19-05-16, 05:19 AM
| #12 | ||||
 
|  الفصل الثاني وضحى كانت جالسه بأستسلام فالموضوع لم يعد قابل للنقاش! فهي وضعت بين المطرقه والسندان ، لا تستطيع ان تقف بوجه ابيها وترفض لتجد الرد ان ابيها قد تبرا منها للابد دخل عليها سياف بمرح : اوه اوه العروس تتفنجل ولا تنادي اخوها يقلط معها على هالقدوع ! ضحكت وضحى : اقول تمسك بس واقعد سياف بجديه : وضيح ياخوك تأكدي ان نجاح هالزواج بين يدينك المره الحقيقيه هي اللي تدير رجالها بذكائها الموضوع ماهو تحدي ولا اخذ ثار يمكن هو صارت له ظروف هناك وخلته يبطي وضحى بأسى : اسمع يا سياف انا اقولها هنا قدامك ولو وصل الموضوع مني انه ياصل لابوي ، انا ماخذه ولد عمك سيئ الذكر عشان خاطر ابوي بس ووالله يا ان ردتي لهالبيت ماهب بعيده . سياف بأستنكار : اعوذ بالله من شرك يا وضيح هو انتي دخلتي بيته يوم نيتك الرجعه؟ وضحى بهدوء : تكفى يا سياف لا تزيد وتعيد براسي تراني من امس مصدعه والنفس خايسه خلني اروق قبل يجي ابوي ويجيب الشيخ وهو انا قد نفسي بخشمي واسوي شي مابي اسويه سياف : الله يهدي الانفس الله يهديك ____________ : يابنت الحلال قايلة لتس انا اصيل بيرجع وبياخذها مين يقول ان اصيل هج كل هالسنين عشان يرجع لوجهتس؟ فدوى بغصة : ما حسبته بياخذها والله ليتني حطيت براسي انه لها وارتحت اميره : الا الا حاطه براسك هالشي من زمان وانتي اللي مكابره على هالسالفه وماتبين احد يطريها عشان ما تصدقينها وتضيقين صدرتس ، اسمعي يا فدوى اللحين انتي قد عمرك ٢١ والرجال ٣٦ وش يبي ببززاً يعابلها؟ فدوى بحمق : والله وبعزة الله لاطين عيشتها ماهوب انا اللي يبدا علي بذا العجوز اميره بأستهتار وضحك : هدي هدي مين بدا عليتس ياعمري ؟ بالاساس اصيل يدري ان عمته حصه عندها بنت اسمها فدوى؟ _______ : ساره ياعمري دخيل عيونك مين اذاك؟ وشبك من جيتي من الزواج وانتي مب انتي؟ سارة بصمت بعدها قالت : راجح شرايك تتزوج؟ فز راجح بغضب: اعوذ بالله من هالطاري انا منب قايل لك ان انا من بعدك حرام علي الحريم سارة بعبرة : اقعد خل اكمل كلامي اقعد الله يهديك جلس راجح بغضب : اعوذ بالله منك يا ابليس سارة انا مكتفي بك عن كل الضنى وشبك ملزمه تقهريني بك؟ سارة : الدعوه مهيب قهر بك بس يا راجح انت عمرك ٣٣ وانا ٢٩ كبرنا وانت تدري اني مابي رحم عشان تفكر لو نسبة ١٪ احمل الموضوع ميئوس منه تكفى يا راجح خلني اتوكل على الله وازوجك بنت الحلال اللي اشوفها بتقدرني انا وياك وتعبتر ولدها ولدي تكفى يا راجح راجح بهدوء : منب راد عليك الله العالم انك عفتيني وجايه تلكلكين لي بهالهروج ! انا طالع طلع هو من هنا وانهارت سارة من هنا : يالله يارحيم ياجبار ياعظيم انك تجبرني بقدرتك وتقدرني على سواتي يارحيم _________ نزلت شموخ بكسل وهي تتثاوب وعليها عبايتها : يافتاح ياعليم يا رزاق ياكريم وش مصحيك من هالصباح؟ وعلى وين العزم؟ شموخ جلست بثقلها على الكنب : بروح احلل بطني شايش علي من يوم ما سويتي ذيك المكرونه الله يخزي الظالم هو انتي شحاطه بها؟ شهاليل بأستنكار : هاو؟ وشبها المكرونه لهفتها كلها ماجاني غير العافيه شموخ : والله مدري احس بلوعه الا امي وين؟ شهاليل : والله من ٩ الصباح قشت قشها وراحت لعمتي هياء مدري شعندهم ينخاف منهم لاجتمعوا ذلي نزل فياض بكسل : وقت بطنك وانا اخوك غلط بالخط العريض استحت شموخ وضحكت: والله ياخوي اني ضاغطه على نفسي من ٣ الفجر بس اوجعني بالحيل فياض : اكل الفجر الثقيل محذركم منه ( وصبخ راس شهاليل بشويش) مير ذي شيفهمها؟ شهاليل بتوجع : ما اداني اطالع التلفزيون الليل بدون ما احرك فمي شي براسي رابط تلفزيون الليل بالبلع فياض لشموخ : امشي بس نشوف بطنك _______ ( الساعه ٣ العصر ببيت اصيل ) اصيل كشخ ولبس وامه تلف حوله بالبخور وتسمي وتهلل وتدعي : روح ياولدي جعل حياتك تساهيل حب راسها اصيل بود : الله يخليك لي يا امي ضحكت مهره : ايه ياخي ذا الوجه اللي لاشافه الواحد درا انه عريس دخل رايد بعجله : يمة اللي يرضا عليك منب محصل شماغي هو احد اخذه؟ ابوي من اليوم يصارخ علي عشان هاللي قدامك تأخر ( يقصد اصيل ) اصيل: اسبقوني هذاي جاي ، طارت مهره تجيب شماغ اخوها _____ ابو سياف بجفا : جاهزه ؟ وضحى ببأبتسامه وخجل وقهر: افا يابو وضيح سايق لك ضحيه يوم انك بهالجفا تسألني وجلست جنبه وحبت راسه انا رهن شورك لو تبي تقصبني عز الله انه فدا ابو سياف بحب : يابنيتي لا تحسبيني مسترخصن فيك يشهد الله ان اصيل رجال والنعم وانه عن عشرة الاف رجال وكل هالرمي اللي جاك من الناس انه غيره وقهر انه مهب لك مهندس وثقيل ويخاف الله وش تبين زود ، قطعة رنة الجرس ، يالله يابنتي اجهزي دخل ابو اصيل وعياله ابو سياف بحفاوة : اقرب اقرب يالله انك تحيهم زارتنا البركه هلا والله بالعضيد ( ويسلم على اخوه ) بعدها دخل سياف ومعه القهوه سياف : الا يا اصيل خلاص مستقر هنا ان شاء الله؟ اصيل بثقل : ان شاء الله ان ما طرا لي طاري فأنا مستقر ابو سياف بأمتعاض : مهنا طواري ان شاء الله بتستقر (جاء الشيخ وتم كتب الكتاب بهدوء بدون اي مشاكل زي ما توقعت وضحى) اصيل بركازه : عمي ان ماكان عليك كلافه اذا تسمح لي اشوفها ؟ ابو سياف بتفكير: لاحق عليها ياولدي اصيل بهدوء : ابيها بكم كلمه الله يرضا لي عليك ابو سياف : زين بروح اشوفها دخل على وضحى وهي تتكلم على امها : يا ميمتي كل شي مكتوب لعل في الامر خيره دخل ابو سياف : السلام عليكم ام سياف ووضحى وعبير : وعليكم السلام والرحمه ابو سياف : وضيح اصيل يبي يشوفك وضحى بأستنكار : وش يبي ؟ ابو سياف : والله العلم عن الله ثم عنده يبيك ضروري عبير بلقافه : بس هي يبه ما تلبست وش لون تطلع تبي وقت! ابو سياف ويلكزها بيده: قايل لك ادخلي انتي ؟ اقولها هي وضحى بهدوء خير ان شاء الله بلبس واجي (رقت وضحى وعبير ) عبير بأستنكار : شجوه ذا ؟ يوم يبي يشوفك ليه ماهرج بدري ؟ وضحى بقهر : تو مابدت الحرب والله ! ( سرحت شعرها بقرن حصان وحطت على السريع روج لحمي فاتح ورسمت عينها بأيلاينر بسيط ولبست تنوره سوداء سكيني وتيشيرت فضفاض رصاصي وبانت ملامحها ، وضحى ماكانت جميله قد ماهي جذابه بملامح البدو شعر اسود زي الليل لنص ظهرها وجسمها الفاتن بطولها وخصرها وسمارها البرونزي محليها ) نزلت لامها انا جاهزه نادي ابوي . راح اصيل للمقلط ونادى ابو سياف وضحى : تعالي يابنتي المقلط ( وقفت وضحى عند الباب واخذت نفس عميق ، مافي مجال للحياء او اني اعيش دور اني زوجته اللحين انا اعلنت الحرب ولازم ما استسلم ) افتحت الباب وسلمت بالسلام عليكم وجلست بغيتني؟ اصيل تفاجئ فيها يذكرها بزر شوشتها طايره وتراكض مابقت احد ماجلدته وش هالملاك؟ قام بثقل ومد يده وهو واقف فوق راسها المره كذا تسلم على رجالها ؟ ردت وضحى بخجل وخوف من قربه : اعتبرها شوفه بس والمره اخبرها بالشوفه ما تصافح ولا انا مخطيه؟ دنق عليها ووسلم على خدها : نصير احسن منك هالمره جفلت وضحى منه وبعدت : استغفرالله العظيم يارب شتبي مني مناديني ؟ تنحنح اصيل : تدرين اني رحت ١٦ سنه وصار لي هناك بزنس واعمال وتدرين اني راجع مجبور يعني لابد بين كل فتره وفتره نروح لبيتنا في امريكا! وضحى بضحكة قهر : اجل مرجعينك غصب ؟ على بالك كل هالسنين ادعي الله ترجع يارب متى يجي حبيبي اصيل! تراك اخذ بنفسك مقلب عظيم لمعلوميتك تراي رافضتك وكارهتك بس حكم القوي على الضعيف ، وبالنسبه لتجارتك روح لحالك انا وحده ما احب اترك ديرتي اصيل بضحكة :اي يفتح الله قلت اللي عندي وانا طالع والزواج بعد شهر خلك جاهزه وخرج وضحى فتحت فمها بصدمه : شهر ! شيخربط ذا والله ان تبطي سنينك ماصارشهر ( طلعت ومرت من عند ابوها بحيا وخجل حقيقي ) قال: بشري شيبي منك؟ وضحى : يقول ان له بيت بأمريكا وان ممكن نتردد على امريكا بعدين ان الله كتب ابو سياف براحه : على خير ويابوك زواجك بعد شهر ان شاء الله. وضحى بتروي ومحاولة اقناع : يبه وش اللي بعد شهر؟ ما يمديني اسوي شي وهو ما يمديه يلقى بيت اصلا! ابو سياف : هو مجهز كلش وعنده بيت بعد ملك بذا وضحى بقهر: يبه ما يصلح تقررون عني بكلش ماصارت . ابو سياف بتطنيش : لااله الا الله محمد رسول الله (وبصوت عالي ) ام سياف انا طالع للصلاة تبين شي ام سياف من بعيد : سلامتك يالغالي ( ببيت العمه مريم ) العمه مريم: وشبه بطنك ياامي؟ شموخ : لقطني الفجر واشوا وداني فياض واحس اني احسن الحمدلله شهاليل وهي تاكل : حساس بطنها اختي والله فارمه ولا ضرني العمة مريم : انا بفهم بس الاكل وين يروح؟ شهاليل تصطنع الحزن: لا تذكريني يمه مت وانا الفلف بالانستقرام ادور حبوبن تسمني شوي شموخ بضحك : اسكتي بس خلك كذا والله لاحقه على السمن ودعابيله وبعدين الخف رحمه ______ عبير بطفش : يماااه ام سياف : وصمه يابنيتي عويذ الله من شرك روحي فكيني عبير تمثل الصدمه : افا وصمه لي انا ليش ؟ ام سياف بأنزعاج : يابنتي اخويتي مخي شتبين؟ عبير بصرخه : لقيتها نزت ام سياف : يا مثبت العقل والدين اربط على عقل ذا البنيه شلقيتي؟ عبير بترجي: دخيلك يمه نخيتك ما نخيت الذيب كلمي سياف يوديني لعمتي مريم تكفين يمه ام سياف : يا بنيتي وش يوديك الساعه عشر الناس بتنام عبير بترجي : والله انهم صاحين توني مكلمه شهاليل وانها طفشانه يمه ارجوك ام سياف : والله يالفكه منك غنيمه عطين الماخوذ ادق على سياف _____________ رجع راجح البيت وحصل ساره جالسه بالصاله وتتقهوى اللقى السلام وصعد فوق بزعل لحقته سارة جري ومسكت يده وبدلع مخلوط بترجي : راجح حبيبي دخيل عيونك انا طالعني راجح بزعل : وخري يا سارة والله اني تعبان وحران ومنب رايق سارة بتأنيب : افاا منت رايق لي؟ راجح طنشها وصعد ، سارة بصوت عالي وبعصبيه : زعلت ولا ما زعلت والله يازواجك يا راجح انه على ايدي خلص وقت الدلع والمساير راجح بغضب بصوت عالي : سسارة سارة ببكى ممزوج بوجع : اذا انت ماتبي تشوف ذريتك انا ابي اشوفهم ، ام صالح عندها بنت والنعم من بكرا انا عندها بخطب لك راجح بتوعد : زين يا سارة اخطبي اتكلي على الله وراح لغرفته ____ عبير دخلت بيت عمتها وحصلتهم جالسين بحديقة البيت وبلجه: افرحوا واستبشروا واستهلوا عبير جت العمة مريم بضحكة : يالله انك تحيي بنت سعود اشهد ان المكان نور شهاليل : لا والله يمه انه اظلم المكان منور بأهله شخبارك بس عبير تناظر على جنب : اقول امشي بس شخبارك انتي شموخ نزلت للحديقه وجت تركض : يالخخخايسه ما قلتي بتجين سمعت صوتك ونا بغرفتي لا اله