أول مره تحب يا ألبي / للكاتبة أمــووورة..، كويتية مكتملة

[لامارا]

	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته نقدم لكم رواية أول مره تحب يا ألبي للكاتبة أمــووورة.. قراءة ممتعة للجميع.....

[لامارا]

الســــــــــــــــــــــ ـلااام عليكم ورحمة الله وبركاته

شخبـــاركم .. ؟؟؟

حبيـــت انزل لكم قصه و اتمنى انها تعجبكم ..

بصرااحه انا قريت كثير قصص ولااحظت ان اغلبية القصص تتكلم عن العيله الكبيره ( عياال عم وبناات عم وبناات خااله وعياال خاال ... الخ ))

وحبيت انزل قصه مختلفه .. واتمنى انها تعجبكم ..

[لامارا]

الشخصيات :

ساره : 22 سنه خريجة جامعة الكويت ادارة اعمال نضم اداريه.
احمد : اخو ساره في اولى متوسط .
شذى: اخت ساره في ثانيه ابتدائي .
حنين : اخت ساره في الروضه .
ابو صالح ( خليف ) : جد ساره .
--------------------------------
وليد : 38 سنه غني ولد عايله معروفه يدير الكثير من الxxxxات والشركات
ام وليد : 55 سنه دايما مشغوله في سفراتها .
ابو وليد : مع زوجته دايما مسافر.
الجد عبدالمحسن : عميد العايله حكيم متمسك باصدقاء الطفوله مريض بالقلب .
ام جمال : عمة وليد ساكنه معاهم بالبيت اهي وزوجها واولادها الثلاثه .
ابو جمال : زوج العمه
هدى: بنت عم وليد مطلقه ساكنه معاهم في البيت .
ريما : 20 سنه خطيبة وليد شبيهة حليمه بولند
بدريه : 40 سنه عمت وليد عايشه مع وليد
سوزان : 25 سنه رفيجة وليد اللبنانيه .
جمانه : 24 سنه سكرتيرة وليد .
احمد : رفيج وليد كان ربع من ايام الطفوله.
ابو جعفر : 58 سنه موضف في احدى شركات وليد

الزمان :
الوقت الحاضر .

المكان :
الكويت

[لامارا]

الجزء الاول :


بعد ما خلصت ساره دراستها الجامعيه راحت تقدم على وضيفه في وحدة من الشركات الخاصه ، قبلوها وراحت يومها الاول في الدوام مع( سواق جيرانهم الي كانت تقاوله كل يوم دينار) وكانت هي حدها متوتره ومتنرفزا وفي طريقها للدوام دعم السايق سيارة لكزس فنزل صاحب السيارة منها وتخانق مع السايق . بطلت ساره الدريشه وقالت : هي انت شتبي طاع ويهك تقول من البدون ( فئة غير محددين الجنسيه يعيشون في الكويت ) الي يأجرون من السيارات الفخمه يقزون فيها اقول بس استريح .
سكت الريال وركب سيارت ومشى .
كملت ساره لدوامها وصلت اخيرا وهي ميته من الرعب والخوف والتوتر .
شافت ان اهي البنت الوحيدة المنقبه في الدوام دخلت قاعة الاجتماعات لان كان في اجتماع مع الموضفين الجدد
سلمت وقعدت رفعت راسها وشافت نفس الشخص الي دعمت سيارته وقالت له : اسغفر الله بعد هني انت شيايبك اهني .
رد عليها وقالها : انت من وين دخلتي .
قالت : دخلت من الباب .
فال : وتنكتين بعد داخله بواسط
قالت له: الواسطه لك ولي قاعدين هني انا دخلت بشهادتي وبعلمي مو نفس الكشش الي حاطينها كلهم بواسطه .
قال لها: انت مفصوله .
قالت مو انت الي تفصلني .
قال : انا المدير .
قالت : في الي اعلى منك يفصلني.
انصدموا منها كل الموضفين وقعدوا يطالعونها باستغراب جنه احد كات عليهم ماي بارد .
حست ساره ان فيها شيء غلط وسكتت ولا قالت شيء .
كمل المدير وليد اجتماعه مع باقي الموضفين والموضفات .
بعد ما طلعوا كل الموضفين من القاعه وساره معاهم ياها ابو جعفر وقال لها : ما يصير جذي يا بنتي روحي اعتذري منه هذا رب العمل ورزقتج عليه .
قالت : انا اعتذر!! المفروض اهو الي يعتذر .
قال : يا بنتي خلي البادره الزينه منج.
قالت : زين انشاالله يا عمي .
وراحت ساره للمدير ودخلت عليه وسلمت وقعدت.
ساره : اسفه .
وليد : على شنو ولا على شنو بس انا بسألج سؤال واحد .
ساره : تفضل .
وليد : انا شكلي بدون.
ساره : بصراحه ومن غير زعل أي .
وليد: ما شاء الله بمكتبي وتغلطين علي.
ساره : مافيها شيء انا قلت رايي وانت الي سألتني زعلت بكيفك .
قال لها طلعي برا .
قالت مو انت الي تطردني وطلعت .
بعد ما طلعت وسكرت الباب تذكرت اهي ليش يايه حق وليد كانت تبيه تهون عن سالفة الطرد وردة دخلت طاعها وليد وقال : انا ما قلت لج طلعي خلاص فكينا .
ساره : اصلن انا ابي اطلع بس بسألك سؤال انا مطروده ولا لا .
وليد كان يبي يقولها انت مطروده بس حس بشئ يمنعه فقال لها: لا خلاص انسي الموضوع .
سارة مشكور . وسكرت الباب وطلعت وهي تفكر بينها وبين نفسها ( اشوى ان قاللا خلاص وين بلقى شغل الحين )

----------------------------------------------------------
دقت عمت وليد عليه وقالت له : ها ياوليدي متى بنفرح فيك اليوم حجزت لك في المطعم انت وريما .
قال : لا عمتي والي يسلمج اليوم مالي خلق .
قالت : لا تفشلنيي انا كلمت البنيه .
قال: خلاص عمتي الي تشوفينه .
بعد ما انتهت المكالمه طلع وليد من المكتب راجع للبيت .
وهو بطريقه كان طول الوقت يفكر بساره شلون كلمته جذي وبطريقتها معاه لان ما تعود احد يكلمه جذي ولا يوقف بويه .
يا موعد العشا وراح المطعم وشاف ر يما سلم عليها وكانت كاشخه وااااايد تينن جنها حليمه بولند بس فيها عيب واحد كانت انسانه سطحيه وحجيها كان ما يعجب وليد نهائيا .
ضلت تتحجي وهو مو معاها كان قاعد يفكر بكلمة بدون .
وبعدين قالها بسألج سؤال
قالت تفضل
قال: بذمتج انا شكلي بدون .
قالت : لا اصلن انا ما عمري شفت واحد بدون .
خلصوا عشا ورجع وليد البيت وقعد يطالع نفسه بالمنضره ويكلم نفسه انا شكلي بدون شلون اغير من شكلي شلون.
راح وليد يحاول ينام بس مو قادر طول الوقت كان يفكر بكلمة بدون يحاول يشيل هالفكره من راسه بس مو قادر ضل يفكر لحد ما نام .



يتبع......

[لامارا]

الجزء الثاني :

