آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
17-06-16, 01:43 AM
| #11 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  السلام عليكم ورحمة الله وبركاته حساب الروايه ب الانستا @rwaiah_204 *البارت الثامن* أحبها .. كثر ماراحوا وخلوني أذا فرحت افرح وضيقتي لضيقتها ** صديقة الشمس لو غابت عن عيوني بكراً بتشرق مثل عادة صديقتها ! *خلف الضيف* رزان ماكان حالها احسن من حال سيف كانو عندها خالاتها وعماتها بس تحس روحها وحيده ساره عمتها : خلاص يارزان اهدي هذا اللي الله كاتبه , وكلنا على هذا الطريق ضمت عمتها وهي تصيح : اهه قلبي محروق ياعمه ابيها من بقى لنا الحين ساره تهديها : بقى لك سيف وسامي الله يقومه بالسلامه . رزان تحاول تتماسك : بقوم ارتاح بغرفتي وقفت وراحت لغرفتها دخلت وحده عليها ..بصوت مبحوح: رزااننن رزان التفت بسرعه : مممنناال منال بسرعه ضمتها بقووه : عظم الله اجرك ياقلبي , جعلها اخر الاحزان رزان صاحت : اههي ممنااال اممي راححتت وتركتني منال تبكي معاها : خلاص ي قلبي هذا المكتوب منال بعدت عنها شوي وجلستها وعطتها مويه : خلاص اهدي ي عمري وين رزان القويه رزان بصوتها المبحوح : رزان القويه راحت مع امي, انا كنت استمد قوتي منها , هي جنتي . منال تمسح دموع رزان : هذي الحياة تاخذ مننا وتعطينا , ماتدرين ايش مخبيه لنا الحياة رزان : ونعم بالله , والحمدلله على كل حال منال دق جوالها وعطته مشغول : روز بروح الحين اخوي عند الباب وان شالله ازورك مره ثانيه بس متى تداومين رزان توصلها لباب غرفتها : مدري والله على حسب منال تسلم عليها : مع السلامه ياقلبي رزان : مع السلامه ـــــــــــــــــــــــــ ـــــــــــــــــــــــــ ـــــ قامت الصبح وشافت اشكال البنات كيف نايمات يضحكن غسلت وجهها وصلت الفجر وراحت غرفة ابوها وفتحت الشبابيك اليوم بيرجع ابوها للبيت وبترجع الفرحه واللمه الحلوه بيرج نور البيت وسراجه الله لايحرمنا منا رتبت الغرفه وكنستها ورتبت السرير وسكرت الباب وطلعت دخلت المطبخ وتفاجات الفطور مجهز على الطاوله والشاي ..: صباحي الخير ي حلووه سمر متفاجاءه : صباح النور يمه , انتي سويتي كل هذا ؟ ام الوليد وهي تشيل الصينيه : أي يمه سويته انا شفتكم نايمين وماحبيت اخرب نومتكم سمر تساعدها : ليش ماصحيتيني انا اسوي الفطور ليه تعبتي حالك ام الوليد : لا تعب ولا شي انامو غريبه انا امكم يابنتي . سمر : الله يطول بعمرك يمه ويخليك لنا ولا يحرمنا منك ام الوليد : يالله تعالي نصحي البنات ونفطر سمر :يالله اخذو الفطور وحطوه بالصاله وراحت سمر تصححي البنات : رنيم نوره الجووهره جويج قومو يالله امي مسويه فطور يحبه قلبكم يالله قومو نوره بسرعه قامت : صدق امي مسويه الفطور سمر مبتسمه لها : أي يالله قومي ياقلبي بسرعه قامت نوره تغسل وجهها وتروح عند ام الوليد سمر ماقدرت تقوم البنات وراحت جابت كوب ماء بارد سمر بنذاله : الجوهراذا ماقمتي ترا بصب عليك مويه بارده الجوهره تغطي راسها : سميّر انقلعي عن وجهي ابي انام وجع سمر وهي تسحب الغطاء عنها : وجع يوجعك ,_وكبت عليها مويه _ صرخت الجوهره : سمـــــر ياكلببه , والله لتندمين وقامت وراها على طول سمر هربت لغرفة خالد ومامدها تسكر الباب زين الجوهره تدف الباب بقوه ,وسمر تدفه سمر وهي تضحك : خلاص توبه والله توبه الجوهره بقهر:والله لو تموتين ما اتركك ي حقيره سمرماقدرت وطاحت والجوهره مسكتها :أي وطحتي بيدي من بيفكك مني سمر وهي تضحك وتحاول تقوم والجوهره ماسكتها بقوه : خلاص الجوهره انا اسفه والله توبه الجوهره وهي تمسك شعرها : والله وش بينفعني اسفك فيه وين اصرفه فيه سمر وهي ترفسها وتضحك : هههههههه وجع ان شالله شعري بيتقطع بيدك الجوهره طاحت جنبها وصارت تضرب يدينها : ااحسن خليه يتقطع ,وتفكينا من غرورك به سمر تدف يدينها وهي تقوم : انقلعي لايجي خالد وحنا هنا قسم لايكفر فينا . الجوهره وهي تعدل بلوزتها : الله عاد وهالغرفه , من زينها . ..: من زينك انتي وانتي واقفه فيها ؟ الجوهره انخرعت ووقفت ورا ظهر سمر سسمر فقعت ضحك :هههههههههههههههههههههههه� �هه خالد وهو معطيهم ظهره : يالله اطلعو برا غرفتي , وانتي يا امك كشه لا اشوفك تجين غرفتي فاهمه الجوهره وهي ورا سمر وقاصره صوتها : وع من زينها سمر : هههههههههههههههههههههه يما لسانها ماتقدر عليه ههههههههههه\ خالد حمق عليها : اقول طسو برا غرفتي , بسرعه بروح ل امي لا اشوف وجيهكم هنا وراح سمر تسحب الجوهره من بلوزتها لغرفتهن : يالله قدامي , نكبتينا الجوهره تعدل بلوزتها : اقول وش عنده مايخلي احد يدخل غرفته ؟ سمر وهي مبتسمه : هذي عادته من زمان , يمنعنا ندخلها الا ل التنظيف الجوهره : اوف الله يعينكم عليه احسه نفسيه سمر :لا والله حرام عليك والله حبيًب بس عنده خطوط حمراء الجوهره تغير الموضوع : شوفيه راح ابي اكل جوعانه سمر وقفت تعدل لبسها : بروح افطر وانتي خيسي هنا باي وطلعت وخلتها الجوهره : اف نذله سمّير من يومها دخلت سمر المجلس وخالد واقف سمر وهي تجلس جنب ام الوليد : وين تبي تطلع ؟ خالد : أيه جيت اغير ملابسي واروح لـ ابوي اليوم بيطلع جهزي غرفته سمر : جهزتها من صحيت بس تنتظر طلت الغالي خالد : يالله يمه تأمرين بشي انا طالع ام الوليد بحب لهم : مأيمر عليك عدوي ياولدي والله يفرحكم برجعت ابوكم ويجبر خواطركم خالد ابتسم ل امه : امين يالله مع السلامه وطلع سمر تنادي : الجوههره تعالي خالد راح دخلت الجوهره وجواهر ورنيم مواضح اللي مقومتهم الجوهره غصب الجوهره وهي تجلس على الفطور :شرايك يمه فيني وانا مصحيتهم غصب عنهم ام الوليد تضحك : عفيه عليك , تعالو افطرو برد الشاي . الجوهره نفخت ريشها : احم بسم الله ترا بأكل واخليكم نوره تناظرها بنص عين : ماما ترا هذي بس يكبر راسها كل ماقلتي شي الجوهره : شف شف الغيره عيني عينك , احسن خلي راسي يكبر شدخلك انتي ام الوليد تقاطعهم : بس افطرو وخلونا نجهز البيت عمكم اليوم يطلع من المستشفى رنيم : الله يرجعه لنا بالسلامه والله حيل اشتقنا له البنات : امين يارب ـــــــــــــــــــــــــ ـــــــــــــــــــــــــ ـــــــــــــــــ راكان صحى على صوت المنبه عشان يقوم الدوام رفع راسه بكسل وطلع الصوره من تحت مخدته وبداء يتأملها * صباح الخير حبيبتي كيف ايامك ماحن قلبك علي ماذكرتي قلب تعلق فيك ماذكرتي راكان اللي مانساك ابد , كيف هنت عليك وتركتيني , لو تدرين ايش بقلبي لك كان مافكرتي تتركيني ابد ولا طرى على بالك ابد كيف بعيش بدونك , الله يسامحك ويسامح هججرك * يقول خلف : تمنّيتك .. تكون بـ الهوى : مثلي وتشقى كل ما احتاج لك واشقى .. رجع الصوره تحت المخده وقام تحمم وتوضى وصلى ولبس شورت عنابي وتيشرت ابيض وتعطر ورتب شعر ونزل تحت كانت ام راكان وابوراكان جالسين بالصاله كانت الصاله كلاسيكيه والكنب ابيض وطاوله سسوداء والجدار ورق جدران مشجر مره كلاسيك ومريح راكان : صباح الخير على الحلوين _باس روسهم _ امه وابوه : صباح النور ام راكان مبتسمه لولدها : شلونك يمه ومتى جيت راكان يجلس على الكنب : جيت في اخر الليل وكنتو نايمين ماحبيت ازعجكم ام راكان : اكيد انك جوعان بروح اجيب لك الفطور راكان يمسك امه : لا ارتاحي دقي على الخدامه تجيبه ام راكان تمسك التلفون : ميري جيبي فطور راكان ميري : حاظر ماما ابوراكان : يعطيك العافيه ياولدي رفعت راسي باللي سويته راكان نزل راسه : بس ليتها جات بأقل الاضرار ابوراكان عقد حواجبه : كيف وش صار راكان بداء يحكي له السالفه : وتوفت امه واخوه بالعنايه ونقلته لرياض ابوراكان : لاحول ولا قوة الا بالله ام راكان : الله يعينهم و الله يصبرهم ابوراكان : طيب هادي وسالم كيف وش صار بالتحقيقات راكان : مادري التحقيقات للحين جاريه , لاكن سالم اتوقع لو تنازل ابوخالد يمكن يطلع لاكن هادي صارت قضيته اكبر ام راكان تمسح دموعها : الله يجعلهم من هالحال واردء ابوراكان : قولي الله يرفع عنهم ولا يبلانا ام راكان بحزن : الله لايبلانا , طيب وش صار على عيالها راكان : بقى سيف والبنت ان شالله بكره او اللي بعدها بيجون الرياض ابوراكان : طيب الله يسسر لهم _ ووقف _ انا بطلع ل الشركه ام راكان : انتبه لطريقك الغالي ابوراكان ابتسم لها : ان شالله ياقلبي راكان يغمض عيونه : يبه انا للحين هنا اصببرو لين اروح ام راكان استحت وابوراكان يضحك :هههههههههههههههههه قوم لغرفتك يالله راكان تربع على الكنب : والله ما اطلع لغرفتي _وقف واسحب امه جنبه _ انا ابي امي لي كم يوم ماجلست معاها ابوراكان ضحك : يالله مع السلامه اشبع من امك _وطلع ام راكان جلست جنب ولدها : يمه راكان اذا جاء سيف واخته خلهم يزورونا راكان : ان شالله يالغاليه دخلت ميري معاها الفطور وحطتته على الطاوله ام راكان تقربه له : بالعافيه يمه راكان : الله يعافيك يالغاليه دخلت رنا : هاااااااااااااااي مامي هاااااي ركون ام راكان : كم مره قلت لك قولي السلام راكان : كم مره قلت لك قولي راكان رنا رجعت على ورا : معليش شكل جوكم متكهرب ماينفع اجلس معاكم راكان ضححك : لا تعالي نمزح معك بس اذا ددخلتي السلام قبل هاي رنا وهي تجلس مقابل لهم رنا : أي شلونك راكان صاير ماتنشاف راكان وهو ياكل : أي مشغول كانت عندي مهمه والحمدلله امس خلصنا منها . رنا : الحمدلله , راكان عندكم اكشن ومسدسات واطلاق رصاص وكذا نفس الافلام ؟ راكان ناظرها بطرف عينه : أي فيه بس الاكشن مو مثل الافلام , فيه اللي تجيه رصاصه يموت ويدفنونه . رنا بحماس : الله لو اقدر ادخل العسكريه راكان انصدم من كلامها : يمه شوفي عليها حراره ذي ؟ وش تدخلين العسكريه انتي , شكل الولد اللي فيك صحى رنا بحمق : طيب مليت من البيت والمدرسه ابي اسافر ابي اكشن ترا انا بنت لحالي من عندي خوات ام راكان وهي تصب الشاي : طيب اتصلي على بنات خالك وبنات عمامك واعزميهم وغيري جو رنا : معليش يمه بس بنات خالي مغرورات من اجلس معاهم بس سوالفهم ماركات ومنين شريت ذا وهذا ماركت مدري ايش وبنات عمامي روابي و خلود مسافرات ولانسيتي وبنات عمتي مشاعل ولينا ورغد يقولون معزومين هالاسبوع عند عمامهم . ام راكان مبتسمه : سكرتيها من كل الاتجاهات اجلسي قابلي دروسك مابقى الا كم اسبوع وتتخرجين ونسفرك وين ماتبين راكان تذكر سمر : طيب ماتعرفين بنات ابوخالد رنا وهي تشرب الشاي : اعرف رنيم معي بفصلي بس مو صديقتي راكان وهو يوقف : طيب انا بقوم اتجهز واروح ل الدوام تبون شي ام راكان : لا سلامتك يمه بس انتبه لك رنا بزههق : راككان تكفى ابي اطلع خذني معك راكان يضحك عليها : شكلي بشيلك واوديك ل السجن _وطلع لغرفتته رنا انسدحت على الكنب : يمه عادي اروح لصديقاتي ريم وساره ام راكان : روحي حبيبتي غيري جو رنا نطت على الكنب : صدق عادي امها تضحك : أي عادي روحي بس ماتطولين العصر بس قربت من امها وباستها : الله لايحرمني منك ي أحلا ام _وراحت تركض لغرفتها ام راكان تضحك : ولا منك ي قلبي ـــــــــــــــــــــــــ ـــــــــــــــــــــــ كان جالس عند ابوه وذهنه شارد ..: خالد ياولد انت ماتسمعني خالد انتبه ل ابوه : هلا يبه اسف كنت شارد بذهني شوي ابوخالد ابتسم : طيب عطني الثوب اللي جابته سمر امس ابي البسه خالد قام : ابشري يابوي واخذ الثوب وساعده يلبس ثوبه . دخل الدكتور: السلام عليكم , كيف حالك يابو خالد عساك احسن ابو خالد : وعليكم السلام , الحمدلله صحتي افضل من كل يوم , حتى ترخصوني ابي اطلع الدكتور وهو يراجع الاوراق : دوم يارب , ان شالله الحين يجي خالد ويوقع اوراق الخروج وتطلع , والف سلامه عليك _وطلع _ ابوخالد وخالد : الله يسلمك خالد وقف : يالله انا بروح اوقع الاوراق وارجع لك يبه ابوخالد : طيب يبه وطلع خالد ووقع الاوراق ورجع معاه عمه دخل خالد و ابوالوليد وسلم على اخوه وشال شنطته : يالله يابوخالد خالد اخذ الشنطه من عمه : عنك ي عمي هاتها ابوالوليد عطاها خالد ومسك يد اخوه وطلعو للبيت في البيت البنات فرحانات ابوهم بيرجع اليوم اللي ترتب المجلس واللي تجهز القهوه والشاي واللي تسوي الحلا دخلت الجوهره المطبخ : سمور خلصت ترتيب الدوانيه عطيني السفره اجهزها سمر عطتها السفره : الجوهره تكفين شوفي امي لاتخلينها تسوي شي كل شي هنا مرتب وجاهز الجوهره وهي تمسك جوالها :خوذي كلميها انتي اخذت سمر الجوال واتصلت طووط ططووط طووط سمر بنفسها :يوه شفيها امي ماترد ..: الو هلا سمر بعدت الجوال عن اذنها تشوف الاسم :ههذا مو جوال خالتي ام الوليد ..: وهذا مو جوال اختي الجوهره سمر بتلعثم :أي اقصد ابي اكلم امي ..: امي تصلي العصر دقايق تخلص خليك على الخط سمر منحرجه : لا بسكر واذا خلصت قولها سمر اتصلت الليث مبتسم : وهل يخفى القمر سمر انصدمت : نعم , وش قمره انت ؟ الليث التفت وان امه واقفه وراه : تفضلي امي معك على الخط سمر انحرجت من الليث : طيب ام الوليد وهي تاخذ الجوال: من؟ الليث وهو يجلس : سمر ام الوليد وهي تكلم : هلا سموره سمر : هلا يمه , كنت بشوفك متى تجين, واقولك لاتجيبين شي معك كل شي جهزناه ام الوليد : شدعوا يمه لازم اجيب معي شي وبدون نقاش سمر : لاتتعبين حالك . ام الوليد : لاتخافين مو متعبه نفسي بخلي الليث يجيب حلا من برا طيب . سمر :طيب يمه بروح اشوف البنات ايش سوو ام الووليد : طيب يمه مع السلامه وسكرت من سمر وجلست مقابل ل ولدها ام الوليد : قوم جيب لي حلويات وفطاير من الـ... الليث وقف : يالله رايح . ـــــــــــــــــــــــــ ـــــــــــــــــ في بيت ابوخالد وصل ابوخالد وتعالت الزغاريت وأصوات الفرحه والترحيب والتهليل بعودة ابوخالد البنات رحبو فيه ترحيب حار وكل من فيهم تضمه توبس رأسه ويده سمر : الله لايحرمنا منك ياتاج راسي نورت بيتك ابوخالد : ولا يحرمني منكم ولا من لمتكم حولي خالد تنحنح عند الباب : ياولد تغطو يابنات نبي ندخل انا والشباب قامو البنات ولبسو عباياتهم وتغطو ابو الوليد ينادي الشباب : ادخلو البنات تغطو دخلو الليث وخالد والوليد وسلمو على ابوخالد والوليد وامهم الوليد يسلم على ابوخالد : سامحني ياعمي على قل الزياره تعرف الجامعه بدت الاختبارات وانشغلت ابوخالد مبتسم له : الله يوفقك ياولدي واهم شي دراستك ومستقبلك الوليد يجلس جنبه : امين يارب الوليد التفت على جهة البنات : شلونكم يابنات البنات : تمام الحمدلله انت كيفك الوليد : الحمدلله بخير ابوخالد : ياخالد صب القهوه ل عيال عمك قام خالد واخذ القهوه من رنيم وصب لهم وصل ل الليث ومد له الفنجال الليث بحذر : نزل الفنجال بالارض واخذه خالد رفع حاجبه : سلامات امسك ولا بروح الليث : معليش المؤمن لا يلدغ من جحر مرتين , مابي احترق خالد ضحك بصوت عالي ونزل الفنجال وسمر تفشلت وبقلبها * ياليتني ماجيت هنا ااف * الليث ناظر جهة سمر وهي منزله راسها وتعلب بجوالها وهي منحرجه الوليد يسولف مع خالد : ترا الشباب فاقدينك بالاستراحه متى تجي خالد التفت له : ان شالله اليوم بمرهم بالليل ونسهر ابوالوليد : لا مافي سهر بكره ان شالله في عشاء بأستراحه وبنعزم اللي تبون بمناسبة سلامة ابوخالد ابوخالد مبتسم له : والله تسلم ماله داعي يابوالوليد ابوالوليد يمسك يده : لا له داعي وتجهزو يابنات تراني عزمت ابوراكان واهله وخوالكم و جيرانا واذا تبون اعزمو اللي تبون ام الوليد : يوه يالله يمدينا نجهز للعشاء نوره : بس كذا مايمدينا نشترري لنا فساتين اللععشاء ابوالوليد : يمديكم الحين تروحون يوديكم الليث ولا الوليد وخالد يودي امكم تحجز حلويات واللي تبي البنات انبسطو والليث قال : خلاص انا اوديكم بعد صلاة العشاء تجهزو نوره فرحانه : ولا يهمك من الحين جاهزين الليث ضحك على حماسها : دايم انتي على اتم الاستعداد ابوخالد يمد كرت ل سمر : يبه خوذيه واشتري لك ولخواتك سمر ابتسمت له : يبه انا مو رايحه بجلس عندك . ابوخالد متفاجاء : ليه يابنتي روحي واشتري اللي ناقصك سمر : لا البنات يشترون لي يعرفون ذوقي ابوالوليد : اذا على ابوك انا عنده روحي واشتري اللي تبون مافي ولا وحده تجلس بالبيت . سمر : ان شالله الليث وقف قبل تغير سمر رايها : يالله خلونا نلحق نروح السوق عشان الزحمه _وطلع _ وقفو البنات وطلعو وراه ـــــــــــــــــــــــــ ـــــــــــــــــــــــــ ــــــ كانت جالسه بغرفتها وتحس بالوحده البيت نص اللمبات طافيه بعد ماراحو الحريم وانتها العزاء ل هاليوم بس بقت عمتها ساره دخلت عليها الغرفه :رزون ليش ماتقومين وتاكلين لك لقمة حرام من الصبح ماصار ببطنك شي رزان وهي تعدل جلستها : والله مالي نفس بشي . ساره جلست جنبها : والله مايصير اللي تسوينه بحالك الله مايرضى وامك لو كانت عايشه ماترضى رزان بحسره وحرقة قلب : لو ماراحت وكانت موجوده ماكان صار كل هذا لاكن الحمدلله على كل حال . دق الباب : رزان رزان : هلا سيف ادخل دخل سيف وجلس عندها : لييش ما اكلتي شي . رزان بحزن: والله مالي نفس بشيي ولا باكل ولا غيره سيف يمسح على شعرها :بس مايصير تعذبين نفسك كذا رزان : ان شالله شوي واقوم اكل ساره عمتهم : سيف بتستقرون بالرياض؟ سيف : أي ان شالله رازن تاخذ ارواقها من المدرسه وانقلها هناك ونستقر رزان تفاجاءة : ليه نستقر هناك , ابي ابقى هنا في المكان اللي ولدت فيه سيف التفت لها : ضروري يارزان عشان سامي وعشان شغلي رزان بعتب : ليش خبيت عننا كل هالوقت انك من المباحث ليش خليتنا نظن انك انسان عديم المسؤوليه وفاشل سيف نزل راسه شوي وبعدين تكلم : لان ظروف شغلي ماتسمح اني اقول ل احد حفاظا على حياتكم المباحث مو شي سهل واحيانا المجرمين يحقدون على اللي يقبض عليهم ويحاولون يأذونه بأقرب الناس له رزان نزلت دموعها : وش استفدنا هذا هم أذو سامي وامي ماتت بسببهم , وش ذنبنا حنا . سيف يقرب منها ويمسح دموعها: صدقيني بأخذون عقابهم اذا مو هنا بيأخذه من رب العباد وصدقيني انا ماراح اخليهم لين اشوفهم يتعذبون . ساره بكت على عيال اخوها وكيف يتعذبون من مات ابوهم ـــــــــــــــــــــــــ ـــــــــــــــــــــــــ ـ ركبت السياره وهي تحس بتوتر غريبه هالاحساس اول مره يجيها قلبها يدق بسرعه ويدينها ترجف *ياربي انا وش فيني اول مره يجيني مثل هالتوتر معقوله عشانه ليش قلبي دق عشاننه لييه , ياربي مابي احبه ولا ابي احب اصلا ياربي خايفه خايفه * ..: يالله كلكم ركبتو امشي نوره بحماس : يالله كلنا موجودات الليث ضحك على حماس نوره و : يالله_ وحرك السياره كانت الجوهره قدام وورا جواهر نوره رنيم سمر الجوهره : شغل لنا شي . الليث : ايش تبون اشغل نوره بحمااس : عبدالككرييمم الححرببي الليث عقد حواجبه : من عبدالكريم ذا نوره : اقول شغل وخل عنك الاسأله الليث يمثل عصبيته : نوره تبين انزلك بالشارع صح ؟ نوره وهي ترجع ظهرها ورا : هاه وش , قصدي هذا منشد حلوه شيلته الليث ابتسم على خوفها : طيب بشغل على ذوقي . نوره تقول للجوهره بهمس :عاد والذوق والله الليث سمعها وطنش الليث وهو يشغل: بشغل خالد حامد( لما تطل ) * لما تطل شوفك يوم بالاهات بنسا اللوم طلعا فيكك بدي جن * صرخت نوره : الليــــث الله يخليـييك غيرها حط عبدالكريم الليث قصر الصوت : انتي وش تبين ازعجتينا كل شي مايعجبكم , وش تبين اشغل . نوره قصرت صوتها شوي وبدلع : شغل عبدالكريم الحربي الليث طالعها بنص عين : ازعجتينا عليه , بشغلها بس لو طلعت مو حلوه بكفخك نوره بحماس :يالله شغغل وتشوف . * الليل غابت نجومه والقلب هبت همومه وانا وحيداً لحالي ياوجدي وبرئ حالي واللي ملكني بحبه في القلب ماخاف ربه روح وراحت آمالي ياوجدي وبرئ حالي يازين انا ما تحمل تكفي بقربك تجمل بعدك وش اللي بقالي ياوجدي وبرئ حالي * نوره تهز راسها وترقص مندمجه الليث يهز راسه معاها وشوي يرقص وشوي يمسك الدركسون الجوهره تناظرهم مصدومه : ياويلي خربت الليث الداجه ذي رنيم تنغزها : صوريهم سناب بسرعه الجوهره بحماس تصور سمر تنغز نوره : اعقلي وجع _ ولا ردت على سمر الليث يمسك جوالها وهو يضحك : اقول اعقلي لايتنشر واذبحك نوره ماهمها ترقص ولاكأن شي صاير وسمر خقت مع ابتسامت الليث وقلبها يدق بسرعه جواهر كانت بس مستمعه تخاف تتكلم ويفشلها الليث او يقط كلمه تجرحها * ما باقي الا حروفي وذكرى غيابك وخوفي من مقبلات الليالي ياوجدي وبرئ حالي والشوق بيحت نيني منه السهر حب عيني حتى الزمن ما صفالي ياوجدي وبرئ حالي عانيت كل المخاطر هايم ومكسور خاطر مافيه آلم ماجرالي ياوجدي وبرئ حالي حسادك وحاسدينك يسعون بيني وبينك واللي حكالك حكالي ياوجدي وبرئ حالي * الليث طفى المسجل : خلاص وصلنا نوره : اذا رجعنا تشغلها طيب الليث يسلك لها وهو ينزل : طيب طيب نزلو كلهم ودخلو المول الجوهره : بنات خلونا نتقسم عشان نخلص بسرعه سمر بتأييد : أي احسن , انا وجواهر ونوره ورنيم والجوهره مع بعض تمام ؟ الليث : وانا وين اروح ؟ الجوهره ماسكه ضحكتها : انت توكل واجلس بالكُافي لينن نتصل عليك نقولك خلصنا الليث انفجع : وابقى جالس لحالي ماحزرتو , انا بروح مع المجموعه الناقصه جواهر بتأفف ماعجبها وسمر لفت عليها ومسكت يدها عشاان ماتفضح حالها الليث التفت لسمر وجواهر :يالله نمشي عشان تخلصون بسرعه , والجوهره انتبهي لجوالك لايكون مافيه شحن . الجوهره وهي تشيك على جوالها : لا شحنه نص الليث مد لها الشاحن المتنقل : خوذيه يمكن تحتاجينه ولا شي انبسطت الجوهره واخذتته : يالله باي مشى الليث مع سمر وجواهر سمر منحرجه الحين كيف بيأخذون راحتهم وجواهر خايفه منه تدري انه مايحشم احد عادي يفشلها قدام سمر دخلو محل سمر اعجبتها جزمه روكي ابيض سمر تنادي جواهر : شرايك مره حلوه صح جواهر ابتسمت لها : أي الصراحه مره تهبل , شاريك نشتري زي بعض . سمر اعجبتها الفكره : أي ففكره حلوه ونصدم البنات وضحكت جواهر وهي تاخذ نفس الجزمه : تمام يالله امشي نحاسب الليث كان ماسك جواله وكل شوي يناظرهم , انتبه لضحكت سمر ماعجبه انها تضحك كذا كأنه مافي احد بالمحل قربو يحاسببون قرب الليث واخذ منهم : انا بحاسب سمر وهي تطلع البطاقه : لا انا بحاسب عن اغراضي الليث عطاها نظره : قلت انا بحاسب خلاص سمر انقهرت سلامات يحاسب عني , ليه شايف اني فقيره ولا ايش افف حاسب الليث واخذ الاكياس وطلع وطلعو البنات معاه ودخلو محل ثاني للفساتين عجب سمر فستان اسود ماسك على الجسم وكتوفه نازله وميد وفيه فتحه من ورا مرا خيال سمر تناظر الفستان : شوفي جوج يجنن الفستان مهه جواهر ناظرت : الصراحه جميل بس مايصلح للعشا سمر : أي صادقه خلينا نشوف غيره جواهر شافت فستان فستان عنابي ماسك وله اكمام طويله وهو قصير لنص الساق جوااهر : سمور شوفي هالفستان مرا ناعم يصلح للعشاء سمر اعجبها الفستان : أي خلينا ناخذه قربت شافت سعره كن 460 سمر التفت ل جواهر : خلينا نشوف غيره جواهر: لييه بالعكس حلو مره سمر : أي بس سعره غالي مايسوا والله جواهر ناظرت سمر : طيـ.. قطع كلامهم الليث : خوذوه الصراحه عجبني حتى انا جواهر ماحبت تحرج سمر : لا ماعجبنا بنشوف غيره الليث : اتوقع مقاسكن نفس بعض صح ؟ جواهر وهي مستغربه : ايوه نفس بعض اخذ الليث الفستانين مقاس سمول : أي ماشالله قزمات ماتطولن سمر انقههرت منه ليش يقول قزمات مو شايف طوله : انا مابي هذا اصلا ماعجبني الليث ابتسم لها : اهم شي ي قلبي عجبني سمر لفت عنه : ماراح البسه طيب ؟ جواهر انحرجت : خلاص الليث حنى مانبيه خلنا نشوف محل ثاني الليث مارد عليهن واخذ الفساتين وحاسب عنهم سمر ماعجبها ابددد انه يحاسب عنها ـــــــــــــــــــــــــ ـــــــــــــــــــــ عند الجوهره والبنات نوره مستانسه : الحمدلله افتكينا من اخوك الغول الجوهره تحط يدينها على خصرها : وجع تراا اروح اناديه رنيم تمسك يدها : لاتكفين لاتنادينه , الحمدلله راح مع البنات الحين نعرف نشتري اللي نبي الجوهره وهي تمشي : أي والله صادقات الحين اخذ اللي ابي بدون مايتدخل فيني دخلن محل فساتين نوره عجبتها تنوره نافشه قصيره لونها وردي نوره بصوت عالي: بناتت تعالو شوفو ذي تهههبل الجواهره ورنيم تفشلو كل اللي بالمحل يناظرونهم قربت رنيم وهي تقرصها : وجع فضحتيناا اسكتتي الجوهره وهي تسحبتهن : امشي الله يفشلك خلينا نشوف محل ثاني نوره بقهر : ماابي ابي هذي التنوره مرره عاجبتني الجوهره ورنيم طلعو من المحل ولحقتهن نوره وهي منقهره رنيم : نوره شوفي تفتحين فمك بكلمه من الحين اقولك ترا بنرجع بدون ما نشتري شي طيب نوره وهي تحط يدها على فمها : خلاص بسكر فمي بس خلونا نخلص بسرعه ونروح المطعم بخاطري افلس الليث الجوهره : ياسلام عيني عينك ؟ نوره : أي عيني عينك , تراه من ابتعث وحنا ساكتين عنه , حراام خلودي والوليد كل مادخلنا السوق نفلسهم صح. الجوهره : والله فكره حلوه يعني وش فيها لو عشانا . رنيم تسحبهن : اقول خلونا نخلص اغراضنا وبعدين نشوف امر العشاء يمكن يكرشنا . دخلو محل رنيم اعجبتها تنوره سوداء قصيره وعليها شيفون اسود يلمع واخره هدب ابيض شكلها مره كيوت نادت الجوهره ونوره يشوفونها نوره : الصراحه مره حلووه الجوهره تمسكها : بتطلع عليك كيوتت اخذتها رنيم بمقاسها نوره شافت فستان ابيض من فوق فيه نقش ذهبي وقصير نوره : وش رايك الجوهره : احسه ماينفع لك. نوره بوزت : وش اخذ رنيم شافت تنوره قصيره لونها وردي شكلها كيوت : شوفي النوري احس يصلح لك كيوت مثلك نوره اعجبتها التنوره واخذتها : واش اخذ عليها بلوزه رنيم : امشي نحاسب ونشوف لنا محل ثاني حاسبو على اللي اشتروه وطلعو لمحل ثاني دخلو المحل عجب الجوهره فستان ليموني فاتح لنص الساق واكمامه ربع وماسك على الجسم شافوه البنات نوره : واوو جوج بيطلع على سمارك يجنن رنيم بأعجاب: الصراحه مره حلوه اخذت الجوهره مقاسها واخذت نوره بلوزه رسميه بيضا ورنيم بلوزه بيضا ربع كم وفتحت صدرها واسعه راحو حاسبو طلعو ودخلو محل جزمات الجوهره اخذت كعب ابيض طويل ونوره اخذت كعب روكي وردي ورنيم اخذت كعب وسط ابيض بأسود واخذو اكسسوارات وطلعو الجوهره : اف تعبت يالله خلونا نشوف الليث والبنات خلصو ولالا نوره : يالله خلونا نجلس بكوفي ونتصل __________________- عند الليث دخلو محل الاكسسوارات الليث : شوفو انا بروح محل العطور هذاك وارجع خلوكم هنا سمر وجواهر : اوك اخذو اللي يبون وسمر مرتاحه ان الليث مو موجود عشان يحاسب عنهم خلصو واقفات بالمحل ينتظرون الليث ..:ياحلوعطنا وجهه سمر انصدمت من وقاحة الشاب ولفت عنه وجواهر توترت لان الشاب ماراح الشاب : انت يابو عيون فاتنه , عطنا وجه سمر مسكت يد جواهر وطلعو من المحل والشاب وراهم قرب مسك يد سمر سمر انجنت و... ________________--- انتهى البارت الثامن | ||||
