آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
11-05-16, 03:29 AM
| #11 | |||||||||
| مراقبة عامة ومشرفة منتدى الروايات المنقولة  
|  اقتباس:
هلا وغلا عبوره البارتات الـ 3 السابقه نزلت تقريبا في ثلاث أيام ورى بعض ولما سألت الكاتبه بعد البارت الاول عن مواعيد البارتات كان هذا ردها موعد البارت راح يكون بايام متقاربة كوني بالقرب واللي فهمته من كلام الكاتبه في حوار سابق إنها ماتحب البارتات تكون متباعده شـكــ وبارك الله فيك ـــرا لك ... لك مني أجمل تحية . | |||||||||
|  |
|
11-05-16, 10:46 AM
| #12 | |||||
| نجم روايتي وفراشة الروايات المنقولة 
| اقتباس:
| |||||
|
| |
|
13-05-16, 12:46 AM
| #14 | ||||||||
| مراقبة عامة ومشرفة منتدى الروايات المنقولة
| قطعت وصلهم حبا ووصلت روحي شوقا وما نسيت حبال وصلهم* فلقد مددتها لذاتي جسرا اعلوو به ويعلوو بي وارتقي له وارتقي به فما عاد لماضي ايامهم ذكرا (4) اقفلت هاتفي واندمجت في عملي اوقع على هذه الصفقة واطلب من العمال شحن طلبية لاحد الزبائن اهلكت نفسي بالعمل حتى لا افكر بانه اليوم الاول لمراجعتها من اجل اجراء سابع تجربة طفل انابيب تجريها خلال اكثر من عشرة سنوات كلها نتيجتها فشل بعد اتمام الشهر الرابع وبعدها تبتدأ نوبات الجنون اغلقت عيناي وانا استمع لوقع خطوات اعرفها جيدا قلت وانا مغمض العينين حازم ولا حجاية الله يخليك ترة واصلة وياي للستار اجاب بهدوء تتميز به شخصيته اكلك خالد هو انت صارلك سنين اكو يوم متوصل وياك للستار شكو اليوم هالك نفسك شغل شعندك ترة موزين على صحتك وانت تعرف وضعك تذكرت وضعي الصحي فانا اتعرض لارتفاع مفاجئ لنسبة الدهون الثلاثية بشكل مفاجئ وبدون اي اعرض تذكر فجئة ترتفع ستمائة وفجئة تهبط تسعون والسبب نفسي اعرفه احيانا واتجاهلهة احيانا اخرى اجبته بتعب حازم تعبان والله تعبان وما اعرف المن اسولف والمن احجي واصل وياي الشوق لاقصى حالته ليش واشلون ما اعرف وكملتها المدام بطفل انابيب واعرف النتيجة فاشلة كلي شسوي اجاب يعني شسوي بشنو بالشوق لوبالمدام وحقها نظرت له نظرة هو يعرف معناها وقلت حازم انت تلومني لو تشمت بية اجاب والصدق ينطق من عينيه خالد اني خايف عليك يرادلك تروح لطبيب مختص ترة وضعك ميحتمل واذا صار بيك شي ترة اني بالواجهة وتعرف ابوك ميتفاهم دخيل الله خل نروح لطبيب يفتهم يرتب نسبة الدهون عندك اجبته وانا اضحك اكلك انت خايف عليه لو خايف من ابوي اجاب بحدة لا والله خايف من ابوك وخايف على ابوك انت ابنه الوحيد وبايع روحك من زمان وابوك قلبه عليك متكلي اذا صار بيك شي تتخيل حالة وحالة امك صدك حرام عليك يا اخي اهتم بنفسك لخاطرهم اجبته وانا اشيير الى صدري اني ضيعت نفسي حتى ارضيهم اجابني بحدة انت سويت الحل الي يريحك وما ردت تواجه وتنطيهم الحقيقة فالكذب كان اسهل درب صرخت باعلى صوتي وقلت حازم يكفي يكفي لاتزيد همي هم مترتاحون الى ان اموت كلها تشوفني مذنب اي اذنبت بس اني المحترق بذنبي ارتاحوا اني الي كضيت هاي السنين احترق بذنبي كافي اجابني بهدوء على كيفك متسووو نظرة له بنظرة غضب وقلت خفت علي خفت يصير بي شي لاتخاف واحد مثلي الله مياخذه ياخذ الزين شيسوي بواحد مثلي اخذت هاتفي وتركته خلفي يلفه الصمت كل من رأني قال ابوك امك ابوك امك انت وحيدهم مو ذنبي اني وحيدهم ومو ذنبي زوجتي لديها تشوه بالرحم فهي ابنة اخته وابنة اخيها لم اختراها زوجة لاجلهم صنتها واحببتها وكسرت قلبي ***************★******************* بدأت فكرة الزواج تصيبني بالدوار هوازن تقول بانني اتهرب من الزواج لانني اريد ان اعاقب نفسي على زواجها الفاشل وكيف لا اعاقب نفسي وانا من دمرت ابنة اخي المدللة اخي الذي فتح لي باب بيته بعد ان اغلقت بوجهي كل الابواب فانا الابن الاصغر من زواج غير متكافئ لشيخ كبير وفتاة من الريف شابة مات الشيخ وتزوجت الفتاة وبقيت انا اتنقل بين بيوت الاخوال دون استقرار الا ان طردت والتجأت الى اخوتي الكل طردني ونعتني ونعت والداتي بكل النعوت التي تسمع ولان نستطيع قولها الا هو قال هذا اخي اخذني بكنفه وهو لايزال عريس جديد كنت اخشى ان تطردني زوجته كما حصل في بيوت اخوالي فكانت الام الحنون التي لا اعرف ام سواها رئيته من بعيد يقترب مني يلمع كطير الذهب وما ان اقترب حتى قال صباح الخير عمو اجبته بتهكم وعليكم السلام ورحمة الله وبركاته اجاب باعتذار نسيت هسة شكو بيها كلمة صباح الخير اجبته بجد تسويك مضحك ويكلون عليك بنيه لم ارد ان اقسوو عليه واخبره سوف تنعت بتربية امراة وفي مجتمع معاق تعتبر هذه الجملة مسبة تفتح الم داخل نفس سامعها حتى وان كان يشعر بالفخر بها كم عانيت منها وانا اشعر بالذل منها صبي بالسادسة تركته امه وذهبت تبحث عن غني اخر تبيع له زهرة شباببها لينعم من حولها ولا ادري اكان برضاها ام رغما عنها نظرت الى دانيال ياالاهي لما هذا الشبه الكبير لماذا لم ياخذ من ملامح امه او خاله او جده او جدته ما اخترت له غير ملامح خائن مثلما اخترت لي ملامح ام تجرعت الم ملامحهها صغيرا واخفيتها بلحية كثيفة كبيرا سبحانك لا اعتراض على حكمك قلت بنبرة تودد اخفي فيها ذلك الحقد الذي بدأ يتسرب الى داخلي دانيال اشلونك بالمدرسة اجاب بهدوء زين الحمد لله بس العربي مسببلي ازمة نفسية انه يشبه بكل شيئ فوالده الخائن كان يمقت قواعد اللغة العربية وهي التي اطاحت بمعدله ولم يستطع دخول كلية الطب وكان لقائي معه زميلا فصديقا ف اخا ما نسيت له معروفه معي حتى اتتني خيانته فجر يوم لن ولم انسى تفاصيله باغتني صوت توقف سيارة وترجل رجلين امقت الاول واحتقر الثاني جلسوو دون سلام فالمكان امام معمل الحدادة توجد فيه العديد من المقاعد لاستيقبال الاصدقاء او الزبائن لم ابالي بقدومهم فهم عادتا يثرثرون ويتوعدون ثم يرحلون عادة لم يتركوه منذ وفاة ابو مؤيد قبل عشرون سنة قال لاكبر اريد شبابيك مربعات حديد زين وموديل حلوو وباب خارجية اريد واحد من العمال يطلع وياي اجبته وانا احرك حبات السبحة وبكل برود منشتغل شبابيك وابواب اجابت باستهزاء لعد شسون تحوكون بسط تعتبر هذه الجملة شبه مسبة بالعراق وهذه مهنة اخوالي قبل ان يستفادوا من زواجات بناتهم اجبته بثقة خوش فكرة كار (عمل)الخوال نعيد امجاده تدخل الاصغر مهند بالمختصر بانين بيت جديد ونريد باب خارجية وشبابيك اجبته وبالمختصر ما اشتغل الكم روحوا شوفوا معمل غير معملي تكلم الاكبر بحده معملك يا ابن *** يا حرامي معملك هذا معمل ابو مؤيد الي ضحكت على اهلة وسرقته اجبتهم بكل برود ترة متفرق هو مسروق مسروق يعني انتو تسرقون حلال اني اسرق حرام وكلنا اخوته اجاب بكل حدة الاصغر تخسى تكون اخونة اجبته وبكل ثقة غصبن عليكم ويلة الي ماعنده شغل يشوفلة شغلة ويروح وراها كان جوابهم رمي المقاعد بحدة وتحريك السيارة باقصى سرعة وقبلها قالوا راح تندم يا ابن **** لايهم فانا لم اندم يوما عندما اصبحت حامي هذه العائلة مثلما حماني والدهم كان لابو الخائن دور في منحي الثقة على مواجهتهم فلن انسى جميله عندما رتب اوراق املاك اخي بحنكة محامي بارع ولم يستطع احد التلاعب بها فلقد عزل املاك اخي عن املاك باقي اخوته رغم الخسائر المادية في حيناها الا انه اقنعني بذلك افضل من ان خسارة كل الاملاك فالاخوة متربصون وذممهم غير نظيفة وازدهرت الاملاك وتغير الوضع وباتوا اخوته نادمون بعد اصبح معمل حدادة السعد اشهر معمل في المنطقة بدأناها ورشة واصبح معمل قلت لدانيال لا ادكول (لاتقول) لامك وبيبيتك بالي صار اجاب بهدوء عمو ذولة مبستحون هشكل يحجون اجبته بهدوء عمو الضعيف يستخدم هاي الكلمات لان يعرف محد يكدر يرد عليه بمثلها لان مو كل واحد ينزل لهيج مستوى ويستخدم هاي الكلمات اجاب بنخوة طفولية عمو انت مو حرامي انت ابونة كلنا بس اكبر