آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
30-04-16, 06:56 PM
| #1 | |||||||||||||||||
| مراقبة عامة ومشرفة منتدى الروايات المنقولة  
|  فقدت الامل بفقدانك يالغالي وردلي بعد لقى اغلى الغوالي للكاتبة/ هوى قلبي
| |||||||||||||||||
|  |
|
08-06-16, 07:31 AM
| #2 | ||||||||
| مراقبة عامة ومشرفة منتدى الروايات المنقولة
|  السلام عليكم ورحمه الله وبركاته .. اشحالكم .. واخباركم عساااكم بخير .. وحبيت انزل لكم .. شي من قلمي وان شاءالله ييعبكم هل قصه .. يلست اتامل بالسماء .. تمنيييت اكوون طير .. يطير فهل السماء .. تمنيييت اخذ حريتي .. شرات كل بنات .. نزلت راسي طاحت من عيوني دمعه . اللي متعوده كل يووم اتطيييح ع خدي ... تذكرت وانا عمري 15 سنه .. يوم كنت فحضن امي وابوي .. راحت السعاده وراح الأمن .. آآآخ ياليييت لو تعرفون شو صار فبنتكم من بعد موتكم .. الله يرحمكم .. يااغلى مافي حياتي . احبكم .. وربي احبكم واشتقت لكم مووووت .. (( بعرفكم ع عمري .. انا حصه . وعمري 21 سنه ..اماراتيه . امايه وابويه .. هجروا من الامارات .. واستقروا فالقطر .. لانه يدي . ابو ابويه ماكان راضي .. انه ابويه ياخذ امايه .. وابويه خذ امايه ..وعااش فاالامارات ... ليين ماصار عمري 5 سنوات .. طلع من الامارات .. وعاش فالقطر .. عشنا ايام حلوة واااااايد ... عمري ماسمعت ابويه يرمس عن اهله .. وحتى امايه .. .. ويوم صار عمري 15 سنه .. كنه رادييين من رحله .. وسوينا حادث . امايه وابويه ماتوا .. وانا طحت فالغيبوبه شهر .. وبعد شهر .. الشرطه تمت ادور ع اهلي بس مالقت أي اثباات عن اهلي.. ومن ذاك اليووم وانا عااايشه فالدار الايتام .كل يوم اتذكر ايامنا حلوة .. اتذكر يووم ادلع ع ابويه وامايه .. آآآخ وينكم .. ليش ماخذتوني وياااكم ليش .. )) امنه : حصه تعالي شوفي كندورتي .. يبته من الخياط حصه >> مسحت دمووعي بسرعه .. امنه تقربت منها : حصه حبيبتي فيييج شي .. اتضاربتي وياء البنات .. حصه : لا .. بس اصيييح لانه اليوم اخر يووم رمضان .. خلص بسرعه .. امنه : هيه والله بسرعه خلص ... بس انتي لازم تفرحييين انه باجر عيييد .. انزين اول شي شو رايج فكندروتي .. حصه : واايد حلوة عليييج امنه : ادري انج اتجاملييين بس بمشيها لج هههههه حصه : لا واالله واايد حلوة . امنه : ويبت كندورتج بعد .. تعالي جربي .. حصه : اوك الحييين بيييج .. بغسل ويهي اول شي امنه : اوك اترياج فالصاله .. حصه > رحت الحمام وغسلت ويهي .. واخذت نفس طوويل . وشفت شكلي فالمرآيا .. حصه باجر عيد .. افرحي . افرحي .. افرحي .. طلعت من الحمام رحت الصاله .. مريم : حصووووه دخيييلج لا تنسين تسوين معكرونه بشامييل ع فطور حصه : ههههه سويت من زمان خلود : حشى مريوم انتي مايهمج غير بطنج مريم فرت ع خلود المخده : خاطريه في بشاميييل . وفوق هاه صايمه خلود : مب بس انتي صايمه كلنا صايمات امنه : بسكم انتو اثنيين .. هاه حصه في شي غلط مسونه فالكندوره حصه : لا كل شي اوك مريم : حصوووه انتي شريتي نعال حصه : لا اليوم بسير ان شاءالله مريم : شكلها ماما منيره مابتعطيييج ااذن اتسيرين حصه : ليش ؟؟!! مريم : لانه اليوم اخر يوم وتعرفين السوق زحمه ... وانتي تعرفييين ماما منيره .. امنه : مب بس حصووه مااشرت نعال .. في بعد كمن بنت .. حصه : لا عاادي بلبس أي نعال من اللي عندي خلوود : انتي اول شي رمسيها .. يمكن توافق حصه : ان شاءالله بعد الفطور برمسها .. نوف طالعه من الغرفه : مريوم تعالي سااعديني نسوي سلطه .. مريوم : لا والله سيري روحج .. انا اليوم سويت عيش دياي واحس بتعب نوف : انزين تعالي بس ايلسي فالمطبخ مااباء اتم روحي مريوم : انا بشوف تي في نوف : مالت .. اسير ازقر الهام احسن لي مريوم : الهام توها مخلصه من الفطاير وراحت تتسبح . نوف : انزين حصوووه . او خلوود وحده فييكم تي وياي .. والله مااحب ايلس روحي واقص سلطه حصه : انا بي .. لاني بقص البشامييل مرة وحده نوف : يالله تعالي بعد ساعه بياذن المغرب حصه > رحت وياها المطبخ .. نوف يلست تقص السلطه .. وترمس .. وانا اقص البشامييل مربعات .. ماكنت اسمع نوف شو تقول ..