آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
09-06-16, 03:02 AM
| #1 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  الحب المدفون \ للكاتبة ميرة الدلوعة ، اماراتية مكتملة
| |||||||||||||
|  |
|
09-06-16, 11:31 AM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  السلام عليكم ورحمة الله وبركاته وشخباركم انا عضوه جديمة ومنزله في ها الموقع روايتين من تاليفي ((خيوط الماضي)) https://www.rewity.com/forum/t294627.html ((قناع الحب)) والحين بين ايديكم ((الحب المدفون))  وان شاء الله تعجبكم بنزل جزء واحد واذا شفت فيه تفاعل ولو من عضو واحد راح انزل الباقي بسم الله الرحمن الرحيم نبدأ.......... التعديل الأخير تم بواسطة فيتامين سي ; 10-06-16 الساعة 08:05 AM | ||||
|
| |
|
09-06-16, 11:32 AM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| \\ الفصل الاول في ساحة مدرسة البنات الثانوية الطالبات يذاكرن كم كلمة للامتحان اللي تشيك على اقلامها واللي تعبانة من السهر واللي تسولف عن المسلسل التركي واللي تجهز براشيمها واللي تقرا القرآن والمعلمات ماسكين ظروف اوراق الامتحان يدق الجرس وخمس دقايق الكل دخل قاعة الامتحان والساحة فاضية تسمع صوت الهوا اللي يطير بعض الاوراق اللي كانوا يراجعوا منها الطالبات وبعد مرور ساعتين في مدرسة الاولاد الثانوية الساحة مليانة اوراق واللي يضحك ويشرب عصير واللي يلعب بموبايله واللي يضرب راس ربيعه و... منصور يلبس نظارته الشمسية ويبطل سيارته خالد يربع وراه : منصور منصور يوقف يطالعه خالد : شوبلاك عصبت منصور يمد صبعه : خل ابراهيموا ينفعك خالد : هو عزمني على بارد من الكفتريا منصور : سير له مايهمني خالد : بروح بسيارته منصور يركب سيارته ويصكر الباب ويشخطه خالد واقف ويهز راسه وفي مدرسة البنات اللي تكلم ربيعتها عن الامتحان واللي تصيح علشان ماحلت زين واللي تكلم امها علشان توصلها البيت و... روضة تراجع المذكرات وتهز راسها جواهر: شوبلاج روضة روضة : كنت متاكدة اني بخربط بالسنة جواهر تفتح الكاكو : اي سنة؟ روضة تاشر على المذكرة : سنة وفاة عمر المختار جواهر تسحب المذكرة : بس عاد ما مليتي من المراجعة روضة تلبس نظارتها الشمسية وتمشي معصبة جواهر تربع وراها : اتريني روضة روضة تدق على درويلهم جواهر : اليوم اخر يوم بالامتحانات روضة مطنشتها: الو صلاح وينك؟ يالله تعال بسرعه وتصكره بويهه جواهر : وين بتروحين بالاجازة؟ روضة مندمجة بالموبايل جواهر تطالع ورا : خلاص باصنا بيتحرك بسير عنج روضة تمسك ايدها : جواهر اسفة بس عن جد انا مضايجة جواهر تبتسم : ماعليه برمسج عقب بايووو روضة تطالع الشارع وتنفخ بضيج وفي بيت بو حسن يدخل منصور سيارته الكراج طبعا الفيلا راهية وجدا راقية الحوش كبير فيه ملعب لكرة الطائرة والحديقة فيها قعدة مع كراسي وبنص الحوش نافورة منصور ينزل من السيارة ويدخل باب الصالة الوالد قاعد يلاعب بنت ولده العود الوالد : عطيني الكورة حور تهز راسها : مابعطيك الوالد : عطيني ولا بصيح حور تضحك : مابعطيك وتركض وتنخش ورا عمها منصور منصور : السلام الوالد يقوم من مكانه : وعليكم السلام منصور يمشي الوالد يطالعه : ها شو سويت بالامتحان منصور : الحمدلله الوالد : هاي 3 سنة وانت تعيد الثانوية شد حيلك منصور يطالعه ويمشي ويركب الدري حور تركض ليدها : يدي عمي فيه شي الوالد يطالعه وهو يركب : شكله ما حل بالامتحان زين واشوي يسحب الكورة ويركض : خذيتها منج هههههه وهي تركض وراه وفوق امها تراقبهم وتضحك تشوف منصور عبير: هلا منصور يطالعها ويمشي تطالعه وهي مكتفة ايدها وتبتسم يدخل داخل حجرته يفصخ دشداشته ويعلقها داخل الكبت يلبس لبس سبورتي الفانيلا بيضة والجاكيت اسود مخطط بالابيض والبنطلون ابيض تدق الباب وتدخل يصد ورا عبير :ممكن ادخل منصور معصب: ما سمحت لج تدخلين عبير تبتسم وتقترب منه : خايف مني منصور ياشر على الباب : لوسمحتي طلعي برع عبير : احب عصبيتك احب رجولتك احبك لما تلبس سبورتي منصور : ابوي تحت وعادي يدخل اي لحظة عبير : لاتخاف يلعب مع حوري منصور: انتي ماتستحين على ويهج عبير تهز راسها وتبتسم : لا هههه منصور يروح يفتح الباب : طلعي برع عبير تشيل عطره من التسريحة منصور صاد الجهة الثانية عبير:احب ريحتك ابي احتفظ فيها في ملابسي تطلع وهي تضحك يرقع الباب معصب منصور : شو ها المريضة وفي بيت بو بدر تنزل من السيارة تدخل الصالة الوالدة ترمس بالتلفون وتضحك روضة توقف عندها : اماية !اماية الوالدة تاشر بايدها لحظة روضة ترفع عينها فوق وتعصب وتمشي تدخل حجرتها تفصخ شيلتها وتفرها على الشبرية وتنام على ظهرها وتغمض عينها سماح تبطل الباب تنقز على الشبرية : روضو روضة تيود قلبها : امييي خرعتيني سماح تطالعها : ماسمعتي اخر الاخبار روضة تقعد : شو بعد سماح : في خطار يايين روضة : منو؟ سماح : ناس ياين يخطبون روضة : انا بعدي صغيرة سماح ترفع ايدها فوق : ان شاء الله انا روضة : ليش واختج الكبيرة ماتدعي لها؟! سماح : شيخة اكبر من المعرس وهو يبي صغيرة روضة : منو خبرج؟ سماح : سمعت امي ترمس وتقول البيت بيتكم وبنتي مثل بنتكم روضة : اسميج انتي متى بتيوزين من ها العادة سماح تضحك وتركض روضة تهز راسها : شو ها المينونة وفي المسا وفي بيت جاسم جاسم يلبس الغترة ويتعطر والام ماسكة المدخن وتصهل : لووووووولوج جاسم يبتسم وهو يطالع امه الام : مو مصدقة ولدي العود بيعرس جاسم : بعده توها الناس يمكن البنت ما تبيني الام تحطي المدخن على التسريحة : خسي من عينها ماتبيك تدخل لطيفة الحجرة : يا سلام جسوم صرت ريال جاسم يطالعها : اصغر عيالج جسوم لطيفة تقترب منه تبتسم : لا بصراحة لو ما كنت اخوي كنت تزوجتك الام : كل اخت تتمنى ريلها يكون شرات اخوها جاسم : يعني اليوم اشوف البنت لطيفة :الحبيب مستعيل ههههههه الام : اليوم تعرف على اهلها ومرة ثانية تشوفها جاسم يطالع نفسه بالمنظرة مبتسم وفي بيت بو بدر روضة تلبس عدساتها سماح تدخل : روضو لاتكشخي وايد اخاف يختاروج بالنومنيه روضة تفرها بعلبة الكلينكس: ذلفي برع شيخة توقف عند الباب شيخة : شو بلاكم انتوا؟ سماح : شوفي روضوا تلبس العدسات وبتكحل عيونها الكبار وهي بيضة وحلوة وبيختاروها اكيد شيخة تبتسم وتقرص خد سماح : حتى السمر حلوات سماح تبوز: خلها هي تظهر للناس روضة : شو بلاج انتي انا بيلس مع اخته مو مع الحريم شيخة : سماح سيري تبخري سماح : وانتي شيخة : بروح اشوف الخدامات شو جهزوا للفواله سماح تضحك وتركض روضة تهز راسها : هاي بتعرس الحين! شيخة تضحك : عقبالج روضة تيود قلبها : وه بسم الله علي تقوم وتوقف يم اختها : انا بتزوج عن حب شراتج شيخة تطالعها بضيق روضة تعض شفايفها : شويخ موب قصدي شيخة تنزل لها دمعة وتطلع روضة تضرب راسها : انا شو قلت وفي بيت بو حسن عبير تلبس روبها تلبس الشبشب وتطالع الدريشة تشوف الباب الكبير مبطل تلحف بنتها وتطلع من الحجرة تقعد بالصالة اللي فوق الوالد يطالع تلفزيون عبير : بعدك عمي ماتحركت من مكانك الوالد : والله مسرحية باي باي لندن تعجبني ماتنمل عبير تطالع الساعه الوالد : انتي تترين حسن عبير توقف عند الدريشة : كل يوم على ها الحالة الوالد : حطي راسج ونامي احسن عبير تبتسم : من الحين ؟ دياية شو هههه يطلع منصور من حجرته وعبير تراقبه يقعد معاهم منصور : ابويا تبا مكسرات الوالد : لا بتعشى الحين عبير تطالعه : انا ابا منصور ياكل ويطالع التلفزيون : ما احد عزمج تضحك عبير : هههههههههه منصور : ابويا انا بظهر مع خالد الوالد : لا تتاخر تراني بعد العشا بسير المقهى منصور : وليش ارجع الوالد : مرت اخوك وبنتها بروحهم بالبيت وتعرف حسون ماله وقت يرجع منصور يقوم من مكانه : حرمتي ولا حرمته ويمشي عنهم عبير بقلبها : ياريتني حرمتك يدخل منصور حجرته ويصكر الباب وفي بيت بو بدر ام بدر : توه نور البيت ام جاسم : منور باهله ام بدر : بخبر ولدي بدر يدخل ولدج ويشوف العروس ام جاسم : على بركة الله وفي غرفة البنات لطيفة تطالع سماح مبتسمة روضة تبتسم : سماح اختي وايد هادية سماح يوصلها مسج وتصرخ : الوحدة فاز بالدوري شيخة تطالع سماح وروضة فاتحة عينها ولطيفة تضحك : خوش هدوء هههههههه والكل يضحك وما حسوا بالباب يدق ام بدر : يالله سماح الريال تحت سماح تيود روضة :تعالي معاي روضة : وين اي معاج سماح : بنخش وراج روضة تضحك : سيري لا تستهبلي شيخة : يالله كلنا بننزل معاج روضة : لحظة خلونا نلبس العباية وينزلون من الدري كلهم وام جاسم تدزه علشان يطالع وجاسم اول مارفع عينه شاف روضة جذبته ابتسامتها وعيونها الكبار وهو ينزل راسه ويرفعه وسماح مو قادرة تشيل عينها من الارض يقعدون على الغنفة ام جاسم : ها شو رايك بالبنت وجاسم عينه على روضة وروضة تلعب بالمخدة الصغيرة مال الغنفة جاسم يطالع بدر : يالله سرينا بدر : خلاص جاسم يقوم ويطلع من الصالة يقعد الكل يسولف ويضحك لحد ماروحوا وفي سيارة جاسم لطيفة : ها شو رايك بسماح جاسم يبتسم : اسمها سماح؟ الام : هيه لطيفة : هي مخلصة تقنيا بس تحس تصرفاتها مثل اليهال جاسم : باين عليها الام : ها نحدد الخطوبة؟ جاسم : ملجة مو خطوبة لطيفة : اوووووه يا خطير انته جاسم يبتسم بس هو مايعرف منو اللي اختار ياترى شو بيستوي جدام تابعوني | ||||
