آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
19-05-16, 05:42 PM
| #21 | ||||
| نجم روايتي وفراشة الروايات المنقولة 
|  اذا لاامل بزواج مؤيد وخلود على رائ والد ياسمين محمد فهو يعرف والد خلود بحكم انه متربي معهم ويعرف مدى طمعهم واليوم عرفنا كيف صار محمد اليتيم اجير ابا سعد الى رجل مقتدر بنى نفسه براس مال كان مساعده من اباسعد لصانعه الذي وجد عنده طموح وتاكد انه سيصل وبالفعل استطاع محمد الوصول مع صانعه الكبه التي شاركته حياته وكانت ام ابنته الوحيده ولكن للاسف لم تكن شريكه قلبه الذي سكنه ابنه الاصل التي ابعدوها اهلها وزوجها عندما عرفوا بعلاقتها بالصانع واليوم تريد ختام تجديد حبها مع محمد ولايهم من سيدوسوا بطريقهم صراحه صدمت من تفكير محمد لاانكر انه حقه ولكن زوجته ماذنبها وابنته الايعرف كيف سيكون وقع الخبرعليها وخاصه انها تتعرض من ابنه ختام للتعير باصلها وهاهي امها تريد الارتباط به انا اعرف انها تحبه اوتظن انها تحبه ولكن لوكان بقى صانع اباسعد وبهذا العمر هل كانت ستفكر بالارتباط به بعد ترملها ولكن الان وبما تسمع عن مكانته وغناها وعيشه ابنته فلما لاتتمتع هي وبناتها بما يملك فهي ابنه الاصل احق من صانعه الكبه يلربي يحرقهم لانهم حيحرقوا ناس كتير بطريقهم \\\ساره وترسبات الماضيه الجارحه من معامله امها وتعيرها بسمنها واشياء كثيره جعلت منها ساره قاطعه الرحم احيان اقول معها حق ولكن يمكن امها كانت تريدها ان تهتم بنفسها ولكن للاسف جرحت ابنتها وسببت حزه بنفسها وساره انسانه حساسه وهذا عيبها فهي تتحسس بشده ومن النوع الذي رينسى الاسى البارت اوجعني لان القادم على ياسمين وامها سيكون مؤلم شكرا فيتو على التنزيل وشكر للكاتبه اراده الحياه | ||||
|  |
|
25-05-16, 06:35 AM
| #22 | ||||||||
| مراقبة عامة ومشرفة منتدى الروايات المنقولة  
| نرتب حاضرنا من عثرات التهور بعضها يمحا وبعضها يبقى عثرة مدى الحياة وغصة لا نقوى على ابتلاعها لمستقبل يخلو من العثرات امنح لحظة التهور القليل من التفكير (7) اكملت ترتيب البيت وحضرت الغذاء وانتظر الاولاد حتى ياتوا من المدرسة ذهبت الى حيث تجلس عمتي لكي احدثها بما ضج به عقلي من افكار مضى على غيابه شهر واخشى ان يباغتني بمجيئه ويفرض علي الطلاق فرضا ولا اجد غير عمتي مناصرا جلست بقربها وتنبهت لوجودي ووضعت مسباحها جانبا قلت بود عمة اريد احجي وياج بموضع وماعندي بعد الله غيرج كانت نظراتها توحي بالعجز ربما ظنت اني سوف اكلمها عن اصلاح علاقتي بكاظم قلت قبل ان تجيب: عمة اني راضية بكل هذا الوضع وماعندي اعتراض عليه بس اريد اربي جهالي يم اهلهم اجابت بمودة: الله يرضى عليج يمة وهذا بيتج واني مو ام رجلج حسبيني امج اجبتها حب: وانتي امي الله يشهد معزتج صارت بقلبي اكثر من معزتها الله يرحمها ويطولي بعمرج اجابت بهدوء: الله يرحمها قلت :عمة اخر جية لكاظ وقبل لايطلع كال فكري بالطلاق شهقت المرأة الكبير وتجمعت الدمع في عينيها وبدأ النفس يضيق عليها اسرعت وانا هلعة احضرت ماء وضعته على شفتيها القليل ومسحت وجها واراقب تنفسها اردت ان اخرج الى الشارع اطلب المساعدة ولكنها امسكت يدي واجلستني بقربها وبدأت تاخد شهيق وزفير رويدا رويدا من وسط دموعي قلت: عمة الله يخليج خل اروح اشوف احد يوديج للدكتور اني شجاني حجيت مو صار الي شهر مكتومة اخذت نفس عميق وقالت بوهن: وتردين تسكتين حتى على هاي صبر اني الة خل يجي واني اتفاهم وياها قليل الاصل والاخلاق يطلكج انتي الي صبرتي على اخلاقه وطبعه الي اني امه ما اتحمله اجبتها بهدوء :عمة فدوة لعينج على كيفج معليج بي وين ما اروح اروح وشيريد يسوي خل يسوي فدوة لعينج عمه لاتشغلين بالج اجابت بعد انتمالكت نفسها من نوبة ضيق التنفس التي حلت بها :وج صبر وين ترحين يم منو متذكرين من زعلتي اول زواجج ورحت جبتج من بيت اهلج شكالو اخوتج كالوو من يطلكها خل تبقى بالشارع محد ما يفتحلها بيته ثم قالت بحدة:نسيتي صبر وكيف انسى تلك الليلة بعد اسبوع من زواج فاشل اقترب مني زوجي يوم واحد وهجرني لمدة ست ايام لا يطيق لي قربا اتت العائلة ترى العروس في سبعتها وبانتهاء الاحتفال بعروسهم اصرت العروس ان تذهب الى بيت اهلها وج صبر تردين تفضحينة شدكول الناس رجعوا من سبعة بنتهم وجابوها وياهم اجبتها والدموع بعيني :يمة الله يخليج ميردني مو طايقني ابقى يم واحد ما طايقني اجابت بغضب: انجبي لتأتي زوجة اخي الاكبر تستعجلها لان اخي ينتظرهم في الخارج ارتديت عباتي على عجل وتخطيتهن مسرعة وما ان وصلت حيث اخي رميت نفسي عليه وقلت:اسحكني بالسيارة ولا تبقيني بهذا البيت لم يستوعب اخي من تكلمه وسأل مستفسرا :صبر اجبته :اي صبر خلصني اروحلك فدوة اجاب بغضب :ولج شبيج منو وياج اجبته من بين شهقاتي :خوية ميريدني مو طايقني تصدك ما سامعة صوته تصدك ما مركزة بملامحة اذا شفته بالشارع ما اعرفه وبعد محاولات وصولات وجولات وتشكيك في شرفي بقيت في بيت اهلي شهران كانت والدة كاظم لاتكف عن زيارتنا من اجل استرضائي رضيت عندما اتاني متوسلا بثياب عاشق كان اخر كلام سمعته من اخي صبر المرة (المراة)اذا عيالها ما يحبوها يطبهم مرض حماتها مو زينة وياها قلعتها بس يا اختي اذا رجلها ميريدها هاي ما الها دو يا بنت امي وابوي قبلته على راسه وقلت :خوية والله لو تشوفه يكسر الخاطر يمكن ظلمته خطية يبجي ويكلي رجعيلي اجاب: بحزم خوية لعد بيت كاظم بعد مطلعين منه زعلانة من بيته للقبر وبيت اهلج هلا بيج تزورينة وترجعين تنامين يمنة يوم واحد ماكو الا من تتنفسين وغادرت منزل اهلي وعشت اكثر من عشرة سنوات في رعب كلمة طالق يمة صبر وين رحتي اجبتها بهدوء :افكر بضيمي عمة والله ما اعرف شمسوية بدنيا حتى يصير هشكل وياي اجابت بلوم :استغفري ربج الله ما ضيق على عبده الا يريد يدهشه بعطاياه اجبتها بوهن: ونعم بالله ثم قلت: عمة لا تصيرين عصبية بس دبريني شسوي اجابت بقوة: خليها عليه انتي واولادج تبقون وهو يطلع ثم اكملت: اني تعودت على الاولاد وعليج هم حارمني من شوفته وهم يحرمني منج ومن الاولاد اني اعرف اتصرف وياه نهضت وقبلتها من جبينها ويدها وقلت :الله لا يحرمني منج بردتي قلبي ذهب شبح الطلاق بشكل شبه مؤقت فانا اعرف عمتي ان قالت كلمة لا تثنيها باقية على قلبك ياكاظم الا ان اعرف علتك ******************************* اليوم عيد ميلاد خلود عادة تحتفل به في اجواء صاخبة ولكنها تمر بازمة نفسيه انستها يوم ميلادها لولا عمها مهند الذي فاجئها بمجيئه الى الجامعة واحضر لها هدية تليق بها وقرنا انا وزهرة ان نفاجئها بالاحتفال بمنزلها ونحضر كل ما يلزم لذلك وتم ما اردنا اعدت والدة زهرة كيكة مميزة تضاهي ما تعرضه افضل محلات الحلويات واعددت لها بعض الفطائر والمعجنات بمساعدة والدتي وذهبنا بعد اذن المغرب لها هي من استقبلتنا بعد ان ابلغناها بقدومنا كنا سعيدات تبادلنا الضحكات وتبادلنا النغزات ولم تخلو الجلسة من المنواشات بيني وبين زهرة الا ان اتت لحظة لم تكن بالحسبان رن هاتف خلود وكان المتصل مؤيد خلود ردي اجابت: بهدوء بارد :ياسمين الله يخليج عوفيني ما ارد قلت: ليش خطية اجابت بلوم: هاي انتي الي صار فترة تكلين لا تعلقين نفسج بسراب هسة تكلين خطية لم استطع ان افسر لها تناقض تصرفاتي فانا اشعر بالاسى على حبهما اجبت :بصدق خلود انتو تقهروني بس ما بيدي شي انقهر من اشوفج متعلقة بي بلا فايدة وانقهر من اشوفج اطنشي وهو بالغربة اجابت زهرة بلا مبلات :وهسة انتي على شنو عايشة مأساة عيش الحب ازوجتي نصيبج ما ازوجتي هم نصيبج ثم قالت بحالمية :المهم عيش الحب وسمعي كلمات الحب ليش هي الحياة شبيها غير الحب قلدت صوت موسيقى شاعرية وبعدها قلت : ياصاحبة الحب هاي اسمها قشمرة وضحك مو حب اجابت ببرود:لا هاي اسمها شطارة يعني الا اكو اذية بالحب احب وعادي تروح ايام هذا تجي ايام غيره يعني هسة مهند عايش بس على خلود نطقت خلود مدافعتا عن مؤيد :لو اشوفه بعيني وي وحدة