آخر 10 مشاركات
زهر جبينها المكلل- قلوب أحلام غربية (118) [حصريا] للكاتبة Hya Ssin *مميزة ومكتملة* (الكاتـب : Hya ssin - )           »          المز الغامض بسلامته - قلوب أحلام زائرة - للكاتبة Nor BLack *كاملة&الروابط* (الكاتـب : Nor BLack - )           »          مابين الحب والعقاب (6)للرائعة: مورا أسامة *إعادة تنزيل من المقدمة إلى ف5* (الكاتـب : قلوب أحلام - )           »          واثق الخطى ملكاً فى قلبي *مميزة و مكتملة * (الكاتـب : حياتى هى خواتى - )           »          مذكرات مقاتلة شرسة -[فصحى ] الكاتبة //إيمان حسن-مكتملة* (الكاتـب : Just Faith - )           »          رغبات حائرة (168) للكاتبة Heidi Rice .. كاملة مع الروابط (الكاتـب : nagwa_ahmed5 - )           »          دموع زهرة الأوركيديا للكاتبة raja tortorici(( حصرية لروايتي فقط )) مميزة ... مكتملة (الكاتـب : أميرة الحب - )           »          جدران دافئة (2) .. سلسلة مشاعر صادقة (الكاتـب : كلبهار - )           »          أسيـ الغرام ـاد -ج2 من سلسلة أسياد الغرام- لفاتنة الرومانسية: عبير قائــد *مكتملة* (الكاتـب : noor1984 - )           »          قطار الحنين لن يأتي *مميزة و مكتملة* (الكاتـب : رُقيّة - )


العودة   شبكة روايتي الثقافية > قسم الروايات > منتدى قصص من وحي الاعضاء > ارشيف الروايات الطويلة المغلقة غير المكتملة

موضوع مغلق
 
LinkBack أدوات الموضوع انواع عرض الموضوع
قديم 14-07-16, 04:04 AM   #21

خد العروس &
 
الصورة الرمزية خد العروس &

? العضوٌ??? » 376734
?  التسِجيلٌ » Jun 2016
? مشَارَ?اتْي » 414
?  نُقآطِيْ » خد العروس & has a reputation beyond reputeخد العروس & has a reputation beyond reputeخد العروس & has a reputation beyond reputeخد العروس & has a reputation beyond reputeخد العروس & has a reputation beyond reputeخد العروس & has a reputation beyond reputeخد العروس & has a reputation beyond reputeخد العروس & has a reputation beyond reputeخد العروس & has a reputation beyond reputeخد العروس & has a reputation beyond reputeخد العروس & has a reputation beyond repute
افتراضي


تتأمله وهو يلاعب طفلتهما , كم تعشق ملامحه المرحة التي تصبح أكثر مرونة عندما يمزح ويضحك معها وكأنه طفل مثلها , أمسك بها وقذفها عالياً والتقطها وهي تضحك ببراءة , شهقت "نور " بأعلى صوتها : منصوور , شوي شووي على البنت

منصور وهو يضحك : ههههههههههههه خليها مبسوطة
قذفها عالياً مجدداً وصوت ضحكاتها يعلو , شهقت نور بصوت أعلى : منصور , لا ترميها في الهوا كذا , أخاف تطيح
منصور : هههههههههه مابتطيح , ماتشوفينها وهي تضحك , , ابووي هالضحكة
كان سيعاود قذفها في الهواء مجدداً ولكن نور امسكت بيده تمنعه : خلاص منصور , البنت بتطلع مهبولة بسبتك

منصور : لا تصيرين معقدة , عادي خليها تستانس وش صار
نور وهي تأخذ سارا من يده : خلاص يكفي لعب , وأنت مو عندك دوام الحين ؟
منصور : أي , الحين بروح

نور وهي تكره عندما يحين وقت دوامه الليلي : مع اني ما أحب شفت الليل
منصور : شسوي بعد , العمل يتطلب , أوصلك بيت أهلك ؟ لاتقعدين لوحدك في الليل
نور : لا ماله داعي , اصلاً سارا بتنام الحين , وأنا بعد مابطول
طبع قبلة سريعة على وجنتها : يلا مع السلامة , تبغين شي اجيبه معي ؟
نور : سلامتك
امسك بكف سارا : يلا باي يا قمر
سارا وهي تلوح بيدها وتضحك : باي باي

كاد ان يخرج من الشقة ولكنها استوقفته : منصور لحظة
منصور : وش فيه ؟

نور بتردد , ثم قررت أن تنطق أخيراً : منصور طلبتك ,خليني اروح لعند هالة , من طلعت من المستشفى وانا مادري عنها , اكيد قاعدة هناك وخايفة وتفكر ان احنا نسيناها
منصور : نور أنا وش قلت لك من قبل , ما ابغاك تروحين لها , ما أبغى يطلع كلام عليك , خلي الموضوع كله علي وأنا بحله , على الاقل هالفترة بس ما ابغاك تروحين لها
نور : بس
منصور وهو يقترب منها : أنا فيه مرة وعدتك , وما نفذت وعدي ؟ فيه مرة قلت لك كلمة ورجعت فيها؟
نور : لا
منصور : خلاص أجل أنا بحل الموضوع , خلينا اول نعرف مين الا يرسل الصور , ونثبت براءة اختك , بعدين لكل حادث حديث
استسلمت نور له بيأس : طيب
كانت تريد وبشدة أن ترى اختها , تعلم انها خائفة ووحيدة هناك , ولكن في نفس الوقت لا تريد ان تعصي منصور بينما هو يحاول جاهداً مساعدتها


,



في المستشفى

مجتمعات بلابسهن الأبيض ويتحدثن بهدوء ,جنان : اف يا ربي , منحرجة من دكتورة نجلا وبقوة , من ذاك اليوم وهي معاملتها معي زبالة , كأني خدامة عندها ,وكله منك يا منيرة

منيرة : والله ماحد قالك تهايطين وتصدقين حالك , أنا قلت لك ان البنت مجنونة وعقلها مب معها , بس انتي الغرور ذابحك
سلمى : ههههههههههههههه , والله انك خبلة
جنان : بعد انتي استفزيتيني , قلت الا وادخل واغير لها الضمادة , لا واليوم شغلي مع دكتور منصور , حتى هذا انحرجت معه بسبتك , وبسبب كلامك الفاضي
سمية : أي والله فشلة , لقطنا واحنا نتكلم عنه وعن اخت زوجته , الحمد الله ان انا مو ف قسمه
جنان : اف المشكلة اني في قسم الباطنية الزفت , يعني شغلي كله يا مع نجلا والا معاه , مافي دكاترة غيرهم ف هالقسم المعفن
منيرة : فيه دكتور فيصل , رئيس قسم الباطنية , بس هذا ماراح تتعاملين معه كثير , شغله كله ف العمليات

جنان : يا ذا الحظ الخايس , اقول سمية انتي ف أي قسم ؟
سمية : قسم القلب
جنان : حلوو , بدلي معي
سمية : لا ياقلبي وليه أبدل معك , عشان هذا دكتور منصور , لا لا اسمحي لي
جنان : وانتي يا سلمى
سلمى : اسمحي لي انا بعد , انا من شفته ذاك اليوم , وهو معصب ويطالعنا باحتقار , وانا ما اشتهيه , يخوف يلعن شكله
منيرة : والله انه يهبل , هيبة وثقل , اقول جنانوه بدلي معي , انا مع نجلا اليوم
جنان : المشكلة انك معي فنفس القسم , خليني على منصور ولا نجلا العلة , انا ماصدقت افتك منها
سمية وهي تحاول تسكيتهم : بس يا بنات , الدكتور منصور جاي لهنا
سكتن وهنَ ينظرن اليه وهو يسلم على احد الأطباء ثم يدخل الى الغرفة
جنان : شرَف الاخ , يلا اروح اواجه قدري , الله يعدي هالليلة ع خير



طرقت الباب ثم دخلت : السلام عليكم دكتور
كان جالساً على مكتبه وهو يقرأ احدى الملفات بجانبه ممرضة آسيوية : وعليكم السلام
اعطته الملفات التي كانت في يدها : تفضل دكتور , هاذي الملاحظات اللي سجلتها عن المرضى , والتطورات اللي صارت
اخذها ووضعها بجانبه : يعطيك العافية

همست : يعافيك , المريض محمد اللي سويتله عملية المرارة , يطلب يشوفك , يحس بآلام بعد العملية

دكتور منصور وهو يقوم بمكانه وفي يده الملفات التي اعطتهم اياه جنان : انا باخذ لفة على غرف المرضى اللي عندي الحين , وانتي قولي لي المستجدات
جنان : ان شاء الله
خرجا من الغرفة متجهين الى قسم التنويم , وهي تمشي خلفه , وتحدثه بصوت منخفض محرج عن المستجدات

منصور : ما اسمعك , لو سمحتي ارفعي صوتك شوي
كانت تحاول رفع صوتها بقدر ماتستطيع , وهي تشعر بالاحراج منه , وكلما تتذكر الموقف المحرج ,ونظراته المحتقرة لهم , تنحرج أكثر , مضت معه للاطمئنان على المرضى , من غرفة الى غرفة , ومن مريض الى مريض .

,


كان يجلس في غرفته شارد الذهن , كيف تم وضع هالة في الدار بدون أخذ رأيه , عندما وافق والده على اقتراح نور ,لم يكن هناك شيء يفعله سوى تقبل الأمر بالرغم عن أنفه ,انه يشعر أن هالة مثل الشيء المكشوف الذي يجب ان يستر , ويخبأ عن انظار الناس الى الابد , تذكر كيف انه اصبح بلا شفقة وغرس تلك السكين في خصرها , كان ذلك أصعب شيء فعله طيلة حياته , لم يكن يدور في خلده أنه سيتجرد من جميع المشاعر الانسانية ويحاول قتلها , ولكنه فعلها , وكادت أن تموت بسببه

دمعت عينيه وهو يتذكر منظرها وهي غارقة بالدم , " كله منك يا هالة , انتي اللي اجبرتيني , انتي اللي جنيتي على نفسك مو أنا , انتي اللي قتلتي الاخوة والحب اللي ف قلبي لك , حولتيني الى وحش يا هالة , حولتيني الى واحد ثاني ما أعرفه "
,دخلت الى الغرفة , ولاحظت ملامح الحزن والضيق على وجهه ,التي لم تنفك عنه منذ ذلك اليوم المشؤوم
قالت وهي تجلس بجانبه على السرير بتعب : هالحمل متعبني , أعظم من حملي بمحمود
حامد وهو ينظر الى الهنوف : ماعرفتي وش جنس الجنين ؟
الهنوف : لا بدري ,لسا في الشهر الثالث مايبين الحين

حامد بانكسار واضح: خايف تجيني بنت
الهنوف : ليه ؟ وش هالكلام يا حامد
حامد : أخاف تسوي فيني مثل ماسوت هالة
الهنوف : لا تقول هالكلام , احنا بنتنا بنربيها عدل , وو
قاطعها : وش قصدك ؟ يعني هالة ماكانت مربية ؟
الهنوف صمتت ولم تعرف ماتقوله له
صرخ في وجهها : هالة احنا ربيناها احسن تربية
الهنوف وهي تحاول تهدئ الوضع : أدري أدري

صرخ : اسكتي ولا كلمة , تفكريني مبسوط لأني بغيت اذبحها ؟ ,هي اللي اجبرتني , ما كان فيه حل غير هالحل

