آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
09-06-16, 11:41 AM
| #11 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  \\ الجزء العاشر في المستشفى شيخة تغسل الكوب بالحمام روضة تحضن وليد وتبوسه روضة : شخبارك وليد الحين وليد يبتسم : زين لو البطل ما انقذني كنت بموت تمسح على راسه : بسم الله عليك تطالع منصور ومنصور مكتف ايده مستحي روضة : مشكور منصور يبتسم : العفو روضة تقترب منه : انت بطل حياتنا منصور يستغرب روضة تصد عنه : يكفي انا نعيش في بيتك وانقذت وليد من الغرق منصور : اي احد مكاني بسوي جي روضة تطالعه :ما اتوقع شيخة تطلع من الحمام شيخة : احد يبا ماي روضة تطالع منصور منصور يشيل جاكيته من الكرسي : انا استاذن شيخة تطالعه : ليش منصور : ولدج ما خلاني انام طول الليل مرة يسولف ومرة يبا يروح الحمام ومرة يبا يتمشى بالممر روضة وشيخة يبتسمون منصور يبتسم : الحمدلله على سلامته ويطلع شيخة تطالعها : انتوا تعرفون بعض روضة تستحي : من بعيد شيخة : كيف من بعيد منصور يمشي بالممر يفكر بروضة واشوي يسمعها تناديه من ورا روضة ياية ركض : منصور منصور يصد عليها توقف تطالعه بعيونها الكبار وهو يطالعها بحب تعطيه موبايله : نسيته على الطاولة يبتسم ويمسكه : مشكورة روضة تنزل راسها منصور يطالعها : ممكن اسالج سؤال روضة : اسال منصور : وليد بليل قالي عن ابوه وعن حياتهم واختج كذبت علي روضة تصد عنه: ريل شيخة بالسجن ووليد يعيش مع اهل ابوه منصور : بس وليد يقول مسافر روضة تطالعه : احنا قصينا عليه علشان ماياخذ فكرة سيئة عن ابوه منصور : شو السبب روضة : كانت عنده شقة و...تسكت وتنزل راسها منصور يهز راسه : لا حول روضة : بس هاي القصة منصور : وليش قاعد مع اهل ابوه دام امه موجودة روضة تطالعه وتنزل لها دمعه منصور يقترب منها : اذا ماتبين تقولين مو لازم روضة تطالعه : بسير عند اختي منصور : خلاص سيري بس بشرط تطالعه منصور : تسلمين علي كلما تشوفيني من البلكونة روضة تبتسم منصور يبتسم : لا تطنشيني روضة : ان شاء الله مع السلامة تمشي ومنصور يراقبها : حرام ها الانسانة لجاسم روضة تمشي وبخاطرها : يا بخت حرمته فيه وفي بيت بو بدر الوالد يتريق يطالع الوالدة الوالد : وين العيال ؟ الوالدة : شيخة راحت الدوام من الصبح الوالد يشرب شاي : وبدر وينه ؟ تنزل سماح من الدري الوالد يطالعها سماح : صباح الخير الوالدة : صباح النور الوالد : شو مقعدنج من الصبح سماح : الكل ما احد الوالد : ليش وروضة وين سماح تطالع امها : ما اعرف الوالد : وين بتروح من صباح الله خير بدر ينزل من الدري بسرعه بدر : صباح الخير الكل : صباح الخير بدر ياكل وهو واقف الوالد :ها بدر بتروح معاي البنك بدر : على امرك ابويا يقوم الوالد ويروح بدر ياخذ له كوب شاي ويمشي سماح تطالع امها الوالدة : شو بلاج سماح : روضة مع شيخة بالمستشفى الوالدة تيود قلبها : ليش؟ وفي المستشفى شيخة حاضنة ولدها روضة : يبيه بيتنا شيخة تهز راسها : ابويا بيطردني روضة : ماتخافين اهل ريلج مايعطونا اياج مرة ثانية شيخة : انا غالقة الموبايل من البارحة روضة تقوم : هم مايعرفون بيتنا اليديد شيخة : ابويا اللي بدليهم البيت اذا يبته عندي روضة : والله مو عارفة شو اقولج بس انصحج تاخذيه وياج شيخة تصيح مو عارفة شو تسوي وفي بيت بو حسن عبير طالعه من المطبخ التحضيري ومنصور يدخل من باب الصالة عبير ماسكة كوب شاي مبتسمة : صباح الخير منصور يطالعها : صباح الخير عبير تقترب منه : شوبلاك تعبان منصور ماسك الجاكيت وشعره قافط: ابغي انام عبير : بسوي لك ريوق منصور يمشي عنها : مشكورة بشاير تنزل من الدري بشاير : هلا منصور منصور يطالعها : شو السالفة الكل قاعد من الصبح بشاير لابسة عباتها : بروح بيتنا يعقوب بمر علي بعد اشوي عبير تطالعها : والجيران !! بشاير : شو بلاهم عبير : احنا اتفقنا نروح مع بعض بشاير يرن موبايلها تطلعه من الشنطة بشاير : هلا حبيبي , اوكي عبير تطالعها بشاير : اسمحيلي ريلي يا فجاة بما انج راعية البيت سيري روحج انتي وحور وسلمي عليهم عبير تطالع منصور : عادي اتي معاي منصور : شو اسوي هناك عبير : اقعد مع اخوهم ولا ابوهم بشاير تطالع منصور وتهز راسها منصور يطالع فوق : على الله للعصر يركب الدري ويروح حجرته وبشاير تطالع عبير بشاير : ليش ماتخبرين حسن عبير تضحك : تضحكيني لما تسالين نفس السؤال وانا ارد نفس الجواب بشاير تسمع الهرن تقترب من عبير : عبير خذيها نصيحة مني اذا سويتي لحسن شرات اللي تسوينه لمنصور صدقيني ريلج بحبج من كل قلبه وبحس انه احد مهتم فيه تطالعها وتمشي عنها وعبير تطالعها بخاطرها : لو حباني منصور مايهمني حسن وغيره عبير تطالع فوق بحب وفي بيت بو بدر تدخل شيخة وبايدها ولدها الوالدة تشرب قهوة بالصالة سماح توقف خايفة : اماية شويخ يات الوالدة تطالعها وتوقف بسرعه روضة وشيخة يوقفون عند الباب الوالدة : خبلة انتي شيخة تقترب منها : اماية حسي فيني الوالدة : شو احس فيج انتي تعرفي شو معناته ها شيخة : لا تحرموني منه الوالدة : مو انا اللي احرمج ابوج واهل ريلج روضة تطالع امها : غصبن عنها اماية ولدها كان بموت الوالدة : روضة لا تدخلين بسوالف الكبار روضة تطالع سماح الوالدة : كنت عارفة انج تشوفينه من ورانا شيخة تنزل راسها الوالدة : لانج ماتصيحين وتقولين تبين ولدج شيخة تصيح : يعني لازم اذبح نفسي علشان تحسون فيني الوالدة تطالعها شيخة تحطي ايدها بصدرها : هذا ولدي حشاشة يوفي والام ماتقدر تعيش بدون عيالها الوالدة : بذمتج منو عطاج الولد ؟ شيخة تطالع وليد وتصيح الوالدة : مستحيل عمج وعمتج يعطوج شيخة تطالعها : حمي ياسر سماح تقترب منها : انتي جي ورطي ياسر شيخة تطالعها سماح : الحين هو مطلعنه يمشيه وانتي خذيتيه حتى ياسر ما خبرتيه الوالدة تقعد وتحطي ايدها على راسها سماح : اماية تبين ماي الوالدة : ابوكم مو ناقص مشاكل روضة تطالع شيخة : وديه بيت جيراننا سماح تحطي ايدها بحلجها تبي روضة تشوفها علشان تسكت روضة : عند منصور الوالدة تطالع روضة مستغربة شيخة ماسكة ولدها الوالدة تطالع روضة : نعم ؟ شو قلتي ؟ روضة تتوتر : صاحب الفيلا اللي احنا عايشين فيها بساعدها الوالدة : ليش هو مسؤوول عنكم وانا ما ادري سماح : اماية هدي بالج يرن موبايل الام الوالدة تشيله : الو تسكت الوالدة وتطالع شيخة شيخة تستغرب الوالدة : ولدكم عندنا شيخة تيود ولدها وتهز راسها الوالدة : احنا غيرنا البيت نسكن ب روضة تهز راسها : اماية لا الوالدة تطالع شيخة وشيخة تصيح الوالدة : الو الوالدة : الياهل كان خاطره ينام مع امه البارحة هي بتيبه لكم البيت شيخة تطالع روضة الوالدة تصكر التلفون شيخة تحضن امها وهي تصيح الوالدة : انا سويت جي علشان مصلحتج والولد رديه لهم روضة : خليها تشبع منه الوالدة : انا خايفة ابوكم يوصل ويشوفه ويسويلكم سالفه شيخة : والحل الوالدة تطالع بناتها وتفكر وفي بيت بوحسن عبير تدق الباب على منصور بقو يقوم منصور خايف يفر اللحاف ويلبس شبشبه يفتح الباب عبير تصيح : الحق علي منصور منصور : شو بلاج عبير تمشي عنه بسرعه : حور طاحت عليها المكتبه منصور ينزل بسرعه ويصكر فصم بجامته : اي مكتبه عبير : اللي بغرفة المكتب اللي تحت منصور يربع بسرعه يدخل المكتب خايف منصور : وينها تدخل عبير ووتقفل الباب منصور يصد عليها منصور : شو تسوين عبير تقترب منه مبتسمة منصور بعصبية : انتي تستهبلي ولا شو عبير تمسح ويهه : فديت الخايفين منصور يمسك ايدها قو : عبير , سكوتي عنج مو معناته ضعف مني انا احترمج لانج مرت اخوي عبير بدلع : اي تعور ايدي يمسك كتفها : انا ما احبج انا بحياتي وحدة ثانية عبير تطالعه : منو؟ منصور يصد عنها : مايخصج عبير تصيح : ليش خليتني احبك من البداية منصور يطالعها بعصبية : انا ! عبير : انت تنقذني من ريلي ,تلاعب بنتي , تخاف علي شو معناته ها منصور يصرخ : انا انقذج لانج بنت ناس والاعب بنتج لاني عمها واخاف عليج من الغلط ما ابي احد يقول مرت ولدهم مو زينه عبير تنزل راسها وتصيح منصور يعصب وياشرصبعه بويها : اخر مرة تسوين ها الحركة ,واتمنى ماتكلميني مرة ثانية, فاهمة تطالعه وهي تصيح يفتح منصور الباب يشوف ابوه واقف عبير تحطي ايدها بحلجها خايفة ومنصور يعدل بجامته بتوتر والوالد يطالعهم بعصبية ياترى شو بيستوي تابعوني | ||||
|  |
|
09-06-16, 11:42 AM
