آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
17-05-16, 05:12 AM
| #21 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  \\ +[.. الجزء التاسعـ عشر.. ]+ +[..ياحسافهـ مامضى واللهـ ياحسافة هالغلا كلهـ..]+ +[.. ليتـ قلبيـ ماتولهـ وليتنا فيـ يومـ ماغلينا.. ]+ تمييييييييت اتريااهاا اليين ماقطعت الكيك ورتبت شكله .... يوم يايه بشل الكييك وبظهر .. يتني سارووه ..: خالي حمد يبااج في الميلس ... : بس عنده رياييل في الميلس .. : لالا ماعنده سيري يبااج .. : انزين بودي الكيك عقب بسيير له .. بندفاع : لالالا انا بشل الكيك عنج وتسير صوب خالي .. استغرب من سااره .. بلاهاا تخبلت ..لالا ليكوون قالت حق خالي حمد عن سعييد .. تسوويها الدبه ..انا ماسويت شي غلط عسب اخااف .. ابتسمي يا الريم وماعلييج من حد .. دقيت باب الميلس عقب بطلته ...: السلام عليكم .. ....: وعليكم السلااام ... شفت اثنيييييييييييين .. بس واحد منهم انصدمت من وجووده ...هذاا شو يسوي هني متى ارد اصلا ...حسن ومنصور ...تمييت واقفه اطالعهم .. ادخل ولا ما ادخل .. ادخل ولاا .. بدخل واللي فيها فيهاا .. : السلام عليكم .. ثنينتهم : وعليكم السلام .. صديت صوب حسن : شحالك ولد خالتي ؟؟ ابتسم : بخيير ربي يعافييج ومن صوبج .. : يسررك الحال .. وينه خالي حمد ... شفت حسن يطالعني ويرد يطالع منصور : ظهر ويا ابووي وخالي حميد مشوار عقب بيررد .. قال بصوت كله غييض : ونحن مالنا رب .. قولي اقل شي الحمد الله ع السلامه .. قمت من مكاني : حسن انا بسير صوب امايه شي بخااطرك .. حسييته متردد ويطالع صوب اخووه .. صدييت صوب منصوور .. شفته منزل راااسه .. حسييييييته ذبلااان وضعفااااااان وااااااااااااايد وااااايد صدق من الخااطر .. جنه هب منصوووور راعي الجسم الرياااضي ... شفت حسن بعده يطالع اخووه .. شلييت بعمري وظهرت من المييلس .. دخلت الصاله لقيت اماايه وعليا ولطيفه وخالوه وعموه قاعداات .. خطفت عنهن وسررت صووب حجررتي .. لقيت يزووي وساره .. قاعداات .. اول ماشفت سااره زيين ماصفعتهاا : انتييي لييش تكذبيين لييش تقوليين ان خالي حمد يبااني .. يزووي : انا اللي قلت لها جي تسووي .. بغيييض : انزززين لييييييييييييييش ... يزووي بعصبييه : عسب انتي ومنصووور تتراضوووووون "تمت تصييح" انتي قبل هب موافقه لانه مسافر هذا هوو رد من السفرر .. لا توافقييين على فهد .. عصبت علييهاا : اواافق على فهد ولا مااوافق هذا شي رااجع لي .. ساره بغييض : الرريم !! : جب انتي انززززززززيين .. "صديت صوب اليازيه " وهذا اخووج هب لانه رد من السفر بااخذه .. خلاص طااح كرته .. شلت يزووي بعمرهاا وظهرت وسااره لحقتهاا .. طحت ع الشبرريه اصييييييح .. عقب دشت علي علاياا .. تقربت مني : بلااج تصيحييييييييين .. قلت لها من بيين شهقااتي : محد فاااهمني محد .." لوت علي بقوو"تمييت اصييح من الخااطرر .. : افااا .. الريم من متى ادسييييييييين عني ..قولي اللي بخااطرج .. مشييت دمووعي وخذت نفس : تقدم لي واحد ..اخو ربيعتي .. وبنات خالتييه مايبني اخذه لانه .. اخوهن يبااني .. واخوهن هذاا اتهمني اني ع علاقه ويا سعييد .. وبدال مايعتذر ساافر .. وقبل شوي ساره زقرتني قالت لي خالي حمد يباج في الميلس .. يوم سرت الميلس لقييته هنااااااااااك .. : حسبي الله عليييييييه .. وهو شدراا بسعييد ولد عمتي .. : ولد خالتي الثاني يستووي ربيعه اسمه حسن علي بن ضاعن .. مدير قسم التابع في بوظبي .. : هييه هيه عرفته .. هذا ربيع سعييييد .. : يستوي ولد خالتي .. منصور قاله انه يبااني .. هو عصب وقاله ان سعييد يحبني وانا احبه .. : خييييييييييييييبه .. هذا كله من سعيييد .. : مايخصه سعييد .. الغلط من منصوور مفروووض مايصدق "رديت اصيح" والله ان منصوور قدر ينسييني سعييد ..بس في نهايه سافر وخلااني .. حبتني ع رااسي : فدييتج الحيين ارتااحي ومنصوور لو يبااج كان خطبج رسمي .. وبعديين .. انتي استخيري والله بيسر لج امررج .. لحفتني وسكرت البااب علي .. تمييييييت افكرر بالياازيه لاني وااايد قسيييت علييهاا ..وهي مايخصهاا .. هب ذنبهاا ...برمسها بعد كم يووم بتكون اهدا عن جي .. ثااني يووم في ع قرب .. كنت قااعده في الصاله رووحي .. اماايه سارت عند الييران وخالي حمد وعلايا عازميينهم اهل عليا ع الغدا وساره في حجرتها تدرس.. اصلاا بعدنا متزاعلات ... تمييت اغير في القنوااااات .. اففففففففف بصرااحه ملل.. تليفزيوون مافييه شي .... الا هااي قنواات الاغااني اللي مشتغله 24 سااعه ويا الجاات مالهاا .. استغفر الله منهم ماعندهم ساااالفه ..."تبطل باب الصاله" خالي حمد : السلام عليكم .. ابتسمت له : وعليكم السلاام .. وين علايا عنك ؟؟ : بتقيل في بيت اهلها وفي الليل بخطف علييهاا .. قعد عداالي وسحب مني الرموت كنتروول ... تمييت اطاالع ملاامحه ... فييه جماله هالرياال .. خشمه طوويل .. عيوونه متوسطاات بس وااسعه شفاايفه وررديه رفييعه واايد .. رغم ان عمره 35 الا تحسوون عمره اصغرر عن جي .. احسه واايد يهتم بعمره وكشخته .."صد صوبي فجأه وشكني يوم اني افصفص فييه" : اوول مرره تشووفييني .. ابتسمت : شوو رايك بعلياا مرتااح وياهاا.. ضحك : ههههههههههههههههههههههههه ه .. والله هالعلياا تنحط ع الجررح يبراا ... غصب عني حبييتهاا ... : هي وااايد طييييييييبه .. حلييلهاا .. ابتسم لي : فدييتهاا حرمت حمد أل ******* .. ضربته ع كتففففففه : يالله يالخقااااااق ... صد صووبي وقالي : وشوو رايج بفهد بن سلطاان ... عااد انا هني قفطت وماردييت علييييييه ... ابتسم : اوونج عرووس وتستحيييييييين ... انا اعرف حد يقرب لهم من بعييد ومدحووه لي والراي الاول والاخيير لج انتي .. عطووج اسبوعيين تفكيررين .. ابتسمت له وماردييت علييه .. عقب هوو رد يقوول : منصور قبل شهر وماعرف شهريين .. رمسني عنج .. بس ماشووفه تحررك وتقدم لج رسمي ..