|
| |
|
09-06-16, 11:32 AM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| \\ الجزء الثاني في بيت بو بدر منتصف الليل روضة تلعب باللاب رافعه شعرها ولابسة نظارتها الطبية تشرب كوفي تدخل سماح لابسة بجامتها وشعرها مفتوح تقعد يمها روضة تطالعها : ها مانمتي سماح : افكر بالمعرس روضة : شو بلاه سماح : ما اعرف احسه خاف مني روضة تضحك : ليش ههه سماح : ماسمعتيه قال لبدر يالله نسير بسرعه ما شفته زين روضة تفصخ نظارتها : شورايج فيه ؟ سماح تستحي : حليو واحسه شخصية روضة : باجر بنرد عليهم سماح تقوم : عقبالج روضة : انا بتريا اللي يحبني واحبه سماح : الحب بس بالافلام روضة : وانا احب الافلام وعندي احساس اني بتزوج عن حب سماح : بسير انام وخلج بفارس احلامج روضة تبتسم وتهز راسها وفي بيت بوحسن منصور ينزل من السيارة يسمع صوت صراخ داخل يركض يفتح باب صاله يشوف حسن يضرب حرمته يتدخل ويوقف قبال اخوه وعبير منخشة وراه وتصيح حسن : وخر مناك لا اذبحك منصور يمسك ايده : انت سكران ؟ حسن : انت شو يخصك منصور يطالع عبير : سيري حجرتج وقفلي الباب عبير ماسكة ذراعه: بس منصور يصرخ : سيري فوق تركض عبير تركب الدري وتدخل حجرتها وتقفل الباب ومنصور يودي اخوه الحمام ويغسل ويهه وحسن : هدني مو ياهل انا منصور يمسكه ويدخله الحجرة اللي تحت منصور : نام هني وياويلك لو صعدت فوق وانت بها الحاله يطيح حسن على الارض وينام منصور يطف الليت ويصكر الباب يركب الدري وهو مضايق وعبير تبطل الباب اشوي تطالع منصور وهو يدخل حجرته وتقعد ورا الباب وتصيح وفي اليوم الثاني وفي المول روضة تجرب الارواج بايدها جواهر : البنكي احلى روضة : احس فيه لمعه جواهر : بس احلى على شفايفج روضة تبتسم : خلاص واحد لي واحد لج جواهر : مشكورة حبي يطلعون من المحل روضة : ابغي اشتري لي ايفون اليديد جواهر : في شركة اتصالات داخل المول روضة : يالله عيل وفي نفس المكان بالكوفي خالد : انت الغلطان منصور يهز راسه : غصبن عني خالد : اي وحدة مكانها بتحبك منصور: انا ماتحملت قاعد يضربها باالعقال خالد : الحين حبها زاد لك منصور : اسكت الله يخليك خالد : تزوج وافتك منها منصور : بعدي صغير خلني استانس يا ريال خالد : سجل بعثة ببريطانيا احسن لك منصور : شكلي جي بسوي وعند الاتصالات روضة : لو سمحتي اختي ......: يس روضة : شوها الوهقة في احد يرمس عربي ......: ويت جواهر تضحك : فشلتينا روضة تطالع جواهر : انا اعرف بس ابي اسالهم بالمميزات والباقات جاسم : هلا اختي روضة تطالعه : مرحبا جاسم يبتسم : هلا شحالج روضة تستغرب : نعم! جاسم : ماعرفتيني روضة تدقق : لا جاسم : البارحة كنت في بيتكم روضة تفتح عينها : ايواه المعرس جاسم يستحي : هيه طال عمرج جواهر تدزها : منو المعرس روضة تساسرها: خطيب سماحو جاسم : شخبار الاهل ان شاء الله بخير روضة تعدل شيلتها : الحمدلله جاسم : ها تامرين بشي روضة : والله خاطري بايفون اليديد وابغي اعرف مميزاته وعيوبه جاسم يعطيها ورقة : تقدرين تعرفين عنه كل شي من هني روضة تمسك الورقة وتشاور جواهر وجاسم يراقبها باعجاب يشوف كيف ابتسامتها طفولية عيونها تغوص داخل جفونها كلما ابتسمت وهو قلبه يدق بسرعه يحس انه بيطلع من صدره يطلبونه عملاء ثانيين جاسم : عن اذنج روضة تبتسم جواهر : شوبلاه شاق الويه روضة : يمكن علشان اني اخت العروس جواهر : والله انه كيوت روضة ترفع عينها فوق : متى بشوف فارس احلامي منصور : لوسمحت الطيب روضة تطالعه باستغراب جاسم يقترب : هلا اخوي منصور : ابغي ايفون اليديد وابغي اعرف مميزاته وعيوبه جاسم يبتسم : تفضل ها الورقة وبتعرف كل شي عنه هني منصور يقرا على السريع : انا قريت عنه بالنت اوكي بشتري لي واحد روضة تطالع جواهر : صدق ماتستحين على ويهج جواهر يعني تشوفيني واقفة قبلج منصور يطالع خالد : والله يا خالد عبالي ماعندك فلوس وكنت تبي تسوي عمرك شي روضة تعصب : سمعي جواهر معروفة هاي حركتج تشترين الحين وتبيعنها لربعج اغلى وجي انتي الرابحة جاسم يتدخل : اسمحولي الكمية نفذت بس اذا تبون طلبيه ماعندنا اي مانع روضة بغرور: اكيد ابي واحد وانت تدل عنوان بيتنا تطالع منصور منصور : وانا بعد بعطيك عنوان بيتنا ودزه لي هناك جاسم : شو وين قاعدين بكفتريا ؟ جواهر وخالد يضحكون جاسم : احنا بنيبه هني وبنحجز لكم وانتوا تعالوا خذوه روضة : مشكور مانبي منك شي تمشي معصبة وجواهر تربع وراها منصور يضحك : ههههههههههههه خالد : زين كسرت خشمها ههههههه جاسم : لو سمحتوا لا ترمسون عنها بها الاسلوب منصور : ليش ؟ اختك وانا ما ادري جاسم : هاي خطيبتي منصور يطالع خالد مستغرب روضة وهي تنزل من الدري المتحرك: كريه والله انه كريه جواهر : ابيه صدق احراج روضة : وهذا اللي مسوي عمره خطيب اختي دواه عندي جواهر : انتي اللي بديتي بالرمسة روضة : عيل ماشفتيه كيف يطلب ويتامر ولكنه نحن موجودين جواهر : خلاص عاد منصور وهو ينزل من الدري : شو فاكرة نفسها هاي خالد : فشلتنا منصور : اونه انت تدل بيتنا خقاقة وحدة خالد : بس في شي مستغربنه منصور : شو خالد : دام خطيبها ليش مايهديها واحد منصور : شكله شذاب شافها حلوة وقال عنها جي خالد يبتسم : تشوفها حلوة! منصور يطالعه : يالله عاد وين الاستيشن وقفتها روضة تصغر عينها: صلاح يقول وقفها عند الباركن 3 يفتح منصور السيارة بالريموت جواهر : شكله شافنا صلاح روضة تركب ورا وجواهر يمها يوقف منصور يطالعهم وروضة تدور موبايلها بالجنطة جواهر تدزها: روضو ها يلاحقنا روضة ترفع راسها : منو يركب منصور جدام روضة بعصبية : صدق انك قليل ادب الحين تاكدت انك تتعمد تلاحقنا من مكان لمكان منصور يبتسم : شو اسوي حبيتج من اول نظرة روضة تفتح عينها: بلا مصاخة وانزل من السيارة منصور: مابنزل جواهر : روضة خلينا ننزل عن يشخطه بالسيارة ويخطفنا منصور يضحك : ههههههههههههه روضة تدور موبايلها : وين راح بطلب له الشرطة منصور : بذمتج ماتعرفين تميزين بين سيارتكم وسيارتي جواهر تطالع روضة روضة تطالع ا لدريشة يفتح منصور جامتها صلاح : مس روضة اكو سيارة مناك روضة تعض على شفايفها وتنزل راسها منصور يبتسم : حصل خير نورتي موتري روضة تفتح الباب وتنزل وجواهر تنزل : متاسفين خالد يصعد جدام : شو السالفة منصور يبتسم : شدراني جواهر تركب السيارة : امبيه فشلة روضة : سكتي الله يخليج لازم اسبوع ما اطلع من البيت جواهر تضحك وروضة مغطيه ويهها من الفشلة وبعد مرور ساعتين وفي بيت بو جااسم جاسم ينزل من سيارته بسرعه لطيفة تتغدا مع امها جاسم : اماية عندج رقم نسايبنا الوالدة : اي نسايب؟ جاسم : بنات بو بدر لطيفة تبتسم : ها حلمت فيها ههههههههه جاسم : مو متفيج لج الوالدة : شو تبا فيهم جاسم : خلي لطيفة تعتذر لسماح عن الموقف اللي صار لطيفة :ليش ! شو صار وفي بيت بوبدر روضة تاكل : شوفي سماحوا اذا وافقتي على ها الريال لا انا اختج ولا انتي اختي سماح خايفة : ليش روضة : اقوله يب لي التلفون البيت وحضرته يقول ليش كفتريا نحن؟ كريه شيخة تبتسم : انتي الغلطانة روضة : لا والله دام خطيب اختي شوفيها لو يابة البيت شيخة : تبينا يقول للعالم كله انه خطيب اختج روضة : احرجني جدام واحد من الشباب سماح : انزين انتي شو تبين منه يرن تلفون البيت سماح تقوم : انا برد على التلفون سماح : الو لطيفة: السلام عليكم سماح : وعليكم السلام لطيفة : انا لطيفة اخت جاسم , انتي سماح؟ سماح تستحي : ها ! هيه لحظة تحطي التلفون وتركض شيخة : شو بلاج سماح : ابيه هاي لطيفه اخت خطيبي شيخة : وليش ماتكلميها سماح : استحي روضة : انا اللي برمسها وبهزبها روضة تشيل التلفون : الو لطيفة : وين رحتي روضة : موجودة لطيفة : اخوي جاسم حاب يعتذر عن الموقف اللي صار اليوم بالمول روضة : لا عادي بس احسه اسلوبه كان ماحلو جدام الناس ولا بعد ينكت يقول هاي كفتريا ؟ لطيفة تبتسم : ماعليج منه هو لانه بمكان عمله اذا احد سمعه يقول بوصله بيتكم بيفصلونه روضة تفكر : امم حصل خير لطيفة : هو من يا حاس بالذنب روضة تبتسم : لا عادي بس قولي له مابرضى الا يحجز لي الموبايل لطيفة : افا عليج اعتبريه هدية روضة تستانس: صدق! لطيفة : كم سماح عندنا روضة تطالع سماح وترفع الحواجب: ياعيني لطيفة : سلمي على الاهل روضة : يوصل مع السلامة روضة تصكر وتنقز من الفرح ياترى هل جاسم بيتزوج سماح؟ وهل روضة ومنصور بلتقون مرة ثانية ؟ تابعوني | ||||