| #12 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجزء 11 في سيارة شيخة روضة تطالع شيخة: وين رايحة ؟ شيخة : البحر روضة تستغرب : مو بيت عمج ؟ شيخة تطالعها : تبيهم يذبحوني روضة : ياسر بياخذه ؟ شيخة : هيه روضة تنزل راسها شيخة : بعدج تحبين ياسر؟ روضة ترفع راسها : خلاص نسيته شيخة : كله مني صح روضة تهز راسها : مايخصج حبنا كان مراهقة شيخة تبتسم : ليش الحين راشدة استويتي روضة تبتسم وتهز راسها : على الاقل افكر بعقلي مو قلبي شيخة : بس ياسر غير عنهم كلهم روضة تطالع الدريشة : بس اهله منو ؟ اللي سووه فيج بسوونه فيني شيخة : انتي تحبين منصور؟ روضة تطالعها : ها شيخة تبتسم : من قال ها سمع روضة تنزل راسها : هو متزوج ليش احبه شيخة تستغرب : متزوج!! روضة تطالع الدريشة : ما ابي اتعب روحي وياه شيخة : هو قالج انه متزوج ؟ روضة : شفته من بلكونتنا يلعب مع بنته وتقوله بابا شيخة : بس هو ماقال لي انه متزوج ولا كنت مابخليه يبات عند وليد بالمستشفى روضة : الله كريم شيخة : اذا شفتي ياسر بنشوف قلبج اذا دق بسرعة يعني تحبيه روضة : مو شرط يمكن بكون متوترة شيخة تبتسم وتهز راسها وهي تسوق وفي بيت بو حسن منصور منزل راسه الوالد يطالعه معصب : ابا تفسير واحد عبير تصيح منصور : سامحني ابويا الوالد يطالعه منصور يتكلم وهو متوتر : بصراحة انا زكرت عبير هني وقفلت الباب الوالد يعطيه كف على ويه منصور يمسك خده بضيق الوالد يصرخ : وتقولها بدون حيا ومستحى منصور يصد الجهة الثانية الوالد يضرب كتفه : تبا تتزوج تكلم بنات الناس طايحة منصور يغمض عينه والوالد يمسكه من قميصه : اسمعني يامنصوروه ها الحركات ماتسويها في بيتي فاهم ياشر على عبير :ماتستغل ها البنت الفقيرة اللي ريلها حارمنها وتقربها منك منصور : ابويا اسمعني الوالد يدزه للباب : اطلع برع بيتي ما ابي اسمع منك ولا كلمة منصور يطالعه وعبير تصكر على حلجها : عمي لا الوالد : عندك بيت روح طلع الناس وعيش هناك وخله دعارة لك ولاشكالك منصور يصيح وياشر على صدره : ابويا انا تربيتك الوالد يصد الجهة الثانية : لو حسن بقول يمكن بس انت يهز راسه بضيق منصور يطالعه ودموعه على خده عبير تهز راسها وتصيح يطلع منصور من المكتب عبير تطالع عمها : عمي لا تطرده الوالد يطالعها عبير تمسح دموعها : سامحه ها المرة الوالد : لا يابنتي اذا سكت عنه بيتمادى عبير تصيح وهي تفكر بالسالفة منصور يركب الدري يدخل الحجرة يحطي ملابسه بشنطة يلبس كندورته يلبس كاب احمر يشيل ريموت سيارته والشنطة يبي يطلع يشوفها واقفة تصيح : منصور سامحني يمشي عنها وهي تبي تركض وراه بس عمها تحت ينزل من الدري الوالد قاعد بالصالة يهز راسه منصور يفصخ النظارة يقترب منه منصور : ابويا ممكن اطلب منك طلب الوالد يصد الجهة الثانية منصور : اتمنى حسن مايدري بالسالفة الوالد يطالعه منصور تنزل له دمعه : سامحني ابويا ومشكور على انك خليتني في بيتك كل ها الفترة يبوس راس ابوه يلبس نظارته ويطلع الوالد يغطي على ويهه بضيق وعبير فوق تصيح منصور يطالع بلكونة روضة يمكن يشوفها يشغل السيارة ويطلع من الفيلا وفي البحر شيخة تدق على ياسر بالموبايل شيخة : وينك ؟يالله بسرعه وراي مدرسة روضة تطالع البحر شيخة تحطي ايدها على صدر روضة روضة توخرها : شو بلاج شيخة تبتسم : اشوف نبضات قلبج روضة : اكو وصل يبركن ياسر وينزل لابس كندورة بنية وعمامة بيضة والنعال بيضة روضة تلبس نظارتها الشمسية يوقف عند جامة شيخة ياسر : هلا شيخة شحالج شيخة : شخبارك ياسر ياسر : تمام يطالع روضة : شحالج روضة روضة تنزل راسها : زينه شيخة : سامحني البارحة طاح وليد بالبحر وغرق وديته المستشفى وتحكي له وياسر يسمعها بس قلبه مع روضة ياسر يبتسم : ما عليه اهم شي سلامته شيخة : الله يسلمك ياسر يطالع وليد : يالله عمي انزل وليد يبوس امه وينزل شيخة : اهلك ما عصبوا عليك ياسر يطلع لسانه : خليهم يولوا دومهم يصارخوا مو شي يديد عليهم شيخة تبتسم وتهز راسها : الله يقطع بليسك ياسر يطالع روضة : تامروني بحاية شيخة : سلامتك يمشي ياسر وهو ماسك ايد وليد شيخة تراقبهم لحد ماتحركوا روضة تفصخ النظارة شيخة : ليش ماكلمتيه ؟ روضة تطالعها : شويخ تاخرتي على مدرستج وديني البيت بسرعه بليز شيخة : شو بلاج تنرفزتي روضة : لما اشوفه اتذكر ايام قبل واكره نفسي شيخة تهز راسها وترجع ريوس وتشخطه بالسيارة وفي سيارة منصور منصور يفكر : وين اروح احس اني وهقت نفسي يرن تلفونه يطالع يرد على المكالمة منصور : والله انك في بالي خالد : ها بعدك بالمستشفى ؟ منصور : اي مستشفى يا ريال خالد : خير ليكون ريلها طب عليك منصور : انت وين راح تفكيرك خالد : انت تكلم بوضوح علشان افهمك منصور : ابوي طردني من البيت خالد يقوم من مكانه : شو !! منصور يحكي وخالد يسمع منصور : شو اسوي متوهق مو عارف وين اروح خالد بعصبية : لا تفكر اتي عندي منصور : ليش؟ خالد : لو ييت عادي ادوسك بموتر ابوي منصور : شو سويت لك خالد : قسم بالله ماشفت واحد مثلك بالمثالية منصور يبركن يم الحديقة خالد : شو استفدت لما ساعدت الناس ورطت نفسك وكيف بتطلع منها منصور يهز راسه : ما ابا اخرب بيت اخوي خالد : بيت اخوك مخترب من زمان تقص على منو انته منصور : بس مو انا اللي اخربه خالد بعصبية : سير لا منصور يساند راسه على الكرسي : تعبان خالد والله تعبان خالد يفكر : سير بيت خالتك اختك هناك منصور : واذا سالوني ليش ياي اقولهم طردني ابوي وبقولون ليش طردك شو ارد عليهم ؟ خالد : روح بيتك وقولهم تبي تبات بالميلس منصور : مينون انته بقولون بنات عندنا وحضرتك ماتذكرت بيتك الا لما سكنا فيه خالد : ما اعرف شو اقولك منصور يفكر اشوي الجامة تدق عليه يطالعها وهي تبتسم وتلوح بايدها منصور يبتسم : يالله خالد بخليك خالد : وين منصور : بدق عليك يصكر منصور يبطل الجامة : هلا والله شحالج فاطمة : هلا بالصرصور شخبارك يا القاطع منصور : بعدج تزكريني صرصور فاطمة تضحك : ههههه اكيد منصور : شو تسوين هني فاطمة : ياية مع اطفال ذوي الاحتياجات الخاصة الحديقة منصور : مع منو فاطمة : مع نجله اختي نجله تاشر عليها من بعيد : فطوم تعالي فاطمة تطالعها : سيري بي بعد اشوي منصور : اقول توتة تطالعه : خير منصور : وينج من رحتي الجامعة اختفيتي فاطمة تطالعه : انا ولا انت منصور : بشورة راحت اليوم عندكم فاطمة : هيه علشان يعقوب اخوي ياي اليوم منصور ينزل راسه فاطمة : شوبلاك منصور يهز راسه : ماشي فاطمة تدزه : تخش علي منصور يطالعها : ابوي طردني من البيت فاطمة : ليش ؟ !! منصور : سالفة طويلة نجله تقترب منهم نجله : هلا منصور شحالك منصور ينزل منصور : هلا نجله شحالج وشخبار خالتي نجله : تمام الله يسلمك فاطمة : اقول نجله بسير مع منصور بيتنا نجله تستغرب : يا الخاينة وين المرافقة بالرحلة فاطمة تطلع لسانها : يالله عاد منصور يطالع فاطمة : عادي سيري فاطمة تطالعه : صرصور منصور : توتة فاطمة : صرصور منصور : توتة نجله : خلاص مشكورين مانبي شي منكم روحوا البيت منصور وفاطمة يضحكوا فاطمة تفتح الباب الورا وتقعد ومنصور يمد ايده : نشوفج في بيتكم نجله تلوح عليهم وفي بيت بو بدر روضة تدخل من باب الصالة الوالدة : ها وينها اختج روضة : راحت المدرسة الوالدة : هم ماخلصوا ؟ روضة : الطالبات خلصوا بس المدرسات بعدهم تمشي روضة الوالدة : تعالي المطبخ ساعديني روضة ترفع راسها : تعبانة الوالدة تهز راسها : تعلمي بعدين ريلج بيستانس عليج روضة تلوح بايدها : مابتزوج تركب الدري بسرعه والوالدة تهز الراس تدخل روضة الحجرة وتطيح على الشبرية تغمض عينها تدخل سماح الحجرة وتنقز على الشبرية : روضوه روضة تيود قلبها : بسم الله زيغتيني سماح تضحك: هههههههه روضة : كم مرة قلت لج لا تدخلين علي بها الطريقة سماح : عندي لج سالفة خطيرة روضة : شو بعد سماح : خدامة الجيران قالت لامي وانا تسمعتهم من ورا الباب روضة تهز راسها : مابتيوزين عن ها الطبع سماح تقوم : خلاص مو لازم اخبرج روضة : عن منو يعني سماح توقف عند الباب : عادي عن منصور روضة تقعد بسرعة : ها سماح : يالله مو لازم اقولج عيب نحش بالناس يالله بسير تحت روضة : تعالي سماحوه سماح تطلع راسها : زكرتيني روضة : تعالي نسولف اشوي سماح تبتسم : بس علشان منصوروه روضة تستحي سماح تمشي بسرعه وتقعد يمها روضة تطالعها : يالله قولي سماح تفكر : اممم هو خبرين حلو وما حلو روضة تستغرب : الحلو! سماح : منصور مو متزوج اخوه العود اللي متزوج وعنده بنت روضة تشق الويه : حلفي سماحوه سماح : والله خدامتهم قالت لي روضة : والخبر الما حلو ! سماح بضيق : ابوه طرده من البيت روضة تضايق : ليش؟ سماح تهز كتفها : ما اعرف روضة تقوم وتفكر: ليكون علشان بات في المستشفى مع وليد سماح : لا ما اتوقع احس الموضوع كبير روضة توقف عند الدريشة سرحانة ياترى هل روضة بتعرف؟ واذا عرفت شو بتكون ردة فعلها ؟ ومنصور شو مصيره الحين ؟ تابعوني | ||||
|
| |
|
09-06-16, 11:43 AM