وهم عارفيين ان شي معرس تقدم لج .. وانا مستحييل اسيير اقووله تعال تبى الريم .. رفعت رااسي صووبه : والله اللي الله كاتب لي فييه نصييب باخذه .. حبني ع رااسي : الله يوفقج يا الريم .. ظهرت ساره من الحجرره عقب قالت له : انت هني ..ووين علياا .. قال لنا بغييض : علياا جي حااف .. قولي خالووه .. عمووه .. مدام حمد ال**** ضحكت سارووه : متفيييييييج انت وحرمتك ... : مالت عليييج احلى عنج ... : اقوول خالي .. : امرري يا شينة الحرريم ؟؟ عصببت منه : احلى عنك يا الخسسسف ..شورايك تكشتناا ... : تووج تقوليين عني خسف وانا خالج وعقب تقوليين كشتناا .. سااره : قووم حووطناا ملييت من مجاابل الكتب .. : خلااص قومن تلبسن .. اذا اتاخرتن علي بظهر وبخلييكن .. تراابعناا صوب حجرناا ..ولبسنا عبينا المصكرره ع طااير وتحجبنا وظهرنا له .. يوم شافنا ابتسم لنا : يالله سرييناا .. شلنا المبزرره كالعااده .. لان مستحييل يوديينا مولات .. تميينا نحووط في السيااره عقب نزلنا عند المااي وخالي حمد تم في السيااره يرمس بالفوون .. كناا قاعديين عند مصب المااي الحاار وحاطات ريوولناا .. وكل وحده سااكته ماترمس الثاانييه .. عقب ساره صدت صووبي قالت لي : بعدج زعلاانه .. ابتسمت لهاا : لا لييش ازعل .. تمت ساكته وسرحاانه ..عقب صدت صووبي بيأس : بتوافقيين ع فهد .. : مااعرف .. قالت لي بنفعاال : ابى اعرف شي وااحد .. : شووو .. : موزووه ربيعتج مرره دقت وانا قلت لهاا عن منصوور .. كيف اطررش اخووهاا صوبناا .. تصدقوون صح كلاامهاا .. حتى انا ماايى ع بالي هالشي .. احييد ساره قالت لموزه عن منصوور .. عقب تذكررت شو قلت لهاا .. صديت صوب سارره : لاني هذاك اليووم قلت لها الاا رمسسه من بيين اهل هب اكيييد .. : يمكن لييش لاا ..بس صدق بتوافقيين .. : بعدني مااستخرت قدامي كم يوم افكر فييهن ( كذابه استخارت وخلصت) رفعت اديينها بالسما : ان شا الله ماتاخذيينه ... : حتى لو ماخذته ... تتحريني بااخذ منصوور .. : حراااااااااام علييج .. تعرفيين ان كوول من حسن وخواته قالوله الريم ياها معرس زين يمكن تاخذه .. هد درااسته ورد الامارات ... عصببت منهاا : وتدريين ان سمع رمسه عني خلااني رووحي وساافر ولا افتكر فيني .. حتى مااسمعني .. انصدمت : يالله بالسترررررررررررر .. أي رمسسه بعد .. تمييت اقوول لهاا عن منصوور يوم قالي عن سعييد ويوم عطييته طرااق وعن حسن يوم اعتذر حتى عن سعييد يوم صدييته ... تمت تطالعني بيأس : الله يعيينج يا اختي .. بس احلى شي يوم صديتي سعييد .. : دوااه .. : والله حليله حسن طيب .. خرييش من الخااطر .. ابتسمت لهاا : ليكون حاطه عيينج علييه .. ضحكت من الخااطر : ههههههههههههههههههههههههه ه لالا محيريله بنت عمه انصدمت : صدق ؟؟ منو عفرا ولا العنود .. : للأسف الخسفه عفراا .. : الله يعيينه .. : الريم تصدقيين .. : شووو : ماتوقعت جي منصوور .. يمكن كان معصب يوم جي قالج .. : عصب بكيييفه "اشرت ع قلبي " هذا انجرح منه خلااااااااااااااااااص.. سكتت سااره وماردت تفتح ويااي نفس الموضووع .. وتمت تسوولف على المدررسه اليين مانزل خالي حمد ..: هاا بوشهااب منوو تغاازل بالفوون .. ضحك: خخخخخخخ ارمس حرمتي.. ساره بلقافه : ماتشبع منهاا .. خالي حمد بغيااض : لاااااااااااا مااشبع والحيين بسيير اييبها .. قلت له بندفااع : لاااااا .. حراام .. مانباا نرد البييت ... دزني خالي حمد : يالله قداااااااااااااااامي ع السياره .. ركبناا السيااره ونحن نتحررطم ع خالي حمد .. الييين ماوصلنا بيت قوم علاياا .. دقينا هرن .. تميينا نترياهاا في سيااره .. كانت ساره متفيزره قدام عدال خالي عقب نقزت ورى ... تمييت اطالع باب الصاله اللي ظهر منه سعييييد ... اففففففف مابى اتذكره خلااص ابى انسااه .. صديت عن البااب اليين مايتناا علياا .. : السلام علييكم .. اليمييع : وعليكم السلاام .. صدت صوبناا : شحالكن صباياا .. بدوون نفس : بخيييييييييييييييييييييير .. طالعتنا مستغربه : بلاااكن مبوزاات .. ضحك خالي حمد : اووونهن مايبن يردن البييت .. ابتسمت لنا : محد بيرد البييت .. ساره : ووين بتشلووناا .. خالي حمد : بنسيير سور الصين تعشى هنااك .. من قال سور الصيين صارخت : لالالا مانباااه .. ودووني أي مطعم الا هذاا .. كلهم طالعووني مستغربيين .. عقب حاولت اعدل موقفي : اخرر مره سررت تمييت ازاوع اسبووع .. ودونا المطعم اللي عدااله .. ابتسم خالي حمد : خلااص ماعليييه .. سارووه تصاصررني : كل هاا عسب ماتذكريين بن فااهم .. ابتسمت لهاا ومارديت علييهاا .. انا بحاول اني انسسسساه .. هذا بس لانه اول ريال بين لي اهتمامه ومشااعره تعلقت فييه .. ماكنت اعرف اني ضعييفه لهالدرجه .. بس بينت الاياام اني اقووى من مشاعره ... وهذاا سعييييييييد بسويله دلييت من حياتي ... لانه مايستاهل .. لانه مثل ماكان يطالعني وهو معرس بيطالع الف غيري .. وصلناا المطعم ..وقعدنا صوب قسم العائلاات ... انا وساره طلبنا بريااني والمعاريس طلبوا اكله غريبه اونه بيجربوون ... يوم يابوا الاكل بدا الفلم المكسيكي اونه خالي حمد يأكل علياا .. جان تقولهم ساره : انتوا ماتستحوون .. طالعها خالي حمد بغييض : حررمتي كيفي بأكلهاا .. تمت ساكته سااره عقب شلت الخاشوقه اونها بتأكلني .. تميييييت اضحك انا ..بس ماحبييت اردهاا : يسلمووو.. جان تقول علاياا : طااع كييييف يقلدناا ... جان يقول خالي حمد : انا احبك واعلانها صراحه واكسر التقليد؟؟ واحرض كل عشاق الهوى تتبع خطاوينا ... علايا هني قفطت من الخاااااااااطر وتمت مستحيييه ومنزله راسهاا ... حسيييتها بتمووت.. وانا سارووه نضحك عليهاا .. عقب شليت صحني جان اقول حق خالي حمد : نفظييلكم الطاوله .. ابتسم لنا : لو سمحتن .. جنه ماصدق انه نفضييلهم الجوو شلينا اكلنا طاوله شووي بعييده عن طاولتهم .. نحن نضحك علييييهم من الخااطر .. جان اقول لساره : تهقيين لو عرست جي ريلي بيعاملني .. : لو خذيتي منصور هييه لكن فهد ماتووقع .. تمييت اضحك علييهاا : وانتي شدرااج بفهد .. قالت لي بغييض : من اسمه ومن اخته احسه نفسهاا مصرقع .. ابتسمت لهاا : بالعكس موزه كان قبل تقوولي انه هو احن وااحد علييها من خوانهاا .. واايد طيب و أي شي تبااه ياخذه لهاا .. : ماالت .. تمييت اضحك علييهاا ..عقب شووي يونا قوم خالي حمد عقب ماخلص الفلم مالهم .. وقالولنا خلااص بنرد البييت ... ركبنا السيااره والفلم مالهم بدأ بس عاد هالجزء الثاني خخخخخخخ ... والله انهم يضحكوون .. بذات علاياا واااااااايد وااايد تستحي خييييييبه ... ويوم وصلنا البييت نزلنا اول شي انا وساره .. عقب شفناا سيارة خالي ترد ريووس ... وسوالناا ذاك الويل .. وشرد هو حرمته .. تميينا نضحك علييهم " الله يوفقهم" ... دخلنا البييت واماايه بعدهاا ماردت .. سرت حجررتي .. تسبحت وصليييت العشاا .... عقب سرت الصاله اطالع التلفزيوون .. مع اني متأكده انه مافييه شي .. تمييت ابدل بالقنواات .. عقب سمعت جرس البييت يدق .. جاان احط الوقايه ع رااسي عسب لافتحت الباب ... اتووقعت امايه ردت وعقب قلت اكييد خالي حمد .. اول مابطلت الباب لقيييييييته شخص ثااني ... منصور ..انصدمت يوم شفته .. وشكله صدق تعباااااااااان من الخاااطر .. وايد ضعييف واايد بعد .. قالي بهمس : الريم .. رديت علييه بدوون نفس : تفضل .."ومشيت عنه" زخ ادييني وقربني صووبه : لاتسيريين عني .. انصدمت من حركتته وعصبت منه من الخاااااااطر ... فخوزت اييده من ايديين : انت شوو مشكلتك .. ممكن اعررف .. عصب مني : ليييييييييييش تبيين اذليني ... سكت عنه وعقب قلت له : منصووووووووور بلييز خوز عن عني .. شو تبااني.. منصور بصووت كله الم : ريماااااااااااااني حراام علييييييييييج " زخ ادييني وقربهن لصدرره" اذا ماتبيييين ترحمييني انا .. رحمي هذا اللي ينبض لج ... حسيييييييت بنباااضت قلبه تدق بسرررعه .. دمعت عيووني غصب عني .. سحبت ادييني .. وقلت له : خلنــــــــــــــــــــــ ـي بحاالي دخيييييييلك .. سافر مره ثاانيه لا ترد .. ربعت صووووووووب حجررتي وخليت منصور واقف مكاانه وزخييت تليفووني .. واعرف اللي انا بسووويه الحيين مابندم علييه ابد .. خذت نفس ومشييت دمووعي .. من صوب الثاني ع الخط : الووو .. ابتسمت : هلا ابووويه شحالك .. : بخيير ربي يعافييج شحالج انتي وشحال خواانج .. : يسررك حالناا .. : هالرريم بلااج .. تبييني اييب لج شي .. : لا فدييك ابى سلاامتك .. بس حبييت اقولك .. انا " سكت مارمت اكمل " : قوولي فدييتج .. : انا موافقه على فهد | ||||
|  |
|
17-05-16, 05:13 AM
| #22 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| \\ +[.. الجزءالعشرينـ والأخير .. ]+ +[.. الفصلـ الاولـ .. ]+ ربعت صووووووووب حجررتي وخليت منصور واقف مكاانه وزخييت تليفووني .. واعرف اللي انا بسووويه الحيين مابندم علييه ابد .. خذت نفس ومشييت دمووعي .. من صوب الثاني ع الخط : الووو .. ابتسمت : هلا ابووويه شحالك .. : بخيير ربي يعافييج شحالج انتي وشحال خواانج .. : يسررك حالناا .. : هالرريم بلااج .. تبييني اييب لج شي .. : لا فدييك ابى سلاامتك .. بس حبييت اقولك .. انا " سكت مارمت اكمل " : قوولي فدييتج .. غمضت عيوووني : انا موافقه على فهد حسييت ان صوته تغيير : الرريم .. انا اليوم رمستهم ورديتهم .. انصدمت : ليييييييييييييييش انا استخرت وارتحت ... : لان " سكت شوي عقب قال" انا الحيييييين بييج .. صكر عني وخلاااني مذهووله بهالصدمه ... كييف يردهم بدوون مايشااورني .. انا صدق استخررت وواايد ارتحت ... بصرااحه ابوووووووي صدمني .. صدمني من الخااطر .. ابى اعرف ليييييييش ... ظهرت صووب الحووي وانا اتمنى ان منصوور رد بييتهم .. هذا اللي استوى لانه محد .. تمييت قاعده في الحووي اترياا ابووي .. دقايق ويرن تليفوني ويعلن عن وصول ابووي .. ظهرت له انا متلهفه .. قربته الميلس .. وسالته بكل جرأه : لييش رديت اهل ربيعتي .. ابتسم لي : لييييييييش لانهم بس اهل ربيعتج كنتي بتوافقيين علييهم .. : طبعا لاا .. انا ياابووي استخرت وارتحت .. وابى اعرف لييش رديتهم ؟؟ تم ساااااااااكت يمكن ربع ساعه تقريباا : يالريم انا في حيااتي كلهاا .. ماسوويت شي لمصلحتكم .. ومابينت وجوودي .. والباارحه يااني علي بن ضاعن وولده منصوور وتقدموا لج رسمي مني .. ومنصوور حلف ان مااخذتيييييييه والله ماياخذ غيررج .. وانا قست اخلاق منصور بأخلاق فهد وكلهم ما علييهم كلاام .. بس انا بدييت القريب ع الغرييييييييب .. ومنصوور اولى لج من فهد .. عصبببببببت من الخاااااااطر : يعني انت ردييت فهد عسب تثبت وجوودكم .. ابووي انت مهماا سوويت ترااك غاالي وكلمتك هي اللي تمشي علييناا .."خذت نفس" يابووووي انا ماابى منصوور ولد خالتيييه .. انصدم ابووي : ليييش .. ورياال حلف .. ردييت بغيض : خله يصوووووم 3 اياام .. : ياابنتي لييش جي شايله ع الرياال .. شفتيي عليييييه شي .. : لاا .. بس انا مابااااااااااه ماابلعه .. عصب ابووي : عن المصااااااااخه .. ع صوت ابوي دخل خالي حمد ..: السلام عليكم ... وقف ابوي يسلم ع خالي ... عقب صد صووبي وشاافني معصبببببببه : بلااج الريم معصبه .. قلت له بغييض : ابووي رد قوم فهد .. ابتسم : الله يوفقج بمنصوور .. وقفت عنهم من الخااطر معصبه وغصب عني طااحت دموووعي : اموووت ولا اخذ هالمنصوور .. ظهررت من الميللس سرت صووب حجررتي و صكرت البااب .. تمييييت اصيييح ع عمرري ... لييش جي لييش يبوون يغصبووني ع منصوور .. انززين حلف اناا شو يخصني .. يربطني فيييييه ... احسه مايثق بحد .. من تووصله رمسه سييده يعصب ويصدق بعد .. يقهررر .. انساان هب متفااهم ... الله يعييني والله يفكني منه .. تمييت قاعده في حجرتي 3 اياام .. هب طاايعه اظهر منهاا الاا لو بغيييييييييت اكل .. مراات اسيير المطبخ في الليل يوم يرقدوون ومراات اطررش سارووه .. هي الوحييده اللي ارمسها ولا الباااااااااقي مارمسهم .. لا خالي حمد لا امايه ولا حتى علاياا .. كم مره دقواا باب حجررتي مابطلته لهم .. بس جي اباا اغايضههم مثل ماغايضوووووني .. لييش يردوون الرياال ع كييفهم والله البارحه وصلني مسسج من المصرقعه ... " كل شي قسمه ونصييب والله يوفقج باللي احسن من اخوي" والله حسيييييييت بنغزه بقلبي يووم قريت هالمسج .. اكييد زعلت على اخووهاا .. مالت علي .. "سمعت حد يدق الباب" وقفت ورى الباب : منووو ؟؟ بصوت كله تعب: اناا امج يا الرييم .. والله ان رحمتهاا .. قلت بخااطري شوو بستفييد من هالقااطعه .. بذاات يعني امي .. بطلت لهاا البااب .. حبييتهاا ع رااسهاا .. ابتسمت لي : مابغييتي تبطليين البااب .. سكت ونزلت راااسي من الغييض اللي فييه ..: اماايه لييش تردووون فهد ... حسييت ملامح العصبيييه ارتسمت بويه اماايه : انتي بلاااااااااج عقييتي المستحى .. مستقطعه ع الرياااااااال .. اممممممممف عليييج .. رديتوا الريال ورديتوا الريااال.. هب تربييه ربييتج .. اوونج حابسه عمررج ع الرياااااااااال ... قلت لهاا بحزن : اماايه .. : سكتي خلااص .. قطعييها رمسه .. قوومي لبسي شيلتج .. انصدمت : ليييييييييش .. تنهدت اماايه : بيرمسج ولد خالتج وبيتافهم ويااج .. واذا ماعييبج كلاامه لج اللي تبيينه ... : شوو يعني لج اللي تبيينه .. اذا قلت مابااه مابتوافقوون علييه .. : هيييييه اللي تبيينه ... : بس انا ماابى اشووفه .. طالعتني بغيييض : قوومي قداامي قمت اغيير ملابسي .. لبست كندووره لونها تركواز وفييها بني ولبست وقايه وظهررت ويا اماايه .. "تقربت مني وصاصرتني" : اذا طولتي لسانج علييه ياوييلج .. سكت اناا .. لاني بسووي لسالفة منصوور حد وللابد .. دامهم بيسوون اللي اباااه .. دخلت الميلس لقييت منصور قاعد الرووحه : السلام عليكم .. رفع رااسه صووبي : وعلييج السلاام .. امايه : انا بخلي البااب الميلس مبطل عسب مايقولون خلووه .. انصدمت : وووين بتسيريين .. ابتسمت : اتفاهموا عقب بييكم .. لا والله يعني انا بتم مجابله هالمنصوور .. تمييت سااكته والعب باطرااف الوقايه.. : شحاالج .. رديت علييه بدون مااطالعه : بخيييييير .. : انزززززين ررفعي راااسج .. رفعت رااسي بجرأه .. قالي ببروود : ممكن اعرف لييييش ماتبييني ؟؟ : انت تعررف لييش ولا تسووي عمرك برييء .. قال بغييض : منوو عطى الثاني كف انا ولا انتي .."انا هني سكت" منوو لازم يزعل .. : لوو علي كان كسررتك ولا فذمتتك هااي رمسسه تعقهااا ع بنت خالتك .. تم متغيييييييض : يالرييييييييييييييييم انتي غييييير عندي.. تعرفيييييين شوو يعني غييييييييير .. تخيلي ايي حد يقوولي " خووز عنهاا ترا ربييعي يباها من قبلك " يالرريم فهمييني .. مارضييتهاا وعصبببببت منه .. قلت له ببرود : مشكلتك .. تنهد وقالي : انا اسف .. حرااااااااااام علييج .. انا ماارقد مجاافي نووم من سبتتتتتتتتج .. قلت لج اناا اسف شو بعد تبيييييين .. سكت عنه .. شوو اقووله مااعرف والله .. والله انه غمظني بااقي شووي بيحب ريووووولي .."قاطع تفكيري " : الريم اذا ماتبييني قووولي ... سكت عنه يمكن خمس دقاايق عقب قلت له : الجوااب بتلاقييه عند خالي حمد .. ونشيييييت عنه يوم ياايه بظهر من الميلس سحبني من طرف الوقاايه ... والله بغييت اطييح ع ويهي ... قعدني مجابلتنه .. انا ع الكرسي وهو تحت مجابلني .. تم يطالعني ويبصبص جننه اول مرره يشووفني ..: شوو طاالع .. ابتسم : أنا اسف ... نزلت رااسي .. اصلاا ماعرف شو اقوول له .. احسسه واايد ذل عمرره لي ..يسد انه اثبت لي انه يحبني ومن درى انه حد تقدم لي رد البلاد .. هب سعييد اللي ولا افتكر فييه .. حتى ماتقدم ولا ضحى عشااني ... اممممممم : منصوور ... ضحك : اخيراا نطقتي .. ابتسمت له : خلني افكررر عقب برد لك جوااب .. مارد علي جنه يأس مني .. شلييت عمري وانسحبت من المييلس .. مشييت ببطأ وانا ساير صوب حجررتي .. افكر بهالانسااان .. هل اذا وافقت عليييه .. بكسب قلبه ولا ارفض واتم بعناادي ... بطلت باب حجررتي .. شهقققققت من الخاطر .. طااحت علي بلاليييييييييين والالوااان .. نقزت علي سارووه : كل عاام وانتي بخيير .. وحتى يزوووي سلمت علي ولطووف وشوويخ ربيعت ساروووه .. انا منصدمه وهب مستووعبه شي : شوو السالفه .. ابتسمت شيخه ربيعت سارووه : اليوم يوم ميلاادج .. ههههههههه اووه صح تذكررت انا يوم ميلاادي في شهر 9 ... حليلي نسييت : والله نسيييييييت مشكوريين ع الحفله .. تقرربت مني يزوووي : هااي الحفله هدييه مني .."حبت ع خدي بقوو" ماباااج تزعليييييين مني ولا تحطييين بخااطررج من صووووبي ... ابتسمت لهاا : لا افاا عليييييييييج انتي غاااليه علي واحبج شراات سارووه ... ابتسمت لي ويابت لي بوكس لونه بييج وفييه خطووط ذهبييه : هااي هديتي .. وتقربت شيخه ربيعت سارووه يابت لي بااقة ورد جووري .. ولطوف يابت لي بوكس فييه حلاوة "باتشي" .. اماا سارووه عقت علي شييله ..: اندووج هالهديه ... والله انه الشييله يديده مالبستهاا .. وانتي تعرفيين انا علمي مااظهر السوووق ووووووو ... قاطعتهاا : جب جب .. مشكووره ع الشيله ..