تذكرت امايه .. قبل العيييد شو كانت تسوي . كنت ايلس واشووفها وهي تتطبخ .. ماكانت تخلني .. اساعدها .. بس كانت تعطني اكل من كيك .. او أي مقبلات .. نوف : هاه شو قلتي حصوووه .. حصوووه اسوي او لا .. حصوووه .. حصووووووه حصه : هلا نوف : فشو سرحانه .. حصه : ماكنت سرحانه .. نوف : انزين انا شو قلت .؟! حصه : اقول نوف .. انا بسير بشوف اذا في لبن .. بعدييين بنسولف اوك نوف : اوك .. انا بخلي زيت زيتون فسلطه وبيييكم الصاله حصه : اوك حصه > بعد كمن ساعه اذن المغرب .. فطرنا .. ورحت غرفه المديره عسبت اقولها . اني اباء اسير اشتري نعال . دقيت الباب .. منيره : تفضلي .. حصه : هلا منيره: هلا حصوووه .. خير في شي حصه : بعد اذنج .اباء اسير اليوم اشتري نعال .. منيره : ماشتريتي نعال وياء بنات .. حصه : لا انا وكمن بنيه ماشرينه . منيره : خلاااص بعد الصلاه العشاء ابااكم جاهزات .. حصه : مشكوره منيره : ماسوويت شي . بس ياويلكم اذا تاخرتوا . حصه : ههههههههه ان شاءالله منيره : هههههههههه حصه >> هااي منيره (( مديره)) .. واايد طيبه .. وحنونه .. ربي مارزقها . بعياال . وهي تتعبرنه عيالها .. وتعاملنه بحنان .. وكلنا نحبها ونمووت فييها . بس احيانن تعصب يوم مانسمع رمستها .. بتعرفون عنها اكثر فالقصه .. الهام : هاه شو قالت ؟؟ حصه : بعد الصلاه العشاء الهام : زين والله .. بسير بخبر البنات حصه : اوك >> بعد الصلاه العشاء رحنا سووق .. اكييد كلنا متغشيات .. ماما منيره تغصب كل بنت ع الغشوووه . االمهم . واحن نشوووووف نعول .. لفيييت ويهي .. شفت واحد . لابس كندوره اماراتيه . ومسووي حمدانيه .. . تمييت اشوووفه . لييين ماخطف المكان . لفييت صووب نعوول .. آآخ وربي اشتقت لترابج ياالامارات الهام : حصووووه وين سرحتي حصه : ماسرحت مكان . يالسه اشووووف النعوول الهام : من صبح ازقرج . ماتردييين حصه : انزين اسفه .. الهام : لا عاادي .. هاه عيبج هل نعول ولا نسير صووب الثاني حصه : نسيرصووب الثاني حصه >سرنا صووب الثاني .. شفت نفس الريال ... تميييت اشووووفه .. لفيييت ويهي . لانه الهام زقرتني .. يووم لفييت دعمت فريال .. حصه : اسفه والله ماكان قصدي الريال : لا مسموحه اختي . بس مرة ثاانيه لا تمشييين وانتي اتشوفيين وراج حصه : ان شاءالله . الهام رايحه عند حصووه وهي ميته ضحك : هههههه ه حصه : بلاج تضحكييين ؟؟ الهام : هههههههه حبتييين شكلج .. ولا فووق هاه اماراتي . حصه : سيري عني .. ياويلج لو خبرتي حد اني دعمت فريال الهام : ههههههههه شو بتعطييني حصه : لا والله .. مابعطيييج شي .. بس غصبن عنج بتسكتييين الهام : لا والله بعد غصب عني حصه : هيه غصب عنج الهام : ه خلاااص لا تحاتييين مابخبر حد حصه : هههه فديتج والله الهام : يلا تاخرنا . خلينا نسير نشتري نعال حصه : يالله >> خلصنا من السوق .. وردينا البيييت .. كل وحده تحس بتعب .. آآخ باجر عيييد .. لازم نرقد ونرتاااح .. عسبت انكوون مصصحيييين .. كل وحده جهزت اغراضها .. ورقدت .. ويوم الثاني . كلنا .. نشييينه .. وتكشخنه .. بعد صلاه العيييد .. كل وحده تسلم ع ثانيه ..وانا اسلم ع اموون .. حصه : عيدج امبارك .. التعديل الأخير تم بواسطة فيتامين سي ; 08-06-16 الساعة 08:06 AM | ||||||||
|
| |
|
08-06-16, 07:32 AM
| #3 | ||||||||
| مراقبة عامة ومشرفة منتدى الروايات المنقولة