أكمل بصوت باكي : تراها وصية امي لي , امي قبل لا تموت وصتني عليها , تفكرين سهل علي اني اضربها ؟ والا اطعنها ؟ كل شي صار غصب عني , هالة احنا ماقصرنا عليها ف شي , وربيناها أحسن تربية , وشوفي وش سوت , نزلت راسنا بالأرض , اللا يسوى واللي مايسوى صار يجيب اسمنا بالباطل ,

اقتربت منه وهي تسمع صراخه الهستيري , وكلماته التي تخرج من قلبه بكل حزن وانكسار : حامد سم بالرحمن , ادري ربيتوها احسن تربية , بس الشيطان مامات واحنا غفلنا عنها
حامد : اسكتي , ما ابي اسمع صوتك , هالة هي السبب في كل اللي صار لها , هي اللا جنت على نفسها , ولو يرجع الزمن , كنت بطعنها وبذبحها بعد , وهي السبب

كان الخوف يأكل قلبها وهي ترى حامد الذي لا يهدئ له بال , وحقده وانكساره بسبب هالة , ماذا لو عرف بحقيقة فعلتها ؟ بالطبع لن يرحمها

,

كانت تتقلب على السرير تحاول النوم , تذكرت ذلك القرص اللعين الذي يحتوي على مقاطع لهالة , قررت أن تخفيه عن الجميع , لا احد يجب أن يعرف بأمره , ستتعقد الأمور أكثر ,خاصةً ان عرف حامد ,نظرت الى طفلتها سارا بجانبها , كيف ترقد بهدوء كالملائكة , تمنت لو تستطيع النوم مثلها , سمعت صوت رنين هاتفها على الكومودينة , مدت يدها اليه , وقرأت الأسم على الشاشة , "ياسمين " , رفعته بخوف أن يكون قد حدث شيء سيء لهالة

نور : مرحبا ياسمين
ياسمين : اهلين نور
نور : خير ؟ هالة فيها شي
ياسمين : امم والله مادري وش اقولك , البنت مكتئبة لاتاكل ولا تشرب ولا تنام , انتي ليه ماتجين لها
نور : والله ماقدر , انا ابغى اجي بس ماقدر
ياسمين : البنت تحتاجكم حولها , حالتها صعبة , حرام عليك
نور : أنا بحاول اجي , والحل الحين يا ياسمين , انا خايفة عليها
ياسمين : انا برتب لها موعد مع الطبيبة النفسية اللي في الدار , بس المشكلة ان الحين اجازة وهي ماتداوم , بس بكلمها
نور : جزاك الله خير , وانا بحاول ان اجي
ياسمين : الله يسلمك , مع السلامة

اغلقت الهاتف , والقت برأسها على الوسادة , وقلبها يعتصر على هالة , " افف منصور , كله منك , يعني وش بصير لو رحت شفتها ورجعت , راسك يابس مافي فايدة "

,



في المستشفى , وفي غرفة أحد المرضى , كانت تحاول غرس ابرة المغذي في ساعد طفل مريض في التاسعة من عمره , ولكن عروقه الصغيرة لم تكن واضحة لها , فوضعت الإبرة في المكان الخطأ , فصرخ الطفل من الألم , جنان : بس حبيبي , الحين بخلص
كان منصور يراقبها بنفاذ صبر , وهو ينتظرها ان تنتهي , فقد مر من الوقت الكافي لتنجز هذه المهمة السهلة , ولكنها تضيع الوقت , : لو سمحتي بعدي شوي , أنا بركب له المغذي

جنان : لا دكتور , الحين بخلص ماله داعي
منصور : وين تخلصين ؟ وانتي مو عارفة كيف تدخلين الابرة يكفي بعدي عورتي الولد
جنان وقد أحمَر وجهها من الخجل : عروقه مب اضحة
منصور بتنهيدة ملل : انا مادري كيف وظفوك هنا , لو سمحتي بعدي شوي خلينا نخلص

ابتعدت عن الطفل والاحراج يكاد يقتلها , شعرت بنفسها وكأنها غبية بجانبه , امسك منصور بساعد الطفل وادخل الابرة ببراعة , ولم يأخذ منه ذلك ثواني ,
منصور وهو يبتسم للطفل : آسف حبيبي , اذا عورتك الممرضة
الطفل : أي الغبية عورتني , ما ابغاها تلمسني مررة ثانية
تمنت جنان في هذه اللحظة لو تستطيع ضرب ذلك الصغير , كيف يجرؤ بنعتها بالغبية , تمنت لو ان الأرض تنشق وتبلعها وهي ترى الدكتور منصور يحاول كتم ضحكته ,

خرج من الغرفة وتبعته , انتهى من تفقد جميع المرضى الذي يشرف على حالتهم الآن , نظر الى ساعته التي كانت تشير الى العاشرة والنصف ,
جنان : دكتور , الحين وش اسوي ؟

منصور بدون أن ينظر اليها : روحي شوفي التحاليل للمريض اللي ف غرفة 5 خلصت والا لا, بكرة عنده عملية, راقبي حالته
جنان : ان شاء الله دكتور

انصرفت عنه , وذهب هو الى عيادته وجلس على الكرسي , وامسك بهاتفه ليجري مكالمة مع سلطان ,هذه المرة الثالثة التي يكلمه فيها , وفي كل مرة كان يغير اقواله , وكأنه يتجنب الحديث معه ,راودته الشكوك اتجاهه وشعر انه يحاول اخفاء شيء ما , جاءه صوت سلطان المرتبك : الو مرحبا

منصور :اهلاً سلطان , اسمع انا احسك ما قلت لي القصة كاملة , مرة تقول الظرف شفته على سيارتك وانت طالع من شغلك , مرة تقول ان الفيديو وصلك على جوالك , مرة م على ايميلك , ومرة مادري ايش , خليك واضح معي ياخي لاتقعد تلف وتدور

سلطان : انا ما الف وادور , هذا اللي صار وانا قلته لك
منصور : كلامك مايدخل العقل ياخي , اسمع انا قلت احل الموضوع بهدوء معك , بس انت مو راضي , الشرطة بتجي تاخذ اقوالك , وكلامك هذا مابيمشي عليهم

سلطان بارتباك : انا ماعندي شي اخبيه , وروحوا لمو فضيحة بنتكم بعيد عندي
منصور وغضب من كلماته الوقحة : الزم حدوك معي وتكلم مثل الناس

سلطان : انا اللي عندي قلته , تصدق ما تصدق , هاذي مشكلتك انت
اغلق الخط , وهو يتنهد , لا يريد ان يكبر الموضوع أكثر , و ما الحلقة الناقصة التي يخفيها سلطان ؟

,
يتبع




خد العروس & غير متواجد حالياً  
قديم 14-07-16, 04:06 AM   #22

خد العروس &
 
الصورة الرمزية خد العروس &

? العضوٌ??? » 376734
?  التسِجيلٌ » Jun 2016
? مشَارَ?اتْي » 414
?  نُقآطِيْ » خد العروس & has a reputation beyond reputeخد العروس & has a reputation beyond reputeخد العروس & has a reputation beyond reputeخد العروس & has a reputation beyond reputeخد العروس & has a reputation beyond reputeخد العروس & has a reputation beyond reputeخد العروس & has a reputation beyond reputeخد العروس & has a reputation beyond reputeخد العروس & has a reputation beyond reputeخد العروس & has a reputation beyond reputeخد العروس & has a reputation beyond repute
افتراضي

,


بعد ان انهى مكالمته مع منصور , أخذ نفساً عميقاً , لعن الساعة التي خطب فيها تلك الفتاة التي لم تجلب له إلَا المشاكل , لم تكن تعنيه شيئاً , لم تكن الا الفتاة التي اختارتها امه له , لا ينكر انه أُعجب بها عندما رآها اثناء النظرة الشرعية ,ولكنه الآن يتمنى لو أنه لم يعرفها , لقد أصبحت مثل اللعنة التي التصقت به , ولا تجلب له إلا الحظ العاثر , كان يماطل مع منصور الى ان يحين موعد سفره , ثم سيسافر ويترك كل شيء خلفه , ولن ولم يعلم منصور بالسر الذي يخفيه عن الجميع , لن يعلم عن تلك المرأة التي سلمته القرص , لن يعلم ابداً .
جاءه أحد اصحابه , حيث انه اجتمع معهم في مزرعة والده ليودعوه قبل سفره , : سليطن , وينك اختفيت ؟ , تعال الشباب ينتظروك

سلطان : يلا الحين جاي

دخل الى ذلك المجلس الواسع , حيث كان العشرات من أصاحبه يتبادلون الحديث فيه , تعجَب من وجود وليد الجالس في الزاوية وهو يقابله بابتسامة عريضة , قام من مكانه واتجه الى سلطان وصافحه بقوة : هلا والله بالحبيب

سلطان : هلا فيك , تفضل ,تفضل
ومرَ الوقت , بالأحاديث والدعابات الطريفة بينهم , لم يتوقع سلطان ان يحضر وليد هذه الليلة , لقد كان صديقه المقرَب , ولكن الخلافات الاخيرة التي حصلت بينهما , وترت العلاقة بينهما, وليد وهو يرفع صوته ممازحاً : وبعدين ما قلت لي كيف تصرفتوا بالعرس والمعازيم يا سلطان

توتر سلطان من سؤاله : مادري , بس حلينا الموضوع
وليد : ههههههههههههه يا انه هالبنت نكبتكم نكبة
لم يكن الموضوع مضحكاً , ولكنه كان يتعمَد احراج سلطان الذي كان من الواضح انه يتجنب الحديث حول ذلك الموضوع

ابو حنان وهو يهمس في اذن وليد : غيَر السالفة , الجو صار متوتر
وليد : ههههههههههههه , ليش انا متحمس لهالموضوع بالذات , وش شعورك يا سلطان بعد اللي صار ؟
سلطان : اسكت يا وليد دام النفس عليك طيبة

تكلم واحد من الشباب : استهدو بالله يا شباب , لا تكبروا الموضوع

سلطان : خلي هذا ال#### يحترم نفسه
وليد : ههههههههههه هذا جزاء اعمالك يا سلطان , انت ماخليت بنت ف حالها , صحيح ان الدنيا دوارة
سلطان ولم يتحمل اسلوب وليد الاستفزازي فقام له ومسكه من قميصه : انت ليه جاي هنا ؟ وش تبغى بالضبط

وليد وهو يبعد يدي سلطان عنه : جاي اودعك قبل لا تسافر , والله بتوحشنا يا سليطن , يا

قاطعه : جاي تتشمت فيني يا ####ت

لكمه بقوة على وجهه , اغلق وليد وجهه بألم ثم نهض من على الأرض وابتسم بتحدي ,وردَ لسلطان الضربة بضربتين , واشتعل الشجار بينهما , بينما يحاول البقية الفكاك بينهما

,

ما اشد براءتي حين توهمت في صغري اني سأفرح حين أكبر

أسدل الليل ستاره , ونامت جميع الأعين حولي , وبقيت عيناي مستيقظتان في الظلام ,كل ما أشتاق اليه يعيش بعيداً عني , أحاول النوم مثلهم , ولكن الأرق كان يزورني كل ليلة , كلما اغمضت عيني لفترة علَني أنام واغفو , تنرسم صورة اهلي في عقلي الملتوي , ابي الذي خرَ طريحاً مريضاً بسببي , وسقطت دموعه لأول مرة بسببي , واخي الذي لم أعرفه إلا حنوناً استباح دمي وحاول قتلي , نور وليلى الَتان تخلتا عني , أنا استحق الموت , حرَمت كل شيء عنِي , لن اكل ولن اشرب ولن انام الى ان يوافيني الأجل , فأنا استحق الموت ,ولكن قبل ان اموت اريد حلاً للأحجية التي في داخلي , العقدة العمياء , التي كلما حاولت فكها , تتعقد أكثر


