتمم لك بخير يا رب - الله يبارك فيك ويرزقك بالذريه الصالحة ان شاء الله - اللهم امين يا رب يالا عايز منى حاجة - لا يا فؤش تسلم يا رب اغلق هاتفه فبارد سلمى بالكلام – خير يا حبيبى -واحد صاحبى عزمى على حفل خطوبته يوم الخميس الى جاى - نظرت متعجبه الخميس الى جاى ! بس فى حاجة - خير يا سلمى - اصل فى نفس اليوم خطوبة واحدة صحبتى ولازم اخطر خطوبتها .... هتزعل منى لو محضرتش - اممم بعد تفكر .. طيب بصى انا عندى اقتراح يرضى جميع الاطراف، نظرت اليه باهتمام شديد لكل كلمة تخرج منه.. احنا هنحضر فى الفرح دا ساعة و نروح للفرح التانى ساعة قولتى ايه ؟ - موافقة بس فى حاجة كمان تابعت بدلع طيب ممكن نتأخر شوية عند صحبتى انت عارف انها اقرب واحدة ليا - ذاب بدوره فى صوتها فى همساتها وبالاحرى فى عشقها " ممكن ال انتى عايزاه هيحصل " - ردت بدلع ربنا يخليك ليا يا حبيبى " ابتسم بخبث قائلا ليلتك مش هتعدى على خير انهارده يا سلمى انتى ال جبتيه لنفسك" سافر فى نفس الله ليقضيا معا ما فاتهما من اجمل ايام العمر فى عرس البحر الاحمر مدينة الغردقة دون علم من سلمى فكانت تلك هى المفاجئة التى وعده بها ليتجنب الاصطدام بمن يعكرون عليه صفو حياته . فى تلك الايام يعيشا اجمل ايام عمرهما ليحفروها فى ذاكرة الايام لتبقى ذكرى خالدة للمحبين . | ||||||||
|
| |
|
30-06-16, 04:21 AM
| #25 | ||||||||
| مراقبة عامة ومشرفة منتدى الروايات المنقولة
| الفصل الرابع والعشرون الأخير انجى فى ضيق : ايه يا نورا الجو الخنقة دا ... فرح دا ولا جنازة دا حتى كلهم ستات كبار فى السن ..اوف -نورا : اعمل ايه يعنى يا انجى هى وعريسها متفقين انهم يعملوا الفرح فى قاعتين منفصلتين .. وبعدين انا قولتلك تيجى معايا تغيرى جو من الخنقة الى انتى عايشة فيها - انتى قولتيلى هتبقى خطوبة يعنى هيصة وناس واغانى بس لو كنت اعرف انه جنازة مش فرح مكنتش جيت . - تمالك اعصابها لتتحدث الى صديقتها المغرورة انجى حبيبتى ممكن تهدى شوية .. هيخلص الفرح ونروح اى حتة انتى عايزاها.. اتفقنا ؟ - انجى : امرنا لله ذهب فارس الى خطوبة صديقه اولا ثم بعد ذلك يذهبان سويا الى فرح صديقتها - حبيبتى خدى راحتك انا عارف ان الناس غريبة عنك ساعة بالظبط وهاجى اخدك ماشى ؟ - ابتسمت فى رقه : حبيبى متقلقش عليا هبقى كويسة لو حصل حاجة هتصل بيك على طول - ماشى يا قلبى يالا ادخلى القاعة -حاضر ، دخلت سلمى القاعة فلم تكن تعرف احدا حتى كانت المفاجأة دخل هو بدوره الى القاعة المخصصة للرجال ما ان لمح صديقه حتى تصافحوا بالايدى والاحضان - فؤش مبروك يا باشا اخيرا وقعت ولا حدش سمى عليك -رد ضاحكا بغرور مصطنع : يا ابنى هى هتلاقى زيى فين ثم التفت الى خالد الذى يشاركهم الحديث وانت يا خالد مش ناوى تدخل الاقفص زينا ولا ايه ؟ - لا يا ع مش دلوقتى خالص لما القى بنت الحلال الى تفهمنى الاول ابقى افكر - در فؤاد يالا ربنا يرزقك عشان تحصلنا -امين يا خويا وقفت مروة وسط الضيوف كالبدر الذى تلألأ وسط السماء لتحيى ضيوفها بكل كرم وترحاب ولياقة ، ما ان لمحت اعز رفيقه لها تعانقت الصديقتان فى فرح وشوق باللقاء - مبروك يا مروة الف الف مبروك - الله يبارك فىكى يا سلمى عقبال ما اشوف اولادك ان شاء الله -ردت فى خجل ان شاء الله -تعالى معايا سلمى على ماما وبالمرة اعرفك على بنت خالتى الى كنت بحكيلك ديما عنها القت سلمى السلام على والدة صديقتها بترحاب شديد -درت نورا قائله : أنا مش عارفة البت دى بتروح فين - ضحكت سلمى بمرح : يعنى هتروح فين يعنى هى عيلة صغيرة وتايهة ولا ايه - شاورت فى اتجاه ابنه خالتها : اهى واقفة هناك اهى فسحبت يد سلمى في اتجاه ابنه خالتها - ردت سلمى : بذمتك دى واحدة عاقلة ليلة خطوبتها - ضحكت مروة : خلى البساط احمدي وبعيدن كلنا هنا بنات مع بعض توجها الفتاتان فى اتجاه ابنه خالتها .. لم تصدق سلمى عينيها في تلك المسافة أخذت تكذب ما رأتك عينيها في البداية ظنت أنها تتوهم ما إن اقتربت منها حتى اصبحا متقابلين وجها لوجهحتى تأكدت من صدق ما رأت عينيها.. منافستها على حبيبها وزوجها ما ان تأكدت