الي ماتعرفونه اهو حيات ساره الشخصيه عرفنا ان وليد غني وصاحب شركات وxxxxات بس ما عرفنا شيء عن ساره ، ساره بنت رشيقه وطويله وبسيطه شعرها ناعم اسود وطويل وشكلها وايد حلو ، غير كويتيه ( بدون ) درست بجامعة الكويت بحكم ان امها كويتيه ، ابوها متوفي وامها متزوجه واحد غني ويدرس برا ولا تسأل عنهم ساكنه ويا يدها واخوانها احمد وشذى وحنين ما عندهم احد يصرف عليهم يدها مريض فيه سكري وضغط في البدايا امهم كانت تصرف عليهم بس اول ما عرفت ان ساره تبي تتوضفة بطلت. ساره مسؤله عن كل شيء ( تدريس اخوانها ، تطبخ ، وتغسل ملابسهم ...الخ ) وفوق هذا كله كان دوامها شفتات الصبح كان من 7 الى 1 والعصر من 4 الى 8 كانت ساكنه في بيت اجار في احد مناطق الكويت القديم والبيت وايد قديم ومكسر عباره عن غرفتين ودوانيه ومطبخ وحمام على قد حالهم عندها عزت نفس مبينه بعيونه رغم كل الي فيها ما كانت ترضى ان احد يتصدق عليها ولا تقبل الصدقه من أي احد .
---------------------------------------
في ثالث يوم دوام كان عند الموضفين برزنتيشن على الكمبيوتر لازم يقدمونه باجر كل الموضفين اخذوا شغلهم البيت الا ساره قعدت لان ما كان عندها كمبيوتر واضطرت تقعد بعد الدوام كانت طول الوقت تشتغل بس تبي تخلص يت الساعه ثمان ونص وياها الحارس وقال لها : يا مدام وقت الدوام خلص .
ساره : بس دقيقه .
طلع الحارس وهي حاولت تخلص بسرعه وبعد ما خلصت طلعت اخذت السيديه والاوراق معاها وحطتهم داخل جنطتها وطلعت برا تدور السايق ما لقته .
السايق يا لها الساعه ثمانيه وما لقاها طنش فيها .
ضلت ساره بره تنطرة والدنيا كانت برد ومطر والشركه كانت مقفله ما تقدر ترجع لاحضة ان فيه ليت شغال بالشركه بس ما اهتمت . كان في تجمع هنود شوي بعيد عن الشركه وقررت تروح تدور السايق هناك وهي تمشي حست الدنيا تدور فيها وحست بتعب شديد كانت ماسكه الجنطة الي فيها السيديه والاوراق بقوه وحاطتها على صدرها خايفه ان المطر يبللها ووصلت عند التجمع دورت دورت مالقت السايق حست ان شكلها غلط وهي واقفه عند الهنود قررت انها ترجع توقف عند باب الشركة . مشت وهي ميته من التعب لحد ما وصلت عند باب الشركه وقعدت على الرصيف تبجي بحراره وبدت تيها افكار غريبه وقعدت تحاجي روحها وتقول انا ليش مسؤله عن العايله كلها ليش حالي غير عن كل البنات الحين برجع بلاقي البيت حوسه لازم انضف وادرس اخواني واسويلهم العشا ليش انا جذي ليش انا جذي وضلت تصيح الا سمعت احد يناديها
----- : لو سمحت لوسمحت
رفعت ساره راسها ولا شافت وليد قالت : نعم شتبي
وليد : ساره شتسوين قاعدة هني الدوام من زمان مخلص وبعدين شفيها عيونج شكلج كنت تبجين شفيج .
قالت ساره وهي مرتبكه ما تبي تبين له همها لانها مثل ما عرفنا ما تحب احد يشفق عليها : ما فيني شيء بس قاعد انطر السواق تأخر شوي .
وليد : تعالي اوصلج .
ساره : لا لا السواق الحين بيي
وليد : دقيتي عليه .
ساره : أي ي دقيت خلاص انت روح >> اصلن اهي حتى تلفون ما عندها
وليد : على راحتج انا باخذ فره وارجعلج .
ضلت ساره تنطر وشوي يغمى عليها من التعب والبرد وايد تعبانه .
وليد واهو بالسياره دقت عليه عمته تكلمه عن موضوع العرس وضل يتحجى معاها وبعد ما سكرت كلم رفيجه وليد وبعدها كلم رفيجة سوزان يمكن ضل يفر بالسياره اكثر من ساعه ونص ورجع حق ساره ولقاها في مكانها ما تحرك .
نزل من السياره يكلمها وهي حتى مو قادره ترد عليه من كثر ما كانت تعبانه فنزل وصعدة السياره خصب وركبها جدام وعصبت عليه وقال: انا ما اقعد قدام اقعد ورا . >> هذا وهي ميته من التعب
وليد : خلاص خلاص على راحتج ركبي ورا اهم شيئ ركبي لا تموتين من البرد .
ركبت ساره ورا وقعدت توصف له البيت لما قالت له لما دخل المنطقه انصدم من الي شافه وقال لها : في احد ساكن في هالمنطقه !!؟؟
ساره : أي انا عندك مانع .
وليد : لا لا يالمعودة ما عندي مانع ولا شيء بس وين بيتكم .
ساره : لا بس نزلني هني وانا اروح البيت >> ساره ما كانت تبيه يعرف بيتهم لانها ما كانت تبيه يشوف حالتهم
وليد : خليني اوصلج البيت واضح عليج انج تعبانه وايد .
ساره : لا ما فيني بس نزلني هني .
نزلت ساره وقالته :شكرا .
مشت لحد البيت طقت الباب لقت يدها فاتح لها الباب
الجد : ها يما ليش تأخرتي .
ساره : هذا راجو الحيوان اعطيه كل يوم دينار ولا جا اليوم .
الجد : من جابج اذا راجو ما جابج .
ساره : هذا مديرنا الي يبط الجبد .
الجد : يما من هذا الي وراج .
ساره : ما كو احد .
رد وليد : امبلا الي يبط الجبد موجود .
انصدمت ساره ما قدرت تسوي شيئ سكتت شوي وبعدين قالت : انت شتبي مو خلاص وصلتني كثر الله خيرك الحين توكل على الله .
الجد : عيب عليج يا بنيتي هذا مدريج وضيف عندنا تفضل تفضل يا وليدي تفضل .
وليد : لا يا عم مشكور وما تقصر لازم اروح الحين .
الجد : والله منت رايح هذا مو من طبعنا ما تمشي الا تتعشى .
وليد جاله فضول حب يدخل البيت وحب يقهر ساره قال للجد : والله يا عمي ما ني رادك .
الجد : حياك حياك يا وليدي . ( ودخله داخل البيت )
ساره قاعدة تقول في قلبها ي ربي جدي الا يعزمه يعني ودخلت بسرع البيت علشان تسوي عشا
لقت اخوها احمد بطريقها : سارة وينج تأخرتي عندي امتحان اجتماعيات
ساره : زين زبن بعدي شوي ادرسك . راحت المطبخ بسرعه وهي تدرعي (يارب يكون في شيء احط أي شيء
فتحت الثلاجه اشوي كان فيها بيض وشوي ريوقات وبسرعه قعدت تسوي وقالت حق اختها شذى تودي الاكل .
من جهه ثانيه وليد كان حدة منصدم لما شاف البيت ما تخيل ان ممكن يكون في ناس عايشه جذي جابت شذى الاكل ودخلته داخل وحطته قدام وليد انصدم وليد بزيادة لما شاف الاكل بحياته ما اكل اكل جذي .
قال الجد حق شذى : يا بنيتي قولي حق ساره تجي تعطيني ابرة السكري .
شذى: انشاالله جدي .
راحت شذى لساره وقالت لها تروح حق الجد .
ساره كانت حدها متوتره وخايفه بس تبي وليد يطلع راحت لبست ملفعها ونقابها وكانت لابسه دراعة بيت وردي بسماوي ودخلت وسلمت وعطت جدها الابره وطلعت .
وليد طبعا كان طول الوقت منصدم من كل شيء اكل واستئذن وهو طالع الا على دخلت ساره
وليد: سايقكم ها .. خلي عنج الجذب مو لايق عليج .
ساره ما اردت عليه لانها كانت مصدومه ومو عارفه شنو تقول .
وطلع وليد و ركب السياره واهو بس يفكر بساره وبحالها اهي واهلها رجع البيت اول ما دخل البيت لقا عمته بالصاله ها ياوليدي ليش تأخرت وردت العمه لحنتها وليد كان طبعا طول الوقت مو معاها .


هذوووول جزئين بشوووف ردوودكم وتفااعلكم معاااي علشاان انزل البااقي

والي عندة اي سؤااال ،، او في عندة اي شيء مووو وااضح >> امتحاان خخخخ

لااا يردة الااا الكيبووورد ... اووكي :d

واعذرووني على الاخطااء الاملاائيه ...

[لامارا]

الجزء الثالث :