,



كانت تجلس في غرفتها , المطلية باللون الرمادي , واثاثها الأسود الفخم ,تلقت مكالمة من والدتها , نظرت الى الساعة المعلقة على الحائط ,وكانت تشير الى الواحدة بعد منتصف الليل , ما الذي تريده في هذا الوقت المتأخر , تنهدت بسأم ,بالتأكيد ستنهال عليها بالشتائم مثل كل مرة , رفعت الخط بهدوء : هلا يومه
الأم : الو مروة
مروة : نعم يومه
الأم : شوفي يا بلوى , انا قالت لي الريم باللي صار , قولي لأخوك الغبي يبعد عن بنتي , واللا والله راح تشوفون شي مايسركم يا ###خ
مروة ببرود : طيب وانا شدخلني ؟
الام : انتي اساس البلا , انتي اللي عرفتيهم ببعض , وخليتي اختك تتعلق فيه , انتي يا غلطة عمري يا الشاذة , مايجي وراك الا المصايب والبلاوي , انتم شتبغون من بنتي ؟؟؟
انقلعو من حياتنا , والله تعبنا وطفشنا , بعدوا وسخكم عنا وا

اغلقت مروة الخط في وجهها , هذه امها وهذه طريقة تعاملها منذ ان عرفتها , امها التي تخلت عنها وهي في التاسعة من عمرها , وتركت تربيتها لعمها , لم تعد تهتم بكلامها الآن لقد تجاوزت هذه المرحلة منذ زمن طويل

فتح أحدهم لباب بقوة , نظرت الى وليد , وكان وجهه مليء بالكدمات , وشفته السفلى تنزف , مروة باستغراب : وش في وجهك ؟ مع من متطاقق هالمرة
جلس على السرير وقال بقهر : سلطان الحيوان
مروة وهي تومئ برأسها بأسف : انت ماتقدر تقعد بدون مشاكل ؟ ,مو هو كان بسافر , ليه تروح له ؟

وليد وهو ينظر اليها : لما كنتي في الشاليه , فيه واحد كان جايب معه خمر , تكلمتي معه ؟

مروة وهي تتذكر : ايي هذاك الطويل , أي وهزأته وقلت له لا يجيب خمور معه مرة ثانية

نهض وهو يصرخ : وليه تتدخلين ؟ وبعدين كيف تطلعين له بدون غطا ؟؟ الرجال فكرك ولد عمي , انا كم مرة قايل لك , لما نكون هنا في السعودية , استري نفسك
مروة ببرود : صوتك هذا مايرتفع علي ياوليد , وانت آخر واحد تكلمني عن تغطي وما تغطي , فاهم ؟؟ هههههههههههههه ودام انه فكرني ولد ليه اتغطى ؟

وليد ولازالت نبرة صوته مرتفعة : ما ابغى اشوفك في الشاليه مرة ثانية
مروة ورفعت صوتها : اذا صار باسمك تعال كلمني , رووح يا وليد عن وجهي , انت معصب من سلطان وجاي تطلع حرتك فيني , وانا مالي خلقك, امي كلمت من شوي ودرت عن اللي سويته في الريم

وليد وهدأ قليلاً : وش تقول امك
مروة : تقولك بعد عن الريم

وليد وهو يضحك بجنون : هههههههههههههه حامض على بوزك انتي واياها ,ابعد عنها انا حطيتها هي وزوجها في راسي , وراح العب فيهم لعب
مروة : اطلع برا , اطلع عن غرفتي ما ابغى اشوف وجهك ,روح دور لك احد تتطاقق معه غيري , ,والا اقولك ,روح اشرب في هالخمر لين ماتفطس

,



بزغ فجر يوم جديد , قامت من سريرها بعد ليلة طويلة لم تنم فيها بسبب قلقها وتفكيرها في هالة , لم تكن تغيب عن بالها لحظة , وتفكر في كلام ياسمين ويزداد خوفها أكثر ,قامت وتوضأت وصلَت الفجر , ودعت القدير أن يلطف بأختها ,ويرحمها ويحفظها من كل سوء , كانت تؤمن بأن دعوة الفجر مستجابة ,بعد ان فرغت من مناجاة ربها , سمعت صوتاً خارج الغرفة , فعلمت انه منصور قد عاد من عمله, خرجت ورأته مستلقياً على الأريكة بتعب , جلست بجانبه ووضعت رأسها على صدره : شكلك تعبان , يعطيك العافية

منصور : أي والله , المناوبة في الليل تهلك
نور : صليت ؟
منصور : أي صليت
نور ويدها تلعب في ازرار قميصه : بكرة متى دوامك ؟
منصور : بكرة بس عندي عملية الظهر
نور: وبتتأخر ؟
منصور : أي , العملية تاخذ من ست الى تسع ساعات , ليه تسألين ؟
نور : بس

كانت تفكر باستغلال وقت غيابه , بالذهاب الى هالة بدون علمه , تعلم انه سيرفض مجددا ان اخبرته , فقررت ان تذهب بدون علمه و اذنه


,

استيقظ من نومه على صوت المنبه , حيث كانت الساعة السابعة صباحاً , ربت على ظهر ليلى النائمة بجواره : ليلى ماعندك دوام اليوم ؟

ليلى وهي شبه نائمة : لا محاضرات اليوم كلها انلغت
كان يوسف يعمل في مهنة توصيل الطالبات الى جانب مهنته الأخرى لذلك سألها : والبنات اللي معك ؟
ليلى : حتى هم ما بداومون
يوسف : متأكده
ليلى وهي تتثاءب : أي متأكدة كلمتهم كلهم أمس

قام من سريره وتركها تكمل نومها , خرج من شقته الكائنة في الدور الثالث من منزل اهله , ونزل من السلم متجهاً الى المطبخ حيث كانت والدته , يوسف وهو يفتح الثلاجة :
صباح الخير يومه
ام يوسف التي كانت منشغلة باعداد الفطور : صباح النور
يوسف وهو يغلق الثلاجة ,وقد أخذ زجاجة الحليب في يده : يوومه ممكن اطلب منك طلب
ام يوسف : قول وش تبغى
يوسف : ياريت تخفين على ليلى شوي , لا تسألينها عن اختها واهلها , تتضايق

ام يوسف : اييي , الحمد الله اللي عافانا من ما ابتلاهم , هاذيك البنت الا ماينسمع لها حس , شوف وش طلعت , صحيح يا ما تحت السواهي دواهي , وانت كنت تبغى تخطبها , الحمد لله اني ماسمعت كلامك , كان الحين ابتلشنا فيها

يوسف : هالموضوع صار له زمان يا يومه , تكفين انسيه , ما ابغى ليلى تعرف اني كنت ابغى اخطب اختها قبلها , بتزعل

ام يوسف : لا تخاف سرك ف بير , ناقصين احنا بعد
يوسف : ها يومه , وش قلتي ؟ خففي على ليلى شوي , اللي صار لهم مو قليل
ام يوسف وهي تغلق باب المطبخ : يوسف أنا ابغى اكلمك ف موضوع مهم ما يتأجل
يوسف بخوف : وش فيه يومه ؟

ام يوسف : بعد الي صار مع هالة , المفروض ماتخلي ليلى على ذمتك , لازم تطلقها , مو بعيدة تطلع فاجرة مثل اختها

يوسف بصدمة : يومه وش قاعدة تقولين ؟
ام يوسف : أي لا تنسى ان العرق دساس والتربية وحدة , وهاذي اختها كانت في كل مكان ماخذتها معها , تتذكر , كانت كله تطلع معها , انا اخاف تكون مثلها واللا اردى منها , , لازم تطلقها يا يوسف وتحافظ على سمعة هالبيت , لا تنسى انت عندك خوات

يوسف وهو لم يصدق ما يسمعه , رفع صوته : يوومه حرام عليك ,انتي قاعدة تقذفينها , لاتظلمينها , تراها زوجتي وما ارضى عليها

ام يوسف : اسمع كلامي , واترك عنك العواطف , هذا شرف وسمعة مو لعبة

يوسف : يمه أنا بعتبر هالكلام ماصار بينا , وبسوي نفسي ماسمعت وسكري هالموضوع ولا تفتحينه مرة ثانية , انا احب زوجتي وواثق فيها وماراح اطلقها

خرج من المطبخ وصعد السلالم قاصداً شقته , لم يعجبه كلام والدته واغضبه , يعلم جيداً ان ليلى ليست كما تقول , ولن يفكر بها ابداً بتلك الطريقة



,


حلَّ الصباح وأنا بكامل استغرابي .. كيف لحياتي أن تسير بهذهِ السهولة بينما قلبي لا يحتمل كل هذا , منذ ان قدمت الى هذه الدار الكئيبة وانا احاول حل الاحجية داخلي ,حتى عجزت عنها , لا استطيع , وجدت مقصاً بجانبي , امسكت به , وخطوت بقدمي نحو المرآة في الحمام , نظرت الى انعكاس صورتي في المرآة,
ملامحي التعيسة , عيناي المحمرتان من عدم النوم ,
عظام وجنتي اصبحت بارزة من اضرابي عن الطعام , وشفتي ذابلتان من قلة الماء , لقد تغيَرت تماماً , لم أعد انا , شعري الطويل هو الشيء الوحيد الذي لم يتغير فيَ , امسكت بالمقص واخذت اقصه بعشوائية , يجب ان تكتمل الصورة , لا اريد أي شيء من الماضي , لا اريد ان اعرفني , نظرت الي شعري المتناثر اغلبه على الأرض , وشعرت بالدوَار يسلب مني طاقتي , وخارت قوايَ , وسقطت على الأرض ولم اعي شيئاً بعدها


حزنٌ في داخلي , يجتاحني , يسممني
شعور لم أِشعر به من قبل
وكأن العالم كله قد انهار , وأنا تحته
في لحظة واحدة , الاحلام والوعود الجميلة تختفي
هل حقاً كلماتهم وقبلاتهم كانت كذباً ؟
الوحدة تعيش في كل زاوية مني , الرياح تهب على وجهي والى قلبي
أين أنا ؟ وأين هم ؟
أنا في الفراغ منذ أن كل شيء أصبح مرهقاً
لم أعد اؤمن بالبشر , ولا بالحب , ولم يعد يعنيني أحد

انتهى


اتمنى اشوف تحليلاتكم ونقاشكم معي لكي اتطور أكثر , واستفيد من آراءكم
قراءة ممتعة


خد العروس & غير متواجد حالياً  
قديم 14-07-16, 05:54 AM   #23

عبيركك

نجم روايتي وفراشة الروايات المنقولة

 
الصورة الرمزية عبيركك

? العضوٌ??? » 308350
?  التسِجيلٌ » Nov 2013
? مشَارَ?اتْي » 7,127
?  نُقآطِيْ » عبيركك has a reputation beyond reputeعبيركك has a reputation beyond reputeعبيركك has a reputation beyond reputeعبيركك has a reputation beyond reputeعبيركك has a reputation beyond reputeعبيركك has a reputation beyond reputeعبيركك has a reputation beyond reputeعبيركك has a reputation beyond reputeعبيركك has a reputation beyond reputeعبيركك has a reputation beyond reputeعبيركك has a reputation beyond repute
افتراضي