|
| |
|
09-06-16, 11:33 AM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| \\ الجزء الثالث وفي بيت بو باسم(خالد صديق منصور) خالد يرن موبايله وهو قاعد يقرا الجرايد باسم يشوفه ويبتسم : احم احم جواهر تتصل خالد مندمج بالقرايا باسم يعطيه الموبايل : رد عليها خالد يستوعب : ها ! منو جواهر؟ باسم : انا المخزن الاسم ولا انت خالد يرد : الو جواهر : الو خالد : منو جواهر تستغرب : انت منو خالد : انتي اللي داقة على الموبايل جواهر : ها ما تلفون روضة؟ خالد : لا اختي انتي غلطانة جواهر : كيف غلطانة خالد يتذكر ويفتح عينه : اسف والله اسف جواهر : انت سارق موبايل روضة خالد : لا والله موبايلها شرات موبايلي واكيد صار لبس في الموضوع لما كنا في الاتصالات في المول جواهر : لو سمحت رجع التلفون خالد : اوكي بس وين جواهر تفكر : بسال روضة وبرد عليك خالد : اوكي باسم فوق راسه : ها طلعت حركات خالد يطالعه : حركات شو باسم : يعني تاخذ موبايلها علشان تلاقيها مرة ثاانية خالد يقوم من مكانه: مو فاضي لك بروح اتصل لمنصور وفي بيت بوحسن على الغدا الوالد يطالع حسن : وين كنت البارحة؟ حسن مستحي منزل راسه الوالد يضرب الطاولة : رد علي حسن يطالعه :انا مو ياهل تصرخ علي الوالد : لا حشا منو قال ياهل الياهل مايشرب خمر يشرب حليب حسن : ابوي كنت مضايج اشوي الوالد : ليش ان شاء الله؟ حسن : انت مو حاس فيني الوالد : شو قاصرك الحمدلله فلوس وعندك وحرمة وعيال شو ناقصك بعد؟ حسن : من الفراغ اللي عندي الوالد : اي فراغ اطلع مع حرمتك وبنتك شوفهم شويبوا قعدوا في فندق سافروا غيروا جو عبير تطالع عمها : بسير بيت اهلي كم يوم حسن بعصبية يطالعها: ماكوا طلعه من البيت عبير تطالعه : وجودنا مثل عدمنا وحتى ولو كنت ورانا بنتك ماتشيلها وانا من تشوفني تضربني حسن : والله انتي تعصبين بالواحد الوالد : خلاص حسن يطالع عبير : روحي بيت اهلج كم يوم علشان تقعدوا تفكروا بمصيركم حسن : وانت ليش ساكت منصور يرفع راسه : انا! حسن : البارحة اشوي بتضربني واليوم مسوي عمرك بريء منصور يقوم من مكانه الوالد : وين بتروح ؟ منصور : بشاير دقت علي وتباني ايبها بيتنا الوالد : طرش الدريول منصور : ريلها مايرضى تروح مع دريولية الوالد : خلاص بطريجك ودي مرت اخوك عبير تطالعه ومنصور مو قادر يرد حسن يقوم معصب من الطاولة وفي بيت بوبدر الكل قاعد بالصالة يتريون امهم تصكر التلفون الوالدة تحطي السماعة وتطالعهم : خلاص الاسبوع الياي الملجة روضة تصرخ وتحضن سماح : مبرووووووووووووك شيخة تقوم وتبوسها : مبروك سماح سماح تغطي ويهها : ابيييه روضة : شوفي سماحو من الحين جهزي عمرج من فستان وصالون ترى ماشي وقت بدر : بس انتوا البنات صالون ومكياج وفستان روضة تقعد يمه : لازم يا اخوي العروس تطلع حلوة لريلها ,عقبالك بدر : بعدي ماشفت البنت الحلوة اللي طيح قلب بدر روضة : اوووووه والكل يضحك الوالد يدخل الصالة : السلام الكل يرد: وعليكم السلام ينزل راسه ويدخل شيخة تطالع امها الوالدة تقوم بسرعه بدر يوقف : ابوي شو فيه روضة : يمكن احد مات ؟ سماح : لا مو وقته الحين باجلون حفلتي روضة تطالعها : متفيجة انتي شيخة تغمض على عينها : الله يستر وفي سيارة منصور عبير تقعد جدام منصور يفتح الفتحة اللي فوق السيارة وعبير تطالعه وهو يشغل السيدي عبير : احسك مجبور توصلني منصور يلبس نظارته: اكيد عبير تبتسم : انت صريح وايد منصور : وليش اجاملج عبير : صراحتك فيها وقاحة منصور : انتوا البنات بشكل عام تحبون احد ينافقكم عبير تستغرب منه منصور : تحبون الواحد يقول انج حلوة او صوتج حلو اولبسج او ضحكتج عبير : وشوفيها لو قلتوا ها الكلام اذا ها الشي يونسنا منصور : بالنسبة لي مابقول ها الكلام الا اذا كنت صدق شفت انها حلوة وعبير : وانا منصور يطالعها وهي تطالعه يرن موبايله يشيله : هلا خالد خالد : وينك ياريال منصور: موجود خالد : تعال طوف علي منصور : موفاضي بيب اختي بيتنا خالد : ضروري منصور : ليش شو صار وفي بيت بو بدر روضة ترمس من موبايل سماح : شوتقولي! جواهر : موبايلج عند اللي شفناهم بالمول روضة تفتح عينها : وهو مايميز موبايله جواهر : اونه موبايله بجيبه بس لما شاف موبايلج عباله موبايله وخذاه روضة : والحين كيف جواهر : تعالي بنروح نفس المكان وبيعطينا الموبايل روضة تفكر جواهر : انا قلت له انه يعطيه لدريولكم روضة : خلاص عيل بخبر صلاح يروح بروحه جواهر : ما طاع قال بيعطيه الامانة لصاحبتها روضة : حركات ها جواهر : لا احسه على نياته يخاف يعطيه لصلاح وصلاح ينكر روضة : ما اعرف البيت متكهرب بشوف اذا قدرت اطلع جواهر : بايوو روضة تفكر وهي تطالع الدريشة وفي بيت بوجاسم الوالدة : الحمدلله كل شي بصير مثل ماتبي جاسم يبتسم لطيفة : بس ماتحس انك متسرع جاسم : كيف يعني لطيفة : لو خطوبة احسن يمكن تعرفون عيوب بعض جاسم : ابيها بعيوبها لطيفة : حب من اول نظرة؟ جاسم : تقدري تقولين جي لطيفة : ما اعرف احسها خفيفة اشوي جاسم : كيف خفيفة لطيفة : يعني هبلة جاسم يعصب: ما اسمح لج لطيفة : موقصدي يعني ما احسها عاقلة حركاتها كله ضحك وفرفشة جاسم : احسن من وحدة نكدية كله مبوزة الوالدة : بس لطوف الريال يبيها شو حارج انتي لطيفة : ما اعرف بس حبيت انصح جاسم يقوم : سماح هي زوجة جاسم وانتهى الموضوع يمشي عنهم والوالدة تطالع لطيفة وفي سيارة منصور توصل عبير بيتهم تطالعه: بتوحشني منصور يصد ورا : حور نايمة عبير: لا تقول منصور ينزل من السيارة يشيل اغراضها ويحطيها يم باب الصالة وعبير تراقبه يروح يشيل حور ويوقف عند الباب عبير : لحظة بشوف اذا احد قاعد بالصالة تدخل عبير تشوف ما احد تفتح الباب له : حطها على الغنفة يحطيها ويبوسها على خدها عبير تبتسم تطالعه يلبس نظارته ويطلع عبير عينها عليه لحد ما حرك السيارة وفي المول جاسم يدور اوراق بسيارته سيارة تبركن يمه ينزل منصور وهو يدور جاسم : وين شايفه ها منصور : وينهم تاخروا خالد ينزل : ما اعرف هي قالت هني منصور يطالع الساعة : بتاخر على اختي خالد يرفع راسه : هذيج سيارتهم منصور : يالله سير عطاها وخلصنا خالد يركب السيارة : لا اخاف منها منصور معصب : انت الغلطان وتبيني اعطيها خالد : ابوي ها شبريت بتحرقني خالد يصك جامته ومنصور يطالع السيارة تقترب وجاسم يراقبهم من المنظرة تفتح روضة جامتها منصور : متاسفين على الموقف اللي صار روضة تطالعه : حصل خير منصور يبتسم : هو خايف منج روضة مستغربة: منو؟ منصور ياشر على السيارة : خالد اللي خذا موبايلج روضة : ليش منصور : يعني شاف اسلوبج كيف تعصبين روضة تضحك : هههههههه ومنصور من سمع ضحكتها حس كانه اول مرة يسمع ضحكة بنت وهي تكلم جواهر وتضحك وهويراقبها باعجاب روضة بدلع : وين فوني؟ منصور يعطيها الموبايل : تفضلي روضة تمسكه وهي تطالعه مبتسمة وهو يطالعها مبتسم وتتحرك سيارتهم ومنصور واقف ومحطي ايده بجيب البنطلون خالد ينزل : ها شو صار منصور شاق الويه : بصراحة خالد : شو منصور : البنت حلوة خالد يضحك : توها الناس هههههههه منصور ينزل راسه مستحي خالد : يالله حبيبي اختك تترياك من متى يفتح عينه منصور: شيييييت يركب وهو يتحرطم: كله منك خالد : مني انا منصور : ناقصينك تبدل موبايلات خالد : شدراني بعد منصور : وايد تتكلم يشخطه بسيارته ويروح وجاسم ينزل من السيارة معصب جاسم : معقولة سماح تغازل؟ سيارة صلاح روضة ماسكة الموبايل مبتسمة وسرحانة بمنصور وبسيارة منصور وهو يرجع شعره لورا مبتسم وسرحان بروضة وجاسم بالبا ركنات معصب وهو يفكر بالموقف اللي صار ياترى شو سالفة بو بدر؟ وشو بيتصرف جاسم مع روضة؟ تابعوني | ||||