| #13 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجزء 12 في بيت خلفان منصور يدخل سيارته الكراج فاطمة تطالعه مستغربة منصور يطالعها : شو بلاج فاطمة : ليش منصور؟! منصور يبتسم بضيق : كنت مضايق فاطمة : وبعد ماشربت ارتحت ؟ بعد ما ابوك اكتشف ارتحت ؟ منصور : الحين ننزل ولا نبات بالسيارة فاطمة تفتح الباب وتنزل تطالع منصور وهو ينزل شنطته منصوريطالعها : وبعدين ويا ها النظرات فاطمة : انت تقص علي ! منصور يلبس نظارته ويبتسم : اذا تميتي تطالعيني جي تراني بحبج فاطمة تبتسم :اونه منصور : يالله سوي لي درب فاطمة تصارخ : هود هود منصور يبتسم ويهز الراس تبطل باب الصالة : هود هود الوالدة : بطنج عود منصور يدخل ويفصخ النظارة الوالدة تقوم : هلا هلا بريحة اختي المرحومة منصور يبوس راسها منصور : شحالج خالتي الوالدة : الحمدلله الله يسلمك ولدي, شخبارك انته منصور : تمام والله فاطمة : لحظة اماية شو قصدج الصرصور ريحة خالتي الله يرحمها ؟ عيل بشاير شو؟ الوالدة تبتسم : بشاير من ريحتنا الحين منصور يطالعها مبتسم : والله يا خالتي لما اشوفج احس اني شفت امي الوالدة : فديتك والله تطالع شنطته : ها بتبات عندنا منصور ينزل راسه متوتر فاطمة تحضن امها : يا حليلة ما احد عنده هناك ,حسن مع حرمته وريل خالتي بالقهوة واخته هني يكسر الخاطر بيتسلى معانا كم يوم الوالدة تطالعه : البيت بيتك اختار حجرة ونام فيها فاطمة : اكيد بيرقد مع مبارك الوالدة : يالله بنحطي الغدا منصور : خلوني اروح احطي ملابسي داخل وعقب بنزل الوالدة : مبارك ما احد طول الاسبوع في ابوظبي بس بالويكند هني فاطمة ترفع حواجبها : ايواه ام يعقوب طلعتي خطيرة الوالدة تمد ايدها : بسج من الهذرة ودي صرصورج حجرته فاطمة تشيل شنطته السبورتية ورا ظهرها : يالله منصور يبتسم : خليها عنج فاطمة تطالعه تبتسم : اونك يعني رسمي ههههههههه منصور يهز راسه مبتسم وفي بيت بوحسن عبير قاعدة بالحجرة تصيح حور تقترب منها : ماما عبير : شو حور : بروح الحمام عبير مغمضة عينها : سيري روحج حور : تعالي معاي اخاف الوحش داخل عبير بعصبية : وحش ابوج هني تدزها : سيري بسرعه حور تصيح وتسويها بثيابها تقوم عبير : تغايضي لا وتقوم تصفعها وتضربها قو يدخل حسن الحجرةيشوف الموقف يفزع : عبير يمسك البنت ويطالعها :" مينونة انتي عبير تصيح : هيه مينونة مينونة حسن : اذا مديتي ايدج عليها مرة ثانية بكسرها لج فاهمة عبير : طلقني حسن يطالعها عبير : مليت منك مليت من بنتك مليت من ها العيشة حسن ياخذ البنت ويمشي عبير : حسن يوقف عبير : ماسمعتك حسن : انتي معصبة الحين لما تهدين بنتفاهم يطلع وعبير تقعد على الارض تصيح وفي بيت بو بدر بدر يدخل الصالة الوالدة قاعدة بدر يقعد تعبان الوالدة : ها شو سويتوا بدر : ذلونا ذل من مكتب لمكتب الوالدة : وابوك وينه بدر : شاف ابوه ربيعة روضوه جواهر عزمه على الغدا الوالدة : وليش ماسرت معاه بدر : ما اعرف عياله روضة تنزل من الدري تقعد معاهم الوالدة تطالع روضة : جواهر شو عندهم اليوم روضة تفكر : اخوها ملجته الوالدة : عيل مارزيتي ويهج عندهم روضة تطالع بدر وتنزل راسها الوالدة تطالعهم : شو فيكم بدر : يعني ماتعرفين بنتج الحين الوالدة : ليش يعني روضة : اعرف بتمون يسالوني طردوكم من بيتكم وين ساكنين وين دريولكم وتصيح بدر يهز الراس : هذا اللي يهمج ؟ روضة : احس مالي ويه اشوف جواهر بدر : اذا هي ربيعتج صدق مابتتغير عليج روضة تطالعه الوالدة : يالله عاد غيروا السالفة سماحوا وين اليوم يوم ميلادها روضة : انا قايله لريلها عن ميلادها بس ما اعرف يتذكر ولا لا وفي بيت بوجاسم جاسم يدق الباب على لطيفة لطيفة تكتب باللاب توب : تعال جاسم يدخل ويصكر الباب يقعد يمها جاسم : مشغولة لطيفة : لا بس اشوي بطرش اميل حق ها الشركة جاسم : شو قاصرج فلوس وعندج لطيفة : الحياة مو فلوس انا وحيدة لا اخت ولا صديقة ولا شغلة جاسم : وانا لطيفة تطالعه : حلو لما يكون بحياتك هدف تسعي له انا من اقعد من النوم ما اعرف شو بسوي لانه بكون نفس كل يوم عكس لما اشتغل واقضي وقتي فيه جاسم : صح كلامج لطيفة تطالعه : تبا شي! جاسم منزل راسه : اليوم ميلاد سماح وما اعرف شو اهديها لطيفة تبتسم : واخير ا بديت تهتم فيها جاسم : اكيد هي حرمتي وحلالي لطيفة تفكر : اممم بقولك شو تسوي لها جاسم يطالع الدريشة ويفكر بروضة وبخاطره: لويوم ميلادها كنت بفاجئها باحلى هدية وفي بيت خلفان منصور يدخل الحجرة وفاطمة تحطي شنطته بغرفة الملابس فاطمة : بيب لك فراش يديد ومخدة وامممم شو بعد منصور يطالعها مبتسم فاطمة تضرب راسها : اووف وايد اتكلم تمشي تبا تطلع من الحجرة منصور يطالعها : توتة تطالعه : شو منصور : مشكورة فاطمة تبتسم : Any time تدخل بشاير لابسة الوشاح مال البرد مستغربة : منصور! منصور يطالعها تقترب منه وهي مستغربة بشاير : شو اللي يابك هني؟ يطالعها وهي تطالعه تنزل له دمعة ويحضنها وهي حاضنته مستغربة فاطمة تطالعهم مبتسمة تصكر الباب عليهم وتمشي تقومه : شو بلاك ؟ منصور يمسح دموعه : ابوي طردني بشايرتفتح عينها : ليش ؟ منصور : مرت اخوج قفلت علينا باب المكتب ولما بطلع شافنا الوالد وانا بشاير باستهزاء : وانا قلت له اني انا اللي تحرشت فيها منصور ينزل راسه بشاير بعصبية : صح ؟ منصور يطالعها : غصبن عني بشاير تهز راسها : لا منصور ها المواقف مايبالها مثالية انت شيطان اخرس انت تشجع عبير على الغلط منصور : مو يمكن تحس بتانيب الضمير بشاير : هذه لو عندها احساس كانت فكرت بريلها وبنتها من اول منصور يصد الجهة الثانية : ما اعرف لمتى بتم هني بشاير : فطوم تدري بالسالفة منصور يهز راسه : لا انا قلت لها ابوي شافني شارب بشاير : ومرت اخوك شو موقفها منصور : تصيح وتباني اسامحها بشاير تهز راسها : منصور هي الطالعة وانت الداخل منصور : الله كريم بس والله من شفتج ارتحت بشاير تمسك ايده : بكلم ابوي منصور يهز راسه : لا الله يخليج بشاير : عيل شو بتسوي منصور يوقف عند الدريشة : بدور لي شغل وباجر شقة بشاير : تبيني اكلم يعقوب يدور لك شغل منصور : اكيد مع انه شهادة الثانوية ماطلعت بشاير : خلاص انت بدل ملابسك وتعال تحت تغدا منصور يمسح دموعه يروح الحمام يغسل ويهه تطلع بشاير من الحجرة يرن موبايلها بشاير : الو الوالد : هلا بشورة بشاير : هلا ابويا الوالد : منصور عندج؟ بشاير بضيق : هيه ببات هني الوالد : خلاص لا تقولي له اني سالت عنه بشاير : ان شاء الله الوالد : مع السلامة تصكر بشاير التلفون بضيق وهي تطالع باب الحجرة اللي فيها منصور بضيق وبعد الدوامات في مدرسة شيخة منال : اقول شيخة شيخة : هلا منال : ها المديرة بيوم اجازتنا مسوية اجتماع للمعلمات شيخة : ماتحب تضيع حصص الطالبات منال : وانتي وين موقفة سيارتج؟ شيخة تبتسم : برع المدرسة على الشارع الثاني منال : ليش ؟ شيخة : ياية متاخرة وهناك اسرع منال : يالله عيل برايج شيخة تطلع برع المدرسة خالد ينزل من السيارة شيخة تطالعه مستغربة خالد يمد ايده من بعيد : شخبارج ام وليد شيخة تبتسم وتقترب منه ":وانا اقول وين شايفتك خالد : ها تدرسين بها المدرسة شيخة : هيه وانت ؟ خالد : اتريا اختي معلمة شراتج شيخة تبتسم : شو ها الصدفة الحلوة خالد : عندج سيارة ولا اوصلج شيخة تاشر : هناك موقفتنها خالد : يالله عيل ما بعطلج شيخة تلبس نظارتها وتمشي بالشارع اشوي اشوي خالد يركب السيارة واشوي يسمع صرخة وضربة سيارة يفتح الجامة يشوف شيخة طايحة على الارض يفتح الباب بسرعه ويربع للشارع يشوف السيارة والسيارة تشخطه وتروح خالد متوتر مو عارف يتصرف خالد يتصل بالاسعاف : الو النجدة تعالوا يم مدرسة ام المؤمنين بسرعه يصكر وهو يكلم شيخة : ام وليد انتي بخير وهي تتالم والدم موصخ الشارع وفي بيت خلفان منصور ياكل وهو سرحان فاطمة تطالعه : ها مسوي رجيم؟ منصور يبتسم : لا بشاير : اخوي رياضي ما يحب ياكل كل شي فاطمة : احنا البنات المفروض نخاف على عمرنا مو الشباب بشاير : بالنسبة ليعقوب عاجبه جسمي صح يعقوب يعقوب يطالعها : اكيد منصور يبتسم : الله يهنيكم يرن موبايله يطالعه بشاير: منو يهز راسه : ها خالد بعدين برد عليه خالد يحاول يتصل له وهو مايرد خالد يشوف الاسعاف وهم يشيلون شيخة خالد يكلم نفسه : منصور رد الله يخليك يوقف خالد متوتر مو عارف يتصرف ياترى شوبيستوي ؟ تابعوني | ||||
|
| |
|
09-06-16, 11:44 AM