الله عبير بضحكة : تهبين مير ان نوري عكس على الشباك وشفتيه ضحكوا كلهم العمه مريم: انا يابنياتي عندي شغل فوق وبنادي ريم توسع صدرها معكم شهاليل : اي والله ما نزلت اليوم عاد __________ وضحى منسدحه تفكر بأصيل : ذا متى غدا هالطول والعرض عوذه يوم دخلت بغيت اهج من كبره ، والشهاده لله عيونه هالخايس حلوه سبحان من خلا كل هالجمال لسيئ الطبع والاطباع تنهدت ايييه بس الله يعين وجلست جالسه: الا عبير هالمقروده وينها ونزلت تحت : يممه يممماه ام سياف : ارتحت من الهبله وجت المخبوله يابنيتي قصروا اصواتكم مهب من بعدي وضحى بضحكة : مدري وين ذلفت عبير شفتيها؟ ام سياف :راحت لبيت عمتك مريم وضحى بصدمه : هالخسيسه ما علمتني ام سياف عاد ابشرك ان سياف طلع ومب راجع الا ٣ انسي تروحين يعني وضحى بقهر : هالفيله تصبر انا مليت من التفكير والتوسوس الا يمه علمتوا الجماعه اني تملكت؟ ام سياف قامت : بكرى على خير ______________________ خميس اجتماع عائلة الوافي ) وضحى بأمر للخدامه : جهزي كل شي وخليه مرتب بعد شوي بيجي بابا يجيب الحلا وزعيه زي ما فهمتك والقهاوي جهزيها الرجال اللحين بيجون دخلت عبير بعبط اقولك ميربايا : نأم ( نعم قلك شغاله يعني ههههههه) عبير : اعرف لك ناس ما يحبون رياجيلهم بس يدهرون لهم عرفتيهم؟ ميربايا بأستغراب : مافي معلوم ! وضحى بأندفاع وعصبيه : والله لافرمك خلقه منب رايقه عبير بتقرف مصطنع : تف اعوذ بالله الله من شين النفس ما يسوا علينا ننكت وطلعت وهي تتطنز ( الله الله يا وضحى وسلام عليك يا وضحى هذا التخطيط يا وضحى هذا التزبيط ياوضحى) وضحى من المطبخ بصوت عالي : عبييييييير والله اجي عبير :هههههههههههههههههههههههه� �هههههههههههههههههههههههه� �هههههههههههه ( اجتمعت العائله على صلاة المغرب وخبر ابو سياف الناس بأن اصيل صار زوج وضحى على سنة الله وسوله) فدوى تكلم اميره بعبرة : شالسوات اللحين؟ اميره بنهر : فدوى عويذ الله من شرك انا وبنات عمي سعود متصافين لاتخربين بيننا بغبائك وقامت لوضحى تبارك لها من كل قلبها ( وبالمطبخ عبير وشموخ وليالي بنت عمتهم هياء ١٩ سنه) ليالي تضحك بصوت عالي : اه لااله الا الله والله بطني منب قادره عبير تعبس بأستنكار : ليالي عسا ليلك يغيب استغفرالله وين اللي يضحك اقولك امشي مع الدرج ودفتني هالبقره والله ما دريت بنفسي الا ونظارتي مكسوره من الطيحه طاح نجمها شهاليل بتشمت : ساده ياختي من يوم دخلتي هالمدرسه وانتي متليعنه عليها فاض فيها الصبر عبير بعصبيه : اقول اعقبي بس نسيتي يوم تقول لا تدرسين اتكلي علي وتغطي ورقتها عني وخلتني اخذ دور ثاني؟ ليالي ومغشى عليها على شكل عبير : عبير داخله على الله ثم عليك اسكتي ماعاد فيني عرق يسقي عرق من الضحك عبير بزعل : اسكتوا بس شرهتكم على اللي يشكي لكم _______ بالصاله عند جراح وساره قاعدين بصمت يتقهوون سارة بقوه تناولت الجوال: بكلم ام صالح اخطب لك جراح طالعهابغضب : من اللحين اقولك اقصري الشر ترا ما اضمن امر العدل بينكم لا توذين بنت الناس فيني سارة بوجع : حكم عقلك بامور العدل بينك وبين ربك ام صالح لها بنت اسمها ريّا عمرها ٢٥ ارمله مات زوجها بحادث قبل يدخل عليها وان شاء الله ان كلها خير جراح بتفكير : شورك وهداية الله وقام بيخبر اهله . #ملاحظة التنزيل بارت طويل كل خميس واذا طلع معي شي وسط الاسبوع بنزل ان شاء الله ياترا راجح بيتزوج ريّا ؟ وريّا هل بتكون تقدر سارة زي ما تقدر راجح؟ وضحى واصيل وش بيصير بينهم؟ فدوى هل بيكون له دور بالروايه ولا بتكتم غيضها وتسكت ؟ ابو فياض زوج العمة مريم وينه ليه ما ذكرته بسياق الحديث عن عايلتهم؟ التعديل الأخير تم بواسطة um soso ; 19-05-16 الساعة 10:25 AM | ||||
