آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
02-05-16, 07:20 PM
| #21 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  فالصوب الثاني كان ماسك تلفونه وضاغط عليه:ما عليه هالهرم ترمسه وتطلع معه ومعي انا مخليه روحها شريفة ما عليه أن ما أدبتها ما يطلع أسمي عبيد نزل من سيارته ودق جرس بيت عمه أبو طلال طلعت له الشغالة:شو يريد؟ عبيد:بابا سلطان موجود الشغالة:داخل دخل عبيد وسار المجلس وقال حق الشغالة تزقر عمه بسرعة دخل أبو طلال المجلس وهوه متروع:خير عبيد شو مستوي ..؟البنات فيهن شي؟ عبيد:لا عمي البنات بخير ..بس أنا جيتك فسالفة تخص طلال أبو طلال:شو فيه طلال؟؟ صاير له شي؟؟ عبيد:لا عمي ما صاير له بس أباك تشوف هالتصوير عطى عمه التلفون وتم أبو طلال يشوف التصوير لقطت تصوير فديو يوم طلال واقف مع رحيل يكلمها عند السيارة ولقطه ثانية يوم نازل معها من السيارة يوصلها الشقة فر أبو طلال التلفون من يده بعصبية:الكلب أنا أراويه أخرتها يصيع مع بنات الشوارع أن ما ربيته ما يطلع أسمي سلطان عبيد وأبتسامة نصر مرسومة على شفايفة:هدأ روحك يا عمي انت راعي ضغط أبو طلال بصراخ:أي أهدي روحي وذا الكلب بيفضحني بين الناس حسبي الله عليه من ولد حسبي الله عليه..أنت تعرف وين هوه الحين عبيد:لا والله عمي أنا شفته نازل الشقة وعلى طول جيت عندك أبو طلال:تندل شقة الزفت هذي عبيد:هيه أندلها شو تبى منها أبو طلال:قوم وداني الحين هنأك عبيد:ان شاء الله عمي طلع عبيد مع عمه وسايرين صوب الشقة أتصل أبو طلال حق طلال وحصل تلفونه مسكر عصب وايد عبيد:هذي البناية عمي نزل أبو طلال :ما هنأ سيارته عبيد:يمكن روح أبو طلال:ما عليه أنا بتصرف طلع تلفون وتم يتصل على طلال لين رن طلال:هلا أبوي أبو طلال:لا هلا ولا مسهلا الله لا يبارك فيك طلال:خير أبوي شو مستوي؟ أبو طلال:سواد وجه..وينك أنت الحين طلال:جريب من البيت أبو طلال:لا تروح البيت وتعال عندي بسرعة طلال:وين أجي؟؟ أبو طلال:عند شقة ربيعتك وسكر فوجه طلال أنصدم طلال من أبوه وحس أن شي مستوي جلس يفكر أي شقة يقصد أبوه فجأة فكر بشقة رحيل وعلى طول حرك السيارة بسرعة صوب الشقة وهوه خايف يوم وصل شاف سيارة عبيد جن جنونه حس أن السالفة عوده نزل يركض وصادف أبوه وعبيد واقفين صوب الدرج طلال:خير أبوي شو مستوي؟ عطاه أبوه كف قوي على وجهه أنصدم طلال من أبوه :ليييييييييييش؟؟ أبو طلال:جب ولا كلمة أنا صدق ما عرفت أربيك يالنذل طلال:أبوي شو مستوي؟؟ شل أبو طلال تلفون عبيد :شوف سواد وجهك وأنكر كان تروم بطل طلال عيونه مصدوم ولف يطالع عبيد وعيونه كله شر عفد على عبيد ومسكه من رقبته:يالحقيييييير أنا بأدبك يالنذل يالجباااااان وخر أبو طلال طلال عن عبيد ودزه ع الأرض طلال:أنت شو تسوى ؟؟تشك فيني أنا ولدك أبو طلال:تهبى أنت ولدي أنا ما عندي ولد نذل يسود وجهي قدام الناس طلال:انا شو سويت عسب تقول هالكلام أبو طلال:بعد اللي سويته وتسأل صدج عينك قوية طلال:أنا ما سويت شي غلط أبو طلال:تطلع مع بنت وتروح معها شقة وتقول ما غلط طلال مفوّل ع الأخر:لا ما غلط وتبى تتأكد تعال معي أبو طلال:وين أجي معك؟؟ طلع طلال الدرج:تعال طلع أبو طلال ورى طلال لين وصلو شقة رحيل خذ طلال نفس ودق جرس الشقة رحيل من سمعت صوت الشقة حسبالها جاسم راحت تشوف من فتحت الباب أنصدمت يوم شافت طلال تم طلال يدق الجرس رحيل بصوت خايف:من؟؟ طلال:أنا طلال يا رحيل بطلي الباب رحيل بخوف:شو تريد؟؟ طلال:جايب لج أوراق حق الكلية من عند ريم رحيل:أسفة طلال ما أقدر أبطل الباب أنت دخل الأوراق من تحت الباب ولا رجعهن عند ريم بمرها باكر طلال:أن شاء الله أسمحيلي على الأزعاج رحيل:مسموح تمت رحيل واقفة عند الباب وخايفة ومصدومة من طلال ما توقعت أنه يجيها هالوقت الشقة تمت عيونها تدمع من الصدمة جت بتروح داخل بس سمعت صوت عند الباب وردت وتمت تسمع طلال :شفت شو كنت ياي أسوي هنأ...