|  |
|
19-06-16, 08:38 PM
| #12 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| \\ " البــــــــــــارت التـــ9ـــــاســــع " *ولأني اغار على مسامعك من قصائد الاخرين اصبحت شاعر * * في عينك نعاس لكن رمشها ثاير وبقوس حاجبك بدر ما رضى يكمل ! هذا التناقض يضاعف حيرة الحاير : بسمتْك سجدة جمال وريقها مُثمِل ! الورد من ناعم كفوفك : غدا غاير سبحانه اللي من ترابه خلق مخمل وشلون اقارنْك مع غيرك وانا حاير انتي أو مرايتك من فيكم الاجمل ؟ *خلف الضيف* سمر انجنت كيف يمسك يدها سحبت يدها ورفعت شنطتها ثقيله وضربته فيها بقوه على راسه : ياححقيرر ياللي ماتربيت الشاب انقهر كيف بنت تمد يدها عليها قدام الناس قرب منها يبي يضربها ______________________________________________ كنت واقف بـ محل العطورات واعجبني عطر بأخذه ل الوليد وواحد لـ خالد عشان تخرجهم سمعت صوت برا عالي والناس تجمعت وصراخ استغربت جاني فضول اروح و اشوف وش فيه طلعت وانصدمت سمر ضربت الشاب بشنطتها والولد رفع يده بيضربهها روحت اركض سحبه الليث بسرعه : ماعاش من يمده يده على احد من اهلي _ وضربه وصارت مضاربه سمر صارت تبكي وجواهر ماسكتها : خلاص سموور سمر خايفه على الليث وتبكي : ياويلي الحين يذبحه كله بسببي . فكو الشباب بينهم الليث معصب والشباب ماسكينه بقوه عشان لا يرجع يضربه بعد : قسم بالله لو اشوفك بطريقي مره ثانيه لـ اذبحكك الشاب طلع بعد ما اكل ضرب محترم رجع للبنات ولبسه مبهدل وشعره طاير وبعصبيه : يالله امشوو . جواهر بخوف على اخوها : الليث صار لك شي الليث معصب : لا اكيد كل اللي صار بسببك سمر وهي ترجف ماسسكه يد جواهر : الليث انا اسفه كل اللي صار بسبتي جواهر مالها دخل _وبكت_ الليث وهو ثاير : خلاص انكتموو . مشى ووراه سمر وجواهر سمر بكت , لانها مو متعوده احد يصرخ عليها واحرجها بالسوق فتحت شنطتها وطلعت جوالها واتصلت على نوره سمر بصوت يرجف : نـ.. نوره وينكم ؟ نوره خافت على سمر من صوتها : سمر ايش فيه صوتك , ايش فيك سمر ماتحملت وبكت : اهه تعالو بسرعه حنا عند محل الـ..." نوره : طيب الحين نجي هدي انتي . سكرت سمر من نوره وهي تحاول تكتم شهقاتها الليث رق قلبه عليها لف عليها كانت جواهر تحاول تهديها الليث منحرج : سـ سمـر انا اسف ما اقصد اني اصرخ عليك بس الي صار خلانـ.. سمر قاطعته وهي تحاول تمسك شهقاتها : خلاص لاتكلمنني , مابي اسمع منك شي . الليث انقهر انها سكتته وابعد عنهم شوي لين تجي نوره والجوهره ورنيم . بقت جواهر وهي تهدي سمر : خلاص سموور اهدي . سمر مسحت دموعها : ليش يصرخ علي كأني انا الغلطانه جواهر ماسكه يدها : خايفه يسوي لي شي اتوقع ماراح يعدي هاليوم اعرفه اليوم بيذبحنني سمر تهدديها : ياقلبي اهدي ومايصير ان شالله الا الخير ________________________ رنيم : نوره سمر ايش فيها طمنيني . نوره بخوف : مدري كلمتني وهي تصيح الله يستر الجواهر : طيب امشو خلونا نشوفهم وصلو البنات عند سمر نوره قربت وضمت سمر : سمر فيك شي ليش تبكين سمر بعدتها شوي وهي تحاول تحسن صوتها : مافيني شي بس خلونا نطلع . الجوهره تتلفت : وين الليث وين راح ؟ جواهر: اكيد راح السياره خلونا نمشي . الجوهره طلعت جوالها واتصلت على الليث : وينك فيه , ايه أي عرفته الحين نجي . سكرت منه الجوهره : بنات الليث يقول تعالو مطعم الـ.... عازمنا على العشا نوره ورنيم انبسطو : يالله جت منه احسن من اننا نطلب . جواهر وسمر استغربو توه معصب كيف يعزمهم على عشاء مشو البنات لين وصلو المكان اللي قالهم عليه الليث كان مطعم هادي دخلو القسم اللي قالهم عليه كان طالب لههم عشاء وجالس ينتظرهم الجوهره بفرحه قربت منه : الله طالب لنا بعد نوره بفرحه : يازينك الليث يعطيك العافيه مشكور الليث ابتسم لها : أي عليكم بالعافيه , تستاهلون اكثر سمر وجواهر مو مرتاحات لـ ابتسامته هذي اكيد وراها شي الليث وهو واقف : يالله انتو تعشو وانا ابي اروح اخذ ل اغراض وارجع لكم وطلع نوره وهي تجلس على راس الطاوله : يالله اجلسو خلونا نتعشا قبل يجي الليث ونمشي جلسو البنات بههدوء قطع صمتهم صوت رساله على جوال سمر فتحت الجوال وقراءة وشرقت رنيم تمد لها المويه وتضرب ظهره : بسم الله عليك خوذي المويه جواهر تناظرها : بسم الله وش فيك نوره بلقافه : وش اللي خلاك تشرقين وش الرساله اللي جتك الجوهره بتأييد : عطينا جوالك ونشوف وش جاك سمر قفلت جوالها بسرعه وشربت المويه سمر وهي تتعدل : لا مافي شي ,وابتسمت _ كملو عشاكم سمر وهي تتذكر الرساله * اسف لأني زعلتّك , دموُعك غاليِه علي . * _____________________ كانت جالسه مع عمتها وترتب ملابسها وملابس اخوانها بشنطهم وتبكي شوي وتتذكر كيف عاشو فيه سنين طويله رزان وهي تمسح دموعها : كيف بودع هالبيت , ياربي كل ذكرياتنا فيه . ساره تهديها : خلاص ياقلبي , بتصيرون كل عطله تجونا مو بعيد بالرياض رزان وهي تسكر شنطتها : الله يعين تعالي معي بنجهز ملابس سامي وسيف , سيف يقول لازم نفضي البيت ونسلمه لـ صاحبه ساره وهي توقف معاها : يالله ان شالله يمدينا نخلص , اهم شي خلصي اغراضكم اللي بتاخذونها والباقي انا والبنات بنجي ونفضي البيت كله رزان وهي تفتح باب غرفة امها وابوها وهي تشم ريحة عطر امها من توفت ماحد دخل الغرفه مقفلها سيف وفتحها اليووم عشان ياخذون الاغراض المهمه ابتسم وهو يتوقع ردت فعلها لو شافت الرساله يعرفها من صغرها حيويه اكيد وجهها احمر وخجلانه ابتسم وهو ياخذ اغراضه وراح سيارته عشان يودي اغراض البنات واغراضه وشغل المسجل اي والله ما ارضى عليه بصوت محمد الخضر * اي والله ما ارضى عليه ولا اسويه فبشر واللي يلوم القلب فيه ما ظنتي عنده نظر رباه يا رب الوجود حبه مقيدني قيود احميه من عين الحسود لا مر اسمه او عبر هو حبيبي للأبد ولا ابي غيره احد لو قامت الدنيا بعد هو ماي عيني والنظر اي والله ما ارضى عليه ولا اسويه فبشر واللي يلوم القلب فيه ما ظنتي عنده نظر اضيع به كلي واذوب دامه حبيبي كيف اتوب ما في يا عالم عيوب والعمر قبله مو عمر اموت به وبطيبته برقته وبحنيته لا تسألوني من متى من يوم جمعنا القدر اي والله ما ارضى عليه ولا اسويه فبشر واللي يلوم القلب فيه ما ظنتي عنده نظر ـــــــــــــــــ مسك جواله واتصل على جواهر جواهر ردت: هـ هلا الليث بجفاء : خلصتو عشاء ؟ جواهر تضايقت من طريقة كلامه : أي خلصنا وطلعنا الليث : طيب تعالو ل السياره جواهر بتردد : أي بس ترا يمكن نتأخر شويه الليث بحده : ليشش؟ جواهر بخوف : نـ نورة مزعجتنا تبي موكا بس تأخذه ونجي الليث ينهي الموضوع : يالله بسرعه تعالو وسكر بدون مايمسع ردها _______________--- *اصعب شي اذا فقدت الثقه من اقرب الناس لك تصير محاصر من كل الاتجاهات * جواهر كانت دمعتها متعلقه برمشها *ياربي ليشش يكرهنني كذا , والله ماتسوى علي والله , ليتك تعرف اللي صار يالليث ليتك .* سمر قربت من جواهر :يالله جواهر جواهر ابتسمت لسمر : يالله مشينا الليث ينتظرنا بالسياره البنات : يالله نوره تمسك الجوهره : تككفيين ابي اركب قدام الجوهره تدفها : انقلعي بس والله مكاني نوره : الله يخليك جوج بس هالمره الجوههره تعاند : ماني ماصدقت افتك من جواهر تجيني انتي يالله بس نوره انقهرت وسبقتها ل السياره وركبت نوره غصب عن الجوهره قدام الجوهره واقفه عن الباب : اقول انزلي مكاني نوره وهي تشرب من الموكا: يلا بس الخلا , من الصبح اترجاك وانتي مطنشتني الحين اركب غصب عنك الليث يضحك عليهن مايتجمعن الا يتضاربن : خلاص الجوهره ارجعي ورا نوره جت قبلك الجوهره قرصت كتفها وراحت تركب ورا بالترتيب سمر وجواهر ورنيم والجوهره نوره صرخت : اخخ ياكلببه الليث بحده : نورره قصري صوتتك . نوره بقهر وهي تسكر بابها : كله من اختك العصلا , والله نوصل البيت تشوف وش اسوي فيها الجوهره بغرور : اصلا انا ابي اروح بيتنا , مابي انزل عندكم الليث يتذكر : ايه امي بالبيت تقول خليهم كلهم يجون بيتنا, وتنامون هناك سمر بدون شعور :وابوي من يهتم فيه انبسط الليث انها تكلمت : عمي ابوي نايم عنده وخالد . سمر سكتت نوره : الليث شغل لنا شي ننطرب عليه الليث يناظرهاا بنص عين : وش تبين اشغل لك نوره تفتح جوالها : في شيله تهبل ابيها الليث بسرعه : اذا عبدالكريم الحربي ما اشغل نوره ضحكت :لا هالمره ابي عماد العنزي الليث عقد حواجبه : من هذا نوره تممد له جوالها : منشد , شغل هذي فديت كبدك شغلها الليث * خذيتني .. يا ساحر القـلب بحكـاك سحر الغرام اللي ../ معانيـه ذاتك وبديت بي من قبل لا آجيك وابداك وآخط سيرة حب . في ذكـــرياتك وعشقت صوتك/ضحكتك/وجهك/رضاك وغدت جهاتي بالمحبه جـهاااااتك !! غصبآ" عليك .. أستاهلك !! وآتحداك ) لآني الوحيد اللي فهم .. منتهاتـــك ! غرآمـك اغنآني ../ من النآس واغنآك عن كل شخص( ن ) معجبن في صفآتك تعبت أدور شوفـتك .. قبل لا القـاك وجيتك وروحي قبل لا آجيــك جاتك روحي تحبك../ قبل لا آحب لامـآك ولاماك حببني .. أكون بحياتــك !! فديت كـبدك يآهوآ الحب .. ( م غلآك ) ارسـم ع/.. كف الحنيـن امنيآتك وينك تبطآطيتك ../ وقلـبي تبآطـآك شوقي حيآك ../ وشوق لآغـبت مآتك ضم الضـلوع اللي تعبآهآ امحآتآك وحـب العيون ..اللي تموت ابـ/غلآتك اكبـر فخر للآرض ../لآدجت بخطآك واكبـر فخر للحب../ اني غنـآتك حـظ الهوآ ../ تتنفـسه في حـنآيآك حـظ العطور../ اللي تلآمـس عـبآتك اناآ ظمآن العشق ../ والـمآي دجلآك والنـيل نيلك ../ والامـآني فراتك مآصـرت اهيم بـ/شوق واحـب لولآك اتحب روحـي قبل ../ احبك وجـآتك مآودي احبك ../ عشآن اكسب ارضآك ودي اكون ( اجمل حدث ) في حيآتك * نوره انطربت والليث انبسط اعجبته الشيله وصاريرقص مع نوره وهو مبسوط سمر رفعت عيونها تناظر الليث وطاحت عينها بعينه ونزلت عيونها بسرعه وهي منحرجه جواهر كانت خارج جوهم وفرحهم , تحس كل هموم الدنيا في قلبها , تشوفه يضحك مع البنات وهي نابذها ولا يسولف معاها ولايعبرها رنيم سرحانه وحاطه راسها على كتف جواهر , دايم هاديه ولا تدخل بالاجواء بسرعه خجلها الشديد متعبها * اهه ياربي ليش صار كذا , كنت عايشه ومرتاحه حسبي الله ونعم الوكيل .* الجوهره منقهره من نوره لانها جلست قدام ولا خلتها وكل شوي تضربها ونوره تقرصها ________________ "" في مكان من زمان مارحنا له "" كانت منسدحه على سريرها وتكلم صديقاتها ساره وريم رنا :تخيلو بنات بكره معزومين على عشاء لصديق ابوي واليوم قالنا ابوي حتى مايمدي اشتري فستان ساره : يوه الله يعينك , ايش بتسوين رنا منقهره : مدري والله مدري وش البس ريم : طيب انتي قد حظرتي مناسبات لهم او شي رنا : لا اصلا ماعمري شفتهم ريم : كويس , اجل البسي فستانك الابيض اللي شريتيه بحفلة رغد رنا تتذكر : أي يعني ينفع أللبسه؟ ساره : يأختي قومي افتحي دولابك , ونقي اللي الفستان اللي يريحك رنا وهي توقف وتروح لغرفة التبديل حقتها فتحت دولاب فساتينها ساره : ماقلت لك ابورنيم طلع من المستشفى ريم : صدق الحمدلله على سلامته رنا : أي طلع هو صديق ابوي اللي بكره بنروح لهم ساره : بكره مسوين له حفله بأستراحه بس خساره مانقدر نحظرها ريم : ليش قهر ساره : ابوي يبي يسافر لـ جده يومين رنا صرخت فجاءه ساره وريم انفجعو: ايششش فييك رنا بفرحة تناقز : تذككرت اني شاريه فستان الشهر اللي فات ومالبسته , الحمدلله جاء بوقته ساره انقهرت منها : كلبه فجعتينا واخرتها هذا الموضوع وجع ريم : أي والله حيوانه احسب صار لها شي خطير رنا مبسوطها ولا همها هواش صديقاتها رنا وهي ماسكه الفستان : يالله باي بروح اقيس الفستان واشوفه علي ريم وساره :باي اخذت الفستان الفستان لونه ازرق فاتح وماسك على الجسم وله اكمام قصيره وهو تحت الركبه من فوق له قبه رسميه وازارير كان مره لايق على جسمها فكت شعرها الاسود لين نص ظهرها ناعم حطت روج وردي فاتح ورسمت عيونها ورتبت حواجبها شكلها كان مره ناعم وكيوت طلعت من غرفتها متحمسه بتوريه امها نزلت بسرعه ودخلت المجلس رنا بحماس : شرااايكك ماما ..يتنحنح : احمم رنا انصدمت : اءء ءء هربت على طول فوق صدفه شافت راكان نازل راكان مسكها من يدها : وش فيه وجهك مخطوف لونه رنا ماتدري وش تقول : انـ.. انـ ..ا ك كنت _دفت يده وهربت راكان استغرب : بسم الله وش فيها هذي دخلت لغرفتها وجلست على سريرها : ياويلي يمما فشيلله لو درا راكان ولا ابووي اخاف يصفقوني وبسرعه دخلت غرفة التبديل وغيرت الفستان ولبست بجامتها ومسحت الكحل والروج ورفعت شعرها وراحت لفراشها بسرعه وطفت النور _______________ كان جالس بالمجلس انتظر ابوراكان عشان اعطيه اوراق الصفقه ابوي مرسلني بها ومره وحده اشوف راكان دخل راكان راكان يسلم عليه : السلاممم ياهلا والله وائل : ياهلا بك يالقاطع راكان يضحك : والله انت القاطع ماتسأل ابد وائل : والله اشغال وتعرف توني راجع من فرنسا راكان وهو يجلس: عاذرك وخذ راحتك بس لاتقطع , _وهو يصب القهوه _الا اخبار الشباب مالي خبر فيهم وائل وهو يمسك الفنجال : ما عليهم الحمدلله , كلهم بخير ويسألون عنك وخصوصا رائد راكان ضحك : أي رائد اكيد مطلع له مقلب جديد ووده يطبق علي وائل قام يضحك : ماعليك من توظف عقل ماعاد عنده كيني ميني راكان :ههههههههه زين والله دخل ابوراكان : السلام عليكم راكان ووائل : وعليكم السلام وائل قرب وسلم على ابوراكان : شلونك ياخالي ابوراكان وهو يجلس : الحمدلله انت شلونك وشلون ابوك وامك وائل : الحمدلله بخير ويسألون ععنك _مد له الاوراق _ هذي الولد موصيني اوصلها لك اخذ ابوراكان : أي الله يعطيك العافيه وائل : الله يعافيك ابوراكان وقف: انا استأذن بروح لمكتبي الاوراق ضروري اخلصها اليوم راكان و وائل : اذنك معك طلع ابوراكان وائل : اقول راكان امش معي الاستراحه الشباب متجمعين راكان : والله فكرة حلوه , بروح البس وارجع لك طلع راكان وبقى وائل لحاله ينتظر فجاء سمع صوت انثوي : شراااايك ماما ورفع راسه وانصدم تنحنح وهي هربت هذي رنا ؟ ولا اتخيل سبحان الله كيف صارت جميله وشعرها الاسود الفاتن وبياضها , كلها على بعضها فاتنه وبسرعه اختفت من قدامه شكلها ثبت براسه ابتسم يوم تغيرت ملامحها لصدمه دخل راكان وشافه سرحانن : ياهوه, ياولد الو الو وائل مو معه ابد راكان قرب منه ودفه وطاح على طول على الكنب وائل انصدم : هييه خير تدفني غبي انت راكان وهو يسحبه : اقول لي سااعه احكي معك ماترد , فاصل الخط ههههههههههه وائل انقهر منه : اف منك , الواحد مايقدر يسرح بفكره شوي راكان يرفع حواجبه : عندي لا عند غيري براحتك وائل ابتسم ان راكان صار احسن من اول وصار يضحك ويستهبل مو مثل قبل هالك نفسه بالشغل . ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــ بعد سااعات انتهت ساره ورزان من تجهيز الاغراض والملابس ساره وهي تريح ظهره : اووه تعبت الحمدلله قدرنا نخلص رزان وهي تنسدح : يارب الحمدلله , فيني نوووم ساره : اصببري بقى شوي ويأذن , نامي بعدها رزان فززت : يوه وباقي اوراقي بروح اخذها من المدرسه ساره :بسم الله عليك روحي على الساعه 9 تكونين ارتحتي _وقفت _ بروح اسوي لنا شي خفيف ناكله رزان : ان شالله راحت ساره للمطبخ ودخل سيف للبيت شاف الاغراض معزله وجاهزه . دخل شاف رزان منسدحه وحاطه يدها على وجها وجلس عندها رزان حست ان فيه احد جلس عندها رفعت يدها وانتبهت لسيف عدلت جلستها : تبي عشاء سيف يشوف ساعته :عشاء الفجر ؟ ابتسم _ رزان ضحكت على فهاوتها : قصدي فطور سيف انبسط انها ضحكت : لا مو مشتهي , بقوم ارتاح عشان بكره لازم نمشي لـ الرياض دخلت ساره ومعاها صينيه : مافي نوم الا اذا شفتك تاكل انت واختك يالله سيف : والله مو مشتهي ي عمه ساره نزلت الصينيه قدامهم : مافي اعذار يالله قومو قامو يغسلون عشان ياكلون جلس سيف مقابل لها : عمه ليشم اتروحين معانا احسنن من جلسستك عند حرمة عمي ساره عقدت حواجبها : لا ماقدر ويمكن عامر مايرضى اروح رزان وهي تجلس : أي والله عمه تونسيني بعد سيف : اذا على عمي انا اقنعه ساره سكتت شوي وبعدين قالت : الحين انتم روحو وضبطو شقتكم , وخلصو اموركم وشوفو سامي وقالت _بمزح _عشان اجي والبيت جاهز ما اتعب حالي معاكم ههههههه ضحك سيف رزان تضحك : ههههه يانصابه وتقولين عامر مايرضى ساره تضحك : شفتي كيف ابي ارتاح خلص سيف اكل وقال : الحمدلله , رزان صحيني بدري عشان اودك المدرسه تجيبين اوارقك عشان انقلك رزان : ان شالله ـــــــــــــــــــــــــ ـــــــــــــــــــــــــ ــــ كانو كل البنات متجمعات بغرفة جواهر والجوهره بعد ماقاسو فساتينهم وجهزوها عشان بكره رتبو فرشهم على الارض عشان ينامون جواهر ماجاها نوم وقامت : بنات من تروح معي المطبخ رنيم تغطي راسها بالبطانيه : والله انا ميته نعاس الجوهره : وانا بعد نوره : zzzz سمر كان فيها نعاس بس قاومت : طيب انا بروح معك قامت معاها واخذت جلال معاها لانها لابسه بجامة جواهر : لا خليه اصلا الشباب نايمين من زمان سمر تركت الجلال : طيب يالله نزلو للمطبخ واخذت جواهر عصير ومكسرات وشبسات جواهر اخذت صينية العصير: امشي خلينا نجلس بالمجلس اللي برا . سمر تاخذ الصينيه الثانيه : مجهزه عدتك ههههه جواهر وهي تضحك : أي لازم كل يوم اسهر لحالي , بس لانك موجوده اليوم بنسهر سوا سمر ابتسمت وطلعو للمجلس نزلت الصينيه اللي بيدها وشغلت الاضواء ورتبو جلستهم سمر ابتسمت : ايوه هاتي علومك جواهر بتردد : بقولك شي , صار . سمر خافت عليها : أيش هو ؟ جواهر : رجع اتصل علي سمر بخوف : رديتي عليه ؟ جواهر ببكا : ايه وقلت له لا تتصل علي مره ثانيه , قالي ان كل شي تغير , وسكرت بوجهه راجع بعد ما دمر حياتي , وخرب كل شي بعد ايش يرجع كله بسببها والله مالي ذنب اهه ياربي . سمر بكت معاها : ياقلبي جواهر , كلنا عارفين ان مالك ذنب حتى عمي مصدقك. جواهر مبحوح : الليث , الليث مو مصدق , حتى نظارته تخوفني , احسه ناوي على شي , متى يعرف الحقيقه ويعرف ان مالي ذنب , هي اللي دبرت كل شي وهي اللي تبي تضيعني *وبكت بقوه* . سمر ضمتها وبكتت معاها : ان شالله بتنحل والليث الله يسامحه . جواهر بعدت عنها ومسحت دموعها : اسفه خربت جلستنا بسوالف مالها داعي سمر وهي تعدل جلستها : لاتتأسفين , حنى خوات جواهر ابتسمت لها : الله لايحرمني منك سمر : ولا منك ياقلبي أنا الحزين .. ومايلومون الحزين . مخنوق كن الشمس خانت بالفجر . * من وزّعك بـ وجيه كل العا-برين ؟ مافكر يجيبك ويكسب بي أجر ! *خلف الضيف * كان جالس بغرفته ويفكر ليه الجفاء صار منها , وليش هي تركته ولا فكرت تسأل عنه , معقوله تزوجت ؟ ولا كانت تكذب بس عشان تختفي ؟ الله لو فيني اتصل فيها واسمع صوتها , الله لو فيني اعرف وينها . سمع نغمة جواله رفع جواله وانصدم رقمها والله هذا رقمها راكان بلهفه : الو ..: راكان راكان ميز صوتها اللي يحبه ولا غاب عنه حتى لو غابت : ياروح راكان , وينك تركتيني ولا سألتي , ليش هالجفاء ياربي . ..بصوت كله خوف : راكان انا تزوجت انصدم راكان كل الكلام اللي كان بيقوله ضاع خابت كل أماله: ايششش ؟ تزوجتتي ,_وبضعف _ وانا ايش سويتي فيني , كل هالوقت انتظرك , وبالاخير تقولين تزوجتي ..بكت : اهلي عرفو اني كنت اكلمك , اخذو جوالي وزوجوني لـ ولد عمي وانا الحين حامل والله تعبت لين قدرت ارجع جوالي من اهلي . راكان بقههر وغبنه : ايش اللي خلاك تتصلين علي الحين , عشان تزيدين غبني وقهري ؟ الله حسيبك يانور نور وهي تصيح : راكان انا احبك والله للحين احبك , ابيك ترجع لي . راكان وهو ياخذ نفس : ارجعي لزوجك وانسيني . نور تبكي: اهه راكان والله ابيك الله يخليك_ماسمعت صوته وبشهقه _ راكان . راكان خانته دمعه نزلت من عينه : نور , خلاص انتي متزوجه وفي بطنك طفل , ماله ذنب . نور بكت : انا مالي ذنب بعد . راكان متماسك : كلنا مالنا ذنب , شوفي حياتك , وبضحكه _ واذا ضايقك زوجك قولي لي عشان اعاقبه .\ نور ضحكت بوسط حزنها وتذكرت لما كانو صغار وكان يدافع عنها ويقولها انا ابي اصير شرطي عشان ادافع عننك . نور :تدري راكان هو عمره ماغلط علي او مد يده علي , دايم مطول باله علي , وبعد يحبني , بس انا مابي غيركك والله مابي غيرك راكان اوجعه كلامها : نور نور : لبيه راكان ياخذ نفس : انا الحين تطمنت عليك , ومدامه يحبك مستحيل يظلمك , استودعتك الله يانور قلبي . وسكر بدون مايسمع ردها حب حياته وطفولته صار ملك غيره , كان ينتظرها , لو بس بنفس الوقت قالت له , قدر ياخذها ولا تصير لغيره خلاص كل أماله وكل شي راح انتهى كل شي أنتي على ذمته ..... واذا تحبيني : انسيني , وكل حاجه حلوة انسيها وحتى لو اشتقتلك ارجوك لا تجيني مابي أشوفك بصورة وأكرهك فيها ! *خلف الضيف * ____________________ صحت على الساعه تسع قامت بسرعه وغسلت وجهها بسرعه وراحت تصحي اخوها عشان يمديه يوديها لمدرستها رزان قربت تصحيه : سيف سيف سيف فز بسرعه : وش فيك ؟ رزان :ابيك توديني لمدرستي عشان اخذ ملفي سيف عدل جلسته ومسح وجهه :طيب تجهزي الحين بقوم . طلعت رزان وبدلت ملابسها ولبست عباتها وعدلت شعرها وطلعت لقت سيف متجهز بالصاله ينتظرها سيف وقف: يالله نمشي ؟ رزان وهي تلف طرحتها : يالله طلعو وركبت السياره وبمسافه قصيره وصلت للمدرسه نزلت وهي تحط جوالها بشنطتها : روح البيت واذا خلصت اتصل عليك سيف : لا بنتظرك رزان دخلت المدرسه شافت صديقة روححها جالسه بروحها ومعاها كتاب رياضيات ومندمجه تذاكر قربت منها رزان : شلونك منوو منال من شافتها فرت لها : رزوون ياقلبي وضمتها رزان كانت الدمعه بعينها بكت : وحشتيني منال وهي تضمها اكثر: والله انتي اللي وحشتيني اكثر _بعدت عنها _ طمنيني عنك رزان وهي مااسكه يدها : الحمدلله جايه اخذ ملفي بنقل منال انصدمتت : وين تنقلين وتتركيني رزان وهي تتمسح دموعها : عشان سامي وسيف مضطره ولا وانا مابي اترك القصيم ولا اتركك منال بكت معاها : لاتكفين رزون قولي غير هالكلام رزان تتلفت كل البنات يناظرونهم : خلاص منول , وش نسوي هذا اللي الله كاتبه , بتركك الحين بروح ل الاداره بأخذ ملفي وارجع اودعك تمام ؟ منال وهي تمسح دموعها : تمام . دخلت رزان للادارة واخذت اوراق النقل وطلعت من الادارة ..: رزان . رزان التفتت وشافتها واقفه حست بكره الدنيا كلها ل هالانسانه : نعم ؟ قربت منها : رزان ابيك تسامحيني ,وعظم الله اجرك رزان ناظرتها بأستحقار : نعم اسامحك بعد اللي سويتيه لي تبين السماح بكل هالبساطه , ياشيخه روحي عن وجهي بس لاأكفر فيك أثيروهي تبكي : تكفينن رزان والله اسفه ,تكفين سامحيني رزان ماردت عليها وطلعت ودعت منال وطلعت لسيف سيف استغرب انها تبكي : رزان ليش تبكين؟ رزان مسحت دموعها وهي تناظر يدينها : لا بس ودعت منال وهي بكت وبكتني معاها . سكت سيف وحرك سيارته راجع البيت يُتبــــــــــــــــع | ||||
|
| |
|
19-06-16, 08:41 PM