تالمت كثير على الظلم الذي حل على هاله احاول ان اعرف غريمها لم اصل لنتيجه زوجه اخوها مشتركه بالموضوع ولكن واضح ان هناك من اجبرها هاله الان ببيت الرعايه واستغربت وجود بيت للبنات المرفوضين من اهلهم واعتقد ان هذا شى جيد وخاصه اذا كان هناك من ظلمهم مجتمعهم وياما بالسجن مظاليم ياسمين ماهو سر اهتمامها بهاله وعينيها بمن تذكرها هل ياسمين كانت معجبه بحامد لان اكيد هناك شبه بين الاخوه ليلى وحب يوسف الوهمي لها قبل الزواج ولكن واضح انه احبها بعد الزواج صراحه شكيت انه يمكن ان يكون له يد بالموضوع ولكن كلامه مع امه ابعده عن الشبهه بس الخوف ان تاثر امه عليه ويطلق ليلى وينزرع الشك براسه نور هل ستغامر وتذهب لمقابله هاله فتخسر ثقه منصور بها اظن انك محضره لهل الاثنين مصيبه وحاسه ان وجود الممرضه لهدف والخوف ان يتزوجها منصور على نور سلطان لماذا يخفي حقيقه المراه التي اعطته السيدي هل عرفها وطلبت منه كتمان امرها اسرار كثيره تحيط بموضوع هاله ولكن احد الان لم نضع يدنا على طرف السر لما حصل معها ناتي لوليد وتصرفه مع ريم بالرغم من انه تم انقاذه عن طريق مروى ولكنه مصر على تخريب حياه ريم هل بالفعل هو يحبها ومستعد ان يتزوج بها حتى لو كانت مطلقه ام ان مايفعله لانها الوحيده التى تركته مروى هل طريقه حياته بسبب رفض امها ومعاملته السيئه لها وهل هي شاذه ام تلبس لبس الشواذ البارت كثير حلو وبتمنى تحددي موعد مشان ننتبه على نزول البارت على فكره اسلوبك جدا حميل وطريقه سرد الاحداث رائع

عبيركك غير متواجد حالياً  
التوقيع
قديم 15-07-16, 03:27 AM   #24

عبيركك

نجم روايتي وفراشة الروايات المنقولة

 
الصورة الرمزية عبيركك

? العضوٌ??? » 308350
?  التسِجيلٌ » Nov 2013
? مشَارَ?اتْي » 7,127
?  نُقآطِيْ » عبيركك has a reputation beyond reputeعبيركك has a reputation beyond reputeعبيركك has a reputation beyond reputeعبيركك has a reputation beyond reputeعبيركك has a reputation beyond reputeعبيركك has a reputation beyond reputeعبيركك has a reputation beyond reputeعبيركك has a reputation beyond reputeعبيركك has a reputation beyond reputeعبيركك has a reputation beyond reputeعبيركك has a reputation beyond repute
افتراضي



عبيركك غير متواجد حالياً  
التوقيع
قديم 15-07-16, 07:37 AM   #25

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



السلام عليكم ورحمة الله وبركاته
أهلا ومرحبا بك خد العروس في روايتي
إنت هنا وأنا مدري عنك هههههه

بارت إبداع ومشبع تسسلم يمينك اسلوبك رااائع

ههههه هذا ثاني توقع يصيب معي الاول لما ذكرت إن الهنوف لها يد في اللي حصل لهاله
والثاني لما ذكرت إن المرأه اللي كلمتها الهنوف وآذت هاله
تحب سلطان وسعت لوقف زواجه من هاله أو تعرضت
للأذى من سلطان وحبت تنتقم منه والبارت هذا اثبت
صحة كلامي يالله فين النجوم خد العروس ههههه
وش رأيك بدل النجوم تكون الهديه بارت في نصف الأسبوع


منصور عداه العيب وإن شاء الله يلحق الحقير سلطان قبل مايسافر ويوصل للحقيقه عن طريقه لكن أظن براءة هالة مطوله
لازم يترك نور تزور هاله وتتكلم معها وتعرف منها معلومات تساعد في الوصول لبراءتها


هاله ضعيفه راحت ضحية أفعال سلطان مع بنات الناس
الله ينصرها عليهم وتظهر براءتها
هاله لازم ماتستسلم وتحاول تفكر بعمق وتتذكرمتى لبست اللبس اللي في الصور وفين لعلها تربط الأحداث مع بعضها وتوصل لخيط يوصلها لإكتشاف المكيده والمدبر لها


يوسف الحمد لله إنه إنسان طيب رغم إنه ماكان بيخطب
ليلي لكن تعامله معها راااائع وبالمثل دفاعه عنها
هالحين عرفنا ليه ماكانت ردة فعل يوسف مثل ردت فعل
منصور لماحصلت مشكلة هاله

الهنوف حسبي الله عليها متى بيصحى ضميرها اتمنى
يسمعها زوجها وهي تتكلم مع المرأه اللي دبرت مكيدة هاله
ياويلها من حامد لما يعرف الحقيقه طلاقها اقل شيء بيسويه
لأنها دمرت سمعت العائله وتسببت في أذيته لأخته اللي يحبها
خان وصية أمه له بالأهتمام بها

اتوقع هاله أغمي عليها لأنها ماتأكل ولا تنام

منتظرين بقية الأحداث بفارغ الصبر



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


قديم 17-07-16, 09:37 AM   #26

خد العروس &
 
الصورة الرمزية خد العروس &

? العضوٌ??? » 376734
?  التسِجيلٌ » Jun 2016
? مشَارَ?اتْي » 414
?  نُقآطِيْ » خد العروس & has a reputation beyond reputeخد العروس & has a reputation beyond reputeخد العروس & has a reputation beyond reputeخد العروس & has a reputation beyond reputeخد العروس & has a reputation beyond reputeخد العروس & has a reputation beyond reputeخد العروس & has a reputation beyond reputeخد العروس & has a reputation beyond reputeخد العروس & has a reputation beyond reputeخد العروس & has a reputation beyond reputeخد العروس & has a reputation beyond repute
افتراضي

اقتباس:
المشاركة الأصلية كتبت بواسطة عبيركك مشاهدة المشاركة
تالمت كثير على الظلم الذي حل على هاله احاول ان اعرف غريمها لم اصل لنتيجه زوجه اخوها مشتركه بالموضوع ولكن واضح ان هناك من اجبرها هاله الان ببيت الرعايه واستغربت وجود بيت للبنات المرفوضين من اهلهم واعتقد ان هذا شى جيد وخاصه اذا كان هناك من ظلمهم مجتمعهم وياما بالسجن مظاليم ياسمين ماهو سر اهتمامها بهاله وعينيها بمن تذكرها هل ياسمين كانت معجبه بحامد لان اكيد هناك شبه بين الاخوه ليلى وحب يوسف الوهمي لها قبل الزواج ولكن واضح انه احبها بعد الزواج صراحه شكيت انه يمكن ان يكون له يد بالموضوع ولكن كلامه مع امه ابعده عن الشبهه بس الخوف ان تاثر امه عليه ويطلق ليلى وينزرع الشك براسه نور هل ستغامر وتذهب لمقابله هاله فتخسر ثقه منصور بها اظن انك محضره لهل الاثنين مصيبه وحاسه ان وجود الممرضه لهدف والخوف ان يتزوجها منصور على نور سلطان لماذا يخفي حقيقه المراه التي اعطته السيدي هل عرفها وطلبت منه كتمان امرها اسرار كثيره تحيط بموضوع هاله ولكن احد الان لم نضع يدنا على طرف السر لما حصل معها ناتي لوليد وتصرفه مع ريم بالرغم من انه تم انقاذه عن طريق مروى ولكنه مصر على تخريب حياه ريم هل بالفعل هو يحبها ومستعد ان يتزوج بها حتى لو كانت مطلقه ام ان مايفعله لانها الوحيده التى تركته مروى هل طريقه حياته بسبب رفض امها ومعاملته السيئه لها وهل هي شاذه ام تلبس لبس الشواذ البارت كثير حلو وبتمنى تحددي موعد مشان ننتبه على نزول البارت على فكره اسلوبك جدا حميل وطريقه سرد الاحداث رائع
يعجبني تحليلك للي اكتبه حبيبتي
احياناً احسك تقرين أفكاري
ان شاء الله راح التزم معكم كل اربعاء راح يكون بارت
تسلمي عزيزتي على الاطراء الجميل وان شاء الله يتطور اسلوبي اكثر


خد العروس & غير متواجد حالياً  
قديم 17-07-16, 09:42 AM   #27

خد العروس &
 
الصورة الرمزية خد العروس &

? العضوٌ??? » 376734
?  التسِجيلٌ » Jun 2016
? مشَارَ?اتْي » 414
?  نُقآطِيْ » خد العروس & has a reputation beyond reputeخد العروس & has a reputation beyond reputeخد العروس & has a reputation beyond reputeخد العروس & has a reputation beyond reputeخد العروس & has a reputation beyond reputeخد العروس & has a reputation beyond reputeخد العروس & has a reputation beyond reputeخد العروس & has a reputation beyond reputeخد العروس & has a reputation beyond reputeخد العروس & has a reputation beyond reputeخد العروس & has a reputation beyond repute
افتراضي

اقتباس:
المشاركة الأصلية كتبت بواسطة فيتامين سي مشاهدة المشاركة


السلام عليكم ورحمة الله وبركاته
أهلا ومرحبا بك خد العروس في روايتي
إنت هنا وأنا مدري عنك هههههه

بارت إبداع ومشبع تسسلم يمينك اسلوبك رااائع

ههههه هذا ثاني توقع يصيب معي الاول لما ذكرت إن الهنوف لها يد في اللي حصل لهاله
والثاني لما ذكرت إن المرأه اللي كلمتها الهنوف وآذت هاله
تحب سلطان وسعت لوقف زواجه من هاله أو تعرضت
للأذى من سلطان وحبت تنتقم منه والبارت هذا اثبت
صحة كلامي يالله فين النجوم خد العروس ههههه
وش رأيك بدل النجوم تكون الهديه بارت في نصف الأسبوع


منصور عداه العيب وإن شاء الله يلحق الحقير سلطان قبل مايسافر ويوصل للحقيقه عن طريقه لكن أظن براءة هالة مطوله
لازم يترك نور تزور هاله وتتكلم معها وتعرف منها معلومات تساعد في الوصول لبراءتها


هاله ضعيفه راحت ضحية أفعال سلطان مع بنات الناس
الله ينصرها عليهم وتظهر براءتها
هاله لازم ماتستسلم وتحاول تفكر بعمق وتتذكرمتى لبست اللبس اللي في الصور وفين لعلها تربط الأحداث مع بعضها وتوصل لخيط يوصلها لإكتشاف المكيده والمدبر لها


يوسف الحمد لله إنه إنسان طيب رغم إنه ماكان بيخطب
ليلي لكن تعامله معها راااائع وبالمثل دفاعه عنها
هالحين عرفنا ليه ماكانت ردة فعل يوسف مثل ردت فعل
منصور لماحصلت مشكلة هاله

الهنوف حسبي الله عليها متى بيصحى ضميرها اتمنى
يسمعها زوجها وهي تتكلم مع المرأه اللي دبرت مكيدة هاله
ياويلها من حامد لما يعرف الحقيقه طلاقها اقل شيء بيسويه
لأنها دمرت سمعت العائله وتسببت في أذيته لأخته اللي يحبها
خان وصية أمه له بالأهتمام بها