منها حتى ظهر فى عينيها نظرة تحدى كأن لسان حالها يقول لن تأخدى من هو ملك لى لن اسمح لك حتى بعد مليون عام . فبادلتها انجى نظره ترد فيها عليها لن اسمح لك بان تسعدى يوم فى كنف فارس طالما انا موجودة . بدات مروة بحديث التعارف الى ان جائت اللحظة لتعرفها على صديقة ابنه خالتها فقاطعتها انجى -تحدثت بتاعلى وغرور "طبعا مدام سلمى غنية عن التعريف .. مدت بطرف اصابعها لتسلم على سلمى من حسن الادب مدت يدها لتبادلها السلام ظهرت علامات الاستغراب على ملامح مروة و نورا مروة : ايه انتو تعرفوا بعض ولا ايه ! -ردت سلمى فى سخرية اه طبعا معرفة قديمة فنظرت الى نورا فى ابتسامة صادقة بعد اذنك يا انسة نورا ثم حولت نظرها الى انجى فلم تعرها اى اهتمام كأنها لم تكن موجودة . تركتهما هى ومروة لتصف فوق رأسها كوب من الثلج فلم تستوعب ما حدث . - انتى تعرفيها منين يا انجى تحدث اليها نورا - تحدثت من بين اسنانها مرات الاستاذ فارس -بس عايزة الصراحة حلوة تستاهل الى احلى من فارس كمان - ردت فى غضب .. انتى عايزة تنقطينى - فى ايه بس يا انجى مالك اتعصبتى ليه .... بصى بقى انا وانتى عارفين انك كنت عايزة تتجوزى فارس ليه خلاص بقى هو راح لحالة وانتى بقى متنسيش الدبلة الى فى ايدك حرام عليكم بلاش تظلمى انسان ملهوش ذنب الى راح عمره ما هيرجع حطى الكلمتين دول فى ودنك. - اووف ردت فى ضيق انا همشى انا بجد زهقت مش طايقة اقعد هنا لحظة واحدة -يا بنتى اصبرى لما الفرح يخلص مش معقول يعنى اسيب فرح بنت خالتى فى عز فرحتها - خلاص يا مروة انا الى همشى خليكى مع بنت خالتك - يا بنتى استنى كلها ساعة بالظبط وهنمشى عشان خاطرى بقى - درت فى حنق طيب عشان بس هستحمل الى انا فيه -حضنها نورا ربنا يخليكى يا انجى -ابتسمت ماشى يا بكاشة - سلمى هو ايه الى بيبنك وبين انجى - عادى يا ميرو مفيش حاجة يا قلبى ... حاولت تغيير موضع الحديث فردت فى فرح .. ما شاء الله عليكى الفستان هياكل منك حته زوقك حلو اوى. - ضحتك لترد عليها .. مش ذوقى لوحدى دا ذوق فؤاء كمان - تعجبت! تعرفى انا وجوزى كنا راييحين على فرح واحد صاحبه اسمه فؤاد وكنت جاية على الاساس دا بس لما لقيت كفى نفس الخطوبة استغربت بس فهمت ان خطيبك يبقى صاحب فارس صاحب . - احلى صدفة يا سالومى ، قاطع الحديث صوت اتصال فارس ليخبرها بان تحضر نفسها للذهاب الى فرح صديقتها ، فقصت عليه ما حدث ما عدا مقابلتها مع انجى فسر بذلك كثيرا لسعادة زوجته . بعد انتهاء لحفل خرجت لتقابل زوجها الذى ينتظرها فظهرت إمارات الدهشه على وجهه عندما رأها امامه فلم يعرها اى اهتمام فادرا وجهه عنها بل نظر اليها فى نظرة سخرية فما كان منها الا ان تدير وجهها عنه لتخرج من قاعة الفرح فى ضيق ولتخرج ايضا من حياته الى الابد، ، ثم التفت الى زوجته فى نظره قلق - انتى عارفة ان انجى كانت فى الفرح - ايوة ......،سألها- حصل حاجة ؟ - درت وعلى محياها ابتسامة اطمئنان حبيبى متشغلش بالك هى متهمنيش اصلا المهم انك بتاعى انا وبس - فبادلها الابتسامة ربنا يخليكى ليا يا حبيبتى - ويخليك ليا يا حبيبى بعد عدة اشهر تم عقد قران اخيها على العروس التى اختارها وسط الاهل والاصدقاء وبحضور نساء النجع فتعالت الزغايط وارتفعت النبادق لتطلق الرصاص فى الهواء لكن هذه المرة برضى من الطرفين دون اجبار احد منهم على الزيجة . دخلت غرفتها فى بيت والد زوجها لتجلس بتعب على المقعد فتنزع حجابها . جلس بجوارها فوضع يده على بطنها المتكورة ..فوضع اذنه على بطنها يتحدث الى وليده الذى على سيخرج قريبا الى دنياه ليرى النور " اخبار حبيب بابا ايه " - فردت سلمى فى تعب : حبيب بابا تعبنى كل شوية يرفس لحد ما تعبت ... يعنى عجبك كدا بقيق عاملة زى البطيخة وشكلى بقى وحش - فنظر الى عينيها " مين الى قال عليكى وحشة دا انتى حتى بقيتى قمر بعد الحمل " - كله منك انت السبب - ضحك " مش لوحدى على فكرة كله كان برضاكى يا حبيبتى " - ربنا ما يحرمنيش منك يا رب - ضمها اليه بحنان ولا منك يا حبيبتى تمت بحمد الله | ||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
.png)
العرض العادي