| #13 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| "تـــــــــابـــــــع " صباح الجمعه الساعه 12 دخلت ام الوليد ابتسمت وهي تشوف البنات نايمين على الارض بجنب بعض ومتزاحمين وتاركين سريرهم قربت من جواهر ام الوليد : جواهر جواهر يالله يمه قومي جواهر فتحت عيونها : يمه تكفين بس خمس دقايق ابي انام . ام الوليد عصبت : وش خمس دقايق يالله اليوم جمعه قومي صلي وصحي البنات سمر صحت على صوت زوجة عمها : صباح الخير يمه ام الوليد : صباح النور ياعيون امك قومي وغسلي وانا مجهزه الفطور قامت سمر : الله يعطيك العافيه يالغاليه , خليهم انا اصحيهم * وقامت للحمام تغسل * ام الوليد وقفت : خلاص اجل انا ابي انزل اشوف التجهيزات سمر دخلت الحمام وتسبحت وتوضت وصلت وبدلت بجامتها ولبست من ملابس جواهر تنوره رماديه وبلوزه سوداء لها اكمام طويله ومفتوح صدرها عدلت لبسها قدام المرايه ورتبت شكلها وحطت روج خفيف وراحت تصحيي البنات سمر : جوواهر جواههر يالله قومي جواهر غطت راسها بالبطانيه :روحي عني ابي انام قربت من رنيم ونوره : رنومه نوري يالله ياقلبي قومو رنيم فتحت عين وحده : بس خمس دقايق وانا اقوم ونوره ماردت عليها سمر تدري رنيم مستحيل تقوم اذا مو شبعانه نوم قربت من الجوهره وحطت يدها على كتفها وهزتها : جوج ,يالله قومي جووجوو الجوهره دفت يد سمر : اقول ابعدي عنني لا اذبحك سمر دفتها : احسن نامو واذا جاء العصر وصار مايمديكم تتجهزون لاتقعدون تتبكبكون . وخذت جلالها وطلعت وخلتهم نزلت لـ ام الوليد افطرت وتكلمو عن تجهيزهم للعشاء اللي بيصير حفله بسبب افكار البنات ههههه سمر : طيب بيجون اهلك ؟ ام الوليد : أي يمه كلهم بيجون كلمتهم امس وعزمتهم سمر ابتسمت : أي كويس انا ابي اروح فوق اتجهز واخوف البنات ههه ام الوليد ابتسمت ياكبر قلبك ي سمر. طلعت سمر مستعجله ودخلت الغرفه والبنات نايمات للحين سمر صحتهم مره ثانيه وكلهم طنشوها وطردوها اخذت الاستشوار من تسريحة الجوهره وشغلته وبدت تنشف شعرها ازعجها صوت الاستشوار ورفعت راسها الجوهره بصوت ناعس : كم الساعه الحين سمر ابتسمت وسوت نفسها ماسمعت : اييشش ؟ الجوهره بصوت عالي : كم الساااعه ؟ سمر رفعت جوالها : الساعه ثلاثه ونص الجوهره صرخت : ايييششش ؟ ياويلي ماتجهزت وبسرعه رفست الغطاء وصحت البنات : بنناات قووومو تأخرنا ولا تجهزنا ولا سوينا شي والخايسه سمر ماقعدتنا نوره بسرعه نقزت : ياويللي وش يمدي الحين وقامت بسرعه الجوهره راحت تركض للحمام ووصلت الباب وتذكرت انها بدون شبشب ورجعت مره ثانيه تلبسهن ووصلت للحمام وتذكرت منشفتها ورجعت اخذتها وهي تركض ونوره مزاحمتها على باب الحمام : بعددي انا ما أتأخر الجوهره وهي تدفها : انقلعي بس انا قمت قبلك _ ودفتها بقوه ودخلت الحمام _ ونوره طاحت على الارض وقامت تتحلطم : مالت على هالوجه يامعفنه وسمر ماتت ضحك :ههههههههههههههه ياويللي اخ بطني نوره تناظرها بحقد : ليش ماقومتينا بدري سمر : وش اسوي فيكم تعبت ولا صحيتو جواهر قامت واخذت ملابسها تبي تتسبح بالحمام الثاني رنيم وقفت عندها : وانا وين اتسبح ؟ جواهر وهي طالعه :انا بروح لحمام الصاله روحي انتي لغرفة الوليد هو مو هنا رنيم اخذت ملابسها وطلعت لغرفة الوليد كملت سمر استشوار شعرها وهي مبتسمه لو يدرون البنات كم الساعه يذبحونها طلعت الجوهره من الحمام وهي لافه المنشفه عليها نوره بسرعه دخلت الحمام وسمر سكرت عيونها : وجعه ليشم و لابسه بالحمام الجوهره وهي تاخذ المخده وترميها على سمر : اقول انطمي ولاتناظرين ابي ابدل لفت سمر وهي تضحك : والله عاد لو شفت شي مالي دخل الجوهره وهي تلبس : ابد ماراح تشوفين شي بس لفي <<<<<<<<<<<<<<<<<<<<<<<<>>>>>>>>>>>>>>>>> في بيت ابو خالد ابو الوليد مبتسسم : صرنا عزابيه ماعندنا احد ابوخالد يضحك : والله البيت بدون البنات مايسوا خالد كان منسدح وفيه نوم ومصحينه غصب ابوخالد : خالد قوم جيب علاجي من غرفتي وقف خالد بتثاقل : ابشر يبه وطلع دق جوال ابوخالد ورد ابوراكان : السلام عليكم ابوخالد : وعليكم السلام الله حي ابوراكان ابوراكان : الله يحييك ويبقيك , وشلونك وشلون صحتك ابوخالد : الحمدلله بصحه وعافيه , انت شلونك ابوراكان :يالله لك الحمد بخير , انا متصل عليك عشان اقولك بكره فيه محاكمه ل سالم وهادي الساعه 9 ابوخالد بهدوء: ان شالله بكره 9اكون موجود ابوراكان :لاتتعب حالك راكان بيجي ياخذك ان شالله ابوخالد : لا انا اجي مع خالد ابوراكان : حلفت مايجيك الا راكان قول تم ابو خالد استسلم ل الامرالواقع : خلاص تم وقفل الخط ابوالوليد : وش عنده ابوراكان ؟ ابوخالد : عشان جلسة المحكمه . ابوالوليد : وايش انت ناوي ؟ ابوخالد وهو يوقف المسامح كريم ياخوي وطلع _____________________________ مكست الجوهره الجوال وانصدمت ان الساعه 2:10 قربت من سمر : كم الساعه ياسمّير سمر وهي مندمجه تلف شعرها بالفير : يمكن اربع الجوهره صرخت : يااكلببه الساعه ثنتين وربع وانتي مخرعتنا نوره وهي توها طالعه من الحمام :اييشش ثنتين ؟ سمر تضحك : ههههههههههههه ياربي وش اسوي ماتقومون بسرعه ,مالقيت الا هالحل قربو نوره والجوهره يضربونها دخلت رنيم بسرعه وسكرت الباب بقوه ووجهها احمر وجلست على السرير استغربو البنات وش فيها ذي نزلت سمرالفير : رنوم وش فيك رنيم انتبهت على نفسها مسحت دموعها بسرعه : هاه مافيني شي نوره وهي تاخذ الاستشوار : ترا الوقت بدري سمر كانت تكذب رنيم ماسمعت شي بس سرحانه سمر حست ان فيها شي قربت منها وبهمس : رنومه فيك شي؟ رنيم خافت تنزل دمعتها لفت وجهها : لا مافيني شي ___________________________ كانوجالسين بالصاله واغراضهم جاهزه ويودعون عمتهم ساره وعمهم عامر ساره وهي تبكي وتضم رزان : ياقلبي انتبهي على اخوانك , وطمنيني عن سامي ترا قلبي معه سيف يحط يده على كتف عمته : سامي بخير كل يوم يكلمني تركي يطمني عليه وان شالله انا بس اوصل ازوره ساره وهي تمسح دموعها :ان شالله يقوم بالسلامه الكل : ان شالله سيف يناظر ساعته : يالله حنى تأخرنا صارت 4ونص لازم نمشي رزان وهي تسحب شنطتتها وشنطة سامي وطلعت سيف سلم على عمه ومد له المفتاح : عمي هذا مفتاح البيت سلمه لـ ابو يزن وقله جزاك الله خير عامر يأخذ منه المفتاح : ان شالله وانتبهو لـ انفسكم ولااوصيك على اختك خلك قد المسؤليه سيف نزل راسه : ان شالله ياعمي , يالله تأمر بشي عامر : سلامتك ي ولدي وطلعو برا وسلمو على خالهم زيد واخذو الاغراض اللي يحتاجونها وركبو السياره وحرك سيف السياره رزان نزلت دموعها بهدوء سيف انتبه عليها وسكت مابيده حيله * *************** كانت تحط اللمسات الاخيره على مكياجها ابرزت جمال عيونها بشدو بني وبيج ورسمت الكحلها الفرنسي وكثفت المسكاره وزينت خدودها بالبلاشر الخوخي والروج الاحمر القاتم وشعرها ستريت واخره فير كان شكلها روعه نوره وهي تدخل : ووواوو سموره طالعه تجننين سمر استحت : حبيبتي مو احلا منك انتي كانت مسويه شعرها كله فير وصار شعرها لرقبتها لانه قصير وحاطه روج وردي وكحل شكلها كيوت ونعوم الجوهره وجواهر ورنيم :سمممررر سمر انخرعت : وش فيك الجوهره تقرب منها :يااي طالعه اميره سمر ابتسمت :مو احلا منك ي قمر انتي جواهر كانت مسويه مثل شعر سمر : والله بتغطي علي , واحنا متفقين طقم رنيم : بالعكس والله طالعات كيوت تشبهون بعض الجوهره : أي خايينات ماعلمتنا انكن مثل بعض سمر : تخيلي كلنا نفس بعض كأننا طقم شغالات هههههههه جواهر ورنيم ونوره : ههههههههههههههههه الجوهره بغرور : والله فستاني يهبل طالعه غير عنكم وماكان جواهر اختي جواهر بأعجاب بأختها : صادقه والله طالعه مميزه رنيم طلعت من شنطتها خزام ومدته ل الجوهره : حطيه تحت فمك بيطلع شكلك روعه اخذته الجوهره وحطته تحت شفايفها : وااي يجنن علي سمر : والله طالع يههبل عليك رنيم بغرور : شفتو كيف اعرف احط لمساتي نوره وهي تدفها: الله واللمسات دخلت ام الوليد وبأنبهار ممن بناتها : ماشالله ماشالله وش هالزين يابنات البنات استحن نوره راحت عند امها : يمه شرايك فيني انا احلا وحده صح ام الوليد تناظره : أي بسم الله عليك تهبلين ماشالله ام الوليد ناظرت سمر : ليش يمه مالبستي سمر وهي تعدل شعرها : توني خلصت مكياجي بروح البس البنات اخذو عباياتهم ونزلو سمر افتحت الدرج وطلعت فستانها ولبسته وعدلت شكلها ولبست جزماتها اكرمكم الله وتعطرت واخذت شنطتها وعبايتها وطلعت من الغرفه وتذكرت : يوه نسييت جوالي ورجعت بسرعه للغرفه واخذته وطلعت وهي تحطه بالشنطه صدمت بشي: اهه عممى ان شالله ..: مدري والله منهو العمى اللي يمشي وعيونه بالجوال سمر انقهرت منه واستحت انها مو لابسه عباتها :بعد عن طريقي الليث وهو يناظرها ويقرب منها :واذا مابعدت ؟ سمربعصبيه : بنادي خالتي الليث ابتسم على عصبيتها وخوفها :خالتك بالسياره ينتظرونك سمر بخوف : لوسمحتت ابعد الليث بهمس : طالعه تهبلين حصني نفسك وبعد عنها نزلت سمر وهي حاطه يدها على قلبها وهي منحرجه لبست عباتها وطلعت بسرعه وسيارة خالد عند الباب ركبت السياره خالد معصب : ليش تأخرتي سمر : كنت البس فستاني ودوبي لبست عبايتي وطلعت خالد عصب : ياسلام كل هذا لبس؟ سمر انقهرت انه يصارخ ونزلت من السياره وصكت الباب بقوه ودمعتها بعينها طلع الليث وشافها تنزل من السياره وخالد نزل بعدها : خبله انتي بسرعه اركبي بأمشي متأخرين سمر وهي تبكي: ياخي بعد عني مو رايحه معك تفهم خالد وهو يرص على اسنانه : سمراركبي خلصيني سمربعناد : مابي اروح معك تفهم الليث قرب منهم : وش فيكم خالد اننحرج ان الليث موجود : مافي شي , يالله سمر سمربعناد :خلاص مابي اروح معك قول لـ ابوي ولا عمي يجي ياخذني الليث شاف ان سمرمستحيل تروح مع خالد : طيب انا اوصلها خالد بعصبيه : سممر ارككبي السياره بسرعه سمر فتحت باب السياره وركبت وصفقته بقوه وهي تبكي لانه صرخ عليها قدام الليث واحرجها الليث يمسك خالد : وش فيك على اختك انت ؟ خالد منقهر منها : ياخي تأخرت والناس مشت مابقى الا انا انتظرها حتى خواتي راحو مع الوليد وانا انتظرها الليث مد له مفتاحه : روح بسيارتي وانا اوصلها هي وميري خالد اخذ المفتاح وركب السياره سمر كانت منزله راسها اول ما انفتح الباب وركب: خالد انا اسفه ..: مافي داعي للاسف سمررفعت راسها انصدمت ان الليث يركب : وين خالد الليث وهو يحرك السياره : بيروح بسيارتي ,ما هان علي اخليك تروحين معه وانتي زعلانه سمرلفت تناظر الشارع : ليش اهمك انا ؟ الليث وهو يسوق : اكثرمما تتصورين انصدمت سمر من كلمته : ايش تقصد؟ الليث التفت لها وعلى فمه ابتسامه : اللي اقصده واضح . سمر التفتت الطريق بكل برود وداخل قلبها تناقض وخوف وحب وكراهيه وهي تسمع ايش شغل * قلبي يشكي لك امره يشكي حنانك و هجره وده بشوفك وقربك تسحرني العين والنظره اهواك يانور عيني ليتك تحس و تجيني يفرح بوصلك حنيني اتعبني الوقت وغدره تدري الليالي بدونك تجرح عيوني وعيونك قلبي يحبك يصونك حرام تنوي بهجره فديت عمرك فديتك مامر يوم ونسيتك شوقي وحناني عطيتك يا اجمل من الورد وعطره فتان باهر جمالك مالوم قلبي شكالك اهملتني في وصالك خليت بالقلب جمره "علي البريكي" سمر مندمجه وقلبها يدق اول ما وقف نزلت بسرعه ودخلت للاستراحه شافت البنات قاعدين يرتبوون ويجهزون الطاوله شافتها الجوهره وجتها بسرعه : ليش تأخرتي سمر بفهاوه : هاه مدري الجوهره : وش مدري سمر : لاولااشي تعالي نروح البنات . الجوهره مشت معاها كانو البنات مرتبين طاوله لأستقبال الضيوف الجوهره تمد جوالها لرنيم: خوذي كلمي اخوك شوفي متى تجي السماعه رنيم طنشتها : انا موفاضيه بروح لـ امي تبيني اشرف على الشغاله وهي تجهز الضيافه الجوهره انقهرت منها : انقلعي انتي وفستانك رنيم تلف بغرور : احلى منك ياليمونه _وراحت وخلتها _ نوره وهي تضحك : هههههههه ليمونه صدق الجوهره بصراخ : وحدده تكللم الززفت خالللد يجيب السااامعه سمر : والله انا ما اكلمه لو تذبحوني روحي لـ امي تكلمه ولا انتي كلميه الجوهره بغرور : بسم الله علي اكلمه بروح لـ امي تكلمه وصلت الجوهره لـ أمها بصالة الضيوف : يمه كلمي خالد يجيب السماعه ام الوليد : هاتي جوالك عطتها الجوهره الجوال واتصلت دخلت نوره بسررعه : يممه جت خالتي ام عادل وخالتي ام نواف ام الوليد رمت الجوال على الجوهره : بروح استقبلهم طلعت ام االوليد وانقهرت الجوهره : اف والزفت ذا من يكلممه رفعت جوالها بتقفله وانصدمت انه على الخط حطته على اذنها وبتردد : الـ..ـو خالد هو معصب من اول عشان سمر : والله ما الزفت الا انتتي ياحيوانه الجوهره انقهرت : والله انت الحيوان _وقفلت بوجهه _ رنيم دخلت عليها : من الحيوان ؟ الجوهره :اخوك يعني مين رنيم : والله انتي الحيوانه , تعالي بس الوليد جاب السماعه ,وخالاتك يسألون عنك . طلعو رنيم والجوهره وسلمو على خالاتهم ام عادل : ماشالله هذي رنيم بنت ابوخالد رنيم استحت ام الوليد مبتسمه : أي هذي هي _وتأشر على نوره _ وهذي نوره وهذي سمر ام عادل مبتسمه : ماشالله كبرو , من زمان ماشفتهم سمر مبتسمه لها ام نواف : ماشالله كلهم حلوين الله يحفظهم ام الوليد : تتسلمين , تفضلو الجوهره : خاله وين بناتكم ام نواف : شوي يجون مع نواف تعرفون البنات لازم حوسه ويتزينون ابتسمو البنات ودخلو الحريم والبنات واقفات برا نوره مبتسمه :يازين خالاتكم والله الجوهره نست السالفه : أي شفتي امشي نزين السماعه عشان نتنكس سمر : انتظري لما يتجمعون البنات عشان نفلها _______ كان الجو طاغي عليه الممل والهدوء قطع عليهم جواله رد : هلا تركي تركي : هلا بك يأخوي وين وصلتو سيف وهو يشوف اللوحات : باقي مية كيلو عن الرياض تركي وهو يعدل غترته :خلاص اول ماتدخل الرياض عطني رنه عشان اعطيك مفتاح الشقه سيف : لا حنا اول ما نوصل نبي نروح للمستشفى نشوف سامي وبعدها نروح لـ الشقه تركي : خلاص على خير سيف : يعطيك العافيه ,مع السلامه تركي :الله يعافيك , مع السلامه وسكر منه التفت لرزان كانت غرقانه بنومها *كون بعوني ياربي * ------------------------------------------------------------ كانت ترتب شكلها قدام المراية كان شكلها قمة النعومه رسمت عيونها بكحل وايشدو بني تحت عيونها وروج ترابي وبلشر خفيف دخلت امها عليها : هاه رنا خلصتي رنا وهي تأخذ عبايتها : أي مام خلصت ام راكان : يالله ابوك وراكان ينتظرونا تحت لبست عبايتها ونزلت كان راكان جالس وكأنه ماوده يروح بس مجبور عشان ابوه ابوراكان وهو يوقف : يالله نمشي ام راكان وهي تربط نقابها : يالله مشينا وطلعو بسيارة وحده وصلو للاستراحه نزل وهو يزفر بقوه ونزلت ام راكان ورنا ودخلو __________ كانت واقفه عن الاستقبال وتلعب بجوالها والبنات مع بنات خلاتهم ...:السلام عليكم سمر : ياهلا وعليكم السلام , حياك تفضلي ..: الله يحييك , انتي سمر بنت ام خالد ؟ سمر مبتسمه : ايوه انا سمر بنت ام خالد ..تتذكر: سبحان الله تشبهينا حيل استحت سمر : تسلمي ياخاله من ذوقك ام الوليد جت : ياهلا بأم ريان ياهلا ام ريان تسلم على ام الوليد : ياهلابك يالغاليه شلونك ام الوليد : الحمدلله ياقلبي وانتي شلونك ام ريان : الحمدلله انتي شلونك وشلون عيالك_بعتب _ انقطعتي عنا من راحت ام خالد ام الوليد انقلب وججهها من سيرة ام خالد: والله الحمدلله واشغال , والتفت لسمر_ سموره ام ريان كانت صديقة امك سمرابتسمت لها في عينها دمعه اشتقات لـ امها ام ريان وهي تتفحصها : ماشالله نسخة امها مزيونه من يومها بس حسبي الله على اللي كان اللسبب بفراقها من ابوخالد سمر انصدمت : كيف فراقها عن ابوي , امي توفت من زمان ؟ ام والوليد تتدارك الامور : الله يرحمها امشي يـ ام ريان ام نواف من زمان ماشافتك وراحت ام ريان مع ام الوليد وسمر بمكانها مصدومه كيف تفرقو امي وابوي , اكيد في شي مخباء عننا ولا نعرفه ..:السلام عليكم _________ كانت واقفه وتشوفه والاجهزه محاطه فيه من كل اتجاه ..: اه ياربي متى يقوم ونتطمن عليه ..: الله كريم الله كريم _______________ و شلون سهلك صار يشبه لصعبك و شكي معك كل يوم يهزم يقيني . و تضيق بي هالأرض و آنا بجنبك و إنت أول الدنيا و أهلها بعيني . مدري من المذنب ! و اذا كنت ذنبك لا تبت عني : غيب و أنسى سنيني . إنك تفارقني ... و أبقى ( أحبك ) أجمل من انك : تقتل الحب فيني ! stooop انتهى البارت التاسع توقعاتكم اييش بيصير بالعشاء والليث هل بيعرف بأعتراف صريح اول تلميح وبس ؟ وايش راح يصير رنيم وش فيها ؟ وايش صارلها ؟ راكان وايش راح يصير بعد مانور تزوجت ؟ جواهر وهل راح ينتهي عذابها ؟ ولا بيزيد وتتدهور الوليد ؟ وسبب هدوءه ؟ وهل راح يكون له دور كبير والاهم؟ ام خالد بداءت تنكشف خيوط اخفاءها رزان وسيف كيف بتكون حياتهم سامي ايش بيصيربحياته ؟ هل راح يعيش او لا ؟ الحكم على هادي وسالم ؟ وايش راح يصير ؟ احمد هل ينكشف او خرج من العجين مثل الشعره ؟ رنا ؟وكيف بتكون حياتها ؟ اخير .. الجوهره وخالد ؟ هل سيكون بينهم شيء بالمستقبل؟ | ||||
|
| |
|
24-06-16, 01:49 AM
| #14 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| \\ السلام عليكم ورحمة الله وبركاته انا اسفه جدا على التأخير اللي حصل بسبب الكيبور مو راضي يكتب والحمدلله انحلت هالمشكله وتغيرت ايام تنزلين البارتات الاثنين والجمعه ان شألله *ولاني اغار على مسامعك من قصائد الاخرين اصبحت شاعر * *البارت العاشر* لحظاتي الرائعة : في قربك أروعها ودي اسوي لعمري جنبك : إعادة حروفك الدافية ما كنّي أسمعها كني ادخن و اشرب قهوتي سادة انتي قصيدة جميلة كان مطلعها : حنين متغرّب لـ أمة و لـ بلادة أحبك ... و هالمحبة لو اوزعها على رعاع البشر : اتحولوا سادة أميرة الحسن و وصوفك أطالعها و اقول سبحانه اللي خالق عبادة ! . *خلف الضيف * ________ التفتت سمر للحرمه وبنتها وسلمت عليهم : ياهلا وعليكم السلام ..: انتي اكيد من بنات ابوخالد سمر مبتسمه : ايوه انا سمر بنته الكبيره ..: وانا ام راكان وهذي بنتي رنا سمر : ياهلا خالتي , واهلين رنا , نورتونا حياكم امي بالمجلس ام راكان بأستغراب : امك مو متوفيه ؟ سمر نزلت راسها لحظات ارفعت راسها وعلى فمها ابتسامه : احم ايوه بس خالتي ام الوليد بحسبت امي ام راكان ابتسمت لها :الله يخليها لكم يارب . وصلت ام الوليد ورحبت بأم راكان ودخلو الصاله سمر راحت جلست مع البنات رنيم : يوهه ذي رنا اللي معي بالفصل ايش جابها هنا؟ سمر : هذي بنت ابوراكان صديق ابوي رنيم حطت يدها على فمها : اممما هي نفسها الجوهره وقفت : بروح اتعرف عليها واجيبيها , نبي نرقص ونحتفل وراحت بقو البنات نوف : كيفك سمر , ماعاد شفتك بالجامعه التفتت سمر لها وابتسمت : الظروف اللي صارت مننعتني اداوم نوف بنظرات غريبه : متى تداومين ان شالله سمر : من الاسبوع الجاي ان شالله لان قربت الاختبارات ولازم اشد حيلي نوف: الله يوفقك <><<><><><><><><<>><<<>> دخل وهو وابوه بـكل هيبه على المجلس : السـلام عليكم الكل اللتفت لهم : وعلييكم السلام _ وقفو يسلمون عليهم _ وقف ابوخالد وابو الوليدوسلمو على ابوراكان وراكان : الله حييكم الله اقلطو ابوراكان وهو يجلس : الله يحييك , شلونك عساك طيب ابوخالد وهو يجلس جنبه : الحمدلله , انت كيف حالك قرب خالد وهو يقهوي ابوراكان : تفضل ابوراكان وهو ياخذ الفنجال : زاد فضلك يابوحمد ابتسم وقهوا راكان : تفضل راكان اخذ ممنه الفنجال : زاد فضلك رجع الدله مكانها وجلس جنب راكان : شلونك راكان : الحمدلله وانت خالد ابتسم له : الحمدلله , تعال هناك ااعرفك على الشباب وقف معه راكان وراح لهم خالد : شباب اعرفكم براكان ولد ابوراكان الشباب : ياهلا بك حياك الله راكان : الله يحييكم خالد : اعرفك عليهم هذا الليث والوليد اخوان وتؤام راكان مبتسم : تشرفت بكم الليث ابتسم : الشرف لنا الوليد كان سرحان خالد استغرب منه مارد قرب منه وصرخ : الووولليييد الوليد فز بسرعه : وش فيييكم رنـ.. _انتبه لخالد وضربه على كتفه _ وجع ان شالله ياحمار خالد يدفه : الرجال يتكلم معك ماترد الوليد حط يده على رقبته : معليش كنت سرحان ,ومانتبهت راكان ضحك على حركاتهم : لا عادي خالد يكمل شغله : وهذا نواف وهذا عادل راكان : ياهلا تشرفنا نواف وعادل : الشرف لنا ي راكان الوليد كان سرحان مو معاهم ويتذكر * دخل غرفته عشان يتسبح نزل بلوزته وفتح الدولاب وطلع له ملابس سمع صوت الحمام استغرب من يتسبح بحمامه طلعت من الحمام وهي لابسه شورت لـ الركبه وبدي خيوط وتنشف شعرها وانفها احمر فتح فمه انصدمت انه واقف قدامها واستحت لما شافته بدون بلوزه جت بتتطلع الوليد وقف قدامها : من سمح لك تدخلين بغرفتي ؟ رنيم منحرجه : اء انـ.. انا مم الوليد قاطعها : انتي ايش ؟ رنيم نزلت دمعتها حست الموقف صعب ايش تقول : انا ماكنت ادري ان انك هنا بس لانـ.. انا اسفه ماكنت اقصد ادخل غرفتك بدون اذن _ومسحت دموعها بسرعه وجت تبي تطلع الوليد همس لها : استنى رنيم قلبها صار يدق بسرعه خافت على نفسها : نعم ؟ الوليد قرب وججهه منها مسح دمعتها : دموعك لاتنزلينها على أي شي رنيم بردت فعل عنيفه دفت يده بقوه وضربت بالدولاب : لأتلمسني انصدم الوليد صح هو غلط سلامات يقرب منها او يلمسها بس هو كـ كبريائه كرجل انقههر : تحسبيني ميت عليك ولا ايش يالله انقلعي من غرفتي ولا اشوفك مره ثانيه داخلتها ولا بتندمين فاهمه ؟ رنيم فتحت الباب وبسرعه طلعت وهي تبكي ,ماقد احد صرخ عليها او عاملها بعنف *دايم ابوخالد معود بناته على الاسلوب اللين والاحترام عشان كذا يتأثرون بأي شي *. رجع على الواقع وهو يسمع الشباب يسولفون ويضحكون ويعلقون على خالد عشانه بس يقوم يقهوي خالد مد الدله ل الليث : قوم صب بدالي , والله تعبت , وش فايدتكم عيال عم على الطل الليث وقف واخذ الدله : طل بعينك هات اشوف وراح يقهوي راكان ونواف : ههههههههههههههه عادل دف الوليد : ياخي انت وش بلاك صاير هادي , لايكون طلع ضرسك الوليد عصب منه : عادل ان ماعقلت لا اجلد بالعقال قدام الرجال عادل جلسته : احم وجع تبي تخرب هيبتي قدام الرجال وعقب ماحد يزوجني بنته الوليد : احسن وتصير عانس هههههههههههههه الشباب : ههههههههههههههههههههههههه هه خالد :هههه عانس ونبلش فيه بكره ندور له عروس عادل يقرب من خالد : ابي اخذ اختك خالد يبعد عنه :اعوذبالله جاني على اختي ازوجك اياها ؟ راكان كان ساكت وسرحان تذكر سمر وتذكر عيونها وبكاها عادل بغرور : حاصل لك اخذ اختك واصير نسيبك الوليد : اقول اركد مانزوجك حنا خالد يناظر الوليد : صادق ولد عمي مانزوجك حظنا , مانبي بنتنا تنهبل جاءالليث : من زوجون انتم؟ نواف : السيد عادل يخطب من خالد ههههههه الليث التفت ل عادل : شايف وجهك نزوجك من بنات عمي يالقرد عادل انقهر ووقف ومر من عند الليث ووطا رجله بقوه : انا القرد يالتيس الااربد _وهرب_ الليث تغير لون وجهه بس مايبي يطلع صوت يفششله عن الرجال : ياككلب والله لا اذبحك الشبااب : ههههههههههههههه راكان شاف ابوفهد وفهد ورامي و ابو وائل ووائل ورائد يدخلون *تذكرون ابوفهد اللي اعطى ابوخالد الاوراق صاحب ابوراكان * ابوفهد بكل هيبه : السسلام علييكم ابووائل : السلام عليكم الكل وقف : وعليكم السلام وبداء الترحيب والسلام وجلس ابو فهد بجنب ابوخالد وابوراكان ابوفهد : اعذرني يابوخالد مازرتك , كنت مسافر عندي شغل وامس وصلت السعوديه ابوخالد بصوت جهوري : معذور يابوفهد وجيتك هذي عزيزه وغاليه علينا ابووائل : الحمدلله على سلامتك يابوخالد , وان شالله اخر الاحزان ان شالله ابوخالد : الله يسلمك يابو وائل وقف خالد والليث يقهوون وبعدها رجعو مكانهم رامي وفهد سلمو على راكان والشباب وجلسو مع بعض راكان وقف :عاد دوري اعرفكم عليهم خالد ضحك : تقلد هههههه الشباب : هههههههههههه راكان : احم احم هذا ولد عمي وائل واخوه رائد وهذا فهد ورامي اصدقائنا الشباب : الله حيهم , وتشرفنا واائل : الله يحييكم والشرف لنا اننا تعرفنا عليكم فهد كان ساكت ويقييم الشباب هذا اعجبه وهذا ما اعجبه* فيه غرور لاكن طيب * واخذتهم السوالف وكل شوي يضحكون على الليث وخالد يروحون يقهوون ويرجعون <><><><><><><><><><><><><>< وصلت للبنات : ترترتتراا تت جبت هالقمر لكم البنات يضحكون : كفو والله , حياك تعالي معانا رنا استحت : الله يحييكم وقفت رنيم ومسكت المايك وهو طافي : اهلا وسهلا سيادتي وسادتي اعرفكم على رنا تدرس معي بالفصل ومثل العسل وصديقتها ساره بنت جيرانا رنا استحت : والله انتي العسل الجوهره اخذت كاس العصير : بسم الله بالعه راديو اجلسي . رنيم تدفها : انطمي بس مافي تقدير لمشاعري اعرفكم على بعض نوف وقفت : احم احم انا بعرفك على البنات الجوهره تمد لها المايك : تفضلي انسه ثرثره نوف رفستها ببرجلها : انطمي , انا نوف وهذي اختي الهنوف وهذي جواهر والجوهره بنات خالتي ام والوليد واسيل وفجر بنات خالتي ام عادل و سمر ورنيم ونوره بنات عم جواهر والجوهره بس كلنا مع بعض من زمان رنا ابتسمت لهم : تشرفت فيكم , انا مايحتاج عطتكم رنيم التعريف ههههههههههه البنات :ههههههههههه الهنوف : يالله نبي ننرقص نبي نفلها الجوهره وقفت معاها : يالله شغلي والبنات قامو يرقصون ويستهبلون وسمر جالسه تصفق وتضحك على استهبالهم قربت رنيم من رنا : يالله رنو قومي ارقصي معانا جت الجوهره تساعدها : يالله يالله قومي رنا بخجل : لالا مابي ارقص تكفون رنيم وهي تقومها :لالا مافي شوفينا كلنا نرقص قامت رنا وصارت ترقص بنعومه والبنات يصفرون ويصارخون > تعرفون اجواء البنات ههههههه جلست جواهر جنب سمر جواهر بهمس لسمر : غريبه خالتي حصه ماجت من العاده ماتطوف شي سمر رفعت كتوفها : مدري عنـ... ابتسمت _جبتي طاريها ودخلت جواهر بقهر : ليتني ماجبت طاريها سمر وقفت وهي تشوف حصه جايه لهم حصه بكبر: السلام عليكم سمر : وعليكم السلام جواهر : وعليكم السلام البنات ماسسمعوها من صوت السماعه حصه بغرور: اقول جواهر هذي من اللي جنبك جواهر : هذي سمر بنت عمي حصه : ايي هذي بنت سناء الـ.. قاطعتها ام الوليد وهي جايه : حصصه حصه قربت منها تسلم عليها : ياهلا بأختي اللي قاطعتني عشان ناس مماتسوى _وتناظر سمر بطرف عينها _ ام الوليد تضغط على يدها : انا ماقطعتك عشان احد انتي قطعتي نفسك عننا حصه وهي رافعه خشمها : انتي والله ادرى ليش قاطعه ام الوليد : حصه الحريم داخل تفضلي دخلت حصه وهي منقهره بس بقلبها ان شالله تشوفين ي سناء اش بسوي ببناتك نوره جت ل ام الوليد : يمه تعالي فيه وحده تسأل عنك عن الاستقبال ام الوليد : يالله رايحه تعالي معي سمر وجواهر راحت نوره لـ اسيل وصلو الاستقبال كانت فيه وحده واقفه عند الاستقبال وكانت جلابيتها بقمة الاناقه والفخامه ومعاها بنت بعمر سمر وجواهر لابسه فستان ابيض ماسك على جسمها قصير وشعرها لـ اخر ظهرها ومكياجها ناعم وملامحها هاديه ام الوليد ترحب فيها : ياهلا وياغلا حياك ..: الله يحييك ي قلبي انا ام فهد وهذي بنتي دنيا ام الوليد : يااهلا ويامرحبا بأم فهد ودنيا انا ام الوليد وهذي جوااهر وهذي سمر ام فهد تناظر للبنات : ماشالله بناتك ؟ ام الوليد مبتسمه : جواهر بنتي وسمر حسبة بنتي بنت ابوخالد ام فهد : الله يحفظهم لكم ويخليهم ام الوليد : حياك تفضلي , بنات شوفو ضيفتكم دنيا جواهر: ان شالله يمه. وراحو سمر : كيفك دنيا , انا سمر دنيا بدلع : تمام الحمدلله , وانتي كيفك سمر مبتسمه : تمام الحمدلله جواهر : وانا جواهر دنيا تمد يدها : تشرفت فيك جواهر : تفضلي نعرفك على باقي البنات وراحو للبنات ><<><><><><<>><><<><><><>< دخل شاف المجلس مزدحم برجال وهو يتلفت يدور راكان ..بصوت جهوري : السلام عليكم الكل : وعليكم السلام وسلم على الرجال ..:الحمدلله على السلامه يابوخاالد ابوخالد : الله يسلمك ياولدي حياك خالد وقف يرحب فيه : ياهلا والله حياك تركي مبتسمه : احم انا تركي خالد يسلم عليه : وانا خالد , تفضل اجلس معانا تركي وهو يقرب ل الشباب : زاد فضلك يالغالي خالد راح يقهوي وجلس تركي بجنب راكان راكان بهمس : وش عندك تأخرت ؟ تركي ابتسم له : زرت سامي وبعدها جيت هنا راكان :طيب شلونه سامي ؟ تركي يتنهد : سامي للحين داخل بغيبومه ماندري متى يصحى واحتمال يصيرمعه مضاعفات راكان : الله يرحم حاله ويرفق فيه تركي : اللهم امين <><><><><<><><><><><> كانو البنات منتشرات سمر والجوهره يقهوون الحريم ورنيم ورنا وفجر جالسين يسولفون عن المدرسه والمدرسات جواهر ونوف والهنوف بالمطبخ يرتبون الحلا عشان يقدمونه واسيل ونوره يسولفون مع بعض دنيا جالسه عند امها سمر قربت تقهوي ام فهد : تفضلي ي خاله ام فهد بأعجاب : زاد فضلك _واخذت الفنجال _ كم عمرك ياسمر سمر ابتسمت : عمري عشرين سنه ام فهد : العمر كله يارب , كبر بنتي دنيا سمر مبتسمه : الله يحفظها لك ويخليها ابتسمت دنيا بدلع : تسلمين ي قلبي رحت سمر تقهوي الحريم الباقيات وصلت لأم راكان سمر وهي تمد الفنجال : تفضلي ياخاله ام راكان :تسلمين يابنتي , بعد شوي تعالي لي ابيك طيب ؟ سمر استغربت : ان شالله ياخاله كملت سمر لـ باقي الحريم وخلصت ودخلت جواهر ونوف والهنوف معاهم الحلا قدموه وطلعو رتبو جلستهم البنات برا ورتبوها من حلويات وقهوه وجلسو يسولفون وقصرو صوت السماعه طلعت ام راكان برا تناظر سمر سمر انتبهت لها ووقفت بسرعه وراحت لها : هلا خاله أمري ام راكان اخذتها وهي تمشي : اسمعي يابنتي اعتبريني امك واي شي تحتاجينه قولي لي ولا يردك الا لسانك سمر استحت : تسلمين ياخالتي , والحمدلله مو محتاجه شي ام راكان تناظر سمر : لاتستحين مني قلت لك اعتبريني مثل امك , واعتذر لما سألتك عن امك اخاف اخذتي بخاطرك سمر بسرعه : لاوالله ياخالتي مابخاطري ولاشي ام راكان فتحت شنطتها وطلعت جوالها : سجلي رقمك عندي عشان اكلمك كل مابغيت سمر اخذت جوالها : ان شالله و_كتبت الرقم وحفظته _ سجلته لك ام راكان اخذت الجوال : سموره مابيك تستحين مني والله انك دخلتي قلبي , وترا ابوراكان موصيني عليك انتي وخواتك سمر ابتسمت : تسلمين ياقلبي ان شالله وماتقصرون لا انتي ولا عمي ابوراكان ام راكان : ياقلبي يالله ابي ارجع للمجلس سمر: طيب راحت ام راكان وسمر رجعت للبنات نوره بلقافه : ايش عندها ام راكان سمر: على لقافتك ذي مستحيل اقولك رنا بلقافه مثل نوره : أي صح وش عندك مع امي ترا غرت منك الجوهره بلا مبالاه : استريحو ماراح تقول , اعرفها سمّير كل مكان نروح له هي تأخذ كل الاهتمام وينسح علينا رنيم تساندها : ابشرك مو بس ينسحب علينا , ينسونا بعد رنا وهي تحط يدها على راسها: اوف لهدرجه , عزالله امي بتنساني اليوم عندكم اجل البنات بدون سمر : ههههههههههههههههههههه سمر انقهرت : كل هذا بقلوبكم ولا تكلمتو نوره ترفع يدها : واكثر واكثر حتى يوم الليث رجعنا من المستشفى سحب علينا وطقها سوالف معاها لو ماقاطعتهم ماسكتو سمر استحت من طاري الليث : ووجع ان شالله ياقليلة الحيا من اللي تطلب ايس كريم نوره ببرائه : انتي طبعاً سمر مدت يدها تبي تمسكها ورنا تسحب يدها : خليها بوجههي سمر عدلت جلستها : عشان رنا ولا كان وريتك انا ايش اسوي الجوهره وقفت : انا بروح الحمام وارجع دق جوال سمر شافته*عزوتي * حطته صامت ورجعت الجوال بجنبهها الا سمعت الجوال يدق مره ثانيه رفعته ماكان جوالها شافت جوال الجوهره * الاسد * استغربت الاسم وش الاسد وبعدين تذكرت انه الليث اخذت الجوال وقامت تلحق الجوهره قبل مايقفل وصلت للحمام اكرمكم الله * سمر تنادي : جوجو الليث يدق الجوهره وهي داخل : ردي عليه انا مطوله ما قدر اطلع سمر فتحت الخط وماتكلمت الليث : الوو سمر بتردد: هـ هلا الليث استغرب الصوت : الجوهره؟ سمر : لا انا سمر الجوهره ماتقدر ترد الليث ابتسم : هلا سمر ,قولي للجوهره تجيني بعد نص ساعه عند باب المقلط سمر : طيب بقولها , مع السلامه الليث بسرعه : سمر سمر : هلا الليث : ردي علي اذا ارسلت لك بالواتس طيب بقولك شي مهم ؟ سمر : ان شالله ,مع السلامه . الليث : مع السلامه . سكرت منه وهي مبتسمه طلعت الجوهره : سمر سمر : هلا الجوهره : ايش يبي الليث ؟ سمر : يبيك تجينه عند باب المقلط الجوهره : طيب بروح له سمر مشت وراحت للبنات الجوهره عدلت نفسها وراحت لباب المقلط شافته واقف ومعطيها ظهر قربت منه وصرخت فز بسرعه ولف عليها وهي تضحك: هههههههههههههههههه ماذكرك خوا.. بترت كلامها لما شافت خالد واقف قدامها خالد يناظرها مفهي وتذكر لما سمعها تتتكلم عنه خالد : سبحان الله ماقدرتي تتحملين جايه تشوفيني وتعتذرين مني الجوهره نست انها قدامه بدون عبايه : نعم نعم نعم , جايه اعتذر منك ليش عيوني شايفني شايله عقلي بيدي جيت بسبب الخبله سمر قالت الليث هنا خالد انقهر من طولة لسانها : اقول طسي داخل عاجبتك الوقف هنا الظاهر الجوهره تفشلت وانتبهت على حالها وهربت خالد ضحك : هههههه خبله هالبنت ماعمري شفت مثل غبائها دخل الليث : من هي الغبيه ؟ خالد توهق : هاه ؟ لا مو احد الليث يخزه : لايكون قصدك احد من خواتي خالد يرقع : لا مو خواتك اصلا وش دخلني بخواتك الليث : لا لأني قلت للجوهره تجي خالد يتهرب : أي أي يالله مع السلامه بروح ل الشباب الليث وقف شوي وبعدين اتصل على الجوهره تجييه ><><><><><><><><><><><><><><><><><><><><><><><<> << ><<><><><> رجعت الجوهره عند البنات وهي متفشله من خالد والموقف جلست عند البنات وهي سرحانه ..: بووووووووووه فزت الجوهره من مكانها : يممممااااهه البنات : ههههههههههههههههههه نوف منسدحه تضحك : ههههههههههههههه يابطنني ههههههههه الجوهره استوعبت اللي سوته نوف وقربت منها تضربها : ااهه ياكلبه ياحمارره طيحتي قلبي نوف وهي مو قادره تفك نفسها : خلاص تكفين الجوهره اهه هههههههههه رنا قربت مسكتها : خلاص جوجو حرام رحمتها الجوهره وهي ترجع تجلس مكانها : عشان رنو هالمره ولا والله ما افكها من يديني الكلبه البنات : ههههههههههههههههههههههههه هههه نوف ترتب شكلها بعدد ماحاستها الجوهره : اف منك يامتوحشه الجوهره : اقول انطمي فاهمه رنيم : خلاص بنات قومو خلونا نرق الهنوف : شغلو شي كذا يحمس دنيا : يبي لك انتي مهنا العتيبي ههههههه البنات : هههههههههههههه أي والله الهنوف بحماس : والله مايرقص غيره , يخليك تتحمسين بقوه جواهر : أي والله صادقه صوته حماسي فجر : أي والله رنيم : شغلو ولع الشباب نبي نرقص يالله شغلوها البنات وصارو يرقصون ببحماس واستهبال سمر كانت جالسه ورافضه ترقص بس البنات استلموها دنيا : يالله سمور قومي ارقصي معانا سمر : معليش والله مابي ارقص الله يسعدك دنيا : لاوالله اول مره اطلبك يالله قومي استحت سمر ترد دنيا ورقصت معاهم شويه ورجعت مكانها بسرعه <><><><><><><><><><><><><><> كانت واقفه وتشوفه والاجهزه محاطه فيه من كل اتجاه ..: اه ياربي متى يقوم ونتطمن عليه ..: الله كريم الله كريم رزان : سيف بيطول وضعه كذا سيف تنهد : مادري والله هو بغيبوبه الحين ومايدرون متى يصحى بكره اليوم بعد اسبوع الله اعلم رزان نزلت دموعها على حالة اخوها : طيب ماقدر ادخل عنده ابي اجلس احكي معه يمكن يسمعني ويستجيب سيف : ان شالله بكره بروح ل الدكتور ونسأله اذا نقدر ندخل عنده او لا رزان مسحت دموعها وهي تناظر اخوها وهو على السرير وكأنه جثه ولا يتحرك وكل اللي حوله اجهزه سيف : يالله نمشي ؟ رزان : أي يالله طلعو من المستشفى <><><><><><><><><><><><><> كانت جالسه بين الحريم وتناظر ام راكان وام فهد بحقد يحسبوني ما اعرفهم لو غابو سنين لاكن هين مثل ماخربو علي اللي ابي راح اخرب عليهم حياتهم ام راكان انتبهت عليها وهي تناظره وهمست ل ام فهد : تتوقعين هي عارفتنا ولا نستنا مع الايام ام فهد بهمس : والله نظراتها ماتطمن تحسينها تذكرتنا ام راكان طالعت لها من فوق لتحت : ودي أأدبها على وقاحتها واللي سوته تجي بقواة وجهه ولا كأنها مذنبه ام فهد : ماعليك ممنها اهم شي بنات سناء مايصير لهم أي شي من هالحيه الرقطا ام راكان : الله ييحفظهم ام فهد : امين يارب دخلت ام الوليد ومعاها سمر : تفضلو ياحريم على العشاء حياكم قامو الحريم لصالة الطعام وبقو البنات جاتهم سمر : يالله بنات حياكم على العشاءء تفضلو قامو البنات للعشاء وبقت دنيا بمكانها دنيا ابتسمت لها : معليش ياقلبي مابي اتعشاء سمر سحبتها من يدها : لالالا لازم تقومين وتتعشيين انا اول مره اطلب منك يالله ابتسمت دنيا بدلع : يعني تردينها لي ههههه سمر ابتسمت لها : أي اردها يالله قدامي راحت سمر مع دنيا والبنات سبقوها دنيا : سمر انتي ايش تخصصك سمر : محاسبه دنيا متفاجئه : ماشالله معي يعني سمر : صدق انتي محاسبه ؟ دنيا : انتي بجامعة الـ... سمر بحماس : أي لايكون انتي فيها دنيا : ياسبحان الله , نفس الجامعه اللي انا فيها سمر : أي شعبة انتي دنيا : شعبة ... سمر بخيبه : يوه مو نفس شعبتي خساره دنيا متحمسه : اهم شي بنفس الجامعه اقدر اشوفك بكل وقت سمر : أي هذا اححسن شي ان شالله اشوفك كل يوم ان شالله دنيا : ان شالله يارب , عطيني رقمك عشان اكلمك سمر فتحت جوالها : طيب , وتبادلو الارقام <><><><><><><><><><><<<<<<<<>< كان جالس ويناظر ابوه يبيه يطلع له حل يفكه هو وياه ابوه : والله ان اعترفو ببكلمه بنروح ملح احمد : ايش مملح يابوي , نروح اعدام والله ابو احمد : ايش نسوي , هذولا الاغبيا ممكن يعترفون علينا احمد : نخبر المدير عشان يلاقي لنا حل ابواحمد : المدير ياحبيبي غير رققمه واختفى , وقبل لايختفي قالي لو تفتح فمك بتروح فيها انت وعيالك احمد حط يده على وجهه : بكل الحالتين متورطين ابواحمد : ابوخالد مامات ماتوقع ييحكمون عليهم قصاص احمد : الا توقع , هادي بسببه ماتت ام سامي خويي , وسامي بالعنايه يمكن يموت ابواحمد : لاو الله اجل رحنا بها احمد جالس يفكر بخطه يخرج منها مثل العجين احمد : انا بكره بروح ازور هادي يمكن اقدر اقنعه هو وسالم مايجيبون طارينا ونعطيه فلوس اابواحمد بعصبيه : مجنون انتتت , هادي بايعها بكره يعاند ويعترف علينا , اصبر يمكن ينسانا احمد : ماضنتي ينسانا هذا خبيث ابواحمد : لقيتها , نبي نختفي لنا كم شهر لين ييأسون مننا احمد : وبناتك ؟ ابواحمد : بقريح خلهم يولون انا اهم شي اسلم , مو ساحبينهن ل السجن ينثبرن في بيتهن لين نطلع منها احمد هز راسه من ابوه اللي من سنين وهو ماهمه اخواته ولا حريمه اهم شي هو يعيش ويرتاح مايحسب ل احد حساب . <<<<<<>>>>>>>>>>>>>>><<<<<<<<<<<<>>>>>>>>>>>>>د بعد العشاء الشباب صارو اصحاب واخذو ارقام بعض تركي وقف : انا استأذنكم مظطر اطلع بأستقبل واحد من اصدقائي توه جاي من السفر خالد : حياك ياتركي , لا تقطعنا تركي : ان شالله يالله مع السلامه طلع تركي وركب سيارته واتصل على سيف تركي : هلا سيف وصلت سيف : أي وصلت من ساعه تركي : افا وليه ما اتصلت علي من وصلت سيف : رحنا نزور سامي وطلعنا ندور مطعم كويس تركي : بالعافيه عليكم , وينك الحين فيه سيف : طالعين من المطعم تركي : طيب , قولي وين موقعك واجي اخذك من هناك عشان اوديك الشقه سيف : برسلك الكولكشن بالواتس وتعال تركي : تمام وسكر منه وحرك سيارته سيف كان واقف على جنب وانتظر لين يجيه تركي لانه ماعاد فيه انهد حيله ويبي يرتاح رزان من ركبت السياره نامت وصل تركي وقف جنبه ونزل يسلم عليه نزل سيف واول ماشافه ضمه بقوه يحس انه وحيد ومحتاج قوه توقف معاه وتواسيه تركي صديقه من سنين دايم كان معاه في اصعب مواقفه من كان بأيام طيشه وضياعه هو الوحييد اللي كان واقف معه ساعده كثير يحس انه صار ممنونه وان له جميل كبير عليه يثق فيه بشكل كبير لانه انسان يستحق الثقه تركي : خلاص ياسيف شده وتزول سيف وهو يبعد عنه : والله انكسر ظهري من الحمل الثقيل انكسر ظهري من موت امي تركي وهو يمسكه من كتوفه: وين سيف القوي اللي وعدني انه ماينكسر ابد ويكون قوي بكل ظروفه وانه يساند اهله سيف : اللي صار وضح لي اني ضعيف ولا اقدر اتحمل انا اواسي نفسي ولا اواسي رزان , حالتها النفسيه متدمره , اغلب احيانها ساكته ولا تبكي , خايف يصير فيها شي تركي يواسيه : انت موضعيف انت قدها , واذا على اختك , صدقني هذي الايام الاولى وتوها لين تتقبل الموضوع والصدمه صدقني مسألة وقف وبترجع مثل اول واحسن سيف يهز راسه : الله كريم يا اخوي الله كريم تركي : يالله امش اوصلك ل الشقه عشان ترتاحون سيف : يالله مشينا ركبو سياراتهم ومشو <><><><><><><><><><><><><> خلصو الحريم من العشاء وتجمعو البنات بمكانهم نوره وقفت : ابي تشغلون لي شيلة ررنيم : اجلسي شوي توك ماليه بطنك نوره : لا ابي ارقص على شيلة احبها اسيل وقفت جنبها : وانا ابي بعد ارقص الهنوف : للحين فيكن طاقه ترقصن رنا : خلوهم يرقصون ياخي , خوذو راحتكم وارقصو لين تملون وقفت نوره عند الايباد واختارت شيلة انزحن يالبيض جتكن وايليه نوره بغرور :تدرون ان هالشيله كتبت بأسمي الجوهره بأستخفاف : أي واضح مره من طول شععرك ولا هذا الزول اللي يفتن نوره : غصب عنك واضح _ورفعت الصوت حيل _ انزحن يالبيض جتكن وأيليه تذبح العشاق في نظرة هواها الشعر مردود والخصله مسويه بالحلا والزين ماحدن سواها والوصف تعجز حروف الابجديه طلته مثل القمر نور لسماها وارحمي حال المعنى يالبنيه ياهنوف تأخذ القلب بحلاها بنت شيخ ماتخلا عن خويه ينطح العدوان يدحرها وراها من ربوعن من لاقا له حميه يرخصون اعمار لاحظر لاقاها انزحن يالبيض جتكن وأيليه تذبح العشاق في نظرة هواها الشعر مردود والخصله مسويه بالحلا والزين ماحدن سواها والوصف تعجز حروف الابجديه طلته مثل القمر نور لسماها وارحمي حال المعنى يالبنيه ياهنوف تأخذ القلب بحلاها بنت شيخ ماتخلا عن خويه ينطح العدوان يدحرها وراها من ربوعن من لاقا له حميه يرخصون اعمار لاحظر لاقاها نوره ترقص بحماس هي وأسيل واسيل تلفح بشعرها ونوره منقهره شعرها قصير ماينفع تلفح به والبنات يصفقون لها ويصفرون ونوره ترقص بغرور قامت الهنوف تشاركهن الرقص الباقي يصفقون له خلصت الشيله نوره لأسيل : اسيل قصي شعرك مو حلو اسيل صدقتها ومسكت : صدق مو حلو ؟ سمر ضحكت على حركات اختها : لا تكذب عليك والله شعرك مره جميل لاتقصينه نوره تجلس بغرور : شايفته شلون ناشف وتعبانه قصيه لاتصدقين سمر تراها كذابه سمر شهقت : انا كذابه ياحمارره ؟ اوريك يانوير نوره : ماشفتو يابنات وش سوت بنا اليوم مقلبب بايخ جواهر وهي تتذكر : أي كلببه قسم بالله خلتنا مانشوف الدرب نركض بكل اتجاه تقولون مطرودين فجر بحماس : ايش سوت بكم نوف : أي اذكر سمر قبل نذله ماتغيرت سمر : والله مو نذله بس هم عذبوني ماقعدو جواهر وهي تتذكر : أي هين خل اقولكن السالفه قالت السالفه جواهر كلها البنات : ههههههههههههههههههههههههه هه رنا : اوه تستاهلون ماتقعدون بسرعه دنيا : اوماي ققاد لو انا اموت ولا احد يسوي فيني كذا اذبحه سمر وهي تضحك : تدرون لو ماسويت كذا كان ماقعدو وبعدين يبدون يلوموني الجوهره : والله اخر مره تنامين عندنا بنطرك لبيتكم سمر بغرور : ماتقدرين , اعلم عمي وخالتي يطردونك انتي الجوهره : لاياقلبي انا نور بيتهم ,لو اغيب يظلم عنهم رنيم : ماشالله من كثر ماتنامين عندنا مظلم دايم البنات :هههههههههههههههههههههههه� �هههههههه ..: دوم هالضحكه يارب اللتفتو البنات كانت ام راكان وام فهد وام الوليد طالعين مع بعض ام راكان : يالله رنو مشينا رنا وقفت : طيب ماما ام فهد : يالله دنيا دنيا وقفت وراحت مع رنا يجيبون عباياتهم\ سمر تناظر ساعتها :خالتي شدعوا تو الوقت ام فهد اه ياسمر لو تدرين : لا ياقلبي , تأخرنا لازم نطلع عشان فهد ينتظرنا مستعجل رنيم : خلاص خاله لازم تزورونا بالبيت ام فهد : ان شالله ياقلبي الجايات اكثر سمر : وانتي يأخالتي ام راكان لازم تجين ام راكان ابتسمت لها بحنيه : ان شالله ياروحي البنات سلمو على دنيا ورنا واتفقو يشوفون بعض مره ثانيه <><><><><><><><><> طلعت ام راكان لولدها راكان كان ينتظرها ام راكان ركبت السياره : السلام عليكم راكان : وعليكم السلام , هاه انبسطتو ام راكان : أي الحمدلله رنا بفرحه :أي والله تخيل بناتهم حبوبات مررهه وبذات بنات ابو خالد بنقططون عسل ام راكان ابتسمت على حماس بنتها رنا : ماشالله يمه شفتي سمر تهبل ام راكان بصدق : أي والله ماشالله عليها راكان كان يفكر بنور وسرحان ام راكان انتبهت عليه انه ماتحرك وسرحان ام رااكان : راكان يمه ماتبي تمشي راكان انتبه ل امه :هلا يمه , لا الحين بأمشي _وحرك سيارته _ ام راكان منتبه ان ولدها له فتره بس سرحان وساكت وهادي مو عادته ما ودي اجرح لك شعورك وتبكين .. ادري بعد صدي ليالي سهرتي عشتي مع غيري واظنك تحبين .. لكن رغم هذا أمانة ذكرتيه جيتي لمكان خابرن فيه بتجين .. نفس الطريق اللي عليا عبرتيه ياغايبة عني ليتك تحسين .. وانا ادري انك في غيابي صبرتي لو ما احبك ما بعدتك عن العين .. هذا النصيب يصيب قلبي كسرتيه صرتي لغيري ماسألتك على وين .. الين ما صرتي بحياته وصرتيه ام العيال المترفين المزايين .. يابخت حظه في قدومه نظرتيه مسامحك عن كل كلمه تقولين .. لو كان ياعمري لصوتك جهرتيه روحي على كيفك لو انك تلفين .. مساحتك فيني ليامن جبرتيه دلخ الضمير تاركك فيه تربين .. باقصى الخفوق اللي حنانه كبرتيه ولا يكفيني وتدرين .. قلبي اخذ غيرك يوم انك عذرتيه اخذت من عقبك من البيض ثنتين .. يابعد منهو في عيونك دمرتيه ماشي على دربي مثل ناس ماشيين .. يوم انك على بعد المسافة قدرتي بعيش مع نفسي ليتك تشوفين .. حال الكسير هي حالتي لا نظرتي صبرن جميل وهمي يبرا وتبرين .. وايام لن تنسى لو انك نكرتيه ما غبت عن بالك لو انك تغيبين .. وش ينفعك كثر الندم لا خسرتيه عندي ثقة ان كيانك لهالحين .. وانك على شعري حياتي سهرتي *لـ الشاعر سلمان بن كويخ * ><><><><><><><><><><><><>< يتبع..... | ||||
|
| |
|
24-06-16, 11:46 AM
| #15 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| طلعت وشافت سمر ورنيم ونوره مع بنات خواتها جالسات يسولفن ويضحكن قربت منهم حصه : نوف تعالي وقفت نوف : يالله جايه وراحت لخالتها نوره : افف ياكرهي لها ماتمر من بلعومي الهنوف بعصبيه : نوره ترا ما اسمح لك تتكلمين عن خالتي كذا نوره بأستخفاف : من قالك اني اطلب اذنك ياقلبي ؟ انا اتكلم عن اللي ابي بوقت ما ابي مأسأل عنك فجر : نوره احترمي نفسك سمر :خلاص نوره عيب نوره وقفت : محترمه نفسي قبل لأشوف هالاشكال وعوه مثل خالتكم جواهر حاطه يدها على فمها وتضحك على كلام نوره والجوهره تسوي نفسها مشغوله بجوالها اسيل : خلاص نوره نوره طنشتهم وراحت سمر ورنيم لحقوها يشوفونها الهنوف : ياككرهي للبزر ذي معطينها اكبر من حجمها الجوهره وهي تنزل جوالها : معليش ياقلبي ما اسمح لك على نوره عاد حدكك الهنوف : ياسلام وتسمحين لها تتكلم عن خالتك كذا ؟ الجوهره : الله عاد والخاله اللي تموت فينا , ترا هذي اول مره اشوفها من خمس سنين فلا تقعدين تسوين لي هالحركات انك تموتين فيها الهنوف :اذا انتي ماشفتيها كل هالوقت احنا كل يوم نشوفها وتزورنا ونزورها الجوهره : ايش تبغيني اسوي اصفق لك يعني . تفشلت الهنووف وسكتت <><><><><><><><><>><><><><>><>< عند نوف وخالتها حصه : اسمعي ابيك تسوين اللي اقوله لك كله فاهمه نوف بأستغراب : ابش قولي حصه تتلفت يمين ويسار: ابيك اذا داومتي بالجامعه ........ نوف : نعم لاا مستحيل اسووي كذا حصه : لا مو متسحيل راح تسوين كل اللي قلت لك غصب عنك نوف : اخاف اروح فيها ولو تدري امي امي والله تذبحني حصه : ماراح يصير لك شي وامك ماراح تدري بس انكتمي وسوي اللي اقوله نوف بأستسلامم : طيب بسوي اللي قلتيه <><><><><><><><<><><><><> بعد ما الكل راح وفضت الاستراحه طلعت ام الوليد : يالله بنات الوليد عند الباب الببنات وقفو ولبسو عباياتهم وطلعو ركبت ام الوليد قدام وسمر ورنيم وجواهر بقت نوره والجوهره والشغاله الجوهره : وين اركب الحين الوليد : الحين يجي الليث او خالد انتظري الجوهره : نعم نعم خالد مأركب معه لو يموت الوليد بحده : نعم ليشم اتركبين معه ان شالله الجوهره توهقت : أي هو يسرع مره وانا اخاف سمر ضحكت : الله يسرع يالكذابه اقول انتظري الجوهره : افف سمّير انزلي انتظري اخوك سمر وهي تتعدل بجلستها : اقول طسي بس ماحد قالك تتاخرين ماتطلعين انتبه الوليد لسيارة خالد وقفت ونزل الليث : يالله اللي مالهم مكان يجون معي الجوهره انبسطت وسكرت الباب بقوه وراحت هي ونوره والشغاله الوليد انقهر : وجعع ان شالله الليث ضحك عليه : خلاص امش البيت راحت الجوهره بسرعه بتركب قدام وفتحت الباب ..: خخيير وين بتجلسين انتي انصدمت الجوهره انه جالس قدام وسكرت الباب بقوه وركبت ورا خالد : ووجع ان شالله الجوهره بهمس : اللي يوجعك نوره اول ماسمعتهم يدعون على بعض : ههههههههههههههههههه ركب الليث : شعندك تضحكين بطول صوتك نوره حطت يدها على فمها : لا مافيني شي حرك الليث ونوره كل شوي تضحك على حركات خالد خالد كان مبعد ظهره عن الكنبة السياره ومندمج على جواله الجوهره انتبهت انه مو متركي نزلت يدها شوي وضغطت على زر تحريك الكنبه وصفطت على خالد ورجعت مكانها مره ثانيه خالد صرخ : ااهه ياحممماررر الليث انصدم كيف صفطت الكنبه : شبلاك انت تلعب بالكنب خالد درا انها الجوهره لانها وراه خالد منقهر : والله مردوده ياتبن الليث : والله العظيم ماسويت لك شي نوره : هههههههههههههه خالد عدل الكنبه وسند ظهره عليها : انتي وش يضحكك بعد انكتمي نوره وهي تحط يدها على فمها : لا ولاشي ههههههههه الجوهره حست بأنتصار انها قدرت عليه , وبنفس الوقت خافت انه يعلم الليث بس ارتاحت لما سكت وقف الليث عند بيتهم ونزل : يالله مع السلامه _وراح لداخل البيت ونزل خالد بيروح لمكان السواق نزلت الجوهره بسرعه خالد انقهر منها : والله لأردها لك ياتبن هين الجوهره من سمعت كلامه هربت لداخل بيتهم ولحقتها الشغاله ركب خالد مكان السواق ونوره نقزت قدام وحركت نوره وهي تضحك : خالد وش شعورك بعد هالضربه هههههههههه خالد بقهر :والله شعوري كان وودي اصفقها كسرت ظهري نوره : هههههههههههه يمما شكلك يضحك خالد ضربها على راسها : انطمي بس نوره مسكت راسها : وجع لاتضرب لأعلم ابوي خالد طنشها ووقف عن باب البيت ونزلت نوره بسرعه ورقت الدرج ودقت باب بيتهم فتح لها أبوها : يالله حي بنتي نورهه نوره وهي تبوس راسه : الله يحييك ياتاج راسي راحت مع ابوها للمجلس : أي قولي لي انبسطتي اليوم نوره : أي الحمدلله تونسنا مع البنات ابوخالد : الحمدلله , يالله روحي بدلي ملابسك نوره وهي توقف : البنات وصلو ؟ ابوخالد : أي من زمان نوره : يالله بروح ابدل وارجع لك لاتنام طيب ابوخالد : يالله بسرعه مو تتاخرين ترا انام واخليك نوره وهي تركض : لالا ماراح اتأخر <><><><><><><><>><><><>< دخلو ل شقتهم وهي انبهرت لجمال الشقه وترتيبها دخلت للمجلس وكان فيه كنب مرتفع لونه سكري ببني وفي سجاده متوسطه الحجم وعليها طاوله شكلها حلو وعليها فازه وفيه بلازما كبيره طلعت وشافت غرفتين قدام بعض دخلت الاولى كان فيها سريرين ودولاب ابيض وتسريحه وطاولة مكتب على جنب طلعت ودخخلت الغرفه الثانيه كانت المفاجاءه انها مؤثثه باللون الوردي والبنفسجي كان شكلها مره كيووت رزان : سيف انت جهزت البيت ؟ سيف : لاوالله تركي الله يعطيه العافيه جهز البيت من ألى حتى المطبخ رزان : ماشالله سيف يتنهد : يالله بروح انام تعبان رزان : نوم العافيه دخل سيف غرفته ورزان راحت تجيب شنطتها من عند الباب ودخلت غرفتها وبدت ترتب ملابسها وبعد ماخلصت طفت الانوار ونامت <><><><><><> كانت منسدحه على سريرها وتحس الوقت تأخر وهو ما ارسل لها *يمكن نسى ياربي بنام خلاص طفيت * فجاءه انتبهت على الجوال جاته رسايل الليث "السلام عليكم " "اسف تأخرت عليك " سمر " وعليكم السلام " "لاعادي" الليث " سمر ابي اقولك شي من زمان كان ودي اقولك عليه بس ماحصل الوقت المناسب " سمر "أيش هو قول " الليث " امم اللي بقوله وياليت ماتفهميني غلط " سمر " الليث تراني توترت ايش صاير " الليث " سمر انا من زمان ودي اقولك اني ...... Stooooooppp انتهى البارت توقعاتكم جميلاتي | ||||