|
| |
|
09-06-16, 11:34 AM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| \\ الجزء الرابع وفي بيت بو بدر روضة تدخل الصالة وتفصخ النظارة الوالدة محطية ايدها فوق راسها روضة تطالع شيخة : شو السالفة؟ شيخة تقوم من مكانها: وين كنتي روضة : كنت بالمول مع جواهر شيخة : دريتي شو صار روضة تهز راسها : لا بدر ينزل من الدري : مو لازم تقولوا ها السوالف للصغار روضة تطالعه : انا مو صغيرة عمري 18 سنة شيخة : الكل لازم يعرف شيخة تطالعها وروضة تيود قلبها وفي بيت بوحسن بشاير تدخل الصالة تركض لابوها ابوها يحضنها ويشيلها ويدور فيها منصور واقف يراقبهم مبتسم بشاير : ابويا بس نزلني الوالد : ما بنزلج بشاير : ابويا دوخة ياتني الوالد يوقف وهو خايف : صدق فيج دوخة بشاير تضحك وتركض : اقص عليك ههههههه وهو يركض وراها منصور : راحت حوروه يات بشايروه بشاير تحضن ابوها وتطالعه : تغار؟ منصور : لا اغار ولا شي الوالد يبوس راسها : هاي اصغركم وبتظل صغيرة بعيني منصور : الحين هي وحدة معرسة وعندها ريل بشاير تروح تضربه على كتفه : لا تشيش ابوي علي خله يدلعني حسن ينزل من الدري معصب بشاير : هلا حسن شحالك حسن يطالعها ويمشي بشاير توقف قباله : شوبلاك زعلان؟ حسن : سالي ابوج بشاير تطالع ابوها يطلع من الصالة ومنصور يهز راسه وفي بيت جاسم المسا ياكل جاسم وهو ساكت لطيفة تطالع امها مستغربين الوالدة : جاسم يرفع راسه الوالدة : شوبلاك ولدي؟ جاسم : ماشي الوالدة : زهبت بيزاتك جاسم :بيزات شو؟ الوالدة : حق سماح جاسم يضغط الكوب ويتذكر الموقف اللي في الباركنات الوالدة : لازم البنت تزهب عمرها تأجر فستان وتحجز بالصالون جاسم يفكر وبخاطره: لازم اشوفها اليوم لطيفة تاكل وتطالعه جاسم يطالعها : تعالي معاي لطيفة تطالع امها وترد تطالعه ويقوم من الطاولة لطيفة تلحقه لحجرته جاسم واقف متوتر لطيفة : شو تبي مني جاسم جاسم : ابيج تي معاي بيت سماح لطيفة : وليش اي معاك؟ بتروح تعطي البيزات لاخوها انا مالي لزمة جاسم يمسك ايدها : ابيج تساعديني لطيفة : كيف؟ وفي بيت بو بدر سماح تلبس خوارها : غريبة يايين روضة تنام على بطنها :يمكن غيروا رايهم فيج سماح تطالعها : لا تقولين شيخة تلبس شيلتها : لا تخوفيها سماح : اخته وين قاعدة؟ شيخة : تحت بالصالة وجاسم بالميلس مع بدر روضة : ننزل نحن؟ شيخة : انتي روحي المطبخ خبري الخدامة تيب العصير سماح تلبس شيلتها وتطلع وفي الصالة لطيفة تفكر : كيف اقولها تروح له وتكلمه الوالدة : شخبار الوالدة لطيفة تبتسم : زينة وسماح منزلة راسها ومستحية وفي الميلس جاسم متوتر بدر : فيك شي؟ جاسم : ها ! لا ماشي بدر يرن موبايله : عنئذنك بدر يرمس : هلا, وين انت ؟برع ! ياييك بدر : اسمحلي ها واحد من الشغل ثواني وراجع جاسم يقوم : خذ راحتك وجاسم يراقبه انه راح يتصل لاخته ماترد يطلع جاسم برع الميلس يدور احد من الخدامات والميلس قريب من المطبخ روضة تشوفه وتبتسم تقترب منه وهو عاطنها ظهره روضة : السلام يصد متفاجأ وهي تطالعه مبتسمة وهو مو مصدق روضة : شوبلاك؟ ليش واقف برع من شاف ابتسامتها نسى عصبيته وزعله منها روضة : حطولك عصير؟ جاسم : ممكن اسالج سؤال؟ روضة : شو؟ جاسم : شو كنتي تسوين اليوم العصر بالباركنات روضة : اي باركنات؟ جاسم : المول روضة تفكر وتتذكر: هيه كنت اخذ موبايلي جاسم استغرب روضة : تذكر هذك اليوم تضاربت مع الشباب ؟ جاسم : هيه روضة : نسيت موبايلي على الطاولة وربيعه عباله موبايله خذاه بعدين تفاجا انه موبايلي فرجعه لي جاسم : وليش ماقلتي لاخوج او اي احد ثاني يستلمه روضة تفتح عينها وتهز راسها : لا مستحيل , بعدين بشكون فيني وانا الحمدلله ما احب اخون ثقة اهلي جاسم يبتسم روضة : انت شو عرفك؟ جاسم : كنت يمكم بسيارتي روضة ترفع حواجبها : اونه جاسم يبتسم : طمنتيني خفت انج من النوع اللي يغازل روضة تضحك : الحين اخوي لو شافني معاك بقول عنك تغازلني سير داخل بسرعة هههههه جاسم : اوكي بس طرشي الخدامة الحين بعطيها شي تعطيها لج روضة تستغرب : شو؟ جاسم : طرشيها انتي بس روضة تبتسم وتروح المطبخ وجاسم يربع سيارته وفي الصالة لطيفة : سماح ابيج بسالفة سماح : قولي لطيفة تطالع شيخة وتبتسم لطيفة تساسرها : جاسم يبيج برع سماح تفتح عينها : ابييه لا الوالدة : تعبتوا عمركم ما عليه بنتنا وبنزهبها روحنا لطيفة : ليش عاد , ها الواجب خالتي اهل المعرس هم يزهبون العروس بحفلة الملجة تطالع سماح مبتسمة تدخل روضة الصالة تقعد معاهم لطيفة ترد على الموبايل: الو هلا جاسم جاسم : يالله تعالي برع لطيفة : اوكي تقوم لطيفة تسلم عليهم وتطلع روضة تدخل حجرتها وسماح وراها روضة : ها خير سماح : مو مصدقة روضة : شو بعد سماح : تخيلي لطيفة تقولي جاسم يبا يرمسني برع بدون ما احد يدري روضة : مينونة هاي ! سماح : لا تقولين عنها مينونة روضة تفكر : وانا اقول شو موقف جاسم برع سماح : صدق؟ روضة : هيه وانا رمسته ورحت عنه خفت بدر يشوفني سماح : ابيه اكيد زعل روضة تهز راسها : ما اتوقع الخدامة تدق الباب روضة : تعالي الخدامة تعطيها الكيس روضة تفتحهه وتصرخ: ااااااااه ايفون سماح : خرعتيني عبالي صرصور داخل روضة تبوس اختها : الله يوفقج بجاسم ها النسيب والا فلا سماح تحضنها مستانسة وفي سيارة جاسم جاسم مستانس لطيفة مستغربة : مستانس الحبيب جاسم : اكيد مستانس لطيفة : اللي يشوفك مساعة غير عن اللي يشوفك الحين جاسم : ارتحت نفسيا لطيفة : هيه صح خبرتها وهي استحت جاسم يبتسم : فديتها لطيفة تضحك : لا والله هههههههه جاسم : احبها والله احبها لطيفة : ليش تسوي ملجة عرس وخلاص جاسم يستحي لطيفة : بصراحة هم ناس طيبين وعلى نياتهم ماتحس فيهم غرور جاسم : متى اي يوم الخميس لطيفة تبتسم وهي تطالعه وفي بيت بو حسن المسا بشايرتطلع من حجرتها تشوف حسن يطالع التلفزيون بالصالة اللي فوق تقعد يمه بالغنفة بشاير : تتابع شي حسن : لا افرفر بالقنوات بشاير تطالعه : اقول حسن : قولي بشاير : اشتقت لحرمتك؟ حسن : لا بالعكس مرتاح منها بشاير : من قلبك؟ حسن : اكيد بشاير : بشو مقصرة عبير؟ حسن : احسها تحب تتحكم بالواحد وين كنت منو تكلم ومن ها القبيل بشاير : انا بعد اسال يعقوب ها الاسئلة مو معناته اتحكم فيه حسن يطالعها بشاير : هي تبي تطمن عليك لا اكثر حسن : لا هي تدور علي الزلة علشان تمسكها علي بشاير : كل انسان فيه عيوب ومع ها يعقوب متحملني حسن يشرب العصير : مو كل الرياييل نفس الشي بشاير: ماتخاف انها تحب واحد ثاني بسبة معاملتك لها حسن يطالعها : تحب منو؟ ترفع عينها : منصور حسن يستغرب :منصور !! بشاير تبتسم : منصور واقف وراك حسن يصد وراه منصور : ليش قاعدين بالظلمة بشاير : اجواء السينما ههههههه منصور يقعد : خلاص ريلج متلزم ماعنده ها الخرابيط بشاير : الله يهدينا ويهديكم حسن : انا اسف منصور لاني عصبت عليك اليوم منصور يبتسم : حسستني حسن يطالعه ويبتسم بشاير : ها منصور ما ناوي تعرس منصور : انتوا تشجعوا الواحد يعرس؟ خلوني عزوبي احسن بشاير تهز ريلها : عن جد اتكلم منصوروه منصور يبتسم ويسرح بروضة بشاير : ها منصور يطالعها : شوفيج بشاير : شي ولا ماشي منصور يقوم من مكانه : شي وماشي ويمشي عنهم وهو يضحك بشاير تطالع حسن : شو قصده !لغز هو؟ حسن يبتسم ويطالع التلفزيون : ياما تحت السواهي دواهي بشاير تطالع منصور وهو يدخل غرفته والفضول ذابحها ويوم الخميس الحفلة الرياييل بالميلس يقرون الفاتحة لعقد قران جاسم وسماح والبنات بالصالة يرقصون ويصهلون لفرحة بنتهم والكل يصرخ : المعرس بيدخل روضة وشيخة لبسوا العباية وغطوا شعرهم وسماح ماسكة ايد ها وهي ترتجف من الخوف يدخل جاسم وبدر والوالد معاهم وجاسم ماسك بايده باقة ورد حمرا وهو طاير من الوناسة بس للحين ما بينت عنده ملامح العروس يا ترى شو بسوي جاسم لما يكتشف انه العروس مو هي حبيبته؟ تابعوني | ||||
|
| |
|