| امنه : علينا وعليييج يتبارك .. حصه > بعد ماخلصنا من السلام وجي . منيره : ماشاءالله كل وحده احلى ع الثانيه .. اغراء هاه الكل : هه منيره : يالله يالله حصوووه . اول مرة اشوفج مغمج الروج هههههه حصه : ههههه هااي امون ماخلتني بحالي منيره : زين سووت فيييج امون . طلعت جمالج حصه > استحت .. الهام : اونها استحت .. هااي ماما منيره .. لو كان ... شو بتسوين هههه الكل : حصه : الحمدالله وشكر ع شو تضحكون الهام : حصووه صج استحيتي ههههههه حصه : اقول الهام انجبي الهام : انزين ههههههه منيره : خلااص انزين انتو الحيين استانسوا . بس لا تنسون الغداء اليوم فالمطعم يعني اتجهزوا الكل : ان شاءالله ... حصه >> بعرفكم ع االبنات اللي فالدار الايتام > بس بعرفكم ع اللي فقسمي .. لانه هل دار له عده اقسام . وكل قسم لها مديره .. قسمي . امنه عمرها 23 سنه ..والهام : 22 .. ومريوم بعد 22 .. ونووووف : 21 ع عمري .. وخوله 20 .. ومها 18 .. هاايل اللي فقسمي . واالحمدالله كلنا وياء بعض مب شرات الاقسام الباقيه . كل واحد ضد الثانيه ... والظهر سرنا مطعم وتغدينا .. وكان جي مكان عايلات وكنه ماخذين راحتنا .. وكان حلووو واايد .. كلنا كنه نضحك ونتمصخر .. حتى ماما منيره .. بعد الغداء .. ردينا .. الدار .. وارتحنا .. ع ساعه 4 العصر .. طلعنا وياء المديره وتمشينا .. وربي كان واااايد حلوو .. رحنا صووب البحر . نلعب .. ونشووي .. امنه : حصوووه تعالي . اشوي ويانا . بسج من المشي حصه : اقوول انتي ومريوم والهام سوووو .. انا بسوي شي ثااني .. امنه : اوك .. حصه > كنت اباء ايلس .. بس شفت واحد . عمري ماتوقعت اشوووفه مرة ثانيه .. زقرت الهام بصووت واطي شوي : الهام الهام وهي مستغربه : هلا حصوووه حصه : شوووفي اللي وراج .. ؟ الهام : وين حصه : وراج .. الهام شافت وراء .. وشاافت .. الريال الاماراتي . اللي كان فالسووق .. الهام : اوووه هاه الاماراتي اللي شفناه فالسووق .. شو هل صدفه حلوه حصه : حوو قصري صووتج ؟ الهام : لا يكوون .. كان ورانا .. حصه : لا اكيييد صدفه . الهام : بس حلوو حصه : انجبي . خلااص لا تشوفينه .. بيحس الهام : اوك منيره : حصوووه والهام بلاكم تتساسرون ؟؟ الهام : غلطانه ماما منيره . احن نتغزل فبعض ومانباكم تسمعون منيره : لا سمعونه الهام : لا مايصير بعدييين تختربون واتقولون الهام خربتنا .. الكل : هههااااااااااي حصه > يلسنا احن البنات .. نشوي ونضحك ونسولف .. بعد ماكلنا وخلصنا حصه : انا بتمشى .. منو بيتمشى وياي ؟؟ امون : انا عن نفسي بطني يعورني .. لانه اكلت واايد .. بعد شووي بقوم بس الحييين مااقدر . حصه >> الكل قال بعدييين .. وقلت حق ماما منيره بتمشى شووي .. وبرد .. وقالت لي اوك .. تميييت اتمشى .. يلست صووب البحر .. وغمضت عيوني .. آآخ كل مااغمض عيوني اذكر اهلي اللي نحرمت منهم فيوم والليله .. آآخ ياربي .. وبعد شووي اسمع صووت ريال . . ريال : اختيه لو سمحتي . انتي من الامارات صح ؟ حصه : ليش ؟؟ ريال : لانه استايلج اماراتي .. وحبيت اعرف بس حصه : هيه انا اماراتيه بس عاايشه فالقطر .. ريال : كيييف اماراتيه وعاااايشه فالدار الايتامه .. شو دراج بااصلج ؟ حصه > حسيت بااهانه .. : شو رايك تيلس .. واقولك قصتي .. مب احسن .. >> قمت من مكاني .. ريال : انزين ممكن اجاوبييين ع سوالي كييف اماراتيه .. فالدار الايتامه .. حصه : مب لازم تعرف . باي >> شو يخصه .حشى . لا بكل وقااحه ياي صووبي انتي اماراتيه .لو هنديه هو شو يخصه .. والله ناااس متفييجه .. امنه : زين رديتي .. عسبت نتمشى كلنا وياء بعض . حصه : انا مابتمشى انتو راحوا .. انا بيلس اهني . الهام : اانا بيلس ويااااج .. حصه >> الكل راح .. والهام يلست وياي .. الهام : حصووه في شي ؟ حصه : لا الهام : مب علي . حصه >> قلت لها اللي صااار . الهام : حشى شو يخصه ؟؟ حصه : واحد يمووت في شي اسمه فضووول شو تبيين منه .. الهام : لا اونه انتي ماتعرفييين شو اصلج ..كيف ..عرفتي انج اماراتيه والله قهرني .. حصه : ماعلييج منه واحد فااااضي ..