|
| |
|
26-06-16, 11:49 PM
| #16 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| \\ "ولأني اغار على مسامعك من قصائد الاخرين اصبحت شاعر " البارت الحـ{11}ــادي عشـــر سولف بصوتك, اترك عنّك الدمعتين موت كلمة ( حبيبي ) في شفاهك حرام لا تنام .. وعتابك في ضلوعك سجين انفث اللي بصدرك وسط صدري ونام *خلف الضيف* كانت منزله راسها من السرير وجسمها على السرير وتفكر باللي سوته وتقعد تضحك طلعت جواهر من الحمام : بسم الله انتي وش فيك تضحكين لحالك الجوهره وهي تجلس : ههههههههههههه اضحك على اللي سويته ياربيي بطني كل ما اتذكر اموت ضحك جواهر جلست تنشف شعرها : ايش اللي سويتيه ؟ الجوهره قامت وجلست عند جواهر بحماس : اسمعي , _وقالت لها السالفه اللي سوته بخالد كله _ جواهر شههقت : ياويلي يالغبيه , لو قايل ل الليث والله انه لايدفنكك بمكانك , ماتعرفينه ذا الجوهره خافت : أي والله الحمدلله تخيلي لو قاله قسم بالله يذبحني جواهر : الليث اعرفه والله مايعرف الرحمه بالمواضيع هذي الجوهره : عادي اسألك شي بس ما تزعلين ؟ جواهر وهي تمشط شعرها : قولي ما ازعل منك انا . الجوهره بتردد : أأ ايش اللي بينك وبين الليث , ليش كذا دايم يعاملك قساوة جواهر نزلت عيونها لاتفضحها دموعها : مدري عنه الجوهره : ادري انك تعرفين تكفين قولي لي جواهر وقفت : انا بروح انام سمعت صوت جوالها راحت انسدحت وامسككت جوالها وفتحت جوالها " جواهر , انا وصلت الرياض , تكفين ابي اشوفكك " جواهر قلبها تحسه وقف من الخوف " ايشش رجعك انت , مابييك ولا ابي اشوفك " " جواهر اذا ماشفتك صدقيني لـ اروح لـ ابوك واقوله كل شي " جواهر حست بخنقه " لا الله يخليك الا ابوي , لا تروح له ولا توصله بعد اللي صار مايتحمل أي والله يموتت " .."اجل لازم اشوفك بالوقت اللي تختارينه " جواهر تعب قلبها حيل " الله يخليك اعتقني لوجه الله ابعد عن حياتي ايش تبي مني ماقدر اشوفك نهائي والله اخوي يذبحني " ..*" صدقيني مو بضارك بشي بس ابي اقولك شي وصدقيني اختفي عنك " قلت جوالها جواهر ونامت وهي تبكي خوف وتعب <><><><><><><><><><><><> كانت منسدحه على سريرها وتحس الوقت تأخر وهو ما ارسل لها *يمكن نسى ياربي بنام خلاص طفيت * فجاءه انتبهت على الجوال جاته رسايل الليث "السلام عليكم " "اسف تأخرت عليك " سمر " وعليكم السلام " "لاعادي" الليث " سمر ابي اقولك شي من زمان كان ودي اقولك عليه بس ماحصل الوقت المناسب " سمر "أيش هو قول " الليث " امم اللي بقوله وياليت ماتفهميني غلط " سمر " الليث تراني توترت ايش صاير " الليث " سمر انا من زمان ودي اقولك اني احبك " " ومكانك قلبي كبير حيل " " انتي كل قلبي والله احبك " "ولا دخل قلبي احد قبلك ولا بعدك" "سمر " "قولي لي تحبيني ولالا " سمر كانت تناظر جوالها مصدومه ماتوقعت ابد هـ الاعتراف ابد وججها صار احممر غطت راسها بالبطانيه تحس بخججل مسكت جوالها تناظر رسايله الليث " سمر " سمر " هلا " الليث " تحبيني ؟" سمر تحس انها اختنقت تحت بطانيتها رفعتها بسرعه وعدلت جلستها وتناظر رسايله ماتدري ايش ترد الليث " بس قولي ايه او لا " سمر تشوف الرسايل وقلبها يدق بسرعه سمر " اييه " ارسلتها بسرعه وقفلت جوالها الليث طار قلبه من الفرحه من شاف رسالتها وقفلت الواتس الليث قام يرقص بغرفته ويضححك : اخيررا عرفتت انهاا تحبنني اهه ياقلبيي ارسل لها " صدقيني ماراح تندمين بأنك حبيتيني ابد , راح اعيشك أميرة في قلبي , احببك سمر " " نوم العافيه حبيبتي " سكر جواله وانسدح بسريره بس كيف يجيه نوم بعد اللي صار بس يبي يحاول <><><><><><><><><><><><><><><><> سمر ماكانت احسن منه حال جاالسه على سريرها , النوم ماجاها كل شوي تفتح جوالها تناظر محادثته , وترجع تقراء الكلام وتبتسم تحس بنشوة الفرح بقلبها كبيره حاولت تنام كم مره الين سمعت صوت الاذان قامت تتوضى وتصلي صحت خواتها وابوها واخوها يصلون ورجعت لسريرها ومن حطت راسها على المخده نامت <><><><><><><><><><>><><><><> صحى على صوت المنبه الساعه 8:30 وقام اخذ له شور سريع ولبس ثوبه وغترته ورش من عطره نزل لقى امه وابوه جالسن على الفطور ..: صباح الخير ام راكان وابوراكان : صباح النور قرب راكان وباس راس امه راكان : ايش مصحيكم بدري ؟ ابوراكان : نسيت اليوم المحكمه بقضية ابوخالد راكان : لا مانسيت بأفطر واروح له عشان نروح للمحكمه ابوراكان : وانا بروح معك راكان : لا يالغالي انا اكفيك ابوراكان : لا والله ابي اوقف مع ابوخالد وبعد ابوفهد بيروح ومعه المحامي راكان : على خير ان شالله ناظر الساعه راكان كانت 8:41 يالله يايبه خلنا نمشي الحين عشان على التسع يمدينا نوصل المحكمه ابوراكان وهو يوقف : يالله ياولدي ام راكان : الله يحفظكم وينصركم طلع ابوراكان وولدها ل ابوخالد <><><><><><><><><><><>< كان ابوخالد جالس بالصاله شاف رنيم توها قاعده رنيم جلست عند ابوها : ليش يبه صاحي بدري ابوخالد يناظر الساعه : اليوم موعد الجلسه بالمحكمه رنيم : طيب يبه افطرت ؟ ابوخالد ابتسم : لا والله توقعت سمر تقعد بدري بس ماش ماهي على خبري للحين ماقعدت رنيم : لييش ماصحيتنا , والله لا أزعل منك يايبه , كلنا موجودات لخدمتك , ليش ماقلت لنا ابوخالد :يابنيتي امس جيتو تعبانين ومابغيت اقعدكم رنيم شافت الساعه ثمان ونص : دقايق وفطورك يكون جاهز ماتروح لين تأكل ابوخالد : طيب بسرعه شوي ويوصل ابوراكان رنيم :ان شالله ودخلت تسوي له فطور سريع بعد خمس دقايق كان فطور ابوخالد جاهز جلس يفطر هو ورنيم قامت رنيم وجابت علاجه وجت : يالله صار وقت علاجك ابوخالد كشر : والله اني ما أدانيه ,خلاص صرت زين الحمدلله رنيم : لاوالله لازم تأكله توك مالك كم يوم طالع من المستشفى بتترك علاجك مايصصير اخذ ابوخالد علاجه واكله سمع صوت جواله يدق رفعه رد : هلا يابورااكان...حياك الله ... أي الحين نازل لكم .. جزاك الله خير مع السلامه وقف ابوخالد بتعب : يالله يابنتي انا طالع الحين , قعدي اخواتك على صلاة الظهر رنيم : ان شالله يالغالي طلع ابوخالد ل ابوراكان وركب السياره : السلام عليكم ابوراكان وراكان : وعليكم السلام ابوراكان : شلون صحتك يابوخالد ابوخالد :الحمدلله يابوراكان انت وش علومك ابوراكان : الحمدلله بخير , يالله ياراكان امش خلنا نوصل على الموعد راكان وهويحرك السياره :ان شالله <><><><><><><><><<><><><>><><<>><><>> كان جالس بجنب هادي وهو خايف سالم : الله لايوفقك , كله بسبب اللي صار , انت اللي وصلتنا لهالمواصيل هادي بصراخ : والله انا ماقلت لك تعال اقتله , انت اللي رضيت عشان الفلوسس سالم : لو على ابوخالد يمكن يتنازل , لاكن سامي الليي ذبحته رحنا وطي والله هادي : اقول انططمم انت فاهم من اللي كان يقول خلنا نذبحه والفلوس بتغرقنا سالم : ويين الفلوس قل لي ؟ واحمد لا حط لنا محامي ولا شي خلانا كذا وفوق هذا مرسل واحد يهددنا اننا مانعترف عليه هادي بضيق : لو اعترفت انا بيضر امي وانت بنتك وامك وش نسوي سالم مسح على وجه : ياربي وش نسوي هادي : نصبر ونشوف الحكم دخل العسكري : سالم وهادي يالله قدامي للمحكمه طلعو هادي وسالم معاه وقلوبهم بتوقف من الخوف . <><><><><><><><><><><> كانو جالسين بالحكمه ويتنظرون القاضي يجي دخل القاضي :السلام عليكم ورحمة الله الكل : وعليكم السلام ورحمة الله وبركاته دخل سيف : السلام عليكم , ااسف عللى التأخير القاضي : تفضل تونا بدينا هادي شاف سيف ونظراته وهمس لسالم : عزالله ماطلعنا من السجن سالم : اسككت تكفى تفائل بالخير تكلم القاضي عن القضيه واللي صار :والحين القرار الاول بيد حمد خالد الـ... ابوخالد وقف القاضي :تكلم يابوخالد ابوخالد : انا متنازل عنهم لوجه الله بس بشرط يوقعون على اوراق يتعهدون مايقربون لي ولا لعائلتي ابوراكان : لايابوخالد لاتتنازل ابوفهد : لا ليش تتنازل راكان انقهر انه تنازل عنهم القاضي : هدوء , القرار ل ابوخالد هادي وسالم فرححو ان ابوخالد تنازل بقى سيف القاضي وجهه نظره ل سيف : سيف الـ .. وقف سيف : انا مستحيل اتنازل ابد وامي ماتت بسببه واخوي بالعنايه للحين ماندري وش يصير له القاضي : هذا قرارك ياسيف ولااحد يقدر يخليك تتنازل عن حقك , والحكم راح يصدر بعد يومين من هذا اليوم انتهت الجلسه _ وطلع ابوخالد وابوراكان وابوفهد طلعو وبقى راكان وسيف بمكانهم ابوراكان : ليه تنازلت يابوخالد , لييه ابوخالد : والله ماشفت العجوز اللي ترجتني وبكت , والله كسرت خاطري والبنت الصغيره معاها , لو متنازلت الحين من يبقى لهم ويرعاهم ابوفهد حط يده على كتف ابوخالد : هذا العشم فيك يابوخالد وماقصرت ابوخالد: والله انتم اللي ماقصرتو معي شي ابوراكان : افا عليك ماتذكر يوم كنا ندرس مع بعض ابوفهد ضحك : أي والله ياهالايام كان اشطر واحد فينا حمد وانا وياك مانبي المدرسه بس بالغصب درسنا فيها ابوخالد : ههههههه والله انتم عجزت وانا اقولكم ذاكرو لاكن بس تبون تلعبون وتنامون ابوراكان : هههههه تذكرون يوم ابوخالد ماعاد يبي يدرس عشانه صارر يحب وبس ويبي يشتغل عشان يتزوج ابوخالد تذكر اللي صار وابتسم ابوفهد ضحك : هههههههههه أي والله واحنا صرنا اشطر منه وتخرجنا بنسبه عاليه وهو يحوس بالثانويه وتركها اخر شي هههههه ابوخالد تذكرها : سقا الله هـ كـ الاايام ابوفهد : امشو لدوانيتي غداكم عندي اليوم ابوخالد وابوراكان : يالله مشينا وطلعو مع بعض في قاعة المحكمه سالم بترجي لـسيف: تكفى ياسيف تنازل عني والله ماني مرتاح ابي اشوف بنتي وامي , والله ضميري معذبني وبنتي محتاجتني وهي مريضه سيف صرخ عليه : ببببس ولا كلمه اتنازل عنك ليه مجنون انا بعد اللي سويته فينا , جلستو عندنا في البيت وغدرتو فينا وناظرتو محارمنا , تحسبني ما ادري عن اللي سويته ل اختي وامي مااتت بسببكم وساممييي سامي اللي استقبلكم مغفلل والله العظيم مغفل لانه وثق فهالاشكال اللحين هو بين الحياة والموت وتبيني اتنازل عنكم مستحيل وقام وطلع راكان كان يناظرهم وهو ساكت وبعدين وقف : ان شالله يتأخذون اقسى عقاب , لاكن لو قلتو لي من هو اللي وراكم بتخفف عقوباتكم , ولو بقيتو ساكتين حنى ان شالله بنوصل له سوا فيكم او بلاكم لاكن ان سكتو بتتعذبون انتم هادي ناظر سالم وسكت سالم تذكر التهديد: ماورانا احد راكان وقف : خلاص براحتكم ان شالله السجن ينتظركم _ وطلع وتركهم طلع وشاف سيف : سيف سيف انتبه له : هلا راكان : تطلع معي نتمشى سيف يناظر ساعته : مدري اخاف اشغلك وابوك معك راكان ضحك : ابوي من يشوف ابوفهد وابوخالد ينساني ابد تلقاه وصل دوانيته هو وابوخالد وابوفهد ولا طق لي خبر سيف ضحك :ههههههههههههههه يالله اجل على السحبه ذي انا عازمك على الغداء راكان ضحك : ههههههه اجل ممتاز يالله مشينا وطلعو مع بعض <><><><><><><><><><<><><><> صحيت من النوم اشوف مافي احد بالشقه وين راح سيف ولا قالي يمكن عنده دوام ؟ قامت توضت وصلت دخلت المطبخ سوت لها فطور خفيف وجلست بالصاله تفطر وفتحت جوالها شافت رسايل من منال وساره ساره " رزان وصلتو " " رزان ردي " " رززان " ردت رزان "ايه وصلنا من امس بس نمت ولا فتحت جوالي الا الحين " " اخبارك , طمنيني عنك " منال " اشتقت لك " " ابيييك ارجعي القصيم " " ليتك ما سافرتي " ردت رزان "ليت اللي حصل ماحصل بس الشكوى لله " سكرت جوالها وجلست تفطر وتتابع التلفزيون <><><><><><><><><><> كانت منسدحه بسريرها وممماسكه جوالها وتقراء رسايله " صباح الخير ياقلبي " " اخبارك ي روحي " ابتسمت بخجل ايش ترد " صباح النور" " تمام الحمدلله " " انت كيفك " الليث من شاف رسالتتها فز من مكانه وهو مبتسم " دوم يارب " "دامك بخير انا بخير " سمر " تدوم يارب " الليث" ايش تسوين ؟" سمر " توني صحيت " الليث " يالله قلبي قومي افطري وتعالي بكلمك طيب ؟" سمر " طيب *فيس قلب *" سكرت جوالها وقامت تحس بنشاط غسلت وجهها وتسبحت ولبست بجامه بنفسجيه ونشفت شعرها ورفعته طلعت لـ المجلس شافت خواتها جالسات على التلفزيون وخالد جالس يفطر سمر : صباح الخخخير رنيم ونوره : صباح الخير خالد يناظرها : صباح الظهر توك تقومين وش مسهرك سمر جلسست قدامه بدون ماترد صبت لها شاي وتأكل خالد بصوت حاد :هيه اكلمك انا ردي سمر رفعت عيونها له : نعم , ماتحس انك صاير بس تتدخل بأشيا ماتخصك ؟ خالد : لاوالله اللي حاسه انك متغيره وصايره ماتنكلمين سمر وهي ترجع الكاسه ل الصينيه : افف الواحد مايقدر يفطر على راحته يعني خالد : لا مايقدر قومي انقلعي عن وجههي سمر : لا ماني منقلعه ايش بتسوي يعني ؟ فيك خير ورني يالله قام خالد وسحبها مع شعرها لين وقفها ولف يدها ورا ظهرها : هذا اللي اسويه عشان تقصرين صوتك معي فاهمه ولا تطولين لسانك سمر وهي تصرخ عليه وتضرب يده : ياحمار فكك فك شعري يازفتت , والله لا اعلم ابوي رنيم وقفت تبعد خالد عن سمر: خالد خلاص فكها وش هذذا اللي تسويه , _وتضرب يده _فكها يامتخلف خالد يدفف يد رنيم : انقلعي لا اصفقك انتي بعد , خليني أأدبها واعلمها كيف ترددني سمر وهي تبكي من الالم : لانك حقيير لو رجال ماتمد يدك علي فكك شعري الله يكسر يدكك خالد يشد شعرها : رجال غصب عنكك تفهمين نوره ورنيم بالقوه خلو خالد يفكها وبعدوه عنها سمر وهي تشوف شعرها يطيح بيدها ويدها تعورها : الله يككسر يدك يامتخلف _وتشاهق _ حسبي الله عليك وراحت غرفتها خالد حس بالندم انه مد يده عليها والموضوع تافه بس استفزته انها اول ماترد عليه وبعدين تغلط عليه نوره بعصبيه : خالد خيرر تمد يدك عليها الموضوع تافهه خالد معصب : انتي انقلعي بعد مابقى الا انتي تحاسبيني _وطلع وتركها _ راحت نوره لسمر كانت ررنيم تهديها وهي تبكي نوره : خلاص راح سموره اهدي رنيم وهي حاطه يدها على ظهرها : سمر اهدي حصل خير سمر وهي تبكي : أي خير وشعري تقطع ويدي احسها بتنكسر تعورني مره قامت للحمام بسرعه تحس انها بتستفرغ بس بطنها فاضيه غسلت فمها ورجعت للسريرها نوره جابت لها ماء : اشربي شوي سمر بعدت الكوب عنها : مابي شي بس برجع انام ولا احد يصحيني رنيم : مايصير قومي كولي لك لقمه وارجعي نامي سمر تنهي النقاش : خلاص قلت بنام واذا جاء ابوي لاتقولون له شي رنيم : طيب وطلعو وطفو النور عليها سمر استسلمت لدموعها بكت لين نامت <>><><><><><><><><><<> خالد او ماطلع ركب سيارته وراح بفرفر بسيارته بس مايدري وين يروح يحس بالندم وانه تسرع شاف جواله يدق ورد خالد بدون نفس : هلا الليث حس ان صوته فيه شي: هلا بك وينك خالد : انا توني طالع من البيت الليث : تعال للاستراحه متجمعين مع الشباب خالد : لا مالي خلق اجي للاستراحه الليث : خالد فيك شي ؟ صوتك مو مريحني ؟ خالد يصرفه : لا مافيني شي بس مالي خلق الليث بأصرار : اجل تعال الاستراحه خالد : طيب نص ساعه واجي الليث : طيب _وسكر منه _ فتح الواتس يشوف الرسايل سمرللان ماردت استغرب بس قال يمكن انشغلت شوي وترد رجع ل الشباب <><><><><><<><><><><><><> بالمطعم عند سيف وراكان جالسين يسولفون بالشغل انتبه سيف لجواله ورد : هلا رزونه رزان : وينك من الصبح طالع سيف يناظر راكان : طلعت عندي شغل رزان : طيب متى ترجع البيت عشان الغداء سيف : لالا انا تغديت مع صديقي تغدي انتي , ساعه وارجع رزان : طيب مع السلامه سيف : مع السلامه راكان : حرام تارك اختك لحالها يمكن مو مرتاحه لحالها سيف تنهد : لازم تتعود انها تجلس لحالها بكره لاصار عندي مناوبات بالششغل واغيب ايام عن البيت تقعد خايفه راكان: طيب عادي تجيبها عند اهلي وامي واختي مايقصرون معاها سيف : لاوالله مابي اكلف على احد وهي كبيره مو بزر عشان تخاف راكان : لاكلافه ولا شي وترا امي موصيتني انك تزرونا انت واختك سيف : ان شالله اشوف يوم يناسبها وتزووركم راكان : ان شالله دق جوال راكان ورد : هلا ابوراكان ...: ياربي حتى انت بتسمي ولدي عليك راكان ضحك : هههههههههه لا انا حاجر اول تسمي ولد راكان بن الليث الليث : ههههههههههههه على كيفك انت وخالد , المهم تعال الاستراحه ترا متجمعين انا والشباب بس ناقص فهد ورامي وانت راكان يناظر سيف : والله انا طالع مع صديقي الليث : تعال انت وياه حياه الله راكان : خلاص اجل شوي ونجيك الليث : على خير وسكر منه راكان : سيف شرايك تروح معي للاستراحه سيف : بس ماعرف الشباب راكان : ماعليك امش اساسا الليث قال جيبه معك سيف : اجل يالله امش خلنا نروح حاسبو على غداهم وراح كل واحد بسيارته ><><><><><><><><> وصل الاستراحه وهو ضايقه اخلاقه دخل : السلام عليكم الشباب: وعليكم السلام .. ياهلا بخويللد .. ارححب يابوحمدد .. الله حييه خالد : الله يحييكم جلس عند الليث الليث انتبه عليه حس فيه شي الليث : خالد وش فيك وجهك موعاجبني خالد واخلاقه زيرو : ياخي ضف وجهك عني تراها خربانه معي الليث اللتفت ل الشباب كلهم يناظرون خالد نواف : خالد وش فيك مو هذي عادتك عادل يلطف الجو: خويلد وش مسوي لايكون حبيبتك ساحبه عليك خالد سحب الريموت وحذفه على عادل : تسوي نفسك ظريف سدد حلقك لا ارويك شغلك عادل ضحك وشاف الريموت تكسر بالجدار : اقول يالحبيب ترا هذا بتجيب قيمته ولا تجيب واحد جديد خالد ضحك على حركات عادل هو معصب وهذا مو هامه : هذا اللي هامك _فتح بوكه وطلع 15ريال ورماها عليه _ خذ جب لك واحد جديد عادل وهو ياخذ الفلوس : أي كذاا خلك محترم بس هذا مايكففي حق الريموت خالد ناظره بنص عين : هذا طمع والله الليثث ضحك على اسلوب خالد الوليد دخل وشاف الريموت مكسور : يامال الكسر ياللي كسره الحين شلون نغير القناوات _واخذه من الارض _ اللي كسره يعترف والله اني لأجلده عادل وقف ودخل الفلوس بجيب بنطلونه : هذا خالد وبعد معيي يدفع تعويض خالد طارت عيونه : سلامات والفلوس اللي عطيتك عادل يمثل الصدمه : انا متى عطيتني فلوس يالكذوب هذا انا جالس اشحذ منك عشان اجيب جديد عادل يلتفت ل الشباب ويناظرهم ببرائه: ياعيال خالد عطاني فلوس ؟ الليث ونواف : لا ماعطاك ششي خالد : ياكلاب توني معطيه الفلوس الوليد جاه بسرعه ومسكه من بلوزته : والله ان تطلعهن ريال ريال تحسبه رخيص ذا , دافع كل فلوسي عشان اشتريه خالد وهو يدفه : ياخـ*** عططيته الفلوس بس جحدهن الكلب الوليد وهو يرفع اللابتوب والاوراق: بجلسس الحين واكمل المشرروع حق التخرج ان خلصت وانت ماجبت الجهاز الجديد والله لا تنجلد خالد : اقول انقلع الفلوس مع الزفت عادل , خله يروح يجيبه دخل راكان وسيف والشباب متهاوشين راكان : ياعيال وش فيكم اللييث يضحكك : ابك متهاوشين على ريموت جهاز راكان ضحك : سلامات , الموهم معي ضيف كل الشباب وقفو وتعدلو : حيااه الله الليث قرب سلم على راكان :حياك تفضل لف على سيف ناظر انصدم الا هذا كيف جاء هنا : هلا بك حياك سيف فهم نظرات الليث : الله يحييك راكان عرفهم على بعض : سيف هذا الليث والليث هذا سيف اللي قلت عنه الليث بنظرات غريبه : ايه يا اهلين الشباب سلمو على سيف وجلسو سوالف وقهوه دخل تركي : يالخونه متجمعين قبل ما اجي نواف : وش نسوي بك انت دايم متاخر تركي سلم عليهم : شسوي من هالشركه اللي نشبت فيني ودوامي عادل : لو منك تركت شغلي الشركه تكفي وتوفي كل شي تركي ناظر له بنص عينه : اقول اركد وش تكفي اصلا ما اعرف اديرها تبي شغل وتعب وانا الصراحه مرتاح بشغلي واحبه مر الوقت وكانو الشباب يتناقشون والليث سرحان خالد انتبه له : الليث وش فيك ؟ الليث : هلا لا مافيني شي سيف وقف : فرصه سعيدده اني تعرفت عليكم الوليد : اجلس تو الوقت سيف : ان شالله مره ثانيه , اجيكم , الحين مظطر اطلع نواف : لاتقطعنا طيب سيف ابتسم له : ان شالله يالله مع السلامه الشباب : مع السلامه دق جوال خالد شاف رقم رنيم : الو رنيم بصوت كله خوف : خالد تعال بسرعه خالد خاف على خواته : وش فيكم وشرصاير رنيم : سمر مادري وش فيها اصحيها ماتصحى , اخاف ماتت ولا صارلها شي وابوي مارجع من عند ابوراكان خالد : ايششش وش تقولين انتي , يالله الحين جاي حاولي تصحينها وسكر جواله الليث : وش فيهم خالد وهو مستعجل : سمر تعبانه الليث بخوف : اييشش فيها ,؟ خالد : مادري تقول سمر اصحيها ماتصحى ولا ترد علي الليث : طيب امش بسرعه لايصير لها شي خالد : امش معي طيب الليث وهو يعدل جزماته : رايح معك بدون ماتتكلم , يالله بسرعه امش وطلعو خالد والليث راكان مافاته خوف الليث واللهفه : الله يعينهم الوليد وهو مشغول باله : الله يستر عليهم <><><><><><><><><><> بوقت قصير وصل خالد والليث البيت نزلو ودخلو البيت دخل خالد لغرفة سمر والليث بقى واقف عن الباب وهو متوتر خايف يصير لها شي انتبه لنوره جالسه بالصاله وتبكي الليث راح لها : نوره وش فيك ليش تبكين نوره وهي تشاهق : كله من خالد هو السسبب لو ماتت والله ما اسامحه , اذا ماتت سمر بفقد امي مره ثانيه الليث يهديها وقلبه يغلي : خلاص اهدي انتي ان شالله مافيها شي قامت نوره بسرعه : لاتطالعني انت , تشوفني بدون حجاب الليث وقف وعطاها ظهره : اسف وطلع عند الباب خالد يحاول يصحي سمر : سممر سممر تكفين ردي علي , سمر والله انا اسف والله ماعاد زعلك سممر رنيم تصرخ عليه : خاااللد مو وقته ودها للمستشفى خالد يتلفت : وين عباتها هاتيها بسرعهه رنيم عطته العبايه : بروح البس عبايتي واروح معك خالدوهو يشيلها : لالا خليك مع نوره انا بوديها طلع خالد واللييث راح يشغل السياره وطار فيها للمستشفى دخلو ل الطوراى دخلو فيها الممرضات لغرفة الملاحظه قاسو نبضها وضغطها طلعوها بسرعه لغرفة الانعاش الليث شافهم وراح بسرعه وراهم , دخلوها الغرفه حطو لها اكسجين وسكرو الباب وهو يناظر من ورا الزجاج الدكتور يصاررخ على الممرضه : شغلي جهاز الانعاش بسرعه شغلته الممرضه وعطته الدكتور والممرضه بعدت العبايه والبلوزه عن صدرها بداء الدكتور يشحن الجهاز ويحطه على صدرها وترتفع الليث كان يشوف كيف ترتفع من جهاز الصدمات ولا في استجابه حط يده على الزجاج وبهمس : سمر قومي ,سمر لا تتركيني ,للحين ماقلت لك وش كثر احبك وللحين ماتزوجنا ولا عشنا مع بعض جاء خالد يركض ل الليث : ايش صار الليث بقههر : انت ذبحتها سمر بتموت بسببك خالد يناظر لها من ورا الزجاج والدكتور يحاول ينعش قلبها حس قلبه هو اللي بيوقف يشوف اخته تموت قدامه والسبب هو طلع الدكتور وهو ينزل الكمام : ..... <><><><><><><><><><> جالسه نوف بغرفتها وتفكر بكلام خالتها نوف : اسوي اللي قالته ولا اسحب عليها , ياربي خايفه دخلت الهنوف عليها : وش عندك جالسه لحالك نوف : هاه لا بس عندي اختبار بكره ولازم اذاكر الهنوف : ايه تذاكرين , طيب وش صار على اللي قالت لك خالتي , تراها قالت لي حتى انا نوف بفجعه : ايش قالت لك ؟ الهنوف : قالت ان ..... <><><><><><><><> Stoooooooooop انتهى البارت توقعاتكم ياجماعه مابي احط اسأله بخلي المجال لكم مفتوح | ||||
|
| |
|
01-07-16, 02:26 AM