راح اصير محامي وارفع عليه قضية واذبهم بالسجن ضحكت من اعماق قلبي ونسيت كل الموقف لكلمات هذا الصبي العفوية التي تكشف عن جينات قوية اجبته بتشجيع وراح تكون احسن محامي هاي وراثة بالعائلة فرحت عيون الصبي وقال بابا كان محامي اجبته وانا انظر للساعة دانيال ساعة احدى عشرة ونصف يلة روح حضر نفسك للمدرسة اطاعني الصبي وذهب يريد ان يعرف هل والده محامي و والده مهندس ميكانيكي وجده اشهر محامي في اقصى الجنوب اخفي عليه ذكر اول حفيد له ***************★******************* دخلت المنزل الذي اقتطع من مساحة منزلنا الاصلية ليسكن فيها عمي دخلت المنزل الذي شهدت جدارنه حبي وقوتي وبعض ضعفي ارى عيون الجدران تنظر لي بشفقة وبفخر كلما دخلت المنزل مضطرة تخاطبني الجدران هل تذكرين كان يجلس بقرب ذاك الجدار على اريكة حمراء شهدت احلى لحظات حبنا عندما اخبر محدثه بهاتفه الذي كان مصدر فخرا لي فزوجي الوسيم يمتلك هاتف نقال لا يمتلكه اغنى شاب في منطقتي هل تذكرين ايتها الجدران كيف غرس سكينه في صدري حين قال لمحدثه اطلقها وين المشكلة لا ادري مكان جواب محدثه ولكن اجابته هو محفور في صدري حين قال عادي لا اني اخر واحد يسويها ولا اول واحد اني حصلت موافقة ابوي وراح اهاجر العراق كله مو بعيني باع العراق وباعني بحثا عن مؤاى خارج العراق اذن سوف يهاجر بحثا عن حياة جديدة ويتركني فريسة مجتمع ينهش سمعتي لقد كنتي شجاعة ولم يلحظ حتى اخر لحظة انني اعرف بمخططه اخفيت حملي حتى يكون هروبه اسهل وحتى لا تسود صورته اكثر وانا ارى اصرارره على نبذي وهو يعرف حملي ياجدران كافكي سردا لذكريات قوتي والمي فكلاهما نصلا غرس في اعماق قلبي صرير مفصل الباب يا الاهي حتى انت توقضني حتى انت تدق اجراس الذاكرة في اعماقي عندما بقيت ساهرة اترقب موعد مغادرته وعندما سمعت صريرك نهضت مسرعة الحق به قبل ان يخمدك الى الابد ويختفي حين تختفي رأني قبل ان يخمدك تقدمت نحوه وربطت ذراعي على عنقه رغبة في ضمه لاخذ زادا منه لسنين لن يكون فيها بقربي ولاخنقه على غدره وهجره ولاترك بذاكرته يوم لن ينساه مادام حيا نثرت قبلاتي على كل مساحة وجهه وحينما مد يده لوجهي تناولت كفه وقبلت كل مفصل فيها اجابني مزاحا هل سوف اموت اجبته صادقتا اسم الله عليك عمرك طويل وما اريد تنساني اجاب بجد شبيج اليوم اجبته بحب انت هسة راح تطلع حتى ترجع لازم اترك عندك ذكرى حلووة ترجع بيها الي شفتني يوم طلعتك من البيت زعلان اجاب بهدوء لا اجبته زين تعرف ليش وضع يده على انفي وقال ليش بالله اجبته بحالمية حتى تبقى تذكر بس الشي الحلو قبل لاتطلع حتى يبقى اخر شي شفته مني ذكرى حلوة لم انتهي من كلامي لانه دفنني في اعماق صدره دفعته برقة وقلت تاخرت اجابني بعيون تلأ لأ الدمع فيها اسف قبلته على جبينه ولم اتكلم ابدا وتركته يذهب دون ان اخبره انني اعرف انه كان ينوي الرحيل الى الابد وانقطع صرير الباب ومعه خارت قوتي بقيت ثلاث ايام لم اغادر المنزل بكيت وبكيت وبكيت حتى لا ابكي امام اهلي لازم عجبج الديكور الجديد للبيت كونوا بالقرب لن يطول فراقنا باذن الله | ||||||||
|
| |
|
13-05-16, 01:57 AM
| #15 | ||||
| نجم روايتي وفراشة الروايات المنقولة
| يالله يا هوازن على هل القدره الي استحملتي فيها عارفه انه حيهجرك ويطلقك واصريتي تودعيه بحبك واحسن انك اخفيتي حملك عنه واخفيتي دانيال لانه اهله ممكن ياخذوه منك وواضح ان من محبتك لهل الخاين حبيتي يظل ذكرى منك لانك انسانه مخلصه ومحبه \\\\مهند افهمنا تقريبا قصته هو الاخ من ام صبيه ماديه رمته لتعيش حياتها فلفظه الجميع من اخوال لاعمام لاخوان الا ابو مؤيد وزوجته الحنونه التي كانت ام لك وانت كنت الولد الذي صان ورث اخوك وكبره وبالرغم من انك سبب معرفه هوازن بزوجها ولكن لاتلام على خيانته فانت لست علام بالنفوس ودواخلها \\\\خالد لمن الشوق هل لحب قديم ام هومتزوج بالسر ويخدع الجميع لان اليوم توضح ان زواجه كان ارضاء لاهله وحازم يعرف سره ومايخبئ عن الجميع هل ياترى له ابناء البارت والروايه جدا حلوين شكرا فيتامين على تنزيل البارت دائما مابتقصري مع القراء | ||||
|
| |
|
14-05-16, 10:33 AM
| #16 | |||||||
| مشرفة وكاتبة في قسم قصص من وحي الأعضاء ومراسلة خاصة بأدب وأدباء في المنتدى الأدبي  
| بداية مشوقه انا سبق وقرأت للكاتبه رواية استيقضت من اجلهم ان شاء الله احاول اتابعها بالتوفيق | |||||||
|
| |
|
16-05-16, 06:21 PM
| #17 | ||||||||
| مراقبة عامة ومشرفة منتدى الروايات المنقولة
| تخلص من الهشاشة هل تعرفون ان افضل علاج لهشاشة العظام الحركة معلومة طبية رائعة ممكن ان تفسر ان الحركة بركة ومن هشاشة العظام نتحول الى العلاقات الهشة التي تصيب كلمة صداقة وقرابة وصلة رحم* بداء اشبه بداء الهشاشة اذ لم تتحرك نخرت كل العلاقات في اعماق قلوبنا وجعلت منها* معنى مشوه يصعب تحديد هوية له السؤال كيف اعرفهم للاسف الشديد واضحون* ولكننا نزين لهم اعمالهم لرغبة منا بعدم خسارتهم صديق اتخذ من ذمك اسلوب لنصحك مهما تغيرت المفاهيم النصح لا يعني الذم قريب يرى صفة فيك عيب ونفس الصفة في غيرك ميزة هل فكرت يوما لما لاتفكر كثيرا العلاقات الهشة بحركتك تتساقط فقط انظر نظرة تفائل نحو نفسك بعيدا عن اقاويل العلاقات الهشة انت فقط من تقيم ذاتك لا نظرة هشة من علاقة هشة (5) لازم عجبج الديكور الجديد للبيت يعرف جيدا انني لم انتبه لتفاصيل الاثاث ويعرف جيدا ان جدران المنزل تحاصرني بذكرياتها اجبته بهدوء تعرف اني شبية اجاب بكل حدة انت عاجبج دور الضحية عيشي حياتج اجبته بكل ود عمو الله يخليك شبية اني يعني الحياة متكدر(لاتقدر) المراة تعيش بيها الا وياها رجال اجاب بكل جدية بمجتمعنا وبوضعج اي متكدر ثم اكمل قائلا تردين اجاملج واكلج المرأة الشجاعة تكدر ومن هاي سوالفجن النسوان لا يابة مرية مطلقة وعدها ولد تزوج وتخرس حجي الناس اجبتها بمرح وجهة نظر نحترمه مهند بيك اجابني بمحبة هوازن والله العظيم من اشوفج اكول هيج الله يعثرني يوم بالنذل لا والله العظيم اكسر عظامه واخذ حقي وحقج ثم اكمل بكل حقد كل من وراج ومن الايمانات الي حطتيها عليه حتى اكون بارد وياه واني اغلي اجبته بلوم عمو مراح نخلص هسة احنة شنو يربطنة بيه اجابني بكل حقد ابنج شايفة شكد يشبهة اي واحد يعرفه ويشوف دانيال يعرف ابنه اجبته بهدوء عمو ابنه تريد يشبه منو رئيت صدمة في عينه وكانه للتو اكتشف الحقيقة واجاب صح ابنه يشبه منو يعني يشبه ابو الي وقع على ورقة تمنع دانيال يورثه ثم قال بتهكم الحمد لله ورث منه ملامحه حتى لا يطلع بلوشي من الورث قلت بجدية بس هذا كان مطلبي اجابني بحدة مو انتي مخبلة عبالج واحد مثله تاذي بهيج تصرفات حاولت مقاطعته ولكنه اشار لي بيده بمعنى اسكتي واكمل انتي اصلا انطيتي هدية على صحن ذهب بشروطج الي صرت حمار و وافقتج عليه والله شنو لا اريد دانيال يورثك ولانت تورثه بطرانة رجال يريد يتنصل من كل شي وانت سهلتي عليه كلشي اجبته بضجر وبعدين عمو مراح نخلص اجاب بحدة من تزوجين تخلصين اجبتها بكل جدية والله العظيم ما اكول لاي شخص مهما كان زوجتك نفسي اكتفيت اجابني باستفزاز تخيلي يجي يوم ياخذ دانيال ويشوفج ممزوجة صفق بيديه وقال مشهد شماته رائع هذه الغبية كانت عايشة على حبي ثم قال وهو ينظر نظرة تحدي ترة مشهد خرافي اجبته بتهكم قصدك سينمائي ترة بعصر الانترنيت ماكو شي مستحيل واحد مثله ابن عائلة وابو محامي مشهور مو صعب اجيب عنوانه واخلي دانيال ورقة للتواصل اذا اني بعدني احبه نظر لي نظرة غضب وقال جربي وشوفي اجبته بمرح عمر انت تريد تلبسني الغلط حتى ازوجني ارتاح عمو زواج ما ازوج والماضي ما اكلك (اقول لك) نسيته تماما بس مصار مشكلة بالنسبة الي وانت ازوج الله يخليك اني على الاقل عندي ولد بس انت موقف