|
مشاهدة نتائج الإستطلاع: هل تفضلون ان يكون التنزيل.... | |||
حلقة واحدة اسبوعيا ؟ | 5 | 25.00% | |
حلقتان اسبوعيا ؟ | 15 | 75.00% | |
المصوتون: 20. أنت لم تصوت في هذا الإستطلاع |
| LinkBack | أدوات الموضوع | انواع عرض الموضوع |
11-07-16, 12:46 AM | #21 | |||||||||||
| اقتباس:
قبل اي شيء اود ان اخبرك بانني يعتبر شبه مستحيل بالنسبة لي ان اقرا رواية كتبت باللغة العامية و لو حتى اقصرت العامية على الحوارات و لكن ما هذا يا رجل ؟ هذا المقطع بالفعل خارق في معناه جذبني اسلوبك للغاية و حاليا اضحك لانني لم اكن اصدق انه سياتي يوم و اعجب هذا الاعجاب برواية عامية قد ابدو مبالغة و لكن صدقا المقطع هذا رائع و اعجبني اكثر من المقطع الذي وضعته في مقدمة الرواية فبالفعل الكذب رغم سوءه فهو مهارة و عبقرية لمن يحترفه و يجيد "رسمه" في عيون الناس نهايته بشعة اجل و لكن يحتاج لعبقري ليجيده لانه بالكذب قد يصبح الانسان من متسول الى وزير و في النهاية يخسف الله به الارض ليفقد كل ما امتلكه من خلف الكذب و خداع الناس متحمسة بشدة للفصل الاول | |||||||||||
11-07-16, 01:38 AM | #22 | |||||
نجم روايتي وكاتب في قصص من وحي الاعضاء
| اقتباس:
| |||||
11-07-16, 06:48 AM | #23 | |||||||||||||||
كاتبة ومصممة في قسم قصص من وحي الأعضاء وعضو في فريق مصممي روايتي وساحرة واحة الأسمر بقلوب أحلام
| اقتباس:
ما تسمعي له الحج دا يكفي انا بسمع كلامك | |||||||||||||||
11-07-16, 06:51 AM | #24 | ||||||||||||||
كاتبة ومصممة في قسم قصص من وحي الأعضاء وعضو في فريق مصممي روايتي وساحرة واحة الأسمر بقلوب أحلام
| السلام عليكم ورحمة الله وبركاته كل عام وانت وأسرتك بألف خير الف الف الف الف مبروووووووووووك افتتاح روايتك الجديده وكلو الا رونتي خط احمر ما كنت معك في توماسي بس الاكيد اني موجوده هنا من تعليقي وان شاء الله رح اتابعك قرأت قصصك تجنننننن جداً ومتأكده هاذي الرواية حتكون بجمال قصصدك وانا ما قاهرني الا الحطت التقييم 50% هي شافت شي عشان تصوت تنرفز الناس الكده ةالله | ||||||||||||||
12-07-16, 01:38 PM | #26 | ||||||||
مشرفة وكاتبة في قسم قصص من وحي الأعضاء ومراسلة خاصة بأدب وأدباء في المنتدى الأدبي
| اقتباس:
هذا المقطع ذكرني بقصة الكاتب احسان عبدالقدوس انا لااكذب ولكني اتجمل الفلم من بطولة احمد زكي ... عندما شبه الكذب مثل النساء عندما تضع مكياج وترسم وجهها رسم وتلوين من اجل تجميل الحقيقه | ||||||||
12-07-16, 01:39 PM | #27 | ||||
نجم روايتي وكاتب في قصص من وحي الاعضاء
| الحلقه الاولي من روايه باب خلفي بسم الله الرحمن الرحيم السلام عليكم ورحمه الله وبركاته الحلقه الاولي من روايه باب خلفي .. E01 Back Door - احساس صعب يتحرك حركه سريعه ومتزنه وهو يصعد علي السلالم - احساس صعب انك تقتل لاول مره في حياتك يفتح باب الشقه ويدخل الغرفه ويفتح نصف زجاج الشرفه - وخصوصا وانت بتقتل علشان مجبر علي كده ينزل من علي كتفيه الشنطه التي كان يرتديها ويفتحها ويخرج منها سلاح قناصه 23 ملم - بيمر ساعتها اودام عينيك شريط اسود فيه كل ذكرياتك ، كل الزنوب الي ارتكبتها يوجه عدسه تلك القناصه علي مكان خالي وينظر في ساعته - كل تفكيرك بيكون ليه ؟ ليه هتقتله ؟ ليه هترتكب اكبر زنب علي وجه الارض يتحرك شخص امام عدسه القناصه ويذهب باتجاه سيارته - حتي لو كانت ايه تهمته ليه تحكم انت عليه بالموت ، ليه تكتب نهايته بايديك ينزل العرق من علي جبينه وترتعش يده والعدسه تبتعد عن ذلك الشخص - فكر في عيلته ، في اولاده ، في اي حاجه تربط الانسان اكتر بانه يعيش ينظر الي ذلك الشخص جيدا بينما يعيد تركيزه مره اخري ويضع العدسه علي راس ذلك الشخص ثم ينزلها علي قلبه - بس بعد ما بتضغط علي الزيناد ..... يضغط علي الزيناد وتخرج الرصاصه اتجاه قلب ذلك الشخص - بتكتشف ان دي مكنتش اول مره تقتل فيها ((لانك بتكون قتلت نفسك)) . ................... يفتح عينيه ليجد نفسه في غرفه لم يراها من قبل يحس بالم في راسه التي يلف عليها الشاش الخفيف ويديه المربوطه برباط ضاغط يحاول ان يقوم من علي السرير ولكن باب الغرفه يسبقه ويفتح فينظر لمن يفتحه بقلق شديد ولكنه يجد طفل صغير ينظر له بضع لحظات دون ان يتكلم ثم يجري من امامه مره اخري ويترك الباب مفتوح يحاول ان يقوم من علي السرير ولكن يجد الم شديد في قدمه ايضا ثم يجد رجل كبير يدخل الغرفه وورائه الطفل الصغير ، يجلس ذلك الرجل بجانبه ويقول له - حمدلله علي سلامتك ، متحاولش تعمل اي مجهود لحد ما تقوم بالسلامه ينظر له للحظات ثم يقول له - انا فين ، ايه الي جابني هنا يضحك ذلك الرجل ويقول له - ولاد الحلال كتير يابني ، ابني لقالك من اربع ايام واقع في الشارع والدم مغرق جسمك ، تقريبا عربيه خبطتك وجريت ، راح ساعتها بيك المستشفي ، بس الحمدلله كانت كدمات بس مفيش كسور ، بس الخبطه في دماغك كانت جامده شويا فدخلت في غيبوبه الفتره دي كلها فقولنا ناخدك من المستشفي ودلوقتي الحمدلله قمت بالسلامه يظل صامت وينظر له دون استيعاب لكلماته ، بينما يدخل شاب في منتصف عمره وينظر اليه ويبتسم ثم يقول له - حمدلله علي السلامه يا اخي ، انت خضيتنا عليك يضحك الرجل الكبير ثم يقول - دا ابني علاء ، الي ساعدك ودخلك المستشفي ، وانا عمك فريد والعفريت دا ياسر ابني الصغير ينظر له دون ان يتكلم ايضا بينما يقول له علاء علاء : خلاص يا عم مش عايزين شكرا ولا اي حاجه ، قولي بقي انت اسمك ايه يظل صامت لفتره ثم يقول - مش عارف . في مكتب التحقيقات يجلس الضابط سليم في مكتبه بينما يمسك ملف متهم جديد ويفتحه وينظر الي صورته جيدا ثم ينظر الي اسمه ويبدا يقرا - ريان ، اسم حركي ، لم يخبر احد باسمه الحقيقي ، مزور درجه اولي ، هاكرز ومخترق حسابات اشخاص مهمه في الدوله ، استطاع ان يهرب عده رجال اعمال من السجن وهم يعطوه الحمايه و المال ينظر الي ذلك الملف جيدا بينما يغلقه بينما يدخل الضابط طارق ويقول له بغضب طارق : ممكن اعرف ليه اخدت قضيتي دي ، مع اني الي قابض علي المتهم يظل الضابط سليم صامت وينظر له بينما يقول له الضابط طارق طارق : يا فندم انا عارف انك عندك الكفائه انك تعرف كل حاجه من اول تحقيق ، بس انا نفسي اخد