| #14 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجزء 13 في بيت بو بدر الكل قاعد يتغدا الوالدة تطالع الساعة : تاخرت شويخ روضة تمسك موبايلها : بدق عليها تتصل يرن يرن يشيله الشرطي : الو روضة تستغرب تطالع الشاشة وترد تحطي على السماعة : الو الشرطي : نعم اخت روضة روضة تقوم من مكانها : منو معاي الشرطي : انا الملازم حسين واسمج طالع بالشاشة واختج دعموها وهي ظاهرة من المدرسة روضة تيود قلبها الشرطي : اذا احد من العايلة فيه ضغط وسكري لا تبيني لهم شي روضة تتوتر : اوكي يالله تقعد على الطاولة وهي خايفة بدر يطالعها : شو بلاج الوالدة : وينها شويخ روضة : ها معزومة بيت ربيعتها الوالدة تقوم : بروح ايب لكم عيش زيادة تروح الوالدة روضة تطالع بدر : بدر شويخ دعموها بدر يحطي اللقمة : شو روضة : ها الشرطي قالي ما اخبر اهلي بدر يقوم روضة : بسير معاك بدر : قعدي علشان امي ماتحس سماح : زين ابوي ما احد روضة : طمنا بدر يقوم بسرعة وفي بيت خلفان منصور يروح الحديقة مع فاطمة فاطمة : حلو الجو اليوم منصور : احس اني ثقيل في بيتكم فاطمة : يالله عاد صاير حساس منصور يقعد بالكراسي فاطمة : تشرب شاي ولا قهوة منصور يطالعها : شاي فاطمة تدق على الخدامة من التلفون منصور يتذكر انه مارد يتصل لخالد فاطمة تطالعه : اقول صرصور منصور مندمج بالتلفون : قولي فاطمة : ماتفكر تتزوج منصور يطالعها : خليني الاقي بنت الحلال اول فاطمة : يعني للحين ما بحياتك احد منصور ينزل راسه ويفكر بروضة فاطمة تقترب منه : ها منصور يطالعها : كانت في وحدة بحياتي فاطمة تسمعه منصور : بس البنت الحين على ذمة ريال فاطمة : خانتك ؟ منصور يهز الراس : لا مايروح فكرج بعيد منصور يقول لها السالفة وهي تسمعه فاطمة : سبحان الله معقولة طلعت اختها اللي ساعدت ولدها منصور : ما اعرف شو علاقتي بها الانساانة مكتوب تكون معاي وين ما اروح يرن موبايله يرد عليه منصور : ها خالد خالد : وينك ياريال منصور : خير خالد : اي خير شيخة ام وليد منصور : هيه اخت روضة شوبلاها خالد : ياريال بالصدفة رايح ايب اماني اختي من المدرسة وهي طالعه دعمتها سيارة منصور يوقف : شو تقول!!! خالد : ما احد من اهلها هني منصور يمشي : انت وين الحين خالد : بالمستشفى منصور : لا تتحرك الا لما احد اي من اهلها خالد : بترياك منصور يصكر ويربع فوق وفاطمة تطالعه مستغربة يبدل ملابسه على السريع وبشاير شافت باب الحجرة مبطل : على وين ؟ منصور : بخبرج بعدين يطلع بسرعه وبشاير واقفة تطالعه وفاطمة واقفة عند سيارته يربع للسيارة فاطمة : وين رايح ؟ منصور : المستشفى ام وليد دعموها يرجع السيارة ريوس فاطمة تكلم روحها : لها الدرجة يحب روضة يخاف على اي شي قريب منها يشخطه منصور ماتسمع الاصوت محركه وهو يسرع وفي المستشفى بدر يوصل متوتر الملازم يمد ايده : السلام عليكم بدر : انا اخو المريضة شيخة الملازم : حبيت اسالك بعض الاسئلة بدر : مو وقته اشوف اختي بالاول يدخل بدر الغرفة ومنصور يبركن السيارة وينزل بسرعه للطوارئ يشوف خالد يلبس نظارته منصور: ها خالد : اخوها وصل منصور : شو السالفة خالد : ما اعرف الصراحة منصور :هي تعورت وايد؟ خالد : وايد الصراحة بس الحمدلله مو على راسها منصور : نتريا لين يروح اخوها خالد : خلنا نروح السالفة فيها تحقيق عن يشكون فينا يمشي منصور ويلبس نظارته يشوف واحد متلثم يفر ورقة من فتحه جامة السيارة منصور يصرخ : ايه انته ينتبه ويركض بسرعه يركب السيارة ويشخطه منصور يركض يوصل سيارته خالد : هاي نفس السيارة اللي دعمة ام وليد منصور يبطل السيارة ويقراالورقة منصور : هذا بس علشان غرقت ولدنا المرة الياية بكون دورك وبنشوف منو اللي ببات معاك بالمستشفى منصور يضغط على الورقة خالد : شو السالفة منصور : اكيد هذول اهل وليد خالد : ما فاهم عليك منصور : كنت حاس انه الحادث متعمد مو صدفة خالد : ليش يعني منصور : هذه رسالة تهديد لما غرق وليد حبوا يعاقبوها على اللي سوته خالد : شو بتسوي انته منصور :اقدر اوديها للشرطي بس بالاول بكلم شيخة علشان اعرف كيف اتصرف خالد يطالعه مستغرب وفي غرفة الطوارئ بدر يطالع الملازم : شو تباني اقولك الملازم : هل عندها اعداء بدر يهز راسه : لا الملازم : هل تحسه حادث ولا متعمد بدر : منو بيتعمد يذبح اختي اكيد حادث غير مقصود الملازم : بس صاحب السيارة شرد بدر : يمكن زاغ لما شافها طايحة على الارض الملازم : المهم اول ماتقعد المريضة اتصل فيني علشان اخذ بعض المعلومات منها بدر : ان شاء الله يمشي الملازم وبدر يطالع اخته من الجامة بضيق وفي بيت بو بدر روضة رايحة ورادة سماح : دقي على بدر روضة : اخافه مشغول ولا شي سماح : شورايج ادق على جاسم يودينا المستشفى روضة : فكرة حلوة علشان امي ماتحس بالسالفة سماح تتصل لجاسم جاسم : الو سماح : الو جاسم جاسم : هلا سماح : ممكن توديني المستشفى الحين جاسم يطالع الساعه : الحين ! سماح : اختي بالمستشفى انا وروضة بنروح معاك نزورها جاسم يبتسم : روضة بتي معانا سماح تسكت وترد عليه : هيه جاسم : خلاص مسافة الطريج تصكر سماح وهي تطالع روضة : خلاص بودينا روضة تقوم بسرعه تلبس ملابسها وسماح تطالعها روضة تطالعها : شو بلاج سماح تهز راسها بضيق : ماشي سماح تدخل الحمام تفكر سماح : خلنا نروح قسم العصاير جاسم يطالع روضة : واختج ................................................ سماح : شو بلاك جاسم : ما احب اخلي اختج بروحها سماح : هي متعودة تي مع الدريول جاسم : يالله خلصي بسرعه علشان نحاسب ................................................ جاسم: اختج لحينها زعلانة مني؟ سماح تفكر : لا عادي هي موضوع البيت مضايقها جاسم : سيري زكريها علشان يرتاح ضميري سماح تطالع الجامة : ليش جاسم مهتم بروضة ؟؟ ليكون !! وفي بيت بوحسن عبير تشيل شنطتها وتنزل من الدري حسن والوالد بالصالة الوالد يطالعها : على وين عبير؟ عبير : بروح بيت اهلي الوالد يقوم : ليش ؟ عبير : ما ابي اقعد هني حسن بعصبية : عكيفج هو عبير تطالع عمها : عمي ممكن ترخصني الوالد : طردته من البيت شو تبين اكثر عبير تنزل راسها : الله يخليك عمي حسن يوقف : طردت منو!؟ الوالد يصد الجهة الثانية : هي تعرف منو اقصد حسن : فهموني انزين عبير تطالع حور : خل البنت عندك حسن يقترب منها ويمسكها من ذراعها : شو مسوية تكلمي الوالد : لا تلمسها هي مو غلطانة حسن يطالعه مستغرب الوالد : اليوم الصبح دخلت المكتب واخوك منفرد معاها حسن يفتح عينه بعصبية : شو الوالد : منصور اللي زاكرها وهي كانت تصيح عبير تهز راسها : عمي لا حسن : وليش ماقلتوا لي الوالد : منصور طلب مني ما اخبرك حسن بعصبية : هو وينه الحين ؟ وفي بيت خلفان منصور ينزل من السيارة وفاطمة بعدها بالحديقة يشوفها قاعدة تفكر يقعد معاها فاطمة : ها شخبار ام وليد منصور يطالعها : شو دراج فاطمة : انت لما طلعت قلت ام وليد دعموها يساند راسه على الكرسي ويغمض عينه فاطمة : لا تتدخل بحياتهم عن تتوهق بعدين منصور : عادي مايهمني دامني ما اسوي شي غلط ليش اخاف فاطمة : بس ليش تساعدهم منصور : انا اساعد ام وليد ليش تجمعين فاطمة : انت تقص على منو منصور يطالعها فاطمة : انت تسوي كل ها علشان روضة منصور يوقف : روضة حرمة ريال شو بلاج انتي يصد يشوف حسن ينزل من السيارة معصب ومنصور واقف متوتر ياترى شو بسيتوي تابعوني | ||||
|
| |
|
09-06-16, 11:44 AM
| #15 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجزء 14 في بيت خلفان حسن يصرخ : منصور فاطمة توقف خايفة منصور متوتر : حسن بدون صراخ حسن : سير لا ,مسوي عمرك ما مسوي شي فاطمة تطالع منصور وتطالعه منصور : خلنا نتفاهم مكان بعيد عن هني حسن : ليش ؟ ما تباني اخرب عليك ؟ منصور يستغرب حسن : خلصت من حرمة اخوك ياي الدور على بنات خالتك منصور يمد ايده يبا يضربه حسن يطالعها معصب : بعد !! منصور يضغط على ايده : الموضوع مو مثل ما انت فاهم حسن : يالله فهمني منصور : بصراحة امم يسكت مو عارف يرد حسن يطلع المسدس من جيبه منصور يبطل عينه حسن : يا الوقت اللي استخدمه فاطمة تصكر على حلجها وتركض داخل منصور واقف ساكت يطالع حسن حسن ياشر المسدس عليه منصور يفتح ذراعه : يالله ؟ اذبحني وحسن يطالعه معصب منصور : اذا موتي يريحك فاكيد انا بموت وانا مرتاح خاصة من ايدك حسن معصب : كلامك ها ما يطفي النار اللي في قلبي منصور بشاير ياية تركض بشاير : حسن حسن منصور يطالع حسن : صوب علي قبل لا تقترب بشاير مني بشاير توقف قبال منصور : شو ها الخبال شوبلاكم حسن يطالعه معصب بشاير : شو بلاك حسن حسن مصوب عليهم ويهز الراس : خوزي عند دربي منصور يطالعه بشاير : حسن تبا تقتل اخوك ؟ حسن يطالعه : انا ما عندي اخو منصور يطالعه حسن يطالعه منصور تنزل له دمعه بشاير بعصبية : شو ها الرمسة حسن : زين ابوي طرده من بيتنا منصور ينزل راسه حسن : بس تحملوا على بناتكم منه منصور يمسح دمعته و يمشي وبشاير تطالعه يركب سيارته بضيق ويطلع من الفيلا بشاير تطالع حسن : انت لازم تعرف الحقيقة حسن يمشي عنها : ما ابي اسمع شي يركب السيارة تركض لسيارته وتدق الجامة وتصارخ : لازم تعرف اخوك بريء بريء يرجع ريوس بسرعه ويطلع من الفيلا وبشاير ترجع شعرها لورا وتصيح وفي المستشفى روضة وسماح يدخلون الطوارئ بسرعه بدر يشوفهم روضة : ها طمنا بدر :منو يابكم سماح : جاسم بدر : عاطينها ابرة مهدئة لانها تعبانة وايد روضة تصيح : كيف صار الحادث بالسيارة ؟ بدر : يقول الملازم انها عبرت الشارع ودعمتها سيارة روضة تصكر على حلجها بدر : الملازم يقول الحادث شكله مقصود مو صدفة روضة تفكر بدر : منو بيتعمد يدعمها وهي عمرها ما اذت احد روضة : والشرطة ما مسكوه بدر يهز الراس : للاسف لا روضة تمشي وتقعد بالاستراحة تصيح سماح : نقدر ندخل نشوفها بدر : هيه عادي روضة تكتف ايدها : انا مابدخل ما احب اشوف ها المواقف بدر وسماح يدخلون وهي تقعد برع تصيح جاسم بالسيارة يشوف منصور ينزل من سيارته جاسم يعصب : ها شو يايبنه هني بدر يطلع من الحجرة روضة تطالعه بدر : قعدتنا ما منها فايدة روضة : خلاص انت روح البيت واحنا بنرجع مع جاسم بدر : لا تتاخرون روضة توقف : ان شاء الله يمشي بدر بالممر منصور يمر يمه يسلم ويمشي روضة منزلة راسها منصور يشوفها : روضة ترفع راسها : منصور يقترب منها : شخبارج روضة تمسح دموعها : شو تباني اقولك منصور : شخبار ام وليد روضة : ما اقدر اشوفها منصور : تعرفين انا شاك باهل وليد روضة : ليش منصور يراويها الورقة تمسكها وتقراها منصور : يهددوني لاني تميت عنده البارحة بالمستشفى روضة تطالعه : منو خبرهم منصور يهز راسه : ما اعرف روضة : وليش مانبلغ الشرطة منصور : اخاف يحرمون اختج من ولدها روضة : بس هاي جريمة منصور يطالعها روضة تطالعه : كل شي بيومين تغيرت حياتنا وللاسوأ وتصيح منصور يقترب منها : لا تصيحين روضة ترفع راسها وتطالعه منصور : كل شي بيتصلح روضة : ان شاء الله جاسم : خوش خوش منصور يصد يطالعه جاسم : احضنها بعد يالله روضة تطالعه بعصبية : جاسم جاسم : لا تصرخين , بامكاني ازقر الشرطي واقوله الاخ يغازل منصور ينحرج منصور : متاسف اخوي موقصدي والله جاسم يطالعه معصب منصور يرجع شعره وراه : سامحوني بس لاني كنت مار وحبيت اطمن جاسم : خل النفس طيبة عليك وروح من هني روضة تطالع منصور تصيح منصور ينزل راسه ويمشي روضه تطالع جاسم بعصبية : انت مو من حقك تتكلم معاه بها الطريقة جاسم يطالع روضة : انا كنت شاك انه بينج وبينه علاقة من زمان روضة : وانت شو يخصك اذا بيني وبينه علاقة جاسم يطالعها معصب : لانه جبان وتافه وعارف عمره غلطان روضة : ها الجبان اللي تتكلم عنه سوا اللي انت ماسويته جاسم يطالعها روضة تصد عنه : لما توهقنا في البيت ساعدنا وعطانا بيته وقال لابوي لما تجمع بيزات عطني بعدين مو مستعيل تطالعه : ولما غرق ولد اختي هو اللي انقذه من الغرق في البحر ويابه المستشفى وقعد معاه مع انه مايعرف انها اختي وهذاك ولدها جاسم يسمعها منصدم توقف قباله : سويت انت شي نشكرك عليه ؟ جاسم يطالعها تصرخ : تكلم جاسم يبا يمشي عنها روضة تطالعه : انت حرمتك ما قلت لها انك تحب وحدة غيرها منو الجبان الحين هو ولا انت ؟ جاسم منزل راسه روضة تصرخ : سير خبرها وقولها منو هي حبيبتك جاسم يطالعها معصب : خلاص بقولها روضة تصد عنه معصبة جاسم يصرخ : بقولها اني احب اختج روضة روضة تفتح عينها جاسم يهز راسه وياشر عليها : هيه انا احبج انتي روضة تقعد على الكرسي منصدمة جاسم يطالعها : لما يوم الشوفة الكل كان موجود ماعرفت منو عروستي روضة تغطي على ويهها بايدها جاسم : واول وحدة لمحتها هي انتي دخلتي قلبي وحبيتج بعد ما التقينا في المول ولما كلمتج يم المطبخ وووو جاسم تدمع عينه : انصدمت بيوم ملجتي انه عروستي مو حبيبتي مو حبيبتي روضة توقف وتبا تمشي جاسم : ارجوج روضة ماتخبرين سماح روضة تطالعه : ليش ؟ جاسم ينزل راسه روضة : لمتى بتقص عليها جاسم : سماح طيبة وما بلاقي وحدة شراتها روضة :وانت ماتحبها ؟ جاسم يطالعها وهي تطالعه سماح تبطل الباب سماح : جاسم جاسم يطالعها سماح : شوبلاكم روضة تمسح دموعها جاسم : اختج مضايجة من اللي صار بشيخة سماح تقترب منها : ان شاء الله بتقوم بالسلامة جاسم : خلونا نروح قعدتنا مالها معنى روضة تشيل موبايلها وتمشي سماح تطالع جاسم : زعلتها جاسم يهز الراس : لا ويمشي وسماح واقفة تطالعهم بضيق وفي سيارة منصور منصور يكلم خالد : صدق اني خبل كيف كلمتها واقتربت منها وهي متزوجة خالد : انت ماراح توب لين يذبحوك اهل وليد ولا اهل روضة منصور : ما اعرف خالد لما اشوفها احسها تجذبني تخليني اقترب منها خالد : منصور شو بلاك الحرمة متزوجة ليش تخرب حياتها منصور : ابا ارتاح خالد احس اني ضايع لابيت لا اهل لا حبيبة خالد : حاس فيك والله ما اعرف شو اقولك انت طيب اكثر من اللازم وطيبتك هي اللي خلتك تخسر اهلك منصور : شو تباني اسوي خالد : ماشي الا حل واحد منصور : شو ؟ وفي بيت اهل وليد ياسر : انته مينون سهيل : مينون ونص لو ماتت احسن ياسر : انا قلت لكم مكانه علشان ماتظلمون شيخة سهيل يدوخ سيجارة : الله يستر عليها بروحها ماتنعرف دنياها ياسر : لا تنسى انتوا اللي ورطتوها ولا هي مظلومة سهيل : شوف ياسر بحكم انك تحب اختها هاي مايخليك تدافع عنها كل ها الدفاع ياسر يطالعه سهيل : خلك بعيد لي دورك انت بعد ياسر : انا رايح الشرطة ووبلغ عنك سهيل : سير بلغ بس تاكد قبل لاتدخلني السجن بدخل اللي بات عند وليد المستشفى ياسر : هدد من اليوم لباجر مايهمني سهيل يمسكه ويضربه ضرب الوالدة تدخل : بسكم بسكم ياسر : وخري اماية خليني ادوسه سهيل : تعال مس شعره بس الوالدة : وانتوا ما عندكم سالفة الا شويخ واهلها ياسر : ماعليه انا ولا انت سهيل يطالعه ياسر يطالعه ويمشي الوالدة : وانت مابترتاح لين يسجنوك شرات اخوك سهيل يطالع ياسر معصب وفي بيت بو بدر جاسم يوقف السيارة روضة تنزل وتصكر الباب سماح تطالع جاسم جاسم منزل راسه سماح : جاسم جاسم يطالعها : نعم سماح : ممكن تطلقني جاسم يفتح عينه : شو ؟!!! سماح تنزل راسها : انا سمعت اللي دار بينك وبين روضة جاسم يغمض عينه ويصد الجهة الثانية سماح : انا ماالومك لانك حبيت وحدة وكنت متوقع انها تكون عروستك جاسم يهز راسه : سماح انتي الحين تعبانة بعدين بنتفاهم سماح : خلني اتعب الحين ما ابي اتعب بعدين جاسم يطالعها : سماح عطيني فرصة اوضح لج سماح تبتسم وتنزل منها دمعة وتمد ايدها : اشكرك انك ماحطمت قلبي او خربت حفلتي وقلت ما ابيها بس اتمنى تكمل معروفك وتبتعد عني بالطيب يمسك ايدها ويطالعها تشيل شنطتها وتنزل من السيارة جاسم يضايق يرجع راسه لورا وفي الليل بيت خلفان (خالة منصور) منصور يدخل سيارته يمشي بضيق ماسك جاكيته بايده يدخل الصالة يحس ما احد بالبيت يركب الدري يشوف حجرة فاطمة بويهه يدق عليها الباب تقوم تطالع الساعة تشوفها 12 فاطمة : منو ؟ منصور بضيق : انا فاطمة تفكر : منصور تقوم تلبس شبشبها وتلبس شيلتها تشغل الليت وتفتح الباب منصور منزل راسه وشعره قافط فاطمة تستغرب : منصور من وين ياي يطالعها وعيونه مليانة دموع فاطمة : شوبلاك منصور : ممكن اطلب طلب فاطمة : قول منصور : ممكن تتزوجيني فاطمة تفتح عينها منصدمة وهو يطالعها بضيق ياترى فاطمة بتوافق على الزواج من منصور؟ وجاسم بوافق يطلق سماح ؟ تابعوني | ||||
|
| |
|
09-06-16, 11:45 AM
| #16 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجزء 15 في بيت بوبدر سماح طالعه من الحمام لافة شعرها بالفوطة روضة قاعدة على شبريتها تفكر بكلام جاسم سماح تقعد يم التسريحة تحطي كريمات بجسمها روضة تطالعها : ماقلتي لي شو هدية جاسم لج في يوم ميلادج سماح تفرك ايدها وتوقف روضة تطالعها سماح تغمض عينها : انتي روضة تستغرب : كيف سماح تطالعها : جاسم يحبج صح ؟ روضة تتوتر : شو تخربطين سماح توقف وتقعد يمها روضة تطالعها خايفة سماح : لا تخافين انا مالومج ولا الوم جاسم لانكم مالكم يد باللي صار روضة تهز راسها سماح تنزل لها دمعه : انا صحيح كنت فرحانة انه احد تقدم لي خاصة انه اللي قبله يشوفوني ويشردوا لاني متينة وسمرا ومافيني جمال شراتج روضة تمسك ايدها : سماح انتي شيختهم كلهم سماح تحضنها وتصيح روضة تمسح على ظهرها : جاسم يباله وقت بس علشان يستوعب انج حرمته سماح تقوم عنها وتمسح دموعها : انا طلبت الطلاق روضة تفتح عينها : شو !! سماح تهز راسها : مستحيل اتزوجه بتم اشك فيه روضة : بس انتي تعرفين انا احب منصور سماح تطالعها : بس جاسم يحب منو؟ روضة ترجع شعرها لورا بضيق : سكتي سماحو سماح تطالعها : جاسم يحبج انتي روضة تصكر على حلج سماح : بس سكتي سماح تطالعها ودموعها على خدها روضة تقوم من الفراش توقف تصكر على اذنها سماح تطالعها : ليش وقفتي روضة تطالع البلكونة : خليني بروحي سماح تشيل الفوطة من شعرها تمشط شعرها وتطلع روضة مكتفة ايدها : منصور محتاجة لك تغمض عينها وتصيح وفي بيت خلفان منصور واقف عند البلكونة يفكر فاطمة مكتفة ايدها تطالعه منصور : اعرف اني ما اشتغل بس خطوبة او ملجة على الاقل فاطمة : ليش ! منصور مدخل ايده بالجيب ومنزل راسه : محتاج لج فاطمة تقترب منه فاطمه تطالعه : حط عينك في عيني وقولها منصور مو قادر يرفع راسه فاطمة : يالله منصور : ما ابيج تشوفين دموعي فاطمة : ليش ؟ مجبور؟ منصور يصد عنها : انتي اكثر وحدة فاهمتني وارتاح لها وايد اذا تضايقت فاطمة : عندك خالد منصور يطالعها فاطمة : انت محتاج صديق مو زوجة منصور : ابا ارتبط وانا مو واثق من بنات ها الايام منصور يمسك كتفها : انتي تحبيني ؟ فاطمة تطالعه وتدمع عينها : بس منصور يحب منو؟ منصور يغمض عينه فاطمة تمشي منصور يطالعها : توتة توقف منصور : مارديتي علي فاطمة تطالعه : انا اللي سالتك ومارديت علي يطالعها وتطالعه وتمشي عنه ومنصور واقف مو عارف شو يسوي وفي اليوم الثاني بيت بوجاسم جاسم يتريق الوالدة : ها لطيفة بتروحين العرس بليل لطيفة تصب الشاي : بشوف اماية اذا احد من ربعي بروح علشان يونسوني جاسم : وانتي شو مقعدنج من الصبح لطيفة تطالعه : بروح اودي اوراقي التربية على وعسى نلاقي شغل هناك جاسم : اوصلج بدربي لطيفة : لابسير بسيارتي علشان ارجع انت وراك دوام جاسم : لا ماعندي , دوامي الظهر لطيفة تبتسم : اوكي الوالدة تصغر عينها : عندك سر تبا تقول لها جاسم يطالع لطيفة ويشرب الشاي لطيفة : وانتي اماية كله شكاكة الوالدة : ولدي مو مرتاح ومايبا يبين لي علشان مايكون كلامي صح واتشمت فيه جاسم يوقف : اترياج بالسيارة لطيفة تطالعه : اصبر اشوي يطلع جاسم ولطيفة تطالع امها : اشوي اشوي عليه اماية انتي مو عدوته الوالدة : وانا سعادته تهمني حتى لو يباني اخطب له روضوه من اول ويديد بسير ما بستحي بس انتوا فاهميني غلط لطيفة تهز راسها وتوقف تبوس راس امها : ادعي لي اماية الوالدة بضيق: الله يوفقج لطيفة : يالله عاد ام جاسم ابتسمي وخلج راضية علينا تطالعها : الله يوفقج ويوفق اخوج لطيفة تبتسم وهي تشيل ملفها وتمشي وفي بيت خلفان على الساعة 10 منصور يلبس ويتعطر ويبا يطلع يشوف بشاير واقفة عند الباب منصور يبتسم : زيغتيني بشاير : وين طالع من الصبح منصور يلبس ساعته : المستشفى بشاير تطالعه : ادخل داخل منصور يطالعها : ليش تدزه داخل وتصكر الباب بشاير تكتف ايدها : شو اللي سمعته من فطوم منصور يطالعها ويرد يلبس ساعته بشاير ترفع حواجبها : مارديت علي منصور يطالعها : شو قالت لج بشاير : عن اخت روضة وعن زواجك منها منصور يصد عنها : متى قالت لج انا بليل رمستها بشاير : عقب ما خبرتها يات لي الغرفة منصور منزل راسه بشاير : انت عبالك الزواج هو الحل لك منصور : شو تبين من واحد فاشل مثلي لا بيت لا اهل بشاير : انا بستانس اذا كنت تفكر تتزوج فطوم , بس لاني اعرف انك تحب روضة فعقلي مو مستوعب منصور يطالعها : ليش ها القلب بس مرة بيحب عادي البداية بكون صعب بعدين اكيد بحبها بصير عندنا عيال وعايلة نكون مسؤولين عنها بشاير باستهزاء تقترب منه : ايواه وليش رايح الحين المستشفى منصور متوتر : ابا اتطمن على اختها بشاير : انت بها الطريقة ما بتحب فطوم منصور يطالعها بشاير : انت تروح علشان تقول يمكن اشوف روضة صح ؟ منصور يبا يطلع : فسري اللي تبينه مايهمني بشاير : بس انا يهمني ما ارضى باجر احد من خوانها يسويلك سالفة منصور : عادي بشاير : منصور يوقف عاطنها ظهره بشاير : انا اختك متزوجة ,اذا كان واحد يلاحقني ويحبني ويزعجني بترضاها علي ؟ منصور يغمض عينه جاسم : لا تصرخين , بامكاني ازقر الشرطي واقوله الاخ يغازل منصور ينحرج منصور : متاسف اخوي موقصدي والله جاسم يطالعه معصب منصور يرجع شعره وراه : سامحوني بس لاني كنت مار وحبيت اطمن جاسم : خل النفس طيبة عليك وروح من هني روضة تطالع منصور تصيح منصور ينزل راسه ويمشي بشاير تقترب منه بشاير : انت تضرها قبل لاتضر نفسك منصور يمشي عنها بضيق وبشاير واقفة عند الباب : الله يهديك اخوي وفي المستشفى شيخة تبطل عينها بصعوبة النيرس تنادي الدكتور الدكتور يدخل الدكتور : حمد لله على السلامة شيخة تطالعه : انا وين الدكتور يكتب بملفها : انتي هلا عديتي مرحلة الخطر تبا تقعد مو قادرة الدكتور : لا تتحركي من مكانك لسه الجرح طري شيخة : شو بلاها ايدي وريلي الدكتور : اشويه كسور مع العلاج والجبس كل شي بصير تمام شيخة : واهلي وينهم الدكتور : من مبارح هون ما سابوكي شيخة تحطي راسها على المخدة الوالدة وروضة وسماح يدخلون الوالدة تصيح وتحضنها : سلامتج بنتي شيخة تحضنها : الله يسلمج اماية روضة : شخبارج اليوم شيخة : الحمدلله احسن سماح : ابويا برع عباله احد عندج تفتح الباب يدخل ويسلم عليها وشيخة تطالعهم مبتسمة الملازم يدق الباب روضة تطالعه الملازم : ممكن تخلونا بروحنا شيخة خايفة روضة : انا بقعد معاها الوالد : شوبتسوين انتي روضة متوترة : عندي بعض المعلومات اللي بتفيد الحادث الملازم يطالعها سماح : يالله عيل نظهر كلنا الوالد معصب : وليش ماتقولين جدامنا الوالدة تدزه : شو بلاك بو بدر الملازم : لو سمحت الوالد مانبي انفعالات فلوسمحت خلك برع لين اخلص الكل طلع برع وشيخة تطالع روضة روضة : بصراحة الحادث مقصود وانا ما حبيت اقولك جدام ابوي لانه ابوي بيذبح اختي الملازم : لو سمحتي بدون لف ودوران قولي لي من البداية ووقت الظهر منصور بالمول قاعد بالكوفي اشوي فاطمة تشوفه منصور يشرب كوفي نجله تساسر فاطمة : اكو منصور فاطمة تتوتر : بروح محل مكياجي اشوي تدخل فاطمة المحل نجله تقترب منه : ها العزابي ماعيبك اكل بيتنا منصور يستغرب : هلا مانتبهت لج نجله تقعد يمه : ها مواعد منصور يبتسم : منو هاي المقرودة اللي تبا تواعدني نجله : شو حلاتك لما تكون متواضع منصور يشرب كوفي : ياية مع ريلج نجله: لا ياية مع فطوم منصور يدورها : وينها نجله : دخلت محل مكياجي منصور ينزل راسه يفكر باللي صار البارحة نجله : عادي نتغدا معاك منصور : حياكم على حسابي الغدا نجله : اكيد على حسابك عيل ليش بناكل معاك منصور يبتسم ويطالع فاطمة تطلع من المحل وواحد يلاحقها منصور يوقف معصب وهذاك يدخن سيجارة وينفخ عليها وفاطمة تمشي بسرعه منصور يمشي بسرعة يوقف منصور قبالها فاطمة تطالعه : منصور ومنصور يطالع الريال سهيل : ها الحبيب موجود هني فاطمة تصد تطالعه : منو انت سهيل يدوخ وينفخ السيجارة بويهها فاطمة تكح منصور يمسك ايدها ويخليها ورا ظهره سهيل : شفت انه عيني عليها ييت تسحبها مني منصور يمسك خد سهيل ويضغط عليه : لو ماسرت الحين من هني لا اطفي السيجارة بلسانك فاهم ويدزه ويطيحه على الارض فاطمة تطالعه باستغراب منصور يمشي وهي تمشي وراه وسهيل يطالعه معصب : ما عليه بنشوف من اللي بفوز بالنهاية نجله تطالعهم : شو بلاك منصور لو خليته يولي منصور معصب : ها واحد حقير يخرب سمعة البلاد باسلوبه فاطمة تطالعه : ليش عصب فيك منصور يطالعها وهي تطالعه نجله : يالله خلونا نتغدا بمطعم برع المول وترتونا منصور :انا اتريا خالد ربيعي نجله : خلاص عيل بشتري لي ايفون من الاتصالات اللي هني منصور : اشتريه من الاتصالات اللي برع احسن فاطمة تطالعه : هو جاسم بها المول يشتغل ؟ منصور يطالعها : اي جاسم ؟ نجله تطالعهم فاطمة تبتسم : رفيجك اللي مالج من قريب منصور : هيه نجله : عيل زين برخص لنا منصور : لا انا وياه زعلانين روحوا مكان ثاني احسن فاطمة تطالع نجله : يالله سرينا تمشي فاطمة ونجله تستغرب منصور يقعد بضيق نجله : شو بلاج فطوم انتي وصرصورج فاطمة : ماشي لازم ادور جاسم نجله : ليش فاطمة : بس ابي منه شي نجله تطالعها مستغربة وفي بيت بو بدر روضة تدخل الصالة الكل يتغدا الوالد : ليش ماتميتي عندها روضة : نامت شويخ تبا ترتاح الوالد : والشرطي شو قالج روضة تقعد معاهم روضة : هم شاكين باهل وليد الوالد بعصبية : ليش روضة : يكرهوها وما يحبوها الوالد : بس بنتي ما تتكلم معاهم ولا تي صوبهم الوالدة بضيق : مو كفاية حارمينها من ولدها الوالد : انا لازم ارفع قضية عليهم روضة تهز راسها : لا ابوي عن يقتلون اختي الوالد : ليش الدنيا فوضة يقوم الوالد يبا يكلم المحامي الوالدة تطالع روضة : ليش قلتي لابوج روضة تصيح : ماابي شويخ تحارب حياتها بروحها لازم يعرفون انه وراها رياييل تقوم من الطاولة وتركض فوق تدخل حجرتها وتصكر الباب وهي تصيح تشوف سماح واقفة تصيح وبايدها ضرف روضة تقترب منها روضة : شو بلاج !! سماح تعطيها الضرف روضة تمسكه سماح : جاسم طرشه لي روضة تطالعها : متى يا جاسم سماح : لما كنا بالمستشفى عطى الخدامة وراح روضة تفتح الضرف وهي ترتجف وسماح قلبها يدق بسرعه وفي المول توصل فاطمة ونجله الاتصالات تقرا الكارت فاطمة : اخ جاسم جاسم مبتسم : تفضلي اختي اي خدمة فاطمة : انت ريل ربيعتي جاسم يستغرب : عفوا فاطمة تبتسم : ربيعتي روضة ! جاسم : بس روضة مو حرمتي فاطمة تستغرب : كيف ! جاسم : تقولين ربيعتج وماتعرفينها منو تزوجت ؟ فاطمة تبتسم : لا بس هم قالوا لي انها ملجت من واحد يشتغل بالاتصالات واسمه جاسم ونفس ها المول مكان عمله جاسم : المفروض يقولون لج انه سماح زوجتي مو روضة فاطمة تفتح عينها : يعني روضة مو متزوجة ولا مخطوبة جاسم يهز راسه : لا مو مرتبطة فاطمة تفكر : ممكن تعطيني رقمها جاسم : اسف انتي لو ربيعتها بتعرفين كل شي عنها فاطمة : بس محتاجة الرقم ضروري جاسم : اسمحيلي انا بمكان عملي ما احب اخلط حياتي الشخصية مع العملية ويمشي عنها فاطمة تفكر : روضة مو مرتبطة ومنصور متعذب علشانها ياترى فاطمة بتخبر منصور عن روضة ولا لا؟ وشو سالفة الضرف اللي بايد روضة؟ تابعوني | ||||