حياتك ليش نريد نفرح بيك اجاب وهو يبعد بصره عني روحي زوجي اخوج اجبته بهدوء تعرف قصته يحب بنت عميه وهي تحبه وتعرف اخوك اجابني بجدية ماعندي اخو بس ابوج اخوج ميفتهم يعرف الوضع هسة لو تنقلب الدنيا مينطوها اصلا فرصة واجتهم ينتقمون واخوج الثول بالحبيات مالته سهلها عليهم يشوفوا متعلق بيها ويشمتون بي هو هم كمل شماتتهم شرد يكمل ماجستير باكرونيا وكاضيها مراسلات وهي كاضيتها تحارب ابوها وعماممها كل يوم يردون يزوجوها اجبته بهدوء عجز منهم اجاب بكل جدية يعوف البنية لنصيبها مو يعلقها هشكل باقي سنة وتتخرج اجبته بكل هدوء عوفنة من مؤيد انت هسة اشلون اجابني ببرود اكلج البنية ثالث مدري رابع كلية ترة اني دخلت الاربعين شعبالكم ماكو مثلي والبنية توافق اجبته بجدية محد يجبرها اني اعرفها الك قبل لا نتقدم اذا البنت عدها استعداد تقبل بواحد شايب مثلك رماني بالوسادة التي بقربه وقال انت عجوز اجبته بمرح عجوز يعني عيب ازوجني اجاب باستهزاء هو لو محد يخطبج انطمي بمكانج بس الزلم عمت عيونها وما شافت غيرج ضحكت من اعماق قلبي وقلت له مسويتللك دولمة مخصوص واجيت على نفسي وخليت كشمش اجابني بمرح غصبن عليج ترضيني مو تصيرين عصبية وادكومين امسك اذني وقال عيديها مرة ثانية اجبته بخوف مصطنع توبة وانتهى الزعل سريعا مثلما ابتدأ سريعا عمي اخي الثاني وسندي وفرحة منزلنا ******************************* عند نهاية الدوام اكون منهكة كثيرا خاصة في يوم العملي اشعر وكان ظهري ياكد يصرخ من الالم ذهبت الى حيث نتجمع لكي تقلنا السيارة فوالدي مشغول ولن يرجعني القيت السلام وردت خلود وعليكم السلام ثم قالت اشلونها النفسية اجبت نص نص اجابت خلود بلوم ياسمين ترة اكو سوالف ترهم لزهرة بس انت لطيفة مو مال هاي السوالف اجبتها بهدوء ليش هي يرهم الها تقلل من شأن الناس واهلهم لان امها من بيت الجاسم وابوها من عشيرة معروفة مو اجابت بلوم شو انتي زايدة عندج الحساسية من شوكت تهتمين لهاي السوالف اخذت نفس عميق وقلت من صارت زهرة ثالثتنة ترة هواي تضغط عليه هواي وحتى امها مترحم امي بكل مكان ولو نحجي لبابا يعرف اشلون يكوفها عند حدها بس احنه ناس تستحي وهي وامها ناس متستحي تتخيلين امها ادكل لامي بمناسبة عامة تدرين مشتهية كبة من ايدج شهقت خلود واكملت بس ماما متستحي من شغلها قبل تعتبره فخر الها ادكول هواي بنات باعن شرفهن حتى ياكلن خبز واني اشتغلت بتعب ايدي وظليت شريفة تعرفين ماما اشلون ردت عليها اجابت خلود بذهول شردت عليها صدك متستحي اجبت كلتلها تدلل ام عادل باجر الكبة من الصبح يمج ودزتلها صينية كبة ثاني يوم بعد لحظات صمت قلت انت شايفة هيج بشر اجابت خلود باعتذار ياسمين تعرفين اني مجبورة على العلاقة بيها خوالها عدهم شغل وي عمامي وبس اثقل عليها بابا يقلب الدنيا عليه كليلي شسوي اجبتها بمحبة خلود معليج اتعلمت اشلون ارد عليها بس مرات اتزودها وما اتحمل ترة مو عجزانة اخليها تدفن راسها بالتراب ترة ابوها ابن العشاير فصلوا من الجيش العراقي قبل السقوط لان كان مرتشي ويسرق من حوانيت الجيش اجابت خلود اي اعرف بابا سولف بس شنسوي خطية واحد يجرحها بالضبط خطية واحد يجرحها صح بابا ميعرف اليا عشيرة ينتمي بس هو مو ابن حرام ابو وامه ناس عاشوا شرفاء وماتوا شرفاء وهو سو نفسه بنفسه ما مد ايده للحرام اجابت بهدوء بابا هواي يمدح بي رغم حساسية الموقف وانت تعرفين اجبت بصدق عمامج ماخذين عليه موقف لان وقف وي اهل عمج مؤيد وساند عمج مهند بس خلود انت تعرفين بابا علاقته بابو مؤيد اشلون تدرين بابا دائما يذكره ويقرالة الفاتحة هو وجدك يكول اعتبروني واحد منهم يكول جدك كان مثل ميشغل مؤيد يشغلني ما يوم اعتبروني عامل عدهم اجابت بحزن الله يرحم عمو سعد من مات اتغيرت العلاقات كلها اجبتها بهدوء اخبار مؤيد اجابت بحزن راح يكمل ماجستير على امل يتغير الوضع اجبتها بود خلي عينج بعين الله وهو يفرجها ثم قلت يلة كومي اجه الخط اليوم الاميرة ياسمين تنور دربك حاولت ضربي بحقيبتها ولكني هربت قبل ان تصيبني الحياة مليئة بالمحبة مع صديقة مثل خلود ******************************* وانتهت العشرة ايام سريعا وها انا ارتب حقيبة سفره والاولاد يفترشون الارض بكتبهم واقلامهم يدرسون ويجتهدون الله انعم عليه باولاد يدرسون دون ان اقول لهم متفوقون دون ان تعب في متابعتهم فهم حريصون بالفطرة احمد لله دائما واقول ما ضاع صبرك ياصبر دخل الى الغرفة القيت عليه نظرة خاطفة وانا مندمجة في ترتيب ملابسه ولكن اذني تتابع خطواته وهمساته اقترب من الاولاد وهذه حالة تحصل كل اربع او خمسة شهور وقد تطول الى السنة قال لهم بصوت خافت شدسون اجابوا سويا عدنة امتحان فيزيا وكلشش صعبة اجاب باستغراب اول متوسط بيها فيزيا اجوبوا بفرحة من اقبل عليه العيد اي بابا ليش انتو ماعدكم فيزيا قبل اجاب وهو يبتسم دعوني اعلن استغرابي انه يبتسم قائلا لا ماعدنة تبدي الفيزيا ثاني متوسط وابوكم شرد منها بالاعداية وحول ادبي اجابه احمد بابا سهلة كفخه محمد لا بابا خل يولي صدك صعب اخذه الصمت والاولاد ينظرون له ويقولون بابا دون استجابة قلت لهم بحزم كافي بابا وراه سفر سطرتوا دماغه يلة نزلووا يم بيبي اقروا خل يكمل ابوكم تغيرملابسه وكل هذا وهو ينظر الى ركن الغرفة بعد ان لملمو كتبهم غادوا المكان وبقيت مع صخرتي قلت كاظم حضرت جنطتك تبدل واشرت حيث وضعت ملابسه المرتبة المعطرة نهض نحو المكان واخذ الملابس ودخل الى الحمام واغلق الباب فوق العشر سنوات زواج وهو يرتدي ملا بسه في الحمام ويقولون اصبري ياصبر الله يخاذه اصبر على فراقه ميتا ارحم من صبري على قربه حيا انتظرته حتى يخرج لكي املأ ذاكرته بكل ما يحمل صدري من غل لتصرفاته في عشرة ايام الصمت التي تجرعتها سما خرج وهو بابهى حل تتلأ النجمتان على كتفه وبلحية مشذبة سوادها يزيد تلأ لأ وجهه وسيم احسد على وسامته في هذه اللحظة نسيت ما اقول وفي كل لحظة مشابهة لها انسى ما انوي قوله ولكني اعرف ما ااريد فعله اريد ان ارتمي على صدره واقبل وجنتيه واقترب من شفتيه واشعر بملمس ذقنه صحوت من هيامي به على يديه وهي تبعدني هل اقتربت دون وعي مني هل قذفني الشوق دون ادري او اشعر يالة ذلي وعاري وهو يرمقني بنظراته الباردة وهو يقول صبر لا تحاولين مرتين كانوا فوق طاقتي تردين تطلكين وتشوفين دربج يابنت الناس ماعندي مانع تردين بهذا الوضع مراح اقصر وياج فلوس ملبس ماكل غير شي قال بكل عصبية ما اكدر افتهمي ما اكدر اجبته بحقد ليش شبيك مو رجال اجاب بكل برود وهو يعيد ترتيب ازرار بدلته لا مو رجال ارتاحيتي اجبته باستهزاء ليش الي تزوج مو رجال اشلون ترتاح اجاب بكل برود تطلك وتزوج رجال يريحها قلت بتهكم هي فرصة الطلاق اجتي مرة وحدة والكل كان وياي وصرت انت قيس المتيم وصدكتك العوبة اني ورجعت لضيمي بيدي وكملت مصيبتي من ذليت نفسي وخلفت التوم اجاب وهو يحمل حقيبته انتي سعيتي للخلفة كان ظليتي حرة نفسج اجبته بكل حقد اعذرني عبالي مزوجة رجال يقدر بنات الناس اجاب ببرود فكري بموضوع الطلاق ترة اريح الج والي بدل هاي سوالف بنات الليل والشهوة المرتفعة عندج بعدج صغيرة تزوجين وتنسين ايامي وغادر المكان هل كنت انوي ان ازرع ذكريات مؤلمة في مخيلته ها هو زرع حقولا من الاشواك في مخيلتي تبا لوقاحته ولدنائة افكاره هل انا زوجته ام امرأة رمت نفسها بالحرام عليه حرمني الله منك ياكاظم بالقريب العاجل ******************************* في كل مرة اتواصل بها مع ابنتي كتابيا ادعوا من كل قلبي لمن اخترع هذه الوسيلة بالتواصل فهي تزيل الحرج عن مواضيع ربما تخجل الام والبنت من طرحها بشكل مباشر كتبت ماما اعرف انت ماخذة مني موقف بس اني مو هديل قبل هواي اتغيرت كتبت اعرف بس اني جواي شك من اشوف الموبايل ميفارق ايدج لو فجئة تختفين