ما اصدك مؤيد من جيل اذا حب يوفي اجابت زهرة : انطيني رقمه خل اثبتلجن شكد ساذجات انتن وفي لحظة تهور اعطت خلود رقمه لزهرة وبعد ثالث رنة اجاب مؤيد كان غنج زهرة يذيب اقسى القلوب تتمايل الحروف وتشكل كلمات عذبة وتمتزج النغمات وتشكل ضحكة موسيقى وتجاوب العاشق مع الصوت اللعوب وتعالت شهقات خلود وتكررت لحظة التهور وسحبت خلود بقوة هاتف زهرة وانهالت على فارسها باقبح الالفاظ ثم ساد الصمت المكان وبدات الدهشة في عيون المتهورة اقتربت منها قلت:خلود شبيج اجابت بوجوم هذا مو مؤيد ثم اغلقت الهاتف وبدأت تلطم على خديها قلت بمحاولة يائسة لتهدئتها خلود شبيج طلع مو مؤيد شنو صار ايدتني زهرة وهي تقول:المفروض تفرحين شبيج تلطمين لم نكمل كلامنا عندما رن هانف خلود وامسكت به وهي بحالة شرود والادهى انها لم تتجاهل الاتصال بل قالت :الو وبعدها بدأت سلسلة من الكلمات الغير مفهومة قائل:مؤيد مو قصدي والله اول مرة لالا ما اكلك منو تكفكف دموعها وتقول :لاتسويها سالفة ليغلق الطرف الاخر الخط وتنتهي حفلة ميلادها بنومها والدموع بعينها وغادرنا ونحن نرسم شبح ابتسامة خشية اسئلة الاهل التي لانعرف الاجابة عليها كل اخطائنا ناتجة من لحظة تهور لم نمنحها ذرة تفكير ************************* منذ اكثر من خمس سنوات لم تمسك يدي سكارة وها انا اليوم وفي غضون نصف ساعة ادخن نصف علبة اخرجت اسوء ما في داخلي ماذا اقول وماذا ابرر وقف زميلي السكن في حالة حيرة بعد ان كلم من على الهاتف بكلمة كافي ولج ناس ناقصها تربية هذا صاحب التلفون خل يوكفج عن حدج قبل ان يمد التلفون نحو كان هناك صوت صراخ وعندما ناولني التلفون انقطع الصوت كان الصوت مألوف فاذني لن تخطأ نبرة صوت الحبيبة استفسرت من صاحبي بعد ان اغلق الهاتف بشكل مفاجئ شنو القصة اجاب وهو بحالة دهشة:دك تلفونك ورقم غريب شلته واجاني ذاك الصوت العذب والبنية السهلة ثم اكمل: وفجئة طلعت وحدة ثانية مظلت حجاية موخوش ما كالتها خاين متستحي موعيب عليك هاي تالية الي تصدك بواحد مثلك هاي تالية الي تمشي ورة قلبها وتعوف اهلها هل هناك شك انها خلود هل تختبرني بعد هذه السنوات وهذا العذاب تبا لقلب خالف الجميع وعشقها لم اتملك نفسي خرجت خارج السكن وعاصفة هوجاء تضرب الاجواء لا تقل شراسة عن العاصفة التي هبت في فؤادي ضغطت زر الاتصال واتاني صوتها متعثرا قلت بغضب خلود تختبرين اجابت والرجفة تسكن: صوتها مؤيد مو قصدي اول مرة قلت:خلود عندج صديقة هاي دربها تختبر الولد متستحين منو هي كولي لو اجي ادفنج وادفنها اجابت: بلعثمة لالا ما اكول اجبتها وكل شحنات الغضب تجمعت داخل راسي : وج خلو اني اعلمج اصبري الي وقطعت الاتصال ضغطت على اسم اخر لعله يطفئ غضبي منها اتاني صوته هادى هلا اغاتي انتة اجبته بغضب :هسة تروح لبيت اخوك وتعرف منو يم بنت اخوك وتمنعها منها لو تكسر راسها اجاب بحدة: على كيفك شكو شنو حكمك عليها وعليه حتى تطلب هيج طلب اجبت والغضب ياكل كل راجاحة عقل يقال اني اتمتع بها:مهند ولك عدها صديقة من هذني الي يتملعبن وي الولد مهند ولك اتخلي صديقتها تخابرني ولك مهند اني بعد هذا العمر تختبرني اني مهند اتاني صوته هادئا ومهدئا على كيفك ماكو داعي لهاي العصبية البنية الي بهيا مكفيها ارحمها اشوي اجبته بحدة :لا يمعود مو اني كاعد اتونس وماكو مثل راحتي ولا عبالك عايش وياها على امل مجهول اجاب بهدوء :سد التلفون وخليني افتهم منها اجبت بحقد: كسر راسها وهاي الي خابرت بس تبقى تمشي وياها والله والله اعوف كلشي وارجع وابهذلها اغلقت الهاتف وبدأت التهم الدخان التهاما وكانه غذائي الذي لاغنى عنه خلود تبا لقلبي العاشق بعد ساعة رن هاتفي واجبت بسرعة قائلا:منو هي اجاب بهدوء :مكالت منو بس حلفت كانت لحظة تهور ومتعرف اشلون طاوعت صديقتها ثم اكمل :البنية منتهية قوة تحجي واليوم عيد ميلادها شبيك انت ماكو احساس عندك هدأت قليلا وقلت :منو صديقتها اجاب بهدوء :ما قبلت ادكول حاولت المقاطعة ولكنه قال: حقها بنات بيناتهم شعليك بالبنية اجبته: يعني انت عاجبتك بنت اخوك اتصادق هيج اشكال اجاب بهدوء: مؤيد لاتكبر الموضوع غلطة ومراح تنعاد وشعلينة بنات الناس بتنة واثقين من اخلاقها وانت تريد واحد اطلع حركت قلبك بي اجبته بوهن: شوفلي حل ترة كل يوم كابوس اشوفها بي عروس اجاب بمرح :يعني تريد تموت البنية ترة يكلون العروس بالحلم يعني تموت اجبت وانا استنشق الهوء المحمل برذاذ الثلج:اني اموت احسن اتاني صوته لائما: هاي شبيك هوازن البنية ما سوت مثلك وانت اعرف بظرفها اجبت بصدق :اريد ربع شجاعة هوازن اشلون طردت الحب من حياتها اشلون كدرت تعيش بعد خيانته اشلون نسته اشلون متحملة ملامح دانيال اجابني بهدوء :حكمت عقلها وعرفت الي يعوف وهو يكدر يبقى يعني بايع ثم قال: فكر زين وعوف لان انت متكدر تبقى ولا هي راح تتحمل هذا،الوضع ولا ابوها راح يقبل اجبت برجاء حاول لخاطري تعال على نفسك وروحلة (اذهب له)لخاطري اتاني صوته مشبع بالحزن: راح ادوس على نفسي واروحلة بس مو هسة انطيني فرصة ارتب الوضع نبض قلبي نبضة امل وقلت:الله يبشرك بالخير اجاب بود : اتصل بالمسكينة خل تنام اجبت بمرح: اني ما اكدر اخالف رأيك عمو انت مو كلت لا تتصل بيها اجاب بحدة: مؤيد مو وقت غثتك خابرها ثم اكمل:اشتعل الحب اذا هاي سوالفه ثم اغلق الهاتف وانا ضغطت على رقم الحبيبة لكي تنام ليلة ميلادها قريرة العين ************************** كنت اقلها هي وصديقتها وبعد ان وصلنا لمفترق طرق اردت اني اعرف وجهة صديقتها فكلاهما في حالة شرود منذ ان ركبتا قلت :بابا ياسمين وين بيت صديقتج اجابت بهدوء بابا تندل بيت طارق الجاسم وكيف لا اعرف اول عتبات العشق قلت :اي اندله اجابت: اي هو هذا بيتهم رفعت بصري الى المراية لاوجه الكلام لصديقة ابنتي :عمو انت بنت منو اجابت بفخر وذكرت اسم والدها نغزة اصابت قلبي بمجرد ذكر اسمه قلت بهدوء :والنعم منه الله يرحمه وساد الصمت المكان اوصلتها الى بيت جدها وعدت مع صغيرتي للمنزل الذي يجمعنا اسرة صغيرة الحب عماد منزلنا توجهت ياسمين الى غرفتها وتوجهت الى حيث تجلس شريكة حياتي وكافاحي جعلت حضنها وسادة لي واتاني صوتهاحنونا وهي تقول :شبيك تعبان اجبتها بصدق :شايل همج وهم ياسمين اذا صار بي شي اجابت: بصدق اسم الله عليك من عمرناعلى عمرك اجبتها بجدية :بهية لا تاخذنا العواطف انتي وحيدة واني نفس الشي ياسمين من الها اجابت بهدوء :كتلك ازوج خل يصر لياسمين اخو اجبتها بهدوء :اني ازوجت بدل الوحدة ثلاث وما حصلت شي ارتسمت الدهشة والحزن على وجهها وقالت: ليش مكتلي اجبتها بعد ان جلست واحتظنتها: ما اريد اخلي بخاطرج اتتي غالية عند محد يوصل غلاج وما اريدج تنقهرين كلت اجه الولد اكيد راح تفرحين لخاطر ياسمين ما اجه ليش اغثج تمسكت بي وقالت: الله يرضى عليك مايوم حسستني بتقصيري قلت لها بلوم :بشنو قصرتي انتي الله نجاجج من الموت وجبتيلي ياسمين مو صوجج وهذا رزق الله اجابت بحزن: لو دايرة بالي على صحتي كان ما اثر الضغط عليه وشالو رحمي اجبتها بلوم: عوفي هاي السوالف الظاهر اني هم اكو سبب يمنعني من الخلفة كل وحدة ازوجتها بقت عندي اكثر من سنة وماكو فايدة وبعدصمت قلت:الله يرزق ياسمين بابن الحلال وتعوضنا بخلفتها اجابت بصدق: امين ياسمين ابنة محمد القاسم التاجر الغني تستحق ان تحضى باحسن الشباب لو لا علمي بحب مؤيد لخلود لعرضتها عليها دون تردد الله يريح قلب هذا الشاب ويرزق ابنتي بالذي يليق بها في غمرة تفكيري بمستقل ياسمين اتاني صوتها قائلا: ام عادل مزودتها وياي بأي مناسب تذب حجي انت تعرفني افتخر بشغلي لو ما انت متقبل اروح لام هديل ونفتح معمل اكبر من معملها قاطعتها وانا ادعي التجاهل :منو ام عادل اجابت وهناك نظرة شك في عينيها: ختام تريد اذكرت اجبتها بمرح :تغارين اجابت بهدوء: غيرة عن غيرة تفرق قلت بمرح في محاولة لتبديد شكها :بالله اشلون غيرة عن غيرة تفرق اجابت: اذا تزوج والغرض اخو لياسمين صح اغار بس اكو فرحة توازي الغيرة وتغلب عليها بس الغيرة من ختام تختلف انت اذا فكرت بيها وكتها حياتنا كلنا بخطر قاطعتها: اكلج مو سويتيها سالفة اجابت :محمد اني اريد اخليك بالصورة حجيها ماعجبني وغاثني ونغزاتها مو لله اكو وراها شي اجبتها بهدوء: من ناحيتي اطمأني اجابت بشك: اكيد اطمأن اجبتها بتاكيد: اطمأني اردت ان امنحها الامان ولا ادري كيف امنح لنفسي الامان الحب وذكريات الصبى ولوعة في القلب اريد ان اقضي عليها ولا سبيل للقضاء عليها الا بوصل من كانت سبب فيها لنا لقاء قريب لم اتعمد التاخر انتهت الايام البيض من الشهر تقبل الله صيامك جميعا وهاهو الجزء يليق بانتظاركم احبتي ولنا لقاء لن يطول باذن الله والف الف مبروك للخاشعة ولكل المتابعات الي خلصوا امتحانات ويارب احسن النتائج قراءة ممتعة | ||||||||