فرصتي سليم : قولتك فرصتك هتيجي يا طارق بس مش القضيه دي ، القضيه دي تهمني انا اكتر من اي شخص ، انا سيبت القضيه الي تخص تجار السلاح ليك ممكن تكملها انت طارق : بعد ما خلاص انتهت ، مش ناقص بس غير اننا نقبض علي المهربين سليم : اقبض عليهم انت بس ، انت فاكر العمليه دي سهله ينظر له الضابط طارق بغضب بينما يقول له الضابط سليم سليم : بلاش تسرع يا طارق ، بلاش تسرع يخرج الضابط طارق من المكتب وهو يكتم غضبه بينما يمسك الضابط سليم ملف القضيه مره اخري في بيت علاء فريد : يعني انت مش فاكر حاجه خالص ، لا اسمك ولا كنت عايش فين ولا اي حاجه ؟ يهز راسه بالسلب بينما يقول علاء علاء : واضح ان الخبطه الي كانت في دماغك اثرت علي ذاكرتك ، دي محفظتك كانت معايا فتحتها علشان اشوف اي اثبات شخصيه ملقتش غير رقم تليفون يمد علاء يده له بالمحفظه فياخذها ويحاول ان يبحث عن اي اثبات شخصيه ولكنه لا يجد في تلك المحفظه سوي مبلغ من المال و ورقه يوجد بها رقم تليفون ثم يقول له علاء علاء : انا متصلتش بالرقم دا ، قولت لما تفوق انت تطمنهم عليك بنفسك فريد : ياريت يابني تتصل بالرقم دا ، اكيد اهلك قلقانين عليك اوي علاء : الغريبه انك مكنش معاك تليفون خالص بعد الحادثه ينظر له لفتره ثم يقول له - هي الحادثه دي كانت فين ؟ علاء : قريبه من هنا مش بعيد ، بتسئل ليه ؟ - انا عايز اروح المنطقه الي كان فيها الحادثه دي علاء : لا مش قبل ما تروح المستشفي وتشوف الدكتور هيقولك ايه - لاء انا عايز اروح المكان دا دلوقتي ينظر له علاء بتعجب بينما يقول له ابيه فريد : هو عنده حق يا علاء ، يروح المكان دا الاول جايز يفتكر حاجه لما يروح هناك ، وهو دا اصلا طريق المستشفي في اتجاه المستشفي تتحرك سياره علاء في اتجاه المكان الذي حدثت فيه الواقعه ووجد ذلك الشخص الغامض ملقي علي الارض و غارق في دمائه بينما ينظر هو الي الطريق جيدا ويحس بانه قد رآه من قبل حتي تتوقف السياره تماما فيقول له علاء علاء : هو دا المكان الي لقيتك واقع فيه من اربع ايام ينظر له ثم يفتح الباب لينزل ويقول له علاء علاء : اجي معاك علشان اسندك يهز راسه بالسلب ويقول له بصوت حاسم - لا خليك انا عايز افتكر المكان دا لاني حاسس اني شوفته قبل كده ينزل من السياره ويتحرك بصعوبه بسبب قدمه التي تؤلمه ولا يستطيع ان يخفي تلك العرجه في مشيته ويده التي مربوطه بالرباط الضاغط ويحس بالمها ايضا ، بينما يظل علاء في سيارته يراقبه ينظر الي ذلك المكان الذي اشار اليه علاء له والذي في منتصف الطريق وكان ملقي علي الارض من اربعه ايام الساعه الثانيه صباحا ، ينظر الي ذلك المكان جيدا ثم يرفع عينه لاعلي ليجد سياره ضوئها عالي لا يستطيع النظر لها بسبب ذلك الضوء فيضع يديه علي عينه ، تقترب منه السياره بشده وتقف امامه وينزل منها بعض الرجال ، يضربونه بقوه وبينما كان يحاول ان يفتدي الضربات يأتي رجل من خلفه ويضربه بشئ معدن كبير علي راسه فيقع فاقد الوعي والدماء تنزل من رأسه بغزاره . علاء : افتكرت حاجه . يقف وينظر الي ذلك المكان ، ثم ينظر لعلاء لفتره ويهز راسه بالسلب ويقول له - مش فاكر