اتوقع هاله أغمي عليها لأنها ماتأكل ولا تنام

منتظرين بقية الأحداث بفارغ الصبر

وعليكم السلام
هههههههههههه أي في كل مكان اطلع لك ناشبة لك في كل حتة
مثل ماقلت لك هونيك توقعك الثاني مو شرط يكون صح , كلام وليد مو دليل
بالنسبة لرد فعل يوسف ليش غير عن منصور , لأن منصور كان كأن في وجه المدفع بسبب وجود هالة في المستشفى اللي يشتغل فيه و معرفته بعائلة سلطان غير طبيعة منصور العصبي عكس يوسف الهادئ والمتفهم

البارت كل ربووع ان شاء الله


خد العروس & غير متواجد حالياً  
قديم 21-07-16, 06:20 PM   #28

خد العروس &
 
الصورة الرمزية خد العروس &

? العضوٌ??? » 376734
?  التسِجيلٌ » Jun 2016
? مشَارَ?اتْي » 414
?  نُقآطِيْ » خد العروس & has a reputation beyond reputeخد العروس & has a reputation beyond reputeخد العروس & has a reputation beyond reputeخد العروس & has a reputation beyond reputeخد العروس & has a reputation beyond reputeخد العروس & has a reputation beyond reputeخد العروس & has a reputation beyond reputeخد العروس & has a reputation beyond reputeخد العروس & has a reputation beyond reputeخد العروس & has a reputation beyond reputeخد العروس & has a reputation beyond repute
افتراضي


الفصل الرابع
ما بين جرح وجرح ينبت الأمل


وضعوني في إنـاءْ
ثُمّ قالوا لي : تأقلَـمْ
وأنا لَستُ بماءْ
أنا من طينِ السّمـاءْ
وإذا ضـاقَ إنائـي بنمـوّي
..يتحطّمْ !


أحسست بأحدهم يمسك يدي ويضغط عليها بقوة , وصوت اعرفه أو كنت اعرفه يتردد على مسمعي , اعتقدت انني أحلم , فتحت عيني ببطء , لم يكن ما أراه واضحاً , اشعر بالتشويش في عيني , وكأن غمامة تحجب عنِّي الرؤية ,بدأت الصورة تتضح شيئاً فشيئاً , تلك الملامح المألوفة لي , الملامح التي أعرفها جيداً , أتراها هي ؟ , هل أنا أتخيل مجدداً ,همست بصوتي الضعيف اريد ان أتأكد مما تراه عيني : نور , انتي نور ؟
جاءني صوتها الحنون ليأكد لي شكوكي : بسم الله عليك , هالة تسمعيني ؟
انها نور , انها حقَّاً اختي نور , رفعت بجسدي بصعوبة ,فاحتضنتني ,وذلك ذكَّرني بدفء حضن أمي , تمنيت ان لا تنتهي تلك اللحظات ابداً, قلت من بين دموعي : نور ليه تأخرتي ؟ ليه تركتوني هنا ورحتو عني ؟ نور انا ماسويت شي غلط وربي , اقسم بالله ماسويت شي , نور ابوي شلونه ؟ قولي له اني ماسويت شي , هذا مو انا اللي في الصور , مو أنا ,نور تكفين صدقيني , تكفين نور
ابعدتني عنها لتمسح دموعي عن وجهي , وكانت تبكي مثلي : مصدقتك بدون ماتقولين , والله مصدقتك
كلماتها أراحتني , وازالت جزءً ضئيلاً من آلامي المتراكمة , قلت وانا مغمورة بالخوف والقلق على ابي المريض : ابوي ؟ شخباره ؟
نور : لا تخافين , ابوي بخير
تنهدت بارتياح بالغ : نور ما قدر اعيش بدونكم , خذيني معك تكفين
نور : ما اقدر هالة , واخاف ترجعين البيت حامد يسوي فيك شي
صرخت : يعني ابوي بعده مو راضي عني ؟ قولي له لايصدق الصور مو حقي , وحامد بعده يبغى يذبحني ؟ طيب وليلى ؟ ليه ماجت معك ؟ حتى هي مصدقة ؟
ارتبكت وحاولت تهدئتي : هالة خليك قوية , كله شهر او شهرين بالكثير لين ماتهدى الأمور شوي وبجي اطلعك من هنا
لم تجاوب على اسئلتي , ففهمت من ارتباكها ان توقعاتي صحيحة , لقد تخلو عني جميعاً وصدقوا تلك الكذبة ,حتى ليلى توأم روحي لم تعد تريدني
صرخت بأعلى صوتي : الصور مو لي , ليه ماتفهمون ؟ ليه ماتفهمون ؟ الصور مو لي , والله انا ماسويت شي , ليه ماتصدقوني
أنا ما أقدر اعيش وابوي مو راضي عني , ما اقدر اعيش بعيد عنكم ماقدر ,ليه ماتفهمون ؟ ما اقدر اعيش لوحدي , لا تظلموني , الصور مو لي
امسكت بيديها وانا لازلت اصرخ : ليه ما تركتيني اموت ؟ انا المفروض كنت أموت في ذيك الليلة ليه ما خليتيني أموت ؟
صرخت في وجهي : اذا كنتي بريئة تصرفي على هالأساس , ربي كتب لك عمر جديد عشان تثبتين براءتك للكل ,انتي اقوى من كل شي يجيك , , انتي اقوى من كلم هم ومن كل مشكلة , لا تخليهم يحكمون عليك بشي انتي ماسويتيه , اذا كنتي مظلومة وبريئة تصرفي على الأساس , ربك ما خلق عبد ونساه ,
قلت بصوت مهزوز: بس ما اقدر لحالي
نور : تقدرين , خليك واثقة من نفسك , وانا ما بتركك , منصور يحاول يوصل الى اللي رسل الصور , وان شاء الله نوصل له , وانتي في هالمدة , خليك قوية ولا تخيبين ظني فيك , ادري صعب , بس لازم تحاربي عشان شرفك وكرامتك .
كلامها أثر في نفسي , أجل يجب علي ان احارب لأجل شرفي , يجب علي ان اثق بها , واصبح قوية ولا استسلم , و " ربي ماخلق عبد ونساه " ولكن هل يمكنني فعلها وحدي ؟ هل يمكنني التحمل ؟ وانا منفية ومنبوذة من جميع من احببتهم


خَيَّروني
بَيْنَ مَوتٍ وَبَقاءْ
بينَ أن أرقُـصَ فوقَ الحَبْلِ
أو أرقُصَ تحتَ الحبلِ
فاخترتُ البقـاءْ
قُلتُ : أُعـدَمْ.
فاخنقـوا بالحبلِ صوتَ الَببَّغـاءْ
وأمِـدّوني بصمـتٍ أَبَـديٍّ يتكلّمْ !
* أحمد مطر


,


كان جالساً الى جانب مريضه الستيني "ابو سالم " , يطمئنه ويشرح له سير العملية مجدداً, كانت عملية استئصال ورم في البنكرياس , وكانت تشكل لمنصور تحدياً , قال المريض بشيء من الخوف : انت سويت هالعملية من قبل يادكتور ؟
منصور : سويتها خمس مرات من قبل
ابو سالم : ونجحت في كل هالخمس مرات ؟
منصور : نجحت ثلاث مرات ومرتين لا
ابو سالم : بس هالمرة بتنجح صح ؟
منصور : انا بسوي كل اللي اقدر عليه يا ابو سالم , ان شاء الله هاذي تكون المرة الرابعة اللي انجح فيها فهالعملية
ابو سالم : ان شاء الله
منصور بابتسامة :العملية صعبة وخطيرة يا ابو سالم , واسألك مرة ثانية اذا كنت مصر على انك تسويها , تقدر تكمل علاجك على الكيماوي
ابو سالم : لا يا ولدي , انا ما ابغى اعيش طول عمري على الكيماوي خلاص اذا الله كاتب لي اعيش بعيش ان شاء الله , بس هذا البلا الكيماوي ما اقدر اعيش عليه طول عمري , توكل على الله يا دكتور
منصور : اجل توكلنا على الله , اشوفك في غرفة العمليات
كان ابن المريض سالم واقفاً بجانب والده , تحدث مع منصور بعد ان خرجا من الغرفة : اوعدني يا دكتور ان كل شي بصير مثل ماهو مخطط له
منصور : انا اوعدك اني بسوي كل شي اقدر عليه , اكثر من كذا ما اقدر , ان شاء الله كلشي يمشي مثل ماخططنا
سالم : انا متوكل على الله ثم عليك يا دكتور
منصور : ان شاء الله اكون عند حسن ظنك
كانت بجانبه الممرضة منيرة تساعده في هذا اليوم , ولا تنفك عن اسلوبها المبالغ في مدح الدكتور منصور امام المرضى , منيرة : الدكتور منصور من احسن الدكاترة هنا في المستشفى
تجاهلها منصور بعد أن ابتسم لسالم بودية , يكره هذا النوع من الممرضات , وجه مليء بالمساحيق . نصف شعرها مكشوف , فرقعة العلك في فمها بطريقة ملفتة , مشيتها المغرية بصوت كعبها العالي ,طريقة كلامها المثيرة بصوتها المتصنع وضحكتها المرتفعة ورائحة عطرها القوية , كان يحاول تجنبها بقدر ما يستطيع , ويحاول ان لا ينظر اليها وهو يحتقرها في داخله , اما هي فكانت " ناشبة له في كل مكان "

قال لها بحزم : روحي جهزي المريض للعملية , ولو سمحتي اسلوبك معي قدام المرضى ما ابغى يكون كذا
منيرة بدلع : ههههههههههه كيف يعني ؟
منصور : المدح اللي ماله داعي و كلامك الكثير في غير العمل , هالاسلوب انا اتضايق منه , فخلينا متفاهمين من البداية أحسن
منيرة ولم يعجبها ما سمعته منه : طيب انا بروح اجهز المريض فيه شي اسويه قبل ؟
منصور وهو يلتفت عنها : لا
مشى عنها وامسك هاتفه المحمول ليجري مكالمة سريعة مع ابن عمه الذي له علاقات مهمة وعديدة مع الجهات المسؤولة لمثل قضية هالة : الو السلام عليكم , مرحبا يا ابو سعود شخبارك
ابو سعود : حياك الله يا دكتورنا , الله يسلمك
منصور : وش صار على الموضوع اللي قلت لك عليه
ابو سعود : الموضوع صعب يا منصور , انت ماقلت لي المقطع اللي انرسل للبنت وش فيه بالضبط ؟
منصور وانحرج من سؤاله : صور خاصة للبنت , بس وش فيه بالضبط ما ادري
ابو سعود : لازم نعرف بالضبط وش في الفيديو عشان نعرف نتصرف , ونعرف نحلل المكان اللي صوروا فيه , واذا كان فيه احد معاها او لا
منصور : والله ما ادري يا ابو سعود , انا ما ابغى افضح البنت اكثر يكفي اللي صار
ابو سعود : لا تخاف كلشي راح يكون بسرية ان شاء الله , بس نحتاج معلومات اكثر , انت ارسل لي رقم هذا سلطان , وان شاء الله خير , ماقلت لي فيه احد مع البنت في الصور
منصور : والله مادري , انا ماشفتهم , يعطيك العافية يا ابو سعود وما تقصر
انهى المكالمة بالشكر والامتنان لابو سعود , ينتابه الكثير من الإحراج عندما يتحدث مع احدهم في هذا الموضوع المخجل , ولكنه وعد نور ويجب ان لا يتراجع في ذلك, ولأجل عين تكرم ألف عين