|
| |
|
09-06-16, 11:47 AM
| #17 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجزء 16 عيني ترى, عقلي يرى, قلبي يرى يا ترى!؟ من فيهم الآن يرى!؟ تبدو الأشياء في حله جميله, بتُ أشعر بانجذاب كل ما فيني يراها .. أبهرتني .. بعثرتني في بساتين حماها .. ثم لملمتني .. فاخترتها .. عل قلبي لا يرى من بعدها إلا ثراها .. عيني ترى, عقلي يرى, قلبي يرى .. يا ترى!؟ من فيهم الآن! أكثر من الآخر يرى!؟ قلبي يرى, للأسف! عيني ليست .. رؤاها صادقة! خداعة ٌ أنتِ ولكن, ما زلتي للعين! .. أجمل ما ترى! والعقلُ يرى! .. غير ما عيني ترى! والقلب يأبى! .. لغير رؤيتهِ رؤى! لا أعلم .. يا ترى !؟ من فيهم الآن يجب عن غيره أكثر يرى!؟ والمعضلة!؟ أي رؤى فيهم يجب أن تندفن!؟ عيني ترى, عقلي يرى, قلبي يرى .. يا ترى!؟ هل أرى؟ روضة ترفع راسها تطالع سماح وسماح تصيح روضة تكمل قراية روضة : ما اعرف كيف ابرر موقفي بس يمكن ها الابيات مناسبة للوضع اللي انا فيه, ما احس انه واحد في الدنيا تحطى بنفس ها الموقف , انا مابقولج اني احبج واموت فيج لاني بحس اني اقص عليج , بس من مسكتي ايدي وشفت دمعتج بخدج وانتي تطلبين الطلاق قلبي عورني , كنت بيود ايدج وما بهدها , بس حسيت انج كرهتيني وماتبين تشوفين ويهي , سماح انا ما بلاقي وحدة بطيبتج لو وحدة ثانية كانت فضحته جدام اهلها , وانا حاس قبل لاتشوفين الظرف توقعتي تكون ورقة طلاقج, بس اذا عطيتيني فرصة راح اتغير صدقيني بتغير واذا مصرة على الطلاق فبسوي اللي يريحج, انتظر قرارج ... روضة تطالعها : شو قرارج ! سماح تهز راسها : خلاص ابا اتطلق روضة تقترب منها : الريال شاريج ومابتحصلين شرات جاسم سماح تمسح دموعها روضة : هو صحيح اشوي يرفع الضغط بس طيب وعاقل مو شرات شباب ها الايام سماح تقعد على الشبرية تصيح روضة : فكري سماح ولا تستعيلين سماح تطالعها : لو كنتي مكاني شو بتسوي روضة ترفع عينها : سماحوا لا تطوليها وهي قصيرة مع الايام بتنسين سماح : موافقة روضة تبتسم سماح توقف : بس بشرط روضة تستغرب سماح : تعترفين بحبج لمنصور روضة : وشو يخصه سماح : دامج تاكدتي انه منصور مو مرتبط روحي قولي له يتقدم لج روضة تصد الجهة الثانية : بس انا للحين مو متاكدة من مشاعر منصور لي سماح : اكيد يحبج روضة : مو حلوة البنت تروح تعترف للشاب وتقوله انها تحبه سماح : بس اذا فات الفوت ماينفع الصوت روضة تطالعها : وين اشوفه سماح : بالمستشفى روضة تفكر سماح : روحي عند شيخة ويمكن تلاقيه هناك روضة بضيق : ما اعتقد بعد ماصرخ بويهه جاسم ماراح يرد سماح تفكر : تعالي شيخة عندها رقمه تذكرين لما رقد منصور عند وليد عطاها رقمه علشان تتطمن على ولدها روضة مبتسمة : بس شو اقوله سماح : قولي له تعال بنتكلم عن قضية شويخ اختي ومن هناك ضربي عصفورين بحجر روضة تشق الويه وتدمع عينها : لها الدرجة تفكرين فيني سماح : بس علشان جاسم يشيلج من راسه ويتم لي روضة تفتح حلجها وتضربها : مالت عليج سماح تحضن روضة : ان شاء الله يوم عرسنا بليلة واحدة روضة ترفع عينها فوق : ان شاء الله وفي بيت خلفان فاطمة تدخل الصالة تركض بسرعه الوالدة : شو بلاج فطوم فاطمة توقف عند الدري : صرصوري وين الوالدة : فوق بحجرته فاطمة تربع وهي مستانسة تدق الباب مبارك يفتح الباب فاطمة تدخل : منصور ! تدوره بغرفة الملابس فاطمة : منصور مبارك : شو بلاج داخله ومو شايفة اللي جدامج فاطمة : ابا منصور وينه ! مبارك : منصور اخذ غراضه وطلع من البيت فاطمة بضيق : ليش ! مبارك ياكل مكسرات : ما اعرف عنه سالي بشاير فاطمة تطلع من الحجرة تروح حجرة بشاير فاطمة تدق الباب بشاير : تفضل تدخل فاطمة : يعقوب هني ؟ بشاير لابسة العباية وقاعدة يم المنظرة : ما احد فاطمة : وين منصور بشاير تحطي المسكرة برموشها : طلع مع ربيعه خالد فاطمة : بس مبارك يقول اخذ اغراضه كلها بشاير تطالعها : ليش ! فاطمة : ادق عليه مايرد بشاير تهز راسها : تصرفات منصور تقهر الواحد فاطمة : انتي وين رايحة ؟ بشاير توقف : انا رايحة بيت اهلي فاطمة : ليش بشاير : لازم اثبت براءة منصور فاطمة تبتسم : ليش منصور مجرم ؟ بشاير : انتي مو فاهمة السالفة فاطمة تطالعها مستغربة بشاير تشيل شنطتها : بس ان شاء الله عبير تعترف تطلع بشاير من الحجرة وفاطمة تطالعها باستغراب وفي المستشفى روضة تدخل على شيخة شيخة تقعد من نومتها : ها الحلوة رديتي مرة ثانية روضة : مساعة شفتج نايمة فقلت اييج العصر شيخة : زين روضة مترددة : شويخ شيخة تطالعها : خير روضة : انتي ماتبين تشوفين التهديد اللي طرشوه لمنصور شيخة : ياريت والله انا خايفة يورطون الريال وهو ماله خص روضة منفعله : انتي عندج رقم منصور دقي عليه وخليه اي الحين شيخة : الحين ! روضة : هيه لانه ابوي كلم المحامي عن الحادث ونبا ادله شيخة : بس مو بايلي كان بشنطتي يوم الحادث روضة : الشرطي ياب الشنطة وحطها بالكبت شيخة : سيري يبيه عيل روضة تقوم مستانسة شيخة تطالعها : شو بلاج منفعلة روضة : ها ! ولا شي شيخة تبتسم : تحبيه روضة تعطيها الموبايل مستحية شيخة : بس هو متزوج شو تبين فيه روضة : لا خدامتهم قالت لنا انه اخوه العود المتزوج وعنده بنت شيخة ترفع حواجبها مستانسة : ايواه من جي النفسية توب روضة تقعد متفشلة شيخة تدق بس منصور مايرد روضة : ها شيخة تستغرب : منصور مايرد روضة تفكر : غريبة وفي المول خالد يشوف منصور قاعد بالكوفي خالد يهز الراس : وين موبايلك منصور : كاهو موجود خالد : حرقته اكثر من مرة ادق عليك منصور يطالع الشاشة : مانتبهت مخلنه سايلنت خالد : خبلت فيني ما خليت كوفي بالمول مادورتك منصور يبتسم ويطالع الشاشة : اوووف وايد مكالمات ياتني توتة وبشورة و.. خالد يطالعه : ومنو ؟ منصور يطالعه : شيخة ام وليد ! خالد : والله ! منصور يطالع الساعة : من اشوي داقة خالد : رد عليها يمكن تباك بسالفة منصور يتصل منصور : هلا ام وليد شحالج ؟شخبارج الحين ؟ خالد يطالعه مستغرب منصور : الحين ! اوكي مسافة الطريج باي خالد : ها منصور : تباني اروح لها المستشفى وايب الورقة اللي هددوني فيها خالد : الحين ! منصور يقوم : سامحني بترخص منك خالد : بي معاك انزين منصور : وانت ياي مع منو ؟ خالد : اخوي باسم فرني وسار منصور : يالله عيل تعال معاي وفي بيت بو حسن بشاير تدخل الصالة عبير قاعدة تطالع تلفزيون مع بنتها وعمها بشاير : السلام عليكم الوالد مبتسم : هلا بشورة هلا حبيبتي بشاير : هلا ابويا عبير تطالعها : وعليكم السلام بشاير تدور : وين حسن عبير : فوق نايم بشاير تطالع البنت : حوري روحي قعدي بابا حور تركض وتركب الدري الوالد: شوبلاج بشورة بشاير : ماشي عبير : وليش تتكلمين من ورا خشمج بشاير تطالعها : انتي اخر وحدة ترمسين عبير تطالع عمها وتطالعهاوتوقف : احترمي نفسج بشاير تصرخ : انتي اللي احترمي نفسج واحترمي البيت اللي حاشمج الوالد يوقف : شو بلاج بشاير على عبير بشاير: اليوم ياية اقولك الحقيقة انت وحسن عبير تتوتر : اي حقيقة بشاير تطالعها : سوالفج الماصخة مع اخوي منصور وتحرشاتج له حسن نازل من فوق يصرخ : بشاير بشاير تطالعه بنظرة عصبية حسن وهو يقترب منها : شو بلاج على حرمتي بشاير : انا مايخصني بحرمتك انا اللي يهمني اخوي منصور حسن يقترب منها : اذيتنا ويا ها الاخو , شوفي عاد باعتبار انه اخوج ما اسمح لج تمسين شرف بنت الناس بشاير تاشر عليها : هاي بنت ناس ؟! حسن يعطيها كف على ويهها الوالد يصرخ : حسن بشاير تمسك خدها : وانت ها اسلوبك بالتفاهم يا تطلع مسدس ولا تمد ايدك الوالد بعصبية : بشاير قولي اللي عندج وخلصينا بشاير تصيح : انا مرة كنت بايتة عندكم وشفت منصور ياي من برع كنت اباه يركب لي التلفزيون في غرفتي واول ما دخل دقيت الباب عليه وفتحته وشفت عبير بحضنه وهو يبعدها عنه . عبير تغمض عينها بشاير تطالع حسن : انا نفس تفكير ابوي اول ماشافهم شك بمنصور بس كيف لحق يزكرها ويحضنها الا اذا هي كانت تترياه بغرفته وهو برع البيت و مع الايام شفتها هي اللي تلاحقه وتحاول تكلمه الوالد بضيق : بس منصور هو اللي اعترف بلسانه بشاير تهز راسها : يعني ماتعرفون منصور تصد عنهم وهي تصيح بشاير : تذكر حسن لما كنت مراهق وخذيت سيارة ابوي ودعمت فيها وكنت خايف وتصيح ان ابوي يضربك تطالعه : منصور قال لابوي ان هو اللي ساقها تطالع ابوها : وابوي انت شو عاقبته ؟ ربطته بالمريحانة بالشمس مثل الكلب المربوط حسن تنزل له دمعه بشاير تطالع حسن : تذكر لما شربت سجاير بالحجرة ودخلت الحمام وابوي دخل وشم الريحة وهزب منصور بشاير تقعد على الغنفة تصيح : تذكر تذكر تذكر اهئ اهئ اهئ الوالد يمسك قلبه : خلي منصور اي ويقول الحقيقة لنا بشاير تصرخ : حتى لو يبت له القرآن بيحلف زور علشان سمعه هاي حسن يطالع عبير : كلام بشاير صح ولا لا عبير تصيح وهي خايفة حسن بعصبية : تكلمي عبير تصيح وتصارخ : خلاص طلقني طلقني حسن يمسكها من رقبتها : انا كنت بذبح اخوي علشانج وابوي طرده علشانج وانتي قاعدة متفرجة ومستانسة بشاير تمسك حسن : حسن هدها لا تورط نفسك وياها الوالد يرفع عينه فوق : يبولي منصور اااااه ابا منصور ويطيح على الارض بشايروحسن يصارخون: ابويااااا الوالد يطالع بشاير يرتجف ويتالم : ابا اشوف منصور قبل لا اموت بشاير تهز راسها : ابويا لا حسن : بيبه لك من تحت الارض عبير خايفة : دقوا على الاسعاف حسن يطالعها : انتي اخر وحدة ترمسين كله منج بشاير : دق على الاسعاف بسرعه حسن يطلع موبايله ويطلب الاسعاف | ||||
|
| |
|
09-06-16, 11:49 AM
| #18 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| وفي المستشفى منصور يبركن السيارة وينزل من السيارة واسعاف طالعة بسرعه من الطوارئ منصور يهز راسه : لا حول ولاقوة الا بالله خالد : شكله حادث منصور يطالع خالد خالد : شوبلاك منصور : انا حاس انه روضة عندها خالد يحيس البوز : فاضين لك احنا يالله طوف داخل منصور يبتسم ويدخل داخل وقريب غرفة شيخة منصور يطالع خالد : خلك هني اذا احد يا سوي لي مس كول خالد يهز راس : ناطور ابوك انا منصور يحطي ايده على حلجه : اششششش انت بمستشفى خالد يكتف ايده بعصبية : والله شكلي واحد يغازل مو ياي زيارة يبتسم منصور ويصد عنه يدق الباب روضة قلبها دق بسرعه شيخة تبتسم : تعال منصور يدخل مبتسم : السلام عليكم روضة تنزل راسها : وعليكم السلام منصور :شحالج ام وليد شيخة : الحمدلله يطالع روضة : شخبارج روضة تبتسم : زينة شيخة : انا اسفة تعبتك معاي منصور يقعد بالكرسي اللي يمها : لا تتكلمين ولا تعتذرين انا مولود للمشاكل اصلا ما احس اني عايش لو ما احد عذبني ولا عاقبني روضة تطالعه باعجاب منصور : وانا انقذت ولدج وانا مو عارف سالفتج وسالفه اهل وليد شيخة : عطني الورقة اللي عطوها لك منصور يصغر عينه مبتسم يطالع روضة : فتانة روضة تتفتح عينها : لا مو قصدي منصور يضحك : اسولف شيخة : لازم نعطيها للشرطي منصور : مو خايفة يضروج شيخة تبتسم بضيق : عادي حتى ولو اموت بس انت ما تتاذى منصور يهز راسه : ما احد بموت تحسسيني كانهم مجرمين روضة : واللي سووه باختي مو جريمة منصور يطالعها : الله فوق والبلد فيها قانون منصور يطلع الورقة من البوك منصور : مو لازم اقول للمحقق شو السالفة شيخة : اذا احتجنا لك بندق عليك منصور يقوم : خلاص انتهت مهمتي يعني ؟ من غير مطرود شيخة وروضة يبتسمون منصور : تبون شي لا تستحون ترانا جيران روضة بخاطرها : اقول ولا لا وعند الممر جواهر بايدها باقة ورد تدور رقم الحجرة خالد يبتسم : هلا والله جواهر تبتسم : هلا خالد : تدورين على غرفة اخت روضة جواهر مستحية : هيه خالد : وصلتي منصور يبطل الباب يشوف جواهر : هلا جواهر جواهر تستحي وتدخل داخل خالد : شبعت ؟ منصور مبتسم : لا خالد يهز الراس : الحين عاد بتروح منصور : ليش خالد : لما يات جواهر استعيلت ! منصور يطالعه : ليكون خالد : يعني انت اللي بس تحب منصور يشق الويه : صدق ! خالد : يالله تحرك عن احد يسمعنا منصور يبتسم وموبايله يرن منصور يرد : هلا توتة فاطمة : وينك ! منصور : هني مع خالد فاطمة : وليش شال اغراضك معاك منصور يتكلم اشوي اشوي : بعدين بخبرج فاطمة مبتسمة : اباك بسالفة منصور يمشي بالممر : قولي فاطمة تهز الراس : لا ابا اشوف ابتسامتك على حلجك منصور يطالع خالد :قولي بالتلفون فاطمة : لا لا تعال منصور : يخص منو ؟ فاطمة : شوبلاك قلنا لما اتي بتعرف منصور : اوكي باي خالد يطالعه : شوبلاك طايح قولي وقولي منصور يوصل الباركن : ما اعرف تقول عندها خبر يفرحني خالد يفتح عينه : ليكون وافقت على الزواج منك منصور يفكر ويهز الراس : ما اتوقع يركب السيارة هو وخالد ويخمنوا شو السالفة وفي بيت بو جاسم جاسم قاعد بالحجرة يفكر لطيفة تدق الباب جاسم بضيق : تعالي لطيفة تدخل مبتسمة : ازعجتك ؟ جاسم : لا عادي لطيفة تصكر الباب وتقعد على السرير جاسم : اماية وين لطيفة : راحت بيت خالتي جاسم ينزل راسه لطيفة : ها! شو ردة فعلها ؟ جاسم يطالعها بضيق لطيفة : رفضتك؟ جاسمم يهز راسها : ما اعرف سكوتها يعذبني يحسسني بالذنب لطيفة : لو انت قايل لها قبل ما كانت بتنصدم , انت شو اللي مضايقك الحين ؟ جاسم يوقف : اللي مضايقني سكوتها ما احسها صرخت او زعلت شرات البنات الثانين لما يكتشفون خيانة ريلهم لطيفة تطالعه جاسم يطالعها : بكل هدوء وابتسامة من شفايفها تقولي انا ما الومك لطيفة تنزل راسها جاسم تنزل له دمعه : طلقني بالطيب لطيفة توقف : تباني اكلمها لك جاسم : لا خليها تفكر على راحتها لطيفة : بس البنات يحبون الواحد اللي يسعى لرضاهم بمسجات باتصالات بروحتك هناك جاسم يطالعها : كنت بروح بيتهم بس اخاف تردني لطيفة تبتسم : سماح تحبك ومستحيل تردك جاسم يطالعها وهو يفكر كيف يراضيها وفي المستشفى جواهر ماسكة ايد روضة : وحشتيني روضوه روضة تصيح وشاقة الويه : انا اكثر والله شيخة : وينج قطعتينا ولا يعني مو جد المقام جواهر تهز راسها : لا تقولين جي بزعل منج روضة : من حقج تتغيرين علي جواهر : جب انتي ,اخر وحدة ترمسين روضة : شفتي شو صار لنا جواهر : قولي الحمدلله على كل حال جواهر تساسرها : ها , اشوف بطلج موجود! بعدج ؟ روضة تدزها : سكتي لا تفضحينا شيخة : كلنا نعرف روضة تحب منصور جواهر تضحك : مول ما فضحتج ههههههه روضة تغطي على ويهها مستحية وفي سيارة منصور عند بيت بوباسم منصور يبركن خالد يطالعه : شو فيك منصور : ما اعرف احاتي فطوم شو تبا مني خالد : ان شاء الله خير منصور يرن موبايله خالد ينزل : هاي السيارة من متى تلاحقنا منصور يطالع وراه : يتهيا لك خالد : تيك كير منصور يرد : الو بشاير : الو منصور منصور : شوبلاج بشاير : منصور تعال المستشفى منصور خايف : ليش !! بشاير : ابوي ياته جلطه ويبا يشوفك منصور يحطي السيارة على الدي ويشخطه بسرعه والسيارة اللي وراه تلحقه منصور يسوق بسرعه يجاوز السيارات عاطي 4 اشاير والسيارة اللي وراه لاصقه فيه منصور يطالعه من الجامة وهذاك يدق هرن ويعطي ليتات منصور يوخر عنه لكن هذاك حاول يدزه وتطلع له شاحنه جدامه ويلف منصور السكان وفقد السيطرة على السيارة وانقلبت السيارة اربع قلبات منصور يغمض عينه ويتذكر منصور : ابغي ايفون اليديد وابغي اعرف مميزاته وعيوبه روضة تطالع جواهر : صدق ماتستحين على ويهج جواهر يعني تشوفيني واقفة قبلج منصور يطالع خالد : والله يا خالد عبالي ماعندك فلوس وكنت تبي تسوي عمرك شي .................................. روضة بعصبية : صدق انك قليل ادب الحين تاكدت انك تتعمد تلاحقنا من مكان لمكان منصور يبتسم : شو اسوي حبيتج من اول نظرة روضة تفتح عينها: بلا مصاخة وانزل من السيارة منصور يبتسم : حصل خير نورتي موتري ................................................. منصور : انا مابساعدج بساعد طفل واتوقع اني ماجور على اللي بسوي تشبك ايدها الثنتين وتصيح منصور : شو بلاج اختي بعدها الدنيا بخير .............................................. الوالد يطالعه منصور تنزل له دمعه : سامحني ابويا ومشكور على انك خليتني في بيتك كل ها الفترة يبوس راس ابوه يلبس نظارته ويطلع الوالد يغطي على ويهه بضيق .................................................. ................. حسن ياشر المسدس عليه بشاير : حسن تبا تقتل اخوك ؟ حسن يطالعه : انا ما عندي اخو .................................................. ................ السيارة منقلبة والشباب ينزلون من سياراتهم يبون يساعدون منصور اللي يتصل بالمرور واللي بتصل بالاسعاف واللي يصور السيارة من موبايله ومنصور داخل السيارة يتذكر كل لحظة بحياته تتباطئ نبضات منصور لحد ماغمض عينه يدفن حبه بقلبه ويدفن كل الذكريات الجميله معاه ملاحظة من الكاتبة ليس لكل قصة نهاية بل لكل نهاية بداية جديدة مع خالص حبي وتقديري ميرة | ||||
|
| |
|
| أدوات الموضوع | |
| انواع عرض الموضوع | |
|
|
.png)
العرض العادي