|
| |
|
25-05-16, 02:43 PM
| #23 | ||||
| نجم روايتي وفراشة الروايات المنقولة
| صبر وضعها صعب الطلاق بالنسبه الها يعني تشرد وخاصه انه اهلها بعد عودتها لكاظم اول مره رفضوا ان تعود اليه مره ثانيه لجوئها الى ام كاظم هل سيفيدها ويمنع كلظم عن طلاقها ام انه قرر وضعه غريب ومحير في سر بحياته مانعه عنها وصبر مبين انها لسه عندها امل فيه بس لمتى وهي محرومه من حقوقها عليه \\\\خلود غلطت لما سمعت لكلام ياسمين وزهره رغم انها كانت واثقه فيه بس الاختبار الي عملته فيه غلط واجى على راسها زهره هل مافعلته سيكون وصمه لها اذا ماارتبطت بمهند ومهند هل سيستطيع تلين ابو خلود ام الطريق مسدود ومقطوع وحب مؤيد وخلود محكوم عليه بالانتهاء \\\محمد واعترافه لزوجته بزواجه وفشله بانجاب الابناء هل يمهد لزواجه من ختام وكلام ام ياسمين عن ختام وتجريحها بسبب عملها هل سياخذه بالاعتبار ام قلبه هو من سيتحكم يه ويمشى ورائه ويحطم عائلته شكرا فيتامين على النقل الله يسعدك | ||||
|
| |
|
29-05-16, 12:20 AM
| #24 | ||||||||
| مراقبة عامة ومشرفة منتدى الروايات المنقولة
| السلام عليكم ورحمة الله وبركاته فيه رد للكاتبه على متابعينها حبيت أنقله لكم زارا ابها ام الوليد بلومي دودي الخاشعة كل الي شرفوني بمتابعتهم وكلهم تقريبا متفقين بتساؤلاتهم عن صبر صبر قصة ممكن تكون بكل بيت وما الها حل ولايوجد من يعرف ما السبب كل الي نسمعه فلانة كان زوجها ما يريدها شنو السبب بس الله يعرفه هاي حقيقة صبر الحقيقية صبر الي بالقصة راح تشوفون تطورها ويمكن راح تكون مفاجئة الكم الي راح يصير واتمنى يعجبكم بس مو هسة بعد يحتاج كم جزء الي يتسائلون عن عن خلود مؤيد بواقعنا هواي خلود مؤيد بعضهم كان سبب بعودة العلاقات لمجاريها وبعضهم كانوا ضحايا انتقام واخذ ثأر ياترى شلون راح تنتهي قصتهم توقعوا براحتكم ونشوف بعد منو عدنا خالد انتظروا قريبا هوازن احبها تعجبني المرأة عندما تدرك انها على حق ممكن ان تواجه نظرة المجتمع القاصرة سارة احبها لان اصبح العالم مهوس بالرشاقة وحتى الرشيقات ماعدهم قناعة بجسمهن مرة قريت تعليق عجبني وحدة توصف ابنها الكلش معذبها بحركته الزايدة ادكول احبه رغم كل شي احبه فهي من اكتشفت هذا الشي قررت تحب تفاصيل جسمها كلها ادكول لان هذا جسمي هذا اني ليش اكرهة هنا المشكلة انو كل وحدة تشوف نفسها بالمراية وتكره صورتها هذا اكو خلل بدماغها مو بجسمها مرات الرجيم ميساعدنة ممكن نظل طول عمرنا نكره نفسنا هاي اتركها لسارة توضح الكم هاي غير قرار الابتعاد صلة الرحم مو معناها ازورج وتزوريني وبيناتنة بغض والله شنو صلة رحم لازم نتزاور صلة الرحم احبج وتحبيني حتى اذا اشوفج بالسنة حسنة وخل نشوف سارة شنو قصتها محمد القاسم لا تتهمون الرجال انتظروا يمكن تتعاطفون وياه ترة مرات يكلون الاصل ممكن يحدد،تصرفات الانسان لا والله الاخلاق هي تحدد تصرفات الانسان الاصل شرف عائلي ما النة كل يد بي بس اخلاقنا هي نتاجات افكارنا ما اطول عليكم بكرا باذن الله قبل انتصاف الليل راح يكون النا موعد مع الجزء القادم تصبحون على الف خير المشرفات العزيزات كبروا الخط لان متصفح الجوال ما بي هاي الخاصية ارادة الحياة | ||||||||
|
| |
|
29-05-16, 02:17 AM
| #25 | ||||
| نجم روايتي وفراشة الروايات المنقولة
| بصراحه الكاتبه مختاره شخصيات متنوعه وحتى قصصهم واكيد هي اخذتهم من الواقع بس يمكن ماحدا تجرا على طرح موضوع متل موضوع صبر واحتياجها العاطفي الي حارمها زوجها من حقوقها عليه وساره في كتير مثلها بمجتمعاتنا من كثر مابيجيها وجع راس من الاهل بتقرر تبعد لتريح راسها طبعا انا مومع القطيعه ولكن ايام الانسان بيضطر لهل الطريقه من اجل راحته النفسيه اما مشكله وزنها فهذا مشكله قديمه الازل ومازالت المراه تعاني منها حتى يومنا الحاضر واختراع عمليات ربط المعده والشفط حلو ان الانسان يقتنع بشكله لانه وقتها بيكون بيحب حاله وحلوه الثقه خلود كمان في منها وهوازن المراه المخدوعه الى قررت تنسى حاجتها للرجل وتعتمد على نفسها وماوقفت حياتها لااستمرت وتعلمت وعملت شغل ومااعتمدت على حدا رغم ان كان من وجهه نظري انها كانت ممكن ترتبط برجل يقدرها ولايخون حبها وخاصه انها معرضه بيوم ما ان ياخذ ابنها منها اما محمد انا ضده صراحه رغم اعجابي بشخصيته وعصاميته الاانه مازال يعيش بالماضى وارتباطه بختام اعتبره عدم تقدير لشريكه حياته وخيانه لها وخاصه ان المراه التي سيرتبط بها لم تقصر باهانه زوجته بكل مكان طبعا الروايه خطيره ورائعه كنت اتمنى ان يوجد متابعين اكثر لانها بالفعل تستحق المتابعه شكرا فيتامين على نقلك كل مايتعلق بالروايه جد مشرفات المنقوله دائما متابعين ومهتمين جد بحبكم كتير وبحترم اخلاصكم بعملكم | ||||
|
| |
|
29-05-16, 10:24 PM
| #26 | ||||||||
| مراقبة عامة ومشرفة منتدى الروايات المنقولة
| عجزت اجد عذرا لوصلهم فذبحهم قطع كل طرق وصلي تناديني اشواقاً بداخلي هلمي فيقول لها صوت افعالهم ابقي بعيدا ولاتتسرعي رضيت بالبعاد لتبقى صورتهم اجمل ويكبر ودهم بعيدا عنهم (8) في الدوام المسائي في الجامعة هناك العديد من النماذج البشرية منها الطموح الذي لم يحالفه الوقت ومنهم من فتحت الحياة عينه لضرورة العلم ومنهم من يرى الجامعة مكمل من مكملات الحياة شهادة ليس الا ولان المسائي يجب ان يدفع مبلغ من المال نرى فيها البذخ المادي في اعلى مستوياته لبس اكسسوار اصاحب شركات وسيارات فارهة بالمختصر استعراض راقي للمكانة المادية اجلس اراقب البذخ واراقب الصيد والصيادون العجيب ان الفريسة والصياد كلاهما ينصب الشباك او بلاحرى الكل مشروع فريسة والكل مشروع صياد جلست بقربي من هي على شاكلتي الا يقال الطيور على اشكالها تقع واني وهي وقعنا مع بعضنا بفارق عمر قدره عشر سنوات قالت بلهجتها السريعة وعيونها التي تتحرك بسرعة حين تتكلم اكلج هوازن هذا شكد طالع حلو هذا ابو شركة الموبايلات نظرت بطريقة حذرة الى من تكلمت عليه لكي لا ينتبه لنظراتي اجبت بهدوء :صدك وسيم وكشخة وشوفي الحلوات داير مدايرة اجابت بنظرة ذات معنى: بس هو عينه على وحدة بس اجبتها بعد ان اخذت نفس عميق: هالة فدوة لعينج هاي السالفة لا تعيديها اني ما خلصانة من امي وعمي وانتي تزيدين عليه اجابت بسرعة :هاي شبيج الرجال مظل وحدة تعرفج و واحد يعرفج ما حجة وياها خوش رجال وضع المادي مريح حتى اخلاقياته قاطعتها قائلة :وج يا اخلاقيات ظلت حلوة ما مشة وياها ظلت صغيرة ما ظحك وياها اجابت مدافعة :شنو صوجه هنة يذبن روحهن عليه قلت بجدية : وهو مايكول لا ثم قلت :اكلج هالة ترة انت اكثر وحدة تعرفين شنو بي اني حبيت واحد ونسيت قلبي من نسيته اجابت :بتلقائيتها المعروفة متشتاقيلة اجبتها بسؤال: انت تشتاقين لابو اولادج اجابت بسرعة: اشتاق لايام ساعدتي وياها من كنت ام بيه ما انكر بس قلبي كارهة اجبتها بمرح هاي اشلون رهمتيها اجابت بهدوء:هوزان اني لو اعيد قصتي الف مرة محد يصدك الي صار بية وبدون سبب عايشة عيشة سعيدة رحت ازور اهلي بغير منطقة ظليت يمهم اربعة ايام رجعت لكيت رجلي مزوج بيتي وبغرفتي