|
|
19-05-16, 10:27 AM
| #14 | |||||||
| مشرفة وكاتبة في قسم قصص من وحي الأعضاء ومراسلة خاصة بأدب وأدباء في المنتدى الأدبي  
| صباح الخيرات تم حذف المشاركه الاولى وتعديل الثانيه اتمنى ان تضعي رقم الفصل الجديد بالبدايه بالتوفيق | |||||||
|
|
|
19-05-16, 10:52 AM
| #15 | |||||||
| مشرفة وكاتبة في قسم قصص من وحي الأعضاء ومراسلة خاصة بأدب وأدباء في المنتدى الأدبي
| اذا كانت ساره لايوجد عندها رحم ..اذا راجح معذور بالزواج عليها .. الاهم انه يعدل ريا لحد الان لم نتعرف عليها لنحكم فدوى لااعرف من اين اتى لها امل باصيل هي اصلا بنت عمه وبصورة عامه الاختيار والتحير مع بنات العم وليس العمة .... اصيل ووضحى اكيد مع العشره ستتغير افكارهم | |||||||
|
|
|
21-05-16, 08:24 AM
| #16 | ||||
| الفصل الثالث سارة بأحترام : السلام عليكم مساك الله بالخير يا خاله ام صالح : هلا بك اكثر مساك الله بالنور والسرور سارة بهدوء وركازهً: انا منب مطولة عليك يا ام صالح وانتي تعرفيني ما اعرف للمقدمات ام صالح بأستغراب وفضول : امري يابنيتي شبغيتي؟ سارة بوجع: خبرك يا خالة انا ما اقوا اجيب عيال لراجح والعمر يجري بنا والحياة تركض ام صالح بدعوة صادقه : الله يجبر المصاب يا بنيتي سارة وهي تبلع ريقها وتكتم عبراتها : انا ياخاله داقة عليك اليوم ابي ريّا لراجح على سنة الله ورسوله وادري يا خالة اني والله ما طلبت ريّا لراجح الا اعرف ادبها واخلاقها وان عقلها براسها الف بسم الله عليها ام صالح بهدوء: راجح ولا اهله مجبرينك يابنيتي؟ سارة بحمية : لا والله يا خاله ان خالتي وبناتها وفوقهم راجح انهم حاطيني بعينهم ما تجي منهم الكلمة اللي توجع مير اني ودي بأن راجح يشوف عيالة وان خبّا شوقة لهالشي انا اشوفه بعيوني ام صالح : مالك الااللي يشاور ريّا والله يكتب اللي فيه الخير ( فز راجح بوجع ) : انشهد انك ما سويتي خير( وطلع) سارة ببكاء: انشهد انه ذا الخير بذاته ( ببيت سعود ) :يا ميمتي متى بيطلع الفستان ومتى حوسة الحلويات والفطاير مهب خبط لزق هو ام سياف : يابنيتي حلفت اني تعبت وانا اساحر ابوك هو حاط راسه بجدار ان الموضوع منتهي ومخلص دخل سياف بثقل ومعه هديه : وضيح هذي من اصيل عبير وهي تلعب بالسوني بأندماج : اخس روميو بدا بالهدايا وضحى بنرفزه: عبيروه اللعبي بصمت ، وياسياف هالهديه مابيها سياف : لا تبينها ان شاء الله (حط الهديه على الانتريه وطلع) عبير نطت بلقافه : يالله افتحيها وضحى:لعنانتن فيك بفتحها بغرفتي (وصعدت) ( بمكان اشبه ما يقال له خرابه ) بصوت باكي وملهج بالدعاء بنصف الليل بوقت ماقام به عبد الاستجاب الله دعائه ان كان خيراً له ولو بعد حين : يارب انك تعلم ضعفي وقلة حيلتي وهواني على نفسي يارب استرني فوق الارض وتحت الارض ويوم العرض دخلت عليها امها اللي بعمر السبعينات وجلست جنبه بوهن : يابنتي وشبك لك كم يوم منتي عجبتني احد متعرض لك ولا مسوين بك شي ؟ دلال بأنهيار انسدحت على رجل امها : تعبانه يمه تعبانه احس روحي بحلقي . ام احمد بحزن عليها : يا بنيتي تكفين اهرجي وشبك؟ دلال بتفكير : ( ان هرجت مالي الا الموت يمه وان سكت مصيبة يارب فزعتك دخيلك ) ( بمدرسة شهاليل ) : اقولكم يابنات الموضوع سهل طحت على شايب خرفنته صار يصرف علي الليل تالي النهار وهدايا وفسق ولاقالوا اهلي من وين ؟ قلت من صديقتي شهد بقرف : وانتي ما تستحين يوم انك تكلمين شايب ما تدرين وين مرته وعياله ودك تخربين بيته؟ شهاليل بتأييد : اي والله زيادة على كذا جايتنا تنصحيننا نسوي سواتك! ريانه بأعتراض على كلامهم والشيطان معميها : والله بستانس يعني تروح حياتي ووضعي المادي مش ولابد بستانس انا شهاليل بصوت عالي : والله بكرا لا تمرغتي بالنار تعرفين الوناسه زين ، انك تجاهرين الرسول صلى الله عليه وسلم قال : كل امتي معافى الا المجاهرون ! شهد بقهر : صلى الله عليه وسلم ماعليك منها بس قومي نروح للمقصف ( عند وضحى ) طلعت الهديه مره ثانيه اللي كانت عباره عن ايفون 6s وهو مشغله وحاط صورته فيه خلفيه ) طالعته بتقرف من غروره ودخلت قائمة الاسماء لقته مسمي نفسه ( بعلك العزير ) : والله من السخافه بك ( الا فجأه رن الجوال بيديها بعلك العزيز ) وضحى بأستنكار : سلامات شيبي ذا ؟ قفلت الخط بوجهه وارسلت له : نعم؟ اصيل : ردي وضحى : مالك حاجه عندي ليه ارد ؟ اصيل ردي احتمال نأخر العرس ( واتصل عليها ) ردت بصوت واطي: هلا؟ اصيل ببحه رجوليه : السلام عليكم وضحى بهدوء : وعليكم السلام اصيل : عمي قال ان ما ودك العرس بهالوقت ما يمديك تجهزين الحلويات ( قالها بأستخفاف ) وضحى : لا والله المقصد ما اشوف وجهك بهالسرعه اصيل بضحكة : خبري ان العرس على اهل الولد ولا اختلفت العادات وانا مسافر! وضحى بقهر : مايمدي مهره تجهز بشهر وبعدين قلت انك بتأخره متى تحطه ؟ اصيل بهدوء : امزح بس بغيتك تردين ورديتيً وضحى بنرفزه : الله ياخذك ( وسكرت الخط ) لعب علي هالشايب الله ( واسكتت ) استغفرالله العظيم ( اما عنداصيل كان فمه مفتوح بأبتسامه عريضه نادراً ما تنشاف ) : الليل لسا بأوله يابنت عمي ( عند ام صالح ) : ريّا يا امي تعالي ابيك بكم كلمة جت ريّا : سمي يمه ام صالح : خيابنيتي الله يوم اخذ امانته برواف لابد انه كان بالامر خيره ريّا نزلت راسها وتنهدت : الله المستعان ام صالح بهدوء : تعرفين سارة مرت راجح ؟ ريّا بمحاولة انها تتذكر : اللي جاها الخبيث برحمها؟ ام صالح : وصلتي خير ، تدور لرجالها ريّا بشهقه : ياقلبي قلبها ويلي يا ثقلها عليها ام صالح مسكت يد بنتها : لا تخافين لقت بنت عاقل وثقيله وتخاف الله بها وبزوجها ريّا بتوجس : مين؟ ام صالح : انتي ! ريّا فزت : يمه تبيني ادخل على رجالن يموت بحرمته ولا يبدلها بكنوز الارض؟ ام صالح بثقل : اجلسي يابنت ، الرجال رجل يخاف الله بيعدل بينكم بيما يرضي الله وانتي فكري واستخيري لعل الله يهديك الصواب ريّا قامت بأعتراض مخلوط بهدوء : ونعم بالله ( سياف واخوياه كانوا من الناس اللي يروحون للقرى المجاورة ويوزعون عليهم مما جاد الله عليهم) ريان : سياف هالبيت ذا مابه الا حرمتن عجوز وبنتها ولي كم مره لاجيت اللقى الحرمه تبيع حلويات للبزران يعني الدخل مهب شي سياف : اجل حددها مع اللي بنعطيهم هالمره ( حددها ريان وهو يفكر يا ترا شسالفة هالبيت وين رياجيلهم ليه محد يزورهم كل من سألته وين جماعتها قالوا : من جت هي وبنتها راس براس! ) : شكلك ماتعرفيني للحين صح انا بنيت احلامي من العدم وهو هناك طبيعي ما يدري مين انا بس هذاه جاء اللحين بيعرف فدوى عهود بتحريض: اي والله انتي ما حبيتيه كل هالسنين عشان تاخذه هي ! فدوى بتفكير : لا طبعا كل شي بوقته حلو في احدى المدن الضبابيه والسماء السرمديه المُلبدة بالغيوم بينما الاجواء ترعد وتبرق والخوف يعج بتلك المدينه كانت زهرة تجلس خلف الباب برعب : سبحان من سبح الرعد بأسمه والملائكة من خيفتة يارب سترك يارب استر على اولادي يارب ( طلعت جوالها لترى ان المدينه قطعت عليها الابراج ) وينك يا منصور وينك يارب رحمتك ___ (بالسوق) وضحى بتذمر : والله يا شموخ ما نلقى شعابلك الفساتين مصفوفه لي؟ عبير : وضحى قسم اقرفتي حياتي لو تدورين بدل ما تزنين كان لقينا شهاليل : اسمعوا بنتفرق انا وعبير ندور التيورات والاشياء الخفيفه وانتي وشموخ دورا الشرعه والفساتين حقة الصباحيه وكذا تمام؟ وضحى : زين يالله ___ (حتى ولو غاب الفرح عن ايامكم واسودت الحياة امامكم لابد لها ان تفرج وينكشف الظلام وتعود المياه لمجاريها) منصور وهو يأن من الم اقدامه فقد سقط بالارض من شدة الامطار حاول مراراً وتكراراً ان يقف لكن دون جدوى : يارب زهرة واولادي يارب وقف ( وقف على قدمه وهو يصرخ يارررب هون علي ياكريم ليمر احد الشباب الذي لا زال بقلبهم الرحمه ليهرول للرجل المسن في الطريق : سلامات ياعم فيك شي؟ منصور بوجع : طحت وما عاد فيني حيل اقوم وبيتي بعيدن عن هنيا تكفى يا وليدي نخيتك ساعدني وقف الشاب وعضّد لـ منصور ومنصور يدعي للشاب بتشى انواع الادعيه التي تجعل الانسان يبتسم لا اراديا الشاب : شدعوة ياعم ما سويت شي هذا واجبي ________ في بيت ام احمد دلال جالسه بالصاله وكل ملامح الهم باديه عليها وجالسه تتذكر ( بيوم من الايام السوداء خرجت دلال لتعرض قطع ملابس للبيع وكانت قد اتفقت مع احد نساء القريه ان تعرض لها الملابس في البيت لتكتشف حين وصولها وجود شاب وخادمه في المنزل ليتجرد من خوفه من الله ومن الحياء ويقع في المحظور لينهي مستقبل فتاة في عمر الزهور تذكرت صراخها ومحاولتها اللي بائت جميعها بالفشل لتخرج من المنزل وشرفها قد هُتك اتت ام دلال مُطأطأه برأسها من هذا الحمل الثقيل على أكتافها , حِمل جبال لله دركم يا رجال يا من تصرفون على بيوتكم وتعملون وتشقون من أجل عائلاتكم , وهي مُجرد امرأة واهنة ضعيفة لا تملك من القوه إلا ظاهرها لتمسك بكتف دلال بعضب ممزوج بأمر : بنت وش بلاك هالشكل بسرعه اخلصي قد الهم اكلني دلال بتنهيده وابتسامة : مين بيدفع اجار البيت؟ ام دلال بحزم : بنت خلصي من المراوغات التافهه مين موذيك احد جايك ولا متعرض للمرة الالف اسألك انطقي ليكون الجواب شهقات متتاليه لتضع يديها على وجهها بأسى : دخيلك يمه اسكتي اللي فيني مكفيني تكفين يمه حالتي معب حاله لتفز العجوز بغضب : وكأننا مهب تحت سقفن واحد لاشتهيتي سويتي اللي تبين وكتمتيه دلال تصع يديها على اذنيها بمحاولة الا تقتنع وتفشي بسرها لامها ، ليرن جري الباب معلوناً قدوم احدهم العجوز بهدوء : انا بقوم افتح الباب بس تأكدي انك بتجين وتقولين لي وشبك قبل اغصبك على هالشي تمتمت دلال بالدعاء للشخص القادم فهو قد انقذها من محاولة تهديد كادت ان تفني بها حياتها ( الساعه التاسعه بيت ام صالح ) رن جوال ريّا رنات متتابعه لترا الرقم بأستغراب فهو من ٥ ساعات وهو يتصل بشكل شبه متواصل ريّا : نعم؟؟ سارة بهدوء : السلام عليكم ورحمة الله ريّا وكأنها قد ميزت الصوت : وعليكم السلام والرحمه مين معي؟ سارة : سارة زوجة راجح ريّا بأحراج وخوف من ماذا تريد بي سارة! : والنعم فيك هلابك كيفك وكيف راجح؟ سارة بوجع بالقلب من سؤال ريّا عن راجح رغماً عن انه سؤال عفوي : اللهم لك الحمد ما نشتكي باس ، اخبارك انتي! ريّا بأقتضاب : الحمدلله سارة: كلمتك خالتي ام صالح عن الموضوع! ريّا وهي تسحب كمية من الهواء لترد بهدوء: ايه سارة برعب من موافقتها بالرغم من انها تتمناها ولكن من منا يرضا بالضره؟ : وايش رايك؟ ريّا بثقل واحترام ووضوح: بس يا سارة جراح يموت بك وانا مابي اكون مجرد حرمه تحمل وتلد وتربي ساره بألم: مستحيل راجح ما يعدل راجح يخاف الله بنفسه قبل لا يخاف الله فينا ريّا بهدوء: عطيني فرصه استخير وامي ترد لك ( بمنزل ابو سياف ) وضحى تفرك اصابعها بتوتر : لا لا مستحيل ماذا يحدث لي ؟ مع من اصيل كان يتحدث معه بكل راحه في ساحة منزلنا ؟ ليخبرها بأني طفلة متعلقة به لا اكثر هل ان فتاة الـ ٢٦ عاماً بنظره مجرد طفله عبير بعضب : وضحى ارجوك اهجدي ماعاد بي صبر وشبك من جيتي من الملحق تنافضين وضحى بصوت عالي وبغضب شديد وكأنها لو قابلت جدار لاهدمته بسهوله : اسكتي يا عبير اووووص اطلعي من راسي خليني افكر واعرف اتصرف عبير تفز بغضب : شي يخص مين من متى انتي تتوترين لهالقد؟ وشبك ولاعلمت سياف ! وضحى تمسك يد عبير بشده لتشدها للباب بقوه : انقلعي علميه وعلمي ابوي لاشتهيتي عبير برا ( لتخرج عبير بقلق ترا ماذا بها وضحى ؟ من اوصلها لهذا الحال ؟ ) التعديل الأخير تم بواسطة um soso ; 21-05-16 الساعة 09:37 AM | ||||
|
|
|
21-05-16, 10:00 AM
| #17 | |||||||
| مشرفة وكاتبة في قسم قصص من وحي الأعضاء ومراسلة خاصة بأدب وأدباء في المنتدى الأدبي
| وضحى طريقتها غلط كانها تريد ان تتطلق باسرع وقت .. اذا هي كانت منزعجه من كلام الشمات وهي معلقه ..فكيف سيكون كلامهم وشماتتهم وهي مطلقه .. خليها تعيد حساباتها المهم بدأت الغيره بعد ان سمعت مكالمة اصيل ..اعتقد انه كان يتكلم مع احد يحاول ان يقول له عن حب فدوى فرد انها صغيره متعلقه به ..أي يقصد فدوى وليس وضحى دلال صح مسكينه لكن غلطانه انها ذهبت لبيت ودخلت قبل ان تتأكد من وجود المرأة كان المفروض ان تخرج لها من اتفقت معها قبل ان تدخل وايضا تكون تعرف هذه المرأة جيدا .............. لماذا لم تشكي عن من فعل بها هذا لامه يمكن هي تتصرف ...........هل سيكون دور لريان او سياف بحياة دلال ؟؟ ريانه تجاهر اتها تكلم شايب وتأخذ منه ... وهل هناك من يدفع بلاش دون ان يأخذ منها شيء ؟؟ عائلة جديده منصور وزهره واولادهم .. والشاب الذي ساعده ساره ..صح الضره مره لكنها عاقله وفعلت الصواب ...ريا لحد الان توحي انها جيده وتخاف الله ..انا متشوقه لقصتهم واتمنى فعلا ان يكون نموذج ايجابي ويرتاح راجح اعرف قصه مشابهة اخي كان عنده صديق يزوره ويعرف اهله ..امه تكنى به ,,اذا هو الكبير ,,صدفة عرف ان اخيه اكبر منه بسنه وعندما سأله لماذا ينادون امك باسمك ,,قال انها ليست امه بل زوجة ابيه ولا تنجب وتزوج ابيه امه وانجبت اخيه وهو بعده بسنه فصارت امه الاصليه تكنى باخيه وهي تكنى به ومسؤولة كليا عليه .... يسكنون بيت واحد والاثنتان امهات الكل فهو لديه اخوه واخوات ولكنه هو بالذات يعتبر ابن زوجة ابيه اكثر من ابن امه الاصليه | |||||||
|
|
|
21-05-16, 07:37 PM
| #19 | |||||
| اقتباس:
وريانه خلفها سر ربما يأتي يوم لينكشف ! اما سارة وراجح فلا احد يعلم بالمجهول ربما ريّا تكون فعلا زوجه صالحه وربما تطغي عليها الغيره وتفعل مالم يكن بالحسبان اما وضحى واصيل فتابعينا ^_^ | |||||
|
|
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