,


اتناول طعامي وأنا اجلس على سريري في الغرفة المخصصة لي , بعد ان اجبرتني نور على تناوله , اشعر بالضعف والتعب في جميع جسدي , كانت نور ترتب ملابسي التي احضرتها معها في الخزانة , وانا افكر في كلامها الذي قالته لي منذ قليل , متى لبست ذلك الثوب الأحمر القصير ؟ وماذا عن السلسال الذهبي المعلق عليه اسمي ؟ ذلك السلسال الذي كان لا يفارق عنقي ثم اختفى فجأة , ولا أذكر بالضبط متى ضاع مني , كل ما اتذكره انه اختفى بعد حفلة زواج حضرتها مع الهنوف وليلى , بحثت عنه كثيراً ولم أجد له أثر , اما بالنسبة الى ذلك الثوب الأحمر , فقد كنت البسه كثيراً ولا يمكنني ان احدد بالضبط المناسبات التي لبسته فيها , اقتربت مني نور بعد ان انتهت من ترتيب الخزانة : رتبت لك الخزانة وحطيت لك المستلزمات الشخصية في الدرج الأخير , اذا احتجتي شي كلمي ياسمين , وكملي صحنك تبغين تموتين من الجوع انتي ؟
قلت لها وقد مللت من تناول هذا الحساء : بس خلاص شبعت
نور : هالة لا تخليني اقلق عليك واحاتيك , لازم تقوي نفسك وتاكلين وتهتمين بنفسك
رددت بانصياع : طيب
نور : تذكرتي شي عن ذاك اليوم ؟
أنا : لا بس اتذكر اني ضيعت السلسال لما كنت طالعة مع ليلى والهنوف في زواج
نور : زواج مين ؟
أنا : زواج اقرباء الهنوف وكانو حاجزين ليلى وشلتها عشان التصوير فاضطرينا نقعد لنهاية الزواج
نور : ووين كان هذا الزواج ؟ في صالة والا فندق ؟
حاولت التذكر وبعد فترة من التفكير الطويل : كأن في الشيراتون بس مو متأكده , ليه تتوقعين هالشي له علاقة بالصور
نور : مادري والله , ماني شايفة لهالموضوع حل , وصايرة اشك في كلشي وف الكل
بعد ان انهيت طعامي , القيت بجسدي الضعيف على حضن اختي واستسلمت للنوم , وانا اشعر بالأمان والراحة بوجود اختي الى جانبي , تمنيت لو ان بامكانها ان تبقى معي الى الأبد



,

يقلب صورها المخزنة في جواله , ذكريات على شكل صور تجمعهما معاً , "الريم " حب الطفولة والمراهقة , لا يعلم في قرارة نفسه ان كان حباً حقيقياً ام انه حب التملك فقط . في البداية كانت تتجاهله وتتجنبه وتحب ان تحرجه وتدعي أنها تكرهه وهذا ما جعله يتعلق بها أكثر , كان مهووساً مولعاً بها وبجمالها الأخَّاذ , كانت آية من الفتنة والجمال , استدرجها ولاحقها الى أن وقعت اخيراً في حبه , ومضى معها ايام وليالي لا تتكرر , ولكن الخيانة كانت تجري في عروقه فخانها مرة ومرتين وثلاث بل أكثر , وعرفت بقباحة فعلته , وكانت ردة فعلها مبالغة بعض الشيء , اذ انها قررت الانتقام منه بالمثل , فادعت على انها مع علاقة بصديقه المقرب سلطان الذي لم يكن يعلم بنيتها الكاذبة , فاشتعلت المشاكل بينهما حتى انها وصلت الى سلطان الذي يعتبر ضحية في هذه الحكاية , عرف بكذبها بعد ان تأخر الأمر وبعد ان ازدادت الامور سوءً بتصرفاته الطائشة المجنونة الذي هدمت كل شيء , اراد اصلاح الأمر بخطبتها من ابيها ولكن والده كان من أول المعارضين بسبب حسابات قديمة ودفتر لم يغلق مع والد الريم , وانتهى الأمر بزواجها من خالد , كيف لها ان تتركه وتذهب لغيره بهذه البساطة ؟ وهو وليد محطِّم القلوب , كيف تجرأت بجرح كبرياءه وكرامته وهو الذي احبها لدرجة انه اراد ان يتزوجها , وهذا لم يحدث ابداً في جميع علاقاته السابقة , هي الوحيدة التي شغلت عقله وقلبه ثم هجرته دون ان تلتفت وراءها
فكَّر بخبث , ماذا سيحدث لو أن زوجها خالد رأى هذه الصور , ابتسم ابتسامة رضا وهو يتخيل كيف سيكون موقفه اتجاه هذه الصور الحميمة التي تجمعهما , وهو يملك رقمه ايضاً , يمكنه بضغطة زر ان يفسد زواجها وينهي كل شيء , ولكن لحظة !!!!! لن ينتهي كل شيء بهذه البساطة , يجب ان يتخذ خطواته بهدوء وبذكاء , انه ينوي ان يعذبها اولاً خطوة بخطوة الى ان يصل الى هدفه , لن يستعجل الأمر , سيترك هذه الصور الى النهاية , فهناك خطوات كثيرة ستسبق هذه الصور ,
قطع حبل افكاره القذر وخططه الحقيرة صوت ابو حنان المزعج : وليدوه قووم خل نسبح في البحر الجو حلوو
وليد وهو يخفي شاشة جواله بيده عن ابو حنان الجالس بجواره : اقول انت متى بتطس ديرتك وتفكنا , تراك اقرفتني
ابو حنان : هههههههههههههههه ليه مليت مني ؟ والا عشان الشاليه ؟ شسوي بعد اتحملني ماعندي مكان اقعد فيه الا هني , يعني تبيني اقعد في فندق و ولد خالتي وليدوه موجود
وليد : لا يكثر بس , حدك اليوم وبكرة وبعدين روح طس ديرتك ولا تنسى البضاعة
ابو حنان : ابشر يا الحبيب , وهو يغمز له : ناوي تجيب احد هنيه عشان جذيه تصرفني صح ؟ شكلك تبي ترجع حق الايام الخوالي
وليد : مو شغلك , اجيب بنات لهنا ما اجيب , هذا مو شغلك يا صاحبي
ابو حنان : طيب ليش ما تيي معاي الكويت ؟ امك ولهانة عليك كله تسألني عنك
وليد : والله انا بعد ولهان عليها بس مالي خلق اشوف الخروف زوجها, اخر مرة رحت لهم كان شوي ويطردني من البيت
ابو حنان : زوجها مسافر على حسب علمي , تعال بتاخذ راحتك
وليد : يصير خير


,

في تلك الغرفة الخضراء ,الهادئة , الباردة , المليئة بالأجهزة , وحيث الجميع بالزي الأخضر الموحد , قناع الوجه , والقبعات الخاصة ,ملتفين حول ذلك الجسد الممدد باستسلام على طاولة الجراحة ,يرأسهم الدكتور منصور , وهو يحرك يديه داخل ذلك البطن المفتوح , حيث ان الأعضاء الداخلية واضحة له , ويستهدف عدوه الورم الملتف حول رأس البنكرياس , مضت ثلاث ساعات وهو يحارب هذا الورم العنيد , وهو يقوم باستئصاله جزئياً بشتى الطرق المتطورة , سمع صوت ذلك الجهاز المزعج ينبأه بأن ضغط الدم يتضاءل وأن القلب على وشك ان يتوقف عن النبض , حاول بكل جهده ان يمنع حدوث هذا , لا يجب ان يخسر مريضه , ليس الآن , ولكن القلب توقف , حاول أن ينعشه بضربه على صدره بجهاز الإنعاش , مرة ومرتين وثلاث واربع , مرت خمس دقائق وهو على هذا الحال , وهو لازال يضرب على صدره بأمل ان يعود هذا القلب للنبض مجدداً , استوقفه الجراح المساعد : دكتور خلاص , مرت اكثر من خمس دقايق , انتهى موضوعه
استسلم منصور بيأس , نظر الى هذا الجسد المدد الذي انتزعت الحياة منه للتو , واصبح جثة هامدة لا روح فيه : وقت الوفاة 3:33 دقيقة
تذكر عيني ابو سالم التان تشعان امل في الحياة , وكيف ان ابنه سالم كان واثقاً به , والآن انتهى كل شيء , من اقسى اللحظات وأمرها على الطبيب عندما يفقد مريضه , حتى لو لو كان يعلم جيداً بأنه ليس السبب في ذلك , لقد فعل كل ما كان يستطيع لإنقاذ ذلك المريض ولكن بلا جدوى , خرج من غرفة العمليات ليقابل سالم الذي كان ينتظر بخوف وقلق على والده
سالم وهو يركض الى منصور : وش صار يا دكتور ؟ انت قلت ان العملية بتاخذ من ست الى تسع ساعات ولسا بس مرت ثلاث
منصور بتأثر : أنا آسف يا سالم , انا سويت كل شي أقدر عليه بس الوالد عطاك عمره
سالم سلبت الصدمة ملامحه وضاقت الدنيا به , جلس على الكرسي والألم يعتصره من الداخل وهو يردد : لا حول ولا قوة الا بالله , انا لله وانا اليه راجعون
انصرف منصور عنه بعد ان حاول التخفيف عنه ببعض عبارات التعزية , كان دائماً يتعامل مع مرضاه على انهم من افراد عائلته , ويشعر بالحزن والألم عند فقدان أحدهم , ولكنه كان يحافظ على برودة اعصابه , تساءل في نفسه ان كان في وسعه ان يفعل أكثر من ما فعل , وذلك السؤال المؤلم هل كان عليه ان يجري تلك العملية ؟ أخذ يلوم نفسه وضميره يؤنبه , لم يكن يجب عليه ان يقوم بهذه العملية حتى لو أصر عليه المريض .