وبملابسي طردني من البيت اني وثلاث اطفال بعز ازمة العراق وقت الحصار ما اخذت قشاية من البيت ليش على شنو ما اعرف اجبتها بمحبة: هو الخسران والله عوضج بخلفتج اجابت بصدق: هوازن انت صغيرة بعدج قاطعتها ضاحكة: ياصغيرة ست وثلاثون سنة صغيرة مال شنو اجابت بمحبة :بعدج مرغوبة بعدها الناس اتخطبج اختاري شخص مناسب الج لا تبقين بلا رجال اني لو ما الاولاد ازوج ثم اكملت ضاحكة: هو اني طاح بيدي الزواج وما ازوجت تعرفين بالعراق محد يدور وحدة عدها ثلاث اولاد الا اذا متيم بحبها ثم اكملت ظاحكة: والمتيم ما شفته لا شابة ولا عجوز ضحكنا سويا لتعليقاتها المحببة ثم قلت :هالة اني انجرحت وما حجيت وداويت جرحي وجرح اهلي واحس العمر الباقي من حقي اني وبس ما اريد شريك بي اعرف دانيال راح يجي يوم ويدور على ابو ومراح امنعه لان اني من هسة ارتب وضعي لهذا الشي واعرف عمي يزوج ومؤيد يزوج واكيد راح ينشغلون ويجوز يتغيرون وهم اكلج ارتب وضعي اريد اعيش سعيدة وي نفسي اجابت بهدوء: حياة مثالية تعتقدين تحصليها اجبت بجدية: حياة واقعية اني ارفض الزواج لذلك لازم اكون متحملة مسؤولية قراري اجابت بتساؤل :متنقهرين اذا يوم صادفتي ولكيتي مزوج ومكمل حياته وهو مو قف حياتج اجبت بصدق: الكل يعتقد وكفت حياتي علموده ماكو واحد يشوف التطور الي اني وصللته لان اتشوفون استمرار حياتي بالزواج وتوقفها بعدم بالزواج واني الي اجاني من الزواج الي كفاني تدرين من طلع من البيت كنت اتمنى تاركلي رسالة يبرر فعلته ظليت ادور وادور وادور ما لكيت يعني حتى ما اهتم اعرف شنو سبب طلعته ومن وصلت ورقة الطلاق لعمي اتوسلت بعمي لا يصير عصبي ويروحلة بكل برود ويكله اني حامل اجابت بذهول :يابرود اعصابج اشلون تحملتي اجبتها بجدية: تدرين كلت لعمو اذا كال ما عليه مو ابني سجلة باسمك بس طلع شريف وكال الي اطلبووا نفقة اي شي بالخدمة اجابت بلوم: وانتي تنازلتي عن كلشي اجبتها بصدق: لان ملايين الدنيا كلها مترجع لحظة من عمري كظيتها وياها بخديعة الفلوس تريح ضميرة بس تبقيني على تواصل وياه عمر خفت اموت ويموت دانيال ويجي يوم يكون احد ورثتي وخفت يموت ويموت دانيال واشوف نفسي من ورثته رفضت حتى هاي الصلة الورقية اجابت بتهكم: وعمج المخبل مشة وياج اجبتها بصدق: عمي واني اثنين مجروحين وردنة نقطع علاقة ومانرجعها اجابت بتهكم :وهو هم اشلون دار بال (داربال كلمة عراقية بمعنى اهتم )الكم وقع واتخلص من مسؤوليته وماكلف نفسه يسأل قلت: خل اكمل الج وازوج قرايبة وطلع خارج العراق اجابت بذهول :يمة منج وتكليها برود هشكل اجبتها بصدق: يعني اذا حر كت اعصابي اغير واقع حال كلما اذكر واريد احترك اكول لنفسي هوازن يعني انتي حركتي اعصابج شنو راح تغيرين وكلما افكر هواي بي اروح اصمم فستان او اترجم كتاب او اغير ديكورغرفتي ما اخلي تفكيري بي يسببلي حزن لا اقتل تفكيري بي بتطويري لنفسي اجابت بتساؤل:وهسة اجبتها بصدق :نسيته عندي هواي اهتمامات اكثر منه ثم قالت :ودانيال قلت باستفسار :شبي داني احلى رجال بحياتي اجابت: ميذكرج بي اجبت بصدق: لا يذكرني بنفسي كلما اشوفه احب نفسي واطورها اكثر حتى ميجي يوم يشوفني عالة عليه اجابت بمحبة: الله يهدي عليج ويكبر ويبر بيج اجبتها بمحبة :ويهدي اولادج عليج اخذتنا الاحاديث حتى تفرقت الجموع من حولنا فاسرعنا خلفها لعلنا نلحق على ما تبقى من المحاضرة مع هالة اكون في حالة من البوح لا تنتهي ****************************** منذ البارحة وانا اتقلب على جمر افتعلت عددة مشاكل بالعمل اتصلت بام مؤيد واخبرتها بعدم رغبتي بالزواج في الوقت الحاضر ووعدتها اني افكر بالموضوع بعد عودة مؤيد واخر قرارتي لهذا اليوم اقفلت المعمل وتركت السيارة حيث تقف بمكان قريب من المعمل وذهبت سيرا على الاقدام الى معرض محمد القاسم استفذت اغلب شحناتي السالبة بالسير سريعا ووصلت الى المعرض وانا منهك القوى استقبلني بحفاوة جلست متعبا وامسكت كوب الماء الذي كان على مكتيه وابتلعته دفعة واحدة قال بود:الف عافية شبيك قاطع جزيزة اجبته بهدوء:هو الي عنده اخوتي لو يحصل جزيرة مو يقطعها يهاجر الها ويخلص من ولاية يسكنون بيها اجاب بلوم: احمد ربك غيرك يتحصر اجبته بجدية :ابو ياسمين قهروني وقهروا اخوي وخلفته البارحة مؤيد يخابر يتوسل اجي على روحي واروحلهم علمود يقبلون يزوجوا خلود واليوم الصبح مرجعين العمال والشبابيك ويردون غير موديل مو اني مفتح المعمل حتى بس اشتغل الهم وكل هذا واكول ميخالف انكسرت هوازن ما اريد اكسر مؤيد اجابني بهدوء: كان خلصت السالفة لو مزوجها لابن عمكم بدل الغريب قاطعته واني اتاكل من الداخل والغضب ينهش نياط قلبي: هو اني لو اعرف صاحبي يطلع نذل اني ما ازوجها لابن عمي عبالي انطيتها للاحسن صاحبي وابن عائلة كلت ذولة طماعين وجاين من طرف ظافر كلت مدبرين سالفة شمعرفني السالفة التعبانة دبرها صاحبي اجابني بود: هسة انت ماصدكت عوف هاي السالفة اندفنت هسة شنو الجديد اجبت بوهن: اريد اروح اخطب خلود لمؤيد تجي وياي بدا الوجوم واضح على ملامحه ثم قال: اني وانت نروح نخطب من ظافر لا هواي راح يوافق روح اخذ من بيت طارق الجاسم وكم واحد من وجهاء المنطقة اجبت بفخر : انت وياهم جاب بود: طلعني من السالفةا اجبته باصرار :بطلت ما اروح اجاب بحدة :اكلك انت تريد سبب حتى تبطل روح وفضها خل نشوف تاليتها ويلة اروح وياك وامري لله تنفست الصعداء :وقلت انت عندي مثل سعد الله يرحمه ويطول بعمرك ترة غالي عندي اجاب بهدوء: الله يعز قدرك ويرحم سعد ربى ونعم ما ربى ثم قال :شوكت ناوي تروح اجبت بهدوء :بعد امتحانت اخر السنة اجاب بدهشة :مو بعد وكت ترتب الوضع من هسة قلت : اربط نفسي بكلام حتى،ما اتراجع قطع كلامنا اتصال هاتفي رحب بالمتصل بود عالي وكان الموضوع استيراد اثاث مكتبي فخم وودع المتصل بقوله ا:دلل ابو خالد وبينة اتصال قلت باستغراب : من شوكت عندك علاقة بي اجاب باحراج : من ايام وفاة المرحوم ونهض يتابع احد الزبائن وبقيت استذكر النعش الذي توسط غرفة الضيوف الذي يحوي جسدا كانت تدب به الروح قبيل سويعات كنا نمزح ونتبادل الكلمات المرحة عائلة جمعتها جلسة شاي في عصر يوم شتائي غائم فجأة سقط كوب الشاي وتفرقت الجموع وتجمعت حول شخص واحد نحاول معرفة مابه عيونه بالكاد تفتح ونفسه ضاق ولسانة يردد الشهادة بصوت خافت حملته مع مؤيد واسرعت به للمشفى وهناك كانت الصاعة قالها الدكتور بصراحة انه منتهي ببساطة منتهي يعني غادرت الروح الجسد ووضع في نعش ونترقب اجتماع الاهل لندفن العزيز يجتمعون حوله وكلهم ينتظرون كعكة الورث يتغامزون ويتلامزون ولم اجد بجواري غير خالد ومحمد القاسم حملو النعش معي ووضع العزيز في مثواه الاخير وكانوا سدا منيعا لصد محاولات الاخوة الاقتضاض علي وعلى عائلة سعد فاجئني بقوله ا:نت تعرف اذا ابو يعرف بالي سواه ابنه ما يرضة عليه وترة دائما يسأل عليك ويكول قاطع اجبتها بجد :انت تعرف مخليت بخاطر هوازن هي تصور ابو اذا عرف راح ينظرنة نظرة دونية وبصراحة اني هم ما حبيت نكون بهيج موقف اجاب بلوم: ضيعتوا حق الولد اجبته بجد: حقه محفوظ يمنة خالد صفحة وانطوت اجاب :تدري هسة هو وين وشيشتغل اجبته بحقد: ولا اريد اعرف راح لا رد شنسة منه خليها بالقلب ابو ياسمين ترة خالد ذبحني وراح اجاب بهدوء: وضعكم لازم يصلح وانت بهاي السالفة معتبرني غريب خليني ادخل على الاقل اكون طرف صلح طرف يعرف الجد بحفيدة اجبته بهدوء: انت اخوية مو غريب بس رجال صار اله اكثر من عشر سنوات ماسائل تتوقع يريد اهلة يعرفون عنده ولد اجاب بهدوء: متعرف ظروف الناس الا تواجههم اجبت بجدية: واجهته وكال اني مهاجر وما الي رجعة واجهتة وكتلة ليش ازوجتها وانت هاي نيتك ما جاوبني ظل ساكت واجهت وكلتله اتسجل الولد باسمك وبعد معليك قبل وهو ساكت قبل يتخلى عن ابنه صح احنة شرطنا كل شي بس هو ما اعترض ولو بالكذب كنت اتمنى بكل شرط اكوله يكول لا بس هو كان بكل شرط يهز راسه ويكول اي قاطعني قائل:ا الوقت