كنت ياي أوصل ربيعت ريم لشقتها لأن ريم طلبت مني هالشي وكان ما مصدق أتصل فبنتك وسألها لأنها كانت خايفة على البنت ترد بروحها مع التاكسي فذا الليل حسافة يا أبوي تصدق واحد زبالة مثل عبيد عليّ أنا ولدك أبو طلال:سامحني يا ولدي من شفت التصوير تخبلت طلال:أسامحك على شو أنت شكيت فيني ورفعت يدك اللي عمرك ما رفعتها لا علي ولا على واحد من أخواني...وطلعتني عند بنت الناس أني نذل جاي لها فذا الوقت الشقة وأنا اعرف أنها بروحها لف طلال بينزل أبو طلال:وين ساير؟؟ طلال:ما أعتقد أنه يهمك دامك تقول أن ما عندك ولد يسود وجهك طلع طلال معصب ومنقهر من اللي صار ما توقع أن ولد عمه يسوي هالشي فيه ركب سيارته وحرك سيارته ودون لا يحس على عمره نزلت دموعه من القهر رحيل تمت واقفة على الباب مصدومة من اللي سمعته يعني هيه سببت مشاكل حق طلال تمت تصيح :الله يأخذك يا عبيد الله يأخذك يالكلب والله ما أسكت لك يالجبان يا النذل اليوم الثاني رحيل ما داومت فالكلية لأنها طول الليل ما نامت كانت تفكر فطلال وشو أستوى به أتصلت فيها ريم من الصبح رحيل:هلا ريم ريم:مرحبا رحيل..أنتي فالكلية؟ رحيل:لا ريم:ما داومتي ولا شو رحيل:ما سرت أحس روحي تعبانة شوي ريم:سلامات شفيج؟ رحيل عضت شفتها:ريم بسألج طلال رد البيت ريم تورطت:هاا رحيل:ريم أنا أعرف اللي أستوى أمس بسببي سمعت كلام طلال يوم يكلم أبوج وفهمت السالفة ريم:أنا أسفة رحيل حطيتج فذا الموقف رحيل:لا تقولي جي ريم ..عبيد هوه السبب ريم:الله يأخذه الكلب بعد اللي سواه يقول وأان شو يعرفني شفته طالع مع وحده وما حبيته يتم فالغلط رحيل:أصلن هوه كل ما أجي المستشفى يضايقني يعني أكيد متعمد يسوي جي ريم:مبونه يغار من طلال ولازم يشوه سمعته عند الكل رحيل بتنهيدة:الله يسامحه..زين طلال فالبيت ريم:لا والله من أمس ما رد البيت بس طرش مسج وقال هوه بخير رحيل:كله بسببي ياليتني رحت فتاكسي ريم:لا تلومي رحج سالفة وعدت على خير رحيل:زين طمنيني عليه أوكيه ريم ببتسامة:لا تحاتي هوه بخير وكان تبي بعطيج رقمه عسب تتأكدي رحيل:هيه عطيني الرقم ريم:الحين بطرشه لج لأن ما حافظتنه سكرت من رحيل ودزت لها المسج عهود:تبي رقمه ريم ببتسامة:هيه وشكلها خايفة وايد عليه عهود:ههههه شكل البنت بطيح فهوى طلال ريم:هيه بطيح البنت طايحه وخالصة شما:هههههه الله يسعدهم مع بعض ريم وعهود:أأأأمين دخلت عنود:من هم هذول اللي الله يسعدهم مع بعض؟ عهود:العصافير اللي فالقفص عنود:صدق ما عندكن سالفة.. دقت رحيل على طلال وهيه مرتبكه رد طلال:ألوو رحيل :ألوو طلال فز طلال وبلهفه:رحيل رحيل:هيه شو اخبارك؟ طلال:الحمد لله بخير..أخبارج انتي؟ رحيل:دامك بخير أنا بخير طلال دون لا يحس:فديتج رحيل تنفست بقوة:ط طلال طلال:أمري رحيل:أنا أسفة على اللي صار امس طلال:لا تشغلي بالج موضوع وعدى رحيل:بس أنا مب مرتاحة طلال:ليش؟ رحيل:أنت تهاوشت مع أبوك بسببي ..بصراحة لما جيت الشقة وايد خفت ما توقعتك تجى ذاك الوقت بس يوم سمعتك تتهاوش مع أبوك فهمت السالفة..سامحني طلال طلال:لا تقولي شي رحيل كله من النذل عبيد.. رحيل:المهم أنا أتصلت أعتذر لك ...وأتمنى ترد البيت طلال:ما أقدر رحيل:عشان خاطري طلال ..ما يصير تخلى أبوك زعلان ومتلوم فيك ..واللي أعرفه أن أبوك راعي ضغط يعني الضيقة بترفع ضغطه طلال:عشان خاطرج بس برد ولا أنا مالي خاطر أرجع البيت الحين رحيل:يا الله عاد لا تدلع ورد البيت أهلك بيفرحو فيك طلال:ان شاء الله لا توصي..أنتي فالكلية؟ رحيل:لا ما داومت اليوم طلال:ليش؟؟؟ رحيل:اا هيه ما عندي محاضرات طلال:اهاا رحيل:بخليك الحين ..مع السلامة طلال:مع السلامة حسبها سكرت :والله احبج رحيلوه فديتها يا ناس أبتسمت رحيل بحجل وسكرت وضمت التلفون:وأنا بعد أحبك دخل جاسم:بسم الله أنتي شو تسوي هنأ؟؟ رحيل:أنت اللي شو تسوى هنأ ومتى رجعت جاسم:توني جاي..أخبارج؟ رحيل:الحمد لله بخير..