ههههههههههههههههه ابتسمت لي : صديقيني احلى هدييه .. تمييت اضحك ع خبالهن ... قعدت ع الشبرريه ووقفت ساره قداامي اونهاا تغني كل عاام وانت الحب .. عااد دخيييييييلكم والله الصوووت ... من الخااااطر نشااااااااااز ههههههههههههههههههههه ... يابت شوويخ بلوونه عووده ونقعتهاا عند اذنييه بقوو .. والله نقزت من مكااني : يعلللللللج يا شوويخ صمختيلي اذني .. : هههههههههههههههههههههههه حليلي اتمصخر ... : جي عاااد .. شلييت بلوون الاا انقعهاا عند اذنهاا .. بطلت البااب شررررردت وانا اربع وراهاا .. ساارت صووب الحوووي وتررربع دخلت المطبخ وانا حليلي بعدني في الحووي .. وعطيييكم ذاااك الووويل دست ع الكندوور وطحتت ع ويهي امررررررره ... والله دمعت عيوووني غصب عني .. حسييت بحد يضحك علي .. رفعت رااسي لقيت حسن ولد خالتييه فاج حلجه .. عصببت يوم شفته يضحك : شوو يضحك هااا .. ابتسم : سلمتي الغااليه ... قوومي من مكاانج .. عن يظهر منصوور من المييلس ويشوفج جي طاايحه ويهوون .. انقهررت منه .. نشييت وسرت صوب البالوونه اللي طارت يوم طحت .. ودخلت المطبخ لقييت شيخه مندسه ورى الثلااجه ..: انتي هني .. واييب لكم بلوون ع رااسهاا اوني بخليهاا تنقع ماطاااعت .. حااولت افعصهاا ماطاعت تنقع .. اليييييييين مااضغطت علييها بظفووري ونقعت غصب عنهاا .. شوويخ حليلهاا تصاارخ : حرااااااااااااااااااااااا ااام علييج اذنيييه تعوورني .. : دوااااااااااااااااااج يا الدبه .. سحبتهاا من المطببخ وسررنا صاله لقييتهم حاطييين الكييك وحلوياات ... صديت صوب اليازيه : انتواا منو يايبنكم حسن ولا منصوور .. رفعت رااسهاا صووبي : منصوور .. لطييفه : نحن يايين من زماان بس كنا قاعديين في حجرة سارووه ننفخ البلالييين .. ابتسمت لهن : وانا وييني عنكن .. ضحكت سارووه : في حجررتج مندسسه تصحيين فهد .. ابتسمت لهاا ومااخذيت الموضووع بحساسييه : ههههههههههه حليله فهد .. الياازيه : حله حلوول .. طالعتني شوويخ : الله يوفقج وياا نااصر .. كلناا انصدمناا : منوو نااصرر .. طالعتناا مستغربه من صدمتنا : ولد خالتج .. تميينا نضحك علييهاا .. قلت لهاا : اسم منصووور .. ابتسمت بحرااج : هوو هذاا .. الياازيه : منصوور احلى من نااصرر .. شويخ : كله وااحد .. ناصر منصوور ..الاا هوو اسم .. تميينا نسوولف ونزززط .. وعقب شوويخ ساارت بييتهم حليلهاا والله هالبنييه .. اليين الحيين ماتعرف اني انا رمست هذاك اللي ترمسه عسب يخووز عنهاا .. احييد شكل ساروووه يوم تحرييتهاا هي .. خخخخخخخ بغت تمووت علي ..والله هالاياام لازم الانساان يتحااذرر .. الشبااب يخرطوون وحتى البناات ماشا الله علييهن ينافسوون الشباب بهالشي .. بس بقوول هب كل نفس الشي .. بصرااحه هذا عبييد بين لي هالشي لوو غييره بعاند وبيقولي مايخصج .. صدييت ع يزووي وتمييت اطالعهاا ... دزتني يزووي : بعدج زعلاانه .. ضحكت : لا والله هب زعلااانه .. : اتحررا بعد .. خخخخخخخخخخخخ .. قعدتها عداالي : ترااج غاليه وماتهونيين علي .. نزلت رااسهاا اونهاا استحت .. صديت صوب ساره : ووين امايه وعلايا .. ردت علي والكيك في حلجهاا : في بييت عمووه ناعمه .. فريت الوساده ع راسهاا : صكرري حلجج يالسقم .. تمت تضحك يزووي : ههههههههههههههههههه حليلها خليهاا تاكل .. : قلنا تااكل هب جي فاجه حلجهاا ومترووس اكل .. ابتسمت لطووف : شراات بعض النااس ع الغدى .. تمن قاعدات ويانا اليييين ساعه 11 ياهن حسن وشلهن بوظبي .. وانا وساره تميينا في حجرتي سهراناات .. سألتهاا : لييش يزووي اعتذرت ؟؟ ابتسمت سارووه : تلوومت فييج .. وقالت ان كل شي اسمه قسمه ونصييب .. الريم اذا ماخذت منصوور بتم بنت خالتي واناا احبهاا ... : فدييتهاا .. واذا رمستييهاا قوليلهاا ان الريم ابد هب شايله بخااطرهاا من صووبج.. : ومنصوور .. : بلاهاا منصوور ؟؟ : شوو قررتي الحيين .. قلت لهاا ببروود : بعدني بفكرر .. حطت اييدها ع جتفي : نصييحه مني لاتضيعيين منصوور .. ابتسمت لهاا : اللي فييه الخيير الله بقدمه ... ظهرت من حجررتي اربع صووب حجرة امايه .. اعلن لها موافقتي على منصور .. احس ان قلبي في بطني .. قسم بالله اني مترووعه وفي نفس الوقت مستحييه .. دقيت باب حجرتهاا .. بطلت لي البااب : هلا بشيخة الحرريم .. دخلت حجرتهاا .. قعدت ع الشبريه نزلت رااسي : اماايه .. ابتسمت اماايه : موافقه ولا هب موافقه .. والله قفطه .. هزييت رااسي اونه هيه .. خخخخ احس عمريه هنديه .. ضحكت اماايه : هههههههههههههههههه اوونج مستحييه ..عاد انا ابى اسمعهاا .. : موافقه .. شلييت بعمري وربعت صووب حجررتي ... صكرت البااب بقووو .. لاني خلاص .. حسيت اني ببدأ بخطوه يدييده في حيااتي .. خطوه بتم ويااي للأبد .. قسم بالله ماعرف شوو اقولك .. ماعرف اضبط مشااعري وشعووري بهالوقت .. وفييه خووف كبيير من اللي يااي ... وفضوول بردت فعل منصوور يوم بيعرف ..شو بيكون شعووره .. يالله كم بعيش ؟؟ مرن كم يوم ع موافقتي .. سمعت سارووه تقوولي منصوور بيمووت من الفررحه .. الملجه حددوهاا قبل رمضان بسبوع .. بصرااحه بقولكم 24 ساعه مرتزه بحجررتي من هالتعليقاات اللي تييني .. العرووس والعرووس .. حتى ابوويه .. نفس الحاااله .. يوم ايي يزوورنا ... وابى اقولكم شي .. ترااني الحيين انا امشي بيين ممرات الطب الوقائي عسب اسووي فحوصات ... حتى منصور ايي من بوظبي ويسوو فحووصاته هني .. تصدقوون عااد انا ماشفته من عقب مارمسني بالمييلس ... حتى ماخلووه ايي بيتناا عسب مانتشااوف اليين الملجه والعرس بإذن الله بيكوون في اجازة الربيع ... الممرضه : خلاص حبييبي انتي في خلص .. ابتسمت لها : خلاص ارد البيت .. الممرضه : يس مداام .. اخييرا خلصت .. والله تعبت من كثر مادوور في هالطب الوقاائي .. لعوزووني ويهالفحووصات .. ظهرت برع لقييت خالي حمد يتريااني ..: مابغييتي تخلصيين ويهالفحوصاات ... ابتسمت : خلااص خلصت .. متى بتظهر النتايج .. : عقب يوميين جي .. ردييت البييت .. بخااطري اررقد من التعب .. دشيييت حجررتي شفت الشبريه والله عقييت عمري علييها وحتى اني ماغيرت ملابسي الا اني عقييت العبباه .. اول مارحطيت راسي ع المخده رحت لعالم مافييه الاا احلاامي .. عقب ثلاثة اياام .. بااقي ع الملجه بعد ثلاثة اياام .. كنت قااعده اشووف فستاني مال الملجه .. دخلت علي امايه وخالي حمد وعلاياا .. تموا يسولفوون ويااي وانا بصرااحه مستغربه من يمعتهم .. اليين ما اماايه رمست : فدييتج يابنيتي .. انتي تعرفيين ان كل شي اسمه قسمه ونصييب .. ومنصور ولدي قبل مايكون ولد اختي (تمتت تقوول كلاام بصرااحه ماسمعت شي لاني حسييت بنغزه بقلبي ) ماتحملت قلت لهاا بهمس : اماايه منصوور شي يااه .. طااحت دمعتهاا وخالي حمد وعلايا ساكتيين .. عقب سألتها مره ثانيه : منصوور شي استواله .. اماايه حطت اديينها ع ويهها وتمت تصيييييييييح .. انا احس عمرري بتخببل ..