وماعنده شغله .. الهام : انتي بعد لا تضايجييين عمرج حصه : لاتحاتييين هل اشكال ماياثروون فيني الهام : ههههههههه هيه هاااي حصووه القويه حصه : ههههههه >> مرت ايام العيييد .. بسرعه وكانت ايام حلوة ..واول مرة ماافكر فاأهلي واايد .. تعوود ع البنات وماما منيره .. تعود ع وجودهم فحياتي . بس فنفس الوقت اتمنى . ترد الايام وتم وياء اهلي .. مر تقربيا شهرييين ..بس فخلال هل شهرين .. هل اماراتي عرف وين الدار اللي اسكن فييه .. وكل مااطلع اشوووفه واقف ..ماخبرت حد ..حتى الهام ماخبرتها .. المهم سويت لهل موضووع طاااف ..اكيييد بيمل .. وبيسير .. مريوم : حصوووه .. حصه : هلا مريووم مريوم : ماما منيره قالت .. اليوم بنطلع حصه : جذابه مريم : والله حصه : وين بنسير مريم : بنسير المطعم .. حصه : ياي مريم : انزين تعالي نسير نخبر باقي البنات حصه : انا بيمعهم مكان واحد بنخبرهم مريم : اوك حصه >> خبرت البنات وكلنا يلسنا فالصاله ..لانه اخر مرة طلعنا يوم كان عيييد مريم : بنات عندي لكم خبر بتفرحوون بحيييل البنات : شوو مريم : اليوم ماما منيره قالت انه بنسير بنتعشى فالمطعم البنات تمووا يصارخوون الهام :واخيرا بنطلع والله من زمان ماطلعنا نوف : تعرفيييين ماما منيره كانت مشغوله . لو مب مشغووله جان ظهرتنه خوله : صدقج والله . مها : بنات شو رايكم لو انه نشتري الاكل ونتعشى صووب البحر ..والله اشتقت لبحر نوف : هيه والله وانا بعد اشتقت لبحر حصه : هيه والله فكره حلوه .احلى من مطعم امنه : احن بنقولها . بنشوووف شو بتقول حصه : اوك يلا كل وحده اتسير تتجهز . لانه ماشي وقت البنات : اوك حصه > كلنا رحنا اجهزنا .. وبعد صلاه العشى ظهرنا ,, اشترينا العشى .. وسرنا صووب البحر . يلسنا نرمس ونلعب . وتعشينا . مريوم : حصوووه وين سرحانه حصه : لا مب سرحانه .. بس اشتقت لبحر مريوم : وانا بعد حصه : انا بسير بتمشى اباء اتم روحي مريوم :اوك .. حصه >> رحت اتمشى .. آآخ .. والله ودي اسير الامارات .. اباء اسير بلادي ..حلاته والله انسان يعيش فاارضه .. يعيش بيين اهله ... : اختيه لو سمحتي ممكن شووي حصه >> لفيييت وشفت الريال الاماراتي . حصه : اقول انت شو تبا مني .. كل مكان وراي . من شهرييين وانت كل يووم توقف صووب باب الملجاء .. شو تبا . ترا من الحيين اقولك . احن مانرمس شباب .. ولا نتعرف .. يعني لا تعب عمرك ع فااضي : بسم الله كلتني . حصه : انت حركاتك .. يستفز الواحد .. بااختصار قوول شو تبا .. ولا اخبر عليك المديره واقول عن حركاتك اللي تبط الجبد . : اول شي ويااج مايد من الامارات حصه : ادري انك من الامارات .. بعد شو تبا ؟؟ مايد : لو تميتي جي ترمسيين مابقول .. حصه : احسن لا ترمس .. اقول شكلك واحد فاضي . اسير احسن مايد : ويت ويت .. انزين شو اسمج ؟ حصه : شو تبا فااسمي .. شكلك انسان فااضي مايد : الصراحه لسانج واايد طووويل . لو سمحتي ارمسي باأدب لانه .. انا اباج في شي شخصي حصه : مدامه شي شخصي .. انا مايخصني فيييك . يعني مب لازم اسمع هل شي .. بباي مايد مسك ايدها بقووه : انا قلت لج وقفي .. حصه : لو سمحت اتركني .. صراحه ماعندك ذوووق مايد : انتي اللي ماعندج ذووووق من الصبح اتصارخييين حصه : مدامك تعرف ماعندي ذووق لا ترمسني مايد : لو سمحتي .. هدي .. لاني اباج فسالفه .. مهمه حصه : وانا مايخصني ..لاني لا اعرفك ولا تعرفني .. سير عند واحد يعرفك مايد :لاحول ولا قوه الا بالله حصه : لو سمحت خلني اسير ماابا المديره اتشوفني ويااك .. وخلااف تتحرى انه شي بيني وبينك .. مايد : انزين انتي ايلسي عسبت اقولج هل شي بسرعه قبل لا تي حصه : لا انا بسير لاني تاخرت واايد ع البنات . وسالفتك مب مهم اسمعه .. سير عند غيري يلا بباي >> والله انسان فااضي يتحراني غبيه .. اصدقه .. مايد عصب ومايعرف شو يسوي .. جان مايشوف غير هل حل . سحبها ومسك ايدها واركبها سياره .. وحرك السياره وراح .. حصه : ياجلب ياحقير نزلني مايد : انتي ماايج غير هل اسلوب من الصبح ارمسج بهدوء واتصارخييين حصه تمييت اصيح وارمسه : انزين انت شو تبا مني . ليش جي تسوي مايد :لاني اباج فسالفه .. بعد مابقولج ساالفه بردج نفس المكان .. > وقف ماايد سيارته ع صووب .. | ||||||||