الحمد لله ع السلامة جاسم:الله يسلمج ويسمنج رحيل:لا أبوي ما أبي أسمن جي حلوة جاسم:براحتج..المهم الكل يسلم عليج وأمج راسله لج كنافة وبقلاوة وشوية خرابيط رحيل:فديتها أمي ما تنساني جاسم:هيه ما مثلي أنا وحليلي رحيل:وأنت من نساك اصلن جاسم:الكل هيه لو عندي حرمة كان أهتمت فيني رحيل:زين أنت بس انوى وأنا عندي لك عروس غرشوب جاسم:من ؟؟ رحيل:ربيعتي جاسم:صغيرة رحيل:من عمري 20سنه جاسم:لا صغيرة أبى وحده كبيرة رحيل:زين أختها عمرها 24سنه جاسم:هيه هذي تناسبني احسن تكون عاقلة شوية رحيل:شو قصدك يعني أنا ما عاقلة جاسم:لا بس يعني تكون أقرب حق عقلي وتفكيري فهمتي رحيل:هيه المهم هالزمان اللي عمره فالأربعين واللي فالعشرين يتفاهمو لأن هالزمن الصغار وايد متفتحين جاسم:هيه حق قلة الأدب متفتحين..سيري حطي لي شي أكله يوعان رحيل:ان شاء الله عند موزة موزة:بس خلاص كرهتني عيشتي الله يأخذك خالد سكران:ويأخذج وياي موزة تصيح:أنا أستاهل والله أستاهل ما احد قال لي أوافق عليك هذا جزاتي يوم أخرب حياة رحيل وميثا الله بلاني فيك يالخايس خالد:أذلفي سوي لي أكل يوعان موزة:قوم سوى بروحك أنا ما بسوي شي لك خالد مسكها من شعرها :بتقومي تسوي لي أكل ولا أكفخج الحين موزة:أأأأه وخر عني يالكلب يالحقير يالوسخ تم خالد يكفخ فيها لين تعب وبعدين رقد تمت موزة تصيح قامت وغسلت وجها:والله ما بتم عندك ولا دقيقة بدلت ملابسها وجهزت شنطتها وأتصلت على ياسر عسب يجي يأخذها فالسيارة ياسر:خلاص موزة لا تصيحي أن ما خليته يطلقج ما يطلع أسمي ياسر موزة:عذبني يا أخوي عذبني من يوم خذته وهوه الا يكفخني ياسر:وليش ساكته كل ذا الوقت لو تكلمتي من قبل موزة:شو أقول يا أخوي لو طلقني فأول أيامي الناس ما بيرحموني وبيطلعوا العيب فيني حتى لو كان هوه كله عيوب ياسر:ما عليه أنتي هدي روحج الحين ولا تشيلي هم سندت موزة رأسها ع الجامة وتمت تصيح بهدوء وندم على اللي سوته فرحيل أبو رحيل:هلا هلا ببنتي الغالية رحيل:شحالك أبوي؟ أبو رحيل:الحمد لله دام القمر قبالي أكيد بكون بخير رحيل:فديتك أبوي والله متولهه عليك وعلى أمي أم رحيل:ما أكثر مني تعالي خليني أحضنج بعدني ما شبعت منج حضنت رحيل أمها :فديتج أمي ولا أنا أشبع منج جاسم:حي الله من زارنا يا هلا والله حياكم دخلو دخلو كلهم الشقة وتمو يسولفو مع بعض جاسم:أنا رتبت لكم الحجرة وأنا برقد فالمجلس أبو حيل:ماله داعي يا جاسم أحنا حتى بنرقد فالمجلس جاسم:لا ما حلوة نخليكم هنأ بعدين أنا متعود أرقد هنا أكثر من الحجرة وأسأل بنتك بعد رحيل:هيه أبوي يجلس يطالع أفلام ويأكل ويوسخ المجلس ويرقد جاسم:يعني لازم كل الفضايح أطلعيها رحيل:هيه عسب أتوب كسرت لي ظهري من كثر ما أنظف المجلس جاسم:لا تصدقوها ترى تخرط عليكم رحيل:حط عينك فعيني أشوف جاسم:هههههه يا بنت خلاص أوسخ وأرقد فالمجلس زين جي رحيل:هيه أبو رحيل:فديتها بنتي ذيبه ما أحد يقدر عليها رحيل:أمي تعالي أراويج حجرتي أم رحيل :يا الله سارت رحيل مع أمها وتمت تراويها حجرتها وتراويها الأغراض اللي أشترتهن أم رحيل:شو أخبار صديقاتج الحين؟؟ رحيل:الحمد لله بخير أم رحيل:حليلهن حبيتهن هالبنات قبل أشوفهن رحيل:شو رايج نسير نزورهن العصر؟ أم رحيل:زين والله وبعد نتعرف على أهلهن رحيل:خلاص عيل بتصل عليهن وأخبرهن أتصلت على ريم وخبرتها أنها بتزورهم مع أمها وقالت لها تخبر عهود وشما العصر روحت رحيل مع أمها بيت ريم وصلهن جاسم جاسم:أقول رحيل راوي أمج البنت زين رحيل:أن شاء الله أم رحيل:أي بنت تتكلموا عنها رحيل:أمي خالي يبى يتزوج وأنا عاد قلت له زوجته علىّ أم رحيل:زين والله ومن بتزوجيه رحيل:عنود أخت عهود أم رحيل:زين والله رحيل:شوف جسوم هذيج عنود اللي توها نازلة من السيارة جاسم بطل عيونه:اللي لابسه شيله عنابيه رحيل:هيه شو رايك فيها؟ أبتسم جاسم:أباها رحيل:ههههههههه على طول تباها جاسم:هيه أباها هيه ولا غيرها سامعة رحيل:ان شاء الله نزلن رحيل وأمها وكانن أم طلال وأم عهود فأستقبالهن أم طلال:شحالج حبيبتي؟ رحيل:الحمد لله بخير خالوه جلسن الحريم الكبار مع بعض يسولفن ويتعرفن على بعض ورحيل والبنات يسولفن مع بعض ريم:ما شاء الله رحيل أمج شكلها صغيرونه وايد اللي يشوفها يحسبها أختج رحيل:هيه أمي صغيرونه توها 36سنه ريم:حلفي رحيل:والله ترى متزوجة صغيرة ريم:يحليلها دخل طلال الصالة وأنصدم يوم شاف رحيل ما توقع أنها عندهم فالبيت ما أحد خبره ولا كان تكشخ ع الأخر كان لابس كندورة بيضا وغترة بيضا ولابس نظارات وساع كان شكلة غاوي رحيل يوم شافته أبتسمت ونزلت رأسها عهود:أحم الناس قامت تحب رحيل:جب البنات:هههههههههههه أم طلال:خير طلال تبغى شي طلال أنتبه ع الحريم جالسات :السلام عليكم الكل:وعليكم السلام أم طلال:تبى شي طلال:هيه بخذ شغلة وبطلع أم طلال:هيه زين حبيبي سار طلال حجرته وخلى الباب مبطل عسب يقدر يشوف رحيل بحريته دون لا أحد يشوفه طلع تلفونه من مخباه وطرش مسج حق رحيل طلعت رحيل تلفونه وبطلت المسج(صدي شوي يمين) أستغربت المسج لفت يمين وشافت طلال يأشر لها بيده بطلت عيونها مستغربة لفت تشوف البنات ما احد أنتبه كتبت له(تسنع احسن لا أقوم أفلعك بالفنجان) يوم قرى طلال المسج تمت يضحك عليها عرف أنها متفشلة موزة أطلقت من خالد وطلعت حامل فشهرها الأول وما رضت أتم مع خالد وكانت كارهه الحمل اللي ودها تتخلص منه ياسر:خلاص موزة هذا امر الله وأرضي بنصيبج موزة تصيح:ما أباه ياسر ما أباه ياسر:يا موزة يا حبيبتي الله كتب هالشي لا ترفسي النعمة أحمدي ربج وعسى أن تكرهوا شيئا وهو خيرا لكم موزة:اااخ أستاهل هالعذاب اللي انا فيه أستاهل ياسر:خلاص موزة موزة:تعرف الله يعاقبني بالي سويته فرحيل ياسر:....... موزة:ياسر أنت ليش ما تخطب رحيل؟ ياسر:مستحيل موزة رحيل تكرهني الحين موزة:أنت جرب شو بتخسر يمكن بعدها تحبك ياسر:شو أجرب يوم أتصلت بها قالت لي لا تتصل مرة ثانية خلاص عافك الخاطر موزة:هي قالت كذا ياسر:هيه موزة:الله يعوضك خير..ما تبى تتزوج وتكمل نص دينك ياسر:ما أعرف يا موزة بفكر مرت الأيام وربت الهنوف وجابت ولد وميثا اللي أختفت من أجزاء القصة الحين حامل فشهرها الخامس رحيل والبنات تخرجن من الكلية وجاسم خلص دراسة المعهد وخطب عنود رسمي وهيه فالبداية رفضت يوم تذكرت الموقف اللي أستوى بينهم بس البنات حاولن فيها وفالأخير أقتنعت ووافقت عليه | ||||
|  |
|
02-05-16, 07:21 PM
| #22 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| فالشقة ريم:بنشتاق لج وايد رحيل:وأنا أكثر والله عهود:كل يوم أتصلي وكلمينا زين رحيل:أن شاء الله وأنتن بعد لا تقطعن وزورني شما:اكيد بنزورج رحيل:فديتكن والله..ها حرمة خالي ما بتسلمي علي عنود تحضنها:فديتج أنتبهي حق نفسج رحيل:يا الله عاد أستعيلو فالملكة والعرس عسب تكوني معي زين عنود :أن شاء الله سلمن على بعض ويوم طلعن من الشقة رحيل:ريم ريم:هلا رحيل:سلمي على طلال وايد وعطيه هالكيس ريم:أن شاء الله رحيل:بشتاق له وايد ريم:وهو ما أقل عنج أبتسمت رحيل ويوم وصلت عند السيارة شافت طلال واقف عدال جاسم ويسولف معه خنقتها العبرة ما كانت تبى تودعه (فديتك) طلال من شاف رحيل بتروح حس كأن قلبه بيطلع من القفص الصدري وبيروح عندها تم يطالعها لين ركبت السيارة (الله معج يالقلب) سلم جاسم على طلال وركب السيارة وحرك ترك البريمي وأهلها وترك أنسانة ينتظر متى بيرتبط فيها ورحيل تركت أعز ربعها وتركت أول أنسان تحبه يبادلها شعور الحب وما يكون من طرف واحد أم رحيل:رحيل رحيل قومي بسج رقاد رحيل:أمي خليني أنام ما شبعت نوم أم رحيل:قومي يا بنت طافتج صلاة الظهر فزت رحيل:كم الساعة أم رحيل:2ونص قامت رحيل بسرعة عسب تصلي الظهر لأنها ما نامت الا بعد صلاة الفجر بعد ما خلصت مصلية نزلت تحت لأنها ميته من الجوع:أمي وين الغدى أم رحيل:خلي الخدامة تحط لج رحيل:أن شاء الله سارت وتغدت بس ما أكلت وايد من تذكرت طلال ما هنأ لها الاكل شلت تلفونها وطلعت تتمشى فالحوش تمت تحوس فالتلفون شغلة أغنية هزاع..