كان صعب وانت تعرف خالد قراراته متهورة بس هسة قاطعته قائلا:اقلب ورقة وخلينا بمؤيد رتبلي بعد ناس حتى نسويها جاهة كبيرة بلكي ينحرجون اجاب بود ادلل بعض ذكريات الماضي عندما تقتحم الحاضر تصبح هاجسا يوقظ مواجعنا ***************************** ان القاطعة وهم من يصلوني في كل ماجرى من نغزات وتصرفات عندما ابتعدت لم اخبر زوجي عن السبب الحقيقي وعندما يسألني يكون الجواب اشعر بالغربة في وسطهم فافضل الابتعاد وهاي هي اختي كعادتها تاتي لزيارتي ربما لاذنب لها في ما اشعر ولكنها جزء من مشكلة انا بطلتها اراقبها وهي تتحدث مع بناتي قالت :هديل اخبارج بالدراسة اجابت هديل وهاتفها يرافقها وعينها لاتفارقة :الحمد لله تمام اعادت السؤال بصيغة اخرى: يعني سعياتج متفوقة لو على الحافة كان جواب هديل ثابت :الحمد لله ثم قالت : بنت حماي تذكريها اومائت هديل ببراسها بمعنا نعم قالت:ماشاء الله تريد تطلع من اللاوائل درجاتها مفولة هاي غير الخطابة الي كل يوم ابن عائلة شكل اجابت هديل :بلا مبالات خوش بنية حبابة الله يوفقها قلت بمحاولة قطع سيل الاسئلة :هدولة ماما سويلنة كيكة اشو مشتهية كيكة وخالتج هنا انصاعت هديل لرغبتي مكرهة وبدأت باستجوابي فتحت الاستجواب بقولها : سامر سكر عالي كلشش تعرفين تفاجئت فسامر اخي الصغير قلت بتسائل: من شوكت يمعودة ماعدنة احد بعمره صار بي سكر اجابت بحزن: من النق من اخذها الي هسة تنق براسه اجبت بلامبلاة: الله يهديها ماعدها عقل قالت بحذر: متسألين عليه اجبت باصرار :لا اجابت بهدوء: متسوة قلت :بالنسبة الج متسوة لان انت مو صاحبة الموضوع اني تعبت واني ابرر تصرفاتهم تنجمعون وتعزلوني ومن اعتب تكلون منعرف تردين تجين قاطعتني قائلة: مو انتي اتضوجين من مرة علاء ونعرف متحبين جمعة هي بيها اجبتها بهدوء: رحم الله والديج وعلاء الابن الكبير للعائلة متستغنون عنه بس عادي تستغنون عني اشوف بعيني من تسافرون تتفقون ومن واحد يسافر بيهم يخابروج ويدزون عليج واني اخر اهتماماتهم وحاولت مقاطعتي ولكن قلت:مو غيرة ولا حسد انت اختهم واني اختهم مشفت واحد خابرني وكلي تعالي راح اسافر تعالي وياي حاولت المقاطعة ولكن قلت: ادري نسوانهم يرتاحن الج ومايرتاحن الي وبالتالي هم يرتاحون الج وميرتاحون الي ولاتحجين ادري اني اتحسس وطبعا مو من حقي اتحسس واجبر الناس ترتاح الي بس بنفس الوقت من حقي ابتعد عن ناس مترتاح الي نسوان الاخوة ميرتاحن الي ويحشن دماغ الخوان والاخوان يصدكون غير علاقة وغير خوة اجابت بهدوء: انت متعبرين وتاخذين الامور بحساسية اجبت: اكلج رحمة لاهلج قبل هاي الوضعية لو اضل سنة مااروح ماكو واحد يدك بابي ويكول اشلونج قاطعتني قائلة: علاء حاول بس انتي ما واصلتي قلت :وهاي سالفة متنتهي تتحججون عليه ترة بالاخوة ماكو واحد يتحجج على الثاني اكو واحد يحب الثاني اجابت بهدوء :تعتقدين يعني وياي ما يسون هذا الشي اجبتها بجد :نسوانهم ميشوفنج ند وانت اتسمعيهن حجي وتتعمدين ادغثيهن الغريب اني الي مااسمعهن حجي ولا يوم جاية مني غثة بقصد وبدون قصد الهن يشوفون تصرفاتي كلها غثة الهن ما اريد ابالغ نسوان اخوتج الغيرة ذابحتهن علاقتي بيهن بلاياها اخوتي اشوفهم اشلونك خوية يكلي هلابيج وانتهت السالفة بدل ما كل يوم مشكلة شكل اجابت بحذر :انتي من سالفة هديل كطعتي اجبتها بجد: مراهقة وحاسبتيها مثل متحاسبين وحدة تخون زوجها ما اريد ازعلج كان عمرج خمسة وعشرين من شفتج تحجين وي رجال بالتلفون ما سويت شي كلت اختي تفتهم تعرف تتصرف وما حاسبتج تجين انتي من وراية تحاسبين بنتي والله شنو شفتيها تحاجي ولد بالفيس بوك اجابت بهدوء: انت تعرفين اني اريد مصلحتها وكان وصلت لغير مواصيل لو ما اني مدخلة اجبتها بجد :متوصل لان كله حجي فيس لاطالعة وياه ولا شايفته اجابت نسيتي: شسوت من كانت باللاعدادي ما سوت نفس الشغلة واجت تواعد الولد اجبتها بحزم :طبعا بهذا كله ما الوم احد غيري ليش كتلج ليش خليتج بالصورة باسرار بيتي اجابت بتايد: صح المفروض متكلين اجبتها بقهر: عبالي عندي حبايب يشيلوني من حيل مابية ماتخيلت يجي يوم والحبايب تعير بي قاطعتني قائلة: لو موهشكل قصدي بس قاطعتها: ممكن اطلب منج طاب اجابت :اي ادليلي قلت: البيت الي كان فاتحلج اسراره ومعتبرج وحدة منه يبقى طول عمره فاتحلج بابه بس تعذريني الشغلات هاي تعتبر شخصية وصفحة وانطوت والعائلة كلها وضعها تغير احنه صرنا ناس تحب ناس ناس قلبها على ناس ولاتزعلين بنت حماج الي ديخطبوها وتريد اطلع معدل الله يوفقها بس احنه ميهمنة نسمع اخبارها اجابت بهدوء: مو اكلج تتحسسين اجبت بحدة :وانتي متفهمين الحجي اول ما قررت ابتعد كتلج ما اريد اسمع اخبار اي احد بيهم وماعلي بيهم وانت اجيبين اخبارهم كتلج معليج بناتي اني وياهم نتفاهم هاي الاسئلة الي من جو الي جو عمري مكنت غبية عنها بس قبل كنت انحرج ارد عليه هسة بصراحة ما اريدج اتسأليها لبناتي وانتهى الكلام بقدوم هديل محمل بصحن الكيك واكواب الشاي يجروني جرا للابتعاد عنهم ااصرخ باعلى صوتي اني لا اريد وصلكم سعيدين وبعيدين وسلام بيننا حين القاء هذا يكفي واقع اخترته وتجربة قررت عيشها الغاية منها راحة ذاتي وتألف افراد اسرتي لنا لقاء قريب باذن الله قراءة مفيدة وممتعة اتمنى لكم | ||||||||
|
| |
|
29-05-16, 11:00 PM
| #27 | ||||
| نجم روايتي وفراشة الروايات المنقولة
| مفاجاه طلع خالد المحروم من الاولاد هوزوج هوازن طب شو سبب تصرفه وتنازله عن حقه بولده رغم انه لم ينجب من زوجته ويعاني معها بطفل الانابيب ولماذا لم يعلم اهله عن ولده وهم حيموتوا ليروا ولدله هل لانه ظلم هوازن وطلقها وهل زواجه كان لارضاء اهله ويمكن كان يعرف انهم لن يرضو بزواجه من هوازن بس تعجبني هوازن وتصميمها على النجاح والتقدم بحياتها وان لاتكون معتمده على احد \\\ساره غلطت عندما اعلمت اختها بسر ابنتها لانها مازالت تتحدث بفعلتها وتعيرها بها رغم انها قامت بنفس فعله ابنت اختها ساره معها حق بالابتعاد لان لم ياتيها من الناس والاهل الاوجع الراس والمهته فهي لاتريد ان يطلع احد على اخبارها ولاتريد معرفه اخبارهم واعتقد ان زوجات اخوانها يغارون منها ولذلك يتصرفون بلئم معها \\\اما مهند فواضح انه نوى اعاده خطبه خلود لمؤيد فهو لايريد ان يتالم مؤيد كما تالمت هوازن وبالرغم من حقاره تصرفات اخوانه ولكنه يريد رد معروف اخوه سعد باسعاد ابنائه ولكن اعتقد انه سيرفض او سيوضع شروط صعبه التنفيذ شكرا فيتامين على النقل بارك الله فيك | ||||
|
| |
|
03-06-16, 10:00 PM
| #28 | ||||||||
| مراقبة عامة ومشرفة منتدى الروايات المنقولة
| كل،المتواجدات كالن سعاد،منو سعاد هاي،سارة سارة حكاية تجريح وحكاية نفس ضعيفة قدرت تتغلب على ضعفها وتقوي نفسها قررت تبتعد لان هي فعلا حساسة وكل يعرفها حساسة مع ذلك ماكو احد،يرحمها فقررت تنهي حساسيتها بالابتعاد عن مصدر الحساسية ارادة الحياة | ||||||||
|
| |
|
03-06-16, 10:03 PM
| #29 | ||||||||
| مراقبة عامة ومشرفة منتدى الروايات المنقولة