| #17 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| " ولأني اغار على مسامعك من قصائد الاخرين اصبحت شاعر " البارت الثـــــ{12}ــــــاني عشــــر جيت مُنهك حرب أبي منك السلام لا توقّف إنت .. و الايام : ضدي ودي أغمر راسي بحضنك و أنام و بعدها كل العمر ما آقول ودي ! خلف الضيف . حط يده على الزجاج وبهمس : سمر قومي ,سمر لا تتركيني ,للحين ماقلت لك وش كثر احبك وللحين ماتزوجنا ولا عشنا مع بعض جاء خالد يركض ل الليث : ايش صار الليث بقههر : انت ذبحتها سمر بتموت بسببك خالد يناظر لها من ورا الزجاج والدكتور يحاول ينعش قلبها حس قلبه هو اللي بيوقف يشوف اخته تموت قدامه والسبب هو طلع الدكتور وهو ينزل الكمام : الحمدلله مرت الحاله الخطره وكان قلبها بيوقف وقدرنا ننعشه كانت دقات قلبها ضعيفه جدا لاكن وش صار لها قل تجي هنا ؟ فيه احد مزعلها ؟ الليث : لايادكتور مافي احد زعلها كانتت نايمه وحاولو خواتها يصحونها ماصحت الدكتور : على العموم تطلع التحاليل والاشعات بعد نص ساعه ونشوف وش فيها خالد : راح تطول هنا الدكتور : لا ان شالله اذا صحت في الليل تقدر تطلع للبيت الليث : ان شالله راح الدكتور وجلس خالد والليث على الكرسي الليث : ايش سويت لها حتى توصل لهالحاله خالد يتنهد: ضربتها , ماكنت متوقع انها توصل السالفه المستشفى الليث بقهر على سمر : انت ليش تضربها ايش ذنبها حتى لو كان ذنبها كبير ما تضربها ابد خالد ينزل راسه بين يديه : عاد هذا اللي حصل استغفرالله واتوب إليه _ابي اتصل على ابوي واقوله الليث : لالا لاتتصل عليه تخوفه وهو تعبان , اصبر هي كم ساعه وتطلع من المستشفى وبعدين علمه على سواد وجههك خالد التفت له : اقول الليث تراها واصله معي رجاء لاتززيدهاا علي الليث سكت وهو خايف على سمر ويدعي انها تقوم بالسلامه ><><><><><><><><><>< الهنوف : أي قلت لي خالتي مو بس انتي نوف بخوف :أيش قالت لكك ؟ الهنوف : قالت انها تبي وحده مننا تنام عندها بكره تعرفين بيت خوالي فاضي مافيه احد نوف تتنفس براحه : اها بس كذا الهنوف بشك : بس كذا ؟ نوف تصرفها : لا بس أسأل احسب قالت شي ثاني الهنوف وهي تجلس على السرير : تبين تروحين ولالا نوف : لا مابي اروح عندي دوام بكره بالجامعه الهنوف : الحمدلله عندي اوف بكره نوف تدفها عن السرير : يالله عطيني مقفاك ابي اذاكر الهنوف قامت عنها : زفته هذا وجهي ان اخذتي الدرجه الكامله وطلعت وسكرت الباب بقوه <><><><><>><<<<<<<<<< دخل البيت يشوف الصاله يمكن تكون فيها التلفزيون شغال مافيها احد راح لغرفته بدل ملابسه ولبس تيشرت ابيض وبنطلون اسود وطلع لقاها بالمطبخ تسوي اكل وشكلها سرحانه قرب منها شوي شوي شافها ماحسست فيه وهي حاطه السماعات سحب السماعه من اذنها وصرخ : بووووووووهه رزان صرختت بصوووت عالي : ااااااايييي يمممماااه التفت الا سيف ييضحك : هههههههههههههه ياويلي يالدجاجه هههههههههههه رزان وهي شوي وتصيح : ياكلب فجعتني _وتضربه وبيدها طماط _ حمار حيوان لو قلبي موقف سيف يضحك وهو مو قادر يبعد يدينها عنه : خلاص تكفين اهه هههههههههههه خلاص يادبه بعدت عنه رزان وهي تنزل الطماط : كنت بسوي لك عشاء بس الحين دور لك احد يطبخ لك _وطلعت وراحت الصاله لحقها سيف : رزون والله اسف كنت امزح معك رزان الدمعه على طرف عينها : بس لو جراحه نفسي فيه ولا ذابحتك وش اسوي هاه قولي , وانتم اتكبر دايم مقالبك تذبحح سيف : خلاص قلت لك اسف يالله اضحكي رزان : بشرط ؟ سيف عقد حواجبه : ايش هو؟ رزان : توديني نزور سامي وبعدها نروح نتمشى وبعدين نتعشى بمطعم سيف يفكر : سامي بوديك له , نتمشى ماعندي مشكله , بس المطعم افكر رزان : لاوالله توك بتموتني خوف والحين تقولي عشاء تفكر صدق بخيل سيف : وجع ماني بخيل يالله قومي البسي عبايتك خلينا نروح لسامي رزان راحت بسرعه لغرفتها ولبست عبايتها ورجعت للمجلس : يالله مشينا سيف وقف واخذ جواله وبوكه وطلع عند الباب لف عليها : غطي عيونك رزان بملل : ماحد شايفهن يالله امش سيف سحب طرحتها ورماها على عيونها : كذا احسن وطلعو للمستشفى <><><><><><><><><><><> كانت جالسه هي واختها بالمطبخ رنيم تجهز العشاء ونوره تقطع السلطه رنيم وهي ترد على جوالها : هلا خالد ,, أي قول لنا ايش صار ايش فيها نوره من سمعت اسم خالد نقزت جنب اختها تبي تسمع ايش يقول خالد يتنهد : للحين ماصحت لأنهم عطوها منوم , التحاليل ماطلعت رنيم : ابوي شوي ويجي ايش نقوله خالد بتحذير : انتتبهي تقولين اانها تعبانه او أي شي صار , قولي له ان عندها موعد بالمستشفى يمكن تتأخر , نخاف يتعب ولا يصير له شي . رنيم : طيب بس طمنا عليها كل شوي خالد : طيب , مع السلامه سكرت رنيم ولفت تكمل طبخها ونوره رجعت تكمل شغلها رنيم : نوره بكره لازم نداوم , يكفي طوفنا اختبارات لازم بكره نخلصها نوره : أي والله الحين علي دروس لليل يالله يمدي اكملها رنيم : اخخ يالله يصبرنا والله نوره : امين <>><><><<<><<<><><><><>><<<>>>> كانت جالسه على سريرها تسوي بحث لازم تسلمه بكره وهي مندمجه دخلت امها رنا رفعت راسها : هلا يمه ام راكان : هلابك يمه وش تسوين رنا وهي تحرك الابتوب : جالسه اسوي بحث عشان اسلمه بككره ام راكان جلست قدامها : شرايك ببنات ابوخالد رنا رفعت حاجبها : كيف يعني ؟ ام راكان : اقولك شرايك فيهم من الاخلاق والشكل وكل شي مو انتي صديقتهم الحين رنا : أاهها الاخلاق ماشالله ماعليهم كلام , والشكل كل وحده منهم تقول الزين عندي ,وماشالله مو ناقص عنهم شي ام راكان : ماشالله وسمر ؟ رنا : ايش فيها ؟ ام راكان تحط يدها على راسها من عدم فهم بنتها : ياربي ليه ماتستوعبين بسرعه , اقولك وسمر وش رايك فيها رنا : يوووهه توي فهمت , والله ماششالله عليها , بس لايكون تبينها لركون ام راكان ابتسمت : عليك نور , نبيها لراكان ولا فهد كلمت ام فهد وشاورتها تقول ان ماخطبتوها حنا بنخطبها رنا : طيب يمه وجواهر مشالله عليها والجوهرره , وش فيكم ركزتو على سمر ؟ ام راكان : لالالا مو تركيز بس عاجبتنا البنت بأدبها واخلاقها رنا : اهها بس اول شاوري ابوي وراكان يمكن يرفض ام راكان : ابوك موافق , بس اخوك اللي رافض الزواج كله , مدري ايش فيه انا ملاحظه ان فيه شي تخيلي كل ما اجيب له طاري العرس يتهرب يقول اصبري رنا : والله صادقه واخر الايام بس سرحان ومتضايق حتى مره سألته وقام وخلاني ام راكان : ياربي هذا السبب خلاني افكر ازوجه يمكن يهون ويعقل رنا : ياليت يرضى اخاف تضلمون البنت معه ام راكان تذكرت : تذكرين بنت جيرانا نور ؟ رنا تذكرتها : ايي ايشش فيها ام راكان : جابت ولد امس رنا بفرحه : ماشالله تبارك الله , الله يسعدها ام راكان : لازم بكره نقوم بالواجب ونزورهم رنا تمسك جوالها : والكلبه ريم ماقلت لي بكلمها واششوفها الحين تشوف نفسها على يعنني صرت خاله ام راكان ابتسمت على هبال بنتها :اصبري اليوم ولدت مو من اسبوع كان مار من عند الغرفه وهو يسمع امه واخته يسولفون عن نور انصدم ان اهله يدرون كل الوقت انها كانت متزوجه وهو مايدري عن شي قلبه زاد دقاته اول ماعرف انها توها والده وجابت ولد راح لغرفته وهو متأثر مقهور ويسحب خيبات امله ><><><><><>><><><><<><<<<<<<< كانت هي وبناتها جالسين بالصاله وحاطين قهوه وحلا ويتقهوون جواهر انتبهت على جوالها جاتها رساله ورفعت الجوال تقراها "متى اشووفك ضروري " جواهر توتر وقفلت الجوال الجوهره : أي اقولك يمه عاد نوره ماتقدر تشوف احد تكرهه وماتتكلم وتهاوشت مع الهنوف وفجر ام الوليد : الله يهديها نوره ماتقدر تتحمل احد الجوهره وهي تمدد رجولها : والله عاد يمه اسمحي لي اختك تستاهل ام الوليد وهي تناظر لبعيد : هي تستاهل كل اللي حصل لها جواهر عقدت حواجبها : كيف تستاهل اللي حصل لها , ايش حصلل ام الوليد انتبهت : هاهه لا اقصدعلى سالفتك , بروح اشوف الاكل لايحترق _وقامت _ جواهر التفتت ل اختها : شفتي كيف تتهرب من السؤال مره ثانيه ؟ فيه بلا والله الجوهره : ققلبي دليلي وقلبي يقول حصهه مسويه شي كبير يخلي أمي تقاطعها ولا تجي لبيتنا حتى ولا امي تروح ل خوالي بس ام نواف وام عادل هم يجونا جواهر محتاره : والله سالفه كبيره _سمعت جوالها وفتحته _ "جواهر ترا ما احب التطنيش , قلت بشوفك بقولك بأختصار الموضوع وصدقيني بأختفي من حياتك " جواهر عطته بلوك واتصلت على ابوها وطلعت للحوش :هلا يبه , ابوالوليد : هلا جواهر يابنيتي جواهر وهي خايفه : يبه ابي رقم جديد ابوالوليد:ايش صاير , رجع يزعجك ؟ جواهر وهي تبكي : أي يقول بس ابغى افهمك الموضووع ولازم اشوفك وكلام فاضي ابوالوليد رق قلبه على بنته اللي مو قادره تبعد عنها هالسالفه : خلاص يبه لاتبكين والله مايستاهل حتى دمعتك , وان شالله وانا جاي بجيب لك رقم جديد كم عندي جوج جواهر ابتسمت وهي تمسح دموعها : الله لايحرمني منك يبه والله بدونك انا ماققدر اسوي شيي ابوالوليد : ولا يحرمني منك يالله تبين شي ؟ جواهر : لا سلامتك يابوي مع السلامه ابوالوليد : مع السلامه وسكرت منه <|<><><><><><><><> كانو جالسين بممر المستشفى ينتظرون التحاليل للحين ماطلعو ...:لو سمحت الدكتور ينتظرك ,بالمكتب خالد اللتفت ل الليث وبعدين وقف : أي يالله جاي وقف الليث معه : بروح معك خالد : يالله وراحو عند الدكتور خالد ,الليث : السلام عليكم الدكتور نزلت نظاراته :تفضلو جلس خالد والليث وقلوبهم بتوقف من الخوف الدكتور لـ خالد : ايش اسمك ,و ايش تصير لها ؟ خالد : انا خالد اخوها الكبير الدكتور رجع يراجع التقارير : أي يا استاذ خالد , اختك قد اشتكت لكم من شي او ضيق تنفس او الم بالصدر ولابالقلب خالد عقد حواجبه : ايش لا ماقد شكت منها الدكتور : عندكم احد كان مريض من اجدادك او ابوك او امك خالد يحك جبينه :والله مادري يادكتور امي توفت واحنا صغار وابوي سليم مافيه شي الدكتور : يعني ماعندك معلومه الليث يقاطعه : يادكتور وقفت قلوبنا قول ايش فيها وليش صار معاها ؟ الدكتور : انتم مؤمنين بقضاء الله وقدره ,وان أي شي يصير مع الانسان يكون ابتلاء من الله خالد واللليث توترو اكثر ويناظرون الدكتور يبونه بكمل كلامه الدكتور : اللي فيها مرض بالقلب خالد حط يدينه على ووجهه ونزل راسه والليث وقف وحط يدينه على راسه : ككييف هي ماعمرها اشتكت كييف الدكتور : هو له فتره معاها يمكن من كم سنه وخايفين يتقدم معاها , لاكن ان شالله له علاج , اصبرو خالد وهو مغبون :ايشش اقول لـ ابوي ايش اقوله اقول سمر بتموت اهه ياربي رحمتك وعفوك الليث يواسيه وهو محتاج من يواسيه اكثر : لا تتفاول عليها ان شالله مافيها شي . طلعو من عند االدكتور ووجيههم متقلبه وسوداء , خالد لولا الحياء كان بكاء *ياناس هذي سمر هذي امنا الثانيه , ياربي كله بسببي يالله , ياربي خذ المرض منها وحطه فيني بس ابعده عنها ييارببي اشفيها اهه * الليث * يعني راح نفقد سمر , يعني بفقد حبيبت الروح والقلب , يارب اشفيها والله احبها ولا اقدر اتحمل غيابها عن عيني يارب خذ من عمر واعطها بس لاتغيب عنا* جلسو جنب بعض وكل واحد في داخله هم اكبر من الثاني وكل واحد لو نفتح قلبه ونعرف وش فيه لـ تشيب روسنا من كبر همهم ,. وقف خالد وراح عند الغرفه المنومه فيها يناظرها من ورا الزجاج توها تصحى وباين على وجهها التعب رفعت راسها وشافت خالد وابتسمت له ورفعت يدها وكأنها تقوله تعال خالد لما شافها وهي تبيه يجيها ولا كأنه اذاها حس ان دموعه راح تخونه يشوف قلبها كيف كبير فتح الباب ودخل عندها وقرب منها وضمها له وبصوت مخنوق : سممر تكفين سامحيني , والله ما كنت اقصد أأذيك تكفين جعل يدي تنكسر اذا مديتها عليك سمر صوتها مبحوح : لا لاتقول كذا بسم الله عليك , انا مازعلت منك , انت سامحني طولت لساني عليك خالد وهو يبعد عنها : اهم شي انتي بخير سمر تناظر المغذي اللي بيدها : خالد ايش جابني هنا وش صار لي خالد : تعب بسيط والحمدلله انتي بخير سمر: الحمدلله , متى اطلع ؟ خالد يناظر ساعته : ساعه كذا ونطلعك سمر : ابوي معك ؟ خالد : لا معي الليث , ابوي مايدري عن شي ماقلنا له سمر : احسن لاتقوله يقلق الحين وانا مافيني شي خالد _لو تدرين ايش فيك اه بس_ : أي بروح اجيب لك اكل واطمن الليث اكيد قلقان الحين وماقصر من الصبح وهو واقف معي من اول وطلع بدون ماينتظر ردها ابتسمت سمر ان الليث كل معاها وموجود من اول ولا تركها <><><><><><><><><><> كان جالس مكانه ولو الحرام لدخل عندها وجلس يتنظرها لين تصحى , ولا تصحى الا على صوتي لاكن مهما كان الحب الحرام والدين اولاّ والتقاليد والعادات ثانيا شاف خالد وهو طالع ووراح بسرعه له : هاه طمني ؟ خالد : ابشرك هي بخير بروح ااجيب لها شي تأكله الليث : الحمدلله طيب روح ولا تتاخر وراح خالد والليث جلس مكانه <>><><<><><>><><><><><><><>< كان داخل المستشفى وهو واخته انتبه لخالد وهو يبي يطلع ...: خالد ؟ خالد التفت له : سيف ؟ ايش جايبك هنا عسى ماشر سيف : اخوي هنا بالمستشفى , انت عسى ماشر وش فيك خالد حك رقبته : اختي تعبانه وجبتها هنا سيف : ماتشوف شر ان شالله خالد :الشر مايجيك , انا طالع شوي بجيب اغراض وراجع تأمر بشي سيف : لا سلامتك ياخوي وطلع خالد وراح سيف ورزان ل غرفة سامي رزان بترجي: تكفى سيف خلنا ندخل عند تكلم عنده يممكن يستجيب سيف : خليك هنا بقول ل الدكتور , عشان يوافق وراح لمكتب الدكتور دق الباب الدكتور : تفضل دخل سيف : السلام عليكم الدكتور عرفه : ياهلا وعليكم السلام ياسيف تفضل سيف : زاد فضلك , بسألك عن حالة سامي فيه تحسن ولالا الدكتور : والله ما اقدر اقولك اذا هو تحسن او لا لاكن للان مافي شي جديد نخاف ممن الانتكاس يصير معه يدهور حالته سيف : كيف يعني ؟ الدكتور : يعني هو للان حالته مسقره لاكن خايفين يصير معه شي يمكن ينتكس وتسوء حالته ويمكن يتوفى لاسمح الله , واحنا في شي متخوفين منه , مانقدر نتأكد الا لما يصحى سيف بخووف : ايش هو ؟ الدكتور : يمكن الاصابه تؤثر على احباله الصوتيه , يمكن اخوك مايرجع يتكلم , الا بنسبه ضئيله سيف يحط يدينه على راسه :يالله يالله الدكتور : لا تخاف ياسيف مو اكيد وادعو له ان شالله مايفقد صوته سيف تنهد : ونعم بالله طيب دكتور حنا نبي ندخل عند سامي يمكن يستجيب لنا او يسمعنا الدكتور : بس ياسيف نخاف تنتقل له عدوا من الجو او فايروس , لا زم تدخلون معقمين و لازم ماتطولون عنده كل واحد عشر دقايق سيف: مو مشكله اهم شي يسمعنا ويحس فينا الدكتور : ايوه ان شالله هو بيحس فيكم ويسمع كلامكم الله يقومه بالسلامه سيف وهو يوقف : امين عن اذنك _وطلع _ راح سيف ل اخته وقالها انهم يقدرون يدخلون عنده بعد عدة دقايق لبس سيف الملابس المعقمه ودخل عند اخوه قرب منه ومسك يديه كانت بارده مثل الثلج سيف بصوت هامس : سامي , سامي تسمعني ؟ اذا كنت تسمعني اضغط على يدي انتظر سيف لاكن مافي استجابه سيف: سامي يالله قوم حنا مشتاقين لك , والله وحشتنا , متى تقوم تراك طولتها يالله قوم حنا نبيك سيف شاف انه مافيي استجابه منه سيف : ان شالله انا كل يوم بزورك وراح تحس فيني الله يقومك بالسلامه وباس راسه وطلع شاف رازن متجهزه باللبس : خليك قويه وتماسكي , عشان هو يحس بقوتك رزان بصوت خافت : ان شالله دخلت رزان وكانت الغرفه مافيها حياه وبارده قربت منه وباست راسه رزان : سامي , يادوب ماودك تقوم , سامي والله اشتقنا لك , يالله قوم عشان تشوف بيتنا الجديد _دمعت عينها _سامي قوم مابقى على الاختبارات شي , مو انت تقول انك خلاص بتتخرج وبنسافر للمكان اللي ابي ولا بس عشان تسكتني , يالله قوم كتبك على حالها من تركتها , سامي ؟ يالله قوم ارجع معانا رزان بكت تحس انه مافيه استجابه , ومستحيل يرد عليها طلعت وهي تصيح سيف من شافها كذا عرف انه ما استجاب لكلامها سيف يهديها : خلاص يارازن ان شالله بيصحى , كل يوم بنجيه وبنسولف عنده وبنتكلم معه إلين يسمعنا ويقوم بالسلامه رزان وهي تمسح دموعها: ان شالله يارب جلسو شوي وهم يشوفون سامي ويدعون له وطلعو من المستشفى <><>><<>><<><><<> رجع خالد المستشفى وشاف الليث جالس بمكانه دخل عند اخته وككانت نايمه خالد :سمر , سمر قومي جبت لك اكل يالله قومي سمر فتحت عيونها بتعب : والله ياخالد مالي نفس خالد : مافي شي اسمه مالي نفس , كولي عشان نرجعك للبيت قبل ما ابوي يفقدك ويقلق قامت سمر اكلت بدون نفس بس عشان ابوها وخالد طلع عند الليث وبعدها راح يجيب لها علاجها دخلت الممرضه : كيف حالك ياسمر سمر وهي تعدل جلستها : الحمدلله , متى تفكين الابره من يدي الممرضه : الحين بفكه وتقدرين بعدها تطلعين سمر : ان شالله فكت الممرضه الابره من يدها قامت سمر لبست عبايتها وتدور نقاب مالقت بس عبايه وطرحه لفتهاعلى راسها وغطت وجهها دخل خالد وبيده علاجها : يالله ؟ سمر : ايوه قرب خالد ومسك يدها وطلعو والليث اول ماشافها فز قلبه : الحمدلله على سلامتك سمر بحياء وصوت خافت : الله يسلمك طلعو كلهم من المسشتفى وركب سيارة خالد وشغلها وخالد فتح الباب لسمر وركبت السياره وراح ركب مكان السوق والليث بجنبه وحرك <><><><><><>><><> جلس بصالة بيتهم وكانو بناته جالسين بجنب بعض ابوخالد كل شوي يناظر ساعته : مو كأن سمر وخالد تأخرو رنيم تتدارك الامر : لايبه وين تأخرو تلقى المستشفى زحمه ابوخالد : بس ماصارت الساعه تسع الحين _وطلع جواله _ بتصل عليهم الحين سمعو صوت الباب انفتح نوره وققفت بسرعه : اكيد هذا هم جو دخل خالد وهو ماسك يد سمر ويمشيها معه : السلام عليكم الجميع : وعليكم السلام ابوخالد بقلق : ليش تأخرتو , وسمر ليه وجهك تعبان كذا , توجسين شي يبه ؟ سمر جلست جنبه بتعب وباست راسه : لا يالغالي بس سحبو دم مني ودخت تعرف ماحب الابر ابوخالد : اصدقيني القول وش فيك ؟ وش قالو لك ؟ سمر : الحمدلله يبه شوفني مثل الغزال الحمدلله رنيم : الحمدلله مافيها شي يبه , يالله بروح احط العشاء لكم نوره وقفت معاها : وانا بساعدك سمر وقفت : وانا بروح ابدل ملابسي واجيكم وطلعت وبقى ابوخالد وخالد ابوخالد ناظر لخالد : خالد قول لي الصدق وش فيها ؟ خالد كان متردد يقول له او لا : لا يالغالي مافيها شي بس تعرف فقر دم وهي ماتأكل زين عشان كذا تعبت من سحب الدم ابوخالد سكت وهو مو مقتنع من كلام خالد لان التعب واضح على وجهها. دخلت نوره ورنيم ورتبو السفره وجلسو ينتظرون سمر تجي <><><><><><><> دخلت الغرفه ونزلت عبايتتها وبدلت ملابسها وعدلت شعرها واخذت جوالها فتحت الواتس كان عليه رسايل كثير لاكن تجاهلتها وجات بتسكره لكن انتبهت على اسم احب شخص لقلبها "سمورتي الحمدلله على سلامتك ياروحي , عسى التعب فييني ولا فيك " سمر ابتسمت على كلامه "الله يسلمك , بعيد الشر عنك , كلها دوخه والحمدلله راحت " وسكرت جوالها وراحت ل أهلها ><><><><><><><><><><><>< | ||||
|
| |
|
01-07-16, 02:26 AM
| #18 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| دخل بيتهم وشاف امه وابوه وخواته واخوه جالسين بالصاله ويسولفون السلام عليكمم الجميع : وعليكم السلام ام الوليد : وينك يمه ماجيت تتعشى ابوالوليد : اتصلت عليك كم مره ماترد ليه الليث : كان عندي شغل وتوني خلصته , والله يالغالي جوالي ما انتبهت عليه كان صامت ام الوليد : احط لك العشاء الحين الليث : لاوالله مالي نفس بروح انام _وطلع لغرفته ابوالوليد : وش فيه ولدك ؟ ام الوليد : والله مدري وش فيه له فتره وهو مو على بعضه الجوهره وجواهر كانو مستمعين والوليد على جواله مو حتى معهم دخل الليث لغرفته ونزل ملابسه واخذ له شور طلع ولبس له بجامه وانسدح على سريره وفتح جواله دخل على اسمها وكان اون لاين ارسل لها وانتظر ردها ابتسم بألم : الله لايحرمني منك ارسل لها وطفى النور ونام ><><><><><><><<>< دخلت الجوهره لغرفتها وشافت جوال جواهر يدق رفعت الجوال كان بدون اسم رجعته على السرير وراحت تنادي جواهر تشوف جوالها الجوههره من فوق الدرج : جوووااههر جوالك يددق الجوهره كانت جالسه جنب ابوها جواهر مسكت يد ابوها ابوها فهم عليها وطلع الكرت من جيبه : أي نسيت اعطيك ايااه من اول جواهر اخذتها بسرعه وباست راس ابوها وراحت لغرفتها بسرعه وفتحت جوالها كان عليها رساله " جواهر البلوك ماينفع معي , ترا اعرف اجيببك " جواهر خافت وطلعت شريحتها بسرعه وكسرتها ورمتها بالزباله وركبت شريحتها الجديده الجوهره شافتها : ليييش كسرتتيها ؟ جواهر : مو عاجبني رقمي قلت اغيره الجوهره : وش دخل عجبك او ماعجبك ؟ جواهر بلا مبلاه وهي تلعب ف جوالها : يختي وش دخلك انتي , بروح ارسل رقمي لصديقاتي وبرسل لك الجوهره : طيب ارسلت جواهر رقمها لكل صديقاتها وقريباتتها وبنات عممها وسكرت جوالها ونامت <><><><><><><><><><>>><> صحى من نومه كانت الساعه عشر ونص في الليل قام غسل وجهه وتوضى وصلى كل اللي فاته وهو مستغرب كيف قدر ينام كل هالنوم ونزل تحت لقى امه واخته جالسين على التلفزيون جلس عندهم : مساء الخير امه : مساء النور يا أمي , وش هالنوم ياولدي مايصير كذا راكان بملل : والله نعسان للحين ودي ارجع انام ام راكان : الله يهديك ياولدي , بنادي ميري تحط لك عشى راكان : لا يالغاليه مابي مالي نفس , شوي يمكن اطلع ل الشباب ام راكان : طيب براحتك دخل ابو راكان ": السلام عليكم الكل : وعليكم السلام راكان عدل جلسته : مدام انكم متجمعين بقول لكم شي ابوراكان بأهتمام : ايش قول . راكان : انا اخذت اجازه من شغلي وحجزت بسافر بكره الصباح ام راكان : ايش تسافر الحين ليه ؟ ابوراكان : وش عندك بهالسفره ؟ راكان تنهد وهو يناظر رنا وبعدها رجع نظره على امه وابوه : بروح اغير جو ويمكن اطول ما أدري كم ابقى هناك ابوراكان : وين بتسافر ؟ راكان : إطاليا ام راكان بحزن : الله يسهل دربك ياولدي ابوراكان : توصل بالسلامه رنا كانت ساكته وهي عارفه اللي يمر فيه اخوها لاكن ماتكلمت عشان لايحسون فيها امها ابوها رنا وقفت : انا بروح انام وراي مدرسه , تصبحون على خير اهلها : وانتي من اهله <><><><><><><><>>>>>>>>>>>>>>> بعد مانامو كل اهلها وهي جلست تشوف خواتها يرتبون اغراضهم عشان يداومون بكرا سمر : نورا تكفين اكوي لي بلوزتي البيضا بداوم بكره نوره : طيب ابشري اخذت بلوزتتها تكويها ورنيم جلست عند سمر سمر رفعت راسها لها : ايوه ايش عندك يابطه مانمتي رنيم بتردد : اول شي انا مو بطه , ثاني شي بقولك شي تعرفيني مو متعوده اخبي عنك شي ؟ سمر تشجعها : ايوا قولي ؟ ايش هو؟ رنيم : احم تذذذكرين لما نمنا ببيت عمي ؟ سمر : ايوا ؟ رنيم " قالت لها كل السالفه " سمر سكرت فمها :وتوك تقولين لي رنيم بحيا : شسوي استحيت اقولك سمر ابتسمت : لا تستحين مني فاهمه , انتبهي مره ثانيه تروحين غرفة احد لو كنتي متأكده هذي خصوصيات الناس عيب رنيم بتبريير : ماكنت اقصد بس جواهر قالت لي عادي مافيه احد بالبيت عشان كذا سمر : حتى ولو , يالله قومي لفراشك نامي وشدي حيلك تراك اخر سنه وبتخخرجين من الثانويه لازم نسبه كويسه رنيم ابتسمت لها : ان شالله _باست خدها وراحت لفراشهها ابتسمت سمر لخواتها ودخلت فراشها وفتحت جوالها عشان تكلم صديقتها افنان انتبهت على رسالته " سوسو حبيبي انتبهي على نفسك ولاتخلين أي شي يزعلك واذا ضايقك شي قولي لي تمام ؟ " " بنام الحين تصبحين على خير ياقلبي " ابتسمت على رسالته حنون من يومه بس لو يسمع الصدق ويعرف اللي صار مع جواهر ويرحمها من قسوته وردت على رسالته " ان شالله , ونوم العافيه *قلب*" وسكرت جوالها ونامت عشان تقعد يمديهها تروح الجامعه ><><><><><><><><>< طلع الاستراحه ولقى فهد وتركي جالسين يلعبون سوني ورامي جلس على جواله راكان : السلام عليكم ماحد رد عليه استغرب انهم مندمجين بالسوني ورامي على جواله ورائد مو موجود قرب من رامي وسحب جواله رامي صرخ : لاالالالا عندي سالفه مهمه هات الجوال راكان بفضول : وش المهم هذا بشوفه رامي انقهر : هاتت ياززفت لا تقراء الكلام راكان يضحك : كم مرقم وحده ياكلب ؟ رامي بقهر وياحاول ياخذ جواله : ليه شايفني راكان اللي ماخلى بنت مارقمها راكان تذكر نور ورجع الجوال : اقول انقلع عن وجهي وراح انسدح على جنب وفتح جواله ويشوف الرسايل وشاف رقمها وللحين ترسل له ماتابت ولا تركته قلبه يحرقهه هو يحبها وهي ملك غيره وعندها طفل منه عطاها بلوك وسكر جواله شاف الشباب حيل مندمجين طلع براالاستراحه وفصل طبلون الكهربا ووقف عند الباب يسمع صراخ الشباب فهد معصب : منهو الكلب اللي طفاه تركي : ترا الفاتوره هالشهر اخوك الدلخ اكيد ماسددها فهد لف على رامي : لييه ماسددتها ؟ رامي طلع راسه مع الشباك : والله مسددها من امس تركي يطلع راسه مع الشباك شاف اللي حولهم شغاله الانوار : يعني بس علينا طافي ؟ فهد شاف معه وانتبه على سيارة راكان : اكككيددد الككلب راكان فصل الكهربا عننا هذي حركاتهه راكان اول ماسمع اصواتهم ويعرف فهد اذا عصب عصب ركب سيارته الكماروو واسرع بقوه فهد شافه وهو مسرع : الكلب والله لو ماسكه لأذبحه تركي يضحك : ارحمنا يابو عضلات رامي يضحك : هههههههههههههههههههه تعديت الخطوط الحمراء الحين يذبحكك تركي فتح سيارته : اجل الخطوط الحمرا , مع السلامه بس وشغل سيارته وحرك بسرعه رامي شاف ساعته : يوه اكيد رائد ينتظرني بالممشى مع السلامه فهد صرخخ : مننن يششششششغل لي الزززفت الحين رامي يلوح بيده: هههههه مع السلاااممه انقهر فهد كلهم راحو وخلوه حرك المقبس حق الكهرب لما شغل طفى السوني واللمبات <عليه الفاتوره الشهر الجاي هههههه وطلع وسكر الاستراحه وطلع <>>>>>>>>><><><><><> صحت الصبح على الصلاه وقامت تتوضى صلت وبعدين رجعت تصحي اختها تصلي اخذت جوالها ونزلت تحت شافت اللمبات شغاله من صاحي الحين ؟ نزلت شافت الليث منسدح على الكنب قدام التلفزيون رفع راسه وكانت جواهر واقفه الليث :نعم وش جايبك هنا ؟ جواهر بتردد : هاه لا بس ولا شي _ولفت بترجع_ الليث بأستهزاء : ماشالله جايبه جوالك تبين تأخذين راحتك وانتي تكلمين ؟ جواهر لفت له وهي مقهوره من كلامه : انت متى تفهم ان اتهاماتك لي بطاله وان اللي تسويه فيني ظلم , لاكن حسبي الله عليك ونعم الوكيل الليث : اقول لاتتحسبين وتسوين نفسك بريئه وشريفه مستحيل اكذب عيني واذني واصدقك ي جواهر جواهربصراخ : كل اللي سمعته كذب وكله تلفيق _ولفت بتصعد الدرج بس مسكها الليث من يدها _ الليث : اجل صورك والتسجيلات كيف تأكدين لي انها مو انتي ؟ اصلا حتى لو تحلفيني لي ماراح اصدقك لان الحقير يعرف اسمك واهلك كلهم فلاتسوين لي افلام انك شريفه يالله انقلعي _ودفها على الدرج وراح غرفته جواهر جلست على الدرج تبكي , مستحيل يصدقها مستحيل الا اذا هي اعترفت صعدت غرفتهها تتجهز عشان تروح الجامعه وتحاول تمحي كل شي صار لها بسببهم <><<<><><><><<>>>><<><>><>< كانو جالسين يفطرون بالصاله ونوره تصارخ على رنيم : رننييم هااتي سوارتتي رنيم وهي جالسه تفطر : ممو عندي روحي فتشي بأغراضك نوره شوي وتصيح :ابيها يختي حقتتي رنيم : وش اسوي لك تضيعين اغراضك وتجين تصيحين سمر : نوره خوذي حقتي تلقيننها بسحاب الكومودينه ابوخالد دخل وهو ماسك جوال سمريدق : هذا من جواله ؟؟ سمر بلعت ريقها : يبه هذا جوالي . ابوخالد مده لها : ازعجنا من كثر مايدق شوفي من هذي اللي تتصل عليك من الصبح اخذت جوالها سمر وكانت اللي تتصل الجوهره وردت سمر : ياصباح النوور الجوهره وهي معصبه : انتي هيه قولي لـ اخوك يمرنا اذا رحتو للجامعه سمر بقققلبها بسم الله ذي وش فيها معصبه : سلامات وش هالاسلوب ذا تأدبي ولا ماراح نمرك وتغيبين الجوهره خافت سمر تسويها : هااه , سمير الوليد الزفت راح وخلانا وابوي سيارته خربانه تكفون مرونا طيب سمر : ابشري بقول لخالد يمركم الجوهره : اجل يالله انقلعي بروح اشوف جواهر سمر انهبلت : ههيه معك انفصام انتي و... سكرت بوجهها _شف الحماره دخل خالد : وش فيك سمر : الجوهره تبينا نمرها ولما قلت لها ايه سكرت في وجهي الحماره خالد بنذاله : اجل اوريك فيها بس تروح معانا سمر تحمست : اجل بروح البس عبايتي خلال عشر دقايق تجهزو البنات وركبو سيارتهم ووصلو بيت عمهم خالد : اتصلي عليهم خليهم يطلعون بسرعه سمر وهي تطلع جوالها وتتصل: ططيب خالد يهمس لها : شوفي متى محاظراتهم متى طيب ؟ سمر تهز راسه بأيه سمر : هلا جواهر يالله اطلعو احنا عند البباب , بسألك كم الساعه تبداء محاظرتك الاولى .. أي والجوهره ... تمام باي سمر سكرت جوالها : خالد جواهر تبداء ثمان ونص وجواهر سبع بالضبط خالد ضحك بضحكة شر : مضبووووط الحين اخذ لك حقك منها نوره بالنص : وش بتسوي فيهم خالد : الحين تشوفين ركبت جواهر والجوهره : السلام عليكم الجميع : وعليكم السلام سمر : يأهلين بأم لسانين اللي تقفل الخط بوجهي الجوهره تسوي حالها ماتدري : من هذي اللي ماتستحي , وخزياهه لا يكون انتي ياجواهر البنات : ههههههههههههه خالد وقف عند مدرسة البنات : يالله انزلو بسرعه نوره : خويلد تكفى بالطلعه تعال خذني بهايط على صديقاتي فيك خالد وهو يسلك لها : ابشري بس انزلي وفكينا الجوهره تهمس لجواهر : من زينه تهايط به والله لونه بوراك جواهر ماسكه نفسها لا تضحك : ههه اص لأذبحك ماتقدرين تمسكين لسانك الجوهره : لا والله ماقدر ماتسمعين وش تقول جواهر : لا نسيتي يوم تقولين ل الليث تعال خذني الجوهره سكت وطنشتها خالد كان مو مسرع وسمر ماسكه جوالها وتطقطق فيه الجوهره كل شوي تناظر جوالها ومنقهره لانها تأخرت عن محاظرتها الاولى تشوفه يسوق ببطى كأنه متعمد خالد وقف عند د.كيف : سمر ايش تبغين سمرتذكرت انه بيقهر الجوهره : أي جيب لي كابتشينو خالد : جواهر ايش تشربين جواهر استحت : لا مابي شي خالد : لا مافي مابي شي بجيب لك كابتشينو مثل سمر ولف طلب ثلاث كابتشينو له ولسمر وجواهر وسحب على الجوهره الجوهره انقهرت من حركته وتسوي نفسها مو منتبه وكأنه مو هامها خالد وهو يشرب من حقه: يوه الجوهره نسيتك _ومد لها كوبه _ خوذي حقي الجوهره بقرف : لا ما اشرب فضلت احد بس اسرع ابي اوصل الجامعه تأخرت خالد يناظرالجو : معليش الجو جميل ماينفع نسرع فيه وابتسم سمرناظرت ساعتها كانت 7 وربع : الجوهره شكل المحاظره راحت عليك الجوهره بقهر : أي اكيد راحت مو الاخ الفاظل يبي يتمشى بالهـ الحر خالد سمعها وضحك وسمر فقعت ضحك : تستاهلين هذا عقاب لك عشان موتنافخين علي وتقفلين بوجهي الجوال الجوهره وهي تشوفه وصل الجامعه : لك يوم والله لـ اوريك هين سمر وهي تفتح الباب : الله يخلي لنا خلودي نزلت جواهر والجوهره خالد : سمر اذا تحسين بتعب لاتداومين ارجعك البيت سمر : لا الحمدلله مافيني شي يالله باي خالد : باي وسكرت الباب ودخلت الجامعه اول ماشافت الجوهره وجهها احمر قربت منها : احم احم الجوهره ضربتها على ظهرها:وجع احمم ان شالله انتي واخوك أخرتوني عن محاظرتي الحين تطردني الدكتوره سمر وهي تمسح على ظهرها :وجع ان شالله وش هاليد كسرتيني جواهر :ماشفتي شي والله ان ضربها يذبحح الجوهره وهي تمشي ولا ترد عليهن سمر كانت تضححك : اخ ياخالد عرف ياخذ حقي منك كل ماتزعليني بأعلمه عشان يأدبك الجوهره : تخخسين انتي واخوك تأدبوني والله لـ اوريكم سمر : هين ياماما نشوف ...: سمممممممووووووووووره سمر انفجعت من الصرااخ لفت تشوف من هذي سمرشافت صديقتها : افننناااننن وضمو بعض أفنان : يادوبه اشتقتلك ممراا الحمدلله على السلامه سمر : الله يسلمك وانا مره اشتقتلك أفنان سلمت على جواهر والجوهره أفنان : كيفك وكيف اخواتك وخالد سمر ضحكت : قولي خالد على طول ماله داعي اللف والدوران افنان ضربتها على كتفها بنعومه : وجعع ماقصد كذا الجوهره بأستغباء :إيش دخلك تسألي عن خالد ؟ أفنان ناظرت الجوهره بقهر وسمر مات ضحك جواهر : اقول جوججو روحي المحاظره حقتك بيخلص وانتي ماحظرتي الجوهره تصارخخ : يمماا والله راح اخذ حرمان بسبب خالدووهه سمر : والله تستاهلين اللي سواه فييك راحت الجوهره تركض وأفنان انقهرت ان الجوهره تتكلم عن خالد كذا سمر : يالله بنات خلونا نروح نجلس بالكوفي لين تبداء محاظرتنا البنات : يالله جلسو على طاولتهم ><><><><><><><><><><><><> وصلت المدرسه كانت البدايه شوي صعبه مدرسه اول مره تدخلها تحس بالغربه ماتعرف احد ابدا بداء الطابور صفو البنات سألت البنات عن صف ثالث صفت مع وحده وكانت تسولف مع صديقتها اللي قدامها المُعلمه : اننتتي هيه يابنتت البنت : نعم استاذه ؟ المعُلمه : انتي ماتقدرين تسكتين بالطابور ابد ؟ البنت : معليش استاذه بس بقولها سالفه مهمه ماقدر اسكت صديقتها : خلاص اسكتي بعدين نككمل المُعلمه : خلي سوألفك بالفسحه وهدوء الحين _وراحت _ البنت : اف ياكرهي لها حشرييه صديقتها : ساره الله يهديك اسكتي بتورطينا معاها والله عاجزين عن التعهدات ساره : ماعليك ياشيخه ماتقدر تسوي شي بس كلام كانت تسمع سوالفهم وهي ساكته ساره تكلم البنت : انتي جديده هنا ؟ التفتت لها : ايوه هذا اول يوم لي ساره : ايش اسمك ابتسمت : اسمي رزان ساره ابتسمت لها : وانا ساره وهذي صديقتي ريم رزان : تشرفت فيكم ...:سااااااااره واللي جنبك على الاداره بسرعه ساره : اففف يااربي لازم تناشبني بكل مكان ماتشوف غيري رزان خافت : وش سويت انا عشان اروح الاداره ساره تسحب يدها :تعالي لاتخافين شوية تهزيئه وتسكت عنا رزان : اف ياربي انا كل مدرسه اروح لها لازم اروح للاداره ><><><><><><><>< كان يسحب شنطته ونزل ل الصاله راكان يسلم على امه : يالله يالغاليه , انا ماشي الحين ادعي لي ام راكان : الله يحفضك ياولدي استودعتك الله راكان سلم على ابوه ابوراكان : انتبه لنفسك , واي شي تحتاجه اتصل علي راكان : ان شالله يالغالي , سلمو لي على رنا امه : ان شالله طلع وهو يسحب شنطته ركب سيارة تركي وطلع معه تركي : ماودك تغير رايك راكان : لا والله بس انا مو مطول بغير جو ضايقه فيني تركي : الله يهديك اللي باعك بيعه ياراكان راكان : الله يعين ><><>><><><><> دخلت وشافت سسمر جالسه لحالها وصاحباتها توهم قايمين من عندها صار الوقت تسوي اللي قالته لها خالتها اخذت اثنين كابتشينو وراحت لها ..: انا اشووف الجامعه منوره سمر شافتها ابتسمت : منوره فيك ياقلبي ..: هذا كابتشينو لك سمر : تسلمين ياقلبي ماكان له داعي توني ماخذه وااحد ...: افا ترديني سمر اخذته وصارت تشرب منه : ماعاش من يردك يانوف نوف ابتسمت بأرتباك : تسلمين ياقلبي سمر حست بألم بصدرها مسكت صدرها بقوه : اهه يمماا نوف خافت يعني هذا مفعوله ؟ : سمر ايش بك ؟ سمر وهي تحاول تتبين ان مافيها شي :صدري كلو يألمني _وبدت تسعل _ Stooooop توقعاتكم انتهى البارت الثاني عشر راح اتوقف لـ هنا العيد قرب ورمضان شارف على الانتهاء الله يتقبل صيامنا وقيامنا يمكن اتأخر عليكم في تنزيل البارت الجاي بعد العيد , لاكن ان شفت صار عندي وقت نزلت لكم الثالث عشرر سبحانك اللهم وبحمدك أشهد ان لا إله الا انت استغفرك وأتوب إليك | ||||
|
| |
|
06-07-16, 03:06 AM
| #19 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| \\ "ولأني أغار عليك من قصائد الاخرين اصبحتُ شاعر " البارت الثالـث(13) عشــر أحبك في هجير سنينك .. وميّك انا اول شخص ذاق من السراب الماء فراشة نور .. احرق عمري بضيّك وشمعة ذابت تضوّي لك الظلما! "خلف الضيف " دخلت وشافت سسمر جالسه لحالها وصاحباتها توهم قايمين من عندها صار الوقت تسوي اللي قالته لها خالتها اخذت اثنين كابتشينو وراحت لها ..: انا اشووف الجامعه منوره سمر شافتها ابتسمت : منوره فيك ياقلبي ..: هذا كابتشينو لك سمر : تسلمين ياقلبي ماكان له داعي توني ماخذه وااحد ...: افا ترديني سمر اخذته وصارت تشرب منه : ماعاش من يردك يانوف نوف ابتسمت بأرتباك : تسلمين ياقلبي سمر حست بألم بصدرها مسكت صدرها بقوه : اهه يمماا نوف خافت يعني هذا مفعوله ؟ : سمر ايش بك ؟ سمر وهي تحاول تتبين ان مافيها شي :صدري كلو يألمني _وبدت تسعل وعيونها غرقت دموع نوف اخذت علبة مويه ومدتها لها عشان تشرب سمر اخذت المويه وشربت شوي ونزلته على الطاوله وهدت من الكحه نوف بخوف وأرتباك : كيف صرتي احسن؟ سمر وهي تمسح وجهها :اهه كنت بموت مدري ايش صار لي بس الحمدلله صرت احسن . نوف جلست بأرتياح : الحمدلله شافت سمر الساعه : يوهه تأخرت عن محاظرتي , يالله باي نوف: باي <><><><><><><><><><><><><><><> المديره : انتي لازم كل صبح تنورين الاداره ؟ ساره مبتسمه : شسوي يأستاذه لازم انور لكم ولا تداومون بالظلماء . المديره ضربت الطاوله : بسس ولا كلمه تستظرفين على هالصبح اخر انذار لك انتي وريم والمره الجايه بأتصل على أوليا أموركم . ريم : لااتكفين استاذه الا ابوي اخر مره اتكلم ف الطابور المديره : اتمننى ساره ماسكه ضحكتها وريم منقهره منها ورزان ساكته . المديره : وانتي ياللي هننا وش اسمك رزان : اسمي رزان ال .. المديره تقلب بالاوراق: أي انتي الطالبه الجديده _ورفعت راسها تناظرها _ هذي اول واخر مره اشوفك بالاداره مابي من أولها قلة ادب رزان بأحترام : ان شالله المديره : يالله على فصولكم طلعوالبنات يضحكون ورزان مبتسمه على خبالهم ساره : رزان تعرفين احد هنا ؟ رزان : لا ماعرف ريم: تعالي معانا رزان : يالله راحو لفصلهم دخلو ماكان عندهم شي حصه فاضيه اول مادخلو استقبلتهم رنا رناوقفت سلمت عليهم : ليش متأخرين ساره ناظرت ريم وضحكو ريم : يعني ماتعرفين ساره ماتقدر تطوف سالفه عن وقتها وانسحبنا للادارة كألعاده ساره وهي تجلس على الطاوله : والله عاد براحتي بسولف بالمكان اللي يعجبني ريم : أي سولفي وأنا انسحب معك للادارة رنا انتبهت ل رزان اللي واقفه تطالعهم وأبتسمت لها : ماعرفتوني من البنت هذي ريم التفتت لها : يوووه صح رنو هذي رزان تو تعرفنا عليها عند الادارة ساره : أي رزون هذي رنا صاحبتنا رنا ابتسمت : ياهلا والله رزان بحياء : ياهلا بك ..: ماشالله سويرر لازم تسلم على المديره قبل تجي الفصل ساره شافتها وضمتها بقوهه : يااادووووبه وحشتينني فاقدتك رنيم : ياقلبي والله مو كثري بس العتب عليك مازرتيني والباب على الباب ساره : والله ماقدرت لأكن ان شالله الجايات أكثر رنا : احمم احمم نحن هُنا . ساره : رنوم اعرفك على رزان طالبه جديده رنيم سلمت عليها : هلا والله رزان : هلا فيك ساره : اعرفك هذي رنيم ,طبع هي بنت جيرانا بس بالمدرسه مانعرف بعض ههههههههههه رزان ضحكت رنيم : أي مانعرف بعض الا بالبيت هي تزورني وانا ازورها وماتطلع الا اطردها ساره تخصرت : انتي بعد دايم جالسه على قلبي رنيم : والله مدري من هي اللي ماتطلع من بيتنا لين خلود يجي ويكرشها ساره شهقت : تذكرين لما سحبني مع بلوزتي وطلعني برا والله لا أنتقم منه رنيم اول ماتذكرت السالفه ماتت ضحك : أي واخذتي اسبوع ماتزورينا ههههههههه دخلت المعلمه ورجعت كل وحده مكانها مر الوقت وصارت رزان صديقة البنات ><><><><<><><><><>><><><><>< في مكان بعيد كان جالس بالمقهى ويراقب الرايح والجاي والنسيم البارد يداعب خصلات شعره السوداء وقهوته الساخنه بداءت تبرد اخذته الذكرى ل أيام كانت من اجمل ايام حياته كان الحب اللي يكنه لها مستحيل احد يكنه لها كثره تأثركثير برحيلها عن حياته وأصبح وحيد بلا حبيب داهمة افكاره عيونها الفتانه هز راسه يمين ويسار كأنه يقول لها اطلعي من راسي انتبه لجواله يرن رفعه ل أذنه بهدوء ..: ساعه اتصل فيك ماترد ابتسم ببرود على صديقه اللي من سافر وهو يتصل فيه ويسأله متى ترجع: ما كنت منتبه لجوالي ايش عندك ..تنهد : ابد ماعندي شي بس انتظرك ترجع الرياض وتريحني حرك قهوته : والله ياتركي مالي نفس ارجع ههالوقت فاقدها حيل أحس حالي مخنوق تركي تأثر على حال صديقه: مالك الا تتزوج وتنساها راكان : اتزوج ؟ تركي : ايه تزوج وانساها عيش حياتك هي عايشه حياتها وفي بيتها وزوجها وولدها راكان تنهد : وش اقولك ياتركي بس الزواج اخاف اظلم بنت الناس ولا اكسب شي تركي بعصبيه : اججل تبقى كذا تعيش حياتك بذكريات الماضي راكان بقهر : ككيف تبيني اعيش بدونها واانا كل احلامي بنيتها معاها وكل شي تمنيته هي فيه وتبيني انساها بكل سهوله واتزوج تركي يحاول يهديها : خلاص رااكان اهداء فكر بالموضوع راكان : مع السلامه وسكر الجوال بدون مايسمع رده وهو في قلبه جرح مستحيل يطيب * مايعوضني على غيابك بشر الوطن واحد ويا كثر المنافي خلف الضيف ><<><<><><><><><><><<><><><>< جالس بمكتبه ويقلب بالاوراق دخل السكرتير : السلام عليكم ابوفهد وهو ينزل نظارته : وعليكم السلام السكرتير : ياطويل العمر ابوخالد جاء يبي يقابلك ابوفهد : دخله بسرعه ليش تخليه ينتظر ؟ السكرتير : ان شالله دخل ابوخالد : السلام عليكم ابوفهد وقف وسلم عليه : وعليككم السلام يالله حي أبوخالد تفضل ابوخالد وهو يجلس : زاد فضلك يالغالي ابوفهد جلس مقابله : امرني يابوخالد ابوخالد يتنهد : سناء يابوفهد ابوفهد شخص نظره : خلاص ياحمد سناء راحت ولا عاد تجيب طاريها انساها خلاااص ابوخالد نزل راسه : صععب والله يابوفهد صعب راح عمري وانا انتظر ابوفهد وقف :وبتنتظر كثير يابوخالد وقف ابوخالد وطلع من المكتب وهو متضايق وابوفهد تضايق اكثر .. ورجع ل أوراقه >>>>>>>>>>>>>>>>>>>>>>>>> كان جالس مع اصدقاءه بالجامعه ويتكلمون عن مشروع التخرج اللي انهوه خلاص ايام قليله ويتخرجون من الجامعه وينتهي مشوار تعبو منه خالد :والله ياعيال ماني مصدق خلاص بنتهي هالتعب نواف : أي والله صادق بس اسبوع وتبداء الاختبارات عادل يعدل جلسته : شرايكم نكمل ماجستير الشباب صرخو على عادل الوليد : ياشيخ اسكت لاتجيب طاري الدراسه يالله ببنتحمل هالاسبوعين وخلاص خالد : انا زهقت روحي من التعب ويكفي الدوام اللي اخذه بالمساء نواف يوقف : قومو خلونا نروح نتغداء ترا ميت جوع طلعو الشباب لمطعم قريب من الجامعه طلبو غداهم وجلسو يسولفون على مايجي الغداء عادل : انا افكر بس اخلص واقدم على الوظيفه ابي اتزوج الوليد كان يشرب مويه وشررق : وش قللت عادل : قلت بتزوج نواف : من هي اللي بترضى فيك هههههههههههههههههههه خالد :ههههههههههههههههههههه عادل انقهر : انا ابي وحده من خوات خالد خالد طير عيونه عليه : نعمم ؟ اقول اعقل لاتجيب طاري خواتي هنا لا افرمك عادل بحزن : وش فيكم علي ياخي ترا والله مسويت شي قلت بأتزوج مو اسرق الوليد تنحنح : اقول اعقل وان شالله اذا توظفت تعال وصل طلبهم وجلسو يتغدون بهدواء وكل واحد براسه فكره <>>>>>>>>><<<<<<<<<<<< كانت جالسه مع صديقتها بالجاممعه ويسولفون أفنان : أي شفتها ذاك اليوم عطيتها نظرات سلامات وش دخلها سمر صارت تضحك : ههههههههههههه والله انتو تحفه خليها تطس بس وش عليك فيها افنان : جد وش تتوقع مني اقوم ابوس راسها وهي الغلطانه تبغى اعتذر منها قطع عليهم كلامهم صوت جوال سمر رفعته وشافت الرساله ابتسمت وصار وجهها احمر افنان استغربت منها : سلامات يا اخت ؟ سمر انحرجت من صديقتها : هاه لا مافي شي _ ورجعت تكتب في جوالها _ افنان ناظرتها بطرف عين : استغفرالله بدينا اسرار عني سمر قفلت جوالها :لاوالله مو اسرار بس احم اءء سحبت افنان جوالها بسرعه وفتحت الواتس : ءءء ايششش هذذاا ياخاايسسسه ؟ سمر انحرجت من البنات صارو يطالعونهم سحبتها وجلستها : اصص ياكلبه تبين تفضحيني انتي افنان مصدومه : خيرايش هذا ومخبيه عني ؟ سمر وهي تقفل جوالها : ايش تبغيني اقولك ؟ اقولك انا اسوي شي غلط شوفيني افنان بهدوء : مدامك تعرفين انه غلط ليش تسوينه ؟؟ سمر مسحت دمعتها : قلبي يحبه يا افنان مو بيدي وثانيا انتي قريتي ايش كاتب لي يعني مستحيل يضرني افنان بعد رضا عن حال صديقتها : بس مو عذر يا سمر سمر شافت دينا جايه لهم عدلت نفسها وابتسممت : خلاص الحين بتجي دنيا أفنان باستغراب : من هي دنيا؟ دنيا بدلع :هاي سمر سمر وقفت تسلم عليها : هلا دنيا كيفك حبيبتي دنيا : كويسه وانتي كيفك سمر : دنيا هذي صديقتي افنان وافنان هذي صديقتي دنيا دنيا تسلم على افنان : تشرفت فيك ي قلبي افنان : الشرف لي حبيبتي جلسوالبنات يسولفون مع بعض دنيا : سمر نسيت ماما تسلم عليك وتقول زورينا انتي وخواتك سمر : الله يسلمها ان شالله قريب نزوركم دنيا شافت ساعتها : يوه تأخرت على السواق _وقفت _ يالله بنات باي سمر وافنان : باي راحت دنيا أفنان تناظر بدنيا وهي ماشيه : مالاحظتي شي فيها ؟ سمر :مثل ايش ؟ أفنان :تشبه لك ؟ شي غريب صح سمر ضحكت : ههههههههه وش الغريب ويخلق من الشبه اربعين عادي افنان: وجع لاتضحكين سمر شافت ساعتها كان 12:26 سمر وهي توقف : يوه تأخرت ولا اتصلت على خالد يجيبني افنان : طيب وش تنتظرين اتصلي فتحت جوالها واتصلت سمر : هلا خالد خالد :هلا وش عندك سمر بوزت : من اولها وش عندك تعرف اللي عندي خالد :والله سموره ماقدر انا بالجامعه عندي محاظره بعد دقايق سمر : افف ياربي كيف ارجع للبيت خالد : ارجعي مع بنات عمي يالله مع السلامه سكر منها وهي انقهرت سمر : يدري اني ما احب اروح مع احد غيره ويجبرني اف افنان : عاد الله يعينك روحي معي طيب سمر وهي تقلب بجوالها : لا بروح مع بنات عمي وصلت الجوهره لهم : السلام عليكم سمر وافنان : وعليكم السلام الجوهره : سموره الليث اتصل علي يقول اطلعو ولا تنسون سمر سمر طالعت فيها : هاه ؟ الجوهره طقتها على راسها : وشو هاه اكيد خالد متصل عليه سمر وقفت : والله لا اوريه الكلب خالد االجوهره سحبت شنطتها : اقول والله ما الكلب غيرك بس , انا بس يحق لي اسب خالد سمر تخصرت : لا والله من عطاك هالحق ؟ الجوهره بغرور :لاني بس انا اللي اتضارب معه تعرفيني انا اتهاوش مع ولد عمي وانا وولد عمي على الناس سمر ماتت ضحك :على كيفك تغيرين بالامثال الجوهره : اقول قومي تراه قاهرني من الصبح تدرين ان الدكتوره طردتني من محاظرتي بسسببه افنان كانت واقفه ومنقهره انها ماخذه راحتها عشان خالد : أيش سوا لك الجوهره : قولي ايش ماسوا , ااخرني عن محاظرتي وهو يدري اني راح انطرد سمر : والله اخوي بطل الصراحه الجوهره تشوف جوالها يدق : يايويلي هذا الليث الحين يهاوشني فتحت الخط : هلا الليث : وجع ان شالله كل هذا تلبسين انتي الجوهره تناظر سمر : والله هذي سمر الخبله جالسه تسولف علي ونستني الليث : ماشالله وسوالف , اوريك انتي وهي يالله اطلعو الشمس احرقتني الجوهره بهمس : ياكذبك الليث سمعها : اقول بلا كثرة هرج ووسكر منها الجوهره تسحب سمر : يالزفته يقول والله لا اوريك انتي وسمر بس تعالو السياره سمر : سلامات وش دخلني بأخوك انا الجوهره وقفت تلبس عبايتها : خليك كذا فاهيه وواقفه لين يوريك الشغل سمر خافت صدق لانه صدق عصبي لبست عبايتها وودعت صديقتها وطلعت وكانت جواهر سابقتهم ل السياره ركبت الجوهره وسمر ورا وجواهر كمان بعد الليث : الحمدلله على السلامه يا انسه الجوهره كان نمتي بالجامعه ببعد الجوههره : والله كله من سمر هي السبب سمر انقهرت منها: ايش دخلني انا انتي اللي ماقلتي انه عند الباب وجلسستي تسولفين علي الجوهره قرصتها سمر ضربتها على كتفها : وجع ان شالله الليث ضحك لما شاف خوفهم وكل وحده ترميه على الثانيه : هالمره بسامحكم عشان اول مره واخرمره بعد اجيكم الجوهره : ياسلام واححنا من يودينا ويجيبنا ؟ الليث حرك السياره : ان شالله بجيب لكم سواق وارتاح من بكره ببداء بدوامي الجوهره : ماشالله يعني قبلوك بالوضيفه الليث : أي الحمدلله الجوهره : مبروووك جوواهر : مبروك شايف خيرها ان شالله الليث : الله يبارك فيكم الجوهره نغزت سمر : باركي له ياملا الوجع بنرتاح من مغثته كل يوم سمر ضحكت على كلامها صدق خبله سمر : مبروك الليث ابتسم : الله يبارك بعمرك سمر استحت وسكتت وجواهر كانت سرحانه كالعاده حامله همها في قلبها وصابره على كل شي <<<<<<<<<<<<<<>>>>>>>>>>>>>>>>>>>>>>>>>>>>>>>>>> >> رجعت نوف لبيتهم وشافت مكالمات كثيره من خالتها نوف : هلا خالتي حصه : ليه ماتردين من الصبح اتصل نوف : كنت حاطته صامت ماشفت مكالماتك حصه : ايش صار باللي قلت لك عليه نوف : حطيت لها اليوم بالكابتشينو وشرقت فيه من اول مره وماكملته حصه بقهر: بنت سناء بسبع ارواح مثل امها نوف : خلاص ياخالتي انا مالي شغل بالموضوع ماراح اسوي شي حصه بعصبيه : اذا مافيه احلممي تاخذين الليث وهي موجوده , تحسبيني غافله ولا ادريانك تموتين اذا مااخذك نوف بقلة حيله : طيب انا ااذيها كذا ويمكن تموت حصه : اذا بقت عايشه راح تاخذ الليث وبتروحين تباركين لها نوف : طيب انا ما ابيها تاخذه وش اسوي ؟ حصه : طيب اسمعي وش اقولك ............ <><><><><<<<<<<<<<<<<<<>>>>>>>>>>>>>>>>>>>><><>< >< > تعرفت زران على البنات وصارو صديقات واخذت ارقامهم وجاء وقت الطلعه وكان سيف ينتظرها عند الباب ركبت السياره رزان : السلام عليكم سيف وهو يحرك السياره: ياهلا وغلا وعليكم السلام , هاه كيف اول يوم هنا ؟ رزان مبسوطه : الحمدلله احلا يوم تعرفت على بنات طيبات وتونست معاهم سيف انبسط ان اخته قدرت تتأقلم على الوضع : الحمدلله ><><><><>< ومرت الايام ودخلت الاختبارات والبنات مسوين حالة استنفار عشان يذذاكرون بهدوء بدون ماحد يعكر عليهم ورزان صارت تروح لرنيم تذاكر عندهم وساره من قريب تجيهم ويشرحون لبعض يساعدون بعض وصارت رزان صديقة مقربه منهم مثل ماسيف صار صديق ل الشباب بس الليث اللي مايتكلم معه وبينهم خطوط حمراء خالد والوليد كل واحد فيهم بأتجاه وشادين حيلهم لانها اخر اختبارات ويتخرجو سيف وتركي دايم يتقابلون وصار يجلس عندهم تركي كثير وهذا الشي ضايق رزان وصارت تروح لرنيم ورنا وتذاكر عندهم راكان رجع من إيطاليا ومن رجع اشغل نفسه بدوامه وصارياخذ منوابات عشان مايطلع كثير ونور صارت لها حياة ثانيه كلها مليانه فرح بولدها وزوجها وبعيده عن راكان كثير جواهر ارتاحت من الازعاج وحاطه كل حيلها في دراستها وقلتّ احتكاكها بالليث سمر والليث تطورت علاقتهم وصارو لازم يحاكون بعض كل يوم وكلها حب الجوهره مشغوله بدراستها تبي تخلص من هالترم لانه تحضيري ووصعب رنيم مسويه حالة استنفار ماتكلم احد وبس تذاكر ومجتهده واحيانا تجيها رزان تششرح لها وساره احيانا تنكد عليها وترجع تذاكر معاها اما نووره النوري ماخذه راحتها على الاخير وساحبه على ام المذاكره اذا شافت ابوها فتحت الكتاب واذا راح تطقطق على جوالها اما البقيه لاجديد في حياتهم دخلت سمر الصاله على نوره وكانت كالعاده تلعب بجوالها قربت منها واخذت الجوال بقوه : ققسم بالله يانوره لو جبتي اقل من الثمانين ف المعدل لأاسحب جوالك كل العطله فاهمهه ؟ نوره وهي تخاف من سسمراذا كانت معصبه : سمور تككفين والله اذاكر بس لا تحطينها على الثمانين يعني سبعين كويس سمر بصراخ عليها : كلامي واضح لو تجيبين اقل والله لاتندمين وطلعت من عندها صار لها كم يوم موعلى بعض وتحس بتعب من كثر ما هي ضاغطه على نفسها طلع خالد وشافها متسنده على الجدار ويدها على صدرها وجاها بسرعه خايف يصيرلها شي خالد بخوف : سمر ايش فيك تحسين بشي ؟ سمر وهي تحاول تتجاهل ألمها /=: لا مافيني شي خالد مسكها ودخلها غرفتها وجلسها : قولي لي وش تحسين فيه سمر الالم خف عليها : لا الحمدلله ماعاد احس بشي كان الم ف قلبي مدري ليش له فتره يجي ويروح خالد خاف عليها : قومي اوديك المستشفى سمر: لا مايحتاج انت روح ذاكر انا باخذ الدواء اللي عندي خالد : انتي ماعاد تأخذينه ليش , المفروض الادويه تستعمل على حسب الفتره اللي حاطها الدكتور سمر : بس هذيك الادويه تركتها من فتره خالد : بروح الحين وانتي تاخذين ادويتك , وماعاد تتركينها وان شالله بنروح المستشفى سمر : ان شالله طلع خالد وهو شايل همها لو قالها ان فيها مرض يمكن تنتكس حالتها <><><><><><><> مرت الايام سريعه وانتهى مشوار خالد والوليد ونواف وعادل بعد التعب تخرجو من الجامعه وانتهت مرحلة الثانويه لـ رنا ورنيم ورزان وساره وريم وكل وحده جالسه بغرفتها تنتظر نتيجتها تطلع في بيتت أبو خالد كانو متجمعين بالصاله وسمر جالسه تطلع نتائجهم رنيم مسكره عيونها وخايفه من نتيجتها رنيم : تكفين سمور خليني اخر وحده طلعي نتيجة نوره قبلي سمر ضحكة : شدعوى ماله داعي الخوف كله ابوخالد يضحك على بنته :رنومه اذا جبتي اعلى من التسعين لك هديه ماحلمتي فيها رنيم ابتسمت ل ابوها : يارب يارب نوره : وانا غش ايش هديتي ؟ خالد طالعها :اقول انتي اسكتي ببالله ماتذاكر وتتشرط بهديه نوره جلست جنب ابوها: والله انت شدخلك انا اكلم بابا هو اكيد بيجيب لي هدية لو ارسب مسك ابوها انفها : لو تموتين ماجبت لك لو نسبتك بالسبعين نوره بوزت : لاوالله مو انا دلوعتك ابوخالد :بس دلوعتي لازم تجيب نسبه عاليه سمر كانت جالسه تفتح الرابط وتحط السجل المدني ل نوره سمر ابتسمتت على النتيجه : نوره ؟ نوره رفعت راسها ومتوتره : ايش طلعت سمر : الصراحه يانوره وبدون كذب شكل جوالك بيروح نوره صرخت : لاااتقوليينها سمر ضحكت : بيروح لك نسبتك 80% بالضبط نوره قامت ترقص من الفررحهه وتبوس راس ابوها خالد : مبروكك رنيم : مبررووك يالدوبه ابوخالد : مبروك يالنوري نوره مببسوطه : الله يبارك فيكم سمر رفعت راسها من الجهاز : الحين دورك يارنوم رنيم بتوتر: والله خايففه سمر : تبين اخوفك ولا اقولك على طول رنيم : لا تكفين قولي بسرعه ومسكره عيوونها وخايفه سمر : رنووومه مبرروك نسبتك 95% رنيم صارت تناقز من الفرحه وابوها يبارك لها وكلهم فرحانين لها <><><>><<><><><> في بيت ابوراكان كانو اهلها جالسين بالصاله وهي متوتره وجالسه جنب ابوها وراكان فاتح الجهاز يطلع نتيجتها رنا تفرك يدينها راكان دخل البيانات ومخبي ابتسامته يبي يوترها شوي راكان شاف النتيجه : رنا حبيبتي الله يعوضك رنا ترمش من الصدمه :ايشش لايكون رسبتت ؟ راكان مات ضحك على شكلها :ممبررروك نسبتك 96% رنا مو مصدقه قامت تصارخ من الفرحه وابوها يضحك عليها ضمت امها من الفرحه : الحممممدلله يااربي ماراح تعبي ابوراكان : الفف مبروك يابنيتي رنا : الله يبارك بعمرك ام راكان : الفف مبروك يمه الف مبرووك رنا : الله يبارك فيك ياقلبي يارببي قد ايش مبسووطه الحمدلله ام راكان : عشان هالمناسبه الححلوه انا قررت اقولكم خبر جميل راكان ورنا : ايش هو قولي لنا ابوراكان ابتسم على حماسهم ام راكان بفرحهه : ..... Stooooooooop انتهى البارت الثالث عشر التوقعات مفتووحهه لكم حبيباتي التعديل الأخير تم بواسطة لامارا ; 27-09-16 الساعة 08:05 PM | ||||
|
| |
|
27-09-16, 08:06 PM
| #20 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| \\ \\ ولأني اغار على مسامعك من قصائد الاخرين اصبحت شاعر البارت الرابــع عشــ{14}ـــــر * هذي الأنثـى ( أميرة بالجمـال ) يحرس الله حسنها بليّـا حرس ان تثنّت .. قالو العالم : غزال وان مشت غنوا لها : مشية فرس * xxxx خلف الضيف دخل البيت كانت جالسه على جوالها سيف : السلام عليكم رزان : وعليكم السلام سيف جلس جنبها : هاه طلعتي نتيجتك ؟ رزان : لا ماطلعتها سيف : ليش ماطلعتيها طلعيها عشان نحتفل فيك رزان للحين ماسكه جوالها وبصوت مخنوق : اطلعها ليش امي مو موجوده عشان تحتفل فيني وتفرح وسامي بالمسشتفى وتبيني احتفل اصلا ماعاد لي نفس بشي بس أبي اروح لـ امي سيف انصدم منها : رزان مايجوز هالكلام امي الله يرحمها وسامي ان شالله الله يقومه بالسلامه رزان غطت وجهها بيدينها وبكتت فاقده امها فاقده الصدر الحنون فاقده كلماتها اذا صارت متضايقه تواسيها واذا فرحت تفرح معاها الحين تفرح لحالها وتبكي لحالها وتعيش لحالها سيف تضايق انها حيل تكتم بقلبها وفجاءه تنفجر سيف يواسيها : كلنا فاقدينها يارزان كلنا محتاجينها المفروض تدعين لها وتتصدققين عنها وتدعين ان الله يقوم سامي بالسلامه رفعت راسها ومسحت دموعها وتحاول تغير الموضوع : تبي احط لك غداء ؟ سيف يحط يده على بطنه : أي والله ياليت ميت من الجوع رزان : ابشر وراحت تحط له غداءه فتح جواله وكلم تركي سيف وهويمسح على شعره : والله ياتركي مادري وش اسوي ابي انسيها ابي اغير من نفسيتها ايام اشوفها مرتاحه واحيانا عيونها تقول لي وش كثر هي ضايقه وتعبانه تركي : طيب شوف انت ايش هي تحب وجيبه لها فاجاءها بحفله او جيب لها شي تتمناه هديه خلها تزور صديقاتها واصبر ان الله مع الصابرين سيف وهو يشوفها جايه : ان شالله , يالله تأمر بشي تركي :مأيأمر عليك عدو مع السلامه سيف : مع السلامه وقفل جواله حطت سفرة الاكل :يالله تعال بالعافيه سيف جلس على السفره : ليش ماتأكلين رزان : مالي نفس والله سيف ابتسم لها : تعالي تغدي بقولك خبر اعرفك تنتظرينه من زمان رزان : قول والله مالي نفس سيف بداء ياكل : اذا ماجيتي اكلتي ماراح اقولك راحت رزان تغسل يدينها عشان تأكل : يالله تراك بتقولي سيف يضحك : ذابحتك اللقافه طيب بقولك بس تغدي جلست تاكل ابتسم برضى عليها مهما كان العمر، يتم الاخ الكبير هو الاب الثاني لاخته ><><><><<><>> ام راكان : الفف مبروك يمه الف مبرووك رنا : الله يبارك فيك ياقلبي يارببي قد ايش مبسووطه الحمدلله ام راكان : عشان هالمناسبه الححلوه انا قررت اقولكم خبر جميل راكان ورنا : ايش هو قولي لنا ابوراكان ابتسم على حماسهم ام راكان بفرحهه : امس كلمتني ام وائل وتبي تخطب رنا لولدها وائل راكان ابتسم وناظر رنا رنا وجهها صار احمر وخجلت ام راكان مكمله لحديثها : وقلت لها اسبوع ان شالله ونرد لكم ابوراكان ابتسم لبنته المستحيه :يا رنا هذي حياة ثانيه وبيت ثاني خوذي وقتك وفكري على راحتك ووائل ولد عمك رجال ماعليه كلام رنا مستحيه ولا تكلمت ولا كلمه بس تحس قلبها يدق بقوهه راكان : ماشالله ولا قالي انه يبي يخطب هههههههه ابوركان ناظر لولده : وانت اصلا عايش مع الناس ؟ كل حياتك بالشغل ولا ترجع الا اخر الليل ولا تحظر اجتماعات ولا تطلع وتتشرهه عليه راكان نزل راسه لان كلام ابوه كان صح هو عازل نفسه عن الناس وعشان مين عشان نور فرك يدينه ببعض : معك حق ان شالله اني ماعاد اقطعهم رنا حست بأخوها تدرين ان الكلام قاسي عليه وام راكان ماكان عاجبها حال ولدها وماتدري ايش تسوي عشان يطلع من هالعزله قام راكان وراح لغرفته وهو متضايق رنا كانت تناظر بأبوها وهو ساكت وحاس بالذنب عشان ولده قامت بهدوء وطلعت من عنددهم صعدت الدرج وقربت من غرفة اخوها كان الباب مطرف كان جالس وماسك شي بيده بس ماقدرت تخمن ايش هو دقت الباب بخفه راكان خبى اللي بيده : ادخل دخلت رنا بشويش وسكرت الباب : عادي اجلس معك شوي ؟ راكان عدل جلسته على السرير واشر لها تجي تجلس رنا جلست وهي متردده بالكلام اللي بتقوله: راكان راكان : أمري رنا اخذت نفس : انا اعرف ليش انت كذا ؟ عشان نور صح تغيرت ملامح راكان : نعم ؟ رنا : راكان ادري انك للحين تحبها عشان كذا انت عازل نفسك , ترا انا اعرف من زمان بس كنت ساكته قلت يمكن انك تنسساها مثل ماهي نستك بس اشوف حالتك كل مالها تسوء انت اخوي وتهمني مصلحتك والله هي نستك من زمان راكان بعصبيه : من قالك اني احبها ؟ ومن عطاك الاذن تفتحين هالموضوع مععي اصللاا رنا وقفت وهي منقهره منه : هي قالت لي كل شي كان بينكم وهي بنفسها قالت لي قولي له ينساني لأني خلاص ماعاد له بقلبي مكان راكان حس قلبه يغلي من الكلام اللي يسمعه : اطلعي برا بسسرعه قبل لأنفجر فيكك رنا خافت من حال اخوها وجهه صار احممر من القهر :راكان بس ابي اقولـ... قاطعها راكان : لا تقولين لي شي بس اطلعي بسرعه طلعت رنا من الغرفه وراحت غرفتها ورمت نفسها على سريرها وجلست تفكر *ياربي اللي سويته صح ولا غلط بس افضل له ينساها ويتركها هو في غرفته يحس قلبه يحترق قهر طلع الصوره من الدرج وقطعها ورماها بالزباله وفتح دولابه وطلع الساعه اللي جابتها له هدية ورماها بالزباله يتذكر قبل كم شهر كانت تبيه يرجع لحياتها ورفض والحين هي تقول انها باعته ماعاد يقدريجلس اكثر بغرفته طلع بسرعه وركب سيارته وحركها مشى بدون هدف بس يمكن يخفف من حرقة قلبه وهذي نهاية حب راكان حب بدون أساسات ><><<>><><><><<><<>>< منسجمه على جوالها وتراسل واتس شافت اختها دخلت عدلت جسلتها ..: وش عندك ؟تبين شي ..: مايصير ادخل غرفتك قامت نوف وسحبتها مع بلوزتها : اقول طسي برا لا اعاد اشوفك تدخلين بدون استأذان الهنوف وهي تفك نفسها من اختها : وجع ان شالله طفشت ابي اتونس معك نوف فتحت باب غرفتها : بس انا مابي اتونس معك ماتفهمين اطلعي برا الهنوف سحبت جوالها وهربت فيه لغرفتها انجنت نووف كيف اخذت جوالها وراحت وراها لغرفتها وتدق الباب : افتححي يازفته افتححي الهنوف وهي تفتش بجوالها : مابي عشان مره ثانيه تتأدبين ماتطرديني من غرفتك تفهمين نوف تطق بقوه خايفه انها تفتح شي بجوالها : والله اسوي لك اللي تبين بس هاتي جوالي ولا تفتشين ففيهه الهنوف قفلت الجوال وجات براسها فكره شريره : أي شي ابيه ؟ احلفيي نوف بترجي:والله والله أي شي تبينه بسويه بس افتحي فتحت الهنوف وهي تضحك بضحكة شر : هههههه يالله هذا جوالك والحين تراب تأمر عليك كل اليوم لين أطفش منك نوف شهقت : سلاامات هذا استغلال الهنوف : اقول تراك حلفتي , ويالله تعالي دلكي رجولي تعورني من الركض نوف بحممق : وجع ان شالله اختاري أي شي بس رجولك لا الهنوف : امممم اصبري افكر , ااي صح عندي غسيل ملابسس تستلمينه كله مع شغلك نوف بقلة حيله : طيب بس والله لـ اوريك وانتقم منك ياوصخهه طلعت نوف لغرفة الغسيل والهنوف مبسوطه انها ارتاحت من الشغل وملابس اخوها <><><><>><<><>><<><>><>< لمت السفره وغسلت الصحون وصبت عصير له رزان: يالله قولي إيش الخبر سيف ابتسم لها : بكره عمتي ساره بتجي رزان بفرحهه : صددق احلفف سيف : والله هي كلمتني بكره طيارتها الصبح رزان : طيب عمي عامر بيجي ؟ سيف : لا مايقدر يقول مشغول رزان بفرحه وهي تفتح جوالها وتتصل عليها : اهم شي ساره مشتاقه لها بشكل ككبيربس كم بتقعد عندنا سيف بنذاله : يومين وراجعه رزان بقهر : لا تقولها سيف ضحك : امزح معك بتطوول هنا رزان مبسوطه راحت تكلمها سيف ابتسم لها شكلها طايره من الفرحه الحمدلله ان ساره وافقت تجي تعب لين اقنع عمه يخليها تجلس عندهم ولو فترة عشان تتغير نفسية رزان ويصير فيه حياه بالبيت شوي وقام طلع ل الاستراحه وهو بقلبه يفكر لوماسوا اللي سواه ولا صار له شي استغفرالله استغفرالله واتوب إليه ><<><><><><>><< دخل عليها خالد وهي تصلي العشاء قفل الباب وجلس على السرير ينتظرها تخلص خلصت الصلاة وبدت تذكر اذكارها بعد الصلاه قامت ورتبت الجلال والسجادة بمكانها وجلست عند خالد سمر :هلا خالد تبي شي ؟ خالد توتر كيف يبدا كلامه اخذ نفس شوي وقال : سمر سمر مبتسمه له : أمر خالد يفرك يدينه : سمر للحين يجيك ألم في .. في قلبك ؟ سمر عقدت حواجبها : أي يجيني بس خفيف والحين الحمدلله مايعورني ليش ؟ خالد نزل راسه لحظات وبعدين رفعه : سمر انتي ماشالله عليك مؤمنه بقضاء الله وقدره وان الله ماكتب لنا شي الا لحكمة وان أي شي يصير لنا الا فيه خير لنا وان الله يبتلي عبده اذا احبه سمر خافت :خالد تكلم تراك خوفتني تكلم خالد مسك يدها : الكلام اللي بقوله لك بيكون بيينا , سمر انتي معك مرض القلب سمر لحظات صمت صدمه او فاجعه كل الكلام اللي ممكن تقوله تلاشاء رفعت يدها على راسها ووقفت: خالد انت وش تقول انا مافيني شي _وبكتت خالد سحب يدها ": سممر اهدي مايصير تبكين تزيدين على نفسك سمر وهي تبكي : كيف تبيني اهداء وانت تقول فيني مرض القلب حرام عليك تكذب علي خالد يحاول يهديها لما شافها منهاره وندم انه تكلم : خلاص سمر اهدي قل لن يصيبنا الا ماكتب الله لنا كله مقدر ومكتوب سمر للحين تنزل دموعها : أبوي يدري ؟ خالد نزل راسه : لا مايدري خفت اقوله ويتعب علينا , وخصوصا لما طحتي علينا كان توه طالع من المستشفى سمر : فيه غيرك احد يدري ؟ خالد : الليث بس سمر حست قلبها انجرح : طيب أبوي لا يدري ولا احد مابي احد يشفق علي او يحس بالذنب عشاني خالد : انا قدمت اوراق للمستشفى عشان المراجعات , وبعد بكره عندك مراجعه وان شالله تتعافين سمر وهي توقف : ان شالله _وطلعت للحمام خالد حس بالندم بس ايش يسوي كله الله كاتبه لها وده ييسوي لها شي يخفي كل هالتعب عنها طلع من الغرفه شاف أبوه وخواته جالسين على التلفزيون راح لأبوه وبأس راسه : يبه انا طالع تأمر بشي أبوخالد بحنان لعياله : لا سلامتك يبه بس لا تسرع خالد : ان شالله _وطلع نوره بلقافه لحقته : خالد خالد استنى خالد لف لها :وش تبين انتي نوره بحمق :وين بتروح ؟ خالد رفع حاجبه بأستهزاء : وش دخلك انتي نوره تفشلت : لا بس كنت أبي اروح معك خالد : ليش ؟ نوره التفتت وراه : ابي اروح اشتري هديه لرنيم خالد ابتسم لها : سمر قالت لي بككره بوديك طيب ؟ نوره بقهر : لاتكككفى ابي الحين خالد بززهق : ياربي انتي ليش كذا زنانه قلت بكره يعني بكره _وطلع وسكر الباب وخلاها واقفه بمكانها طلع خالد ركب سيارته وحركها وصل ل الاستراحه شاف راكان بسيارته دق الزجاج عليه انتبه له راكان ونزل الشباك : هلا خالد : ليش ما تنزل , فيك شي ؟ راكان رجع راسه وتنهد : لا مافيني شي خالد فتح الباب وركب : شكلك ما يطمن راكان ابتسم له : لا تطمن مافييني شي شوية ضيقة وبتروح خالد رد له الابتسامه : طيب يالله انزل الشباب متجمعين اليوم كلهم _ونزل_ راكان وهو ينزل : يالله مشينا دخل خالد وراكان مع بعض وسلمو على الشباب كان الليث جالس يلعب سوني ويحط حرته فيها عشان لايشوف وجه سيف ويذبحه حتى صوته يكرهه يذكره بأشيا مايبي يتذكرها كل ذكريات الماضي ترجع له كل لحضه كل كلمه طعنه كأنها خنجر صوتها يتردد بأذنه كان منسدح على السرير ويتابع فلم مندمج وامه والجوهره طالعين لبيت عمهم دخلت غرفته وهي لابسه برموده وشعرها مرفوع بطريقة عشاوئيه ووجهها كله دموع وانفها احمر من كثرالبكاء الليث اول ماشافها تبكي فز لها كان اقرب لها من الهواء كان بير اسرارها مستحيل تخبي عنه شي الليث فز لها بخوف : جواهر وش فيك ليه تبكين ؟ جواهر تببكي بقوه وتمد له جوالها : شـ ... شووف و..ش مـ...ـكت.ـوب يبون بفضحون..ـي الليث يالله يفهم عليها جن جنونه كيف يفضحونها سحب الجوال وشاف الرساله والرقم وفهم انه ولد وماسك عليها شي : من ههذا تككلمي من هذاا جواهر تبكي : مـ..ـادري والله مادري " جواهربنت الـ ... انا سيف صورك كلها عندي وهذا اخر انذار لك لو ماجيتيني بكره بعد العشاء بتندمين كثير وهذا الفيديو لك هديه مني عشان تصدقين اني ما أنسى شي والعنوان .... " فتح الفيديو وكان صدمة له لسانه انشل عن الكلام كان الفيديو لها لابسه فستان قصير وردي وشعرها الطويل مفتوح وبكامل زينتها ترقص وتتمايل بدلع واصوات بنات يصفقون ويشجعونها الليث خلاص مستحيل انه يستوعب كل هذا سحبها مع شعرها : ياححقيرره هذي اخخر التربيه والثقه هذا اخر الدلع والهياته ابوالوليد كان توه داخل مع الباب وسمع صوت الليث يهاوش وبكا جواهر راح لـ اتجاه الصوت دخل أبوها وهو يشوف الليث يضربها من قهره وغبنته : انتت وش تسوووي يامجنون _وياحول يفك بنته منه _ فكها ياكلب فكها الليث بجنون وهو يرجع يضربها : اتركني اذبحها الـ .... ابوه انصدم من قو الكلمه وسحبه وضربه ككف بقوه وبغضب عارم : لو تقول هالكلام قدامي وعلى اختك لـ اكون شارب من دمك يالخسيس بنتي تأج على راسك وراس الكل تفهم جواهر تصيح وتتمسك بأبوها : والله يايبه مالي ذنب والله مادري عن شي والله الليث مصدوم من ابوه اول مره يمد يده عليه بعصبيه : تضربني عشان هذي الللي شوهت سمعتنا ونزلت روسنا لـ الارض هذي اخر دلعك لها والطلعات والعزايم والله يايبه ان ماتكلمت وقالت من هذا ومن وين تعرفه لـ اذبحها وارميها للكلاب ابوالوليد صدمته بجواهر لاكن يعرفها عاقله ولا يطلع منها هالشي نفض كل الافكار اللي تجيه مسك بنته مع يدها ووقفها : قولي لي كل شي ياايبه والله ماحد يقدر يلمس من شعره منك الليث تذكر الجووال والعنوان اللي مكتوب سحب الجوال وطلع بسرعه ابوالوليد وقف يناديه جواهر اغمى عليها ابوها ابتلش يمسك الليث لايتهور ويذبح احد او يشوف بنته رفعها بخفه ونادا الشغاله تجيب عباتها لبسها العبايه وركبها السياره وانطلق فيها للمستشفى وجواله بيده يدق على الليث الليث يشوف رقم ابوه على جواله ولا رد رمى جواله وصل العنوان اللي مكتوب كان حي قديم ومهجور حتى الاضاءه فيها خفيفه مايدري هو أي بيت دق على الرقم جاه صوت رجال ثقيل : الوو الليث بعصبيه : كانك رجال ورني وجهك بسرعه انا عند الباب الرجال بضحة ساخره بعد ماعرف من هو : انا طلبت جواهر تجيني انت ؟ سلامات حبيبي بس جيبها لي وصدقني ما راح انشر لها شي الليث : والله ثم والله اني لـ اجيبك واشرب من دمك يا #### ؟ والصور اللي عندك تجيبها كلها الرجال بصوت ساخر : اقول خل عنك هالكلام يابابا رمى الجوال على خويه اللي توه يصحى من النوم : تفاهم مع ###_وراح للغرفه الثانيه ينام _ولا همه الموضوع خويه اخذ الجوال ورد ولا هو داري عن شي : الووو الليث ثار بكل مافيه : لو انت ابن ابوك أطلع عند الباب خويه : انت هيه وش قلت لك عشان تغلط دقايق طالع لك رمى الجوال على الارض وطلع له فتح الباب وطلع الليث اول ماشافه طلع : أنت سيف سيف ناظره : ايه انا سيف نعم وش تبي ؟ الليث مسككه وضربه ضرب وسيف يرد له الضرب وكل واحد فيهم يطلع كل مافيه الليث بقهروهو يلهث : ايا يالخسيس كيف وصلتك صورها تككلم وكيف عرفتها سيف بضحكة حقيره فهم وش السالفه : وانت وش دخلك كيف وصلتني المهم انها وصلتني وكيف عرفتها أسألها ههههههه الليث رجع يضربه بكل قوهه وسيف بدات قوته تضعف لان بنية جسمه ضعيفه شافهم رجال وجاء يفك بينهم وسحب الليث عنه بقوه : يارجال استهدي بالله والليث يصارخ عليه : اتركني والله لـ اقتله وارميه ل الكلاب الكلب سيف وقف وهو يمسح الدم من عند فمه ومبتسم على جنب : اتركه بشوف وش بيسوي الرجال ماقدر يفك بينهم وسحب جواله واتصل على الشرطه خلال ثواني جاتهم الشرطه مسكو الليث وسيف وسحبوهم لـ الشرطه والرجال طلع منها مثل الشعره من العجين بسبب غباء وسذاجة سيف دخلوهم على الضابط سألهم عن سبب الهوشه الليث ماقدر يتكلم ويكبر الموضوع وتجيهم فضايح فسكت انقلب الموضوع لصالح سيف سيف ناظر الشرطي : لو سمحت أبي اتفاهم معه وان شالله مابيننا خلاف طلع الضابط سيف وهو يمسح دمه : اسمع انت , انا ماعرفك ولا انت تعرفني , ولا ادري عن ايش تتكلم اللي اعرفه ان الموضوع فيه شرف بس بتنازل عنك وانت غلطان الليث ثارت براكينه : ماتعرف الموضوع وانت تتهدد اهلي وتبيها تطلع معك قسم بالله لو مافكوك مني لـ اكون ذابحك وخالص منك سيف ابتسم له : ايه عرفت من تقصد , تصدق انها حلوه موتت مسكه الليث وضربه لين اغمى عليه ودخل الضابط وفكوه من الليث بسرعه اسعفو سيف ودخلو الليث السجن كانت من اصعب يومين مرت على الليث وطلع بعد ماتنازل عنه سيف بعد ماكتبو له خروج وطلع من المستشفى كان ماسك اوديه بيده وراسه مالفوف بشاش سمع صوت انثوي وهي تبكي وصوتها مبحوح من كثر الصياح وتقول لـ اختها "" والله انا مالي ذنب افهموني والله ان مالي ذنب اصلا مادري كيف وصلته صوري كل اللي اعرفه ان كانت تجيني تهديدات على جوالي , تكفين فهمي أبوي ان مالي ذنب ردت اختها : والله ادري انها ماتطلع منك بس كيف بالعقل تروح صورك لناس مانعرفهم والليث والله احس مو ناوي على خير والله انا خايفه عليك منه ولا ابوي مو مصدق عنك بكت اختها وبكت معاها " عرف انها البنت اللي ضررها بيدينه كل الندم تجمع في قلبه على اللي قاله وعلى اللي ساعد خويه عليه صح ماكان هو السبب الرئيسي بس الصديق الفاسد يفسد من حوله شاف ابوها لما جاء لها وواضح عليه الغبن والقهر قرب من الشايب وهو معزم على اللي في باله سيف : السلام عليكم ابوالوليد : وعليكم السلام سيف بخجل : ممكن ياعم تجي معي شوي ابوالوليد ترك البنات وراح معه : امر ياولدي تبي شي _ وهو مستغرب شكله سيف : ابي رقمك ابي اكلمك بموضوع مهم ابوالوليد مستغرب : كيف تبيني بموضوع مهم وانا ما اعرفك ولا عمري شفتك سيف وهو يحك راسه : بتعرفني ياعمي بس مو الحين عطني رقمك عطاه الرقم واستاذن منه وطلع رجع لبناته شاف وحده عندهم وتترجى جواهراستغرب وانصدم من الكلام اللي يسمعه تبكي وهي تتكلم : جواهر والله ان مو قصدي بس خفت يترككني لو شافني واخذت صورك والله هو وعدني يمسحها ماتوقعت يهددك فيها والله اصلا مادري كيف وصل لرقمك تكفين سامحيني جواهر صدمةة عمرها صديقتها المقربه لها : انا تسوين فيني كذا انا تشوهين سمعتي تتأجرين بصوري عشان نفسك انا وش ذنبي وش ذذنننبي وقفت وهي تترجاها عطتها ككف بقوووه صوته يتردد جواهر بغل : هالكف بيذكرك فيني وكل ماحطيتي راسك على المخده بتتذكرينه روحي الله لا يســـــــــامحك الله لا يســــامحك الله لا يســامحك رجع الليث لواقعه شافه جالس ويسولف مع العيال ولاكأنه اذنب ذنب ولا سوا شي شخص فيه نظره واننتبه له رد له بأبتسامه رن جواله وانتبه ل الرقم وطللع من الاستراحه وراح ل سيارته يحس الصوت هذا ممكن ينتشله من كل شي ويطلعه من قهره الليث بفرح عكس ككل اللي بداخله : هلا والله _______________________ ________________ كانت جالسه على سريرها وتبكي مو مصدقه كانت عايشه حياتها طبيعيه الحمدلله على كل حال فتحت جوالها وهي ناويه تكلمه لأول مره تتجراء انها تكلمه صوت فتحت على رقمه واتصلت من ثاني رنه رد عليها دموعها تسابقها وهي تسمع صوته فرحان بأتصالها الليث : هلا والله سمر ودموعها على خدها : ليش ماقلتي من الاول ليش تخبي علي هذا عشاني وثقت فيك الليث وهو ياول يهديها : سمر حبيبي اهدي وش فيك , ايش اللي اخبيه عنك سمروهي تشاهق : ليش ماقلت لي ان حبك لي ماهو الا شفقه على حالي تككلم الليث عصب من كلامها : سممر ايش شفقه , ايش هالكلام وش فيك تكلمي سمر وهي تحاول تهدي نفسها عشان تقدر تتكلم : ليش ماققلت لي عن المرض وخبيت عني الليث هداء لما عرف ان الموضوع بس كذا : سمور ياقلبي وقتها ماقدرنا نقولك خايفين عليك لو صار لك شي فقال خالد لين القى الوقت المناسب سمر : بس مالكم حق تخبون علي مالكم حق الليث يحاول يهديها : سمر اهدي خلينا نتفاهم سمر مسحت دموعها وهي تحاول تهدي نبضات قلبها المتسارعه وهي تسمع صوته الهادي الليث : والله كلنا خفنا عليك اول ماعرفنا , كان كل وقتي افكر فيك اخاف احد يزعلك او يضايقك والله كان ودي اكون حولك واعتني فيك بس ان شالله كل شي قريب بتكونين تحت عيني سمر صار وجهها احمر : مع السلامه الليث عرف انه احرجها : تعالي تعالي وين مع السلامه , ماشبعت من صوتك سمر سكتت الليث : وش هالبخل سمعيني صوتك سمر : ايش اقول الليث بهمس : تدرين وش كثر احبك سمر بهمس : لا الليث ابتسم : طيب قريب بقولك إيش كثر احبك سمر : طيب بسكر الليث ماوده تسكر : بحفظ الله سكرت سمر بدون ماترد ضمت جوالها ومسحت دموعها بعد دقايق اغرقها الشيطان بفرحه صحى ضميرها وبداء يأنبها كيف تكلمينه وأنتي ماتحلينه له كيف هان عليك ابوك وثقته فيك ؟ كيف كيف كيف لاكن لأجابه واضحه قامت تصلي ركعتين تدعي الله يهديها * يمكن تقولون تناقض كيف تكلمه وتحس بتأنيب الضضمير احيانا الانسان يكون مستشعر خطاءه لاكن مسيطرعليه الشيطان ويغوية كثير تسوي اشياء ونندم عليها بس لأن الشيطان قدر علينا بلحظة ضعف . * انتهى البارت اتمنى من كل اللي يقرون بصمت يعلقون ينتقدون اخطائي ويحفزون نجاحي وأبداعي * سبحانك اللهم وبحمدك أشهد ان لا إله الا أنت أستعفرك وأتوب إليك القاكم فالبارت الخامس عشر إلى اللقاء | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