09-06-16, 11:37 AM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| \\ الجزء السادس جاسم ساكت ومنزل راسه روضة تطالعه: شوالسالفة جاسم يطالعها : بصراحة انا ارتحت لج لاني كلمتج اكثر من كلمت سماح روضة : انزين جاسم : بصراحة انا احب وحدة ثانية غير اختج روضة تصكر على حلجها جاسم : اعرف صعبة اني اعترف بس مو عارف شو اسوي روضة : يعني انت مجبور تتزوج اختي جاسم : مو مجبور بس روضة : بس شو؟ جاسم : ما اعرف شو اقولج روضة : انزين اللي تحبها تعرف انك تحبها جاسم يطالعها : لا روضة : فرضا قلت لها انك تحبها وهي طلعت ماتحبك وعندها حبيب شو بتسوي؟ جاسم يصد بضيق روضة : انا ما الومك بس صدقني سماح تستاهل ها الحب لانها حبتك بدون ماتكلمك او تصير بينكم مواقف جاسم يطالعها : وانا ما احبها! روضة تطالعه : بتحبها صدقني بتحبها وبعدين قول روضة قالت وحبك ادفنه بقلبك جاسم : اتمنى ماتقولين لاحد ها السالفة روضة تبتسم : ولا يهمك النسيب يضغط جاسم ايده على السكان بضيق وفي المول منصور يدور بين الملابس السبورتية خالد : ها اللون حلو منصور يفر الملابس ويمشي خالد يطالعه : شوبلاك ! يمشي وراه ومنصور محطي ايده داخل جيبه وهو معصب خالد : تعال نقعد بالكوفي اشوي منصور : مالي خلق خالد : انت معصب ولازم ترتاح اشوي منصور يطالعه ويروحون يقعدون بالكوفي خالد : انت ماتعصب الا اذا عبير بالسالفة منصور يطالعه : لا تقول اسمها خالد : شو بعد سوت لك منصور : حضرتها رايحة بيت اهلها من كم يوم ورجعت اونه مشتاقة لي خالد : و! منصور يهز راسه : قاعدة بحجرتي ولما دخلت حضنتني واختي شافتنا خالد يفتح عينه: لا تقول! منصور : والغبية الثانية تقولي مو بعيدة بنتها بنتك خالد : ما الومها منصور يعصب : كيف يعني خالد : انا لو شايف مرت اخوي بحضن اخوي الثاني بشك فيهم منصور : البنات طايحة بس انا ما احب ها السوالف خالد : الله يعينك والله منصور : خلنا نروح الجمعية موصتني على غرض خالد : تساعدها وبعد ماتباها تحبك منصور : المشكلة جدام ابوي طلبت مني منصور يلعب بالموبايل خالد يلتفت : منصور ,منصور منصور : من بعدي تزكرني خالد : شوف منو هناك منصور يطالع : وين روضة وسماح وجاسم يمشون عند المحلات خالد : هذا مو راعي الاتصالات اللي قال كفتريا ؟ منصور بضيق : يعني صح كلامه البنت خطيبته خالد : منو تقصد روضة منصور يطالعه : شودراك باسمها خالد : ذاك اليوم ربيعتها جواهر تقولي بخبر روضة وبرد عليك منصور : بصراحة البنت عاجبتني وايد خالد : لا بعد حبها وانت بعدك ماتعرف مشاعرها منصور : حظي نحيس خالد يقوم : خل اعجابك بقلبك ويالله نروح الجمعية منصور يقوم بضيق وفي الجمعية روضة تشوف جواهر وتسلم عليها سماح : جاسم جاسم : هلا سماح : خلنا نروح قسم العصاير جاسم يطالع روضة : واختج روضة : ما عليكم مني خذوا راحتكم ولما تشبعون من بعض دقوا علي جاسم : بس انتي امانة مستحيل اخليج روحج روضة : جواهر معاي واهلي عادي متعودين شو بلاك معقد ههههههه سماح تستحي : روضوه روضة تمسك ذراع جواهر وتمشي: بايوووو جاسم واقف بضيق سماح : يالله جاسم وروضة بمكان ثاني بالجمعية جواهر : حلو ها الشيبس روضة : بالشطة خالد يقترب : السلام عليكم روضة تطالعه : وعليكم السلام خالد : شو ها الصدفة جواهر تساسرها : ها اللي خذا موبايلج روضة تبتسم : ها ناوي تبدل بالسلات خالد يضحك : ههههههه لا بس حبيت اسلم عيون روضة تدور على منصور خالد : باي روضة تبتسم : باي جواهر : شو بلاج روضة : ما اعرف ادور ربيعه جواهر : منصور روضة تطالعها : شدراج باسمه جواهر : ربيعه قالي انا ومنصور بني الباركنات روضة تبتسم : خاطري اشوفه جواهر : مينونة انتي ولو جاسم شافج روضة : بس سلام او المحه من بعيد جواهر : تحبيه؟ روضة تستحي : ما اعرف بس احس اني معجبة فيه احسه كووول جواهر تهز راسها : امشي امشي عن توهقينا وعند العصاير جاسم يصدد سماح : وين المشروبات الغازية جاسم : ها سماح : شو بلاك جاسم : ما احب اخلي اختج بروحها سماح : هي متعودة تي مع الدريول جاسم : يالله خلصي بسرعه علشان نحاسب سماح تستغرب وعند الحفاضات جواهر تزكر روضة : روضة تعالي روضة : شو جواهر : اكو بطلج روضة تدور: وينه جواهر : بقسم الحفاضات روضة تروح توايق تشوفه يدور بين الحفاظات جواهر : بامبرز! روضة تفتح عينها : لمنو يشتري جواهر تهز كتفها روضة بضيق : ليكون متزوج جواهر تعض على شفايفها : يمكن روضة تنزل راسها وتمشي جواهر : سبحان الله كان الله رايد لج انج تشوفينه وتكتشفين انه متزوج علشان ما تحلمين بوهم روضة : سبحان الله جواهر : انسيه وان شاء الله الفارس بييج بعدين روضة تبتسم بضيق وتمشي وعند الكاشير خالد واقف وروضة توقف وراه خالد : تعالي حاسبي روضة تهز راسها : لا عادي خالد : ليدز فيرست روضة تبتسم : مو مشكلة يوقف منصور وروضة تطالعه منصور يطالعها روضة تبي تكلمه بس تتذكر انه متزوج ومنصور يبي يكلمها بس يتذكر انها خطيبة جاسم جواهر : خلينا نروح الكاشير الثاني منصور يطالع خالد : افا خالد خل البنات يحاسبون روضة تبتسم : لاعادي انتوا قبلنا جاسم ينتبه لهم من بعيد ويمشي بسرعه منصور : يالله لا تاخروا العالم اللي وراكم هههه روضة : انتوا بس بامبرز جاسم يقترب : خير ان شاء الله منصور : هلا الطيب جاسم : شو السالفة ليش معطلين السيد منصور يطالع روضة روضة : جاسم شوبلاك جاسم : عطيني سلتج وروحي عند اختج روضة تطالع منصور وتمشي منصور : شوبلاك تبا تضارب خالد : السموحة الطيب عبالنا كفتريا هههههههه جاسم يطالع منصور بنظرات ومنصور نفس النظرات جواهر تدز روضة : قلت لج ماتسمعي الكلام روضة : اشش سكتي يحاسب منصور ويمشي جاسم يطالع روضة بعصبية روضة مستغربة وفي السيارة روضة : جاسم مو حلو تصرفك بالكاشير جاسم : يعني انتي اللي صح تصرفج واقفة تضحكين مع شباب ماتعرفيهم روضة تعصب : شوقصدك جاسم : ما احب ها الحركات جدامي تستوي واتم ساكت روضة بعصبية : وقف السيارة جاسم يطالعها : ليش روضة : وقف قلت لك جاسم يوقف السيارة تنزل روضة جاسم ينزل وراها : ليش نزلتي روضة : ما بروح معاك البيت جاسم : نعم روضة تتصل لبدر اخوها جاسم : ركبي بلا فضايح روضة بعصبية : انتي اللي فضحتنا ولا بعد شو قصدك اضحك مع الشباب ,اغازل! جاسم يصد الجهة الثانية : ركبي الله يخليج لا تفشلينا جدام الناس روضة تطالعه معصبة جاسم : مو كان قصدي بس والله ما ارضى احد يرمس عنج او احد يتكلم معاج روضة : اتوقع حرمتك اسمها سماح مو روضة جاسم يغمض عينه ويضغط ايده بضيق سماح تنزل : خلاص روضة ركبي لا تفشلينا روضة تطالعها : اخر مرة اسير معاج مكان تفتح باب السيارة وتصكره وجاسم يركب بضيق وفي بيت بو حسن حور تلون بكراسها بشاير : ليش شعر البنت اخضر؟ حور تطالع فوق وتفكر : ما اعرف بشاير تمسك قلم البني : ها اللون حلو حور تطالع الرسمة : بيخترب شعرها بشاير تبتسم : عادي بنقول حنته ههههه حور تضحك وهي تلون عبير تنزل من الدري عبير : يالله حوري وقت السبوح بشاير تطالع عبير : ليش ماتعلميها كيف تلون عبير باستهزاء: ليش بتنقصيها درجات بشاير تهز راسها : انا شو سويت لج تكلميني بها الاسلوب عبير تكتف ايدها : ما ادري عنج تحبين تطلعين عيوب الثانين وعيوبج ماتحبي تعرفيها بشاير :" ليش شو عيوبي عبير تطالعها يدخل منصور الصالة منصور يطالعهم : السلام عبير تبتسم : وعليكم السلام بشاير تركب الدري وتمشي عنهم منصور يعطيها الكيس وهي تلمس ايده وتطالعه منصور يفر الكيس على الارض ويمشي وبشاير تراقبهم من فوق الخدامة تدخل : مستر منصور منصور يصد وهو على الدري : نعم الخدامة : في نفر هندي يريد انته منصور يفكر : هندي! منصور ينزل من الدري بسرعة يطلع برع منصور يشوف دريول روضة وهو واقف متوتر ياترى شو يبي الدريول من منصور تابعوني | ||||
|
| |
|