| هناك عصف الانفجارات وهناك عصف للذكريات تدنوا ببطئ تخشى الرفض وفجأة تغلق الابواب وتتعالى على جراحها وتعود لتسمع همس لاتعودي لانرغب بك وتتعالى على جراحها وتعود تتوسط جمع واجم تحاول ترتيب حديث معهم ولكن الكل وجوم هي الضيفة وهم اصحاب الدار تتبدل الادوار الضيف يحاول مجاملة صاحب الدار تتعالى على جراحها وتعود لتصرح ذاتها بصوت صريح رنينه عميق كفى ان لم يكن هذا نبذ فكيف يكون النبذ غلق الابواب نبذ قولهم لانرغب بحضورك نبذ والوجوه الواجمة نبذ تبا لغربان المجاملة داخلي ونعيقها المزعج مرحبا بصفاء النفس اليوم حين اسأل اقول ماضي وعفا الله عن ايام كانت فيه جرح ومرحا بحاضر فيه انا ونفسي وحاضر يشبه الفجر (9) في جلسة ود امامي ما لذ وطاب وتلفاز مفتوح على احد القنوات يبث فلم من النوع الذي احبه وحسناء راسها على كتفي قالت: بغنج ناقصني بيبي تكمل كعدتنا اجبتها بنغزة: يمعودة خاف تتنغص كعدتنة اجابت بلوم: خالد الله يخليك لا تحجي هشكل والله اتشائم ثم ضمت بطنها وقالت :فدوة لعينة صار عمر ست اسابيع الله يفرحني بشوفته اجبتها:امين وداخلي رغبتان متصارعتان رغبة تقول امين ورغبة تقول لاتعلق نفسك بعدها قالت وهناك نظرة خوف في عينيها :خالد اريد اكلك شي بس خايفة اجبتها وعيني تتفحص ما ترتدي : هي الي لابسة هشكل ومكحلة هاي العيون الي تذبح هم تخاف ادكول شي لو تطلب شي يمعودة كولي كلي سمعا وطاعة ضحكت بغنج واحتظنتني ثم قالت: هذا خالد حبيبي هشكل اريدة نظرت لها بشك وقلت :ليش شبيه اجابت بهدوء :صار فترة رجعت النظرة المبهمة الي كانت بعينك اول ما ازوجنة اجبتها بمرح: والله خبصتيني بيها لا ترجعين لهاي السالفة الله يخليج تعدلت بجلستها واجابت: بجدية خالد والله صدك انت متحس بنفسك بس اني اذكرها زين اول ما ازوجنا رحنا لاربيل كان بداية التاسع الجو يخبل والجبال تحفة ربانية وانت نظرة بعينك عبالك تشوف غير مناظر مرة سألتك شبيك خالد كلت احس الجبال طابكة على روحي وحتى من هاجرنا لالمانيا ظلت هاي النظرة وبعدين اختفت بس هسة رجعت خالد كون صريح وياي ليش رجعت اجبتها بحدة: شنو قصدج اجابت بهدوء :خالد احنة ازوجنة زواج عائلي يعني عادي احتمال اكو وحدة بحياتك اجبتها بلوم :نسوان بس يتغير الرجال يعني اكو وحدة أطمأني حتى اذا اكو ماضي لو تردين تبحوشين بالماضي ترة تخسرين هواي اجابت بشك: شخسر اجبتها بحب: اتخسرين راحة بالج خلينة هشكل ومن تشوفين هاي النظرة الي صار الها سنين مدوختج اندعيلي اتخلص منها مو تجين وتفتحين عيني عليها اجابت بلوم :يعني كان اكو وحدة اجبتها بهدوء: هذا الي يريد يدور شي يغث نفسه بي احتظنتها وقيدت حركتها وقلت خل نتابع الفلم ولا حركة تظاهرت بالخوف واستكانت بين احضاني ماذا اقول لها اقول ان الجبال اصبحت شاشات عرض عملاقة نصبت بكل الاتجهات لتعرض لي لحظة دخول مهند الى معرض الاثاث هل تريد ان تعرف باني اردته ان يصرحخ ان يضرب حتى اجد مبرر لكي احقد عليهم وانبذهم الي صار صار اني اجيت اكلك ترة هوازن حامل كانت صاعقة وصاعقة من النوع الثقيل اردت ان اقطع صلتي تماما بهم وبمنطقتهم وبالعراق كله لتكون هوازن حامل لتقيددني بكل ما اريد التخلص منه اجبته :بنرفزة احنة مو اول اثنين يطلكون وبينهم طفل اجاب بهدوء: اني ما اريدك تنسحب من الطلاق لا اني اريد اثبت موقف هذا نسب وشرف يعني يجي الولد اوالبنية كل الي نريدة مستمسكات وشوي اوراق توقع عليها اجبت بحد: اني عشرة ايام واهاجر ما عندي شي بالعراق هنا بدت الصدمة واضحة على معالمه وقال :تهاجر اجبته بحدة: اي اسافر اجاب: ليش هشكل ثم تدارك نفسه واشار الى حازم وقال :انطي وكالة وخل يكمل هاي الاجرائات قاطعته قائلا :يا اوراق تردوني اوقعها اجاب بهدوء: هذا عمر انت تموت ابنك او بنتك يموت هوازن تموت اكو اوراق وقعها حتى ماكو واحد يورث الثاني والله يسر الك ويسر النا وينطي كل واحد على كد نيته في كل كلمة يتفوه بها كان هناك سكين ينغز بصدوي كنت مستبد فكرة الهجرة سيطرت على افكاري وخشيت ان انكشف امر الزواج اعود الابن العاق لوالدي ولن احضى بالهجرة ولا بتمويله فرصة ذهبية ولابد من التضحية نهض مؤيد قائل:ا ان شاء منشوف بعض لا بخير ولا بشر خرج هادئا تاركا خلفه انسان كل الجمادات نطقت لكي تنعته بالخسة احتجت سنوات لكي استعيد تقديري لذاتي ولكن الذكريات لا تتركني بحالي خالد اني نعست وهاي الكعدة اذتني اروح انام وانت كمل الفلم نهضت وهي تترنح بمشيتها من النعاس وتركتني اتخبط بذكريات اول واخر حب طوق فؤادي هوازن يانبض شامخا سكن قلبي ماتركتي لي سببا اخرجك منه وماتركت لك موقفا يبقيني داخل قلبك ************************* بعض المواقف تحتاج الى ان تخرج المرأة دون علم زوجها ان كانت غايتها الحفاظ على اسرتها البيت الذي ازوره على بعد شارعين من منزلي وصلت بسرعة فخطواتي كانت سريعة من اجل تدفئة جسدي فالبرد قارص والضباب شديد وكانها ساعات الصباح الاولى ولكن الساعة تشير الى التاسعة والنصف صباحا ضغطت جرس الباب وبعد مدة خرجت صبر وهي ترتدي ملابس البيت بطبقات عدة قلت: بمرح صباح الخير اكلج صبر اكو هدوم بعد بكنتورج اجابت وهي ترتجف: يمعود موت برد واني ما احمل اتفضلي ليش واكف شنو تتبردين تبعتها وهي تركض ولاني من زوار البيت المرحب بهم جلست حيث تجلس العائلة رحبت بي الخالة حسنة ترحيب الام لابنتها قاائل:ا هلا بريحة الطيبين قبلتها على راسها واحتضنتها بحب فهي ابن خالة والدي و والدتي اعتنت بي كثيرا خاصة بعد وفاة اختي الكبرى كانت الام النصوح تناولنا مواضيع عامة واخبار عامة واستاذنت صبر بادب فهي تعرف خلف زيارتي سبب لا علاقة له بهذه المواضيع قلت :شكد مؤدب اجاب خالة حسنة: الله يستر عليها بنت اصول ثم قالت: بيج شي يم بهية اجبتها بوهن :بي هواي اشياء اجابت بهدوء: ازوج مرة لخ محمد خالة احنة مو كلنة رجال مداريج ومداري خاطرح ويزوج بالسر علمود الولد وميكول حتى لا يغثج غير واحد كال خل تولي غصبن عليه عندي فلوس وازوج. اجبتها بهدوء: خالة هو كلي كل شي واحنة اثنين متلهفين على اخو لياسمين خالة هاي غير شغلة بس بينة لان بيها شرف عائلة اجابت بهلع: شكو يمة خرعتيني اجبت بهدوء :تعرفين ختام اجابت بامتعاض: بعدها بالج اجبتها بتاكيد: بعدها ابالة مو ابالي خاصة ورة ما رجعت لاهلها اجابت بلوم: يمة هي اليوم البارحة رجعت لاهلها صار سنتين مدري ثلاث سنين اجبت بهدوء :ثلاث ثم قلت :وصار سنة ونص يتحاجون بالتلفون شهقت بقوة وقالت :استغفري ربك وج المرة تربي يتامة وهو رجال مقتدر وصايم مصلي ليش يروح للحرام شبيج صرتي تخيطين وتخربطين اجبتها بنتفهم :خالة خليني افهمج يعني اذا يتخابرون الا بيها رذيلة لا خالة يتخابرون حتى يتفقون على الزواج اجابت باستهزاء: فلوس محمد القاسم ضافتلة اصل بعيون بيت طارق الجاسم ورجلج شبيه عقل ماكو ولحست دماغه بنت الاصل اجبتها مدافعة: خالة محمد اكد الي ماكو شي وهو اذا يفكر يزوج فعلمود الولد بس خالة اشوفه مسجلها بتلفونة ماضي اجابت باستفسار: شمدريج يمكن رجال اسمه ماضي اجبت: مو مرة هو ممنتبه صوت التلفون عالي وجاوب وان كنت وراه وشفت اسم ماضي وصوت مرة وراها اخذت الرقم وعرفت هي اجابت باستفسار: اشلون عرفتي خاف ظالمة المرة اجبت بتملل: خالة تحققين وياي اكلج هي بنتها مرات تخابر ياسمين من رقم امها هسة عرفتي اشلون اتاكدت وساد الصمت المكان وان انتظر انتهاء مدة تفكير الخالة حسنة واخيرا قالت :الحل بيد رجلج كلشي متكدري تسوين اي شي تسوي يرجع عليج بمشاكل هو اذا قرر يزوجها محد يرده اجبتها بوهن: هي ما صايرة مرته وين ما اروح اتذب حجي ونغزات عبالك ماخذة رجلها شسوي اذا صار رجلها صدك اجابت بلوم :قوي نفسج شبيج اجبت بخوف :اخاف على بيتي واني مو كدها لا نفسيا وجسديا اجابت بحدة :لا انت كدها بس فكري زين وخل نوصللها وسالة اجبت بتساأل :وي منو نوصل الرسالة اجابت :بثقة وي سارة اجبت بذهول: ام هديل ثم قلت : تردين ام هديل توكف وياي ضد صديقة عمرها اجابت بثقة: سارة عقلها يوزن بلد راح تعرف اشلون تصرف اذا عرفتي انتي اشلون توصلين الفكرة الها اجبتها باستفسار: يعني شاكللها صديقتج تريد تزوج رجلي وخل تعوفه حتى ادكل لصديقتها وذيج ادكل لمحمد ومحمد يعاند ويخطبها اجابت بلوم: يصير هشكل اذا ما عرفتي تصرفين قلت بحيرة:يعني شسوي اجابت: قنعي رجلج تشتغلين وي سارة اجبتها بهلع :تحجين صدك غير يذبحني اجابت بهدوء: القطعة الي ورة بيت سارة لاهل صبر ويردون يبيعوها روحي اشتريها وسجليها باسمج وراها وسعي شغل وياها بدأت تشع في دماغي وقلت :احاول اجابت بتاكيد :مو تحاولين لا تنفذين تتقربين من سارة وتعرفين وكتها اشلون توصليللها الي تردين وبنفس الوقت تسوين عمل الج يلهيج عن هواي تفاهات تفكرين بيها اجبتها بزعل: ليش خالة هشكل اجابت بود: يمة بهية الرجال اول وتالي مزوج فسويلج شغلة تلتهين بيها احسن مدورين وراه ورة مرته وهم تحسين بلامان