بعد مارجع وليد لبيت ساره قعد مع عمته وبعدها راح نام وثاني يوم وهو رايح الدوام تذكر ساره وقعد يفكر فيها ومسك التلفون ودق على رفيجه احمد قال يمكن يخفف عنه شوي
احمد : هلا ابو الشباب .
وليد : هلا فيك احمد شلونك >> بصوت تعبان
احمد : الحمدالله عسا ماشر صوتك مو عاجبني .
وليد : ماشر بس ابيك بموضوع .
احمد : خير انشاالله شصاير.
وليد : ماكو موضوع عادي شرايك اعزمك اليوم على الغدا .
احمد : اوكي .
وليد : يالله مع السلامه .
احمد : مع السلامه .
راح وليد الدوام وخلص شغله ودق على احمد واكد عليه وراحوا المطعم ولقى احمد واصل قبله
وليد : السلام عليكم .
احمد : وعليكم السلام .
وليد : ها اشوف وصلت قبلي .
احمد : اي والله متحمس اعرف شعندك خرعتني بصراحه .
وليد : لا ماكو شيء ضروري بس مشغول شوي شيء شاغل بالي ومو قادر انام من كثر ما افكر فيه .
احمد : شنو هو الموضوع .
وليد : بس شفت البنت الي قلتلك عنها تطاولت علي وقالت عني اني بدون >> طبعا احمد كان عارف هذا الموضوع لان وليد ما يخبي شيء عن احمد ويقوله كل شيء
احمد : اي شفيها لايكون تهاوشت معاها .
وليد : لا بس امس لقيتها ........>> قاله قصته الي صارت معاه
احمد : اوكي شنو الي شاغلك بالموضوع انا شايف ان الموضوع عادي ولا يستاهل .
وليد : ما ادري يااحمد احس اني مو قادر اشيل صورة ساره من بالي .
احمد : شنو ترى هذا بنت فقر لا تفكر انك تحبها .
وليد : والله ما ادري يااحمد ما ادري.
احمد : اهي عاجبتك .
وليد واايد .
احمد : خلاص يبها على يوم الشاليه وبعدها خلها تولي .
وليد : لا يا احمد اهي مو راعيت هالسوالف اهي منقبه وواضح عليها انها محترمه .
احمد : من صجك اصلن المنقبات هم الي ينخاف منهم ما تدري شنو الي تحت النقاب تلقاها راعيت السوالف واكثر .
وليد : تصدق على قولتك اخليها تيي اليوم .
احمد : اي وعطها بعد جم فلس ما راح تصدق على الله.
وليد : خلاص اليوم بقولها .
تغدو وخلصوا ورجع وليد حق دوامه (( الشفت الثاني )) وليد كان حدة متحمس يبي يروح الدوام بأسرع وقت .
وصل الدوام اول ما دخل دق على السكرتيره وقالها نادي لي ساره .
استغربت السكرتيره (( مع العلم السكرتيره كانت رفيجته )) ساره موضفه عاديه و وليد عمر ما طلب الموضفين الجدد لان في مدير عليهم المهم السكرتيره نادت ساره، ساره ماتت خوف المدير طالبها شيبي فيها جان يقولها
ابو جعفر : يا بنيتي المدير طالبج روح شوفي شنو يبي .
ساره : ليش عمي المدير عمره طلب احد .
ابو جعفر : لا ي بنيتي يمكن يبي يشوف البرزنتيشن .
ساره كانت حاسه ان ما يبيها علشان البزنتيشن بس كانت تحاول تهدي نفسها تقول علشان البرزنتيشن وقالت حق ابوجعفر : اي عمي يمكن علشان البرزنتيشن يالله انا رايحه .
راحت ساره وهي تسحب ريولها غصب ميته من الخوف ودخلت ساره : السلام عليكم .
وليد : اهلين وعليكم السلام .
ساره : عمي وليد بغيتني .
وليد : اي شفيج واقفه قعدي .
ساره : لا لا مو لازم .
وليد : لا انا ماراح اتكلم الا لما تقعدين >> طبعا باسلوب حلو
ساره : اوكي وقعدت .
وليد راح وقعد يمها
ساره حاولت تبعد لقت ان ماكو فكه قالت خل اخلص الموضوع بسرعه وقالت له : اي عمي وليد هذا البرزنتيشن
وليد : اولا لا تقولين عمي وليد وبعدها اخذ السيديه الي منها وحط على الطاوله .
ساره : اذا ما قول عمي وليد عيل شقول.
وليد : قولي وليد بس من غير عمي .
ساره : اقول .... حاف
وليد : تقولين شنو قوليها عادي .
ساره : لا لا ما اقدر عمي وليد
وليد : لا تقولين عمي قولي وليد ترى مو صعبه
ساره : لا لا مااقدر
وليد : قولي و بعدها ل وبعدها ي وبعدها د ولييييييييد مو صعبه
ساره : اوكي زين و و و و وليد
وليد : يا حلوها من حلجج .
ساره ابتسمت (( طبعا واهي ميته من الخوف )) وليد قرب حيل من ساره لدرجة انها تسمع دقات قلبه وتغير صوته وصار هادي حيل
وليد : ياحلوج .
ساره طبعا انسحرت بالصوت (( نفس اي بنت )) : مشكور وليد
وليد : ليش ما تقطين النقاب علشان اشوف الجمال الي تحت النقاب .
ساره كانت منسحره بصوته وكانت راح تقط النقاب ولا ...... دق التلفون
قامت ساره بسرعه كأن احد عطاها طراق صحاها راح وليد للتلفون ورد
وليد : اهلين .. اوكي .. خلاص ودوها المصنع .. زين زين زين وانا بعد شوي امر عليكم . >> الاتصال كان من من العمال .وطبعا الصوت تغير .
ساره راحت تركض للباب راح وليد قبلها للباب ومسك الباب وقال : مو بالهسهوله راح تطلعين .
ساره اخترعت منه : بعد عني ابي اطلع .
وليد : ماكو طلعه من هني .
ساره : اقول بعد عني لا اصرخ وجمع كل الي بالشركه .
وليد : يالله صرخي ..سويها اذا كان فيج خير .. اقول قطي نقاب وخليني اشوف شكلج .
ساره : ماني قاطته يالمحترم ياولد العايله .
وليد : انت من حاسبة نفسج يا بنت الفقر.
ساره : انا بنت الفقر الي جدامك اشرف منك ومن شكلك يالمتربي .
وليد : اضبطي حاج احس لج
ساره : بعد عني .
وليد : بتقطين نقابج ولا اقطه بالقوه .
ساره : نقابي ماني قاطته لو تموت وبعد عني .
وليد تنرفز منها واايد ومسك النقاب وشده بقوه وقطعه وحذفه بالارض شاف ملاك تحت النقاب اعجب بشكلها وايد بس مستحيل يبين لها . قعد يضحك وقال : انا لما اقول شيء يصير فهمت .
عصبت ساره وااايد وطقته طراق قوي >> طبعا كان اطول منها بس قدرت توصل لخدة .
وليد عصب واايد ومسك شعرها وشده بقوه وبعدين طقها طراق من قوته طاحت على الارض وطق خشمها بالطاوله ونزف وصار في الارض نقط من الدم .
ساره قعدت تصرخ وتدعي عليه واخذت النقاب معاها وغطت ويها بالملفع وطلعت شافتها السكرتيره >> السكرتيره كانت نظام ( لا اسمع لا ارى لا اتكلم )
راحت ساره للحمام ومسحت الدم من ويها قعدت بزاويه تبجي مسحت ويها وربطت النقاب ولبسته وطلعت بسرعه تبي تلحق مدير الموضفين ( ابو حسين) وبسرعه كتبت استقالتها وودتها له
ابو حسين : ليش عسا ماشر ليش مقدمه استقالتج في احد مضايقج هني .
ساره : لا ماكو احد مضايقني.
ابوحسين : زين ليش مقدمه استقالتج وانت ما صار لج اسبوع مداومه
ساره : عندنا ضرف ولازم نسافر بره علشان جذي لازم استقيل .
ابوحسين : زين وبخصوص باقي حقوقج .
ساره : ما ابي شيء بس وقع على الاستقاله وكثر الله خيرك .
ابو حسين : على راحتج >> طبعا هو مستانس يبي يوضف واحد من اهله .
راحت ساره البيت وهي تبجي واول ما دخلت شافها جدها
الجد : يما شفيج عسا ماشر تبجين وشفيه حلجج وخشمج .
ساره ( ما تبي تقوله الصج ) : ما كو يدي بس وحدة من البنات الي معاي بالدوام توفت .
الجد : زين وراه خشمج دم وحلجج متفوخ .
ساره : لا بس جدي تعرف من البجي طحت وتعورة .
طبعا الكل طافت عليه السالفه الا اخوها احمد لان كان يعرف اخته لما تجذب .
راحت ساره وشافت اخوانها سوت لهم العشا وخلصت شغلهم ودرسهم ونومتهم وهي ما قدرت تنام كانت تفكر بحالهم والي صار معاها اليوم وتبجي احمد اخوها كان يسمع صوتها وهي تبجي بس سكت ولا قال شيء نامت ساره من كثر البجي مر اليوم على خير في بيت ساره .