09-06-16, 11:38 AM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| \\ الجزء السابع وفي بيت بو بدر روضة وسماح يدخلون باب الصالة بدر يطالعهم الوالدة : وينكم تاخرتوا روضة تدخل معصبة بدر يطالعها وهي تركب الدري: شو بلاها هاي سماح : جاسم عصب على شباب كانوا يرمسون روضة بالكاشير بدر : ريال والنعم فيه سماح تطالع امها : حلفت ما تروح معانا مرة ثانية بدر : لو خبرتوني لازم يعني ها السوالف الوالدة : بس خلاص تسكت وتقعد بضيق بدر : شو بلاج اماية الوالدة : زهبوا غراضكم اليوم سماح تطالع بدر الوالدة تطالعهم : باجر لازم نطلع من البيت بدر يضايق ويمشي سماح تيود كتف امها وتصيح روضة تدخل الحجرة وترقع الباب تفصخ العباية والشيلة وتفرها على السرير شيخة تدق الباب وتدخل روضة تفصخ الاساور من ايدها شيخة : ها ستانستي مع جواهر؟ روضة تهز راسها وتطالعها : وين وريل اختج عظمة في البلعوم شيخة تقعد على الكرسي روضة تطلع بوكها من الشنطة : كرهته من اول يوم قابلته شيخة تكتف ايدها :خلج من الامور الجانبية روضة تفتح شعرها شيخة تطالعها : رتبي شنطتج الكبيرة وجهزي غراضج روضة تطالعها : ليش شيخة تقوم : ابوي لقى بيت والبنك عاطينه مهلة باجر يسلمهم المفاتيح روضة تقعد على الشبرية بضيق شيخة تطالعها وتمشي وفي بيت بوجاسم جاسم ينزل من السيارة يشوف ورا الايفون اللي يابه لروضة جاسم يمسكه : خلاص روضة كرهتني جاسم يضايق وينزل من السيارة لطيفة قاعدة بالصالة ويا امها جاسم يدخل يسلم لطيفة تقوم : دريت شو صار جاسم : شو! لطيفة تطالع امها وتطالعه : عمك , ابو سماح جاسم يخاف : شوفيه لطيفة : رهن بيتهم ولما ما قدر يسدد القرض تسكت وتنزل راسها جاسم : يعني الحين هم بالشارع؟ لطيفة تهز راسها : ما اعرف الوالدة بعصبية : مالت على النسبة اذا من اولها فقر جاسم يطالعها معصب : اماية شو ها الرمسة الوالدة : لاتسوي عمرك مهتم فيهم وايد وانت روحك ماتحب بنتهم خلاص كل واحد يروح بطريجه جاسم : بس انا ماتزوجت بنتهم علشان فلوس ابوهم الوالدة تقوم وتقترب منه : لا حبيبي هم اللي يبون منك مو انت تصد عنه : الحين كل مرة بقولون لك خذ سلفة ساعدنا اشوي الزهبة غالية الحين ومنها ها الكلام لطيفة : اماية الوالدة : جب انتي انا اعرف سوالف ابوهم من قبل بس قلت احنا مايخصنا الا بالبنت جاسم :توقعتج تقولين حياهم في بيتنا الوالدة : ها اللي ناقص ابوهم اللي يسوي السوالف وانا اتحمل النتايج جاسم يضايق ويمشي عنهم الوالدة تطالعه معصبة ولطيفة تهز راسها وفي بيت بو حسن منصور قاعد في بلكونة الصالة اللي فوق الوالد : ها منصور منصور يلتفت : هلا ابويا الوالد يقعد : بشو تفكر منصور ينزل راسه : ماشي الوالد : شو اللي سمعته من الحارس منصور يوقف ويطالع البيت اللي يم بيتهم : صح كلامه الوالد : بس انا سجلت بيتنا الجديم باسمك علشان تعيش فيه انت وحرمتك منصور : الناس متوهقين وانا مو محتاجه الحين الوالد يقوم : انت تعرفهم منصور يتذكر روضة ويسكت الوالد : اذا مو واثق منهم شو اللي يجبرك منصور يطالعه : اعرفهم من قريب الوالد : انا ما احب اتدخل بامورك لاني اباك تحس اشوي بالمسؤولية منصور : اكيد الوالد : خلاص باجر بروح معاك نوقع عقد الايجار مع الريال منصور : ان شاء الله الوالد : يالله انا بظهر منصور : الله معاك ابويا يشرب بيبسي وهو واقف يطالع البيت بشاير تقترب منه وهو سرحان بشاير مكتفة ايدها : احم احم منصور يلتفت يشوفها بشاير : ممكن اقعد معاك اشوي منصور : البيت بيتج بشاير تطالعه : انا اسفة منصور علشان ذاك اليوم منصور يبتسم : لا عادي صح هو ضايقني بس اي احد مكانج بقول نفس رمستج بشاير توقف يمه وتطالع بيتهم الجديم وتطالعه منصور يطالعها : شوفيج بشاير الهوا يطير شعرها تهز راسها : سلامتك منصور : قولي بشاير تبتسم : ماتعرف تخش مشاعرك منصور : اي مشاعر بشاير : منو ها الناس اللي رضيت تعطيهم بيتنا منصور : في فرق بين اعطيهم و بياجرونه بشاير : منو هذولا منصور يقعد بالكرسي بضيق : بصراحة كنت معجب في بنتهم كنت اشوفها بالمول ودريولهم يعرف الحارس مالنا وكان يدور بيت ايجار وحارسنا قاله ارباب مالي عنده بيت بشاير تبتسم وهي تسمعه منصور : بس عرفت انها مخطوبة ويهز راسه : وخلاص بشاير تقعد بالكرسي: بس؟ منصور يطالعها : بس ها السبب بشاير : يمكن تكون وحدة مو اوكي منصور : لا شفتها وكلمتها اكثر من مرة احسها بنت مؤدبة بس لسانها طويل اشوي هههههه بشاير تضحك : لا والله منصور يهز راسه : ما اعرف بس ارتحت لها وايد بالرغم من انه لقائنا ما عدا 2 او 3 بشاير تمسك ايده : ولا يهمك ان شاء الله تلاقي اللي تحبك وتحبها منصور ينزل راسه بشاير باستهبال : الحين بتوهقها اكثر منصور : ليش بشاير : كل يوم بتشوفك وخاصة جيران بتخليها تخلي خطيبها وتحبك منصور يقوم من مكانه مبتسم : وهذا اللي انا ابيه بشاير تفتح عينها وتصرخ: ايواااه طلعت خطير ههههههههه منصور يضحك وعبير تسمع كلامهم بضيق تدخل حجرتها حسن يطالع التلفزيون عبير تطالعه : انت ماسالت نفسك ليش ابوك سجل بيتكم الجديم باسم منصور بالرغم من انه اصغر منك حسن ياكل مكسرات : وشو فيها يعني عبير تقعد : انت اولى انت العود ومتزوج وعندك عيال حسن يطالعها : انتي اللي طلبتي انج تقعدين هني عبير تفكر بمنصور وتغمض عينها : ذاك قبل الحين كل شي تغير حسن : انزين هني البيت فاضي ما احد فيه عبير تقوم : بس ما احس بالخصوصية ابي افر الشيلة ابي البس على راحتي حسن يطالعها : شو اللي براسج انتي عبير تطالعه : ولا شي بس ها اتوقع من حقوقي الشرعية حسن يوقف ويطالعها : خلاص بناخذ شقة وخذي راحتج فيها عبير : ابغي شي ملك مو ايجار حسن يعصب : بس عاد تراج ماتنعطي ويه يدخل الحمام ويصكر الباب وهي ضاغطة على ايدها بضيق وفي بيت بو بدر روضة تحطي ملابسها داخل الشنطة يدق الباب روضة : تعالي يدخل بدر ويصكر الباب روضة تبتسم بضيق : قصدي تعال بدر يطالعها : جهزتي كل شي روضة تنزل لها دمعه وهي تطالعه بدر : شو بلاج روضة : حطيت كل شي بشنطتي بس وين احطي ذكريات الطفولة تمسح على الطوفة : وهني كم مرة شخبطت عليها ما اقدر اشيلها معاي بدر : لا تصيرين حساسة اكثر من اللازم روضة تطالعه : حساسة! بدر: ان شاء الله حياتنا بتتغير للاحسن واشوي اشوي بنتقبل الحياة اليديدة روضة تصد عنه : كيف نتقبلها بعد ماكنت بغرفة بروحي صرت بنام مع خواتي الثنتين بدر يهز راسه روضة: ابوي مكسور من داخل واحنا نحاول نقص عليه ونفرحه بدر: انا عن نفسي تسلفت من البنك وعطيته يسدد ديونه وشيخة بعد ساعدته من معاشاها وامي بتبيع ذهبها وسماح بتعرس وان شاء الله من مهرها يستفيد روضة : وانا! بدر يبتسم : انتي خلي ذكرياتج و طوفتج هني روضة : بس بدر يمسك كتفها : ان شاء الله يوم من الايام نرجع ها البيت روضة تصيح وتحضنه بدر يبتسم وهو مضايق يطلع من الحجرة والكل مضايق ويفكر الوالد محطي ايده تحت ضقنه يفكر الوالدة محطية راسها على المخدة تصيح شيخة تطالع صورة ولدها وتحضنها بصدرها وبدر نايم على السرير يفكر وسماح تمسح على خاتم الملجة بضيق وروضة حاضنة دبدوبها سرحانة ياترى شو بصير باجر تابعوني | ||||
|
| |
|
09-06-16, 11:39 AM
| #9 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| \\ الجزء الثامن وفي اليوم الثاني بيت بوحسن بشاير قاعدة بالصالة تقرا قرآن عبير تنزل من الدري تقعد بالصالة عبير: اقول بشاير بشاير ترفع عينها من القراية عبير : انتي زعلانة مع ريلج بشاير : ليش؟ عبير : ماروحتي بيتكم بشاير تصكر القرآن وبعصبية : لما يصير البيت بيتج تكلمي عبير تطالعها بشاير : هذا بيت ابوي واي وقت اي عبير تقوم وتطلع من باب الصالة يدخلوا الرياييل وهم يايين من صلاة الجمعة تقوم بشاير تسلم عليهم وتبوسهم على راسهم الوالد : ها زهب الغدا؟ بشاير : اكيد الوالد : شو رايكم نتغدا بحديقة البيت ونلعب طايرة بشاير تستانس :انا وياك بفريق ومنصور وحسن بفريق منصور : خلونا نتغدا بالاول بشاير : يالله بسير اخبر الخدامات منصور يمشي عنهم الوالد : منصور منصور يصد : هلا ابويا الوالد : العرب بيسكنون اليوم؟ منصور : هيه الوالد : ومتى بتوقع العقد ؟ منصور : عقب صلاة العصر حسن يدخل عرض : انزين دامك ما محتاجه عطه لي منصور يطالعه الوالد : ليش انت شو تباه حسن : عبير تبي تاخذ راحتها الوالد : الحين ! بعد 4 سنين تبي تسكن روحها؟ منصور يهز راسه ويمشي الوالد : راحت عليك البيت بيت اخوك الحين وهو حر فيه حسن : بشتري بيت لي الوالد: وين المشكلة حسن : اباك اشوي تساعدني بالمبلغ الوالد يبتسم : ان شاء الله كم حسن عندي بس بشرط حسن يطالعه الوالد : تقعد عند حرمتك وبنتك وماتخليهم روحهم حسن يبتسم : اكيد الوالد : يالله خلنا نبدل يوعانين وفي فيلا بو بدر اليديدة تدخل روضة الحوش تفصخ النظارة الشمسية تشوف اوراق شجرة الهامبا (المانجو) موصخة الحوش الوالد : كل شي صار بسرعه وان شاء الله راح نرتبه ونظفه شيخة : خبر صلاح يساعدنا الوالدة : صلاح حصل له شغل مكان ثاني سماح : شو ها ! ماتوقعت صلاح خاين الوالد : مو خاين هو يبي لقمة عيشته سماح : لا خدامة ولا سايق؟ بدر : حمدي ربج وسكتي يطالع روضة بدر : وانتي شو بلاج صاخة؟ روضة تطالعه بضيق وتمشي داخل يفتح بدر باب الصالة الصالة واسعه ولونها بين التركواز والبني ويطالعون الديكورات اللي فوق شيخة : المكان يباله تنظيف سماح : البيت طابقين ليش ننام بغرفة وحدة بدر : الغرف اللي فوق 3 الرئيسية لامي وابوي ووحدة لكم والثالثة لي وتحت ميلس وغرفة طعام وصالة روضة تطالع وهي ساكتة سماح : يالله روضوه نحجز افخم حجرة في الفيلا تسحبها وتركب معاها الدري بدر : ابويا هاي الخدامة مطرشينها الجيران الوالدة تقترب منها :شوتبين؟ الخدامة : انا يسوي تنظيف مني شيخة : انزين مانعرف من وين نبدا الخدامة : مافي مشكلة انا في يشتغل مني 10 سنة كل شي معلوم داخل هذا بيت الوالدة تطالع شيخة : زين والله ريحتنا شيخة : بس حرام بروحها لازم نساعدها خدامة : مافي مشكلة في خدامة اثنين بعد اشوي بجي علشان داخل بيت يسوي غسيل مال غدا الوالد : يحليلهم والله اياويد ها الناس شيخة تطالع بدر وبدر يطالع ابوه :ابويا الوالد يصد عليه : هلا بدر : كم طلب الريال بالسنة الوالد يهز الراس : ما اعرف بس هو قال لصلاح براعينا واليوم العصر بنوقع العقد شيخة : يالله اماية نفصخ العباية ونرتب الاغراض الوالدة تركب الدري وبدر بعده يطالع ارجاء البيت تدخل روضة وسماح الغرفة وهي بالاساس كانت غرفة بشاير كل شي فيها بناتي منظرة بنكية طويلة اكسسوارات عند المدخل على شكل صدف ولؤلؤ الشبرية بيج مع بنكي الستاير شيفون عليها هولي كاتي وطاولة دراسة كانت بشاير تذاكر فيها وطبعا البلكونة الزجاجية روضة تقترب وتطالع المنظر تشوف منصور لابس لبس سبورتي يلعب كرة الطايرة روضة تستغرب روضة تطالع سماح : تعالي شوفي سماح تبتسم : واخير نطقتي روضة تاشر بايدها : شوفي منو هناك سماح تدقق : منو ها روضة تبتسم : ها منصور اللي شفناه بالمول سماح تطالعها : شدراج باسمه؟ روضة ترقابهم وتسمع اصواتهم حور تلعب بسيكلها ومنصور وحسن بفريق والوالد وبشاير بفريق وعبير قاعدة على المريحانة حور تطيح من السيكل تتعور حور : اي بابا يعورني منصور يطالع حسن: سير بنتك تباك حسن : دلوعه هاي مثل امها منصور يفر الكرة ويركض لها يمسكها : وين تعورتي حبيبتي عبير تنزل من المريحانة وتقترب منهم حور : طلع دم هني عبير تقعد على ركبتها : قلت لج كم مرة لا تسرعين بالسيكل منصور : خبري الخدامة تيب لزقة وآيدين (دواء احمر ) للجروح عبير تبتسم : ان شاء الله وتمشي عنه روضة تضغط على ايدها سماح : كملي شوفيج صخيتي روضة تصد وتقعد على الشبرية بضيق سماح تطالعهم وتصد تطالع روضة روضة تلعب بايدها: التقيت فيه بالصدفة عند الاتصالات اللي ريلج يشتغل فيها نسيت موبايلي على الطاولة وربيعه خذاه عباله موبايله والتقينا مرة ثانية علشان يرده لي والمرة الاخيرة اللي شفتها فيها صدفة لما جاسم عصب عليه عند الكاشير والحين طلع جارنا؟!! سماح : ليكون ها بطلج اللي تترينه؟ روضة تهز راسها : لا مو هو سماح تستغرب روضة تقوم تطلع ملابسها من الشنطة : الريال متزوج وعنده بنت امورة يخاف عليها, ليش اوهق عمري مع ريال متزوج سماح : بس شكله صغير مستحيل هذيج بنته تقريبا عمرها 3 او اربع سنوات يعني تزوج وهو يدرس؟ روضة تفتح الخزانة : ما سمعتيها قالت بابا وركض لها سماح تطالعها روضة : ما ابي اعور راسي بها السالفة الله يهنيه مع حرمته سماح تمسك كتفها : الله يرزقج بالريل الصالح روضة تطالعها : امين سماح : اذا تبين جاسم حلال عليج روضة تخنفس : وععع لو يتم اخر ريال في العالم ما اتزوجه سماح تضربها : شو قصدج وتلاحقها بالحجرة وروضة تركض وهي تضحك منصور محطي ايده على خصره يراقبهم منصور يبتسم : نورتي البيت حبيبتي حور تطالعه مستغربة : ترمس منو انته؟ منصور يضحك : ارمسج ههههههههه يشيلها ويرفعها فوق وحور خايفة يحضنها ويطالع بلكونة روضة روضة تركض وتوقف تطالعه يمد ايده يسلم عليها هي تصد تشوف سماح تطلع من الحجرة وهو يطالعها تقترب من الستارة وتصكرها منصور يستغرب ينزل حور وبخاطره : شوبلاها روضة ورا الستارة مغمضة عينها وتصيح : ما ابي احبه ما ابي تقعد على الارض تصيح وفي بيت بوجاسم العصر جاسم يلبس ساعته لطيفة : رايح مكان؟ جاسم يتعطر : هيه لطيفة تعطيه ورقة : يب ها الاغراض من الجمعية جاسم : والسايق وينه؟ لطيفة : هو مايعرف زين لبعض الاشياء جاسم يمسك الورقة لطيفة تطالعه لطيفة : شخبارك ويا سماح؟ جاسم : زين لطيفة : اذا مو مرتاح قولها جاسم يطالعها : ليش اقولها واللي احبها كرهتني لطيفة : ليش؟ جاسم : احس يوم ورا يوم تكرهني اكثر بس بدون قصد لطيفة : احسن لك جاسم : انتي قبل لما كنتي تقولي هي خفيفة اشوي هبلة منو تقصدين؟ لطيفة تهز راسها : انسى كلامي انت شو شايفها ؟ جاسم : عادية ما فيها شي مميز لطيفة تكتف ايدها : وروضة شو اللي يميزها جاسم يفكر ويبتسم : احب جمالها وابتسامتها وعصبيتها احسها ياهلة دلوعة لطيفة : بس جاسم لا تكمل جاسم يطالعها لطيفة : ان شاء الله تشوف سماح احسن من اختها جاسم : ان شاء الله يمشي ويطلع من الحجرة ولطيفة تهز راسها : الله يهديك يا اخوي وفي بيت بوبدر اليديد منصور قاعد بالميلس ويا ابوه بو بدر: مرحبا فيكم البيت بيتكم قبل لا يصير بيتنا بو حسن : تسلم بو ...؟ بو بدر : بو بدر طال عمرك بوحسن : والنعم بو بدر بو بدر : تعرف الواحد لما يدخل الاسهم ويطمع بوحسن يبتسم : ماله داعي تشرح لنا , كل واحد عنده ضروفه والله يفرجها عنك بو بدر : والله باالنسبة للبيزات اتريا ريل بنتي يعطيني زهبة البنت علشان اعطيكم الايجار منصور يطالعه وبخاطره : اكيد يتكلم عن روضة بوحسن : ليش هم مخطوبين ؟ بو بدر : لا مالجين منصور يضغط على ايده بضيق بوحسن : الله يوفقهم ان شاء الله بو بدر : امين منصور : يالله نوقع العقد اشوي يدخل جاسم الميلس يسلم منصور يوقف بضيق يسلم عليهم ويقعد بو بدر : ها نسيبي جاسم جاسم يطالع منصور مستغرب بو بدر يطالع جاسم : ها الريال اللي اجرنا منه البيت جاسم يبتسم لبو حسن : فيك الخير بو حسن يبتسم وياشر على منصور: البيت بيت ولدي منصور جاسم يطالع منصور ومنصور يطالعه مبتسم وفي المطبخ روضة تاكل تفاحة : منو بالميلس؟ الوالدة : الناس اللي اجرنا منهم البيت روضة : هم جيراننا؟ الوالدة تصب القهوة بالدلة : هيه بيت ولدهم روضة تفكر : بيت منصور ؟ ولا اخوه اللي يلعب معاه؟ الخدامة : خلاص ماما انا بسير بيت سبح روضة تطالعها :منو داخل بيتكم الخدامة تعدد : بابا وبابا حسن وبابا منصور وبنية في زواج بشاير وصح مدام عبير وبنيه حور الوالدة : بسج من الهذرة ودي الفوالة وسيري بيتكم الخدامة تهز الراس وتسير روضة واقفة تفكر : حرمته اسمها عبير وبنته حور وفي الميلس منصور والوالد يقومون بو بدر : مثل ما اتفقنا على البيزات بو حسن: مو مشكلة نترخص نحن منصور يوقف عند الباب بو حسن : شو بلاك منصور : اشوي بكلم بو بدر بوحسن يطلع من البيت بو بدر يطالع منصور واقف منصور يطالعه : تسمحلي بو بدر بكلمة راس بو بدر يقوم ويوقف عنده منصور : ابغي اخبرك بشي بس اتمنى يكون ها الشي بيني وبينك بو بدر يستغرب : خير ولدي منصور : بالنسبة لبيزات الايجار انا مو مستعيل ومو محتاجهم الحين بو بدر : بس ها حقك منصور يبتسم ويمسك ايده : عندي العقد وين بتشرد عني بو بدر يمسك كتفه : مشكور ولدي كنت الحين برمس نسيبي عن الموضوع بس مستحي مو عارف من وين ابدا منصور يهز راسه : لا لا بو بدر لا تتهور انا صحيح اني صغير بالعمر بس في اشياء لازم ماتنقال حتى للاهل بو بدر : والله يا ولدي دخلت قلبي من لما قالي صلاح الولد وافق قبل لا يعرفنا ويشوفنا منصور : خل بنتك تتزهب وتسانس حالها حال اي عروس لبس نظارته الشمسية قبل لا بو بدر يشوف دمعته منصور : تامرني بحاية بو بدر : الله يحفظك لاهلك منصور يبتسم ويمشي يوقف عند باب الحوش يسمع بو بدر يكلم جاسم : اكيد تبا تشوف حرمتك ؟ يفتح الباب بضيق ويطلع وروضة واقفة يم عمود المطبخ تراقب منصور وهو يطلع تساند راسها على العمود بضيق ياترى متى بيعرفون الحقيقة تابعوني | ||||
|
| |
|
09-06-16, 11:40 AM