حاجه خالص علاء : طب يلا بينا علشان نروح المستشفي ونشوف الدكتور هيقولك ايه يركب ذلك الشخص السياره وينظر الي ذلك المكان مره اخري بينما يبدا علاء التحرك بالسياره اتجاه المستشفي في المستشفي يجلس امام الدكتور الذي سئله اسئله عن اسمه او عمره او في اي شهر ومكان ولد ، ولكنه لا يعرف اي شئ ، لا يستطيع ان يتذكر اي شئ من هذه الاسئله فينظر الدكتور الي علاء ويقول له الدكتور : دي حاله فقدان ذاكره ، مش هقدر احدد اذا كانت مؤقته ولا هتفضل معاه ديما ، المهم دلوقتي انه يشوف اي حد كان يعرفه قبل كده ، يروح مكان كان ديما بيروحه علاء : يا دكتور انا زي ما قولتلك قبل كده ، انا معرفش عنه حاجه غير اني لقيته في الشارع بعد الحادثه الدكتور : انا استبعد ان دي تكون حادثه عربيه ينظر له ذلك الشخص بصدمه ليقول لهم الدكتور الدكتور : اثار الكدمات الي علي جسمه والخبطه الجامده الي كانت علي دماغه تبين انها كانت ضربات في عده اماكن ، يعني السبب في الكدمات دي ممكن شخص واحد او مجموعه اشخاص ، ودا معناه انك ليك اعداء ينظر علاء الي ذلك الشخص بقلق بينما ينظر هو للدكتور ويقول له - انا فعلا لما رحت المكان دا من شويا حسيت اني شوفت الي حصل وقت الحادثه بس افتكرتها تخيلات الدكتور : علشان كده لازم توصل لحد كان يعرفك قبل الحادثه ، دا هيساعدك انك ترجعلك ذاكرتك تدريجيا يقول علاء مسرعا الي ذلك الشخص علاء : الرقم الي كان في محفظتك ، ممكن تتصل بيه دا اكيد حد يعرفك ينظر اليه ذلك الشخص بجديه ثم يخرج محفظته ويخرج منها تلك الورقه المكتوب بها الرقم في حين يعطيه الي علاء الذي يمسك بهاتفه فينظر له ويقول - طب انا لما اكلمه هقوله ايه ، هقوله اسمي ايه ولا مين معايا ينظر له علاء بغير استعياب ويقول له علاء : مشكله برده ، والمشكله الاكبر انه مش كاتب علي الورقه اسمه ، مفيش فيه غير رقم تليفون بس الدكتور : ماهو ممكن يكون حد يعرفه واول ما يسمع صوته هيعرفه ، حاول مش هتخسر حاجه يكتب علاء الرقم ويضغط علي اتصال ثم يعطي الهاتف الي ذلك الشخص فيمسك الهاتف بتردد ويضع السماعه علي اذنه ليسمع جرس الهاتف ، ودون ان يقول كلمه واحده يسمع صوت شخص بعد ذلك يقول له - كنت متأكد انك هتتصل ! يتبع | ||||
12-07-16, 01:44 PM | #28 | ||||
نجم روايتي وكاتب في قصص من وحي الاعضاء
| توقعات الحلقه الاولي 1. من هو ذلك الشخص ؟ 2. هل هو فاقد الذاكره فعلا ؟ 3. من الشخص الذي اتصل به ؟ 4. لماذا الضابط سليم اخذ تلك القضيه من الضابط طارق ؟ منتظر توقعاتكم و استفساركم واسئلتكم علي الحلقه واتمني ان تنال اعجابكم | ||||
12-07-16, 01:48 PM | #29 | |||||
نجم روايتي وكاتب في قصص من وحي الاعضاء
| اقتباس:
شرف ليا طبعا انك تكوني موجوده في الروايه دي وياريت تكون عند حسن ظنك وانا غلطت فعلا اني ضيفت الاستطلاع ولسه مكتبتش الروايه بس مش مشكله اعملي التقييم بعد ما الروايه تخلص بشكرك جدا ويارب الروايه تنال استحسانك | |||||
12-07-16, 01:49 PM | #30 | |||||
نجم روايتي وكاتب في قصص من وحي الاعضاء
| اقتباس:
| |||||
أدوات الموضوع | |
انواع عرض الموضوع | |
|
|