وانتي ممحتاجة محمد بس علمود الفلوس ثم قالت بتاكيد : قنعي محمد وبعد نهائي لا اجيبين طاري ختام كدامه هو اذا صار سنة ونص يحجي وياها لو يريد يزوجها كان ما طول هشكل يعني اكو شي مانعه لم افكر كما فكرت الخالة حسنة الحمد لله ما خاب من استشار انتهت الزيارة وحصلت على راحة نفسية عميقة وامامي،مشوار باقناع محمد لن يكون بالسهل ******************************* اعشق صباحات الشتاء واعشق كوب قهوتي وقطعة كيك بطعم الشكولا انسجم معها ومع صفاء روحي في لحظتها طرق على باب الفناء الخلفي يا لاهي انها ختام كيف وصلت لهذه المكان فتحت الباب مسرعة وانا انظر لها من الواجهة الزجاجية للباب دخلت وهي تتذمر وتقول: عاملاتج مزعجات شنو داخلة للبيت الابيض ميقبلن يدخلنير اخبرتها وانا احتظنها بود: اني منبهة عليهم محد يجاوز هذا المكان اجابت بلوم : كان انطيتي اسماء لناس تستثنيهم اجبتها بتهكم :واني اشلون اعرف حضرتك صاير ادكعدين قبل الساعة اثنعش ثم اشرت لساعتها شوفي الساعة بيش اجابت بهدوء :اني ما نايمة قلت باهتمام: شبيج شنو القصة اجابت والدموع تتساقط من عينيها :البارحة شفته بالحلم لابس دشداشة بيضة وجه اشلون اول مرة يحلق لحيته منور ومورد كتله ماما ليش عفتني ما حاجاني تكفكف دموعها واكفكف دموعي اكملت قائلة :سئلته ماما منو قتلك ما جاوبني راح بعيد اتمسكت بطرف دشداشته بس اكو شي اقوى سحبني وفزيتي من النوم وابتسامته ابلي عبالك حقيقة قلت وانا اكفكف دموعي: اذكري الله ختام شهيد باذن الله اخذت نفس عميق وقالت: الي قتله قتل روحي وياه اكو شي داخلي اتغير قلت لها بهدوء: الطيبة مختفية نظرت بنظرة لوم قالت: هاي انت تحجين هشكل لا عتب على الغريب قلت بود :احبج حتى اذا اتصيرين ميساء الساحرة تذكرين سندباد اجابت بضحكة :تدرين مرات ادور باليوتوب واشوفه ثم اردفت قائلة :اكو طفلة جواي متكبر ايدتها قائلة: كلنا عدنا هاي الطفلة المتكبر مو بس انت رفعت راسها الى السماء وقالت: عادل ماكان بس ابني هو اخوي وابني كان ملجئي من اصير مشاكل بيني وبين ابوه الله يرحم ابو كان بخيل بس عمري ما حسستهم ببخلة علمتهم من الصغر من يردون شي يجون يطلبون مني حتى متنهز صورته بعيونهم بس عادل كان يفتهم وعيونه تصبرني كنت صغيرة من انجبرت على ابوه صغيرة حيل وعاشقة حيل ومجروحة حيل وممثلة ماهرة كلها خوفتني بس ابين لرجلي اني كنت احب مو بس يطلكني احتمال يقتلني لان هو عسكري وميتفاهم وبقيت خايفة ما اسولف لاحد شيصير بي بيته اجبتها بذهول: هذا كله ومسولفتي اجابت بقهر: شسولف على الرشوة الي كنت اشوفه بعيني يتفق عليها بالتلفون لو من انفصل وطلع عقده عليه لو من انقتل عادل وانهار وصار مثل المخبل واني اتحملته حتى بناته اكللهم بابا متاثر لاتخافون هو يحبكم تعرفين شنو عمر احبب اولاده بي واني ما يوم حبيته قلت بهدوء :تردين تعوضين ايامج بزواجج من محمد اجابت بجد :اريد اعيش عمر غير العمر الي عشته وانسى اني عشته امحي الماضي وانولد من جديد قلت بهدوء: شوفي ختام بكل قصص الحب كل طرف يشوف بالحبيب المنقذ و بي صفات ماموجودة بشخص غيره حاولت مقطعتي ولكن قلت: تذكرين وسن من حبت ابن عمها تذكرين امها شكد كانت مقهورة بعرسها بس شسوي البنية حبته هو صح ابن عمها بس كل واحد اتربى بيئة شكل وبعدين حياتهم اشلونها مشاكل وكل يوم طاردها من البيت مرات اسألها وين الحب ادكول انعمت عين الحب اجابت باندفاع :محمد،غير شكل اصلا رجل وسن مخبل من يومه ما اعرف شنو حبت بي اجبتها بهدوء: مشافته خبالة شافت كل شي بي حلو حتى خبالة اجابت باستنكار: شنو قصدج اني ماشايفة سيئات محمد اجبت :انت ماشايفة سيئات الوضع قالت بهدوء :سدي موضوع محمد اريدج بموضوع اجبت :شكو قالت بتستهزاء :انخطبت لا ادري لما تسلل الضحك الى اعماقي وجليستي تنظر الي وهي تضحك لضحكتي ثم قالت :يوم الالج اجبتها بمرح :لا عيني جربته مرة وحدة ما اصور اجربه مرة ثانية قالت بجد: الله يحفظ ابو هديل قلت بهدوء: اللهم امين ثم قلت: صدك منو سعيد الحظ اجابت بطريقة مسرحية : ظافر بيك فتحت عيني على وسعها وقلت بدهشة: ياظافر ابن الحجي اجابت بكل برود: ابن الحجي الي فضحني ابن الحجي الي راح لاخوتي وكللهم اختكم تحجي وي صانعنا حبجيات ابن الحجي الي عمري كله ادعي عليه واكول الله يطلع حوبتي بي قلت لها بهدوء: وشنو ردج اجابت بحقد: طبعا لا هاي العايزة ثم قالت وهناك نظرة خبث في عينيها :بس تدرين يمكن اول مرة يسوي شغلة بيها حظ احتمال خطوبته تحرك خطوبة واحدغيره قلت بحدة: ختام بلا سوالف مراهقة ترة ذولة زلم الكبار مو مراهقين وترهانين على تهورهم ديري بالج اجابت :بمكر كل رجال مهما كبر جواه مراهق واذا انعادت نفس الظروف يطلع المراهق المتهور وظافر ومحمد من يومهم حية وبطنج واحدمايطيق الثاني (بالعراق يقال عن اي اثنين ميحبون بعض حية وبطنج الحية هي الافعى والبطنح نبات يشبه النعناع يقال ان الافعى لا تطيق التواجد،حيث يزرع) قلت باستنكار: ختام اخاف عليج هاي سمعتج وسمعة بناتج قالت بهدوء: لا تخافين اعرف ارتب اموري دكومي سويلي قهوة وريوك ترة كل شي ماماكلة نهظت اعد الفطور ولا اعرف لمن لختام الام التي فجعت بشباب اينها ام للمرأة الحكيمة التي احتوت عائلتها ام للمراهقة العاشقة المزهوا بمن يعشقها نحن في الحياة نرى كل الوجوه في وجه واحد ولا نعرف من هو الوجه الحقيقي **************************** تتوسطنا زهرة وتثرثر حول اخر من صادقته بالفيس بوك واعجب بها عندما شاهدت المحادثة ذهلت وقلت باستنكار :زهرة شنو هاي االمحادثة ليش ادكليلة حبيبي شنو هذا التصرف عيب اجابت باندفاع اكلج :عيب لو حرام اجبت باندفاع: اثنيننهم كلمة حبيبي الها اصولها ومعروفة لمنو تنقال قالت بتساول خبيث :يعني حرام وحدة ادكولها الا لزوجها او اخوها او ابوها قلت بتاكيد :اي لعد ادكولها لكل من هب ودب شبقى من حيائها قالت وهي تشير لخلود الصامتة :اشو متحجين هذا الحجي لخلود لو عليه حرام وعليها حلال حاولت مقتطعتها ولكنها قالت :الحرام حرام اذا ابن عمي واذا غريب هو غريب بالشرع صح حجي لو لا وقبل ان اتكلم قالت خلود: زهرة خانم احنه نتعلم الشرع من جناب حضرتج وبعصبية وبحدة اكملت: انت اهتمي بالالف واحد الي بتلفونج وتوزعين عليهم كلمات الحب عبالج غبية ما اعرف اني اعرف بس اكول عدها اهل وام تراقبها اني شعليه لاتقارنيني بيج اني حبيت واحد بس والله يشهد عليه ما يوم كتله حبيبي تعرفين ليش لان استحي هذا الفرق بيني وبينج اني استحي رمتها زهرة بسهم نظرات حاقدة وغادرت المكان قلت بذهول :خلود شبيج اجابت بحده :حصلت من وراها حجي متخيلت اسمعه تدرين عمي يكولي انت لو ماحابة تصرفات صاحبتج هاي كان ما وافقتي عليها قلت بصدق خلود: زهرة مجبرتج قالت بحدة: اني كنت ضعيفة وهي استغلت هذا الشي هي تعرفني ثم قالت: ياسمين انت متكعدين ويانا هواي لان كليتج تختلف اني وياها دائما سوا ودائما من يتصل مؤيد تتعمد ترفع صوتها وتتمايع تريد اتسمعه صوتها واني اعرف سوالفها ولان اعرف مؤيد مامهتمة هي عرفت اشلون تستغل ضعفي وتحصل الي تريده حتى تحجي وي مهند ويصير من الي يمجدون جمالها قلت بهدوء: وهاي صدك اكو الف واحد تحجي وياها قالت بصدق: مو الف شكو تحجي وي فرقة عسكرية بس اكو هواي شباب يحاجوها وينطوها ارقام وهي تاخذ متكول لا ومن احجي وياها ادكول جست فريند قلت باندهاش: ليش هاي وين عايشة وفقط اصدقاء قالت بلامبلاة :كل واحد وطبعه قلت بحدة: بابا هاي تمشي ويانا وتعرفين منطقتج قالت بجدية: لانخافين روحي سألي عنها بالمنطقة يكلون ماكو بشرفها حتى عمو يريد يخطبها لان الي تحجي وياهم يا اما مغتربين او من غير منطقتنا قلت بذهول :عمج مهند الصايم عن النسوان راح يفطر بزهرة قالت بجد :ولج انصدمت صدمة عمري من هوازن تسألني عليها شكول شحجي تسألت باندفاع :وانتي شكلتي اجابت: كتلها خوش بنية بس ما اتوقع تقبل بعمو لان كلش كبير عليها قلت والكلمات تتعثر بسبب ضحكتي : هي لو بس تعرف عمج مفكر بيها