عقب سألت خالي حمد : قوولي خالي شوو مستوي .. طالعني بنظرات كلهاا حزن : انتي من صغيره فييج تكسر بدم ..ومنصور بعد ظهر فيه نفس المرض ومايووز تاخذون بعض .. حسيييييييت انه حد عطااني كف ع ويهي : شووووو .. وكمل كلاامه : هالمررض ورااثه ..واذا خذتوا بعض بتيبوون معوقيين ..والحمد الله ان عرفناا قبل ماتملجوون ... انا بعدني منصدمه .. احييد ملجتي عقب ثلاثة ايااام .. والحيين يقولون لي مابتاخذيين منصوور .. منصووور عررف .. شحااله .. اكييد الخبر هب هييييييييين علييه .. تقربت من اماايه لووت علي بقوو .. تمييت اصييييييييح من الخاااطر .. وانا بخااطري ادعي انه الله يصبرررني .. عرووس باقي ع ملجتها 3 اياام تنزف بهالخبر الحلوو .. ابى اعرف هالفستان اللي قداامي حق منوو البسسه حق منوو .. احس عمرري في دواامه هب راايمه اركز ولا استووعب شي .. لاني خلااص دوخت غبت عن الووعي ... | ||||
|
| |
|
17-05-16, 05:17 AM
| #23 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| +[.. الجزء العشرينـ.. ]+ +[.. الفصلـ الثانيـ والأخير .. ]+ مرن 9 اشهرر .. وانا حاالي لا يسر عدوو ولا صدييق .. ومنصوور مااخذته ولا الله اكتبه من نصيبي .. تدروون انه عررس عقب شهررين من عقب سالفتنا .. لانه كاان حالته اصعب عن حالتي فحلف ابووه انه اييووزه .. وخذ العنود بنت عمه .. هوو طيب وهي اطيب عنه .. يستاهلوون بعض والحيين هم ساكنيين في دبي بسبب ظروف شغل منصور ... قالوا لي مرتاحيين ويا بعض .. بس منصوور شووي استوى جااف في تعاامله .. بصرااحه مااشفته من زماان .. اخر مرره يوم يانا الميلس عسب نتفاهم تحيدوون .. هو حاول انه يشووفني بس انا رفضت ..حتى عرسه ماحظررته .. اصلاا بيتهم مااطبه بس البنات ماقطعووني .. وحتى عرس قوم سالم ولد عمتي ماحظررته ... مابقاالي حد بهالدنياا غير امايه وابووي وخوااني عمووه وخالي حميد وحمد وعلاياا .. ع طاري علاياا تراهاا حامل احم احم .. فدييتهم والله يستاهلوون هالاثنيين .. بصرااحه وقفوا ويااي واايد بذات علاياا .. مافارقتني ابد يوم محنتي .. كاانت يوم تشوفني رااقده تظهر من حجررتي ..حتى سارووه الخبله استووت ترقد في حجررتي .. بس تدررس في حجرتها لانهاا ثالث ثنووي حليلهاا.. الله يوفقهااا ... ظهررت من حجررتي بسيير صوب حجرة سارووه بشووفهاا لو انها محتايه شي .. بطلت الباب لقييتهاا قاعده وعدالها كتاب الفيزياء واوراق .. وهي تعابل بالاله الحاسبه .. ابتسمت لهاا : شوو تسووين .. : قاعده احل هالمعادله .. قعدت ع شبريتهاا : الله يوفقج .. تمت ساكته يمكن 5 دقايق : وانتي .. استغربت : شو اناا .. : يا الريم لييش ماتوافقيين على ولد خالتج .. ادريبكم بتستغربون أي ولد خاله .. بس الحيين بفهمكم كل شي : يا ساره تخيلي عمرج مكااني .. اخووه كان يبااني وكنا بناخذ بعض لولا ارادة الله .. كييف تبيني اخذه .. كيف تبيني اجابل منصوور .. ولاتنسين ان بن فاهم كان ربييعه .. يعني اقرب النااس له كانوا يبوووني .. كيف تبيني اخذه .. ابى اعرف هوو كييف خطررت انا على بااله .. ويعرف اني انا كنت بخاطر هذا وذاك .. سارووه : حراام عليييج .. حسن يباااج .. : اففففففففففف قلنا ثور قالوا حلبوووه .. ممكن اعرف شو اللي خلاج تذكريين هالسالفه اظني انتهينا منها من شهرين .. : اليوم اليازيه دقت لي .. وقالت انه محتشرر يبااج ومنصوور ويااه .. : بلااه منصوور بعد .. : يبااج تاخذيييين اخووه .. اصلا حسن قبل ماقال انه يبااج ترخص من اخووه .. عصبت منهم : يالله بعيييد .. انا ماريد اعرس اصلا ع راسكم اناا .. وقولوا حق حسن هذا كله عسب ماياخذ بنت عمه الشريره عفراا يبى يااخذني .. عصبت مني : انتي لييش تفسريين الامور ع كييفج .. ابتسمت لها : شرااتج يا الدبه ... وظهرت من حجررتهاا .. تبوون تعرفوون شو سالفة حسن .. قبل شهريين ريل خالتيه وخالي حمد وابويه وحسن .. كانوا متيمعيين في المييلس .. وزقرووني .. وقالي خالي حمد انه حسن تقدم لي .. انا نصدمت بطلت عيوووني .. لان السالفه قووووووويه .. اخووه كان محتشر يبااني وهذا الحيين يا يتقدم لي .. صدق صدمه طبعا رفضت وقدامهم كلهم .. حاااااول حسن ويااي .. رفضت .. تخيلواا الموقف اخوه كان يبااني وربيعه بعد .. وين هذا يااي يرتزز ويتقدم لي ... ماتخيل انا ومنصوور في نفس البيت .. بتخبببببل .. مع انه منصوور الحيين ساكن في دبي .. بس احس شكلنا غلط .. تعرفون ان منصووور .. محتشرر يبااني اخذ حسن .. يمكن لانه رحمني خخخخخخخخ .. بس انا صدق مارييد اعرس .. اوووه تليفوووني يرن وانا اسوولف وياااكم .. شفت الشاشه مكتوب عليها "اهل بوظبي يتصل بك" اكييد يزوووي ... : الوووو .. رد علي صوت رجوولي : الوو مرحباا مستغربه : مرااحب منوو ويااي .. ضحك علي : بلااج ماعرفتيني وياااج منصوور .. انصدمت وانصعقت وانجلطت بنفس الوووووووووقت .. من زماااااااااااااااااااااان ماكلمت من زمااااااااااان من 9 اشهر واكثثثر ... خييييييييييبه .. منصور: شحاالج ؟؟ : بخيير ربي يعافييك شحالك انت وشحال العنوود .. رد يضحك : ههههههههههههههه متعبتني بحمالهاا الدبه .. شفته يكلمني بدوون حسااسيه ورسميه .. حتى انا بعامله بنفس الطريقه : حراام عليييك .. احمد ربك ان خذت العنوود والله انهاا غرااااااااااااااام ... : الحمد الله ع كل حاال .. اقوولج ترااني ارمسج ومسووي سبييكر "يعني صوت خارجي الكل يسمعني" والاهل كلهم عداالي ..