أخر أخباري تبكيلك عيوني شوق وأنت بعيد عن داري وتشكي من الوله العروق وفكري تاه وأحتاري دخيلك يا رفيع الذوق طلبتك تقبل أعذاري أنا أحبك وربي فوق عليم بكل أسراري يا عذب الصوت والمنطوق أخذت فؤادي أجباري مكانك يالغلا مرموق فقلبي وأنت به داري يزيد الشوق بيه عوق بقربك تنطفي ناري يحن لك القلب ويتوه وهذي أخر أخباري رحيل:خلني أدق على ريم مشتاقة أسمع سوالف طلال أتصلت على ريم وما ردت وتمت تتصل لين رد:هلا رحيل:وينج أنتي؟ طلال:رحيلوووه رحيل بشهقه:طلال طلال:فديت أسمي على لسانج وينج أنتي ما أشتقتي لي رحيل بعدها منصدمة طلال:وين رحتي رحيل؟ رحيل:هااا طلال:فديتج شو فيج؟ رحيل:ما فيني شي وين ريم؟ طلال:الحين متصلة علي وتبي ريم بعدت رحيل التلفون عن أذنها وشافت أنها متصلة على رقم طلال أنصبغ وجها أحمر من القفطة:أسفة ما أنتبهت طلال:أحلى غلطة والله ..ما تتصوري أشكثر مشتاق لج ..تعرفي كل وقتي نوم أروح الدوام وأصلى وأنام وأقوم أصلى وأنام هذي حالتي من يوم روحتي أقضي وقتي بالنوم عسب أقدر أعيش دون ما أتعذب فبعدج رحيل:... طلال:فديتج سولفي معي والله مشتاق أسمع حسج رحيل:شو أقول طلال:قولي أحبك طلال رحيل:.............. طلال:دخيلج حبيبتي قولي أحبك رحيل:لا طلال:ما تحبيني رحيل(يا ربي هالأدمي بيقتلني ):أخبار ريم والبنات؟ طلال بوز:هيه غيري السالفة..بخير البنات يوم تبي أخبارهن أتصلي فيهن ليش متصله بي انا بس عسب تعذبيني رحيل:أسفه ما قصدي طلال:...... رحيل:طلال طلال :....... رحيل:ألو طلال تسمعني طلال يبتسم وساكت:........... رحيل وفيها الصيحة:طلال لا تزعل والله أسفة ..زين أنا أستحي شو تباني أقول طلال..زين أنا أحبك طلال:أأأأأأأأأه قلبي رحيل:سلامة قلبك شو فيك؟ طلال:أنا قلبي متعذب وأنتو ما حاسين به رحيل:والله حاسة بس شو بيدي أسوي طلال:رحيل أنا خلاص بخطبج ما أقدر أصبر جي رحيل:.... طلال:رحوله رحيل:مع السلامة طلال:هههههههه أستحيتي فديتج رحيل:خلاص طلال مع السلامة طلال:فمان الله يا قلبي مرت الأيام وجى عرس جاسم وعنود رحيل:جسوم قوم أرقص مع حرمتك جاسم:هذا اللي ناقص أقوم أرقص قدام خلق الله عسب يقولو مستخف رحيل:حرام عليك عنود تبى ترقص معك عنود أطالع رحيل بنظرات أجرامية رحيل:بسم الله بتأكلني جاسم:فديت حرمتي أنا ذيبة ما ينخاف عليها رحيل:أووونه تعالي عهود أسمعي جسوم يقول عنود ذيبة عهود:هيه صح صدقته مبين ذيبة وقبل شويه تصارخ يوم شافة الصرصور جاسم:زولي أنتي وياها من هنأ ولا بفركن بالنعال لحين رحيل:ويي حشى متوحشين عهود:قومي خلينا ننزل نزلن رحيل وعهود من الكوشة ميثا:شحالج رحيل؟ رحيل ببتسامة:هلا ميثا أنا بخير..أخبارج أنتي؟ ميثا:بخير بس هالكرش تاعبتني رحيل:شهر كم الحين؟ ميثا:تو دخلت الثامن رحيل:يا الله باقي لج شوية ميثا:الله كريم..من ذي الحلوة رحيل:صديقتي عهود أخت عنود زوجة خالي جاسم ميثا:هلا عهود أخبارج؟ عهود:الحمد لله يسرج الحال..أخبارج أنتي؟ ميثا:الحمد لله بخير رحيل:تعالي جلسي شكلج تعبانة من الوقفة ميثا:هيه والله جلسن مع بعض يسولفن لين قالو العريس والعروس بيطلعو سالم ولد عم طلال خطب ريم وملكو على بعض فالمحكمة والحفلة يوم العرس وطلال خطب رحيل أبو رحيل:أنا برد وأقول لهم ما موافق أم رحيل:ليش تقطع نصيب البنت يا أبو رحيل؟؟ أبو رحيل:أنا ما أقطع نصيبها بس ما أريدها تتزوج بعيد عنا أم رحيل:وين بعيد الله يهديك هيه سارت تدرس سنتين فالبريمي وما قلت شي أبو رحيل:هيه سارت تدرس وردت بس يوم تتزوج بتم طول عمرها هناك أم رحيل:ترى حتى لو تزوجت هنا بعد بتم طول عمرها فبيت زوجها أبو رحيل:صح بس هنا يوم تبى تجي على طول بتجي أم رحيل:يا أبو رحيل البنت تريده وموافقة عليه لا تخرب عليها أبو رحيل:ما أعرف يا مريم ما أعرف أم رحيل:أنت وافق وتوكل على الله الرجال زين والكل يمدح فيه وأهله ناس طيبين وينحطو فوق الرأس أبو رحيل:خلاص الله يقدم اللي فيه خير أبتسمت رحيل وهمست:الحمد لله كانت واقفة ورى الباب وتسمعهم وسارت حجرتها على طول تحلم بأحلامها الوردية مع طلال فالمستشفى ياسر:ألف مبروك يا أم وليد موزة:الله يبارك فيك ياسر:ما شاء الله طالع يشبهج وايد موزة ببتسامة تعبانة:فديته أبا أشوفه ياسر:تو بيجيبو حقج موزة:خبرت أبوه ياسر:.... موزة:شو فيك ياسر.؟ ياسر مسك يدها:خالد توفى اليوم الصبح موزة:أنا لله وأنا إليه راجعون ..كيف توفى؟ ياسر:واحد من ربعه كان سكران ويلعب بسكتون(سلاح) وجلس يصوب عليهم قتل ثلاث وأثنين فالعناية موزة:لا حول ولا قوة الا بالله..الله يصبر أهله ياسر:الله يكملج بعقلج يا اختي..الحين أنا بروح أجيب أمي وأبوي قايل لهم يتجهز على ما أمرهم موزة:أنتبه حق الطريق ياسر:لا توصي طلع ياسر من عند أخته وأنصدم:رحيل رحيل:اخبارك ياسر؟ ياسر بعده مصدوم:بخير أنا بخير رحيل ببتسامة:مبروك على الصغير ياسر:الله يبارك فيج..أخبارج أنتي؟ رحيل:الحمد لله بخير ..عن أذنك بزور موزة لف ياسر يطالعها يوم تمشي لف بيمشي وأنصدم بميثا فوجهه ميثا:شحالك ياسر؟ ياسر بتنهيدة:بخير الحمد لله ميثا:عسى دوم ..وين غرفة موزة؟ ياسر:هذي الغرفة ميثا:عن أذنك دخلت ميثا عند موزة أبتسم ياسر بسخرية:شو هالصدف بثنتينهن فيوم ولحضة وحده الله يالدنيا صدق صغيرة ميثا:الحمد لله على سلامتج موزة:الله يسلمج رحيل:من قالت لي عمتي على طول مريت ميثا وجينا عندج ..أسمحيلنا ما خذينا هدية حق الصغير بس أن شاء الله بنأخذ له الأيام جاية موزة عيونها مدمعة:تسلمن زيارتكن تكفي ميثا:لا تقلبيها مناحة حقنا الحين قولي لي شو بتسميه هالمزيون موزة:وليد رحيل:فديته وليدي أنا ميثا:أقول لج من الحين ولدج حق بنتي ويا ويلج تزوجيه غير بنتي موزة:فيج بنت؟ ميثا:هيه بس ما خبرت طارق معصب عليّ قايل لي ما أسأل عن جنس الطفل بس انا ما أقدر فيني فضوّل رحيل:ههههههه طول عمرج فضولية ميثا:لا والله موزة:هيه صدق أنتي وايد فضولية ميثا:اشوفكن قلبتن علي الحين رحيل وموزة:هههههههه جلسن يسولفن مع بعض رحيل:يا الله موزة أحنا بنسير موزة:ما شبعت منكن رحيل:الأيام جاية حبيبتي ..وها شدي حيلج أريدج ترقصي فملكتي موزة رفعت رأسها:بتتزوجي؟؟؟ رحيل:أن شاء الله موزة:مبروك رحيل:الله يبارك فيج .. فالسيارة ميثا:يحليلها فرحت وايد يوم شافتنا رحيل:موزة مسكينة تبى تساعد الناس بس المشكلة ما تعرف أن بتدخلها أتزيد المشاكل ميثا تتذكر اللي صار:هيه والله رحيل:الحين من ذا اللي يتصل فيج هالكثر لا يكون طارق ميثا:لا هذا سيف مطفربي رحيل:شو فيه؟ ميثا:يبى يتزوج وحاشرني أدور له حرمة يقول كل ربعه عرسو الا هو باقي رحيل:وحليله شكله متعذب ميثا:ومعذبني معه رحيل:زين شو رايج تزوجيه عهود والله لايقين حق بعض ميثا:هيه والله كيف غابت عن بالي هالبنت والله حبيتها من يوم شفتها رحيل:ها توكلي على الله ميثا:أن شاء الله بشاور سيف وعسى خير ملكة طلال ورحيل طلال:شو فيج؟ رحيل:ولا شي طلال:هالكثر مستحية مني ..الحين أنا ريلج رحيل:... طلال:رحلتي رحيل تمت أتشوفه طلال:شو فيج؟ رحيل:طلال أنا وايد أحبك طلال ببتسامة تذوب:وأنا أعشقك رحيل رحيل:طلال أنا أريد نكون صريحين مع بعض من البداية عشان ما أحد يجرح الثاني فالمستقبل طلال:شو قصدك؟ خذت رحيل نفس:أعرف أن الكلام الحين هذا ما وقته بس ما أعرف ما أريدك أخسرك فيوم طلال:قولي اللي فخاطرج حبيبتي رحيل:أنا قبل كنت أحب ولد عمتي و طلال غمض عيونه بعصبية وخذ نفس:رحيل أعرف السالفة كلها رحيل:كيف عرفت؟ طلال مسك يدها:سمعت كلام عهود وريم صدفة ..بس أنا مايهمني هوه ما قدرج وأنتي جوهرة نادرة..الحين ما أباج تفكري فالماضي لأنه راح وما بيرد أنا بعد كان لي ماضي مع بنت حبيتها بصدق وكانت بس تتسلى ..تنهد..