كتبت كل البنات هشكل ماكو بيت ادخليللة متلكين البنات لازمات الموبايل تعالي شوفي بالقسم الداخلي كلها لازم موبايلاتها ومنزويات بركن وحدهن كتبت انت تعرفين السبب تعبتيني ما عرفتي يوم تصرفين ما صدكت كلتفترة مراهقة وعدت حتى تجيني بسالفة جديدة تعتبرين هين علي اكتشف بنتي تخابر ولد كتبت راح تظلين على هاي السالفة والله اتندمت والله بعد ما اسويها ليش لوين تظلين تلومين بية كتبت من اشوفج البنية الي انتي تردين تكونيها ما اريد اشكلج بشكل ما اريد اريد انت ترضين على نفسج كتبت ان شاء الله ثم كتبت هسة شكل للولد يكول اريد اتقدملج كتبت واحد بعده صف ثالث كلية وماعنده شغل يتقدملج شنو يحجزج ابن عمج خالج حتى يحجزج كتبت شكله كتبت كليلة ما افكر بالزواج الا بعد ما اوصل صف رابع كلية وبدون متنطي امل ينتظرج اجه واحد احسن منه ليش تربطين نفسج كتبت خوش اروح اقرة عندي امتحان عضوية كتبت الله يوفقج ويستر عليج اتعبتني كثيرا ابنتي الكبرى منذ سنين المراهقة الاولى بان حسنها وتخطفتها الابصار وشلة من الصديقات لا اعرف هن من اخترنها ام هي من رئت تقارب في الافكار فختارتهن شكلن شلة تقيم العلاقات مع الشباب عبر شبكة الانترنيت والهاتف الجوال جن جنوني وحطمت وكسرت ولعدة سنوات قمت بمحاربتها واشركت اختي بمشكلتي وزدت الموضوع سوءا حتى بعد ان صححت طريق ابنتي ما اختفت نظرات الشك من عيني اختي كنت في محنة واحتجت لمساندة اعرف ان مافعلته سوء تصرف مني كان يجب ان يبقى الموضوع داخل منزلي فلرب يغفر والعبد لن يغفر وبعد ان استعدت حب ابنتي عرفت اي ذنب اقترفت كل فتاة تمتلك احاسيس ومشاعر يجب ان نحتويها وان اخطئت في توجيه هذه المشاعر علينا احتواء خطئها ونعفوا ونوجه بيننا وبينها ارتديت ملابسي وضعت اخر لمسات المكياج توجهت الى عقد قران احد اولاد ابنة عمي قللت من حظور المناسبات ولكنها لم تدع لي عذر الا وبددته فاضطررت ان اقبل دعوتها وسوف اراهم هناك لاباس لقد اعتدت رؤيتهم بين فترة واخرى ركبت السيارة واتاني صوته ادري سنة اجبته بود رايحة عقد غير اضبط الكشخة اجاب بهدوء اي لبختي زين ضحكت على تعليقه ليش احسك تغار اجاب بتهكم شكو اغار خشيتي بالعمرين اجبته بفخر الي يشوفني يكول بنتك خليها مستورة من يراقبنة ونحن نتحدث يظن ان العلاقة غير مستقرة ولكن بالعشرة ادركت ان اسلوبه هكذا يحب استفزازي بمحبة وكما نقول بالهجة العراقية هواي يحب يداهر اوصلني وغادر المكان فهو لا يحب التواصل مع اقاربي هو له عالمه وعلاقاته ولا يروق له جمعة اقاربي هذا الوضع منذ سنوات ولم يعد يشكل ازمة كما كان في اول زواجي فحين ادركت بان بيتي اولا وسعادتي فيه اولا صغرت كل الاشياء التي كنت اظنها كبيرة دخلت بكل ثقة تسبقني رائحة عطري المميز القيت السلام بصورة عامة وبعدها بدأت بتخصيص السلام لمن اعرف ام العريس واختها وبعض بنات عمي ومن ثم اختي ونسوان اخوتي كان السلام بارد فهو واجب اجتماعي فقط جلست ولم احتج لجلسة تعريف فانا اعرف ام العروس واقاربها بدأت الاحاديث تتشعب،خاصة في الدائرة الصغيرة التي اجلس بها والكعادة الرشاقة واخر الوصفات تحتل المركز الاول والغريب رغم تباعد المناسبات ولكن الموضوع المشترك في كل مناسبة هو نفس الموضوع الرشاقة ولم اجد من المتناقشات من تملك جسد عارضات الازياء او انقصت وزنها عن المناسبة السابقة وكالعادة وجهوا لي السؤال ومن من من زوجة اخي الرشيقة انا املك كرش اكبر من كرشها ولكن كلانا له كرش قالت زين حصلتي لبس اجبتها بثقة ليش اكو ملابس اني ما احير بالملابس كل شي اكو على كدي اجابت مو اني علاء يكول كرشج كبران وضجت لتجيبها الاخر اني رجلي يقلد على الخلفية لتجيب الاخرى اني رجلي كل يوم يلزم الساعة بيده ويخليني العب ساعة رياضة حتى لا اسمن ساد الصمت ينتظرون جابوا اجبتهم بصدق تدرون شكتشفت اجبن شنو اجبتهن بكل امانة اكتشفت رجلي شكد يحبني من زاد وزني الى هذا اليوم محسسني بشي عبالك متغيرت مصار عدنة تغير بالمعاملة نهائي ثم قلت الحمد لله الله يعرفني قلبي طيب انطاني رجال يشوفني حلوة بكل حالتي اجابت احدى المتابعات لحديثنا عيوني ام هديل فدوة لهاي الخدود هو هذا الوجه الحلو والضحكة الحلوة هم ينعاف صح انتي سمينة بس حتى سمنتج مرتب وحلو ضحكت من اعماق قلبي وقلت بمرح يمعودة وزني فوك المية اجابت بكل جدية بس والله مشيتج وحركتج وخفتج ملابسج واهتماممج بنفسج مييبين هذا الوزن مبين هواي اقل اكددوا بعض النسوو الواتي اعرفهن كلامها واشتعل وجه زوجة اخي باللون الاحمر دليل غيضها اردة احراجي فهيئ لها الله ما يحرجها هذه هي وهذه حركتها وانا التي انغص عليها حياتها انا واثقة انا لن تنام ليللها وستختلق قصة وتحشوا بها راس اخي وجمل ما في الموضوع انني خارج الموضوع ولن يصلني الكلام الذي سيعربد به فارسها الهمام اشلونها هديل هذا كان سؤال اختي اجبتها بهدوء الحمد لله بخير من الله اجابت بهدوء الحمد لله ثم قالت ليش فشلت همسة نظرت لها بكل غضب اصور اني واضحة كلت من اشوفها لا اريد اسلم عليها ولا اريدها تسلم عليه فخل تحترم نفسها اجابت كلشي الايام تنهي وانت الايام تزيده اجبتها بكل هدوء اني واضحة مكتلكم اني بالايام ارجع العوبة الي كلكم تشوفوها عصبية وتاخذ موقف وترجع الكم اجابت حشاج بس انتي حتى الي يتواصلون وياج كطعتي وياهم اجبتها بهدوء الي زعل مني علمود ما اجيت بمناسبة ترة احنة اخوة مو غربة ومن فكرت شفت منفرق عن الغربة اذا مو الغريب احسن على اقل الغريب من اقطع الهديا وياه يبقى الود والسلام بينة بس الاخوان لو هدايا ومناسبات لو ما اشوف وقبل ان تجيب وبصراحة خفتا وراحة اجابت بلوم ليش تعتبين قاطعتها بجد ما اعتب ثم اكملت اني اعتب على الي بعد عدهم محبة بقلبي ما اعتب على ناس ما احمللهم شعور انتي سألتي اجابت بلوم هذا وضع مريح اجبتها بصدق جدا جدا وقالت بهدوء وامي اجبتها بثقة اني وامي نتفاهموما اريد افتح ملفات قديمة مرحلة وانتهت ثم نهضت وقلت اتاخر الوقت اروح اسلم هسة اكيد ابو هديل منتظرني قالت سلميلي عليه وعلى الاولاد قلت بهدوء الله يسلمج علاقتي بامي موضوع النقاش علاقة اتمنى ان اجد حبلها السري لعلي اريح ضميري من نوبات التانيب ****************************** اتحرك بخفة بين حوض غسل الصحون والطباخ واثرثر مع زوجة اخي واتودد لها لاحساس داخلي يقول ستحتاجين لها ان طلق كاظم لابد ان اجد بيت يؤيني وبالتاكيد سيكون بيت اخي الاكبر للقرابة التي تربطنا بزوجته اكلج وداد هاي ليش السنك(حوض جلي الصحون) هشكل ناصي(منخفض) عدكم اجابت غير اخوج الله يسلمه سوا هشكل يكول حتى البنات يتعودن يساعدنج ضحكت على افكار اخي وقلت زين البنات ميكبرن اجابت بمرح مو اكله يكول من يكبرن يطلع موديل جديد ونبدل اجبت بفخر حلوة افكار اخوي متجددة اجابت بهدوء بس متعبة تخيلي كل ست اشهر عندج عمالة التجديد حلوة بس اخوج عنده ادمان اخاف يوم يكعد الصبح يكلي اريد ابدلج ضحكت من اعمق قلبي وبين ضحكاتي قلت لا ميسويها حب حياته هزت يدها دلالة على ضجرها وتعبها ثم قالت تدرين منو اشتغل الكاونتر اجبت بساستفسار منو اجابت وعيونها ترمش بحالمية سلام ابن ام سلام ابن العم عنترة الهمام اجبتها وداخلي ذكرى غابرة حيل بعده على سطح الارض اجابت بمرح هو على سطح الارض وما مستقر يروح للفضاء يطخ بالنجومل بابتسامة قلت بعده يشرب اجابت بهدوء كلشي بحياته مبالغ يشرب بافراط ويشتغل بافراط ويزوج بافراط ويحبج بافراط اخذت اه عميقة وقلت يحبني ياريت اصر على زواجه مني وكال بنت عمي الله يرحم الاموات كان هسة وضعي غير شكل ثم قلت بحسرة عمري كله كضيته جبانة ما اواجه ليشش ما اعرف شنو اخسر لو اواجه يمكن لو اواجه ما اوكع بهاي المشاكل كلها كان وصلت لحل اجابت بلوم اذكري الله شبيج عبالي من اذكره كدامج اضحكين على حبه الج ازوج