ودام اني العوود من بيينهم ..يايينج بطلبه ... ردييت علييه وانا مستغربه : امرر ولد خالتي .. : ابااج تعييييييد النظر بسالفتج انتي وحسن .. اباااااج تفكرييين وتستخريين بعد ... : ماعلييه ولد خالتي .. سمعتهم يصارخوون : الرييييييم دخيييييييييلج فكرري .. بلاهم هاييل استخفووا ..: ماعليييه ... سمعت منصوور يضحك : هههههههههههههههههه هذا هوو المعررس تووه يااي تعاال تعاال .. انت تحووط ونحن نسووي لك وااسطه حق الخطييييييييبه .. قففففط ويهي يوم جي قاال : منصوووور .. : لبييييييه .. : بخلييك الحيين ترااكم صدددددددعه .. سمعت حسن يصاارخ : هاذي الرريم .. قاله منصوور : هييه الريم .. شوو تبى .. سمعت حسن يقوول : تراااج اذاا ماوفقتي بيييج البييييييييييييت وبضرربج .. جاان اقووله بكل جرأه : عيل مابوااافق شوو بتسوووي .. شكله سحب التليفوون وخلااه عاادي بدوون سبييكر وقالي بغييض : ذليتي عارر ابووو ابووي .. ضحكت علييييييه : هههههههههههههههههههه يا حسن انت لييش ماتقدرر موقفي .. مالقيييييييييت من بد هالبناات كلهن الاا اناا .. : والله قلبي يباااااااج شوو اسووي .. عصببت منه : عااد عن المصااخه .. تم يضحك : هههههههههههههههههههه والله يالريم اني استخررت قبل ما اتقدم لج .. والله اني ارتحت من الخاااااااااااااطر .. سكت ماعرفت شوو اقوول .. بس هوو ماعطااني مجاال : اباااااااااااج تفكريين وتستخريين عقب ردي لي جواااااب اوكي .. ابتسمت : خلااص ماعليه .. :وع سالفة منصوور ترخصت منه قبل ماتقدم لج بعد .. وهو ابد رحب بالفكرره .. : انا الحيييييين بخلييك شي بخااطرك .. : ابااج تفكررين .. ضحكت علييه : هههههههههههههه خلاص ماعلييه .. صكررت منه وانا اضحك ع غبااءه ههههههههههههههه .. والله انهم حااله .. احلى شي منصوووووور .. تحييدوونه كيف كاان يحبني والحييييييين كييف .. الله يوفقه ..... بعد خمس أشهر .. تعرفوون انا الحيين اناا شوو أسووي .. قااعده اتلبس بسيير حفله الخبله سارووه .. ادرريبكم بتستغربوون حفلة شوو .. حفله نجاحهاا في ثانويه ياابت الخبله 89.6 ماتووقعت هالنسبه منهاا .. الحمد الله رفعت رااسناا ... : حبيبي يالله بتتأخررين .. صدييت صووبه ..لقييته يطالعني من فوق ليين تحت : مستحيييييييييييل اخلييج جي تظهرررررررررين .. تقربت منه وقلت له بدلع : لييش حبيبي هب حلووه .. لوى ع ويهي : والله انج تذبحييييييييييييييييييييي يييييييييين .. فذمتتج اناا شوو مخبلبي غييرج بهالدنياا كلهاا .. ياا وييييييييل حالي اناااا ..كم بعييش اناا كم .. والله بعدني استحي منه .. من شهريييييين وشي عرسسناا .. والييين اليووم استحي منه ... لاشفته قلبي يدق بقوو غصب عني .. احس عمرري انتفض ... اقدر اقوولكم انهم صدقوا يوم قالوا "ما محبه الاا من بعد عدواه " تحييدوون كييف كنت اسببه .. خخخ لو اقووله بيذبحني .. تحييدوون يوم رمسني منصوور هذاك اليووم .. من بعد هذاك اليووم يمكن استخرت 4 اياام ورى بعض .. وارتحت .. وردوا الاهل يرمسووني ووافقت داام ان الله عطااني الراحه والاماان من بعد مااستخرت ... سبحاان اللله اخذت انساان ابد ماكان ع بالي ... اصلا انا في حيااتي مافكرت في حسن .. تحرييته يبى سااره .. ومره تجرأت وسألت ... وحلف لي انه ماقد فكرر فييهاا .. بس كاان يضحك ع خباالهاا .. قال هي اصغرر مني اكثر من 8 سنواات .. ومستحييل افكرر بيااهل .. حسييت بضربه خفيفه ع خدي ... سمعته يقوولي : بشوو سرحتي .. ابتسمت له : والله فيييك .. حبني ع رااسي : ع بااااااااالي شي ثاااني ..."عقب صاارخ بصووت عاالي: قولووولهاا تحس فييني قولوولهاا >>>>>. يقصدكم انتواا يالاعضااء .. ابتسمت له : مايبوونك انت .. يبوون سعييد ومنصوور ... زخ ادييني : يخسوون هاييل الاثنيين يشلوونج عني .. انتي بس حقي .. النهااايه ... الريم وحسن .. يانااس هالانساااااان بيعذبني ... حسييييييت انه حبه لي اصدق من أي حب مرر في حياااتي ... رغم انه يغاار علييه واايد وااايد .. بس ماعلييكم مأدبتنه .. مااقول غير ان ربي لا يحرمني منه .. هلا والله بالاعضاء ... وياكم حسن بن ضاعن ...شحاالكم ؟؟ ادريبكم زعلانيين لانه منوقدي تكتب اخرر باارت .. ماتستحي والله .. ماتبى تكتب كيييييف انا اموووت ع الرييم .. اصلا لوكتبت منوو قدي ماكتبت .. والله مابتووفي شكثثر احب ريمااني فدييتهاا .. ادريبكم بتقولون .. كيف خذت وحده في خااطر اخوك وخاطر ربيعك .. والله الاهل خيرووني بين ثنتييييين اللي هن عفرا والريم .. وانا اخترت الريم .. واستخرت وارتحت .. وعقب ترخصت من منصوور .. بس هاا كله نصييييييييييييب .. الله كتب انه نكون لبعض ..وربي لا يحرمنا من بعض ساره وشيخه ربيعتهااا .. هلا والله .. ويااكم ساره بنت محمد خخخخخخخخ ع قولة الريم المراهقه الخبله خخخ . لالالا انا الحيين كبرت ودخلت هندسه في الجامعه .. وببدأ ابني مستقبلي وارفع رااس اماايه ... ادرييبكم زعلتواا مني يوم هديت ع الرييم ع سالفة منصوور بس لاني كنت اعرف انه منصووووور يمووت ع الريم .. وانا طبعا كأي مراهقه ابى هالحب يتم بالزوااج خخخخ .. مابااها تخسسر نااس تحبهم .. شرات ما انا خسرت احمد .. الله يرحمه ... وطبعاا الكثير منكم تحرووني بتعقد من عقب وفااته .. لا طبعا تاثرت شووي بس الحين خلااص الحزن في القلب مدفوون .. وترااني احم احم انخطبت ..