فيوم فكرنا أنا وريم نمزح معها قالت لها ريم أني أحب وحده ثانية وأخونها معها وبتزوجها تعرفي شو سوت عطتني أكبر طاف وراحت تعرفت على واحد ثاني رحيل بغيرة تخفيها:أحسن أفتكيت منها طلال:تغاري منها رحيل:لا طبعا ليش أغار طلال:فديتج أنا ..تعرفي صح أنا حبيت بس والله ما عرفت طعم الحب الا معج رحيل :حتى أنا حب من طرف واحد حب يتيم حب وحيد بسرعة يختفي وما أحد يحس فيه طلال:فديتج أنتي وكلامج الصبح كانت رحيل جالسة فالمجلس وأطرش مسجات حق طلال وهوه يطرش لها دخل ياسر:السلام عليكم فزت رحيل ووقفت بسرعة:وعليكم السلام ياسر:شخبارك ؟ رحيل:الحمد لله بخير ياسر:عسى دوم..اممم رحيل:حياك تفضل الحين بزقر أبوي ياسر:لا لا ماله داعي أبغيج فسالفة رحيل:اها طيب تفضل جلس ياسر:زاد فضلج رحيل:.... ياسر:ما بطول عليج..رحيل أتمنى تعتبريني أخوج الكبير وأتمنى تساعديني رحيل:شو صاير معك؟ ياسر:أنت مليت من حياتي و قاطعته رحيل:تريد تتزوج؟ ياسر:أتمنى بس ما أعرف من أخذ ولا من تناسبني رحيل:إذا أنت صدق ناوي خلى العروس عليّ ياسر:أنا ناوي وجاهز بس من العروس؟ رحيل:صديقتي ..بنت عم طلال ياسر:ما أعرف إذا تشوفيها تناسبني توكلي على الله رحيل:هيه طيوبة وحبوبة وقريبة من شخصيتك شوية ياسر:خلاص أنتي كلميها وشوفي رأيها وإذا وافقت بتقدم رسمي رحيل:خلاص خلى الموضوع عليّ ياسر:يا الله أنا بروح رحيل:سلم على الأهل ياسر:يبلغ..توصي على شي رحيل:سلامتك ياسر:مع السلامة رحيل:فمان الله كلمت رحيل شما على طول(كل شي عندها حار × حار) شما:مرحبا ملااااااااين رحيل:مراحب..أخبارج حبوبة؟ شما:تمام الحمد لله..أخبارج أنتي؟ رحيل:بخير ونعمة..مشتاقة لج وايد من زمان عنج شما:تشتاق لج العافية ..ما كأن أمس شايفتنج رحيل:شو أسوي أشتاق لج بسرعة شما:أقول أنتي مصخنة ولا غلطانة فالرقم ترى أنا ما طلال رحيل:ههههههههه لا ما غلطانة ولا مصخنة ..بس مشتاقة لج شما:لا أكيد عندج سالفة قولي شو عندج؟ رحيل:هيه عندي سالفة بس ما تنفع فالتلفون شما:خلاص عيل الحين بجي عندج رحيل:أنتي فعبري؟ شما:هيه جالسة عند خوالي رحيل:أحلى شي يا الله أنتظرج لا طولي شما:أوكي بس مسافة الدرب سكرت رحيل من شما وسارت تقول حق الشغالة تجهز الفوالة وتبخر المجلس سارت رحيل حجرتها وبدلت ملابسها ونزلت تحت سمعت صوت الجرس دخلت شما وجلسن مع بعض فالمجلس بعد ما خذن أخبار بعض شما:ها شو الموضوع اللي تبيني فيه؟؟ رحيل:هههه ما فيج صبر أبدا شما:الصراحة ما فيني رحيل:زين الموضوع ما ينفع الحين شما:اوو رحيل لا تستوي سخيفة رحيل:برايج عيل يوم أنا سخيفة ما بقول شما:لا حول رحيل:اممم خلاص بقول لج شما:قولي رحيل:الله يسلمج أنتي مثل أختي وأنا أحبج وايد وأتمنى لج الخير ولأني أحبج وأريدج تكوني مرتاحة و شما قاطعتها بملل:خلصي هالمقدمة المملة ودخلي فالموضوع رحيل:الله يسلمج ولد عمتي يدور على حرمة ويبى يتزوج وقال لي أدور له على بنت الحلال شما:زين وأنا شو يخصني فالموضوع..ولا بتيني أساعدج وأدور معج على بنت رحيل:أنتي تستغبي ولا تستغبي شما :أستغبى رحيل:شموووه شما:اووهو زين شو قلت أنا رحيل:شما أنا أريدج حق ولد عمتي شما:...... رحيل:شو فيج؟ شما:ما أعرف رحيل:أنتي فكري فالموضوع وردي علي شما:كيف أفكر وأنا ما اعرف الريال ولا شي رحيل:أنتي صلي أستخارة وبعدين شوفي إذا أرتحتي ردي عليّ شما:امم زين شو اسمه؟ رحيل:ياسر شما:وشو يشتغل؟ رحيل:فبنك شما:زين عندج صورة له ..على الأقل أعرف شكلة كيف رحيل:لحضة شوية الحين بيب لج جابت رحيل ألبوم صور وطلعت لها صور ياسر شما بخجل:مزيون رحيل:هيه مزيون بس ما أحلى عن طلال شما:ويييع طلال ما حلو هذا أحلى رحيل:هاا أشوف من الحين تعايري فيه شما:هاا رحيل:ههههه خلاص أنتي فكري فالموضوع وردي عليّ بس لا تتأخري لأن الريال مستعجل ..وأن شاء الله يوم تعطيني موافقتج بيتقدم رسمي شما:أن شاء الله خير بعد أسبوعين ردت شما بالموافقة وخطبها ياسر رسمي وأتفقوا على كل الأمور والملكة بعد أسبوع والعرس بعد شهر من الملكة | ||||
|
| |
|
02-05-16, 07:26 PM