اما في بيت وليد وليد ما قدر ينام كان يطالع ايده طول الوقت ويلوم نفسه مستغرب شلون سوه جذي نام وليد من كثر التفكير ومر اليوم .
---------------------------------------------------------------------------------------------------------------------------
اليوم يوم وصول الجد عبدالمحسن عميد العايله ( عائلة وليد ) من العلاج لان كان عنده قلب ويتعالج بسويسرا . الكل فرحان ومستعد لاستقباله كل العايله كانت في المطار ووليد بعد كان هناك وليد وهو في المطار شاف بنات عمه وبنات عماته كل وحدة احلى من الثانيه بس كان مو قادر يشيل ساره من تفكيره وصل الجد وسلمو عليه ورجع الكل لبيت ابو وليد ( لان الجد يسكن هناك ) تعشوا هناك وبعدها كل واحد راح لبيته والجد صعد لجناحه ووليد كان معاه وقعد عند يسلفون ( للعلم وليد كان اغلى واحد عند الجد والجد كان يثق فيه اكثر من عياله كلهم ومسلمه امور الشركات والxxxxات وكل شيء كان الجد يشوف نفسه في وليد وحتى كان يرتاح لما يكلمه )
قعد وليد يسولف مع جدة
الجد( بعد ما سأله عن امور الشغل واموره قعد يسولف له سالفه شافها بسويسرا
الجد: يا وليدي في مشهد شفته في سويسرا وذكرني بشخص عزيز واايد علي .
وليد : وشنو هو المشهد يا يدي ومنو هو الشخص .
الجد : يا وليدي شفت يهال قاعدين يلعبون لعبه ويكلمون بعض من غير صوت ويحركون حلجهم من غير صوت.
وليد : انزين يمكن طرمان يا يدي .
الجد : اقول بس جب ولا كلمه يعني انا ما افهم انا سمعت امهم تناديهم وردوا عليها .
وليد : اهاا ... انزين يدي منو هو الشخص .
الجد : صديق قديم الحين ما ادري وينه ياليت بس القاه ولهان عليه واايد ... كنا نلعب انا وياه هذي اللعبه لما كنا شباب ونقول اسرار بعد و الربع كانوا يستغربون منا بس يا وليدي الدنيا فرقتنا وانا الحين ما ادري هو حي ميت ما ادري والله .
وليد : بسيطه يدي انت بس عطني اسمه وانا ايبه لك .
الجد : لا يوليدي اخاف يكون توفى ويضيق صدري .
وليد : اذا كان متوفي هذا يومه والله يرحمه واذا كان موجود تشوفه تستانس معاه .
الجد : ها ... اي والله يا وليدي يا ليت تيب لي عنوانه ورقم تلفونه .
وليد : خلاص ابشر يا يدي بس عطني الاسم .
الجد : الاسم ...... ضنتي ان اسمه خليف عبدالله ال .......ابوصالح
سجل وليد الاسم بورقه وحطه بالبوك وقال
وليد : حاضر يا يدي انشاالله باجر بيكون عندك .
راح وليد لغرفته وبعد ما قعد الصبح راح الدوام وهو قاعد على المكتب ولا يت السكرتيره وعطته ورقه لازم يوقعها
وليد : شنو هذا .
السكرتيره :هذا طلب تعين موضف جديد بس ناطرين توقيعك.
وليد : بس انا ما اذكر ان في عندنا مكان فاضي نعين في موضف يديد .>> طبعا اهو ما كان عارف ان ساره استقالت
السكرتيره : ما بعرف استاذ .
وليد : انزين اطلبي لي بوحسين .
راحت السكرتيره ونادت بو حسين يا ابو حسن ودخل
ابو حسين : امر طال عمرك طلبتني .
وليد : اي نعم بس منو الموضف الي يايبيني وانا ما اذكر ان في مكان فاضي .
ابو حسين : طاال عمرك بس في عندنا الموضفه ساره صالح خليفه......قدمت استقالتها ويبنا هذا بداله صدقني طال عمرك بيعجبك اهو واايد ممتاز وعندة دبلوم و .... الخ >>> واحد من اهله .
(وليد تضايق لما سمع الخبر .)
وليد : زين ليش ما قلتولي وليش ما عطيتوني خبر .
استغرب بو حسين لان هذي اول مره المدير يهتم بموضفه عاديه ما كملت اسبوع حتى وقال : ليش طال عمرك يا كثرهم الموضفين الي يستقيلون ولا تسأل عنهم .
ارتبك وليد شوي وقال : لا لا بس هي شنو ضروفها علشان تستقيل .
ابو حسين : تقول ان عندهم حاله طارئه ولازم يسافرون .
وليد :انزين انزين خلاص روح .
طلع ابو حسين جان ينادي وليد السكرتيره ويقول لها تيب له ملف ساره بأرقام تليفوناتها .
السكرتيره كانت منقهره من اهتمام وليد بساره لانها رفيجته وتغار من ساره
يابت السكرتيره الملف وطلعت فتح وليدالملف وطالع الاسم انصدم ( ساره صالح خليف عبدالله ال .... ) طلع الورقه من البوك ولقى ان نفس الاسم وبعدين قال لا لا يمكن تشابه اسماء ورجع يطالع الملف علشان يطلع الرقم وشاف الاسم مره ثانيه وقعد يكلم نفسه ويقول معقوله كل هذا تشابه اسماء لا لا مو معقول لا اكيد تشابه اسماء ولا مو معقول يطلع يدي يعرف يد ساره اكيد الم .... ترن ...رتن ( التلفون يدق)
وليد : الو .
الجد : السلام عليكم .
وليد : وعليكم السلام .
الجد : ها يا وليدي شسويت على الموضوع الي قلتلك عنه امس لقيت الريال .
وليد : ها ... لا .... امبلا ..اي لقيته بس مو اكيد يمكن .>>> الي على راسه بطحه يتحسس عليها .
الجد : شفيك تدودهت تكلم عدل ما فهمت شيء
وليد : ها يدي ما ادري لقيت واحد بنفس الاسم ما اتوقع انه هو .
الجد: عادي مو مشكله نروح نشوف طلع هو كان بها ما طلع هو عادي تدور مره ثانيه .
وليد: اي صح على راحتك يدي .
الجد: بس انت لا تنسى تييب العنوان اليوم علشان اعطيه السايق يوديني اليوم .
وليد : ليش السايق انا اوديك .
الجد : لا يوليدي ما له داعي تعب نفسك السايق يوديني .
وليد: شدعوه يدي تعبك راحه انااوديك
الجد: خلاص يا وليدي على راحتك انت ودني .
وليد : خلاص زهب نفسك عقب صلات العصر نروح.
الجد: انزين .. يالله فمان الله.
وليد: فمان الرحمن .
سكر وليد الخط من يدة وطلع رقم سار ودق على البيت .
وليد: الو
....: اعهلعغلتا.>>كلام مو مفهوم (هندي )
وليد : منو
....:لبغعبلا.
انبطت جبد وليد وسكر التلفون بقوه ودق على بو حسين
وليد:بوحسين طرش لي كومار بسرعه.
بوحسين حاضر طال عمرك.
راح بو حسين وناده كومار وقاله المدير يبيك
اهو ما قال لكومار المدير يبيك الا قعد يتراعد من الخوف ويخربط من الكلام الي مو مفهوم
بوحسين: بسرعه روح المدير يبيك.
كومار : زين بابا >> وهو ميت من الرعب يتمنى الارض تنشق وتبلعه مسكين والله .
راح كومار للمدير وريوله يطقون في بعض >>ميت خوف
دخل كومار على المدير
وليد: ليش تأخرت تعال بسرع مره ثانيه لما اناديك.
كومار : زين بابا زين .
وليد : هي شفيك خايف ترى ما راح اكلك
كومار : لا بابا مافي خوف مافي خوف >> اخذ ربع ساعه وهو يقول الكلام من كثر ما كان خايف هههههههه
وليد : زين زين خلاص تعال ابيك تكلم هذا الريال وتقوله هذا من بيته
كومار : زين بابا زين
دق وليد على رقم ساره وعط السماعه لكومار وقاله ها مثل ما قلت لك
كومار قعد يهز براسه يعني زين
كلم كومار وضل ساعه يتكلم >> هندي
وليد كان حدة طفران ووده يذبحه
وليد بصوت علي: كومار خلصني
طاحت السماعه من ايد كومار من الخرعه
نعم بابا
وليد :اخلص قوله هذا بيت منو .
كومار : هذا يقول هذا بيت جيران ماما ساره هي حطي هذا رقم عشان هي بيت ما في تلفون
وليد تضايق حيل : زين خلاص قوله شكرا وسكر التلفون واطلع برا
كومار : زين بابا
خلص دوام الشفت الاول ورجع وليد للبيت علشان يودي يده لبيت خليف .