ادريبكم فييكم فضوول تبون تعرفوون منو سعيد الحظ ... تحيدون اخوو شيخه اللي ظهرت له بكشتي .. يوم شيخه طرشت لي هديه عسب عيد ميلاادي .. هو هذا اسمه ثاني .. خلااص عرسي الصييف اليااي حتى شويخ بتاخذ ولد عمهاا وبيكون عرسنا في نفس اليوم .. ترااني عازمتنكم كلكم .. مرحباا ملياار .. انا شويخ ربيعت سارووه .. ترااني انا بعد عازمتنكم ع العرس ... ادرييبكم كارهييني لاني كنت ارمس هذاك الولد ع المسن .. بس تراها غلطه .. واناا احذرر كل بنييه انهاا تتحااذر ... وتعرف ان كل محادثه في المسن تتحاسبيين علييهاا .. فماا باالج انج ترمسييييييين وااحد .. انا تبت ولي الله الحيين .. منصور والعنود ... انا الحيين واقف عند حجرة الولاده .. الحرمه بتربي .. وانا صدق مترووع عليييهاا ... والله هالانساانه عرفت .. تردني لمنصور الاولي عقب ماانصدمت اني انا والريم مانقدر ناخذ بعض بسبب المرض ... بس صدق الريم الحيين اعدهاا اخت لي .. تراهاا واايد غاليه ... صح اني كنت احبهاا .. بس العنود عرفت كييف تنسييني الريم ... عفرا اخت العنود وبنت عم قوم منصور ... هاي الريم ماتستحي خذت عني حسن .. ابى اعرف شوو اللي خلاا حسن يتقدم لهاا .. افففففف منها ام عيوون عسلييه ... وطبعاا انا انخطبت لولد خالتي "الله يعيينه"... والله لو ماارتحت بحيااتي براوييها بنت المطلقه اصلا هاي اول ماشفتهاا عرفت انهاا ماتبشر بخيير >>>>>>> هاي بعدهاا ماتاابت الله يهدييهاا دعوولها يا الاعضاء .. لطيفه واليازيه .. : هلااا والله بالاعضااء .. : لطووف خليني اناا ارمسهم .. : انززيت ابدي .. : ابى اقولكم انه لطووف اختيه بتعرس في اجازة الربيع وانا عازمتنكم .. : لا والله .. : هيه والله .. : وتراا يزووي ماعندهاا معررس ... واللي عنده يطررشه صووب اختي العانس .. : جب جب .. انا بعدني صغييره ... : اوووووونج عااد .. : انززين بقول لهم شي .. ترااكم اكييد معصبيين مني لاني عصبت ع الريم عسب منصوور .. بس صدق انا ماسوويت ها كله بس لاني احسهم مناسبيين لبعض ولاني احبهم وااااااايد ... بما انه الله ماكتبهم لبعض .. والله كل مااذكر سالفتهم احس عمرري بصييح ..... اسميهم يوم خبرووني صحت صيااح .. وبذاات لانه الوحيد فينا اللي فيه التكسر هوو منصور ... اما البااقي مافييهم .. خلوونا من هالسالفه لاني بصيييييح ... والله انا مستانسه واايد لان الريم خذت حسن .. والله انهم احلى اثنيين الله يوفقهم :حشا ياليازيه بالعه راديووو ابى ارمسهم ...ادري ان مالي دوور كبير في القصه .. خخخخ ماعلييه بخلي منوقدي تكتب قصه لي ولعلي ريلي ولد عمي .. مثل ماقالت يزووي ترااني عاازمتنكم .. علايا وحمد .... : مرحباا الغوالي .. وياكم بوشهاب شيخ الشباب : وياكم عليا بنت مانع .. : قووولي عليا قلب حمد .. : عييييييب حمد هب قداامهم .. : فدييت اللي يستحوون .. : بقولكم شي عندي ولد وبنيه .. : خييييييييبه كيف تبى تغير الموضووع .. انزيين قوولي افدااااااك .. : حمممممممممد هم يعرفوون انت شو بنسبه لي .. : لالا مايعرفووووووووون ... : حمد هووو .. : لالا تكمليين بيحسدونا خخخخ اسولف ترااني اسولف .. : المهم انتوا تعرفوون اني كنت حامل .. وظهرت حامل بتوأم .. يبت ولد وبنيه سمييناهم سيف وساره .. على عيال اخت حمد ريلي .. كنت ابى اسمي حمداان بريلي اللي توفى الله يرحمه .. بس بعض النااس يغاروون .. حد يغاار من مييت .. والله هال حمد.. مايعررف قدرره في قلبي .. : اعرف اعرف ..اموااااااح !! استحت فااتكم شكلها خخخخخ ...سميتهم ع الخبال اللي عندي ... اذا يت لي بنييه بسمييهاا الريم .. بس هي مازعلت عااادي .. بس كسرت بخااطري .. ادعوولي ان الله يوفقني بحيااتي ويا علاياا ... ويوفقني بسيف وساره | ||||
|
| |
|
17-05-16, 05:19 AM
| #24 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| حميد وناعمه ... انا برمسكم عنهم .. تراهم الحيين مسافرييين ... ساروا لندن بيحطوون سيف و وخليفه .. في اكاديميه داخلييه .. بيدرسوون عندهم اليييين الجاامعه ... حميد وناعمه .. زوااجهم ابتنى ع تفااهم .. ومن جي هم مرتاحيين لبعض .. رغم المشااكل اللي استوت لهم من صوب اهل ناعمه .. لكن بعدهم متمسكييييييييين ببعض .. ويسد انه عندهم خليفه وفلاحووه الصغيير ... اكييد بيسوون أي شي عسب يحموون بييتهم .. شريفه ام الريم وساره وسيف ... شحالكم الغوالي ربكم الا بخيير وسهاله ؟؟ اناا دووري كان ع الخفيف .. ام لثلاثة ... انظلمت بس الله نصررني .. صح ان البيت بدأ يفظى علي .. من عقب سفر سيف للندن و زواج الريم .. بس الله عووضني بسيف وساره عيال عليا وحمد .. ومابنسى ساره بنتي .. فديت رووحها غدت حرمه الحيييين .. والله انها فرحتني بنتييجتهاا ... اكييد بتسألوني عن اهل ابو عيالي .. مريم ونوره خواته .. ترااني مسامحتنهن ليوم الديين وهب شايله بخااطري من صووبهن .. يسد سلاامهن لي وزياراتنهن اللي ابد مانقطعت .. محمد ابو الريم .. اتمنى ان عياالي يسامحووني ع القصوور ... والله ماتعرفوون شكثر احببهم بس ماعرف شوو اللي خلااني ابعدهم عني جي.. بس حمد الله انهم سامحووني .. واشووفهم دووم وابد ماقطعووني ...الله يخلييهم لي ولا يحرمني منهم والله يخلي لي نوف ونايف .. وامهم بعد .. اهل الريم من صوب ابوهاا ... سالم : عرس والله وفقه ببنت الحلال .. نوره ومريم : سبحاان من غيير حالهم .. الله صفى قلووبهم من هذاك الكرره اللي يحملهن لشريفه .. واستوت شريفه اعز ربعهن .. حمده : عرست وخذت جاابر وعسى الله يوفقهاا لاني سمعت انهم يتعالجوون عسب اييبون عيال .. اممممممممممممممممم منو بقى ماقلت لكم عنه ... سعيد بن فاهم .. انا الريم بقوولكم عن سعييد ... سعييد واللي يسلمكم .. هب حرمته كانت حامل طيحت ومن عقب ماطيحت خذ علييها بنييه من معاارفهم .. تتخيلوون .. حرام بنت عمه وام عياله .. تقول علايا انها تغيرت عشان خااطره في نهايه خذ غيرها .. وماقول غير +[..وش لي حدث وش صار تمشي على الخطيين .. تمشي على درب الهوا عكس قانونه.. ]+ +[..تغنم زمانك واكسبه دام وقتك زين.. ترا العمر يفنى مثل زرعن يحشونه .. ]+ النهايه روايه جدا جميله تهدف إلا معنى جميل في الحياه | ||||
|
| |
|
| أدوات الموضوع | |
| انواع عرض الموضوع | |
|
|
.png)
العرض العادي