كان الدكتور فيصل "رئيس قسم الباطنية " يبحث عن منصور , فوجده جالساً على الكراسي الملتصقة في الجدار في احدى الأروقة القريبة من غرف العمليات : لا تلوم نفسك يا منصور , انت سويت كل اللي تقدر عليه .
رفع منصور رأسه ليجد ذلك الرجل ذو اللحية البيضاء , الدكتور فيصل , الذي يكن له كل احترام وتقدير ويعتبره معلمه الذي اكتسب منه خبرته : ما كان المفروض اسوي هالعملية , الرجال كبير في السن وما يتحمل , كان المفروض اعراضه
الدكتور فيصل وهو يجلس بجانب منصور : هاذي كانت رغبة المريض يا منصور , وكان عنده نسبة حلوة ان العملية تنجح , بس انت عارف مو كل شي يمشي مثل ماخططنا له
منصور : احس اني سرقت منه هالكم شهر اللي كان بيعيشهم مع اهله , عارف ان الأعمار بيد الله ولا اعتراض على حكمه , بس ضميري يأنبني
الدكتور فيصل بتفهم : انا حاس فيك , هاذي المرحلة كلنا نمر فيها اذا خسرنا أي مريض , وهذا اللي يخلينا احنا , هاذي المشاعر هي اللي تحيي الانسانية اللي فينا , على كثر مانشوف الموت هنا الا ان هالمشاعر هي اللي تخلينا نواصل ونتعلم من اخطاءنا , ربت على ظهر منصور : بس مايصير نخلي هالمشاعر تتغلب علينا لأن فيه كثير مرضى ينتظرونا يا ولدي ,
منصور : معاك حق يا دكتور
الدكتور فيصل : انت الحين قوم روح البيت وريح نفسك , واللا اقولك , لا تجي المستشفى هاليومين أنا بتكفل بمرضاك وبدبر امورك هنا
منصور وهو يبتسم : لا يا دكتور شدعوة , مايصير هالكلام , انا اقدر اقوم بشغلي مافي داعي , انت لا تتعب نفسك
الدكتور فيصل : انت كم صار لك ما اخذت اجازة ؟ كلها يومين عادي , انت روح خذ زوجتك وبنتك واطلع معاهم وغير جو , الواحد لازم يحتاج فترة نقاهة بين كل مدة
منصور : لا يا دكتور مايصير لا تحرجني
الدكتور فيصل يقاطعه : اسمع الكلام ولا تجادلني , انا رئيسك في العمل وهذا امر مو طلب , واحنا مابينا هالرسميات انت مثل ولدي , ولازم تحتاج فترة راحة , واهلك ليهم حق عليك يا منصور مايصير كله شغل وبس
منصور وهو يبستم : أمرك يا دكتور , تسلم وما تقصر
كان الدكتور فيصل بالنسبة لمنصور رئيسه ومعلمه بل حتى انه يعتبره صديق له , كان مثال للطبيب الماهر المحترم ذو الخبرة الواسعة , ويعتبره منصور قدوة له في عمله

يتبع

,


خد العروس & غير متواجد حالياً  
قديم 21-07-16, 06:21 PM   #29

خد العروس &
 
الصورة الرمزية خد العروس &

? العضوٌ??? » 376734
?  التسِجيلٌ » Jun 2016
? مشَارَ?اتْي » 414
?  نُقآطِيْ » خد العروس & has a reputation beyond reputeخد العروس & has a reputation beyond reputeخد العروس & has a reputation beyond reputeخد العروس & has a reputation beyond reputeخد العروس & has a reputation beyond reputeخد العروس & has a reputation beyond reputeخد العروس & has a reputation beyond reputeخد العروس & has a reputation beyond reputeخد العروس & has a reputation beyond reputeخد العروس & has a reputation beyond reputeخد العروس & has a reputation beyond repute
افتراضي

في شقتها الصغيرة , تحمل في يديها ابنة اختها سارا , وتلاعبها بمرح , ويجلس بجانبها زوجها وهو يحاول ان يجعل وجهه مضحكاً لإضحاكها , ليلى وهي تضحك : ههههههههههه وش ذا الوجه ؟ انت تبي تضحكها والا تخوفها ؟
يوسف وهو يعيد ملامحه الى طبيعتها : هههههههه ليه ماتضحك ؟ , أمسك بخدها وهو يجره بخفة : اضحكي يلا اضحكي
تغيرت ملامح سارا وتقوس فمها وتدلت شفتيها واخذت تبكي , ليلى بعتاب : يووووسف !!!!!!! تراها بزر بسرعة تتألم
يوسف وهو يضع يديه خلف رأسه : ما ادري والله ما ادري
ليلى وهي تحتضن سارا : بس يا روح خالتك , عمو يوسف ما يقصد , مايقصد ياخالتو , بس يا حبيبي بس
يوسف بابتسامة : اقول ليوول , تدرين وش تخيلت
ليلى وهي لازالت تحاول اسكات سارا : وشو ؟
يوسف : تخيلتها بنتنا , متى يصير عندنا مثلها ؟
ليلى : بدررري على هالكلام , تونا ماصار لنا خمس شهور من تزوجنا
يوسف : ستة شهور
ليلى : هههههههه لا فرقت الحين , اصبر يا حبيبي انا عندي دراستي وما ابغى شي يشغلني , وبعدين أنا لسا صغيرة ع هالسوالف
يوسف باستنكار : وش صغيرة ؟!!!!! وش كبرك , كبر البقرة
ليلى وهي تنظر اليه بحدة : أنا بقرة
يوسف : لا تغيرين كلامي , أنا قلت قد البقرة , يعني وش كبرك وش زينك , كبيرة وقادرة على الانجاب
ليلى : اقول حبيبي اترك عنك هالسوالف , وبيبي الحين احلم فيه , الأحلام ببلاش
اعطته سارا بعد أن هدأت : امسك ولا تصيحها مثل قبل شوي ,و باروح اكلم نور اشوفها ليه تأخرت
يوسف وهو يحمل سارا : وليه تعجلينها خليها على راحتها , مبسوطين مع هالحلوة , خليني اشبع مشاعر الابوه اللي داخلي اللي انتي حارمتني منها
ليلى : لا يكثر بس, قال مشاعر الابوه قال
وابتعدت عنهما ورفعت جوالها لتجري مكالمة مع نور
نور : الو ليلى
ليلى : هلا نور , متى بتجين
نور : ليه فيه شي ؟ عسى مو بس سارا مضايقتكم
ليلى : لا شدعوة , مثل العسل على قلبي هالبنت , ولو تشوفي يوسف طااير فيها , بس تعرفين عندي جلسة تصوير الليلة , وابغى اجهز ادواتي قبل لا اروح
نور : ان شاء الله ساعة زمان وانا عندك
ليلى : طيب
نور : يلا اخليك مع السلا
قاطعتها ليلى بتردد قبل ان تغلق الخط : كيف هالة ؟
نور : الحمد الله صارت احسن , نزل ضغطها بسبب قلة الأكل وطاحت عليهم , بس الحمد الله صارت زينة
حمدت ربها في داخلها ثم جاءها صوت نور : ليلى ليه ماتجين تشوفينها ؟
ليلى : لا ما اقدر , احس اذا شفتها بنفجر فيها وهي مو ناقصة
نور : طيب يلا باي , بحاول ما اتأخر عليك

اغلقت المكالمة ومشاعر مختلطة تراودها , لا تعلم ان كانت محبة ام كره وحقد , ولكنها كانت قلقة على هالة حقاً


,


وصل بسيارته الى منزل أهل زوجته , يريد أن يرى عائلته الصغيرة علَّه يرتاح قليلاً من تأنيب الضمير , لقد اخبرته نور هذا الصباح انها ستكون في بيت عائلتها , وأن السائق من سيتكفل بتوصيلها , كم مر من الوقت على آخر مرة خرج فيها معهم الى احد الأماكن الترفيهية , فكر لو انه يصحبهما الى البحرين , سيفرغ نفسه لهم في هاذين اليومين , ستفرح نور كثيراً بهذا , ترجَّل من سيارته , ودق الجرس , انتظر عدة دقائق الى ان خرج له ابو حامد
منصور : السلام عليكم , شخبارك يا عمي ان شاء الله طيب
ابو حامد : وعليكم السلام , الحمد الله , الله يسلمك , تفضل
منصور : لا انا بس جاي اخذ نور
ابو حامد باستغراب : بس نور ماجت عندنا اليوم
منصور باستغراب أكبر : كييف ؟ بس هي قالت لي انها بتجي عندكم
ابو حامد : لا والله ماجت , انت متأكد؟
منصور : أي بس شكلها غيرت رايها
ابو حامد : تفضل يا ولدي البيت بيتك
منصور يعتذر : لا مشكور يا عمي خليها مرة ثانية
ابو حامد بإصرار : مايصير يا ولدي دامك وصلت لعند الباب لازم تدخل
منصور : تسلم يا عمي وماتقصر بس انا توني جاي من العمل وتعبان , ان شاء الله مرة ثانية أنا و نور نجي نزوركم
ابو حامد : على راحتك

قاد سيارته وهو مشغول البال على نور , خاف ان يكون قد حدث لها مكروه منعها من الذهاب , ولماذا غيرت رأيها ولم تذهب , ولكنه تفاجأ عندما رجع الى شقته بعدم وجودها فيها , اخذت الشكوك تراوده والأفكار تأتي به يمنةً ويسرى , الى اين ذهبت بدون علمه ؟


,


بعد ان احتضنتني لتودعني , وأنا اترجاها ان تبقى معي قليلاً , فلم اشبع من رؤيتها بعد , ولازلت اشعر بالغربة والوحدة هنا , قلت لها برجاء : خليك بعد معي شوي
نور : ما اقدر يا هالة , تركت سارا مع ليلى ولازم ارجع الحين
- طيب متى بتجين مرة ثانية ؟
نور : ما ادري
هالة بصوت باكي : كيف ما تدرين ؟ نور انا مالي غيرك
نور وهي تمسك كف اختها : هالة انا وش قلت لك ؟ خليك قوية وصبورة , كل شي بمر صدقيني , اوعدك ان شهر او شهرين بالكثير وراح اطلعك من هنا , انا ما راح اتركك لو وش يصير
قلت لها باستسلام : ان شاء الله
نور : ما ابي اشوف دموع خلاص يلا وريني ابتسامتك
ابتسمت لها واحتضنتي لآخر مرة وخرجت عني , وعدت نفسي اني سألتزم بكلماتها لي ولن اخيب ظنها , وجودها معي أراحني كثيراً وأعاد لي الأمل
,

كانت ياسمين جالسة في مكتبها انتبهت لنور وهي تنزل من الدرج وتتجه الى الباب الخارجي فنادتها : نور نوور
نور وهي تلتفت لها : ياسمين
ياسمين : كيف اختك ؟ ان شاء الله صارت احسن
نور : أي الحمد لله احسن بكثير , هالة امانة عندك يا ياسمين
ياسمين : لا تخافي عليها , تراها في ايدي امينة , بس انتي لا تقطعينها وتعالي لها بين كل فترة
نور : ان شاء الله اقدر , امانة اذا صار شي تكلميني
ياسمين : أي اكيد
بعد ان خرجت نور , عادت الى مكتبها وهي شاردة الذهن , كيف يمكن لهؤلاء الناس ان يتجردوا من كل شيء ويتركوا فلذات أكبادهم في هذا المكان , حتى ولو أخطأن , فالجميع يخطأ ولماذا يسجنَ هنا لمجرد ذنب واحد , لازلن صغيرات على هذا العقاب , أمسكت ببعض الملفات التي على مكتبها وأخذت تتصفحها , قالت لناهد التي تجلس في المكتب المجاور لها : ناهد هاذي الملفات ليه ما خلصتيها ؟ أنا عطيتك اياها أمس
ناهد : انا قلت لك ان عندي شغلي وما اقدر
تأففت بملل ونادت على ام حمزة , ام حمزة : نعم يا استاذة ياسمين
ياسمين : ام حمزة نادي لي شمس , وبسرعة
خرجت ام حمزة وبعد عدة دقائق , جاءت تلك الفتاة ذو الشعر الناعم القصير والوجه الدائري الصغير : نعم استاذة ياسمين
ياسمين وهي تؤشر : شموسة حبيبتي تعالي ساعديني ف هالملفات , انتي شاطرة وتفهمين ف كل شي , ومنها تسليني مرة وحدة
جاءت شمس وقد أعجبها ان تساعد ياسمين في عملها , جلست بجانبها وأخذت تقرأ في الملفات الى جانب ياسمين التي تنصت اليها
ناهد وهي مصدومة من تصرف ياسمين : انت وش قاعدة تسوين يا ياسمين ؟ هاذي الملفات خاصة مايصير البنت تطلع عليها
ياسمين : لا تتدخلي يا ناهد , مو انتي قلتي ان هذا شغلي ومو شغلك , اجل خليني اسويه بالطريقة اللي تعجبني وتريحني
ناهد لم يعجبها الوضع أبداً ولكنها صمتت فلا يمكنها ان تجاري او تعارض ياسمين أبداً