وليد راح يروح لبيت ساره ؟؟
شنو راح يصير لما يروح وليد لبيت ساره ؟؟
تتوقعون الجد يطلع يعرف جد ساره ؟؟
ساره شنو راح تسوي لما تشوف وليد ؟؟
شنو راح يصير لوليد مع خطيبته ريما ؟؟

[لامارا]

الجزء الرابع

بعد ما رجع وليد البيت وغير هدومه نادا يدة علشان يوديه لبيت خليف ( جد ساره )
ركب وليد السياره مع يدة وقعد يسولف اهو وياه لاحظ الجد ان وليد يوصله من غير ما يكون معاه ورقه فيها العنوان
وكان يسوق وهم يتكلم من غير ما يركز في الطريق حس الجد ان في شيء بس مو طبيعته الجد ان يدخل
الجد : اقول وليد اشوفك عارف الطريق عدل لايكون توصل مطاعم وانا ما ادري .
وليد: ههههههههههه .
الجد: ها مطولين على ما نوصل .
وليد:لا يدي هذا البيت .
نزل الجد ووليد ضل قاعد في السياره .
الجد : ليش ما تنزل .
وليد : لا يدي انت انزل وانا بنطرك هني .
الجد: اقول بس انزل ومن غير ولا كلمه .
وليد : حاضر يدي .
نزرلوا و طقوا الباب وطلع خليف وفتح الباب ( خليف كان نضرة ضعيف فما ركز وشاف منو ع الباب )
خليف : منو انتم .
الجد عبدالمحسن عرف خليف : انا عبدالمحسن يا خليف نسيتني .
خليف : هلا والله بصاحبي .
من كثره الفرح الارض مو سايعتهم .
خليف : حياك حياك تفضل .
دخلو داخل وقعدوا وطبعا خليف ما انتبه لوليد لحد ما قعدوا واول ما انتبه له
خليف: اهلين وليد شلونك يا وليدي والله ما انتبهت لك .
وليد : الحمدالله بخير .
عبدالمحسن : ها وليد تعرفه والله اني شكيت شعرفك فيه .
خليف : لا بس بنتي ساره بنت صالح كانت تشتغل في الشركه ومره وصلها الا انت شعرفك فيه .
عبدالمجسن : هذا ولد ولدي وبعدين وينها ساره .
خليف : والله راحت تدور شغل تدري ما عندنا غيرها المسكينه من تصبح لين تمسي وهي واقفه .
عبدالمحسن : مو توك تقول انها تشتغل عندنا بالشركه .
خليف : أي كانت بس تقول صار عندهم اكتفاء والله ما فهمت عليها .
الجد عبدالمحسن حس ان السالفه فيها شيء لان هالسوالف ما تمشي عليه خاصه ان وليد كان مرتبك طول الوقت ومتوتر .
خليف : اقوم اسوي لكم قهوه ساره مهي هني .
عبدالمحسن : اقول بس تعال اقعد من زمان عنك وعن سوالفك .
خليف : لا والله منتم طالعين من هني الا تشربون قهوه .
عبدالمحسن : زين انا جاي معاك .
خليف: يالله امش .
راحو المطبخ وخليف يسوي القهوه طلع القهوه ولا هي شوي وتخلص ومسكين يالله يسويها انصدم عبدالمحسن من اول ما دخل البيت لما شاف العيشه الي عايش فيها صديق عمره .
عبدالمحسن : اقول خليف الا وين ولدك صالح ما اشوفه .
خليف : والله صالح عطاك عمره توفى بحادث سياره .
تضايق عبدالمحسن لما سمع الخبر : الله يرحمه .
عبدالمحسن : منو عنده من العيال غير ساره .
خليف :بنتين وولد وكلهم صغار .
عبدالمحسن : ومن قايم بالبيت :
خليف : ساره المسكينه هي الي قايمه بكل شيء وما عندنا غيرها .
عبدالمحسن : الله يخليها لكم والله شكلها خوش وحدة .
خلصت القهوه وراحوا الدوانيه يتقهوون ويسولفون .
طبعا وليد كان طول الوقت خايف ومتوتر لا يعرف جدة عن الي سواه بساره .
عبدالمحسن : اقول خليف طلبتك .
خليف : عطيتك وانا اخوك .
عبدالمحسن : ابي بنتك ساره لولدي وليد .
وليد انصدم : جدي شنو ..
الجد قاطعه : انت ولا كلمه شقلت يا ابو صالح .
خليف : والله ما عندي ما نع .
عبدالمحسن : خلاص بس شوف راي البنت ورد لنا خبر .
خليف : وليش اخذ رايها وهي ما راح تقول شيء بعدين البنت شورها من شور اهلها .
عبدالمحسن :خلاص عيل متى الملجه .
خليف : الوقت الي تختاره وما دام هو ولدك ما راح نلقى احسن منه وخل الملجه بأسرع وقت .
عبدالمحسن : أي والله خير البر عاجله الاثنين الجاي مناسب .
خليف : أي مناسب .
وليد كان منصدم وساكت طول الوقت يبي يتكلم ما قدر .
استئذن عبدالمحسن وطلعوا واول ما ركبوا السياره .
وليد : من صجك يدي الي سويته يعني رشاك بفنجال قهوه تقوم تزوجني بنته .
عبدالمحسن : لا العب استهبل أي من صجي ومن متى انا اضحك بالهسوالف وبعدين منت لاقي احسن من بنت خليف .
وليد : يدي زين وانا مالي راي وريما شنو اقولها .
عبدالمحسن : ريما... حلالي هالباربي انا يا وليدي اثق فيك وكل شيء من بعد عيني راح يكون بيدك وابيلك مره تساعدك نفس جدتك الله يرحمها ترى هي بعد الله سبحانه الي وصلتنا لهذا المستوى كانت دايما تنصحني وكل ما تعبت وقلت اترك التجاره تحاول انها تخفف عني وبالله عليك لو اخذت ريما شنو راح تسوي لك .
وليد : أي يدي معاك حق بس عمتي ما ارح ترضى .
عبدالمحسن: مالك دخل فيها عمتك علي انا الي اكلمها .
وليد: خلاص يدي الي تشوفه .
عبدالمحسن : أي هذا وليد الي اعرفه .
وليد وصل يدة البيت ورجع الدوام .
الجد بلغ ام وليد وعمتة الموضوع الام طبعا ما همها اما العمه ماتت قهر .
راحت العمه للام علشان تساعدها على تخريب الموضوع .
العمه : ام وليد انت عاجبج ان ولدج يتزوج بنت فقر .
ام وليد : انت من صجج يا خذها كم يوم وبعدها يعطيها جم فلس ويطلقها ومثل ما قلتي بنت فقر .
العمه : أي والله وانت الصاجه بنت فقر بس شلون اسوي لها عرس واحط لها كوشه والله ما ني حاطه لها كوشه ولاني مسويه عرس .
ام وليد : على راحتج .
----------------------------------------------
في بيت ساره رجعت ساره تعبانه ودخلت وسلمت على جدها .
الجد : ها يا بنيتي لقيتي شغل .
ساره : لا والله يا جدي تعبت وانا ادور .
الجد : الا صج يا بنيتي نسيت اقول لج ملجتج يوم الاثنين .
ساره : شنو ملجتي على منو .
الجد: هذا وليد الي وصلج ذاك اليوم
ساره : شنو وليد بس انا مو موافقه .
الجد : ومن قالج انا قاعد اخذ رايج انا بس اعطيج خبر والملجه يوم الاثنين .
ساره : بس يا جدي انا ما ابيه .
الجد بعصبيه : انا قلت لج بتاخذينه يعني بتاخذينه ومن غير كلام
ساره ماتت قهر بس ما تدري شنو تقول بس جات في بالها فكره بعد ما خلصت شغل البيت لبست وطلعت
الجد : وين رايحه .
ساره: ادور شغل جدي ما راح اطول .
الجد : ديربالج على نفسج .
ساره : انشالله جدي .
طلعت ساره من البيت وراحت لشركة وليد علشان تتفاهم معاه .
وصلت ساره الشركه وراحت عند مكتب وليد ولقت السكرتيره .
ساره بعصبيه : وليد موجود .
السكرتيره : هيك وليد حاف .
ساره : خلصينا بس وليد وينه .
السكرتيره : اعصابك شوي >> تبي تغير الموضوع ما تبي ساره تدخل
ساره : اقول بس قولي له ان انا بره .
السكرتيره : مو موجود عندوا اجتماع .
ساره : تدرين شلون .( راحت وافتحت الباب على وليد ودخلت من غير ما تطق الباب ولا شيء )
وليد كان مشغول بالاوراق الي عنده وعلى باله انها السكرتيره لان ما انتبه : انا مو قايل لج طقي الباب قبل لاتدخلين شنو الدنيا فوضه .
ساره : قول حق نفسك .
وليد انصدم لما سمع صوتها ورفع راسه : ها سا ره حياج تفضلي قعدي .
ساره واهي تطاالع الارض : ما شالله نضفتو الارض .
وليد : شقصدج .
ساره : انت شنو انت ما تستحي على ويهك بعد الي سويته ياي تخطبني .
وليد : يكون بعلمج مو انا الي خطبتج يدي اهو الي خطبج لي .
ساره : احلف بس يدك ها ويدك شعرفه فيني اسمع عاد تروح حق يدي باجر وتقوله انك غيرت رايك فاهم ولا لا.
وليد : وليش انت ما تقولين له .
ساره : ليش انا ما قلت له قلت له بس ما رضى .
وليد : حتى انا قلت حق يدي اني ما ابيج بس هو ما رضى .
ساره : خل عنك هالكلام الفاضي وبلا جذب وليد من باجر تروح تقول ليدي انك غيرت رايك لان مستحيل اخذ انسان وسخ نفسك .
وليد : بالاول كنت راح احاول اخرب الموضوع بس الحين اعناد فيج الموضوع راح يمشي والله لاكسر خشمج والملجه يوم الاثنين .
ساره : لا والله تلعب معاي .
وليد : أي علشان اعلمج شلون تتكلمين معاي .
ساره وهي طالعه : انزين يا وليد نشوف منو الي راح يكسر خشم الثاني .
وليد : هههه اقول سلمي على يدج ها .
ساره طلعت وسكرت الباب بقوه وهي ميته قهر ومليون فكره وفكره في بالها .

- ------------------------------------------------------- -
يا يوم الاثنين ( يوم الملجه ) ساره كانت ميته قهر واحلفت انها ما راح تكشخ ولا شيء البست الدراعه الي كانت لابستها لما ياهم وليدالبيت اول مره الي لونها وردي بسماوي وفتحة شعرها ( طبعا شعرها كان ناعم ما يحتاج اشتشوار ولا شيء) وما حطت ميك اب.
----------------------------------
اما وليد كان ميت من الفرحه اولا لان راح يملج على ساره الي حبها من كل قلبه بس ما بين لاحد وثانيا لان يبي يكسر خشمها ويبين لها ان محد يقدر عليه .
--------------------------------
راح الجد عبدالمحسن ويا وليد لبيت ساره علشان يملجون دخلوا البيت سلمو على الجد خليف وقعدوا يا الملاج
عبدالمحسن : اقول يا خليف شنو شروط ساره .
خليف: أي شروط الله يهداك ما عندها لا شروط ولا شيء .
عبدالمحسن: ليش ما هي بنت وحالها حال غيرها انا ابي اروح لها واسألها شنو شروطها
خليف : لا تعب نفسك ولا شيء ما عندها شروط.
عبدالمحسن : ما يخالف اروح واسألها .
خليف : على راحتك .
راح عبدالمحسن لساره ويا احمد اخو ساره دخل عليها بالغرفه طبعا اول ما شافته باسته على راسه
عبدالمحسن : ها بنيتي ساره شلونج .
ساره: الحمدالله بخير .
عبدالمحسن : انت موافقه على وليد يا بنيتي
ساره : أي ( ما تقدر تقول لا )
عبدالمحسن : زين شنو شروطج .
ساره : ابي بيت لاهلي بأسم يدي انت تعرف ان بيتنا هذا ايجار ويفشل .
عبدالمحسن اعجب فيها بزياده لما شاف انها تفكر بأهلهاوقال لها: انزين وغيره .
ساره: سلامتك .
ساره كان في بالها انها بتضل تشتغل وتصرف على اهلها .
راح عبدالمحسن الدوانيه دخل وقعد
عبدالمحسن : وليد شصار على فلة جنوب السره
وليد : مو جوده يدي
عبدالمحسن وهو يطالع الملاج: سجل عندك الشروط فيلا بجنوب السره.
وليد: يدي بس هذي حق عمتي .
عبدالمحسن : جب ولا كلمه انت ما لك دخل.
وليد: انشالله يدي .
عبدالمحسن وهو يكلم الملاج: معاش شهري 400 ديناركويتي بحساب خليف .
خليف : ياخي ليش كلفت على عمرك .
عبدالمحسن :أي كلافه الله يهداك .وبعدها طالع الملاج وقال : سجل بعد مهر 100 الف دينار كويتي .