|
| |
|
08-06-16, 07:35 AM
| #4 | ||||||||
| مراقبة عامة ومشرفة منتدى الروايات المنقولة
| حصه : نعم شو تبا مني خلصني مايد : لو سمحتي ارمسي باسلوب والله مااحب ارمس وياء حد مايبا يرمسني حصه : مدامك ماتحب .. انا مااحب ارمسك مايد : انتي سمعي اللي بقوله بعدييين احكمي حصه : اوك يلا قوول اسمعك مايد : والله تسمعييين حصه : والله . فكني ياالله مايد : اول شي شو اسمج ؟؟ حصه : اسمي حصه .. مايد : شووفي انا مايد ياي من الامارات تقربيا من سنتين ... ياي القطر .. ادور ع عمي .. دورت كل مكان مالقيت .. عمي وحرمته وبنته ..ومااعرف اذا عندهم بعد عياال او لا . وحتى يوم قلتي اسمج .. حسيت باامل ... لانه اسم بنته حصه .. المهم .. يدي . ندمان .. ع اللي سوى وياه ولده . ومريض . ويبا يشوف عمي .. ويعتذر منه . بس انا لييين الحييين مالقييت أي شي .. ويوم انتي قلتي انج من الامارات . استغربت .. وتميييت اراقبج . ابا اتاكد من هل شي . يمكن في امل .. انج اتكونين .. بنت عمي .. حصه >> اول ماسمعت القصه .. كنه يوصف ابويه وامايه ويوصفني . يمكن اكوون انا . دمعت عيوني .. مايد : ممكن اتقوليين شو اسمج كامل ؟ حصه : حصه محمد سلطان ال.. مايد مااصدق .. كنه ماسمع : ويت عيدي ؟؟ حصه : حصه محمد سلطان ال.. مايد : ويااج مايد مبارك سلطان ال.. حصه : يعني انت ولد عمي ؟ مايد >> زين والله شكلي بطير من الفرحه .. واخيرا لقييييتها . : هيه ولد عمج .. بس انتي ليش عايشه فالدار الايتامه .. وين عمي .وينها امج ؟؟ حصه ماقدرت امسك عمري وصحت . : اابويه وامايه عطووك اعمارهم مايد : شو ؟ ومتى وكييف ؟ حصه وانا اصييح : يووم كان عمري 15 سنه . كنه راديييين من الرحله . سوينا حادث .. ابويه وامايه توفى . وانا مالقوا اهلي وفروني فالدار الايتامه مايد .. قلبه عوره ع حصه : هااج كلينكس مسحي دموعج .. مايد : الحمدالله اني لقيتج والله ماكان عندي امل ..كنت برد الامارات بعد شهر . بس الحمدالله اني لقيتج . والله لو اخبر الاهل . بيفرحون . الكل يترياء هل يووم حصه : انا احس عمري فحلم .. واخيرا لقيييت اهلي والله مب مصدقه . يعني برد الامارات . يعني بعيش فارضي مايد : ههههههه هيه .. حصه : والله احس عمري فحلم مايد : اقرصج حصه وانا اضحك واصيح : ههه لا شوو مايد : زين والله اني سحبتج . ولاه كنتي بتسيرين .. ابد ماعندج اسلوب الرقه حصه : ههههههههه يعني واحد غريب .. اكييد جي بيكون اسلوبي وياه مايد : حلااتج وانتي تضحكييين مب معصبه . لا تنسين انا مب غريب . اانا ولد عمج من لحمج ودمج حصه : زين انا شو دراني انك ولد عمي من لحمي ودمي . مايد : ه . كان خاطريه اصفعج ..عسبت تردين برقه شووي جصه : ههههههههه مايد: ههههه حصه : انزين ممكن تردني صووب البحر . لاني تاخرت واايد .وادري انهم يدورون علي . مايد : ان شاءالله من عيوني .ومرة وحده بنخبر المديره حصه : اليوم بتخبر المديره مايد : هيه اليوم مابتريياه اكثر ..ابا ارد الامارات حصه > حرك ماايد سيارته . وراح صووب البحر .. نزلت .. وقف عندي .. مايد : يالله انتو وين يالسات حصه : اونك ماتعرف من صبح تراقب مايد : هه حصه >> رحنا صوب البنات . الهام : حصوووووووه انتي وين رحتي ماما منيره ادور علييج خوله : وامنو هاه اللي ويااج مها : احن دورناج كل مكان ومالقيناج وين كنتي حصه : شوي شوي علي وين ماما منيره . الهام : وراج حصه لفيييت . .