كان هسة تروح تخطبه متذكرين من اجه بعيد ميلادج خبصتج خطبيني لعمج اني وياه نتراهم قالت بهدوء: الله يستر عليها قلت بتايد :امين وما ان انتهينا من الكلام شعرنا بان هناك ظل حجب ضوء الشمس عنا رجل اقل ما يقال عنه جذاب ان قلت وسيم اضفت له طابع انثوي ولكنه رجل جذاب بكل ماتعني كلمة رجل وكلمة جذاب القى التحية وخص خلود بقوله: باجر عدكم محاضرة ساعة عشرة اتاجلت لنفس الموعد من الاسبوع الجاي بلغي الي تعرفيهم لان مراح يكون عندي مجال ادخل نت وابلغ وصار عندي موضوع ضروري انتي خامس وحدة اشوفها من مجموعتك فبلغي انشري بصفحتك واكون ممنون قالت خلودبخجل بسيط :ادلل دكتور وغادر بهدوء قلت باندهاش :وج هذا الطركاعة منو اجابت بهدوء: دكتور وضاح قلت بحالمية: دكتور وتشوفوا وياخذكم محاضرة هنيالكم اجابت بهدوء: يصير ابن عم بابا ثم اكملت تعرفين من تخرج من الجامعة خطب هوازن وعمو ماقبل قلت بتذمر :عمج خسر هوازن صفقة عمرها هذا الي تعيش وياها اكيد امها داعيتلها بليلة القدر قالت بجد: الله يكتبه من نصيبج قلت بذهول: وج هذا البطركاعة ما مزوج ليش اجابت :عمره يمكن نهاية الثلاثين او بداية الاربعين ما اعرف بالضبط قاطعتها قائلة :كان يحب هوازن واتعقد اجابت باستغراب: لا ما اعتقد حسب ما افتهمت خطوبة عادية مال اقارب قلت لها بحالمية :يمعودة من يريد يزوج رشحيني قالت باستغراب: هاي الشباب الي تنتظر منج اشارة حظج وكع على وضاح الشايب قلت بحابمية :يختي شبي شايب هذا مو شيب هذا طركاعة جاذبية تمشي على سطح الارض نهضت من مكاني وقالت اروح اشوف ممثل الشعبة خل ينشر عازب الكادر الجامعي لن يحضر غدا وشوفي الاشاعات الي راح تطلع باجر قلت بصدق: حقهم هذا لو استاذنا كل يوم االف عليه فصة اسرعت خلود في خطواتها وتركتني اتخيل وضاح كيف ممكن ان يكون عاشق شطحت بخيالي حتى وصلت الى كوشة العرس ولا ادري لما هذا التقصد بحجب ضوء الشمس رفعت راسي ووجدت شاب ناعم الملامح مرتب الملابس القى التحية ورددتها وبعدها قال: ممكن احجي وياج قلت وانت دتحجي وياي ثم قال :ممكن اطلب رقم الوالد قلت بهدوء: اي ممكن واخرجت هاتفي لكي اعطيه رقم والدي فهذه ليس اول مرة يطلب رقم والدي مني ربما هناك عمل بينهم او يريد عمل من والدي وبعد ان اكملت رد اخر رقم قال: يعني ما عندج مانع قلت بذهول: انطيتك الرقم ليش عندي مانع بعد قال الوالد: راح يخابر والدج حتى نحدد موعد اخطبج قلت باندفاع: شنو تريد تخطب منو قال باستغراب :انت قلت باندفاع: لا والله روح يمعود ترة ما الي خلقك واني ما اريد ازوج روح الله يخليك نظر لي نظرة يائسة وانصرف دون كلمة واقتربت زهرة مني وهي تقول:هذا شيريد قلت بلا مبلاة :يريد يخطب قالت: سبحان الله الطيور على اشكالها تقع هو بلا اصل وانتو بلا اصل تتوالمون قلت لها بهدوء: خليت ابن الاصول الج وبدأت اقلب محاضراتي دون ان ارفع نظري لها عكروا مزاجي الواضحي بخطوبة ذلك الذي وجهه لم ينبت به الشعر وتلك بكلماته التي لا تدل على طيب اصل **************************** استقبلت الصباح بختام وهاهو المساء يأتي بخبر جدة اولادي مريضة امراة منذ عرفتها وانا في ريعان الصبى هي امراة كبيرة لا كلمة لها ارها بعيني وهي تغير كلامها وتتقول على هذه وتلك تتكلم عن بناتها امامي وتتكلم عني امام بناتها وامام كل زوجة من زوجات ابنائها تشتكي الاخرى عندما اخبروني بانها مريضة شعرت بالاسى على حالها ليس الا تجلس امامي وانا صامته اتظاهر بانشغالي بتقطيع حباب البطاطة وانتظر متى تنتهي هذه الزيارة قالت بتساؤل :مترحين تزوريها اجبتها بصدق: ما اعرف اجابت بهدوء :زيارة المريض واجب وهاي مرة كبيرة اجبتها بلامبالاة :زيارة المريض واجب مووبس للكبير للصغير هم واجب ياما تمرضت مشفتها اجتني وقبل ان تتكلم قلت: ادري متطلع هسة اقصد من كانت تطلع للي يعجبها وعلى مزاجها قالت :ترة هي لاحولة لها ولاقوة اجبت بهدوء: الله يخليج هاي السوالف ما الي خلقها واريد انساهم تماما وهم حلوو طبعهم ميعتبون ترحين عادي مترحين هم عادي اجابت بعتب :بس هشكل مو حلو انت تقطعين صلة رحم اجبتها بجد: ياصلة رحم فدوة لعينج ماكو كل قاربة جدة اولادي والاولاد يزورها وابوهم مامقطوع عن اهلة اني مرة غريبة قالت باستغراب: كل هذا وانت مرة غريب قلت بجد :اي اني وانتي نسوان غرب كل شي تسوي وياهم بثوابه ونابع من طيب اخلاقج وبصراحة شفت مكان احسن منهم اسوي بي ثواب وطيب اخلاقي بطلت اوزعها للمايستاهل واني مسامحة الكل من كل قلبي بس نفسي بعد متتحمل ازور ناس ميعرفون ابسط شكل من اشكال الضيافة الي هو استقبال الضيف بابتسامة اجابت :انتي اتضل ابالج مو احنة وياج قلت : اني ما اعرف اشلون تتحملون تزورهم وترجعن لبيوتجن وانتن مقهورات وتتعاركن وي رجولتجن وتضلن اسبوع بعد الزيارة محموسات قاطعتني ضاحكة :صورتي الوضعية بالتفصيل ثم قالت: غير لخاطر رجولتنة لان اهلهم قلت بجدية :واهلهم ميردون احد يزورهم اجابت :يعتبون قلت: الحمد لله ميعتبون عليه يعني ميردون جيتي من زمن الجد يعرف بناته ميحبني لو اضل سنة ما اروحلهم مايسئل وين فلانة ثم قلت :ترة اني ناسيتهم من اسمع احد مريض الصدك اخاف يموت وتعالي ادي مجاملات اجتماعية تعبانة وربطي نفسج بالقليل اسبوع بوسط اجواء كابة ثم قلت :لاتكلين حمواتج ميتات على امهن نعرف كلش زين اخر همهن امهم واذا ماتت قهر ترة من وراهن وانت تعرفين انتهى الحوار بلا نتيجة وغادرت الظيفة بخفي حنين في المساء كانت هديل ترتب ملابسها للسفر لجامعتها في الصباح الباكر قلت لها :هدول ترحين لبيبي مريضة نظرة لي بدهشة ثم قالت :انتِ ترحين اجبتها بهدوء :اي اروح لوجه الله اجابت :زين راح ابدل وبالفعل ذهبنا سويا البيت قريب وجدت الباب الخارجي مفتوح دخلنا كنا على مرأي من الجاالسين في المطبخ عبر النافذة الزجاجية تبادلت الاخوات الكلمات بينما انا اتقدم نحو الباب قلت السلام عليكم ردن السلام بفتور وابتسامة مقتولة دون ان تتقدم اي واحدة منهن بالسلام بالخد عادي وكأنني كنت عندهم البارحة انتبهو الي من خلفي وبدأ السلام الحار لابنتي و الاحتضان والثناء وتقبلت الموضوع كسالف المواضيع السابقة وانهيت الزيارة لوجه للله وعندما عدنا للمنزل قالت هديل: فديت عماتي شفتي اشلون استقبلني بفرحة مو مثل ما استقبلنج اجبتها بهدوء: الله يحبب خلقه بيكم وعماتج عمرهن ما صفى قلبهن مني وياريت بسبب الا على اشياء تافهة ثوب جديد واذا زادن بيت جديد لو اولاد مرتبين هل اجدمن يلومني ان قاطعتهم هذه احدى اهون المشاهد التي تمر بي في بيت اهل زوجي منذ عشرون عام **★******************** قراءة ممتعة ومفيدة اتمنى لكم ولنا لقاء قريب تسعدني نقاشاتكم لاحرمني الله متابعتكم | ||||||||
|
| |
|
04-06-16, 12:13 AM
| #30 | ||||
| نجم روايتي وفراشة الروايات المنقولة
| كل عام وانت بخير فيتامين رمضان كريم شكرا على النقل بهيه عجبتني وعجبني استشارتها لخالتهاونعم الراي هي مو رافضه زواج محمد للانجاب ولكن هي عارفه انه ختام ستاتي لها بالخراب وهي لازم دافع عن حقها وامانها وبيتها اما ختام فانسانه غريبه عانت مع زوجها وخسرت ابنها وهلاء بدها تعيش شبابها وحبها الماضي احسن الها تروح تهتم ببنتها زهره وتراقب تصرفاتها وفلتانها بدل مو شاغله مخها بمحمد وعم تخطط للزواج منه واثاره غيرته خالد مش فاهمه من تركه لهوازن بالرغم من حبه الها الاانه كان بده يهاجر وبدو والده يساعده والثمن هو زواجه من حسنا انسان حقير صراحه وهوازن لازم تنسى حبه وتتزوج وتعمل حياه جديده متل ماعمل خلود انصدمت ليش ماحكت لهوازن على زهره بدل مايتورط عمها بهيك زواج مع انسانه عديمه الاخلاق وضاح هل سيكون له دور بالروايه ساره بالرغم من معامله اهل زوجها لها وابتعادها عن الكل لراحه بالها ولكن احسها انها انسانهمن داخلهاولكن المضايقاتالتي تعرضت لها جعلته تبتعد لراحه راسها البارت كتير حلو مشكوره كاتبتنا الرائعه | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