اربع وطلك ثلاث ومجموع زواجاته سبع وبعده يهذي باسمج اجبتها بتهكم واني ازوجت واحد وخلفت اثنين ونسيت حتى روحي يا حب يا بطيخ يمعودة نتتظر الخاتمة اجبت بلوم هاي شبيج هسة اني اكلج روحي خابري ترة سوالف اجبت بهدوء اعرف شتقصدين بس غصبن علي اخذني خيالي لو مزوجته بعيوبه مو ارحم كنت مراهقة وخطبني وظلت امي تتحجج عليه كل يوم تريد شكل متمسكة بية لان اني الوحيدة الي شايلة البيت اجابت بهدوء الله يرحم عمتي ما اعرف ليش وكفت بقسمتج لسلام وسعت بقسمتج لكاظم اجبتها بحسرة كاظم صايم مصلي وذاك يشرب واكيد ترتفع كفة المتدين والحمد لله على كل،حال اجابت هسة اشلونه اجبت بلامبلاة طلع من البيت وكال فكري بالطلاق شهقت زوجة اخي بقوة يا وشراح اتسوي شسوي اطلك واتحمل الحجي وكل واحد يلوم بي ليش قبلت ارجعله من رادوا يطلكوني اتحمل كل الملامة هو اني اشكال اتحملت بقت على الملامة اجابت بمواساة الله يساعدج على الحجي اولهمم رجلي راح يرعد عليج اجبتها بكل هدوء خل يرعد حقه شيحجي استاهل وساد الصمت هي بالتاكيد تفكر بحياتها الخاصة التي سوف يربكها حظوري وانا افكر بطريقة تنقذني من الطلاق وادعوا الله ان يختار لي ماهو افضل ****************************** يتناثر البياض من حولي باردا جدا ولكنه لا يطفى لهيب شوقي لارض العراق ما اخترت البعد ولم اهرب ولكنها سنوات من عمري تضيع ارتأيت ان اقضيها اطلب العلم في الغربة على ان اقضيها وسط اهلي والحاحهم علي بان اكمل نصف ديني يصبرني على فراقهم شهادة سوف ارفع رأسهم بها ووسائل التواصل الذي سهلت علي رؤية ملامحهم اما هي تلك الشقية التي لا اعرف متى غزا قلبي الامن حبها عندما ابحر بالذكرة لا ادري متى ربما عندما كانت في الاول متوسط عندما لمحتها ذات يوم تدخل منزلهم او ربما عندما كانت في الاعدادي عندما اتت منزلنا وهي مرعوبة خشية اكتشاف والدها ام حين دخلت منزل مهند ووجدتها تنظف المنزل وتطبخ للعم الذي احبته رغم معارضة والدها احببتها لحبها لمهند ام لحب مهند لها وفي النهاية انا عاشق جبان لها هرب كلا هي من شجعني على الدراسة وعددت بالانتظار ولا ادري الى متى فالعم يجدنا سراق لماله فلقد كان والدي يملك الجزء الاكبر من الارث وهم اخذوا حقهم ولكن الطمع اعمى بصيرتهم واردوا سرقة ارثنا احببت من اراد السوء بنا ويالة سوء حضي مؤيد ما ثلجت تعال ادخل يمعود لا تتمرض شيخلصنا من مهند استجبت له بعد ان اثلج البرد صدري المحترق بنا ر الاشواق القيت السلام على المتواجدين وتناولت كوب الشاي واتاني صوت احد الشباب الذي يشاركني السكن مابقى شي كلها سنة تخلص وترجع شبيك مكتأب اجبته المشكلة مو بالبعد المشكلة بالقرب اجاب بصدق الله يجمعكم بالخير اول مرة اشوف عم مثل عمك المفروض يفرح ابن اخو طبيب وديحضر ماجستير ويريد يخطب بنته يمعود انت عريس لقطة تريد ازوجك اختي تبسمت بامتنان له وقلت شرف على راسي اختك تستاهل الي يخليها بقلبه واني قلبي تعرف موالي اصلا اجاب بمرح راسك سالم والله يريح قلبك وضعت لها نغمة مميزة لا تعاتبوني وتقولون خطأ فهل يمنع المريض من الدواء صوتها دواء ان منعت منها اكون جثة طريحة في الخلاء ضغطت قبول الاتصال واتاني صوتها الخجول الو قلت كل الوات العالم فدو الج هلا بريحة اهلي هلا بالي الي هلا بتالي العمر هلا بالاولي لم ياتني الرد قلت خلود وين رحتي اجابت وياك بس بطل هاي السوالف ترة استحي وميجوز تجاوز يعاتبوني قائلين لماذا تعشقها لا يعلمون هي تاسرني بخجل تصرفاتها وخجل كلماتها قلت خلود الرحمة حلوة والله العظيم خلص صبري اجابت بهدوء شنو بيدي مؤيد خايفة اخاف ابوي يسويها شغل عناد وي عمو مهند ويزوجني قاطعتها بغضب اكو واحد متقدملج اجابت بارتباك مؤيد شتعرف عمك ينطيني خبر اني الي علي كل الي يتقدملي بالكلية اوصله خبر ابن عمي خاطبني سحرتني الكلمة قلت لها بحالمية ابن عمي خاطبني احلى جملة سمعتها بحياني ثم قلت شبيج لعد شكو اجابت والحزن يتسرب من كلماتها بابا قبل فترة رايح للمعمل ورايد شبابيك وعمو مهند مقابل يشتغلهن بالعمل ثم اكملت اكو داعي اكمل بابا اشلون صار عصبي اجبت بهدوء لا ماكو داعي خلود تعرفين الوضع هسة انتي غريبة اجابت ورجفة قوية في نبرات صوتها مؤيد ان الضحية اني دائما افكر وين عقلي من حبيتك واني من اني اصغيرة ما اشوف بابا عصبي الا من يجيبون طاري (ذكر) اسمك قاطعتها متندمة اجابت بهدوء لا بس اخاف كل شي ينتهي ومن نحصل من ورى هذا الحب بس كسرة القلب اجبتها بكل ثقة اتنازل لابوج عن حصتي كلها بس يوافق اجابت بهدوء بس ادكول لبابا هشكل هسة يكلك اتنازلوا كلكم اجبت بحده ابوج طماع و قاطعتني كافي مؤيد هذا بابا كدت ان افقد اعصابي ولكنها لا ذنب لها فهي الطرف الضعيف بكل الاحوال انا افرغ سخطي على والدها واعتراضه على ارتباطي بها ومهند يفرغ سخطه على طولة لسان والدها بها ولا ادري حبيبتي الصغيرة من تتحمل ولن انسى المصون والدها الذي اخرج حقده مني ومن مهند عليها حين تقدمت لها فلقد ايقن هناك علاقة تربطنا حين شاهد تمسكي بها وصمتها حين كلمها استمع لصوت شهقاتها ولا حيلة لي قلت بوجع خلود ترة قلبي ميحتمل اجابت من وسط شهقاتها انت متعرف الوضع اني عايشة رعب يجي بابا يوم ويكول ترة خطبج فلان واسبوع الجاية زواجج شكول اشلون اعترض اجبتها بحزم اشردي يم مهند اجابت بغضب اشرد لبيتكم واخلي بابا علج بحلك الناس انت اشلون تقبلها ما اسويها لو اموت اجبتها بعد ان اخذت نفس عميق لا تفاولين علينة ما بقى شي وارجع قبل لا تتخرجين ويحلها الف حلال اجابت بهدوء الله كريم يلة مع السلام قبل ان تغلق الهاتف هسة ارتاحيتي اجابت بمودة مؤيد اني من اخابرك احس اكو امل اجبتها بصدق لا تخافين اموت ومترحين لغيري اجابت بغضب اسم الله عليك لا تحجي هشكل وقبل ان ابدأ موشح الغزل قالت مع السلام وانقطع الاتصال الهاتف ولازال في يدي ضغطت على سندي ولم تكمل رنة واحدة اتاني صوته النائم قلت انطيني مجال ارمش نايم وبايدك الموبايل اجاب بوهن متمدد اشوف فلم غثيث واجاني انصال من غثيث شكوو شعجب اجبته بلوم هسة ااي يسمعك يكول صار شهر ممخابره مو صار اسبوع اجاب بتهكم اني واحد اشتاق للغثة الي مثلك ثم اكمل المهم اشلونك اجبته بهدوء زين ومو زين الزين افتهمنة الموزين هاي شنو اجبته بلوم هسة هن شبابيك شكد يكلفن اربع ملاين خمسة احسبهن عليه اخذ نفس عميق واجاب اني مو كتلك لا تخابره ولك شايفني كدامك ما مالي عينك اني عمك وعمها شنو تضربون حجايتي عرض الحائط اجبته بهدوء زين عمو بما انك عمها زوجنياها ترة اخطفها اجاب بحدة مؤيد بشنو قصرت اجبته بهدوء ليش متهدي انطيهم شبابيك اجاب بجدية مو العوبة خلود سمعة صياح ابوها وما سئلت شصار بعدين ترة دزيت العمال وديشتغلون بالمواصفات الي يريدها ظافر افندي ارتاحيت فعلا ارتحت قلت بامتنان اعرفك قلبك ابيض اجاب بحدة لاتخابرها اجبته بجدية احاول اجب بكل جدية مؤيد خليها نظيفة خلود حساسة اذا صارت من نصيب غيرك راح اتظل كل عمرها تحس بتانين ضمير من علاقتكم اجبت بهلع ليش هشكل ادكول شبيكم انت وهي نفس الكلام احد متقدملها اجاب بتقة لا بس عمك ما ممنطينة حجاية مسويها سكتة وتعرف سوالفه من يضرب بالظهر استغفرت ربي وقلت كل الدنيا اتشوف اسهل زواج زواح ولد العم بس اني صار عليه هم ما طلع مصنع وماطلع ورث الي اخذو ثلاث ارباعه وانت وابوي وكعلكم اقل من حصة نص واحد قاطعني بلوم انت ليش هشكل تحب تفتح على نفسك مواضيع قديمة اجبتها بجزع ليش هي راضية تنسد واني وما سديتها شوفلي حل لاتخلوني اكتلها واكتل نفسي ونخلص من الدنيا مالتكم الخربانة اجابني بقوة اكل تبن روحي شوف دراستك مراهق بالثلاثين انت متستحي شغليت للمراهقين البنية اذا من نصيبك متصير لغيرك وهي تسوي الي عليه مو من نصيبك الله يسهل عليه اجبته بحدة هاي انت شدتحجي على جثتي تصير لغيري اجابني باشمئزاز يصير خير يلة روح ما اعرف شبينة انت واخت واني عبالك مكتوبلنة منتهنة سبحان الله اجبته لعنة الورث وقطيعة الاهل اجابني بهدوء ا لله مايريضة بالظلم واحنة قطعنة لان ردنة نحافظ على نفسنة انت ممجبور تواصل ناس متكدر تنطيهم ظهركم الله ميرضى باذية النفس وبعد لحظة صمت قال يلة الله وياك وصير رجال هاي بنت عمك وانتهى الاتصال هي ليست ابنة عمي هي حبيبتي قراءة ممتعة | ||||||||