------------------------------------
مرت الملجه على خير وحددو يوم العرس كان بعد شهر تقريبا من الملجه .

-----------------------------------


العرس راح يمر على خير ولا ؟؟
ساره شنو راح تسوي ؟؟
ووليد شنو راح يسوي ؟؟

[لامارا]

الجزء الخامس :


مر اسبوع من يوم الملجة ولا صار شيء وثاني اسبوع كذالك وثالث اسبوع يا امر من الحكومه بترحيل عائلة ساره من الكويت ( لان مثل ما تعرفون اهم مو كويتين ) الكل تضايق طبعا حاول الجد عبدالمحسن انه يخليهم بس ما قدر، استسلموا للامر الواقع وقررو انهم يروحون لمنطقه قريبه من الكويت ( الخفجي) ، لكن بعد عرس ساره ووليد .
الجد عبدالمحسن امن لخليف بيت في الخفجي وضبط لهم كل امورهم يعني بيروحون بيلقون كل شيء جاهز .
--------------------------------------
العرس باقي له اسبوع وساره بدأت تجهز اغراض العرس بس ما عرفت من وين تشتري الثوب الابيض وين تحط مكياجها لانها ما تعرف بهالسوالف دقت على وليد وقالت له يقول حق احد من اهله ييي ويساعدها وليد قال حق عمته وطبعا العمه كانت لايعه جبدها طرشت لها السواق مع وحدة من الخدم .
المهم ساره خلصت كل اغراضها ويا وقت العرس العمه ما عزمت أي احد ما كان في احد حاضر الا العمه والجد وام وليد بس
واهل ساره والعمه بعد ما يابت لها كوشه احلفت انها ما تحط كوشه .
دخلت ساره الصاله وكانت مغطيه ويها ولابسه الثوب الابيض وكان بسيط وحلو ا وقعدت ووليد كان قاعد يمها ما شالت الغطا عن ويها يا ها الجد عبدالمحسن وسلم عليها وسلموا عليها اهلها علشان بيسافرون الاهل راحوا وساره وليد اصعدوا الجناح .
---------------------------------
دخلوا ساره ووليد للجناح وقعدوا في الصاله ساره ما شالت الغطا عن ويها .
وليد : شيلي الغطا عن ويهج .
ساره : والله الي اعرفه ان المفروض انت تشيله .
وليد شال الغطا عن ويه ساره انبهر كانت حاطه ميك اب بسيط وما كانت رافعه شعرها كان شكلها وااايد حلو وناعم
ابتسم وليد واهي ابتسمت له .
وليد : تعالي نروح داخل .
ساره : اسفه ما راح ادخل داخل .
وليد : انا قاعد اقولج بكل ادب واحترام .
ساره : وانا ارد عليك بكل ادب واحترام ما ابي ادخل معاك داخل .
وليد بعصبيه : قلت لج امشي معاي داخل ..... طق طق طق الباب كان يطق بقوه
العمه : وليد الحق الحق ابوي تعبان .
وليد راح يركض لجناح يدة
تعب قلب الجد وبسرعه نقلوا المستشفى وليد ضبط كل شيء علشان يسافر جدة لسويسرا لان كان تعبان واايد وراح يروح معاه ام وليد وابو وليد .
دخل وليد عند جدة .
الجد : وليد يا ولدي ما اوصيك على ساره ابيك تحطها بعيونك .
وليد : حاضر يدي بس انت لا تعب نفسك .
الجد : وليد اوعدني انك راح تحطها بعيونك .
وليد : اوعدك يدي اوعدك انت لا تعب نفسك .
-------------------------------------
رجع وليد البيت متأخر دخل الجناح على ساره كان يطالعها في نضرة اجلال واعجاب كان يقول اكيد يدي شايف فيها اشياء كثيره انا مو شايفها .
المهم دخل عليها لقاها قاعدة بالصاله ولابسه دراعه عاديه جدا .
ساره : ها وليد بشر شلون يدي الحين .
وليد : حالته نفس ما هي وانشاء الله باجر بيسافر مع امي وابوي .
ساره : الله يشفيه .
وليد : امين . ... ساره يالله تعالي داخل .
ساره : لا قلت لك لا .
وليد: بعصبيه شديد : والله العضيم اذا ما جيتي الحين والله لا تندمين .
ساره : ههه لا والله شنو بتسوي .
وليد قرب منها وقال اذا ما جيتي الحين والله لاخليج تنزلين تحت بدراعتج الي انت لابستها وتصرين وحدة من الخدامات ولا تاخذين ولا شيء من هدومج .
ساره : عادي ما تفرق معاي طول عمري اشتغل .
وليد تنرفز منها وقال يالله انزلي تحت يا ويه النحس من اول ما يتي و ياتنا المصايب الله ياخذج وياخذ الساعه الي شفتج فيها .
ساره تضايقت حست انها هي السبب في دخول الجد المستشفى .
انزلت ساره تحت وصارت تنام مع الخدم ووليد وصا عمته انها تكثر عليها الشغل لانه يبي يطفشها
والعمه طبعا ما صدقت خبر خلتها يوميا تشيل برادي البيت كلهم وتغسلهم وتكويهم وترجع تركبهم وهذا غير باقي الشغل يعني المسكينه تتعب تعب مو طبيعي .
---------------------------------
وليد كان قلبه يتقطع عليها لان هو يحبها بس ما تعود ان احد يرفض له طلب او يعامله مثل ما ساره تعامل وكان يتجنب ييي الاماكن الي تكون فيها كان يقضي اكثر وقته برا البيت ضل على هالحاله اكثر من شهر لا شافها ولا شافته .
---------------------------------
مره دخل وليد البيت بالليل شاف وحدة بالمطبخ وعرف انها ساره معنها كانت معطيته ضهرها ( كانت تشتغل بالمطبخ والخدمات كلهم ناموا الا هي لان شغلها كثير) بس اهي ما شافته صعد فوق وطق جرس المطبخ ونادا ساره ما اردت عليه.
وليد : ردي احسن لج .
ساره : نعم عمي وليد .
وليد بعصبيه : لا تقولين عمي >> يكره كلمه عمي والكلمه تنرفزه وااايد
ساره : اسفه عمي .
وليد بصوت عالي: قلت لج لا تقولين عمي .
ساره : شنو اقول اقول بابا .
وليد : هذي احسن من عمي سوي لي عجه وابي فيها بيضتين و ثلاث حبات بصل وما احب شغل القطاعه تقطعين بأيدينج ماشي >> تطفيش
ساره : حاضر عمي وليد اقصد بابا وليد .
وليد : وراح انزل بعد عشر دقائق والقى كل شيء جاهز .
ساره : انشاء الله
بدأت ساره تتقصص البصل واهي ميته من التعب وطلعت من الثلاجه فلفل حاااااار كانت تبي تحطه عناد فيه بس فكرت قالت لي متى بضل اعانده خل اشتغل عدل ، جهزت الاكل وحطته على طاولة المطبخ نزل وليد ودخل المطبخ ولقا ساره شافها عدل ضاقت في الدنيا كانت ضعفانه حيل وتحت عيونها هالات سوده ومبين على ويها التعب .
ساره : أي اوامر ثانيه عمي وليد .
وليد بعصبيه : كم مره اقول لج لا تقولين عمي وليد .
ساره : اقصد بابا وليد .
وليد : ممكن اعرف انت ليش قاعدة تسوين كل هذا .
ساره : انا ما سويت شيء بابا وليد أي اوامر .
وليد عصب كان شوي ويذبحا مسك صحن العجه الي قدامه وكت الي فيه على ساره وصعد وهو معصب .
ساره قعدت تضحك عليه ونزلت السرداب لغرفتها ( كان السرداب في غرف صغيره كثيرة للخدم ) وغيرت هدومها ونامت .


توقــــعااتكم !! شنووو تتوقعوون بيصير بالاجزاء اليايه ...

أموووووووووووووووووووورة ....