| #10 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجزء التاسع في بيت بو حسن بو حسن يدخل باب الصالة يسلم بشاير وعبير وحسن يردون السلام بشاير :: ها ابويا شو سويتوا؟ بو حسن : بصراحة خوش ناس يقعد معاهم : يكسرون الخاطر شكله ابوهم مايعرف للاسهم ونهبوه نهاب حسن : كم اتفقتوا؟ الوالد : 90 الف بالسنة بشاير : وايد الوالد : وين وايد! الشقق الحين اغلى, ولا تنسين هاي فيلا طابقين وحوش فيها زين منصور خفف عليهم منصور يدخل الصالة والكل يطالعه يقعد معاهم الوالد : ها رمسته؟ منصور يهز الراس : هيه عبير تطالعه وتفكر بشاير تقوم عبير تطالعها : بشاير بشاير تصد عليها عبير : شو رايج باجر نروح لهم نسلم ونتعرف عليهم بشاير : ليش ؟ عبير : لاا يعني من الواجب نروح نسلم ونسالهم اذا محتاجين شي لانهم جيرانا الحين بشاير تطالع منصور ومنصور يطالع ابوه الوالد : خوش راي وهم بعد عندهم بنات وولد واحد عبير تبتسم : شو قلتي بشاير ترفع ايدها : على الله لباجر وتمشي بشاير تركب الدري وتفكر : شو اللي براس ها العبير الله يستر بس عبير تحطي ريل على ريل بغرور وبخاطرها : خاطري اشوف حبك يا منصور منصور يطاالع عبير باستغراب وفي بيت بو بدر اليديد جاسم قاعد مع سماح بالميلس سماح تعطيه العصير: تفضل جاسم : اقول سماح تقعد يمه : قول جاسم: اختج لحينها زعلانة مني؟ سماح تفكر : لا عادي هي موضوع البيت مضايقها جاسم : سيري زكريها علشان يرتاح ضميري سماح : بس اللي سويته انت كان صح جاسم : اللي بسن اختج تحب تفرض شخصيتها واي شي تسويه ولو غلط هي تعتبره صح سماح تبتسم : ماشاء الله عليك حللت شخصيتها جاسم : روحي ناديها تقوم سماح وروضة قاعدة تنشف شعرها سماح تدخل : تعالي واحد يبا يرمسج روضة تطالعها : منو سماح : تعالي الميلس روضة تلبس عباتها وشيلتها تدخل روضة الميلس تشوف جاسم وترجع تبي تطلع سماح تيودها : دخلي روضوه روضة تغمض عينها معصبة : ما ابا جاسم يوقف : بس ثواني روضة تطالعه : نعم جاسم : تعالي انزين مابعضج سماح تضحك : سيري لا تدلعي روضة : قول شو تبا مني جاسم : انا اسف روضة صادة الجهة الثانية جاسم : انا ما احب اعتذر لاحد روضة تطالعه : ليش على راسك ريشة جاسم : لاني ما غلطت روضة : عيل ليش تعتذردامك مو معترف بخطاك جاسم : قصدي اسف اني تدخلت بشي ما يخصني روضة تطالعه وتطالع سماح جاسم : اهم شي ماتكوني زعلانة مني روضة : انا لو بدر اخوي سوا ها الحركة اسبوع مابكلمه جاسم يطالع سماح روضة تبتسم : بس دامك مابتعيدها راح اسامحك سماح : ليش حضرتج جلالة الملكة وانا ما ادري روضة تكتف ايدها : اكيد هههه جاسم : يالله عيل قعدي معانا خلينا نسولف روضة تهز الراس : لا لا ما ابي اخرب على الحبايب خذوا راحتكم تطلع روضة من الميلس جاسم يطالع سماح وسماح مستحية وفي البحر منصور يمشي مع خالد خالد : شوف الدنيا كيف صغيرة منصور محطي ايده بجيبه: صدقني ها البنت مكتوبه لي خالد يبتسم : فيلم هندي هو منصور يلبس كاب الجاكيت : مضايق من وجودها ومستانس نفس الوقت خالد يطالعه : مافهمت منصور : شوفتها تونسني بس لما اشوف ريلها ودي ازنطه خالد يضحك : ههههه اسميك سوالف وحدة من بعيد ياية تركض وتصيح ..........: لو سمحتوا لحقوا علي منصور يطالعها : خير اختي الوحدة تطالع وراها : ولدي طاح بالبحر خالد : وهو مايعرف يسبح ؟ الوحدة تهز راسها وتصيح : لا منصور يربع بسرعه وخالد وراه يوصلون بسرعه منصور يفصخ جاكيته ويسبح في البحر خالد يدوره : وينه ولدج ؟ ........: ليكون غرق خالد يتوتر : لا ان شاء الله ومنصور يغطس يدوره والوحدة تصيح وقلبها يدق بسرعه يطلعه منصور ويسبح لحد ما اقترب يشيله ويمشي بسرعه منصور يحطيه على الارض ويضغط على صدره والياهل مو قادر يتنفس ......... تصيح : ماااات منصور ينفخ بحلجه ويمسح ريله من تحت بسرعه يضغط على صدره بقو يرفع راسه الياهل ويكح ويكح ويطلع الماي يقعده ويضربه بظهره ............. تحضنه : وليد حبيبي منصور يطالعها : لازم نوديه المستشفى الحين ...........: خلاص انا بوديه منصور : لا انتي بها الحالة ماينفع انا بوديه .........: بي معاكم منصور يطالع خالد : يالله بسرعه يشيله ويركض فيه للسيارة يشغلها ويشخطه للمستشفى وفي بيت بو بدر العشا بدر ينزل من الدري الوالد: تعال تعشا بدر : لا مواعد الربع الوالدة : الجيران مطرشين محاشي بدر يطلع : بالعافية عليكم روضة تطالع ابوها : ابويا خذيت دواك الوالد : هيه قبل الاكل الوالدة تطالع سماح: لو خليتي جاسم يتعشا معانا سماح : ماطاع معزوم على عرس الوالد : شيخة وينها ؟ روضة : راحت المكتبة العامة تاخذ لها كتب الوالدة : ماتشبع من ها الكتب الوالد : خلوها تتسلى اشوي وماتفكر بريلها وولدها روضة تطالع سماح وسماح تنزل راسها وفي المستشفى الوحدة واقفة برع غرفة الطواري تصيح الدكتور يطلع منصور ملابسه ماي : طمنا الدكتور : الحمدلله شفطنا الماي اللي بصدره وركبنا له مغذي هو لازم يتم تحت الملاحظة اليوم تقعد على الارض تصيح منصور : شو بلاج اختي .............: ما اقدر اتم معاه منصور يطالع خالد مستغرب تحطي ايدها على راسها : لو ابوه عرف بيذبحني منصور يقعد على ركبته : عادي حادث والحمدلله هو بخير تطالعه والدموع بعينها : انت ماتعرف شو السالفة خالد : عندج عيال ثانين تبين تقعدين معاهم تمسح دموعها : هيه خالد : ريلج وين تهز راسها : ما احد بابوظبي يشتغل منصور يبتسم : شورايج تروحين وانا ببات عنده تطالعه وهي منصدمة خالد يطالعه مستغرب : شو منصور : انا حاس فيج وان شاء الله ريلج مايحس بغيابه توقف : بس انت ليش تساعدني منصور : انا مابساعدج بساعد طفل واتوقع اني ماجور على اللي بسويه تمسح دموعها : تبي مقابل ؟فلوس؟ يهز راسه ويبتسم : لا والله قلت لج طمعان بالاجر وبروحي هامني الولد تشبك ايدها الثنتين وتصيح منصور : شو بلاج اختي بعدها الدنيا بخير تطالعه : مشكور اخوي وان شاء الله باجر من الصبح اكون هني منصور : هذا رقمي اذا تبين تطمني على ولدج دقي علي تمسك البطاقة وتصيح منصور : خلي خالد يوصلج .........: بروح بتاكسي سيارتي تمت عند البحر منصور : الله معاج تمشي وهي مكسورة خالد يطالع منصور : مينون انته منصور يهز راسه : لا خالد : انت ليش تورط نفسك وياها باجر بي ريلها وبقول انك تحبها منصور : ما يهمني خالد : احنا عبير ما افتكينا منها الحين هاي بعد بتساعدها لين تحبك منصور يطالعه : انت شو حارك سير بيتنا يب لي ملابس خالد يحطي ايده بخصره : لا والله شو اقولهم ولدكم يبي ملابس لانه بكون مرافق مريض بالمستشفى؟ منصور : انا بدق على اختي وتجهز لبس وتعطيه للخدامة لاتطولها وهي قصيرة خالد يمشي معصب ويهز راسه : قلبك يباله احد يشيله ويفره بالزباله يمشي وهو يتحرطم ومنصور واقف مبتسم ويهز راسه يوقف يم الغرفة ويطالع الياهل ويفكر وفي بيت بو بدر شيخة تنزل من سيارتها تركض وهي تصيح تركب الدري تدخل حجرتهم وتصكر الباب وتطيح على الشبرية روضة تطلع من الحمام تطالعها روضة : شو بلاج شويخ شيخة ترفع راسها وتصيح روضة تقعد يمها : وينج تاخرتي وايد ابوي يدور عليج انا وسماح نحاول نغطي بالموضوع شيخة تحضنها وتصيح :ولدي ولدي روضة تخاف : شو بلاه وليد؟ شيخة تحكي لها وهي تصيح روضة تسمعها وهي تصيح معاها شيخة تهز راسها : ما اعرف ليش تطمنت وخليت ولدي عنده روضة : لو نيته مو زينة ماكان ساعدج من البداية شيخة تطالعها : كنت بقعد بس لو ابوي يدري بيعصب روضة : اكيد وعادي يطردج من البيت شيخة تصيح : خايفة على ولدي روضة : ماتخافين اهل ريلج يدورونه شيخة تهز راسها وهي تصيح : بذبحوني تحضن روضة وتصيح روضة تمسح على شعرها وتفكر وفي بيت بو حسن الصالة اللي فوق بشاير تعطي الخدامة الشنطة حسن يطالعها : شنطة منو هاي بشاير : منصور ببات بالمستشفى مع واحد من ربعه ويبي ملابس ومعجونه وفرشاته عبير : ليش ربيعه ياهل بشاير تطالع حسن : يبي يسليه لباجر عبير : وين قاعد بالشاليه؟ بشاير تطالع عبير : انا ارمس حسن لا تقاطعيني عبير : بسم الله كليتني حسن يطالع عبير بعصبية: سيري حجرتج عبير تطالعه بعصبية وتمشي بشاير تهز راسها : منصور فيه شي حسن : مثل شو بشاير : احسه خاش علينا حسن يفكر ويهز راسه : كل شي جايز وفي اليوم الثاني المستشفى منصور نايم على الكرسي تدخل شيخة وروضة الحجرة يشغلون الليت يفتح منصور عينه اشوي اشوي شيخة تقترب من ولدها وتبوسه : وليد حبيبي شخبارك روضة تقترب وهي تطالع منصور مستغربة يوقف منصور مستغرب روضة تطالعه: منصور! منصور يطالعها : روضة ! شيخة تطالعهم : انتوا تعرفون بعض؟ روضة ومنصور يطالعون بعض وشيخة مو فاهمة شو السالفة ياترى شو بيستوي تابعوني | ||||
|
| |
|
| أدوات الموضوع | |
| انواع عرض الموضوع | |
|
|
العرض العادي