|
| |
|
16-05-16, 09:18 PM
| #18 | ||||
| نجم روايتي وفراشة الروايات المنقولة
| نحن بالبدايه ومازالت القصص باولها هوازن حتى لو كانت لاتريد الزواج ولكن يجب ان تمحى حبه من قلبها هي مازالت تحبه ورجل مثله يجب ان يخلع من القلب مهند ناقم وبشده عليه ومتخوف على هوازن ان ياتوا بيوم وياخذوا دانيال منها وتبقى وحيده ولذلك يصر عليها لتتزوج وبنفس الوقت يخاف ان يعود وياثر عليها وبوجود الحب انها تلين له ورجل خائن لايئمن جانبه ابدا \\\\\صبر اعتقد ان صبرها نفذ وخاصه ان كاظم واضح ان لاامل منه ابدا وهاهو يدفعها لطلب الطلاق ممكن انه يوجد عله به وخاصه انه يغير ملابسه بالحمام ممكن خجل اولاخفاء شى لااعرف بس هي من حقها ان تعيش ولكن ابن عمها غير مناسب وخاصه لانه يشرب ومزواج ولكن ممكن ان الله يعوضها \\\\ياسمين اعتقد ان اخلاقها وتصرفاتها هي التي تحدد قيمه الانسان وليس ابن من ومن اي عشيره ولكن مجتمعاتنا مازالت تهتم بهذه الاشياء زهره تحاول التقليل من قيمتها لعدم نسبه والدها للقبائل ولكن ابو ياسمين استطاع باخلاقه كون اسم محترم وهذا مضايق زهره وعائلتها التي تحاول التقليل من ياسمين ولكن ياسمين لاتسكت عن حقها خلود صديقه وفيه ومحبه لها ولكنها مضطرهلمسايرتها من اجل مصالح اهلها \\\\ام هديل غلطت لما لم تستوعب طيش ابنتها وقامت بفضحها امام اختها فالام تنسى وتسامح اما الغريب فيبقى الغلط بعقله ولاينساه ابدا ويمكن ان يستعمله ضد الشخص ويعايره فيه وردها على زوجه اخيها عجبني عم تعيرها وهي بنفس الكرش ماتعاير حالها قبل \\\\\مؤيد وحبه لخلود اعتقد انه لن ينحل بسهوله وخاصه بوجود اب طماع وحقير كوالدها وانا مع مهند انه لايجب ان يكلمها لان واضح ان والدها لن يرضى الابحصوله على املاكهم ومؤيد ليس من حقه ان يتنازل عن ورثه لعمه فمهند هو من كبر العمل وحتى لو تنازل فعمه سيظل يريد المزيد شكرا فيتامين على على تنزيل البارت وشكر للكاتبه الرائعه اراده الحياه | ||||
|
| |
|
19-05-16, 04:08 PM
| #20 | ||||||||
| مراقبة عامة ومشرفة منتدى الروايات المنقولة
| خريف العمر يصبخ الشعر شيبا والروح تبقى نظرة تتوق لكلمة حب لموقف حب للحظة حب نسرقها من ربيع العمر الذي مضى ننعش الخريف بالربيع فهل تعود الايام وتخضر اوراق العمر بخريف العمر (6) ***************************** لي خصوصيتي في منزلي مكتب مستقل فيه من الرفاهية ماكنت اعجز عن تصوره او اتخيل نفسي فيه احمد الله ليل نهار على رزقه فلقد رزقني بغير حساب دخلت كفراشة ياسمينة قلبي هلوو بابا اجبتها بمحبة عيون بابا اشلونه الدكتور اجابت بمرح عايشة بحسك الدكتور الله لا يحرمني منك قلت وانا انظر الى عينيها التي تزداد حركتها كجناحي فراشة حين تريد ان تطلب شيئ مهم شكو شتردين اجابت بهلع مصطنع بابا انت ساحر اجبت بتهكم احجي احسن والا اطلع هسة واسبوع يالة اخليج تحجين وياي اجابت بسرعة بابا تكدر تاثر على بيت ظافر علمود مؤيد وخلود اخذت نفس عميق وقلت بابا احنة شتفقنا اجابت بابا عادي انت رجل اعمال وعندك مرات اعمال وياهم يعني تكدر اتاثر عليهم اجبت بكل هدوء تردين اسولفلج اجابت شسولف بابا اجبت شنو سبب عدم تدخلي نظرت بدهشة وبعدها قالت بابا غير انت وكفت وي بيت ابو مؤيد ومهند قبل ان تكمل قلت لا اكو اسباب غيرها اجابت بدهشة شنو قلت بابا انت تعرفين اني يتيم ام واب بس متعرفين اشلون وصلت لهنا اجابت بخجل بابا ان استحي اسئل بابا انت احسن اب وعندي احسن رجال بالدنيا كلها وكلها تحسدني عليك وماضيك يشرفني ويشرف كل واحد يعرفك احتظنتها بفخر فهي ابنة مطيعة وفتاة واجهت مجتمع باكمله يرى النسب هو راس مال الانسان اجبتها بهدوء اسمعي بابا والدي الله يرحمه ويغفر اله ما ترك خيط يوصلني لعمام او خوال من وعيت على الدنيا واحنة كل يوم بيت وكل يوم بمنطقة وابوي كل يوم شغلة شكل مرة حداد ومرة نجار ومرة سايق واخرها يبيع خضرة وكنت صغير ما اعرف ليش ولا اسئل ومن كبرت وردت اسئل كانوا امي وابوي ميتين التهمتهم النيران باخر بيت سكنة بي اجابت بحزن ليش احترك البيت اجبتها وانا استذكر صورة النيران طفل بالسابعة قضى ليلته عند الجيران لينهض فجرا على اصوات صراخ عالية ويركض دون وعي يبحث عن حظن امه ليدرك انه عند الجيران ويقفز مسرعا الى منزلهم ليكتشف النيران تاكل المنزل والناس يمنعوه من الوصول بابا لا تعب نفسك لا اجاوب اجبت كنت صغير عمري سبع سنوات وكنت بايت يم الجيران كعدت الفجر سمعت ناس تصرخ ركضت لبيتنا لكيت الناس ملتمة اطفي البيت وميخلوني اروح للبيت عرفت بعدين الصوبة انفجرت واهلي نايمين ومحسوو عليها ناس ادكول احتركوا وناس ادكول اختنكو والحقيقة محد عرفها بس اني عرفت راح اعيش دون ام واب بعدها اكملت بقيت عند الجيران يصرفون عليه من الفلوس القليلة الي لكوها بمحل ابوي والخضرة الي باعوها وراها صرت اشتغل وي جيرانة حمال ينطني يومية بسيطة لان طفل يحملوا شغلات بسيطة صار عمري عشر سنوات اجه ابو سعد يم المكان الي اشتغل بي وحملتلة سيارة اثاث كان يشتغل بالاثاث اجابت بدهشة اثاث هاي اول مرة اعرف اجبت اي يشتغلون بالاثاث نفس شغلتي هسة بعدين من مات ابو مؤيد مهند ترك الشغل القديم وفتح معمل حدادة والاخوة فتحوا مول قالت بتساؤول ليش مابقى على شغلة اهلة اجبتها باستنكار هسة انتي تردين تعرفين قصتي لو قصة مهند اجابت بمرح لا بابا كمل بس اشو القصة جواها قصة يل كمل بابا اجبتها بتهديد بعد لا تقاطعيني وضعت كلتا يديها على فمها دلالة على السكوت اكملت ابو سعد سئل عليه وعرف بقصتي فكل لاهل المنطقة اني اتكفل بي واعتبره واحد من ولدي وفعلا اخذني وكعدني بيته وي ولده بس اني كنت استحي من امهم فلحيت على ابو سعد انام بالمحل خاصة محلهم بنص السوق والناس رايحة رادة والدنيا امان وافق بعد ما ايس مني كان يجيبلي اكل من اكل بيتهم ميفرق بينة كبرت وعلاقتي بمؤيد الله يرحمه تزيد وظافر حاقد علينة بلا سبب اشارت بيدها بمعنى احجي قلت قبل ان تسأل ابو سعد كان مخصص لكل واحد من ولده محل وقطعة ارض يسويها بيت من هم صغار هو يسوي هذا الشي بس لسعد من كبر ضاف اله محل وسجل قطعة ثانيه اله بعدين عرفنا السبب مهند لان يعرف سعد مراح ياكل حصة اخو فضولها قاتل قالت وانت بابا اجبت الله يرحم ابو سعد يعرف اذا سجل قطعة ارض مراح اخلص من ولده انطاني فلوس راس مال شغل وكال روح دور على شغل واذا فشلت لا ترجع ساعد نفسك بنفسك وظليت اوكع واكوم واعرف هو يساعدني بس ميظهر بالصورة الا ان وكفت على رجلي بكاع راكزة وثابتة قالت بفضول بابا زين هم ليش كرهوك اذا ميعرفون اجبتها بهدوء من طلعت من يمهم وشافوني اشتغل طلعوا علي اشاعات اني سارق ابوهم بس الابو وقف بوجههم وفهمهم هو انطاني الفلوس واعتبرها مكافئة نهاية خمدة شوفي بابا بالنسبة لسعد كان انسان ما اعرف اشلون اوصفه عبالك رب العالمين مختارة يعبش بالدنيا بطبائع اهل الجنة بس اخوته فلاح وظافر غير شكل لو تغركيهم بحر فلوس طماعين وحقدهم حقد مؤيد الله يعوضه الي احسن من خلود شهقت بهلع اجبتها بهدوء فهمي صاحبتك وخفيفي عليها ابوها لو تموت ميزوجها مؤيد اجابت بحزن بابا حرام لم اتكلم احتظنتها وهي تبكي حب صديقتها الذي لن يكتمل وضعت ذقني اعلى رئسها وعيني تراقب شاشة الموبايل هو يضوي باسم ماضي رفعت وجهها وقلت بابا الحجي هذا بينه بس اقنعي