[لامارا]

الجزء السادس :


مرت الايام و يا شهر رمضان . صار في مشاكل بالشركه ووليد كان معصب واايد وكان عندهم سيدي كان وليد يشتغل في ليل ونهار والسيديه كان في حل لمشكلتهم في الشركه .
وفي اليوم الي كان لازم السيديه ينسلم كان وليد يراجعه وتلفونه ما سكت كل شوي يدقون عليه بعد ما خلص جا بيطلع وهو مستعجل ولقا ساره مرت من جدام المكتب وشافها راح بسرعه يبدل علشان يلحق ويروح بدل اهدومه وراح للمكتب دور السيديه ما لقاه دور دور وهو كان حدة معصب ويصرخ جت العمه على صراخه .
العمه : وليد شفيك شالسالفه .
وليد : ما ادري وين السيديه اختفى توني حاطه هني وما لقيته .
العمه : يمكن ما دورت عدل .
وليد : انا دورت عدل ومتأكد ( تذكر ساره ) اكيد اكيد ساره الي اخذته .
العمه : سا ره بس اهي شدخلها بالموضوع .
وليد : اهي الوحيده الي مرت من اهني وشافتني اشتغل بالسيديه ناديها لي .
العمه نادت ساره .
ساره : نعم .
وليد : ساره وين السيديه والله ما لي خلق لج.
ساره : أي سيديه وبعدين انا شبي بالسيديه .
وليد : ساره بلا استهبال والله لاخليج تندمين والله.
ساره : قلت لك ما اعرف عن شنو تتكلم
راح وليد مسكها من شعرها وحذفها على الفازا الي كانت موجودة في المكتب ويها صار كله دم المسكينه وقعدت تصرخ وتدعي عليه.
وليد : ذلفي عن ويهي الله لا يبارك في الساعه الي شفتج فيها .
ترن ترن ... دق تلفون وليد.
ابو جمال : ها وليد وينك ليش تأخرت .
وليد : السيدي ما ادري وينه .
ابو جمال : السيديه ..... السيديه انا اخذته .
وليد: انت اخذته؟ ومن قالك تأخذه (( وليد حس بالذنب تجاه ساره ))
ابو جمال : وليد شفيك انت توك قلت لي اسبقني وخوذ السيديه معاك .
طبعا انتمك تعرفون ان ابو جمال زوج عمة وليد وساكن معاهم بنفس البيت .
وليد كان حاااس بالذنب ووده لو كان مات قبل الي سواه بساره المسكينه.
---------------------------------------------------------

في هالوقت ساره كانت بغرفتها قاعدة ورا الباااب وتبجي من قلب وميته من الخوووف مثل ما تقووولن جاتها فوووبيا من ولييد وقاعدة تفكر بخوانها وجدها خصووصا ان باجر العيد وراح يكوون اول عيد وهي بعيدة عنهم .

-----------------------------------------------------------
رجع وليد من الدوام بالليل تقريبا الساعه 1 وجا بيصعد داره بس تذكر سااره وضميره قعد يأنبه وقاال ان ينزل عندها ويتسامح منها ولما نزل طق الباب على ساره وكانت هي ورا الباب واول ما سمعت صوته يقوولها افتحي قعدت ترجف من الخووف وتبجي بصووت واطي وهو كان يسمع صوتها €وهي تبجي طق مره ومرتين ولا ردت . فقال لها على راحتج وصعد دااره وهو حدة متضايق .

-------------------------------------------------------------

االيوم اول يوم من ايام عيد الفطر ، كانت كل العائله تتجمع في المزرعه وياخذون كل الخدم معاهم وطبعا ولا كلفو خاطرهم انهم يقووولن حق ساره .
---------------------------

سارو لحد الحين على قعدتها من امس وجهها كله دم وبس تبجي وتفكر بخوانها ويدها وقعدة تفكر بجديه انها خلاص ترجعلهم وتترك وليد وتدور لها على وضيفه تعيش فيها اهلها من غير هالعذاب الي اهي عايشه في .

-------------------------

البيت كان تقريبا فاضي ما كو ولا احد الكل كان بالمزرعه طلعت ساره برا الغرفه وماكان في ولا صوت بالبيت كانت تبي تدق على اهلها وتتطمن عليهم لانها من زمان ما كلمتهم .

-------------------------

في هالوقت وليد سلم على الكل وباله مع سارة راح حق عمته .
وليد : عيدج مبارك عمتي .
العمه : هلا فيك ايامك سعيدة .
وليد : اقوول عمه اشووف يبتم كل الخدم ساره ما يت .
العمه : وي قطيعه الا تذكرنا فيها خل تولي ما يبناها معانا شنبي فيها علشان تنكد علينا .
وليد حز بخاطره : خلاص عمتي انا استأذن حدي نعسان برووح البيت ارتاح من امس ما نمت الا ساعتين .
العمه : رووح حبيبي ارتاح .
طبعا العمه ما ارتاحت ان وليد يسأل عن ساره وبيرجع البيت وماكو الا هي ووليد بالبيت وقالت في بالها لي متى وتضل هالعله سااكنه في بيتنا لازم ادبرلها مصيبه اطلعها من البيت وافتك منها .

--------------------------------

رجع وليد البيت وهو حده متضايق اول ما دخل البيت واهو باله مو معاة ويا يبي يصعد الدرج ولا يسمع صوت بجي ساره بالصاله وراح لها واهي اول ما شافته قعدة تصيح ويت عند ريووله .
ساره وهي تصيح : وليد الله يخليك ابوووس ريوولك ابوووس ايدينك بس ودني حق اهلي خلاص انا ما ابي اعيش اهني الله يخليك ارحمني يا وليد .
وليد وخانقته العبره : خلاص ساره حبيبتي انتي هدي والي تبينه راح يصير .
ساره : وليد والي يرحم والديك اسويلك الي تبي . ( وضلت ساره تصيح وتبجي ويكلمها ولا ترد كانت بس تبجي بصوووت عالي يحاول يهديها ما نفع )
فكر شنو يسوي معاها علشان تهدا قام وشالها وصعدها فوق لغرفته وفتح الحمام وانتم بكرامه وحطها في البانيو وفتح عليها الماي وغسل ويها وضل يكت عليها الماي الي ما هدت وقرب منها و حضنها وحست ساره انها ارتاحت و حطت ايدنها ورا ضهره ولمتا بزيادة .
وليد وهو مبتسم : يالله كملي شور ولا اجي اكمله لج ترا ما عندي مانع ترا بكل سروور اكمله .
ساره بخوف وهي مستحيه : لا لا لا ما فيني شيء خلاص انا اكمل .
وليد : يالله انا انطرج برا .
طلع وليد وهو مستانس واايد والارض مو شايلته من الفرحه وقعد يلبس ويتعطر ويتكشخ ويردد اغنيه عبدالحليم حافظ:

اول مرة تحب يا البي واول يوم اتهنى .

وشي الا يسمع صوت ساره وهي تقوول ابي الروب راح ياب لها روبه .
ساره من ورا الباب : وين روبي .
وليد : يوو قطيت كل ملابسج من زماان .
ساره : طيب وشلون اقعد .
وليد : قعدي بالروب احسن مو لازم تلبسين شيء مسكي هذا الرووب وطلعي انا رايح . ( طبعا اهو ما ارح ينطرها تطلع تاخذ الروب ) ساره درت ان ما راح وقالت الكلمه الي يكرهها : عمي وليد عمي وليد .
وليد : يوووووو خلاص برووح بطلع من الجناح كله .
ساره : هههههههههههه .
طلعت ساره وقرب منها وليد وحست ان قلبها بيوقف ولمها وهمس بأذنها وحست بأنفاسه عند اذنها قالها : سامحيني وربي احبج .
اهني حست سارة نفسها بحلم مو بعلم وقالت له : انا بعد احبك وامووت فيك .
وليد : يا بعد عمري يا ساروون وخلاص ضاع من عمرنا كثير ونبي نبدا انا وياج صفحه يديدة واشرايج نروح شهر عسل بدال البصل الي قضيناه .
ساره : ههههههههههههههه
وشالهاواستحت ودنقت راسها قالها : فديت الي يستحوون .

----------------------------------
قعدوا الصبح وهي متغطيا بالكنبل لان ما عندها لبس وشافها وليد : لو ضليتي جذي بتم بالغرفه وما راح اطلع خلج جذي وايد احسن من غير ملابس .
استحت ساره وييها صار احمر مثل الطماطه .
وليد : لا تسوين جذي حركات بعيونج وان تميتي جذي ما راح اطلع من الغرفه راح نمووت هني .
ساره : هههههههههههه
وليد : فديت هالضحكه .
وقعدوا يضحكون ولا يطق الباب .
ساره بتكاسل بفرشها وانسدحت ولا قامت .
وليد قام فتح الباب ولا لقى عمته .
العمه بصراخ : ما شفت جليلة الحيا .
وليد : منو شنو شالسالفه .
العمه : ساره الله لا يبارك فيها ولا بالساعه الي شفناها فيها .
وليد : ليش شسوت .
العمه : منحاشه مع السواق الايراني الي من مستواها جليلة الحيا .
وليد : اهاااااا السالفه جذي منحاشه . >> وبقلبه العن ابو الجذب صج حريم .
وليد : أي عمتي بس شرايج تجين شوي .
ولا صوت ساره : وليد منو عند الباب .
انصدمت العمه لما اسمعت الصوت ودخلت بسرعه وشافت ساره على السرير وكتفها طالع وافهمت السالفه وانهم تصالحوا .
ساره استحت ولمت الغطا على جسمها : وليد الله يهديك شلون تدخ عمتي وانا جذي
وليد : مو باين منج الا ايدج عادي يا بنت الحلال انا كان في بالي شيء ابي يوصلهم واضنهم افهموه .>> كان يقصد عمته طبعا .
اهني العمه ما عرفت شنو تقوول تمنت الارض تنشق وتبلعها .
العمه بأرتباك : بس هم قالو ....
قاطعها وليد : ما عليه يا عمه تامرين على شيء وياليت تسكرين الباب وراج وتقوولين لهم يطرشون لنا الريوووق من اليوم ساره زوجتي رضيتو ولا انرضيتوا واهي رايعة البيت ومكانها اهني وراح تصير ام اعيالي انشاء الله .
ساره اول مره تحس نفسها قويه وفرحانه لان وليد رجع لها .
.