| #23 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| بعد سنتين طلال:يا الله حبيبتي تأخرنا رحيل:أن شاء الله الحين بجي ألبس سلطان .. طلال:زين بسرعة ورانا طريق رحيل:يا ربي يا طلال تونا مخلصين مصلين عندنا وقت وايد طلال:وين عندنا وقت بنمر بيت أبوي نعايد عليهم وبنجلس عندهم كم ساعة وبعد نروح عبري عند أهلج ورانا طريق متى نوصل رحيل:خلاص خلصت أنت شل سلطان وأنا الحين بلحقك طلال:يا الله لا تتأخري رحيل:هذا هوه طلال من يوم خذته وهوه مستعجل ما أعرف ليش ؟ طلال:سمعتج بس شو أسوي أريد أخلص أموري وأرتاح بعدين رحيل:أحسب حسابك من الحين أنا بنام فبيت أبوي طلال:حاسب حسابي بعد شو أسوي أمري لله ((طلال ورحيل عندهم ولد واحد سلطان)) أحمد:الهنوف وين نعال فهد الهنوف تلم شعرها:فالدرج الأخير من الكبت ..لبسه النعال السودا أحمد:أنتي خلصتي حور ولا بعد الهنوف:فديتها بنتي لبستها وجاهزة بس باقي أحط ميك أب حقي وخلاص أحمد:زين عيل ..أنا بريح شوي يوم تخلصي خبريني حسب نروح عند الأهل الهنوف:ثواني وبخلص ((أحمد والهنوف عندهم فهد وحور)) ريم:سالم قوم يا الله بسك رقاد سالم:اوو ريم خليني بس خمس دقائق ريم:شو خمس دقائق قوم الناس معيدة وأنت راقد ..قوم قبل لا يعصب عليك عمي سالم:لا حول ما تخلو أحد يرقد ريم:ما أحد قال لك ترمس سالم بنص عين:وبنتج هذي تخلي أحد يرقد أربع وعشرين ساعة تباغم ريم:حرام عليك المسكينة بطنها يعورها سالم:زين خلاص ما قلت شي..بتسبح وبنروح أنتي وبنتج جاهزات ريم:هيه من ساعة ((سالم وريم عندهم بنت وحده سارة)) ياسر:شموه ترومي تروحي ولا لا شما: أروم ياسر:كان تشوفي روحج تعبانة بتصل فأهلي وأقول لهم ما بنجي عشانج شما:لا عادي فديتك أروم أسير وإذا تعبت وداني المستشفى ياسر:الله يستر لا تربي فالسيارة وتورطيني شما:ههههههه لا ما لذي الدرجة بعدني أسبوعين لين أربي ياسر:الله كريم..يوم تزهبي خبريني بروح أجيب الفحم من عند ذي الشغالة ((ياسر وشما ينتظروا أول مولد لهم)) سيف:الحين ليش تحطي هالصبغ فوجهك كأن أحد مكفخنج عهود:عسب أطلع حلوة سيف:شو حلوة كأن حد عاطنج بكس فعيونج عهود:أنت شو عرفك فالجمال أصلن سيف:لا إله الا الله كان هذا جمال كيلو طحين فوجهك عهود:سيفوه لا تطفربي سير شوف عيالك سيف:فديتهم أنا عيالي هادين طالعين على أبوهم عهود:هيه واضح الهدوء سيف:شوفي أملوه أطالعج أكيد تبى مثلج عهود:فديتها بنتي الحين بحط لها سيف:لا تحطي لها ولا شي شو بتخربي وجها بذا المنكر عهود:الله يصبرني بس....شل أحمد وأنا بشل أمل وقوم خلنا نروح لا يطلعن لي قرون من تعليقاتك سيف:أنا ما قلت غير الصدق عهود:قوم مشينا يا الله تأخرنا ((سيف وعهود عندهم توأم بنت وولد أحمد وأمل)) ميثا وطارق عندهم بنتين مهره وميرا وجاسم وعنود عندهم ولد سموه محمد موزة تزوجت سعيد ولد عمها والحين حامل ولدها وليد عايش معهم وسعيد وايد يحبه ويعتبره ولده فالسيارة عند طلال ورحيل ركبت رحيل وحطت سلطان فحضنها طلال ببتسامة:ها شو تريدي تسمعي؟ رحيل:أكيد ميحد حمد طلال:ليش ميحد بالذات؟ رحيل:اللي أعرفه أني حبيت أغانية من يوم حبيتك طلال قرص خدها:فديت حرمتي اللي تحب اللي أحبه رحيل بدلع:عورتني طلال:فديت حرمتي الدلوعة.. أسمعي هذي أهداء حقج شط الحشا من شط به والقلب مني صوبه واللي مريح ولا دري لي حل بي ماحل به حل ابحشايه يا ملا حب الحبيب وابتلا والقلب دونه ما سلا شط الفواد وعذبه عذلت قلبي ماصبر عن راعي الطرف الحور يلي جبينه كالقمر يزهي بشله حاجبه ذوب فوادي واملكه في وسط غزله شربكه يا ناس ماروم الحقه عوقي غبي منه سببه عودة عويد الشادني مرباه داري ووطني يا ناس حبه صادني صيد الوحش في مجلبه مجبور جبر المبتلي في حب خلي العدملي واللي يلومني خلي لي حل بي ماحل به النهاية تحياتي /دمعه شكر خاص لكل من قرأ روايتي دمتم بود | ||||
|
| |
|
| أدوات الموضوع | |
| انواع عرض الموضوع | |
|
|
.png)
العرض العادي