,

كان الحزن والألم يغمرانها ولكنها كانت تحاول اخفاءه عن هالة , كيف بإمكان اختها الصغيرة العيش في ذلك المكان الموحش ؟ وكأنها مذنبة وسجنت , لن تسامح من كان السبب في اذية اختها مهما كان , كانت طفلتها تغفو على صدرها بهدوء , مسحت على رأسها بحنان , " الله يحفظك ولا يراويني فيك سوء يابنتي , هالزمن يخوف ماعدنا نميز فيه بين العدو والصديق " وصلت الى مواقف العمارة وتفاجأت من وجود سيَّارة منصور في احداها , نزلت من السيارة بحذر لكي لا توقظ سارا , دخلت الى العمارة وفتحت قفل باب الشقة , حيث كان منصور ينتظرها , قالت بهدوء : السلام عليكم
لم يرد عليها السلام وكانت ملامح وجهه غريبة , استغربت من وضعه ولكنها لم تعلق واتجهت الى غرفتها لتضع سارا في مهدها , وقام من مكانه وتبعها , دخل الى الغرفة واغلق الباب خلفه, قال بنبرة هادئة : شخبار ابوك ؟ ان شاء الله تحسنت حالته
نور وهي تغطي سارا : أي الحمد الله صار احسن ويسلم عليك وحتى حامد قال لي اوصل لك سلامه
منصور : الله يسلمك
نور وهي لازالت مشغولة بترتيب مهد سارا : اليوم سارا لعبت مع محمود لين ما قالت بس , وشكلها تعبت كثير يا قلبي عليها
اقترب منها أكثر ونظر في وجهها : عسى ما نامت وهي جوعانة بس
نور : لا أكلتها , وتغذينا في بيت أهلي الحمد لله , لو ادري انك بترجع بدري كان جهزت لك الغذا قبل لا أطلع
ابتعدت عنه قليلاً ونزعت عباءتها عنها , قالت وهي تعلق العباءة على الشمَّاعة : ما قلت لي ليه رجعت بدري ؟ مو انت قلت ان العملية بتطول
منصور : المريض توفى
التفت له نور وقالت بتأثر : اوه الله يرحمه ويجعل مثواه الجنة
اقتربت منه واحتضنته : حبيبي عشان كذا وجهك مقلوب ومو على بعضك , لا تضايق نفسك انت أكيد سويت كل شي تقدر عليه
نظر الى رأسها على صدره , كيف يمكنها ان تستمر في الكذب بكل أريحية ومن متى كانت تستخدم لغة الكذب معه , ابعدها عنه وقد ضاق بها ذرعاً , اضمحلت ابتسامتها وهي تنظر الى ملامح وجهه القاسية ويده التي تضغط على ذراعها ولم يكن منصور هادئاً كما يبدو : وش فيك منصور ؟
كان يكاد يختنق من الغضب الذي في داخله : من متى وانتِ تكذبين علي يا نور ؟
أنزلت رأسها ولم تنطق بكلمه , فضغط على ذراعها بقوة أكبر : ارفعي راسك وحطي عينك في عيني , وقولي من متى وانتي تستغفليني
رفعت رأسها ونظرت الى عينيه المحتدتين ببرود استفزَّه : انت اللي اجبرتني على الكذب , وانا كنت عند هالة
تراخت قبضته من ذراعها وقال وهو يغمض عينيه يحاول السيطرة على اعصابه المشدودة : وليه الكذب ؟
نور : لأني أعرف انك عنت بترفض وبتعاند مثل كل مرة
فتح عينيه ونظر اليها بعينيه الملتهبتين : ودام عارفة اني برفض ليه تروحين لها ؟ ليه تطلعين من وراي ؟
نور : هاذي اختي يا منصور وأنا ما بتركها , وانت الا اجبرتني بعنادك اني اروح لها من وراك
منصور : بعنادي ؟ انا اعاندك ؟ انا كنت احاول اساعدك يا نور وانتِ كسرتي كلمتي وطلعتي بدون أذني وكذبتي علي وفوق هذا كله قاعدة بكل وقاحة تردين ف وجهي , هاذي جزاتي ؟
نور : آسفة بس أنا ما اقدر اترك اختي وانت ما تركت لي خيار ثاني , اتصلوا لي من الدار انها تعبانة وتحتاجني كيف تبغاني اتركها ؟
منصور وانفلتت منه صرخة : عساها تموت , هذا مايبرر لك اللي سويتيه
نور : أنا اختي ما بتركها , حتى لو كانت غلطانة وكانت الصور صحيحة ما بتركها , هاذي وصية أمي لي , ومهما كان الغلط الي ارتكبته بأوقف معاها وما بتركها لو وش يصير
منصور وازاد غضبه أكثر وكان الدم يغلي في عروقه : يعني فيه احتمال تكون اختك غلطانة , فيه احتمال تكون اختك غلطانة وتاركتني مثل الغبي اترجى الناس يساعدوني عشانها ,
نور : انا ماقلت انها غلطانة اختي بريئة وانا متأكدة من هالشي بس حتى لو كانت غلطانة كنت بوقف معها يا منصور
قال بلهجة قاطعة قاسية أفحمتها : أنا كنت احرج نفسي واكلم هذا الخايس سلطان واتحمل اهاناته عشانك وماتركت واحد يقدر يساعدني الا وكلمته عن فضيحة اختك ونزلت بكرامتي الأرض عشانك , كان الموضوع يحرجني ويضايقني وكنت اسكت واتحمل وماكل خ### عشانك ,
لم تعرف ماتقوله ولكن عصبيته وصراخه عليها آلمها , لم تعد تتحمل أكثر , يكفي , لقد تحملت عصبيته وصراخه كثيراً ولكن يكفي , فتحت باب الغرفة وخرجت عنه وتركته يصرخ وحده
ارتفع صوته أكثر : لما أنا اتكلم توقفين وتسمعين وش اقوله , مو تمشين عني وش قلة الأدب هاذي
لم تجبه وأكملت طريقها فصرخ مزمجراً باسمها : نووور
انزلت رأسها وقالت بصوت ضعيف : عمرك ما راح تتغير يا منصور , عمرك ماراح تتعلم كيف تكلمني على اني زوجتك وتترك عنك هالصراخ , انت ليه ماتثبت على موقف واحد ؟ ليه تعطيني أمل وتعشمني وبعدها تعايرني في اللي سويته لي ؟ قلت لك ان هالشي صار غصب عني ليه ماتفهم
اقترب منها وامسكها من ذراعها ولفها اليه ليتقابل وجهه بوجهها , كانت انفاسه الحارة تلفع وجهها : الحين صرت أنا الغلطان ؟
قالت وقد ارتفعت نبرة صوتها : مليت من هالعصبية ومن اسلوبك المستفز معي مليييت وتعبت
تركها وأخذ يبحث في الادراج , كانت حالته العدوانية تدفعه لعمل أي شيء , ولم يكن واعياً لما يفعله من غضبه , كذبها وخداعها وتمردها عليه وانكارها له اغضبه , ولقد تمادت كثيراً هذه المرة , اخرج ذلك القرص ووضعه في الحاسوب وهي تنظر له بذهول : منصور وش تسوي ؟
كان يريد ان يقطع الشك باليقين , فُتِح ذلك المقطع الذي كانت تخفيه عن الجميع , وأمام مرأى عينيه كانت هالة تتراقص على ألحان صخبة وبجانبها ذلك الشاب المغطى على وجهه, نظر اليها باحتقار : هاذي العفيفة الطاهرة اللي كسرتي كلمتي عشانها ؟ هاذي اللي خليتيني مثل الغبي احاول ابرئها واساعدها ؟
اقتربت منه وقد تساقطت دموعها على خديها , كيف يجرؤ بأن يفتح ذلك المقطع ويرى اختها , لم تحتمل نظرات الاحتقار والاستهزاء في عينيه , وتمردت عليه بصفعة على وجهه , تلك الصفعة كانت تحمل جميع مشاعرها المكبوتة , لا تعلم من أين أتتها تلك الجرأة لتفعلها , أما هو فلم يصدق ما فعلته زوجته للتو , وضع يده على لحيته الخفيفة , يتحسس أثار اصابعها عليه , كانت عيناه تتطاير شرراً , نظراته وحدها كانت كافية لتحويل نور الى رماد .


,

كنت أجلس على سريري كعادتي , اراقب الفتيات وهنَ يثرثرن ويمرحن حولي , ابتسمت في داخلي عليهن , كيف يمكنهن العيش هنا بكل بساطة , كيف يمكنهن الضحك والمرح بعد ان تخلت عنهن عائلاتهن , كيف تغلبنَّ على الحزن ؟
سمعت صوت الأذان , فرشت مصلاتي ولبست خماري , واتجهت للرحمن , صليت فرضي , ورفعت كفي الى السماء , يا رب ليس لي الا رحمتك اتكل عليها فارحمني , وانت تعلم بما في سري وانت وحدك يا رب تعلم ببراءتي , استجب يا رب دعائي .. ولا تخيب فيك رجائي , فان لم اكن اهلاً لذلك فأنت اهلٌ لذلك يا أكرم الأكرمين
في تلك الليلة وكلت أمري كله الى ربي وكنت واثقة أن ربي لن ينساني , وتذكرت كلام نور " ربك ما خلق عبد ونساه " فالحمد لله الذي لا يُحمد على مكروهٍ سواه
قررت أن اكون مثل الفتيات المرحات الَّاتي معي في الدار , وسأتغلب على حزني بعون ربي فأنه قادر على كل شيء , ووجود نور بجانبي يمنحني القوة , وما بين جرح وجرح ينبت الأمل

ما بين جرح وجرح ينبت الأمل
إن الخطايا بدمع الطهر تغتسل
قد يصبح العمر أحلاما نطاردها
تجري ونجري.. وتدمينا ولا نصل
الحزن في القلب في الأعماق في دمنا
يأس طويل فكيف الجرح يندمل
أيامنا لم تزل بالوهم تخدعنا
قبر من الخوف يطوينا ونحتمل
مازال للحب بيت في ضمائرنا
ما أجمل النار تخبو ثم تشتعل
ما زلت طيرا يغني الحب في أمل
قد يمنح الحلم.. مالا يمنح الأجل..
فاروق جويدة


انتهى


خد العروس & غير متواجد حالياً  
قديم 21-07-16, 07:06 PM   #30

خد العروس &
 
الصورة الرمزية خد العروس &

? العضوٌ??? » 376734
?  التسِجيلٌ » Jun 2016
? مشَارَ?اتْي » 414
?  نُقآطِيْ » خد العروس & has a reputation beyond reputeخد العروس & has a reputation beyond reputeخد العروس & has a reputation beyond reputeخد العروس & has a reputation beyond reputeخد العروس & has a reputation beyond reputeخد العروس & has a reputation beyond reputeخد العروس & has a reputation beyond reputeخد العروس & has a reputation beyond reputeخد العروس & has a reputation beyond reputeخد العروس & has a reputation beyond reputeخد العروس & has a reputation beyond repute
افتراضي

قراءة ممتعة
اذا شفتكم متحمسين بنزل البارت الاحد


خد العروس & غير متواجد حالياً  
موضوع مغلق

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 02:45 PM



Powered by vBulletin®
Copyright ©2000 - 2024, vBulletin Solutions, Inc.