صديقتج تنسى مؤيد هزت راسها بمعنى نعم وغادرت المكان وهي محملة بالاحزان صغيرتي الغالية اسفة بعض الحقائق صادمة ولكننا نحتاجها لتغير مسارات حياتنا وعاد الماضي يرن من جديد ****************************** كنت استعد للنوم ازلت قناع العسل والليمون ورطبت وجهي بماء الورد وذهبت الى فراشي اتمتع بدفئه والوذ بقرب من سبقني اليه وما ان تدثرت بالفراش حتى دنوت منه وقلت تحبني اجاب اجابته العنيدة لا قلت وانا اضحك مو مهم المهم اني احب نفسي اجاب بتهكمه الدائم انتي مثل الي ياكل ويكل لنفسه عوافي اجبته بمرح الف عافية على روحي هذا الحب الها ليش الواحد شعنده غير روحه اذا ميعرف يحب روحه اشلون يعرف يحب غيره قربني اليه وقال اشلون الشغل ترة اي خسارة ما اسدها اني مثل المرة الفاتت اجبته بود ليش شعندي غيرك اجاب بتهكم اي خوش حجي ياكل المخ سألت بجدية اسئل سؤال اجاب سئلي قلت انت مضايج لان اني سمينة اجاب بمحبة لا مضايج منج ضايج عليج هسة انت احسن من قبل واكمل قائلا اني قلقي على صحتج غير شي ماحسستني اكو خلل بعلاقتنة او السمنة ماثرة عليها احتظنته بمحبة وود وقلت الله لا يحرمني منك بادلني الاحتضان صامتا اخذتني الذاكرة لسفرة مع بعض قريباتي وامي واختي وبعد ان بقيت انا و والدتي في الجناح الخاص الذي استأجرناه قالت والداتي سارة يمة ليش هشكل سمينة اجبتها بهدوء شسوي دا اسمن ما اكل بالنهار ماعندي مجال بس اكل باليل دا احاول ارتب اكلي اجابت باندفاع والله يمة اني استنكف(اخجل) منج انتي وكرشج وسمنج ومبين عمرج فوك الخمسين لقد كنت في حينها بالرابعة والثلاثين قابلت كلماتها التي عبثت بكل معاني الخنان داخلي بالمزح والضحك وقلت وانا ابتسم واسكت صرخات فؤادي ليش شبية واذا سمينة اجابت باندفاع لا يمة مو هشكل سمنج يفشل في وقتها تذكرت احدى قريبات زوجي كان لديها ابنة شابة بمقتبل العمر جدا بدينة مقارنة بعمرها كانت تحتظنها وتقول بنتي اتخبل بنتي مو سمينة بنتي كلها هدوم حين بلغت هذه الشابة عمر الزواج المناسب وهي السمينة كان خطابها يثيرون الدهشة ففي عصر الرشاقة تقل حظوظ البدينات بالزواج ولكن الثقة التي زعتها الام في قلب الشابة كانت حافزا لها لتشعرها من الداخل انها مرغوبة وانا تعبت وانا ادواي جراح الكلام وجراح الافعال نفضت رأسي وابعدت الذكريات المتعبة بعيدا وبدأ بقراءة اية الكرسي والمعوذات والتنفس المنتظم لكي استرخي وانام وانهض مبكرا فعملي يحتاج لجهد لدينا طلبية لاحد المنظمات النسائية التي تهتم بتطوير عمل المرأة الغير موظفة ****************************** الماضي يتصل منذ اربعة ايام وهو يومض في هاتفي الماضي يتصل انه عبق اول دقة قلب اول شعور بالرجولة و اول لحظة اعرف بها معنى الانوثة الماضي يتصل واخاف ان افتح الخط واعود الى مراتع العشق واظلم شريكة كفاحي وشريكة صبري على شضف العيش لم اكن مثالي معها فهاجس الولد لم يفارق مخيلتي تزوجت ثلاث مرات في السر ولم ينتج اخ لياسمين والسبب غير معروف انا سليم والواتي تزوجتهن لا خلل بهن مررت يدي على العلامة الخضراء وقلت هلا ام عادل اجابت بصوتها الناعم رغم بلوغها منتصف الاربعين الا انهارلازالت تحتفط بصوت المراهقة العذب اشلونك حجي اخبارك صار اربع ايام اتصل وانت مجاوب اجبتها بهدوء مبرارا كلما تتصلين ما اكون وحدي اجابت بلوم انت ضايج من اتصالي بعد ما اتصل اخشى عليها من الحزن فلقد تحملت بسببي الكثير منه اجبتها بصدق خايف اخاف اتواصل وياج واتندم وتتندمين اخاف نرجع خيوط الماضي وتكون اضعف من ان تبقينة بمكانة خاف نوكع منحصل غير الشماته اجابت باندفاع خايف من مرتك خايف من اهلي خايف عليه اجبتها بصدق خايف على مرتي وخايف عليج من المجتمع اهلج ميهموني اجبت باستنكار الله يرحم ايام زمان هسة بيت طارق الجاسم ميهمون اجبتها باندفاع حتى ايام زمان من البيت كله انت تهميني اني ما اشتغل عدهم ولا كانوا اصحاب فضل عليه اجابت بافتخار بس يبقون بيت طارق الجاسم وانت تعرف هم منو اجبتها بحدة وهسة هو هذا موضوعنة تفتخرين باهلج كدامي هاي اكيد انتي اجابت بهدوء وضعنا هسة اشلون انظل مثل المراهقين تلفونات اجبتها خل ننطي لنفسنة فرصة ونهيئ جو البيت عندج وعندي اجابت بغضب ليش تريد تعيشني يم ام الكبة جو بيتك شعلي بي اني جو بيتي مهيئته ويعرفون اذا ادقدملي شخص مناسب ازوج اجبتها بغضب ام الكبة زوجة صانع (اجير)بيت ابو سعد مثل ما قبلتي تحبين الصانع تقبلين ام الكبة زوجته وتاج راسه اسمعي ختام اذا الج الحب فالها اكثر منه ولا تخلين راسج براسها اجابت بغضب زواجي منك ميساويني بيها وهذا حجيك كلها اعرف تريد تكبرها بعيني لا تحاول تكبر شي هو صغير بعيني قبل لا اعرفك وصغر اكثر من قبلت تزوج حبيب بنت طارق اجبتها بتهكم يعني تردين تزوجين وترتاحين بحياتج واني ابقى اعيش على ايامج وذكرياتج اجابت باستسلام انت تعرف اشلون ازوجت المهم فكر بالموضوع حتى امهد الموضوع لاخوتي اجبتها بتهكم لايمعودة خاف عدهم اعتراض اجابت بلوم لا تخلي الماضي ياثر على حياتنا هسة انتهت المكالمة وبدأت الذكريات كنت في بداية العشرينات من عمري حين ارسلني عمي ابو سعد الى منزل طارق الجاسم لايصال طقم اثاث متكامل لمجلس ضيافته طرقت الباب فاتني صوتها بشكل مباغت اجيت اجيت شكو كسرت الباب ان لم اطرق سوى طرقة واحد فمن كسر الباب فتحت الباب وليتها لم تفتح فانا شاب اعيش في وسط ذكوري ابو سعد لا بنات لديه وفي مجال عملنا تاتي النساء متشحات بالسواد ولا يبان حسنهن وارى امامي انثى ترتدي ثوب جميلا يفصل تقاسيم جسدها الفتي وينحت خصرها الرقيق وقميصا ابيض يضفي صفا ءآ مبالغا على جيدها كنت جاهل بالزي المدرسي للبنات ظننت انها ذاهبة الى حفلة لاحظت اندهاشي وانبهاري بها رفعت حاجبها وقلت شكو الاخو مضيع شي ادركت تصرفي الغير مؤدب وحاولت لملمة شتاتي وقلت اريد واحد من الولد هذا اثاثثكم دزه عمي ابو سعد مرت بجانبي وقالت ظل دك الباب الى ان يطلعولك وراي دوام وبمرورها تنسمت اعذب النسمات واطاحت بما تبقى مني بقيت خمسة ايام اعاني من حمى لا سبب لها ارتشف الماء مرارا وتكرارا واشعر بان جوفي يلتهب نارا ما حيلتي وانا اصبت بداء العشق بمن لا استطيع له وصلا مرت اربع اشهر وانا اتلصص على مدرستها ومنزلهم والمح شيئا من ملامحها حين امر مرورا سريعا من مدرستها الا ان رن هاتف معرض الاثاث حيث انام في منتصف الليل ظننته ابو سعد ولكن المفاجئة التي ايقضت مضجعي وحرمتني لذة نومي لايام طوال كانت هي قالت هلوو قلت منو انت اجابت اني الي مكابل مدرستها ترة عيب الي دسوي لم انكر فهذه فرصتي لاعلن حبي ومهما كانت النتائج اجبتها بصدق وباندفاع من لاخبرة له بالحياة احبج والله العظيم احبج اجبت من بيت ضحكاتها الانثوية ياحب اني بنت طارق الجاسم وانت صانع ابوسعد بحدس ابن السوق قلت لها وانتي اشلون عرفتي اني صانع ابوسعد لازم سئلتي ارتبكت كلماتها واعلنت استسلامها لحبي وبدأنا مشوار الملكلمات ما بعد منتصف الليل وفي ظهيرة احد الايام فاجئنا العم ابو سعد وهو يدخل المعرض على غير عادته ويصرف العمال ويبقيني وحدي قال بود اكعد محمد وجلست امامه وفتح الموضوع قائلا محمد اني حاسبك ابني ومن تغلط يرجعون الي واني ما اظلمك اسئلك وانت جاوب هلعت لكلامه هل اتهموني بالسرقة هل سرقوا المال وواتهموني به وقبل ان انطق اشار بمعنى اسكت واحتراما له سكتت انتظر تهمتي قال انت ضاحك على بنت طارق بسوالف حب وغرام ويالة صدمتي بكلماته ضاحك يعني انا انسان لعوب واريد لها شرا انا ياسيدي عاشق متيم واريد خيرا اجبته بخجل عمي اني احبها والبنية لم اكمل كلامي قاطعني قائلا محمد ذولة بيت طارق يذبحوها ومينطوها الك ترة انت ضريت البنية لان نقلوها من المدرسة ودوها لبيت خالها بالحلة بحجة هناك اكو مدرسة زينة حتى اطلع معدل بالسادس هلعت