ماما منيره حضنتني . منيره : وين كنتي .. والله خوفتيني علييج .. وامنو هاه اللي وياااااج حصه : ماما منيره اذا سمحتي ممكن تيلسييين لانه في شي لازم تعرفيينه >> الكل يلس .. حصه : مايد ممكن انت اللي اتقول .. لاني انا ماقدر .. مايد : ان شاءالله .. حصه >> وخبرهم ماايد . بسالفه . والكل انصدم .. الهام : لا تقووليييين انج بتسيرين عنه امنه : ارجوج ياحصه لا تتركينه لا تنسييين انتي اختنا كلنا خوله : حصووه .. يمكن بس تشابه فالاسم مها : انتي اختنا احن ..واحن اهلج .ماعندج اهل غيرنا . مريم : صح رمست مها . ومنيره امنا كلنا حصه > انربط لساني ماعرفت شوو ارد عليييهم .. منيره : وشو دليل انك ولد عمها . مايد :عندي اوراق واثبات وكل شي .. منيره اابتسمت . بس فنفس الوقت كانت متضايجه : واخيرا وتحقق حلمج ياحصه .. لقيتي اهلج . وبتسيرين وبتعيشين .. فارضج حصه : يعني ياماما منيره انتي مب زعلانه لاني لقييت اهلي وبرد لهم منيره : صح اني بشتاق لج .. بس فنفس الوقت مستانسه ..انج لقيتي اهلج حصه >> حضنتها . .فديتج والله مريم : ماما منيره . يعني بتخلييين حصه اتسير الامارات منيره : مدامها لقت اهلها .. ليش تعيش فاالدار الهام : بس هي اختنا .. منيره : صح انها اختكم ..بس فالواقع هي لها اهل غيركم .. ولازم اتسير .. حصه >> الكل سكت . ماايد : حصه بعد يومييين بنرد الامارات .. ليين مااخلص اوراقج .. حصه : اوك مايد : انزين انا الحيين بخليكم .. ومرة وحده بتصل فالاهل ابشرهم اني حصلتج .. شكلهم كلهم بيووون اهني .. بس مابخليهم ههههههههه حصه : هههههه >> بس يوم لفييت راسي . شفت الكل حزين .. بس انا اللي ضحكت . وربي فرحانه اني لقيييت اهلي . بس زعلانه فنفس الوقت اني بتركهم وربي صعبه علي . .. حصه .>> يوم الثاني الصبح . كلنا يالسيييين ع السفره .. اول مرة . الكل سااكت . حتى ماما منيره .. والله اني اانا بعد بفقدهم ..خايفه اسير الامارات ومايتقلبووني . وخلااف اتمنى اني ارد الملجاء عند اخواتي وماما منيره . والله احبهم .واكييد كل يووم برمسهم في فوون . وبرمسهم فالنت عسبت اشوفهم . حصه : ماما منيره شو راايج لو كلكم تيون وياي الامارات . وتموون يووم او يووميين وتردوون ؟ منيره : مايصير ياحصه . صح اني واايد طيبه ويااكم .بس هناك قوانييين لازم اطبقه حصه : بس منيره : ماشي امل . حصه : لا تزعلون .. والله بي زياره عندكم . الهام : حصووه .. فكري زين .. انتي ماتعرفييينهم زين . انتي خلااص تعودي علينا حصه : شرات ماتعود علييكم بتعوود عليهم . الهام مهما كانوا هاايل اهلي ..امانه . لو وحده فييكم .حصلت امها وابوها . او حد من اهلها .. بتسير ويااه صح الكل سكت . حصه : شفتوا . بتسوون نفسي .. مب معناته اني مااحبكم لا والله انا احبكم وامووت فييكم .. بس انا لقييت اهلي .ماما منيره لو انتي ربي رزقج بعيال . كنتي بتميين فهل ملجاء 24 سااعه .. لا . .كنت بتسوين اللي علييج وترديين بيت صح منيره بصوت واطي : هيه حصه : يعني كل واحد .. له امنيه .. وانتو بعد امنيتكم انكم تلقون اهاليكم . ووانا بعد . وماما منيره تبا عيال . كل واحد له شي فالدنيا . لو صار هل شي ..مابيوقف يدامه صح .. الكل سااكت . حصه: لا تحاتون لو شو مايصير مابنساكم .. الكل مرة وحده نقز ع حصه ويحضنها . مريوم : حصوووه . كل يووم اتصلي . الهام : وانا 24 ساعه يالسه ع النت . يعني احدري عسبت نرمسج فيديو حصه : ههههه من عيوني . نوف : عااد يوم بتييين القطر . لازم كل وحده هديتها لا تقوليين انج نسيتي حصه : ههه ان شاءالله ماطلبتي شي امنه : شوووفي انا بتصل فيج فأي وقت لا تقوليين عيب حصه : خذي راحتج هههههههه > .. كان يووم ولا احلى . البنات مدلعيني بزووود .. ويسون كل شي ماخلوني اسوي شي . تحريت عمري عرووس بدايه هههههههه .. مر يوومييين بسرعه .. كنه سااعتييين . ووكنت يالسه اودعهم .كلنا كنه انصيييح .. صعب الوداع.