بعد الي صار هل راح تستمر الحياة بينهم ؟؟؟؟؟

وشنووو تتوقعــــون بيصيــــــر ؟؟

تعليـــقاتكم على هذا البـــارت

تحيــــــــــــــــــــــ ـاتي

اموووووووووووووره ...

[لامارا]

الجـــــــــــــــزء مــــا قــــبل الاخيـــــــــــــــــر ....

سافرت ساره ووليد بااريس ،، كاانت احلى سفره بحيااتهم ووايد استاانسوا وماا كان ودهم يرجعون الكوويت

في باريس .

كانوا سااره ووليد يتمشوون .

وليد : تصدقين حياتي .

سااره : شنوو قلبي .

وليد : على كثر ماا سفرت هذي احلى سفره لي تدرين ليش .

سااره : ليش ؟

وليد : لانج معاااي .

سااره استحت ودنقت

وليد: يااا ويل حاااالي اموووت علي يستحوووون .
ورااح حضنهاا .

سااره : وليد فشله اتركني عيب النااس تطاالع .

وليد : مااااابي كيفي ؟؟

سااره : وليد بليز والله عيب .

وليد : اشفيج عاادي انتي زوجتي شووفيهم كلهم وهم موو متزووجين ولااا مستحيين .

سااره : ولوو ياا قلبي فشله .

وليد هدهااا خلاااص بطلت طلعتيهاا من عيووني (( ومسووي نفسه زعلاان ))

سااره : وليييييييييييد ياا قلبي موو قصدي والله سووري بس استحييت .

وليد ماا تكلم وسووى نفسه زعلاان .

ساااره : ولييييييييييييد

وليد ولااا رد وقعد يطاالع الراايح والجااي

قعدت تفكر شتسوووي ورااحت له واحضنته .

سااره : وليد انت للحيين زعلاان .

وليد وكااتم الضحه : لاا خلاااص . وبعديين انفجر من الضحك .

سااره : وليييدوووووو .

وليد : عيوونه

ساااره : طيب طيب عمي وليد ،

وليد تنرفز : سووويره بس تعرفيين اني اكره هالكلمه .

ساارهبنضراات تحدي : علشاان تتعرف تستهبل علي مره ثاانيه .

وليد : خلااص قلبي اسف وماا رااح اعيدهاا بس لاا تقوولين هالكلمه .

سااره ابتسمت : انشاااء الله

ورااحوا يمتمشوون

..............

بعـــد ماا رجعــوا الفندق بالليل قعـد وليد ع البلكوونه وسااره كاانت دااخل تبدل ولااا وليد ينااديهاا

وليد :ساااره سااره بسرعه تعاالي .

سااره : هلااا وليد شفيك خرعتني .

وليد : لاا بس تعالي شووفي هالفرنسياات يهبلووون .

سااره عصبت وفكرت شتسووي راحت جاابت كرسي وقعد

سااره بنضراات تحدي : واناا بعد بشووف لي فرنسي حلووو.

وليد : وانا مو تاارس عينج .

سااره وهي تطاالع بعيوونه : واناا موو تاارسه عينك ، ولفت للجهه الثاانيه وقاالت : والله حلاال عليهم وحراام عليناا .

وليد تنرفز وااايد بس حب يرااضيهااا لان هوو الي بدااهااا .

وليد : وي وي كليتيني بقشووري خليني اكمل كلاامي .

سااره : اي قص علي .

وليد: وليييل اناا كنت بقوول شفتي شلوون هالفرنسياات يهبلوون انتي بعيووني احلااهم كلهم .

سااره استحت وااايد ودخلت دااخل

.................................


.

_______________________________________

بالكووويت العنه تدبر وتخطط حااطه دووبها من دووب سااره

وبعد التفكير الطويل وصلت العمه الى الحل ،،

رااحت لام وليد ..

العمه : السلاام عليكم .

ام وليد : وعليكم السلاام .

العمه : شلوونج شخبارج وشخبار وليد .

ام وليد : الحمدالله تماام ،، وو ليد بعد تماام مرتااح ومستاانس وماا ودة يرجع .

العمه : وانتي عااجبج الي سواه وليد ؟

او وليد : ليش شفيهاا الولد ما سوى شيء .

العمه : الله كل هذا ولاا سووى شيء ؟ انتي عااجبج تكون ام احفاادج هذي الي اسمهاا سااروه بنت الفقر .

او وليد : والله ما عجبني بس شسوي هوو يبيها ومرتاح معاها .

( ،، وابرستيجهاا جدام الناس ام وليد انسانه ماا لها خلق شيء كل همها سفراتها ووناستها )

العمه : طيب لاا تسكتين خليني ندبر مؤامره نخلي وليد يكرهها من غير ماا يكرهنا ولاا كأننا سوويناا شيء ولاا يرضيج مرت ولدج بنت الفقر .

ام وليد : وانتي الصااجه شنووو راايج نسووي ؟

العمه : اناا اقوولج وانتي نفذي .

او وليد : وليش انتي ماا تنفذين ولاا تبين تحطينهاا برااسي وتخلين ولدي يكرهني .

العمه : لاااا بس اناا سوويت من قبل وكشفني وانتي ابد ماا يتووقع منج .

ام وليد : خلاااص بس انتي قوولي لي شسووي واناا بنفذ .

العمه : اوكي الي عليج اول ماا يرجعوون من السفر .......... (( وقاالت لهااا الخطه ))

_______________________________

رجعوا ساره وليد من السفر ورااحت الام تستقبلهم بالمطاار رااح وليد سلم على امه وسيداا الام رااحت وحضنه سااره وسلمت عليهاا

الام : ياا هلااا والله بنتي ساااروونه هااا حبيبتي عساا ماا زعلج وليد .

سااره مستاانسه ان في احد من اهل وليد معبرها : هلااا فيج خاالتي لاا وليد ايد ماا ضاايقني الله لاا يحرمني منه .

الام : ولا يحرمج منه ان شااء الله ويخليكم لبعض واشوووف عياالكم .

وليد بفرحه حس انه امه بدت تحب سااره : امييين انشاااء الله .

_______________________________

رجعوا البيت مستاانسين وقعدت سااره ترتب الاغرااض

وليد رااح عند رفيجه احمد

سااره وهي ترتب ولاا يدق التلفوون
.

ام وليد : هلااا حبيتي يلاا تعااالي تعشي

سااره : هلاا خالتي ،، لاا خالتي موو مشتهيه .

اوم وليد : ماا يصير حبيبتي تراا اذاا ماا يتي ماا رااح اتعشى .

سااره : خلااص خاالتي الحيين نازله .

______________________________

رااحت سااره بدلت هدوومهاا ونزلت تعشت الكل كاان مووجود ع العشاا واول ماا دخلت وسلمت

ام وليد : سااره حبيبتي تعاالي يمي .

ورااحت سااره اقعدت يم ام وليد وطوول ماا هم قااعدين واام وليد كل شووي تيب من الاكل وتحط بصحن سااره

سااره : خلااص خاالتي والله شبعت .

ام وليد : ماا يصير حبيبتي لاازم تااكلين وتتغذين .

سااره ابتسمت وكاانت واايد فرحاانه حست ام وليد مثل امها الي انحرمت منهاا وتقوول بنفسهاا الحمدالله ربي عووضني بوليد وامه بعد كل التعب الي تعبته .

_________________________________
مــرت الايــام وكل مــالهاا علاقة ســارة وتم وليد تزيد ،، وفــي يووم جت سااره حق ام وليد الصبح .

ســاره : صبــاح الخيــر خالتي .

ام وليــد : صباح النــور حبيبتي .

ســاره :خــالتي عندي شيء وودي اقووله لج .

ام وليـد : هاا حبيبتي خير ان شــاء الله .

ســاره : ما ادري يـا خالتي بس صــارلي جم يــوم احس اني داايخه وتعبــانه وبســرعه تلوع جبدي من كل شيء .

ام وليد وهي تقوول في قلبهاا واخيراا ياا الوقت المناسب : اي حبيبتي شكلج حاامل الف الف مبرووك بس لاازم نتأكد بووديج عند طبيبه اعرفهاا خووش وحدة .

ســاره : اوكي خالتي .

ام وليد : خلااص اليوم بالليل رووحي مع السوواق .

ساره : خالتي ليش ماا ترووحين معااي .

ام وليد وبين عليهاا الارتبااك : هاا لاا اناا اليوم مشغووله شووي .

ساره : خلااص خالتي نخليهاا بااجر .

ام وليد : لا لاا خليهاا اليوم بتطمن عليج .

سـاره : على راحتج خالتي ،، بس هو وين بالضبط .

ام وليد : لاا لاا ماا عليج السوااق يعرف المكاان ،، بس ماا اوصيج هالله هالله بالكشخه حطي شووي ميك اب ترااهااتعرفناا من اسنين لاازم تكوونين كشخه .

ســاره وهي مستغربه : اوكي خالتي .

_________________

نهــــاية البـــارت مـتا قبــل الاخيــــــــــــر

شنــوو تتوقعوون بيصيـــر ؟؟

ام وليــد شنــو ورااهاا ؟؟

الحيــاة بيــن وليد وسااره بتستمر طبيعيه ؟؟