وبدأ الدمع يتجمع في عيوني وقلت اذوهة اجاب بهدوء تتوقع ناس مكتشفين بتهم تحجي وي واحد نص الليل ميكتلوها وضعت يدي على راسي وبدأت انتحب باكيا رغم عني اتاني عمي ابو سعد وربت على كتفي وقال بابا محمد انساها مراح اتصير من نصيبك وانت تعرف ليش نعم اعرف فانا الصانع الذي لا اصل لها بعد شهر من الالم والليل الطويل زارت المعرض امراة وطلبت رؤية احدث قطع الاثاث الخاصة بغرف الاستقبال وانتقت واحد وبدأت اسجل بالسجل ما يملي علي عمي السعر ومن الشخص الذي اشتراه لافاجئ به يقول للمراة حجية نوصلة للبيت لتجيب لا حجي يجون الولد ينقلوه هذا هدية لاختهم اجاب عمي باندهاش على الخير ازوجت المحروسة اي ازوجت لابن عمة ابوها تعرفهم حجي اجاب عمي والنعم منهم شيوخ معروفين وغادرت المرأة وغادرت بهجة الروح مني كان ابو سعد شديد الحنان معي اقترب مني قائلا لا تتوقع النهاية غير هذا الشي مهما سويت محمد انت خوش ولد راح انطيك فلوس بداية مشروع واريدك تبدي وحدك اهذه صدمة جديدة قلت باندفاع عمي تطردني اجاب بمودة لا عمي انت ابني بس اريدك تعتمد على نفسك ومتظل صانع ابو سعد افتهمت هززت راسي دلالة على الفهم وداخلي خوف لان كل العادات التي اعتدت عليها ستتغير بزواج ختام ختمت مشواري كصانع لدى ابو سعد بالمبلغ الذي حصلت عليه من ابو سعد استاجرت منزل بسيط جدا وبدأ بحياة لم اعتدها اول العقبات الطعام فانا لم اعتد الطبخ وبعد عددة محاولات فاشلة عثرت على امرأة تعمل الكبة وبعض الاطعمة اذا طلب منها وانتعش طعامي وبدأت اميل لها وارتاح عند روئيتي لها وقفت معها عند وفاة اختها الكبرى التي كانت اخر ما تبقى من عائلتها وانتهت حياة الاجير وصانعة الكبة بعد ان تزوجنا اصبحت انا صاحب معمل نجارة بسيط تشاركت مع احد النجارين المبتدئين اناربراس المال وهو بعمله وهي اكتفت بصنع الكبة لي فقط ******************************* اكملت اخر لمساتي على الخروف الجميل الذي تم تحشيته بما لذ وطاب من الرز والمكسرات والشعرية وكرات اللحم والف عافية لمن سيتناوله وضعته بالفرن علئ نار هادئة الساعة تشير الى التاسعة والطلب ياخذ بالواحدة وقت كافي لكي يصبح الطعام شهي وجهت العاملات لكي يكملن المطبخ الذي اصبح ساحة حرب وتوجهت الى منزلي اخذ حمام سريع فلقد اصبحت عبارة عن قارورة عطر لمختلف انواع البهارات والروائح الموجودة في المطبخ ارتديت بنطلون جينز وتيشرت قطني نوعية قماشه غير سمك ولكنه يمنح الدفئ وذهبت الى المعمل ومعي احد القصص التي استوهتني وقررت قرائتها فالكاتبة تعرف كيف تتكلم عن مشاعر ابطالها واندمجت مع عزيز وجمان ومن شدة اندماج وغيضي على ذاك العزيز المتعجرف عندما طرق الباب اجبت بعصبية مبالغة بعصبية ادخل دخلت كالاعصار وهي تقول شبيج اخترعت نهضت من مكاني واستقبلتها بتراحب فهذه صديقة العمر وان اختلفنا في المحتوى الشخصي ولكني احبها قلت لها بمحبة صادقة وج ختام مشتاقتلج اجابت بمحبة اني اكثر والله كل يوم اكول اجيج وتطلع شغلة لو يجون خطار اليوم قررت ونفذت ما انتظرت العصر اجبتها بود زين سويتي بدأت تجول بنظرها في ارجاء مكتبي وقالت مشاء الله هواي متغير المكان وغمزت بعينها بحركة شقية لم تتركها ابدا ثم قالت الظاهر الشغل تمام اجبتها بصدق الحمد لله تمام ثم قلت اجيتي والله جابج تعالي وياي للمطبخ وسويلي كيكة خل اشوف اشلون تسويها والزينة مالتها اخر مرة نزلتيها بالفيس شكلها تحفة اجابت باستهزاء خوش استقبال راح تكرفيني اجبت بصدق انتي لو تقبلين تشتغلين وياي وتعوفين هاي العقد اجابت بهدوء انت شجاعة وعرفتي اشلون تشتغلين وادغلبتي على نظرة المجتمع اني اتخلي اذا اسويها كل الناس تاشر عليه وادكول هاي الي تطبخ للناس اجبتها بنظرة تعرف معناها هاي افكارج وتخلفج وتعرفين شقصد توجهنا الى المطبخ بعد فترة صمت احتجنا لها صرفت العاملات وباغتها بالسؤال وهي مندمجة تماما بخفق الكيك بعدج تخابري اجابت بهدوء اي وج ختام انت مراهقة شجاج اجابت بحزن لا تلوميني ترة نار صار الها سنين بقلبي ما ارتاحيت بحياتي خلفت اثنين بنات ولد وعلى اعصابي عشت امثل الحب وما حبيت يوم قلت لها بلوم رجلج مكان مقصر عليج انت قوقعتي نفسج وعقلج على مرحلة محددة بحياتج وما اجوازتيها ثم قلت بالله ختام وين عقلج من حبيتي محمد اجابت بلوم هو بس اني حبيته كلج كنتن خالت عينجن عليه قاطعتها بضحكة وهاي انت عودة صرتي احسن منا وكعتي بحبج وجهت نظرة حادة باتجاهي لم ابالي بها فعلاقتنا فوق المجاملات اكملت الكلام قائلة كل مراهقة تمر بمرحلة المراهقة يعجبها واحد بالشارع يعجبها ممثل بس مو كلها تروح تسوي علاقة واتفق وياج العلاقة اذا مبنية على نية سليمة وراها زواج قريب هم مو مشكلة بس علاقتكم كانت غلط اجابت بحزن وهي تضع الخليط فوق الطحين لان هو الصانع واني بنت العائلة اجبتها بصدق حتى اذا ما اقتنعنة هذا واقعنة قالت بهدوء الواقع يتغير من يصير الفقير غني قلت باستغراب يعني تردين تزوجين اجابت بتحدي شناقصني وشنو نافصه اجبتها بحدة هو الزواج هشكل هاي شبيج تالي العمر رجعتي مراهقة حقج تزوجين بس محمد مو محمد المراهق رجال عمره فوك الخمسين اجابت بهدوء شايفته اجبتها اي شايفته بعده شكله وسيم واني ما قصدت الشكل اقصد الافكار اجابت بعده يحبني متتخيلين من دخلت لمعرضه اني وامي اشلون كانت ردة فعله من سمع صوتي عيونه ما شالهن مني مثل اول مرة شافني قاطعتها بحدة وج صدك اتخبلت هسة معلينة هسة شراح اتسون اجابت بحماس يرتب وضعه ويكل لام الكبة ويجي يخطبني اجبتها والبنات ورجل بنتج قالت رجل بنتي شعليه لا تنسين هو ابن اخوي سهلة شغلته اذا عارض البنات يفرحون من يعرفون محمد القاسم راح يزوجني خاصة زهرة كلش مقهورة من بنته وغرورها اجبتها بلوم وانتي مقهور من مرته تردن اجلطن اهل بيته هذا زواج مبني على اسس سليمة اجابت بجدية يمعودة يا اسس سليمة خل ازوجه ولا علي منهن ولا لساني يطخ لسانهن ولاراريد اشوف وجههن اجبتها صدك تحجين منو الي تتعمد تحرج ام ياسمين بكل مكان تشوفها اجابت بعد ان اصدرت صوت تأفأف وج ما اجرعها من اشوفها تمر بالي سنين العمر الي هي كضتها بحضن حبيبي قاطعتها بحده رجلها شنو ذنبها تردين يبقى العمر كله وفي لحبج اجابت بكل غضب لا بس مو يزوج ام الكبة الي تجي بيتنة من نسوي عزيمة تشتغل النا اجبتها بهدوء اكلج منو ينطي مرة بذاك الوقت وهاي كانت من ثوبه سترته وسترها بعدين تعالي اكلج هسة اني دا اشتغل نفس شغلها وعزايمكم هم اني اقوم بيها قاطعتني قائلة خية انتي من البطر وحدة معززة مكرمة ورجلها حالته زينة شالعة قلبج بالشغل ليش بعدين انتي شبه معمل ولو باقية الخاتونة اتسوي كبه كان هسة وحدة من عاملاتج اجبتها ولا تنسين الحسب والنسب الي يغطي كل اعمالج ويزينها بعين الناس ثم اكملت مسكين الي ماعنده احد قاطعتني قائلة سويتيها سالفة انت تعرفين محمد مزواج وكم مرة رجلج شهد على عقد زواجه وتذكرين مرة خليل المحامي من كالت سجل بيت باسم وحدة من الي طلكهن يعني شنو فرقت اني غيري اجبتها بهدوء انت فرق وفرق كبير وهو راح يحسب الف حساب لهذا الشي اجابت بلوم انت ليش هشكل متردين سعادتي اجبتها بمحبة انت تعرفين اريد سعادتج بس انتِ بالج محمد القاسم ابو العشرين سنة الي عواطفه تحركه والواقع يكول محمد القاسم بالخمسين واحد عقله كبير اجابت ويحبني وهذا شي كلش كافي حتى نزوج ثم اكملت سارة اريد احس بالحب لا تضحكين عليه ترة اني ما مفكرة بالزواج من احد ونفسي طابت منه بعد وفاة زوجي وابني بس محمد ما اعوف فكرة الزواج منه لو عمري مليون سنة تعرفين الي بي عله ويدور على دو اني عليلة ودواي محمد وانتهى الكلام معها بنهاية الكيكة صديقتي العاشقة المتهورة لا ادري الى اين ياخذها عشقها ولنا لقاء باذن الله | ||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