ماقدرت اتخييل هل يووم . عمري ماتخليت اني بتركهم .. حصه وانا اصيح : اماانه .. لا تصيحوون اكثر لا تعورلي قلبي . امانه منيره تحضنها : ديري بالج ع عمرج . ماوصييج .. ولا تنسين ربج . وتوكلي علييه فكل امورج . واتصلي فيني اذا تضايقتي او أي شي .. حصه حضنتها اقوى : ان شاءالله من عيوني .. ماما منيره لاتنسيني . والله اني بشتاق لج ووايد واايد .. واحبج واايد منيره : وانا بعد حصه حضنت الهام : الهام عشاني لا تصيحييين .. والله بحدر النت 24 سااعه وبرمسج فيديو .. حتى بتمليين مني هههه الهام : جب . لاتقولييين جي اصلا انا ماامل منج حصه : الحيين ماتمليين مني . تذكرين قبل . يووم اتظهريني من الغرفه الهام : امزح وياااج حصه : ادري هههههه حصه رحت حضنت مها : مهيوو ياحلوه . الغشوووه لا تحرقينها شرات كل مرة . عسبت ماتبلسينها ياويلج . صح اني بسير .. بس بسالهم عنج مها : هههه والله خلااص بلبسها كل يووم لا تحاتييين حصه رحت حضنت خوله : وانتي بعد . لاتحطييين الايباد وسماعه فاذنج وترقديين .. صح قبل انا اللي كنت اخوزهم .. وتعصبيين .. لا تتحرين اني سايره ومابسال عن هل شي خوله : والله وعد اني ماالبسهم يوووم برقد حصه حضنت مريوم : ياربي شكثر بشتاق لطبااخج .. وعصبيتج يووم اخرب عليييج .. بس لا تحاتيين بخرب علييج بتصل االا وانتي فالمطبخ مريوم هههه .. مابرمسج حصه : بزعل منج ترا هههههه حصه > رحت حضنت امنه : امونتي . والله بشتااق لنصايحج .. وحضنج الدفااي . ويووم تهزبيني اذا خيست المكان .. امنه : وانا بعد .. مايد : حصه .. يالله بنتااخر مااشاءالله كل هاه تودعيين حصه وقفت صوووب الباب : يلا فمان الله ..وديروا بالكم عمركم زين مازين . وانا احبــ ــ بــ كـ م >> قلتها وانا اصيح ..ماقدرت اشوفهم. سيده ركبت السياره . وحرك ماايد السياره . وكنت اشووف الملجاء . كل ثاانيه كنت ابتعد عنها ليين مااختفت كامل . كنت ابا اقول وقف . ابا ارد لهم .. ماشبعت منهم .. لكن فنفس الوقت ابا اعيش عند اهلي وناسي . مايد : ماشاءالله كل هاه تودعينهم ... حصه : هيه .. مايد : ياربي بدء الصياح حصه وانا اصيح : والله بشتااق لهم ..عمري ماتخيلت اني بتركهم مايد : بس انتي رايحه عند اهلج وناسج حصه : بس هااايل اخواتي ويعرفون عني كل شي . مايد ماعرف شوو يقول .. : هاج كلينكس . حصه: مشكور . انت خبرتهم اني اليوم ياايه مايد : لا . قلت لهم بيبج وياي اسبوع الياي . وقلت لهم . يتيمعوون كلهم اليوم فبيتنا لاني ياي روحي .. وابا اقولهم شي ضروري حصه : خبرتهم . انه ابويه وامايه > ماقدرت اقول الكلمه مايد : لا ماخبرتهم ااصلا ماقدرت . بس قلت لهم اني لقيتكم حصه : انا خايفه مايد : لاتخافييين . انتي بتسيرين عند اهلج وناسج . ولاتحاتييين كلهم يحبون عمي . ويحبونج انتي بعد حصه : صج مايد : هيه والله صج حصه : بس اخاف مايقبلوني يووم بيعرفون ابويه توفى مايد : بالعكس جي . بيتمسكوون فييج اكثر لانج من ريحة الغالي حصه : صج مايد : هيه والله صج حصه >> بعد ساعات طوويله وصلنا الامارات .. اول مانزلت من الطياره .. حسيت بشعور غريب .. كنت متغشيه . .وكنت اصيييح تحت الغشوه .. ماكان لي امل اني بشوووف الامارات مرة ثانيه . يارب اذا كان حلم .. مااقوم منه .. وخلصنا الاجراءت .. وركبنا سياره ثاانيه .. شكلها موصي حد يب له سياره .. مايد : حصه بلاااج ساااكته؟؟ حصه >> مااقدر ارمس لاني قااعده اصيييح .. مايد : حصه .. حصه نزلي الغشووووه .. حصه >>لفيييت ويهي .. حاولت امسح دموعي من دوون مايحس ونزلت الغشوه : مافيني شي مايد : ليش اتصيحييين ؟؟ حصه صحت : مب مصدقه اني بشووف اهلي مرة ثاانيه . واني رديت لبلادي والله موول ماكان عندي امل .. اني برجع . الامل عندي كان ميت فهل ناحيه .. بس سبحان الله رديت .. بطريقه عمري ماتوقعتها مايد : حصه لازم تعرفييين فكل امر فهل دنيا له امل . مدام ربج فوق حصه : ونعم بالله مايد : ههههه يلا عاااد اضحكي . ابا اشوفج وانتي اتضحكيييين حصه : هههه مايد : تعرفيين يوم تضحكييين شكلج يطلع احلى .. جي يوم تصيحييين احسج عيوز حصه : لا والله مايد : ههههههه حصه : ههههههه خلااص مابتشوفني اصيييح مايد : ههههههههه ان شاءالله .. يالله ان شاءالله بعد كمن ساعه بنوصل حصه : خايفه مايد : لا حوول ردينا ع نفس سالفه . لا تخافيين انتي رايحه عند اهلج وناسج . والله اهلج ماياكلون البشر . بالعكس بيحطوونج فعيونهم لاتحاتييين حصه : هههه ادري انهم مابياكلوني بس . مايد : بس خايفه انهم مايتقبلونج .. ليش انتي رايحه تسجليين فالمدرسه .. انتي بنتهم لا تنسين حصه >> لفييت ويهي . وبعد كمن سااعه . قال ماايد انه وصلنا . ماكنت مصدقه .. : انت من صدقك وصلنا مايد : هيه والله وصلنا . يلا نزلي . حصه >> مب مصدقه مايد : ازقر امايه تشلج حصه : ههههههه لا شو روحي بنزل مايد : اقول تعالي اوقفي عندي ... بقص عليييهم بقوول انج حرمتيه .. حصه > يوم قال حرمتيه . حسيت بحراج نزلت راسي . وتميييت واقفه مكاني مايد :بلاج تعالي عندي اونج حرمتيه اوك حصه قلت بصووت واطي ويبييين اني مستحيه : اوك >> وقفت عنده .. ومشينا .شفته مقرب ماباقي الا يمسك أيدي .. تخيلته لو ريلي . ماشااءالله علييه حلوو وكل بنت تتمناه بس اكييد خاطب .. لو خاطب ماكان بيقول اني حرمته .. اووف انا متفيجه افكر فهل اشياء .. مايد : السلام عليييكم الكل : وعليييكم السلام . حصه >الكل عيونهم علي .. راح مايد .. سلم عليييهم كلهم .. وتم يحضن . وانا تمييت واقفه صووب الباب .. شكله نساني هاه بعد .. مايد : بلاااج واقفه صووب الباب . تعالي سلمي ع الاهل .. بومايد : امنو هااي حصه >> ياء ماايد وقف صوووبي مايد : حرمتيه الكل : شوو مايد : عرست عليها بسنه الله ورسوله حصه >> الكل منصدم كل واحد يشووف ثااني . بس استغربت يووم شفت ماايد يضحك . مايد : امزح ... هااي حصه بنت عمي .. حصه >> اول ماقال جي . الكل ياء صووبي وتم يسلم .. ويلست عند واحد شيبه وتعبان .. شكله هاه يدي .. بو مايد :ا نزين وين اخوويه وحرمته مايد يلس ونزل راسه : عطوكم عمرهم .. بوسلطان >> يد مايد وحصه .. بوسلطان : ولدي مات .. مايد :عمي وحرمته ماتوا . من 6 سنوات تقربيا حصه >> الكل انصدم . سمعت صووت الحريم جي يصحوون ويدي بعد . ماقدرت امسك عمري صحت وحضنت يدي . لاني اشم فييه ريحت ابويه الله يرحمه .. بعد كمن سااعه . الكل يلس .. وعرفوني عليييهم .. بوسلطان : يابنتي سامحيني انا واايد غلط فحق ابوج وامج وحقج حصه : انا مب زعلانه من شي . بس زعلانه لاني عشت بعييده عنكم بوسلطان : من اليوم بتعشين بين اهلج . بتعشين وياي فالبييت .. حصه > > تعرفت ع الكل الاهل . عماتي واعمامي وعيالهم .. وعشت عند يدي . فعلا ردت لي رووح .. مر ايام وشهور وسنييين .. كنت كل يووم ارمس اخووواتي اللي فالقطر .. فووق كل هاه تزوجت مايد .. اللي عطاني من حب وحنان ونساني كل حزني . وربي رزقني بعيال .. يملوون حياتي الفرحه .. كانت ايامي حلوه .. ايام كلها سعاده ف سعاده .. نسيت طعم الغربه .. ونسيت ضيااع . .ونسيت الدمووع .. عشت حياااتي كلها بسعاده بفضل رب العاالمييين .. وحبيبت اوصلكم شي من قصتي .. انه الامل موجود . لا تنهار .. وتتضايق .. وتزعل .. لا تضيييع عمرك فالهم وتفكير .. لا تضييع ايامك بهل اشياء . استفييد من كل سااعه . فكل سااعه اذكر ربك . وتوكل علييه فامرك .. واشرح صدرك ... وعط امل لغيرك .. مدامك توكلت ع رب العالميين . ابشرك بأنك بتكوون اسعد انسان فهل الكوون .. خل الامل موجود واصبر .لانه ربك يحب الصابرين . ولك اجر عند ربك . غير الاجر . ربي بيكون وياك فكل امر .. بس يابني آدم توكل ع ربك . وعيش حياتك بذكره . بتعرف طعم الراحه والفرحه ..وبيتحقق كل امانيك .. النهايه .. | ||||||||
|
| |
|
| أدوات الموضوع | |
| انواع عرض الموضوع | |
|
|
.png)
العرض العادي
